مافهمت وصلك والهجران وانت مافهمت حبي وفراقه / للكاتبه أنفاس الهجر مكتملة

[شمالية الهوى]

~ آلَبُآرْتَ آلّسَآبُعْ وَ آلُعِشَرْوَنُ ~




• تِجُرَعْتَ آلُهِمَ وحُزَنْتُ



• وَغُرْسَتْ آلِحُبَ وَآبِتَسْمّتُ




حست بسعير النار اللي لفح وجهها ,, قامت تصارخ وتركض مو عارفه وين الطريق اللي يوصلها للنجاة وطلعت من باب الغرفه وهي خايفه وتحس انها مشلوله مو قادره تتحرك وشافت الدرج الى الان ماوصلته النار راحت تركض بتلحق على عمرها كافي انه شعرها وجهها احترقو كانت تركض وتتعثر بركضها قدرت توصل لطريق النجاه طلعت للحوش " عيالي " فكرت ترجع للبيت وسعير النار الضخمه وحرارتها منعها انها ترجع شافت البيت كله يحترق والنار كل مالها تكبر .
طلعت تركض بالشارع وهي كل تفكيرها بعيالها .



***

دخل فهد بالبيت وسكر الباب وطالع بأمه وكرستينا وغيداء ومدى جالسين : سلام عليكم .
الكل : عليكم السلام .
فهد : غيداء تعالي ابيك بموضوع .
طلعت غيداء مع فهد وهي خايفه تعرف فهد اذا صايره مصيبه وتعرف اسلوبه .
دخلو بجناحهم ومسك فهد يدين غيداء : حبيبتي انتي عارفه انه كل شي قضاء وقدر وانتي مؤمنه بالقضاء والقدر .
غيداء بخوف : وش صاير لا تلعب بأعصابي .
فهد وهو يجلسها جنبه ع الكنبه : غيود انتي مؤمنه بالله وايمانك قوي واتمنى تتماسكين وتصيرين قويه .
ماعادت تتحمل اكثر من كذا وبرجفه : قول وريحني الله يخليك .
فهد : عظم الله اجرك بعمك عبدالرحمن وعياله .
طالعته غيداء الصدمه سكتتها ثواني مو عارفه وش تقول : يعني اشلون ؟ ماتو ؟
فهد وهو يحضنها : ايه ماتو الله يرحمهم .
غيداء بين شهقاتها : عمي مات ؟ طيب وسهام ؟
فهد : سهام ربي نجاها من الحريق ونقلوها للمستشفى .
غيداء : حريق ؟
فهد : ايه البيت احترق وهم نايمين وماصحو بالحريق سهام بقدرة الله طلعت منه .. بس يقول الدكتور متشوهه كثير .
كانت غيداء بحضن فهد وتبكي بقوه وفهد يحاول يهديها : عمك ان شاء الله من اهل الخير والله يجعل قبره روضه من رياض الجنه خلاص ياعمري لاتبكين .
غيداء : آآآه ياعمي مابقى لي احد غيرك بهالدنيا .
فهد : غيداء ياقلبي انا معاك خلاص لاتبكين عظم الله اجرك وانتي قويه ولازم تتماسكين .
غيداء : قوتي كلها تنهار قدام الصدمه هذي .
فهد وهو يمسح على شعرها : الله يصبرك ويكون بعونك يارب .. سهام اللي صار لها مو قليل اهلها قبل شهر ماتو كلهم بسقوط طياره وعيالها وزوجها سبحان الله ماتو كلهم بحريق .
غيداء وهي تبكي : انا دعيت عليها انا تحسبت عليها بأعظم الليالي ليلة القدر .
فهد : ان شاء الله تكفير لذنوبها .. انتي اصبري ان الله مع الصابرين .
غيداء وهي ترفع نفسها من حضنه وتمسح دموعها : الله يصبرني ويجيرني في مصيبتي .
دخلت بالغرفه وراحت لدورة المياه الملحقه بغرفتها غسلت وجهها " لا حول ولا قوة إلا بالله .. اللهم اجرني في مصيبتي واخلف لي خيرآ منها "
قالته غيداء وهي تمسح دموعها .
رجعت للغرفه وجلست ع السرير وشافت فهد مسند ظهره ع السرير وشارد بالتفكير جلست جنبه : فهد .
لف فهد جسمه تجهها وطالعها : لبيه .
غيداء بغصه : مــ مـ متى الدفن ؟
فهد : ان شاء الله بكره مع صلاة الظهر ولازم نسوي لعمك وعياله عزا بالبيت .
تذكرت غيداء : ماتدري كريمه معاهم ولا لا ؟
فهد : كلهم حتى الخدامه ماتت معاهم .. خمس جثث اللي رجال الانقاذ طلعوهم من البيت .
لاح قدام غيداء قتل سهام لأبوها وانها هي اللي حرمتها امها وابوها وعمها كان يساعدها على الشي هذا وهو اعترف انه ساعد سهام على الجريمه .
تذكرت صبا ووقاحته وتأمرها وتمردها وذلها لها وتذكرت خالد وانعصر قلبها حزنت عليه كثير " الله يرحمك يا خالد "
تذكرت كريمه اللي مات ابوها واخوها بنفس الشهر وكانت متماسكه .
طالعت بفهد ومسحت دموعها : كلهم ظلموني إلا كريمه وخالد .. حتى عمي اللي ابكي عليه هو اللي حرمني من ابوي .
طالعها فهد واستغرب منها " مو معقوله انه هذي غيداء اللي قبل شوي " : حبيبتي لا تخلين الشيطان يوسوس لك هذولا اهلك سامحيهم .
غيداء : الله يسامحهم .. بس سهام الله لايسامحــ...
حط فهد يده على فمها : لا لا مايجوز كذا انتي لازم تسامحينها لاتشيلين بقلبك على احد عيشي حياتك سعيده ومرتاحه .
غيداء بقهر : صعبه علي اسامح انسانه مثلها .. كانت يوم تضربني وتشغلني عندها مثل الخدامه كنت اسامحها بس يوم عرفت انها قاتله ابوي كرهتها اسامحها هذا امر مستحيل انا ما اقدر اسامحها صدقني يافهد مو قادره اسامحها .
فهد : كثير ناس اخطو بحقنا بس لازم نسامحهم وانتي سامحي كل من اخطاء عليك وظلمك لوجه الله واجرك على الله .
تنهدت غيداء " ماراح اسامحها بس لأجل فهد انطق بالكلمه هذي ": الله يسامحها .
فهد بعد ماباس يدها : لبئ قلبك .. خلاص هديتي الحين اقدر اقول لأمي وابوي الخبر .
سالت دموعها ومسحها فهد : خلاص حبيبتي الله يرحمهم ما احد يتقدم ولا يتأخر عن يومه وكلنا على الطريق هذا وراح نموت
قال تعالى ( كُلُّ مَنّ عَلَيّهَا فَانِ *26* وَيَبْقَى وَجْهُ رَبّكَ ذُو اْلَجَلالِ وَ اْلإكْرَامِـ ) سورة الرحمن ايه (26-27)
شهقت غيداء وهي تبكي ومسكت يد فهد : الله يخليك لا تذكرني بالموت كل اللي احبهم ماتو ما بقى لي إلا انت وامي لاتذكرني بالموت .
حضنها فهد : ولا يهمك حبيبتي ماراح اذكرك بالموت .. بس حتى انتي لايصير عندك خوف من الموت وانكار او ضعف ايمان بالموت كلنا راح نموت والكلام هذا تعلمناه من صغرنا لا يضعف ايمانك .
غيداء : عارفه انه الموت راح يمر على كل بني ادم بس اخاف افقدك .
فهد : حبيبتي خلاص والله عذبتي نفسك بالخوف هذا قدمي بحياتك عمل صالح يشفع لك اذا لاقيتي ربك وماراح تخافين من الموت .


***

طق رويد الدريشه بخفيف وانفتحت الدريشه وابتسم رويد وهو يشوف ديم قدامه بدون غطاء بس حجاب على شعرها : صباح الورد .
ديم بابتسامه : صباح الفل .. الحمدلله على سلامتك والله اشتقت لك كثير .
رويد : وانا والله اشتقت لك كثيير ما قدرت اجلس عند امي الجوهره يومين .
طلع رويد من جيب بنطلونه علبه صغيره لونها احمر : خذي ياقلبي هذي هديه مني لك .
مدت يدها بتاخذ الهديه ولامست يدها اطراف اصابعه سحبت يدها بقوه وطاحت الهديه على الدريشه " وش فيني اقابله واكلمه وافتح غطاي قدامه ويوم لمست يده خفت " مدت يدها وخذت العلبه وابتسمت : مشكور رودي .
رويد : حبيبتي هذي هديه بسيطه ولا حقك اكثر من كذا .
فتحت ديم العلبه وشافته سلسال الماس مكتوب عليه اسمها بالانقليزي .
ياما تمنت السلسال هذا كثير بس ما قدرت تحصل عليه .
طالعت رويد وبفرح : مشكور الله لايحرمني منك .
لاحظ رويد فرحتها " آآه الله يخليك لي ويجعل يومي قبل يومك "
ديم : رويد ممكن طلب ؟
فز قلب رويد : عيوني لك .
ديم : تسلم حبيبي .. ممكن اصورك ؟
ابتسم رويد : بس يمكن الاضاءه ماتساعد للتصوير .
ديم وهي تفتح الكاميرا : انت بروحك اضاءه .
انبسط رويد كثير لأن ديم بدت تتكلم معاه بدون حيا او حواجز بينها وبينه .
صورت رويد وكانت الصوره واضحه وحلوه .
ابتسم رويد : يلا حبي الساعه ثلاث وربع والله تأخرت كثير .. مع السلامه . وارسل لها بوسه بالهوا .
مشى من عندها وسكرت ديم الدريشه ونزلت الطرحه اللي على راسها احتارت وين تحط السلسال واكيد امها راح تسأله من وين لها .
حطته بالكومودينو وجلست ع السرير ابتسمت " الله يخليك لي يارويد "


***


خلصت ايام العزا ...
كانت غيداء حزينه بس مو بالمره .. اللي صار اشفى غليلها بسهام وذكرى مقتل ابوها تزيل حزنها .
جلست جنب فهد : فهودي حبيبي ممكن طلب ؟
فهد بحب : كلي فداك .
غيداء : تسلم ياقلبي .. ابي اروح لسهام بالمستشفى .
فهد : اوكي بتروحين لها الحين ؟
غيداء : ايه .. انت عارف بعد ثلاث ايام العيد .
فهد : ترا سهام مابقى لها بالدنيا كلها إلا انتي .
شهقت غيداء : لا اشلون واهلها ؟
فهد : هي اتصلت علي وطلبت مني انها تعيش عندك .
غيداء : لا مستحيل تعيش معاي .. عندها بيتها تروح له .
فهد : البيت خربان محروق كله مابقى منه قطعه سلمت من النار .
غيداء : صعبه اعيشها عندي وانا ما ابيها تدخل بيتي .
فهد : وش هالكلام ياغيود هي عيشتك ببيتها 12 سنه وين راح جزاها ؟
احتقرت غيداء نفسها على تفكيرها : صح انها عيشتني ببيتها 12 سنه بس مو برضاها وهي ذلتني كثير .
فهد : طيب ردي لها جزاها عشان مايصير لأحد فضل عليك .
غيداء : لا انا وسهام مانجتمع تحت سقف واحد .. اقول لأمي تشري لها بيت صغير وتعيش فيه .
فهد : اشلون تعيش بروحها ؟
غيداء : انا مستحيل اعيشها معاي بنفس البيت .
فهد : خلاص ناخذ لها بيت صغير على قدها وتسكن فيه .. بس ماتقاطعينها صلة الرحم واجبه .
غيداء : اي صلة رحم هذي زوجة عمي يعني ما تعرفني ولا اعرفها وعمي وعياله اللي يربطوني فيها ماتو .
فهد : صح كلامك بس انتي عشتي ببيتها وتعرفينها كثير .
غيداء : انا بنهي الموضوع كله واذا استقلينا ببيت بروحنا سهام بتسكن معاي .
فهد : يعني انتي مستحيه من اهلي ؟
غيداء : ايه مايصير ادخل ببيتهم وحده غريبه عنهم .
فهد : خلاص ان شاء الله سنه بالكثير ونطلع من هنا .
غيداء : طيب مو ضروري هي تعيش معاي تدور لها اهل غيري .
فهد : غيداء لا تنكرين المعروف اللي هي سوت لك سكنتك ببيتها ماقالت تدور اهل غيري .
غيداء : بس انا اشوف انها عيشتني ببيتها غصب عنها لأنه عمي جبرها ع الشي هذا من بعد وفاة جدتي .
فهد : طيب غيود حرام فكري بسهام مالها بالدنيا غيرك صيري احسن منها وخليها تعيش معاك .
غيداء : عشانك بس بوافق انها تعيش معاي بس مستحيل هنا دور لها شقه او بيت صغير .
فهد : يالبئ قلبك .. واخيرآ اقتنعتي .
ابتسمت غيداء : طيب ممكن توصلني لسهام ابي اشوفها وابارك لها بالعيد واعزيها .
فهد وهو يمسك يدها : بس لا تتشمتين فيها هي تشمتت فيك وبلاها ربي .
فكرت غيداء بكلام فهد : ايه صح هي كانت تضحك علي كثير .. استغفر الله ياربي كنت بنتقم منها .
فهد : العفو الذ من الانتقام ساميحها .
غيداء : ما أقدر اسامحها والله طلبك صعب علي .
فهد : حتى انا ضربتك تكلمت عليك اتوقع مافيه كلمه جارحه ماقلتها لك وسامحتيني ومو مسامحه سهام .
غيداء : انت عارف وش تعني لي وعارف سهام وش تعني لي .
فهد بخبث : لا ما اعرف وش اعني لك قولي لي .
ابتسمت غيداء وطالعت بفهد : انت دنيتي كلها .
باس فهد جبينها : يابعد عمري .


***


اماني بصدمه : كل هذا يصير لأخوي ولا اعرف بشي ؟
عبدالمجيد : عمي وعمتي قالو لي ما اقولك عشان الاخبار اللي مثل هذي مو زينه لك انتي ببداية حملك .
اماني وهي تطالع عبدالمجيد : لا بصراحه انا مو متحملتكم كذا ..فهد اتهم بقضية قتل وطلع منها وانا ماعرفت شي اخوي نايف بالمستشفى ماعرفت عنه شي بالصدفه عرفت عنهم .. اشلون لو ولدي يصير فيه شي بعد خايفين علي ؟
عبدالمجيد : لا اكيد ولدك بتجيك اخباره .
اماني : لا اكيد مثل اخواني .. كلهم يقولون نايف مغير رقمه وفهد اكلمه وهو مسجون ويكلمني طبيعي مافيه شي .
عبدالمجيد : اماني حبيبتي لا تعصبين خلاص انتي عرفتي كل شي .
اماني بعصبيه : عرفت كل شي بالصدفه وانت قاعد تكلم فهد اخاف رويد يصير له شي وانا اخر من يعلم .
عبدالمجيد : لا تخافين رويد مايخفي عليك شي وكلها شهر واحنا رايحين للسعوديه .
اماني : سألتك بالله يا مجيد لو يصير شي لرويد تبلغني هذا ولدي .
عبدالمجيد : ان شاء الله ماراح يصير له شي ووعد مني لو يصير له شي لأبلغك ولاتنسين انه حتى اللي ببطنك ولدك .
اماني : بس رويد غير .. عشت معاه 18 سنه ولا هذا اللي ببطني يمكن إلى الان ماتخلق .



***

دخلت غيداء بغرفة سهام وانصدمت من شكل سهام نص وجهها محروق وعينها اليسرى مسكره .
وقفت عند السرير : الحمدلله على سلامتك .
سهام : الله لايسلمك .. وش جابك هنا ولا بس جايه تتشمتين فيني .
غيداء " عمرها ماتغيرت " : هذا حق وواجب يازوجة عمي .
سهام بعصبيه : صح اني بسكن عندك وبعيش على خيرك بس انا ما انكسر .
غيداء : عمتي اهدي ليش العصبيه هذي .
سهام بقهر : انا سهام اعيش معاك ؟ بس هذا القدر ولازم نرضى فيه .
غيداء : لا ماراح تعيشين معاي نحط لك بيت خاص فيك .
سهام : ايه كنت بقولك كذا بس انتي قلتيها قبلي .
غيداء : الدكتور يقول بكره تطلعين وين بتروحين عند امي ولا عندي .
سهام : مو تقولين بتحطون لي بيت ؟
غيداء : إلا بس بعده ماجهز البيت .
سهام : خلاص اروح عندك .. كم يوم ويجهز بيتي ؟
غيداء : ان شاء الله ثلاث ايام وهو جاهز .
سهام : وبيتك اللي بتسكنيني فيه جناحك اللي ببيت منصور ؟
غيداء : ايه .
سهام : مابقى إلا انا اعيش ببيت الجوهره لا لا دوري لي على مكان غيره .
غيداء بعصبيه : طرار ويتشرط .
سهام : غيدااء انا قلت لك ماراح اعيش ببيت الجوهره وجهي مشوه ما ابي احد يشوفه .
غيداء : طيب ناخذ لك شقه ولا انتي مستحيل تعيشين عندي .
سهام : ايه .. خالد وصبا وينهم ليش ماجو ؟
انصدمت غيداء ان سهام مو عارفه ان عيالها ماتو .
سهام : غيداء وين عيالي ؟
بلعت غيداء ريقها : هااا .. عيالك ؟
سهام بخوف : وش فيهم عيالي وينهم ؟
غيداء برجفه : عيالك ماتو .


***

صحى نايف وطالع باللي حوله مو عارف هو وين جاء المرافق الخاص بنايف ( ويلسون ) : نــايف هل تريد شيئاً ؟
نايف : انا وين وليش جايبيني هنا ؟
ويلسون : في مستشفى الامل ستقضي فترة علاجك هنا .
نايف : اي علاج ؟
ويلسون : علاج الادمان .. وايضاً الماده السامه التي دخلت لجسدك منذ اشهر .
نايف : عامر وينه ؟
ويلسون : في المستشفى ولكن السيد منصور امر بإبعادكما عن بعض .
نايف : طيب وين جوالي ابي اكلم ابوي او امي ابي احد يطلعني من هنا .
ويلسون : ولكن السيد منصور رفض اخراجك قبل ثلاث سنوات ومنع الزياره عنكما .
نايف بعصبيه : انت وش قاعد تقول ؟
ويلسون : تلك هي اوامر السيد منصور ولايوجد من يتجرأ ويتجاوزها .
نايف : طيب ابي جوالي .. ابي اروح لعامر .
ويلسون : عامر ليس بنفس القسم هذا .
نايف : مو مشكله بس اهم شي اروح له .
ويلسون : اوكي سأجري اتصالآ بالسيد منصور لكي استأذن منه .
نايف بعصبيه : لا لاتتصل عليه انا بروح لعامر ترا هذا مو سجن .
ويلسون : اعذرني فأنا مجبور على ذلك - وطلع جواله وكلم منصور -
نايف " وش اللي انا جبته لنفسي ؟ ليش اسوي كذا واتعاطى مخدرات ومنشطات وكل هذي رجعت لي بالضرر واكيد ابوي عرف عن الماده هذي اللي اخذناها من المافيا ويعرف اضرارها .. الله يستر "
خلص ويلسون المكالمه وطالعه نايف : ابوي يعرف اننا اخذنا حقنه من المافيا ؟
ويلسون : لا فأنا لم اخبره اتريد ذلك ؟
نايف بسرعه : لا لا تقوله .
ويلسون : لقد تحدثت مع السيد منصور واخبرني بأن لا نأذن لك بالذهاب الى عامر .
نايف : طيب ليش كذا ؟
ويلسون : كل هذه الاوامر من السيد منصور .
نايف : طيب ابي الجوال بكلم امي .
ويلسون : سيدي رفض ذلك واثناء غيبوبتك حاولت السيده الجوهره الوصول الى هنا ولاكن فشلت .


***

سهام : غيداء عيالي وينهم ؟
غيداء : عمتي اقولك عيالك ماتو .
سهام بصراخ : انتي كذابه لا تفاولين على عيالي .
غيداء بغصه : عمتي وربي ماتو هم وعمي وكريمه .
سهام : انا عارفه ان عبدالرحمن مات وعارفه ان كريمه ماتت وخالد هنا بالمستشفى وصبا عندك بالبيت هذا الكلام اللي قالي الدكتور .
غيداء : وربي ما اكذب عيالك ماتو .
ضحكت سهام بقوه : يعني اشلون مابقى إلا انا .
طالعته غيداء وسهام مره تضحك ومره تبكي .
طلعت من عند سهام واتصلت على السايق وبعد دقايق وهو واصل ركبت غيداء بالسياره بعد مافتحو الحرس لها الباب .
" ياربي كن بعون سهام .. شكلها انجنت "
وصلت البيت ونزلت وطلعت لجناحها وهي تبكي دخلت وشافت فهد جالس ع الكنبه ويتابع برنامج .
وقف بخوف : غيدااء وش فيك ؟
غيداء وهي تمسح دموعها : سهام ما كانت تعرف ان عيالها ماتــو .
فهد بإستغراب : طيب ليش هي كانت تبي تسكن عندك وهي ماكانت تعرف ان خالد مات ؟
غيداء : ع بالها خالد بالمستشفى وصبا عندي .
فهد : الله يعينها .. غيداء حالت زوجة عمك صعبه لازم تعطفين عليها .
غيداء : خلاص من بعد اليوم ما ابي اشوفها .. والله ما يهون علي اشوف سهام بالانكسار هذا .
فهد : صدق انه انتي اطيب وانقى واصفى قلب شفته .
غيداء : صح انها عذبتني بس ما احب اشوفها بالانكسار هذا تعودت عليها سهام القويه ما توقعتها كذا .
فهد : خلاص حبيبتي هي صفحه وانطوت من حياتك .. ومو من المنطق انك ماراح تشوفينها هذي زوجة عمك وزيارتها واجبه .
غيداء : الله يجيرها بمصيبتها .
فهد : امين .


***

مــرت الشهور تليها شهور وقلوب ابطالنا تتعلق ببعض اكثر واكثر ...
غيداء وفهد حبهم القوي خلاهم ينسون اخطاءهم على بعض والمشاكل الكثيره اللي صارت بينهم .
ديم ورويد حب المراهقه كل يوم عن يوم يكبر .
مدى وبسام العرسان الجدد حياتهم كلها سعاده .
ساره انخطبت من بدر ولد عمها .
وريف متزوجه لها شهر .
اماني اجهضت وهي بشهرها الرابع .

بشــهــر ثمــانيه ..
كل العايله مجتمعين بالمزرعه الكبيره بأبها .
اجواء خياليه ومايله للبروده .
على فرشه في المزرعه جالسين الحريم .
الجوهره , ساره , غيداء , اماني , ماريا , نوره , فاتن , سهى , راوين , رونق , الهنوف , ملك , الجده ام عبدالمجيد , وسام , شيخه , ديم
اماني بابتسامه : تو مانورت ابها واخيرآ اقتنعتي يام رائد وجيتي هنا .
شيخه ببتسامه : البركه بديم هي اللي تبينا نجي هنا .
وقطع عليهم سوالفهم صرخت ديم : رويـــــــــــــــــد .
لفو كلهم جهة الرجال المكان اللي ديم تطالع وكان رائد يذبح الذبيحه ورويد اغمى عليه من يوم شاف الدم ( وانتو بكرامه )
ساره : وش فيك ؟
ديم بخوف : اول مره اشوف احد يغمى عليه .
ساره : وتصرخين كذا ؟ الموضوع عادي .
وسام : خلاص حصل خير - وهمست لديم - الله يعينك على الكلام اللي بيجيك من امي وامك .
ديم : لا عادي .


***

وريف : يوسف ابي اروح لأهلي .
زوجها ( يوسف ) : لا ياوريف انتي توك متزوجه مايصير اهلك يعرفون عن المشاكل اللي بيننا بالوقت هذا .
وريف : انا ما ابيك افهم ما ابيك .. زوجني اخوي غصب عني وانا الحين ما ابيك طلقني .
يوسف : لا ان ابعض الحلال عند الله الطلاق ما يصير اطلقك .
وريف بضحكه : مصدق عمرك اني بعيش معاك مع نفسك انا ما اخذ إلا واحد من مستواي .
يوسف : صح انك من الطبقه مخمليه وانا مهوب بمستواك الاجتماعي بس هذا مايهمني .
وريف : ولا اخذني طمع بفلوسي اللي اقدر افرش لك فيها بيتك ذهب .
يوسف : لا حول ولا قوة إلا بالله .. عمره ماصار تفكيري منحط كذا .
وريف وهي تحط رجل على رجل : طيب زوجاتك اللي بكره بيجون يشوفوني كيف استقبلهم ؟
يوسف : تسأليني انا كيف تستقبلين الضيوف اللي اعرفه ياوريف انك استقبلتي اميرات ووزيرات وهذولا ناس عاديين .
وريف : لأن كل اللي انا استقبلت وجلست معاهم اميرات ووزيرات مو عارفه اشلون استقبل ناس عاديين .
يوسف : احسني ضيافتهم وكثر الله خيرك .
وريف : ههههههههههه وكل زوجاتك الثلاثه بكره بيجون ؟
يوسف : بإذن الله .
وريف وهي توقف : طيب انا شريت قصر يليق فيني وريف اليحيى وبكره بطلع لبيتي بتجي معاي اهلآ وسهلا مو جاي بقلعتك .
يوسف بإستغراب : هذا اسلوب تحاكين فيه احد اكبر عنك تقريباً بعشرين سنه ؟
وريف : ودامه اكبر مني بعشرين سنه وش حده علي ؟
يوسف : مافيه احد مايبي نسب اليحيى .
وريف : يعني طمعان فينا ؟
يوسف : اعوذبالله اني افكر التفكير هذا انا مقتدر ولله الحمد .
وريف : مالك انت وجماعتك ماجاء بنص الارباح اللي اربحها باليوم .
يوسف : صح كلامك بس انا مو طمعان فيك وحاط لك بيت لك بروحك وانا اللي بصرف عليك .
وريف : لا لا مشكور انا مو محتاجه لك وقلت لك بيتك هذا المخيس بخليه لك واطلع ببيتي اللي يليق فيني انا مو مستعده ادخل كبار الشخصيات اللي يجوني كل يوم بالبيت هذا .
يوسف : الله يهديك .
صرخت وريف : مجنونه انا عشان تقولي كذا .. الله يهديك انت .
يوسف : لا حول ولاقوة إلا بالله .. انتي ماينفع معاك شي .


***

غيداء وهي تجلس ع السرير وتطالع بفهد : حبيبي ابي اطلب منك طلب بس ماتردني ؟
فهد وهو يمسك يدها : عيوني لك .
غيداء : امم.. ابيك تترك التدخين .
طالعها فهد : اترك التدخين ؟
غيداء : ايه لأنه بصراحه انا مو قادره اتحمل ريحة الدخان .. وهو مضر للصحه وانا خايفه عليك .
فهد : بس انا متعود على الدخان من يوم كان عمري عشرين سنه الى يومك وانا ماتركته ولا يوم .
غيداء : تكفى فهد طلبتك لا تردني وانت ان شاء الله بتتركه بالتوكل على الله والعزيمه راح تتركه .
فهد بابتسامه : والله ما ارد لك طلب ومن عيوني بحاول اتركه .. حتى انتي ابيك تساعديني على تركه .
غيداء بفرحه : من عيوني كل علاجك علي .
فهد : شكله عندك خلفيه عن التدخين واضراره وعلاجه ؟
غيداء : اكيد لأنه اغلى البشر عندي يدخن ولازم اعرف كل شي عن التدخين .
فهد : وش علاج التدخين ؟
غيداء : اول شي التوكل على الله والتوبه الصادقه والعلاجات فيه حبوب شامبكس وفيه جمعيات تساعدك على تركه مثل جمعية نقا فيه الموز والبرتقال سبحان الله فائدتهم عظيمه اذا كنت بتدخن وكليت موزه ولا برتقاله مستحيل تقدر تشرب زقاره .
فهد : وعد مني لأحاول اترك التدخين من الليله .
باست غيداء يده وقالت : الله لايحرمني منك .
فهد : ولا منك .
سمعو طق باب جناحهم ووقف فهد : بروح افتح الباب تعالي للصاله يمكن وحده من البنات .
وطلعو للصاله وفتح فهد الباب وشاف ساره مبتسمه له : ممكن ادخل ؟
فهد : وش عندك ؟
ساره : ابي اكلم غيداء بموضوع خاص ومهم .
فهد : مو وقتك انتي عارفه الساعه الحين كم ؟
ساره : ايه تقريبآ وحده ونص .
فهد : طيب روحي لاماني .
ساره : اووه اماني نايمه من زمان وماما نايمه والله ماعندي إلآ غيود .
فهد : يله انا بروح عند الشباب نص ساعه وانتي طالعه من هنا اوكي ؟
ساره : طيب .
طلع فهد من جناحهم اللي بالفيلا الكبيره حيل اللي تتوسط المزرعه اللي تقريبآ مساحتها 2كيلو .
دخلت ساره وشافت غيداء جالسه ع الكنب الاسود : غيود ابيك بموضوع مهم .
غيداء بابتسامه : تفضلي .
ساره : انتي شفتي ديم العصر اشلون صرخت لما اغمى على رويد .
غيداء : ايه .. ليش ؟
ساره : مو كأنها قلة حياها من اول يوم جات فيه ؟
غيداء : بس والله واضح انها مو متعمده ولسه صغيره .
ساره : اسم الله عليها الصغيره الحين هي طالعه لثالث ثانوي وين صغيره هي تعرف الصح من الغلط .
غيداء : سارونه وش فيك على البنت والله احس انها خلوقه وحبوبه .
ساره : لا من بعد ماشفتها يوم طاح رويد بصراحه طاحت من عيني .
غيداء : ويعني مو شايفه قلة حيا وريف يوم تتكلم مع فهد ؟
ساره : وريف غير وريف ع الاقل نفس مستوى فهد ولا هذي بنت الفقر تحط عينها على رويد .
غيداء : حرام عليك يمكن ماتقصد .
ساره : إلا انا مـتأكده انها تحبه .
غيداء : طيب مافيها شي لو كانت تحبه هو ولد عمها .
ساره : لا فيها شي تحب اللي من مستواها مو ولد اختي .
غيداء : ساره ياقلبي لاترجعين قاسيه كذا وتحبين تنكدين على الناس والله حلاتك بطيبتك .
ساره : طيبه مع الناس اللي من مستواي ويناسبون مركزي الاجتماعي ووسام كل كلامي اللي معاها مجاملات ع الاقل وسام بنت خالي ولا هذي ما اعرفها ولا تعرفني كل اللي يربطنا ببعض ان ابوها ولد خالي .
غيداء : والله الكره والغرور ماراح يجيب لك إلا الامراض لاتكرهين احد انا انظلمت من ناس كثير بس والله ماكرهتهم الدنيا قصيره مايحتاج اكره ناس عشان شي صغير بيني وبينهم والدنيا فانيه وماتستاهل اننا نحقد على بعض .
ساره : يعني تبيني انزل نفسي واسولف مع ديم واجلس معاها ؟
غيداء : ليش لا من تواضع لله رفعه .. شوفي فهد ما شاء الله متواضع بالمره .
ساره : فهد غير انا ما اشبهه نهائيا عشان اصير نفسه .
غيداء : انا لاحظت كل عائلتكم متواضعين إلا انتي ووريف .
ساره : لأنه وريف هي اللي حطت النظريه هذي قدامي بكل مكان ناس مو من مستواي مستحيل اجلس معاهم او اكلمهم .


***

جلست ديم جنب ملك : مـــلوك خلاص انتي بتدخلين الجامعه ؟
ملك : اووه سجلت من زمان وانتي تو تسألين ؟
ديم : الله يوفقك .. وش قسمك ؟
ملك بابتسامه : اعلام .
ديم : حلو بس ما اعتقد ان عمامي بيوافقون انك تشتغلين بالاذاعه او بالتلفزيون او تطلع صورك بالجرايد .
ملك : إلا عادي بالمانيا قسمي راح يخدمني كثير ان شاء الله .. انتي اخر سنه بالثانوي وش فكرتي تدخلين ؟
ديم : اكيد هندسه .
ملك : نفس رويد فديته والله فقدته كثير نفسي يروح معانا عشان يدرس معاي بالجامعه .
انقهرت منها ديم " تتفدا برويد قدامي " : طيب ممكن تغيرين الموضوع ؟
ملك : وش فيك ؟ ترا انتي اللي فتحتيه وليش عصبتي .
ديم : مافيني شي .. طيب مافيه احد صاحي الحين إلا انا وانتي ؟
ملك : لا امي وخالتي اماني يسولفون هنا ووسام اظن انها عند وليد ورويد ياخي فله ودي اجلس معاهم بس استحي من وليد .
ديم : و رويد ماتستحين منه ؟
ملك : لا مستحيل استحي منه .
ديم وهي توقف : عن اذنك حبيبتي بروح انام .
ملك : نوم العوافي .. ديم .
طالعتها ديم : ماشفتي ساره ؟
ديم : إلا قبل شوي شفتها رايحه لجناح غيداء .
وطلعت ديم للغرفه المخصصه لها " ياربي متى اقابلك يارويد وربي اشتقت لك لي يومين ماشفتك "
جلست ع السرير وطالعت بغرفتها وبحالميه " ان شاء الله اذا تزوجت رويد بيصير بيتي فخم نفس كذا "
رن جوالها وفز قلبها : الوو .
رويد : هلا حبيبتي .. ديوم وينك ابي اقابلك مافيه فرصه غير هذي .
ديم :الحين جايه .. وينك ؟
رويد : انا بنتظرك وراء البيت اطلعي من الباب الخلفي عشان محد يشوفك .
ديم : اوك حبيبي الحين جايه مع السلامه .
رويد : انتظرك .
لبست ديم عبايتها وخذت طرحتها وراحت للمطبخ وطلعت من الباب الخلفي وشافت رويد واقف على الجدار وينتظرها راحت له .
ومد يده لها وحطت يدها بيده وهمست له : اشتقت لك .
رويد : وانا اكثر وربي .
ديم : متأكد ان المكان هذا امن يعني ما احد راح يعرف ؟
رويد : ايه امن وانا متأكد بس بعد ايام اكيد بيسهرون الحريم ويصير المكان هذا خطر بس انا ادور لنا مكان ثاني .
ديم : رودي عندي موضوع مضايقني حيل ابي تشوف له حل .
رويد بخوف : وش فيك ؟
ديم : ملك بنت عمتي وش بينك وبينها ؟
رويد بابتسامه : ديومتي لايكون تغارين منها .
ديم : إلا اكيد اغار وحده تتفدا فيك قدامي ولا اغار ؟
رويد : لبئ اللي تغار .. ملك مثل اختي لا اقل ولا اكثر .
ديم : يا سلام مثل اختك وهي تتفدا فيك لو انا ما اعرفك كان اقول هذا حبيبها .
رويد : وش اللي يرضيك وانا اسويه ؟
ديم : لا تجلس معاها .
رويد : من عيوني والله ما اجلس معاها .
ديم بابتسامه :تسلم عيونك حبيبي .


***

الساعه السادسه صباحآ رن جوال غيداء وردت بــ : الوو .
...: هذا رقم غيداء عبدالله ال...
غيداء بخوف : ايه وش فيه ؟
...: حصل لكم مكروه وانا مو عارفه وشلون اوصل لك الخبر .

[شمالية الهوى]

~ آلُبَآرّتْ آلَثُآمِنُ وَ آلُعِشَرْوُنَ ~



• صُرَخِتَ بِتّحْقُيَقَ حُلْمِيَ آلِمَسْتّحِيُلَ



• وَ آعُلِنُتْ شَمِسَ آلُحْزِنُ آلِرُحَيْلَ




غيداء : وش صاير ؟
...: انا فاعلة خير سمعت صراخ بالبيت اللي جنبنا ورحت اشوف وش صاير ولقيت سهام منتحره ومافيه بجوالها إلا رقمك وعرفت انك بنت اخو زوجها لأنها كثير تسولف لي عنك .
ارتاحت غيداء : اهاا .. الله يرحمها يارب .
...: خلاص احنا نلقناها للمستشفى وان شاء الله بيصلون عليها مع صلاة الظهر .
غيداء : وبدون اجراءات وتحقيق ؟
...: هي مالها احد بالدنيا وخلاص انتهت حياتها .
غيداء : جزاك الله خير .. مع السلامه .
ونزلت جوالها ونامت .


***

بعد صلاة الظهر نزلت وريف مع الدرج تمشي بكبرياء لابسه فستان بيج واسود تحت ركبتها وشعرها اللي بنص رقبتها مفتوح : اهلا وسهلا .
ام بندر : ياهلا بوريف انا مزنه زوجة يوسف .
ضحكت وريف : اجل مزنه ؟ ياهلا بك .
ام نواف : وانا فضيله ام نواف .
وريف : هههههههههههه .. ياهلا بكم .. ما كأنه ناقص منكم وحده ؟
ام نواف : إلا ام عبير ماقدرت تجي تعبانه .
وريف : اهاا .. طيب عن اذنكم رحلتي ع الساعه 1 ونص اخاف اتأخر .
ام بندر : وين بتروحين ؟
خزتها وريف : وش هالتطفل ؟ بروح مكان ما ابي مالكم فيني دخل حتى زوجكم قولو له اني رايحه لأبها .
ام نواف : ياويلك من ابو بندر والله ما يخليك استأذني منه قبل لاتروحين الحرمه اللي تطلع من بيت رجلها بدون اذنه تلعنها الملائكه بكل خطوه .
وريف : مخليه الدين لكم انا بروح واللي هو بيسوي يسويه .. انا مو محتاجه منه اي شي والله انا ابي الطلاق ولا كان مارحت بدون علمه .
وطلعت وريف لجناحها وسكرت الباب " حلوه هذي جايب زوجاته ببيتي "
خذت جواله واتصلت على امها : الوو .
نوره : هلا حبيبتي .
وريف بدلع : ماما وش هالقطاعه ماتتصلون علي .
نوره : توك عروس مو بكل وقت اتصل عليك .
وريف : طيب مامي انا الحين بجيكم بأبها .
نوره بفرحه : ياهلا وغلا متى بتجين ؟
وريف : انا لسه بالرياض ان شاء الله الساعه 2ونص وانا عندكم .
نوره : بس اهم شي تتسامحين من اخوك حرام عليك اكثر من 10 اشهر وانتو متزاعلين .
وريف : no no ماما مو انا اللي اعتذر منه هو اللي يتعذر مني لأنه هو الغلطان .


***

جلست غيداء جنب فهد بعد ماصلت الظهر : اليوم الصباح اتصلت علي وحده وتقول سهام انتحرت ما ادري جد او لا .
فهد : ايش ؟ انتحرت ؟
غيداء : ايه .
فهد : لا حول ولا قوة إلا بالله .
غيداء : بس الحمدلله يوم ماتت وانا مسامحتها عن كل شي سوته فيني .
فهد : الحمدلله .. بس هي قاتله ومنتحره .
غيداء : الله يرحمها .
فهد : امين .. غيود ابشرك لي اربعه وعشرين ساعه ماشربت دخان .
غيداء بابتسامه : ان شاء الله كلها كم يوم وانت كاره الدخان مثل ما اكرهه .
فهد : تصدقين غيود امي كثير تقولي اترك التدخين بس كنت ما ابي اتركه .. سبحان الله اول ماقلتي لي جاهدت نفسي اني ما اشرب دخان نهائيا .
غيداء : هذا من فضل ربي انه مدخن من زمان يترك الدخان بكل بساطه .
فهد : الحمدلله من يوم دخلتي حياتي وانا من نجاح لنجاح اكبر .
ابتسمت غيداء : الحمدلله يارب .
فهد وهو يمسك يدها : حبيبتي اش رايك بعد صلاة العصر نطلع نتمشى الجو بأبها مغري .
غيداء : اوكي .. بس نطلع كلنا ولا بس انا وانت ؟
فهد : على راحتك .
غيداء : اممم احسن لو نطلع كلنا مع بعض .
فهد : ان شاء الله بعد مانصلي العصر بنطلع .. وقبل لانرجع للرياض بإذن الله بناخذ لنا عمره .
غيداء بفرحه : الله لايحرمني منك يافهد .. واخيرا بشوف الحرم .
فهد : ان شاء الله بتشوفينه .. ولو تبين تشوفين العالم كله غاليه والطلب رخيص .
باست غيداء خده : الله لايحرمني منك .
فهد : ولا منك .


***

دخلت وريف بالفيلا اللي بالمزرعه : سلام عليكم .
صرخت ساره بفرحه : وريـــف .
سلمت على ساره وسلمت على امها وع كل الجالسين وجلست جنب وريف وبهمس : وين غيداء ما اشوفها ؟
ساره : اعتقد انها عند فهد .
اماني : شخبارك يا وريف ؟
وريف بابتسامه : تمام .. كيفك ؟
اماني : الحمدلله بخير .
وريف : دوم يارب - وطالعت بديم - انتي مين ياحلوه ؟
ديم : ديم بنت فواز .
وريف : اهااا بنت اخو زوج اماني ؟
ديم : ايه .
وريف : غريبه وحده عايشه بقريه وحلوه وستايلها حلو .
ديم : مافيه فرق بين بنت قريه وبنت مدينه .
وريف : لا من قال اكيد فيه فرق .. لا تقارنين بنات المدن ببنات القرايا .
اماني : وريف خلاص ماجاء لك عشر دقايق من يوم دخلتي إلا وتقولين كذا عيب عليك .
وريف بابتسامه : بس استغربت انها من بنات القرايا .
اماني : بنات القرايا وبنات المدن كلهم نفس بعض .
نوره : الله يهديك ياوريف .
وريف : خلاص ماقلت شي .
الجوهره : غريبه ياوريف توك متزوجه وتاركه زوجك وجايه هنا .
وريف : هههههههه مابقى إلا هذي اجلس مع يوسف .. تصدقون جوني زوجاته اليوم احس انهم من الجواري اللي عندي .
نوره : وريف حرام عليك تعاملينهم كذا .. اي جواري ؟ هم اكبر منك يمكن 20 سنه او 30 سنه .
وريف : هههههههههههه وحده اسمها مزنه ووحده اسمها فضيله .
اماني : عادي مافيه شي يضحك .
ضحكت ساره : ههههههههههه وربي نكته .
اماني : استغفر الله .
وقفت وسام : عن اذنكم .
وطلعو معاها ملك وديم .
وريف وهي تطالع ساره : لايكون فضيله ومزنه يقربون لها ؟
ساره : لا لا ما يقربون لهم .. اقول وريف زوجك اسمه يوسف ؟
وريف : ايه .
ساره : كيفه معاك .
وريف : وع وع منعني ما اسمع اغاني احس الحياه بدون اغاني ناقصه .
ساره : لا وربي الحياه بدون اغاني حلوه .
وريف بصدمــه : اييش ؟ سارونه انتي تركتي الاغاني ؟
ساره : ايه يمكن من شهرين غيود نصحتني وقبلت النصيحه والحمدلله احس براحه عظيمه وانا محافظه على صلاتي وما اسمع اغاني .
وريف : لااااا مستحيل مو مستوعبه انتي تتركين الاغاني وتصلين كيف ؟
ساره : وش فيك وريف عادي انا الحمدلله اهديت .
وريف : طيب حلوه حياتك كذا ؟
ساره : ايه كلها راحـــه الحمدلله .
وريف : انــا محتاجه الراحه ابي اصير نفسك اشلون .


***

غيداء : الوو .
مدى : هلا وغلا .
غيداء : كيفك حبيبتي ؟
مدى بابتسامه : الحمدلله اموري تمام .. شخبارك ؟
غيداء : تمام .. الجو بأبها يخقق والله فاتتك احلى طلعه .
مدى بمزح : يكفيني بسام عن ابها وعن طلعتكم واعتقد ان جنيف احلى من جو ابها .
غيداء بمزح مماثل : الله يهنيك ببسام .
مدى : إلا كيف ساره معاك ؟
غيداء : الحمدلله ماتغيرت علي والله كأنها اختي .
مدى : هههههه وماصار انقلاب بعد ماجات وريف للمزرعه ؟
غيداء : ليش وريف الحين عندنا ؟
مدى : ايه عندكم شكل اخوي مغرقك بالعسل ومو عارفه عن الناس .
غيداء : فديت قلبه اخوك .. من الصباح ماطلعت من جناحي لأني اتجهز لطلعه عائليه تقريبآ بعد ربع ساعه .
مدى : والله شكل الجو عندكم فله .
غيداء : والله فله مرره .. انصحك ترجعين يعني مامليتي من جنيف شهرين ؟
مدى : لا مستحيل امل وانا مع بسومي .
غيداء : ياعمري والله اشتقت لك .
مدى : وانا بعد والله مشتاقه لك بالمره .
غيداء : متى بتجين ؟
مدى : إن شاء الله قبل رمضان .
غيداء : مع السلامه حبيبتي .
مدى : مع السلامه .
دخل فهد : سلام عليكم .
وقفت غيداء وبابتسامه : عليكم السلام ياهلا وغلا .
فهد : هاا حبيبتي جاهزه .
غيداء : ايه نطلع الحين ؟
فهد : ايه كلهم مشو مابقى إلا انا وانتي .
غيداء بابتسامه : طيب بجيب عبايتي .
ودخلت بالغرفه وخذت عبايتها وطلعت للصاله وطالعت بفهد اللي يقول : ترا وريف بنت عمي هنا .
غيداء : ايه قالت لي مدى .. ما ادري وش جابها .
فهد : لها شهر عن المشاكل اكيد جايه للمشاكل وبس .
غيداء : هي تزوجت متدين ان شاء الله انها تغيرت .
فهد : ما اعتقد ينفع مع وريف .
غيداء : الله يهديها .
فهد : امين .. ويفكنا منها ومن شرها .
وطلعو غيداء وفهد للسياره وركبو وطلعو من المزرعه .


***

ساره " رويد يحب ديم والدليل انه مهتم فيها كثير وبس يسأل عنها بس دواها عندي "
وراحت ساره لديم اللي كانت تصور الجبال بجوالها : ديــم .
طالعتها ديم وبابتسامه : هلا ساره .
ديم : حبيت اقولك كلمتين وابيك تحفظينهم زين .. انتي مو بمستوى رويد وهو مايبيك بس بيلعب عليك وحبه الحقيقي بنت تليق فيها وبمقامه مو بنت قرايا مثلك .. ولا رويد ولد اماني يتزوجك ؟
انصدمت ديم من كلام ساره : وانا قلت لكم اني ابي رويد ؟
ساره : هههههه وانتي تقدرين تقولينه ؟ لا بس هو قالي اوصل لك الكلام هذا يقول صعبه تسمعين الكلام هذا منه .
مشت ديم من عند ساره وراحت تركض لدورات المياه اللي بالمنتزه دخلت بالمكان الخالي وجلست تبكي " حرام عليك يا رويد بعد ماعلقتني فيك تسوي فيني كذا .. طيب ليش توهمني انك تحبني وتحلف لي كل ليله انك تحبني "
رجعت ساره لجلست الحريم وجلست جنب وريف : من وين جايه ؟
ساره : من هنا كنت اتمشى .
وسام : وين ديم ماجات معاك ؟
ساره : لا اعتقد انها راحت لدورات المياه .
وصلت غيداء لجلستهم : سلام عليكم .
الكل : عليكم السلام .
اماني : ياهلا وغلا بمرة اخوي تو مانورت جلستنا .
ابتسمت غيداء وجلست جنب اماني .
وريف وهي تطالع غيداء : ما تسلمين علي يا غيداء ؟
انحرجت غيداء من وريف ووقفت : سوري ما انتبهت لك .
وسلمت عليها : ياهلا بغيداء من زمان عنك .
غيداء " وش تبي هذي ": ياهلا بك .
ورجعت جلست جنب اماني .


***

كان رويد يمشي جنب جهاد وباله مشغول بديم يتصل عليها وماترد " ياربي وش فيها ديم ؟"
جهاد : وريــد .
طالعه رويد : نعم وش فيك ؟
جهاد : قاعد اكلم نفسي انا .. اقولك وين بتدرس الجامعه عندنا ولا بالرياض ؟
رويد : لا بالرياض .
جهاد : طيب وش فيك من اليوم اكلم نفسي انت مو معاي ؟
رويد : مافيني شي .. يله بنرجع .
جهاد : رويييد انت اكيد فيك شي تطلب مني نمشي من عند الرجال ومن يوم جينا هنا قلت لي بنرجع .
رويد : طيب خلاص لاتزعل نجلس هنا .
جهاد بعصبيه : ملاحظ عليك من يوم مشينا وانت مشغول بجوالك او تنتظر احد يتصل عليك وش فيك يارويد مره مو عاجبني .
رويد : جهاااد خلاص انا الغلطان اللي ماخذك معي .
جهاد : رويد والله ما نرجع إلا وتقولي وش فيك ؟
رويد : ما اقدر اقولك وش اللي فيني .
جهاد : انا حلفت اني ما ارجع إلا اذا عرفت وش فيك .
رويد : حسيت بضيقه وجينا هنا وخلاص الحين مافيني شي .
جهاد : عارف من اليوم انك موب طبيعي ومتضايق بس اش السبب ؟
رويد : مافيه سبب معين ما ادري اش فيني كذا فجأه صارت فيني ضيقه وخلاص الحين مافيني شي .. بروح لأمي احس بأختناق وراسي مصدع .
جهاد بخوف : رويـــــد وش فيــك ؟
رويد : والله مو عارف وش فيني .
جهاد : طيب تعال معاي اوصلك لعمتي .


***

مرت نص ساعه وهي تبكي قامت وغسلت وجهها وطالعت وجهها بالمرايه واضح عليها انها باكيه .
اعادت لفة طرحتها وطلعت من دورة المياه وشافت رويد واقف مع امه جنب جلستهم .
تنهدت " الله يسامحك " وسالت دموعها غطت وجهها ومشت لجلسة الحريم وشافت عيون رويد معلقه عليها وهي طالعته وهو طالع بأمه .
جلست جنب وسام وطالعتها وسام : وين كنتي ؟
ديم بصوت باكي : كنت بدورة المياه .
وسام بخوف : وش فيك ديم ليش تبكين ؟
ديم بكذب : تذكرت خالتي هدى الله يرحمها تحب المنتزه هذا .
وسام : الله يرحمها يارب .
ديم : طيب رويد ليش جاي هنا ولا مايدري انه فيه بنت تتغطى عنه ؟
وسام : وش فيك على رويد .. هو جاي عشان امه وتقول امه انه تعبان .
شهقت ديم : وش فيه ؟
وسام : اسم الله عليك .. مافيه شي بس انفلونزا بسيطه .
ديم " الله يقومه بالسلامه - وتذكرت كلام ساره - ماتوقعتك بالدناءه هذي تلعب بمشاعري وتقابلني كل ليله بس عشان تسلي نفسك "
ساره : اقول ديم صدقتي كلامي ؟
طالعتها ديم : اي كلام ؟
ساره : اعتقد ماتكلمت معاك إلا بموضوع واحد بس ابي اعرف وصلتك الرساله اللي قلت لك ولا لا ؟
ديم : ايه مشكوره .
وسام : وش فيها هذي ؟
ديم : ما ادري عنها بنت عمتك حيوانه تحب تتبلى على خلق الله ولا انا تقول عني احب رويد .
وسام : وانتي مو قلتي لي انك تحبين رويد ؟
ديم : إلا بس كرهته خلاص مرحلة مراهقه ومرت على خير .
وسام : طيب اللي اعرفه انه هو يحبك .
ديم " حتى انتي قالك انه يحبني " : ما ادري عاد اش شعوره تجاهي .
وسام : والله كان من زمان يقولي بقابل ديم واقوله مايصير تقابلها وشكله نساك .
ديم : ليش انا مجنونه عشان اقابله ؟
وسام : والله ما ادري عنك اللي تحب تسوي المستحيل عشان حبيبها .


***

فواز : وين نايف وعامر من يوم جينا هنا ماشفتهم ؟
منصور : العيال مسافرين عندي شغل لازم يخلصونه .
فواز : غريبه حتى بزواج بسام ماشفتهم .
منصور " والله ورطه " : ايه هم مسافرين من عيد الاضحى تعرف الشغل الحين لازم يجلسون سنه الين مايخلص شغلهم .
جلس جهاد جنب عبدالمجيد وطالعه عبدالمجيد : وين رويد ؟
جهاد : راح لخالتي اماني يقول تعبان .
عبدالمجيد بخوف : وش فيه ؟
جهاد : ما ادري يقول يحس بأختناق .
طلع عبدالمجيد جواله واتصل على اماني : الوو .
اماني : هلا مجيد .
عبدالمجيد : رويد وش فيه ؟
اماني : انفلونزا موسميه .
عبدالمجيد : طيب اشلونه ؟
اماني : تعبان شوي اذا مشينا بنروح للمستشفى .
عبدالمجيد : اوكي .. مع السلامه .
منصور : وش فيه ؟
عبدالمجيد : مزكوم .


***

رجعو للبيت ودخلت ديم بغرفتها وسكرت الباب ونزلت عبايتها وعلقتها ع الشماعه " اتطمن على رويد او لا ؟ .. لا لا مايصير هو مايبيني وانا كلها فتره وانا ناسيته "
رن جوالها وكان المتصل رويد حطت الجوال سايلنت ونزلته ع السرير " ولك وجه تكلمني بعد اللي قلت لساره "
ورن الجوال مره ثانيه وماردت واتصل مره ثالثه وردت بـ : الوو .
رويد : ياهلا وغلا وينك حبيبتي والله مشتاق لك .
ديم بغصه : خلاص رويد خالتك وصلت لي كلامك وانا اقولك الله يسامحك خليتني اتعلق فيك وانت ماتبيني .
رويد : اي خاله ؟ ووش الكلام اللي انا قلت لها ؟
ديم : ساره .. هي قالت لي انك ماتبيني واني اقل من مستواك .
رويد : وانتي تصدقين كل كلمه تنقال لك ؟
ديم : خالتك تقول انت اللي قلت لها الكلام هذا .. وتقول انه صعبه عليك تقولي الكلام هذا .
رويد : والله ياديوم احبك وانه مافيه مخلوق يدري عن حبي لك وساره يمكن بتبعدك عني وبس .
ديم وهي تبكي : رويد اذا بتتسلى مع بنت دور على غيري انا بنت عمك اشلون ترضى علي كذا ؟
رويد : ديم وش هالكلام وربي احبك ولو ما احبك كان ماكلمتك وقابلتك .
ديم : انت بس بتتسلى فيني اهلك مو موجودين وماعندك لاحسيب ولا رقيب قلت بتلعب علي بكم كلمه .. حرام عليك انا عندي احساس .
رويد : وينك الحين ؟
ديم : انا بغرفتي وخلاص مابيننا مقابلات .
رويد بعصبيه : ديم مين اللي قالك اني اتسلى فيك ؟ انتي بنت عمي شرفي ما اقدر اضرك بشي .
ديم : خلاص انت ضريتني .
رويد : حرام عليك وش سويت لك انا ؟
ديم بصوت باكي : علقت قلبي فيك وخليتني والله حرام مو قادره اتحمل .
رويد : وربي ياديم اني احبك وماقلت لساره اي شي يخصك وكل الكلام اللي هي قالت لك من تأليفها .
ديم : مو قادره اصدقك ولا اكذبك .
رويد : لو ما احبك كان ماقابلتك ترا انتي بنت عمي واللي يضرك يضرني وانتي عرضي وشرفي .
ديم : طيب وش يضمن لك انك تحبني ؟
رويد : احلف لك بالله اني احبك .
ديم : حسبي الله على اللي بيفرق بيننا .. طيب خالتك تعرف اننا نتقابل ؟
رويد : لا مستحيل تعرف مافيه احد يعرف إلا انا وانتي .. متى بتنامين ؟
ديم : الحين بنام .. وانت ؟
رويد : بعد حتى انا بنام الحين عشان بكره الظهر ان شاء الله نتقابل تعرفين كل الناس ينامون بعد صلاة الظهر .
ديم : اوكي حبيبي .. مع السلامه .
رويد بحب : مع السلامه .
نزلت جوالها " الله لايحرمني منك "


***

كانو غيداء وفهد جالسين بجناحهم طق الباب وطالع فهد بغيداء : اكيد هذي ساره نسحب عليها ؟
ابتسمت غيداء : مايطاوعني قلبي اسحب على سارونه انا بقوم افتح الباب .
وقفت غيداء وفتحت الباب وطالعة باللي واقفه قدامها بصدمه : نعم اش بغيتي ؟
وريف : ابي فهد بموضوع ضروري .
طالعت غيداء بوريف لابسه بنطلون ضيق حيل وبلوزه جبنيز لونها بيج : وبتدخلين عند فهد باللبس هذا ؟
وريف : ماشفتي لبسك ع الاقل انا طويل ولا انتي برمودا وعاري لبسي استر من لبسك .
غيداء : اللي انا اقابل بلبسي هذا زوجي مو واحد غريب عني .
وريف : لا يكون فهد غريب عني وانا ما ادري .
غيداء : والله لو ايش ماتدخلين بلبسك هذا .
وريف : اوك انا داخله داخله بس بروح اجيب عبايتي .
ومشت من عند غيداء وسكرت غيداء الباب " اعوذ بالله وش هالناس اشلون بتقابل فهد كذا "
وبعد دقايق طق الباب وفتحته غيداء ودخلت وريف اللي لابسه عباية كتف مفتوحه من قدام ولافه طرحتها وبدلع : فــهد .
كانت غيداء تمشي جنبها : وريف عيب اللي قاعده تسوينه .
وريف : لا تخافين حياتي فهد ماراح يطلقك صح هو بيتزوجني بس ما راح اخليه يطلقك .
غيداء : تفكرين بالرجال وانتي متزوجه .. نســأل الله الاخلاص .
وقفت وريف قدام فهد وغيداء جلست جنب فهد انقهرت وريف يوم شافت فهد مسك يد غيداء .
فهد : حياك الله يابنت عمي اجلسي .
جلست وريف : يا بعد عمري يافهد والله اشتقت لك .
فهد : الله يصلحك .
وريف بدلع : فهد عبرني .. انا احبك وابيك تروح لزوجي وتقوله انك تبيني مسألة الطلاق سهله بس ابيك تتزوجني .
فهد بعصبيه : وين عقلي يوم اتزوجك ومايشرفني ام عيالي مثلك .
وريف : ويشرفك ام عيالك بنت شوارع .
فهد : إلا غيداء ياوريف .. وهي اشرف منك ع الاقل هي تستحي ولا انتي لاحيا ولا خوف من الله .
وريف : طيب وش فيني نقص عنها ؟
فهد : اللي معاه القمر مايطالع بالنجوم .. وخلاص اطلعي من هنا مالك حاجه .
وريف بقهر : تطردني يافهد ؟
فهد : لو زوجك يعرف انك تعرضين نفسك علي راح يرضى ؟
وريف : اخر واحد افكر فيه هو زوجي .. بليز فهد اخطبني الله يخليك والله انا احبك .
فهد : قلتيها اخر من تفكرين فيه هو زوجك يعني انتي خاينه وانا ما اتزوج خاينه .
وريف بابتسامه : وغيداء خانت اهلها قبل لا تخونك .
فهد بعصبيه : لا تقارنين نفسك بغيداء وغيداء انا عارف ضروفها .. وهي ع الاقل صاينه زوجها وبيتها مو مثلك .
وريف وهي توقف : طيب يافهد والله لأجيب راسك .
وطلعت من عندهم وطالعت غيداء بفهد : قليلة حيا .
فهد : توقعتها بتعقل بعد زواجها .
غيداء : طيب لو قالك عمي لازم تتزوج وريف او اي انسانه .
فهد : تأكدي حبيبتي اني ماراح اتزوج عليك او اطلقك .
غيداء بابتسامه : وعد ؟
فهد : وعد .
رن جوال غيداء وردت : هلا ماما .
كرستينا : كيف حالك يا ابنتي ؟
غيداء : الحمدلله بخير .. شخبارك واخبار خوالي ؟
كرستينا : تمام .. اريد ان تأتين الى المانيا .
غيداء : لا يمه ما اقدر الحين .
كرستينا : اشتقت اليكي كثيرا .
غيداء : حتى انا والله مشتاااقه لك بالمره .. متى بتجين للسعوديه ؟
كرستينا : برمضان ان شاء الله .. مع السلامه ابنتي انتبهي على نفسك كثيرا .
غيداء : ان شاء الله .. مع السلامه .


***


رن جوال وريف : الوو .
يوسف : وينك ياوريف ؟ رحت للبيت مالقيتك .
وريف : انا عند اهلي بـأبها .
يوسف بعصبيه : بإذن مين طلعتي من البيت .
وريف : يوسف وش فيك ترا انا رايحه لأهلي مو لأحد غريب .
يوسف : عارف انك عند اهلك .. والله يارويف اذا مارجعتي الحين ماراح اطلقك وتحلمين بالطلاق .
وريف : هههههههه اتطلق منك بالغصب .
يوسف : من طلعت على الدنيا ما شـــفت بعائلتنا وحده تطلع من البيت وتسافر بدون محرم وزوجها مايدري عنها .
وريف : ومن انت عشان استأذن منك ؟
يوسف : انا زوجك .
وريف : زوج طل انت زوجي بس ع الورق .. ومالك فيني دخل .
يوسف : وريف وش هالكلام ؟
وريف : هذي الحقيقه .
يوسف بقهر : مو يوسف بن حمد اللي زوجته تعصي امره .
وريف بفرحه : يعني بتطلقني يايوسف ؟
يوسف : ان ابغض الحلال عند الله الطلاق واحلمي اطلقك زوجتي لطيفه كانت اول ايام زواجنا ماتبيني كانت مثلك بس الحين مافيه احسن منها .
وريف : لا تقااارني بلطيفه انا بنت اليحيى .
يوسف : ونعم فيك .. بس حتى لطيفه ما اقارنك فيها صاينه بيتها وزوجها ولا انتي لاحيا ولا ادب .
وريف : طيب يا يوسف والله لأخليك تطلقني غصب عنك وانت عارف اللي معه فلوس يصنع المستحيل .
يوسف : لا انتي فاهمه الفلوس والغناء غلط .. لو انمرضتي بمرض ماله علاج فلوسك بتنفعك ؟
وريف : ايه اكيد بتنفعني .
يوسف : وريــــف والله العظيم لو مارجعتي للبيت بكره لأقول لبدر وهو يتصرف معاك .
وريف بعصبيه : واذا قلت لبدر ؟ ترا هو اخوي عضيدي وسندي ماراح يقتلني لسواد عيونك .
يوسف : صلي على النبي ياوريف .
وريف : اللهم صل على النبي .
يوسف : افرضي لو توفيتي وانتي بأبها والملائكه لاعنتك بكل خطوه خطيتيها تكبرك وعنادك وقوتك هذي راح تنفعك ؟
وريف : اسم الله علي لا تتفاول علي ياحيوان ولا تتمنى علي الموت .
انقهر منها يوسف : انتي مو متربيه بس انا اللي بربيك .
وريف : انا تربيت احلى تربيه .. انت اللي مو متربي .
يوسف : وريف احترمي نفسك والزمي حدودك .
وريف : انت اللي لازم تحترم نفسك .. وفيه شي مهم ابي اقوله لك انا ما ابيك واحب ولد عمي وياليت تطلقني وافتك منك .
يوسف بعصبيه : مايشرفني تكون زوجتي مثلك تفكر برجال وهي على ذمتي مالك مكان ببيتي .
وريف بابتسامه : طيب طلقني .
يوسف : تحلــــمين بالطــــلاق .
وريف : بلييز طلقني والله مو متحملتك .
يوسف : طلاق مستحيل .
وريف : اممم طيب مو مهم اهم شي انك تكون بعيد عني .
يوسف : على علمي ان عيال عمك كلهم رجال والنعم فيهم ومافيه واحد مثلك عشان تخونيني .
وريف : ياحقيـــر وش قاعد تقول .. مو عارف انك تكلم بنت اليحيى اللي في يوم من الايام بتكون خلخال برجلها ؟
يوسف : الله يكرمني .
وريف : يوسف انت لازم تحترمني لأنك راح تصير خادم تحت رجولي .
يوسف : الله يسامح اختي هي اللي قالت لي انك تصلحين زوجه لي .
وريف بضحكه : من جد اصلح لك لأنك فقير وجاهل .
يوسف : وريف ترا بقول لبدر على فعايلك .
وريف : قوله .
يوسف : يصير خير ياوريف .
وقفل المكالمه .
ودخلت وريف بغرفتها هي وساره : اوووف اتصل على يوسف يقول بيقول لبدر اني طالعه من البيت وهو مايدري .
ساره : طيب واذا قال لبدر ؟
وريف : سويره لاتوقفين بصف بدر عشانه خطيبك ترا حتى انا صديقتك .
ساره : عمى اش سويره هذي .
ضحكت وريف : الله يعنيك على زوجك متوحش وع اكرهه .
ساره : حرام عليك هذا اخوك اشلون تقولين عنه كذا .
وريف بغصه : مافيه اخو يزوج اخته غصب عنها ويضربها بكل وحشيه دخلت المستشفى بسبب ضربه لي .


***

الســاعه العاشره صباحآ الكل نايم والسكون مخيم على المزرعه .
كان رويد بجناح امه وخصوصآ بغرفتها متمدد ع السرير ومسند ظهره ع المخده ويطقطق بجواله .
اتصل على ديم وجاه صوتها : الوو .
رويد : هلا ديوم وينك ؟
ديم : جالسه بالصاله كل اللي عندي نايمين .
رويد : طيب ياقلبي ابيك تجين الحين كلهم نايمين ابي اشوفك .
ديم بابتسامه : اوكي بس البس عبايتي واجيك .
رويد : انتظرك .
بعد دقايق سمع طق خفيف ع الباب وفتحت ديم الباب ودخلت وابتسمت لرويد : كيفك اليوم ؟
رويد بتعب : والله تعبان .
ديم وهي تجلس ع الكرسي اللي جنب السرير : جعله فيني ولا هو فيك .
رويد وهو يمسك يدها : بعيد عنك الشر حبيبتي .
ديم : عمتي اماني مو هنا ؟
رويد : لا امي نامت عند عمتي الهنوف .. واخيرآ تقابلنا بمكان امن .
ابتسمت ديم : ليش مكاننا دايم مشبوه ؟
رويد : مشبوه ونص .
ديم : بس الحمدلله ما احد عرف .
رويد : حبيبتي متى بتروحون لأمريكا عشان عمليتك ؟
ديم بخوف : ما ابي عمليه اخاف اموت .
رويد : ياجعل يومي قبل يومك .. بس انتي لازم تسوين عمليه .
ديم : والله خايفه مره .
رويد : طيب روحو لألمانيا عشان حتى انا ابي اتطمن عليك مستحيل اجلس بالسعوديه وانتي مو هنا .
ديم : انا قلت لأبوي بروح لألمانيا وعمي عبدالمجيد اقنع ابوي بس انت اشلون بتطمن علي ؟
رويد : اروح للمستشفى واشوفك كل يوم وبكذا اتطمن عليك .. كثير ناس سوو العمليه هذي ونجحت تفائلي حبيبتي .
ديم بابتسامه : متفائله خير ان شاء الله .
رويد بتعب : آآه راسي مصدع مرره .
حطت ديم يدها على جبينه : رويد حرارتك مره مرتفعه - ووقفت - بروح اجيب لك كمادات .
رويد : لا لا ما ابي خليك .
جلست ديم : بس حرارتك مرتفعه حيل .
رويد : ابي فيفادول .
طلعت له ديم الحبوب واعطته حبه ومدت له كاس المويه وشرب منه رويد .
ورجع ع وضعه مسند ظهره ع السرير وماسك يد ديم اللي جالسه ع الكرسي اللي جنب السرير .
وابتسم لها : اول مره احس بزكام كذا .
ديم : ماتشوف شر ياقلبي .. ان شاء الله يومين وانت راجع مثل اول واحسن .
رويد : ان شاء الله .
سحبت ديم يدها من يده بقوه وهي تشوف الباب ينفتح ...

[شمالية الهوى]

~ آلِبَآرْتُ آلَتِآسْعّ وَ آلُعِشْرَوُنَ ~



• سَآلِتْ عَيّوْنٌيَ وَشْ كِثَرُ تِغْلَيّنَهِ



• قَآلِتَ كُثَرْ مَآمِدَيّتُ آلَنْظَرّ لِعْيَنُهّْ




سحبت ديم يدها من يده بقوه وهي تشوف الباب ينفتح فز رويد وجلس وديم سالت دموعها " انفضحنا خلاص "
طالعت فيهم اماني وعقدت حواجبها وهي تطالع بديم اللي لابسه عبايه وطرحتها مرجعتها وراء وطالع نص شعرها وبصدمه تكلمت اماني وهي مو مستوعبه اللي قدامها : وش قاعدين تسوون ؟
رويد بخوف : يمه وربي ماسوينا شي غلط .
اماني بعصبيه : الغلط راكبكم من راسكم لساسكم .. اشلون تجلسون مع بعض كذا ؟
ديم وهي تبكي : عمتي تكفين لاتفهمينا غلط .
اماني وهي تطالع ديم : افهمك غلط ؟ انا شفتك قدام عيني جالسه مع رويد ويدك بيده - وطالعت برويد - ماتوقعتها منك يارويد .
رويد : يمه وربي انتي فاهمتنا غلط .. بقولك السالفه كلها .
اماني : ليش اللي انتو قاعدين تسوونه صح يوم تقولون فاهمتنا غلط ؟
رويد : يمه والله انتي مو فاهمه شي .
اماني : خلاص يارويد انا شفتكم جالسين مع بعض وبروحكم وماشاء الله عليها ديم اللي تستحي جالسه جنبك ويدها بيدك وين الحــيا ؟
شهقت ديم وهي تبكي وطالعت برويد وانكسر قلبه وهو يشوفها تبكي وقف رويد وطالع بديم ودفته اماني وجلس ع السرير : شين وقوة عين الحركات هذي ماتسويها قدامي .
ديم : عمتي الله يخليك امي لاتعرف بالسالفه .
ومشت من عندهم ومسكت اماني يدها : اجلسي هنا لا تطلعين وتفضحين نفسك .
جلست ديم ع الكرسي وصارت تبكي بقوه .
اماني بعصبيه : استغفر الله ما ادري كيف تجلسون مع بعض كذا .. بس شكله ماعندكم لاذمه ولا ضمير .
وطالعت برويد وديم اللي يطالعون ببعض : قلة حيا .
وطلعت من عندهم وقفلت الباب ونزلت تحت ودخلت بالصاله وهي تحاول تهدى وتكون طبيعيه : سلام عليكم .
الكل : عليكم السلام .
ام عبدالمجيد : وشلون رويد الحين ؟
اماني وهي تجلس : الحمدلله بخير .
وقفت ساره : انا بروح اشوفه .


***

رويد : خلاص ديوم والله قطعتي قلبي لاتبكين الله يخليك .
ديم : رويد احنا انفضحنا خلاص .
رويد : مامي والله ماراح تقول لأحد خلاص اهدي .
ديم : كيف اهدى وعمتي عرفت بسالفتنا .. انت ولد عادي تطلع منها بس انا راح يتهموني بشرفي .
رويد : لا وربي محد يتكلم عليك وراسي يشم الهوا انتي عرضي وشرفي .
ديم بين شهقاتها : يعني اذا عرف ابوي بالسالفه انت اش راح تسوي ؟
رويد : والله لو نهرب من هنا بس اهم شي مايفرقوننا .
ديم : الفراق اهون علي من تعذيبنا خلاص يارويد شي انبنى على حرام مايستمر وهذي نهاية حبنا .
رويد : اي حرام ؟
ديم بغصه : المكالمات والمقابلات اللي يوميا .


***

اماني بسرعه : لا رويد نايم وعبدالمجيد الحين بيروح ينام .
جلست ساره : طيب اذا صحى قولي لي عشان اشوفه .
اماني : ان شاء الله .
وخذت جوالها اللي يرن وطلعت من عندهم وردت بـ : نعم .
رويد : يمه وينك ؟
اماني وهي تدخل بالمطبخ : اش تبي ؟
رويد : يمه الله يخليك لاتزعلين علينا تعالي الحين واقولك كل السالفه .
اماني : راح اعرف كل شي .. الحين انا انتظر ابوك يصحى واقوله على سواد وجهك انت وبنت عمك .
شهق رويد : لا يمه تكفين لحد يعرف .
اماني : لا بيعرفون كلهم المصيبه هذي اكبر مني ما اقدر اتصرف لوحدي لازم احد يعرف .. عمري 35 سنه اول مره اشوف او اسمع بمثل المصيبه هذي مو شي بسيط انا مو عارفه كيف اتصرف معاكم وهذي من انواع الزنا الخلوه المحرمه يعني بالشرع فيها اعتقد 40 جلده .
رويد : بس يمه هذي بنت عمي اشلون يصير حرام اقابلها ؟
اماني : رويد حبيبي الحرام ينطبق على بنت عمك وغيرها .
رويد : لا هذي بنت عمي من لحمي ودمي واللي يضرها يضرني .
اماني : دامك عارف ان هذي عرضك ودمك اشلون تسوي معاها كذا حرام ومايجوز الشي هذا .
رويد : يمه انتي مو فاهمه شي .
اماني وهي توقف : الحين انا بجيكم وبفهم السالفه كلها .
وقفلت بوجهه .
وطلعت لجناحها وفتحت باب الغرفه وشافت ديم حاطه يدينها على وجهها وتبكي بحرقه وحالتها يرثى لها : ديم .
رفعت راسها : نـ..نعم .
اماني : يله بتروحين لغرفتك ؟
ديم : ايه .
اماني : يله امشي معاي .
ومشت ديم جنب اماني وطلعو من جناح اماني همست اماني لديم : لا تطلعين من الغرفه اليوم هذا كله واكلك راح يوصلك .
ديم : طيب .. بس عمتي الله يخليك امي وابوي لايعرفون بالسالفه .
اماني : ما فيه احد راح يعرف بس رويد احلمي تشوفينه مره ثانيه واذا كان هو يحبك وانتي تحبينه الله يعوضكم لأنه مالكم نصيب ببعض .
فتحت ديم باب غرفتها ودخلت ورجعت اماني لجناحها " ياربي وش اللي قاعد يصير لهم "
دخلت بغرفتها وسكرت الباب وجلست ع السرير وطالعت برويد : ديم هذي احلم انك تتزوجها .
رويد : يمه والله مايفرقنا إلا الموت لا انتي ولا ابوي ولا عمي يقدرون يفرقونا .
اماني بعصبيه : وشلون تكلمني كذا ؟ انا امك .
رويد بعد ما باس يدها : امي على عيني وراسي بس يمه انا احب ديم حسي فينا .
اماني : رودي حرام عليك اللي سويته اشلون تقارن بنت عمك بآزيال يعني تبي ديم تعوضك ازيال ؟
رويد : والله ازيال ماتسوى التراب اللي تمشيه عليه ديم .
اماني : طيب ليش سويت كذا لو كان تحبها صدق كان قلت لي انا امك اقرب الناس لك .
رويد : مامي يعني اول حب بحياتي وخايف من الخطوه اللي خطيتها مستحيل اقول لأحد .. وخصوصا ان اللي احبها هي بنت عمي .
اماني بعصبيه : رويــــد وش صــار بينك وبينها .
رويد : ماصار شي .
اماني : هذي بنت عمك عرضك وشرفك قولي وش اللي بينكم عشان احل المصيبه هذي .
رويد : وربي يا ماما مابينا شي اخر حدودي معاها امسك يدها .
اماني : ياسلام وتقابلها وتكلمها ليل ونهار وتبيني اقتنع انه مابينكم شي .. والله اذا ماقلت لي الصدق لأخبر عبدالمجيد وهو يتفاهم معاك .
رويد : والله يايمه ما صار بيننا شي .
اماني بإستغراب : يعني بس مقابلات وكلام حب وغرام وماصار بينكم شي ؟
رويد : ايه وربي مابينا إلا المكالمات ونتقابل شبه يومي .
اماني : من متى ؟
رويد : من شهر 10 .
اماني بسخريه : ماشــاء عليكم بيجي لكم سنه وانتو مع بعض .
رويد : يمه الفتره اللي عشت فيها بالقريه احلى لحظات عمري .
اماني : رويد انت غلطتك مع بنت عمك كبيره والرسول صلى الله عليه وسلم قال (" لئن يطعن في رأس أحدكم بمخيط من حديد خير له من أن يمس امرأة لا تحل له " )
رويد : يمه انا ماتماديت معاها بس امسك يدها .
اماني : وهذا محرم شرعا وهي ماتحل لك .


***

بدر : يمه وين وريف ؟
نوره : عند ساره .
بدر : طيب قولي لها تجي .
نوره بعصبيه : بدر خلاص اش تبي فيها ؟ بعد كل اللي سويته فيها لك وجه تقابلها ؟
بدر بقهر : يمه بنتك سودت وجيهنا طالعه من البيت ما استأذنت من زوجها .
نوره : طيب هي عروس يعني طبيعي ماتعرف انه حرام كذا .
بدر : مايجوز لأي حرمه تطلع من البيت بدون علم زوجها وهي اكيد عارفه الشي هذا بس بتسود وجهي .
جات وريف تمشي من وراء بدر : اسود وجهك وانزل راسك للارض .. مين قالك تزوجني غصب عني بنت عبدالمحسن ماتنجبر على شي هي ماتبيه سمعتني يا استاذ بدر ؟ لاتحاول تصلح غلطتي خلاص يوسف هذا بخليه ياخذ فكره مو زينه عنك .
نوره بعصبيه : وريف وش قاعده تقولين هذا اخوك .
وريف : والله ما احد طقه على يده وقاله يزوجني غصب عني وابوي معاه وكلهم متفقين علي ما اكون وريف اليحيى اذا ما اخذت حقي منكم .
بدر حس بتأنيب الضمير وانه ظالم اخته : وش اللي تبيني اسوي لك عشان ترضين ؟
وريف : انا رضاي صعب وصعب مره نجوم السماء اقرب لك من رضاي .. ومافكرت برضاي إلا بعد فتره طويله .
بدر : اسوي لك المستحيل بس ترجعين وريف اختي اللي اعرفها .
وريف : فيه امرين مستعصيات علي اذا انت سويتهم لي رضيت عليك .
بدر : امري .
وريف : اول شي طلاقـــي من يوسف الحين .. والشي الثاني تزوجني فهد .
بدر : من عيوني .
وريف : بس والله لو تغرب الشمس وانا ما تطلقت لأسود وجيهكم .


***

جلست غيداء جنب فهد : حبيبي وش فيك ســـرحان ؟
فهد وهو يلف يده على اكتافها : ومن غيرك ياخذ عقلي .
باست غيداء خده : يابعد عمري يافهد وربـــي ماتوقعت في يوم من الايام انك بتعترف لي بحبك .
فهد : ياروحي انتي .. وانا كمان ماتوقعت ان قلبي بيدق لأي بنت بس انتي صرتي نبضي وانفاسي وحياتي كلها .
غيداء : الله لايحرمني منك .
فهد بعد ما باس يدها : ولا منك .. حبيبتي بكره ان شاء الله بنعتمر ونجلس بجده كم يوم اوكي ؟
غيداء : بس احس جده بالوقت هذا حر .
فهد : بس المكان اللي بنروح له مافيه انسب لنا منه بالعالم كله .
غيداء : عادي لو اروح اي مكان اهم شي يدي بيدك .


***

خذت اماني نفس عميق : الحين وش الحل بمصيبتكم ؟
رويد : ماما الله خليك لا تمنعين ديم من مكالماتي انا لازم اكلمها .
اماني : واذا قلت لك مستحيل ؟
رويد : والله لأموت نفسي .
اماني : المشكله فيني انا اللي ماعرفت اربيك ..بس والله لأوريك يارويد اجل تخون عمك ؟
شهق رويد : يمه اي خيانه والله مابيني وبينها شي .
اماني : لا تحلف يارويد انا شفتكم بعيني .. جالسين مع بعض يعني وش قاعدين تسوون مو خلوه محرمه وكلام حب ؟
هز رويد راسه بإيجاب : بس هذي اخر حدودي معاها .
اماني : انت صغير على الحركات هذي وديم توها تطلع على الحياه وتشوفها ما ادري مين اللي لعب بروسكم وزرع فيكم الفكره هذي .
رويد : يمه انا اللي رحت لديم وهي قبلت الشي هذا لأن حبنا لبعض اكبر من اننا ننحرم من شوفة بعض واحنا بنفس المكان .
اماني : انا ابيك تعقل وتصير رجال وجبناك للسعوديه وبعدناك عن آزيال بس المشكله مــو بالبيئه اللي حولك المشكله فيك انت .
رويد : يمه آزيال صديقه فقط .. ولا ديم هي حبي الاول وانا قلبي مادق إلا لها .
اماني : حسبي الله على ابليسكم - وطالعت برويد - ابوك لازم يعرف بالسالفه .
مسك رويد يد امه وباسها : لا يمه الله يخليك ابوي لايعرف بشي اذا عرف ابوي راح يعرف عمي عاد اشلون نطلع منها ؟
اماني : رويد المشكله هذي انا ما ادري وين حلها فراقكم يمكن هو الحل الصح ويمكن يصير تأثيره سلبي عليكم .
رويد : يمه لاتفرقونا من بعض انا احبها وهي تحبني اخطبوها لي هذا الحل .
اماني : انت عارف كم عمرك وكم عمرها لسه صغار ع الخطوبه والزواج .
رويد : بس تخطبونها لي عشان اضمن انها مابتروح لغيري والخطوبه الرسميه بعد سنتين .
اماني : لا صعبه اشلون يقتنع ابوك اني اخطب لك بالعمر هذا ؟ خوالك اعمارهم فوق 25 ولسه ماخطبو .. وديم ماتصلح لك .
رويد بعصبيه : والله ما اتزوج غيرها .
اماني : رويد وين عقلك كيف اخطب لك وحده قليلة حيا ؟
رويد : ديم مو قليلة حيا وهي مضرب الامثال بالادب والاخلاق .
اماني : وش تسمي اللي تجلس مع واحد غريب عنها وبروحهم مؤدبه ولا قليلة حيا ؟
رويد : ديم مؤدبه ومحترمه انا اللي عرضت عليها اني اقابلها وطبعآ كل هذا بوعد مني اني ماراح اتخلى عنها .
اماني : بس الحين انت معذور .. انا عرفت بكل شي .
رويد : ماما وربي اذا ماخطبتي لي ديم ماراح اتزوج .
اماني : لا مستحيل احـــلم بديم بعد هاليوم .
رويد : طيب ليش ؟
اماني : يعني اللي تكلمك مابتكلم غيرك ؟
رويد : يمه هذي بنت عمي مستحيل تكلم غيري .. والله ما اتزوج غيرها وهي والله ماتروح لغيري لو توصل السالفه للدم .
اماني : توصل السالفه للدم ؟ يعني مين اللي بتقتله ؟
رويد : اي واحد يفكر انه يخطب ديم والله لأقتله .


***

بغرفة ديم الغرفه مظلمه وديم جالسه ع السرير ومسنده ظهرها ع السرير وتبكي .
ترددت بإذنها كلمة اماني " رويد احلمي تشوفينه مره ثانيه واذا كان هو يحبك وانتي تحبينه الله يعوضكم لأنه مالكم نصيب ببعض ,, آآآه يارويد اشلون بعيش وانا ممنوعه من شوفتك "
مسحت دموعها " ياربي استر علينا ولا تفضحنا "
تخيلت صورتها قدام اهلها اذا عرفو .
ابوها اللي مايرفض لها طلب تخونه مع ولد عمها .. اخوها رائد الحنون الطيب تنزل راسه للارض .. وليد العصبي اللي احتمال يرتكب فيها جريمه هي ورويد لو عرف .. امها ! ,, سكرت عيونها " ياربي استر علي يارب "
رن جوالها وشافت المتصل وسام ونزلت الجوال ع السرير وقامت ودخلت بدورة المياه الملحقه بغرفتها وغسلت وجهها " استغفر الله واتوب اليه " قالتها ديم بعد ماخذت نفس عميق رجعت للغرفه وجلست ع السرير " وش صار لك يارويد ؟ "
سمعت الباب يطق ووصلها صوت وسام : ديوم افتحي الباب .
سالت دموع ديم " يارب انها ماعرفت بشي "
تمددت ديم ع السرير وهي تمثل انها نايمه .
نزلت دمعه من عينها وهي تتذكر كل مواقفها مع رويد مكالماته , حبه لها , اعجابه فيها , غزله فيها , صوته , شكله .
اطلقت آآآه من اعماق قلبها " يارب اذا كان فراقنا لبعض خير فعجله "
سمعت ديم صوت الباب ينفتح " ياويلي انفضحت خلاص "


***

وريف : بيطلقني يوسف تتوقعين فهد يخطبني ؟
ساره : وريف حرام عليك لاتبنين سعادتك على تعاست غيرك .
وريف وهي تطالع غيداء : بتزعلين ياغيداء لو تزوجني فهد ؟
غيداء بسخريه : لا بالعكس بفرح لك .
ساره : ههههههههههههههههه غيود اتوقع اقل شي تسوينه تقتلين وريف .
غيداء بابتسامه : لا ليش اقتلها وانا واثقه ان فهد يحبني ومايبي غيري .
وريف : لا انا بنت عمه حبه الاول والاخير .
غيداء : ودامه يحبك ليش ما تزوجك ؟ وانتي تترجينه باليوم الف مره .
وريف : هذا شي راجع له .
ساره : خلااااص .. وريف انتي عارفه ان فهد مايبيك ليش توهمين نفسك ان فهد يحبك الشي هذا راح يجيب لك الامراض النفسيه .
دخلت فاتن بالمجلس : سلام عليكم .
الكل : عليكم السلام .
فاتن : صدق اللي سمعناه ياوريف ؟
طالعتها وريف : وش اللي سمعتيه ؟
فاتن : ان زوجك ماراح يطلقك وهو جاي الليله لأبها عشان ياخذك .
شهقت وريف : مين اللي قالك ؟
فاتن : بدر .
وقفت وريف : وينه بدر ؟
فاتن : هنا .. ليش انتي ماتعرفين ان زوجك جاي ؟
وريف : لا ما اعرف وانا وياه متهاوشين من فتره .
فاتن : والله ما احد بيصبر عليك كثر عبدالمحسن الله يخليه لك .
طلعت وريف من عندهم .
وطالعت ساره بفاتن : عمتي من جد زوجها جاي ياخذها ؟
فاتن : والله بدر يقول كذا .
ساره : يعني ماراح تتطلق ؟
فاتن : ما اعتقد انه بيطلقها .
ساره : والله احس انها مظلومه هي الزوجه الرابعه لهذا ومايبي يطلقها .. صدقوني طمعان بفلوسها .
غيداء : لا ما اعتقد هو رجال ملتزم على ماسمعت وماتهمه الفلوس .
ساره : لا مو كل الملتزمين ماتهمهم الفلوس .
غيداء : انا ولا مره شفت ملتزم يحب الفلوس .
فاتن : ولا انا .
رن جوال غيداء وطلعت من المجلس : هلا حبيبي.
فهد : وينك ؟
غيداء : مع البنات .
فهد : ساعتين وخليك جاهزه بنروح لجده .
ابتسمت غيداء : اوكي .. مع السلامه .
فهد : مع السلامه .


***

اماني بعد ماقفلت الباب : ديــم .
جلست ديم : هلا .
اماني وهي تجلس ع طرف سرير ديم : لو خطبك رويد بتوافقين وانتي بالعمر هذا ؟
ديم : بالعمر هذا صعبه بس انا ما ابي غيره .
اماني : مشكلتكم انكم متعلقين ببعض .. طيب لو انخطبتي الحين بتوافقين ولا تنتظرين رويد ؟
ديم : اكــيد بنتظر رويد ولا راح اتزوج غيره حتى لو هو تزوج انا بنتظره .
اماني : يعني متأكده انه راح يتزوجك .
ديم : اذا هو صادق بحبه لي ان شاء الله بيتزوجني .
اماني : طيب ماخفتي بحركتك هذي انك تكلمينه وتقابلينه تطيحين من عينه .
ديم : لا .. انا ماوافقت إلا بعد الحاح منه .
اماني : اشلون لو غدر بك رويد ؟
ديم : لا مستحيل يسويها انا بنت عمه .
اماني : يعني ولد العم يجوز له يكلم بنت عمه ؟
ديم : لا مايجوز .
اماني : ديم حبيبتي وربي اني اخاف عليك مثل ما اخاف على عيالي خلاص اقطعي علاقتك برويد .
ابعدت ديم الفكره هذي من بالها : ما اقدر .
اماني : هو ولدي وانتي بحسبة بنتي ما ارضى عليكم المضره ولا ابي شي يضركم والشي اللي تسوونه حرام لاقدر الله لو مات واحد منكم وانتو ع المعصيه هذي اش راح يكون وضعكم .
ديم : عمتي وربي صار يومي مايكمل إلا اذا كلمت رويد حتى لما كان رويد عند خواله او بألمانيا كنت ما ارتاح إلا اذا كلمته .
اماني : هذي المصيبه انكم متعلقين ببعض بالمره انا ما ادري اشلون غلطت الغلطه هذي ووافقت ان رويد يعيش بالقريه خفت عليه من آزيال بس هو لقى اللي نسته آزيال والمانيا كلها حتى لما كان يجينا رويد مايجلس اسبوع إلا هو مستعجل على رجعته للسعوديه انا استغربت منه وعارفه انه مو طبيعي بس اقول يمكن اشتاق لجدته وعمته او انه مايبي يعيش بالمانيا ماكنت اعرف انه يرجع عشانك .
ديم : عمتي لو ابوي وعمامي عرفو تتوقعين اش راح يسوون لي ؟
اماني : ما اتوقع انهم بيسوون لكم شي اكثر من انهم يملكون لكم على بعض .. تبيني اقول لعبدالمجيد ؟
ديم بسرعه : لا تقولين له .
اماني : طيب وش الحل معاكم ؟
ديم : خلينا على كذا .
اماني بعصبيه : اشلون اخليكم على الحرام ؟
ديم وهي تبكي : عمتي والله ما اقدر على فراق رويد .. هو كل شي بحياتي .
اماني : لا إله إلا الله .. مو عارفه وين الصواب .


***

يوسف : اسمح لي يا بو بدر بنتكم بصراحه مو عارفه السنع بس انا اعملها السنع على اصوله .
عبدالمحسن : طيب والحل ؟
يوسف : باخذ وريف الحين .
بدر : لا يا بو بندر هي خلاص ماتبيك طلقها .
يوسف : ان ابغض الحلال عند الله الطلاق .. وطلاق ماراح اطلق .
عبدالمحسن : وريف عمري مارفضت لها طلب ولا ابي اضرك بشي فالاحسن تطلقها بسلام .
يوسف : والله ما اطلقها مهما كان الامر صعب علي وعليها .. ولا تنسب كلامي هذا يابو بدر للتحدي .
عبدالمحسن : طيب وش اللي يمنعك ماتطلقها ؟
يوسف : ما ابي اطلقها .
عبدالمحسن : عارف بس وش السبب ؟
يوسف : مافيه سبب معين .. خلوها تجي الحين .
بدر : بتاخذ اختي من ابها للرياض على سياره ؟
يوسف : ايه .
بدر : 1000 كيلو على سياره لا مو مستوعب .
يوسف : بدر قول لوريف تجي .
طلع بدر من عندهم .
وطالع عبدالمحسن بيوسف : انت رجال والنعم فيك وماراح القى لبنتي زوج احسن منك ونعرفك من سنين ولا ابي اعتدي عليك طلق وريف بسلام.
يوسف : والله ما اطلقها مهما كلفني رفضي هذا اذا كانت هي تفكر انها تتنذل علي انا انذل منها واذا بتعاندني انا اعند منها .
عبدالمحسن : ابي اخذ منك وعد وعهد رجال الحين انك ماتضر وريف .
يوسف : افا عليك يا بو بدر انا اضر حرمه وين الرجوله ؟
عبدالمحسن : خلاص يعني اتأكد ان بنتي بأمان .
يوسف : ايه اكيد .
دخلت وريف وطلعو بدر وابوه .
جلست وريف ع الكنبه وهي تقول : ليش متعب نفسك وجاي هنا وانت عارف اني ماراح ارجع لك .
يوسف : والله ترجعين معاي واذا مارجعتي بالطيب ترجعين بالغصب .
وريف : تتحداني يايوسف ؟
يوسف : ايه اتحداك .
وريف : وانت قد التحدي هذا ؟
يوسف بابتسامه : قدها وقدود .
وريف : نشوف يايوسف انا ولا انت .
يوسف : يله روحي لمي اغراضك بنتظرك نص ساعه بس .
وقفت وريف : اغراضي جاهزه بس بروح اخذ عبايتي .


***

وصلو بيتهم اللي بجده بعد العمره .
بيت كبير وفخم ع البحر ودخلو حديقه كبيره طالعت غيداء بفهد : الله الحديقه تخقق مره .
فهد بابتسامه : والله انتي اللي تخققين .
دخلو بالبيت الفخم .
وطلعو بالمصعد لجناحهم وطالعت غيداء بفهد : كم يوم بنجلس هنا ؟
فهد وهو يمسك يدها : ان شاء الله رمضان كله بنقضيه هنا .
ابتسمت له غيداء : لا حبيبي ما اقدر اجلس كل رمضان هنا ميدو بترجع بعد كم يوم .
فهد بعصبيه مصطنعه : اهم انا ولا مدى .
غيداء بضحكه : لا حياتي اكيد انت اهم البشر عندي .
فهد : يابعد عمري .
رن جوال فهد وسمعته غيداء وهو يقول : يالليل ما اطولك حتى وقت اتصالهم غلط .
غيداء : ههههه شفيك اكيد يبون منك شي ضروري .
رد فهد : هلا سلطان .
سلطان : فهد وصلت جده ؟
فهد : ايه يمكن من ساعه .
سلطان : انتبه ترا المافيا محاصرين مكانك .
طلع فهد للصاله : الى الحين وهم حاطيني براسهم ؟
سلطان : هم ماعندهم إلا خيارين ياقاتل يامقتول .
فهد بعصبيه : طيب اش يبون ؟
سلطان : مبلغ المخدرات اللي من ثلاث سنوات .
فهد : نجوم السماء اقرب لهم .
سلطان : ليش كل هالعناد يافهد ؟ انت تقدر تعطيهم المبلغ ودبله بعد بس ما ادري ليش مكبر الموضوع .
فهد : والله لو ايش ما اعطيهم ريال واحد انت عارف كل تجارتهم حرام بحرام .
سلطان : ايه عارف بس ادفع لهم عشان تسلم منهم .
فهد : لا اموت بس ما اتعامل مع احد بحرام .
سلطان : الله يهديك ماادري ليش معقد الموضوع كل هالتعقيد .
فهد : لأن هذي فيها ضوابط شرعيه وحرام ادفع فلوسي بشي حرام .
سلطان : فهد حياتك اهم من فلوس الدنيا كلها .
فهد : بس حرام هذي كأنها تجاره .. ترضى اني اشغل فلوسي بمخدرات ؟
سلطان : اكيد لا .
فهد : خلاص انا مايمشي معي الشغل هذا لو انقتلت بس ما اسوي شي حرام .
سلطان : الله يكون بعونك يا اخوي .. مع السلامه .
فهد : مع السلامه .
ورجع فهد للغرفه وهو يفكر بكلام سلطان " معقوله ياغيداء بيرجع لك الماضي وتعيشين اللي عشتيه بالشهور الماضيه "
قطع عليه تفكيره صوت غيداء : فهد فيك شي ؟
ابتسم لها فهد : لا .
غيداء : وش فيك سرحان ومو على بعضك ؟
فهد : مافيني شي .. يلا حبيبتي بنروح نتعشى .



***


دخل رويد بمجلس الحريم وكانت امه لوحدها جالسه وتتابع التلفزيون : قوتن ابيند مامي . ( صباح الخير امي )
ابتسمت له اماني : ياهلا بولدي الغالي .
جلس رويد جنب امه : ماما .
طالعته اماني : هلا حبيبي .
رويد : لساتك زعلانه مني ؟
اماني بابتسامه : لا مستحيل ازعل عليك .. بس حركتك قهرتني شوي صح اني زعلت بس لمصلحتك والحين مو زعلانه .
رويد : طيب بشوف ديم وربي وحشتني حيل يوم كامل ماشفتها .
اماني بعصبيه : رويد انا ما راح اغفر لك زلتك ولا ابيك تكرر الغلط مره ثانيه خلاص انسى ديم .
رويد : كيف انساها وهي القلب اللي يدق في حشاي والروح اللي اعيش فيها .
اماني : حبيبي لاتخلي الشيطان يلعب براسك مره ثانيه خلاص انسى ديم .. ولا اقولك لا تنساها بس لاتفكر انك بتشوفها ربي يعلم اني اخاف عليها مثل ما اخاف عليك .
رويد : افاا وش هالكلام يمه تخافين على ديـــوم مني ؟
اماني : ليش انت مو ولد حالك حال غيرك .. ولا حبك لديم اقوى من الفضيحه اللي صارت لها .
رويد : يمه ديم ماصار لها شي وانا واثق ومتــأكد 100% انها لي بإذن الله .
اماني : بس بعد كم سنه بتخطبها ؟ انت عارف عمك بيوافق انك تتزوج بنته او بيرفض ؟
رويد : اتوقع ماراح يرفضني .
اماني : الله يصلحك حالك ياولدي .
رويد : هااا ماما موافقه اني اشوف ديم ؟
اماني وهي توقف : احـــــلم تشوفها مره ثانيه .
وقف رويد وباس يد امه وراسها : الله يخليك لي ابي اشوفها .
اماني : لا تحاول ماراح اسمح لك تشوفها .
رويد : يمه طلبتك ابي اكلمها واشوفها والله مو متحمل اكثر من كذا .


***

كانت وريف جالسه ع الاريكه ويوسف متمدد ع السرير : وريف .
طالعته وريف : نعم .
يوسف : متى بتتركين العناد هذا والتكبر والتعالي على الناس اللي حولك ؟
وريف : لما يكونون الناس اللي حولي من مقامي مو حشرات تحت رجولي .
يوسف : مايجوز الكلام هذا ياوريف لاتدخلين النار عشان كلام فاضي بدنيا فانيه .
وريف بضحكه : كلام فاضي ؟ مو انت اللي تسألني وربي يايوسف ان الخدم اللي ببيتنا ارقى منك ومن زوجاتك .
يوسف : إلا على طاري الخدم مو متراجعه عن قرار الخدم اللي بتجيبينهم ؟
وريف : مستحيل اتراجع .. اشلون بيت مافيه خدم وان شاء الله بكره والطاقم واصلين .
يوسف : اجل طاقم ؟ ليش هم كم خدامه ؟
وريف : 40 خدامه و4 مشرفات .
شهق يوسف : اربعين خدامه بالبيت هذا ؟ احنا البيت اللي خدمه كثير خدامتين .
وريف : قلتها انتو ناس على قدكم .. بس انا غير وبيتي يحتاج لخدم اكثر بس انا ما ابي اكثر من 40 خدامه .
يوسف : طيب خلاص ماعاد فيه سالفة طلاق من بعد اليوم ؟
وريف : ههههههههه لا مستحيل .. انا وريف اليحيى زوجي يوسف ال... ههههههههه بصراحه نكته هذي .
يوسف : اللهم عافنا .
وريف : ليش انا اش فيني يوم تدعي كذا ؟
يوسف : فيك مرض اسمه الغرور .
وريف : ليش هو الغرور مرض ؟
يوسف : ايه اكيد لو مو مريضه كان ماتعاليتي وتكبرتي على الناس .


***

ببيت شعبي خارج مدينة جده بمنطقه شبه مهجوره .
صحى فهد وشاف نفسه بزنزانه ويدينه مربوطه ورجلينه مربوطه صرخ : يااااااااناس ياللي هنا .
انفتح الباب ودخل رجل لابس لبس اسود وقناع : وش تبي ؟
فهد : انا وين وليش جايبيني هنا ؟
...: انت الحين بيدين رجال المافيا اذا مارجعت فلوسنا بنقتل شخص عزيز عليك .
ونزل الرجال للزنزانه عند فهد وفتح اربطة يدينه ورجلينه : يله قدامي السيد منيب هو اللي بيتفاهم معاك .. طبعآ نيابه عن السيد جونسين .
طلع فهد من الزنزانه والرجل يقوده دخلو بغرفه وشاف فهد رجل لابس اسود وقناع جالس ع الكرسي : سيد منيب هذا فهد .
منيب : خلاص اطلع برا وقول للفرقه يدخلون .
طالع منيب بفهد : بتدفع الفلوس طلعناك من هنا بسلام مو دافع الفلوس راح نقتل شخص عزيز عليك .
فهد بسخريه : من بيصير الشخص هذا امي مثلآ .
منيب : لا اعز من امك .
فهد : ههههههههههههه مع نفسك .. نجوم السماء اقرب لكم من الفلوس سمعـــت ؟
دخلو مايقارب 10 رجال لابسين نفس بعض بنطلون رسمي اسود وقميص ابيض وجاكيت رسمي اسود ويحملون مسدسات .
وكل مسدساتهم موجهه لفهد .
منيب بعصبيه : فهد ادفع فلوس تعوض المخدرات ولا راح نقتل الشخص العزيز عليك .
فهد : ماراح ادفـــع لكم ولا ريال واعلى مابخيلك اركبه .
منيب : وهذا اسلوب تحاكيني فيه ؟
فهد : ايه عادي مثل ماتحاكيني احاكيك .. إلا اشلون جبتوني هنا ؟
منيب : جبناك بتفكيرنا وتخطيطنا .. إذا مادفعت الفلوس راح نقتل اعز شخص عندك .
واخذ الريموت وشغل شاشة العرض وشهق فهد وهو يشوف غيداء جالسه ع كرسي ومربوطه ووراها رجلين معاهم مسدسات .
شغل منيب الاربيز : اقتلوها فهد رفض لايسلمنا المبلغ .

[شمالية الهوى]

***



~ آلُبْآرَتِ آلُثِلَآثِوَنّ ~


[ البارت الاخير ]


***


شغل منيب الاربيز : اقتلوها فهد رفض لايسلمنا المبلغ .
طاح فهد ع الارض فاقد وعيه بعد ماشاف واحد من الرجال اللي عند غيداء اطلق الرصاصه .


***

جلست اماني جنب شيخه : ام رائد فيه موضوع مهم ابي اكلمك فيه .
شيخه : تفضلي .
اماني : بصراحه انا عاجبتني بنتك ديم ويشرفني انها تكون زوجه لولدي رويد ونخطبها منكم الحين مبدئيآ والخطوبه الرسميه بعدين.
شيخه بابتسامه : وولدك ماشاء الله عاش عندنا 10 شهور والله ماشفنا منه إلا كل خير .
اماني " بلاك ماتعرفين عن مصايبه مع بنتك ولا كان ماوافقتي " : يعني نقول الف مبروك ؟
شيخه بفرحه : الف مبروك .. بس لازم ناخذ راي البنت .
اماني : ايه اكيد من حقكم .
دخلت الجوهره وبابتسامه : الف الف مبروك .
اماني بضحكه : بس لسه ماصار شي .
شيخه : ان شاء الله البنت ماراح ترفض ولد عمها ومن بيخاف عليها اكثر من ولد عمها .
اماني : ان شاء الله - ووقفت - عن اذنكم بروح اقول لعبدالمجيد .
الجوهره : ليش هو مايدري ؟
اماني : لا طلب مني رويد قبل شوي اخطب له ديم وولدي الغالي ما ارفض له طلب .
الجوهره : الله يخليه لك يارب .
اماني : امين .
الجوهره بهمس : وان شاء الله بعد ايام بخطب وسام لسلطان .
ابتسمت اماني : والله ماراح تلاقين له احسن منها .
وطلعت من عندهم وحطت طرحتها ع راسها وخرجت من الفيلا ونادت عبدالمجيد : هلا حبيبتي .
اماني بابتسامه : مجود بقولك بس ماتعارضني ولا تزعل مني .
عبدالمجيد : قولي ماراح ازعل ولا اعارضك .
اماني : انا خطبت ديم لرويد .
ضحك عبدالمجيد : مو متخيل ان رويد بيخطب .
اماني : هو رجال خلاص عمره 19 .
عبدالمجيد : وحتى ديم صغيره احس انك استعجلتي بالمره .
اماني : لا بالعكس .. بس بعد سنه او سنتين الخطوبه الرسميه ويملكون ان شاء الله اذا تخرج رويد من الجامعه .
عبدالمجيد : ان شاء الله .. إلا رويد يدري ولا لسه ؟
اماني : ههههه اكيد يعرف هو اللي طلب مني اخطب له ديم .. عن اذنك حبيبي .
عبدالمجيد : اذنك معاك .
دخلت اماني ونزلت الطرحه .وطلعت لغرفة ديم طقت الباب ودخلت : سلام عليكم .
ديم : عليكم السلام .
جلست اماني جنب ديم : قالت لك امك انك انخطبتي ؟
ابتسمت ديم : ايه قالت لي .. الله يخليك لنا يا عمتي يعني اليوم اقدر اشوف رويد ؟
اماني : ما ادري هو صح ثلاث ايام ماشفتو بعض بس احس انه غلط بالوقت هذا .
ديم : خلاص ياعمتي هو خطيبي مالكم عذر .
اماني : خطيبك بس ماملكتو لسه .
ديم : بس عادي لو اقابله واكلمه .


***

صرخت غيداء وهي تشوف الرصاصه بكتف الرجل اللي واقف وراها طاح ع الارض وصديقه اللي معاه جلس جنبه وانشغل وطلعت تركض من المكان اللي هي فيه .
طلعت للشارع وهي مقيده يدينها وطرحتها طايحه ع رقبتها وحاولت تغطي وجهها وشعرها ماقدرت وشافت سلطان واقف وعنده فرقه عسكريه : غيداء .
وقفت غيداء وبخوف ورجفه : هلا سلطان .
سلطان وهو يفتح اربطة يدينها : وش صار معاكم واشلون وصلو لكم ؟
لفت غيداء طرحتها وتغطت وتتذكر الحادثه اللي امس : وحده من الخدم دخلت الرجال ووصلو لغرفتنا كان فهد نايم وحقنوه بمخدر وخذوه وانا شالوني وجابوني هنا.
سلطان : قايل له الله يهديه يعطيهم فلوسهم ويفتك احسن من العنا هذا كله .
غيداء : طيب فهد وينه ابي اشوفه .
سلطان : فهد بالبيت تعبان ع باله انك ميته او مصابه .. يله روحي مع السايق للبيت .
مشت غيداء وركبت بالسياره بعد مافُتح لها الباب وكان الامن مشدد على السياره ومشو مسافه مو قصيره ووصلو القصر نزلت غيداء .
ودخلت وهي ترجف " ياربي لاتصيبنا بمكروه "
طلعت للغرفه وشافت فهد متمدد ع السرير ويئن بأسمها جلست جبنه : فــهد .
مسك فهد يدها وجلس وهو مو مستوعب انها جالسه قدامه : غيود وش صار لك ؟
غيداء : مادري مادري احس اني بحلم .. سبحان الله كان ناوي ان الرصاصه تقتلني بس جات بصديقه .
حضنها فهد : الحمدلله على سلامتك ياقلبي .
غيداء : الله يسلمك .. مين الناس هذولا اعداء لـك ولا اش سالفتهم ؟
فهد : ايه هذولا اعدائي المافيا .
شهقت غيداء : المـــافيا ؟
فهد : ايه بفضل ربي قدرنا نطلع من عندهم .
غيداء : طيب اش يبون منك لا يكون انت تتعامل مع المافيا ؟
فهد : لا الله لايقوله بس هم يبون فلوسهم لأنه قبل ثلاث سنوات انا بلغت عليهم لأنهم يروجون مخدرات وضبطوهم رجال الامن وخسرو مايقارب 500 مليون وهم الى الان متظررين ويبوني ارجع لهم لو 250 مليون بس والله مايرجع لهم من عندي ريال واحد .
غيداء : اللهم لاتصيبنا بمكروه .. خلاص حبيبي بنطلع للرياض اخاف يرجعون لنا مره ثانيه .
فهد : لا خلاص ماراح يرجعون الامن مكثف على البيت والخدامه اللي فتحت لهم الباب اقلتها ومنيب نائب رئيس المافيا قتله سلطان .


***

جلست وريف جنب يوسف وهي تطالع بأمه وبهمس : مين العجوز هذي ؟
يوسف بابتسامه وهمس مماثل لوريف : وريف قومي سلمي على امي .
طالعت وريف بيوسف وطالعت بأمه وبصوت وصل امه : ايش ؟ اسلم عليها .
وقفت ام يوسف : ياهلا ببنتي وريف انا مريضه بس والله غلاتك عندي خلتني اجي لبيتك اسلم عليك .
صافحتها وريف وهي جالسه : اهلاً .
جلست ام يوسف وهي آسفه لحال وريف اللي مو متقبلتهم .
يوسف : وريف وش بلاك قومي سلمي على امي تراها بحسبة امك .
وريف : لا تقااارن امي بهذي .
وقفت ام يوسف : انا بروح لبيتي .
وقف يوسف : لا يايمه انتي لازم تتعشين معانا .
ام يوسف : اذا وريف ماتبيني ما ابي اضايقها ياولدي .
يوسف : لا وريف تبيك بس هي ماتعودت عليكم .
وريف وهي توقف : بصراحه انا عشاي الساعه وحده اذا تقدرين تجلسين هنا الى الساعه وحده تتعشين معانا واذا ماتقدرين درب السلامه .
يوسف : لا عادي عشاي انا وامي بعد صلاة العشاء .
وريف : خلاص اجلس مع امك انا طالعه لجناحي .
ام يوسف : ياولدي وش فيها مرتك وليه تعاملني كذا ؟
يوسف : يمه وريف صغيره وهي منقهره على حالها تزوجت شايب وعنده ثلاث زوجات يعني اشلون بتعاملنا وراح تصير مثل لطيفه .
ام يوسف : لطيفه غير لطيفه منا واحنا منها بس هذي متكبره علينا حتى اختك موضي تقول وريف بالجامعه ماتنزل نفسها لأحد بس مع بنات عمها.
يوسف : لأنها بنت اليحيى يمكن هذا الشي اللي يخليها تتكبر على الناس .
ام يوسف : الله يهديها ويصلحها .


***

ديم بابتسامه : الله يبارك فيك عقبالك .
وسام : يابعد عمري ياديم مو مصدقه انك انخطبتي لسه صغيره عمرك 18 ورويد 19 والله شي غريب مره بالعاده اللي يخطبو وهم صغار 23 او 24 ما ادري اش فيكم غير عن الناس .
ديم : عمتي اماني تقول يعني الحين كأني محجوزه لرويد ماراح يعلنو الخطوبه إلا بعد اربع سنوات .
وسام : طيب ليش خطبك من الحين ؟
ديم بتتهرب من السؤال : ما ادري .
وسام : والله غريب امركم .
ديم : اهم شي انه خطبني سوا صغيره كبيره مو مهم اهم شي ان اسمي مربوط باسمه .
عمزت لها وسام وبابتسامه : ياعيني ع الحب .


***

في سكون الليل وتلالاء النجوم ونسمات الهوا البارده ع شاطئ البحر كانو جالسين فهد وغيداء ويدها بيده : احبــك .
باس فهد خدها : وقلبي ماينبض إلا لك .
باس فهد يدها ومسك فهد وجهها ورفعه للسماء وصرخ بـ : ناظريني ياسماء حتى انا عندي قمر .
ضحكت غيداء : هههههه لا يسمعونك الناس يقولون مجنون .
فهد : خلاص انا مجنون غيداء .


*
*
*
*
*
تمت رواية مافهمت وصلك والهجران وانت مافهمت حبي وفراقه *

01:53 ص

‏12/‏11/‏1434هـ
18 / سبتمبر / 2013

ما اجمل البدايه وما اصعب النهايه ,,
ها انا اطوي اخر صفحات روايتي التي عشتها 4 اشهر .
واتضحت لكم جميع الملامح والشخصيات .
بين مزاح وجدال بين واقع وخيال .
بين اخوه ومحبه بين حقد وكره .

غيداء / تلك الفتاه المغلوب على امرها فقدت والدها ووالدتها منذ صغرها وتزوجت بظروف قاسيه كانت ضعيفه امام واقعها ولاكن اجتازت هذه المرحله وعاشت اجمل ايام حياتها بين فهد وطفلتها الجديده ذوق .
فهد / الشاب الذي عشق فتاه لم تكن مثل مارسم في مخيلته .
سهام / زوجة العم المتسلطه التي استطاعت على شتات وفراق عائله مكتمله ..ظلمت ولاكن انكسرت والظالم لايستمر مهما طال ظلمه .
وريف / الثريه التي لاتعرف ( الله ) ولاكن تزوجت محافظ وملتزم واستطاعت ان تتعايش مع واقعها وتنسى ابن عمها التي احبته منذ صغرها .
مدى / الصديقه المخلصه المتواضعه لم تستطيع ان تحمي صديقتها من الخروج بالشارع .
الجوهره / الام الحنونه المحبه للخير لأبنائها وغيرهم .
منصور / العقل الراجح ربما قراراته صحيحه وبعض منها خاطئ ولكن لايفشل .
نايف , عامر / تلك الشابان اللا مباليان اتبعو خطوات الشيطان حتى اظلهم عن الدين وسلكو طريق الهلاك وهاهما يعيشان بحزن وندم ويتعالجون في المستشفى وعلاجهم 3 سنوات .
رويد / المراهق الذي احب ابنت عمه وببساطه سلك طريق الخطاء ولكن لم يتجاوز حدوده .
ديم / المراهقه الغير مطلعه على الحياه التي احبت ابن عمها التي لم تتوقع انه يبادلها نفس الشعور .
ساره / اخت الزوج الحاقده وكادت ان تسلك طريق الغرور والانانيه
سلطان , سعود , بدر , ناصر , رونق , راوين , نوره , سهى , اختفو كثيرا في الروايه ولاكن هم فقط شخصيات مكمله للروايه .

****

طرحت قضية التدخين لأنها قضيه خطيره على مجتمعنا والبعض ينظر لها بأنها امر عادي وهي اضرارها خطيره جدآ وتسبب مرض السرطان الرئوي .. وفي السنه يتوفى في السعوديه 35 الف شخص المسأله مو بسيطه ونسبه المدخنين الآن في السعوديه 45% ,, طرق علاجه سهله ولكن تحتاج الى توكل على الله والعزيمه واصرار وجمعية نقا مو مقصره مع المدخنين اسأل الله العظيم ان يجزاهم خير الجزاء .

****

*ملاحظه* لا احلل ولا ابيح اي شخص كان ان ينقل الروايه بأسمه او يغير شيء يخل الروايه .

واسفه اذا كان جرحت احد بقصد وبغير قصد واتمنى ماتحرموني من دعواتكم .
****
اشكر الله على توفيقه ,, ثم اشكر صديقتي ورفيقة دربي نور اللي ساعدتني كثيير .
واشكر صديقتي غيود .
واشكر الشاعره همس الجبلين monira_mj@.
واشكر كل من ساعدني وساندني وشجعني .
وتبقوون في قلبي

*******

اشكر منتدى بنات كول .
شكرآ ( انفاس محبوبي )
شكرآ ( Noorah)
شكرآ ( روح تميمه )
شكرآ ( اسراء )
شكرآ ( ميالا العسل )

وفي الختام :
والسلام عليكم ورحمة الله وبركاته .
انتظروني في روايتي القادمه رواية ** مَآ آقســى قُلــوب تـحـرق زهَـور و ورود .. مــن ظــلمهــا تــغرقَ عليـنا الســفينهَ !!
التي قريبآ سوف تكون بين ايديكم .
اختكم / انفآس الهجر R_anfasalhjer@
" لا اله إلا انت سبحانك اني كنت من الظالمين "

[شمالية الهوى]

تــــــم نـــقــــل الــــروايـــــة كــــــاملـــــــة .


تــــــــــــــــــــــــ ــــــــقــــــــــــــبـ ــــــــــــــلو تـــــــــحـــــــيــــــ ـــــــــاتـــــــــــــي

[في الصمت ألف حكاية]

سعيدة لان الكاتبة عادت لنا برواية جديدة
وشكرا لك على النقل
شكراااااا

[لامارا]

السلام عليكم ورحمة الله وبركاته كيف حالك إن شاء الله دائما بخير ؟

شكرا شمالية الهوى على النقل

شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية .

[فيتامين سي]

السلام عليكم ورحمة الله وبركاته
شكرا لك يالغلا على النقل المميز ومثابرتك على النقل
رغم قلة الردود التي لم تثنيك عن إكمال مابدأتيه
وأحلى تقييم لك يالغلا
يعطيك العافية

[الخيال الحالم]

شـكــ وبارك الله فيك ـــرا لك ... لك مني أجمل تحية .

[ايمي 2009]

السلام عليكم ورحمة الله
بجد روايةرائعة
في انتظار جديدك
احلى تقييم لك
شكرا لك
سلام وفي امان الله