آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
04-07-16, 08:50 PM
| #241 | ||||||||
| مراقبة عامة ومشرفة منتدى الروايات المنقولة  
|  البارت .. _71_ .. الألم هو شيء قآتل .. فـ أن كآن دآئمَ فيصبح عبره وآن كان مؤقتا .. فـ سيكون درسا.. جميع من في هذه الحيآه .. قد عآش الم الزمآن والأكيدَ انه ذاق مرارة الاآيآم .. ولكن .. هنآك العديد العديد .. من الاشخاص الذينَ لم يعايشوا الألم الدآئم .. الذي لايزول ذكرآه ولا تمحى الامهَ .. ولا تنسى آهاتهَ .. فـ ربي اسألك صبراً لكل ألم ومصيبهَ واسألك القوه العجيبهَ . التي تجعلنا على اقدامناآ دائماَ واقفون دون الركوع والانهيار والسقوط .. الذي لا يسبقهَ الا الوجعَ .. والندمَ , .... مدآخله : .. الأشخآص اللتي لم يعد لهم وجود في الروآيه . فـ انتهت قصتهمَ .. وانتهى تمثيلهمَ ., وابداعهم الى هذا الحد .. فـ اتمنى عدم السؤال .. بعدم وجود بعض الاشخاصَ المفقودينَ فـ جميعهم احداث متداخلهَ .. وليست مهمه بأهمية الابطآل .. فـ هم حدث الروآيهَ .. وآبداعهاآ .. ملاحظه : غيآبي ليس بأرادتيَ آنمآ ظروف لا يعلم بها سوى ربا كريم .. لم يتبقى الا القليل على نهاية الروايه .. اذكروني بدعوه تصلح الحال وتزين الاحوال .. فليس لي منكم سوا الدعاء .. والمحبه .. " امجاد المطيري " بسم الله الرحمن الرحيم .... .................................................. ... اجتمعوا بالمجلسَ وبدت التساؤلات .. فهيد : وش يبي عزام ؟ ذيب بستغراب : الله واعلم وش يبي والله اني منصدم منه ولاني فاهمَ .. سالم وهو يلف سبحته : يمكن يبي يرجع ملاك .. بنبره حاده " ذيب " : يخســــــــــى .. فتح الباب عزام وبنبره ساخره : ولا فكرت حتى .. عدلوا جلستهم .. وقعدوا يناظرون فيه .. سكر الباب وقرب وجلس عندهم : بس ما انكر اني جاي عشانها .. بستغراب "ذيب : اختصر ياعزام ورانا شغل . عزام : لاتخاف بقد ماقدر بختصرَ . سالم : وش عندك ؟ عزام : ملاك بلتني في نفسي وفي زواجي وفي حياتي كلها ذيب بغضب : تخسى عزام كمل باصرار : وانا ساكت وصابر على كل اللي صار .. فهيد : طيب ياعزام وش تقصد بكلامك .. عزام : حاولت تفرق بيني وبين فاتن كثير .. بالبدايه تعاونت مع آن اللي سافرت واللي دخلت على فايز بالغرفه واغرته واتهمت فاتن .. للمعلوميه هذي وصايا ملاك مو فاتن سالم شد على يده بغضب : لا ترمي بلا زوجتك على اختي وتندم .. عزام يتكلم بهدوء ولكن بنفس الوقت بغضب : واتفقت مع وحده اسمها عبير كانت مريضه عندي في العياده بانها تتفق مع واحد يرسل لفاتن رسايل وكانه حبيبها .. حد سالم على اسنانه والغضب حاديه .. وكذلك ذيب اللي مو مستوعب كلام عزام .. فهيد : سمعت كلام زوجتك وصدقتها .. عزام : مع الاسف زوجتي ماتدري عن شي ولا تعرف عن التهايم اللي تجيها .. وهالشي زادني فيها حب .. ذيب : وش تقول ياعزام وش تقول ؟ عزام : وغير كذا واللي اقوى من الثنتين ذولي .. انها اجهضت نوره اختها عشان تتهم فاتن بهالطريقه .. ماتحمل سالم ومد يده بيعطيه كف ولكن فهيد مسك يده على طول وعزام ماتحرك من مكانه نهائياَ .. ذيب : عزام لا تكذب ؟ عزام وخر نظراته عن سالم ولف لعمه : مالي مصلوح اني اكذب ياعمي .. وانا مستعد اثبت لك كل كلمه قلتها .. ذيب ويدينه ترجف : الحين الحين تثبت .. عزام طلع جواله وارسل لسعود : اذا تبغاني اتركك في حالك ولا انبش وراك ورا اللي تحبهم ارسلي أي شي يثبت ان كلامك صحيح .. سعود : حالاً .. عزام : بسرعه انا انتظرك .. سعود : ابشر .. بعد دقايق .. ارسل سعود الملاحظات الصوتيه اللي من عبير .. والمحادثات اللي بينها وبين ملاك .. وحتى الرقم , مد لهم الجوال : تقدرون تتأكدون الحينَ .. اخذ سالم الجوال وصاروا يسمعون الملاحظات وكان صوت عبير وكلها فيها ان ملاك اللي طلبت وانها راح تدفع له مبلغ وقدرهَ .. وصلوا للملاحظه الاخيره واول مافتحها سالم كان صوت ملاك هالمره .. قفل الملاحظه على طول .. وغمض عيونه بغضبَ .. قام سالم بكل مايعنيه الغضب وتوجه لغرفتهاآ .. ذيب مسك يد عزام : استر عليها ياعزام جعل الله يسترك دنيا واخرهَ .. استر عليهاآ .. عزام : ياعم لو انا بفضحها ماكان جمعت اهلها وقلت لكم هالشي وبس كان رحت لعماني وعماتي والجميع وقلت لهم بان زوجتي بريئه من كل هالامور السخيفه .. ولكن عرفت وين المكان اللي اقدر اني اروح له .. ذيب : الله يسعدك ياعزام .. فهيد بصدمه : عزام .. تكفى لا يطلع البنت وراها مستقبل والله ثم والله لحقها لتاخذه منا .. عزام : انا مابي غير انها تبتعد عني وعن زوجتيَ .. قام وطلع من عندهم .. وتوجهه للمزرعه عشاآن ياخذ فاتنَ اللي كآن يبتسم طول الطريق .. يعرف انها ماتمشي بهالامور ابداَ .. ,,,,,,,,,,,,,,,,,,,,,,,,,,,,,,,,,,,,,,,,, بصرخه هزت المكآن : مــــــــــــــــــــــــ ـــــــــــــــــــــــــ لاك . انفتح باب الغرفه بقوه وناظرت ملاك بسالم بستغراب : خير خير وش فيك تفتح البباب كذا .. ركض عندها وصار يسحب شعرها : تعالي يابنت ال****** يالواطيه والله والله لامسح فيك الارض .. بدت تتعالا صوت صراخهاا .. وهي ماتدري وش فيه .. دخلت نوره تركض : ســــــــــــــــالم وش فيك اتركها سالم حذف نوره بعيد وعطا مملاك كف قوي حيل .. مسكت خدها وضلت تناظر فيه بغير استيعاب .. : وش سويت ؟ سالم : انا اللي اسألك وش سويتـــــــــــــــــــــ ـــي رجع ومسك شعرها وصار يسحب فييها بالغرفه ويضربها بكل قوه .. لحتى رجلها صارت ترجف لا اراديا .. ركض ابوهَ .. وابعد سالم عنها وهو يصرخ : بس ياسآلــــــــــــم انتهى .. ملاك ابتعدت عن سالم وهي تبكي : يبه وش فيه هالمجنون لا يكون سكران .. ذيب صرخ : انتي ولا كلمــــــــــــــــــــــ ـــــــــــــــه انفتح الباب بغضب وقوه مره ثانيه وتوجه فهيد لها لا اراديا وصار يضربهاا بكل قوته .. نوره دفت فهيد هي وابوها عنهاا ... سالم : خلوه خلوه يموتها اللي ماتربت .. لف على ابوه : انت السبب انت اللي دلعتها انت السبب .. نوره صرخت : فهمــــــــــــــــــوني وش فيكم .. سالم بكل غضب : تدرين من اللي اجهضك ؟ ملاك وسعت عيونها بكل صدمه .. نوره : فـ فـ فـ سالم : لا مو فاتن اللي اجهضتك اختك هذي " اشر عليها " ملاك ماقدرت تتمالك نفسها وطاحت على الارض تبكي : سامحيني نوره حطت يدها على فمها : ممستحيل ذيب حاول انه مايقرب ويضربها اكثر لانه شاف ان سالم وفهيد كفو ووفو .. فهيد : ايا الخسيسه من عبير هذي اللي اتفقتي معها تدمر حياة فاتن هاه .؟ ملاك : عـ عـ بـ يـر مـ مـي ن سالم بصراخ : انتي اكثر وحده تعرفينها مو اتفقتي معها تجيب لك حبوب اجهاض عشان تجهضون نوره وتحطون السالفه على فاتن ومو اتفقتي معها تدخل الخدامه على فايز وتتهمون فاتن ومو اتفقتو تكلمون سعود عشان يخرب حياة فاتن كانه حبيبها ؟ وانها تخون عزام صرخ صرخه عاليه : تكلمـــــــــــــــــــــ ـــــــــــــــــــــي نوره بكت بصوت عالي وطلعت تركض من دون ماتسمع اكثر .. فتحت باب شقتها ودخلت وهي تشهق .. ناظر فيها فيصل بستغراب وصدمه حذف اللي بيده وراح لها .. : نوره وش فيك وش فيك .. فيصل ضمها : بسم الله عليك بسم الله وش صاير .. نوره : تكفى تكفى اطلع عني شوي بس تكفى .. فيصل مسح دموعها : لا والله ماني بطالع وانتي كذا طلعتي مافيك شي وش صار لك .. ؟ نوره باست يده : تكفى خلني فيصل تنهد : اوعديني اذا رجعت من الشركه تقولين لي كل شي ؟ نوره هزت راسها بالرضى .. وراح .. ....... ذيب طلع سالم وفهيد غصب .. وسكر الباب .. ناظر فيها بعيون غاضبه : اخخخخ ياخسارة الثقه ياخسارتهاا ملاك ضلت تحوبي على الارض وتبكي لحتى وصلت لابوها ومسكت رجوله : سامحني يبه ساااااااااامحني .. حذفها بعيد عن رجله واخذ جوالها والاب توب والاي باد اللي بيدها : ذولي والله مايرجعون لك ومصروف والله ماتخذين وينقطع عنك .. وتجهزي ترا بزوجك اخو فيصل فارس , ملاك : يـبه لا تكفى يبه لاآآآآآآآآآآآآآآآآآآآآآآ طلع بدون مايكلمهاا وسكر الباب بقوههَ .. ,,,,,,,,,,,,,,,,,,,,,,,,,,,,,,,,,,,,,,, ابتسم وارسل لها رساله : مساء الخير ياجمل اميره ,, بدون نفس ردت : مساء النورَ .. مشاري : شلونكك ياقلبي .. اميره: مشاري رجاءً لا تقول كلام غزل لاني ماحب مشاري : من اللي مايحب الكلام الحلو ؟ اميره : انآآ .. مشاري : طيب ما عليه علميني اخبارك .. اميره : بخير وانت ؟ مشاري : والله من لحظة اللي كلمتيني فيها وانا بخير .. اميره : عسى دوم الخير مشاري : كانك تبينه يدوم لي لا تخليني .. اميره حطت فيس مستحي : الله يهديك صعبه اخليك .. مشاري :الله يسعدك وعساني مافقدك .. اميره : امين يارب شلونك وشلون عزام ؟ مشاري عدل جلسته : زين اميره : شفيك كانك تحسست مشاري : لا تظنين .. بس اميره : شوف والله عزام مايهمني والله الحين معاه ولد ومتزوج ولاني من هالنوع الحين محد يهمني غيرك .. ابتسم : وببقى لك طول العمر .. اميره : ان شاء الله .. مشاري : قررت اني افاتح عمي بهالموضوع .. اميره : لالالا مشاري وش هالكلام .. مشاري : ليه ؟ اميره : انا ما كلمتك الا اني ابي افهمك وتفهمني تونا على الزواج بنعيش الحب الحين .. مشاري : ياقلبي اناااا نعيشه نعيشه ليه لا .. اميره : لاحقين ان شاء الله مشاري : بس مثل ماتعرفين انا احبك صار لي اربع سنين ونص وانتي ماعمرك فكرتي فيني الا هالاسابيع ذي ماودي تروحين من يدي بعد م حصلت عليك .. اميره : مو رايحه , انا لك .. مشاري : اخاف تروحين .. او احد يجي يخطبك وتوافقين .. اميره : لا لا تخاف مشاري : وعــــــــــــد ؟ اميره وهي تقلب وجها بقرف : وعــــــــد .. ,,,,,,,,,,,,,,,,,,,,,,,,,,,,,,,,,,,,,,,,,,,,,,,,, جلس بغرفته مسكر عليه الابوآب .. " فهد " .. فاتح اخر مقطع لنآيف .. لما كان يقول لمنار احبـــكَ .. دمعت عيونه وهو يشوفه لاخر لحظآت .. تمنى لو وقتها ضمه حيل لصدرهَ او قدر انه يمنعه .. ولكن .. مايفيد الندم ولا تفيده ليت .. اخذ جوآله وتوجه لغرفةَ منار .. فتح الباب وشافها منسدحه وتناظر السقف .. منار بستغراب : فهد ؟ فهد سكر الباب بهدوء وقرب منهآ ومد لها الجوال .. : اتوقع ان المقطع هذا رساله من نايف لك .. عقدت حاجبها واخذت الجوال بهدوء وضغطت على المقطع .. اول ماشافت شكله وهو يضحك ويقول منار احبك .. دمعت عيونهآا بكل ألم .. سحب منها الجوال قبل لا توصل ليوم انه قلب .. لانه شافها كيف انهارت .. وصارت تبكي بكل ألم .. رجع وطلع وهو عاقد حاجبه بحزن .. مايدري وش يسوي عشان ينسى اجمل ذكرى .. اللي هي نآيف , ضغط على حذف . وحذف المقطع عشان مايتعذب اكثر .. ,,,,,,,,,,,,,,,,,,,,,,,,,,,,,,,,,,,,,,,,,,,,,, فتح الباب بغضبَ .. وشافها تنشف شعرها المبلول .. صرخ عليها بصوت غاضب : طلعي ملآبســـــــي سديم بستغراب : وش فيك ؟ وش صاير ؟ سالم قرب منها بحده : و .. ش .. د.. خ..ل..ك سديم تنهدت : سالم وشوله ملابسك ؟ وش قصدك سالم بغضب مسك يدها وخرها عن الدولاب : ماحتاج تطلعينها انا اطلعها بنفسي .. سديم : اكيد صاير شي لك بس وشو ؟ سالم : هذا شي ما يعنيك ؟ حلو ولالا سديم صرخت وحذفت المشط على بيدها : سآلم تعبــــــــــــــتتتتت : ابي احس انك زوجـــــــــــــي نزلت دموعها بغضب منه وهي تصرخ وتضرب على صدرها بنفاذ صبر : دايم تهيني وتهين كرامتي واسكت بس انا تعبتتتتتتتتتتتتتت خلاص تعععععععععععبت سالم : اتعبي لين اشوفك ميته ولا راح ابكي عليك نفس نايف .. كانت الكلمه جدا قويهَ في عينهآ ضلت تناظر فيه بنظرات ضعف وجع .. همست بصوت باكي : وش سويت ؟ غير اني حبيتك .. ضل يطلع ملابسه من دون مايناظر لها ولضعفها . . سديم جلست على ركبها قدامه : سالم ابيك تغير من نفسك ومن حياتك .. سالم بسخريه : مو انتي اللي تغيرين لي حياتي ونفسي .. سديم : سالم انا وياك ورانا مستقبل وعيال مابي ابوهم كذا , سالم : عيال .. ؟ ضحك بصوت عالي : ههههههههههههههههههههههههه هههههههههههههه .. استغفرالله بس .. سديم : ليش تضحك ؟ مسحت دموعها وهي تنتظر رده ولكن ما كانت تعرف ان الرد بيبكيها ولا مامسحت دموعها ,, : العيال اقدر اجيبهم من عشره من اشكالك .. قام وشال شنطته بغضب وطلع من البيتَ .. سندت راسها على الجدار وشعرها المبلول متناثر على وجها .. ضلت تبكي بكل الم وهي تسترجع كلامه بذاكرتهاا .. ولا غاب عن بالهاا للحظهَ , ,,,,,,,,,,,,,,,,,,,,,,,,,,,,,,,,,,,,,,,,,,,,,, | ||||||||
|  |
|
04-07-16, 08:51 PM
| #242 | ||||||||
| مراقبة عامة ومشرفة منتدى الروايات المنقولة
| ركبتَ السياره هي وخالد .. لفت على عزام : اخبارك ؟ عزام ببتسامه : بخير وانتي ؟ فاتن : بخير .. اخذ خالد من يدها وحطه بحظنه وكمل يسوق .. فاتن : قلت بخليك يومين ماقلت اسبوعين ؟ عزام من دون مايناظر فيها : ليش اشتقتي لي ؟! فاتن ضحكت : مو سالفة شوق عزام لف عليها وهو مبتسم : سالفة ايش اجل ؟ فاتن : استغربت .. عزام : حنا رايحين للقصر فاتن : ليه ؟ عزام : امي تقول انها مشتاقه لك ولخالد .. فاتن ابتسمت : صدق .. عزام : صدق .. فاتن : طيب خلني اروح البس على الاقل عزام : ليش وش لابسه انتي الحين .. ؟ فاتن : قميص امي نوره ضحك : لا عاد .. فاتن : ايه شسوي مخليني اسبوعين ماتدري عني معاي ثياب ولالا ولا ترد على مكالماتي . عزام : اتصلتي في وقت غلط .. وكان عندي مشكله حليتها وجيتك .. فاتن : اهاا .. طيب ودني لبيتي البس والبس خالد , عزام : قبله بسالك .. فاتن : طيب .. وقف سيارته على جنب ولف عليهااآ .. : سعود .. ضلت ساكته وتناظر فيه بصدمه .. عزام : ليش كنتي تقولين لي انك تعرفينه رغم انك ماتعرفينه فاتن تنهدت : كنت ابي اقهرك بس وش خلاك تثق اني ماعرفه .. عزام : ليش تعرفينه ؟ بدفاع : لاوالله وغلاة خالد اني ماعرفه .. رجع حرك سيارته من دون ما يرد عليها والاهم عرف انها لما قالت اعرفه كان وقت انتقام .. فاتن : اهو مين اصلا ؟ وش كان يبي منيَ .. عزام : من كلاب ملاك .. صــــــــــــــــدمــــــ ــــــــــــــهَ .. فاتن : آيــــــش عزام : بس هالشي راح يكون بيننا لاني تحاسبت مع الاثنين وكلن اخذ حقه وقسمته من الضربَ , فاتن : وش تبي ذي ؟ عزام : لا تخافين من اليوم ورايح بتخاف من ضلك .. فاتن : وش سويت ؟ عزام : ماضر احد م عليك .. فاتن : لا تضر .. لف عليها بسرعه وصدمه : وش قصدك .. بلعت ريقها : مادري اتوقع .. عزام عرف وش قصدهاا وكمل طريق بدون مايرجع ويتناقش معاها .. ,,,,,,,,,,,,,,,,,,,,,,,,,,,,,,,,,,,,, مشآعل : ليش ماتودي طارق امه ؟ مرت ثلاث اسابيع يمكن ماشافها تركي : هو ما سال عنها ولا هي سألت .. مشاعل : بس ما يصير انك تسوي كذا مايصير انك ماتوديه تركي : مشاعل اسمعيني .. اهي لماا قالت لي خل طارق معااك وش كان قصتها كانت بتتغرب من دونه يعني بتقنعيني انها بتهتم لاسبوعين .. ؟ مشاعل : ماتدري يمكن قلبها قاعد يتقطع عليه .. تركي : انا اللي قاعد اسويه الحين مو حرمان الي اسويه هو اختبار ماراح اودي طارق الا لما هي تطلبه وقت ماتطلبه بقولهاا انها غلطت لماا قالت لي اخذ طارق معاك والدليل ماتحملت بعده اما اذا ماسالت عنه فـ هذا دليل ان طارق مايهمها صدق .. مشاعل : مستحيل ان طارق مايهمها هذي ام مهما كان .. تركي : يصير صدقيني يصير . مشاعل : مستحيل تركي : انتي ماعرفتي سحر ولا لو عرفتيها كان قلتي صح كلامك .. مشاعل : شلون يعني ماتحب طارق ؟ تركي: حتى دراسته فشل فيها وعاد سنتين بسبب اهمالها تدرين لو ماانا اذاكر له كان هو تارك الدراسه من سنين .. مشاعل : وليش كل هذا .. تركي : سحر طغت .. وعصيانها اكبر شي في حياتها . وللكبرياء عندها قيمه مهما كان الثمن ولدها او زوجهاا هذا مايمنعها من انها تتبع عزة نفسها .. مشاعل : هذي مو عزة نفس والله اعلق كرامتي على الباب عشان اهلي وعيالي تركي : هذا انتي مو سحر .. مشاعل : ماددري هالشي بينك وبينها وبين طارق لكن تكفى لما يقول طارق انه يبي امه لا تمنعه .. تركي : ماراح يقول .. ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,, ركبَ السياآرهَ وهو يمشي بأقصى سرعه .. وبسرعه تعدت القانونَ , يحد على اسنانه من ملاكَ .. الغضب تمالكه .. وسكن دآخلهَ تمنى لو انه يقتلها ولكن فضل انه يبتعد عشان مايجيب أجلها .. ومن الناحيه الثانيه منصدم من سديم اللي قاعده تتحمله بدون فايده .. مايدري ليه يجرحها وهي مالها ذنب بكل اللي قاعد يصير , حتى ابتعادهَ عنهاآ .. كان ايقاف لجبروته وجروحه اللي كانت كـ سوط تقتل قلبها بدون مايحس فيهاآ .. يعرف انه خطا يعاملها كذا .. ولكن مايدري ليش يسوي هالشي يعرف انه يحبها .. ولكن مايدري ليه كل هالقسوهَ .. غمض عيونه وزاد على السرعه اكثر .. كل همه يوصل الشقه ويتمدد فيها .. بعدد التعب اللي صار ,, ولكن قبل لا يفتح عيونه .. شاف نور قوي قدامه .. وبوري قوي جداً وكأنه يحذره يخفف السرعه ولكن مع الأسف .. ضرب السيارههَ .. وآنتـــــــــــــهى .. ,,,,,,,,,,,,,,,,,,,,,,,,,,,,,,,,,,,,,,,,,,,,,,,, كانت جآلسه على الآب توبَ .. شافت مكالمه من شهد استغربتَ .. ردت : الو .. شهد : تعالي بسرعه بسرعه للمول ال********* اميره : بسم الله ليش ؟ وانتي وش تسوين هناك شهد : كنت اشتري ولكن شفت شي بيعجبك بسرعه بسرعه تعالي .. اميره : مابي اشتري شي .. وماني جايه لاني تعبانه .. شهد : ضروري تجين لان هالشي مو قطعه هالشي انسان تعالي اميره : مافهمت .. شهد : حسين اللي قلت لك عنه موجود تعاليَ شوفيه بسرعهَ .. اميره : طيب يلا جآيهَ .. ,,,,,,,,,,,,,,,,,,,,,,,,,,,,,,,,,,,,,,,, في المـــــــــــولَ .. شخص طويل عريض .. وسيم جداَ .. يشبه عزام في ملامحه شويَ , وثقيل جداً , كانت شهد تراقبه من بعيد لحتى شافته دخل مقهى المولَ .. جت وجلست على الطاوله اللي جنبه وحاولت انها ماتلفت انتباههَ . وهو اساسا .. م ناظر فيها وكان طول وقتهَ يناظر بجوآلهَ . . بعد 52دقيقه .. وصلت اميره .. دخلت بهدوء ومن دون ماتفلت انتباهه جلست على طاولة شهد .. اشرت شهد بعيونها عليه .. واول ماشافته اميره كانها تشوف عزام .. شهقت بصوت قصير وصارت ترسل لشهد بجوالها .. : يومه يخقق يخقق شهد : ما قلت لك .. اميره : بالله عليك هذا امه صديقة امي ؟ شهد : ايه ويقولون يبون يخطبون له وانا سمعت امي وهي تتكلم عن امه تقولها زوجيني من بناتك .. اميره : اسالك بالله .. وش قالت امي شهد : مادري بضبط وش قالت بس انتي وش رايك اميره : يوما والله اخذ عقلي يجنن عجبني حيل حيل شهد : حتى شخصيته تعجبك .. ومعروف وكل البنات طايحين على وجيهم عندهَ .. اميره : لازم لازم اكلم امي بهالموضوع مالي شغل ابيه .. قام من على الطاوله بعد ماشرب الكوفي حقه طاحت عينه بعين اميره وعلى طول نزلت عينها ابتسم لخوفها .. وطلـــع .. اول ماطلع ضربت يدها بطاوله وهي تقول : قتلني .. ,,,,,,,,,,,,,,,,,,,,,,,,,,,,,,,,,,,,,,,,,,, الساعه 8:33 م .. اتصل رقم غريب .. ورد على طول .. : هلا .. ...: ذيب آل .... ذيب : ايوا نعم من معاي .. ... : احنا نكلمك من مستشفى ال.... تعرف ابنك سالم الى حادث شنيع ولكن الحمدلله رب العالمين عدت على خير وهو يطلب رؤيتك حالاً .. صــــــــــــــــــــــــ ــــــــدمـــــــــــــــ ــــــــــــــــــــــهَ ,,,,,,,,,,,,,,,,,,,,,,,,,,,,,,,,,,,,,,,,,,,,,, رفعه : وش فيكم عسى ماشر صار لكم ساعه تبون تقولون شي وساكتين ؟ اميره : يمه ابي اكلمك بخصوص خطبة صديقتك لولدها حسين رفعه : بسم الله الرحمن الرحيم وش دراك انتي لفت على شهدد : اكيد قايله لها شهد : اكيد رفعه : أي وش ردك على المموضوع اللي اعرفه انكم رافضين فكرة الزواج ؟ اميره : لا يمه انا فكرت حيل وصراحه انا موافقه وسعت عيونها : صادقه ؟ اميره : صاددقه مررتيننن وفكرت واستخرت بعد رفعه : ومشاري ؟ اميره : اووووووف مشاري مشاري رفعه : طيب طيب هدي خلاص بكلم ابوك وارد للحرمه خبر وقتها لا تغيرين رايك اميره ابتسمت : مستحيل اغيره .. شهد حركت حواجبها لاميره وهي تقول : ياشبيه صويحبي حسبي عليك " قصدها حسين اللي يشبه عزام " .. اميره مدت لسانها : انن ننن ,,,,,,,,,,,,,,,,,,,,,,,,,,,,,,,,,,,,,,,,,,,,,,, وصل للمستشفى وهو يدعي بأن سآلم يكون بخيرَ .. شآف الدكتور يناظر فيه وعرف انه ابوه .. الدكتور : انت الاستاذ ذيب ؟ ذيب هز راسه بخوف : وش فيه يادكتور الدكتور : الحمدلله الحادث عدا على خير ولكن مع الاسف .. سكت للحظات ثم قال بغضب : ايش ؟ الدكتور : سبب له شلل حركي ذيب حط يده على فمه بصدمه : يـ آلله الدكتور كمل : واصبح مقعد .. ولكن لا تخاف هناك طرق باذن الله راح تفيده ويرجع يمشي من جديد .. ذيب دمعت عيونهه : اقدر اشوفه ؟ الدكتور : وياليتك تهدي من خوفه لان صابه انهيار بعد سماعه لهذا الخبر .. فتح الغرفه عليه وشافه يبكي بألم ويدعي ربه .. سكر الباب وغمض عيونه بحزن .. : الحمدلله على سلامتك يَ سآلـــم لف على ابوه وقال بصوت كله نحيب : يبه ماعاد انا متحرك من هالكرسي يايبه .. ضمه بقوه : لا يا سالم لا تقول كذا انا سالت الدكتور وقال بعد العلاج راح يرجع يمشي بأذن الله .. دمعت عيونه : تكفى يايبه ادع الله اني امشي تكفى يايبه .. ذيب مسح دموع سالم وباس راسه : خلاص باذن الله راح تقدر تمشي لا تخاف .. .. ,,,,,,,,,,,,,,,,,,,,,,,,,,,,,,,,,,,,,,,,,,,,,,, صار يدق عليها اكثر من مرههَ ولكن الغريب عدم ردها .. وأرسل لها ولكن كانت تقرا ولا ترد .. لحتى جت الساعه 11 .. وردت بدون نفس : هلا .. مشآري : خوفتييني عليك .. اميره : مشاري انا لازم اتكلم معاكك وجهاَ لوجه مشاري : ليش ؟ اميره : نتكلم بالمستشفى مشاري : لكن انا دوامي صار معاكس لدوامك اميره : ضروري تجي مشاري : طيب ابشري ياقلبي .. اول ماتداومين علميني وراح اجي ان شاء الله .. اميرهه : طيبَ .. ,,,,,,,,,,,,,,,,,,,,,,,,,,,,,,,,,,,,,,,,... فجأه وقفها عند مول .. لفت عليه بستغراب : ليش المول ؟ عزام : احس من زمان مارحتي اشتريتي شيي واحس بخاطرك اشيا فاتن ضحكت : لا مو بخاطري شي صدقنيَ .. عزام : يلا بلا دلع وانزلي .. تذكرت كلام عمتهاا للحظه لما قالت لهاا : اذا انتي شاكه علميه وخليه يروح يحللك لا تسكتين .. عزام : يلا انزلي .. فاتن مسكت يده : لحظه عزام .. عزام : ايش ؟ فاتن : بقولك كشي عزام رجع وسكر الباب : وش فيك فاتن : خلنا ننزل اول شي للمول عقبه اقولك عزام : مصره ؟ فاتن : ايه .. عزام شال خالد ونزلوا .. دخلوا المول وتوجهو لمحل النسائي دخل معاها .. وصارت تختار كذا قطعه .. طلعت فستان جدا جميل بلون البامبي .. ناظرت بعزام : حلو عزام : ايه حلوو .. الهندي تكلم بالانجليزي : سعره 2809 فاتن : وش يقول . ؟ عزام : سعره .. فاتن : كم ؟ عزام : 2809 شهقت وحذفته من يدها : والله لو انه مطوق بذهب طير عيونه الهندي بصدمه وعزام رفع حاجبه باحراج : عادي اخذيه يافاتن .. فاتن : صاحي انت صاحي الفين الفين ذي والله اني اشتري فيها عشر فساتين .. ابتسم على جنب : يابنت الحلال هالمحلات غاليه فاتن : والله ماشتريه هذي نعمه الله لا يجعلنا في قحط .. عزام :طيب شوفي لك شي ثاني دام كذا .. فاتن : اهم شي غالي ماني شاريه عزام بنفاذ صبر : فاتن خلصنااا يلا تاخر الوقت .. اخذت فستان ثاني لونه كحلي .. : هذا العامل بالانجليزي : 1900 فاتن : كم .؟ ابتسم : بـ 99 ريال فاتن : أي حلو .. اخذت بنطلونين وبلوزه وجاكيت حلو وشنطه .. السعر كله كان : 4890 فاتن : كم ؟ عزام : 300 ريال اغراضك كلها يلا عطيني خليني احاسب تأخرنا .. حاسب الكاشير .. اتصل جواله مد لها خالد .. ورد .. عزام : الووو .. اهلاا .. : وش فيك ؟ : لا لا : لا حووول : ططيب وش لونه الحين .. : يلا جاي .. : على خير .. فاتن : وش فيه ؟ عزام : سالم سوا حادث ويقولون انه ماعاد صار يمشي شهقت : اعوذ بالله .. | ||||||||
|
| |
|
04-07-16, 08:53 PM
| #243 | ||||||||
| مراقبة عامة ومشرفة منتدى الروايات المنقولة
| .. الموت ياخذ من نبيهم يعيشونَ ما ياخذ اللي ودنآ أنه يموتَ , بـ قلمي .. آحبتي آين مآ كنتمَ .. عزيزآتي .. اخوآتيَ .. وصديقآتيَ سآمحوني .. آن اخطأت فـ آنا عبداً يخطئ .. فـ ليس في الدنيآ من لا توجد له اخطآء .. آن كآنت روآيتي اعجبتكم .. ادعوا لي بتوفيقَ .. وبسداد امريَ .. وآن يرزقني ماتمنيت وماصبرت من أجله حتى هذا اليوم .. فـ ليس لي منكم غير هذا .. وآتمنى من نشرهآ في كل مكآن مع حقوق الاسم المحفوظهَ .. وشكرآ من الاعمآق .. نبـــــــــــــدا .. ,,,,,,,,,,,,,,,,,,,,,,,,,,,,,,,,,,,,,,,,,,,, عزآم : انا لازم اروح اشوف عمي اجل .. ماراح أخليه لحاله , فآاتن : ايه افضل .. بس طمني اذا صار أي شيَ .. عزام : آن شاء آلله مو صاير شيم و عاجبنا فاتن : بس تقولي الولد صار مقعد عزام : لكن فتره مع العلاج وبأذن الله يتحسن واذا كان مافيه امل هالشي الله كاتبه مآفي يديننآ شي آبداً .. فآتن : طيب يلا خلنآ نرجع .. ركبوا السياره ولف عليها على طول : انتي كنتي تبين تقولين لي شي وشو ؟ فاتن بلعت ريقها : أي كنت بقولك من زمآن .. بس مو وقته الحين .. عزام رفع حاجب : لا قولي .. فاتن : لا نهائيا الوقت ما يساعد بأني اقول هالموضوع لما ترجع وتهدا الامور ونعرف ان الولد بخير ان شاء الله بقولك .. عزام شغل السياره : يصير خير .. توجه للمستشفى وهو حزين على الشيء اللي سمعه صدق ما تمنى هالشي يصير مهما كآن هالشخص هو اللي استفزه دائما الا انه حن عليه كثير ولكن وش يقدر يسوي او يقول .. كله قضاء وقدر .. اتصل جواله وكآن مشاري رد بسرعه : هلا مشآري .. مشاري : وينك فيه ؟ عزام : متوجه للمستشفى عند سآلم .. مشآري : انا بالمستشفى بعدَ عزام : عشان سالم ؟ مشارري : الحقيقه لا وآلله كنت جاي عشان موضوع بس انصدمت من اللي صار في سآلم .. ومادريت انك جاي ولا كنت بوصيكك تجيب امه لان حالتها سيئه وتبي تشوفه واضن انها جت مع فهيد ولا واحد من عيالها .. عزام تنهد : الله يشفيه ويعافيه ويرده نفس اول وافضل .. مشاري : اللهم امين لا تسرع .. عزام : آن شاء الله .. بعد مسافةة الطريق ناظر فيهاا قبل لا ينزل للمستشفى : انتظري هنا شويآت ورآح اجي .. هزت راسها بالرضى : آن شاء الله .. فتح الباب ونزل بخطوات متسارعه لحتى شاف ابو جاسم ماسك الكرسي المتحرك وينزل سالم مع الدرج طالعين من المستشفىَ .. وقفهم عزام وسلم على سالم : طالع من الشر سالم هز راسه بحزن وضيق واضح من عيونه اللي كانت منتفخه من البكي .. جلس عزام قدام سالم وهو يهمس بصوت قصير : انتبه تخلي هالشي يأثر على نفسيتكَ .. ياسالم بتقدر تمشي مع الوقت باذن الله وهذا وعد مني لك .. راح تككون لك جلسات كثيره مع دكتور شاطر وانا راح اتكلف بكل جلساتك لحتى تقوم على رجلينك نفس اول وافضل .. نزلت دمعته وهو يقول : فيه أمل .. عزام بسرعه ومن دون تردد : اكيد نهائيا لا تقطع الامل من ان الله ماراح يشفيك فـ الله على كل شيء قدير .. سالم : ونعم باللهَ .. عزام قام وناظر بعمه : الحمدلله على سلامتهَ وفتره وتعدي ان شاء الله .. ذيب : ان شاء الله .. وخر عن طريقهَ ومشوا متوجهين لسياره فتح لهم عزام باب السياره وخلا سالم يسند على يدينه ورفعه لحتى دخله السياره .. سكر الباب وشاف سالم يناظر فيه مع شباك السياره وابتسم ابتسامه مكسوره .. بادله عزام الابتسامه ولكن كانه يعطيه الامل من جديد .. رجع وركب سيارته وشافها تناظر بحزن فيهم .. : الحمدلله عدت على خير .. فاتن : آلله يعينه واضح انه مصدوم من اللي صار , عزام : شي مايقدر يعترض عليه فاتن : اكيدَ .. عزام : يلا قولي وش عندك هه تو شفتني الرجال مافيه الا العافيه .. فاتن تنهدت : ااءء عزام يبيها تكمل : ايوه ؟ فاتن : صراحه انا شاكه اني حآمل .. " لا واثقه " .. ابتسم ابتسامه عريضه : صدق ؟ فاتن بسرعه : شاكه شاكه بس .. نزل من السياره وتوجه لبابها وهي تناظر فيه بصدمه لحتى فتح الباب .. فاتن : وش فيك .. اشر بعيونه على المستشفى : مثل منتي شايفه المستشفى وفر علينا طريق ..زين ما مشيت وقلتي لي فاتن سحبت يدهاا من يده : لالا الله يخليك مابي انزل .. عزام رفع حاجبه : بدون كلام .. تنهدت ونزلت معاهَ .. وهي تتحلطم على نصايح عمتهاآ .. في الطرف الثآني من المستشفىَ .. وقف ينتظرهاآ في مكتبهَ لحتى دخلت بسرعه وسكرت الباب .. ابتسم وصار قلبه يضرب مثل الطبل .. حاول يتكلم ولكن م قدر .. اميره : سلام .. مشاري ببتسامه : عليكم السلام ياهلا .. اميره : مشاري بقولك شي وياليت تفهمني .. هز راسه بسرعه وهو يضحك : قولي قولي .. كآنت حزينهه على الشي اللي بتقوله ولكن بدون تردد .. : آبيك تنساني وماعاد تفكر تلاحقني من بعد اليوم صـــــــــــــدمـــــــــ ـــــــــه .. مشآري تقصلت ابتسامته ونزل مفاتحيه على الطاوله وهو يتلعثم من كلامها .. : ليـ يـ ه ؟ اميره : شوف مشاري وآلله يامشاري مابي اجرحك بس هذي الحقيقه يعني .. اخذت نفس وهي تحاول تختصر الموضوع وتنهيه وترتاح مشاري وهو يشد على يده : حقيقة ايش ؟ اميره : انا حبيت حسين صـــــــــــــــــــــدمـ ـــــــــــــــــــــــــ ـه .. مشاري ضل يناظر فيهاا من دون ينطق ولا كلمه وحتى عجز انه ينزل عينه .. مجرد ملامح بدون أي ردة فعل .. اميره : هو نصيبي وهذا اللي الله كاتبه وامه خطبت وانا وافقت ومن الله وافقت وشكلها خيره .. مشاري : اميره انتي وش تقولين ؟ انا والله احبك واحبك بدين وذمه وضمير ولا فكرت اني اخونك او اجرحك بيوم من الايام .. هو مو نصيبك انتي بس تظنين انه نصيبك ولا نصيبك تراه اناا .. اميره : لا هو .. مشاري : انا ماني مستوعب والله احسك تمزحين ولا مسويه مقلب شي اذا تمزحين ترا حركه بايخه ضحكت : المزح مو شين بس انا صادقه مشاري : وشلون تتأسفين يا اميره ؟ بعد سنين وانا احبك قالها بنبره حاده كلها غضب وحزن وعبره مخنوقه : بعد سنين راحت كلها محاولات اني انساك لحتى قربت على اني انسى واختار طريقي طلعتي لي مره ثانيه وقلتي لي يامشاري ابيك واحبك وشلون تسوين فيني كذا ياميره وشلون ؟؟ اميره وقفت عن الحركه اول ماشافت دمعته تنزل بهدوء .. كمل بقهر : ليه عطيتيني امل ماهو بموجود ؟ لييه ماتحملت تشوف دموعه اللي اول مره بحياتها تشوفه .. بعد ماحست بنهياره فتحت الباب وطلعت من دون أي جواب ثاني .. راح للكرسي وطاح عليه بقوه وهو يبكي بكل مايعنيه القهر والغبنه .. نطق كلمه وحده وكآنت من قلب : حسبي الله عليك .. ,,,,,,,,,,,,,,,,,,,,,,,,,,,,,,,,,,,,,,,,,,,,,, الساعه 11:21 م .. كآن جآلس في مكتبهَ ويقرا كتآب كله قصصَ تاريخيهَ , تعتمد على السياسهَ اكثر شيَ .. فقد اتصالات مشآري .. وكل لحظه يناظر بجوآله والغريبَ انه مرسل له رساله العصرَ ولا فتحها الى الان .. والمعروف ان مشاري مايترك جواله نهائياَ الا اذا فيه شيَ .. اتصل عليه ولكن .. "مقفل " .. تنهد بهدوء ونزل نظارته على الكتآب َ واتصل بـ عمه مبارك .. رد : هلا عزام : الو هلا عمي اخبارك .. مبارك : الحمدلله تمام انت وش لونك ؟ عزام : انا بخير بس حبيت اسأل عن مشاري اذا هو عندك .. مبارك : والله اني مستغرب قال انه بيروح للمستشفى عنده دوام ومن العصر ماجا .. عزام : كيف عنده دوام ؟ لا هو اليوم ماعليه دوام مبارك : مادري اجل شكله كذب علي ورايح لمكان ثاني والمفروض انت ادرى عن اموره الخفيه ذي .. عزام : بالفتره الاخيره ابتعد عني ولا ادري وش صار عليهَ .. مبارك : طمني عنه لا سمعت شي .. عزام : آن شاء اللهَ. . سكر وهو يتسائل ليه رايح للمستشفى ؟ ماطرا على باله غير : اميره .. رجع واتصل عليه ولكن مافيه أي رد .. اذطر يتصل على صالح .. : الوو .. صالح : هلا دكتور عزام .. عزام : شفت مشاري اليوم ؟ صالح : ايه ياعزام والله كنت بتصل عليك اصلا عزام : عسى ماصا رشي ؟ صالح : لا بس من العصر ماطلع من مكتبه وطقينا عليه بس يصرخ ويقول لا تطقون الباب مادري وش فيه .. عزام وقف : طيب جآي .. طلع وهو يتنهد وعارف ان صاير شي لمشاري والاكيد سبته اميره .. شافها تناظر فيه بتساؤل : وش صار عزام : شويات وراح اجي .. نزل مع الدرج وسمعها تقول : طلعت التحاليل ؟ عزام : راح امر اخذها .. فتح الباب وركب السيارههَ .. مسآفة الطريق لحتى وصل للمستشفى .. نزل وتوجه لمكتب مشاري على طول شاف صالح وجراح واقفين ويطقون الباب اشر لهم بحواجبه يروحون هزو روسهم وراحو .. عزام وهو يطق الباب بهدوء : مشاري افتح مايصير كذا .. بدون رد :....... عزام اخذ نفس : لك خمس دقايق اذا مافتحتَ كسرت الباب وهالشي راجع لك .. رجع عزام خطوتين لورا لحتى سمع صوت قفل الباب يفتح .. فتح الباب بسرعه ودخل وسكره وراه .. عزام : وش صار ؟ مشاري عطاه ظهره وتوجه للكرسي وجلس من جديد .. : ماصار شيَ .. عزام جلس قدامه : فيه شي بس لا تحاول انك تخبي علي وتندم .. لان بالفتره الاخيره تصرفاتك مااهي عاجبتنيَ .. سكت وضل يحرك القلم بيدهه .. عزام : اميره ؟ لف عليه بسرعه وناظر فيه وهو مطير عيونه .. عزام ابتسم : كنت حاس .. مشاري تنهد ورجع نزل راسهَ .. : البنت بتتزوج خلاص عزام : الى متى هالكلام يا مشاري ؟ مشاري لف عليه بسرعه : عزام انت شايفني مرت علي فتره نسيتهاا ليش ؟ عزام : ليش ؟ مشاري : لاني فقدت الامل منها ولكن رجعت وعطتني امل وقلبي ماطمع رجع حبها اكثر. . عزام : شلون عطتك امل ؟ مشاري :فجاه قالت انها تبيني وتحبني ومن هالكلامم .. واليوم جتني تقول انها تبي حسين اللي يصير ولد صديقة امها عزام تذكر حسين : اهاا حسين ال... مشاري بغضب : اللي يكون .. عزام : طيب وش اتضح لك من هالكلام كله ؟ مشاري ناظر فيه بتساؤل ؟ عزام كمل : انها تكذب اولا واخرا .. مشاري نزل راسه : انا تعبت منها ياعزام والله اني تعبت عزام : لا يامشاري لا تتعب من هالاشكال وانا واثق انها راح تنددم لان حسين هذا شخصيه معروفهَ فقط غرتها فلوسه وشخصيته الخارجيه ولكن لما تعاشرهَ راح تندم على الساعه اللي تركتك فيه وصدقنيَ ... مشاري : اقسم لك بالله ان كل اللي في داخلي تحول الى غضب اتجاها .. عزام : ...... مشاري : لدرجه ان ودي اقتلهاا هي ويآه مع بعض وارتاح .. عزام تنهد : يا مشاري لا غضبك ولا حزنكك ولا وجعك داريه هي فيه .. وهالامر يوجع اكثر .. فـ نصيحة اخو .. بنت حبيتها اكثر من سنه ولا عطتك الى الوجع والالم ارخص حبها باقل من ريال .. ما تستاهلك ولا تستاهل قلبك النظيف .. هز راسه : حسبي الله عليهاا .. عزام : استغفر .. مشاري ببكل ما يعنيه القهر : حسبي الله عليها .. .. طول فترة جلوسه في مكتبه من دون مايفتح لها كآن يكتب ابيات شعريه يفضي فيها الغيض والقهر اللي كآن في دآخلهَ .. لكم الابياآت .. " مشاري : روحي عساك من الوجع ماتقومين وعسى لك الايام شر وأذيه دام المواجع سبتك لا تعودين ماعاد باقي غير شوف المنيه انا تعبت من السهر ما تحسين ولا عاد فيني لصبر مقدريه , جتني تعذر بعد ما مرت سنين تقولي انسى ولا تعود ليه من صدمتي حارت جميع العناوين والحزن يطويني على الاه طيه حاولت اخبي لكن الصدمه تبينَ حاولت اصدق لكن العقل عيه حارت بي العبره وبانت على العين وبلعت ريقي برتجافت يديه حسبتها تمزح وقلت وش تقولين قالت عشقت حسين ماهو بيديه قلت اسكتي ماني بفاهم الى الحين ترا المزوح الشين فعله خطيه لك عاشقن يابنت يمشي ورا الدين مافكر يخونك ولا فيه نيه , قالت نصيبي هو قلت لا تظنين انا نصيبك وانتي اليوم ليه ثم اضحكت وقالت المزح مو شين لكن نصيبي صار مكتوب فيه راحت وخلتني على الهم والبينَ , راحت سنيني بعدها بالأسيه راحت وعاجز اني انطق على وين ؟ حتى الوداعه باخلتها عليه , حسبي عليها وحسبي الله ع حسين دامه اخذها "قلبي هو الضحيه ماني مسامح وقولي اللي تقولين والحق عند آلله رب آلبريهَ .. في ذمتي ما قلت للغير .. تكفين وشلون هانت في عيونكك عليه حتى دموعي يوم طاحت تشوفين دمعة رجل ماشافها حتى خويه بـ قلمي .. على لســـآن مشاري .. ,,,,,,,,,,,,,,,,,,,,,,,,,,,,,,,,,,,,,,,,,,,, "انتهى البارت " .. البارت الاخير .. حبيت اني اخليه بكرا .. عشان اشتقت لردود اللي تسعد ولتوقعات .. فـ اتمنى ماتحرموني منها قبل لا انهي الروايه .. | ||||||||
|
| |
|
04-07-16, 08:58 PM
| #244 | ||||||||
| مراقبة عامة ومشرفة منتدى الروايات المنقولة
| بارت _73_ والأخيـــر .. .. كلمآ شعرت بضيقَ شعرتَ بأنك قريبا مني .. حينهآ ارى ان حياتي دون معنى .. وانها دون أي لون .. باهته ليس بهآ حياة وأمل .. وكل ما تعثرتَ ... احاول دون جدوى الوقوف من جديدَ .. وكل مآ حاولت ان ابتسمَ . اشعر بحرارة دمعيَ فـ اغلق عينآي واتألم اكثر .. كل ما رأيت نوراَ من بعيــد اقتربت فـ اقتربت فتلاشآ .. فـ اصبح غيمة سوداء .. وعاصفةَ تهز الابدآن .. اراها متجهه نحويَ .. فـ اتألم .. هذا هو آنت .. كل ما اقتربت نحوكَ .. استرجع الالم .. ولكن اسطنع الابتسامه .. لنسيان ولعيش حياة جديده . واسميها بالامل .. فـ الذكرى المؤلمه تلاحقني مهما حاولت الهروب منهاآ .. لانها كانت في يوما من الايام .. تؤذيني في كل دقيقه .. وتؤلمني .. حتى ان رسخت في ذهني .. ولم يستطيع الفرح ان يمحوها مرة اخرى .. ولن يمحوها ,, مادامت ,, راسخه َ .. صلوا على حبيبنا وسيدنا وقدوتنا محمد .. " صلى الله عليه وسلم " .. سـ ابدء بأخر بارت .. بهذه الآيــه الكريــمهَ .. البقرة - 255 اللَّهُ لاَ إِلَهَ إِلاَّ هُوَ الْحَيُّ الْقَيُّومُ لاَ تَأْخُذُهُ سِنَةٌ وَلاَ نَوْمٌ لَّهُ مَا فِي السَّمَاوَاتِ وَمَا فِي الأَرْضِ مَن ذَا الَّذِي يَشْفَعُ عِندَهُ إِلاَّ بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلاَ يُحِيطُونَ بِشَيْءٍ مِّنْ عِلْمِهِ إِلاَّ بِمَا شَاء وَسِعَ كُرْسِيُّهُ السَّمَاوَاتِ وَالأَرْضَ وَلاَ يَؤُودُهُ حِفْظُهُمَا وَهُوَ الْعَلِيُّ الْعَظِيم ............................................ "ياشوق تكفى لا تخليه يرتآح ياشوق تكفى عذبه في غيآبي " .. آبتسم لهآ قبل لا يدخلون في القصــر .. مسك يدهآ : تتوقعين بيفرحون بجيتنا ؟ روآن ابتسمت : آن شاء الله .. بآس رآسهاآ وابتعد عنها وتوجه للمجلس الكبير .. وهو يشوف عمآنه والعيال كلهم موجودين هنآك .. اول ما انتبهه لوجودهَ كآن فارس اللي صرخ : جآسم .. لفوا كلهم وشافوه يمشي ببتسامه ِعريضه وموسع يدينه : السلام عليــــــــــكم .. قاموا كلهم وحضنوه وبدو يسلمون عليه بترحيب حار .. عزام : وش هالمفاجأه العظيمه .. ؟ جآٍسم : عساها اعجبتـ ـ ـ قبل لا يكمل طاحت عينه على سآلم اللي جالس بـ الكرسي المتحرك .. تقلصت ابتسامته : سآلم .. ؟ الجميع اخفو نظراتهم عنه .. قرب لاخوه اللي حاول انه مايرفع عينه .. لجآسم .. ولكن : وش فيك يا سالم عسى ما شر وش صار ؟ ذيب " ابو جاسم " قرب منه ورفعه عن الارض : مافيه شي صار له حادث وانشل عن حركة اقدامه .. جاسم شهق : وشلون ماتقولون لي وشلون ؟! .. ذيب حاول يهديه : الحمدلله جت على كذا يا جاسم انت تخيلَ .. ان صار فيه شي لا سمح الله او توفى وقتها بتتمنى اقل شي حالته هذي .. جاسم بلع ريقه وباس راس سالم : الحمدلله على سلامتك .. رجع وناظر في ابوه : يبه في امل طيب علاج شي ؟ ذيب : ايه ولد عمه عزام ما قصر هو اللي قاعد يوديه ويجيبه على جلسات العلاج من طلع من المستشفى .. لف جاسم على عزام وحط يده على كتفه : من يومك ياعزام وانت رجال وراعي وقفه .. عزام : قبل لا يكون ولد عمي هو اخوي .. وضروري اوقف معاه . جاسم : الحمدلله على السلامه .. بس ليه ماقلتوا لي ليش سكتو .. متعب : انت بشهر العسل ماوددنا انك تتضايق وغير كذا وش كنت بتسوي غير انك بتجي وتحزن .. ؟ جاسم : اقل شي ما كنت احس بذنب .. سالم : لا ذنب ياجاسم ولا شي يمكن الحاله اللي انا فيها استحقها جاسم وسع عيونه : وش هالكلام يا سالم ؟ .. تنهد ذيب ومسك يدهَ تعال اجلسَ وخلنا نتكلم بهدوءَ ماله دآعي نتكلم في شي ماله فايدهَ .. الجميع كان يفكر ويتسائل بنفس الشي .. اللي هو كيف لو درا عن وفاة نايف ؟ طرآد : وشلونك يا جآسم مع الزواج عساه زين جاسم بدون نفس : زين .. الكل لاحظ تعكر مزاجه .. واول مادخل كان داخل بطاقه ايجابيه وفرح شايله من الارض .. .. .. بصرخة عاليه : روآآآآآآآآآآآآن .. ركضتَ بسرعه وضمتهااآ بقوهَ صرخت روان من ضمة منار وابتعدت وحطت يدها على بطنها وهي تقول : شوي شوي .. الجميع ناظروا بشك : حامل ؟ روان بيأس : مع الاسف .. قربت امها بفرح وضمتهاا : الحمدلله على سلامتك وش هالمفاجأه ياروآن .. روان ببتسامه : وشلونكم وشلون عماني والجميع .. مشاعل : كلهم بخير انتي اللي قولي وش لونك وشلون جاسم ؟ روان : ابد الحمدلله بخير. . دلال : روان انتي صدق حامل ؟ روان : أي والله حللت تحليل حمل وطلع معاي انو حامل والله حزنت .. رفعه بغضب : وش هالكلام وليه حزنتي .. روان : توني عروس .. مشاعل : ماعليك .. عروس ولا مو عروسَ هذا اللي الله كاتبهَ .. نوره : بعدين انا حملت بدري نفسك .. وبحزن ناظرت في ملاك : لكن حسبي الله ونعم الوكيل على من كان السبب .. الجميع ظنهم انها تقصد " فاتن " .. قامت ملاك بسرعه والدموع تتسابق في عيونها وصعدت فوق والفتت انتباه الجميع بشهقتها اللي سمعوها وهي تصعد من الدرج .. منار : وش فيها ؟ نوره : لا تخافين مافيها شي . عفاف : وشلون مافيها شي قومي شوفي اختك ؟ نوره : طيب .. قامت بهدوء وصعدت فوق .. فتحت الغرفه وشافتها كاتمه وجها بالمخدهَ نوره : عمري ماراح اسامحك على الشيء سويتيه .. وطول عمري ماراح اعترف بانك اخت لي .. راح تكونين عدوه لي لا غير .. ودايم راح ادعي عليك بان الله يبلاك .. ولا يوفقك مثل ماحرمتيني لذه الضناا .. وحرمتيني الامومه وقتلتي روح مالها أي ذنب بالسبب اللي قتلتيه عشانه .. سكرت الباب بقوه ورجعت نزلت .. لهم .. ساره : وشلون ماليزيا معاك .. ؟ روان : نص ونص .. بس والله استانست عاد مريم : الحمدلله هذا اهم شي اصلا .. رفعه " ام فيصل " : دام كلكم موجودينَ .. ابي اعطيكم خبر عساه يسعدكم .. سلطانه : عساه خير .. رفعه : أي خير .. ناظرت باميره اللي عرفت وابتسمت على طول : صديقتي انوار اخطبت اميره لولدها حسين ووافقنا .. لطيفه بصدمه : وشلون ؟ رفعه : والله يجمعهم على خير .. لطيفه : ما حسبتي يا رفعه لنايف ؟ اللي الى الان ماجف تراب قبره روآن صــــــــــــــــــــــــ ــــــــــــــــــــــــد مــــــــــــــــــــــــ ــــــــه شهقت شهقه خلت الكل يلتف لهاآ .. روآن : نـ نـ نـ ايف ؟ حطت منار يدها على فمها وهي تناظر في روان اللي بانت الصدمه على عينهاآ .. الجميع لف لـ لطيفه بعتآب .. روان : انتم وش تقولون ؟ أي قبر وش تقولون ؟ رفعه قربت وضمت روان لصدرها وهي تقول : توفى عسى ربك يرحمه روآن بصرخة : لاآآآآآآآآآآآآآآآآآآآآآآآ آآآآآآآآآآآآآآآآآآآآآآآآآ آآآآآآآ بدت تبكي وهي ضامه امها .. ودموعها مارحمت عينها الصدمه كآنت قويه عليهاا حيل .. كيف مآت وليه ومتى وشلون ؟ ضلت تبكي والجميع يبكي بصمت .. وساكتين ويناظرون فيهآا .. مع الاسف .. ان حتى جاسم عرف وفاة نآيف وكآن النحيب والبكى المتواصل موجود حتى في المجلس حق الرجال .. ذيب : خلاص يا جاسم . اللي اخذه ارحم فيه منك ومن غيرك .. جاسم رفع عيونه وناظر بابوه : بس شلون يايبه وشلون راح .. وقف عزام بغير قدره على الصبر وطلع من المجلس كله .. ركب سيارته .. ورآحَ .. اما الوليد .. فـ كآن ساكت يسمع شهيق جاسم وعتابه المتواصل من دون أي كلمه تطلع منه .. سحبه فهيد اخوه وطلعه برا المجلس لما شاف حالة الجميع رجعة للحظه العزا .. دخله المشب الخارجي وخلاه يبكي لحتى هدآ ثم دخل عليه . . فهيد : جاسم استهدي بالله تكفى ترا والله العظيم ان ابوه ماجفت ددموعه من يوم راح وان عياله يحاولون ينسونه نايف باي طريقه تجي انت وتبكي كذا ما يصير جاسم صار يمسح دموعه بشماغه .. ناظر بـ فهيد واشر على صدره وهو يقول : خبر طعني في صدري فهيد : كلنا مو انت وبسس ياجاسم بس وش نسوي جاسم مسح وجهه : لا حول ولا قوة الا بالله فهيد : لا تزيدهم ياجاسم لا ابوه ولا اخوانه انت شفت عزام لما طلع من المجلس .. عزام اللي ماقد بكاا ولا انهار وكان دايم القوي بيننا شفت كيف من دمعه منك ذكرته بنايف خلت العبره تخنقه ويقوم من المجلس اللي انت فيه .. جاسم بحزن : احسب الايام روحه وجيه .. فهيد : تروح ولا رجعت ماتدري انت تلقى كل شي على حاله ولالا هذي هي الدنيا يا جاسم هز راسه بالرضى : انا ماني متحمل ادخل لهم .. حتى يمكن روان درت بالموضوع ابي اخذها ونرجع لبيتنا بكرا ان شاء الله لاهدت الامور رجعت لكم .. فهيد : يكون افضل .. .................................................. .... بسيارهَ اتصل عليه رقم المستشفى وكآنت ممرضه .. باللغه الانجليزيه : دكتور عزام .. عزام : ايوه .. ...: ضهرت تحاليل الحمل .. فـ زوجتك حامل في الشهر الرابع .. عزام : حقا ؟ حسننا اني اشكرك .. ...: على الرحب والسعه . سكر الججوال وكآن مايدري يفرح او يحزن .. ولكن تنهد وهو يمسح على وجههَ .. ورجع نزل من السياره يبي يدخل لهم ولكن شاف جاسم طالع هو وزوجته اللي كان يسمعها تشهق .. سكت ولا بين لهم انه حاس ودخل .. .................................................. مشآعل : طآرق ما سأل عن امه ؟ تركي : ولا أمه سألت .. مشآعل : طيب انت امنت لها مصروف ولا ؟ تركي : أي لا تخافين امنت لها اللي يكفيها والسواق تحت رجولها متى مابغت يعني ماعليها خوف .. مشاعل : والله مادري شقول .. تركي : انا ماقدر ازورها لانها خلاص صارت طليقتي وغير كذا طارق انا حلفت ماخليها تشوفه لماا تمر شهور ويطيح اللي في راسهاآ .. وتجي هي بنفسها وتشوفه .. مشاعل : اتصلت عليك ؟ تركي : قفلت شريحتي وقبل اقفلها كانت تدق .. ولكن راح تجيب رقمي الجديد انا متأكد وراح توصلني في الشركه وقتها راح اقول اللي عندي واسلمها طارق .. مشاعل : غريبه هو ما شتاق لهاا ولا لحظه ؟ تركي : اذا هو عندها بالبيت ماقد حظنته وكل مادخلت لقيتها تدخن وهو بغرفته تتوقعين بيشتاق لها ؟ ترا قاعد يحس بنفس الشعور انه بغرفته وهي بعيده نفس الشي هنا ولا هناك الغايب عمره ماينذكر لا كثر غيابه .. مشاعل : احسه فاقد حنان .. تركي ابتسم : عطيه انتي يامشاعل وعوضيه .. مشاعل: مستحيل مستحيل اني اقصر عليه بشي وهذا وعد لك مني .. ويكفي انه ولدكك .. غمض عيونه وهو يقرب منها لحتى باس جبينها بحب : والله اني احبك يا مشاعل .. .................................................. .......... السيده امينه : اهلا ي استازه عفاف .. عفاف : اهلا وسهلا يا امينه اخبارك ؟ امينه : الحمدلله بصحه كويسه انتي ايه عامله . ؟ عفاف : انا بخير بس اتمنى تكون بنتي ملاك بخير .. امينه : لا ماتخافيش حتكون بخير بازن الله هي بس تمر بحاله نفسيه فتره مؤقته انشاء الله وحتعدي عفاف : قدرتي تتكلمين معاها بشي امينه : لا واللهي ماقدرتش ولكن هم بيعملو كدا بالعياده بتاعدي مستحيل ينطئو أي كلمه من بؤهم لحتى تمر فتره كدا وخلاص عفاف : ان شاء الله يادككتوره ان شاء الله ابتسمت : عن ازنكي .. .................................................. .. اول مادخلت المززرعه شافت عمتها قدامها اللي اخذت خالد من يدها على طول .. فاتن : يمه ترا خوفتيني تقولين مفاجأه مفاجأه وش بيكون يعني نوره ببتسامه : انتي ادخلي وبتعرفين .. فاتن بستغراب : طيب .. دخلت لصاله وشافت حرممه جالسه ولابسه عباتها .. عقدت حواحبها وهمست لعمتها : مين ؟ نوره ببتسامه : اساليها .. وسعت عيونها وهي مو عارفه شي لحتى لفت الحرمه .. وصرخت فاتن بصدمه : حنـــــــــــــــــــــــ ــان .. قامت على طول حنان وركضت لفاتن وضمتها بقوه وهي تضحك : سبرايييييييييييييييييييز فاتن : سبرزك ماسبرز جدي انتي وين اختفيتي ياحنان .. حنان بضحك : ياقلبي اشتقتي لي .. فاتن : اه ياقلبي والله حيل حتى اسالي امي كنت ناويه اروح لامك وقولها متى تجين عشان ازورك .. حنان : تحسبين نسيتك .. لالا مستحيل .. فاتن : لا مو سالفة نسيتيني بس قلت يمكن لهت شوي مع زوجهاا .. حنان : أي والله لهيت .. فاتن : اخبار سلمان . ؟ وافراح وسلطان حنان : والله كلنا بخير انتي اللي علميني وشلونك .. فاتن : والله بخير نوره : ها الحين وش رايك اعجبتك المفاجأه ولا ؟ فاتن : حيل والله .. حنان قربت واخذت خالد من يدين نوره : ياقلبي كبببر بسم الله عليه .. فاتن نزلت راسها : ولا بعد ابشرك حامل وسعت عيونها بفرحه : صـــــــــــــــــدق .. ؟ فاتن : ايه حامل وكنت ادري من زمان ولا قلت لعزام وقريب درا .. حنان : شهر كم ؟ فاتن : الرابع .. وتوأم بنآت حنان : ونـــــــــــــــــــــــ ـــاسه ياقلبي ياقلبي .. فاتن : عقبالك .. حنان : أي ان شاء الله يارب واجيب بنت واسمها فاتن واذا ولد عزام .. فاتن وسعت عيونها : فاتن ايه بس وش دخل عزام ؟ حنان : مادري بس بسميه عزام لان اسمه حلوو .. بس ان شاء الله مايطلع نفسه .. فاتن ضحكت : خلاص اجل انا بسميهم حنان وحنين حنان : لالالالا ابي اطلبك اسماء ثانيه .. فاتن : وش ؟ حنان : تكفين سميهم ولا ترديني فاتن : ابشري لك مني لاسميهم باللي انتي تطلبيني حنان : قوت وياقوت فاتن ابتسمت : ابشري .. حنان : اكيد فاتن : اكيييييييييييييدين .. .................................................. ..... دخل البيتَ .. وشافها تو طلعت من الحمامَ .. وكانت تمسح فمها ووجها شاحب حيل .. نواف : وش فيك ؟ رنا : ودني المستشفى نزل معاي دم .. ولا ادري وش سبته .. نواف بخوف : يلا البسي عباتك بسرعهَ .. رنآ : طيب .. انتظرها بسيآرهَ. . لحتى شافها ركبت وهي تحاول تسند ظهرها ولكن ماقدرت لانها تحس بألم .. وصل للمستشفى .. دخلت على الدكتوره وهو انتظرها برآ .. بعد وقت من الانتظار .. طلع الدكتور .. نواف : وش صار ؟ الدكتوره : اجهضت .. نواف بصدمه : كيــــــف ؟ الدكتوره : ايوا اساسا الجنين عمره شهرين فقط .. ولكن الله يعوضكم يارب . هز راسه بالرضى ورآحت .. دخل على رنآ وكانت مبتسمه وهالشي صدمه اكثر .. نواف : ليه تبتسمين ؟ رنا : لان الحمدلله لو بقى هالجنين بيكون عذر انك ماتطلقني هاه هذا هو مات يلا اتمنى ماتتاخر اكثر .. ضل واقف بصدمهَ .. وهو يناظر فيها لفتره وهي تحاول تتجاهل نظراته .. بدون تردد : اساسا بعد هالحركه مستحيل اني ابقيك على ذمتي حتى لو طلبتي .. وانا صدق بطلقك لانك عديمة احساس رنا: وبكون لك من الشاكرين .. نواف حد على اسنانه : انتي طالق طالق طالق .. طلع .. ................................................ فهيد كآن يدف سآلم لحتى وصله لشقته طق الباب مرتينَ على سديم لما فتحتَ .. قبل لا يدخل سالم لف عليه وقاله : ترا عزام يقول راح امرههَ بكرا الصباح عشان يوديك لدكتور .. سالم هز رآسه : ان شاء آللهَ .. فهيد : وشلونك يا سديم .. سديم : بخير الحمدلله وآنت وش لونك ؟ فهيد : الحمدلله بخير يلا انا استأذن .. طلعت ومسكت الكرسي ودخلت سآلم دآخل قربته من السريرَ وكآن سآكت .. مدت يدينها وهي تناظر فيه .. رفع عيونه لهاا .. سديم : يلا استند علي , مد يدينه لحتى مسكته بقوهَ ورفعته بكل قوتها وعلى طول حطته على السرير .. سحبته لورا وعدلت المخآد عند ظهرهَ , نزلت جزمآته وغطت رجوله بالبطآنيه .. : توني سويت لك آكل .. بروح اجيبه وأجيَ , ناظر فيها بنظرآت الندمَ وكآن سآكت تمنى لو ترجع الايام لاخر يوم قبل يطلع من عندهاآ ولا يقولها الكلام اللي يجرح .. فكر بحزن ,, سديم وعزام اكثر اثنين اسئت لهم واكثر ثنين واقفين معيَ اقرب من امي وابوي لي .. نزلت دمعته ومسحهاآ .. قبل لا تجيَ سديمَ .. بعد دقايق دخلت عليه وهي مبتسمهَ .. : وهذا هو الاكل .. سويت اللي انت تحبه .. مكرونا بالبشمل .. وفاصلوليا وعصير برتقآل وليمون .. ابتسم لهاا .. سديم : صح علي ولا لا ؟ سآلم : صح .. سديم : يلا اكل عشان ننام .. سالم بدا ياكل .. وبين كل لحظه والثانيه يرفع عيونه لهاا وكانت تقرا الاعتذار والندم بعيونه .. نزل الملعقه .. : سـديـ قاطعته قبل لا يكمل : خلاص اللي راح راح ... مد يده ومسك يدها وقربهاا وباسها بعمقَ .. : انا آسفَ سديم ابتسمت : خلاص يا سالم .. سآلم : انتي ماتستاهلين كل اللي انا سويته فيك قبل الزواج وبعده .. سديم : خلاص يا سالم .. سآلم : بس اقسم لك بالله العظيم رغم قساوة قلبي عليك الا اني احبك ولكن عجزت اعترف لك .. اجتمعت الدموع بعينها وهي تسمع كلمة احبك اول مره منه .. ضحكت بفرح : تحبني ؟ سآلم : وكثير .. سديم ضغطت على يدهَ : وانا بعد وكل صبري هذا عليك كان حب فيك مو غفله سآلم : صدقيني لما ارجع امشي على رجولي ان شاء الله راح اعوضك عن كل يوم ضاق صدرك فيه مني .. سديم : بأذن الله راح ترجع تمشي وهذا شي واثقه منه لان الله مايخيب ضن احد وانا بضل ادعي ليل نهار .. وقتها راح نجدد حياتنا .. ونبنيها عتبه عتبه .. سالم ابتسم : وبعوضك .. سديم ابتسمت وهو ابتسم .. واكتفوا بنظرات العيون اللي حلت كل اللغز .. | ||||||||
|
| |
|
04-07-16, 08:59 PM
| #245 | ||||||||
| مراقبة عامة ومشرفة منتدى الروايات المنقولة
| ......................................... بعد مرور فترة .. طويله من الزمـــــن .. آلصبآحَ آلساعه 9:22ص .. خآلد : بآبآ .. لف عليه عزام من بعد سرحآنه العميقَ .. : هلا خآلد : مابغى اروح المدرسه بكرآ بعدَ .. عزام : خلاص مو عشان غبت اليوم .. ماتداوم بكره بعد ماراح اسكت لك .. ترا .. خالد : اوف والله تعبت مدرسه مدرسه مليتَ عزام : احنا قبلك مامليناا .. انت تمل .. فاتن وهي تلبس بناتها : على الاقل اطلع افضل من امك وجيب الشهادهَ .. عزام : امه ماتركت الدرآسه رغبه منهاآ .. فاتن اخذت قوت ونزلتها على الارضَ بعد مامشطت شعرها وحطت الرضاعه بفمها واخذت ياقوت وبدت تمشط شعرها : صح بس كلهاا فشل .. عزآم : بـ العكس آنا اشوفك انسانه ناجحه في امور كثيرهَ حتى لو فشلتي دراسياَ اشوف فيك الاراده والاصرار وامور تشفع لك بشكل لا يعقل .. فاتن ابتسمت : تواسيني ؟ عزام : نهائياَ ما اواسيك .. انا اقول لك الحقيقه اللي انتي تجهلينهاآ .. فاتنَ اكتفت بنظرتها اللي كلها حب له .. وسكتتَ .. عزآم .. : راح اوديَ خآلد ابوك بعد اذان العصرَ ان شاء آلله او يمكن اوديه بكرآ .. فاتن : لا بنروح كلنآا عندهم آن شاء آلله .. عزام : بس مخلد دق علي وقال انه يبيه ضروري .. بعد الاذان وانتي خلي روحتك مع قوت وياقوت بكرا ان شاء آللهَ .. فاتن : طيب آن شاء الله .. مع اني الاحظ روحاته معاك ومع ابوي كثرت .. عزام : افضل ابيه يطلع رجآآل .. فاتن : بس ان شاء الله ما يطلع على ابوههَ , عزام رفع حاجبه : ليش ان شاء الله ؟ فاتن : بآرد .. ثقيل .. قوي .. ماعنده احساس .. غريب .. كتوم .. والاهم سخيف .. ضحك : الله كل هذا مخبيته في قلبك وانا ما آدريَ ؟ فاتن : لان صدق هذي كلها مواصفاتك .. وحتى اول ماتزوجتك كنت اشد من كذا يمكن الحين اهون .. عزام : وش كنت قبل ؟ فاتن : ما كنت تضحك .. عزام : اوف .. وليه ما اضحك فاتن : كنت حتى ما تناظر فيني وكنت انسآن غريب دآئماَ .. عزام تنهد : انتي الغريبه اللي ماعرفت كيف اتعامل معاك .. فاتن : بالعكس تعرف تتعامل معي لاني تربيتك ابتسم : تعجبيني .. فاتن : والحين ؟ وين بنروح عزام : انتي وين تبين نروح .. فاتن : صار لي يومين ما طلعت من البيت احسني مكتومه والله عزام : وانتي لازم تطلعين ولا تموتين .. فاتن : يالله منك انا مادري انت كيف ما تمل ولا تتعب .. عزام : اعشق الوحده فاتنن : ايه ليش .. ؟ عزام : عشان تبتعد عن وجع الراس .. كلــهَ .. فاتن : انا اشوف ان الوحده هي وجع الراس شفت اني مختلفه عنك .. عزام : انتي مختلفه عني بامور كثيره .. واحس قوت تشبه لك اما ياقوت تشبه لي .. فاتن شهقت : ععساهم ما يشبهونك لا قوت ولا ياقوت خلقه خالد يشبه لك يكفي .. واحد وفقع راسي ثنين شلون بتحمل .. عزام قام : عندي جلسه مع سالم في العياده ولا عرفت اتصرف معاآك .. فاتن مدت لسانهاا .. تقهره .. .................................................. ...... سآلم : الحمدلله يا دكتور صرت احس بحركة ارجولي عكس قبل .. الدكتور : ايه خلاص راح تدخل لهذي الغرفه .. ويعطونك كذا اختبار واذا تجاوزتها فـ معنى ان العلاج فآد معاك . . سآلم : وين عزام ؟ الدكتور : عزام يتابع كل شي ويوميا يتصل عشان جلسات العلاج ووقبل شوي اتصل وقال انه راح يوصل قبل التدريب .. سالم .. : طيب راح انتظره قبل لا ادخل .. الدكتور : على راحتك .. " راح " .. بعد نص ساعه .. دخل عزام واول ماشاف سالم ابتسم . . : بتوفيق .. سالم : خايف حيل .. عزام رفع حواجبه : نهائيا لا تخاف بس اللي ابيه منك تشد على نفسك شوي وانا متاكد من قوتك وارادتك اللي راح تنفعنا باذن الله .. سالم هز راسه : ان شاء الله ان شاء الله .. وقفوه بـ الممر .. مسك الدكتور يده .. : اول شي اوقف سالم حاول يرفع نفسه : ماقدر .. عزام ناظر في سالم بمعنى الا تقدر .. سالم ابتسم وضغط على نفسه لحتى وقف .. الدكتور : ايوه حلو .. الحين خطوه خطوه معي .. غمض عيونه سالم وفتحها بسرعه : حاس اني ثقيل الدكتور : لا راح تقدر راح تقدر يلا يا سالم خطوه سالم حس انه ما يقدر من جديد ولكن حاول .. الدكتور أشر على عزام يجي : امسك يده انا بحاول احرك رجوله .. مسك عزام سالم وثبته زين .. الدكتور اخذ رجله اليمنى وقدمها شوي : يلا فقط اضغط عليهاا وكمل يلا .. عزام : الثانيه مدهاا .. مو صعبه يلا يا سالم .. مد الثانيه لحتى تحرك خطوهه .. الدكتور : هذي هي الخطوهَ , يلا رجلك اليمين بعدها اليسار وعلى هالطريقه لين يبدا عزام يفكك .. سالم : لا مستحيل يفكني .. عزام :مافي شي مستحيل يلا يا سالم .. انت قدها حرك رجوله لحتى صار يمشي عليها بضغط . صار الدكتور وعزام يمشونه ويرجعونه كذا مره في ممر العياده .. الدكتور : ايوه يابطل الحمدلله .. عزام ابتسم : راح افكك ولكن بكون جنبك لا تخاف سالم هز راسه بفرحه .. عزام ابعد يدينه شوي شوي .. ضل سالم واقف وفاتح يدينه عشان يتوازن ابتسم ابتسامة فرح مثل الطفل اللي توه بدا يمشي .. شآف ان هذي ثغرة امل .. ضل واقف بدون حركه ورغم انه واققف الا انه يضحك من الفرحه مو مصدق انه واقف بدون مساعدة احد ,.. الدكتور : يلا انت قدها امش عادي ماراح يصير شي .. حرك راسه بالرضى وبدا يمشي خطوه .. اول مامشى لف على عزام ببتسامه فيها العبره : شوفني ياعزام مشيت عزام : يلا تقدم اكثر .. ضغط على نفسه وصار يرجع ويمشي لحآله لما جلسوه على الكرسي لحتى يرتاح الدكتور صافح عزام : اشكروا الله وحمدوه .. عزام : الحمدلله رب العالمين وما قصرت يادكتور الله يعطيك العافيه .. الدكتور : يعافيك .. " طلع " .. جلس عزام على ركبه قدام الكرسي المتحرك : هذا الكرسي راح تودعه بفضل الله وتـ ـ قاطعه بسرعه : ثم آنــت .. ابتسم : راح نروح للقصر بهالكرسي وقدام الجميع ابيك توقف وتسعدهم .. سالم هز راسه : ان شاء الله .. دف الكرسي ونزلوا لتحت .. ركب السيارهَ والفرحه ما تشيل سالم .. طول الطريق يحمد الله ويستغفر .. ونوا صلاة شكر .. : صدق العافيه نعمه عزام بدون مايلف عليه : الله يديمها علينا وعلى كل مسلم .. سالم : عزام والله اني مستحي منك عزام سكت : ........ سالم : لكن ماقدر اقول الا الله يسعدك سعادة الدارين ويخلي لك بناتك وخالد .. ويوفقكك ويفتح لك ابواب السعاده والرزق من وين مالفيت وجهك .. وانا الله يقدرني وارد لك هذا الجميل اللي حتى اقرب خواني ماسواه لي .. عزام : كفاني دعاك .. وصلوا للقصر .. فتح الحارس البوابه الكبيره .. وانصدموا عمانه بـ ان البوابه انفتحت لانهم كانوا جالسين بـ الحديقه كلهم .. مبارك وطراد وذيب والوليد وعيالهم متعب وتركي ومشاري وفارس وفايز وفهيد وفهد وفيصل وجآسم .. نظراتهم كلها توجهت لعزام اللي يدف سالم .. لحتى وقفوا .. رفع سالم راسه وناظر بعزام اللي ابتسم له على طول .. حط سالم يده على مسكات الكرسي ورفع نفسه واول مارفع نفسه شاف ابوه اللي قام بهدوء ودمعته على طرف عينه .. ضل واقف وهو يناظر في سالم يوقف ويمشي خطوه خطوه اتجاهم .. وببتسامهَ كلها فرح .. لا يوصفَ جآسم حط يدينه على فمه وغمض عيونه وهو يقول : ماني مصدق الجميــع : الحمدلله الحمدلله .. لما قرب سالم قبل لا يطيح ارتمى على ابوه اللي حظنه بقوهَ وصار يبكي وهو يحمد الله .. اول مانزل سالم على الارض سجد على طول شكر لله .. ضل عزام واقف ورا الكرسي ويناظر فيهم .. لحظه مبكيه .. وجميــله بنفس الوقـــــــــــت .. فـ ما اجمل دموع الفرح .. ما أجملـــهاآ .. بعد سوآلف طويله جداَ .. مر الوقت بشكل سريعَ , واسرع مما يمكن .. فـ الساعه .. 11:32م .. انفتح باب الغرفه .. وشافها تعبثَ , بشعرهاآ تنتظره .. تنتظر طقة الباب .. وصوت فهيد وهو يقول : سالم جا .. ولكن هالمره كآن سالم بنفسه يفتح الباب .. بصوت خافت : سديم .. فزت بسرعه متوجهه لعباتها عشان فهيد كـ المتوقع دائما ولكن لما دخل كله وهو واقف حذفت العباه من يدها وشهقت : ســــــــــــــــالم .. ابتسم بكـل فرح : عيونه انتي .. بكت بسرعه وهي تقرب عنده لحتى ضمهآ على صدره بكل قوهَ .. وهو يمسع كلامها المقطع من الفرحه .. مو مصدقه انه رجع وقف على رجوله .. سديم ابتعدت عنه خطوتين : ســـــــالم .. مسح دموعهااا وهو يقول : خلاص يا سديم المفروض تفرحين ماتبكين .. ضلت شفايفها ترجف من الصدمه وبعيونها كمية براءه دفعته يقبلهاا بكل حب .. .................................................. ... .. في أجمل قاعات الرياض الفخمه والعالميه .. زوآج حسيـــن .. وأميره .. .. في قــــــــــــآعة الرجــــــــــــآل .. كآن جآلس ويناظر بولده طارقَ .. ولحظه نظراته له .. تذكر سحر اللي صار له مده ما سأل عنها ولا فتح شريحته الثانيه وكلمها .. طلع الشريحه ودخلها بجوآله .. وهو يتساءل طلع قلبها قاسي صدق .. ولا تبي تسأل عن ولدهاآ حتى .. رجع ورفع راسه لطـآرق وهمس بصوت قصير لنفسه : مالك ذنب غير ان امك سحر .. اول مافتح جواله .. انصدم بأنها ما ارسلت له شي نهائياَ .. دخل الواتس وشاف ظهورها .. كآن اخر يوم يوم الطلاق .. بدت التساؤلات .. وعلامات الاستفهام تفر في رأسه .. دخل على المكالمات وكآن في رقم متصل عليه قبل شهرين 33 مكآلمه لم يرد عليــها .. عرف انها هي .. سكر جواله وحطه بمخباته بعدم مبالاآهَ .. سمعوآ صوت تفحيط برآ القاعهَ .. اول ماسكت الفنآن .. طلع الصوت واضح واقوا .. كل الرجال الموجودين ناظروا بالباب .. طلع تركي وشآف الرجال مجتمعين برا عند شارع القاعه ويناظرون بسيارة مشاري اللي كانت تفحط بـ انتحاريه .. صرخ عزام بـ اعلى صوت : مشـــــــــــــــــآريَ .. طلع المعرس " حسين" وبغضب : هالمجنون وش يبي قدام القاعه يفحط ؟ اطلبوا الشرطه حآلا .. عزام لف عليه بغضب : لا شرطه ولا شي انا اوقفه .. حسين رفع صوته : راح يقلب صدقني .. عزام صرخ باعلى صوت بغضب : قلت راح اوقفــــه توجه عزام لجيبه .. وشغله .. اما الرجال كانوا يصورون .. مشاري وهو يفحط بشكل هستيري مبالغ فيه .. | ||||||||
|
| |
|
04-07-16, 09:00 PM
| #246 | ||||||||
| مراقبة عامة ومشرفة منتدى الروايات المنقولة
| حرك عزام سيارته بغضب وصار يحد مشاري يوقف ولكن الصدمه ان مشاري يتعدا عزام ويفحط اكثر واكثر .. ويروح لشارع من بعيد ويرجع عند باب القاعه ويفحط .. حاول عزام قد مايقدر يوقف مشاري ولكن ماقدر .. فتح الشباك وصرخ : مشاري وقــــــــــــــــــــــف ... عدم المبالاه من مشاري كانت غريبه والغريب ان مشاري مو راعي تفحيط الا ان كل همه انه يخرب هالليله .. اذطر عزام يستخدم القوه فتح درج السياره وطلع مسدس .. فتح الشباك وصار يضرب على الكفرات حتى وهو يمشي لحتى السياره صارت تخبط وهدا سرعه قبل لا تقلب .. وقف السياره .. وكانت مختفيه خلف الدخــــآنَ .. فتح عزام باب سيارته ونزل بغضب متوجه لسيارته .. فتح الباب بقسوه ولكن كان مقفل .. صرخ على مشاري : افتح البــــــــــاب .. الجميع كانوا يناظرون مصدومين واللي يصور واللي يتساءل والاخص حسين اللي محتار من هالتصرف الهمجي .. اللي تأكد ان وراه اميره .. تركي لف للجميع : يلا لو سمحتوا خلونا ندخل عزام بيهتم للموضوع .. فتح الباب ولكن بدون مايلفف على عزام .. بغضب اول مانفتح الباب مسك مشاري مع ياقته ونزله من السياره .. حد على اسنانه : عمري ماشفت انسان مجنون ومتهور نفسك .. ضل ساكت مشاري ومنزل عيونه للارض وعزام يرفعه وينزله مع ياقته .. عزام : لو مــــــــتتت لو صار فيك شي وش بتنفعك اميره فيه علمني ... مشاري : ماراح اخليه ياخذها .. عزام صرخ بوجهه : اخــــــــــــــــذهااا ارضى بالواقع يامشاري انت كبير وفاهم مشاري : وخر عني بعترف له بكل شي وهو بيكرها ويتكرها لي وخر عزام يدينه عن ياقة مشاري بهدوء : ماني مصدق .. : ماني مصدق ان اللي قدامي صديقي واخوي مشاري مشاري : اناا تعبت .. عزام مسك يده وسحبه لسياره لحتى خلاه يركب غصب .. راح وركب سيارته .. وشغلهاا ومشىَ .. ضل يناظر فيه بين فتره وفتره .. كان مشاري يحاول انه مايرمش عشان دمعته لا تنزل .. والعبره اللي خنقته من اول ماسمع صوت الفنان وشاف حسين بالبشت .. همس بصوت قصير : ياكثر ماتمنيت اكون مكانه .. صرخ : خــــــــــــــــــــــــ ـــلاص ضل مشاري ساكت ولا لف عليه ودموعه معلقه على طرف عينه .. عزام حاول يهداا اكثر : مشاري افهمني تكفى .. ضل يسمعه ولكن قلبه يسمع اشيا ثانــيه .. عزام : انا بكلامي اللي اقوله ماقصدي اجرحك بس امل ان اميره تكون معاك انساه .. البنت على ذمة رجال الحين .. ومن سابع المستحيلات تقدر تغير شي بذات في هاللحظه احمد ربك ان حسين ماسوا شي كبير ولا رحت فيهاا .. مشاري : ........ عزام : يا مشاري انت بتلقى اللي تعوضك ان شاء الله بس خلك اقوا من كذا وانا متاكد ان الله بيفرجها عليك وتتغير احوالك بس تكفى طلع نفسك من هالحزن وبتعيش .. مشاري :......... عزام تنهد من صمته : الله يعين .. ............................................. | ||||||||
|
| |
|
04-07-16, 09:01 PM
| #247 | ||||||||
| مراقبة عامة ومشرفة منتدى الروايات المنقولة
| يـــــــوم جــــــــــــديــــــــــ ـد وأخيـــــــر .. سآفرت نفسي أغيـــب وانسآك لكن رجعت من السفر مانسيتك .. في غرفــــــة الولاده .. بعد ماولدت روآن كان ينتظرها برا جاسم ومنار .. منار : والله الفرحه ماتشيلني من الارض .. جاسم ببتسأمه : أي والله وش تقولين عني وغير كذا متحمس اعرف جنسه .. منار : ماقالت لك روآن ؟ جاسم : رفضت .. وكانت تقول مفاجأه افضل منار : هي تعرف جاسم : لا حتى هي بنفسها ماتبي تعرف وش جنسه .. منار : يارب يارب تقوم بسلامه .. طلعت الدكتور وهي مبتسمه : فين البابا ؟ جاسم : انااا اناا الدكتوره : ماشاءاالله اجا لك ولد زي الفل ضحكت منار : مبــــــــــــروك .. ضمها بقوه وهو يضحك .. : الحمدلله ياربي طيب كيف امه الدكتوره : اه هي بالف خير بس ثواني وحتدخلوا عندها ان شاء الله .. جاسم : طيب يادكتوره يعطيك العافيــه .. منار : يالله ودي اشوفه متحمسه .. جاسم : متى ماسمحوا لنناا راح نروح انا وياك الحضانه ونشوفه .. منار : ياع ماني متخيله ان عندك ولد جاسم : ليه ماني مالي عينك .. منار ضحكت : ولا بعد الأم روان كملت ههههههههههههههههههههههههه هههههههههههههههه جاسم : والله نهبل عيش طيور بنبني منار : الله يخليه لكم .. يارب .. جاسم : وبعدين ترا روان غثتني تقول انتي اللي بتسمينه منار : يالله مانست وعدها لي جاسم : سميه يا ريان ولا محمد ولا علي اختاري من الثلاثه ذولي ابي واحد منهم منار : امممم بفكر .. جاسم : ياويلك ما تختارينهم .. منار : علي مخيس .. ومحمد كثير يمكن ريان .. عشان روان وريان وكذا . جاسم : أي مو مشكله.. بعد .. ساعه ونص .. دخلوا على روآن وشافوها منسدحه بتعب .. وصوتها رايح من الصياح .. منار : الحمدلله على السلامه ياجمل ام .. روان ببتسامه : الله يسلمك .. جاسم قرب وباس راسهاا ويدها : الحمدلله على سلامتك ياغلى في ذا القلب "اشر على قلبه " .. ابتسمت بخجل : ابي اشوفه .. منار : اكيد يهبل انا واثقه دام ابوه حلو وامه حلوه هو بيطلع حلو .. روان : وش بتسمينه .. بعد لحظات من الصـــــــمت .. : نايف .. .................................................. . ضل يدق العود بصوت مبحوح وهي يغني لها .. : ................................................. في داخلي غصه في صدر مطعون" في وسطها سم المواجيع نابت حاولت اخفف عنها مير تدرون لقيتها تكبر مع الوقت شابت .. وفي صدري الونه تبكي لها عيون , تجر صوت الأه ودت .. وجآبت ماصرت اصدق حب خيب لي ضنون الحره اللي صابت القلب صابت .. دام الجروح تهون فرقاهم ايهون .. كنا نضن وكلها ضنون خآبت .. ماني براجع يمهم لو يموتون العين عن ذرف المداميع تابت دام المواصل صعب ياهيه تدرون ماعاد باقي شمعتن غير ذابت ياكثر ماعبوا وقالوا يقولون , ياكود ناسن في جسدها ما عابت محبوبتي راحت وخلتني شلون كانت تبيني حيل وشلون غابت ماني مصدق كيف خيبتي ضنون , لا ترجعيلي دامها النفس طآبت .. نزل العود وناظر فيها . كانت منسدحه على رجله .. م انتبه انها نامتَ ضل يناظر فيها فتره طويله .. وهو يتأمل ملامحهاا .. ناظر حوله كيف قوت نايمه على رجول فاتن .. وخالد نايم بعيد شوي عنهم وياقوت نايمه على يد خالد كانت اشكالهم جدا جميله .. ابتسم عزام .. وهو يناظر فيهمَ في قمة سعادته في هاللحظه لا توصف .. ماحب يتحرك عشان فاتن ماتقوم .. فـ عشان كذا سند راسه على الجدرا وغمض عيونه لحتى هو بعد غفى معهم .. بعد نص ساعه .. قامت قوت وقعدت تبكي لحتى قامت فاتن وعزام .. حركت عيونها وهي تمسحهم : الساعه كم ؟ عزام رفع ساعته يناظر فيها : الساعه 3 ونص العصر .. فاتن تنهدت : بقوم اتروش .. انتبه للعيال .. عزام : حاولي تستعجلين لاني راح اروح لشركهَ وبنزلك عند اهلكك قبلهاآ .. فاتن : اجل مايحتاج اتروش بس بغسل وجهي والبس عزام : طيب .. مرت المرايه وركزت في شعرها مجدول وهي متاكده انها نامت وهو مفكوك .. لفت على عزام : عزام ؟ عزام : هلا .. فاتن : وش مسوي بشعري عزام ابتسم : جدلته .. فاتن ضحكت : لو دريت انك تعرف ماكان كل يوم وانا متعبه نفسي واخليك تشتغل على شعري .. عزام : مو على كيفك .. عندي اشغال اهم فاتن ميلت فمها بسخريه : الله يهذي الاشغال عاد .. اخذ ياقوت وصار يهزهاا عشان تنام الا شويات وقعدت تبكي قوت .. مد يده وصار يمسح على ظهرها عشان تنام فاتن اعجبها الوضع ودخلت الحمام وهي تبتسم على شكله يهز رجله عشان ياقوت ويهز يده عشان قوت .. انتظرها فتره طويله عشان تطلع .. : يلا يافاتننننننننن كانت قوت تبكي حيل اما ياقوت سكتت .. قام ونزل ياقوت بشويش وشال قوت وصار يهزهاا فجاه الى تبكي ياقوت .. تنهد : ياربي منك يافاتن اخلـــــــــــــصي بصوت عالي وهي بالحمام : انا تعبت عليهم تسع شهور تحملهم ساعه مو صعبه عزام وسع عيونه : ساعه ؟ساعه ايش انتي وش بتسوين بالحمام بتنامين فاتن :قررت اتروش عزام بصوت غاضب : اذا تروشتي كسرت عليك الباب فاتن : بطقاق قام خالد من صوت ابوه وامه : وش فيه " طبعا بللهجه طفوليه " عزام ابتسم ابتسامة صبر : مثل منت شايف ي خالد خالد : جوعان عزام : كملت فاتن بصوت عالي : عزام فيه اكل بالثلاجه لخالد قوم جيبه له .. عزام تنهد ونزل البنات من حظنه وتوجه لثلاجه جاب اكل خالد وقعد يوكله .. وجاب رضاعات البنات من السرير وشربهم وكانت بيدينه الثنتين .. طلعت فاتن وهي لافه الروب وتغني .. عزام ناظر فيهاا .. وهو ماد يدينه الثنتين يشربهم رضاعه ضحكت فاتن بصوت قصير .. عزام : ممكن تجين تحكين خشمي ؟ فاتن قربت منه وصارت تحكه وهي كاتمه الضحكه .. عزام : تعالي اخذي بناتك تاخرت .. فاتن عطته ظهرها : بتنشف .. قام بسرعه وراهاا وضمها من ورا : ليش العناد ؟ فاتن : ودي تجرب العيال شوي .. ترضع وتلبس وتلحق عزام : كافي انتي الحقك وارضعك والبسك .. فاتن لفت عليه : نعم نعم ؟ عزام : والله عاد رضيتي ولا مارضيتي طول عمري اشوفك بزر .. فاتن اشرت على عيالها : كل ذولي ماشاء الله وبزر عزام : بزر وجاب له بزران .. عاد الشكوى لله مهمتي اربيكم اربعتكم فاتن بغضب : ممكن تسكت يا الشايب .. ابتسم على جنب : اصير شايب ولد وبنت واللي تبين بعد .. فاتن رفعت حاجبها بسخريه .. عزام ضمها على صدره بقوه .. : انتي أجمل شي في حياتيَ .. فاتن : غصبا عليك .. عزام وخر عنها وهو يبتسم ويناظر بعيونهاا لاحظ خجلها ... : احبك فاتن : طيب عزام : وش يردون ؟ فاتن : حبك ربك .. عزام : فاتن وش يردون ؟ فاتن بخجل : اححبك .. ................................................ تذكر الرقم اللي اتصل عليه .. 33 مره .. رجع واتصل عليه وعارف انها سحر .. ولكن استغرب من الصوت الغريب وكان رجال : الوو .. تركي : هلا مين معي ....: انت تركي ؟ تركي ": أي نعم تركي امرني ....: انا جارك عبدالله وين اختفيت ياتركي وين ايامك شكلك نقلت انت وزوجتك تركي : لا زوجتي موجوده بالبيت بس انا ماعدت موجود عبدالله : غريب تركي :ليه متصل علي 33 مره عسى ماشر عبدالله : قبل لا انقل من بيتي اللي جنبكم كنت اشم ريحة عفن في بيتك وانصدمت صراحه واتصلت عليك .. تركي بصدمه : ريحة ايش ؟ عبدالله : والله مادري لكن الريحه ما تنطاق .. تركي سكر من عنده على طول وركب سيارته ومشى .. مسافة الطريق لحتى ووصل للبيت اخذ المفاتيح وفتح الباب رجع خطوتين لورا لما شم الريحه تلثم بشماغه وهو مصدوم من هالريحه العجيبه ,, صرخ بصوت عالي : سحـــــــــر .. دخل لصاله وكانت مو موجوده دخل الحمام وكانت مو موجودهه لكن دخل المطبخ و صــــــــــــــــــــــــ ــــــــــــدمـــــــــــ ـــــــــــه .. وقف عن الحركه وانشلت اجزأه من المنظر المقرف اللي يشوفه .. كانت متعلقه بحبل وصلته لسقف وباين العفن في جسمها بدون احساس طاح من طوله .. وقال بصوت قصير : لا الــه الا الله .. ............................................. | ||||||||
|
| |
|
04-07-16, 09:04 PM
| #248 | ||||||||
| مراقبة عامة ومشرفة منتدى الروايات المنقولة
| نزلوا من السيارههَ .. كانت فاتن شايله بناتها وعزام ماسك خالد بيدهَ .. دخلهم للمزرعه عند ابوهاآ .. ورجع لسيارته وركب .. وشغلها ومشى .. ما انتبه لشخص اللي كان يراقبه مصدوم منه ,, ومن الشي اللي شافه .. بعد 30 دقيقه .. شاف مخلد طالع وماسك خالد بيدهَ .. صار يمشي متوجه للمسجد ومعاه خالد اللي بيكون امام بعده مثل مابغى وتمنى وقاعد يعلمه عشان يحقق امنيته البسيطه هذي .. فـ خلاه يروح معاه .. دايم .. دخلوا المسجد .. وانتظر لحتى بدا الاذاآن .. شاف خالد طلع يلعب برا المسجد .. ناداه بصوت قصير : خالد ؟ لف عليه خالد وعقد حواجبه : مين ؟ قرب منه وجلس قدامه وباس خده : مين اللي مع ابوك عزام ؟ خالد : بابا .. : طيب مين الاثنين اللي ماسكتهم ماما فاتن خالد ببتسامه : خواتي ابتسم بنكسار : وش اسمائهم ؟ خالد : قوت وياقوت عبدالعزيز : طيب روح قول لأمــك .. بصوت مبحوح وكله حزن : الوقت يمضي وتتغير به احوالك وانا عيوني بكثر دموعها غرقى والله وكبرتي وصرتي ام لعيالك وانا الين الحين ابكي ليلة الفرقى " انتهت الروايه بحمد الله وشكره " | ||||||||
|
| |
|
04-07-16, 09:22 PM
| #249 | ||||||||
| مراقبة عامة ومشرفة منتدى الروايات المنقولة
| السلام عليكم ورحمة الله وبركاته الف مبرووووك ميجو اكتمال الروايه وإن شاء الله نرى لك مولوده جديده قريبا ونعتذرمن الكاتبه عن الخطأ الغير مقصود وهو إدرا ج البارت 70 وهو ليس بقلمها ولكن عذرنا أن العضوه التي أدرجت البارت كان نكها نفس نكك الكاتبه فأعتقدنا أنها الكاتبه ولم نعرف أنها منتحلة لشخصيتها وسوف يتخذ الإجراء اللازم نحوها من قبل الإداره إن شاء الله | ||||||||
|
| |
|
| أدوات الموضوع | |
| انواع عرض الموضوع | |
|
|
2Likes
.png)
العرض العادي
