آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
30-11-13, 12:45 AM
| #101 | |||||||||
| نجم روايتي ومشرفة سابقة وفراشة متالقة بعالم الازياء  
|  وفـــــآء .. بـدور جـديـد ناظرت بالساعة كانت اربع العصر وناظرت بشكلها نظرة أخيره ماتكلفت ميك أب نآعم متناسق مع لبسها فستآن طويل بلون أخضر بآهت بدرجة غريبة ومن فوق أكمآمه ملتفّه حول ذرآعها الابيض ، وفيه فتحآت بشكل معيّن ومن الظهر كمآن فتحآت صغيره بنفس الشكل .. عند الصدر معلّق بروش من الذهب مسطّر فيه أسمها ، أبتسمت بتوتر وماتدري وش بيكون رأي سامي فيها قالت لها بيادر كل شيء عن سامي وأرتاحت له من كلآمها واللي مستغربته أمها وافقت بسرعة وكأنها ماصدقت وكمآن مستغربة ليه وآفقت ع سآمي وبيادر لآ .. تنهدت من أمها ومن تصرفآتها مستغلّة ضعف سعد لصالحها .. سعد مشتاقة له كثير صحيح تتردد من الكويت للسعودية عشان دراستها وعشان تشوف اهلها .. بس تحسّ البيت فآضي بدونه هي راحت تسكن عند عمهآ مؤقتاً دخلت زوجة عمهآ تخبرها بوصولهم وولمآ شافتها ابتسمت بحنآن : بسم الله عليك تآخذي الععقل وفاء ابتسمت بخجل : تسلمين ننزل ؟ زوجة عمها : يلآ نزلوا سوآ ودخلوا غرفة الضيوف وفاء اتسعت ابتسامتها وهي تشوف جوري تأشر لها حست بخجل من أم طلال اللي سلمت عليها بحرارة وهي تمدح فيها وسلمت ع الجوري وجلست بجبنها وعيونها بالارض .. جوري همست : والله إن يطير عقل أخوي ، الله يحفظك وفاء ضربتها بكوعها وهمست : وش هالرسميّات كأنك اول مرة تشوفيني جوري بضحكة : مو كذآ بس اليوم شكلك غير وفاء ضاغطة ع اسنانها ونفس الهمس : أها وش رآيك تسكتين اللحين خليني أتنفس زين جوري : هههههه تنفسّي أحد رادك وفاء تجاهلتها تدري أنها بتتنذيل عليها بهاليوم .. مر الوقت سريع ع الكل وبطيء ع وفاء واللي ناداها عمّها عشان اللحظة المنتظرة واللي خآيفة منها هي وسامي .. ، دخل للمجلس وجلس وهو يفكّر مايدري ليه وافق بس إنه كان مايبي يجلّس حبيس لحبّ شجن للابد وبعد وفاء مالها ذنب ترتبط واحد قله مع غيرهآ بس جوري كل أمس وهي تسولف لوفاء عنه ماحس تجآه كلآم جوري عنها أي شيء ماحس بأي شيء غير خوف من مستقبل بيمضي معآها هو ماراح يرفض أبداً لأنه مايبي يرجع لقوقعته وبعد مايبي يوآفق عشآن مايظلمها معاه رفع راسه ورجع للواقع طآحت أفكاره كلهآ وهو يشوف عمهآ ويشوف الحوريّة اللي تدخل وباين عليها الارتباك .. أبعد عيونه بسرعة غير الوصف اللي وصفته له جوري بالوآقع أجمل وأرّق بكثيير إبتسم غصب إبتسامة خفيفة .. ورجع يناظرها وفاء ناظرته بطرف عينها ، وارتبكت من ابتسامته ونظراته المثبته عليها .. هي بلحظة فكرت إنها ماراح تعجبه حست بفرح بداخلها وماتدري وسببه يمكن لأن سامي إنسان طيّب وحنون وهي مرتاحة إنها بتكمل حياتها معاه مو مع شخص ثاني نزلت نظرها للاسفل وتذكرت شيء خطر ع بالها بسرعة البرق زوآج هتيف بحديقة القآعه آلشآب اللي يكلّم .. نفس الرزّة والملآمح لكن هالمرة عيونه مليآنه حزن دق قلبها بسرعة وماصدقت عمهآ يقولها تطلع مشت وبغت تتعثر لكنها وآزنت خطواتها وبس طلعت من المجلس أخذت نفس عميييق كآنت حابسته ***************** قـــصـــة هـــــوى . . . ***************** البــر .. نزلوآ البنات من الدبابات وشافوها كانت واقفة عند باب المخيّم وتناظرهم بخوف وترقّب رآحوا لها وهمآ يضحكوآ أمآني : مو مصدقة أنك تخآفين من الدبآب .. هتيف سكتت هي تخآف منّه من يومهآ صغيره لسبب مآ .. مريّم سحبتهآ : يالله والله انه مايخوّف لا تصيرين بزر انا بركب معك هتيف هزت برفض وعجزت تتكلم الخوف ألجمّها وأثقل لسآنها رحآب بضحكة : الله واكبر كل ذا خووف ، جربيه والله مايخوف شروق همست لآماني : مدّلعة .. اماني هزت راسها الايجاب وهي تضحك على شكل هتيف الخآيف ومريم اللي تسحبها هتيف كآنت تقاوم تبي ترد تهاوشها وتقولها توقف لكن مريم كآنت تسحبها وتتريق عليها متجاهلة شكلها المرعووب وهي تناظر الدباب بهلع وترجع تناظر مريم .. -ذكرى قديمة بأيآم البرد والشتاء وبين الكثبان الرمليّة كآنوا مخيمين فترة معينّة ما تتعدى الـ 3 أيآم كآنت بعمر الـ 7 سنوآت كآنت هيّ و " ميّآر " اللي بعمر الخمس سنين .. كآنوا رآكبين دبآب ع قدّهم .. أشرت هتيف ع التل المرتفع وقالت لميار { بنسوي تحدّي اللي تقدّر تصعد هالتل تآخذ العاب الخآسرة } ميآر تحمسّت لهالفكرة ووافقت بسرعة لأن هتيف العابها كثيرة وحلووُة .. وتهاوشوا مين اللي حيبدآ أول شيء ، وميّار غلبت هتيف وأبتدت هي اول شيء أبتعدت بمسافة بسيطة عن التل وبرغم إنها صغيره آلا انها تعرف للسيارات لأنها تخآلط حسام أكثر من هتيف وعشان كذا تعودّت ، داست بقووة ومشت بإصرار شآفت الانتصار بعيونهآ وهي تصعدهه لكن خيبّة ! والقدر أمر ومآحد يقدر يصده بآقي سنتيميترآت بسيطة وتوصل لقمته لكن الدبآب طفى واشتعل فيها وهوى لآسفل التلّ وكل هذا صار قدام عيون هتيف المصدوومة .. أول ماسمعت صرآخ امها وشافت ابوها واخوانها يركضون بهلع وعلى أمل ينقذون جثّة ميار المحترقة تهآوت هي وأغمى عليهآ كرهت البر وكرهت الدبآبآت كلّها .. وهذي أول مرة تطلع فيها للبر عقب ذآك الحدث اللي كسر اشياء كثير بحياتها .. ، للحين قدآم عيونها صورة جسد ميآر الصغير المسوّد ، للحين قدآمها شريط الماضي وشكل ميآر وهي تحترق .. نزلت دموعها بسرعة بسببها هالصغيره ودعت الحيآة محروقة وقفت بقوة ودفت مريّم عنها وهي تقول بإنهيار : مابي مابي مابي أحترق مثلهــا أتركييني ركضت وهي تنآظرهم بفزع تحس بعيونهم لوم تحس إن نظراتهم تقول أنتِي السبب انتي اللي خليتيها تحترق ركضت لـ المجهول كآنت تشوف أطياف ميار تناظرها بعتب وتقول : وين الالعاب اللي وعدتيني فيها ؟ بدت تبكي أكثر وتسرع بالركض أكثر وتبي تهرب من ميآر ومن ضميرها وماتدري وين ودتهآ رجليهـأ ● ● يتبــــع في البـآرت القادم .. البارت الاخير والجزء الثالث منه هتيف وش المجهول اللي حطّت خطآها عنده ؟ ميّآر ومن تكـون بآلنّسبة لهتيف وعآئلتها ؟ حسآم وأبوه بيحصلون خيط يوصلهم لشهآليل ؟ ووش ردّة فعل ياسر تجّآهه هالشيء؟ وفآء هل بتجتمع مع سآمي ولا بيعيقهم شيء ؟ بالبـآرت الجـآي ، رآح أجمع قلوب طآل إنتظار لقائها ؟ مين آللي بيحآصرهم اللقا ؟ كونوآ بخير .. ~ | |||||||||
|  |
|
30-11-13, 12:47 AM
| #102 | |||||||||
| نجم روايتي ومشرفة سابقة وفراشة متالقة بعالم الازياء
| البــــآرت الخــآمـــس والعشــرون " الاخيــــر " الجــزء الاخيـــر ● ● لليل أحبك.. مابقى في السما نور والى ضواني الليل .. للصبح أحبك واللحظة اللي كلها صد وغرور أشوف قبري بين عينك وقلبك في صدري سراجٍ حزينٍ ومكسور رغم المطر والريح .. شلته فدربك والله مابه غير لوعاتي قصور خوفي عليك الله ربي .. وربك إلى متى بابني على صمتك جسور لا حيرتني أسباب سلمك و حربك للعمر أحبك .. مابقى فيني اشعور والى جفاني العمر .. بموت أحبك ***************** قـــصـــة هـــــوى . . . ***************** الريـآض..- بأحد المجمّعات كآن ريّان يدفها ويسولف معاها ومبتسم وهي منزلة عيونهآ للارض ومكسُوره ، كآن الكل يناظر ويتكّلم فيهم تمنّت إنها ماجت ومآتدري كيف أقنعها .. رفعت نظرهآ وشآفت البنات المتحجبآت اللي مرّوآ وحده عوجت فمهآ وهمست بإذن الثانيّة اللي تعآلت ضحكتها بعد اللي سمعته ورشقت نظرآت استهزاء لِشهد شهد صدّت للنآحية الثانية ومسكت نفسها لا تبكي .. ريان رفع حآجبه وتنهد قآل بصوت مسموع : ها قلبي ماعجبك شيء ؟ ماردت عليه لف كرسيها وإستدار نآحية البوابة وطلعوا من المجمع وقف عند سيارته وأنحنى لمستواها وهو يناظرها : قلتلك ماعليك منهم ؟ شهد ماقدرت : يستهزأون فيني ، بعيونهم قريت الشماتة ريان إبتسم لها : يهمونك ؟ شهد هزت راسها بطريقة طفولية: لا مايهموني بـ... قاطعها : طيّب أهمك ؟ شهد : أكيـ.. قاطعها مرة ثآنية : خلاص أنا مايهمنّي أحد غير أنتي ولا تضيقين خآطرك خليهم يتكلمون لحد مايشبعون لكن تتتضايقين عشانهم كذآ لا مسح دموعها بأصابعه وهو يناظرها بحنان إبتسمت من نظرته وارتاحت قالها : نرجع ؟ ماودها لكن ماتبي تعكّر مزاجه : يلا رجعوا مرة ثانية بدا يسولف عشان يشغلها وماتنتبه لأحد وهي حآولت تندمج مع سوالفه عشان ماتنتبه لأحد وماخلآ شيء بخاطرها الا اشترآهه .. وهي تغيّر مزآجها للاحسن ***************** قـــصـــة هـــــوى . . . ***************** غابت الشمس وبان القمر والجو برَد الظلآم حالك ، مشت بخطوات متباعدة ونظرات مليآنة بهَت . شآفت المخيّم مابعدت كثير وهي تركض وبعد بحث طويل رجعت لهم .. دخلت للمخيّم وكانوا موجودين وبرضو طآلعين برا ومتجمعين حول النار تدفيهم من البرد أول ماشافوها البنات ضحكوا وقاموآ ، قآلت رحاب : وين رحتي وليد يسأل عليك تجاهلتها وجلست جنب ام وليد ضمت رجليها لصدرها وقربت يديها من النآر تطرد البرد اللي غزاها وعيونهآ متعلقة بالنار لكن تفكيرها بعيد .. رغم الحرآرة اللي محاوطتها الا ان جسمها بردان ، ميار إختها الصغيرة للحين ببالها كانت هي سبب مقتل هالصغيره البريئة اللي ماكانت تبي شيء غير الالعاب ، مع السنين الكثيره اللي مرت نستها ماتدري كيف طاعها قلبها تنساها وتنسى ضميرها .. كملت يومها بهدوء بدون أي شيء يذكر .. ***************** قـــصـــة هـــــوى . . . ***************** وصفحة الايام تنطوي يوماً ورا يوم ، وحنّت أطياف العشق والعشق غآيب وزآدت أوجاع البُعاد ، وهم ! حبّهم وهم وخرآفة تتوجها الاشواق ومنبّع الماضي بــعــد مــرور ســنتـيــن ~ يوم المُنى ، بالنسبة لها وله بعد إنتظآر طوّل وأنهاهم ماحد توقع إنهم ممكن بيوم بيرجعون يحييون كآس الوصل .. بتركّب الاوتار المقطوعة وتغنيها بقربه بتملكه برضا الكل وموآفقتهم بعد مامزقتها الاشواق بتنبري هالجروح ع يدينه وصوت همسه ونبرآته .. نآظرت شكلها بالمراية فستانها الابيض المحيُوك بسعادة محيآها الورد اللي شرّق بفرحة بهاليوم وشرعتهآ اللي مغطيّة خيوط شعرها الحريرية .. وابتسامتها اللي خنقَت حزنها وحبسته رفعت عيونها للباب اللي أنفتح وطيف أبوها طلّ حوآليه أعمامها وخوالها سلموا عليها بحنآن ويباركون لهآ زواجها وتخرجها جمعت فرحة بفرحتين وأحيّت روحها .. هذآ حلم حلم ورديّ حلو يآما حلمت فيه وبسآعة تحقيقه لكن الله سبحانه مايضيّع صبر أحد وماخاب من توكل عليه .. طلعوآ الرجال ودخلوا الحريم كآنت هي مشترطة زوآج عائلي اللي مايتسّع لفرحتها شآفت أمه اللي تبتسم لها ! ما كانت أحلامها قبل سنتين بتصدق إن أمه بتبتسم لها بهالفرح وتدعي لهم نقلت نظراتها لأمها اللي تناظرها بعبره وقابلتها بنظرة حآنيّة وعمتها وحريم أعمامها يناظرونها بفرحة ويدعون لهآ وله ، شآفت وفاء ببطنهآ اللي فيه إنتفاخ بسيط والفرحة اللي تنطّق وتغزل كلمات عتيقَه بعيونها وأحلام واقفه بجنبها أرسلت لها نظرات شكُر لأن لولآ الله ثم هي ما كان إجتمعت بسعَد باللي ملك أحلآمها وواقعها وطلعوآ بعد ماسلموا عليها وفضت الغرفة مرة ثآنية كانت تناظر الباب بترقب تنتظر طلتّه تزهر بقلبها وتنعشها ، وماطالت الدقايق والثوآني إلا اخترقها ودخل طلته الملكيه وابتسامته اللي تحبّها أقبلوا عليها مثل الشمس دفتهآ وأخذتها من بين الظلام تقدم ببسمة وفرحة أعتلت ملآمحه وماتوصف شيء من اللي داخله قرب لها وباس جبينها البارد وهمس وهو غير مصدق : أنتي حلم ؟ ضحكت بخفّة وزآدت نوتات نبضاته ، تكوّم الدمع بعينها : أنت حلم مو مصدقة إنك قدآمي قرب مرة ثآنية وبآس جبينها بقوة : مبروك علي أنتي .. لتتسع إبتسامتها وترد : الله يبارك فيك .. أحتوى يديها المرتجفه وجلس وجلست بجنبه ناظرها من عآليها لسافلها رفع عيونه لتلقِي بطيف نظراتها قال بفرحة : وأخيراً يابيادر أنتي لي .. غيرت مسار نظراتها للاسفل وحست بخجل هاللحظة بس أكتمَل عمرهآ اللي كان باهت من رحيله بآس يدينها وظلّ يناظرها مو مستوعب ولا مصدّق يحس إنه بوهم وحلم حلو بليلة مطر دقآت قلبه تخالط الزّخات وترسم إيقاع بألوان الطيف همس بداخله : هي حقيقه ياسعد ***************** قـــصـــة هـــــوى . . . ***************** | |||||||||
|
| |
|
30-11-13, 12:47 AM
| #103 | |||||||||
| نجم روايتي ومشرفة سابقة وفراشة متالقة بعالم الازياء
| بمكآن آخر .. دخلت للبيت وضحكَاتها لها وقَع ، إلتفتت له وأرسلت له نظره يملآها الشكّ وقالت بهمس : من جد إشتقت لي ؟ رد عليها بإبتسامة جميلة : عندك شك ؟ حطت عبايتها ع الكنبة وجلست وجلس قبالها تأملهآ بحالميّة من يصدّق إن قلبه اللي سرقته شجن صآر ملك هالانسانة اللي قدامه هي غيّرت حياته وملتها حنونة وتهتم فيه كثير نآظر بفستانها الاسوّد اللي مازادها الا بياض وفخامة ، تسريحة شعرها الناعمة وملامحها توردت وجنتيهآ ونهرته بتسلط يحبه : لا تناااظر .. ضحك بفخامة : كيفي حلآلي وفاء ميّلت فمها : ولو كآن حلآلك ترى بعد حنا نستحي سامي : هههههههههه أنفدا اللي يستحون فتحت عيونها بوسعهم ، وأخذت أغراضها وقامت بتطلع من المكان لكن سرعان ماتبعها ومسك يدهآ وصعدوا الدرج سوا .. قال : أساعدك عشان ماتتعبين قالت بدلع مُصطنَع : أي وآلله ولدك متعبنّي حيل نآظرها بهيّام : أشيل التعب عنك وأخليه فيني ضربته بخفّة وبخجل واضح : يلآ أحمل بدالي ضحكوآ مع بعض : ههههههههههههههه قرب لهآ بسرعة وباسها بخدهآ بخفّة وركض وهو يضحك ، وهي نادته بقهر : سآمي ! إلتفت عليها بعد ماوصل للقمه : وش اسوي احبك غصب علي أبتسمت له بحب : أصبر خلني أوصلّك ركض للغرفه وهي ضحكت برغم المشآكل اللي صارت لهم بأول الزواج وبالشهور الاولى إلا إنهم تغيّروآ صار قريب منها كثير وهي صارت اقرب من أنفاسه \ / \ خِذ حيآتِي خلّهآ شمعَة زمآنك ، وخذ عيونِي مَ سكن فيهآ سوآك ♥♥ ***************** قـــصـــة هـــــوى . . . ***************** ركبت معه بالسيّآرة وبحضنها بنتهآ نايمة ، تأففت بتعب ونآظرت فيه ومستغربة سكوته رجعت تناظر الطريق بدون ماتحكي شيء ... إبتسمت من تحت الغطآ وهي تتذكر فرحة بيآدر بهاليوم وفرحة الكل فيهم حقيقةً اليوم غير ، سمعت تنهيدته سألته بإستغراب : وشفيك ؟ حسّت بعيونه حكي وثوآنِي صآمته ما اسعفهآ الزمان .. إتبسمت وهي تحط إيدها ع ايده هو ناظرها بحيرة وإعتذآر : أسف هزت راسها برفض : لا عادي مقدّرتك .. الشغل كثر هالايام حتى أمي تقوله قآل وهو يبتسم : أجل وش رآيك نغيّر جو فاضي هالايام إتسعت ابتسامتها : اللي يريحك .. إلتفت عليها : من زمآن وانا ودي بمكة والطايف وش رآيك ؟ تفاعلت معه وتحمسّت : أكيد لي كم سنّة مآرحت عمرة هآني : أجل الاسبوع الجآي إن شاء الله لآني مقدّم ع إجازة اسبوعين .. أمل هزت راسها بالايجاب : إن شاء الله بآست راس بنتها ورجعت تناظر بالطريق وهي مبتسمة تحس بخلآياها مشتآقة له وهو طول هالمدّة بعيد عنهآ وماتشوفه إلا ويين ***************** قـــصـــة هـــــوى . . . ***************** يـــوم جــديـــد ..- بيت وليــد رجعت من آلجامعه ودخلت للبيت جلست بالصالة تستجمّع أنفاسها أسندت ظهرها عالكنبة بتعب خصوصاً إنها حآمل بآخر الثامن حمدت ربّها إن شجن نفس شعبتهآ ونفس محاضراتها وهي اللي سآعدتها اليوم .. وماقدرت تغيب بسبب الاختبآر المهم اللي عليهم .. تنهدت وهي مآسكة بطنها ومعقدّة حواجبها توقعت الحمل يتعب بس مو لهالدرجة إبتسمت وهي تحسّ بحركة جنينهآ ومسحت ع بطنها بحنان .. طآل تأملها له ، أخذت أغراضها وراحت تريّح عقب التعب اللي أهلكها ***************** قـــصـــة هـــــوى . . . ***************** فتّح عيونه ببطء ودآر بنظره بالمكان ، تنهد وهو يبعد المفرش ويقوم كآن متوجه للحمام لكن كعادته وقف وناظر زوايا الغرفة لدقايق زفر بضيق ودخل للحمام توضا وطلع صلى وسلم رفع يديه ودعا من قلبه إنها تكون بخير هالامنيّة مأرقته مايدري وينها دور عليها بكل مكان وسأل عنها لكن كلهم جوابهم الرفض ماحد يعرف مكانها الا الله .. قام وطوى السجادة بدل ثيابه وتعطر وطلع من الغرفة نزل لتحت وع طول طلع ركب سيارته وراح للدوام المكان اللي يشغل فيه نفسه عشان مايفكر فيها ، عشان مايشتاق أكثر ويحترق أكثر دخل مكتبه وجلس ع الكرسي الاسود وبمجرد جلوسه حط إيده ع خده مستسلم لمشوآر ذكرياتها مشوار الاشتياق والحنين .. ع الاقل عرف إن نسيانها صعب بالنّسبة له { آآخ ياشهاليل وينك فيه ؟ وين ساقتك أقدارك أنتي بخير عايشة ولا ميته ؟ صحيحة ولا عليلة جوعانة ولا ملآك الشبع ؟ وين رحتي ؟ نسيتيني } عض ع شفته بقهر وغيض سكر كل الملفات اللي قدامه وفجأة صار ماله خلق شيء غير التفكير باللي أهلكه شوقه لها \ / \ مآعَرفتْ انّ الغيآبْ / حيَيل مُوجِع ! ليَن غِبتي وو كِل عُروقي . . . . . . . . . . . أوجعتنِي= ‘( ***************** قـــصـــة هـــــوى . . . ***************** | |||||||||
|
| |
|
30-11-13, 12:48 AM
| #104 | |||||||||
| نجم روايتي ومشرفة سابقة وفراشة متالقة بعالم الازياء
| حركت إيدها ومسحت وجههآ بضيق وهو كان ماسك ضحكته ويمرر الورده ع وجهها برقّة .. أطلق ضحكته لما شافها تمسك الوردة وترميها بعيد .. فتحت عين وناظرته بعدم إستيعاب عقدت حوآجبها وقامت بغيض ، قآم وهو يضحك وجاب الوردة ورجع لها : يلآ أصحي ياكسولة ناظرته بربع عينها تأففت وأبعدت المفرش عنهآ وقامت تغسّل وتتوضى وهو نزل نظراته للوردة ينتظرها تطلع ، لمآ خلصت جت وجلست قدآمه وهي مبتسمة مد إيده وأبعد خصلة شعرهآ : يازين الصباح اللي اتصبح فيه على وجهك اتسعت ابتسامتها ونزلت وجهها ويعتريها خجل تنهد بحبّ وقال : يلآ نفطر ؟ وفاء بهدوء : يلا قام ومسك يدهآ ونزلوا لتحت عشآن يفطرون جلس وجلست بجنبه .. ع طول رفع رآسه لما تذكر : أيوة صح الوالدة اليوم عازمتنا ع العشاء انا واخواني وكذا وفاء هزت راسها بإبتسامة : وإييه أزين اغير جو سامي رفع حاجبه وناظرها بنص عين : ليه حضرتك ماعجبك جونآ ، يكفي اني ماخذ اجازة عشانك وفاء ضحكت : لا ياقلبي مو قصدي بس جلسة الحريم غير سامي يمزح : ايه عاد انتم الحريم حش وحشيش الحسنات كلها تروح ضربته ع كتفه بخفّة : احلف بس سامي بعبط : والله العظيم وفاء ناظرته بإستخفاف وكملت فطورها بصمت وهو أحتله الصمت وهدى المكان ***************** قـــصـــة هـــــوى . . . ***************** فتحت عيونها ببطء ناظرت المكان من حوآليها وما استوعبت التغيير اللي فيه تجّهم وجهها وعدستهآ تدور بأنحاء الغرفة تجّمع الدمع بعيونها كآن أمس حلم !! معقولة كل اللي صار أمس حلم ؟ يعني مستحيل تجتمع معه ع الاقل بمنظور حياتهم هذا لفت عيونها ع الجهة اليسرى وشهقت بقوة وهي تشوفه رآفع إيده اليمنى ومسند راسه عليها ويناظرها وهو مبتسم نزلت دموعها تلقائي وهي تناظره بصدمة .. هي تتخيله ولا حقيقة قلبت ملامحه واستغرب قالها بخوف ممزوج بحنان : بيادر قلبي وشفيك تبكين ؟ قربت ناحيته ودفنت راسها بصدره تبي قلبه يعطي قلبها حياة يعوضها عن اللي فقدتها ببعده تبي تحسّ الامآن يطرد الوحشَة اللي تكدّست بداخلها تبيه يذيب كل جمود السنتين اللي راحت عشان ترجع تحس بالكون مرة ثانية ماكان منه الا انه يحاوطها بذراعه الطويلة ويشد عليها ما سألها وانتظرها لين تهدآ عشان يعرف وش فيها لكنها تمتمت قبل ذلك : أحسك حلم ياسعد وأخاف تجي لحظة وأصحى فيها شد عليها أكثر وهو يناظرها بحنان : لا يابيادر انا حقيقة .. وهذا واقع لا تخلين الماضي يأرق حياتنا انا مايهمني اللي راح اللي يهمني إنك هنا بجنبي ولي نزلت دموعها أكثر وهي تحس الفرح يداعب شرايينها ويحيي أوردتها اللي تصلبت من البعد مسكت فيه بقوة تمحي سنتين عذاب وشوق وتمحي الغيّاب \ / \ لقيتك تشبهِي حلمي من أول نور لآخر نور ومثل ما أنا لقيتك حبّ حلم أنتِي لقيتيني نقيّة صآفيّة مثل إبتسامات الرضا بمسرور وقلت إن الهوى مني ومرآجيحك شرآييني أنا تمنيت لو مرة يجي بشبآكِي العصفور وجيتيِ أنتِ ولقيتك في فقص صدري تغنيني وبديت أحلم معك وأرسم طريقي آلممتلي بزهور وأسافر بك بعد مثلِي في شوق تسآفري فيني وخبيتك عن آلكل وفضحني حبّك المستور أثر عين الغلا يبرق غلاها من عناويني انا معذور لو شآفوا غلاتك والهوى معذور ذهب قلبك هو اللي يهدي اللمعات في عيني يَ ألماس المسا ما للمسا دآم ابسمتي حضور حرقتي الليل من نوركِ أخاف أنكِ تحرقيني أشوف النجمَة يتلآعب سناها بشعرك المنثُور وأخاف إليّا تحركتِي تطيح النجمَة في إيديني طلبتكِ ما ابي صبح ولا أبي من الحيَآة عطور أبي قلبك عطر عمري وأبي وجهك ضوى سنِيني لقيتك قلبّي وضآيع وسط هالعالم المجهور من الحب وطلبتك كثر ما احبك تحبّيني معك من قلبي لآخر سنينك والهدايا شعور ولا يكفيك لو أجمعلك سنيني ولك أنا أهديني ***************** قـــصـــة هـــــوى . . . ***************** بـعـد مـرور أيـآم .. بيـت أبـو طـلآل طلعت من الحمام وشدت ع روبهآ توجّهت لدولآبها وطلعتلها لبس بسيط لبسته سرحت شعرها تعطرت ونزلت ، كانت أمها بالصالة مع أفنان أتسعت إبتسامتها : فنو وش عندك رآزة فيسك أفنان ميّلت فمهآ : جاية اسلم على خالتي مو عشان سواد عيونك جوري شهقت : افا وانا اقول جاية عشاني أم طلال ضحكت : ماعليك منها .. وينه سليمان ؟ أفنان بإبتسامة : مارضي يجي الا بيروح مع ابوه للشركة أم طلال ابتسمت : عسى الله يصلحه ويخليه أفنان من قلب : اميين جوري بضحكة : شكله مطلع ريحتها .. هههههه أفنان ناظرتها بإستخفاف : وش عندك على هالعصر جوري أسترخت بدلع : أبد والله مروقين أم طلال تنهدت : عسى دوم هالروقان بلا ماتبلشيني زي دائماً جوري فتحت عيونها ع وسعها : أفا يالوالدة هذا وانا اللي مونستك هنا بعد ماراحوا اخواني ام طلال : والله محد مالي عليّ البيت غير سامي لكنه راح الله ييسر له جوري عوجت فمها : الله لنا .. أفنان تناظر جوري : عاد انتي مثل ريان مزاجيّة سكتوا لثواني معدودة وسرعان ماتكلمت أفنان وفجرت القنبلة بوجه جوري : الا خالتي دريتوا عن سيف جوري ناظرت أفنان بحدة ارتسمت على ملامحها .. افنان ارتبكت من نظراتها لكن أم طلال هزت راسها وخلتها تكمل : يقول حسام إنه من بعد ماخطب .. حاله متغيّر مايداوم ولا شيء ام طلال بقلق : وشفيه ياكافي ؟ أفنان تنهدت : سألت شجن تقول إنه تعبان جوري قامت بسرعة وكأن شيء ناغزها راحت لغرفتها ورمت نفسها ع السرير وبدآخلها مشاعر متأججة خطب !!!!! متى وليش ماحد قالها معقولة ملّ منها وخاب أمله بهالسرعة سنتين وهو يحاول فيها ويأس ليه مل بسرعة ليه ماصبر ع الاقل 19 سنة عشان يراضيها ويرجعها له أخذت جوالها بتهوّر واتصلت عليه لكنه مارد فقدت الامل من اول مكالمة رمت الجوال بمزاج عاكر ودفنت وجهها بين يديها ماتدري ليه صارت تكره تسمع حتى إسمه ناظرت بعباياتها المعلقة وقفزت ناحيتهم .. اخذت عبايتها ونزلت بسرعة ومستعجلة حتى إنها تجاهلت صوت أمها اللي يسآئلها عن المطرح اللي بتروحله من حسن حظها إنو السواق كان قدامها ركبت معه وقالت له يوديها ع بيتهم .. كان الوقت بالنسبة لها يمشي بسرعة مالبثوا ربع ساعة إلا هم واصلين نزلت بخطوات مهرولة رنت جرسهم فتحت لها الخدامة قالت بحدة : فيه أحد ؟ الخدامة هزت راسها برفض : ماما يطلأ وبابا شوغل فيه بابا سيف بس أبتسمت بنصر وببالها ألف فكرة وفكرة مشت بسرعة ناحية الدرج وصعدت لفوق وقفت عند باب جناحه أخذت نفس ورجعت الرجفة تحرك جسمها ببطء دارت بمقبض الباب ودخلت ناظرت بجناحه والاضاءة الهادية اللي معطيته جو غير وبألاوراق المبعثرة بشكل فوضوي بصالة الجناح .. كانت الغرفة مغلقة والمكتب مفتوح ويصدر منه أأصوات مشت صوبه بتأني وترقب طلت وشافته فاتح خزانته ويرمي الاوراق اللي فيها ع الارض كان يناظر كل شيء بعصبية وحزن دق قلبها بسرعة وهي تشوف حالته .. سمع تنفسها السريع وإلتفت بسرعة عليها وأنصدم من وجودها هنا وبجناحه بالذات طاحت الاوراق اللي بيده وصد عنها ، علامة واضحة بأنه مايبي يشوفها ويبيها تطلع لكنها ظلت واقفة مكانها وتناظره وزادت الطين بلّة لما صاحت .. كل خلية فيه اهتزت قال ينهرها : وشتبين ياجوري ؟ قالت وهي تعترف بتناقضها تجاهه : ليه تخطب وتتركني ؟ ليه يئست بسرعة ؟ سيف ضحك بإستهزاء : وانتي خليتي مجال غيرك أولى فيني جوري بنبرة طفولية عاتبة : سيف انت ماتحبني ؟ ناظر بالارض ومارد وارتبك من نبرتها الطفولية اللي رجعته 19 سنة وراء .. نفس صوتها ماتغيّر الا انه زاد نعومة .. قال بحدّة : جوري أطلعي برا شهقت أكثر وهي تبكي .. قفّت بتطلع وتغادر هالمكان اللي تنسى نفسها فيه .. | |||||||||
|
| |
|
30-11-13, 12:49 AM
| #105 | |||||||||
| نجم روايتي ومشرفة سابقة وفراشة متالقة بعالم الازياء
| ***************** قـــصـــة هـــــوى . . . ***************** طلع من الغرفة وشافها جالسة بالصالة بملل أبتسم وراح لها ، باس خدها وجلس بجنبها وهي ردت له ابتسامته .. قال بفرحة : بقولك شيء تحمسّت من ملامحه اعتدلت بجلستها : وشو ؟ ريّان شآلها من كرسيها وجلسها بحضنه .. : نسافر المانيا شهد رفعت حاجبها : وش المناسبة ريان : كلمت واحد وقالّي نقدر نعالجك هناك .. شهد تغيرت ملامحها وصدت للجهة الثانية : عاجبني حالي كذا ريان استغرب : عاجبك ؟ شهد ظلّت ساكتة .. فيما كمل وهو يرجعها بكرسيّها : عموماً فكري راحتك انا رايح الدوام هزت راسها بالايجاب وناظرته لحد ماطلع ، تنهدت وحايرة تحس انها تعودت ع الكرسي والجلسة عليه تعودت على ريان اللي دائماً يجلسها بحضنه تعودت ع اهتمامه فيها وهي كذا وماتدري حست بخوف حست بإن هالاهتمام بيقل اذا رجعت تمشي اسندت راسها ع الكرسي وغرقت بأفكارها ***************** قـــصـــة هـــــوى . . . ***************** رجعت للبيت مقهورة ومعصبة وبعد مافرت نصف ساعة عشان تهدّي حالها .. شافت افنان لوحدها بالصالة وبيدها جوالها .. رمت عبايتها ع الكنبة ورمت جسمها عليها وهي تتأفف : وين أمي ؟ أفنان ناظرتها باستغراب : جاء عمّي وراحت تحاكيه ، وين رحتِي أنتِي ؟ جوري تنهدت بطفش واشرت بمعنى انها ماتبي تفتح الموضوع ابداً بلعت عبرتها وهي تتذكر شكل سيف وعصبيته وحزنه الغرقان فيه وش اللي محزنه فراقها ولا شيء ثاني رفعت الرسمة اللي اخذتها من جناحه قبل تدخل وتشوفه ولساتها تنتبه انها مازالت بيدها .. كانت رسمة طفولية لشخصين لولد وبنت ومتماسكين ويبتسموآ لبعض ، لكن هالابتسامة غادرتهم وزادت المسافات بينهم .. هو يبعدها وهي تبعده بكذا هي تعرف انهم ماراح يلتقون اذا كملوا كذا ، هي عارفة إنها تموت فيه وتعشقه بس اللي مخوفها ان مشاعره تجاها متقلصّة وكل يوم تتغيّر واللي صار بينهم يزيد النار حطب يعني ماتضمن سيف ابداً ممكن يتغير بفترة مو قادرة تثق فيه وبكلآمه عقب اللي صار بالماضي رفعت راسها لأفنان اللي جلست بجنبها وناظرت بالرسمة بتمعن وضحكت بعدها : يالله ما اقدمها هالرسمة اذكر حسام رسمها لك انتي وسيف تذكرين ؟ جوري بعبرة : وانا اقدر انسى ؟ كل شيء اذكره يا افنان مو قادرة انسى ولا تفصيل من طفولتي اللي عشتها مع سيف .. أفنان ناظرتها بنظرة غريبة : كنتوا اطفال ومازلتوا يعني معقولة .. كان يرفضك وانتي تبينه واللحين العكس .. جوري نزلت راسها باسى : خلاص وش يفيد الحكي ؟ أفنان تنهدت : بقولك الصراحة ، كنت امزح بموضوع خطبته ماخطب ولا هم يحزنون بس كنت ابغى اشوف ردة فعلك وقتها وأساسا زوجة عمّي حاولت فيه لكن ررفض تماماً يخطب أي حد شكله كان جاد بموضوع رجوعك له جوري بقهر : بس يا افنان خايفة خايفة اذا رجعت له يروح هالحب ويحل مكانه حبّ ثاني مثل ماصار مع شهاليل .. أفنان ابتسمت : تقدرين تسمين شهاليل نزوَة وراحت ، هو يقول انك الحب القديم ومستحيل يتغير لو عشق مليون وحدة بعدين انا احس ان حبّه لشهاليل وهم يوهم نفسه فيه بسبب أعجابه فيها مو معقولة إنه بيعشقها وانتِي بقلبه .. جوري زفرت بضيق : طول هالسنين احط له ألف عذر وعذر ماعدت احتمل انا صبرت كثير وصعب بأنساه بعد ماعيّشت نفسي هالمدة كلها اسيرة ذكرياته تكفي شوفته اللي تقلب الاحوال فيني أفنان ربتت ع كتفها وهي تحاول جاهدة تقنعها : ماتصبرين عنه وهو اعلن انسحابه تجاهك ليه ترفضون بعض وإنتوا لبعض من الاساس جوري بحزن : مادري .. أفنان رفعت حاجبها : يعني تبينه .. خلآص إتكلّي جوري ناظرتها وتنهدت : وش ناوية عليه ؟ افنان : تشوفين بعدين .. روحي استريحي ولا تعبين مخك بالتفكير جوري برفض : لا مابي ، تعالي قولي وش اخباركم ؟ ***************** قـــصـــة هـــــوى . . . ***************** واقفة قبال المرآية المثبّته ع جدآر الحمام .. تناظر وجهها الشاحب اللي ملآه الهم طول هالسنتين وهي عآيشة بكذبة حلوة وسرآب تبدد ! تذكّرت أمس والصدمة اللي عانقت كيانها فيه .. " كآنت جالسة مع فرح واسماء بغرفة اسماء .. كانوا يتكلموا ويسولفوا بجميع المواضيع وشتّى المجالات .. إلى ان فتحت فرح موضوع مأرق شهاليل من فترة : شوشة ماقلتي لنآ عن رأيك بيآسر .. يعني موافقة أو لا ؟ شهاليل اتربكت وقالت بتوتر : مآدري ، اءء اسماء صح أكلتي علاجك ؟ لا بروح اجيبه لك قامت بسرعة وهي ترتجف وطلعت وعيونهم عليها باستغراب دائماً تتهرب .. دخلت للمطبخ ومسحت ع وجهها تحاول تبعد الرجفة والارتباك االلي يغزيها من اول مافتحوآ معاها هالموضوع برغم ان ياسر سآندها ووقف معاها كثير وهو مو ملزوم فيهآ .. إنسان تقدر تثق انها بتكمل باقي حياتها معاه لكن قلبها رافض أشدّ الرفض تكون لرجل غير حسام .. واللي مايدري عنهآ سنتين لا سأل ولا إهتم .. زفرت بضيق أخذت علاج اسماء من الدرج ورجعت للغرفة بعد فترة .. لكنها وقفت مباشرة وهي تسمع صوته الرجولي دآخل ، كانت بتنسحب لكن إذنها استمعت غصب وش يقولون { مادري وش اسوي كل مرة اصرفه فيها ارجع القاه واقف عند البيت ينتظرها ترجع – طيب ليه انت تكذب عليه ؟ - افهمي يافرح انا مابي شهاليل تبعد وهي ان عرفت ان اهلها ماخلوا مكان مادوروا عليها فيه بترجع لهم عشان كذا كذبت على الطرفين اضمن جلوسها عندنا – طيّب وان عرفوا انها عندنا ؟ - مادري بأتصرف بس خبروني وش رايها هي ؟ - كلما سألناها تتهرب احس انها ماتبي – ماعليه عطوها فرصة ...... } " حطت المشط ع التسريحة بألم وحسرة وهي اللي ظنّت انهم ما اهتموا ولا سألوا وهم اللي يدورونها بكل مكان بس كآن ياسر يضللهم خآب أملها فيه هو الوحيد اللي ماتوقعت منه زلّة .. ربطت شعرها الطويل وطلعت من الغرفة حسمَت الموضوع الجرح اللي نمَا بقلبها يكبر وماراح تتحمل تجلس عندهم زيادة .. برغم الصدمة إلا إن هبايب فرح إنبثت بقلبها هو مهتم فيهآ ويتمنى رجعتها وهي بترجع له ولنفسها اللي تركتها من يوم مابعدت عنه .. دخلت عند فرح بعد ماطقت الباب شافتها جالسة وبيدها كتابها ولما شافتها ابتسمت وهي تقول : يآهلا والله شهاليل ماردت عليها جلست عندها بصمت دآم لدقيقتين بعدها نطقت بصرآمة : ابي ارجع لأهلي أخفت إبتسامة شَر نبع بداخلها وهي تشوف الصدمة اللي ارتسمت ع ملامح فرح .. فرح : كـ..كـيف ؟؟ شهاليل ناظرتها بطرف عينها وقامت : اللي سمعتيه ، انتي قلتي قبل اني اجلس عندكم فترة وارجع لهم .. واسفة اذا ضايقتكم بشيء ومشكورين ع كل شيء بس انا لازم ارجع لأهلي ماقدر اصبر فرح حاولت تبرر لها وتقنعها لكن شهاليل متمسكة بالرفض .. وماقدرت عليها فرح اللي كآنت مصدومة من قرارها ومستغربته .. ***************** قـــصـــة هـــــوى . . . ***************** دخل للمستشفى وهو يهرول وعقله متوقف عن التفكير ويدّعي بداخله إنها بخير ووان ربي يقومها بالسلامة وصل للمكان المطلوب وشآف هاني واقف أمام باب قسم النساء والولادة ومتكتف ينتظر وقف بجنبه وهو يستفسر .. جاوبه هاني : كنت مآر اخذها عند امي لأنها اتصلت بس تفاجئت لحظة وصولي بصراخها عرفت انها بتولد ونقلتها بسرعة ع المستشفى .. هاني شاف ملامح وليد المرتبكه ربت ع كتفه يطمنه وهو عارف شعوره جرب هالشعُور لحظة ولاده امل بس امل بنهاية التاسع عكس هتيف اللي ببدايته .. وليد رفع راسه وسأل : طبيعية ولا ؟ هاني هز راسه : لا عملية وليد سكت وناظر بالباب ويعد الدقايق والثوآني مايهمه شيء بس يهمه انها تكون بخير ، بــعــد مــرور ثــلآث ســآعـــات كان شايلها بين إيديه يناظر بعيونها المغمضة وبيدها الصغيره .. إبتسم فرحة وقرب منها وباس جبينها الصغير اللي اقصر من اصبعه .. رفع راسه لهاني اللي يناظرها بإبتسامة وليد مدّها له وقال : إمسك شوي بتطمن على هتيف .. أخذها منه ، وهو توجه للغرفة اللي نقلوا هتيف لها ***************** قـــصـــة هـــــوى . . . ***************** | |||||||||
|
| |
|
30-11-13, 12:50 AM
| #106 | |||||||||
| نجم روايتي ومشرفة سابقة وفراشة متالقة بعالم الازياء
| بـعـد مرور أسبــوع ~ فتحت عيونها بكسل وهي تسمع إلحاح جوالها المستمر .. تأففت وسحبته من الكومدينة وردت بضجر : نعم ؟ إرتبكت وهي تسمع صوته وقامت بسرعة وقالت بتوتر : سيف ؟ سيف بنرفزة : ليه مارديتي ؟ جوري رجعت شعرها خلف إذنها وقالت بربكة : كنت نايمة .. لانت نبرته :ازعجتك ؟ خفقان قلبها يزيد .. وبدت ترتجف : لا عادي .. سيف تنهد : ع العموم حبيت أخبرك أهلي حددوا موعد الزواج مع بداية السنّة الجديدة ان شاء الله قالت بصدمة : متى ؟ ابتسم : بعد شهر ! يلا اخليك تكملين نومتك مع السلامة سكرت منه ورمت جوالها .. مسحت وجهها ونسجت إبتسامة جميلة خآفت لكن تبدد هالخوف هي اللحين له وبتكون قريبة منه بعد شهر بيحق لها تغار عليه وتخاف عليه وتحبّه أكثر والاهم تخليه يرجع يحبها مثل قبل .. ماتدري وش سوت أفنان لكنه من بكرآ جاء وخطبها وكانت فرحته باينه على ملامحه عكس الحزن اللي شافته غارق فيه لما راحت له .. استلقت ع بطنها وهي تناظر بقعة فرآغ وقلبها للحين يدق بسرعة بسبب صوته اللي أدمنته وصآر مُسكنها .. مافيها صبر لِ بعد شهر نفسها بهاللحظة يختمُوا ع قلوبهم إنهم لبعض للآبد ، ناظر جواله وهو مبتسم عيونه معلقة ع رقمها ، ياما ظنّ وظنّ كانت مستحيلة بالنسبة له حبّهم كان مستحيل للبعض كان يناضل وهي تناضل يكابر وتكابر هي متناقضة وهو أكبر متناقض تنهد بحآلمية .. يمكن مع الايام اللي بيعيشها معها يرجع الحبّ القديم اللي حوى اثنينهم بدون حوآجز أو مقدمآت ناظر السماء ومشى وهو يتمتم : الحمدلك والشكر لك يآرب فرحّة مستحيل تنصاغ او يعبرها شعور فـ ظلت حآيمة بدواخلهم \ / \ ***************** قـــصـــة هـــــوى . . . ***************** دخلت للبيت بتردد ومآسكة بإيد ولدهآ اللي متعلق بعبايتها الخدامة اشرت لها ع أحد الغرف اللي بالجهة اليمنى وقالت لها ان هتيف وافنان دآخل دخلت بهدوء وبطء وتجر رجلها جر .. وعقلها يصوّر لها ردات فعلهم وقفت وهي تشوف بنتين وحدة مستلقية ع السرير ذات بشرة بيضاء وبين يديها طفل صغيير تناظره بحبّ والثانية ذات بشرة مائلة للحنطيّة تناظرهم بإبتسامة لكن سرعان ما إلتفتت وقامت وهي مصدومة تداركت الموقف وقربت من الحرمة اللي تشوفها واقفة عند الباب وبجنبها ولد صغير جميل الشكل .. قالت بإستغراب : معليش أختي اقدر اساعدك .. شهاليل نزلت دموعها وعرفت إن هذي افنان كشفت غطاها وبسبب الدموع الي بعيونها ماقدرت تحلل الصدمة بعيون هتيف وأفنان .. قرب من افنان وضمتها بقوة وهي تمتم : ياربي اشتقت لكم أفنان استوعبت الواقع اللي يصير وشدت ع شهاليل وبكت معهآ .. بعد ماسلمت عليهم وهدت جلسوا أفنان تمسح دموعها : مو مصدقة .. وين رحتي واختفيتي شهاليل حست بضيقة تخنق انفاسها : الله يخليك لا تذكريني .. وش أخباركم وين خالي والباقين هتيف بإبتسامة عذبة : أبوي بالدآوم وامي رايحة مع الحريم لام فهد شهاليل بلهفة : وحـ...... وقفت ع الكلآم بأي حقّ تسأل عليه ؟ .. غيرت الموضوع وهي تناظر بالطفل اللي بإيد هتيف : ماشاء الله مبرووك ياقلبي تتربى بعزك هتيف باست بنتها بفرحة : الله يبارك فيك .. عآد سميتك شهاليل باستغراب : سميتي ؟ هتيف ضحكت : إيه .. شهاليل اندهشت وأفنان تناظر بهتيف بخبث ويضحكون .. شهاليل رفعت راسها بتسأل لكن أفنان قاطعتها : حسام هو اللي مسميها شهاليل ارتجفت وقلبها دق بسرعة وش هاللي جالسة تسمعه ماكانت متوقعه إنه يكنّ لها بقلبه شعُور .. تلهفت اكثر لشوفته لكن حتى وإن شافته هاللقاء مستحيل يتوج بالنهاية السعيدة .. يمكن إنه تزوج وعنده ولدين اللحين حست بالرجفة تزيد وهي تسمع صوته ينادي أفنان خافت إنه يرفضها ويكره شوفتها بعد ماتركته .. قامت افنان تشوف وش يبغى فيها وهي مبسوطة برجعه شهاليل .. شافته واقف ومعقّد حواجبه بطفش : لي ساعة اناديك .. ابو شهاليل بيدخل يشوف مرته إبتسمت وهي ترفع حواجبها وتناظره بنظرات غريبة مافهمها : أوكي بقول لشهاليل تطلع عشان يدخل حسام تجاهلها وكأنه ماسمع أكيد إنها غلطانة .. رجع لعند وليد وهو يقوله يدخل تركهم براحتهم ومشى بيطلع الدرج لكنه وقف مصدوم وهو يشوف أفنان والبنت اللي سكتت بصدمة اول ماشافته .. وغطت وجهها بسرعة قلبه كان يضرب اضلاعه من شدة خفقانه ليه يتخيلها صد بسرعة وهو يقول بهمس مذهول : اسف .. شهاليل دمعت عيونها أول ماشافته .. كآن هو الطيف اللي يسامرها بضيقتها بمجرد تتخيله تنبري جروح الزمن وترتاح رجعت هالراحة تسكنها وتبلل عروق الظما .. قفّت بسرعة ماقدرت تمسك نفسها وصعدت الدرج مهرولة لغرفتها اللي هجرتها سنتين وولدها تبعها وهو يقول : ماما أفنان رجعت تناظر بحسام بإبتسامة : هذا استقبال ؟ البنت راجعه من بعد غيبة حتى ماسلمت عليها حسام إلتفت لها وناظرها بغير استيعاب : كيف ؟ أفنان تنهدت : شهاليل رجعت ياحسام .. عن اذنك بروح اشوفها راحت وخلته هو حس إنه يهذي طلع لبرآ ووقف عند الباب وناظر بالسماء الصافية وطلع عقدها يناظره حط إيده على قلبه وهو يكرر : رجعت !! ***************** قـــصـــة هـــــوى . . . ***************** دخلت بعد ماطقّت الباب .. وابتسمت وهي تشوفها تمسح دموعها اللي ينزلون بتلقائية .. جلست بجنبها ومسحت ع ظهرها بحنان : وشفيك ؟ هزت راسها بمعنى مافيني شيء .. أفنان تنهدت وقالت : أجل ليه تبكين جاوبت بصوت مرتعش : خايفة .. أفنان بحيرة : من ايش ؟ شهاليل ابعدت الشيلة الي بدت تخنقها وقالت وهي تناظر نظرات افنان اللي شجعتها تحكي : أخاف أظل معلقة كذا .. اخاف مايبيني لاني تركته وأخـ... قاطعتها افنان : وليه تخافين هزت اكتافها وهي نفسها جاهلة الجواب بس هذا اللي حسته من نظراته وملامحه اللي انقلبت بس شافتها أفنان شدت ع ايدها : اسمعيني .. مستحيل بيرفضك وهو اللي جالس طول هالايام يحتريك مستحيل انه مايبيك وهو اللي ماخلا مكان مادور عليك فيه .. اتركي وساوسك انتي وهو محتاجين لبعض .. شهاليل صدت عنها .. وللحين وساوسها متملكتها تبي تصدّق إنه يبيها تشوف لهفة عيونه لما تشوفها تبي تسمع نبرته المشتاقة .. زفرت بحسرة ومسحت دموعها ***************** قـــصـــة هـــــوى . . . ***************** يــوم جـديــد بالصــآلة كانوا كلهم مجتمعين .. ضمت ولدها أكثر وهي تشوف وجيههم اللي اشتاقت لها لكن عينها تزل تلقائي على خالها اللي انصدمت وهي تشوف ملامحه اللي تشبه ملامح أمها بشكل كبييييير ابتسمت بغصّة وهي تشوف أمها فيه نفس طريقة حكيها وتصرفاتها وشكلها .. تنهدت بصوت منخفض كانت تتجنب تناظر حسام .. نزلت نظرها للارض وهي تسمع حديثهم بصمت .. أبو هاني شال عيونه من عليها وهو مبسوط برجعتها ومبسوط إنها بخير ، أشر لولدها اللي ملتصق فيها ويناظرهم بريبة مو متعود عليهم : تعآل بوسة لكنه هز راسه برفض وهو يمسك بشهاليل اللي ابتسمت وهي تهمس بإذنه : أسامة حبيبي روح لجدو .. أسامة تمسك فيها اكثر ومايبي يتحرك من مكانه ضحكوا كلهم له .. أبو هاني رفع راسه لحسام اللي يسرق نظرات لعندها : سيف ليه مايداوم ؟ حسام ضحك : ماخذ اجازة يقول عريس مايصلح اداوم شهاليل ناظرت بحسام غصب وقالت بصوت هادي : سيف تزوج ؟ هاني يناظر حسام بطرف عينه : لا زواجه بعد شهر عقبال اللي عندنا أرتبكوا الاثنين .. وشهاليل بسرعة تغير الموضوع : ومن تزوج ؟ أم هاني : جوري فرحت لهم كثير .. وهي مو مصدقة كانت تظن إن سيف مايبي جوري وتزوج غيرها لكن الحمدلله اللي جمعهم .. نزلت راسها بسرعة وهي تسمع نقاشهم اللي تحوّل وصار يخص حسام وزواجه وفرحوا لما قال : إيه قريب ان شاء الله أم هاني بفرحة : صدق وأخيراً .. شهاليل دمعت عيونها ومخاوفها تحققت يبي يتزوج ؟ هي ماصدقت ترجع له عشان يبعد ابو هاني فهم عليه وهو عارف من زمان لكن قال حآب يحرجهم : خلاص يا ام هاني اخطبي له احسن بنات الرياض حسام بجرأة : لا لحظة ليه تدوّر واحسن بنات الرياض جالسة هنا كلهم ضحكوا لما فهموا قصده وهي لما استوعبت إحمّر وجهها قامت بسرعة وغادرت المكان وهي ترتجف بقوة من اللي سمعته معقولة مسمعها يحبك لها حروف واهمّه من شدة حبها له تتخيل انه يقصدها مافيه غيرها هناك افنان اخته وامل زوجة اخوه ومافيه غيرها .. غمضت عيونها تلتقط أنفاسها اللي تسارعت بمجرد شوفته | |||||||||
|
| |
|
30-11-13, 12:50 AM
| #107 | |||||||||
| نجم روايتي ومشرفة سابقة وفراشة متالقة بعالم الازياء
| ***************** قـــصـــة هـــــوى . . . ***************** بــــعــــــد شهــــــر .. المــوعــد المنتــظر للكل هاليوم جمع فرحة بفرحتين بدا بدا دق الخفوق و هز ضلعيني غلاك و ****ب الساعة تسابقني على موعد عمر ابششرك قبل اللقا و ابشرك و انا معاك فيني وله كبر السما يكبر ولا عمره صغر تعال اعبر لك عن احساسي و انا بلحظة لقاك احساس اكبر من كلام العشق ما حسه بشر اتنفسك عشق و غلا و اتقربك و المس يداك كني لمست براحتي هالكون و احلام العمر الله يسعد لي صصباح العشق لين اخر مسااك و الله يسعد لي مسساك اللي وصل حد الفجر تعال يا عشق انكتب بتشوف في عيني غلاك فيني وله كبر السما كبر الصحاري والبحر لو البلا ينقل عن الواحد انا بنقل بلاك يااا عل عيني ما بكت مثلك على طول الدهر قلبي يبيع الكون كله ما خسر يوم اشتراك لو هو شرا غيرك حبيبي كل ما يربح خسر ، بعد ما إنزفت توجهت لغرفة التصوير دخلت خطوات متوازنة وبأنوثة طآغية ، فستانها الابيض المنفوش واللي مزين من الاسفل بكرستالات صغيرة تبرق بفرحتها والورد الاحمر المتدلي من المسكة اللي شأدة عليها بيديها .. حست فيه يمسك يدها ويطبع ع جبينها قبلة حآرة دآمت ثوآني معدودة لكنها حركت كل شيء ساكن فيها .. سيف همس بحبّ تمنته من سنين : الف مبروك ياقلبي ردت بهدوء طاغي عليه الخجل والارتباك : يبارك فيك .. جلسُوا وكان اللقاء بينهم صَامت لكن القلُوب أكفل بأنها تنطق وتقلّص كل المسافات اللي طالت بينهم .. / \ / ماقلت لِك ؟ ان العُمر فِيك مختلف و ان الحكِي صعب في مثلك ينوصف ♥ ***************** قـــصـــة هـــــوى . . . ***************** دخلت وهي تمشي ببطء وصعوبة ورجفتها أعاقت عليها المشي سمعت تنهيدته وتعثرت خطواتها وبغت تطيح لكنه كان اسرع ومسكها وثبتها .. طغى ع وجهها اللون الاحمر بسبب الموقف اللي انحطت فيه .. قبّل جبينها وبارك لها لكنها ماقدرت ترد أو حتى تطلع صوتها إبتسم لكن سرعان ما اختفت ابتسامته وهو يشوف دموعها اللي تسيل على خدها قال بفزع : شهاليل وشفيك ؟ كانت تشكي له بدموعها .. تقوله كل اللي صار لها بهالسنتين الغم اللي عاشتهم بدونه تعبّر عن مدى اشتياقها وفرحتها وحزنها وكل شعور تحسه بهاللحظة تمسكت فيه بقوة لما حست بالدفا اللي اقتحم جسمها فجأة وفرّغت كل اللي بداخلها .. مرت دقايق وهو مبسوط وماحس بالوقت اللي مر وهي بين يدينه هاللحظة ياما انتظرها كثير وحآن وقتها .. بيعيشها ثانية بثانية وماراح ينسى تفصيل هاللحظة اللي حلم فيها كثير .. أبعدت عنه خجل وهو مسح دموعها بأطراف اصابعه وتنهد : أجنّ عليك لا سكتي كيف عاد وانتي تبكين ؟ .. خلينا من الماضي ياشهاليل انتي هنا وانا جنبك صدقيني ماراح اسمح للهم يدخل لجواتك ثاني بكون أمانك ونصفك الثاني وماراح اسمح لاحد يدخل حياتك غيري بامتلكها بأنانية وماراح اتخلى عنك مهما صار حست بالقوة تتشبث فيها ورجفتها تخفي تدريجياً .. قالت وهي تناظر الخاتم اللي مزيّن اصبعها : وكل عنآي في لمة أحضانك بيضيع .. شد ع إيدها بقوة وهو يبتسم همس بإذنها : أحبك للآبد \ / \ أشبعني عشقا في هذا الوقت ، أروني غزلا أخبرني بشي يختبيء في صدرك , عانقني بحروفك , وطوقني ب حديث لا ينسى . ***************** قـــصـــة هـــــوى . . . ***************** النهــــــايـــــــــة الساعة / 12:52 اليوم : السبت التاريخ : 28/12/1434 هـ 2013 إلى هنــآ ، تنتهي [ كل العنا في لمة احضانك يضيع ] ووضعتُ النقطة في نهآية السطَر عبقت منكم شذى قلمِي وهمس احرفي ولكن عبرنا المفترق ووصلنا لنهاية الدروب هنا تنقطع بنا لنهِي هذهِ المعزوفة بفضل من الله ورضوانه وبمَا أنها الاولى فَتغاظوا عن اخطائي سأحاول جهدي وماأوتيت بهِ أن أمحُو تلك الاخطاء مسستقبلاً بإذنه سبحانه ، أتمنى إنها لامست اوتار ذائقتكم العظمى وعزفت على وقعها اثراً جميلا .. احبّ ان امد الشكر للجميع دون استثناء كل من قرأ [ كل العنا في لمة احضانك يضيع ] وكل من رد عليها ولم يرد وكل من مر عليها مرور الكرام كل من انتقد أو استحسن كل من سأل وأجاب كل متابعين روايتي .. رغم أنني كرهتها احياناً قلةً ووفكرت في التوقف عن كتابتها لكن لم افعل والحمد لله هذهِ نهاية الرواية ولكن ليست نهايتي بل هناك عودة قريبة ان شاء الله ، شاكرة لكم جميعاً وأمنّ الله عليكم بتيجان سعادة لا تنتهي والصلاة والسلام على اشرف الخلق أطهرهم سيدنآ محمد بن عبدالله -صلى الله عليه وسلم- لا إله الا انت سبحانك اني كنت من الظالمين استغفرك واتوب اليك قصة هــوى " هــآمــش " | |||||||||
|
| |
|
06-01-14, 06:50 AM
| #108 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|
| |||||||||||||
|
| |
|
| الكلمات الدلالية (Tags) |
| العنا, الكاتبة, احضانك, يضيع |
| أدوات الموضوع | |
| انواع عرض الموضوع | |
|
|
11Likes
.png)
العرض العادي
