منزلك عيني ... بقلم: اسكن عيوني , رواية قطرية مكتملة

[درة الاحساء]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته أعضاء روايتي الغالين زوارنا الكرام نقدم لكم رواية الثانية للكاتبة : اسكن عيوني رواية :"" منزلك عيني"" قراءة ممتعة للجميع.

[درة الاحساء]

رابط لتحميل الرواية

https://www.rewity.com/forum/t336376.html#post10816015

مساءكم / صباحكم / خير أل نبض
إن شاء الله من الغد /يوم الجمعه/ بنزل
قصتي الثانيه "منزلك عيني" متمنيه أن تنال على إستحسانكم وإعجابكم
من فتره طرحت قصتي الأولى( غرور وكبرياء)) وهذه قصتي الثانيه
وبكره يصادف يوم مولدي:21/3/ وان شاء الله يكون هالشيء فاااال رائع لي ولقصتي.

أحبتي..............
ادعوكم أن تكونوا معي بالنقد البناء
وكلي صدر رحب لتقبل كل ما سوف تقترحونه وتقولونه ،، كما تعودت منكم دائما.
إنتظروني غدا ان شاء الله مع مولودتي الثانيه
راجيه منكم قبولها كما تقبلتم اختها الكبرى
"غرور وكبرياء"
وتقبلوا محبتي وتقديري الدائم لكم.
........................
ملاحظه:
(كل يوم جمعه ويوم أثنين راح أنزل بارتين)

[درة الاحساء]

_…ـ-*™£ البارت الاول £™*-ـ…_


حكمه

رحلة الدنيا قصيره والفرح فيها سراب حب كل من حبك ترى اخر هالدنيا سراب ..

كان فهد يسوق سيارته الرنج روفر بسرعه مخيفه ولا هامه حد ولا يشوف بسبة الحاله الي هو فيها والي شافه من شوي (كان في عرس حبيبته) الي انحرم منها بسبة ظروف هو ميعرفها .



وصل البحر ونزل وخلا باب سيارته مفتوح وكان مشغل الراديو على صوت الخليج (وهذه عادة فهد من يركب سيارته يده تمتد تلقائيا ويشغل على اذاعته المحببه)



وراح وقف عند البحر وقعد يتامل البحر وهو في قمة حزنه وعذابه وصرخ بعالي الصوت



فهد : اشهد يا بحر علي في هذا اليوم انذبحت على يد اغلى مخلوق خلقه ربي .



وتم يصارخ ويرمي البحر بالحصى لحد ما انهد حيله وطاح على ركبته وهو يناهت وعيونه غرقانه دموع محبوسه في موق عينه



وقعد لحد ما مل ورجع لسيارته ولقى الاذاعه شغاله على اغنيه كأن القدر متفق مع حظه الردي انه يتعذب اكثر مما هو متعذب سمع صوت من احب الاصوات لقلبه



(الصوت الجريح – ابو خالد عبد الكريم عبد القادر )



وكانه متفق معه واهداه هاذي الاغنيه .



اجر الصوت من جرح انبرى لي


انا والجرح اكبر من زماني


ومن وين ابتدي..ياجرحي الندي

حسبي على الايام والحظ الردي

كانت معي طول العمر عين وهدب..كانتمعي
كانت من الصغر حب انكتب ..كانت معي
واليوم انا عندي خبر وعلم اكيد
حبيبتي في قلبها حب جديد
آآه آآه على حبي اللي كان يا زمن ما به امان
ومن وين ابتدي ..ياجرحي الندي
حسبي على الايام والحظ الردي
حبيبتي ..حبيبتي ضافت على جرح العمر
جـــرح جــــــــديـــــــد
حبيبتي لا هياصدقت باللي اوعدت
ولا صدق حلمي البعيد
آآآهين..آآهين
آه على وقت مظىواه على عمري اللي راح
ومن وين ابتدي يا جرحي الندي حسبي على الايام
والـــــــــحظ الردي









فهد حس ان قلبه وقف : شذا التوقيت مع ها الغنيه



وركب وضرب الدريكسون بقوه وصرخ وسكر الاذاعه ما يبي يسمع يكفي الي شافه واسمعه في ها اليوم الكئيب التعيس وشخط وراح لبيتهم وصل وقعد في سيارته يناظر الشارع المضاء بإضاءة العرس



(العروس بنت عمه ماخذه ولد عمتها)



والبيت عباره عن ثلاث بيوت كبيره في حوش ضخم واحد بيتهم بيت ابو فهد وبيت عمه ابو ثامر وبيت عمته ام جاسم )



وكانوا ساكنين في منطقة الدفنه وفي وسط الحوش نافوره دائريه كبيره وعلى جنب مجلس للرجال بكامل ملحقاته قسم للشياب وقسم للشباب ووراء البيت بركة سباحه يقدر الكل يستعملها .



تجاهل مشاعره التعيسه ونزل وراح لبيتهم ودخل ولقى اخوه عبد العزيز في الصاله قاعد ينطره .



عبد العزيز : هلا فهد وينك قعدنا نحاتيك ؟



فهد : ليش تحاتوني شصاير علي ما فيني الا العافيه



وتوه بيروح لغرفته الا و عبد العزيز يناديه



عبد العزيز : فهد ابوي يبيك ضروري قال لي اول ما يجي فهد جيبه وتعال .



فهد : بس الحين الوقت متاخر واكيد ابوي راقد



الا ام فهد داخله عليهم وعليها جلال الصلاه وعينها ما طاحت من على ولدها فهد لانها عارفه شقد ولدها متعلق في بنت عمه وعرفت بإلي سواه في العرس.



جات ام فهد وقعدت جنب عيالها وقالت لفهد : يبه شحالك يا ربك بخير ترى ابوك ما رقد لحد الحين يبيك



فهد : ياه ياذا اليوم الي ما يبي ينتهي على خير .



الا خالد دخل عليهم وعيونه منتفخه من الرقاد : هيه طبيت عليكم شتسون و ش فاتني يله قولولي .



فهد وهو يضحك وما وده يضحك : هههههه والله محد مرتاح غيرك تراني احسدك .



خالد : افا حد يحسد اخوه المهم فهد شبلاك الليله خبلت في ولد عمتك وخليته بيزه ما يسوى ولا ابوي قعد يتحلف فيك يا ويلك يا سواد ليلك.



ام فهد ضربت خالد على كتوفه تبيه يسكت لان هذا مب وقت خفة دم خويلد.



فهد : خليه يمه على الاقل هو صريح والى في قلبه على لسانه المهم خلونا نروح لا بوي ونشوف شختام ذا لليل



وراحو كلهم لقوه قاعد على سريره منبطح ويسبحن ما بقى على صلاة الصبح الا ساعه .



فهد : مساء الخير يبه



وقرب منه وحب راسه وقعد على طرف السرير وابوه صاد عنه .



خالد : اقول ابوي ترانا كلنا ننطرك عطنا الى عندك



طالعه ابوه بنظرات ناريه خلته ما يتحرك من مكانه



والتفت لفهد وقال له : يا بوك انا مقدر ارجع الزمن لورا واعدل فيه بس انت ليش سويت كذا في ولد عمتك وقدام ربعه وهله .



فهد : يبه انا ما احرجته انا قلت الي قلته قدامك وقدام اخواني وعمي بس .



ابو فهد : انزين ما سوبت حساب لعمتك الي تحبك وتعدك بحسبة ولدها ولا استحيت على وجهك وانت تعدد مزايا بنت عمك قدام ابوها واخوانها واخوانك .



فهد : يبه اذا تذكر زين عيال عمي صغار ثامر 15 سنه وعلي 10 سنين وعمي سمع اول القصيده بعدها بعد .



ابو فهد : اكيد بيبعد وهو يشوفك بذيك الحاله كنك شارب ولا عيونك الي كلها شرار وحمار .



قلي شستفت من الي سويته؟؟؟؟



فهد : بس بردت قلبي فيه وبينت له ان فيّ مهب له لا من اول ولا من تالي .



ابو فهد : يا بوك خلاص انسى فيّ معاد لك فيها شي صارت حلال غيرك .



فهد والضو شابه فيه من راسه لساسه : خلاص يبه قلت الي تبي .



ابو فهد : يا بوك تراك صغرتني قدام المعازيم وفعلتك هاذي مهب فعايل رجاجيل وانا اخاف عليك تراك مهما كبرت بتظل فهد الصغير .



خالد : يبه أي صغير الله يهداك هذا ولدك شكبره عمره 32 سنه وطرشته يدرس براولو انه صغير كان ما خفت عليه وخليته يروح يدرس بلاد الامريكان على قولة يدوه .



ابو فهد : اقول ام فهد اخذي ولدج هذا وقطيه برا غرفتي لا اقوم واذبحه .



خالد : خلاص والله حرمت هاه (وحط يده على ثمه دليل انه مهب متكلم)



عبد العزيز : يبه خلونا الحين نروح نصلي ونذكر الله والى فات مات



ابو فهد : هذا الكلام السنع سبحان الله ما كنكم تؤام .



خالد : يبه فديتك شفيك علي ؟



ابو فهد : مافيني شي بس ابيك مثل اخوانك عقل وثقل ورزه



( خالد وعبد العزيز تؤام اعمارهم 23 سنه خالد متخرج من كلية احمد بن محمد العسكريه والفروض يكون اثقل من كذا بحكم دراسته العسكريه بس هو من صغره ومحد يقدر يغيره اما عبد العزيز مخلص جامعه ويساعد ابوه واخوه في شركتهم في وقت فراغه اما شغلته الاساسيه وهو بطل سباقات رالي )



طلع ابو فهد وعياله للمسجد القريب من بيتهم وصلوا صلاة الفجر جماعه وابو فهد يوم شاف اخوه بو ثامر غمز عينه لفهد انه يسلم عليه : قام فهد وحب راس عمه وطلع من المسجد وراح لغرفته



وقط روحه يبي ينام لكن هيهات مهب حوله الرقاد ولا يحلم فيه قعد يتقلب يمين شمال يوم انه شاف ما به حيله قام قعد يقلب في البوم الصور وشاف صور غاليته وهي صغيره طبعا وتم يضحك بعدها قطهم على طول يده وقعد يلعنها ويلعن روحه وينعتها بالخاينه



وتذكر امس في العرس يوم انه تكشخ وراح للعرس ويوم ابوه شافه استانس على باله انه ياي يبارك ويهني وبيروح بس الي سواه فهد ميسويه الا الي محترق جوفه من نار الغيره والغدر وقال هي خاربه خاربه



راح لولد عمته المعرس وسلم عليه سلام من بعيد وقال له : تعال شوي بعيد بقولك شي ما بي حد يسمعه .



جاسم : لا قول الي عندك ترى ما به غير هلك الي هم هلي قول الي عندك .



فهد : من مصلحتك تسمع الي بقوله لك بروحنا انا وانت بس .



ابو فهد وهو يلتفت لفهد : شبغيت انت ما سلمت خلاص تعال اقعد ولا روح .



فهد : ليه يبه تبيني اروح .؟



ابو فهد وهو يشوف حالة ولده وعيونه المحمر هالي كلها شرار : اقصر الشر وانا ابوك .

فهد : اجل اسمع يا جاسم وانتبه لكل كلمه بقولها لك :


أبد ما جيــــــــــت ابارك لك ولكن انا اوصيــــك


على اليه ناوين ( ن ) تدخل بها الليله معذبتي


ترى لولا الظروف اللــي عطتك وحدت محاكيك


قســـــــــم بالله ما تدخل عليها لو على رقبتي


لكن النصيب اقوى ولا ادري ايش اســوي فيك


نعم ... صارت معزبتك ....... ولا صارت معزبتي


كذا ... شاءت بنا الاقدار تحرمني لاجـل تعطيك


كذا لازم عشان تفوز انت و انا اخسر تجربتــي


تراها غاليـــــــه جدا .... تكفـــى والله يخليـــك


تدللها .... تدلعها .... تنسيها مصاحبتــــــــــي


انا من كثر ما اغليها احـــس اني بديت اغلـيك


ولا تســــــــــال بايه حق ولا وش مناسبتـــي


لانك لو بتسالني بتســــمع شي ما يـــــرضيك


لذا يا خوي لا تســــال ولا تسمـــع لا جــوبتي


ابيك تحـــطها في داخل عيونــــك وبين اياديــك


وهي دلوعــــــــــه اعتادت على كثرة مداعبتي


فداعبها شوي شوي لين تشتهي طـــــــــاريك


وشــاغبها الين تقول .... بطل مشاغبتـــــــــي


واذا هي مالها خلقك ، ولا تضحك ولا تســليك


تحملها واسألها ...... يا عمري ليه عصبتـــي ؟


وبالك اسمــع انك يوم تضربها وهي تشتكيك


ما يحتاج اوري لك بفـــــــــن الضرب موهبتي


صحيح انك بتملـــكها ومعك العقــــــد بالتمليك


وانا عارف حدود الله ومن حقك معاقبتـــــي


ولكن قل لها : المجنون وصاني وهو يعنيك


يقول انه بينتظــــــــرك لو شيب وشيبنــــي


وانا مجنونها اللي ما نساها وانت ما يمديك


تغطي ذكرياتي ... في هواها وربع تجربتي


احس اني تماديت بكلامي ،، والغضب حاديك


ولو انك في مكاني ما تفكر في محاسبتي


كفاك اني تركت الليله اشغالي عشان اجيك


دخلت القاعه برجلي ولا ادري بعـــــــاقبتي


وانا جيتك عشان اخاطبك واسمع مخاطبتي


توصي .... وانتبه .... واحرص عليها الله يهنيك


ترى كل الكلام الي طلع من ضــــيقي وكبتي


ولكن ما قدرت اني اقوله وانت يخفيـــــــــك


اخاف اني اذا قلته تقـــوم وتقطـــع رقبتــــــيللشاعر " محمد الشهري"


وطلع من قاعة العرس وهو ما يشوف قدامه ولا دري هو شخلف وراه من وجوه معتفسه من كلام فهد الكبير لجاسم.


( قبل العرس بيوم في بيت العروس )


كانت رغد بنت عم العروس واخت فهد عند بنت عمها تساعدها ما بقى الا يوم وتروح بيت زوجها جاسم .


رغد : في خاطري اعرف ليش سويتي في فهد كذا من شهر يوم ملكت بغيت اسالج شلي فرقج عن اخوي وانتي مسفهتني ولا تعطيني وجه ليه بردي خاطري وقلبي


فيّ : رغد الله يخليج لا عاد تسالين ذا السؤال لاني مب مجاوبتج لا انتي ولا غيرج .


شوي وجاتهم نور بنت عمتهم اخت المعرس .


نور : السلام عليكم


فيّ ورغد : وعليكم السلام


( نور ورغد وفي تربطهم صلة القرابه وصداقه قويه ولا قد يوم افترقن عن بعض السفرات الطلعات الكشتات والاسواق كله مع بعض )


رغد : يله نور خلينا نرتب اغراض عروسنا في بيتكم ونرجع لها بعد شوي


وراحن البنتين وصفوا الاغراض في جناح جاسم وسلموا على ام جاسم وردوا لفيّ لقوها على ما هي عليه كله عيونها تناظر شي غير مرئي وكله تفكر وعجزوا امها وجدتها ورغد ونور وهم يسالونها ومحد قدر يفهم سر التعاسه الي هي فيها وليش خلت ولد عمها وحبها والي يعتبر خطيبها وخذت جاسم .


يوم العرس


كان عرس الحريم في فندق الريتز وكان مرتب ومتعوب عليه وعلى الساعه 7 ابتدا العرس وانتهي مع ساعات اليوم الثاني ورجعوا المعازيم لبيوتهم .


جدة العروس من صوب ابوها : اه منج يا فيّ قاطعه قلبي ها البنت شفتي ويهها كانت مبوزه طول الوقت .


ام ثامر ام العروس : اه يا يمه انا شقول بنتي مهب فرحانه مهما حاولت تثبت غير ذا الشي بس ما قدرت .


الجده: رغم جمالها الا ان التعاسه تبين من عيونها دخل عليهم ابو العروس ابو ثامر: هلا بام ماجد وعبد الله


( ماجد ابو فهد وعبد الله ابو ثامر واختهم اسمها قوت ام جاسم )


ام ماجد : هلا فيك يا ولدي والله وكبرت في صرت ابو العروس


عبد الله وهو يطالع زوجته : والله محد كبر الا ام العروس ولا انا عادني شحلوي وعادني صغيرون والدليل اني اصغر عيالج يا يمه


ام ثامر وكانت مره حلوه وعيونها ذباحه سبلت بعيونها لعبد الله الي ذاب من ها العيون وقعد يخربط في الحكي ويعطي مرته اشاره براسه وهي حاطه عمرها ما شافته ولا هي بفاهمه شيبي .


ام ماجد : اقول منيره قومي يامج مع ريلج راويه شغل الله عدل هههه تحسبوني كبرت وماني بعارفه


عبد الله : الله يهديج يمه يعني شلي عارفة وماني عارفه كل السالفه اني تعبان وابيها تهمزني .


منيره وهي تضحك : هههههههه معليه اهمز كانا الي حيلي مهدود من الوقفه والكعب العالي .


اساذنوا عبد الله ومنيره وراحوا لغرفتهم وهناك استلمها عبد الله بالكلام الحلو وهي كلش منتهيه من المستحى


( معروف عن عبد الله انه وسيم في شبابه عمره الحين 55 سنه ومنيره 45 سنه وتزوج منيره بعد قصة حب غريبه بتعرفونها مع تسلسل الاحداث )


منيره : عبد الله يوز عن حركاتك عيب ترانا كبرنا


عبد الله : والله انج ما كبرتي لعنبو غيرج كل ما لج تحلوين وشذا الحلاوه الحمد لله انج ورثتيها بنتج خليها تهبل بجاسم مثل منتي مهبله فيني


اول ما دخلت قاعة العرس شفت نسوان من كل صنف ولون بس عيني كانت تدور على غزالي ويوم شفتج نسيت الدنيا والتفت على الكوشه شفتج وانتي صغيره يا لبيه قلبج يا فيّ الله يسعدج يا بنتي ولو اني حاس ان فيها شي بس هاذي حياتها وهي الي اختارتها


المهم قربي خليني اتمنقل في ها الحسن الى كتبه لي ربي .


منيره : وين العيال .


عبد الله : هيه شوفوا انا شقول وهي تدلل وتعزز اقول اعتدلي احسن لج.


منيره : واذا ما اعتدلت وشبيصير يعني ؟؟ (تقولها بدلع رباني وكانت بكامل لبسها ومكياجها وعطورها وبو ثامر رايح في خرايطها)


بعد ما رجع بو فهد من الصلاه راح لغرفته وهو مهموم من حال ولده فهد وقعد يسولف مع ام فهد عن الي صار والي ممكن يصير في الايام الجايه.


ابو فهد : الحين مثل ما أنتي عارفه فهد متعلق في بيت عمه وهي خذت ولد عمتها وكلنا ساكنين مع بعض يعني معرضين انهم يشوفون بعض كل حين وخايف تشعل النيران بين الاهل .


ام فهد : الله يستر من الياي وبنت اخوك الي هي بنتي من هي عمرها سنه خاطري اعرف ليش سوت كذا في ولدي .


ابو فهد : يمكن في شي كايد خلاها تغير رايها .


ام فهد : يعني شفيه كنا بنملك بهم بعد تخرجها ونحتفل فيهم الا بجية جاسم كل شي طار حسبي الله ونعم الوكيل .


ابو فهد : الله يهديك حرام لا تدعين عليه تراه وحيد رضيعتي تطالع الله وتطالعه معاد لها حد هي وبنتها نور.


ام فهد: انت عارف معزة اختك قوت عندي ولو عندي اخت ماحبيتها واغليتها مثل محبتي لام جاسم .


وقعدوا يسولفون ويحللون في الموضوع لحد ما ملوا وتعبوا وحطوا روسهم وناموا ...


نروح لبيت ام جاسم


ونشوف اخبارها واخبار معاريسنا الحلوين


ام جاسم مره حبوبه وطيبه والكل يحبها ويتمنى يخدمها من كثر ما هي تخدم عايلتها وتبذل لهم من وقتها وصحتها


اصبح عليها الصبح وقعدت ترتب فطور المعاريس لانهم من بعد ما طلعوا من الصاله توجهوا لبيتهم على طول وهم بيسكنون مع ام جاسم لان البيت كبير ومحد فيه الا هي وبنتها .


في جناح المعاريس


بعد ما طلع جاسم مع عروسه من صالة الافراح توجهوا بناء على رغبة العروس لبيتهم حاول فيها جاسم انهم يباتون في واحد من الفنادق بس هي رفضت


بعد ما وصلت جلست في الصاله وهو مقابلها مهب عارف شلون يفتح معاها سالفه


قام من مكانه وراح صوبها يبي يرفع الطرحه عنها عطته اشاره : بلا ما فيه داعي .


جاسم: شلون يعني بنتم ساكتين كنا في عزاء من دخلت عليج صالة العرس وانتي مبلمه عسى ما شر.


فيّ : ليه ما تعرف اشفيني يا ولد عمتي .


جاسم : فيّ خلينا نبدا حياتنا بدون مشاكل .


فيّ وهي تضحك باستهزاء : شوفوا من يتكلم عن المشاكل .


الله يخليك خلك في حالك وخلني في حالي ولا تنسى اتفاقنا .


جاسم: انا وافقت على كلامج اول مره عشان امشي السالفه مادريت انج جاده بكلامج


فيّ : لا انا جاده والي انت سويته لا يمكن اسامحك عليه ولا اغفره لك .


جاسم: اشدعوه تغفرين لي تري رب العباد هو الي يغفر ويسامح مو انتي .


في : رب العباد كريم وانا انسانه محطمه مكسوره مسروقة الاحلام .


جاسم : كله عشان ولد عمج الحليان


فيّ والشرار طالع من عيونها : خل ولد عمي في حاله ولا تجيب طاريه لو سمحت .


جاسم : بلاج ما تعرفين بالي سواه في العرس فيني والله ما افوتها له بالساهل .


فيّ : ما يهمني اعرف ولا ابي اعرف الي ابيه منك تحترم اتفاقنا وتنفذه


جاسم: اوكي الايام بيننا يا بنت خالي


وطلع عنها وراح يبدل وينام اما هي ظلت جالسه والدموع ماليه عيونها وتعبانه من قلة النوم وكثرة المشاكل الي انصبت فوق راسها من جية جاسم للبلاد من شهر .


يا ترى شسالفة في مع ولد عمتها جاسم !


وشلون تزوجته وهي ما تبيه وكانت بتزوج ولد عمها فهد !


بتعرفون ها الاشياء في البارت الجاي ..


تابعوني ..................... وفالكم طيب

[درة الاحساء]

_…ـ-*™£ البارت الثاني £™*-ـ…_


حكمه

لاتظر إلى من جرحك نظره عتاب ، بل انظر إليه بنظره عاديه كي لا يشعر ان له قيمه امامك

سافر فهد من بعد صلاة الجمعه ما يبي يشوف أي شي يذكره بهم راح سياحه لدبي وصل هناك وجلس يتفكر في دنيته من يوم أنولد لحد لحظته هاذي .
تذكر وجه امه وابوه واخوانه التوأم ورغد صغيرونته على قولته وتذكر وحده فيّ سنها وهز راسه عشان يطرد صورتها من خياله نزل من فندقه وراح يتمشى لحديقة الممزر وقضى وقت طويل لحد ما تعب من المشى
وصدفه لقى واحد من ربعه الى كانوا معه في الجامعه الامريكيه من 6 سنين ما شافوا بعض بس كانت بينهم المكالمات والمسجات وكان اسمه محمد بعد السلامات .
محمد: هلا بالقاطع ياخي يوم انك في الامارات ليه ما اتصلت فيني ولا ما تبانا.؟
فهد: لا والله بس كنت تعبان ولا بغيت اتعبك معي والحين يله خذني وين ماتبي ؟؟
محمد: هلا ببو مايد هلا مليون ولا يسدون
وقعدوا يلفون لين نص الليل بعدها راح فهد لفندقه بعد ما اتفقوا انهم يقضون باكر كله مع بعض .
نرجع للدوحه وبالذات للدفنه في بيت ام جاسم
بعد مراحوا المهنئين كلن لبيته طلعوا المعاريس لجناحهم راح جاسم لفيّ في غرفتها دق ودش ع طول بدون أستأذان
فيّ : هلا بغيت شي .!
جاسم: لا بس الكل اليوم لا حظ وجومج ويوم اسالوج وين بتروحون شهر عسل ليش قلتي انج ماتبين.!!
فيّ: لو لا حظت ولا سمعت ردي عدل كان عرفت اني قلت بعد اسبوع عندي اخر امتحان ولا اقدر اروح وان شاء الله الايام الجايه بنعوضها .
جاسم: فيّ انسي بدايتي الغلط معج والله اني ما سويت الي سويته الا عشان تكونين لي لاني عرفت ان مالي حظ معج الا بهالطريقه
فيّ : جاسم انت تزوجتني وانت عارف اني ما ابيك ولا احبك خلك حقاني من يوم واحنا صغار كنا نتهاوش ولا نتواطن .
جاسم: بالعكس كنت وما زلت احبج وكنت اهاوشج لاني كنت اغار من علاقتج بعيال عمج.
فيّ : أي عيال ترى خالد وفهد اخواني ولا يحق لك تغار.
جاسم: وفهد ؟؟؟.
فيّ: ردينا شقلت لك لا تجيب لي طاريه لو بغيت حياتنا تستمر مع بعض لانه مهب من مصلحتك كل شوي تذكرني فيه.
جاسم: ليه هو انتي نسيتيه انا كل ما ناظرت عيونج اشوفه
فيّ: الله يخليك خلنا من ها السالفه الحين شتبي مني.!!
جاسم: خلينا نعطي نفسنا فرصه يمكن مع الايام يصير فيج ميول صوبي .
فيّ : جاسم خل عنك انا تزوجتك عشان انقذ ابوي من الي قلت لي عنه وبعدتني عن فهد بسبة الي راويتني اياه
جاسم: اسف في والله مهب قصدي.
فيّ: لا تحلف جاسم تراك خططت ورسمت وساعدك القدر والشيطان على تنفيذ مخططك ولا جبته الا على راسي وعذبتني شهر كامل وانا ما انام كله اتسال ليه ابوي يصير فيه كذا ولا فهد ليش يخوني وانا اسوى عيونه لحد ما اهلكني التفكير
جاسم: والحل في نظرج عاجبج الحال تونا معاريس مصار لنا يومين كني ما خذج من 20 سنه.
فيّ : والله انت عارف ان ذا بيكون حالنا من اول فليش الحين تشتكي
مل جاسم من مناقشتها وطلع منها وراح لغرفته وانسدح وشوي وجاه اتصال
: الو اهلين مبروك يا المعرس وينك حرقت تليفونك وانت مترد ليه عسى ما شر.؟!
جاسم: انا شقلت لج كم مره قايل لج لا تتصلين انا الي بتصل فيج
: بس انا ماقدرت اصبر اكثر من كذا.
جاسم: بشاير اسمعيني عدل ترى والله اني معاد ارد عليج.
بشاير: متقدر تعرف ليش لان احنا الاثنين مخلوقين لبعض انت محتاجني وانا احبك.
جاسم: بشور شوفي اقدر انسفج واجيب غيرك يساعدني .
بشاير: اصدق كالي سويته وساعدتك فيه يثبت لي انك شيطان وابليس مدموجين مع بعض.
جاسم: اسم اله عليج ياملاكي.
بشاير: جاسم انت تحب وحده ما تبيك ولا تحبك وانا احبك وانت مهب معبرني خلك مع الي تحبك وشاريتك بماي عيونها .
جاسم: بشاير سكري التليفون وروحي نامي احسن لج.
بشاير : ليه مستعجل الحلوه جنبك الي اعرفه انها ما تواطنك في عيشة ربها ومتاكده انها في غرفه وانت في غرفه.
جاسم من حرته سكر التليفون في وجها.
تذكر جاسم شلون تعرف على بشاير هي مهب غريبه عليه هي بنت الجيران بس ما فيه بينها وبين اخته وبنت خاله تواصل بس هي معجبه فيه من زمان وقعدت تتقرب من اخته نور لحد ما فرضت روحها عليها وعلى رغد وفيّ لان ها الثلاث ما يفترقون وكل صديقه لهن برا العايله يتعرفت عليها ثلاثهن ومن حوالي سنه ونص لما كان جاسم في زياره للدوحه جاي يشوف امه واخته تعرضت له وفرضت روحها عليه وهو استغل الفرصه وشغلها جاسوسه له لما يكون هنا تجيب علوم واخبار فيّ يذكر انها قالت له
بشاير: ليه انا ابيك لنفسي وانت تبي تشغلني اتجسس لك على وحده ما درت عن هواء دارك
جاسم: اسمعي بشاير انتي سوي لي الي ابيه وشوفي رضاي عليج شبيكون .
بشاير: والله يعني ممكن انك تحبني في يوم تراني والله استاهل حبك لانك ما بتلقى قلب شاريك وحابك كثري واستمر جاسم مشاعرها لحسابه وكان يعرف اخبار فيّ وفهد خطوه خطوه بسبة تواجد بشاير بينهم الدايم.
واول مجا ها السنه قوى علاقته بها لحد ما طلب منها انه يشوفها وهي المسكينه ما صدقت جاته ركض وواعدها في بيت واحد من ربعه وقعد معها سوالف وضحك لحد ما امنت له وصدقت انه ابتدا يحبها .
جاسم : بشاير عندي لج هديه حلوه ممكن البسج اياها.
بشاير : انا مبي هدايا انت هديتي ولو ما احبك تري ماجيتك برجلي لحد هنا.
جاسم: عارف وانا ابتديت اميل لج بس تعالي شوفي هديتج وقومها ( كانوا جالسين في مجلس وهي عليها عبايتها والشيله على الكتف يا بلفيت انها حبيبته ويحق له يشوفها )
وخلاها في مكان واضح للتصوير وقرب منها وهو يبتسم لها وفي يده سلسله يبي يلبسها اياها.
بشاير كانت مستحيه من قربه منها: خل عنك انا بلبسها.
جاسم: افا ليه تحرميني من قربج .
بشاير وهي طايره من الفرح: لا بس مستحيه شوي.
جاسم: خلي عنج المستحى احد يستحى من حبيبه لبسها الهديه وكان من داخله حزين عليها بس ما في يده غير ذا لحل.
جاسم: لون شعرج حلو وايد .
بشاير هزت شعرها يمين ويسار وهي فرحانه : صابغته عشانك اشقر فاتح مهب انت طالب مني ذا الشي.
جاسم: ايه احب ذا اللون وهو يقول في خاطره شسوي يا بشاير الحرب خدعه بس الله يعلم اني ماراح العب في صورج وخصوصا اني طالع معج فيها.
وبعد ما قعدوا مع بعض سوالف وضحك وصلها لبيتها وهي تحلق من الفرح شتبي جاسم ويحبها خلاص هاذي امنيتها وتحققت .
اما جاسم فخذ الصور ودبلجهن بحيث انه الي يشوفهن ما يعرف صاحبة الصور وشطب صوره وحط بدالها صور فهد ؟؟
اما بشاير فكان طالع في الصور مقفاها وشعرها الطويل الاشقر وفهد طالع مبتسم مره وضمها ومره يلبسها ومره حاط يده ع شعرها وكنه بيرفعه لها.
جاسم وهو منبطح على سريره وهو يتذكر : سامحني ياولد خالي ما كان قدامي الا ذا الحل شسوي كوشت على الاولي والتالي حب العايله وخذته واكبر منصب في الشركه ومحتله واحلى واغلى بنت بالنسبه لي لك شتبيني اسوي لك غير ذا الشي ( وكان طالب من بشاير تصبغ شعرها ها اللون عشان محد يعرفها لما ينشر الصور عند العايله وطلبه كان تصبغه المدة يوم واحد بس بعدها ترد للونها العادي عشان خواته ما يعرفونها )
وفي يوم خلا اخته تتصل في فيّ وتناديها لبيتهم ضروري ولا تقول لها شي .
نور: ليش جاسم قول لي اخاف اناديها ولما تعرف انك الي طالبها تزعل مني.
جاسم: انتي معليج خليها تجي وانتي لا تروحين بعيد خلينا في الصاله ابيها في موضوع ضروري وحاولي انج ما تقطين الاذن.
راحت نور واتصلت في فيّ ونادتها وجات وقعدن مع بعض الا ودخلة جاسم عليهن ولما بغت فيّ تقوم قال لها
جاسم: فيّ قعدي ابيج في موضوع مهم وانتي نور روحي ولا تبعدين وايد.
فيّ : ليه اشفيه وشتبي فيني .
جاسم: لا تخافين يا بنت خالي تراني ما اعض
فيّ : لا بس غريب انك طالبني الهم عسى ما شر امر.
جاسم وكان قاعد يطالعها ( هي من عمرها 18 وهي تلبس النقاب ) واخر مره شافها بدون نقاب او لثمه كان عمرها 16 بس عارف شقد هي حلوه المعاني والشمايل وتملك من الحلا والحسن الي ما تملكه بنت غيرها .
جاسم: ما يامر عليج عدو (هذا الكلام قبل شهر من زواجهم ) بس حبيت احطج في الصوره انتوا وش احوالكم الماديه ؟؟
فيّ : شذا السؤال هذا الكلام توجهه لابوي مهب لي وانا شعرفني .
جاسم: لا بس انا حبيت أتناقش معاج انتي لاني عارف انج بعد شهرين بتخرجين قسم ادارة محاسبه وكني سمعت انج تبين تتوظفين في شركتنا بقسم النساء وتشتغلين بشهاتج .
فيّ : وشدخل ها السوالف في وضعنا المادي.
جاسم: اسمعي فيّ ها الكلام محد يدري عنه الا انا ورفيق لي والحين انتي وانا امنتج عليه وعارف ان مصلحة ابوج تهمج وحالته الصحيه بعد .
فيّ: وشو حالته الصحيه شتقصد اشفيه رد لا تسكت .!!
جاسم: قبل كل شي عندي اخبار سيئه لج وسامحيني ما كان قصدي بس انتي المعنيه والي يهمج ولا ما كان قلت لج .
فيّ: بتقول ولا شلون تراك حرقت اعصابي .
جاسم: وانتي لين الحين ما تطيقيني
في: لا حول ولا قوة الا بالله اشفيك بتقول ولا اقوم اروح.؟!
جاسم: انزين اسمعي ابوج دش مناقصه بمشروع بفلوسه وعرفت ان ها المشروع فشل وابوج خسر كل فلوسه وما بقى له في شركتنا المشترك معاشه الي يستلمه كل شهر وهذا الشي اثر على قلبه .
فيّ : وشتقول ؟!
جاسم: ابوج تعبان من قلبه ومحد يدري غيره وانا والدكتور لان يوم طاح ذاك اليوم انا الي شلته وديته للمستشفى ولما عرفت حلفني ما اقول لاحد و بس
فيّ: وهو حالته خطيره ؟!
جاسم: لا بس طلب منه الدكتور الابتعاد عن الانفعال والعصبيه لانهم مهب في مصلحته
فيّ: وهذا الكلام من متى .
جاسم: من شهرين تقريبا.
فيّ: وانت شمصلحتك تقولي الحين
جاسم: لان عندي عرض لج
فيّ: شنو العرض؟!
جاسم: اسمعيني عدل بعدين ردي.
فيّ وهي ميته قهر على ابوها والحال هالي وصل لها هي لاحظت عليه في الفتره الاخيره كثرة التفكير : اتفضل
جاسم: تتزوجيني وبشيل الهم المادي عن ابوج يعني بحط الفلوس الي خسرها في الشركه ولاكنه خسر ولا حظي تراه خسر مبلغ كبير يعني هذا المبلغ الكبير بيكون مهرج مني.
فيّ: وشو شذا الكلام انت شفيك شقاعد تخربط انا لو كنت انت اخر شخص مراح اتزوجك .
جاسم: لا يا بنت الخال بتزوجيني وانتي تضحكين تعرفين ليه لان ابوج سلمج الله يدور الي يسلفه المبلغ عشان خالي ماجد وامي مايدرون بحالته فانا عرضت عليه اني اعطيه المبلغ فهو رفض ياخذه الا كسلف وانا عطيته المبلغ كامل من فلوسي الخاصه مهب فلوس امي ولا اختي وابوج وقع اوراق ان يدفع لي كل شهر مبلغ معين وبعد يوم لازم يدفع لي واذا ما دفع بضطر اقدم الشيكات للمحكمه.
فيّ: من صدقك تتكلم ولا....... ؟!
جاسم: والله اني صادق اذا وافقتي على الزواج محد بداري عن حالته الماديه وبنحاسب على صحته كلنا.
فيّ: فرضنا وافقت على عرضك انا بحسبة مخطوبه لفهد.
جاسم: انسي فهد لانه ما يستاهلج.
فيّ: اشلون ما يستاهلني هذا الشي انت ماتقرره انا الي اقرره.
جاسم: صدقيني فيّ فهد واحد لعاب واذا مهب مصدقتني ترى الدليل عندي .
فيّ: جاسم هذا الموضوع ما يتغشمرون فيه وانا عارفه انك تكره فهد فخله عنك ولا تتبلى عليه.
جاسم: انزين مستعده للي براويج اياه .
فيّ: يعني شلي بتراويني اياه.
جاسم: دقيقه بس وجايج
راح لغرفته وجاء وفي يده ظرف وحطه على الطاوله وتمت فيّ تناظر الظرف شوي وخذته وفتحته ويدها ترتجف خايفه من الي بتشوفه وشافت شي عمرها ما تخيلت انها تشوفه ثلاث صور لفهد في اوضاع مختلفه مع وحده معا لمها مهب واضح هالي واضح وجه فهد وهو يضحك ويديه تلبسها على رقبة البنت شي معرفته والصوره الثانيه وهو يمسح خدها بيده الثالثه وهو ضامها وهي ضامته بالحيل.
فيّ: مستحيل اصدق هذه الصور مفبركه فهد ميسوي كذا ...
جاسم من سمع كلمة مفبركه طاح قلبه في ريوله: أي مفبركه الله يهديج وخذ الصورمن يديها لانه خاف تاخذها وتحرى عنها .
شوفي عدل وتمنقلي عدل المهم انا بعطيج اسبوع تفكرين ترى والله يا فيّ اني احبج ولا فضايح في عايلتنا ولازم تحطين مصلحة ابوج قدام عينج وصحته لازم تكون من اولوياتج بعدها فكري في قلبج
فيّ: ممكن تخليني بروحي ولا تخاف بفكر في الي قلته كله وبرد عليك
جاسم: فيّ انا مهب خايف الا على صحة خالي وترى ما سويت الي سويت الا عشان ابغيج وشاريج
فيّ: اوكي جاسم روح وخلني الحين
طلع جاسم من بيتهم وهو في قمة اناسته انه دمر علاقة في وفهد واخيرا بتكون له ياه احمدك يا رب من متى وانا اتمناها تكون شريكة حياتي وقعد يخطط ميدري هو شخلف وراه .
خلف وراه قلب متحطم مكسور من حال الاب الصحيه والماليه ولا خيانة فهد لها ولا احلامهم الي يا ما احلموا فيها .
وكلها خمسة ايام واتصلت عليه فيّ وعطته موافقتها وهو مهب مصدق وكلم امه الى انصدمت من طلبه وقالت له:مستحيل فيّ بتوافق وانت عارف ليش .
جاسم: خلاص يمه انا كلمت خالي وشاورها وهي وافقت ما بقى علي انج تكلمين امها وتشوفين طلباتهم.
ام جاسم كانت منصدمه لانها اكثر وحده في ها العايله تعرف عن فيّ وفهد لانهم يا ما تقابلوا عندها وياتهاوشوا قدامها كانت تعرف شقد هم الثنين يحبون بعضهم.
اما فهد فكانت حالته اصعب من الصعوبه ذاتها حاول يعرف شلي يصير وحاول انه يكلم فيّ بس فيّ كانت مسكره على نفسها الباب ولا عطت احد خبر ليش هي سوت كذا.
واملك جاسم على فيّ وكان قدامها ثلاث اسابيع تتجهز فيها للعرس.
حاولت نور ورغد يعرفون شلي صاب صديقتهم وخلاها كذا وام ثامر وام فهد والجده ومحد طلع من عندها بخبر غير انها استخارت وفكرت عدل لقت ان جاسم ماينرفض .
وفهد يا في!!
فيّ : الله يعوضه بالي احسن مني.
وخلوها بهمها الي كبرها عشر سنين على سنها شتسوي هل من الممكن انها ترتاح لو وافقت على جاسم او بتدمر نفسها بقرارها الي خذته
وتابعوني في البارت الجاي الي بيكون كله مفاجأت.

[درة الاحساء]

£ البارت الثالث £™*-ـ…_



حكمه

عندما يخوننا انسان بعين :.. نتعلم وعندما يخوننا صديق :.. نتألم

وعندما يخوننا حبيب :.. ننتهي


فإذا خانكـ احدهم وتيقنت من خيانته فلا تضيع وقتك في استفسارات غبيه ولا تنتظر منه اجابه فالخيانه بحد ذاتها إجابه




كان فهد قاعد في اللوبي ينتظر محمد صديقه كانوا متواعدين انهم يروحون مول دبي وهو ينتظر


وطرت على باله فيّ والي سوته فيه


وقعد يتخيل هي شتسوي الحين اكيد قاعده مع جاسم تضحك له ويشوفها ويلعب في شعرها ويلمس خدودها هل ضمها ولا باسها لا لا مستحيل هي لي انا مهب لغيري


أي غيرك يبه ذا زوجها والحين متزوجين لهم عشرة ايام وانت قاعد هنيه بحسرتك قام معصب من افكاره وقعد يدور في المول شوي الا محمد جايه


محمد : هلا بو مايد صبحك الله بالخير شحالك الغالي


فهد: هذا هو حالي تعبان يا اخوك وما طب النوم عيني.


محمد: افا يا الغاوي عسى ما شر بعني في السوق ولا اشوفك تعبان.


فهد: اه يا محمد شقول وشخلي جيتني في وقت صعب تسال عن الحال حالي متردي يوم عافوني وخانوني احباب قلبي.


محمد: اقول تعال خلنا نيلس ونتقهوى ورمسنى يمكن ترتاح ولا تنسى اني كنت وما زلت لك الصديق الوفي.


فهد: شقول ولا وين ابدي تذكر فيّ بنت عمي الي صورتها في حجرتي يوم كنا في امريكا.


محمد: اشهد اني اذكرها حد يقدر ينسى ذاك الملاك.


فهد وهو يذكر ذيك الملامح الملائكيه الطفوليه:ها الملاك وملكت كل احساسي وصارت لي كل دنيتي بس اه من غدرها ما اصعبه.


محمد: اسمع خوي اباك تبدا من البدايه عشان اقدر افيدك الي اعرفه بالي عن ملاكك انك من يومها صغيرونه انت تشيلها وتحطها بحكم انك اكبر منها بــ عشر سنين وهي تسميك باباتي وقبل لا تسافر عنها تدرس برا بغت تموت من فرقاك ولا خلتك تسافر لحد ما جبت لها تليفون جوال وخزنت لها رقمك كم كان عمرها ذيج الايام.


فهد: 12 سنه وكانوا اهلها مغتاضين شلون أجيب لها تليفون وهي صغيره تعرف شكان ردها لهم؟


قالت والله ما العب فيه ولا افتحه الا لما ابغي اكلم فهد وبسكره وعد مني وشوفوه اذا لقيتوه مفتوح اخذوه واقتنعوا بكلامها وعطيتها مواعيد المكالمات عشان تحاكيني لدرجه اختي غارت وتبي مثلها بس ما نفذت لها كانت صدق مدللتي صغيرتي طفلتي وكل شي لي


محمد: هذا الي اعرفه وزود عليه انها اتحكم في وقت نومك كانت تقومك من قعدتنا وتقول سر نام عليك باجر جامعه وبعدين !!


فهد: انت عارف اني قعدت ادرس برا 6 سنين وكان فيه اجازات في ها المده كبرت ولا خذت بالي من ها الشي


محمد: اكيد بتكبر وعلى تخرجك كان عمرها 18 سنه


فهد: لا صارت احداث خلتني اخلي فيّ صديقتي وكاتمة اسراري انت تعرف سالفتي مع سلمى ؟


محمد: ايه البنت البحرينيه هالي كانت تدرس معنا ادارة اعمال وكلنا نعرف انك تحبها وهي تحبك وكان بينكم اتفاق على الزواج بعد التخرج بس هي ماخلصت دراستها وردت لبلادها بعد سنتين من الدراسه وتزوجت وشفنا شصار لك كل ذا مهب جديد علينا .


فهد: محد ساعدني انساها الا فيّ


محمد:اشلون ؟؟؟


فهد: لما انزل اجازه كنت اخلي فيّ تحاكيها لي وتعطيني التليفون وعرفت انها انجبرت تتزوج شريك ابوها في الشغل عشان اشغال ابوها وحاولت اني اجي اخطبها واقدم لها مهر محترم يشل ابوها من ورطته بس هي قالت لي ما فيه فايده ابوي مصمم على ذبحي حرمني دراستي الي احبها وحرمني منك اه يا فهد شسوي وقلبت كياني وخليت هلي وسافرت لها حاولت اني انقذها من مصيرها


بس اثناء سفري لها ملكوها على شريك ابوها وانهرت وما حد ساعدني غير فيونتي كان عمرها 14 سنه واهلها حجبوها لو تشوفها كانت حلوه بس معتبرها مثل رغد وكانت تقسي على فتره وتشغلني بهلي وبها لحد ما خلصت اجازتي ورديت للدراسه وكنت تعبان لفرقى سلمى وزواجها بس تقبلت الواقع ومشت حياتي مثل ما انت عارف تعرف


لما حبيت فيّ بعدين عرفت ان حبي لسلمى حب واحد لوحده من نفس الخليج وجمعتنا الغربه ولا تنسى ان سلمى هي الى بدت بحبها لي وكانت جريئه شوي وعجبني الوضع وبعدين حبيت أخلاقها والتزامها وشفت انت شلون كانت تعاملكم مثل اخوانها وانا الي حبته واختارته على قولتها.


محمد: اوكي وبعدها خويه وشتسوي لكم ؟


فهد: قبل تخرجي بكم شهر ردت للديره وقعدت عندهم ثلاث اسابيع وصار فيها موقف يمكن هو الي قربني من فيّ


محمد: وشوه ؟؟.


فهد: انا قلت لك ان لي ولد عمه اسمه جاسم ولا . لا ؟.


محمد: الا قلت وانه ولد مزيون والبنات يموتن عليه


فهد: مره سئلت عمتي من وين ها الجمال لولدها وبنتها


عمته : ههههههههه شدعوه يا فهود ما تشوف حلاوة عمتك .!!


فهد : الا بس الحمار ولدج والحلوه بنتج عليهم حلاوه واضحه قالت جايبينه من صوب ابوهم وهله لو تشوف اخت زوجي ملكة جمال .


المهم ولد عمتي هذا يموت على فيّ يبي لها الرضا ويبي يقدم لها الشمس في يد والقمر في يد بس هي ما تتقبله كلش يعني تعزه من معزة امه واخته بس تحبه كرجل لحياتها لا.


محمد: وانت شدراك بمشاعرها ناحية جاسم.


فهد: هي دايما تصارحني انا وهي وعمتنا قوت ام جاسم كله مع بعض وسوالف ورمسه وحتى حبنا كنا ما ناخذ راحتنا الا عند عمتي.


محمد: وعمتك شلون تسكت عليكم وانتوا ايا كناري الحب تتبادلون الحب قدامها.ههههههههه.


فهد: غربل الله ابليسك منتبادل حب ولا شي كل السالفه انها تشوفنا نسولف عندها وعلى فكره فيّ تحط لثمه على وجها في وجودي ووجود جاسم ولد عمتنا اما اخواني التوم فهم اخوانها .


محمد: المهم شبلا جاسم على في ؟ وشو الموقف الي قربك منها .


فهد: هذا جاسم كان طالع معصب من بيتهم بسبة موقف امه وحبها لي وهو بعقله الصغير يفتكر ان امه تحبني اكثر منه وبعد مناقشات في وجودي طلع معصب وانا وعمتي قاعدين سمعنا صرخه برا طلعنا شفت منظر الله لا يراويك اياه.


محمد: وشو ؟؟


فهد: جاسم بعد ما ركب سيارته رجع بسيارته لوراء وهو ما طالع وراه بسرعه فصدم فيّ الي كانت جايه لبيت عمتي وطاحت وطلعت اركض شفت في طايحه والدم طالع من راسها ومغرق لثمتها ووجهها


جاسم تم مثل المسبه ما تحرك من مكانه وعمتي راحت لها وشلتها اما انا وخرت جاسم عن السياره وركبت وركبت عمتي وفيّ وعلى المستشفى وانا مسرع ومنزل انبير السياره وحولت وشليت في الي غرقني دمها وعلى طول للطوارئ ودخلوها غرفة العمليات وانا وعمتي برا ولا نعرف عنها شي ومضت ساعتين الا بوصول عمي وجاسم وباقي العايله وتعال شوف اختي رغد وبنت عمتي نور اقلبوها محزنه وهات يا صياح


الممرضه : لو سمحتوا هدوء وعاوزين متبرع بالدم من نفس فصيلة المريضه .


فهد: نطيت الا انا عندها وقلت لها دمي نفس فصيلة دمها ودخلت وتبرعت لها بكميه كبيره من دمي لانها خسرت ونزفت كثير .


وبعد ما عطيتها الدم وطلعت لهم لقيت جاسم جالس في ركن بعيد ويتنافض رحت لحد عنده وحطيت يدي على كتفه وهديته وقلت لا تخاف هي بخير واحنا عارفين انك ما تقصد على بالك رد علي قعد يطالعني كني من عالم ثاني .


المهم طلع لفيّ جرح في راسها غائر وخيطوه لها وخلوها عندهم كم يوم وما انقطعت عن زيارتها كل صبح ومغرب انا عندها ومحد يقدر يقولي برم.


بس والله يا محمد وانا شايلها ودمها على صدري حسيت بإحساس غريب مقدر اوصفه لك خفت انها تموت ولا يصير لها شي وشبتكون حياتي بدونها صدق انا ابتعدت فترة دراستي عنها بس كانت التليفونات بينا وزياراتي في الاجازات ومن وهي عمرها شهر وانا متعلق فيها.


محمد: اشمعنى شهر مهب سنه ههههههههه


فهد: الله يسلمك يوم كان عمرها شهر مرضت امها خالتي منيره بمرض يصيب النسوان في فترة النفاس ينقال له حمى النفاس وما قدرت ترضع فيّ ورقدوا امها في المستشفى وطاحت في في كبد جدتي وعمتي يحاولون يرضعونها صناعي ما فيه فايده كله رافضه تبي حليب امها .


لحد ما اقترحت عليهم امي انها ترضع فيّ مع اخواني التوم الي كانت اعمارهم ذيك الساعه سنه وما زالوا يرضعون من صدر امي وبعد عده محاولات من امي وجدتي تقبلت فيّ حليب امي ورضعت فتره طويله وبكذا صارت في اخت لأخواني بس مهب لي ولا لاختي رغد من يوم الحادث في وانا احس احساسي حاولت اكذبه واتجاهله وبعدكم يوم سافرت وجيتكم وانا مخلي قطعه مني في الدوحه.


محمد : يا ويلاه يا فهيدان طحت في الحب من يديد ولا حد سمى عليك


فهد: والي اكدلي اني حبيت فيّ اني شفت سلمى بعد غيبه طويله ولا حسيت ناحيتها باي مشاعر وقلت بتغزل فيها وبقول فيها قصيده يا بلفيت امتحن مشاعري لقيت ان سلمى شكل ما قلت لك مجرد انها البنت الخليجيه الوحيده وحلوه ومختارتني وكله تسبيل عيون ومسجات حب واغاني


محمد: وين لقيت سلمى ؟


فهد شفتها وانا رايح ارد اختي من الجامعه ولما تاخرت اختي نزلت اتمشى في ممرات الجامعه الا اشوفها وطبعا هي ماتتغشي مجرد حجاب الا صوت عليها بصوت واطي والتفتت علي وقلت لها كم بيت شعر.


محمد: مانت بهين قولي شقلت .


فهد: صدقني يا محمد شكل ما قلت لك كنت اختبر مشاعري ناحية فيّ ولا ما كنت ابي اهيج


وقلت




شفتها يا محمد صدفه بعد ما غابت سنين


عند قسم المختبر وسط مشفى الجامعه


جيتها ثم قلت ممكن سؤال تسمحين


ناظرت فيني بدهشه نظره متواظعه


قالت انته تحسبني من بنات صايعين


تحسبني في زماني عن طريقي ضايعه


قلت ما راح اطول كلبوها كلمتين


وابعدت عني شويه ثم جتني راجعه


قالت اسال واضح انك من رجال طيبين


بس هرجك يالسنافي كان وشهو دافعه ؟


قلت انا حبيت وحده يوم كنا صغيرين


ومن ست سنين راحت للمواصل قاطعه


عقبها ما ذقت نوم يهتنيه النايمين


ساهره في طول ليلي لين شمسي طالعه


اذكر انه في حبه فوق ثغره من يمين


واذكر انه لا جرينا كن شعره تابعه


واذكر اته عاشق الورد والياسمين


وصار قلبي بالورد اللي عشقها زارعه


قاطعتني بقولها "سبحان ربي العالمين


كررتها مره ومرتين ورابعه"


قلت وشفيك وشبلاك يا بنيه ترجفين ؟!


ليش عينك يا بنيه من كلامي دامعه


قالت الموقف وقلبي والمحبه والحنين


كيف اشوفك بعد ما كنت قانعه


قلت انا بسالك ان كانك انتي تذكرين


عن مواثيق ثمنها من حياتي دافعه


قالت ظروف الزمن ما تطيع العاشقين


بيعوني غصب حبك لو هو ماني بايعه


انا في دنياي حالي كنها حال السجين


حتى لوفكوا سراحه فيه شي مانعه


زوجوني غصب واحد وحرموني حاجتين


السعاده في زماني والحياه الرائعه


والحين انا ام لثلاثه ريم وياسمين


والولد اسمه على اسمك والمشاعر جائعه

فهد: وسلامتك.


محمد: لعنبو غيرك ليه شكيتها ذا الشعر كله لو انا مكانها كان رجعت لك ركض عقب ذا الكلام .


فهد: لا عقب السلام عليها شفت ولدها الي سمته علي اه يا محمد شقد كان وسيم ومن حبها للياسمين سمت بنتها ياسمين وتطمنت عليها وتوني بمشي عنها الا تسالني عن فيّ خبرك انها كانت تكلمها بالتليفون عشان تسوي درب لي قلت لها بخير وصيتها تدير بالها على حالها وعيالها ورحت عنها .


محمد: وبعدين جينا لبيت القصيد شسالفتك مع بنت عمك عشان اكون معك الي عرفته من بين السطور انك حبيتها بس في شي صار فرقك عنها صح تحليلي ولا انا غلطان .


فهد: قم نروح نتمشى ترى مليت وبعدين بكملك احس براحه وانا اتكلم معاك قم يله


وراحوا يتمشون وطلعوا من المول وراحوا لبحر الجميره الي بدبي .


نرجع للدوحه


كان عبد العزيز عنده بطوله في السنغال فقرر يدخل ها البطوله عشان يكتسب خبره اكثر قبل بطولة الشرق الاوسط الي بتصير في الدوحه رتب اموره هو ومساعده نايف الي هو صديق عمره ومساعده وساعده الايمن في كل سباقتهم .


في بيت بشاير حبيبة جاسم


كانت بشاير تعبانه من صد وهجر جاسم لها كل شي توقعته الا انه يتزوج ويخليها لا ومن فيّ الي مجندني ايب له اخبارها : اه يا القهر انا قدمته لها على طبق من فضه .


كانت اسرة بشاير جيران بعيدين لعايلة ال حمد اهل جاسم وكانت ام بشاير مره في الخمسين من العمر وتزور اهل في وصديقه للعمه ام جاسم والجدة و ام ماجد وتجيهم من فتره لفتره.


وابو بشاير انسان لاهي بحياته ومزاجه ومهمل بيته والحياه في نظره انا بصرف عليكم وانتوا دبروا اعماركم مخليهم سيدهم قيدهم وخصوصا البنتين بشاير واختها هديل وهذيلا الي طلع له بدنيته وبدل ما يربيهن ويحسن تربيتهن اهملهن


وتعالوا نشوف شصار لبيت ابو بشاير.


بشاير: يمه وينج يمه وقاعده في في الصاله وتصارخ بالصوت العالي تنادي امها الا اختها هديل جايتها من المطبخ : هيه انتي ترى هاذي امج مهب خدامتج تصرخين وتنادينها .


بشاير : وانتي يالناعمه يا حبيبة هيا شداق بزورج تردين علي؟؟


هديل جاء ذكر هيا احمر وجهها وغيرت الموضوع: لا بس شوية احترام لامج .


بشاير: المهم امي وين .


هديل: مدري قمت مالقيتها.


بشاير: بالله عليكم هذه عايله الابو في صوب والام هايته عند الجيران وانا بروحي واختي مصاحبه بنت ومتخذتها حبيب لها صادقيني ترى انا اخت لج ولا انا ما انفع.


هديل: لا انتي اختي لا وحلوه وخبرج لما الوحده تصادق وحده وتتخذها حبيب لها لازم يكون الطرف الثاني مهب حلو.


شوي ويدق الجرس وراحت الخدامه تفتح الا بوصول هيا الي بتاخذ هديل وبيروحون للستي....


عبد العزيز بعد ما رتب امور الشركة مع ابوه وعمه في غياب فهد سافر للسنغال


وفي السنغال


فاز عبد العزيز الي يخوض السباق بسيارته ( سوبارو اس تي أي ) على اقرب منافسيه بواقع 79 ثانيه بعد ما قطع 355 كيلو متر في المرحله الثانيه بين ( قرطبه الى لا يوخا ) في الارجنتين وحلوا المنافسين المراكز الاخيره وكانت سيارة المنافس الثاني ( فولكس فاجن اموراك ) والنافس الثالث (بي ام دبليو اكس 3 ) بعد ما نزل عبد العزيز ونايف من سيارتهم وبعد التهاني اتصل نايف في صديقهم المشترك في الدوحه سلطان


نايف: الو سلطان هلا حبيت أبشرك بفوزنا والسباق كان صعب واول مره يمر علي مثله وكان على 14 مرحله ويغطي 9000 كيلومتر .


سلطان: يمر على شنو ؟.


نايف : الارجنتين وتشيلي .


سلطان: يلا يستاهل عبد العزيز وانا الحين بدش الفيس بووك خبرك البنات مقطعينا بالرسايل يسئلون عنه؟.


نايف: طيب لاتقصر بالمنتدى لان المدير صديقي وطالبني طلب اتكون التغطيه بالمنتدى ماله حصريا والصور حط عليهم رابط المنتدى ونزلهم.


سلطان: ابشر اخلص من الفيس وانزل التغطيه.


نايف: يعطيك العافيه وبوصل سلامك لبو ماجد يله مع السلامه .


سلطان: يله تحملوا بروحكم .... فمان الله .


نرجع للدوحه وفي الستي مع هديل وهيا


كانت هديل بكشختها وقاطه الشيله على راسها بطريقه كاشفه نص شعرها وحاطه فل ميك اب


اما هيا الي كانت منزله الشيله وكان شعرها قصير ويبين على مظهرها انها مسترجله


هديل: فصول حبيبي ابي اشتري بديات يديده شرايك نقوم ؟؟


( فصول هذا كان اسم هيا الي تحب الكل يناديها فيه )


هيا: انت قولي ابغى وانا اقول حاضر يلا حبيبتي نروح نشتري .....


وهن قايمات ... مر واحد وطالع هديل باعجاب وقفت هيا قدام هديل عشان الريال ما يطالعها


هيا: هدول تغطي .


هديل باستغراب: ليش حبيبي ؟.


هيا: يايبه تغطي وخلاص ويلا قدامي بنطلع.


هديل باستغراب اكثر: حبيبي والبديات ما اخذتهم.


هيا بعصبيه ومسكتها من يدها ودزتها قدامها: انا اقول خلاص ما تفهمين انتي .... وصاحت هديل


في سيارة هيا


هيا الي كانت موقفتها قدام البحر وكانت حاطه اغنية اليسا (بتمون )


هيا : اسفه هدول بس ما قدرت اصبر من شفت الريال يطالعج حسيت بقهر.


هديل الي كانت ساكته طول الطريق انفجرت من الصياح وقطت نفسها بحضن هيا ....


هيا حضنتها بحنان ومسحت على راسها وباستها ...


هيا : اسفه يا عمري .


هديل : فصول انا لك انت بس ومستحيل افكر بغيرك.


هيا حضنتها بقوة وقالت: ادري ياروح فيصل انتي .........


كانت نور في زياره لصديقاتها الي في الجامعه معها وكانوا عازمينها على شاي العصر.


وبعد ما تقهوا وتفاولوا صعدوا لغرفة مريم الي هي صاحبة العزيمه ومعهن حمده صديقة مريم الانتيــــم


وقعدت مريم على النت وداشه الموقع الي دايما تشتري منه حمده : منوم (تدلع مريم ) شوفي الفستان التايقر مع حزامه الاحمر حلووووو .


مريم : خلاص لو عجبج عطيني قياسج واطلبه لج.


حمده : خلاص تم.


نور: منوم منو هذا؟؟؟


" نور كانت داشه على فلكر مال مريم تشوف اخر صور منزلتهم "


حمده: يعني لابس ها اللبس وجنبه سياره شتتوقعون يطلع زبال مثلا ؟


نور ما كانت مصدقه عيونها ان الي تشوفه عبد العزيز " ولد خالها


مريم: هذا عزوز فديت عيونه رالي قطري " مريم وحمده ميعرفن صلة عبد العزيز بنور


نور: كل هذا حب له ؟؟؟


مريم: هههههه ليته يلف صوبنا بس وما اقول انه حب هو مجرد اعجاب .


نور: اها !!!وكملت قرايتها وكانت تسمع تعليقات البنات على صور عبد العزيز .


مريم: وترى فيه لقاء له مع جمهوره وان شاء الله بروح هناك.




نور...... !!! حمده عيل بخاويج انا وكاميرتي كانون وبسوي تغطيه لمنتداي




مريم: خلاص جهزي نفسج .


ونور كانت ساكته ميته قهر من الي تسمعه يا ترى ليش مقهوره ؟. وليه مقالت لزميلاتها صلة القرابه الي بينها وبين


عبد العزيز ؟ ان شاء الله بتعرفون الاجوبه على هذه الاسئله في البارت الجاي


خليكم معاي و الجاي احلى

[درة الاحساء]

_…ـ-*™£ البارت الرابع £™*-ـ…_


حكمه

مجبور أضحك يازمن العجايب دام البشر صاروا بوجه ووجهين
غصب علينا نبتسم للمصايب ،،
دنيا نساااااااااايرها على العســـر واللين ..

كان ابو في منسدح على ريل امه وهي تسولف عليه وتشعر عليه وهو يجاوبها الا بدخلة العروس عليهم
فيّ: السلام عليكم شذا الخيانه وين امي عندكم قاعده يا ام ماجد يا احلي يدوه في الدوحه تفلين ولدج كم حصيله الي لقيتيه في قمة ولدج .
ابو ثامر : هلا في ذمتي ومرحبا باحلى عروس شافتها الدوحه بكبرها وقعدها على ريوله وقعد يمازحها ويضحك معها شوي الا امها داخله بالقهوه والتمر لعمتها والمعمول والكيك لها ولعبدالله ويوم شافت بنتها خذتها بالاحضان كنها غايبه عنهم سنه ماكنه اسبوعين وتموا سوالف وضحك بعدها جاهم جاسم وخذ في وطلعوا يتمشون عشان محد يسالهم ليش انهم مطلعوا من تزوجوا الا مره خذها وطلعوا تعشوا وردوا.
ام ماجد: اقول عبيد....... ؟
عبد الله: ابيه ياروح عبيد بعدين اصغر عيالج تقولين لي عبيد .
امه: ايه والله اصغر عيالي ولا عندك مانع .
عبد الله : فديت ها الخشم المسلول امريني يا شيخة النسوان.
الجده: اقول شخبار فهد ؟.
عبد الله : والله يقول ابوه انه راح الامارات كم يوم وبيرد.
الجده: الله يرده بالسلامه ويقوى قلبه.
ام ثامر : اقول يمه اصبلج قهوه ولا بسج .
الجده وهي تطالع مرة ولدها باعجاب: والله ما الوم عبيد يوم يوم استخف عليج كله تطالع فيه كفه وحلاوة عيونج وشعرج في كفه .
منيره: يوه يمه لا تحرجيني .
عبد الله اه يمه يوم اني رحت ذاك اليوم للوكره من 25 سنه ابي اخوها في شغله ودقيت الباب وفتحت لي وكانت حاسر طار مخي وصوابي وما بقي فيني عقل بلقت عيوني وفتحت ثمي وتميت اطالعها بعدها ما شفت الا غبيرها وهي طاقه هي تروعت ولا تفاجئت ولا شسالفه .
منيره: تعرف ليش فتحت لك وانا حاسر لان اخوي كان توه متصل وقالي بطلي الباب بسرعه خذي الاغراض فتحت على عماي ولا انا عمري ما سويتها وفتحت البيبان لحد غيرك .
عبد الله : الله كاتب اني اشوفج واتعذب بشوفتج .
الجده : لعنبو غيرك بس شفتها اليوم جيتني في نفس اليوم تعالي اخطبي لي اخت رفيقي أي والله خذوه فغلوه اصبر كم يوم .
عبد الله: طالعيها وقولي لي تستاهل الي يتعنى ولا لا ؟؟
الجده : انا اشهد انها صارت لي بنت وصديقه من دخلت بيتك وهي منورته وان شاء الله دوم مهب يوم .
منيره : يمه والله احرجتيني خلاص واحمرت خدودها .
وقعد عبد الله يضحك لها ولا شاف امه غافله عنهم يرسل لها بوسه ومره يغمز لها عيونه.
الجده: اما سالفة ولد عمج سالفه .. حيرج نحاس لج سنتين عشانج رفضتيه .
منيره: ايه يمه عمر راح وانقضى ولولا حبي لولدج كان خذته من زمان بس عبيد اعماني وخلاني احط في طريق ولد عمي رفيقتي عشان ينعجب بها .
عبد الله : والله بغيت اذبحه في لحظه من اللحظات مخلينا طريقة ولا مرسال ولا كبير الا طرشناه له وهو عمك اصمخ.
الجده: تلومه يا امك يبي بنت عمه المزيونه في ذمتك لو انك مكانه شبتسوي .
عبد الله : اذا بنت عمي ما تبيني ونفسها عايفتني والله لا رخصها .
الجده: انتي كان مالك عليج صح.؟
منيره: لا اول الامر ما كان مالك بعدها بسنه من ردي عليه بــ لا استفز ابوي واخواني واملك على غصب عني .
عبد الله: وانتي وش كان شعورج وهو يضحك على وجهها المحمر .
منيره: عبيد احسن لك اسكت .
عبد الله: هيه ترى ما اسمح لج تقولين عبيد محد يقولها لي الا الغاليه هذا حق حصري لها .
الجده: معليج منه كملي لي وشسويتي عشان تفكين عمرج منه .
عبد الله : يمه منج ناسيه الاحداث تراها توها صايره .
الجده: الله يهداك من 25 سنه وترى كبرنا ونسينا .
منيره: ابد يمه كل ما جاء يبي يشوفني ارفض اطلع له وارسل المراسيل له مع اخته اني ما ابيه وحرام الي يسويه فيني وفي نفسه بس هو كان معاند وخطرت في بالي خطه وقلت ان مشت زين وان فشلت راح اتحمل نتايجها انا بروحي .
الجده: وش خطتج .
منيره: كان لي صديقه مقربه وما زالت لروحي عرضت عليها تتزوج ولد عمي .
الجده: وشلون وانتي وين بتروحين .
عبد الله: يعني وين بتروح صوبي طبعا الظاهر الفيوزات ضاربه عندج .
الجده: اقول وخر لا والله بالعصى على ظهرك كملي يا بنتي صديقتج هاذي شلون وافقت على خطتج .
منيره: هي تعرفاني ما ابيه ولا اطيق ولد عمي من يومنا صغار وقلت لها عن الفارس الاسمر الي غزا قلبي واحتله بدون استئذان .
عبد الله : احم احم ترى الفارس انا يمه هههههه ......
الجده: وبعدين وشصار على البنت ورجلج .
عبد الله : يمه مهب رجلها انا وبس رجلها .
الجده: ذاك الزمان يا الملقوف .
منيره: قامت رفيقتي بعد الحاح تروح لبيتهم في وقت جلسته مع هله مره ترتب غرفته ومره تساعد امه في المطبخ ومره يشوفها عند الباب وهي طالعه وكثرة الدق يفك اللحام وترى اخته بنت عمي مشتركه معنا في الخطه وكله تمدح فيها قدامه وبالمقابل ياليتك خذتك ساره شيخة البنات ولا منيره مهي بلك وراسها يابس بتلعوزك والي زاد وغطى ام ولد عمي شاركت بدون سابق تخطيط وقالت يا وليدي خل بنت عمك اتسهل وخذ الي يبيك وشاريك .
الجده : وبعدين ........
منيره: ابد يمه كلها اربع شهور من تخطيطي للحظه وطلقني وخذ ساره وهذا هو سعيد ومستانس معها الله رزقهم العيال وشوف عينج كم مره زارتني هي وعيالها .
الجده : اقول من يجيب ساره لزيارتج .
عبد الله :والله انج منتي بهينه سؤالج حلو وفي مكانه .
منيره: اول زواجها كان اخوها يجيبها بعدها صار لها ادريول خاص وتجيني معه .
عبد الله : وباقي القصه تعرفينه انتظرتها تخلص عده الطلاق عقبها طيران خطبتها يكفي اني انحرمت منها سنتين .
الجده: الله يهنيكم يا عيالي والله اني اول ما خذتها خفت عليك قلت شذا البنت الي قلبت كيان وليدي بروح اسكن وياهم وبراقبها لتسوي لولدي شي .
وجيت وسكنت معكم وبدل ما تحصلين محب ومعجب واحد لقيتي اثنين انا وولدي
قامت منيره وحبت ام ماجد على راسها وقعدت جنبها تهمز ظهرها وتلوي عليها من زود المحبه .
عبد الله : لا تراني اغار من ذا التفرقه العنصريه يله دوري الحين ومضى الوقت عليهم كله ضحك وسوالف لين اذن المؤذن طلع منهم عبد الله وتوجه للمسجد.
في احدى مدارس الدوحه ..
كانت هديل مع صديقتها وكانت عندهم حصة رياضه
هديل: تدرين شيوم لو شافني فصول بها اللبس بيهاوشني .
شيماء: ايه من حقها كل ها التفسخ لحصة الرياضه .
هديل : شسوي بشاير حطته لي بدون ما تشوف صدق غبيه.
منى : هدول هيا الي بثالث a بتيج.
هديل ماتت من الخوف: هاه وين ؟.
منى : برى ههههه تقول استروا علي تراني شارده من حصة الانجليزي .
هديل: تدور عبايتها ملقتها ولقت عباية شيماء ولبستها وطلعت لهيا.......
هيا كانت مع البنات ولما شافت هديل قامت حضنتها وباستها " لانها ما شافتها من الصبح "
هديل : شلونج ؟
هيا : بخير تعالي .. وراحوا غرفة التبديل الي كانت عباره عن غرفه كبيره وفيها ثمان غرف تبديل .
هديل كانت خايفه لا تكشفها هيا : ممممممم خلاص الغدى عندج مثل ما تبين .
هيا : فديتج يا قلبي وحضنتها .. وفكت عبايتها شوي وصرررررخت .
هيا عطتها كف قوي واسمعته شيماء وهي داخله مع رفيقتها .
شيماء : هدوووول ....... وراحت تبي تخفف عليها .
هيا : دزت شيماء وقالت لها مالك شغل اطلعي برا.
منى الي دايما تعجبها هديل بكشختها وبجسمها كانت بنت بمعنى الكلمه : اقووول هيا لا عاد اشوفج تضربين هدوول تفهمين ولا . لا ودزت هيا .
ونطت هيا على منى وصار ضرب ومضارب بينهم وحاولوا البنات يفاككونهم وما قدروا لين وصل الخبر للاداره وبتعاون الجميع فكوا البنات من بعض.
نرجع للامارات الحبيبه
خلينا محمد وفهد على البحر وكان فهد من عشاق البحر والتحدث معه وبث همومه للبحر بس في هاذي اللحظات معاه صديق العمر محمد .
محمد: اقول يا الحبيب ممكن يا عاشق زمانك تخوض شوي في علاقتك بفيّ وتقولي شصارلك معها وخلاك كذا منهار وعايف دنياك .
فهد: ابد يا محمد مهما شرحت وقلت لك عن علاقتي بها مراح افي هالعلاقه حقها يا هي علاقه بدت بلمسه مهب مقصوده وانتهت بخيانه ماني بعارف ليش صارت لي انا بالذات ياخوك بستخف.
محمد: شوي شوي علي ابدا من البدايه عشان نحط النقط ع الحروف .
فهد: البدايه بعد ما رجعت للبلاد متخرج ومعي شهاتي افرحوا هلي بي وسووالي حفله كبيره وما بقى احد ما جاء لبيتنا يهني ويبارك في ذاك اليوم اول مره اشوفها بدون حجاب وبكامل كشختها وطبعا الله العالم بدون قصد مني ولا منها
كان المغرب
ورحت لغرفتي ابدل وابي اتدخن ما لقيت عود في غرفتي رحت لغرفة امي بسرعه افتح الباب الا طالعه في ويههي ياه يا محمد شوصف وشخلي ما اقدر
" تذكر فهد شكلها وهي لابسه وشعرها الاسود الطويل جاي على وجهها متناثر وكان فستانها احمر مخملي وكانت بتيطيح على وجهها فمسكها من خصرها وهو مصدوم من الملاك الي قدامه ما قدر ينزل عينه ولا يدينه وهي عينها في عينه بدون ما ترمش ولا تتنفس هي لحظات من الزمن وانتبهوا لانفسهم وفكها وصد وخلاها تطلع من الغرفه وتم يطالع الفراغ وعيونه مبققه هو يعرف انها حلوه بس الليله زايده حلاوتها يا رب وش ذا الحاله "
محمد: هيه اخويه تراني موجود رمسني بدال التبلم الي انت فيه
فهد: هاه لا بس تذكرت ريحتها وشكلها
محمد: ما الومك المهم وشسويت عقبها
فهد: لا أي هاه
محمد: منت بصاحي ركز معايه الله يخليك
فهد: ايه من عقب ذيك الليله خلاص دخلت ها البنت هنيه " واشر على قلبه
محمد: انزين وشلون مضت عليك ها الليله
فهد: ابد يا ربيعي فرح وضحك من الربع والاهل كل ذا في كفه وطيفها الي ما فارقني في كفه كله مبتسم وأضحك وطاير من الوناسه وانتهت الحفله وكل سري لبيته
ورجع لبيتهم وكانت امنيته انه يشوفها لو من بعيد.
فهد: يمه ادخل والا في حد .
ام فهد: تعال يمك مابه الا البنات وعمتك
دخلت وشفت نور متغشيه وجنبها غلا عمري متلثمه
والكل بارك لي الا هي تعرف ليه .؟
محمد: لعنبوه وشوله ما باركت لك .؟
فهد: سالتها عمتي : فيّ شفيج ما لاركتي لفهد.
فيّ : لا بس مخليتوا لي مجال ابارك .
كان صوتها مبحوح كنها باكيه رفعت راسي وركزت عيوني في عيونها ابي اعرف اشفيها وليش صوتها كذا !!
كذا مره سمعت صوتها حتى وهي مريضه عمري ما سمعت صوتها مثل ها الليله.
وركزت عليها تقدمت مني وفي يدها هديه مغلفه وقدمتها لي وهمست لي
فيّ: مبروك صبرت ونلت .
فهد: فيّ اشفيه صوتج؟
راحت يا محمد مردت علي قلت في خاطري والله مخليج لين اعرف وقعدت اتنغشر فيها وفي نور ورغد وكلهن مشت عليهم حيلتي الا هي كانت تجاوبني بعيونها ولا بهزة راسها .
يوم تعبت منها ارسلت لها مسج على تليفونها
( فيّ ارجوج لا تعورين قلبي اشفيج مراح ارتاح ردي علي بمسج ما دام منيتي علي بصوتج )
وصلها وشافت المرسل ورفعت راسها لي وكنها مستغربه تصرفي ما ردت علي وسكرت التليفون وانا اشوفها وحطته في شنطتها
وسلمت عليهم وتمنت لهم ليله سعيده وطلعت شوي ولحقها بدون محد يحس رحت من الباب الثاني .
فهد: فيّ لحظه لو سمحتي ؟
فيّ وقفت له وظهرها صوبه قرب منها وناداها
فيّ التفتت : لبـــيه !؟
فهد تلخبط : لبـاج قلبي وعمري كله فيّ فيج شي الله يخليج روعتيني عليج !!
فيّ : ليه فهد تسالني انت حاس ان فيني شي ؟
فهد: ايه ومتاكد بعد.
فيّ: ليه متاكد.؟
فهد: صوتج فيه رنه وبحه عمري ما سمعتها قبل ها المره .
رفعت عينها وتنهدت وتوها بتمشي وقفها : فيّ ... فيونتي لا تروحين قبل قولي لي .
فيّ: مراح اقولك شي اذا منت مكتشف بروحك تصبح على خير .
فهد وهو مثل المسبه: تلقين الخير.
ومع كلماتها الاخيره زادت البحه وهي رايحه طار الجواب وسكن وسط ضلوعه
تحبك يا غبي ..
لا مهب معقوله لا مستحيل وانا الغبي اقولها قولي لي
يا اخي عيونها احلي كتاب مفتوح قدامك ولا البحه ذي مخصوص لي ،، ولي انا بروحي.
فهد لمحمد : وقعدت يا محمد انط في مكاني من فرحة الاكتشاف .
محمد: يا ترى طلع اكتشافك صح ولا كله خيال واوهام .
فهد: لا طلع صح تعرف شلون عرفت قلبها ارسل لقلبي رساله من خلال عيونها وبحة صوتها الي ذبحتني في مقتل .
من بعد ها الليله
تعاملي تغير معها كله اشتاق لشوفها حتى ما اكلمها بس اكحل عيني بشوفتها ولا اسمع بحتها ولا حتى صوتها العادي
تعال نسيت اقولك نوع هديتها كانت هدية ذهب خالص ميداليه لسيارتي مكتوب على جهه الله يخليك لعين ترجيك وعلى الجهه الثانيه حاطه حرف الf مرتين متشابكين هنا تاكدت مره ثانيه انها تحبني من زمان واستحليت الحياه بها ولاجلها ولعيونها السودا الي جننتني .
ومرت الايام كلها حب ونظرات بس عمري ما استغليت اني كل يوم اشوفها استحملت العذاب الي يجيني منها وهي ما شاء الله عليها لبغت تقهرني تقعد تضحك ومضارب مع اخواني وضم ولم لامي وابوي واختي وانا الوحيد الي محروم منها حتى شوفة وجهها الصبوح الجنان وشكل ما قلت لك كله على قلبي عسل اهم شي انها لي وقلبها لي وكنا انا وهي نشوف بعض على راحتنا عند عمتي وبوجود جاسم بعض الاوقات وكان يموت قهر ولا عرفت الا متاخر ليه ؟؟
محمد: وتميتوا على ها الحال كم سنه ؟
فهد: ثلاث سنين وكنت ابي اخطبها رسمي بس هي رفضت قالت خلني اخلص وفي السنه الاخيره املك علي
وسمعت كلامها وياليتني ما سمعت كلامها .
محمد: ليه بدون سابق انذار وبدون ذنب ولا جريره سمعت بملكتها مثلي مثل غيري من الناس .
محمد: لا غير بدل .
فهد: والله كنت جالس مع ابوي واخواني الا بدخلةعمي ويقول انه في المجلس البراني وعنده ضيوف من الخور الي هم عمام جاسم وهله من صوب ابوه وانهم جايين يخطبون فيّ لجاسم وتعال يا خوي انت وعيالك معي .
محمد: وانت شصار فيك !!
فهد: تخدرت حواسي وانشل تفكيري قمت ومسكت عمي وقلت له يا عمي فيّ لي انا مهب لغيري .
ابو ثامر: فهد الله يهداك الناس جاين خطابه واحنا بنرد عليهم بعدين مهب الحين والكلام ذا نتفاهم عليه بعدين .
فهد وهو صوته كان عالي : لا بعدين ولا قبلين قل لهم ما عندنا بنات و ان ولد عمها يبيها .
العم: فهد تعرف لو انهم غرب كان عرفت اتصرف بدون ما توجهني لكن ذيلا جايين يخطبون لولدنا منا وفينا بدل ما اهاوشهم بقولهم بشاور البنت وبرد عليكم .
فهد: وجاسم ليه ما كلمك وشاف ردك ورد بنتك بعدها جاب هله العم وابو فهد طلعوا راحوا لضيوفهم وخلوا فهد يضرب اخماس في اسداس من القهر .
محمد: اخر شوفه لك مع فيّ كان متى من هذا الحدث ؟.
فهد من يومين وهذا الشي كان نادر لاني كنت اشوفها كل يوم مره ومرتين بس تعللت بامتحاناتها وكانت بينا المسجات ما توقف.
محمد: اخر مسج منها كان عباره عن ايش ؟
فهد: اخر مسج مراح انساه حافظه عن ظهر قلب كانت تقول فيه :
"حلاتك"
وانت حاط ببالك !
" إني نسيتك"
ولا على البال و " فجأه" يوصلك مسج !
ويقولك إني :
(ووااااااااااااايد أحبك )
ولو الدنيا اشغلتني لاتزعل !!
} تراني ماني ياحبيبي بناسيك {
محمد: يا اخي واضح مسحها كنها تودعك واضح اشفيك ما فهمت وانت شرديت عليها :
ياكيــــــــــــــف .!
ابقدر احتمل طوول فرقاك
وكيف ابنسى وانت اغلى من الروح
صوتك وضحكتك وطلت محياك
وروعة اخلاقك في الصمت والبوح
أغلييك عسى درب السعد دوم ممشاك
أذكريني وانا بتذكرك ووين ما أروووووح
محمد: حلو وبعدين شصار لكم
فهد: ابد يا اخوك احاول اتصل فيها ولا ترد علي وبعدها قفلت تليفونها واسبوع وسمعت بملكتها تخيل ملكتها مره وحده مهب موافقتها عشان اقدر اخرب عليهم ولا اوصل لها لحد غرفتها
محمد: انزين الله يعينك وشسويت في ذا المصاب الجلل
فهد: قعدت اهاوش عمي وابوي مخليت عليهم شي وكان رد ابوي ان البنت وافقت واشرطت محد يدري بملكتها الا بعد ما تصير .
وابوها كان محتار وفي عيونه كلام بس ما نطق الا انه ما جبرها وهذا قرارها .
حاولت ارسل لها امي امها اختي اخواني الي يمونون عليها بس لا حياة لمن تنادي كانت صاكه على روحها ولا طلعت الا فترات متباعده حتى اغراض عرسها ما شرتها الي شرولها امها وامي
تخيل عروس وذي حالتها شتفهم ....!!!!!!!
محمد: افهم ان في حلقه ضايعه وشي صاير وشي كبير بعد ولا وحده تحبك كل الحب وتروح منك بدون متسوي لها شي شتسمي ذا الحال .
فهد: تعبت يا محمد بغيت اركب سيارتي واروح ادعم غرفتها عشان تموت ما ابي حد يتهنى فيها غيري .
محمد: الله يعينك يا خوي وشصار عليك يوم عرسها .
فهد: شرح له شسوى وقاله القصيد هالي قطها في وجه جاسم .
وانه اليوم الثاني جاء للامارات والحين قدله اسبوعين وهو هارب من قدره واكيد فيّ خلصت امتحانها الاخيره واكيد هم سافروا الحين لشهر العسل .
محمد: ليه انت ماتتصل في هلك وتعرف الاخبار ومنها اخبار الحب .
فهد: الا اتصل بس حرمت عليهم يوصلون لي شي عنها .
محمد: في خلال الثلاث سنين هاذي محد خذ باله من ابوك والا ابوها عشان يملكون بكم بدل ها الانتظار .
فهد: لا بس هم عارفين اني ابي بنت عمي حتى عمي عبد الله دايم يقول لي : انت كنك عمك بينك وبين خطيبتك عشر سنين واعجاب وخذيت شبيهة الغاليه
وكنا انا وعمي نضحك ان قدرنا حلو ماكنت ادري ان حياتي بتنتكس 180 درجه .
محمد: ما اقول الا الله يعينك يا اخوي .. المهم الحين اذكر ربك وخلك من هاالكآبه وسلم امرك لربك .
فهد: والنعم بالله بس يا اخوي اشتقت لهلي وابي ارد للدوحه لكني خايف من اني اشوفها ويصير شي غلط .
محمد: لمتى بتظل هارب واجهه واقعك ولا تستسلم لضعفك وكانوا يدردشون ويتمشون
الا جاي فهد تليفون من اخوه .. عبد العزيز يقوله ان فيّ جات اليوم للشركه وخذت لها قسم كامل وداومت عندهم .
فهد : شتقول انت صاحي شذا الكلام .؟
عبد العزيز: جاك الخبر.
فهد: بس هي متخرجه ولا الشركه لعبه لها ولغيرها .
عبد العزيز: هي خلصت وبعد كم يوم بتستلم شهادتها وتبداوم بها
فهد تم يصارخ : انا جاي اليوم لكم ان حصل حجز وسكر التيليفون
محمد: شصاير وشفيك معصب .!
فهد: الاخت فيّ مداومه في الشركه .
محمد: وشل المشكله .
فهد: محمد شعندك كنك مهب قبيلي ولا تعرف الاصول هذا الشي عيب فيّ حقنا بنت من بناتنا تداوم في شركه كلها رجاجيل .
محمد: ليه ما في حريم غيرها .
فهد: الا فيه بس مهب قطريات وبعدين عايلتنا متشدده ولها سمعتها في البلاد وانا مستغرب شلون ابوي بالذات وافق انها تداوم .
محمد: هدي شوي وحل الموضوع برويه ولا تستعجل وبعدها تندم .
فهد: أي اندم والله لا أقلب الدنيا على روسهم كلهم يا انا يا هي .
محمد: كله عشانها تركتك .
فهد: ترى والله بسطرك الحين سطار يردلك وعيك اقولك عيب والله عيب انت لو تشوف موقع شركتنا وكثرة الموظفين الي فيها والله متخلي خدامتكم تداوم فيها .
راح فهد للفندق يلم اغراضه ومحمد راح حجزله ولقوا طياره نص الليل وبعد ما توادعوا محمد وفهد ووصله للمطار مع وعد محمد انه يزوره في اقرب فرصه .
يا ترى شبيصير بين فهد وفي وباقي الاسره ..........
تابعوني احبتي دايما
|

[درة الاحساء]

_…ـ-*™£ البارت الخامس £™*-ـ…_

حكمه

الشخص الناجح هو :

الذي يستطيع ان يبني اساس قوي وثابت من حجاره التي يلقي الاخرون عليه ..

في بيت بشاير وهديل الصباح
بشاير : هديل اشفيج معاد تروحين لمدرستج عسى ما شر مريضه؟
هديل: لا بعد مطلعت هيا من المدرسه بسبة ذاك لموقف الي قلت لج عليه طلعت انا بعد مبي المدرسه من بعدها
بشاير محد بنافعج الا شهادتج يله عن اذنج تاخرت عن جامعتي .
رن تليفون هديل بمسج فتحت هديل المسج ولقت :
ابكتب خيانتك وبدونها بدفتر اشعاري
واقول اكرهك – اكرهك باولها وتاليها
وقعدت هديل تبكي وتصيح ....... لأن هيا " فيصل" خلتها وكانت توقع ان هديل خانتها مع منى – ورن تليفونها بمسج ثاني :
نسيت يوم نك تعذبنــــــــي
تجرح .... وعينك زعمك قويه
لا تجي تركض وتقول اسف
لا تحسب ما صار منك شوي
كانت هيا " فيصل" دايما تطرش لهديل مسجات خيانه وهديل كانت منهاره وما ترضى تشوف حد ولا تقابل حد.
العصر في بيت ابو فهد
طبعا وصل فهد الفجر وع طول راح لغرفته ونام وقام قريب الظهر ولقى امه وابوه وسلم عليهم اما اخوانه فكانوا في دواماتهم واخته في الجامعه .
فهد: يبه ابيك انت والعايله كلها بعد صلاة العصر عشان نشوف سالفة شغلة بنت عمي .
ابو فهد: والله يا بوك ذا الشي حصل غصب عني ولا انت عارف وجهة نظري من شغله الحريم المختلط .
فهد: المهم انا طالع الحين ولا زم نحط حد نهائي لها السالفه .
ترى يبه راح استعمل كرت ان اسهمنا 50% وارجوك لا تعارضني طلبتك .
ابو فهد: اسمع يبه فهد سو الي تشوفه في الصالح العام ولا تخيب ظني فيك واحترم مشاعر الكل هاه الكل وانا ابوك .
فهد: ابشر بس بلغهم وانا بلغهم ونا بكون هنا بعد الصلاة يله اسمحوا لي
وركب سيارته وشغل اذعته المفضله الي له اسبوعين ما سمعها صوت الخليج وتم يدور الي يصوت اصاله يزيد في جرح فهد :
لا تخاف من الزمان ........ الزمن ماله امان
خف من الي كل امانك ...... بيديه وتامنه
لو حبيبك ما وفي لك ....... لو حبيبك فيك خان
ايش ترجى من زمانك ....... النتيجه باينه
اه يا حبي الي خانني اه منج يا في حياتي شسوي في عمري وشلون بشوفج بعد شوي وشلون بتعامل معاج الله بعيني ويلهمني الراي الصواب.
واجتمعت العايله ما عدا ثلاثة اشخاص
فهد وفي وجاسم بعد ساعه جاء جاسم وبعد السلام على عمته وباقي اسرته الحبيبه على قلبه وقعد يسولف مع الكل بعدها طلب من عمته تتصل في ولدها ومرته وبعد هواش ومناجر مع جاسم في التليفون راح لغرفة في وقال لها
جاسم: يله ولد عمج العزيز وصل ومسوي اجتماع بسبة شغلج ويبينا ضروري .
في : بس انا ماني برايحه لا هو رئيسي المباشر ولا شي ولا له عندي شي .
جاسم استانس على ردها وعلى تعابير وجهها .
جاسم: بس قومي الكل يبينا مهب هو بس يله انطرج تحت شويات
وطلعت له متنقبه شلت الثمه بعد الزواج وغيرتها بالنقاب وراحوا لبيت عمها الي من زمان مادخلته وسلمت على لكل
وقعدت بين اخوانها وقعدت تضاحكهم وتمازحهم ولا اهتمت بالمذبوح الي قدامها حتى السلام استكثرته عليه وهو طبعا حط نفسه ولا مهتم وبعد التقهوي وقف فهد عشان يخلي الكل ينتبه له
فهد : احنا مجتمعين اليوم عشان شي عمري ما توقعت انه يصير والتفت لفي وكمل ان وحده من بناتنا تشتغل فهذا الي خلاني اجيبكم واقول لكم كلكم دون استثناء ان شغل في في شركتنا غلط ولازم يتصلح.
في : لا مهب غلط وهذا حق من حقوقي اني اباري شغل ابوي واداريه ودام زوجي وابوي موافقين انت مالك سلطه تتحكم وتلغى قرار وظيفتي .
فهدوهو يناظرها : لا تنسين ان من ضمن سلطاتي توظيف الموظفين وان نسبة ابوي في الشركة 50% ونسبة عمي 30% ونسبة عمتي 20% فلذا انا لي بدل السلطه سلطتين على قرار توظيفج وبعدين لازم شهاده وانتي مخالفه قوانين التوظيف ولا عشان شركة ابوج اتجين وتشتغلين على كيفج .
جاسم : لووووووووو سمحت فهد احترم الفاظك وفي مراح تطلع من شغلها الا على جثتي .
فهد: اجل يومك قرب لانها من بكره بتنقطع رجله من الوحه لهناك .
ابو ثامر: فهد اذكر الله وانا باغي بنتي معي وتحت عيني وزوجها راضي فليش انت تسوى من الحبه قبه يا ولدي .
فهد: عمي اشفيك ناسي عاداتنا وتقاليدنا بنتك شهادتها توظفها في احسن مركز هي تبيه مهب شركه كلها رجال ما فيها الي حرمتين كبر يدتي واجنبيات بعد.
وتطور النقاش وكل ادلى بدلوه وساد الهرج لدرجه محد سمع للثاني .
فهد: الي عندي قلته ما في دوتم لبنت من عايلتنا ولا ابي اسوي شي ندم عليه كلنا .
في وهي كلها حزن لموقف فهد منها تقدمت شوي قدام وقالت :: شبيصير يعني انا ما اتحداك بس مراح اتخلي عن وظيفتي .
فهد: وانا من بكره بعطي البوابه امر ما يدخلونج وبنشوف .
في: سو الي تبيه ولا صارت الشركة كلها كلها باسمك ذيك الساعه عطهم امر ............
فهد: اسمعي.
جاسم: اسمع انت كنك زودتها لا تحشم صغير ولا كبير يا اخي استح على وجهك فهد فز على جاسم وجاسم قام مستعدله
الا بصرخه مروعه من ام جاسم سكتت الكل بسكم خلاص قلتوا الي عندكم الحين بقول كلمه ولا بتحجرون على كلامي .
فهد: تفضلي انت تمرين على رقابنا .
العمه قوت: تعال فهد عن اذنكم شوي وراده ارجوكم لا تروحون ابيكم وراحت مع فهد غرفة المكتب .
العمه : اشبلاك يا فهد ترى والله الدنيا بدونك ما تسوي وانت متدري شصار فيني من يوم ما تزوجت في من ولدي وانت رحت فهد انت مب ولد اخوي لا انت هنيه اشرت على قلبها انت الي طلعتني من احزاني يوم وفاة ابو جاسم وانت وانت شعد وشخلي .
فهد: عمتي شلا زمة كلامج هذا .
العمه: اذكرك انك كبيرنا بعد ابوك عقب عمر طويل وانت الصدر الحنون للكل ولي طلب عندك واترجاك لا تردني .
فهد: اطلبي روحي بس شغل ...... مخلته عمته يكمل حطت يدها على ثمه عشان ما يحلف ويكمل .
العمه: طلبتك لا تفرقنا طلبتك لا تشمت الحاسد فينا خل في في شغلها وصدقني اذا هي ما طلعت في يوم انا مهب بنت ابوي .
فهد: شلي مخليج واثقه كذا انها مراح تستمر في شغلها .
العمه: انت ناسي انها تربية يدي مثل ما انا عارفه انك ابو الكل وابو الحنيه والطيبه خذها كلمه منى في مخها شي وبعد متنفذه هي بروحها بتطلع من الشغل .
فهد: يعني يرضيج تمشي كلامها على .
العمه: لا بعد ما نطلع من هنيه انت لا تقول شي انا الي بكامهم .
فهد: اه منج كا كنت اتمنى انج طلبتيني ها الطلب ولا اني انحط قدام الكل ما لي كلمه من شوي متحدي والحين راضخ .
العمه: افا والله متحسف انك نفذت لي ها الطلب صدقني يا فهد بيجيك يوم وبتذكر كلامي في مهي مطوله في الشغل وقل عموه ما قالت .
فهد: عموه اه عموه هاذي حق حصري لفي محد يقولج عموه غيرها .
العمه: فهد لا تكره في فيه شي محد يعرفه خلاها تسوي الي سوته وفي يوم راح نعرف الي قلبها 180 درجه .
فهد: يعني انتي معي انها فيها شي وهذا الشي من ولدج جاسم.
العمه: اه يا خوفي يكون جاسم سبب عذاب في .
فهد: اكيد هو يا عمتي ولا انا ايش سويت لها عشان تخليني وانتي بالذات شاهده على حبنا وعهودنا .
العمه: يصير خير وكل انسان ياخذ الي كاتبه له ربه.
قم الحين خلنا نروح لهم وخل كل شي علي .
وطلعوا من المكتب وكانت عيون الكل عليهم تكلمت العمه تشرح الموقف عشان ما تصغر صورة فهد قدام الكل وتظل هيبته موجوده دوم .
في كانت تتمنى فهد يصر على موقفه عشان تكرهه اكثر بس يا حسا فه الي شافته من التعب البادي عليه واصفرار وجه ونحول جسمه خلاها تشفق عليه .
خالد: اقول يا جماعه خلونا نفرفش شوي الليله ناوي عليكم نيه مهب قشره ههههه .
اقول رغدوه هاتي العود بغني ليدوه اغنيه لها بروحها ولازم ترقص عليها .
الجده: اقول اقعد مكانك احسن لك انا ما فيني حيل خل ابوك ولا امك .
عبدالعزيز يطالع نور بنظرات اعجاب من زمان ما شافها .
نور : اقول رغد اشفيه اخوج يناظرني ترى بعلم عليه.
رغد: اسكتي مع ها الوجه من زينج عاد احمدي ربج اذا طالعج البنات بتخبل عليه رفيقاتي معجبات ويتمنن نظره منه وتذكرت رفيقاتها مريم وحمده وهن يتفدنه وخاطرهن يشوفنه
طالعته نور وشافته ما زال يطالعها وحاول يرسل لها شي يبي ينبها لشي بس هي مهب عارفه شيبي منها .
راح لفي وقال لها ابيج تقولين لنور ان الاغنيه الي بيغنيها خالد الحين اهداء منه لها ممكن .
في: عزوز استح على وجهك ما تستحي .
عبد العزيز : لا ما استحي الي متى وانا استحي بعدين تراني بتقدم لها بعد كم يوم قولي لها تفكر عدل لاني ما ابي كلمة لا اول ما اتقدم بملك وبخليها سنه وقبل تخرجها بنعرس شرايج .
في تذكرت فهد وان هذا كان تخطيطهم وقالت في نفسها والله لا ساعدك يا اخوي ولا اخليك تمر بالي مريت به
قامت راحت جلست جنب نور وقالت لها كل الكلام مره وحده البنت اختبصت حاولت تقوم امسكتها رغد وفي وقعدوها عشان محد ينتبه لهم
راح عبد العزيز وقال لخالد يغني اغنيه حلوه عاطفيه تعبر عن حب انسان لانسانه ويعترف لها عن حبه لها .
قال له خالد: اوكي راح اغني لك اغنيتين بدل الاغنيه بس ليش طلبت ها الطلب .
عبد العزيز: اقول انثبر احسن لك وغن لي اغنيه ارجوك توصى هاه ما ابيها اي شي .
الي تبون نبدا من الكباريه هاه حبايبي شتبون اغني لكم ابو فهد وام فهد مطلبوا شي بس قاعدين يضحكون على خبال ولدهم .
وعبد الله ومرته بعد قالوا الي بتغنيه اكيد بيكون حلو لان صوتك هو الحلو.
عبد العزيز: والله كل شي منك حلو بس ياليت تدندن باغنيه والله احتاجك انا لاحلام .
خالد: اوكي وتراها اهداء منه للكل لانه بعد كم يوم بيشترك في رالي قطر (( بطولة الشرق الاوسط للراليات ))
وطالع اخوه ولقاه معصب منه هو قال لفي انها اهداء لنور بس وهذا خرب السالفه واهداها للكل دق العود وغنى بصوته الحلو
والله احتاجك انا ..... خلك بجنبي قريب
وان حصل شي بيننا عن حياتي لا تغيب .... انا من بعدك اتوه وعالمي بعدك يضيع تختلط عندي الوجوه ........
العدو يصبح صديق ..... تدري يا القلب الحنون انت بالنسبه لي ايش
وانا من بعدك كيف اكون وليه احس وليه اعيش ...... ياللي شفت احلامي فيك
والتقيت باحلى حب ادعي ربي وارتجيه ............ ربي لا تحرمني منه .......
وسلامتكم .
كان عبد العزيز يناظر نور وشفايفه تتحرك بكلمات الاغنيه ورغد وفي ميتات عليه من الضحك.
الجده : اقول ابوي خلود غن لي أي اغنيه لذاك المطرب الحلو الابيض انا كل ما سمعته يغني استطرب يا يمك.
خالد: أي مطرب ابيض وضحي اكثر .
رغد: تقصد عبد المجيد عبد الله .
خالد: منتي بهينه يا عجوزي الجميله ولا يهمج بس بقول مقطع بعدها مقطع لمطربنا علي عبد الستار ومقطع علي عبد الستار اهداء منى لاختي في وهي بتفهم شقصد به .
في مسكت قلبها لانها تعرف ان خلود ما يوز عن مقالبه – غنى خالد لجدته.
وش اخبار قلبك عسى ما فارق افراحه .... ادري جرحتك وشلت بخاطرك منى
خسران بعدك وقلبي ضاعت ارباحه ...... غلطان ادري وابي منك تسامحنيالجده: اقول ياليتك تسكت شذا الحزن ابي اغنيه نطاطيه بس خلاص ما ابي .
خالد: في مقطع صغير للحبيبه في كان ودي اغني الاغنيه كامله بس الجماهير طلباتها كثيره.
شعر مسلسل شعر هندي بالمسك والعود يدهنونه بالمسك والعود يدهنونه
هاه وصلتج الرساله يا قلب خلود
جاسم فر خالد بالمخده : ممكن تنطم هي قلبي انا مهب قلبك
وكان يطالع فهد عشان يقهره واصلا فهد كان في وادي ثاني تعرفون ليش لان اغنية عبد المجيد قطعت قلبه من داخل كانها اهداء من في له وهذا الي فهمه لما شافها تطالعه وعيونها غرقانه بس بعدت عيونها عنه وشافها في غفله منهم كلهم مسحت عيونها
وفهد طلب من اخوه يغني له مقطع وقاله له عاد خالد ما قصر قعد يتفنن في التلحين
وقالها ووصلت الرساله لصاحتها ومحد حس الي المعنين ذاتهم:
ليتني ما شفت في عينك دموع
منظر الدمعه على خدك هلاك
يا مضوي في دجى عمري شموع
الحزن ما خلق لعيون الملاكخالد وسلامتكم ويله بخليكم لانه وراي باكر دوام تصبحون على خير .
وطلع وخلا وراه كم قلب محطم طبعا الجده راحت مع عبد الله ومنيره وعيالهم جاسم وفي راحوا مع بعض والعمه خذت بنتها ورحت محد بقى الا القلب المعذب فهد وعبد العزيز .
عبد العزيز : فهد ممكن طلب وافهمني زين .
فهد: اطلب واذا اقدر عليه ابشر به.
عبد العزيز: ابيك ما تزعل مني لاني ابي اخطب قبلك وابيك انت الي تخطب لي .
فهد: ابشر يا بو ماجد ما طلبت شي وبعدين ليش ازعل عشانك اصغر مني لا بالعكس انا خلاص معادني مفكر بالعرس وهذا قراري النهائي واني اخطب لك من عيوني بس ما قلت لي منهي الي تبيني اخطبها لك .
عبد العزيز: يعني حاط نفسك متعرف انا من ابي .
فهد: ههههههه والله اني عارف ولا فاتتني نظراتكم الليله.
عبد العزيز: هاه من تقصد ؟؟
فهد: اقصد بنت عمتك المزيونه .
عبد العزيز: اوه لا حول وشذا العلم مزيونه اقول وخر خلاص ما عاد ابيك تخطب لي .
فهد: خلاص يبه متى تبينا نخطب لك .
عبد العزيز: يا ليت قبل ما اشترك في ها السباق الي بيكون في قطرنا .
فهد: اوكي بكلم عمتي اتفاكر مع بنتها وولدها بعد ما يعطوني الرد بناخذ ابوك وعمك وبنروح نطلبها رسمي من عمامها وهاذي هي الاصول .
عبد العزيز: لازم عمامها الي في الخور والله اني ناسيهم وشذا النشبه اخاف يرفضون .
فهد: لا تخاف ولا شي هاذولا هم جوا وخطبوا بنت عمك وصارلهم نصيب عندنا وانشاء الله يكون لنا نصيب عندهم ولا تخاف اذا نور تبيك ثق انها بتكون لك وسرح وخلا اخوه يطالعه بعدها انسحب عبد العزيز وخلا اخوه في دوامه تفكيره .
فهد: اه منج يا في ليه وليه كل هذا حرام عليج ويايه اليوم بكل قواه عين توقفين في وجهي واتحديني اه منج ما اقواج وشلي خلاج واثقه اني بكون بصفج اه من بكره بتكونين قدامي في الدوام وفي البيت وين اروح منج الله يصبرني على الجاي خلني اقوم اروح اريح بس ها القلب شيريحه وهو شافها اليوم وشاف الي محد من الي قاعدين شافه شاف دمعتها – هي ليش بكت من شوفتي ولا من ظلمها لي ولا .... ولا يا ربي ساعدني
وكن معي دوم مهب يوم.
نروح لجاسم وفي :
جاسم وهو جالس على طرف السرير في غرفة
جاسم : في لمتى ها الصد منج ترى والله اني قادر اخذ حقوقي منج وانتي عارفه بس ابيج برضاج .
في: وبعدين جاسم كم مره تناقشنا في هذا الموضوع نسيت اتفاقنا قبل الزواج اني اتزوجك وتقبل بكل شروطي واول شروطي انك ما تلمسني ولك مطلق الحريه تسوي الي تبيه حتى لو اتزوج ما عندي مانع .
جاسم: ها لدرجه عايفتني .
في: يوه وبعدين معاك لمتى بنسولف ونبعيد في ذا السالفه .
جاسم: بخليج الحين وبصبر لعل وعسى الله يهديج بس صدقيني بيجي اليوم الي بفقد فيه اعصابي وذيك الساعه إ ستحملي الي بيجيج .
بالنسبه لبكره بتروحين لدوامج في سيارتج ولا اوصلج .
في: لا بروح بسيارتي
( جاسم يمارس تجارته مع كذا واحد من ربعه برا شركة خواله وله مكتب في الشركة يباشر فيه حلالهم من لفتره لفتره )
جاسم: خلاص انا عندي شغل الساعه عشر وبعد مخلص بمر الشركة شوي وبعدها با خذج نتغدى برا .
في: مدري على حسب .
جاسم: لا حسب ولا غيره غداج معاي بكره بعد الدوام يله تصبحين على خير.
في: تلقى الخير .
طلع من عندها جاسم راح لغرفته وقعد يفكر لمتى وانا احبها وهي ولا داريه عني ومن قهره دق على بشاير الي من شافت رقمه ما قدرت تقاوم وردت على طول .
بشاير: الو هلا بالقاطع .
جاسم: اخبارج بشوره.
بشاير: وهي فرحانه انه يدلعها بخير دامك بخير شخبار حبيب وقلب بشور .
جاسم: وبعدين بشاير والله انج حبوبه وتنحبين بس انا قلبي حمار ما يبي الا الي ما يبونه .
بشاير اقول سمعت بالي يقول :
الي يبينا عيت النفس تبغيه
واللي نبيه عيا البخت يجيبه
حنا نبيه لا ما نحب الا طاريه
الله لا يقطع نصيبي ونصيبه
من يوم شفته خاطري مولع فيه
قلت البخت يا (بشاير) من هو يجيبه
اقفى وصد وقال يا من انت هاويه
خبرك عتيق وقلت نفسي صعيبه
يا من له الخاطر شفوق يراعيه يراعيه
اتبع هوانا وغيرنا وش تبي به
اللي يدارينا ترانا نداريه
واللي تنكر جعل ربي حسيبه
وسلامتك يا الغالي
جاسم: حرام عليج لا تحسبين علي والله مالي سلطه على قلبي وانتي الف من يتمناج جمال وعلم واخلاق حسبي الله على قلبي الخبل الي علقج فيه وخلاج كذا .
بشاير: تعترف انك معذبني معاك ومعلقني لا انت بردت يوفي ولا خليته يرتاج
جاسم: بشاير تبيني اخليج .
بشاير.لا ياليت اقدر اني اطلبك ذا الطلب .
جاسم: بشاير انا لعبت مع حريم كثار وخذت منهم كل شي تتصورينه دراستي في لبنان خمس سنين مخليت شي ما سويته من موبقات وخبايث وتصوير بنات وابتزازهم كله انتقم من ها البنات عشان الي سوته في فيني
بشاير: جاسم متى بتنتبه ان فيه بنات غير في وان فيه قلب شاريك من بد الخلايق .
جاسم: والله اني ادري عشان كذا انا مسويت معاج الي اسويه مع غيرج من البنات فيه شي رادني منج .
بشاير: يمكن الجيره ولا صداقتي مع اختك ومرتك.
جاسم: لا فيج طيبه خلتني كل ما ضاقت بي الوسيعه لجات لج – اه ياليتني احبج واريحج واريح عمري .
بشاير: بظل وراك يمكن في يوم تحبني يمكن قلبك القاسي يرق لي .
جاسم: اه يا ليت .
بشاير: غريب امرك تعرف دواك ولا تقدر تاخذه عشان تعالج روحك .
جاسم: شفتي حالتي شقد صعيبه وقعد يسولف معها لحد ما ارتاح وقال كل الي ما يقدر يقوله لفي زوجته وحب عمره قاله لبشاير وسكر منها وحط راسه ونام وهو شبه مبتسم .
اما في فهي حالتها اصعب من حالة جاسم هو ع الاقل عنده الي يفضفض له اما هي من عندها الي تقوله كل شي راح منها اه يا في ناقصج تفكرين في واحد وانتي متزوجه اوف وتمت تقلب من جهه لجهه ولا فيه فايده .
قامت وبطلت شباكها وقعدت تناجي نجوم الليل اشفيه فهد تعبان ليش وصلنا لها الحاله.
اشفيه مسمر زياده
وضحكت يوم تذكرت يوم قالت له مره: تدري شأحلى شي فيك فهد بلهفه وشهو .
في: سمارك واي حلو وايد.
فهد: ههههههه حرام عليج قولي عيوني العسليه ولا خشمي المسلول ولا حواجبي المقرونه ولا شفاي واسناني اللؤلؤيه بس سماري ولا قصدج سوادي هههههه
في: وش سواده بعد.
فهد: تذكرين ولد عمتنا جويسم كله يسميني الحليان يعني قريب من سويدان .
في : معليك منهم سمارك سمار رشود فهد بغيض من رشود ذا ؟؟؟
في: رشود ما تعرفه ههههههه راشد الماجد ومخلوط شوي بسمار اخطبوط العود عبادي الجوهر وبعض المرات اشوف سمار مخاوي الليل خالد عبد الرحمن .
فهد: هيه انتي صدق خبلا قفلتي على مطربين السعوديه كلها ومزجتي الوانهم وحطيتها لي .
في: هاه شرايك مهب حلو ذوقي ولانهم مطربييني المفضلين دمجتهم لك.
فهد: اقول اسمعيني عدل حبيني انا بروحي ولا تحطين لي شريك لا مطرب ولا غيره سامعتني ولا اعيد....
تذكرت ها الكلام لما كانوا كالعاده في بيت عمتهم وكانوا يلعبون ورقه مع العمه
قامت تعوذت من ابليس وصلت لها ركعتين وراحت ترتاح بكره وراها يوم طويل من شوفة فهد وعذابها ما تبي تغضب ربها حتى لو بنظره نامت في ونام فهد وهم يطلبون من ربهم العفو والعافيه والمغفره وان يبعدهم عن الخطا وطريق الشيطان ...............
انتظروني في البارت الجاي الي ان شاء الله راح يعجب شريحه الشباب بحكم انه عن سباق الراليات
تابعوني ولا خلا ولا عدم

[درة الاحساء]

_…ـ-*™£ البارت السادس £™*-ـ…_
حكمه

ان جات لك فرصه تناظر عيوني " دقق بها وتشووف معنى غلاتك ..

في بيت ابو بشاير وهديل الصباح ..
كانت ام بشاير قاعده تتقهوى مع زوجها تحاول انها تقعده معها ومع بناتها الي تعبت منهن ومن طلعاتهن الكثيره
ابو بشاير : اسمعي انا مهب فاضي لكم كل شوي مطلعه لي سالفه هذيلا بناتج وتفاهمي معهن واذا لعوزنج بكثرة طلعاتهن بحرمهن من السايق والجامعه وبخليهن مقابلاتنج .
ام بشاير: وهذا انت بس يا شطح يا نطح يا تعطيهن الحريه يا تحرمهن الدراسه .
ابو بشاير : خلاص هذا الي عندي وطلع وخلاها وهي المسكينه ما تقدر على قواة بناتها وخصوصا هديل ومياعتها ولا رفيقاتها الصايعات
دق الجرس وراحت الخدامه تفتح الباب الي هن صديقات هدول شيماء و منى سلمن على ام بشاير جلسن معها .
ام بشاير امرت الخدامه تجيب للبنات عصير وقالت لها تروح تنادي هديل وطلعت وخلتهن جات الخدامه قالت لمنى وشيماء ان هديل تعبانه وما تقدر تنزل لهم
تضايقت شيماء وحست انها مخنوقه من حالة هديل واستاذنت وراحت اما منى الي كانت افكارها خبيثه طلبت من الخدامه انها توصلها لغرفة هديل وصلتها .
دخلت منى وشافت هديل تصيح بشكل يعور القلب خذت كوب الماي الي على الطاوله وعطتها اياه ومسحت على شعرها اما هديل الي كانت صدق محتاجه منى وبها الوقت بذات حضنتها ..........
ودخلت عليهم الي ما كان حد منهم متوقع دخولها افتحت الباب شوي على اساس ان هديل نايمه وحبت تسوي مفاجئه لها وللاسف لقت المفاجأة قدامها منى هديل مع بعض في مشهد عمرها ما تخيلته هيا وبضحكات عاليه مخلوطه بحزن :
ادري والله يا حبيبي من ورى عيني تخون
لا تظن انك مكذب ....... لا تصدقها ظنونك
ومن يقول انا احبك وقلبي عايش لك يصون
انا مثلك يا حبيبي من ورى عينك اخــــــون

وطلعت وهنى انهارت اكثر هديل وكان حضن منى هو الشي الوحيد الى قدامها ............
في شركة العايله الساعه الحاديه 11 صباحا
الكل مداوم في مكتبه ابو فهد وابو ثامر وفهد كل في مكتبه اما في فهي في مكتبها من الصبح وكان مكتبها في اخر الممر لمكتب فهد وابوها وحط لها ابوها سكرتيره من سنها تساعدها اندق الباب على فهد واذن له ودخل وكان طارق مدير الحسابات
طارق : كيف الحال استاذ فهد م زمان عنك تو ما نورت الشركه .
فهد: حياك الله تفضل طارق وعطني اخبارك واخبار الشركة في غيابي .
طارق : ابد سلامتك كل شي تمام وماشي حاله بس الموظفه الجديده الي جايبينها ماكان لها داعي ولا انا ما بكفي
فهد وهو يضحك على غيرة طارق : ههههه والله يا طارق هذا ابوها الي موظفها ولا وبدون شهاده شرايك انت .
طارق : انا عرفت انها خريجه في ادارة محاسبه ولا غلطان .
فهد: مش غلطان وانا حاولت اثنيهم عن ها القرار بس هم تكاتفوا ضدي وصوتوا وطلعت انا الغلطان بعدين يا اخ طارق محد يقدر يتعدى على منصبك وانت مديرها قدامي وهي من بعدك .
طارق : بنشوف والله خايف يي يوم وتستغنوا عن خدماتي .
فهد: افا يا طارق احنا تونا عارفينك انت من سنين معنا ما عاش من يستغنى عنك خل عنك وقلي شخبار اهلك .
طارق: نحمد الله عايشين بفضل الله وبفضلك .
فهد: تستاهل انت انسان مجد ومثابر وخلك كذا ولا تخلي الاطفال يهددون عرشك ههههه ضحك لما تخيل في تهدد طارق في وظيفته .
طارق: يله عن اذنك حبيت امر عليك واسلم واشوف اذا بدك شي .
فهد: ابد سلامتك وخل بالك على شغلك .
بعد كم يوم من دوام في في شركة العايله وهي معتكفه في مكتبها ما تطلع كله تطلع على حسابات الشركة من اول ما داوموا لحد يومهم هذا لغاية في نفسها وهي ما توظفت الا عشان تبحث عن شي معين .
وكانت ما تصادف فهد في دخلتها وطلعتها .
اما موضوع عبد العزيز ونور فكلموا ام جاسم الي شاورت ولدها جاسم واخته ولقت عندهم القبول وشاوروا الأعمام لما عرفوا المتقدم رحبوا فيه وما بقى الى يحددون موعد الملكه وبشر فهد عبد العزيز .
عبد العزيز : اه يا ولد امي وابوي الله يبشرك بالشهاده عقب عمر طويل بس اسمعوا ابي الملكه بعد اسبوع لان بعد عشرة ايام البطوله ولا شرايكم .
ابو فهد: والله هذا الشي راجع لعمتك وبنتها
العمه: وعمته موافقه على تحقيق رغبة بطلنا .
عبد العزيز : مرحبا مرتين مره عمتي بالدم ومره انج عمتي ام مرتي .
ام جاسم: اسمعوا مرتي لين الحين يبه ما صار شي .
عبد العزيز: شرايج عمتي بالملكه يوم الجمعه ها حلو الوقت .
ام فهد: اصبر شوي اشيلاك طاير .
خالد: لا تلومونه مفارق احبابه .
عبد العزيز : خلود احسن لك جب وعقبالك.
خالد: الله لا يقول انا ماني مستفيت مثلك ومستعجل بدلع نفسي لاخر لحظه في حياتي ولاحق على الهم .
ابو فهد: لعنبوك العرس صار هم .
خالد: لا يبه فديت خشمك بس عادني صغير الحين انتوا استانسوا مع عزوز بعدين حطوا حرتكم في فهود اخر شي انا .
فهد: لا يا بو وليد انا خلاص ما ابي الا ازوجكم واتفرج عليكم .
ام فهد: ليه يا امك تحرمني من فرحتي بك .
فهد: خلاص يمه الحين قدامج عزيزان وطلعوا كل شي مخشوش لي له ولا شرايك عزيز.
عبد العزيز : الي يقوله فهد ماشي علينا كلنا وحددوا الجمعه بعد صلاة المغرب يملكون بوجود عمام نور ويشوفها
في وهي قاعده مع نور ورغد في بيت ام جاسم: الله وناسه من زمان ما فرحنا ابي ارقص وافرح باخوي وبج والله انكم تستاهلون بعض .
نور: الله يتمم على خير تصدقون اني خايفه من يوم الجمعه .
رغد: ترى عبد العزيز ما يعض حليو وفوق كل ذا يحبج ويبي يدخل المسابقه وانتي زوجته
هنا ولع وجه نور من سمعت كلمة زوجته.
نرجع لهديل وحبها الجديد منى
هديل : ههههه حمود شفيك قلت خلاص مابي اعطيك بوسه .
منى : يلا بنام هدول عطيني .
هديل: لا بعطيك اياها باجر لما اجي عندك .
منى : ااااه منج دايما تعذبيني .
هديل: ههههههههههههههههههههههههه ههه
منى: شلابسه ؟؟
هديل: استحت .....
دخلت بشاير على اختها وشافت ضحكتها ومياعتها .
هديل: منى مع السلامه بكلمج باجر
وسكرت وطالعت اختها بنص عين : اقول خلي نصايحج لعمرج يا اختي شوفي روحج حبيبتي ولا طلتي وكله مركونه ع الرف اول ما يدق عاشق الغبرا تركضين بدون احساس .
بشاير: ع الاقل احب شخص مكمل لي وانا من وجهة نظري واحساسي انه بيبه زمانه لي طال الوقت ولا قصر .
هديل : والله يا اختي حالتج صعبه الا اقول معاد شفتج اتروحين لبيتهم من تزوج اوسم واحد في الدوحه على ملكه جمال قطر .
بشاير وهي منقهره من تشبيه اختها لجاسم وفي.
بشاير: لا ابشرج بنروع انا وانتي وامج بعدكم يوم عشان نحضر ملكه نور وعبد العزيز .

هديل :لا حبيبتي روحي انتي وامج اما انا لا ماني بفاضيه .
بشاير: وشمشغلج غناتي ولا اقولج اخذي راي حبيبك منى واذا اذنت لج تعالي معانا غيري جو الوساخه الي انتي فيها .
هديل: بشوف اذا وقتي سمح يا بختكم بروح معكم .
بشاير: الله يعيينج على نفسج .
هديل : اقول بتشوفين جاسم هناك .
بشاير : على حسب يمكن .
هديل: اصحاب العقول في راحه الا انتي ينطيق عليج المثل الي يقول(شوف وحرقت يوف ) ...........................
بجيه يوم الجمعه اجتمعت عايلة الحمد وهم مستانسين لانهم بيربطون عيالهم اقدس رباط وعلى المغرب جاوا اهل جاسم وقعدوا مع بنتهم وولدهم وبعد مشاورات ومداولات اخيره ما بعدها رجعه تمت الملكه بين نور وعبدالعزيز ..
وتعشوا الرجاجيل في مجلس ابو فهد بعدها تفرقوا الرجاجيل لكن حفلة الحريم توها مبتديه بعد ما وقعت نور على الدفتر الي كان جايبه جاسم لاخته الي كانوا البنات متجمعين عندها
( في ورغد وبشاير وهديل وكذا وحده من رفيقات نور ولا ننسى المعجبات الثنتين حمده ومريم )
حمده : اقول نواري ليش يا الحماره ذاك اليوم يوم كنا نتناقش عن ولد خالج ما قلتي انه يقرب لج ولا وحاطه العين عليه .
مريم: لا وازيدكم من الشعر بيت قاعده تشرح لباقي البنات الموقف قعدنا انا وحمدوه نتغزل فيه ونتفدى فيه وهي ولا بين عليها اما عليج حركات .
نور وهي محمره من كلام رفيقاتها : شتبوني اقول لكم يعنى .
خليتكم تاخذون راحتكم .
دق جاسم الباب ونادي نور تجيه عند الباب عشان توقع طلعت له نور وفي عشان تساعدها لانها كانت تتنافض من الخرعه .
جاسم: هيه نور وقعي عدل وترى بعدساعه بيجي يشوفج ويلبسج الدبله هو المفروض قبل يشوفج بس قال لي الحمار كلمه لو انه قايلها قبل الملكه كان كسرت حنوكه .
في: إشقال انا اخبر عبدالعزيز عاقل ولا عمره قال كلمه مهب في مكانها .
جاسم وهو يطالع في الي طالعه فلقة قمر من حلاوتها
قال: لانك وسيم وانا اخبر اختك من عادها صغيره تشبهك فهذا معناته انها بتكون لما تكبر احلى منك .
نور استحت دخلت وتو في بتروح وراها الا جاسم يقول لها : في احد قالج قبلي انج احلى من الحلى ذاته
في طالعته ومشت وهي في قلبها حسره عليه وعلى عمرها وانها انحرمت من فرحة عمرها وهو حرم نفسه انه يعيش مع وحده تبادله نفس المشاعر .
هديل وهي تنغز بشاير : اقول بشور اشوف حبيبج طول مع مرته برا والله ما الومه كل ذا جمال .
بشاير: لو تلاحظين نور اجمل منها .
هديل : ما انكر جمال نور بس في فيها شي يسحر والي يطالعها يقول في خاطره الله يحفظج لمحبج .
بشاير: اقول انطمي احسن لج وخلينا نشاركهم فرحهم .
هديل: هيه لازم نشاركهم مهب هم حبايبنا .
بعد ساعه نزلت نور للحريم بكامل شياكتها وكان الدي جي يلعلع باغنيه خاصه لها الموقف الرائع .
وبعد ما رقصوا لها البنات والامهات حتي الجده وشاركت بالرقص بعصاتها شوي واستاذنوا الرجال بيدشون دخل جاسم وعبدالعزيز مهب مصدق روحه يطالع ها الجمال النايم الي جنبه .
جاسم: هي يا بنت رفعي راسج شوي عدل واذا ما تبينه قولي لي .
عبد العزيز : كان زمان وراح يا اخي تعرف ليه ما بغيتها تشوفني قبل الملكه عشان ما تغير رايها اما الحين معاد حد له كلمه عليها .
جاسم: اقول ما خذ في نفسك مقلب يله خلك مع عروسك ومبروك والله يسعدكم وطلع
وقبل ما يطلع رفع راسه شاف بشاير مرخيه اللثمه وتطالعه وهي ميته عليه طالعها وضحك لها ورفع لها حاجب وتدرون من شاف الموقف ......!!!!!!!!!!!!!!!!!!!!!!!!!!!!!!!!!!!!!
في
ولا حست باي شعور من الغيره وقالت يا ترى بتكرر قصة امي وابوي يحب صديقة العايله وبيفكني هزت راسها وراحت لا خوها ع الكوشه تبي تساعده هي ورغد في تلبيس نور الشبكه .
عبد العزيز: مساء الخير يانور عيني .
نور بصوت واطي : مساء النور .
عبد العزيز: انتي تبين تذبحيني صح .
نور وهي مدنعه ليه تقول ها الكلام .
عبد العزيز: حلاوتج وامنيتي الي تحققت على يدج وبعدين ترى على خدج نقطه سودا ما شفتيها .
نور رفعت راسها له متخرعه : شنو .
عبد العزيز: اه يا قلبي ايه الحين خليني اشوف عيونج الي جننتني وانا عمري 15 سنه وانتي 10سنين .
نور: اه شذا الكلام حد يطالع بزر .
عبد العزيز : انا بزر قدامج شكليني على راحتج
جاتهم في وحبتهم وجابت الشبكه مع ام فهد ولبسوا عروسهم وخلوه هو يلبسها الاسواره والدبله والاخو ما صدق وما قصر في التلزق ومسكته ليدها
بعدها عطاها يده ودبله فضه عشان تلبسه وتم يناظرها وهي مرخيه راسها من الخجل .
بعد ساعه طلعوه غصب عنه عشان الحريم ياخذن راحتهن وقبل ما يطلع طلب رقم تيليفونها بس هي رفضت لانها ما تبي تشغل نفسها عن دراستها .
عبد العزيز : اقول احسن لج عطيني اياه بالتي هي احسن .
نور: لا وما فيه مكالمات تشغلك عن شغلك وانا عن دراستي .
كل جمعه تعال واقعد معاي شوي .
عبد العزيز: اوه ومن الي فرض هذا القانون
نور: انا .
عبد العزيز: مراح اعترف فيه وبتشوفين يا نوير .
وتوه بيطلع حب يسوي فيها حركه يحرجها بها- قرب منها وباسها على خدها ورفع يدها وباسها وطلع البنات تخبلوا على الحركه وقعدن يصفقن له ويزغردن له وهو يضحك على وجه نور.
وقعدن البنات في رقص واغاني وسوالف لحد الفجر وكل راح طلعت نور مع في فوق وساعدتها في تغير ملابسها .
جاهم جاسم: اقول نور ترى معرسج طلب رقمج مني وعطيته اياه
نور : لااااااااااااا ليش ؟؟؟؟؟؟؟؟
جاسم : قالي انه طلبه منج قلتي له اطلبه من اخوي واذا عطاك زين بعدي والله .. في يله خلي نور ترتاح وتعالي
فيّ : يلآآ اوكي
ونسدحت نور وهي طايره من الوناسه فتي احلامها ورفيق صباها من وهم صغار شبكها وتذكرت حركته وهو طالع وولعت من المستحى
دقايق وجاها مسج من رقم غريب بس هي عرفت انه عبد العزيز وقرت الي كاتبه وهي فرحانه
كتبت أنا في تالي الليــــل بيتين
لعيون من بسوى جميع لخــــلاق
لي معاهدني على الزين والشين
والي بشوفه يصــــــبح الفكر رايق
الصاحب الي منزله داخـــــل العين
هو الحوي وقت لسعه والضوااايق
زوجك وحبيبك لاخر العمر
( عبد العزيز )
رد ت عليه نور بمسج صغير ومعبر :
غالي وارتا حلك وان غبت اشتاقلك
تستاهل الغلا كله والغلا يستاهلك



حبيبتك دوم مهب
يوم ولا عندك مانع ؟؟؟؟؟؟؟
رد عليها
لا والله ويشرفني تكونين سيدة حياتي ونور عمري كله .
وتموا رسايل لحد ما قالت له
شقلنا يله نام وارتاح ترى ابي هديتي الي هي فوزك ممكن ابي اكون لك حافز مهب اسهرك واتعبك معاي
وعدها انها انها تكون كذلك .
ومرت ايام الخطيبين حلوه مسجات وارسال اغاني وبعض مرات مكالمات قصيره عشان انشغال عبد العزيز بالبطوله الي تنطره بعد يومين .
اما عن جاسم وفي حياتهم كما هي هو وده يحطها في عيونه مثل ما هي ساكنه قلبه بس هي لاهيه في شغلها ووقتها الباقي موزعته بين اهلها ومساعدة نور في دراستها .
ولا فهد من شغله لمجلسهم الي كله جمعة شياب وشباب
وخالد من شغله للتسكع مع ربعه في سيلين ولا الركض في الاسواق ورا البنات الحلوات .
جاء يوم السباق المقام على ارض دوحة حمد :
(( بطولة الشرق الاوسط للراليات ))
وفي يوم رياضي مثير ومثالي وحماسي التنافس الشريف والقوي بين الابطال في دروب صحرائنا الذهبيه .....
وكان السباق مستمر ...... وكانت تصادف عبد العزيز عرقلات في السير وعقب ست مراحل متعبه نجح عبد العزيز بالمركز الاول بالجوله الثانيه .
قطع عبد العزيز المراحل الخاصه للسباق في زمن قدره 2019041 ساعه وخاص ها المغامرة بسيارة سوبر اس تي أي وتوج ناصر العطيه ابطالنا للرالي .
وكان نايف وواحد من الصحافه وبعض المصورين ينتظرونه وراح عبد العزيز حضن نايف وكان مستانس وايد واستلمه الصحفى بالاسئله .
الصحفي : الف مبروك عبد العزيز يا بطلنا .
عبد العزيز وهو فرحان : الله يبارك فيك .
الصحفي شتحب تقول بها المناسبه .
عبد العزيز وهو يده على كتف نايف : والله الكلام مهب سايعني من الفرحه ..... واحب اشكر اخوي وحبيبي نايف على كل جهوده المبذوله وادري اني تعبته معاي وايد ... واحب اهدي فوزي بشكل خاص لناس عزيزين على قلبي وهم يستاهلون اني اهديهم اياه واهديه بشكل عام لكل مشجعي سباقات الرالي .
ومستوى الرالي كان رائع جدا وبعد ما ابي اظلم التنظيم والمنافسه اكدت ان انا والشباب عندنا الكثير عشان نقدمه فالجولات والبطولات اليايه .
الصحفي : تستاهل يا بطلنا والحمد لله قدرنا ناخذ من وقتك لو دقايق .
عبد العزيز: ولو احنى لكم واحب اضيف شي .
الصحفي: تفضل
عبد العزيز : احب اشكر باسمي واسم اصدقائي المشاركين الى كافة الجهات الي شاركت في تنظيم ها الحدث وفي مقدمتها وزارة الداخليه ومستشفى حمد والسموحه لو نسيت حد.
الصحفي : مسموح يا البطل بس تسمح لنا بصوره جماعيه .
عبد العزيز : اكيد تفضل .
"وحضن الصحفي عبد العزيز وخذوا احلى الصور "
بعدها رجع عبد العزيز للبيت وهو فرحان بفوزه الي ا هداه لنور واكيد هي بتفهم الناس الخاصين الي قالها .
استقبلته امه وابوه وجدته وعمه ومرت عمه وعيال عمه المعجبين الصغار ثامر وعلي بالاحضان والتباريك قعد يتلفت يدور غالين قلبه .
نط له خويلد كالعاده: اقول اذا مضيع شي دور عليه زين .
عبد العزيز: اقول انت متى بتفارق عن سما حياتي .
خالد: يا حياتي مقدر افارقك من يوم ما ولدنتا امي وانا مصيري مرتبط بمصيرك .
عبد العزيز: الله لا يقوله روح بعد عني خلني اتنفس والله ضقت منك اوف .
بعد ما ارتاح معاهم راح لبيت عمته
عشان يسلم على عمته ويشوف نور : دخل ياأهل البيت اين انتم .
طلعت له في وهي متشققه من الفرحه وضمته وباركت له وقعدت تقهويه وتسولف معاه بعد نصف ساعه سالها وين قلبي .
في : وسط صدرك .
عبد العزيز: اوه فيوه وين نور .
في: هههه أي والله وين قلبي ههههههههههههههه.
عبد العزيز : اقول بتحكين ولا شلون .
في: انزين بقولك راحت مع عموه والحين بيوصلون عندها موعد اسنان الاخت البارحه مرقدت من الالم من اسنانها .
عبد العزيز: اسم الله عليها ليته فيني ولا هب فيها .
في: وخرررر عنهم شوي ودخلت عمته وسلمت عليه وباركت له .
ونور متغشيه ما تبي عبد العزيز يشوف شكلها التعبان
وقالت له من ورى الغشوه : هلا عبد العزيز والف الف مبروك ع الفوز .
عبد العزيز : بتظلين متغشيه عني وايد .تعالي اقعدي وطمنيني عليج .
نور : معليه عبد العزيز والله تعبانه بروح ارتاح وكنت منيه نفسي في ها اليوم اقعد وياك بس مثل ما انت شايف مقدر حتى على الحكي – قرب عبد العزيز منها ومسك يدها وحبها ولا اهتم لوجود عمته وفي
في : هي انتوا احنا هنيه ولا ما تشوفون.
عبد العزيز وهو مطنش
عبدالعزيز : حبيبتي روحي ارتاحي وبكلمج في الليل واذا تعبانه وما تقدرين تكلمين ردي على بمسج وتوها بتروح حبها من فوق الغشوه على راسها .
العمه: اقول يمه عبد العزيز خل بنتي تروح بتم ماسكها من يدها فكها العرس بعد سنه ههههه .
في : عموه ولد اخوج اخترب مره وحده .
عبد العزيز وهو يطالع نور : ما دام معاي القمر مالي ومال النجوم .
في: كنك اختربت وعاداك خالد وصرت تقط خيط وخيط .
عبد العزيز : يله قلبي روحي وشكل ما قلت لج .
نور : اوكي وسامحني حبيبي كنت متمنيه اقعد وياك بس الجايات اكثر من الريحات
وراحت عنه
وهو واقف مثل المسبه
عبد العزيز : هي شقالت ولا انا من كثر تعبي ما سمعت عدل .
في: لا يا اخوي سمعت قالت لك بدون ما تقصد وهي تنعم صوتها كح كح ( سامحني حبيبي )
العمه : حسبي الله على ابليسج يا فيوه الحين هذا حس نور بنتي
عبد العزيز وهو يطالع المكان الي راحت منه نور ووده يلحقها ويقعد معها يا ناس من يوم ملك عليها ما قعد معها الا مره وحده بس هانت ها اليومين فاضي لج يا نور بطلع عيونج فديتهم وراح قعد مع عمته واخته.
تابعوني احبتي وقرائي الكرام والجاي احلى من الي راح ..

[درة الاحساء]

_…ـ-*™£ البارت السابع £™*-ـ…_



حكمه

خلك مع الصديق الي يستاهل الرفقه ،، وخل حكمتك بالحياه من عافني عفته

..




انتهت امتحانات الثانويه العامه وطلعت النتائج وكل يبي يعرف نتيجة تعبه راحت هديل وافتحت النت ولقت انها ناجحه بس بدون نسبه تدخها الجامعه وهاذي نتيجة استهتارج يا هديل .




وحطت رقم جلوس منى ××××وكانت راسبه وعندها ماده وحده بس نسبتها كانت 75% واتصلت فيها :




هديل بصوت حزين: هلا حمود .



منى: يا عيونه .



هديل: انا نجحت بدون نسبه تدخلني الجامعه وانت راسب با لانقلش بس تقدر تشد حيلك وادش الجامعه .



منى: صصصج والله الله يبشرج بالخير يلا جهزي انا بمرج الحين




( رغم اللي تسويه منى الا انها ذكيه وشاطره)




هديل: أي والله يبي لنا طلعه والله ضايق خلقي .



منى: يا عمري انتي والله اني أنسيج "حليب امج "



هديل استحت : كح كح



منى: يا لبيه فديت الي يستحون يلا جهزي والبسي الي اخر مره.



هديل: هههههههههههههههههههه حمووود.



منى: هههههه يلا باي .



هديل: باي.




رجعت هديل تحط رقم جلوسها وتشوف درجاتها وهي تكلم شيماء الي صارت علاقتهن سطحيه.




هديل: أي اقولج ناجحه .



شيماء: مبروك طيب ومنى....



هديل: وهي تحط رقم 13** وراء رقمها الله يبارك فيج وخذتهم السوالف.




شيماء: ههههههههه الله يذكرها بالخير .



هديل: هههه أي والله وصررررررررررخت هديل



شيماء : الو......... الو............. هدول



هديل سكرت من شيماء وتفتح عيونها بلاب توب وشافت الاسم اكثر من مره وتأكدت ان نفس الاسم " هيا – فصول "




وطرشت مسج " مبروك النجاح والنسبه الحلوه"




وكانت تصيح صياح يعور القلب وكانت هيا الي شافت اسمها بنسبه 89% ما كانت متوقعه ها النسبه ولا كانت متوقعه انها راح تنجح




رن التليفون ............



وفزت من سريرها على امل تكون المتصله هيا



منى : يلا حبيبتي انا برا



هديل: اوكي....




طلع فهد من الشركة وركب سيارته الا يشوف في راكبه سيارتها وفي وضع السواق تعجب من متى وهي تسوق ومتى خذت ليسن اتصل على عبد العزيز



فهد : اقول في تسوق سياره



عبد العزيز : ايه من حوالي شهر دشت الامتحان ونجحت ومن اول مره .



فهد: ومن سمح لها تسوق اكيد العله جاسم مدري هذا شبلاه بنت عمتك مشيته وراها ولا يسوي كل ذا عشان يقهرني .!!



عبد العزيز : اقول معليك منهم وشدخلك ؟؟ يله تعال ننطرك على الغدا ويوعانين يله حرك .



فهد: يله جاي



تبع في من بعيد يشوف طريقتها في السواقه وكانت سوقتها ملتزمه وسيده وكان راديو فهد مفتوح كالعاده على اذاعته صوت الخليج



وسمع محمد المنهالي :




عجايب كيف ما توله عجايب



وانا الي في غرامك صرت ذايب



علامك تاخذك دنياك عني



بعد ما كنت انا وانته حبايب



حبيبي ليش قلبك صار جافي



وطبعك يا بعد من كان وافي



يا غالي لا تزيد الهم كافي



فراقك زاد في قلبي لهايب



نسيتك يشهد والله ما نسيتك



لقيتك وين م ارحل لقيتك



عطيتك عمري وروحي عطيتك



يا اغلى م محبين وقرايب



مهما غبت يا روحي علينا



عسى الله عقب ها افرقا يعينا



ودادك باقيين لا شك فينا



حبك حاظرن وغايب



فهد: انا اشهد اني احبج وبحبج لاخر عمري الله يهنيج يا في



وصل بيتهم في ربع ساعه وخلالها وقت عشان ماتشوفه وتحس انه يراقبها دخل على هله وسلم وصعد بدل ونزل تغدى معهم




في بيت عبد الله ابو ثامر




عبد الله : اقول يمه شرايج نبي نطلع للبر فيج شده ولا بتقولين ما اقدر على البر .



ام ماجد : ايه والله يا وليدي خلها لين يدفي الجو شوي .



منيره: اقل يمه شرايج في بيت الشعر الي في حوشنا نفرشه لج ونخليج كنج في البر مع الدوه والحليب بالزنجبيل والقهوه المهيله والي تبينه نسويه لج .



عبد الله : والله النشبه ذا المره كله طايحه لامي ومهملتني بريحاتي منور ترى والله اسويها واعرس عليج.



ام ماجد: تهبى والله تعرس على سيخة البنات .



عبد الله: افا يا ام ماجد تهبى مره وحده ولا ومسميتها شيخة البنات عيل في وشتكون خلاص منور راح عليها لقب شيخة البنات كلها سنه وتصيرين جده – أي والله



الجده: انت شفيك اتحركش في منورتي كل ما شفتها قاعده معي يا اخي خل الغيره عنك وش ذا الطبع ما شينه .



عبد الله: قال ايش قال منورتي ياليل ما اطولك .. اقول منورتي ابغي كابتشينو .



منيره: من عيون منورتك




وقامت رحت للمطبخ تسوي له الكابتشينو



دقيقه الا عبد الله داخل عليها المطبخ ومسكر عيونها من وراها وحاط حنكه على كتفها ويقول بصوت واطي انا من .....؟؟؟؟؟؟؟؟؟؟



منيره : عبد الله وخر لتجي امك ولا حدا العيال .



عبد الله: عيالج في المجلس البراني وامي راحت لغرفتها تقيل شوي اشفيج معاد تحبين قربي .!!




منيره ردت عليه بالفعل مهب بالقول التفتت عليه وجا وحهها صوب وجه وحبته بين عيونه



منيره : انا الود ودي متفارقني دقيقه وحطت راسها على صدره والاخو راح فيها .



تصدقين منيره من خذتج لين يومج ذا عمر حبي وشوقي لج ما خف يوم انتي ساحرتني ولا ........!!



منيره: عبيد ؟؟؟؟




مخلاها تكمل حط يده على ثمها بعدها حب محل صبعه وحط جبهته على جبهتها




( يا حلو مغازل الشياب لها طعم ونكهه غير هههههه)




اما احدث خطيبين فكانوا جالسين في مجلس ام جاسم وسوالف من بعيد .




عبد العزيز: نور قربي منى ليش قاعده بعيد عني .



نور: خلك عاقل يمكن امي تجينا ولا جاسم .




عبد العزيز ما خلاها تكمل جا وقعد على نفس الكنبه ومسك يدها عشان ما تشرد عنه....




عبدالعزيز : نور بعدين معاج تراج حلالي والله لو اخذج ابيتنا الحين محد يقدر يردني حتى البوسه حارمتني منها عيل شفايدة ملكتنا كان خطبتج وقعدنا نتراسل احسن .!!



نور وهي تحرقص من الخجل : اقول عزيز وخر شوي .



عبد العزيز وهو يضمها بيده من كتفها لصدره : اه محلا ريحة شعرج وكل ما فيج نور لا تعذبيني قربي مني ولا تحرميني من قربج




ودخل يده في شعرها الحريري الذهبي وجابه لوجهه وشمه .... نور دزته وخرت عنه لاخر الكنبه وانفاسها مقطوعه من حركاته.




قام عبد العزيز يا بلفيت بيادب نور عن بعدها عنه الاجاسم داخل عليهم .




جاسم: هلا بالعاشق الولهان شخبارك ولد الخال شعلومك ؟؟.



عبد العزيز وهو محتر منه وجيته اللي مهب وقتها : هلا وغلا بخال عيالي .



جاسم: الله يانك مستعيل عرس قبل بعدها جب العيال وخلني خال.



عبد العزيز : هذا انت اعرست ولا خليتني خال جاسم تغير وجهه وتعلثم وطلع من عندهم .



عبد العزيز اشفيه اخوج عساني مغلطت عليه .



نور: مدري شتحب تشرب بروح اجيب لك.



عبد العزيز: خلي عنج السوالف مابي شي ابيج تقعدين قبالي بس.



نور: هلا يااااااهلا بمرة اخوي تفضلي جيتي في وقتج .



في : لعنبج والله انج كذابه الود ودج اني مجيتكم بس يله بعديهالج .. شخبارك اخوي الغالي .



عبد العزيز: كملت من شوي ريلج والحين انتي والله انكم بتموتوني ناقص عمر.



نور: اسم الله عليك في العدو ولا هب فيك .




عبد العزيز مات من كلاماتها التلقائيه الحين عرف شلون يقردنها لبغى الكلمات الحلوه تطلع



عبد العزيز في خاطره : هين يا نوير .



في: هي بو ماجد حرمتك تسالك شتبي تشرب وانت مسبل بعيونك هي لا تحول خويه.



عبد العزيز : اقول مبى اشرب بطلع وطلع وهو معصب



لحقته نور ونادته : عززززوزي وقف ابيك



التفت لها ومثل عليها انه زعلان



عبد العزيز: نعم شتبين امري .



نور: الله يخليك لا تزعل ترى والله ماحب اشوفك زعلان مني .



عبد العزيز: ليه اهمج يعني ؟؟



نور جات تروح معجبها الكلام الا وعبد العزيز ماسكها من يدها



عبد العزيز : تعالي يا فاتنتي شبغيتي يا قلب عزوزج تدللي ؟؟.



نور: تحبي؟؟



عبد العزيز: شذا السؤال تبين الجواب عملي ولا .



نور: شنو يعني !!



عبد العزيز: يعني العملي يكون كذا وحط شفايفه على خدها الايمن وباسهااااا



نور: لا اااا لا شنو ذا صدق ما تستحي .



عبد العزيز: ليه استحي من عمري وبعدين انا ابي حقي ولا بس كله انا الي ابوس عطيني الله يعطيج الي تتمنيه ويعطيج طولة العمر .



نور: روح انا مهب مثلك وخر وهربت منه



وهو مستانس من تصرفاتها الطفوليه وقال : نور احبج واموت عليج نور طالعته وهي ميته ضحك على حركاته الي تجنن.




في بيت هديل واختها بشاير



منى تكلم هديل: قالت لي انج عجبتيها وانا مت من القهر كان اعطيها كف ما عاد الا اليهال بعد.



هديل وهي فرحانه والكل قام يتهاوش على شانها : ما عليك منهم حبيبي .....



وياها مسج افتحته وهي تكلم منى وكان المسج من هيا وتقول فيه




الله يبارك فيج من؟؟




" لما تعمقت علاقة منى وهديل هديل اصرت تغير رقمها وكل شي يذكرها بهيا بس الشي الوحيد الى احتفظت فيه رقمها........ "




ردت عليها وكتبت :




هديل ...




وتعذرت من منى وسكرت التليفون وسرحت بافكارها .



وياها مسج ..... من هيا:




الحمد الله ان الله وفقني ونجحت والحمد لله ان الله هداني وكل يوم ادعي الله انه يغفرلي ويسامحني والله يهديج




هديل انصدمت...... !!!!!!!! وقعدت تبكي وقت طويل لين اتصلت منى وهدت اعصابها ومسحت رقم هيا من جوالها وقررت انها تنسى الماضي وتعيش مستقبلها مع منى.




في جناح جاسم وفي



جاسم وهو منبطح على سرير في وهو يطالعها وهي تمشط شعرها الاسود الطويل وهي سرحانه ولا كنه موجود .



جاسم: في تعالي قعدي جنبي سولفي معاي .



في انتبهت له وعقدت حواجبها شتبي ذا بعد الحين : شتبي جاسم.؟؟



جاسم : ابيج تصيرين مره تعرف حدود الله وتخاف وتحترم مشاعر زوجها الي كل ليله يجيها يطلبها الي الله محلله له وهي ترده .



في: وبعدين معاك جاسم الله يهديك كم مره اقولك ما اقدر وانت عارف السبب




جاسم قام وقرب منها ومسكها وحاول يقربها منه وهي تقاومه متبي قربه.




جاسم: خلاص في تعبت منج مافيه الا القوه هي الي تنفع معاج




شلها بقوه وقطها على السرير وتوه بيجي جنبها ارفسته برجلها وهربت للحمام وسكرت على روحها وقعدت يبكي .




جاسم بعد ما عورته الرفسه قعد يناظر باب الحمام وهو مستغرب تصرفها :: اه اشقد عايفتني وانا كل البنات يموتن على قربي اه لمتي صبري راح لباب الحمام ودق عليها وسمعها تبكي انقطع قلبه عليها مهما يكون هذه حبه الاول ودق عليها ما ردت عليه



: في انا طالع والله ما اتعرض لج بس بقولج كلمه قد قريتها في يوم



( لما صبري زاد عن حده ومل ..... قلت ابعد يمكن القى للبعد حل )



وووخذي راحتج وطلع .




اما في فهي تمت في الحمام لانها صدق تروعت من طريقته معها .. ولا طلعت الا وجه الفجر




وسيده قفلت بابها وتوضت وصلت ونامت لها شوي لان وراها دوام .



لما اصبح الصبح جا في مسج من جاسم يقول فيه




يا ترى خلي بخير او زمانه اتعبه ؟ يا ترى يضحك سعيد او فؤاده عذبه ؟ نفسي يا خلي اجيك .....



واحمل همومك بعيد .... واصبح لجرحك طبيب .... واصير لك ..... خل ..... ورفيق ..... صدقني احلامي كثيره !!


صباح الخير في ع الساعه 12 الظهر بمرج ابيج في موضوع مهم .




في : اه يا حسرتي على عمري شسويت في حياتي عشان ابتلش فيك؟؟؟؟




وقامت وبدلت وراحت لشغلها.




في صالة ام بشاير وهديل




كانوا هدول وبشور جالسات في الصاله ..... وكانت هديل تدز بلوتوث اغاني لاختها بشاير .



بشاير: اقول هدزل شخبار الحب مالج هههه منوي ؟



هديل وهي تاخذ نفس عميق: فديت ها الاسم وطاريه ويا حي قطر دام حمود فيها هههههه فديته حمودي بخير.



بشاير وهي تمثل الجديه : هي انتي بتصيرين حرم (حمد) خلاص خلي خرابيطج .



هديل بصدمه : يخسي ومن هذا ؟؟



بشاير: ولد خالج العزيز تقدم لج اليوم ......



هديل : وشمعنى انا انتي العوده ليه ما تقدم لج ؟



بشاير : خاطره فيييج ههههع



هديل: يعل ماله خاطر قامت من قهرها حذفت الجوال وراحت تدور امها يمه .... يمه!!



في شركة الحمد




جاء جاسم في موعده وراج على طول مكتب في ودخل عليها وسلم وقعد في ما رفعت راسها تطالع لها اوراق ولا اهتمت فيه .




جاسم: في انا جاي وابيج تفضين لي روحج شوي لان الي بقوله لج خطير ولازم تركزين عليه وخلي الي في يدج واسمعيني .



في: اسمع جاسم اذا جاي تناقشني فيحياتنا ولا الي صار البارحه اصرف نظر .



جاسم: لا يا في الي بقوله لج شي غير وانا اسف البارحه طلعت عن طوري وانتي رايتج بيضا مسويتي الا الي اتفقنا عليه وانا الي اخليت بأ تفقنا .




المهم اسمعي مكتبج هذا حد يقدر يسمعنا ولا اخذ راحتي في الحكي ولا نطلع برا مابي حد يسمع الي بقوله لج.



في خذت بالها من جدية جاسم في الموضوع .



في: لا لما اولع الضوء الاحمر محد يقدر يدخل علينا اشفيك تراك روعتني فيه شي صاير لعايلتنا .



جاسم: لا الي بقوله لج ابيج تحتفظين به لحد ما اموت مبي حد يدري عنه ولما تسمعين اني خلاص سوي الي بقوله لج الحين .



في: بعد عمر طويل ليش تفاول على روحك .؟؟



جاسم: بتحزنين في لو صار فيني شي .؟؟



في: جاسم ليش تقول ها الحكي.؟؟



جاسم: اه يا بنت خالي عذبتج معاي بس والله مهب قصدي في من وانا صغير وانتي في خيالي وصممت انج لي ولا ني مخلي حد يا خذج مني وسويت الي ما يخطر على بالج فاسمعي وارجوك افهمي وجهة نظري وحاولي تسامحيني .



في: شسامحك عليه انت ايشسويت ؟.



جاسم: اوعديني متزعلين ولا تحقدين علي .



في وهي تقوم وتجي تقعد جنبه لاول مره في حياتها وتعطيه كل اهتمامها : تفضل قول وثق انه محد بعارف الا تبيهم يعرفونه وانت عارفني ومجربني قبل موضوع ابوي وصور فهد محد درا عنها قول .



جاسم: بعدما اخذ نفس انا يوم كنت ادرس برا لبنان بالاحرى تعرفت على شله فاسده خربتني وخذت فلوسي ولعبوا فيها وهددوني يعني فيه اشياء ما تتخيلينها سويتها عشان بس ارجع للبلاد وانا عندي اكثر من الي رحت به ودراستي تعثرت فشريت لي شهاده مزوره وقلت لكم اني تخرجت وكله في كفه ومعرفتي بشبكة دعاره في كفه .



في: شتقول جاسم انت في وعيك ارجوك ركز .



جاسم: لا والجاي هو اللي خايف عليج منه .



في: فيه اكثر من التزوير والربا ومعرفتك ببنات الليل والدعاره .!!



جاسم: اسمعي انا ابي ابري ذمتي وابيج تسامحيني لاني .... لاني يمكن اسافر عشان كذا حطيت كل حياتي بين يديج وانتي تصرفي بما يمليه عليج ضميرج.



في: والله اني قلبي طاح انت شتبي تقول .




جاسم قرب منها وهي ما خافت منه في ها اللحظات كان شكله يكسر الخاطر وحالته تصعب على الكافر مسك يدها وخلاها بين يديه وقال




جاسم : تري ابوج ما فيه الا العافيه ومثل ما قلت لج صرت خبره في التزوير والكذب المهم خليت واحد من الربع الله ياخذهم يزور ورقه عشان لو طلبتيها اراويج اياها بس الحمد الله انتي صدقتي ع طول




والشي الثاني الفلوس الي ابوج ماخذه من الشركة واشتغل فيها هي صح بس حطيت في درب خالي واحد نصاب محترف خلا ابوج يدفع الي وراه والي دونه ويوقعه شيكات الي قلت لج عنها عشان تلجئين لي وما يكون قدامج الا انا .



في: يا الله يا لطيف الطف بي ليش يا جاسم ليه حرام عليك ما سويت لك شي ليه يا ولد عمتي والله لو انك كافر وتحب شخص ما سويت فيه الي سويته فيني وبعد كمل علي الله يخليك اذا فيه شي ثاني قوله مبي اعرف بعدين خل الصدمات كلها الحين على راسي .



جاسم: ليه تقولين كذا انتي حاسه انه فيه شي ثاني خاشه عنج .



في: نعم حاسه والجاي بيكون العن من الي راح .



جاسم: فيه ظرف مراح تفتحينه الا بعد سفرتي بيوم وارجوك حلفتج بربج و بحبج لا بوج انج تسامحيني كل العالم مهمتني لاخر لحظه احبج وما بي الا مسامحتج .



في: اه يا جاسم صعب اسامحك الي سويته فيني شي كايد بس اوعدك اني انسى بس ما قلت لي شلون بتسافر وليش وانا وش وضعي وشقول لهم لا إسالوني .



جاسم : بالنسبه لو ضعج بتعرفينه من الرساله ولو سالوج عن سفرتي هم بيعرفون اول اسبوع من سفرتي ليش انا سافرت .



في: وما تبي تقولي انا الي كل شي اعرفه قولي .



جاسم: انا مطلوب للانتر بول اللبناني وتوني عارف من شوي عشان كذا انا جهزت لج الرساله وفيها الي ان شاء الله بيريحج مني طول العمر .



في: جاسم: خلك هنيه وبنحل امورك مع بعض حاول جاسم لا تلته امك وتحزن اختك




وحب يدينها وراسها .



في : انا خلاص مسامحتك من الحين بس لا تروح .



حاسم: اه ياليت اقدر انفذ الي تقولينه اول مره تطلبين مني شي يا غناة وحياة جاسم




ضمها وهي ما مانعت تمت مستكينه بين يديه وهاديه كانها حاسه انه لاخر مره بيشوفها ويمسكها كذا.




جاسم: بقولج شي ترى حطيت لج شريحة تليفون جديده محد يعرفها ابيج يوم الجمعه الجايه تفتحينها ع الساعه خمس العصر بكلمج وبقولج اخر التطورات وشكل ما قلت لج مبي حد يعرف عن ها الشريحه لان لو حد عرف بها راح يتبعون المكالمه وبنصاد وانا معج في المكالمه .



في: والله اني خايفه يعني لازم تشرد من بلادك وهلك .



جاسم: بلادي لو تميت لين بكره ها الحزه هم الي بيسلموني لهم وهذه اشيا متعارف عليها بين الدول المهم انا الحين بروح معج للبيت وابيج تساعديني الم اغراضي وبسلم على امي كني مسافر كم يوم وبرد.



في: حاول تحل ازمتك وديا واذا السالفه سالفة فلوس نقدر نحلها كلنا امك عمامك والكل مراح يتخلون عنك .



جاسم: اصيله والله اني خسرتج كحب وخسرتج كاخت يله انا بسبقج ع البيت والحقيني لان طيارتي الساعه اربع يله باي




وطلع وخلاها شكل المخدره بس قامت استاذنت وطلعت لحقته وهي عند باب سيارتها الا فهد جاي من مشوار وشافها مستعجله ولا حب يسالها ولا يكلمها في الشارع




ووصلت لبيتها وراحت لغرفة جاسم الي اول مره تدخلها : جاسم حيا الله من جانا تعالي هذا الظرف بكره العصر فكيه وبعد اسبوع بكلمج مثل ما قلت لج




وقعدت تطالعه وكلها حزن حاسه ان الايام الجايه بتكون كلها خوف ومفاجات الله يستر منها




وساعدته في لم اغراضه ونزل وتغدى مع امه واخته وكان يطالعهم وكنه يبي يحفر اشكالهم في خياله




جاسم في خاطره : اه يا امي شقد تعبتج معاي وراح تتعبين من الي بتعرفينه وانتي يا اختي من بيزفج لريلج وانتي يا في يا ترى لو ما رجعت بتاخذين فهد- اه – واه .



ام جاسم: جاسم يمه شفيك كنك تعبان ومن قعدت ما كلت شي .؟؟



جاسم: لا بس عندي شغل بسافر اخلصه وكم يوم وانا راجع .



امه: الله يردك بالسلامه وفي بتروح معك .



جاسم وهو يطالع في: لا يمه بخليها عندج لحد ما ارجع وها الله ها الله في عماركم خليكم مع بعض .



ام جاسم: ليه يمه توصي كلها كم يوم وراجع ولا شسالفه انا لي يومين قلبي ناغزني ولا ادري ليش؟؟



جاسم: لا يمه يمكن مكثره من بسبوسة في الي كلها سكر في سكر وانتي راعية سكر فقام قلبج قالج ارحميني هههههه




وبعد مخلصوا غدا سلم وطلع وطلعت معاه في وقعدت تطالعه وعيونها غرقانه دموع وهو مقدر يستحمل دمعت عينه وراح لها وضمها وقعد يشاهق ويتعبر وهي اكثر.




جاسم: في خلاص الله يخليج ساعديني لا تصعبين مهمتي




وخرت عنه ومسحت دموعها




بعد ها ركب سيارته وراح بعد ما ارسل بوسه في الهواء




وكان فيه اثنين شاهدين على ها اللحظات الوداعيه كان فهد توه راد من شغله وشاف كل شي وكان محترق لاول مره يشوف في في حضن حد غيره لا وكانت منسجمه ومتبي تفكه




نزل وخبط باب سيارته بكل قوته ومن قوة الخبطه التفتت في وشافته وكانت حاطه على وجها شال ووقفوا هم الثنين يطالعون بعض من بعيد وكل واحد يفسر الي في قلبه على كيفه




اما الطرف الثاني الي شاف ومات وتحرقص اكثر



فهي بشاير ....



كانت ماره من جنب بيتهم وشافت المشهد الي قطع قلبها ومن حرتها دقت عليه وهو من شاف رقمها سكره في وجهها عشان ما كان في حاله تسمح له ان يودعها وهو خلالها رساله باسمها في ظرف وهو متاكد ان في راح تسلمه لها الظرف الله يعينج يا في على الجاي لج مني ومن ايامج الجايه .




يا ترى وش فيه الظرف من مفاجات لفي ..........!!



وهل صدق ان في راح تكون قد المسؤوليه وتخبي المستور ولا من هول المخبي راح تنهار وتعترف بكل شي .؟



البارت الجاي كله اكشن واثاره اتمنى تكونون معاي وتفيدوني بارائكم ...........



ودمتم سالمين.

[درة الاحساء]

_…ـ-*™£ البارت الثامن £™*-ـ…_

حكمه

لاتذل نفسك لأنسااااااان توده

إن " بغاك " اهلا وسهلااااااااااااا وان رفض .. ماهي مصيبه ..

في بيت هديل المغرب



هديل : يمه وينج صدق الي قالته بشاير ان فيه ناس مقدمين لي .؟


ام هديل: صج يمه وهو ولد ما ينعاب ولد اخوي توه مخلص ومتخرج .


هديل بعصبيه: مابيه ويا ويله لو تجرأ ووصل للبيت احسن لج وله انه ما يجي والله لافضحكم في الفريج وطلعت وهي تصيح .



في الليل


كان عبد العزيز منبطح ويكلم نور ويضحك ويتناقش معها يبي يعزمها على غدا ولا عشا وهي رافضه



عبد العزيز: بالله عليج انتي متى قلت لج شي ووافقتي عليه .


نور: مهب الفكره بس اول شي امي يمكن متوافق .


عبد العزيز: خلي عمتي علي وشوفي .


نور: على شرط يكون غدا ولا نتاخر.


عبد العزيز: ايوه كذا يا قلب عزيز اقول امواواه .


نور : اشفيك انت كله كذا.


عبد العزيز: ايه واذا مهب عاجبج قولي لي .


نور: لا عاجبني بس خله كلام .


عزيز: انزين بطرش لج مسج حلو الحين وبكره اول ما تفحين تليفونج بتلقين تحيه صباحيه وموافقة امج


وعلى ها الاساس بمرج الجامعه وبنروح نتغدى .


نور: اوكي .. يله تصبح على خير يا حبة عيني .


عبد العزيز: ايش ؟؟ ايش ياويل قلبي حبة عينج والله بتجلطيني .


نور: اسم الله عليك –يله عاد سكر يا حبي .


عبد العزيز: اقول سكري ترى منتي بداريه الا انا واقف تحت دريشتج



سكروا من بعض وجاها المسج الي ذوبها خصوصا انه من حبها ومذكور فيه اسمها :



طريت لي يا نور عيني ودنياي ..... اشتقت بالحيل لحظة طريتك .... انته هناي ومهجتي وغاية مناي .... لا لا تظن اني بلحظة نسيتك ..... طيفك سكن في خافق الروح بقصاي ...... متع جنابك دام هالصدر بيتك



احبج


اعشقج


اموت عليج




تصبحين على خير يا قلب عزيز .



نرجع لهديل ومنى



اتصلت هديل على منى: اهئ اهئ الووه .


منى: يا لبى لبى ها الصوت وراعيته فديت ام يابتج.


هديل وبشهقات عورت قلب منى: يبون يزوجوني .


منى بصدمه: نعم ؟ ؟؟؟


هديل وهي تصيح : حمودي ابيك ما اقدر اقعد في البيت دقيقه وحده احس اني بموت من الخنقه ..


منى: خلاص جهزي ملابسج حق يومين عشان تباتين عندي ..



هديل تصيح ......


منى : حبيبتي لا تعورين قلبي اكثر من كذا والله لو على قطع رقبتي ما حد يلمس شعره منج دامني حي وراسي يشم الهواء يا هديل انج ما تاخذينه .


هديل وبفخر: فديتك .



بعد يوم من سفر جاسم



في ويدينها ترتجف ومسكره على روحها باب غرفتها وحاطه جدامها الظرف وكل ما قالت بتفتحه تحس بخوف واختناق بس بعد تردد فتحت الظرف



ولقت كذا ورقه بدت بورقه مكتوب عليها رقم 1 فتحتهاولقت فيها تعليمات انها تنفذ الي مكتوب والشرح بيشرحه بعد ما يتصل فيها يوم الجمعه الجايه الساعه خمس



والظرف الي مكتوب عليه بشاير يسلم ليد بشاير اليوم قبل بكره وبقولج ليش في يومها



والورقه الثالثه كانت ورقه طلاقها واهتزت الورقه وطاحت من يدها


في : ليش ومن طلب منه هذا الشي اه يا جاسم من عرفتك وانت ملعوزني ومشكلني شقول لهلي وليش تطلقت بس مراح اقول لحد لين يتصل فيني ويشرح بس شسالفه رسالته لبشاير يله كم يوم وبعرف اه يا ويلي عطاني حريتي بس ليش انا مهب فرحانه ليه !!!



واخذت الاوراق وخبتهم وطلبت من نور تتصل في بشاير وتعزمها ونور مستغربه طلب في بس نفذت الي تبيه وبعد نص ساعه جاتهم بشاير وهي كلها فضول تبي تعرف نور شتبي منها وغمزت في لنور تطلع تجيب عصير وطلعت وهي تقول معليه يا فيوه بتعلميني بعدين



جات في وسلمت على بشاير وبعد السلامات ..



في : بشاير انا عندي امانه لج ولا ابي اعرف ليش وشحقه بمجرد ما اعطيج الي عندي انسي ها الموضوع واذا شفتيني بعدين رجاء لا تناقشيني فيه .


بشاير : شسالفتج في ماني فاهمه شي ؟



في طلعت ظرف وحطته في شنطة بشاير مباشره قبل لا تجي نور


في : هذا من جاسم اقريه بروحج وشكل ما قلت لج انسي اني عطيتج اياه بيدي طبعا انتي عارفه ليش .!!


بشاير وهي متفشله: مدري شقولج .


في : لا تقولين شي يله اخليج مع نور بروح لهلي شوي ولا تقولين لنور شي.



وطلعت وبشاير بتموت من تصرف في البارد ومن فضولها جاسم شكاتب لها وليه مطرشه مه زوجته شذا التصرف الغريب .



نرجع لهديل ومنى



فتحت منى باب الشقه الي حجزها ابوها لها بحكم انها تدرس في معهد لمدة سنتين بدل الجامعه وبالويك اند تروح لاهلها ..



منى وهي ماسكه هديل: تعالي يا قلبي وخذت الشنطه من يد هديل وحطتها على الارض وحضنتها وقعدت تبوس فيها و....... و .........


منى: بنتم هني يومين لين ما تهدين يا عمري


هديل: دامني معاك ما راح احاتي شي .


منى: يا روحي انتي بس هااااااا خلينا نتفق


اسحبت هديل من يدها وقعدتها في حضنها .. وقامت هديل وحطت يدها وراء رقبة منى


هديل: وشو الاتفاق ؟.


منى وهي تحك شعرها : انتي تطبخين وانا اكل هههههه .


هديل وهي تبوس بين حواجب منى : ابشر حبيبي ...


منى وهي توخر شوي عن هديل وحطت يدها على حواجب هديل : شنوا هذا ؟


هديل: شنو ؟؟


منى: ما بي ها الزعل مره ثانيه على ها الفيس تفهمين ولا .. لا !


هديل بدلع وقامت من حضن منى: واذا ما بي افهم يعني شبيصير .؟؟؟؟


منى وهي تمسك هديل من خصرها وتلفها صوبها وتسندها للطوفه ... هديل : ههههههه بتخنقني وخر


ومنى وقربت وباستها في رقبتها فدييتج ههه هدول ترى ما فيه الا غرفه وحده .


هديل: استحت


( لعنها كل شوي واستحت والي تسويه مع ها البنات خلا فيها سحى يله الله يهداج يا هدول ههههه )



بعد كم يوم وفي حجرة في



كانت في تنتظر اتصال جاسم بفارغ الصبر تبي اتطمن عليه ركبت الشريحه الي هو جابها لها وقعدت تنتظر ولا اتصل ملت من الانتظار خذت التليفون ونزلت تحت لقت عمتها قاعده بروحها .



العمه: هلا بفيون شخبارج يمه من الصبح اليوم ما شفتج .


في وكان باين على في التعب : لا بس كنت نايمه والحين هذا انا عندج.


العمه: في يمه فيج شي ولا خلاص كبر راسج علي بعد ما تزوجتي وما تبين تحطين راسج على صدري وتقولين لي كل الي يضايقج مثل اول .


في وكانت بتنهار من محاتاتها لجاسم : لا والله عموه لا كبر راسي ولا شي بس انا تعبانه صج بس ما اقدر اقول لحد شي لاني مامنه .


العمه : اه يا جاسم والله وعرفت تختار الي تحط سرك عنده اه يا بنتي اذا ولدي فيه شي قولي لا تخليني احاتي


في : لا عموه ما فيه الا العافيه بس فيني شي وبيي يوم وبقولج بس الحين خليني واول ما احس اني ابي افضفض انتي اول وحده بيي اقول لها .


العمه : على راحتج غناتي انتي عارفه بمعزتج وغلاتج ولا تنسين قبل وما تزوجين ولدي كنا ربع وما زلنا ولا تستحين وتحطين حواجز بينا .


في : اوكي عموه .......



نروح للشواذ هدول ومنى



هديل: ترتب الغرفه وهي متملله لان منى طلعت للمعهد وما باقي على وصولها شي فقررت تفتح النت وتطلع وطلع لها طبخه وتطبخها لغدا اليوم .. وبعد ما جهزت كل شي راحت تتسبح .......


منى توها واصله وكانت تعبانه مثل كل مره: هدول .. هدول .......


منى: هدوول ......


هديل بعد ما سمعت : اوه حمود جاء وانا ما خلصت


هديل وهي تطلع نص جسمها : هلا حبيبي .


منى :.......


هديل : حمود انا اتسبح ...... حمووود !!


( وهي تلف الفوطه على جسمها ) وطلعت الا منى تحضنها من وراء .......


منى: يا حبي لج فديت المره الي طبخت لزوجها .


هديل وهي متخرعه: حمود خرعتني صار لي ساعه وانا اناديك وما ترد علي .


منى: لو جاوبتج كان مطلعتي جذي ( ومدت يدها تبي تسحب الفوطه )


هديل : لا لا لا حمود يلا روح شوي وبطلع لك .


منى: هدوول تعالي تغدي معاي يلا .


هديل: وانا كذا لا لا .روح بس البس وايك .


منى: حلا لا لا تج .


هديل بدلع: حمموووووووووود


منى الي ذابت من الصوت والشكل : آآه طيب يلا الله يصبرني .



كانت في منسدحه في غرفتها وع الساعه ثنتين الفجر


جا ها مسج من جاسم انه بيتصل بعد شوي وعرف بنفسه وكلها دقايق ورن التليفون وشالته وهي ترتجف .



في: هلا جاسم وينك طولت علي انا من الساعه خمس وانا انتظرك .


جاسم وصوته تعبان: اعذريني تغير الجو اتعبني انتي اشلونج وشخبار امي.؟؟


في: كلنا بخير بس قولي انت ليش طلقتني ايش سويت احمل لقب مطلقه .؟!


جاسم: يعني يعجبج زوجة مزور وهارب .


في: لا بس شاورني حطني بالصوره .


جاسم: الله يخليج لا تعورين قلبي يعني انا ما بي امشكلج كثر ما مشكلتج وودي اسوي لج شي عدل مره وحده في حياتي .


في: طمني عليك شمسوي وانت وين ومتى بترد .


جاسم: اهدي شوي علي انا بخير واتنقل من مكان لثاني وما اقدر اقولج وين اما عن الرده انسيها وان رديت مراح تتشرفين لا انتي ولا باقي هلي بردتي.


في: اه يا جاسم ياليتك ما سويت الي سويته تاكل فلوس الناس وتزور في شهادات وفي الاخير مطلوب للانتربول عبالك السالفه بتمر كذا لا والله مبي اتخيل النهايه .


جاسم: نهايتي قشرا الي يخون الامانه ويلعب باعراض الناس ويزور شبيكون نهايته بس الندم الحين ما بيفيدني المهم عطيتي بشاير الظرف .


في: ايه واذا ممكن اعرف انت من وين تعرف بشاير.


جاسم : اه يا في لا تعذبيني زود ذا الموضوع طويل وبتكرهيني عمرج كله لو عرفتي انا ليش عرفتها .


في: ولو عطيتك الامان وعد اني مزعل ولا اكرهك شتقول .


جاسم : صعب في انتي متدرين شسويت معها فيج .


في: معليه قولي الله يخليك انا حاسه ان فيه شي يخصني وايد ولا معرفتك ببشاير ولا غيرها ما تهمني وكم مره قلت لك خذ راحتك وسو الي تبيه حتى لو تتزوج ولا تتعرف .


جاسم: اوكي وذنبج على جنبج وانتي الي طلبتي بس بشاير ما لها خص انا استخدمتها لمصلحتي وشرح لها شلون صور بشاير بدون متدري وان الصور الي هي شافتها لفهد مع وحده هاذي بشاير معه .


في :ليه ليه وكانت تصارخ لدرجه ان جاسم ابعد التليفون عن اذنه : حرام عليك شنو انت شيطان ولا يهودي ميكفيك الي سويته في العالم جيت بدمارك لا سرتك وتمت تصارخ وتبكي .


جاسم: اسمعي في انا قلت لج بتنصدمين بس قلتي معليه بستحمل خليني اقولج لان بعدها المكالمه تخلصي من الشريحه كسريها بعد كم يوم بيجونكم محققين ولا شي انكري معرفتج باي شي عشان مبيهم يجرحونج وكل يوم والثاني يسالونج وانا نظفت غرفتي حتى لو جوا وا راح يلقون شي وصوري مع بشاير تخلصت منها وحتى صور فهد بعد حرقتهم وعلاقتي ببشاير كانت سطحيه ولا عمري فكرت فيها ولا في غيرها صج رحت مع بنات ولعبت ونمت بعد بس حب لا لا محد ملك قلبي الاسود غيرج .


في : اسكت خلاص مابي اسمع منك شي ما جاني كفاني اهئ اهئ .


جاسم: لا لازم تسمعين حطي بالج من امي واطلبي من عبدالعزيز يسكن معها لما يتزوج نور امانه امنتج اياها بسالج عنها يوم الدين خلي عبد العزيز ينفذ ها الطلب لامي لان البيت بيخلا عليها انتي وبتردين لبيت ابوج وانا الله العالم مالي الا نهايتين يا السجن المؤبد يا الاعدام ونور لما تتزوج بتتبع زوجها فا طلبي منه ذا الطلب اذا تحبين امي لا تخلونها كل حياتها فرقا وموت ابوي ومات عنها وهي صغيره وشقت بتربيتي انا واختي فالنهايه أكافئها اه لو الزمان يرد والله لا عوض امي ولا اتعرض لج .


في وصوتها منتهي : الحين اقول لهم انك طلقتني ولا شلون .


جاسم ايه وكل ما استعجلتي يكون احسن عشان وقت التحقيق ما يدققون معاج وايد وسامحيني وحلليني الله يرضى عليج امي بتسامحني لانها ام بس انتي ما ابيج تكرهيني وسامحيني وصاح في التليفون وسكر التليفون وهو يبكي بكاء يقطع القلب امه واخته وحب عمره الي ضاع ويبكي على السمعه الي بيخلفها لاصقه في هله الله يستر من الجاي .



يوم السبت العصر


طلبت في من عايلتها انهم يتجمعون كلهم دون استثناء تبي تقول لهم شي ضروري


البارحه ما نامت طول الليل تفكر شبتقول لهم ولكن ما طال تفكيرها


جاها مسج اخر من جاسم يقول فيه


( في جمعيهم في اقرب فرصه وقولي لهم اني طلقتج لمصلحتج وقولي لهم عن مشاكلي وحاولي تخففين من مساؤي


عشان مشاعر امي واختي ولا الرجال الباقين بيعرفون كل شي من خلال التحقيقات ارجوك سامحيني للمره الاخيره اطلبها منج ولا تنسين طلبي الي طلبته منج بالنسبه لسكن عبد العزيز مع امي وها الله ها الله في حالج وديري بالج على امي اما نور فما عليها خوف دامها في عصمة عزيز ودمتي ويحفظك ربج ويسعدج .)



وبعد صلاة العشاء


جات العايله كلها لبيت ام جاسم والكل يتسأل في شتبي لكنهم خلونا نشوف بنيتنا شتبي .


العمه كانت حاسه ان فيهشي وحاولت تعرف قبل الكل مثل ما وعدتها في انها اول ما تحب تتكلم راح تكلمها بس في مهي في حاله انها تفكر في حد معين قالت بقول لهم وبخلص من المسؤوليه والامانه الي انحطت في رقبتي .



بعد وصول الكل بربع ساعه



جاتهم في وسلمت عليهم وقعدت جنب يدتها وكانت في يدها كذا ورقه .



الجده: هلا بفيونه اشلونج يمه؟؟


في وصوتها متغير من كثر الصياح : بخير يعلج بخير



وتمت ساكته قام ابوها قعد جنبها وقال لها : خير يا بنتي طالبتنا كلنا عسى ما شر يا بوج ؟؟.


في رفعت راسها وطالعتهم واحد واحد كانت عيونهم معلقه فيها وتوها بتتكلم التفتت لفهد شافته مدنع يلعب في جواله يا رب ساعدني ظلمناك يا فهد



تكلمت حاولت اول الامر تبسط الموضوع لكنها قالت لهم عن مشاكل جاسم الماليه وانه مطلوب وعشان كذا هو شرد علشان ما يسبب لهم مشاكل .؟



التفت عليها فهد وقبل ما يقول شي قطت قنبلتها الثانيه: وابي اقول لكم انه طلقني قبل لا يسافر...



وسمعت همهمه



بس هي سكتتهم باشاره من يدها .. انا ما كنت ادري انه مطلقني الا البارحه اتصل فيني وشرح لي كل شي وطلب طلبين واحد يخص عبد العزيز والثاني لفهد وكل واحد بقوله الطلب الي يخصه كل على حده وبروحه .



وامني امانه وحطها في رقبتي اني اخذ بالي من عموه وهنيه صوتها خانها وانبح بس هي كملت لانها عارفه لو ما كملت الحين مراح تقدر بعدين : وطلب ان عرس نور وعبد العزيز يتم بعد العيد وبا لتحديد سابع العيد يوم عيد ميلاد اخته نور ووكلني قدام الله اني اوصيكم انكم تسامحونه وبالذات انتي عموه ويا فهد ..



وتوها بتكمل الا فهد: اشلون اشرحي زياده شلون كل ذا يصير واحنا ما ندري ؟؟


في وهي تطالعه .. انا مثلكم بعد تليفون البارحه الي قعد معاي ساعتين وطلب كذا طلب وهذا انا قلت لكم اللهم فاشهد وبالنسبه لعبد العزيز بقولك طلبه بعدين اما فهد فبقوله بوجود عموه بس والحين اسمحوا لي



توها بتروح مسكها ابوها وقعدها في حضنه ومسح على شعرها لحد ما نهارت وصاحت صياح عمرها ما صاحته قبل



اما ام جاسم فكانت حالتها احسن منهم لانها كانت شاكه في ولدها من كثرة سفراته ولما يجيهم في الاجازات ما كان يرتاح وكله تجيه تليفونات وكذا مره سمعته يهدد ويتوعد ... وقفت ام جاسم وخذت في المنهاره في حضنها وطبطبت عليها وحبت راسها وقالت لها


ام جاسم : انا اشهد انك يا خوي ويا منيره عرفتوا تربون اما انا فما عرفت اربي ولدي بنتك يا اخوي عن مية رجال عفيه عليج وجعل عيني ما تبكيج وبالنسبه لطلاقج من ولدي هذا احلي خبر سمعته في القعده ها الليله كلنا يا في عارفين ان زواجج من ولدي فيه سر وسر كبير وانا متاكده انج مقلتيه ..


في: هذا السر بقوله لج انتي وفهد بس هو طلب مني ذا الشي انا الحين مقدر اقول بكره بجيج بعد صلاة المغرب وانت فهد كون حاضر عشان ابري ذمتي .


العمه شنو يعني بتجيني بكره منتي بعايشه معاي .


عبد الله: اه يا قوت وين تبينها تقعد عندج وهي خلاص تطلقت من ولدج .


قوت: عبد الله طلبتك بس كم يوم خلها عندي ابيها في حضني .


في: عموه انتي ما تطلبين انت تامرين امر وطالعت ابوها تبيه ياكد كلامها .


عبد الله: خلاص لما تجتمعون انتوا الثنتين قلبي ما يقدر يردكم .


الجده: اقول عبيد قلبك كم وحده محلته غيري وغير منورتي وقوت وفيونه .



عبد الله رفع راسه وطالع نور لاول مره من دش وهي تبكي بصمت ولا حد دري عنها .


قال : فيه وحده جديده دخلت هنيه واشر على قلبه


قامت ام ثامر تخزه بنظرات ناريه .


عبد الله وهو يضحك ويفتح يديه لنور عشان يحضنها ويحسسها انها مهب وحيده ونور المسكينه ما صدقت خبر قامت تركض وسيده لصدر عمها وكانت تبكي بصوت واطي على فرقا اخوها الي متهنت فيه



وقام خالها يمسح على شعرها ويضحك لها : حبيبتي نور انتي من زمان متعوده على عدم وجوده يعني اعتبريه مسافر وبعدين تعالي هنيه كلها شهر وبتزوجين .


نور: من يقول شهر انا مبي اخلي امي ولا اعرس من الحين عادني صغيره واحنا متفقين الزواج بعد تخرجي .


قام ابو فهد وجا وخذ نور وقعدها جنبه اسمعي من بعد اذنج يا قوت بنعجل بالزواج وعلى طلب اخوها احنا ما جبنا شي من عندنا ويكون عبد العزيز رجلكم .


في: عبد العزيز جاسم طلب مني طلب وحلفني بحبك لي انك تعيش مع عموه عشان ما تكون بروحها شرايك عبد العزيز: وهذا هو طلب جاسم الي طلبه مني لك ؟


قوت: مدري ليش احس اني ماني بشايفه ولدي ليه كل ها الوصايا .؟؟


ام ماجد: اذكري ربك يا بنتي كلنا معاج واذا تبيني ايي واقعد عندج ما عندي مانع .


عبد العزيز: لا يدوه خليج عند ولدج انا بنفذ الي قاله جاسم واصلا يكون لي الشرف اني اعيش عند اغلى عمه ونخلي العرس عقب العيد واذا تحاتين دراستج يا نور انا بساعدج واوعدج قدامهم اني اكون لج حافز ولا اخرج عن دراستج .


ام فهد: صدق يا بنتي يا نور وحتى لما ربي يكتب لكم الخلفه الصالحه من بتلقين احسن من امج يحط باله على عيالج لما تكونين في جامعتج كانوا كلهم يسولفون ولا دروا عن فهد وش صار له من سمع ان في تطلقت .



هيـــــــــــه فهد وينك رد يا اخوي كل ذا تفكير شتفكر فيه .؟؟


فهد انتبه على صراخ خالد : اوه وانت يا علة بيتنا متى بتفارق عشان ارتاح من وجهك .


عبد العزيز : ليه ان شاء الله بس ما اكون عله وانزاحت من دربك .


فهد: حشى والله ياليت كل الشباب مثلك بس .


خالد: الله انا قذا وغلط بس ثق يا فهد اني بقعد لك دوم مهب يوم وبعدين تراك شيبت الحق روحك ترى قطارك فات وصفر .



فهد وهو يطالع في الي حاطه راسها على كتف يدتها وتسولف لها بصوت واطي اه يا ترى ممكن يكون لي امل معاج اوف استخفيت توها مطلقه امس وانا اليوم افكر فيها يا ذا الليل .



قام فهد وتوه بيستاذن التفت على عمته : بكره بيي بعد المغرب ونشوف ش مطلوب جاسم مني.


وبدون ما يلتفت على في : يله تصبحون على خير ..



وراحوا الكل وظلت في ونور والعمه يتناجين ويتفكرن في مصابهن وفراق جاسم عنهن.



في جو ثاني بعيد عن ارض قطر في المغرب بالذات



كان الانتر بول القطري يبحث عن جاسم وكان معهم صورته من ضمن المطلوبين القبض عليهم بتهمة جرائم تزوير جنائيه وفي احدى الدول الافريقيه ( المغرب ) كانت محطة جاسم ولا خطر على باله انه راح ينمسك ولكن كان التنسيق مع البلدان واعضاء الانتر بول اسرع وكانت الشبكه مكونه من 188 عضوا وكانت الدوحه سريعه في تحركها في هذي القضيه كان عامل جوهري ومميز وتم القبض على جاسم وكانوا مراقبين تحركاته من طلع من الدوحه ولما تم القبض عليه سلموه للانتر بول اللبناني وسوف تتم محاكمته في لبنان بمشاركة الدوحه .



بعد يومين من القبض على جاسم تم ابلاغ هله بما جرى له وحضروا عمامه ولما عرفوا قصته سافروا له وحاولوا انهم يساعدونه بكل ما استطاعوا بس هذه اعراف بلد ولا تجوز فيها الحلول الوسط والوديه .



اما حالة امه رديه والكل جاها وازرها


وصار تحقيق في القضيه ..مع الكل وابحثوا في موارد اهله المقربين الماليه ولقوها عاديه ولا فيها شي يدع مجالا للشك وهنا عرفت في ان جاسم فكر في مصلحتها لما طلقها وكلهم اثنوا على موقفه النبيل وتمنوا له السلامه من الي فيه



قبل هذا الحدث بيومين



اما عن موعد فهد مع عمته وفي عشان يعرف شل المطلوب منه فراح وقعد مع عمته وجات في


وهي خجلانه من الي بتقوله له وبعد سكوت قالت لامه الحقيقه المجرده عن مرض ابوها وشلون حط واحد من ربعه نصاب في درب ابوي وشرحت انها ما كان في يدها شي الا الزواج من جاسم .



فهد: وانا ما فكرتي فيني وين رحت من حساباتج .


في: اه يا فهد لو تدري شسوي عشان اقتنع انك خاين ولا حافظت على حبي .


فهد: شلون ؟!



وقالت له عن الصور المفبركه وكنها واقعيه بس ما قالت لهم انها بشاير وجاسم .



فهد: ليه ليه وانتي شلون صدقتي فيني خليه هو وغيره كيفهم انتي ليه تصدقين ؟


في : ما كان قدامي الا اصدق والله لو تشوفهم انت بتصدق اكثر مني اقولك بلغ في التزويرالقمه.


العمه: اه ذبحتيني يا في .


في: لا عموه سامحيني والله مهب قصدي بس كان قدامي ثلاث حقايق خيانه فهد واحتياج ابوي للفلوس عشان يسد فلوس الشركه ومرض ابوي ( القلب ) وخوفي عليه من أي تاثير خلاني ما اميز .


فهد: وعلى طول وافقتي تدرين لو جيتيني وشرحتي لي كان بوقف معاج وبنحل امورنا كلنا بس استعجلتي وحكمتي علي تعرفين ليه حكمتي علي بسرعه لانج محبتيني ولا عمرج عرفتي الحب.


في: لا تقول اني ما حبيتك حرام عليك انت ما كنت مكاني ولا تنسى اني مره مهب رجال تصرفت بعاطفتي .


فهد: واضح .


العمه: خلاص يا عيال ترى والله معاد استحمل والله تعبت الي صار صار ومنقدر نرجع الماضي ولدي وبيتم طول عمره محبوس في دوله غير دولته على الاقل لو كان هنيه كان قدرنا نزوره .


على العموم يا عيالي خلاص خلونا نشوف حياتنا حاولنا نطلعه من الي فيه مقدرنا بس يا فهد حاول تطلع لي كرت زياره طالبتك يا الغالي اذا تقدر ابي اشوفه .


فهد : ان شاء الله عمتي ولا يهمج والحين ارخصوا لي بروح .


في: على فكره فهد انا خلاص ماني بداومه في الشركة .


فهد وهو يطالع عمته ويقول لها بعيونه صدق ظنج : ليه؟؟


في: انا كنت شاكه ان حد تلاعب في فلوس ابوي وطلع صدق وجاسم عطاني الادله على ابوي ما سوى شي غلط .. خلاص اصلا ما كان من طموحي اني اداوم في شركتنا وانت عارف والحمد الله اني ما توظفت رسمي وبكذا تكون ارتحت من شوفتي كل يوم وشكرا على وقوفك معاي



وقامت راحت وهي شبه منهاره من نظرة فهد لها .......



يا ترى شتظنون بيصير مع فهد وفي وخصوصا انها صارت حره .


انتظر ردودكم علي ،، تابعوني