07-07-14, 06:16 PM
| #1 | ||||
 
|  جرحنى....ولكن احببته المقدمة انت يامن احببتك منذ ان وعيت على هذة الدنيا فضلتك على كل من حولى ولكن بيدك انت حبيبى تجرحنى وتقتلنى انت يامن وهبتك قلبى انت هو من دمر قلبى وحولته الى فتات ولكن مع ذلك لظلت احبك وسظل احبك لانك انت من ملكت قلبى روابط الفصول المقدمة .. اعلاه الفصل الاول الفصل الثاني التعديل الأخير تم بواسطة كاردينيا الغوازي ; 22-07-14 الساعة 07:50 AM | ||||
|
|
07-07-14, 07:16 PM
| #2 | |||||||||
| مشرفة منتدى الأفلام وعالم السينما وكاتبة في قسم قصص من وحي الأعضاء 
| مقدمة جميلة في طريقة كتابتها وتوحي بان الرواية رومانسية على الاغلب...مبروك الرواية وبالتوفيق...في انتظار الفصل الاول ...تحياتي لكي... | |||||||||
|
|
|
07-07-14, 11:52 PM
| #4 | |||||
| اقتباس:
شكرا لمرورك يا قمر ويارب تعجبك | |||||
|
|
|
12-07-14, 04:15 PM
| #8 | ||||
| جرحنى ولكن احببته …. 1 فى شارع بسيط من شوارع مصرنا الحبيبة فى منزل متواضع ندخل هذا المنزل لكى نرى سكانه فى غرفة بسيطة تتكون من سريرين ومكتب تنام بطلتنا سما على احدى السريرين واخيها الاصغر على الاخر لاتستغربوا تواجدهم فى غرفة واحدة فمنزلهم يتكون من حجرتين وصالة الم اقل لكم انه متواضع ؟ فهم اسرة متوسطة الحال لايحتاجون لشئ والدهم يحبهم كثيرا ولا يبخل عليهم يشئ ووالدتهم تعشقهم فليس لها غيرهم فى الدنيا تستيقظ سما على صوت منبه الموبايل لتجد انها السادسة صباحا تقوم من نومها وتذهب لتتوضئ وتصلى الصبح قبل ذهابها الى كليتها لعد ان تنهى صلاتها تجد اخها قد استيقظ هو الاخر وتبدا خناقتهم اليومية على الصلاة سما:انت يابنى مش ناوى تقوم وتصلى الصبح قبل ما تنزل تروح مدرستك ياسر (اخو سما):انتى مالك ومالى اصلى ولا لا حاجة مالكيش دعوة بيها هو انتى الى هتتحاسبى ولا انا ]لاتستغربوا فتلك هى خناقتهم اليومية ...فهم دائما ناقر ونقير على راى والدهم ولكنهم يعشقون بعض على الرغم من فرق السن بينهم فسما فى العشرين وياسر فى الرابعة عشر[ تخرج امهم وتنهى تلك الحناقة اليومية المعتادة وتجهز معهم اشيائهم من اجل الذهاب كل واحد الى مكانة فياسر فى الصف الاول الاول الثانوى وسما فى السنة الثانية من كلية الاداب فسم لغات شرقية عبرى هى من ارادت ان تدرس تلك اللغة حتى تتعرف على العدو مثلما تقول ووياسر لايتوقف عن السخرية منها ......... من الان ستحكى سما عن نفسها وعن احداث حياتها اسمحو لى ساحكى عن نفسى بالعامية روحت كليتى زى كل يوم ركبت المترو والطريق طويل بين بيتى والكلية فاركب حوالى 20محطة بالمترو عشان اوصل وطبعا معايا اصحابى بيقولوا عليا مجنونة الشلة طبعا انا حابة انى افضل عايشة طفلة ومش اكبر غير فى مواقف الجد وبس عشان كدة بيقولوا عليا مجنونة وفرفوشة المهم بما ان الطريق طويل والعيال صحباتى الصبح بيكونوا عايزين يكملوا نومهم فمحبتش ارخم عليهم من الصبح بدرى كدة سبتهم يناموا ومسكتى اجندتى قعدت اكتب }بسم الله الرحمن الرحيم النهاردة كمان حلمت بيه وازاى محلمش وبابا كان لسة بيتكلم عنهم امبارح ياترى هو لسة فاكرنى ولا خلاص اتنسيت وازاى اصلا هيفتكرنى وهيفتكر منى اية عيلى بتجرى عشان تاخد من المصاصة بتاعه وهو بيجرى منها عشان متاخدهاش واخر لما يزهق ويلاقينى بعيط يجى ويسبهالى وهو مش طايقنى ياترى هو عامل اية اكيييييييد عايش حياته ولا بيفكر فيا انا الى هبلة وربطت نفسى بوهم اسمة حب الطفولة حتى هو ميعرفش انى بحبه ياترى لو رجعوا هيكون لينا علاقة بيهم ولا خلاص هم بقوا غيرنا مستوى تانى وعيشة تانية ياااااااارب ارشدنى لطريق الخير يااااااااارب { قفلت اجنديتى وقبل ماصحى البنات عشان ننزل عشان محطتنا جت وصلنا الكلية وكل واحدة راحت محاضرتها اه نسيت اقولكوا اصحابى الى بروح واجى معاهم مريم وايمان مريم معايا عبرى لكن ايمان تركى بس بنروح ونيجى سوا كلنا ولسة باقى الشلة هبقى اقولكوا عليهم بعدين دخلت المحاضرة انا ومريم لقينا باقى البنات قاعدين وحاجزين لينا دخل الدكتور وفضل يشرح واحنا مش فاهمين حاجة حاولنا نركز يمكن نفهم منه كلمة ابداااااااا كان عمال يتكلم عبرى وقواعد واحنا مش فاهمين حاجة مريم اخر لما زهقت قعدت تلعب على الموب وانا اركز شوية واسرح شوية انا علاقتى مع كل الى فى الكليه علاقة زمالة مش اكتر عمر علاقتى مع ولد اتعدت الحدود دية عشان انا عارفة كويس اوووووى ان مفيش حب فى الجامعة وكلهم عايزين يتسلوا اها فى من اصحابى مرتبطين ببعض وساعات بحس انهم فعلا ناويين يكملوا مع بعض بس فى سبب مهم انى مرتبطش فى الكلية وهو انى قلبى مربوط فى حتة تانية مع انى دايما اقول حرام ومينفعش افكر فيه كدة بس اعمل اية هو الحب الى بينى وبين نفسى دة حرام انا عمرى ماحكيت لحد على الى فى قلبى ليه وانا واثقة انى مشش فى دماغة اصلا وحاولت اشيله من دمافى بس مش قادرة عارفة وحاسة ان قدرى هيكون مع حد تانى بس اعمل اية فى فلبى المهم مطولش عليكوا انا والبنات مريم واسراء فاتن شرين دخلنا المكتبة قال هنذاكر يعنى ذاكرنا شوية ورغينا شوية لغاية اما اطردنا من المكتبة زى كل يوم المهم انا كالعادة قولتهم جعانة فردوا.... مريم:هو انتى يابنتى مبتبعيش ابداااااا وياريتة بيبان عليكى انا الى مش باكل شوفى عاملة ازاى (اصل مريم شايفه ان جسمها مليان مع انها مش كدة ابداااااا) اسراء:فى اية يابنتى ما تسبيها تاكل البت مفطرتش من الصبح انا: الله عليك يامعلم فاهمنى انت يابو قلب حنين ....يالا بقى عشان انا ممكن اكلكوا دلوقتى احمد زميلنا جة وبيقولى هتاكل مين انا: هاكل اى حد انا جعانة (زى ما قولتلكو هبلة فى تصرفاتى مع انى اكبرهم سنا بحكم الشهور وبكون عاقلة اوقات بس كلهم اتعودا عليا كدة) فاتن: احمد لو سمحت روح انت هات الاكل عشان الكافيتريا زحمة اوووى احمد : الفلبنية الى جابتهلكوا ماما وبابا انا عشان تدخلونى يعنى فى الزحمة انا: يابنتى سيبك منه انا هدخل اجيب شوفوا كل واحدة عايزة اية دخلت جبت الاكل وخرجتلهم بية بس كنت اتبهدلت بسبب الزحمة احمد ومحمد (ودول بيعملونا زى اخوتهم بالظبط وعيال جدعة اووووووووووى):هههههههههههه ههههه بيضحكوا عشان طرحتى اتبهدلت والجزمة بتاعتى اتقلعت فردة منها انا:بدل ما تضحكوا كنتو خلى عندكوا دم وتعالوا هاتوا انتو الاكل كل واحدة تيجى تاخد السندوتش بتاعها وواحدة تيجى تمسكلى يتاعى على ما اعدل هدومى واجى على ماجيت لقيت ايمان جت وقعدنا شوية ورغينا شوية اكتر وبعدها كملنا محاضراتنا وروحنا اول ما روحت لقيت بابا بيقولى يلا عشان تتغدى وبعدها عندى مفجأه ليكى جامدة جداااااا بصيت لياسر عملى بايدة انو ميعرفش فى اية انا وياسر اصحاب جدااااااااااااااا وسرنا دايما مع بعض ......يمكن سره هو اكتر بحكم انى الكبير وبخبى ساعات علية بس هو بيفهمنة من عينى يعرف اذاكنت متضايقة ولا فرحانة ولا فيا اية مش قولتلكوا مالناش غير بعض غيرت هدومى وقعدت عشان اتغدى معاهم وانا وياسر دايما نتخانق على التليفزيون هو عايز مصارعة وانا عايزة اجنبى بابا فى الاخر خد مننا الريموت وجاب ابيض واسود بعد الاكل بقول لبابا انا: ها بقى ياسيدى اية هى المفجاة ؟ بابا: فاكرة عمو ادهم ؟ انا(بذهول ودهشة غريبة ): عمو ادهم ...اها افتكرتة مش دة صاحب حضرتك الى سافر امريكا من زمااااااااان اوى ومنزلش مصر غير زيارات كل كم سنة (طبعا انا بستعبط لانى عارفة كويس اووووووووووى مين عمو ادهم انا كنت لسة سمعاهم بيتكلموا عنوا امبارح ) بابا : اه هو ياسمسم كلمنى امبارح وقالى انو عايز ينزل ويستقر فى مصر وكلفنى ادورلوا على بيت يكون قريب مننا ياسر (الى اصلا ميعرفش مين عموادهم دة غير بس سيرة وعمره ماشافوا):ازاى يابابا هيسكونوا معانا هنا دول ناس اغنيا اوووووووووى مش انت دايما تقول ان ربنا فاتحة هناك عليهم فى امريكا وكمان هينزلوا يستقروا بابا: اة ياياسر هما ناويين ينزلوا بستقروا وبعدين عادى يعنى لما يسكنوا هنا احنا شارعنا جميل اوى يا ولاد وبعدين هما مش هيعقدوا فى شقة زى دية ولا دانا اتفقتلهم على بيت كبير انا: بيت اية يابابا ماماتى : عارفة بيت طنط ام فاطمة الى جنبنا انا : عارفة طبعا دة مش بيت دية فيلا بس مش عارفة ازاى حطوها فى شارعنا بابا وماما وياسر :هههههههههههههههههههههههه� �هههههههه ياسر عندك حق والله اول مرة تقولى حاجة صح انا: اسكت يااااااااااااااااد انت .........وبعدين ماله بيت طنط ام فاطمة ؟ ماما: هى خلاص هتسافر تعيش مع ولادها فى السعودية انتى عارفة ان كلهم شغالين هناك انا(الفار ابتدى يلعب معايا ): اه وبعدين بابا : ولا حاجة حكيت لعمك ادهم على البيت وقالى حلو اااووووووى اتفقلى مع اصحابة وانا هحولك الفلوس انا(مخى خلاص هنج منهم وبقيت افكر معناته اية الكلام دة ): يعنى اية يابابا ماما :يعنى عمك ادهم وطنط منى حبايبك بتوع زمااااااان هيجوا ويسكنوا جنبنا انا (تبريق وقلبى بيدق جاااااااااااامد اوووووووووى وخوف ورعب )يعنى هييجوا ويسكنوا جنبنا فى الاجازات بابا: اجازات اية يابنتى بقولك عايزين يستقروا فى مصر . . . . .(يستقروا فى مصلر وهيكونوا هنا جنبنا يعنى هشوفهم كتيييير يعنى انا هشوف عم ادهم وطنط منى وعيالهم يعنى هشوفه تاااااااااانى بعد السنين دية كلها ياترى شكلك عامل ازاى دلوقتى يا ادهم ؟؟!!!!!!!!! | ||||
|
|
|
12-07-14, 04:17 PM
| #9 | ||||||||
| اقتباس:
اقتباس:
اقتباس:
اقتباس:
البارت نزل يا جماعة ياريت تقروه وتقولولى رايكوا اية | ||||||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
.png)
.png)
العرض العادي
