يكرهك نصفي ونصفي فيك ذايب / للكاتبه غزاله نجديه، مكتملة - الصفحة 2

لامارا · 26-12-13, 03:32 PM

>>>بيت ام محمد

كانو يستعدون عشان زواج ندى الليله ..
ام محمد: بنات يالله تأخرنا على ندى في المشغل
دينا: ان شالله يمه بس البوكيه لاتنسينه غلا
غلا: اوكي
دينا: يمه كذا شكلي عدل؟
ام محمد: ايه زين يالله ساره وندى بنتأخر عليهم
ابو عبدالله بربشه:يالله بسرعه بياخذكم السواق
غلا: وليه ووين محمد؟
ابو عبدالله: بيجيبهم من المطار وعلى طول للقاعه
ساره: اوكي يالله لانتأخر
وركبو للسياره وبسرعه أخذو ندى وساره من المشغل ... ومحمد راح بيجيب اخوانه من المطار

وفي افخم قاعات الرياض ........كان زواجهم ...أهل المعرس جو ... وخالات ندى والكل جا
سلمو على المعازيم وجلسو البنات عند ندى
ساره: هههههههههه ندى لاتصيحين لايخرب مكياجك مافيني اعدله
ندى: ههههههه لالامارح اصيح انا قويه
ريناد: ترى اكثر البنات يضعفون عند الزفه مايندرى عنك انتي
ندى: لازفه ولاشي يخوفني
لينا: بندرك ماتخافين منه
ندى: ههههههههههه ولابندر وش دعوه أباخذ وحش؟
لينا: ايه نشوف
ام محمد بغصه: ندى حبيبتي يالله الزفه الحين
ندى: ان شالله
ام محمد ضمت بنتها وقامت تصيح وطبعا كل البنات لحقوها ... بالدموع ندى قويه في هالمواقف ماتضعف وهذي عادتها ... سلمو عليها وباركو لها
وعلى أمـــيــــرة الورد زفوها
جلست على الكوشه وشوي اللا وطاحت دموعها والناس تسلم وترقص قدامها ماقدرت تمسك نفسها ...
أخذها المعرس بندر مستعجل ... وطلعو من القاعه
الســـــــــــــــاعه 4 ونصف
ام نايف: يالله مشاعل مشينا
مشاعل: لايممه شوي الحين زواج بنت أختك ليه تروحين بدري
ام نايف: وش شوي طولنا يالله
مشاعل بإحباط: طيب ابتصل على نايف
ام نايف: بسرعه
مشاعل: مايرد؟!
ام نايف: مايرد ؟ وليه؟
مشاعل : مدري عن ولدك أخاف انه نايم في البيت
هنا ساره وغلا طارت قلوبهم مع الأسم ووشفيه نايف ليه مايرد
ساره : خلاص ابتصل على محمد وابسأل
ساره: الوو محمد
محمد: نعم سوير؟
ساره: نايف عندك؟
محمد:ليه؟
ساره: اهله يبون يطلعون
محمد: ايه ..بس ترى ماتعشينا عشونا يالظالمين حرام عليكم
ساره: ههههههههههههههههههه أفاا ياحرام وليه ؟ مب انتم من اهل العروس؟
محمد: والله مدري مكروف انا في هالعرس ...ونايف يقول مافيه روحه اذا ماعشيتونا من عشاكم
ساره: هههههههههههههههههههههههه .. طيب طيب انحط لكم الحين
محمد: هههههههههههه بسرعه ابحسب خمس دقايق
ساره: اقول انقلع
محمد وهو يسوي نفسه بنت: بااي ولاتطولون
ساره: بااي
ام نايف: هاه وش يقول؟
ساره: يقولون نبي نتعشى أول
ام نايف: وليه؟
ساره: ماتعشو مساكين شكلهم جايعين ابحط لهم شي
مشاعل: ههههههههههه احسن عشان مانروح بدري
ام محمد: ووينهم فيه ؟ عشان بنوديه لهم
ريناد : خلاص الحين ابحطه وأوديه لهم
ساره: اظن انهم فوق مافيه غير محمد ونايف
ريناد: اوكي غلا تعالي وياي
غلا: طيب

وهم يرقون القاعه فوق .... وشايلين الصحون
ريناد: حطيه عند الباب لأن نايف موجود
غلا وقلبها يرجف: ان شالله
ريناد حطت اللي بيدها وراحت ..وغلا توها تقرب الصحن عن الباب
وينفتح الباب
غلا طارت عيونها وحست شوي وبيغمى عليها من الخوف
((يالله ووووش هالموووووقف))
رفعت عيونها وتشوف نور عينها وملاكه قبالها .......صعبه تتحرك او تحرك أي شي فيها كانت ماسكه بطرف أصبعها على الصحن وشبه جالسه على الأرض
نايف ماتحرك جلس بمكانه يبي يشيل عيونه ماقدر بكامل جمالها البنت جايه زواج
فستانها موف وعلى جسمها مكياج نااعم ومبين نعومتها غلا جمالها كله نعومه ..
وشعرها البني المرفوع بتسريحه بسيطه وعيونها الوسيعه الخايفه ومرتبكه ...
فيـــــك أطباع الحنان غطتـــــ ظنوني
والجمال عندك نعــــــــــــــومه
وش حلاتكـ غـلا أشواقك أمل يلهب شجوني
واكتشفت الكون من روعة جمــالكـ
غلا ظاعت ماتدري وش تاخذ ووش تخلي ياهي عيون وريحة العود الفخم ...ول الشماغ اللي مطلع جماله خشمه الطويل ورزه من جسمه المعضل ول الثوب قماشه من النوع اللي يلمع شكله كان جذاب ... لونه الفاتح اللي يجذب بلحاله ...كان حاط سكسوكه خفيفه هنا غلا ماعرفت كيف تتحرك
وقطـــع عليهم موقفهم صوت محمد ينادي
محمد: نااااااااايف عجل علينا
نايف ونظراته على غلا: ان شالله

نايف تدارك نفسه قال بارتباك: يعطيك العافيه ياغلا
غلا(كيف عرف اسمي ) بصوت واطي حتى نايف ماسمع: الله يعافيك وحطت رجولها على طول

واهي نازله من الدرج جلست تفكر(هذاهو نايف؟ ....جذااب أنا اشهد انك جذبتني .... كل ملامحك تجذب ...تذبح....تعذب .....بس عرف اسمي ...كيف)

(ليتني ماعرفت الغزال وماشفته.... سرقت عقلك يانايف ...وانا اشهد ان كيدهن عظيم .... مدري فيه غيرها بها الجمال؟ .....ووش خلت للحور .... كيف بيصيرون احلى من كذا ؟ ..... ماشالله .... شكلها اهي غلا..... شكرتها باسمها ولاقالت شي .......عذابي الجديد ,.....أول كنت أرحمها والحين قلبت لي الوضع.......ماتوقعت ان رحمتي لها ....بتتحول لحب ومن أول نظره .....انا كم مره لي شايفها ......احلى ماخلق ربي ....واحلى مافي الدنيا ...صرت اشوفها ..انت يانايف اللي ياما تهزيت بالعالم ..كنت استغرب وأسميه مرض... يجمعني الله بغزال يبتليني ....ليتني ماتشمتت بالعالم ))

ماكنك اللا واذكر الله واكبر
مخلوقن بكيفك وذوقك وخاطرك
كنني بسحر في عيونك يدبر
من شافها قام يتعوذ من الشرك

أنا ااشهد انك أطعم الخلق سكر
هذا وانا ماذقت في يوم سكرك
نوب تطول بعيني ويم تكبر
ويوم تحط بخاطري شي واشكرك

انت البعيد اللي له الدرب يقصر
بلقاك وللالآخر العمر بأنطرك
تغيب قاصد أو تجلى وتظهر
أولك في بالي وفي بالي أخرك
:::::::::::::::::::::::::::::::::::::::::::::::::: ::::::::::::::::::
جلس يفكر في الملاك اللي شافه ....وابتلاه .... ماهقيت اني بس بنظره ابنفتن ...وابطيح في حفره .....عميقه وش بيطلعني منها ..........
:::::::::::::::::::::::::::::::::::::::::::::::::: ::::::::
>>>>اليوم الثاني الساعه 4 العصر
الجو غيم .... وأمطاار شديده .... عواصف ورعود ...وبروق .... الجو كان بارد .....
وبرد معه مشاعرها .... حست ببروده في جسمها .... وفي مشاعرها ..... تحاول تهلكها ماعرفت ....حست بشعور غريب ....اذا نزل مطر هذا يوم كئيب وتعيس بالنسبه لها ....
حطت يدها عند الدفايه .... لكن مافيه فايده شعور مايفارقها(جايتك المفاجآت ياغلا لاتستعجلين)
....................
وقطع تفكيرها
ابو عبدالله: غلا بنتي!
غلا: هلا يبه
ابو عبدالله: اجهزي لأن بكره جمعة عمانك ..
غلا: يعني بنروح للشرقيه ؟
ابو عبدالله: اكيد
غلا: لايبه مابي !
ابو عبدالله أعطاها نظرات
غلا: ان شالله
ابو عبدالله : واليوم بنمشي
ساره: يبه وراي امتحان السبت مقدر اروح
ام محمد: ولاحتى ريناد مب رايحه (امهم تبي تبعدهم عن عمانهم )
ابو عبدالله: خلاص بس الجمعه الجايه لازم تجون كلكم
ام محمد: ان شالله
محمد: يبه متى بنمشي؟
ابوعبدالله: اليوم المغرب استعدو
محمد: ان شالله
غلا راحت بتجهز اغراضها .... وضايق صدرها ماتعودت على عمانها ...
بيجتمعون عشان عمهم (فواز)توه جاي من الكويت وبيسكن في السعوديه ..فكل الاخوان اجتمعو

وكل عيال ابو عبدالله لااااااازم يجون
ريناد: من جدك بتروحين ؟
غلا: وش تبيني أسوي؟
ريناد: كان صرفتي مثلي أنا وساره
غلا: لاتفرق بيني وبينكم
ريناد: ليه ؟ عشان امي؟
غلا:......................
ريناد اسحبت نفسها عشان ماتقلب المواجع على اختها
(لاتصيرين ضعيفه ياغلا الجايات أكثر)
تجهزت ... وركبت في السياره مع اخوانها تركي وخالد وعبدالله وفارس ولده
اما لمى مقدرت تجي بتجلس عند اهلها ...قبل مايرجعون للندن .... ابو عبدالله ومحمد في سياره بلحالهم
طوول الطريق تسولف وتضحك على تنكيتهم ومواقف تركي في لندن ... اللي ماتنتهي ... حتى اصواتهم لها فقده ...شفتو كيف الفراق يعذب .....
...
ومن بعد ماوصلو ونزلو لبيت عمهم ... سلمت على البنات وجلست معاهم .....اشتاقو لبعض لأنهم من بعد موت امها انقطعت عنهم أخبارها ... رحبو فيها ووسعو صدرها
صديقة عمرها (سديم) كانت مثل أخت غلا ...لكن ظروف غلا القاهره ...أبعدتهم عن بعض ...وكل وحده راحت بطريقها .....وبينهم مكالمات بسيطه .... أخذتها سديم لغرفتها بينامون .....
سديم: غلا
غلا: هلا
سديم باهتمام: ووشلونك مع مرت ابوك
غلا: ابد حرب بارده تعطيني نظرات تجرح بشكل غير مباشر لكنني مجنبتها
سديم: الله يكون فعونك ...
بعد مدة صمت
سديم: وكيف درجاتك مع الثانويه العامه؟
غلا: الله يعين
سديم: لاتقولين مزفته
غلا: هههههههههه لابس يبيله شدت حيل
سديم : ايه شوي.....غلا عندي لك شي ابي اقوله لك
غلا: وشو طيب؟
سديم نزلت راسها وقالت بحزن: بس.....
غلا: سديم وربي تعودت حياتي كلها صدمات علميني وشو؟
سديم: اهو يخصك ياغلا ...لكن حتى الليل والنهار عندي تساوت من كثر ماهو مضيق صدري
غلا(بغصه): وشو سديم صدقيني تبلد احساسي من بعد موت امي

سديم ودها تصيح لكن لازم تمسك نفسها: أمس اول ماجا عمي فواز ...من الكويت ...كان يكلم أبوي ويسولف معاه ...حسيت ان عندهم سالفه يبون يقولونها ...طلعت ورحت للمطبخ ...طبعا أصواتهم عاليه .. وانا قريبه من المجلس ..
غلا: وش قالو؟
سديم: كانو يتكلمون عنك ..
غلا: .......
سديم بغصه وبصوت فيه صياح شهقت أول شي وبعدين قالت: قالو المفروظ ابو عبدالله اهو اللي يربيها مب مرته ...يعني ابوك بيوديك لمصر ....وبتقعدين عند مرته الثالثه ...
غلا:.....................
صــــــــــــــــــــــــ دمـــــــــــــــــــــــ ــــــــه
سديم: غلا!
غلا ماعرفت تتكلم ...بس على طول دمعتها على خدها ...وبدت تشاهق
ماحست اللا بسديم جالسه جنبها
سديم: غلا خلاص وربي كلنا بنحاول في أبوك
غلا من الصياح ماعرفت تتكلم
سديم حاولت تهدي فيها بس مانفع ...حتى لو اسكتت بتروح لمصر
غربها في بيتها وتركها عند مرته الثانيه ...والحين جا الوقت اللي بتتغرب حتى في مجتمعها ...وطنها ...بتروح لمجتمع وبيئه مختلفه ... محيط ثاني....عيشه أصعب وحياة صعبه .........
مايراعي مشاعرها ...ولاحتى عشان دراستها ......... ليـــه ؟ كله عشان زوجاته؟ ول تعذيب فيها ؟...وشذنبها؟..........
بعد فتره هدت غلا شوي
غلا: سديم عمري مافكرت أترك حتى ديرتي واروح مكان ثاني أنا وش يضمن لي هالمصريه اللي حتى ماشفتها عشان اعيش معاها
سديم: طيب يمكن بتصير طيبه وحليوه معاك
غلا: مابي طيب انا ابي اخواتي ماصدقت متى باندمج معاهم واصير اختهم مو غريبه في البيت ..ماصدقت طلعت هالسكنيه ندى اللي مسببت لي خوف في البيت عشان اروح مصر...انا يالله حاولت مع مرت ابوي يجي يوديني عند وحده ثانيه ؟
سديم اللي ماتوقعت ان غلا لها الدرجه ماارتاحت وكل هذي مشاكل عندها:غلا قلبي والله كلنا معاك وبنحاول في ابوك صدقيني مارح نخليك كذا واحنا بعد مانبيك تروحين
غلا: طيب اكيد بكره بيستقعدون لي عماني مع ابوي وش ابقول لهم؟ عشان كذا ابوي مصر اني اجي معاه للدمام
سديم: طيب شوفي حاولي فيه بالسياسه باسلوب ...وان شالله بيقتنع ...وعماني ان شالله بيصيرون معاك بس انتي خلي املك بربك قوي
غلا: برايك؟
سديم: ايه صيري قويه
غلا: تعبت من كثر مااصير قويه وبالأخير انفجر
سديم مسحت على شعرها ورفعته على فوق : هههههههه ومن قال لك اني ابخليك كذا؟ مستحيل انا والبنات وعماني ان شالله كلنا بصفك وابوك بتلقينه ضعيف بس الله الله بالاسلوب

غلا بابتسامه منهزمه : ان شالله
سديم : ياحلو هالضحكه بس ياجعلني فداها ... يالله ياقلبي روحي صلي لك ركعتين ريحي عليها وان شالله ربك يكتب اللي فيه الخير

غلا: ان شالله
الملجأ الوحيــد لضعفها وقلة حيلتها ...المصحف ... تشكي لربها ... تهدا ,... تحس بنفحات ايمانيه ......تريح قلبها ...وأعصابها ...تنسيها شوي من همومها ...
ظلمت الدنيا وغطى الليل المكان الساعه صارت 2 الكل نايم ... عم السكون في المكان ...
حست ان اللي بيمر وقت طويل ... واهي جالسه بلحالها حتى النوم عافته .......
((اااه ياحلو الراحه من بعد ...الهم ...))
قامت تطالع في منظر حديقة بيت عمها الكبيره .... والخضرا ....كيف الظلام غطى على جمالها ...
وخلاها مثل المكان الأسود الموحش ....وعلى أصوات صراصيرالليل اللي تخوف ...
تماما مثل قلبها الصغير اللي يحمل كل معاني الجمال والطيبه والبرائه ...كيف ان الهم ...والدنيا اهلكته ...واتعبته .... غطى عليه بظلامه ...خلاه ...قلب حزين .... مع كل نبضه يذوق فيها طعم الحزن ... واخفى معالم الجمال الكثيره اللي تحتويها .... لبست جاكيتها الخفيف لأن الجو مغيم لكن لطيف ومو بارد ... مثل قلبها اللي مازال ينبض بشعور احلى من الحزن ...لولا هالشعور الرائع كان مات قلبها وتلاشى حتى واهو ينبض كان اصبحت جسد بلاروح ...ايه هذا قلبها ....اللي اصبح ينبض بالحب ((أحبـــــــكــ يانايف أتمناك جنبي اللحظه هذي ))
استنكرت شعورها وماعجبها ...لكنها استسلمت هذا حب ولااقوى رجل عرف يمسك مشاعره منه
.... كانت جالسه بين الظلام والوحشه المحيطه فيها ...ماخلاها تكمل وحدتها غير الجو اللطيف
واللي فيه قليل من رذاذ المطر....تذكر بس نايف ومااشغلها غير نايف ...تحس انه قريب منها وجنبها
:::::::::::::::::::::::::::::::::::::::::::::::::: :::::::::::::::::::::::::

يتبع........

لامارا · 26-12-13, 03:32 PM

بعد الليله المظلمه السودا ... طلع يوم جديد وحدث جديد لبطلتنا
جا الوقت اللي تواجه مصيرها اللي خافت منه وسهرت بسببه ...........
ابو عبدالله: لازم تجين أجل من بيربيك غيري؟
غلا: يبه انا كذا مرتاحه عندي ام محمد ماتقصر واخواتي ومحمد ابوي تكفى لاتحرمني منهم
عبدالله وخالد وتركي ومحمد مااعجبهم كلام ابو عبدالله لكن مابيكسرون كلام أبوهم وان تكلموبيطيحون من عين عمانهم كلهم
ابو عبدالله: انا ابوك ولازم تطيعيني
غلا حست بموقفها قدام عمانها كللللهم واللي ماتكلمو بولاكلمه الكل ضعيف ...والكل ساكت ...اخوانها وبنات عمانها وعمانها كلهم يطالعون مثل المسرح ...أبوها مثل الدنيا اللي تفرض على ضعفها ...شئ ماتقدر عليه مو انها مب راضيه لكنها ماتقوى تتركهم ...صديقاتها ...قرايبها ...اخواتها ... ماتبي تسافر وتتركهم ... حبيبــــــــها أيه نايف اللي حبته ... وكل ماحطت عينها عليه نساها هموم الدنيا كلها .... كيف بتترك كل هذا وبتروح عند مرت أبو حتى ماشافتها وماتدري وش بتخبي لها ........
بعد صمت وتجريح ابوعبدالله لبنته حتى اخوانها ماتحملو يسمعونه ...
غلا بدت تشهق وتصيح ... ماتبي تروح ليه .. تنغصب ...وماتنلام ماحد يخفى عليه ..مرت الاب ...وبالذات ان كانت في بلدها ..وبين اهلها ...بتكون قوتها أكبر من غلا ...
فترة صمت يتخللها شهاق غلا الضعيف..والمظلوم الدنيا ظلمته والهم قضى على فرحته من كل الجهات ....
ابو عبدالله ظل ساكت وماحد بيتكلم
قطع هدوئهم ...كبيــر العايله (ابو صالح) اكبر واحد من اخوان ابو عبدالله ... تكلم بوجهه المجعد ونظاراته الكبيره وطبعا كلمته لها وزنها كون انه كبيرهم وشيخ قبيلتهم ... ماحد بيرده...ومعروف بالحكمه عندهم كان ساكت بس يدرس ردود افعالهم..ويقرا عيونهم
ابو صالح: ابو عبدالله اخوي
الكل التفت على ابو صالح
ابوعبدالله: سم طال عمرك
ابوصالح بحكمه: وراك ماتجيب مرك المصريه للسعوديه وانت اللي بتتولى غلا
ابو عبدالله: شاري لها بيت هناك ...صعبه وانا اخوك غلا بنتي تجي عندي أسهل
ابو صالح بعد تفكير: طيب لاتوديها بغير رضاها ...
محمد ماتحمل يسكت ..لو انه مكان غلا كان من سابع المستحيلات انه يوافق ..وغلا مالها كلمه ..الحين هذا وقته .. الحين المفروض يتكلم
محمد قاطعهم : يبه !
التفت عليه الكل .. ارتبك ..ابوه ينتظره وش بيقول ..
محمد: ليه ماتخليها عندنا؟ ابـــوي اخوان احنا .. تخليها عند اخوانها واخواتها ول مرت ابوها .. يبه لاقدر الله لو تركت الدنيا ...غلا بتجلس بلحالها في مصر...؟؟ ..... يبه وش بيقولون الناس عننا؟....مارضالها تختلط بمجتمع غير عن مجتمعها أبوي انا موجود ...أنا خوها مثل مااهي اختي ... أنا ويــــــــــن رحت ؟...
سكت محمد ينتظر ردة فعل ابوه اللي من جد حس بكلامه بالذات يوم قال له (وش بيقولون الناس عننا)
وجلس يفكر والكل ينتظر رايه
خالد اللي تفكره مثل تفكير ابوه ..بالضبط
خالد: يبه لالا خلها عندك وتتربى في بيتك ليه عند ام محمد؟ خلها عندك غلط وجودها في الرياض
محمد: خالد راضيها ؟؟ على اختك بتدرس وجنبها واحد اجنبي ماتعرفه ولايعرفها
هنا خـــلاص ماقدر يسكت
ابو عبدالله وهو ياشر لمحمد: محمد تعال وانا ابوك
محمد: سم يبه ! ..
غلا بحزن قاطعتهم: يعني مارح تاخذني معاك لمصر؟
ابو عبدالله سكت ....
عبدالله: لالا مارح تروحين مصر..ياغلا
ابو عبدالله : بس ان جو اخوانك تروحين عندهم
غلا:.....
طلع ابو عبدالله ... من المكان ... غلا شوي وتحب محمد على رجوله وقف معاها وقفه حتى اخوانها ماعرفو يسوونها ... اثبت انه اخوها من جد مو بالكلام .... طريقته الهاديه المقنعه قلبت الموازين ول كان حالتها حاله الحين
غلا: مدري ياخالد انت ماعندك مانع؟ عادي اروح مصر؟
تركي بقهر: والله مو ابوي اللي يتزوج وانتي اللي تاكلينها ماحد راضي
محمد: مجانين نخليك تروحين مصر؟؟؟
غلا: محمد ...اشكرك اقل شي
محمد: ماسويت شي اختي انتي

راحت ركض لغرفت سديم واهي تبكي ماتدري هو فرح ول حزن ول امتنان
سديم وهي تصيح: شفتي ياغلا قلت لك مستحيل احد بيسكت
غلا: الحمدلله اللي عدت على خير
سديم بابتسامه مشرقه: انتي وسعي صدرك بس وتفائلي ومايصير اللا الخير
غلا: ان شالله
مرت ايامهم سريعه في الشرقيه ...الجو كان حلو ... جمعتها مع اخوانها لايمكن تنساها لاكن المصير في الأخير الكل بيرجع ...لندن والرياض ... رجعو اخوانها كلهم وابوها راح لمصر ..رجعت مع محمد للرياض
:::::::::::::::::::::::::::::::::::::::::::::::::: ::::::::::::::::::
>>>في لندن
انهى عبدالله كورسه اللي قبل ألأأخيرمابقى له شي وينهي دراسته ويرجعون للسعوديه ....
كان شاري له فيلا صغيره في الرياض بحكم انه بيرجع متخرج ...وبيسكن في الرياض
فلته كانت مأثثه لكن باقي له بعض الاكسسوارات ويكمل ..فارس ولمى وعبدالله الكل بس ينتظر متى بينهي دراسته عشان يرجعون لبلدهم ..ولأوطانهم وأهلهم ومجتمعهم يبعدون عن وحشة الغربه

كانت لابسه فستان قصيرلونه وردي فاتح ... وحاطه اشارب على شعرها ..تطبخ غداهم ..أما عبدالله رجع بدري
عبدالله: لموووو هلاوالله
لمى واهي ماسكه الصحن: اهلييييين غريبه جيت بدري ؟
عبدالله بفرح: هاااانت ياام فارس
لمى وهي معقده حواجبها : كيف هانت؟
عبدالله: مابقى شي وبنرجع للسعوديه
لمى بفرح: يعني ؟
عبدالله: انهيت الكورس مابقى لنا غير كم من شهر ...وانتي عند اهلك
لمى وهي مب مستوعبه : يعني كيف؟؟ نجحت؟
عبدالله بفرح: الحمدلله
لمى بفرح : الف الف الف مبرووووووووووك وعقبال الكورس الاخير
عبدالله: ااان شالله ..عاد يالله مانبيك تطبخين اليوم لازم نطلع
لمى: ههههههههه ياحبك للطلعات ...
عبدالله: يالله مانيب قاعد ابي احس اني نجحت ومابقى لي شي
لمى: هههههههههه ياعمري انت انا ابحسسك غصب عنك
عبدالله طبعا جته حالة الاعجاب ....
((حتى واهي بالمطبخ شكلها يخبل))
عبدالله: طيرتي عقلي يابنت الخال
لمى: بسم الله على عقلك
فارس قطع عليه الجو: بابا ....بنرجع عند عمتوو غلا؟ ثانيه
وهو يشيل ولده : بنرجع عند عمتك وبتقعد معنا ان شالله
فارس: انا ماابي اقعد هنا عند انتي غلا احسن
عبدالله: ان شاااااااالله
لمى :يعني كم بتاخذ وتنهي أخر كورس؟
عبدالله : بالكثير شهرين
لمى بابتسامه ودموعها في عيونها : الف الف مبروك (واهي مسح دمعتها)من جد فرحتنا
عبدالله حط يده خلف ظهرها: والله من زمان وانا انتظر افرحكم
لمى: طيبك مكفي حبيبي ...
عبدالله: افا ليه الدموع
لمى يوم ماعرفت تفرح صاحت هههههه: فرحانه وربي
عبدالله من جد ماحس انها من زمان واهي ملت من لندن :يديم لي هالفرح بس لاتصيحين
لمى: هههههه لالا مارح اصيح
فارس: ماما انتي تصيحين وبعدين تضحكين
عبدالله: حتى البزر استنكر
لمى: ههههههههههههه الله لايحرمني منكم
عبدالله: مشينا يالله ...سينما شي والله اليوم ابتعبكم من الطلعات
لمى: ان شالله بس اجهز والبس فارس وبتطلع
:::::::::::::::::::::::::::::::::::::::::::::::::: :::::::::::::::::::::::
على احد البحيرات ...وعلى أنهار لندن ... المليااانه وز وبط ....المكان راائع ...أخضر الورد الأحمر يملا المكان .. الجو المنعش ...الهدوء ...المكان كان قمه في الروعه
كانو تركي وزايد دايم يروحون لنفس المكان ... يتفرجون ...ويعلقون مثل العاده
زايد: اقول تركي
تركي: هلا؟
زايد: التفت على ورا
تركي: ليييه؟
زايد: شي انت كذا تحبه ومستحيل تتخلا عنه
تركي: وشو؟
زايد وهو يغمز: التفت وانت بتعرف
تركي: لااول قل لي ايش
زايد: لاحووول ... اسأل نفسك شي انت تححبه وودك انه هو بدالي جنبك الحين
تركي((مين غيرها ؟))تظاهر بالغباء: وش؟؟
زايد: يابن الحلال التفت
تركي لف على ورا وشافها ماسكه كاميرافيدو تصور منظر الوز على البحيره
زايد: ههههههههههههههههه اقطع ابو القز اللي كذا ...
تركي وهو يطالع في ديما: الله ياخذ ابليسك ماتفوت شي
زايد وهو ميت ضحك : الله يرحم ايامك يالسعوديه كنت بس على كم من قززه ويتفل في وجهك أخوها ...ههههههههههههه بس الحين فاال الحجاج
تركي: ايه وانت الصادق تعذيب اول حتى المغازل ومحرومين منه
زايد: بدوي الله يهداك وش يجيبك فيذا
تركي: اقول اسكت وخلك عاقل ...من زينك الحين
زايد: ههههههههههههههههه اقول طالع طالع لاافوت لك لقطه
ومن غير شعور اتجه لمكانها ...
تركي: هاااااااي ديما
ديما وهي ماسكه الكاميرا: هلااترووووك انت هنا؟
طبعا زايد لايمكن يفوت لقطات واهم مع بعض جاهم ونط في وجيههم
تركي: ياااحوووول وانت ماترتاح؟؟ لازم تحارش؟
ديما: هههههههه خله ترووك
زايد : شفت الذوق ...مو انت طرده من اولها
تركي: اقول منقهر منني ليش ان ولاوحده اعجبتها انت وخشتك
زايد: ..هههههه شف شكلك اول وبعدين تكلم
تركي: أيــه احسن منك ..(وبحركه مقصوده) .ول لا ياديما
ديما هنا تلعثمت: هاه...! ايه ايه ...لالا كلكم زي بعض
زايد: أيـــه علينا هالكلام هههههههههههه
تركي: يالله اذلف من غيرمطرود منااااك بس مناااك
زايد: وان قلت لك مارح اروح
ديما: ههههههههههههههههههههههههه هه تركي خله عشاني
تركي خق معاها: خلاص اخليه واخلي اللي جابه ..
والتفت على زايد: تراه مب عشان عيونك ..
زايد: هههههههههههههه اجل عشان شنو
تركي تجاهله ولف على ديما اللي ماتت ضحك اصلن تعودت على حركاتهم
تركي: اقول ديما اعطيني الكاميرا ابصورك
ديما باستغراب: طيب وليه؟
تركي: بس كذا جيبيها
ديما: اوكي خذها
زايد طول الوقت يغمز لتركي ..وديما عاجبها الوضع
تركي كان يصورها واهي تأكل الوز ...شكلها طالع مرره كيووت ... كان المكان مليان ...وبعد شوي على وقت الغروب فضى .... ومابقى غيرهم الثلاثه
تركي وهو يصور وقباله على طول ديما تطالع الوز ولاحست بتركي
تركي: اقوول ديما
ديما: هلا
تركي: سوي لنا حركات سعوديين عند الوز
ديما: هههههههههههههههههههههههه
تركي: يالله حركات سعوديين يالله
ديما مسكت الوزه مع ذيلها وقامت تسحبها
زايد وتركي ماتو ضحك واصواتهم كلها بالكاميرا
زايد: ايه والله مايمدي المكان يفضى اللا وقمنا نستلعن على هالحيوانات
ديما: ههههههههههههههه
تركي: اجل وشلون بنصير سعوديين هذي علامة الجوده
وقامو يلعبون بالوز وكنهم ألعاب عندهم .... الا ان جا المسؤول عن الحديقه وطردهم لأنه من تعذيب الحيوان وممنوع عندهم ... انطردو برا ...والوجيه مليانه دموع من الضحك
ديما وهي تضحك : شفت كله منك يالدب
زايد وهو يضحك: هذي نهاية السعودين
تركي: كذا الفله ول شلون بنوسع صدورنا
ديما: ههههههههه لازم نذاله
تركي: بالله عليك لو اننا نأكل وز متعه ذي؟ لازم أكشن وطردات
ديما: هههههههههههههههه الله يرجك يالخبل
بعدو بعييييييييييد يضحكون ويسولفون ويعلقون ....وزايد مسكين جنبوه وراحو
زايد((يالله ياتركي جاينا مثل التنكه ماتدبر شي بالحب والحين طلعت اشطرنا ... الله يهنيهم ان شالله))
ديما وهي تطالع ساعتها: اووووف تروك
تركي: وشفيك
ديما: تأخرت على ابوي يقول لي على المغرب ارجعي
تركي: افاا يالله روحي لاتتأخرين ...
ديما برباشه جالسه تحط كاميرتها بالشنطه :ايه ايه هذيني
تركي ساعدها وحطها بدالها ....
تركي: اوصلك؟
ديما بحيا: ايييه ياليت الشوارع تخوف الليل
تركي: ابشري
زايد: اييييه ايييه طبعا ...رح وياها
تركي:هههههههههه تعال زايد حبيبي والله
ززايد: بس يوم شافها بتروح ...قام يتمسكن
ديما: هههههههههههههههههههههه

:::::::::::::::::::::::::::::::::::::::::::::::::: :::::::::::::
نرجع للسعوديه وعند غلا اللي قعدت عند مرت ابوها...وتعودت على البيت ...الوضع صحيح صعب عليها..لكنها تحاول تخفي انها متضايقه وبالأخص من بعد موقف محمد اخوها اللي لايمكن تنساه له . ...تكفي ظروفها وابوها اللي تركها وراح ينام في العسل ...
كانت جالسه في غرفتها ووراها متحان تذاكر له .... كانت متحمسه وتحفظ ...ويوم قلبت الصفحه لقت سواليفها اللي بينها وبين البتول في الحصه
يوم تكتب غلا للبتول نكته والبتول ضحكت ووقفتها المعلمه ...والبتول تتوعدها من بعد الحصه.. قامت تضحك بشكل هستيري طولت واهي تضحك .. اكثر مايصيرفي المدرسه .مقالبها على البتول وشوي وجاها اتصال
البتول: هاااااااااااااااااي غلوو
غلا: هلا وغلاااااااا البتول
البتول: ذاكرتي؟
غلا لاباقي لي شوي ههههههههههالبتول: ليه تضحكين ؟
غلا بضحك: البتول فيه ولد تطاق مع امه جاب لها حليب السعوديه وقال هذا اللي بيني وبينك
البتول: ههههههههههههههههههههههههه اييييييييه الله يقطع شرك ..ضحكي انا اللي تعاقبت مو انتي ...
غلا: بس وربي مت ضحك .. يوم قريتها
البتول: ايه هذي عوايدك
غلا: المهم...بكره متا بتستأذنون ؟
البتول: على الساعه 9ونصف ابستأذن
غلا: وكل البنات بيروحون؟
البتول: ايه انا وروان ورنا والجازي
غلا: ومن جدك أهلك راضين ؟ تطلعين مع صديقاتك؟
البتول: قدرت اقلب راسهم ابشرك
غلا: هههههههههه منتب بسهله
البتول: وش الحين؟ كلها روحت كوفي وش فيها ...الصراحه ملينا من هالإمتحانات الدوريه خلينا نوسع صدورنا ووش ورانا
غلا: طيب ابي اروح
البتول: حاولي في محمد اخوك وان شالله بيرضى .
غلا باحباط: مدري مااتوقع
البتول: لالاحاولي روحي له باسلوب اخدعيه بالكلام
غلا: امممم مدري عن محمد ووش بيقنعه
البتول: ههههههههههه مو تقولين يحب الفلوس؟
غلا: وطيب؟
البتول: ايه خلاص سكتيه بكم من قرش وبيرضى من غير مايحس
غلا: طيب وان رحت وش بيجيبني للبيت ؟
البتول: انا ابوصلك افا عليك
غلا: اووكي احاول
البتول: واعطيني خبران وافق اوكي؟
غلا: طيب
البتول: باي
غلا: سلام
البتول : لححظه غلا
غلا: هلا؟
البتول: ترا نزلت قصايد جديده للعضو اللي معانا
غلا : كذااابه؟
البتول: والله ...تجنن قصايده لاتفوتك
غلا: ياااقلبي على هالعضو وياحلو كلامه
البتول: ايه قصديته الأخير لاتفوتك قويييه مرره
غلا: طيب اقريها لي
البتول:
عفا الله عن خطا غدرالخناجر والدروع ابطال
بسامح واتركك تحت الظلام الحالك الحالك
دخيلك وفر دموعك ترا هدر الدموع اذلال
وترا مافيه أحد يصبر مثل صبري بغربالك
أنا عيبن علي أنقض كلامي والرجال أفعال
واذا قلت أقطع حبالك تراني باقطع حبالك
علشان أكسب هدب عينك تجرعت العذاب أشكال
وليتك ترأف بحالي علشان أرأف بحالك
مسوي في حياتي شي مايذكر ولاينقال
حشى حتى العدو وهو العدو مايعمل اعمالك
تمسيني على الهم وتصبحني على الغربال
تقلطني فناجيلك وتقصر عني أدلالك
تحملت التعب لأجلك وانا حملي يهد جبال
رحلت من العذا بوماوقفت اللا على جالك
علامك كل مااجيك متواضع جيتني تختال
معاك ليامتى بأصبر وصبري معك يحلالك
مثل مااقبلت لعيونك لزوم تلد لي باقبال
ومثل ماقد حشمتك حس واحشم عنني أشوالك
أنا محدن بجابرني أساير معك هالمنوال
ترا لاني تبيع لك ولاني أصغر عيالك
أنا جيت أعشقك نبض ومشاعر معشقك تمثال
أنا جيت أسكنك وابقاك وأحيافيك وأبقا لك
أنا جيتك بظمى عاشق تعب يطرد سراب اللال
أناجيت أستفز رضاك من فرقاك والجالك
أنا ماهنت بك عاقل أنا كنت اعشقك بخبال
أنا ماعشقتك حي أنا كنت أعشقك هالك
تخيل من كثر مااخاف تلقى للزعل مدخال
أخاف اخطى على طيفك وادوس برجلي اظلالك
تبعتك والعرب تتبع رعود البارق الهمال
وانا شفت المطر يتبعك في حللك وترحالك
كأن اللي خلق حسنك خلقني مع جسدك اظلال
وصرت أقرب جسد يمشي معك بقفاك ولا تهيا لك
أبي قلبك يحس انه فقد بمحبته رجال
ملكته من هدب عين وخسرت رضاه بهمالك
صحيح الفراق أقسى ولكن الوصال محال
وانا صعبن علي أرضي غرورك واضعف قبالك
بعد ماحققت عيني فبعدك للرقاد مال
أعود للسهر ياخوي فال الله ولافالك
ببدل نظرتك فيني وأجيلك كل يوم بحال
بكون أقرب من ثيابك عليك ولاتهيالك
بلمك وانثرك واجمعك وارجع انثرك
بهمال بخونك وازعلك وارضي منك وارضى لك
ابرسم بالثرى وجهك وأبدفن صورتك برمال
ابسوي مثل مااشوفك تسوي وافعل افعالك
علشان تعرف من فينا الزعول ومن وسيع البال
ابيك تذوق فنجالي وانا بذوق فنجالك
نصيحه واحتفظ فيها قصر معك الزمن أو طال
أبي تسمع كلامي زين وتحطه على بالك
اذا حبك هبال أطفال لك عندي هبال أطفال
ولا وابشر بعد بهبال حبن ماهو بهبالك
واذا كان قصدك تهين اسمي علشان تشمت العذال
حشى لا انته ولاغيرك ولاعشره من اشكالك

وشرايك؟
غلا: يجنن يانااااااااس فديته هالعضو ..مدري من هالحقيره اللي معذذبته واضح عليه عزت نفس مب طبيعيه
البتول: ايه والله انه خطير
غلا: ياحبي له ابحفظ قصيدته بس خليني افضى
البتول: ايه ولو اسمع لك الأدب مادبرتي شي ...هذا اللي فالحه فيه
غلا: هههههههههههههه مشكله وربي اذا فيه شاعر مثل هالعضو
البتول: خخخخخخ يالله اجل كلمي اخووك واعطيني خبر وش بيقول
غلا: اووكي بااي
البتول: سلام
.................................................. ...........
دخلت على محمد اللي قاعد يكوي شماغه ..((مايحب أحد يلمس الشماغ غيره))
غلا فتحت الباب ودخلت عليه
غلا: اهليييييييين حمود
محمد مسوي نفسه فاهم: جبلي مانيب جايب روحات الحين مانيب مودي وراي زواج
غلا ارتاعت: ههههههههههههههههه لالا مارح اطلبك الحين لاتخاف ..مارح اطلبك
محمد اهو يكوي: اجل وش عندك؟
غلا: اللا لحظه ماقلت لي زواج مين هذا؟
محمد: زواج نايف
غلا ارتكبكت وتغير لون وجهها:.........
محمد رفع راسه: وشفيك؟
غلا: محمد مين نايف؟
محمد: وانتي وش دخلك؟
غلا حست ان سؤالها غلط : لالا بس اسأل يمه منك اكلتني
محمد بابتسامه: هذا خويي مسكين ماصدق يتزوج من زمان واهو يدور
غلا: اييه الله يوفقه عالبركه
محمد: االله يبارك فيك
غلا : وليه انت اللي تكوي الشماغ خلني بدالك
محمد: لالا ماحد يعرف لها غيري
غلا: جربني ماجربتني
محمد: البنات مايضبطونها
غلا بثقه: لالا اللا انا تركي وخالد مايكوي شماغهم غيري
محمد: وان ماعجبتني؟
غلا: سو فيني اللي تبي
محمد بخبث: اللي أبي طيب؟
غلا واهي تكوي الشماغ: كل شي منك حلو تسوي اللي تبي انا راضيه فيه
محمد شك بالموضوع :اقول غلا وش تبين توصلين له
غلا: لالا ابد ماابي اللا راحتك حموود
محمد صدقها من حسن نياته: اها
غلا: ههههههههه وليه ؟
محمد: مدري يقولون ان كيدهن عظيم وانا اول مره اشوفك تغازلين والنفسيه تووب اليوم
غلا: هههههههه لالا كلهم اللا غلا حليووه مره انا ماعرفتني
محمد: أي أي طيب خلصينا
غلا: هاه وشرايك؟ مب حلوه؟
محمد: اوووف غلبتيني وشلون
غلا واهي تغمز: افا عليك بس كل مابغيت تكوي عطني اياها
محمد وهو يلبس شماغه: طيب كذا شكلي زين؟
غلا: تجنن البنات بيخطبونك بدل ماتخطبهم
محمد: احم حمم اجل ابدخل معا المعرس
غلا واهي تضحك في نفسها((من جد بسرعه ينلعب عليكم )): ان دخلت معاه بترزه بس اخاف تغطي عليه ول تنظل
محمد بابتسامه: حبيبتي غلا
غلا: عيوني
محمد: ترضينها لأخوك ؟ يروح زواج واهو مفلس
غلا: ههههههههه لاطبعا
محمد باستغراب: يعني بتعطيني ؟
غلا واهي تطلع الفلوس من جيبها: افاا عليك تفضل
محمد: اخس والله صايره حركات اليوم
غلا بخبث: تستاهل كل خير
محمد: الله بس ياحلو الفلوس وياحلو ريحتها

غلا((الله لايبلاني مابتلاه)): تهنافيها ان شالله
محمد: يالله تامريني بشي؟
غلا: ايه قبل لاانسى
محمد: امري
غلا(والله مايجيكم اللا الكلام ):مايامر عليك عدو... بكره البنات بيطلعون لكوفي خلني اطلع معاهم
محمد عقد حواجبه : ومتى؟
غلا: بيستأذنون من المدرسه
محمد: وتبين تروحين؟
غلا: تكفى
محمد: ومن بيجيبك؟
غلا: البتول خويتي
محمد:..............
غلا: تكفى محمد ماقد طلبتك لاتردني دايم تطلبني ومااقول لك لا تكفى محمد
محمد مع انه مو مقتنع لكنه استسلم: ايه طيب بس لاتطولون
غلا: مشكوور أحلى اخو والله
محمد: بس لاتطولون
غلا بابتسامه: ان شااااااااااالله
طلع من غرفته
على طول اتصلت على البتول
غلا: ههههههههههههههههههههههههه هههه
البتول: راضي؟
غلا: واقسم بالله اني سحبته مع خشته من يصدق ان محمد يرضى
البتول: انا ماقلت لك هذا اللي يجيبهم
غلا: ههههههه ايه وانتي الصادقه خلاني اكوي شماغه
البتول: خخخخخخخخ المهم انه وافق
غلا: ايه اشوا
البتول: يالله اجل امي تبيني
غلا: بااي
....................................
:::::::::::::::::::::::::::::::::::::::::::::::::: ::::::::::::::::::::::::::

يتبع.......

لامارا · 26-12-13, 04:28 PM

خالد وتركي أخوه كانو مع بعض بنفس البيت ...خالد كان عنده بحث ومشغول مع أوراقه ...
وتركي ساكت بس يطالع في خالد ......لكن باله بعيد ..........
خالد انتبه له : تركي بلاك؟ وشفيك؟
تركي: .............
خالد: الوووو تركي وين وصلت ؟
تركي من غير شعوره وبنفعال: اقطع ابو العذاب اللي كذا
خالد استغرب وترك اللي بيده: تركي وشفيك؟ واي عذاب تقصده
تركي جلس ساكت فتره بسيطه
تركي: خالد خلاص ابي اتزوج
خالد: تغيرت ملامحه من شدة الاستغراب الى وجه فاطس ضحك :ههههههههههههههههههههههه لايكون فيك شي
تركي: من جدي اتكلم
خالد:اخاف انك مقرقع لك كاسين من هنا وجاي تبي تتزوج
عصب تركي: خالد انا اكلمك من جدي
خالد: متأكد انك بكامل قواك العقليه؟
تركي: خالد والله انا خلاص اخترتها وابيها
خالد: اوووخس اختارها ويبيها الرجال من جد يتكلم هههههههههه
تركي: انا اكلمك جد وانت تتهزا فيني
خالد: لالا خلاص ..(ببروووووود)..تركي حبيبي اذا انا ماتزوجت مع وييييين انت تتزوج حبيبي الزواج مب لعبه ...كون نفسك .. ......وشلون بتصرف على نفسك بالله؟ ابوي بيصرف عليك؟..ومنهي اللي تبي واحد أهله يصرفون عليه ؟...ومن زين تخصصك ول كن فيك مميزات عن الناس .. تركي انسى الموضوع ...و ترى المسأله مب سهله
تركي: الخير كثير ياخالد وانا ماابيها تضيع منني
خالد(والله وصار يقول كلام اكبر منه): مدري كلم ابوي بالموضوع لأنني مب معاك مدري ماخشت بالي الفكره
تركي بنفعال: طول عمرك تحسبني صغير وماافهم ولااعرف اتصرف ....خالد اللي طحت فيه شي مايرحم خلاني احبها وماابيها تضيع من يدي
خالد ببرود اعصابه المعتاد: طيب خلاص قلت لك قل لأبوي
تركي: تهقا انه بيرضى؟
خالد: ماتوقع بس انشالله
تركي: وان قلت لك اني سألته وماعنده مانع
خالد باهتمام: تركي من جدك؟
تركي: لي ساعه اقول لك جد
خالد وهو يحاول يستوعب: يعني بتاخذ اللي معاك في المدرسه؟
تركي: ماغيرها ....اخ لوتدري كيف تعذبني
خالد: هههههههه ...
تركي: ابي اخطبها من أبوها
خالد: والله شف رايها قبل ...عشان ماتتفشل بعدين...مع اني داري انك فكل الحالات مفشل روحك
تركي: مدري كيف اقول لها
خالد: عاد انت لازم بتقول لها ماحد بيقدر غيرك
تركي: ماتعودت افاتحها بمواضيع مثل كذا ...بالعاده تنكيت وضحك بس
خالد: سو نفسك جاااد ومن قلبك تبيها .
تركي: برايك؟
خالد: ايه ومبرووك مقدما
تركي بابتسامة فرح: يبارك فيك
وعلى طول يبي ينسي نفسه التفكير دخل على الماسنجر حقه ...
ولقى ديما موجوده
تركي: هلاوالله
ديما: اهلييييييييين
تركي: ابوك قال لك شي؟
ديما: هههههههههه لالا شافك بس قال من هذا...قلت له سعودي معانا ...وصلني لأني خايفه
تركي: زين اللي ماقال لك شي
دخل خالد على تركي وشاف محادثتهم
خالد: اقول تركي قل لها الحين وشف وشرايها
تركي: ابسألها اصبر
تركي: ديما أبيك في موضوع بس ان كنتي فاضيه كلميني
ديما: الحين انا فاضيه
تركي: ابدخل في الموضوع على طول ...انا ناوي اخطبك من أبوك وابي اشوف رايك أول
ديما بقت ساكته ..استحت وماعرفت تتكلم فرحت فرحت من قلبها ...هذا يدل انه يحبها ...وقامت تذكر مواقفهم مع بعض وأول ماتعرفو على بعض واللي صار في الحديقه معاه ...كل كلامه كان من وراه قلب يحبها؟ معقوله
تعودت على تركي ...مايفتح معاها هالمواضيع ....أخر شي يجي على بالها انها ممكن بتصير له واهو لها ...أو انه يحبها ...تمنت تقول له انا موااافقه وتعال اليوم قبل بكره لكنها ماقدرت
ديماظلت سااكته ,...وتركي على اعصابه
خالد وهو طالع: هههههههههه اقووول شكلها ماتبيك لاتحرجهابس
تركي: اسكت عارفها اكيد مستحيه ماتعرف للبنات انت
ديما كل اللي قدرت تقوله:مادري
تركي:يعني انتي مخطوبه من قبل
ديما: لا
تركي:طيب فكري واستخيري وخذي راحتك ..وردي لي خير بعدين
ديما: ..............
تركي: انتظرك انا يالله فمان الله
ديما: مع السلامه
....
ديما اللي جلست تفكر وتفكر ...استخارت ....واهي على السجاده الضحكه شاقه فمها ....من قدها حلم كان والحين يحطها تركي على ارض الواقع على طوول
((بس ...أخا ف يحسبني ماابيه ...انا غبيه ليه اقول له مدري؟.........الولد يبي ياخذ كلمه وانا مدري....من جد أفشل .....اخاف يدور غيري شكله يبي يتزوج....... لالاماابي اخذ احد غير تركي لا....بس والله احراج ماعرف اقول له ......لاياديما بيطير عنك وانتي مستحيه......طيب اهو سألني وأكيد حط فباله اني ممكن أوافق ...ومب بعيده .....ليه؟.,,,,مين المجنونه اللي ترفض واحد مثل تركي......؟؟.......صحيح مايحب الجد ....لكن اخلاقه اخلاق.....مين يحصل مثله من عيال اليوم ....أقول ديما توكلي وووافقي له احسن ....))

ومن جهه ثانيه خالد ماصدق يمسكها على تركي
خالد: هههههههههههه خووووش تفشيله شكلها ماتبيك ليه تفشل نفسك ابي ادري
تركي: لالامتأكد انها موافقه بس مستحيه
خالد: لوهي موافقه يالذكي بتقول لك مدري وش مدري ذي مع وين أصرفها بالله؟
تركي: بالله عليك فيه بنت بتقول ايه ؟؟بتحطيح من عيني حلاتها تستحي ...وأنا عارف ديما اكيد مستحيه
خالد: هههههههههههههههه ياشين الثقه بعد
تركي واهو يفتح الماسنجر مره ثانيه:اقول انقلع انت
دخل ولقاها موجوده ماتكلمت ولا كلمه ...مابدت معاه بشئ
ظل فتره ينتظرها وطلعت له
ديما: تركي
تركي: لبيه
ديما: انا استخرت وفكرت وانتهيت
تركي: ووش وصلتي له؟
ديما: ماقدر ارفضك
تركي :يعني موافقه؟
ديما: ايه
تركي: اذا منتي موافقه عادي مارح يتغير شي ..الراي في الأخير لك
ديما: درست قراري
تركي: زواج ياديما مب لعب
ديما: الله الموفق وانا فكرت وهذا قراري
تركي: الله يكتب اللي فيه الخير
ديما: ان شالله
:::::::::::::::::::::::::::::::::::::::::::::::::: :::::::::::::::::::
كان منشغل في الأوراق والمعاملات اللي بيده .. وراسه يووجعه مب عارف حتى يقرا الحروف
نواف: فيصل .. سلامات وشفيك
فيصل وهو ماسك راسه: مصدع يافارس صدااع مايرحم
نواف حط بجنبه علبة البندول: خذ هذا بيريحك ان شالله
فيصل واهو معقد حواجبه : لالا توني ماخذه
نواف: فيصل ..شف شكلك لازم تريح
فيصل: اخخ راسي
نواف وهو يقوم: اقول قم ابطلع وياك
فيصل: لالا ابخلص هاللي فيدي اول
نواف: ياشيخ مب نافعك هاللي فيدك ان تعبت ول صار فيك شي هذا راس مايرحم
فيصل: امري لله
طلع معاه وركبو السياره
جلس شوي ريح ...مارضى يروح للمستشفى .. لأن هالحاله دايم تجيه
نواف: فيصل لك كم من يوم وانت مريض لازم تشوف نفسك

فيصل: لالا صداع دايم يجيني من الشغل
نواف: بس انت اول ماكنت كذا
فيصل: مدري
نواف: فيصل صار شي جديد؟
فيصل: ااااااخ يانواف لو تدري ..تعبت واتعبتني معاها
نواف: خلاص ياخي شف حياتك .. ماعليك منها ..بكره بتاخذ غيرك وتنساك ماتسوى تتعب نفسك
فيصل: اللي ابي اعرفه ليه ترفضني منهو اللي مشغلها
نواف: خلهم عنك بنات هاليومين ماعندهم سالفه ول انت مافيك عيب والكل يتمناك
فيصل زادت عليه حدت الألم
نواف شغل السياره
فيصل : لاتوديني نواف مايحتاج
نواف: أنا متأكد ان فيك بلا يافيصل لازم تروح
فيصل: لابس ودني للبيت
نواف:فيصل عرفتك قوي وينشد بك الظهر لاتخلي وحده ترفضك تاثر عليك
فيصل واهو معقد حواجبه من الألم: كل شي ماضعفت منه اللا سااره سااره عذبتني
نواف : تزوج وانساها
فيصل: ماقدر مقدر
نواف: الله يهداك بس
فيصل: مستشفى منيب رايح وصلني للبيت الله يعافيك
نواف بغير اقتناع: ان شالله
وقفو عند الباب واهو ماسك راسه ومب حاس بشي
نواف: فيصل ؟..وصلنا
فيصل واهو يفتح الباب: أي أي ان شالله
نواف: فيصل خلني أوديك للمستشفى شف وجهك
فيصل: لاماله داعي
طلع من السياره وحالته تكسر الخاطر... مكسوووف .. مثل المكسور ظهره .. يرتجي ويتمنا شئ لايمكن يصير
واهو يطلع مفتاحه ماقدر يتماسك مسك يد الباب ..عشان يساعد نفسه لايطيح ..وماحس اللا بنواف ماسكه يساعده يوقف ..
نوف واهو ماسكه: سلامتك يافيصل
فيصل خلاااااص فقد الوعي ماحس باللي حوله
وداه نواف للمستشفى ...
كشفو على فيصل وظل على السرير بالمغذي
نواف: دكتور وشفيه؟
د: اتوقع انه يفكر كثير انكتم تنفسه والسبب التفكير كثير تصير هالحالات بالذات للي يدرسون او يشيلون هم شي حطينا له مغذي .......وبعد اشوي ان شالله بيقوم ..
نواف واهو يفكر ((ياخسارتك يافيصل تربط مصيرك بوحده ماتبيك؟...وتتأذى ماحست فيك ...ياطول صبرك وياكبر بلواك ليتني اخذ همك واخفف عنك ياصديقي))
شوي ودق جوال فيصل المتصل (الوالده)
مسك جواله ..مابغى يرد اكيد انها بتقول ليه متأخر يقول لها ولدك طايح بالمستشفى؟ مب حلوه حطه على الصامت ..
وبعد ربع ساعه
(ياسر يتصل بكـ ) ياسر يصير أخو فيصل
نواف: السلام عليكم
ياسر: وعليكم السلام ..هلانواف
نواف: ياهلابك
ياسر: وين فيصل ؟ تأخر اليوم
نواف: فيصل تعبان وأخذته للمستشفى
ياسر: سلامات وشفيه؟
نواف: لابس مكتوم .. وحطو له مغذي وان شالله مافيه اللا العافيه
ياسر: أي مستشفى؟
نواف: لالاماله داعي ابجيبه لكم شوي وبيقوم
ياسر: وينه طيب ابي اكلمه
نواف: نايم الحين
ياسر: لاخلني اجي عالأقل ابطمن الوالده
نواف: اوكي هذا المستشفى........ وهذي غرفته......
ياسر: الله يجزاك الخير
نواف: الله يعافيك
بعد دقايق
فيصل قام واهو معقد حواجبه ووجهه أصفر
نواف: الحمدلله على السلامه
فيصل: الله يسلمك ...نواف عطني المويه اللي جنبك
نواف: تفضل
فيصل شرب المويه وقام يفكر
نواف: فيصل الدكتور يقول كله من التفكير..... يافيصل لاتتعب نفسك
فيصل: ماقدر انسى صدقني
نواف: لاتفكر كلها اشيا سلبيه بترجع لك
فيصل: ايه ان شالله ..وبعدين وراك جايبني ؟ مو انا قلت لك لاتاخذني للمستشفى؟
نواف: لو مااخذتك كان طحت على اهلك .. بعد زين اللي جبتك لايصير فيك شي
فيصل بقهر: ابي اعرف اللي فبالها عشان اذبحهه
نواف يبي يغير عليه الجو: هههههههه اخس ياروميو زمانه
فيصل: ههههههههههههه بلاك ماجربت
نواف: ابستثمر طاقاتي لزوجتي
دخل ياسر
ياسر: سلامات فيصل
فيصل وهو يطالع نواف: الله يسلمك
ياسر: وشفيك؟
فيصل: كتمه مثل العاده ...
ياسر: من ايش طيب انت لازم تعرف
نواف وعينه على فيصل: من التفكير والهموم
ياسر: افااا ..وش تفكر فيه ؟
فيصل: ابد الشغل تعرف
ياسر: الله يسهل لك ..الزم ماعليك صحتك
نواف: اجل انا ابستاذن برخصتكم
فيصل: بدري
نواف: والله طولت على الوالده اخاف تنشغل علي
فيصل: اجل الله معاك ويعطيك العافيه
نواف: ماسوينا شي .. سلام
ياسر وفيصل: مع السلامه
طلع من المستشفى واهو مهموووم ...ياليتها تدري باللي يصير فيني كل مره وكل يوم ومع كل عذاب ...عشان تعرف كيف يعاني بسببها ....
الســــــاعه 9 الصبح في المدرسه
استأذنو البنات من المدرسه (روان ورنا وغلا والبتول والجازي)
في السياره...
البتول: بنات وين تبوننا نروح مطعم ول كوفي
الجازي: وش كوفي تكفين خلينا نروح مطعم
روان: الريف اللبناني
غلا: لالاتشيليز
البتول: ايه تشيليز أحسن
روان: لالا بتلقونه زحمه هالوقت
الجازي: مب شرط
البتول وهي تكلم السواق: روح عند تشيليز
وقفو عند المطعم صار زحمه ولازم ينتظرون ساعه ..
غلا: لالامارح ننتظر بنات بنطول على اهلنا أي مكان مب لازم تشيليز
الجازي: والله بتروحون ول تجون مالكم اللا مااااااك ههههههه
البتول: لاوالله طالعين نروح ماك؟ لالا تشيليز يعني تشيليز
غلا : عاجبك مكاننا هنا؟ اللي حولنا كلهم شباب هذا وقتهم والله مب حلوه
البتول : بكيفهم ووش علينا منهم
وشوي اللا ويجيهم واحد من جنب السياره.(فهد).. يطالعهم مع ربعه البنات مانتبهو له ..
رنا: بنات ترا فيه واحد من زماااااان له موقف هنا ..خلونا نمشي
روان بخوف: هذا اللي خايفه منه
.....فهد.......: أفااا ليه الحلــــــــو مايعطيني وجه
ويرمي عليهم من نافذة السياره خمسمية ريال ويضحك
البنات كلهم خايفين ... ماغير البتول اهي الجريئه
البتول: قليل أدب
....فهد.....: انا مثل ماتبين قليل أدب وماعندي دم وحركاتي ماصخه هههههههههههههه كل شي منك حلووو
كانت خمسمية ريال وعليها رقمه المميز ...
الجازي: البتول خلاص خلينا نمشي
اسمعوها الشباب وقامو يضحكون ...
.....فهد...: أفاا تخافين؟ والله مارح ناكلك
غلا قالت للسواق يرجعهم للبيت ...
تحركت السياره والشباب قامو يلحقونهم بسرعه وتفحيييط... شوي وقامو يتحادون السياره تقرب وسيارة البنات تبعد عنهم
الولد فنان وضابط الشغله لكن السواق يادوب يعرف يسوق عشان يحاد له واحد ول يفحط
كل البنات خايفين .. الولد يفتح النافذه ويرمي عليهم كلام استمرو على هالحاله دقايق متواصله ..يحدهم بسياره ويفحط وشوي بتطيح سيارتهم وبتنقلب
غلا بخوف: بنات ابتصل باخوي محمد
البتول: اخاف يقول لك شي
غلا بربكه: البتول ولايصير فينا شي مع هذا
الجازي: يمه ابوي بيذبحني الحين ...اتصلي على اخوك وخليه يتصرف
روان: بناااات شوفو شكل الولد شكله مب صاحي
غلا: اجل فيه واحد صاحي يدور بالسياره كذا؟
وشوي ويفقد السيطره على سيارته ... صدم في سيارة البنات وصارت السيارتين تمشي في يمين ويسار الطريق..من غير سيطره ...الشكل يخووف ومرووع مره
البنات خااافو وقامو يصيحون ... خلاص الكل يفكر انها اخر لحظات عمره الموت قبالهم الحين ... ماحد بيقدر يتحكم بالسياره ... السواق حاول وحاول وفي وقت متأخر قدر يبعد عن سيارة الولد ... اما فهد دارت دااااااااارت فيه السياره وانفقع الكفر ...وانقلبت

كان اودي أسود وراهم وشاف كل اللي صار .....
الأول وهو حاط يده على راسه : اوووف اووف تشوف اللي اشوفه
الثاني: خل نلحق عليهم اكيد صار شي الحين اتصل بالمرور والاسعاف
الأول: لامايحتاج اسعاف
الثاني: اللا شف السياره اللي انقلبت
الاول: طيب اسرع خل نشوف
وقفت سيارتهم ..............

البنات طلعومن السياره ... والسواق جلس يحاول يصلح في السياره ...
روان: ياربييي شوفو الولد مسكين لازم نتصرف بنات
البتول من غير اهتمام: ايه احسن ماحد قال له يلاحق بنات ويحادهم
رنا قلبها رهيف وعلى طول تتأثر واهي تبكي: لابنات وربي ينرحم عالأقل نتصل بالاسعاف

غلا واهي ماسكه الجوال: ابدق على الاسعاف لاكن احنا لايمكن نسوي له شي
وقفت الأودي في مكانهم
الجازي: بناااااااااااات قولو علي السلام
روان: ليه؟
الجازي: شوفي هذاك اللي جا عندنا
روان: يمه بننخطف الحين
اقبلو الاثنين
الثاني: وش صاير؟
البتول: سيارتنا تعطلت بس الله يعافيك شف اللي هناك
الأول: تعرفونه؟
الكل سكت
البتول: لاكان يحادنا بالسياره
الأول: لاحول ولاقوة اللا بالله ...
راحو ركض عند سيارة الولد
كانت سيارته منقلبه واللي داخلها فاقد الوعي ... ووجهه وجسمه كله دم ... طلعوه بمساعدة الاسعاف
واخذو جواله وعلمو اهله ... وراح للمستشفى مع الاسعاف.

البتول: والله انهم نشامى
الجازي: ايه والله اول ماشفتهم خفت على بالي بيسون فينا شي
غلا بخوف: بنااااااااااات!!
الكل: وش؟
غلا: الولد اللي قبل شوي يكلمنا أعرفه
رنا: بالله عليك؟
غلا طاحت دمعتها: والله
روان: وش يصير لكم؟
غلا: ولد اخت مرت أبوي
البتول باستغراب : نااااااااااااااايف؟؟؟؟؟؟
غلا: ايه هذا نايف
روان: وانا اللي اقول شكله يجنن من قبل
رنا: والله انك فاضيه
البتول: ايه والله اعترفو حلو .. بس والله انه ولد ناس لولا الله ثم اهو كان متورطين الحين
رنا: طيب تتوقعين عرفك؟
غلا: لالامايعرفني
البتول واهي تغمز: غلا عرفتي تختارين
غلا بخوف: وانا بوادي وانتم بوادي
وصل نايف وجلوي اللي معاه هذا يصير أخوه
فكو السياره وقامو يحاولون يصلحون فيها ... والبنات دخلو داخل السياره
رنا: ياربي تعبناااهم معنا
غلا: ايه والله
البتول: فشيله
وقف قبال شباك السواق واهو لابس نظارته الشمسيه ...يده كلها متوسخه من التصليح
نايف واهو ينفض يده ويطالع بالأرض: السياره مطوله تاخذون سيارتنا؟
البتول: لاياخوي مانبي نتعبك معنا
الجازي واهي تهمس: لاوش يوصلوننا؟
نايف: سواقكم بيوصلكم واحنا نشوف هالسياره
االبنات استحو من طيبته ماحد تكلم
جلوي اعطى السواق المفتاح وركبو البنات سيارة نايف ... والسواق بيمشيهم وبعدين بيرجعها لهم
نايف سأل السواق عن عوايلهم ... وعرف منه انها غلا بنت سلطان بن ........
ويوم راحت سيارتهم
نايف باستغراب: اقول جلوي...تدري ان بنت خالتي ام محمد موجوده معاهم
جلوي مستغرب : بالله عليك؟
نايف: نفس الاسم ياجلوي
جلوي: ووشلون ؟ ماعرفتك؟
نايف بتفكير: لاهذي اختهم من ابوهم
جلوي: وغريبه محمد مطلعها مع خوياتها
نايف :مدري والله غريبه

في سيارة نايف
الجازي: سيااره مرتبه البتول علمي اخوانك شوفي سيارتكم وشلون حالتها حاله
البتول بضيق: اقول انطمي انتي
الجازي: هههههههههه
غلا: بنات تتوقعون انه عرفني ؟
روان: ترى قريبكم سأل السواق عن أسمائنا
غلا بخوف: قولي والله ؟
روان: ايه شفتهم
غلا: ياربي بيدري محمد الحين الله يعينني
روان: لاانشالله مايقول له
البتول: بس من جد تفشلنا مع الرجال اشغلناهم
الجازي: عاد اشكريه ياغلا قولي له شي تعبناه
غلا: ايه عشان يكفخني محمد
الجازي: تووووبه والله ماروح ويااكم .
البتول: اقول انطمي انتي الشرهه على اللي يطلعك
رنا: احلى شي هالنايف والله انه نشمي
الجازي: ايه والله
روان: ههههههههههههه بنات شوفو الخمسميه عندي للحين ..
غلا: اللي فيها الرقم؟
روان: بس والله حركات تطور الترقيم ...خخخخخخ
البتول:يحسبوننا مخفه بالله ابضيع نفسي على رقم مميز ول خمسميه
رنا: بس رحمته الولد وشتتوقعون بيصير له الحين ؟
الجازي: الله يعييييييينه
وقفو عند بيت غلا
ندى كانت توها بتدخل للبيت مع زوجها بندر
تفاجأت غلا ودخلت على طول ... ندى كانت تطالعها بنظرات غريبه غلا عجزت تفهمها
دخلو للبيت
ندى: غلا
غلا بخوف: نعم؟
ندى: مع مين جايه؟
غلا: مع البتوول
ندى: لابس هذي سيارة نايف ولد خالتي
غلا: ماحد عنده اودي اللا نايف؟
ندى: لابس نفس سيارته غلا اعترفي
غلا: والله انا وحده جايه مع خويتي عندك ماانع؟
ندى خزتها من فووق لتحت :سويتيها ياغلا؟؟
غلا: كلن يطالع الناس بعين طبعه
ندى: قلة حيا وطوالت لسان
غلا تركتها ومشت

دخلت ندى على طووول عند أمها
ندى: اهلللللللين يمه
ام محمد: هلا بنتي هلا وشخبارك ؟
ندى: والله تمام .وشخبارك انتي..ترى بندر بيجي يسلم عليك
ام محمد: حياه الله خليه يدخل بس لحظه ألبس شيلتي
ندى: اووكي
بندر: السلام عليكم
ام محمد: وعليكم السلام ووشلونك ولدي يابندر ؟
بندر:والله الحمد لله
ام محمد: وشلون امك واهلك كلهم طيبين؟
بندر: ابد الستر الحمدلله بصحه وعافيه
ام محمد: وعساك مرتاح مع ندى؟
ندى: يمه وشها الكلام؟
بندر: هههههههههه الحمدلله
ندى: بندر وانت جاي جيب معاك خبز للبيت
بندر: ان شالله
ام محمد بابتسامه: ومتى ابشوف عيالكم ان شالله؟
بندر بخبث: قريب ان شالله قريب
ندى استحت: خلاص غيرو السالفه ماعندكم غيرها ؟
بندر: خخخخخخخخخ
ام محمد واهي تلتفت: أبد اللا مب كنها غلا جات؟
ندى بقرف: ايه توها داخله معي
بندر: اجل برخصتكم
ام محمد: والغدا؟
بندر: المره الجايه خالتي وراي ارتباطات
ام محمد: وعد يابندر
بندر وهو يوقف: ان شالله
ندى وصلت بندر عند الباب وجت ركض لأمها
ندى: يمه ابي افهم وشلون متحملينها كل هالوقت؟
ام محمد: بنت الجوهره؟
ندى: ماغيرها
ام محمد: وش اسوي بها ماتجلس عندنا طول الوقت بغرفتها
ندى واهي ماده يدها: موت ياخذها ... مثل مااخذ امها
ام محمد : اللا وينها مالها حس ؟
ندى: قبل شوي هزأتها...مالها وجه
ام محمد: ليه؟
ندى: يمه عارفه اليوم وش شفتها تسوي؟
ام محمد: وش؟
ندى: جايه بسيارة نايف ولد خالتي
ام محمد: لااهي ناويه تجي مع صديقتها اليوم
ندى شكت بنفسها لكنها تبي تفتح امها: لااااااايمه سيارة نايف نفسها متاكده
ام محمد: مااسبعد بس ولد خالتك مايسويها
ندى: وشدراك ؟ يمكن واحد من اخوياه
ام محمد: مدري عنك انتي لاتتكلمين في الولد كذا
ندى: يمه مااقصد نايف اعني غلا ... ياليتكم تزوجونها ونفتك منها ومن مشاكلها ... الحين فاقده حنان بتشوه سمعتنا عند العالم
ام محمد: والله مدري كل اللي يجونها عيال حلال ياعزتي لساره بنتي مايجيها كثر اللي يجون لغلا
ندى بضيق: اعوذ بالله منها ...حتى في الخطاطيب
غلا دخلت عليهم بتاخذ كتاب من مكتبة الصاله وندى وام محمد على طول سكتو أول مادخلت واهم مكشرات بوجهها
غلا بعجله : السلام عليكم
ام محمد: ومع مين جايه ؟
غلا وجهت نظراتها لندى وظلت تطالعها الا ان طاح الكتاب من يدها..شالت الكتاب وراحت تركض

ندى: شفتي يمه انا ماقلت لك؟
ام محمد بعصبيه مالها داعي: انا لازم اشوف وش تحت راس هالبنت (وهي تنادي)ياغلاااااا
نزلت واهي موقفه على الدرج
غلا: هلا خالتي
ام محمد: علميني وش مسويه مع ولد اختي
غلا:لو اني مسويه شي كان ماجيت بكل ثقه عند الباب ...وبعدين بأي حق تشكون فيني على طول ؟ انا محترمه ابوي واخواني واعرف من الصح ومن الخطأ أنا بنت الجوهره الكريمه العفيفه ولايمكن أخرب سمعة أهلي ..معليش مب على الطالعه والنازله تخلونني انا الخطا

ندى: اجل ووش تفسرين وجودك في سيارت ولد خالتي؟
غلا: سيارة صديقتي اختربت في الطريق وجا واحد وصلحها قال لنا روحو مع السواق وانا ابكمل تصليح السياره ......... عاد مدري اذا هذا ولد خالتك ول لا مااعرفه انا
طلعت لفوق على طول من غير ماتسمع كلمه منهم
هالمره مااهدرت دمعتها صحيح الموقف يضيق الصدر .... لكنها مابغت تنزل دموعها هالمره يمكن ببتتضايق لأن مافيه شي بيخفف عنها لاكن لازم تصير قويه ودنياها شدت عودها
اتصلت في البتول على طول تبي تنسي نفسها
غلا: هلا البتول وش صار عليكم؟
البتول: لاخلاص وصلت البنات ... وأبوي راح عند سيارتنا يقولون تصليحها مره غالي.... عاد ابوي يقول لازم اشكر هالرجال والنعم فيه وطبعا طبعا قال مافيه طلعات مره ثانيه
غلا: ايه الحمد لله ...تدرين ان ندى اختي شافت السياره وقالت لأمها ا
البتول: يؤيؤؤؤؤ ودرت انها لنايف؟
غلا: ايه تقولي اني طالعه معاه تخيلي خربت ولد خالتها على قولهم
البتول: لاكلشي ولافي هذي ...وريهم منهي غلا
غلا: والله انا ابسكت ...الحقران يقطع المصران
البتول: تغلط عليك طيب؟
غلا: واثقه من نفسي ماسويت شي وبعدين .. علمتهم عن كل اللي صار مايقدرون يقولون شي
البتول: الله يعينك اشين شي الحرب مع الأقارب
غلا: ايه طبعا وبالذات ان اجتمعت ندى وخالتي ام محمد
البتول: الله يصبرك
غلا: شكل عذابي توه في البدايه مب بينتهي مثل ماتوقعت
البتول: وش عذاب غلا وكليها تبن ...مو تتعذبين عشان ام محمد
غلا: مااقول اللا الله يعييييينني بس
................................................
في الصالهـ
ام محمد سكتت ماقدرت تتكلم .... اما ندى مازالت منقهره من غلا وتبي تركبها ذنب ماسوته
ام محمد: ماوقفت ياندى انا اوريها
ندى: ووش بتسوين ؟
ام محمد: مب البنت تبي تطلع مع شباب وتفلها ؟
ندى: اكيد
ام محمد: وش رايك نزوجها؟
ندى: ياليت اليوم قبل بكره
ام محمد بخبث: قريب يومك يابنت الجوهره
ندى: ههههههههه يمه وش بتسوين ..ان قلتي كذا احس انك بتقتلينها
ام محمد: ابقتلها قهر وحسره
ندى: طيب ومين بتزوجيها ؟
ام محمد:أنا عارفه لها بس خليها علي
في هالوقت دخل محمد واسكتو الثنتين
محمد بابتسامه: هللااايمه هلا
ام محمد: هلافيك ولدي وشاخبارك؟
محمد: الحمدلله وشلونك ندى؟ وشخبار بندر؟
ندى: والله كلنا بخير
محمد واهو يدورها: اللا غلا وصلت؟
ام محمد بقهر: وليه محترق عليها ؟
محمد: لأنها امس قالت لي انها بترجع مع صديقتها جت ول لا؟
ندى بقهر: اييه ايييه جت تطمن
محمد: وورا ماتجلس معاكم؟بالعاده هالوقت اللي اجي فيه الاقيها موجوده
ام محمد: فكنا منها بس اكيد تبي تريح فوق
محمد واهو معقد حواجبه: يمه غلا فيها شي؟ متضايقه؟
ام محمد: لالا ابد بس يمكن تعبانه
محمد: ابروح اشوفها
ندى: محمد ياشينك وش اللي تشوفها وانا ماكنني موجوده
محمد واهو يرقى الدرج: لابس دقايق واجيك
محمد كان يحس بفرق بين أخواته وغلا ... غلا فيها نوع من العاطفه ...انوثه ...حنان ...أخلاق عقل وتربيه ..مب مثل خواته ...يحس معاها انها اخته واهو اخوها ... ويحب يجلس معاها ويسمع رايها ويشاورها أكثر من غيرها
وصل لغرفتها.. ابتسم وطق الباب
محمد: ادخل؟
غلا واهي تفتح الباب : هلا محمد تفضل
محمد: اهليين غلا وشخبارك؟
غلا: الحمدلله
محمد: هاه كيف اختبارك؟
غلا: كويس
محمد: وشصار على طلعتكم ووين رحتو
هنا غلا تلعثمت وماتدري وش بتقول ان كذبت اكيد بيعلمه نايف وان صدقت ماتدري وش ردة فعل محمد
محمد: ماقلتي لي وش سويتو ؟
غلا: مارحنا مكان اختربت السياره في الطريق
محمد واهو عاقد حواجبه: اختربت السياره؟!!!! وكيف جيتي ؟
غلا: وقفو اثنين وصلحو سيارتنا وخلونا ...نروح بسيارتهم
محمد بانفعال: وانا وين رحت؟ وراك ماكلمتيني ؟
غلا: جوالك مغلق
سحب جواله بسرعه من ثوبه وشافه
محمد واهو ماسك راسه: اوووف نسيته ناوي افتحه
غلا: اتصل فيك يطلع لي مغلق
محمد: ومن وصلكم ؟
غلا: سواق صديقتي وصلنا كلنا والولد صلح السياره .. وبعدين ابو البتول راح عنده وشكره واعطاه سيارته
محمدبتفكير: والله اني قايل مايصلح تروحون
غلا : حرام عليك ماسوينا شي
محمد: وطيب منهو هالولد ابي احبه على راسه
غلا: ليه؟
محمد: لو انه ماجاكم كان الحين ماندري عنك
غلا: ايه والله باين عليه رجاااال
محمد: الله يعافيه
:::::::::::::::::::::::::::::::::::::::::::::::::: :::::::::::::::::::::::::::::::::::
أبو البتول: الله يعافيك ياخوي والله ماقصرت يا؟
نايف: نايف ياعمي
ابو البتول: والنعم والله رجال ومن ظهر رجال
نايف: لاابد ماسوينا شي كلنا لبعض
ابو البتول: معليش تعبناك معاهم السموحه منك يانايف
نايف: لاابد ماسوينا اللا الواجب وهذي سيارتكم
ابو البتول: الله يعافيك ياولدي
نايف: الله يبقيك عمي
اخذ سيارته اهو مع جلوي وركبو بيروحون لبيتهم
جلوي: والله شي مدري وشلون هالناس تخلي بناتها تطلع
نايف: ايه والله صعبه اطلع اختي هالوقت
جلوي: هذا غير اللي يحادهم بسيارته بعد
نايف احترقت اعصابه ... اكره ماعنده يسمع قصص مثل كذا عن شباب يتحرشون ببنات
نايف: ايه والله مشوهين سمعت البلد هالاشكال
نايف بقهر: من جد شي يقهر
جلوي: مدري متى بتنقرض هالأشكال
نايف: لو انه في وعيه كان علمت عليه الهيئه
جلوي: همج وحطيت عندهم سيارة بنات توقع كلشي
نايف: والله شرهتي على هالأهل كيف يطلعون بناتهم بلحالهم
جلوي: دنياك عجايب
نايف : بس كلشي بكووم وبنت خالتي اللي معاهم بكوم
جلوي: متأكد ؟
نايف: اقول لك نفس الاسم غلا بنت سلطان بن ........
جلوي: غريبه واهي ماتكلمت
نايف: ماتوقع عرفتنا
...................................
:::::::::::::::::::::::::::::::::::::::::::::::::: :::::::::::::::::::::::

انتظر ردودكم ان شالله ماتندمون عليها وتعجبكم بس انتم اعطوني وجه شوي عشان اكملها
آآآآآآآآآآآآآسففه ع التأخير وربي عاارفه طولت عليكم
آآآآآآآآآآآآآآسفه

والصراحه نتايج الاستبيان مرره شجعتني
وهذا غير ردودكم الحلوه شاااااااااااااكرتكم فردا فردا
والباقي لعيووونكم

لامارا · 26-12-13, 04:31 PM

الـــــــــــــــــــــــ جزء الرابـــــــــع

<<<<<<بعد فتررررهــ اسابيييييع
<<<في لندن
كانو طالعين من بعد دوام المدرسه ...على الكراسي اللي قبال المدرسه ...عند مخرج الطلاب
زايد باستغرااااااااااب: انت من جدك؟
تركي: زايد بالله علمني تحب لك وحده وتهيم فيها اخر شي تضيع من ايدينك عشان دراسه ول وظيفه ماحد بينفعني ان راحت
زايد: طيب ديما موافقه ؟
تركي: ايه هذا كلامها ... انا اليوم ان شالله رايح اكلم ابوها
زايد: طيب ...والوظيفه؟
تركي: الله بييسر مابقى شي وخلاص ابرجع للسعوديه ليه اجلس زياده هنا
زايد: والله وظبطت اللغه وبترجع للسعوديه ومعاك عروس من قدك
تركي: شفت كيف خلك ذكي مثلي
زايد: ساعات اقول ماعندك سالفه مدري وش تبي من الدنيا وساعات اقول انا لو افحط ماصرت مثل تركي
تركي: هذا كله غيره منني حبيبي
زايد: خخخخخخخخخخ طيب خلنا في المهم بتروح اليوم؟
تركي: ان شالله
زايد:وبعذركم اليوم كل واحد مستحي من الثاني
تركي: ههههههههه شدعوه لالاعادي ...
مرت قباله ديما ...ماسكه في يدها ..الكتب ..توها طالعه ...
زايد: اييييييييييوا قزها لااوصيك هعهعهعع
تركي: اعقل تراها بتصير زوجتي

زايد: ياخوفي ماتاخذها ويصير فيك شي
تركي: فالك ماقبلناه
زايد: الله يوفقكم
تركي وهو ينادي: ديماااااااااااا
ديما وهي جايتهم : هلاوالله تركي
زايد: احم اروح؟
تركي: لالاخلك جالس
ديما: هههههههههههههه
تركي: وش سويتي في اختبارك اليوم؟
ديما: والله الحمدلله
تركي: الحمدلله ...
زايد: اقول ديما ابوك متى بيفضى اليوم؟
ديما : ليه؟
زايد: تركي وده يزوره ويتعرف عليه
ديما باحراج: أي وقت
بعد فترة صمت
ديما ووجهها احمممر: انا استاذنكم
تركي: مع السلامه
زايد: ههههههههههه امووت عالأفلام الهنديه
تركي: انقلع احرجت البنت
زايد: بس شف كيف ؟... خليتها تدري انك بتروح اليوم
تركي: لاياشيخ ؟؟ احلف
زايد: هههههههههههههههههه
.....................................
ديما وصلت للبيت واهي مبتسمه وفرحااااااانه حاسه الدنيا مب قدتها لكن لايمكن تعلم احد بها الشعور بالراحه
ابو ديما(طارق) كبير في السن وماعنده غير ديما اللي امها جابتها وتوفت من بعد ماجابتها ....وعندهم مربيه جايبينها للبيت ...جو لبريطانيا عشان ابو ديما عنده شغل هناك ... لشركاته ...
ديما واهي تحب راس ابوها: السلام عليكم
ابو ديما: هلا بنتي ..وعليكم السلام...فرحانه اليوم ؟
ديما بانحراج : ايه امتحاني اللي قدمته حلي كان حلو فيه
ابو ديما: الحمدلله ...
ديما:وش تبي غداك؟
ابو ديما: متغدي مع واحد معنا في الشغل
ديما: هني وعافيه عليك
ابو ديما: الله يرضالي عليك يابنتي
ديما: يالله اجل انا تعبانه وابروح اريح
............
دخلت غرفتها وقامت تفكر بكلامه وبعدها نااامت
.........................
تركي: اليوم
خالد: من جدك انت؟
تركي: خالد الموضوع هذا تفاهمنا فيه من قبل
خالد: تركي توك على الزواج ...مب انك حبيت لك وحده خلاص
تركي: معليه ...انا ماقلت اباخذها بدري يمكن بس خطبه مابيها تضيع منني
خالد ببرووود: انشوف وقتها .(وهو يطلع اوراقه من شنطته)..علم عبدالله وخله يروح يخطبها معانا
تركي: ايه عبدالله بيجي
خالد: ومتى؟
تركي : الحين
خالد: وبعذره يقول بيجينا اليوم واقول غريبه
تركي: المهم يالله الحين خلنا نروح
......................
ابو ديما: هذي الساعه المباركه اللي عرفناكم فيها ...وتركي رجال والنعم فيه
خالد: الله يعطيك العافيه ان شالله ...شارينها بنتكم لسمعتها الطيبه وطيب وكرم اصلها
ابو ديما: بس امهلونا كم من يوم ابعرف راي البنت قبل
عبدالله: الله يكتب اللي فيه الخير
ابو ديما: ترى العشا عندي
عبدالله: لاوالله مانبي نكلف عليك يابوديما
ابو ديما: لاتخلوني احلف ...ان شالله قريب بتصيرون نسايبي ..ماتعشون عندي وش هالحكي؟
حطو عشاهم ...أعجب في تركي ...واخلاقه ... بس عشان راي ديما وطبعا انتم عارفين رايها
..............................
ديما: اللي تشوفه يبه
ابوديما: الراي رايك ياديما انتي تشوفينه دايم ..رايك انتي انا مااقول اللا رجال والنعم فيه ولد اصل
ديما انحرجت واسكتت
طبعا فهمها ابو ديما انها موافقه ...حددو موعد زواجهم ...
طبعا تركي انتهى وقت جلسته في لندن ... وتوسط له خالد على الدراسه في ارامكو ورجع للسعوديه .... الكل بارك له على خطبته
والكل استغرب ...تركي صغير واخر واحد ممكن يفكرون انه بيصير ابو عيال...لكنه اثبت لهم انه قادر وقد المسؤوليه ...رتب مكان سكنه في الدمام وبدت دراسته في ارامكووو
في بيت أبو نايف (سعود )
ام نايف (منيره)
أكبرهم (نايف عمره 25 سنه )
(جلوي عمره 23 )
(منصور عمره 18سنه)
(الوليد عمره 16 سنه )
(شوق متزوجه وعندها بنت )
(مشاعل 19 سنه )
أبو نايف صاحب عماير وشقق ايجار ...ومضارب كبير ومعروف في سوق الأسهم .. صحيح انه تاجر ومعروف ..لكنه فنفس الوقت متواااضع وخلوق ومعود عياله على نفس الطبع
في صالة بيتهم الفخمه ...الأثاث .. الأزرق والموف والتركواز ... والاكسسوارات اللي ماليه مكانهم ...وعلى لون الجدار السماوي الرايق ... ومن ورا الدريشه المطله على حديقة بيتهم الكبيره
كانو جالسين ام نايف ومشاعل وشوق ....
شوق: اقول مشاعل بسرعه شفري هالقنوات ترى بيجي نايف الحين
مشاعل واهي ماسكه الريموت و معصبه: وشدخله ؟ مايبي يطالع لايشوف
شوق: هههههههه ايه عشان يوريك شغلك تراه بيجي الحين
ام نايف: شيليها يامشاعل
مشاعل لفت على امها بعصبيه : يمه والله مب حاله ونايف ووش دخله ابوي هو؟
ام نايف بحزن: ياعزتي لأبو نايف بس لو انه بصحته كان صار الآمر والناهي
مشاعل: الله يشفيه بس نايف ماله شغل بالقنوات
ام نايف: اقول احذفيها لايجي اخوك ويشوفها كله خايف عليكم من هالمناظر
مشاعل بضيق: طيب طيب
ام نايف: ورتبو الصاله ترى نايف على وصول
رتبو صالتهم واجتمعو كلهم
نايف وجلوي دخلو
نايف: السلام عليكم
الكل: وعليكم السلام
ام نايف واهي توسع له : تعال ياولدي جنبي
نايف: وشخبارك يمه اليوم؟
ام نايف: والله الحمدلله
نايف: وابوي عسى صحته أحسن؟
ام نايف: الله يشافيه ان شالله
نايف لف على شوق: ياحيا الله شوق غريبه جايه من بدري بالعاده تجين على المغرب
شوق: لاوالله عبدالمجيد مشغول اليوم قلت اجي عندكم
جلوي: ووين بنتك يارا لي يومين ماشفتها
شوق: وياحبك ليارا خلها نايمه
جلوي: لابروح اصحيها
شوق: جلوي خل البنت بالموت نومتها
جلوي وهو يرقى الدرج: ايه ان شالله مابتقوم بس كم من بوسه واخليهاهههههههه
شوق: ياربيي يمه بيوعي البنت الحين
ام نايف تجاهلتها : ولدي يانايف ووش فيك؟ شكلك تعبان
نايف وهو مغمض عيونه ومسند راسه على الكنب: ايه والله تعباااااااااااان تعبااان
ام نايف راحت عنده ومسكت يده : سلامات وشفيك
نايف : مصدع والله يااني اليوم انكرفت كرف
ام نايف حطت راسه في حظنها بحركه تعود عليها من امه تدلك راسه مثل العاده : وليه ؟
نايف: بنات طالعين وفي الطريق جاواحد يحادهم ...وتصادمو واخرتها انقلبت سيارة الولد
قاطعته ام نايف بخوف: ياحســـــره
نايف: البنات بس سيارتهم تعطلت اخذو سيارتي وانا وجلوي صلحنا سيارتهم وتونا جايين
ام نايف واهي تدلك راسه: الله يهداك ليه تتتعب نفسك كان اتصلت على واحد من اهلهم يتصرف..ماتشوف وجهك كيف اصفر
نايف: والله مب حلوه قلت اصلحها ويوصلون لبيتهم اصرف
شوق: رجال مواقف ماشالله عليك يانايف
ام نايف: طالع على ابوه
نايف فز من مكانه على طول : اللا ابوي وشخباره ؟ ماشفته اليوم؟
ام نايف: ادخل عليه في غرفته
ابو نايف تعبان وعنده شلل وامراض مزمنه ... مايتحرك من فراشه ...من يوم ولادة جلوي وهذا حال ابو نايف ...وماحد شايل البيت ومربي عياله غير ولده وسنده نايف ....كان مثل ابوهم له هيبته ...وكلامه مايتكسر ولازم يمشي ...
دخل على ابوه وحب راسه
ابو نايف اعمى شم ريحة عطر ولده نايف واعز واغلى عياله عنده ابتسم
نايف:مساك الله بالخير ابوي
ابو نايف: الله يمسيك بالنور نايف
نايف: وشخبارك اليوم عساك بخير؟
ابو نايف: الحمدلله احسن وينك اليوم مااشفتك من زمان احتريك
نايف ضاق صدره على ابوه اللي بس يتمنى يسمع صوت نايف كل يوم
نايف: والله تعطلت سياره ناس في الطريق ووقفت اصلحها
ابو نايف: والنعم والنعم والله فيك ياولدي
نايف: جاك الطبيب اليوم؟
ابو نايف: لاماجا
نايف: افاا وانا محرصه عليك
ابو نايف : يقول بكره لأنه اليوم مشغول
نايف: اتصل عليه الحين واجيب فيه العيد ولايهمك
ابو نايف: لالاخله مابيه اليوم بكره يجي احسن
نايف: اللي يريحك
وجلس على طرف سرير ابوه وقام يدلك رجوله (يهمزها)
ابو نايف: رحت للمزرعه اليوم؟
نايف: ايه رحت والله الشغل مرتب ويحبه قلبك
ابو نايف: زين اللي سويت
نايف: اليوم ان شالله بيمددون البيبات حقت المويه ..
ابو نايف: الحمدلله
نايف: وابشرك خلصو العظم حق الفيلا

ابو نايف: الله يبشرك بالخيييير
ابو نايف واهو يأشر :نايف دلك على فوق عند مكان الركب
نايف: واهو يضغط على رجل ابوه: كذا مرتاح .؟
ابو نايف: ايييه الله يرضالي عليك
جلس فتره سااكت ويفكر نايف وده يدري ابوه وش مشغله يبي يشيل هموم الدنيا كلها ويتكفل فيها ولايشوف ابوه مهموم بهالشكل
ابو نايف بتفكير: ولدي يانايف
نايف واهو يقرب له: سم يبه
بو نايف: انت تدري بالحال الكسيفه اللي انا فيها .. ياابوك ..
نايف: عسا الله يعافيك ويشافيك يايبه
ابونايف: واحد كفيف ومشلول مثلي ماينتظر من دنياه غير الموت ...مايسعده غير فرحت أعز عياله .. نايف متى ناوي تتزوج ؟ ابي اشوف عيالك قبل يومي ياولدي فرحني بخبر زواجك
نايف: الصحه والعافيه وطولت العمر ان شالله جعل يومنا قبل يومك الموت ينساك يبو نايف
ابو نايف: الشياب صارو يخطبون بناتهم لك وانا ابوك......... ماحد بيلقى رجال مثلك
نايف تأثرمن كلام ابوه ولو يخطب اليوم أي بنت بس عشان خاطر ابوه يهون عليه
جلس ساكت وماتكلم بكلمه
ابو نايف: وش قلت ياولدي ؟
نايف من بعد صمت وتفكير : الله يكتب اللي فيه الخير ان شالله
وجلسو فتره ساكتين .. ونايف يدلك رجل ابوه ويحط له علاجه
ابو نايف: وقبل لاانسى
نايف: سم طال عمرك
ابونايف: شياب القبيله عازمينك اليوم
نايف: متى؟
ابو نايف: اليوم ان شالله في البر
نايف: اخذك لهم؟
ابو نايف: لالاوالله مابغيت اروح وانا التعب زايد علي هاليومين
نايف: اللي يريحك اروح لهم ان شالله
جلسو ساكتين فتره ابو نايف بالعاده ماينام اللا ان سمع صوت نايف وجاه نايف يدلكه ويعلمه عن اخر اخبار مزرعته واملاكه لأن نايف اهو اللي يتصرف فيها ..غفى ابو نايف ونايف جلس يفكر بكلام ابوه صح ...لازم يتزوج ...اذا مب عشانه عشان ابوه ..امه ... بكره ان ترك الدنيا ... ماتسوى عليه يكمل عيشته واهو مافرح ابوه بمثل هالخبر .... عنده أي بنت يطب ويتخير ماحد بيرفض شاب بأخلاقه ... لكنه مازال مايبي يخوض هالتجربه ...
اول من جاعلى باله غـــلا ...جلس يفكر مانسى ذيك الملامح اللي عذبته واشغلته .. بعد فتره .. رفع راسه على الطاوله اللي جنب سرير أبوه ...كانت موجوده صور ملكة شوق اخته مع زوجها ... وصور للعايله كلها ... فكر الفكره أعجبته ... واهو ليه مايتزوج ؟....بدا موال الزواج يطرب باله ... بعدها تذكر....!! االمواقف اللي صارت بالغلط ...في الزواج واغير الزواج ماعرف يذكر أحد غير غلا ...بالفعل كانت تفتن ... نظراتها ونعومتها ... ويوم تستحي منه في زواج ندى ... هالمواقف تجي على باله بين وقت وثاني ...من غير مايحسب لها حساب .... بعد فتره ووقت من التفكير ..ذكر الله ولحف أبوه بالمفرش .. تنهد....وطلع من الغرفه وسكر الأنوار ...والباب ...

توه بيطلع من غرفت أبوه اللا وقابل امه
ام نايف: خذ هالحبوب ان شالله بيخف راسك عليها
نايف: الله يعافيك يمه
ام نايف: نام ابوك؟
نايف: ايه توه نايم
واهو رايح لغرفته وامه وراه دخل بيغير ملابسه وبياخذ شاور
ام نايف: نايف ولدي
نايف واهو يحوس في دولابه التفت عليها: نعم يمه
ام نايف: متاك بتتزوج نبي نفرح فيك ابوك دايم يكلمني عن هالموضوع
نايف ابتسم : والله يايمه توه ابوي قايل لي هالكلام
ام نايف: وانت ووش رايك؟
نايف: والله اذا الشي بيسعدكم انا ماارفضه
ام نايف بفرح: يعني ادور لك بنت الحلال؟
نايف ترك اللي بيده وعقد حواجبه: يمه
ام نايف: هلا
نايف: ومن ودك فيه؟
ام نايف: بنات عمك والنعم فيهم ..
نايف من غير مايحس: يمه انا حاطها في بالي وماابي غيرها
امه انصدمت وصعقها كلامه ..توها تدري عن ولدها انه يفكر بوحده ياخذها ...ماتوقعت رده ابد ...على بالها بيرفض فكرة الزواج من أولها ... نايف عمره ماكلمها عن هالمواضيع بعكس اخوانه ...وواحد مثل نايف كيف بيحط احد فباله ومايتكلم ؟....
ام نايف: الساعه المباركه ومنهي سعيدة الحظ اللي حطيتها في بالك
نايف جلس فتره ساكت وش يقول ؟ اهو ليه على طول فظح نفسه لكن دام انه خربها فخلاص
نايف: ابي وحده من بنات خالتي ام محمد
ام نايف: بنات ام محمد؟؟والنعم فيهم خوش ماخترت
نايف: طيب يمه كلمي خالتي ام محمد
ام نايف بابتسامه : انا ابشوف لك الموضوع
نايف: الله يسهل ان شالله
ام نايف: تبي غداك الحين؟
نايف: ايه يمه ابي المرقوق حقك ويازينه
ام نايف: ماسويته اللا عشانك
نايف بابتسامه تجنن: الله يسلم لي يدينك
ام نايف: ولاتنسى عزيمت الشياب اليوم
نايف: ه قال لي عنها ابوي ابروح اليوم ان شالله
ام نايف: وغداك ابحطه الحين لاتطول عشان مايبرد
نايف: ان شالله
:::::::::::::::::::::::::::::::::::::::::::::::::: ::::::::::::::::::::::
غلا كانت مسجله بأحد المنتديات في الانتر نت باسم (الغـــلا)... وماتدخل اللا عشان عضو مسجل في المنتدى ويكتب قصايد تعجبها اسمه (رد النــــــــظر) معروف في الموقع كله ان شاعر متمكن ومتميز وكل الأعضاء ينتظرون الوقت اللي بينزل فيه قصايده ... مع الوقت .. اضافته وأضافها على الماسنجر ... كانت تكلمه بكلام صداقه بينه وبينها ... تعلقت فيه وبافكاره المتميزه ... كل ماملت فتحت جهازها وتفرح كثير ان شافته داخل وكلمته .. أعجبت بأفكاره وطريقة تفكيره .. النادره ... باختصار رد النظر صار مثل اخوها اللي ماجابته امها ... كلشي في خاطرها تقول له ..واهو نفس الشي
الشئ الوحيد اللي غلا ماعرفته عن (رد النـــظر)انه يقرب لها وتقرب له وكل واحد منهم متعلق في الثاني .....لاتستغربون (رد النــظر) صار نااااايف بن سعود قريبهم ... ماكانت تدري ولااهو يعرف ومايجي على باله واهي نفس الشئ ...قالت له انها تحب اسم نايف لكنها ماتكلمت ولاافصحت عن شئ عن نايف اللي تعرفه ...حتى اسمها ماعطته غلا قالت له ان اسمها الجوهره لان مب حلوه تعلم اسمها لشخص ماتعرفه
كانت غلا داخله الانتر نت وكعادتها تقرا قصايد رد النظر وطلع لها في الماسنجر
رد النــــــــــــظر
:السلام عليكم
الغـــــــــلا
:وعليكم السلام
رد النـــــــظر
:شخبارك الجوهره؟
الغـــــــــلا
:الحمدلله بخيروشلونك انت؟
رد النــــظر
:ابد الستر
الغــــــــــلا
: الصراحه قصديتك الأخيـــره حللللوه
رد النــــــــظر
: قصدك وفر دموعك؟
الغــــــــــلا
:أيـه نايف وربي كل شوي أروح وأجي عليها
رد النــــــــظر
: والله كله من ذوقك
الغــــــــــــلا
:تراني انتظر القصيده اللي بعدها
رد النــــــظر
: أيــــه ان شالله ابنزلها قريب
الغــــــــــلا
:وش اسمها؟
رد النـــــــــــــظر
: قدها وقدود
الغــــــــــلا
: نايف انت قصايدك خيال ول اشيا واقعيه ؟ يعني فيه وحده حبيتها وتركتك؟
رد النــــــــظر
: لااكثرها خيال
الغـــــــــــــــلا
بس مره خطير ... بتنزل شي اليوم؟
رد النـــــــظر
: اممم لاوالله ماتوقع
الغــــــــــــلا
: لالييييه؟
رد النـــــــظر
: اليوم معزوم عند شياب ابوي فمقدر ادخل للنت
الغـــــــــلا
: اها .... وشخبار أبوك؟ مو اول كنت تقول لي انه مريض؟
رد النـــــــــــــظر
: والله حالته كسيفه بس الله يشافيه ان شالله
الغــــــــــــــلا
: امين ان شالله
رد النــــــــــــــظر
: اليوم امي وابوي كلموني في موضوع الزواج اللي قلت لك عنه قبل
الغــــــــــــــــلا
: ايه ووش صار ؟؟يعني رح تتزوج ؟
رد النــــــــــــــــظر
: اتزوج عشان الوالد والوالده ول أنا مب مستعجل
الغـــــــــــــلا
: الله يوفقك بس لازم تعزمني
رد النـــــــــــــــظر
: اول من يجي انتي
الغــــــــــــــــلا
: خلاص ابدور لك ولايهمك اخليك تتزوج بدري
رد النـــــــــــظر
: حاطها في بالي وماخذها ماخذها ان شالله
الغــــــــــــلا
(باستغراب ) نايف معقوله انت تحب لك وحده يعني؟
رد النـــــــــــــــظر
: مب عن حب بس اخلاقها ...وانا من زمان تمنيت وحده مثل اصلها

الغـــــــــــــــــــلا
: يابختها فيك ماشالله ... باين عليك الاخلاق
رد النـــــــــــــــظر
:أعتز بكلامك
الغــــــــــــــــلا
:ولاتنسانا بالقصايد ان تزوجت ... ههههههه ابكتب فيك موضوع ان رد النظر تزوج عشان ينتحرون البنات
رد النـــــــــــــظر
: هههههه افاا ليه
الغــــــــــــــلا
: بغيب شاعرهم اكيد بيحزنون كلهم
رد النـــــــــــــظر
: لالاانشا الله احب الشعر ومااتركه ولاانساكم
الغــــــــــــــلا
: الله يعافيك..نايف شعرك وراثه؟<<بتفتح مقابله
رد النظــــــر
: ايه انا ابوي وقبيلتي وخوالي اغلبية اهلي معروفين بالشعر
(ام نايف كانت تناديه يجي يتغدى )
رد النظر
: الجوهره انا طالع الحين امي تبيني اتغدا
الغــــــــــــــــلا
: اوكي وسلم لي عليها
رد النــــــــــــــظر
: يوصل مع السلامه
الغــــــــــــــلا
: باي
يعني بتتزوج الله يوفقه ان شالله ويااااااحظ اللي بتاخذه ياليت كل الشباب مثل اصله وطيبه واخلاقه كان الناس بخير الحين ...بس من جد ماتوقعت انه حاط وحده في باله والغريبه انه ماتكلم وحتى قصايده مافيها غزل ... بس مااقول اللا الله يعطينا مااعطاها ماشالله
:::::::::::::::::::::::::::::::::::::::::::::::::: :::::::::::::::::::::::::::::

يتبع......

لامارا · 26-12-13, 04:33 PM

ام محمد كانت رايح تزور جارتها ام سعد...متعودين على بعض واسبوعيا لازم تسير عليها
ام سعد: لاوالله بنت علي مسكيينه امس تطلقت
ام محمد: تطلقت؟
ام سعد: ايه ياعمري هالبنت ...يقولون انهم منظولين
ام محمد: الله يستر بس
ام سعد: اللا ماقلتي لي وشخبار ندى بنتك وزوجها؟
ام محمد: والله الحمدلله
ام سعد: عساهم بخير
ام محمد: الحمدلله
ام سعد: يقول لي سعد ان ولدكم وسشمه؟ (وقامت تتذكر)
ام محمد: منهو؟
ام سعد: ولد زوجك
ام محمد: ايه قصدك تركي؟
ام سعد: ايه ايه تركي... يقول توه جاي من برا
ام محمد: جاللسعوديه وراح يدرس بحقت البترول اللي في الدمام
ام سعد: ماشالله
ام محمد بضيق: وبيتزوج قريب
ا م سعد: يتزوج؟؟؟؟
ام محمد: شايف له وحده هناك ويبي ياخذها
ام سعد: عاد كلشي عندي ولاانهم ياخذون من هالاجنبيات ...
ام محمد: لاسعوديه البنت ..كانو يدرسون مع بعض
ام سعد: ماشالله ...الله يوفقهم ان شالله
ام محمد: ان شالله
ام سعد: والله ياعزتي لسعد ذا الولد مدري متى بيجيه الدور
ام محمد: اللا وشخباره سعد؟
ام سعد: مدري وشقول لك ياوخيتي .. من بعد مارسب في الثانويه العامه المره الثانيه ...بطل دراسه وهذهو بس جالس في البيت لاشغل ولامشغله
ام محمد: افاا وورا مايروح يدرس برا مثل مايسون شباب هالايام
ام سعد: وش يدرس برا افا عليك ابوه اللي بيوديه ان راح برا مب رايح للدراسه
ام محمد: لالاان شالله تفرحين فيه ..وتشوفين عياله
ام سعد: الله يسمع منك...لي الحين ثلاث ايام مدري وينه وجواله مغلق
ام محمد:لاان شالله بخير
شوي ودخل عليهم سعد عمره 24سنه وراسب مرتين ولاعنده حتى شهادة ثانويه ... ... ولعب حتى بالوظيفه مايبي يشتغل ... كان بثوبه المبهذل داخل عليهم ...وريحة الدخان ماليه المكان
ام سعد: سعد ولدي لاتدخل ام محمد موجوده
سعد: طيب ابطلع اصلن مارح اطول
ام محمد: وشخبارك ياسعد؟
سعد: والله الحمدلله بخير ...أقول يمه
ام سعد: هلايمه ؟
سعد: ابروح انام وصحيني بعد ساعتين
ام سعد: توك جاي
سعد بصراخ: طيب صحيني يوه فيها شي؟
ام سعد بحزن: ان شالله ان شالله ماتبي تاكل لك شي
سعد: لالا
وطلع لغرفته
ام محمد ابتسمت ابتسامة مكر وخبث ... والتفتت عليها ام سعد وغيرت ملامحها لشدة الحزن على سعد وعقوقه على امه
ام سعد بضيقة صدر: والله اني مدري وش أسوي مع هالولد
ام محمد: ماله رجا يعني؟
ام سعد: شوفت عينك يام محمد ..لااكل في البيت ولانوم في البيت مدري وينه يروح فيه ...أبيه يتزوج يمكن يتغيربس مين بيرضى فيه مافيه شي زين ابد
ام محمد: اخطبي له ماتدرين عن الناس
ام سعد: مالها داعي نفشل نفسنا اهو بعد مب متحمس للزواج ولايبي يتزوج
ام محمد بابتسامة خبث قعدت تفكر... ام سعد استغربت منها ..جلست تنتظرها تتكلم
ام محمد: عندي لكم عروس وياخذها بأي مهر يبيه ...وااكد لك انها بتوافق على سعد
ام سعد : ومنهي هالبنت؟
ام محمد:اهم شي انه ياخذها وحتى المهر مب لازم تدفعونه
ام سعد باستغراب: غريبه ومنهي هالبنت؟
ام محمد: غلا بنت الجوهره
ام سعد: مااذكرها
ام محمد: ماغيرها السوسه اللي في البيت ماتذكرينها
ام سعد: ذيك الناعمه الهاديه
ام محمد بضيق: مافيه غيرها
ام سعد: تتوقعين ترضى؟
ام محمد: واهو بكيفها أنا اللي ابي ازوجها واخلص منها
ام سعد: وزوجك واخوانها ماظنتي بيوافقون
ام محمد: لاخليهم علي
ام سعد بخوف: لالاياام محمد خافي الله في البنت ماسوت لك شي
ام محمد: مب انتي تبين تزوجين ولدك؟
ام سعد: ياليت
ام محمد: قلت لك المهر مب لزوم انا ابتكلفل فيه ... ومثل غلا مزيونه وماعليها ... خليه يجي يخطبها
ام سعد طبعا اغرتها كذا ام محمد اللي درستها صح: بس؟
ام محمد: لابس ولاشي... خلاص خلي ولدك يجينا بس يسوي فيها رجال والنعم فيه ولايقول لهم انه يدخن .. عشان مايقولون شي
ام سعد تخيلت شكل ولدها معرس واهي جده فرحت ومابغت تخربها ..تحسب ام محمد تبي تساعدها مادرت انه كله انتقام وكره لغلا المسكينه
ام سعد: خلاص اقول له يروح لكم
ام محمد: خلاص خليه يجي متى مايفضى حياه
ام سعد: والبنت أخاف انها ماتبيه
ام محمد: واهي ماتتدخل تاخذه واهي ساكته تمنيت لها واحد مثل ولدك سعد من زمان
ام سعد: وليه ووشفيه سعد؟
ام محمد: والنعم فيه سعد ولد حلال (وفي دالخلها ماصدقت اشوف ولد ظاايع ورايح فيها مثل سعد عشان افتك من غلا)
ام سعد: الله مير يعافيك
ام محمد : يالله اجل ابمشي انا
ام سعد: لاتوك مسرع ماجيتي ومسرع ماتروحين
ام محمد: والله ورانا اشغال اليوم ..المره الجايه ان شالله
ام سعد : ان شالله
ام محمد:مع السلامه
ام سعد: مع السلامه
أخير ابفتك من هالسوسه من غلا والله سعد اللي بينفع فيها كفوها سعد ......

:::::::::::::::::::::::::::::::::::::::::::::::::: :::::::::::::::::::::::
في بيت ام محمد
ام محمد: مدري والله يافيصل والله مابنلقى لساره مثلك بس مدري ليه تعاند وماتبيك
فيصل: .....
محمد واهو حاط يده على كتف فيصل: خلاص فيصل انا احاول فيها وان شالله ترضى هالمره
ام محمد: ماظنيت احد بيرفضك يافيصل ماعليك منها تزوج ماتستاهلك
فيصل: ياخالتي ان ماصارت ساره ماحد بيصير مكانها
ام محمد: ماتبيك وفرح امك وابوك فيك مب لازم تصير ساره تنساها مع الوقت
فيصل: حبي لساره اكبر من وقت
محمد بابتسامه: صدقني انها بتندم ولو بيدي كان غصبتها بس ابوي مايبيها تتزوج بالغصب
فيصل: كلموها بهالموضوع
محمد: خلها علي انا احاول لك فيها
فيصل بحزن: رد لي خبر ان صار شي
محمد: تطمن
ام محمد: انا اقول لكم رايها الحين كل اللي يخطبونها تردهم بس.....ان شالله توافق
محمد: مب على كيفها منيب ملاقي لها واحد مثل فيصل
فيصل: يالله اجل انا اطلع وان صار شي علمني
محمد:خلها علي
طلع فيصل واهو حزين وضااايق صدره اللي قاهره عنادها اللي ماله سبب واضح
محمد:تحسب المسأله لعب؟ تاخذه غصب عنها
ام محمد:مدري عنها حاولنا فيها مب نافع
محمد:مب بكيفها عشان تاخذون رايها
راح ركض لغرفتها منقهر من حركتها اللي مالها داعي
ام محمد: محمد ترفق على البنت
محمد: تخسى
.................................................. .................
ساره: نعم؟ وهذا اللي اسمه فيصل تبونني اخذه
محمد: تاج راسك فيصل

ساره: نونوسوري ماابيه
محمد: مب بكيفك
ساره: وليه مين بيغصبني يعني ؟
محمد: بدون شي انتي بتاخذينه غصصب
ساره: لااااااامعليش
محمد: ترا خطابك بيقلون ومانبيك تقعدين ول تعنسين لازم تتزوجين وبعدين لو واحد غير فيصل كان حقرك الحين
ساره: قاص على نفسه بسالفة الحب؟ مسوي لي روميووو ومن غير جولييت ههههههههه
محمد واهو مكتف يدينه: احترمي الفاظك دامني محترمك
ساره: واااو لهالدرجه معجب باللي اسمه فيصل؟
محمد مد يده عليها وصفقها كف طاحت على سريرها منه
ساره قمت بصمود وقوه حطت يدها ع خدها: وجع يوجعك ابخلي هالكف ثمنه غاالي يامحمد
محمد بصراخ ماعرف يمسك اعصابه : ساره لاتخليني أتفق على وقت الزواج
ساره قامت تصيح من القهر لكن لايمكن تترك غرورها الزايد: مب على كيفك ان صرت ابوي تعال تحكم فيني
محمد: انا قلت لك لاتخليني اتفق على وقت الزواج
ساره بصياح: اللي قاهرني مادري وش زود هالفيصل عن العالم
محمد:فيصل تاج راسك وانتي ماتسوينه بس قلبه مارحمه ...والشئ الثاني ماتبين انتي لافيصل ولاغيره
ساره: ماحد عاجبني
محمد: انتي مابيعجبك العجب بس خلي غرورك ذا ينفعك بعدين
ساره: ماتقدرون تسوون شي
محمد: تتحدين يعني؟
هنا ساره ضعفت برغم قوتها: اتوقع اننا نتكلم عن زواج ومستقبل واشيا مافيها تحدي
محمد: هذا الأسلوب اللي نعامل فيه الأطفال عشان يرضون
ساره: لاتحااااول فييييييييييصل لاااااااا
محمد: مين في بالك ؟ ياساره علميني ؟
ساره سكتت ولاقدرت تكمل لفت وجهها وحمر وجهها استحت من كلامه
محمد لفها جهته وقال بصراخ: يعني حاطه واحد في بالك ؟ طييييييب
ساره تداركت نفسها: نعم ؟احط واحد ؟ وليه من زين عيال خالاتي ول من زودهم عن الناس
محمد: ان عنستي ذيك الساعه بتنذلين عند عيال خالاتك هاللي حاقرتهم
ساره: لاتفاول علي
محمد: هذا اللي بيصير لك ... مااقول اللا الله يصبر فيصل
ساره: فيصل وفيصل ..مليت من سيرت هالانسان اكرهه ياناس وش ذنبي يحبني من وهو صغير وش ذنبي ؟؟اخذه بالغصب يعني ؟ مارح اخذه
محمد: تاخذينه غصب عليك
ساره سكتت وقامت تصيح مهما اغترت ول اظهرت قوتها بالأخير اهي ضعيفه ..واضعف من محمد اللي بيقدر يغصبها ...على الزواج ....
ام محمد: الله يهداكم صوتكم موصل لتحت
محمد: انا ادري عن بنتك ذي؟ مثل البزر حتى مصلحتها ماتدري وينها
ساره: مصلحتي بعيد عن فيصل
محمد: انتي ولاكلمه
ام محمد:..............
محمد: اقول يمه انا ناوي احدد معاه وقت الزواج وليتك تجين معي
ام محمد: هد اعصابك يامحمد
محمد: مع وين اهدي اعصابي واللي عندنا بزران في البيت (وهو طالع من الغرفه قام يتنهد )اعوذ بالله
ام محمد: ساره يابنتي ليه ؟ ماتبينه ؟
ساره: وش اللي ليه ؟ ليه اهو يبيني وش ذنبي ياناس ياعالم ماابي فيصل كيييفي
ام محمد: الله يهداك بس ويرد لك عقلك
ساره: وخلي هذاك الكبير اللي اسمه محمد مايمد يده علي المره الجايه ول بيشوف شي ماشافه
طلعت ام محمد واهي مطنشتها ... ماتدري وش سبب عنادها وغرورها اللي ماله داعي ...
اما ساره ... انسدحت في سريرها وقامت تصررررخ من الصياح ...فيصل فيصل كابوس يلاحقني من ايام الثانوي .. مابيك يافيصل .... ماابي اموت حبي له ...ليتك مكانه يااااا.............(ليه انا المجبوره ..؟؟ مالي ذنب ...مايعجبني ؟...توني بأول مشواري ليه أحطم آمالي ...؟؟.... وليـــه اكون مجبوره ... اذا اهم عاجبهم طيب أنا مــــــايعجبني )

ام محمد نزلت للصاله دق جرس البيت ...وفتحت الشغاله الباب
ام محمد : مين؟
الشغاله: ندى في يجي
ندى دخلت على طول من ورا الشغاله : السلام عليييييكم يمه
ام محمد: وعليكم السلام هلاوالله ندى
وبعد السلام ...
ام محمد:بندر ماجا وياك؟
ندى: لاوصلني وراح يقول بيروح استراحه مع ربعه
ام محمد: طيب يابنتي ياندى ابيك تكلمين اختك ساره فوق
ندى: ليه؟
ام محمد: اليوم جاي فيصل يخطبها ومثل العاده ماتبيه قفلت على نفسها الباب واهي تصرخ من كلام محمد ومحمد طلع من البيت معصب ...وانا مدري وشسوي معاهم
ندى: لاحول ولاقوة اللا بالله ماصار دلع عاد غريبه فيصل ماينرد
ام محمد: ايه والله اني انحرجت يوم جا يخطبها شطوب وجهه تضيق الصدر ... والله رحمته
ندى واهي توقف: خلاص انا ادخل واكلمها
..........................................

انتهى البااارت وربي أمس ما نمت إلا الفجر عشان اكتبه
إن شاء الله عجبكم تستااااهلوووووووووووووووو وون

لامارا · 26-12-13, 04:35 PM

الجــــــــــــــــــــــ ـــــــــــزء الخــــــــــــــــــامس

سعد: اتزووج؟
ام سعد: اييه ياولدي انا ابي لك السعاده في دنياك خلني اشوفك مستانس
سعد: لالالامستحييييل
ام سعد: وش اللي مستحيل؟
سعد: هههههههههههههههههههههههه بالله علييك منهي اللي تبيني انا سعد؟ اتوقع السعوديات هنا مايبوني
ام سعد::.....
سعد: ورااك سكتتي خخخخ اباخذ لي اجنبيه ارخص
ام سعد: والله ام محمد قالت لي على وحده تستاهل ياسعد
سعد: سعوديه؟
ام سعد: مانيب مزوجتك غير السعوديه انا
سعد: الصراحه انا عن نفسي كله وااااااحد سواء تزوجت ول ماتزوجت المصاريف كلها من ورث ابوي وفي كل الحالات انا ماااعندي حتى وظيفه زي العالم
ام سعد: مهر مايبون
سعد: مهر مايبون وش ذولي بايعينها لي بيعه هههههههههههههه
ام سعد: هذا علا كلامها
سعد واهو ميت ضحك: يمه تكفين علميني منهي ذي؟
ام سعد: بنت مرت سلطان ابو الجيران
سعد: الله مشااوييير وتبي تزوج من غير مهر هاه؟ ..اكيد فيها بلا
ام سعد: لالابالعكس البنيه طيبه ومن عايله محترمه
سعد: محترمه تتزوج من غير مهر؟ ول تجي مرت ابوها تخطبها لي؟؟ وش هالبنت اكيد فيها بلا
ام سعد: عاد انا ابزوجك وحده فيها شي
سعد: بس غريبه!!
ام سعد: والله هذيني قلت لك وياليتك توفق
سعد واهو اصلن مو مهتم وقاعد يفرفربالقنوات وماسك الريموت: ايه ايه يصير خير
ام سعد: ومتى بتروح لهم ؟
سعد: ان فظيت
ام سعد: وانت دوم فاضي وش وراك
سعد: يمه بدينا بالحنه ورح اخطب ورح اخطب تونا مخلصين من سالفة ودني لأم طارق والحين اخطبها ؟ بنخطبها بس انتي لاتحنين فراسي
ام سعد: ياولدي ان خليتك مانتب متحرك مااشوفك تحمست مثل باقي العيال
سعد: لأنني ظامن ان محمد بيطردني من بيتهم ان شافني جاي اخطب اخته ههههههههههههههههههههههههه يمه والله مااتخيل نفسي اروح واخطب اخت محمد
ام سعد: وليه انت ماعليك قصور
سعد: انا ماعلي قصور بس هالناس مب أي احد يقنعها
ام سعد : عاد انا ابيك تحرص وتهتم وتعجبهم
سعد: أي أي يصير خير
ام سعد: وش يصير خير تبي تسكتني؟
سعد: وش اسكتك ؟ انا قلت يصير خير فيهاا شي؟
ام سعد: لابس كنك ماتبيني اكمل
سعد: ههههههه الله يهداك يمه انا الحين متحمس مع الفلم وانتي تكلميني بهالمواضيع اللي مالها داعي الحين
ام سعد واهي تقوم: الله يهدااك بس مااقول اللا الله يهداك ويصلحك
سعد: ههههههههههههه دعواتك ان الله يهديني ويوفقني
ام سعد تركته وراحت
:::::::::::::::::::::::::::::::::::::::::::::::::: ::::::::::::::::::
<<<<في لندن
طول في المستشفى له اسبوع ولافيه امل انه يقوم ....عبدالعزيز وبدر اقترحو عليها ترجع معاهم مع ولدها لكنها مصره تجلس عند عبدالله في المستشفى
...يوميا مالها اللا كتاب الله تقرا عليه وان شالله بيشفى ويصحى لكن املها بدا يخف مع الأيام يأست ولازم بترجع بعد اخوانها عندهم شغل...كانو مجتمعين في بيت عبدالله (عبدالعزيز وبدر ولمى
لمى واهي تصيح: يعني خلاص؟
عبدالعزيز: ياختي يالمى والله والله كلنا حاسين فيك بس ان شالله شده وتروح مثلها مثل غيرها الله يكشف عنه ان شالله بس انتي مايصير تقعدين هنا
لمى: واترك عبدالله؟؟؟ لايمكن مستحيل
بدر: طيب احنا نقدر ننقله للسعوديه
عبدالعزيز: انتي وفارس تجون عندنا في السعوديه ...وعبدالله ينقلونه ان شالله
لمى انهارت وكملت صياحها
بدر: لمى والله احسن لك من القعده هنا
لمى: تدري قبل كم اسبوع كان يقول لي انه خلص له كورس كان فرحاان والفرحه ماتقده ...لكن ..تعكر كل شي عليه
بدر: ان شااالله هو بس يتشافى يكمل مابقى له ويرجع لكم احسن من اول
لمى: وش قالو عنه زياده؟
عبدالعزيز: غيبوبه مابيقدرون يحددون متى بيصحى
لمى: يعني مثل الميت؟
بدر: فال الله ولافالك ناس كثير صارت لهم غيبوبه وقامو زوجك مب اول واحد ...وان شالله ماتطول ازمته لاتتشائمين بها الشكل
لمى: وان كننا بنروح متى بتنقلون عبدالله؟
عبدالعزيز: يحلها الله ياام فارس بس انتي تجين معنا الحين
بدر: شوفي حجزنا بعد ثلاث ايام ونبيك تجهزين انتي وولدك وجهزي اغراضك واستعدي
لمى: ان شالله
عبدالعزيز: اثبتي وادعي له محتاج دعائك
لمى: الله يقومه بالسلامه باسرع وقت يارب
بدر: امين ان شالله
راحت تجهز اغراضها بضيقت صدر تشيل لبسها تلاقي تحته تيشيرت عبدلله ....واكثر الأشيا هدايا ومفاجآت

منه ..... يوه دنيا غريبه حتى انت ياعبدالله؟...ياعسى اللي جاك يجيني ولايقربك .... كلشي كلش له ريحه وذكرى من عبدالله احساسها فيه انه ماات وتركها غيبوبه موت بطئ ...حطت راسها على بلوزتها اللي كانت هديه منه وقامت تصيح طاحت عليها دموعها كان شكلها مثل الطفله .... تعوذت من ابليس وتحمدت ربها اهي راضيه وثابته بس اعوذ بالله من الشيطان الرجيم اللي مسبب لي هالافكار ....حطت اغراضها بهدوء وطبعا اكيد ملابس عبدالله تدخل شنطتها قبل ملابسها وحتى اغراضه كل كل شي لعبدالله حتى مفتاح سيارته المحترقه ....
لبست روبها الخفيف وطلعت في البلكونه اللي برا كل شي في هالمكان فيه عبدالله تشوفه بكل مكان وبالذات هالشرفه اللي تطل على منظر رااائع اصبح في نظرها اسود..مايحلى اللا بوجوده ... جلست تتأمل وتفكر بحال دنياها من دونه ووش بتسوي ...لو انه تركها مين بيكون سندها اهي وولدها ....حست بألم خفيف في بطنها دخلت الغرفه صلت لها ركعتين ودعت ربها لزوجها انه يقوم بالسلامه ..
في بيت ابو نايف
كانو جالسين في الصاله الكبيييره ..الفخمه ...
(مشاعل والوليد ومنصور وام نايف)
مشاعل: منصور ... ابي اروح للمكتبه
منصور: وليه ؟
مشاعل: عندي شغلات ماشريتها
منصور وجه نظرته للوليد (يعني قم وودها)
الوليد وهو معصب مثل عادته: الحين ياالوليد ودها وياالوليد جبها مانيب موديها مب لازم تشتري
منصور: خخخخخخ زين اللي فهمت يالله يالخروووف يالله ود اختك وخلك رجال
الوليد: مالخروف اللا انت يالأهبل
منصور: يالله قم لاتخليني اقول اللي مايسرك
الوليد: مانييب رايح بكيفي
ام نايف: نعنبو دارك احنا مانستفيد منك طول الوقت بس تطلبنا وان بغينا منك شي قلت مابي
الوليد : اليوم رايح اودي شوق عند خويتها ...وجبت للبيت خبرواشيامن السوبر ماركت ...وتوني جاي وعلى طول ذي تبي المكتبه يمه والله حااااااله
شوق وهي تضحك على حركات الوليد المراهق: يمه ...تهقين ان ذا بكره بيصير ابو عيال
ام نايف: الله يخلف عليه و على عيال اليوم بس
منصور: استح على وجهك وود اختك
ام نايف: ان ماوديتها حتى روحات لربعك مافيه
الوليد: نعم؟ كلش ولاالربع ...(يأشرلها بعيونه)..اقول.امشي بس خل نمشي
مشاعل: هههههه هذا دواك
ويوم طلعو
منصور: مدري متى بيكبر هالولد مدري متى بيعقل
ام نايف: اييييه كلهم كذا وبيتغيرون ....تذكرين نفسك اول ياشوق؟
شوق: وليه وشمسويت لكم ؟جايبه فيكم العيد مثل الوليد ههههههههههه
ام نايف: كنتي ماتبين شعرك اللا مثل الأولاد ...وملابسك كلها بنطلونات ... حتى اسمك مسميه نفسك مشعل ..سبحان من غيرك بس
منصور: خخخخخخخخخـ سبحان من غيرها ...
شوق: ياحبيلي المشكله كنت واثقه من نفسي مره ههههههه وعاجبتني حركاتي
منصور: بس من جد ترى بلشتنا بهالوليد
ام نايف: بيتغير
منصور: بس مفشلنا عند شياب ابوي القهوه يصبها وهو بها الملابس ...كنه سواق
ام نايف : والله كلمته كلمته مافيه فايده..كلمه جلوي مافيه امل يتغير
منصور: انا اعلمه ووشلون بيعقل ...ويتزن
ام نايف: خله بس ولاتسوي لي مشاكل مع اخوك
منصور: اخبر الشباب بيعقلون شوي اما هذا مدري متى بيحس انه كبير
ام نايف: ...الله يهديه بس
وبعد فتره ...
دخل الوليد ..ومشاعل تصيح ومعصبه وحالتها حاله ...وعلى اصوات ازعاجهم ..
ام نايف: وشفيك مشاعل؟
مشاعل بنفعال: شوفي الوليد والله توني داخله تركني وركب السياره بسرعه وبسرعه وربي ماطولت
الوليد: نصااااااااااابه لي سنه انتظرها واهي تتمشى ...شافت صديقتها وقامو يسولفون ..
ام نايف: الله يهداكم بس
مشاعل: يمه ادبيه يمه عاقبيه
الوليد مسك يدها ولف يمينها : اصغر عيالك انا؟
مشاعل: يمااااااااااااه شوفيه
ام صالح فكت الوليد : ياولد الحلال خل البنت
الوليد وهو يقلد صوت مشاعل: يمااااااه شوفيه ....دلووعه
مشاعل: منزينك ومن زين صوتك
الوليد: هيهيهي شوفومن يتكلم ..ام كلثوم هاهاهاااااي
مشاعل: يمه شوفي الوليد
سمع اصواتهم نايف اللي توه جاي من برا: الوليد ومشاعل وشفيكم ؟
الوليد: لالا مافيه شي ابد سلامتك
نايف: الحين اسمع اصواتكم تناقرون ؟ حرام عليكم ابوي نايم هناك وامي متعبينها
الوليد: لالااابد شوف مشاعل ووشحلاتها ...راحت وتقضت وقابلت خويتها ..وجتكم ..خخخخخخ يالله سلام
وسحب رجوله على طول لأنه عارف ان الخناق راكبه راكبه...
مشاعل وشوق اللي ماتو ضحك على الوليد الخبل لأنه خايف ...
.............................
جلوي توهـ داخل
ام نايف: وينك فيه؟
جلوي: ابد مع الربع
شوق : ويين رحتو فيه ان شالله؟
جلوي: دواره وين بنروح كل مكان عوايل
شوق: هههه ارحمكم
جلوي: اللاتعالي زوجك وينه فيه من زمان عنه؟
شوق : ماجا تعبان وقال يبي يرتاح عاد انا جيتكم وش اسوي بالبيت
منصور: لاعاد تجين ملينا منك ترا كل يوم تاركه زوجها وجايتنا
شوق: عاد والله مب جايه عشانك انا ابي اقعد مع امي
جلوي: ياااااااراا وينها؟
شوق: ياربيه منك خل البنت
جلوي: اباخذها معي اليوم ابروح عند ربعي لبسيها ابكشخ بها
شوق: لااودي بنتي معاك؟ عز الله راحت فيها
جلوي: عاد هو بكيفك انا ماخذها معي ماخذها
شوق: ياربيه منك خل البنت
جلوي واهو يوقف: وينها بسرعه
شوق: برا عند الشغاله تاكلها
جلوي: وليه مخليتها بلحالها مع الشغاله؟
شوق: يوووه بتاكلها بس
جلوي: انا ابوديها احلى مطعم بس انتي خليني اخذها
شوق: ههههههه ماتاكل اكل مطاعم صغيره
جلوي: المهم اني ابطلع لها ملابسها وابطلعها سلااااااااام
شوق تلحقه: جلوي لاتاخذ البنت
جلوي: هههههههههههههه انسي
ويوم طلعو عند المراجيح اللي برا في الحديقه
شوق: جلوي ياشينك ياخي تحب البزران تزوج موب تلعب ببنتي
جلوي واهو ماسك يارا ويحبها: اااااخ ليت من يتزوج الحين
شوق واهي تسحبها: اقول جب بنتي
جلوي: بنتك انسيها ابوديها الحين بعد كاشخه لخالها اليوم سلمي عليها
وق: جلوي ومتى بتجيبها؟
جلوي: عاد متى ماجيت يمكن الساعه 2 وحده ونص
شوق: وحده ونص ؟ ثنتين مجنونه انا؟ البنت فيها النوووم
جلوي ببرود وابتسامه : عاد مشكلتها اذا انا خالها ..
شوق: جلووووووي اعطني اياها
جلوي واهو طالع من البيت : يالله مع السلامه وابوصلها لبيتكم ان خلصت واذا نامت جبتها للبيت باااي
وطبق بالباب وطلع

:::::::::::::::::::::::::::::::::::::::::::::::::: ::::::::::::::::
<<<<بيت ام محمد يوم الخميس الساعه 8 العشا
دق جرس البيت ...
ام محمد تنادي: سااااره قومي افتحي
ساره كانت مشغوله ترتب غرفتها: يممه مشغوله خلي احد غيري يفتحه
ام محمد: غلااا قومي افتحي الباب
غلا: طيب ان شاالله!!
نزلت مسرعه من الدرج
غلا: مين اللي جاي؟
ام محمد: وانا وشدراني؟ قومي افتحي الباب
رفعت شعرها بشكل عشوائي ... لبست جزمة البيت العاديه (انتو بكرامه) وبسرعه راحت ركض للباب
غلا: ميييييين؟
......: افتحي
غلا: مين طيب؟
......: محمد موجود؟
غلا: لحظه ادخلك للمجلس واناديه
فتحت باب مجلس الرجال وراحت بسرعه لباب الشارع بتفتحه على خفيف عشان يمديها تروح
فتح الباب بقووه في وجهها واهي ماتوقعت وقفت بمكانها من الصدمه
.......بنظرااات قووييييه وانبهاارشديد: هلااااااااااااااوالله
غلا مطيره عيونها وخاايفه : لـــ..... لـــ .. حظـــ....ـه أنا دي مـــ ح......مـــد
.......: لامحمد ولاغيره بتروحين تنادينه
غلا: هــ .......اه ...؟؟ نعم؟
......: والله انك خطيييره ان شالله انتي اللي تكلمني عنك امي
قرب من عندها واهو مب حاس بنفسه
غلا حست بنفسها : وخر عني!!
........: مقدر والله مااااااااااقدر

وراحت رككض داخل البيت ... يدها ترتجف من الخوف ... يمه من هذا؟ ....من فتحته للباب وانا مو متطمنه وش سالفته ذا ..... يمه من جد يرووع اهو مع نظراته ....
ام محمد: غلاااااااااا!
غلا: نعم؟
ام محمد: مين اللي جا؟
غلا: مدري واحد يبي محمد
محمد واهو نازل: ايه ايه داق علي من شوي وقال لي انه بيجي
ام محمد: منهو؟
محمد: هههههههههههههه(يغمز) بتعرفينه يايمه لف على غلا " وانتي قومي سوي لنا قهوه ماتشوفين عندي ضيف؟
غلا ومازالت خايفه من اللي صار: طيب

............................................
ضيفهم اهو سعد جارهم ... طبعا محمد عاارف ليه اهو جاي لكن وده يسوي نفسه مب عارف ....سعد من بعد ماشاف غلا واهو مسبووه ماتوقعها كذا بها الجمال كان يحسبها قبيحه لأن اهلها رامينها عليه مثل البضااعه مايقول اللا ان شالله هذي اللي بتكون لي

محمد واهو يصب له القهوه:يالله ان تحييه هذي الساعه المباركه
سعد: الله يبارك فيك
محمد: وش اخبارك؟ ووشعلومك؟
سعد: الحمدلله وانتم شلونكم؟
محمد: والله الحمدلله ... وش الموضوع اللي تبيني فيه؟ عساه خير؟
سعد واهو ينزل الفنجال: خير خير ان شالله ... اسمع يااخوك انا بالصراحه ابي اتزوج ...وما ابلقى غيربيتكم .. ووحده من اصلكم .. وجاي طالب ايد اختك على سنة الله ورسوله
محمد : والله الساعه المباركه اللي نناسبك فييها ياسعد بس اعطنا وقت الين مانشوف راي الأهل وانعود نرد لك
سعد: الله يكتب الخير ان شالله
محمد من شكل سعد واهو مو متطمن له مهما سوت اخته بس مب يعني يرميها على واحد مثل سعد من غير مايسال سمعته رايحه فيها ... حتى اهو له رايي في موضوع مهم مثل هذا .... مهما سوت غلا مب يعني ارميها عند واحد بيسود عيشتها ... بس شكل الرجال متغير اليوم مدري وش قصته
محمد: اقول سعد
سعد: سم؟
محمد: تدخن؟ ول لا؟
سعد بخوف: لالا وش ادخن يااخوك تركت الدخان من فتره
محمد: اهاا طيب والوظيفه ؟
سعد: والله الحين شغال بشركة الإتصالات الين مايفرجها ربك وادور لي على وظيفه احسن
محمد: ماعندك شهادة جامعه صح؟
سعد: لالاوالله ماعندي
محمد واهو يطااالع فيه ومب عاجبه سعد ابد ولاارتاح له: خلاص طيب انا اشوف الموضوع وارد لك
سعد: الله يعافيك اجل ماشي انا الحين
محمد: تونا
سعد: والله ابوصل أمي وراي مشوار الحين
محمد: اييه الله يوفقك اجل
سعد: الله يعافيك مع السلامه
محمد: مع السلامه
طلع سعد واهو يتلفت ويدوور في بيتهم يمكن يصادفها مره ثانيه ويخزها بيعنه بس خاف يكون محمد وراه الحين ويقلبها عليه خلني طالع بكرامتي احسن
محمد جلس في المجلس واهو حاس بالذنب كيف ارمي اختي على واحد مثله انا داري انه كذااب وراعي خرابيط من ريحة الدخان اللي فايحه منه ... وعارف انه يكذب علي ..واحد مثله بادي حياته بكذبه سخيفه مثل هذي كيف بيهون علي اشوف اختى جنبه ...؟؟.... حط يده على رااسه تعب من التفكير ...حس بصداع غريب ياربيه ليت ابوي هنا عشان اشاوره وافتك متى ابزوج هالخوات وارتااااااااااااااح
سمع صوت ضربة الباب دخلت عليه ام محمد بابتسامه
ام محمد: بشر؟
محمد كان يطالع امه بنظرات اللي حاس الدنيا اتعبته وكثرت عليه تفكير: يمه يمه من جدك ازوجها رجال مثل هذا؟ يمه علميني يصلح كذا ول مايصلح؟ (من غير شعوره تطلع الكلمات )
ام محمد بصدمه: من جدك انت؟ اييه ان مااخذها من بياخذ غلا ؟
محمد: يمه مدري مدري ليه مانيب عارف اوصل لشي واحد مدري وين ابرسى فيه
ام محمد: وشوله تفكر؟ ووشوله توصل مب انت مقتنع خلاص؟
محمد: يمه تدرين انه ينصب علي انا اشتغل في الأتصالات وانا وانا وانا ماادخن وانا مدري ايش يكفي انه يكذب علي بعد تبيني اعطيه اختي يمه والله حراام كيف ابوقف عند ربي بكره
ام محمد: اقوول شكله تغغير رايك ..محمد مهما كان هذا اللي بياخذون غلا اختك مسويه اللي ماينتسوى ظنك بياخذها واحد ولد ناس ول ولد حلال ؟ انت ماسويت شي غلط ...واكيد بيكذب يعني تبيه يقول لك ادخن واهو عارف انك بترده ان قال لك
محمد: مدري يمه منيب قادر اوافق مابيه لأختي
ام محمد: اختك؟ وبعد تبي تسميها اختك؟
محمد: يمه خلينا نفكر شوي اهي غلطت وهذا مب اسلوب ان الواحد يعاقبها
ام محمد تضايقت من كلااامه اللي بيحطم كل قصور خططها اللي بنتها : محمد يكفيك ان هاللي جايها كاااااااااااش
محمد بعصبيه: عشان فلوس بعد؟ عشان فلوس؟ لاااايمكن مستحيل وها الزواج مارح يصير
ام محمد خافت من انفعاله اللي بيكون ضد خطتها: احسن بكيفك اذا تبيها تعنس لك وتبلش بها ول تبي ياخذها واحد وتفضحنا عنده تحملها انت المسؤول ..
محمد سكت وماعرف يتكلم قام يفكر بكلام امه
ام محمد: والله بكيفك انا سويت اللي علي والباقي عليك انت جايك عند باب بيتك يخطبها بعد بترده انت المسؤول بعدين ولاتنسى ان البنت تبي الزوااااااااج
محمد: يعني ازوجها سعد؟ هذا كلام؟
ام محمد: والله اذا تبي ترتاح زوجها واذا تبيها تطيح في كبدك خلها فاضحتك اذا هذا يعجبك
:::::::::::::::::::::::::::::::::::::::::::::::::: ::::::::::::::::::

يتبع.....

لامارا · 26-12-13, 04:37 PM

دخل على امه ولافتح معها الموضوع
ام سعد: رحت لبيتهم؟
سعد: بيت مين؟
ام سعد: بيت ام محمد
سعد: ههههههههه ايه ايه ذكرتيني نسيت اقول لك... رحت وخطبتها
ام سعد بفرح: والله؟ ووش قالو لك طيب؟
سعد: ابد وش بيقولون يعني اصبر نشوف رايها
ام سعد: الحمدلله الله يكتب الخير
سعد: يمه حلوه ؟
ام سعد: شويه عليها
سعد: شعرها طويل ولونه مب اسود وجهها نااعم ..لونها برونز فاتح
ام سعد: بسم الله الرحمن الرحيم
سعد: ههههههههههههههههههههههههه ههه بس ليتها تطول شوي زياده
ام سعد: شايفها؟
سعد: هههههههههههه لالالاماشفتها
ام سعد: اجل وشمدريك؟
سعد: خخخخخخخخخخخخخخخخخخخخخ كذا من الله
ام سعد: الحمدلله رب العالمين
سعد: ومافيه مهر اجل؟
ام سعد: على كلامهم
سعد: يووه يمه لو تشوفين محمد اليوم مععععصب منني نظراته كن واحد معطيه كف
ام سعد: ايه مايدري ان امه خاطبتها لك
سعد: ههههههههههههههههههه من حلاتي حتى البات صارو يخطبونني
ام سعد: ايه من حلاتك ومن اخلاقك ماشالله
سعد: ههههههههههه يمه افاا تتهزين فيني؟ وانا ولدك الوحيد؟
ام سعد: لاابد مااتهزا
سعد: هههههههههههههههه ياحليلها ام سعد تجاملني بعد كل ذا خايفه على مشاعري
ام سعد طنشته وسكتت وسعد مات عليها ضحك واستمر يتهزا فيها بهاالشكل
:::::::::::::::::::::::::::::::::::::::::::::::::: ::::::::::::::::::::::
حط عينه على الساعه
الســـــــــــــــــــــا عهـ 8ونصف
(حاط يده على راسه اوووف طولت وانا ناااايم)
وبسرعه للحمام غسل وانتهى على طول لبس القميص الأبيض ...والبنطلون الجينز ...أخذ كتبه وراح جري للقاعه
يمشي سريع ويسلم على الرايح والجاي بيده بسرعه
دخل للقاعه بسرعه ورجع عند كلمة متـــــــــــــــأخر اطلع بررا
تركي: يوووه وانا لازم اتأخر دايم
مشاري: عادي علهوا سوا
تركي: هلااااااااااااانت هنا؟
مشاري: خخخخ شايفك وانت تراكض تبي تدخل وداري انه بيرجعك يالدااج
تركي وهو يسلم : هههههههههه وشخبارك؟
مشاري: والله تمام وشلونك انت؟
تركي: والله الحمدلله
مشاري: اقول خلنا نروح من هنا لايجي المسؤول ويكرشني انا وانت
تركي: ههههههه مشينا
مشاري: ابوديك للكوفي حق أخوي توه فاتحه
تركي: يالله بس تراني
مشاري قاطعه: مطفر داري انا ابدفع عنك يالقعيطي
للتوضيح مطفر=مخلصه فلوسك) (قعيطي=بخيل)
تركي: حلو انك فاهم
ركبو السياره
مشاري واهو يحاول في مفتاح سيارته : وشفيها؟
تركي: خربانه؟
مشاري: مدري ابشوف
تركي: الكفر الكفر الله يعافيك شوفه
مشاري: افااااااااااااا يووه مافيني اصلح
تركي: انا وانت بسرعه
وجلسو على كفرهم لهم نص ساعه
مشاري: الله يعافييييييييييك
تركي: ماسوينا شي
مشاري: ابروح اغسل يدي واجيك
تركي تذكر اخته اللي بلرياض شاف الساعه حول التسعه اكيد طلعت من القاعه الحين خلني اتصل فيها
غلا: هلاوالله
تركي: ياهلاا فيييييك بشري
غلا: الحمدلله كويس
تركي: متأكده من حلك؟
غلا: ايه الحمدلله
تركي: يعني مب صعبه اسألتهم هالمره؟
غلا: لالاالحمدلله فيه بس مب مثل الرياضيات ول الكيميا مثلا
تركي: ايييه الحمدلله هانت مابقى كثير
غلا: وكيف جامعتك؟
تركي :...........
غلا: الوووو تركي
تركي: لحظه شوي
حط الجوال على جنب وسلم على خاله (أبو ديما) اللي يشتغل في جامعتهم
تركي: ياهلاوالله خالي
ابوديما: هلافيك شلونك تركي؟
تركي: والله الحمدلله
ابوديما واهو يرفع نظارته الشمسيه: اشوفك مب داخل المحاظره
تركي: هاه؟... لابس كفر خويي خرب وجلست اصلحه اصلن شوي وبتخلص
ابوديما: اييه انتبه ارامكو مب مثل التقنيه
تركي: الله يعين ان شالله.....و و...وشخبار ديما عساها بخير؟
ابوديما: هههههههه والله الحمدلله هذيهي تسلم علييك سلااام كثير
تركي بابتسامه : الله يسلمك وياها
ابوديما: وابيك اليوم في بيتي ابكلمك عن هالموضوع
تركي: ليه فيه شي؟
ابوديما: لالاابد بس ابتفق معاك عن موضوع الملكه
تركي: خالي

ابوديما: سم
تركي: والله ياليتك تأجل هالمكله فتره اقلها كم من اسبوع انا والله ودي اكلمك بس مافيه فرصه مثل ماانت شايف
ابوديما: ليه؟ خير ان شالله فيك شي؟ الأهل فيهم شي؟
تركي: عبدالله اخوي مسوي حادث وداخل في غيبوبه وانا والله ماابي اسوي ملكتي بهالظروف
حط يده ورا ظهر تركي: الله يقومه بالسلامه ان شالله واللي يريحك يصير بس دعواتكم له
تركي: الله يشفيه ان شالله
ابوديما: ووينه فيه بأي مستشفى ؟
تركي: بينقلونه من لندن للرياض في مستشفى******
ابوديما: الله يعافيه مايشوف شر
تركي: ماتقصر يابوديما
ابوديما: ماسوينا شي
راح ابو ديما بيكمل اشغاله اما تركي انشغل بموضوع الملكه وقام يفكرقطع عليه مشاري
مشاري: هذا خالك؟
تركي: ايه هذا هو
مشاري: شكله جااااااد
تركي: لالابس كشكل ول رجال طيب ماشالله عليه
مشاري: ههههههه اقول ماعنده بنات غير حرمك المصون؟
تركي: هههههههههههه لاماعنده
مشاري: افاا وانا اقول زين بعد يتوسط لي اتخرج بسرعه من هالأرامكو وبعدها عروس من قدي بس شكلك ملحس القدر كله
تركي: ههههههههههه اقول انطم
تركي حاط يده على راسه : اووف نسيت اختي معاي عالجوال
مشاري: هههههههههههه اله يبلشك انتظرك بالسياره
تركي: هلاغلا
غلا: وينك؟
تركي: هههههه لابس توني مقابل ابوديما وسلمت عليه
غلا: بتجي هالاسبوع؟للرياض؟
تركي: ايه ان شالله ابشوف موضوعي مع ابوي
غلا: ايه تعاال يليتك تجي
تركي: ليه صاير لك شي؟
غلا: لابس اشتقت لكم
تركي: واحنا اكثر
غلا: وشخبار ديما؟
تركي: توهم جايين من لندن واليوم سوو حفل عشان ابوها شكل منصبه كبير في أرامكو
غلا: اخس والله وعرفت تختار وين زوجتك خلنا نتعرف عليها
تركي: هههههه اصبري لي واجيبها لك للبيت بعد
غلا: ايه اششوا .. وبتجي اكييد؟
تركي: ايه ان شالله
غلا: كويس اجل يالله باي
تركي: سلام
مشاري: وينك يارجال؟
تركي: يالله مشينا معليش طولت
مشاري: لاتعودها
تركي: هههه ان شالله ماصارت عزيمة كوفي ذي
مشاري: نعم ؟
تركي: خخخخخخ سلامتك يالله بس قداااااام
واهو ماسك الاشرطه
مشاري: قداام ...تبي راشد ول رابح؟
تركي: رااابح صقر
:::::::::::::::::::::::::::::::::::::::::::::::::: :::::::::::::::::::::::::::
رجعت من المدرسه بس غيرت ملابسها انهت مكالمة تركي انسدحت على سريرها ...ببيجامتها الموف كمها قصير وضيقه على جسمها وبنطلونها كان مخطط بالوري والموف والأحمر ودرجاته
طبعا مايكفي اجلس اللا بكرا اوصف في جمالها الرباني مااوفي ..كانت تفكر في نفسها الحين ان انهت الثانويه العامه ..بتجلس عند مرت ابوها طول الصيف؟ عبدالله الله يشافيه بيكون في المستشفى وتركي بيتزوج ان شالله خالد لسسا عليه ابوي ..أبوي؟.. وينه ؟.... بيتركني؟ ول بيوديني مصر .؟.... طيب محمد وام محمد الا متى وانا في مد وجزر معاهم ؟....محمد وش صاير فيه ؟ وش قلبه علي فجأه ...وش خطط ام محمد الجايه ...
قطع جوها
دخلت ريناد عندها وعيونها مليانه دموع لكن مانزلت دمعتها بس واضح عليها الحزن
غلا: ريناد وشفيك؟
ريناد: غـ غـ لا
غلا: نعم ؟ ريناد وشفيك؟
ريناد: غلا وشلون امتحانك؟
غلا بابتسامه: والله الحمدلله زين
ريناد: الحمدلله
غلا: وشفيك تصيحين ؟... ماحليتي كويس باختبارك؟
ريناد: لالا
غلا: اجل وشفيك؟
ريناد: غلا الحين صدق الكلام اللي أسمعه كل يوم؟
غلاواهي معقده حواجبها: وش تسمعين ؟
ريناد قربت من اختها وجلست جنبها على السرير: غلا يقولون انك طلعتي مع واحد يعرفه نايف ولد خالتي صح و ل لا؟ .....غلا انا مااصدق وربي كلهم مصدقين اللا انا غلا لايمكن انا اعرف انك ماسويتي شي بس (وعلى طول طاحت دموعها بحظن اختها اللي حظنتها على طول وكملت تصيح)....
غلا باستغراب: ريناد حبيبتي هدي نفسك شوي
ريناد واهي تشهق: غلا انا حتى مذاكره ماعرفت اذاكر والسبه هالموضوع انا ادري انك ماسويتي شي بس ليه امي تسوي كذا؟ والله انا توني ادري ان امي كل هذا تكرهك طيب ليه ليه؟ ليه محمد اخوي يقول لي هالكلام كل يوم؟ غلا انا والله والله احبك اكثر من ندى وساره وتدرين ان ندى كانت تسوي بلاوي كثيير بس ماترضا لي اعلم احد وانا اخاف منها غلا والله انا ماعرفت الأخوات اللامنك من جد انتي مره حنونه مو مثلهم غلا انا يوم صرت ابديك حتى حتى على امي امي واهي امي ماعندها نصف اللي عندك ... والحين تكذب علي وتبعدني عنك بها الكذبه ليه ؟ حراام والله حراااام
ماكانت حالت غلا اللا اشد من ريناد كل اسألة ريناد نفس اللي تتساأل عنها غلا والثنتين ماحد لقى لها أي جواب ..... حرام البنت توها صغيره مايصير تتضايق بها الشكل واضح عليها انها متأثره ياقلبي ياريناد حتى وانا معاك بنفس البيت الفراق مكتوب علي
غلا ضمتها على طول : ريناد حبيبتي امك ماتحقد على احد ترا امك مررا طيبه بس يمكنها خايفه عليكم ول فاهمه شي وللا سامعه كلام غلط ...لاتحطين فبالك انها تبي تبعدني عنك ووانا مايبعدني عنكم اللا الموت مهما كان هذي مرت ابوي وانتم اخواني ...<<<طبعا الكلام اللي تقول مب اللي طالع من قلبها كله عشان المسكينه ريناد
ريناد: يعني مارح تتركينا؟
غلا بابتسامه مصطنعه: اكيد ياريناد
ريناد: طيب انا مو بس كذا ... حتى لو تزوجتي؟
غلا استغربت كلامها : وليه؟
ريناد: ابقول لك شي بس ترا لو يعرفون اني علمتك بيذبحونني امي ومحمد .. بس انتي في النهايه راح تدرين
غلا: وشو؟
ريناد: غلا شفتي اللي امس جاي للبيت؟
غلا: ايه
ريناد: تراهو جاي يخطبك من محمد ومحمد شكله متردد وامي تحاول فيه
غلا طااارت عيونها مستغربه
(عشان كذا تقول خطط ومدري ايش اجل عشان تزوجني ...بس من جد وقـــح اللي امس يخووف وانا ماافكر بشي اسمه زواج دام ام محمد ورا هالفكره اكيد انها تبي تفتك ...ياحياااااااااااااة الشقى )
ريناد: وشفيك سكتتي؟
غلا: لالاانا مستحيل مارح اتزوج
ريناد: مادري هذا اللي سمعته
غلا: طيب انتي متأكده؟
ريناد: ايه والله حتى بيعلمونك انا متأكده
غلا: ايه صار خير انا اعلم اخواني واشوف
ريناد: و شو؟
غلا: لالاولاشي...يالله انتي بس تعوذي من ابليس وغيري ملابسك توك جايه من المدرسه وذاكري كويس عشان تنجحين ...ولاتحطين هالافكار ببالك هذا الشيطان ... (بابتسامه)واوعدك ان جبتي نتيجه حلوه اجيب لك اللي تبين
ريناد: والله؟ اجل خلاص ابذاكر
غلا: هههههههههههه
انطفت بسمتها من يوم ماتذكرت كلام ريناد حاولت تكتم عبرتها ...وتقنع نفسها ان اللي في بال ام محمد مستحييييل يصير الدعوه موب فوضى ابوي ان شالله بيجي قريب واخواني بعرفون رايي ومارح يزوجونني
محمد يناديها(ياغلااااااااااااا� �ا!!)
غلا حست بسرعه : نعم محمد|؟
محمد: تعالي في الصااااله
غلا: ان شااااالله
واهي جايه ركض دخلت على طول لصالتهم (محمد وام محمد وغلا بس)
كان جالس ويطالعها بنظرات غريبه ...حااااااده قصده ماوضح لها في البدايه اما ام محمد الابتسامه ماتفارقها حااسه بالنصر وان كلشي بتقدر تحققه
غلا: السلام عليكم
محمد: وعليكم السلام
غلا: خير وش بغيتو؟
محمد واهو رافع حاجب: خير خير ان شالله انتي بس اقعدي ابكلمك بموضوع
غلا واهي تجلس:سم
محمد: فيه واحد جاي يخطبك منني
غلا حمر وجهها واستحت شوي عقدت حواجبها بعد صمت خيم عليها: يخطبني انا؟
محمد: اجل انا؟
غلا:................
ام محمد تدخلت عشان مايخرب الموضوع: منادينك مانبي رايك..الولد ولد نااس والنعم فيه بس بغينا نعطيك الخبر
غلا حقدت من داااااااخل ومين حظرتها تمشيني على كيفها: ومن قال اني ابي اتزوج؟
محمد: ومن قال انه بكيفك؟
ام محمد: غلاااا مابتاخذين احد غيره
غلا: انا وحده وراي دراسه ووراي مشواار طويل ماافكر اتزوج من بدري واتوقع الشئ هذا راجع لي انا مب لكم
ام محمد: شفت وش تقول يامحمد ولها وجه تتكلم بعد
محمد: غلا الزواج بيسترك وبيخبي فظيحتنا اللي سويتيها حسبي الله على الشيطان ولو انك محافظه على اغلى شي كان ماااحد بيغصبك تتزوجين
غلا عقدت حواجبها: انا فاظحتكم ؟...انا مادري وش اللي مخليك مقتنع بالشكل هذا
ام محمد: وتنكرين بعد؟يابنت الجوهره الخبر واعطيناك زواجك بيصير في العطله الصيفيه واحمدي ربك اللي اقنعت محمد بزواجك
غلاتجاهلت ام محمد وحطت عينها بعين محمد : محمد!! ابوي واخواني اللي من امي (بغت تقولها عشان تحسسه بالفرق) يدرون عن شي؟ يدرون انكم متهميني بشي ماافكر اسويه؟ يدرون انكم بتزوجونني فوق هذا ؟بالغصب؟
محمد: انا وامي حسبت اخوانك
غلا: لو سمحت لاتغلط اخواني مستحيييييل اذا الشي انا ماابيه مستحيل يجبرونني اجل كيف ان كان فيها حياتي الخاااصه ...
ام محمد:اقوول لايكثر والحين دامك جالسه عندنا وساكنه ببيتنا ماحد يعرف لمصلحتك غيرنا واحنا لنا الحق نتدخل في زواجك
غلا: اخواني وابوي دامهم يشمون الهوا مارح يتركونني الحين اعذرهم انا سااكته ولاقلت لهم شي ... كل هذا احترام لك يامرت ابوي وبعدين هذي تربية امي الله يرحمها مكبره عقلي عن هالكلام الفاضي اللي تقولون لي عنه انا اقدر اقول لهم انا مب ناقصه لسان ولا مااعرف اتكلم يكفي كلامك عنني اول صحيح سكت وتحملت لكن ترا مايطول سكاتي دايم انا لو اعلمهم عن اللي اتهمتيني فيه كان علوم ولكم تتخيلون وش بيصير ان عرف ابوي ول أي احد من اخواني
<<<<<<<<<<<<<<<<<<<ياحلـــــــــــ� �ــــــوك ياغلا ن صرتي قويه
محمد: اقوول لاتغلطين على امي كل هذا عشان مصلحتك اللي هذا كبرك وماتدرين وينها
غلا ماقرت تتحمل وعلى طول صاحت: مصلحتي انا ابخص فيها مب انت ولاامك
ام محمد: وتطولين لسانك علينا بعد؟ خير تعمل شر تلقى
غلا طلعت وتركتهم ... محمد انصدم من موقفها ومن وين طلعت هالقوه كلها حتى اهو ماعرف وش بيقول لها ولاام محمد حاولت لكن حجتها قويه .... كره نفسه محمد واهي صادقه بس انا كيف صدقت الكلام على طول وطحت عليها ضرب؟ وانا ماعندي ولادليل واحد قالوها(ان كيدهن عظيم) ليه على طول وثقت بكلام امي وندى وكذبت غلا؟.... ولو انها طالعه مع واحد على مايقولون كان ماجت تقول لي عن سالفة سيارتهم
حط يده على راسه وهو معصبـــ وموصله معاه
ام محمد: ماعليك منها يامحمد بس انت اتفق معاه على الملكه وخلنا نخلص منها
محمد: يمه صدق ان الحريـــم مصيبه كل وحده تخطط على الثانيه الصراحه الواحد احتار معاكم
طلع من الصاله لبرا البيت على طول

يتبع....

لامارا · 26-12-13, 04:42 PM

>>>>>>>>>>في المطار
عبدالعزيز: يالمى خلاص يكفي صياح
لمى: عبدالله تركته عبدالله اتركه واهو بأمس الحاجه لي
بدر: يابنت الحلال بينقلوووووونه للرياض كلها يوم واحد بس واهو ان شالله قبالك
عبدالعزيز: ابروح اجيب العفش
بدر: لمى الحين ابوديك عند امي وماابيك تصيحين لاتضيقين صدرها يكفي يوم درو عن اللي صار له بغت تجيها ازمه
لمى: ان شالله
فارس: ماما وديني عند عمتو غلا
لمى: بعدين يابابا اروح انا وانت مو اليوم
فارس: طيب بابا متى بيجي ؟
لمى: بكره ان شالله
بدر: اركبي السياره وانا ابجيك
طلعت للشارع اخنقتها العبرهـ من يوم ماشمت هوا الرياض وشافت شوارعها وزحمتها وازعاجها يااني اشتقت لك يارياضنا ... والله لو اروح وين اروح مافيه مثلها فديتها وفديت اهلها حتى زحمة شوارعها اشتقتها لكل مافيها
واهم راكبين للسياره
لمى: فارس حبيبي مين احلى الرياض ول لندن؟
فارس : لندن الرياض وع
لمى: ليييييه؟
فارس: لندن احلى الرياض كلها حر
لمى: هههههههه مابتحس بقيمة الرياض اللا ان تركتها
دخل عبدالعزيز للسياره
عبدالعزيز: اجل اشتقتي للرياض ؟
لمى: مالها طعم الرياض من دون الغالي
عبدالعزيز: الله يعافيه
لمى: بس من جد زماااان عن هالشوارع وهالجو تعودنا على لندن
عبدالعزيز: خخخخ مهما رحتي مالك اللا اصلك
لمى: وانت الصادق
بدر وتوه راكب: اقول عبدالعزيز وصلنا عند عمايري
عبدالعزيز: فاظين نروح هناك جهت بيتك ابوديها بيت ابوي
بدر: لاابوريها عمارتي على الأقل بس كذا لفه تشوفها
لمى: اللا وش صار على عمايرك ماكلمتني عنها؟
بدر: افاا عليك مابقى شي وتخلص كلها شهور
لمى: ياحليلك .... وبتخليها شقق؟
بدر: لافنادق احسن لأن راس المال عندي كثير
لمى: الله يوفقك
عبدالعزيزياشر: شوفي هذيهي
لمى بانبهار: ماشالله تبارك الرحمن مابقى شي وتنتهي يابدر الله يوفقك ان شالله
بدر: شفتي اللي بالوسط هذا كله ابخليه حديقه وبالجنب سوبرماركت صغير
لمى: روووعه من جد اذكر اخر مره كانت عظم بس الحين ماشالله انبنت
عبدالعزيز: ههههههههه لاتخافين شوي وتطيح اسهمه ويوقف بنا كم من اسبوع
بدر: لاتفاول
لمى: هههههههههههه لالاماشالله عليه جعل اسهمه تكسر الدنيا بالارباح
بدر: ان شالله واهو يطالع عبدالعزيز والله يفكني من عين اخوك
عبدالعزيز: خخخخخخخ افاااا لالا ماانظل على عماير انا
بدر: ايه مره
لمى: وحتى هالطبع اللي فيكم ماتغير ؟
عبدالعزيز: مستحيل
لمى: من يوم انتم صغار وانتم تناقرون وتتطاقون بنفس الطريقه
بدر: انا ادري عن اخوك عقله مايكبر
لمى: هههههههههههههه انا ماقلت لكم طقااقكم مستحيل بيتغير
عبدالعزيز:يالله وصلنا
لمى حاطه يدها على خدها: يوووه بيت ابوي اشتقت له ابوي موجود الحين؟
بدر: ايه هذي حزته يالله الحمدلله على السلامه
الكل: الله يسلمك
قبل ماتنزل كانت تطاالع بشكل البيت اللي ماتغير الله لايغير علينا بس ياحبي لها البيت واللي فيه اشتقت لهم كلهم
ام بدر: هلاوالله هلا ببنتي يالله ان تحييها
احضنت امها بقوووه اشتاقت لها الأم الشوق للأم كبير يزيد يوم بعد يوم حتى واهي بقربك تشتاقها اجل كيف ان ماشفتها اللا بعد سنوات ول شهور
الشوق مثل الصحاري مهما كابرت وحسيت انك في غنى عنه يجبرك تضعف وتحتاج لمطر يرويه ويسقيه ويحلق الطير في سماه...
لمى واهي تصييح: يمه اشتقت لك وربي اشتقت
ام بدر ماكانت اقل من حالت لمى: حتى انا يابنتي والله كلنا مشتاقين لك
لمى حطت ابعدت يدينها على اكتاف امها:وحشتوني والله من زمااان عنكم
ام بدر: ياحبيبتي يالمى اكيد احنا اكثر
وبعد السلام والدموع
لمى: اللا وين ابوي
قاطعها صوته
ابو بدر: ياهلاهلاببنتي هلا
لمى: هلايبه
وعلى طول ضمته ...
لمى: يبه وشلونك ابوي ووش مسوي
ابو بدر: والله الحمدلله يابنتي انتي وشخبارك

لمى: بخير بشوفكم
ابوبدر: ووشلون عبدالله ؟ عساه احسن ؟
لمى طاحت دمعتها وامها على طول حطت يدها خلف ظهرها
لمى من شدة الحزن حطت يدها على وجهها وكملت صياح بشكل قوي وشديد ماحد توقعه وكل اسوار الصمود اللي بنتها انهاارت بها السؤال
ام بدر: لمى يابنتي هدي هدي نفسك شوي
لمى: الغالي هذا الغالي يمه عبدالله من لي غيره من بيعوضني وجوده عبدالله هذا
ام بدر: لالاان شالله ازمه مثل غيرها
ابو بدر: متى بينقلونه؟
عبدالعزيز: اليوم ان شالله بيوصل
ام بدر: لمى يابنتي خلاص وامسكتها وضمتها على طول
لمى: والله والله لو يجيني انا ماجاه احسن ارحم لي من هالحال
ابو يدر: هذا قدر الله ولااعتراض الحمدلله انه انتقل وان شالله يقوم باسرع وقت يابنتي هدي حالك
لمى واهي تمسح دمعتها: ان شالله يبه
اما فارس اللي موقف مكانه عند الباب (مستحي)
عبدالعزيز: فاررس تعال عندي تعال
فارس: خالي ماما ليه تصيح؟ يعني بابا مارح يجي؟ خلاص؟
عبدالعزيز: لابابا بس تعبان شوي
ام بدر: فارس ياولدي اعطني علبة المناديل اللي جنبك عشان امك
فارس راح عند جدته واعطاها وتم ينااظر في امه ويحاول يفهم لكن مستغرب اللي يصير مهما كان طفل لازم دمعت أمه بتأثر فيه وتحرك شعوره ... أكثر من غيره
عبدالعزيز: تعال فارس روح العب مع نوف بنت خالك
فارس: بس ماما ليه تصيح بقوه كذا؟
عبدالعزيز: تعبانه ماما شوي وبتطيب بس انت تعال معي
فارس ودمعته على خده: بس ياخالي انا ابي بابا
عبدالعزيز: لالاماتصيح ول وشرايك اوديك تشتري العااب؟؟
فارس مبتسم: بتوديني؟
عبدالعزيز: ايه يالله
فارس: بس مو حلو حقكم اللي في لندن احلى
عبدالعزيز: ههههههههههههه وانت ووججهك فاهم بعد وتعرف محلاتنا عن محلاتهم اققول امش بس اوديك الحين
فارس: بس البس الشوز اروح اوكي؟ انتظرني خالي ماطول
عبدالعزيز: هههههههه انجليزي بعد يالله كوكلي خخخخخ(ينادي) يانوووووووف !!
جتهم نوف بنت بدر اخوهم بدر لابسه فستان وحاطه ميك اب خفيف على وجهها وعمرها اقل من سبع سنوات
رافعه شعرها بتسرحه بسيطه ومغرووووووووره وتصرفاتها اكبر من عمرها
دخلت عنده واهي رافعه حاجبها
نوف: نعم؟؟؟؟؟؟؟؟
عبدالعزيز: خخخخخ وش ذا؟
نوف: هذا ماما سوت لي اياه حلو؟
عبدالعزيز: والله بنات اخر زمن
نوف: نعم؟ انت وش تقول؟
عبدالعزيز: لاابد سلامتك طال عمرك هههههه تبين اوديك مع فارس
نوف: الحين هذا فارس ؟
عبدالعزيز: ايه هذا ولد عمتك لمى
نوف حطت يدها على خصرها: أممممممـ يافارس
فارس طالعها وابتسم
نوف: و ليه وجهه مليان شوكلاتاته ياااااااااي يقرفني ياعموو عزييييز
عبدالعزيز واهو شايل فارس يغسله عند المغاسل ونوف جالسه تطالعهم : ههههههههههههههههههههههههه هههههه فارس اقرب شوي
فارس: طيب
نوف: اذا غسل يروح معانا صح؟
عبدالعزيز: صح
نوف: اصلن ماما تقول مايصلح احد يطلع من البيت وشكله حوسه

فارس: اصلن انا اغسل بس الحين انا اكلم ماما ماترد علي
نوف: ايه بعد ماما تقول لي اذا انا مشغوله لاتكلمليني كل شوي
فارس: ايه اصلن انا مااكلم ماما كل شوي
نوف: اللا شفتك تو
فارس: لا
نوف: لاتكذب اصلن عيب تكذب
فارس: انا مااكذب صح ياخالي ؟
عبدالعزيز: اعوذ بالله ايه ايه كلكم شاطرين وتسمعون الكلام بس يالله فكونا خل نخلص
نوف: ولاتسوي ازعاج هناك عشان مااحد يقول عيالهم مزعجين صح علي؟
عبدالعزيز: أي أي صح نوف واللي يرحم والديك اسكتي
واهو راكب السياره وفي الطريق وطول الوقت والأثنين يبربرون على راسه

.................................................. .................
لمى رتبت اغراضها وولدها امها اعطتها قرايه وقرت عليها قرآن تخفف عنها شوي ... حاولت تنام مب عارفه
لمى واهي تفكر: ييمه لو تركني عبدالله وين اروح له ؟ ووش اسوي؟
ام بدر: لاتقولين هالكلام يابنتي ولاتفكرين هالتفكير
لمى: يمه خلينا واقعين اجل سمعتي عن احد دخل في غيبوبه وماتوفى بعدها
ام بدر: مافيه شي بعيد عن رب العالمين
لمى: يمه حاسه ان عبدالله محتاجني يمه اشتقت له ابيه جنبي يمه ابي اشوفه
ام بدر: يابنت الحلال لاتفكرين بها التفكير خلاص انتي ارتاحي ومايصير اللا الخير ان شالله
لمى قعدت من بعد ماكانت منسدحه
: يمه ابي اروح له يمه تكفين
ام بدر: يمكن ماوصل للحين
لمى: ابتصل على السفاره ول ابقول لبدر
ام بدر: الله يهداك بس
لمى مسكت جوالها واتصلت على بدر ...اللي توها جايته مكالمه ان عبدالله وصل وفي المستشفى الحين
لمى: يمه ابي اروح له
ام بدر: وصل؟
لمى: ايه توه واصل
ام بدر: اجل خلينا كلنا بنروح انا وابوك وانتي
لمى: يالله بسرعه

:::::::::::::::::::::::::::::::::::::::::::::::::: ::::::::::::::::::::::
<<<<<بيت ام محمد
محمد: ان قلت الكلام تنفذينه
غلا: ماابي
محمد: مب مابي مافيه شي اسمه مابي فرصه هالأسبوع بيجي ابوي عشان اشاوره
غلا: قلت لك انا ماابي فماله داعي تكلم ابوي وانا ماوافقت بالراحه لاابوي ولاتركي ولاخالد ولاعبدالله محد بيرضى دامني مابي اتزوج
محمد: وانا ؟!! ماسحتني من القائمه ؟ انتي تحت مسؤوليتي تفهمين شلون؟ يعني لازم تطيعيني انا المسؤول عنك افهمي
غلا: ماصاارت؟ صرتو تمننون علي لأني معاكم هنا حشى منيب اختك انا امي ماتت خلاص مالي كرامه؟!
محمد: غلا ترا والله العظيم بكلمه ثانيه
غلا سدت اذنها وصرخت من غير شعورها: خلاااااااااااص خلاص يكفي تهديد خلاص!!
(واهي تشهق) لو ...ل ..و أ...مـــ ..ي هنا كان ماصارت المهزله هذي الله يرحمك ياامي بس حسبي الله عليكم ...طلعت ركض ترقى للدرج
وش سويت انا ؟ ابي افهم اقلها خلوني اخلص اختباراااتي بس اخلص قولو اللي تبون اجلو مواضيعكم لبعدين
راحت لغرفتها من غير ماتسمع ردت فعله ولاملامح وجهه
دخلت وقفلت الباب وجلست تصيـــح بحرقه
معقوله هذي دنيا الناس تعيش فيها؟؟ كلها تحولت لأشرار ماعاد فيه اللاوحوش؟ انتهو الطيبين .. مافيه احد يساعد الثاني يكمل عيشته فدنيا تغدر به كل يوم .. ولاحتى الأخو ليه الأخ والأخت صارو مصدر هموم واكبر أعدااء وش العيشه ووش الدنيا هذي اللي الواحد يكبر ويتلاشى يوم بعد يوم ... غلا اللي انتهت حياتها على مرت ابو حسبي الله عليها ... اااخ تعبت انا تعبت اعااني من هالموال اليومي مليييت انا مليييييييييييييييييييت
كانت جالسه على سريرها .. وجهها احمر مشكلتها تترجم مشاعرها وقهرها بالدموع اكثر من الكلام هاديه وهدوئها هذا يذبحها
مازالت الدنيا بخيـــر ومازالو الطيبين عايشين قبل لانفقدهم لازم نكون بقربهم ويكونون بقربنا ساعات اذا الواحد مالقى بجنبه احد حتى من اخوانه يلجأ لاشخاص اهو الوحيد اللي يرتاح لهم
رد النــــــــــــــــــظر
الجوهره وش هالكلام؟ وأي وحوش وأي اشرار تتكلمين عنهم؟
الغــــــــــــــــــــــ لا
نايف خلاص ملييت نايف انتظر الموت اللحظه هذي اكثر من كل شي
رد النــــــــــــــــــظر
طاري الموت هذا ماعاد ابيك تقولينه مره ثانيه علميني وش صاير
الغــــــــــــــــــــلا
ماغير
ردالنــــــــــــــــــظر
مرت ابوك واخوك؟
الغــــــــــــــــــــــ ــلا
ايه
رد النــــــــــــــــــــــ ظر
اهدي شوي انتي الحين حالتك صعبه اقري كتااب الله صدقيني مجربها راح ترتاحيييين وارجعي لي بعد شوي وابيك احسن من كذا
الغــــــــــــــــــــــ ـــلا
طيب
بصوت خاشع وترتيل كانت تقرا سورت يوسف .... انتهت منها حطت المصحف بين يديها وجلست تدعي ان الله يفرجها عليها
رد النــــــــــــــــــــــ ظر
وش أخبارك الحين؟
الغــــــــــــــــــــــ ـــــلا
أحسن
رد النــــــــــــــــــــــ ـظر
الحين علميني وش اللي صار بالتفصيل
:::::::::::::::::::::::::::::::::::::::::::::::::: :::::::::::::::
كانو ينتظرونه في مكان الانتظار
وجابوه بسرير المتحرك من باب المستشفى
دخلوه الغرفه
دخلت لمى وابوها وامها وراه
مسكت وظمته واهي تشوفه فاقد الوعي ومابقى مكان في جسمه مافيه جهاز
لمى: ياعبد الله ارجع لي ارجــــــــع!
ام بدر: تعوذي من الشيطان يالمى
ابوبدر جاب لها كاس مويه وجلس جنبها
ام بدر: الحمدلله على كل حال
شالتها من عند زوجها وجلستها جنبها واعطتها الكاس
لمى حطت يدها على راسها وبصوت واطي : الحمدلله
ام بدربحزن: وشفيك يابنتي علميني ؟
لمى: مدري يمه حاسه بصداااع !! راسي مصدع
ام بدر: تعالي اقرا عليك
لمى: يمه مدري احساس بغثيان شي غريب مب صداع وبس أول مره تجيني الحاله هذي
ام بدر: بسم الله عليك يمه سمي بالله
جلست سااكته وشوي وطاحت على حظن امها
ام بدر: يمه بنتي يالمى ..لمى
ابو بدر: وشفيها؟
ام بدر: مدري شكلها تعباانه
ابو بدر: بسم الله عليها خليني اروح انادي احد
دخلت الممرضه وقاست لها الضغط ونقلتها لغرفه ثانيه
حطو لها مغذي <<<نفسيتها صعبه
ام بدر: ياابو بدر وشفي بنتي اسألهم ؟
ابو بدر: ضغطها منخفض هونيها ام بدر ضغط وبيرتفع ان شالله تعرفين تعبانه من بعد زوجها
ام بدر: يالله ان تعافيهم وتقومهم بالسللامه
دخل عليهم الدكتور وسألوه عن حالتها
د: ان شالله نتيجة الأشعه بتطلع بعد ساعتين
ابو بدر: مافيها شي؟ لأن نفسيتها تعباانه من الأول
د: لالا ان شالله مافيها اللا الخير شوي وبتقوم بس محتاجه رااحه
دق جوال لمى وردت عليه ام بدر
عبدالعزيز: اقول لمى وينكم فيه؟
ام بدر: لمى تعبانه
عبدالعزيز: يمه ؟
ام بدر: لمى وديناها عند عبدالله شوي وأغمى عليها والحين في المستشفى
عبدالعزيز: لاحول ولاقوة اللا بالله الله يعافيها ان شالله
ام بدر: ان شالله
عبدالعزيز: وشخبارها ؟
ام بدر: ضغطها نازل
عبدالعزيز: طيب انا جبت هالمبزره للبيت وفارس قام يصيح علي يبي امه وش أسوي به أجيبه؟
ام بدر: لالاتخليه يشوف امه وابوه كذا بعد الحين يجيه شي
عبدالعزيز: ويعني؟ توهقت ترا
ام بدر: طلعه شف له صرفه بس لاتجيبه
عبدالعزيز: طيب طيب خلاص انا ابتصرف سلامي لك يمه
ام بدر: مع السلامه
سكر الجوال وجلس يفكر
فارس: ودني عند ماما
عبدالعزيز واهو حاط يدينه على ذقنه ومتكي على رجوله : وين تبونني أوديكم ؟
نوف: لامانبي نروح عند امه مانبي
عبدالعزيز: عاد انا اللي ابشاوركم يالله وين تبون تروحون ؟
فارس: ماعندكم نفس لندن انا ابي اروح هناك
عبدالعزيز: والله جيل بعد حتى الرياض تقارنها بلندن
نوف: ودني للسوق
عبدالعزيز: ياشيييييخه احلفي ..اقول قومو ابوديكم عند بدر
فارس: حلو بيتهم كبير؟
عبدالعزيز: اييه كبيير وحلو وفيه بلايس تيشن بعد
فارس: اصلن التيتشر في لندن تقول البلايس تيشن مايصلح تلعب فيه كثير
نوف: انا مااحبه
فارس: لاحلو بس يوجع العيون
عبدالعزيز: ايه ايه طيب وشرايكم تنامون عندهم
فارس: لاااااااا أبي ماما
عبد العزيز: انا لله وانا اليه راجعون
نوف: طيب ليه ماتودينا للملاهي؟

عبدالعزيز: بيسكرون الحين ماحد ينتظركم
فارس: لاااااا أبي ماما
عبدالعزيز: ماما مشغوله
فارس: وين راحت ؟
عبد العزيز: راحت للخياطه تفصل ملابس
فارس: ومتى بتجي
عبدالعزيز: مدري يالله وصلنا
دخل البيت وجلس يلعب بالألعاب الكل يحاول يلهي فارس لأنه ان صااح بس الله يعينهم مدلع الولد
:::::::::::::::::::::::::::::::::::::::::::::::::: ::::::::::::::::

يتبع...........

لامارا · 26-12-13, 04:45 PM

ردالنــــــــــــــــــــ ــــــــظر
مايقدر!!!! صدقيني يالجووووهره ماااااايقدر
الغــــــــــــــــــــــ ـــــــــــــلا
انت ماتعرف محمد ان بغى الشي سواه وبالذات ان تدخلت امه
رد النــــــــــــــــــــــ ــــــظر
مستحيل بيسوي شي ومشروع كبير مثل هذا وابوك واخوانك مابعد درو
الغــــــــــــــــــــــ ــــــــــلا
اجل وش معنى كلامه؟
رد النــــــــــــــــــــــ ـــــظر
يبي يقنعك انه قادر عشان ان جا ابوك يكون قوي وعنده حجج ويتخلص من رفضك
الغــــــــــــــــــــــ ـــــــــلا
المشكله يانايف ان هالولد تشوفه تقول سكراان لاشكل ولاأخلاق اصلن من زماان وانا اسمع اخواتي كل يتكلمون عنه
رد النــــــــــــــــــــــ ـظر
ووش يقولون ؟
الغــــــــــــــــــــــ ــــــــــلا
مره رايح فيهااا سمعت انه يسكر وسفراته لبرا كثيره غير كذا امه مره يعصيها هذا وجه زواج؟
رد النــــــــــــــــــــــ ـــظر
اجل مستحيل رح تاخذينه لو اني مكان اخوانك ول ابوك اول شي ابسأل عن الرجال واذا هذي سمعته من الأول فمستحيل رح يوافقون
الغــــــــــــــــــــــ ــــــــلا
ظنك؟ والله خايفه
رد النــــــــــــــــــــــ ــــظر
صدقيني الدعوه مب فوضى بها الشكل
الغــــــــــــــــــــــ ــــــــلا
انا متأكده انها مرت ابوي وتبي تفتك منني
رد النــــــــــــــــــــــ ـــظر
مااستبعد لكن لاتسيئين الظن فيها
الغــــــــــــــــــــــ ــــــــــلأا
الله يعافيك جد ريحتني
رد النــــــــــــــــــــــ ــــظر
كلنا لبعض وانا موقف معاك بالحلوه والمره بس انتي لايضيق صدرك بها الشكل ولاتقولين موت مره ثانيه
الغــــــــــــــــــــــ ــــــــلا
تسلم.... وش أخبار قصايدك ؟
رد النـــــــــــــــــــــظ ر
لي من زمان وانا ماكتبت شي
الغــــــــــــــــــــــ ـلأا
هههههههه لايكون تصرفني
رد النــــــــــــــــــــظر
أفاا عليك بس الحين هذا وانا اعطيك قصايد خاصه وماأنشرها
الغــــــــــــــــــــــ ــــلا
أي شي جديد ارسله
رد النــــــــــــــــــــــ ـظر
ان شالله
الغــــــــــــــــــــــ ـــــــلا
وش اخبارك انت ووشلون ابوك وش صار على زواجك؟
رد النــــــــــــــــــــــ ــــــظر
والله ابوي الله يعافيه توه جايته ازمه في القلب من السكر وزواجي هههههه تو الناس ان تخرجت منالثانوي الموضوع حتى مافتحته مع خالتي
الغــــــــــــــــــــــ ــــــــــلا
الله يعينكم ... طيب انت بتتزوج بس عشان اهلك ؟
رد النــــــــــــــــــــــ ـــظر
الصراحه ايه صحيح ان البنت بنت حلال وماعليها بس انا الحين احاااول استعد نفسيا وهذا اقل شي بس اللي يحمسني اكثر عشان اهلي مثل ماقلتي
الغــــــــــــــــــــــ ـــــــلا
اهاا
رد النــــــــــــــــــــــ ــــــــظر
الجوهره أذن الفجر وراك امتحان بكره
الغــــــــــــــــــــــ ــــــــــــــلا
نااايف مالي خلق وربي
رد النــــــــــــــــــــــ ــــــــظر
اوكي لاتراجعين الحين عالأقل نامي لك لو نصف ساعه
الغــــــــــــــــــــــ ــــــــــــــلا
ماأبي
رد النــــــــــــــــــــــ ــــــــــظر
صدقيني مااحد رح ينفعك ان ماجت درجاتك كويسه يكفي هاللي مسوده عيشتك بعد تبينها تخرب عليك حتى بالدراسه وأنا اعرف انك متميزه وذكيه ورح تجيبين درجات حلوه
الغــــــــــــــــــــــ ــــــــــــــــلا
يضيق صدري ان ذكرتها
رد النــــــــــــــــــــــ ـــــــــــظر
انتي يالجوهره تضيقين صدرك عشان وحده معرفت مين انتي؟ ماتسوى صدقيني
الغــــــــــــــــــــــ ــــــــــــــــــــلا
ابفتح الكتاب شوي واروح للمدرسه
رد النــــــــــــــــــــــ ـــــــــــــــظر
حلووو يالله اجل روحي راجعي
الغــــــــــــــــــــــ ــــــــــــــــــــــلا
نااايف كيف أجازيك؟\
رد النــــــــــــــــــــــ ـــــــــــــــظر
انا اخوووك ول نسيتي ؟ هالكلام مايطلع بين الاخوان
الغــــــــــــــــــــــ ــــــــــــــلا
ياروح اختك انت تسلم لي
رد النــــــــــــــــــــــ ــــــــــــــــظر(أستغرب كلمتها)<<لكن صدقوني ماتنلام
الله يسلمك
الغــــــــــــــــــــــ ــــــــــــــلا
دعواتك لي في امتحاني ومشكور مره ثانيه وسلااااااااامـ
رد النــــــــــــــــــــــ ــــــــظر
العفو والله يوفقك ان شالله مع السلامه
:::::::::::::::::::::::::::::::::::::::::::::::::: ::::::::::::::::::::::
عبدالله ولمى في السوق الكبير مول كبييير مادخلو اكبر منه طرقه ضيقه وومراته مزدحمه
كانو في محل ملابس نسائيه
عبدالله: اللا قولي لي وشرايك في هالتيشيرت مب حلو؟
لمى: امممم، يعني مب مره
عبدالله: طيب هذا وشرايك فيه تصدقين انه لايق عليك مررره
لمى واهي مبتسمه: والله؟
عبدالله: كل شي عليك بيطلع حلو لكن هاللون مررره لايق عليك
لمى: امممـ
عبدالله: رهيب صدقيني مارح تندمين عليه
لمى: أحمر؟
عبدالله: وياحلو الأحمر عليك يطلع جمالك
لمى: ههههههههه وياحلو عيونك اللي مثل صاحبها ماتشوف اللا الزين
عبدالله: ههههههههههههه البسيها في غرف القياس وانا ابروح انتظرك هناك (أشر لها بيده)
لمى: اوكي
لبست البلوزه الحمرا طالعه عليها مررره كيوت وراحت تدوووره وتدووره في المول مالقته وينه؟ أهو قال لي ابنتظرك هنا؟ وينه؟.......
لمى تنادي: عبدالله !!
عبداللـــــــــــــــــــ ــــــــه تكلم
وراحت تدور في شوارع ضيقه ومزدحمه شافت سيارة ليموزين داخلها عبدالله تمت تكلمه وتأشر له من بعيد لكن السياره تركتها وراااحت واهي جلست على الأرض تصرخ!
عبدالله تعااال لاتروح أنا لبست اللي طلبت
عبدالله وينك
عبدالله لاتتركني
ياعبدالله تعااال
عبدالله ارجع
(كانت تقول هالألفاظ في نومها )
قامت مفزووعه وخاايفهـ
ام بدر: بسم الله عليك لمى
لمى قااااااااااامت من حلمها المرعب اللي اقرب للكابوس من الحلمــ
لمى: يمه عبدالله وينه وين راح؟
ام بدر: يابنتي تعوذي من الشيطان زوجك الحين بالعنايه
لمى بعد مانزلت كاس المويه اللي تشربه: يوووه يمه حلمت حلم الله لايعيده
(وقالت لها الحلم)
ام بدر مبتسمه: ان شالله خير يابنتي
لمى: أي خير وعبدالله تركني لالازم اتطمن عليه
ام بدر: الساعه 4 الفجر صاحيه انتي تشوفينه الحين ؟
لمى: مدري يمه احس اني ابي اشوفه
ام بدر بابتسامه: اقعدي طيب واعلمك وش السالفه
لمى: يمه صدقيني هالحلم مايطمن
ام بدر: حبيبتي لمى البلوزه الحمرا هذي بشارة خير ان شالله
لمى معقده حواجبها: كيف؟
ام بدر: اليوم طلعت نتيجة تحاليلك
لمى: وطيب؟
ام بدر: حامل
لمى : حاااااااااااااااااااامل؟
لم بدر: الف مبروك يابنتي
حطت يدها على راسها وجلست على السريرمطيره عيونها: لالامستحيل
ام بدر: مافيه شي مستحيل هذي نتيجة تحاليلك
لمى: وعبدالله ؟
ام بدر: الله يقومه بالسلامه
لمى جلست تفكر

ام بدر: خلاص يابنتي ماله داعي تتعبين نفسك انتي الحين لازم تريحين وبالذات في شهور الحمل الأولى
لمى: ان شالله
ام بدر: اكلي لك شي شوفي عشاك
لمى: لالايمه ماابي
ام بدر: عشان عبدالله طيب
لمى: عشان عبدالله
اكلت شوي وتطمنت على فارس ورجعت تنام
<<الساعهـ 7وربع صباحا
في الساحه الخارجيه للمدرسه كلها كتب على الأرض .. علب مويه فارغه تتدحرج على الأرض ... كراسي في كل مكان عبايات مبعثره ... والبنات اللي حالتهم ماتنوصف ..اللي تراجع واللي تخطط واللي تبكي
البتول: لاااااا الدليل الأخير مو معنا
غلا: يابنت الحلال معااااانا اقل لك ويانا ويمكن يجي
البتول: ياااربييييه الصراحه مليت ومارح احفظه
غلا: ابرك خلك تتوهقين في الإمتحان
رنا: خخخخخ اقول ذاكرو ترا مابقى شي
روان واهي ترمي الكتاب: الصراحه مليت ومارح كمل حفظت الصفحات من المذاكره
غلا: ولاانا مالي نفس
البتول: غلا يكفي ان امس حالتك حاله على الأقل راجعي لك كم من صفحه
غلا: تكفين فكيني ولاتذكريني
البتول: اللا ماقلتي لي كلمتي رد النظر
غلا: وااااااااااااوو يجنن هالانسااان رهييب شوفي انا ان نجحت الفضل له بعد الله
رنا: كذابه ؟ كلمتيه يالخااينه ولاتعلميني قول لي وش صار بالتفصيل
البتول: ايه
غلا: لاوالله؟ وين اللي بيذاكرون لالا الصراحه ماعندي استعداد تنقصون وتحطونها فيني
البتول: تكفين مارح نقدر نذاكر وانتي ماقلتي لنا
غلا: هههههه اوكي
(علمتهم بالسالفه من الطء طء الى السلام عليكم )<<ع قول المصريين
روان:الصراحه صادق مع وين بيزوجك هذا
رنا: اقول غلا عندي لك حل
غلا: وشو؟
رنا: قولي لتركي عن كل اللي صار
غلا نزلت راسها: مدري صعبه
البتول: ليه صعبه مافيها شي؟
غلا: مااعرف!
رنا: قولي مااعرف واخرتها تروحين فيها
غلا: مدري بنات صعبه افتح مع تركي هالمواضيع وانا علاقتي فيه بدت تخف من بعد سفرته
الجازي وساميه جايينهم من بعيد كانو يتمشون مع بعض
ساميه حطت يدها على عيون غلا
غلا: مين؟
ساميه واهي تأشر للبنات (لاحد يتكلم)
البتول: بسرعه اخلصي خلينا نتفاهم
غلا: ميييييييييييييين؟
رنا: ههههه حزري طيب
غلا: الجازي؟
روان: قربتي
غلا: ساميه ؟
ساميه : لا
غلا واهي تبعد يدها: تكفين ماعرف صوتك انا
ساميه: هههههههههههههه
الجازي: وشفيكم من بعيد كأن السالفه مرره ظروريه
روان: ايه غلا
ساميه باهتمام: غلوو مرت ابوك مسويه شي زياده؟
غلا: لاوقفت على محمد يوم يجبرني ع سعد
ساميه:وخيييييير ان شالله مب على كيفه
غلا تنهدت وسكتت ونزلت راسها بيأس
روان: طيب بتعلمينه؟
غلا: مدري يختي صعبه وربي
رنا: طيب انتي قولي له ابيك تجي وتقعد معي وانا محتاجتك وحاولي تستعطفينه وبيجي ان شالله
غلا: بس مشغول بدراسته وبعدين يكفي اللي صار لعبدالله اخوي حرمه فرحت خطوبته وأجل ملكته عشان كذا مابي اضيق صدره وغير المشااكل اللي بتصير
البتول: ايه صاادقه بس حتى لو اهو اخوك والوحيد اللي بيقدر يسوي شي
غلا: ماادري
الجازي: اقول مااوصيك لو اني مكانك كان اناادي العايله الكريمه كلها
غلا بابتسامه يأس ونظرات لها معااني مجروحه: جربي واتحداك تعلمينهم
رنا تهمس للبتول: أرحمها
البتول: مررره
رنا: دايم تضحك وتبتسم ومن داخل شي ثاني
البتول: ايه من عرفتها غلا واهي كتوومه
غلا شافت صديقاتها كيف تأثرو وماحبت تكون محل رحمه فقامت تغير الجو شوي
غلا:يالله يابناااات عندي لكم سؤال وأتحداااااااااااكم تحلونه
البتول بهمس: انا ماقلت لك
رنا: ههههههه
غلا طيرت عيونها فيهم: سلاماااااااااااااااااات كنني سامعه اسمي؟
البتول: لالاابد سلامتك وش السؤال ؟
روان: غلا قبل لاانسى سلمي لي على رد النظر
غلا: اها بس عاد كلش ولاخطيبي
رنا: نعم نعم؟ قالت خطيبها
غلا: ايه اجل وشو؟
روان: خلاص انا زوجته الثانيه
غلا بغرور: ان شاف غلا بيحرم غيرها
الجازي: ههههههههه اعصابك بس لايطق فيك عرق
ساميه واهي تطالع الساعه:بنات ترا باقي لنا نص ساعه وندخل للقاعه
غلا : نعم نص ساعه؟ (واهي تقوم )أجل يالله سلااااااااااااااااام
البتول: ههههههههههه والله من الرجه عندها هالبنت يالله اجل ابروح اذااكر بعيد
رنا: خخخخ سلام

في مكان بعيييد عند اشجار المدرسه المتشابكه المكان فاضي ومااحد يجيه ..طبعا هذا مكان غلا المعتااد عشان تراجع المواد بروحها
جت عندها البتول
البتول: غلا
غلا: نعم؟
البتول: مراجعه زين؟
غلا: ايه الحمدلله
البتول واهي تجلس جنبها: وشخبارك؟
غلا: البتول علميني وش الصرفه مع اهلي؟
البتول: غلا صدقيني مابينفعك غير اخوانك
غلا: انا الحين افكر بتركي وكيف ابقول له
البتول: اتصلي عليه وبالهداوه كذا كأنك اشتقتي له وودك انه يجي وقولي ان ام محمد تضايقني وعلميه احسن ول لاتعلمينه بس لمحي انك ماتبين تجلسين عندها
غلا واهي تطالع في شكل البنات من بعيد وعيونها سرحاانه: البتول تصدقين اتمنى اشاور امي بها المواقف.. احس اني محتاجتها كثيير
البتول: ياقلبي انتي الحين ان شالله اهي بالجنه مرتااااااااااحه
غلا: متى ابلحقها ؟
البتول: غلا وش هالكلام؟
غلا: انا مره سمعت من محمد انه بيقتلني الصراحه ماكنت مره متأثره لأنني بالفعل ابي اروح عندها
البتول: كلنا نحسب الموت شي سهل لكنه مايحل شي
غلا: البتول والله خايفه كل يوم والثاني يزيد همي ممااعرف كيف اواجههم لابالقوه ولابالضعف وش أسوي محتاااااااره (حطت راسها بين يديها) وين أبوي طيب؟ كل هذا عشان زوجاته تدرين يالبتول انه شاري لها بيت هناك .. وساكن معاها واكيد عيالهم قريب ابوي يحسب ان الأمور تمشي مثل مااهو متوقع وحتى لو ليه يحرمني من شوفته ..أنا اعرف انه يبيني عنده بمصر ومعصب من حركتي اني ماابي اروح بس انا وش ذنبي اتعذب هنا ليه ؟ (رفعت راسها ونزلت دمعتها اللي لها زماان تخفيها حتى عن البتول)
البتول: غلا طيب لاتصيحين وربي ماحبك تبكين والله فيه ناس اشد من حالتك
غلا : تعبت تعبت خلاص وربي ماعاد فيني زود يتحطم
البتول مدت لها منديل: خذي !
غلا واهي تاخذه وتشهق: الله يعافيك
البتول بحزن: غلا تكفين خلاص ماحبك تصيحين عشان السوسه ام محمد حسبي الله عليها
غلا: والله انا ماابي اهتم ودايم اكابر بس وربي اتعب
البتول واهي تحظنها: الله ان شالله بياخذ حقك منها .. مايضيع حقك ان شالله واذا عن اخوانك كلنا جنبك امك مارح ترضى تشوفك كذا
غلا: البتول... (شهقت)كيف ..كـ يف أقول لتركي ؟
البتول حطت يدها على كتف غلا: انا ابعلمك بكل شي تقولينه بس انتي ارتاحي (بابتسامه)صدقيني انتي قويه وماحد بيأثر فيك وتركي معاك انا متأكده ..طيب خليني اكلم تركي ول نايف واعلمهم
غلا: لالاقويه
البتول: براحتك بس اول ماارجع البيت ابكلمك واقول لك وش تقولين له بس انتي اضحكي
غلا بابتسامه: تسلمين
وحظنتتها بقووه
غلا: الله لايحرمني منك يالبتول
البتول: افا عليك بس ماسوينا اللا الواجب
غلا: من جد لو احطك عالجرح تبرينه
البتول تبي تلطف الجو شوي: هههههههههه والله اني كشخه اجل وخليتك شاعره
غلا: ههههههههههههههه
المعلمه: بنااااااااااااااااااااات!
البتول وغلا واهم يلفون جهتها
البتول: نعم؟
المعلمه: انتم ثالث ؟
غلا: ايه
المعلمه: للقاعه الحين
البتول: يمااااااااااااه!!
غلا: لالاان شالله سهل بس انتي تفائلي
البتول: ان شالله

داخل القاعه وقبل لاتتوزع الأسئله
البتول: غلا!
غلا: هلا البتول.؟
البتول: لاتفكرين عشان تحلين كويس
غلا بابتسامه ترد الروح: ان شاااااااالله
البتول: ولاتنسين ان اليوم أخر يوووووووم ونعطل
عاد البنات بالقاعه سمعوها قامو يصفرون
رنا: لوووووووووووووووول ياناس فلللللللللللللللله

المعلمه: بناات ولا كلمه
الكل :ههههههههههههههههه
البتول: يالله كل هذا لأنه اخريوم؟
غلا: تلوميننا؟ههههههههههه
المعلمه: بتجي الأسئله الحين تخليكم تصيحون
روان: خلاص استاذه انشد ظهرنا مرينا بامتحانات اصعب منه
المعلمه: ههههههههه الله يوفقكم ان شالله

:::::::::::::::::::::::::::::::::::::::::::::::::: :::::::::::::::
محمد واهو طالع من الجامعه مع خويه (سعود) للمملكه
سعود:تهقا انهم يدخلوننا؟
محمد: ايه الصبح ومب خميس ولاجمعه ندخل
سعود: وان مادخلونا وش نسوي بك؟
محمد: اعشيك على حسابي
سعود: اوووف ومن متى والأخ كريم
محمد: من زماان بس مب عليكم
سعود: اقول انطم مااعرفك انا
محمد: انزل
سعود: او اقول خلنا نروح للفيصليه اصرف
محمد: سعود مارح يدخلونك
سعود يضرب على صدره: لالاانا اوريك وش ابسوي
محمد: وش؟
سعود:واهو يفتح الباب: انت انزل وبتعرف
محمد: الله يستر منك
سعود: ههههههههههههه

محمد واهو موقف عند الباب: الحين ادخل؟
سعود: لايالغبي لاتدخل انا اوريك وشلون بتدخل
محمد: ابلحك وبس
سعود: شفت هالمزيونه اللي هناك؟
محمد: أي وحده؟
سعود: اللي تدف عربية بزر
محمد وهو مطير عيونه: اقول لاتفشلنا زحمه عند المدخل
سعود: لاتخااف قديمه اللي نتفشل انت الحقني ومايصير اللا الخير
دخلت البنت واهي تدف العربيه فيها ولد كبير شوي لكنها مدخلته داخل مدري كيف
سعود لحقها واهي تدخل والسكيورتي يشوفهم بنص عين كنه عارف ان وراهم شي
البنت تمت تطالع في سعود باستغراب ليه جاي صوبها غريبه ومحمد ميت ضحك
واهي تدخل الباب اللا ويكلم سعود الولد اللي بعربيتها
سعود: إغاااااااااااء قول ماااااااااااااامااااااااا ااا<<المشكله ان الولد كبير وماتنفع له هالكلمات
البنت مدت شنطتها شوي وترجمه
محمد: ههههههههههههه الله يبلشك
الولد قام يصيح
سعود: لالاليه يصيح ليه (واهو يدخل يده في جيبه) شف هذي حلاوه
البنت شوي وتضربه قامت تطاالعه بنظرات استحقاااااار (بالعربي مين طلب منك تلعبه)
محمد:ايه لالاالحمدلله سكت
السكيورتي شافهم يلعبون الولد خلاهم يدخلون ع باله انهم يعرفونه
اهم دخلو للمركز على طول طاحو على بعض من الضحك
سعود: ههههههههه شفت اني ذيب
محمد: اهم شي الحلاوه هههههههههه
سعود: انا مقلت لك اني ذيب وابدخلك
محمد: ايه والله ذيييب ههههههه تعجبني
سعود: يالله وعند وعدك كلش على حسابك
محمد: على حسابي وبس؟ ! يستاهل ابوفيصل
واهم جالسين على الكراسي جهت المطااعم
محمد: وش اسم بلوتوثك؟
سعود: هههههههههه ورده حمرا
محمد:خخخخخخخخخخ منتب سهل
سعود: ابهبل في هالعيال
محمد: شف هاللي متحمس في جهازه
سعود: مافيه غيره اصلن
محمد: وش اسمه؟
سعود: الوافي وبعدين رقمه
سعود يغمز: جاني منه ارسال
محمد: على باله انك بنت والله منت بسهل
سعود: اعجبك هههههههههههههه مرسل لي رقمه
محمد: لالاخل رقمه نحتقل به بعدين الحين كذا العب بحسبته
الــــــــولد مسكين يرسل وهالاثنين يستقبلون
الوافي
(أتمنى اني اقدر أسمع صوتك الليله لأنك بجد أعجبتيني )
وره حمرا
(حبيبي انا الحين فاضيه بالبيت بابي رح يكون موجود )
الوافي:
(دامك فاضيه خليني أشوفك قبل لانفترق)
محمد: ههههههه الله من التوهيقه
سعود: انا أوريك فيه...شفت البنت اللي دخلنا معها؟..هذي شوفها ترقى من المصعد فأبقول له انها انا
محمد: هههههههههه عليك فيه
وره حمرا
( انت وينك؟ أول؟)
الوافي
(انا جالس على الطاوله اللي عند ماك على طول ليتني أشوفك بجد شوقتيني لك)
ورده حمرا
(انا الحين ابرقى فوق عند المصعد ومعاي عربيه في اخوي الصغير)
الولد تم يطالع في البنت وانبهر منها بالفعل جمالها فظيع ولابست لك ذيك العبايه الضييقه والمزخرفه وماانتبهت له اشترت من المطعم ونزلت من الدرج
الولد مسكين هههههه قام يطالع ويطالع فيها واستغرب انها ماعبرتها..والاثنين قامو يضحكون على أشكالهم ضحك مو طبيعي
الوافي
(اااااااااااخ منك يابنت أبهرتيني )
ورده حمرا
(لاتحرجني كله من ذوقك )
الوافي
(بس ماشفتيني)
هنا خللاص ماعرفو يسكتوون ضحك
ورده حمرا(
تعرف مكان عام صعبه )
الوافي
(الوعد الليله لازم تتصلين فيني )
ورده حمرا
(الصراحه أنا ولامره كلمت جوال ..)
الوافي
(رساله على الأقل بس لاتحرميني )
ورده حمرا
(اوكي هذا رقمي *********)
محمد: يوووه خبل أنت .؟ لو يتصل عليك الحين؟
سعود : لاابثقل عليه
ارسل الولد له مسج
(الوافي% حبيبتي بجد انك أعجبتيني أنا من أول ماشفتك تدخلين وأنا مبهوور فيك الصراحه أعجبتيني من أول نظره )
محمد: هههههههههههههه مسكيييييييييين صدق
سسعود: ابشرك اتصل
قطع بوجهه على طول
ارسل الولد مسج
(الوافي: ليه تحرميني صوتك ؟ ردي علي على الأقل بس ألو)
سعود ارسل له
(ورده حمرا: الصراحه ماتعودت أكلم شباب سامحني لو سمحت ابطلبك ولاتردني جوالي توه جديد وابي منك خدمه ابيك ترسل لي مسجات لأن الصراحه جوالي مرره فاضي)<<يخطط من بعيد لبعيد
بعد عشر دقايق وجواله مليااااااااااان مسجاات
سعود: هههههههههه الله يعافيه ماقصر كل مسج أحلى من الثاني
الوافي
(أعجبتك المسجاات ؟ قلبوو أنا رح اتصل عليك وأبكلمك حتى لو ماكلمتيني بس ابقول لك ع شغله )
اتصل عليهم وأبعدو عند جهة المطعم مشي عند هارفي نيكلز عشان ماينتبه لهم
الوو
الووو
ياناس فيه أحد ؟
ياهووو ردوو
طيب خلاص مب لازم تردين اهم شي انك تكلميني وانك تسمعين صوتي
أسمي أحمد عمري 22 سنه ساكن بحي *** ..........الخ
سعود حاط يده على السماعه :هههههههههههههههه شااايف ؟ كيف سحبته مع خشته؟
محمد: مسكين لاخلاص قله
وتم الولد مسكين يسولف وع باله انهم البنت والنصابين يضحكون عليه (ياويلكم من الله)
شوي ومسك محمد الجوال وقام يفرك به يده
سعود مسك الجوال على طول ورماها في وجهه :يالحقيييير يالحيواااااااااان
الولد بس سمع صوته على طول قفل جواله
محمد: ههههههههههههههههههههههههه ههههههه
سعود: ههههههههههههه مسكين لالاابقول له اني ولد استهبل الحين يحسبني أخوها ول شي
محمد ووجهه كله دموع من الضحك: اتصل عليه
سعود: مسكين مغلق جواله خلنا نروح نسير عليه
محمد: بيطلع من المركز بيكره الساعه اللي رقمك فيها
سعود: هههههههههههه ابي اعلمه طيب رحمته
محمد: جعلك تجرب ماسويته في الولد
سعود: خخخخخخخخخخخ مالقيت اللا انا تكفى
دق جوال محمد
(نااايف بن سعود يتصل بك)
محمد: هلاااااااااااااااااوالله
نايف: السلام عليكم ياهلاوغلا
محمد: وعليكم السلام هلافيك وشخبارك
نايف: الله يسلمك بخير ابشرك شلونك انت
محمد: الحمدلله بخير
نايف: وشمسوي؟ عساك بخير زمان عنكم ياشيخ

محمد: والله الحمدلله تعرف اشغال
نايف: وشلون البر متى اخر مره طلعت ؟
محمد: والله لي زماااااااان بتروح؟
نايف: ايه اليوم ان شالله ابمرك
محمد: ومتى؟
نايف: الحين انا ابطلع وجلوي بيطلع على العصر خله يمرك ول تعال معي
محمد: لالاابجي وياك ابي اروح من زمان عن البر
نايف: العزبه جاهزه تعال ضيف مالها داعي تجيب شي وترا كل الشباب مجتمعين اليوم
محمد: على طاري الشباب وشاخبار فيصل ووينه معاكم؟
نايف: اييه فيصل الحين بالبر ماخذ له اجاازه
محمد: وينك الحين؟
نايف: بالطريق
محمد: مرني في البيت وانا ابجيك
نايف: ووينك الحين؟
محمد: الفيصليه
نايف: وشموديك يالداشر؟
محمد: ههههههههه ابد انا وسعود ماعندنا شي اليوم
نايف: خخخخخخ خوش والله يالله اجل خلنا نشوفك انت وياه
محمد: اوكي
نايف: مع السلامه
محمد: مع السلامه
سعود: اجل بتروح للبر اليوم؟
محمد: ايه متجمعين بتجي؟
سعود: قال لي جلوي ولد خالتك اليوم (بينه وبين جلوي علاقه بسيطه)
محمد: بتجي طيب؟
سعود: اذا سعود مب جاي منهو اللي بيجي
محمد: بشويش على عمرك
سعود بلهفه مالها داعي: اليوم تخرج بنات الثانويه
محمد: وطيب؟
سعود رافع حاجب: أفوتها واجي اكيد بيتجمعون بالمملكه
محمد: وبتجلس ترزز عندهم خخخخخ مافيه امل يدخلونك للمملكه ترا اليوم تصيب وبكره تخيب احمد ربك مانادت لك اخوها ذيك المزيونه
سعود: ههههه اتفل بوجههي ان مادخلوني ماحد يعرف لهم اللا انا
محمد: انا قايل لك شويش على نفسك بس
سعود: أفوت حفل تخرج بنات في المملكه؟
محمد: ههههههه يارجال اعقل كل يوم بتلقى عندهم حفل بنات الثانويه العامه
سعود: اللا ماقلت لي متاهم رايحين الشباب
محمد: اللحين متجمعين
سعود يطالع ورا محمد: هلااااااااوالله
محمد لف على ورا وشاف البنت اللي نطوبوجهها من شوي: هههههههههه
سعود: احلاااااا يالغزاااااااااااااال وش اخبار البيبي اللي معك ؟
البنت واهي تنادي ومعععصصبه : ياااااااااااااعبدالله يااااااافيصل
محمد وسعود ماتشوفون اللا غبارهم ...راحو وسفهوبها ونزلو من المصعد الكهربائي
محمد: هههههههه الله يبلشك زين مارحنا فيها
سعود: نصااابه اساسا داخله ومامعها اخوانها
محمد: خيرها بغيرها يااااااااااااااااالذيب
سعود: هههههههههه اقول امش بس امش من زينك تتهزا انت وخشتك
شوي ويلحقهم راعي الكوفي بالفاتوره
الهندي: بابا انتا مافي يدفع فلوس
سعود: يااااااااااحيااة الشقى وانت لك سنه على حسابي وعلى حسابي ومفشلنا عند الرجال يالله اشوف ادفع
محمد واهو ينااظر الفاتوره
محمد يحك راسه: غاااالي السعر
سعود: هههههههه حك حك راسك نق نق يالله خلصناا
الهندي: بابا هذا حساب حق انتا
محمد: بس ماطلبنا غير كاسين كوفي وش له هالمبلغ كله؟
الهندي: ايه هذا حساب بس حق كوفي
سعود: ههههههههههههههههههههههههه هههههههههههه
محمد متفشل ويطلع ريال على ريال وماكفت فلوسه
سعود واهو يشوف محفظته: الشرها مب عليك الشرها عللي يعتمد عليك انت وخشتك
محمد: وش مدريني انه هالسعر ول كان ماعشيناك
سعود: قعيطي من عرفتك
وحطو كل فلوسهم الى ان وصلو للحساب ؟.... ركبو السياره
سعود: خخخخخخ وجه فقر
محمد: لاوالله؟ نسيت يوم انك تهلي بالبنت ؟
سعود: ايه احسن من اللي يضرب الصدر واخرتها ماعنده قرووش
محمد: ههههههههههههههههههه كلش بكوم ولا هاللي مهبل به
سعود: قبله عشر
محمد: تصير فيك ان شالله
سعود : نروح للشباب اللحين؟
محمد: لانايف ببيتنا تعال معاي ونروح معاه على طول
سعود: حلو؟ اجل خلنا نمشي
:::::::::::::::::::::::::::::::::::::::::::::::::: :::::::::::::::::::::

يتبع.......

لامارا · 26-12-13, 05:19 PM

طولو في اللقاعه أخر امتحان من الوزاره أو بالاصح أخر امتحااااان في الدراسسه كلها خلصو حل وبقى الوقت اللي يطلعون فيه صحيح حلها مب تمااام وفيه اساله حيرتها لكن احساسها انها اليوم بتنهي هالمرحله وبتبدأ إجازتهم يكفي انها تخف شوي
باقي ربع ساعه على طلعتهم
غلا: استااذذه متى بنطلع؟
المعلمه: مابقى اللا ربع ساعه صبر تعلمي الصبر
غلا: خلاص مليت
المعلمه: بتجيكم الاجااازه وبتنسون هالملل كله
غلا: طيب خلينا نوقع ونطلع حتى لو قبل الوقت
المعلمه: مستعجلين عالإجازه يعني؟ كلها ربع ساعه وانتم معطلين
الكل: هههههههههههه
ساميه: استاذه نتايج تصحيح الأوراق حلوه ؟ ول ماتدرين؟
المعلمه: والله ماعندي خبر كلها عند اللجنه
دقـــــ الجرســ وانتهى الوقت
طلعو جري برا القاعه وتصفيير وصراخ وصياااح انتهى همـ يطاردهم من أول مادخلو للثانويه حلو الاحساس بانك تنهي هم وتخلص منه وتفكر بالخطوه اللي بعده بمستقبلك بايامك الجايه اللي انت حسمتها وتعبت عليها بنفسك ...
البتول بصراخ: غلاااااااااااا خلصنا
غلا: اخيرا
رنا: لووووووووووووول
وقامو يضمون بعض وكأنهم من زمان وماشافو بعض
روان: بنات متأكدين انكم خلصتو ثانويه عامه وتخرجتو وللجامعه ؟
غلا: الله من زمااااااااان واحنا ننتظر هاللحظه
الجازي: وش بتسوون على الجامعه؟
رنا: الصراحه انا مارح ادرس الجامعه
البتول : مالت عليك مخطوبه ياعزتي لنفسي لو اني مخطوبه كان افتكيت من الدراسه
رنا ماده لسانها: احسن خليكم تكرفون والله خطيبي يقول لي اتركي الدراسه اصرف
روان: وانتي تاركتها تاركتها بدون ممايقول
رنا: هههههههههه وانتم وش بتدخلون؟
غلا: يمكن حاسب او انجلش أو ديكور للحين ماحددت
البتول: لالاان شاااااالله انجليزي
روان: كيميا الله لايعوق بشر
الجازي: انا مع غلا أي قسم بتدخله رجلي برجلها
البتول: ايه الجامعات اللي ينتظرونكم تتخرجون بس عشان يدخلونكم مع بعض
غلا: بنات تذكرون ايامنا أول البتول تذكرين امتحان الرياضيات ؟
البتول: ههههههههه يوووه خايفين ونتصل ونصيح
رنا: غلا تذكرين يوم تفطسين علينا ضحك حسبنا فيك جنني في القاعه
غلا: هههههههههههههههه من جد نضحك
روان: لاوالله كلش بكوم ولااختبار الفيزيا يوم يغمى عليها رنوو
رنا: ايي أكره هالامتحان
الجازي: مارح ننساها هالأيام
غلا: من جد ولا الهبااال في الحصص ول الإستهبال على بنات الكليه لما يجون يطبقون
ساميه : بنات تعالو هناك البنات يرقصون
البتول: يرقصون؟
ساميه: ايه بنت جايبه لاب توبها وسماعات في فصل ثالث ج
روان: يالله اجل مشينا
ناس تطبل وناس تصيح فرح وناس ترقص وازعاااااااااااااااااااج الدنيا كله في ذاك الفصل ...
غلا: بتول مصدقه اننا تخرجنا ؟
البتول: اللا على طاري التخرج متى الحفله؟
غلا: ماادري اسألي الجازي
الجازي: يوم السبت الحفله لاااااااااااااااازم كلكم تجون
روان: طيب بس اخاف ماحد بيرضى نروح للمملكه
الجازي: لابالعكس كل البنات بيجون عادي مافيها شي اصلن مافيه قاعه اللا هناك
البتول: فله .. وملابس التخرج ؟
رنا: حقي انا وغلا عند الخيااط
روان: يقولون ان البنات شارين شعر عن كل الفصصل
البتول: اتوقع بتطلع الحفله حلوه
الجازي: اكيد
غلا حاطه يدها على راسها: يووه اليوم بيجيني السواق بدري مع ساره لاأتاخر
الجازي: بتروحين الحين يالباايخه؟
غلا واهي ماسكه عبايتها: وش أسوي طيب؟
البتول: يالله اجل مبروووووووووووووك النجاح مقدما ولاتنسون النسبه بتطلع على يوم الخميس
غلا: الله يبارك فيك ان شالله نسبنا كويسه
البتول:ولاتقطعينا الله الله بالمكالمات أول بأول أبيك تتصلين
غلا: من عيوني
رنا: كلنا مب تسحبين علينا وعلمينا عن اخبارك اول بأول
غلا حابسه دمعتها ببتساامه: ان شالله
الجازي تسلم عليها: يالله أجل مبروك
وبعدها البنات وحده وحده سلمت عليها
حطت عينها بعينها ويدها على يد البتول صديقتها المقربه كل وحده فيهم مااسكه دمعتها لاتتطلع
وماترجم كلشي غير صمتهم بالأول وبعده على طول هربت الدمعه مثل أي موقف أخر فرح بتخرج وحزن لأنهم بيبتعدون عن بعض وكل وحده بتروح بطريقها ومستقبلها مهما كانت علاقتهم مارح تكون مثل المدرسه ومارح ينسون مواقفهم وهبالهم ورجتهم على ايام الدراسه ...اللي بتتزوج واللي بتدرس في منطقه ثانيه واللي مارح تكمل دراسه واللي مخطوبه والمستقبل قدااااااامهم
واهي ضامتها: البتول خلاص لاتصيحيني
البتول: غلا بتوحشيني وربي ابشتاق لك
غلا: والله انا اكثر ياقلي حلليني اذا ماادري وغلطت عليك

البتول: ماتغلطين اتني ومهما غلطتي انتي مسموووحه
غلا: ابفقدك والله وابشتااق لكم مارح انساكم كلكم
البتول: ولاتنسين تخبريني بكل شي يصير عنك وأي وقت تبيني اتصلي فيني غلا لاتترددين
غلا بابتسامه: ان شالله ياروحي انشا الله
االبتول ماده لها الهديه عباره عن ساعه مغلفه : والف مبرووك النجاح وعقبال مانبارك زواجك
غلا انقلب لونها احمر وانحرجت من طيبها : لاااااااااا البتول تحرجيني كذا لا
البتول: تستاهلين احلا صداقه معاك وأغلى انسانه عندي شوي عليك اللي أعطيتك
غلا ضمتها مره ثانيه : ياقلبي ماتقصرين عمرك ماتقصرين مشكووره
البتول: العفو ماسويت شي تستاهلين
روان بتقطع الجو: يووه من جد ضقتو صدري لاتسوون لي هالحركات
البتول: غلا هذي غلااااااااي وشلون مارح اشوفها ولااستهبل معاها ولااختبر معها كل يوم
رنا: ههههههه لاانش الله ماتنسانا غلا اكيد احنا صديقاتها ول لا
الجازي: تنسانا اقطع ايدها
غلا: ههههههههههه وش دخل يدي
ساميه: اقطع ابو الاسلوووب
غلا بابتسامه سلمت عليهم كلهم وودعتهم وباركت لهم وطلعت اهي بس اقفت وتركتهم البتول طاحت من الصياح لأنها بتفااارقها وكل وحده بتشوف طريقها البنات حاولو يهدونها لأنها ان طاحت دمعتها ماتوقف بسرعه
.......................
ركبت السياره وساره والسواق ينتظرونها برا
غلا: السلام عليكم
ساره: وعليكم السلااام مبرووك
غلا بابتسامه : الله يبارك فيك
ساره: ساعه عند الباب؟
غلا: بس البنات كانو يسلمون علي
ساره: ومتى حفلتكم ؟
غلا: السبت
ساره: ماشالله وبتروحين؟
غلا: مدري
ساره: مااتوقع محمد بيرضى
غلا: تركي وابوي بيكونون جايين
ساره تفشلت: اهااا

نزلو للبيت دخلت غلا للصاله وودها تصااارخ وتقول عطـــــــــلت
دخلت للصاله على طول لقت صحن فاكهه على الطاوله حطت عينها على التفاحه الحمرا اللي قبالها ...
جذبها لونها الأحمر وشكلها يفتح الشهيه
اخذتها ومسكت السكينه بتقطعها ... اللا وتسمع صوت أحد يتنحنح
رفــــعت عينها وطاحت السكينه من يدها
على اصبع رجلها والتفااحه راااااااااحت تحت جنب رجوله ...
طاااااااااااااااااااااارت عيونها وجهها ماتدري ويـــن بتوديه ... يدها قامت ترتعش من غير احساسها كل جزء من جسمها ماعرفت تحركه ... اللي قدامها كان ينتظر محمد عشان بيوديه للبر (تعرفونه)
الحين موقفها صعب على انها شافته وجمدت مكانها ... كيف بتتطلع جري ول بمشيه طبيعيه اساسا رجلها ماعاد تقدر توقف عليها من الصدمه من جد أخر شي توقعته .. رجلها اوجعتها من السكينه انجرحت
غلا من غير ماتحس بنفسها: نــ ... نا يــ .. ف

نايف كان جالس على الكنبه اللي مقابلتها على طول وبيده نظارته الشمسيه وجواله ثوبه اصفر شوي ومن القماش اللي يلمع ويتعفط بسرعه وحاط (حمدانيه اماراتيه ) لانه بيروح للبر المشكله ريحت العود حقه المعروف ممليه المكان كيف ماحست نزل راسه أول شي وبعدين ماقدر عقله وقلبه كانو بصراع وغلبه قلبه وماقدر يوخر عينه منها (اموت واعرف وشمعرفها عن اسمي) هذي غلا غلا غلا غلا كذا قبالي مستحيل أنا بحلم ول بعلم
يالله اعطاها عيوون على انها بمريول المدرسه لكن الملامح على الشعر على الوجه النااعم كلها على بعضها ملاك مكمل ... ابعد هالأفكار سريع واستغفر الله وحس بموقفه بغى يلطف الجو شوي
نزل وجاب لها تفاحتها وابتسم وحطها على الطاوله: خذيها ياغلا
غلا بغباء وصدمه ومن غير تفكير: انا اسفه(لاتلومونها حطو نفسكم بمكانها)
نايف شوي ويفقع ضحك مالها داعي التأسف لكنه مايلومها شكلها وحده من جد مستحيه : لالامومشكله
غلا: شكرا
وطيرااان براااااااااااااااااا الصاله مسكت رجلها وراحت على طوول حاولت تكون طبيعيه شوي بس تخلي الوضع طبيعي
نايف من طلعت واهو متخيل شكلها ماراحت كأنها موقفه قبالها وأحلى شي الخدود المحمره من الحيا
هالبنت ناويه تعذبني ...
كانت بلبس المدرسه القميص الأبيض والتنوره المكسره الكحليه ....شعرها بني غامق على أكتافها ... حاطه بس كحل خفيف مخلي نظرتها حااده وملامحها العربيه الأصيله ... الخشم دقيق والعيون وسااع النعومه بس تكفي والبشره الصافيه ... مادرى وش ياخذ ووش يخلي نايف اول مره تجيه هالحاله .. المشكله وحده من بنات اهله وكيف يطالعها كذا ... صحيح حلوه وعيونه ماشافت احلى منها لكن المفروظ صد عنها ... شاف التفاحه اللي على الطاوله وقاام يضحك ... بابتسامته الحلوه دخل يده بجيبه وطلع ساعه كانت عنده لها فتره أعجبته وحطها بجيبه يبي يعرف صاحبها لكن شكله نساها
شاف الساعه وابتسم ورجع وحطها في جيبه ....
اما غلا اول مادخلت غرفتها هههههههه راحت تشرب لها مويه وكأنها مجنونه وتتخيل ....كانت ماسكه لزق ومعقمات تحطها على رجلها لكن حاسسه ببرود ماتحس بألم اصلن مبتسمه طول الوقت ... (ذبااح هالولد ماشالله عليه باين عليه متفاجئ من شكلي ... بس انا اللي مدري من وين الله جابني وساقني له سوق ... ياانه يسحر يهلك هالولد بشكل مب طبيعي ...

عينه تناديني وعيني تناديه
بالصمت كلن استمر بنداته

والله ياذاك اليوم ماني بناسيه
يوم التقيته واهتنيت بلقاته

ماقول من شفته غدا القلب يغليه
اقول من شفته غدا القلب ذاته

هذا الذي من بد خلق الله اغليه
هذا الذي اطلب من الله رضاته

هذا الذي ياناس اموت انا فيه
واضيع لامن قال اني حياته

ماهمني من قال وش له تحبيه
وماهمني منهو يعذرب صفاته

الله عطاني اياه والله يخليه
لعيوني الي ماتناظر سواته

حتى بلذيذ النوم سوالفي فيه
ياقلبي المجروح بالله هاته
.................................................. ......................................
ساره دخلت على غلا واهي معصببه: غلا!
ساره: غلا انا اتكلم ردي علي
غلا: نعم؟
ساره: وشأخبار التفاحه اللي كنتي بتاخذينها؟
غلا: وش؟
ساره: لاتسويني لي غبيه
غلا: وطيب؟
ساره: تراني شفت كل اللي صار يالحقيييييييييييييييييره نايف مؤدب وعاقل لاتحسبينه مثلك
غلا: وش سويت ؟
ساره: لاوالله؟ تحسبيني غبيه انا ؟ ول ماافهم؟
غلا: وانا ماادري انه فيه
ساره: سبحان الله كل يوم تجين من المدرسه ماتدخلين للصاله واليوم دخلتي ؟
غلا: بكيفي ادخل اليوم ماادخل بكره مب شغلك وبعدين لو اني ادري انه فيه كان مادخلت
ساره معصبه: لايشيخه !! انا اوريك انا اوريك
غلا: انا ماسويت غلط
ساره تصيح: مابقى اللا نايف طيييييييييب!!
غلا استغربت صياحها غريب طيب تعصب بكيفها تعب اما تصيح هذي غريـــبه !
راحت معصبه لغرفتها وصكت الباب بقوه .... وقامت تصييح وتصصرخ ... لييه لييه يشوفها كله غايره من غلا باين من شكله انه منبهر وعاجبته اووف ليتني مكانها ليتني مكااااااااانها أاخ ابذبحها هالبنت اللي خايفه منه بيصير الحين بس انا وريها لكن كييف؟ ماتدري ونايف بيقول انها داخله عليه وهي ماتدري شي طبيعي بس انا وشلون ابخرب عليهم أوريك ياغلا الوعد قدام
وكملت صياحها العنيف ودها تمسك غلا وتذبحها تدخل عند كل العيال عادي بس نايف لاااااااااا
:::::::::::::::::::::::::::::::::::::::::::::::::: :::::::::::::::::::::::::::::

انتهى.......

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري