آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
19-09-13, 01:28 PM
| #411 | |||||||||
| نجم روايتي ومشرفة سابقة وفراشة متالقة بعالم الازياء  
|  منى : ايش سمر : افهمي أنتي أمس زعلتي مدري استحيتي تقولين للحين بنت من سوالفنا وأنتي متزوجة قبلنا ما هو مره مرتين منى ( تقاطعها) : بس وجهي ما هو مثلكم معدوم الحياء عذاري : بسم الله عليك أقول خلي الطابق مستور يأوخه سمر( ترفع يدها وتضربها بكف عذاري وتبتسم) : ياااااااااا كشفاهم منى : جب أنتي وهي والله لو شنو ما اسولف مثلكم تعرفن لما تجلسن تسولفن ايش تسون مفاجئات رجالكم استحي وسع وجيهكم ولا لما عذاري تتصل عليك بتركيا توصيد بالهشك بشك عذاري : عندهم الحلو كله منى : لا يجي سليمان سكري الكل : ههههههههههههههههههههههههه هههههههههه سمر : المهم اسمعي شكل مشاري بيجيه سكري والسبب خططنا منى : بسم الله عليه إذا السالفة فيها سكري ما ابغى خليه يزعل ويرضى بطريقتي ما هو طريقتكم سمر( تمسك يدها وتقربها تسوي نفسها تهمس) : يا خبله طريقتي جابت راس عبدالرحمن ولا ناسيه لما زعلت كيف حريت قلبه منى : تقولين لي لما اتصلتي وأنا عند نجود وقامت تشرح لك يااااااويلي ترحمت على المسكين عذاري : والله بترحم على مشاري اسمعي ارجعي العصر وجهزي كل شيء قولي له بجلس أكثر خواتي متجمعات ولأن حاس بزعلك ما راح يرفض بيوافق بس عشان يرضيك بأي شيء منى : طيب وبعدين سمر : بعدين جهزي جناحك وتجهزي أنتي يا أختي الرجال ترى مل منك كل ما جاء مع بنتك ويالله يسرق الوقت سراقه يجلس معاك كله حاضنه بنتك والله أحس بيموت غيره منها ويكرها منى : بسم الله يكرها اصلا يموت فيها وكل يجلس قريب مني عشانها عذاري : هذا البلا اللي ما هو شايفته يجلس قريب عشانك بس بنتك عذر شوفي لو مثلا ولدت وقمت بالسلامة وشفت سليمان يجلس مع ولدي أكثر مني أنقهر أو يبوسه ويلاعبه أو حتى يحضنه بغير أن احد يشاركني فيه بس عشان اعرف أن سليمان فرحان افرح لفرحه وابلع غصتي سمر : من متى رجعتي من ألمانيا حقيقة يا منى صار زعلك منه على أتفه سبب واهتمامك ببنتك وطلال حتى لبسك لما تجينا ما هو مثل قبل أحسك تهتمين بمبالغه فيهم منى : عيالي لو تولدين بالسلامة بتشوفين اهتمامك له وبس سمر : ما هو على حساب حياتي ليه الحريم يضنون من يولدون لازم طول الوقت عيالهم بظهرهم لازم تأكلهم وتلبسهم وتهتم شوي شوي تنسى زوجها وشوي شوي يقول من حقي أشوف غيرك يدلعني يهتم فيني يراعيني عذاري : صدق منى كم مره سهرتي مع مشاري أنا اتصل عليك الساعة 11 أو 12 بالليل أحصلك نايمه منى : اتعب سمر : بسم الله ياللي تتعب ورجالها لا هذا أنا اتعب الوحام والحمل ومشاكل مشاعل والبيت ولا مره نمت قبل لا أشوف عبدالرحمن وأحسسه أني مهتمه له حتى يوم نزعل لازم أشوفه يا منى اصحي حالتك ما هي طبيعيه أول تخافين على طلال ومشاري يسكت أكيد راحمه لان يتيم وأنتي تعوضينه عن أمه وبعدين ملاك وصرتي تخافين عليها من الهواء اللي يطير أنا معك صح من حقك تخافين عليهم بس خافي بعد على حياتك وزوجك لا يتملل روتين صرتي تصحين تجهزين طلال للمدرسة بعدين تنتبهين لملاك طول اليوم يرجع طلال تدرسينه وتلعبين معه وتعشينه وتنيمينه وملاك بعد تحممينها وترضعينها ولين تنام تجلسين معها ولما تخلصين يكون كل طاقتك فنش يا دوب تنامين وتلبسين بجامه وتحطين راسك وتنامين عذاري : لهنا ينتهي يومك مع عيالك الساعة 9 مساء زي سندريلا الفرق الوقت ليتك مثل سندريلا الساعة 12 تنتظر أميرها لا تكبر المخدة وتشخر منى ( ابتسمت بأستعباط) : لو سمحتي ما أشخر سمر( تصر على ضروسها) : شوفي همها الشخير وكلامنا ولا همها منى : فاهمتكم اضحك بس ( بهمس ) يمه أكلوني ولا كأني أختكم الكبيرة سمر : والله على راسنا وعينا يا اختنا ولا تنسين أنتي أكثر وحده تنصحنا لما نزعل من رجالنا معقوله تنصحين ولا تطبقين منى : ..................... عذاري : ايش قلتي منى : بس سمر : لا بس ولا شيء اسمعي منا مره ألحين نروح السوق نشتري شوي لوازم ونوصي على كيكه وحلى على العصر تاخذنهم وتشترين هديه له وتجهزين بيتك وغرفتك على العصر ولا تبلغينه بشيء منى : يكشفني سمر : ليه قولي له جهازي بيطفي الشاحن خلص وأغلقيه من العصر لين تجهزين البيت وبعدين أرسلي مسج انك بالبيت وتخافين ما فيه احد واهو بيرجع عذاري : كذا يكون ممر الورد والشموع على طول الطريق من الباب لغرفتكم سمر : وطبعا شوي حركات بالورد تفرح منى : كيف سمر : تكتبين كلمات حب أو اعتذار عذاري : ومني هديه مفرش لسريرك سمر : وأنا هديتي فوق بكيس مغلفه منى : هديتك اللي شفتها أمس سمر : أي هههههههههههههههههههه منى : تهبااااااااااااا عذاري : تهبل ههههههههههههههه بعدين مالك شغل المهم أبو ملاك يرضى وراح تسوين أي شيء عشان يرضى لو تشعلين أصابعك شمع والله أن يستاهل متحملك أنتي وقلت اهتمامك فيه منى : كثير حريم مثلي سمر : وكثير رجال ما هم مثل مشاري متحملين للحين اللي اخذ ثانيه وثالثه واللي قال ربي عيالك وأنا بشوف حياتي ونفسي وسعادتي نفر منها وترك بيتها صار الحياة معها مجرد روتين قدام الناس ومن يتسكر الباب عليهم يعد الوقت عشان بس ينفكر الحصار ويطلع الصبح ويرجع لزوجته الثانية منى ( شهقت) : شنووووو عذاري ( تكتم ضحكتها وتكتف أيديها مسويه نفسها جديه) : شوفي مشاري دكتور وبالمستشفى يشوف كثير ممرضات ودكتورات ومراجعات مع عيالهم ولا أخوانهم بنات صغار وكبار يعني زي اللي انفتح قدامه علبه شوكولاته ماكنتوش ألوان وأشكال وأحجام سمر( تكمل وهي فاهمه عذاري) : وعليه يختار وطبع البشر تحب التجديد وأنتي نفس يوم عرسك يعني شوفي لا شعرك غيرتي ولا شكلك منى( تلمس شعرها) : يحبه طويل هو قال لي مره أول عرسنا لا تقصينه سمر : لا تقصينه بس غيري القصة خلي فيه حركات اصبغيه غيري اللون سوي نفش حناء عذاري ( تناظر يدها اللي بدأ يختفي لون الحناء عنها) : والله اذكر سليمان لما حضر عرس عيال عمي يوم كان مسوي لي مفاجئه انهبل من النقش وقال ابغى مره بالشهر تنقشين كذا حلو شكله وصراحة أفكر أسوي اللي قال دام يسعده منى : ما ألحق لو نويت سمر : عندي رأي نكلم نجود ونكنسل الروحه لها نأجلها بكره أو بعده ونروح الصالون تسوين شغل على مستوى وتغيرين شعرك وتنقشين عندهم نطلع لبيتك ننزلك ونروح إحنا منى : كل هذا بيوم عذاري : أنتي وافقي وتشوفين كل شيء بيتم وصدقيني لو زدنا الفلوس بالصالون ليسوون الشغل بوقت قياسي سمر : خلاص نوصلك لصالون وإحنا نروح نشتري اللي نشوفه منى ( تبتسم) : تحمست عذاري : حلو أحلى شيء تحمسين كذا وصدقيني لو الليلة مرت على خير راح تكررينها وزين ما تنسين عيالك ويصير اهتمامك مشاري منى : والله شكلي بنسى الدنيا كلها دام كل يوم يمر على مشاري علبة ماكنتوش سمر : أي حرمه لازم تعرف أن رجلها يمر عليه علب ماكنتوش كثيرة بأماكن مختلفة الشاطرة اللي تصير كل يوم زي الماكنتوش بالمظهر والمضمون عذاري : ما يملى عيونهم ولا يرضيهم بس مضطرين نشعل أصابعنا شموع عشان ما يشوفون شموع غيرنا وتسلب نظرهم وقلوبهم منى : ما ابغى افشل بحياتي مرتين مره مع عمر ومره مع مشاري مع أن ما فيه مقارنه فرق السماء عن الأرض بين مشاري وعمر بس ايش أسوي ما ابغى ارجع لصفر بعد استقرار حياتي مع حبيبي سمر ( توقف وتمسك يدها) : قومي ألبسي وأنا بلبس ( أشرت لعذاري) وأنتي بعد يالله ابغى اخذ ورقه وقلم نكتب أهم شيء عذاري : اوك منى : طيب وملاك وطلال سمر : ملاك مع الخدامة وبقول لامي تحرص عليها من فتره لفترة وطلال ما فيه شيء دايم سونيا مهتمه له منى : اوك بس ملاك ما عمري تركتها لوحدها سمر : يا بنتي تبغين اطلب من سلمى ولا عهد يتركونها عندهم كذا يسألون وين أمها تبغين يعني الكل يأخذ خبر انك تبغين تجلسين مع رجلك لوحدكم مولازم احد يعرف اللي بينا حتى لو بنت خالي ولا عمي عذاري : خلاص أنا بجلس هنا واهتم لها اوك وأنتي روحي مع منى تعرفين أكثر مني سمر : لا خذي ملاك وروحي لبيت نجود مثل ما اتفقنا إحنا بنخلص على الظهر ونرجع نجلس معها لين العصر كل وحده تروح لبيتها منى : اجلس بمكياجي وشكلي سمر : عادي تجلسين مثل ما نجهز لأعراس ونجلس لين يجي المغرب نغير لبسنا ونروح لصالة منى : كلامك كثير سمر : ما هو مهم المهم تفهمين يالله منى : عذوره ترى السواق بقول له يوصل طلال لبيت نجود إذا طلع من المدرسة عذاري : بنتبه له لا تحاتينه منى ( وهي تمشي مسكت أيدين خواتها وتبتسم) : ابغى للعرايس سمر( تناظر لها باستغراب) : ايش منى ( بخبث تبتسم وتهمس لعذاري) : المفرش اللي قلتي هديه عذاري( تعقد حواجبها) : ليه منى : شكلي اليوم برجع عروس من جديد ( عضت شفتها بخبث) شيء حلو عذاري( ترفع يدها وتبتسم وهي تدعي) : قلبي معاه كان طيب سمر : البنت ناويه على الشر الكل : ههههههههههههههههههههههههه هههههههه مهمآ بلغَ مقدآر ( العتآبَ ) علىْ من نحبَ فيّ قلوبنآ , يكفيَ أنها تخفقَ بجنونْ حينمآ نسمعَ أسسمآئهمَ ( مصآدفهْ ). صعدن البنات يتجهزن للطلعه وكل وحده تخطط أيش تسوي ومنى متحمسه للموضوع ----------------- في بيت اهل الجوهره ... صحت وهي تشعر بقربه ويديه حولها بحرص وعنايه منه وخوف عليها تحركت ما تبغى تزعجه بس تبغى تعمل له فطور كعربون شكر على وقفته معهم وبقاءه معها لما طلبت منه ما يتركها ويرحل وحركتها نبهته لصحوتها ابتسم واهو يفتح عيونه مستعد أخسر [ حيآتي , وأخسر آلدنيـآآآ عشـآنك! آلمهم .. إني أشوفك كل ماإحتجت .. لـ حنآنـك بندر : صباح الحب الجوهره : صباح الورد بندر : كيفك اليوم الجوهره : بخير أسفه حبيبي تعبتك أمس ولا تركت تروح لبيت بندر ( باس جبينها) : من زمان ما تصبحت بوجهك يالله لقيت فرصه بقربك واتصبح بوجهك الحلو الجوهره ( تضمه بحب) : ربي لا يحرمني من قربك وصباحك بندر : ولا منك ( ابتعد شوي وجلس واهو ينزل رجوله على الأرض) زين سريرك نفر ونص بس صغير رجولي طلعوا من السرير الجوهره ( تجلس وهي تحط المخدة ورا ظهرها وتسنده على السرير ) : عملاق ههههههههههه بندر ( يلتف لها ) : أنتي قزمه اعترفي هذا سرير طبيعي صرتي من جماعة عقلة الأصبع ولا الأقزام السبعة الجوهره : هههههههههههههه أي صرف أنت صدق عملاق بندر ( يوقف واهو يأخذ ثوبه من فوق الكرسي) : ................... الجوهره : وين بندر ( يطالع ساعته ): ما عندي وقت بلحق ارجع البيت اتروش وأغير واطلع لدوام الجوهره : والفطور بندر : بفطر بالشغل انتبهي لنفسك ولأختك وأمك هديل منهارة لا تتهور الجوهره ( توقف بشويش) : بشوف لك الطريق ( طلعت معه وهي تمشي جنبه ويدها خلف ظهره ) أمس بكيت كثير بندر : ما تركتيني ارجع للبيت وكل ما ابتعدت تبكين واضطر ارجع عشان كذا متفشل من عمتي وعمي أني نمت هنا بس كله منك الجوهره : ما تحملت اقضي الليل لوحدي أمي مع هديل ورافضه تبتعد وأنا الأفكار تاخذني وتوديني خفت انهبل والله قربك هداني وأنت احتويتني وقدرت تفهمني وتهديني بندر : قلبي هالفتره بتكون أصعب الفترات والأيام قاسيه إحنا ما قلنا لها عشان ما تصير كذا بس هي عرفت صدفه وصار كل شيء مكشوف لها انهارت نفسيا وجسديا ما تحملت كونوا معها وطلعوها من حالتها لا تنعزل وتبتعد وبعدها ما نقدر ننتشلها كلموها هي ما هي السبب هي مجرد وسيله والحمد لله اكتشفنا قبل لا يصير شيء وان قضية الخلع بتكون سريعة الجوهره ( توقف قدامه) : صدق بندر : أي بروح أوقع بالشغل وبطلع للمحامي جراح اعلم باللي استجد وان هديل عندها خبر وبطلب يستعجل الجوهره ( حركت راسها بنعم) : .................... بندر : ألحين ارتاحي وافطري وخلي جوالك عندك لا تسكرينه بتصل اتطمن عليكم الجوهره : طيب بحفظ الله بندر ( يبوس خدها ) : بحفظه باي طلع مستعجل وركب سيارته كل همه يرجع البيت يغير لبسه ويوصل الدوام لان متأخر أكثر من ساعه بسرعة قياسيه وصل وقف سيارته وقال لسايق ينتبه لها لان المفتاح فيها دخل وما شاف احد صعد السلم درجتين ووصل جناحه خلال 10 دقايق اخذ دش سريع وغير واخذ شماغه وجواله ونزل بسرعة صادف أمه تصعد قرب وباس راسها بندر : صباح الخير الأم : هلا صباح النور علامك مستعجل بندر : متأخر على الدوام الأم : ما تبغى تفطر بندر : لا بس مي كيفها أمس ما قدرت اتصل واسأل الله يعلم بحالنا في بيت عمتي الأم : مي ( تنهدت) تقول البنت بتنهبل حال بيت عمك ما هم أحسن من حالنا روح لا تتأخر ولما ترجع بقول لك بندر : طيب يمه مع السلامة الأم : سوق على مهلك يا أمك ماني ناقصه عوار قلب بندر : حاضر الأم( تصعد وهي تردد بقلبها أن الله يحفظه ضربت باب غرفة مي ودخلت) : مي مي ( جالسه على سريرها وضامه غطاها) : تفضلي يمه الأم ( تبتسم) : بسم الله الوجه أحسن من أمس مي : الحمد لله الأم : قومي صلحت لنا فطور مي : ما ابغى يمه والله الأم ( تجلس على طرف السرير) : يا أمك لا أمس أكلتي ولا اليوم لو ما غصبتك على كوب حليب ما قبلتي مي : معليه لما يقرصني الجوع بأكل ( ألتفتت لجوالها اللي حاطته صامت ويضوي وتأففت) اووف كل انسآن يمَر ب فترهُ : لآ يطيقِ مكآلمة آحد . . لآ يجآوبَ الآ بكلمه . . ينجرحِ على شيّ تآفه . . حسآس جدآ . . عينآه تذرف في آيّ وقت . . (فرفقآ بي) الأم : رجلك مي : أي بس ما ابغى اكلمه الأم : حرام عليك يا مي من أمس يتصل ويسأل عنك مي : يمه والله مخنوقه ونفسيتي ما هي حلوه اكلمه ما يستاهل أرد عليه برد يزعله ما أتحمل الأم : لمتى عرسك بعد كم يوم مي : لين عرسي يحلها ربك الأم : طيب طمنيه عليك ارفعي الجوال مي ( ترمي الغطاء وتوقف) : لا من افتح الجوال يعصب علي وراح يعصب أكثر من أمس يتصل ويرسل ولا رفعت الجوال أنا مو ناقصه بيقول ليه ما تردين وأنا لأن مالي مكانه بقلبك مالي مكانه عندك ايش كمان نسى يقول أمس يمه عبدالله صاير يضغط علي الزواج والتجهيز واهو يبغى أحبه ما هو بيدي والله استلطفه بس ما أحبه ما اعرف ليه بس ما أحبه الأم ( توقف) : ما طلب شيء هو من حقه تحبينه لان رجال ينحب والله عوضك فيه مي : لا تجلسين تحسسيني أن متفضل علي بهذا الزواج اهو اللي أصر حطيت قدامه عراقيل وحواجز اهو أصر يتحمل مزاجي يتحمل نفسيتي يتحمل لين أحبه بس ما اقدر والله أحس بتعب وسالفة سطام ومنظره وترجيه زادوا ضغطي عبدالله ما اقدر اكلمه ما اقدر بهذا الوقت والنفسية والحاله ممكن ارمي كلمه تضايقه أنتي تعرفين أنا من أتضايق ما امسك لساني واهو يبغى افتح له قلبي يبغى أتكلم يبغى يدخل عالمي أنا للحين مو واثقه فيه عشان اسمح له يتجاوز الحدود وافتح له أبواب عالمي أقول تفضل اكتشف مكنونان نفسي وأسرار قلبي الأم : طيب تبغين اكلمه افهمه مي ( هزت راسها لا وهي تأخذ نفس من الضيقه) : ما راح يقبل أمس عاتبني ليه طلعت ولا قلت له يمه عبدالله يراقبني الأم ( بصدمه) : اييييش مي : والله يمه يعرف تحركاتي يعاتبني إذا ما قلت له طلعت يتضايق إذا خبيت سر عنه يبغى يكون معي لو هو بعيد ايش أسوي قولي لي هو شك ولا حب ولا حرص ولا ايش الأم : من صدق تتكلمين مي : أي كنت أحس بس كذبت وأمس عرفت لما رحت المستشفى تضايقت من حركته وتضايقت من اللي شفته بالمستشفى ومن ألم يدي كفاية ضغوط الأم : تبغين أقول لبندر يكلمه مي : لا اتركيه اتركيه الزمن كفيل أن يعلمه من مي ومو هي اللي تتراقب كأنها مجرمه الأم : يمكن ما هو ذا قصده مي : يمكن الأم : يدك كيفها مي ( تمسك يدها) : بخير الأم : طالبتك يا مي انزلي افطري معي عشان علاجك أمس ما آخذتيه عشاني ابغى ارتاح مي : يمه انـ. الأم : للحين ما افطر لا تخليني احلف ما أحط شيء في فمي ولا أكل أدويتي كيفك قلبي من أمس يألمني مي : إلا صحتك يمه الأم : وأنتي إلا صحتك ايش قلتي | |||||||||
|  |
|
19-09-13, 01:28 PM
| #412 | |||||||||
| نجم روايتي ومشرفة سابقة وفراشة متالقة بعالم الازياء
| مي : بكيفك الأم : خذي دش وانزلي بصحي خوله تفطر معنا مي : خوله نامت هنا الأم : أنتي ما كنتي حاسه بشيء ارتفعت حرارتك وصرتي تبكين وتفزين وتنادين انك ما تسامحين أنا و خوله ما تركناك لين تطمنا عليك ونزلت حرارتك قطع كلامهم صوت الباب اللي انطق .. مي : تعالي الخدامة : مي مي : هلا فيروز الأم : ايش فيه الخدامة : هزا ف حرمه تحت يقول أنا يبي يسوف مي الأم ( ناظرت ساعتها) : من اللي جايتنا بهذا الوقت مي : فيروز يعرف الخدامة : لا بس هي يقول نيم مريم مي ( عقدت حواجبها) : مريم ايش جابها الأم ( تتجه للباب) : أنا بنزل لها بقول انك نايمه ولا عاد تجي أنتي مو ناقصه مي : يمه لحظه الأم ( تصد لها) : وش مي ( بلعت ريقها وهي تفرك أيديها بتوتر) : أنا بتروش وانزل لها ضيفيها فديتك لين انزل الأم : مي حالتك ما تسمح وأنتي عارفه أكيد جايه لك تكلمك عنه مي : اعرف بسمع منها ولا أغير موقفي بس أنتي عارفه مريم بالنسبة لي شنو ولا أنسى أفضالها علي الأم : والله خايفه عليك وأنتي شفتيه أمس صابتك حاله ما يعلم فيها غير الله وفتح الموضوع مره ثانيه راح يضايقك مي : بيضايقني أكيد لأني اكرهه واكره كل شيء يتعلق فيه بس عشان مريم بسمعها الأم : براحتك أنا بنزل لها لين تاخذين دش مي ( قربت وباست رأس أمها) : الله لا يحرمني منك الأم : ولا منك لا تتأخرين مي : حاضر لكِ وعد منيً يْ يمه إني بضحكِ لو علىْ جرحِيَ غفيييييت غفيييييت غفيييييت ..! نزلت الأم تستقبل مريم اللي ما شافتها من كم شهر وشكلها الذبلان ووجها الأصفر وجسمها النحيل رق قلبها لحالها وهي تشوفها كيف ملامح الحزن كستها والدمع اللي مغرق جفونها طلبت من الخدامة تسوي لهم شاي وقهوة وتصلح لهم فطور رغم رفض مريم بس هي طلبت ما تعترض لان مي ما أكلت يمكن لو شافتها تاكل وافقت مريم وهي ما عاد لها خاطر بالدنيا كلها مو بس الأكل ---------------------- في بيت ليالي ........ نزلت وهي فرحانه بشوفت أمهاتها يتقهون وعقدت حواجبها وهي تشوف أمها تسولف بالجوال وعرفت أن محمد اشتاقت له من زمان ما سمعت صوته أشرت لامها تبغى تكلمه هزت أمها راسها بنعم وهي تشوفها تجلس جنبها الأم : خذ يا أمك ناس مشتاقين لك محمد( ابتسم وظن أن أم حمده) : أمي حمده شوقها يوصل لي لو ما تكلمني ليالي ( تسمعه دمعة عيونها) : وليالي ما وصلك شوقها يالقاطع محمد( أنصدم من سمع صوتها) : ...................... ليالي : ليه ساكت ( نزلت دموعها) تتصل عليهم وأنا لا ليه يا خوي أنا آخيتك الوحيدة ليه حتى رقمك ما اعرفه اطلبه يقولون ما نقدر نعطيك تكرهني يعني محمد : لولو حبيبتي ليالي ( بعصبيه ودموعها تزيد ) : لا تقول حبيبتك لو حبيبتك مثلهم كان كلمتني كم لك فوق 10 أيام لا لا اسبوعين حتى ولا حنيت علي بمسج محمد : والله كنت اخذ أخبارك من أمي وأنتي مشغولة بتجهيزاتك ليالي : حط أعذار لا والله مالك عذر تسافر ما تودعني وتتصل ما تكلمني كيف اشفع لك أو أسامحك محمد : ما كنت اقدر اتصل سامحيني بس أخبارك توصل لي ليالي ( قامت وهي تبعد عن أمهاتها متجه للحديقه الخلفية ) : لا قول انك خايف اعرف أخبارك وتوصل لناس كارهم محمد : ايش تقصدين ليالي : فاهمني بس صدقني انك ظالم الناس اللي حريص على أن ما يعرفون أخبارك ما هي هنا تطمن محمد : في بيت عمي ليالي : لا في القرية ما عادت تتحمل الرياض من بعدك محمد ( ابتسم باستهزاء) : قولي ما صدقت ابعد ليالي : لا والله أنت اللي ما صدقت تقول لك ابغى الطلاق أخذت اللي لزمك وسافرت محمد : أنتي عارفه ليه سافرت ليالي : لا تقول علاج لا تقول الدكتور قال لك تراني أعرفكم واعرف سالفة تغطيتهم لسفرك محمد : أنا ما أغطي على شيء وأنا سافرت لسببين وأنتي اعرف الناس فيني ليالي : قول هربت ما تبغى تواجهه محمد : تسمينها هرب اوك هربت كذا رضيتي ليالي : أنت هربت وهي هربت لمتى تسوون كذا محمد : يعني مهتمه شوفي راحت توسع صدرها بالقرية ليالي : لا والله غلطان هي هربت مثلك من كلام واسأله اللي حولها وضغوطهم عليها ونظراتهم لها تركتها يا محمد تواجههم لوحدها وطلعت منها محد يلومك محمد : الكل يلومني وأنا ألومها ليالي : ايش تقصد محمد : ولا شيء ليالي : محمد ارجع ارجع ورجع حياتك اللي فقدتها رجع الفرحه بعيون فرح ذبلت والله وصار الدمع رفيقها صارت سارحه بهمها وهي بينا ارجع يا محمد محمد : لو رجعت هي ما ترجع ناسيه كلامها قبل أسافر فرح باعت كل شيء ليالي : بعد ما أنت بعتها ما عاد شيء يهمها تبغى ترخص بنفسها صعب ترى كل شيء ولا كرامة الإنسان محمد : أنا ما بعتها بس ما تحملت قربها يا ليالي تذكرين لما كنتي متزوجة جاسم ما تتحملين وجوده بس مجبورة تشوفينه هذا حالي ليالي : فرق بينا تقارن حياتك أنت وفرح اللي نابعه عن حب بحياتي أنا وجاسم ما كنا نحب بعض عشان نشفع لبعض ونتنازل لا أنت أنهيت حياتك بنهاية حملها حسستها أن زواجك منا للأطفال ومصيرها متعلق فيهم ما هو في حبها وحبك محمد : ابدا ابدا يا ليالي ما هو كذا ليالي : قول لي فهمني اشرح لي كلمني ابغى افهم وين حبك لسنوات كيف تبخر وين اللهفة اللي انطفت وين محمد : ما انطفت بس أنا ما اقدر أشوفها ونظرت عيونها كلها عتاب لي ألف مره انكسر وانكسر وقلبي ينزف من أتذكر أنها كانت حامل وسقطت ليالي : ليه محمد : لأني ألوم نفسي لأني اعرف أني السبب لان نظرتها موجهه لي لأني السبب ما اقدر أشوفها ابرر لها ليالي : تعترف محمد : أي بس متأخر كابرت كثير وأحط اللوم عليها كابرت كثير وصديتها كابرت كثير ولا قدرت أقربها لي وزادت الفجوة بينا واللوم والعتب لكل واحد منا ليالي : تكرها محمد : احبهااااااااااااااااااااا اااااااااا والله أحبها بس ما اقدر أواجها وأنا طفيت فرحتها أنا ذبحتها بسقوط الجنين لو تنازلت شوي عن عنادي وأخذتها ثاني يوم لطبيبه كان زفت لي خبر حملها بدل لا يزفون لي خبر تسقيط الجنين ليالي : دام تحبها تكفه يا محمد جدد حياتك احتويها لا تهدم حياتك لا تكبر الفجوة بينكم ارجع وتمسك فيها محمد : بترفض ليالي : والله فرح تحبك لو تقول لا والله هي تحبك من ينطري اسمك يفز قلبها تشوف بعيونها لهفه تشوف تسائل عنك وعن أخبارك محمد : كيف عرفتي ليالي : ما قالوا لك عن بنات فهد محمد : قالوا لي وما اقدر اتصل أبارك له أخاف يصدني ولا يسكر الجوال بوجهي ولا يعصب ويسبني اعرف فهد ليالي : ما هو مهم فهد المهم فرح زرنا وضحه نبارك لها في بيت عمي جدتي تسأل عنك وهي جالسه تتابع والله بطرف عينها دمعه من يقولون محمد تتوتر تتابع كلامهم تلاحظ أن ودها تسأل عنك بس مترددة وخايفه يفهمونها غلط محمد : أهمها ليالي : فوق ما تتصور بس هي ما تهون نفسها عليها كرامتها اللي أنت مسحت فيها الأرض هي تلممها تحاول تداوي جروحها وتحاول تداري دموعها بس نظرت عيونها تفضحها ورجفة أيديها تكشفها من يقولون محمد محمد : لا تزيدين علي أنا لوحدي ما هو متحمل ليالي : أنا ما أزيد أنا جالسه انقل لك الوضع اللي يصير من بعد غيابك محمد : .................... ليالي : تسمع لي ياخوي محمد : ايش ليالي : أنت محتار وهي محتارة وفي فرصه انك ترجع حياتك مثل ما كانت محمد : صعب أبوي قال عن رفضها لي وإصرارها على الطلاق وعمي يأيدها وإخوانها رافضين أي تسويه حتى وليد قالها صريحة أن ينتظرون رجوعي وثاني يوم حالفين ياخذوني للمحكمة أطلقها يعني فرصه أشوفها أو اجلس اشرح لها مرفوضة كيف تبغين ارجع وأقول هالكلمه ليالي : قبل لا تسافر كنت مستعد تقولها محمد : أبدا كنت اهدد وكانت على طرف لساني بس ولا مره قدرت قلبي يجبرني أتراجع لو أبغى أطلقها كان قلت الكلمة بوجها ولا اهتميت ليالي : هذا يعطيني حافز أني أقول لك خطتي لأني اعرف أن حبكم ما هو نزوة لا حبكم نابع من المهد محمد : قولي ليالي : فرح ما راح تحضر ملكة ناصر كذا ما تقدر تشوفها محمد : لا حول ولا قوة إلا بالله يعني ما فيه وسيله ليالي : لا هذا أفضل لك ولها محمد : كيف ليالي : روح لها بالقرية ما عندها احد من أهلها يمنعك وجدتي من أكثر الناس الرافضين لطلاق وأنت تعرف جدتي شلون إذا صرت على شيء تجيبه محمد : طيب وجدي ليالي : جدي تعرفه ما يرفض لجدتي أمر محمد : للحين ما فهمت ليالي : أنا بكلم جدتي واشرح لها انك تبغى زوجتك بس بتجلس معها وانك ما تبغى تطلق وكذا جدتي راح تسهل لك الجلسه مع فرح محمد : تضنين ليالي : متأكدة واجلس معها محد بيعرف انك موجود بالرياض الكل راح يتكتم على الموضوع لين تنحل الأمور وصدقني جدتي بتكون معك قلب وقالب محمد : ما أبغى ارجع قبل اتاكد من قبول جدتي وان ممكن احد يساعدني ليالي : بكلمها وأقول لك محمد : متى ليالي : ليه مستعجل محمد : ملكة ناصر بعد كم يوم ولازم احجز وابلغ صديقي ليالي : خلاص ألحين اكلمها بس أخاف يكونون عندها وننكشف وفرح تتصل على أخوانها أو أبوها وتخرب الخطة محمد : اسأليها وقولي لها تبغين بروحها وصدقيني لو صار يا ليالي وأمورنا صلحت لك مني أحلى هديه بحياتك ما شفتيها ليالي : هديتي يا محمد بعد 9 شهور بطفل ولا طفله يقولون عمه محمد : أجيب لك درزن بس أمهم ترضى ليالي : طيب تبغى شيء محمد : سلامتك وانتظرك ليالي : إذا وافقه بقول لامي تقول لك لأني ما اعرف جوالك محمد : خذيه من عند أمي ليالي : اوك مع السلامة محمد : مع السلامة سكرت الجوال وطلعت جوالها تتصل على جوال جدتها وتتمنى محد يرد غيرها ابتسمت وهي تسمع صوتها ليالي : السلام عليكم الجدة : وعليس السلام هلا وغلا ليالي : هلا فيك كيفك يا جدتي الجدة : بخير وأنتي شلونس وشلون أمهاتس وأبوس وإخوانس ليالي : بخير يسلمون عليكم الجدة : عساه دوم ليالي : جدتي عندك احد الجدة : أي عندي مرت خالس والعنود ووضحه و بنياتها ما غير غادي لهم صياح وهي طايحه لس بالقهوة والحلا وفرح وعندي حسنه وأمها ليالي ( ابتسمت وهي تسمع اعتراض وضحه ) : حسنه يا حلوها سلمي عليها ولا أمها كثير وسلمي على الكل الجدة : يوصل ليالي ( تسمع جدتها تبلغهم بسلامها ويردون عليها ابتسمت ) : يسلمك ويسلمهم الجدة : وش عندس متصله مهوب من عوايدس ليالي : أبغى أتكلم معك بموضوع يخص محمد وفرح بس ما أبغى احد يعرف أبغى تطلعين من عندهم الجدة ( توقف وهي تطلع من الغرفة متجهه لغرفتها دخلت وسكرت الباب) : أنا بحجرتي ليالي : محمد يسلم عليك هذا أول شيء الجدة : الله يسلمس ويسلمه طمنيني عنه وعن صحته ليالي : بخير بأذن الله الجدة : وش عنده ليالي : محمد يبغى فرح ولا يبغى يطلقها الجدة : ألحين عرف فرح ولد سعد فتح عيونه وعرف قدرها و أن قربها جنه وبعدها نار ليالي : ليه تقولين كذا ما هو أنتي ما تبغين يطلقون ما أنتي دايم تقولين ما يتطلقون الجدة : أي أقول بس لأني ما أحب الطلاق وعلومه بس ما هب معناها أني موافقة على محمد وسواته بالمسكينة اللي ما تنام إلا دمعتها على خدها قدها كل ليله على هالحال ليالي : عارفه يا جدتي بس محمد متمسك فيها بس خايف يصدونه الجدة : من ليالي : عمي وعياله الجدة : وش غيره كان يبغى يطلق ليالي : محمد ندمان الجدة : ندمان بعد سواته والله ما يفيده و ايش يفيد الندم وكسر قلبها سقطت الورع والرجل هرب ليالي : الورع يتعوض بأذن الله والرجل بيرجع بأذن الله بس يبغى موافقة منها يبغى فرصه يجلس ويتكلم معها أخر فرصه يا جدتي الجدة : جعلس الصلاح وأنا وش لي بعلوم الرجال مع حرمته ليالي : توقفين معه الجدة : يبغى اكلمها يعني ليالي : يبغى يرجع يا جدتي ويجيكم للقرية ويجلس معها وهذا طبعا مرفوض تعرفين جدي وخالي لا يمكن يعملونها عشان ما يزعلونهم وأنتي يا جدتي تعرفين محمد وفرح يحبون بعض لولا مشكله تسقيط الجنين وترى كل واحد يلوم الثاني يكابرون الجدة : يا ليالي ايش تبغين فهميني ليالي : أبغى تستقبلين محمد وتقريب القلوب محمد لو جاء لرياض وشافه عمي وعياله ما يتركونه بياخذونه ثاني يوم للمحكمة يطلق زوجته والفترة اللي فاتت زعل بين أي زوجين ويمكن تدخلنا يا جدتي كبره كل واحد يوقف مع اللي يعزه ويبغيه الجدة : أخاف محمد لما يختلي فيها يجرحها أكثر ليالي : ليه تقولين كذا الجدة : ما كانت قدامه ولا حساها بكلمه حلوه كله يرمي الحسي عليها و يزعلها ترى أنا سألت فرح و هي كانت بالحيل مغبونه بكت وبكت كثير وهي تحسي لي وتشكي يا أمس قطعت قلبي ليالي : تقولين لي شيء شفته بعيوني وحضرته وقلبي يوجعني عليها بس والله يا جدتي محمد يقول أن اللي سواه بسببها الجدة : عارفه عشان سقطت جنينهآ ليالي :لا لان يعرف أن هو السبب من نظرت عيونها كانت ساكتة بس يعرفها من عيونها شايله بخاطرها وتعاتبه ومحمد ما تحمل نظراتها الجدة : تحسيين الصدق ولا ملعوبن منس ومن أخوس ليالي : والله يا جدتي صدق هذا كلامه وعشان تطمنين ايش رأيك أعطيك رقمه وتكلمينه لو حسيتي أن ما هو صادق لا توافقين ولو حسيتي انه صادق ساعديه وساعدي فرح خليهم يجلسون مع بعض ولا يكابرون الجدة : موافقة عطيني الرقم بس من يكتبه لي ليالي : ما أبغى احد يعرف لو شافوا الرقم أكيد بيعرفون أن خارجي ويسألون الجدة : اسمعي أرسلي لجوالي وأنا بقول لخليفه ولأني اعرف خليفه يحب محمد بيساعد وبقول له يجيبه بنفسه لهنا عشان محد يحس عليه ليالي : شيء زين لأني كنت أفكر من يجيبه وخايفه احد يعرف الجدة : أرسليه وأنا بقول لخليفه ليالي : موافقة يعني الجدة : قبل ما اسمع محمد ما اقدر أقول لس أي ولا لا ليالي : اوك برسله مع السلامة الجدة : مع السلامة سكرت الجدة وتنهدت وهي تفكر بكلام ليالي شوي سمعت صوت الجوال عرفت أن ليالي أرسلت الرقم كانت حافظه رقم خليفه على 3 اتصال سريع ضغطت وكلمته وقال يجي لها الغرفة وخلال دقايق خليفه وصل والجدة بلغته باللي صار وخليفه كان يحثها توافق لان يعرف محمد يحب فرح ويمكن اهو من الناس اللي انصدموا بتعامل محمد مع فرح وسالفة طلاقهم رغم أن يعرف محمد يحبها كثير من صغر سنه لين الشباب اتصل على محمد وعطاه جدته وهي تسأله وتسمع له بحضور خليفه ... ----------------------- | |||||||||
|
| |
|
19-09-13, 01:29 PM
| #413 | |||||||||
| نجم روايتي ومشرفة سابقة وفراشة متالقة بعالم الازياء
| في بيت أهل عبدالرحمن ... جالسين يتقهون بعد الغداء والهم بادي على وجيهم بعد السالفة اللي صارت بالمستشفى الصبح وعصبية العمة أم مشاعل واتهامها أن أخوها وعياله يكرهونها هي وبنتها لدرجه وصلوا بنتها للجنون رافضه تسمع أي مبرر ورافضه كلام الطبيب اللي يقول لها أن عوارض اللي صابت بنتها لها فتره ما هو بين يوم وليله مثل ما هي تظن الأم : اذكروا الله الكل : لا إله إلا الله الأم : علامك والهم واضح بوجيهكم سحر : علامنا وحال أبونا اللي جالس فوق حتى الغداء ما أكله بشاير : يمه حالته مخوفتني الأم : أبوكم بخير بس شوي متضايق خلود : عمتي أم مشاعل مالها حق تجرح كذا وهي تعرف مقدار معزتها بقلب أخوها سحر : عمتي باعت كل شيء وأنكرت كل شيء سواه أبوي لها ولبنتها هي السبب وصلت لبنتها للجنون وهي تهمس لها عبدالرحمن لك ومشاعل له الأم : عمتكم عقلها ما صار يستوعب بعد حالة بنتها وكلام الطبيب اللي شافها الصبح أن البنت لازم تتحول لطب النفسي هذا مكانها وهذا قدرها هاجر : هذا أمر الله بس هي ليه تعترض الأم : مهي معترضه وأنا اعرف أنها مؤمنه بس يمكن للحين ما استوعبت وتبغى احد ترمي عليه السبب يمكن ترتاح بشاير : يمه لا تبررين لها أنتي عارفه أن عمتي من جابت بنتها وهي تقول عبدالرحمن ياخذها غصب تغاضت عن كل أفعال بنتها وان هي وصلت نفسها لكذا وتقول أن أبوي هو السبب وصل فيها أن تشكي عليه بالشرطه كيف تسويها خلود : والله يوم سيف قال لي صدمني كيف تسوي كذا بشاير : لولا تدخل عمي أبو جراح كان الله يعلم شنو يصير وهي تبغى ترميه بالسجن تقول مكانك أنت وعيالك السجن مثل ما سجنتوا بنتي في الطب النفسي سحر : صدق ما تستحي الأم : سحررر عيب عليك سحر : والله أني صادقه ما تستحي ترفع شكوى ضده وتجيبه لشرطه وتقول أن ضرب بنتها هو وعياله وسببوا لها الجنون من الظلم والضرب والاهانه اللي شافتها من تحت يدهم و هي اصلا كيف دخلت كيف تجرأت تقول بشكي على سلطان سيف الـ.. أخوها سندها الأم : خلاص الأمر انتهى وما صار في قضيه عمكم أبو جراح تدخل وحل المشكلة وهي تراجعت لما وعدها أنت بنتها ما تدخل طب النفسي وان بياخذها هي وبنتها يعيشون معه بملحق خاص بعد ما هي رفضت تدخل بيتنا لين تموت ود : يعني ما راح نشوفهم سحر : لا يا قلبي هي اختارت طريقها وهي اللي قطعت الرحم ووصله الأم : هي ما قطعت بشاير : لا قطعت لما قالت لأبوي ما أبغى أشوفك ولا أبغى بيتك ولا أنت اخوي هالكلمه هزته من داخل الأم : أبوك ما قال شيء انتوا ليه تفتحون الموضوع أن سكنت عندنا بالعين قبل الدار وان راحت لابو جراح هو مثل أبو سيف كلهم واحد هاجر : الموضوع ما تسكر عشان تقولين ينفتح يا جده الموضوع حالة جدي أنا دخلت عليه قبل شوي وسلمت والله بعيونه نظره حزن الأم : اعرف واعرف زوجي أن قوي وبيتحمل كلام أخته عشان حالتها وهي بيجي لها الوقت تندم وتتحسر على غلطها بحقه سحر : أبوي دللها وهي أخته الوحيدة وهي دللت بنتها لين خسرتها بشاير : مشاعل عقلها طار ما صارت تفهم ولا تذكر غير أن عرسها وعريسها عبدالرحمن يارب رحمتك سحر : الله يشفيها ولا يبلانا الأم ( حبت تغير الموضوع لان لاحظت الحزن بدأ على ملامح بناتها) : خلود خلود : هلا الأم ( تناظر هاجر وتبتسم) : عسى ما ناقص عروستنا شيء هاجر( نزلت راسها وابتسمت بحياء) : ...................... خلود : لا كل شيء جاهز وفستانها أمس طلعناه سحر : صدق فجر وين ما شفتها خلود : زوجها وصل أمس من السفر واليوم الصبح أخذها يتغدون عند أهله سحر : رجع ما شاء الله الأم : هو بيجلس ولا برجع خلود : لا بيرجع جاء أسبوع أجازه ود : بياخذ فجر خلود : أكيد ما هي زوجته ود : ليه كان يتركها فجر : هو زين منه خلاها شهر عندنا خلود : بعدين دراستها راح تبدأ بعد 10 أيام هو سجلها وانقبلت ود : والله ما صدقت أشوفها تزوجت وسافرت ثاني يوم وفقدتها شهرين كاملين وما صدقت ترجع لنا صدق شهر كامل مثل ما تقولون بس أحس الوقت مشى بسرعة ولا حسيت فيه فجر : شنو تقولين عني أنا يا أختها والله كنت ببكي لما قالت لي قبل يومين بيرجع ونسافر ثاني يوم رحت لبابا وقمت ابكي أقول والله تكلم فواز ما يسافر اهو وفجر لين تحضر ملكتي معقولة املك وأختي ما هي جنبي خلود : أي والله هذاك اليوم شيء بشاير : كيف الأم ( توقف) : انتوا كاملو سوالفكم وأنا بروح ارتاح قبل صلاه العصر سحر ( تناظر ود) : حبيبتي عطيني شاي ود ( توقف وتصب لامها) : من يبغى كمان خلود : أنا بشاير : كملي يا خلود خلود : المهم كنا جالسين بالصالة نتكلم عن ملكة هاجر وان عمي أبو سيف قال أن الملكة تتم في بيته وفجأه يجينا إعصار نازل فزيت أنا وأبوها من الخوف قلنا صاير شيء أو ناصر راجع نفسه وقال ما ابغاها كنسلنا الملكة والبنت ما صدقت تعرس هاجر ( بإحراج ) : يماااااااه الكل : ههههههههههههههههههههههههه ه خلود ( أخذت الشاي من ود) : مشكورة حبيبتي وقفنا وهي تجري لأبوها وتقول ما ياخذها ما ياخذها وسيف المسكين قال أن ناصر اخذ غيرها ويقول ما يهمك هذا نصيب وهي تبكي وأنا قلت أكيد أن سيف متصلين عليه وقايلين خلاص ما نبغى بنتك ومو عارف كيف يوصل الخبر لي لا يضايقني أنا شهقت ومسكتها من قال لك أن ما يبغاك واهاوش سيف عندك خبر ولا تقول لي أنا أمها أكيد احد عماتها عرفت أكيد بنات عمه أو عمته خوله ياويلي ايش أقول أمس أقول بنتي انخطبت واليوم أقول ما يبغونها وانقلب الحال سكتت هاجر مصدومة تناظر لي وأنا اللي ابكي وسيف يهدي فيني وترك هاجر الكل : ههههههههههههههههههههههههه ههههههههههه ود : وبعدين يا خاله خلود : اخذ 10 دقايق وابكي واتحلطم وساعة أقول لهاجر هو ما يبيك خسران اهو أنتي تشرفين مليون واحد وهي مسكينة وقفت تبغى تفهم شيء وساعة أقول لسيف ما أسامحك اسمع من الناس سحر : صدمتي البنت ههههههههههههههههه هاجر : لا أنا خرعتني مخي بدأ يشتغل على كلمه ما يبيك نسيت فجر والسالفة وصرت بس أناظر لهم بشاير : والله ما ألومك أمس موافقة على الخطبة واليوم يصدمونك ما يبغونك هاجر( تبتسم وتمد لسانها) : عاد أنا نمت انسج خيوط ورديه واهو معاي خلود ( ناظرت لها ) : بنت وجع هاجر : اضحك اضحك الكل : هههههههههههههههههههههههه بشاير : كملي خلود : والمهم بعد ما ذبحت نفسي بكي وخرب كحلي كنت بتزين واترزز قدام أبو سلطان بكحله وحميره خربت علي هاجر وصرت أخرع قال سيف هاجر وش فيك قالت له ببرود فجر ما راح تحضر ملكتي وتبكي تقول لأبوها يتصل على فواز ويكلمه أن يجلسون لين الملكة وسيف ما يحب يشوف بناته يبكون قلبه رقيق يضمها ويهديها ويحلف أن فجر تحضر لو فواز رفض ياويله وان راح يكلمه اليوم ويقنعه و أنا هنا وقفت وفتحت فمي أبغى استوعب سحر : ليه هو إرسال بفمك الكل : ههههههههههههههههههههههههه ه خلود : هههههههه وش إرساله بس الصدمة الأولى توني استوعب أن اللي مزعلها ومبكيها فجر بدأ عقلي يرسل ذبذبات أن ناصر ما هو بالسالفة ود : خالتي اثر عليك فجر ودراستها ذبذبات سحر : كنت شاكه أن شركه اتصالات مركبه برج بفمك ذبذبات ها الكل : ههههههههههههههههههههههههه هههه خلود : يا بنت الحلال خليني أتثقف هههههههههههههههههههه فجر : عاد أمي تصحى قبل أبوي وتقرا الجريدة عشان تناقشه وتوضح أنها ترقى مثل ما تقول بحوارها معه خلود : والله الحرمة السنعه تشوف ميول زوجها وعقليته وتحاول تتجاوب معاه عشان ما يحس ببعد بينهم بشاير : اعترفي من وين اقتبستي هذي الجملة خلود : من الانترنت سحر : من ورآنا خلود ( تغمز لها وتبتسم) : لنا جلسه بروحنا بشاير : وأنا خلود : وأنتي جلسه للمتزوجات هاجر : وأنا خلود ( تناظر لها) : وش أنتي هاجر : بعد كم يوم بتزوج ما يصير اجلس خلود : قالوا من أمتا لك بالقصر قال من أمبارح العصر تبغين تعرفين وأنتي في بيتي هاجر : لاااااااااا والله اجل أروح له واعرف عنده ( شافت أمها ترفع كعبها خافت وحطت الكوشيه قدامها) امززززززح يماااااااااااه والله امزح يا أم سلطان بشاير : البنت فصخت الحياء ما صدقت تعرس تبغى تعرف الحابل والنابل الكل : ههههههههههههههههههههههههه هههههههه سحر( شافت جوالها يضوي واهو على الصامت اخذته ابتعدت عن البنات) : هلا عيسى : السلام عليكم سحر : وعليكم السلام ( طلعت من الصاله للحديقه الخلفيه) : خير يا عيسى عيسى : يمه وش فيك عليك سحر : انت عارف الحال اللي انت فيه مو عاجبني عيسى : يمه لك كم يوم زعلانه مني حتى اتصال ما تجاوبيني وود حرمتيني من صوتها وابوي اكلمه ويقول طحت من عيني لا تزيدينها سحر : تظن اللي سويته شيء سهل ابوك انصدم بأفكارك ظن انك كبرت وانت بعدك مراهق حتى اختك اشركتها باللي يخالف الله ولا اهتميت عيسى : واعتذرت يا يمه ارسلت لك ابغى اكلمك ما تجاوبين سحر : تبغى ارضى وانت قهرتني بفعلتك وش تظن خالك بيقول لو عرف بافكارك وش بيكون نظرت اهلي لي ما عرفت اربي عيسى : لا والله عرفتي بس القلب سحر : دواء قلبك بحب وعشق جديد بس حب حلال مو حب كذا ( سمعته يتنهد جلست على كرسي وهو كاسر خاطرها) اسمع يا ولدي انا مو زعلانه بس ماخذه على خاطري منك يا ولدي عيش يومك وخل الناس تعيش ما تقدر تعترض على نصيبك عيسى : يمه والله مو قادر انساها هي شيء كبير لي ما اقدر اشيلها من قلبي سحر : تشيلها بالحرمه تزوج يا امك وانت راح تشوف ان بنت الحلال بتنسيك فجر عيسى : انا دخلت 20 سنه من كم يوم سحر : حرمه تعصمك عن الحرام وبنفس الوقت تشيل حب فجر من قلبك عيسى ( غمض عيونه وبصدق نابع من قلبه) : لين قبري حبها بشيله بقلبي سحر ( عصبت) : وانت ما تتوب وش اسوي لك ضنيت انك متصل عشان تعترف انك غلطت ألقاك متمسك بالغلط عيسى : انا متصل اراضيك سحر : انت زدت زعلي زعل متى تفهم بس متىىىىى ( سكرت الجوال ولا سمعت رده وهي تزفر بضيق ) حسبي الله ونعم الوكيل كيف اتصرف ( فزت بخوف ) بسم الله ضاري : بسم الله عليك سحر : خوفتني ضاري ( يجلس جنبها) : شكلك سرحانه سحر ( تتنهد) : أي والله ( شافت الجوال يضوي قفلته ) اوف ضاري ( استغرب عصبيتها) : علامك يا ام عيسى سحر ( بعصبيه) : لا تجيب اسمه وربي واصله معي من اسمع اسمه اعصب ضاري : افا افا قولي لي وش فيه وليه مزعلك سحر( كتفت ايديها بعصبيه) : هو مخلي احد ما زعله انا وابوه زعلانين منه ضاري : اعوذ بالله وش صاير سحر : محتاجه اتكلم مع احد ويشور علي ضاري : تبشرين وانا اخوك قولي لي سحر : يا خوي انا ما ابغى ولدي يغضب الله ويفكر في محارم غيره ضاري ( بجزع) : اعووذ بالله معقوله عيسى وش مسوي قولي لي والله ان ما يسلم مني سحر ( مسكت يده ) : لا ياخوي ولدي ما ارتكب الحرام بس هو ضاري ( شافها ساكته وتحس بتردد) : قول لي ولك مني الرأي السديد سحر : عيسى ما نسى فجر للحين ضاري ( بصدمه) : صدق سحر : أي ضاري : كملي سحر تسولف لضاري وهي منحرجه منه وتطلب النصح منه بما ان شاب وممكن يفيدها وضاري يسمع وكسر خاطره عيسى معقوله هذا الحب الافلاطوني لفجر معقوله يهدم حياته ويضيع مستقبله ويغضب والديه عشان حبه سحر دمعة عيونها لان ولدها يتعذب من فقدان حبه وزعل امه وابوه هي عارفه بس تكابر وضاري طلب منها تسكت عن الموضوع وهو بيتصرف وان كلامه معه بيكون افضل بما ان شاب ومجرب الحب ... ------------------------------- في جده ....... دخل للمكتب ومعه أوراق مهمة مؤجلها من الصبح واهو عارف أن عبدالله نفسيته ما تتحمل النقاش ومن وصل لشركه رفض أي احد يدخل عليه معصب وعاقد النونه ونفسه براس خشمه بس مضطر يدخل ويتكلم عن توقيع أوراق لصفقه كان متمدد على الكنبه الطويلة ويده تحت راسه ماطلبتك شي | تكفيني رساله بس طمّني وصلت آنا بخير لاتشوف القلب بعدك كيف حاله كل ماجاني مسج ودّه يطير هو ؟ لا مو هو ! ياربي شـ جراله ! خوف قلبي في غيابك غير | غير !! عبدالله ( اتجه نظره له) : خير يا حسن حسن : الخير بوجهك بس لازم تطلع على الأوراق هذي عبدالله : اجلها حسن ( سكر الباب وقرب له): ما نقدر نأجلها عبدالله : بليز حسن مالي مزاج حتى لو اخسر الصفقة ما أبغى أشوف شيء حسن ( يجلس على الطاولة قدامه) : عبدالله صفقه تنتظرها من زمان ولما تجي لهنا تسبب ضياعها علامك يا خوي كذا عبدالله ( ألتف عنه ونام على جنب معطي حسن ظهره) : ................ حسن : ايش صاير لك أمس بمزاج واليوم بمزاج عبدالله ( غمضه عيونه وتنهد بألم) : ما ترد على اتصالاتي ولا قادر أنام ومن رجعة أمس من موعدها ما طلعت يتصلون علي أقول لا تتحركون لو لمحتوها طمنوني ( جلس واهو يزفر بقوه) تعبااااااااان أبغى اسمع صوتها أبغى اتطمن لييييييييه تحقرني ليه تسوي كذا حسن : اهدى عبدالله ( يفتح أزرار ثوبه) : مخنووووووووق حسن ( يبتسم) : تحبها لهذي الدرجة عبدالله ( يبتسم باستهزاء) : لو سمعك احد راح يضحك عبدالله المرعب يحب قلب جامد عمره ما نبض للحب ( حط يده على قلبه) بس طفلتي حركته طفلتي لعبه فيه زي ما تلعب بلعبه ( طالع له برجاء) أبغى طفلتي أنام على صوتها واصحى على صوتها طفلتي يا حسن 24 ساعة ما سمعتها لو تعاتبني لو تعصب مني لو تسبني راضي بس اسمعها حسن : طيب اتصل عبدالله ( بعصبيه مسك جواله ) : تعبت اتصل تعبت لو يحس هالجماد قال خف علي ما راح تجاوبك ( رفع يده يبغى يضرب الجوال بالجدار) اكرررررره حسن( مسك الجوال) : مجنوون عبدالله( تنهد واهو يمسح وجهه ويذكر الله بقلبه ) : .................. حسن : طيب ايش رأيك تسافر لها كذا ما راح تفيدنا بالشغل وأخاف توقع على شيء بالغلط لأنك ما هو مركز عبدالله ( رفع راسه) : أسافر حسن ( ابتسم) : أي روح شوف طفلتك عبدالله : بس ملكة ناصر قريبه وهي عارفه بحضرها حسن : بعد كم يوم قلتها ايش يمنع تقدم بعدين تشوف تجهيزات حفلتك بالرياض عبدالله : والشركة حسن : يعني منتبه لها ولا عارف طفلتك هذي بتجننك وتجننا عبدالله : أسافر حسن : أي سافر قبل لا أتراجع وأخليك تجلس بجنونك لين تفصل نص الموظفين عبدالله : فصل حسن : السكرتير المسكين اليوم فصلته لما دخل عبدالله ( ضرب على جبينه ) : يوووووه والله ما كنت بوعي لا يكون عملها حسن : لا أنا كلمته وقلت بس انك معصب عبدالله : زين يا شيخ هههههههههههه حسن : اطلع جهز نفسك وبخليهم يتصلون يحجزون لك لرياض وببلغك بالوقت عبدالله : ايش أقول لجدتي وأمي اللي عارفات أني بسافر بعد كم يوم حسن : لو قلت لهم انك مسافر عشان مي ما يتركونك اسمع قول أن لازم تسافر عشان الحجوزات وتشرف على كل شيء وأنا بعد كم يوم باخذهم وانزل لرياض عبدالله : خلاص ( وقف واهو يسكر أزراره ويأخذ الجوال والشماغ) احجزوا لي | |||||||||
|
| |
|
19-09-13, 01:30 PM
| #414 | |||||||||
| نجم روايتي ومشرفة سابقة وفراشة متالقة بعالم الازياء
| طلع من الشركة متجه للبيت قرر يتصل ببندر ويعطيه خبر بوصوله .. عبدالله : السلام عليكم بندر : هلا والله وعليكم السلام عبدالله : كيفك بندر : بخير وأنت عبدالله : والله ماني بخير بندر : افااا ليه عسى ما شر عبدالله : ما شر بس أنت عارف مي وحالتها بندر : مي بخير بأذن الله عبدالله : شفتها كيفها بندر : لا والله اليوم ما شفتها وأمس كله نايمه بس أمي تقول أنها بخير عبدالله : كل هذا ما علي منه أنا اليوم جايكم بندر : تجي وين عبدالله : الرياض وراح اجلس لين العرس بندر : ليه أنت مقرر تجي بملكة ناصر بعد كم يوم ليه تقدم السفر وتترك أشغالك وإذا على مي أنا بقول لها تكلمك أول ما ارجع البيت عبدالله : السفر والقرار تم كلمتني ولا لا أنا لازم أشوفها أنا خلاص حجزت وبحجز فندق بس حاب انك تستقبلني عشان أشوف مي قبل أروح الفندق وإذا مشغول بكلم سلطان بندر : ولا والله ما هو مشغول بس متى طيارتك عبدالله : سكرتير مكتبي بيحجز ويبلغني بس اعرف بقول لك بندر : اوك بلغني بس سالفة الفندق شيلها من بالك لان مستحيل تسكن بفندق وبيت أنسباك موجود عبدالله : لو أبغى اجلس عندكم كان ما حجزت بعدين بيتك وبيت سلطان موجودين بس أنا ما أبغى أثقل على احد واخذ راحتي بندر : خذ راحتك في بيت أهل زوجتك بعدين يوم جينا جده رفضت نجلس في فندق جاء الوقت نرد لك كرم الضيافة عبدالله : لو وصلت نتفاهم المهم اتطمن على مي بندر( ابتسم) : كل هذا عشان مي عبدالله ( تنهد واهو يبتسم رغم القلق والتفكير فيها) : ما تعرف ايش حالتي ولا كان ما لمتني بندر أتمنى تعطيها خبر بوصولي لأني أبغى أشوفها من أمس ما عرفت الراحة بتطمن عليها بندر : حاضر وأرسل لي مسج بوصولك اوك عبدالله : اوك مع السلامة بندر : مع السلامة وصل البيت ونزل واهو يسمع صوت نغمه رسائل طلع جواله وفتحه شاف رسالة من حسن يبلغه أن حجزه 9 مساء عبدالله ( بقهر ضغط على الجوال وبهمس واهو يدخل البيت ) : يعني انتظر لبكرة عشان أشوفها اوووووووووووف الجدة ( كانت جالسه تتقهوى وانتبهت له يزفر) : بسم الله علامك عبدالله ( شاف جدته مع عمته جالسات قرب وباس روسهم) : السلام عليكم الجدة والعمة : وعليكم السلام الجدة ( تمسك يده وتجلسه جنبه) : يمي علامك فيك شيء عبدالله : لا يا جدتي العمة هيا ( تصب له قهوة ) : وجهك ما هو زين عبدالله ( يأخذ فنجال القهوة) : مو نايم عدل الجدة : عسى ما شر عبدالله : أبدا شوي مشاغل العمة هيا : يا أمك أنت تشتغل بالشركة وتقابل أمور عرسك وسفرك ارتاح شوي عبدالله : ايش أسوي لازم اخلص العروض والاجتماعات قبل عرسي عشان بعدها أسافر بشهر العسل وأنا مرتاح أصلا مقرر اقفل جوالي الجدة ( تبتسم) : طيب دام كذا ايش مزعجك عبدالله ( حك ذقنه) : أبدا بس لازم أسافر الرياض اليوم الجدة : فيه شيء عبدالله : لا بس تعرفين هنا خلصت الأمور وهناك ما اعرف بأمور العرس تمموهم ولا لا الجدة : سلطان تكفل بكل شيء عبدالله : عارف بس خلاص ثقلت عليه شركته وبيته وبعد أمور عرسي وعلى العموم العرس باقي عليه أيام عادي اجلس هناك الجدة : طيب ليه ما تخليها بكره وأنا أروح معك عبدالله : بدري تروحين الجدة : خاطري أسافر عشان اجلس مع سلطان وأخته وأتعرف على أهلهم وجدتهم عبدالله : والله يا جدتي حجزت وطيارتي على الساعة 9 الليلة العمة هيا : يمه خليه يسافر اليوم وإذا تحبين بكره أو بعد بكره أنا أقول لحسن يوصلك لهم عبدالله : خلاص يمه أنا أوصي حسن واليوم احجز لك ولا يصير خاطرك إلا طيب الجدة : طيب ( طالعت لهيا) جهزي شنطتي ترى أبغى اجلس هناك لين عرس عبدالله الجدة : تبشرين يمه عبدالله ( يوقف) : بصعد أجهز شنطتي واطلع للمطار الجدة : بلغت أمك وأبوك عبدالله : لا بس وأنا طالع بروح أشوفهم الجدة : اجل وص حسن بكره الصبح نسافر واستقبلني أنت أبغى أشوفك عشان قلبي يتطمن عبدالله ( يبتسم ويبوس رأسها) : تأمرين أمر يالله توصون على شيء الجدة والعمة : سلامتك عبدالله ( يتجه لسلم واهو يطلع جواله ويتصل بمحاوله يسمع صوتها) : يارب ترد علي حيرتني ياظنيني !!.. كل يوم لك رأي فيني ؟؟.. حيرتني بين أمرين:: ((( تبيني أو ما تبيني )))... وهبتك أسمى مشاعر،،، من قلب وإحساس شاعر ... وأنت ولا فني شاعر !!! ليتك تحس بحنيني ؟؟؟.. زفر بضيقه لما حصل الجهاز مغلق وصعد بخطوات سريعة يبتعد عن جدته قبل لا تحس فيه يبغى يأخذ دش ويرتاح جسديا واهو متأكد أن نفسيا ما راح يرتاح من التفكير فيها ------------------------ في بيت مشاري ... تنهد واهو ينزل من السيارة بعد ما سكرها لها أكثر من أسبوع زعلانه وزعلها يوجع قلبه يشوفها قدامه ولا يقدر يكلمها تصده كل ما قرب وترفض تكلمه الصمت كان قرارها واهو احترم بس ما عاد يقوى على فراقها يشوفها تلعب مع ملاك يقرب يبوس ملاك بس لجل يحس بقربها و يسرق نظره لو صغيره منها يطلب منها تعطيه ملاك لجل يتلذذ بلمس يدها لما يأخذ بنته تلك الصغيرة سبب مشكله بينهم هل ستكون سبب رضاها عليه ماذا يفعل سؤال يتراود له بالفترة الماضية أرهقه بعدها وافقده الإحساس بالحياة إلا تعطفين أيتها العنيده عليه وشلون أبين لــه[ عَظيم إشتيَآقي ] وهوَ بعيد ، وكل نَبضي يخَآويـه .! فتح باب الفيلا ودخل كانت ظلمه فتح الأنوار وناظر ساعته بدري الساعة 8 مساء وهي أرسلت عليه قبل نص ساعة تبلغه بوصولها للبيت وتطلب ما يتأخر لأنها تخاف ومن استلم المسج ترك الاستراحة رغم قراره انه يسهر هذه الليلة معهم لكي ينسى اشتياقه لها ولهفته لرأيتها وهي من تصده كل حينه وحينه سمع صوت خطوات قادمة رفع نظره لسلالم المنزل كان صوت خطواتها معلن عن قدومها بدأ من قدميها وحذاءها العالي بأربطة تلتف حول ساقيها المتناسقتين ليرفع نظره لتفاصيل جسدها والغرابة تتملكه برأيتها بفستان قصير براق كلون الذهب وضيق ذو فتحه صدر كبيره و شريطه سوداء تربط حول الرقبة لامعه استقر نظره على تفاصيل وجهها شفتيها بلون خمري جميل وعينيها الشدو اللون السموكي متداخل معه الذهبي البراق و انبهر من قصه شعرها وتغير شكلها من يراها لا يقول أنها أم ولا يظن أنها متزوجة يظن أنها طفله تتزين للعيد وهو العيد بالنسبة لها منى ( ابتسمت وهي تناظر له يبلع ريقه بهمس) : مساء الخير حبيبي مشاري (يحس حلقه جف من زمان ما سمع كلمه حبيبي ) : .................... منى ( تقرب له وبيدها ايشارب اسود تحركه بيدها ): اممممممم شفيك مشاري : منى أنتي منى : عيون وقلب منى ( وقفت قدامه وباست خده) وحشتني مشاري( غمض عيونه واهو يتنهد) : بتذبحيني منى ( بدلع ) : كيفي حبيبي ( تحركت ووقفت ورآه) بربط عيونك مشاري ( يلف رقبته يناظرها) : ليه منى ( تربط عيونه بخفه) : مسويه لك مفاجئه بس أول ابغاك تدخل وتاخذ دش مجهزه لك كل شيء حمام ملكي ولا تحلم تشوف مثله ( مسكت يده ) يالله حبيبي خطوه خطوه مشاري ( يمد يده واهو ما يشوف غير ظلمه) : أخاف أطيح منى : بسم الله عليك أنا عيونك يا قلبي ( وقفت قريب من السلم) امسك السلم وامشي خطوه خطوه مشاري كان ينفذ كل كلامها وهو واثق فيها راضي بكل شيء لو تذبحه كفاية أن حس أنها راضيه الليلة عنه كفاية كلمه حبيبي منها اشتاق لهذي الكلمة حس روحه ترجع له وهي بقربه ويدها بيده ينعم بنعومة يدها وهي تمسك به بحذر كي لا يصيبه شيء مشاري : اممم ريحه حلوه منى : هههههه إحنا في غرفتنا مشاري : وايش هالريحه منى : فواحات والحين بدخلك الحمام بس توعدني إذا خلصت شور تعصب عيونك ولا تناظر ولا تحرك لين اجيك مشاري ( ابتسم بخبث) : اعصب عيوني كيف البس لا يكون بتدلعيني وتلبسيني منى : هههههههه لا ملابسك مجهزه لك بسله ( دخلته الحمام ) يالله عندك بس 10 دقايق مشاري ( سمع إغلاق الباب نزل الربطه وعقد حواجبه ) : ايش هذا تأمل الحمام فواحات برائحه عطريه تهدأ النفس حول البانيو وورد ومناشف جديدة واضح رغوه بالبانيو المجهز و لفت انتباهه بجامه معلقه جديدة على الحائط ابتسم وقرر يستمتع بكل شيء توفره لك منى من دلع وتدليع وكلام معسول اشتاقت مسامعه لسماعها غمض عيونه واهو يتمتع بدفئ المياه والرغوه ورائحة الزكية وأخذه الوقت و تناسى أن الوقت المحدد 10 دقايق وصحى من أحلامه بدقات على الباب منى : حبيبي مشاري ( ابتسم) : عيونه منى : يالله أخذت فوق الوقت 5 دقائق يا دلوع مشاري ( يوقف ويأخذ المنشفه) : دقيقتين بس ألبس منى : لا تنسى الربطه مشاري : حاضر ( لبس بجامه وربط عيونه ) منى ما أشوف منى ( فتحت الباب ومسكت يده) : شوف بعيوني ( طلعته من الحمام ووقفت قريب من التسريحة ) راح أمشط شعرك وأعطرك مشاري : منى كثير علي هذا ايش بتسوين ترى ما أتحمل كل هالدلال منى ( تعطره ) : كل هذا لعيونك يالله نروح مشاري : وين ما نجلس هنا منى : لا في مفاجئات كثيرة يالله بنطلع للحديقة الخلفية في البيت الزجاجي في مفاجئه مشاري : منى وين ملاك وطلال البيت هدوء منى : في سلمه قدامك انتبه حبيبي محد فيه بس أنا وأنت والخدم ناموا بدري وخداماتي عند بيت أبوي بكره يجيبهم السواق مشاري ( يلمس الجدار واهو يمشي بحذر) : وملوكه منى : طلال نام عند أختي نجود قلت لك اليوم الصبح بروح لها مع خواتي وملاك أخذتها سمر الليلة عندها مشاري ( وقف ) : ايش منى ( حضنت يده بين أيديها) : اعرف أني غلطت لما سمحت لها تاخذها ولا قلت لك بس حبيت نكون لوحدنا وما فيه طريقه أكون فيها لك إلا بأبتعادي عن ملاك عشان ما يشغلني عنك شيء مشاري : بس منى : لا بس ولا شيء ازعل وعاقبني بعد اليوم ما أبغى زعل وعتاب يالله كمل معي مشاري ( يمشي وهو يسمع صوت هادي) : موسيقى منى : أي ( وقفت ورآه وشالت الربطة) مفاجئه مشاري يفتح عيونه ويسكرهم واقف على باب البيت الزجاجي اللي تغير كل وضعه واهو يناظر لطاوله الأكل بوسطه بغطاء ناصع البياض وهدب بلون الذهب وشموع طويلة على شمعدان مذهب وحول ورد منثور والاضاءه خافته وكره متحركة تنبعث منها مختلف الألوان لتضفي على الجو نور يريح ناظريه وممر من باب البيت الزجاجي وصولا لطاوله الأكل مزين بشموع صغيره منى ( حطت يدها على ظهر مشاري) : قلبي ادخل مشاري : متى جهزتي كل هذا أنا كنت العصر بالبيت منى : خلنا نجلس وأقول لك ( ابتسمت وهي تشوفه يجلس وعيونه تناظر بكل ركن بالمكان ) تبغى تشرب شيء ولا تأكل مشاري : بعد كل اللي شفته أحس ريقي نشف ايش ناويه عليه منى ( تأخذ كاس وتصب عصير كوكتيل مجهزته) : ناويه على رضاك واطلب السماح على كل زله طلعت مني بحقك هذا الأسبوع مشاري ( مسك يدها اللي قدمت العصير) : كل هذا عشان ترضيني وأنتي اللي زعلانه منى ( مسحت على خده برقه) : أنا زعلي تافه قدام زعلك اللي تعبني أنا زعلت على شيء ما يسوى ازعل عليه وكبرت الموضوع وباعدت المسافة بينا وأنا ما ألومك لو تزعل كنت أنانيه اعترف ( شافته يوقف قدامها واهو يضم يدها بين أيديه ويبوسها) سامحني نسيت مشاعرك نحو اهلك نسيت أن اللي ما فيه خير لأهله ما فيه خير لزوجته وعياله وأنت خير مثال على البر والطيبة لأهلك مشاري ( ضمها وابتسم) : ااااااه يا مني أسبوع تجافيني وأنا الميت فيك أسبوع عطشان للمويه وأنتي اللي ترويني تمنعيني منى ( تسند رأسها على صدره بحب) : كنت أموت باليوم ألف مره أبغى بس تحتويني كذا خلني قريبه منك وأنسى الكون معاك مشاري : تعبتك وأنتي تسوين كل هذا لأجل رضاي منى ( ترفع رأسها وهي تناظره) : ساعدوني ناس كثيرة بس عاتبوني ونبهوني على أني ما أكررها فتحوا عيوني على حقائق وعطوني درس بحياتي الزوجية كنت غافله عنها مشاري : وايش هالدرس منى : أني أعطي نفسي وأعطيك فرصه نكون بيوم لبعض بدون أي عذول مشاري : اللي هي ملاك منى : تغار مشاري : تذبحني الغيره وأشوفك تبوسينها وأنا المحروم تذبحني الغيرة وأشوفك تضمينها وأنا الملهوف تذبحني الغيرة وهي بحضنك وأنا المشتاق منى : ههههههههههههههههههههههههه هه مشاري ( بوز واهو يدعي الزعل) : تضحكين علي منى ( تبوس خده ) : أوعدك أني لك وبس يالله نكمل عشاء لان في مفاجئات كثير مشاري ( يجلس ويشوفها تجلس قدامه ) : كمان منى : إحنا في البداية بخليك تعيش ليله مفاجئات تتذكرها وتذكرها لعيالنا وأحفادنا مشاري ( مد يده ومسك يدها بحب) : أبدا هذي الليلة بتكون سر دفين بقلبي أتذكرها لوحدي وأذكرك فيها أنتي عشان كل وقت تكررينها منى : بكررها دام يفرحك هذا وبتكون ليالينا القادمة أحلى وأحلى مشاري فرحان كثير ومستمتع وهي تحكي له كيف راحت لصالون وقصت شعرها وكانت تتمنى تتحناء بس ما أسعفها الوقت ووعدته بعد أيام تتحنى لخاطره وكيف أن سمر وعذاري راحوا السوق وجهزوا معها هالليله ولما وصلت طلبت من الخدم يساعدونها و بعد أذان العشاء عطتهم خبر أن يخلون البيت ويقدرون يرتاحون بدري لأنها حبت تنفرد بحبيها قدمت له هديه عربون اعتذار وعربون محبه مشاري ( اخذ العلبه بعد ما حط العصير على الطاولة) : ايش هذي منى ( تضم أيديها لبعض وتحطهم تحت ذقنها) : هديه بس شوف أنا ما اخترتها مشاري : اجل من منى : خواتي وارسلو لي الصورة وأنا بالصالون قالوا نشتريها ولا لا أعجبتني وقلت أي مشاري ( يفتح العلبة وابتسم ) : انيقه وحلوه منى : أعجبتك صدق ولا مجامله مشاري : والله أعجبتني لونها ملكي الساعة منى : بالعافية عليك مشاري ( يسكر العلبة وحطها على طرف) : منى هزيتي قلبي باللي تسوينه اليوم عشت يوم لو احلم فيه الدهر كله ما ضنيت يتحقق منى : أنت اطلب وصدقني طلبات أوامر أنا من يدك هذي ليدك هذي بس ابغاك راضي وتنسى المشكلة مشاري : ليه ترجعين لنفس السالفة ليه منى : ما اعرف ( تنهدت وهي تنزل أيديها على الطاولة) اعرف أني تماديت وبغلاتي عندك ساومت كانت غريزة الأم أحكمتني نستني حالة رغد اللي تتطلب الرحمة والعطف مشاري : لكنا أخطينا أنا أرخيت الأمور ونسيت أن حالة رغد لازم من يتابعها ما فكرت ممكن ترضعها أو تعتبرها بدر ولدها منى : انفطر قلبها وكانت ملاك السلوى لها بوحدتها والحين ملاك بنتها مشاري : ما فهمت منى : هي أرضعتها أكثر من 5 مرات مشاري : وإذا منى : اعتقد أن رغد كانت ترضع ملاك بدون علمنا وصار لها فتره ما هو يوم ولا يومين وأمي أمس نبهتني على هذا الأمر وقال تراها صارت لها والدتين وقالت لي حديث عن عائشة- رضي الله عنها- قالت: "كان فيما أنزل من القرآن عشر رضعات معلومات يحرمن, ثم نسخت بخمس معلومات فتوفي النبي - صلى الله عليه وسلم -والأمر على ذلك مشاري : سبحان الله اخذ ولدها وعوضها ببنت منى : كان لازم انتبه أن هي أمها الثانية ولا احرمها منها والله ندمانه ولو رجعت بحاول أعوضها ولا احرمها من ملاك مشاري : رغد محتاجه دعاوينا منى : علامك الهم واضح عليك فيه شيء مشاري : رغد رافضه العلاج رافضه تصدق رغم الجلسات اللي تاخذها منى : شوي شوي ترجع لحالها الاصليه مشاري : هواجس وانفصام عن العالم تبكي وتطلب بدر اللي هو ملاك أبوي يحكي لي عنها وقلبي يتقطع وأمي كل شوي يرتفع الضغط عندها من كثر ما تفكر وتشوف حالة رغد زي الطفله اللي ضاعت لعبتها تجري هنا وهناك تنادي باسم ولدها تنوح نوح الحمام منى : مشاري تحب نسافر لها ومعنا ملاك يمكن ترتاح إذا شافتها مشاري : لا منى : ليه مشاري : أنا كلمت أبوي قبل يومين قلت إذا تحب أجيبها قال الطبيب قال لازم ما تشوفها لان شوفت ملاك تخليها تعيش بحياة ثانيه تكذبنا وهي تشوفها لان رغد هذاك الوقت تشوف بدر ما هي ملاك | |||||||||
|
| |
|
19-09-13, 01:30 PM
| #415 | |||||||||
| نجم روايتي ومشرفة سابقة وفراشة متالقة بعالم الازياء
| منى : ولمتى مشاري : الأسبوع هذا راح يكثفون العلاج ويمكن على الأسبوع الجاي الطبيب بستخدم للعلاج بالصدمات الكهربائية منى ( ضمت أيديه وهي ترتعش) : ايييييش كهرباء مشاري : أي منى : يعذبونها مشاري : هذا علاج كويس للي عندهم انفصام واكتئاب وهوسه والجلسات راح تكون جلستين بالأسبوع منى : مشاري راح تتألم مشاري : لا هي بيعطونها **** كمخدر عشان ترتخي العضلات بجهازها التنفسي ولو عطوها شحنه الكهرباء تستمر ثواني بس وبأذن الله ما تحس بألم منى : طيب ليه كل هذا مشاري : هههههههه اعتقد أن مؤثر عليك الأفلام تضنين أن مثل ما نشوف بالأفلام ناس ضخمين زي المصارعين ويوصلونها بالكهرباء وهي ترتعش بقوه وترفس وشكلها يخرع منى : ما هو كذا مشاري : لا هي صدمات ترسل مراكز دائرة الانفعال في المخ هذي الشحنات يا منى تعدل المركز وترجعه طبيعي منى : تشرح لي وأنا ما افهم ههههههههههههه مشاري ( يوقف ويمسك يدها ) : أنا أفهمك بس مو اليوم ألحين يالله منى ( توقف وهي تمسك يده ) : وين مشاري : أبغى أشوف باقي المفاجئات منى ( تناظر ساعتها) : مبكر خلنا جالسين وكلمني عن علاج رغد مشاري( يحط يده خلف ظهرها ويمشي) : خليني بمنى واتركي رغد لأبوي وأمي تبغين اجلس واشرح وأنا أبغى اجلس معاك بس وتشرحين لي قلبك اللي يحبني كيف هنت عليه وجافاني الفترة اللي مضت منى : قلبي تغلى عليك مشاري ( ابتسم وغمز لها) : بطلع هالغلا من عيونك يا قاسيه منى ( تتقدم وهي تبعد عنه ) : نشوف ههههههههههههههههه مشاري ( يمسك يدها) : وين وين ها تبغين تضحكين علي منى : لا بس مشاري : بس ايش منى : شرايك تسبقني لجناحنا وأنا بجيك مشاري : ليه منى : بتصل أشوف كيف ملاك عسى ما أزعجت سمر مشاري : أبدا ملاك بخير بس أنا ما هو بخير منى : مشاري مشاري : عيونه وقلبه أنتي لي بس وأنتي قلتي خلي ملاك مع خالتها وأنتي مع أبو ملاك منى : يمه منك أي تدلع وأنا الله يعيني مشاري ( يمشي متجه للسلم وهو حاضنها على طرف) : يعيني أنا عليك اليوم طالعه قمر منى ( تمشي وهي تبتسم وتطالعه) : القمر لك يا غالي بس طلبتك بتصل اتطمن عليها مشاري( عض شفته واهو يصعد) : ويل قلبي منك بنتظرك لا تتأخرين أشتقت لك واللي خلق حلو الإحساس يامشغل قلبي وروحي وعيني.::. حبي لك أكبر من هوى الناس لـ الناس تبعد.. تقرب.. أنت موجود فيني أنت الحبيب اللي على العين والراس قربك هوى قلبي وأحلى! سنيني ! منى ( اتجهت لتلفون الأرضي واتصلت على سمر ابتسمت ) : السلام عليكم سمر : هلا وغلا وعليكم السلام ليه متصلة منى : ليه متصلة بنتي عندك سمر : وإذا أنا أخذتها عشان تتفرغين لزوجك منى : متفرغه له بس سمر : لا بس ولا شيء أنتي ايش فيك نبغى تسهرين ليله حلوه مع رجلك لوحدكم وتتكلمون وتغيرون روتين لياليكم اللي لازم ملاك تكون بينكم منى : اسكتي يا سمر شفت الفرحة بعيونه فرحان كثير بعد قلبي تقولين ربح جائزة كبيره سمر : أكيد ربح ليله معاك لوحده بدون إزعاج ملاك ولا طلال زين ما يطير من الوناسه وأنتي حضرتك تضيعين الوقت معاي سوالف إلا هو وين منى ( ابتسم ) : في جناحنا سمر : وأنتي وين منى : بالصالة تحت سمر( بعصبيه) : انقلعي له طاقه حنك معي وناسيته منى : بسألـ. سمر ( تقاطعها) : منى روحي لا اطلع لك من السماعة لا تقهريني وأنسى الدنيا كلها معاه خليك بفكرك وقلبك له بس وبكره لنا كلام منى : طيب مع السلام سمر : مع السلامة سكرت الجوال وهي تحطه جنبها وتناظر لملاك اللي حاطه مفرشها على الأرض وهي عليه تلعب بعد ما غيرت لها ورضعتها جلست جنبها وهي تمسك يدها وتبوسها سمر : أمك خبله حتى وأنا منبهتها تنسى كل شيء بس تخلي اهتمامها بابوك ما تغير طبعها والله كاسر خاطري أبوك متحمل إهمالها له وعلى قلبه عسل ( قربت وباست فمها ) ياااااااااااا قلبي أنتي العثل عثل خالتوا ( رفع رأسها للباب وهي تبتسم بشوفت زوله ) هلا وغلا عبدالرحمن ( يكسر الباب واهو يناظر لملاك ويعقد حواجبه) : هلا قلبي ( يشوف سمر توقف وتقرب له وهي تسلم عليه) من هذي سمر( تحضن يده بين أيديها) : بنتنا عبدالرحمن ( يطالع لبطنها ويناظر لملاك) : وش أنتي بأول حملك ايش بنتنا سمر : هههههههههههههههههه اقصد هي بنتنا الليلة ( اتجهت لملاك وحملتها ) هذي ملوكتي عبدالرحمن ( وقف قريب منها وابتسم) : هذي بنت مشاري ومنى سمر : يس شرايك حلوه عبدالرحمن( يبوس خد ملاك) : حلوه ماشاء الله سمر : هي لنا اليوم عبدالرحمن : لنا أمها كيف تركتها سمر ( تغمز له بخبث) : أكيد تتركها الليلة غير لهم لوحدهم عبدالرحمن ( ينزل شماغه ويجلس على الكنبة) : ألحين هم ليلتهم غير لهم لوحدهم وأنا ليلتي هالنتفه تشاركني فيها ظلم سمر : هههههههههههه ( جلست جنبه وملاك بحضنها) ما هو كل ليله محد يشاركك فيني بس اليوم ابغاك تعيش الابوه وتتعلم بعد كم شهر يجي لنا بيبي صغير عبدالرحمن : عشت الابوه مع عيال خواتي واخواني سمر : هذي غير هذي ملاكي أنا عبدالرحمن : ألحين ترسلين علي مسج وأنا بالمجلس تقولين لا تتأخر عندي مفاجئه اليوم لك خاصة وأنا أفكاري تروح وتجي وأفكر ايش المفاجئه وايش سمر مخططه اليوم حتى الأفكار الخبيثه مرت علي سمر( تضربه بكتفه ) : الخبيث أنت هههههههههه عبدالرحمن : والله صدق هههههههههههههه والحين أخر شيء المفاجئة ( اشر على ملاك اللي تلعب بحضن سمر) هذي المفاجئة ما ابغاها أقول قومي رجعيها لامها وأبوها سمر( تضم ملاك وتطالعه) : حلوه أرجعها إذا ما تبغاها أنا ابغاها عبدالرحمن : والله قهر هم ناسين الدنيا وعايشين يومهم وأنا اربي عيالهم سمر ( توقف وتتجه لغرفتها) : مولازم خلك لوحدك اسهر أنا بسهر مع ملوكتي عبدالرحمن ( يوقف ويلحقها يشوفها تحطها على السرير) : ايش تسوين سمر ( تنزل ملابس ملاك) : بحممها عبدالرحمن ( يتجه وينسدح الجهة الثانية يناظرهم) : تعرفين سمر( عقدت حواجبها) : ايش هالسؤال أخاف ما خذني أم 5 سنوات ( شالت ملابسها وهي تشوف بس البامبرز عليها ) خلك قريب منها بروح أجهز المويه عبدالرحمن : وايش اعمل لها سمر : أخاف تتقلب وتطيح انتبه لها عبدالرحمن ( يحط المخدة ورا ظهره ) : زين طلعت سمر تجهز الملابس والمويه عشان تحميها متعمده عشان تترك مجال لعبدالرحمن يستشعر الابوه الحقيقة بوجود طفله عبدالرحمن في البداية ما اهتم لوجود ملاك بس بعد دقايق شده الصوت الطفولي ناظر لها يشوف تناغي وترضع أصابعها وتحرك رجلها عض شفته وناظر الباب تحسبنا لدخول سمر قرب ونام على بطنه جنبها مد يده يلمس خدها بخفه عبدالرحمن : بسم الله ماشاء الله أنتي يالعقله تبغين تكونين ضيفتنا اليوم ( انتبه لها تمد يديها لوجهه قرب وجهه) تبغين تلمسيني ( ابعد وجهه بسرعة متقرف) وووع أيديك رطبه سعابيل بس والله عثثثثثثثثثثل صغيره كثير كم عمرك ( ابتعد شوي وبصوت عالي ) سموورتي سمسم سمر( بالصالة تسمعه) : لبيه يا قلبي عبدالرحمن : لبى القلب والله أبغى اسأل ألحين هذي كم عمرها سمر : هذي لها اسم ملاك عبدالرحمن : كم سمر : دخلت بالسادس لها 6 شهور عبدالرحمن : بس صغيره كثير سمر : لأنها انولدت قبل وقتها خدج يعني عبدالرحمن ( يقرب ويبوس بطن ملاك) : فديت الصغار أنا والله أذوب كذا وانجن لا تطالعيني كذا ترى خالتك تغار علي ( شافها تحاول تنبطح على بطنها مد يده وساعدها) اووويلي بسم الله قشطه اجل مشاري هالسحت يجيب كذا مزيونه ( شالها ورجع ينام على ظهره واهو يحطها على بطنه وجها مقابل لوجهه ) متى الشهور تمر وأشوف ولدي ولا بنتي مثلك كذا تلعبين والعب معه ( حاوطها بين أيديه بخفه وغمض عيونه ) جسمك ناعم ودافي حبيتك يا ملوكتي صرتي ملوكة عبدالرحمن سمر أدخلت ووقفت وهي تشوف المنظر ابتسمت وأخذت جوالها بدون صوت اتجهت لهم وشغلت الفيديو تصوره وتحتفظ بهذي الذكرى الحلوة ابتسمت وهي تشوف عبدالرحمن يفتح عيونه ويناظر لها سمر : أوقف تصوير عبدالرحمن : أي تعرفين في درج دولابي كاميرا فيديو خاطري أصورها سمر : خلاص جهزها أنا جهزت المويه باخذها أحممها ( قربت وشالت ملاك ) بسبقك لا تأخر عبدالرحمن : لا تبدين قبل لا اجيك كانت ليله مختلفة ظن عبدالرحمن أن تجربته مع ملاك مثل تجاربه مع عيال أخوه لما يشوفهم لكن لا هالمره عايش هالتجربه عن قرب الابوه والاهتمام من ملبس ورضاعه كان يساعد سمر بحمام ملاك وتجفيفها وتغير حفاضها ولبسها وحتى طلب يجهز الرضعه بتوجيهات سمر بالكمية ودرجه البرودة رغم أن المسأله هذي تأخذ من منى نص ساعة تجهزها لنوم بعد الدش لكن مع سمر وعبدالرحمن استغرق الأمر ساعة كامل متسببه بفوضه كبيره أن كان بالحمام أو كان في غرفة النوم عبدالرحمن ( يطقطق ظهره بتعب) : تعب سمر( تحط ملاك على بطانيتها وتغطيها) : روح ارتاح عبدالرحمن : ليه خليتيها هنا سمر : ما اقدر أحطها بالغرفة وين أحطها عبدالرحمن : على السرير بينا سمر : أخاف ننقلب عليها بدون لا نحس عشان كذا بخليها تنام بالصالة وبجيب لي غطاء وأنام هنا جنبها عبدالرحمن : أنام لوحدي سمر : تخاف عبدالرحمن : لا استوحش سمر : ههههههههه طيب خلنا ننام هنا كلنا أجيب كل غطاء ولي شافته يهز راسه موافق وينسدح جنب ملاك غابت دقايق تغير ملابسها ببجامه وتجيب غطاء لها وواحد لعبدالرحمن اللي لما وصلت شافته نايم ويده حاضنه ملاك بكل حب ابتسم وغطته ونامت جنبه وهي تحس بالتعب والمجهود اللي استنفذ كل طاقتها الليلة -------------------------- صباح اليوم الثاني ... في الفندق جالس يتقهوى بعد ما طلب قهوة تركية ويقرا الجرايد شاف جواله يضوي حط قهوته ورفعه ربيَ فيَ صبٌآإحْ يوْمِككَ هذآ ! أسألككَ أنَ تُلبيْ أمآإنيّ مُعلقهَة فيَ قلبيّ ! وأنَ تكتبُ ليًولهْم آلخيرَ حيثُ تريدِدَ . . ! عبدالله : هلا بندر : السلام عليكم عبدالله : وعليكم السلام بندر : كيفك كيف اصبحت عبدالله : بخير بندر : صاحي من متى عبدالله : لي نص ساعة صاحي بندر : أمرك ألحين عبدالله : أي إلا بسالك مي صاحيه بندر : ما اعرف أنا بجناحي ولا نزلت للحين عبدالله : بندر أبغى أشوفها بندر : والله يا عبدالله إحنا مو قادرين نشوفها كله بغرفتها من صار اللي صار حتى الأكل ما تأكل لين أمي تحلف ما تأكل لين تأكل وبس تأكل دقايق تستفرغ اللي بمعدتها وزاد عليها الأمر وانطوت بعد ما زارتنا زوجة سطام ومدري وش قالت لها بس خلتها بعزله عنا و خامله ما تبغى احد لوحدها عبدالله( زفر بعصبيه واهو يرمي الجريدة بعيد) : لا حول ولا قوة إلا بالله هي تبغى تذبح نفسها بندر : أهدى أشفيك عبدالله : ايش أهدى أنا ما هو قادر اضبط نفسي من سمعت بحالتها جيت لهنا عشانها وبس بندر : طيب أنا الحين بجيك عبدالله ( انتبه لجواله يهتز طالع له وبعدين رجع يكلم بندر) : بندر معي خط ثاني انتظر شوي بندر : اوك عبدالله ( استقبل الاتصال الثاني) : ألو هلا حسن حسن : هلا عبدالله وينك عبدالله : خير حسن : علامك عبدالله : علامك أنت تقول ويني أنا بالرياض حسن : اعرف بالرياض ما جدتي قالت لك أن اليوم راح توصل انتظرك أنا وهي بالمطار وينك عبدالله ( ضرب جبينه ) : أنا بالطريق حسن : إذا بعيد بأخذ سيارة أجره عبدالله : لا لا أنا بالطريق بس تعرف الصبح زحمه انتظر حسن : اوك يالله مع السلامة عبدالله : مع السلامة ( رجع يكلم بندر) هلا بندر وينك بندر : طلعت من البيت بس ترى ما شفت مي نزلت عشان ما أتأخر عليك عبدالله : معليه بندر ابغاك توصلني للمطار بندر : ليه لا يكون تبغى تسافر فيك شيء عبدالله : لا يا ابن الحلال بس جدتي وصلت بندر : عبدالله ما فهمت عبدالله : يا أبن الحلال جدتي أمس بلغتني أن حسن حجز لها الصبح وأنا نسيت أن توصل بهذا الوقت بندر : جدتك هنا مع من عبدالله : مع حسن بندر : يبغى لنا وقت لين نوصل لهم عبدالله : وايش أسوي هم يضنوني على الطريق هي وصتني أمس أنا استقبلها وأخاف تزعل لو عرفت أني نسيت ما أبغى أفكر كفاية مي مشغله عقلي بندر : خلاص أنا بوصل وبأذن الله باخذك ونطلع ولا نتأخر يالله مسافة الطريق عبدالله : اوك مع السلامة بندر : مع السلامة وصل بندر خلال دقايق واتجه للمطار مع عبدالله اللي كان يلوم نفسه على نسيان موعد وصول جدته اللي تنتظره من وقت واتصالات حسن يسأل ليه تأخر وكل مره يطلع له حجه شكل لين وصلوا المطار واخذ جدته وحسن بسيارة بندر بندر : عساكم ما تعبتوا حسن : لا الحمد الله بندر : جدتي منوره الرياض الجدة ( ابتسم) : بنورك يا ولدي شلون وشلون أمك واهلك بندر : بخير وترى عشاكم الليلة عندنا حسن : عساك على القوه يا أبو عبدالله بس سلطان من اتصلت أمس وخبرته قال عشاكم عندنا بندر : أبو احمد راعي الاوله عبدالله ( يسمعهم بس ماله نفس يدخل معهم بالموضوع) : ............................ الجدة ( جالسه خلف عبدالله مدت يدها من الكرسي لكتفه) : عبدالله عبدالله ( فز على لمستها ) : هلا هلا الجدة : بسم الله عليك علامك فزيت عبدالله : سلامتك الجدة : شفت زوجتك بندر ( ناظر له ثم ناظر لطريق) : ................... عبدالله : لا أمس وصلت متأخر واليوم طلعت استقبلكم بندر : طيب ايش رأيكم ننزل في بيتنا تتقهوون وتتغدون والعصر نروح لسلطان الجدة : ما تقصر يا ولدي بس سلطان ينتظرنا بندر : اجل بكره بأذن الله غداكم عندنا الجدة : نلحق خير يا ولدي يسولفون حوله واهو تفكيره لها البارح تأخرت طيارته ووصل متأخر حتى استحى ينام عندهم ويزعجهم وطلب من بندر بعد إلحاح منه ينام في فندق ما غفت عينه إلا دقايق ينتظر الصبح يطلع يشوفها بس الظروف ضده والوقت ضده اضطر يجيب جدته وحسن والحين يروحون بيت سلطان الوقت يمر ولا يحس فيها ولا في اللي حوله وصلوا بعد فتره بيت سلطان اللي كان في استقبالهم ورحب فيهم ودخل جدته لداخل ورجع لهم بعد ما اخذ القهوة والشاي بالمجلس | |||||||||
|
| |
|
19-09-13, 01:31 PM
| #416 | |||||||||
| نجم روايتي ومشرفة سابقة وفراشة متالقة بعالم الازياء
| سلطان ( يقهويهم) : يالله أن يحييكم الكل : الله يحييك سلطان : شلونك عبدالله عبدالله : بخير أنت كيفك سلطان : بخير ( ألتفت لحسن) حسن كيفك حسن ( يتقهوى) : بخير أنت كيفك وكيف أمور الشركة سلطان : تمام ( يصب فنجال لبندر) حي الله أبو عبدالله بندر : الله يحييك سلطان : غداك عندنا بندر : لا والله اسمح لي غداي مع أهلي ( وحط يده على كتف عبدالله) والحبيب معاي عبدالله ( يناظره وعقد حواجبه) : ................. بندر : علامك لا يكون نسيت أمي ملزمه علي تجي سلطان : يعني عندك خبر عبدالله : أنا أمس وصلت متأخر سلطان : اها أنا استغربت عمتي تعزم عبدالله بس من غير جدتي وحسن ألحين فهمت أي حبيب القلب عبدالله ( ابتسم ) : ................... بندر ( يوقف) : يالله مشينا حسن : اجلس شوي بندر : على ما نوصل يا خوي سلطان ( يوقف) : اجل لا تنسى العشاء ترى الكل عنده خبر بندر : خيرك سابق يا أبو احمد على خير الليلة عندك عبدالله حس الروح ترجع له من سمع أن بيروح لبيتها يعني يقدر يشوفها بندر ابتسم واهو يشوف ابتسامته وهم بالسيارة عرف أن ارتاح وان رغبته بس بشوفتها بندر يسوق واتصل على أمه يبلغها أن عبدالله معاه وطلب ما تعطي مي أي خبر بوجوده وتحاول تنزلها لصالة وسألها أن كان خالته خوله ولا ميثه ولا احد عندهم قالت هي لوحدها طلب تجهز الصالة لان عبدالله ما هو غريب راح يجلسون داخل عبدالله ( تنهد واهو ينزل من السيارة) : بندر هي صاحيه بندر ( يقفل السيارة) : أي صاحيه وطلبت من أمي تجبرها تنزل وتجلس بالصالة بأي حجه عبدالله : أبغى أشوفها لوحدها إذا ما عندك مانع بندر : أبدا من حقك وأنا كنت أبغى اطلب منك تجلس معها يمكن تسمع منك تعبنا من حالتها وصمتها عبدالله : كل هذا بسبب شوفت سطام بندر : أي ( انتبه لملامح عبدالله) لا يروح فكرك بعيد أنت لو شفته ما تعتب عليها حالته تكسر خاطر الكبير والصغير هيكل عظمي جلد وعظم ما بقى منه شيء يخوف أنا الرجال ارتعش قلبي وانفطر لما شفته كيف هي اللي كانت بيوم زوجته وعاشرته وعرفته عن قرب عبدالله : وليه ما نست بندر : الشيء اللي ما تعرفه ( اتجه للباب يفتحه ويدخل هو وعبدالله ) أن يبغاها تحلله وتسامحه بس مي رافضه عبدالله : معقولة ليه بندر : ما اعرف هي تبغى يتعذب تبغى تنتقم تبغى ايش ما اعرف عبدالله : خلني أشوفها بندر ( يدخل الصالة وشاف أمه ) : السلام عليكم عبدالله : السلام عليكم أم بندر : وعليكم السلام ( تشوف عبدالله يقرب ويسلم) حي الله ولدي كيفك عبدالله : بخير أنت كيفك عمتي أم بندر : بخير يا ولدي بندر : يمه مي وين أم بندر : بالصالة تفضل بندر( مسك يد أمه ) : يمه عبدالله راح يدخل لوحده أم بندر ( تناظر له ولعبدالله ) : بس عبدالله : أرجوك يا عمتي لا تخافين عليها معي أم بندر : لا يا عبدالله ما هو كذا بس مي نفسيتها تعبانه وأخاف ردت فعلها عبدالله : راضي بكل شيء بس طلبتك أم بندر : مسموح يا ولدي تفضل بندر ( يشوف عبدالله يتجه للغرفة وهمس لامه) : كيف نزلتيها من غرفتها أم بندر : لما اتصلت علي قلت عبدالله معاك قلت أكيد يبغى يشوفها ولو مي أخذت خبر بوجوده يمكن ما تنزل بندر : طيب أم بندر : قلت لها جدك اتصل يبغى يجي يشوفك وان ما يقدر يصعد لغرفتك قالت لي ما أبغى أشوفه تكفين قلت هو بالطريق انزلي بالصالة لا تحسسينه أن ثقيلة شوفته عشان كذا نزلت بندر : الحمد لله والله يمه عبدالله يحزن اكتشفت أن يحبها يحبها بشكل ما هو طبيعي أم بندر : والله أن يعور قلبي شوفته كذا اعرف أن يحبها بس أختك ما تحبه بندر : بتحبه صدقيني يمه أم بندر : اجلس بجيب القهوة ونتقهوى بندر : طيب ( ألتفت لباب صاله ) يارب أسعدهم وحنن قلوبهم لبعض بهذا الوقت مي على جلستها من نزلت وجلست على هالكرسي وهي سرحانه لا حست بالوقت ولا بالبشر ولا شعرت بدخول عبدالله عليها متربعه على الكرسي ويديها بحضنها واليد الثانية بالجبيرة مربوطة على رقبتها ونظرت عيونها مشتته وبطرف رمشها دمعه إمْسَح الدمّعة تَرى ضُعفكْ قوِي أنْهزِم قدّام ضعْفك يَ غلاي إمْسَح الدمّعة بِ عُمّري لوّ تبِي عطْنِي أحْزانكْ وِخُذ منِّي هَناي إمْسَح الدمّعة قبْل تقْضِي عليّ دمّعتكْ تِغرق صِباحِي في مِسَاي لا تِروِّع مِثّل روّعات الظبي روّعتك يَ روّعة أيّامِي بلاي عبدالله اللي من دخل وعيونه عليها لاحظ نظرتها ولاحظ دمعتها وسواد عيونها وعبوسها لابسه دراعة بيت عاديه ورافعه شعرها بإهمال وجها خالي من أي مساحيق وبسيطة قرب منها وجلس قدامها وهي ولا حاسه مسك يدها بين أيديه ولاحظ فزتها لما حست بلمست احد لها وصدمتها لما ألتفتت له وشافته انعقد لسانها ولا تحركت ركزت نظرها بعيونه عبدالله عرف أنها ما هي مستوعبه وجوده وأنها تحاول تعرف هل هو حقيقة أم خيال مسك باطن يدها وباسها وحطها على خده يحس بنعومتها مي ( غمضت عيونها لما حست بلمسه خده عرفت أن حقيقة) : ..................... عبدالله ( يناظر لها ويحس برجفة يدها على خده وبهمس) : طــفــلــتــي ---------------------------- انتهىآآآ الباآآآرت | |||||||||
|
| |
|
19-09-13, 01:32 PM
| #417 | |||||||||
| نجم روايتي ومشرفة سابقة وفراشة متالقة بعالم الازياء
| بارت 83 مي ( غمضت عيونها لما حست بلمسه خده عرفت أن حقيقة) : ..................... عبدالله ( يناظر لها ويحس برجفة يدها على خده وبهمس) : طــفــلــتــي مي ( نزلت دموعها لما حست فيه ) : ....................... عبدالله ( قرب وحضنها واهو يمسح على شعرها ويبوسه) : ليه يا قلبي تسوين كذا أهون عليك يومين ما اسمع صوتك مي ( مدت يدها السليمة حول خصره وضمته وهي تبكي) : ....................... ضمنيْ ، مّجروُحَ مآفينيِ شبرَ [ إلآ يدميْ ]، مِنْ كثرَ مآ أسسككتَ وُ أشييلَ عبدالله : ليه يا طفلتي تسوين كذا تتعبيني وتحرميني منك مي ( تبكي وهي تهمس له) : سامحني ما قدرت أكلمك حالتي ما سمحت لي كنت تعبانه عبدالله ( يبعدها شوي ويطالع لوجها الذبلان) : كلميني ارمي هالتعب على كتوفي أنا أشيل همك يا قلبي أنا كلي لك مي ( هزت راسها بلا وعيونها تدمع بغزاره) : ما قدرت كل مره أنت تكلمني بحب وأنا ارمي عليك الهم عبدالله ( يمسح دموعها) : راضي لو ايش ما تقولين لو شيء يضايقني ولا يتعبني المهم أحس أني معاك واني ملجأ لك من دون الناس كلها مي ( حطت يدها على قلبها وبكت أكثر) : هنا ألم عبدالله ( يجلس جنبها ويضم يدها بين أيديه ) : قولي لي افتحي قلبك كلميني حسي بخوفي ريحيني يومين ما اقدر أكل ولا اشتغل وكله اهذري فيك كلميني يا طفلتي قولي لي يا قلبي مي : أخاف عبدالله : مني مي ( حركت راسها نعم) : ................. عبدالله : ليه مي : موضوع أخاف تزعل علي لو تعرفه عبدالله ( فهم عليها) : مي أنا فهمت اللي تقصدين بس أنا إنسان متحضر أنا إنسان ما يهمني ماضي أو ناسه أنا عارف انك رحتي شفتي سطام مي ( ناظرت له وهي تمسح دموعها) : زعلت عبدالله ( ابتسم ) : يهمك زعلي مي : أي عبدالله : ليه مي : لأنك زوجي عبدالله : بس مي : و عبدالله : و وش مي : ما اعرف بس ما ابغاك تزعل عبدالله ( تنهد وفي نفسه) : ليتك قلتي لأني احبك لأنك تهمني أي شيء يا مي أي شيء بس ما هو لأنك زوجي ايش هالرسميه بتعاملك معي وأنا اللي أتعامل بشفافية تعكس اللي بقلبي أنتي كتومه خذني معك ’ دمعه وتسكن مدمعك ! أو صووت يآصل مسمعك . . أو أي شيء ’ بس أبقى دآيم " دآخلك ’ كآئن وحي . . مآبي أكوون إلآ معك ! مي ( شدت على يده ) : عبدالله عبدالله ( ناظر لها بحب) : عيون عبدالله وقلبه مي : أنا أسفه عبدالله : على سطام مي : لا لأني ما أقابل مشاعرك بمشاعر مماثله ولا قادرة أرد عليك بأسلوب زي أسلوب الحب ولا كلمات كلها أحساس وعشق نابعة من روحك كلامي جاف معاك وبخيله بمشاعري وإحساسي الخفي أنا عارفه أن هالشيء مضايقك والله اعرف بس أنا ما اقدر استقر لا نفسيا ولا معنويا متشتته خايفه متردده عبدالله : قلبي أنتي كفاية انك حاسة فيني ما ابغى شيء غير إحساسك ما ابغى استعجل وكل شيء بالعشرة راح يوضح مي : صدقني يا عبدالله ما هي سالفه سطام هي اللي تعبتي لا أنت كمان عبدالله ( عقد حواجبه ) : أنا كيف مي : مشاعرك غزلك حبك أحلامك ودلعك لي وتدليل اللي أشوفه كل هذا سبب لي ضغط كم هائل من التساؤلات تعبتني ليه هو كذا سخي وكريم ومعطاء بمشاعره وحبه وكلامه الحلوه وأنا بخيله وجافه ورسميه معاه ليه حسيت بكتمه وقلبي يألمني كثير ما أكون متلهفه مثلك لا عادي عبدالله : تعبتك بس اشفعي لي جهلي بالحب وقلت خبرتي بالتعامل مي : أنت ما هو جاهل أنت أستاذ في الحب عبدالله : ههههههههههههه مي : ليه تضحك كذا عبدالله ( قرب لها وحط جبينه على جبينها وبهمس) : أستاذ الحب ما قدر يملك قلب تلميذته مي ( ابتسم بخجل ) : علمها واشرح لها مقررات الحب هي مستعدة تتعلم وعلى يدك تاخذ دكتوراه الحب ( ناظرت لعيونه وبجرأة ما تعودت عليها) وبقول لك يلا على ايدك حبيبي يلا علمني دخلت بمدرسة حبك وتوني بالسنة الاولى فديتك قد ماتقدر .. تغزل فيني دللني وخليني معاك اعرف فنون الحب واصوله كذا خذني مثل طفلة حبيبي برقة عاملني وحفظني كلام الشوق وذكرني متى اقوله ابي اسرح بهمساتك .. ونظراتك تذوبني و ابغى انسى بك العالم وابقى فيك مشغوله فديتك نسيني نومي وخل طيفك يسهرني معاك الليل لو طول ياحلوه وياحلو طوله رجيتك خذني من عقلي .. رجيتك يلا جنني وخلي الدنيا ذي تدري باني فيك مهبوله عبدالله ( ابتعد وناظر لها باستغراب) : صدق أنتي جادة بكلامك مي : أكيد عبدالله ( لمس جبينها ) : مريضه مي ( مسكت يده ونزلتها وهي تضمها بيدها) : ما كنت صاحية مثل هذا الوقت معقولة تترك كل أمورك بجده وأنا عارفه انك داخل على مشاريع وصفقات بالملايين ورى ظهرك ولا اهتميت قالي بندر أمس انك بالرياض وقالي السبب أنا ولأنك خايف علي جيت هنا لخاطري تبغى أصدك لا أبدا من اليوم من هالساعه ما راح أكون مي عبدالله : ما راح تكونين مي اجل ايش تكونين مي : طفلتك وبس عبدالله : مي مي ( حطت يدها على فمه) : لا تستغرب يا عبدالله أنا كرهت نفسي كثير استحقرت فعلي معاك وأسلوبي أنت إنسان كلك حب و تستشعر مستقبل لنا حلو وأنا أقابلك بالكره و نظره سوداويه لمستقبلنا تضحي بنفسك وحياتك وشغلك عشاني هذا لوحدها كبيره كبيره بحقي كذا أنت ترفعني فوق كل ألتزاماتك وأنا خليتك أخر ألتزاماتي ما هو مني لا من قلبي اللي ما عرف شيء اسمه حب أو اهتمام أو حس بمشاعر حلوه يسمونها الحب والغرام دفنت نفسي شهور ابغى اطلع ابغى أشوف النور ابغى اعرف الحب على يدك أنت عشان يكون لك لوحدك حب طفله تعلمت على يدك لما شفت سطام على فراش المرض ومريم رغم كل شيء عمله لها من آذيه واستحقار وإهمال إلا أنها متمسكة فيه رغم أن كان إنسان كريه ما يتعاشر صبرت عليه 15 سنه بدون لا ضنى ولا كلمه حلوه زارتني وهي تترجاني أسامحه كانت راح تذل نفسها لي وتبوس رجولي بس عشان أسامحه خافت عليه يتعذب خافت عليه واهو اللي ما خاف عليها أبدا ولا اهتم تذرف الدموع له بألم وحسره وخوف وحب وهو من وراها الويل والعذاب وتشمت فيها أنها ما تجيب هو من نكرها ونفر منها وهي اللي تبغى قربه هو من تزوج عليها وقهرها بالضره وهي تحبه ولخاطره جايتني لهنا عشان احلله و فكرت ليه تحبه ليه كذا كرامتها مهدورة معقولة الحب يشفع لأفعاله قلت معقولة أن عبدالله يحبني لدرجه أن يتحمل أسلوبي وكلامي وجفافي معه وضحت له أن ارفضه ولكن قبلني بكل عيوبي بكيت أي بكيت ندم على كل لحظه ضيعتها رافضه لك عبدالله ( ينزل يدها) : يعني مي : مصائب قوم على عند فوائد حالة سطام ومرضه فتحت عيوني على شيء ووضحت لي حقائق أنا والله ما أتشمت فيه المرض ما فيه شماته بس أقول لك لولا مرضه وشوفتي لحالته وحالة مريم كان ضليت مي القديمة اللي تصد ورافضه تصدق أن ممكن احد يحبها أو يقبلها مطلقه بسيطة بجمالها مقارنه بفرص الجميلات حولك عبدالله : لو ابغى الزين حولي كثير كانوا ينتظرون كلمه أو اشاره مني يرمون نفسهم تحت رجولي بس أنا شفت وحده بسهم عيونها سلبت عقلي لحظه ناظرت لعيونها صدت والقلب صد عن كل البشر بس لها صح ما عرفتها بس الله كتب اعرفها وهذا سبحانه اشاره من الله أن نصيبنا نجتمع مع بعض ونكون لبعض مي : سبحان عبدالله : كنت ابغى أعاتبك على شوفتك لسطام حسيت بغيره حسيت بقهر ما اعرف كيف اعبر لك مي : ليه تغار منه وليه تنقهر عبدالله : أغار لان عرفك قبلي أخذك قبل لا أوصل لك وقهر لان بشوفته اعرف تنفتح جروح بقلبك وان شوفته ممكن تبعدنا كنت أفكر يا مي هل شوفته هدت كل شيء أنا بنيته بالفترة اللي فاتت قدرت أغير شوي من أرائك فيني و الفكرة اللي ما خذتها عني مي : لا تغار لأني تزوجته غصب ما هو باختياري لو كان علي أكون عانس ولا أخذه ولا تنقهر شوفته ما فتحت جروحي لا شوفته اندملت جروحي واختفت شوفته فتحت عيوني ما هو جروحي على حياتي معاك دموعي غسلت شوي من الألم بقلبي خففت من الذنب اللي أحسه ناحيتك وحضورك اليوم كيف أقول لك ( أشرت لقلبها ) هنا هنا تغير وضعك صدقني عبدالله : ليه وضعي ايش كان مي ( أشرت بأصابعها) : وضعك مركون بزاوية صغيره كذا ( شافته فتح عيونه مستغرب) ايش فيك ههههههههههههههههههههه عبدالله ( يقلدها بحركة أصابعها) : مساحه كذا صغيره وكمان بالزاوية مي : أي عبدالله ( يخزها ويبتسم بخبث) : لا والله مي : والله ( تشوفه يقرب ويدغدغها ) ايييييييش هههههههههههه عبدالله ( مستمر يدغدغ) : تقولين والله كمان هيييييييين مي ( تضحك وتحاول تبعد أيديه ) : خل هههههههه خلاص ههههههههههه بلي هههههههههههه يزززززززز هههههههههههههههه عبدالله : بموتك هين مي ( مسكت يده وحده وعيونها تدمع من الضحك ) : ب بمو بب هههههههههههههههه بموت عبدالله ( سمع ضرب على الباب ابتعد وجلسها وهي تضحك) : ااااااوووش فضحتينا مي ( تمسك بطنها ) : ذبحتني هههههههههههه عبدالله ( باس خدها واهو يسمع الباب ينضرب ثاني مره ) : ادخل مي ( نزلت عيونها وهي تمسحهم من الدمع بسبب الضحك) : .............................. بندر ( يدخل ويبتسم) : ما شاء الله تغير مزاجنا وصرنا بدل لا نبكي نضحك ايش السبب نضحك لناس ونبكي لناس ها مي ( فهمت عليه واستحت) : ............................ عبدالله ( حاوط خصرها وقربها له) : تحسد يا جعل ربي ما يحرمني من ضحكتهم يارب بندر ( يرفع أيديه) : امييييييين يالله يا عشاق نسيتوني أنا وأمي خلونا نتقهوى عبدالله ( يوقف ويمسك يدها) : تبشر أنت وعمتي بندر : بسبقكم لا تنسون نفسكم ( انتبه لمي واحمرار وجها) ههههههههههههههههههههه مي ( تشوف بندر يطلع) : دووووب أنت السبب عبدالله : ههههههههههههههه محد قال لك تقولين لي مساحه بالزاوية مي ( صدت وهي تكتف أيديها) : قلت شيء أنت ما انتبهت عبدالله : ايش مي : قلت تغير وضعك عبدالله ( مسكها من كتوفها وخلاها تلتفت تناظر له) : وضعي تغير للأحسن ولا ايش مي ( قربت وباست خده) : أنت ملكة القلب ما أبي جرح ولا أبي خوف ولا أبي أحزان أبي موقف أبي كلمة تهز أوطان !! أبي إنسان إن طحت من طولي يفز ~ ويسند حمولي ... يحس فيني قبل لا أشكي | | يواسيني قبل لا أبكي ومن قلبة إذا حنييت ألاقي بداخلة أحضان !! " دخيل الله أبي انسان " طلعت مي بسرعة لصالة وجلست جنب أمها وهي مستحيه و تاركه عبدالله مصدوم من تصريحها بحبها له وان قدر يكسر كل الجواجز وكل العراقيل اللي كانت بينهم أخيرا حس بنشوة الحب حس بطعم الانتصار بأمتلاك قــــــلـــــب مـــــــــــي -------------------------------- في بيت ليالي ... جالسه تتقهوى وهي تتابع تلفزيون ومكسرات قدامها وتاكل وأمهاتها يسولفون من عزموا للملكة ومن ما عزموا واهو متمدد من العصر ما تحرك على الكنبة ليالي ( تناظر له وترجع تناظر تلفزيون) : علامك ناصر : ما اعرف ليالي : ذي خشه معرس بعد بكره ملكته ناصر : بطني يألمني من أمس ليالي : روح لطبيب أم وليد : جايز أن برد أو أكلت لك شيء ثقيل ناصر : ما اعرف أم حمده : تبغى ادهنه بزيت واقرأ عليه ناصر( ينام على بطنه متألم) : ما اعرف يهدأ شوي ويرجع قوي ليالي ( تقرب له وتجلس على ركبها وتمسح على ظهره ) : بسم الله عليك نصور تبغى اتصل ببوليد يوصلك للمستشفى ناصر : لا ما أبغى ليالي ( تمسح على شعره وتناظر وجهه) : وجهك اصفر ليه ما تروح ناصر( يغمض بقوه ) : بعد بكره ملكتي ما أبغى أخرب شيء أم وليد : يعني ايش تخرب ناصر : خايف يقولون لازم ينام عندنا واجل الملكة ليالي ( تبتسم) : يالغبي حتى لو قالوا ينام عارفه انك بتجيهم لو على نقاله هذي هاجر ناصر( ابتسم رغم الألم ) : يا زين الطاري ليالي ( توقف) : بخير ما عليكم منه بسوي لك نعناع أخاف ماكل شيء دسم ناصر : من أمس ما أكلت كيف شيء دسم ليالي : ناصر ايش رأيك اتصل بسالم كذا ما هو زين ناصر : ما أبغى لين تخلص الملكة وبعدين لو ايش يسوون ما بقول لا ليالي تأخذ جوالها وتتجه للمطبخ اتصلت ومارد عليها سكرته وحطته على الطاوله وبعد ثواني سمعت صوت الجوال بنغمته ابتسمت وهي تسمع صوته لا بث رقمه شآشة الجوآل .. أتوه و أقول : يآ ربي تبآرك سآعته جوّآلي ليآ منه دق وقآل: الوو تذوب أذآنيي على سمآعته لبيه يآ كلمآته .. ولا فض فوه أموت في ضحكته و إستمتآعته من كثر مآ أحبه .. أحب أمه وأبوه بالمختصر .. أحبهم جمآعته ليالي : السلام عليكم سالم ( يطلع عن المجلس وابتسم) : وعليكم السلام هلا حوبي ليالي ( تصب مويه وتحطها على النار) : هلا حبيبي كيفك سالم : بخير وأنتي ليالي : بخير امممم أنت وين سالم : في بيت سلطان ايش فيك نسيتي أن عنده عشاء لجدته وعيال عمه ليالي : نسيت سالم : قلبي ايش فيك ليالي : ناصر تعبان ورافض يروح الطبيب سالم : هو ما هو تعبان بس متضايق ليالي ( تحط نعناع بكوب وتسند الجوال بكتفها) : ليه سالم : قبل كم يوم اتصل وطلب من محمد يحضر ملكته لان يتمنى وليد ومحمد يشهدون على زواجه بس محمد اعتذر وقال ما اقدر ناصر تضايق كثير لدرجه سكر الجوال بوجه محمد ليالي : بس شكله ما هو متضايق شكله يتألم من العصر نايم على الكنبة ولا تحرك سالم : طيب يخلص العشاء واجيكم ليالي : طيب بنتظرك حبيبي سالم : تبغين أجيب لك عشاء وأنا جايكم ليالي : لا ما تقصر بسوي لي باستا سالم : طيب أحفظي لي شوي ليالي : ليه ما راح تتعشى عندهم سالم : باكل شوي بس أبغى باستا ليالي ( تشيل كوب النعناع وتطلع لصالة) : اوك يالله باي سالم : باي ليالي ( تقرب لناصر) : حبيبي اجلس جبت لك نعناع يهدي المغص ناصر : ما أبغى لولو ليالي : بس شوي اشرب نعناع ناصر( يصد بوجهه الناحية الثانية) : ............... الأم حمده : يا أمك قوم حالك كذا تخوف ناصر : اتركوني بس كذا مرتاح ما أبغى أتحرك أم وليد : عطيني أنا اشربه حرام تعبك يضيع ليالي : بالعافية أم وليد( تأخذ النعناع) : من كلمتي ليالي ( ترجع تجلس جنب المكسرات وتاكل) : سالم قلت له يجي عشان ياخذ ناصر لطبيب ناصر: اتصلي قولي لا يتعب نفسه طبيب لا ليالي : ما اعرف ايش اللي مخوفك ابره يعني ولا ايش | |||||||||
|
| |
|
19-09-13, 01:33 PM
| #418 | |||||||||
| نجم روايتي ومشرفة سابقة وفراشة متالقة بعالم الازياء
| ناصر : قلت لك خايف يقول لازم ينام وأنا ما صدقت ملكتي بعد بكره تبغين اجلها ليالي : حبيبي أنت صدقني لو قال تنام بالمستشفى بعد بكره اجيك أنا وأجيب الشيخ وعروسك واملك لك ناصر : تنكتين يعني اضحك ليالي : وااي صدق النفسيه ما هو كل هذا هههههههههه أم حمده : اتركي أخوك ليالي ( تشوف جوالها يضوي أخذته وطلعت بسرعة لغرفتها) : ....................... ناصر( استغرب) : علامها الخبله أم وليد : تلقى سالم اتصل الأم حمده : سالم ألحين كلمها علامها تقول مقروصه ليالي ( تدخل غرفتها وهي تأخذ نفس وترد على المتصل) : هلا وغلا الجدة ( تبتسم) : هلا فيك اخبارس ليالي : بخير أنتي الجدة : بخير يا بنتي ليالي : بشري وصل الجدة : أي وصل وهذاه جالس يتقهوى ليالي ( بفرح) : الحمد لله كنت انتظر اتصالك يا جده تأخرتي الجدة : وصل ونسيت كل شيء إلا احد عرف ليالي : لا أبدا محد حس عطني بكلمه الجدة : خذيه ليالي ( تسمع صوته وتبتسم ) : هلا بالصوت نورت المملكة محمد ( يحط فنجانه ) : هلا فيك يا قلبي كيفك ليالي : بخير من عرفت أن رجليك وطت ارض الوطن بشرني عنك محمد : بخير دامها قريبه مني ليالي : هههههههههههه الله والله نسينا الدنيا وهمنا قربها محمد : قلبي ملهوف ومن الخوف يرجف والله ليالي : يهدي لك قلبك بس انتبه هذي أخر فرصه لك يا خوي استغلها قبل تخسرها محمد : أكيد جدتي قالت لي أن بعد بكره راح يرجعون عشان ملكه ناصر ليالي : صدق محمد رافض تحضر ليه وأنت عارف أن ناصر حالف محد يشهد لما يتزوج غيرك أنت ووليد عزوته وسنده محمد : تغير الوضع كان أول قبل لا اعرف عن فرح وارجع عشان أصلح الأمور ليالي : يعني افهم انك بتحضر محمد : أي بكون العصر بأذن الله معاكم ليالي : واااااااي بيفرح أكيد لو يعرف محمد : لا تبلغينه ليالي : حرام عليك ناصر متلهف لك محمد : بسويها مفاجئه له ليالي : يعني بكره بس فرصتك محمد : لا فرصتي من الليلة ليالي : انتظر لبكرة محمد : أبدا ما راح أضيع أي دقيقه يبغى لها وقت ليالي : اجل طمني بكره ايش صار محمد : طيب سلمي على أهلي وقولي لو جهازي مغلق لا يحاتون ليالي : بقول أن الطبيب كثف العلاج وأنت تنام من التعب محمد : كذا أحسن بالله توصين شيء ليالي : حط فرح بعيونك وتحمل أي كلمه تقولها تراك تستاهل كل كلمه محمد : صدق استاهل وعسل على قلبي بس ترضى ليالي : هههههههههههه يا عنتر سلم على اللي عندك و مع السلامة محمد : مع السلامة ( حط الجوال جنبه) تسلم عليكم لولو الجد ( ياكل تمره ) : يسلمك ويسلمها الجدة : تبغى تتعشى محمد : لا هي فرح تعرف أني فيه الجد : محد يعرف خالك بعده ما عرف رايح له مشوار الجدة : قلت لك محد راح يعرف لين خليفه يجيبك من المطار وأنا جدتك الجد : اثرس منتي هينه يالعجيز تقولين لي برسل خليفه يجيب لي هديه لوضحه أقول لس وش تقولين قلاده وبناجر ذهب وصيت عليهم بنتي أم خالد والهدية محمد والله أني كذبت عيوني لما شفته الجدة : وأنا ما كذبت ( تأشر على الكيس) شوفهم والله أن بنياتها يدخلون القلب وحبيت أعطيهن شيء يذكروني به بعد موتي محمد ( يبوس رأسها) : ربي يطول عمرك الجد ( يناظرها بطرف عينه وبمزح) : خلها تموت كود أعرس على وحده صغيره تدللني وتدلعين الجدة ( خبطت على صدرها بجزع منه) : جعل يومك قبل يومي يهب ما قال بسم الله عليس وبقوات عين تقول بعرس الجد ( يتكي على المركى وهو مستمتع ) : كاتمتن على نفسي كل هالوقت ما تبغين أعرس وأنتي جدايلس غدن بيض من الشيب محمد ( ابتسم واهو يتقهوى ويتابعهم) : .................... الجدة ( تدخل الشعر بطرحتها وتعدل برقع) : تكذب شعري اسود من الله خلقني والشيب ما اعرفه الجد : اسود أيه ما أي والله ما شفتس تحنينه بالقايله خليفه ( يدخل ويبتسم) : يالله يصلح الحال للحين رحت ورجعت تتهاوشون الجدة : من جدك ما يخلي فرصه يقول بعرس خليفه ( بحميه ضرب على صدره) : افاااااااا وأنا ولدك يا محمد والله ما يشوف ظفر حرمه غيرك الجدة ( تبتسم ) : بعدي والله الجد : لا راد عليس ولا عليه لو بعرس بعرس من شوري وخاطري الجدة : اترك عنك جدك وقولي قلت لامك خليفه : أي وصيتها ما تبلغهم وتوصيهم محد يقرب للخيمه الخارجية في رجال غرب لين يصير كل شيء قلت تجهز العشاء محمد : ماله داعي يا أبو محمد خليفه : افا والله ياخوي حق وواجب وبكره عشاك عندنا بعزم اللي يعز علينا محمد : لا بهذي حلفت ماني غريب ( ناظر للجد ) ولا ايش يا جدي الجد : منت غريب يا محمد وخلاص عشاء بينا محمد : عشاء من الموجود بالثلاجة لا تكلفون أنا جاي هنا ما هو عشان عشاء ولا أكل الجد : ما فهم محمد : فرح يا جدي حضرت أصلح الأمور بيني وبين زوجتي وأراضيها الجد : أنا هقيت جاي لخاطر أبوك زعلان منك يعني تطلب مني أتدخل واكلمه قبل تواجهه ويرضى عنك محمد : أبوي بأذن الله بيرضى إذا فرح رضت وتصلحت الأمور أنا جايكم يا جدي لما عرفت أنها هنا قلت هذي فرصتي أبعدها عن أهلها وأكون بمواجهه معها خليفه ( يصب شاي ويعطيه محمد) : وأنت عارف يا جدي الموقف الأخير اللي صار وتهديد عمي وفهد أن لو شافوا محمد ما يطلع النهار إلا هو مطلق والرجال حاب زوجته ولا حاب يطلق الجد : وحكيك الماضي وش غيره محمد : ما تغيرت أول عشان أتغير تالي بس هي فتره مرت علي ندمان ما اخجل أقول ندمان أحبها أي والله أحبها ما نقص حبها إلا زاد الجد : والمطلوب يا ولد سعد محمد ( ناظر لجدته وخليفه وبعدها ناظر لجده) : اكلمها اجلس معها الجد ( يتسند على جنب) : مالك لوآ يا محمد شوفه مهنا شوفه لفرح خليفه : جدي ايش تقول الجد : قلت الكلام اللي يجمد على شاربك وشاربه شوفه مهنا شوفه الجده : وش هالهرج أنت صابك شيء تقطع رزق الولد مع حرمته تبغى يطلقون الجد : لا تدخلين عمرس بهرج الرجال الجدة : ما علي من هرجك أنا فزعت له أني أصافيه مع حرمته الجد : هرجتي ما اثنيها فرح أمانه أبو خالد وثق فيني أخونه قلت لها محد يجرحها ولا شيء يضايقها بس خلها معاي محمد : أنا اللي بجرحها الجد : أنت جرحتها يا محمد ما أبغى تجرحها أكثر ولا أبغى أبو خالد يناظرني مهوب قد المسؤولية وأنا بعمري ذا وشيباتي قدني أخر عمري اثني هرجتي لا والله ولا صارت أبو محمد يسويها الجدة : وش يدريه الجد : يكفيني عاهدته قدام الله واقطعي هرجس ترى ما منه فود لس ولا لهم محمد : والحل يعني رجعت عشانها ولما وصلت ولا تفصلني عنها غير جدار البيت تقول لا مستحيل ممنوع وأخرها أسف ليه يا جدي أنت ما تبغى نصلح الأمور ما تبغى تشوف فرحها وأنت عارف فرحها معاي الجد : جايز أن فرحها ببعدك وان فرح القديمة تغيرت وش تحتري تبقى عليك وأنت عفتها محمد ( هز رأسه ) : يتغيرون الناس على محمد بس فرح ما تتغير علي الجد ( وقف وابتسم باستهزاء) : حكينا أن محمد ما يتغير على فرح وتغير الجدة ( تناظر له يطلع من الخيمة) : خرف الشايب جاته الكلمة والعهد والوعد ألحين الله اكبر ما كنه أخلف وعود كثيرة لي خليفه : أبو خالد غير يا جده وأنتي تعرفين الجدة : ما قلنا شيء بس الولد متعني و معودن من ديار بعيده مطلبه حليلته ليه يعارض محمد : يعارض يعارض بس أنا ما راح أتراجع خليفه : ما نبغاها غصايب الجدة : لا بالله ما أرضاها لفرح تكون غصيبه وأنا ادري أنها مجروحة ( ناظرت لمحمد بعتب) كسرتها ونزلت دمعتها هزيت الحبيبة يا محمد أن كانها بصدك ولا سفرك ما غدت فرح اللي تعرفها قدها نشت وذبلت خليفه : اجل ما قدامنا إلا حل واحد محمد : على يدك تكفه خليفه : نكلم العم أبو خالد ويسمح لك تجلس معها كذا جدي ما يعترض محمد : لو عمي عرف بوجودي ما يصبح الصبح إلا هو وفهد هنا يحرك سيارته من هالدقيقه الجدة : نحاكي أبيك يكلمه كود يستحي منه ويرضى محمد : يا جدتي أبوي زعلان مني ولا يكلمني اتصل على جواله ولا يرد من عرف أن رقمي واسأل وليد يقول شايل بخاطره تبغين اكلمه والله ما يخليني اقرب لها الجدة : هالشيبه اللي هقيت راح يآقف معي ويصلح بينكم رأسه يابس وفوق ذآ كله يقول وعدن قطعته خليفه ( يسمع صوت سيارة) : أبوي رجع ومساعد الجدة : صوت له قبل يدخل ابغاه خليفه ( يوقف) : تبشرين محمد ( يناظر جدته) : جدتي الجدة ( تبتسم وتمسك يده) : تطمن دام جدتك وضحه معك لا تخاف من الشيبه ولا غيره محمد ( ابتسم باطمئنان ) : ربي لا يحرمني منك دخل أبو خليفه واستغرب وجود محمد رغم أن فرح كثير بشوفته وان بخير بعد ما عرف أن سافر فجاه ولا احد يعرف شيء عنه ولما عرف سبب رجوع محمد زادة فرحته لان عارف بحب محمد لفرح لو أن تخلل حياتهم بعض المشاكل بس دام أن يسعى لرضاها قرر يساعده وقال يتركون الجد عليه هو يتصرف معاه ووصى محمد ما يكسر بخاطرها ولا يضايقها وان ما يجبرها ترجع له يكسب رضاها ولا يخسرها محمد اتكل على الله ثم على خاله اللي قال أن الليلة راح تمسي وهي جنبك استغرب محمد والجدة من كلامه والخال ابتسم وغمز لهم يسكتون لما دخل جدهم ---------------------------------- في بيت سلطان ...... على المغرب الكل مجتمع والحريم يتقهوون بالمجلس الداخلي مع الجدة ويسولفون وسمر جالسه وبحضنها ملاك وتنتظر منى اللي بعدها ما وصلت جلست جنبها بتول بتول ( تقرص خد ملاك بشويش) : فديتها يا ناسوا سمر : أقول ما ترحميني وتاخذينها بتول ( تشيلها وتحطها في حضنها) : اخذ العسل إلا أمها ما وصلت سمر : لا بدري توه المغرب أذن بتول : لما دخلتي فيها ضنيت أنكم مع بعض سمر : لا أنا أخذت أمس ملاك معي بتول : ليه عسى ما شر سمر ( تبتسم) : صراحة كنت ابغى مشاري ومنى ياخذون راحتهم مع بعض كله مشغولة بملاك ومقصرة بحقه بتول : ونعم الأخت طيب كيف تحملتيها سمر : تجنن تعرفين عبدالرحمن يقول لي إذا نقدر ناخذها الليلة بعد بتول : عثل عثل ( ترفعها وتلعبها) شوفيها من ما يحبها هذي سمر : شوفي ترى اعرض خدماتي للكل مقابل 5000 آلاف لليله بتول ( تناظر لها) : عشان ايش سمر( تغمز لها وتبتسم) : اخذ عيالكم وتعيشون ليله من أحلى الليالي بتول ( تجلس ملاك وتسندها بيدها) : هههههههههههههههههههههههه لا تذكريني أحلى الليالي سمر : ليه ( انتبهت ملامح بتول) لا يكون عملتي ليله ولا قلتي لي بتول : صراحة عملت قلت بعمل مثل باقي الحريم وليتني ما سويت سمر : افاااااا اعرف اخوي دفش واعرف يخرب بس قولي لي ايش سوى بتول : هالمره ما هو اهو خربها بتأخر أو اعتذار بأخر وقتي مثل دايم لما اتصل عليه وأجهز المفاجئة لليله حلوه مع بعض يتصل ويعتذر مني أو أن يبلغني بيتأخر أو أن اجتماع مع عملاء بآخر لحظه سمر : طيب ايش بتول : صرصور سمر : كيف بتول : بقول لك بس شوفي ما تقولين لام لسان ونص سمر : من بتول : عذاري سمر : حرام عليك أختي هههههههههههه بتول : كيفك أنتي على الأقل ما تتشمتين هي تتشمت اعرفها هههههههههه سمر : اوك بتول : اسمعي يا طويلة العمر اللي صار لي تقريبا من 10 أيام بعد ما رجعنا من جده حبيت اقعد أنا وسلطان لوحدنا لان صار لنا فتره مبتعدين عن بعض بسبب الشركة وانشغاله فيها على أساس أن الشركة في بداية تأسيسها ولازم يثبت وجوده بالسوق وبين التجار وأنا بصراحة تضايقت من انشغاله بس عاذرته ومراعيه انشغاله كنت اسولف مع عذاري بالجوال واشكي لها عن بعد سلطان اللي فاقدته ولما عرفت أن جدتي في بيت الخاله أم إبراهيم قالت لي سوي لكم يوم خاص اجلسي معه وخليه بس لك بصراحة أعجبتني الفكرة وأرسلت عليه إذا عنده أي التزام للعمل أو عشاء عمل أرسل لي لا ليه قلت أنا أبيك ترجع بدري محتاجه أتكلم معك ولازم الساعة 7 تكون فيه ولا ازعل المهم رضى ووعدني يكون على الموعد وسلطان لما يوعد يوفي الوعد قمت ودخلت المطبخ وطلبت يحضرون كيك وعصير وحلى ويحضرون عشاء لنا وأمرت الخدامات طبعا بأشرافي أن يحطون طاوله قريب من المسبح الخلفي ويحطون مفرش وشموع وورد وينثرون في المسبح ورد جوري بعد ما يفككونه ويصير بس البتلات والأوراق منثورة نفخنا شوي بالونات ونشرناها في المسبح وحوله وحطيت الأستريو وجهزت سيديات رومنسيه ولما انتبهت للساعة كان باقي نص ساعة قلت اصعد اتروش والبس لبس حلو من زمان ما كشخت ولا تعدلت لان سلطان كان يرجع تعبان من الشغل فما يهتم ولا يجلس معي يا دوب يغير لبسه وينام وعلى الساعة 7 دخل سلطان وبتول كانت لابسه فستان بني طويل وفيه فتحته من الأمام وكان سيور على الصدر وستراس منثور بعشوائيه من الركبه لين أسفل الفستان ومن الخلف خيوط ربط لين آخر الظهر بتول( تنزل من السلم وهي تبتسم) : هلا وغلا سلطان( ابتسم واهو يناظر لها بإعجاب ويصفر) : واااااو وش هالجمال اللي نازل وش القمر اليوم تنازل ونزل للأرض بتول( استحت وقربت وباست خده) : قمر بعيونك سلطان : يكفي عيوني ولا لا بتول( تاخذ الشنطه وتحطها على الأرض) : يكفي سلطان( حاوط خصرها وقربها له) : وش عنده العسل اليوم بتول( تلعب في أزراره) : امممم أبدا بس حبيت نجلس مع بعض صار لنا زمان ما اجتمعنا سلطان : عاد بهذي صادقه أسف مقصر بحقك بتول( رفع النظر له وابتسمت) : مسموح ادري هذا شغلك هاه تحب تاخذ دش ولا تروح معاي سلطان : لا بصراحة من شفت كشختك والزين غرت وأنا بريحه قذرة بتول : أنت حلو دايم سلطان ( ابتسم) : ادري تجامليني بس مقبولة توني راجع من المخازن لشركه كنت أتأكد أن البضاعة وصلت بتول : طيب تاخذ دش على ما أشوف تجهيزات اللي عند المسبح سلطان : المسبح بتول( ابتسمت) : أيه جهزت الجلسة عند المسبح طاوله وشموع وكل شيء سلطان ( ابتسم واهو يبوسها) : فديت اللي يجهز بتول محاوطها سلطان من خصرها ومقربها له وهي تحس في شيء على رجلها يتحرك ما أعطت الأمر أهميه لأنها اعتقدت أن السبب ثوب سلطان وقربها منه وهي فرحانة أنها قريبه منه لها زمن فاقده قربه وحنانه والأمان اللي تحسه في حضنه واهو يسولف لها وش سوى بالمخزن ومستمتع بقربها كأنها طفله بين أيديه سلطان( عقد حواجبه) : وش فيك تتحركين كذا بتول( يديها حول رقبته) : ولا شيء بس ثوبك مزعجني يتحرك على رجلي سلطان : ههههههههههه طيب بغير ثوبي دام مزعج حبيبتي بتول ( تمسك يده من الكوع وتبتسم) : فديته طيب تاخذ دش على ما احضر العشاء وأجهزه سلطان : طيب وش مناسبة هذا العشاء بتول : امممم شفت لي زمان ما جلسنا مع بعض حبيت أغير عقدت حواجبها ووقفت ثابته ولا تحركت وسلطان تعجب أنها ابتعدت شوي عنه سلطان : وش فيك بتول( ساكته ولا تكلمت وبس تناظر فيه) : ................... سلطان( يناظر لنفسه) : فيني شيء بتول( وهي ترجف تأشر على رجلها وبهمس) : يمشي على رجلي شيء سلطان( يناظر لرجولها) : ما فيه شيء بتول( تهز راسها بشويش بلا) : في شيء سلطان : يتخيل لك هذا ثوبي وبس بتول ( دمعة عيونها) : لا في شيء يتحرك يماااااااااااااامي سلطان شافها تنط ( تناقز) في مكانها وهي تصرخ قرب منها ومسك يدها واهو يحاول يثبتها لا تطيح بسبب الكعب سلطان : بتووووول وقفي وش فيك بتول( تبكي) : شيء يمشي على رجلي أبعده سلطاااااااان سلطان رفع فستانها عن رجولها يدور شيء ما شاف شيء سلطان : بتول بلا حركات أطفال ما فيه شيء يتحرك يمكن خيط من فستانك بتول( توقف عن الحركة وغمضت عيونها وهي ترجف) : يمااااااااامي بظهري عند شعري سلطان لفها ورفع شعرها شوي عن ظهرها اللي كله خيوط عقد حواجبه لما شاف شيء يتحرك ودقق النظر لان الفستان ولون الشيء اللي يتحرك واحد ما يعرف خيط ولا وش كلهم بني فتح عيونه بكبرها لما انتبه للي يتحرك صرصور وكان كبير ومقرف شكله وبتول مسكينه ترجف ولا تتحرك ما يعرف وش بيسوي يخاف يتركها ويتحرك الصرصور لين كتفها وهنا تنهبل ما عنده غير حل واحد يبعده بيده واللي فيها فيها بس حبيبته ما يصير لها شيء ضربه يبعده عن ظهرها وبتول ألتفتت لها بسرعة بتول : وش كان سلطان( انتبه بطرف عينه للصرصور اللي رماه بعيد ) : ولا شيء بس خيط بتول( ترتجف) : وووواي خفت طلع خيط ههههههههههههه سلطان( يغصب نفسه يضحك ما يبغى يخوفها) : هههههههه أيه تعالي بغير لبسي وننزل مع بعض كان مقرر يخليها تصعد وبعدها يذبح الصرصور ويقول لها عشان ما يصير لها شيء وهي من النوع اللي يخاف من الحشرات كثير وزاد عليه أنها حامل بتول( تقرب للشنطه وتبتسم) : حاضر باخذ شنطتك سلطان( نظره للصرصور اللي يمشي تحت الكرسي) : خليها ارجع أخذها بتول( تمسك الشنطه وتقرب له ) : مره وحده أخذها عادي ما أبغى اتعب حبيـ.. سلطان عض شفايفه لما وقفت بتول ورفعت نظرها لفوق تبغى تشوف وش اللي طار ورقه ولا وش رفع سلطان نظره لفوق وانتبه أن الصرصور اللي يطير شافها تناظر شنطته وهي مصدومة وتناظر لفوق ومره الشنطه يمااااااااااااااااااااااا ااااااااااااااااه صرصوووووووووووووووور رمت الشنطه من اللي شافته يطير وحجمه الكبير و تجري للسلالم وهي تصرخ وتركت سلطان لوحده أخر السلم يجري خلفها خاف عليها ولما وصل للباب كان مقفل | |||||||||
|
| |
|
19-09-13, 01:35 PM
| #419 | |||||||||
| نجم روايتي ومشرفة سابقة وفراشة متالقة بعالم الازياء
| سلطان : بتولتي فتحي الباب بتول( تبكي ) : صرصور سلطان : طيب الصرصور تحت ليه قافله الباب افتحي بتول(ترتعش من القرف ) : أخاف يطير لهنا ما افتح الباب سلطان : زين ذبحته أفتحي الباب بتول : تكذب علي كبير مر سلطان : وش كبير مر يعني ديناصور كله صرصور بتول : ووووووع قرف سلطان( ابتسم بخبث) : بتووووولتي لو أقول لك أن كان يمشي على رجولك الحلوه وماخذ راحته الأخ وش بتسوين بتول ( بقرف واشمئزاز) : ووووووووووووووووووووووووو وووووووووع لا لا كذاااااااااااااااب سلطان : هههههههههههههه والله صدق بتول ( ترمي فستانها على الأرض وتبكي) : ووووع ما عاد بلبسه هالفستان وجه نحس سلطان : وش تسوين بتول : رميت فستاني باخذ دش قرررف سلطان( بخبث ابتسم) : طيب فتحي الباب بتول : ليه سلطان : عشان أشوف فيه صرصور ولا خلاص بتول( بخوف) : وش يعني ما هو واحد سلطان : لا الظاهر أن اهو وعائلته بس لقيت واحد اصلا الصراصير تكون في جماعات ( كتم ضحكته ) انتبهي لا يكون على شعرك بتول( تصيح وهي تحرك شعرها وتبكي تخاف فيه شيء) : لااااااا يماااه وووووووع سلطان ( ندم وخاف عليها) : بتولتي اضحك اهدي بتول( تبكي) : صرصوووووور لا أبعده سلطاااااان سلطان : بتول والله اكذب والله حبيبتي اهدي كنت اضحك معاك ما فيه غير واحد بتول( تبكي تشاهق وهي ترتجف) : سلطاووووووووووووووووووونو وووووووه سلطان : هههههههههههههههههههههههه سوري كنت أبغى اضحك خوفتك أعرفك خوافه من الحشرات بتول( تقرب للباب وهي تصر على ضروسها وتمسح دموعها) : تضحك علي عشان أخاف من الصرصور سلطان : أسف فتحي الباب براضيك يزعلون كل الناس وأنتي لا بتول( تستند على الباب وتكتف أيديها ) : مابي سلطان ( تسند على الباب وكتف أيديه وهو يبتسم) : ليه بتول( صرت على ضروسها وهي تكتم عصبيتها) : عقاب لك سلطان : بتولتي امزح بس معاك وش ما تحبين المزح بتول( بوزت وهي تتكلم) : مزح ثقيل مره وفي حشرات سلطان : طيب والسهره وش تخليني كذا بتول( رفعت راسها وهي تبتسم) : اسهر مع الصرصور وأنا باخذ دش وأنام وأنت والصرصور تبعك خربتوا السهرة والمفاجئة اللي كنت محضرتها لك سلطان : طيب وش ذنبي الصرصور اهو السبب بتول : لا أنت السبب سلطان : وش السبب فيه بتول ( تتجه لحمام وهي ترفع حاجبها وتبتسم) : روح شوف شنطتك وبعدها تعرف وش اقصد واغسل يدك اليوم ما أبغى أشوفك عندي أصلا تحلم افتح الباب وهذا عقاب لك أنت وصراصيرك وووووووع قرف سلطان( عقد حواجبه) : صراصير كلها صرصور بتول : روووووح تحت وتعرف نزل سلطان لصالة اللي تحتيه وقف على السلم وانصدم لما شاف على شنطته صرصور يتمشى وتحت الكرسي كان الصرصور الثاني ضرب جبينه لما فهم أن اهو السبب وتذكر المخزن اليوم كان فعلا حشرات وفي فيران وتذكر أن طلب من المسئول يرش المخازن لأنها قديمه وما كانت مستخدمه وكلها حشرات وغبار وأكيد أن الصراصير دخلت شنطته بسبب أن حطها على الأرض وكان يتفرج على المخزن عض شفته مقهور أن ضيع الصرصور عليه ليله من أحلى الليالي قرب للصراصير واهو مقهور وحط الحرة فيهم لما ضربهم في جزمته ( الحذاء) واهو يعض على لسانه من القهر بتول : ههههههههههههه وهذيك الليلة المسكين نام على الكنبة واهو يتأمل الصراصير الميتة ويتحلطم قرف سمر : كم طلعوا بتول : 2 بس صدق صدق كبار سمر : حرررررررام عليك يا قاسيه هههههههههههههههههههه بتول ( بخبث تبتسم) : خليه يتعلم عشان ينتبه انه نظيف قبل يدخل البيت وووع من صار اللي صار وأنا أخليه قبل يدخل البيت يرمي عند الباب كل شيء في شنطته ويتأكد من ثوبه سمر : صدق موقف زين قلتي لي عشان ما يحصل معي عاد عبدالرحمن هالايام يروح للمخازن بتول ( ارتجف جسمها من الذكرى) : صدق لا تصير لك عذاري ( تقرب لهم وتجلس) : السلام عليكم بتول وسمر : وعليكم السلام عذاري : ضحككم واصل للمطبخ ايش فيه سمر : نسولف عن ملاك ( غمزت لبتول وعذاري ما انتبهت) ما هو صح بتول ( تبتسم وتضم ملاك) : صح عذاري : على فكره ما راح أخذها اليوم سمر : ليه عذاري : أبدا سلمان بيسافر اليوم وبجلس هنا لين يرجع بتول : ما قال افكر اسافر بسرعه قرر متى عذاري : لا قرر يسافر الفجر لما حصل تذكره صح كان بيسافر بعد فتره بس جاه اتصال من العم ابو محمد امس وطول الليل يتصل يبغى يدبر تذكره وحصلها المغرب اليوم طيارته سمر : ايش السالفه فهموني عذاري : أبدا عمي أبو محمد طلب من سلمان يجيهم عشان رغد رافضه العلاج وسلمان اقرب الناس لها ممكن يقدر عليها سمر : وايش صار عليها للحين على وضعها عذاري : للحين ( مسحت على بطنها بخفه) الضنى غالي كيف وهي تنتظر 9 شهور وبلحظه يختفي بتول : أي والله ومصيبتها ما هي وحده ثنتين خيانة زوجها وموت طفلها عقلها ما تحمل الصدمات عذاري : ألحين راح يبدون في جلسات الكهرباء سمر : ليه عذاري : ما اعرف أمور طبية بس كلام سلمان أن أفضل في حاله مثل حالتها سمر : يا رب سترك طيب كيفها أمها وأبوها عذاري : والله النفسيه واضح ما هي كل هذا بس الله يعين تصدقون أحس بنقص سمر : قصدك البنات صح متعودة على أنا نجتمع كل عشاء أو مناسبة بتول : صدق فقدتهم كبرنا وصارت مشاغلنا أكثر سمر : ليالي أرسلت لي مسج تقول ما اقدر أروح للعشاء مشغولة بعد بكره ملكة ناصر و أنا كلمت مي العصر قالت ما تقدر تجينا عذاري : ليالي عارفين كل شيء فوق راسها من تجهيز وطلبات لملكة ناصر فوق ما تجهز لعرسها أما مي عشان عرسها يعني عشان عروس قولي لها عارفينك وبعدين محد غريب عشان تستحي منه سمر ( تبتسم وتغمز لها) : مي وينها ووين الحياء بس عندها ناس أهم مني ومنك بتول : أهم منك يا سمر ما اصدق وأنا اعرف ايش مكانتك عندها سمر : ركنتني على الرف يا حبيبتي هذا عبدالله عين السيح عذاري ( فتحت عيونها مستغربه) : احللللللفي سمر : والله ههههههههههههههه عذاري : ألحين عبدالله عندها سبحان الله وساحبه عليك وعلينا عشانه سمر : أي بتول : هالبنت غريبه أنا ضنيت ممكن تجي عشان ما تشوفه عذاري : وأنا ضنيت أن أمورها لا يمكن تتعدل وكنت أفكر هل تستمر معاه أسبوع ولا شهر قبل يفترقون سمر : لا تفكرين بشيء لان حياتهم راح تستمر ابد الآبدين بأذن الله عذاري : ايش السالفه ها سمر : أنا ما اعرف ايش السالفه بس مقرره بكره أزورها عذاري : فضول تعرفين سمر : أبدا والله بس لما هي حددت زواجها ووصلني الخبر بتركيا جهزت لها بعض لوازم اللي تحتاجها وشريت لها هديه زواجها وبكره بروح اهديها بتول : ما شاء الله متى لحقتي سمر : ما هو بالشيء الكبير بس اللي قدرت عليه شريته وهذي مي ما في مثلها عندي عذاري : وصلني خبر أن ارسلتي شنطه لليالي لما وصلتي سمر : أي هي أرسلت لي مبلغ عشان أجهز لها من تركيا بعض طلباتها وأنتي كنت في جده ما لحقت أقول لك عذاري : اها قلت ايش هالكرم اللي نزل على أختي سمر : مالت عليك من يومي كريمه بس ما يبين في عينك هههههههههههههه بتول ( توقف وهي شايله ملاك) : بقول لهم يجيبون قهوة لنا عذاري ( تمد أيديها) : عطني ملوكه ( تقرب لسمر وتجلس) قولي لي أخر الأخبار سمر : عن ايش عذاري : عن جدتي سمر ( تستعبط وتأشر على المجلس) : جداتك هناك عذاري : استهبلي ها ( دفتها بكوعها) اخلصي اقصد منى وليلتها سمر ( تبتسم وتغمز لها ): عيب سوالف كبار عذاري : ليه اللي تسألك ملاك ولا عذاري ولا شايفه الحليب في فمي ارضع سمر : ههههههههههههههههههه طيب طيب كلمتني على الساعة 2 الظهر كانت توها صاحية تسألني كيف ملاك و قلت هي بخير أنتي كيفك وكيف ليلتك تقول والله نست الدنيا ومشاري فرحان وطلبني يكررونها يقول مليت من انشغالك عني ابغاك يوم لي تسمعين لي وتجلسين معي لي لوحدي عذاري : حرام ههههههههههههههههههه سمر : بس شوفي تفاصيل ما أخذت لأنها تبغى تسوي له شيء ياكله ( ابتسم ) الطيب عند ذكره وصلت ناخذ الأخبار منها شوفيها تأشر بتسلم على الحريم وترجع لنا عذاري ( ترفع يدها تأشر بالسلام لمنى) : شكلها ما كان بنيتها تحضر العشاء سمر : قولي شكل مشاري اللي ما هو ناوي عذاري وسمر : ههههههههههههههههههههههههه ههه في المجلس ... الكل مجتمع والجد بصدر المجلس يتابع الكل ويبتسم ويسولف من زمان فقد هالجمعه كثير حس أنهم ناقصين واللي ناقص اختفى برغبته الجد ( يميل ويهمس لولده أبو وليد) : أبو وليد أبو وليد : لبيه يبه الجد : كيف محمد تكلمه أبو وليد : بخير بس ما اكلمه وليد وناصر يكلمونه الجد : ليه يا ولدي أبو وليد : محمد صغرني قدام اخوي أبو خالد صغرني قدام فرح وخلاني ما هو قد كلمتي يا يبه الجد : يا ولدي استهدى بالله أخوك عارف انك منت مقصر وفرح كمان عارفه وأنت قدرك كبير ما هو محمد ولا غيره اللي يصغرك بس أنت سألته ليه سوى كذا أبو وليد : ما سألته ولا أبغى اسأله الولد اللي يعصي أمري ما هو ولدي الجد : تعوذ من الشيطان يمكن عنده عذر معقول أبو وليد ( يتنهد) : ليته واجهنا ولا كذا سوى الجد : من اللي يكلمه دايم أبو وليد : وليد الجد ( ألتفت وشاف وليد يسولف مع إبراهيم اشر له براسه) : أنا بسأل مع أني عارف أن قلبك متلهف لأخباره بس تكابر ( ابتسم ) ولدك ما جابها من بعيد على أبوه المكابرة وليد ( يقرب ويبوس رأس جده) : أمرني يا جدي الجد : اجلس وليد ( يجلس جنب جده) : هلا الجد : كيف أخوك محمد وليد ( ناظر لأبوه وبعدها ناظر لجده) : محمد بخير الجد : وحالته وليد : بدأ يمشي على عصايه الحمد لله الجد : متى يرجع وليد : ما اعرف الجد : وليد وليد : والله يا جدي ما اعرف بس هو خايف الجد : افااااااا ليه وليد : خايف يرجع يجبرونه يطلق فرح أبو وليد : ما هو هذا اللي يبغى ولا ايش وليد : يا يبه قلت لك وشرحت بس أنت منت مقتنع أبو وليد : أخوك مثل الحرمة كل شوي رأي مهو رجال قد كلمته الجد : ولدك رجال بس ما هو عيب أن يرجع بقراره وكلمته دام السالفة تخص حياته ما يبغى يهدم حياته وليد : هذا أنت قلت يهدم حياته محمد يا جدي للحين متمسك في فرح وكل أزواج يمرون بحياتهم بمشاكل وزعل وعصبيه وكل مره كلمه طلاق أو طلقني تتكرر بس ببعدهم عن بعض كل واحد يراجع أفكاره ويتندم على كلامه ويحن لطرف الثاني الجد ( ابتسم ) : عز الله انك عقل وثقل يا ولدي وليد ( ابتسم) : تربيتك يا جدي الجد : ابغاك تتصل على محمد وتسلم عليه وتقول له جدي يقول ارجع ولك اللي تبغى وليد : والله اتصل جهازه مغلق من الصبح ما اعرف ليه الجد : اتصل ولما يكلمك قوله لا يخاف يرجع ولا احد يتعرض له وانا موجود أبو وليد( عقد حواجبه) : متى أخر مره كلمته وليد : أمس العصر بس قالي لا تحاتيني بكون مشغول شوي أنا بتصل فيك أبو وليد : زين الجد : حاول لين يرد عليك وقول له يقول جدي ارجع وليد : تآمر تبغى شيء ألحين الجد : لا مشكور ابتعد وليد عن الجد واهو يطلع جواله عشان يتصل مره ثانيه بمحمد يمكن يحصل جواله مفتوح بس خاب ضنه حصله مقفل تنهد ورفع نظره يتابع حركات الأطفال جالسين حول فواز اللي جنبه محمد ويحاول يعلمهم الاشاره وهم يتابعونه باهتمام بمساعده محمد ولد صالح وليد ( ابتسم وفي نفسه) : بسم الله ما شاء الله صدق من قال محمد جسد طفل بعقل رجل صدق أن عمي فهد بس صغير يحكم الجلسة ويكون براس المجلس ( انتبه ليد على كتفه ألتفت) هلا أبو فهد إبراهيم : علامك طلعت وليد : أحاول اتصل بمحمد اخوي إبراهيم : عسى ما شر وليد ( يحط الجوال في جيبه) : أبدا بس جدي طلبني اتصل وأقول يرجع إبراهيم : صدق وليد : هممم إبراهيم : ايش لفت انتباهك وليد ( يأشر له) : أشوف فواز يعلمهم اشاره إبراهيم ( يناظر لهم وابتسم) : ايش الغريب وليد : ما فيه غريب بس لفت انتباهي عمي فهد الصغير إبراهيم( عقد حواجبه) : وش وليد ( ابتسم) : اقصد محمد ولد صالح إبراهيم : أول مره تشوفه وليد : لا بس أول مره ألاحظه ماشاء الله الله يخليه لأهله إبراهيم : ويخلي لك عيالك يارب وليد : تدخل إبراهيم : يالله محمد وفواز واحمد وحمد و طلال وعيال وليد سعد وسعود وناصر الصغير جالسين بشكل دائرة وفواز يحرك أيديه يحاول يعلمهم لغة الاشاره وكل شوي يضحكون على ناصر الصغير اللي يزعل إذا سبقوه بالاشاره واهو للحين يحرك أصابعه فواز ( اشر له يقرب ويجلس بحضنه) : ................. ناصر( ضحك وجرى له وجلس بحضنه) : .............. سعود : نصور اجلس بالأرض عيب ناصر : هو قال لي ( رفع راسه لفواز ) صح فواز( عقد حواجبه ما فهم) : ................ احمد : يا غبي هو ما يسمعك محمد( انتبه لملامح فواز لما قرى شفايف احمد وفهم عصب) : كل تبن احمد : أنا ايش قلت طلال( ضربه بكوعه وصر على ضروسه) : ايش ما يسمع فواز( كان يتابع الكلام بانتباهه لحركه الشفايف) : .................... احمد : أنا صادق هو اصمخ محمد( عصب ونزل نعله وخذفها على احمد) : انقلع فواز( حط يده على كتف محمد قبل يقوم واشر براسه لا) : ......................... محمد ( بعصبيه ) : اتركني والله أدوس ببطنه فواز( اخذ المذكرة الصغيرة( نوته) وكتب له) : ليه تعصب اهو ما قال شيء غلط صدق أنا اصمخ ليه تبغى تضربه محمد ( هز رأسه بعصبيه واهو متفشل من أخوه) : .......................... حمد ( ألتفت لأحمد واشر له برأسه يقوم معه) : .......................... محمد ( رفع رأسه لأخواه اللي وقفوا) : وين حمد : أبغى أتمشى شوي مع احمد احمد ( بلع ريقه لما شاف نظرات أخوانه) : ................... فواز ( مسك يد احمد وابتسم واشر لمحمد ) ...................... حمد ( ألتفت يناظر لهم ) : وين أخذه محمد : اجلس يبغى يسولف معه حمد : والله أن الله رحمه كنت بذبحه طلال : محمد هو ما يسمع من زمان محمد : أي سعد : طيب كيف نتكلم معاه محمد : بأشاره ( حرك أصابعه ) كذا نقدر نتكلم معاه ويسمعنا طلال : أنا افهم شوي من لغة خالي فيصل وخاله عهد علموني شوي بس ناصر( يحرك أصابعه عند أذنه) : ما فيه ثوت الكل : هههههههههههههههههه محمد( ابتسم ومسح على شعره) : لها صوت بس فواز يسمعه ناصر : ما فيه ثوت والله ثلون محمد : لما تدخل تكبر تفهم ( ألتفت لهم ) اسمعوا بقول لكم شيء واحمد بعدين افهمه شوفوا يا عيال عمي فواز وحيد ما عنده أخوان ولا أصحاب ولا زينا عيال عم نبغاه معنا ويصير ولد عم لنا حمد : أنا والله حبيته كبير اهو بس طيب كثير محمد : عشان كذا أبغى أتعلم لغة اشاره ناصر ( يعقد حواجبه ) : وش لغة اثاره زي اثاره مرور طلال : ليه سيارة اهو الكل : ههههههههههههههههههههههههه هه سعد : ناصر ما قلت لك أبوي يبغاك يقول الريال حقك لقاه معه ناصر( يوقف بسرعة) : ثدق سعود : أي صدق روح بسرعة محمد ( يناظره يجري) : الله يصلحه فضولي سعد : عشان كذا قلت يروح كمل ايش لغة اشاره محمد ( يحرك أيديه ) : ذي لغة عشان يفهم ولما تتكلمون معه تخلون وجهكم له عشان يقرا ايش تقولون من حركه الشفايف حمد : تراه كاسر خاطري من قال محمد لي عنه وقلت عيال عمي ما يقصرون سعد : أنا موافق طلال : وأنا كمان سعود : ما تقول انك تعرف طلال : ما هو كثير بعضهم بس أبغى أتعلم أكثر فواز طيب كثير أنا اعرفه أكثر منكم لما خاله عهد تزور أمي منى ولا أحنا نزورها محمد : اجل اتفقنا نتعلم بس ما أبغى احد يقول له اصمخ زي الغبي احمد حمد ( يناظر لفواز يكتب لأحمد واحمد يرد عليه بالكتابة) : احمد عندي اتفقوا مع محمد يتعلمون لغة الاشاره ومحمد بالنسبة للكل الزعيم يعني إذا قال كلمه ما تنرفض والكل يحبه وعشان يحب فواز يحبون فواز لخاطر الزعيم --------------------------- | |||||||||
|
| |
|
19-09-13, 01:38 PM
| #420 | |||||||||
| نجم روايتي ومشرفة سابقة وفراشة متالقة بعالم الازياء
| في القريه .. داخل البيت وتحديدا في المطبخ .. جالسه أم خليفه تجهز عشاء ومعها فرح اللي حلفت تساعدها بعد ما طلعت العنود مع كرشتها على كلام فرح اللي مسبب زحمه بالمطبخ فرح : ما عرفتي من يا خاله أم خليفه : لا أبدا يا أمس عطيني بصل فرح ( تعطيها صحن البصل المقطع ) : متأخر العشاء أم خليفه : نلحق نخلصه كله كبسه فرح : ألحين كيف جدتي تجلس معه ما هو غريب أم خليفه : خليفه يقول أن واحد من خويآه و الوكاد أن عمتي تعرفه ولا كان ما جلست معهم فرح : يعني متعوده أم خليفه : خبرس بجدتس تحسبهم مثل عيالها وترى كثير منهم إذا زارونا يصوتون لجدتس يسلمون عليها فرح : ماشاء الله طيب أجهز سلطه أم خليفه : أي فرح : حاضر أم خليفه ( تحرك البصل) : إلا ليه ما تجلسين سمعت أنس بعد بكره بتعودين منتي مرتاحه هنيه فرح ( جالسه على الأرض وتقطع خيار) : والله ارتحت كثير بس صار لي أسبوع وزيادة اشتقت للكل ورغد بس تبكي تقول تعالي وإذا الله كتب يمكن ارجع أم خليفه : ما سمعتي خبر عن رجلس فرح( رفعت راسها تناظرها) : ما عندي خبر أم خليفه ( تناظرها) : اسمعي يا فرح أنتي مثل بنتي وابغى مصلحتس يا بنتي لو رجع رجلس ارجعي له مالس غناه عنه يقول المثل نار رجلي ولا جنة أهلي وصدقيني مالس إلا اللي يرضيس من ولد عمس ترى البنت مالها غير ولد عمها فرح : بس يا خاله محمد هو ما يبغاني والكل عرف ما هو بس أنا لا الخبر انتشر أم خليفه ( تعدل برقعها) : لو أقولس أن بأول عرسي كنت كل حزه أصيح وأقول طلقني كنت عنيده وهو عنيد وشديد مره وكان يهدد يعرس علي يقول بكسر راسس بالمره ما يكسر راس الحرمه غير الحرمه وأنا أقول ما علي منك أعرس بس تطلقني كان يقول شوري ما أخذه من حرمتن ناقصه مهنا طلاق ويدق خشمي وأرجع لما تبرد حرتي لا أنا اللي تطلقت ولا هو اللي أعرس علي فرح : أنتي عنيده ماشاء الله يا خاله أشوفك الصبوره المطيعه وأستغرب اللي تقولين أم خليفه ( تبتسم) : الزمن علمني كيف أتحمل رجلي واعرف وش خاطره وأعيش أنا و عوالي تحت جناحه وطوع أمره يا بنتي باكر تعيشين أنتي وعيالس تحت جناحه وبحمايته فرح : عيالي أم خليفه : أي عيالس اجل راح تبقين سذا يا فرح لا تتركين الناس تهرج فيس وفيه وتصيرين سالفه بحلوق ذا وذاك فرح ( ترجع تقطع السلطة) : كلن ياخذ نصيبه ما أظن أن لي مع محمد نصيب هو قبل سفره بفترة طلب من خالتي تدور له عروس أم خليفه ( بصدمه) : أنتي صادقه فرح( توقف وتشيل الصحون) : أي والله صادقه وأنتي تضنين للحين أن ينصلح حالنا شوفي ايش محمد يتمنى زوجه ثانيه ( سمعت صوت خليفه وعدلت برقعها) حياك يا أبو محمد خليفه ( يدخل المطبخ) : السلام عليكم فرح وأم خليفه : وعليكم السلام خليفه : جهز العشاء أم خليفه : أي تبى نكبه بالصواني خليفه : أي يمه ( استند على الباب) فاتكم هوشه جدي وجدتي فرح( تجهز الصحون) : هذي عادتهم ما هو شيء جديد أم خليفه : وعلى وش ذي النوبه خليفه ( ابتسم) : جدي يبغى يعرس وجدتي عصبت فرح ( تبتسم باستهزاء) : صاير موضه العرس خليفه : ليه في احد بيعرس أم خليفه : محمد ولد عمتك خليفه ( استغرب) : صدق متى فرح : متى من زمان بس لا أوصيك يا ولد خالي تجهز لعرسه تراه متلهف خليفه : بأذن الله مهو بمعرس أم خليفه( تناظر لفرح اللي واضح تداري دمعتها) : خليفه شيل الصواني يا ولدي لا الرز يبرد فرح ( تتجه لباب المطبخ) : اسمحوا لي خليفه ( يناظرها ) : يمه علامها أم خليفه : اتركها يا ولدي فتحنا جروح أنا احكي معها وجبت سيرة رجلها وأنت كملت عليها بطاري العرس خليفه : صدق بيعرس ما قال لي أم خليفه : سالفه قديمه قبل سفره والظاهر أن موصي عمتك أم وليد تخطب له قده بيعرس والسنه ما مرت خليفه(يشيل الصحن) : تطمني يمه والله أن بنت عمتي تتثاقل بالذهب ومحمد ما يلقى من تسواها ولا تسوى ظفرها أم خليفه : يا ولدي هي متوكده خليفه : خليني أودي العشاء وقولي ولدي خليفه قال فرح ( دخلت غرفة وضحه اللي ترضع بنتها) : السلام عليكم وضحه والعنود : وعليكم السلام العنود : سمعت صوت خليفه فرح( تجلس وتأخذ بنت وضحه بحضنها ) : أي العشاء جهز وأخذه للخيمه وضحه( تناظرها) : علامس فرح : ما علامي بس مصدعه شوي ( تبوس الطفله) فديتها ألحين ذي من وضحه : معاس جنونه فرح : كيف تعرفينهم من بعض وضحه : قلب الأم العنود( تبتسم) : تكذب عليس بس ذهينه قصقصت لحنان قصه ( غره) وكذا تفرق فرح : تقول قلب الأم أنتي تحسين أصلا يصيحون ولا تدرين تشخرين والله يخلي خالتي اللي تصحى فيهم ولا ماتوا الكل : ههههههههههههههههههههههههه هههههههه الكل ( سكت يوم دخلت الجدة ) : .................... الجدة : فرح فرح : لبيه الجدة : الليلة تمسين عندي بالحجرة فرح( تعقد حواجبها) : أنا أنام هنا عند وضحه وضحه : وجدي وين الجدة ( بعصبيه) : جدس يمسي عند عروسه اجل بيعرس الشويب هين العنود( تتعدل بالجلسة) : جدي بيعرس الجدة : يعرس على جنون أجل الحرمه بدالها حرمه يبغى يغبني عساه الغبن يهرج عن وصايف العروس وضحه( بأستعباط) : ما يجوز جنون حفيده الجدة ( عصبت ) : أقطعي هرجس وترى النفس مهوب طايبه لا لس ولا لجدس لا اعلمس يا بنت محمد كيف تتكلمين معي وضحه ( تضم بنتها وبهمس) : ووول صدق شكلها معصبه يا ويلك يا جدي فرح : طيب وجدي الجدة : يسري ليلته بالخيمه ولا الحوش مهنا نوم بقربي يبغى قرب العروس فرح ( تعطي العنود بنت وضحه وتوقف قدام الجدة) : جدتي أنتي عارفه أن جدي ما هو من قلبه يضحك معك استهدي بالله وخليه ينام بغرفته الجدة : أنا حلفت وقلت له ما تبات بغرفه اللي أنا بها وان فرح عندي فرح : والله فشله أنام بغرفته طيب خذي وضحه الجدة : أخذها مع صفاراتها لا ما أبغى وذي بنت جدها وضحه ( تبتسم بخبث) : تخافين أخون فيك وبعد ما تنامين افتح الباب لجدي الجدة : جعل يخون فيس فهد وياخذ عليس اللي تكسر راسس وضحه : يخسسسسسى ( طالعت لفرح ) سوري بس معصب الكل : هههههههههههههههههههه فرح( تبوس رأس جدتها) : وضحكتي يا غالية والنفس طابت خليني عند وضحه وجدي بغرفته الجدة : أنا قلت كلمه مهب مفجرتن حلفي توحيني وش حكيت لس العنود : نامي يا فرح عندها وترى مهي أول مره جدي ينام بالحوش ولا بالخيمه وضحه : متعود أبشرك رشدي اباظه تزعل عليه سعاد حسني الكل ( من غير الجدة) : ههههههههههههههههههههههههه هههه الجدة ( طلعت عنهم بعد ما وصت فرح تنام عندها وفي نفسها) : والله يا محمد جبتها صح كذا ابعد أبوك عنها واخلي محمد يحاكيها هو يظن أني زعلانه زي ما تعود ولا أبغى يبات معي ومحمد ولدي يحلف عليه ينام بالمقلط الداخلي يخاف عليه من البرد بالخيمه ومحمد ندخله بدون علمه لحجرتي وأنا أنام مع وضحه وبناتها الله يعيني عليها خل محمد يمسي مع حرمته كودن ينطحن حبن براسها على الساعة 10 الجد حس بالنعاس و أبو خليفه قال له يقوم معه للمقلط ينام وقال لا بنام في حجرتي بس ذكره محمد أن زعل العجيز وأنها ما تبغاه ضحك لما تذكر هذي عادتها كل ما زعلت تقفل الباب عنه وينام بالخيمه بس كبر وجسمه ما يتحمل البرد فصار ينام في المقلط الداخلي ودخل مع ولده محمد خليفه ( يهمس لمحمد) : محمد بسألك قبل تدخل محمد : خير خليفه : صدق انك موصي عمتي أم وليد تشوف لك عروس محمد( عقد حواجبه) : عروس خليفه : أي محمد : من قال مساعد( حس أن يبغون يجلسون لوحدهم من همسهم ) : أنا بنام تصبحون على خير خليفه ومحمد : وأنت من أهل الخير محمد ( يناظر خليفه) : من وين سمعت خليفه : صراحة فرح قالت لامي محمد : وايش قالت لها خليفه : ما اعرف بس اللي اعرف أن فرح كثير مجروحة وسالفة زواجك ما نستها محمد : تطمن ياخوي ما أبغى غيرها زوجه خليفه : أكيد محمد : أكيد خليفه ( يشوف جواله يضوي وكان صامت) : هذي جدتي ( رفع الجوال) هلا جده ........ خلاص ........ لا تطمني .... مع السلامة محمد : بشر خليفه ( يوقف) : قوم بس لا يحس جدي فيك ويذبحك محمد ( يتسند على عكاز ويوقف) : توكل على الله بس دخلني لها وبعدها أتصرف أنا خليفه ( يتجه للباب) : بسبقك أقول لأهلي وأشوف الطريق ( دخل البيت واتجه لغرفة وضحه) يا هيه وضحه : حياك محد فيه خليفه : السلام عليكم وضحه والأم : وعليكم السلام خليفه : وين العنود الأم : راحت ترتاح انتبه لها وأنا أمك تراها على رأس شهرها خليفه : والله يمه منتبه لها وأفكر أن أخذها بعد بكره لرياض ونجلس فيها لين تولد الأم : ليه فيها شيء خليفه : ما تقدر تنام إلا وهي جالسه وأنا خايف عليها هنا ما فيه إمكانيات كثيرة وضحه : والله ياخوي أنا أنصحك تولد بالرياض ما هو القرية خليفه : بشوف بكره رأي أبوي إلا وين فرح وضحه( تبتسم) : فاتك نص عمرك جدتي زعلانه على جدي واخذ فرح معها خليفه ( ابتسم) : زعلانه أي طيب أقول لا تطلعون في رجال بيدخل الأم ( استغربت) : تدخل رجل للبيت عيب يا ولدي خليفه : مهو غريب هذا محمد ولد عمتي وضحه ( بصدمه) : محمد الأم : محمد رجل فرح خليفه : أي وعلى فكره ترى جدتي راح تجيكم ألحين الأم ( توقف وتمسك يده) : ايش السالفه والله أن في شيء صاير أبوك وجدك والحين أنت خليفه( يبوس رأسها) : السالفه يا أمي أن الرجال يبغى مرته وجدي رافض وضحه : من صدق غريبة خليفه : خلوني ادخل محمد لغرفة جدتي وارجع أقول لكم كل شيء طلع واتجه للباب ودخل محمد اللي يمشي ببطئ بسبب رجله اللي تألمه على غرفة الجدة اللي كانت تنتظرهم عند الباب الجدة ( بهمس) : محمد تكفه ما أوصيك عليها محمد ( يبوس رأسها) : تطمني يا جدتي بس الصبح أخاف جدي يعرف خليفه ( بهمس) : لا تهتم الصبح أبوي بياخذ جدي ويطلع معه يشتري غنم وإذا سأل عنك بتقول له جدتي انك معي نتمشى وسيارتي بخليها ورا البيت عشان ما يشوفها محمد : يعني اتطمن الجدة ( تبتسم) : أن ما صاحت وفزعت جدها تراك بأمان وترى جوالها معي قلت أني نسيت جوالي عند وضحه وابغى أخذه احاكي خليفه خفت تتصل وتطلب النجدة محمد( ابتسم بخبث) : عز الله مهي مفزعه احد وأنا ولد سعد ما عندي حريم يطلع صوتها خليفه( ابتسم) : كفووووو الكل ( كتم ضحكته خوف من الجد يحس) : ............... محمد يدخل بشويش ويحاول أن عكازه ما يطلع صوت وقفل الباب واخذ المفتاح معه حط العكاز على جنب وقرب لسرير وانسدح جنبها هي كانت معطيه الباب ظهرها وسرحانه من تكلمت مع أم خليفه بسيرة محمد وهي تفكر بكلمتها عيالك قرب منها ولا يفصله عنها شيء و باس رأسها فرح( تبتسم) : جدتي الله يخليك راسي ما هو الكعبة تبوسين فيه محمد (ابتسم واهو يسمع صوتها اشتاق له واشتاق لها) : .......................... فرح ( تلتفت ) : وهذاني ببوس راسك يا جعل ربي مـ.. محمد انتبه لنظرتها المصدومة لما ألتفتت وشافت رجال قدامها ما هو واضحه ملامحه بسبب قربه لها وقبل تصرخ كانت يد محمد الأقرب لفمها يمنع صرختها ومنع حركتها بيده اللي طوقتها محمد ( ابتسم و قرب لأذنها وهمس رغم مقاومتها تبعده) : أنا محمد يا قلب محمد وروحه --------------------- في بيت أهل الجوهره ....... هديل جالسه بالصالة والضوء خافت وسرحانة ببكرة رفعت نظرها لما شافت باب غرفة الجوهره ينفتح وتطلع سسسهرْ ! قِلَّةْ منآمْ وُ وُ وُ خآطِريْ ضآيَقْ ,’ عرفتْ شلون آلتعبْ ,’ لآجتْ معهْ آعصصصآب مِنشدَّهْ ؟! مَللْ ,’ حتَّىْىآ كرهتْ ( آلبوحْ ) وُ مآنِي لـ ( آلحكِي طآيِقْ ) مَ ـآ فيني شئْ ! بسْ وجعْ قلبْ ,’ ممزُوج بِ آحسآس هآلِكْ ,’ ! الجوهره ( استغربت جلستها) : ايش مجلسك بالظلمه هديل( تبتسم بألم) : مهي اظلم من البشر الجوهره ( تمشي ببطئ لناحيتها) : بسم الله عليك هديل هديل : تطمني ما انهبلت للحين الجوهره : ايش هالكلام وليه سهرانه للحين هديل : جفاني النوم وأنتي ايش مصحيك الجوهره : حسيت بعطش قلت بشرب مويه وارجع أنام هديل ( توقف ) : أنا أجيب لك الجوهره ( تمسك يدها) : هديل قولي لي ايش فيك هديل( تتنهد وهي تنزل وجها) : انتظر الشمس تطلع يمكن لو تسلل نورها لرياضنا يتسلل النور لقلبي وارتاح من التفكير والخوف الجوهره : وليه خايفه عشان القضية هديل : أي خايفه يأجلها مثل كل مره خايفه يحاول يصلح بينا وأنا ما أبغى أصلح أبغى اخلعه الجوهره : ما هو عمي طمنك وبندر كمان كلم المحامي قدامك وقال أن الأمر محسوم بكره خلع أكيد هديل : ادري بس قلبي مقبوض خايفه الجوهره : بسم الله على قلبك يمكن خوفك من الفرح ترى لو زعلنا نخاف ولو فرحنا نخاف احد يبدد هالفرح هديل : الفرح اللي ما شفته من أخذته وأنا عايشه بخوف تعرفين ما أبغى أنام لين يوصلني الحكم تبغين قهوة الجوهره ( تشوفها متجهه للمطبخ) : هديل ايش قهوة ( اتجهت للمطبخ ) أنتي صاحية هديل : خليني مجنونه أخاف اصحى وأموت من الهم والتفكير الجوهره ( تجلس على كرسي ويدها على بطنها) : بجلس معاك بس ما أبغى قهوة هديل( تجهز قهوة لها) : بعطيك عصير وخليك معي الجوهره ( حزنت لحال أختها ) : بجلس معاك يا قلبي هديل : تعرفين تمنيت معنا مزون الجوهره : أي والله تمنيت معنا هديل : ايش رأيك نتصل عليها الجوهره : ما هو متأخر هديل : وقتنا غير وقتهم الجوهره : اجليها لبكرة اقصد لصبح صرنا نصف الليل هديل : طيب تصدقين يا جوجو الجوهره : ايش هديل( تصب عصير لها) : تأكدت من تقفيل الباب 7 مرات الجوهره : ليه هديل : خوف أن يدخل وياخذني قبل أني أتحرر منه خفت من تهديداته وكل مره اشك أن الباب مفتوح الجوهره : هديل هديل( تحط العصير على الطاولة) : تضنين احتاج لدكتور نفسي بعد ما تنتهي السالفة الجوهره : بسم الله عليك هديل ( تمد يدها قدام أختها) : شوفي رجفة أيدي ما توقف من أخذني يا الجوهره اشغل نفسي بأي شيء عشان ما تلاحظوني الجوهره : حسبي الله ونعم الوكيل لا تخافين يا هديل بندر قال من يصير الخلع ما يلحق يسوي شيء لان مرفوع عليه قضايا والسجن مصيره هديل : صدق الجوهره( تفتح أيديها وتبتسم) : أي والله تعالي ما اشتقتي لحضني ( شافتها تقرب وتضمها وعيونها تدمع) لما كنت صغيره دايم تنامين معاي تقولين ما أحب مزون ماما بس تخليها تنام معها هديل( دمعة عيونها) : وكنت حنونه وتضميني رجيتك يا الجوهره خبيني عن عليان خبيني عن الدنيا الجوهره ( تتنهد وفي نفسها) : حسبي الله عليك روح عسى ربي ما يحللك يا عليان هديل ( تبتعد وتمسح دموعها وتبتسم رغم الألم) : قهوتي الجوهره ( تمسك يدها) : طلبتك لا تشربينها ولا تسهرين هديل : ما اقدر أبغى أكون صاحية لين يوصل الخبر الجوهره : موعد الجلسة الساعة 10 بتصحين وتسمعين الخبر اللي يسرك هديل : أخاف أنام ولا اصحى الجوهره ( توقف بجزع) : بسم الله عليك ايش هالكلام هديل : هم بقلبي كبير أخاف الجوهره (تتجه لنار وتطفيها) : ما فيه قهوة تعالي نامي معاي ما راح أخليك لين تنامين هديل : بس الجوهره ( تقرب وتمسك يدها) : ما فيه بس طلعت هديل والجوهره لغرفة هديل والجوهره جلست معها وهي تجبرها تتغطى وتسمي وكانت تقرا عليها وتدعي الله يهدي قلبها الصغير ويريحها من الهم اللي انتشر فيه تحس أن هديل كبرت أعوام أعوام من اللي شافته أو عاشته خلال فتره ملكتها المشؤومه | |||||||||
|
| |
|
| الكلمات الدلالية (Tags) |
| أسباب, أقاوم, العود, الكاتبة, يحرج, ساكبت, نظرته, ضحكته, ضعفي |
| أدوات الموضوع | |
| انواع عرض الموضوع | |
|
|
9Likes
.png)
العرض العادي
