آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
07-09-13, 05:08 PM
| #113 | ||||||||
| نجم روايتي وكاتبة في منتدى قصص من وحي الأعضاء 
|  اقتباس:
هلا وغلا بهباوي ومشكورة عالتواجد الحلو حياتي مسكينة هي اسرار نعم ...فاحيانا تجري الرياح بما لا تشتهي السفن لكن يبقى الامل بالله وحده وحياك الله في كل وقت حبي | ||||||||
|  |
|
07-09-13, 05:14 PM
| #114 | |||||||
| نجم روايتي وكاتبة في منتدى قصص من وحي الأعضاء
| [quote=كاردينيا73;8637340]صباح الخير حقيقة بعيدا عن موضوع المطلقة مرتين وكيف تصبح مطمع لامثال ابو سيروان اريد التركيز على الست ربيعة وتصرفها مع زوجها للاسف مجتمعاتنا الشرقية تجعلنا ندخل دائرة (كبرنا بالسن) قبل اواننا بكثييييييييييييييير في المجتمع الغربي عندهم الحياة تبدأ بعد الخمسين !!!! واحنا تنتهي على مشارف الاربعين ربيعة اخطأت خطأ جسيم باهمال نفسها والموضوع ليس زوجها فقط ولكن نفسها هي ومثلما قالت اسرار (احب نفسي وادلل نفسي) وكل سن له اسلوبه في التجمل اعرف نساء كثيرا تجاوزوا الخمسين والستين ويعتنون بنفسهم جدا وبما يليق بعمرهم ومحترمات ومحبوبات من ازواجهم اكبر خطأ ترتكبه المرأة عندما تستلم لوهم العمر يمكن لن يصدقني احد عندما احكي قصة حقيقية صغيرة لاحدى قريباتي من جهة والدي قاربت السبعين بس هي عندها جمال محبوب محافظة عليه وتعتني بنفسها بطريقة حلوة ومحترمة دون اي تصابي او اسفاف هي ترملت من قبل 15 سنة ولم تتزوج بعد زوجها لانها لاترغب المهم هذه المرأة كانت مسافرة مع ابنها الكبير واحفادها وفي الطريق اعجب بها رجل من عمرها كان رفيق سفر وطلبها للزواج من ابنها بعد يومين وكان الرجل ارمل مثلها طبعا قريبتي ما وافقت بس المهم هذا فيه دلالة ان الانوثة لاتشيخ عندما نعتني بها بشكل صحيح ولائق ربيعة تتحسر على انه ابو سيروان يريد يتزوج عليها لكن هي الي مقصرة في حق نفسها اولا وزوجها ثانيا لااعرف ماذا كان سيحصل لو اعتنت بنفسها بدلا من ان تضيع جهودها وتأذي نفسها بخطبة امرأة ثانية لزوجها احداث مميزة تسلم الايادي وبانتظار اسرار الي سترسو في حياتها [/quote اليوم كاردينيا منورة القصة حياك الله يالغالية ومشكورة عالمداحلة الراااائعة فعلا هذا ما اردت الوصول اليه انه السبب الرئيسي ربما يقع على المرأة فهي من تستطيع تصغير عمرها بالاهتمام بنفسها وهي من تضيف اعواما لعمرها بالاهمال وشيء ثاني كثير من النساء لا تتوانى عن وصف الاخريات لزوجها وصف العيان وهذا مما نهانا عنه ديننا الحنيف فنرى الرجل يقع في حب صديقة زوجته لمجرد سماع سيرتها واوصافها وبالنسبة لحكاية قريبتك رااائعة وأمرأة بكل معنى الكلمة ....ربي يحفظ عليها صحتها ويا ليت نقتدي بها في الاهتمام بكل تفاصيلنا كوني معي يالغالية وسنرى على اي شاطئ سترسو بطلتنا | |||||||
|
| |
|
07-09-13, 05:17 PM
| #115 | ||||||||
| نجم روايتي وكاتبة في منتدى قصص من وحي الأعضاء
| اقتباس:
اهلين فيك يا عصفورة الجنة بإذن الله وحياك الله في كل وقت وتنورين صفحات حكايتي وماكو داعي للاسف حبيبتي هي الحكاية لكم وبين ايديكم وتتدللون ومشكورة عالمتابعة حبي | ||||||||
|
| |
|
07-09-13, 05:25 PM
| #117 | ||||
 
| أنتظر التكملة بفارغ الصبر يا شوق ماشاء الله تبارك الله ... لديك أسلوب ساحر في الكتابة و الأحداث ... فوق الخيال أحببت جدا في أسرار قوة شخصيتها و أتمنى أنها لن توافق على أبو سيروان هذا أرجوكِ . لا تجعليها توافق ,, لأن سبب طلاقها مرتين هو اعتراضها على مشاركة زوجها مع أخرى , فكيف لها الآن أن ترضى بكونها زوجة ثالثة . رجاء , لا تجعليها توافق مهما حدث , إن لم يكن من أجلها ,, فمن أجل الست ربيعة المسكينة ثم إن أبو سيروان هذا إن كان قد فرط في زوجته الأولى , فما الذي سيضمن لها أنه لن يفرط بها هي أيضا بعد أن يمل منها ,, خاصة أنه يريدها لجمالها ,, و الجمال قطعا لن يدوم . صدقيني عزيزتي ... سالت دموعي تأثرا بموقف أسرار في الحديقة بعد مكالمتها مع عبد الله هذا الغبي ,,, لم يستطع التماس العذر لها على شيء ليس لها يد فيه . رغم أنها التمست له العذر في زواجه سرا من نادية , و إدخاله هذه الأخيرة إلى بيت أسرار دون علمها ,, و هذا الأمر كان ليمنعه من البداية . كم أن قلبك قاس يا عبد الله ,,, و كم أنك متسامحة يا أسرار و هبة ... اشتقت لها كثيرا , أتمنى أن تظهر في الفصول القادمة دام التوفيق حليفا لخطواتك بانتظارك عزيزتي | ||||
|
| |
|
07-09-13, 06:26 PM
| #118 | |||||||
| نجم روايتي وكاتبة في منتدى قصص من وحي الأعضاء
| الفصل السادس عشر . وطلع ابو سيروان من البيت وهو مقهور.ورغم كل المحاولات اسرار كانت ترفض وبشدة بعد وأخيرا قررت تقدم طلب نقل حتى تخلص من الاحراج بينها وبين ست ربيعة, خصوصا انه ست ربيعة نقلتلها كل الكلام اللي كاله ابو سيروان واللي يدل على انه هو فعلا تعلق بيها. وانطوت صفحة اخرى من حياة اسرار على خير. وبعد فترة ليست بالقليلة زارتهم زوجة خالها للبيت وبينما كانت اسرار بالمطبخ سمعت زوجة خالها تتكلم مع امها.وكانت زوجة خالها اسمها (ام حسام).. ام حسام: والله يا حجية نوال انتي تعرفين اخوية (ابو جمال) ما شاء الله هيبة, ومنصب وكل الناس تتمنى تناسبه. نوال:اي ادري يا ام حسام بس اخوج يعني عمره 63 سنة وهي بعدهة ما تعدت 30.. وقاطعتها ام حسام: اي ادري بس هي مطلقة مرتين متكوليلي منو تريدون يخطبها؟ وبعدين اخوية ابو جمال شافها بالصور وحييل عجبته ويكول اصلا بس توافق الا اكتبلها بيت وسيارة بأسمها واذا عالضنا هو يكول اصلا ما يريد ويريد يكمل حياته بهدوء ويكفيه اولاده واحفاده .يعني تعرفين يريدله وحدة صغيرة تداريه, تلبسله, تدلعه ويتباهى بيها, ويكول هي راح تكون غير عن نسواني الثلاثة. اسرار سمعت كلشي وصارت تندب بحظها ,و طبعا ابو اسرار(الحاج احمد)رفض هالزواج رفضا تاما وطلب من ام اسرار انه متجيبلها سيرة. مرت الايام ولا شيء جديد في حياة اسرار ..نفس الروتين يتكرر كل يوم ..واسرار يوم عن يوم تحاول تكون اقوى وهي من الداخل محطمة.. واليوم العصرية اسرار كاعدة بالمرجيحة تقرا بمجلة(زهرة الخليج), وامها كاعدة عالكرسي تطرز , الا وتتصل عليها هبة,(طبعا هبة تزوجت وصار عدها طفلة اسمها روان) اسرار استغربت لأنه هبة ما تتصل بهذا الوقت بالذات. اسرار: الووو هلا هباوي. هبة : هلا بيج حبي اسورة شخبارج؟ اسرار: الحمد لله بس شعجب خابرتي بهالوقت ؟ مو اللي اعرفة عندج جولة تفتيشية بأسواق بغداد وضواحيها هههه. هبة : اسكتي مو ماجد كاللي حبي هبة اخاف عليج تطلعين يومية, ارحمي جيبي وارحمي نفسج,بدل 7 ايام بالاسبوع اخذيلج يوم راحة. وفكرت وكلت خطية خليني هالمرة اسمع كلاامه. اسرار(ضحكت): اويلي منج متبطلين سوالفج, الله يساعد ماجد عليج... اي( روان) اشونها؟ هبة : الحمد لله تبوس ايدج.اخذوها بيت جدها تلعب يمهم , لان تعرفين متخليني احجي بالتلفون الا تشترك بالخط(هههه). سكتت هبة شوية وبعدين كملت :اكوللج اسورة عيني بس اريد احجي وياج بموضوع, واسمعيني للاخر, اوكي؟ اسرار فتحت عيونها: اي سامعتج احجي. هبة (بجدية):اسرار انتي تعرفين انه خالي (حازم)ارمل صارله 4 سنين, وميقبل يتزوج.وهسة احنة كلنا ضغطنا عليه حتى نشوفله وحدة مناسبة الة. اسرار تنفست بحرقة وبينها وبين نفسها(حتى انتي يا هبة ) اسرار(غشمت روحها ): اي ما بيها شي؟ زين واني شعليه بهالكلام كله؟ هبةبعصبية: يعني شنو شعليج؟ دا اكوللج خالي ارمل واحنة نريدلة وحدة بت ناس وعالم حتى نزوجه.وبصراحة اني فكرت بيج, شتكولين؟ اسرار(ضحكت):وشمعنى اني؟ هبة: لأن هو هذا خالي انسان طيب ومحترم وبعدين عمره 48 سنة يعني اكبر منج ب20 سنة.وعندة بيت طابقين , الطابق الارضي لولده, والطابق الثاني الة ولمرته.وكل طابق بيت متكامل يعني تكعدين بروحج . وبالنسبة لموضوع الاطفال ما يهمه...ها شكَلتي؟ اسرار: اكول الله يرزقه ابنت الحلال ان شاء الله. واذا تريدين اني ادور وياكم على وحدة وبت ناس, من باجر ابدي اسأل وتدللين انتي وخالج. هبة وبعدها بنفس العصبية: اسرار انتي ليش هيج تظلين ترفسين النعمة؟مو اني لو ما اعرفه خالي زين جان اصلا ما اخابرج بس اني اريدلج الزين والله.(وبعدين هدت)اسورة عيني ترى العمر يمشي ومحد دايم لأحد,وبعدين انتي تكولين ما احب اصير زوجة ثانية لو ثالثة , زين هذا خالي محد عنده وحتى عمره مناسب, ليش متفكرين بالموضوع؟ اسرار: هبة والله ما اكدر انتي تعرفيني زين,اااه والله تعبت من هالموضوع, شنو ماكو بس اسرار بهالدنيا..لهالدرجة مثقلة عليكم ؟ هبة (انقهرت عليها): اسورة حبي ولا يهمج, اسفة والله ..بس تعرفيني احبج واعتبرج اختي وااريدلج الخير. اسرار ظلت ساكتة. (وبعدين حبت تمازحها باسلوبها ): اكوللج لا تزعلين مني بس تمنيت تصيرين زوجة خالي واجيكم للبيت واصيحلج(باجي اسرار). اسرار(ضحكت والدموع بعينها): لا اصلا اذا اصير زوجة خالج بعد ما استقبلج ولا اعترف بيج. هبة ارتاحت لضحكة اسرار : يماااه منج يا مكروهة خليني اشوف لخالي وحدة فقيرة (وضحكو اثنينهم) .يلااا اضحكي ولا يهمج. طبعا ام اسرار سمعت بعض الكلام وصارت تنقهر على اسرار وبنفس الوقت متريدها تضيع فرص الزواج من ايدها ما دام بعدها صغيرة ومرغوبة.وبنفس الليلة اسرار كاعدة بغرفتها واول ما حطت راسها ع المخدة صارت تحجي وية نفسها والدموع بعينها(اااااه اسرار وين صرتي؟وليش ديصير بيج كل هذا ؟؟ انتي اسرار الما يعجبها العجب ,هسة محد يدك بابج غير الكبار بالعمر,وكلهم بس يريدوج منظر , ليش ولا واحد منهم يكول اساعدها وخلي تتعالج يمكن يصير عندي طفل يملي عليه حياتي؟ ااااه لو بس مرة وحدة اجرب وبعدين اقطع الامل. كلهم انانيين يريدون مصلحتهم" من ابو سيروان لأبو جمال وهسة هذا خال هبة, يعني كلهم فكرو بنفسهم ويكولون ميهمنا اذا يصير عدها طفل لو لا؟ زين وانتو كلكم عدكم اولاد واحفاد,يعني واني شنو؟ مو بشر وعندي احساس واتمنى كلمة ماما؟ ليش متحسوون بغيركم .لييش؟ ياا ربي تعبت والله..يا رب ارضى عني وريحني ) واخيرا وبعد تفكير اسرار قررت انه ما تتزوج نهائي , وانه تعيش لخدمة امها وابوها ..وقررت تبلغهم بقرارها لما يفتحون معها موضوع الزواج .وفعلا وفي اليوم الثاني اسراروامها كاعدين بالصالة. الأم: اسرار شنو رادت منج هبة البارحة؟ اسراربلعت ريقها :تريد تخطبني الخالهة , ارمل وعمره 48 سنة. الأم: اي يعني مو حييل جبير, وانتي شكلتي؟ اسرار: يعني شأكول؟ كلت لااا طبعا. الأم بعصبية: وانتي بكيفج تحجين وما تشورين احد؟ يعني شنو ما الج جبير لو خلاااص شفتينا على مرامج صرتي بكيفج تتصرفين؟ اسرار : ماما شتريدين مني؟ الأم: اريدج تفكرين بعقلج زين, واليجي يخطبج اليوم ما راح يجي باجر,لا تشوفين نفسج صغيرة وترفسين النعمة برجليج. يعني شكو بيها لو تفكرين بهذا خال هبة؟ انتي مو تكولين ما اريد اصير ضرة, يلااا هذا رجال وارمل ولوحده شتريدين بعد؟ اسرار وهي تبجي: اريدكم تعوفوني, لأن تعبت ومليت. الأم: احنة اللي تعبنا وملينا من عنادج,كافي عاد اخذي بكلامنا مرة وحدة بحياتج. مرتين تزوجتي وتطلقتي بمزاجج انتي وما تسمعين لأي كلام .. اسرار بعصبية: اذا اني لهالدرجة مثقلة عليكم , من هسة اخابر هبة واكوللها موافقة, اهم شي تخلصون مني. (وبهالاثناء) دخل ابوها وصااح عليها: اسراار مو عيب تكولين هالحجي؟ اسرار بسرعة راحت حضنته: بااباا كوللهم خلي يعوفوني, والله ما اريد اتزوج,مليت تعبت ... اريد اكعد اخدمكم انته وماما وخواتي الصغار , كافي اللي جرالكم مني. ابوها( دمعت عينه): ولا يهمج باباتي محد راح يفرض عليج شي ما دام خشمي يشتم الهوى. وخلاااص هالموضوع ما راح يتكرر بهالبيت .احنة مو متعاجزين منج حتى نكوم ننطيج لأي واحد.اهم شي انتي ترتاحين.وبعدين لا تزعلين من امج ..تعرفيها شايلة همج .. امها دمعت عيونها وراحت اسرار حضنتها وباست ايدها وراسها معتذرة منها لأنه اول مرة تعلي صوتها على امها بهالطريقة , وفعلا من ذاك اليوم صاروا اهل اسرار يرفضون اي شخص يتقدملها حتى بدون ما يكولولها او يفتحون معاها الموضوع . طبعا اسرار انتقلت من مدرسة ست ربيعة الى مدرسة ثانية وكانت المدرسة الجديدة تابعة لدار الايتام, يعني الطلاب اللي المدرسة كلهم ايتام, اسرار بالبداية تضايقت لكن بعدين بدت تتعود عليهم وبدت تحس ببرائتهم, ولأن هي حلوة وشابة بدوا الطلاب يوم عن يوم يتعلقون بيها, وصارت اسرار محط اعجاب المديرة والمشرفين على الانشطة اللي تسويها من اجل تفرح طلابها. وبيوم من الايام واسرار بغرفتها اتصلت عليها هبة. اسرار: هلااا بأم روان اشونج عيني؟ هبة:هلا بيج قلبي... اشونج اسورة اشون المدرسة الجديدة وياج؟ اسرار: والله الحمد لله, اسكتي هبة متتصورين شكد صرت متعلقة بهالاطفال الايتام , يا عيني عليهم وهم يحبوني ويسمعون كلامي. (بعدين دمعت عيونها):تصدكين يصيحولي "ماما اسرار" هبة بلعت غصتها : يا حياتي الحمد لله اهم شي ترتاحين, (بعدين غيرت الموضوع):زين ما ناوية تجين البغداد هالأيام؟ اسرار: امممم والله ما ادري خلي اشوف حسب المجال. هبة: يلااا بسرعة فرغي نفسج واستعدي تقابلين هبة بحُلّتها الجديدة. اسرار ضحكت: هذا شنو اعلاان؟ هبة : لااا حتى تشوفيني اشون صايرة اجنن,ولج حتى ماجد يروح ويجي يكول صايرة رهييبة. اسرار:هبة انتي اصلا حلوة, شنو المتغير يعني؟ هبة: هاا سألتيني, اسمعي اسورة اكو قناة جديدة بالتلفزيون اسمها قناة(بداية)هذي القناة اكو بيها شات وسوالف نسوان, فد يوم لحكت على خلطة يسموها(بياض الثلج)وتعرفيني اشوية متعقدة من سماري, كلت خلي اجربها,وعيني من جربتها لليوم والكل يسألني عن سر جمالي, وداعتج حتى ماجد ما كلتله, غير يفضحني يم اهله وكل شوية يخابروني تعالي سويلنة خلطة,بس انتي لأن غالية علية كلت خلي اكوللج بلكي تستفيدين. اسرار ضحكت من عقلية هبة : وشسوي بيها بياض الثلج ؟ هبة ردت بضحكة :يعني تغيير شوية بدل ما انتي حنطية تصيرين بيضا ثلج ,وبصراحة تحلوين اكثر. اسرار بيأس: وشحصلت من الحلااا غير شلعان القلب؟ هبة انقهرت عليها: اسرار لا تصيرين يائسة هاي شبيج حبي؟ وبعدين ما اعرف ليش قلبي حاسس انه انتي بالذات راح يصير فد شي حلو وياج وراح ربي يعوضج خير. اسرار ابتسمت: الله يسلّمج انتي وقلبج,اعرفج طول عمرج وفية و تجبرين بخاطري,تدرين هبة مرات انقهر عليج لأن اني صديقتج, بس شتسوين يمكن حتى الصداقة اقدار. هبة : اهووو اشو كلبتيها مناحة!اسمعي يلااا هسة شيلي الريموت وسوي بحث ع القناة وهسة تدعيلي. واستمرت السوالف والنقاشات بين الصديقات لمدة ساعتين . وفعلا وبعد الحاح من هبة ..اسرار بدت بمتابعة هذي القناة واكتشفت خلطات جديدة لصبغ الشعر واستفادت معلومات عن الاعشاب وفوائدها ومضارها ..وصارت تتبادل هي واخواتها كل جديد يتابعو على هذي القناة وخصوصا لما تصير مقابلة مع خبراء الاعشاب. اليوم اسرار كاعدة بغرفتها وكل شوي تقلب القنوات واستقرت على قناة (بداية) وكانت هناك كلمة لأحد المشايخ عنوانها(تقييد النعمة بالشكر)وبدا يتكلم عن النعم التي انعم الله بها على الانسان ووجوب دوام الشكر على هذه النعم, ومن بين هذه النعم هي نعمة الزوج الصالح او الزوجة الصالحة .. (وبدا الشيخ يتساءل: هل رزقك الله بزوج(او زوجة) محب(ة) ومخلص(ة) لك؟يدلك على الخير مؤدي(ة) لفروضه؟ كريما معك؟ولم تؤدي حق الله في شكر هذه النعمة؟؟؟؟...) لحد هذه الكلمة واسرار حست انه هي بعالم ثاني وكأنه الشيخ يخاطبها هي بالذات, ومرّ على البال (عبد الرحمن) وهو ينصحها بالمحافظة على نفسها ,وهو يوصيها بالفرائض ويذكّرها دائما وبدت اسرار تسأل نفسها (صحيح اني تبطرت عالنعمة؟ صحيح يمكن اكون ضيعت عبد الرحمن بخوفه من الله,بخوفة علية ,بحبه ..اللي ما احسه راح يتكرر بحياتي؟) وبعدين تطرق الشيخ الى بعض النساء التي ترضي زوجها بسخط الله, ولا تاخذ بيده الى الخير ...اما هذه الكلمة فكانت اشد تأثيرا على اسرار وتفكيرها... ورجعت بالذاكرة الى حياتها مع (عبد الله)..(نعم ياما ضيعت فروض,وياما نامت عن صلاة الفجر,وياما تفننت في ليالي رومنسية تكون فيها الاغاني الصاخبة ذات الكلمات المائعة هي سيدة الحفل.وياما وياما عاشت بضياع) وفعلا بعد انتهاء المحاضرة الدينية القصيرة .. اسرار توجهت لدولاب ملابسها وبدت تلقي نظرة شاملة على كلشي ..بعدين وقعت عينها على علب المكياج والعطور المختلفة وبدت تحاسب نفسها(صحيح اسرار..تسألين ليش الكل يريدج مظهر وبس ..اناقة ودلع ومكياج؟؟؟لأنه انتي اصلا مظهر وبس ..تتفننين بالاناقة وبأحدث طرق المكياج والتسريحات ) نعم اسرار كانت تصلي وتصوم وتقرا قران بين فترة وفترة لكن كانت تحس انه كل شي عادي حركات فقط وليس استشعار للذة العبادة بحد ذاتها .. .. ويوم عن يوم بدت اسرار تتغير, وبدت تحس بمراقبة رب العالمين في كل أمورها,اول ما بدت بتغيير العباءة المخصرة اللي تظهر المفاتن اكثر مما تسترها.وبدت تحافظ على اذكار الصباح والمساء وصار لها ورد يومي من القران الكريم.اهلها كانو فرحانين لهذا التغيير لأن حتى نفسيتها تغيرت للأحسن. وبيوم من الايام اسرار وامها وابوها بالصالة د يتابعون صلاة العشاء من المسجد الحرام, وبعد ان انتهت الصلاة بدت الحاجة نوال والحاج احمد يكولون ذكرياتهم بأيام الحج, واشون الانسان ينسى همومه وهو بهذي البقعة الطاهرة, وفجأة اسرار: ماما ليش ما نروح عمرة كلنا سوة؟ . امها وابوها استغربو من طلبها المفاجيء (معقولة هذي اسرار اللي تعشق السفر والمولات والتسوق؟؟اليوم تحنّ لبيت الله وتطلبهم برجاء خاص انه يسافرون للعمرة) , وبسرعة امها: اي والله حجي احمد ليش ما نسوي كلنا عمرة ويا ريت تكون برمضان حتى هناك نصوم ونعيّد ان شاء الله؟ الحاج احمد بفرح:والله احسن فكرة وان شاء الله من باجر اقدّم وننتظر . وفعلا تم كل شي بتيسير وتدبير من عند التواب الرحيم وبدت الاستعدادات للعمرة وتم السفر وهناك حيث المسجد الحرام, اسرار تمشي والدموع مو مفارقة عيونها تحس نفسها ظالمة لنفسها ولسانها يلهج بالاستغفار , وهناك اسرار غسلت قلبها من كل حقد, وحتى اذا اكو انسان ظلمها فهي مسامحته لوجه الله. وبالنسبة لأمها وابوها كثفو الدعاء لكل بناتهم وبالذات لأسرار بأنه رب العالمين يعوضها خير لأنه هي بالذات كاسرة قلوبهم.انتهت الايام ورجعو للعراق, اسرار قررت تلتحق بحلقات لتحفيظ القران حتى تستفيد من وقتها بشيء ينفعها . نرجع الى هناااك حيث عبد الرحمن وما جرى له بعد الحادثة. طبعا من الناحية الصحية عبد الرحمن انكسرت رجله وصار يمشي على عكاز+ مكان خياط بخمس غرزات على جبينه بالأضافة الى عارض صحي اخفاه هو عن الكل وهذا الشيء بالذات اثر على حالته النفسية, ترك المدينة اللي كان بيها مع زوجته المرحومة, ورجع هو وسارة الى منطقة اهله وبالذات الى بيت اهله لأن صعب يعتني ب(سارة)لوحده,وفعلا صار عبد الرحمن مساعد ادارة في الفرع الرئيسي لشركتهم وصارو اهله وبالذات امه تلح عليه بالزواج خصوصا انه مر لحد الان سنة على الحادثة. لكنموقف عبد الرحمن كان الرفض وبشدة بعد. اليوم ام زياد كانت في بيت المرحومة(حنان)هي وسارة ولما رجعت لاكت عبد الرحمن بالبيت وكعدت تسولف وياه لعل وعسى تقنعه بالزواج مرة ثانية او ثالثة . ام زياد: اكوول وليدي لو تدري اليوم منو شفت يم بيت اهل المرحومة؟ عبد الرحمن يعرف نبرة امه ..رد بهدوء: اي منو شفتي؟ ام زياد: شفت بنت عمهم, بس اشون بنية حلوة وصغيرة بعدها, توها متخرجة من الكلية,والله يا عبد الرحمن اذا صارت من نصيبك صدك اكول رب العالمين استجاب لدعائي.وصدكني ردت اطلبها الك, واعرف اهلها راح يوافقون بس كلت الا اخذ رايك, ها شتكول؟ عبد الرحمن بعصبية: يمااه متتركين هالموضوع الخاطر الله , وبعدين وحدة صغيرة وبعدها متخرجة ليش تظلميها وياية ؟ ليييش؟ ام زياد: يا ساتر اي ظلم هذا التكول عليه؟ ليش شبيك انتة؟ عبد الرحمن بسحرية : لاااا ما بيه شيء بس وجهي مشوه واعرج وعندي بنية بركبتي! لا تكوليلي شبيك؟؟كوليلي شنو ما بيك انتة؟؟كوليلي يمااه شنو اليجبرها ترتبط بيه ؟ ليش متاخذلها واحد بعمرها تتباهى بيه. ام زياد بعصبية: احمد ربك على اللي صار,وكلشي يتعوض بس الروح لو راحت شيعوضها؟وبعدين اذا على وجهك اكو اطباء تجميل وكلهم وعدوك خير , واذا على رجلك فهذا ابد مو عيب ما دامك شايل نفسك.ما عرفتك هيج عبد الرحمن شجاك؟مو انت المؤمن بالقضاء والقدر لو بس سوالف؟ تتزوج و وبعدين بنتك ليش ما فكرت بيها ما يصير تبقى بوحدها لا أخوة ولا خوات عالأقل... عبد الرحمن قاطعها : استغفر الله العظيم من كل ذنب عظيم . يمااه اذا تحبيني وتريدين خاطري اتركي هالموضوع الله يخليج..يكفيني ظلمت اثنين وياية ..ليش تريديني اظلم الثالثة ؟؟ عمرج شفتي انسان مو محظوظ بزواجه؟؟ انسان كلما يستقر يرجع يتشتت ؟؟شوفيه كدامج هسة .. واستأذن منها وطلع وفي القلب غصة لا يعلمها الا الله . (سبحانك اللهم وبحمدك اشهد الا اله الا انت استغفرك واتوب اليك) التعديل الأخير تم بواسطة كاردينيا الغوازي ; 07-09-13 الساعة 09:05 PM | |||||||
|
| |
|
07-09-13, 06:37 PM
| #119 | ||||||||
| نجم روايتي وكاتبة في منتدى قصص من وحي الأعضاء
| اقتباس:
يا حياتي انتي يا فرح مشكورة عالتشجيع والكلمات البلسم والله اسعدني كلامك جدا جدا ..ويشرفني ان احداث القصة تشد القارئ وتجعله يتفاعل معها لأني ايضا قارئة نهمة ..اتفاعل وابكي واحقد على الشخصيات واتوقع .. وبالنسبة لابو سيروان .. نعم ومن من الرجال لا يفكر بالجمال لكن هناك فرق بين جمال تبديه وجمال تخفيه واغلبية رجالنا يعشقون الجمال الظاهر فقط وينسون جمال الروح للأسف عبد الله...نعم انسان اناني ..مغرور ...مثل البعض يتصور انه بنظرة وكلمة معسولة سيمتلك بنات حواء... وهو قد كسر قلوبا قبل ذلك..فحان وقت القصاص وانكسر قلبه .. نعم اسرار حاولت الا تهدم بيتها الواهن مع عبد الله ...لكن كان مُقدّر لها ان تفارقه وينكشف حبها الأول لأول من طرق باب القلب .. هبة..احبها ايضا وسيكون لها في البارت القادم دور في جبر خاطر صديقة طفولتها احبكم جميعا غالياتي واتمنى ان تستمتعوا بقراءة ما تبقى من الاحداث حبييييي لكم | ||||||||
|
| |
|
| الكلمات الدلالية (Tags) |
| الجامعة...قصة, اسرار, عراقية |
| أدوات الموضوع | |
| انواع عرض الموضوع | |
|
|
1Likes
.png)
.png)
العرض العادي
