آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
27-12-14, 06:53 PM
| #111 | |||||||||
| نجم روايتي ومشرفة سابقة وفراشة متالقة بعالم الازياء  
|  بيت الصقر .. في تمرين للياقة البدنية .. تعلق على الحديدة المغروسة على طرفين الجدار يرفع نفسة لـ فوق و ينزل في تمرين يرفع فيه لياقتة و قوتة البدنية.. : اجهدت نفسك اليوم..!! وليد : يمكن تحس اني صرت مؤهل لأني ادخل عملية.. صار لي اربع شهور و نص مرزوع قدامك و انت ما غير تدرب تدرب.. الصقر جلس على الكرسي و بيدة كوب قهوة يتفاوح البخار منه : ليش مستعجل على رزقك..!؟! وليد نط برجولة و وقف قدام الصقر : جبتني عشان تعطيني مهمة وحده وبعدها ما وكلتني بأي شيء.. بس وين ما رحت تأخذني معاك.. كني كلب و انت صاحبة ما تمشي بدونة.. ابتسم الصقر : بـ تشبة نفسك بالكلب هذا شيء راجع لك.. لكن اني ما امشي بـ دونك غلطان.. وليد سحب منه الكوب و جلس على الكنبة مقابل له : ابي مهمة!! الصقر : تبي مهمة و الا تبي اجازة!!! وليد : الإثنين.. انت حكيتني على طبيعة الشغل بس ما شفت شيء جديد ابد.. و بصراحة طفشت من التنقل من بيتك لـ لمكان السري.. حتى شغلي انت كلفت واحد من رجالك يمسك الكشك عني ودي اروح اشوف العالم.. الصقر : لا تستعجل احنا مقبلين على فترة فيها جدولة خطط جديدة.. بس احنا قررنا نتوقف فترة لأننا اكتشفنا ان احد رجالنا يخوننا و نبي نعرف لـ وين وصلت تحقيقات الفريق اول غازي بن حمدان بـ قضية قتلة.. وليد يحاول يمثل عدم الإهتمام وهو متشفق على كل معلومة : بس اللي اعرفة انكم قتلتوه من اربع شهور و زود.. ما تتوقع ان القضية تقفلت..؟!! الصقر يرفع رجلة اليمين حتى تستقر على اليسار و عينة بـ عين وليد : تكون اكبر غبي لو توقعت هالشيء.. ماهو غازي بن حمدان اللي يستسلم بـ سهولة..لو القضية لها اربع سنين ما يقفلها.. هذا واحد من رجالة او هو كان مفكر انه واحد من رجالة لكنه كان معنا.. وليد يشرب من الكوفي بهدوء يده تضغط على الكوب تخفي انفعالاتة الداخلية : ما اتوقع لـ هالدرجة يعني لو هو شخص مثل ما تقول بنتة لها خمس شهور هنا.. ليش ما دور عليها..؟! يعني اولى يدور على بنتة بدال لا يمشي وراء واحد ميت و خانة.. الصقر : لأن الشخص الميت ان جمع عنه معلومات كافية و قدر يوصلها ببعضها بـ يوصل للرجال اللي معاهم بنتة.. فهمت يا غبي.. وليد ابتسم بدون نفس : فهمت.. عندي سؤال و ادري ماهو مسموح لي الأسئلة بس يعني ذابحني الفضول.. الصقر : المشكلة حافظ الدرس.. اسأل ويش عندك..؟! وليد : ليش قتلتوة...؟! ما كنتم مستفيدين من وراه..؟! الصقر : في البداية ايه.. او لـ فترة طويلة و احنا مستفيدين.. لحد يوم انفجار مجمع الدرة.. الإتفاق انه يفجر المبنى وقت ما يتأكد ان غازي و رجالة فيه لكنه ما فجرة.. من بعدها تغير علينا.. وليد يحاول يتشعب بالنقاش حتى يلقط المعلومات من الصقر بدون لا يحس : اهــا.. بس ما تحسها غريبة هو يعرفكم و يعرف انتم ويش ممكن تسوون.. ليش ما مشى على الإتفاق او حتى تغير عليكم بعدها يعني ما حاول يسوي عملية جديدة و يقضي فيها على غازي..؟! الصقر : لأنه حس ان نهايتة قربت بكل الأحوال..!! لأنه هو يعاني من ورم في راسة.. بيعرف انه بـ يموت حتى لو احنا ما قتلناه.. وليد : على كذا بنمر بمشكلة المرحلة الجاية اذا هو يوصلنا اخبار غازي شلون بـ ناخذها الحين..؟! ما اتوقع سهل يكون لك عين بمركز امن..؟!! الصقر : تقدر تكسب عين بالمركز بـ سهولة بس بينقل لك اخبار عادية ما تستفيد وراها شيء انا ابي عين بين غازي و رجالة.. و هالشيء الحين اشبة بـ مستحيل.. او بالأصح من سابع المستحيلات.. غازي بن حمدان و عماد بن عامر و عساف بن عبدالرحمن و سعود بن ابراهيم و نايف بن دخيل و عزام بن مصلح يدخلون بينهم احد بعد ما تأكدوا ان راشد بن مسلم او بالأصح تركي بن سيف خاينهم.. وليد : و شلون بـ نوصل لأخبارهم..؟! الصقر يمسح بسبابتة على دقنة : بطريقة عمرها ما تخطر على بالهم..حتى الجني الأزرق ما تطري عليه.. بس يبي لها وقت.. لأن الطرف اللي بنستغلة هالحين ماهو فاضي لنا..!! او بالأصح يمكن ما يخدمنا بالطريقة اللي نبيها.. وليد وده يسألة .. نهر نفسة و بـ شدة و يمثل اللامبالاة قدامة.. لكن عيونة اتسعت لا شعورياً مع الإسم اللي نطقة الصقر بـ برود.. .. بعد الحفلة البسيطة في بيت ابراهيم.. تحت مسمى زواج غازي و ندى..!! شلون يجي له نفس يفرح وهو يدري ان بنتة بين يدين ناس ظالمين..!! و وليد من فترة طويلة انقطعت اخبارة ارسل رسالتة بأنه يزوج له بنتة و عليها ما ارسل شيء و لا يجي شقتة حتى!! اصرار امه و حلفانها خلاه يحدد العرس غصباً عنه.. ما يبيهم يقلقون على لينا.. عادي عنده يعيش جميع الإنفعالات و لا اهله يعيشون القلق و الخوف عليها.. صحيح انلام من امال خاصةً.. خصوصاً مع نفور ريما منه يحسة عقاب له على اللي سواه فيها و في اختها.. لكن امه أيدتة و بقوة على اللي سواة يقالة يصحح اللي بنتة غلطت فيه و زوجها له عشان يستر عليها.. لف يناظر الباب اللي طلعت منه ندى يبصم بالعشرة من اول نظرة البنت ترجف من خوفها!! و هالشيء مستغربة.. يتذكر وصية ابراهيم عند الباب "إبراهيم : تكفى يا غازي اعطيك اول فرحة بناتي لا تظلمها و لا ترخصها و الله ان زعلتها كنك تحط السكين من غير لا تحدها على رقبتي و تنحرني ".. طلعت من الغرفة وهي تصبر نفسها انا قوية عادي الموضوع زواج اقصاة رجال ويش بـ يخوف بالموضوع.. عادي عادي عادي.. تحاول تبث الإيجابية بـ نفسها و كل ما قربت لجلسة الكنب بركن صالة جناحهم قلبها تزيد دقاتة من رعبها تحس اهل المدينة كلهم يرقصون على صوت دق طبول قلبها وقفت عند طرف الكنب وهي شابكة يديها و تضغط عليها بقوة تشوف ثوبة اسنانها صارت تصاكع ببعض و كأنها بتتجمد من البرد.. غازي بـ هدوء : اجلسي ليش واقفة..؟! مدت يدها اللي ترجف للكنبة و جلست.. تحس بالرعب و كأنها بـ تطيح.. بس جلست رجعت ظهرها لـ وراء وهي تضغط بظهرها على الكنبة و يديها بـ حضنها.. غازي مستغرب البنت ما رفعت عيونها و فوق هذا خايفة!! : ليش خايفة..؟! بلعت ريقها تحاول تبلع كل انفعالاتها و تخبيها داخلها لكن اول من خانها اسنانها اللي تصاكع ببعض و هي تتكلم : مانيب خايفة.. ابتسم غازي : صح ما انتِ خايفة.. انا اللي خايف.. حستة يستهزء فيها بس ما قدرت حتى ترفع عيونها.. وهي تحاول تأخذ نفس وراء بعض تخفف من توترها الحاد.. غازي مراقب كل شيء هي تسوية و هـــــادي حتى تنفسها : ترى بتخلصين الأكسجين علي.. هنا عقدت حواجبها من خفة دمة .. فايق يتفلسف على راسي لا ماشاء الله تعرف تنكت.. كان ودها تقول هالكلام بـ صوت مو بـ داخلها..؟!! غازي : أدري دمي ثقيل ما اعرف انكت..!! تعودت على الجدية بـ كل شيء.. حياتي تمشي على نظام عسكري حتى حياتي الخاصة.. يقولون اني ما اهتم لأحد اكثر من شغلي.. بس هم ما يعرفون اللي انا اعرفة يفسرون الموضوع من غير لا يأخذون الحقائق كاملة.. او انا مخفي الحقائق عنهم خوفاً مني عليهم.. استغربت من استرسالة بالكلام بس ما فهمت و لا شيء!! حاولت تركز بس خوفها و توترها يمنعها.. الشيء الوحيد اللي تسوية تفرك كفوفها ببعض.. وقف غازي حتى يجلس جنبها.. تحس الهواء انسحــب ما عاد فيه أكسجين.. و زاد الوضع سوء اول ما حست بـ يدة على يدها.. اتسعت عيونها وهي تشوفها كانت راح تصارخ وهي تشوف يده الحنطية الكبيرة على يدها البيضاء بس سكتها كلامة.. غازي يده اليمين على فوق على ظهر الكنب و يده اليسار على يدها الثنتين : لا تفركين يدينك بقي شوي و تصلخين جلدك.. تراني ما اكل.. (رفع يده اليسار لـ وجهها مسك دقنها ولفها جهتة) ليش خايفة مني..؟!! ندى : ما.. ما ني خايـ ــفة.. غازي و يده ما زالت على دقنها : ليش ما تعترفين عادي قولي لي خايفة ترى ما راح اسوي لك شيء.. مانيب ضاربك و لاني مصارخ عليك شيء طبيعي.. بس اللي مو طبيعي رجفتك احس بعظامك تناقز من رجفتك.. ندى : ابـو شوق.. غازي قاطعها : لا لا لا.. ناديني غازي.. ماله داعي تبنين حواجز بيني و بينك.. احنا لحالنا ناديني غازي.. ناظرت فيه بعد ما كانت تلهي نظرها بأي شيء بعيد عنه.. التقت عيونها بـ عيونة.. ملامحة الحادة توحي بـ هيبة عظيمة مزروعة في عروقة.. رغم انه منزل شماغة و طاقيتة الا الهيبة موجودة كيف لو لبسهم!! شتت نظرها بعيد عنه.. غازي : ما بغيتي تحنين علي و تخليني اشوفك..؟! لا عاد اشوفك فاكة شعرك و انتِ عندي.. طول الوقت مندقة و مغطي ملامحك عني.. ندى دنقت و هو ابعد يده عن وجهها : ..................... غازي : قولي لي ويش كنتِ بـ تقولين..؟! ندى هزت راسها : ولا شيء.. غازي رفع حواجبة : و الله..!! ندى هزت راسها بـإيه : ........ غازي : ترى ما احب احد يكلمني بإيماءات.. (قبل لا ينتظر ردها انسدح و حط راسه على رجلها) ما ادري ليش خايفة هالكثر مني..!! عموماً بتتعودين علي و هالخوف ان شاء الله بـ يروح.. بس تعرفين اني كائن لطيف.. عقدت حواجبة بـ حدة اول ما قال هالوصف كائن لطيف!! طرى عليها صراخ ريما..!! غازي وهو يناظر تعابير وجهها : شكلك ما انتِ مصدقة الأيام تثبت لك.. بس ابي اقولك كم شيء ابيك تحطينها قدام عيونك يا ندى عشان ما تزعليني.. هزت راسها بإيه يعني بـ تسمعة.. غازي : ندى لا تهزين راسك كنك بـقرة.. قولي أي شيء.. ندى بقرة!! من اولها بقرة!! ما عنده اسلوب : ان شاء الله.. غازي : اول شيء امي.. مره كبيرة احيان تقول حكي ممكن تغلط فيه عليك بدون قصد.. او يكون هذا تفكيرها.. ابيك تتحملينها ندى صدقيني لو صار بينك و بينها خلاف حتى لو هي غلطانة بـ وقف معاها.. جنتي تحت رجولها ما راح اضحي بـ رضاها.. و هذا ما يعني ان ما يهمني رضاك بالعكس لكن امي لا تحطين نفسك بـ مواجهة معاها و اكيد انتِ يهمك اني ما ازعل.. ندى بـ هدوء : عمة نورة بعيوني و عادي انا متعودة على الحريم الكبار اعرف امي فاطمة و اعرف اسلوبهن و ان شاء الله ما يصير الا اللي يرضيك ما بيكون بيننا الا كل خير.. غازي تنهد : الحمدلله.. الشيء الثاني بناتي.. بالتحديد ريما.. لأن شوق هادية و متقبلة الموضوع عادي و همس صغيرة لكن ريما.. (اخذ نفس) ممكن تقولك شيء يزعلك ما اطالبك تسكتين لأني اعرف بنتي ممكن تطول لسانها بـ زيادة بس ما ابيك تقسين عليها.. ريما تحبكم حتى لما قلت لها بـ تزوج كانت تقولي اختار أي احد الا بنات عم ابراهيم لأني احبهم وما ابي اخسرهم.. يمكن هي تحسك عدوة لها الحين بس اكيد بـ تقدرين تكسبينها.. ما اجبرك تتحملين طوالة لسانها و لا تسوين شيء فوق طاقتك.. بس هالبنت ذابحتني.. زعلانة علي واجد.. الله يسامحني اللي ظلمتها.. ما ودها تبين تعابير وجهها له.. ينبأها لـ حياة بـ تكون حافلة بالمشاكل مع بنتة..!! ياليت مع زوجتة مير هي اهون!! لكن بنتة..؟! : ان شاء الله ما يصير شيء.. غازي كتف يدينة : ادري بـ يصير بنتي حافظها مثل كف يدي ادري ما راح تنطم هي ما تجلس ان كنت موجود بس من وراي اعرف انها بـ تتعبك.. عشان كذا ابيك تعلميني بالصدق يا ندى ان صار أي شيء بينك و بينها.. فاهمتني.. هزت راسها و نست تحذيرة .. شوي و استوعبت : ايه.. .. بجناحة اللي صاير يومه فيه مشاكل بالفترة الأخيرة!! جناح منيره تحديداً شبه منسدح على ظهرة وهو ساند ظهرة على السرير.. ابو سعود بـ ملل من السالفة : منيره و بعدين..؟!! منيره : هذا الصدق.. ليش تتضايق ان سمعت الحق..؟! ابو سعود : كم مره انبهك عند ذا الكلام.. منيره كل شيء عند بناتي و يوقف.. منيره : انا ما بغيت الا مصلحتها.. ويش لها بالطلاق البنية بطنها واصلة لـ خشمها و انت تسعى وراء طلاقها..؟! كثر خيرة الرجال اللي ساتر عليها.. ابراهيم لازم تستوعب شوي الوضع.. انت صاير تمشي وراء بناتك عشانك ما تبي زعلهن..!! بس هذا ماهو حل تسمع لهن و تهدم حياتهن بكره يجنك يلومنك ليش خليتنا نسوي كيت و كيت.. وعد بـ تطلقها و سها بـ ترد العريس اللي متقدم لها.. و جود ما غير تدلع عليك كنها بزر ام سبع سنين بنت خالد ما تسوي سواتها.. ابو سعود : و انا كم مره اقولك لا تدخلين بـ حياة بناتي.. منيره صرت عايد عليك هالحكي مليون مره.. وعد تبي الطلاق كيفها ما احد جابرها تبقى معاه.. و سها ما تبي العريس هي حرة.. و جود تدلع على ابوها ما احد ناقدها.. منيره : خلاص طلقها و شوفها بكره تذبل قدام عيونك ما حيلتها غير تربي ولدها ما راح يطق بابك يبيها الا رجالن عود و الا متزوج كم حرمة و بنتك عادها ما صكت الخمس و العشرين.. ابو سعود وقف : ما ابغى نصايحك فاهمة.. افتحي ذا الموضوع مره ثانية يا منيره.. طلع من جناح منيره وهو معصب بس تنقد بالفترة الأخيرة و رافضة فكرة ان وعد تطلق..! مستغرب ما كانت تهتم بالموضوع ويش اللي خلاها تهتم فجأة فيه..!! و مصرة على زواج سها!! ويش بلاها انقلبت الأدمية 180 درجة!!.. طلع الدرج للدور الثالث سمع اصوات بناتة و ابتسم ما تبيهن يتدلعن!! اجل مين يتدلع عليه..؟! ضحكهن بس يجلب له سعادة كل يومة شافهن جالسات.. و مبسطات على الأخير.. : السلام عليكم.. لفن كلهن له استغربن وجودة ما قد طلع عندهم : و عليكم السلام.. جود تصد بوجهها يمين و يسار و تدعي ما ينتبة لـ لبسها.. وهي مكتفة يديها و ماسكة عضدها بـ قوة.. ابو سعود يناظر جود لابسها بجامة البلوزة بدي و البنطلون ميدي و متربعة على الأرض بين نهى و وعد : جود ويش هاللبس..؟! جود ترقع : وشوو..؟! ابو سعود : من متى تلبسين زي كذا بالصالة..؟! بغرفتك لحالك البسي اللي تبين ما احد شايفك لكن برا لا.. جود : بابا ما احد يجي هنا اخواني فوق وما احد ينزل هنا.. ابو سعود : طيب هذا انا طلعت..؟! قومي غيري.. وقفت بـسرعة : ان شاء الله.. ابو سعود جلس جنبهن .. لف على وعد : وعد كم مره اقولك لا تجلسين على الأرض.. تعب عليك.. وعد ابتسمت : عادي بابا لو ما قدرت أقوم بناديك تشيليني.. نهى : ويش عنده ابو سعود طالع عندن..؟! فاقد ندى..؟! ابو سعود ابتسم : اكيد.. عقبال ما افرح فيك بعد اسبوع.. نهى ناظرت القهوة و الحلى و الأشياء اللي مالين المكان فيها بينهم : ان شاء الله.. ابو سعود : ايش فيك تقولينها بدون نفس..؟! نهى : لأني ما ابغى زواجي مع زواج اخواني وما احد فيكم معطيني وجة.. متخيل اني ما احضر عرسهم و الله بـ انقهر.. ابو سعود : نهى ويش هالحكي..؟! كم مره حكينا بـ ذا الموضوع.. تأجيل العرس ما احنا مأجلينة الرجال طفح الكيل عنده مننا.. يكفي عاد.. نهى تتحلطم : خلاص بـــ أنطم.. ابو سعود : نهى الله يرضى لي عليك.. صار له سبع سنين خاطب.. لو انك مطاوعتة كان عيالك بـ الإبتدائي الحين.. نهى : بابا خلاص و الله مليت من هالإسطوانة تعيدونها علي.. خلاص راضية راضية.. ابو سعود : ازين بعد ترضين من نفسك لأني ما عندي غير هالحكي لو يجي فيصل يطلبك بعباتك ما رديتة.. (لف على بناتة دانه و ميار و سها) وبعض الناس ويش عندهم هاجدين..!؟ جود درعمت من وراه و جلست جنبة : يقالهم مؤدبين.. سها : كل ذا غيرة اعوذ بالله.. جود : على ويش اغار بالله..؟! خليني منطمة احسن لا نتهاوش.. ابو سعود : استغفر الله العظيم ما تعرفن تلمن السنتكن شوي..؟! كيف ندى بالحفلة..؟! ميار وهي تذكر شكل ندى قبل لا تطلع : تحزن شوي و تبكي.. البنت خاااايفة.. ما توقعت ندى كذا دايم احسها هيبة ما تخاف من شيء و عاقلة.. اما تخاف من زواج..؟!! هذا اللي صدمني.. ابو سعود : هي مبالغة بس تعرف الرجال زين بتضحك على نفسها.. بس كيف زوجتة و بناتة..؟! يعني تحسونهم راضين..؟! نهى تأكل من الحلى : اتوقع راضين شوف زوجتة حاجزة حلى من افخم المحلات و ازين شيء و اغلى شيء و اكشخ شيء.. جاينا الحلى بإسمها مو بإسم غازي.. ابو سعود : هذا مو سبب مقنع..!! وعد : ريما ما جات اما شوق و امها عادي.. بالعكس يعني احسهم متقبلين الموضوع بأريحية و طول الوقت مبتسمات.. صح شعور صعب على الثنتين بس انهم جاهدوا انفسهم على انهم يبينون لنا انهم راضين صراحة برافو عليهم لأنهم ما ينلامون لو زعلوا.. ابو سعود : و ليش يزعلون..؟! الرجال ما سوا شيء ينافي دينة..؟! وعد سندت يدها على الأرض عشان تصلب ظهرها : ماله داعي نضحك على بعض بابا ما فيه مره بالدنيا ترضى ان زوجها يتزوج عليها.. يعني بتلقاها فرحانة و تجهز له وكذا..؟ هذا يعني ما عندها احساس.. اما البنت شيء طبيعي امها بيصير على راسها مره و ابوها اللي بـ يتزوج يعني مهما كان بـ تحس بـ حقد تجاه الزوجة الثانية حتى لو طفيف و ممكن مع الوقت يروح او يزيد.. ابو سعود : تفكيركم غريب يالحريم.. عندكم انانية تبون كل شيء لكم.. جود : طبعاً .. و نبي زود بعد.. يعني وحده ابوها هذا الشخص الجميل (مدت يدها لدقنة تحركة يمين و يسار) و تكتفي لا يا حبيبي.. ابو سعود دنق حتى يعض يدها.. جود سحبت اصابعها من بين اسنانة : آآآ هذا جزاي اني مدحتك..؟! ابو سعود : ما احد قالك حطيها على دقني.. بـ أعضها.. سها : متوووحش.. ابو سعود : ما بغينا نسمع صوتك.. ويش عندك متغيرة علينا..؟! صايرة عاقلة بـ زيادة.. سها ابتسمت : من يومي عاقلة بس انتم ما تعرفون لي.. ابو سعود يهز رأسة يجاريها : ويش اخبار دكتورتك للحين تضايقك..؟! سها : ما تدرسني هالترم الحمدلله و الا كان صار فيني شيء .. حاقدة علي بـ شكل فضيـــع..!!! ابو سعود : ما علينا منها قولي الله يسامحها و انتبهي لـ دراستك و بـس ابي شيء يرفع الراس.. سها : ان شاء الله لا تشيل هم.. .. جود بـ هدوء من غير لا تناظر فيه : بابا.. ابو سعود استغرب النبرة : ايش فيك لا يكون زعلتي عشاني عضيتك..؟! جود هزت راسها بـ لا : بس ابي اسألك سؤال..؟!! ابو سعود : اسألي.. جود : لو احتجت.. بـ يوم.. حماية.. بـ تحميني..؟!! البنات ناظرن بعض بـ إستغراب من جود لأنهن يدرن ويش تقصد..!! اما ابوهن استغرب من الحكي : بـ روحي يا امي.. ويش فيك صاير لك شيء..؟! احد مضايقك.؟! احد قايلك كلام..؟! جود ابتسمت : لا .. بس انا اسألك كذا.. ابو سعود : جود لا تلعبين بأعصابي.. علميني ويش فيك.. لا تخلين قلبي يغلى على نار.. شفتوا ويش صار يوم وعد خبت علينا اتصالات صلاح من خوفها.. ماني مهاوشك علميني بس.. جود : صدقني ما فيه شيء بس غرت منهم .. يعني طول الوقت مهتم بـ وعد.. و تسأل نهى اذا راضية.. و فاقد ندوش.. و تسأل سها عن دكتورتها.. و دانه و ميار ما يحتاج طول الوقت و انت عيونك مبققة عشرة على عشرة عليهن.. باقي انا.. ابو سعود يقرص خدها : بكـــــاشة.. انتِ مأخذة حقك و زود.. و حكيك ذا كله ما خرط مشطي.. مردي اعرف يا جود و ياليت قبل لا يطيح الفاس بالراس.. جود ابتسمت : ما فيه شيء لا تشيل هم عادي.. و انت ليش ما نمت ما عاد باقي شيء على الفجر..؟! .. لا حول و لا قوة إلا بالله.. لا أحلل نقل الرواية دون ذكر إسمي.. هاشتاق #رواية_لو_سألتي_الورد ضحكة قهر..   | |||||||||
|  |
|
02-01-15, 02:16 AM
| #112 | ||||||||||
  
| الرواية روعة انا عرفت مين الخاين الجديد منيرة واظن ان هي كل الموضوع يعني اخوها رفض ابو سعود زمان ليش تم زواجه بهلفترة يعني ليش مارفضوه مرة تانية والكلام الي سمعت وعد ليش ماقالت ان كل الي بيحصل عشان يقهر ابراهيم يعني عدو ابراهم هو الرئيس في اثنين يكون احد فيهم الرئيس طلال زوج مريم الي تزوجت به بعد طلاقها و في ا منيرة الي رفض زواجها وفي شيء هو بعد ماخلصت منيرة العدة على طول تزوجت بالي كان مرفوض ليش وفين ابناءها وعماد نفسي اضربه ضرب لو طلق وعد ممكن يتزوجها عساف ولا نقول احسن مابعد الكراهية حب يعني عماد ووعد والحمدلله ان راشد يعني تركي ماقال عن وليد وان شاء الله يكون بامان بانتظارك يا جميل ماتوقفيش احنا بانتظارك | ||||||||||
|
| |
|
02-01-15, 02:19 AM
| #113 | ||||||||||
| الرواية روعة انا عرفت مين الخاين الجديد منيرة واظن ان هي كل الموضوع يعني اخوها رفض ابو سعود زمان ليش تم زواجه بهلفترة يعني ليش مارفضوه مرة تانية والكلام الي سمعت وعد ليش ماقالت ان كل الي بيحصل عشان يقهر ابراهيم يعني عدو ابراهم هو الرئيس في اثنين يكون احد فيهم الرئيس طلال زوج مريم الي تزوجت به بعد طلاقها و في ا منيرة الي رفض زواجها وفي شيء هو بعد ماخلصت منيرة العدة على طول تزوجت بالي كان مرفوض ليش وفين ابناءها وعماد نفسي اضربه ضرب لو طلق وعد ممكن يتزوجها عساف ولا نقول احسن مابعد الكراهية حب يعني عماد ووعد والحمدلله ان راشد يعني تركي ماقال عن وليد وان شاء الله يكون بامان بانتظارك يا جميل ماتوقفيش احنا بانتظارك | ||||||||||
|
| |
|
03-01-15, 08:34 PM
| #115 | |||||||||
| نجم روايتي ومشرفة سابقة وفراشة متالقة بعالم الازياء
| بسم الله الرحمن الرحيم.. السلام عليكم و رحمة الله و بركاتة.. صباح الخير للي مصبحين و مساء الخير للي ممسين.. بداية بـ نتكلم على النقاش اللي من بعد ما انتهى البارت اللي فات تتوقعونه.. مين الشخص اللي يقصدة الصقر..؟! و مين هو الشخص المجهول اللي تزوج لينا..؟! السؤالين كلها ما راح يكون لها جواب بهالبارت.. لكن السؤال الأول فيه حصر اكثر للأشخاص المتوقعين.. احنا حددناهم على الأسك.. منيره بعد معاملتها المتغيرة ممكن يكون عندها هدف توصل له.. وعد بما انها حامل.. ميار بما انها تو مخلصة عدتها.. وليد اللي يشتغل كا عقاب مع غازي و مسافر في دورة مثل ما يعرفون ممكن يكون هدف الصقر و قلنا ندوش بعد بما انها صارت زوجة اهم عدو غازي.. و قلنا جودي بعد اللي قالتة لأبوها.. اليوم من خلال الحوار اللي بـ يدور بتصفى التوقعات على ثلاثة.. عاد انتم و شطارتكم.. اما الشخص اللي متزوج لينا مره بدري على معرفتة بــــدري حيــــل.. الشيء الثاني اللي صار من لما نزلت البارت اللي فات الحماس الفضيع اللي دب في البعض و يبي يعرف النهاية..!! انا كم مره اقولكم افكاري متجددة انا في بداية روايتي عماد من الأساس ما كان في الرواية عشان تعرفون ويش كانت عدت كتابة الرواية اكثر من مره مره وعد تزوجت سلطان و مره تزوجت عساف و اشياء كثيـــر الغيت و انحط مكانها اشياء جديدة.. انا في راسي موال و بـ اغنية الله يرضى لي عليكم لا عاد احد ينشدني او يطلبني ان وعد تبقى مع عماد او ويش نهاية الرواية لأني ما راح اقول ابداً بـ تعرفون في النهاية مثل ما انا مخططة امشي بالأحداث.. لسى قدامنا احداث كثير و انتم همكم مع وعد و عماد انسوهم شوي و ركزوا على غيرهم.. البارت هذا انا اعتبرة فرائحي .. لأن البارت الجاي بـ يكون العكس تماماً.. اذا ما اجريت تعديل على البارت الجاي بما اني كتبتة ^_^ فـ حدثين بـ تصير في البارت بـ تقلبنا من جديد.. بس اربطوا لي قلبوكم شوي و استمعتوا بهالبارت بكل حدث.. اخر شيء دعواتي القلبية لكل اللي يختبرون بالتوفيق و الفلاح.. شدوا حيلكم كلها فترة و تمضي.. و على فكرة يعني اخر شيء انا انصدمت من التفاعل في البارت اللي فات ما توقعت صراحة هالنوم و اكثر المتفاعلين كانوا على الأسكـ طبعاً.. اما هنا ما توقعت ابداً و ادري بـ تقولون اختبارات و كذا بس اللي يلقى وقت يقرأ بارت اقل شيء يأخذ 20 دقيقة يلقى وقت يكتب رد بخمس دقايق.. و ما ظنتي الكل يدرس او عنده اختبارات.. < ترى العتب من زود المحبة .gif) ..و البارت طويـــــــل لعيون كل اللي تفاعلوا معاي < صايرة متعصبة و نفسية ^_^.. البارت القادم يوم الجمعة بإذن الله و احتمال مو اكيد اقدمة للخميس.. و حيــا الله قرائي الجدد.. و اشكر كل اللي يتابعوني و تفاعلكم يزيدني حمـــاس و حمـــاس.. اتركم مع البارت.. البارت التاسع و الأربعون.. علم الشمس ليه النور فيك إرتمى ياللي أنفاسك العذبة تشكل غمام إبتسم للوجيه العابره .. و السماء كل بسمة من شفاهك حمامة سلام .. لـ حمد العيد.. جالسين على طاولة الأكل .. امال و شوق ينتظرون غازي و ندى ينزلون اما ريما مطنشة و ضاربة الكل بـ عرض الجدار و تأكل.. همس : اوووف طفشنا و احنا ننتظر انا جوعانة.. امال تناظرها : اصبري الحين بابا و خالة ندى ينزلون.. ريما بعد اهتمام : كلوا لا تموتون جوع عريسكم نايم بالعسل.. امال : ريما استحي على وجهك.. تراه ابوك.. مهما صار بينك و بينه ما تقللين من احترامة.. ريما تناظر الدرج ابوها ينزل كاشخ تشوف كشختة بـ زيادة رغم انه هو دايم كاشخ مو شيء جديد عليه . و وراه ندى ينقال عنها عروسة همست : الحمدلله.. غازي و ندى : السلام عليكم.. : وعليكم السلام.. شوق وقفت تبوس راسة.. اما ريما وقفت حتى تطلع من الجلسة اللي هو فيها.. مد يده و مسكها من عضدها قبل تطلع : ما باركتي لي..؟! ريما : ما ظنتي تهمك.. غازي يطول بالة عليها : لو ما تهمني ما طلبتها منك و انتِ ناسيتها..!! ريما ابتسمت بإستهزاء : لا ماني ناسيتها بس ماني شايفة الموضوع بالنسبة لي يستحق ابارك لك عشانة.. طلعت قبل لا تسمع ردة على كلامها.. شوق ابتسمت ترقع الوضع : صباحية مباركة ولو انه قريب العصر ما عاد الا خير.. غازي اتجة للطاولة و جلس مكانة و ندى جلست يسارة مقابلها امال يمين غازي و جنبها شوق و همس.. همس : بابا يالله جوعانة.. غازي : افاا يخسى الجوع.. لا عاد تنتظريني اكلي يا بابا ما راح ازعل.. همس ابتسمت : طيب.. امال : كيفك يا ندى.. ندى بـ هدوء : بخـير الحمدلله.. كيفك انتِ.؟! امال ابتسمت : بـ نعمة الحمدلله.. (التفت على غازي) احنا بنطلع بعد الصلاة مع جعفر يمكن ما نرجع الا متأخر.. غازي : ليش.؟! امال : بنأكد على الحجوزات كلها و بنحجز تشوكليت و فطاير تعرف لازم يكون عند شوق بالغرفة و بـ نمر على كم محل بنشتري كم شغلة ناقصة و اخر شيء بنروح المشغل نطلع فستان شوق.. و ريما تسوي البروفة الأخيرة.. لازم نخلص الشغل اليوم لأن بكره عندها جلسات بالمشغل و يوم الثلاثاء النقش.. غازي : طيب مو مشكلة بس اذا ما خلصتوا لين بعد العشا كلموا محمد و الا يوسف يكمل باقي المشاوير.. شوق تتحلطم : ما ابي انقش مو حلووو خلاص راااحت موضتة..!! امال بـ حزم : شوق حكينا بـ ذا الموضوع كم مره.. شوق : ياااربي ما احبة.. ندى ابتسمت : سعود يحب الحناء.. اختبصت شوق بإحراج.. بلعت الحكي و سكتت.. تناظر صحنها و تلعب بالملعقة.. امال ابتسمت بإنتصار مصرة الا بنتها تنقش وهي رافضة : هاه شفتي يعني ما احلاك داخلة عنده بدون حناء..؟! غازي : خلوها تسوي اللي يريحها.. لا تضغطين عليها امال.. شوق و عينها بـ صحنها : خلاص بـ أنقش.. غازي : ههههههههههههههههههههه كل ذا عشان سعود..!! همس : انتِ تزوجين يوم الخميس..!! يعني باقي كم يوم..؟! غازي : اليوم السبت يعني باقي خمس ايام يا بابا..(ناظر امال) بتأخذين البنات كلهن معاك..!؟ امال : ايه.. عشان بروفات الفساتين.. غازي ناظر ندى : تروحين لأهلك..؟! هزات راسها بإية.. ناظرها بـ قوة على حركتها.. تنحنحت : ايه عادي.. غازي : خلاص بـ نمر قبل على امي قبل المغرب وبعد صلاة العشاء انزلك بـ بيت اهلك لأني بـ أطلع المركز.. كان ودها ترجع تسألة تتأكد المركز!! من بكرة زواجهم..؟! بس ما قدرت.. هيبتة اكبر من انها تأخذ راحتها معاه.. .. جلستهم العائلية روح بيتهم اللي يعيشونها كل يوم.. سعود يناظرها جاية : حيا الله ام كرش.. وعد حاطة يدها على ظهرها و تناظرة بـ قهر ما ينادونها غير ام كرش و يتريقون عليها : الله يحييك.. اتجهت لأبوها و باست رأسة .. ابو سعود : وعد كم مره اقولك لا تدنقين علي..؟!! وعد تجلس بعد ما سلمت على خالاتها جنب سعود : عادي بابا ماهي مأثرة علي.. منيره : الا كل شيء يأثر عليك المفروض ما تشيلين الكاسة من الطاولة بطنك واصلة لـ خشمك اللي يشوفك يقول داخلة شهرك من زمان انتِ متأكدة من الدكتورة حاسبة لك صح..؟!! وعد عفست وجهها : ايه.. و كم مره اقولكم ما ابي احد يكلمني على الحمل و يوسوس فيني.. انا اللي شايلتة ما احد قالكم شيلوا معاي.. منيره : ويش بلاك هبيتي..؟! بس محزنتني.. الحمل متعبك.. و للحين ما دخلتي شهرك.. وعد : لا تناظريني عشان ما احزنك غطي عيونك عني.. و الله.. ام حاتم بـ حدة : وعـــد..!! سها : ما عليك و الله تجننين و انتِ حامل ودي ما تولدين..!! جود ضربتها على راسها : حلوة ما تولد و احنا ننتظر هالمولود من متى!! و الله قاهرني المفروض تولد بالسابع.. ليش يجلس للتاسع..!! ام احمد : ويش معجلك..؟! خليه ببطن امه يتم نموه.. جود : حتى اللي بالسابع كامل نموه بس عنده نقص بالرئة ما ادري ويش و يكملها بالحضانة و كثير بزارين يولدون بالسابع..!! و هذا ما طرى عليه شكله بعد سنة يمكن يفكر!! ام سعود : لا و الله خلي ولدنا يطلع من بطن امه كامل وشولة مستعجلة عليه!! لاحقن على الدنيا الله يكتب له العمر المديد.. دخلت مستحيـــة!! امس كانت بنت هالبيت ما تحس بالإحراج بـ جلستها بينهم.. بس اليوم داخلة ضيفة.. كم ساعة و تطلع منه.. : السلام عليكم.. ابتسموا كلهم لـ شوفتها.. : وعليكم السلام.. باست راس ابوها و امها و خالاتها ودها تطلع من الصالة بس تحس شكلها غبي لو طلعت..!! هي اكبر من الإحراج اللي ماله معنى.. .. ابو سعود : حيا الله عروستنا.. ندى مبتسمة وجهها احمر : الله يحييكـ .. ام حاتم : شخبارك...!؟ ندى جلست جنب امها و تنزل عبايتها بـ حضنها و تلفها : الحمدلله بـ خير.. سعود : الفريق غازي ما نزل..؟! هزت رأسها بـ لا : لا راح المركز!! مشعل بـ صدمة : من جدك..؟! مداوم..؟! ندى : ايه.. جود : ويش هذا من جده و الا يستهبل..؟! لا يكون عنده شغلات ماهي زينة..!! سعود رمى عليها الخدادية : استحي على وجهك.. اكيد راح يشيك على الشغل لأنه ما داوم الصباح.. و احنا بـ وضع ما يسمح لنا نأخذ اجازة يوم واحد!! نهى : الله من التعقيد بس..! احمد : مجبورين لأن وظيفتهم معقدة.. ندى تهمس لأمها : يعني..!! ام حاتم : كيف يعني.؟! هاوشك مثلاً..!؟ ندى : لا.. ام حاتم : شفتي ان خوفك ماله معنى.. ندى : بس احس التعامل معاه صعب.. ام حاتم : مسرع حكمتي على التعامل.. مالكم 24 ساعة مع بعض..!! امداك تعجنين و تخبزين الرجال..؟! و بعدين قلتيها صعب مو مستحيل.. ندى تعض شفايفها السفلية : و الله يخوف.. ام حاتم بـ حدة خافتة : هوووه علينا!! ندى ويش ذا..؟! بنت الـ 15 ما تسوي سواتك يالعاقلة الفاهمة.. ندى : عشانك ما شفتية تقولين كذا.. ما اقدر احط عيني بـ عينة اخاف يذبحني.. ام حاتم ابتسمت : عز الله عقلك ودع.. ويش اللي يذبحك..!! ندى سكتت مستحقرين خوفها منه!! هم شافوه..؟! حتى لو شافوه ما عاشوا معاه ببيت واحد..؟! و ما ربطهم رابط مثل اللي ربطوها فيه..!! ريما شلون ردت عليه اليوم بـ هالشكل و سكت عنها..؟! شوق كيف باست راسة ما خافن..؟! وجودة بالمكـان رعــــب!!! ابو سعود ناظر في ام حاتم نظرة يستفسر فيها .. ندى صدق دخلت مبتسمة بس الحين مبوزة بعد ما كلمتها امها..!! ام حاتم رفعت حواجبها و كأنها تقول اللي تخبرة!! خوفها..!!! ليلة عرسها ما نامت و هي تصيح..!! الساعة 2 بالليل راحت لأمها.. ام حاتم فتحت الباب تفاجأت من وجود بنتها : ندى..!! ندى ارتمت في حضنها تكمل صياح : يمه ما ابيه خلاص تكفون ما ابيه.. ابو سعود من وراء ام حاتم : خير ايش فيه..؟! ام حاتم خافت على بنتها لا يعصب عليها.. : ما فيه شيء لا تشيل هم.. انت كمل نومك.. ابو سعود سحب ندى من حضن امها و وقفها قدامة : ايش فيك..؟! ندى : ما ابيه بابا الله يخليك و الله يخوفني بـ يذبحني..!! ابو سعود تنهد بـ راحة السالفة كلها على خوف هوينة : الله يهديك يا امي صبيتي عظامي.. هذا حكي وحده بكره عرسها..؟! ندى تكمل صياح : خلاص كلمة قولة لا يجي ما ابي اتزوج بقعد عندكم.. ام حاتم تصفق يديها ببعض : انتِ صاحية..؟! ويش اللي بقعد عندكم.؟! ندى اصحـــي جايتنا تالي الليل البزارين ما يقولون اللي تقولينة.. اللي كبرك عيالهم طولهم.. و انتِ تبكين خايفة من عرس..؟! ابو سعود حضن ندى : تعالي معاي.. جلس على السرير و جلست جنبة.. ابو سعود : افااا الحين انتِ العاقلة تسوين هالسواة..!! يا امي صح غازي رجال شديد بس انه طيب.. انتِ شوفي بناتة عمرهن سبنة..؟! عمرهن انقدن تربيتة لهن و انه قاسي عليهن..؟! زوجتة قد شفتيها تشكي منه..؟! يمكن انتِ شفتية من بعيد لـ بعيد بس ما عرفتي اخلاقة و الله رجال ذهبة.. ندى تذكر صراخ ريما بالمزرعة و ضربه لها : ما يهمني خلاص ما ابي اتزوج.. بابا خليني عندكم الله يخليك.. و الله لو اغلط بدون قصد يذبحني..!! ام حاتم : استغفر الله العظيم مين حاط هالفكرة في راسك..؟! ابو سعود : الشيطان اللي كل مره يوسوس لك عشان يخرب عليك.. خرب عليك بـ خطبتك من عساف و الحين بـ تخربينها مع غازي.. ندى بكره بس تروحين معاه و ينصك عليكم باب كل خوفك ذا بـ يروح بـ تشوفين ان ماله معنى.. قومي اغسلي وجهك و كلمة ما ابيه ما ابي اسمعها على لسانكـ .. ندى : بـــس.!!! ام حاتم بـ حدة : ما فيه بس.. ويش بلاك و الله ان فيك بلا شين..؟! عايفة العرس و الا عايفة الرجال..؟! دنقت ندى : انا خايفة منه و الله خايفة.. (نقلت نظرها بينهم) انتم مو راضين تستوعبوني..!! ابو سعود : يا امي فاهمين عليك بس هالحكي ماله معنى.. لو غازي رجال ما أمنة و الله ما اعطية اياك لو يحب السماء.. اعرفة و اعرف اخلاقة و تربيتة.. و ماني خايف عليك عنده.. رجع للواقع على هواش بناتة.. سها : ماهو بكيفك حلوه نروح لمشغل...... ما نبيه معفن.. جود : مجنونة انتِ..؟! جايبين العاملة ساندي تجنن, مكياجها خورافة فنية.. ميار تأيد رأي جود : انا شفت شغلها بالمكياج رووعة بس تسريحاتها لكم عليها شوي.. وعد : لو نطلبها في البيت تجينا..!؟ ندفع لها دبل السعر.. بصراحة تعبانة و ما فيني ارتز بالمشغل من الظهر!! نهى تناظر وعد : ليش ما انتِ رايحة معاي..؟! وعد : انتِ عروسة لك موعد محدد اما انا بـ كون زبونة عادية بيخلوني اطق سرا و انا ما فيني اطول جالسة و وراي ليلة طويــلة.. ماما تروح معاك.. ام سعود : صادقة يا بنيتي ويش يخليك تروحين مشغل و تتعبين جيبن لكن وحده تجهزكن هنا كلكن وحده شعر و وحده مكياج..؟! اريح لكن كلكن.. ميار : يمكن يكون شغلهن ماش نبي وحده مضموووونة!! و الا بـ نروح مشغل.. ام احمد : يعني المشغل مضمون..؟! صبها و احقنها يا بنيتي.. و انتن بتجيبن وحده شغلها كلن يحكي بـ زينة.. جود : طيب نجرب نتصل عليها..؟! اذا تجينا بالمكياج.. لأن احنا عدد لا بأس فيه.. (ناظرت ندى) ندوش معانا..؟! ندى : ما ادري..!؟! نهى : ايه ازين تكونين معنا.. اذا ما جيتي معانا يعني بتكونين مع شوق.. صعبة شوي.. سعود لف جهتهن يناظرهن مستغرب..!! : ويش الصعب بالموضوع..؟! جود : بتعب نفسي و اقولك ويش الصعب بالموضوع و متأكدة ما راح تفهم بس مو مشكلة عشانكـ اخوي الكبير و انا اختكـ الصغيرة.. سعود سحب الخدادية من وراه ورماها عليها : و يومني الكبير ويش شايفتني غبي..؟! جود حضنت الخدادية : استغفر الله مو شرط غبي بس لأن هالشيء مو من اهتمامكـ ما راح تفهمة.. سعود : اقول انتِ انطمي بس.. (ناظر خواتة) انتن صاير شيء بينكن و بين شوق..؟! نهى : قالت جود ما راح تستوعب.. ياخي مو كذا الموضوع.. سعود : اجل..؟! ميار : لأنه و ببساطة شوق العروسة و ندى اخت العريس.. العروسة ما تحب يكونون خوات زوجها معاها نفس المشغل او نفس الكوافيرة.. سعود كتف يده اليسار على صدرة و اليمين رافعها لـ خدة : لا يا شيخة..؟! و ليش ان شاء الله ما تحب..؟! خالد : ونفس المشغل بعد..؟! ليش طيب يعني عاملة وحده اللي تشتغل فيه..؟! سها : لا بس كذا نفسياً ما يحبون يكونون مع بعض..يعني عشان اطلالة العروسة تكون كاملة مره وحده بعد ما يخلص كل شيء ليش يشوفونها مره بالمكياج و مره التسريحة بعدين الفستان تحس خربت طلتها.. مشعل عفس وجهة : من جد البنات نفســــــــية.. ابو سعود : هذا و انا ابيكن تأخذن صبا معاكن.. تعرفون ما عندها خوات ما ودي تحس بالنقص.. ابيكن توقفن معاها حتى هي اختكن.. دانه : هي مع نهى حاجزين مع بعض.. سها : بس صبا عادي اول شيء بنات عم ثاني شيء حتى نهى عروسة اخوها و هي عروسة اخونا يعني عدالة.. احمد : و الله متعبات انفسكن.. ويش ذا السوالف..؟! احسكم تهتمون بأمور تافهة.. خلوا تفكيركم شوي اكبر.. ام حاتم تكلم ندى : ازين روحي معاهن.. سوي مكياج عروسة.. هاذي اول طلة لك بعد عرسك و بعد ما لك كثير متزوجة.. لازم كل شيء يكون تمام التمام.. ندى عقدت حواجبها : مكياج عروسة..!! لا يمه ما ابي.. ابي شيء ناعم.. وعد : ماما معاها حق.. و فستانك ينفع له مكياج شوي يعني مو ثقيل و لا خفيف.. مكياج عروسة مرتب.. اما ناعم لا يا حبة عيني.. سها : ايه و نسوي لك تحضير.. نهى ضربت جبهتها : ويش اخباري مين يسوي تحضير الحين..؟!! سها هزت اكتافها بـ بساطة : عادي ما فيها شيء مالها كثير متزوجة بينكم ست ايام.. نحضرها على الساعة 12 و الله حلووة تعويض عن الحفلة اللي البارح ما حضر فيها الا عيلتنا و عيلتهم كنها ايام المزرعة.. ياسر : ويش تحضير يعني تجيبون لها ورقة و توقع حضور..؟! ناظرن البنات بـ بعض!! ويش يردون عليه!! محتارين..؟! من تفاهةالسؤال و جهل الإخوان..!! مشعل الجالس على الأرض و متساند على مركى و مايل عليه .. لما شاف اشكال خواتة لف على ياسر : لا ما شكلها كذا يمكن هي تلف بـ دفتر على الحضور و تحضرهم تشوف مين حضر..!! ميار : ماني مصدقة انكـ جاهلين هالكثر..؟! من جدكم ما تعرفون يعني ايش تحضير عروسة..؟! خالد : و احنا ويش عرفنا ندى اول وحده تتزوج فيكم.. وعد تنحنحت : احم احم.. خالد ناظرة : اوووه نسيت ام كرش.. بس انتِ ما صار عرس حريم يعني ما عندنا خبرة.. دانه : تحضير تنسوى للعروسة بعد اول طلة لها بعرس قريب منها .. يعني مثل ندى الحين اول طلة لها بـ زواج اخوانها و اختها.. تكون بغرفة بعدها تطلع للناس و تنزف تكون في نص الليلة تقريباً.. و بعدها يا تغير فستانها يا تبقى فيه هي وكيفها.. و تجلس مع الناس عادي.. ياسر يستهزء فيهن : اقسم بالله سخافات..؟! من جدكن..؟! تاركات الضيافة و الأشياء اللي المفروض تسونها و تقدمنها على اكمل وجه عشان ما تقصون وجيهنا قدام خلق الله.! و تقولن لي تحضير و سخافات..؟! سها : ياسر بلــيز.. يعني عادي ما فيها شيء.. كل السالفة زفة.. بـ نزفها و هي توها عروسة.. ندى : لا ما ابي انزف.. ماله داعي.. كان من البداية طلبت عرس كبير.. بس انا ما ابي هالشيء.. جود : يــــاربي ندى بليـــز فكيها شوي كل شيء لا..؟!! ترى بـ تصيرين ملولة كذا لا عاد تجينا اذا غازي بـ يقلبك علينا.. ندى : كيفي هذا تفكيري و انا حره.. جود ميلت راسها : شفتي ريما..!؟ ندى : يعني.. جود : ما قلتِ لها الشينة تكلمني..؟! حمارة ارسل لها ما ترد علي.. ندى : لا ما كلمتها و لا كلمتني.. مشعل يناظر ابوه : يبه ابي اطلع مع راكان.. ابو سعود : لا.. مشعل عفس وجهة ابوه صاير غريب يعاملة كنه بزر : ليش..؟! ابو سعود : ما ابيك تطلع.. طول الوقت و انت برا البيت.. مشعل : يبه ويش اسوي اجلس..؟! بروح معاه استراحة الشباب طفش البيت.. ابو سعود : افتح دروسك و ذاكر.. مشعل : بكره عندي اوف.. سعود : الا وين مكانها ذي الإستراحة..؟! مشعل : بنروح هالمره لإستراحة في حي ...... ابو سعود بـ حزم ينهي الموضوع : قلت لك ما فيه روحة.. مشعل : يبه انا مواعد الشباب ما احنا مطولين وحده و انا هنا.. (مشعل يناظر احمد عشان يعاونة).. احمد ناظر ابوه دايم اخوانة يجبرونة على انه يوقف معاهم : خله يروح يبه و ينبسط.. و معاه راكان ماهو لحاله.. وما هم مطولين ان شاء الله.. ابو سعود : أنا قلت لا.. مشعل متنرفز تربع على الأرض يناظر ابوه : يبه صاير تعاملني كني بزر حتى فارس ما تعاملة مثلي..!! ابو سعود : الحين عشان ابي اشوفك قدامي صرت تشوف نفسك بـزر..؟! مشعل : لا.. (اخذ نفس بـ يحول الموضوع) ترى جدي قالي يبيك بكره بـ مجلسة بعد المغرب.. بيجونة رجال و ضروري تكون موجود.. ابو سعود : مين بـ يجيه..؟! مشعل هز راسة : ما ادري ما قالي.. بس اكد علي اعلمك.. جود تهمس لـ خواتها : جننتني جايبة رقمي..!! و رسايلها زي وجهها قليلة ادب.. دانه : ما توقعت تقولين لأبوي شيء زي كذا..؟!! جود : ما قلت له..!! بس من جد صرت اخاف منها.. انتم ما شفتوها و ربي تقولون ولد..!! ندى جلست جنبهن : ايش فيكن..؟! نهى : تكلم عن البنت البوية اللي مضايقتها.. ندى تناظر جود : ما ملت..؟!!! جود : لا.. انا بديت اخاف على نفسي.. البنت وين ما التفت اشوفها بـ وجهي صرت اخاف امشي لحالي.. ندى : ليش ما تكلمين وحده من المعلمات..؟!! جود : كلمت المرشدة يوم الخميس و ياليتني ما كلمتها تقول لي شكلك ناوية على بنت و جاية تقولين لي عشان ان صار شيء ما اشك فيك..!! وعد بـ قهر : قليلة ادب حتى هي.. جود : علموني ويش اسوي..؟! البنت وصلت لـ رقمي و جابتة و ترسل لي على اني مأكدة على صحباتي و كلهم قالوا لي ما اعطيناها..؟!! ما ادري شلون جابتة..؟! ميار : انتِ قلتِ للمرشدة اسم البنت..؟! جود : لا.. كنت بـ شوف ردة فعلها اول.. يعني توقعت انه ما يحتاج اقول لها اسم.. و صدمتني بردها الله لا يوفقها.. سها في عالم اخر جوالها على رجلها تطقطق و مبتسمة..!! ندى تهمس لـ نهى : مين تكلم..؟! نهى : مين يعني..؟! اكيد شينة الحلايا اللي علقتها بـ ولدها.. ندى بـ حدة خافتة : ســــها..!! رفعت راسها لـ ندى : هلا عيني.. ندى : مين تكلمين..؟!! سها زمت فمها : وحده من زميلاتي..!! ندى : اطلعي فوق معاي يالله.. وقفت سها و بعدها ندى لحظات حتى تخلى الصالة من البنات السبعة كلهن.. منيره : ويش عندهن البنات قامن كلهن وراء بعضهن..؟!!! سعود : عادي يا خالة ماهو شيء جديد.. منيره تناظر سعود : ماهو غريبة غازي يداوم من بكرة زواجة..؟!! ان شاء الله ناوي تسوي مثلة انت..؟! سعود : عندي اجازة اسبوع تبدأ من يوم زواجي.. منيره : اسبوع بس!! مره قليل.. تراك عريس لازم تأخذ شهر على الأقل بما ان عمك رئيسك يضبطك عشان بنتة.. سعود بـ ملل : ما احتاج تضبيط انا اعرف نفسي و اعرف ويش ابي و اسبوع يكفي.. دام مأجلين السفرة لين اخلص شغلي اخلي اجازتي وحده و طويلة.. منيره : الا وين حاتم ما شفناه اليوم..؟! ام حاتم : مداوم ما راح يرجع قبل الفجر.. مشعل وقف : انا بروح انام!! ام احمد : ما تعشيت يا ابوي بدري على النوم..!! مشعل : ماني مشتهي.. تصبحون على خير.. (باس راس ابوه و امه و خالاتة و اتجة للمصعد).. خالد يناظر ابوه و يكلمة بـ صوت واطي بينه و بين ابوه و اخوانة الجالسين قريب منهم : تهاوشني عشان ابراهيم و انت حاكر مشعل..؟! على الأقل ابراهيم بزر اما مشعل ما عودتة انت على هالشكل..؟! ابو سعود يستهزء بـ خالد : ويش رايك تقوم تهفني..؟! خالد : حاشاكـ .. بس يبه كلنا ملاحظين تغير معاملتك معاه.. حتى هو صار يتضايق شايف اللي اصغر منه مخلين له الحرية اكثر منه.. مشعل ماهو بزر يبه صار رجال.. احمد : يبه هالشيء بـ يخلية مقيد.. و الله بـ يسوي اللي يبيه من وراك.. بيقولك تم من قدامك و وراك يعصيكـ .. حتى عند عماني اذا انت رحت لهم و شفتة عندهم اخذتة معك لا طلعت..!! سعود : ما عليش بس ما توقعتكم اغبياء هالكثر..!! السبب واضح وضوح الشمس..!! ياسر : وشو..؟! مسوي شيء غلط و ابوي يعاقبة..!؟ سعود : لا.. عشان وليد.. خالد : ويش دخل وليد..؟! سعود : ابوي ما يبي مشعل يبعد عنه و كنه يعاملة معاملة شخصين بـ شخص.. وليد و مشعل بما انهم كانوا كل الوقت مع بعض.. و بما ان وليد له فترة مختفي و ما شفناه ابوي حاط الحرة بـ مشعل ما يبيه يبعد عنه.. ابتسم ابو سعود.. سعود تربيتة.. يعرف كل شيء بـ ابوه و كأنه ولده.. احمد : بس هالشيء بـ يضايقة.. انت شوفة كل ما قال لأبوي بـ طلع ابوي رده.. احنا نروح و نجي و نطلع وهو حده الجامعة و يرجع.. ابو سعود : و الله لو ما يزعل لا اسحب سيارتة منه و اوصلة انا.. في الدور الثالث عكس نقاشات الدور الأول الهادية.. ندى و نهى معصبات على سها.. و سها تدافع دفاع مستميــــت عن نفسها و حبها.. نهى : مخفـــة اقسم بالله انك مخفة.. يا مجنونة المره قدرت تلعب عليك و تخليك تحبين ولدها.!.؟ ثم الحين تقولين ماهو ولدها ولد اخوها وهي مربيتة..!! سها : ما يهمني ولدها ولد اخوها ما يهمني اللي يهمني اني انا احبة.. ندى : شوفي سها انا صبرت عليك لين قلت البنت عقلت.. ما فيه مجال, عرفت ان اللي تسوية غلط.. لكن انتِ ما تبتي و جالسة تغلطين و تغلطين و لا انتِ حاسة.. وعد جالسة جنب دانه و هي تشوف النقاش الحامي نهى و ندى بـ صف.. ندى معصبة و نهى مأخذة الموضوع بـ برود حتى لو هي ناقدة عليه.. و سها بالطرف الثاني معصبة ان ما احد مستوعبها : المشكلة يا سها انك تدرين انك غلطانة.. تدرين انك قاعدة تعصين ربك قبل لا تعصين بابا و اخواني.. سها : انا ما اكلمة.. انا اعرف اخبارة من امه.. ما عصيت ربي.. نهى : لا يا شيخة..؟! و طلعتك اخر الدوام عشان تمتعين عيونك بـ شوفتة ويش تعتبر..؟!.. ندى : تعرفين اني اقدر امنعك من اللي تسوينة بـ ابشع طريقة.. و رب الكعبة لأنزل و اقول لأبوي ترى سها متعرفة على واحد.. سها : روحي قولي له.. و قولي له انه بـ يخطبني مره ثانية بس هالمره منه .. من ابوي بـ نفسة.. انتم تحسبون ان الدنيا ما فيه خير و أي شاب يكلم بنت يعني قصدة ماهو شريف.. طيب هو اصلاً ما يكلمني انا اكلم امه.. وعد : عمتة ماهي امه.. لا تضحكين على نفسك.. طيب اوكِ ما نختلف.. لا تكلمينها حتى هي.. لين يجون يخطبونك رسمي من بابا اذا هم قصدهم شريف.. امه لما تكلمت كلمتك انتِ حتى ما فكرت تكلم ماما.. سها تصارخ على خواتها عشان تدافع عن طارق قبل لا تدافع عن نفسها تدافع عن حب انبنى بينهم : انتم ليش مو راضين تستوعبون..؟!.. ندى : ويش تبينا نستوعب..؟! واحد لاهو من ثوبنا و لا احنا من ثوبة.! عند جنسيتة مكتوب مصري ماهو سعودي.. الناس بـ تأكل وجيهنا.. ويش حقة معطينها مصري قلوا السعوديين عليهم..؟! ابوها بايعها يومه معطيها واحد مو سعودي..؟! هذا اخف شيء ممكن ينقال عنّــا..!! نهى : هذا إذا.. إذا ابوي وافق..!! (تأشر على سها و تلف كفها مفتوحة تستفسر) مجنونة انتِ..؟! تركضين وراء واحد انتِ عارفة من سابع المستحيلات انكـ تأخذينة..؟!.. أنتِ جنيتي على نفسكـ بـ نفسك.. سها مازالت تصارخ عليهن مو حاسبة حساب ان احد يسمعها غير خواتها بـعد ما طفح فيها الكيــل من تحطيم حلم روحها معلقة فيه : مالكم دخل فيني.. انا ما طلبت رأيكن و لا نخيتكن بـ شيء.. ابعدوا عني لأن ما احد غيركن بـ يخرب علي حياتي.. وسط صراخ سها كانوا طالعين كلهم بعد ما سمعوا صراخهن..!! حتى مشعل على اساس بـ ينام نزل من الدور الرابع على الدرج التقى هو و اخوانة على الدرج.. ابو سعود : ايش فيكن..؟! وعد همست لـ جود : الحمدلله اني جالسة عشان بابا ما يشك اني بالسالفة..!؟! جود تحاول تمسك ضحكتها : تبين ابراهيم يصدق انك مو بالمشكلة..!؟ ياختي انتِ بكل شيء ناطة.. سها دب الرعب بـ عروقها وهي تشوف ابوها و امها و خالتها ام احمد واقفين عند باب المصعد و اخوانها طالعين الدرج..!! مواجهـــة هي ماهي مستعدة لها..!! و لا راح تقدر عليها او تنطق بـ شيء ابداً ويش بـ تقول..؟! انا احب لي واحد..؟! يبي يتزوجني..؟! ام حاتم تقدمت لهن : ويش بلاكن ما تردن..؟! ندى رفعت قصتها و نزلت من جديد : ما فيه شيء.. ابو سعود عوينة تدور عليهن : الصراخ ذا كله وما فيه شيء..؟! ايش فيه يا نهى..؟! نهى : ممكن ما تسألني انا ما راح اكذب و اقولك و الله ما فيه شيء.. لأنه فيه.. ندى مسكت ذراع نهى ورجعتها لـ وراء.. ناظرتها بـ حدة : نهى..!! نهى ناظرتها : ويش فيك..؟! يعني تبيني اكذب ماني كاذبة.. الا فيه.. و خلي اللي سببت كل ذا ان كان فيها خير و ما خافت تقول ويش فيه.. خالد : ويش فيه يا سها..؟! سها تناظر خالد!! خالد اقربهم لها..؟! اذا قالت له ممكن يوقف معاها..؟! ليش لا..؟! هو تزوج اجنبية ما تتوقع انه يرفض زواجها من طارق..!! ابو سعود ناظر وعد : هاه وعودة..؟! وعد ابتسمت بـ براءة و هي ترفع كفوفها مفتوحة : انا ماليش دعوة.. سعود : بـ تفهميني انكـ ما تدرين و لا تدخلتي لا من قريب و لا بعيد..؟! وعد : هههههههههههههههه يعني شوي ليش الكذب.. بس ما عليش مالي دخل.. ابو سعود يناظرهن : و بـعدين معاكن..؟! ويش اللي صاير لكن..؟! جود ويش اللي صار..؟! جود وقفت : بابا مالي دخل ما فتحت فمي بـ كلمة.. اللي فيني مكفيني.. عن اذنكم.. ابو سعود ناظر الثنتين الباقيات ميار يمكن ما تحكي.. لكن دانه بس يمسكها من يدها و يسألها بـ تخر الأولي و التالي.. اخذ نفس : بغض الطرف هاذي المره و بـ أمشي الموضوع لكن و الله العظيم ان عاد و سمعت ذا الصراخ مره ثانية لأحاسبكن بـ طريقتي.. و لا تحسبون انكن قادرات تخبن علي شيء.. ان اليوم ما عرفت بـكره بـ أعرف و منكن انتن مو من احد ثاني.. .. اليوم اللي بعده .. المغرب مجلس ابو عبدالرحمن.. مشاري و خالد ما جلسوا يضيفون.. و إلى الآن ما بان القصد من وراء هالزيارة.. ابو مهاب و ولدة.. اما البقية اهل البيت ابو عبدالرحمن و عيالة كلهم و احفادة عدا حاتم و احمد و يزيد.. خالد همس لـ عمة : ارتاح انت انا اكمل.. مشاري يسحب شماغة من على كتفة شوي لـ قدام : ماهي متبعتني.. ابو مهاب نزل فنجالة على الأرض.. : يا ابو عبدالرحمن احنا جاينكم اليوم مأخذين بـ خاطرنا منكم.. عساف لف بإهتمام للموضوع.. سعود همس له : لا تحمس.. عساف ناظرة جالس عن يسارة : تعرف ايش السبب..؟! سعود : خلاص فهمت من هالجملة ليش جاي..!!؟!.. عساف يناظر ابو مهاب.. : ليش..؟! سعود هز رقبتة بـ خفيف عشان ما احد يلاحظ انه يأشر عليهم : اسمع.. ابو عبدالرحمن : افااا يا ذا العلم و الله ما يكون بيننا زعل و احنا اهل.. ويش اللي مزعلك و الله ما تطلع من مجلسي زعلان.. ابو مهاب : من فترة طويلة يا ابو عبدالرحمن و انا ابي بنت اختي الكبيرة لـ ولدي.. و من اربع شهور عطيتوها لـ ولد عبدالمحسن.. و انا و الله ساكت كل هالفترة ما بغيت اجي و احكي و اخيتها بـ عدتها ارملة.. ابو سعود بـ ثقة : من بعد اذن ابوي.. يا ابو مهاب انت ما جيت و خطبت.. انت حاكيت اختك و هي ما عطتك الرأي الوكاد قالت لك ان البنت رأيها عند ابوها.. عندي انا يا ابو مهاب.. و انت ما جيت و خطبت مني و الا ما عزيتها عليكم.. احنا اهل و ما يرضيني انك تزعل خال عيالي و لك الحشيمة و التقدير انت و ولدك.. ولو اني عطيتكم حقك انت و ولدك تأخذة غصباً عني لكن انت ما خطبت مني.. ابو مهاب : من سنين طويلة يا ابو سعود و انا احكي في البنية ابيها لـ ولدي.. لا هي سنة و لا سنتين.. يعني اخيتي ما قالت لك اني ابيها..؟! صحيح اني ما خطبت منك بس وكاد ان عندك العلم بـ خطبتها حتى لو هي ماهيب رسمي.. ابو عبدالرحمن : ويش يرضيك يا ابو مهاب..؟! اللي تأمر فيه بـ تأخذة.. لو تبي البنية حليلة لـ ولدك و الله ما تطلعون من المجلس الا وهي حليلتة.. خالد جلس جنب ياسر اللي جالس بـ صف خالة و يناظر فيه : بـ أنجلط..!! ياسر : ما توقعت خالي يشكي ابوي عند جدي..؟! عاد يا ليتة على حق..!! خالد : ويش حاسب نفسة منرفزني.. البنت و عطيناها يقوم جدي يقولة هالحكي.. على الأقل ثامر خطب رسمي.. وهم حضرتهم معتمدين على حكي.. ياسر لف على خالد بـ يرد التقت عينه بـ عينة ابوه و انطم.. يهدد على ذا السوالف بـ مجلس الرجال.. تنحنح حتى ينبه خالد : احم احم.. ابو مهاب : لا بالله ماهو ذا اللي نبيه.. البنية صارت لـ ولد عبدالمحسن.. بس كانكم تبون نسبنا فـ احنا نبي جود.. ابو عبدالرحمن بـ تلقائية : تم.. ابو سعود وده يوقف ابوه ما ينفع ذا الإسلوب.. جود ما راح ترضى ماهي زي ندى بلعتها و سكتت لذلك تدارك الوضع : تم من بعد رضاها.. نشاور البنية و نرد لكم خبر و ان شاء الله مو مطولين عليكم.. ابو عبدالرحمن وده يهف ولدة بعصاتة .. بس ابراهيم عارف بنتة اكثر من أي احد ثاني بـ تقلب البيت فوق رووسهم.. ابو سعود يكمل بـ نفس النبرة الواثقة : ان شاء الله ربي يكتبها لـ مهاب حليلة.. ابو مهاب : ان شاء الله .. الله يكتب اللي فيه الخير.. مشعل وقف حتى يجيب الشاهي.. دقايق و دخل فيه ما بين سوالف الرجال و مهامسات الشباب بينهم تعليقاً على الموضوع.. ماجد ابتسم : من جدك ذيك البزر تنخطب..؟! فيصل مبتسم : انت متخيل..!؟ اصلاً انا انصدمت يوم رجعت لقيتها متغطية عننا.. ههههههههههههه.. ماجد : تذكر كيف هبلنا فيها يومها بزر احسها للحين بزر اما جود تكبر..!! فيصل : و الله ما اصدق.. لو يجيبونها قدامي معاها بزارينها ما اصدق انها كبرت.. ياخي ما اتخيلها غير بـ شعرها عمتي تلمة لها فوق بـ ربطة وهي تلف رقبتها يمين و يسار عشان يلف معاه وهو مو من طولة و تلبس شباصات صغيرة و بيدها كيس كلها بساكيت..!! ماجد : ههههههههههه و إلا يوم اخذناه منها و سحبنا الزين و رمينا عليها الشين و راحت تشكينا عند عمي..؟! هههههههههههه.. فيصل : يا سبحان الله كنه امس صار.. شوف امس نلعب عليها و هي مع اخوانها و عمي و اليوم نحضر خطبتها..!! ماجد : اذا تمت خطبتها بـ جيب لها هدية البساكيت اللي اكلناها من عندها هههههههههههه.. فيصل ضرب كفة بـ كف ماجد و اطلقوا ضحكة عالية بـ وسط المجلس.. ما حسوا غير بالنظرات ودها تحرقهم.. اصطلبوا الإثنين لـ ثواني و طلعوا من المجلس.. مشعل بـ يصب لـ خالة شاهي.. لكن ابو مهاب رفع يده : لا شكرت يا خالي.. مشعل : تقهوى يا خالي.. يمكن ما ناسبك حالي شوي.. نسوي لكـ مر..؟! ابو مهاب : لا خالي حلاة زين ما قصرتوا.. مير حنا بـ نمشي.. ابو عبدالرحمن بـ سرعة يلحقة بالحلف : و الله ما تمشون عشاكم عندنا.. ابو مهاب بـ ثبات : كثر خيرك يا ابو عبدالرحمن .. مير حنا متعجلين.. ابو عبدالرحمن يصــر عليهم : ملحوقين خير.. و الله ما تطلعون من غير عشاء.. عساف يهمس لـ سعود وهو يناظر مهاب : ويش عنده العريس ما نطق حرف..!! سعود : ما ادري عنه..!! ويش عندهم ماجد وفيصل فضحونا..؟! عساف يحط يده على ركبة وهو مايل على سعود : بروح اشوفهم اعطيهم تهزيئة فشلونا.. تدلوا دواليل الغرب و جاين عندنا يضحكون بمجالسنا.. .. يوم زواج بندر و سعود و ياسر وفيصل.. اربعة عرسان و اربع عرايس.. ياسر اصغرهم من الشباب و شوق اصغرهم من البنات.. مشاعر متضاربة بين الجميع اسوأهم ياسر و صبا.. ياسر يهاد ذبان وجهة كل ما قرب موعد الزواج و ارتفع لـ الذروة اليوم.. ما نام من البارح و كل ما قابل احد صرخ بـ وجهة.. صبا الخايفة من ياسر و حدتة و عصبيتة.. كل دقيقة تحاول تأخذ نفس عميق عشان تهدأ بـدون فايدة.. على العكس من الثلاث العرسان و العرايس الباقين.. مشاعر القلق و الخوف طبيعية ما وصلت لـ حد غير معقول يخالطها شيء من السعادة في ليلة العمر.. اسعدهم من انتظر سبع سنوات حتى يرتبط فيها.. فرحتة اليوم لا تضاهى.. ياسر يعدل بـشتة و يناظرة واقف جنبة : انتبة شدوقك لا تعلق..!! فيصل : ههههههه ويش اللي حارك..؟! ياسر : احس من كثر ما وجهك معلق على الإبتسامة ما تحس فيها.. اركد يا رجال فضحتنا بين العربان.. فيصل : ما هموني العربان اللي تحكي عنهم.. سبع سنين صابر ما حسوا فيني.. بندر : طفشت من السلام خلاص عاد باقي احد بالمدينة ما عزمتوة..؟! ياسر : ما ظنتي اهم شيء عندي ما نتفشل قدامهم قدرونا و جونا لولا اني خايف من ابوي يهبدني و الا رحت شفت الضيافة شلون.. بندر : على تبن.. انثبر مكانكـ العيال ماسكينها.. ما كنك عريس افردها شوي.. (ناظر فيصل) يا خي سلفة شوي ابتسامات..!! فيصل : سوري باخل فيها على الكل.. انا مدخرها من سبع سنين عشان هاليوم.. كم لكم خاطبين كم شهر بس انا سبع سنين خاطب حاسين..؟! سبع سنين.. و انا انتظر هاليوم.. تقولي سلفة ابتسامة..؟! حتى نظرة ما اسلفة.. سعود يعدل غترتة : متى بـ تعشونهم..!؟ خلونا نقضي.. ياسر : يالمشافيح سنين و بنين يحنون عليكم تزوجون جات على كم ساعة فضحتونا فيها كنكم تقلون على نار تبون تعشون العالم و تسري.؟! ابو سعود يناظرهم بـ حدة : قسماً بالله ان ما هجدتوا الأربعة لأزفكم لحريمكم مشوهين.. ابو عمر يناظر اخوة الواقف جنبة على باب الإستقبال : ويش فيك عليهم..؟! ما كنهم عرسان لازم تدلعهم.. شوي.. ابو سعود : ما ذبحهم غير الدلع.. بالله ناظرهم المفروض احنا واقفين نحيي معازيم زواجات عيالهم مو هم.. كل واحد يمشي على زندة التيس سنين نساحلهم.. و الحين ماهم راكدين بـ يدخلون لـ حريمهم.. و تقول دلعهم الا قضبهم الأرض.. بـ يفضحونا.. داخل الوناسة اعلى من برا بـ كثير.. البنات اللي مو مخلين على انفسهم قاصر ماسكات المنصة رقص و هيصة.. وعد : ابي ارقص ابي ارقص.. ندى : أي يالله قومي و ورينا طولك وشوفي جدتي ويش بـ تسوي فيك.. ابوي منبه ما تقومين مكانك.. وعد : مالي دخل حماااس.. ياختي ليلة ما تتكرر انتِ متخيلة زواج عم بندر..! و نهى..! و سعيدان و ياسر.. يعني ليلة اسطورية لو ما رقصت فيها بـ أنقهر بـ خليهم يعيدون زواجهم من جديد.. ندى جالسة جنبها : شكلي بـ لصقك بالكرسي.. اضمن انك ما تقومين ان شفتك رزيتي طولك و الله لاعلم جدتي.. وعد بـ قهر تتلمس تسريحتها النازلة : خلاص بـ انطق.. كيف شكلي..!؟ ندى تناظرها تسريحتها النازلة كلها حتى ماهي منزلة شيء على وجهها مكياجها ناعم مع نعومة فستانها التركواز : قمر بإسم الله عليك.. الحمل محليك.. وعد ابتسمت : ترقعين.. بس عاد ما شفت وحده احلى منك الا نهى طبعاً.. الله يعين خالي لا شافكـ..!؟.. ندى : قليلة ادب .. ما تستحين على وجهك.. ما كن بطنك قدامك.. وعد : ههههههههههههههه و الله إني صادقة انتِ شفتي شكلك..؟! رغم انكـ قهرتيني بالتسريحة كنت ابيك تسوين شيء افخم عشانك عروسة توك بس انتِ الا تفلين الشعر و تفرين اطرافة و قضينا.. و مع الأوف وايت بتطلعين خورافة لو سمعتي كلامي.. ندى : اهم شيء اني خورافة بـ عين نفسي.. شوفي جود و سها و عبير مجانين كل اغنية ناطات لو صكتهن عين ما احد نافعهن.. وعد : الله الحافظ.. بنت زوجك ويش عندها هاجدة ما كنه زواج اختها..؟! ندى : ما ادري بس اكيد عشان اختها تعرفين كيف زواج الأخت.. وعد تناظر ريما تكلم جدتها نوره فستانها طويل و ساتر كلها اكمامها طويلة فستانها فــخم لكن مستغربة من ريما البنت منقلبة 180 درجة : مستحيل.. شوفي البنت كيف شكلها.. حتى ما جلست مع جود و بسطت معاها مره متغيره.. لا يكون عشانك مرت ابوها..؟! ندى : و انا وجود ويش دخلنا بـ بعض.. بعدين انا ما سويت لها شيء عشان تكرهني.. درعمت عندهن ميار رافعة فستانها الأسود : بناااات.. سعود قال جات ام خوية و خواتة و يبي الكل يسلم عليهم و يقوم بواجبهم اكد مليون مره على هالشيء المشكلة اني ما عرفتهم..؟!! ويش اسوي..!؟ اخليه يسأل صديقة ويش لابسات..!؟ ندى ضربت خدها : مجنونة انتِ..؟! تخيلي سعود يكلم صديقة خواتكـ ويش لابسات..؟! وعد : انتِ متخلفة صراحة يعني ويش بيلبسن اكيد فساتين و الا تبينه يشرح له موديلات الفساتين عشان تعرفينهن..!؟ : السلام عليكم.. : وعليكم السلام.. البنت مبتسمة منحرجة : ما عليش ابي اسالكم عن اهل العرسان.. انتم منهم..؟! وعد ودها تقولها ويش تشوفين : ايه.. البنت : انا ابي خوات سعود.. ميار آشرت عليها : قولي انك اخت سلمان.. البنت : ايه.. ميار فتحت يدينها : و اخيـــراً الحمدلله.. انا ميار.. البنت سلمت عليها خد بـ خد : و انا مرام.. ميار اشرت على خواتها اللي وقفن : خواتي ندى و وعد.. سلمت عليهم مرام.. ميار : ما عليش و الله ما عرفتكم سعود منبه علي بس ما عرفتكم.. مرام : عادي حبيبتي.. مو مشكلة.. ميار : تعالي بـ أسحب كل البنات تسلمين عليهم.. وعد : اقول انا بـ أروح لـ نهاوي.. و بسلم على هنادي.. ندى : بشويش على اللي ببطنك ما تهبدين على الدرج.. في غرفة شوق.. امال : يالله يا شوق و بـعدين..؟! شوق ماسكة يدها: ماما و الله خايفة..؟! خليك عندي ماهو محرم لك يعني عادي.. الله يسعدك.. امال : ابوك معاك.. شوق : ابيك انتِ تكفين.. امال : شوق على كذا بتتأخرين على الزفة على ما يدخل على ما تجلسون مع بعض و تصورون بعدين تنزفين.. تراك ثاني وحده من البنات بـ تنزفين.. شوق فزعت : ليش انا ثاني وحده..؟! امال : مقررين على العرسان بالكبر يعني زوجة بندر ثم سعود ثم فيصل ثم ياسر.. في غرفة جنب شوق هنادي مستحية عكس بـندر مأخذ راحتة.. بندر : لا توصين يا عمة بـ عيوني.. ام عامر : ايه يا وليدي مير حنا نوصيك عليها هاذي دكتورتنا و نوصيها عليك بعد.. بندر : ما تقصرين.. و اثنينا ما نحتاج وصاة.. وعد : يالله يمه نطلع بـ يصورون و يأخذون راحتهم.. ام عامر : وشو بـ تطرديني يا بنية ابراهيم..؟!! وعد : و الله ما اطردك..(ترقعها) بس ما تبين تشوفين نهى قبل لا يدخلون إخواني..؟! ام عامر : ايه بالله مير ان اخوانك ماهم كبار اخبرهم يوم جوو.. وعد تأشر بيدها وراء جدتها لـ بندر على بنفسها تمن عليه انها مخليتهم لحالهم: بس يمه اخواني يستحون..(تمد لسانها من قو الكذبة).. ام عامر تطلع و وعد وراها : ايه ماشاء الله تربية ابراهيم.. (مسكت وعد من معصمها بـ قوة) و انتِ ما عندك نية ترجعين لـ رجلك و تولدين و انتِ عنده..؟! وعد : لا يمه ما عندي.. انا طلبت الطلاق وما ظنتي خافيك.. ام عامر : يا وليدي ما يصير اللي تسوينة ما عاد باقي على ولادتك شيء..!! ويش تبين الناس تقول عنا..؟! وعد تفتح باب غرفة نهى بـ قوة : يقولون اللي يقولونة ما يهموني ضيقتي و راحتي ما احد غيري بـ يحس فيها.. ام عامر دخلت وراها : يا ماشاء الله يا ذكر الله.. نهى وقفت و اتجهت لـ جدتها باست راسها : ليش تعبين نفسك يا جده كنتِ خليتيني لين انزف و اسلم عليك.. ام عامر : انا كنت قريب و قلت اجي اسلم عليك قبل لا نرجع للحريم(حطت يدها على كتف نهى) قريتي على نفسك يمه..؟! نهى : ايه.. ام عامر : وعد نادي امك تقرأ عليها.. نهى : كانت عندي و قرأت علي لا تخافين الله الحافظ.. ام عامر : يا بنيتي لا تنزفين خلي رجلك يدخل و تصورو غربلوا اللي تبون و اطلعي معاه.. و الله يا الحريم ما وراهن خير.. وعد : يمه هي ليلة وحده ولازم تنزف.. ام عامر تهز عصاتها قدامها : انتِ ابعدي عن وجهي ما ابيك اشوفك.. نهى ناظرت وعد.. وعد طنشت جدتها و مبتسمة و لا هامها شيء.. ام عامر : انا الحين بس يجي ابيك بـ اكلمة ماني طالعة من هنيا.. وعد حطت يدها على ظهرها و جلست على الكرسي : يمه قلت لك اخواني بـ يستحون منكـ.. ام عامر تجلس جنبها : خليهم يستحون كلهم عيالي.. انتِ اللي اذلفي انطقي بالصالة ماله داعي ترزين نفسك قدام الحريم و انتِ بطنك قدامك خلي الحريم يصكنك بـ عين ولاك طايحة بيننا.. نهى جلست مكانها وهي ترفع فستانها : يمه لا تفاولين بالشر ان شاء الله ماهو صاير الا الخير.. يعني ويش تبينها تسوي ما تحضر..؟! ام عامر بـ حدة : ايه ازين وشولة تجي وهي كرشها قدامها تجلس بالبيت ازين.. ويش بـ نستفيد لا صكوها بـ عين..؟! وعد : يالله يا هالناس ودي اذبح نفسي من كثر ما تخافون منهم.. الله الحافظ مو تحفظكم هذا ما يصير يا جده اللي تقولينه.. ام عامر : ما عاد الا انتِ بنت امس تعلميني اللي يصير وما يصير تراني اذكركـ و انتِ بلفتكـ كنك نملة.. وعد آشرت على نفسها : انا نملة..؟!! ام عامر : ايه نتيفة قطعة لحمة ها كبينتها (آشرت على كفها).. وعد : اسلقيها علي الحين فيه بيبي قد الكف..؟! دخلت ام حاتم مستعجلة : يالله نهى الحين بيدخل ابوك و فيصل.. نهى توترت : صندلي يمه ما لبستها.. سحبتها نوال و حطتها عند رجلها لبستها نهى.. نهى : كيف يمه ..؟! ام حاتم باست راسها : كل شيء تمام لا تشيلين هم.. بـ تزوغين قلبة.. ابتسمت نهى بـ إحراج.. ام حاتم : اقري آية الكرسي و تنفسي بـ عمق حتى تسترخين.. ما فيه شيء يخوف فيصل و تعرفينة من سنين.. نهى تضغط على مسكتها بقوة و تفتح يدها : خلاص اوكِ انا هادية.. ام حاتم ناظرت وعد و ام عامر: يالله الشباب بـ يدخلون.. ام عامر تعدل لثمتها : خليهم يدخلون لبسي ساتر كلهم عيالي.. وعد وقفت و طلعت مع ام حاتم وهي تسندها : ايش فيها جدتك..؟! وعد : بـ تكلم بابا ما تبي نهى تنزف.. توها كانت عند هنادي ما قالت لها ايش معنى نهى..!! قسماً لو يسمع بابا كلامها بـ يصير فيني شيء.. ام حاتم ابتسمت : توقعت شيء ثاني.. وعد : قصدك عشاني..؟! ام حاتم اخذت نفس : ايه.. وعد : هاوشتني.. ما ادري ليش احسها كل الليلة مسفلة فيني..!! من شافتني العشا قبل العالم تجي و هي حاطة حيلها فيني ما تبي حتى جيتي.. ام حاتم : تبين الصدق يا ماما انتِ مقصرة معاها.. طيب زعلانة على امك بـ تحاسبين جدتك بعد..؟! انتِ ما تروحين لها لو المغرب تسلمين عليها انتِ و نهى.. ما يصير يا ماما تراكن مقصرات بـ حقها.. و اذا ما تبين تروحين عشان عماد هي اكيد مرات تروح عند غازي روحي لها لا كانت هناك.. مهما كان هي مره كبيرة و لها الحق توصلنها انتِ و اختك.. يحق لها تزعل منكن.. وعد : تهاوشني تبيني ارجع لـ عماد.. ما جابت طاري سلمت عليها و الا ما سلمت.. ام حاتم : شكلك تعبتي تعالي اجلسي هنا ترتاحين.. اليوم ما ريحتي ظهرك.. جلست وعد استنزفها التعب اليوم اضعاف.. ضغطت على أسفل بطنها.. ام حاتم : خليك هنا انا بروح اشوف البنات.. مشت ام حاتم .. و وعد جالسة بـ صالة لـ حالها قدامها عاملات الاستقبال يفترن.. : انتِ وعد..؟! وعد ناظرت الأدمية اللي واقفة قدامها : ايه.. بغيتي شيء..؟! ابتسمت : الله يعينك حامل..؟!! وعد رفعت حواجبها من اسلوب الأدمية : لا حاطة كورة بـ أجرب الوضع.. آشرت البنت على وحده : خفيفة دم بسم الله عليكـ .. شايفة هاذيك اللي واقفة هناكـ لابسة احمر.. تعرفين مين تكون..؟! وعد تنهدت وهي تناظر البنت اللي تأشر عليها : لا و الله ما حصل لي الشرف.. البنت : هاذي البتول عماد ملك عليها من اسبوعين.. يعني ضرتك.. حست بشياطين الأرض تنط قدامها لكنها ما راح تنول الأدمية مرادها : ويش تبيني اسوي ارقص..؟! البنت تمثل الإستغراب : لا بس مو شيء غريب ان زوجك يتزوج عليك و انتِ حامل و ما كملتِ السنة..؟!! حتى لو ما مات صاحبة كانت البتول بـ بيتة من زمان..!! و محددين عرسهم بـعد شهر ان شاء الله.. وعد حست بـ تعبها يزيد ملك حضرتة و هي ما درت بدل لا يروح يملك ليش ما طلقها و فكها من شره : ويش تبيني اسوي..؟! جايتني انتِ و معنية نفسكـ عشان تقولين لي هالحكي..؟! ليش ويش بـ تستفيدين..؟! البنت تكمل : ويش اللي مكره عماد فيكـ يعني انتِ حلوة و صغيرة ..؟! بس..!! اكيد عماد شايف عليكـ شيء مكره فيكـ..!! يمكن الولد اللي ببطنكـ ماهو ولدة..!! قامت تصارخ عليها هاذي جالسة تهينها و تطعنها بـ شرفها..!! : إلى هنــــــــــــا و بـــــــــس.. قسماً بالله ان ما لميتي لسانك عني لأعرفك قدرك اللي ما يباعد ماطا الجزمة يا حمارة.. اطلعــــي براا.. العاملات كلهم التفتوا واقفين يتفرجون على الفيلم اللي يصير خارج القاعة الرئيسية.. البنت فتحت فمها مصدومة : هذا اللي ناقص تطرديني من فرح بنت خالتي..!! وعد تصارخ عليها يمكن لو ما هي حامل كانت نطت عليها و صفقتها بس ثقل جسمها مخلي فيها عقل : قلتيها بنت خالتك.. احنا اهل النوب.. تطلعين برا و رجلك فوق راااسك.. (ناظرت العاملات و آشرت عليها) اطردوها ما ابي اشوف شكلها و الا قسماً بالله ما تأخذون حقكم.. اقتحهم صوت يهديهم : خير ويش صاير..؟! ايمان ايش فيه..؟! ايمان تناظر ام احمر : تخيلي تطردني من الزواج مين حاسبة نفسها هاذي..؟! البتول تناظر وعد : من جدكـ انتِ..؟! ويش حاسبة نفسكـ عشان تطردين اختي..؟! وعد تناظر البتول بـ قوة : لا و الله ..اختكـ..!! اجل اطلعوا الثنتين بـــرا..(تحول نظرها للعاملات) طلعوووهم.. احد العاملات : لو سمحتم بدون مشاكل و تقلبون الليلة الله يخليكم برا.. البتول : هيـــه انتِ احنا من اهل العروسة..؟! العاملة : وهي اخت العرسان.. هم اهل العرس مو انتم.. ما عليش.. البتول ناظرت وعد : و الله ما امررها لكـ بـ تشوفين ان ما رديتها لكـ.. كل ذا حقد عشان عماد خلاكـ انتِ..؟! وعد : و الله اذا هذا مستوى تفكيرك فا شيء راجع لك.. و عماد اشبعي فيه لا تخافين ماني مضايقتكـ عليه ابي فرقاة.. انتِ و اختكـ ما احترمتوا اهل العرس و تبون تقعدون..؟! هذا اللي كان ناقصنا.. (اعطتهم ظهرها و هي تناظر العاملات) خمس دقايق و ما ابي اشوفهن الثنتين.. في غرفة صبـــا.. صبا تنتفض من الرجفة.. ابوها جالس جنبها و يقرأ عليها : بسم الله عليك ويش فيكـ..؟! صبا : خايفة بابا لا تخليني.. ام عمر واقفة قبالهم : كل ذا و ما بعد جاء ياسر اجل لا رحتي معاه ويش بـ تسوين.. صبا : خلاص ما ابي اروح.. تكفى بابا كلم عم ابراهيم ما ابي.. ابو عمر : استغفر الله هذا انا قلت بـدخل اسولف معك قبل لا يدخل ياسر و اطمن عليكـ .. صبا مسكت يديه الدافية .. ابوها ناظرها : يا امي ويش فيك يدينك ثلج.. كل ذا خوف.. أي بنت تخاف بـ مثل هالليلة.. بس يجي ياسر بـ تطمنين و هالخوف كله بـ يروح حاولي تهدين نفسكـ يا قلبي.. انطق الباب حتى تدخل ام عمر للحمام و فتحت المصورة الباب .. ابو سعود واقف يمين الباب و معاه اخوانة و العريس.. : غرفة صبا.. ابو عمر لما سمع صوت اخوة : ادخل ابو سعود ماحولك احد.. دخل ابو سعود وراه بندر و مشاري و راكان اخرهم ياسر اللي عجز حتى يمثل الفرحة.. سلب ابوه منه حق الإختيار و انسلبت راحتة معاه.. وقفت صبا وهي ماسكة يد ابوها تحس لو ابتعد عنها بـ تطيح من طولها.. سلم عليها ابو سعود : مبروك يا عمي.. اخذت نفس وراء بعض عجزت عن الرد تحاول تطلع صوتها ماهي قادرة.. بندر باس راسها : مبروك يا دلوعة.. كانت حالتها اهون من عمها ابراهيم المرعب بالنسبة لها.. لكن ما قدرت ترد.. ثم مشاري و راكان.. و جاء دور الرعب بـ كبرة بالنسبة لها.. يتذكر وصايا خواتة الود وده يجلس من غير لا يكلمها و لا يسوي الوصايا اللي قالوها و حتى ما يبي يجلس جنبها مو بس يجلس الا وده يطلع من الغرفة و لا يرجع لها .. طلع صوتة بالغصب مبحوح : مبروك.. كان ردها عليها بإنها جلست ما قدرت تتحمل اكثر من كذا.. ابوها فزع : صبـــا..!! ياسر ابتعد.. ابو عمر مسكها : ايش فيك..؟!! صبا بلعت ريقها وهي تضغط على ذراع ابوها بـ قوة تفرغ القلق و الخوف تنقلة من قلبها لـ قلبة : ولا شيء.. و لا شيء.. ابو سعود : عطها ماء البنية ترجف.. مشاري سحب علبة من على الطاولة : اشربي يا عمي.. راكان يهمس بإذن ياسر : ويش قايلها و خليتها تطيح..؟! ياسر طنش.. فضل شرف الحضور و بــس اما يتدخل و يهديها هذا اللي كان ناقصة..؟! هاذي طاحت وهو قايل لها مبروك لو سابها و الا مناظرها نظرة كرة ويش تسوي..؟! يمكن يغمى عليها..؟! او تدخل صدمة نفسية..؟! تجي عليها ماهو شيء غريب.. هاذي ويش تحمل..؟! صبا ما رفعت عيونها فيهم وهم يستفسرون عن حالتها : لا و الله.. ما فيني.. شيء.. بندر : اكيد ما اكلتي شيء اليوم.. يا عمي ما يصير شوفي كيف جسمك عظمتين ماسكها جلد.. ابو سعود يناظر بندر : خلاص لا تهاوشها.. وينك عن عروستك..؟! بندر ابتسم : مخلينها تنزف اول وحده ازين بعد عشان اخذها و نسري.. انقلبت الغرفة من غرف المعاريس لـ غرفة عائلية.. ابو سعود يناظر ياسر بـ حدة يبيه يتحرك و ياسر يتجاهل نظرات ابوة.. جبره على انه يتزوجها بس ما راح يجبرة يتصرف بإنه متقبلها.. المصورة : فيكن توئفوا جنب العرسان مشان نأخذ ليكون صورة جماعية..؟! وقف ابو سعود جنب ياسر و قرصة من عضدة.. و ياسر طنـــش..!! واقف جنب صبا وهي واقفة جنب ابوها بدال ما تمسك يد ياسر او بالأصح ياسر يمسك يدها هي مسكت يد ابوها..و جنبهم بندر و مشاري و راكان.. ابو سعود اول ما خلصت المصورة: انا بروح اشوف نهى قبل لا تنزف.. ياسر كان وده يقول بـ اروح معاك عشان يطلع من المكان المايع بس انطم و بلعها مع كلمة المصورة : فيكون تطلعوا كلكون مشان العرسان بـ يأخدوا راحتهون بالتصوير.. طلعوا كلهم وهم متأكدين ما احد من الحريم برا لأن اغلب الرجال هنا اذا كان فيه حرمة بـ تكون متغطية اكيد عشان ما تكشف على احد.. دخلوا على غرفة نهى اللي عرفوها من صرختها على اخوانها.. ابو عمر وقف بدون لا ينتبهون لأم عامر : ايش صاير..؟! نهى تهاوش اخوانها : قليلن ادب انتم ما تستحون على وجيهكم.. اطلعوا برا.. ما ابي سلامكم.. فيصل ماسك ضحكتة لا يفجرها يمكن تطردة حتى هو تسويها..!! ام عامر : انتِ ما تختشين لسانك يلعلع على اخوانك ما كن رجلك يمك المفروض تستحين يا قليلة الحيا.. يوم سمعوا صوت ام عامر طلع برا ابو عمر و مشاري و راكان و بقي بندر و ابو سعود.. ابو سعود مفزوع من الصراخ : خير ويش فيكم..!؟ ام عامر : بنيتك هاذي بازع ما تستحي على وجهها.. نهى تصر على اسنانها و هي تهمس بينها و بين اخوانها الواقفين جنب فيصل مشعل و خالد و سعود هم الثلاثة قالبينها مسخرة و حاتم و احمد يضحكون : و الله لاوريكم يا حمير قسماً لاردها لكم بـ حريمكم.. يا قليلين الحيا.. مشعل : عيب انتِ و لا كن فيصل جنبكـ .. استحي منه طيب..!! نهى التوتر و الخجل اللي اصلاً بعيد عن شخصيتها الباردة خلاها تفقد السيطرة على عقلها و تقط خيط و خيط : كلوا تبن قليلن ادب ما تستحون على وجيهكم كني واحد من اخوياكم ماني اختكم.. ابو سعود يناظر بنتة بعد ما سلم على ام عامر و عيالة قاعدين ما همهم و لا كن الأدمية ماهي محرم لهم : ايش فيه..؟! نهى بـ قهر : خلهم يـطلعون برا و الا و رب الكعبة لا ارجع البيت معكم.. فزع فيصل بعد ما كان مريح ظهرة على الكرسي جنبها : ويش اللي ترجعين معاهم..؟! (آشر لـ عيال عمه) اطلعوا برا.. اطلعوا برا.. خالد : يا حمار من اليوم و احنا مونسينك و الحين تطردنا.. ام عامر : اعدتة اللي جنبة.. فيصل : سبع سنين صابر تقولون لي مونسيني صاحي انت..؟!! ابو سعود دنق على نهى و باس راسها : ما عليك فيهم.. مبروك يا امي.. نهى وقفت و تعلقت في رقبتة و مسكتها بـ يدها : الله يبارك فيكـ .. ابتعدت نهى عنه حتى يناظر عيالة : ما تستحون على وجيهكم عمتي هنا و انتم قاعدين كنكم محارم لها..!؟ ام عامر : انا قلت لهم يا وليدي هم عيالي و ماني بنية متكشفة.. مير انا جيت مع بنيتك القشرا و قلت لها تخليني..؟! ابو سعود استغرب من الوصف..؟! مين تقصد..؟! همست نهى : وعد.. ابتسم ابو سعود : ويش هي مسوية لكـ و اتلها من اذانيها..؟! ام عامر : ما اركدت و لا كن ببطنها ضنا.. لكني ما جلست هنيا عشانها.. بنيتك ذي هاللي وراك ما ابيها تنزف و تطلع للحريم و الله ماهم معطينها خير.. ابو سعود : ليش يا عمة..؟! خليها هي ليلة وحدة بالعمر.. ام عامر : من خوفي عليها.. و الله ما شفت مثل زينها اليوم لا إله الا الله.. مير خلها تذلف مع زوجها ما من داعي تطلع للحريم.. احمد : يا خالة هاذي ليلتها و من حقها تنزف و تفرح..؟!! ام عامر : لا ما تنزف .. كود انتم عايفينها رجلها ماهو عايفها.. فيصل : لا ما احنا عايفينها.. (مسك كف نهى الواقفة) ماهيب لازمة الزفة.. خلاص نصور و نطلع.. نهى تتحلطم : بس انا ابي انزف.. ام عامر : لا ما تنزفين لا انتِ و لا عرايسنا ما وحده فيكن بـ تطلع للناس.. سعود ابتسم ياليت يكون ازين وشولة ينزفن..؟!! .. فيصل : نهى مو لازم خلاص..!! برا عصـــبن البنات ما انزفت الا هنادي و الباقي ام عامر سوت اللي براسها و منعتهم من انهم يطلعون .. وعد معصبة من البتول و اختها و كملت معاها جدتها اللي منعت زفة نهى و البنات : ماهي معقولة هالجدة بـ تولدني انا شكلي بـ طلع من القصر على المشفى على طول.. جود مقهورة : يعني شلون..؟! و صبا طيب هي مالها دخل بـ صبا..؟! ندى : ياسر رفض.. عمتي قالت انها داخت لما دخل ياسر ما يبونها تنزف.. تخيلي تطيح قدام الناس..؟! عبير تتحلطم : يعني الحين ما خلت غير بنتهم تنزف و بناتنا لا..؟!! سهاد : شوق بنتهم يالخبلة.. و بعدين هي مره كبيرة و خايفة عليهن من العين.. ما انزفت غير هنادي و لا بعد استعجلتهم عشان يطلعونها.. ميار : صح ان العين حق.. بس الانسان يقرأ اذكارة و يؤمن بالله.. ما احد بـ يحفظة غير ربي.. يعني ايش هذا الناس تؤمن بالعين اكثر من الله..؟! جود : اقول انا بروح ارقص يا خسارة الكوشة و شريط الزفة و كل شيء تعبنا فيه و ضيعته جدتكم.. سها : خذيني معاكـ ويش يجلسني بعد.. عبير تناظر البنات جالسين على طاولة وحده بالأخير و يتقهون يفرغون الحرة اللي خربتها الجدة : عاد تصدقون جدتي فاطمة انبسطت من قرار جدتكم.. تقول طافني و الا ما اطلع حتى مرت ولدي.. أسيل : هههههههههههههه من جد و الله طافتها ما طلع غير حرمة ولدها بس.. تلقينها خالتي تمسكها و تقرأ عليها بعدين خايفة لا يجيها شيء.. أثير : لا تفاولين على البنية بـ شر ماشاء الله عليهن اليوم كل وحده تقول الزود عندي..!! وعد : صح كلهم حلوات ماشاء الله بس احلى وحده انا.. أسيل : مين يقول..؟! عساها بـ ذا الكرش انتِ المفروض ما تمشين يحطونك على الأرض و يدحرجونك..!! عبير ضربت كفها بـ كف اسيل و انفجرن الثنتين ضحك.. عبير : من جد قصيرة و بطنها كورة قدامها.. وعد : ربي يبلغني اياكن حوامل قريب بأربع توم.. فزعت اسيل واقفة : استغفري يا حمارة.. وعد : ما الحمارة غيرك.. ان شاء الله يارب تحملين وراء بعض كل سنة بأربعة (ترفع يدها تدعي) يااارب يا كريم.. سهاد تضحك : تستاهلن ما احد قالكن تتريقن عليها.. ميار : اقول كلكم سلمتوا على خوات سلمان و امه..؟! سهاد : ايه بس استغربت اسلوبهم كأنهم يبون يعرفونا من بعضنا.. سألتني انا مين و يوم درت ان عساف اخوي شقت الضحكة وجهها استغربت!..! دانه : حتى انا احسهم غريبين كأنهم جايين يبون يتعرفون علينا.. بس عاد اختاروا وقت غلط.. ام احمد : انتن جالسات هنا و احنا بندخل الحريم على العشاء..؟! ندى : وين ياخالة توها الساعة اثنين..؟! ام احمد : ما فيه زفات خلاص و عرسانا و روحوا وشولة نجلس الحريم..؟! ام حاتم : وينكم عن الناس..؟! ندى : موجودات يمه.. الحين بـ نقوم.. ام حاتم حطت يدها على كرسي وعد : وعد ويش فيكـ ..؟! وعد : ابي ارجع البيت..(ناظرت دانه) دانه كلمي مشعل قولي له.. ام حاتم دنقت عليها : ايش فيكـ حاسة بألم..؟! وعد بللت شفايفها : لا ماما بس تعبانة ابي ارتاح.. دانه تنزل جوالها : يقول ينتظرك بـرا لا تطولين.. وعد وقفت.. ام حاتم حطت يدها على كتف وعد : انتظري بـروح معاكـ .. ندى وقفت : يمه خليكـ انا اروح معاها.. وعد : ما يحتاج انا بروح اخذ شور و انام.. ندى : حتى لو بـ روح معاكـ .. .. | |||||||||
|
| |
|
03-01-15, 08:42 PM
| #116 | |||||||||
| نجم روايتي ومشرفة سابقة وفراشة متالقة بعالم الازياء
| بيت سعد .. جناح فيـصل و نهى.. جالسين على الكنب بالصالة نهى منزلة عبايتها.. و فيصل منزل البشت عن اكتافة و طايح على خصرة جالس على جنب يناظرها.. فيصل : و اخيــراً.. شلعتي قلبي ما بغيتي تردينة علي.. سبع سنين يالظالمة و انا انتظر هالليلة و اشوفها مثل الحلم.. سبع سنين قلبي شفقان شالعتة من بين ضلوعي.. نهى انبح صوتها : فيصل الله يخليك لا تقولي كذا.. كلكم تحسسوني بالندم عشاني ما رحت معاك.. طيب انا غلطت اوكِ كل من شافني هاوشني و ندمني يكفــي عاد.. فيصل مسك يدها : مالك فيهم لكـ فيني انا.. انا اللي لي الحق اعاتبك يا نهى ما حد حس فيها غيري.. ما توقعتك ترديني..!! نهى ضغطت على يده : ما رديتك بس ما كان عندي استعداد اترك اهلي فترة طويلة ما اقدر فيصل (هزت كتفها) و الله ما اقدر.. فيصل : صح صعبة في البداية بس بتسلكين بتعودين هناك و بتأخذين شهادة عالية و كويسة و بـ يكون معاك لغة.. بـ يكون حالك افضل من الحين ادارية بـ مدرسة و انتِ افضل من كذا بـ كثير.. نهى : بـ تعاتبني عليها.. و انا اعاتبك تأخرت علي حيــل.. صار الشيطان يوسوس لي انك مطول لقيت مين يغنيك عني.. عذبتني و انا كل مره افكر و اهوجس.. سبع سنين ما طرا لك ترجع بوسطها تقول بـ املك عليها..؟! تعلقني بـ خطبة..؟! فيصل مسك طرحتها يلعب بـ طرفها : من جدك..؟! من جدك تشكين اني بألقى مين يغنيني عنكـ.. انا صدق شفت اشكال و الوان بس مو مثلك.. عفست وجهها : تعلمني بعد انكـ شفت غيري..؟! فيصل : ههههههههههه ماني مصدق انتِ تغارين علي..؟! نهى : لا ما اغار حتى انا شفت اشكال و الوان غيركـ .. ما حست غير بيدين فيصل تضغط على حنكها بـ قوة و يرجع راسها على وراء : و رب الكعبة لأقلع عيونك يا نهى.. ما صبرت عليك كل هالوقت عشان تجين تقولين لي شايفة غيري حتى لو هو مزح.. نهى بعدت و جهها عنه : لا و الله يعني انت تقول عادي انا اقول لا..؟! فيصل لا تعاملني بهالشكل ما راح يرضيني.. ايه اغار و رب الكعبة لو دريت ان عيونك زايغة لأحد لاقتلك وانت نايم.. فيصل بعد عنها : خبالك ما تركتية للحين..!! .. بندر : خلصتي..؟! التفت هنادي : ايه.. بندر جلس على السرير وهي قدامة على التسريحة : ابي اتفاهم معاك كان بـ ودي اقابلك قبل الزواج و اسير عليكم.. بس خفت ابوك ما يعجبة و احرجة بالطلب.. عيونها بالأرض و تلعب بأظافرها : عادي ابوي ما راح يردك.. بندر : انتِ تدرين ان عيلتنا و عيلتكم اساساً ما كانت على وفاق و السبب اخوي ابراهيم و ابوك.. و على اساس بـ يصلحون اللي بينهم بـ زواجة عماد من وعد..!! و ما ظنتي تضرر احد كثر هالإثنين خصوصاً وعد.. اللي ابيه منك يا هنادي تبعدين عن ذا المشاكل كلها مالنا دخل فيهم كلهم.. ما عندي استعداد اعيش حياة متأثرة بـ مشاكل غيري و الا اذا كل واحد فيهم تهاوش مع حرمتة احنا بـ نتهاوش معاهم ما راح نرتاح بـ حياتنا.. الحياة ماهي خالية من المشاكل عشان كذا ابيك تكونين على بينة من الأول مشاكل غيرنا مالنا فيها.. هنادي بـ هدوء : ما احب اتدخل بـ احد .. و لاني حقت مشاكل.. بالعكس هالحكي ريحني و الله.. لأني كنت متوترة خصوصاً ان ممكن يوصل موضوعهم للطلاق.. بندر ابتسم : الحمدلله صبرت و نلت.. اهم شيء تكونين كذا على طول رايقة.. يالله نصلي.. هنادي : طيب.. بس البس شرشف الصلاة.. وقف بندر : اوكِ.. .. بيت ابراهيم.. عريسين متناقضين تمام التناقض.. جناح سعود.. شوق مستحية تلعب بـ طرف كم قميصها الدانتيل الطويل : ان زين انا ابي.. سعود مبتسم : طيب خليها بكرة..؟! ليش الحين..؟! شوق : خاطري فيه و الله ما اعرف اسوي شيء و لا انام و لا ارتاح اذا بقى بخاطري.. سعود يجاريها : هههههههههه طيب امرنا لله.. شوق عضت شفايفها السفلية : تهقى فيه الأغراض بالمطبخ..؟!< آشرت على المطبخ وراها.. سعود : ما ادري و الله امي ويش حاطة بالضبط.. و اذا محتاجة شيء و مو فيه بجيبة من تحت.. شوق وقفت : لا .. بشوف ايش فيه اذا ما فيه خلاص مو لازم.. مشت للمطبخ و سعود وراها : ليش يعني خايفة احد يدري انك بتطبخين يوم زواجك.؟! شوق تناظر المطبخ الصغير واضح عشان يمشون حالهم فيه اذا حبو يكون لهم خصوصية : انا بسوي كيك يعني ما يعتبر طبخ.. بعدين ما فيه شيء يخوف..؟! سعود واقف على الباب و مستند بكتفة و هي تفتح الدولاب تدور على المقادير و تتمنى تلقاها كاملة.. لسببين الأول ما تبي سعود ينزل ويشوفة احد من اخوانة و يدري انها بتسوي شيء و تتفشل.. و الثاني تبي تنشغل عن سعود حياها ما يقودها الا لـ هالتفكير.. طلعت الاغرض و حطتها على الطاولة بلون البني المحروق.. سعود ماسك ضحكتة ما وده ينفجر فيها عشان ما يحرجها هذا جزاة اللي احرج نهى مع اخوانة قدام فيصل : تبيني اساعدك..؟! شوق : آآ ليش.. تعرف تسوي كيك..؟! سعود : هههههههههههه اما عاد..؟! انا حتى شكل مطبخنا ما اعرفة تبيني اعرف اسوي كيك.. يعني اذا سويت كبسة كويــس.. شوق تحط المقادير الناشفة مع بعض و تخلطها و هي اغلب نظرها مركزتة على اللي قدامها.. احيان ترفع عينها لسعود عشان ما تحسسة انها مستحية.. لكن سعود كان يدري انها هربانة منه و تدور شيء يشغلها.. شوق : طيب.. اذا تبي اعلمك الطبخ.. رغم ان الكبسة اصعب من الكيكة.. سعود ضغط على شفايفة بقوة عشان ما ينفجر.. لكن وجه احمر.. : تهقين انا مكاني المطبخ..؟! شوق حست ان نبرة صوتة غريبة عرفت انه يضحك عليها و ما رفعت عيونها له : لا.. ما .. ما قصدت.. كذا.. بس.. كثير رجال يعرفون يطبخون.. ما هو عيب.. سعود : و انا ما قلت عيب.. و لو الطبخ ميولي ما كان دخلت العسكرية.. كان فتحت لي مطعم.. شوق : اممم تبيه بالشوكليت و الا سادة.. سعود : اللي تبينه.. انا علي اكل بس.. و انتِ سويه على هواك.. شوق : اجل بخلية سادة.. (صبتة بالصينية البايركس) تبي.. معاه شيء..؟! سعود : كيف يعني..؟! بتسوي لي عشاء مثلاً..؟! تراني متعشي .. و الله اذا ناوية كل يوم تعشيني شوط ثاني.. شهر و ما عاد اخش مع الباب.. زاد تدفق الدم لوجهها .. توجهت للفرن عشان تحط فيه الصينية : لا اقصد مشروب يعني شيء تشربة مع الكيك.. يعني اسوي قهوة او شاهي..؟! سعود : لا لاتسوين.. فيه عصير بالثلاجة.. شوق : سَعُود.. سعود عقد حواجبة و ابتسم : ايش..؟! شوق رفعت نظرها له : ويش..؟! سعود زادت ابتسامتة : عيدي اسمي.. شوق : ليش..؟! سعود : بس ابي اسمعة مره ثانية.. شوق انحرجت لمت شفايفها بعدها نطقت بصوت هامس : سَعُود.. سعود : سَعُود..؟! اول مره اسمع احد ينطق اسمي بهالشكل.. اللي اعرفة سُعُود.. كيف صار سَعُود.. شوق : آسفة.. ما قصدت احرف.. بس لا شعورياً.. سعود : و انا ابيه يصير شعورياً.. .. جناح ياسر.. رمى البشت على الكنب وعليه شماغة و طاقيتة و جلس فارد يديه على الكنب فوق و مرجع راسة لـ وراء.. دوامة من وجع الرأس دخـل فيها..!! الله يسامحك يبه.. طلعت صبا شدت على جلابيتها البيضاء المطرزة بخيوط باللون الأحمر.. ميدي و اكمامها طويلة.. فتح عيونة اول ما حس بـ ريحة عطر غريبة اقتحمت خلوتة بـ نفسة.. تضايق صار عنده زوجة هو مو متقبلها..!! ناظرها!! البنت مايعة مايعة الى حد لوعة الكبد بـ نظرة..!! رفع راسة و جلس ساند ذراعة الثنتين على افخاذة : اجلسي.. جلست وهي تحس بـ رجولها ما تشيلها ما قدرت ترفع عيونها له و تشوفة اللي تذكرة منه العصبية و الهواش و الخوف و الرعب حتى صوتة وهو هادي مو معصب يخوف.. ياسر : اول شيء فستانك اللي اول لابستة حتى بالدولاب ما ابي اشوفة و اشياء نفس الموديل اللي كنتِ لابستة ما ابي اشوفها عليك برا الجناح.. يفضحك اكثر مما يسترك و انتِ قاعدة عندي ابوي و عماني و عادي ما استحيتي.. صبا غمضت عيونها و هي تذكر فستانها ضيق على جسمها لحد نص الفخذ وبعدها يتسع اتساع خفيف مو منفوش حيل.. ما قدرت ترد..!! هذا اللي يسمونة غزل..؟! يمكن غزل الجلفين زي كذا..؟! لازم اتعود عليه عادي هو قال برا الجناح يعني يغار اكيد يغار..!! ياسر : ثانياً و اتمنى هالشيء ما يضايقك لأن العكس بـ يضايقني.. ما ابي اسمع صوتك ابداً.. انا حطيت لك نوتة و قلم على الكومدينة أي شيء تبينه اكتبية فيها و انا ما راح اقصر معاكـ.. و كل يوم قبل لا اطلع بـ اشيك عليها.. انصدمت!! ما يبي يسمع صوتها ودها تسأله ليش..؟! ويش سويت ..؟! ما بعد بدينا حياة عشان تكتمني من اولها.. لكنها ظلت تسمع لـ طلبة الثالث من غير لا تحكي او تعترض.. ياسر : أي شيء يصير بـ جناحنا ما ابي جنس مخلوق يدري عنه يا صبا احنا لنا حياتنا الخاصة بـعيد عن الكل ادنى شيء ما ابيك تصبينة بإذن أي احد فاهمة..!؟ هزت رأسها بإيه.. ما اعترضت على كتمانك لـ صوتها بتعترض على حفظ اسرارها الخاصة اللي المفروض يصير من غير توصية منك..؟! ياسر : ياليت كلامي ينفذ بالحرف عشان ما ابي اظلمك.. هزت راسها و هو قام : بأخذ شور ما باقي شيء على الصلاة.. دخل غرفة النوم حتى تنفجر صياح من اول ليلة قلبها هو الخايف هو اللي كان حاس بـ رداءة الحياة معاه و ما طاوعتة الخبلة خلت خوفها منه يتحكم فيها و يسير حياتها.. مضطرة تجارية خوفاً منه.. و يقولها ما ابي اظلمكـ..؟! و اللي يسويه و يش يعده..؟!! .. صلاة الفجر.. ام سعود : انا اقول يمديهم نايمين لا تزعجهم.. ابتسم ابو سعود : تشمين اللي اشمة..؟! ام سعود : ايه والله.. ريحة احد يطبخ..!! ابو سعود : و هنا ما فيه مطابخ الا للمعاريس.. (يستهزء) اولها تبشر بالخير ماشاء الله.. انفتح الباب حتى يطلع سعود شافهم و ابتسم : صبحهم بالخير.. : صباح النور.. باس راس ابوه و امة و الابتسامة ما فارقت وجهة.. ابو سعود : الريحة هاذي عندكم..؟! سعود يــرقع : ههههههههههههههههههههه ويش اسوي متوترة الا تسوي كيك.. ام سعود و هي تعدل طرف لفتها : يا فشيلتي .. يمدي البنية ما تعشت.. سعود : أي ما تعشت يمه...!! ما احد اكل الكيك الا انا انفقعت بطني.. بس لا احد يدري اخاف اخواني يمسكونها و تنحرج.. ابو سعود : و اخوك وينه..؟! سعود : ما ادري يبه.. يمكن نزل قبلنا.. طلعت ام حاتم : صباح الخير.. : صباح النور.. ام حاتم ابتسمت : صباحية مباركة يا عريس.. سعود : هههههه الله يباركـ فيكـ يا خالة عقبال ما تباركين لـ حاتم.. ام حاتم : امين الله يسمع منكـ .. ابو سعود يناظر ام حاتم : شفتِ وعد..؟! ام حاتم : شفتها قبل لا ادخل اريح تقول ما فيها شيء بس ظهرها يعورها.. بنتكـ اتوقع منها تدخل علينا شايلة ولدها و لا تعلمنا.. ام سعود : لا تبالغين ماهي متحملة الم الطلق.. بس هذا تعب عادي من تعبها البارح.. .. العصر في جناحهم الميت او بالأصح الجناح اللي هي انرمت فيه.. و انجبرت تجلس مع شخص غريب عنها.. حتى لو جمعتهم ورقة تحت عقد زواج هي ما رضت فيه و لا عرفت عن هالزواج الا منه هو.. واقفة على الطاولة اللي كل مره يجيب لها اغراض جديدة هو انواع الأكل و مويا و منبهات قهوة و شاهي.. واقف وراها بـ مسافة خطوات بينهم : وبعدين معاكـ الى متى بـ تضلين على هالحالة.. تحرك المعلقة بـ كوب النسكافة : أي حالة..؟! : كنك ميتة.. بـ جسد حي..!! لينا : ياليت الجسد ميت.. غمض عيونة بـ قوة : استغفر الله العظيم.. لينا رفعت حواجبها من وراء نقابها حتى بعد ما عرفت انه تزوجها ما كشفت قدامة : انت تعرف الله..؟! هه و الله شيء يضحك.. وقف : ويش رايك انتِ..؟! لينا تشرب من الكوب وهي مطنشة اقترابة منها : و الله ما يحتاج لها اراء هي واضحة زي عين الشمس.. واحد يخطف وحده من بيت اهلها بـ يكون يعرف الله..!؟ : ليش تتغطين عني..!؟ لينا لفت حتى تنزل الكوب على الطاولة : لأني ما اعرفك.. رفع حواجبة : بس انا زوجكـ..!! لينا : هه مُصر تضحكني اليوم عليكـ.. حلوة ذي زوجي..!! سحب نقابها بـ قهر منها حتى ينكشف وجهها له.. غطت وجهها بيديها : يا حمـــار.. يا حقـــير.. رمى النقاب على الأرض و سحب يدينها من على وجهها و لفها وراء ظهرها : قسماً بالله يا لينا ان سمعتك تقلين ادبك علي ما تلومين الا نفسكـ .. و نقابكـ ما ابي اشوفكـ لابستة عندي.. فاهمة و الا لا..؟! ابتعدت عنه رغم ان يدها المتها لأنها سحبتها بـ قوة من يده : انت انسان حقيــر ما انت مستوعب اصلاً مدى الحقارة اللي انت فيها..؟! ليش تحسب نفسك شريف يعني..!؟ صرخ فيها بـ حدة : ليــــــنا...!! انا للآن عازكـ ما تعاملت معاكـ بإسلوب زفت.. لذلك لا تستفزيني احسن لكـ ترى وراي شيء اهم منكـ انتِ و من مرضاتكـ .. جلست تبكي : رجعني لأبوي ما يهمك رضاي و لا زعلي خلاص ارميني بالشارع انا ارجع لأهلي الله يخليكـ .. و الله راح اسامحكـ .. وما راح اقول شيء لا لأبوي ولا عمي.. تكفى الله يخليكـ.. ناظرها و هي تبكي اول مره تبكي بهالشكل قدامة.. توقع انها دخلت بـ صدمة نفسية من يوم قالها ابوك زوجني اياكـ وهي حالتها من سيء لأسوء.. حتى اكلها سيء.. يجيها يوم تطيح بالأكل و تأخذ بعدها كم يوم ما تشرب الا نسكافة.. : اهلكـ انسيهم انا صرت اهلكـ كلكـ على بعضك لي يا لينا.. نفس المكان و الجناح المقابل لهم جناح الصقر.. ايمن يهز رجولة بـ قوة متوتر من اللي سمعة..!! ماهو مصدق اللي بـ يسونة..؟! بـ يستغلون اختة و بـ يجبرونها على انها تتعاون معاهم.. مستحيل يـسكت عن اللي بـ يسوونة فيها..؟! ما راح يسمح لهم لو كان الثمن عمره.. صحى من سرحانة على صوت الصقر : ويش عندكـ سرحان..؟! ايمن : ابداً افكر بالوضع اللي حطيتني فيه.. انت قلت بـ تشغلني عندكـ مع شغلي بالكشك.. بس انت مو مخليني اروح له.. الصقر : بعدين نحكي بذا الموضوع خليني اقولكـ خبر حلو.. ايمن يناظره وقلبة بـ يطلع من مكانة يخاف انهم بدو مخططهم : وشو..؟! الصقر : البارح كان زواج العقيد سعود.. ايمن عقد حواجبة زواج اخوه البارح وما حضر..!! اكيد مع ياسر بعد..و يمكن عمي بندر.. الصقر ناظر ايمن و يدقق فيه : ايش فيك..؟! ايمن يتدارك الوضع : ابداً.. مستغرب ليش تقول خبر حلو ليش فرحان..؟! الصقر : لأنه بـ يأخذ اجازة فترة من الشغل و هالشيء يفيدنا ما يضرنا.. عندنا عملية هالإسبوع.. ايمن يبلع ريقة يبي يعرف التفاصيل و ما يبي يسأل حتى ما يثير الشك رجع بـ ظهرة يريح على الكرسي حتى ما يبان انه متوتر : اهاا كذا الموضوع.. أي عملية تقصد..؟! الصقر بـ ثقة : عملية سبيشل ما راح تكون انت فيها.. ايمن تنرفز : اجل ليش تدربني..؟! عشان تخليني ارافقكـ وين ما تروح و بس.!؟ الصقر : ليش تستعجل على رزقكـ .. و بعدين انا ابيكـ عندي.. قدام عيوني.. ايمن : ليش..؟! انا للحين ماني مستوعب ويش هو الشغل اللي جبتني عشانة..!؟ ويش الشيء اللي شفتة فيني..؟! الصقر : اللي شفتة فيكـ ولد .. ولد و ابوه.. عقد حواجبة و هو يناظرة : ويش..؟! الصقر : كل عمري اتمنى يكون عندي ولد.. احطة على يمناي و اتفاخر فيه.. يوم شفتكـ بالكشك و جمعت معلومات عنكـ رقت لي كثير.. قررت اجيبكـ تشتغل عندي و يوم عن يوم يزيد اعجابي فيكـ .. انا ما اشوفكـ الا ولدي.. عشان كذا ما ابي ادخلكـ بهالعملية.. .. ما قامت من السرير التعب مسيطر على جسمها.. و لا هي فايقة تفكر او تسترجع كلام ياسر البارح لها.. ما نامت الا لما صلت الظهر.. قامت و يدها على بطنها و هي شاكة بوجعها ويش سببة.. دخلت الحمام.. و طلعت بعد دقايق.. فتحت اغراضها هي متأكدة مأخذة احتياطاتها.. وينها..؟!! رجعت للحمام و تدور فيه ما لقت شيء..؟! طلعت و هي تضرب رجلها بالأرض : اوففف ماهو معقول.. انا متأكدة اني حاطتها وين راحت..؟! مسكت جوالها و اتصلت على امها شوي عشان يجيها صوت امها المرحب : هلا مامي.. بخير الحمدلله.. لا بس تعبانة شوي.. لا ياسر مو هنا.. ماما انا حطيت اغراضي الخاصة و ين حطيتها لما رتبتي الأغراض..؟! .. شلون مامي ما شفتيها..؟!.. يعني انا ويش اسوي الحين..؟!.. مو من جدك ماما تبيني اقول لـ ياسر.. خلاص مامي انا بتصرف.. اوكِ سلمي على بابا.. مع السلامة.. سكرت جوالها.. و هي تفكر شلون بتتصرف..مو بس كذا الآلام بتزيد عليها و هي متعودة تروح تأخذ ابرتين.. بتتحمل الألم و بتضغط على نفسها.. بس شلون بتجيب اغراضها.. ناظرت الجوال بيدها : هو قال لا تتصلين.. برسل له رسالة..بس اوووف رقمة مو معاي.. دقت على جود و ماردت.. و اتصلت على سها و نفس الشيء : ويش ذا الحظ..؟! متعودين يجلسون تحت مثل هالحزة!! اتجهت لدولابها.. عشان تطلع لها لبس و تنزل.. .. تحت في جلسة عائلية تعودوا عليها.. ابو سعود : ان شاء الله يمه.. (غمض عيونة بـقوة) ولا يهمكـ انتِ و عمتي حقكم علي.. طيب يمه يمكن عمتي فاهمة غلط وعد ما تسويها.. طيب طيب ما يصير خاطركن الا طيب.. ان شاء الله.. مع السلامة.. سكر جوالة و ناظر سها : فزي نادي لي وعد.. سها : ان شاء الله.. على أمركـ .. نطت سها لـ غرفة وعد.. ابو سعود : زوجتك وينها..؟! ياسر يرفع عيونة من الجوال : نزلت و هي نايمة يبه.. ام احمد : يمه مريتك ما تغدت معانا و ما ارسلنا لكم فطور قلت بتنامون.. ياسر و هو يأخذ نفس عشان ما يعصب كل شيء يدور حولها الدلوعة : بتنزل ع العشا.. رند جالسة على الطاولة قدام شوق و سعود : ليس ما زات معات همس.. ابتسمت شوق : قاعدة مع ماما.. رند : ليس خليها تزي.. شوق : ان شاء الله تجينا.. رند : تيب انتِ تددعدين عندنا دايماً دايماً.. شوق انحرجت : ان شاء الله.. رند : تيب حلاص حتى همس تدعد.. خالد : بابا عمة شوق صارت زوجة عم سعود.. و همس ما يصير تترك امها و ابوها.. رند لفت جهة ابوها : ليس تيب رند تترك ماما هي ليس ما تترك ماما.. خالد : ما خلصنا من ذا الموضوع..؟! رند : رند ما تدول شيء.. انت دلت.. ام احمد : لا تنتر على البنية.. من عذرها.. ما انت ناوي تزوج..؟! خالد : يمه تكفين.. توه ما ريحنا من ورى عرس اخواني.. خلينا نروق.. و بعدها نزوج احمد و نرتاح بعدين حاتم و نرتاح.. بعدين مشعل و نرتاح.. ابو سعود : و ما انت عاد نفسك بالحسبة..؟! خالد : يجيب الله مطر.. منيره تناظر شوق : الا اختكـ لينا ما شفناها البارح غريبة..؟! شوق حمدت ربها انها متنقبة عشان ما يبان شيء على وجهها : مسافرة لـ خوالي وما قدرت تجي.. ابو سعود ناظر في سعود..!! و سعود يناظر شوق..!! وعد : طلبتني بابا..؟! ابو سعود يناظرها وده يسفل فيها و تعبها المبين على وجهها ماسكة : ويش سويتي البارح بالعرس..؟! وعد مشت وهي تسند ظهرها بـ يدها.. جلست : ما سويت شيء.. ابو سعود : وعـــد..!! عمتي نوره جاية عندي امي تشكيك.. وعد : عشان ايش بالضبط تشكيني..؟! انت مو موضح لي..؟! ابو سعود : طردتي احد البارح..؟! ياسر ناظرها بـ صدمة : وشوو..؟! طاردة معازيم من عرسنا..؟! وعد صالبة ظهرها و تناظر ياسر بـ قوة : ايه طردت وماهم معازيمنا.. معازيم عماد الله يأخذة.. خالد صرخ عليها : انتِ صاحية..!؟ حلوة ذي معازيم عماد..؟! ابو سعود هز راسة : ماني مصدق انكـ تسوين ذا الحركة و تفشليني..(اشهر كفة مفتوحة قدامة وهو ساند ذراعة على طرف) متى بتتصرفين بـ عقل يا وعد..؟!.. سعود : ويش ذا يا وعد..!؟ صاحية انتِ و الا فقدتي عقلكـ ..؟! اكيد الناس شافوكـ.. (ناظر البقية) وينكم عنها انتم..!؟ مخلينها تطرد معازيمنا..؟! ام حاتم : ما درينا عن هالسالفة..!؟ يعني مين بـ يتوقع هالشيء..؟! وعد كل الوقت كانت مع البنات..!؟ ابو سعود متنرفز منها : هاذي تصرفات انسانة عاقلة متربية..؟! انا بديت اخاف على ضناك من تربيتك له..!! منيره : عاد كل شيء نتعذر لك بالحمل توصل لأنك تطردين معازيمنا ويش عذرنا انقصت وجيهنا..!! تنرفزت وهم يسفلون فيها ما احد فيهم حس انها متضايقة وقفت وهي تأشر عليهم : ما احد فيكم فكر يسألني ليش..!؟ لكن انا بـ اتعب نفسي و اعلمكم.. (حطت يدها على بطنها.. بللت شفايفها) البنت اهانتني جات تعلمني عن ملكة عماد اللي من اسبوعين و لا دريت عنها و زواجة بعد شهر و هذا ما يهمني.. لكن تشكك بـ شرفي و تقولي ان اللي بطني مو ولد عماد و تبوني اسكت..!؟ (غرقت عيونها وهي تناظرهم) اهانتني..!! اصلاً انتم اهم شيء عندكم الناس ويش تقول عنكم..؟! مو مهم اهانتني بالنسبة لكم (تحرك يدينها بـ عشوائية من القهر اللي تحسة .. لفت تناظر ابوها) انت يا بابا وعدتني تجيب لي طلاقي منه لكنك ما وفيت بـ وعدك لي..؟!! هذا هو تزوج علي و انا صار لي خمس شهور هنا ما شفتكم سويتوا لي شيء..؟! و الحين بعد تهاوشوني..؟!! (بلعت غصتها عشان ما تبكي قدامهم) اوكِ انا مجنونة ماني صاحية و لا متربية و ينخاف على ولدي مني.. شكــراً.. يجي منكم اكثر ما يحتاج تهتمون مانيب مطالبتكم لا تطلقوني منه و لا بـ شيء غيره.. طلعت من بينهم وهم يناظرون بعض.. ما احد علق بـ كلمة من بعدها.. ظلوا ساكتين لـ فترة.. ما عندهم تعليق.. ان كان فيه شيء يقولونة بـ يكون اعتذار وهي ماهيب موجودة.. جود رفعت رجولها حتى تتربع على الكنب : يا خسارة ليتني دريت عشان امردغها الحمارة.. وهي ويش دخلها عماد اعرس و الا ما اعرس..؟! صوتها اشبة بالهمس قطعهم : السلام عليكم.. : و عليكم السلام.. ابتسم ابو سعود وهي تسلم عليه و تقبل راسة : هلا يا عمي.. كيف حالك.. صبا بصوت تردد بينها و بين عمها و طرف ثالث مفتح اذانية : بخير جعلك بخير.. قبلت راس ام احمد و باقي حريم عمها عشان تجلس جنب ياسر تبي تأخذ رقمة و تطلع فوق عشان ترسل له.. ياسر يطقطق بالجوال و همس : تو الناس كان ما صحيتي يا محترمة..؟! صبا بهمس بينهم : تبيني اكتب لك ردي بورقة..؟! ياسر قفل جوالة و رفع عيونة من غير لا يناظرها .. لكن الحديث لها هي : لا تردين مو لازم.. صبا ضغطت على نفسها : ابيك شوي.. ياسر التفت يناظرها و هي عيونها على الأرض مستحية منهم.. و وقف عشان توقف وراه.. اتجة للباب فتحة عشان تطلع معاه و سكره طلعوا واقفين بالحديقة على باب البيت : نعم.. صبا : اب.. ابي.. اروح.. الصيدلية.. عقد حواجبة بـ حدة : بس هذا اللي ناقصني.. ما عاد الا هي تدخلين صيدلية..!! صبا تترجاه : بس انا.. محتاجتها.. ضروري.. ياسر يضغط على نفسة و يكلمها صوتها طنين بأذنة لكنه ما راح يقصر دامها تبي الصيدلية اكيد شيء مهم : ويش تبين و انا اجيبة لك.. صبا حمر وجهها و حمدت ربها اللي ما رفعت النقاب عن وجهها عشان يشوفها : طيب.. اعطيني رقم.. جوالك عشان ارسلك اللي ابيه.. ياسر : 050.............. سجلتة صبا.. تكلمت بـسرعة عشان لا يعصب ما يبي يسمع صوتها و عشانها مستحية : خلاص برسل لك الحين.. ياسر مسكها من عضدها قبل لا تفتح الباب : ابوي يسأل عنك.. كأنه شاك بشيء عشانا ما نزلنا مع بعض.. ياليت تجلسين الحين انا عندي شغلة بسويها و ارجع.. صبا تبيه يتركها اصلاً لأنها تعبانة و لا هي رايقة تجلس مع احد او تمثل الامها تزيد كل شوي : طيب.. دخلت صبا و طلعت فوق دايركت بعد ما استأذنت منهم و ياسر باقي مكانة متساند بـ ظهرة على الجدار و يطقطق بجوالة .. شوي الا يعلن جوالة رنة مسج.. فتحها من رقم غريب.. و من الكلام المكتوب عرف مين حمر وجهة بقهر.. فتح الباب بـ قوة : صبــــــــــــــــا..!! طاحت عيونة على جلستهم درات عيونة وهم مصدومين لكنه يبيها و هي مو فيه..!! من غير لا ينتظر سؤال من أي احد طلع الدرج بسرعة.. للدور الثاني عشان يفتح عليها باب غرفة النوم وهي منزلة عبايتها ناظرت الباب اللي انفتح بقوة : من جدك تبيني اطلب هالشيء من الصيدلي..؟! انتِ صاحية..؟! صبا شوي و تصيح : انا قلت لك.. بروح و رفضت.. ياسر يصر على اسنانة : قومي نذلف نجيب اللي تبينه.. ما عاد الا هي انا اجيب هالأشياء.. صبا : توك تقول.. قاطعها ياسر بحدة وهو رافع كفة لـ مستوى راسة مفتوحة يقاطعها : كلامي ما مر عليه اربع و عشرين ساعة.. قايل لك ما ابي اسمع صوتك.. تبين شي.. (آِشر على الكومدينة) حطيت لك ورقة و قلم عشان تطلبين اللي تبين.. و غير كذا.. لا قلت كلمة لا تردينها علي فاهمة..!! صبا كانت بـ تقولة توك تقول ما تروحين.. بس لما فتحت الدفتر كتبت الشيء اللي هي محتاجتة الآن و بـ قوة شلون تجادلة وهو يحكي و هي تكتب ردها بـ ورقة!! "محتاجة اروح الطوارئ اخذ ابرة مسكنة..".. مدت له الدفتر و اخذه قرأ اللي فيه و تأفف بداخلة .. نطق بحزم : يالله.. لبست عبايتها و طرحتها و نقابها.. سحبت شنطتها و طلعت.. طلعت من جناحهم و شافتة واقف على اعلى الدرج و ما نزل.. حس بخطواتها دخل الجوال بجيبة و نزل عشان تنزل وراه معتبرها طرما تسمع و لا تتكلم.. هو له الأحقية يحكي و يسمع و يسوي أي شيء يبيه و حاذف احقيتها بالكلام و بـ كل شيء.. ام احمد واقفة جنب الدرج : ياسر يا ابوي ويش فيكم..؟! ياسر يدري انه تهور يوم دخل و ناداها بحدة.. كان متوقع تكون موجودة بينهم.. و يناديها من عند الباب و تجيه لكنه ما شافها و طلع لها بجناحهم : ما فينا شيء يمه.. ام احمد : ويش اللي ما فيكم شيء و انت كنك معصب..!؟! ياسر يحاول يبتسم : ماني معصب يمه.. بس عندنا مشوار.. (قبل راسها عشان ينهي الموضوع و يطلع) عن اذنك.. طلع عشان تمشي وراه مجرد كومبـــارس.. ام احمد رجعت مكانها : الله يستر منه ذا الولد.. جود : ما اقول غير الله يعين من هو بحاجة العون.. .. لا حول و لا قوة الا بالله.. لا أحلل نقل الرواية دون ذكر اسمي.. هاشتاق #رواية_لو_سألتي_الورد ضحكة قهر.. | |||||||||
|
| |
|
08-01-15, 11:33 PM
| #119 | ||||||||||
| البارت رائع الي راح تعطيهم المعلومات اظن وعد لانها الكل يظلمها وهي كرهت هشيء جود هل ستوافق على الخطيب وماذا سيحدت في الاسبوع المقبل وكيف سيوصل وليد المعلومات للفريق الغازي هل الصقر شاك في وليد سها ايش الي حيحصل هل ستخبر الجميع عن طارق ياسر من اولها ظلم هل سيتغير عماد ولا هام شيء تزوج ماعليه من احد بانتظارك بالتوفيق حبيبتي | ||||||||||
|
| |
|
09-01-15, 07:13 PM
| #120 | |||||||||
| نجم روايتي ومشرفة سابقة وفراشة متالقة بعالم الازياء
| بسم الله الرحمن الرحيم.. السلام عليكم و رحمة الله و بركاتة.. مساء الخير و السعادة.. بداية كان بـ نيتي الإسبوع اللي فات اني انزل البارت الخميس بس اللي على الآسك و التويتر يدرون اني واجهت مشكلة بالمتصفح للآسف.. و فرمت جهازي و سالفة بس شكلة المشكلة تكمن في الإتصال.. اكتب المقدمة و انا اقول اللي ييسر بس و يتعدل اللاب لو شوي و ينزل البارت.. كان ودي ارد عليكم هنا بس لازم على اللاب و بحاول اني ارد عليكم كلكم بإذن الله اذا نزلت البارت بس يتسهل الوضع.. ما علينا المهم ليش كل السب هذا بـ ياسر هاه..؟! ولدي ما سوا شيء حرام عليكم ما احد فيكم مدحة..!! ليش كذا..؟! وحشيـــن..!! اجل بهالبارت بـ تسبونة الضعف ان شاء الله ^_^.. البارت الجاي يوم السبت بإذن الله بتكونون كلكم خلصتوا اختبارات ما فيه داعي ينزل الجمعة ^_^.. و شسمة نقطة مهمة لكل اللي يطلبوني انزل بارتين و دايم ارد عليكم بـ نفس الرد انا ما اقدر انزل بارتين بالإسبوع قبل اول الرواية كنت انزل بارتين بس البارت قصيرة ماهي بهالطول اللي ينزل فيه البارت الحين و الرواية ما كانت معقدة مثل تعقيدة الآن.. الكتابة مو شيء سهل.. انا مرات يعلق مخي و مرات انسى اشياء اضطر ارجع اقرأ من جديد عدا اني انزلكم بارت طويل يعوضكم عن الإسبوع كله.. ادري بـ تقولون الرواية حماس.. و بـ قولكم لو ماني مأخذة فرصتي و وقتي بالكتابة ما كانت البارتات بهالمستوى ياليت ما عاد اقرأ هالطلب.. تمنياتي للجميع بالفلاح ياارب و تجيبون درجات كويسة.. حيــاكـم الله جميعـــاً... قراءة ممتعة.. البارت الخمسون.. أنا رجل شرقي و اعرف بلادي ما تعترف بالحب .. و الحرية! ما بين صدمة واقعي و عنادي متورط بحب امرأة .. شرقية!! لـ أحمد المطيري .. جلستهم العائلية.. بعد ما طلع ياسر و صبا وهم متأكدين ان بينهم شيء..!! جود : ما اقول غير الله يعين من هو بحاجة العون.. سعود : اقول انتِ ما وراك دراسة ..؟! جود تناظر سعود و تضرب باطن كفها اليمين بـ ظاهر كفها اليسار و تحطها على بطنها : لا ما وراي.. احمد يناظر امه تجلس مكانها : يمه ما كلمتيها بالموضوع..؟! ام احمد : لا.. جود : أي موضوع..؟! (صلبت ظهرها مسوية نفسها متحمسة) قولوا عريس تكفون خلوني انعتق.. ابو سعود يتأكد من حكيها : متأكدة..؟! تبين تزوجين..؟! جود حست ان الموضوع بينقلب جد اعتدلت بجلستها و استرخت : لا بصراحة ماني متأكدة على حسب.. ام احمد : خالك يبيك لمهاب.. جود رفعت يدها تهف فيها بإستهتار : الحمدلله حسبت عندكم سالفة.. خالد بـ حزم يبين لها جدية الموضوع : ما احنا جالسين نتريق عليك.. خالي خطبك لمهاب.. جود بـ هدوء لأنها متأكدة الموضوع ما راح ينتهي بهالجلسة لازم تدخر طاقتها : و انا ماني موافقة.. يعني عشان دانه بتتزوج ثامر قال خلاص ما حصلت لنا الكبيرة نحول على الصغيرة..؟!! سعود : لا يا شيخة..؟! هم ما خطبوا دانه رسمي.. يعني ما فيه شيء مؤكد.. لكنهم جوو و خطبوكـ من جدي و ابوي.. جود : امي ماهي مخرفة يا سعود.. خالي بنفسة مكلمها و زعل يوم درى انكم عطيتوها لثامر ولد عمتي.. و قمت انت طقيت الصدر و قلت دامه يبي يناسبنا و يبي من بناتك جود موجودة.. لا يا سعود لو تنطبق السماء على الأرض ما خذيتة.. ابو سعود يضرب بكفة على المركى : جود بلا حركات البزران هاذي.. و فتحي لي مخك.. مهاب رجال ما يعيبة شيء.. و عدا ان خالك زعلان علينا و ما نبي هالزعل بيننا.. و انتِ ما يعيبك شيء.. جود ميلت راسها : و انا بتحطوني نتيجة صلح..!؟ مثل ما وعد صارت صلح بينك و بين عامر.. ويش استفادت..؟! و لا شيء.. وهذا هو طق على راسها مره.. احمد : لا تقرنين نفسك بـ وعد.. انتِ شيء و وعد شيء ثاني.. جود متنرفـــزة : ويش اللي ما اقرن نفسي.. مو هذا الصدق..؟! عدا اني مستحيل اخذة و هو كان يبي اختي.. شكلكم تبون تكررون الأحداث فيني.. و انا ماني مستعدة لهالشيء ابداً.. سعود : انتِ الحين ليش معصبة..؟! الموضوع مو مستاهل كل هالعصبية.. جود : الا مستاهل.. لا تحسبوني مخدية و بسكت مثل ما وعد بالعة الضيم و ساكتة.. ابو سعود بحدة : لا تنطين كل شوي وعد و وعد.. اللي صار مع وعد شيء ثاني.. جود : بابا انا ما كنت بعيدة.. اعرف اللي عاشتة اختي.. و ادري ان اللي عاشتة هو اللي مسكتها الحين.. و انت تعرف لو وعد ما انخطفت.. ما كان رضت على زواجها من عماد مثل ما سويت فيها.. وعد ما كملت حتى اربع شهور ببيتة الا مهددها يأخذ على راسها مرة و هذا هي حامل و ياليتة قدرها الا ملك على الثانية و محدد عرسة بعد و الناس تدري و هي اخرهم.. ام سعود تحاول اقناع جود بـالهداوة : يا امي.. وعد مشكلتها معقدة.. الموضوع دخل فيه مضرة لعمانك و ابوك اضطر يزوجها لعماد.. انتِ عارفة السالفة كلها ليش تعيدين و تزيدين فيها.. مشعل : هاذي ندى الثانية ليش ما عصبتي عشانها..؟! جود : ندى تزوجت غازي برضاها و هي تدري انه متزوج.. و ما احد جبرها على شيء.. اما وعد.. انجبرت انخطفت انقهرت و انظلمت.. حاتم : انا ماني شايف لكلامك هذا أي داعي يا جود.. اللي عرفتة من اخواني ان عمي مشاري يوم درى انها متزوجة غصباً عنها قالها اذا تبين الطلاق كلميني و اطلقك منه.. جود : طيب و لا طلقها حزتها يوم قالها عمي وين بتروح..؟! بتجي هنا.. و هنا مين فيه.. ابوي و اخواني.. مين بيرحمها..؟! ما احد.. عشان كذا قررت تقنع ابوي بالطلاق و للحين هالطلاق ما صار.. سعود بحدة : تراك زوووودتيها حيـــل.. تحكين يمين و يسار من غير لا تحاسبين على حكيكـ .. جود : ما زودتها هذا الصدق.. انتم تبوني اتزوج مهاب عشان خالي زعل اللي عطيتوا دانه لثامر.. و عشان تراضونة الحين تعطون ولدة جود رضاوة لهم.. لكني ما راح اسمح بهالشيء يصير.. حتى لو اضطريت اكلم خالي بنفسة و اقولة ما ابي يولدك ما يلزمني.. مشعل صرخ عليها : أيه عاد ما بقي الا تفضحينا.. جود : افضحكم..؟! انتم اللي اخذتوا قراري و حقي مني.. بالقبول و الرفض.. احسن من لما اعيش حياة حسبة تجربة نسبة فشلها اكبر من نجاحها.. اذا وعد صابرة على عماد.. انا ما اقدر اكون زيها و اصبر على مهاب مهما يسوي فيني.. احمد بـ ىهدوء و رزانة عكس عصبية جود اللي اثارت اعصاب اخوانها : جود انتِ حاطة وعد و حياتها بالنص.. ممكن نتناقش على مهاب و بس.. بغض النظر عن كونة خطبك بعد دانة.. جود تناظر بيدها اليمين و هي ضامة اصابيعها فتحت السبابة : عاطل باطل.. (فتحت الوسطى)ما يتحمل المسؤولية..(فتحت الخنصر) مغرور و شايف نفسة و الناس عنده حسبة حشرات.. (ناظرت بـ احمد) ما تقول لي وين بيسكني..؟! من وين بيصرف علي..؟! ام احمد : انتِ تدرين ان خالك عنده عمارة.. و مأجر كل الأدوار الا اللي ساكنين فيه اكيد بيعطي ولدة شقة فيها.. جود بـ تأكيد على كلامها و كأنها لقت تأييد من احد : شفتي يمه.. خالي بيعطية.. يعني حتى تحمل مسؤولية ما عنده.. و فوقها بطالي.. ما قد استمر بشغلة اشتغلها.. ويش يضمني بيلقى الشيء اللي يروق لحضرة جنابة و بيشتغل فيه و بيعزني..!؟ و الا ناوي يخليني انا اصرف على البيت..؟! او يمكن خالي يصرف علينا..؟! و نصير كلنا عالة عليه.؟! احمد يحاول يبين لها بساطة الموضوع و موالشيء اللي ينرد فيه مهاب : بسيطة سالفة الوظيفة.. نشرط عليه ان ما فيه زواج الا بعد ما يتوظف مثل ما احنا شارطين على ثامر.. انا ماني شايف السالفة معقدة.. انتِ بس مكبرة الموضوع.. جود : انا ماني مكبرة الموضوع.. انا زواج من مهاب ما راح اتزوج.. و انتهى الموضوع بالنسبة لي بتفتحونة لي بأقولكم نفس الحكي.. ام احمد تناظر جود : انتِ من وين جايبة هالراس اليابس.. اللي قدك متزوجات و انتِ تبين تجلسين عندي.. جود رفعت رقبتها : كل هذا عشانه ولد اخوك..؟! طيب انا بنتك..!! يعني مو معقول تبيني اهدم حياتي عشان خالي يرضى اللي ما عطيتوة دانة..؟! ام احمد وقفت : خليكـ على ذا الحال و شوفي مين بيطق بابنا يبيك.. طلعت ام احمد من الصالة .. و اعتفست ملامح جود.. مشعل رفع حاجبة اليسار : عاجبك اللي زعلتي امي..؟! جود انقهرت من مشعل جالس على الأرض وسط كل الطوشة و يتفلسف عليها و يبي يندمها : انا ما زعلتها.. هي زعلانة لأن خالي مزعلها.. و انا مالي دخل تحطوني بينكم.. مالي دخل عشان تحطون حياتي بالنص.. كان عطيتوة دانه مثل ما بغى.. سعود : دانه لثامر و انتِ تعرفين هالشيء..!! جود ابتسمت بإستهزاء : هه.. بالرغم اني ما اعرف ثامر.. بس اعرف عمتي لطيفة.. و لو جيت بقارن بين الإثنين بقول مهاب احسن.. احمد : نفهم من كلامك انك ممكن تفكرين بموضوع مهاب..؟! جود تنفي الموضوع : لا طبعاً.. انا اتكلم عشان دانه.. ما ادري انتم لاقينا بالشارع عشان تضحون بحياة كل وحدة فينا..؟! ابو سعود : جــــود.!! جود وقفت : انا ماني موافقة على مهاب.. ما يروق لي ابداً.. ما ابي اتزوج الا واحد جاي يخطبني عشاني انا(آشرت على نفسها).. عشان جود.. ماهو عشاني بنت ابراهيم و لا بنت سارة.. و اكون مقتنعة فيه.. سعود : ويش رايك تقولين تحبينة بعد..؟! جود : ماهو شرط.. (هزت كتفها اليمين) اهم شيء اكون مقتنعة و شايفة حياتي معاه شلون بتكون.. حاتم : كلامك ماهو منطقي.. ما انتِ ضامنة ويش يصير بعد الزواج.. ابو سعود : اسمعي الكلام اللي عندي.. راح اعطيكـ فترة تفكرين فيها.. و خلي عنكـ وعد و حياتها و ان خالكـ حكى بـ دانه لـ ولدة.. ابيكـ تفكرين فيه كـ رجال متقدم لكـ .. و بـ انشدكـ عن رايكـ عقب.. تفكير البزران هذا يا جود ماهو عندي..!! .. في المستشفى.. الدكتورة مبتسمة : كنت متوقعة اشوفك من البارح.. صبا منسدحة .. تلف طرف الشرشف على اصبعها السبابة بـ إحراج : البارح كان زواجي.. الدكتورة : مبروووك.. صبا : الله يبارك فيك.. الدكتورة : اجل زوجك هو اللي برا..؟! صبا : ايه.. دكتورة ليش دخت..؟! الدكتورة : من قلة الأكل.. شكلك ما اهتميتي بأكلك بالفترة الأخيرة.. عشان تطيحين من طولك من بكرة زواجك.. دخل من غير لا يسلم مستند بكتفة على الجدار و مكتف يدينة .. جايبها على اساس تأخذ ابرة مسكنة.. عشان تطيح من طولها اول من تطلع من عند الدكتورة.. الدكتورة ناظرت ياسر : لازم تهتم بأكلها.. ما ينفع تهمل صحتها.. كان على طرف لسانة يقولها هي مسؤولة عن نفسها مره ويش طولها والا لازم الواحد يلقمها.. بس ماهي حلوة.. بحقة و حق بنت عمة و قدام وحدة غريبة.. : متى بتطلعينها..؟! الدكتورة : بس يخلص المغذي تقدر تطلعها.. صبا : بس هذا الثاني .. خلاص يكفي اللي اخذتة.. الدكتورة : لا يا دلوعة.. تحملي شوي وجهك اصفر ما تشوفين نفسك..؟! صبا : هذا عشان الابره المسكنة اللي اخذتها.. ياسر يقطع الحديث بحزم صارم : شكـراً دكتورة.. ناظرت فيه عرفت انه يبيها تطلع.. : العفو.. (ناظرت صبا) اهتمي بنفسك ( غمزت لها و همست) و زوجك.. طلعت الدكتورة حتى يسكر الباب حمد ربة الغرفة ما فيها احد غير الدلوعة.. دخل يناظرها و هو ما زال مكتف يدينة ضيق عيونة يناظرها : شلون تكلمين عند الرسبشين و أنا معاك..؟! (احتد صوتة) ليش انا جدار واقف جنبك..؟! صبا بلعت ريقها .. وما تكلمت لأنها تدري ما يبي يسمع صوتها.. ياسر قرب من السرير حتى يستند بيده عليه و ينحني بـ ظهره شوي يناظرها بحدة : ما رديتي..؟! جدار انا..؟! صبا مرتبكة : انت.. ما تعرف ويش فيني.. انا.. بس حددت له الأبرة.. اللي ابيها.. عشان الالام ويش.. ياسر يهز رأسة : يعني مسوية فيها مستحية مني.. و راسلة لي ويش تبين من الصيدلية.. و ما اشوفك استحيتي من الغريب يوم تكلمينة.. صبا : هذا مستشفى.. انا كنت .. تعبانة.. وما زلت.. و انا .. ما صار لي.. كثير معاك.. عشان تعرف.. علتي.. و انا .. كنت حاسة.. انك.. مو عارف.. ويش ابي بالضبط.. و قلت لهم.. يعني ما.. كفرت.. ياسر يصر على اسنانة عشان ما يصارخ عليها.. من البارح و هو يحاول يكبت انفعالاتة.. ما يبي يصارخ عليها ماهو عشانها.. عشانة..!!! الناس بتلتم عليهم.. و ببيتهم.. يمكن يوصل الصوت لأهلة.. و هو ما يبي هالشيء.. يحس اسنانة بتكسر من كثر ما يضغط عليها : و رب الكعبة.. و ما احلف بربي كذب.. لو تعيدين ذا الحركة و تهمشيني و انا واقف يمك ما يصير لك طيب.. انا ماني جدار معاك عشان تكلمين و انا واقف.. و حطيها حلقة باذنك.. ماهو بس بالمستشفى بأي مكان نكون فيه.. اللي تبينه تقولينة لي انا.. خليني اسمع صوتكـ قدام احد غريب..! صبا ودي تصيح من القهر.. ما يبيها تكلمة غير بالكتابة و الرسايل.. و ما يبيها تكلم غيره..؟!! يعني أي شيء تبيه لو بـ مكان عام بتكتب له..!! حاولت تكتم دموعها : ان شاء الله.. ممكن لا طلعنا نروح لبيت اهلي..؟! ياسر صلب ظهرة : لا .. الساعة صارت 11.. .. شوق منحرجة باست راس ام سعود وبيدها علبة عنابية مخملية : مشكورة يمه.. ام سعود : ماهي من قيمتك يمه.. عاد انتِ مرت الغالي.. سعود ابتسم وهو يبوس راسها : الله لا يخليني منك.. ام سعود : يالله عاد انزلوا العشا و الا تبوني اكلم الشغالات يطلعون لكم اكل.. سعود : لا بننزل يمه بنتعشا معاكم.. ام سعود : ننتظركم لا تطولون.. وطلعت من جناحهم.. سعود مبتسم : ناديني.. شوق عقدت حواجبها باستغراب من طلبة : نعم..!!! سعود زادت ابتسامة : ماهي صعبة.. ناديني.. شوق ابتسمت : سُعود.. سعود : هههههههههه لا غشاشة .. قوليها زي اول مره.. شوق : ما ابي.. تراك مسكتها علي.. سعود يجلس على طرف الكنبة : مردك تقولينها.. بخصوص اللي صار تحت.. ما ابيك تستغربين.. يعني احنا دايم على خلاف.. شوق : ما استغربت.. كل بيت فيه مشاكل.. ما انتم الوحيدين بالعالم.. لكني..... اممم.. سعود : ايش..؟! شوق : صدق انت قايل اذا اللي خال خواتك يبي قربكم و دام اختك اللي كانوا يبونها اعطيتوها يخطب الثانية..؟! سعود : ايه .. وين الاشكالية.؟! شوق : ما ادري.. حسيتها صعبة شوي في حقها..؟! سعود : و ليش صعبة..؟! انتم يالبنات تتحسسون من أي شيء.. الموضوع ما فيه شيء.. الرجال يبي قربنا و يبي وحده من بنات اختة وين الصعب بانه يخطب لولدة الصغيرة اذا الكبيرة انخطبت.. شوق : الصعب انه اول شيء بغى الكبيرة.. انا ما ادري ويش اللي خلاكم ما تعطونة بس.. سعود : هو ما خطب اصلاً عشان نعطية.. هو كلم خالتي سارة انه يبي دانه لولدة مهاب.. و خالتي سارة من حزتها قالت له البنية شورها عند ابوها و اخوانها.. انا مالي رأي من بعد رأيهم.. كان المفروض يجينا و يخطب من ابوي رسمي.. لكنه ما خطبها.. و ظل الكلام معلق.. وهو حاسبها لولدة.. حتى انه جانا من اسبوع و زعلان كان بيجي بـعد خطبة دانه رسمي بس عدة ميار وقفتهم.. لكن الصح ان ولده ماله حق بـ دانه دامهم ما خطبوا و ابوي ما عطاهم.. لو عطاهم.. حقهم كلهم على رووسنا.. لكنهم ما خطبوا و بعدها يزعلون.. شوق نزلت العلبة على الطاولة : طيب.. الحين هم ليش خطبوا جود..؟! سعود : مين ما يبي نسب ابراهيم بن مساعد..؟! شوق : مو قصة ما يبي.. بس يعني وصلهم حكي ان انتم بتعطونهم جود اذا خطبوها..؟! سعود : ما ادري..؟! انا من حزتها قلت لخالتي اذا يبي نسبنا و يبي بناتك جود موجودة.. طبعاً يومها تهاوشنا على سبة الموضوع وهو ما صار.. بس الحين هم خطبوا.. يعني هم يبونها.. شوق وقفت عنده وهو جالس على الطرف الكنبة العالي : سَعُود.. اذا هم عندهم علم انهم اذا خطبوا جود بتعطونهم.. يعني ممكن تصير مشكلة.. لأن اكيد جود بـ تنجرح من هالشيء..!! اصعب شيء ان البنت تحس اهلها عرضوها على زوجها!! سعود مبتسم اللي قالت اسمه بطريقتها وهي ما انتبهت.. شوق ناظرتة : ليش تضحك..؟! سعود : قلتي اسمي سَعُود هههههههههههههههه.. شوق ابتسمت : يبي لي فترة اتعود.. سعود : هذا لو اسمي جديد عليك وعمرك ما سمعتية.. بس اسمي مو جديد.. هذا يعني انها طريقتك نطقك.. عموماً ما ابيك تعودين على غيره خليه مثل ما تقولينة عاجبني.. اما بخصوص المشكلة.. ادري انها بتصير.. اذا جود رفضت.. حتى لو ما وصلهم علم اننا ممكن نعطيهم جود.. لأننا عطينا دانه اللي كانوا يبونها ثم جود رفضت.. عدا ان احنا ما عرضناها.!! شوق : بس هاذي اختك.. ما لازم توقف ضدها.. حرام تتزوج عشان ينصلح الحال بين ابوها و خالها..؟! سعود : يمكن تأثرتي بكلام جود و تقرن نفسها بـ وعد.. بس الصح وعد احنا كلنا ما كنا راضين على زواجها.. عامر لوى ذراع ابوي بعماني.. و ابوي ما يبي مضرة لأخوانة و كان شرط عمك انه يعطي وعد لولدة عماد.. و هذا هو السبب.. يمكن عمك يسعى لصلح من وراء زواج عماد و وعد.. يعني ماهو مثل جود و حكيها اللي تخثرد فيه.. شوق : طيب انت ويش رايك..؟! سعود : بايش..؟! شوق : بزواج عماد و وعد..؟! سعود : ما كنت ابيه.. و ابوي اصلاً ملك لها من غير لا يعلمنا عماني بس هم اللي كانوا يدرون.. حزتها وعد كانت بالمستشفى.. و درينا يوم انخطفت.. و يمكن لو وعد ما انخطفت.. كان فعلاً زواجهم ما يتم.. لأن وعد مستحيل تتزوج بهاذي الطريقة.. انتِ ما تعرفين وعد كيف كانت.. عموماً يوم عرفت عماد غيرت رأيي فيه.. بس حكية لـ وعد و اهانتها مستحيل ارضى فيه.. خليني احكيك سوالفنا بسهرتنا.. الحين بنتأخر على اهلي.. تحت .. مجتمعين على السفرة كلهم عدا ياسر و زوجتة اللي ما رجعوا و اكيد وعد.. دخلت نهى : السلام عليكم... تفاوتت الأصوات بالرد عليها : وعليكم السلام.. ابو سعود مستغرب من شوفتها هالحزة : خير ان شاء الله..؟!! نهى ابتسمت : حرام اسير عليكم..؟! احمد رفع يده اليسار يبين لها الساعة : هالحزة..؟! منيره : الناس بتنام..؟! شكلك توك صاحية.. نهى زمت فمها : مالت و انا اقول اشتقتوا لي..!؟ ابو سعود : نهى الله يرضى لي عليكـ مانيب ناقص مشاكل.. لا تقولين متهاوشة مع فيصل..!؟ نهى : ويش ذا الفال الشين..!؟ لا بس فيصل معزوم و بـ يتأخر قلت اجي يمكم ما تبوني يعني..!؟ ام حاتم : حياكـ يا امي.. اجلسي تعشي.. نهى : ما ابي مو مشتهية.. وين وعودة..؟! ابو سعود تنهد : دامك جيتي كلميها.. راضيها.. نهى : اراضيها بـ شنو..!؟ ابو سعود : انا زعلتها.. و ابيكـ تكلمينها.. نهى ابتسمت ترقص حواجبها : ماليش دعوة انت زعلتها انت راضيها.. هو انتو تزعلوها و انا اراضيها.. انفتح الباب حتى يدخل ياسر وراه صبا : السلام عليكم.. : وعليكم السلام.. ام احمد : تأخرتوا يمه.. صبا تغطي كفها عشان ما تبان اللزقة اللي يا دوب مغطية اللون البنفسجي بسبب ابرة المغذي.. اما ياسر : قلت لك يمه عندنا مشوار.. ام احمد : تعالوا تعشوا.. صبا همست : انا ماني مشتهية عن اذنكم.. ما خطت خطوة الا ياسر ماسكها من عضدها اليسار بيدة اليمين و سحبها عشان يوقفها جنبة و عيونة تدور على كل شيء الا انها تجي عليها : كلام الدكتورة ما مر عليه وقت عشان يمديك تنسينة.. صبا همست باحراج : و الله ماني مشتهية.. ماهو غصب.. كلهم ساكتين بالرغم انهم حاسين بتوتر الجو بين ياسر و صبا.. و يحاولون ما يناظرون فيهم على اساس مو منتبهين لكن..!! ابو سعود ما سكت..!! ابو سعود : خير ان شاء الله..؟! ايش فيكم يا ياسر.؟.! ياسر يدري ان ابوه منبهة كثير عشان ما يزعل بنت عمة لكنه قادر يقلب الطاولة و يبري نفسة قبل لا احد يلومة بالتقصير من اول يوم بـ حياة جديدة!! : يبه تعبانة و ما تبي تأكل.. ما يكفي انها طاحت من طولها من شوي..؟! صبا انحرجت.. تراجعت وراء خطوة ودها توقف وراء ياسر عشان ما تشوفهم.. ام احمد وقفت و اتجهت لصبا : بسم الله عليك يمه ويش فيك..؟! صبا : ما فيه شيء خالة بس ياسر يبالغ.. واقفة عن يمينة مد يده اليمين عشان يمسك كفها اليمين رفعة بوجة امه : شوفي اني ما ابالغ يمه.. توها مأخذة مغذي.. كان ودها تضربة من القهر ما يكفي اللي يسوية من البارح بعد بيحرجها قدام اهلة.. صح انهم اهلها بس اخوانة موجودين!! .. و هي عروسة ما بعد تأقلمت.. حست بدمعتها علقت برمش عينها.. تقدر تبكي بس ما تقدر تضربة.. ام احمد حطت يدها على صدرها : مغذي بعد..؟! و تقولين ما فيه شيء..؟! وشوله اجل المغذي..؟! نهى وقفت يمهم : صبوي بسم الله عليك ويش فيك..؟! نزلت دموعها.. لكنه ما انتبة.. الجماد اللي يمها ما حس.. حاولت تتكلم بصوت ما يبين فيه انها تبكي لكن صوتها خذلها : ما فيه شيء.. و الله مو مستاهل الموضوع.. عن اذنكم.. طلعت قبل لا يصرون عليها و يسون سالفة تعرف ما راح تسلم و مو بس ياسر عمها موجود!! تخاف يضغطون عليها و تقول كل شيء وهم بأول حياتهم لازم تصبر على الأقل فترة تشوف ويش اخرة ذا الوضع.. اما هو اتجه للطاولة و جلس.. ام احمد تناظر ولدها باستغراب : من جدك بتجلس..؟! و مريتك..؟! ياسر : ما عليها خلاف.. هي اصلاً تدور المخدة.. ابو سعود : وليش المغذي..؟! ياسر يمد الملعقة لفمة و يجاوب على ابوه ببساطة : الدكتورة قالت لها فترة ما اكلت عشان كذا داخت..؟! ابو سعود : لا يا شيخ..؟! و تاركها و جالس تبلع هنا..؟! ياسر يبلع اللقمة : احمم يبه الله يرضى لي عليك.. انا بالسيارة اساحلها عشان تأكل وماهي راضية ويش اسوي اغصبها..؟! ماهيب بزر عشان ابلعها الأكل.. ابو سعود بـ حزم : الا تبلعها غصب.. نزل الملعقة على الصحن : اخذت مغذي و هي اصلاً دايخة يعني شيء طبيعي انها ما تشتهي تأكل.. (وقف و تراجع الكراسي وراء) الحمدلله.. ام احمد : يا ابوي وين ما تعشيت.. ياسر رفع حواجبة : ماني مشتهي.. و طلع لجناحة.. ام احمد : الله يهدية ما اكل شيء اليوم..!! نهى بـ برود : لا جاع بيأكل.. ابو سعود : ساره نبهية.. ام احمد جلست مكانها : ماهو بزر يا ابو سعود.. ياسر انت خابرة.. ماهو ضايم بنت عمة.. ابو سعود : حتى لو.. البنية ماهي حمل جلفاتة خليه يخف عليها.. و الله لو تشكية اني لا اوقف معاها ضده حتى لو هي غلطانة..!! احمد يبي يهدي ابوه ما امداهم قالوا بسم الله في حياتهم الجديدة حتى الناس تدخل بينهم من اولها : يبه الله يهديك الموضوع مو كذا.. انت كبرت الموضوع ما امداهم يتهاشون ويصير بينهم شيء توهم البارح متزوجين.. بس اكيد يبي لهم فترة يتعودون على بعض.. نهى : انا بـ اروح اشوف وعودتي..امبيـــه كله مشاكل.. مشعل يناظر الدرج و نهى تجري : هاذي تزوجت وما عقلت..!؟! سعود : الا قول انخبلت زيادة..!! ماهي صاحية..؟!! شوق قرصتة من ذراعة وهو مشمر اكمام الثوب و هو لف بسرعة : احح وشوو..!! شوق انحرجت : حرام تسبونها لا طلعت كان سبيتوها و هي فيه هاذي اسمها غيبة..!! سعود : يمه منها ما ينقدر عليها..!! مشعل : و الله صدق اصلاً انا اتحاشها ما اناقشها بـ شيء اما اتهاوش مع نهى..!! تخيل وراء هالبرود عفريت..!! يعني تستفزني و تخليني اغلط ثم تأكلني بـ قشوري..!! حاتم : تستاهلون اجل الطيب تأكلونة انتم..!! ام سعود : سبحان الله نفس امها حتى بالطبع..!! منيره : لا مو مره ماشاء الله عليها مريم ذربة و سنعة..!! جود تناظرها بـ قوة تدق بـ نهى و لا هامها ..!! : حتى خواتي ذربات و سنعات..!! ابو سعود يناظر جود بـ قوة يعني اهجدي..!! لا تزودينها بالحكي..!! وعد واقفة بـ الحديقة بعد ما واصل بإتصالاتة عليها و حضرتة جاي بعد يهاوش.. ياليتة يقولها قدرتكـ و عارف خطاي و انا آسف..! او يعتذر عن اللي سوتة الشينة زوجتة البارح..!! الا جالس يسفل فيها.. عماد : انا ابي افهم شيء واحد بس..!! انتِ شلون جاتكـ الجرأءة و طردتيها..!؟ وعد بـ برود : و الله ما ظنتي ان هذا الشيء الوحيد اللي بـ تعرفة من جيت و انت ما غير تحلطم و تحكي و تسأل ما مليت..!؟ عماد يصرخ فيها : ليش انا لاقي جواب منكـ ..؟! وعد تفتح عيونة و تناظرة بـ قوة : لما تعلم يا عماد و تعرف كيف تسألني حزتها ارد عليكـ .. عماد مسكها من معصمها يهزها : انتِ تحديني على شيء ما ابيه يا وعد.. كل مره تخليني اهينكـ اكثر.. سحبت يدها من يده بـ قوة : تراني حامل اذا انت ما تبيه انا ابيه.. عماد يفتر بالمكان متنرفز من درى من امه ان خالتة متصلة تشكي على مرت عماد الأولى اللي طردت بنتها وهو مطرطع : غيرانة..؟! وعد بـ بساطة : من مين..؟! و على مين..؟! عماد حط يدية الثنتين على خاصرتة : من البتول و علي.. ابتسمت : صدقني ما اعرف كم مره قلت لكـ انت ما تعنيني في شيء عشان ازعل انكـ تزوجت علي.. عماد انت ما تهمني في شيء.. الشيء الوحيد اللي يربطني فيكـ هو ولدي.. انا ما عشت معاكـ يوم زين عشان ازعل عليه.. انت استخسرت فيني كل شيء.. كل شيء يا عماد و اهنت فيني لين قلت بس.. و استغليت ضعفي لما ما كان عندي احد غيركـ و جننتني حتى لما رجعت معاكـ كنت ابي انسى المرحلة اللي عشتها معاكـ بالمزرعة لكنكـ ما خليتني انسى شيء و انت تكمل اهانتكـ لي.. انا و إياكـ ما نجتمع تحت سقف واحد.. مستحيل يكون بيننا مودة او حتى احترام.. عماد صوتة مازال حاد مأخذ اسلوب اغلوبهم بالصوت : تصرفاتكـ هي السبب.. تصرفاتكـ هي اللي خلتني اقولكـ الحكي اللي قلتة.. انت بـ عظمة لسانكـ قايلة ان صلاح طلعكـ من المشفى بـ رضاكـ من غير لا تدافعين عن نفسكـ .. انت بـ نفسكـ اللي عشتي شهر ببيت ناس ما تعرفينهم و لا اهتميتي لا لـ اب و لا اخ و لا زوج و لا اهل و لا جماعة..!! ما اهتميتي انكـ انتِ محسوبة على احد.. ما فكرتي فينا احنا ما ننام الليل ندور عليكـ ..!! وعد تستهزء فيه : هه تدور علي..!؟ مو انت قلت لي بـ ترميني..!؟ مو انت قلت لي اهلي تركوني..!؟ مو انت اللي قلت ماما رمتني صغيرة و بابا رماني كبيرة..!؟ انت اللي مليت راسي و تلومني الحين اللي ما رجعت..!؟ لـ مين ارجع..؟! لـ مين.!؟ عماد : وانتِ متخلفة..؟! عقلكـ صغير يصدق ان ابوكـ يتركـ ..؟! و اخوانكـ يخلونكـ ..؟! وعد : بابا زوجك اياني من غير لا اعرف انا ما عرفت الا منكـ شيء طبيعي بـ اصدق اللي تقولة.. (اخذت نفس) اعتقد تكلمنا بهالموضوع كثير.. و ما عندي استعداد ارجع و اعيد و ازيد بالحكي اذا مخكـ ما يستوعب الحكي من مره و اثنين عادي بـ اسجلكـ صوتي و ارسلة لكـ واتساب و كرره لين تفهم.. دفها على الجدار اللي وراها و هي غمضت عيونها بـ تعب بطنها هو الحاجز بينها و بينه ابتعد عنها لما تذكر انها حامل : و بعدين معاكـ تستفزيني لين ما تخلين براسي عقل لو اني ضاربكـ الحين و مولدكـ..!؟ وعد : عماد صدقاً انا تعبانة .. ما فيني اناقشكـ انا تعبت و انا احكي معكـ بدون فايدة.. ياخي حل عني طلقني.. انا مو طايقتكـ و رب الكعبة ما ابيكـ في حياتي.. عماد اعطاها ظهرة : لو تحبين السماء يا وعد ما طلقتكـ .. تركها و مشى .. ظلت واقفة تناظرة ركب سيارتة و طلع.!! اختفى.. الى متى بـ تظل معلقة على ذمتة..!! ابوها و ابوه ندين متساويين.. يعني فعلاً ممكن طلاقها ما يصير اذا خالها وقف مع ولده.. الى متى هي بـ تكون الضحية..؟! حتى اللي اختاروة يشاركها الصلح بـ يتزوج..!! وهي معلقة.. : يارب اني لجئت بـ همي إليكـ فـ فَرِجهُ عني.. داخل .. نهى : بابا وعد مو بـ غرفتها..؟! ابو سعود : شلون يعني ماهي بغرفتها..!؟ نهى : ما ادري بس ما لقيتها و لفيت الدور كله حتى غرف خواتي وماهي موجودة..!! ام حاتم : يعني وين بـ تكون راحت..؟! يمكن بالحمام..؟! نهى : ماهي موجودة حتى بالحمام..؟! انتم ويش سويتوا لها عشان تزعل..!؟ مشعل : مهما سوينا المفروض ما تطلع..!؟ دقي على جوالها شوفي وينها..!! : مين هي اللي وينها..؟! نهى لفت عليها : انتِ وين كنتِ..؟! وعد : يعني وين بـ اكون.. (تنهدت) بالحديقة.. جود وقفت و سحبتها من يدها : اجل تعالي بـ امشي معاكـ المشي زين للحوامل.. وعد سحبت يدها : لا تعبت ابي اتمدد.. جود : هوووه وعيدان ترى صايرة ما تحركين و يقولون لازم اللي بـ شهرها تمشي كثير عشان تتسهل و لادتها يالله تكفين نمشي شوي.. وعد : ما فيني رجلي تشد علي لا جيت بـ انام.. و بعدين ما دخلت شهري للحين.. نهى : لا تقولين بـ تنامين .. ما جيت عشان تنخمدين و تتركيني.. وعد : ممكن تحلون عني.. ترى من جد ماني طايقة نفسي.. مشت بإتجاة المصعد حتى تطلع للدور الثالث.. وهم يناظرونها..!! نهى لفت عليهم وهي تحط يدها اليمين على خصرها : ممكن اعرف انتم في ايش زعلتوها..؟! ابو سعود يقلد اسلوبها : ممكن تروحين لها و تكلمينها..؟! نهى نزلت يدها : شفتها ماهي طايقة احد.. الا غصب اجلس معاها..!؟ (سحبت كرسي من على الطاولة و جلست تتأفف) اوووففف.. جود وقفت وراء كرسي نهى : ليش معصبة .. اجل لو بـ اقولكـ ويش مزعل وعيد ويش بـ تسوين..!؟ نهى حطت رجل على رجل و هي مميلة الكرسي.. و الطاولة على جنبها الأيمن : ويش مزعلها..؟! جود سحبت كرسيها اللي كانت جالسة عليها و جلست مقابل لـ نهى : هذا يا ستي البارح جات وحده لـ وعد و تكلمت عليها و قالت لها انه عماد مملك على وحده و بـ يتزوج بعد شهر.. و اخر شيء قالت لها يمكن اللي ببطنكـ مو ولد عماد.. نهى شهقت : اووووف مصيبة صابتها ان شاء الله.. الله يعدمني اياها.. جود تكمل و هي مطنشة كل اللي يناظرون فيها على راسهم ابوها : قامت اختكـ البطلة و طردتها من العرس هي و اختها.. نهى : كفووو و الله كفووو ياختي على هالأخت شو بـ تجنن.. ابو سعود يطقطق على الطاولة بيدة اليمين و يناظرهن منسجمات و لا هامهن شيء .. جود تكمل : من زمان يا ختي بس مو هذا اللي مزعلها.. اللي زعلها ان جدتكـ جاية عند جدتي تتشكى من اللي سوتة وعد.. نهى : جدتي نورة..؟! جود : يب.. قامت جدتي فاطمه و كلمت ابوي و كل الموجودين هبـو في وعد قبل لا يعرفون القصة.. نهى لفت تناظرهم كلهم بعدها ناظرت ابوها اللي وراها بما انها قاعدة على جنب.. ابو سعود : بـ فمكـ حكي قولية.. ويش عندكـ ..؟! نهى اعتدلت لـ جلستها : و لا شيء.. منيره : لا يكون بـ تلومينا على الحكي.. اختكـ ما حكت من اولها و حتى لو حكت ما يحق لها تطرد البنية من عرسنا.. فتحت الحلوق زيادة عليها كلهم يدرون انها زوجة عماد الجديدة ما راح يقصرون الناس فيها بـ يأكلون لحمها.. نهى وقفت بـ قهر و ضربت بـ كفها على طاولة الأكل : انا مليون مره قلت لكـ انتِ مو مسموح لكـ تتدخلين فينا.. يا ادمية احنا مو طايقينكـ لا تدخلين نفسكـ بـ حياتنا.. كلامكـ بـ خيره و شره ما نبيه.. ابو سعود بحدة : نهــــــــــــى!! كم مره اقولكـ احترميها و احترميني.. نهى تناظر ابوها : يعني عاجبكـ كلامها..؟! ابو سعود : ما تردين عليها بـ هالشكل و قدامي بعد..؟!!! يعني ما فيه احترام لي..؟! نهى : آسفة لكـ بس مو آسفة لها.. هي من يوم دخلت بيتنا و احنا مصيبة لـ مصيبة.. ما ارتحنا في حياتنا من يوم ما جبتها انت.. الحين هي بعد تحكي بـ اختي و انت ما يهمكـ تقول ما احترمتيها..!؟ ليه هي احترمتنا و احترمتك..؟!! يعني هذا حكي تقوله عن وعد..؟! يرضيكـ ..؟! منيره : نهى لا تفهميني غلط.. انا ما جبت شيء من عندي اللي سوتة وعد الكل بـ ينقدة كلهم بـ يقولون طردت ضرتها لأنها مقهورة منها.. بـ ينقدون سواتها و تربيتها.. نهى : لو رديت عليكـ بابا بـ يزعل.. بس ترى ما راح اسمح لكـ تهينين وعد بهالشكل و اسكت.. يعني احنا عشان ما عندنا ام هنا تحكون علينا عادي..!؟ يعني عشان ما عندنا اخ شقيق ما احد يوقف معنا..!؟ احمد : نهى ويش هالحكي..!؟ نهى : هذا الصدق.. انتم مو حاسين عادي اصلاً.. طلعت فوق.. ابو سعود ناظر منيره : ابعدي عن وعد و نهى.. لا تحاكينهن لا بخير و لا بشر حتى الشيء الزين اللي بـ تقولينة ما راح يشوفنة.. خصوصاً بهالفترة.. وعد بـ تدخل بـ شهرها ما ابيها تعيش وسط ضغط نفسي.. منيره تناظر الطاولة ثم تناظرة بإستنكار : ابو سعود انا ما قلت شيء غلط.. ابو سعود : حتى لو يا منيره.. .. في غرفة وعد.. نهى : ايش فيكـ ..؟! وعد : ولا شيء..!! نهى : ابوي قال انه مزعلكـ .. وعد : و الله..؟!!.. ليش يحس انه زعلني ماله داعي..؟! نهى : ويش اللي صار..؟! وعد تناظر رسالة تهزيء طويلة من عماد بعد ما دق كم مره و لا ردت قبل لاتقابلة : ما صار شيء.. ويش رايك تسوين لنا قهوة ادري عروسة و كذا بس ما فيني اقوم.. نهى : اشتغل عندك انا و عروسة بـعد.. بس يالله عشانكـ بـ قوم اغلي المويا و بعدها بـ تحكيني عن اللي صار البارح.. لحظات حتى ترجع نهى : هاه ويش القصة..!؟ وعد : ما فيه قصة جديدة نفس كل مره.. نهى : تزوج..؟! وعد : نهى هالشيء ما يهمني.. و الله ما يهمني.. عادي يتزوج لأنه ما يعنيني بـ شيء بس اني انهان و انذل بـ كل مكان خلاص يكـــفي .. ما احد راحمني.. ذبـــحوني.. نهى : ويش هالحكي..؟! وحده يتزوج عليها زوجها و تقول ما يهمها..؟! وعد : ايه ما يهمني.. يهمني لو انا عشت معاه يوم زين.. بقولكـ يمكن اذكرة فيه و اقوله و الله كان زين معاي ذاك اليوم بس لا انا ما عشت معاه حياة طبيعية.. ما انكر اني انقهرت بس قهري لأني مظلومة مو زود انا هنا ابي الطلاق من خمس شهور و هو مملك له على مره انا مربطة وهو عايش حياتة بالطول و العرض و لا يهمة شيء.. خمس شهور ما فكر يسأل عني لو مره بالغلط.. طيب انا ما اعنية ولدة بعد ما يعنية..؟! ما يفكر يسأل عن صحتة ايش قالت الدكتورة عنه أي شيء..؟! .. اليوم جاء هنا بس عشان يهاوشني لأني طردت زوجتة و اختها من الزواج.. الله يأخذهم ثلاثتهم.. نهى نقزت تجري : اوووف نسيت القهوة تغلي.. جود درعمت للغرفة : ترى انا بـ انجن منهم.. اهلكم ذولي بيجي يوم اموت من رفعة الضغط اللي تجيني منهم.. وعد : ليــش..؟! ويش مسوين لكـ ..؟! جود جلست على الأرض على الفرشة الصغيرة : تخيلوا يقولون خالي خطبني لـ مهاب وما يبون يزعلونة و بيزوجوني له.. و مشعل توه يقولي اصلاً جدي عطاه.. نهى نزلت الصينية على الأرض : من جدك..؟! وعد وقفت بـ تجلس معهم : امسكي يدي.. جود : مو تكسرين يدي و انتِ تضغطين علي.. وعد تجلس وتسند ظهرها للسرير و يدها على بطنها : فداي يدك و كلك على بعضكـ .. ايه و اهلك ما تابوا..؟! يعني وشو ناوين يضحون بـ حياتنا كلنا على حساب الصلح مع خلق الله اجل ليش يتهاوشون من الأساس..!؟ عشان يضحون فينا..؟! نهى : جود صبي القهوة زين مني سويتها ما كني عروسة.. جود : ويش اسوي انا من جد طايحة بـ مشكلة مع البنت و اهلكم يزيدون علي الوضع سوء.. ماني رايقة اتهاوش بالمدرسة و البيت.. نهى : المدرسة لا تجلسين لحالك ابداً و لا تروحين لـ أي مكان يا جود لحالكـ البنت مستقعدة لك بعد ما هزأتيها اخر مره و متحلفة فيكـ .. وعد : انا اقول اختصار لـ كل المشاكل كلمي بابا ينقلكـ بتجلسين لأخر السنة و انتِ يدك على قلبكـ .. البنت واضح راعية مشاكل و شر.. جود : بس انا مرتاحة فيها.. و صحباتي معاي.. لو بـ انقل بتتأزم نفسيتي و انا مالي خلق كل اللي باقي كم شهر و اتخرج.. نهى : طيب ويش بـ تسوين..؟! اصلاً ابوي بـ يفتح لكـ تحقيق ليش بـ تنقلين من المدرسة و سالفة طويلة عريضة خصوصاً ما باقي لك شيء.. جود : و مهاب..؟! وعد : خلي موقفكـ واحد.. شوفي تراهم بـ يعصبون و يزعلون و يكبرون الموضوع بس هم اللي اساساً كبروة ما احد قالهم يعطونة بدون لا يشورونكـ .. الا اذا انتِ تبينه هذا شيء ثاني..!! جود : من جدكـ انتِ ما تعرفينة تدرين يجلس و يقوم ما يحكي حرف واحد تقولين تمثال محنطينة و يناظر الناس بإستحقار و كأنه اعلى منهم امـــا انا اعيش مع مهاب..!! (حطت يدها على صدرها) لا يمه قلبي.. نهى : لا تشيشينها خليكـ بـ مشاكلكـ انتِ.. مع ذا الكرش.. وعد : ما شيشتها,, اصلاً ما تحتاج تشيش.. لـكن ما ودي تطيح باللي انا طحت فيه.. رغم ان ما فيه وجه مقارنة بيني و بينها انا اللي عقد مشكلتي اني انخطفت و هالشيء هو اللي موصل حالتي لـ هالدرجة.. لكن انا ما ابيها تتزوج واحد هي ما عندها استعداد تتقبلة اساس الزواج انها تكون متقبلتة و الا بعدها ادنى مشكلة بـ تشوفها ويش كبرها.. وما تتحمل منه شيء.. نهى : انا بـ اروح اكلم ماماتي.. وعد : مين..؟! نهى : امي مريم.. وعد : غريبة من متى..؟! نهى : من كم يوم.. احس اني أبيها جنبي.. وعد.. اسمحي لها تقرب منكـ و الله غير عن كل شيء.. وعد : ما اقدر.. هي مو بس خلتني عند بابا و راحت هي حاولت تقتلني و انا ببطنها.. كل ما افكر اني ابيها و افتح القائمة على اسمها ابي اقولها تجي ابي اشوفها اتراجع بس افتكر هالشيء.. نهى : ماما تطلقت من فترة طويلة.. و خلصت عدتها بعد.. و احنا بناتها ما ندري.. وعد : ويش تبيني اسوي لها..!؟ ما بيدي شيء هي طلبت الطلاق.. نهى : اقوم اكلمها ازين.. .. عماد : هاذي الأدمية يبي لها ذبح و افك الخليقة من طوالة لسانها.. عامر : و انت هذا اللي فالح فيه تبي تذبح البنية.. ام عامر : ما عليك بس تولد نروح لأبيها و تحب خشمة و نتلها معانا.. عماد : و الله لأربيها من جديد لأخليها تبوس الأرض عشان تعرف شلون تحكي.. عهود : انا ما ادري ليش معني نفسك..؟! طلقها و ريح راسك واضح انكـ ما انت طايقها.. عامر : ويش رايكـ ما تعطينا ارائك السحرية..؟! عهود : افااا عموري كذا تكسح بنوتكـ ..؟! عامر يرفع سبابتة ينبهها : بنتي تـتدخل باللي مالها فيه.. عهود الطلاق ما نبيه قضى الموضوع.. شذى مرة ناصر تكلم حياة مرة عبدالله اللي تلاعب ولدها : غريب عمي عامر.. طيب ليش عماد يتزوج عليها اذا ما يبون الطلاق..؟! حياة تناظر شذى : للحين ما عرفتي اسلوب عماد..؟! اللي براسة يسوية و عمي اساساً اجبرة على الزواج من وعد وهو مو مرتاح فـ شاف انه من حقة يدور راحتة بـ مكان ثاني.. شذى : بس حتى يوم خطب.. خطب بنت خالتة البنت كلنا نعرف انها تبي عماد من زمان.. و عماد بـ يعلق وعد وهو يبي انهار.. ما تحسين الموضوع زاد تعقيد بـ زواجة من وحده قريبة..؟! حياة : حيل تعقد .. الله يهدية عماد ما ادري متى بـ يركد.. يوسف : هـــاي..!! ام عامر بـ حدة : لقعاااي و صقعاااي ان شاء الله يا مال اللي مانيب قايلة انت ما تختشي متى بـ تعلم..؟! يوسف : ويش سويت..!؟ سلمت عليكم..!؟ ام عامر تناظر ولدها : عاجزن لا تربية من جديد هاذي خشة يدخل علينا فيها..؟! (تآشر بـ عصاتها على عيال عامر الكبار) عاجزين لا تربون اخيكم..؟! ام يوسف تناظر ولدها المتحطم : ويش فيكـ يا عمة ما سوا شيء الولد.. يوسف يناظر امه بـ حالمية : تؤبرني يا ناس جعل يومي قبل يومها .. ام عامر بـ حدة تناظر ام يوسف : ما ذابحة غير دلعكـ انتِ و ابوة.. هاذي دواليل يسويها.. (تناظر الباب اللي انفتح و صوت غازي ينبة الموجودين).. غازي بصوت جهوري : يـــا ولد.. ام عامر تناظر يوسف : جاء اللي بـ يريبك و الله اني اعلمة على سواياك.. دخلوا الحريم داخل و يوسف وقف على الباب يدخل عمه : حياكـ عمي ما حولك احد.. غازي يناظرة و هو رافع حاجبة اليسار : ويش بلاكـ منفس..!؟ يوسف يبوس راسة : ولا شيء.. غازي يدخل لجلستهم : السلام عليكم.. : وعليكم السلام.. باس راس امه و ابوه و عيال اخوه وقفوا له و باسوا راسة.. غازي جلس جنب امه : ويش حالك يالغالية.. ام عامر : ضغطي مرتفع.. يوسف يتلاحق على عمرة : انا بطلع عنــ .. قاطعتة جدتة : و الله ما تطلع غير تقر هنيا.. يوسف : يمه تكفين تشوفيني كاشخ بـ اطلع مواعد الشباب بالعزبة الحين تبدأ مباراة البرشا.. ام عامر تضرب بعصاتها على الأرض : و الله غير تقر هنيا ذا لبس تطلع فيه ياللي ما تستحي وفاتش لي صدرك يا قليل الحيا.. يوسف يناظر لبسة عادي بنطلون جينز و قميص ضيق و حزام بني.. مسك ازاريرة بـ يسكرها : ذي اللي مضايقتك خلاص سكرناها.. ام عامر : كلك مضايقني.. (حطت يدها اليسار على فخذ غازي اللي جالس جنبها) و الله ما لك غير وليدي يربيك من جديد.. غازي ابتسم : ويش مسوي لك اذا لبسة الحين يطلع يغير.. ويش مسوي لكـ عداه..؟! ام عامر : حالة كله ماهو عاجبني.. كل ليلة يسهر برا ما يرجع غير اخر الليل و امه تجلس تحاتية.. و الأبو مهيتة.. البارح ما رجع غير الفجر.. غازي : البارح كان عندي.. انا مخلية معاي.. ناصر رفع حواجبة وهو يناظر يوسف : غريبة..؟! غازي ناظر يوسف الواقف : ما قلت لهم..؟! يوسف جلس من غير لا يرد.. غازي ناظرة بـ حدة : سمي و عدوي اللي اكلمة وما يرد علي و الا يهز لي براسة.. يوسف اخذ نفس من غير لا يناظرة : انت عارف اني ما قلت لهم.. عامر : ليش ويش مسوي..؟! غازي : سهران بـ قسم المرور البارح مسوي حادث.. قلت اطلعة و يكمل السهرة عندي بالمكتب.. نتونس انا و إياه.. عامر ناظر ولدة مفزوع .. حط يده على كتفة ولدة الجالس يسارة : حادث..!! صار لكـ شيء..!؟ يوسف هز راسة بـ لا .. اما غازي يناظر اخوه متنرفز : هذا اللي ربي قدركـ عليه..!؟ مخليه يهيت يمين و يسار كم مره سوا حادث تحسبة كل مره بـ يطلع منها..!؟ هذا حديد يا عامر.. الى متى بـ تخلية يصكع بالعالم و تسكت عنه..!؟ عامر : غازي توكـ قلت مسوي حادث يعني ويش تبيني اسوي اضربة اكيد بـ اتطمن عليه.. ام عامر تناظر يوسف : تونس شيء..؟! يوسف : لا.. غازي يناظر امه مستغرب : حتى انتِ يمه..!؟ توكـ تبيني اكفخة..؟! انا ما ادري ليش تعاملونهم هالشكل.. ما راح ترتاحون لين يجيبون لنا مصيبة هو و اخوه .. (يناظر يوسف و يكلمة بـ حدة ) شلون بـ تطلع و رخصتك معاي..؟! و الا مخالف عادي يمسكونك..؟! يوسف : عطني اياها عشان ما يمسكوني.. غازي : بكــرة الساعة تسعة ابي اشوفك مرزوع قدامي بالمكتب فـــاهم و الا لا..!؟ يوسف : مو اول مره اسوي حادث ويش الجديد..!؟ ام عامر تشد طرف شيلتها على صدرها حتى توصل لـ بطنها : عزتي لأميتك اللي ما عندها غيركـ حرام عليكـ اللي تسوية فيها.. يديها على قلبها لين ترد كل ما طلعت تخطف قليبها معاكـ متى بـ تركد..؟! عماد : عمي سوو فيه مثل ما سويت بـ وليد.. غازي ابتسم : وهو كذلك.. اعلمك ويش الدلع اللي انت متدلعة يا يوسف.. الفترة اللي فاتت ما فقت لكـ رغم اني من قبل محذرك انت و اخوك تجوني المكتب ان طلعنا من المزرعة استغليتوا اني ماني فاضي لكم قلتوا نهيت و لا نكلمة دامه لاهي.. يوسف : ما احد يروح للموت بـ رجولة.. غازي يصرخ على يوسف : انا موت يالتعبـــان..!! و الحوادث اللي كل يومين ماهي موت..؟! حسبالك كل ما سويت حادث بـ تطلع منه.. انت ما تستحي على وجهكـ..؟! بكره لا اشوفك قدامي يا يوسف و رب الكعبة لأوريكـ ترى عندي من المشاكل ما يكفيني لا تخلي الحرة تجي فيكـ .. يوسف : طيب.. و شلون بـ اروح و انا سيارتي بالورشة وما عندي رخصة..!؟ غازي : تعال مع عماد و بعدها يصير خير.. ام عامر : شوق ما جاتكم اليوم..!؟ غازي : لا يمه.. ام عامر : كنت بـ اكلمها مير استحيت من رجلها.. غازي : كلمتها انا.. تسلم عليكـ ما عليها مرتاحة الحمدلله.. ام عامر : الحمدلله.. شفت بنية اختكـ ويش مسوية..؟! عامر : يمه الله يهديك تشغلين قلبة بـ مواضيع مالها داعي اللي فيه مكفية.. غازي ينقل نظرة بين عامر و امه : ليش ويش فيه..؟! مين فيهن..؟! ام عامر : وعيد القشرا (ضامة قبضة يدها قريب من فمها الملثم بـ طرحتها)و الله يا هالبنت نتيفة و الراس يابس الصخر يلين و هي ما تلين (نفضت اصابيعها مفتوحة).. ما تقول يطلع منها كل ذا.. غازي ابتسم : ليش ويش سوت..؟! عبدالله : طاردة البتول و اختها من العرس..!! غازي : ههههههههههههههههههه قوية ماشاء الله.. ام عامر : الحين حنا نشكي لك كود تشوفها بـ بيت ابوها و تغسل شراعها و انت تمدحها..؟!! غازي : و الله اللي اعرفة من وعد انها تحمل و تصبر فا اكيد الأدمية مسوية لها شيء و الا ما طردتها.. يمكن جاية تقهر وعد بعد ما ولدكم ملك عليها.. عماد يناظر عمة متنرفز : تقوم تطردها و تقص وجهي قبل وجه اهلها..؟!! غازي : تحمل ما يجيكـ .. بس زوجتك واضح انها متصلة تشكي ما ادري جاية بالله ما قالت لك عن السبب..؟! ناصر : خالتي اللي اتصلت.. و حتى لو فيه سبب هاذي سواة بنت صاحية..؟! مريم بـ حدة : ايه صاحية.. ناصر ناظر عمتة طلعت من غرفتها .. مريم سلمت على اخوها و جلست : تراكم من العصر و انتم تهاوشون فيها و زوجها قاعد و لا حكى و مشجعكم بس خلاص عاد اكلتوا بـ لحمها.. ام عامر تضرب بـ عصاتها على الأرض معصبة : من عذرها ماهي سواة اللي سوتها.. مريم : البتول و ايمان يستاهلون.. اجل هي تروح تسب بـ بنتي و تقولها الولد اللي ببطنكـ ماهو ولد عماد..!! عماد ناظر عمتة ومبقق عيونة : ويش هالحكي..؟! مريم تكمل كلامها : قمتوا كلكم هبيتوا فيها و اخر شيء تطلع اللي تدافعون عنها هي اللي غلطانة عليها.. يحق لها تطردها و ما يحق لكم كلكم(تحرك راسها بـ حركة دائرية تأشر عليهم) تحكون اصلاً ما انتم اهل النوب هم اهل النوب و اذا احد له حق يعاتبها هم اهلها ماهم انتم.. ام عامر تضيق عيونها بـ بنتها : انت من وين جايبة هالحكي..؟! مريم حطت رجل على رجل : توني مكلمة نهى و هي اللي قالت لي.. تكفون فــكو عنها شوي.. عماد خلاص تزوج بنت خالتكـ و اترك بنتي بـ حالها انا صدق بغيتك تتزوجها لأني ابيها جنبي بس ما جاها غير المشاكل.. الى متى بـ تحمل.. غازي : قلت لكم وعد ما تسويها من الباب لـ الدريشة.. و هذا هي.. انت قايل لزوجتك شيء عن وعد..؟! عماد بـ صوت حاد مقهور من عمتة و منطوق عمة : ليش شايفني قليل مروة..؟! غازي يهز راسة : و زوجتكـ ليش تقولها هالكلام..؟! عماد يحك شعرة : ويش دراني يبي لها غسلة شراع ان شاء الله.. اول كنت عندها ليه ما حكت لي..!! ناصر : اللهم لا شماتة بس هذا اللي اقولة.. هذا انت ابلشت نفسك بالثانية و بتضيع عمركـ ..!! ام عامر : قعدتها عند ابوها هي اللي مفتحة حلوق خلق الله عليها.. بكره بـ اروح لهم و اجيبها.. مريم : يمه تكفين خليها على راحتها لو تبي الردة كان ردت من زمان.. ام عامر : ماهو بـ كيفك و انتِ بعد بـ تروحين معاي و تقنعينها.. مريم : يمه ماني رايحة وعد اصلاً ما تقبل شيء مني و لو بـ اقولها ارجعي بـ تعاند زيادة عشان انا قلت لها.. ام عامر : ويش يحدك عن الروحة العدة و خلصتيها و هذا انتِ قاعدة هنيا عيالكـ كلهم ما تدرين عنهم الا بهالجوال و الا ما من تربية.. مريم : يمه من ثلاث شهور من طلقني طلال و انتِ تردين نفس الحكي.. عيالي بـ يجون لا تخافين.. ام عامر : وينهم ما شفتهم..؟! قد ايش لك ما شفتيهم.. انتِ ناوية تعيدين اللي سويتية ببنياتكـ الكبار و تهملينهم.. مريم : خلصنا يمه من ذا الموضوع.. ويش تبوني اسوي اذبح عمري.. هم يبون يعيشون في فرنسا و ابوهم ما تاب بعد اللي صار لنا و المرمطة اللي صارت و العيشة القشرا اللي عشناها مطاوعهم و مشجعهم بعد.. و انا ما عندي استعداد اعيش هناكـ بعد كل اللي صار.. عامر : خلاص يمه لا تضايقينها بـ ذا الموضوع اللي صار صار.. ام عامر : ويش بـ يقولون علينا الناس البنت و خالتها متطلقات..؟! عبدالله : هذا النصيب يمه الواحد ويش يسوي..؟! ام عامر تناظر عماد و تهدده بـ عصاتها : و الله ان طلقت بنت ابراهيم اني ما اسامحكـ .. .. الفجر.. على سفرة الفطور.. فارشينها على الأرض.. الكل موجود عدا سعود اللي استأذن بـ ينام وطلع لـ جناحة و نهى و وعد و جود و صبا .. ام احمد : يا وليدي زوجتكـ ماهي نازلة..؟! ما اكلت شيء وهي تعبانة..؟!! ياسر اللي صحاها بالغصب باتصالة بعد ما رجع من الصلاة عشان ما احد يتكلم عليه : قلت لها.. الحين تنزل.. ابراهيم : يبه.. خالد يأكل من التمرة : هلا.. ابراهيم : المدرس يوم الخميس.. قال خل ابوك يجي بكره.. رمى خالد النواة بالصحن و ناظر ولدة : خيـــر..؟!! ليش ويش مسوي..؟! ابراهيم : ما سويت شيء.. خالد : ابراهيم .. يعني المدرس قال ناد ابوك على الفاضي كذا..؟! ابراهيم : ايه هو ناداني و قال لي خل ابوك يجي معاك يوم الأحد.. خالد : ويش يدرسك..؟! ابراهيم يهز راسة : و لا شيء.. قال اسمي المرشد الطلابي.. خالد بـ حدة : لا والله و بتفهمني انه مناديني على ولا شيء..؟! ابو سعود : لا تنتر على الولد.. روح المدرسة وشوف ويش يبي فيك.. خالد : ان شاء الله (لف على ولدة) لو تطلع مشاغب يا ويلك.. ابراهيم بـ ثقة : قلت لك انا ما سويت شيء.. احمد : ابراهيم رجال و عارف الصح من الغلط.. و يدري ان المدرسة مكان علم مو لعب و مشاغبة.. ابراهيم : ما سويت شيء يا عمي.. احمد ابتسم : ادري.. اذا تبي انا اروح معاكـ بكره...!! : صباح الخير.. ردوا عليها كلهم الا هو.. : صباح النور.. باست راس عمها و حريمة.. ناظرت بـ ياسر و بالمكان الفاضي جنبة.. بينه وبين سها اتجهت هناك مضطرة تجلس جنبة لأن الجهة الثانية فيها اخوانة.. عدا انه زوجها ولازم تجلس جنبة حتى لو ما تبي.. ام احمد : كيفك يمه اليوم..؟! صبا همست : بخير يمه الحمدلله.. ياسر همس بصوت يتردد على مسامعها هي فقط وعيونة على السفرة ما بعد اكتملت و اخوانه و ابوه بطـرف يتقهون : لا عاد تميعين و تقولين صباح الخير.. السلام عليكم و قضينا.. ما ردت.. يعني جات على كلمة صباح الخير بيمشيها لها.. اكيد بيطلع عذاريب بكل شيء.. هزت راسها من غير لا ترد لأن حضرتة ما يبي يسمع صوتها.. وعد : السلام عليكم.. : وعليكم السلام.. ما دخلت و باست راس ابوها لأنه هو اصلاً منبها ما تدنق عليه وهو يقعد على كرسي كيف على الأرض .. ام حاتم ناظرتها و هي تعدل الصحون على السفرة : زين يمه نزلتي عشان تفطرين البارح ما اكلتي شيء.. تعالي.. وعد : ما ابي مو مشتهية.. (ناظرت ابوها و اخوانها) نهى فوق منهارة.. من البارح تتصل على فيصل جوالة مقفل.. ابو سعود : غريبة..! هو وين رايح..!؟ وعد بـ إرهاق : ما ادري تقول استراحة ما ادري ويش.. قايلها بـ يرجع الساعة وحده.. وللحين ما رجع.. صبا وقفت نزلت دموعها من اول ما وعد قالت فيصل جوالة مقفل : يعني ايش..؟! فيصل صار له شيء..؟! ياسر وقف لفها له : ما فيه شيء.. لا تخترعين سيناريوهات.. الحين بـ نشوف وينه.. اجلسي.. دخلت نهى تصيح البارح داخلة بنفس اللبس بس روحها تضوي و الحين الدموع و الإنهيار مخليها لـ النقيض كحلها السايح مكياجها اللي ما مسحته عدلو دموعها تكفلت تمسحة زايد الوضع سوء .. جلست عند ابوها : بابا.. ابو سعود : اهدي الحين بـ نشوفة .. ما فيه شيء يخوف.. نهى : و الله صار له شيء.. مو قادرة اتحمل زود.. حاتم : استغفري ربكـ ويش ذا الفال الشين..!! وين المكان اللي رايح له..!؟ نهى هزت راسها و يد ابوها على كتفها : ما اعرف بس قالي انها بالبر و ما فيه ارسال وما راح يطول وحده بـ يكون بالبيت.. خالد : مع مين راح..!؟ نهى : مع ماجد ولد عمي.. ابو سعود يكلم خالد : دق عليه شوف وينه..؟! خالد يفتح القائمة على رقم ماجد : ان شاء الله يبه.. (لحظات حتى يناظر ابوه) جوالة مقفل.. نهى فزعت : شفتوا و الله فيه شيء و الله قلبي ناغزني.. هو قال ما راح يطول و الله..! حتى لو بـ يطول الحين الساعة بتقرب السبعة وهو ما جاء..!! صبا تناظر جوالها يدق بـ يدها بـ رعب : بابا..!! نهى وهي تبكي : هم دقوا علي و ما رديت.. ياسر يناظر صبا بـ حزم : لا تردين.. اكيد فقدو فيصل و نهى.. ابو سعود : ما حدد لك الديرة اللي بـ يروح لها ويش هي..؟! نهى : ما اعرف و الله ما اعرف..!! صبا : يمكن .. يمكن استراحة عمار.. هي هي اللي دايم يروحون لها.. ياسر : تعرفين مكانها..؟! صبا تفتح جوالها و يديها ترجف ماهي ثابتة : بـ جوالي.. فيصل مره ارسل لها لي على الواتس من رقم غريب.. سحب ياسر الجوال : هاتي .. (فتح البرنامج وهو يناظر بالقائمة يبي يلقط رقم غريب بالدردشة مو مسجل.. فتح على دردشة) : هاذي..؟! صبا : ايه هي..!! ياسر نسخ المحادثة و ارسلها له و حذف المحادثة من عندها..!! لأنه متأكد ان الرقم مو رقم فيصل اكيد رقم واحد من اخوياة و حضرتها حافظة المحادثة بعد..!! حسابها لا رجع.. : انا بروح اشوفهم هناك.. مشعل وقف : انا بـ اروح معاكـ .. ابو سعود : لا انت ما تروح.. خالد يروح معاه.. مشعل كتف يدينة متضايق : ليش..؟! ابو سعود بـ حدة : قلت ما ابيكـ تروح.. خلاص يا مشعل.. وقف خالد : استريح من اول ناوي انا اروح.. قبل لا يطلع الإثنين دق جوال نهى اتسعت عيونها ردت وهي تشوف اسم فيصل يدها على قلبها اول ما سمعت الصوت : فــيصل..!! تزحلق الجوال من يدها و طاح راسها على رجل ابوها مغمى عليها قبل لا تسمع شيء و الطرف الثاني يناديها.. صبا صـــرخت من حالة نهى اكيد صار شيء شين و الا ما اغمى عليها.!! : لاااااااااااااا.. احمد و حاتم اول من نطوا عند نهى حتى يجلسونها و يسندونها على ظهر الكنب.. ابو سعود سحب الجوال اللي طاح عند رجلة : الو.. فيصل..!! وينكـ..!؟ استغفر الله.. (يناظر بنتة اللي من سمعت صوتة اغمى عليها حاتم و احمد يحاولون يصحونها).. طيب يا عمي لا لا تشيل هم ما فيها شيء.. انت وينك بالضبط ارسل لك واحد من العيال..؟!.. خلاص خلاص مع السلامة.. ياسر : ايش فيه يبه..؟! ابو سعود : يقول السيارة خربت عليهم و هم نازلين الحين مع واحد.. صبا تبكي : يعني ما فيه شيء..؟! فيصل ما فيه شيء.. ياسر مسكها من عضدها يبيها تهدأ : ما فيه شيء ماله داعي الصياح و الصراخ اصلاً.. احمد يمسح على وجه نهى وهم ساندينها على ظهر الكنب : صحصحي بسم الله عليك..!! نهى فتحت عيونها : فيـــصل..!! ابو سعود يناظرها و يمسح على شعرها : ويش اللي صار لكـ..؟! ما فيه شيء يا امي قال انهم قريب.. شوي و بـ يجي.. حاتم يضربها على راسها بـ خفة و مبتسم : يغمى عليك عشان سمعتي صوتة..!؟ الله لا يبلانا.. مشعل يلعب بـ حواجبة : مزعجتنا من فترة قبل لا يرجع ما ابيه و ما ابيه و الحين وهو ما صار له شيء اغمى عليها..!! يارب ترزقني بأدمية تحبني كذا.. نهى تناظر ابوها مقهورة من اخوانها : خلهم يـسكتون عني.. ابو سعود قرص خدها : قومي اغسلي وجهك قبل لا يجي فيصل.. خالد : ايه و الله قومي لو شافكـ بـ يخليكـ عندنا و ينحاش.. نهى وقفت : مالت عليكم من اخوان.. ياسر : الا مالت عليكـ انتِ..(يمسك كف صبا) : اجلسي.. | |||||||||
|
| |
|
| أدوات الموضوع | |
| انواع عرض الموضوع | |
|
|
224Likes
.png)
.png)
العرض العادي
