آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
07-04-14, 04:58 PM
| #31 | ||||||||
| مراقبة عامة ومشرفة منتدى الروايات المنقولة  
|  &&&&&&&الـنـهـايــه&&&&&&&& بالنسبه لديمه وماجد..خلاص صاروا صافيه لبن..أما غلا وخالد يستعدون لإستقبال مولودهم الجديد...صرنا نتبادل الزيارات العائليه..وبيوم من الأيام غلا ولدت وجابت ولد.. , , ديمه وهي راجعه من زيارة أختها دخلت غرفتهاو جلست وهي تتبسم.. ماجد ببتسامه:خير اشوفك تتبسمين.. ديمه قامت:الله شكل البيبي يجنن يا ماجد..لو بيدي اخذته معي ماجد جلس ويسترخي:ههههه ديمه طرى عليها موال,وراحت تنط بحضن ماجد:حبيبي.. ماجد عرف وش قصدها,وابتسم:أيـوه ديمه:أبي أحمل ماجد:الله كريم ديمه نزلت راسها وتكت على صدره بنعومه:ونعم بالله.. بس أحس قلبي يرجف من هالفكره..أبي طفل ياماجد ماجد سحرته نظراتها الطفوليه ومسح على شعرها:بالنسبه لي..مابي غير طفلتي اللي بحظني أحد..انتي تكفيني ياطفلتي.. ديمه دفنت نفسها بحضنه وغمضت عينها,بسكات وشعور لا يوصف.. , , مرت الشهور وخطب اخوي "سامر"..وتزوج.."بشاير" ..لكن اللي كنت مستغربته إلحاح سعود..علي بأن نترك البيت..ونطلع..كان يلح بشكل مو طبيعي..وأنا كنت أرفض بكل مرّه.. بشاير وهي جالسه على طرف السرير:حبيبي سامر:سمي بشاير:أنا جوعانه تنزل معي ناكل سوا سامر بكسل:ودي ياقلبي..بس داايخ..ووراي بكره دوام بدري..أنزلي أنتي وكلي اللي تبين وارجعي..خذي راحتك أهلي نايمين. بشاير:بس اخاف اخوك سعود طالع والا شيء سامر:لا ماظن..سعود اللحين نايم.. بشاير ببتسامه ماكره:اوكي بيبي..أنا طالعه.. سامر غط على نفسه بالمفرش ونام.. طلعت بشاير من الغرفه..وسكرتها وراحت تتسحب..ومرت على غرفة داليا وسعود..تتسمع شوي..وحست الوضع عادي..وتسمع صوت مباراه فالتلفزيون..عرفت انه سعود سهران..لأنها تعرف أن داليا رايحه تنام بدري كانت دايخه من الشغل.. وقايلتلهم انها بتنام أوردي أول ماتروح لغرفتها.. طقت الباب بشويييش..وعدلت وقفتها.وشعرها.وقميصها اللي لابسته..تنتظر طلعته.وطقت الباب مرّه ثانيه .. سعود تردد انه يفتحه.. داليا قامت وهي مكسله:حبيبي..ايش هذا من اللي يطق الباب سعود خاف:نامي حبيبتي..هذا سامر..يبي مني حاجه داليا رجعت تنام:اوكي روح شوف..ترى بتصحي ميليا اللحيت وأنا ماني رايقه لها..وراي قومه بدري ابي انااام سعود قام:اوكي حبيبتي نامي انتي أنا طالع..ناامي.. داليا نامت.. طلع سعود وفتح الباب وهو صاد بوجهه:نعم بشاير ببتسامه ساحره:هـاي سعود بتأفف:يالله مساء خيير بشاير قربت منه:أشتقتلك سعود طلع وسكر باب الغرفه علشان ماتسمعه داليا:يابنت فكيني من شرك..أنتي مو تزوجتي اخوي بشاير مسكت يدينه:تزوجت اخوك صح..بس على ذكراك يالغالي.. سعود سحب يده منها وابعد عنها:اعوذ بالله من الشيطان الرجيم..ترا داليا نايمه لا تقومينها.. بشاير نزلت دمعتها:غبيه..وربي لوني مكانها ما أنام إلا في حضنك..لكن ماتستاهلك.. , سامر قام من نومه وتلفت ماشافها..وراح يدورها.. , سعود فتح باب غرفته ودخل.. بشاير مسكت يده قبل لايدخل:لحظه ياسعووود لحظه ماكملت كلامي.. سعود بتأفف سحب يده ودخل وقفل باب الغرفه... بشاير انقهرت منه ورجعت لغرفتها..وجلست على السرير بتوتر.. سامر طلع من دورة المياه وألتفت وشافها جالسه ومتوتره وعيونها فيها دموع:بشبش حبيبتي بشاير أتلتفت عليه:نعم سامر ببتسامه جلس بجنبها:شفيك مانمتي للحين بشاير نزلت دموعها:قلقانه ماني قادره أنام.. سامر مد يده لها ببتسامه ومسح دموعها:تعالي بحضني..اوعدك راح تنامين علطول.. بشاير ناظرت عيونه بحزن.."تخونه وهو يعشقها"..تحب تصرفاته كلها وتعجبها وسامته..بس سعود مسيطر على تفكيرها الطفولي.. سامر:بشبش تعااالي.. بشاير راحت ونامت بحضنه... سامر ضمها بحنان:امووت في قطوتي..أنا..نامي ياقلبي... بشاير نامت علطووول.. , , , , , اليوم الثاني/ عالغداء الكل كان مجتمع..وكان الكل يتغدأ..وساكت.. بوسعود:وين رنا من زمان عنها.. ام سعود:تقول بتجي الليله ان شاء الله.. سعود:اشتقنا لفصولي..والله من زمان على ازعاجه داليا:هههه بهذي صدقت..أحلا ازعاج وربي بوسعود:هههه ياحليله صدق.. سامر:اجل شرايكم نروح اليوم البحر..مدام ان رنا وولدها بيجونا.. داليا استانست:والله فكره..خصوصاً اني ماعندي شفت ثاني اليوم..وبكره جمعه يعني اجازه.. بشاير تناظرهم وسااكته,وعينها شوي والثاني على سعود,كحت.. ام سعود:بسم الله عليك..اشربي ماي.. سامر عطاها مويه.. بشاير شربت المويه:شكراً حبيبي.. سامر غمزلها تسكت وماتقوله حبيبي قدامهم... بشاير كأنها ما شافته قامت وسوت نفسها دايخه وجلست.. سامر خاف ومسكها:بشااير ام سعود:فيك شيء يابنتي؟ بشاير بدلع:والله مدري ياخاله.. داليا:بشاير..وش تحسين به بالضبط؟ يمكن اساعدك.. بشاير ناظرتها بنص عين:مشكووره مـاظن أنك بتقدرين تساعديني... داليا ببتسامة حسن نيه:بس أنا دكتورة..صحيح طبيبة اطفال بس عندي خبره.. بشاير بدلع وبطرف عينها:لا أنا أحب التخصص.. الكل:!! داليا ببتسامه:اوكي براحتك أنا حبيت أساعدك بس سامر التفت عليها:مشكوره داليا.. بشاير ظلت تناظر سعود...بين فتره والثانيه.. بوسعود ما اعجبته حركاتها:ماتشوفين شر يابنتي سعود قام من الغدأ:الحمدلله.. داليا:سعود تو الناس ماكلت شيء سعود:لا الحمدلله شبعت.. داليا قامت ولحقته:الحمدلله بشاير تناظرهم وهم رايحين:سااامر سامر :سمي بشاير بدلع:حبيبي تعال ساعدني اقوم ام سعود بنص عين طالعتها.. قامت وراحت... , , , بغرفتهم/ داليا وهي جالسه وبنتها بحضنها... سعود ساكت وسرحان واضح أنه عنده موضوع مضايقه.. داليا توترت من سرحانه:سعوود سعود:سمي داليا:حبيبي فيك شيء؟ سعود:لا مافي شيء داليا قامت وجلست جنبه:أكييد.. سعود أخذ ميليا منها وقام:حبيبتي مافيني شيء.. داليا طالعت بعيونه:حط عينك بعيني واعترف.. سعود خاف:اعترف بوشو داليا:مو من صالحك السكوت:تراني شاكه فيك من فتره... سعود خاف وارتبك وسكت.. داليا:شووف حبيبي..لا يكون نفس الموضوع...هو مشغلك بالك؟تبينا نطلع من البيت.. سعود ارتاح:أيه..ويالييت توافقين.. داليا:والله صعب علي أطلع من هنا وسط العايله..بس علشان خاطرك يرتاح..بوافق..بس بشرط سعود استانس:آمـري داليا:يكون هنا فالحي مو بعيد ويستحسن جنب البيت سعود:موومشكله..أنت تامرين أمـر داليا:هههه طالعوا وجهه شلون استانس , , عالبحر// الكل كان مجتمع ..ويستمتع.. ام سعود وابو سعود جالسين ومعهم رنا وداليا..يتقهون ويضحكون على سعود ومحمد كل واحد شايل بزر..ويتمشون عالبحر.. رنا:هههه يمه ناظري سعود..وهو شايل بنته..يجنن.. ام سعود مبسووطه:فديته أي والله..عسى الله يبلغني وأشوفه شايل ولده بعد.. داليا:هههه مو اللحين ياخاله...مابعد نسيت ألآمي بميليا.. رنا:ألحقي يمه وزوجي ولدك وحده تجيبله عيال..ترى هذي مثل الخواجات ..واحد ويخب هههه داليا مسكتها برقبتها:هذي اللي شكلي بذبحها... رنا:هههه يمه الحقيني ام سعود:ههههه تستاهلين ليش تتكلمين بكلام منتي قده..أصلاً..مافيه غير داليا لولدي.. داليا فكت رقبة رنا:ههههههه والله رحمتك خالتي.. الكل:هههههههههههههههههههه أقبلت بشاير...ويدها بيد سامر..كانوا جايين من برا.. ام سعود عبست:الله يستر جات بشاير.. داليا:خااالتي حرام عليك والله بشوره قلبها ابيض..بس يعني مراهقه شوي توها ام سعود:والله متحملتها علشانك وعلشان ولدي..وإلا هي الله يصلحها تصرفاتها مااش. رنا:ليش وش سوت؟ داليا نغزتها:اسكتي هذا هي وصلت.. بشاير وسامر:السلام عليييكم جميعاً الكل:وعليييكم السلام رنا:ماشاء الله اشوف ابتسامتك مشعشعه..ياسامر ونسنا معك سامر:هههه لا أنا ماالي شغل بروح أقول لأبوي هالخبر.. باااي.. جلست بشاير وهي تتبسم...مستحيه تتكلم.. ام سعود:بشااير وش فيك انطقي.. رنا بفضول:بشوووره بلا ثقالت دم وتكلمي... داليا:أنا عارفه وش فيها..أبشركم بشاير حامل.. ام سعود:صدددق.. بشاير أستغربت:وأنتي شدراااك؟!!! داليا ببتسامه:هههه عييب هالكلام مايقال لدكتوره قد حملت وولدت..المهم صح اللي قلته بشاير ببتسامه:إي صحح.. ام سعود فرحت:ألـــف مـبرووك.. رنا:مبروووك داليا:مبرووك يابشاير.. بشاير:الله يبارك فيكم...عقبالكم يابنات.. رنا وداليا قاموا وهربوا:لااااا بشاير وأم سعود جلسوا يضحكون عليهم.. , , , مـرت الشهور رائعه..كانت بنتي تكبر قدام عيني..بيني وبين حبيبي..حياتنا كانت حلوه..ورائعه..صحيح..فيه بعض المشاكل..بس نقدر بتعاوننا وتفاهمنا نتجاوزها.. ماجد وهو طالع من غرفته لحقته ديمه ديمه:مجوود مجوود.. ماجد ألتفت:سمي ياقلبي ديمه:سم الله عدوك.. ماجد:خير ديوم فيك شيء ديمه بتردد:لاتنسى اليوم موعدنا ماجد:موعد إيش ديمه:نتائج التحاليل والأشعه..تبع تأخر الحمل.. ماجد تذكر:آهاا تذكرت..أوكي متى؟ ديمه:بعد الظهر ماجد:أنا أقول نأجلها أحسن..تو النااس علينا.. ديمه بقلق:أي تو النااس..كل من تزوج بعدي جالها بزران وحامل..إلا أنا.. ماجد:ههههه وأنتي كل ماسووه بتسوين زيهم بسس ديمه:لا مو بس...أنا أبي أصير أم..نفسي أحمل..الله يخليك هذا آخر موعد ماجد:ياحبيبتي والله بدري علييك..بس شسوي أمري لله..نروح للدكتوره ونشوف النتايج يله باي ديمه:باي.. طلع ماجد وجلست ديمه وهي تفكر شلون بتطلع نتايجها..آآه ياصعب الإنتظااار...نــار.. , , , فالسياره/ سعود ببتسامه:كيفك اليوم داليا ببتسامه:تمام.. رن جوالها:لحظه حبيبي هذي نوره تتصل من لندن.. سعود:سلمي عليها.. داليا:اوكي..هلا نوره نوره فالجوال:اهلييين..داليــااا� � داليا:هههه حبيييبتي اشتقتلك..كيف الحال نوره:بخير انتي كيفك؟كيف سعود داليا:سعود يسلم عليك.. نوره:الله يسلمه ويسلمك..فدييييتك والله مشتااقه لك حيييل.. داليا:وانا اكثر ياقلبو..هاا كيف لندن؟ نوره:موحلوه بدونك.. داليا:هههه خلاص بنجيكم زياره.. نوره:صدق والله.. داليا:ان شاء الله..بس شخبار مشاري..بشري عسى حملتي؟ نوره:ميشو بخير..وأبشررك حملت..بس لاتقولين لأحد هههههه داليا:ههههه نوااااره..ماااني مصدددقه ههههههه مبروووك ياقلبي سعود تحمس:وش فيها داليا:التفتت على سعود:نوااره حاامل ياسعود ههه سعود :باركيلها داليا:سعود يقولك مبروك.. نوره:الله يبااارك فيكم..وعقبالكم داليا:هههه لا خلاص أنا مرتاحه كذا ههههه نوره:ههههه والله انك فللله داليا:هههههه نوره:يله اتركك مع الحبيب.بااي ياقمر داليا:ههه باي ياعسل.. سعود:ليش تقولينلها اننا بنروح.. داليا:ليش حنا..ماراح نسافر للندن.. سعود:مو هذا القصد..بس ماتكلمنا فالموضوع.. داليا:هههه حبيبي..أنا بس أطمنها..عشان ماتستوحش هناك..تدري انها هناك لحالها مع زوجها..بس..أنا ماقصدت السفر اللحين.. سعود :اشوى علبالي.. داليا:علبالك أني بمشي كلامي..وأطنشك..لاحبيبي..مابع د عرفتني أجل.. سعود:فديتك..مو مابعد عرفتك..بس خفت شووي داليا:ههههه أحبه ياناااس رن جوال سعود ورد:هلا يمه..وشووو..بشاااير تولد.. داليا خافت:يووه تو الناس.. سعود:اوكي يمه حنا بالطريق لاتخافين.. داليا خافت:سعوود تو النااس..توها فالشهرالسابع.. سعود:الظاهر ولاده مبكره.. , , , , البيت / نزلوا سعود وداليا..ودخلوا ركض.. داليا دخلت تشوف بشاير لقتها تبكي:بشااير شفييك وش سويتي؟ بشاير وهي تبكي وتتألم:ماسويت شيء ولا حتى تحركت من الصبح..بس الألم فضيييع... دالياحطت يدها على بطن بشاير وتحسست:الطلق عندك حامي..لازم نوديك المستشفى.. بشاير بصراخ:لا لا المستشفى لا..ولديني أنتي.. داليا:لازم ياحبيبتي علشان يعتنون بالبيبي..لأنه بينزل ناقص.. بشاير:لا الله يخليك لا..بيعذبوني داليا:يعني انتي اللحين مرتاحه هنا..لازم نوديك..أنا بوديك انا وسعود وخالتي.. بشاير جلست تصرخ من الألم..مقدر أمشي ماقدر امشي..أبي سامر أتصلوا بسامر.. ام سعود:وين ساامر اللحين ناسيه انه بالرياض..بيجي بالليل..لينك ولدتي عاد.. بشاير:بس ما عرف امشي.. داليا:محلوله..قومي سندي علي أنا وخالتي.. بشاير مشت معهم وهي تسند عليهم..وودوها المستشفى.. , , المستشفى/ عند قسم الولاده...واقفين سعود وداليا وام سعود..ينتظرون..! سعود:داليا ارتاحي شكلك مو طبيعي داليا وهي تتكي عالجدار بتعب:لاعادي..بس ارهاق.. ام سعود:اتعبك شيل بشاير...تكت عليك بالمره.. داليا:لا وش دعووه ام سعود:الله يستر على بشاير ويقومها بالسلامه..ماتقدرين تدخلين ياداليا وتطمنيننا داليا طاحت عالأرض سعود التفت عالطيحه..وصرخ:دالــيـــا.. ام سعود:الحق عليها وش فيها؟ سعود شالها بسرعه ودخل فيها غرفة الطوارئ...وحطها على اقرب سرير وهو ينادي الدكتوره هدى صديقتها والممرضات.. ام سعود:وش فيها سعود وهو خايف:مادري يمه مادري ام سعود:الله يستر... سعود ماقدر يقعد برا يخمن..قرر يدخل يشرف عليها بنفسه.. ام سعود:هوو قعدت أنا لحالي... طلعوا الممرضات ومعهم مولود بسرير زجاجي مسكر.يدفونه: ام سعود:بشري ياسستر...وش جابت بشاير الممرضه:بيبي ولد صغييير مرره.. ام سعود:وهي كويسه الممرضه:ايوه ماما كويس.. ام سعود:يااربي لك الحمد.. , في غرفة داليا/ سعود وهو يمسك بيد داليا:حبيبتي تحملي شوي.. داليا تبكي:سعود أنا ادوخ..مادري شفيني..راسي يوجعني ياسعود.. سعود:اللحين بنعرف كل شيء..بس الظاهر بشاير كانت ثقيله عليك زي ماقالت أمي..كان ماضغطتي على نفسك.. داليا:وش اسوي مسكينه كانت تعبانه..إلا وش صار عليها سعود:ولدت وجابت ولد..حطوه بالعنايه المركزه.مع المواليد الخدج داليا:ابعد عني بروح أشوفه.. سعود:اقعدي ارتاااحي..شوي.انتي نزفتي كثير..الدكتوره هدى راحت تشوف تحاليلك وبتجي اللحين.. داليا بألم:آآآه ظهري يوجعني.. سعود:لا توك تقولين بتشوفين ولد بشاير.. داليا بدلع:ابي اشوف ولد اخوووي.. سعود:لاتنسين انه ولد اخوي بعد.. هدى دخلت وهي خايفه من ردت فعل داليا:دكتور سعود تعال شوي.. داليا خافت من نظرات هدى:هدى تكلمي وش شفتي فالتحاليل..بسرررعه لاتعصبيني هدى:اشش قصري صوتك ولاتتوترين موزين لك.. سعود:دكتوره تكلمي هدى عطته الورقه:داليا على بلاطه عندك فقر دم ونقص حديد. داليا ارتااحت:بسسس سعود زعل:بسس وهذي بعينك قليله!! هدى:وللأسف النزيف اللي صارلك..كنتي حامل واجهدتي نفسك وصار معك إجهاض..وسوينالك عملية تنظيف داليا تفاجأت:بس ماكنت عارفه أني حامل هدى:لك اربع اسابيع فالحمل..خيرها بغيرها.. داليا انهارت بكي:ماني مصدقه سعود حاول يتمالك اعصابه:داليا..ارتااحي كل شيء بيكون أوكي.. داليا تكت راسها عالمخده بحسره:أبي أشووف ولد سامر هدى:داليا الله يخليك عن حركات البزران تراك "أم".. سعود:ماعليك منها أنا لي تصرف ثاني معها سعود مسك يد داليا ومسح عليها... هدى:اللحين الممرضه بتجي بتعطيك أبره كاتبتها لك..وراح يكون معها اقراص لاازم تاخذينها.. سعود:أوكي اوكي دكتوره يعطيك العافيه.. هدى:الله يعافيك..أنا طالعه.. طلعت الدكتوره.. الممرضه دخلت وعطتها ابره وزادت المغذي..وراحت.. داليا شوي شوي ونااامت... سعود كان يراقبها وهو مقهور من تصرفاتها الطفوليه... , , , اليوم الثاني/ كان الكل عند بشاير... غلا:الحمدلله عالسلامه...بشبش بشاير:الله يسلمك.. ام خالد:سلامتك ياقلبي.الف سلامه بشاير:الله يسلمك يمه..تعبت تعبت.. ديمه ببتسامه عريضه:حركااات ياقويه ولدتي.. ام خالد:اي قويه..ماتحملت تسعه شهور..نزلته فالسابع.. غلا:الدكتوره..قالت ان جسمها ضعيف مايتحمل وحمل تسعه شهور.. بشاير:يمه أبي اشوف ولدي.. ام خالد:مايصير..حاطينه فالحضانه.. بشاير تذكرت شيء مهم:يمه وين داليا..غريبه..ماشفتها ولازارتني... غلا:ياقلبي عليها مسكينه..البارحه لمن شالتك..نزفت من دون ماتحس طاحت مغمى عليها بعد مادخلوك غرفة الولاده وسقطت.. بشاير تأثرت:يالله. ديمه:قلبي عندها.. ام خالد:أنا بروح أشوفها.. دخلت داليا وهي تمشي بشويش..ومعها أم سعود:السلام عليكم الكل:وعليكم السلام... بشاير شافت داليا وأستقعدت:دالـيــا..وش جابك وانتي تعبانه.. داليا سلمت ببتسامه متفاءله:ههه من قالك اني تعبانه..شوفيني قدامك لاتسمعين الإشاعات ام سعود:هههه ام خالد:داليــا عن العياااره غلا مسكتها وجلستها :ارتاااحي ياخبله...أصلاً وش قومك من سريرك.. داليا:مابي منظر بشاير يطوفني..هاا بشري كيف الولاده ياصغنونه.. بشاير نزلت دموعها وهي تشوف داليا تتبسم رغم أنها تعبانه بس جات تطمن عليها رغم كل شيء سوته ضدها:داليا أنا أسفه..ياداليا..وربي أسفه كله بسببي.. داليا:حبيبتي لاتبكين..ماصار شيء.. بشاير خافت:وشلون ماصار شيء...يقولون طحتي مغمى عليك..وفقدتي الجنين..امانه بشريني عساك بخير داليا:ههههه.ياقلبي.أنا بخير والا ماكان جيتك بشاير استانست:الحمدلله.... الكل تأسف لداليا..وبارك وهنى لبشاير...وعبر عن فرحته... بشاير ببتسامه تناظر الكل حولها مبسووط لها..فرحت من قلبها.. بشاير دمعت عينها من دون ماتحس:الله لا يحرمني منكم..قولوا أمين الـكـل:أمــين داليا قربت منها ومسحت دموعها وضمتها:..اللحين وشوله هالدمووع بشاير وهي تضمها:مـافي شيء بس وربي فرحانه بجمعتكم حولي.. الكل تأثر من بشاير..! ديمه:بشوووره..والله ماتوقعتك كذا بسسسك عااد قربنا نصيح.. غلا:بنات شرايكم نودي بشاير تشوف ولدها..فالحضانه.. الكل:يلااا داليا مدت يدها يلا بشبش هاتي يدك بشاير:لا وحده غيرك..ناسيه شصارلك بسببي.... داليا:هههه غلا:انا وديمه بنساعدها..تعالي بشوره.. راحوا البنات وشافوا البيبي..وقعدوا يعلقون عليه..واستانسوا. ديمه وهي تناظر البيبي:بشاير..طالعي حواجبه مرسوومه رسم..يجنن بشاير وهي تمسح عليه من ورى الزجاجه وتتخيل سامر قدامها..والفرحه بعيونه..طارت من الفرحه لأنها أول مره تتخيل سامر..بدون ماتتخيل سعود:حبيبي يشبه سامر شفتوا رسمت الحواجب زي ابوه.. داليا:يتربى بعزكم ان شاء الله بشاير:امين مشكوره داليا غلا:وش بتسمينه؟ بشاير ببتسامه:ابوه يقول بيسميه "عبدالله" على اسم ابوه غلا:طيب حلو يا ام عبدالله الكل:ههههه بشاير ألتفتت تدور داليا:داليا خليهم يعطونياه..ابي احضنه..بنات وين داليا ديمه:نادتها الممرضه قبل شوي وراحت.. بشاير سكتت ورجعت تتأمل بولدها:بنات مو كأنه يتنفس بسرعه!! غلا لاحظت بس طمنتها:عاادي توه ما أكتمل بشاير سكتت بس ما تطمنت..! , , داليا تقرأ التقرير الطبي بقلق..وهي تحاول تستوعب:موو معقووول.. الممرضه:هذا تقرير الدكتوره هاله..احسن طبيبة فالمستشفى داليا عورها راسها:طيب أخذتوا عينه من الحبل السري الممرضه:أيوه..عملنا تحاليل وفحوصات كامله..الدكتوره هاله جايه بعد شوي لو تبين أسأليها.. داليا:أوكي أوكي..كل شيء واضح.. طلعت وراحت عيادتها وجلست تريح على مكتبها وتبكي..! رن جوالها وطالعت الشاشه*سامر يتصل بك*..تركته يرن وكملت بكاها..بعدها قامت وطلعت برا بس ماتدري على وين بالضبط؟ , , البيت/ سعود ساعه يتصل على داليا وماترد..أنقهر:هذي وين راااحت بوسعود بقلق:شلون من الظهر واللحين الساعه 10 الليل ومالها أثر!! ام سعود:والله ماادري..خايفه يكون صارلها شيء..هي توها تعبانه..التعب موزين لها .. سعود بعصبيه:اكيد نوره تدري وينها..أكيد..بس وماعرف رقمها..يوووه نوره مع زوجها في لندن...طيب وين رااحت , , , | ||||||||
|  |
|
07-04-14, 05:00 PM
| #32 | ||||||||
| مراقبة عامة ومشرفة منتدى الروايات المنقولة
| عالكورنيش..واقفه داليا تتأمل أموااج البحر وتحاول تستنشق نسمات هواه..ودموعها مستمره تنهمر على خدينها... ريم بنت خالة نوره:دووودي خلاااص كفاايه دمووع موزين لك داليا:ولد اخوي بيموت ياريم بيمووت..حسرة قلب امه.. ريم:الله يعينها داليا وهي تمسح دموعها:أنا سقطت وماكنت عارفه اني حامل..بس حزنت وانقهرت على الجنين اللي راح وانا ماشفته وماكنت مخططه انا وابوه له..شلون هي وهي قد ولدته وشافته وتعلقت فيه...انتي ماشفتيها شلون كانت تناظر فيه..كنت احسها ودها تطلعه من الزجاجه وتسكنه صدرها..ماشفتي قديش تغيرت..بشاااير المراهقه الشقيه اللامباليه..صايره كتلة مشاعر,دموع الفرح ماتفارق عيونها وهي تطالع فالبيبي ريم:مسكييينه الله يصبرها..طيب كان قلتيلها.. داليا:لا والله ماقولها... ريم:طيب ليه؟ داليا:مابي أفسد لحظة فرح ام وأب..انتظروها شهور...أنا أعرف قيمة الإنتظار..وكيف معاناة أن الإنسان ينتظر شيء وهو عاارف أنه ماراح يجي..فما بالك بشيء تتوقعينه يجي..صعبه ياريم صعبه افهميني.. ريم:والأصعب من كذا وقفتك من صبح وانتي تعبانه أرحمي نفسك وارحميني..أنا وراي رجال بيغسل شراعي..الساعه 12ونص وحضرتي ماشرفت للبيت..لا وبمر أخذ ولدي من عند أهلي داليا مسحت دموعها:أسفه ريم عورت راسك وأشغلتك.. ريم:عاادي..حنا أصحااب اعتبريني مثل نواره بنت خالتي.. داليا:آآه يا نوااره مشتاقتلها وربي..الله يسعدها.. ريم:امين..بس يله مشينا.. , , , , البيت/ ام سعود وابو سعود جالسين ينتظرون..وسعود جالس على أعصابه..يحاتي.. انفتح الباب ودخلت داليا.. الكل!! داليا أستغربت وجودهم كلهم فالصاله تحت ينتظرونها:السلام عليكم.. الكل:وعليكم السلام سعود نط لهو قدامها ومسك يدها بقوه وهزها بعنف:ويـن كنتي فيه لين هالوقت؟ داليا تألمت:آآهـ سعوود يدي.. سعود بإنفلات اعصاب:أنـطــقي.. بوسعود جاء وابعد سعود عن داليا ورفع صوته عليه:سعووود..تضرب بنتي قدامي ام سعود:شفييك عليها.. سعود بعصبيه:منتم شايفين الساعه كم راجعه عالبيت!! داليا بكت وضمت أبوها.. سعود بتأفف:بدأت تبكي اللحين..تبيننا نسكت بوسعود بنظرات ناريه لسعود:سعوود..أسكت سعود سكت بتأفف.. ام سعود:يابنتي شكلك تعبانه..تعالي معي ارتاحي بغرفتي..علشان تحكيلنا وش صار معك.. بوسعود:يله تعالي..يابنتي.. سعود تركهم وراح للدرج ومسك الدرابزين بيصعد لغرفته... داليا وقفت:لا يبابا بروح غرفتي..معليش..بنتي ماشفتها اليوم.. ام سعود:براحتك.. داليا ألتفتت على سعود وهو مقفي ونادته:سـعــوود سعود ما ألتفت عليها:نعم.. داليا بصوت فيه تعب:تعال خذني معك.. بو سعود وام سعود دخلوا وتركوهم .. سعود ألتفت عليها ماشاف حولها أحد:ليه تبين احد يشيلك بعد؟ داليا عقدت حواجبها:بلا سخافه وتعال ساعدني.. سعود عصب وراح موقف قدام وجهها وهو عاقد نواظره:أنـا سخيف؟؟ داليا ابتسمت وسط دموعها وضمته:وأكبر سخيف بعد..يله شيلني.. سعود:لا والله..بتبطين..الظاهر لك رجلين امشي بس داليا بدلع حطت يدها على ظهرها:آآآه سعود تذكر أنها تعبت اليوم وهي مجهضه..وراح يتطمن:وش فيك؟ داليا مدت يدينها بدلع:ماني قادره أمشي..بلييز هق مي سعود ذااب من دلعها وشالها وراحوا لغرفتهم.. , , بغرفتهم/ سعود نايم على جنب وهو يناظر بنته نايمه فالنص..وداليا مستلقيه جنبه.. وسااكت.. داليا حطت يدها على يد سعود وناظرته ببتسامه... سعود بادلها النظرات بحب.وحنان.. {هـيـكــبر..بـيـنـي وبـيـنك..وأشـووفه..بــعـيـن ـي وعـيـنـك.. وأتـبـاهــا أنـه على إيـدك..هيبقى أحـسـن مـنـي..وأجـل.. هـيـبقى شـبـهي وشـبـهـك..هـيـبـقى عـمـري وعـمـرك.. وهـيـبـقى روحـي وروحــك..وأتجتـمـعوا فـ"قــلـب ودم"} داليا أعجبتها نظراته..أخذت يده وباستها بسكات.. سعود بلحظة هيام أخذ يدها وباسها:مـاني مصدق..حنا مع بعض وعندنا بنوته مثلك زي القمر داليا ساكته وتسمعه.. سعود:شقد تمنيت هاللحظه..بس ماتوقعت أنه راح افرح كذا... داليا:توقعت اني أحمل مره ثانيه.. سعود ببتسامه:لا ماتوقعت..بس أكيد أني أتمنى أنك تحملين.. داليا:ههه طيب قول الصراحه لوم ما اجهضت..تبي بنت وإلا ولد سعود:الصرااحه..أللي يجي من الله حياه الله..أهم شيء عندي الصحه ..أما غيرها مايهم داليا تذكرت ولد أخوها بعد ماقال سعود"الصحه"..نزلت دمعتها.. سعود خاف:داليا شفييك.؟ داليا:عبدالله ولد سامر اخوي. سعود خاف:وش فيه؟ انطقي داليا نزلت دموعها من جديد:اليوم عرفت من نتيجة التحاليل والفحوصات..أنه مصاب بثقب وعيب خلقي فالقلب..مايتحمله..وبالكثير إذا طول أيام بس.. سعود نزلت دموعه على هالخبر:شلووون.. داليا وهي تبكي وتتنهد:أنا اليوم من عرفت بالخبر صرت امشي بدون ما أحس..لين وقفت على البحر..وجلست هناك مع ريم لين نص الليل وماكنت احس بالوقت.. سعود عذرها:ياحيااااتي..علشان كذا طلعتي من نص دوامك ورجعتي متأخره!..وأنا زودتها معك بعد..آسف داليا:معذور أي رجال بمكانك بيسويها.. سعود:طيب ماقلتي لأحد؟ داليا:لا ماقلت..وماني ناويه أقول لأحد..ونبهت الدكاتره مايقولون لبشاير.. سعود سكت متضايق.. داليا:المسكينه بشاير..ماتشوفها طااايره من الفرح بالولد..متغييره مرره ياسعود..فعلاً بانت عليها الأمومه..ظلت تبكي لمن شافت ولدها..من فرحتها..وتصوره وترسل صوره لسامر فالرياض سعود:الله يعوضهم بأحسن منه.. داليا:أمين يارب.. , , , , صباح اليوم الثاني/ كان سامر وبشاير فالعنايه المركزه عند ولدهم وبقمة سعادتهم..مايدرون أنه ساعات ويودع...! سامر:ها بشوره شرايك نرجع للغرفه...شكلك تعبتي من الوقفه. بشاير وهي تتفحص ولدها من وراء الزجاج:سامر ناظر عبودي كيف يتنفس بسرعه! سامر:أيه شفيه عادي بشاير بخوف:بس قلبي مو مطمن.عندي احساس انه مو عادي...مادري ليه سامر:ههه بشووره بدينا من اللحين حركات الأمهات..احساس وولدي وهالخرابيط..هذا بس من حبك له..كذا..انتي بس اللحين تقدرين تخيلين قديش أمك تحبك..وانتي ماكنتي حاسه بشاير تنهدت:إي والله أنك صادق..الله يجزى والدينا الجنه.. سامر ببتسامه:أمين..يله تعالي نرجع غرفتك.. بشاير ناظرت ولدها نظره أخيره ومشت:يله.. , , بالليل/ كنت جالسه وأراقب حالة عبدالله ولد أخوي..جلست..أقيس حرارته كل شوي وأشوف تقاريره الطبيه..وأدعي ربي..يلطف به..ولا يعذبه..ماقدرت أروح واشوف بشاير..ماني متخيله حزنها..مابيها تسألني عن ولدها.. نادتني الممرضه وأنا جالسه بالمختبر كنت افحص عينة دمه بنفسي وكانت مرتبكه.. الممرضه:دكتوره داليا دكتوره داليا قامت بسرعه :خير وت هبن؟ الممرضه:هازا بيبي مرره تعباان.. داليا راحت مسرعه للعنايه المركزه..ومسكت سماعاتها وسمعت نبضاته المتسارعه بشكل مو طبيعي.حاولت قد مافيها تساعده وحست قواها تخوور..وراسها يدور..صرخت عالممرضه:نادي الدكتوره هاله بسرررعه بعد دقايق... دخلت الدكتوره هاله العنايه وهي مسرعه:خير دكتوره داليا.. تلفتت ماشافت أحد..غير الولد في الزجاجه وشكله هاادي..قربت منه..وحاولت تقيس نبضه.. داليا وهي تبكي بيأس:مــاات د.هاله التفتت عالأرض وشافت داليا طايحه ومتكوره على نفسها ومو مصدقه اللي صار,راحت ونزلت لها:دكتوره داليا..المفروض أنك دكتوره ومتعوده تشوفين هالمناظر.. داليا وهي تحاول تتكلم:كنت عارفه أنه بيموت..بس مدري ليه......<<انهاارت وبكت د.هاله قومتها وراحوا.. سامر كان مار رايح لولده وشاف داليا طالعه من عنده:داليا كووويس انك هنا...ها بشري شخبار عبودي اليوم داليا شافته وضمته وهي تبكي... سامر انهبل:شفييك؟شصاااير تكلمي د.هاله:يؤسفني أقولك ان الولد مـات سامر حاول يمسك نفسه وبكى بصمت وهو يضم داليا..! , , , , بشاير وهي تضرب يديها عالمخده وتبكي:لاااااااااا...ولدي مامااات..ودوني له..الله يخلييكم ودوني له ام سعود:وحدي الله يابنتي بشاير بكت وبكت بدون توقف..لدرجة الهلوسه.. داليا بجنبها تبكي معها وتواسيها.. سعود..طلب لها ابرة مهدئ..وجوا الممرضات وعطوها ابرة مهدئ..ونــامت...! , , , مــرت الأيام والشهور صعبه على بشاير وسامر..بس تأثيرها كان قوي على بشاير..تغيرت وكأنها كبرت عشر سنين..قلت طلعاتها..وقل كلامها..كانت ساكته أغلب الوقت..حلفت ماعاد تحمل..وسامر أيد كلامها.... وتدريجياً عادت بشاير ولكن بشكل ثاااني......... ديمه قررت بنفسها قرار..وراحت للمستشفى من دون علم "ماجد"..لأنه دائماً يأجل الروحه ... دخلت ديمه العياده بتردد وهي تبلع ريقها:صباح الخير الدكتوره:اهلين صباح النور.. ديمه:أنا جايه بخصوص نتايج الأشعه التلفزيونيه وتحاليل الدم... الدكتوره:أسمك لوسمحتي ديمه:ديمه المواس.. الدكتوره:أيوه..أجيتي من فتره..أو أحد جاء من فتره علشان هالنتايج صح؟ ديمه:لا الدكتوره وهي تقلب بالأوراق:إلا جاء زوجك حتى أسمه ماجد المواس.وأخذ النتيجه.من زمان ديمه خافت:ماجد!!..طيب متى الدكتوره:من شهر تقريباً ديمه:طيب ممكن اعرف النتايج منك لو سمحتي؟ الدكتوره:طبعاً..خليني أشوف................ ديمه خافت من هالإنتظار... الدكتوره عبست:أنا آسفه كثير يا مدام ديمه..أنتي صعب تحملي ديمه انصدمت:وشو؟!!! الدكتوره:واضح من نتايجك..أنك صعب صعب تحملين..عندك مشاكل كثيره.. ديمه قاطعتها وقامت:بسسس خلاص..يكفي لين هنا.. طلعت ديمه وهي تبكي بصمت..وقلبها مجروووح..وآآي جررح.. , رجعت البيت وراحت مباشرتاً لغرفتها..ماتبي تقابل أحد... لقت ماجد قدامها... ديمه ماقدرت تمسك نفسها:ليش ماقلتلي بالنتيجه ماجد يبلع عبرته وسكت وهو صاد عنها.. ديمه:ليش ماقلتلي وريحتني.. ماجد:لأني عارف أنك ما راح ترتاحين..فاهمه ديمه جلست تبكي وحاولت تهدي نفسها شوي..وراحت توقف وماتدري شتسوي...ماقدرت تسكت:طيب أنت شناوي عليه اللحين ماجد:وش ناوي عليه؟ ديمه وهي تبلع عبراتها:أنا أنسانه ناقصه عقيمه ما أقدر أحمل ولا أجيبلك عيال يشيلون أسمك.مو معقوله راح تقعد بدون عيال ماجد:وش هالكلام ياديمه..عيب علييك..عمر العقم ماكان نقص فالإنسان..هذي حكمة ربك..وبعدين..أنا وش أبي بالعيال إذا ماكانوا منك أنتي.. ديمه بكت:بس هذا مستحيل.. ماجد:ولا مستحيل ولا شيء كل شيء بيد الله سبحانه..أنا أبيك أنتي..خلاص. افرديها.. ديمه:أنت تقول هالكلام علشان تواسيني بس..لمن تحس أن اللي حواليك كلهم عندهم أولاد بتقول..أنا بعد ابي يكون عندي مثلهم ماجد ناظرها بنص عين:لاتحديني أقوم اللحين وأروح أتزوج صدق وأنا ماعندي نيه.. ديمه بدون ماتحس:ياويلي كان أذبحك..واذبحها بعد.. ماجد قرب منها ببتسامه:وبيطاوعك قلبك تذبحيني.. ديمه بلعت ريقها ومسحت دموعها اللي بللت خدها:لا مايطاوعني بس إذا شفتك تلمس وحده غيري..ساعتها مادري وش بسوي ماجد لمس خدها ومسح على شعرها وعينه بعينها:وش بتسوين يعني؟ ديمه سكتت وهي تتنفس أنفاسه اللي اختلطت مع أنفاسها..وغمضت عينها.. ماجد:فتحي عيونك.. ديمه فتحتها علطول.. ماجد برومانسيه:لاتغمضينها..خلين� � أغوص فيها شوي ديمه حسدت نفسها عليه:أحبك.. ماجد:بس ديمه:وأعشقك.. ماجد:وبس ديمه:وإذا ماضميتني هاللحين يمكن يصير فيني شيء.. ماجد ابتسم وضمها:ألف طلب مثل هالطلب.. , , , سعود وهو يلعب بنته ويبوسها:الحمدلله انك جيتي بنووته.. داليا ناظرته بنص عين:اللحين انت ليه ماتبي ولد..شمعنى سعود:كلهم حلوين الولد والبنت..بس البنت غير يعني تعطي حيويه للبيت..ودايماً تحب ابوها وفي صفه..عكس الولد..مع أمه.. داليا:بنظري كلهم يسوون عيوني..مو شرط كلامك سعود:عـلشانك أم..هذي مشاعر الأمومه اللي يقولون داليا مشت:والله انت فااضي انت وبنتك سعود لحقها:داليا انتي زعلانه من جد داليا التفتت ببتسامه:لا أمـززح هههه ياخواااف سعود:طيب وين رايحه؟ داخله البيت وتاركتني لحالي فالحوش داليا وهي تدخل الصاله:منت لحالك بنتك معك بروح اسوي شاهي..تبي؟ سعود جلس عالكنبه مقابل التلفزيون وحط بنته بحضنه:أيه داليا:من عيوني..اجلس شوي وجايه راحت داليا.... , , نزلت بشاير من أعلى الدرج..بنشاطها وحيويتها..حاطه على راسها طرحه,شافت سعود فالصاله لحاله وتلثمت.. سعود شافها متحشمه وانبسط:تعالي يابشاير..داليا فالمطبخ تجيب قهوه بتجي اللحين.. بشاير جات وجلست:السلام عليكم سعود:وعليكم السلام..كيفك اليوم ان شاء الله أحسن.. بشاير:الحمدلله..كل شي زين.. سعود:شيء حلو.. بشاير بعد تردد:سعود.. سعود:سمي بشاير:أنا حابه أعتذر منك..عن كل شيء سويته بحقك.. سعود سكت..مارد.. بشاير غرقت عيونها:ابيك تسامحني انا تغيرت بفضلك أنا حاسه أللي صار لولدي بسببي أنا..عقاب الله لمن عصيته.. سعود:اتقي الله..واحمدي ربك انك عرفتي كل شيء قبل فوات الأوآن..وأحتسبي ولدك اللي فقدتيه شفيع لك.. بشاير:وانت ماراح تسامحني سعود:أكيد مسامحك الله يتوب علينا جميع.. اقبلت داليا ووراها الشغاله جايبه الشاهي والقهوه..والحلا:هااي الكل:هااي داليا جلست:ميلي تعالي قلبي.... سعود بتريقه:هههه ماراح تجيك.. داليا ناظرته بحقد:انشوف..ميلي حبيبتي تعالي. سعود:ههههه ماجاتك داليا جلست على الأرض بركبها ومدت يدينها:ميليــا أنـا مـامـا..تعالي بشاير تناظرهم وهي تبسم.. سعود وقف "ميليا" ومسك يدينها:صح ماتبينها..شطووره بنتي داليا:فك يدينها خلها براحتها تتخذ قرارها لا تأثر عليها. بشاير:هههه سعود:ول ول..شفيها قلبت سياسيه ترى البنت عمرها سنه داليا:ميلي أنا مـامـا..تعاالي احرقتي اعصابي ميليا تحركت ومشت خطوتين:مــامــاه.. داليا بكت وصرخت ونطت من فرحتها وضمتها وراحت تنطط:قـالت ماما.ياناااس قالت ماما اااااااا سعود ماصدق قام:يابنت اللذينا..ماعمرها نادتني.. داليا:ههه حـرررره ههههه بشاير:هههه الحمدلله والشكر ياهالثنين. أعقلوا..خلااص البنت كبرت وصارت تفهم هههههههه سعود:تكفين علميها داليا:وليش ماتعلم نفسك أنت بالأول... بشاير قامت واخذت ميليا:لو سمحتوا شوي بس.. سامر دخل:هااي بشاير راحتله ركض:سااامر بسرعه شغل السياره خلنا ننقذ هالبنت من هالمجانين سامر بسرعه اخذ البنت وهرب مع بشاير سعود وداليا لحقوهم.. , , وتمضي ليالينا..المظلمه..وتشع شموس..أيامنا...لتملأ حياتنا رونقاً رائعاً..مختلفاً عما كانت عليه..... //همسه,,اتمنى السعاده لبطلة الروايه..وأن تلاقي ماتتمناه وتحبه... كما أتمنى أنني بسردي لقصتها اسعدتها..واتمنى ان تنتهي معاناتها نهايه سعيده كما كتبت في روايتي.. , كــل الشكـر لمن قرأ روايتي وعلق عليها وأنتقدها..وكتب ملاحظاته أو أبدا إعجابه... شكراً لهذا المنتدى الرائع..من إداره ومـشرفيــن ومــشــرفات...على تعاونهم مع.. وبالأخص.../نسمة الربيع/ و/ عبق أنثى/... بقلم/ رشـآ السبيعي | ||||||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
