آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
08-12-13, 04:08 PM
| #11 | ||||||||
| مراقبة عامة ومشرفة منتدى الروايات المنقولة  
|  تابع البارت الثامن ماجد : الله يحيك انا قريب للبيت تقدر تفتح لي الباب خالد : ان شالله دقايق ووصل ماجد عند البيت ودخل خالد: هلا ماجد حياك الله تفضل ماجد: هلا بك المهلي ما يولي والله ماكنت بجيك بس قلت اقولك اليوم لان ماابيك تفكر اكثر خالد:عن وشو تقولي ماجد: بعد ما طلعت من الدوام رحت اتطقس واشوف امور الشركه وجمعت لك معلومات عنها وكيف تعاملاتها وجبتها لك بهذا الفايل خالد: اوكي مو مشكله خله اطلع عليه وباين على وجهه التعب وهو يتكلم ماجد: خالد شفيك خالد: سلامتك بس ماريحت زين ماجد: انا ماجد يا خالد ماجد الي اعرفك عدل فيك شي واذا ماتبي تقول براحتك بس لا تمشيها علي انك مانمت زين خالد وهو يتنهد : اختلفت مع اختي وعورت يدها ماجد: ليييه عسى ماشر خالد: طلعت ونسيت انها قايله لي ولمن رجعت البيت خفت ان صار فيها شي تناقشت معاها بحده وعورت يدها والحين ماهي راضيه تفتح الباب ماجد: غريبه يا خالد تتصرف كذا وصراحه ما الومها انها ماتفتح لك الباب لان حركتك هذي مو عدله خالد:...... مو عارف وش يرد عليه ماجد: طيب ما عندك نسخه ثانيه للمفتاح لاني اتوقع انها ما بتفتح لك خالد : اي والله جبتها الحين اروح اطلعه وادخل عليها غصب ماجد وهو قايم للباب : وطمني والله يكون بالعون خالد: خلك اقعد تو الناس ماجد: خلها مره ثانيه وطلع من عنده وهو على طول راح يدور المفاتيح في غرفة ساره قطع عليها بكاها صوت جوالها الي على طول رفعته يمنى: الو ساره وهي تعدل صوتها: هلا يمنى: شفي صوتك؟ ساره: مافيني شي يمنى: على مين صوتك مليان صياح ساره: اختلف مع خالد تهئ تهئ تهئ يمنى: كنت متوقعه خلاص يله باي بجيك ساره: لا تجين انا قافله الباب وماراح افتح كانت بتقوم وطقت يدها بالارض وصرخت اااه يمنى: ساره شفييك ساره: مافيني شي يدي تعورني وطقت بالارض يمنى: شفيها طايحه عليها ساره: لا شد عليها خالد وصارت تعورني يمنى: طيب خليني اجي اشوف يمكن يبيلك مستشفى ساره: لا لا لا تجين انا اصلا بنام واذا صحيت اكيد بتصير احسن يمنى : اوكي اذا صحيتي كلميني وصل خالد عند الغرفه وحاول يفتحها وبالفعل فتحها ساعده على انه يفتح الباب ان الاقفال الموجوده من النوع الي ما تنشال من الباب يعني لمن ينقفل الباب ما ينشال المفتاح <<<اكرهم خالدوهو يدخل للغرفه : ساره ساره ماشافها بالغرفه ساره وهي طالعه من الحمام : خير بأي حق تدخل ولا حتى الغرفه مالي حق اني امتلك خصوصيتي فيها خالد: ساره انتي شتقولين ساره وهي تصد وتتوجه لسريرها: مالك حق تدخل بدون لا اسمح لك خالد : ساره اسمعيني انا اسف ساره:بليز لو سمحت ابي انام دخلت بفراشها وهي تبكي بهدوء خالد:طيب انا اسف ساره: خلاص تراني مليت من هذي الكلمه خالد: طيب لا تصيحين خلاص ردي علي بدون لاتصيحين ساره وهي ترجع تقعد على السرير : خلاص يا خالد الله يخليك ابي ارتاح ابي انام خلاص كانت تمسك يدها لان الالم زاد عليها خالد: مستعد ما اوريك وجهي بس انا اعتذرت لك خلاص لا تصيرين قاسيه كذا ساره:........................لارد سوا الدموع خالد: تكلمي ردي علي ساره: وش تبيني اقول ؟ خالد: قولي سامحتك وأنا اطلع على طول ساره:.................... خالد: اوكي الي يريحك بس لا تزعلين من اي شي اسويه ساره: وش بتسوي؟ خالد: يهمك تعرفين؟(وضحك بخاطره لان عارف انها مهما زعلت الا ان قلبها ما يطاوعها وترضى بسرعه) ساره: بتتكلم ولا شلون نفذ صبرها خالد: بطلع من البيت ولا عاد تشوفين وجهي ساره طارت عيونها: وانا تخليني لمين؟ خالد وهو يقرب عندها : علاج هذا الشي انك تقولين انك مسامحتني ساره: ومن قالك اني زعلانه خالد وو يمسح دمعتها: دموعك تقول لي ساره: لا مو زعلانه بس يدي تعورني خالد:الله يريحك يارب شفيها يدك الله يقطع يدي ان شالله ساره : لا بسم الله عليك لا تقول كذا خالد: قومي نروح المستشفى ساره: لا ما ابي ودموعها تنزل خالد: ساره لا تعاندين ساره: لا لا ما ابي وصاحت اكثر خالد: لا تصيحين شفيك هالكثر تعورك وحضنها ساره: ابي امي خالد: أشششش خلاص ارتاحي ما بيصير الا الخير نامت بسرعه كأنها طفل محتاج للنوم عشان يريح جسمه ونام هو معاها وهو يفكر بيدها ويدعي ربه ان ما يكون فيها الا الم بس وما صابها شي ثاني ومتأثر كيف قالت ابي امي معناها انها مو مرتاحه وودها تكون امها موجوده عشان تشيل عنها التعب نام وماحس على نفسه لانه من اساس هو تعبان ياترا وش راح يصير هل بتضل يد ساره توجعها ؟ وش راح يصير بحياتهم بعد هذا الخلاف؟ قراءه ممتعه ******** | ||||||||
|  |
|
08-12-13, 04:09 PM
| #12 | ||||||||
| مراقبة عامة ومشرفة منتدى الروايات المنقولة
| البارت التاسع نام هو بعد لانه من اساس تعبان نام وهو يفكر بكلام اخته كيف تبي امهم معناها انها مو مرتاحه وتبي امهم عشان تريحها وتشيل عنها التعب نام ومافكر بشي غير انه يكون لها كل شي عشان ما يشوف الدمعه بعينها فتحت عينها مع اذان الفجر لانها مشغله المنبه شافته نايم جنبها على السرير ابتسمت ساره: خالد يله قوم خالد: اووه انا نايم عندك ساره: شرايك انت خالد: اسف من جد بس ما حسيت بنفسي ساره: هالمره سماح بس لا تعودها قوم عشان الصلاه وعشان تكون مصحصح لشغلك خالد: ماني رايح الشغل ساره: ليه؟ خالد: راسي يعورني ومالي خلق اداوم ساره: بسم الله عليك شفيك خالد:حاس بصداع بيقسم راسي نصين ساره: طيب قوم المستشفى خالد: اي مستشفى بقوم اتوضى وانتي على ما اجي من الصلاه طلعي لي بندول وبصير احسن هذا كله من قل النوم ساره وهي قايمه : اوكيي بتجي من الصلاه بتلاقيه بغرفتك خالد: الله يخليك لي يا احلى اخت بالوجود ساره: ويخليك يارب وما يحرمني منك خالد وهو رايح يتوضى عشان يلحق الصلاه لف عليها وكأنه تذكر : شخبار يدك ساره: احسن من امس خالد: خلاص اجي من الصلاه ونروح المستشفى انا اسف ساره:ماصار الا الخير وكلها شويات وتخف طلع من غرفتها وتوضى وراح للصلاه وهي راحت غرفته تشغل المكيف وتحط البندول عنده عشان يخف الم راسه حطته وطلعت تصلي وانتظرته لين رجع من الصلاه عشان تتطمن عليه خالد: صباح الخير ساره:صباح النور تقبل الله خالد: منا ومنك صالح الاعمال ساره: هاه كيف راسك الحين؟ خالد: والله للحين يوجعني ما قدرت اسجد زي الناس من كثر الالم ساره: طيعني وخلنا نروح المستشفى نطمن عليك خالد:لا خليني اكل البندول وانام لاني ما شبعت نوم وبصير احسن ساره: الي يريحك انا شغلت مكيف غرفتك عشان يبرد خالد وهو يضحك: ههههههههههه بل ما تبيني انام عندك ساره: ههههههههه شبعه هي عندك غرفه خالد: يله تمسين على خير اذا قعدتي قبلي قعديني ان طولت بالنوم ساره: ان شالله راح خالد لغرفته وهي راحت لغرفتها مو جايها نوم حست انها نامت كثير من امس الين الفجر فكرت لقت الجهاز محطوط خذته وشبكت نت ودخلت على المسنجر ظهور دون اتصال بتشوف من موجود شيكت مالقت الا 4 شابكين وواحد من ذولا الاربعه استغربت الايميل هذا وهي ظهور دون اتصال كلمته ساره: السلام عليكم ......: اهليين وعليكم السلالام ورحمة الله ساره من رده انه يعرفها : كيفك .....: بخير والله سوسو وينك انتي وليش دون اتصال ساره وهي تحاول تذكر من يقول لها سوسو: موجوده بس كذا ابي اشوف من موجود ......: ولقيتيني ماشالله علي مداومه بالنت انا ساره معقوله ياربي تكون هي خلني اجرب : ايه يا نوره شفتك وقلت اكلمك واخذ اخبارك نوره: ههههههههههه فديتك طول عمرك انتي اقرب وحده لي لين سافرت ساره الحمدالله انها هي : وش مسويه مع السفر والغربه نوره: والله هذا انا تعرفين لازم اتأقلم مع الوضع لانه انفرض علي وما اقدر اغير فيه شي ساره: الله يوفقك يارب وان شالله تكونين احسن أحد نوره: ههههههههههههههههههه هنديه انتي وش احسن احد ساره: ههههههههههههههههه طوفيها لي لا تدققين نوره: من جد من زمان عنك وشفيك ماتدخلين كثير ساره : ادخل بس ما اطول اشيك واطلع وبالوقت الي ادخل ماتكوني فيه انتي وش جديدك تزوجتي ؟ نوره: لا ما تزوجت انا 24 ساعه على الانترنت ما اسكره الا اذا جيت بنام ساره: يووه حالتك صعبه نوره: وش اسوي ما عندي شي وخوالي كل واحد لاهي بنفسه اسم اني عايشه عندهم يعني لو اغيب عن نظرهم سنه مافقدوني ساره:الله يكون بعونك يالغاليه طيب ليش ماقعدتي عند عمتك هنا ليش رحتي مع امك وانتي عارفه اسلوبهم وطبعهم نوره : ياساره انتي عارفه ان عمتي ماتقدر تعارض زوجها وصعبه تقوله بنت اخوي بتسكن عندي وبعدين عندها اولاد كبار وين بتخليني وشلون اخليهم مقيدين في بيتهم صعبه شوي ولو اني مارحت مع امي بيجون خوالي غصب ياخذوني وانا ما ابي اسبب لأحد اذى تعرفيني ساره: يا عمري يا نوره والله الله يكون بعونك نوره: ليت ابوي ماراح وخلاني هو عارف اني ما اقدر اعيش بدونه ليته مامات ساره: استغفري ربك هذا امر الله قولي الحمدالله وبيدك انتي تقدري تكوني انسانه قويه مايهمها احد نوره: ساره انا تعبت امثل اني مبسوطه محد داري عني امي تزوجت يا ساره وخلتني في بيت خوالي بحكم ان زوجها ما يقدر يصرف ويتكفل فيني ساره وهي متأثره من حال صديقتها الي كانت احسن بنت بمدرستهم حالتها كويسه ودلوعة ابوها ما يرد لها طلب :يا نوره انتي مو محتاجه له واحسن انك قاعده عند خوالك ولا تقعدين في بيت زوج امك نوره: ساره ما اشوف امي انا صرت ابد ساره: طيب كلميها قولي لها ماما تعالي ابشوفك نوره: ههههههه وانا ما كلمتها كل ما كلمتها تقولي مشغوله مسافره تعبانه وكأنها ما تبي تشوف شي يذكرها بأبوي مع انه ما سوا لها شي كان يحبها وما يرد لها طلب ساره: الله يهديها يا نونو لا تخلين شي يأثر عليك انتي قويه ولازم تكونين قويه زي ما عرفتك نوره: وين القوه فيه يا ساره خلاص تعبت انا والله اكتب لك ودموعي تنزل على الكيبورد ساره: تعوذي من الشيطان هذا بليس يلعب براسك نوره: هههههههه راسي كوره يلعب فيه ساره: هههههههههههههههههه بايخه المهم ابيك قويه زي ما عرفتك يا نوره لاتخلين احد يأثر على نوره الــ انتي عارفه انك من داخل قويه واقوى من اي احد بس تدلعين نوره: ادلع يحق لي ادلع دامك صديقتي ساره: تدلعي بس مو واجد لاني مره ثانيه بكفخك نوره : افا تكفخيني يا سوييييييره ساره :هههههههههههههه الا تعالي رقمك نفس ما هو ولا غيرتيه لاني ذيك الفتره ادق عليك يعطيني مقفل نوره : لا غيرته هذاك الرقم هنا ما ينفع يخسرني كثير وهذا هو الرقم وكتبت لها الرقم ساره: اوكي خلاص بحفظه عندي اعطيه صديقاتنا ؟؟ نوره: امممممممم بصراحه لا لا تعطينه احد احس ان كلمت احد بنهار من البصياح ساره: لا ان شالله ماتنهارين ولا شي خلاص اجل مو مكلمتك حتى انا نوره: سويره عقلي بس ودقي لي ررنه عشان اسيف الرقم ساره: اووووكي والحين يله اخليك احس فيني النوم نوره: اوكي الله معاك ولا تقطعين ساره: ان شالله ما بقطع وبكلمك لين تملين مني نوره: لا وشوله امل اسكر الجوال واعطيك بلوك ساره: وجع يالسخيفه ههههههههههههههههههههههههه هه نوره: امزح يا عمري الله يريحك والله انك ريحتيني بكلامك ساره: خوات وما بينا شكر الوحده فينا تشد الثانيه نوره: الله يعطيك العافيه سلمي على البنات كلهم ساره: ان شالله يله مع السلامه نوره: بحفظ الله سكرت المسن والجهاز وهي متأثره من حال صديقتها استرخت على السرير وهي تفكر كيف كانت هذي البنت دلوعه والكل يبي يصير صديق لها والحين كيف محد داري عنها بعد ماسافرت عند اهل امها عقب ماتوفى ابوها بحادث وكيف صارت شبه مجنونه بوفاته ساره وهي تتنهد: ياللللللللللله مافيه احد مرتاح بهذي الدنيا كانت تطلع الساعه الي مشت بسرعه كأنها بسباق لتستقر على 6 وكيف الصبح بدا ينتشر بغرفتها الي مخليه الستاره مفتوحه فيها حاولت تنام غفت الين الساعه 8ونص وصحت شبعانه نوم خذت جوالها وطلعت رقمها ودقت ساره: الو يمنى: هلا ساره كيفك ساره: بخير انتي كيفك يمنى: انا بخير خير شو في صوتك كذا ساره: مافيني شي بس توي صاحيه من النوم يمنى: كيف يدك ان شالله احسن ساره: الحمدالله احسن صارت يمنى: واخوك كيفه ساره: نايم حتى الدوام ماراح يمنى: للحين متهاوشين ساره: لا بس يقول مصدع ماله خلق يروح يمنى: الله يكون بعونه ساره: والله يا يمنى خايفه عليه انا يمنى: ليش من وشو ساره: صاير له فتره يشتكي من راسه يمنى: طيب ليش ماتقولين له يسوي فحوصات ساره: ماراح يطيع يمنى: طيب انتي جربي مو خسرانه شي ساره: ان شالله بحاول الحين اخليك باخذ شور يمنى: اوووك باي سكرت منها وراحت تتروش عشان يرجع لها نشاطها في غرفته يقطع عليه نومه صوت جواله رفعه بدون لا يشوف الرقم ماله خلق يفتح عينه خالد: الو ماجد: هلا خالد عسى ماشر شفيك ماداومت خالد: الشر ما يجيك بس تعبان شوي وقلت اريح والشغل ما ينخاف عليه دامك فيه ماجد: الله يسلمك يارب بس عسى ماشر خالد: صداع ذابحني هاليومين مو راضي يفك عني ماجد: من إيش خالد: اتوقع انه ارهاق ماجد: ماتشوف شر يارب خلاص ريح نفسك كم يوم خالد: وين كم يوم والشغل ماجد بجديه: لو تأخرت يوم او يومين ماراح تخرب الدنيا خالد: انت عارفني اني ما احب ااخر الشغل علي واراكمه ماجد: اجل مالك الا تسوي فحوصات وتشوف وش يطلع معاك خالد: لالالالا مستشفيات وروح وتعال فاضي لهم انا ماجد: ما ينعرف لك لا انت الي راضي بالاجازه ولا انت راضي تروح مستشفى خالد:يصير خير ماجد: يعني بتسوي فحوصات خالد: لا باخذ اجازه ابي اسافر برا انا والرضيعه ماجد: اوكي على كذا اباشر تأجيل مواعيدك الى متى خالد: يعني خلها بعد اسبوعين اكون رجعت ان شالله ماجد: ان شالله صار خالد: مشكور يا ماجد والله مادري لو ماكنت موجود وش بيصير ماجد: ههههههه بيكون غيري موجود اهم شي ريح نفسك وقفل جوال العمل عشان محد يزعجك خالد: مابسكره بعطيك اياه يمكن يصير شي ضروري ماجد:ماعندي مانع اهم شي انك ترتاح خالد: اوكي مع السلامه ماجد: فمان الكريم سكر الجوال وقام من السرير وهو متكيسل والصداع مازال ماسك براسه خذ له شور سريع وطلع لخته الي كانت بالصاله ساره: ما طولت توقعتك تقوم الظهر خالد: قعدت على صوت الجوال ساره: كان خليته صامت خالد: ما انتبهت انه عام احسن عشان انام بالليل ساره: وين رايح خالد: بروح المطبخ شفيك؟ ساره: مافيني شي بس فكرتك بتطلع من البيت خالد:وين اروح؟ ساره: مادري ههههههههههههههههههه خالد: ههههههههههههههههههههه انتي خبله ساره: طالعه على اخوي صب له كاس عصير ورجع قعد جنبها ساره: ماتبي تفطر خالد: لا مالي خلق اكل شي خلني اشرب العصير الحين بعدين يصير خير في المكتب ومع ماجد الي حايس بالشغل من غير خالد دخل عليه الموضف الي تحته وهو يفكر بخالدويدعي ربه ان ما يكون فيه شي .....: استاذ فيه واحد يقول يبي يتكلم معاك او مع الاستاذ خالد ماجد: خله يدخل وخل الفراش يجيب ثنين عصير ...: ان شالله ماجد: اقولك ...:نعم ماجد: لا تخلي احد يدخل علينا ....:حاضر في بيت خالد خالد: ساره وينك انتي وين غاطسه ساره وهي تجي من المطبخ : هذا انا سويت شاهي خالد: ياسلام والله كانك قاعده في بالي اني ابي شاهي ساره: بس عشان تحس خالد: احد قالك اني عديم احساس؟!!! ساره: لو تحس كان ما خليت نفسك كذا خالد والف علامة تعجب فوق راسه : ليش وشسويت انا؟ ساره: سويت انك مهمل نفسك ولا فكرت حتى تروح المستشفى تشوف وش سالفة الصداع خالد: هههههههه فكرت عندك سالفه ساره: وليش هذي مو سالفه خالد : لا والله مو القصد بس شرايك نتغدا برا وبقولك شي بيفرحك ساره: وشو هذا الشي قول خالد: قومي جهزي نتغدا برا ويصير خير ساره : اوكي عطني 10 دقايق واكون جاهزه خالد: اوكيييي انتظرك في بيت يمنى اول مره نجي لبيت يمنى ونشوف اهل هذا البيت الطيبين الي الزمن ماخلى لهم مكان الا وخربه بدمار الابو وادمانه على المخدرات وتركه لهم وهم بأعز الحاجه له لتظلمهم الدنيا تظيم ام وبنتها وولدها الي هي ام يمنى ويمنى وابراهيم لين تمكنوا يتخطون هذا الشي ويحجرون عليه ويمنعونه انه يبيع البيت وتشتغل ام يمنى كاتبه في مجله وتصرف على عيالها عشان ما يحتاجون لحد لين كبرت يمنى وصارت تعاون امها بالكتابه بالمجله بعض الاحيان ام ابراهيم : يمنى يا يمنى يمنى: هلا يمه ام ابراهيم: شوفي وش حاطين وهي تأشر على التلفزيون يمنى: يمه وشو هذا وين ام ابراهيم : مادري ما حطوا مالحقت عليه من اول يمنى: يالله مو قادره اطالع والله احس اني بدوخ ام ابراهيم : حسبي الله ونعم الوكيل يمنى وهي تغمض عيونها بقوه: لالا ما اقدر اطالع يالله شلون كذا يسون بالعالم ام ابراهيم : حسبي الله ونعم الوكيل يا بنتي الواحد شيقول يمنى: ما اقدر يمه ما اقدر اطالع عن اذنك وقامت بتروح ام ابراهيم: قعدي يمكن يقولون وين مكانه يمنى: يمه ما اقدر ما اقدر بالسياره وخالد يسأل اخته : تحبين تاكلين بمكان معين؟ ساره: لا بكيفك خالد: اوكي انا بوديك مطعم روووعه جدا كانك قاعده بحديقه حولك وحواليك العصافير واصواتهم ساره: خلينا نشوف حديقتك الروعه شلون قايله خالد: تتمسخرين ؟ ساره: لا شفيك ما ينمزح معاك انت وصلوا المطعم خالد: يله تفضلي ساره : هذا المطعم؟؟ خالد: ايه هذا يله ودخلوا داخل وجلسوا في مكان هادي مافيه الا صوت عصافير بالفعل كأنهم بحديقه ساره: الله ياخالد منظر يجنن واصوات العصافير تاخذ العقل خالد: اهم شي عجبك المكان يله خلينا نطلب ولا تبين تشربين عصير وبعدين نطلب الغدا ساره: انت الي عازمني براحتك خالد وهو ينادي القرسون:لو سمحت وش تبين عصير انتي؟ ساره وهي تفر بالمينيو: ابي عصير خوخ وبرتقال<<<<وه بس على الربيع خوخ وبرتقال خالد: وع وش ذا ساره: بالعكس طعمه مرررره لذيذ انت بس جربه ماراح تتحسف خالد: مستحيل لا تحاولين ساره:جربه واذا ماعجبك انا اشربه خالد: لا والله عشان تقولين وصار يقلد صوتها شبعت يا خالد ما ابي اتعشى ساره: سخيييييييييييييييف اطلبه وبتشربه كله وبتطلب غيره بعد خالد: ياويلك ان طلع مو حلو ورجع يأشر للقرسون الي جاهم هالمره لو سمحت ثنين عصير خوخ وبرتقال ساره: مور ايس القرسون : حاضر غيره خالد: الحين بس عصير وبعدين نطلب الغدا القرسون: حاضر استاذ ساره: بصراحه المكان يجنن يبي لي اسوي الجمعه مره من المرات هنا خالد: قولي ابي اعزم يمنى هنا ههههههه ساره:المهم ان المكان ما يتفوت خالد: خلاص خليها اذا مشت امورنا كويس مع هذي الشركه اعزمكم انا ساره: سلامات وين تعزمنا وتقعد معانا خالد: يافالحه بعزمكم يعني انتوا تجون تاكلون الحساب علي ساره: قول كذا على كذا ان شالله تتوفق خالد: لمن شفتي السالفه عزيمه قلتي ان شالله هههههههه ساره: افا خالد يعني انا ما ادعي لك الله يسامحك خالد: شفيك امزح معااااك وصل القرسون وقدم لهم العصير خالد: ياويلك ان طلع خايس ساره: استريح بس وذوقه قطع سواليفهم صوت الجوال حق ساره ساره: اهليييييييييييييييييييييي يييييييين فاطمه: هلا والله شلووووونك سويره ساره: بخير والله شلونك انتي وشلون خالتي وفارس فاطمه: كلهم بخير والله يسرك ما نسأل الا عنك ساره : يارب دوم ان شالله بخير الله يحميكم والله وحشتوني فاطمه: باااااااااااااين والدليل اني انا الي داقه عليك ساره: ههههههههههههه فطووم الله يقطع شرك فاطمه: وينك صوت عصافير سوير جبتوا في بيتكم عصافير ساره: لالا انا طالعه مع خالد عازمني على الغدا بمكان يجنن يا فطوم فاطمه: اوكي اخليك سلمي عليه ساره: ان شالله يله سلمي على خالتي وفارس ساره بعد ماحطت جوالها ولفت على خالد الي كان يمزمز بالعصير: هاه شرايك بالعصير خالد: والله لذيذ بس ما بقدر اطلب ثاني لاني ابي اتغدا ساره: شفت عشان تعرف اني ما اطلب شي مو حلو سكتوا يكملون عصيرهم وتذكرت ساره : خالد خالد: بسم الله خرعتيني شفيك ساره: كنت بتقولي شي وشووو خالد: الله يقطع شرك خوفتيني فكرت فيك شي ساره: يله يله قول خالد: نتغدى ويصير خير ساره: خاللللد قول الحين خالد: مافيك صبر يعني ساره: يله قووووووووول خالد: انا خذت اجازه من العمل ونادى القرسون يطلب منه يجيب لهم الغدا ساره: طيب احسن عشان ترتاح ويخف صداعك خالد: وبنسافر برا  ساره:وشوووو من جدك انت خالد: اجل امزح معاك ايه اتكلم من جد شرايك؟ ساره: فكره حلوه بسسسسس خالد: لا تبسبسين قطو انا موافقه ولا لا؟ ساره : وين طيب خالد: سر ساره: موافقه بس بشرط خالد: خير ان شالله وش هالشرط ساره: اننا لمن نروح المكان الي تبيه تسوي فحوصات كامله لك خالد: ليش كل هذا ؟ ساره: احسن ماراح تخسر شي وحتى انا بسوي شيك اب من زمان ما سويت فحوصات خالد: خليني افكر ساره: اوكي غير كذا روح بلحالك ماني رايحه خالد : براحتك انا اصلا كنت بسافر بروحي بس قلت اخذ رايك تروحين بس شكل مالك نصيب في السفره بريطانيا ساره: كأنك مرره استانست اشوف اني مو رايحه خالد: هههههههههههههههههههه ادري انك ما بتخليني اروح بلحالي امزح معاك ياعمري خلاص مالك الا طيبة الخاطر والي تقولينيه بيصير وغصب عني بعد ساره: الله يخليك لي يارب وما يحرمني منك وصاروا ياكلون بهدوء وهي تحمد ربها انه ماعارضها وفرحانه انهم بيروحون لندن يعني حلم حياتها انها تروح لها وتشوفها وتشوف لندن وش راح يصير لهم وش الي بيستجد؟؟؟؟ قراءه ممتعه *********** | ||||||||
|
| |
|
08-12-13, 04:10 PM
| #13 | ||||||||
| مراقبة عامة ومشرفة منتدى الروايات المنقولة
| البارت العاشر في بيت يمنى كانت في غرفتها وتنادي يمنى: برهوووووم ابراهيم وهو قاعد عند امه : نعم انا تحت يمنى : جوالي جنب التلفزيون جيبه ابراهيم: بكم؟ يمنى : يله وعن السخافه ام ابراهيم: قوم يا وليدي ود جوال اختك ابراهيم : يمه بوديه بس بأجره ام ابراهيم: الله الحين بتاخذ من اختك فلوس ابراهيم: ايه لانكم حارميني من المصروف ام ابراهيم : انت عارف وشوله حارمينك ولا تبيني اذكرك ابراهيم: لا ما يحتاج تذكروني بس ربي يسامح وانتوا لا ام ابراهيم: لين اشوفك خوش ولد بعدين ارجع لك المصروف ابراهيم: ايه على ما يرجع اكون انا ناشف ولازم استفيد من كل خدمه اسويها ام ابراهيم: ماراح تعطيك شي ابراهيم وهو متوجه للدرج : بتشوفين بتعطيني وراح لخته وطق الباب عليها يمنى: تفضل ابراهيم وهو واقف قدامها وبيده الجوال وساكت يمنى: عطني الجوال يله ابراهيم : بعطيك اياه بس وين اجري يمنى: اجرك؟؟؟ ابراهيم: ايه اجري قايم وجاي لعندك فوق هذا ببلاش؟ يمنى: وبعدين معاك بتعطيني ولا شلون ابراهيم: بعطيك بس بأجر ولا برجعه تحت ونزلي لحالك جيبيه يمنى: اوووف منك وفتحت شنطتها عطته فلوس ابراهيم : صحيح شوي بسيكفيني لليوم يله هاك جوالك يمنى: يله طس عن وجهي ابراهيم : ان شالللللله وكل ما بغيتي شي قولي لي يمنى: علشان ما يضل شي بشنطتي ابراهيم : ههههههههههههههه ما يخدم بخيل يمنى : ممكن تطس عن وجهي في المكتب وقدام المكتب المليء بالاوراق المحتاجه للفرز والترتيب يرن جواله لينبهه ماجد: هلا والله خالد: هلا فيك ماجد كيف حالك ماجد: أنا بخير انت وش اخبارك خالد: اللهم لك الحمد بخير وصحه كيف الشغل معاك؟ ماجد : ابد الحمدالله كل شي سهاله ان شالله لا تحاتي الا خلاص عزمت السفره ان شالله خالد: إيه بإذن الله الوجهه لندن كلها بس كم يوم لين تجهز التذاكر ماجد: والرضيعه معاك خالد: ايه لازم اخذها ما ابي اخليها هنا ومارضت تروح الا لمن وعدتها اسوي شيك اب هناك ماجد: ههههههه كفو والله ما يفيد معاك الا كذا خالد: ان شالله ابمر عليك عشان اشوف اوضاع الشغل واعطيك الجوال الخاص بالعمل ماجد على خير ان شالله خالد: يله فمان الله ماجد فمان الكريم كمل ماجد شغله الي كان منهمك فيه قبل لا يجيه الاتصال في البيت جات فكره لها وشافت انها تفتاتح اخوها فيها وتشوف رايه هو بعد ساره: خالد خالد وهو يطالع التلفزيون : همممممم ساره: طالعني شوي لاحق على التلفزيون خالد يعدل جلسته : امري وش بغيتي ساره: في راسي فكره بس مادري متردده فيها خالد: الله يكفينا شر افكارك وشو ساره: سخيف تراك ماني قايله خالد: يله عاد ماتتحملين مزح انتي وش فكرتك ساره: شرايك لو نكلم خالتي يروحون معانا خالد وهو يقلب الفكره براسه: فكره حلوه بس تتوقعين يوافقون؟ ساره:ما اتوقع انهم يمانعون وخصوصا ان فطوم بتكون فوق روسهم تحن خالد: اوكي صار انا بكلم فارس وبشوف وش يقول ساره: وانا بكلم فطوم عشان يصير ثنينهم على خالتي وترضى و (سكتت ) خالد: وو وشو؟ ساره: لا قلت بعد بكلم يمنى اشوف اذا تروح هي وامها واخوها خالد: ايييه الحين عرفت كل هالفلم ليش وكل هالسواليف عشان توصلين الى صديقتك وتقولين لها تسافر ساره: خاااااااالد حرام عليك من اول وانا افكر بخالتي وتو بس طرت على بالي يمنى خالد: ايه عدل عشان اذا رحتي تنسيني وتقعدين مع حبيبة قلبك ساره: خلود وش ذا الكلام نساك الموت يا حبيبي خالد: الله حبيبي حلوه مره بس وش وراها ساره: شدعووه يعني حرام وحده تدلع اخوها خالد: لا مو حرام بس انا شام ورا هالتدليعه شي قولي وش عندك؟ ساره: مو شي شي هو شي بسيط طلعتي هناك مع البنات والوناسه وكذا بتخليني اطلع معاهم خالد: طلعه بلحالكم لا طبعا ساره: عادي احنا مو مسوين شي بس بنتمشى وكذا خالد: لا هناك ماعندهم شي اسمه حرام افرضوا صار فيكم شي من الي بيتحسف ساره: يالله يعني مافيه وناسه خالد: محد منعكم بس بلحالكم لا وبعدين انتي قررتي وحكمتي وانتي ماكلمتي احد ولا شفتي وضعهم واحنا على نهاية الاسبوع بتصدر الفيزا وبنسافر قومي بس خلني اكمل البرنامج ساره: لا تستبق الاحداث خلني ابكلم فطيم وبشوف وانت لا تنسى تكلم فارس وتخليه يكلم خالتي خالد: انزين تراك صجيتنا كأنك بزر خليني اتابع ساره: انا بزر يوم اني بزر وشوله تقعد معاي خالد: عشان اشوف وش عندك واشوف عقلك ساره: بايخ وقامت تبي تروح لغرفتها خالد: وين زعلتي؟ ساره: وانت وش عليك تقط الكلام وتقول زعلتي خالد: لا عاد من جد زعلتي؟ ساره: لا مازعلت بس بقوم اكلم فاطمه ويمنى واشوف اوضاعهم خالد: ايه سلمي عليهم ساره: من ذولا الي اسلم عليهم خالد: فاطمه ويمنى ههههههههههههههه ساره: اقول اذلف بس وراحت لغرفتها دورت بالارقام ودقت فاطمه كالعاده بدووون لا تشوف من المتصل جات تركض وردت : الو نعم ساره: نعم الله عليك فاطمه : هلالالالا شخبارك يالخايسه الي ماتستحين وينك كل ذا ساره: حشا خليني اتكلم بالعه مسجل انتي فاطمه: يالدبيه والله وحشتيني شخبارك ساره: انا بخير شخباركم انتوا ن شالله بخير فاطمه: والله بخير ونعمه وشخبار خالد ساره: والله بخير من الله وين خالتي عنك؟ فاطمه: امي عند الجيران ساره: وفارس فاطمه: بالشغل سويره لا تكوني عند الباب ساره: ههههههههههههه لا مو عند الباب بس ابي اقولك شي فاطمه: وشو انخطبتي قولي تكلمي اكيد انخطبتي ساره: منتي صاحيه اسمعيني ووجع فاطمه: اسمع قولي ساره:وش رايك تسافرين؟ فاطمه : وين يا حسره الخايس هذا وراه سفر ساره: حرام عليك ترا بقوله فاطمه: صدقتك قولي عشان اقص لسانك ساره: جد ماودك؟ فاطمه: من يعاف ساره: طيب يله احنا بنسافر فاطمه: الله يحفظكم ان شالله ساره: قولي حق خالتي وتعالوا معانا فاطمه: ما اضن ترضى ساره: يعني يا فطوووم تقنعيني انك ما تقدرين تقردينيها وتخلينها توافق فاطمه : بحاول بس انتوا وين بتروحون ساره: اليمن ههههههههههههههه فاطمه: مالت كش بس ساره: الصدق الصدق لندن فاطمه :الله والله ابي اروح والله من زمان حدي السوق وارجع ساره: طيب انتي فكري وقنعي خالتي ولو وافقت فارس ماراح يمانع فاطمه: اوكي انا بشوف ساره: طيب حاولي تقولين لخالتي بطريقه حلوه عشان ما تعيي باي فاطمه : باي سكرت من بنت خالتها ودقت على صديقتها وطبعا ما احتاجت انها تدور بالاسماء لانها حافظته ساره: الو هلا يمنى: اهلين هلا والله شخبارك ساره: بخير والله اخبارك انتي يمنى: والله كويسه شخبار الصداع مع اخوك ساره: الحمدالله صار احسن توي كنت معاه لين لاعت كبدي قمت وخليته يطالع التلفزيون يمنى: حراام لحاله ساره: وانتي تدافعين عنه ليش انا صديقتك ولا هو؟ يمنى: ما ادافع ولا شي حشا كلتيني ساره: ماعلينا وشرايك تسافرين انتي وامك واخوك معانا يمنى: ماشالله وانتو متى بتسافرون ساره: ان كنتوا بتروحون معانا بنطول عشان نطلع مع بعض واذا لا بس تخلص الفيزا بنسافر يمنى: وين بتروحون طيب وشوله ما قلتي لي ساره: قلت لك بس شكلك مفوته بنروح لندن يمنى: لا ما قلتي لي ساره: يمنى صدقيني قلت لك وتوه خالد اكد قلت اكلم بيت خالتي واكلمك عشان نتونس سوا يمنى: مادري بشوف امي ساره: عادي وناسه والله ودام ابراهيم اجازه بعد يمنى: انتي عارفه ابراهيم كيف ما يحب يطلع برا كأنهم بياكلونه ساره : حاولي والله وناسه يمنى: خليني اقنع امي واشووووف وخالتك وش قالت ساره: ما كلمتها كلمت فطوم وهي تكلمها وخالد بيكلم فارس ويشوفون وان شالله يارب يوافق يمنى: خلاص ان شالله اكلم امي انا وارد عليك ساره: لاتنسين تردين علي يمنى : لا ما بنسى نص ساعه وارجع اكلمك يله سي يو خالد وهو واقف عند باب الغرفه: خلصتي مكالماتك يا كندليزا ساره: هع هع هع اضحك يعني ايه خلصتها انت كلمت فارس؟ خالد: ايه كلمته بس كان مشغول قلت له اكلمك بعدين ساره: انا كلمت فطوم وطارت من الفرح وان شالله يارب خالتي توافق خالد: سويره طفشان حدي شرايك نطلع ساره: لا فيني النووم ابي انام خالد: عفيه سويره يله عاد ساره: انت شبعان نوم روح شم هوا خالد: يله عاد والله طفش مالي خلق اطلع بروحي ساره:امممممم طيب ممكن تطلع خالد: بتطلعين معاي؟ ساره: ايه بس اطلع خلني البس في بيت ام فارس فاطمه:يمه ام فارس : نعم فاطمه: بقعد معاك شوي ام فارس: وش الي عندك فاطمه: ماعندي شي يأحلى أم بالدنيا ام فارس: احلى ام بالدنيا يله يله وش وراها فاطمه : يممممممممه ههههههههههههههههه ام فارس: لا وشي مو هين بعد يله قري قولي وش عندك فاطمه: مشكلتك عارفتني ام فارس: بالضبط مثل ما اعرف راحة يدي فاطمه: يمه شرايك نسافر ام فارس: ووين تبين يا امريتي فاطمه يمه لا تتريقين علي ام فارس: مادري عنك من جيتي وانا عارفه ان وراك شي فاطمه : من جد يمه من زمان ما سافرنا من مات ابوي وانا محرومه من كل شي والله هو الوحيد الي كان يهتم فيني ولا انتي بس همك الشيخ فارس وانا بالطقاق (ودمعت عينها) ام فارس: لا تشتغلين لي من الي حاط براسك هذي الفكره فاطمه: محد ام فارس: اكيد؟ فاطمه وهي تقوم : اكيدين ام فارس: وين رايحه فاطمه : بروح غرفتي احسن لي دخل فارس وهي بتطلع من الغرفه: وين بتروحين قعدي فاطمه: ... لا رد تركتهم وراحت فارس: وش فيها بنتك يمه ام فارس: مادري عنها مادري من لاعب براسها وجايه تجنني معاها فارس: بس اشوفها تصيح ام فارس: دلاعه يعني ما تعرفها خلها تولي وبترجع عادي فارس: لا يمه بروح اشوفها شكلها متضايق واجد ام فارس: كيفك انت وأختك انا بروح انام فارس: تصبحين على خير يالغاليه ام فارس: وانت من أهل الخير في بيت يمنى يمنى: برهوووم تعال ابراهيم:هلا امري يمنى: تعال ابيك ابراهيم: تبيني اجيب لك شي يمنى: لا تعال عاد ابراهيم : نعم يمنى: شرايك تروح عند بيت عمي تنام ابراهيم: الله من جدك يمنى:ايه من جد اكلمك ابراهيم : بس امي ما بترضى تقول اني شيطاني ومحد يتحملني يمنى: لا امي انا بكلمها اذا انت رضيت تروح ابراهيم: والله ان رضت امي لأجيب لك خمس اشيا ببلاش يمنى: ههههههههههههه حسبي الله على شرك من ولد قوم يله ابراهيم: وين يمنى: عند امي *********** | ||||||||
|
| |
|
08-12-13, 04:13 PM
| #14 | ||||||||
| مراقبة عامة ومشرفة منتدى الروايات المنقولة
| البارت الحادي عشر في كوفي شوب هادي جدا يكاد يخلو من الناس من هدوءه قطع السكوت ساره ساره: الله والله مكان راقي جدا خالد: كيف شراايك فيني وانا اعرف اختار ساره:والله روعه صراحه خالد:علشان تعرفين بس اخوك وذوقه ساره: الا تعال كانك نسيت شي خالد: وشو ساره: نسيت تعزمني على المطعم هذاك خالد: مانسيت بس انتظرك تحددي الوقت واليوم وابشري ساره: اصلا خلاص ما ابي اعزمهم خالد: افا يعني صديقاتك ما يستاهلون ساره: لا مو كلهم يستاهلون يعني حسيت انهم مره شادين حيلهم معاي بس مو عشاني خالد: اجل عشان مين ساره وهي تطلع لسانها: مو شغلك خالد:هههههههههههههههههه صحيح عاد وشوله ساره: سمعت من اكثر من وحده اني بنك متنقل ومستحيل ابخل على وحده محتاجه ولا اساعدها خالد: هذا العشم فيك وين المشكله بالعكس المفروض تفرحين ساره: افرح انا ما اعطيهم عشان كل شوي احد يطلع علي لقب خالد: بعد شتسوين اعملي حالك ما سمعتي ولا تقطعين علاقتك بالناس كلها عشان كلام ساره: بس على فكره انا ما كنسلت العزيمه كلها خالد:اجل وش كنسلتي؟ ساره: كنسلت الي بعزمهم خالد:يعني بتروحين لحالك؟ ساره: لا طبعا بروح مع يمنى خالد: قولي كذا من اول ساره: لا تقعد تسوي لي فيها بروح معاها والحساب عليك خالد: ابد حددي اليوم وابشري بسعدك ساره: الله كذا الواحد يحس انه مهم خالد: طول عمرك وانتي همي الوحيد ساره: الله يعني انا هم وقاعده على قلبك خالد: ساره وش ذا الكلام انا ماقصدت كذا انا قصدت اني ادور رضاك وماودي حتى الهوا يضايقك فكيها اشوف لا تقعدين تبوزين ساره: انا فاكتها بس انت اي ماخذ الموضوع بجديه خالد تراني تعبانه وفيني النووم وان ما قمنا الحين بنام على الطاوله ترا خالد: لالا قومي لا نبلش ههههههههههههههههه في بيت ام يمنى كان الوضع هدووء الا من صوت التلفزيون دخلت عليها يمنى يمنى: يمه ام ابراهيم: هلا حبيبتي يمنى وهي تحب راس امها: شلونك يالغاليه ام ابراهيم: الحمدالله يا بنيتي يمنى: بس شكلك حزينه يمه ام ابراهيم : لا مافيني شي يمنى: بقولك شي ام ابراهيم : امري يمه يمنى: شرايك نسافر ؟ ام ابراهيم: نسافر يمنى: ايه يمه نسافر انا وانتي نغير جو ام ابراهيم: وابراهيم يا بنيتي تدرين انه يخاف من الطياره ولا يحب يركبها يمنى : ابراهيم يقعد عند بيت عمي ام ابراهيم: لا يايمه صعبه يقعد بيت عمك وهو شيطاني واخاف يضايقهم يمنى: لا يمه انتي عارفه زين ان ولدك مؤدب ولا يمكن يسويها ويأذي احد وبعدين كلها اسبوع ونرجع ام ابراهيم: خليني افكر يمنى: يمه الله ييخليك والله من زمان ما سافرنا ولا غيرنا جو الله يخليك ام ابراهيم : خير ان شالله يمنى: يمه يعني موافقه ام ابراهيم : موافقه ان شالله يمنى: واااي يمه والله مشكوره خليني اكلم ساره واقول لها ام ابراهيم: وساره وشدخلها بالموضوع يمنى: مو ساره هي الي مقترحه فكرة السفره ام ابراهيم: اه منكم يالبنات والله مو هينات ابد يمنى: يمه وش سوينا وش حليلنا بالله تخيلي المكان من غير بنات والله ملل ام ابراهيم: الله يحفظكم يا بنيتي والله مادري شبسوي من غيرك لمن تتزوجين يمنى: هههههههه بشرط عليه يسكن هنا :$ وفي بيت ام فارس الي كان الجو فيه متكهرب بسبب زعل فاطمه وضنها ان امها تحب فارس اكثر منها كان فارس واقف عند باب غرفة اخته ويبيها تفتح الباب فارس: فطوم فتحي الباب ابي اكلمك فاطمه: ما ابي اكلم احد فارس: يله عاد فتحيييه فاطمه: قلت لك ماني فاتحه وان ما رحت ترا بحبس روحي بالحمام بعد فارس: شوفي ان مافتحتي الباب والله لا اكسره وتقعدين بدون باب طول عمرك وتعرفيني اسويها (قالها بجديه) فاطمه الي خافت انها تصير بدون باب غرفه نطت من فراشها وراحت تفتح : نعم وش فيك يعني الواحد ما يقدر يرتاح شوي فارس: شفيك؟ فاطمه: مافيني شي فارس: شلون مافيك شي وعيونك طماط فاطمه: مافيني شي فارس: فاطمه وش فيك فاطمه رجعت تبكي: ذكرت ابوي كيف كان ما يخليني ابد وكيف كان مهتم فيني ويحبني فارس وبزفره قويه: طيب وانا يافاطمه فاطمه:.................. فارس:ردي علي لا تسكتين فاطمه: ............... فارس: انا مزهقك ومللك ومضايقك يا فاطمه انا ما يهنى لي نوم الا لمن اعرف كيف يومك وكيف انتي مبسوطه ولا زعلانه الا لمن اعرف اني مابخليك تحتاجين لحد انا اتعب واشقى واطلع عنكم بالساعات عشان اعرف اوفر لكم العيش الرغيد الي يخليكم فوق اي احد قولي تكلمي وش بخاطرك وش سويت انا فاطمه: .................(تبكي) فارس: انا ما ابيك تبكين انا ابيك تطالعيني وتقولين لي وش مقصر انا فيه قولي الي بخاطرك كله لا تخلين شي ولا ماراح اطلع من عندك فاطمه: زهقت فارس: من وشو زهقتي فاطمه: بس بالبيت ولا حتى امي ترضا اني اروح لصديقاتي ووان قلت لها تقعد تهاوشني ماكاني بنتها فارس: فاطمه انتي تدرين ان امي تبوس التراب الي ندوسه وعارفه طبعها كيف انها ماتبين محبتها عشان مانقد ندلع عليها فاطمه: هذا انت لكن انا مالي قيمه عندها ومن اكلمها على طول تنتقدني فارس: وش هالكلام انتي عارفه ان امي ما عمرها فرقت بينا فاطمه: ........................ فارس: خلينا من هالسالفه وابي اعرف وش الي مكدر خاطرك الحين ومخليك كذا تقارنين بين حياتنا وابوي موجود ولمن توفى فاطمه: ولا شي فارس: فاطمه وبعدين انتي تفتكرين ان حزنك وتعبك وضيقك يرضيني لا والله مايرضيني ابد انا لمن اشوف دمعه بعينكم انتي او امي تضيق بي هالدنيا هذي كلها لاني مااقدرت امنع عنكم الشي الي يضايقكم فطوم يا حبيتي تفتكرين حتى انا ما اتمنى ان ابوي يكون عايش ويسمع لي واسولف معاه واشكي له تراك غلطانه انا اكثر واحد فيكم اتمنى ابوي يكون موجود واشوفه واستشيره واشكي له انتي لا تضايقتي تروحين لأمي وتقولين الي بخاطرك لكن انا لمين اروح صعبه اشتكي لأي احد تفتكريني حديدي وما يهزني شي لا يا فاطمه انا بعد اتأثر واحزن واتضايق بس اشتكي لربي وحده وهو الي ينصرني ويعيني ويقويني فاطمه:................. فارس: فاطمه قولي لي وش فيك فاطمه: مافيني شي خلاص دام امي مو راضيه ماراح يصير شي فارس: طيب قولي وشو الي تبينه ووعد مني اني اقنع امي قد ما اقدر وتسوينه ماعدا شي واحد فاطمه: وشو؟ فارس: انك تقصين شعرك فاطمه: لا السالفه مو كذا فارس: اذا مو كذا يله قولي وشو فاطمه : انا قبل لا تجي كنت قاعده مع امي واسولف معاها ........ وبدت تسرد له السالفه كلها ياترا يا فارس بتوافق ولا بتخذلها بعد في السياره وقريب من البيت خالد: ساره قومي وصلنا ساره: همممم خالد: قومي وصلنا البيت ساره: ياربي ليش خليتني انام احين ماراح انام خالد: شسوي لك اسولف معاك ومالقيتك الا الاخت معطتني اشكل كسرتي خاطري ساره:الله يهديك الحين ماراح انام خالد: أحسن عشان تقعدين معاي ساره: والله انك فاضي خالد: لا معشق هع ساره: وخر بس خلني اروح انام خالد: توك تقولين ماراح تنامين ساره: والله يا خالد احس بتعب خالد: نوم العافيه وكشر وجهه ساره: خالد شفيك؟ خالد: مافيني شي ساره: وش فيك كشرت؟ خالد: الصداع رجع لي ساره: الله يهديك انت ماتسمع الكلام خالد: وش تبيني اسوي ساره: اجل خل الصداع يزيد ويتعبك خالد: ساره والله مصدع مافيني اتكلم ساره:خلاص ابسوي لك كاس عصير وانت اقعد بالغرفه بدون لا تشغل النور خالد: حاضر وعلى امرك بس وش عصيره بتسوين ساره: عصير ليمون بالنعناع يهدي اعصابك في غرفة فاطمه الي قالت لأخوها كل الي دار بينها وبين امها فارس: هذا الي مخليك مضايقه لا وتصيحين بعد مايصير خاطرك الا طيب فاطمه طارت عيونها: من جد تتكلم ولا تاخذني على قد عقلي فارس: لا من جد اتكلم ومالك الا طيبة الخاطر وان شالله بكره أنا الي بقنع امي فاطمه: طيب وشغلك فارس: عندي رصيد كافي من الاجازات ومو الشغل الي يلهيني عن اهلي قومي فاطمه: وين؟؟ فارس: الغرفه شاري فلم رعب قومي شوفيه معاي فاطمه: لالالالا اخاف ما بي فارس: يله عاد اذا حطوا لقطه تخوف بقدمه فاطمه: اكيد فارس: اكيدين قومي بس ومري المطبخ وسوي فوشار وجيبي عصير جات لجوالها الي تقطع وهو يرن وماسمعته ساره: الو يمنى: باركي لييييييييييي امي وافقت ساره: الله وناسه يعني بنروح كلنا بس باقي فطوم ماردت علي شلون وافقت امك يمنى: ابد كلمتها واقنعتها واقتنعت ساره: وابراهيم بيروح معاكم يمنى: واله لو تقطعينه ماراح بنوديه بيت عمي لين نجي ساره: ياسلالالالالام مو مصدقه اننا بنروح مع بعض يمنى: لا صدقي حبيبتي اذا حطيت شي براسي اسويه ساره: اعرفك الله يعين الي بياخذك يمنى: وش فيكم انتوووووو اليوم ساره: شفينا ومين ؟ يمنى: انتي وامي نفس الكلمه لهدرجه اخوف انا وبعدين وش فيني انا الا قولي امه داعيه له بليلة القدر ساره: الا قولي داعيه عليه يمنى: سارووووووووه ساره: امزح واهم شي انها وافقت يله قلبي وجهك بروح لخوي يمنى: يالله يا انك ماتستحين ساره: ما في احد يستحي من اخته وبعدين من جد احس بتعب وبروح اتطمن على خالد وبعدها بنام يمنى: عسى ماشر ساره: الصداع رجع له فجأه سويت له عصير ليمون وخليته يطفي النور بالغرفه يمكن يكون ضغط بعينه يمنى: يمكن ان شالله ما يشوف شر ساره: الشر ما يجيك يله باي وتتجه لغرفة اخوها الي بعد ماشرب العصير نام على الكرسي بدون لا يحس بنفسه طالعته وكسر خاطرها واحتارت تقعده ولا تخليه نايم بس قررت تقعده لان الكرسي بيتعبه ساره: خالد خالد خالد: نعم ساره: قوم نام على سريرك خالد: طيب وقام بخطى ثقيله للفراش طالعته لين ما تأكدت انه مو حاس فيها وراح بسابع نومه سكرت الباب عليه وطلعت ساره: يارب ما يكون فيك شي هو الي مسبب الصداع ونفضت راسها تطرد الافكار الي بدت تهاجم عقلها في غرفة فارس فاطمه: فارس قوم فارس: هاه انتهى الفلم فاطمه: اي فلم وانت بسابع نومه قوم على سريرك بس فارس: طيب بقوم بس قعدي كملي الفلم فاطمه: لا مو قاعده الفلم يخرع احمد ربك اني مونايمه عندك اليوم ولا كان خليت النور شغال فارس: نامي عادي فاطمه: لا بنام بغرفتي يله تبي شي؟ فارس: لا بس قعديني بكره بدري فاطمه: ليش بكره اجازتك فارس: معليه قعديني فاطمه: على الساعه كم تبي تقوم فارس: ثمان ثمان ونص فاطمه: ان شالله يله سي ييو طلعت من عند اخوها وهي تحس باللوم كيف فكرت كذا وهي بالفعل تشوف اخوها كيف مشغول فيهم وانه مضحي بكل راحته عشانها هي وامها لدرجة انه حتى ما فكر يتزوج ولا يستقر بحياته وقررت ان بكره تعتذر له وصارت تلوم نفسها على لسانها الطويل معاه وجا بكره وهو يحمل في بعض القلوب الامل وفي بعضها الخوف من المجهول سمع صوت جواله يرن رفعه بدون لا يفتح عينه خالد:الو ماجد: عسى ما ازعجتك بس خالد: لا اصلا انا من شويات وانا ناوي اقوم ماجد: طيب انا عند الباب اذا بتعطيني اغراضك خالد: طيب ثواني واطلع لك قام بسرعه يطلع جوال الشغل والاغراض الخاصه بالشغل الي عنده بالبيت رتبهم وطلع من الغرفه شاف اخته بالصاله وتطالعه مستغربه ساره: خالد وين طالع وانت بالهلبس خالد: عند الباب ساره: طيب البس عدل بعدين اطلع خالد: الرجال عند الباب شفيك انتي ساره: صحيح ماعندك سالفه خالد: خليتها لك سوي لي فطور ميت من الجوع ترا وطلع ساره وقفت عند الباب تطالع اخوها وتضحك على شكله وهو طالع بالشورت وبتيشيرت قصير ومبين بطنه رجع لها : يمديك خلصتي الفطور بدال وقفتك ساره: الفطور جاهز بس انتظرك لين تقوم والحمدالله ان الرجال صحاك ولا كان سحبتها نومه للظهر خالد ماعطها وجه وراح للحمام في بيت ام فارس وبتمام الساعه 8 ونص قعدت على صوت المنبه وتوجهت على طول على غرفة اخوها عشان تصحيه من دون لا تغسل وجهها فاطمه: فارس فارس:............ فاطمه: فارس فارس وصارت تهزه الساعه 8 ونص قوم فارس:................. فاطمه تهزه اكثر : فارس قوووووم 8 ونص فارس:....................... خافت ورفعت اللحاف عنه : فارس فارس: بووووووووووو فاطمه: يالسخيف لا تسويها من جديد والله شوي واصارخ فارس: الله لهذي الدرجه تخافين علي فاطمه: سخيف مره فارس: ههههههههههه يله هذا انا قمت طلعت من عنده وهي تفكر كيف تتأسف منه ورجعت له فاطمه: فارس فارس: بالحمام انا فاطمه: مطول فارس: لا كاني خلصت هاه وش تبين فاطمه: ما ابي شي فارس: فطوم وش فيك ********** فاطمه: مادري شقولك فارس: فطوم تبين فلوس؟ فاطمه: لالالالا ما ابي فلوس فارس انا اسفه فارس: على ايش فاطمه: على الكلام السخيف الي قلته لك امس فارس: يا حبيبتي لا تحطين ببالك ولا تفكرين بشي انا ما اهتميت ولا حطيت شي براسي ونسيت فاطمه: فارس والله انك مو مقصر عنا بشي ابد بس انا حماره ما اعرف اتكلم وش تسوي دام ربي بلاك فيني فارس: بحطك على راسي وبقول للناس شوفوا عندي احلى حماره ههههههههههههههه فاطمه: صحيح والله انا اسفه فارس: فطوم الي راح انسيه ولا تفكرين فيه ولا انا زعلان ولا شي وراح اثبت لك اني بنزل لآمي وبقنعها فاطمه وهي فرحانه: والله فارس: ليش بكذب عليك فاطمه: الله يخليك لي يا احلى اخو بالدنيا فارس: الله لو ادري كان مانمت امس الا وانا مكلمها فاطمه: يعني انا ما اقولك كذا الا عشان بتكلم امي  فارس: امزح ويله نزلي سوي لي فطور انتي مو الشغاله ولا ماراح اكلمها فاطمه: هوااااا والفطور موجود كانت امها واقفه عند البا وما انتبهت لها وبتطلع وصقعت فيها ام فارس: يابنيه فتحي ماتشوفين فاطمه: اسفه يمه وطلعت تركض ام فارس: وش فيها هالخبله وش قلت لها فارس:ماقلت لها شي قعدي يمه على ما بدل ثيابي ام فارس: خير يا وليدي وش فيك فارس: يمه ليش تعاملين فطوم كذا ام فارس: شلون اعاملها عادي فارس: لا يمه دايم تحبين تدقرينها وما تعطينها وجه ام فارس: والله يا وليدي اني خايفه عليها ولا ابيها تصير دلوعه واجد الله يرحم ابوك كان واجد مدلعها بس الحين كبرت ولازم اشد عليها فارس: يمه انا اعرف ان تربيتك ما بتضيع فيها بس لو كنتي خايفه عليها ترا الشده الي تعاملينها فيها هي الي بتضيعها ام فارس: ليه انا اشد عليها عشان مصلحتها فارس: انا عارف وانتي عارفه لكنها هي ماتعرف وبتفسر تعاملك معاها انك ماتحبينها وانك مو مهتمه فيها وعيال الحرام واجد ياامي الي يمثلون الصدر الحنون الي تدور عليه اي بنت ام فارس: بسم الله على بنتي فارس: ايه يا يمه انا ما اكلمك عشان اخوفك انااكلمك بالكلام الصحيح لو مالقت في بيتها الشخص الي يحتويها بتدوره برا ووقتها بس ما بينفع الشده الي كنا نعاملها فيها ام فارس: فارس وش تقول انت وش شايف على اختك فارس: يمه الله يهديك وش بشوف عليها اختي مربيه ولا تطلع منها العيبه بس انا اقولك كذا ابيك تنتبهين لهذي النقطه تراها من طلعت من عندك امس وهي تصيح ولا سكتت حتى لمن كلمتها الا بالقوه ترا عقلها للحين ما يفهم انها امي يعني تخاف علي يعني تشد علي الي تتفهمه هو انك لازم تكونين لها الصدر الحنون الي يحويها بكل عيوبها واي بنت مو بس اختي لو لقت هذي الحنيه في بيتها كان ماشفتي ولا بنت قاسده ولا منحرفه ام فارس: انا ما ادري كنت اضن ان شدتي عليها من مصلحتها فارس: ابدا عمر الشده ماكانت زينه وخصوصا مع البنات عشان كذا يمه ارجوك لا تشدين عليها والله امس كلامها خوفني عليها حسسني انها مو طايقه البيت وممكن تشوف لها اي شي وتسوي كل شي بس عشان تسعد نفسها دخلت عليهم فاطمه : هاه تحشوووون في من فارس: لا نحش ولا شي خلصتي الفطور فاطمه: اييه جاهز غمز لها : يله سبقينا وحنا نازلين فاطمه : على امرك على السفره خالد: خووووش فطووور ساره: ههههههههه ايه قدامك ذبيحه خالد: لابجد احس اني ملك على هالفطور ساره: عشان تعرف قيميتي بس خالد: اهااااا وش ورا هالكلام ساره: وشو خالد: نبرة صوتك تقول ان عندك شي ساره:ماعندي شي خالد: ساره شفيك ساره:والله مافيني شي يعني عشان كلمه صار فيني شي تراي امزح خالد: فكرت فيك شي الحمدالله ساره: وين ما اكلت شي خالد: حرام عليك فرمت الي قدامي وتقولين ماكلت شي ساره: بسم الله عليك لا تقول كذا ترا ما يحسد المال الا اصحابه خالد:لاتخافين ما بيضرني شي الا بأمر الله الا ماقلتي لي ردوا عليك؟ ساره: من؟ خالد: الوصيفات ههههههههههههههه ساره: هههههههههههه ردت علي يمنى باقي فطوم خالد: قلتي لهم ان نبي نسافر بسرعه ساره: بس انت ما كلمت فارس خالد: نسييييت عطيني التلفون خالد: هلا والله فارس: ياصباح الحلاوه على الصباح وتلفون من خالد خالد: شخبارك وشخبار خالتي وفاطمه فارس: بخير انت شلونك وشعلوم ساره خالد: والله كلنا بخير شبقول ولد الخاله مشغول؟ فارس: لا قاعد مع الوالده خالد: طيب قوم من جنبها شوي فارس: الو الو ما اسمع لحظه وقام خالد: ههههههههه الله يقطع شرك يا فارس فارس: تبيني اقولها خالد ما يبي يكلمني جنبك الحين ارجع اقول لها ترا خالد: لا بس ضحكتني فارس: هاه امر خالد: مايامر عليك ظالم بس كنت ابقولك اننا ودنا نسافر مع بعض فارس: وانا اقول الاصرار العجيب في فاطمه انها تسافر خالد: عاد خبرك بنات هههههههههههههه فارس: والله الطلعه معاك ماتنعاف ياابو وليد بس يبي لي اقنع امي ويصير كل شي اوكي خالد: حاول تقنعها لاننا نبي نسافر بسرعه وسوا فارس : ان شالله خير سكر من خالد ورجع لعند امه ام فارس: شخبارهم يمه عساهم بخير فارس: بخير يمه ويسلمون عليك ام فارس: الله يسلمك ويسلمهم من كل شر يارب فارس: يمه وش رايك نطلع نغير جو ام فارس: طلعت البحر ما تنعاف فارس: ههههههه لا يمه انا اقصد نطلع برا البلاد ام فارس: لا فارس: ليش يمه والله ودنا نغير جو ونشوف العالم ام فارس: ما اهد بيتي محد فيه فارس: يمه البيت بنقفله وبعدين فيه نظام الحمايه يعني لو فكر احد يدخل هو الخسران ام فارس: قلت لا فارس: يمه شفيك كذا كلنا محتاجين نغير جو وانتي اولنا ام فارس: اكيد الخبله فطيم الي فرت مخك وشغلك يا وليدي فارس: يمه عندي رصيد كافي من الاجازات واقدر اخذ الى سنه كامله اجازه ام فارس: ياوليدي والله فارس: استهدي بالله يا يمه ووافقي وعيال اختك بعد بيكونون معانا ام فارس: يعني خويلد مكلمك عشان السفره فارس: هم الي مقترحين الفكره اصلا ام فارس: خلني اشوفه بس فارس: يمه لو تحبيني لا تقولين له شي ام فارس : امر الله وين بتسافرون فارس: ماسألته والله بس بكلمه عشان نجهز نفسنا ام فارس: ليه اليوم بتسافرون فارس: لا مو اليوم بس لازم نجهز نفسنا واغراضنا الله يافاطمه تحقق الي تبينه .. قراءه ممتعه لعيونك يالحور عجلت بالبارت ********** | ||||||||
|
| |
|
08-12-13, 04:15 PM
| #15 | ||||||||
| مراقبة عامة ومشرفة منتدى الروايات المنقولة
| البارت الثاني عشر في بيت يمنى كانت الساعه 10 صباحا ويمنى توها تصحيح على صوت الباب الي تكسر من كثر الطق يمنى : مين ابراهيم: انا يمنى: شتبي ابراهيم : افتحي انتي وعديتني اني اروح بيت عمي وما وديتيني يمنى :بتروح بس مو اليوم ان شالله بعد كم يوم نوديك ابراهيم: لا ابي اروح الحين وهو مستمر بطق الباب يمنى: ابراهيم شيل يدك عن الباب ان قمت بكسر يدك ترا ابراهيم: ما ابي ما ابي يمنى: الظاهر مايفيد وياك الطيب وفتحت الباب بسرعه عشان ما يمديه يوخر ابراهيم: هديني اي يمنى وهي ماسكه يده:عشان تتأدب ابراهيم: اي هديني يمااااااه وجاتهم امهم على صراخ ابراهيم: شفيك على الولد هدي يده يمنى: خليني اادبه ام ابراهيم: هديه عاد وش سوا هو يمنى: من صباح الله خير وهو يكسر علي الباب من غير سالفه ابراهيم : الا في سالفه ام ابراهيم : وش هالسالفه؟ ابرهيم: قالت بوديك بيت عمي وكذبت علي يمنى: انا كذابه هديني يمه ام ابراهيم : اييييه الا بزر يمنى: هديني ابعلمه من الكذابه ام ابراهيم: انتي ليش استعجلتي وقلتي له وانتي عارفه انه ما بيسكت لين تودينه يمنى: طيب يا ابراهيموه لا تكلمني ولا تجي عند غرفتي لاني ما راح اكلمك سمعت ابراهيم: عادي عندي امي بسولف وبقعد معاها يمنى: بس امي ما تتحمل خرابيطك خلني اشوفك مقرب عندي يمه الساعه كم ام ابراهيم : 10 ونص يمنى: خلني اكلم ساره اشوف وش صار على السفره عشان يمدينا نجهز اغراضنا ام ابراهيم : طيب كلميها بيت أم فارس والساعه الي بنص البيت تعلن عن الوقت اصبح 11 الضحى ولكل في غرفته وفطوم ماتدري ان فارس كلم امها ووافقت طلع فارس من غرفته متجهه لغرفة اخته وهو يغني طق الباب وفتح الباب فارس: فطوم وينك فاطمه: انا هنا عسى خير على الصبح اغاني فارس: الا كل خير ان شالله فاطمه: ان شالله دوم وش فيك مبسوط كذا فارس: وليش حسدتني ايه مبسوط مره وشلون ما انبسط وانا ادري ان امي رفضت السفره فاطمه وعلامات الاسى على وجها: ليش؟؟؟؟؟؟ فارس: وانا بعد رفضت فاطمه: ليش امس كنت راضي وكان كلامك غير فارس: كيفي مزاج فاطمه: لا عاد وشلون مزاجك فارس: ليش ماقلتي ان راس الفكره هي سوير فاطمه: ماجا على بالي وبعدين عادي يعني فارس: لا مو عادي فاطمه: خلاص بكيفكم فارس: ايه بكيفنا اجل بكيفك انتي فاطمه: طيب ممكن تخليني لحالي فارس:وليه ان شالله؟ فاطمه لفت عليه منفعله : حرام الوحده تقعد بروحها ولا فيها ذي بعد سين وجين فارس: بل بل بل كليتيني على العموم انا طالع واذا تبين تعرفين شي مهم لحقيني وطلع وسكر الباب وهو عارف انه بتلحقه انتظرها بس ماجات رجع الغرفتها بيشوف غريبه وهي اللقافه بدمها ومالحقته فتح الباب دور عليها مالقاها بالغرفه وتوه بيطلع وانتبه انها واقفه عند الحمام وسرحانه فارس: فطوم شفيك؟ فاطمه:مافيني شي فارس: لا صحيح شفيك فاطمه: فارس مافيني شي فارس: طيب ماتبين تعرفين فاطمه: اعرف وشو فارس: اني كلمتها فاطمه: ورفضت ادري فارس: لا مارفضت فاطمه: شقصدك؟؟؟ فارس: قصدي اني كلمتها ووافقت وماناقص الا انك تجهزين الشناط وتشوفين وش ناقصك فاطمه: والكلام الي قلته قبل شوي؟ فارس: كنت امزح عشان ماتخبين علي وطلع لسانه فاطمه: باااااااااايخ فارس:يعني شكلك بتخليني الغيها وتركض لين عنده وتحضنه بقوووه فارس: لو ادري انك بتلميني كذا كان ما مزحت معاك فاطمه:بايخ والله ضيقت خلقي فارس: اصلا المفروض تشوفيني انا كنت ابلع الضحكه فاطمه : ما انتبهت لاني كنت معصبه كيف غيرت رايك بسرعه فارس: يله وخري وعن الدلع بروح اشوف اوضاع الشغل وارتب لإجازه فاطمه: وين امي فارس: يعني وين بتكون بعد عمري اكيد بالمطبخ فاطمه: بروووح لها فارس: اوكي بس قبل لا تروحين ماقالت ساره وين الوجهه فاطمه : معقوله اسكر قبل لا اعرف منها وين الوجهه لندن قالت لي فارس: وش الطاري فاطمه: الي قالت لي انه تغير جو فارس: اوكي يله انا بروح اشوف اوضاعي في بيت يمنى كانت بغرفتها دخل عليها اخوها من غير لا يطق الباب لانه عارف لو عرفت انه هو بتصده ابراهيم: يمنى يمنى من غير لا تطالعه كانت تتفرج مجله : لو سمحت اطلع برا ابراهيم: انا اسف يمنى: قلت لك لو سمحت اطلع برا ابراهيم: اقولك انا اسف يمنى: اووف الظاهر انا الي بطلع من الغرفه ابراهيم وهو يمسك يدها وهي طالعه : بكلمك شوي يمنى وهي تفك يدها من يده: يمه انتي تحت انا اجايه وطلعت من الغرفه وهو واقف ام ابراهيم: شفيك يا ابنيتي تنادين يمنى: مافيني شي بس ما ابي اسمع ابراهيم ام ابراهيم: ليش وهو وينه يمنى: دخل لغرفتي ويتأسف ام ابراهيم: حرام الولد جاي يتأسف خلاص يمنى: يمه انا ما ابي لسانه يطول عشان كذا ابي اخليه كذا الين يتأدب ام ابراهيم : حرام عليك انا شكثر يزعلني ومن يتأسف سامحته يمنى: يمه بطريقتي ذي بتخربينه يسوي الي يبي وبعدين تأسف وكأنك يابو زيد ما غزيت ام ابراهيم: بس انا ما اتحمل اشوف ولدي يصيح واصد عنه يمنى: ولا انا بس لازم يتأدب ويعرف كيف ما يطول لسانه على الي اكبر منه دخل ابراهيم الصاله ووجهه ابد ما يسر يمنى: عن اذنك يمه بروح غرفتي ام ابراهيم : قعدي يمه يمنى: لا يمه بروح مااتحمل اقعد بالصاله وراحت ابراهيم : يمه هي ليش تسوي كذا ام ابراهيم: لانك طولت لسانك عليها ابراهيم: بس انا قلتها اني اسف ام ابراهيم : وانت تحسب كل الناس زي امك تزعلني ومن تتأسف رضيت عليك انت الظاهر اني دلعتك واجد وشوف كيف نسيت انها هي اكبر منك وواجبك تحترمها وتقدرها ابراهيم: يمه قولي لها تسامحني والله ما اعيدها وامتلت عينه دموع ام ابراهيم وهي تقول بخاطرها حسبي الله على شرك يا يمنى : مالي شغل انا زي ما زعلتها روح وراضها لحالك ابراهيم: عطيني فلوس ام ابراهيم: باقي يومين وينتهي العقاب ابراهيم: يمه انا ما ابي الفلوس لي ام ابراهيم: اجل لمين؟ ابراهيم: بشتري هديه ليمنى ام ابراهيم: وش بتشتري؟؟؟؟؟ ابراهيم: بشتري لها ورد ام ابراهيم: على كذا زعلني عشان ما ارضى الا لمن تجيب لي هديه ابراهيم: يمه بتعطيني ولا لا؟ ام ابراهيم: كم تبي ابراهيم: الي يجي ام ابراهيم : خذ ابراهيم: شكرا يمه ام ابارهيم : والله ان زعل يمنى مخليك مأدب هههههههههههه ابارهيم وهو قايم بيطلع: يمه وش فيكم علي في بيت خالد ساره كانت على الكمبيوتر وخالد مسترخي بغرفته وحس انه يبي يتكلم مع اخته قام على طول لغرفتها وصل عندها وطق الباب ساره: تفضل خالد: ماتستحين مخليتني بلحالي وقاعده على الكمبيوتر ساره: مادري فكرتك نمت خالد: شدعوه توني قاعد برجع انام قارصتني ذبابة التتي سي ساره: هههههههههههههههه يمكن خالد: عن المصاخه سكري جهازك ابي اسولف معاك ساره: باقي اخر خط يتحمل وبسكره خالد: لاحقه عليه ساره: خالد شفيك التحميل على اخر شي حرام اطفيه خالد:.......... اوف ساره/ ههههههه خلصنا اول مره اشوفك كذا مشتط خالد: مافيني شي بس مضايق شوي ساره: عسى ماشر ليكون احد مكدر خاطرك خالد: تعرفين اخوك ما يهتم بس احس بضيقه ساره: طيب قوم توضى وصل ركعتين واقرا قران وبتشوف كيف تروح الضيقه هذي خالد: شورك وهداية الله ساره: وانا بعد بقوم اصلي الظهر في بيت ام ابراهيم الي كانت جالسه بالصاله لحالها لان يمنى ماتبي تجلس وابراهيم موجود مو لأنها قاسيه لآنها لو طولت بالصاله كان بتقوم تبوس اخوها وتحضنه لانها ما تشوفه الا ولدها مو اخوها دخل ابراهيم الصاله وبيده الورد ام ابراهيم: ابراهيموه شوف وجهك كيف من طلعتك بالشمس ابراهيم: عادي اهم شي اني شريته يمه قومي معاي يمكن اذا شافتك ترضى ام ابراهيم: لا روح انت واكيد بترضى توجه للدرج وهو خايف انها بعد ترده وصل لغرفتها وشافها مفتوحه وشافها قاعده على السرير وسرحانه دخل بدون لا يطق الباب وبدون لا تنتبه لدخوله ما انتبهت له الا لمن وصل عندها طالعت فيه وشافت الورد بيده ووجهه ازرق من الشمس ابراهيم: انا اسف والله ما اقصد اعلي صوتي عليك وطاحت دموعه على الورد فزت من سريرها بدون شعور وحضنته بقوه دخلت عليهم امهم ام ابراهيم: هاه طاح الحطب ابراهيم وهو ينط بوجه اخته : يعني سامحتيني يمنى: انا عمري مازعلت عليك ابراهيم: يعني بتودوني بيت عمي يمنى: ابراهيم احنا بنسافر شرايك تجي معانا انا وامي ابراهيم: لا ما ابي ابي اروح بيت عمي يمنى: طيب انا اخاف انهم يتضايقون من شطانتك ابراهيم: لا ما يضايقون اصلا عمي يقولي اقعد عندي انا اقول لا بروح عند اهلي ما عندهم احد يمنى: يا عيني على الرجال ما اقدر انا ام ابراهيم: ابراهيم طول عمره رجال يمنى: خلاص بتروح بس لا تستعجل اصبر شوي ابراهيم: خذي ومد لها الورد يمنى: هذا الورد لي ياسلالالام بحطه بالمزهريه عشان كل يوم اشووفه واشمه ابراهيم والحيا مقطعه: خلاص بروح غرفتي ام ابراهيم: الله يلوم الي يلومك صفقتك الشمس روح ارتاح لين الغدا بيت ام فارس فاطمه تنزل على الدرج وهي تنادي امها الي كانت تجهز الغدا فاطمه: ماماتي ماماتي ام فاس: بالمطبخ فاطمه : شخبارك ماماتي ام فاس: بخير حبيبتي وش عندك توك تنزلين فاطمه تبي تتأكد امها قالت لها حبيبتي ولا يتخيل لها :................. ام فارس: شفيك ساكته فاطمه: مافيني شي بس كنت مع فارس ام فاس:وش قالك بنسافر فاطمه: ايه قالي ام فارس: ارتحتي الحين فاطمه: يمه والله كلنا محتاجين نغير جو وأولنا انتي محتاجه انك ترتاحين ام فارس: يابنيتي انا راحتي يوم اشوفك انتي واخوك سعيدين فاطمه:............... وفي خاطرها تتكلم وش فيها امي تكلمني كذا غريبه ما هاوشت اني مانزلت اساعدها في الغدا قطع تفكيرها صوت امها ام فارس:وش تفكرين فيه يله جيبي الصحون خلني احط الغدا الحين يجي اخوك ويبي الغدا جاهز فاطمه: ان شالله يمه بيت خالد ساره: خاالد ان شالله ارتحت الحين خالد: الحمدالله والله احس نفسيتي احسن ساره:دام نفسيتك صارت احسن قوم يا طويل العمر جيب لنا غدا خالد: ليش ماسويتي غدا ساره: والله راح علي الوقت وانا على الجهاز خالد: يعني اليوم مافيه غدا ساره: الحين الي يسمعك ماكأني كل يوم اكل لحالي خالد: طيب فكينا وقومي البسي ساره:لا مالي خلق اطلع جيب غدا وتعال خالد: ايه لييييش طيب ساره: بس مالي خلق خالد: اما انتي عجيبه في احد يحصل له طلعه وما يطلع ساره: ايه انا خالد: تبين شي معين ساره: لا بس اطلب ورق عنب خالد: اسف ساره: ليييه خالد: ورق عنبك الذ من الجاهز ساره:طيب مشتهيته خالد: بجيب علبه ولفيها ساره: سالفه والله خالد: لا سالفه ولا شي وفوق هذا بأكلك على رايي حمدي ربك في بيت ام فارس فاطمه متجهه لغرفتها بعد ما ساعدت امها بالمطبخ وهي تحس انها بحلم ومو مستوعبه وتكلم نفسها معقوله أمي تكلمني كذا فجأه أمي طول عمرها تهاوشني وتعصب علي مره وحده تصير لينه بتعاملها قطع حبل افكارها فارس وهو يناديها فارس: فاطمه فاطمه: نعم شفيك تصارخ فارس: جيبي جوالي من الغرفه وتعالي فاطمه: حرام عليك توني راكبه فارس:بتجيبينه ولا شلووووووون فاطمه: خلاص خلاص جيبه فارس: جيبيه لي المجلس فاطمه: طرار وتتشرط بعد فارس: بطلي طوالة لساااان في سيارة خالد خالد: الو مرحبا ماجد: مرحبتين السلام عليكم خالد: وعليكم السلام والرحمه ماجد: كيف الحال خالد: اللهم لك الحمد شخبارك انت وشخبار الشغل معاك ماجد: والله اللهم لك الحمد هاه صوتك كأنك سافرت خالد: هههههههههه اي سافرت الرضيعه اصرت اننا نكلم اهلي ونسافر جميع ماجد: طيب حلو ليش زعلان خالد: مو زعلان بس شكل السالفه بتطول وانا ابي اسافر بسرعه ماجد: وش عنده الي بيسافر بسرعه خالد: والله يا ماجد ماني مخبي عنك الم راسي قاعد يزيد ولا انا قادر اتحمله وابي اسوي فحوصاتي واعرف وش سالفته ماجد: طيب استعجلهم خالد: ما ابي لاني لو سويتها بيحسون ان فيني شي وانا ما ابي احد يدري حتى اختي ما فتحت لها موضوع ماجد: ان شالله خير فيه الف طريقه تقول لهم بدون لا يحسون بشي خالد: ان شالله اوصل البيت واكلم فارس اشوف وش قرروا عليه ماجد: ماتشوف شر ان شالله خالد: الشر ما يجيك يارب سكر خالد وهو مو قادر يتحمل الألم والصداع ومو قادر يركز على السواقه في البيت كانت ساره تنتظر اخوها يجيب الغدا وجا ببالها تكلم فاطمه ساره: الووووو فاطمه: الوهاااات اهلين ساره: هاه بشري وش صار عليكم فاطمه: ابد كلمت فارس وهو الي كلم امي وتمت الموافقه ساره: طيب وش تنتظرون يعني لازم يغير احد رايه فاطمه: مادري بس الظاهر ان فارس ينتظر خالد يحدد ساره: اوكي ان جا خالد بكلمه وبشوف وش يقووول فاطمه: طيب يالدبه لازم اسكر بروح انزل جوال فارس لا يسوي لي سالفه ساره: سلمي عليه فاطمه: الله يسلمك وصل خالد البيت وهو مو قادر يشوف من قوة الصداع دخل ووقف عند الباب يبي يستجمع قوته عشان ماتشوفه اخته والتعب هالكه ساره: هلا خالد وشو جبت خالد: وجبات ساره: من وين خالد: خذي الاكياس وبتعرفين من وين ساره الي انتبهت لخوها وكيف لونه مخطوف : خالد شفيك؟ خالد: مافيني شي تعبان شوي خلي اأكلي بالمكرويف بنام واذا قعدت باكل ساره وقفت قدام اخوها : خالد بتقولي وش فيك ولا كيف وهي تناظره خالد ماقدر يخبي اكثر وخصوصا انها تطالع فيه : والله يا اختي راسي بينفجر ماني قادر اوقف ساره: بسم الله عليك شفيك خالد: مادري خليني انام اكيد بصير احسن ساره: طيب تعال وسحبيت يده توديه لغرفته ودخلت معه وقعدت جنبه خالد: روحي أكلي ان شالله بصير احسن ساره: ومن يوين يجي لي نفس اكل وانت كذا تعبان خالد: ساره لا تقعدين تصيحين مافيني شي وان بتقعدين تصحين رجاء لا تقعدين عندي ساره: خلاص اصلا انا ما صيح وين القران ؟ خالد: فوق المكتب وبدا يرص على المخده من قوة الالم شالت راسه من فوق المخده وحطته على حضنها ومامانع ابدا لانها بدت تمسح عليه وتقرا قران لين راح بسابع نومه وماحس بشي بعد ساعتين حس بشي بارد على جبهته وفتح عينيه بشويش لقاها تقرا قران وتصيح ماتحركت عشان ما يتأذى بنومته لكنه صحى من دموعها خالد: يالغاليه من متى وانتي تصيحين ساره وهي تمسح دموعها : لا ما اصيح بس تثاوبت خالد: قولي والله يعني انا ما اشوف عيونك كيف متنفخه وقام من حضنها ساره: شلونك الحين ؟ خالد: الحمدالله خف الصداع ساره: تبي شي خالد: جوعان ساره: خمس دقايق والاكل عندك طلعت من عنده وهي يالله تمشي لان رجلها المتها من الجلسه انكسر خاطره على اخته كيف انها قعدت اكثر من ساعه ولا تحركت عشان ما يتأذى بنومته رفع جواله عشان يدق على فارس لكن فارس سبقه وهو الي دق عليه خالد: عمرك طويل فارس: بالطاعات ان شالله شخبارك خالد: الحمدالله شخباركم انتوا فارس: الحمدالله يارب يسرك الحال خالد: ليش مارديت علي فارس: على وشو خالد: شدعوه نسيت السفره فارس: والله داق عليك بشوفك وش نويت عليه خالد: وأنا رافع التلفون بكلمك وبسألك بتروحون ولا لا فارس: ولو حنا نقدر نفوت روحه معاكم خالد: هههههه الله يسلمك فارس: متى العزم طيب عشان نطلع سوا خالد: ودي من اليوم فارس: الله الله على الي مستعجلين خالد: خلها على ربك بس فارس: خير شووو فيك خالد: مافيني شي بس انتوا قررواا وخلونا نشوف الحجز فارس: خلاص خلوها على نهاية الاسبوع هذا ولا شرايك خالد: اوكي انا اذا صحصحت بشوف الحجوزات فارس: حلو جدا يله اخليك تصحصح الحين خالد: فمان الله دخلت ساره ومعاها الاكل وهو يحط جواله ساره: من يكلمك؟ خالد: وحده ساره: ضحكتني ههههههههههههه خالد: الله لهدرجه انا بشع ومحد يقبل فيني ساره: هههههههههههه عاد مين يكلمك؟ خالد: فارس ساره: شفيه خالد: مافيه شي بس يسأل عن السفره ساره: أنا كنت بقولك تكلمه وتشوف وش بيسون ومتى السفره خالد: خلاص قررنا انها على نهاية الاسبوع ابتدي تحطين اغراضك من اليوم عشان ماتنسين شي ساره: لاتخاف اهم شي انت اغراضك عشان ماتقدر تزعل هناك وتسوي لي سوالف هذا غداك وانا بروح اكلم يمنى واعطيها خبر خالد: اوكي كلميها وقولي لها اذا تبيني احجز لهم معانا ولا كيف نظامهم ساره: ان شالله يا اخوي طلعت تاخذ جوالها من الصاله ودقت رقم صديقتها ساره: الو هلا يمنى شخبارك يمنى: بخير شخبارك انتي وشخبار اخوك مع الصداع ساره: والله قبل ساعتين دخل علي ووجهه مهلوك كان تعبان مره مو قادر يفتح عينه من قوة الالم يمنى: سلاامااات والله من وشو طيب ساره: مادري يقولي راسي بينفجر يمنى: طيب هذا الامر ماينسكت عنه ساره: والله عجزت اقوله سو فحوصات ماهو راضي ماني عارفه شسوي مع عناده يمنى: طيب كلمي ولد خالتك اكيد هم اولاد ويعرفون يقنعون بعض وسمعت ساره صوت شي يطيح بغرفة اخوها وطاح قلبها مع الطيحه ساره: يمنى اكلمك بعدين وقطت الجوال وراحت تركض لغرفة اخوها فتحت الباب ولقته طايح على الارض وجنبه الصينيه ماعرفت شتسوي ركضت تبعد عنه القزاز الي جات يده عليه وجرحه وتصارخ بأسمه وتهزه ولكن بدون فايده عرفت انها ما بتقدر تسوي شي وجاتها الفكره انها تكلم الاسعاف وبسرعه دقت عليهم وحطت غطاها على راسها وانتظرت جيتهم الي ما طولت دخلو البيت وهي مو عارفه وش تسوي ولاهي حاسه بعمرها تحس انها بدوامه بحلم بكابوس تتمنى اي احد يصحيها منه خذت الجوال وطلعت معاهم وصارت جنبه بالاسعاف ياترى وش راح يصير عليك يا خالد وهل بالفعل بيسافرون ولا طيحة خالد بتفركش كل حاجه قراءه ممتعه ******* | ||||||||
|
| |
|
08-12-13, 04:16 PM
| #16 | ||||||||
| مراقبة عامة ومشرفة منتدى الروايات المنقولة
| البارت الثالث عشر وصلوا المستشفى وساره مو حاسه بنفسها تركض وراهم تبي تشوفه تبي تعرف وش بيسون له وصورته ماراحت من راسها وهو طايح على الارض ومتشنج ماهي عارفه وش المفروض انها تسويه دخلوه الين غرفة الكشف ومنعوها تدخل لان الاطباء بيكونون مالين الغرفه ومالها مكان انظرت برا وهي تبكي ماهي عارفه وش بيصير تحس انها بدوامه وبعز بكاها ذكرت عيال خالتها وذكرت ان لازم رجال يكون معاها ذكرت الجوال خذته ودقت على فاطمه ساره: الووو هلا فاطمه ممكن تعطيني فارس فاطمه: صبري خلني ارد بالاول ساره: فاطمه ولي يعافيك عطيني فارس فاطمه: لحظه لحظه ورجعت لخوها فارس يافارس تلفون فارس: مين؟ فاطمه: ساره بنت خالتي بس صوتها متغير فارس: عطيني اشوف فارس: هلا هلا بنت الخاله ساره: الله يخليك يافارس الحق علي فارس: عسى ماشر خير شفيكم ساره: مادري مادري خالد يافارس طاح والحين انا بالمستشفى وسكتت وهي منتهيه من الصياح فارس: هدي اعصابك ان شالله خير يله مسافة الطريق وانا عندكم سكرت ساره وهي منتهيه وماهي قادره توقف والي زايد عليها ان محد عندها طلع فارس من الصاله لغرفته يركض وامه واخته مستغربين ام فارس الي لحقت ولدها: خير ياوليدي وش فيه فارس: يمه خالد تعبان وساره محد عندها ولازم اروح لهم ام فارس: وماقالت لك وش فيه فارس: يمه ما ادري ولازم اروح لهم الحين ام فارس : والله ماتروح الين البس واجي معاك فارس: يله يمه والي يعافيك البنت بلحالها ومافي وقت فاطمه : وانا بروووح والله ما اقعد على اعصابي فارس: ياله الله يهدكم لا تسولفون جهزوا اغراضهم بسرعه وطلعوا من البيت وهم خايفين على ساره الي بلحالها ومبين من صوتها انها منهاره في هذي الاثناء ساره في المستشفى والدنيا مو شايلتها وتستغفر ربها وتبكي ويقطع صوت الجوال ساره وبصوت متقطع : الو يمنى: ساره حبيبتي شفيك ساره: ............... وتبكي يمنى: شفيك ردي عليك لا تصيحين ساره: خالد يا يمنى خالد يمنى: خير وش فيه ساره: مادري طاح والحين بالمستشفى ومارضوا يدخلوني معاااه يمنى: اهدي لا تخافين ان شالله خير انا بجي لك الحين ساره: الله يخليك يا يمنى تعالي موعارفه شسوي يمنى: خلاص اهدي الحين اجي لا تسوين بنفسك كذا سكرت يمنى من صديقتها وقلبها متقطع عليها يمنى: يمه وين السواق ام ابراهيم: برا يا بنتي خير شفيك يمنى: بروح المستشفى ام ابراهيم : بسم الله عليك يمه شفيك يمنى: مو انا يمه ساره اخوها تعب ولحالها بالمستشفى ابراهيم : صبري بجي معاك يمنى : بنتظرك بالسياره انطلقوا بالسياره على المستشفى وقلبها بيطلع من مكانه خوف على صديقة عمرها لا يصير فيها شي وهي بلحالها لين وصلوا المستشفى وسألوا الاستقبال ودلوهم واول ما قبلت يمنى على صديقتها قامت ساره وراحت تركض وارتمت بحضن صديقتها وهي تبكي ومنهاره من البكى وبين بكاها تكلمها ساره: اخوي يمنى ماتحملت يمنى وصارت تبكي معاها وتحاول تهديها يمنى: لاتخافين ان شالله خير ساره: الدكتور ماطلع للحين من عنده ام ابراهيم: بس يابنتي تعوذي من الشيطان ان شالله ما يصير الا الخير وحضنتها في الطريق وقاطمه تحاول تكلم بنت خالتها بس مافيه شبكه ويوم رن ماردت عليها فاطمه: ساره ماترد فارس: حاولي يمكن ترد علشان تسألينها بأي مستشفى ورجعت تدق فاطمه وهالمره ردت عليها وحده بس مو ساره يمنى: الو فاطمه: الو من معاي يمنى: انا صديقة ساره فاطمه: هلا يمنى وين ساره يمنى: ساره ماهي قادره تتكلم من الصياح ابيها تهدى مافي فايده فاطمه: الله يجزاك خير انتي معاها بالمستشفى يعني يمنى: ايه من مساع وانا اببيها تسكت بس مافي فايده اوجعت قلبي من كثر الصياح فاطمه: الله يعطيك العافيه ويجزاك خير يمنى: وياك ان شالله مافيه بين الصديقات والخوات شكر واذا ما وقفت معاها الحين متى فايدتي؟ فاطمه: احنا ما بقى شي ونوصل انتوا بأي مستشفى يمنى: العام جة الاسعاف فاطمه: على خير يله اخليك الحين الله يخليك يمنى انتبهي لها يمنى: الله يحفظكم لا تخافين بعيوني ام فارس: هاه يمه كلمتك فاطمه وهي تبكي : لا يمه هذي صديقتها هي مو قادره تتكلم من الصياح ام فارس: يارب لطفك والله يا خوفي يصير هي فيها شي فارس: لا ان شالله الله لا يقولها ما بيصير الا كل خير ان شالله ام فارس: ياوليدي البنت متعلقه بأخوها واجد واكيد الحين خايفه تفقده فارس: يايمه الله يهديك ان شالله مافيه الا كل خير لا تفاولين على الولد ام فارس:ان شالله يا وليدي ان شالله وعلى كلمتها وصلوا عند المستشفى وبكل سرعه توجوهوا لقسم الاسعاف وراحوا الحريم لقسم الانتظار عشان يشوفون ساره ام فارس وهي مقبله على الغرفه ام فارس: ساره يمه نطت ساره على صوت خالتها الي عرفته وارتمت بحضنها ساره: خالتي خالتي خالد للحين ماطلعوا من عنده ولا خلوني اشوووفه ام فارس: يا بنيتني لا تسوين بنفسك كذا اقعدي اقعدي فطوم جيبي ماي لبنت خالتك كانت تتكلم وهي نفسها مو قادره تسكت قعدت على الكرسي وقعدت جنبها فاطمه الي حضنتها وصاروا يصيحون ثنينهم طل عليهم فارس ام فارس: هاه يمه وش صار فارس: لسى يمه ما طلعوا من عنده ساره: فارس الله يخليك خلني ادخل عنده فارس: قولي لااله الا الله ولا تسوين بنفسك كذا فاطمه تعالي ابيك برا طلع فارس ولحقته اخته فاطمه: نعم فاس: من الي قاعدين عندكم تعرفونهم؟ فاطمه: ايه هذي صديقة فاطمه وامها فارس: فشيله حتى ما قلت السلام عليكم فاطمه: اكيد بيعذرونك بس لو تبي ادخل الحين وسلم فارس: رايك كذا يعني فاطمه: اذا تبي تقدم فارس ودخل الغرفه الخاصه بالانتظار فارس:السلام عليكم ياخاله ام ابراهيم: وعليكم السلام ورحمة الله يا وليدي فارس: سامحيني ياخاله والله اني منحاس ام ابراهيم: الله يلوم الي يلومك ياوليدي لف جهة يمنى : السلام عليكم اختي اسفين خليناكم تتركون بيتكم وتقعدون هنا بالمستضفى يمنى: وعليكم السلام ورحمة الله وبركاته مافيها شي اختي وواجبي اقعد عندها واطمن عليها لفتت نظره ساره الي منزله راسها وتصيح فارس: ساره انتي عارفه لو شافك خالد بهذي الحاله وش قد بيكون زعلان ساره:................ فارس: يا ساره ما يصير تسوين بنفسك كذا هذا ما يرضي الله ولا يرضي خالد بعد ساره: .......... لا تعليق لان الكلام مو عاجبها فارس: خلاص يله يمه انتي وفاطمه خلنا نرجع لان بصياحها هذا ماهي محتاجه لنا طالعته ساره بنظرة رجا ما قدر يتحملها وطلع من الغرفه على طول ورجعت هي تصيح بصوت عالي طعت فاطمه تكض :فارس الله يخليك نادهم يعطونها اي شي ماهي راضيه تسكت فارس: الله يلوم الي يلومها بروح اشيك انا على الدكتور يمكن طلعوا من عند خالد فاطمه: طمنا في غرفة الانتظار كان الوضع مره متأزم ساره من جهه تصيح وتسكت كانها تتذكر شي وترجع تصيح اكثر ام فارس ويمنى وفاطمه الي يحاولون يسكتونها وهم مو قادرين يسكتون بسبب صياحها الي يحزن بالمره ام فاس: خلاص ياساره والله اذا قام خالد بقوله بخليه يزعل عليك ساهر: خليه يقوم ويزعل زي ما يبي ورجعت تصيح يمنى: ساره سكتي وادعي له وان شالله بيقوم بالسلامه مايصير تسوين بنفسك كذا عند فارس الي توه يشوف الدكتور طالع من الغرفه وركض له فارس:بشر دكتور الدكتور: انت تقرب للمريض فارس: ايه انا ولد خالته واخوه الدكتور: كنت عنده يوم طاح فارس: لا الدكتور: ممكن اكلم اي احد كان عنده يوم طاح فارس: فيه اخته بس ما اضنك تقدر تتكلم معاها لان حالتها اصعب منه الدكتور: طيب ممكن تتفضل معاي المكتب توجهوا لمكتب الدكتور الدكتور وهو يجلس على الكرس: والله يا اخ ... فارس: فارس الدكتور : يا اخ فارس حالة الاخ خالد صعبه فارس: صعبه يعني شلون صعبه الدكتور: يعني الورم بالمخ مره كبير وماخذ حيز احنا بنبذل قصارى جهدنا وان شالله ربي ما يخيب رجاكم فارس: كيف يعني مانقدر نسفره برا ؟ الدكتور: والله لو تسفرونه احسن لآن العلاج هناك بيكون احسن وعندهم الخلفيه التامه بحالة المريض عندنا هنا مجال الطب اقل بكثير من برا فارس: طيب احنا نبي نسفره لندن نقدر؟ الدكتور: لازم قبل كل شي نراسل المستشفى هناك ونعطيهم التقارير الكامله عن حالته عشان يكون عندهم العلم الكامل بالحاله فارس: صار واحنا جاهزين الدكتور: خلاص اعمل اتصال مع المستشفى ونرد عليكم فارس: شكرا دكتور يعطيك العافيه الدكتور: العفو هذا واجبنا ما سويت شي وان شالله بأسرع وقت راح يتم الرد وانتوا جهزوا اوراق السفر فارس طلع من عند الدكتور وهو مضايق ولا هو عارف وش يقول لأهله وش بيقول حق ساره الي تقطع قلبها على اخوها دخل عليهم غرفة الانتظار ووقف الكل الا ساره الي ماعاد فيها قوه انها توقف واكتفت انها تناظره نظره تعور القلب ام فارس: ها ياوليدي بشرنا فارس: خير يا ام فارس بس لازم نسفر خالد برا ساره: يعني اخوي حالته صعبه فارس: ياساره لا تفاولين على اخوك كذا ان شالله مافيه الا الخير ساره: انا بسافر معاه ام فارس:وانا وفطيم يا فارس بنروح ام ابراهيم: واحنا بعد بنسافر معاكم فارس: ان شالله خير خلونا نشوف الدكتور عشان احجز على طول طلع فارس من عندهم وكانت عيون ساره تدور بكل الغرفه كانها تدور على احد بس مو لاقيته وفجأه نطت من فوق الكرسي وطلعت برا الغرفه ساره: فارس فارس فارس الي كان واصل نهاية الممر عشان يدخل على الدكتور: نعم امري ساره: فارس الله يخليك كلم الدكتور ابي ادخل عنده ماخلوني اشوفه من خذوه فارس: مالك الا طيبة الخاطر ابشري تعالي معاي اتجهوا ثنينهم لغرفة الدكتور وطق فارس الباب وفتحه فارس: السلام عليكم الدكتور : وعليكم السلام ورحمة الله وبركاته هلا اخ فارس تفضلوا فارس: دكتور هذي اخت المريض خالد الدكتور : اهلا اختي ساره وهي بتموت من الصياح: دكتور الله يخليك ممكن اشوف اخوي الله يخليك الدكتور: ...............ويطالعها بنظرة استغراب ورجع يكلمها بس هو بالعنايه المركزه ووقت الزياره انتهى لازم بكره الساعه 4 العصر ويكون ساعه كامله فارس: والي يعافيك يا دكتور هي اخته ومتعلقه فيه خلها تشوفه لو شوي يمكن تسكت شوي الدكتور: صعبه صراحه ادخلها وهي بهذي الحاله احنا مانبيه يتعرض لاي شي ونخاف انه يحس فيها وهي تبكي كذا وتزيد حالته ساره: والله ما بصيح الله يعافيك الدكتور: اوكي بس بشرط فارس: امر يادكتور الدكتور بعد ما تطلع من عنده تجي هنا وتقول لي كل شي قبل لا يطيح ساره: ان شالله ان شالله الدكتور: وشي ثاني ساره الي بدا ينفذ صبرها: وشو الدكتور: لمن اقولك يله على طول تطلعين وما تعاندين ساره: حاضر ممكن تاخذني لعنده الدكتور : تفضلي طلعوا الثلاثه من المكتب متجهي للعنايه المركزه وقبل لا تدخل الغرفه دخلت الغرفه المجاوره عشان تلبس اللبس المعقم ويوم جات بتدخل عليه حست ان رجلها مو شايلتها استجمعت قواها ودخلت ورا الدكتور وشافته وهو شبه عاري الصدر وكل مكان موصل فيه سلك راسه صدره يده شافت المنظر وشهقت ووقفت مكانها ماقدرت تكمل طالعته وهو على السرير الابيض وكيف انه ما يحب ينام الا على مكيف حتى لو بعز البرد والغرفه حاره تقدمت عنده ومسكت يده ساره: خالد خالد ادري انك تمزح وتبيني اخاف عليك تراني والله خفت يله قوم خالد وماتحملت وصارت تصيح بصوت مسموع سمعوها الممرضات وجاوا عندها وكانت وحده منهم عربيه كلمتها ان ما يصح الي تسويه ومسكوها عشان يطلعونها ساره: خالد قول لهم يهدوني خالد كلمهم انت قلت ماراح تخلي احد يأذيني وانت عايش عوروني اصرخ عليهم وهي ماسكه يده خالد كان حاس وسامعها بس ماهو قادر يفتح عينها ماهو قادر يتحرك ماهو قادر يتكلم كان يكلمهم بداخله ويقول لهم هدوها هذي اختي خلوها لا تأذونها وهي ماسكه يده وتبوسها تترجاه انه يتحرك ويهاوشهم وقفوها بس ماقدروا يفكو يده من يدها طالعته من من فوق لين تحت شافت عيونه وشافت الدمعه وهي نازله منها ساره: شوفوه حس والله بيشتكي عليكم وبهذي اللحظه دخل الدكتور وهو معصب : لا يا اختي ماكان هذا الاتفاق ابدا والحين ممكن تطلعين ساره: طيب قوله يكلمني قوله هو ليش ساكت الدكتور: لاحول ولا قوة الا بالله العلي العظيم يا اختي لازم يرتاح انا قلت لك ان هذا الشي بيأثر عليه لو سمحتي اطلعي ساره: يعني ما راح تكلمني يا خالد انا زعلانه عليك ولا تكلمني مره ثانيه مااراح اسامحك كانت بتفك يده حست بأصابعه تضغط على يدها ساره: دكتور مسك يدي هو حاس فيني والحين بيقوم شوفه مسك يدي والله مسك يدي الدكتور بنفاذ صبر وبصيغة امر للمرضات: طلعوها برااااا تمنى لو انه يوقف ويهاوشه تمنى لو انه يقدر بس يتكلم ويعلمه كيف يصارخ على اخته بس مافيه مو قادر يحس بجبل على صدره مانعه من الحركه لاحظ الدكتور مؤشر القلب يتزايد وعرف انه سمع كل شي وحس في الي حوله طلعوا الممرضات ساره وعند الباب كان ينتظرها فارس فارس: ياساره الله يهديك ليش تسوين كذا لو كان حاس فيك بيزيد تعبه ساره وهي متقطعه : والله يافارس حاس وسمعني شفت دمعته ومسك يدي والله والله مسك يدي مايبي يقعد معاهم بروحه فارس: تعالي معاي ياساره ساره بصراخ: ما ابي انا بقعد عند اخوي انتوا روحوا روحووووا وطاحت من طولها مسكها فارس قبل لا توصل الارض وتتعور وصرخ على الممرضات الي بالممر عشان يجيبون لها سرير وعلى صرخته طلعوا اهله من غرفة الانتظار وتفاجئوا بمنظر ساره وكيف انها مثل قطعة قماش بين يدين فارس وتراكضوا لها ياترا كيف بيمر بينقضي الليل عليهم وشراح يصير قراءه ممتعه ******* | ||||||||
|
| |
|
08-12-13, 04:18 PM
| #17 | ||||||||
| مراقبة عامة ومشرفة منتدى الروايات المنقولة
| البارت الرابع عشر طلعوا الحريم من غرفة الانتظار على صوت فارس وتفاجئوا بمنظر ساره وركضوا لها فاطمه: بسم الله عليها وش فيها فارس:دخلت عن خالد ام فارس: الله يهديك يا وليدي وشلون خليتها تدخل فارس: يمه تبيني اشوفها تترجاني وانا اقدر اساعدها واصد وصلوا الغرفه الي بيفحصون عليها فيها فاطمه: خلاص انا بقعد عندنها يمنى: وأنا بعد فارس: يمه ياخاله تعالوا اوصلكم البيت ترتاحون شوي ام فارس: وين ارتاح وانا اشوف عيالي بهالحاله فارس:ان شالله ساره ماعلى قلبها شر اكيد شوي تصحى اصلا انا قلت للدكتور يعطيها مهدئ عشان تنام وانتوا تعالوا معاي عشان مره وحده احجز للسفر طلعوا ام فارس وام ابراهيم من عند ساره الي ماكانت حاسه بشي من بعد ما عطاها الدكتور مهدئ توجه فارس لغرفة الدكتور قبل لا يطلع من المستشفى فارس: يمه انتظروني هنا شوي ام فارس: ان شالله طق الباب على الدكتور ودخل: السلام عليكم الدكتور : هلا اخ فارس تفضل فارس: هاه بشر يادكتور وصل الرد؟ الدكتور: والله انا ارسلت التقارير وانتظر الرد ان شالله بس يردون بعطيك خبر بس اترك لي رقمك الخاص فارس: الله يعطيك العافيه يا دكتور انت راسلت اي مستشفى الدكتور: اكبر مستشفى هناك مستشفى al........ بس ان شالله يكون عندكم السيوله الكافيه فارس: لا ان شالله عندنا خير هذا رقمي وراح اخلي جوالي عام الله يعافيك يا دكتور متى ما وصلك الرد كلمني على طول انا الحين طالع اودي اهلي للبيت يرتاحون وبشوف الحجوزات بس الله يعافيك لا تسهى الدكتور: افا عليك لا تشيل هم هذا ولدنا ولازم نهتم فيه وصدقني اني مكثف اتصالاتي عشان يعرفون ان الحاله مستعجله بس الله يعافيك يا اخو خذ البنت الي كانت داخل عند المريض لاني اخاف انها تعمل مثل قبل اذا فتحت الزياره للعنايه فارس وابتسامة حزن على وجهه: ما اقدر يا دكتور البنت بتضل هنا غصب عني وعنك لانها انهارت بعد ماطلعت من عنده وهي تحت الملاحظه وكلمت الدكتوره عن حالتها وقلت لها تعطيها مهدئ لانها ما وقفت بكي الدكتور: ماتشوف شر ان شالله تقوم ويقوم لكم بالسلامه فارس: الله يسلمك مشكور دكتور الدكتور : العفو طلع فارس من عند الدكتور ومن المستشفى كله ووراه امه وام ابراهيم وكان مرهق على الاخر من السواقه والطريق ومن حالة ولد خالته الي تحت يد رب العالمين ماقدر يقول لحد عن حالته لا لأمه ولا لخته لنه عارف ان بيوصلونها لساره الي ماراح تتحمل وممكن تروح فيها قطع عليه تفكيره صوت ام ابراهيم ام ابراهيم: يا ولدي كيف تروحون بيت خالد وانتوا ما معاكم مفاتيح تعالوا عندي البيت ام فارس: الله يجزاك خير يا اختي بس ما يصير نكلف عليك ام ابراهيم : لا كلافه ولا شي خذ يمين يا ولدي من بعد الاشاره فارس: ان شالله يا خالتي ماكان له مزاج يعارض اي شي كان منشغل باله ولا هو عارف وش يسوي وصلوا للبيت ووقف عشان ينزلون ام ابراهيم: يله حياكم ام فارس: الله يحيك انزل يافارس فارس: يمه بروح اعبي بنزين وبرجع للمستشفى ام ابراهيم : ادخل ارتاح يا يمه وبعدين روح فارس: لا ياخالتي بروح عشان اشوف وش صار على تقارير خالد ام فارس: درب السلامه يا وليدي انتبه على روحك ولا تسرع وطمني على اخوانك فارس : حاظر يمه مع السلامه ام فارس: بأمانة الله وحفظه دخلوا للبيت وشافوا ولد قاعد بالحوش وينتظر ام ابراهيم: ابراهيم وش مقعدك بالحوش بالهوقت ابراهيم:يمه شفيكم تأخرتوا خفت بروحي ام ابراهيم : معليه يا وليدي ان شالله مافيه شي يله قوم عن الحوش وسلم على خالتك ام فارس ابراهيم وبلقافته المعهوده: يمه ما عندي خاله انتي ما عندك اخت ام فارس الي ضحكت على طريقة هلولد ام ابراهيم: ابراهيم ووجع يوجع العدو وش هذا اللسان الطويل ام فارس: خليه يا اختي ابراهيم: اسف يمه السلام عليكم خالتي الي ما اعرفك ام فارس: ههههههههه وعليكم السلام ورحمة الله وبركاته دخلوا البيت عشان يرتاحون فارس الي بعد ما نزل امه وقال لهم انه بيعبي بنزين بس عشان ما تصر عليه امه انه يجلس ما قدر يشيل منظر ساره من راسه كيف طاحت بين يديه وهو الي مسكها عشان ما توصل الارض هذا المنظر الي حرك داخله شي مو عارف وشو تكلم بصوت عالي وهو يضرب على الدريكسيون بكل قوته : مو وقته مو وقته مسك طريق المستشفى وهو يحاول بشتى الطرق يمسح هلامنظر من راسه قطع عليه تفكيره صوت جواله فارس: نعم الدكتور: السلام عليكم فارس فارس: وعليكم السلام اي نعم من معاي الدكتور: ابشرك المستشفى ردوا ووافقوا على ان يتم العلاج عندهم فارس: الله يبشرك بالخير الله يبشرك بالخير والجنه يارب الدكتور: بس لازم توشوفون الحجز بسرعه عشان التأخير مو بصالحه فارس: ان شالله ان شالله بس كيف على خالد يعني بيسافر بطائره طبيه ولا كيف الدكتور: اي لازم يسافر بطائره طبيه وراح يكون بكره ان شالله وعلى حساب الدوله فارس:الله يجزاك خير وانا ان شالله بس تشرق الشمس وتفتح مكاتب الطيران راح احجز على اقرب رحله الدكتور: بس لابد من وجود مرافق معاه عشان يتسهل كل شي فارس: والله مالي الا احجز لأهلي وبعدها اجي معاه الدكتور: خير ان شالله مع السلامه سكر فارس وهو فرحان وكمل طريق المستشفى وساره ماراحت من باله بس هالمره ماحاول يبعد هالتفكير ^_^ طق باب غرفة ساره وفتحه وهو يسلم فارس: السلام عليكم فاطمه+يمنى: وعليكم السلام وبعدت يمنى عن فاطمه شوي فارس: هاه شخبارها الحين؟ فاطمه:الدكتوره تقول ان احتمال بعد نص ساعه تبتدي تحس فارس: الحمدالله يارب فاطمه: وانت شقال لك الدكتور عن خالد فارس:الحمدالله ابشرك ان شالله بكره الصبح بيسافر لندن وبنلحقه او بالاحرى انتوا بتلحقونا فاطمه: الحمدالله يارب يمنى كانت ساكته وقاعده عند راس ساره وتقرا عليها قران سكتت شوي ورجعت تتكلم بصووت واطي يمنى: ساره حبيبتي يله قومي خلاص عاد لا تدلعين ترا بروح البيت وبخليك ساره تحركت وفتحت عينها : وبتخليني بلحالي قالتها بصوت متقطع لانها تعبانه يمنى وهي تبوس راسها: لا ما يهون علي بس انتي دلوعه وحضنوا بعض واشتغلوا صياح وكملت عليهم فاطمه لف عليهم فارس: وانتوا الحين وش يصيحكم فاطمه : مافينا شي فارس: مافيكم شي وكذا تصيحون الحمدالله على سلامتك يا بنت الخاله ساره: الله يسلمك وش قالوا على خالد فارس: خالد ان شالله بكره بينكون مسافرين لا ولندن زي ما بغيتي ساره: بس انا بغيتها معاه وخانتها الدمعه اشر فارس لأخته تاخذ يمنى وتطلع من الغرفه فارس:انتي الحين ليش تصيحين ساره: يناس هذا اخوي فارس: واخوي بعد بس هذي إرادة رب العالمين ومافي مفر من الي ربي كاتبه صح ولا لا ساره: صح فارس: وان شالله ماراح يصير الا الخير صدقيني لو انك تدعين بدل صياحك هذا اريح لك واسلى لقلبك واذا انتي وانتي المفروض انك تكونين قويه تصيحين اجل امي وش بتسوي وهي تشوفكم طايحين كذا ثنينكم؟ ساره:.............. فارس: ياساره صدقيني لو صحى خالد بإذن الله وشافك كذا ماراح يكون راضي وممكن يحط اللوم على نفسه انه خلاك تتعبين وانتي بالاول والاخير عارفه ان هذا من عند الله سبحانه وتعالى ارجوك ياساره حاولي تخففين صياح اذا مو علشاني علشان خالد وامي ولف عنها بسرعه وطلع من الغرفه دخلت فاطمه ويمنى عليها وكانت تصيح اكثر من اول فاطمه: اوريك يا فارس وش قالك هو قولي لي وش قالك خليني اتهاوش معاه ساره:........... يمنى وهي تحضنها : خلاص فاطمه خليها تطلع الي بخاطرها علشان ترتاح فارس بعد ما طلع من الغرفه طلع من المستشفى كله وراح يحجز التذاكر بأقرب وقت لهله وهو يفكر ليش انا قعدت معاها وكلمتها كذا وليش اقولها علشاني اسكتي ولا تصيحين صحيح اني ما استحي بس انا كان قصدي اني اهديها ما ابي يصير فيها شي بس ولو مو المفروض اني اكلمها كذا واقول لها علشاني يارب ما تكون حطت في راسها هذي الكلمه ولا بيصير وجهي ضايع التفكير ياخذه ويجيبه ومره يأيد ومره يعارض كلمه معها حتى وهو يحجز التذاكر مافارقه التفكير بساره اخذ التذاكر واتجه لبيت ام ابراهيم ونزل يعطي ام ابراهيم التذاكر ويقول لها يجهزون اغراضهم واخذ امه للمستشفى وصلوا المستشفى واتجهوا لغرفة ساره الي ما سكتت طق الباب ودخل ودخلت امه وراه الي ماتحملت صياح ساره وراحت لها وحضنتها ماقدر يقعد بالغرفه وطلع منها وتوجه لسيارته ودق على اخته فارس:فاطمه يله جهزوا وانا بوقف السياره عند باب المستشفى فاطمه: يا اخي اصبر شوي لين تهدى شوي ادخل من السياره فارس: لا بنتظركم بالسياره في الغرفه يمنى: امي وين ياخالتي ام فارس: في البيت يا بنيتي عطاها فارس التذاكر وجيت انا معاه اشوف سويره ونروح نجهز اغراضنا يمنى: ماله داعي انا بقعد مع ساره لين تكتب لها خروج ام فارس: وش الي ماله داعي بتسافرين بدون شي يمنى: لا بكلم امي تعرف انا وش ابي ام فارس: لا تكلمينها ولا شي لازم تروحين لاننا نبي نمر بيت خالد بعد وانتي تشوفين اغراض صديقتك لان حتى هي بتطلع معانا الحين بس ما اتوقع فيها شده تجهز شي يمنى: على امرك يا خالتي ام فارس: والحين يله عاد عشان نخلص بسرعه ترا السفره ايوم المساء لبست ساره عباتها ومسكتها يمنى وساره لان مافيها شده للمشي ولا تبي تقعد على كرسي وطلعوا من المستشفى في السياره فارس: الظاهر ياامي ان مالك معزه عند بنت اختك <<<<يحاول يرقع لنفسه ام فارس: ياوليدي شتقول فارس: انا كلمتها وقلت لها سكتي عشان خاطر امي وشوفيها للحين تصيح وانتي تقولين بنتي وبنتي ام فارس: عادي انا مسامحتها طالعته ساره بنظره تخرع : اعتقد يا فارس لو كنت بسم الله عليك مكان خالد فاطمه بتسوي اكثر مني الكل انصدم من ردها وماتوقعوه بس عارفين كيف هي متعلقه في خالد فما احد علق اما فارس اكتفى انه يتأسف: اسف ماكان قصدي كان ودي انك ماتتعبين من الصياح لان وراك سفر اسف ساره: ........ حست ان ردها عليه قاسي وانه ماله داعي تكلمه بهذي الطريقه على الاقل تحترم خالتها بس ماتكلمت وكان كلامها بأنها ترجع تصيح وكملوا طريقهم والكل ساكت وصلوا لبيت خالد والكل دخل ماعدا يمنى الي نزلوها بيتهم تجهز اغراضها ام فارس: يله يا يمه تعالي كلي لك لقمه ساره: لاخالتي مو مشتهيه بنادي خ... وماكملتها ارتمت بحضن خالتها وصاحت ام فارس: بس يا بنتي حرام عليك الي تسوينه في نفسك ان شالله بيقوم بالسلامه ساره وبكلمات متقاطعه: ان شالله دخل فارس بعد ما وقف السياره ولقى ساره بحضن امه وكان بيطع شافته ساره وتعدلت ساره: فارس فارس: نعم ساره: أنا آسفه بس والله غصب عني قارس: لا تتأسفين كلي لك لقمه وقومي جهزي اغراضك عشان ما يجي العصر الا انتوا جاهزين ولا انا عمري ما ازعل منك ساره: ان شالله وقامت لغرفتها وهي مو قادره تصلب طولها جهزت له الاغراض الي تبيها وتذكرت انها لازم تاخذ اغراض لاخوها طلعت من غرفتها مسرعه لغرفة اخوها فتحت الباب وماتحملت اول مره تدخل الغرفه بهذا الوقت وماتكون بارده اول مره تدخل بهذا الوقت وما يكون هو مناديها يبي يسولف معاها ولا نايم خارت قوتها وجلست على الارض انتبهت فاطمه ان باب الغرفه مفتوح وباب غرفتها بعد مفتوح ركضت لها فاطمه: الله يهديك يا ساره ما يصير تسوين بنفسك كذا ساره:..................... صارت تكره الكلام فاطمه:يماه يماه شوفي ساره ماهي راضيه تقوم من الارض والله ياساره بقول لخالد اذا قام واخليه يزعل منك ساره : خله يقوم ويزعل كثر ما يبي ام فارس: يابنتي قومي وادعي له ان ربي يقومه بالسلامه ولا تسوين بنفسك كذا قومي خلي فاطمه هي تحط له اغراض ساره: لا انا بحط له انا الي اعرف هو وش يحب فاطمه : طيب قومي وسوي الي تبينه في بيت يمنى يمنى: ابراهيم حبيبي احنا بنسافر اليوم العصر انا وامي لاتسوي شطانه عند عمي بخلي السواق يوديك بعد شوي قبل لا نروح احنا المطار ابراهيم: ان شالله بس متى بترجعوون؟ يمنى: والله مادري يا اخوي ان شالله بس يقوم اخو ساره بالسلامه نرجع ابراهيم: ساره مين صديقتك؟ يمنى: ايه ابراهيم : ليش هو مريض يمنى: ايه يا حبيبي مريض وان شالله بس يطيب نرجع ولا تخاف مو ناسيه هديتك ابراهيم: عاشت اختي يمنى: يالعيار كل هذا عشان الهديه ابراهيم : لا والله الله يخليك لي يارب يمنى: عن العياره ويله روح جهز لك الي تبيه وشيك على اغراضك ولا تنسى شي امي جهزت لك اغراض بس انت شوف وش ناقصهم ابراهيم: لا ما بنسى شي وطلع من عندها وطلعت هي وراه لغرفة امها يمنى: يماه خصلتي ام ابراهيم:ايه يمه خلصت وانتي بمنى: ايه خلصت وقلت حق ابراهيم يشيك على الشطنه ويشوف وش ناقصه عشان ننزله بيت عمي قبل لانروح ام ابراهيم: والله ودي اخذه معانا ما ابيه يضايق احد يمنى: يمه انتي عارفه انه ما بيرضى حتى لو كانت السفره له ام ابراهيم: مري عليه شوفيه وش خربط يمنى: تامرين يمه في بيت خالد دخلت ساره وفاطمه وام فارس غرفة خالد كانت ساره تتلفت كأنها تدور على خالد وتتمنى تشوفه ولمن يأست انها تشوفه طاحت على السرير وطلعت الي بخاطرها كله ام فارس: يا بنتي استهدي بالله حرام عليك فاطمه الي حاولت تكلمها بقسوه: وبعدين معاك يعني ماراح تحطين لخالد ثياب ولا وشو يله قومي يا سويره انا ما اعرف ثياب اخوك ساره:.... وقامت من السرير وخذت الشنطه وفتحتها وبدت تختار الاشياء الي يحبها وكل ماخذت قطعه تشمها وتبوسها قبل لا تحطهاا في الشنطه فاطمه: خلصتي ساره: ايه خلصت وجلست جنب الشنطه وهي تسكرها فاطمه: خليني انادي فارس يجي يشيلها ساره: خليها انا بشيلها فاطمه: اقول استريحي انتي فيك حيل تشيلين نفسك عشان تشيلينها فارس تعال شيل الشطنه فارس: احم ممكن ادخل فاطمه: تفضل فارس: هاه بنت خالتي ان شالله الحين احسن فاطمه: اي احس شوف شكلها شلون من الصبح ماحطت شي ببطنها ماغير تصيح وبس فارس: افا بس لو يدري خالد بيزعل عليك واجد وبيقعد شهور ما يكلمك سمعت اسمه ورجعت تصيح حالتها حاله اخذ الشنطه وطلع وهو يلعن نفسه انه جاب اسمه وخلاها تصيح وهي كملت صياحها على سريره طلع فارس يحط الشنطه بالسياره وانتبه لجواله يرن طلعه من جيبه وشاف الرقم واستغرب هذا رقم خالد ورد فارس: نعم ماجد: السلام عليكم فارس: وعليكم السلام والرحمه من معاي ماجد: انا ماجد سكرتير خالد في الشغل فارس: هلا اخوي شخبارك ماجد: الحمدالله رب العالمين اخوي عجزت اتصل على جوال خالد الخاص مقفل ورحت له البيت محد فتح ولا قالي انه سافر الي اعرفه انك بتسافر معه ولقيت رقمك ممكن تطمني عليه فارس: والله يا ماجد مادري وش اقولك لكن خالد تعب فجأه وطاح على اخته والحين هو بالمستشفى ماجد: وشوووو وش تقول يا فارس فارس: هذا الي صار وان شالله بعد شوي انا طالع للمطار عشان نسافر انا وهو بطياره طبيه واهلي بيلحقونا ان شالله العصر ماجد مو مستوعب: طيب كيف صار هذا ومتى فارس: الكلام هذا من اول امس في الليل واليوم ان شالله بنروح وان شالله يارب خير ماجد: هو شفيه فارس سكت ولا قدر يتكلم ماجد: حلفتك بالله وش فيه فارس: ورم بالمخ ماجد: انا قلت له انا قلت له يروح يفحص بس ما يسمع الكلام يارب وش هالمصيبه استغفر الله ياربي فارس: ان شالله ما يصير الا خير ماجد: والله ودي اروح معاكم بس ما اقدر اخلي الشركه بس والله من تحصل فرصه على طول بلحقكم والله يخليك طمني عليه فارس:ان شالله والله يجزاك الجنه ماجد: اجمعين يارب يا خوي هذا اكثر من صديق لي يله تامرني بشي فارس: مايار عليك ظالم وان شالله نبقى على اتصال بإذن الله سكر فارس من ماجد وعلى طول دق على الدكتور فارس: الو السلام عليكم الدكتور: وعليكم السلام ورحمة الله وبركاته من معاي فارس: انا فارس قريب المريض خالد الدكتور: هلا والله ايه عرفتك فارس: حبيت اسأل عن الطياره كيف الحين؟ الدكتور: ابد اقل من ساعه وتكون جاهزه ان شالله بس ماقلت لي من بيسافر معاه فارس: انا يادكتور بسافر معه الدكتور: على بركة الله فارس: مشكور مع السلامه انهى فارس المكالمه ورجع للبيت علشان يقول لأمه انه لازم يروح وهم يروحون مع سواق ام ابراهيم فارس: يمه حبيبتي انا لازم اروح وهذي شنطة خالد معاي باخذها وانتوا لازم بعد ساعتين تكونون في المطار ام فارس: ان شالله يا يمه روح الله يوصلكم بالسلامه وان شالله احنا نروح بالوقت المحدد لاتحاتي فارس باس راس امه وسلم عليهم وطلع وبقوا بالبيت امه واخته وبنت خالته ام فارس: فاطمه يمه قولي لساره تكلم يمنى وتقول لها انن بنروح معاهم لان فارس راح الحين فاطمه : ان شالله يمه الحين اقول لها واتجهت لغرفة خالد الي كانت فيها ساره فتحت الباب بشويش لقتها سرحانه دخلت ووقفت عندها بدون لا تتكلم ساره انتبهت لها: خلاص الحين بقوم فاطمه: يا عمري انتي كلمي يمنى قولي لها انها تمرنا ولازم بعد ساعه او ساعه ونص نروح للمطار لان فارس راح الحين للمستشفى وبيطلع مع خالد وبيقابلنا هناك اذا وصلنا ان شالله ساره وهي تقوم من السرير عشان تكلم يمنى: ان شالله الحين اقوم استغربت فاطمه ان ساره مابكت يوم جا طاري خالد بس عرفت ان التعب ما خلى لها مجال انها تبكي منهكه لحد كبير وصلت لغرفتها وطلعت جوالها ساره: الو هلا يمنى يمنى: اهلين حبيبتي كيفك ساره: بخير يمنى مري علينا وخلينا نطلع سوا للمطار لان فارس راح طيارتهم بعد شويه يمنى: ان شالله يالغاليه من عيوني بعد شوي نوصل ابراهيم وامركم مو لازم بعد ساعه نكون بالمطار صح ساره: ايه عشان ماتفوتنا الطياره يمنى : ان شالله الحين ارسل ابراهيم وبس يرجع السواق امركم ساره: على خير بعد يمنى استغربت الهدوء الي في ساره وكيف انها ما بكت وكان صوتها هادي ودعت لها من قلب ان ربي يصبر قلبها ويحميها راحت ساره وفاطمه للصاله وفاطمه كملت طريقها للمطبخ وفتحت الثلاجه وخذت منها عصير ورجعت للصاله ومدته لساره ساره: شكرا مو مشتهيه فاطمه: وغلات خالد انك تشربين على الاقل عشان تقدرين تمشين خذت ساره العصير وشافته خوخ وبرتقال الي يحبه اخوها مامنعت دمعتها انها تنزل شربت منه وهي ساكته وقعدوا ينتظرون يمنى تقول لهم انها عند الباب ام فارس كانت تقرا قران وفاطمه مخليه راس ساره على كتفها وتدعي ربها وتمسح عليها في السياره الي كان يسوقها فارس وهو طالع من المطعم لانه فضل انه يتغدا عشان ما يتعب من الجوع رن جواله فارس: الو نعم الدكتور: هلا فارس وش صار عليك؟ فارس: ابد هذا انا بطريقي للمستشفى الدكتور: لاتتأخر لان الطياره جهزت فارس: عشر دقايق بالكثير وانا عندكم الدكتور على خير وبعد تقريب ربع ساعه رن جوال ساره وكانت يمنى تقول لهم انها صارت عند الباب وتخبرهم عشان ينزل السواق يشيل شنطة ساره دخل السواق واخذ الشطنه وطلعوا من البيت متجهين للمطار والصمت يعم السياره ماعدا صوت صياح ساره وصلوا المطار ونزلوا وبتدئوا بإجرائات السفر من تفتيش وغيره ومطابقة جوازات الي ماخذت الوقت الكثير ووصلوا لباب المغادرون وقعدوا ينتظرون النداء للرحله المتجهه الى لندن وصل فارس للمستشفى ودخل يدور الدكتور الي كان اساسا ينتظر جيته عشان تقلع الطائره المروحيه وصل لعنده وسلم عليه وبيده كانت الهاند باق الخاصه في خالد وعلى طول طلعه الدكتور لبهو المستشفى الي فيه الطائره صعد الطائره وشاف ولد خالته واخوه ممدد وكل مكان بجسمه موصول بأسلاك دمعت عينه وفتح المصحف الي مايفارق جيبه وابتدا يقرا عليه ودمعته بعينه اقلعت الطائره المروحيه بكل سرعه وفارس ما بطل يقرا على ولد خالته كان خايف عليه انه يموت ولو صار لاسمح الله وش بيصير في اخته ما اتوقع انها تتردد لحظه انها تلحقه وكل ما يسيطر عليه هذا التفكير يتعوذ من الشيطان ويكمل قرايه في صالة المطار الكل لاهي في سبحانيته ساره بصياحها وام فارس ماتركت قراءة القران وام ابراهيم بإستغفارها ويمنى وفاطمه بسواليفهم واستغرابهم من ساره كيف صارت تتكلم ببرود الين اعلن المطار عن الرحله وان ما بقى عليها شي اتجهوا للبوابه الي تطلعهم على ساحة الطائرات وصعدوا للطياره وكل وحده خذت مكانها واقلعت الطياره الي تضم بداخلها قلب متقطع يبي يطمن على اخوه وحبيبه كانت تتمنى انها توصل قبل الطائره الخاصه بالمستشفى لكن هيهات ما بيدها الا انها تضل تدعي بقلبها له لين توصل وتشوفه وتطمن عليه فارس طبعا وصل قبل اهله لان الطياره طلعت قبل طيارتهم وفوق هذا طبيه ومروحيه يعني ما يتأخرون زي طائره المسافرين العادين وصلوا على طول للمستشفى دخلوه وعرفوه لان اوراقه عندهم وبتدئوا بإجرائات نقله وتركيب الاجهزه عليه وهو على السرير وبدئوا بإجراءات لازم منهم انهم يسونها من تحاليل واشاعات وفحوصات لازمه ماكان فيه امل ان فارس يشوفه كان ينتظر برا وقلبه معاه طالع بساعته وتذكر ان اهله بيوصلون واضطر انه يترك خبر عند الاستقبال لو احتاجوا شي وطلع يبي يوصل للمطار الي كان مو عارف شلون بيوصله لان ماله الخبره بالبلد لين وقف واحد وسأله ودله على الطريق الصحيح وتوجه للمطار ينتظرهم لين يوصلون وقلبه مع خالد على الطرف الاخر كانت الطائره المقله للحريم توشك على الوصول الى اراضي لندن المدينه المظلمه كان الكل ساكت ماعدا ساره الي فضلت انها تقرا قران وتحاول تكون اقوا استندن على الكرسي ولفت عليها فاطمه فاطمه: ساره اذكري الله مابقى شي ونوصل ساره: والله غصب عني ما اتخيل كيف بكون من غيره فاطمه: تعوذي من الشيطان هو الي يوسوس لك كذا ان شالله بيخف وبيقوم بالسلامه وبتشوفين ساره: ان شالله فاطمه : بطلب لك كورسون وكوفي ساره: لا ما ابي فاطمه: مو على كيفك ضغطت على الزر وجات المضيفه وطلبت منها الي تبي ساره: بس انا مو مشتهيه فاطمه: ساره مانبيك تمرضين كفايه خالد مريض ساره: ........... جا الأكل فاطمه: الله يخليك حاولي تاكلين عشان تقدرين توقفين على طولك حطت الاكل قدامها وكلت منه شوي وشربت شوي كوفي وبعد ربع ساعه اعلن الكاتبن عن قرب الهبوط وامرهم بالاتزام في اماكنهم وربط الاحزمه ياترا وش راح يصير من جديد على اراضي لندن قراءه ممتعه دلوله فديتك حاولت اطول البارت لعيونك وان شالله يجوز لك طول البارت وماتقولين قصير :$ *********** | ||||||||
|
| |
|
08-12-13, 04:20 PM
| #18 | ||||||||
| مراقبة عامة ومشرفة منتدى الروايات المنقولة
| البارت الخامس عشر بعد ما تطمن ان كل شي كويس عند خالد طلع من المستشفى بيبي المطار لكنه ما عرف يوصل له لين وقف واحد وسأله ودله على الطريق واتجه طبعا كان مخطط من قبل لا يسافر ان تكون عنده سياره عشان ما يتعطل على التكاسي ومن قبل لا يسافر كلم احد معارفه هناك واستأجر له سياره يقضي فيها المشاوير وصل قبل لا يوصلون وضل بصالة الانتظار ينتظر جية طيارتهم وبعد قرابة ربع ساعه من وصوله اعلن المطار عن هبوط الطياره المقله لأهله وقف ينتظر شوفة اي وحده منهم وكان بخاطره يشوفها ايه كان يبي يشوفها اول وحده يبي يعرف اذا سكتت من الصياح ولا باقي عيونها حمر والتعب هالكها بدوا المسافرين يدخلون وهو يرتقب شاف زول اخته فاطمه ونادها فارس: فاطمه فاطمه تفاجأت من هذا الي يناديني لفت الا اخوها يأشر لها ومشت له وجاوا وراها باقي الحريم وهم مستغربين انه موجود ومو عند خالد وقبل لا تسلم عليه سألته بصوتها التعبان ساره: وشلون خالد طمني الله يخليك فارس: تطمني ان شالله بيكون بخير لا تحاتين يله تعالوا عشان نطلع من المطار وترتاحون ساره: ماراح اتحرك لين تقولي وش صار عليه فارس: ما امدا توه واصل لهم وانا بس تطمنت ان كل شي اوكي جيت لكم اخذكم يله تعالي وشوفيه بنفسك ام فارس: يله يا بنيتي قومي ساره:...... وقامت من الكرسي وهي كان ودها ان فارس يطمنها ويقول لها انه صحى لكن للأسف خاب رجاها طلعوا من المطار وتفاجئوا ان فارس معه سياره ركبوا بالسياره واتجه فارس للأجنحه الفندقيه هناك مع معارضت ساره انها تبي تنام بالمستشفى وتكون جنب اخوها ولكنها رضخت لهم بالاخير وصلوا الفندق وكان راقي وحلو دخلوا اغراضهم وبما ان يمنى وامها معاهم قرروا ياخذون سويت ولكن مفصول الغرف راحوا للسويت والكل اتجه لمكانه عشان يرتاحون الكل قرر يرتاح الا هي ماكان عاجبها تبي تروح لخوها لكنها ماقدرت تمشيهم على كيفها اكتفت انها تقعد في بهو السويت على الكنب وتنتظرهم ودموعها ما وقفت ارتاح الكل من وقت وصولهم الي كان بالصباح الين يعد الظهر وهي بعد ماحست بنفسها تكورت ونامت على الكنب جلس فارس اول واحد وطلع من الغرفه لاحظ ان في احد على الكنب قرب منه لقاها ساره وصار يكلم نفسه قارس: الله ياساره ماقدرتي ترتاحين بالنومه حتى وانتي تعبانه خلني اطلع واخليها ولا لا حرام تكسرت من الكنب وقرر انه يجلسها ترتاح داخل هزها بخفه وانتبهت على هزته ونقزت فارس: قومي نامي داخل ياساره ساره: وانت وين بتروح؟ فارس: بروح المستشفى ساره: بروح معاك فارس: خليها لين يصحون كلهم وأخذكم ساره: الله يعافيك فارس خذني معاك لا تخليني ماقدر يمنعها فارس: اوكي قومي بسرعه عشان ما اتأخر ساره:دقايق وفعلا ما طولت الا هي طالعه فارس: يله مشينا طول الطريق كان الصمت سيد الموقف ماحاول فارس يتكلم ولا كلمه مع ساره لانه عارف انها ما بتتحمل وصلوا للمستفى دخلوا وتوجه فارس للأستقبال يتأكد اذا نقلوا خالد غرفه عاديه ولا ببحين بالعنايه وخبروه انه باقي بالعنايه وتوجهوا لهناك ماقدروا يدخلون لان الاطباء كانوا حوله صحت ام فارس وصحت فاطمه الي صحت وودها بالنومه ما شبعت قامت على طول للغرفه الي المفروض ساره تكون فيها دخلت مالقتها وشافت السرير مرتب زي ماهو يعني محد نام عليه طلعت للصاله بعد ماشافت احد ركضت لأمها فاطمه: يمه ساره مو بالغرفه ام فارس: ايه يمكن بالحمام فاطمه: يمه الغرفه مبين ان محد نام فيها ام فارس: وفارس وينه فاطمه: مامريت عليه ام فارس: طيب دقي عليه دورت جوالها وطلعته ودقت على طول وبعد ثالث رنه رفعه فارس فارس: هلا فاطمه صحيتوا فاطمه: فارس وينك ؟ فارس: بالمستشفى فاطمه: ساره معاك فارس: ايه معاي مارضت تجلس فاطمه: الحمدالله طمنتني ممكن اكلمها فارس:ايه ليش لا مد التلفون لساره ساره: الو فاطمه: هلا فييييك انتي بخير ساره: ايه مافيني شي بس جيت مع فارس فاطمه: لا بس مريت غرفتك ولقيتها زي ما هي ساره: نمت بالصاله عشان اشوف اخوك واصيده لا يطلع عني هههههههه فاطمه: ايه اضحكي وحشتني ضحكتك ساره: ما يوحشك غالي يالغاليه فاطمه:يا زينك بس ساره: فطيم ترا بيخسر عليك وعلى اخوك فاطمه : طيب عطيني اياه مدت له الجوال ساره: فطيم تبيك فارس: هلا فطيم فاطمه: متى بتجي تاخذنا فارس: بس لين يطلعون الدكاتره من عند خالد واطمن بجي لكم فاطمه: خلاص ننتظرك مع السلامه فارس: الله يسلمك فاطمه : اقول فارس فارس: ياكثر ما تقولين فاطمه: انتبه لساره لا يغمى عليها تراها من امس مااكلت شي عدل اشتر لها شي تاكله فارس: اي أوامر ثانيه؟ فاطمه : لا شكرا فارس: عفوا وبعد ما سكر من اخته على طول كلم ساره فارس: اقول ساره ساره: هلا فارس: قومي معاي ساره: وين نروح فارس: بنروح الكوفي الي بالمستشفى احس اني جوعان ساره: شكرا والله ما ابي شي فارس: اولا ما قلت بعزمك انا ثانيا بتقومين معاي غصب ساره:......... اكتفت بظرة تعجب! فارس: امزح يله قومي ساره: مالي خاطر اكل بجد فارس: وانتي مصدقه اني بخليك هنا قومي يله استسلمت للأمر الواقع وقامت من الكرسي بتثاقل واتجهو للبهو المستشفى الي فيه الكوفي ويوم وصلوا عند الكونتر فارس: وش تحبين تاكلين ولا اطلب لك على ذوقي ساره: والله مالي خاطر الاكل يا فارس ما ابي اكل وارجع الله يخليك قالتها بطريقه تكسر الخاطر فارس: طيب شربي شي ساره: ماي بس فارس: مافيه من جينا وانتي ماي ماي ماي مازهقتي منه ساره: ههههههه ضحكتني الله يسعدك خلاص طيب اطلب لي حليب بالموز فرش فارس طالعها بأستنكار : حليب بالموز؟ ساره: لا تطالعني كذا احبه واذا ما عندهم عصير تفاح فارس: اما انتوا يالبنات اذواقكم غريبه متأكده ما تبين تاكلين مو اطلب لي وتقولين عطني ترا مو معطيك واخاف يعورني بطني من عيونك ساره: متأكده لا تخاف ما بطالع فيك ابد فارس: امزح بس ودي تاكلين لو شي بسيط ساره: ما اقدر فارس: براحتك ولف على الي بالكونتر يقوله وش يبون وسألهم اذا عندهم حليب بالموز وقاله الطلب وهو منقرف انه يبي عصير موز بالحليب ضحكت ضحكه من خاطر على ملامحه الي تبين انه منقرف عجبته وهي تضحك وكان يطالعها بنظره حنونه ومسكها لانها كانت بتطيح من الضحك ساره: اسمه حليب مو عصير فشلتنا فارس: اذا كلمة عصير بتضحكك اجل بقعد اعيدها كل شوي عشان نشوف هالضحكه ساره: والله ضحكتني احس اني من زمان ما ضحكت وسكتت فارس: لا تفتحين ابواب الدموع بليز ان شالله بيقوم بالسلامه وبيصير كل شي اوكي ساره: الله يسمع منك يارب ومسحت دمعتها وتحركوا بعد ما خذوا طلبهم خذت الحليب وهو خذ له كرسون وعصير برتقال ورجعوا لجنب غرفة خالد في غرفة يمنى وأمها يمنى كانت توها تصحى فعلى طول لبست وتحجبت وراحت عند اهل ساره تفتكر ان فارس موجود طقت الباب وفتحت لها فاطمه يمنى: السلام عليكم فاطمه: وعليكم السلام هلا يمنى دخلي يمنى: فارس داخل فاطمه : لا خون فينا مع ساره وسبقونا على المستشفى يمنى: توقعت كلنا نروح جميع فاطمه: صحيت من النوم ما لقيتهم يمنى: وانتوا متى بتروحون ؟ فاطمه: قال بيجي بس يطمن على خالد ولا نقدر نروح بلموزين يمنى: اوكي حبيبتي انا بكون جاهزه لمن يجي يوديكم دقي علي على الجوال ولا على الغرفه وبطلع على طول فاطمه: امك بتروح يمنى: لا مافيها شدة بخليها تقعد بالغرفه ترتاح لين اطمن على ساره وارجع لها ولو تخلين امك تقعد بعد احسن لان تعب عليهم المستشفيات ونجيبهم عند بعض ويسولفون مع بعض فاطمه: بقولها بس ما اضنها توافق بس ان شالله ترضى تريح لو اليوم يمنى: مع السلامه فاطمه: الله يسلمك طلعت من عندها وراحت عند امها في المستشفى كان فارس مع ساره ينتظرون الاطباء ومرت نص ساعه من غير لا يطلع اي احد يطمنهم ساره كانت على اعصابها وفارس يتأمل فيها ماقدر يمنع نفسه من هالشي فارس: استريحي لا تتعبين ساره: مافيني شي شفيهم ذولا ما طلعوووا فارس: مايصير الا كل خير ان شالله جلسي يعني ان وقفتي راح يطلعون ساره: ................. وضلت واقفه عند باب الغرفه فارس بلهجه جديه : بتقعدين ولا ارجعك الفندق الحين طالعته ساره بخوف من فكرة رجوعها الفندق قبل لا تطمن على اخوها : لا لا اجلس بس ما ارجع الفندق وجلست عند اقرب كرسي جنب الغرفه . مرت عليهم الدقايق وكأنها ساعات على قلب ساره وبعد ما يقارب ربع ساعه طلع اول دكتور وكان اسمه يدل انه عربي وقف له فارس وصار مقابله فارس: بشر دكتور الدكتور: الحمدالله ان شالله خير بس لازم يبقى تحت الملاحظه حاليا قبل لا نقرر له اي شي واي عمليه نطت بوجهه ساره : دكتور الله يخليك وش فيه اخوي الله يخليك الدكتور: يا أختي ما اقدر اتكلم الين تجتمع كل فحوصاته ويشوفونها الهيئه الطبيه وبعدين يصير خير ساره: ليش الهيئه الطبيه وكل هذا الشي اخوي وش فيه الدكتور:يا اختي الان ما اقدر اقول لك شي لا انا ولا اي دكتور بيطلع من عنده الا لمن تطلع كل فحوصاته اهدي شوي وماراح يصير الا المكتوب ومشى من عندها وخلاها في حيره فارس: الله يهديك ياساره ليش كل هذا الانفعال ساره : تسمع وش يقول يقول تجتمع اهيئه الطبيه يعني اخوي فيه شي وهم مو متكلمين ليش ما يقولون وش فيه قبل لا يقررون اي شي؟ فارس: ما يقدرون يتكلمون الا لمن يتأكدون من كل شي ولا اضن انك تبينهم يقولون كلام مو متاكدين منه ولا راح يتكلمون الا لمن تصير كل الفحوصات بين يديهم عشان يتكلمون على برهان ومعرفه ماله داعي كل هالانفعال وسكت وهو يطالع عيونها الي ملتهم الدموع . طلعوا الاطباء من عنده ودخلوا ثنينهم فارس: شوفي شكله كأنه نايم ساره: الحمدالله يارب فارس: يله نرجع للفندق ساره: لا ما ابي الله بعافيك ابي اقعد هنا وابقرا عليه قران يمكن يصحى فارس: بس ما يصير اخليك بروحك ساره: لا تخاف ان شاء الله ما بيصير شي فارس: ساره اسمحي لي ما اقدر اخليك لحالك ساره: عفيه يا فارس والله ماراح ياكلوني وبعدين عطني تلفونك صدقني ما برد على اي رقم الا لمن اشوف رقم فاطمه فارس بستسلام: ما ينقدر عليكم ياالبنات طولع جواله وحطه على الطاوله وكمل عادي ردي على اي رقم ولا تدرين لا تدرين اخاف يطلع واحد من الشباب يعجب بصوتك ونبلش ساره: ببتسامه خفيفه : قول والله عاد فارس: والله خلاص انا بروح ما بطول بجيبهم وبرجع لا تطلعين من هنا عشان ما تضيعين ساره: ماراح اطلع فارس: انتبهي على روحك ساره: لا توصي اعتذر لقصر البارت واعلم انني طولت عليكم واعتذر من قلب ولكن ضروفي الصحيه لم تسمح لي واتمنى انكم تستمتعون بالقراءه الحور فديتك تراك وحشتيني دلوله حبيبتي اسفه ان البارت قصير ********** | ||||||||
|
| |
|
08-12-13, 04:21 PM
| #19 | ||||||||
| مراقبة عامة ومشرفة منتدى الروايات المنقولة
| البارت السادس عشر في السويت الخاص في ام فارس وفاطمه فاطمه: معقوله كل هذا الأطباء ماطلعوا أم فارس: الغايب عذره معه يا بنتي فاطمه: يمه شرايك ترتاحين اليوم وبكره تروحين ام فارس: لا بروح اشوف ولد اختي فاطمه: يمه انا ما قلت لك لا تروحين بس استريحي اليوم وبكره روحي ام فارس طالعت بنتها بنظره حاده : تبيني اقعد لحالي؟ فاطمه:يايمه يا حبيتبتي ترا حتى أم يمنى ماراح تروح يعني قعدوا مع بعض ام فارس: وش دراك انها مو رايحه فاطمه: توها يمنى قالت لي في هذا الوقت سمعوا صوت الباب ينفتح وعرفوا ان فارس وصل دخل فارس فارس: السلام عليكم ام فارس+فاطمه: وعليكم السلام ورحمة الله وبركاته فاطمه: ليش سكرت الباب وين ساره فارس: مارضت تجي قالت بتقعد عند خالد ام فارس: ليش وياوليدي تخليها افرض صار شي لا سمح الله من بيكون عندها فاطمه: اي والله وخصوصا انها ماخذ جوالها فارس: لا تخافون انا خليت جوالي عندها وباخذكم وبنرجع لها فاطمه: امي مو رايحه ام فارس: ياسلام قررتي يعني فارس : يمه صحيح يمه ريحي اليوم وبكره ان شالله اوديك ام فارس: ومن قال لكم اني تعبانه فارس: محد قال بس اكيد بتكونين مرهقه من الطياره فاطمه: اصلا حتى ام يمنى ماراح تروح اليوم فارس: اجل زين خلك اليوم معاها وبكره اوديكم ام فارس: ان شالله خير فارس: وانتي بتروحين ولا امشي فاطمه: الا بروح بس بكلم يمنى فارس: قبل لا تكلمينها عطنيني الجوال فاطمه: شتبي فيه فارس:بطمن على ساره فاطمه: يا عيني على الي يطمنون فارس: أخرسي بس وسحب التلفون من يدها ودق قعد ينتظرها ترد ولكن مافي رد بدت ملامحه تتوتر رجع اتصل من جديد وبعد رابع رنه ردت فارس: الوو شفيك ما تردين ساره: اسفه والله كنت اصلي فارس: صار شي جديد؟ ساره: لاو الله بس الممراضات يدخلون ويطلعون يشيكون عليه فارس: خلاص مسافة الطريق وبكون بالمستشفى ساره: انتبه على حالك ولا تسرع توسعت ابتسامته وهو يسمع كلام ساره وفرحان انها مهتمه فيه فارس: ان شالله مع السلامه لانها بتاكلني على جوالها ساره: الله يسلمك فارس: خذي جوالك ورماه على الكنب فاطمه: الحين تقطه على الكنب ومساع تترجاني تاخذه فارس: اقول استريحي بس وخلصينا ترا بروح وبخليك اصلا لو ادري ان امي مهي رايحه مارجعت طالعته فاطمه بنظره ماكره : ايه عشان يصفى لك الجو فارس: لو ما تحترمين نفسك ما بيصير طيب فاطمه: ما يسوا علينا كلمه قلناها اعوذ بالله ايش هذا ما تتحمل كلمه قرب لها ومسك يدها ولفها : الظاهر انتي الطيب ما ينفع معاك بدت تصرخ فاطمه: خلاص الله يخليك هد يدي اسفه اسفه خلاص ام فارس: وش فيك على اختك يافراس هد يدها لاتعورها تركها وهو يضحك : دامك مو قدي ليش تطولين لسانك طالعته بحقد وهو تفرك مكان مسكته وكلمت امها فاطمه: بس هذا الي قدرتي عليه المفروض تقومين تسطرينه ام فارس: تبيني اطق رجال فاطمه: ايه طقيه ولا انا مو بنتكم يعني اعترفي وين لاقيني فارس: ههههههههه والله انك خبله ومتأثره بأفلامك الهنديه كثير بتقومين ولا امشي؟ فاطمه: ما ابي اروح مكان فارس: براااحتك ولف عشان يطلع فاطمه: بس ما تصدق الا بروح وهي ترص على كلمة برووح فارس: يله خلصينا فاطمه : انزيييييين بكلم يمنى عشان تجي معانا في المستشفى رفعت التلفون من على الطاوله ورجعته بقوه ساره: اوووف هذا للمره الالف يدق يمكن ما يبي يكلمك طيب ولا مو عند الجوال لازم تحرق الجوال بالاتصالات يعني دخلت عليها فاطمه فاطمه: السلام عليكم ساره: وعليكم السلام هلا هلا ماجات يمنى؟ فاطمه: الا كاهي بتدخل دخلت يمنى وعلى طول بحضن ساره وطولت بحضنها يمنى وهي تبعد عنها: هاه كيفك الحين ساره وهي تمنع دمعه تسللت على خدها: الحمدالله الله يسلمك يمنى: وش قالوا على اخوك؟ ساره: ماقالوا شي خذوا التحاليل وطلعوا ومن قبل لا تجون والممرضات يدخلون يشيكون ويطلعون فاطمه: ان شالله ما يصير الا الخير ساره+يمنى : ان شالله ساره: فاطمه وين خالتي وامك يمنى وينها فاطمه: اقنعاهم يقعدون بالفندق يرتاحون الين بكره ساره: احسن بعد خلهم يرتاحون وين فارس جابكم وراح؟ فاطمه: واقف برا ساره: بعطيه جواله ماسكت وهو بس يرن وقامت تعطيه جواله في الفندق كانت قاعده ام فارس وام ابراهيم ويسولفون عن حياتهم والسوالف الي صارت لهم مع شوية ضحك وشوية دموع وانقضى عليهم الوقت وما حسوا بالمستشفى ساره:فارس شفيك ما دخلت ومدت له الجوال بصراحه اصدقائك مزعجييين فارس: هذا انا بدخل بس ليش تقولين كذا؟ ودخل معاها وراحت يمنى للجهه الثانيه من الغرفه ساره: كل شوي يدق كل شوي يدق فارس: كان رديتي ساره:تبيني ارد على رجال ورفع الجوال يشوف الرقم الي جايه وضحك فارس: هذا ولد عمي ساره: ومسميه المتين هههههههههه فاطمه: اي واحد فيهم؟ فارس: محمد فاطمه: حرام عليك محمد متين ما خلى من المتن شي فارس: عاد من ضعفه مسمينه المتين ولا ماترضين عليه وقعد يضحك سكتت وماردت عليه ساره: ليش تحبون تقلبون الاسماء فارس: بس كذا عاد لو رديتي عليه كان اذاك وفكرك الاخت اللطيفه واستضرف عليك لين قال بس ساره:انا كنت بقفل الجوال بس خفت انكم تكلمون وتلاقونه مقفل نطت فاطمه: خلاص فارس خلنا نرجع مالها داعي قعدتنا ترا فارس: يله قووو قاموا كلهم الا ساره فارس: يله ساره ساره: لا الله يخليك بقعد معاه فارس: ماله داعي قعدتك وخصوصا اني ما برجع الا بكره يله قومي ساره: خلاص بنام عنده الله يخليك فارس:ما يصير ياساره وانتي بنت تقعدين بلحالك ساره وينفاذ صبر ودمعه:بس ابي اقعد معاه انا ما صدقت اشوفه فاطمه: طيب قومي وبكره من الصبح نرجع له ساره:.......... يمنى: ساره قومي صحيح كلام عيال خالتك ساره:........... فارس وبكل جديه: ساره قومي وبكره من الصبح برجعكم حست انه معصب وماله داعي انها تعاند اكثر لانها ما بتضل قامت وطبعت بوسه على جبين اخوها ولكمته ساره: اشوفك بكره يالغالي غصب عني بروح وطلعت قبلهم من الغرفه وما وقفت الا عند باب المستشفى وهي تصيح حست بالظلم لما قوموها غصب وهي تبي تضل مع اخوها في الطريق للفندق ذكر فارس ولد عمه وطلع الجوال ودق عليه وحط السبيكر فارس: الووووو محمد : الو انت وشوله ماترد كل هذا تغلي فارس: لا والله ماكنت عند الجوال محمد: شخبارك وش مسوي وش اخبار الماما وفطومه فارس: هههههههه فطومه اجل استح على وجهك تدلع اختي قدامي محمد: يارجاااااال وش قايل انا قلت فطومه يعني فاطمه ما قلت حبيبتي ولا عمري ولا نور عيوني حس انه بيخبص وقفل السبيكر فارس: لو ماتحترم نفسك بفقع وجهك هههههههههههههههه كلهم بخير وبصحه وما عليهم باس وفطومتك على قولتك تسلم عليك طالعته فاطمه وطقته على كتفه محمد: الله يسلمك ويسلمها ان شالله الا اسمع رنتك مختلفه وش السالفه ليكون مسافر فارس: اي والله مسافر محمد : يالخاااااااين والله انك خاين وشوله ما قلت لنا عشان نروح معك ولا ماننفع فارس: محمد انا مسافر مع ولد خالتي تعبان محمد: أفأ افأ عسى ماشر فارس بغصه: والله مادري يا اخوي مو عارفين وش فيه الى الان محمد: وينك فيه حاول تستعجلهم طيب فارس: لندن والله مافيه فايده لازم يخلصون كل التحاليل والفحوصات عشان يعطونا النتيجه محمد: لا والله ما يشوف شر فارس: الشر ما يجيك ان شالله وسكر لأنك بتخسرني وانا عطيتك وجهه محمد: مالت عليك ما انا قاعد اخسر معاك طيب فارس: بس انا اكثر محمد: هههههههههههه صحيح انك غبي قاعدين نكلم بعض يعني النص بالنص فارس: ادري بس استعبط عليك محمد: اه بس يا حلوك وحلو استعباطك فارس: هي انت انا مو من الي تعرفهم ولا شكلك اشتقت لهم وتفرغ الطاقه العاطفيه فيني محمد: يالخايس فاطمه معاك اكيد بتفكر من جد تتكلم فارس: اولا انا توي متروش وثانيه وش عليك فكرت ولا مافكرت ههههههههههه يله بس اقلب وجهك وسلم على عمي وامك محمد: الله يسلمك فارس: تامر بشي محمد: ايه فارس: ماتصدق احد يجاملك انت اقلب وجهك بس محمد: اسمع شبقول مالت عليك ابيك تجيب شوية براد فارس: ههههههه الله يرجك محمد: ايه عشان تصير ولد عم المرجوج فارس: الظاهر مالك نيه تسكر انت محمد: مع السلامه يالبخيل فارس: هههههههههه مع السلامه فارس: يسلم عليك محمد فاطمه: الله يسلمه من الشر انتبه لساره الي من جاب طاري اخوها وهو يسمع شهقاتها فارس: استهدي بالله وكل شي بقضاء ربي ساره: ونعم بالله فاطمه: ان شالله ان قام بالسلامه والله لآقدم له لائحه كبيره بمخالفاتك وتشوفين ساره:...............تصيح فارس: فاطمه وبعدين معاك فاطمه: والله عندي احساس كبير انه بيقوم بالسلامه وهي تسوي كذا بروحها ساره: اخوي مالي غيره فارس: وأحنى وين رحنا يا بنت خالتي ساره:............ وسكت الكل بعد الكلام الا صياحها ما وقف وصلوا الفندق هلكانين وجوعانين نزلهم فارس وراح يجيب لهم عشى دخلوا الفندق واتجهوا لغرفهم قابلتهم ام فارس ام فارس: هاه بشروني عنه فاطمه: والله يا امي باقي ينتضرون النتيجه عشان يقدرون يقررون وش عنده ام فارس: وبنت خالتك وينها؟ فاطمه: اتوقع دخلت الغرفه وقبل لا تسألين فارس راح يجيب عشا ام فارس: ما اطول لسانك قومي شوفي بنت خالتك وعن طولة اللسان فاطمه: واذا ما بينت طولة لساني لك لمين ابينها؟ ام فارس: بينيها للي بينقرد فيك فاطمه: يمه هذا وانا بنتك ووتقولين كذا ليش كذا تكسرين خاطري ام فارس: عن العياره ويله قومي فاطمه: بقوم لا يجي اكثر دخل فارس وفاطمه قايمه من عند امها وهي معصبه فارس: فطيم شفيك فاطمه: مافيني شي ممكن توخر عن طريقي فارس: طيب خذي الكيس حق ام ابراهيم فاطمه: هاتها وسحبتها منه قوه حتى ان ظفرها جرحه فارس: وجع مو بنت قطوه فاطمه: لوسمحت عن الغلط ومسكت جوالها تدق على يمنى تفتح لها الباب فارس: يمه شفيها بنتك؟ ام فارس: ماعليكمنها تدلع فارس: لا شكلها مولعه شوفي حتى جرحت يدي ام فارس: جعلها وجع دخلت فاطمه الي سعت امها وهي تدعي فاطمه: كنت افكر واقول اكيد فيه احد يحبني بعد ابوي لكن وبدا صوتها يضعف كنت غلطانه وراحت للغرفه وصكت الباب فارس: يمه وش فيك عليها؟ ام فارس: خلها تولي شوي وترجع لحالها فارس: ترا مو ناقصين يمه ام فارس: اقولك خلها تولي لسانها طويل فارس: بس انتي عارفه انها تتأثر بسرعه المفروض ماتشدين معاها ام فارس: انا ما قلت لها شي ولا تقعد تدافع عنها وتطلعني غلطانه قام بيشوفها ام فارس: وين قمت فارس: بروح لها ام فارس: ايه كبر راسها اكثر فارس: وحتى انتي يمه كلميها بس مو الحين أم فارس: يصير خير فارس: يمه والي يخليك عاد لا ترصين عليها طالعته امه وفي نظرتها فرح : الله لا يخليكم من بعض فارس: ولا يخليني منك يالغاليه وباس راسها واتجه لغرفة اخته ساره كانت بالغرفه لحالها تبكي مو عارفه وش تسوي ماكان معاها الا صوة اخوها وتبكي خايفه عليه خايفه يصير فيه شي وتفقده كانت تنفض راسها كأنها تبعد عنه الافكار الشينه الي كانت تفكر فيها وتهدا شوي وترجع تبكي من جديد لين خارت قوتها ونامت وهي حاضنه صورته وبدون لا تحس بشي اعتذر عن تأخيري من جديد وإن شاء الله يعجبكم البارت يارب حوور يعني يوم انك تدخلين وقت نزول البارت اعتبرها خيانه انك شميتي ريحته ودخلتي :$ ******** | ||||||||
|
| |
|
08-12-13, 04:23 PM
| #20 | ||||||||
| مراقبة عامة ومشرفة منتدى الروايات المنقولة
| البارت السابع عشر اتجه للغرفه الي فيها اخته طق الباب ودخل الى نص الغرفه وكلمها فارس: ممكن ادخل فاطمه اكتفت انها تطالعه وتشيح بوجها فارس: انا اسألك ممكن ادخل فاطمه: بعد مادخلت تسأل فارس: يعني تبيني اطلع؟ فاطمه ماردت بس اطلقت لدموعها العنان قرب منها ورفع راسها فارس: فاطمه شفيك ملاحظ انك تغيرتي فاطمه:........ فارس: تكلمي يا فاطمه لا تسكتين فاطمه وبصوت كله بكى: ابي ابوي جلس على ركبته وطالعها فارس: لهدرجه كارهه العيشه معانا يعني فاطمه:........ فارس: فاطمه لا تصيري حساسخه كثير ترا بتتعبين وبعدين انا عارف ومتأكد ان الي مضايقك مو سالفة امي عندك شي ثاني فاطمه:......... فارس:تكلمي قولي فاطمه: مافيني شي فارس: مشكلتك انك مفضوحه وماتعرفين تخبين فاطمه: ممكن تخليني بلحالي فارس: ما بطلع من هنا الا وانتي معاي فاطمه: الله يخليك يافارس خلني بروحي فارس وبنفاذ صبر:بتقولين وش الي مضايقك ولا كيف؟ فاطمه: حرام عليكم خلاص خلوني بروحي مافيني شي مافيني شي تبيني الحنها لك بعد ردها كان بصوت عالي جدا رفع يده وده يعطيها كف بس تعوذ من الشيطان فاطمه:عطني اياه ليش ترددت ترا عادي عندي ورمت نفسها على السرير وانخرطت في البكى طالعها مو عارف وش يسوي لها كاسره خاطره ومستغرب من تصرفها وعارف ان في شي مكدر خاطرها ماقدر يكلمها فضل انه يطلع من عندها رجع لأمه ام فارس: كلمتها؟ فارس: تهاوشت معاها ام فارس: ليش؟؟؟؟ فارس: يمه لازم تتقربين لفاطمه اكثر ام فارس: وش فيها بنتي؟ فارس: يمه مافيها شي بس لازم تتقربين منها وتعرفين وش فيها ام فارس: بروح لها فارس: لا يمه مو الحين خليها شوي ساره كانت بالغرفه وفكرها مع اخوها مو قادره تزيح التفكير عنه ونامت شوي ورجعت صحت ورجع تفكيرها فيه صارت تتذكر شكله وهو معصب وهو يضحك وهو يتمسخر عليها مو قادره حتى تقوم تتوضى وتصلي تحس بألم فضيع براسها وبكل جسمها في الاخير رجعت استسلمت للنوم غصب عنها في جناح ام ابراهيم ام ابراهيم: يمه يمنى مامريتي على صديقتك من جيتوا يمنى: ولد خالتها معاهم الحين واستحي اروح ودقيت على جوالها ماردت شكلها نامت يمه ام ابراهيم: مسكينه والله الله يكون بعونها فقدت اهلها وهي بعز الحاجه لهم والحين اخوها بعد ربي اعلم بحاله يمنى: امين يا يمه على طاري اخوها بقوم اكلم برهوووم اشوف شخباره ام ابراهيم: اي والله وحشني وليدي مع ان ماصار لنا يومين دقت عليه وعلى طوول رد يمنى: هلا حبيبي شلونك اخبارك ابراهيم : هلا يمنى شلوونكم متى بتجون امي وين يمنى: الله الله كل ذا تبيني اجاوبه الحين ابراهيم: وين امي عطيني اياها يمنى : طيب خذ كلمها ام ابراهيم: هلا يمه شلونك حبيب امك انت بدا صوته يتغير أبراهيم: بخير يمه متى بتجون ام ابراهيم: افا يا رجال البيت تصيح ان شالله بنجي ابراهيم: يمه تعالوا ترا زهقت ومره ثانيه بجي معاكم أم ابراهيم: وش فيك يا وليدي احد مضايقك؟ ابراهيم: لا يمه بس وحشتوني ام ابراهيم: انتبه على حالك يا يمه ولا تسوي شطانه سحبت يمنى التلفون من امها: اقول برهوم تراك خسرتني ابراهيم: يمنى لا تنسين تجيبين لي هديه يمنى: مالت بس وانا اقول تعالوا وتعالوا اثر مو لله ابراهيم: لا والله يمنى تعالوا ترا امزح لا تزعلين يمنى: مازعلت يله انتبه على روحك ولا تتشيطن ابراهيم: مع السلامه يمنى: ياحليله والله مهما كبر بيضل صغير بنظري ام ابراهيم : الله لا يخليكم من بعض عند ام فارس الي قامت تشوف بنتها ام فارس: فاطمه ممكن تفتحين الباب فاطمه:........................ ام فارس: فتحي الباب يا يمه لا تخليني واقفه تحركت فاطمه واتجهت للباب وهي تحاول تتماسك واول ما فتحت الباب وجات عينها بعين أمها ماقدرت تسكت وجلست على الارض وهي تبكي ام فارس: يمه يا فاطمه شفيك ليش تسوين بحالك كذا فاطمه:........... ام فارس: يمه يا بنيتي لا تعورين قلبي قولي لي وش فيك؟ فاطمه: يمه ابي ابوي محتاجه ابوي ليش راح وخلاني ام فارس: اللهم لا اعتراض هذي ارادة ربي ولا حد يقدر يعترض يا بنيتي تعوذي من الشيطان فاطمه: يمه انا تعبانه قلبي يعورني يمه قلبي يعورني ام فارس: بسم الله عليك يمه بسم الله عليك لا تقولين كذا تعوذي من الشيطان وبدت تقرا عليها وتمسح على راسها وهي بحضنها وماصدقت انها تكون بحضنها وغطت بالنوم وكانت تمسح على شعرها وتقرا عليها لين ما شافت ان نفسها انتظم وعرفت انها نامت نادت ولدها: فارس يمه تعال قام وهو خايف فارس: يمه خير وش فيه ام فارس: ولا شي يا وليدي بس ابيك تسند اختك وتحطها ع السرير فارس: ان شالله يمه شالها وحطها على السرير ووقف جنبها وهو يكلم امه فارس: ماقالت شي؟ ام فارس: كل الي قالته ابي ابوي محتاجه له ليش يخليني ويروح فارس: اصلا من رجعنا من المستشفى وملاحظ ان فيها شي وكلامها صاير قليل ام فارس: والله مادري وش بحاتي بحاتيها ولا بحاتي خالد ولا هالي من رجعت وهي قافله عليها الباب وماهي راضيه تفتح فارس: روحي شوفيها يمه وانا بقعد مع فطوم ويمكن انام عندها لا تحاتين طلعت ام فارس من عندهم متجهه على الغرفه الي فيها ساره وحاولت فيها تفتح الباب ولكن بدون جدوى رجعت عند بنتها الي تبي تعرف وش فيها لقت فارس جالس جنبها وعيونه مليانه دموع ام فارس: عسى ماشر وش فيك؟ فارس وهو يمسح دمعته: كاسره خاطري ماني عارف وش فيها ام فارس:ان شالله اذا صحت تكون احسن فارس: يمه توني اشوف كيف تحت عيونها اسود مره يعني تعبانه من اول وساكته ام فارس: يمكن احد مضايقها بالشغل فارس: أنا قايل لها تتركه بس هي ما تسمع ام فارس: لا تضغط عليها يا وليدي دامها مرتاحه فارس: خلاص يمه انا بنام معاها انتي نامي بالغرفه الثانيه عشان ماتنامين على الارض ام فارس: بس فارس: يمه لا بس ولا شي لاتخافين بنتبه لها ولا نسيتي انك كنتي تخلينها عندي اول ؟ ام فارس: طيب تصبح على خير فارس: وانتي من اهل الخير يالغاليه طلعت امه وهو ضل يفكر كيف يخلي فاطمه مبسوطه ويبعد عنها التعب الي يشوفه بوجهها لين دخل بالنوم غصب عنه لانه تعبان ماقدر حتى يرتاح شوي من صحى فتح عينه ورفع يده يشوف الساعه كانت 7 ونص الصبح قام على طول توضى وصلى ورجع يطالع في اخته الي كانت بسابع نومه فارس: لو بس تقولين لي وش مضايقك طلع من الغرفه وسكر الباب تفاجئ في ساره الي كانت قاعده تنتظره فارس: بسم الله وش مقعدك من الحين؟ ساره صوتها يالله ينسمع : خفت تروح وتفكرني نايمه طلعت عشان تعرف اني صاحيه فارس: الله يهديك سمعي صوتك كيف ساره:.......... فارس: الي قاعده تسوينه ما يرضي احد ترا ولا يرضي رب العالمين ساره: متى بتروح؟ فارس: لين تجلس امي وفاطمه ساره بخيبة امل: طيب ودني وارجع لهم فارس: اسف ماراح اطلع لمعت عيونها وذكرت اخوها كيف لو فيه الموت وتبي شي يسويه على طول قطع تفكيرها فارس: الا بشرط ساره: وشو؟ فارس: اذا سويتي لي شاهي بوديك ساره بفرح: دقايق راحت المطبخ تدور شاهي مالقت شي على طول دقت على الهوم سيرفرس وطلبت منهم يجيبوا شاهي وماطولوا الا الجرس يرن فارس: من الي جاي هالوقت؟ ساره: الشاهي فارس: الشاهي؟ ساره: ايه لان مافي شي هنا طلبته فارس: اخ منكم يالبنات وقام يفتح الباب بالطريق للمستشفى كان السكوت هو سيد الموقف لان ساره ماتبي ترجع تبكي ففضلت انها تكست اما فارس كان خايف يكلمها تفهمه غلط لأنه حس انها عارفه ميلانه لها هذي الفتره ففضل الصمت دخلوا المستشفى وعلى طول اتجهت ساره للعنايه المركزه تيبست مكانها عند الباب لفت نظرها على الغرفه كلها مافيها احد ولا الاجهزه شغاله ولا شي لفت على السرير لقته مرتب ولا عليه احد ماتحملت الموقف وخرت على الارض دخل وراها فارس مخترع نادى الممرضات يساعدونها حست بأحد يرفعها رفعت عينها على فارس ساره وهي تأشر على السرير : خالد خالد وينه خالد فارس: استهدي بالله وتعوذي من الشيطان يا ساره ساره: فارس اخوي اخوي وصرخت واغمى عليها انقلوها لغرفة ملاحظه وتجه فارس للدكتور المخصص عن حالة خالد وعرف منه ان خالد انقلوه لغرفة ثانيه ورجع لعند ساره صحت ساره وشافت فارس واقف عند راسها ساره فزت : فارس خالد خالد مو موجووود خالد وينه فارس: استهدي بالله وتعوذي من الشيطان ساره: وينه الله يخليك فارس: خالد انقلوه لغرفه ثانيه يا ساره ساره: قولي الصدق وينه ودني له ودني له فارس: اقعدي انتي تعبانه ما عليه شر ان شالله والدكتور هو الي قالي انه انقلوه لغرفة ثانيه ساره: الله يخليك مافيني شي وينه ودني طلعوا من غرفة الملاحظه للغرفه الي فيها خالد دخلت ساره وهي تشوف اخوها على السرير احضنته وصارت تبكي ماكان حاس بشي استجمعت قوتها وبعدت عنه ولفت على فارس ساره: الله يخليك روح قول للدكتور وش فيه فارس: إن شالله بس الدكتور الخين مشغول بعد شوي بروح له ساره: مشكور ماتقصر يافارس فارس: هذا واجبي ماسويت شي انا الحين بروح الفندق وبرجع بعدين عشان اسأل الدكتور ساره: خلك شوي وبعديم روح انحرجت من كلمتها له ونزلت عينها فرح من قلبه انها تبيه يكون جنبها لكن م بين لها اي شي فارس:بروح اشوف فطوم مادري شفيها وبجيبهم معي وبجي ساره: لا تنسى يمنى الله يعافيك فارس: مستحيل انساهم وطلع من الغرفه وقلبه يرفرف زي الطير لهذي الانسانه الي بدا حبها يتسلل لقلبه بدون لا يملك انه يمنعه اما ساره فضلت تطالع بأخوها ووجها مليان دموع والافكار بتفجر راسها كيف لو انها لما ماشافته بالغرفه كانت بتتجنن تعوذت من الشيطان وطلعت القران من شنطتها وبدت تقرا بصوت منخفض لان صوتها تعبان دخلت عليها الممرضه وكانت اجنبيه بس مسلمه وتعرف تتكلم عربي الممرضه: ماشاء الله اختي صوتك جميل بس ارفعيه ان شاء الله انه يستطيع سماعك ساره ودموعها على خدها: ما اقدر صوتي شوي تعبان الممرضه: ان شاء الله سيفيق وكونه خرج من العنايه الفائقه هذا شيء جميل جدا ويبشر بالخير ساره: يعني ممكن يفيق ؟ الممرضه: كل شيء بيد الخالق انا مسلمه وانتي مسلمه وتعرفين ان الدعاء هو المنجي بإذن الله ساره: يارب ارحمني ورجعه لي الممرضه: انتي زوجته ساره: لا انا اخته الممرضه : ماشاء الله بينكم حب كبير ساره: لانه اخي التوائم الممرضه: إن شاء الله تسعدين به ويكون بجانبك طول الحياه ساره: الله يجزاك خير الممرضه: هذا واجبي ولو احتجتي لأي شيء فقط استمري بالضغط على الجرس وسأتواجد واستمري بقرائة القران وإن شاء المولى لن يخيب دعائك ورجائك طلعت الممرضه من الغرفه وضلت ساره تقرا قران وبعد كذا قامت تتوضى تبي تصلي وتدعي ربها يقوم اخوها بالسلامه دخل فارس الشقه وعلى طول توجه لغرفة اخته لأن امه كانت نايمه دخل شوي شوي وجلس جنبها بدون لا يزعجها يفكرها نايمه وضل يطالع فيها لاحظ انها تنتفض رفع الغطا عنها وشافها تبكي فارس: قاطمه وش فيك فاطمه:............ فارس: فطوم يا حبيبتي قولي لي وش فيك يمكن اقدر اساعدك وحتى لو مااقدر المهم لا تخلين الشي يعور قلبك فاطمه وعيونها تطالع لبعيد : انا قليلة ادب انا ما استاهل اهتمامك واهتمام امي انا استاهل كل هواش تهاوشني امي خلاص الله يخليك لا تهتم فيني كذا اطلع ابي اضل بروحي وارتاح فارس: اول شي انا اسف اني كنت بمد يدي عليك امس وثاني شي ما اسمح لك تقولين كذا فاطمه: ليتك مديتها ليتك طقيتني وأدبتني فارس: فاطمه ممكن تقولين لي شفيك رفع راسها عشان تطالعه فاطمه وبعيونها خوف كبير: فارس انا ونزلت راسها بحسره رجع رفع راسها وطالعها فارس: انتي وشو يا دلوعتي يا بنتي فاطمه: ارجوووك لا تعذبني انا ما استاهل كل هالحب انا وحده وقحه وحقيره وشوي علي لو تهاوشني امي بالليل وبالنهار خاف من كلام اخته بس ما حب يبين لها هذا الشي فارس: فطوم ليش كل هذا الكلام وليش كذا تقولين على حالك كملي وش فيك فاطمه: ..................... فارس: طيب قومي جهزي حالك وصحي امي عشان نروح لخالد لانهم طلعوه من العنايه فاطمه: ما ابي اروح هناك فارس: بس بتقعدين لحالك والله صعبه فاطمه: الله يخليك يا فارس والله ما ابي اروح الله يخليك فارس: طيب خلاص بوصل امي وبرجع لا تفتحين الباب حتى لو اقولك انا لاني معي الكارد وانا اعرف افتحه فاطمه: شكرا فارس : العفو يله مسافة الطريق وراجع ياترى وش وراك يافاطمه؟ وهل خوف فارس في محله ولا تبالغين بكلامك؟ قراءه ممتعه الحور تراك وحشتيني ونزلت البارت وانا تعبانه عشان اقدر اشوفك يله لا تصيري دبيه وادخلي خلني اطمن عليك ********** | ||||||||
|
| |
|
| الكلمات الدلالية (Tags) |
| للكاتبة/الحيرانه, مكتملة, بكاي, يوما, عزوتي, ضحكتي |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
