آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
08-12-13, 04:24 PM
| #21 | ||||||||
| مراقبة عامة ومشرفة منتدى الروايات المنقولة  
|  البارت الثامن عشر وفعلا وصل فارس امه وصديقتة ساره وامها ودخلهم ورجع لأخته الي محتار ومو عارف وش فيها وليش قالت هالكلام تعوذ من الشيطان واستغفر ربه لانه عارف تربية اخته دخل الشقه وراح لعندها كانت توها طالعه من الحمام شافته فارس: هاه كيفك الحين فاطمه: الحمدالله فارس: طيب ممكن أعرف وش الي قالب كيانك ومخليك كذا حزينه فاطمه: اوعدني اول فارس: اوعدك بإيش فاطمه: اوعدني لو عصبت تطلع عصبيتك علي تضربني بس ما تخليها بقلبك فارس: فاطمه انتي شتقولين؟ فاطمه: اوعدني تسرب الشك من جديد لنفسه وهالمره بشكل اكبر بس حاول يهدي الوضع وياخذه عن طريق المزح فارس: يعني انتي مشتهيه احد يطقك لا تخافين ما بقصر فاطمه:............... ونظرة حزن فارس: فطوم الله يخليك قولي لي وش صاير والله مو قادر اتحمل احس روحي بتطلع فاطمه: بسم الله عيك ان شالله في الي يكرهونك فارس: بتقولين ولا شلون فاطمه: بقول بس اقعد اول فارس وهو يقعد على السرير : وهذي قعده فاطمه نزلت من على السرير وجلست مقابله لأخوها على الارض: فارس سامحني والله ما قصدت هذا الشي انا عارفه اني استاهل كل شي الطق وحتى الموت بس والله بلحظة ضعف فارس:فاطمه الله يرحم والديك لا تعطيني الغاز تراني مو متحمل فاطمه: يوم كنا قبل امس بالمستشفى فارس بحماس: ايه فاطمه: سبقتني يمنى لأني نزلت اعدل ربطة جزمتي كان واحد واقف يطالعني ما اهتميت فيه نزلت عيني بس هو ما نزل عينه طالعته مره ثانيه لقيته يطالع قرب مني وسكتت طالعها فارس فارس: كملي وبعدين فاطمه: ...... فارس: كملي كملي فاطمه: مسك يدي وباسها وحط بيدي ورقه حطيتها على الطاوله القريبه والله ما اخذتها ووقتها انت قربت السياره وطلعت على طول يوم طلعت بجي للسياره لقيته واقف ابتسم وسكتت ما قدرت تتحمل ان اخوها الحين بيكرها وصارت تبكي بصوت على الارض طالعها فارس بحنيه وجا بيطلع من عندها ونادته فاطمه: فارس انت وعدتني إنك تعاقبني تطلع قهرك ما تخليه بقلبك ررجع لها وجلس جنبها فارس: انتي غلطتي انك سكتي له وانك ما خبرتيني يوم ركبتي للسياره بس انا عارف انك مستحيل تخونين ثقتنا فيك ولا تسوين شي يخجلنا وتزعزعين ثقتي فيك فاطمه: ........ فارس: انتي ما ينخاف عليك إن شاء الله وياليت كل البنات زي اختي لا تزعلين مو عيب اننا نخطأ ولكن العيب اننا نستمر في خطأنا ونتمادى فيه يله قومي معاي وانسي الي صار كله ولا كانه صاير شي وقفها وقعدها على السرير فارس: الحين نامي واذا صحيتي نروح لخالد لازم توقفين مع صديقتك وينت خالتك ولا شرايك؟ وهو يغطيها رص يدها فاطمه: اه فارس: شفيك؟ فاطمه: لا ولا شي رفع اللحاف عنها لقى يدها مجروحه جرح قوي فارس: وشو ذا من وين؟ فاطمه:....... فارس: الي سويتيه خطأ بشوف اذا معقم لا يلتهب الجرح ولا بوديك المستشفى فاطمه: لا انا داويته فارس: ياشينك وانتي تكذبين تدرين انك مفضوحه مر سبوع على موضوع فاطمه وكانت تحس براحه كبيره إنها قالت لأخوها وخالد خالته زي ما هي ودموع ساره ما وقفت لدرجة انهم دخلوها هي بعد المستشفى لأن عيونها تعبت كثير من الصياح وكانت كل ما غفلوا عنها طلعت من الغرفه وراحت عند اخوها تقعد عنده وتقرا عليه قران وتدعي ربها وعلى اخر الاسبوع طلعت زي العاده ويوم وصلت قبال غرفة اخوها وشافت الزحمه من الاطباء مالين الغرفه ما قدرت تتحمل وطاحت مغمى عليها وانتبهوا لها الممرضات وشالوها للغرفه وخلوها تحت الملاحظه في الشقه كان فارس يفكر بساره وفي حالتها الي تقطع القلب وكان خايف على عينها لأن الدكتور حذرهم من انها لو استمرت على حالها بالبكاء بتفقد نظرها قطع عليه افكاره صوت الجوال فارس: نعم ..: السلام عليكم الاخ فارس؟ فارس: أي نعم من معاي ..: المستشفى فز من كانه : خير اوي فيه شي؟ ..: لا الحمدالله مافيه شي بس ياليت تجي المستشفى ضروري فارس: يا اخوي قول وش فيه ..:لمن تجي بتعرف ان شاء الله انا ماني مخول اني اقول أي شي فارس: دقايق وانا عندك كانت ام ابراهيم ويمنى عند ام فارس ولاحضوا طريقة فارس بالكلام ام فارس: خير يا وليدي فارس وهو يدور مفتاحه: المستشفى يبوني ام فارس: والله ما تتحرك لين اجي معاك فارس: يله يمه بسرعه الله يخليك رد الكل: وحنا بعد بنروح الكل كان بالسياره واتجهوا للمستشفى دخلوا على طوول على غرفة خالد لانهم شافوا كيف زحمة الأطباء والممرضات استأذن فارس عشان يدخل عند خالد واول ما اقبل عليه طار من الفرح شاف ولد خالته فاتح عيونه ويبتسم له ركض وحضنه وخانته قوته وصار يبكي وصار صوته يعلى بالبكي لدرجة انو الي برا سمعوه وماتوا خوف وركضوا لداخل الغرفه يبون يعرفون شسالفه دخلوا وشافوا ان خالد صاحي وحاضنه فارس ويبكي يوم شافته ام فارس وتركض هي لعنده بعد من الجهه الثانيه وتبوس يده وتحمد ربها وخر فارس عنه وهو يمسح دموعه خالد وبصوته التعبان: زين كذا وسختني فارس: لا تلومني يا اخوي خالد: الله توني ادري اني غالي عليكم ام فارس: الله يا خالد ما تعرف وش انت واختك عندنا تذكر اخته وتذكرها وهي تكلمه وما يقدر يرد عليها وقعد يدور بعيونه على الموجودين يبي يشوفها فاطمه: الحمدالله على السلامه خالد: الله يسلمك وين ساره ما اشوفها ام يمنى: الحمدالله على السلامه يا وليدي ان شاء الله ما تشوف شر خالد وهو كله شرووود الله يسلمكم بس وين ساره توقعتها اول وحده اشوفها اذا فتحت عيني سكت الكل وهو يطالع فيهم واحد واحد خالد: فارس وين ساره لاتقول صار لأختي شي تكلموا وينها دخل الدكتور الاجنبي وهو يصارخ والممرضه معه : Excuse me, Khaled is not correct to you to react and you just agreed Acoma Please stay abroad, his passion is not valid خالد: ليتني ما صحيت فارس: لا تخاف ان شاء الله ماعليها شر بس دخلت المستشفى لانها تعبت شوي خالد: اي مسشفى ؟ فارس: بنفس هذا المستشفى خالد: معقوله كان يتهيء لي انها تجي وتقرا قران كنت احس فيها كنت اسمعها تبكي وتتألم شلون قولي شلون معقوله كل هذا كان كذب فارس: استهدي بالله ان شالله مافيها شي لا تخلي الشيطان يلعب فيك خالد: فارس ابي اروح لها فارس: ما يصير يا خالد توك صاحي من تعب خالد: الله يعافيك ودني لغرفتها فارس: نسأل الدكتور اول فارس:Can I take him to his sister Lira tired here الدكتور: Is not valid piece still tired فارس: سمعته يا خالد ما يصير هالشي خالد: يا فارس انا بقوم اشوف اختي فارس وهو يكلم الدكتور: Will not accept, but to reassure his sister is hurt in his health الدكتور:But if you do not overtax himself brought the wheelchair فارس: طيب انتظر شوي بجيب الكرسي وطلع من عندهم ام فارس: الله يهديك يا وليدي ان شاء الله مافيها شي وانت تعبان استريح خالد: يا خالتي ما اقدر الا اتطمن عليها دخل فارس عليه وهو يدف الكرسي قدامه حط خالد فيه ودفه الين الغرفه الي حطوا فيها ساره اول ماشاف اخته وشاف شكلها كيف تعبان قرب لعندها ومسح على راسها ويكلمها : سامحيني يالغاليه اسف اني خذلتك يوم قلت لك اني ما يخلي احد يضايقك بس ماوفيت بوعدي قطع عليه صوتها وهي تصيح بس ماهي واعيه كان واضح انها تحلم ساره: لا تروح لا تروح من لي غيرك خالد قلت ماراح تتركني قلت ماراح تضايقني لاتروح سمعها وهو يحاول يفهم شتقول خالد: ساره انا عندك وما بخلف بوعدي ماراح اخليك انا جنبك ساره: بس انت خليتني ورحت خلاص خالد: ماخليتك شوفيني عندك قومي ساره: ما ابي اسمع انك رحت وخليتني لحالي زي امي وابوي خليتني بلحالي خلاص ما ابيك روح كل هذا وهي مغمضه عينها وتفكر حالها للحين بالحلم خالد: ساره فتحي عيونك وبتشوفيني جنبك ساره وهي تفتح عيونها بقوه وترجع تغمضها من قوة نور الغرفه وترجع تفتحها بشويش وتقعد تتكلم كلام كثير ومن ين كلامها الحمدالله الحمدالله اني مت عشان ما اعيش بلحالي خالد: بس انا ما مت انا حي وانتي بعد يا نور عيني مو ميته ما اقدر اوصف الموقف وشلون اوصفه ما يطلع معاي الكلام اترك حرارة االموقف لأفكاركم تعيشيونها زي ما انا قاعده اخيلها وما هي طالعه معاي قراءه ممتعه ولنا لقاء مع اخر بارت ********* | ||||||||
|  |
|
08-12-13, 04:26 PM
| #22 | ||||||||
| مراقبة عامة ومشرفة منتدى الروايات المنقولة
| البارت التاسع عشر مر الاسبوع على خروج خالد من الحاله الي كان فيها والي كان سببها وجود ورم حميد في الجهه اليسرا من المخ وقدروا بالادويه يخلونه يضمر الين ما عاد له اي وزن لدرجة انهم ما اضطروا يعملون له عمليه وانه ما يشكل اي خطر على حياته وقدر يطلع من المستشفى اما ساره فمارضوا يطلعونها لأن حالتها الصحيه تعبانه وتحتاج الى ملاحظه مستمره وكل يوم كان يوزرها وتترجاه انها تطلع معه وهو الي يرفض انها تطلع وفي يوم كان زايرها وهي تترجاه خالد:اسف ما بيدي شي ساره: الله يخليك يا خالد والله زهقت حرام عليك خالد: ياساره ما اقدر اطلعك على مسؤليتي اخاف يصير لك شي ساره: ماراح يصير شي وش بيصير يعني خالد وهو يكتم ضحكته: وانتي الصادقه وش بيصير اكثر من شكلك الي يفزع هذا ساره: يعني بتطلعني؟ خالد: لا طبعا شطلعك انتي شايفه شلون شكلك صاير وشايفه عيونك كيف كانك وحده منتهيه من المرض ساره بزعل: تتريق حضرتك خالد: لا ما اتريق اتطنز ساره: طيب ممكن تقوم انا بنام خالد: يعني اطلع؟ طيب براحتك بس لا تدقين علي بعد شوي وتقولين تعالي ماراح اجي ساره: لاتجي اصلا بيجوني البنات خالد: صحيح اجل ماني طالع عناد فيك وفيهم ساره: عادي ماراح ادق عليهم عشان يجون خالد: ساره ممكن سؤال ساره والزعل طاغي عليها: خيير خالد: بل ردي عدل يمنى وامها ليش جاوا معاكم وهم عارفين ان مافي تمشيات واني بالمستشفى ساره: الظاهر انك ناسي ان يمنى اكثر من اخت لي وان امها بمقام امنا خالد: بس والله تعب عليهم يجون ولا يستانسون وبهذا الوقت تدخل يمنى: لا تعب ولا شي ان ما اهتميت بأختي ووقفت جنبها وهي محتاجه لي وش فايدتي ؟ خالد:........... وكبرت بعينه ساره: قولي له خليه يقتنع خالد وهو يوقف : السموحه منك ويله اشوفك انتي على خير واذا بغيتي شي دقي ساره: توك تقول لا تدقين علي ماراح اجي ولا الحين عشان تسمعك يمنى خالد: استريحي بس بمر على الدكتور وانا طالع ساره: قوله متى بيطلعني يمنى: مافيه طلعه الين تخفين خالد: انا قايل لها من قبل بس مافي فايده اقنعيها مع السلامه الثنتين: الله وياك وهو بيطلع من الباب ذكر ورجع: اقول اختي جابك فارس؟ يمنى: لا والله ما حبيت اكلف عليه جيت مع تاكسي قلت له اسم المستشفى ووصلني لين الباب خالد: افا ماهقيتها منك على العموم ساروه اذا بغيتي شي دقي علي واذا خلصتوا دقي علي عشان ارجع صديقتك يمنى: ماله داعي انا مافقه مع التكاسي يرجع لي خالد: وانا وين رحت ولا يعني التكاسي اقرب مني يمنى: لا يشهد الله انك مثل برهوم خالد:خلاص لاخلصتي من هالسوسه خليها تكلمني يمنى : هههههههههه حرام عليك شوفها زعلت خالد عجبته ضحكتها وتشتت تركيزه : لا ساره تزعل من الدنيا كلها ولا تزعل مني ساره: الا ازعل ويله تيسر خالد: يعني زعلانه اعرف كيف اراضيك ساره: ماتقدر خالد: الا اقدر وصار يقرب منها ويضحك لين وصل لها وبدا يدغدغها لين ضحكت شفتي قلت اعرف شلون ارضيك والحين بطلع قبل لا انطرد ساره: زين انك عارف يمنى: ياحليله اخوك والله ساره: على البركه يمنى: على وشو ساره: ان اخوي نال اعجابك وحنيتي عليه يمنى: انتي شتقولين ساره: يله عاد خلينا نخطبك يمنى: الظاهر قعدة المستشفى جننتك ساره: انا قعدتي جننتني وانا الي ابي اخطبك لواحد ميتين عليه البنات ويدورونه دواره والله انك مو وجه نعمه ابد يمنى: ساره الظاهر ان ما عندك سوالف انا عمري ماراح ألاقي احسن من اخوك بس ماراح افرض نفسي عليه ابد ساره: اقول حبيبتي تراني عارفه ان فيه اعجاب من جهتك ولو ماني عارفه كان ما عرضت عليك هذا الشي في هذا الوقت كان خالد واقف عند باب الغرفه بعد مارجع من الدكتور ووسمع كلام اخته وسمع رد يمنى عليها فرح كثير لإن بداخله معزه لهذي البنت طق الباب ودخل خالد:ساره يقول الدكتور تطلعين بعد يومين ان شاء الله ساره: الله يبشرك بالخير ويخليك لي يا حبيبي خالد:...... ساره: خالد شفيك وين رحت الي ماخذ عقلك يتهنى فيه وتطالع يمنى الي نزلت راسها خالد: لا ماخذ عقلي ولا شي على العموم بعد يومين تطلعين ولا تخليني اكلم الدكتور يمددها عشان طولة لسانك ساره: لا الله يعافيك مافيني اقعد اكثر بتجنن خالد: ههههاي اكثر من هالجنون الي فيك ساره: خالد ترا بزعل خالد: وانا اعرف شلون اراضيك ساره: الله يعافيك خالد خذها معاك زهقتني وانا ابي انام يمنى: ساره بلا سخافه ترا ماله داعي وبعد شوي بيجي التاكسي خالد: افا ما هقيتها منك انزين قولي كلام ثاني قولي بقعد بس مو انتظر التاكسي ساره: قومي ترا اخوي ما يعض يمنى وبصوت قصير : اوريك يالبايخه خالد وهو يكتم ضحكته ويبين جدي: لو سمحتي لا تتوعدين اختي تراها تخاف ساره: ههههههههههههه والله انكم توحفه يله تيسروا خلني انام خالد: يله اختي ترا هذي بدت تدف وطلع خالد قبلها يمنى: والله فشله يا ساره ساره: قومي خلصيني ترا اخوي مافيه صبر يمنى: والله فشله شلون بركب معه لحالنا ساره: مثل ماركبتي مع التاكسي يمنى: توني ادري ان دمك خفيف ساره: اعبي لك كاس يمنى:يله باي اشوفك بكره ولا تدرين يمكن ما اجي بروح للسوق واشتري لبرهوم كم هديه ساره: ويلك ان رحتي بدوني لما اطلع نروح ورن جوال ساره ساره: هلا خالد لالا هذي هي نازله باي ولفت على يمنى اقول نزلي تراه وصل للسياره يمنى: باي في السياره كان الهدوء سيد الموقف كل واحد فيهم لاهي بنفسه وفكر يوديه وفكر يجيبه زهق خالد من زود التفكير وقام يفر بالراديو عن اي شي وهو يدور طلعت اغنيه يحبها وخلاها عليها (سواها قلبي يا حبيبي وحبك ماطاعني وانا عن الحب ناهيه) سمعت يمنى المقطع وانهبلت وهي تقول شناوي عليه (الظاهر انه ما يبي غير قربك عاف الجميع واول الناس راعيه عليه مااوصيك لاصار جنبك صحبح عليه بحب وبحب مسيه ) زاد سرحان خالد مع الاغنيه الي خلاه ما ينتبه للإشاره في هذا الوقت صرخت يمنى: خالد انتبه الاشاره وضرب بريك قوي خلاها تصقع بكرسي السايق لانها قاعده وراه وتألمت كثير خالد: اسف والله ماكان قصدي والله يمنى: بألم عادي حصل خير الحمدالله جات سليمه خالد: خلني ارجعك المستشفى يمنى: ماله داعي بس عطني كلينكس خالد : تفضلي وطالعها بالمرايه لقاها موطيه راسها وتمسح رجلها خير عسى ماشر يمنى: ماشر جرح بسيط لان رجلي دخلت تحت الكشن خالد وهو يحرك من عند الاشاره: خليني اوديك المستشفى يمنى:لا ماله داعي خالد: والله اسف يمنى: حصل خير ورن جوالها وهي ماهي حوله (قالت احبك قلت ماني بأسمع بالله عليكي ردييها بعد زود وخلي شباب القلب للقلب يرجع واملي صحارى العمر اشواق وورود قولي احبك ) وقطع الاتصال ورجع من جديد وعلى طول ردت :هلا لا للحين ما وصلنا لا يالسخيفه ماني شي تركي السخافه عنك ترا مالي خلق اقول يله باي وقفلت خالد: هذي ساره يمنى: ايه ماعندها سالفه رن جوال خالد وكان نغمه عاديه لان صعبه يحط اغاني ورد: نعم ساره: خلود وينك؟ خالد: انا في الحديقه شتبين داقه؟ ساره: صحيح خالد وينك ويمنى ليش متضايقه خالد: قلت لك قاعد بالحديقه وهي متضايقه من مكالمتك ورفع عينه على المرايه وشافها وهي تضحك على رده على اخته وكمل اقول ساره تراني مشغول اكلمك بعد نص ساعه ساره: يالسخيف اصلا ما بدق وسكرت خالد :ههههههههههههههههههههههه والله خبله ورجع يدق عليها ساره: نعم مو تقول مشغول خالد: يعني بدت الغيره وطالع المرايه لقى يمنى حاطه يدها على فمها ومطيره عيونها فيه ساره: صحيح عاد وينكم خالد: راجعين الفندق بس الطريق زحمه ساره: اجل زحمه هاااه خالد: اقول عن قلة الادب تراي اقدر اخليهم ينومونك اسبوع بعد ساره: لالالا الله يخليك خالد: ايه اعتدلي وخليك خوش بنيه ساره: انا خوش بنيه من اول الله على المسجل خالد: هذا راديو يا الخبله ساره: طيب عل عليه ابسمع الاغنيه عدل وانت اسكت خالد: طيب وعلى وكانت اغنية اجنبيه تحبها ساره ويمنى وصارت تغني مع المغني اقول كأنك مصختيها ساره: عفيه عط يمنى الجوال خالد : طيب ومد الجوال ليمنى وقبل لا تمسكه قال لحظه وفتح السبيكر ورجع مده لها <<لعيييين يمنى ما عرفت تسكر السبيكر من الربكه ولا عرفت تقول لها ان خالد فاتح السبيكر : الو ساره: اقووول ليش البنت مالها خلقي يمنى: ساره بعدين اكلمك ساره: ايه انا بعدين اما الاستاذ خالد سرحانه معه على الاغاني يمنى: والله انك بايخه والي يرد عليك مثلك ورجعت الجوال لخالد خالد: صحيح انك ما تستحين ولا عندك سالفه ساره: وانت شدخلك انا وصديقتي اصلح خالد: يا الخبله احد يقول هالكلام <يحسسها انه سمع ساره: وانت شدراك وش قلت ليكون فاتح السبيكر خالد: ايه فاتحه اسف يا يمنى مادري ان اختي لسانها متبري منها وانتي يكلم اخته قلبي وجهك وسكر رفع عينه ليمنى وشافها تمسح دموعها : حصل خير يا يمنى والله انا عارف اني غلطان بس مادريت اختي وطوالت لسانها كذا يمنى:................ متفشله وصلوا الفندق ونزلوا وكل واحد منهم راح للسويت الخاص فيه دخل خالد وهو متنح على الاخر لدرجة انه ما سلم على خالته واتجه على طول على الغرفه وسكر على نفسه رمى نفسه على السرير والافكار توديه وتجيبه معقوله تحبني وانا ما ادري معقوله كل هالمده وانا ما انتبهت فتح التلفزيون ولكن ما هو حوله ابد ويقلب بالقنوات وهو مو جنبها لين ما غلبه النوم وراح في سابع نومه في نفس الوقت كانت يمنى جالسه في غرفتها وي تطالع رجلها المجروحه وتبتسم تذكرت شكله وهو يطالعها بخوف تذكرت شكله وهو يهاوش ساره اه يا ساره الله يهديك بس فتحتي باب انا مسكرته طلعت جوالها تقلب في النغمات لين استقرت على الاغنيه الي كل ما سمعتها تذكر خالد ايه أحبك هذا حضي الي انكتب ودربي الي امشيه وادري به تعب ايه احبك وانت بعيوني سهر وانت وسط القلب حرات وقهر بس احبك اشوف الناس بعيوني ومن بدهم اشوفك غير واحس مثلك في هالدنيا فدنيا ابد مايصير في عينك سحر ياخذني ويخليني معاك اسير واحس عمري وقف عندك ويامي وراك تسير ايه احبك وهذا حظي اللي انكتب ودربي اللي امشه وادري به تعب يادمعه عين في فرحي ودمعه عين فأحزاني ياحب تالي العمر اهلا نطرته سنين لي جاني بشيلك في وسط عيني يا اغلى حب لاقاني وفي قلبي يافرح قلبي وشبابي اللي رجع ثاني ايه احبك وهذا حظي اللي انكتب ودربي اللي امشيه وادري به تعب. انتهت الاغنيه وكلمت فرفره على الاغاني وعيونها كلها دموع دموع حب دموع شوق دموع تعبر عن الي بداخلها كله سكرت الجوال وحطته جنبها وغصبت حالها على النوم عشان ما تطلع لأمها وتشوف عيونها كيف محمره الساعه 7 ونص الصباح والجوال يرن فتح عينه ونوم الدنيا كلها خالد: نعم ساره:خالد للحين نايم خالد: لا امزح شتبين ساره: نايم ويتريق قوم تعال لي خالد: الزياره مو الحين وبعدين فيني النووم ساره: الزياره اليوم مفتوحه وبعدين لاحق على النوم خلود عاد يله تعال خالد: ساره حرام عليك والله مانمت بالي مشغول ساره:الي ماخذ عقلك ياطويل العمر خالد: اقول استريحي افكر في الشغل ساره:هئ قال شغل قال خالد: الظاهر انك ما تنعطين وجه قلبي وجهك ساره:حرام عليك والله ابي اطلع تعال طلعني خالد: انزين الكل نايم مع مين اجي عشان اقش اغراضك ساره: لا مو الكل نايم يمنى صاحيه من 6 بعد سمع الاسم وضاعت علومه ساره: خالد شفيك ساكت مر عليها وجيبها معاك خالد: ماله داعي خلاص انا بجي بروحي ساره: والله ماتجي الا معاها انا مكلمتها وبكلمها الحين تجهز وتنتظرك في اللوبي خالد: اوكي باي في المستشفى وصلوا ودخل الاثنين متجهين لغرفة ساره كان خالد قدام وما سمع الا طرررررررراخ على الارض لف لقى يمنى طايحه وتضحك على نفسها حاول انه يكتم ضحكته عشان يساعدها توقف وفعلا وقفها وتقدم وهو يضحك على شكلها دخلوا على ساره وهم ميتين ضحك بس كل واحد يحاول يخبي عن الثاني ضحكته ساره: خير ان شالله جايكم ابو غزيل قبل لا تدخلون علي لعدرجه شكلي يضحك يمنى وهي تحضنها: محشومه ساره وش ذا الكلام ساره: اي محشومه شوفي اشكالكم وانتوا فاقعين ضحك خالد: سويره بروح عند الدكتور اخلص الاجراءات وطلع وصوته يعلى بالضحك ساره: بتقولين لي وش يضحكم ولا لا تكلميني يمنى: هدي شوي وش فيك وتكمل ضحكتها ساره: تكلمي يمنى:ولا شي كنت قاعده امشي بالممر واخوك قدامي ما حسيت الا انا متكومه بالارض والرايح والجاي يطالع ماقدرت اوقف من الفشله ولف وطالعني وحاول يسكت بس ماقدر لان شكلي يضحك انا ما قدرت اسكت من الضحك ساره بنظرات تفحصيه: بس يمنى: بس ساره: طيب عطيني الشنطه بحط اغراضي يمنى: خلك انا بلمهم لك رفعت اكمامها وعباتها عشان تصير حركتها اسرع وكملت المشوارالى الحمام وهي تسولف مع ساره وماحست الا وهي تصقع بشي قاسي يمنى: اي ولفت ولقت نفسها قرب ما يكون من خالد الي كان داخل وواقف عند باب الحمام صار يتأمل فيها عن قرب استحيت ورجعت عند ساره خالد بعد ما افاق من الغيبيوه المؤقته^_* :يله اذا وددكم نمشي ساره:انزين بس تخلص يمنى اسبقنا انت وخذ هذي الشنطه معك خالد: مافيه هنا الي ما يستحون كثير يله خلصوا وننزل سوا ساره: هههههههههههههههههههههههه خالد: خير؟ ساره: لا ابد بس طرا علي الاصتدام هههههههههههههههههههههههه خالد: والله انا طرا علي كف تخبرينه ساره: يوووه كح كح غبار خالد: بيجيك الحين يمشي مليون ساره: افا انا المريضه انسطر كف شفتي يا يمنى يمنى وججها الوان : من طولة لسانك ساره: اقول مالت بس هذا وانا صديقتك بدل ماتوقفين معاي وتطالع في خالد اي لنا الله يمنى: رجاء يمنى عن الملاقه طيب ساره: طيب اسفين خالد: اقول حركي لأكفخك اخليك تنامين شهر مو اسبوع ساره: حشا شقلت انا حرام الواحد يعبر عن الي براسه صحيح دكتاتوري انت الله يعين الي بتاخذك خالد: اقول اكرمينا بسكوتك ويله ياه من زمان ما تكلمنا عن الشركه وعن ماجد الي كان منهمك في الشغل وذابح حاله لدرجة انه ما يشوف اهله الا ساعتين اوثلاث كان كل همه ان اذا رجع خالد يشوف ان الشركه من احسن ما يكون صدق الي قال رب اخ لك لم تلده امك لدرجة ان الشركه انتقلت نقله كبيره جدا بعد ما باشر ماجد التواقيع على كل ما يستجد وتوقيعه اتفاقيه الي وقعها مع شركه من اكبر الشركات والي كانت رافضه منه اي شي الى ان وراهم التوكيل الرسمي الي موكل له ماجد وهو يحوس بالاوراق: يارب لك الحمد ان شاالله يجي خالد ويشوف التطور ويفرح فيه وفي هذي اللحظه ينطق الباب ماجد: ادخل السكرتير المساعد: لو سمحت في اوراق لازم توقعها بعد ما تطلع عليها ماجد:بس انا توني موقع الاوراق كلها السكرير: هذي اوراق توها واصله ماجد:خلاص خلها على المكتب اشوفها السكرتير:استاذ ماجد ما تدري متى يجي ماجد: والله ما سألته بس الحمدالله حالته احسن كثير وكمل وهو يبتسم ليه زهقت مني؟ السكرتير : لا والله بس فقدناه ماجد: والله انك صادق بس اهم شي يرجع معافى السكرتير: ان شاء الله بالأذن مر اسبوعين على خروج ساره من المستشفى وتعبوا من كثر طلعات الاسواق وقرر خالد وفارس انهم يرجعون لأنهم طولوا كثير والكل صار بخير وبالفعل تحدد يوم الرجعه ونحجزت التذاكر والكل استعد للرجعه بنفسيه حلوه لأن الكل اشتاق لموطنه بالمطار خالد: خلاص خلنا كلنا نرجع بسياره وحده ونزلوا عندنا اتاحوا وبعدين توكلوا على الله فاطمه: أنا ماعندي مانع فارس: وانتي من خذ رايك فاطمه: يماااه شوفيه ام فارس:لا يمه خلنا نروح بيتنا ام ابراهيم: وانا من راي خالتك مرت الايام متتاليه على ابطالنا من غير لا يطرا شي جديد عليهم كانت ايامهم جميله وخاليه من اية امراض ولله الحمد مر شهر على رجوعهم وشاف خالد شركته كيف متطوره وشاف حلمه الي كان يحلم فيه كيف حققه ماجد واستمرت نجاحاتها والفضل يعود لله ثم لماجد الرجال الامين ومن جهه اخرى قرر فارس يخطب ساره وكلم أمه بالموضوع الي ماتت من الفرح وكانت الدموع اصدق شعور عن فرحتها في بيت خالد خالد:ساره سوير وينك ساره وهي بالمطبخ: خير وشوله تصارخ خالد: تعالي قعدي ساره:دقايق اطفي على النار واجي خالد: اووه تعالي ساره:خالد شفيك طفت النار ورجعت للصاله شعندك؟ خالد: احم والله مادري شقولك ساره: صاحي انت مناديني وتصارخ واخر شي ما ادري شقولك خالد: خليني اعرف اتكلم بصراحه خبرين حلوين مادري بوشو ابدا ساره:خالد طلعت روحي تكلم خالد:خالتي مكلمتني اليوم ساره: والله شخبارهاا وشخبار فارس وفطوم خالد: هي مكلمتني عشان عيالها ساره بتعجب:ليه عسى ماشر خالد: ماشر هي مكلمتني تخطب حق فارس ساره:ياحليلك يا فااارس واخيرا بيتزوج خالد: ماتبين تعرفين من بياخذ ساره:يا سعد عينها الي بتاخذ ولد خالتي خالد: خالتي داقه تخطب نور عيني حق فارس ما استوعبت وضلت تطالع فيه خالد: شرايك؟ ساره: شقلت ما انتبهت خالد: خالتي داقه تخطبك انتي لفارس ساره:......................................... .... .......................... خالد: وانا بصراحه وافقت لأني مهما لفيت الدنيا مابلاقي واحد يحبك ويخاف عليك زي فارس ساره: انفجرت بوجهه : ومن قالك توافق؟ انا ماني موافقه سامع ماني موافقه وقامت من عنده لغرفتها خالد منصدم من ردها ويقول ذي خبله وشوله تقول كذا وخلتني قبل لا اكمل ولحقها لغرفتها طق الباب مالقى رد فتحه لقاها قاعده على طرف السرير دخل وجلس جنبها خالد:ساره ممكن تقولين لي ليش منتي راضيه ساره:بس وارجوك ما ابي اي نقاش في هذا الموضوع خالد: مافيه شي اسمه بس في احد في بالك؟ ساره طارت عيونها: لا والله مافكرت ولا راح افكر خالد:اجل وشوله رافضه ساره:بس خالد:يعني رافضه الزواج ولا رافضه فارس؟ ساره: فارس ما ينعاب خالد:الله يغربل شرك فكرتك رافضه فارس اجل سمعي كلامي للأخير ساره: يعني بتقنعني ان فارس بيخليني هنا؟ خالد: من قال هالكلام انتي تتزوجين وتروحين بيت زوجك وانا ..سكت ساره:ووانت وشو؟ تبيني اخليك بروحك؟ خالد: انا بعد بتزوج ماراح اضل عزوبي والي بتزوجها انتي تعرفينها عز المعرفه ساره: تتمصخر حضرتك خالد:لا والله العظيم ما اتمصخر من صدق اكلمك بدت عيونها تدمع: ميييين خالد: ماراح اقول انتي خمني ساره: خالد الله يخليك لا تلعب بأعصابي من خالد: يمنى ساره وهي ناطه بوجهه: قول والله خالد: والله ويله قومي لاني بروح اخطب اليوم عشان ما يكون لك عذر واخليك توافقين على زوج المستقبل ساره: خــــــالد خالد: نعم انا ما قلت شي غلط يله بس قومي ساره: خلني اكلمها خالد:لا قومي البسي وبنروح ********** | ||||||||
|
| |
|
08-12-13, 04:27 PM
| #23 | ||||||||
| مراقبة عامة ومشرفة منتدى الروايات المنقولة
| البارت العشرين وتمت الخطبه ووافقت يمنى وبعد اسبوع تمت الملكه وبعد ملكة خالد بأسبوعين ملكت ساره على فارس وفي يوم الملكه ساره: والله اني خايفه فاطمه: اقول ترا والله اخوي ما يخرع بالعكس طيب وحبوب ساره: تراك رايقه انتي وين يمنى فاطمه: يمنى توري حبيب القلب الكشخه ساره: عطيني التلفون ودقت على خالد ورد على طول خالد: ياحووول الواحد ما يتهنى يعني ساره: ممكن تخلي يمنى تجي خالد: ليش ساره:اذا ممكن يعني ابيها ياليت تخليها تجي باي سكر وهو يطالع الجوال مستغرب اسلوب اخته وعذرها عرف انه من الربكه الي هي فيها يمنى: وشو من كلمك خالد وهو يطالعها وعيونه كلها حب :هاه يمنى: خااالد لا تسوي لي كذا من كلمك خالد:ساره تبيك تقول يمنى: ياعمري هي مرتبكه خالد يقال انه معصب: خيييييييييير وش ياعمري ذي بعد يمنى: شفيك صديقة عمري باي بروح مسكها : وين لا عاد اسمعك تقولين ياعمري الا لي انا @@ <يقال انه عصب يمنى :ههههههه ان شالله حبيبي انت تامر:$ خالد: هذا البلا والله لازم تروحين لها يمنى: خالد حرام عليك خلني اروح يله باي خالد: اذا خلصتي منها تدلين الغرفه يمنى: تحللللللللللللللللللللللل لللللللللللللللم وركضت من عنده خالد وهو يعلي صوته: هين يا يمنى تشوفين ^_^ دخلت عليهم وهي تضحك وباين عليها انها كانت تركض ساره: لا كان جيتي يمنى: شسوي يعني اخوك والله اتحايل عليه ساره:....... يمنى وهي تبوسها : يا قمر والله انك تهبلين تهبلين من جد فاطمه: يابنت خالتي ترفقي على اخوي لا ينهبل ساره:.......... فاطمه: اخيرااا بتصيرين عندنا ياسلالالام ساره: تو الناس فاطمه: خفي هالروج لا تجيبين فيه العاطل لا دخل ساره:وهو بيدخل انا قلت له لا يدخل فاطمه: ههههاي اجل من بيلبسك بيدخل ونص ساره: من صدقك انتي فاطمه: اي صدق اجل امزح معك وبعدها كتمت ساره:شفيك؟ فاطمه: كلكم بتروحون وانا بقعد ساره:والله ضحكتيني وانا خااايفه ان شالله بيجي ولد الحلال الي يهنيك ويسعدك فاطمه: امييييييين الله يسمع منك خاطري انخطب<~ خبله ساره: لا تستعجلين جايك الدور دخلت عليهم ام فارس وهي تذكر الله على بنت اختها وتقاوم دموعها لا تنزل ام فارس: يمه فاطمه مرت عمك صالح تسأل عنك <<<< ام محمد الي اول ماسافروا كلمهم :$ فاطمه: غريبه معني ما ني بعمرها ههههههههههههههه ام فارس: عن الفلسفه ويله روحي نزلي اصلا انتوا مخلين الحريم وقاعدين هنا ساره: خالتي انا ابيهم ام فارس: يابنيتي خلهم ينزلون وما بقى شي على طلعتك خلني اقرا عليك نزلت ساره على انغام موسيقى هاديه جدا تليق بشكلها الهادي الناعم الي يجذب اي احد يطلع فيها بفسانها اللحمي الماسك على جسمها وبدون اكمام استقرت بين الحريم وجلست على الكرسي المخصص لها واشتغلت الزغاريط والاغاني وبعد نص ساعه اعلنت فاطمه ان الي يتغطى من الحريم يتغطى لأن المعرس بيدخل وهي بعد تغطت لان خالد بيدخل مع اخوها وما يصير يشوفها بهالزينه دخل فارس ومعه خالد وهي ميته من الحيا وصلوا عندها باسها على راسها ووقف جنبها حضنها اخوها وبارك لها نادى فارس اخته تجيب الشبكه ولبسها وهي خلاص ما بقى لون في الدنيا ماصار بجهها من الحيا وبعدها طلع خالد واشتغلت فاطمه استهبال على اخوها وساره لين طفشوا منها وطلع فارس وانتهت الملكه على احسن ما يكون . بعد اسبوع من ملكة فارس وفي بيت ام فارس رن التلفون فاطمه: الو ...:هلا يمه السلام عليكم فاطمه الي عرفتها: هلا خالتي شلونك وشلون عمي ام محمد: بخير يا حبيبتي شلونكم كلكم وشلون فارس مع الاستعدادات فاطمه: كلنا بخير خالتي ام محمد: يمه وين امك فاطمه: لحظه يمه يمه خالتي ام محمد على الخط ام فارس:نزلي السماعه من عندك ام محمد: السلام عليكم ام فارس: وعليكم السلام ورحمة الله وبركاته هلا مرحبا ام محمد: شلونك يا اختي ام فارس: الحمدالله الله يسلمك شلونكم كلكم ام محمد:بخير ياوجه الخير كلنا بخير ونعمه شلون فارس ام فارس:والله الحمدالله بخير ونعمه ام محمد اسمعي يا اختي بدخل بالموضوع على طول من غير لف ولا دوران اليوم ان شاء الله بنجي نخطب فاطمه لولدي محمد هو شاريها وما اضن بلاقي احسن منها لولدي ام فارس: هذي الساعه المباركه وانا ما بحصل لفاطمه من يخاف عليها كثر محمد ام محمد: هذا العشم فيك يا ام فارس ام فارس: بس خلني اشوف البنت وارد عليك ام محمد الله يعطيك العافيه مع السلامه ام فارس: الله يسلمك بحفظه سكرت ام فارس ونادت بنتها ام فارس: فاطمه فاطمه وهي جايه تركض : يس مامي ام فارس: والله وكبرتي يافطيم فاطمه: بسم الله عليك يمه انا من زمان كبيره ام فارس:عمر العيال ما يصيرون كبار بعيون امهم فاطمه:لا اليوم فيه شي وش ورا هالكلام قولي يا ام فارس ام فارس: ههههههههههه الله يقطع شرك من بنيه انا صرت ام فارس موب امك يعني فاطمه وهي تنط تبوس راسها: واحلى ام في العالم هذا كله ام فارس: اسمعي هذي ام محمد مسكره مني قاطعتها: يمه شفيك ادري تراني انا الي رديت عليها ام فارس: ول عليك اصبري اكمل كلامي داقه تبيك حق محمد فاطمه:......................... ام فارس:وانا صراحه ما عندي مانع ابد واكيد فارس نفس الشي بس ابي رايك فاطمه:........................ ام فارس: فطوم من اكلم انا؟ فاطمه: يمه وشو ام فارس: كم مره بعيد الكلام ام محمد داقه تبيك لمحمد والولد ما ينرد فاطمه: مادري ام فارس: فكري عدل واستخيري ترا بعد شوي بيجون والولد ما ينعاف ونعم فيه طلعت فاطمه من الغرفه بدون ولا كلمه وهي بعالم ثاني معقوله خلاص بتتزوج وبتروح عن امها وتقلب الموضوع بين الرفض والقبول وبعد نص ساعه من التفكير قطع عليها دخول فارس الي كان يكلم حبيبة القلب وانتبه لها وهي مو حاسه بدخوله قفل من ساره ووقف قدامها فارس: هيييي يا الاخت وين الناس فاطمه: شفيك خرعتني ترا فارس: وش فيك سرحانه فاطمه: مافيني شي وقامت تبي تروح لغرفتها مسكها من يديها :منتي رايحه لين تقولين وش فيك فاطمه: الله يخليك اتركني وطاحت دمعتها تركها وراحت لغرفتها اتجه لغرفة امه وسلم عليها فارس: السلام عليكم يا احلى ام بالدنيا ام فارس: وعليكم السلام ورحمة الله وبركاته يمه شلون الشغل معاك يمه فارس: بخير يا وجه الخير وشلون ما اصير بخير وانا اشوف هالوجه عساني مانحرم منه ام فارس: الله لا يخليني منكم يارب فارس: ولا منك يا نور العيون وتمدد وخلى راسه على رجلها ام فارس: شفي راسك حار يمه فارس: مافيني شي يمه فاطمه شفيها؟ ام فارس: مافيها شي فارس:بس وجهها متغير وسرحانه ويوم كلمتها دمعت عينها وراحت لغرفتها ام فارس: ماعليك دلع بنات فارس: دلع بنات ليه شصاير ام فارس: ام محمد مرت عمك دقت تخطبها لمحمد فارس: والله والنعم ماراح نلاقي احسن منه ام فارس:وهي من قلت لها وهي مفهيه فارس: يمكن ماتبيه ام فارس:ليه هو على كيفها الولد ما ينعاف فارس: يمه مانبي نجبرها لا انا ارضى ولا الدين يرضى ام فارس: والله محد مخليها دلوعه الا انت قوم عني فارس: افا افا احين انا اقوم انا فارس تقوميني ام فارس: خل فطوم تقعد معاك فارس : يمه من جد اطلع ترا بروح اصيح جنب فاطمه ام فارس: هههههههههه يله روح بس خلني انام في بيت خالد كان عايش جوه مع يمنى بالسوالف والضحك وناسي كل شي يكدره وفجأه دخلت عليه ساره ساره: اقول يا الاخو متى بتسكر خالد:بسم الله خرعتيني شفيك ساره: سلامتك بس مايصير كل مادقيت على صديقتي الاقيه مشغول خالد: ياليييل ورجع يكلم يمنى حبي تبي تكلمينها شفتي تقول لا ماتبي ساره: اما ماتبي تكلمني خالد: لا امزح يله هذا انا بسكر ورجع يكلم يمنى بدق بعد خمس دقايق ابي اسمع رنه ما ابيه مشغول ساره: ردد يالليل ما اطولك هههههههههههههههههههه خالد:الظاهر ان هالغثه ما بتخلينا اكلمك بعدين مع السلامه وسكر ساره:افا يا خالد انا صرت غثه الله ياسمحك وطلعت من الغرفه خالد وهو ينتبه لكلمته : ساره زعلتي ساره وهي متجهه لغرفتها:وليش ازعل قلت شي يزعل؟ خالد ويعلي صوته: لا تصيرين كذا تراني امزح ساره: امزح زي ما تحب يا اخوي وسكرت باب الغرفه عليها وكلمت يمنى وخذهم الوقت وهم يسولفون عن التحضيرات للزواج لأن خالد وفارس قرروا يسونه بيوم واحد رغم معارضة يمنى وساره وجا اليوم المنتظر وقت زفة ساره دخلت بفستانها الابيض التوب الماسك من عند الصدر ويبتدي يوسع من عند الركبه تمشي بحيا ولا هي قادره ترفع عينها لانها انزفت مع فارس بنفس الوقت دخلو وصلوا الين الكوشه وقفوا عشان الكل يشوفهم والمصوره تلتقط الصور لف فارس عليها: الف مبروك حبيبتي ساره: الله يبارك فيك وهي منزله عيونها فارس: ماضنيت اني اخوووف كل هذا ماتطلعين فيني ساره:.......... فارس: ساره بتطالعيني ولا شلوووون طلعته ورجعت نزلت عينها فارس: اموت على الحيا بس ماودك نرجع نطلع الحين ساره طارت عيونها وهي تطالعه قعدوا شوي وبعدها راحوا للغرفه المخصصه لهم عشان تاخذ المصوره راحتها وهم ياخذون راحتهم بالتصوير الجريء الي كان عاجب فارس ومخلي ساره تذوب من الحيا جا وقت زفت خالد دخلت يمنى لحالها وكان يزفها اخوها ابراهيم وجنبه امه انزفت وصورتها المصوره لحالها وبعدها دخل عليها خالد وماكان اهون من فارس بالتعليق على يمنى الي كانت ميته بثيابها ما كانها تعرفه وتكلمه من اول بعد سنتين من الاحداث الفايته وبعد ماقضوا الكل احلى ايامهم مع حبايبهم بدون تنغيص ساره:فارس فارس: همممم وهو مغمض عينه ساره: نمت فارس: لو ماكلمتيني كان نمت ساره: خلاص فارس: على كيفك هو تكلميني وتقولين خلاص تكلمي وبعدين حمود ورنا وينهم<<<بعد ست شهور من زواجهم حملت ساره وكان توئم ولد وبنت ساره: نايمين فارس: طيب تكلمي ساره: تدري اني ماكنت احبك فارس: وهو يضحك ليش؟ ساره: مادري بس والله كنت ماتعني لي شي حتى اول ما خطبتني فارس:ما يهمني الي كان اهم شي الحين وشو ساره:.............. فارس وهو مسوي انه زعلان : يعني للحين يا ساره وعقب سنتين بعد ما تحبيني ساره طار قلبها: لا والله مو كذا بالعكس الا امووت فيك ولا ودي حتى افارقك دقايق فارس: هههههههههه ماطلبتي تبين اقعد بالبيت ما اطلع ماعندي مانع ابد ^_* وكمل تدرين ان حتى انا امي قالت لي اخطب لك ساره ورفضت كنت اشوفك زي فاطمه بس شوفي القدر ساره تطير له بوسات بالهوا فارس: بتخليني انام ولا كيف وبدا يحرك حواجبه ساره: لا نام احسن لك هههههههههههههههههههه فارس: بس انا طار النوم مني تعالي نوميني ساره: فاااااارس فارس: عيونه يعني بعد هالعمر وباقي تستحين ساره: سخيف فارس: ياروحي على الحيا بس وقام هو لعندها على الكنب الي قدام التلفزيون *_* ساره وفارس صار عندهم احمد ورنا وكملو سنه وكم شهر خالد ويمنى ربي رزقهم في بنوته سماها خالد ساره وولد سماه محمد وفاطمه ومحمد بعد تزوجوا وحملت فاطمه من الشهر الثاني لزواجهم وجا لهم بنت سموها ملاك وعايشين احلى عيشه النهـــــــــــايه *********** ما بعد النهايه احب اشكر كل من حمسني اني اكمل روايتي وانزلها اشكرك من كل قلبي يا يالحور ويا بثونه ويا دلوله عساني ما انحرم منكم اشكرك جود السنين على تواجدك في متصفحي دائما ان شاء الله تكون الروايه قد المستوى ولاقت استحسانكم ماكان فيها من الصواب فمن الله وما كان فيها من الخطأ فمني ومن الشيطان اتمنى ارا تعليقاتكم عليها بمصداقيه حتى ولو كان نقد سيء حتى اتجنب كل الاخطاء التي وقعت فيها لو ربي كتب اني انزل روايه جديده يشهد ربي اني عشت اجواء هذه الروايه وكاني قارءه ولست كاتبه لها حتى ذالك الحين اتمنى ان تبقوا كما تحبون .. الحيرانه دوما | ||||||||
|
| |
|
01-01-14, 03:49 AM
| #24 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|
| |||||||||||||
|
| |
|
| الكلمات الدلالية (Tags) |
| للكاتبة/الحيرانه, مكتملة, بكاي, يوما, عزوتي, ضحكتي |
| أدوات الموضوع | |
| انواع عرض الموضوع | |
|
|
1Likes
.png)
.png)
العرض العادي
