آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
09-09-13, 11:34 AM
| #11 | |||||||||
| نجم روايتي ومشرفة سابقة وفراشة متالقة بعالم الازياء  
|  فواز : ريم شفنا الـ 4 بيوت اي واحد عجبج ريم : كلهم حلوين بس هذاك صبغه احلى فواز : هههههه خلااص هذا هذا الحين نكلم عمي يلا مشينا ريم: يلا فواز مسكها من خصرها وقام يمشي معاها ريم استحت ونزلت راسها بالبيت فواز وريم ليلحين بنفس الوضعيه حتى بعد ما زفته وقالتله يوخر ما رضى فواز و ريم : السلام عليكم الكل : وعليكم السلام البنات يغطون ويهم في : عييب شنو ماسكها جذي ترا احنا صغار فواز:اقول انتي وياها جب تشوفون بالتلفزيون اكثر من جذي الكل : ههههههههههههههههه فواز و ريم قعدو ,, فواز : عمي بعد اذنك انا وريم رحنا شفنا البيوت وقررنا بوعبدالله : اللي يريحكم والمفاتيح موجوده ليان : اوووه اووه حركات وبيأثثون بيت الزوجيه فواز : لا تتحرشين بمرتي ليان : انشالله في : ريم فواز ترا الاثنين بنروح الشاليه عند عمامي ريم : ونااسه فواز : متى قررتو ؟ بوعبدالله : البنات كانو يبون يشوفون عمامهم دقيت على بوخالد وعزمنا فواز : انشالله على خير ام عبدالله : باجر بتطلعون متى يمديكم تجهزون اغراضكم ريان : اليوم في : باجر بليل ليان : عادي حتى لو الاثنين الصبح بوعبدالله : الغدا بيكون هناك عالـ 11 بنطلع من اهني مايمديكم الصبح تحطون اغراضكم فواز :لا عمي عادي كلها جم قطعه ام عبدالله :هذا عندك مو عند البنات الكل : ههههههههههههههههههههههههه | |||||||||
|  |
|
09-09-13, 11:37 AM
| #12 | |||||||||
| نجم روايتي ومشرفة سابقة وفراشة متالقة بعالم الازياء
| الـبارت الســابع الاحد بالافنيو هبه : لا الفيلم قوي ريان : ايي حده ليان بقهر : اللي يمي سخافه قطع بس يضحكون والمشكله ماكو شي يضحك الكل : هههههههههههههههههههه فهد : محد قالج تقعدين يمهم ليان : شدراني انهم بيكونون سخافه جذي في : وين نروح الحين ريم : خل نتمشى في : تبين شي معين ريم : ايي باخذلي فلات اسود في : ليش ماعندج ؟ ريم : تدرين كل اللي عندي كعب وفلاتي الاسود مبطل ابي شي مصكر في: اها فواز : خلاص روحو انتو وانا مرتي نروح نشتري لها اللي تبيه فهد : خلاص احنا نروح شيليز نحجز طاوله على ما تيون فواز : اوكي ريان : ريوم ماعليج امر بس ابي حمره حمرا دخلي اي محل مكياج في : ايي وانا ابي فوشيه مالتي لونها ما قام يعجبني ابي نفس مالت ريون ريم : انشالله ,, ليان فجر تبون شي فجر : لا سلامتج ليان: انا ابي صبغ اظافر احمر ريم : انشالله فواز : انتو هيي كل وحده قاعده وتتأمر على مرتي استحو على ويوهكم في : فواز بليز والله ضروري فواز : شنو الضروري بالحمره والصبغ ريان : فواز احنا بنروح عند عمامي ولازم نكشخ وبدون هذيل اشكالنا ماتصير حلوه فواز: مشالله اقول اكلو تبن ماكو ريم: فواز حرام خل نييبلهم فواز لف عليها : تامرين امر في : طالع بس ريم تحجت واافق فواز : جب لا اهون في : لا خلااص فهد : يلا بنات مشينا وفواز بينا الو فواز : اوكي --------------------------------------- ريم : فواز يضايقك انك ياي معاي فواز : لا بالعكس بس خلينا نخلص بسرعه وايد زحمه ريم : اممم اوكي وقعدو يسولفون على ما يخلصون اللي يبونه ------------------------------ ريان: جيكي على هذي شوي وتطيح هههههههههههههههه في : جنها درام زباله متنقل البنات : ههههههههههههههههههههههه في : والله ثقه هالمتن وشورت وضيج ريان : ايي والله واحنا بس نمتن جم كيلو نلبس وسيع عشان لا يبين في : يقولج يا ريان ناس عن نااس تفرق ريان : اكييد انا غير لأنه ماكو مثلي في : ايي خير انشالله فهد : احمدووو جيك جيك عالقطعه اللي بتمر يمك الحين احمد : اي وحده فهد : هذيج ام احمر احمد : عاديه فهد : هذي عاديه من صجك انت طير زين احمد : الحين بتمر رقمها فهد : لا لا اسف اهم اللي ايولي مو انا احمد : ههههههههه يا انته فهد : شوف بس الحين بتي بكلمه مني بتقولي هذا رقمي احمد : تراهن فهد : اوكي شوف .. فديتهاا يا نااس البنيه لفت عليه واهي معصبه : خير ؟ فهد : افاا شفيه الحلو معصب البنيه : انت شنو ماتستحي على ويهك هذا واهلك معاك افف ومشت عنه الكل : ههههههههههههههههههههههه في : تسوى عليك يا اخوي فهد معصب : احمدوو لك اللي تبيه بس هذي راسها اييبه احمد : لاا تتفلسف مبين انها مو راعيه هالسوالف وبعدين من وين تييبها فهد : يقولك هد الكلب وان يالك فهو لك وان مايه مالك نصيب فيه .. وهالجلبه بتييلي احمد : اقول اسكت بس وشنو لي الحين فهد : عيوني لك احمد : شفيك معصب من صجك عشان هذي فهد : احمدوو والله قهر انا البنات ايون يرقموني واللي ماتصدق اعطيها ويه وهالسحته ترفع صوتها علي ريان: اسمله عليك وشنو يعني لايكون براد بت واحنا ماندري ليان : والله ولد عمي شحلاته ريان : اوكي حلو ما اختلفنا بس شنو يعني اذا زفته في :بصراحه غروره مايسمح له فهد : فديت اللي فاهميني مو هذي مالت عليج ريان : هيهيهي هميتني عاد فهد : اقول تلايطي لا كف على عينج بروحي معصب ريان : ماعاش من يطقني ولفت ويها عنه احمد : شنو هذيل سنه على مايفضون لنا طاوله فهد : روح عطهم بغشيش احمد : هههههه مايسوي شي هالبغشيش فهد : ملينا وانا ميت يوع احمد : اكلني يا روحي فهد : ههههههههههه لا حبيبي ما اكل حلو قبل الاكل احمد : فديتك انا فهد: تفداك روحي والله .. ما تغلى عليك احمد :تسلم لي روحك فهد: يسلمك --------------------------------------------------- بالبيــت ام عبدالله : روز شوفي هذيل الاغراض اللي اهني من الصبح تحطينهم بالسياره روز: اوكي مدام ام عبدالله : وشوفي هذول حطيهم بسياره فهد روز: اوكي ام عبدالله : خلاص روحي عبدالله : السلام عليكم ام عبدالله : وعليكم السلام.. ليش مارحت معاهم عبدالله : مالي خلق ادخل سينما ام عبدالله : و شصار على سفرتك عبدالله : الاربعا الفير انا طاير انشالله ام عبدالله : وليش متضايق ترا كلها بتروح دبي مو بعيد عبدالله :ادري بس انا مو مرتاح بهالسفره ام عبدالله : تعوذ من الشيطان وماكو الا الخير انشالله عبدالله : انشالله ام عبدالله : لا تقول انك ما راح تيي الشاليه ترا ابوك بيعصب عبدالله :لا يمه انا حاط اغراضي حق يومين بيي معاكم والاربعا واحد من الشباب ينزل معاي نيي البيت اخذ اغراضي يقطني المطار واييلكم ام عبدالله : انشالله تروح وترجع بالسلامه عبدالله : الله يسلمج ..يلا يمه انا صاعد بنام تامريني على شي ام عبدالله : وين يمه تو الناس انطر شوي وبيي ابوك ونتعشى عبدالله : لا يمه متعشي مع واحد من الربع وحدي دايخ الساعه 11 الحين ام عبدالله :على راحتك .. نوم العوافي عبدالله : يعافيج ,,تصبحين على خير ام عبدالله : وانت من اهله -------------------------------------- فواز : بعد باقي شي ريم : لا خلصت مشكور فواز : ولو .. يلا خلينا نروحلهم ريم : اوكي --------------------------- فهد : احنا قعدنا وقررنا شنبي والحبايب ما يو احمد :تدري شلون خلنا نطلب ومتى ما اهم يو طلبو فهد:هههههههههه ايي والله خلاص اطلب مالي خلق اتحجى انا وطلع باكيته احمد : ناسي باكيتي عطني وحده فهد :من عيوني ويبطله زقاره وشرب منها مزه وعطاه احمد خذا الزقاره من فهد وخذاله مزه وكلم القرسون في : وييع ياخذ الزقاره من وراه فهد : وشنوو يعني ريان : ويييع أرف من صجكم انتو فهد واحمد : ههههههههههههههههههههههه احمد : جبو خل اكمل ليان :لوعتو جبدنا ترا فهد : انا واحمدوو اخوان ونمون على بعض وهالسوالف الويع وماويع مو بينا البنات لاعت جبدهم وسكتو احمد :اقول يلا عاد ترا الزقاره من بعد فهود عسل فهد : يا حياتي انته احمد: لا تتدلع مو جدام الناس فهد : اقلب محشش ؟ احمد :احلى بوايد فهد :خلاص من عيوني فواز و ريم : السلام الكل :وعليكم السلام فهد :ترا طلبنا مانطرناكم فواز: ما تستحون فهد: مابيناهالسوالف اخذ المنيو واطلبلك انت والمدام فواز: اوكي ---------------------------------- بو عبدالله : ماوصلو ليلحين ام عبدالله : لا ليلحين ولا تحاتيهم ترا الشباب معاهم بوعبدالله : لا بس وراهم قعده باجر ام عبدالله :حتى لو يو ما راح ينامون الا الفير بوعبدالله : اييي .. ماعليج امر قولي حق الخدم يحطون العشا على ما ابدل ام عبدالله : انشالله ----------------------------------------------------------- ام سيف : والله مادري شلون بتكون هالطلعه مع اخوي بوعبدالله واهله بوسيف : لا صدقيني بوعبدالله ريال والنعم فيه واهله مثله يعني لا تحاتين ام سيف : انشالله الشخصيــات ام سيف اخت بوعبدالله شخصيتها قويه تحب الضحك وتحب القعده مع البنات شكلها واسلوبها جنها وحده من طقتهم بوسيف : طيب بس عصبي وعصبيته تخرع ..يحب شباب العايله ودايما يزف بس لمصلحتهم سيف : 27 سنه معضل جسمه حلو حنطاوي بس ملامحه عاديه .. جدي بس اذا فصل يصير انسان ثاني .. مرته توفت بحادث سياره واهي راده من الدوام عنده ولد واحد فيصل عمره 3سنين سدن : 24 سنه متزوجه والله ما رزقهم بيهال .. حبوبه وقلبها ابيض ملامحها عاديه فيصل ريل سدن : 26 سنه ملامحه عاديه ابيض معضل بس بشكل حلو يحبها وعلى كثر الضغط اللي يضغطونه عليه اهله ما وافق انه ياخذ عليها سحر : 17 سنه متخرجه من الثانوي فصله بس تحب الدراسه حلوه وجسمها حلو مومتحجبه برونزيه وشعرها صابغته عسلي بوسيف : انا بقوم انام باجر ورانا قومه لا تطولين بالقعده ام سيف : اجيك عالبنات والحقك بو سيف : انشالله -------------------------------------------------- | |||||||||
|
| |
|
09-09-13, 11:42 AM
| #13 | |||||||||
| نجم روايتي ومشرفة سابقة وفراشة متالقة بعالم الازياء
| الساعـه 1بالبيـــت فهد : انتو سنه على ماتيون في : فهود لا تصرخ ترا خالتي وعمي نايمين فهد :خلاص زين زين وين الباجي فجر و ليان وريم: كانا فهد : وانشالله وين ريان ست الحسن ؟ ريان : كاني ييت فهد :اقول قعدي لا اذبحج ترا اليوم كلش موعاجبتني ريان : مايهمني رايك فهد : جب جب يلا قعدو تنطروني اقعدكم ؟ ريم : انا بقعد يم ريلي فهد : احنا الـ 3 قاعدين 3منكم يقعدون ليان : انا مابي العب فهد : افا ليش تعالي لعبي وخلي ريون تذلف ريان قعدت :بلعب غصبا عليك فهد :مالت عليج قومي شكو قاعده يمي ريان :يحصلك فهد :مادري على شنو ريان : وه بس فديتني جمال وجسم واسلوب مو ناقصني شي فيحصلك يا حلو فهد " وماكو شك بهالشي : لا تقصين على عمرج وايد ريان بلامبالاه : زين زين احمد: فجور فيونن وحده منكم تقعد في : انا مالي خلق العب فجور انتي لعبي فجر :اوكي وقعدت فهد : بقسم على كيفي فواز : انا مع مرتي فهد : ونقط ريون معاهم احمد : انا وفهد و فجور فهد : ريون اذا خسر فريقج اطلب منج طلب تنفذينا واذا انتو فزتو تطلبين مني ريان : اوكي وصدقني بنفوز فهد : نشوف وبلشو القيم ( كوت بـو 6 ) في : تبون تاكلون تشربون شي ؟ فهد : انا واحمدو بيبسي في : يمكن مايبي بيبسي احمد : لا انا وفهود واحد فيدري شنو ابي في: اوكي ..والباجي ريان : بليز ييبيلي شرابي المعتاد في : من عيوني . فجور فواز ريوم ؟ فواز و ريم بنفس الوقت : مابي شي في : ياحلاتكم والله .. فجر ؟ فجر :بطل ماي في : اوكي ليان : فيون بيي معاج بييبلي حب في : اممممم شهيتيني بفستق ليان : ههههههههه اوكي نزلو وفهد بدا يعصب فهد : فجور لعبي عدل فجر :قاعده العب عدل لا تتفلسف فهد : هذاا لعب داشه 6 على شنو فجر : فهود بلا خبال تبيني اكلهم كلهم وانت واحمد طوفه ولا شنو فهد : لا والله فجر :ايي والله انا ماكله 5 بروحي ماكو ولا وحده منكم احمد : فهود بس هد عمرك ترا كلها لعبه فهد :اهي صح لعبه بس انا حاب اطلبها مواهي تطلب مني ريان :ههههههههههههههههههههه سوري ما اتوقع انك بتطلب فواز : لا تعصب وترا تو الناس القيد 51 واحنا تونا 12-5 لنا فهد : نشووف يا ريان في : فهود احمدو هذا البيبسي ريان : وين مالي ليان : هذا لج وهذا الماي حق فجور فجر: مشكوره ليان:العفو في: احد يبي حب ؟ فستق؟ الكل :لا في : احسن بعد ليان :هاا منوفايز في : انشالله توأمنا ريان :احنا 12 واهم 11 في : ويي ماكو فرق ريان : ايي حده ادعولي في وليان : انشالله فهد : انا اخوج ادعيلي احمد : ايي وانا بعد اخوج ادعيلي في:سوري ليان : صح انتو اخوانا بس هذي توامنا فهد واحمد :مامنكم فايده فواز : سجل سجل 10 لنا احمد : فهود على شنو دااش فهد :على خال باش وجيكر بعد شنو احمد : احنا ماكو ورق فهد : ماعليه ليان وفي : عاشووو ويصفقون لا يوقف لا يوقف فهد يكفخهم بالمخده : ذلفو في : اعصابك ريان : ماكو مستوى فهد : جب انتي ريان : هيهيهيهي بعد ربع ساعه فهد : قلتلج انا اللي راح اطلب منج ريان : اففف اوكي شنو طلبج فهد " ما راح اقول جدامهم : وتكونين قده ريان : انا قد كلمتي واللي تبيه بسويه فهد : الكل شاهد ريان : قلتلك راح اسويه فهد : امممم مابيه الحين متى ما قررت شنو الطلب بقولج تسوينه ريان :اوكي فواز : يلاا بس كلكم قومو نامو فجر وريم قامو بدون اي كلمه احمد : انا دايخ وصلت حدي فهد : اوكي بعد ما راحو مابقى الا فهد يشيل الجنجفه وريان تشيل المخدات فهد : ربعج نامو وخلوج ها ريان : ايي حده نامو وخلوني بروحي فهد : بتنامين ؟ ريان : لا وين مو دايخه بشبك فهد : اممم انزين ريون ريان :هلا فهد : طلبي ابيه الحين ريان : شنو اهوا فهد قرب منها حيل وبصوت واطي : بدلي ناطرج تحت ريان : خبل انته نطلع هالحزه فهد : ترا انا ولد عمج واخاف عليج اكثر من روحج ريان : اففف ووين بنروح فهد : عالبحر .. طول عمرج تحبين تروحين البحر هالحزه ريان : وااااو ونااسه بس شرط نروح باليخت فهد : مايمدي نروح ونرد ريان : لا فهد الحين 2 عادي نروح ونرد عال 6 بليز فهد : خلاص اوكي بس بسرعه بدلي ريان : اوكي وراحت ركض دارها فهد " يحليلها والله خل اروح ابدل احسن بعد 10 دقايق فهد يطق باب دار ريان ريان بطلت الباب ودخلت فهد واقف عند الباب : يلا خلصي ريان : خو كا بس البس تاجي ولبست التاج وخذت جنطتها وتعطرت وطلعت ريان : مشينا فهد : يلاا بالسيــاره ريان : ونااسه يا حلات الجو هالحزه باجر لازم اقول حق توأمي واحرهم فهد :ههههههههههههههههه ريان : والله صج محد قالهم ينامون فهد : ايي والله ريان تطول على الراديو وقعدو اهم الاثنين يغنون مع اصاله لا تخاف من الزمان .. الزمان ماله امان .. خف من اللي كل امانك في ايديه وتامنه .. لو حبيبك ما وفالك .. لو حبيبك فيك خان .. وايش ترجي من زمانك .. النتيجة باينة .. نكتشف مر الحقيقة .. بعد ما يفوت الاوان .. قلت لك لا تندفع له .. قلت حبي صاينه .. وين هاللي صان حبك .. ما اشوفه يوم بان .. قلبك اللي هوا قلبك .. لا تحسبك ضامنه .. لا تتعذر باحتياجك .. كلنا ناقص حنان .. كلنا طفل يتمنى اي شخصٍ يحضنه .. نبني الدنيا وحنا .. نوقف بنفس المكان .. للأسف ينقص وفانا .. مع مرور الازمنه .. ريان : مطولين فهد : لا باقي 5 دقاايق ريان : انا خايفه فهد : شدعوه تخافين مني ريان : لا مو عن بس انا احس انه بيصير شي اليوم فهد : لا تفاولين وتعوذي من الشيطان ريان : اعوذ بالله من الشيطان الرجيم فهد يدووس ريان : شوي شوي يا خبل فهد : ههههههههههههههههههههههه ريان : اظاهر اللي حاسته بيصير وانه بندعم فهد طق بريك فجأه ريان : انت مينون ناوي علينا ؟ فهد :هههههههههههههههه لا بس خلاص و بس كا خل اصفط ريان : اوكي .. احنا الحين وين فهد :احنا بشويخ اهني مينا اليخوت ريان :اها اوكي يلا ونزلت بسرعه فهد :يلا تعالي اهني ريان لزقت بفهد فهد يغمض عيونه ويبطلها " لا يابنت عمي تارسه عمرج عطر ولازقه فيني اذا بنطول راح يصير شي مو لصالحنا فهد : ريون خلينا نرد ريان : ليش حراام عليك والله ونااسه فهد : لا شكلج خايفه مابيج تخافين اكثر ريان تمسك اييده : فهد : بلييز بليييز لا تخلينا نرد بقعد ونااسه والله فهد خذاا نفس: اوكي بس خليني اخذ هدوم من سيارتي ريان : ليش فهد : لا يمكن اتسبح فعــشان اتسبح ريان : اوكي فهد خذا جنطه فيها هدومه ودايما تكون بسيارته : يلا ريان : يلا بعد 10 دقايق كانو باليخت فهد بطل الكشااف ونزل وبطل كل الليتات : تعالي تحت ريوون ريان : من صجك الجو شحلاته وانزل تحت فهد : تعالي خل نشوف فيلم ريان : اوكي شنو اكو افلام فهد " الحمدلله اني صرت اوكي بس لا تقرب مني فهد : اكو رعب و رومانسي شتحبين ريان : خل اشوف فهد : شوفي ريان : لا الرعب شكله يخرع وايد خلنا على الرومانسي احلى فهد :هههههههه اوكي وشغل الــ dvd ..على ماينعاد الفيلم خلينا نصعد عشان احرك اليخت ريان : اوكي وراحت ركض ريان : فهوود علمني فهد : هههههه بس خل نبعد عن المينا شوي اعلمج ريان : اوكي وبعد ربع ساعه ريان : يلا علمني تراا بعدنا واايد فهد : تعالي ريان راحت وصار اهو وراها ومسك اييدها وقعد يحرك اليخت ريان : ونااسه فهد :ههههههههههههه يلاا خلينا ننزل نشوف الفيلم ريان : امممم اوكي بيطول ؟ فهد : الحين 3 الا ثلث تقريبا يخلص 4 و عشر ريان : اوكي ونزلو يشووفون الفيلم | |||||||||
|
| |
|
09-09-13, 11:44 AM
| #14 | |||||||||
| نجم روايتي ومشرفة سابقة وفراشة متالقة بعالم الازياء
| البــــارت الثــامـــن الساعه 4:15 am فهد " اشوه انه خلص الفيلم اقدر اقوم من اهني عشان لا اتهور فهد : يلا خلينا نرد ريان : فهوود مالي شغل مابقى شي على الشرووق بس نشووف ونرد بلييز فهد" اذا قعدنا راح يكون اخس يووم بالنسبه لج فهد : لا ريون لازم نرد فهد كان يتنفس بسرعه وصوته كان متغير ريان : فهد فيك شي ؟ ليش تتنفس شي وراحت يمه جاست يبتهه فهد : مافيني شي ريان : اوكي وبعدت عنه فهد قرب منها لدرجه انه صدره بصدرها ريان يت بتوخر فهد مسكها ريان : فهد وخر شفيك ينيت فهد غمض عيونه : تدرين انج حلوه ريان " لا يكون اللي ابالي : فهد ممكن توخر فهد : انتي اللي جنيتي على عمرج ريان : فهد انا بنت عمك وخر عني فهد : لو شنو تقولين ما راح اغير رايي غمضي عيونج ماكو شي بيفكج مني ريان:فهـــــــــــــــد انا حسبت اختك انا مثل في وخر فهد :غمضي عيونج ريان تبجي بس غمضت عيونها مالها حل ثاني وقعدت تدعي بقلبها ---------------------------------------------------- سحر تكلم بنت خالها فرح سحر : ايي من صجج ناس ماتستحي المهم حطيتي اغرااضج فرح : ايي وانتي سحر : ايي توني مخلصه قبل لا ادق عليج فرح : عيال عمي بيون احس هالروحه بتكون خايسه سحر : ههههههههههههههههههههههههه ه لا عاد انا احس انها بتكون حلوه بس تدرين شنو فرح : شنووو سحر : احنا ما راح ناخذ راحتنا فرح: ههههههههه شكوو سحر : مادري بس العيد اللي طاف ماكنت بالعتهم فرح:ههههههههههه حرام عليج ايننون ولا لأنه الشباب كان عينهم عليهم سحر : ايي عاد شبابنا مغازلجيه ما صدقو على الله اكو بنات يدد فرح : ههههههههه حلوه يدد سحر : ايي شفيج احنا مجابلينا كل اسبوع اهم من سنه لي سنه فيتنحون عليهم فرح : ههههههههههههههههههههههههه ههههه انتي ليش محتره سحر : فروح انتي تدرين اني مو طبعي حقوده او اغار من بنات عمي حتى لو مو وايد وياهم بس تخيلي كل عيد ايون بس ساعتين ويروحون واحنا مانقدر ناخذ راحتنا لازم معاهم ومجاملات وحاله والشباب تكون عينهم عليهم فرح : انتي مو محتره انه عيون الشباب عليهم انتي محتره لأنه عليوي عيونه عليهم مو سحر :ايي انا اغار عليه واهو ولا مهتم فرح : شدراج يمكن يحبج انتي ماتدرين سحر : فرح تقصين علي ولا على عمرج ؟ انا سامعه خالتي تقول اهي بتتخرج من الثانوي خل اخطبها لك يقولها اسف سحر مثل اختي فرح : سحور حتاتي انتي لا تتضايقين يلا عااد سحر : لا عادي انا تأقلمت مع الوضع انا مو له واهو مو لي انا الحين بكل صلاه ادعي ربي انه هالحب ينشال من قلبي وانتي ادعيلي فرح : انشالله ,, يلا بدا الفيلم انا بقووم اشوفه تامريني على شي سحر : لا سلامتج فرح : يلا قلب باي سحر : باي --------------------------------------------------------- ريان بطلت عيونها واهي منصدمه فهد واهو ليلحين ماسكها : ريان انا مستحيل اضيعج واضيع شرفج انا يمكن بسرعه احتر بس مستحيل اسوي هالشي .. ريان تأكدي انج غاليه وما اقدر اضرج لا تكرهيني انا ماسويت فيج شي لأنه قدرج كبير عندي .. لا تخافين مني او تنفرين مني ريان : فهد انت صج كنت راح تسوي شي فهد : صدقيني لا .. انا ما اقدر اسويه مع بنات الناس عشان اسويه معاج ريان : بس فهد : اشش سامحيني ريان ولا تكرهيني ريان : انت غالي ما اقدر اكرهك بس انت كنت فهد : و دفنة امي وابوي ماكنت راح اسوي هالشي انا صح تعبان شوي ريان :ههههههههههههه فهد يبتسم : بس ما اقدر اسويلج شي انتي ريون اخت الغالي فما اقدر احط هالشي ابالي ريان :هههههه ولمته مشكور فهد فهد وخر عنها : لا لا ما اتفقنا على جذي ريان : هههه لا والله مو جنك توه بايس يبهتي بس هم سوري فهد :لا عادي انا بقوم اتسبح بماي حار عشان اقدر ارجع طبيعي نطريني تحت على ما اخلص ريان : اوكي فهد : سامحيني على اني بست يبتهج ريان : عادي يلا روح تسبح فهد : اوكي و راح يتسبح ريان نزلت وقعدت " معقوله انا سامحته بهالسهوله اهو كان راح يضيعني بس انا لازم بعد اليوم ما اكون معاه بمكان واحد بروحنا وراح اكلمه مثل اول عشان لا يحاول يكلمني بس ما اقدر اكون بعيده ريان : فهود بسرعه بشووف الشرووق معااك فهد بالغرفه يبدل : ياي 5 دقايق ريان : اوكي فهد طلع : يلاا ريان : البس شنو ياي جذي فهد يلبس تيشيرته : اقول مشيناا ريان : يلاا صعدو ريان : واااااااااااااااااااااو ونااسه والله احلى شي هالحزه بالبحر فهد : ههههههههههههههههههههه ريان : مشكوور فهوود انك يبتني وخليتني اجرب هالشعور فهد : ولو .. انا ببدى احرك اليخت وشوفي الشروق على ما نوصل ريان : اوكي فهد قعد يغني انا اسف انا اسف حبيبي خلاص انا اسف انا غلطان ومتأسف ياليت تسمعني وتصالح تراني خلاص متلهف لكملة صلحك مصالح وانا بالواقع اتسرعت بكلمه زل بها لساني ما كنت اعرف ولا فكرت عليها تغيب و تنساني فهد : اهداء لج ريان : مسموح فهد : قلبج كبير ريان : انت الغالي مستحيل ازعل منك ادري انه كان راح يصير شي كبير يضيعني بس انت ماكملت لأنك تخاف علي فليش ازعل فهد : اسف والله اسف ريان :لا تفكر بهالموضوع وانسى فهد : ههههههههههههه انزين بتردين تنامين ريان: ايي بنام لي لو ساعتين عشان ما انام هناك فهد : الحين 5 ونص على مانوصل البيت وتبدلين 6 تنامين 4 ساعات ؟ ريان : ايي بنام 4 ساعات وبعدين اقوم ابدل عشان نروح لا يكون بتواصل ابوي ما راح يسكت لك ترا فهد : ههههههههههه عمي واعرفه عدل لا تحاتين ريان :خلااص نام اول ما نرد وانا اخلي فيون تقعدك عالــ 10 فهد : بحط منبه بس هم قوليلها تقعدني ريان : اوكي --------------------------------------------------------------- الاثنيـــــن 10:15 am ام عبدالله : روز كل شي حطيتيه بالسياره روز : yes mdam ام عبدالله : اوكي فهد : السلام عليكم شلونج خالتي باس راسها ومشى ام عبدالله : وين رايح ياوليدي فهد : خالتي بروح اعبي بانزين وبيي على ما تخلصون ام عبدالله :على راحتك فهد : تامريني على شي اييبه وانا ياي ام عبدالله : لا سلامتك فهد : يسلمج في واهي نازله : روزووووو روز : yes في : وين اللي قلتلج سويه اووتي روز : i give it for seta now she will bring it في : اوكي اوكي .. صباح الخير خالتي وباست راسها ام عبدالله : صباح النور .. شمعطيتها في: خالتي عطيتها نفنووف بلبسه من ربع ساعه وليلحين مايابته ام عبدالله : ماعليه الحين تييبه انتي صعدي كملي باقي اغراضج بس تييبه لبسيه ونزلي في : انشالله خالتي فواز واحمد نازلين : السلام وسلمو على ام عبدالله ام عبدالله : وعليكم السلام .. انتو خالصين فواز : خالتي انا خالص بس بمر الفرع باخذلي جم باكيت اخذهم معاي احمد : انا خالص .. بونسب ما اوصيك ييبلي انا و فهود معاك فواز: خلاص تم احمد :تسلم فواز :خالتي ناقصكم شي اييبه معاي ام عبدالله :لا ياوليدي مو ناقصنا شي توكل على الله فواز : يلا عيل مع السلامه احمد وام عبدالله : مع السلامه احمد : يمه حطيتو الاغراض بالسياره ام عبدالله : ايي يمه كل شي خالص بس باقي البنات ينزلون و اللي برا ايون احمد : انشالله --------------------- ام عبدالله صعدت تنادي البنات لقت ريم وفجر بالصاله ام عبدالله : ليش ما نزلتو فجر : خالتي قاعده اعدل شيلتي ريم : وانا ادور ساعتي ييت انادي فجور ام عبدالله : يلا خلصو ونزلو تريقو قبل ما نمشي فجر و ريم: انشالله ريم : يلا خلصي تعالي دوريها معاي فجر : اففف اوكي يايه ام عبدالله تطق باب غرفه ليان ليان تبطل الباب : كا والله خالصه البس فلاتي وانزل ام عبدالله :لا تطولين ام عبدالله : خل اشوف عبدالله اول عبدالله : كاني خالص روحي شوفي البنات انا نازل ام عبدالله : انشالله يمه في : خالتي ابي رايج البس فلات بني ولا بيج ام عبدالله : البني احلى في : اوكي ام عبدالله :خل اشوف ريان في: بيي وياج بكلمها ودخلو عندها ريان تصرخ : فيون حبيبي قومي قعدي فهوود اكيد ما قام ليلحين في : هاا ام عبدالله :فهد قاعد اول واحد ريان : اهاا اوكي ام عبدالله : متى بتخلصين ريان : كاني مخلصه بس قاعده احط جنطتي في : انا بقوم اييب جنطتي وبنزل ام عبدالله : انطركم تحت لا تطولون | |||||||||
|
| |
|
09-09-13, 11:45 AM
| #15 | |||||||||
| نجم روايتي ومشرفة سابقة وفراشة متالقة بعالم الازياء
| بالصــاله بوعبدالله : الكل خالص ام عبدالله : الكل خالص والاغراض بالسياره بس اللي باقي نركب السياره ونحرك بوعبدالله : تريقتو الكل : الحمدلله بوعبدالله : منو باقي ام عبدالله وفهد بنفس الوقت :ريان بوعبدالله يصرخ : ريـــان ريان : يبه ناازله دقيقه بس احمد يكلم ريم : متفقين ؟ ريم :على شنو احمد :كلكم لابسين نفانيف في : بصراحه احنا التوأم متفقين بس ماندري عن ريم وفجر فجر : انا قلت اريح فقلت حق ريم تلبس بعد فواز يساسر ريم : محلوه ريم: عيونك محليتني فواز: انا وياج بنروح بروحنا ريم: ليش فواز : بس ريم سكتت بوعبدالله : انا وام عبدالله مع عبدالله البنات واحمد مع فهد فواز ومرته اييون بروحهم ريم : انت قايله مو فواز : ايي ريم: ومستانس بعد فواز : وليش ما استانس ريم لفت ويها بوعبدالله : يلا عبدالله احنا نسبقهم و فواز حرك ليش ناطر بس اهم خل ينطرون ريان فهد يحذف المفتاح على احمد : احمدو ركبو على ماتنزل احمد : وانت ليش ماتيي فهد : بييلي بيبسي .. اييبلك معاي احمد : ايي ماعليك امر فهد : تامر الكل طلع وفهد راح اييب بيبسي ريان واهي بنص الدري : معقوله راحو عني لا اكيد ونزلت ركض فهد شافها تركض : ريون شفيج ريان تصرقعت " مره ثانيه بمكان واحد : وينهم لا يكون خلوني و راحو فهد : هههههههههههههههه لا كلهم راحو وانا اللي بوديج ريان : شنوو فهد : لا تخافين احمد والبنات برا ريان : اها اوكي فهد : خايفه مني بعد كلامي ريان: لا شكوو بس انصدمت ابوي شلون بيخلينا نروح بروحنا فهد: اها بالسيــاره احمد : كاهم طلعو .. يلا اي cd تبون في وليان : راشد احمد : خل نسأل اللي بيون اول فهد : قوه .. هاك ريان" اففف مخليني ورا فهد فهد : وين فجور احمد : مع ابوي فهد : اها وحرك احمد : بوحمني فهد : هلااوو احمد : شنو تحب تسمع فهد : عادي احمد : ريون ؟ ريان : علي عبدالله احمد : انا مع اختي فهود انت قرر اثنين يبون راشد واثنين علي عبدالله فهد : علي عبدالله معاك اكيد احمد : تسلم لي فهد :يسلمك في : وين اللي قلتلج ييبيه ريان : شنوو ليان : يبته كاهو * مثل طاوله صغيره يحطونها بالحظن في :عدل عدل وتصفق فهد : شفيكم في : بنلعب اونو احمد : بلعب معاكم في: حياك وتطلع الاونو وتوزع احمد : دقيقه بس خل احط الـcd ريان : لا توزعين لي في : ليش ريان : مالي خلق في: كيفج لقيت إلي تمنيته سكن قلبي وحبيته وصار اغلى البشر عندي وسط العين خبيته بعد ما هو شغل بالي عشقته وغير احوالي وخله لدنيتي معنى هني عمري هني يالي مثل ما انا متصور تزين الدنيا بحضوره ويصير الكل تحت امره على كيفه وعلى شوره حبيبي كلن يحبك وقلبي فاز في قلبك هذا إلي تمنيته دربي صار اهوو دربه فهد و ريان كانو مندمجين بالاغنيه بس الفرق ريان عينها عالشارع وفهد عينه عليها .. والثلاثي اللي قاعدين يلعبون ولا يدرون عن شي احمد : اقوول سحبي في : يلا عااد احمد : ما قلتي اونو في : افففف انزين بس وحده شنو ثنتين ليان : ايي ثنتيين محدقالج عاد في : زيين وسحبت احمد : وانتي اللي قاعده تسحبينها سحبي ليان : ملييق انا اختك في : سحبي 4 شووفها ماخذه 3 ليان : كا اربعه والله اربعه ريان : فهد فهد : هلا ريان : ممكن تطول عالـ ac فهد : انشالله احمد :فهوود تدل الشاليه فهد : ههههههههه لا احمد : وانشالله شلون بنروح فهد : اول ما نوصل طريج الشاليهات دقيت على عبود احمد : اوكي ريان : الحين 11 الا ربع تقريبا نوصل عالـ 12 فهد : شدعوه عليج 12 لا يبه 11 وربع او 11 ونص ريان : اوكي فهد ينعم صوته: احمد حبيبي احمد :عيوني فهد : بحبك آوي مواااااااااااه احمد :ويييع بس بس البنات: ههههههههههههههههههههههههه ------------------------------------------------------ فواز : ليش ساكته ريم : مادري ماعندي شي اقوله فواز: تبين قهوه ولا برد ريم : لا قهوه احسن فواز: اوكي خل نمر ستاربكس عيل ريم: اوكي ,, فواز تدل الشاليه فواز: ايي ريم : امم زين عشان لانضيع فواز :لا تحاتين ادله رايح له وايد مع سيفوو ريم : سيف ولد عمتي ؟ فواز : ايي ريم :مادري بس توقعت انه مابينكم صله حتى فواز : ههههههههههههه لا سيف غير ريم : اها ------------------------------------------------------------ بالشـــاليــه الســاعه 11:10 بوعبدالله : السلام عليكم الكل : وعليكم السلام وراحو يسلمون عليهم بوخالد : وين الاهل هذا وانا طالبك بوعبدالله : لا الاهل ورانا بوخالد : حياك حياك ام سيف : هلا والله شلونج ام عبدالله : الحمدلله بخير انتي شخبارج ام سيف : كلنا بخير حياج القعده برا احلى ام عبدالله : اكييد ام عبدالله بعد ماسلمت وقعدت ام سيف : طبعا ماعرفتي البنات ام عبدالله : ايي والله متغيرين وايد ومحلوين ام سيف : ههههههههه هذي سحر بنتي توها متخرجه من الثانوي ام عبدالله : يحليلها والله كبرت مشالله ام سيف : وهذي سدن متزوجه ام عبدالله : ايي سدن ماتغيرت ليلحين بحلاها سدن : تسلمين خالتي ام عبدالله : الله يسلمج ام سيف: هذيل فرح وعايشه فرح بتروح سنه ثانيه كليه وعايشه متخرجه وهذي فاطمه مرت خالد ام عبدالله : ماعرفتها والله زين ما اختار ولدنا ام سيف : واختي ام عمر ماعندها بنات وانتي تدرين ام عبدالله : الله كريم ام سيف : بنات هذي فجر بنت عمكم عايشه: اهلين تعالي يمنا مالج شغل بالحريم سوالفهم تدوخ فجر : ههههههه انشالله صوب الثاني من الطاوله فرح : سحور جيكي هذا اي واحد من عيال عمي اينن يمه فديته سحر : عليوي احلى فرح : ماعندج ذووق عايشه :بنات هذي فجر بنت عمنا سحر : هلاا والله حياج فجر : يحييج فرح بلقافه : اقول فجر مابينا مستحى بس منو هذاا اللي هناك فجر : هذا عبدالله ولد عمي فرح:ايي يحليله مزيون فجر:هههههههههه ماشفتي فهد واحمد عيل فرح : ايي نشوفهم لي يو عادي فجر:هههههههه | |||||||||
|
| |
|
09-09-13, 11:47 AM
| #16 | |||||||||
| نجم روايتي ومشرفة سابقة وفراشة متالقة بعالم الازياء
| البــارت التــــاســــع عبدالله يكلم فهد : فهوود تستعبط قلتلك يمين فهد : يبه قلتلك لفيت يمين وبعدين عبدالله : شنو يمك الحين فهد : في شاليه وردي على يميني عبدالله : ايي كمل سيده تلقي شاليه بيج هذا اهو فهد : على يميني؟ عبدالله : ايي فهد : اوكي سلام عبدالله : وعليكم السلام عند الحريم ريم و فواز : السلام عليكم الكل : وعليكم السلام ريم تسلم عالحريم والبنات وفواز يسلم على عماته ام سيف : شلونك فواز فواز : الحمدلله عمتي وانتي شلونج ام سيف : الحمدلله بخير .. شلون الزواج معاك فواز : ههههه بخير سحر : هذا فواز ولد عمي ؟ فرح : اييي وهذي ريم مرته عايشه : جب وسلمو فواز: خالتي ام عبدالله : هلا يمه فواز: ما اوصيج على ريم ام عبدالله : لا تخاف بعيوني فواز : تسلمين يلا سلام الكل :وعليكم السلام عايشه : ريم حياج قعدي صوبنا شدعوه ريم : يحييج وراحت قعدت يمهم سحر : وين الباجي فجر : مع فهد واحمد فرح : ريم شلونج ريم : تماام وانتي فرح : الحمدلله فجر تكلم سحر : مشبها عليج سحر : وانشالله انا احلى منها فجر : الشكل نسخه بس الاسلوب احلى بوايد سحر : ههههههه تسلمين فجر : بنات منو هذا سحر : هذاا سيووف اخوي فجر : لا قصدي البيبي سحر : اووه سوري هذا فصول ولده فجر : كلش مايشبه اخوج يمكن على امه ماشفتها ريم : فجوور فجر: هلاا ريم : ماتدرين ؟ فجر : شنوو ريم : مرته توفت فجر: الله يرحمها سوري مادري البنات :لا عادي سحر: احنا ليش جذي قاعدين خل نقول نستانس فجر : نطري الثلاثي لي ييو راح يفصلون عليج وتستانسين سحر :هههههههههههههه يلاا ويينهم فرح : بصراحه حدي تشوقت حق شوفة اللي ليلحين مايو -------------------------- بالســياره فهد: يلاا ياجماعه نزلوو ليان : وييت بلبس فلاتي في: انا ابي منظره بشوف شكلي احمد واقف برا : يلا بنات فهد طفى السياره ونزل ريان نزلت بدون اي كلمه فهد يتحرش: شنو اشوفج ماتعدلتي مثلهم ريان : لا وين انا واثقة بنفسي وما احتاج اي تعديل فهد : ترا جذي اذوب ريان دزته : بياع حجي فهد: يلحقها الحلوه ماتعطي ويه ريان : سوري بس عارفه نظامك فليـش اعطيك ويه فهد : لأني مزيون ريان : اكو وايد احلى منك احمد : فهود لا تدشون خلنا ندخل مع بعض فهد : اوكي بننطركم اهني احمد :اوكي ,, بنات نزلو ليان: انا خلصت في : وانا بعد احمد : فهود اقفل السياره فهد : اوكي .. حلو عليج الاحمر ريان : ثانيكوو من ذوقك فهد :كله لبسي احمر ريان : الاحمر لوني المفضل وكله البسه بس هم تامر امر فهد :تسلمين ريان : يسلمك .. مطولين اهني ؟ احمد : يلا دخلنا سيف كان بويهم : هلاا والله وسلم عالشباب فهد : هلا فيك قلب وين الحريم سيف : برا قاعدين عالبحر فهد يطالع ريان : عاد انا اعشق البحر سيف: خل البنات يدخلون انتو بتدشون تخزون فمـا اسمحلكم فهد : طير زين بسلم على عماتي سيف : ايي خير انشالله وراحو يسلمون : السلام عليكم الكل : وعليكم السلام فهدواحمد سلمو على عماتهم وبسطو ام عبدالله : الرياييل هناك فهد : خالتي المنظر حلو اهني خلينا ام عبدالله :ماتيووز فرح: هذيل احمد وفهد فجر: ايي فرح : اذووب انا وتسوي روحها بتطيح على عايشه فهد واحمد شافو حركتها وضحكو فرح تعدلت : امبيييه ضحكو علي فجر:محد قالج فرح :لا تزيدينها عليي فشله وين سحور هذا وقته يطرشونها فجر و ريم :ههههههههههه لا عادي ترا هالاثنين متعودين فرح : حتى لو انا بنت عمهم فشــله احمد : حلوه فهد : ايي بس بنت عمك فأستح على ويهك احمد : ماقلت شي انا فهد : لا تحطها براسك احمد : خير انشالله فهد : جب جب مامنك فايده .. يلا سلام احنا رايحين الكل: وعليكم السلام فهد : ريون تيين نمشي عالبحر في :نعم خير خير ترا انا اختك مو اهي فهد : جب انتي من حلاتج اخذج في :هيهيهي ما تضحك فهد : شلونج بنت عمي ( يكلم فرح ) فرح تكلمه بثقل : هلا الحمدلله وانت فهد : تمام ماعرفتينا على اسمج الكريم فرح : فرح فهد : اووه عاشت الاسامي فرح :عاشت ايامك فهد :يلا سلام فرح : يمـــــــه اينن ريم : لا يكون تحبينه ترا فهود اكبر مغازلجي بيقص عليج عادي ماعنده فرق بنت عمي ولا بنت الناس ريان " معقوله فهد جذي يسوي معاي فرح : لا شدعوه ترا بنت عمه من لحمه ودمه مايسويها ريم : لا حبيبي فهد يسوي كل شي لا تعلميني فيهم اهو واحمدو اي شي يدش هالراس يسوونه فرح : وييي عيل ماني حابته البنات :ههههههههههههههه سحر : قوه .. انتوو الثلاثي : انتي في : لا يشوفج فهود ترا حاطج براسه سحر : مابقى الا اهوا خل يولي زيين عايشه فرح ريم فجر : شالسالفه سحر : اللي امس قاعد يتحرش وزفيته يكون فهد ولد عمي فرح : اي شي ريم : مو من صالحج سحر : من صجكم ..حتى لو زفيته انا جذي ازف اللي يتحرشون واهو تحرش خل يتأدب ليان : فهود حاطج براسه ما راح تطلعين من السالفه بسهوله سحر :بنات شفيكم ترا ولدخالي حتى لو حاطني براسه ما يقدر يسوي شي انا بنت عمته البنات : نتمنى سحر : قومي خل نسوي شي نبي نستانس ريان : خل نتمشى عالبحر في : فهود حط هالفكره براسج ريان : جبي زين كنت بقوم بس انتي من حرتج خربتي علينا في : اللي يقول حبيبج ريان " ليش لأ : اقول يلا عاد بلا خرابيط بس مافيها شي اذا تمشيت معاه دام ماكو احد بيي سحر : امبله يلا عاد قومو ترا يايين نستانس في بستهبال : شنوو الغدا ترا يوعانه الكل :ههههههههههههههههههههههه في : لا صج يوعانه ريوقي قلاص عصير سحر :الغدا بعد شوي عاد والله انا بعد يوعاانه في : عيل سوي مثلي عشان يحسون فيج سحر : لا سوري انا متعوده اني اذا يعت جذي اتكلم وغيرت صوتها شرايج في : هههههههههههههههههههههه هذا من اليوع سحر عدلت صوتها : اييي ريان : قومو بس قومو -------------------------------------------- صوب الريايــيل سيف : فصول حبيبي خلاص اوديك بعدين فيصل : الهين ( الحين) سيف : حبيبي شووف انا مشغول قاعد مع الرياييل عيب فيصل : مابيـــــــــــــــــــــ ــه سيف : افففف لازم الحين فيصل :اييي سيف شاف بنات يتمشون : عبوود عبدالله : هلا سيف سيف: هذيل بناتنا عدل عبدالله : ايي سيف : خلاص اوكي وشال ولده وراح لهم | |||||||||
|
| |
|
09-09-13, 11:50 AM
| #17 | |||||||||
| نجم روايتي ومشرفة سابقة وفراشة متالقة بعالم الازياء
| الصوب الثاني في : شوفو فديته الحنون شلون شايل البيبي سحر : ايي والله سيووف حنووووووووووووون في : تعرفينه سحر : اخوي يالخبله فيي : سوري سحر : لا يبه عادي مابينا هالحركات سيف :سحر سحر : هلاا سيف :اخذيه يبي يمشي بالماي سحر : سيوف بليز مالي خلق سيف : ماعليه بس هالمره فجر : تعال حبيبي فيصل ما صدق على الله : انا ييييت فجر : فديته الحلو انا فيصل : ثنو اثمج انتي ( شنو اسمج انتي فجر : اسمي فجر وانته سحر :يعني ماتعرفين اسمه فجر : مالج شغل فيصل: اثمي فيثل ( اسمي فيصل فجر مشت معاه واهي ناسيه الباجي سيف : ما اوصيج عليه سحور سحر : لا تخاف دام مع فجر شكلها تحب اليهال سيف : اوكي ومشى في: ماتستحي اختي باقت الولد ومشت ريان : فيها نقص رياييل الكل :هههههههههههههههه ريم :الو هلا :وينج ريم:قاعده اتمشى عالبحر فواز:اوكي انا يايلج نطريني ريم: ليش فواز : بتمشى معاج بعد شنو ريم : اوكي ناطرتك فواز: اوكي باي ريم : باي ,, بنات انتو روحو فواز بييلي الحين في : الله يرزقنا بس واحد مثله نتشارك فيه كلنا سحر :ههههههههههه انا ما اقول لا دام يتمشى معاي عالبحر وحركات في : اي والله شبابنا الحين مالهم خلق يكلمون حريمهم وهذي يتمشى معاها عالبحر فرح : ايي والله الله يرزقنا ادعو بنات ليان : كل وحده تتمنى هالامنيه وتقط الصخره بالبحر يلا في : بقط مليون مره سحر : انا بخلص الصخر كله عايشه : مفاجيع عالعرس انتو سحر وفي : اييي وطالعو بعض وضحكو فرح : بنات خل اعترف لكم بشي سحر : انا ماكو شي يديد علي كل اللي عندج اعرفه فرح : لا هالمره شي يديد سحر : اوووه اووه شي يديد ما اعرف عنه فرح : ايي توني حسيت فييه سحر : سمعينا يا ام احاسييس في: تفضلي فرح : قبل لا نوصل الشاليه كنت متوقعه وحاسه انه الطلعه بتكون مو حلوه لأنه ماتعودنا على بعض بس الحين حده وناسه سحر : انابعد نفس الشعور في : اخجلتي تواضعنا بس بصراحه احنا عكسكم كنا حدنا متشوقين ريان : لأنه كنا ناوين نبدا صفحه يديده ملينا من سالفه القطاعه هذي ليان : اكيد فخلونا من الحين نبدا البنات :اوكي في : سباق من اهني لي الشاليه ؟ البنات : يلا في : انا بعد 1 2 3 go وبدو ركض صوب الرياييل فهد : جيكو عالبنات ههههههههههههههههههههههههه احمد : هههههه بطني عبدالله : حرام لا تضحكون خلوهم يستانسون سيف : انا بقوم اييب فصوول عند الحريم في تاخذ نفس : فزت عايشه : بنات ترا شكلنا يضحك سحر : خل نستانس ام سيف : استانسو يمه مالكم شغل بأحد سيف : سحور وين فصول سحر: مع فجر سيف: دقي عليها ختييبه ابيه سحر : ماعندي رقمها بنات وحده فيكم تدق في : ويت انا ادق بعد 5 دقايق في : دقيت فوق الـ 10 مرات ما ترد سيف: ردي دقي عليها ختييب ولدي وصار يحوس مثل المينون بعد نص سيف طاح على ريل امه : ولدي يايمه هذا اللي بقالي منها ام سيف واهي تبجي : يمه حبيبي الحين بترد لا تحاتي فجر ما ينخاف عليها سييف : يمه البنيه مو قاعده ترد ويرد يدور صوب البحر الكل حايـــس يدور فجر & فيصل ------------------------------------------------------------ الســاعه 1:00 الظهر فجر : لحقوني الكل انصدم من شكلها ام عبدالله :فجر يمهه شفيـــــج فجر : هذا فيصل الامانه رديتها وطاحت الكل واقف بدون اي حركه ام عمر : وينه عمر ناادووه عمر: شفيهاا وقعد عالقاع عمر : اكو نبض .. شكلها غرقت احد ايي يسويلها تنفس اصطناعي فواز : ان ريم : خل فهد بليز فهد : انا ويت بعد ربع ساعه فجر نزلت في : تعالي ترا الكل بيسألج شصار فجر: ما صار شي بعد ماطلعت برا عند الحريم سيف : شصار ؟ فجر : ماصار شي انا شربت ماي وبس سيف: و ولدي هدومه كلها ماي ؟ فجر : كنا قاعدين نتمشى عالبحر ونسولف ركض ودخل بالماي وكان بيغرق رحت وطلعته في : بس انتي ماتعرفين تسبحين فجر : بس قدرت اطلعه سيف : مشكوره فجر: ماسويت شي في : سحر سحر : هلا في : متى الغدا سحر : من صجج انا ميته يوع .. يمه ام سيف : هلا سحر : متى الغدا ترا يعنا ام سيف : الحين ينحط لا تموتين علينا سحر : يمه بعد مو ماكلين عدل ام سيف : اعرفج لا تقرقين وايد في : ههههههههههههههههههههههههه ههه فشلوها سحر تعطيها نظره : مردوده في : نشوف فرح : تنااقز : ابيي اكل ام خالد : ياهل انتي فرح : ايي توني عنونه سحر وفي : تقصين على عمرج ؟ فرح : سكتوو يلاا عاد في : مناك مناك ما نكلم يهال سحر : روحي لعبي مع فيصل بالتراب في : حبيبي تبين حليبه اييبلج المميه سحر : لا فيون ييبيلها سريلاك في : ههههههههههههه اتخيل شكلها و انا اوكلها والاكل كله طالع من حلجها فرح عصبت : ما يضحك سحر : ههههههههههههههههههههههههه هههههههههههههههههه فهد ياي من وراها : فديت هالضحكه منو راعيتها في وسحر لفو عليه في:فهد فهد :انتي ؟ سحر: هلاا فهد شخبارك فهد:تماام يا ؟ سحر : سحر فهد يساسرها : مثل الجلبه رديتي وبلعب فيج لعب سحر : ههههههههههه تحلم ماعرفتني يافهد في : فهود خلاص عاد فهد : وين ريون في :تتمشى عالبحر فهد : بروحها ؟ في : ايي فهد : انا رايح لها وراح عالبحر ريان تسمع بالــ ipod فهد : ريووون ريان شالت السماعات : هلا فهود فهد : ممكن امشي معاج ريان : اكيد ممكن فهد : امممم ممكن تطفينه بسولف معاج ريان : اوكي وبعد مابعدو عن الشاليه مسك اييدها ريان : | |||||||||
|
| |
|
09-09-13, 11:51 AM
| #18 | |||||||||
| نجم روايتي ومشرفة سابقة وفراشة متالقة بعالم الازياء
| البـــارت العـــاشر ام سيف : سحر ياليوعانه يلا نادي البنات وتعالو حطينا الغدا سحر : انشالله .. عواش انتي مو يوعانه روحي نادي فجر وريان في : ايي والله تسوين فيني خير سحر مسكت ايد في : مشينا مالج شغل فيهم في : يلااا وراحو ياكلون --------------------------- ريان :فهد ممكن توخر ايدك فهد: لا مو ممكن ريان : لحد يشوفنا فهد لف عليها وحط عينه بعينها: بس خايفه انه احد يشوفها ريان : آآ فهد :لا تتكلمين خليني انا اقول اللي عندي ريان هزت راسها فهد : لا تخافين مني والله ما اقدر اسويلج شي يضرج ريان : فهد انا قلتلك انسى الموضوع واني مو شايله بخاطري عليك الحين تقدر تهد ايدي فهد : يضايقج اني امسكج اوكي انا رايح ريان : فهد انا مو قصدي جذي بس فهد ابتسم : يعني تهتمين لزعلي ريان : اكيد ومايضايقني بس مابي احد يشوفنا ويفهمنا غلط فهد بس انا اح عايشه : انتو الاثنين يلاا ترا غدا فهد : اوكي انا رايح وانتي اخذي ريون معاج عايشه : اوكي يلا ريون ريان : يلا فهد و اهو رايح عند الرياييل " انا شفيني بلحظه بغيت اقولها كل شي عايشه : رياان فيج شي .. فهد قالج شي ريان : لا شكوو قعدنا نسولف وبس عايشه :اها ---------------------------------------- الساعه 3:00 العصر الرياييل والحريم نايمين فهد : شباب معقوله بتقعدونه اسبوع كامل جذي احمد : ايي والله ترا انا و فهيد مو متعودين جذي فهد : احمدوو قوم قوم عند عصابتنا احمد : يلا عند البنات سحر : عاشوو عاشوو هذا اللعب السنع في : اعجبج افا عليج سحر : بنات هذا لعب يلا لعبو عدل في :ايي والله فهد : سلام الكل : وعليكم السلام احمد : والله اهني القعده السنعه مو هناك في : هههه ليش شصاير هناك فهد واحمد قعدو وبطلو زقارتهم فهد : تدرين ياعزيزتي انا و احمد مانستحمل نقعد بدون لا نسوي شي وملل احمد : اي والله هناك ساكتين بس يدخنون و مجابلين تلفوناتهم فهد : حتى جنجفه سوني ماكو احمد : انا ما استحمل جذي سحر : حياك العب معانا فهد : لعلمج احنا شخصين احمد : لا حبيبي انا وياك روح وحده فتكلمنا على شخص واحد سحر : لا فهد مانبيه فهد : جب زين ترا ساكت عنج ليلحين لا تخليني احطج براسي وحزتها تندمين ريان :عن اذنكم انا قايمه فهد : ريون دقيقه ابيج بكلمه برا ريان : خلها بعديين انا بنام فهد : كلها 5 دقايق ريان : اوكي برا ريان:نعم فهد فهد : فيج شي ريان : لا بس دايخه وبنام فهد : شكلج متضايقه شفيج ريان : مافيني شي انابقوم انام وانت روح هدد سحر فهد مسكها : هالسيره منرفزتج ريان : ممكن طلب فهد : اكيد عيوني لج ريان : تسلم .. شيل سحر من راسك ترا اهي بنت عمتك اذا حطيتها براسك بتضيعها فهد : تبيني اشيلها من هالراس واهي تحدتني ريان : اذا لي غلاه شيلها من راسك مع السلامه وصعدت تنام فهد " محد فكج ياسحر غير ريان ولا جان كليتي اصابعج ندم على اليوم اللي رفعتي صوتج علي ----------------------------------------------- احمد : بنات عطونا افكار سنعه ماكو غير الاونو والجنجفه في : نلعب سباق احمد : جب افكارج مثل ويهج فرح : نسوي جلسه ونغني اووه والله ونااسه احمد طقها بالمخده : مو وقته هذي خليها حق الفير فرح تردله المخده : اصغر عيالك انا احمد : ايي لو متزوج جان بنتي كبرج فرح : ايي مشالله عليك شايب احمد : لايغرج الشعر ترا صبغ فرح : والله توني ادري الصبغ يحلي الواحد احمد: هههههههههه سحر : شراايكم في : سمعينا افكارج سحر : نييب الشباب في : اووه لا والله حلفي سحر :سكتي شوي في : زين زين سحر : انا اقول كلنا نقعد برا عالبحر ونلعب لعبه صراحه ومنها نعرف عن المخشوش في : يبتيها احمد : هذي الافكار السنعه يلا قومو شيلو هالاونو وتعالو برا فهد : شفيكم قمتو كنت بلعب احمد يسحبه: في مخطط احلى بس تعال انادي الشباب فهد : يلا وين بنقعد اول احمد : عالبحر برا فهد : فيون نادي ريان ويبيلنا بيبسي انا واحمدو في : اشتغل عندك انا فهد : فيون جب وسوي اللي قلتلج عليه وطلعو ينادون الشباب -------------------------------- فواز : انا بقوم انام انتو قعدتكم تدوخ احمد : لا تروح يالنسيب فهد : يايبيلكم خوش شي الشباب :قول فهد : قولهم ترا انا مو عارف الموضوع احمد :عيل شدراك انه خوش شي فهد : لأنك قلت جذي وانا ما اشك بكلامك احمد : حبيبي انته فهد : روحي انته ويقعد على ركبه فهد : احمد حبيبي تتزوجني الشباب : هههههههههههههههههههههه احمد : اكيد ياروحي وما افكر بهالشي فهد : فديتك ويلمه احمد : ههههههههههه وخر خنقتني فهد : زين احمد : شباب قومو بنقعد عالبحر بنلعب لعبه صراحه فهد : والله زين تطلع افكار من البنات يلا مشينا الشباب قامو وراحو عالبحر ينطرون البنات البنات يو ماعدا ريان وفي فهد : وين ريون فرح : وليش ماقلت وين اختي فهد : جب انتي وينها سحر : في راحت تناديها فهد : زين قعدو شباب شنو راح نلف عايشه : يبت بطل فاضي فهد : عدل عدل بعد 5 دقايق يو ريان و في في قعدت يم سحر ويمها ريان .. ريان يم فهد .. فهد يساسرها : ليش معصبه ريان : ماكو شي عادي فهد : يا جماعه شوفو اللي يكون الراس عليها بيسأل والصوب الثاني يجاوب الكل : اوكي عمر : يلا يا انسه فرح سألي فرح : اممم ايي شسالفه حرف الــm اللي معلقه بسيارتك عمر : عشان وحده البنات يصفقون : اوووووه عمر عاشق سحر : مو لايق عمر : وشكوو يعني مو انسان انا سحر : لاا بس يعني دكتور وجدي احسك مو مال سوالف حب عمر : الحب مايعرف كبير وصغير او على شغله الواحد في : بنات صفقوله ولد عمتي يقط درر سحر : ايي اكييد هذاا عمر فرح تساسرها : لأنه اخو الحب سحر : جب انتي فهد : يلا نفره مره ثانيه احمد : فهود عطنا سؤال قوي حق خيتك الحلوه فهد : فجور عطها سؤال قوي ويها يصير احمر ماتقدر تجاوب بس فيون والله لو تقولها عندج حبيب ترد وجنه العيد في : اسمله علي لا حب ولابطيخ ما ايي منه الا عوار الراس فهد : اي والله صدقتي اختي عايشه : صادقه بأي موضوع انه لا حب ولا بطيخ ولا انه الحب عوار راس فهد : آخيـــه احلى شي الحب بس وين اللي يفتهم بس لي كان من طرف واحد بيكون عوار راس وعذاب ولو تحاولين انج تنسين تتعذبين اكثر وتحسين انها خيانه له مع انه اهو مايعرف حتى احساسج تجاهه سحر تحمست : ايي والله انا معاك فهد : شنو عشقتي ؟ سحر : لا ويين فهد : ما اصدقج يلا احمدوو فرها احمد واهو يبطل زقارته : تامر ويلفه علي : سحر شفيج سألي سحر سكتت " شسأله شسأله ما اقدر اقول شي فرح حست فيها وحبت توصلها شغله : يمكن بتطلب منك ماتبي تسأل علي : لو تبي عيوني فداها هذي سحر اختي اللي مايابتها امي سحر غمضت عينها وبطلتها : تسلملي عيونك وبغصه يا اخوي سحر " بسأله وبريح روحي : ليش ماتزوجت مع انه كل البنات يتمنونك اهو لأنه تحب بنيه وناطرها ولا انت رافض الزواج علي يبتسم : الله كريم ياسحر تقدرين تقولين الاثنين سحر وتحاول تخفي دمعتها : مافهمت جوابك علي : رافض الزواج لأنه وحده كنت ابيها والله ماكتب انها تكون من نصيبي ومن بعدها ماكو وحده تترس عيني سحر : هذا النصيب ياعلي الله كريم وترا الدنيا ماوقفت عليها فهد يفر البطل : لا تزعلون سحر : دام مو دوري انا بقوم شوي ويايه الكل : وين سحر : بييبلي شي اشربه .. احد يبيني اييبله معاي ؟ فهد واحمد : بيبسي سحر : انتو رحمو روحكم 24 ساعه بيبسي وزقاير | |||||||||
|
| |
|
09-09-13, 11:52 AM
| #19 | |||||||||
| نجم روايتي ومشرفة سابقة وفراشة متالقة بعالم الازياء
| فهد : مالج شغل يلا روحي لاتطولين سحر : افف زين بعد في احد يبي علي : انا ابي سحر :شبغيت علي : لا خلاص سحر :لا قول انا رايحه رايحه علي : ما راح تقدرين تشيلينهم كلهم سحر : ماعليه علي : جاي اخضر اذا ماعليج امر سحر : انشالله .. بنات تبون شي فجر : انا قايمه معاج سحر : اوكي .. بنات ؟ في : بطل ماي ريان : فجور بليز ييبيلي حليب كاكاو فهد : فديتها البيبيه انا ريان : هيهيهي مو بيبيه ترا الحليب زين فهد : ههههههههههههههه لا تزفين فجر وسحر راحو بالمطبخ فجر : سحر بسألج سحر: هلا فجر : تحبينه صح سحر : اي حب فجر: انتي تحبين علي سحر : ايي بس شالفايده يافجر حبي من طرف واحد واهو يعتبرني اخته ويفكر بثانيه فجر واهي تمسح على جتفها : الله كريم .. اذا الله كاتب انه بيكون من نصيبج بيكون لج غصبا عن الكل سحر تبتسم : انشالله يكون من نصيبي فجر: يلا عاد مسحي هالدموع ترا مبين انه الدمعه بعينج سحر :انشالله ... انتي شيلي البيبسي والماي وانا باخذ الجاي فجر : هههههههههههه انشالله بس عطيني جيس بحطهم فيه سحر : بالدرج اللي وراج فجر : اوكي :" معقوله ياسحر انتــي ؟؟ -------------------- فهد : لا ريان نطري البنات اييون اول وبعدين سألي ريان : اوكي سحر : تفضل علي علي واهو عينه بعينها : زاد فضلج سحر ابتسمت وراحت قعدت مكانها فجر توزع عليهم فهد :يلا ريون سألي ريان : مادري يعني شنو بسأل عايشه احس ماكو اسئله عايشه :عادي اي شي ريان واهي ترفع حواجبها : لقيتها ليان وفي : ناويتلج على شر ريان : اووش انتو روحي حق هذاك بوشعر مدهن عايشه : نعم وييع ماكو شغل ريان : مالي شغل عاد روحي له قوليله ابي رقمك واذا عطاج ياه قوليله مصدق عمرك وقطي الرقم بويها عايشه :ويع ريان اخر عمري اكلم جذي ناس ريان : والله عاد هذي اللعبه فهد : ههههههههه بنت العم نذله ريان تطق جتفه : محد نذل غيرك ولا ناسي حركاتك فهد : لا مو ناسي عايشه : وشلون بتسمعين ريان : مو صعبه ادق عليج ونحطه سبيكر ونسمع عايشه : اوكي وقامت ريان تدق عليها عايشه : كا شلته يلا بروح ريان : اوكي وحطته سبيكر ------------------------------- عايشه : قوه الصبي : قوتين عايشه واهي لايعه جبدها : ممكن رقمك الصبي : ليش عايشه : حابه اتعرف الصبي : ايي ليش لا وطلع ورقه وكتبلها رقمه عايشه بعد ما خذتها : ههههههههههه انت مصدق عمرك ؟ وقطت الورقه بويها ومشت الكل : ههههههههههههههههههههههههه هههههههههههههه حرام عايشه : سخيفه ما احب اسوي جذي شوفي حرام والله ريان :والله كيفي عاد فهد واهو ميت ضحك : يلا عايشه صار دورج شعليج عايشه :فهد قوم شيل ريان وقطها بحر ريان : نعم نعم خير فهد يشيلني وين قاعدين احنا عبدالله : غيري طلبج عايشه : مو هذا اللعب ؟ فجر : بصراحه الحق حق رضيتو عايشه تقوم تكلم الريال بس مايصير فهد يشيلها الكل وافق ريان : مستحيل فجر : والله كيفج الدنيا دواره ريان: اففف زين اخر شي عشان على طول ادخل ابدل الكل : اوكي بعد نص ساعه فهد : بس ترا صارت 4 وربع خل نريح شوي عايشه : اوكي نوقف بس مانسيت طلبي ترا ريان : اففف مصريه ماتنسى ذاكرتج يمه فهد : شلون تحبين اشيلج ريان :اهي موته موته كيفك فهد وقف : اوكي اوقفي ريان وقفت واهي معصبه فهد شالها على جنب .. ايده صوب ركبها من ورا والثانيه ورا ظهرها واهي ماسكه رقبته فهد : احلى لحظه بحياتي انج بين احظاني ريان :لا والله فهد : ايي والله ريان : عمري ما راح اصدق هالحجي منك فهد : وليش يعني ريان: انت كنت قادر تضيع سحر لأنها رفعت صوتها عليك مع انها بنت عمتك فشي طبيعي انك تقزرها معاي مثلي مثل غيري فهد: انتي غير ريان : شلون غير فهد | |||||||||
|
| |
|
09-09-13, 12:45 PM
| #20 | |||||||||
| نجم روايتي ومشرفة سابقة وفراشة متالقة بعالم الازياء
| بكذا طرحت لكم 10 بارتات يعطيكي العافية cherry يا عسسل على التواجد لمووووره يسعدك ربي على الايكات ما تحرمش من تواجدك يا سُكرره قراءة ممتعة تحيتي | |||||||||
|
| |
|
| الكلمات الدلالية (Tags) |
| أحبك, أعلى, bronz, الكاتبة, girl, غلاتي, عاشق, ولاني |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
