11-02-14, 10:02 AM
| #31 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  ~ الجـــــــــــــزء 28 ~ بما ان الساعه الحين 1 ونص تقريبا بالكويت يعني بلندن الساعه10 الصبح وفي غرفة اماني بو محمد : انه قلت لج يدج فيها شي.. وانتي ما تعرفين الا تكابرين اماني ويهها كله مصفر وتطالع الباب تنطر شخص يفرح قلبها وينه وايد تأخر يعقوب : قبل كانت تهتم بيسوف الخبل الحين منو بيهتم فيج بو محمد : الحين بيي يوسف وخلها يراويها الشغل السنع اماني مطنشة الكل وما تكلم احد ويدخل الدكتور اللبناني الجنسية : السلام عليكو الكل : وعليكم السلام الدكتور : ها يا استازة اماني .. ما أكلتي شي .. شو ألنا اماني : مالي نفس دكتور .. الدكتور : ورجيني يدك اماني : ما اقدر احركها الدكتور : انا ألتك من أبل انك بتصيري بهالحالة لمدة شهر .. بسبب عنادك الي شوف عمل لك ايه اماني : ................. بو محمد : يالدكتور بنتي معاندة ما تبي حتى تاكل شي .. شوف حالتها يعقوب : الله يغربل يوسوفو كلا منه اماني : شنو كلا منه ؟؟؟؟؟ يعني مابي آكل حطيتون السبب على يوسف .. شدخله بالموضوع يعقوب : شوي شوي عاااد كليتيني بقشوري اماني : انت الي يبت لنفسك هالكلام بو محمد : اماني شفيج .. مزاجج كلش زفت .. احنا ما نبي الا مصلحتج الدكتور : خلوها على راحتها .. انا عم ادرس حالتها .. تعرضت الى ازمة عصبية خفيفة وها الشي عم يحصل الى اكتر العايلات الي بتشوف مواقف كتيرة متل حالة الاستاز يوسف اماني : دكتور ؟؟ لا ازمة عصبية ولا هم يحزنون .. انا مافيني شي .. بس اول مرة جذي يصير فيني .. انا ييت من ديرتي صاحية وسالمة ويوم ييت هني شوف شحصل لي الدكتور : كلشي يا اختي أول مرة .. يعني الي ما حصل لك هنا .. بيحصل لك في اي مكان .. هزي ارادة ربك الكريم اماني : لا اله الا الله يعقوب : يلا انا بستأذن بروح للوالد شوي واخوي بو محمد : وآنه بلحقك بعد شوي الدكتور : يلا يا شاطرة ابيك تاكلي كل هزا الاكل مفهوم اماني : يصير خير وهني يطلع الدكتور من عند اماني بو محمد وشكله مستاء : تبين تردين لكويت ؟ اماني : لا يبة بو محمد : ليش ؟؟ اماني : ........... بو محمد : شفيج بنتي .. من يينا هني وانتي مب على بعضج .. تهتمين بغيرج وانتي هاملة نفسج .. شوفي نفسج الحين .. ضعفانة حيل .. ويههج كلا هالات سودة يم عينج .. وصايرة صفرة من قلة الاكل والنوم .. حرام الي تسوينه في نفسج والله اماني : اوعدك يبة اني بهتم في صحتي بس انت لا تاكل هم .. شخبار يوسف الحين ؟؟ بو محمد : يوسف بخير والحمد لله .. بفضل الله وبفضلج اماني : هذا اخوي يبة .. واهو مسكين لا اخت يمه ولا ام .. على الاقل انا اسانده بو محمد : الله يخليج يالغالية .. تقدرين تقومين ؟؟ اماني : اي اقدر بس على طول تييني دوخة .. ما اقدر استقر وانا واقفة بو محمد : عيل خليج .. انا بروح اتطمن على ولد عمج وياي اماني : ان شاء الله يبة .. سلملي عليهم بو محمد : الله يسلمج من الشر وهني يطلع بو محمد من غرفة اماني وظلت اماني بروحها في الغرفة تكلم نفسها (( شصار فيني آنه .. وشنو الي صار في يوسف .. مب كنت افكر بخوي محمد بعدين مرة وحدة سمعت فوضى الي كانو في العملية الي يقوم مات والي مادري شنو .. استغفر الله .. الحمد لله على سلامتك يا يوسف )) وفي غرفة يوسف الدكتور : انتو هنا بعد يعقوب وبو محمد : ههههههههههههههههههه يعقوب : يا دكتور اماني تصير بنت عمنا الدكتور : اهاا وانا اقول وين ما اروح ألاإيكم (( الاقيكم )) يوسف : شفيها اماني ؟؟؟؟؟؟؟؟؟؟ يعقوب : مافيها شي الحمد لله كاهي بخير يوسف : وينها انزين .. ما شفتها بو يوسف : مرقدة يم غرفتك يوسف : لييييش ؟؟؟ وشلة محد قال لي ؟؟؟ بو محمد : هد البال يبو احمد .. اماني طاحت على يدها وتعورت شوي والحين يدها مجبسة وتحت السيلان لانها ما تاكل ولا تغذي جسمها بشي يوسف حس بالذنب والانانية انه استغل طيبة اماني كلها له ولا افتكر بصحتها فنزل راسه بو يوسف : يالله بعد 4 ايام منرد الكويت يعقووب : ياااااااي وحشتني ريحة الديرة والله .. فديتها وفديت اهلها بو محمد : اي والله .. نحنا بنمشي قبلكم بيومين بو يوسف : ليش ؟؟ ظلو معانا ومنروح مرة وحدة يعقوب : اي صحح .. بتخلونا بروحنا يعني اهىء اهىء اهىء الكل : ههههههههههههههههههه بومحمد : عيل الي تشوفنه .. بخبر ام العيال لا تذبح روحها هههه بو يوسف : توني مكلم امك يسوف وفرحت حيلل يوسف : ..................... يعقوب : اقول يابو حمود .. الحمد لله على السلامة يا بعد جبدي .. انا بخليك الحين بروووح شوووي الفندق ارتاح .. ظهري تكسر من وقفة الجوازات امس يوسف بحزن : الله يسلمك .. حاسب في الطريج يعقوب واهو يمشي يمثل كأنه حامل : آآه عساك علة يلي ببطني الكل : ههههههههههههههههههههههههه بو يوسف : يلا يبة انا بروح مع يعقوب عشان أكمل اجراءات العملية والسفر .. تحمل بروحك يالغالي .. واذا تبي اي شي مسكول واحد ونحنا معاك يوسف : ان شاء الله يبة بو محمد : عيل خذوني معاكم عشان احجز التذاكر مرة وحدة بويوسف : يلا عيل توكلنا وهني يطلع الكل من غرفة يوسف الي ظل كل تفكيره بأماني دق يوسف الجرس ويته الممرضة وطلب منها انها توديه غرفة اماني .. طبعا ما رضت في البداية لان يوسف في فترة نقاهة والمفروض يظل طول الوقت مرتاح .. بس بأصرار قاتل رضت الممرضة تدخله على اماني اماني كانت يالسة تطالع الدريشة والعصافير الحرة الي تغرد بفرح وهني يدخل يوسف بكرسيه المتحرك ويقعد يم اماني اماني : يمةةةةةةةة خوفتني من وين ييت يوسف : ههههههههه من الباب من وين يعني اماني : خرعتني والله .. سلامتك شخبارك الحين يوسف : شوفي راسي وهو بقولج لج (( راس يوسف كان ملفوف بشاش على كبره )) اماني : هههههه كأنك سيك ضايع يوسف : ههههههه والله كأنها عمامة هنود اماني : ههههههههههه يوسف : فديت الضحكة يالغالية .. شمسوية في عمرج هاا .. يقولون انج لا تاكلين ولا تشربين وهاملة نفسج .. شوفي شصار بعنادج .. شلون بترجعين مثل قبل دامج ما تهتمين بنفسج اماني : ماعليك مني انت .. الحين انت شحال راسك يوسف : شنو ما علي منج .. باقي 4 ايام ونرد الكويت .. وفي هال4 ايام ابيج تاكلين وتهتمين بنفسج شوي .. سامعه اماني ما عجبها كلام يوسف ففرت ويهها وسكتت يوسف : نجحت العملية بفضل الله وفضلج .. لو مب مدارتج فيني ومساندتي في غرفة العمليات وندائج لي لما كنت بأخس حالاتي .. لما شفتيني حي بين يدينج .. الحين بدل ما اشكرج اخليج جذي لا تاكلين ولا تتحملين بنفسج ولا يدج بعد مجبسة اماني وعينها تدمع وساكتة يوسف : اماني اماني : ..... لبيه .. يوسف : جزاج الله خير على كل الي سويتيه بحقي .. مشكورة اماني : انت اخوي وهذا شي عادي بين الاخوان يوسف انصعق ما كان يبي جذي رد .. يعني كل هذا مب حب .. مجرد بأسم الاخوة .. وانا رميت نفسي بنار ومحد بيقدر يبردها لي .. لو الله ماخذ روحي احسن لي .. شقول انا استغفر الله يوسف : انزين عيل .. استأذن منج اماني قلبها عورها شقلت له انه احسه تضايق : وين بتروح محد معاي انه ولا انت يوسف : صدري ضاق .. يلا نشوفج على خير وهني يطلب يوسف من الممرضة انه توديه الى غرفته الي ظلت اماني تبجي على الي قالته بدون اي تفكير | ||||
|  |
|
11-02-14, 10:04 AM
| #32 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  ~ الجــــــــــــزء 29 ~ علاء : يالله عيل تفضلو ويدخل محمد السيارة وابوه جنبه وعمه ويوسف ورا طبعا يوسف ما ارتاح الى علاء بسبب الغيرة وما كان يبي اماني تروح معاه بالسيارة بس ما قدر يتكلم لانه كان تعبان حيل ومن حط راسه على الكرسي غمضت عينه ونام ،، تقدم محمد وركبت اماني واحمد السيارة من ورا ويعقوب ظل جدام مع علاء هني علاء حط اغاني وقصر على الصوت وفاتح المكيف على هدوء مسوي سيارته بجو رومنسي علاء واهو يسوق السيارة : يابو يوسف .. اخوك شفيه بالضبط يعقوب : ورم في المخ علاء : اهاا .. الله يشفيه ولا يبلانا .. الحين استأصلوه طبعا .. لو مجرد تحاليل يعقوب : اعمى انت ... ما تشوف اللفايف على كل راسه كأنه سيك باكستاني الكل : هههههههههههههههههه احمد : ماعليه ماعليه اذا وصلنا البيت بقوله عشان ينتفك ضرب يعقوب : لا تكفى دخيلك .. خله يوقف على ريله بالاول علاء : الحمد الله على سلامته .. وان شاء الله يرد احسن من قبل يعقوب : الله يسلمك .. تدري ان هالعملية مب مضمون نجاحها علاء وهو يدور على الدوار : شلون ؟ يعقوب : مساندة الاخت اماني اهي الي انقذت الوضع .. وبفضل ربي طبعا اماني انحرق وجهها بييه الحين علاء بياكلني .. شفيك يعقوبو ما تقدر تسكت علاء شرق من الصدمة : شنو قلت ؟ يعقوب : الي سمعته احمد : اووووه اووووه ها خيتوو صرتين مريم نور اماني بحرج تضرب احمد على انه يبدل الموضوع علاء ناظر اماني من المنظرة ونظراته كلها تساؤل وغيرة اما اماني فظلت ساكتة ومنزلة راسها واهي شوي وتبجي على الي يصير اما علاء فألتزم الصمت وكان كل الوقت شارد الذهن .. ويرد على اسئلة احمد ومزاح يعقوب بابتسامة لان الي معذب قلبه الي سمعه .. اسبوعين حرام عليج .. بدل ما تبشريني بسلامتج ياية لي ويدج مكسورة .. ولا مساندة الاخ بعد .. يعني اكيد تعلقتي فيه والعكس .. ياربي شهالبلشة وصل علاء الى فيلا بو محمد وطلع يعقوب واحمد وعلاء ظل واقف يم باب سيارته وكانت اماني آآخر من طلع من السيارة علاء كان مطنش اماني ومغاور عنها اما اماني فكانت تبي تكلمه وتقول له اي شيء فشافت ان علاء مب عاطها ويه عصبت ومشت في طريجها .. اما عن علاء فكان يتعذب بكل ثانية .. تجاهلها التام .. وسكوتها القاتل .. وحركاتها الي تبط الجبد واماني حست شي تغير في ويه علاء يوم درا اني طول الوقت مع يوسف .. شفيها يعني ولد عمي واخوي .. ما سويت شي غلط انا ليش يعصب ومكشر الويه علاء بركن سيارته وراح فيلاته اما اماني فكانت داخل فيلاتهم بحضن اختها وامها سوسن واهي لامة اختها بكل قوة : فديتج يا بعد كل غالي .. والله انج وحشتيني اماني : وانتي اكثر حبيبتي سوسن : شفيها يدج .. ليش مجبسة اماني : خير حبيبيتي خير .. مجرد كسر بسيط سوسن : ومن شنو اماني : خيوو باجر ان شا ءالله اذا قعدت بقولج .. الحين مالي نفس اسولف اخذت اماني تمشي على الدري الي كان الكل مستعجب من هروبها من السؤال يوسف واهو نايم على الكنبة كان تجيه كوابيس عن علاء واماني وحس ان في علاقة امبيناتهم .. حس بأن كل الحب الي كان يكنه الى اماني راح يتدمر من هالزفت الي اسمه علاء .. فكان يحرك جسمه واهو نايم مما جعل من يعقوب انه يستعجل في قعدتهم في بيت عمه بويوسف : يالله عيل .. دامنا تطمنا عليكم .. بنمشي الحين بو محمد : لا والله ما تخطو خطوة برع البيت .. تتعشى معانا وبعدين يحلها الف حلال بو يوسف : والله ماقصرت يالغالي .. بس ياخوك تونا رادين من السفر وحرمتك للحين ما تبسم ويهها فيك بو محمد : هههههههه طول عمري معاها .. خلها تتبسم فيني لين ما تشبع .. بس انت في السنة حسنة نشوفك .. بو يوسف : لا افا عليك .. كل يوم في الشركة نتلاقى سوسن : تكفى عمي يلسو معانا بويوسف : وقت ثاني يالغالية يعقوب واهو يشيل يوسف من الكنبة ويخليه على الكرسي : يالله عيل من رخصتكم بو محمد : مرخوصين يالغاليين وهني يطلع يوسف ويعقوب وابوهم من البيت واخذو سيارة محمد اما اماني فمن حطت راسها على المخدة نامت سوسن واحمد ومحمد وامهم وابوهم ظلو يتعشون ويسولفون للساعه 10 وبعدين الكل قام ينام محمد فكر تفكير جدي بأنه خلاص راح يفاتح ابوه بموضوع خطبة مريم .. وام محمد راح تكلم ريلها بعد عن سوسن وخالد وفي هذي الليلة الكل نام مرتاح الا علاء الي ظل تفكيره كله مع اماني وكان يتقلب على سريره يحاول انه يسكت الحزن الي ركب راسه ووعد نفسه ان لااازم يشووف حل لان ما راح يقدر يستحمل اكثر وفي يوم ثاني اول من قام كان اماني اخذت شاور تريح فيها اعصابها وحاولت انها تحرك يدها لكن مافي امل وبعد تذكرت اماني الرسالة الي علاء عطاها اياها .. وقعدت تدور في غرفتها وعفستها من فوقها الى تحتها اماني : يا قلبي .. وين وديتين الرسالة يا اماني لكن دون جدوى .. نزلت اماني واهي حاملة اذيال الحزن وراها واول من شافته كانت نورة ركضت اماني بحضن اماني نورة : شبلاج حاسبي حاسبي ليدج اماني ظلت متمسكة بنورة وكأنها ما شافتها من سنواات نورة حست بأن اماني حاملة فوق ظهرها جبل من الهم .. لانها تصرفها هذا يدل بأنها تبي تفضفض بشي ثاجل على قلبها .. فنورة اخذت اماني بكل حنان في حضنها وتوايهوو نورة : الحمد الله على السلامة يالغالية اماني واهي تمسح دموعها : الله يسلمج ..وحشتيني والله نورة : وانتي اكثر حبيبتي .. شلونج شمسوية .. وشو فيها يدج اماني : قعدي قعدي بسولف لج عن اشياء وااايد نورة : غردي اماني وهي تتكلم كأنها ياهل صغير توصف لها الاشياء بيدها الصغيرة ومرة حزينة ومرة تضحك من قلب .. ولا كأنها بتدخل بعد كم اسبوع ال 20 من عمرها نورة بكل اهتمام : وبعديييييييين اماني : هههههه .. ما خلاني يعقوبو ..كلما اقوله بعد بشتري هذا يقول بسج عااد ابوج يناديج .. والله فاتج كان في ياهل صغنون هناك يحليله شافني وتعلق فيني يحسبني امه .. قلت له امك كاهي تناديك وهو مصر ههههه نورة : ههههههههههههه انزين وشو سالفة يدج اماني واهي تطالع يدها : كنت ابي اروح بسرعه الى المستشفى حق يوسف .. وما انتبهت للسيارة وانصدمت فيها وضربت يدي .. بس انا ما سمعت كلام ابوي تركتها تولي ولحقت على عملية يوسف .. وبعدين جتني دورة ذبحتني وطحت على الارض وعلى يدي الي تألمني .. وما اوتعيت الا وانا على السرير والكل حواليي ويدي مجبسه نورة : هالقد يهمج يوسف ؟ اماني : اكيد .. اهو اخوي .. وولد عمي .. مسكينة مرت عمي ما يت خافت تنصدم بخبر العملية .. وهو ما عنده اخت بس يعقوب .. فماله الا انا ذاك الوقت .. طلب مني اني اكون معاه بالعملية نورة : وابوه واخوه .. ليش ما يبيهم ؟ اماني حست بغرابة : عمي كان عنده شغل مع الوالد .. ويعقوب ذاك اليوم كان عنده مشوار في الجوازات .. فما ظليت الا انا نورة : وشنو سالفة انه بمناداتج له قام من المخدر القوي وفج عينه ؟ اماني شوي وتبجي : مادري عنه .. تذكرت محمد يوم طاح علي بالمستشفى وقعدت ابجي .. وقعدت من هالكابوس بفوضى الممرضين وما شفتهم الا يقولون مات ومات حطيت ويهي بويه يوسف شفته اززرق وشاحب وشفت تلفزيون نضبات القلب ماكو اي نبضة .. صرخت بأعلى صوتي .. خفت عليه من كل قلبي .. يودت ايده وكأني مابي اتكرهه و ......... نورة واهي تقاطع اماني : أماني .. انتي تحبينه ؟؟ اماني انصعقت .. احبه .. شلون احبه .. شتقولين نورة : ............. نورة : ابي جواب خيو ؟ اماني ويهها انخطف : هذي مجرد شفقة .. لا حب ولا شي نورة : الي تقولينه يدل على شيء اكبر من الشفقة يا اماني اماني ظلت تشك في نفسها : لا نورة .. انا ما احبه غير محبة الاخوة وبس نورة : اها زين .. على فكرة علاء يسلم عليج ويقولج اهتمي بنفسج وبصحتج لانج وايد متغيرة اماني بحرج : الله يسلمكم .. ان شاء الله .. واهو بعد خله يتحمل بروحه اشوف وايد ضعفان ويهه اصفر نورة : من الحب هههههههههه ذبحتي اخووي اماني : اي باين نورة : انزين ماعلينا .. شخبار يعقوب اماني : يعقوب تمام والحمد لله .. وانتي ادرى في حاله نورة : هههه دوووم وهني تدخل ام محمد الميلس ام محمد بابتسامة : السلام عليكم .. يا صباح الفل والياسمين اماني ونورة : وعليكم السلام نورة : هلا خالتي .. اخبارج ام محمد : تمام اسأل عنج .. يلا يا بنات الفطور زاهب نورة : دووم سألت عنج العافية ام محمد : الله يعافيج .. يلا حياج معانا تفطري نورة : هههه لا خالتي الحين عندي مشوار لازم اقضيه اماني : وين على الله نورة : اليوم اجازتي .. باخذ خواتي لبيت عمتي شوي اماني : يه .. حشا والحشا عن ألف يمين ما تطلعين الا وانتي متفطرة نورة : لا تحرجيني عااد .. مضطرة اروح ام محمد : تفطري معانا وبعدين روحي يالشيخة نورة : والله ياليت .. بس ما اقدر .. خليها مرة ثانية اماني بيأس : على راحتج .. سلمي على خواتج وايد نورة : العصر بنيي لج هههه اماني : حياكم حبايبي نورة : يالله في امان الله ام محمد : تحملي في الطريج يا بنيتي نورة حست بحنان ام محمد ودمعت عينها واهي تمشي : ان شاء الله يمة (( الله شنو حلوة هالكلمة .. يمة .. انحرمت منها سنين طوووال .. الله يهديج بس يا امي )) وهني تروح اماني مع امها وبيتهم ويتفطرون اما في بيت بو خالد على الفطور ام خالد : ها يابو خالد .. اليوم نبي نروح نشوف بيت اختي بو خالد : رجعو من السفر ام خالد : اي بو خالد : عيل صار خير .. خالد : متى يبة .... الهام قاطعت اخوها : مو الحين خالد خالد : انتي مالج دخل سامعة الهام واهي تاكل برقة : مجرد رأي بو خالد : قوم طقها بعد .. ما في لي حشيمة يعني ام خالد : شدراني فيهم .. كأنهم يهال خالد و الهام : مسامحة يبة وفي بيت بو محمود غادة : محمود .. محمووود .. حبيبي قووم ودني المستشفى .. بموووت محمود واهو نايم : ....... غادة تهز يد محمود : محمود قوووووووم .. والله العظيم بموت محمود فتح عينه : شفيج عمري غادة : بووووولد قوووم محمود نقز من السرير : بتولدين شنو . ليش .. شلون .. للحين ما كملتي شهرج غادة : باقي شهروكم يوم. ودني المستشفى دخيلك محمود : دقيقة دقيقة ويطلع محمود من غرفة النوم ويركض الصالة الي كانت العايلة يتفطرون محمود بعجلة : يمة يمة .. غادة لحقي عليها شيخة ركضت الى غادة ورهام وقفت وام محمود : شفيها ..؟؟؟؟؟ محمود واهو بدأ يعرق : مادري .. روحو شوفوها واهي تركض ام محمود ورهام الى غادة وكانت شيخة تجهز غادة عشان بيطلعون ام محمود تيلس يم غادة : شفيج بنيتي .. عسى ما شر غادة واهي تمسك بطنها : يمة ذابحني العوار ام محمود : يعله في العدو .. بس توج .. باقي اسبوعين او اقل غادة : مادري يمة ماااادري .. ودوني للطبيب .. آآآآآآآه واهني بسسرعه تتلاحق شيخة على عمرها وتنزل تشغل السيارة وتركب ام محمود وشيخة وغادة ومحمود لبس ثوبه بسرعه وركب معاهم وعلى الطبيب بو محمود : شصاير ؟ رهام : هههههههههههههههههههههه .. كل هذي الدوشة وما تدري شصايريبة بو محمود : ههههههههه شدراني انا توني طالع من الحمام (( عزكم الله )) رهام : صحة .. يلا تعال نتفطر بو محمود : انزين شصاير صوتكم واصل لأذني رهام : يعني تدري شصاير بو محمود : والله ما سمعت غير الصراخ وما دري شنو رهام : ماكو شي .. غادة تعبت فودوها الطبيب بو محمود : الله يسهل عليها .. وقعدو يتفطرون وبعد نص ساعه في المستشفى الدكتورة : مافيها شي والحمد لله .. مجرد ارهاق .. والمدام هاملة روحها .. ما تاكل شي .. وهذا يضر بصحتها وبصحة الجنين محمود واهو يناظر مرته بنظرات عتاب : انا على طول اقولها غذي نفسج .. بس اهي الدكتورة : شيء بديهي ما تبي تاكل .. انا الحين بوصف لكم حبوب فتح الشهية .. واتمنى منك يا استاذ محمود انك تجبرها على الاكل .. وشرب السوائل محمود : ان شاء الله وهني تكتب الدكتورة الدوا ويساعد محمود مرته ويطلعون من الغرفة محمود : شتحسين الحين غادة واهي ماسكة يد محمود : احسن من قبل محمود : الحمد لله .. قطعتين قلبي عليج غادة وييهاا مووورد محمود : يحليلها تستحي غادة : ههههههه بس له محمود : الله يغربل عدوج .. خليتيني اقوم من النوم رعبان لا اسنان غسلت ولا ويه شاف الماي .. سيدة لبست هالثوب وركيض لج غادة : هههههههه محمود : يالله خلنا نروح للوالدة كاهي تنطرنا غادة : يالله وهني يروح محمود الى امه واخته الي كانو على مقاعد الانتظار شيخة : بشرو محمود واهو ماسك مرته : مافيها الا العافية شيخة : والبيبي محمود : متعب امه شيخة : فديته القمر ام محمود : شقالت لها الدكتورة بالضبط محمود : ارهاق .. وما تاكل زين شيخة : صج حمارة .. من اليوم ورايح راح ادز بحلجج أكل لين ما تقولين بس محمود : الحمارة انتي ويا ويهج .. ويه التيلة غادة : ههههه ام محمود : يالله عاد بدينا يلا خلنا نروح البيت شيخة : ماعليه صبر . خله يي رشود والله لاخليه يطلع عينك .. وهني يرن تلفون محمود محمود : مرحبا .. هلا يبة .. الشر ما ييك يالغالي .. لا مافيها شي .. الحمد لله .. مجرد ارهاق .. ههههه لا ما بحاتي ادري سويت اخس من جذي يوم الوالدة كانت حامل .. الحين يايين .. اوووكي .. تامر على شي .. الله يخليك .. في امان الكريم ام محمود واهي تمشي وتستند غادة : فديته متصل يسأل عن بنته غادة : فيه الخير عمي محمود : يعل الخير بدرووبكم كلكم الا بعض الناس شيخة : يا عسى بعض الناس السعادة ام محمود : بتسكتون ولا آخذ غادة ونطلع البيت محمود : لا لا .. كلشي ولا تاخذينها مني شيخة : عشتوووو 24 ساعه في ويهك محمود : وما اشبع منها غادة خب ويهها قاب (( اسكت له .. ذبحتنا )) شيخة : ويييييييي .. ملح ملح محمود : في عينج شيخة : ليش حسود؟ محمود : ايه .. توج دارية شيخة : ماعليه يالدب بوريك محمود : ريلج الدب يالبقرة شيخة : البقرة مرتك يالثور محمود : الثور ريلج .. والبقرة انتي ام محمود : اوووووووووووووووووووهوووو .. بسكم عااااااد محمود وشيخة واهم شوي ويفطسون ضحك : سوووري غادة : ههههههههههه محمود يهمس في اذن غادة : فديت ال هههههههه مالتج ويتبادلون غادة ومحمود الابتسامات وعلى الساعه 11 وصلو البيت رهام : ها طمنونا محمود واهو يخلي مرته على الكنبة : مافيها الا العافية بس تتدلع علينا بو محمود : صحة ان شاء الله .. يلا انا علي دوام .. نشوفكم الظهر اولادي الاعزاء شيخة واهي تأشر على ابوها : الى اللقاء يا ابي .. ننتظرك وقت الغذاء بو محمود : هههههه .. مع السلامة ام محمود : الله يسلمك غادة : محمود ودني غرفتي احس بدوخة .. اسمحي لي يمة ام محمود بحنان : مسموحة حبيبتي .. محمود خذ مرتك وخلها ترتاح بدارها شيخة : والحين انا بسوي لج احلى شووربة الى احلى مرت اخو شفتها بحياتي غادة ابتسمت رهام اخذت روحها وراح غرفتها وام محمود في المطبخ وشيخة راحت المطبخ عشان تسوي الى غادة الشوربة وهني محمود اخذها فرصة يا صوب غادة وحملها غادة : محمود .. نزلني .. شتسوي محموود محمود واهو حامل غادة ويمشي : جب ولا كلمة .. طاوعتج يوم ما خليتج تاكلين .. والحين تبين اتعبج بعد .. يلا يلا عن الدلع غادة واهي تحط راسها على صدر محمود : الله يخليك لي ولا يحرمني منك محمود وهو يركب الدري : ويخليج حبيبتي .. مب كأنج صايرة ثجيلة شوي غادة : جا حاملني بس اني .. انا ورشود محمود : فديته هذا بعد جبد ابوه ويدخل محمود وغادة الدار وبعد دقايق يت شيخة واصرت على غادة بأنها تشرب الشوربة وعدا اليوم عليهم بخير | ||||
|
| |
|
11-02-14, 10:05 AM
| #33 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجـــــــــــــــــــــ30 ـــــزء اما في بيت بو محمد اماني كانت تمشي في غرفتها تحاول انها تتذكر آآخر مكان خلت فيه الرسالة لكن مافي امل رن التلفون اماني واهي تشيل التلفون : ألو .. مرحبا الصوت الي في الجهة الثانية : من معاي اماني : انتي الي متصلة حبوبة ؟؟ الصوت الي في الجهة الثانية وبأرتباك : معاج سارة اماني : يا هلا بلي لفانا .. آمري اختي سارة : انا رفيجة الهام اماني : هلا بج .. سارة : بقولج شي وانا مسكرة الخط اماني بانزعاج : غردي سارة : الهام اذتني وجرحتني وايد .. وانا ياية انتقم اماني : تنتقمين ؟؟ شلة ؟ وليش اخترتيني انه سارة : سمعي .. اذا رحتي بيت خالتج .. روحي غرفة الهام .. وشوفي في درجها الي على .... اماني : حووو شفيج انتي .. شتقولين سارة : فيها رسالة علاء حبيبج الي عطاج اياها قبل ما تسافرين اماني وفاجة حلجها : شنوووووووووووووووووو ؟؟؟ سارة : الهام تعرف علاء قبلج .. وهي تحبه اماني : لحظة لحظة .. فهميني من البداية حاسة بأني متخربطة من فوقي الى تحتي سارة : ممكن نتقابل في مكان اماني : باييج في مطعم القصر .. ممكن الاقيج هناك سارة (( القصر ياويلي صج الله غانيهم اما احنا حدنا على سندويشات )) : متى ؟ اماني : بعد ساعه سارة : صار اماني واهي مب مطمنه : باي سارة : هههه بايات اماني ما ارتاحت الى هذي البنت و ما درت بأنها راح تلاقي صفعه من الزمن تنسيها عمرها اماني نادت اختها سوسن عشان تساعدها في لبس هدومها سوسن : شفيج اماني ويهج منخطف لونه اماني : توني مخلصة مكالمة من رفيجة الهام .. تقول كلام عن علاء ومادري شنو سوسن واهي تعدل قميص اماني : بقولج شي اماني واهي تقعد على السرير : قولي سوسن : تذكرين قبل ما تسافرين بساعه اماني واهي ترجع للماضي : اي سوسن : كنت انا معاج بهالمكان والهام منسدحة على السرير وحاطة يدها تحت الوسادة اماني واهي تتذكر اكثر : اييييييييي سوسن : حست الهام بجود الرسالة تحت الوسادة اخذتها وطلعت الصالة الي برع غرفتج اماني : اي صح ويوم سألتها قالت بتنزل تحت سوسن : اي .. وبعدين دشت شيخة وسألتنا عنها ليش متغيرة وعصبية صايرة اماني : اي وبعدين انا طليت من دريشة الغرفة على رهاامووو يوم كانت مع ابراهيم سوسن : اي اماني : تعتقدين انها اخذت الرسالة ؟؟؟ سوسن : 100 % اماني : ليش عاد ؟ سوسن : تذكرين يوم كنا نبي نطلع وانتي تبدلين الاشرطة في سيارة رهام اماني : اي ويوم تيي نورة وتزهق الهام سوسن : وعلاء كان بيطلع بعد اماني : وتغير ويهها وما سمعنا حسها لا في السيارة ولا في المطعم سوسن : وفي البحر كانت ظالة ساكتة وما تكلم احد اماني بحزن : يعني اهي كانت تحبه ؟ سوسن : مادري انه .. روحي شوفي هذي سارة شتقول لج اماني : والله انا خايفة تعالي معاي خيو سوسن : اكيد بيي معاج .. شلون تقدرين تسوقين بيدج اماني : اي صج .. ابي اروح الطبيب اشوف يدي سوسن : لا مب الحين .. على الاقل بعد اسبوع عشان يبدلون الجبس اماني : اوكي سوسن : يلا انا بروح استأذن من الوالدة .. وببدل هدومي وبييج اماني واهي تقوم : صار وتطلع سوسن من الغرفة وتنزل المطبخ عند امها ام محمد واهي تسوي الكريمة : بس لا تتأخرون .. عشان الغذا سوسن : ان شاء الله يمة ام محمد : سوسو بقولج شي سوسن : هلا يمة ام محمد واهي تترك الي بيدها : تعالي قعدي معاي وتقعد سوسن مع امها على طاولة المطبخ ام محمد : والله ما اعرف شلون ابدي لج المووضووع سوسن باستغراب بس ظلت ساكتة ام محمد : ابي اعرف رايج بخالد سوسن طاح قلبها .. خالد .. شفيه : خوش ريال ... شفيه يمة ام محمد : انتي تدرين انه يحبج وانتي بعد تحبينه سوسن وييها اتووورد ومب قادرة تصلب قعدتها ام محمد : ههههههههه .. تقدم لج الولد سوسن ويهها تهلهل بالخير : ...... ام محمد : ابي رايج يالغالية سوسن : الي تشوفونه يمة ام محمد : والي نشوفه اهو الي بيرضيج .. ها شقلتي .. اقولهم ييون يتقدمون رسمي سوسن ويهها قاب من الخجل : هههه يمة ام محمد : هلا سوسن : ههههههه شنو كان موقفج يوم سألتج يدتي يوم تقدم لج ابوي ام محمد وهي الثانية ويهها قاب : ...... سوسن : يحليييييييييج تستحي ام محمد : هههههههههههههههه سوسن : جوابي من جوابج يمة ام محمد : كلللللللللووووووووووووووش .. افضل الصلاة والسلام عليك يا حبيب الله ممممحمد مبروك يابنتي .. مبرووووك .. والله يجدم الي فيه الخير سوسن واهي تقوم وتبوس راس امها وتقعد بحضنها : الله يبارك فيج يمة طلعت سوسن وهي مب قادرة تمشي عدل من زود الفرحة (( شفيني انه صج مخبلة ههههه )) في بيت عمة علاء نورة : لا والله يا عمتي احلفج الحين احنا طالعين .. بس يايين نسلم عليج العمة ام هلال : وين توا الناس ما قعدتو شي فاطمة : بنروح نشتري اغراض المدرسة شوي .. باقي اسبوع وتيي المدارس شهزلان : اي عموو .. ابي اشتري لي كم غرض انا بعد نورة : شفتي .. اهىء اهىء انا الي اطيح فيها ام هلال : هههههههههههههه تيي نادية بنت ام هلال : اقوول نوار نورة واهي تلتفت الى نادية : سمي نادية : خيتو .. تقدرين بكرة تمرين علي توصليني بيت رفيجتي نورة : اممممم .. متى نادية : الصبح نورة : اهااا اوكي عيل .. باجر الصبح ما عندي شي .. اتصلي لي وبييج نادية : اوووكي شهزلان : يالله نوورة فاطمة واهي تكلم نادية : وينج ما تبينين على المسنجر نادية : انشغلت حبوبة في الشغل فاطمة : ولا تزورينا بعد نادية : سيارتي في الكراج .. وهلالو مب راضي يوصلني مكان .. ما تشوفين قلت الى اختج فاطمة : اهاا نورة : يلا عمة تامرين على شي ام هلال : ذكر الله الكل : لا إله الا الله وتطلع نورة وشهزلان وفاطمة من البيت وعلى السووق يتشرون مرت حوالي ساعه وسوسن مع اماني المرتبكة في المطعم سوسن : وينها هذي ما يات اماني : بتتصل لي سوسن : ااهااا اماني : كاهي اتصلت اماني :الو وينج انتي ؟ سارة : على اي طاولة انتي اماني : 12 سارة : اها شفتكم .. الحين بيي وهني تيي سارة الي تفاجأت بجمال سوسن واماني المتقارب وبأناقتهم الكاملة سارة : السلام عليكم سوسن واماني : وعليكم السلام وييلسون سارة : من فيكم اماني ؟ اماني : انا سارة (( صج تيينن .. يا بخت علاء فيج اذا كان من نصيبح .. ما توقعت كل هذا بشووفه .. حورية ما شاء الله )) سوسن : شفيج ساكتة .. ممكن تبدين بالموضوع سارة : انا رفيجة الهام .. الا وهي بنت خالتكم .. قالت لي كلشي عن علاء اماني : ممكن سؤال ؟؟ شبفيدج لو تكلمتي عن هالشي سارة : تبين اقولج لو لا سوسن بأشمئزاز : قطع تهدد .. قولي وهني ظلت سارة تقول قصة الهام يوم انها طاحت بمحطة القطار وعلاء الي ساعدها الى لما اخذت الرسالة وتندمت وقالت بترجعها وهذا كله على مسمع اماني وسوسن اماني بكل كلمة كانت تقولها سارة كانت منصدمة وتحس بآلام غريبة في يدها سارة بكل حقارة تكمل : طردتني من غرفتها .. والحين انا لازم انتقم لهالحركة والكلام الي قالته سوسن اهي ثانية لسانها انربط ما قدرت تتكلم اماني وبعينها الدمعه : يعني بنت خالتي متألمة انها تحب علاء .. وعلاء . وعلاء ما يحبها سارة : علاء ما يدري عنها .. مجرد ساعدها وسوا فيها معروف .. علاء يحبج انتي اماني : بس اذا الهام سعادتها معاه .. انا راح انسحب من قلبــه سوسن واهي حزينة على طيبة اختها الي مالها داعي (( شلون يا اماني تقدرين تستسلمين .. شلون تبيعين حبج لها بكل اهمال .. لو انا محلج مستحيل اسوي جذي .. الله يساعدج اختي )) اماني : يلا .. احنا تأخرنا ... تامرين على شي سارة واهي متوهقة بفاتورة المطعم وتطالعها بأرتباك : سلامتج تقدمت اماني واهي تمسح دموعها اما سوسن فطلعت محفظتها وحطت 40 دينار على الصحن وطلعت طبعا سارة فرحت من قلبها على الي سوته في اماني .. جرحتها من قلب .. والحين راح تنتقم الى الهام .. بطريقتها الخاصة .. وما تدري سارة انها بتندم بهالشي ومثل ما يقولون مثلما تدين تدان ركبت اماني وسوسن السيارة سوسن طول الوقت ساكتة وما تبي تقول شي اول تعلق على شي اما اماني فحست بآلام ذابحة جسمها وحست بان روحها بتطلع اماني بتعب : سوسن .. وقفي يم مكان نبي نشتري عصير او شي ينأكل سوسن : كنتي بالمطعم ليش ما كليتي اماني : مالي نفس سوسن : اوكي .. وهني سوسن باحراج بالغ : امووني اماني : هلا سوسن : خالد تقدم لي !! اماني : آدري .. سمعت لعلعة الوالدة سوسن واهي تسوق : ههههههههه فديتها امي اماني : الف مبروك يالغالية .. عندي لج مفاجئة سوسن : شنهي اماني : اليوم بوزع الاغراض الي شريتها لكم .. وشريت لج فستان للملجة ولا أحلى سوسن واهي تشوي وتنط في حضن اماني : يا سلالالالالام عليج .. والله انج تاج على راسي يالغالية اماني : اي للمصلحة سوسن : افاااا وفي اثناء سير سوسن واماني في الطريق | ||||
|
| |
|
11-02-14, 10:07 AM
| #34 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجـــــــــــــــــزء31 نيي شوي الى بيت بو خالد ام خالد في التلفون : الله يبشرج بالخير يالغالية .. بعد يومين نحنا منييكم ومنتقدم الى الغالية رسمي .. الله يحيج حبيبتي .. ان شاء الله .. يوصل .. الله يسلمج الهام واهي توها رادة من الطلعه : السلام عليكم ام خالد : وعليكم السلام الهام : بشري يمة .. وافقت ؟؟ ام خالد : عشتوو .. بيتقدم لها زين الرياييل ولد هالة وما تبينها توافق الهام وهي تبوس راس امها : هههه .. لا تنسين انها بنت بو محمد مو أي ناس ام خالد : فديتها الغالية .. اهي بنت اختي بعد الهام : الله يجدم الي فيه الخير وكل شي راح يصير تمام ام خالد : عقبالج انتي بعد الهام بحزن .. عقبالي بعد شنو .. كافي الي شفته : ان شاء الله ام خالد : يالله بزهب هالغذا لين ما يي اخوج وابوج ونبشرهم بالخبر .. اما في بيت علاء العصر شهزلان على التلفون : لحظة دقيقة .. شهزلان بصوتها الناعم : نورة نورة نورة : كاني يمج .. آمري شهزلان : ولد عمتج يبيج على التلفون نورة : هلال؟ شهزلان : لا نورة وهي تبي تجر شهزلان للكلام : من؟ شهزلان واهي عاقدة حواجبها : ما عندنا الا ولدين من عماتنا نورة : اها .. رائد شهزلان : ................... نورة واهي تاخذ السماعه وتطالع اختها : هلا رائد رائد على التلفون : هلا بيج .. اقول يا بنت الخال .. باجر بييكم البيت نورة : لا تقول بتييب معاك المعاملات رائد : هههه اي .. ادري باجر اجازتج بس لازم انخلص هالمعاملات واللي يعافيج نورة : مو مشكلة .. تعال على الغذا رائد : صار نورة (( بال يبيها من الله )) : ......... رائد : يالله في امان الله نورة : في امان الكريم ولد العمة وتسكر نورة الخط شهزلان وهي تقعد على الكنبة وتفتح التلفزيون نورة : ياربي علييييييييييييييج شهزلان : شفيج بعد نورة وهي تقعد يم اختها : ليش انتي مب حشووورة شهزلان وهي مب فاهمة السالفة : حشورة على شنو ؟ نورة واهي تتقرب اكثر الى اختها : يعني لو انا منج جان سألت الف سؤال استفسر فيه عن اللي متصل وما اخليه الا لما اعرف شسالفة شهزلان واهي تبدل القنوات : وانا شبهمني اذا سألت ؟ نورة : اممممممم مادري شهزلان وهي تطالع الساعة وبتوتر : بال الساعه 5 بقوم ادرس لي كم كلمة باقي اقل من اسبوع ونداوم للجامعه نورة : قعدي بكلمج بشي شهزلان وهي مرتاحة تحس انها تبي تتكلم مع نورة وهني تقعد شهزلان نورة : شهزلان بكملج من جد .. وابيج صج تردين عليي شهزلان : ............... نورة : ليش كل هالجفاف على رائد ؟ شهزلان وهي فاجة عينها وبالارض : .......... نورة : تدرين ان رائد يتعذب يوميا عشانج .. لين يي تتهربين منه ولا تردين له حتى السلام .. ولين تيي عمتي ما تقعدين معاها عشان بس ما يقولون انج له وانه لج .. وتتجاهلين خواته عشان ما تكون علاقة امبيناتكم .. رائد ما بقول يحبج بس معجب فيج .. وهو ريال يعني بأي وقت يقدر يتقدم لج .. وابوي اكيد بوافق دام ولد اخته ياي بنفسه لج .. لانه مافي لا عيب جسدي ولا عيب مادي .. وانتي تعرفين حديث رسولنا الكريم .. فما يحتاج اطول السالفة عليج .. ؟؟ شهزلان وهي قلبها مطمن على هالشي : همي الوحيد هو دراستي .. بخلص هالفصل ان شاء الله وبدرس برع .. ابي اتخرج واصير دكتورة .. هذا طموحي وهذا مرادي .. تحسبيني ما احب رائد ؟؟ نورة هني انصدمت شهزلان قامت وهي تكمل : انا احب رائد .. بس مابي اعلق قلبي به عشان ما انسى هم دراستي .. كلشي بوقته حلو .. اذا فعلا يبيني خله يصبر لين ما اكمل اللي احلم به نورة وهي مب مصدقة : طيب مافيها شي اذا انخطبتي وانتي تدرسين شهزلان : انا ما اوافق على جذي .. ابي افرغ روحي وقلبي وعقلي كله له ولكن بعد الدراسة .. مو وانا قاعده معاه واحاتي الدراسة .. صراحة احس اني انانية بمجرد ما افكر بهالكلام نورة : انزين .. باجر عندج شي شهزلان : امممممممم ولا شي نورة : بيي رائد على الغذا شهزلان وويها ينقلب : اي صج تذكرت بطلع مع راقية نشتري هدوم للجامعه نورة وهي شوي وتصفع شهزلان : مافي طلعه ولا تجذبين .. بتتغذين معانا ويدج فوق راسج شهزلان : ان شاء الله نورة : اوكي انا بطلع فوق بروح انام .. احس راسي شوارع ما اقدر اركز على شي شهزلان : اوكو ركبت نورة فوق لدارها الا بطلعه رجاء معاها بنتها زهرة تركض لحضن شهزلان وشهزلان تلمها بكل قوة شهزلان : يعمرررري عليج والله زهرة : كالتي توفي هادا اونه (( خالتي شوفي هذا )) شهزلان : شحالته مثلج يينن رجاء : السلام عليكم شهزلان : وعليكم السلام .. شخبارج وشخبار بشار اليوم رجاء : الحمد لله شهزلان : اي شهر الحين انتي رجاء : الرابع شهزلان : اممممممم اكلي وايد فيتامينات نبي بشاروو يطلع دب مثل انور رجاء : والله ما اقصر في الاكل صلاح كل يوم يتصل فيني . ها شخبارج شخبار زهور وخواتج واخوانج واللي ببطنج تأكلينه لو لا ويفتح لي ألف محضر شهزلان : ياعيني رجاء وويها مورد : احم احم شهزلان : اقول .. شخبار دانة مرت هلال رجاء : بووووو من زمان ما تبين مرت ولد العمة شهزلان : ايي وحشتني تصدقين رجاء : تهقين طلقها هلول شهزلان : بال يعلج العافية ليش تدعين ما صار لهم سنتين من تزوجو رجاء : يلعن خيرج تحسبين ها شهزلان واهي تعدل شعر زهرة : لا بس جذي وظلت شهزلان واختها يدردشون مع بعض لين ما الاذان وبعدين كل وحدة قامت للصلاة ـــــــــــــــــــــــــ ـــــــــــــــــــــــــ ــــــــــــــــــ | ||||
|
| |
|
11-02-14, 10:07 AM
| #35 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجـــــــــــــــــزء 32 وعلى الساعه 8 المغرب في بيت بو يوسف ام يوسف : تقبل الله منكم يعقوب وبويوسف : منا ومنكم صالح الاعمال يعقوب : يمة وينه يوسف ام يوسف : توه داش داره يبي يرتاح بويوسف قعد يم مرته ويعقوب قعد بينهم كأنه ياهل ام يوسف : ول ول عليك بو يوسف : قوم شوي عاد .. بهدلتنا كلا لازق فينا وبس يعقوب وهو ينسد راسه في حضن ابوه وييود يد امه ويبوسها : ابي افتح معاكم موضوع بو يوسف : واللي يبي يفتح موضوع لنا يسوي هالحركة ام يوسف ويعقوب : هههههههههههه يعقوب عدل نفسه : يبة .. يمة .. انا ناوي اخطب !! ام يوسف : الساعه المباركة ياوليدي بو يوسف : واخيرا .. ومنو سعيدة الحظ اقول ؟ يعقوب : نورة بنت بو علاء ام يوسف : يا محلى الاختيار بويوسف: والله احسنت الاختيار يا ولدي .. انا من شفت اخوها علاء وشلون تعامله مع اخوي ارتحت له .. كافي يابكم لبيت عمك بسيارته واهو على راسه ألف شغلة يعقوب : وانا بعد ارتحت له .. وبنته شفتها من زمان .. من قبل ما نسافر لندن وعيبتني ام يوسف : بس عيل باجر نروح نكلم الاهل بو يوسف : خير ان شاء الله يعقوب وهو الفرحة مب شايلته : واخيرا بصير بويسوف الكل : ههههههههه على العشا في بيت بو ابراهيم عايشة : رهام طاوليني السلطة رهام وهي توها بتقوم عن الطاولة : تفضلي .. ابراهيم : حبيبتي صبي لي ماي .. رهام بنظرة حنونة : ان شاء الله بوابراهيم : رهام صبي لي معاج رهام وهي في قلبها (( صرت سينيثيا وانا ماادري )) : ان شاء الله عمي عايشة : صبي لي معاج ام ابراهيم : ههههههه شفيكم عليها مب كأن كلكم طلبتو مرة وحدة .. ما يسوى عليها رهام : هههههههه لا عمتي عادي .. اذا ما خدمت هلي اخدم منو ؟ ام ابراهيم : فديتج والله بو براهيم : وهو يشرب الماي .. تسلم يدج بنتي رهام وهي قايمة تغسل يديها وتحمد ربها على نعمته : الله يسلمك بعد فترة الكل قعد في قاعه الفيلا وهم يسولفون ابراهيم وهو يلعب بشعر رهام الحريري : شرايج ناخذ عواشو ونفلتها في البحر ونمشي عنها ام ابراهيم : ليش قايلينك يايبينها من وين ؟ عايشة : يخسيك تلمس شعرة مني والله لأقطف شعر مرتك رهام واهي تلم شعرها : ياربي .. ما يسوى علينا الكل : ههههههههههههههههه بو ابراهيم : يالله انا بقوم ارقد .. تصبحون على خير ابراهيم وهو يهمس الى رهام : بنام الدياية رهام حطت يدها على ثمها وقعدت تضحك بو براهيم : شتحش فيني يا مقرود الحظ ابراهيم : ههههههه ولا شي يا طويل العمر ام ابراهيم : كلشي ولا ريلي لا افلت عليك هالدلة رهام : عمتي !! كلشي ولا ريلي بعد عايشة : عشتووو الكل : ههههههههههه ويروح بو ابراهيم عشان ينام وتلحقه مرته وبقت رهام مع ريلها وعايشة عايشة قامت تفتح الدرايش ويدش هوا رومنسي ساحر الى داخل القاعه ويهب شعر رهام كله على ويه ابراهيم عايشة شافت هالمنظر الرومنسي حيل فأستحت البنية وراحت لدارها رهام وهي تشوف ابراهيم بنظرة عينه اللامعه : شفيك تناظرني جذي ابراهيم وهو يحط راسه بحضن رهام : شفتي النجمة البعيدة ذيج (( ويأشر على النجمة )) رهام واهي تطالع فوق ابراهيم : هذي انتي رهام وويها قاب حمر ابراهيم : صعب احد يوصلج .. واذا يوصلج صعب يشوف نورج رهام وهي شوي وتسيح من رومنسية ابراهيم ابراهيم وهو يكمل وياخذ بيد رهام ويخليها على قلبه : لكن انا وصلت لج وشفت نورج .. فأيكثر انا محظوظ بج .. وان شاء الله اقدر اني اسعدج .. واسوي اي شي يريحج .. رهام وهي تبوس راس ابراهيم وبحنية : كافي شوفتك بجنبي .. تسوى الدنيا ومافيها وهني يتبادل ابراهيم ورهام الابتسامات و (( اقول .. خلنا نخليهم شوي بروحهم ههه بسكم تطفل على لحظتهم الرومنسية )) ونيي الى بيت بو محمد بو محمد : والله هذي الساعه لمبارجة ... باجر نروح نخطب له .. افا عليه بس احمد : كلللللللللللللوش ام محمد : هههههههه اسمع هذي الاحلى كللللللللوووووووووووش .. صلوات على النبي سوسن وهي تبارك لمحمد : مبروك .. منك المال ومنها لعيال احمد وهو صج فرح من قلب ويقوم يحضن اخوه : والله وكبرت يالشيبة محمد وهو يتلقى التهاني والتباريك بهالمناسبة : الله يبارك فيكم وعقبالكم ام محمد : باجر بنروح الى مريم وبيي خالد الى سوسن بو محمد : يا محلى الجمعه سوسن انحرجت وقامت من مكانها احمد : آخ متى يجي دوري ام محمد : ماباقي الا انت واماني .. هالقد تبون الفكة مني احمد وهو يتدلع : اي بو محمد : افا بس افا وانا وين رحت محمد واحمد : ايييي هووو اووو ياووو (( حركات الصبيان اللي يسونها عشان يحرجون )) ام محمد انحرجت حيل وسيدة ركبت لدارها بو محمد : ههههههههه ليش تسوون جذي الليلة بتطردني برع الدار احمد : انا بسكر داري لا تحاول تجي تنام عندي بو محمد يوجه نظرته الى محمد ومحمد هو بعد يمثل : مي 2 لا تحاول ماي فذر بو محمد : مافيكم خير عيل .. بقوم اصالحها احمد : روح قبل ما تقفل عليك الباب الكل : ههههههههههههه محمد : اقول بويوسف احمد : هلاع محمد وهو يقوم من مكانه : وانت اي بقرة بتقبل فيك يا ويه القرد ويركض محمد الى غرفته واحمد بطريقة مضحكة شال عمره يركض ورا اخوه عشان ينتقم وهو يقول : ثكلتك امك يا صاح .. البقرة التي ستقبل بي .. هي اخت البقرة التي ستأخذها وبطلعه اماني من المطبخ : ههههههههههههههه .. شفيكم بعد محمد طررررررررراخ يسكر الباب وهو يضحك واحمد يبدل ركضته بطريج اماني ويحملها اماني وهي خايفة : لا خووووك نزلني ترا يدي مكسورة واي شي ترا يضرب على عرقي احمد وهو ينزلها : مدي يدج اماني بخوف : ماقدر احمد بحيالة : مديها والله ما راح اسوي لج شي اماني برعب : صج ؟ احمد : اي اي اماني وهي تمد يدها وهني احمد شرد عنها وراح لغرفته وهو فاتح شوي من الباب عشان يشوف ردة فعل اماني واماني صارت كأنها مرور مرفعه يدها ويدها الثانية ملتوية ومغمضة عينها تحسب اخوها بسوي لها شي وهني احمد انفجر ضحك وما قدر يتحمل اما اماني فبدت تفتح عينها شوي شوي وهي تقول : هههههههههههههههههههه سويتيني يماد يالكريه .. ماعليه اوريك احمد سكر باب غرفته عشان لا تيي اماني وتنقض عليه وهو ميت ضحك اماني بكل نشوة فرح : هههههههههه ماعليه اوريك .. صبر عليي بس وهني اماني شافت نفسها في الصالة محد يالس والكل نايم والبيت هدوء حبت تتصل الى يوسف تسلم عليه وتتطمن على حالته وبعد تفكير استغرق ربع ساعه راحت يم السماعه ودقت على رقم يوسف المخزن في تلفونها يوسف على التلفون : مرحبا .. اماني بتردد : هلا بو احمد يوسف عرف صوت اللي بحاجة انه يسمعه ولكن بماكبرة منه : آمري اختي اماني حست بأن يوسف مب طبيعي فبكل طيب وحنية : ما يامر عليك عدو يالغالي .. شخبارك الحين .. ان شاء الله احسن من قبل يوسف .. الحين بتذلنا ذل على وقفتها معاي بهالمحنة : تمام والحمد لله اماني وهي من نبرة صوته ضاقت فيها الدنيا : ..................... يوسف ويبي يسمع ردة فعلها وبكل ملل : داقة علي الساعه 10 بالليل .. شتبين !! اماني وعلى اول هبوط دمعات عينها : شايفني بنت شوارع عشان تقول لي هالكلام ؟؟!! يوسف حس بأنه غلط غلطة كبيرة .. شقاعد اقول انا .. شفيني : لا مسامحة ما كان قصدي بس .. بس ..... اماني وهي تمسح دموعها : يوسف الله يخليك انا شسويت لك عشان تعاملني جذي .. حبيت اتصل لك واسأل عن حالتك ولا اقل ولا أكثر .. مهما يكون انت اخوي قبل ما تكون ولد عمي يوسف هني انقهر ما تحمل هالكلمة : فيج الخير يالاصيلة والحين تطمنتي ؟ اماني ودموعها اربع اربع وبكل قهر : اي .. مع السلامة .. وان شاء الله هذا آخر كلام بيني وبينك .. !!!! يوسف توه بيرد على ااماني الا واماني مسكرة الخط طبعا يوسف ندم ندمة عمره على اللي سواه .. انا شفيني .. هذا مو يوسف الا اعرفه .. انا من سويت هالعملية وانا مالي خلق اي شي .. حتى ربعي الا هم ربعي ما اشتهي طاريهم .. افففف اذا انت يا يوسف تقول جذي شحال اماني اماني هني دعت على نفسها ان الله ياخذها اذا سوت اي شي يضايق يوسف .. ونيتها كانت صافية .. ما كانت تبي الا انها تسأل عنه .. وبعدين حست بغلط كبير .. المفروض اتصل لامه او لعمي مب له .. شبيني آنه .. حست اماني بتعب كبير .. كافي عليها اللي صار لها في المطعم بعد يزيد من الطين بلة هذا !! اخذت اماني نفسها وراحت لدارها ونامت نوم عمرها ما نامت حلمت بيه اشياء كثيرة وحست انها بكرة راح تصير لها مفاجئة تصدمها اكثر واكثر .. الله يعينج .. | ||||
|
| |
|
11-02-14, 10:14 AM
| #36 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجـــــــــــــــزء 33 ـــــــــــــــ والى هني وصلنا الى يوووووم حافل مليء بالاشيااء اللي تفرح القلب نطوف اللي صار الصبح ونيي الى الظهر على الغذا رائد وهو يطالع شهزلان اللي تاكل بكل نعومة وخجلانة مووت ونورة ميتة ضحك على نظراتهم لبعض وكأنهم قاعدين بروحهم نسو انها موجودة وياهم نورة وهي تخلص: احم احم .. الحمد لله شهزلان شوي وتغص باللقمة : كح كح كح رائد بحنية : عافية نورة : شربي ماي لا تغصبين شهزلان واهي منحرجة .. بل خوش شي ما لقيت اغص الا الحين رائد وهو يقول الى نورة : وقعي المعاملات وبيي الليل آخذهم نورة : يصير خير شهزلان وحست ان الاكل كله بيرجع ههههههههههه : كح كح كح كح نورة : وغصة وهني شهزلان تضرب على صدرها تبي الاكل ينزل رائد قام من مكانه .. شسالفة شصاير نورة .. ولييي .. ما بغت تغص الا الحين شهزلان وعينها التهبت احمرار واشرت على الماي وهني نورة فقعتها ضحك ما قدرت تسوي شي : ههههههههههههههههههههههههه هههههههههههههههههههه بموت لحقو عليي رائد ما عرف شسوي وهو بابتسامة يصب الماي ويشربه الى شهزلان وشهزلان حست انها بتموت نورة قعدت في الارض وتدحنت ضحك رائد : هههههههههههههههه سلامتج شهزلان وحست روحها صارت احسن .. وسيدة قامت من مكانها وضربت نورة على راسها : سكتي احسلج رائد مو قادر شوي ويموت ضحك على نورة فنزل راسه وفر روحه نورة عينها تدمع من الضحك وهي كلما تبي تسكت تشوف رائد وتموت ضحك اكثر شهزلان : استأذن يا ولد العمة .. هذي ما بتسكت رائد .. وين رايحة يا بعدد روحي .. معليج من هذي الخبلة : اذنج معاج نورة واخيرا راحت نوبة الضحك عنها وقامت توقع المعاملات بابتسامة رائد : هههههههههههههههههههههههه الله يغربلج ليش سويتي فيها جذي نورة ومو قادرة تحبس الضحكة : ههه شسوي .. كنت ادعي عليها بالغص والله استجاب دعائي رائد : ول ول عليج .. المهم اخليج الحين بروح الشركة نورة : الله وياك .. بحفظه وفي العصر تيهز يعقوب وامه وابوه عشان يروحون بيت بو علاء ويخطبون نورة رسمي وهني استقبل بو علاء الضيوف وراح بو يوسف ويعقوب للميلس وظلت ام يوسف مع البنات وامهم وبعد ساعه من الضايفة فتح بويوسف الموضوع مع بو علاء وبو علاء تهلل ويهه وفرهاد فرح من قلب الى نورة بو علاء : والله نسبكم نحشمه يالغاليين .. وابركها من ساعه نناسب شرفكم واصلكم .. كافي اخوك من اعز ربعي وييرانه .. بس يالغاليين نطلب منكم مهلة يومين نشاور فيه البنت ونسألها عن رايها بويوسف : ابشر يالغالي .. طلبك تم .. وفي ميلس الحريم وام علاء تتصنع المودة والحب الى بناتها وام يوسف مصدقة التمثيلية وطلبت ام يوسف انها تشوف مرت ولدها نورة فقامت فاطمة بكل فرحة لعند اختها اللي كانت متعدلة على الآخر وكانت على هيئة ملاك واحلى نزلت لعند عمتها اليديدة وقعدو يسولفون مع بعض مما جعل ام يوسف تحب هالنورة مثل بنتها واكثر وزادت غيرة ام علاء على بنتها وتصرف الحلو مع الغير وحست بنقص كبير في قلبها اما رجاء ومنى وشهزلان كانو في اجمل حلة وهم فرحانين حيل بلي يصير وفي المغرب في بيت بو مريم مثل الاحداث اللي صارت في بيت بو علاء صارت تماما في بيت بو مريم مريم قاعدة بين اماني وسوسن وام مريم مع بنتها الصغيرة ضحى قاعدة تسولف مع ام محمد طبعا من بعد الضايفة الكريمة من اهل مريم العروس وفي ميلس الريايل استأذن بو مريم وراح كلم بنته لخطبتها الى محمد وبكل براءة وافقت على محمد وهي متأكدة 100% ان هذا هو توأم روحها اللي راح يكمل حياتها بزواجه منها فحددو الرييايل كلشي من مهر ومؤخر .. والملجة راح تكون الاسبوع الياي ومن بعدها حفلة الخطوبة ورجعو العايلات الى بيوتهم وفي العشا حضر خالد مع اهله وتقدم الى سوسن وطبعا ملجتها راح تكون مع مريم مع نفس يوم الخطوبة مر هاليوم بسرعه البرق على الثلاث العايلات والكل فرحان بهالمناسبة الحلوة اللي راح تجمع العايلات بعلاقة الزواج بين افرادها وفي اليوم الثاني من الصبح نورة استأذنت من ابوها عشان يرخص لها اليوم عشان تطلع وتشتري لها حاجيات العرس طبعا طلعت نورة مع سوسن واماني وشهزلان ورهام والهام وتشرو الى الليل والاحداث اللي صارت من الصبح في بيت بو محمود غادة وهيا تشرب الحليب : اي ورهام راحت معاهم بعد محمود : تذكرين اول ما خطبتج غادة غادة حست بغصة بصدرها لان اول ايام الخطبة ما كانت تشتهي محمود ولا محمود يشتهيها ولكن حاولو انهم يتقربون لبعض وحسو انهم ما انخلقو الا لبعض غادة وعينها تعلن على دموع الماضي : اي ونزلت غادة راسها محمود خب ما قدر يستحمل زعلها فربع لعندها على السرير واخذ كوب الحليب وحطه على صوب وخذ يدين غادة وباسهم وقالها : اول الايام كانت الكراهية تلعب امبيناتنا هههه اما الحين فمافي الا الحب اللي يجمعنا غادة وهي تلم محمود بحضنها : والله لو انا مع احد غيرك ما راح اسعد لحظة بحياتي محمود وهو ماخذ كل حنان مرته بحضنتها له باس بطنها ودقاه : حوو انت يلي داخل .. شوف الحب والحنان لولاه لما ييت غادة وخدودها حمررت : ههههههه محمود وهو يكمل كلامه : ولولاها لما شفت الدنيا حلوة غادة زادت قوة لمتها الى محمود وهي تقوله : والدنيا ما تسوى بدونك يابعد هلي محمود وهو يبعد عن غادة : اقول .. جم تبين ؟ غادة : هههههههههه ابي رضاك اللي ماله حدود محمود يقلد العاييز : روحي يا غادة يا بنت راشد رضاي عليج ليوم الدين غادة : ههههههههههه محمود وبسرعه بديهة باس ثـم غادة : تسلم لي هالضحكة غادة وويهها منحرق : عيب شفيك ؟ محمود وهو يسند روحه يم غادة ويحط ايدينه ورا راسه : وشلي عيب .. مرتي حلالي غادة وهي تحاول تقوم : اي ماعليه .. بس مو صوب اللي يقرأون محمود : ههههههههههه اقول انتو فرو ويوهكم .. يه !! ما تخلونا في حالنا يابوووو << انزين يااستاذ محمود نفر الموجة الى بيت اممممممم بوعلاء منى بكل فرح : رجووي رجوووي .. رجاء كانت تلعب مع بنتها : هلا خيتو منى : وييلي .. شكان شعورج يوم صلاح يتقدم لج ؟ رجاء وهي تشوف بنتها زهرة : عادي منى بدهشة : بذمتج ؟ رجاء : اي والله منى : ليش؟ رجاء وهي تبجي : لان كنت ابي الفكة من امج .. ذبحتني لين ما قلت بسسس .. كنت احب واحد وكان بيتقدم لي لكن امج رفضته وابوي ما قدر يقول شي .. ويابت لي واحد لا اعرفه ولا يعرفني وتقدم لي وانا كنت مجبرة اني آخذه ولا ظليت تحت رحمتها طول عمري منى بحزن : وصلاح زاعجج بشي؟ انا ولا مرة تدخلت بينج وبين ريلج .. بس صج اسألج دامج صرتي قريبة لنا وحسينا انج صج اختنا .. رجاء وهي تمسح دموعها وتقلب زهرة على جتفها وتنيمها : صلاح نساني همومي في ليلة وحدة .. عرفت معنى الفرح والحياة والسعادة معاه .. صج كان على طول يسافر ومشغول بشغله .. ولكنه ابد ما نساني .. وهني يدق تلفون رجاء الا وهو صلاح !! رجاء : ههههه عمره طويل .. الله يخليه .. كاه متصل منى بكل حنية : ولد حلال رجاء بكل حب : آلو صلاح من طرف ثاني : ألوااات .. يا هلا بهالصوت رجاء ودموعها تجري : الله يهلي بك يالغالي منى حست انها تحرج اختها لانها قاعده يمها فأخذت زهرة وودتها داخل غرفتها ترقدها الظهر في شركة بو يوسف وبو محمد محمد : شاكر انا عندي اجتماع الحين اذا يا رئيس الشركة المناوبة خله يتفضل شاكر السكرتير : حاضر استاذ ويدخل محمد الاجتماع اللي استغرق ساعه وفي الاجتماع كان بويوسف وبو محمد فخورين بمحمد وجرأته في طرح الافكار اليديدة اللي تستهدف كل خير الى الشركة وموظفينها .. فشافو نظره عينه الطموحة الى مستقبل مشرق لحلاله .. والكل اعجب به واستغلاله بأفكار صحيحة وسليمة وبعد ما خلص الاجتماع كل الحاضرين شكرو محمد على ما قاله وسواه ودعو له بالتوفيق في حياته العلمية والعملية .. وظل محمد وابوه وعمه يتناقشون حول مشروع يديد بعد ما يعقوب طرح فكرته بمساعدة محمد وكان هالرباعي يخططون بشكل دقيق في بناء شركة في فرع ثاني تدير الاعمال وبكون يعقوب ومحمد هم المسؤلين عنها وطبعا كلمن من يعقوب ومحمد كان فرحان بالثقة اللي كانت تشملهم اما في شركة بو علاء فكان الشغل مضغوط لان نورة صاحبة السمو ماكانت موجودة فأضطر رائد انه يحل محلها في الاجتماع ويوقع أي ورقة تصدر من الفروع الثانية بأمر من خاله .. | ||||
|
| |
|
11-02-14, 10:15 AM
| #37 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجــــــــــــــــــــــ ـــزء 34 ـــــــــــــــــ وفي بيت بو ابراهيم ابراهيم كان مع ابوه في اشغالهم عيوش كانت مع شيخة بنت خالتها شيخة : هااا باقي اسبووع وترجعون للمدارس .. عايشة : ايييييي .. فديت المدرسة .. مليت من هالحكرة .. لا نطلع ولا نشم هوا شيخة : عيل قومي برزي روحج خلنا نطلع عايشة بكل لهفة : صججججج والله ؟ شيخة : اي والله .. بقول لخالتي وبنطلع .. عايشة ركضت الى غرفتها وقعدت تجهز روحها بعد ما شيخة استأذنت من خالتها وبعد ربع ساعه طلعو من البيت .. هذي الاحداث اللي صارت في هذا اليوم من بعد اسبوع كامل صارت الملجات للثلاث العايلات واليوم هو يوم الخطوبة اللي صارت جماعية تضم نورة ويعقوب ومحمد مع مريم وسوسن مع خالد الكل بهالفرحة كان مبسوط وعلى آخر انجسام الكل تبادل التباريك والتهاليل وصار كل هذا في قاعة دانة الكويت الكبيرة والشهيرة في العاصمة وكان الحضور بين ال 1500 وال 2000 يعني حضور كبيرررر جدا جدا جدا اماني ولله الحمد تشافت وصارت يدها زينة والحين اهيا قاعدة ترقص مع خوات نورة على اغنية ابعد وخليني اما الريايل فكلهم انهالو على ال 3 عرسان واحمد نعنش لهم وقام يرقص مع اخو مريم وعلاء وانور كانت فعلا ليلة ما تنسي وطبعا محد فوت هالليلة الكل صور فيها وفرح فيها من قلب وفي آخر الليل كل الضيوف ردو لبيوتهم وما ظلو الا اهالي العرسان اماني ضمت اختها وتمنت لها السعادة وام محمد باست بنتها ودعت لها بالتوفيق وام خالد استقبلت بنتها اليديدة بكل رحب وفرح وإلهام صج ماكان لها ويه انها تقابل اماني ولكن اللي فات مات لكن اماني للحين مقهورة وتبي تفاتح الموضوع معاها بأقرب فرصة اما بالنسبة الى مريم فكانت طول الوقت ميودة محمد مستحية حيل من اهله ومحمد فرحان << يبيها من الله هههههه اما يعقوب ففرحته ما تنوصف ماخذ زين البنات نورة كانت تتوايه مع ربعها واهلها وكانت ليلة ولا غير الليالي نيي ناخذ نبذة في ليلة سوسن وخالد كانو في المطعم يعلنون مشاعرهم تجاه بعض وعند ذيج الشمعه المضية << ياعيني خالد ميود يد سوسن ويكلمها بكل مافي قلبه وسوسن مستحية حيل ولكن شنسوي غصبا عليج يبة والى الثنائي اللي ولا اروع يتعشون عند القمر بنفسه ومحمد يوصف لها شلون كان شكلها يوم تنسرق منها جنطتها ومريم تضحك وهي تلقم محمد اللي ثمه انترس بلع ولكنه مواصل اما بالنسبة للعاشقين (( يعقوب + نورة )) كانو عند البحر و يعقوب حاط راسه بحضن نورة ويسولف لها عن اول ما شافها ونورة تمسح على يده ومرة وحدة يطلع لها وردة جوري حمرة ويخليها ورا اذنها << فلونا ههههه ونورة تضحك على يعقوب وخباله وهو يضحك على ضحكتها المرحة طبعا انتهت الامسية على خير وكلن منهم رجع لبيته يرتاح بعد هالتعب المتواصل وابتدأ يوم جديد فرش نيوو على حياة كل العايلات بالكويت وهذا اول يوم دراسي لطلبة الجامعه والمدارس شهزلان وشيخة واماني والهام كلهم راحو لجامعاتهم واحمد وعايشة ومنى وانور واخت مريم ضحى الصغيرة كلهم راحو مدارسهم وفي بيت بو محمد الساعه 10 الصبح كان محمد نايم من بعد تعب البارح اما سوسن فكانت تتفطر مع خالد مع امها خالد واهو يلقم سوسن وسوسن تسوي له حركة انه يوقف لكن مافي امل ام محمد بخبث : هههههه اقول .. اقوم احسن سوسن بحرج : لا يمة .. معليج منه هذا خالد : يه يه خالتي .. افا عليج لا تستحين .. انا خلود ما غيري ام محمد : هههههه بقوم استقبل ضيوفي احسن لي قامت ام محمد تفج الباب وتدخل ضيوفها للميلس سوسن : انت شفيك .. فشلتني حرام عليك خالد وهو يتقرب الى سوسن : جب ولا كلمة سوسن باستغراب : خالد بعد عني .. خالد : ههههههه تحلمين .. كافي طول هالسنين وانا بعيد عنج سوسن : اي ماعليه مثل ما كنت بعيدة عنك طول هالسنين كاني يمك بقية العمر خالد وهو فرحان حيل لانه واخيرا ارتبط ببنت خالته اللي كان قلبه يهواها ومب مصدق ان هذا اول يوم من الخطبة ويالس معاها .. يكلمها وتكلمه .. يحس بها وتحس فيه .. شعور لا يصدق سوسن واهي تأشر على ويه خالد : وين رحت ؟ خالد وهو يناظرها بعين حالمة : في أحلامج .. سوسن تبدلت نظراتها ونزلت راسها ووتمنت ان هاللحظة ما تخلص ولكن هيهات رن جرس البيت خالد : يعل الا ياي كسر بضلوعه سوسن وهي تمشي للباب : ههههه حرام عليك فجت الباب والا رهااااااااااام بحضنها رهام واهي لامة بنت خالتها : مبروووووووووووووووووووووو ك يا احلى عرووس سوسن متفاجئة : الله يبارك فيج .. شفيج من الصبح ياية لي رهام وهي تبعد عن سوسن : مالت عليج .. والحين تمشي للطاولة اللي كانو يتفطرون عليها وتناظر الريوق : والله انا ياية اتفطر معاكم وبروح الشغل آخذ اجازة شهر خالد وهو يقوم : وانا يعني طوفة ما تشوفيني رهام واهي تبلع بسرعه : انت من متى هني ؟؟ سوسن واهي تقرب الى خالد وتمسك يده : من ساعه وشوي خالد وهو رهام : وليش بتاخذين اجازة شهر !! رهام وهي تبلع ريجها : الاسبوع الياي حفلة زواجي خالد ورهام انصدمو : شنووووووووووووووو سوسن : واخيرا !!!!! خالد : يا بخته البرهم رهام وهي تتنفس وقف قلبها من الاكل ههههه : اي .. يا بخته فيني سوسن واهي تتوايه مع رهام : ألاف المبروكات حبيبتي .. منه المال ومنج العيال خالد : على البركة يا بنت الخالة رهام : الله يبارك فيكم .. وعقبالكم ما نشوفكم معاريس ..ووليدوو يتركض صوبكم سوسن ذبحها الحياء.. حرام عليج تونا مخطوبين خالد بنظرة حالمة : الله يسمع منج رهام واهي تدور عن احد : عيل وينها اماني وحمادى وخالتي سوسن : اماني في الجامعه .. واحمد في المدرسة .. وامي وياها ضيوف بروح لهم بعد شوي خالد بنظرة حزن : وين بتروحين عني .. هذي البنت ما تبي قربي .. تبي تدور حجة عشان تمشي رهام وهي تسحب شنطتها : لازم تروح للضيوف .. هم يايين يباركون لها سوسن : هذا الواجب !! رهام واهي تمشي للباب بتطلع : على العموم .. انا خبرتكم مو تقولون عرست وما قلت لكم .. ويالله تشاووو بروح الشغل سوسن وخالد : في امان الله طبعا ودعت رهام خالد وسوسن بعد ما عطتهم عنوان القاعه واليوم والتاريخ اللي راح تسوي فيها حفلة زواجها من ابراهيم يلست سوسن مع خالد شوي اللي ذبحها بكلامه الشاعري والرومنسي وتخطيطاته معاها للمستقبل وبعدين خلته وراحت للضيوف .. طبعا اهو ذبحهها اتصالات عشان ترجع له .. لكنها مطنشته .. يا يبة ضيوف ويايين يباركون له .. وين تبيني اطلع اذن أذان الظهر ومحمد قعد على احلى صوت عنده وهو صوت حبيبه عمره مريم طبعا كانت متصلة له توقظه مريم على التلفون : يالله حبيبي قوم .. الشمس في وسط السما والأذان يأذن .. محمد وهو يتثاوب : ان شاء الله عمري .. يالله أخليج يقوم محمد ويبرز نفسه على السريع ويدش الصالة خالد ترك تلفونه اللي كان يلعب فيه : هلا هلا بالمعرس .. يالله يبة على المسيد محمد وهو يبتسم ويربت على ظهر خالد : الله يبارك فيك معرسنا .. يالله توكلنا على الله تويهو للباب والا أماني بويهم أماني : السلام عليكم خالد ومحمد : وعليكم السلام .. محمد : ها رديتي من الجامعه أماني وويهها الذبلان : اي خالد : يالله كاني اشوف علاء يأشر لنا .. خلنا نمشي محمد : اوكو .. اماني ترا الهام متصلة فيج وقالت لي اقولج .. نخليج بنروح للمسيد اماني ولا هامها : الله وياكم محمد حس بأن اماني مب طبيعية .. شكلها متغير .. ونفسيتها كلش زفت .. فحب انه يأجل السؤال بما ان خالد معاه فطلعو وراحو مع علاء وانور للمسيد اللي قريب من الفلل بتاعهم اماني تيددت وصلت والحين اهي تشيل سيادتها ورمت نفسها على السرير آآآه يا علاء .. يا قسوة قلبك .. من رديت من لندن وانا ما شفتك .. ولا شفت منحوسة الحظ اختك قامت اماني تدور في غرفتها وتنظفها والا بإتصال أماني : السلام عليكم .. مرحبا الطرف الثاني : وعليكم السلام ..مراحب .. شلونج اماني اماني ارتاحت للصوت حيل : بخير يا يوسف وانت شخبارك يوسف وهو فرحان لانها ردت على رقمه : دوم مب يوم .. انا بخير دامج بخير اماني وهي تقعد على الكرسي : شخبار عمي ومرت عمي ويعقوب مع رفيجتي ههه يوسف : بخير .. كاهم تحت في الميلس بيطلعون بروح المطعم للغذا اماني : امداهم !! توها الناس فارغه من الصلاة يوسف : شدراني انا هههه اهم مخابيل اماني : امداك تعرف ان خطيبة اخوك خبلة !! يوسف : بعد الخبل شبياخذ غير الخبلة هههههههههههههههههه اماني فرحت والنشوة رجعت لويهها : ههههههههههههههههههه .. اي والله يوسف وهو من صج فرحان بهالمكالمة : مسامحة امون على ذيج المرة .. كان صج صدري ضايق اماني وهي تبي تبدل الموضوع : افا عليك يا ولد العم .. مرت دقيقة صمت .. يوسف ما قدر يفتح موضوع واماني ظلت ساكتة يوسف بتردد : اماني ممكن اسألج سؤال ؟ اماني ارتبكت !! : تفضل .. يوسف وهو متحير : إنتي .. أماني إنتي .. اماني وهي تبي تفكر بالسؤال اللي يطرحه يوسف : إنتي .. عندج علاقة بولد ييرانكم ؟؟ اماني انصدمت !!!!!!!! لايكون نورة قالت له شي .. لو طلع من طرف لسانها .. لا مستحيل يوسف وهو يحاول يتذكر :اسمه . امممممممم والله نسيت .. اممممممممم اي علاء اعتقد ؟ اماني وهي كلش منصدمة ومب قادرة تسوي شي !!! علامات تعجب ارتمست على ويهها يوسف وهو بكبره متردد ومتحير بنفس الوقت : أماني !!؟؟ اماني وهي تبي ترد عليه ولكن ولكن ما تقدر .. شقول له .. شصاير شسالفة .. وينقلب راس أماني فوق تحت وتتذكر كل لحظة كانت تفكر بها بعلاء وكل لحظة يوم كانت مع يوسف في لندن وفي غرفته وفي العملية وفي الطائرة وفي بيتهم !!! يوسف حس بيأس وغضب وقهر .. يعني عندها علاقة فيه .. اكيد تحبه ويحبها .. عيل ليش في المطار يوم شافها فرح وهي تعلثمت وتغيرت ملامح ويهها وبصوت ناعم يحمل كل معاني الحب والحنان والعشق والإلهام بكل قسوة وألم وحزن ردت عليه وهي فاجة عينها اللي كانت مجوفة على داخل من القلق : لا .. مابيني وبينه شي .. ليش ! يوسف ارتاح وارتاح قلبه وتلاشت الظنون وافكاء السوء .. اماني فتحت له موقع ما يقدر انه يضيعه .. عطته فرصة للفوز بقلبها .. بقربها بحبها : سلامتج .. اماني وهي منصدمة أكثر من اللي قالته .. : يالله يوسف أخليك الحين .. تامر على شي يوسف والابتسامة شاجة حلجه : سلامتج يالغالية تسكر اماني الخط | ||||
|
| |
|
11-02-14, 10:17 AM
| #38 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجــــــــــــــــــــزء 35 ـــــــــــــ وتقعد تهز نفسها بالكرسي الهزاز وتفكير بالكلام اللي قالته .. دام علاء ما اهمه الحين .. فمثل ما باعني راح ابيعه ومرة وحدة الباب ينفتح واماني تنخررررررع شيخة وهي تسحب اماني من يدها : يالله يالله .. الغذا ياهز .. يالله الكل تيمع خلنا نتغذا تراني بموت يوع اماني وهي مرتبكة : توها الناس .. شفيج انتي شيخة واهي تترك يد اماني : الساعه 2 ونص وتقولين توها الناس اماني تشوف الساعه : بااااااااااااااااااال توني فارغة من الصلاة شيخة : هههه يمكن كنتي تفكرين بالحبيب الغالي هالجذي مر الوقت بسرعه البرق اماني .. اي حبيب غالي أي بطيخ : يالله الحين بنزل شيخة : ترا امي وغادو واخوي وخالتي واولادها كلهم تحت .. يالله مب تتأخرين كالعادة اماني بأبتسامة طفولية : ان شاء الله شيخة وفي هذي الاثناء في بيت بو علاء رجاء : أزهار ماما تعالي هني .. زهرة بحضن علاء : لا .. ابي كالي علاء وهو يضم بنت اخته : تكلكلت حنوجج بلا رجاء : ههههههههههه مالت عليك يالقرد علاء : هههههههههههه زهوري حبيبتي زهرة اونها زعلانة تتباعد من حضن خالها وتروح لامها علاء : عشتوووووووو رجاء: جرحت احساس بنتي علاء.. شقول عن احساسي : ههههه الله والأحساس عاد .. الحين اراضيها بحلاو زهرة وهي تنخش بحضن امها : مابي هلاو علاء وهو راكع يبي ياخذها : يالله عن الدلع لا اييج بكف يسدح خدودج رجاء : ههههه عدال على بنتي انت .. شبيك يبة علاء : لو هذي بنتي جان شفتي هذي (( ويأشر على المروحة اللي فوق )) أعلقها هناك رجاء : ههههههههههههه حشا مجزرة قانا علاء واهو يسحب يد زهرة : واخسسسسسسسسسسس هم هم هم باكل يدج زهرة وهي تضحك وما تبي تروح لعلاء ورجاء تضحك على خبال اخوها وبهالصوت المرتفع من الوناسة والضحك تدخل (( كابوس النهار )) << ههههههه خوش تعبير ها ؟ من زهرة لمحت ليلى ام علاء اختفت ملامح البسمة على ويهها وضاعت بين ثياب امها اللي كانت ضامتها ليلى : وانتو ما عندكم سالفة الا الضحك ؟ علاء تغيرت علامات ويهه ومشا بإتجاه غرفة فاطمة اخته ليلى : وانت بس هذي شغلتك من تشوفني تنحاش رجاء واهي الثانية تاخذ بنتها وتروح على غرفة نورة الا وهيا غرفتها حالياً علاء وهو يدق باب غرفة فاطمة ليلى بكل قسوة : اي انخطبت ذيج وبقيت بروحك .. ما عندكم خطط تخططونها من وراي فاطمة فجت الباب : هلا خوي .. فاطمة لاحظت ان امها راح تبدأ مع علاء فقالت له : ادخل علاء .. لا تبدي معاك علاء وهو مقهور .. شمعه البيت وراحت والحين شتبين بعد .. نورة اللي احس انها لو لاها لما انا ظليت دقيقة بالبيت راحت .. اختفت بين يوم وليلة .. اختي اللي تعودت اقولها كلشي .. ما اشوفها معانا .. وبدل ما تخفف علي هالأم تزيدني علاء دخل غرفة اخته وفاطمة سكرت الباب شهزلان كانت قاعده على سريرها ولاحظت حزن علاء العميق فنزلت النظارة وتركت الكتاب وراحت يم اخوها : شفيك ياخوي .. شفيك يا عزوتي .. شفيك يا ضحكتي ومناي علاء حس بحنان الاخت . حس بأن كل خواته تجسد روح واحد .. الحمد لله كلهم على قلوب بعض : متضايق يا اختي متضايق أخت وتسمع من اخوها انه متضايق شصير فيها شتصير بحالتها شهزلان وهي تمسك بيد علاء وتخليه يقعد وفاطمة تراقب الوضع وبكل حزم علاء وعينه تعلن لهبوط أمطار من الدموع الحارقة اللي فاطمة وشهزلان تفاجأو من اللي يصير .. علاء يبجي !! علاء تدمع عيونه .. علاء الجبل الصلب .. يبجي !! ليش .. وهالقد السبب كبير .. هالقد همه واسع .. هالقد اهو حامل هم وغم على صدره علاء وهو يحط ايدينه على ويهه :مادري شقولكم يا خواتي مادري شقولكم فاطمة نزلت لمستوى علاء وقعدت تبجي على ريله وهي تقوله : ياخوي ندري ان نورة من طلعت من هني وكلنا فاقدين شمعتها وضوء روحنا بها .. ولكن هذي سنة الحياة ياخوي .. هذي سنتها وما نقدر نتحكم فيها او نغير اي شي منها !! شهزلان وقفت وراحت لعند الدريشة اللي تطل على منظر رائع للبرا وهي تمسح دموعها : انا ياما درست ودخلت مجالات كثيرة وقريت وتعلمت .. ولكن شي واحد ما قدرت اني افهمه .. وهو نمط هالحياة اللي نعشيها .. نفقد شخص وبالنفس اليوم نكتسب شخص ثاني .. مثل ما فقدنا نورة من بيتنا شفناك انت وتقربت لنا اكثر من اول .. ما قدرت افهم ان الام اللي عايشنا معانا ما تعرفنا ولا نعرفها .. ما قدرت افهم بأنك انت تعيش وتضحي لأجل غيرك .. وبعدين بلحظة صمت بلحظة ألم بلحظة خوف يختفي من الوجود وكأن كائنا لم يكن .. فاطمة كانت مستمتعه بكلام اختها المنطقي اللي تخطه في ذهنها وعلاء كان مستريح بأن هالهم اللي اهو حامله مشاركينه كل ضعايده فمسح دموعه وقام وهو يقول : يمكن احنا فقدنا امنا وفقدنا الحين اختنا ولكن ما فقدنا شي واحد .. وهو الحب اللي يجمعنا ويجمع عايلتنا .. فاطمة وهي الثانية تقوم وبروح فكاهية تمسك يد علاء وترفعها : يحيا الحب يحيا الحب تهافتت الضحكات من بعد الألم والدموع اللي اندمجو مع بعض وكل واحد ارتاح شوي من هالضغط اللي عليه فقررو هالثلاثي انهم يتصلون الى نورة ويخبرونها انها يا تيي لعندهم او هم يروحون لعندها وكان جواب نورة بالطبع : تخيسكم تيون لي .. انا اللي بنفسي بيي لكم .. افا بس افا !! وفعلا كانت نورة لعند كلمتها يت العصر ولمت كل خواتها واخوانها << اللي يقول سنة ما شافتهم مب كأن يومين ومن شافت علاء ظلت تبجي في حضنه : ياخوي ادري شبتقول بس شنسوي هذا اللي كتبه لي ربي وهذي قسمتي ونصيبي .. انا راح ابتعد عنكم بالجسد ولكني معاكم بالروح علاء: بلا هرار علي اقول .. لا تسوين لنا فلم مكسيكي تعالت الضحكات ما بين الخوات والاخوان ظلت نورة مع بيتها للمغرب وبعد ما الكل خلص من الصلاة علاء سحب اخته : نوارو .. شخبار نور عيني .. صار لي اكثر من اسبوعين ما اشوفها نورة : قبل ما اييكم كنت عندها .. وهي مشغولة كلا عزايم وبلاوي .. علاء : سألت عني ؟ نورة ترددت : اممممممم .. اقول شخبار الشغل علاء باستغراب : تمام .. ردي على سؤالي نورة : اقولك مشغولة بالغصب قعدت معاي ساعه علاء : اللي يقول اهيا المخطوبة مب انتي ! نورة : هههههههههههههههه عشتو .. كا انا يومين ما شفتكم كلا مع ضيوف بيت عمتي علاء : شلون يعقوب معاج نورة وهي ترمي نفسها على الارض : مثل السمن على العسل علاء : ركدي يبة الركادة زينة نورة وهي تحط يدها على قلبها : ما أقــــــــــــــــــدر علاء وهو يسحبها عشان تقعد عدل : طراق واحد ويخليج تقدرين نورة : هههههههههههههههههههههه علاء : نور عطيني رقم اماني نورة وهي منصدمة : شنووووووو ؟ لا يبة تحلم علاء وهو يصر : ابي اكلمها .. حاس بضيج نورة : سنتين ما تكلمها الحين تبي تحاجيها !! علاء : اي واللي يسلمج نورة : لا علاء .. ما اقدر اسويها .. علاء وحالته ميأوسة : والله حاس بضيج .. اسبوعين لا شفتها ولا حتى سمعت صوتها .. اهي تروح الجامعه وانا راقد اهيا ترجع وانا بالدوام .. والحين ما تطلع مثل اول .. واحمد الحين مشغول بالمدرسة ومحمد مع خطيبته .. وانتي مب هني .. نورة وعينها تدمع : انت تبي تحاجيها عن شنو ؟ علاء وهو مستعجب : ابي اسألها عن حالها ؟ نورة : حالها يا علاء ما تطمن علاء وويهه انخطف لونه : شفيها ؟؟ نورة وهي تقوم من محلها : والله مادري .. ويهها شاحب وبدنها ضعيف .. التوتر باين عليها .. يوم قعدت معاها كلش ماكانت وياي بالجو وتتذكر نورة الوقت اللي قضته مع اماني قبل ما تيي بيتهم اماني وحالتها مرعوبة : مادري يا نورة مادري .. أحس اني مب على بعضي هاليومين نورة : شفيج يا عمري .. والله ولهانين عليج أماني وهي تبجي في حضن نورة : يا اختي والله احس ان البيت صار لي مكان غريب .. احس ان مالي أهل .. مالي احباب .. فقدت طعم الدنيا .. مادري ليش نورة وهي الثانية تبجي : ليش معيشة نفسج في هالعذاب .. فضفضي لي .. تراني اختج قبل ما اكون رفيجتج يا حبيبتي اماني تبتعد وتمسح دموعها : انا من شفت يوسف وحالتي انقلبت فوق تحت .. مادري شفيني نورة : تحبين يوسف يا أماني ؟؟ أماني : مادري والله مادري نورة وهي منصدمة .. شنو ما تدرين .. شتهربدين انتي : أماني انتي مرتبكة بين حبج لعلاء وحبج الى ولد عمج يوسف .. هالجذي مشاعرج مب محددة وانتي ضايعه بين الطرفين أماني بحزن عميق : يمكن !!؟ نورة وهي غضبانة من تصرف اماني .. شنو يمكن ما يمكن .. الحين اخوي صار ولا شي من شفتي ولد عمج : المهم انا بخليج الحين .. نشوفج وقت ثاني اماني حست بأن نورة تضايقت فما حبت انها تطول الموضوع : على خير وفي هاللحظة علاء هز جتف نورة علاء : نورة نورة نورة وهي تتذكر انها قاعده مع علاء : ها ها علاء : وين رحتي نورة وبنظرة حزن وشفقة الى اخوها : ولا مكان وظلو الاخوان يهذرون مع بعض وفي هذه الاثناء كانت أماني في بيت خالتها هالة عند منو يا ترى ؟؟؟ قبل هذا خلنا ننزل في الميلس شوي عند سوسن وخالد خالد : سوسو .. شرايج ناخذ الهامو وامون ونروح المطعم سوسن : خووش فكرة .. خالد : بال بال بال عليج .. قول نروح بروحنا .. لازم معانا احد سوسن : لا حبيبي .. بس اماني هاليومين حالتها عفسة .. يبي لها تغيير جو خالد : اي باين عليها .. لايكون تحب سوسن وهي مندهشة بااال يابها على الجرح : هههههههه لا ما تحب ولا شي خالد : اممممم جذي كانت حالتي يوم كنت افكر فيج سوسن : ههههههههههه الله الله يالعاشق الولهان ننترك روميو وجولييت شوي ونيي الى غرفة الهام اماني وهي تبجي وبصوت عالي: انتي شنو علاقتج بعلاء ؟؟ قولي لي الصج ولا تجذبين الهام وهي تحلف لها بكل شي : وربي وبراس امي الغالية مابيني وبينه شي اماني وهي تضرب على راسها بحالة هستيرية : لا تجذبين علي الهامووو تراني في حيرة وراسي يدور ومب قادرة اسوي اي شيء حرام عليج قولي لي انج تحبيبنه والله العظيم ما راح اقولج شي .. بالعكس الله يوفقكم مع بعض الهام وهي منصدمة شفيها هذي شدراها : شوفي اماني صج علاء ساعدني يومنه اغمى عليي بالمحطة وانا قلت لكم عن هالسالفة بس ما توقعت ان اللي ساعدني يكون علاء !! وصج انا انصدمت يوم شفته وفكرت في ذيج الايام بس بعدين يوم شفت الرسالة اللي كانت عندج قبل ما تسافرين تأكدت ان مستحيل علاء يحبني .. لانه كان يعاملني بمجرد أخت لا اكثر ولا اقل اهو يحبج .. ويبيع عمره عشانج .. تأكدي من هالشي اماني .. انا صج اخذت الرسالة وكانت هذي حقارة مني .. ولكن .. ولكن اماني هني طاحت في الارض وقعدت تطلع حرت ذيج الايام اللي ما ذاقت فيها النوم ولا الراحة ظلت تبجي من قلب .. حالتها كانت فظيعه .. حابسة هالألم وهالحزن ومحد يدري عنها .. مرت الايام ولا احد سأل عنها .. تبي احد يفهمها احد يبين لها .. تخلت عن علاء بسبب الهام .. وباعته برخيص يم يوسف اللي ظلت تستحقره .. ليش يا دنيا جذي تسوين فيني ليش الهام ما عرفت تتصرف يت يم اماني وضمتها بكل حنان بكل حب اماني مسامحة ما كان قصدي اجرحج واسوي فيج هاللون .. ادري اني ضيقت عليج دنياج .. بس كنت بفسرلج كلشي .. والله ما بخليج جذي .. سامحيني يا اماني سامحيني اماني حست بهم ثجيل انزال عن صدرها حست بأن الدنيا رجعت لها ألوانها اللي كانت تشوفهم .. اماني بأبتسامة وعينها تدمع : تدرين لو وحدة ثانية جان قتلتها ..!! الهام وهي تمسح دموعها : ههههههههههههه اماني وهي الثانية تمسح في دموعها : والله يا إلهام من يت لي هذي رفيجتج سارة وقالت انها تبي تنتقم منج من خلالي وانا حالتي ما يعلمها الا الله .. حتى بخطوبة رفيجتي واخوي واختي ما فرحت ولا حسيت بالفرحة مجرد مجاملة الهام : شنووووووووووووووووووو !! شدخل سارو بالموضوع ؟؟؟؟ اماني : اهيا اللي طلبت انها تقابلني ورحت مع سوسن وقالت لي كلشي الهام وهي تتحلف بسارة : ما عليج منها هذي المقرودة انا براويها حظها .. والله لأخليها بيزة ما تسوى . الهام هني ما تماسكت نفسها اخذت مفاتيح سيارتها وراحت تتستأذن وعلى طلعت اماني تبي تلحقها لأنها صج كانت معصبة واكيد راح تسوي شي بسارة وتوها بتفتح الباب الا تلفونها يرن اماني وهي تشوف تلفونها : رقم غريب .. منو ذي المتفرغ اللي متصل الحين ؟ أماني بدون نفس : مرحبا .. منو معاي الصوت الثاني : هلا .. اماني سمعت الصوت ارتبكت .. حست برعب وطمئنينة تقلبت مشاعرها .. حست ان شعر جسمها مب مكانه .. حست بأنها صارت قوية .. يا ناس هذا روح حياتي اللي متصل .. علاء .. اي علاء.. مستحيل ظني يكون غلط .. اعرفه هذا علاء ظل الاثنين ساكتين .. علاء وهو يسمع تنفس اماني اللي كأنه عبق من أحلى صوت .. وأماني فرحانة ولكنها مصدومة شلون يتصل لي ؟؟ ! علاء : أماني اماني وهي خايفة : ننن .. نع.. نعممم علاء : ههههه شفيج خايفة اماني واهي بروحها بتموت ضحك على نفسها : سلامتك علاء بحنية : سامحيني لاني اتصلت لج .. بس ابي اطمن على اخبارج ؟ اماني وهي فرحانة حيل .. يابعد عمري والله : بخير والحمد لله .. انت شخبارك علاء حس بلهفة : الحمد لله نحمده ونشكره اماني بتدارك الوضع: شخبار خواتك علاء : يسلمون عليج مرت ثواني صمت .. محد تكلم ولا قال شي وقطع هالصمت الرهيب علاء بلهفة عاشق : حبيبتي .. تراني ولهان عليج حيل .. والله مب قادر على بعادج اماني واهي تبجي : وانت بعد علاء وهو يسمح دموعه الحارقة : فديتج يالغالية .. شفيج مب على بعضج اماني وهي مب مصدقة انها تتكلم جذي .. شفيني مرة وحدة انفلت !! .. قبل ما كنت جذي والحين اكلمه في التلفون !!!! .. مب انه اللي قلت ابي ابني علاقة طاهرة .. علاء وقلبه وقف يسمع صوت شهقات اماني وهي تبجي : اماني .. حياتي .. شفيج !! اماني تحاول انها تهدأ : علاء .. اخليك الحين .. تعبانة حيل .. وأرتسمت علامات الحزن والقلق على ويه علاء علاء بقلق : يعله فيني ولا فيج يالغالية يابعد كل هلي اماني : الله لا يقول .. كافيني عذاب بعد انت تتعب ماقدر جذي اموت علاء : مينونة انتي .. عسا الموت ياخذني اذا انتي فيج شي اماني : بعيد الشر لا تقول جذي علاء وهو متشقق .. الحمد لله تحبني مثل ما احبها .. ولم تبدل في حبها شيئا ههههههه : الشر ما ييج اماني بتدراك للموضوع : المهم .. يالله تحمل بروحك ونشوفك على خير علاء بحزن : وين اماني : لازم اسكر الخط .. ولا تتصل على الرقم مرة ثانية ههههه .. علاء : ان شاء الله اماني : بايو علاء وهو ما يبي يسكر الخط : اماني اماني وهي تناظر باب غرفة الهام اللي بتطلع منه : هلا علاء : احبـــــــج (( وييييييييييييييي اماني الحين شبتسوي ... شحالتها .. ردت فيها الروح اخيرا خخخخ )) اماني والخجل واضح وعينها قامت تدمع من الدم اللي وصل لفوق راسها .. ويلي .. بموت آنه : حبتك العافية علاء : ههههههههههه ايه ماعليه .. هذا ردج ها اماني ميتة من الخجل وهذا حضرته مسوي نفسه ارقوز وماخذ الوضع بمزح : عيل شتبنيي اقولك علاء : ما تطالعين افلام هندية انتي ؟ اماني بتلهف: لا علاء : وززززز .. والشدخة اللي انشدختيها في عمود بيتنا ياقدعه انتي اماني ولأول مرة تضحك من قلبها من اسبووعين : ههههههههههههههههههههههههه ههههه علاء فرررررررررررررررررحان .. بعد هالوله والشوق يسمع صوت حبيبته وكاهي تضحك يمه : ههههههههههههه فديت هالضحكة والله .. ابيع نفسي عشانها اماني وهي تهدأ : ههههههه .. بجم ؟ علاء وهو ينبطح على سريره : اقولج ابيع نفسي وروحي وقلبي وحياتي عشان ضحكتج اماني وهي ترجع للورا وتقعد على سرير الهام : يعني راح تبيعني !! علاء وهو يفزززز من مكانه : هيهاااااااااااااااااااات اماني : ههههههههه .. يالله علاء راح اسكر الخط .. برجع البيت الحين علاء : يه .. انتي في وينه ؟ اماني وهي ما تبي تذكر الاسم : في بيت خالتي علاء : أي خالة ؟ اماني : ام خالد علاء بابتسامة : ريل اختج ؟ اماني : اي علاء : اهاا .. يالله عقبال بيتهم يميع .. اماني : ههههه .. ما عنده الا اخت وحدة علاء : اها .. فديتها الصغيرة أكيد توها بالمدرسة اماني بغير انتباه : هههههههههههه حلوة .. الهامو في اليامعه علاء ومرة وحدة ينصدم .. إلهاااااااااااااااااااااا ااااااااااااااااااااااااا اااااااااااااااااااااام ؟؟؟؟؟؟؟؟؟ .. ايييييي ذكرت .. مرة ساعدت وحدة بمكان الفلاني واذكر قالت لي ان اسم اخوها خاااالد !! .. لايكون بس هذي اهيا ؟؟ : اها .. يالله عقبالها اماني : ............................. علاء : اوكي عمري .. اخليج تروحين لا تصيحين علينا اماني وهي تبي تسكر الخط بسرعه وتنزل : ههههههههههه شنو شايفني . اوكي .. مع السلامة علاء : الله يسلمج وهني تسكر الخط اماني .. اللي كلش ارتاحت من قلب .. كل الهم انزال في يوم واحد !! والله دنيا .. من اسبوعين وانا حامله كل الهم على ظهري .. والحين في دقايق .. بااااح كلشي راح .. الحمد لله على كل حال بالنسبة الى علاء فواويلاه !! من ذكرت اماني اسم إلهام واهو حاس ان المشاكل راح ترجع حاس بأن ما راح يعدي هالخبر على خير مايدري ان الحين الهام عند سارة !!!!!! | ||||
|
| |
|
11-02-14, 10:18 AM
| #39 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| جــــــــــــــــــــــــ ـــزء 36 ،، الساعه 9 ونصف بالليل إلهام بكل عصبيتها وصلت بيت سارة رفيجتها اللي خانتها دقت الجرس الطرف اللي ورا الباب : لحظة وإلهام على اعصابها واهي تهز ريلها تبي بس تدش تشوف هالزفتة وعمايلها فتح الباب اخو سارة الا وهوا (( بدر )) بدر : نعم اختي إلهام انصدمت اولا لشكل بدر اللي يدل انه شاب خلوق وطيب وثانيا الى تنزيل راسه بالارض يوم شاف ان حرمة ياية البيت إلهام بكل خجل : السلام عليكم بدر واهو يفتح الباب ويوسع يده : وعليكم السلام .. حياج إلهام تدخل وتطالع بيت سارة المتواضع جدا جدا وحست بالقرف لانها داخلة فيه إلهام وهي بكل استقراف : خوي . موجودة سارة ؟؟ بدر فج عينه .. لايكون سارو مسوية مشكلة مع هذي بنت الهامور !! والله مب فاضين : اي موجودة بغرفتها إلهام : دلني عليها لو سمحت ؟ بدر بكل استغراب : تفضلي وبعد ثواني وقفت إلهام عند باب سارة وبدر استأذن وراح سارة من داخل الغرفة : هههههههههههههههه فديتك والله ألهام .. اي الاخت غرقانة بالكلام الرومنسي وتدق إلهام الباب وبسرعه بديهة من سارة سكرت الخط ورجعت كلشي محله ورفعت شعرها وبصوت كريه : شتبون ؟ إلهام : فجي الباب سارة انصعقت هذا صوت إلهام شمييبها هني !! يت سارة وفجت الباب : هلا وغلا برفيجتي الغالية .. اشوف مشرفتنا عندنا بالبيت .. اكيد وحشتج ها هههههههههههه إلهام ما تحملت دخلت الغرفة وسكرت الباب وطررررررررررررررررررراق على خد سارة سارة طاحت على الارض وحاطة يدها على خدها ومستغربة !! سارة بسرعه قامت : شفيج انتي .. ياية بيتي وتمدين يدج عليي إلهام واهي تتقرب الى سارة : واذبحج بعد .. تحرم عليج عيشتج .. جذي تسوين في بنت خالتي يالنذلة .. جذي تروحين وتخربين كلشي امبيناتنا .. سود الله ويهج يا جليلة الحيا سارة على طول فهمت الموضوع وتباعدت عن إلهام وتذكرت اماني إلهام تكمل : البنت توها راجعه من سفرتها وفوق هذا يدها مكسورة ! ويوم ثاني طلبتيها عشان تزفين لها سواد ويهج .. ومن ذاك اليوم ليومج هذا اهي متضايقة وما تطيق تشوف رقعه ويهي .. لو ما الليلة يت وقالت لي اللي بها جان اهي ميتة لا محالة .. انا شتسويت فيج عشان تأذيني جذي .. انتي شفتي روحج .. شفتي مقامج .. شفتي في وين ساكنة .. لو وحدة غيرج جان تشتريني بكل الانواع لاني بنت ناس معروفين مو أي ناس مثلج سارة كانت متأكدة ان إلهام راح تغتر بروحها وتقول هالكلام فردت عليها بكل وقاحة : خلصتي اللي قلتيه .. اصفق لج .. اجبجب .. لا لا دخليج .. تبيني ارقص لج على الوحدة ونص .. لو هلج معروفين ومب اي ناس جان ما خلوج تطلعين هالحزة إلهام وهي تطالع الساعه : انا مب طالعه اكلم رياييل وهني سارة سيدة فرت ويهها لان تدري النغزة لها إلهام واهي تأشر على تلفون سارة : ولا أتغزل فيهم في التلفونات .. ولا أتلبس واتعدل عشان اقابلهم .. انه ياية هني اراويج السنع يابنت منصور !! سارة بكل احتقار : شبتسوين يعني ! إلهام : ههههههه ماعليه .. براويج .. انا بمشي الحين بايو سارة : بلي ما يحفظج إلهام بكل قهر تسكر الباب وراها بقووووووووووة وتمشي الى باب الصالة عشان تطلع الا في ويهها بدر بدر : خير اختي .. شصاير ؟ إلهام يتها فكرة جهنمية : شوف يا اخ .. ترا اختك مسودة ويوهننا .. تكلم رياييل بالتلفون .. وتقابلهم ومنزلة راس ربعها في الارض وانتو خبر خير !! .. سترو عليها واللي يخليكم .. تراها فاضحتكم ومسوية سمعتكم زفت .. واذا مب مصدق روح شوفها الحين تكلم ويا أي واحد من اللي عندها واخذت روحها سارة وطلعت من البيت وقعدت في سيارتها تنتظر شي بدر هني شصار في حاله .. تقلب 180% اعتفس مب قادر يتحرك من مكانة الا الى غرفة سارة وراح لغرفتها بسرعه البرق وفعلا سمعها تتكلم مع ريال بالتلفون سارة : شخبارك حبيبي عساك طيب . مسامحة مساعه قطعت التلفون بويهك لأن .... ويفج بدر الباب وسارة اهني واويلاه : اوكي اوكي خيو اخليج بدر بعصبية فوق ال 1000 : تخلينها ها لا كملي معاه كملي السهرة ويقوم بدر ياخذ التلفون ويكسره ويطيح تدشخ وطراقات وضرب في سارة وامه تركض لعندهم : شفيييييييييييكم ؟؟ الى هني يوم سمعت إلهام اللي صار فتحت سيارتها وعلى طول لبيتهم والحين الساعه 11 بالليل رجعت اماني وسوسن مع خالد الى بيتهم أماني طلعت من السيارة عشان تخلي العاشقين في السيارة وتدخل البيت الا هناك بيت عمها بويوسف بومحمد : هلا وغلا حبيبتي .. اماني وهي منحرجة حيل : السلام عليكم الكل : وعليكم السلام والرحمة يوسف على طول عينه بعين حبيبته اماني واماني قعدت يم نورة نورة : هااا وينج احنا هني من الساعه 8 اماني : كنت في بيت خالتي مع سوسن نورة : اها .. لاني رجعت من بيت ابوي ولا لقيتج قعدت احاتيج اماني : عشتو .. اليوم العصر كنتي معاي نورة واهي تمسك خشم اماني : ههههههههه ما شبعت منج يابوو الكل : ههههههههههههههههه يعقوب اونه يغار راح لامه : يمة .. دلعيني شوية نورة ألتفتت الى يعقوب ودلاعته ام يوسف : والله انت عندك حرمة روح لها خلها تدلعك انا بدلع ولدي يسوف وتقرب يوسف لعندها ويوسف خجلان حيل .. يمة لا تسوين جذي ام يوسف : ههههههههههه يحليله يستحي الكل : ههههههههههههههههههههه بو محمد : يامرت اخوي خلي يوسف لا يذوب لنا بو يوسف يحط على ولده : لا يابووو خوفتي الحين تنزل امطار الكل : هههههههههههههههههههههه يوسف ويهه قب : يبة اللي يقول انت اللي ما تخجل بويوسف : شلون ؟ يوسف : اي ذاك الاسبوع امي تقولك يا بعد عمري شوي وتنسدح على الارض الكل: ههههههههههههههههههههه ام يوسف انحرجت وبويوسف يكمل : والله آنه وزوجتي كيفي .. مب انت ما عندك احد ويو يوسف وهو يناظر اماني .. بلا عندي .. بس اهي مب حاسة فيني : لا والله عندي يعقوب وهو يقوم من ريل امه : افا يالنذل عندك وحدة ولا تقول لي .. يالله عشان انت تاخذها وآنه اخذ اختها ام محمد : يه .. وهذي القمر اللي قاعدة يم بنتي يعقوب : أي قمر هذا .. انا ما اشوف الا اماني اللي قاعده نورة وهي منقهرة : الصخر ما يقدر يرفع عينه بضوا القمر .. هالجذي ما تشوفه الكل : ههههههههههههههههههههههههه ههههههههههههه اماني : هههههههههههه قوية قوية يوسف : يابوووووو أحرجوك ها ؟ بو محمد بموت من الضحك : هههههههههههههههههه والله يا بنتي عطيتيه من السنع بويوسف اهو الثاني كان مستمع بالحوار وفي هاللحظات اللي تعالت الضحكات دخل محمد مع خطيبته مريم اللي كانو ميودين بعض بكل حب : السلام عليكم الكل : وعليكم السلام يعقوب يعلق : هذا لو صاير هني تسونامي جان ما يودتها جذي الكل : ههههههههههههههههههههههههه ه محمد وهو يناظر مريم : وانت شعليك محتر .. خطيبتك قاعده مسافة 70 فوت عنك ومحترقة حمصتك يوسف : محترقة حمصته لانها توها عاطته من الزين اماني : مريم تعالي له .. ريلج ما بطير ام يوسف : قربي حبيبتي حياج ام محمد : خلوها عنكم .. تعالي يمة لعندي وهني سوسن وخالد بعد يدشون سوسن : لا والله .. وانا وين رحت الكل : اوووووووووووووووه هيا هيا عاشو يت يت قوووووبش خالد : لهالدرجة انا غير مرئي عشان ما تقولون اوووووه يا عاشو عاشو الكل : ههههههههههههههههههههههههه هههه ويت مريم لعند ام ريلها وقعدت تسولف معاها اما سوسن فقعدت مع اختها اللي لاحظت تغيرهها في الآونة الاخيرة ونورة اما خالد ومحمد فظلو متيمعين مع يوسف ويعقوب وبومحمد وبويوسف والكل كان منسجم ويسولفون ويضحكون وماخذين الدنيا سهرة خبركم باجر اجازة احمد توه راجع من طلعته مع شلته ففتح الباب وشاف هالجمع المتحشد وانزهق .. ألعن ها متى يو .. الساعه 11 ونص بالليل وذلين للحين قاعدين .. يابو الحين بيكشفوني اخذ احمد يتسلل ويمشي شوي شوي عشان على طول يركض على غرفته ولكن هيهات مع ان الكل كان مشغول ومحد لاحظه وهو كان دقيق في كل حركاته بدل ما يطالع اللي جدامه كان يطالع الجماعه فشوي شوي يمشي وما شاف الزولية اللي كانت مجفوسة على برا مما تخلي الواحد يتعرقل منها الا و طرررررررررررررررررررررررر رررررررررررررررررررررراخ الكل دار ورا وتتهافتت الضحكات : ههههههههههههههههههههههههه ههههههههههههههههههههههههه هههههههههههههههههههه الكل فطس ضحك على طيحة احمد ريله على فوق ويديه مجفسين كأنه سمجة وراسه معووج وحلجه مفتوح ونعاله متعلق ومتدلدل على صبعه من يده حالته كانت معفوسة فوق تحت خالد ومحمد طاحو تصوير بتلفوناتهم في احمد والكل قاعد يضحك على حالته يعقوب : انا مو قلتك لك لا تلعب مصارعه مع روحك الكل : هههههههههههههههههههههههه خالد : لا لا انت بس شوفه فاج حلجه تقول قاعد في سباق المارثون ويدخل محمد عرض : لا ياخوك شوف لنعال وين راح .. حشا لو كان رامي ربية جان رجعت له ليده بو محمد : شفت يالعيار تبي تنحاش من هالجم السؤال اللي الوالدة بتسألك عنه وشوف شصار فيك خب نورة واماني ومريم وسوسن كانو ميتين ضحك على التعليقات ام محمد : قوم يا حشاشة يوفي عساك بس ما تعورت احمد وهو يضحك على حالته قام وعدل نفسه : والله العظيم انا ما كنت حاسب حساب لهالطيحة .. امشي شوي شوي وما شفت هالزل اللي مرجحني في الهوا وطحت على حلجي اخاف بس تعور وما آكل شي باجر يوسف : ههههههههههههه شوف شيفكر فيه الكل : هههههههههههههههههههههه وعلى هذي الضحكات الساعه 12 استأذن خالد وراح لبيتهم وبويوسف وعايلته اما نورة فقالت انها بتروح الحين بيت ابوها بعد التوديع ام محمد وريلها وولادها راحو ينامون ما ظل الا سوسن واماني ومريم قعدو ينظفون المكان اللي كانت فيه الجمعه مريم ترفع الدلال : ودي اعرف شلون شلون تقدر على بعدي .. سوسن واهي تعدل الكنبات : خلك معاي .. خلك معاي .. ما اقدر اعيش وحدي اماني تكمل وهيا تشيل المكسرات : زادت علي الهموم .. كلشي انقلب ضدي الكل : الله ياطول اليوم اليوم .. الوقت ما يعدي .. سوسن وهي تيود قلبها : ودي اشوفك يمي دايم مريم تضحك : وانت صاحي ولا نايم .. بالمحبة القلب صايم يا هوا وانت بعيد اماني وهي تاخذ الوسادة وتحضنها وتقعد على الكرسي : لا تخليني .. لا تخليني .. آآه لو تدري بعذابي ما تخليني سوسن تقوم وتأشر كأنها مغنية : بدونك لما انا امشي اطيييييح مريم تقلد سوسن : بدونك لما انا اضحك اصيح اماني توقف : اهون عليك اهوون عليك . يا حبيبي انا اهون عليك .. حرام عليك .. حرام عليك .. اذا انا اهون عليك الكل : ودي اكون دايم بقربك بس انا اللي في قلبك .. انا والله موووت احبك يا هوى وانت الوحيد سوسن تيود يد مريم : انا والله مووووووت احبك يا هوى وانت الوحيد اماني ومريم : اهون عليك خلصو والكل صفق لبعض وضحكو على خبالهم الرومنسي وبعدين مريم : انتي ما شريتي شي الى حفلة رهام موو ؟ سوسن : ما شريت .. وشكلي ما بشتري بعد مريم : شلة ؟؟ سوسن : اولا الجامعه ومو مخلية لي وقت اتنفس ومن انزل البيت على طول في ويه خالد وما يخليني اقعد او ارتاح .. مريم : باجر عطلة شرايج نروح نشوف لج شي سوسن : اوكي عيل .. بقول لخالد ما ييني ما انه ما يقدر مريم : هههههه والله انا محمد اهو بنفسه وداني وشرا لي بذوقه سوسن : وويعه .. في احد ياخذ ذوق هالويه مريم بنظرة عاشقة : شفيه ويهه قممممر اماني وهي تحوس بتلفونها : احم احم ماخذ الجمال مني مريم : اهو الاصل وانت التقليدي سوسن : يالله عاد انتو الثنتين .. اصلا كلكم ماخذين الجمال والحلاوة مني اماني : هههههه أي جمال أي بطيخ مريم : اشوة ما خذو منج القصر اماني ومريم : ههههههههههههههههههههههههه ه سوسن اونها زعلانة : انا بركب فوق انام وخلي امانيو ترقدج معاها مريم : لا دخليج انا ما اعرف انا الا معاج سوسن : هههههههههههه حلوة ذي وتأشر الى غرفة محمد : كا ريلج داخل روحي له مريم : حبايبج .. يالله خلنا نروح نرتاح صراحة تعبت من الطلعه والتنظيف سوسن : اوكي يالله بفرش لج فراش يديد عشان تنامين فيه مريم : اوكي يالله بساعدج سوسن ومريم قامو ومريم تقول : اماني ما بتنامين ؟ اماني واهي مركزة كل انتباهها على تلفونها : دقايق واييكم مريم : على خير سوسن ومريم راحو فوق ويهزو نفسهم للنوم اما أماني فكانت تنظف تلفونها من مسجات وأرقام و نغمات لانها من زمان ما تسوي هالشي .. خبركم هالجم يوم مرو عليها مثل السيف وبكل هالاهتمام يا لها مسج يقطع عيون اللي يقراه : أنا الذي لو هزني الكون ما انساك .. لو رغمني الجفا ما جفيتك . .ما ينساك قلب بالشوق اغلاك .. ولو تطلب عيني بقولك فديتك قرت اماني المسج وذابت نزلت السهم الى تحت والمرسل مثل رقم علاء ويي فديتك على طول اماني خذت الرقم وسجلته بأسم (( يا بعدهم )) فكرت انها تطرش له مسج تعبر له عن شوقها فكتبت : ياشوق تكفى لاتخليه يرتاح .. ياشوق تكفى داعبه في غيابي ..خله يحس اني معاه وين ماراح .. خله يحس شلون لذه عذابي علاء كان منسدح على سريره بينام بس قال اولشي نشوف اماني عمري شاف المسج والاخ انسدح ههه فرد عليها بمسج احلى : صــدفه تذكرتك وانا ماني بناسيك .. واشتقت لايام بها كنت وياك .. ذكرت حلم مات واحياه طاريك .. وحب غدي مابين همك وذكراك اماني وهي تسند راسها على الكرسي وتكتبت هالمسج : اغـليك واغلي كل من كان يغليك .. ويهون لاجلك كل درب مشيته .. باصبر عسى الايام تسمح والاقيك .. وترد لي قلبي مثل ما خذيته علاء وهو يقلب للجهة الثانية كتب : للفرح يوم هليت في قلبي هبوب مااظلم زماني يوم عن الكون غايب لك بسمة تتملك الكون بالطيب ولك نظرة سوتبروحي العجايب أماني فرحت حيل على كلامه الرومنسي فردت بآخر مسج : لو الود ودي دايم الدوم ألقاك .. لكن الظروف القاسية أمنعتني .. لاتحسب كل من راح عنك خلاك .. تبقى وسط القلب لو الدنيا أمنعتني علاء تشقق وفج حلجه ومرة وحدة سمع صوت خاله فرهاد فج الباب : علاء .. خالو .. دن لي بنام معاك علاء مندهش : يالله خذ هذا اللي ناقصني .. ليش بابا ؟ فرهاد : والله يخرع بيتكم .. اسمع اصوات علاء بضحكة : يمكن هذا شخير فاطمة فرهاد وعلاء : هههههههههههههههههه فرهاد : صج ماصخ .. اذا قعدنا للصلاة بقولها علاء : ههههههههههه عيل اطلع من الغرفة فرهاد واهو يي من الطرف الثاني من سرير علاء ويتلحف : امزح معاك بخدا علاء : ياخذك يارب فرهاد واهو مغمض عينه : دعاء الثور ما يستجاب علاء : ههههههههههههههههه ولا ترد على السفيه جوابا فرهاد وهو خلاص استسلم : اي اي علاء : لاحول والله ناس فاضية واخذ علاء يكتب آخر مسج الى اماني : غالي واللك باب الغلا دوم مفتوح وانا في بحر ودك دوم سباح البعد عنك يسبب لقلبي جروح وقربك يسر القلب ويصير مرتاح غلاك ما يحتاج تفسير وشروح مثل القمر دايم على الكون وضاح أحبجـ موت .. أماني وما ادراك ما أماني هالحزة انحررررريت حيل : هههههههه يا حليلك وبعدين تعبت فاخذت نفسها وراحت لغرفتها تنام وهم علاء كان تعبان وسهران بعد ! يعني ما راح يقعد الا العصر كلمن من العايلات اللي نعرفهم راقدين وينتظرون رحمة ربهم الى يوم ثاني | ||||
|
| |
|
11-02-14, 11:35 AM
| #40 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| جــــــــــــــــــــــــ ـــزء 37 ........ إنهلت الكويت بيوم جديد واشراق مميز وفي بيت بو محمود رهام بعجلة : شيخة يالله يبة ابي اروح الصالون شيخة واهي تشرب الحليب :توها الساعه 10 خلنا نتريق اول رهام : انا تريقت يالله قومي ولين خلصنا بشتري لج شي شيخة : اوكي عيل .. رهام اخذت نفسها واختها وراحو الصالون .. لا تنسون بعد يومين حفلة زواجها غادة باقي عليها اسبوع وتولد فهالجذي حركتها كلش صعبة فكانت مستلقية فوق بدارها ومحمود في الشغل وقرر انه ياخذ بعد ولادة مرته اسبوع عشان يداريها في المستشفى وفي السوق مريم كانت مع سوسن واماني يتسوقون من الساعه 7 سوسن شرت لها فستان وردي روعه وخذت لها اكسسوارات حلوة اما اماني خذت لها فستان باللون الازرق السماوي والساعه 10 ونص راحو الصالون اللي تواعدو مع شيخة ورهام انهم يروحونه في الصالون رهام كانت في قسم بروحها .. خبركم اهيا العروس فالاهتمامات تكون غير طبعا .. وفي القسم العام مريم : شباب كاهي عمتي داقة علي تقول عجلو في اليية سوسن وهي تقرأ المجلة : ليش ؟ شصاير مريم : مادري بس قالت عجلو سوسن : انا علي خلصت من زمان باقي مدام اماني اماني تضحك والموظفة قاعدة تراويها صبغات الشعر والقصات اليديدة نيي شوي الى شركة بوعلاء رائد : لا ياخوي اكيد في غلط ! انت مريت للإدارة اللي بالفرع الثاني الريال بعصبية : انت ما تفهم انا قايل لك اني مار هناك وماخذ التوقيع من هالزفت الموظف المسؤول باقي عليك انك بس توقع واخلص رائد بركادة : هد ياخوي وما بصير الا الخير الريال بعصبية مفورة : أي خير وانا مقابل ويهك النحس ها ! ما تعلمني رائد وهو ماسك اعصابه ويقول بداخله .. اللهم طولك ياروح على هذا اللوح الريال : ما تتكلم .. ما تقول لي .. بتوقعها لو لا رائد : شلون اوقعها وهي مب مختومة من اللجنة .. روح راجع قبل بعدين راح اوقعها الريال واعصابه انفجرت : انت يالبهيمة انا بصبر عليك لمتى ؟. نص ساعه وانا افهم فيك المعاملة موقعه من اللجنات كلها باقي توقيعك ونختم من شركتكم الزفت وينتهي الموضوع وعلى هذا الصراخ يدخل علاء اللي كان ماسك بيده كوبين من الكوفي له والى ولد عمته الريال وهو يستهزأ في علاء : هذا اللي تعرفونه .. الكوفي والشاي والخرابيط .. اما توقيع معاملاتنا تكون في آخر القائمة .. علاء ما بغى انه يتناجر مع هذا فعطى رائد الكوفي وقعد يكمل شغله الريال : لا والله مصدق روحك .. مسوي نفسه راعي الشركة وقاعد في مكتبه الفخم ولا يبي يدري شسالفة ؟؟ رائد : شوف .. انا ما راح اوقع لك هالمعاملة .. رضيت او انرضيت .. روح راجعها واذا اكتملت من التواقيع انا راح ابصم عليها .. غير هالكلام ما بتحصله مني الريال : تف عليك وعلى توقيعك يالـ ... علاء وهو واقف يم ويهه : محنا مجبورين نوقع معاملتك يالاخ دام تصرفك ويانا جذي .. وحط في بالك اني ولد راعي هالشركة اللي لو تجمع فلوس والدينك ما تعمر مثلها .. واللي ماسح فيه الارض يصير ولد اخت ابوي .. المعاملة ما توقعت من اللجنات القبلية .. واذا وقعناها لك احنا اللي راح نروح فيها .. لان هذي مخالفة تكلفنا ملايين من فلوسنا .. فأرجع للمكان اللي ييت منه .. لا الحين انادي لك الحرس الامني واخليهم يجرجرونك انت ومعاملتك السخيفة !! هني الريال استحى واختفى لون وجهه لانه يدري ان المعاملة فيها غلط وناقصه بس على العجلة يبي يطوفها .. فأخذ روحه وطلع من المكتب بعد ما حصل اهانات رائد : اففففف شهالاشكال اللي تقطع النصيب ؟ علاء وهو يشرب الكوفي : ههههه انت ما صار من توظيفك سنة وقاعد تشتكي .. شقول انا اللي اقابل مثل هالاشكال يوميا .. رائد : ههههه الله يعين ويعاون وعلى هذي الضحكات مرة وحدة تدخل نورة المكتب وكانت معاها مريم سكرتيرة ابوها نورة ومريم : السلام عليكم رائد وعلاء : وعليكم السلام رائد : وليي .. خلصنا شغلنا اليوم مريم وعلاء : هههههههههههه نورة : صج والله .. قوم اقلب وجهك خلني اقعد محلك رائد : ليش يا بنت بو علاء .. مكتبج فوق روحي بسطي عليه نورة : والله خلصت شغلي وما بقى علي شي .. قلت بطلع ويا خطيبي بس طايح الحظ للحين ما يا علاء : الحين طايح الحظ واذا بعدين يا بتقول هلا هلا حبيبي .. ! مريم : اي والله مساعة للحين قاعده وتسب فيه . رائد : هذي ام ويهين ما ينعرف لها توها نورة بتتكلم الا بصوت رعب يهز المكان يالله على شغلكم .. ماخذين بريك طول الوقت عشان تلعبون في الحلال رائد وعلاء خافو على طول قعدو يهربدون في الاوراق عشان يبينون انهم يشتغلون اما مريم فسوت روحها انها مضيعه ونورة وقف قلبها دارت وراها الا يعقوب شوي ويموت ضحك الكل : ههههههههههههههههههههههههه هههههههههههههه رائد : والله قرقعت قلبي مريم : ههههههههههههههههههه صج خوفتني علاء قام عشان يسلم على ريل اخته : هههههههههه هلا حيا الله بو يسوف يعقوب : هههههههههه لو تشوفون فيساتكم بس والله تموتون ضحك نورة : هههههههههههههه حسبناك ابوي والله الكل انخرع يعقوب وهو يمد يده ويسحب نورة : ابوج اهو اللي دازني عليكم عشان اشوف شتسون نورة : جاسوس ها علاء : ما يعطي ويه بعد .. يعقوب بلا اهتمام : عشو عيل انا 007 .. بوند .. جيمس بوند الكل : ههههههههههههههههههههههههه هه يعقوب يسوي روحه توه شايف علاء : اوه هلا هلا بو دعيج علاء وهو مغاور : ............. يعقوب : افا بس افا .. تحقر ها . ماعليه يصير خير علاء : روح إلحقها انت ومرتك رائد : اي طلعو برع نبي نشتغل نورة : عدال عاد يا بزنز مان .. يالله حبيبي خلنا نمشي مريم : بال .. انا بمشي لا انطرد بعد الكل : في امان الله مريم : حشا ما صدقو على الله الكل : ههههههههههههههههههههه علاء ظل يكتب تقرير ورائد نزل راسه وقعد يقرأ الملاحظات من قسم الماليات اما يعقوب ونورة أخذو روحهم وطلعو .. في بيت بو علاء شهزلان كانت على الكمبيوتر تطلع لها تقارير اما فاطمة فكانت تعدل جنتطتها عشان عقب باجر المدرسة .. وهذا آخر فصل لها وتتخرج اما منى وانور كانو يلعبون بلاي ستيشن عن الملل ورجاء كانت حاملة بنتها وتسولف مع اختها ومرة وحدة دق الجرس رجاء : منو ياينا هالحزة فاطمة تطالع الساعه : الحين الساعه 12 وقت أذان رجاء : الحين بتيي الشغالة وبتقول لنا وبعد دقايق سمعو دقة باب قوية زهرة نطت في حضن امها خايفه تحسبها يدتها فاطمة : منو ؟ هني صلاح ريل رجاء فتح الباب فاطمة : لا إحم ولا دستور سيدة يدشون رجاء من شافت ريلها ركيض نطت عليه وقعدت تبجي صلاح : ههههههههههه حاسبي حبيتي تراج حامل زهرة بعد من شافت ابوها على طول انهالت عليه : بابا .. بابا صلاح ظل مفغوص .. مرته اللي متعلقة فيه وبنته اللي مب مخليته يتنفس فاطمة : ههههههههه بسج رجاء ذبحتين ريلج تباعدت رجاء شوي وظلت تبجي في حضن صلاح : الحمد لله على سلامتك يالغالي صلاح : الله يسلمج يالغالية يم الغاليين زهرة : الله يثلمك انته بعد صلاح يبوس زهرة ويلعب معاها : ويسلمج انتي بعد .. شوفي شيبت معاي .. حلاة زهرة ما صدقت عمرها ياهل وشايف حلاو داخت فاطمة : الحمد لله على سلامتك يبو بشار صلاح وهو يشوف دبة مرته : الله يسلمج .. اشوف بشارو كبر ها رجاء وهي تمسح على بطنها : اي يبي يطلع يتربع في حضنك صلاح : هههههه بيطلع لا يستعيل فاطمة طلعت راحت توصي على شي اللى الضيف ورجاء وريلها وبنته طلعو الى الصالة .. مب عدلة يقعدون في غرفة فاطمة له ! وبعد دقايق يابت فاطمة العصير الى صلاح وقعدت صلاح : اي هذي آخر سفرة حبيبتي .. والحين بتملين ويهي كلا قبال ويهج القمر رجاء وهي تمسح دمعتها : لا والله ما عاش من يتملل منك فاطمة : الا صج .. لا تقول انك بتاخذ اختنا صلاح : اكيد باخذها .. حرمتي وكيفي فاطمة : لا والله مب على كيفك .. خل بشار شوي يكبر صلاح : لين ما تدش رجاء تاسع شهر يعني ؟ فاطمة : هذا هو صلاح : اي بلى .. في عيد البش عاد الكل: هههههههههههههههه شهزلان ومنى وانور دور ان ريل اختهم هني فطلعو وسلمو عليه وتحملو له بالسلامة والساعه 1 يا فرهاد وعلاء وابوه من الشغل وهم سلمو عليه وعلى الغذا علاء : عاد اقولك .. اقابل هالاشكال يوميا .. المشكلة انا مابي اسوي مشاكل .. يعني لو حصل لي الشرف وشفته برع الشركة .. جان ذكرته بحليب امه الاربعين فرهاد : انزين جان اخذتو المعاملة وشققتوها عشان مرة ثانية ما يوطي علاء : انت اسكت عاد .. قاعدين في ايران احنا .. والله ترترة .. اذا شققت المعاملة .. راح يشقق عمري وراها .. لان اللي خاتم عليها اكبر مني ومنك صلاح واهو ياكل : ومنو هذا ؟ علاء : ابوي الكل : ههههههههههههههههههههههههه بو علاء : وصلني خبر هذا المراجع .. وفعلا كانت العاملة ناقصة علاء : الفضل الى رائد ولد العمة .. لو لاه جان توقعت ورحنا فيها شهزلان سمعت اسم رائد وفتحت عينها على الصحن .. بال لو هني نورة جان فشلتني بس نست ان رجاء هني ههههههه يعني وين بتروحين ياختي منى حاولت تغير الموضوع عشان شهزلان ما تتضايق : الا صج شفيها عمتي .. يقولون من جم يوم تعبانة . بو علاء : رحت لها امس وسألت عنكم وقلت لها انكم في المدرسة وان شاء الله شهزلان اليوم او باجر توديكم لها عشان تتطمنون عليها شهزلان في قلبها .. هذا اللي قاصر .. صرت دريول يايبة علاء : زين ما قلت انا بو علاء : اذا تبي تتطوع يعني فعلى كيفك شهزلان نطت على طول : اي والله تسوي لي خير .. علي جم تقرير اطلعه الى الجامعه صلاح : متى بتتخرجين شهزلان : هذا آخر فصل لي وافتك من الجامعه فرهاد : غريبة تقولين افتك .. خبري تموتين في الدراسة شهزلان : ههههه لا بس ابي اسافر اكمل برع الكل : الله يوفقج بعد ما خلصو الغذا وشربو الجاي وقعدو شوي يسولفون رجاء وبنتها ودعو بيت ابوها وراحت مع ريلها الى بيتها .. علاء راح ياخذ له غفوة اما فرهاد فقعد مع بو علاء ومنى وانور كانو صوبهم يلعبون بلاي ستيشن فاطمة كانت قاعده يم انور فاطمة : تباعد عاد عطني دور انور وهو يطالع الشاشة : روحي قلبي ويهج خلنا نلعب شوي فاطمة بعصبية : افففففففففففففففففففففففف فف كلا اهم اللي يلعبون عطونا فرصة فرهاد وبو علاء كانو يضحكون عليهم كأنهم يهال صغار بو علاء : ايه على ذيج الايام يوم كانو صغار كلهم جذي فرهاد : هههههههه وعلاء الزعيم كلا يخرب بينهم بو علاء : ههههه شري هذا ما يخليهم يا هايم مع ربعه او يغربلهم هني فرهاد : الله يخليهم وهني فرهاد ينادي فاطمة بنت اخته : فاتي فاتي فاطمة بعصبية : نعم خالي فرهاد : ييبي لنا البتة خلنا نلعب شوي مع الوالد فاطمة ركيض يابت البتة بوعلاء سوا روحه تعبان فاطمة : يالله بابا عااد لا تسوي روحك تعبان نبي نلعب معاك فرهاد وهو يخلط الورق : اصلا شايف الكنغ هني شلون ما يقوم بوعلاء : هههههههههه يالله عيل ألعب خلنا نشوف من الكنغ | ||||
|
| |
 |
| الكلمات الدلالية (Tags) |
| للكاتبة, لندن, مكتملة, امرأة, الرؤى, كيان |
| أدوات الموضوع | |
| انواع عرض الموضوع | |
|
|
العرض العادي
