آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
10-09-13, 09:42 AM
| #21 | |||||||||
| نجم روايتي ومشرفة سابقة وفراشة متالقة بعالم الازياء  
|  البــارت الحـــادي عــشر فهد واهو يدخل بالماي : لأني احبج ريان نزلت دموعها: مستحيل اصدقك انت قايلها حق مليون وحده غيري فهد: بس عمرها ماطلعت من قلب الا هالمره ريان : شنو اللي يثبتلي انك مو قاعد تقص علي فهد : قلبج بيحس ريان: آ فهد : ريان انا احبـج وبلحظه نزل شوي شوي ريان : ليش ماقلتلي انك بتنزل فهد : كانو يبوني اقطج بس مستحيل نزلت شوي شوي عشان بس هدومج ينبلون ماي ويصدقون ريان ضحكت فهد: فديت هالضحكه وراعيتها ريان : خلاص نزلني ارد بروحي فهد : لا انا ماصدقت اني شايلج هالمره انزلج ريان : لا والله فهد : ايي والله .. ريون بطلبج طلب صغير ريان : شنوو فهد: بأجر يخت اهني ونروح انا وياج شرايج ريان : لا والله تبيني اعيد هذيج التجربه مره ثانيه فهد : يالعياره ما استانستي انج شفتي الشروق ريان : امبله والاحلى انها معاك يلا نزلني ترا وصلنا فهد : اوكي ونزلها عايشه : ماشفنا بس المهم انترستي ماي ريان : كان شعور وايد حلو شكرا عواش يلا بقوم ابدل فهد : ريون لا تنسين اللي قلتلج عليه ريان : ماراح انسى في وسحر بلقافه : شنو شنو ريان : سوري سر بيني وبين ولد عمي في : مالت علي انا وهاللي يمي طاحسين اهني والحبيبه كانت بأحظاان وااحد مزيون سحر : الله يرزقنا بس وين نلقى واحد يشيلنا من اهني لي البحر راضيه لو يغرقني بس المهم اني كنت بحظنه في : هههههههه ايي والله ريون شنو كان شعورج ريان : شي حلوو يلا باي في : الكلبه راحت بس سحر لازم نجرب سحر : انا اقولج نييبلنا واحد اجنبي حلو ونقوله يسويلنا جذي في : فكره بس وين بنلقى هالاجنبي سحر: خلينا نمشي عالبحر لين نلقى عادي واحد نتشارك فيه انا وياج في :يلاا وراحو من صجهم عالبحر --------------------------------------------------- فهد " قلتلها واخيرا قلتلها بس انشالله انج تقدرين تبادليني هالشعور اليوم لازم نروح اليخت عشان اتفاهم معاها ريان " اليوم شنو البس لا رحت وياه بلبس شي وسيع ويغطي عشان لا يصير نفس المره اللي طافت ---------------------------------------------------------------------- عند الحريم ام سيف :والله زين قمنا ولا جان بيضيع يومنا كله بالنوم ام عبدالله : تعودنا على النوم بعد الغدا ام عمر : حتى ماندري الشباب شسوو ما سوو ام عبدالله :لا تحاتينهم مدبرين عمرهم ريان توها نازله : اوو قعدتو صح النوم الحريم : صح بدنج ام سيف : تعالي قعدي يمي ريان قعدت : هلا ياعيوني انتي ام سيف : اموت بلسانج هذاا قوليلي شسويتو اليوم كل شي ابي ريان : اممم انتو نمتو احنا البنات لعبنا اونو وبعدين فهد واحمدو يوقالو انهم متمللين قعدنا كلنا برا صوب الزرع ولعبنا لعبه صراحه ام سيف : ايي استانستو عاد انا احب هاللعبه فيها جرأه شوي قوليلي شنواهم الاجوبه ريان : لا اسمحيلي عمتي هذي خصوصيه ما اقدر اجاوبج ام سيف :زين زين ماكو طلبات جذي مني مناك ريان : امبله انا طلبت مو عواش تقوم تكلم واحد بو شعر مدهن تقوله ابي رقمك وبعدين تقطه بويهه وداقين عليها وحاطينه سبيكر عشان نسمع ام سيف : هههههههههههههه اتخيل شكله كسر خاطري ريان : اييي ضحكنا ضحك عليه مسكين ام سيف: وبعد ريان : عواش الكلبه يعني بتردلي حركتي طلبت من فهود يشيلني يقطني بحر ام سيف تحمست : وشالج ريان :ايي ام سيف : استانستي ها ريان : عادي ام سيف : اعترفي اعترفي الا بتطيرين من الوناسه فهود شحلاته وشايلج ريان : اوكي بس شكو استانس ام سيف تساسرها : اعترفي تحبينه ريان ويها احمر : ها ام سيف : بس عرفت الجواب واهو ؟ ريان نزلت راسها :اي ام سيف : حلاتكم والله طايحين له عشق وغراميات ومجابلين بعض بالبيت 24 ساعه ريان : هههههههه لا شكو اهو اليوم قالي ام سيف : لما كان شايلج ريان : ايي ام سيف : ولد اخوي رومنسي ريان : ههههههههه ام سيف : ماقال بيشوفج مني مناك ريان : امبله بس انا يمكن ما اروح ام سيف : شقال ريان : عمتيي ام سيف: لا يكون عادتني عمتج اعتبريني وحده من البنات ريان : ولا وحده فيهم تدري ام سيف :قوليلي يلا مابينا هالسوالف ريان : يبي يأجر يخت ونروح انا وياه ام سيف : اذا حابه تروحين روحي انا استر عليج وترا فهد يخاف عليج مستحيل يتهور اعرفه انا ريان : مادري ام سيف : روحي استانسي وعيشي حياتج انا بعمرج سويت جذي واكثر ريان :ههههههههههههههه ام سيف : قوليله انج موافقه ريان : انشالله ------------------------------------ احمد : شباب بنات ترا اليوم السـاعه 12 بنسوي سمره اهني بغني انا بصوتي الحنون فرح : يا انته سحر : لا لا ما اعبر عالصوت الحنون احمد : طبعا طبعا انا بغني بس عشان معجباتي سحر : مالت على معجباتك بس احمد : لا تغلطين ما ارضى عليهم سحر : واااي اسمله عليك احمد : فهود شووف الحلوه تخاف علي سحر: وييع منو انت عشان اخاف عليك احمد : واحد مزيون فهد : اقول خلك ترا هذي الحجي ضايع معاها.. شباب مو ناوين تتسبحون احمد : ايي والله يايين الشاليه عبط ؟ قومو بدلو خنطب بس فهد: ايي والله انا علي بس افصخ تيشيرتي احمد :ايي وانا بعد فهد : هذيل تمبل قعدتهم تملل بس جذي يقعدون قوم خل نتسبح اهم يتشوقون ويطبون ريان : فهد انطر فهد ابتسم : هلا ريان : لا تطبون بصوركم فهد : اوكي بسرعه ريان راحت ركض ويابت كاميرا الفيديو ريان : قوه الكل : يقويج ريان : اممم هذيل الشباب مبسطين هني مايسوون شي والبنات مقزرينها حب وسوالف بالــbb في : حياج ريوون ريان : لا بصور بعدين في : اوكي ريان : هذي عواش توها يايه مادري من ويين .. الرياييل هناك يلعبون جنجفه مادري شنو بالضبط هذا احمد احمد يفصخ تيشرته : لاتصورين وانا قاعد افصخ ريان : مالت واخر شي هذا فهوود احلاهم فهد : ههههههه ايي والله شحلاتي كل البنات ذايبين علي ريان بضيق : ايي مشالله ماكو وحده ماذابت عليك فهد : ادري ريان : هذا فصول مع فجرو يلعبون بالتراب فيصل : لا تثورين وكري وياخذ تراب ويكته عليها ( لا تصورين وخري ) فجر : فيصل حبيبي عيب مايسوون جذي فيصل : بث اهي تثولني وانا ما اهب ( بس اهي تصورني وانا ما احب ) ريان : مالت عليك صكرت التسجيل وراحت عند فهد ريان تساسر فهد : ممكن تلبس تيشرتك فهد : ليش ريان : كل البنات متنحين بجسمك فهد : وعناد فيج ما راح البسه ريان : اوكي .. يلا طبو بنشوفكم فهد واحمد رايحين ركض بيطبون ريان : بنات خل نطب وياهم فرح : لا لاتطبون انا ناسيه مايوهي ريان : انا اعطيج يايبه اثنين اخذي اللي تبينه اثنينهم يدد فرح : يصيرون قدي ريان : ايي قلب ماكو فرق بينا سحر : يلا قومو بدلو البنات : اوكي وقامو سحر : عواش يلا عايشه : لا انا ما اقدر عندي عذر بعدين اتلفكم هناك البنات : ههههههههههه في : عيل تعالي قعدي هناك يم البحر تشوفينا اقرب عايشه :ايي يايه بس على ما تخلصون بعد 10 دقايق عايشه : اووه شالكشخه سحر :جب تعالي حطي كريم على ظهري البنات كلهم كانو لابسين مايوه شورت وحفر بس ريان ظهرها كله طالع ريان : شكلكم مطولين فلت شعرها وفصخت نعالها وراحت ركض | |||||||||
|  |
|
10-09-13, 09:45 AM
| #22 | |||||||||
| نجم روايتي ومشرفة سابقة وفراشة متالقة بعالم الازياء
| بالبحر احمد يتسبح ولايدري عن احد وفهد طلع معصب فهد : ريان قومي دشي داخل ريان : عفوا ؟ بعد مابدلت وييت ركض تقولي دشي فهد : انتي شايفه مايوهج ريان : ايي عاد احمر اللون اللي تحبه عليه فهد : بعد المره اليايه تعالي بقطعتين ريان :لا والله فهد: شدراني عنج يابنت الناس اغار ريان : يوم قلتلك البس مارضيت انا بعد ماعندي مايوه غيره فهد : اخذي من فيون ولا ليان كا كلهم مايوهاتهم الشورت طويل وظهرهم مغطي ريان تساسره : سحر لابسه احمر وطويل وصاير شكلها كيوت روح رقمها لأنها حلوه وعاجبتك عن اذنك و على طول دخلت البحر وغاصت وتسبحت لين دخلت نص البحر ريان : احمدوو احمد : هلاا ريان : بروح هناك تعال معاي احمد : مالي خلق ريان : افف خلااص انا رايحه بروحي وكملت سباحه فهد رد دخل البحر : احمدو البنات بيون ديربالك عليهم.. وين ريون احمد: بتروح هذاك الصوب فهد : من صجها بتروح لي هناك بروحها احمد : ايي فهد : اوكي وطلع من البحر بيروح الشاليه -------------------------------- عايشه : بس خلاص روحو طبو وبعدين ليش ماتحطون تان سحر: سوري انا مابي اخرب لوني في : انا عاجبني جذي يلا سحر مشينا سحر : يلا وخذو فرح وراحوو فهد : بنات في : هلا فهد : فيون ابي جنطه اي بطيخ احط شغله داخله عشان بالبحر ماينبل في : مثل ؟ فهد: تلفوني في : امم بالمطبخ في جيش تحسه ثقيل هذاا ما يبل حط فيه تلفونك بس لفه بفوطه فهد : اوكي سحر : من صجه بيدخل فونه البحر في:اخوي خبل بالبحر في : واي وناسه سحر : ايي حده فرح : يلا بنات نلعب نغوص واحمد يعد لنا واللي تفوز تطلب من الباجي سحر وفي: اوكي احمد : يلا غوصو ..1 2 3 وغاصو فهد : احمدو انا رايح عند ريون اوكي احمد : اوكي وشنوهالجيس فهد : حاط فوني احمد : غبي فهد : ايي وحطه على ظهره وراح باسرع ماعنده لها فرح طلعت : وه بس احمد : 66 ثانيه فرح : الحمدلله زين بعد جم ثانيه طلعت في : لاا بس خلاص انخنقت احمد : سحر طلعي فزتي في تسحبها سحر تاخذ نفس : انخنقت في : بس فزتي كلووولييش سحر : اممممم شنو اطلب شنو اطلب احمد: تحدي معاي انا اذا فزتي طلبي مني؟ سحر : اوكي بس خل اريح شوي احمد: اوكي الصوب الثاني من البحــر فهد وصل وما لقاها قعد يمشي لين لقاها واقفه واهي لامه جسمها طلع الفوطه مش جسمه ولفها على خصره وطلع الثانيه وراح شوي شوي غطاها فيها ولمها ريان اخترعت فهد : شفيج اخترعتي ريان : سوري ماكنت ادري انك بتيي فهد : مايهون علي اخليج اتيين اهني بروحج ريان : اهـا فهد : ريون ريان : هلا فهد : خلينا نقعد اهني نشوف الغروب ريان : هههههههه جربنا الشروق هالمره الغروب فهد : ايي ريان : ممكن توخر وضعيتنا مو حلوه فهد : ليش والله حلو واقف وراج ومغطيج بالفوطه ريان : وخر وشالت ايده و وخرت فهد : صايره تتضايقين من قربي ريان : فهد حتى لو هالشي حرام فهد : يابنت انا اعشقج تفهمين شنو يعني .. ما اقدر اشوفج وما اكون قريب منج ريان سكتت فهد : ناطرج تخلصين ثانوي عشان اخذج ريان : منو قال اني موافقه فهد : انا اقول لأني اشوف موافقتج بعيونج ريان : لا والله .. فهود اهني شنو اكو بالضبط فهد : ماكو ارض خاليه ريان :امممم فهد يمشي يمها وقعد يغني لها : حبيبي لو يكون مهما يكون لو بعدت عن العيون .. انت في الدنيا نصيبي حبيبي قلبي لك لا مايخون .. لو رحلت في أي كون في الحشا تبقى حبيبي .. حبيبي اقولها من صميم القلب .. ياحبيبي ابد قلبي غيرك ماحب أنت روحي انت عيني .. وأنت كل شي في الوجود أنت شوقي واللي فيني .. وأنا باقي عالوعود حبيبي لو يكون مهما يكون لو بعدت عن العيون .. انت في الدنيا نصيبي بعد ماخلص فهد: احبــج ريان تطالع جدام : | |||||||||
|
| |
|
10-09-13, 09:49 AM
| #23 | |||||||||
| نجم روايتي ومشرفة سابقة وفراشة متالقة بعالم الازياء
| البـــارت الثــاني عشــر احمد : يلا 1 2 3 وغاص اهو وسحر ------------------------------- بالشاليــه فيصل : ابي بلد ( ابي برد ) فجر : حبيبي اليوم ماكل واحد فيصل : بث واهد واهد واهد ( بس واحد واحد واحد ) فجر : فيصل حبيبي فيصل زعل : انتي ماما مو هلوه (انتي ماما مو حلوه ) الكلمه رنت بأذن شخصيـن سيـف وفـجر مـــامــــا مـــامــــا مـــامــــا مـــامــــا مـــامــــا فجر استوعبت : فيصل حبيبي تعال شوي فيصل يه : نأم ( نعم ) فجر : راح اعطيك برد بس تسمعني اول شي فيصل : ثين (زين ) فجر : حبيبي انا اسمي فجر فيصل : ادلي ( ادري فجر : حبيبي انا مو ماما انا فجر فيصل : أيل وين ماما ( عيل وين ماما فجر: ماما ياحبيبي فوق بالسمـا فيصل : ماما تمثك الثما أدي ( ماما تمسك السما عادي فجر : لا حبيبي باجر لا كبرت بتفهم فيصل : بث انتي ماما مو اللي فوق بالثما (بس انتي ماما مو اللي فوق بالسما فجر : حبيبي انته ولمته فيصل : ابي بلد ( ابي برد فجر : يلا وراحت تييبله برد سيف : فصول فيصل : بابا هبيبي ( بابا حبيبي سيف : تعال حبيبي اشيلك نروح نلعب فيصل : لا لا مابيييه انا ابي الوه مأأ ماما فجر ( لا لا مابي انا ابي اروح مع ماما فجر فجر : حبيبي توه شقلنا فيصل : مابيييه انا ماأندي ماما بالثما بث انتي ماما ( مابي انا ماعندي ماما بالسما بس انتي فجر : فيصل فيصل لمها وبجا : انتي ليث ماتهبيني انا اهبج وايد وانتي ماماتي انا بث ( انتي ليش م اتحبيني انا احبج وايد وانتي ماماتي انا بس سيف : خلاص حبيبي صير عاجل عشان ماما تحبك فيصل : ثج ماما ( صج ماما فجر : ايي حبيبي يلا تعال اعطيك برد بس اخر مره فيصل : ثين ( زين سيف" يحبها لدرجه مايالي وقعد عندها --------------------------------------------------------------------- ريان تطالع جدام : احبك فهد منصدم ولف عليها : ريان ريان : هلا فهد : شقلتي عيديها ريان تستعبط : قلت هلا فهد : ريون بليز اول كلمه يلا عاد عشاني ريان :هههههههههه فهد : ريووون ريان : فهوووود فهد : ريان بقطج بحر ان ماقلتيها ريان : استحي فهد : مره وحده عشاني ريان : لاا فهد " شكلي بستخدم اسلوبي المعتاد فهد وعينه بعين ريان وبصوت حنون واهو ماسكها من خصرها : احبــج يا اعز ناسـي ريان لا اراديا : انا بعد احبـك فهد قرب منهـــا لين صارو شفايفه بشفايفها ------------------------------------------------ احمد : سنه تختارين طلب سحر : ايي لقيتها احمد : شنوو سحر : اليوم لي غنيت غن لي اهداء احمد : انشالله وطلبج الثاني سحر : تدق على وحده من اللي تكلمهم وتفل منها وتقولها لأنك حبيتني فماتبيها وجدام الكل طبعا الكل يدري عبط احمد : اوكي سحر : انا اللي اختار البنيه احمد : شعرفج فيهم سحر : بشوف الاسامي احمد : لا يبه سحر : والله عاد اتوقع مو حلوه بحقك اذا الكل درا اني طلبتك وانت رديتني احمد بطنازه : تامرين يا سحر سحر : ايي جذي اوكي ----------------------------------------- ام سيف : الا يا ام عبدالله متى عرس فواز و ريم ام عبدالله : متى ما اهم حددو ام سيف : اها .. ايي ترا اليوم بنشوي ام عمر : وين بتشوون ام سيف : احنا قلنا مانشوي صوب البحر خل نقعد الصوب الثاني صوب الزرع ام عمر : اذا جذي احسن عشان مو كل من مر عيونه علينا ام عبدالله : ايي والله الا الساعه جم الحين مالبست ساعتي ام خالد : 6 و ربع ام عبدالله : ومتى بتشوون ام سيف : عالـ 10 نبدي ام عبدالله : واللحم متبل ام خالد : ايي بس علينا نرزه بالصياخ ام عبدالله : انشالله -------------------------------------------------- سحر : فيووون في : هلاا سحر : جيكي على هالاجنبي اللي الحين بيطلع من البحر في : يمه فديته هذا المزيون اللي ابيه سحر تطيح على في : يمــه ياحلاته احمد : استحو على ويوهكم انتي وياها هذا وانا اهني سحر : تمنالنا الخير احمد : قومو دشو الشاليه لا اغرقكم اهني في وسحر انحاشو في : بروح اقوله يشيلني سحر : من صجج في : ايي والله احمدوو ترا عادي عنده .. احمدو فري كويت سحر : ونااسه عيل دام ماكو احد يشوفنا في : يلا مشينا سحر وفي راحوله سحر : Hii الريال : Hii في : what's ur name الريال : عفوا اختي سحر : فيون طلع كويتي في سحبت سحر وراحو الشاليه ركض عند الشاليه ريم : فواز شفيهم في وسحر يايين ركض فواز : مادري والله في وسحر اول ما وصلو بطوها ضحك ريم : ميانين فواز : الله يهديكم .. دام وصلتو قعدو معاها انا بروح اشوف العبد في وسحر :اوكي وكملوها ضحك ريم : شصاير في خذت نفس :الله يخليج انا وياها كنا نبي اجنبي يشيلنا يقطنا بحر مثل ريون رحنا كلمنا واحد اشقر وابيض عيونه فاتحه توقعناه اجنبي سحر : اخر شي يوم سألته عن اسمه قالها عفوا اختي ريم : ههههههههههههههههههههههههه ههههههههههههه احسن في وسحر : تفشلنا ريم :عشان تتأدبون ولا هذي حركات تسوونها في : شسوي حسيت بنقص قلت اخلي اجنبي يشيلني طلع كويتي سحر : انا ابصملج بالعشــر انه امه مو كويتيه في : ايي اكيد ريم : يلا قومو تسبحو وبدلو وتعالو قعدو معاي وبزعل فواز راح سحر : روحيله ريم :ايي بروحله بقوله يمشيني عالبحر في : عشان تزيدين من قهرنا سحر : ايي والله حسي فينا احنا فينا نقص وانتي كل شوي معاه رايحه عالبحر في : سحور سحر : هلا في : ريان من اول ما طبينا ماشفناها وفرح ليلحين هناك وليان مادشت البحر سحر : ايي والله وينهم في : مادري ريم : شوفو سألو احمد بعد 10 دقايق ردو حق ريم معصبين في : الاخت ريان رايحه الصوب الثاني مع فهود سحر : واحنا لنا الله في : هناك طايحتله غراميات واحنا نطحس اهني لا حبيب لا شي سحر : وينوو حبيبي في تكمل عنها : راح عني ولا جاني سحر : اه يا خوفي ينساني في : وينسى حلو الاماني سحر : وينــــــــو حبيبي في : حبيبي هذاك المزيون اللي قاعد يلبس تيشيرته سحر : وينه وينه في : هنااك شوفيه سحر :اخيـــــه وينه من زمان في على طول غنت : تعال ضمني وقلبك موطني ابي بعض الحنان وينك من زمان سحر : يبتيها بوقتها في : اعجبج بس سحر : نروح نكلمه ؟ ريم : ما تتأدبون انتوا سحر وفي : لا وطالعو بعض وضحكو ريم : انا ادخل عند الحريم وايد احسن وراحت عنهم في : خل نروح نتسبح ونبدل وايد ابرك سحر : اوكي بس لا تنزلين بدوني في : اللي تخلص تيي عند الثانيه سحر : اوكي -------------------------------------------------- | |||||||||
|
| |
|
10-09-13, 09:58 AM
| #24 | |||||||||
| نجم روايتي ومشرفة سابقة وفراشة متالقة بعالم الازياء
| ليـــــــــــــــــــــــ ـــــــان ليان : محد فكر يسأل ويني ولا حتى دقو هههههههه وانا اللي اقول توأمي بيسألون عني وحده راحت مع فهد الصوب الثاني من البحر و وحده من شافت سحر التهت عن الكل : وليش متضايقه منهم ليان : بالعكس انا مو متضايقه ولا عمري تضايقت منهم ولا بتضايق .. انا تهمني وناستهم ودام الحين مستانسين انا مرتاحه : عيل ليش ضايق خلقج والدمعه بعيونج ليان : ابجي على حالي انا همتني وناستهم واهم ولا فكرو ويني : يمكن قاعدين يدورونج ليان: يقدرون يدقون : والحل ليان : بقعد اهني وبشووف متى بيدقون : تعالي ليان : وين : تخافين مني ليان :لا شدعوه :تعالي يمي عشان تحسين انه في احد حاس فيج ومهتم لج ليان : ييت وثانكيو : ولوو مابينا هالسوالف ليان :هههه عادي عندك مخليهم وياي معاي : اكيد عادي ليان : يلا انت قول ليش متضايق : اليوم اكتشفت شي ليان: اللي اهو : سحر ليان : شفيها سحر : امي تبيني اتزوجها ليان : وليش مو موافق علي : ليان انا كنت احب وحده وتزوجت مغصوبه لأنه ولد عمها خطبها ومستحيل اهلها يقولون لأ وسحر مثل اختي مابي اظلمها معاي ليان : اوكي وليش انت متضايق اهي ماتدري عن شي علي : سحر تحبني ليان : شنوو علي : اليوم العصر لما دخلت الشاليه سمعتها تقول حق فجر انها تحبني ليان : بس مو مبين علي : عشان جذي انا انصدمت وشكلي بخطبها قريب ليان : وتظلم روحك وتظلمها معاك علي : بحاول قد ما اقدر اني اشوفها من ناحيه ثانيه ويمكن اقدر اتقبلها كزوجه فأقول حق امي تخطبها ليان : قلبك كبير تدوس عليه عشان راحتها علي : لو كنتي مكاني ؟ ليان : بسوي اللي بتسويه على الاقل لي مت بعد عمر طويل تكون فخور بنفسك انك ضحيت عشان سعاده شخص ثاني علي : شبي اكثر قلب صغير مايعرف من هالدنيا المصالح والجذب يحبني ويبيني ليان : عيل توكل على الله واخطبها قبل لا تضيع البنيه منك وبعدين مو كل يوم تلقى وحده مثل سحر تحبك علي : ادري والله ليان غمزتله:مبروك يامعرس علي : هههههههههه يبارك فيج يلا قمنا خلينا نرد ترا تعبت من كثر المشي وبعدنا وايد عن الشاليه ليان : خل نرد سباحه علي: من صجج ليان : ايي علي : وتيشيرتي وباجي اغراضنا ليان :ايي صح نسيت علي : فكري عدل قبل لا تقولين عن مشروع ليان : اووه تكلم المهندس علي: انشالله اصير مهندس ليلحين باقيلي كورس ليان : ليش ماخذيته صيفي علي :مالي خلق وبصراحه ليش احرم روحي من الوناسه مع اهلي عشان دراسه كلهم معطلين الا انا خل استانس والكورس الياي اتخرج ليان : انشالله الله يوفقك علي : اجمعين ..ايي صج وين حابه تدخلين ليان : محتاره بين اثنين علي : اللي اهم ليان : حقوق او علم نفس علي :اثنينهم حلوين ليش محتاره ليان : بصراحه انا عمري ما ابتعدت عن توأمي ومن اول سنه دراسه انا كنت معاهم اهم الاثنين انا مو اجتماعيه فما اقدر ادخل مكان بروحي ما اعرف فيه احد علي : شلون يعني ليان : في وريان اثنينهم خواتي واكثر ريان بتدخل علم نفس و في حقوق وانا لازم ادخل مع وحده فيهم علي : ليان ليان :هلا علي : هذا مستقبلج انتي مو اهما يقررون عنج اذا بتدخلين مكان عشان خواتج ما راح تنجحين لأنج مو مرتاحه فيه ليان :بس انا علي : لا بس ولا شي .. قوليلي شنو الشي اللي تحبينه ومايحبونه هالثنتين ليان : الخيول انا اموت فيهم بس اهم لا حتى ريحتهم يكرهونها علي : تعرفين تركبينهم ليان : ايي كنت بنادي الفروسيه وهناك تعلمت حتى روضت خيل ولد خالي علي : شي حلو كا قدرتي تدخلين بدونهم ليان : لأني احب الخيول علي : اوكي عيل حبي شي عشان تقدرين تدخلينه وتستمرين فيه .. يوم كنتي صغيره شنو كنتي حابه تصيرين ليان :ههههههههههههههه اللي كنت احلم فيه مستحيل يصير علي : ليش ليان : لأني جبانه علي : لا تقولين جذي لو جبانه جان ما قدرتي تركبين خيل من خوفج بس انتي جازفتي وركبتي ليان : لو مو جبانه جان قدرت ادخل علمي علي : شنو كان طموحج ليان:هندسه علي : ودخلتي ادبي عشانهم ليان: بالضبط علي : اذا هذا طموحج عيدي 11 مره ثانيه ودخلي علمي ليان : انا ماصدقت على الله انه سنه ونخلص من المدرسه هالمره اعيدها وبعدين نسبتي حلوه ما اضمن اني اييب مثلها اذا عدتها علي : عيل لازم تحطين شي ابالج مو معقوله بتدخلين شي ماتحبينه عشان خواتج ليان : مادري خلني افكر علي : على راحتج بس نصيحتي لا تدخلين شي ماتبينه عشانهم ليان : انشـالله ------------------------------ ريـان وخرت راسها فهد : ليش ريان : سوري فهد همس بأذنها: فديت شفايفج عسل تقدرين تقولين اني بستج 5 دقايق تقريبا ريان ويها احمر : خلنا نرد فهد : تقدرين تتسبحين من اهني لي هناك ريان: عيل نعيش هني فهد : فكره ريان : هيهيهي فهد : نروح بيخت ؟ ريان: الغروب وخلص ليش نروح فهد : وليش نتعب عمرنا ريان :خلنا نرد سباحه فهد : عطيني الفوطه عيل ريان : اوكي وعطته وخذا الفوط وحط فونه بينهم ورداهم بالجيس فهد مسك ايدها وباسها : الله يخليج لي وانشالله تكونين من نصيبي ريان : ههههههه امين فهد : حلاتها المستحيه يلا نزلي بحر ريان وفهد نزلو شوي شوي لما وصلو نص البحر فهد : ريون ريان :هلا فهد : غمضي عيونج ولا تشوفين بقولج شي ومستحي ريان صدقته وغمضت : يلا قول والله موقاعده اطالع فهد قرب ومسك ايدينها الثنتين واهي جباله :قولي احبك اول ريان :لا ما اقدر فهد : خو مو قاعده تشوفيني يلا جني مو جدامج ريان :اوكي .. احبــك فهد : وانــا اموت فيــج ريان : اقدر ابطل عيني فهد :لا ليلحين ماقلت اللي عندي ريان : اوكي فهد على طول شالها ريان : نزلنيي فهد : ماكو ريان : نزلني فهد : مستحيل ريان :يلا عاد فهود فهد : قولي احبك وبوسيني ريان : اوكي احبك وباست خده بسرعه يلا نزلني فهد : نو نو ريان : لا والله سويت اللي تبيه بعد شتبي فهد : ابي بوستي اهني ومد شفايفه ريان : ماكو يلا عاد فهد : عيل بشيلج طول العمر ريان :فهوود يلاعاد فهد:نوو ريان تتدلع عناد : فهوودي فهد تنح : عيوني ريان وتكمل دلعها :نزلني حبيبي فهد: بوسيني اول ريان : انزين بس بسرعه فهد : ايي بسرعه مثل توه لما بستي خدي ريان : اوكي وباسته بسرعه بس فهــد | |||||||||
|
| |
|
10-09-13, 10:02 AM
| #25 | |||||||||
| نجم روايتي ومشرفة سابقة وفراشة متالقة بعالم الازياء
| البــارت الثــــالـث عشـــر بــس فهد عاض **** فمــا تقدر توخر ريان تحاول تطلع صوتها : اييييييي فهد على طول خاف و وخر : شفيج قلبي ريان : عورتني يالمليق فهد : افا ريان بوزت : ما احبك يالمليق نزلني فهد نزلها : شفيج حبيبي ريان : مليق عضيتهم حيل وانت قلت ابوسك بسرعه فهد :كنت بعضهم عشان اخليهم يم شفايفي وابوسهم كيفي حلالي ريان : فهود انا ما احب هالحركات وبعدين انا ليلحين ما صرت لك ماتزوجنا فهد : لا تخليني اتهور واقول حق عمي انه بس ملجه ريان : ياويلك فهد : اوريج وتشوفين ريان : اوكي انا رايحه وغاصت وتسبحت رايحه عنه ----------------------------------------- الســـاعه 10:15 ريان ماسكه كاميرا الفيديو وتصور ريان : قوه اليوم الاثنين الساعه 10 وربع قاعدين بالشاليه داخل يعني مو عالبحر الصوب الثاني انا ريون وهذييل الرياييل قاعدين يشوون .. اهني الحريم يجهزون اللحم اهني الكل مبسط ناطرين فهود واحمدو اييبون الجيتار والعود لأنهم ماينشالون من سياره فهد علي : وينهم طولو ريان : دقيقه خلوني اتكلم .. فصول من لما وصلنا مايهد فجور سحرته البنيه فجر : المحبه من الله لا تحسدينا بس في : كفاك الله شر الحاسدينا سحر : اموت فيج في : يا حياتي اهواج انا سحر :استحي في : مو لايق وتطق جتفها سحر : لا اقوم لج الحين في :تعدلي يمه سحر : ايي بس رديت بنيه في : ههههههههههههههههههه ريان :فهد واحمد واخيرا وصلو احمد وفهد قعدو ..فهد: ريون قعدي ريان : ايي بقعد اهني جبالكم عشان اصوركم وانتو تعزفون وبعدين احط على اللي قاعد يغني فهد : شلون تحبون يكون الوضع احمد : يبه اللي بيغني يقول الاغنيه نعزف له ويغنيها وخلصـنا فهد : ايي والله .. اول خلونا نبدي بالاهداءات احمد يطالع سحر : ايي بعد انا عندي اهداء فهد : يلا انا ببلش اول اهداء الكل :عاشو ويصفقون له فهد : لا داعي لا داعي في : لا يوقف لا يوقف البنات معاها: لا يوقف لا يوقف فهد : بس خلوني اغني الكل :يلا فهد :احــم وقعد يعزف وبصوت حنون بدا يغنــي وعينــه على اللي ملــكت قلبه واهي ماشالت الكاميرا من عليه ولا حتى عينها . اكبر من الشوق فيني حياتي انته وسنيي لي غابت الشمس عن عيني أحس نورك يدفيني آه بعيونك أشوف احساس ماشفته بعين الناس أشوف الحب له معنى ذوقه حلو ويرويني من شوقي سألت الكون عن حالك حبيبي شلون عرفت انك قلب ساهر يعدي الوقت ويبغيني اكبر من الشوق اكبر من الشوق فيني تدري بي حبيبي حيل أشتاقلك نهار وليل أحس بريحتك نسمة وأشوفك نجمه تضويني الكل قام يصفقله فهد : اخجلتو تواضعي ريان وتحاول تطلعها بعبط عشان لحد يشك : فديت تواضعك فهد :ههههههه يفداج والله مايغلى عليج ترا ريان : تسلم تسلم فهد : يسلمج يلا بوشهاب عطنا هذاك الاهداء اللي بيوقف قلوبهم احمد يستعبط : im barbie girl in the barbie world الكل : ههههههههههههههه فهد : لا تستعبط غن يلاا اطربني ياحبيبي احمد : تامرني ياحلو انته فهد : اذوب جذي لا تغازلني استحيييييييييي احمد : جب لا ابوي يفلعنا فهد :هههههههههههههههههههههههه� � احمد : ايي ترا الاغنيه اهداء حق سحر لأنها طالبتني اغني لها اهداء فهد يساسره :حبيتها يالكلب احمد : لا يبه بس تحدينا وفازت وطلبتني فهد : اوكي احمد : يــلا احم احم الكل يصفقله احمد : جبو بس بغني اميرة بـ طلتها .. اميره بـ هيبتها .. اميره وخلتنى بـ حيره مثيره بـ مشيتها .. مثيره بـ هيبتها .. مثيره تسحر قلوب كثيره الله الله ع الجمال .. اللي مثله ما نطال الله الله ع الدلال .. صدق من سماها وقال اميرة .. سحر ويها احمر : اخجلتني بصراحه احمد : واضح بدون ماتقولين الكل يصفقله ليان : اخووي طلع ذوييق احمد : من زمان بس انتي شعرفج هيلقيه ماتعرفين شي ليان : هيهيهيهي ام سيف : واحد فيكم يتبرع ويغني شي حق رويشد علي : انا بغني فهد : اطربنا علي : عليك الله فهد : اوكي فهد بدا يعزف وعلي قعد يغني وينك عليك الله لاهي ولا تبالي ماقوى على فرقاك يا عمري لو ليلة قاسي ولا يعنيك همي وغربالي قلي شسوي فيك ضاقت بي الحيله سحر " ليلحين يفكر فيها وحزنه اهي سببه ناطر تجيني يوم واشوفك قبالي قلبي من الحرمان زادت غرابيله آمر تدلل قول ما دامك الغالي شـ اللي تبيه وارضيك همك انا اشيله سحر " لو بإيدي جان ماخليتك مجروح وتعاني بروحك جان مسحت على قلبك حتى لو ادوس على قلبي بس المهم انت مرتاح ليت الزمان يعود والوقت يصفالي اعزف معاك الشوق واسمع مواويله طال الصبر وياك صاب الشقى حالي قلبي تعب وياك هد الجفا حيله سحر " صوته حلو بس شالفايده دام ماغنى الا لها فجر :لا تتضايقين سحر :لا عادي وقامت تصفق معاهم علي " تكابر وايد فهد :بتغنون ولاا شلون سيف : اقول فهيد عن القرقه الزايده وغن انت فهد : لا مو بخاطري ام سيف: والله هذي القعده السنعه ونااسه والله عيال اخواني عسل علي : و ولد اختج مو وياهم ام سيف : انت الحلا كله علي :لا لا استحي خفي علي ام سيف :يلا عااد اوهوو علي :ههههههههههه سحر : انا بغني تسمحون لي فهد : اكيد شبتغنين ؟ سحر : امممم انا محتاجك الليلة بحاجة قلبك أحكيله ولا حسيت بشوقي لك مثل ما أحس هالليلة ضروري نلتقي الليلة أحس الوقت ما يمضي وأنا ماني على بعضي وعمر أنفاسي ونبضي ما كانوا مثل هالليلة ضروري نلتقي الليلة بحط أيدك على قلبي وأقول لك شف وش مخبي عليه قلبي هاليلة ضروري نلتقي هالليلة ليان وعلي كانو عارفين قصدها الكل يصفقلها وعلي بــاله بعيد ام سيف : علي شفيك خاز بنتي تراهي مخطوبه علي استوعب : لا تذكرت شي مع اغنيتها سحر " انا اغنيله واهو يسمع ويردده لها الله يعيني ام سيف : ايي تعدل ترا ما نرضى علي : انشالله بعد ساعه بالضبط الكل غنى وكل واحد غنى على حسب مشاعره بس محد حس فيه غير اللي يدري عن اللي بداخلـه ام عبدالله: يلا قومو اكلو الحين يبرد وماتشتهونه فهد قام و وقف يم ريان : هذا اول لنا عشا مع بعض احنا عارفين اللي بالقلوب ريان : اشش فهود لحد يسمعك فهد : شوفي شوفي الحين بأعلن عن سالفه حلوه ريان : شنو فهد : عمي بوعبدالله : هلا فهد فهد : عمي طالبك لا تردني بوعبدالله : ما اردك يالغالي فهد راح باس راسه : عمي انا ياي وابي القرب منكم وبصراحه انا خاطري بريان بعد موافقتك يعني بوعبدالله : وليش ويهك احمر فهد : عمي متفشل ما اعرف حق هالسوالف بوعبدالله : اذا علي موافق انت ريال والنعم فيك بس لازم ناخذ راي البنيه ريان شافت انه العيون كلها عليها وبسرعه : عن اذنكم وانحاشت الكل ضحك عليها الكل يبارك حق فهد : مبروووك فهد : الله يبارك فيكم .. فيون روحي ناديها في : ههههههههههههههههههههههه انشالله --------------------------------------------------------- | |||||||||
|
| |
|
10-09-13, 10:03 AM
| #26 | |||||||||
| نجم روايتي ومشرفة سابقة وفراشة متالقة بعالم الازياء
| ريــــــــــــــان بالشــــاليــــــه ريـان " قالي بس توقعته يستعبط يعني انا الحين بكون حق فهد وصار ويها احمر ريـان " احبــه والله وقعدتـــ تتذكر ريان واهي متكشخه بتروح حفله رفيجتها واقفه جبال المنظره وتعدل عمرها فهد : لا تحاولين لو شنو ماسويتي جيكره ريان بغصه : مشكور بس ذوقك مايهمني يلا باي البنات ينطروني برا فهد : بتروحين جذي ريان: ليش لأ فهد : لا قلت غطي عمرج عشان اللي بالطريج لا تلوع جبدهم منج ريان : يحصلهم ومشت عنه ريان " اذكر يومها مارحت وقفت برا بالحديقه ونطرته يطلع ودخلت عشان لايدري اني ما رحت..واذكر اني بس صعدت غرفتي بجيت بجي ريان" احلى شي يوم بالعيد الوطني السنه اللي طافت فهد : اووه ريون والله انج احلاهم اقري علي روحج ريان: هههههه شدعوه فهد : والله من صجي بس غيري تيشيرتج ضيج شوي ريان : شدعوه فهوود عادي فهد : لا مطلع تفاصيل جسمج ريان : فهووود يلا عاد فهد : خلاص كيفج ريان" كان يغار عليي وكل مره يحاول يخليني ابدل باسلوب غير وكل هذا من غيرته وانا ماشفتها واخر شي راح تفكيرها يوم كانو باليـخت ريان" يوم باس يبهتي ماسكني واليوم اخر شي شالني بسته مسك خصري كل شي يكون معاه يحسسني اني بدنيا ثانيه وبصوت عالي الله لا يحرمني منه في : امين ريان: من متى انتي اهني في : من لما كنتي غارقه بالتفكير بحبيبج ريان : ههههههههههه في : تحبينه ريان : موووت في : وحركات اليوم هناك بروحكم الله اعلم شسويتو ريان : جب جب شقصدج في : ثقلي ترا انا حماتج ريان : ايي صح في : يلا تعالي خل نتعشى وانسي الموضوع حاليا ريان : تصدقين بخاطري اقول حق ابوي انا موافقه بس ما اقدر واهو شبقول عني في :هههههههههههههههه عقلي يلا امشي ريان : يلا برا بوعبدالله : فهد اكل فهد : ايي انشالله ام سيف : مايشتهي الا واهي موجوده لا تحرجه فهد : عاشو اللي فاهميني احمد : انا اسعد شخص اليوم نخب خطوبه فهد من اختي بوعبدالله : احمد احمد : السموحه فهد : ههههههههههههههههههههههههه هههههههه احمد : اعلمك يالكلب خطبت اختي وماقلتلي وتضحك علي اوريك ان ماخربت عليك ريان وفي : السلام عليكم احمد : وعليكم السلام وراح مسكها من خصرها شلونج حبيبتي ريان : بخير حبيبي انت شخبارك فهد عصب : احمدوو شرايك تيي تاكل احمد : لا بعدين فهد : احمدوووو الكل : ههههههههههههههههههههههههه ه احمد : والله زين يخطب اختي وانا ما اقدر امسكها حتى اكل تبن زين فهد : جب جب ام سيف : فهد حبيبي تعال ابيك بسالفه فهد : هلاا ام سيف تساسره فهد يطالع ريان : من عيوني ههههههههه | |||||||||
|
| |
|
10-09-13, 10:06 AM
| #27 | |||||||||
| نجم روايتي ومشرفة سابقة وفراشة متالقة بعالم الازياء
| البــارت الـرابــع عشــر عالبحــر الساعه 12:30 سيف : اقدر امشي معاج فجر : اكيد سيف : فيصل يحبج وايد فجر ابتسمت : وانا ابادله الشعور سيف: انتي اخت فواز ولا عبدالله فجر : لا فواز سيف: سوري بس انا ما اعرفكم عدل فجر : لا عادي اصلا احنا اللي ما نيي وايد عشان جذي مانعرف بعض سيف: يمكن بعد فتره من الصمــت فجر : سيف سيف:هلا فجر : مابي اضايقك بس سولف لي عن حياتك مع المرحومه سيف: لا بالعكس انا استانس بسيرتها فجر : الله يرحمها سيف : زواجنا كان تقليدي بدايتنا ماكانت حب كان في احترام متبادل بين الطرفين في ثقه شعور بالامان كنت مرتاح معاها بس زادت حياتنا راحه يوم حبيتها ما استحيت بالعكس اول ما تأكدت من مشاعري و وقفت بويها قلتلها احبج كان ودي اسمعها منها بس قالتلي خلني اتأكد من مشاعري مابي اقص عليك انا احبك كزوج وحبك واجب علي اما كحبيب ماتأكدت ليلحين ولايغير علينا هالشي وماتغيرت علاقتنا بالعكس زادت راحه اكيد يكون اكو مشاكل بس بسيطه والمشاكل ملح الحياه فجر تسمع له واهي مبتسمه سيف : بعد سنه من زواجنا درينا انها حامل وبالشهر الثاني استانست حيل لدرجه ما تتصورينها بصير ابو ومن اعز انسانه على قلبي اذكر كل شي سويته معاها .. سفرنا ضحكنا ضيقنا وقفتها معاي بمرضي و وقفتي معاها بحملها وبوحمها كنا ثنائي ماكو مثله الكل يتحجى عنه ماكو موعد طبيب تروحه بروحها لازم اكون معاها ويوم درينا انه صبي تشققت من الوناسه وبهاليوم وبعز وناستي كملت وناستي لما قالتلي احبك فجر : احسها انسانه تستحق انه الواحد يذكرها بالخير ويترحم عليها والاهم من هذا تستاهل واحد مثلك سيف يطالعها ويبتسم : ساره طول عمرها تحاول انه تكسب الناس على قولتها سمعتها تعيش اكثر منها فجر : بهذي انا معاها سيف : انا كنت بكل شي معاها اذكر غيرتها علي كانت بجنون ما ترضى انه الخدامه تسوي اي شي اتعب عمرها بس عشان انها تكون مسويتلي شي كلامي عنها مايوفيها حقها فجر : بعد اللي سمعته اكيد كلام الدنيا مايوفيها وحتى الحريم يذكرونها بالخير سيف : ما توقعت اني بعدها بحب فجر : حبيت سيف : لا بس تقدرين تقولين اني شفت وحده وهالقلب دق اول ما شافها بس بعدين رد طبيعي فجر : اذا انت حاس جذي افتح المجال حق قلبك صح اهي تستاهل الواحد يذكرها بس انت لازم تكمل حياتك ولو اهي الحين موجوده جان مارضت انك تكمل حياتك وحيد سيف : انا اذا ابي اتزوج باخذ وحده تكون حنونه على ولدي .. ما اقدر اشاركها اي شي حتى حقوقي مابيها فجر : شكلك بتطول على ما تلقى بنيه بترضى بهالشي .. المره عاطفتها ماتسمح لها انها تكون مربيه حق ولده صح يسعدها بس هم لازم تحس انها زوجه ولها حقوق وعليها واجبات عشان تقدر تكمل حياتها معاك ومع ولدك سيف : عيل ماني مفكر دام ماكو فجر : ههههههههههه الا اذا لقيت وحده قادره انها تدوس على عاطفتها عشانك سيف : خليني اخذ رايج تتوقعين انه ممكن القاها بالعايله فجر : انا ما اعرف بنات العايله عدل بس لو ريم ما كانت متزوجه فواز جان رضت ريم انسانه قويه عايشه عشان تسعد اللي حولها ومتجاهله نفسها سيف : وانتي شعرفج بكل هذا فجر : بكل بساطه ريم تشابهني بكل شي طموحي شخصيتي حتى بستايلي سيف : انتي الحين جم عمرج فجر : تدري اخذها معلومه مني لا تسأل مره عن عمرها هالشي يصايقها و حاول قد ماتقدر انك تقولها انها صغيره وحلوه عشان تستانس سيف : واجاملها ؟ فجر : المجاملات مرات مطلوبه عشان لا تخسر انسان غالي سيف : اممم خلاص عيل لا تجاوبين على سؤالي دام يضايقج فجر : مو غرور بس انا غير عادي عندي اقول عمري ..عمري 21 سنه سيف : متخرجه ؟ فجر : لا باقيلي سنه بعد سيف : ليش شتدرسين فجر : طب اسنان سيف : شي حلو فجر : هههههههه .. انت من وين متخرج شنو شهادتك سيف : اداره اعمال اشتعل بشركه ابوي وعمامي فجر: الله يوفقك سيف : اجمعين .. كنت ياي اسألج ونسيت مع السوالف فجر : تفضل اسأل سيف : زاد فضلج .. فيصل وينه مالقيت احد بالشاليه والينات مايدرون امي تقول نايم بس مالقيته بغرفتي ولا بغرفه امي وابوي فجر: سوري نسيت اقولك اهو نايم بغرفتني كنت اقوله قصه ونام بحظني فخليته مادري وين اوديه لحفته و وصيت امي عليه سيف : مشكوره فجر: ولو انا احب فصول وبعدين احسه ولدي بصراحه ولدك اينن ماكو مثله سيف : من ذوقج فجر : يشابه امه ؟ سيف : لا فجر :عيل؟ سيف :مادري فجر : هههههههه المهم انه حلو سيف : الجمال جمال الروح فجر : اكيد بس هم اهو روحه وشكله حلوين كله على بعضه سيف : اووه كل هذا حق ولدي شمسويلج فجر : خذا قلبي سيف : هههههههههههههههههههه فجر : اول مره اشوفك تضحك سيف : الله كريم رن تلفون فجر فجر : الو هلا فيون في : فجور وينج فيصل مسوي استنفار يبيج فجر : فيصل ؟ سيف : حطيه سبيكر فجر : اوكي وحطته فجر : هلا فيون كملي في : تستعبطين شكمل اقولج تعالي فيصل مسوي استنفار وقاعد يبجي يبيج يقول مابيها تروح السما فجر : شنو باي وسدته بويها وراحت ركض سيف يصرخ : فجر فجر نطري ولحقها -------------------------------------- | |||||||||
|
| |
|
10-09-13, 10:08 AM
| #28 | |||||||||
| نجم روايتي ومشرفة سابقة وفراشة متالقة بعالم الازياء
| بالشــاليه ام سيف :حبيبي فصول خلاص الحين تيي فيصل : انتي جدابه ( انتي جذابه فجر : فيصل حبيبي عيب فيصل : ماما فجر وراح لمها فجر نزلت لمستواه : حبيبي ليش تبجي وبعدين ليش تقول حق ماما عوده جذابه فيصل ساكت فجر : روح قولها اسف فيصل : اثف ماما أوده ( اسف ماماعوده ام سيف :لا عادي حبيبي وباسته فيصل ركض مره ثانيه عند فجر : بابا سيف : هلا ياعيون بابا فيصل مسك ايد فجر وايد سيف : يلا بابا نلوه بيت أثان ماما فجر ما تلوه الثما ( يلا بابا نروح بيت عشان مامافجر ماتروح الثما فجر : فيصل حبيبي انا ما اقدر اروح البيت معاك فيصل : انا ايي مأأج ( انا ايي معاج فجر : حبيبي ما يصير فيصل : انتي مليكه ما تهبيني هد ايدهم وراح ركض برا الشاليه ( انتي مليقه ماتحبيني فجر بخوف ركضت: فيصل فيصل ما يسمعها فجر ركضت بسرعه بعد مامسكته قعدت عالتراب فجر : حبيبي ليش تسوي جذي ولمته فيصل :انا اهبج بث انتي ماتهبيني ( انا احبج بس انتي ما تحبيني فجر : لا حبيبي انا احبك وايد فيصل : لا فجر : امبله حبيبي تعال داخل اقولك قصه فيصل : تنامين أندي ما تكليني ؟ ( تنامين عندي ما تخليني فجر : ايي حبيبي فيصل : يلا ------------- ام سيف تكلم ولدها : اخطبها سيف : ها ام سيف : ويعه .. اقولك اخطبها شوف ولدك شلون متعلق فيها سيف مايدري امه شتقول : ايي ايي .. ثواني وراح عندهم فجر: اسمحلي سيف بس فصول بينام عندي اليوم فيصل : بابا تأل نام مآآنا فلاش فجر كبيل ( بابا تعال نام معانا فراش فجر كبير فجر ويها الوان : لا حبيبي بابا مافيه نوم يلا تعال فيصل : يلا سيف متنح " هاا شصاير اليوم ام سيف : ام عبدالله وين بوعبدالله ام عبدالله : برا قاعدين ارضي ويشربون جاي ام سيف : انشالله وراحت لهم براا بوعبدالله بو خالد بو سيف و بوعمر والشباب ام سيف : السلام الكل : وعليكم السلام ام سيف قعدت يم بوعبدالله بوعبدالله : سمي شبغيتي ام سيف : تعرفني يا اخوي وساسرته بوعبدالله ابتسم : تم بس لحد يدري وانشالله نتكلم بهالموضوع بعد مانرد من الشاليه ام سيف : الله يخليك لنا باست راسه ومشت ---------------------------------------------------------------------- فواز & ريـم يمشـون عالبــحر فواز : الحين انا طالبج لا ترديني ريم : فواز مستحيل فواز : مستحيل ها ريم: ايي فواز شالها ريم : نزلني نزلني فواز : اقطج بحر ريم : لااااا فواز : وافقي عيل ريم : فواز فواز : وافقي ريم : خلاص موافقه موافقه فواز نزلها : عفيه على مرتي الحلوه ريم : مليق الحين بشهر وين يمديني اخلص كل شي فواز: راضي فيج بهدومج ريم : لا والله فواز حتى عرس ما راح نقدر نجهز كل شي بشهر فواز: انتي عليج جهزي عمرج والباجي علي ريم : فواز والله مايمدي فواز : لا تحلفين بيمدي وانتي وافقتي ما خبرتج تردين بكلامج ريم :خلاص اوكي بس انت قلت كل شي عليك فواز : اي ----------------------------------------------- سيف: شنو ام سيف : انا سألتك انت قلتلي ايي سيف : متى ام سيف: توه بس انت متنح فيها ولا حتى ركزت سيف: زين زين سوو اللي تبونه ام سيف : كللووووش فجر توها نازله : خالتي نومت فيصل لا تحاتونه ام سيف تكلم سيف : وين تلقى وحده مهتمه فيه هالكثر سيف :ختوافق اول ام سيف : ايي حبيبتي دامه عندج ما احاتيه فجر ابتسمت ودخلت المطبخ سيف راح وراها ام سيف : يعني مو متهم سيف شافها عند الثلاجه : ممكن شوي فجر: ايي و وخرت شوي سيف راح وكان قريب منها مافي بينهم ولا شبر سيف : امممم وخذا له عصير مانجا وخذالها واحد ..تفضلي فجر ابتسمت: شكرا سيف : عفوا فجر وخرت وبطلت العصير وقعدت تشربه بالغصب ريان : فجور فجر : هلا ريان : هلا فيج انصدمت انتي من متى تشربين مانجا عالعموم ترا كلنا قاعدين برا تعالي فجر : ها اوكي اوكي يايه ريان راحت سيف : دامج ماتشربين ليش خذيتيه فجر: ما حبيت اردك سيف : خلاص خليه وامشي برا فجر : اوكي | |||||||||
|
| |
|
10-09-13, 10:10 AM
| #29 | |||||||||
| نجم روايتي ومشرفة سابقة وفراشة متالقة بعالم الازياء
| الــبارت الخــــامــس عـــشر ريان : بنلعب لعبه في : شنوو سيف وفجر: السلام عليكم الكل : وعليكم السلام ريان : كل واحد يسأل سؤال والكل يجاوب عليه وبعدين اللي يمه يسأل سؤال ثاني وجذي فهد : موافقين ؟ الكل : ايي ليان :بس خل ننطر فواز و ريم انا دقيت عليهم علي " هذي اهي تفكر بالكل احمد: انزين خل نقعد كلنا بدائره ونخلي لهم مكان وكلهم قعدو سحر : غنو على ما يوصلون فهد على طـول : الله يهنيك فيني والله يهنيني فيك .. يا عسى تبقى بإيديني وياعسى ابقى بإيديك .. ان طلبت اعطيك عيني والله ما تغلى عليــك .. اللي مابينك و بيني اغلى من الدنيا ذيـك .. فواز وريم : الســلام عليكم الكل : وعليكم السلام قعدو بمكانهم احمد : خل اعيد الشرح حق اللي توهم يايين .. كل واحد يسأل سؤال والكل يجاوب عليه وكل شوي جذي فواز وريم: اوكي عمر : بس نبي الصراحه الكل خل يوعدنا انه بيقول الصج لو شنو ما كان السؤال ومانبي زعل وكل واحد وعدهم انه بيقول الصج ... ---------------------------------------------- ام سيف : ايي والله بس بوعبدالله قالي نخلي هالموضوع بينا احنا الكبار لين نرد من الشاليه ام خالد : والله فجر و سيف يستاهلون الله يوفقهم ام عبدالله :لا نسبق الاحداث يمكن فجر ماتوافق ام عمر : ايي والله ام سيف : سيف مافي مثله ليش ترفض ام عمر : صح سيف ريال والنعم فيه بس يمكن البنيه تعده اخو ماتقدر تكون له مره ام سيف : على هواها بس انشالله توافق الحريم : انشالله ------------------------------------------- الريــاييــل بوعبدالله: بوخالد العب عدل مخسرنا قيم ثاني بوعمر : ماعليه يلا قيم ثاني بوخالد :خلونا عالهند يبه بو سيف :تامر ويوزع الورق ------------------------------------------ الشبــاب والبـــنات فهد : انا ببدي .. حبيت من قبل ؟ احمد : لا عمر : لا فواز : ايي ريم طالعته فواز : اقولج بعدين ريم : اي فواز رد طالعها ريم تردله حركته : اقولك بعدين الكل : ههههههههههههههههههه ليان : لا ريان : ايي الكل طالعها ريان : احب خطيبي و ويها احمر فهد : فديت حبيبتي انا احمد طقه كوع : ليلحين ما خذيتها ترا فهد : المهم الكل يدري انها لي احمد : كملو يلا في : لا سحر بحزن : ايي هالمره الكل خزها سحر بكل جرأه : الحب لا عيب ولا حرام الكل سكت ما يقدرون يقولون شي ... فرح : لا فجر : هم لا عايشه : ايي ولحد يخز الكل : ههههههههههههه سيف : اكيد ايي عبدالله : لا علي : ايي عثمان قبل لا يتحجى فهد: مغازلجي عثمان : ههههههههههههه ايي والله .. لا ماحبيت ------------ مايبت سيره عيال ام عمر So .. عمر : 29 سنه مو متزوج ولا يفكر حتى على قولته متى ما لقيت اللي تاخذ قلبي تزوجت .. دكتور و وقته حق شغله ماخذ اجازه حق هالطلعه علي : 22 سنه مملوح ابيض جسمه عادي حبوب يدرس هندسه باقيله كورس عثمان : 20 سنه مغازلجي مزيون عيونه لونها غريب يدرس حقوق باقيله سنه ------------- | |||||||||
|
| |
|
10-09-13, 10:11 AM
| #30 | |||||||||
| نجم روايتي ومشرفة سابقة وفراشة متالقة بعالم الازياء
| احمد : يلا انت جاوب فهد : ايي احب اختك احمد : والله ما تستحي على ويهك فهد : يبه وخر ترا خطيبتي عادي احمد : متى ماصارت مرتك قول اللي تبيه فهد : ييبو الملاج خل نتزوج وخلاص فكونا احمد : جب يلا عثمانو اسأل عثمان : لا حبيبي انت اسأل احمد : مافي شي ابالي ايي خلاص موقف مستحيل تنساه عمر : مره كانت يايتنا وحده اناعند رفيجي بمكتبه اهو اخصائي نساء و ولاده وبعد ما فحصها طلعت مو حامل ريلها كفخها كف طيحها بالارض يقولها تقصين علي خليتيني اييبلج مطعم الفير البنات : حــــــــرام عمر : ايي والله كف عشان مطلعته الفير الشباب : هههههههههههههههههههههه عمر : والله بطيتها ضحك الريال معصب من صجه فواز : ماكو موقف معين كل شي مع ريم مستحيل انساه فهد : اقوول قول موقف واحد عيل فواز : اممممم يوم دخلت علي بالملجه ريم عصبت من هالسيره فواز : لا تعصبين ريم : اوكي فواز باس خدها : يلا عاد ريم ضحكت من حياها :ههه اوكي فواز : واييي وتوه لما شلتها ريم ويها الوان في : حركاااات وانا و سحر بس قلنا نبي اجنبي يشيلنا طلع كويتي وتفشلنا سحر : اييي والله حده فشله الكل : ههههههههههههههه ريم : موقف مستحيل انساه لما طلعنا انا و فواز اسرار مستحيل اقولها فهد : طوفو لها ليان : سباق الخيل لما فزت وخذيت مداليه الكل صفقلها علي : حركات مبرووك ليان : يبارك فيك ريان : في وايد اشياء حلوه مستحيل انساها بس يوم كنا انا وفهد الصوب الثاني من البحر فهد : ياحياتي عبدالله : فهود انجعم فهد : العبد لا يعصب ولا نرووح وطي الكل : ههههههههههههههههههههههه في : يوم انا و سحور تفشلنا ليان " نست ايامها ويانا سحر : انا مثل فيون فرح : اليوم اول ماشفت احمد وفهد احمد وفهد : ههههههههههههههههههههههههه هههههههههههههههههههه الشباب : شالسالفه احمد : بعدين بعدين فجر : يوم فيصل دخل البحر كنت راح اموت من خوفي عثمان : لو امه جان ماخافت كثرج فجر : لا شدعوه عايشه : ماكو شي اذكره الحين احمد : طوفولها مسكينه سيف : يوم شفت ساره واهي تنزف دم من كل صوب الكل: الله يرحمها سيف : امين عبدالله : وايد اشياء حلوه مابي اقول شي واخلي شي فهد : النسيب طوفوله احمد: مو لله فهد : جب انت احمد :تسلم علي : يوم قالتلي انها بتتزوج مغصوبه سحر كانت قاعده تسولف bbm بس سمعته ضحكت باستهزاء : هههههههههههههههههههههه الكل طالعه سحر : سوري بس سالفه ضحكتني علي " ايي خير عثمان : لا اشياء وايد حلوه وبخبث وعجيبه فهد: سوالفك برا اللعب عثمان : ههههههههههههههههههه فاهمني احمد : من طقتنا فاهمينك عثمان : لا اناغير احمد :ايي خير انشالله فهد : يلا جاوب انت احمد : سالفه توبه توبه فهد : ههههههههههههههههههههههههه ههههههههههههههههههههههههه ههه الكل : شنوو احمد : سالفه بيني انا والعموم في :مايصير احنا مانعرفها فهد :مو الا احمد يلا عمور دورك عمر : طوفني ماعندي سؤال احمد : طوفوله مسكين فواز : فارس احلامج والشباب غيرو على كيفكم ريم : انت فواز : فديتج ريم : كلي فداك سحر : عيب مو اهني في : صح صح احنا فينا نقص فلا تحرونا ليان : ماكو فارس احلام ريان :فهود فهد يبوسها بالهوا : فديتج احمد : فهوود فهد : خلاص بسكت في : ماكو احد سحر : طوفولي احمد وفهد بنذاله : لا لا ماكو جاوبي سحر : يلا عاد طوفو هذي احمد : خلاص حرام طوفلها فهد : اوكي ترا كل واحد له مره وحده يطوف فرح : ماكو عايشه : وااحد الله يرحمه فهد : شسمه احمد :منو يكون اللي ماتستحين عايشه : يلا عاد انت وياه ترا مو ياهل ما اعرفه كان معاي بالكليه وكنت اصادفه وايد بس عمري ماكلمته فهد : زين زين احسن لج سيف : انا ماعندي فارس احلام فهد : يلاعاد فارسه احلامك ولا يهمك سيف : من بعدها ماكو عبدالله : مافي علي : من بعدها ماكو سيف : لا تقلد علي : مالي خلق افكر برد بقته سيف : حلالك عثمان :هههههههههههههههه مافي وحده عجبتني ليلحين فهد : ريون احمد : ماكو ريم : شي سويته وندمت عليه ؟ | |||||||||
|
| |
|
| الكلمات الدلالية (Tags) |
| أحبك, أعلى, bronz, الكاتبة, girl, غلاتي, عاشق, ولاني |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
