آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
27-07-16, 08:47 AM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  صــرخـــة حنينــــى / للكـــاتبـــه امـــيره القـــلم مصرية مكتملة
التعديل الأخير تم بواسطة لامارا ; 07-08-16 الساعة 06:39 PM | |||||||||||||
|  |
|
27-07-16, 08:48 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  بسم الله الرحمن الرحيم السلام عليكم ورحمة الله وبركاته المـــــــقدمة سانتظرك "يا شبح الامل لتطرق بابى" هكذا قالتها من بين الدموع ولكن هل علينا ان ننتظره يطرق بابنا ام اننا من يجب ان يبحثوا عنه ويعبروا له عن الآشتياق ؟؟؟؟؟ هل هو حقيقة ؟ ام سراب ؟ شبح ؟ ام امنية ؟ ام ؟؟...... التعديل الأخير تم بواسطة لامارا ; 07-08-16 الساعة 06:36 PM | ||||
|
| |
|
31-07-16, 11:20 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  البارت الأول \ احبك نادانى الحنين اليك الى حضنك الى همستك يدك التى تمسح دمعتى عيناك التى تبكى مرضى شغفك المستمر بى ... لماذا افترقت عنى هل اذنبت ؟؟ هل اخطات ؟ كانت هذه الكلمات اللى كتبتها حنين فى خطابها الذى لم نعرف ما رقمه وسط الخطابات الكثيرة عذرا فلم اعرفكم بحنين حتى الان وشغلنا خطابها (حنين فتاة فى عامها الاول بكلية الصيدلة فتاة رقيقة وديعة ذات بشرة خمرية وعينان سوادواتان بروموش كثيفة وطويلة يحبها كل من تتعامل معه مهذبة للغاية ) دعونا نكمل دخلت والدتها اليها وجدتها تبكى ثانية الام :مالك يا حنين ؟؟ مش قولنا لك يا بنتى استهدى بالله ؟ استغفرى ربنا وقومى يلا عشان تاكلى حنين : مفيش يا ماما كنت مخنوقة و......... قاطعتها الام : تانى جوابات ؟ يا بنتى ده قضاء ربنا حنين محاولة تغيير الموضوع : طيب يلا نفطر الام وقد تفهمت : يلا ده محمد مستنى ناقص ياكل التربيزه خرجت الام وحنين ووجدوا محمد (اخيها الاصغر يصغرها باربع سنوات ) محمد صباح الخير على الناس اللى مش واخده بالها ان فى واحد هفتان فى البيت حنين وهى تبتسم :هفتان ولا غول صباح النور على عيونك الام : بطلوا نقار ويلا كلوا هتتاخروا اكلوو وكان محمد ينظر لها خلسة من ان لاخر ليلمح نظرة الحزن فى عينيها انهوا طعامهم وتوجه كل منهم الا عمله خرجت حنين الى كليتها اخرجت هاتفها وتحدثت الى شخص ما حنين :بيبى يا بيبى اصحى بقى كل ده نوم ؟ الشخص الاخر ؛مين معايا ؟ حنين : ها ؟ بقى كده طيب سلام يا ياسمين ياسمين :حنيييييييييين استنى بهزر يا هبلة انا فى الطريق انتى فين ؟ حنين : طالمها قلتى كده يبقى انتى لسه ع السرير ياسمين : عيبك انك فاهمنى يا ريس حنين : قدامك عشر دقايق والاقيكى قدامى انا واقفة فى الشارع اهو يلاااااااا ياسمين :حاااااااااااااضر اعلقت الهاتف وبدات فى الانتظار وشغلتها الذكريات و...................... | ||||
|
| |
|
31-07-16, 11:21 AM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت التانى \ ياخذنا الحنين احيانا الى صنع عالم من الخيال نجعله جزء من الحقيقة نحبه ونعشقه نتعايش معه حيث لا زيف ولا نفاق بل تجتمع الاحبة بلا فراق لا يوجد سوى الحب والعناق كانت حنين مستغرقة فى افكارها حين لاحت امام عينيها صورة تذكرتها حقا انها صورته هو "حنين وحشتينى اوى اوى تعالى فى حضنى يا حياتى تعااااااالى " بدا الصوت يختفى رويدا رويدا... وتظهر مكانه فتاة تحملق فى حنين وتهزها ياسمين : انتى يا خالتى انتى يا بنتى يا حنييييييييييييييين انتى متى وانتى واقفة ؟ حنين وبدات تسترجع نفسها : ها ؟ ياسمين : ايه ؟ يخربيت الفول وسنينه انتى بتعاكسى االعمود قدامى كمان ؟ حنين : ههههههههه لا معلش سرحت شويه ما حضرتك اتاخرتى عليا كالعادة يلا بينا وكالعادة تنجح ياسمين فى اخراجها مما هى فيه بطريقتها بشخصيتها المرحة المختلطة ببسمتها الجذابة امتطيا الميكروباص للجامعة فى كلية صيدلة جامعة المنصورة حنين ازيكم يا بنات عاملين ايه ؟؟ ايمان واسراء : حنييييييييين اتاخرتى ليه يا بنتى السكشن كان هيبدا حنين : قولوا بقى لياسمين ربنا يسامحها ياسمين : انا برضه ولا العمود اللى كنتى بتتغزلى فيه ؟ الجميع :ههههههههههه ايمان : على فكرة يا حنين حسام سال عليكى حنين : حسام مين ؟ ايمان : حسام هو فى غيره الواد اياه ؟ حنين تنظر لياسمين بتافف وتزفر بضيق ولا ترد تدخل الفتيات السكشن على جنب اخر وفى منطقة اخرى من الخريطة وبالتحديد فى انجلترا كان الحوار تليفونيا كالتالى محمود : ازيك يا زيكو اخبارك واخبار الدنيا فى مصر ايه زكريا : ازيك يا ندل انت هو كل من سافر ينسى الغلابة اللى فى البلد ؟ محمود لا والله وحشتنى انا حاجز التذكرة من زمان وهنزل عشان هروح كليتى بقى زكريا : بجد ؟ فرحتنى يا ولا ...وهتسيب والدك ؟ محمود : هو اللى مش عايز يرجع انا تعبت بجد ساد الصمت للحظات وبعد تنهيده من الطرفين زكريا : متنساش الهدية يا عم بقى ولا احنا مش فى بالك ؟ محمود : لا من عنيا يا طفس ههههههههه ..زكريا ..... زكريا : نعم يا حوده محمود : متعرفش اخبار عنها ؟ زكريا : مممم لا انت من ساعة ما اتخانقت معايا عشان جبت اسمها على لسانى وانا مش اخدت بالى منها محمود : طيب لما انزل البلد هكلمك بقى ان شاء الله زكريا : تيجى بالسلامه يا صاحبى مع السلامه محمود: السلام عليكم اغلق محمود الخط وشعر بغصة فى حلقة وجعل يرسم فى ورقه امامه دائرة مكتوب بها ابى امى وهى مشاكلى التلات وهنا التمعت دمعة فى عنيا ظهر بريقها وقد اثرت النزول محمود وهو شااب فى اوائل العشرينات من عمره يتمتع بالوسامه والتدين ولكن عينيه الحزينه تخفى الكثير والكثير نعود من رحلتنا الى الجامعة "حنين من فضلك اسمعينى " جملة استوقفت حنين من صوت ادمى تعرفه حنين وهى تنظر ارضا : دكتور حسام لو سمحت انا مبكلمش ولاد حسام : يا حنين افهمينى بس......... قاطعته حنين : اسمى دكتورة حنين او انسة حنين يا دكتور بعد اذنك غادرت مسرعة حتى لا يعترض طريقها يارب بقى الكائن بيعصبنى استغفر الله العظيم هكذا كانت تقول فى نفسها حتى لحقها وفجاة .............................. | ||||
|
| |
|
31-07-16, 11:22 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت التالت \ يارب بقى الكائن بيعصبنى استغفر الله العظيم هكذا كانت تقول فى نفسها حتى لحقها وفجاة وجدته يمسك يدها ليستوقفها نفضت يده عنها بسرعه ثم صرخت بوجهه -انت انسان مش محترم ..انت فاكر نفسك مين عشان تمسكنى كده حسام : انا ....انا ...ا..سف والله مقصدتش انا كنت ... حنين : انت كنت فى نظرى راجل محترم بس خسرت الاتنين فى نظرى ان بحذرك لو كلمتنى تانى اوعى من طريقى ولكن فجاة عندما اولته ظهرها ظهرت حنين الوديعة ليست الصلبة منذ قليل بكت جلست بمكان بمفردها تبكى (لماذا تركتنى ؟؟؟ تركتنى لهم ؟؟ كل منهم ياكلنى بدونك ليتنى معك ...استغفر الله العظيم ) قطع توسلاتها صوت اسراء -يابنات لقيتها اهى ..حنين حنين حنين نظرت لها باعين زائغة وهى فى عالم الاخر هنا جاءت ياسمين وايمان اخذتها ياسمين فى حضنها واخذت ترقيها وتتلو القران حتى استكانت لم يسالنها عما بها حتى لا تتعب اكتر ايمان : حايزه عصير اسراء : روحى اشترى خدامين سيداتك احنا ؟؟؟ ايمان :لا انا حايزه من اللى فى ايد ابلة حنين حنين وقد بدات فى الضحك : خديه انا عارفة ان عينك فيه ايمان : هو بطعم ايه طه ؟ حنين : تفاح ايمان : نوووووو انا عايزه عصير محشى عصير كفتة حاجات من دى ياسمين : مشوا البنت دى من هنا اسراء يلا بقى ورانا محاضرة ولا هندلع كتير ؟ راقبها حسام من بعيد وجاءه صاحبه فريد : ايه يا اتش لسه اللى فيك فيك؟ حسام : سيبنى الوقت فريد : يا اتش سيبك منها بجد دى بت خنيقة اخر حاجة اى بنت فى الجامعة شاور لها بس دخل حسام المحاضرة والقى عليها نظرة راته اشاحت بوجهها عنه وانشغلوا بالمحاضرة وانتهت المحاضرة ومر اسبوع وعلى صعيد اخر ... - الو زكريا : مين معايا محمود معرفتنيش ؟ طيب السلام عليكم زكريا : حوووووووووووووده انت جيت ؟ وحشتنى يا ولا انت فين محمود : هههههههه فى المطار زكريا : حد معاك ؟ انا جاى لك محمود بحزن : لا مفيش ....خليك متتعبش نفسك زكريا : ايه يا ولد العم الفرنجة نسوك زيكو ولا ايه يا وجعة مربربه محمود وقد دمعت عيناه من الضحك : خلاص خلاص انا هروح وتعالى على البيت زكريا : ماشى اشوفك على خير ....سلام محمود : سلام وذهب محمود الى منزله ووقف يسترجع الذكريات ( اااااااااااااااه حرام عليك سيبنى ) تلك الكلمه التى ترددت فى اذنيه صوت الصرخة لم يفارقه وضع يده على اذنية لكى لا يسمع لكن هيهات جرى على الشرفة فتحها ليستنشق اى هواء ينجيه من الاختناق ولكنه هرب من اختناق الى اختناق وجد نفسه امام شرفتها القديمه صرخ بعزم ما فيه : اين انتى ؟؟؟ اين امى ايضا ؟ اين ابى ؟ هم تركونى وانتى ذهبتى لمااااااااااااااااااذا بكى بكاء الاطفاء لم يشعر الا وهو فى احضان زكريا وفجاه.............. | ||||
|
| |
|
31-07-16, 11:23 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الرابع \ وفجاه احس بدوار شديد وفقد الوعى (انا مش عايزه اشوف حد فيكم ) ........جملة ايقظت محمود من اغماءته وجد نفسه على السرير بين ذراعى ذكريا وذكريا مستلقى ذاهبا فى ثبات عميق بدا ينفض راسه لينسى الالام الجسدية والنفسية ... احس ذكريا بحركته ففتح عينيه ليجده مستيقظ وينظر اليه ذكريا : حوده انت حاسس بحاجة ؟ محمود : الحمد لله كويس متقلقش ذكريا : الحمد لله كده يا حوده توجع قلبى عليك ؟ مش قلت لك شوف حياتك زى ما هما شافوا حياتهم ؟ انت لسه صغير على اللى فيك ده محمود : غصب عنى يا ذكريا بجد ...انا كل حاجة ضاعت من ايدى فجاة ..بقيت لوحدى ...حتى ......... توقف عن الكلام وفجاة بكى بكاءا شديدا كانه طفل تاه من والديه تركه زكريا ليخرج ما بداخله حتى هدا تماما ثم قال : حوده يا حبيبى انت لوحدك ؟ بقى كده ؟ وانا شفاف ولا ايه ؟ وانا اللى قلت اجى اقعد معاك فى الشقة واهرب من اهلى محمود باتسامه بعد عناء : انت الحاجة الحلوة اللى باقية فى حياتى يا صاحبى ...ايه ؟ بجد ؟ هتقد معايا ؟ واهلك ؟ ذكريا : لا قلت لهم وهما ما صدقوا يخلصوا منى هههههههه...انت عارف امى بتحبك قد ايه الا قولى يا ولا انت مرتبط بامى من ورايا وانا مش واخد بالى ؟؟؟ محمود بضحك : بصراحة جدا ومكنتش عايز اقولك عشان مشاعيرك وكدهون دى حبيبتى يا ابنى ذكريا : قلبى ؟ يعنى انا ابن مين ؟ فهمنى ؟ انت ابويا وانا معرفش ؟ لاااااااااااااا ثم اكمل بلهجة تمثيلية :ليه تعملوا فيا كده ليه ؟ انت اللى ازيك مش لازم يعيش ليوم التلات ولا الاربع ثم امسك رقبته ومحمود تظاهر انه مات ذكريا : محموووووووووود لا يا ابى متموتش انا محتاجك مين هيجوزنى بعد ما عرفت الحقيقة انا اللى قتلت ابويا لااااااااا كانت تتشل ايدى ونظر الى ده لا مش دى التانية دى فجاة فتح الاثنان فى نوبه ضحك هستيرى كان محمود لم يضحك من قبل جعله يتناسى قليلا ما به اعطاه ذكريا الدواء الذى كتبه الدكتور ثم قاما صليا ثم عادا ليخلدا للنوم ............ ونعود الى حنين فى البيت وهى تذاكر دخلت عليها امها الام : عاملة ايه حنين : الحمد لله يا حبيبتى ادعى لى الام : بدعى يا حبيبتى ربنا يوفقك ويبعد عنك ولاد الحرام حنين : يارب يا ماما .....هو انا ممكن اروح بيتنا القديم شويه ؟ الام : ليه ؟ انتى مش فاضية يا حبيبتى فى اجازه نص السنه هنروح ان شاء الله حنين بفرحة : بجد ؟؟؟ هييييييييييييييييييييييه الام : اه بجد ....خالتك هتيجى فى الاجازه ان شاء الله تقضيها معانا فانا قلت البيت هناك واسع احسن حنين وقد احست انها تطير فى السما : ربنا يخليكى لينا ياماما ......انتى عارفه انا مش برتاح الا هناك الام : عارفة يا حبيبتى يلا بقى كملى وخرجت الام وسرحت حنين بخيالها ليوم سعيد جدا - حنين انا بحب البيت اوعى يا حنونه بجد بتربطنى بيه ذكريات جميلة ... اوعى حتى لو انا مش موجود فى الدنيا تسيبيه او تعيطى فيه انا بقول لك اهوه عادت حنين من بحر الذكريات كالغريق يبحث عن القشة لتنجده وفى اليوم التالى ذهب محمود لجامعته مع ذكريا ... هنا رن هاتف محمود ......... | ||||
|
| |
|
31-07-16, 11:24 AM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الخامس \ "سانتظرك يا بسمه الامل لتبعثرى دمعاتى وتنثرى على وجهى المبلل زهور ورياحين سانتظرك حتى تعانقينى عناق المحبين وارى فى عيكى لهفة العاشقين لا اكل الانتظار اعلم انك ستعودى مع النهار ولاتدعينى مقطب الجبين "... علق محمود هذه الكلمات فى عقله اولا قبل ان يكتبها فى سجل خواطره ومضى اليوم وذهب محمود مع ذكريا الى الجامعة وهنا رن هاتفه _السلام عليكم محمود باستغراب وعدم تصديق :وعليكم السلام مين معايا ؟ _ ايه يا حبيبى انت مش عارفنى ولا ايه ؟ محمود بفرحة : لا يا حبيبتى عارفك ....انتى فين وحشتينى وحشتينى انا كنت هموت من القلق عليكى _اطمن يا حبيبى انا كويسة المهم طمنى عليك محمود ومازال غير مستوعب : بقولك انتى فين ؟؟؟ انا دورت عليكى كتير _ياروح قلبى انا كويسه خد بالك على نفسك ............... محمود مقاطعا : انتى بتقولى ايه ؟؟ انتم انانييين اوى _متظلمنيش محمود بصوت مختنق : متتكلميش عن الظلم ومحدش يكلمنى عن الظلم كفاية بقى حرام عليكم _افهمنى بس واهدى وطمنى عليك محمود بعبرة الحزن الطاغية وعصبية بالغة : كفايه كفاية انسونى زى ما انا هنساكم كلكم اقولك اعتبرى مفيش محمود اعتبري انى ميت ميت اغلق الهاتف بعنف لاحظه ذكرا وجاء اليه مسرعا راه متكئا على حائط ترك محدثه وجرى مسرعا زكريا : مالك يا حوده في ايه طمنى ؟ محمود وهو يجاهد فى رسم الابتسامه : لا يا زيكو مفيش اطمن زكريا بحزن : مالك بس يا حوده محمود : لا ولا يهمك انا كويس ها جبت المحاضرات اللى ناقصانى ؟ زكريا :طبعاااااااااا اهى تحب اشرحهالك؟؟؟ محمود بابتسامه : ضمنت السقوط الاثنان هههههههههههههههههههه ومضوا الى محاضراتهم مشتبكى الايدى وكل منهما يخاف ان يخسر الاخر ويستنجد به "لا تتركنى وحدى فانت اخر امل لى " ........................................ "انا بحبك جدا على فكرة غيرتى حياتى كلها مبقدرش اعيش من من غير ما اشوفك ولا اشوف وشك الملائكى ده امتى بقى هتبادلينى نفس الشعور انتى ممكن تكونى بتحبينى بس انتى مش عارفة انا بعتذر عن اخر مرة بس انتى اللى مش عايزه تسمعينى بس هييجى اليوم وهتسمعينى " ظلت تقرا باعين متوترة وانفاس هائجة وحركات عصبية حتى وصلت لكلمة (حبيبك حسام ) زفرت بضيق وقالت فى نفسها "يا الله كم انت وقح كيف تجرا على ذلك وكيف جائنى هذا الخطاب " زفرت بضيق وجلست تستغفر ربها ليجعل لها من كل ضيق فرجا هنا طرق الباب واذنت للطارق بالدخول ياسمين : ايه يا بنتى جايبانى على ملا وشى ليه ؟ حنين : .................. ياسمين :ماااااااااااالك يا بنتى حنين وهى تضغط على اسنانها : الباشا بعت لى جواب افرحيلى ؟؟ ياسمين : باشا مين ؟ وجواب ايه ؟ وايه الجو القديم ده؟؟ حنين وهى تلقى بالورقة : اتفضلى اقراى بنفسك ياسمين اخدت تقرا وهى تدندن : تيراراررارارارارا طم طم طم حنين : عاجبك اوى ياسمين بسخرية : الراجل متيم اهو عمل حاجة ؟ حنين بعصبية بالغة : ياسمين ياسمين بجديه : احم احم ...خلاص بقى حبة جد كده ....الجواب ده جالك ازاى ؟؟؟ حنين بحيرة : معرفش ...انا لقيته فى الكشكول بتاعى ياسمين : مممممم وانتى ايه رايك ؟ انتى حاسة نحيته بحاجة ؟ حنين بحزن وعصبية خفيفة : ايه اللى انتى بتقوليه ده ؟ انتى عارفة ... وبعدين بعد اللى عمله قل جدا جدا جدا جدا فى نظرى ياسمين: وناويه تعملى ايه ؟؟ حنين : اما اشوف اخرتها معاه ايه ياسمين وهى تغير الموضوع : المهم بقى خلينا نركز هنسقط مع فلانتينو ده حنين : على رايك وتدخل ام حنين وتتفاجا بوجود ياسمين احتضنتها كالعادة وبعد الترحاب ام حنين : يلا انا هحضر الغدا ......وهتتغدى معانا غصب عنك (وهى تنظر لياسمين ) حنين بمرح وبطريقة تمثيلية : لقد صدر الفرمان الملكى خلاص ....احذرى يا سمسمه ياسمين وهى تمثل الخجولة : لو مكنتوش تحلفوا بس الجميع : هههههههههههه وتناولوا الطعام وذهبت الفتاتان للمذاكرة وايضا محمد وعلى صعيد اخر جلس الصديقان يذاكران سويا وهنا رن هاتف المنزل ترن ترن ترن ....................... | ||||
|
| |
|
31-07-16, 11:25 AM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت السادس \ وهنا رن هاتف المنزل ترن ترن ترن محمد : السلام عليكم المتصل : وعليكم السلام ازيك يا واد يا محمد ؟؟؟ عامل ايه ؟ محمد : عمو طه وحشتنى انت فين يا عمو وحشتنى والله انا الحمد لله ... الحاج طه : انا برضه اللى فين يا ولا ؟ انت مبتسالش على عمك ولا عيلتك اعمل زى اختك ماشاء الله عليها كل اسبوع بتتصل وتسال وساعات تجييب مامتك وتجى محمد: انا اسف يا عمو معلش انت عارف مشاغل الحياة بقى انا عارف انى مقصر بس ثالثة اعدادى بقى هاخد الاجازة ان شاء الله وهتلاقينى عندك الحاج طه: ان شاء الله يارب يوفقك يا محمد يارب ....مامتك موجوده ؟ محمد: ايوه موجوده ثوانى اناديها لحضرتك وبعد مجئ ام حنين دار الحوار كالتالى ام حنين : ازيك يا حاج طه وازى اميينه والاولاد ؟؟؟ طه: الحمد لله بيسلموا عليكى ازيك انتى وحنين والعيال ؟ ام حنين : الحمد لله كويسين وبيسلموا عليك والله ... طه : طيب الحمد لله بقولك يا ام محمد انا عايز اتكلم معاكى فى موضوع ام حنين : خير ان شاء الله طه : لا ان شاء الله خير مش هينفع فى التليفون ...انتم فاضين انهارده ولا وراكم حاجة ؟ ام حنين بقلق : لا اتفضل فى اى وقت طه : تسلمى يا غالية ....خلاص ان شاء الله الساعة 8 هكون عندكم ...تؤمرينى بحاجة ؟ ام حنين : الامر لله وحده شكرا ربنا يبارك فيك طه : السلام عليكم ورحمة الله ام حنين : وعليكم السلام ورحمة الله جلست الام تفكر وشغل بالها كثيرا ما قاله الحاج طه ورجعت بذكرياتها الى ذلك اليوم وهو يلقط انفاسه بصعوبه : نادى لى طه يا بثينه بعد اذنك ردت والدموع تابى الانحصار : عايزه بس ليه ارتاح شويه يا حبيبى نظر لها مسترجيا ان تاتى به تلك النظرة التى مزقت فؤادها نصفين وجعلت يبكى دما على قرب فراقه ذهبت لتاتى بطه _طه انا مش هوصيك على الاولاد ولا بثينه و......... طه بدموع : متقولش كده يا يس هتعيش وتربيهم يا حبيبى قوم عشان خاطرنا يا اخويا امطار دموعها هطلت واحست بارتعاشه فى جسدها لقد فقدت امانها فقدت حضنه السد المنيع الذى كانت ترتكز عليه حبيب العمر بعد وقت قد يكون دقائق وثوانى او .....عادت لوعيها وبدات تستعيد رباطة جاشها وتستعد لاستقبال (الحاج طه ) دخلت بثينه للبنات وجدتهم منهمكين فى الدراسة بثينه : ايه يا نونه ايه يا سومه اخبار الدنيا ايه تشربوا ايه ؟ حنين الحمد لله ياسمين مازحة : نشرب ؟؟؟ تانى ؟ قصدى تاسع ؟ يا طنط حرااااااام انا بقيت شبه القلة بقى كده ده غير المر اللى بنشربه فى الكليه حنين وامها :هههههههههه استاذنت ياسمين فى المغادرة لمنزلها وبعد الوداع اعلمتها امها ان عمها سياتى مساءا فى منزل محمود كان الوضع مختلف بينما كان زكريا ياكل كان محمود يعبث بالملعقة فى الطبق يفكر سابح فى الملكوت حتى انه تحدث الى نفسه بصوت عالى هلاقيكى فين ؟ مش هحب غيرك .....يارب تكونى حاسة بيا .......هههههههههه وكزه زكريا ليعيده لوعيه (ولا انت اتجننت ؟؟؟ بتكلم نفسك ؟؟ عليه العوض ومنه العوض فى العقل الرزين ) هكذا قالها زكريا وهو بداخله خائف ان يكون قد اصاب محمود فى عقله ولكن محمود لم يجبه ولم يرد بل اكتفى بابتسامه ونظر الى طبقه لعله ياكل دع المقادير تمشي في أعنتها ,, ولا تبيتن إلا خالي البالِ مابيـن غمضة عينٍ وانتباهتِها ,, يغيّر الله من حالٍ... هكذا قال محمود ورددها معه زكريا ليقنعه ومن الغريب والعجيب انه على الوجه الاخر كانت حنين تردد تلك الابيات عن ظهر قلب وتكتبها امامها ربما توحدت الامنيات ربما فيما بعد تتوحد القلوب ربمااا ومرت السويعات القليلة بما فيها من امل وما بداخلها من قلق حتى دق جرس الباب حنين : عمو طه حبيبى طه : حنونه وحشتينى يا كتكوته بثينه : منورنا اهلا وسهلا طه : ده نورك يا بثينه اخباركم ايه ؟وفين الواد محمد ؟؟ بثينه :فى الدرس وزمانه جاى وبعد السلامات والتحيات والذى منه طه : كنت عايز اكلمك فى موضوع مهم يا بثينه بثينه : خير طه :..................... | ||||
|
| |
|
31-07-16, 11:25 AM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت السابع \ طه : بصراحة ؟ فى عريس جالى وطلب منى حنين بثينه : عريس ؟؟ مين ده ؟ كانت بثينه خائفة ومذهولة من المفاجاة وهى تعلم ان ابنتها لم ولن توافق طه : بصى هو مهندس كمبيوتر اسمه حسين الولد محترم خالص ... بثينه بحزن وهى تجمع الكلمات : وهو يعرفها؟ اقصد شافها ؟ طه : طبعا بيقول انه شافها فى فرح هدى بنتى وعجبته وكده وسال عليها بثينه تقول فى نفسها "يارب نفسى افرح بيها واطمن عليها اقول لهم ايه يارب توافق " طالت غيبة بثينه فى الرد فاستعجلها طه مرددا _ايه يا ام محمد رحتى فين ؟ اقوله يجى تشوفه امتى ؟ بثينه بشرود : والله ما عارفه اقول لك ايه ؟ طه : خير ايه اللى شاغل بالك كده وقالقك انا سالت عليه وهو كويس جدا بثينه : يعنى انت مش عارف ؟ حنين ....... طه مقاطعا وهويخبط كفه على جبينه : ااااه تصدقى نسيت خالص ؟ بثينه بحزن : بنت اخوك هتموتنى ناقصة عمر طه باستياء وحزن : لا الف بعد الشر عنك ...ما هى ممكن لو شافته ترتاح وربنا يسهلها بثينه بشرود: وانت عارف انها مش هتوافق اصلا ولا نسيت ؟ طه : سبيها على الله ...هنشوف لها حل بثينه : يارب طه : فى موضوع تانى عايز اكلمك فيه بثينه: اتفضل قول يا ابو احمد ولكن قبل ان يكمل طه يقاطعه طرقات الباب ودخول حنين حنين : اتفضل العصير يا عمو طه : تسلمى يا غاليه يا بنت الغاليين ...ايه ده انتى حاطه صابعك فيه ؟؟ حنين بفزع : انا لا والله ازاى يعنى طه بضحك : اصله مسكر وحلو اوى حنين : ضحكت حتى بات نواجزها واحمر وجهها خجلا وهى تقول : خضتنى يا عمو شكرا ربنا يخليك بثينه : الباب بيخبط شكله محمد رجع من الدرس هقوم افتح له خرجت وتركت طه يداعب حنين ويحكيان سويا فى امور شتى وجاء محمد وسلم عليه سلاما حارا خرجت بثينه وحنين ليحضرا العشاء بعد الحاح على طه ان يتناوله معهم ولكنه استجاب لطلب حنين فقد كان طه لا ير فض لها طلب فهو يعلم كم هى رقيقة ووديعة قال فى نفسه "يا الله كم عانت تلك الفتاة الصغيرة يارب فرحها وارح ما بها " تلك هى الحياة _السلام عليكم ازيك يا ابنى محمود : وعليكم السلام ازيك يابابا عامل ايه ؟ الاب : الحمد لله ...طمنى عليك واخبار الدراسة ايه ؟ محمود باقتضاب : الحمد لله كويس الاب : طيب كويس انى اتطمنت عليك ابقى اسال عليا انا ابوك برضه محمود : طيب كويس الحمد لله الاب : عايز منى حاجة يا حبيبى ؟ محمود بغصة فى حلقه : شكرا ربنا يخليك اغلق الهاتف مع والده وجلس فى وعينيه شبح الدموع قرر انا يستمع لاحدى الاناشيد لكى تريح اعصابه ووقع اختياره لانشوده كانت موفقه لاختياره كانت (اشكو الى الله للشيخ مشارى راشد ) وعندما كانت الانشودة وتبدا وعقله يرددها مع المنشد استرجع فجاة تلك اللحظة اخر لحظة جمعتهم هما التلاته فلااااااااااااااااش باااااااااك محمود كان راجع من الجامعة كالعادة وخايف يدخل البيت _اه حرام عليك سيبنى ........... الصرخة اللى مش راضية تروح من باله جرى جرى لمصدر الصوت محمود : حرام عليك يا بابا سيبها بقى حرام كده ......قالها وهو بيصرخ وبيدفع ابوه بعيد عن امه هنا قام الاب وصفعة صفعة جعلت اذنه تقطر دما ليست اذنه فقط ولكن قلبه كيف راى قسوة ابيه الذى كان دائما بارا به انتفضت امه وجرت له وهى تردد حسبى الله ونعم الوكيل حسبى الله ونعم الوكيل _انا ايه يا شيخ حرام عليك معندكش قلب انت ظالم ربنا ينتقم منك ربنا ينت........... لم تكمل كلامها بل قاطعها ولكن كلاما بل جذبها من شعرها بطريقه جعلتها تصرخ صرخات مكتومه خوفا من ان يدرى احد من الجيران فتحرج ولدها وتسبب له انكسارا امام الناس وفى جزء من الثانية كان استجابة محمود الذى لم يعى اى شئ مما يفعل با قام ودفع ابوه بعيدا عن امه وام والده من ياقته وحركه بعنف _انت ايه ؟؟ معندكش قلب ؟؟ بتضربنى وقلت ماشى ؟ بتتشطر عليها ؟؟ انا بكرهك يا شيخ بكرهك كل شويه ضرب وقسوة وانا مستحمل وهى مستحملة في الاب فين الحنية ولا انت نسيت المعانى دى كان يهتف بهذا وصدره يعلو ويهبط كمن يجرى لاميال ودموعه تتسابق فى الهطول كمن يلعب فى الاوليمبيات _هنا كانت نظرة والده التى تحولت الى الانكسار والقهر ونظر ليد محمود التى مازالت ممسكه بياقته وقال : عايز تضربنى يا محمود ؟؟ بتمد ايدك عليا ؟ نسيت انى ابوك ؟؟ تركه محمود ونظر الى الارض ودخل الى غرفته ولكن استمر الثنائى فى العراك والخناق ولكن حدثت القشة التى قضمت ظهر البعير .................................................. ................................... | ||||
|
| |
|
31-07-16, 11:26 AM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثامن \ جاء لمحمود زكريا يزوره كان من عادة والديه ان يظهروه بمظهر لائق امام الناس وان ينحوا خلافاتهم جانبا حتى لا يحرجوه ولكن ماذا حدث ؟؟ دق زكريا الباب فتح له والده ورحب به مقتضبا وذيل ترحيبه بكلمه "اتفضل الدكتور جوه " قالها باستهزاء وهو يضغط على اسنانه ... قابله محمود مرتبكا وفى نفسه يقول "ليتك لم تاتى لا ريدك تراهم هكذا ولكن ربما قلبك يحس بى احتاجك بشده يا صديقى " لاحظ زكريا ارتباكه وحزنه وشروده وايضا لاحظ غلظة والده التى لم يراها من قبل وقال فى نفسه "كما توقعت وكما حدثنى قلبى انت يا صديقى تعانى ماذا دهاك ليتنى لم اتى حتى لا احرجك ولكن الحمد لله انى اتييت حتى لا تموت كمدا " ظلا ينظران لبعضهما ويتكلمان بعيونهما ويبكيان بقلبهيهما _زكريا وقد اراد ان يغير الجو : حوده مالك ؟؟ انت بتبص لى ليه كده انا مرتبط على فكرة _محمود وهو يحاول رسم ابتسااامه ولكنها باتت صعبة للغاية بل مهمة مستحيلة :..........منورنى يا زي........... لم يكمل حديثه قاطعه الصرخة التى شقت ارجاء المنزل جرى زيكو ومحمود مسرعين الى الخارج وجدوا الوالدان يتعاركان ولكن هذه المرة بصورة فظيعة اشياء متطايرة كل منهم يحاول ان ينال من الاخر يرميه باى شئ تطاله يداه سباب وعراك لو يوقفهم صوته لم يوقفهم صرخة "كفى " التى قالها محمود مرتعدا بكل ما يحمله من الم ولكن اوقفهم فقط ما فعله ما هذا ؟ دماء ؟ دماء من ؟؟ ماذا حدث ؟ اترانى اصبت لاااااااااااااااااااااااا اا وهنا افاق محمود من العبث بذكريات ماضيه تلك الصرخة التى الجمته وهشمت فؤاده ولكن كفى نظر الى الساعة بيده وراى ان يذهب ليصلى القيام ليريح فؤاده العليل ......................................... "ماذا افعل ؟ لا حل امامى سوا ذلك ....الحق ما قاله طه " جلسه اخرى مصارحة مع النفس فى بيت حنين ولكن هذه المرة الام بثينه من تفكر وتعبث بعقلها لا تدرى هذه الدمعة رقم مئه ام الف ولكن ذيلت صمتها بشهقة تبعتها بقول "ربنا يهديكى يا حنين يا بنتى ويصلح حالك " وعادت ادراجها الى السرير لتستريح قليلا .................................................. ............................. فى الصباح _بثينه نوت تنفيذ ما قاله طه استيقظت حنين بنشاط غريب داعبت محمد وامها وايقظت ياسمين وذهبوا الى الجامعة _ذكريا استيقظ وجد محمود نائم على سجادة الصلاة ملائه الاشفاق والحزن عليه ولكن تظاهر بعكس ذلك لم يساله يريده يتناسى فى الجامعة اناس تغدو واناس تروح منهم الحسن ومنهم القبيح منهم الواعى ومنهم الساذج ولكن الاكيد فى الامر ان الجامعة مجتمع داخل المجتمع فلندع هذا الكلام ولنذهب حيث ذلك الصوت صوت الخناق والشجار فلنسمعه قليلا _قلت لحضرتك يا دكتور ابعد عنى لكن حضرتك تماديت _انتى ليه مش قادرة تفهمينى ؟ _حضرتك اللى مش عايز تفهم ...انا مش البنت اللى دماغك .....انت فاكرنى هتهز بالكلمتين اللى بعتهم دول ؟؟ تبقى بتحلم _ انتى ظالمانى ليه انا ......انا بحبك وعايزك بقى ..... غلطت فى حاجة؟ _ ابعد عنى احسن لك ههه بتحبنى ؟ لا نكته ..صدقت حضرتك يا محترم بالاوى انا مش اللى بيتباع لهم الاسطوانات دى فاهم ؟ عذرا كانت محادثة بين حنين وحسام انهت حنين جملتها وقبل ان يرد قامت بتمزيق الخطاب ورمته ارضا امام حذائه لتشعره بالدنو والمهانه اعتلتها ابتسامة تشفى لتغطى على انكساار داخلها وادرات وجهها الى حيث قاعة المحاضرات لتكمل يومها الدراسة ولكن وعلى حين غرة ...................................... | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
