آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
24-10-13, 12:17 PM
| #11 | |||||||||
| نجم روايتي ومشرفة سابقة وفراشة متالقة بعالم الازياء  
|  الجزء التاسع ~ كنت أحسبك غالي لكن للأسف تغيرت !!! وصرت فوق الغلا كله الساعة 8:15 بعد العشاء فايزة ترحب بالضيوف بكل ذوق واضح انهم ناس هآي كلاس مو مثل ما كانت تتوقع تفحصتهم زين تمنت ان المعرس لبنتها شذى أم ناصر تأشر على شذى : هذي هي العروس بنت زوجك ؟ فايزة لوت لسانها : لآ العروس دآخل بتجي أم نآصر : ايه زين عجلي عليها يآم متعب نبي نشوفها قامت فايزة بغيض من ياسمين : إن شاء الله طلعت وراها بنتها شذى : ماما الحين هذول الهاي بيخطبون بنت الفقر ذي فايزة : أنا أوريها ما تآخذه لو تموت راحت مع بنتها باتجاه غرفة ياسمين اللي كانت متجهزه ومحزنه حابسه عمرها فتحت الباب بدون لا تطقه : قومي اخلصي الحريم بيشوفونك تكلمي زين معهم مالي خلق مناقر تركتها و مشيت لحقتني مع بنتها السوسه ودخلوا قبلي فايزة : تعالي حبيبتي تعالي هذي هي العروس ياسمين ام ناصر : ما شاء الله تبارك الرحمن تعالي يمه بجنبي تعالي فايزة : ليش واقفة بعيد عيوني تعالي اقربي دخلت وانا مو طايقة نفسي شوي ابكي واقولهم مابي ولدكم بس مسكت نفسي رغم سوء نفسيتي الا اني لاحظتهم انهم ناس ذوق ومحترمين ولا هذي ام لواحد يبي يتزوج .. شكلها صغيرونه ! ام ناصر : ما شاء الله تبارك الرحمن كم عمرك ؟ ياسمين : 23 يارا بعفوية مثل الاطفال : انت ممرضة صح ياسمين رفعت راسي وابتسمت لها على طريقة في السؤال كانت عفوية : ايه يارا : أنا اسمي يارا اخت المعرس ان شاء الله تكونين نصيب اخوي بنفرح فيكم كشرت ورجعت نزلت راسي .. رن جوال فايزة ردت : هلا ابو متعب .. ايه ان شاء الله ، مع السلامة لفت علي : ياسمين حبيبتي انزلي تحت ابوك يبيك بمجلس الرجال روحي له فجأة صرت حبيبتها وصارت معي طيبة واخلاق ، اكرهها : إن شاء الله ، قمت واحسني ودي ابكي رجليني مو شايلتني رحت لقيت ابوي ينتظرني على الدرج مسكني وهو مبتسم يطمني : لاتخافين ما يآكل رفعت راسي ناظرته وعيوني غرقانه : يبه لا تسوي كذا فيني ما صدقت لقيتك لا تخليني افقدك ثاني خالد : يلا يبه عشاني ادخلي وصدقيني لو ما اعجبك برده بنفسي وش تبين اكثر ياسمين : جد يبه خالد : وعد انا عند كلمتي مشى ابوي وانا مشيته معه بس خطواته بعيده بشوي دخل المجلس قبلي ودخلت و انا ماسكه يده وثوبه و عيوني على الارض همس لي ابوي : سلمي لاشعوريا قلت : السلام عليكم .. مدري لو طلع صوتي اولا جلس ابوي وجلست جنبه وعيني في الارض حسيت ابوي بيتحرك وكأنه بيقوم ما امداني اتمسك فيه الا وهو اللي قآم : خذوا راحتكم شوي وراجع لا يا يبه ليش سويته فيني لييييييييش ظليت متوترة ودي اقوم اصرخ فيه مابيك اطلع برا عيوني غرقانه دموع .. حسيت فيه قرب قعد على الكنبة اللي جنبي همس : شلونك سوسو ما رديت ، رفع راسي بيده : تحرميني اشوف الجمال هذا قفلت عيوني بقوة وفي نفسي اقوول وقح ! : لهالدرجة كارهتني ما تبين تشوفيني نبرة الصوت مو غريبة علي فتحت عيوني ببطء تأملت وجهه اللي مقابل وجهي : فؤاد !! فؤاد : عيونه وقلبه وروحه ياسمين : انت فؤاد !!!! فؤاد : بشحمه ولحمه جاي لعندك يا عسل ياسمين بفرحة : بس كيف كذا وليه ما قلت لي فؤاد : هذي مفاجأتي لك أبيك تكونين زوجة لي يآحبيبتي مشآعري مختلطة مابين حزن وفرح ودموع .. و صدمة ! ~ تَعالّ . . . و حِس بإنَكْ للاَسفْ .. مـَ تِحسٌ ! لفيت الرياض كاملة اليوم مادري وين اروح ولا ادري وش اسوي فجأة طرا على بالي ابوي ايه هو لازم يشيل معآناتي الذنب مو ذنبي ناظرت ساعتي 9 الا ثلث لسى هو في الشركة لحسن حظي الشركة قريبة مني وصلت له كان موجود دخلني له سكرتيره ابو سعد : هلا يبه رائد حياك رائد : يبه انت عارف ان اللي فيني مو شوي وش ذنبي انا اتحمل كل هذا ابو سعد : شوي شوي خلني اقدر استوعب رائد : يبه غالية ابو سعد : وش فيها غالية رائد : يبه غاليه حامل ! بعد صمت للحظات : طيب وش بيدي اسوي هذا قدرك رائد : يبه افهمني مابي انفذ شي ما اقدر اتركها هي زوجتي و ... ام ولدي ابو سعد : خلاص لا تتركها وضيع نفسك وضيعنا معك رائد : يبه ليش تتخلى عني وانا احتاجك الحين مو انت اللي جيتني وعمري 16 سنة اداوم في المدرسة واكبر همي سيارتي و الشباب قلت يا رائد لازم تتزوج قلت لي لاتضيعنا و الحين وش النتيجة قولي تهديد وضغط حتى حياتي انتم راسمين السيناريو وانا امشي عليه وفوق كل هذا مالي حق اعارض مالي حق ابقى مع زوجتي و ولدي ليش ليش يا يبه لييش ابو سعد : افهمني انت خلك صاحي واعي ولو بتفكر عدل بتقدر تنقذ نفسك خلني بعيد وخل عمك بعيد تقدر تحل الموضوع بنفسك بدون مساعدتي لا تضعف انا ماربيتك على الضعف رائد : يبه الله يخليك وجهني مابي اهدم بيتي مابي اضيع زوجتي و ولدي ولا ابي اضيعكم احسني مخنووق بموووووت ابو سعد : اذكر الله و يلا خلنا نمشي البيت ارتاح و الصبح نتفاهم رائد : يبه انا اخذت قراري ولا يمكن اتراجع فيه علم عمي سيف عليه ابو سعد : وش قررت ؟ رائد : غالية بخليها تترك المستشفى بتقعد بالبيت ابو سعد : اللي تشوفه اهم شي مابي اشوفك بهالحالة يلا قدامي ...~ مر اسبوع أهم الأحداث فيه :- ياسمين و فؤاد .. ملكتهم بعد ثلاثة أسابيع رؤى قررت تجيب امها للرياض بعد اقتراح هند خصوصا ان حالتها الصحية صارت افضل ولازالت رؤى مجتهد في عملها بينما هند لا جديد فارس رجع يبحث عن اخته المفقودة بعد ما اهله تقبلوا خبر غالية انها مو بنتهم و معاذ و دانية .. لا تعليق ! سعود ضايع و مو صاحي يداوم الوقت اللي يبي و يترك الوقت اللي يبي كانه المستشفى ملكية لأبوه و في سالفة غالية شكله نآوي على شي .... رائد و الاتصالات اللي تجيه و الطلب اللي رافض ينفذه وتمسك بغالية اكثر عشانه و سيف بعد مافي جديد تعدلت نفسيته ورجع يداوم بس كالعادة نفس الاسلوب مع غالية ابو سعد و عائلته نفس الروتين الا انه قرر يتزوج في الفترة الحالية غالية على حالها وحده ونفسية متدمرة اضافة لحبس رائد لها في البيت ورجع هجرها معاملة رائد لها حكاية ما يندرى وش نهايتها !! الغريب ان ناتالي لها حقيقة .. اصلا لازم نستغرب وجودها وهي بريطانية تعمل خادمة في بيت سعودي !! ########### قمت على غير عادتي الساعة 2 و نص الليل تعبانه احسني مكتومة تعدلت على السرير شربت مويه وتنفست بهدوء ظليت فترة على حالي ثم قمت آكل شي خفيف حآسه بجوع مدري هالوجبات صآيرة ماتكفيني يمكن لاني اثنين الحين وه يا عمري ماتوقعت اعيش لهاللحظة مع اللي بدآخلي رائد مسبب لي رعب و الشي اللي يقوله مايحب يتناقش فيه مرة ثانية بس الحين كلي تفائل حسيت الحياة ابتسمت لي .. حسيت بالجوع يزيد طلعت رايحة للمطبخ سمعت صوت في جهة غرفة ناتالي و بصراحة خفت .. مشيت شوي شوي سمعتها تتكلم ، ايه تتكلم وكلامها ... عربي ! ناتالي تحكي عربي ؟ ليش و كيف ومن متى و مع من بعد ؟ صوتها متغير كثير بس انا اعرفه هذي النبرة من حنجرتها حاولت اقرب اكثر ابي اسمع كأنها انتبهت علي سمعت هدوء وصوت خطوات تقترب مني فتحت الباب : can I help you " أساعدك بشي " غالية : مع من كنت تحكين ؟ ناتالي : Excuse me ?! " عذراً " غالية : سمعتك باذني تحكين انطقي و لا وربي ماتقعدين عندي دقيقة وحده ظلت تتأملني فترة ثم نزلت راسها تعجبت اكثر منها قلت : ما قررتِ ؟ ناتالي : الصبح بفهمك كل شي .. بعد اذنك دخلت قفلت بابها وخلتني وانا مابين صدمة وتعجب وفضول ..~ . . . . . تم الجزء التاسع | |||||||||
|  |
|
24-10-13, 12:18 PM
| #12 | |||||||||
| نجم روايتي ومشرفة سابقة وفراشة متالقة بعالم الازياء
| الجـــــزء العاشر ~ وَش صــآرٍ وَش آلِـيً غيًرٍنيً مـآعّدِتِ أعّــرٍفنيً ُ كنت سهران النوم مجافيني ماعرف وش صابني حالات الارق هالايام كثرانه مدري من وين القاها من ابوي اللي مو راضي يوقف معي ولا عمي الله يصلحه وطلباته و لا غالية و ولدي تذكرتها اخذت جوالي ادق عليها ردت بعد اول رنه : رائد !!!!! رائد : غالية كيفك ؟ غالية : رائد حرام عليك وينك عني مو وعدتني ماتهجرني رائد : غالية اجهزي بمرك الساعة 7 بآخذك المستشفى غالية بخوف : ليش ؟! رائد : ماتبين تداومين بكفيك غالية : لا خلاص بجهز .. بصوت اشبه للهمس : رائد فقدتك وينك عني ؟ رائد : غالية خلاص ارحمي حالي وارحمي نفسك وارحمي ولدك غالية : رائد الله يخليك تعال الحين رائد : مجنونه انت شوفي الساعة كم !! غالية : رائد أنا تعبانه تعال الله يخليك فز رائد على كلمتها : خلاص جايك ريحي عمرك طلع رائد من البيت باقصى سرعته رايح لغالية .. 10 دقائق كآفيه للوصول ~ دخلت البيت لقيته مظلم ما عاد نور الاباجورة الخافت في الصالة توقعتها هناك رحت لقيت كوب مويه و شريط علاج ! شفت بوجهي ناتالي سألتها عن غالية قالت لي انها في غرفتها ... ركضت فوق طلعت لها الغرفة فتحت الباب لقيتها منكمشة على نفسها على الصوفا الطويلة مقابلة البلكونة رحت لها كانت صاحية اخذتها بحضني مسحت على شعرها : وش فيك غلآي ؟ غالية بألم : تعبت رائد تعبت ودي ارتاح رائد : سلآمتك من التعب وش متعبك ؟؟ غالية : رائد تعبت من دنياي حياتي وحدتي رائد : ............ استجمعت قوآي وسألته السؤال اللي ابي له اجابه من زمان : رائد أبي اعرف سر الاتصالات اللي تجيك ليش تعاملني كويس وبس يجيك اتصال تقلب علي ليش ماتحكي قدامي مثل باقي مكالماتك ليش ؟ رائد توتر : بتعرفين كل شي بوقته لايشغل بالك الحين الا نفسك و ولدك ترى موطيب لك لو صار بولدي شي .. فهمتي ابتسمت على نبرته اللي لمست فيها لون حنان : اوعدني ماتتركني بحياتك قمت وهي بحضني سدحتها على السرير غطيتها و طبعت قبله على جبينها : متى بتبطلين سالفة الوعود ثقي بكلآمي عمري اخلفت لك وعد ؟ بتفكير : لا بس اخاف نزلت دموعها اكثر : ابوي تركني وانا ببطن امي طلعت للدنيا ماعرفه ولا من هو ابوي يا رائد ذبحني وانا حيه حرمني منه ما درى عني ولاعرف بوجودي اصلا وامي تركتني وانا بعد طفله !! سكت رائد وكأنه اللي يقلب شي بمخه ثم : اكيد له عذر التمسيه له و صدقيني بيوم بيرجع و وقتها لك القرار وامك الله يرحمها غالية : تتوقع بعد اكثر من 22 سنة ممكن بيوم يجي يدور علي .. واصلا مستحيل يلقاني ولا نسيت اني مسجلة باسم خآلي !! حضن وجهي بكفوفه : قلت لك لا تشغلين بالك الحين وكل شي الله كاتب له اجل يلا نبي ننام الحين ورانا دوام و الصبح حضريلي الفطور غالية : لا بخلي ناتالي تحضره لك انا بطلع 6 الصبح وحشتني المستشفى رائد : وبعدين معك قلت 7 نطلع سوا زين بداوم بدري عشانك وناتالي زوجتي ولا انتِ ؟؟ غالية : مالي شغل ابي اروح 6 انت بكيفك نآظرني نظرة غريبة خفت اول مرة احكي معه كذا و هو ماعصب بس نظرته غريبة طفى نور الابجاورة اللي جبنه : تصبحين على خير نآم على ظهره قربت منه انسدحت على جنبي و استسلمت للنوم ...~ *** الفجر الساعة 5:20 لسى يصلون الفجر قمت بسرعه قبل لاينتهون احس اني لو صليت صلاة بعد المسجد كأن وقتها طلع .. صليت وقمت افطر نزلت لقيت دانية و معاذ في الصالة هاديين يسولفون ما صدقت فركت عيوني وبصوت مسموع : دوووم معاذ : صباح الخير هنادي دانية : صباحوو يا حبي كيفك ؟ هنادي : صباح الورد يا وردآت معاذ : هنادي خلاص مافي طالباتي مأجزين هنادي : ايه والله بفقدهم فديتهم دانية : يلا ما عليه بكرة تنقلين لمتوسط وبتفقدينهم اقل هنادي : فال و الله ولا فالك ناقصة جنون انا وه فديتهم خليني عليهم خآمس ابتدائي معاذ : بصراحة احسدهم هالبنات ! هنادي : افااا تعال بس يا بعدي انت آخوي الشاطر العآقل الكبير دآنية : وأنا ؟؟ معاذ : لا انت الخير و البركة صح هنو تعجبت في نفسي معقول هذا معاذ !! نزلت شروق و وليد نطيت اسلم عليه وحشني وصل امس الليل انا نايمة وليد : هلا غلاتي شلونك هنوو وحشتيني هنادي : وانت اكثر فديتك الحمدلله على سلامتك وليد : الله يسلمك شروق : وليد بتظل كذا طول عمرك ؟ وليد : اسكتي بس على الجرح بس مو مبين انه في تغيير في الخطة بظل معلق معاذ بضحكة : وليد اخاف تعنس بس وليد انحرج من وجود خواته وعصب عليه : لا يكثر تفهم انت فارس من فوق الدرج : وش عنده اللي استحى ؟؟ وليد يخزه : صباح النور فارس : هههههههههههه صباح الخير شروق : وربي مالكم دآعي تعال وليد فديتك اقعد قعد بجنب شروق و معاذ بجنب دانية جا فارس : اذن انا مالي الا هنودي حبيبتي دامكم مسوويين احزاب علينا صح هنو ؟ هنادي : فديته اخوي توني كنت بقولك معاذ : جعنا واللي يرحم والديكم يلا نفطر وش تنتظرون شروق : الوالدين بينزلون بعد شوي دانية : ههههههههههه حلوة الوالدين عيديها تكفين شروق : هاهاها بايخه هنادي : وناسة فطور عائلي جامع الكل مو هالدب وليد اللي يتخلف دووم معاذ : تمنيت معنا اختي اللي تحكون عنها دانية : عشان تجننها صح ؟ تقلب وجه فارس وحمر حس وليد فيه شي غريب : ايه فارس ما قلت لي وش صار بالضبط يعني كيف عرفت ؟ فارس تنهد : طلبتها تصير الممرضة تبعي عشان اتقرب منها اكثر بصراحة ماحطيت ببالي خطة بس اهم شي اضمن قربها جنبي وليد : ليش يعني انت سألتها ؟ فارس : لا بس كانت تتعب فجأة علي و استغليت الوضع قلت لها بآخذ لك تحاليل ارسلت العينات لمختبر خارجي و بعد ارسلت عينات دم الوالد عشان المطابقة والحمد لله على كل حال ، بس قطعت قلبي البنت دانية : ليش وش فيها انت قلت لها لمحت لها بشي ؟ معاذ : مهبولة انت وش يقولها ترى انا اخوك مثلا فارس : لا طبعاً بس ظروفها اللي عايشتها آلمتني الله يكون بعونها شروق : ليش ظروفها صعبة لذي الدرجة ؟ هنادي : ياعمري وين ساكنة ومع من ؟ فارس : لا الحمد لله هي عآيشه بخير ونعمة ولله الحمد معاذ : أجل ؟! فارس : ليلكم طويل انتم ، اقصد نفسيتها و وحدتها واضح انها مو سعيده الله يكون بعونها وليد : آمين نزل الأب و الأم و توجهوا ككل للسفرة بيفطرون ...~ *** حـق̮ـ̃ـﯾـق̮ـ̃ـة الساعة 6 الصبح بعد الفطور طلعنا باتجاه المستشفى .. رائد : بنزلك وبروح اخلص شغلة غالية : متى بتداوم ؟ رائد : بجي في اقرب وقت اقدر عليه لو تأخرت لا تخافين غالية : انتبه لنفسك الله يخليك رائد : طيب .. يلا وصلنا غالية : الله معك نزلت فيني فرحة ودي اصرخ اعبر عن اللي فيني احب المستشفى يا ناس هي روحي وحيآتي .. طلعت لغرفتنا ابدل واتدفى ثم اطلع اعمل جولتي سخنت لي مويه مشتهية كوفي اليوم على غير العادة سرحت وتفكيري راح لرائد الله لآ يحرمني منه ما اتخيل حياتي بدونه هو ما يحبني بس يكفيني أنا احبه .. وعيت على ضحكتهم وهم يدخلون لفيت بسرعة ، انصدموا بوجودي قربت مني هند : الحمد لله على السلامة مابغيتي تجين ؟ اكتفيت بابتسامة : الله يسلمك رؤى ياسمين : السلآم عليكم غالية : وعليكم السلام عم الهدوء المكان بعد لحظات : بنات شروق !! رؤى بحماس و لقافة : وش فيها ؟؟ ياسمين : لو قلت لكم ما بتتوقعون صدمة صراحة هند : ايه تكلمي وجع ياسمين : تعرفون فارس ؟ هند : من فارس ياسمين : يعني لازم اقول الدكتور فارس رؤى فتحت عينها على الاخر : ايه وش فيهم لا يكون خطبها !! ياسمين : بنات شروق و فارس اخوان رؤى بلهت تناظرها و هند : من جدك انتِ ؟ ياسمين : وش فيكم انتم حشى لو اني قلت لكم انها ملكة رؤى : احلفي هند : كيف عرفتي انتِ ياسمين : هذي الله يسلمكم امس كنت بالسوق تعرفون اتجهز لملكتي دخلت محل اقمشة لقيتها تخيلوا مع اختها وسولفنا شوي وعرفتني عليها اسمها هنادي قلت وش عندك في السوق وكذا قالت ابد بس نبي نفصل وقمنا نسولف جا اخوها معه اغراض اول ماعرفته بس يوم قرب بيهاوش شقهت وقلت دكتور فارس !! قالت شروق اسم الله عليك هذا اخوي لاتعاكسيه ناظرني وقال من؟ "سكتت شوي" قال غالية قلت له لا ياسمين قال هلا ياسمين طلعنا معارف بعد قلت له شفت كيف دكتور هند : لا والله اشوف طقيتيها سوالف معه !! ياسمين : لا هو حليل شخصيته غير عن المستشفى وربي طيوب يهبل حييييل رؤى : بدق على فؤاد ياسمين بغت تموت : نــــــعـــــــم ! صدقيني بيكون آخر يوم لك تتنفسين فيه قالت تكلم فؤاد قالت غالية ابتسمت وقامت وقفت دآخت وظهرها المها شوي تسندت على الكرسي هند بخوف : غالية فيك شي غالية هزت راسها بلا قامت لها هند و البنات مستغربات اهتمام هند فيها : تعالي اقعدي ارتاحي اصلا وش جابك انتِ ياويلك لو تتحركين من هالغرفة مافي مرضى اليوم غالية : مافيني شي بس دوخة وراحت هند : لا فيك قلت ما راح تتحركين بس يجي الدكتور فارس بعلمه غالية : لا لا تكفين اي دكتور الا دكتور فارس هند : وليش ان شاء الله نزلت غالية راسها : لا مابيه يعرف اني داومت رؤى خزتها بنظرها : وليش ان شاء الله خايفة من شي ؟ غالية بتعجب : شي مثل وش ؟ رؤى : اسألي نفسك هند : رؤى خلاص اسكتي لا توترينها ياسمين : ليش تتوتر ماتعودت منك كل هالخوف غالية ماتحملت كلام البنات وجهها حمر قامت من كرسيها هند مسكتها : تعالي على وين غالية : بدخل الحمام " تكرمون " مشت و نظرات هند تراقبها قعدت بمكانها : وش اللي سويتوه بنات ماتعرفون تلمون لسانكم رؤى : انتِ اطلعي منها ليش محتره وبعدين ليش خايفة من الدكتور الا وهي مسويه بلى هند بحده : اسكتي قص يقص هاللسان لاتعتقدين بسمح لك تحكين عنها حدك عاد رؤى : من زينها عاد حتى تقصين لساني عشانها ! هند : مايخصك ، لفت طرحتها ولبست نقابها وطلعت مسحت غالية دموعها عدلت طرحتها و طلعت من الحمام بتروح للمرضى همست : رؤى مانتظرت ردها كملت : أنا ماعندي شي أخاف منه .. أنا حامل ! وضحت الصدمة على وجه رؤى وياسمين وقت اللي سحبت غالية نفسها وطلعت ..~ *** من وصلت غالية رجعت البيت على رغبة ناتالي قالت لي بتحكي معي بدون علم غالية قلت لها طيب رجعت لها وكانت تنتظرني بالصالة اللي تحت رائد : Don't stand , sit " لا تقفي اجلسي " قعدت وهي لازالت ساكته انتظرتها لحظات : I hear you " اسمعك " ترددت ناتالي وهي تحكي : رائد اسمعني للآخر صدمته كلمتها او بالاصح لغتها : تحكين عربي ؟!!! ناتالي : رائد أنا بقولك شي مهم جدا وفيك تتأكد بطريقتك رائد بدهشه : احكي اسمع لك ناتالي : بقولك كل شي عني وانت تصرف .. أنا يوم جيت لك هالبيت من قبل ست سنوات جيت عشان مهمة انت ماتعرفها ولا حتى غالية اختي تعرفها صعقته كلمتها : غالية اختك !!!! ناتالي : ايه اختي بنت ابوي كنت انا ضحية بعد مثل غالية و الفرق امي بريطانية رائد بعدم تصديق : طيب وش مهمتك اللي جايه لها ناتالي : اسمي دلال ولاني بريطانية انا سعودية درست تمريض بعد بناء على رغبة سيف بن عبد العزيز ابوي وابو غالية كان مهتم فيني و يطل علي بين فترة واخرى لين جا اليوم اللي تخرجت فيه بدال ما القى نفسي ممرضة لقيتني عاملة عند اختي ! وقتها انت اللي جبتني بيتك عشان انا انقل له اخبارها و احوالها و معاملتك لها ، رائد احكي له كل اللي قلت لك ماهمني لو ذبحني أنا ميته من زمان اصلا رائد : صدق اللي تقولينه سكت للحظات ثم اضفت : اللي انت ماتعرفه ان الضغط اللي انت فيه بسبب معاملتك لغالية ابوي يا رائد يعشق التراب اللي تمشي عليه غالية ما كآن يبيك تأذيها عشان كذا يضغطك ويضغطك وقلب حياتك فوق تحت كان ينتقم لبنت روحه ومن مهآمي اوقف نزف الجرح اللي انت تسببه لها و مثل البشر لي اغلاط احيان احقد على غالية وعليك وعليه ، كان يعالجها بطريقته ايام اجازتي اللي كنت اقضيها بعذاب نفسي و جسدي رائد : ليش ما حكيتي لي من بدري ليش دلال : كنت خايفة على نفسي الحين غالية حامل على الاقل وحده منا تفوز بحياة كريمة وغالية اولى بها دامها بتكون ام لو كان الثمن موتي .! وقفت منصدم اقوى شي .. مو مستوعب معقولة عمي يطلع منه كل هذا هذي بنته بعد ليش ما يخاف الله فيها جد اللي سمعته يحب غالية تذكرت تهديده لي يوم عرف انها تعبانه بالمستشفى زحمة افكار ماقدرت استوعبها بس اللي قدرت اسويه طلعت من البيت متجه له في مكتبه ..~ *** كنت واقفة مع ملف مريض جديد توه متحول من الطوارئ نفذت اوامر الدكتور و خلصت تسجيل التقرير سرحت برائد الساعة بتصير 10 ولا جا صح هو قال لو تأخرت لا تقلقين بس احس صايرة مصيبة ما منعت نفسي ادق عليه بعد ثلاث رنات رد : رائد بصوت مبوح : غالية نغزني قلبي عليه : فيك شي : لا تبين شي غالية : طمني عنك رائد : انا في البيت جاني مغص والجازي منعتني اداوم غالية مو مصدقة : طيب كيفك الحين رائد : ممغوص واحس بغصة غالية : ليته فيني ولا فيك رائد لا شعوورياً : اسم الله عليك لحظات صمت الصوت المسموع انفاسهم وكأنها تحكي قصة عذاب بين الاثنين غالية عيونها تلمع : رائد بقفل رائد : انتبهي لنفسك امنتك .. مع السلامة قفلت وانا كلي الم وش قصده بكلامه حسيت فيه شي مو طبيعي خفت عليه وفي نفس الوقت طمني وجوده عند الجازي ! / \ / دخلت علي الجازي بصحن شوربة : يلا حبيبي عشان توخر الزفرة وتطيب رائد : تكفين يمه مو مشتهي الجازي : لاتزعلني منك رائد قرب منها : سامحيني يمه سامحيني الجازي متعجبة منه : مسموح بشرط تخلص الصحن كله الحين ابتسمت غصب : ان شاء الله يمه الجازي حاسه بشي بس ماتبي تضغط عليه : ترى برجع لك خلك ما تآكل بوريك النجوم ضحك رائد عليها وهي اللي انسحبت تشوف احوال البيت .. كبيرة يالجازي ~ *** اليوم طفش ولا اقدر اسحب على الدوام راسلين لي انذار عساهم الموت طلعت من قسم الطوارئ داخل للمستشفى لي كم يوم ماشفت غالية ولا لمحتها بروح اشوفها غصب عليها ولازم آخذ اللي ابيه .. نزلت من مريضي في قسم التنويم رحت غرفتنا بعد الحاح من هند وبصراحة أحس بتعب دخلت استقبلتني هند وكانت لحالها : انا مو قلت لك ما تطلعين من الغرفة ماتسمعين والله لأعلم الدكتور فارس و انتِ بكيفك ازعلي وانفجري لو تبين ماعطتني فرصة اتكلم : انطقي هنا زين بروح اطلع حالة من الاسعاف وجايه لك غالية : طيب لا تتأخرين وأنا بروح عند الاستشاري بندر بستشيره بشغلة لفيت وماشية من الغرفة طلعت جوالي و دقيت على الدكتور فارس علمته وينها ونزلت للإسعاف ............ . . . . . . تم الجزء العاشر | |||||||||
|
| |
|
24-10-13, 12:23 PM
| #13 | |||||||||
| نجم روايتي ومشرفة سابقة وفراشة متالقة بعالم الازياء
| الجزء الحادي عشر ~ سَئِمْتُه .. مُعَذّبِي اليوم طفش ولا اقدر اسحب على الدوام راسلين لي انذار عساهم الموت طلعت من قسم الطوارئ داخل للمستشفى لي كم يوم ماشفت غالية ولا لمحتها بروح اشوفها غصب عليها ولازم آخذ اللي ابيه .. نزلت من مريضي في قسم التنويم رحت غرفتنا بعد الحاح من هند وبصراحة أحس بتعب دخلت استقبلتني هند وكانت لحالها : انا مو قلت لك ما تطلعين من الغرفة ماتسمعين والله لأعلم الدكتور فارس و انتِ بكيفك ازعلي وانفجري لو تبين ماعطتني فرصة اتكلم : انطقي هنا زين بروح اطلع حالة من الاسعاف وجايه لك غالية : طيب لا تتأخرين وأنا بروح عند الاستشاري بندر بستشيره بشغلة لفيت ماشية من الغرفة طلعت جوالي و دقيت على الدكتور فارس علمته وينها ونزلت للإسعاف ............ / \ / \ كنت اريح بالغرفة شوي بعدت نقابي وطرحتي وقعدت اناظر الطاولة بسرحان هند راحت تنادي الدكتور فارس أنا استحي منه خصوصا معاملته معي و اعترافه لي انه كان يعتقدني اخته و القصة اللي حكاها لي تقطع قلبي حتى انا للحظة تمنيتني اخته يمكن اعيش حياة اكرم من ذي ،، قعدت افكر و افكر وتعمقت في عالمي غرقانه في بحر افكاري صحيت على يدينه اللي حوطتني و همسه الحار باذني كان يناديني لفيت اناظره صرخت فيه : بعد عني يا حقير سعود بابتسامة : افااا شكلي ما جزت لك ياحلو بس صدقيني بعجبك غالية : اطلع برا مابي اشوفك هنا سعود : ليش رائد أحسن مني في وش ولا فارس اللي ما يندرى وش مسويه له جمعت قوتي بايدي وعطيته كف ، صرخ فيني : يالـ ×××× قرب مني واخذني لحضنه بالقوة حاولت افلت منه ما قدرت صرخت بأعلى صوتي : يــا واطــي يــا حقــييييييير حسيت الباب ينفتح بقوة دخل ما لمحته الا وهو فكه مني شفت سعود طايح على الارض من قوة الضرب انفجرت باكية فارس يصرخ فيه وهو يسدد له ضربات : يا عديم التربية تهجم على بنات الناس وين دينك وين مبادئك سعود وهو يتحاشى الضربات ويحاول يدافع عن نفسه : هه خليتها لك ولا حلال عليك حرام على غيرك سكته بكف و ثاني يبي يطلع حرته فيه .. انفتح الباب رؤى و ياسمين ، كآن وقت بريكهم ! *** كنت واقف في البلكونه بعدما خلصت الشوربه وسمعت نصايح أناظر على جهة المسبح و الحديقة ورا البيت وبالي مشغول كنت افكر تذكرت الموقف اللي صار يوم رحت لعمي في شركته .... دخلت عليه بشكل أشبه ما اكون مجنون كان في اجتماع مغلق ما طول فيه انتظرت حول 10 دقايق او اقل ودخلني سكرتيره عليه .. : عمي سيف ليش سويت كذا فيني ليش دمرتنا ليش ليش ؟ سيف : وش سويت انا و دمرت مين رائد : أنا و غالية و ... دلال انصدم سيف بس ما وضح : اقعد يا رائد ارتاح جلست وكلي اسئلة وحيرة : قولي فهمني اليوم مو طالع من عندك الا وانا عارف السالفة سيف : قلي وش تعرف بالضبط عشان اقدر اتكلم رائد : لا تقعد تلف وتدور علي ولا وربي ما عاد راح تسمع خبر عن غالية وحتى دلال سيف ببرود رجع ظهره على كرسيه : أولا مو انت اللي تهددني فاهم والحين انطق وش تعرف عشان ابين لك .. تكلم رائد : ليش دلال ساكنة ببيتي .. وش تبي فيها عند غالية ؟؟!! سيف : ببساطة عشان اعرف اخبار بنتي و عشان تنقل لي وش يصير بينكم وش تسوي في بنتي وانا اقدر انتقم لها من معاملتك السيئة لها رائد : انت اللي تحدني على السوء لها حتى مافكرت بتعاملك معي تخليني احبها كزوجة لي وش ذنبها وش ذنبي وش ذنب دلال اللي انحرمت ابسط حقوقها واشتغلت عند اختها والاذى الجسدي و النفسي اللي تحصله منك سيف : لا تدخل في امور مالك فيها وعليك في غالية وبس رائد : عمي ما راح اسألك انت وش كثر تحب غالية بس بسألك ليش تحبها هالكثر وليش سويت اللي سويته عشانها ؟ سيف : ما يخصك ويكون في علمك اني ما زوجتك اياها الا وانا واثق انك بتحميها من الدنيا لو انت ضريتها بنفسك رائد : كل هذا حب لغالية ؟ وش مخليك واثق ؟ سيف : الاجابة داخلك انت جاوب نفسك لان انت بنفسك ما تقدر تأذيها و تخاف عليها بعد ولا لك نية تبعد عنها رائد : تحبها ومعيشها بهالشكل على الاقل عرفها على ابوها ومنهم اهلها خل تفرح باقي حياتها 7 شهور وبتصير ام انت واعي وش اللي صاير !! سيف : عارف وعارف اللي انت ما تشوفه وبنتظر الوقت المناسب عشان الخطوة حيل صعبة رائد : لازم تفكر تطلع بناتك من اللي هم فيه لحق عليهم قبل يجي اليوم اللي ما تلقاهم فيه سيف وقف ولف على الشباك : رائد دلال حكت لك ؟ رائد : يا عمي دلال فضلت غالية عليها قالت على الاقل وحده فينا تعيش حياة كريمة ماهمتني نفسي لو اضمن ان غالية و ولدها بيعيشون بسعادة .. عمي سيف بناتك اتقي الله فيهم اذكر اني طلعت من بعدها و جيت للبيت .. بردآن ! *** منظري فوق سعود بكا غالية صدمت رؤى و ياسمين حسستني ببشاعة الموقف ما لقيت الا اني اقوم عنه دخلت في هاللحظة هند ومن يلومها لو تفاجأت هي الأخرى هند بأعلى صوتها : وش فيكم وش صاير ، ناظرت في رؤى وياسمين اللي مبهتات في اماكنهم فارس متلخبط و سعود حالته حالة والادهى الدم ركضت لغالية اللي تبكي بشده وقهر حضنتها تشبثت فيني .. لفيت اناظر حركة سعود اللي كان يمسح الدم من فمه : مانتهينا يا رخيصة ! بعدتني غالية بكل قوتها وصرخت فيه وهي تمسح دمعتها : روح الله لا يسامحك الله لا يسامحك طلع فارس من الغرفة وهو ساحبه معه حاولت اهديها و افهم منها السالفة وهي تزيد في بكاها ومن بين شهقاتها : جاني بـ شَرّ !! كل أنواع التعجب والاستفهام ظهرت علي معقولة وصلت فيه هالمواصيل ؟ رؤى بنفاد صبر : وقفت عليه كل هالمناحة لا تسوين انا الحساسه ياسمين تهديها بهمس : مو وقته رؤى صرخت فيها : الا وقته لمتى بنظل ساكتين وهي مسويه انا الـ ... سكتها كف هند اللي عمرها بيوم ماتوقعته كانت تبكي بشكل هستيري حاولت تهدي نفسها طلعت جوالها يا عمري رحمتها دموعها مو مخليتها تناظر الشاشة زين بعد جهد ، عدلت نبرة صوتها ومسحت دموعها رفعت الجوال على اذنها : رائد ! رائد : هلا غالية : أنا حبيت اخبرك بس اني تعبت شوي برجع البيت رائد : ليش وش صاير غالية : لا مو شر بس ارهاق ظهري يألمني ماتحمل الوقفة بروح ارتاح رائد : طيب وانتبهي على نفسك غالية : خلاص ان شاء الله مع السلامة حطت جوالها بقهر رجعت تبكي وتمسح دموعها وقامت ساهر تحت ينتظرها عدلت نفسها ولبست عبايتها هند : غلو ريحي نفسك مايصير كل هذا يأثر عليك وعلى الجنين اهتمي بحالك عدل غالية : بصير زينة ان شاء الله لا تخافين ناتالي تهتم فيني كأني بنتها هند : اتطمن يعني أومات براسها بايه ومشت .. وقفت شوي عند رؤى : آخر وحده توقعتها تشك بأخلاقي انتِ ، يا رؤى رائد زوجي ! مشت تاركه رؤى بكل انواع الصدمات وقفها صوت هند : غالية لفت بدون ما ترد هند : لا تداومين بينا تلفون غالية : مع السلامة ، طلعت وقفلت الباب وراها ...~ *** هُــمـــوم ! اخذت الكائن اللي معي مدري وش نوعه بصراحة بس الأكيد انه مو انسان ، نزلته للطوارئ وطلعت مكتبي قعدت بزهق ماتوقعت حياة المستشفى تكون كذا بغير المرضى و التعب معها مشاكل بين الممرضين بصراحة قرف ومشاكل اخلاقية بعد سعود هذا من يومي ما اطيقه الله يصلحه يحسب كل الناس منحرفة مثله مر علي الوقت وانا مستغرق في تفكيري انتبهت للساعة .. كانت نهاية الدوام ..~ *** دخلت البيت ناتالي لاحظت انهياري تعودت منها الحنان اخذتني لحضنها الشي الوحيد اللي اقدر اسويه ابكي وافرغ كل طاقة بكاي في حضنها ما تسألني ولا حاولت طول ما انا ما اقول لها بس اليوم حسيت اني ابي احكي لها : ناتالي ناتالي تناظرني بنظرة غريبة كأن اللي وراها شي مآهتميت اللي فيني اكبر : تعالي بحكي معك جلست بقربها وقلت بكل الحنان اللي عندي : احكي بس لا ترهقين عمرك عشانك وعشان البيبي مو زين لك غالية بدت تحكي وتوقف تمسح دموعها وقلب دلال يتقطع لحال اختها اللي ما ذاقت الفرح و الراحة مثل الناس ناتالي : قومي حبيبتي ارتاحي بغرفتك وبجيب لك شي خفيف تآكلينه غالية : لا مابي مو مشتهية ناتالي : مو لازم اعلمك انتِ ممرضة وادرى مني لازم تاكلين بجيب لك تفاحه غالية : حسيتك ممرضتي تغيرت ملامح ناتالي و كانت بتقوم حسيت فيها شديت على ايدها : صدقيني انتِ اختي اللي ما جابتها امي ابتسمت وقربت حيل مني ... ضمتني ..~ *** بعد صلاة العشاء كنت قاعد بغرفتي .. طفشآن حالتي حالة طق علي باب الغرفة : تفضل دخلت بخفه : اعتذر فارس بس العشاء جاهز فارس : ان شاء الله اسبيقني بلحق عليك شروق : لا ما فيه الحين فارس : خلاص عاد شروق قلت لك بلحق عليك شروق : no ، رجلي على رجلك ننزل سوا بصراحه مالي نفس عشاء : بجي معك بس شويات شروق تقعد مقابله : وهذي جلسة خلص شوياتك و ننزل سوا ابتسمت في داخلي يا ربي وش كثر هالبنت نعومة وذوق ومرحه ياحظه اللي بياخذها امه داعية له شروق : ليش تتأملني يلا اخلص علي ترى العشاء انا سويته اليوم فارس : بجد طيب روحي لا يخلص عليك تعرفين اخوانك مهبل مفاجيع شروق بتفكير : فارس وش شاغلك علمني ؟ فارس : موضوع اختنا المفقودة شروق وقفت : لا تخآف فيه الله سبحانه بيظهرها لو بعد حين فارس : آمين *** من بعد ذاك اليوم رائد عرف وش صار في المستشفى ما خلاني اروح بس هند صارت تتواصل معي قالت لي إن سعود ما عاد ينشاف لانه راح قسم العناية المركزة ومحجرين عليه ما يطلع صارت علاقتي فيها جدا حلوة وتتطور تدق علي تطمن تسأل عن حالي اشتقت لها ودي اعرض عليها تجيني البيت بس اخاف اطرح الفكرة على رائد على طاريه قال من حوالي اسبوع تجهزي فيه ضيوف بيزورنا بالبيت بس مدري بالضبط متى ومضى الاسبوع و انا انتظر فرحانه ياعالم بطني برز شوي اشوفه بكره موعدي عندي دكتورتي اتفقت مع ناتالي بس ادخل الشهر السابع نروح نتقضى له ياعمري ناتالي فرحانه لي تقولون ولدها الله يقدرني اردها لها بعض اللي تسويه لي رائد ما صار يحكي مع ناتالي و لايأمرها بشي بعكس اول حتى اول كنت اشوف نظراتهم لبعض عدم ارتياح ، انا لاحظت فيه تغيير بسيط بشخصيته بس لاحظت تغير كبير مع ناتالي ما علي منه اهم شي بدت تتحسن اخلاقه في البيت اتوقع هذا نضج لأنه بيصير أب فديته .. رن جوآلي رديت : غالية تجهزي نص ساعة بجي معي الضيوف اللي قلت لك عنهم غالية : طيب كم عددهم رائد : ما عليك أنا متكلف بكل شي بيوصل من بره استقبليهم عدل هذا الاهم غالية : طيب رائد : صح وخلي ناتالي معك أنا يمكن اتأخر في الوصول عنهم غالية : ان شاء الله اهم شي انتبه لنفسك قفل مني ، قمت أتجهز ..~ *** هنادي : يمه ورا ما نسآفر صرنا ربيع و الناس معطلين دانية : الله و العطلة كلها اسبوع معاذ : احمدي ربك ولا تدرسين اربع شهور صف واحد دانية : مايخصك معاذ : يمه حاكي ابوي نبي نسافر كلّنا "شد على كلمة كلنا" أم فارس : ابوك قال انت ما تروح ولا مكان وتستاهل معاذ بضجر : يـــمــــه دانية تضحك عليه : احسن دخلت شروق : السلام عليكم الكل : وعليكم السلام .. جلست معها كوب حليب بالفراولة تشربه معاذ : وانتِ مثل الاطفال حليب فراولة ؟ أم فارس : وانت وش عليك من بنيتي ؟ دانية : يمه ما تعرفينه ما يقدر يمسك نفسه شوي شروق : اسم الله علي حلال ابوي مو حلالك أم فارس : شروق يمه وش الغداء اليوم ؟ شروق : اممم مفاجأة دآم وليد بيوصل بعد شوي لا تخافون بيعجبكم دانية : ايه الحب و الدلع حق وليد بس ولا غيره مافيه شروق : لا و انت الصادقه الحب للكل لوليد ولغيره هنادي : ما شفنا هالغيره من ؟ اعطي امثله شروق : ليش يعني أنا طآبخه صحن بس لوليد وسآحبه عليكم معاذ : تسوينها خبز ايدي ام فارس : يلا عاد احمدوا ربكم عندكم ان هالاخت صدق ما تستحون هنادي : يمه متى بالضبط بيوصل وليد ؟ معاذ : ان شاء الله وحده ونص بيوصل المطار دانية : من بيستقبله ؟ شروق : فارس دانية بسرعة : لا لا وش رايكم نروح نستقبله حنا معاذ : ايه يمه تكفين خل نستقبله ام فارس : لا اخوكم بيجيبه هنادي : يعني بيجي العصر شروق : ايه يمه تكفين خليهم يروحون حرام يقعد كل هالوقت ام فارس : خلاص بكلم فارس اشوف شوره .. طلعت وخلتهم دانية : يا رب توافق يا رب هنادي : وش كل ذا حب لوليد و لا الطلعه ؟ معاذ : هنادي بلاك ما جربتي الحبسة وقسم بيطلع لي نخل رجعت ام فارس : خلاص بتروحون بس انتبهوا على انفسكم معاذ و دانية يطامرون و يحضنون بعض : وه فديتك مآمتي طلعوا مسرعين يبدلون أم فارس و بناتها يضحكون : الله يكملهم بالعقل ...~ . . . . تم الجزء الحادي عشر | |||||||||
|
| |
|
24-10-13, 12:25 PM
| #14 | |||||||||
| نجم روايتي ومشرفة سابقة وفراشة متالقة بعالم الازياء
| الجزء الثاني عشر ~ ﯾآ ق̮ـ̃لب لآ ﭠق̮ـ̃سـ? ﭠگـﭬـ? تجهزت انتظر الضيوف لبست بنطلون جينز أسود مع بلوزة حرير واسعة ملونه مابين اصفر و اخضر فاتح وخطوط رفيعة اسود فليت شعري اللي جعدته حطيت عليه طوق بورده كبيرة و اكتفيت بقلوس لشفايفي بس .. ما اشغلت بالي في التفكير جاتني ناتالي في الصالة قالت لي الضيوف وصلوا قمت وقفت وهي راحت تفتح الباب عشان يدخلون دخل رائد بالاول وقف بعيد عني تعجبت منه : رائد انت جيت ما نطق ظل يناظرني و ناتالي واقفة ماسكه الباب وهو مفتوح معناه فيه احد بيدخل قربت من رائد وفجأة دخل شخص ، صرت اناظر في الشخص ما جا في بالي اي تفسير ناظرته ناظرت رائد ناظرت ناتالي وكأنهم اللي يتحاشون بنظرهم عني ؛ من هذا ؟؟ رائد : حيآك يا عم تفضل قفلت ناتالي الباب ، : السلام عليكم ناتالي رائد : وعليكم السلام أنا لازلت بصدمتي اللي اشتدت علي يوم نطق رائد : أعرفك سيف بن عبدالعزيز ............ أبوك يا غالية حست بسكاكين تغرس في بطني مو قادرة اوقف اكثر انحيت ورفعت راسي لرائد : وش تقول انت !! نزلت دموعي بدون لا احس : ابوي ؟ سيف : غالية أنا ابوك صرخت فيهم : لا تكذب علي انا ماعندي اب رائد ليش تسوي فيني كذا ليش انهرت طحت على الارض موجوعة ومنهاره وكل شي قاعده ابكي بهستريا قربت مني ناتالي رفعتني على الكرسي وانا لازلت ابكي جابت لي كوب مويه هدتني : بس خلاص عشان البيبي ما يتحمل منك الزعل صرخت فيها : شلون تبيني اهدى شلون ما نطقت ظلت تتأملني رائد بعد عني بينما هالشخص يناظرني بنظرات عجزت افهمها بعد دقايق صمت مرت كأنها ساعات .. رائد : تفضل عمي ، دخلنا كلنا الصالة الداخلية المرتفعه بدرجتين قبل لا يجلس همس لي : ما راح تسلمين على ابوك رفعت راسي ناظرته : توك تعرف انك ابوي وينك عني من زمان ليش توك تعرف انك ابوي وينك وينك ؟ سيف بهدوء : أنا جاي اعلمك كل شي اتمنى تسامحيني انا قسيت عليك وعذبتك بعد بس كله غصب علي يوم كان تركي لامك صدقيني اني تركتكم بجسدي بس روحي وقلبي وعقلي معكم كنت البي طلباتها وطلباتك مابغيتكم تحتاجون احد ، جيت لك يوم زوجتك لرائد اللي بعدك عني ولا قام يوصل لي اخبارك قلبي انفطر عليك اضطريت اجيب ناتالي عفوا اختك دلال ! فتحت عيوني : ناتالي ... دلال ... اختي... أنا عندي اخت !! رائد : غالية ناتالي اسمها دلال وهي اختك بنت ابوك الكبيرة حسيتني باطيح منهاره ثبتني رائد ناظرته ولفيت نظري لـ .. سيف و ناظرتها ناظرتني بترقب تشوف ردة فعلي ثم نزلت عينها غالية : ناتالي انتِ دلال وتصيرين اختي ؟ ما رفعت راسها و جهها صاير احمر رحت لها رفعت راسها : احكي انت اختي احكي رفعت راسها تناظر فيه عيونها غرقانة بالدموع صوتها اقرب لهمس هادئ : why you did it with me " ليش سويت فيني كذا ليش " سيف : خلاص كافي ماعدت اتحمل غالية تبكي : انا اللي مافيني اتحمل وش قاعد يصير وش كل هذا ؟ رائد : اهدي غالية الله يخليك شوي بس جابت لي مويه وشربتني : سامحيني غالية مابيدي شي سيف : غالية سامحي اختك هي مالها ذنب أنتم خوات الله يخليكم لبعض انا بنسحب من حياتكم ، لف على رائد : أمنتك الله ببناتي لا تضيعهم مثلي .... لف يطلع من البيت واضح فيه الانكسار أنا عشت معه فترة وكنت اشوفه باجازاتي طول عمره قوي صلب مايهزه شي حتى يوم تضررت شركته بالبرازيل بسبب نواف ما انكسر كذا ولا حتى اهتز .... أول مرة في حياتي قلبي يقسى .. و على أبوي !!! *** الساعة 2:50 تأخرت المفروض من قبل اكون بالبيت ادري تأخرت على الغدا بس مو بايدي اضطريت ادخل بمريضة لجراحه العملية انتهت بنجاح بعدما تطمنت على المريضة انها بصحة واستقرت حالتها طلعت بروح البيت ... نص ساعة كانت تكفي اني ادخل البيت بعدها بسلامة ، فديتها شروق ما رضت احد يتغدا حتى وليد وابوي صبرته بخفايف تعرفون مرضى السكري كانت تنتظرني وقفت يوم شافتني : هلا وغلا ابوي فارس : هلا بك آسف تأخرت عليكم نزل معاذ ناوي لي بهواش لاني سبب جوعهم خصوصا ان الاكل طبخ شروق لا يعلى عليه وسمع الكل منه بوصولي نزلوا للغدا ... معاذ برفعة حاجب : أخيراً سيد فارس كنت ماجيت بعد ابتسمت له : وش اسوي عاد عملية طارئه دانية : وليش ماخليتنا نتغدا جوعانين كله منك شروق : معاذ دانية خلاص عاد فارس حبيبي روح بدل و اغسل و تعال ننتظرك دانية سكتت بينما معاذ بقهر: لا وش رايك روحي جهزي اوضاعه بعد مسكين يمكن مايعرف يبدل و يغسل بنفسه وليد : معاذ لم لسانك كلنا جوعانين على الاقل انا واصل من السفر انت وش سويت فارس : شفت كيف ! وليد : بزران و يظلون بزران نزلت هنادي بركض وهي اللي كانت سامعة كلامنا من قبل : فويرس وجع مت جووع و المشكلة الاكل يشهي ريحته واصله آخر الشارع فارس : هههههههه آسف والله آسف بس دخلت جراحه عاجلة وليد : الحمد لله على السلامة يلا عاد لا تطولونها دانية : ايه بسرعه امي و ابوي ينتظروون في السفرة ...~ *** طلعت من المستشفى على طول للمطار استقبل امي فرحتي مو مصدقة انها خلاص بتعيش معي في الرياض في شقتنا .. كنا في طريقنا للبيت أم رؤى : كيفك يمه وش مسويه بدنياك رؤى : بخير يمه بخير من شفتك نسيت كل اللي راح أم رؤى : الله يخليك لي يا يمه كنت اتمنى ترجعين الطائف اهون من القعده هنا رؤى : يمه خلاص انسي ما راح يوصلون لنا يكفي وضعنا بعدين ماعندنا شي نخسره بعد شوفة عينك كل اللي عندي راتبي و ما ينتهي الشهر الا وهو مخلص قبله أم رؤى : الله كريم يا بنتي الله كريم بيفتحها بوجهك يوم ويفرجها عليك رؤى : آمين ايه يمه هذا اللي نبيه بس دعوآتك ورضاك عآد فلتها امي ما صدقت خبر : يا جعلني اشوفك مع ولد الحلال على كوشتك و اشوف بناتك وعيالك يا رب ابتسمت لها لفيت وجهي جهة الشباك تذكرت رائد .. و غالية ! ..~ *** ?َ?ّــۆ .... آخـﯾ ! بعد صلاة المغرب كنت نازلة بروح السوق ملكتي نهاية هالاسبوع طبعا اخذت اذن بابا ، كان متعب طالع باتجاه الدرج مريت من جنبه ولا كلمته انا ماختلط فيهم كثير بعكس رهف لانها فرضت نفسها علي متعب بحده : ما تسلمين ولا تسألين ؟ ياسمين : كيف حالك متعب : بعد وش .. ياسمين : آسفة ،، جيت بروح مسك ايدي استغربت حركته : ياسمين انا آسف على ذاك اليوم واني جبرتـ ... قطعت كلامه و انا ابوس راسه : ادري انك تبي مصلحتي تفاجأ من حركتي و بصراحة حتى انا تفاجأت من نفسي متعب : راضية علي ما زعلتي ياسمين : متعب انت اخوي و مهما صار ما ترضالي الا اني اكون سعيدة وانا واثقة من اختيارك لي ابتسم بوجهي : معناه اقدر اوديك للسوق رديت له الابتسامة : لا تتعب عمرك بيوصلني السواق نزلت رهف مسرعه كثير لدرجة انها طاحت على متعب اللي فقد توازنه و طاح رفعها و قام : وش ذا حشى قبيلة مو وحده خفي اكل و خفي طفاقه بغيتي تذبحيني انحرجت كثير : امممم متعب ما شفتك معليش خرب لي شعري : دبه فديتك كنت اناظرهم لاحظت في متعب حنان ماقد شفته لانه دايم معصب و برا البيت ماعرفه زين حتى يشبه ابوي خالد في طريقة كلامه لفت لي رهف : سوس بجي معك كويس ما طلعتي ياسمين : طيب جيبي عبايتك متعب : بسرعة ولا بنرووح نخليك ياسمين : متعب لا تتـ .. متعب : اشششش مالك شغل بوصلكم وبتسوق معكم لازم اكشخ في ملكة اختي يمكن القى لي عرووس ما تدرين ضحكنا من كلامه طلعت رهف ركض فديتها على خفتها وحركتها ما تنحف ... مدري وش السبب ! *** حبست عمري بغرفتي .. لا رائد ولا ناتالي ، عفوا دلال قدروا يغيرون رأيي كنت محتاجه لهالوحده ابكي فرغت طاقتي بالبكاء ما قدرت اسامحه ولا قدرت انسى الم ودمعة ماما عشانه واصلا هو ليش سوا فينا كذا رائد كان يقول لي لا تفتحتين على نفسك ابواب وتبين تعرفين كل شي يقول يمكن ابوك بعذره يوم سوا كذا وش عذره يا رائد وش عذره يوم ترك جنين ببطن امه ؟! ودلال مو قادرة اسامحها ليش هي بعد خدعتني كانت معي طول الوقت 6 سنوات ما حكت ولا تكلمت ، تذكرت يوم اني سمعتها تحكي عربي بالليل في غرفتها فتحت الباب طلعت بخفه لقيت دلال محزنه .. ورائد عابس بجنبها ~ *** مّنٌ أٌرٌوً6ـ أًيَأَمَيّ مُعّ أِخُوّتُيّ ؛! الساعة 10 يالله خلصنا تسوق بس باقي رهف تبي شوز وانتو بكرامه رحلة ممتعه جميلة ولا رحلات تسوقي مع هند و رؤى فقدتهم البشعات .. دخلنا آخر محل لنا اليوم متعب : فوفا ها جا مقاسك ؟ رهف : اممم خليه يعطيني 38 متعب : لا بجيب 40 رهف بعصبية : اقولك 38 انا اعرف مقاسي متعب يتمسخر : ايه بدليل بدينا من 36 اعترفي رجلك دبيه مثلك رهف بمرح يخفي ألمها : مآلت كاشفني جيب 40 متعب : كان من بدري بلا هالحوسه دوختينا و دوختي الرجال رهف : يووه ميتوو خلاص لا تقعدلي على الحركة وش دراك يممكن يدخل في رجلي متعب : كذا سبحان الله بدون لا تنسمين ولا شي رهف : ايه بعدين يا زيني من دبيه متعب : فديتك يا روحي احلى دبية بس لاتكثري علينا هالحركات وتصيرين الاجمل على الاطلاق كنت واقفة اناظرهم ابتسمت على كلامهم سوا رهف بجد مرحه و فرفوشه صح جمالها مو بذاك الزود و دبية بس تعرف تحلي عمرها و جاذبه الناس لها بعكس شذى رغم جمالها متكبرة و شايفه عمره منفرة الناس من حولها متعب ماتوقعته ابد بهالاخلاق و هالروح شفته كذا مرة اختلف مع امه بس اللي اعرفه انه شديد ولا يقعد في البيت وبصراحة حقدت عليه يوم جا يغصبني انزل للرجال انهينا التسوق و تعشينا في مطاعم السوق ، ورجعنا للبيت *** خلصنا عشاء خلاص قمت الم الصحون و خالتي ام رؤى تساعدني هند : خلاص خالتي ارتاحي انا بلمها ام رؤى : خليني اساعدك يا بنتي هند : لا خالتي تكفين عشان خاطري اقعدي انا متعودة على حوسة البنات ام رؤى : لا تتعبين هند : مو تعب كلها صحنين و كم ملعقة ام رؤى : الله يحفظك يايمه و يعطيك القوة قامت راحت لبنتها في الغرفة كانت سرحانه و واضح عليها الحزن : رؤى يمه ماكليتي شي وراك وش اللي صاير معك رؤى : مو مشتهية يمه أم رؤى : فيك شي احكي لي رؤى : يمه مافيني بس ضايق صدري على حالة عندي في القسم ام رؤى : الله يشفيه قامت طلعت متكدرة على بنتها .. رؤى كان شاغل بالها غالية و ظلمها لها من كم يوم بس عرفت الحقيقة ولا قدرت توصل لها عشان تعتذر منها وبعد حزينة لان الوحيد اللي خفق قلبها له .. مو لها . . . . . تم الجزء الثاني عشر | |||||||||
|
| |
|
24-10-13, 12:26 PM
| #15 | |||||||||
| نجم روايتي ومشرفة سابقة وفراشة متالقة بعالم الازياء
| الجزء الثالث عشر ~ ص̶ب̐ــإ̃פ̲ـيٓ م̉ع̲ـ?̯ـم̲ ! قمت بنشاط ومرح اليوم عندي امتحان مستعده له من كم يوم اكيد هذا ميد تيرم مو لعب نزلت أجهز لهم الفطور ادري فيهم كل من يقوم على دوامه وبتقوم حرب لو لوليتا ملخبطة لهم في الاصناف بعضهم سبحان الله يصيرون نباتيين على الصبح سلمت على امي : كيفتس يمه اليوم ام فارس : بخير طولما انا شايفتس بخير شروق: جعلني ما ابكيتس حبيت على راسها ام فارس : الله يرضى عليتس و اشوفتس معرسه وحولتس بنين و بنات انحرجت كثير من دعوتها قلت بدلع : يمااااه تبين تخلصين مني ام فارس : افااا من يقوله شروق : يمه لاحقه الحين زوجي فارس و وليد و هنادي لاحقة علي ام فارس : الله يبلغني فيكم يا رب قمت بروح للمطبخ : يمه بروح اجهز البوفيه تعرفين بعد شوي كل من بيقوم و بتبدأ حرب ادري فيهم ام فارس : عساتس على القوة يمه نزلت مع الدرج لقيت شروق رايحه باتجاه المطبخ : صبح صبح يا قمييييييييل رمت لي بوسه على الهوا : صباحك سكر يا سكر ابوي دخل من الباب راجع من المسجد معه الشباب : اسمع ناس تتغزل على الصبح في بيتي ضحكت وانا ابوس راسه : وانا اقدر يا حلو الا اني اتغزل فيك معاذ : ايه اسطوانه المصلحة اطلبي وش تبين بسرعة فارس : يالله صباح خير ام فارس : دآم الكل مجتمع لا تتعبون اختكم رايحه تجهز لكم بوفيه افطار وليد : فديتك يا شروق يا بعد عمري معاذ : وش دراك انها شروق وليد : من بتطلع يعني دام هنادي قدامك دانية مثلا ؟! معاذ : بعيد الشر بس ما تدري ممكن تكبر فجأة فارس : صدقني معاذووه دانية ما بتكبر فجأة الا يوم انت تكبر فجأة ابو فارس يضحك : مدري متى بيعقل هالولد معاذ : قلت لك تبيني اعقل ، زوجني هنادي : يمه وش كنتِ تتوحمين فيه وانت حامل فيه ام فارس : والله علمي من علمتس يمه كلكم نفس الوحام الا فارس فارس بابتسامة : وآضحه يمه ما يحتاج أنا الكبير و الوسيم و الانيق و الدكتوور و ... وليد : بس بس بس أكلت الجو علينا ابو فارس : عيالي كلهم وسيمين ! معاذ : وشهد شاهد من اهلها جات شروق ودخلت وراها دانية : السلام عليكم الكل : وعليكم السلام شروق : خلاص احط سفرة مو بوفيه ابو فارس : ايه يا يبه بنفطر سوا اليوم دام الكل موجود شروق : على امرك يبه دانية صوتها تضخم من النووم : معاذ رسمت لي الخريطة ؟ معاذ : بسم الله انتِ بنت ولا ولد دانية: وش شايف ان شاء الله معاذ : والله اللوك بنت بس الصوت ولد دانية بدلع : مآمي شوفيه أم فارس : خل اختك في حالها معاذ : هذا جزاي راسم لها خريطة الجغرافيا دولة تنزانيا بدقه متناهيـ ... وليد : بس عاد ما صارت تذلها على رسمه معاذ مد بوزه : طيب بسكت دانية : هنودي صباحوو هنادي : صباح القشطة فارس : الله يالدنيا من بين هالحضور مافي الا يقلد صوتها " هنودي صباحوو " ؟؟ دانية : صباحوو كلكم ابو فارس يضحك : شكلكم مطولين ما وراكم دوامات ؟ دخلت شروق على كلمته : السفرة جاهزة ، قآم الكل بيفطرون ويفترقوون ..~ *** لك غلاوة .. ماهي لغيرك من الناس لوهي غيوم ... هزت الدنيا برعدها ما قدرت أنام الليل بس قدرت آخذ لي غفوة بسيطة بعد الفجر طلعت احسني جوعانه مآبي اللي صار يأثر على ولدي حبيبي ، نزلت الصالة لقيت دلال قاعده وقفت : غالية وقفت بدون ما الف عليها و لاتكلمت : ... قربت مني وحسيتها متردده باللي تبي تقوله : أنا آســ ـفه سامحيـ ... قلت وعيوني غرقانة بالدموع : ليش سويتي فيني كذا ؟ ليش ما علمتيني ليش ؟ حمر و جهها و لمعت عيونها تستعد لنزول دمعه : غالية أنا مجبورة ومضطرة ماكنت ابي لا انا ولا انتي اني اعيش هالموقف بس هذا فوق طاقتي ، غالية كل اللي صار معك صار لي انا بعد عشت بعذاب و تعارضت رغباتي وسكت غصب عني هذا سيف عبد العزيز ما تعرفينه ولا عمرك بتعرفيه ! غالية : ليش مو انتِ بنته ما يحق لك تتكلمين دلال : السالفة غير عن اللي انتِ متوقعة غالية : مو قادرة اتخيل انه فيه شي بالدنيا ممكن يخلي هالحواجز بين اب و بناته ! دلال : قصة هو الوحيد ممكن يفهمنا اياه سكت ماعندي شي اقوله قلبي مو راضي عليه مو قادرة اشوفه ! دلال بحنان : غالية اليوم موعدك ما بتطمنين على ولدك ؟ غالية بحزن : ما كفاني الحزن و العذاب من ابوه يطلع لي جده بعده دلال : هونيها وتهون ، شوفيني عايشه قدامك وانا اللي فقدت زوجي و ولدي لا تسوين مثلي غالية مصدومة : وشو ؟! دلال تحاول تخفي حزنها : لا تهتمين ماضي نسيته غالية : مو قصدي اذكرك و ... قطعت عليها حكيها وهي تحكي بمرح : يلا لا نتأخر على الموعد ، بشوف ولدي كيفه رحت لها حضنتها قبلت راسها بصمت ، مشيت من عندها .. *** المستشفى صاير كئيب بس مهون علينا وجود ياسر بروحه الملقووفة المرحه لقيته واقف عند اللفت : ها ياسر وش عندك تضحك ياسر : لا ابد بس روحي شوفي يزيد و سعود رؤى : وش فيهم ؟! ياسر : متورطين مع الدكتور لويس احسن يستاهلون رؤى : هههههههه من جدك لويس ياسر : ايه انا انحشت لا يضمني للقائمة مالي شغل الزم ما علي نفسي رؤى : ياسر تكفى تعال معي لويس لو شافني لحالي بيهاوشني عشان تقرير حالة قدمته له رودي ناقص ياسر : لا اسمعي بتهزأ عشانك مستحيل لو انك ليلى بعد عيني ممكن فهيت : وش جاب طاريها الحين رجع شعره على ورا وو ابتسم بخبث : ليش تغارين ! شهقت و فتحت عيني على آخرها : وليش ان شاء الله ياسر : لا بس كنت ملاحظ نظراتك لي ولا تحسبين اني مانتبهت يوم ما باركتي لي ادري كانت عينك علي بلهت اناظره لثوآني ثم انفجرت ضحك : من جدك ياسر هههههههههه ماتوقعت مهبوول لذي الدرجة ياسر بحرج : ليه طيب وش فيني مآني قد المقام ولا مو رائد اللي خاقين عنده تراي اعرف حركاتكم وسمعت كلامكم عنه واصلا كل شي في المستشفى اعرف عنه كشرت بوجهه : مالت عليك وخر من وجهي بروح لحالي لا تمن علي ياسر : أحسن ومشى خلاني وهو يضحك طلبت المصعد وأنا أفكر في رائد وطرت علي غالية ! طَ̲مُ̲نً̲ﯾَ̃ يَّآ̲ دَ̲ﮚ̷تَ̲ﯙ̷ً̲رٌِ كنا قاعدين على الكراسي في الممر ننتظر دوري للدخول قبله كنت معطيه تحاليل دم و بول ( تكرمون ) دلال تربت على كتفي و تناظرني وكأنها تطمني طلعت الممرضة : غالية أحمد دلال وقفت : يلا غالية دورك دخلنا على الدكتورة : السلام عليكم الدكتورة : وعليكم السلام تفضلوا وين المراجعه ؟ غالية : أنا غالية رفعت الدكتورة اوراقي ونتايج تحاليلي من الملف : انتِ ما سويتي Ultrasound ( أشعة فوق صوتية ) غالية : لا اليوم جايينك عشان نشوف البيبي رجعت عينها على الاوراق ثم رفعت راسها : بس انتِ في الشهر الثاني تونا على التحديد دلال : لا تقصد صحه الجنين بغض النظر عن نوعه الدكتورة : طيب شويات راجعه طلعت الدكتورة وانا الف لدلال متوترة : دلال خايفة كثير دلال : وبعدين غلاي لا تصيرين طفلة غالية دمعت :............... دلال : وبعدين غالية ؟؟؟؟ مسحت دمعتي و دخلت الدكتورة : تفضلي معي للغرفة الثانية طالعت في دلال : قومي معي مو رايحه لحالي قامت على حيلها : يلا قدامي رقدت على السرير ساعدتني دلال وحطت الجل اسفل بطني بدت الدكتورة تمرر الجهاز علي وظهرت على الشاشة صورة صغيرة .. واضح انه النونو انا ما كنت اشوفه بوضوح لاحظت ان دلال تغيرت ملامحها و بعد الدكتورة حسيت بشي لان دلال تفهم في النساء و الولادة وكنت دوم اشوفها تقرا كتب و تشوف افلام في هالمجال قلت بفزع : دكتورة وش فيه ولدي فيه شي ؟! الدكتورة : بسبقكم للمكتب وقامت طالعه لفيت لدلال : دلال تكفين تكلمي فيه شي ولدي دلال تتصنع ابتسامة : خلاص حياتي الحين بنروح نشوف الدكتورة مشت غالية قبلي دخلت للدكتورة وقعدت : دكتورة ولدي فيه شي سكتت شوي ثم تكلمت وهي تناظر صورة الجنين : ما اقدر اخبي عليك في هالموضوع لازم تهتمين اكثر بنفسك و تحافظين عليها انتِ روحين مو وحده غالية علا صوتها : دكتورة وش صاير الدكتورة : عندك بداية اجهاض غالية : كيف يعني ؟ الدكتورة : ما راح اقولك تطمني ولا اقولك خافي بس لازم تنتبهين على نفسك وانفعالاتك اكثر عندك بداية اجهاض والحمل لازم يثبت وترتاحين راحه تامه لان مو من صالحك لو فقدتي الجنين ولا نسين ان حملك عزيز ! دلال : عزيز !! الدكتورة : انتِ حملتي من قبل ؟ غالية : لآ الدكتورة : وكم لك متزوجة ؟ ناظرت دلال بتوتر ولفيت للدكتورة : 11 سنة الدكتورة : استخدمتي موانع ؟ غالية : لا الدكتورة : عشان كذا اقولك لازم تحافظين عليه لانه لو راح مدري متى بتحملين بعده دلال : دكتورة كيف مستوى الخطورة الحين عليها و على الجنين الدكتورة : على الام مافي خطر ولله الحمد بس الجنين في خطر عشان كذا لازم تاخذ قدر كافي من الراحة وياليت لو تتمد 90 % من يومها على ظهرها وتقلل الحركة وتبعد عن الانفعال دلال : مشكورة دكتورة يعطيك العافية الدكتورة : هلا حبيبتي انا بالخدمة ، بعد اسبوعين اشوفك عشان اقيم حالة الجنين غالية : ان شاء الله طلعنا من عندها و انا قلبي يتقطع على ولدي اللي بيروح من بين يديني ... "" الحمل العزيز للي ماتعرفه : هو الحمل اللي يصير بعد مده طويلة من الزواج او حتى يكون فيه فرق وآضح بالعمر بين الابناء وتكون الام سليمة و الاب سليم ولا تم استخدام أي موانع للحمل "" *** مرت اسبوعين ما فيها جديد .. غالية واضح سامحتني ابوي ما قام يدق علي رائد اختفى ما قمنا نشوفه وهذي حياتنا بالروتين .. طفل غالية كأنه تحسن الدكتورة لازالت على توصياتها و بصراحة نفس الدكتورة مو عاجبتني ودي اغير المستشفى بكبره و الدكتورة لازم اعطي غالية خبر لاتزعل صايرة حساسة هاليومين ... *** فهد ( ابو سعد ) : عشاء بسيط في بيتهم سيف : وليش ما تفرحها ؟ فهد : ودي بس هي رافضة ما ودي اضغط عليها عطيتها تكاليف الحفل سيف : ومتى العشاء ان شاء الله فهد : يوم الجمعة الرحلة ، قبله بنسوي العشاء سيف : ما شاء الله على البركة فهد : يبارك فيك عقبالك سيف : لا يخليك لي ، أنا مو وجه زواج فهد : وليه ان شاء الله سيف : ودك تدعيلي ادعي لبناتي غيره لا فهد : الله يحفظهم لك , الا وش صار على غالية سيف : من رفضتني ماعرفت لها خبر حتى دلال ماعدت شفتها فهد : الله يكون بعونك عاد انت حاول تلين قلبها و تكسبها لا تخليها كذا مصيرها تفهم كل شي سيف : ادري بس انا بعد غلطان و اكبر غلطان مالي وجه اقابلها ثاني فهد : لا بتروح ولو اضطر الامر ، انا بوديك لها بنفسي سيف مو عارف وش يقول لآنه ببساطة عاش التشتت اللي يعيشه دوم في مسألة تتعلق ببنت قلبه غالية ! / \ / \ على الغداء اليوم كنا جالسين الكل ساكت وشكله سرحان بعآلم ثآني قطع سكوتنا وهو يحكي : زواجي بيكون الأربعاء حفلة جداً مختصرة و إللي يبي يحضر حياه الله و الله ما بيبي عزيز و غالي تعرفون كلكم أولاد قلبي كنا نناظر في بعض تكلم سعد : ألف مبروك يبه رائد : أكيد بنحضر يالغالي كنت ساكته ما علقت بشي ساره باركت لأبوي بعد لين : بتسكن معنا ؟ أبو سعد : إحتراماً لكم و عشان تآخذون راحتكم و تاخذ راحتها لآ لين : الحمد لله قامت من على السفرة و لاحد حاول يمنعها أبوي يعرف بحساسيتها كثير ساره تلطف الجو : معقول بيصير عندكم أخ أصغر من عيالي رفعت عيني أناظرها لاشعوري ثم ضحكت بصوت عالي الجازي مبتسمة من عفوية ساره المنحرجه من ضِحكت رائد : اللي مكتوب بينشاف حسيت أبوي تطمن من كلمة الجازي و ابتسامتها تذكرت غالية وحملها من أمس مدري عنها ' لو تدرون إنه كم شهر بس و أصير أب ما تصدقون ' سعد : يبه وين مسافر شهر العسل ؟ ابو سعد : ما راح اطول اسبوعين بس وراجع بنروح النمسا و جنوب افريقيا سعد : يووه يبه لا تخليني أتهور و اروح معكم ودي اسوي مغامرة بداخل ادغال افريقيا بس بعض الناس مو راضيين ابو سعد : جرب حظك قال يبي يجي معنا رائد : هههههههههههه فك نفسك أبو فواز سعد : شكله مآيمدي الجازي : اخواني مهبل ساره بهمس : توك تدرين الجازي بعفوية : اسم الله عليهم سعد يضحك : مجنونة وهبلة وكل شي حسيتها منحرجة وبتغير السالفة : ساره وين عيالك سارة بانزعاج : الله اكبر عيالي كلهم اثنين قالت عيالي رائد : الحين فواز كم عمره ؟ سعد : سبع سنوات و عبد الإله 4 سنوات رائد : ما شاء الله ، وسرح بفكره بعيد شوي !! الجازي : الله يخليهم لكم الكل : آمين *** ملكتي تأجلت لان بابا كان عنده شغل و ضغط الفترة الماضية مو مكلة تأجلت بس اسبوعين .. زين لي حتى جهزت نفسي كويس يالله مو مصدقة بكرة ملكتي بكرة بس بصير حرم فؤاد ...... . . . . . تم الجزء الثالث عشر | |||||||||
|
| |
|
24-10-13, 12:29 PM
| #16 | |||||||||
| نجم روايتي ومشرفة سابقة وفراشة متالقة بعالم الازياء
| يوم حفل الملكة ~ من قال ان الحب في لحظه يضيعـ من قال ان الورد يذبل في الربيعـ دام الامل باقي برغبه واقتناعـ ماجفت اوراقي ولا اهتز الشراعـ اليوم يوم ملكتي كنت أبيها عائلية بس بابا يبي يفرح فيني يلا ما علينا اهم شي املك واخلص فايزة لو ودها ماتزوجت بس الحمدلله مو بايدها أبوي كان فرحان كثير لأن اللي فهمته مؤخراً إن أبو ناصر يصير صديق أبووي و يشتغل معه بعد ، دخلت علي رهف : أنتِ قاعده للحين قومي وريني طولك سوي أي شي ياسمين : طيب بقوم لا تنفخين رهف : متى الكوافيرة توصل مو كأنها تأخرت ياسمين : لا هي قالت بتتأخر شوي بتجي الساعة 6 رهف : الساعة 6 ليه وقتها تلقين حتى المعازيم مخلصين قبلنا ياسمين : يمدي إن شاء الله إلا صديقاتك متى بيجون ؟ رهف : مدري بس انا لازم اخلص بسرعة عشان استقبل الخلق ياسمين : طيب وش فيك مطفوقة كذا اركدي رهف : اختي بتعرس كم مرة تصير في الحياة بشعه مآحبك ياسمين : أفا ليه ؟ رهف : متى جيتي حتى تبين تروحين ماتهنيت فيك ياسمين : ولا يهمك بزوجك اخوه الصغير و نصير قراب كثير رهف راحت لعالم الأحلام : الله فديتك سوسو متى بس ياسمين : مو بصاحية ابد الله يخلف عليك طلعت من عندي يوم سمعت امها تناديها ودخل علي متعب : كيف العرووس ابتسمت له : بخير متعب : مستعده نزلت راسي أفكر مو متحمسة كثير على إني اموت في فؤاد متعب : وين رحتي انا هنا ياسمين : متعب من بيحضر الملكة متعب بتفكير: اممممم عمي فهد و عمي ناصر وعمتي منيرة و المعارف واصدقاء العائلة و صديقاتك يعني فيه حضور لا تخافين ياسمين : طيب متعب : ليش قاعده متى بتجهزين صح اني ما افهمم في اموركم بس مو المفروض تخلصين بدري ابتسمت وقلت : لسى الكوافيرة ماجت تسبحت و انتظرها ورؤى بتجي بعد شوي و بعد البنات متعب : لا اوصيك أبي قمر وغمز لي ضحكت : مو صاحي قام بيطلع : بمر اشوفك وبتصور معك يعني لازم تكشخين سمعتي طلع و دخلت شذى ، وش عندها العائلة بالدور : مبرووك يا عروس ياسمين : يبارك فيك وعقبالك حركت شعرها بغرور : ياحظه اللي بيآخذني ما علقت عليها شذى : اقول ياسمين ياسمين : هلا شذى : المفروض تكونين تتجهزين الحين وين الكوافيرة عنك ياسمين : بتجي بس اعتذرت صار لها ظرف شذى وقفت : طيب انا بروح اجهز لازم اطلع شي مو حيالله شي ياسمين تناظرها بغرابة وش عندها تنازلت وتلطفت معي !! *** اليوم بروح مع شرووق لملكة صديقتها اللي شفتها بالسوق حبيتها حسيتها طيوبة نزلت الصالة قعدت اطالع برنامج عن الصحة العامة دخل فارس و وليد : السلام عليكم هنادي : وعليكم السلام وليد : وين شروق فارس : بس شرووق ضحك ضحكة خفيفة : وين الباقيين ولا تزعل هنادي : مدري بس شروق اتوقع تجهز اليوم ملكة صديقتها وليد : ما بتروحين معها هنادي : الا شفناها بالسوق ومن بعدها لزمت على شروق اني ارووح معها فارس : زين ابيك تشوفين لي وحده على ذوقك هنادي : عزمت خلاص وليد : على البركة من ورانا فارس ابتسم : مجرد فكرة بس لو لقيتي ما نقوول لا هنادي : لا ان شاء الله اليوم مو طالعه من هناك الا ومعي وحده لك فارس : فديت اختي والله وليد : يعني بصير عم كان بيرد فارس بس دخول معاذ بحالته سكتته : وش فيك معاذ سكت فترة ثم ببرود : مافيني قرب منه وليد : معاذ احكي معاذ بصراخ : قلت ما فيني شي خلوني بحالي فارس يناظر في وليد متعجب رجع نظره لمعاذ وبحده : معاذ ما رد عليه معاذ وطلع الدرج يركض حتى صقع في دانية ولا اهتم دانية : آآآآي معاذووه عورتني استغربت يوم ما علق ولا قال حتى كلمة احسن نزلت تناظر وليد : وش صار وليد : علمي علمك كان فارس معطيهم ظهرهم و كان واضح ان اللي في معاذ اشغله ~ *** يوم لـ فرحتي الكوافيرة خلصتني قبل طلعت جمالي كنت الف في نفسي على المرايا و هـ يا ناس أجنن <> كانت لآبسه فستان لنص الساق لونه أحمر فاتح جميل جدا معطي جسمها لون وردي حلو بالنص ورده كبيرة نوعا ما لونها اسود على الرغم من ان فيها سمنة الا ان جسمها حلو يتعبر بس طبعا محتاجة تنزل شوي ولابسة جوارب سودا طويلة مفرغة بكل دوائر صغيرة وشبشب واطي بس راقي شعرها الاسود مثل ما صبغته فااتحته مسترسل موخرة قصتها على جنب نازل على جبينها وحاطه طوق اسود بورده حمراء كبيرة فيها فصوص ملونة طالعة تهبل على عمرها <> طلعت رحت الف اشوف التجهيزات وكل شي تمام ماما مشرفه عليه مو لعيون ياسمين بس عشان الناس ما تحكي عليها .. غريبة صراحة ! طلعت لغرفة العرووس وكانت الكوافيرة تحط لها لمسات اخيرة من الميكآب و معها صديقاتها رؤى وهند المقربات جداً هند <> لابسة فستان طويل لونه ازرق ومدخله عليه فضي من عند الصدر و من فتحات الجنب موديله عادي و هادي جداً نعووم كثير ولابسه كعب مرتفع شوي بس لانها طويله تقريبا رافعه شعرها بنعومة ولابسه طقم أزرق مع فضي رايق التعليقة وبعد الحلق و الخاتم والاسورة <> رؤى <> لابسه فستان اسود منفوش شوي تحت الركبة قاصة شعرها البني لتحت رقبتها بشوي خلته مفتوح كامل بس رجعته لورى بطوق مزخرف مثل الزخرفة اللي عند خصرها في الفستان مع كعب عالي راقي كله خيوط مرتفع لنص ساقها مع اكسسوراتها الناعمة لابسه مثل طقم هند بالضبط بس مافيه لون ازرق طالعة اصغر من عمرها بهاللوك وبعد احلوت البنت <> رؤى : سوسه يا بشعة بتطلقي العزووبية بعد شوي ابتسمت ياسمين بتوتر : عقبالك رؤى من قلب : آمييييييين هند : استحي فيه صغار هنا رؤى ضحكت باحراج : مو طفلة لو تزوجت تقدر تجيب ولد رهف قلب وجهها وتلوون تصرف نفسها : اسم الله علي بقعد امرح ببيت ابوي لاحقة على الشقا ياسمين : فوفا روحي تكفين شوفي شروق واختها و البنات لو جايين طلعيهم لي رهف : من عيوني يا جميييييييييييل على اني كنت جايه اساعدك تلبسين هند : ماعليه حنا نساعدها روحي انت استقبلي الضيوف رهف : طيب ماتقصروون ، باست اختها وطلعت هند : سوس قومي يلا نلبسك الفستان وقفت ياسمين وهي متوترة اصلا لفت عليهم على طوول صفرت رؤى باعجاب : واااو ما شاء الله وش الجمال ذا هند : اسم الله عليك الله يحرسك راحت تقرا عليها و تحصنها يوم خلصت ضمتها ياسمين ما مسكت نفسها نزلت دمعتها هند : لا لا ما اتفقنا على كذا تبين فؤاد يقتلني في مكاني رؤى : ايه يقول وش مسويات في زوجتي ابتسمت ياسمين وهي تمسح دموعها : الله لايحرمني منكم بنات بجد لقيت فيكم الام و الاخت و الصديقة رؤى تلطف الجو : يلا عاد صح عندي ام بس تراي اسوي كذا عشان توقفين معي يوم زواجي هند تساعدها : عاد انا مثلك ماعندي ام بتصيرين امي يوم زواجي مالي شغل ياسمين بفرحة : الله يبلغي فيكم يا رب رؤى تضحك : والله و عاشت الدور ذي السوسه هند تضحك من قلبها ماتبي هالطاري يكدر عليها : هههههههههههههههه الله لا يفرقنا الكل : آمين *** لآزالت .. طفلة ! وصلت البنات ابرار و سعاد مع زوجة اخوها مريم و شروق و هنادي و دانية كانوا عند المرايات يضبطون وضعهم بينما ابرار ونجد و سعاد و مريم سابقينهم جالسين على الطاولة دقت شروق على سعاد : وينكم يا خايسات لنا ساعة عند المرايا سعاد : ههههههه يلا جاية لكم قفلت وقامت : بروح اجيب البنات مريم : اي بنات ؟ سعاد : صديقتي شروق و اخواتها ابرار : لاتبطون ولا تخلصون السوالف هناك اذبحكم ترى سعاد : هههههههه ماعليك طلعت راحت للبنات شافتهم وسلمت عليهم وحده وحده شروق : شفتوا العروس ؟ سعاد : لا لسى ننتظركم شروق : وين باقي البنات معكم سعاد : لا رؤى وهند فوق عندها هنادي : يلا بنات بسرعة ابي اشوفها دانية : هنودي لاحقة عليها لسى ما زفوها هنادي : مالي شغل نطلع لها كلنا " هنادي رغم انها الكبيرة بس احيان تطلع منها حركات طفولية وعفوية بس حلوة منها ^_^ " دانية تهمس لهنادي : هنودي البنت تضحك عليك انتبهت هنادي و ابتسمت باحراج : يلا بنات ندخل دخلوا للبنات يسلمون و قعدوا شوي على الطاولة ، لمحتهم رهف و مشت باتجاههم *** غريبة .. جآتني فايزة بعدما بدلت لبسي وكنت قاعده مع البنات يهدوني بالدفتر عشان اوقع <> لابسة فستان أخضر داخل معه اصفر على ذهبي فيه لمعه كثير مغطي صدرها و ظهرها منفوش بطريقة حلوة من تحت وشكله حيل رايق بدون اي اكسسوار لانها بتلبس شبكة من فؤاد رافعه شعرها بتسريحة متكلفة عبارة عن ظفاير ملفوفة بشكل اسطواني غريب فوق راسها ومزين بشباصات خضراء وصفرا لامعة شوزها كان عالي كثير ولونه متناسق مع فستانها شكلها كان يجنن كثير طالعة قمر <> فايزة حطت الكتاب قدامها بدون نفس : وقعي اخذت القلم متوترة وكأنها تفكر طولت شوي على هالحال هند : اذكري الله سوسو وقعي رؤى : يلا سوسه وقعي تشجعت وقعت مدري وش خبصت حطيت القلم نطت علي رؤى تسلم وبعدها هند شفتها ناظرتني شالت الدفتر طالعه والبنات يدخلووون : مبرووك يا عرووووس كل وحده فيهم جات تسلم عليها شروق حاضنتها : مبروك حبيبتي مبروووك ياسمين تبكي : عقبالك ياعمري هند : وبعدين معك يا بنت انت وهي بتخربون الميكآب رؤى : اقول يلا برا خلاص سلمتوا باقي ورانا زفة و تصوير كل الكشخة بترووح الحين سعاد : مالت عليك تطردنا عيني عينك ابرار : الله لنا هند : لا مو قصدها و لفت على رؤى : عيب رؤى وش تحسين رؤىبلا مبالاة : تعرفيني ما اجامل هند : الله يعين الحظ قسم بينجلط هنادي كانت طول الوقت تناظر في هند و كأنها اعجبتها لفت تكلم رؤى : ما بعد تزوجت ؟ < تقصد هند رؤى : انا متزوجة وتلقيني معكم .. هزلت شروق : طول عمرها كذا متى بتعقلين رورو رؤى ترمش بغرور : يوم يجيني فارسي على حصانه الابيض و يخطفني هنادي بعفوية بريئة : بس فارس ما عنده حصان ابيض لحظة سكووت و بعد ما تأملوا بعض انطلقت الضحكات على هنادي اللي مو فاهمة السالفة : وش فيكم بنات ضحكوني معكم قلت شي غلط دانية : هنادي يلا ننزل ترى بترووح طاولتنا علينا ياسمين : ماعليكم انا حاجزتها لكم صديقاتي موصية رهف عليكم رؤى : يا حبك للهذره خلاص بيرحون يقعدون اصلا متى شفتي صديقات العروس بغرفتها ياسمين : مايخصك رؤى : الليلة لك ولا كنت تفاهمت معك ياسمين : الحمد لله هند ساكته لانها تحس بالنظرات الغريبة عليها بس مخبية في نفسها انزعاجها هنادي : يلا بنات ننزل طردتنا ذي المقرودة الملسوونة رؤى : احمدي ربك انا كاشخه كنت مسحتك هنا هنادي كأنها خافت : يا ماما هند قامت : تسويها ذي يلا ننزل بنات هنادي يلا وراحت مسكت يد هند ونزلتها معهم لطاولتهم بعدما راحوا رؤى : هين شغلكم عندي يا شلة السعادة ياسمين تضحك عليها و كأن حدة توترها خفت *** فوز كانت عندي بالبيت سولفنا ولا حسينا بالوقت لين دقت امها تنبهها للوقت كانت الساعة حول 12 يا عمري عليها قطعت قلبي و هي تبكي محد حاس فيها ولد خالتها اللي تحبه ملكته اليوم خالتها ما كانت رافضتها بس هي ماتبي زواج الاقارب ولاحد يقدر يلومها بعد لين بطبيعتها الدلوعه : خلاص يا عمري و الله البكا ما بيفيدك بس تتعبين ولا هو بيحس فيك فوز بقهر: أنا اللي معذبني اكثر انه يدري اني احبه و بين لي حبه و اهتمامه فيني ليش سوا فيني كذا ليش خلاني احبه زود ليش ما صدني و جافاني لين : خلاص اللي باعك بيعيه لاتندمين عليه هذا ولد عمك يزيد يموت فيك و انت مو معبرته فوز : ماقدر يا لين ماقدر قلبي مو له لغيره لين : طيب اهدي الحين صيري طبيعية عشان مامتك ما تلاحظ شي فوز تمسح دموعها : طيب قامت وقفت تلبس عبايتها : معليش حبيبتي اذيتك مـ .. لين تقاطعها : ازعل عليك لو تقولين هالكلام حنا خوات و اكثر ما بيدي شي اسويه لك على الاقل اسمعك لك ضمتها بحب : الله لايحرمني منك : ومنك .. عدلت غطاها و نزلت بترجع بيتهم لين : ما في احد مرتاح .. وحشني بابا ! *** صار وقت الزفة بتزف على زفة ألف بسم الله ... انطفت كل الانوار باقي النور المسلط على الدرج مكان ما تنزل العروس ابتدت الزفه الهادية وكانت ياسمين تنزل لحالها وماشية لين وصلت نص المسار توترت من الأنظار اللي عليها وقفت كأنها دآيخه رهف بتنقذ اختها دخلت بحركة حلوه دخلت معها وهي تلف وترمي عليها الورد كملت معها الزفة على ايقاع سريع وصاخب نوعا ما طلعت على الكوشه وقعدت وصارت صديقاتها يسلمون عليه ويرقصون هنادي نشبت لهند ترقصها ! شروق : هنودي اتركي البنت ذبحتيها هنادي : ابعدي نبي نخلص الرقصة هند وهي مخنوقه : لا عادي سعاد تضحك على شكل هند و هنادي ... سعاد : خطيرة حركتكم سوس انت واختك في الزفه رهف تضحك : هذي مو من الخطه بس حسيتها بتطيح قطيت معها دانية : يالداهية لو انا ببلم ولاعرف اتحرك رهف : أفا عليك انا سريعه بديهه و منه بعد آخذ بروفه على انظار الناس لو جا وقتي دانية : جد لازم نآخذها ماتشوفين كيف كشختي ماما تقول عيب ليش كل المكياج رهف : يووووه ماما كانت تبيني ألبس على ذوقها وبدون ميكآب بعد بس محسوبتك وطقت صدرها : مو هينة شوفيني كيف دانية : كفو والله تعجبيني رهف : أفااا عليك ولسى ما شفتي شي دانية : ايه حنا مو صغار و ابصم لك على ذي الكشخة العجز يدورون على امهاتنا وميلت فمها بحزن : بس مامتي انا بالبيت شروق تضحك : مو صاحيات * فؤاد ما راح يدخل بناء على رغبته اللي احترمها الكل وانه يكفي دخوله يوم الزواج لذلك امه ام ناصر هي اللي راح تلبسها الشبكة كانت فرحانه جدا بعروس ولدها جمال و اخلاق والكل يمدح فيها ام ناصر بعدما لبستها : الله يسعدك يا يمه مبرروك ياسمين بحيا : الله يبارك فيك خالتي ام ناصر : ماشاء الله تبارك الرحمن قمر باستها على خدها و نزلت من الكوشه و البنات فرحانين لياسمين الله عوضها عن امها اللي فقدتها انتهى الحفل و الكل توجه للبوفيه عشان العشاء .. وطلعت ياسمين تتعشى مع زوجها ^_^ انتهت الليله على خير .. راسمه ليلة من احلى ليالي ياسمين و فؤاد تمهد لما بعدها من حياة ولا يندرى وش مخبى لهم ... . . . . . تم ^_^ | |||||||||
|
| |
|
24-10-13, 12:30 PM
| #17 | |||||||||
| نجم روايتي ومشرفة سابقة وفراشة متالقة بعالم الازياء
| الجزء الرابع عشر ~ آ̲ن̲إ̃ ?̲?̲ــيّ إ̃ن̲آ̷̲ !! اليوم قمت بنشاط وحيوية مدري بس احسني متفائلة يمكن بسمع خبر حلو صار لي كم يوم على نفس الروتين من يوم ملكة ياسمين و حنا نفس الشي ، تسبحت و صليت وتجهزت ثم رحت المطبخ اصلح الفطور للخبلة اللي نايمة ادري خالتي من صلت رقدت حلفت عليها ماتسوي شي غالية فقدتها اليوم ان شاء الله بكلمها و آخذ اخبارها بعد قلبي طيبة حيل و عانت كثير اتمنى ان تسعد باقي حياتها ... خلصت الفطور و رحت اصحي الاخت .. *** في حيآتي كلها ما أعرف أحد إلا رائد من فضل ربي علي اني عرفت دلال و عرفت انها اختي آلمني كثير اللي صار له و ايقنت انها ضحية سيف مثلي ماحبيت اجافيها هي مالها ذنب مهما صار .. انتبهت لها تأشر لي بالمنديل وهي مبتسمة : وين وصلتي ابتمست لها بحب : أنا هنا .. هنا معك دلال : مو ناوية تآكلين بيبرد غالية : مو مشتهية آكل شي حطت الملعقة بضجر و قالت بكل هدوء : غالية لاتبدين الله يخليك غالية : طيب عشآنك بس دلال رجعت ابتسامتها : يلا كولي ظليت اناظر في الاكل للحظات شريحة سمك مشوي مع روبيان بعد مشوي و سلطة خضراء صحن رز صغير رغيف كامل كوب عصير مشكل ما تخيلت نفسي آكله دلال بنظرات مراقبة : غالية وش فيك ؟ غالية : احسني بستفرغ ( تكرمون ) لو أكلته دلال بضيق : بتردين يعني .. ما انتهينا من هالسالفه ؟؟ غالية : دلال و ربي مافيني آكله مدري حامت كبدي منه دلال : اخبرك تحبينه وش صار تتوحمين عليه ؟ غالية : يمكن ، لولي وش رايك نطبخ سوا توسعت ابتسامة دلال : والله انك موهينة من يومي اعرفك طالعه على من ؟ غالية صغرت عيونها : وش سويت ؟ دلال : ما راح تتحركين من هالسرير لو وش ما سويتي ولا نسيت كلام الدكتورة ! غالية : وربي تعبت خلاص عاد انا بحافظ على نفسي دلال : واضح بدليل مخلصة الصحون ذي تقلبت معدتي من كلام دلال عن الاكل : تكفين شيليه حطيت يدي على فمي دلال : طيب وش اجيب لك غيره غالية : زبادي و كيك استغربت من طلبها بس قمت اجيبه لها .. *** كان فاقد وعيه بشكل كبير والكلمة اللي تطلع منه غالية و تهديد بالانتقام من كرامته اللي جرحتها على قولته ما حوله احد و رائد وفارس محتلين جزء كبير من نيته في الانتقام : ليه يا غالية أنا احبك اعشقك ما تشوفين ماتحسين وش معنى رائد راكبه سيارته و فارس مقضيه وقتك معه ليش بس ليش أخذ جواله و ارسل رسالة لغالية ، بتوقيعه سعود ! له كم يوم على ذا الحال .. في ظل تردد اصدقاء الفسق عليه في شقته *** كنت جالسة في الحديقة ورا البيت أناظر في فواز و عبد الإله وهم يلعبون فديتهم يهبلون جات سارة وجلست بجنبي : do you want JOJ " الجازي تبين ؟ " كان معها صحن فيه فطيرة تفاح ابتسمت لها : لا شكرا لفت نظرها لأولادها : فواز شوي شوي ولا توجع اخوك ما امداها تسكت الا و عبد الإله يبكي : come baby " تعال حبيبي " عبد الإله يشتكي : mamy fawwaz hit me " ماما فواز ضربني " فواز يدافع عن نفسه : Lied mam I swear " كذب يا ماما احلف لك " ساره : خلاص انت وياه مافي لعب و اليوم مافي آيسكريم ابتسم فواز و بهمس : دوم تقولينها ساره بجدية : انا ما امزح مافي آيسكريم اليوم يلا خذ اخوك و اطلع غرفتكم بسرعة بعدما طلع الاثنين لفيت عليها : وش فيك عليهم ؟ ساره : ما شفتي شلون يرفعون الضغط الجازي : ما سوو اي شي الله يصلحك من جيتي بديتي هوآش تنهدت و رفعت عينها تمنع دمعتها : مدري وش فيني يا الجازي حتى سعد تهاوشت معه الجازي : ليش طيب ما يصير وش صار لك فجأة اسم الله عليك ساره : مدري وش فيني بس صايره ازهق و اعصب بسرعة و سعد ما تحمل هالشي مني الجازي : فيه شي متعبك مضايقك احكيلي انا اختك ما تكلمت لحظات بعدها غطت وجهها بيدينها و راحت في دوامة بكاء ! *** اليوم ابوي و عمي سيف عندهم اجتماع بشركة ابوي يعني بيكونون الاثنين سوا على الاقل لو لدقايق حلو لازم انا استغلها و اروح لهم < سآحب على الدوآم كالعادة نزلت لسيارتي اللي مارضت تشتغل مدري وش صابها : هو الحين وقتك! أخذت سيارتي القديمة لي اكثر من 8 شهور ما ركبتها ابتسمت برضا : ينظفونها باستمرار طلعت باقصى سرعة للشركة بالتحديد مكتب الوالد لقيت سعد يرتب في الاوراق : هلا سعد وين الوالد سعد : رائد وش تسوي هنا ليش مو مداوم رائد : ابيه في شغله مهمة بعدين مو هو عنده اجتماع هنا سعد : الا فيه اجتماع وراح احضره بعد هو طلع مشوار قبل الاجتماع بس ما قلت لي وش المهم ؟ رائد : بتعرف كل شي بس اصبر علي سعد : يعني شي في الشغل جا رائد بيرد بس انفتح الباب و دخل فهد سعد : هذا هو جا راح لأبوه وسلم عليه : يبه أبيك بموضوع ابو سعد : عندي اجتماع الحين لو كان الموضوع قصير احكي الحين رائد : طيب عمي سيف ابيه يكون معك ابو سعد فهم وش يبي ولده : اصبر لبعد الاجتماع بعدين انت ليش مو مداوم لاحظت انك متهاون فيه من فترة وش السالفة رائد ؟؟ رائد : يبه مافيني شي و بصراحة تعبت من دوام المستشفى افكر استقيل سعد : و بعدين معك يا رائد اثبت نفسك في شي انت مو صغير و بكرة لازم تتزوج وبيصير عندك اولاد وش بتسوي بحياتك تموتهم جووع ؟ رائد : وقتها يصير خير و صدقني بكون مهتم اكثر من كذا !! صار وقت الاجتماع واتجه الكل لغرفة الاجتماعات ... ورائد من ضمنهم .. *** يَڳٌفًيً ڳًــذَأَ ! خلص الاجمتاع و باقي في الغرفة فهد و عياله سعد ورائد و سيف سيف : سمعت انك تبي تكلمني يا رائد ؟ رائد : احم ... ايه انت و ابوي ابو سعد : تفضل نسمع لك ليش تبون تحرجوني سعد موجود : آ .. < جا بيتكلم رن جواله رقم ثابت غريب : هلا : ............ : ايه شوي شوي ما فهمت شي : .... : غالية !! وش فيها ؟ : ...... : طيب طيب أنا جاي الحين أي مستشفى ؟ قفل الخط وقفه صوت سيف المفزوع : وش فيها غالية ؟ رائد: مدري بس يقولون تعــ ... سيف : ليش المستشفى وش صاير رائد: مدري مدري بروح لها الحين سيف : يلا بجي معك كل اللي صار و سعد يناظر فيهم بتعجب و ابوه واقف ماله اي رده فعل طلع رائد وسيف معه سعد : يبه وش فيهم و السالفة ؟ ابو سعد و هو يقعد على الكرسي : علمي علمك ؟ سعد : يبه وش الموضوع اللي كان يبيك فيه رائد أنت وعمي سيف ، ومن هي غالية ؟ يبه انت تعرف شي انا ماعرفه ابو سعد : اخوك يقولك كل شي سعد : ليش انت ما تقول ؟ ابو سعد : الموضوع يخصه لازم هو يقولك مو انا ! سعد : ايه عندكم اسرار من وراي وانا ملاحظ هالشي من زمان وساكت ، بس ما كأني ولدكم انا من وين القاها منكم ولا من سارا بعد !! طلع وقفل الباب .. نهاية دوام اليوم *** في المستشفى ،، وتحديدا مكتب الدكتور سيف : يا دكتور احكي وش فيها وش صار معها ؟ الدكتور : الحمد لله قدرنا نحافظ على الام و الجنين ، بس لازم تبقى تحت مراقبتنا 48 ساعة رائد : طيب وش اللي صاير ؟ الدكتور : سوء تغذية وصلها للحال ذا و الوآضح انها تمر بازمة نفسية شدت على اعصابها سيف وقف وطلع من المكتب راح باتجاه غرفة غالية حالياً ثواني وطلعت له دلال سيف بضيق : مو انا قلت لك اهتمي باختك حطيها بعيونك ، وش اللي صار وينك عنها ؟ دلال : كافي علي ، ما تسألني عن حالي ولا صحتي وتلومني على شي الله مقدرة لغالية ! على العموم هي بخير بس مرهقة فجأة طاحت علي مو واعية جبتها المستشفى كل الاكل اللي اقدمه لها ما يفيد معها ماتقدر تاكله وصلت لهالحال ونفسيتها انت ادرى فيها مني ، مابيدي شي اسويه سيف : طول ما انتي مهتمة باختك بكون راضي عليك و صدقيني العكس محتمل مآبي اسمع عنها شي مو طيب ماتدرين وش راح اسوي فيك دلال بألم : مستعده لكل اللي سويته و بتسويه وانا لو بهتم في غالية مو عشانك ، عشانها اختي و مظلومة مثلي او اشد انا ماهتمني حياتي وقلتها لك من قبل لان حياتي مو لي وبسببك سيف : انا مو جاي هنا عشان احكي معك بالموضوع ، هي كلمة حطيها باذنك .. غالية بأمانتك سلام مشى وتركها في عز ألمها !!!! *** اليوم الاوف تبعي نايمه كنت لين رن جوالي اكثر من مرة اضطريت اشيله بتكاسل وصوتي مبوح من النوووم : رؤى يا كلبه أنا نايمة اليوم الاوف وش ذنبي لو انتي مداومة : ............... : عساك ما رديتي المهم لا تدقين ثاني فؤاد : مساء الحب للحب استوعبت الصوت هذا مو لرؤى ، ابتسمت غصب : مساك أنا حبيبي فؤاد : قطعت عليك نومتك ياسمين : أحلى ما سويت ، طمني عنك كيفك وش حال الدنيا بك فؤاد : طول ما انت بخير وانا اسمع هالبحه صدقيني ما بكون الا بخير ياسمين بحياء : الله يسلملي ياك و يخليك لي فؤاد : آمين يا رب ، يلا عاد قومي عن الكسل الزايد .. صحصحي وريني وش بتغدا من يدينك الحلوة ماستوعبت في البداية ، بعدين صرخت : جد حبيبي بتتغدا عندي فؤاد يضحك على هبالها : ايه جد يا عيون وحياة وروح حبيبك انت ياسمين بهبالها : خلاص يلا باي باي زادت ضحكته : ههههههههه باي عيوني ، همس بحب : مجنونة هالبنت أخ فديتها *** فتحت عيوني لقيتني في غرفة بيضاء مثبت على ايدي محلول مغذي على وجهي قناع الاوكسجين لفيت عيوني في ارجاء الغرفة ما لقيت احد معي بدا يتسلل الخوف لداخلي قمت احاول استجمع آخر شي مريت فيه تذكرت الصبح دلال جاتني بصينية الفطور وكالعادة ماقدرت آكل منها الا القليل تحت الضغط من دلال اللي عصبت آخر شي حملت الصينية وطلعت .. قريت المسج اللي وصلني ماصدقت ! جمعت قوتي وقمت من على السرير بس مافيني قوة طحت من طولي والحين انا هنا الارهاق و التعب اللي فيني مو سامحين لي اتحرك وفي لحظة ضعف ، استسلمت للنوم مرة ثانية ..... . . . . تم الجزء الرابع عشر | |||||||||
|
| |
|
24-10-13, 01:45 PM
| #18 | |||||||||
| نجم روايتي ومشرفة سابقة وفراشة متالقة بعالم الازياء
| الجزء الخامس عشر ~ بـــــﮃآآآآﯾـــة ~ في أحد مطاعم جامعة الملك سعود وعلى الجلسات الخارجية له ، كانت مع جهازها المحمول و الواضح انه شغال لإعداد بحث مادة في التخصص ، انضمت لها لين و هديل بغداهم لين : يلا فوز نبي نتغدا لمي اوراقك فوز : صبرشوي برتب هالجزء و بعمل حفظ ، وش جبتولي ؟ هديل : اقول لمي بس انا على لحم بطني من الصبح كافي هالبحث المفاجئ هلكنا لين : ايه و انت الصادقة فوز : خلاص يووه كليتوني هديل : الجوع كافر لين : الا اقول هديل البنت اللي تمشي مع بنت خالتك نوره وش اسمها ؟ هديل : أي وحده بنت خالتي كل يوم عندها صديقة جديدة لين : البنت السمراء المليحه اللي شعرها كشه استغفر الله فوز : هههههه تحش و تقول استغفر الله لين : لا مو قصدي وربي بس ابي اوصفها لها هديل : من فيه سمرات مليحات كثير ؟ طيب شفتيها اليوم وش لابسه ؟ لين : ايه اللي كانت قبل شوي في دكتور كيف لابسة بلوزة بنك روجها غامق هديل : اييييييييه عرفتها يا حليلها لين : لا و الله ، انا اسئلك عنها !! هديل : هههههههه ايه آمري وش بغيتي لين : اممممم هي يعني راعية حركات بنات وخرابيط ؟ هديل بتفكير : امممم لا ما توقع ليه شفتي عليها شي لين وهي تطلع صحن الغداء : لا بس مرة شفتها ماشية مع شلة مشاعل فوز : استغفر الله ما لقت الا ذيك هديل : ايه تقصدين مشاعل هذيك البنت البوي اللي ينادونها مشعل ؟! فوز : هي مو من دفعتنا صح ؟ هديل : الله يعافيها ولا يبلانا هي وصديقتها فوز : أي وحده ؟ هديل : ذيك البنت الثانية صديقتها ماعرفتيها اللي يوم كنا مع نجد و أفنان قالت افنان يا أرض احفظي ماعليك فوز تتذكر : ..... ايه عرفتها ذيك بصراحة حلوة ليش هي بوي ؟ وش فيهم ؟ قطعت حكيهم لين : بنات نبي نآكل ورانا كلاس بعد شوي ، همست لهم : شوفوها جايه من هناك فوز : مالي شغل بتحكون لي السالفة ... *** طلعت من مطعم المستشفى رايحة عند غالية فوق ، رن جوالي في الطريق رديت : هلا رائد رائد : دلال كيف غالية قامت ؟ دلال : لين قبل شوي لا انا الحين رايحة لها رائد : طيب شوفيها بس تقوم عطيني خبر انا عندي شغلة بخلصها وبرجع دلال : إن شاء الله قفلت منه ودخلت لغالية كانت قاعده و واضح انها مفزوعه من شي ، ركضت لها : حبيبي غلو وش فيك اسم الله عليك غالية بنبرة غريبة على دلال : وينه وينه أبي اشوفه دلال متعجبة حييل : من هو ؟ غالية : رائد يا دلال رائد وينه وينه قمت من عندها لا شعوريا ودقيت على رائد بعد رنتين وصلني صوته : قامت ؟ دلال : ايه و متخرّعه تسأل عنك ! لفيت على الباب اللي انفتح ودخل من وراه رائد ، قفلت شفته يقرب مني ابي اقوم له اتحسسه انه بخير ماقدرت ، بصوت كله ألم : رائد انت بخير فيك شي احد مسوي لك شي رائد متعجب هو الثاني : لا شوفيني طيب قدامك غالية تبكي : رائد سعود سعود قال بيقتلك و بيقتل الدكتور فارس قطعت قلبي وهي تبكي : خلاص انا هنا عندك ما راح يصير لي شي ان شاء الله غالية : اوعدني الله يخليك اوعدني مسحت دمعتها و انا اناظر فيها بصمت وهي تبكي ، تحبني ولا امانها معي ؟! *** خلصنا غدا فؤاد قعد في الصالة اللي تحت ابوي ما كان موجود ومتعب على وشك وصول للبيت هو دايم يتأخر عن الغداء مع علمه ان فؤاد بيجي اليوم ، عطيته عصير كوكتيل وقعدت بجنبه : حبيبي فؤاد بعذوبة : عيونه وقلبه وروحه قلت بدلع : وش رايك في طبخي ؟ فؤاد : لو هو سم عسل على قلبي لاشعوريا : اسم الله عليك جعله في عدوينك يا رب قربني منه وحوطني من خصري وصار راسي على كتفه : تدرين حبيبي ياسمين : وش ؟ فؤاد : لو قلت مو احبك كلمة اعشقك قليلة عليك حمرت خدودي ماعرفت ارد بس انقذني دخول متعب : احم احم تحركت بسرعة من عند فؤاد : هلا هلا متعب قام فؤاد سلم عليه و سلمت عليه ثم قعد : عندكم عزاب في البيت انتبهوا أنا وجهي تقلب و فؤاد مجرد ابتسم : وليش ما تعرس و تفكنا متعب ضحك بقوة : على يدك كلم المدام يمكن تفكر وتحن علي ، ياحسرتي علي بصك الثلاثين ولاحد فكر يلمح لو كذب ياسمين : بس ما طلبت شي من بكرة بجيب لك احلى عروس متعب : فديتك ... كانت جلستهم حلوة والاحلى ياسمين اللي اكتشتف جانب جديد في شخصية متعب ، بس محد اكتشف العيون الحاقدة اللي كانت تراقبهم من اول الجلسة !!! *** آصﮃق̮ـ̃آء آلسۆء !! في بارك البيت من الخلف كان معاذ قاعد لحاله و واضح انه سرحان في عالم آخر دخل فارس للبيت وقف سيارته نزل ، وانتبه لمعاذ اللي ما كان حاس بنفسه راح لعنده : معاذ .. معـــــــاذ معاذ مفزوع : هـ هلا فارس فارس بنظرا تفحص له : السلام عليكم معاذ : و عليكم السلام ، آمرني بغيت شي فارس : توني واصل وش فيك محزن وقاعد هنا فيك شي ؟ معاذ : لا لا فارس ما فيني شي بس انتظر يجهز الغداء فارس : معاذ أنا اخوك الكبير و صدقني بس ابي مصلحتك لاغير لو في شي قولي يمكن اقدر اساعدك .. معاذ : .... فارس : ما ثق فيني يا معاذ ، حتى لو انت غلطـ .. ما خلاه يكمل كلامه : لا فارس صدقني انا ماغلطت ولا سويت شي فارس ابتسم بخفه و كأنه إللي معاذ بيحكي له : طيب قول يمكن اقدر اساعدك معاذ : فارس صدقني انا ما غلطت ولا سويت شي اصلا مدري عنهم هو بس قال سلفني انا عطيته ولا كنت ادري بنواياه فارس بتركيز : طيب شوي شوي واحكيلي انا اسمع لك معاذ وكانه لقى حبل نجاه : تذكر ذاك اليوم يوم كنت انت وهنادي و وليد قاعدين وانا جيت و صرخت وعورت دانية ، يومه اكتشفت المشكلة كنت قاعد بعد صلاة العصر عند المسجد انتظر صديقي احمد اللي قال بيمرني عشان ياخذ مبلغ هو طلبه مني ولاني اعرف بظروفه طلبت من الوالد ولا قصر معي أحمد : سلام معاذ قمت له : وعليكم السلام ، هاك تفضل وعطيته المبلغ ، يلا انا لازم امشي اشوفك في المدرسة ان شاء الله أحمد : لا تعال اصبر شوي بصراحة فيه موضوع بغيت احكي فيه معك معاذ : لازم الحين ؟ أحمد : ايه والله ، بعدين انت وراك شي معاذ : لا بس ما استئذنت في البيت اخاف يقلقون علي أحمد : انت مو صغير بعدين ما بنطول معاذ : طيب احكي عشان ما يضيع الوقت أحمد : لعيونك ، بصراحة بقولك وبدون مقدمات .. أنت مدمن حبوب معاذ منصدم : وش قلت ! أحمد بسخرية : بعذرك مصدوم بس تراك مدمن وعلى فكر المبلغ اللي خذيته منك ثمن للي كنت تاخذه هزيت ميزانيتي انت فارس قام وقف من صدمته بالكلام اللي سمعه : من جدك معاذ تحكي ! كمل معاذ .. قلت له : انت تمزح رد بوقاحة : هالامور ما فيها مزوح معاذ وجهه احمر دمعته خانته وطاحت : والله العظيم كل شي قلته لك صار مالي ذنب فيه ، رمى في وجهي هالكيس (طلع من جيبه كيس فيه بقايا حبوب ) وقال لي صدقني بتحتاجني وقتها جيب معك مثل هالمبلغ وتعال فارس يمسح على وجهه : استغفر الله يا رب صبرني يارب صرخ فيه : ليش ما قلت لي من قبل ليش ؟ معاذ : خفت ولا عرفت وش اقول فارس : وبظنك لو عرفنا بطريقة ثانية افضل لك ، لأن مصيرنا بنعرف ! نزل راسه ماعرف وش يقول ، حسيت فيه للحظة : خل الموضوع بينا بس وانا بتصرف طيب معاذ بطاعة : طيب ... *** مكتب سيف في الشركة سيف : رائد انت مو قدي لا تتحداني حتى غالية ما تقدر تأثر على قرار انا اتخذه رائد : ما اتحداك انا بس الورقة الرابحه معي سيف : غلطان انا دائما رابح معي ورقه فيها تدمرك تدمير رائد : عشان غالية في ذي ما راح تأذيني ! سيف : بس تنصدم غالية فيك , أنا بكون اقرب لها وما بتحتمي غير في حضني انا رائد : عمي لا تضحكني قلبها مو راضي عليك ، كيف تحتمي بحضنك سيف : الايام بتوريك ... وش اللي بين سيف ورائد ، وغاليه في النص ؟؟ *** ?َ?ّل ?َ?ّۆ פنّ آم̝̚ ...؟! تفاجأت اليوم بصراحة من مكالمته لي ولا بكل حنان طلب يشوفني !! ، قلبي قارصني معقولة يا ناس عمي زيد دق علي وقال لي ابي اشوفك !! مدري وش صاير بس انا بصراحة ماقدرت اقبل عرضه يوم قال اروح بيته ,, من قبل هو اهانّي وطردني منه وغير كذا انا ما اثق فيه ! نبهني صوتها من سرحاني اللي لازمني من بعد من قفلت الخط : هلا هند : حشى ساعة اناديك رؤى : آمري وش بغيتي ؟ هند : امك تبيك روحي لها في غرفتها رؤى : يؤ نسيت اعطيها علاجها وقته الحين قامت راحت تركتني رجعت لي حالة التفكير في الماضي و المستقبل ..! *** يالله مو قادرة اتحمل اكثر لي اسبوع في المستشفى قال رعاية خاصة رائد طالبها لي سبحان مغير الاحوال : رائد كان يطلعني من المستشفى على مسؤوليته عشان ما ابعد عن البيت ونظره الحين مخليني اسبوع في المستشفى يمكن عشان ولده خايف عليه ادري انا ما اهمه ولا يمكن هذا ... بابا هو اللي طلب هالشي ! تفاجأت كثير و انصدمت يوم جاوبت دلال : اتوقع بابا هو اللي طلب هالشي غالية بدون اي تعبير : بسم الله داخله مخي انت ؟! دلال وهي ماشي بصينية الاكل : لا غالية : أجل ؟؟ دلال وهي تحط طاولة الطعام فوقي : انتي تفكرين بصوت علي احمريت من الاحراج لفيت وجهي اناظر للجهة الثانية : ........ دلال : يلا كلي عشان تتقوين وتروحين البيت ولا عاجبتك القعده هنا اخذت الملعقة وانا سرحانة بكلمة بابا ، دلال ماحبت تناقشني في الموضوع لانها تعرف انه حساس بالنسبة لي صار الحين اسبوعين تقريبا على هذاك اليوم قلت بتردد : امممم اقول دلال دلال : قولي غالية : الحين انت راضية بوضعك ليش وافقتي تجين عندي للبيت بهـ الوضع ؟! دلال : بالاول كنت مجبرة ، بس جيت وعرفتك تقبلت الوضع بعدين حبيته لأن على الاقل عرفت لي اخت تحبني حتى لو هي ما تدري ! غالية : طيب نفسي افهم ليش صار كذا يا دلال ليش ؟ دلال : ببساطة عشانك انت كل هالشي صار غالية : عشاني !! دلال : ايه عشانك ، اعرف وشلون عايشه وشلون رائد يعاملك وفيه اشياء ثانية ابوي سيف بس كان يبي يعرفها يمكن يعيش اللحظة ! غالية : يعيش اي لحظة ، وش دخله في حياتي من الاساس دلال : اشياء كثيرة ما تعرفينها وبعضها انا ماعرفها بس الشي اللي انا اعرفه ومتاكدة منك إنه يحاول يحميك غالية بتعجب واضح : يحميني ؟ مِن مَن ؟ وليش ؟ دلال : كل شي ، فيه شي بعد ماتعرفينه سيف عبد العزيز يموت في التراب اللي تمشين عليه ! سرحت دخل الدكتور و فحصني ، واضح اني تحسنت .. كتب لي خروج ~ *** كنت قاعدة في المجلس افكر باللي سويته وهل هو صح يوم اني قلت لعمي يجيني شقتنا افضل ماما خافت علي ، يحق لها بس انا لازم اسمع له لانه من فضولي اولا وثانيا يمكن حن قلبه علينا ابي اعالجها ، ماستغرقت رن جرس البيت ،، دخلته عمي زيد : كيفك يا رؤى و كيف الوالدة عساكم بخير رؤى : عايشة يا عم عايشين زيد : ادري لك حق تزعلين مني ومن اعمامك ، هذا الشيطان شاطر اعمانا بالفلوس رؤى : اعماكم بس مو لدرجة ترموني انا وماما في الشارع مالنا لا حول ولا قوة اللقمة عشان نعيش صعب نلقها ونسد الجوع بس وانتم ولا همكم زيد : أنا جايك يا بنتي أطلب منك ومن امك السماح نبي نفتح صفحة جديدة ولك مني كل اللي يرضيك ماعليك في اخواني انا بتكفل فيكم واللي يبي حياه الله رؤى : اخاف نصير عالة عليك بعد كم يوم من ما تتكفل فينا ما كأنه حلالنا انا وامي زيد للحين ماسك اعصابه هو يبي يوصل لهدف : معك حق في كل اللي قلتيته ولا اقدر اجبرك على شي ، متى ما رضيتي عني انا موجود أتمنى بس تعلميني مابي اعيش صراع مع نفسي اكثر ضميري مأنبني ومافي حل الا اني اعيش جو عائلي واعوضك و والدتك كل اللي فقدتوه .. وقف بيطلع : لا تحرمني هالشي يابنت اخوي ، سلام طلع من عندي وانا كلي اضطرابات وتوتر مو مصدقة ان هذا عمي ولا قادرة اصدق اللي صار ! *** الساعة الحين 5:30 ماما جات تقومني من النوم عشان اروح المدرسة .. عبير : غالية غلو حياتي غلاي غالية : هممممم عبير: سوكرتي يلا قومي بتتاخرين عن المدرسة غالية : ماما بس شوي بقوم عبير : لا قومي بتروح صلاة الفجر و بعد ما يميدك تفطرين الا والباص عند الباب غالية قامت نااظرت امها بحب : صباحو ماما عبير تبوس بنتها : صباح العسل للعسل يلا قومي غالية : ماما من الحين اقولك مآبي خبزة جبن بس خبزة كاكاو ولا مابي عبير تضحك بحنان : طيب راحت غالية تتجهز وتصلي بتروح المدرسة كانت صف اول متوسط وعبير راحت تجهز إفطار بنتها الوحيدة اللي اليوم بيصير عمرها 12 سنة ! قبل ما تطلع من الباب : ماما اليوم ابي غدا مكرونه مع سطلة خس مابي رز ومرق والله ما آكله حامت كبدي منه عبير : خلاص اصلا كنت بسويلك مفاجأة يا كبيرة غالية بحماس ومساكشة اطفال : وشهي ماما وشهي عبير: خلاص ما راح تظل مفاجأة لو قلت لك غالية بملامح طفل حزين : ماما لو شي مو حلو ما راح ادرس اليوم ولا شي غالية تضحك على دلع بنتها : عيون ماما لا اكيد بيعجبك روحي يلا هذا الباص جا حبت أمها على راسها تحجبت وطلعت رايحة المدرسة بروتينها اليومي حصص و فسحة وآخرها طلعت مع الباص راجعة البيت ، بس اللي ما كان بالحسبان انها تلقى امها متوفية بحريق شب في بيتها مع صديقتها ,, الله يرحمها *** كان جالس في شقته له كم يوم ما طلع منها .. : فصلوني من دوامي حسبي عليهم بس ماشي بتفرغ لهم بعدين الحين غالية و رائد وفارس و الله لأدمركم غالية لازم تتعذبين مثلي مو حاسة فيني والنار اللي تشتعل بداخلي يخليك تبكين دم ثم تنتحرين وانت رائد دمارك قريب على يديني و راح تلحقه يا فارس مو انا اللي انرد و انهان بذي الطريقة ! *** رجعت للواقع من سرحان آخر يوم شفت ماما على صوت رائد اللي واضح له فترة قاعد ولا حسيت فيه : وين وصلتي غالية : رائد انت هنا رائد : وش رايك ؟ غالية بضعف : رائد انتبه لنفسك الله يخليك مآبي افقدك رائد بحده : غالية ابوك بيذبحني بيجنني مدري وش سويت له كارهني ومن زمان غالية ما بيدها شي تسويه : ........... رائد : غالية لاتفكرين بيوم تنحازين لابوك وتتركيني صدقيني ما برحمك ولا راح اترك ولدي معك دقيقة وحدة الحين انا وش دخلني بينهم حتى يوم زواجي مآحد منهم شاورني الحين جاي يشتكي ويتوعد فيني لا يهددني بولدي : رائد أنا مالي شغل باللي بينكم أنا بقعد في حالي مع ولدي هذا اللي يبي يوصل له رائد نقطة ضعف غالية ولدها و مستحيل ترضى على ابوها ، لف للجهة الثانية وعلى وجهه ابتسامة انتصار مشاعري تجاه رائد ما عادت مثل ما هي من فترة واحس قلبي مل بس ما اتحمل فكرة انه في خطر ! همست : الله يرحمك ماما *** قدري إني اعيش بالوضع و الظروف ذي ماعرف منهم اهلي ولا ادري عنهم شي حتى اللي ربوني تعبوا مني آخر شي : أصلا لازم لأني مو بنتهم ! استغرقت كثير في التفكير عن حالي ماعرف عن دنياي الا ماما وتوفت فكرت ازور اهلي اللي ربوني كذا مرة بعد التردد في النهاية اقول لا .. رحت لها ابي اسولف معها شوي ، بس لقيتها في مثل وضعها اللي مثل كل يوم ماتحكي ولا تسولف ولا تسوي اي نشاط هذي هي من البيت للمستشفى و العكس ! رؤى : هنو يا روحي وش فيك مو على بعضك ودووم شاردة هند : لا ابد بس افكر رؤى : تعبانه من شي في احد مضايقك مزعلك انتي قولي بس انا اطب لك في بطنه هند ابتسمت على خبالة رؤى : .... رؤى : ايه كذا الدنيا ماتسوى لا تعطين الامور اكبر من حجمها آهـ يا رؤى لو تدرين باللي فيني ما قلت هالكلام : إن شاء الله رؤى : تأكدي انا بكون معك وجنبك مهما صار و متى ما بغيتي تحكي أنا موجودة حطت يدينها على يدين هند : أنا اختك هند تقلب وجهها و خانتها دموعها ، ضمتها . . . . . تم الجزء الخامس عشر | |||||||||
|
| |
|
24-10-13, 01:46 PM
| #19 | |||||||||
| نجم روايتي ومشرفة سابقة وفراشة متالقة بعالم الازياء
| الجزء السادس عشر ~ حق̮ـ̃ﮃ خُلط بـ פسﮃ !! طلعت من غرفتها باتجاه غرفة امها اللي ناويين على شي مو كويس كل اللي همهم تدمير سعادة ياسمين وليش تآخذ فؤاد ولد الهاي على قولتهم ! شذى : ماما وش صار في الموضوع فايزة : اصبري انت لا تشيلي هم ما بتتهنى دامني لسى عايشه شذى : ماما انت ما شفتيها ذاك اليوم وشلون متعلقة فيه و هو ميت عليها ودي احرقهم عساهم المرض فايزة : انتِ اصبري قلت لك كل شي بوقته حلو شذى : متى بس متى الزواج في الصيف باقي عليه 5 شهور يمكن اقل بعد فايزة : كله وقت بس وبيكون كل شي جاهز قبل الزواج ... قلوب متحجرة قاسية نزعت منها الرحمة و الخوف من الله سبحانه و السبب مصالح دنيوية ! *** من كم يوم طلب هنادي واحد اسمه أحمد وضعه ماعليه واهله على قد حالهم الولد ما يعيبه شي مؤدب وخلوق والكل يمدح فيه بس عيبه التدخين لو يتركه وهذا يبيله اول شي نفسية و هنادي لو خذته تقدر تغيره ويتركه .. رحنا لها انا و دانية في غرفتها : السلام عليكم هنادي : وعليكم السلام حياكم حلواتي دانية بمشاغبة : كيف العروس هنادي : ما بعد أوافق شروق : يلا عاد كم لك ما وافقتي ترى الولد منتظر ردك بشوق هنادي : شروق خايفه مدري وش اسوي شروق : انتِ مو صليتي استخارة كذا مرة هنادي : ايه دانية : مو ارتحتي بعدها هنادي : ايه شروق : مو يقولون اخلاقه كويسه هنادي : ايه دانية : وانه يدخن وانت تقدرين تغيرينه هنادي : ايه شروق : طيب ليش ما تتوكلين على الله سبحانه ، لا تخافين هنادي : سهل عليكم الكلام عشانكم مو في مكاني دانية : يووووه يا هنودي لو انا اللي جايني لا اوافق من ثاني يوم شروق تضحك : لا كويس يطلع منك ، زين ما وافقتي من اول يوم ههههههههههه دانية : ههههههه لا لا عشان الحيا وكذا أرد من ثاني يوم ؛ صارت تلعب بحواجبها ابتسمت هنادي بتوتر : شروق شروق : عيونها هنادي : وش اقول لهم استحي كثير شروق : انت روحي قولي لميمتي و خلاص كل شي بيهون هنادي : تشوفين كذا دانية : ايه ، واحمدي ربك ما بتقولين هالكلام لفارس لان هو اللي كلمك عنه هنادي : لا يا مامي بروح اكلمها الحين رآح اموت لو ارد لفارس طلعت ركض لغرفة امها ، شروق و دانية يضحكون عليها : مهبولة هالبنت *** سارا لها كم يوم في بيت اهلها تريح نفسيتها اللي فجأة قلبت وصارت تهاوش تصرخ على اتفه الاسباب و اكيد سعد ما راح يتحمل الوضع كنت العب عبد الاله و فواز قاعد يعلب بلايستيشن في الصالة نزل سعد و دخل عندهم : السلام عليكم الجازي : وعليكم السلآم نط عليه عبد الاله و فواز مشتاقين لأبوهم ضحك سعد : كيفكم يا ابطال فواز : بابا تلعب معي بهزمك والله عبد الأله : بابا وين ماما راحت تغير وجهه : بترجع بابا بس هي تعبانه شوي عبد الإله : بابا كل يوم انت تقول كذا وهي ما ترجع الجازي : خلاص حبيبي خل بابا يرتاح فواز : عبود تعال العب معي بحط سيارات لفت الجازي لسعد : كيفك ياخوي وش مسوي بدنياك سعد : تعبان يالجازي تعبان ، احسني غريب بين اهلي وناسي حتى في غربتي كنت مرتاح اكثر الجازي : سلآمتك ياخوي ، ودك تحكي شي احكي اسمع لك سعد :وش تبيني اقولك زوجتي اللي شالت نفسها وراحت لأهلها حتى ما فكرت تسأل عن حال وحال اولادها و ابوي و رائد ما كأني ولدهم بينهم اسرار الغريب يعرفها وفوقه ضغط الشغل وين اودي نفسي انا تقطع قلبي على حال اخوي اللي ما بيديني شي اسويه له : وسع صدرك ياخوي وان شاء الله بتتعدل الامور وبتشوف زوجتك عندك لا ينشغل بالك كل شي بيتعدل سعد : أتمنى الجازي : روح ارتاح ولو بغيت شي انا هنا كلمني بس سعد : بطلع اشم هوا اغير جو الكآبه الجازي : انتبه على نفسك و لا تتأخر مآبي اقلق عليك سعد : تسلمين يالغالية ... طلع لعل النفسية تهدأ / \ / \ تعبت من الدنيا و كل شي مو عارفة وش فيني زعلت سعد و اولادي وزعلت امي وابوي حتى نفسي زعلتها ليش بس كذا سمعت طق بابا غرفتي كآنت الشغالة فتحت لها : نعم ! الشغالة : ماما تبيك تحت .. انصرفت : يالله هو وقته ، مو ناقصة اناقش في مسألة سعد خذيت شباصه كبيرة رفعت شعري الاحمر فيها بشكل عشوائي لبست ساعتي تعطرت و نزلت ، مستعده لاسطوانة الوالدة كل يوم : هلا يمه ناديتيني آمري أم سارا : روحي المجلس رجلك هناك ينتظرك سارا : من سعد ؟ ام سارا : ليش كم واحد متزوجه انت ؟ ايه سعد بسرعة روحي للرجال مل سارا بضجر : ان شاء الله مشيت باتجاه الباب و انا متملله من الوضع رحت له كان قاعد و واضح انه سرحان يفكر في شي ، بصراحة منظر وجهه ما اعجبني قطع قلبي عليه : السلام عليكم قام بسرعة وقف يناظرني : وعليكم السلام قعدت في الجهة المقابلة له سآكته ماعندي شي اقوله ، بس يمكن هو كان متوقع العكس لازال واقف : ماودك تسالين عن حالي ؟ حالك شايفته وعارفته بس مو بايدي : كيفك سعد : مشتاق لك سارا : عبد الإله و فواز سعد : وش فيهم ؟ سارا : كيفهم ، اشتقت .. ودخلت في دوامه بكاء ماوعيت على نفسي الا وانا مآخذها في حظني كل اللي هامني الحين انها تهدا ماحسيت بحركتها هدأت فجأة رفعت راسها : سوسو قلبي روعني منظرها كانت فعلا دايخه تهمس كلمات غريبة ، ما عرفت وش اسوي حملتها بين يديني وطلعت فيها ، صرخت بصوتي : خالتي الله يخليك عباية سارا بآخذها المستشفى لحظات .. كانت العباية وخالتي في سيارتي ، بآخذ حبيبتي للمستشفى ~ *** الظروف أحيان توريك من لازم تصادق ومن لازم تتجنب وانا علمتني اقرب من فارس و ابعد عن سعود ، اصلا سعود هو اللي بعد عني ! كت انتظر فارس في جافا تايم شارع التخصصي اللي جا وصفط سيارته وطلع جلس مقابلي على الجلسة الخارجية ، الدكتور طلب فرنش لآتيه بس انا كعادتي خالف تعرف طلبت موكا وكانت آيس فارس : الحين من جدك بتشرب ذا في هالجو ؟ رائد : وش فيه أحلى جو فارس : أنت صادق أحلى جو , بس لا يغرك تكفيك التقلبات المناخيه فيه رائد : خلاص داخلين على صيف حنا فارس : تدري عاد إن الامراض تكثر في هالفترة وتنتشر بكثافة و السبب اهمال الكثير الله يصلحهم وانت منهم رائد : الله اكبر .. وصلته اهمال عادي كله كوب كوفي مثلج و اشتهيته ؛ صار شي !! فارس : انا علمتك ... هالمرة بخليك عن نفسك تشربه المره الجايه مافيه راح انطله كله رائد : اقول لا يكثر تراك دكتور في المستشفى مو هنا فارس بغرور و ابتسامة عريضة : غلطان حبيبي أنا دكتور في كل مكان !! رائد رفع حاجب سخرية : لاتنسيني الموضوع اللي بحكي عنه وصل الطلب وصار كل من كوبه قدامه .. فارس : إيه احكي أسمعك رائد : حمل ثقيل شلته من عمري 16 سنة كتمت في نفسي و جا الوقت اللي احكي لشخص عزيز علي فارس : تسلم وانا اخوك ؛ اسمع لك رائد : غالية فارس : وش فيها غالية ؟ بدأ رائد يحكي القصة كاملة لـ فارس ، فارس كان متعجب وهو يسمع ! *** من بعد اللي صار بين ابوي وغالية وانا ابي طريقة احنن قلب غالية عليه كنت اخلي السوالف هي تجر بعضها خصوصا في ذي السالفة .... تعبت مسكينة من السرير ، رحمتها وجلست معها في الصالة نشوف تي في و نشرب شاي عاد غالية توحمت على شاي التوت صارت تشرب منه بالهبل اضحك عليها بس بجد ابنها مذوق ريحه الصالة كأنها فواحه جميلة جداً : أقول غلو وهي تنزل كوب الشاي : هلا دلال : ما ودك نسوي نشاط اي شي غالية ترمش بتفكير : مثل وش ؟ دلال : امممممم مثلا نطلع نغير جو نسافر يومين نحضر حفلة زواج اي شي بالدنيا ما مليتي من الروتين ؟! غالية : بكلم رائد وبرد لك خبر دلال : خلاص علميني لو وافق عشان استئذن من بابا غالية حمر وجهها لفت للجهه الثانية : .......... ظليت اتأمل وجهها ابي اشوف رده فعلها هذا اللي كنت ابيه اني اجيب طاري بابا عندها ، سكتت فترة واخيرا نطقت : تدرين شي دلال دلال : وش غالية : اشتقت لماما كثير اشتقت لها يوم تهاوشني على غرفتي ما رتبتها ولا يوما ما ادرس ولا اقدم كويس لامتحان اشتقت و اشتقت و اشتقت مجرد مشاعري قلتها لاختي بقصد الفضفضة ما كنت عارفة انها بتتأثر من طاري الام لها الدرجة سألتها و ليتني ما سألت زدت عليها و الدليل دمعتها اللي حرقت خدها : احكي لي عن امك وينها ليش ما تزورينها ؟ دلال : ........... قمت لعندها و انا ضاغطة على عمري حسيت بشي غلط قلته : سوري حياتي ما كنت اقصد مسحت دمعتها : لا ماعليك انا بس مشتاقة لهاا الله يرحمها غالية بسرعة : متوفية ؟ لاحول ولاقوة الا بالله الله يرحمها ويرحم ماما ويجمعنا في الجنة ان شاء الله حزنت على حالها فوق اللي صار معها امها متوفية مثلي ما تقل بشي عني ابد دلال : ماما متوفية من قبل زواج امك سكتت شوي : وحتى أنا مآعرفها و لاعمري شفتها مآتت وهي تولدني ! ماقدرت اعلق ولا اقول شي اكتفيت انظر لها وهي نفسي الشي قربت اكثر و ضمتني ... *** ۉشِ شُوّرّڳّ يِأَخٌوِيِ رجع كوب القهوة : لا يا رائد ما يصير المشكلة انت عارف انك ظالمها رائد : مو بيدي هذا ابوها الظالم هو سبب كل ذا فارس : لا تخلط الامور المسألة واضحة ,, انت معك امانة بس ما حافظت عليها وبلسانك قلت انه يستخدم هالاسلوب للإنتقام مو لشي ثاني ! رائد : ايه بس.. فارس : لا بس ولا شي عاملها بالطيب و اللين ما بيضرك لا تستخدم ولدها وسيلة تضغط عليها لانها بتكرهك وتكره ولدها او تفقد عقلها لامحال ! رائد مآزال يشوف نفس صح : الانسان هذا مو عاجبني ابد مو داخل مزاجي وبصراحة ارخصته عقب اللي سواه في بناته فارس : وانت وش اللي ما سويته في بنته اللي محتاجة الحنان و الامان منك ؟! رائد : أنا غير مهما صار فارس : لا غير ولاشي ,, خل عنك الكلام الفاضي و لحق عليها رائد : يصير خير فارس : الله يعينك على نفسك .... *** رن جوالي ، و المتصل ياسمين : هلا سوسه كيفك ياسمين عصبت : لا باقي معجون اسنان هند : وش اسويلك هذا اسمك ياسمين : هاهاها اقول اخلصي وافتحي الباب هند : من جدك يلا جايه قفلت الخط ورحت فتحت لها الباب ارتمت بحضني المهبولة وهي تصرخ يقآل فاقدتنا دخلتها وقفلت الباب ياسمين : وحشتوني يا بشعات وين رورو هند : لها كم يوم مو على بعضها ياسمين بحزن على صديقة عمرها : أدري عشان كذا جايه هند : تكفين قومي شوفيها لا انا ولا خالتي ما قدرنا عليها ياسمين وهي قايمة : طيب رحت لها في غرفتها كانت مظلمه و دافية ساكنة ما فيها اي حركة قربت خطوات من سريرها وقعدت بطرفه : رؤى رؤى : ........ ياسمين : رورو حياتي قومي أنا ياسمين قعدت على سريرها : .... ياسمين : مايصير يا حياتي اللي تسوينه في نفسك احكي اسمع لك رؤى دموعها تنزل وبهمس مبحوح : ياسمين أحبه ياسمين متفآجئة : من هو !؟ رؤى : رائد رائد ، صارت تشهق بالبكاء من صدمتي ماعرفت وش تسوي ... قربت منها : خلاص اهدأي الحين مو زين لك اهدأي عشان خاطري رؤى بعدما هدت شوي : بس مضطرة اوافق على عبد المجيد ولد عمي زيد أبي اعالج مامتي ماعندي شي اقوله لها قطعت قلبي الله يكون بعونها *** من وقت ما قال لي معاذ عن المشكلة اللي حاصلة معه وهو يتحاشاني وانا ما فكرت احتك فيه اعرف بالاحراج اللي واقع عليه ,, بس لهنا كافي راح آخذه يتعالج و احمد هذا لازم يلقى جزاه هو واللي وراه رفع جواله طقطق لين وصل الرقم اللي يبي .. دق ثواني ولقى اجابه : سم فارس : سم الله عدوينك , بغيتك في خدمة مشعل : آمر ياخوك فارس : ما يآمرك ظالم لازم اشوفك ما ينفع الجوال مشعل : أنا مداوم بس اطلع امرك البيت فارس : لا انا بجيك ,, عندي مشكلة مشعل : بانتظارك فارس : مشكور يا ولد الخال مشعل : ما بينا ، فمان الله قفلت و انا متفائل صح ما افهم في الشغلة بس واضح معاذ بريء و مشعل شاطر .. *** رائد ما صار يعنيلي ولي فترة اقولها و مازلت اقولها سبحان اللي يغير بس يمكن هذي طاقتي خلاص مشاعري و احاسيسي تجاهه قاعدة تتبدل وانا عارفة اللي فيني مو من الحمل كل همي ولدي دلال كذا مرة تقعد معي وتقولي صدقيني هي مرحلة وبتزول بس انا مو مقتنعه بهالكلام ، يمكن اللي مرحلة وبتزول سالفة بابا ايه بابا لانها زالت خلاص أنا قررت اسامحه بعيش مع أب يمكن معاملة رائد له اثر في قراري لانه مدري بس احسه الفترة الماضية يحاول يكرهني فيه و يهددني بولدي ما يقدر يسوي شي ادري انا ؛؛؛؛ دلال : غالية وش فيك غالية : دلال ممكن طلب بعد اذنك دلال : آمري عيوني غالية : أبي اشوف ... بابا دلال : ابوي ، سيف ! غالية : ايه ابي اشوفه لو ممكن حسيت بسعادة تشع من وجهها وهي قايمة : بكلمه الحين فوراً اقوله بطلبك ابتسمت لها : ............. أنا لازم اقعد معه و افهم منه كل الحقيقة و منها حقيقة رائد !! *** وصلت مركز الشرطة بدخل لولد خالي مشعل احكي معه بخصوص معاذ و الشله الفاسده ، رحت له المكتب طقيت الباب : السلام عليكم قام وقف : هلا هلا و عليكم السلام فارس : كيفك ياخوي وش مسوي بدنياك مشعل : الحمد لله انت بشرنا عنك عمتي كيفها بنات عمتي و اولاد عمتي و رجل عمتي كيفهم وش حال الدنيا بكم فارس : الحمد لله كلنا بخير وصحة مشعل : عساه دووم يا رب ,, وش اطلب لك فارس : لا ياخوك ماجيت اشرب جيت احكي لك قصة ولد عمتك وانت لك حرية التصرف مشعل : سم ياخوك اسمع لك فارس : تعرف يا مشعل ان الصغار كبروا و معاذ في مرحلة حساسة و ...... *** محادثة جماعية للبنات على المسن .. هديل : بنات فقدتكم يالخايسات لين : ايه واضح كم لنا نقولك اشتري بيبي وانت رافضة هديل : تعرفين الظروف اقوى مني فوز : طيب ما فيها شي قلت لك نتقاط نشتري لك ما تبين هديل : خليني بقناعتي بعدين هو مو من الاساسيات ولا كنت بوافق على طول لين : بس ولو اخبار القسم و كل شي عليه يعني اساسي هديل : خلاص لا تضغطون علي لين : براحتك بس بيوم لازم تجيبينه فوز : لين وش سويتي مع الدكتورة لمياء و الله تقهر كلمتيها لين : ايه حسبي الله تخيلي اقولها حرام تعطيني 6 في اعمال السنة تقول انت وجودك مثل عدمه ! الله يالدنيا انا وجودي مثل عدمه فوز : خليها على ربك بينتقم لك اجل لولوه جايبة 10 من 10 و انتِ 6 لو انك وش لين : اصلا هذا اللي المفروض اتوقعه لانها حالفة ما اجيب أ+ عندها زين مادتها ساعة مو اكثر هديل : اصلا يحذرون منها ذي لعينة اللي تعجبها تعطيها الفل مارك واللي ما تعجبها مع نفسها فوز : من جدك هدول هديل : ايه وربي شفتي بنت خالتي نورة فوز : ايه هديل : تدرين ان الترم الماضي كان ناقصها 11 درجة مو على النجاح لا هي ناجحة ناقصة عشان تجيب أ+ و عطتها اياها فوز شوي تطلع عيونها : احلفي !! لين بلا مبالاة : اهم شي هي عارفة اني اقدر أ+ عندها و النقص اللي عندي جاني من ظلمها ولا كله جايبة فل مارك < أكثر دكتورة تعجبي اللي تتحداني لأنها تجبرني أجيب معدل ^_^ هديل : الله يعينك لين : الا تعالي وش اخبار بنت خالتك هي وقروبها هديل : ايييييييه تعالي يالشينة وش سالفة مشاعل ما كملتيها ذاك اليوم فوز : ايه جد وش فيك تسألين لا يكون عاجبتك لين : لا السالفة مو كذا .. بصراحة انا شكلها يعني ستايلها وكذا عاجبتني وكم مرة تطيح عينها علي و انا اناظرها والله يستر شكلها فهمتني غلط هديل : مهبولة انت لا لا جد مهبولة مو غير فوز : تدرين وش هالبنت !!!! لين : ادري وربي ادري واصلا انا مو راعية هالحركات بس كـ لوك وفيسها بعد عاجبني فوز : حماره و بتظلين حماره ولا بيوم اشوفك تناظرين فيها ولا تقريبن صوبها هديل : وانا اقول نورة وش عندها تسألني عنك ذا اليوم لين باهتمام : وش تقول هديل : أبد تسأل يعني لو كانت عندك حركات ومن كذا شغلات لين متحمسة : وش رديتي عليها هديل : قلت لها لا ابد وقلت لها اصلا البنت خبله دلخه و عليها طلعات ولا بزر في الابتدائي فوز : هههههههه تعجبيني هدووول لين : مالت عليكم بس هديل : انت ماتعرفين هالبنت لها 5 سنوات في الجامعة وتوها على فكرة ما خلصت ربع مواد تخصصها !! لين : من جدك .! من هي مشاعل ؟ وش قصتها مع لين ؟ . . . . . تم الجزء السادس عشر | |||||||||
|
| |
|
24-10-13, 01:47 PM
| #20 | |||||||||
| نجم روايتي ومشرفة سابقة وفراشة متالقة بعالم الازياء
| الجزء السابع عشر ~ لآ ﯾژآل ... بآبآ ! وصل عند الباب أنا رحت اسقبله و افتح له الباب اقل شي اسويه له يظل بابا ، انتظرته لين نزل وجا سلمت عليه و حبيت راسه ما شفته من غالية في المستشفى بس كلامي معه في الجوال : كيف حالك بابا سيف : تمام دلال : بابا غالية في غرفتها ما تقدر تنزل سيف بخوف : ليش وش فيها تعبانه ؟ دلال : لا تطمن بس عشان الحمل سيف : خذيني لها دلال : حياك معي بابا مشيت مع دلال رايح لروحي مو مصدق انها سامحتني بدون اي محاولة مني كنت مرتب انا اتقرب منها بس بعدما اخلص من رائد اللي تمرد علي من فترة ,, وصلنا فتحت دلال الباب : غلو هذا بابا مثل ما طلبتي لفيت له أناظر فيه ماعرفت وش اسوي بالضبط ماقدرت اقوم له و لا قدرت انطق بكلمة ..... بنتي يا عالم بنتي مستعد ادفع كل اللي املك والقاها بحضني لحظة وحده وعيت وانا قاعد بطرف سريرها و هي دافنه راسها بحضني ضميتها بكل ما اقدر ما ودي تروح مني لحظة وحده هذي الغالية بنت الغالية غالية : غالية غالية : سم .... بابا بعدتها عن حظني و خرت شعرها عن وجهها اتامل وجهها لأول مرة بحياتي عن قرب بهالشكل اشوفها : حياتي انت أنا آسف بابا آسف على كل شي غالية تبكي : ما ابي اسمع شي مابي الماضي مابيه ابيك حاضر و مستقبل سيف : غالية سامحيني غالية : اوعدني ما تتركني سيف : وعد يا عمري وعد اخلفته مرة مستحيل اكرره وعد دفنت راسي في حضنه و انا ابكي واتمسك فيه بقوتي .. اخاف افقده كنت وافقة ما منعت دمعتي تنزل أنا أكثر وحده اعرف وش كثر غالية تعاني و اعرف وش كثر بابا يعاني بعد و يحب غالية الا يموت فيها .. *** سعد بنبرة جاده : قولي يا دكتور وش فيها الدكتور : مجرد تعب نفسي وارهاق و واضح ان المريضة نفسيتها مو تمام يمكن بسبب الحمل سعد : حمل !! أم سارا : يا دكتور ابي اشوف بنتي الدكتور : حالتها ما تسمح الحين لازم نظل نراقبها ساعتين و نراقب الجنين بعدها ممكن سعد : كم لها حامل يا دكتور الدكتور : تفضل معي المكتب اقولك كل شي *** بتعشى مع بابا ما رضت لي دلال انزل واتحرك عن سريري لين اقنعتها وبابا معي لانه ببساطة مايرفض لي طلب .... نزلت امشي شوي شوي وبابا ماسكني من يديني سيف : متى بصير جد بابا ؟ غالية : امممم توني في نهاية الثالث سيف يحسب : يعني باقي ...... 6 شهور غالية : ايه بالضبط سيف : كيف رائد معك توترت جتني رجفة انا متأكدة انه حس فيها لانه وقف وثبتني على الدرج ,, بعثرت نظري في ارجاء الصالة : بخير سيف : غلاي اوعدك بكون لك اب بحميك من كل اذى لين الله ياخذ امانته نزلت الدرجة اللي بقت بدون لا انطق ..... ابوي ! *** مرت ساعتين وطلعت نتايج التحاليل ، مافي داعي تبقى في المستشفى بس لازمها رعاية خاصة هي حامل من شهرين سعد : يلا حبيبتي قومي بنروح البيت سارا تنقل نظرها بين امها و سعد : ابي اروح بيت ابوي ام سارا منحرجه من سعد : لا بتروحين بيتك خلاص عاد كافي سارا سكتت ماتبي تروح مع سعد : .............. سعد فهم عليها : خلاص يا خالتي خليها براحتها ترتاح شوي من ازعاج الاولاد ام سارا : بس ما يصير تبعد عن بيتها كل ذا الوقت سعد : معليش خالتي خليها كم يوم بعد طلعت معها للسيارة برجعهم لبيتهم .. وصلنا سبقتها امها و نزلت ، لفت علي قبل تنزل : سعد ابي اشوف عيالي سعد : تآمرين بجيبهم لك سارا بتردد : سعد ..... شكراً ، نزلت بدون ما تسمع رده تنهد بقوة وضرب على الدركسون : معذبتني *** في الصباح بعد ما الكل غادر طاولة الفطور على دوامه ، باقي شذى و امها فايزة شذى بهمس لفايزه : ها مامي وش صار ؟ فايزه : قلت لك الصبر زين شذى : ماما الصيف ما بقى له شي و زواجها في اول الصيف فايزه : اصبري قلت لك وتشوفين انا مابي حيا الله شغل ابي نتيجة و بتعجبك شذى : على فكرة انا مو موافقة على عبد الله فايزه : ايه احسن و انا اقول كذا شذى : طيب متعب وش اسوي فيه كرهني عيشتي الولد خلوق و الولد ما ينرد فايزه : لا ينرد وانا برده شذى : كفو ماما يلا انا بقوم عندي محاضرة غثه اخاف ينزل لي حرمان فايزة : الله معك .. *** ?َ?ّل ?َ?ّۆ آنﭠ ؟ اليوم عندي جراحه لازم احضرها انا و رؤى مع الدكتور فارس بس رؤى عندها اجازة مرضية بدخل لحالي الله يعينك يا رؤى موقفك صعب كنت متجهه لغرفة المريض احضره عشان طبيب التخدير بعده اوصله لغرفة العمليات ، لقيت بطريقي رائد ! يا ترى غالية كيفها وش حالها من زمان ما خذيت اخبارها : استاذ رائد ممكن شوي رائد : هلا .. تفضلي هند بتردد : هي لقافة مني بس اعذرني ودي اتطمن على غالية كيفها وش اخبارها رائد : اممممممم وش رايك تتطمنين بنفسك تعجبت : شلون ؟ رائد : زوريها ببيتها ممكن ترتاح بشوفك خفت لايكون صاير لها شي : ليش هي تعبانه رائد مبتسم : لا بس مرهقة اقعدي معها ممكن محتاجة تحكي لك هند : اووك عطني عنوانها وانا بروح لها بعد الدوام ان شاء الله رائد : تآمرين ..... *** دلال لها كم يوم مسجلة في دورة فنون هي رسامه اسم الله عليها خل تطور نفسها ، صرت وحدي في البيت وحشني دوامي في المستشفى بس صحتي ما تساعد رائد بصراحة ما فقدته احس بفتور تجاهه ماقدر افسره بس صار عادي عندي بابا فديته وحشني لازم اتغدا معه اليوم رفعت جوال دقيت عليه جاني صوته : عيوني انتِ : اشتقت لك بابا سيف : وانا فقدتك غالية : ما راح اتغدا الا و انت معي سيف : ما طلبتي شي لو تبين الحين اجيك غالية : ياليت ,, جد و الله سيف : من عيوني يا عيوني غالية : انتبه على نفسك انتظرك ، قفلت يارب لك الحمد حننت قلبها علي ودي ما ابعد عنها لو بايدي بس ما بقدر لازم رفعت سماعة التلفون : عبد الرحمن اجل كل اشغال اليوم الخاصة فيني ليوم ثاني عبد الرحمن : طيب بس اليوم اجتماعك مع موظفين فرع السويد سيف : مو مشكلة عبد العزيز معهم أو اقولك ينتظرون ليوم ثاني عبد الرحمن : ان شاء الله يبلغ سيف : خلهم يحضرون السيارة عشر دقايق بطلع بعدها عبد الرحمن: ان شاء الله بنتي يا ناس ... ما تستآهل !؟ *** قررت خلاص وإن شاء الله ما بندم على قراري أخذت جوالي ادق على عمي .. اخذت وقتي عشان افكر في حياتي الجديدة اللي بعيشها مع عبد المجيد : عمي زيد .. أنا موافقة زيد: مبرووك يا بنتي الله يكتب الخير رؤى : لازم نحكي قبل زيد : بمرالوالدة بعد صلاة العشاء وخير البر عاجلة رؤى : يصير خير قفلت منه ، مشاعري غير بس احتاج العملية لوالدتي ما اقدر على تكاليفها موعدها في الحكومي بعد اربع سنوات ! أم رؤى : يمه رؤى انتِ هنا رؤى بهمس : سامحيني أم رؤى بخوف : وافقتي عليه ؟ رؤى : ماعندي غير هالحل ، عمي بيمرك بعد العشاء أم رؤى ساكته ماعندها اضافة : ..... رؤى : يمه ابي كل شي بسرعة وحفل بسيط بس مشيت و كلي الم من قراري .. وش اسوي ما راح انتظر سراب أمي أهم من اي شي ثاني *** وصل بابا و طلع لي غرفتي بتغدا معه اليوم قعد معي .. سيف : غلاي لازم نطلع مشوار انا وانتِ غالية باهتمام : لوين ؟ سيف : بس نروح تعرفين غالية : طيب خلاص بس متى سيف : ما راح تآخذين اذن رائد ؟ لفيت وجهي من طاريه : مو لازم مسكني من ايدي ولف وجهي : الا لازم ، كلميه الحين غالية : بس ... سيف : لا بس ولا شي ، وبحنان : عشاني يلا كلميه غالية : طيب رفعت جوالي ادق على رائد ما كان ودي بس عشان بابا : غالية غالية : هلا رائد كيفك رائد : بخير ، وانتِ غالية : تمام ، رائد أنا بطلع مشوار رائد : مع دلال ؟ غالية : لا مع ...... بابا رائد بعد صمت ..... وبهمس : وين ؟ غالية : مدري بس بطلع معه رائد : متى ؟ غالية : بكرة الصبح رائد : طيب انا جاي على الغدا غالية : بتغدا معه رائد : احسبي حسابي معكم غالية ببرود : طيب مع السلامة رائد بسرعة : غالية .. غالية : وش ؟ رائد : خلاص سلامتك باي قفلت منه ولفيت على بابا : بيجي على الغداء حط رجل على رجل وابتسم وهو يلعّب خصلات شعره : حياه فيني فضول اعرف ليش الابتسامة و وش اللي بيصير في لقائهم سوا في بيتي وليش أصر أني آخذ اذنه دام بينهم توتر !! *** معاذ يتعالج عندنا في المستشفى ابي احافظ على سرية الموضوع ماخبرت البنات ولا الوالدة بالحقيقة يحسبونه مرض عادي ، أنا وليد وابوي بس نعرف الحقيقة كان في زيارة للمستشفى وتحديدا غرفة معاذ اللي واضح عليه الالم : شلونك يبه معاذ بارهاق هز راسه : الحمد لله لف على فارس : ليش يتعذب دامه ما ادمن بنفسه فارس : ردة فعل طبيعية للجسم اللي بيتخلص من الادمان معاذ : متى بطلع ؟ فارس : هانت اصبر عديت الصعب ابو فارس : وش صار عليهم ؟ فارس : مشعل مو مقصر و الشباب مراقبين نبي نوصل للمصدر ابو فارس : الله يكون بعونكم ، حسبي الله و نعم الوكيل *** لِهُنُأِ وٌ خّلُأٌصّ ! خلصت دوامي كنت متوجه للبيت ابي اتغدا مع غالية وعمي مستحيل اخليهم لحالهم سوا مابي يخرب اللي انا ناوي عليه صح غلطت معها الفترة الماضية بس وجوده الحين بيصعب حركتي و ماتوقع انها بتسمع لي على طول رفعت جوالي ابي اكلم الجازي على تلفون البيت ادري انها الحين عنده تنتظرنا فديتها ، ما كمل رنتين الا ورد : هلا رائد : السلام عليكم ، من سعد ؟ سعد : وعليكم السلام هلا رائد رائد : سعد عند التلفون وش عندك ؟ سعد : ابد كنت قاعد ورن ؛ رديت رائد : زين أجل علم الجازي ما راح اتغدا معكم عندي شغل سعد : انت وش سالفة الاشغال ذي اللي عندك وفي النهاية ماشوف نتيجة اي شغلة لك رائد : ههههههههه لا والله مشغول و معزوم على الغدا سعد : يعني ما ودك تحكيلي ؟ رائد : وش احكي لك ؟ سعد : وش سالفتك انت و ابوي و سيف ؟ رائد بتفكير : خله بوقته بحكي لك كل شي سعد : لا الحين انا انتظرك يحاول يتهرب منه : بروح اتغدا جوعان ومعزوووم سعد : من هي غالية وش صاير ذاك اليوم شكله جا الوقت اللي لازم يعرف فيه : سعد ربع ساعة بكون عندك سعد : انتظرك طيب يا رائد نشوف وش سالفتك اللي مدري من وين طلعت بعد *** كنت قاعد بالصالة انتظرهم يجهزون الغدا على اخباري دلال ماتعرف تطبخ فجأة صارت تطبخ قعدتها عند غالية فادتها اسم عليها و هي صارت تقوم اكثر من اول الدكتورة طمنتنا وقالت انه لها مفاجأة احترت معها ما تبي تحكيلي ! رائد اعتذر ما بيتغدا معنا احسن ما ودي يصير بينا اكشن على الاقل عند غالية جاتني دلال : بابا يلا الغدا جاهز مشيت معها : ما شاء الله اشوف صايرة طباخه ؟! دلال بابتسامة : اعجبك اطبخ لك اللي تبي سيف : وغالية تطبخ مثلك دلال : هي الخير و البركة تعلمت منها سيف : ادري بس كنت اختبر اقوالك دلال : تشكك في اقوالي سيف بمزحة : اكيد اقوالك يبي لها اعادة نظر دوووم دلال برمت شفتها : عودتك الله يسامحك بس مشيت سبقته افتح له الباب كانت غالية جاية ورانا جلسنا على السفرة سيف : ما شاء الله انتم طابخين كل ذا غالية : يعني بشوي مساعدة و اشراف دلال : غلو شوفي بابا مو عاجبه اني اطبخ سيف مسوي نفسه مصدوم : أنا !! دلال : وش رايك سيده غالية ، احكمي بينا غالية مبتسمة بدون اي تعليق سيف يناظر صح الرز بنص السفرة : ما شاء الله الشكل و الريحه اووك باقي الطعم دلال : بيعجبك هذي غالية مسويته سيف يآكل : فديت غالية *** وصلت البيت بعد الغداء لقيت سعد مع لين اللي تلعب عبود في الصالة ابوي و الجازي يحكون في مكتبه : السلام عليكم الكل : وعليكم السلام جاني فواز ركض : عمي رويد اليوم تودينا الملاهي صح رائد يبوسه : ايه صح يا بـ ..... ما كملت جملتي وقف سعد : رائد تعال بحكي معك مشيت معه طلعنا للحديقة : هلا سعد : رائد ممكن اعرف كل شي و الحين رائد : طيب بحكي لك كل شي سعد : اسمعك رائد : السالفة بدأ وعمري 16 سنة يوم قال لي ابوي عن ....... / \ / طلعت من مكتب ابوي له كم يوم من رجع من السفر مع زوجته بس ما صا يقعد عندنا مثل اول ، سمعت الموضوع اللي يبيني فيه ، تفاجأت يوم قال لي ان فيه واحد طالبني قلت لك افكر وطلعت لقيت لين تتفرج على التفلزيون واضح نفسيتها ذي الايام مررة اوك ولا همها شي الله يديمه : لين وين سعد ؟ لين : مع رائد الجازي : رائد جا ؟! فواز : إيه جا وطلع مع عمي الجديقة يسولفون الجازي : طيب مشيت طالعه برا البيت ابي اناديهم للشاي .... وسمعتهم ؛؛؛ سمعت كل كلام رائد لسعد !! *** رجعت البيت ارتاح شوي خالتي كانت نايمة مريت على رؤى لقيتها قاعدة كانت تبكي هديتها و اللي فهمته منها انها كلمت عمها و هي موافقة على ولده من الكلام اللي قالت لي انه راح يجي مع ولده بعد العشاء و يكلم امها ، قطعت قلبي المسكينة اجلت روحتي لغالية وقت ما يجي عمها قلت بطلع لها قبل العشاء وارجع بعدما يطلع أخليهم على راحتهم ، وه فديت غالية وحشتني وانا بعد قاطعة لي كم ما كلمتها رائد مدري وش عنده خلاني ازورها دام قلبه حن عساه دوووم كانت الافكار و الذكريات تآخذني وتجيبني لين تذكرت يوم وفاة امي ......... فتحت باب غرفتي لقيتها لابسه عبايتها بتطلع من البيت .. : ماما وين بتروحين ؟ منيرة : مو مطولة انتبهي على البيت انت كبيرة هند : بس انا عندي مغص عشان كذا اليوم ما رحت المدرسة منيرة : أدري عشان كذا كلمت خالتك أم بدر وعطتيها مفتاح الشقة بتجيك كل شوي هند : ماما مو لازم الحين تروحين خليني اطيب نروح سوا منيرة : خلاص ماما أنا بشوف صديقتي من زمان ما شفتها بعدين آخذك لها حتى عندها بنت على كبرك تقعدون سوا هند : والله جد ماما ؟ منيرة : ايه جد يا عيون ماما نامي الحين و قومي بعد شوي اشربي شوربة خالتك ام بدر أنا ما راح اتأخر عليك هند : إن شاء الله طلعت ماما و انا نمت قمت على صوت خالتي ام بدر وبعدها ما نمت فقدت ماما كم يوم لين وصلنا خبر وفاتها بحريق وقتها .. كنت في ثالث متوسط ظليت عند خالتي ام بدر جارتنا لين صرت في الكلية ثم طردتني بعدما وقعتني أوراق ماعرفت وش فيها بحجة إني مو بنتها وعيالها ما يآخذون راحتهم و الحقيقة إن ولدها عبا راسها ضدي لاني رفضت اكون مثل ما يبي !! . . . . . تم الجزء السابع عشر | |||||||||
|
| |
|
| الكلمات الدلالية (Tags) |
| الكاتبة, انتى, تكملة, حالمة, غموض, قاتلي |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
