22-05-15, 08:01 AM
| #31 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  آالبارت السابع عشر .. ،  ، *اسـتغفر الله واتوب اليه-لاتلهيكم عن الصلاه* بحــر؛ نهايه دوامي .. سرت مسرع للسكن وتميت واجف جدامه اتأمل مش عارف شو اسوي فيها ؟ حسيت بحركه داخل حوي السكن الجبير جفت ميساء مستعيله تبا تطلع وشما وراها قلقانه وصلو للباب وطلعو أنا -بحزن-/شما... شما -التفت بإستعيال-/شوه انا-بتردد-/ابا ارمس اثير ! اهي وين؟ شما التفت لميساء بنظره حزن مارد علي احد لفــتره طويله أنا استغربت من ترددهم انا-بخوف-/لا تقولون استوى لها شيء!! ميساء-بقلق واهي تطالع شما-/بحر اهدا شويه....اثير... أنا تميت اطالع فيها انتظر تكمل ولكنها دقت شما بكوعها .. ميساء/قولي له شما -انفجعت وطالعت لميساء بصدمه-/لا لا انتي قولي له ميساء-بخوف-/مش مسؤليتي انتي قولي شما-ضربتها على ظهرها-/والله ما اقول انا-صرخت-/شــــــــــــو مستوي اهنــــــــــــــــي !!!!! كلهم نقزو ولزقو ببعض ورمسوا سوا بهدوء/اثير مارجعت السكن وهي مو في الراك اتصلنا على امها.. فجيت عيوني على وسعن وصرخت/شـــــــــــــو !!!! ميساء حطت اصابعها بأذونها وصرخت/يعــلك الصمم انشـالله جــــــــــــــــــــب ! لا توترني أنا لفت عيوني بضياع وتيمت الف حول نفسي وانا متأكد انها اهني ما سارت مكان أنا ما اعرف شو اللي استوى لي تبلمت ! ماعرفت ارمس ماعرفت اتحرك احس أني انشليت ولكن فيه صوت داخلي يصرخ بكل قواه ويزقر اسمها.. انتفضت بألم وانا اركض لمكان بعيد ما اعرف وين بس بدور على اثير بأي مكان اهــــــــي اهني حذالي اهي ما ودرتــــــــني أنا واثـق ______________ اروى؛ الساعه صارت 2 الظهر وانا انتظر فيصل يرجع من شغله ابغى اتغدى مت جوع وانا انتظر حطيت ايدي على خدي وانا اطالع التلفزون .. ابشركم خلصت كل اختبارتي وخلصت هالكورس على خير الحين هالغبي بيسفرني معاه غصب اف أنا زهقت منه ومن الحياه معه ياناس اكرهه بالغصب احبه!! شوي وينفتح الباب انبسطت مو عشان خشته بس اني جوعانـه فيصل/تأخرت؟.. انا-قمت عنه وعطيته ظهري عشان اروح للمطبخ-/بقوه!!..خلاص بدل وتعال للغدا ورحت عنه متجاهلته تماما ولكنه ظل يصرخ بأسمي وانا ساحبه عليه ... فيصل-صرخ صرخه خلتني ارجع بسرعه من الخوف-/ارررررررررررروى! انا-رحت وانا حاطه يدي على قلبي مت خوف-/خيـر ليش الصراخ !! فيصل-رمى لي جوالي والحمدلله اني مسكته ولا كان طاح وانكسر وعاد أنا عصبت-/وربـــــــــي لو انه انكسر انه مايدفع قيمته الا انت وعطيته نظره استحقار ومشيت للمطبخ شفت الاتصال كان من اثير استغربت ولكن على طول رديت ولا اهتميت لشي .. ولا سمعت لافكاري.. انا-بفرحه-/ثيـري حبيبي انتي كيفك؟! اثيـر-بجمود-/اروى أنا بجده!! في المطار أنا انصدمت وحواسي انشلت وش تقول هاذي كيف هي في جده! انا-بإستغراب-/كيـف؟.. ولكن ماخلتني اكمل الا قاطعتني اثير/بشرح لك بس تعالي خذيني من المطار اول ..، انا-بربشه-/يلا يلا الحين جايه..باي سكرت من اثير ورحت للصاله وانا مدري كيف بأطلب فيصل يوديني وانا تو هزئته رحت بخطوات ساكنه وهاديه ويوم وصلت الصاله.. كتفت يدي وقعدت اطالع فيه وهو جالس باقي بثوبه ويقلب في القنوات أنا سندت على الجدار انتظره يطالعني لاني ما ابغى اتكلم قعدت اطالع فيه تصدقون ان ملامحه القاسيه ..كذابه!! وانها مجرد تصنع .. ملامحه توحي بطيبه فضيـــعه ! بس.. أنا ليش مو راضيه اتقبله ليش مو راضيه افهم مشاعره ظليت سرحانه دقايق وانا اطالع فيه شوي وقال/اروى ؟ شفيك تطالعيني .. انا-فزيت من سرحاني وتوترت-/آآآ..ابغى توديني...المطار عقد حواجبه بإستغراب/المطار؟، انا-مسكت اطراف شعري عشان التهي ما احط عيني بعينه-/اي..اثير جات لهنا وما لها الا الله ثم أنا ادري انك بتخنفر وبتزعل عشانها بتجي عندي لكن انت وكرمك عاد اختي محتاجتني اتمنى تراعي ذا الشي رفعت عيني له بعد فتره لأنه جلس ساكت ويطالعني فيصل-وهو يعدل جلسته-/عدلي كلامك!! تراك صرتي تجرحين كثير انا-طالعت فيه وابتسمت على جنب-/وانت بعد..حاول تثبت لي انك مو هذاك الذيب المفترس اللي كان بفتره الخطوبه!! ترا انت خوفتني كثيـر .. فيصل-قعد يطالع فيني وانا اطالع فيه وبعدها ابتسم بحزن-/روحي تجهزي اكيد اختك ماتت حر بالمطار.. أنا رحت للغرفه بكل برود ولبست عبايتي وحطيت طرحتي وطلعت له بسرعه وهو كان واقف عند الباب لأنه اصلا جاهز وطلعنا سوا أنا وياه وركبنا السياره ظلينا نمشي بين الزحمه والصمت كاسي السياره .. أنا حبيت اقوله ذا الشي واكسر هالصمت/ارجوك خلك في حالك إذا جت اختي ما ابي دق بالكلام ولا ابي نظرات مو كويسه!! نبغى نحسسها ان مابينا شي فيصل-شل نظارته وبدل مايحطها عليه حطها علي-/الشمس قويه.. أنا استغربت وانصدمت !! ليش هو يسوي لي كذا ليش يهتم فيني ويخاف علي ويعاملني بلطف!!! أنا قلت بصدمه/ليـش..؟ فيصل-التفت لي بإبتسامه-/وشو؟.. انا-ابعدت عيوني عنه -/ليش تعاملني كذا!! أنا اجرحك واسبك وانت ترد لي العكس!! ليش ماتفهم اني مستحيل اكون لك حتى لو تزوجتك؟ فيصل-تنهد-/لسبب مو في يدي انا-بإصرار-/مافيه شيء مو بيدك..قولي وشهو !! يمكن اساعدك؟ فيصل-ابتسم-/ماتقدرين تساعديني على اني اكرهك؟ أنا بظل احبك لو تتكلمين وتهذرين وتسبين..حبي عظيم مايفسده كلام!! أنا-بسخريه-/فيصل انت كنت تخوفني بالملكه وكنت تخوفني بالزواج وبكل شيء!! هذا تصرف واحد صاحي! لا وتقول احبك ؟ اي عقل بيصدق فيصل-بنفس الأبتسامه-/كنت اخوفك عشان احتفظ فيك! عشان ماتضيعين من يدي وتنقادين معي مو مع.... وما كمل كلامه الا دمعتي تنزل وما امداها تنزل الا مسحها بيده فيصل-بنبره حنونه كثيـر-/انا آسف على كل شيء..ومستعد اصلح اللي انكسر أنا قعدت اطالع فيه بأمل مدري ليش هالنظره بالذات بس اهم شيء اني ما اتعذب معاه اهم شيء اني اعيش بهدوء لان نفسيتي صارت ماتتحمل شيء ابدا .. انا-ببرائه-/خلنا نسوي هدنه..ما احد يأذي الثاني حتى ولو بكلمه!! فيصل-تنهـد-/انا ما اقدر آذيك ..ولكن اوكي اتفقنا أنا ابتسمت وهو مسك خدودي وقرصها .. وقفنا للمطار ونزلت ونزل رحنا نتجول في المطار وندور اثير واخيرا لقيناها عند البوابه ماركزت في رقمها .. رحت لها بسرعه ومسكت يدها وابتسمت براحه وهي ابتسمت ولكن المها واضح وضوح الشمس انا-بفرحه-/نورت جده اثير/بأهلها .. شديت على ايدها احسسها بالأمان وانها وصلت لأختها يعني خلاص ماعليها خوف ابد واثير ابتسمت بألم وشدت كمان فيصل راح يجيب الشنط وكذا واحنا ظلينا ننتظره وبين هالانتظار كان الصمت حاجز بيني وبين اثير ظليت اطالع بأثيـر واتأمل كل شيء من ملامحها اخخ يا أختي كذا صار فيك؟ ليتك ما حبيـتي ..ليتك ماتعلقتي ..ليتك اهتميتي ولا حاتيتي.. انـا راضيه على نفسي ولكن اختي لاا والف لا سؤال اسكتن ضميري ولا خلاني جالس يتكرر كل شوي! ويـــــــن ضحكه اثير؟ وين روحها المرحه وطفوليتها؟ اشياء كثير انسحبت من اثير وراحت بالهوا ... او بالأصح دامها تعشق البحر؟ بلعها البحر في اعماقه!! كان نفسي اضمها اخفف عليها ولكن المشكله كيف اواسيها بحـر قالها بلسانه واعترف انه خاين لو كان احد نقلها الخبر كان اهون بقدر اواسيها واقول يمكن كذب؟.. يمكن يبون يفرقونكم ولكــن قد ايش توجع لما تسمعها منها بغيت ابكي على شكلها اللي كسر خاطري تطالع في يدها وكأنها اول مره تشوفها وترتفع عيونها للسما بسرعه تدرون ليش؟ عشان تداري دمعتها وتحفظها بعيونها... حسـبي الله عليك يا بحـر ليـش كذبت! ليش اعترفت بحبك ؟ ليش علقتها فيك!!! اههه عليك يا اختي ليته فيني ولا فيك .. كل شيء الا انتي جانا فيصل وهو شايل الشنط ومشينا وراه وركبنا السياره وانطلقنا للشقه حقتنا ولكن اثير قطعت صمت السياره اثير-وهي يالله تتكلم حسيت انها شوي وتبكي-/ادري اني غثيثه ..سامحني يا فيصل مو وقته اجي عند اختي وتوكم عرسان و.. فيصل-قاطعها-/افــا عليك..لا لا ولا غثيثه ولا هم يحزنون انتي زي اختي فتون وطبعا بعيوني أنا واروى وبتضلين في بيتنا معززه مكرمه ..ولا عاد تقولين هالكلام اثير-شبه ابتسامه ارتسمت على شفاهها-/مشكور.. _______________ مـايد؛ رديت للشقه مالتنا أنا والربع وكل الشقه مقلوبه على راسها شو اللي استوى .. تميت اجوف كل شيء منثور على الأرض !! والصاله فاضيه ماشي حد تميت مصدوم واطالع في كل هالحوسه !! شويه واسمـع صراخ باكي وكان صوت بحر والربع وراه يقولون لا لا !! طلع بحر للصاله واهو شايل تحفه جبيره ورماها على الأرض بكل عنف انصدمت من شكله عيونه حمر ودموعه على خده وواضح ضياعه من نظراته! بحر-مسك الغنفه وقلبها بكل عنف وطاح على ركبه وتم يصارخ-/لآآآآآآآآآآآآآآآآآآآآآ اهــــــــــــــــي اهنـــــــــــــــي!!! أنا انصدمت وايد وانطلقت له بسرعه وتميت اهزه ومش عارف شو اسوي فيه..، تم يصيــــــــــــح واهو يقول هالجمل وعمر وزايد تامين يلمون الحوسه اللي سواها وانا اتأمل شكله اللي انجلب معقوله عسب....اثير!! يعنـي أنا بكون مذنب بحق بحر؟ ولكن أنا عطيت وعد لأثير اني مستحيل اخبر حد عن مكانها اخخخ لو بس اعرف شو مستوي بينهم عسب اصلح كل شيء.. شرات ما اثير صلحت اللي بيني وبين شما بحر-واهو مكسور وايد-/مايد..دخيلك تعال وياي ندورها انا-ارتبكت-/ماله داعي .. بحر-صرخ-/لآآآآآآآآآآآآ له داعي اهي اهني متخبيه اهي وين اكيد..اكيد انها بالراك انا-تنهدت لاني اعرف عناد بحر-/انزين... ونشيت ساعدته وقمنا للسياره وانطلقنا في طريج الراك ونـحن بحاله صمت. فضيعه احس ان الكائبه ردت يومنها سارت اثير اول مايات اثير..جانت فاتحة خير علينا كلنا أنا تصالحت ويا شما وبحر ودر الشرب وابويه جاف شيخه اللي جانت تدمع عيونه شوق لها ..وايد استوت اشياء لطيفه يوم يات ولكن أنا خايف يرد كل شيء على الماضي كان الحاضر جميـل شو حصل واختفى؟ الكل كان سعيد ليش انتكس كل شي؟ الدرب جان طويل بعيوني أنا وبحر لان افكارنا تايهه .. تقديما لكل هالطريق وكل هالنجوم اللي صادفتنا .. وصلـنا الراك وقبل حتى ما اوقف السياره فتح بحر الباب بسرعه ونزل وانا وقفت بسرعه ولحقته ها مينون مايندرى شو بيسوي سار ركض لبيتنا اكيـد بيسأل شيخه!! لآآآآآآآآآآ بيخوف شيخه وبتزيد المشكله أنا سرت له ومسكته من ذراعه وابعدته عن الباب انا-بصراخ-/ميـــــــنون انته!! تبا تفجع امها ! بحر دفني بقوه عن الباب/لا تـــــــردني اهي داخل أنا رديت ادفه/يـا غبي والله اهي مب اهني وربي واللي خلقني اهي مب اهني ..مابحلف جذب بحر-ضحك بهستيريا-/مستحـيل !! "صرخ" مستحيـــــــــل اهي وعدتني ما تودرني ! مـــــــــايد أنا دورت اليوم عنها بكل مكان بالسكن سألت وحده وحده سرت للمكتبه وسألت وللسوبر ماركت اللي حذال السكن ومحد يعرف اهي وين !! والله يا مايد حتى سواق الجيران سألته "بنبره ضعف" اهـــــــــي وين ..ويــن؟ انا-تنهدت وكتفت ايدي-/ما اعرف بحر -ابتسم بحزن-/انـا السبب ..أنا الحيوان!! ليتني مت ولا جفت هاللي مستوي !.. انا-بعصبيه-/جب لا تقول جي ...وها قدر بحر/يعنـي اثير محد؟ يعني أنا بتم وحيد للأبد ؟ يعني أنا بتحمل غلط مش غلطي ؟ يعني ..... يعني أنا بموت من دونــــــــها ! انا-بحزن-/بحـر!! دخيلك لا تقول هالرمس..شو مستوي بينك وبين اثير ؟ بحر-بخيبه-/بسير بيتنا ارتاح شويه .. وسار عن عيوني بين هالظلام اللي ينوره نور القمر شفت مقفى بحر .. وظله يسحب وراه ويعكس ألمه يلست على الدري مال بيتنا اللي جدام البيت وتميت اتأمل هالسما وانا محتار هل اذنبت ! حطيت ايدي على راسي وتميت جدام الباب وايد وقت مـرت ربع ساعه..وكملت نص..والحين صارت ساعه كامله وانا يالس عند الباب واحس بتأنب بضميري .. نشيت من هالمكان وتميت اتمشى بهالفريج المظلم .. وانا محتار ما اعرف شو اسوي شلون اصلح بينهم .. أنا جربت البعـــــد ما ابا بحر يجربه ويتعذب فيه جربت شلون الشوق ذباح!! ولكـن شلـون اساعدهم؟؟ إذا اهي حلفتني غرقت بأفكاري اللي تبعثرت..ولكن يا ببالي جمله واحده بس!.. أنا السبب في تفريق بحر عن اثيـر ؟ أنا اللي بعذبهم؟ أنا اللي خليتهم يشتاقون لبعض تنهـــدت بتعب وانا اتمـنى احصل حل بهالمشكله العوده مريت من البحر وتميت اتأمله وجفت طيوف وايده كنا أنا والربع يالسين نتعشى بهاك الليله واهمه يوم جافوني سرحان شالوني وقطوني بالبحر .. وتميت اراكض وراهم وابا اطقهم ابتسمت بحزن وانا اشتاق للماضي كنـا ابسط من جي بوايد.. اشتـــــــــــقت يا ماضي !! اشتقت لو تدري وايــــد تميت اطالع بالبحر ولكن انصدمت وايــــــــــد يوم جفت بحر وبأيده؟؟ _____________ ميساء؛ درنـا دبـي كلها ما حصلنا اثير سألنا كل الماره وسألنا كل اللي بالجامعه ولا حصلنا اجابه .. أنا وشما بدينا نرتبك ونخاف اثيـر وين!! ويـــــــــن سارت !! كنـــت محظوظه وايد هالسنه، قبـل.. ماكان حد يطيقني ولا كان عندي رفيجات .. كنت من حالي في بالي بس هالسنه غير وايــــــــد اثير طلعت من اهني شما طلعت من اهني والسعاده طلعت وياهم من فؤادي والله والله والله حسيـت بأحساس مختلف عن كل سنه!! حسيت ان وياي خوات وياي بالحلوه والمره حسيت بسند ووحس وياي كنت بالبيت لوحدي .. امي وابويه كانو يسافرون وينسوني ويتعذرون ان عندي دراسه ومعرف شو .. بس اثير كانت اهلي كانت تيلس معاي تساعدني بالمذاكره تجوف وياي افلام ناكل سوا ننام سوا كـــــــل شيء اشتركنا فيه حبـيت الحياه بوجود صديقاتي بس مختصر حياتي ..يظهر شخص بحياتي واتعلق فيه واحبه لحد أني ما اقدر اعيش من دونه وفي الأخير!! ينسحب بكل برود .. الخلل فيني ولا فيهم؟ انـا حبيــــــهم كثر ما انجمت لياليهم ليش جي؟ رديت أنا وشما لسكن وكان ها اخر يوم يجمعنا فيه بعد مافقدت اثير وايقنت انها مستحيل تكون بالأمارات اكيـــــــــــــد انها سارت للسعوديه والله انتف رموشي رمش رمش حطيت جسمي على الغنفه بتعب وشما واضح الحزن بعيونها سارت بكل ارهاق لغرفتها وأنا؟ ما استحملت يوم دخلت غرفتي.. فتحت السده مالت ملابسي وملابسها كانت ملابسنا سوا والتعليق من كانت حذال ملابسي ولكـن جفت السده اليوم مختلفه خاويه مثل واقعي اللي خوا من كل احبابه شليت ملابسي بتعب وحطيتها بشنطتي طبعا شما وميعاد شرا ماتعرفون بغرفه غير غرفتي أنا واثير ونيستي بالليل كانت اثير دوم يلست بالسرير وقابلت سريرها وهالموقف مر وكأني اجوفني أنا واثير يالسين باليل بنفس هالمكان ' ' كانت اثير بفراشها ويالسه ومجابلتني وانا مغطيه ويهي باللحاف وضامتنه بخوف اثير واهي تحكي بنبره تخويف/وتــدرين وش بعد! ترا الأشباح يحبون الشعر الطويل أنا -صرخت -/جـــــــــــــــب اثيــر الساعه ثلاث الليل ما برووم انام اثير-ضحكت ضحكه شريره-/نياها نيـاها .. أنا -نشيت برعب وطبعا الغرفه كانت ظلام -/بسير لحمام .. اثير-صاحت بتحذير-/لآآآآآآ اياك اياك ترا بتلقين مخلوق في الطاقه بيخق عليك أنا -مسكت قلبي بخوف وشويه وابكي-/اثيـــــــــر حرام عليج ..انـا خايفه اثير انسدحت من الضحك وتمت تضحك وتضحك وانا تميت اتراعد من الخوف من ها المعلومات القيمه صراحه اشوي وينفتح الباب بقوه وماشي حد جدامه!! أنا واثير طالعنا في بعض برعب وصحنا سوا وانا نطيت وحضنتها بقوه واهي تصيح وتضمني لين طحنا سوا بالأرض شما تقدمت شوي شوي اهي وميعاد وعلى روسهم جدور وفي ايديهم خاشوقات شما-بلعت ريجها-/انتو اللي صحتو قبل شوي انا-بخوف-/هيه شما عطتنا نظره اللي شوي واضربكم ورمت علينا الجدر اللي على راسها ونحن انتفضنا وتمينا نهرب من شما كلنا كنا خايفين هاك الليله وكله من اثير ولكن وايد ضحكنا ' ' ماتحملت الذكرى وانفجرت باكيه على ثيابي المرميه بأهمال على شنطتي تميـت اتألم واعتصر من البكا صوت شهقاتي ابتدت تتعالى وصرخـت بالأخر /اثيــــــــــــــر لا تخليـــني !! أنا مالـــي ذنب وضميت مخدتها بقوه ودموعي لطختها وريحه عطرها تدخل لدواخلي وتهيج ذكرياتي تميت اصيـــــــــح واصيح واصيح واصيح ومستحيل اقدر اكرر كلمه اصيح بقدر ماصحت فعلا كان صياحي محروق على قلب ام حنون وشقاوه اخت وقربها !! يات شمـا واهي مفجوعه وتمت تطالع فيني بصدمه شما-بخرعه-/ميسـاء بلاج!! انا-ودموعي تنزل وبنبره ندمانه-/اثير سارت ! ما بيستوي عندي اثير ! مابستوي عندي اخت وتؤام ؟ اهـي سارت وانا السبب .. شما يات لعندي وضمتني وتمينا نصيح سوا ونحن نفتقد اثير بقوه ____________ اثير؛ صـارت الساعه ثمنيه العشا .. دخلت للشقه ومعي اروى اما فيصل مدري وين هو مسكين.. اكيد يبغاني ارتاح تنهـدت بضيقه وانا اطالع في عيون اروى الخايفه والقلقانه واللي تتسائل ؟؟ أنا ليش جيت؟ أنا -حبيت ابتعد عن كل هالعالم -/ابي انام تعبانه .. اروى -ابتسمت ومسكت ايدي ودتني لغرفه فيها سرير ودولاب وكذا-/هاذي غرفتك يالحب هههه يلا عاد مين قدك شوفي الطاقي تطل على ايش ؟ أنا تشجعت ورحت فتحت الطاقه وشفتها تطل على اكثر شيء عشقته في الحياه كانت تطل على البحـر ! ابتسمت بحزن ..دمعت عيوني..صارت رؤيتي مضببه .. بعدهـا ماحسيت الا بظلام دامس ! وانطمست رؤيتي نهائياً .. .........صمـــت......... واللي ما كان بالحسبان شفت بين هالظلام طيف بحر وهو يستغيث ويكسر ويصيــح بأعلى صوته بأسمي يدور وينادي وهيئته مكسوره وانا ظليت اهذي بأسمه ماقدرت استحمل منظره بهذا الوضع !! صحيت بسرعه من رشت المويه اللي بوجهي قـمت ببطئ وانا احس براسي يوجعني شوي واحس بتعب في جسمي فضيع ظليت اطالع في اروى وانا تعبانه ودموعي تنزل كنت محطوطه على السرير والله ماقدرت حتى اتكلم شـوي ومدت لي اروى الجوال بحزن وكانت مكالمه ولكن اللي انصدمت انـها من بحر!! لآآآآآآآآآآآآ كيــــــــــــف مستحيل يكتشف أنا وين مستحيل اخليه .. اخذت الجوال واشرت لأروى انها تسكت.. انا-بتعب ويالله افتح فمي-/الـ..و بحر-بإنهيــآر وصراخ -/اثيـــــــــــــــر. !! انتيه وينج ويـــــــــــنج !!!!!!!! لا تودريــني للآآآآآآآآآآآآآآآآآآآ أنا-بنفس التعب-/انـ..ـا ت..ـعبانه!! بحـ..ر أنا آ..سفه بحر صكت ماسمعت له حس وانا بقساوه قلب ابعدت الجوال عن اذني وابغى اسكر ولكن سمعت صرخه وصلت لين اذني مع ان الجوال بعيد بحر-بصراخ-/اشـــتقت لــــــــــــــــــج وايــــد وانتيه مب مودرتـــني الا دقايق أنــــــــــــــتي ويــــن لا تضيعني بعدج !! انـا جفيت كل هالكلمات اللي حسيت فيها ولكن ما عادت الثقه موجوده بقلبي كذبت كل كلمه من فمه وسكـرت الجوال في وجهه واروى جالسه تطالعني بعتب وانا ما اعطيت هالنظرات اهتمام ظليت اطالع بالأرض بحرقه الحين عرفت هالشعور الغريب ..ودقات قلبي السريعه يوم اشوفه..وابتسامتي اللااراديه يوم اسمع ضحكته وصوته...... انـــــا احبــــــه وكثيــر بعد!! أنا فاشله بكلام الحب والغزل مافيني دلع كثير ولكني احبه بكـل جوارحي وهذا هو جميل المكان الواسع بقلبي غدرني مع مين؟؟ صديقتي !! اي عقل يصدق ها الكلام أنا مو مستوعبه شـي .... أنا ضايعه بين كلامه واعترافه لي بقوه عيـن حيــــــــــــوان!!! ليــش يعلقني فيه !!!! ليش يقولي احبك ليـــش أنا ما عذبته هو ليش يعذبني اروى/بروح اجيب اكل .. وراحت عني وانا مسكت جوالي بضعف وفتحت الفديو ماكان المفروض افتح واوجع قلبي ! ولكـن اعيـد الذكرى الموجعه واتذكر كيف كنت غبيه يومها وكيف سمعت وضحكت وصدقت أنا الغطانه مو هو .. لازم اتألم عشان اتعلم ... راح اتألم قدر ما اقدر عشان ما اعيد هالغلطه .. فتحت الفديو اللي أنا وهو في البحر ' ' انا-وبحر قدامي -/هذا الحيــوان طيحني بالبحر والمويه بــارده ..ياحيوان والله المـــــــويه باااارده !! بحر-بإستهبال -/تعالي ضميني تدفين انا-شهقـت-/طوط طوط طوط تشويش كأنكم ماسمعتوا ..هههههههههههه. بحر-بصراخ-/اثيــــــــــــــروه انا-ابتسمت وصرخت-/ويعــــــــــــوه ههههههه بحر فتح عيونه على الاخر وظل يرشني بالماي ويقرب مني وانا اهرب واضحك وكل ما لي ارفع الفون حقي عشان ما يتبلل .. انا-بضحك ونفسي راح من الركض-/ب..بحر ههههه خل..خلاص خهخهههههه ..بحــر فوني وقف عن رشي وانا مبتسمه بحر-يمثل الزعل-/بس تتبوسمين مالت عليج انا-بمزح -/لا حــول خلصني شتبي اقولك يعني بيبدا يتغلى من الحين !! بحر-عطاني نظره وعيد ورفع يده عشان يرشني - انا-بصراخ واضحك-/لا لا خـــــلاص هههههههه هلا لبيه عيوني وش تبي امر بحر ابتسم ورفع صدره يعنني رزه .. بحر-بغرور وهو مغمض عيونه وراسه بالسما-/احــم هيه جيه اباج ..زوجه مطيعه انا -بعصبيه بس مزح -/لا والله قل كلـــبه مطيعه هذا اللي ناقص يا.. بحر تقدم وحط يده بفمي بحر-بغضب مزيف-/جب جب..سمعي شو بقول انا/اهممم "ما قدرت اقوله يقول لان ايده بفمي ههههه" بحر-شل الفون وصور نفسه وصورني معاه وصرخ-/اشهـــــــــــــدي يا الكاميرا اني احب اثير .."صرخ اقوى "احـــــــــــــبج اثيروه ومابودرج مــــول طبعا بحر كان يطالع للكاميرا وانا كنت اطالعه وابتسامه حب مرسومه على وجهي ' ' جـــــريت ونه طويــــــــــــله. وانا اكبت بنفسي اكثر واحاول اتألم لحــد كبيـر مايتحمله بشر!!! لأن... لازم تتألم عشان تتعلم لأن مافيـه شيء بيربي سلوكي وحبي المتمرد الا الألم ما راح يخمد ملامحي يوم اشوفه الا الالم صحيح انـي اكره الألم واكره النفسيه.. لكن الحياه ترغم وانا مجبره ! تعصر قلبي الم وهو يفقد احد شرايينه عيوني حمرت مستعده للبكا دخلت اروى بالصحن وحطته على حظني حسيت اني ابغى افرغ كل قواي الحين مسكت الصحن بكل جلافه ورميته على الأرض بأقوى قوه شفته يتكسر قدامي وشفت الاجزاء الصغيره اللي تقسم لها .. شبهت هالمنظر بإنكساري ! اللي مافيه شيء بيقدر يصلحه لو بعد حيـــــن ! نزلت اروى لمستوى هالقزاز المكسور وانا ظليت اطالع ببرود وارجع برودي القديم..جمدت مشاعري تماماً ______________ مايد؛ انصدمت وايد يوم جفت بحر يالس جبال البحر وبأيده علبه خمر شكبرها !! تميت مصدوم واطالع ! ها اولها ؟؟ أنا عقدت حواجبي وسرت له وانا اشتعل من داخلي على ربيعي اللي يالس يدمر حياته بإيده سرت لين عنده وانشلت هالسم من ايده بقوه وقطيته على صخر البحر واستوى البطل مكسر اصلا أنا يت على اخر قطراته اكيد بحر شرب وايـــد بحر نش جدامي وتمينا نطالع بعض بغضب أنا دفيته وابا اظهر له حرقتي انا-بصراخ والصدى يرد لي من قوه صراخي-/غــــــــــــبي !! انتــــه جبان وغبي بحر -ابتسم بحزن وكتف ايده- انا-انقهرت اكثر وتميت اصارخ-/مايـــــسوى على مستقبلك وصحتك يابحـــر !! بحر-وهو يضحك طبعا سكران مايدري وش يقول صار يضحك بهستيريا وانا متبلم جدامه-/اهـي ودرتني شرآآآآت ما قالت ..ههههههه ماتوقعتها بس تدري!! هههههه اهي وايد ذكيه رامت تسير لمكان بعيد بس اخذت روحي وياها ..... هههههههههههه جفت شلون أنا تميت مصدوم جدام بحر هاي الحاله ذكرتني بحاله جديمه !! يوم افترق من ميساء بس والله ماكان جي ما كان يشرب بالهكميه الوايــده!! اخخخ يا صاحبــي جم احسرتك هالدنيا انا-بعتب-/بحـــر انته محاسب عن جسمك ليش تشــرب جي وايد!!!! بحر-واهو يطالع بالبحر وحروفه يسحبها سحب لان اكيد كل شيء بجسمه استوى ثجيل -/عسب..آآ..انسى..هالأحداث .....وارد دبـي باجر..والقاها أنا هزيت راسي ما ادري شو اسوي شو بإيدي ابا الومه ابا اضربه ابا اوريه لكن.. شـــلون واهو بهالحال اللي يكــسر الخاطر؟؟؟.. تميت اطالع وانا ساكت ولكن لفت نظري اللي يالس يتجدم كل شوي فجيت عيوني على وسعهن وانا اجوف هالثلاثه يتقدمون بكل جرئه واهم لابسين اسود بأسود ووياهم بودي قارد شـــو يبون وليش!!!! بلقيس وياهم؟؟ تميت اطالع محمد وقيس وبلقيس واهم ياين يعني اهــي ناقصه!!!! عقدت حياتي واهم يسلمون علينا قيس-بجبروت ونبره حاد تدل على قوته-/سلام عليكم أنا-بغضب-/قيس!!سيــر احين الوضع مش ناقص .. محمد-ضحك ضحكه مدويه-/اويـه يانا العاشق الولهان أنا مسكت ذراع ابا اخليه ينش من القعده اهني وياهم بس اللي انصدمت منه أنا بحر يوم جاف قيس نقز وجأنه مضيع شيء وبيلقاه عند قيس سار واقترب منه وانا اسحبه لورا ________________ أنتهى .. توقعاتكم ورأيكم لا تحرموني منه البارت الجاي كله احداث وتغيرات زمنه التحدي بيكون في الزمان ولا المكان؟ انتظروني ... دمتم بود | ||||
|  |
|
29-05-15, 10:43 AM
| #32 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  آلـــبارت الثـامن عشـر .. *أستغفر الله واتوب اليه-لا تلهيكم عن الصلاه* فيصل؛ محادثاتي الداخليه بدت تتناقض كثير ما ادري هل استمر في حبها او انهيه وانفذ انتقامي ببالي الأنتقام! ولـكن حبها سيطر علي كذبت لما قلت اني ارعبتها عشان تكون لي.. ارعبتها عشان انتقـم! ولا زال ثار رامي بصدري ومتردد اثأر او اكـون بارد واحبها واعيش معاها بسعاده المشكله ماقدرت اتنسى منظر رامي قدام عيوني وهـو يحتضر ! ماقدرت انسى شكله وهو يشيكني قبل مانطلع اخر طلعه لنا سوا في البر .. ماقــدرت انسى عضيدي رامي ..، مـــا قدرت بكل اسف جاني الرزق بالمال وبالزوجه وبالأهل وبـكل شيء ..ولكن نعمه وحيده انحرمت منـها نهائياً .. نعمه النسيان، لاني قادر انسى غرامي مع اروى وكيف اني حبيتها من اول نظره ولاني قادر انسى رامـي وذكرياته اللي استحلت اكبر جزء من عقلي .. ولكــني نويت الأنتقام ومستحيل اتراجع ..! _______________ مايـد؛ تمـيت اسحب بحر على ورا ما اباه يتصادم مع قيس بأي شكل لأني أنا السبب في رحيل اثير مش قيـــس!!، ولكــن بحر عنيــد سار بكل قوه وحط عينه بعين قيس وكأن الغاز اجتمع مع النار عيونهم كلها تقدح شرار مـع انهم اخوان!! ولكن ربي ما حط بينهم موده.. بحر-واهو ضاغط على اسنانه-/ابـوك عذبني واعذب ابويه يومنه يابك ياولد الحرام !! وابويه التهمه يات فيه انك ولده !! ولكن ابويه بري منك يا قذر !!! حرمتني من امي !! ومـن ميساء !! ارسلت لي كميات من الخمور حتى ادمنتها !! عذبت بنت عمي شما انت وهالنذل اللي حذالك!! ومؤخــراً مرسلنه يتعدى على اثيـر اهو وهالجلبه اللي وياك .."ابتسم على جنب" بس المره مش بيدينك هالشي ما راح اخسر اثير وبحميها لو على جثتي "صرخ" تفــــهم!! ورااح القاها مهما خبيـــتها ياججججلب قيس-ضحك-/يــا رجل !! ايش في امك انتا عليا !!"ببرائه" أنا لا خشيت اثير ولا حاجا اسأل صاحبك هيا فين هوا خشها مو أنا !! أنا تميت اطالع في قيس شو دراه ها !! اهــو بباله مخطط انه يخسر بحر كل احبابه أنا تميت اطالع في راس بحر اللي ابتدا يصد لي ببطئ ، أنا تبلمت وملامحي ماوضحت اي شيء .. بحر -بصراخ-/جذاب مـــايد ما يسوي جي !!! مايحــرمني من اثير !! قيس -ابتسم-/بلقيس.. اديه الصور ، بلقيس-طلعت من شنطتها الصوره ومدتها لبحر-/جوف.. بحر تم يتأمل هالصوره وانا يت وجفتها كانت صورتي أنا واثير ونحن في المطار واهي تطالع فيني وانا اطالع فيها بحر-ملامح ويهه مصدومه وتم يضحك بهستيريا- محمد وقيس وبلقيس انسحبو من الموقف وشرا ما توقعت كان نيتهم انهم يبعدون احباب بحر عنه أنا -بتردد-/بـ..ـحر صبر ار..مسك.. بحر -شق الصوره وقطها بالبحر-/كل شوي وانا انصدم منكم اكثر واكثر..، توقعتها منهم بس انـته اللي تكون سبب المي؟ "ضحك" ههه هاي غريبه أنا -صـرخت -/شــــو اسوي؟ قــــــــــــولي؟ اهــي يات عندي تبجي وتترجاني ابعدها ..وحلــفتني بالله ما اخبـر حـــــد !! أنا شـــو اســوي فيكم ارضـــي امنو وازعل امنــــو!!!! بحر-كأنه ندم على عتبي وهدي وايد وقال ببرود-/مـايد.. أنا ابا المدينه اللي سارت لها ووالله ما بسبب لك اي مشكله بتم اراقبها واعرف تفاصيـل يومها بصمت...والله ما اييها ولا تعرف اصلا اني عرفت مكانها .."بترجي" مايد انته ماترضى حالتي جي أنا بضيع والله بضــــيع أنا -تنهدت وتكتفت-/اهي في... لاء لاء مش قايلك انته متهور وبتسير تخرب كل شيء بحر-بعصبيه-/ شــــو بخرب!!! مايد هاي زوجتي ..هاي اكثر وحده ممكن اضحي عشانه تيي تقول بخرب اهي تبا تبعد أنا هم ببعد بس ابا اجوفها اطمن عليها انا-التمست في عيونه امل واستويت مب رايم امسك نفسي عن الاجابه -/اهـي في جده.. بحر-ابتسم وضمني -/شكــراً يا مايـد على كل شيء شكــــــــرا وايد أنا-هم ابتسمت ومسحت على ظهره-/ ماشي سويته .. ________________ نلتفت للطرف الثاني من الزمان وهذي هي الأيام تمر وهذا هو بحـر رتب كل اموره في جده بالقوه لقى وظيفه بمطعم ووفر له غرفه صغيرونه وكانت قبال بيـت فيصل .. واثـير كل مالها تتأثر يوم ورا يوم وتحاول "تتألم عشان؟ تتعلم" اتوقع حفظتوها.. وميسـاء رجعت لوحدتها وسكونها تسمع بس اصوات المكيفات من هدوء البيت حست بالأنطواء مـن جديد خلـونا نروح لبحر؟.. _______________ بحر؛ من اول يوم وصولي لجده كان قلبي متعلق بها وحيــران وايد .. كان سؤال مايد بالمطار في الصميم قبل ما ادخل للبوابه اللي للطياره ناداني وسألني ؛ لمتى بتم جي؟ تراقبها وبس ؟ وطبعــاً !! ما كان ببالي اي اجابه كانت الأجابه مبهمه لحد الحين! وكان ردي بإبتسامه بسيطه وكلمه؛ هيـه، لين يفرجها الله .... أنا وايد تيقنت ان اصتطامي مع اثير اكبــر غلطه بتحصل ومب متغير اي شيء .. اباها تعيـش ولكن؟ ما اباها تعيش بعيد عني ما ابا اجوف الحزن بعيونها كل يوم ... حطيت راسي على هالفراش العتيج والسرير الحديد اللي صدا !! ها اللي اقدر اوفره لنفسي بهاي الفتره .. لأن هالمطعم اللي اشتغلت فيه معطييني بس الف فتحت الفون مالي ورديت قريت رساله قيـس اللي كلها قذاره وكانت هذي رسالته ومحادثتي وياه هاك اليوم؛ ' ' "طـول سنواتك اللي طافت كنت واحد خسيس اخذت حبيبتي بشهامتك المزيفه! قلت لها سري بأني ولد حرام ..وهي تركتني وعجبتها المروه اللي فيك وتركتني ! ودحيـن جا دوري اوريك أنا مين عشان تتجرأ تاخذ وحده من املاكي اما تترك اثير ولا والله ثم والله ما توقف الا على جنازتها !" شفت ردي المصعوق هل شي اخ يسوي جي !! أنا قلت برسالتي ردا عليه"امنو قالك انها تحبك!! امنو؟ انتـه عطيت نفسك اكبر من حجمك عندها !! واقسـم لك يا قيس ان استوى لأثيـر اي شيء ان تندم كفــــــــايه لـ اهني وبس..." قيس "مكالماتك ويا ميساء واعترافك بحبك لها مسجله عندي ! وصورك معاها بكل مكان ياقذر كمان معايا هيا اشوف ايش حتسوي ؟ والله لا اخليك تندم لو ماتسوي اللي حقولك بكرا الصبح تروح لها انتا وميساء وتقولها انك تحب ميساء وميساء تأكد هالشي واقسم بالله لو ما صار هالشي لا اذبحها واسأل شما عن البنت اللي ذبحتها قدام عيونـــها انتا حر دحين اما تعيش بعيد عنك واما تموت قدام عيونك؟ " أنا"انتــه شو تقول؟ تخبلت فوق خبالك!! انته شو تبا ؟ أنا شو سويت لك !!" قيس"البـادي اظلم ميساء كانت تحت يدي وانت جيت واخذتها بارده مبرده تستاهل كل شيء بيحصل " أنا"أنا شو درانـــي انها تباك وانك تباها !!! يوم قلت لها اني احبها ما رمستني عنك مــول !! " قيس"الكلام جاك بكرا ينقال الكلام وكل شيء بيوصلني ان ما سويته ما حتشوفها للابد اول ماتطلع من باب الجامعه حتموت " ' ' تميت اطالع بهالمحادثه بصمت ويطغي على الجو صوت المكيف وهـــدوء واضح وايد .. شرا هدوء دواخلي .، كــانت فارغه من اي مشاعر طالعت في هالفراغ اللي جدامي مجرد جدار .. ما اعرف شو اللي ذكرني فيها فتحت الجنطه مالتي .. وطلعت لي علبه خمـر .. طالعت فيها بصمت وانا ما استوى فيني اي افكار عسب افكر اخذه او لا فتحته واخذت شوي منه حسيـت بإدماني يـرد لي .. واخذت كل العلبه وتميـت اشرب بشراهه ومن دون توقـــف ! حسيت بتعب خلاص رميت العلبه بقوه على الجدار وانا غضبي طلع ما كـنت في عقلي مــــول ! أنا -وأنا ابجي شرا الطفل-/ودرتــــــــــــــــــــن ي !! أههخ ودرتني أنا احبـــها ، "صرخت " اثيــــــــــــــــــــــ ــــر ________________ بعـــــــــد مرور اسبوع.. كان الكل بحال متغير عن المألوف ! اثير صارت الهاديه الجامده وبحر انقلب من الجريء للمتخوف ومـايد من الحكيم للحاير؟ وميساء من الاجتماعيه إلى الأنطوائيه .. اما شما ..رجعت لعالم الظلام غرفتها الموحشه وحارتها الفارغه وفيصل من منتقم الا عاشق .. واروى امممم؟؟؟ كانت هي العنصر المحايد اللي لا راحت يمين ولا شمال ظلت زي ماهي ولكن ما ينعرف هل قلبها تغير؟ هالصباح الجــديد كان يخبي في شروقهه سؤال .. هل دوام الحال من المحال؟؟ والأجابه؟ يمــكن يكشفها لنا الوقت ... ولكن بعد فترهه من الأنتظار الطويل _____________ ميــساء؛ كـنت في الصاله في ها الصبح ومـدري شو اللي خلاني انش الساعه تسع!! يمكن تعودت علـى نظام الجامعه تميـت اجوف اعاده فلم وايــد عزيز على قلبي.. تعرفون ليش؟؟ تذكــرت فيه اثير اللي تابعته وياي كان هالحدث اللي اجوفه فالفلم ان البطل ينتحر عسب حبيبته تذكرت هيجان اثير.. ' ' اثير -وهي ترمي صحن الفشار -/لآآآآآآآآآآآآآآآ بيمـــوت الأهبـل !!! لآآآآآء حرام وحبيبته ' ' اثيــر فيها زاويه في داخلها رومنسيه وطيبه رغم القوه اللي طاغيه عليه.. ها كان مجرد فلــم !! لكن إذا مات بحر بعيون اثير واهو حي شو ردت فعلها؟ أنا الغلطانه! أنا سبب كل ها اللي استوى لازم اللي يحبني يتأذى ويتأذى وايد سمعت الباب ينطق استغربت! مش معقوله قبلا شويه ابويه سار يفطر ويا امايه سـرت وفتحت الباب من دون حتى شيلتي فتحته بسرعه لين الباب نفخ شعري أنا حطيت ايدي على عيوني من الشمس انا-بصراخ-/هيـه ساير انته وامايا ومودريني اهني ما كأني مـن العاي... توقفت انفاسي وضربات فؤادي زادت تميت اجوف ملامح ويهيه المصدومه من شكلي أنا شهقت وانخشيت ورا الباب علطول .. أنا مارمت حتى اتكلم .. اهو -تنحنح-/آآآء..ميساء أنا مارديت عليه تميت صاخه عمر-بمزح-/انتيه عايشه .. أنا -بإستسخاف مزيف وقلبي يرقع-/ لا ميساء ..هاها لا تستظرف استظرف عمر-بإبتسامه-/عمـي اهني.. انا/نهـي نهي عمر-ضحك-/هندي!! ها اخر شيء وصلتي له أنا-بضحك-/جب جب وادخل الميلس لين اتصل على ابويه وسرت ركض للصاله وودرته يدخل من قسم الرياييل اتصلت على ابويه وخبرته ان عمر يانا واني دخلته حسيـت بنظرات عمر شيء وايد غريب اول ما انصدمت انه اهو مش ابويه جفت عيونه تحكي قصه مختلفهه انبهار ..بلمعان حب .. ما اعرف شو اسوي ما ابا حد يوقع في حبي أنا خلاص تعبت... كافـــي بحر!! واللي حبني واعطاني اهتمام ثم ودرني _______________ بحـر؛ تميـت يالس على الرصيف تحت الشمس قبال بيتي واتم اجوف العماره اللي فيها اثير .. كنت لابس كاب ونظارات عسب اتخفى وما تجوفني اثير او يكتشفني فيــــصل حسيت بحد يلس حذالي على الرصيف حذالي وايــــد .. مـد لي عصير بارد التفت جفت واحد ما اعرفه!! كان اسمر شويه وجسمه معضل بس اهو هزيل شويه.... هز يده وابتسم/اشبك يا ابويا خدو "غمز" مو خمر والله هههه أنا -ابتسمت له مع اني ما اعرفه ولكـن ارتحت له-/مشكور.. واخذته عسب ارضيه.. أنا كنت اجوفه بهالحاره يعني ولكن ماعمري كلمته وواضح ان له صدقات وايد وانه ثقه تميت اطالع بالجامه مالت غرفه اثير ...-بضحكه-/أها قــولي انك روميو ..يا رجال كل يوم وانا اشوفك على الرصيف ليل وصبح تطالع في الطاقه هادي..يلا قولي ايش معاك ههههههههه.. أنا -ضحكت-/بخبرك..بس انته قولي شو اسمك ابتسم وتنحنح/معاك زعيم الحاره هادي ومدرك اوم الحته هتان .. أنا -ابتسمت-/انا بحــر ومديت له ايدي واهو بعد وابتسمنا لبعد هتان-بإستغراب-/اسمك يا واد غريب ماعمرو مر عليا أنا-تنهدت وشربت من العصير-/قصته قصه هالأسـم.. هتان-بفضول-/ممكن تقول عليا ملقوف بس كاتم اسرار تجوف كل اللي في الحاره دي يحبو يقولولي كل حاجا ... قول قول أنا-بتردد-/هاي قصه بين ابويه وام خطيبتي هتان-بغباء-/آآء ..كيف هادي ..لحظه لحظه اووف يعني ابوك ماتزوج حبيبتو !! "قام يصارخ ويرمي العصير"هــادي اسمها دكتاتوريه وظلم .. | ||||
|
| |
|
29-05-15, 10:44 AM
| #33 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| انا قمت بكل سرعه ويلسته حذالي انا-بهمس خايف-/فضحتني اااانته هتان -بإستغراب-/انتا مره غريب! ابتسمت بحزن وانا انزل الكاب على ملامحي الحزينه تعودت على جي دوم.. انا -بحزن-/بقولك سري واباك تساعدني لاني حسيت بسهامتك يوم اجوفك ويا ربعك... هتان -دق صدره -/افاا عليك امر...ايش تبغى وانا اديك ولا يهمك انا -مسحت على ظهره بأخويه-/انا متخاصم ويا خطيبتي والموضوع وايد قوي ..وصلها كلام اني اخونها وهاي كانت علاقه جديمه فهمت شلون... وانا مهدد احين ان قربت منها بتنذبح هتـان كان مصدوم ويطالع فيني.. انا -كملت بتردد-/ما ابا حد يدري اني..انا بحر... سمني اي شي وحسس الكل اني واحد تعرفه من زمان ورد للجده بعد ابتعاث او اي شي.... ما ابا خطيبتي تموت ابا اجوفها واتطمن عليها بسكات هتان-ابتسم بمرح ومسك قلبه-/ ايش في امك انتا!! افتكرت السالفه فيها مخدرات ولا حاجا طلعت بس كدا انا حسيت بشاعر وايد ايجابيه وتدفعني لجدام وايد ها ربي وحدهه اهو اللي سخر لي هتان كان وايد حبيب ..ً صج ان الارواح جنود مجنده انا ارتحت له واايد وفعلاً كان انسان وايد خلوق ومرح يخلي الواحد يبتسم غصب.. هتان-واهو يطق ظهري-/شو هالرمسه يا ريال هههههههههه..اقولك لا تشيل هم لا تحط الكاب هادا على ملامحك ترا فاهم هالحركات عشان ما توريني حزنك وكدا انا بنفذ كل حاجا قلتها بالتفصيل الممل ولكن!! ما بسويه بدون مقابل انا ابتسمت على جنب ها الشهم اللي قبل شويه ما يسوي اي شي لله يعني!! انا /شوه ؟ هتان/ابغى اعرف وش قصتك كلهااا... عشان اسااعدك اكتر حتى اراقب لك حركات خطيبتك بالتفصيل.. انا ضحكت على نفسي يوم اتهمته بأنه مايعطي شي لله اهو مجرد فضول وبس وانا اشبعته يوم حكيت له القصه بالتفصيل ونحن نمشي بالحاره من يوم جفت اثير لين اليوم هتان -ابتسم -/تصدق ذكرتني بحاجا.. هالاحاسيس كانت تجيني اللي انتا تحسها انو ما حتحب وانو بعدين حبيت ذكرتني بنفسي وعشان كدا صدقني والله ما اخلي خطيبتك تضيع من يدك.. انا -ابتسمت-/لاتضيع حبك نصيحهه... انا الظروف عاكستني وايد جفت بعيونه حزن وابتسم ابتسامه سودا واهو عاقد يديه على صدره ويعاند حزنه تميت مستغرب اهو ليش جي.. يمكن عسب هالطاري ؟.. انا-بتردد-/خانتك؟ هتان-بنبره مختلفه-/ما تقدر.. انا/خنتها انتهه.. هتان -تنهد-/اذبح نفسي.. انا-بحزن-/شو عيل..؟ هتان-واهو يوجه نظره للي كان جدامنا -/ماتت قدام عيوني بالبحر بنفس اليوم اللي مات فيه صاحبي رامي.. انا حزنت واشفقت عليه وايد باليـومم نفسهه!! تميت اجوف البحر وانا وايد مصدوم هالشاب المرح اللي الابتسامه ما تفارجه كنـت اجوفهه ويا اصحابه!! يضحك ويمزح ويضرب ها ويتناكف مع ها ويزعل من ها بس بمزح وكان وااايد مرح ولا واضح عليه هالسالفه انا ابتسمت ومسحت على ظهره اطمنه... انا-بمرح-/صـدقني ربي ما قدر هالشي عسب تحزن..خيرهه هتان-ضحك وضربني على ظهري بضحك-/علم نفسك يا حبيبي...ترا انا افهم لغه العيون ، شوفتك يوماً عند الرصيف تحكي همك لها بعيونك،وهيا لا شافتك ولا درت عنك.... انا تنهدت وعقدت حواجبي وانا اتذكر اخر شي كان بيني وبين اثير.. توقعت ان هالعلاقه بتستمر يومني خطبتها ؟.. ولكـن قدرت الظروف جي شرا ما قدرت كل شي بحياتي.. وايد هالظروف خذلتني وذوقتني طعم الحياه المالح اللي ما استصغته ولكن وايييد صبرت عليه هتان -بمرح-/اقولك يا واد من دحين لازم تتكلم سعودي.. لانو واصح من نبرتك انك اماراتي.. انا-بإستغراب-/شو لازم!! هتان-ضربني على ظهري-/ياغبي لازم تتكلم زيي حجازي او اي حاجا من السعوديه انا-ابتسمت-/هييه وايد سهله.. هتان عقد ايديه على صدره وتم متسم ويطالع فيني واهو واضح انه يتأمل ويتذكر شي.. هتان-بنبره حزينه-/بغير اسمك.. لرامي على اسم صاحبي الله يرحمو ...عشان اتذكرو فيك علطول... انا وايد حزنت عليه يتذكر ربيعيه على ماشي الذكرى لشخص تحت التراب وايد تعور الفؤاد انك تجوف طيوف شخص متوفي بكل مكان تراودك ضحكاته وكلامه له وقر بأذنكك ها الاشياء ممكن تموتك وانته حـي اذا انا مفتقداثير وايد واهي جدام عيوني وموجوده في الحياه احس روحي بتطلع من مكانها فما بالك بالي يشتاق لشخص ما يروم حتى يجوف وجهه مايروم يسمع صوته هتان-بضحكه-/يااا وااد مو كداا اتقل اكتر ايش دا لهدرجه تحبها انا-نقزت وضحكت من كلامه-/واكثر وش دراك انت هتان-يغمز-/اجل علمتك هيا تتكلم سعودي ايوا كدا ابغاك تتكلم سعودي عشان بعرفك على كل اللي في الحاره وماتصير غريب ولا تلاحظ خطيبتك انك جديد هنا.. هزيت راسي بالموافقه وسرنا نمشي لجدام متوجهين لمكان ما اعرف شو بس كل مالنا نتجدم للبحر هتان-واهو يمسك مكان غمازتي-/افف بتعرفك بالغمازهه... بس تدري!! لازم العارض دا تحلقو كلو ماتبقي شعر واحد وشعرك بنسويه استايل غير!! وبكدا ما بتعرفك انا هزيت راسي بالموافقهه... __________________________________ انتهى.. | ||||
|
| |
|
04-06-15, 06:36 PM
| #34 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت التاسع عشر (19) *استغفر الله واتوب اليه-لاتلهيكم عن الصلاه* بحـّر ؛ نشيت عن كرسي الحلاق وانا اتحسس دقني ابعدت العارض اللي كان فيه للامانه ما تأملت شعري او العارض اللي خففته وايد!! تميت استقصي عيوني وافهمها.. اول مره اجوف نفسي بالمرايه واتمعن بهالملامح المقلوبه من راحت اثير عني!! يـــا آلــــلـــــــه!! شو حكايه الحزن اللي تحكيها عيوني شو هالملامح الغريبه امنو هالشخـص اللي اهني!! اللي يالس اجوفه بالمرايه مش بحر ها شخص واااضح عليه وضوح الشمس ان الهم اكله اكل!! ابتسمت بسخريه وحطيت يدي بجيوبي.. وحاسبت الحلاق ومشيت لبرع حطيت ايدي بجيوبي وحطيت الكاب وحاولت انزله حزني لي مش لغير.. مشيت وايـد مآحسيب بعِمري تميـت امشي وامشي وانا افكر بكيف استوى حالي جي وكيف دخلت اثير فجأه وكيـف اسنحبت فجأه... اااااه يا الياهل... كانت تتحراني اسميها الياهل عسب تصرفاتها الطايشه او عسب انها ماتعرف تتصرف... كنت اسميها ياهل لانها حبـتني ببرائه حبـتني لاني بحـر!! مب عسب امي او ابوي!! او اصلي وفصلي.. قلت عنها ياهل لانها تشبه ولد عمتي حور ياهل!! حبيني عسب شويه حلاو ولعب ومرح حبـني عسب اهتمام وسؤال ولطف ولين اهي كانت شراته!! حنيت واهتميت وحبيت وسألت وحسستها بحبي واهـي حبتني عسـب جي.. عسب جي بس صحيت من سرحاني وانا اجوف عن يساري ملعب وكان هتان فيه وصرخ بأسم "رامــي" انا التفت وحاولت ابتسم لان من بعد ماجفت ملامحي الحزينه ما ابا حد يجوفها.. رفعت عيوني له واهو يأشر لي ايي وزملائه كانو وياه سرت لهم وسلمت عليهم وردوه عليه هتان-واهو يطق ظهري-/هادااا صاحبي رامي حيصير معانا هنا في الحاره.. الكل رحب فيني ومزح وارتحت بينهم وحسيت ان ملامحي ابتدت تتحسن وان نفسيتي شويه تعدلت عرضو عليه العب وياهم اووه كيف برفض؟ ماا اروم ما العب كره ها عشقي ____________________________ يـوم يمشي! بعـده يوم.. وبعـده يوم ويمـّر الاسبوع.. ويجي اللي بعده وهذي هي الدنيا تمشي ماتوقف تنتظر مهما تعثرت ماتوقف تنتظر عشان تستعيد حيلك الايام صارت تتسابق سبت بعده احد بعد الاثنين وهكذا وصارت تمشي بسرعه بعيون ابطالنا.. بس مو كلهم!! ما عدا بحر اللي مو محدد مصيره وكيف يرجع له اثير!! كان باصم بالعشره انه بيظل يراقبها كثيـر.. راح اسرد لكم احداث مهمه صارت بهالسنتين اللي مرت قدام عيون الكل ولا احد قدر يعترض ◀◀◀◀◀◀⠗€â—€â—€â—€â—€â—€â� �€â—€â—€â—€â— €â—€â—€â—€â—€â—€ /اثيـر بتظلين معلقه كذا !! لا مطلقه ولا متزوجه ابتسمت بسخريه/ على بالك اني اذا تطلقت بتزوج!! انا بعيوني بحر لوحده محد يقدر يعوض مكانه .. بتحذير /اثيـر ترا ابوي لو درى انك معلقه كذا والله والله مايسكت ضحكت/هذي حياتي وانا حره خلوني بارده بدون احد على ذمه رجال ومو على ذمته بنفس الوقت !! لا تناقشيني في اني اطلب الطلاق ..او ارجع للامارات ◀◀◀◀◀◀⠗€â—€â—€â—€â—€â—€â� �€â—€â—€â—€â— €â—€â—€â—€â—€ بهيبته وجبروته وواضح من شكله وسيارته انه غني كثير/شخبارك؟ ابتسم بتواضع/الحمدلله .. بصوته المفخم/الا..ماقلتلي شسمك /اسمي بحــر طال عمرك هز راسه بإعجاب/معك فهـد..شوف انا ما احب اجي هالحواري ولا احب اختلط بهالناس !!ولكن قالي احد انك موجود وان لعبك مو لعب طبيعي لعب كويس كثير وجيت وشفت "دق كتف بحر" انت مكانك مو هنا مكانك بالملاعب يابطل مافهم لاول وهله/ملاعب شو!!؟ /انا بخليك تصعد وتصير نجم اشرايك؟ كان محتار يوافق او لا يوافق او لا /افكر واردلك خبر ابتسم وهز راسه بالموافقه ومد له كرت/هذا رقمي وعنوان مكتبي لما تقتنع تعال .. ◀◀◀◀◀◀⠗€â—€â—€â—€â—€â—€â� �€â—€â—€â—€â— €â—€â—€ تنهد/اهه الله يعين يا رجال /تغيـرت من اول ما جيت للسجن يا كايد .. ابتسم بإستفسار/تغيرت؟ في ايش يا طارق بحزن/اخذت كائبه هالمكان تنهـد وهو يقول بخاطره ان الكائبه مو عشان السجن لو يجلس خمسين سنه لعيون اروى عادي ولكن الكائبه جت من يوم مادخل فيصل حياتهم /خلها على ربك "ابتسم" هو يفرجها ◀◀◀◀◀◀⠗€â—€â—€â—€â—€â—€â� �€â—€â—€â—€â— €â—€â—€ ابتسمت براحه/وانته تحبها؟ تنهد/هيـه بس ماشي مجال لقلبها انتيه تعرفين ميساء يا عميمه حور اكثر مني.. مسحت على كتفه وابتسمت براحه/اهي جي متأثره وااايد انته ماتعرف شو صار بحياتها.. دخل فيها بحر وانسحب عقب دخل زايد وعذبها وكمل على بحر ، اهي شويه مش متقبله الريايل خلل اصابعه بين شعره/دخيلج عميمه ساعديني ...انا احبها والله احبها ضحكت/ وخزيااه انا ارد عمر حبيب عميمته حشى والله من عيوني راح الين راسها ماعليك لا تحاتي فز وسلم على راسها بفرحهه ◀◀◀◀◀◀⠗€â—€â—€â—€â—€â—€â� �€â—€â—€â—€â— €â—€â—€â—€â—€ دخـل لملعب النادي اللي هو صار واحد من لاعبينه دار بصره وفهد ماسك يده ويمشيه معاه ابتسم/وهذا يابحر المدرب .. ابتسم بحر وصافحه المدرب"بالانقلش"/ سررت برؤيتك يا بحر واتمنى ان تفيد فريقك بمهاراتك العاليه .. هز بحر راسه بطاعه ◀◀◀◀◀◀⠗€â—€â—€â—€â—€â—€â� �€â—€â—€â—€â— €â—€â—€â—€ كانت قدام التلفزيون .. وتقلب بالقنوات جلس جنبها وهو يستعرض في جواله اخبار الرياضه انفتحت عيونه بصدمه وهو يقرأ دق كتف اروى بصدمه وهي انصدمت معاه /اشبك !! /مو هذا بحر خطيب اختك !! اخذت الجوال وقرت الخبر كان الخبر توقيع الاعب بحر مع نادي الـ.... السعودي !! وحاطين صورته وهو ماسك تيشيرت وعليه رقم 19 ومكتوب اسمه بالانقلش انصـدمت واتطلقت لاختها بالغرفه عشان توريها /اثيـر الحقي التفتت لها اثير بعد ما كانت تطالع من الطاقه حقتهر اللي تطل على البحر/خير اشبك!! /شووفي الخبر ذا !! اخذت الجوال وقرت الخبر وابتسمت بحزن / الله يوفقه ◀◀◀◀◀◀⠗€â—€â—€â—€â—€â—€â� �€â—€â—€â—€â— €â—€â—€â—€â—€â—€ /عمووه لا تقوليلي جي قرصتها/يا مينونه يا هبلا ..ميسووء لا تسوي جي فاهمه!! بغرور وهي تهز راسها /نو نو نو.. "وبدت تغني وتستهبل.وترقص " نخسر بعضنا ليش ؟ خلينا احنا نعيش بفهمك بشويش! خليها صـداقهه ضحكت عليها حور وكملت رقص وهبال/ قلبك اذا طاح مايتحنل جراح خلينا نرتاح من الحب شوي وبدت ترقص ميساء ومسكت خط الاخت ضحكت حور على شكلها وضربت راسها لين قعدت ميساء بهدوء/عميمه انا تعبت من الحب ما ابغى اخسر احد لو يحبني صدق يجي يخطبني اما علاقه ممكن تنتهي انا مو ناقصه اخسر شي ◀◀◀◀◀◀⠗€â—€â—€â—€â—€â—€â� �€â—€â—€â—€â— €â—€ /مايـد انا مليت انتظار!! خلاص ابا اعيش وياك ابتسم/صبرتي وايد شما بعد سنه وخده واشتغل ونتزوج شو تبغين بعد هي بحيا/ماشي سلامتك اباا بس نكون سوا ضحك بخفه/ونحن مش سوا لا تشكين شك صغيرون اني بودرج لوحدج ابتسمت براااحه لهالانسان اللي دخل لحياتها وحببها فيها كثير بعد ما عافتها تنهدت /الحمدلله عليك يا مايد ابتسم/والحمد لله عليج يا شما ◀◀◀◀◀◀⠗€â—€â—€â—€â—€â—€â� �€â—€â—€â—€â— € /الحلو ليـش زعلان ؟ قعدت تطالعه بغضب /وخر عني خلني اروح للبقاله !! /اوو اشبو القمر معصب علينا مايسوى..اثيرو ياحلوه مو حلو عليك الزعل فتحت عيونها للاخر /هــي!! كيف عرفت اسمي بمكر/عرفتو ...لا يكون زعلتي عادي ياعمري اقولك انا قيس رفعت حاجب وحاجب لا وتخزرته ومشت للبقاله ◀◀◀◀◀◀⠗€â—€â—€â—€â—€â—€â� �€â—€â—€â—€â— € /الـو ..بحر !! بإبتسامه تشرح الخاطر/هتـان انته وووينك يا ريااال !! بمزح/مـوجود بس بعض الناس اشتهرو ونسونا ضحك/لا والله مانسيتك بس انته عارف مباريات وايده طول السنه وبعدها معسكر وخلها على ربك ضحك /هههههه يا وااد اشوفك في التلفزيون محلو ومتغير وجسمك انضبط وكدا..الزبده حقولك حاجه بحر ضحك/انا حلو من اول اصلا... شو قول!! هتان بجديه/اخويا زي ماقلتلك هوا في المباحث وامس راح ديسكو بالدره ولقى قيس هناك بحر عدل جلسته وهو مصدوم / هيه وشو سوا !! هتان/قبضو على الكل اما قيس قدر يفلت بحر ضرب فخذه بقهـر /ااااهخ للليتهمم مسكوه هتان-بضحك -/ياااغبي دي مباحث مو اي حاجا الحين هوا مطلوب وجاري البحث عنه!! لانه قاتل بنتين !! ◀◀◀◀◀◀⠗€â—€â—€â—€â—€â—€â� �€â—€â—€â—€â— €â—€â—€ بليله هاديـه اثير نايمه بعمق اما فيصل واروى يدور بينهم جدال بغرفتهم /انا قلت اني اكـرهك افهم فيصل بغضب /عشـان ايش شسوووويت فيك !! اروى ببرود /كـذا اكرهك فيصل بصراخ/انا عاااارف ليششش عشششان ابن الكلب صصحح!! اروى بعصبيه /لا تقـول عن ولد عمـتي ابن كلب!! الشرار تطاير من عيونه ونار الغيره اخذت من ضلوعه حطب وصل لاعلى درجات الغضب.. مسكها من كتـوفه وظل يهزها ويصارخ/مــرت سسسسنه وانا ااااكرمك احن عليك اعطيك اهتمام ووووحب ولاااا نسسسسستييييه!!! اروى بقواه عين /ايه مانسييييته!! رفع فيصل ايده واعطها كف قوي مره فيصل وهو يلهث من بعد الصراخ وكأنه ندم واروى تناثر شعرها على وجهها فيصل بحزن/والله لا اخليه ينساك وتنسينه والله!! شلها بأقوى ماعنده ورماها على السرير وهي تصارخ بِ "لااااااا فييييصل لااا تسوي كذااااا " فيصل/والله لا اسووويها ويا انا ويا هو!! انتي حلالي ومحد بيحاسبني ان سويتها ؛ كاااااااات ؛ ◀◀◀◀◀◀⠗€â—€â—€â—€â—€â—€â� �€â—€â—€â—€â— € بصباح من الصباحات طلعت اروى مع فيصل يفطرون واثير نزلت للبقاله عشان تجيب حليب لها نزلت من الدرج ويوم وصلت لباب العماره انصصدمت من اللي واقف عليها وينتظر كان شاب لابس نظاره وكاب ولابس تيشيرت رياضي وبنطلون جينز.. وقفت اثير يوم لقته ساد الباب بجسمه الطويل حاولت امشي يمين يجي يمين اجي يسار يجيني يسار رفعت عيوني له ببرود وانا اشوفه عاقد يدينه على صدره ابعد الكاب عن راسه وابعد النظاره ووضعت في الامر الواقع انفتحت عيوني بصدمه وانا اتأمل هالشاب كـان...بحـر!! هو بحر ولا شبيهه الا هــو والله هووو مسك ايدي من دون مايفتح فمه بكلمه ورحنا للغرفه اللي مقابله لعمارتنا دخلني لهالغرفه وانا جسمي متخدر من الصدمه ماتوقعت انه يجي واشوفه ماتوقعت انه باقي يذكرني ظليت سرحانه بنظراته وانا مكتفه يدي قلت بصدمه/بحـر!! بحر بهيام/عيـونه.. وروحه..وفؤاده امتلت بعيوني الدموع /ليش جيت!! ليش ذكرتني فيك!! انا احاول انساااك ليش جيت بحر امتلت عيونه زيي وحمر خشمه/لااا ، دخيـلج اثير لا اقولين جي لا تنسيني!! انا كنت مضطر اقولج هاك الكلام وبعد ايام بتصدقيني !! وبخبرج بكل شي تنهدت وانا اعاند دمعتي/انت قتلتني من جوا ماصرت احس بشي ، صرت ما استوعب اي حدث يصير قدامي، خليتني اشوف كل شي بلا لون ، حسستني اني ضعيفه ومحتاجه... خليتني اكتشف هالشي مليون مره "بغصه ودمعتي نزلت غصب" كل ليله ازيد واعيد على نفسي....انا احبـــك!! بس خذلتني!! ظل سرحان بملامحي الباكيه تقدم لي انا حطيت ايدي على وجهي /خلاااااص يا بحر كاافي لا تشوف دموعي !! لا تشوفهاااا انا مو ملكك مو ملكك انصدمت يوم حسيت يديه حوطتني وشدتني لصدره بقوه وانا انفجرت باكيه خلاص تعبت اكتم واكتم بحر-بحزن-/دخيـلج!! اثير استحملي يومين بس يومين!! والله لا اخبرج بسر هالكلام اللي اقسسسم لج انه جذب صبري علي يومين والله بكشف لج كل شي ◀◀◀◀◀◀⠗€â—€â—€â—€â—€â—€â� �€â—€â—€â—€â— €â—€â—€ بصـراخ/فيـن اثيييير اروى بخوف/يبه تكفى لا تعصب عليها اشر على فمه/اششش لا اسمع صوتك طلعت اثير من غرفتها وهي عارفه ان فيصل بدوامه مو موجود فركت عيونها بعد نوم مريح بالنسبه لها انصدمت لما شافت ابوها قدام عيونها وواضح من عيونه العصبيه رجعت لورا خطوه وابوها اشر بإيده عليها وجلس يزاعق /هـذي نتيـجه اختياااااارك!!! انااااا بنتتتتتي تنررررمي سنتيييين وتظل معلقه لا زواج ولا طلاق!! اثير نزلت عيونها للارض هو الانسان الوحيد اللي ماتقدر تقوله شي ابو اثير جلس على الكنب بتعب وقعد يعاتب اثير/ليش ماااعلمتيني ااااخذ للللك حححقك اناااا ابوووك مو من الشااارع اثير ركضت لحضن ابوها وانفجرت بكا /اااابببوي انااا اسسسفه ما خبرتك دددخخخيلك لا تزعل علي ، يبه انا مصدومـه منه !! هو خانني يبه ، هدا ابو اثير من كلام بنته وكأنها خدرته به وقعد يمسح على ظهرها وهـي تبمي بحركه وغرقت ثوب ابوها دموع الكل انصدم منها ومن بكوتها من يومها طفله ماعمر احد شافها تبكي !! فما بالك بالبكوه هذي بكوه الحاير المصدوم بكوه اللي كبت على نفسه كثيـر ابو اثير-عقد حواجبه وهو زعلان على بنته-/لا ابوه لا ابوه!! يبكي بنتي خلاااص حبيبي خلاص انا باخذك معاي في بيت جدك هنا في جده عشان تكملين دراسه ◀◀◀◀◀◀⠗€â—€â—€â—€â—€â—€â� �€â—€â—€â—€â— €â—€â—€ كانو بالحديقه الخلفيه للبيت والتقو بعد كتب الكتاب اللي كان البارح بس ضمو بعض بلهفه وشوق كأنهم لهم مده ما شافو بعض واخذ عمر يدورها وهي تتشبث في وتضحك صرخ/ميساااااااء احبــج وهي تضحك /هم انا حست بالراحه معاه وحست بالراحه لمشاعره اللي مايتردد يقولها.. هو الشخص اللي كان بالنسبه لها نور من بين الظلمه الدامسه هو اللي انقذها من وحشه الوحده وحطها بعالم ثاني غريـب معالمه ،عالم كله سلام وحب نزلها ومسك خدودها /انا وياج للابد صدقيني ، انا وانتي كنا وحيدين واجتمعنا ببعض ،ماشي حزن ماشي دموع انا وانتي بنكون في عالم للسعاده وبس ميساء مسكت وجهه مثل ما مسك وجهها وهمست/الله يخليك لعيوني ◀◀◀◀◀◀⠗€â—€â—€â—€â—€â—€â� �€â—€â—€â—€ /اي اي انا عند الدسكو !! /بحر!!تستهبل انتا ايش عند الديسكو /ببلغ على قيس انا واثق انه داخل /بــطل ووووربي بطل يلاااا بلغ بسسسرعه ◀◀◀◀◀◀⠗€â—€â—€â—€â—€â—€â� �€â—€â—€â—€â— € /انتبهي على نفسك اثير وسلميلي على جدك " نـداء للرحله... المتوجهه الى دبـي" ابتسمت/مع السلامه يبه انتبه لنفسك ولجدي ابتسم بحزن على فرقى بنته.. وركبت اثير الطياره ولكن وهي تودع السعوديه للمره الثانيه _____________________________ تجمع كبير ببيتنا هي نفسها التجمعات اللي كنت من عشاقها اعشق ضحكاتهم وكلامهم ومزحهم ودائماً ماكنت أنا الطرف اللي يجمع كل هالأشياء بس الحين أنا ولا شيء وكله بسبب شيء واحد .. قوتي وعنادي !* نظارتي للحياه هاذيك اللي كانت ملونه بأجمل الألوان تحطمت وخدشت عيوني بالدموع سرحاني اللي بيوم ماكان يزورني الا نادراً الحين صار مسيطر علي بكل لحظه ، توقف سرحاني اللي أنا فيه حالياً وتوجه نظري لأمي الجالسه على الكنبه ومعاها وجدتي ومهره ويطالعون التلفزيون امي كانت متحمسه كثير ومبتسمه كيف ماتبتسم ودلوعها على الشاشه الحين ؟ اه منه هالدلوع اخذ مكاني مع انه مو اخوي هو دلوع امي من قبل أنا ما أجي امي تعشق هالولد اللي حست فيه ولدها وحست بالأمومه عشانه قبل وقتها ابتسمت بس عشان امي الي تصيح وفرحانه وجدتي تضربها على راسها وتقول ماتعقلين انتيه مول . كانو الكل عندنا كل بنات حينا بس احس ان المكان فاضي تحمست الأجواء وكلهم يصرخون ويوقفون ينتظرون الهدف الأول فزيت على صوت معلق المباره وهو يصرخ"وهجـــــــــــــــــ� �ـمه خطــــــــــــيره يمرر لبــــــــــــحر " حسبي عليك الله أسمك بس افز منه . كيف صوتك كيف ضحكتك؟ وصراخ المعلق ازداد" قــــــــــــرب المـــــرمى وركله خطيــــــــــره !!!وقـــــــــــــــــــــ� �ـــول لبحــــــر.. الله عليــــــــــك ياولد الأمارات اللــــــه عليك يا موج السعوديه " الكل فرح وبدو يضمون بعض ويفرحون احنا كذا عيال حاره شعبيه متواضعه جدا وبسيطه نحب بعض بشكل كبير محد استغرب سكوني لأن الغرفه كانت محتفله "ببحر" اما أنا محد معبرني فرحت! ما أحب يلاحظ علي تغير او يحس اني اختلفت حزني ابيه لي مو لغيري ولكن للأسف الأنسانه الوحيده اللي مستحيل اخبي عنها . كلامها يخليني انهار بحضنها واطلع كل اللي بصدري جلست جنبي ومسكت يدي وشدت عليها شما/أثير سمعيني ..أنا الوحيده اللي ماترومين تغبين عنها شيء حتى حزنج ،بلاج متغيره أنا حاسه فيج وايد وحاسه ان بقلبج عوق ؟ وتجرح عيني الدموع بالوقت الغلط تنهدت .. ونزلت دموعي غصب عني ايقنت الحين ان البكا مو عيب والله مو عيب بالعكس هو أكبر دليل على قوتي كثير أستحملت وكتمت لدرجه ماعاد قدرت اتماسك دموعي مسحت دموعي بسرعه خايفه احد يلاحظ ويسألني "ليش تبكين؟" شما طالعت لتلفزيون وعرفت سر حزني ووجعي ولكن مو بالتفاصيل اللي خلتني أنسانه غير ________________________ انتهى. "ملاحظهه/ترا بذوخهه تعبت وهي تنقل من الدفتر هالبارت ونزلته لكم اليوم عشان خواطركم لا تحرمونا من ردودكم الحلوه وتوقعاتكم الاحلى" على الود نلتقي فـي اخر بارتات روايه بحر! .. | ||||
|
| |
|
13-06-15, 10:23 AM
| #35 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| آلبـارت العشريــن.. (20) "والاخيـر " اثير؛ وخابـت ظنوني بأن شما ماتعرف تفآصيل حزني طلعت حافظه اكثـر مني !! شما-بهمس-/اعرف كل شي اثير... ماعرفت وش ارد من صدمتي ماتوقعت تدري بس اكيد بحر قايلها او مايد شما -بأسى-/انتيه ظلمتي بحر مش اهو اللي ظالمنج انا ارتسمت حواجبي بشكل متعجب !! يآسبحـان الله.... كيف انا اللي ظلمته يا شما كيف؟ شكلك مو عارفه شي وحطيتها فيني هـو اللي خانني مع صديقتي وهو اللي اجبرني ابتعد شما-قرت هالملامح وابتسمت-/اقصد انج ظلمتيه لانج مب عارفه السالفه اخو بحر اهو ورا كل هالجذبه!! انتي غبيه شلوننن صدقتي في بحر!! انا ما استوعبت كلام شما كيف اخوه!!/ممكن توضحين شما شما -عدلت جلستها-/يابعـد حيي على قولتكم..السالفه ان اخو بحر .. انا -قاطعتها بصدمه-/لحظظظظه!! بحر عنده اخو شما-هزت راسها حزن-/للاسف..ولكنه مب شقيقه وولد حرام انا -شهقت -/اعـُوذ بالله... طيب وش علاقته بيني وبين بحر شما -تنهدت-/ها اخوه اسمه قيس،منغص عليه عيشته ماعمر بحر تهنى الا وسلب منه هالهنا !! اخـذ كل شي منه وياما هدد وتوعد.. واخيـراً شو سوا؟ ارسل لبحر اما انك تسير ويا ميساء وتقول اني احب ميساء ولا ما بتجوف اثير مره ثانيه والله لا اذبحها... وهالريال ترا الذبح عنده شرا السلاام عليكم انا هزيت راسي بحزن /شماا بس محمد وراني صور لميساء وبحر وتسجيل مكالمات له وهو يعترف لها بحبه!! ووصلني خبر ان هو اتصل على ابوي وقال ان فيه علاقه بين امي وبين ابوي محرمه ومستمره!! وشتتنا انا كنت بصدقك بس مقدر اكذب اذوني وعيوني شما -ضحكت-/جبــان...ها الغبي يلعب بعقلج صصصدج انه و قح...حبيبتي ما بأجذب عليج لا.. بحر جان يحب ميساء قبل اربع سنين وانتهت علاقته فيها قبل ماتيين الراك بفتره ...واذا عن الاتصال فأقسم لج انه قيس اخذ تيلفون بحر بالغصب بعد ما طقه ابتسمت بحزن وانا احس بكياني يلتهب ودموعي تصيـر غزيره وان كل عضو بجسمي خانني وصار يتوجع ااااه يااابحر!! حسبتك خايـن وتلعب بمشاعري حسبتك نذل وماتحسب للعشره حساب ولكن العكس يوصلني فجأه!! بأنك مضحـي وتفكر فيني قبل نفسك تفكر بروحي اللي عانقت روحك... انا اسسسسفه يابعد روحي اسفــه... انتبهنا كلنـا لصافره الحكم اللي بنهايه المباراه واللي تعلـن نهايتها ظهرت النتيجه بأنها 3 لفريق بحر و.. 2 للفريق المنافس والكل فرح بهالنتيجه المرضيه اللي تؤهل للنهائي هالكأس.. ظهر تحت النتايج اسماء اللي سجلو الاهداف وكان لفريق بحر هدفين سجلها بحـر وواحد لزميله وطبعاً صار وقت ان اللعيبه يلتقون بالاعلاميين والمدربين للصحفين وهكذا *_* كان المذيع ياخذ لاعب ورا الثاني واهتمام البنات انصرف او بالاصح يلهون انفسهم لين يجي بحر انتبهو كلهم للمذيع اللي قال/والحين معانا الاعب بحر وش تحب تقول بحـر؟ .. تقدم بحـر شوي لين عند المكرفون والابتسامه اللي ذوبتني اللي خلتني ابتسم نفسها بالضبط واحس بشوق فضيع له بحر -بإبتسامه وفرحه-/بسم الله...اول شي الحمدلله ثاني شي خاطري اسأل الياهل "وغمز" شلون سويت اليوم؟ المذيع عقد حواجبه بإستغراب وانا صنمت مكاني ونظراتي راحت لبعيد انطلقت لمكانه عشان تتطمن على روحي اللي استكنت معاه!! اهه يا بحـر كم احب يوم تناديني بالياهل كل شششي فيني يحبك يا بحر الا قلبي قلبي حبك وحن لك واشتاق لك ورحمك ومات مليون مره في فرقاك.. المذيع حاول يضيع هالطلاسم /ولمين تهدي هالقولين ؟ بحر-بنفس الابتسامه وهو يطالع الكاميرا وبرسل بوسه بهالوا من بعيد/للياهل اللي وحشني طبعاً...وهتان استغرب المذيع وش الياهل؟ فما حب يزيد وينقص يبي شي يجذب المشاهد مو يجذب الياهل الواحد اللي يقصده بحر المذيع/شكرا لك بحر انا ظليت اطالع للتلفزيون بإبتسامه واحس بالامل بخاطري احس ان همي رااح لبعيد يوم اقترب والله انك يا حزن شيطان لا جات الملائكه رحت.. !! حبيـت كلامه وتذكره لي حتى بلعبه للكوره اشتقت لك يا بحر لو تدري شما -دقتني بكوعها-/اهه منه هالبحر!! بيعيد اللي سواه بالجامعه يوم قال انه يحبج بالمكرفون انا -ضحكت لهذي الذكرى-/ههههه ليتها ترجع ذيك الايام .. شما -ابتسمت-/بترجع واحلى بعد!! ابتسمت لها بأمل وضميتها بحـر؛ بعـد المباراه سرت للمطار عسب رحلتي للامارات تنهدت براحه وانا احس بأن روح يديده استكنتني ما اعرف شو اوصف هالشعور.. شعـور الطفل التايهه وعقب يلقى اهله اهه يا اثيـر اخيـرااا نحن بنرد لبعض .. تميت في صاله الانتظار وانا ابتسم واتذكر اللي استوى ' ' بلغت عن هالفله المشبوهه اللي فيها نفس مايستوي في الدسكو واكثـر من جي بعد مااخذت وقت طويل الا الهيئه والشرطه يو سرت للبقاله اللي حذال البقاله عسب مايشك في احد طلعو الهيئه ووياهم بنات فيهم منظر يقشعر البدن وملابسهم خليعه وايد الله لا يبلانا بما بلاهم... هم جفـت ريايل مقبوض عليهم ويطلعونهم جفتهم وقفوا من الطلوع ماشي حد ثاني يطلع ضربت ريلي بالارض بقوه وانا احس بقهر انه مب اهني بس جفت عسكري يرمس واحد من الهيئه .. العسكري/وين الباقين؟ رجل الهيئه/فيه واحد جوا يراوغ ويحاول يهرب العسكري/ اهاا.. تميت اتطالع في الباب واتمنى ان قيس يكون اهو يلست على دري البقاله وتميت اطالع وظليت وقت قصير الا الشرطه والهيئه يمسكون ثنين ضيقت عيوني ابا اجوف امنو اللي قاضبينهم جي، فتحت عيوني للاخر بفرحه وكان قيس ومحمد وقيس يحاول يفلت ويراوغ ولكن ماشي فايده.. ابتسمت وهمست بفرحه/هاردلك قيس! ' ' سمعت نداء طيراتي وسرت للطياره وانا بعيوني امل ان انا واثير نرد واحسن من قبل بوااايد انشالله اجوفها بإبتسامتها... انشاله ارد اجوفها بالعفويه اللي تعودت عليها..انشالله ، "ابتسمت" انشالله تستقبلني بحضن داافي ينسيني سنتين ضاعو من عمري واهي مش وياي.. تسـريعاً للرحله الممله هاي!! اللي تميت طول ما انا فيها اتبوسم كأني مينون وصلت لاراضي الامارات دار زايد الحبيبه.. << محد اشتاق للامارات ): اه يابلدي شلون انا اشتقت لج واااايد اشتقت لارضج لعطائج اشتقت لذكرياتج..واجمل المواقف اللي استوت فيج اخذت تكسي عسب نسير للراك عند ابويه ___________________________ ميسـاء؛ كنت وايـد متوتره يمكن اشيك على شي مليون مره اتأكد فستاني نظيف !! طيب الشوز لايكون انمخش … لا لا الكوفيرا يمكن ماتيي بكره يمكن تتعطل سياراتها واهي يايه!! حطيت ايدي على ويهي وصحت من الخرعه اووويه اخااف يستوي جي صج! دخلت علي عمتي حور حور-بخوف-/ميساء شو فيج انا -بكيت والف نظري كأني ضايعه -/اويه عميمه يااويلي حور-حطت ايدها على قلبها-/شوه بلاااج!!! انا-مسحت دموعي بدلع-/اخاف الكوفيرا باجر تتعطل سياراتها او يستوي لها حادث او فستاني ينشق او يتوصخ لاااا سمعي المصيبه اخااف عمر مايي او اكب عليه العصير او يطيح عليه الكيك "رديت احط يدي على ويهي واصرخ" لااااااااااااا تميت فتره ما اسمع صوت حور رفعت عيوني وابعدت جزء من كفي.. حور تمت تطالعني بوعيد وانا خايفه من صجي يعني حور-رفعت شوزها ورمتني فيه -/ جلبه اتحرررى فيييج شي!! انا-بقلق وتردد-/يعني ها مب شي؟بس خايفه انا.. حور-بحنان معوق شوي -/بقره انتيه!! ليش تفكرين بهالاشياء المستحيييله!! انجبي اجوف وتغطي وارقدي عسب تصحين باجر بدري.. انا ابتسمت بإطمئنان وارسلت لها بوسه بالهوا وغطيت ويـهي وسويت اني نايمه وانا جذابه بعدني متوتره ومب عارفه شو بيستوي باجر بهاللحظه!! تمنيت شخص واحد يكون اهني اهه ليـتج يا اثيروه اهني!! كان ما بفكر بهالاشياء اللي توترني _________________________ اثيـر؛ انتهت المباراه والساعه الحين 9 الليل تميت اجوف الناس تروح وخلاص يتوادعون عرضت على شما اوصلها لبيتها وغصبتها على كذا انا اصلا ابغى اشم هواا ماتعودت على الحكره.. رحت لبست عبايتي وطلعت مع شما الليل كان موحش والظلام سايد الا نور القمر كان ينور شوي ابتسمت وانا امشي مع شما ونمر جنب البحر كان منظره يهبل والقمر معكوس عليه.. تنهدت وانا اتذكر ذيك الليله مع بحر يوم نزلني معاه وظلينا نرش بعض بالمويه.. شما دقت كتفي بخفه/خلاص حبيبي ثير سيري انتيه وانا سايره لبيتي ماشي بقي.. انا هزيت راسي بحزن ومشت عني شما وانا ماتحركت ظليت اطالع البحر ودمعتي خلاص قريبه كأن طيفي انا وياه قدامي واحنا نرش بالمويه ونضحك وهو يسوي فيها القوي حسيت بإيد تحاوطني من ورا ما اعطيت اهتمام ماحسيت بنفسي هاذاك الوقت هاليد ضمتني من ورا واحس ظهري ملاصق لصدر احد انا التفت بخوف بس!! .. يوم شفته انصدمت وتجمدت اطرافي كان مبتسم ويطالعني بشوق انا ابتسمت بفرحه وعيوني كانت تحكي الصدمه قلت بنبره فرحانه ومصدومه بنفس الوقت /بحر!! ما اعطيته فرصه يرد الا ونطيت لين ضميته بقوه وخلاص دمعتي نزلت وهو ضمني اقوى نزلت عنه بعد فتره وهو مسك يديني بحر-بندم-/انا..اسف اثير.. بحكيلج انا هزيت راسي بإبتسامه وحطيت ايدي بفمه/لا تقول شي انا فااهمه وقالتلي شما... انا اسفه بعد ابتسم بفرحه ورجع يضمني/خلااص قيس انسجن ونحن بنستوي لبعض!! انا ضميته بفرحه وخلااص احس نفسي بطير من الفرحه/بقولك شي... بحر -بفضول-/عيوني.. ؟ انا -غمضت عيوني وشديت على تيشيرته-/اكتشفت.. اني ما احبـك!! حسيت بإستغرابه وصدمته انا -بضحكه-/اكتشفت اني تعديت الحب.. صرت هيامانه ترا... لا ترووح عني مره ثانيه بحر وهو يبعدني عنه ويفرص خدودي/ما ودرتج من خاطري !! انا كنت اجوفج كل يوم واراقبج بكل لحظه انا -ابتسمت بإستغراب-/سنتين تراقبني!! اصلا كيف عرفت مكاني.. بحر -ضحك-/تذكرين الشاب اللي كان ييلس على الرصيف قبال الجامه مالتج انا -فتحت عيوني بصدمه-/كنـت شاااكه انك انت والله كنت شااكه ابتسم وباسني وظلينا قدام البحر نسولف وناخذ اخبار بعض وكانت اجمل ليالي عمري انا -بتردد-/بحر... لو طلبتك طلب اممم توافق؟ بحر -ابتسم ومسك يدي-/ها سؤال؟ اكيد بوافق قلبي ما يطاوعني ارفض لج طلب.. انا -ابتسمت -/ابـي... اروح لميساء بحر فتح عيونه بصدمه/الحيـن!! انا-هزيت راسي بحزن-/ايه...ملكتها بكره!! وماتعودت اتركها بمواقف توترها وخوفها بحر -ضحك-/انزين ... دقيت جبهتي بدليل اني نسيت.. بحر طالعني بإستجواب انا/اتصل على امي قولها اني معك هز راسه بالموافقه واتصل وانا ركضت للسياره زي البزر وانا متحمسه لشوفة ميساعوه العصلا ما انتبهت لسياره بحر الجديده لاني اصلاً ما احب الفشخره وما تفرق ان بحر كان غني او لا يهمني انه معاي دوووم!! ركب بحر والابتسامه شاقه فمه انا ضحكت /مبسوط عشان كلمت امي؟ بحر -تنهد وهو يشغل السياره -/وامنو ما ينبسط اذا كلم امي؟ انا-مسكت يده اللي على القير -/ماشفت كيف امي وهي تشوفك ..ابتسامتها مافرقتها ورجعت عشرين سنه لورا وهي تناقز وفرحانه..."ضحكت" غش والله!! تحتل قلب الام وبنتها سوا ؟.. حط عينه بعيني وانا طايره من الوناسه شوفته ؟ اه منهاا ياشوفته تنسيني هالعالم كله.. مسك يدي وباسها وهمس /وانا ماشي محتل فؤادي !! انا مبيوقه روحي مني مب بس قلبي.. ابتسمت بخجل واحس بشعور ما اقدر اوصفه هذي هي الايام جمعتني فيك يابحر كنت اطالع في البحر واغني؛ انا عشقـت الموج من اسمكك وحبيـت البحر والله يا بحر... ماحبيت هالبحر الا لان اسمك منه اسسمك اللي كان له وقع بحياتي اللي غير نمطي وغير حركاتي انت غيـر عنهم !! غير... الناس بكفه وانت بكفه بحر -رفع بصره لسياره-/شو رايج بالسياره اليديده؟ انا كأني صحيت من سرحاني ولفيت بصري انا-ضحكت -/اووخس والله توني انتبه انه جديده بس تاخذ العقل بحر -غمز-/فيراري هاي ماتشبه االي قبلها عسب ماتفرقين.. انا -ابتسمت-/فرحت انه صارلك سياره فخمه وكذا وانا مو عن مافرقت بس مايهمني... يهمني راعي السياره لو نمشي انا وياه على عربانه ماعندي مشكله بحر -ضحك من قلب -/فـديتج ثرثر ...تصدقين!! ماسميتج الياهل من فراغ... انا -ضحكت وحطيت ايدي على خصري-/يا سلااام... ماني ياهل بحر -بمزح-/مالج علاقه!! انا اباج ياهل وانتيه الياهل لا تخليني اقول قطوه انا تصنعت الادب وحطيت اصبعي السبابه على فمي/لا لا خلاص ياهل اهون بحر-ضحك-/ يقطع ابليسج ذكرتيني بأيام الابتدائي!! انا-ضحكت ضحكه مكتومه- بحر -رجع يضحك-/بلااج ضحكي خلاص مب مسمينج قطوه انا اكتفيت بإبتسامه عبرت عن كل احاسيسي هالفتره وحطيت كفي على خدودي بطفش من هالطريق ابتسمت بحزن كم قد مترت هالطريق رايحه جايه رايحه جايه .. من دبي للراك ومن الراك لدبي كانت اجمل ايام عمري... بحر -بمزح-/جف جف هاي اللي كانت تضحك!! وين سارت الضحكه؟ شو تفكرين فيه "مسح على شعره" ادري ادري تفكرين فيني انا -ضحكت بخفه-/اص اص بلا ثقه زايده هههههه... افكر بهالطريق كيف كنت امتره رايحه جايه.. ايام الجامعه كانت تجنن.. وتذكرتها "كشيت عليه" ولا مافكرت بشعرك ذا هههه بحر -ضحك بخفه-/كنت ابا اضحكج...لان ابتسامه الحزن هاي كنت افكر اني انا مصدرها انا مسكت شعره ونكشته/انت مصدر حزن يعني؟؟ اقول ورا ما تاكل تبن ههههه انت اللي بنيت لي احلامي ورتبتها وعلمتني اشياء كثيره... لايجيك مجرد شك انك مصدر حزن لي.. هز راسه بإبتسامه رضا وهو يعدل شعره/ههههه انزين عدلي شعري لي.. فديتج يلاا.. يلاا قلبووس يلاا عيونس انا -فتحت عيوني للآخر وابتسامه خفيفه ارتسمت على شفاهي -/بالله عليك.. هههههه كأنك تكلم بزر "مسكت شعره وضبطته له" يلااا نعدله وش ورانا بحر -مسك يدي وبانت الجديه بملامحه-/اثير حبيبي.. انا -وانا مشغوله بشعره-/هـممم ؟ بحر -بتردد-/ارجوج!! اذا جفتي امي لا تزعلين منها.. جوفي انا ولدها شلون ممرمطتني ...دخيلج لا تودريني انزين ؟ انا -انصدمت من كلامه يعني ماعاد بيثق فيني!! مابيثق اني بظل معاه تكلمت وانا اجر الحروف جر من حنجرتي/بحـر... مآتوقعت لهالـدرجـ..ـه ماعاد تثـ..ق اني معاك للاخير!! يعني بتركك عشان امك؟؟ بحر -بإرتباك-/لا لا حبيبي بس ابا انبه عليج!! انتيه ماعرفتي شلون انا تعذبت بفرقاج والله العظيم حسيت بروحي تنسلب مني حسيت ان جسمي كله سموم انتيه ماتعرفين شـلون انا تضررت... انا -كتفت ايدي-/وانا بعد ترا نفسك...ماجلست ببيت اختي اتبوسم واضحك ، كنت اسوأ منك.. ولا تنبه علي ما بتركك عشان كذا صدقني ما راح اتركك مهما صاار بحر ابتسم وكملنا طريق وانا صراحه مهمومه ليش يقول اني بتركه ذا شي مستحيل __________________ كايد؛ وخرجـت من السجن واللي اخذني بسيارته خالي ظليت اشوف كل شي حولي جديد ومتغير اهه يوم فتحت طاقه السياره وشميت هوا حسيت بأني اعيد احياء اعضائي الجافه.. سمعت خالي يقول/يلا انزل وصلنا نزلت من السياره بكل حماس ورحت للباب وفتحته بقوه وانا فرحان حسيت بنظرات خالي وراي لانه هو اللي جابني لبيت جدي.. ماحبيت نظراته ابـد!! وكأنه عارف سبب حماسي اللي هو اروى.. حطيت في بالي انها مجرد اوهام نظرات خالي اللي تقولي اروى مو هنا. اروى موجوده اييييه هي هنا !!فتحت الباب بكل قوه وتوجهت للصاله وخالي سكر الباب وهو يهز راسه ويضحك من طيشي اللي للحين ما تخليت عنه كان الكل في الصاله امي واريج وجدي <<اريج اخت كايد اذا ذكرتوها *_^ اطلقت العنان لكل اشتياقي وتجمع الكل حولي وانا ارتميت بأحضانهم والفرحه مو شايلتني ابد اخذتنا السوالف وقعدو يصبون لي قهوه من يد امـي اااااه كم اشتقت لهالقهوه وهاليد اللي تسويها كم اشتقت اني اشوف بسمه جدي وارتجافه يده كم كنـت اشتاق لنظره خالي المحبه وحنانه علي وكم اشتقت!! لاريـج اختي خيشه النوم امي -بإبتسامه وفرحه عارمه وهي جالسه جنبي بالكنب وتزيد بإحتضاني -/ااه يا ولدي!! كانت امنيتي ارجع اشوفك!! والحمدلله وحده اللي رجعك لعيوني. انا -اكتفيت بإبتسامه - جاتني اريج تتسحب وايدها وراها وهي كل شوي تتقدم لي انا استغربت ورفعت حواجبي وابتسمت انا -بفرحه-/ايووواا وش فيها دلوعتي بعد حاطه ايدها ورا ظهرها !! اريج -ابتسمت ومدت علبه مربعه كان شكلها يجنن وملفوف عليها شريطه-/هذي كاكاو ادري تحب هالنوع وذي هديه لك انا ضحكت بفرحه ومديت ذراعي لها وهي ارتمت بحضني وانا ضميتها بقوه و بدت تخنقني وكأنها خايفه اروح عنها مره ثانيه بعد ما اعتقتني اريج لوجه الله وانا احاول ارتد نفسي انا -مسكت خدودها-/فديـتهاا اللي دخلت اول جامعه!! شدي حيلك ها ؟ صحيح بتزهقين في البدايه بس استحملي اعرفك صبوره... اريج -تنهدت-/خلها على ربك..اقول خل عنك بس ، والله يازين الاجازه الصيفيه والله فله و... وكملت هذرتها اللي هي سمه من سماتها وانا اسمع شكاويها ، واسمع فرحتها وانها كثير حبت الاجازه عشان النوم والطلعه والجيه واه من شكاويها بدت تتذمر من جو الرياض الحار وان الغبار كثيييف عليهم.. وتـدرون!! سبحـان الله من سالفه الحر راحت لسالفه المطبخ وانه مابقي على رمضان شي،!! مو قلت انها هذاره ؟ هههههه اهخ منها هالهذاره ياحبي لها جا ببالي شي واحـد!! اروى فين هي ؟ ليش ماجت!! هـي وييين يعني ما اشتاقت لي؟ بصري راح على طول لصوت خالي وهو يكلم بالجوال خالي -بإبتسامه شرحه-/يآهـلا بحيبة ابوها لوهله فكـرت انها اثير لكن اريج نقزت بسرعه جنب خالي وكانت متوسطه خالي وجدي اريج-بترجي-/الله يخـليك خالو.. افتح اسبيكر وحشتني موت.. وخالي ماقدر يرفض طلب دلوعة العايله.. انفتح الاسبيكر وانصـدمت !! صـوت اثير فيه بحه بسيطه واسلوبها دفش بس هاذي اللي بالخـط !! هااااذي الناعمه الهاديه اللي ضحكتها ما ترتفع كثير مو هذي صفات اروى!! هـذا صوت حبيبه عيـني شلووون انساه !! اروى-بخجل -/حبيبي بابا واحشني انت وجدي اريج-شهقت-/افاا وانا ما وحشتك يا حيوانه اروى-ضحكت بخفه-/يآ هلاا بدلوعتي يعني بالله هذا سؤال اكيـد وحشتيني.. استغربت من كونهم يتعاطون هالكلمات وهالشوق! اول شي خطر ببالي.. اروى ويـن!! لا يكون ابتعثت برا ولا شي افف مو انا موصصي عليها ما تبتعث بدوني انا بأبتعث معاها واشاركها تفاصيل حياتها اههخ منهـا .. ابتسمت بخفه وصوتها يرسم انواع الاشتياق لملامحها الهاديه .. اروى-بخجل-/ دام الكل مجتمع.. بقولكم خبر الكل -بحماس-/قـولي يلاا.. اروى-تنحنحت-/اممم...اوكي.. انـا... خلاص بطلت اخاف من رده فعلكم الكل ضحك عليها ومافهمت ليش يضحكون اريج /خلاص خلاص عرفت بس ابي اسمعها منك اروى-ضحكت بخجل-/انا حـامل.. فتحـت عيوني بصدمه !! حــآمـــل.. حــــآمــــل.. حــــــآمـــــــل.. صدا هالكلمه ينعاد ببالي بنبرتها الخجوله !! قمت بتمهل والصدمه تمشيني زي ماتبي مشيت بخفه لين الكنبه اللي كانو كلهم متجمعين عليهم طالعت بعيونهم وملامحهم الكل كان مختبص ومقلوب حاله ويطالعون فيني بشفقه اروى-ضحكت-/ويـنكم ؟ .. انا -احاول القى جواب يطفي النار اللي بصدري وقلت بهدوء-/حامل من ميـن؟ .. جدي-بحذر-/كـايد اهدى يا ابوك و... انا -ماتحملت وحمرت عيوني وعروقي بااانت وصرخت بأقوى ما اعطاني ربي-/حــامل من مــين!! من ميــن!! خالي-بخوف-/يلا مع السلامه اروى.. اروى-بقلق-/كايد طلع!! خالي-تنهد-/ايه مع السلامه وسكر .. وانا الهث من بعد الصراخ اللي صرخته واطالع فيهم بإستفسار عن اللي سمعته وكأني مو مصدق اللي سمعته قبل شوي!! ابي جواااب يرضيني.. ابي اسمعهم يقولون انها ما كانت هي او اني بحلم ويصحوني ضحكت بهستيريا /انا في حلم صح.. ههههههههه خلاص قوموني.. هالحلم يتعبني!! خالي -تنهد وهز راسه-/لاحول ولا قوه الا بالله جدي -مسك ذراعي وهو خايف علي من رده فعلي-/خلااص ياولدي تعوذ من ابليس اريج وامي كانو يتابعون بصمت والقلق بعيونهم انا -صرخت وبديت اكسر التحف-/صحــوني خلااااااص ما ابيييي ابقى بالحلـم لااااااا.. امي-بصراخ وقهر-/يااولييدي لا تفكر فيييها بنت شيخووه تفففهم.. خلاااص هي تزوجت ونسسستك خلااص تزوجت فيصل وصاار هو كل شي لهااا... خلااص اقفل سيرتها وخلنا نتهنى فيك انا وصلت لمرحله هستيريه ماقمت اشوف احد من العصبيه والصدمه ما استوعبت اي كلمه انقالت لي.. انا -بصراخ وشلت اكواب العصير ورميتها بقوه-/ لااااااااااااااااااااااا.. . هــي قااااالت ما بترككني هي قااااااااللللللتت!! انتووووووو تكذذذذبون علللييي وظليت اكسر واصيح والكل يحاول يهديني ويقعدني وانا مرات اضحك ومرات ابكي.. وعلى كذا وانا اكسر واكسر ولا انتبهت لاحد لين حسيت بتنفسي البطيء وحسيت بتشوش بصري وما قمت احس بأحـد !! ________________________ فيصل؛ والحمـد لله اللي جمع قلبي بقلبها الحمدلله بحجم السماآ هاذي هي اروى تأقلمت معي وهذاني لي سنتين اعطيها حنان وحب واهتمام وفاد معاها ومال قلبها لي.. مع انه مستحيل تعترف بحبها .. ولكن انا اكتشف هالشي من التصرفات اللي تسويها من خوفها من حرصها وكمان من حنانها كل شي يثبت لي ويخليني اتعلق فيها اكثر واكثر فتحت باب السياره وانا نازل للبيت.. وفتحت باب الشقه وشفت اروى مو في الصاله استغربت!! بالعاده القاها عند التلفزيون دايم !! قعدت افتش عنها ببصري.. شفتها طالعه من المطبخ وفي يدها عصير كيوي.. وش طرالها تشربه ؟ غريبه ما كانت تشربه ابد.. ابتسمت ورحت للكنب الي بالصاله وجلست وهي جلست قريب مني.. انا حطيت عيوني فيها بإستغراب وهي طالعت فيني ووجهها كان معفوس حسيت ان فيها شي.. انا-ابتسمت ابغى اغير السالفه -/والله الوحام لاعب فيك اخرتها كيوي ههههه اروى-ضحكت-/ههههه هذا ذوق ولدك المعفن مع اني اكره الكيوي شكله طالع عليك.. انا-هزيت راسي-/انا لله!! يعني بيطلع جميل يشبه امه وطبايعه الشينه زي ابوه.. اروى-ابتسمت-/انشالله ياخذ اسلوبك هذا اللي يهمني.. انا -هالكلمه خلتني احس اني قدرت اخليها تنجذب لي-/ووش فيه اسلوبي؟ .. اروى-تغيرت ملامحها وسكتت فتره-/حلو يعني.. انا-ضحكت-/طيب ليش اروى-بضحكه خفيفه-/مـدري..يمكن انك تقدر تغير الاجواء بلحظه من حزينه لسعيده اممم..وحاجه كمان انا -حطيت ايدي على خدودي بمعنى التركيز-/اها.. ايه كملي اروى-ضحكت-/ناوي تعرف يعني هالحاجه هههه انا هزيت راسي بالموافقه وانا ابتسم من شكل ملامحها اروى-وخدودها حمرا -/تخلي الواحد يحبك غصب عنه وهو في غفله.. فجأه كذا يحبك انا -ابتسمت وقلت بنبره بارده -/صدق؟.. اروى-هزت راسها- انا-قربت منها-/يعـني حبيتيني اجل اروى-التفتت وشافت وجهي قريب من وجهها شوي-/آآء.. انا -قعدت اتبوسم واستنى هالكلمه تطلع هالكلمه اللي لي سنين انتظرها - اروى-نزلت عيونها عن عيوني وابتسمت بحيا-/اي احـبك انا ماصرت اتحكم في ملامحي احس الفرح اكتسحها وحتى عقلي طار.. شلتها وقعدت ادور فيها وهي تضحك وتقول/ههههه فيصل يا مجنون هههههه نزلني انا حاامل ههههه ________________________ يتبع."حبايبي لحد يرد بعد هالرد عشان انزل البارت كامل ورا بعض". | ||||
|
| |
|
13-06-15, 10:23 AM
| #36 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| باليـوم التالي.. بيـن انغمارهم بالتزيين وانغمارهم بميساء اللي كانت على اتم الاستعداد ولا ينقصها شي الميكاب مضبوط وهادي ويناسب فستانها المشمشي الفاتح اما اثير المختبصه اللي ماتدري هي لايش ولا لايش ميساء كل شوي تقول متوتره وخايفه واثير تهديها.. واحيان ميساء ترسلها للمطبخ تتأكد ان كل شي موجود وترسلها لحور وترسلها لكل مكان عشان يرتاح ضميرها اللي كل شوي يطلع لها بشغله تشغل حالها والباقين واثير ياااعيـني عليها ماغير تناقز من مكان لمكان عشان تطمن قلب ميساء والحين صارت الساعه 5 وفستانها واغراضها بالراك كلها لان شما تأخرت وتقول مابجي بدري.. بحــر؛ هزيت راسي وضحكت من نقز اثير ما اسير للمطبخ الا واجوفها تنبه الخدم وتسأل مع انها المره المليون اللي تنبه!! وما اسير لعمتي حور الا اجوفها تسألها عن الورد وهالخرابيط مع انها المره المليون اللي تسأل!! وما اسير برع البيت الا اجوفها تقول للسواق سير الساعه ست ييب الكب كيك والسوفليه مع انها المره المليون اللي قالت له... عقي جفتها بالصاله اللي بالدور الثاني جالسه وسانده راسها لورا من التعب حطيت ايدي ورا رقبتها.. واهي واضح انها تعبانه وايد وانقطعت نظراتنا الصامته اللي كانت بتجيب نتايج حلوه بس انقطعت علينا لذه اللقا وتنهدت وانا اسمع صوت جوال اثير اثير-ابتسمت لي وردت-/ايوه شما!!... يوووه مالقيتي احد يجيبك....شماا وش البس خلاص باقي ساعتين ويجون الضيوف!!..."تنهدت" اوكي اوكي باي... انا رفعت حواجبي بإستفسار شو هالضيجه ؟ مب انته يآبحر وعدت نفسك ما تجوف هالضيجه بعيون ياهلك مره ثانيه؟ انا -مسحت على شعرها-/بلاج ياعمري؟ ما احب اجوفج بهالملامح مـول!! اثير-وهي تطق اصابعها بتوتر-/بحـر تورطت!! تخيل فستاني وجزمتي واكسسواراتي وكل شي بالراك وشما مابتقدر تجيبها معاها انا يات ببالي فكره عجيبه تخيلني وياها وقت حلو تميت اطالعها بخبث وابتسم انا -ببرائه-/اهاا انزين عندي حل ؟ اثير-بحماس-/ايش؟ انا -غمزت لها-/مب قايلج احين سيري بسرعه لبسي عباتج وتعالي.. اثير فزت واهي مبسوطه وايد تميت اطالع شكلها واهي تسير لعبايتها بحماس اااه يا اثيـر... احبـج يا احلــى ياهل بالدنيا احبـج وااااايد يا اثير وكل نبض فيني يثبت جوفتج تقلب مشاعري واستوي على حافه الينون حبج ذبااح يا اثير!! وانا فدا لسيف حبج اللي بيذبحني!! _______________________ كايد؛ من بعـد حاله اغمائي امس احس اني صحيت والدنيـا سودا بعيني شفت كل شي بـدون لون ظليت صاكت واطالع حولي ومالقيت احد حسيت بدومعي تخون عيوني تخون صـدري اللي كتم .. خانتـني دموعي بمثل خيانه اروى سؤال يتردد بجوفي اللي مات وصار ماله حياه هـي ليش تزوجت ونستني؟.. انا ذبـحت صديق عمري بإيدي!! انا.... ضحيـت عشانها وهـي ؟ تزوجـت وخلتني!! خلتني لوحدي بعد ماعطتني وعد اننا بنكون لبعض ليـش يا اروى تحبيـن تحرقين قلب مجنونك ؟ انا احبـك!! احبـــك من المهد ليـش اخلفتي الوعد ؟ ليــش.. تذكرت لها محادثه وعدتها في بالي بكافه المشاعر اللي كانت بهاذاك اليوم ' ' انا/ربك كريم... صدقيني بنكون لبعض اصبري اروى/صااابره يا كايد والله صااابره وابيييك لكن اخاف.. انا / يخسى الخوف.. لا تخااافين ابد يا اروى اروى/اخاف تنترك بعض في الاخيـر.. اوعدني نبقى للاخير كايد/لك مني وعد اكافح لجلك واحارب الكل واوعدك لو ان الموضوع فيه رقاب ما اتركك ..اوعديني انتي ماتتخلين عني اروى/اوعدك ما اتركك... ' ' ابـتسمت بحزن وانا احس بعواصف سودا تهب قدام عيوني وتجرد كل الالوان بعيوني احس بصرخاتي الداخليه اللي تقطع احشائي وهي تسأل ؛ويـن الوعد ؟ ويـن الوعد يا اروى... ياخــاينه وينــه ؟؟؟؟ حسيت بأحساس يخلي الواحد يموت بس ببطئ.. احساس قتل كل الاحاسيس اللي بالخاطر يقتل كل نظره تعبر عن اي شي من المشاعر احساس يجـرد الفكر والبال من اي شـي.. مسكت جوالي بإهمال وانا احاول القى اي تفسير للخيانه القـى وين اندفن هالوعد.. لقيت رساله من رقم غريب وكانت قبل سنتين وفتحتها.. ؛ الى حبيبي اللي فجأه خلته الظروف اخوي.. ادري رسالتي ما بتوصلك بوقتها.!! بيوصلك خبـر من غيري ما ابيـك تتألم.. ما ابيك تبكي.. ما ابيك تتحسر ما ابيـك تحس بهالاحاسيس اللي حسيتها ببعدك انا مو خاينـه!! انا حاولت احفظ الوعد بس فيصل قالي لو تزوجتيني بأسامح كايد واخليه يطلع ضحيت بمستقبلي ومصيري المجهول مع فيصل عشانك وعشان ترجع تتنفس وترجع تشوف حياتك اتمنى تعيش بسعااده وتقدر تضحيتي.. كــل شـي انتهى اليوم لان اليوم زواجي من فيصل.. انا آسفه خلاص بودعك وهذا اخر كلام بتكلمه معاك مو عشان فيصل عشااان ربي... اختك ؛اروى انا بحلقت بالرساله وزفرت زفره كأنها نار.. رجعت نار صدري تشـب وتحرق اعضائي حسيت بدموعي الحاره تحرق خدودي صرخت وانا احاول اخفف عن نفسي بكذا حسيت ان صوتي وصل لكل العالم من طبقته العاليه والمقهوره/لااااااااااااااااااا ياااااااااااااغبييييييييي ييييييييه... ياااااااااااااااامجنونه.... لاااااااااااااا...ما بكووووون سسسسعيييييد ماااااابكون.. يااااااااااغببببيه للليييييتني مممممت ولاااااااا تزوووجتي هالكللللللللب.. امي واريج وجدي فتحو الباب واحتوني ويحاولون يفهمون االسالفه وانا اصارخ بكلمه /لاااااااااااااااااااااا ومحد فاهم مني شي ________________________ يلاا عاد اثير وبحر على سياره بدون نقاش انا اللي بحكي للحلوين (; وهذا هم اللي افترقو سنتين يرجعون لبعض بعـد انتظار ويأس عيـونهم مانزلت عن بعض كل واحد سرحان بعيون الثاني مو مصدقين انهم جنب بعض هالوقت شدو على ايادي بعض وتأكـدو انهم صدق جنب بعض بحر -بهمس عاشق ومجنون-/ممكن تقولين لعيونج توقف تستوي جميله...بنصدم ترا اثير -ضحكت بخفه وهالضحكه سحرت قليب بحر المسكين-/حبيبي والله.... بحر-بفرحه ويشد على ايده-/الحمدلله اللي ردج لعيوني العاشقه..الحمدلله اني معاج وانتي معاي اثير -وهي تبتسم بحبور-/واكتمل هناك وهناي بحر -واهو يضحك ويصرخ-/الــلـه عليجج..وزن وقافيه اثير-ضحكت-/ايـه شدرااك بعد!! وتعانقت ايديهم ونطراتهم تحكي الف قصه قصه حب وقصه وله وقصص كثيره آلشـوق ياما فرق.. والامل ياما رجـع.. والله كريم $' هاذا هم بحر واثير اللي كانو يائسين من رجعتهم كانو خايفين ان الظروف وعاصفه الايام اللي تعصف بوجيههم.. خافو لكـن... الامل كان بعيون بحر كبيـر!! وان بالاخير ربي مايضيع حق احد ولا يفرق قلب زوجين انظلمو عشـان املهم ظلو مع بعـضهم <<شفت يابحر حتى الكاتبه وزن وقافيه هههههه *_^ نروح للحبايب اللي انغمسو بلذه نظرات بعض واللي ما قدرت عيونهم ترمش وهم يشوفون عيون بعض بحر-تنهد وبنبره هايمه -/اخاف اصدم...ما اروم اقاوم عيونج!! اثير استحت كثيـر من هالنبره وماقدرت تتكلم بحر -ضحك بخفه-/اويه... استحيتي!! ترا وراج يوم طويل وفري السحا اثير -انصدمت ااهخ منه هالمنحرف نااوي لها بعد!! شهقت بخوف- بحر -مات ضحك من توترها وخوفها من كلامه وحب يرفع ضغطها شوي-/ههههههههههه انتيه تخافين من الحين!! عيل وقت الزواج شو بتسوين ههههههههه اثير-ضربته على ذراعه بخوف-/اصصكت.. لا تخوووفني!! بحر -ضحك ومسك قلبها-/طااع شلون يدق...مينونه والله احد يخاف من نصه الثاني !! اثير ضمت كفوفه بإيدها وحطته على قلبها وضغطت عليها وبحر ابتسم لحركتها وخلاها على هواها اثير-وهي تزيد حضن يده وضغطها على قلبها-/ما اخاف ..استحي بس بحر وقف سيارته بمواقف السيارات واللي بدت تظلم تقريباً قرب بحر وجهه من اثير وقال بهمس/تصدقين؟ بديت انعمي من شي قربي اذنج بقولج اثير بكل برائه وحماس قربت اذنها وهو مسك خدودها بسرعه وباسها في فمها وهي مصدومه.. بحر-ابتعد عنها بخفه وعيونه تلمع بحب-/بديت انعمي من حبج انعمي عن كل شي يسعدني!! استويتي انتي بصري اثير -ظلت تنقل بصرها فيه ودموعها تبرق بعيونها ابتسمت ابتسامه ذوبت بحر وضمت ذراعه -/احبـك يا بحـر بحر باس جبينها /انا اموت بهواج اهيم فيه!! ولو بإيدي بغرق في بحر حبج واموت فيه... اثير اكتفت بإبتسامه وهي عاجزه ترد على كل هالكلام ولكن تحتفظ بنفسها هالمشاعر المكنونه واللي اذا انفجرت بتروي عطشان الحب لين حتى يحس بالتخمه بحر -وهو خلاص بينجن على ابتسامتها وعلى كلمه احبك كان بيضمها بيبوسها بيطلع اي شي يبرد خاطره ولكن هم في مكان عام!! انقهر من هالفكره بس ماحب يعكر مزاجه قال بنبره محبه-/حـبي... نزلي وصلنا اثير هزت راسها ونزلت وسكرت الباب وراها مسكها بإيده الحانيه.. وتشابكت اصابعهم ببعض بعد فتره فراق فراق هالاصابع وهالتشابك فرااق قلبين احتارو بأي كلمه يعبرون عن حبهم الحمـد لله على كل شي.... اممم خلونا نترك طيور الحب!! ونروح لعريسنا يابدر بادي ;-) عمر حبيب روح ميساء _________________________ عمـر؛ كنت عند الحلاق وتميت اعدل شعري ودقني ومن هالامـور... حسيت بإحساس غريب وايد!! انا وميساء .. اهي حلالي وانا حلالها!! اهـي استوت ملكي واناا ملكها بس بنفس هالفرحه وهالينون حسيت ان في ميساء شي.. مامر وقت وايد نشيت من عند الحلاق وحدرت سيارتي وانا ادور فوني بجيبي لين حصلته وماصبرت اكثر واتصلت فيها تميـت متوتر اخاف تلتهي وماترد وانا ابا اطمن قلبـي مايطمن الا بصوتها وتقول انها بخير .. تم التيلفون يرن وقت وتنهدت براحه يومني سمعت صوتها ميساء-بقلق-/ه..هـلا انا-بخوف-/ميساء فيج شي!! انا حاس ان فيج شي ميساء-وهي تبلع ريجها-/متوتره عمر وخاايفه حدي انا-بإستغراب-/مـن شو ياعيني.. "بنبره حنان" مش انا بكون وياج ؟ انت بكون حولج ووقت الزفه بكون معاج ونمسك ايادي بعض... انا ويااج لا تخافين من شي.. انزين حبيبي ميساء-بخجل-/هيـه...ما بخاف لانك وياي انا تنهدت بإرتياح/كوني بخير عشان فؤادي اللي يعشقج دخيلج حتى توتر لا تتوترين... ميساء-ضحكت بخفه-/وانته حبيبي انتبه لنفسك.. انا-بإبتسامه من قلب عاشق-/انتبهي لج انتبه لي.. ميساء-بخجل-/انزين حبي لا تسرع اوك.. عمر-ابتسم لاهتمامها-/مـن عيـوني.. ____________________ يـتبع.. "حبايبي لحد يرد بعد هالرد عشان ازل البارت ورا بعض" | ||||
|
| |
|
13-06-15, 10:24 AM
| #37 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| __تكمــــــــله __ ومـآبين عشق وجنون ولقا بعد انتظار لقيـنا {اثير وبحـر}… والحسـره والمشاعر الميته كانت من نصيب {كــايد} … والرعايـه والاهتمام واللهفه والانتظار لذاك المولود اللي بيلون حياتهم بنشوفها في {اروى وفيصـل}… ووفا الصداقه اللي امتلكها وساعد فيها صاحبه وعين له محامي عشان يرجع يشوف مخفف همومه وصندوق اسراره {كـايد وطارق}… يقولون الدنيا دواره وكما تدين تدان وهذا كله صار لـِ{قيس} واللي انقص فيه وكمان صار لـِ{عزيـزه} واللي انظلمت مع زوجها اللي ماحبها ولا طاقها وصار لـِ{عايـشه} واللي لا صار ليلها ليل ولا نهارها نهار لان كايد باقي بصدمته ولا يهجد عسا مايصحى يصرخ ويرجع ينهـار ويالله يهجد.. اما العربجيـه صاحبه اجمل ضحكه {فتون} فهـي بدت تستعيد نفسيتها الحلوه ورجعت تكلم اروى واثير ونرجع لحبايبي الي فوق(; بعد صلحهم ورجعتهم اتحدد زواجهم وكان بـعـد رمضان {اثيـر وبحـر}.. والحكيم والمتثبت بدا يتجنن مع هالبنيه وما قدر يصبر واكيد ما يقدر يصبر من شماني وبدا يخطط لخطوبتها {شما ومايـد}… واجمـل واحلى خطيـبين بالدنيـا كلها واللي كل واحد احتوى الثاني واللي يصبحون ويمسون على اصوات بعض وضحكـهم اللي مايوقف {ميسـاء وعمـر}… ________________________ فـي تجمع كبير وعزيمه اكبر فـي البر.. مكان لترويح النفس شويتين كانو الحريـم كلهم متجمعين بخيمه والرجال بخيمـه..!! تعـالو نشوف الرجال كان يتوسط القعده الشياب كالعاده ابو شيـخه.. وابو يحيى وجنبهم الآباء .. ابو فيـصل وابو اثير وابو عمر وابو بحر واولادي الحلـوين $: بحر وعمر وفيصل وكايد ومايد كانت الخيمه هاديـه لين ابتدا ابو يحيى بالكلام ابو يحيى/احنا جمعناكم هنا عشان نصلح مابين النفوس ونخلي الي شايل على واحد من اخوانه هنا يتسامح منه وثاني شي عزيمه لبحر واثير اللي قرب زواجهم بحر هز راسه بإبتسامه /تسلم ابو شيخه-وهو يهمس لحمدان-/ارمس ابويه.. حمدان-بصوت الجهوري وهو يطالع يحيى-/يا اخويه يا يحيى انته فاهم غلط... الاتصال اللي ياك هاك اليوم وفرق بينك وبين شيخه ها كان مدبر... انته عارف من قبل تعلق بحر بزوجتك والسبب اني كنت احطه عندها يومني اسير للدوام واهي تعتني فيه اكثر من امه...ولا بيني وبينها اي علاقه <<من ورا قلبك ياحمدان..!! يحيى-تنهد-/اعوذ بالله من الشيطان هو وزني على كذا.. اسف يا اخوك حمدان -ابتسم-/ماشي مشكله ..وانا اللي اسف علئ كلشي واتمنى انك تعتذر من شيخه قبل يحيى نزل راسه بيأس .. وابو يحيى التفت يخاطب ابو اثير/وجا الوقت يا ابو شيخه نصلح اللي انكسر.. ونبي نرجع البنت لزوجها... ابو شيخه-بنظره امل-/بنتي واعرفها مسامحه..وانا والله ابا شيخه ترد ليحيى مابنحصل شراته!! بس لازم اشاورها يحيى ابتسم بفرحه لهالهبر وابو يحيى كمان فرح لولده /على راحتك يا ابو شيخه.. اما بنفوس الباقين.. فـَ كان كايد هو الوحيـد اللي لا فرح ولا حزن صـار يتعامل مع الامور مع هالمحمل ما صار يتحمس لاي شي ولا صار يحس بأي احساس بروود فـي برود.. وفيصـل اللي من شافه. ضاق صدره ولو... هو انسان ويحس باللي حوله حـس ببروده ونظراته الامباليه حـس انه مو طبع كايد رفيقه القديييم كايد كان شعله نشاط... صــار لا مبالي!! بارد!! مجـرد من اي مشاعر دارت سواليـف كثير بين الرجال وباركو لبحر اللي على وشك الزواج هو وعمر ولكن كايد ما انجذب لشي خلاص حس بلوعه... واخيرا جاه احساس بسيـط طلع برا الخيمه وهـو يشم كميه كبيره من النسيم البارد ويطلع زفره احر من الجمر راح لبعيـد وهو يتذكر ذاك اليوم اليـوم المشؤم اللي انهى حياة رامي ما كـان متخيل انه مر سنتين وبيكمل الثالثه قريب من وافته جلس بنفس المكان اللي صار بذاك اليوم مكان طرح رامي مكان الصدمه والعذاب... جلس على ركبه ومسح على هالتراب وهـو يبتسم بحزن ويطالع للمكان وطيف رامي مرمي قدامه ودمه يغرقه كايد-يتخيل انه يكلمه ونسى انه بالواقع المر-/ويـنك يا اخوي...؟ ومابيـن خياله كان يتخيل رامي يكلمه ... رامي-وهو مبتسم-/انا فـي قلبك وفي عقلك..احتفظ فيني.. كايد-بحزن-/رامـي ..يارفيق دربي وعمري ارجع ...ارجع لون لي حياتي الي سودت رامي-بأمل-/لمـآ تحس ان الحياه ماتستاهل انك تكون بهالشكل !! تغيـرت وتغيرت ملامحك النشيطه... ارجع زي ماكنت لا لا اروى بترجع و لا انا.... عيش لنفسك كايد انلجم ما قدر يتكلم وهو يشوف طيف رامي يختفي عنه وهو صرخ وماهي اول مره يصرخ بقهر /ارررررررررررجع.. ارررررررررررررجع... لااااااااااااا ترووووووووووووح وظل يضرب في التراب بإيده وصار حواليه عج جا فيصل ومسكه ومن كتوفه ويهزه ويرتجي انه يهدا فيصل-بصراخ-/كــايد... اهدا كايد-ماعاد حس بنفسه من الانهيار اللي هو فيه-/لاااااااااااااااا مابهداااااا قوووووله يررررررررجع ظل فيصل فتره وهو يهزه ويحاول يهديه وكايد مع الوقت تخدر ولا عاد تحرك وهو شاخص بالمكان اللي كان فيه طيف رامي فيصل لاحظ هدوءه وجلس معاه وهو يمسح على ظهره/كلـنا فقدنا رامـي.... كايد-التفت له ببرود-/وش جابك.. فيـصل/جيت اعتذر كايد-بإستغراب-/مـن؟ فيصل-ابتسم-/ادري انك ماتطيقني عشان المشاكل اللي سببتها انا اعتذر لك عن كل شي مو حلو صار بسببي كايد-ابتسم بحزن -/وانا بسامحك... فيصل ابتسم بفرحه للي سمعه اخيـراً انتهى الخقد بينهم وانتهت النسافات الطويله هذولا الاصحاب القديميـن رجعو.... عشان يعيـدون ذكرى رامي يعيـدون ذكراه لا تندفن معاه... __________________ من جهه ثانيه عند البنات بالخيمه كانو مسوين حلقه وتدور بينهم سواليف وضحكات خلو نسمع وش سواليفهم... ميساء-غمزت لاروى-/اويه احلويتي اروى احلى من ليله عرسج اروى-ضحكت-/اذا انا حلويت انتي ايش "غمزت زيها" عمر يحلي ولا شسالفه هههههههه وييه مشالله عليه محظوظ بهالملاك البنات ضحكو من وجه ميساء اللي حمر ومن سكوتها وهي منحرجه اثير -عفست وجهها بشكل يخوف ويضحك بنفس الوقت-/انشالله البنت اللي في بطنك تطلع كذا اروى-رمت عليها المخده -/اللله ييييقطع اااابليييسك اسم الله على بنتي ضكو عليها البنات ومن حرصها اروى-بتردد-/ثيرو حبيبي.. اثير -وهي تحشي فمها عنب-/هممم اروى/الله يخليك تكفيين بضربك ضربه خفيفه اثير-رفعت حاجب وحاجب لا-/تراا طلعت عيوني بنتك!! ما صارت تبي تطلع علي وعلى جمالي ميساء وفتون غمزو لبعض وشما تضحك عليهم ميساء-بضحك وهي تكش عليها-/على زييييينج مثلااا..عليهااا فتون فتون وميساء راحو وبطحو اثير واثير تصيح بضحك وتحاول تفلت منهم وبس فتون وميساء ماسكينها ميساء-بصراخ-/تعاالي ططقيها اروى اروى راحت وضربتها وطلعت الوحم اللي فيها(; واثير ميته ضحك وفحمانه خلاااص بدت تدمع والبنات من وراها اثير-وهي يالله تتكلم من الضحك-/خـ ـلاااص ههههههههه انا عـ...ـرووس ههههههههه اي يا حماره ههههههههههه زواجي الاسبوع الجـاي.... هههههههههه _________________________ وهاليـوم الممتع انتهى بعد ماتعشو وانبسطو والبنات ماقصرو عاد في الهبال رقصو ولعبو وطقطقو وكل وحده فيهم تودع عزوبيتها الا فتون <<عقبـالك يافتو واللي رجع للامارات واللي توجه لجده وانتشرت العايله من جديد... "يـــــوم زواج اثيــر وبـحر & وميسـاء وعمـر" كانو ثنتيـن يهبلون العقـل كانو لابسيـن هالفساتين البيضا وهم يقولون للعزوبيه بااااااااي.... هذولي هم جب بعض ولابسين الفساتين البيضاء والمكياج حقهم ناااعم مررره وفساتينهم كمان هاديه كان نيولكهم الثنتين ناعـم ونااسب معاهم الثنتين وللامانه محد قدر يحكم مين احلى من الثانيه كانو الثنتين جميـلات وياا ويـل حااااااالك ياابحر وياا ويـل حاااااالك يااعمر هذولي هم اميرات عمركم بينزفون لكم وينتهي مشوار التعب والفراق... ويبدا القرب والمشاركه والهنـا بيكتمل اليوم يوم كل واحد من ابطالنا بيمـسك يد حبيبة قلبه وروحه وعينه ويبوسها... اليـوم انتهى مشوار البعد.. وابتدا المشـوار من هاليوم اللي يحمل فرح بصدور الكل كانو اثير وميساء يتراعدون بمكانهم ومساكين ايادي بعض لعل هالرعشه تخف ميساء-بقلق-/اويـه خايـفه ... اثير-تحاول تطمنها -/عمر هادي وبياخذك بهالداوه لين تتعودين لا تقلقين... ميساء/خايفه عليج من بحروه والله يا اهو متهور ومينون وتجوفين الليله ان مايننج اثير-مسكت قلبها -/يـوه لا تخوفيني ميساء-ضحكت عليها -/اوييه جوفي شلون نحن متغيرات اثير-ضحكت كمان-/اي والله... شـوي ودخلت اروى ومعاها فتون وشما اروى-بفرحه-/سلاااااام اثير وميساء ابتسمو وردو السلام وهاتيكم يا احضان ووداعات وبدو يبكون واثير وميساء يالله ماسكين انفسهم.. فتون حبت تغير الموضوع ومسجت دموعها بسرعه /بأي شهر يا اروى اروى-وهي تمسح دموعها وتبتسم-/بالسابع... الكل فتحو عيونهم للاخر بإستغراب ميساء/شلون اروى/ادري اني خبرتكم قبل ثلاث شهور بس انا اكتشفت اني حامل وانا بالشهر الرابع شما-مسحت على بطن اروى-/هيه واضح ياعمري بطنج صغير ما كأنج في السابع شو الا تدخل ام اثير بعجله/يلااا يلاا وقت الزفه..اثير ابويه سيري للدري اليمين وانتيه حبيبتي ميساء سيري من الدري الشمال بسرعه ريايلكم يتريونكم.. وبدو عرايسنا يرتبكون.. بس هذا هو الوقت وما على الوقت اعتراض وراحت كل وحده لعند حبيبها المنتظر خلونا نروح لحبيبنا بحر وحبيبتنا اثير بحر يوم شافها فتح فمه بتأمل واثير حدها متوتره من هالنظرات كانت مبعده عينها عشان ما تموت من القلق بس بالغلط حطت عيونها بعيونه ارتبكت زياده من هالنظرات بحر-بسرحان-/وووواو!! انا-مسكت فمه وسكرته-/اخاف تدخله ذبانه بحر مانزل عيونه ويتأمل هالملاااك مو مستوعب ان هالجمال له هو وبس.. ابتسم لهالخاطر وبدت الزفه ومسك ايدها ونزلو من الدرج ومن الجهه الثانيه نزلو عمر وميساء .. نزلو لين الكوشه والحبايب ماسكين ايادي بعض واااه من هالسعاده اللي تكتسح مشاعرهم مايشوفون بعيونهم الا الفرح.. حبايبهم معااهم وصارو ملكهم هـذي فرحهه مابعدها فرحهه... وصلو العرسان للكوشه وميساء مدت يدها لعمر وعمر باسها وصورو هاللقطه الجميـله واللي صورت اجمل نظرات بعيونهم... واما بحر الخبيث (; مسك البشت وحاوط اثير وباسها على جبينها ونظراتهم بذيك اللحظه ماتنوصف بحر-بحُب-/مبـروك حـبي... اثير-بخدودها المورده من الخجل-/يبارك فيك حبيبي... ابعد بحر عن اثير وهو اصلا مايبي يبعد بس على قوله احلام نوياالك على نيه.. جلسو ميساء وعمر على الكوشه.. اما بحر واثير لا قعدو واقفين بحر ماسك يد اثير عن تجلس اثير بهمس/بحـر ليش احنا واقفي.... قاطعها بحر بغمزه/صبري فصخ بشته ولفه على يده واخذ المكرفون بحر-تنحنح-/احمم..هيه شحالكم شعلومكم...المهم انا مسكت المايك ثلاث مرات بالجامعه وعلى التلفزيون واهني.... احبـج يا الياهل....وبس جي يلا سلام انا بسير وهاذيل يكملون اللويه والتصوير وما اعرف شو ونحن بنسير مسـك يد اثير المصدومه وخذها وطلعو الغرفه اللي فوق عشان تبدل اثير وبدلت اثير وراحو طياااااره لبرا القاعه عند سياره بحـر .. ______________________ عند الرجال... التهو بالرقص ومحد داري عن الثاني الا ثلاثه من ابطالنا قاعدين سوا ويسولفون بمـوضوع خطير ؟... فيصل-يحك راسه-/صراحـه!!.. انا كلمت فتون كايد -بحماس-/ايوووه بشر.. فيصل-ابتسم-/ووافقت كايد -شق الضحكه وخم خويه طارق-/الللف مبروووك يااطااارق طارق-ضحك-/تسلم ياخوي مااتقصر فيصل-بإبتسامه-/الله يسلمك...عاد تعال اخطبها رسمي من ابوي طارق-يأشر على خشمه-/ابشر.. وكـان هذا الخبر اللي خلا كايد يفرح يشوف في طارق... رامــي.. مات رامي وجا طارق عشان يذكرهم فيه ما كان نفس الطباع ولكن تصرفاته وابتساماته مشابهه له حتى وفائه!! نفـس وفاء رامي والحمـدلله... فتـون اللي ماكانت تطيق الرجال تحس الرجال كلهم توفو بعد رامي وحالتها النفسيه زيـرو.. والحين الحمدلله هذا هو طارق ولد الحلال جا لها وخطبها وصارت احسن مما يكون بعد اقناع من فيصل طبعاً ______________________ بعـد التصوير والدوشه وتلبيس الشبكه هذاهم عمر وميساء يودعون اهاليهم ودموعهم بعيونهم وخلاص رايحين... اخذ عمر يد ميساء وطلعو بعد مابدلت ونظرات امهاتهم مانزلت وكل شوي يبكون وبنفس الوقت يدعون لهـم.. فضت القاعه ماعاد باقي الا اهل النعرس والعريس وهم قلال مره ينتظرون رجالهم يجون بس صرخه انطلقت من جوا القاعه ولحقها صراخ البـنات توجهو الامهات للقاعه عشان يشوفون شهالصراخ ام اثير -ويدها على قلبها -/شبللااكم البنات كانو محاوطين اروى اللي تتأوه ام عمر -بخوف-/اووويه خوزو اجوووف ام ميسااء/ودروها تتنفس!! ابعدو البنات عنها.. واروى كانت حاطه يدها على بطنها وتحس بألم فضيــع!! راحت لها امها بهلع وقعدت تمسح على راسها اروى-وهي تحاول تخفف الالم بمسكها لبطنها-/ااااااي... يممممه الحقيني... اااااااااه بوووولد الحييين وخاطبت ام فيصل /تكفيين يا ام فيصل كلمي فيصل يلحق على بنتي ام فيصل هزت راسها وانطلقت لجوالها واتصلت على فيصل.. ام فيصل -وهي يالله تتكلم من الخرعه وتحاول تسرع -/فيـ ـصل يمـ ـه وينك!! فيصل -حس ان فيها شي -/موجود عند الباب... خير يمه فيه شي ام فيصل/مرتك جاها الطلق فيصل-انصدم-/ايـش!! قولي للبنات يتغطون بدخل اساعدها وسكر الجوال ونزل بسرعه وهو خااايف على اروى دخل للقاعه وهو زي المجنون شاف اروى تمسك ظهرها وبطنها وامها تلبسها عبايتها وشيلتها اروى-بألم وهي تعض شفايفها-/يمـه الـم!! ام اروى-وهي تمسح على ظهر بنتها وتبلع ريقها -/حبيبتي استحملي شويه.. اهو جيه الطلق ام عمر/الله يخارجها الكل /آمين اما فيصل توجه لها ومسك ذراعها وهو ميت خوف/حبيبتي يوجعك اروى-بنبره تقطع القلب-/ايـه... فيصل مشاها للسياره وهو من يمينها وامها من شمالها ______________________ وفـي سياره عريسنا بحـر اللي توجهت لمكانه المحبوب... البحـر... وكمان المكان المحبوب لاثير حبت اثير مفاجأته لها .. كانت بتطير من الفرح لما قالها انهم بيرحون للبحر وقف بحر السياره ونزل مع معشوقته اثير توجهو لين ما الموج يعانق رجولهم ويداعبها ببرودته مسك بحر يد اثير وسحبها لحضنه وهو مو عارف وش يقول وكيف يوصف فرحته مجـنونها ومجنونته اجتمعو بهالبـحر ! بهالبحر اللي جمعهم بأول نظره واللي جمعهم الحيـن بحر جلس يتأملها وهي ضامته من جنب وهو ضام خصرها.. وكان بيقول كلام كثير يعبر لها ولكن فجأه رن جوالها.. رفعت اثير تشوف مين بحر -بمزح-/حتى ونحن متزوجين يقاطعونا... اثير-ضحكت بخفه-/معليه حبيبي هذي امي لازم ارد بحر -بإبتسامه-/وانا اقول لا... امزح وياج هاي هم امي اثير ابتسمت له وردت /اي ماما ام اثير -بفرحه تفوق الخيال-/اثيـــر اثير-ابتسمت لنبره امها-/عيـوني يمه ام اثير/اختـك جابت بنت اثير -شهقت بفرحه-/صــدق!! ويييه الللف مبروووك ام اثير-بكت -/والله وكبرتو يا بناتي اثير-بدلع عفوي-/يماااا لا تبكين تكفين ام اثير-بضحكه خفيفه-/يلا حبيبتي اترك بحوري يتهنى... اثير-ضحكت-/اوك سلميلي على اروى ام اثير /يوصل...مع السلامه وسكـرت اثير من امها وهي حاسه بفرحه ماتنوصف القـدر زي ماصدمها دفعه وحده.. رجع يفرحها دفعه وحده اااهخ منك يا اثير بيجيك فرط سعاده بحر -وهو خدر من منظر اثير -/اثير عمري... اثير-وهي مبتسمه وعلى صدره-/لبيـه .. بحر-بحـب وعشق وتمردت نبرته بعد وطلعت كل مشاعره-/انتـي حبـي الي اكتمل... انا احبـج اثير لو تدرين ووايـد بعـد... اثيـر هالبحر كله مايي قطر للحب اللي غرقني فيج.... انتي من البشر ولا ملااك!! اثيـر انا فرحان انج زوجتي فرحااان انج حلااالي.. اثير-ضحكت بخفه وهي تمسح على صدره وقالت-/انا عشقـت الموج من اسمـك وحبيـت البحر... انا فرحانه فيك بعد ما جتني اوهام انك مو لي واني مجرد كذبه فرحتي تمردت علي وسعادتي طغت على مشاعري بحر لفها لوجهه وقعد يطالعها بنظرات محبه واثير بعـد عيونها لمعت بمحبه صااادقه كثير بحر بدا يقرب وجهه لها وهي مكانها وارتسمت ابتسامه خجوله وبحر ما استحمل وباسها بمفمها فتره بعـدها ابتعد وهو متخدر من شهد حبيبته وهب بعد تخدرت منه ومن حركاته اللي تجننها تلاقت عيونهم ببعض ثاني مره.. وقالو بنـفس الوقت... :احبـج :احبــك " آلنهــــــــــــــــــــا يــــــــــه" ارهـقتني هذه الفكـره.. يؤلمني الفراق كثيراً.. آلخيـال ،الذي لم اعتبره خيآلاً ابدا عشت هذه الايام وانا امسك بقلمي واعيـّش بالخيـال! شعرت بلذه كبيره وانا اسـمع اصوات ابطالي وانظر الى ابتساماتهم وفرحهم فأنسى من اكون اصلاً دمعت من دمـوعهم!! واستئت لمـن لم يكن الحظ من نصيبه.. عآلمـي الآخر وافكاري الكثيره نقلتها لكم عبـر ابنائي الخياليين.. الذين احببتهم لحد الجنون واحببت ترابطهم وعلاقاتهم الجيده وكرهت النزاعات والخصومات حاولت ان اضع شبهاً للواقع الذي لايمتع احداً الا احزنه ولا يحزن احداً الا متعه .. وهاهو ناقوس الوداع يدق ويجعلني ابعد قلمي الذي جف حبره روايه ؛الله يطعني روايه ؛ بحـر اتمنى ان تكون هذه الروايتين جديره بالذكر اتمنى ايضاً لكل من قرأها ..دعوه جميله لي اشكــركم جميعاً ..المتابعون الذين رافقوني من روايتي الاولى وحتى الجدد في الثانيه اشـكر لكم اخوتكم الصادقه واشكـر لكم وقفتكم وتصفيقكم لي اشكر لكم تشجيعي بعباراتكم الساحره.. اما الان فسأتكلم عن حقائق في هذه الروايه والجزء الذي يمت للواقع بصله؛ بحــر/ هذا البطل هذاا وليدي حنانس *_^ بحر ماله علاقه بواقعي انا ولا اعرف واحد اسمه بحر بس حركاته وجرائته وحبه لاثير يذكرني بشخص عزيز واللي حطيت شخصيته وطريقه كلامه واسلوبه في الروايه بس تحت اسم بحر.. اثير/هذي انا !! وزي ماقلت اثير نسخه مني تقريباً حاولت اجيب لكم هالشخصيه بنفس ردات فعلي ونفس كلامي ونفس مشاعري عشان تطلع لكم الصوره عفويه مايد/ههههه ما راح تصدقوني لو قلت ههههه احترت وش احط اسم لشخص حكيم وثقيل شوي ومره وانا اقلب بجوالي شفت واحد اسمه مايد عبدالله وكانت ملامحه اللي ابغاااها وثقله اللي ابغاه عاد قلت يلا مايد مايد ... ميساء/ ميسـاعوه حبيبتي اللي بشتاق لها موووت هذي اختي الصغيره وصديقتي هنا بالمنتدى حبيتها كثير هالشخصيه لانها مسميه على اعز وحده بقلبي واللي بشلتي هنا بالمنتدى..! اتمنى تكون بخير وصحه وسلامه وانشالله ترجع بخير لنا وهذي ههي شويه حقائق.. وعشنا مع هالشخصيات ايام حلوه بكينا وضحكنا لاحوالهم احيان انقهرنا عليهم واحيان انبسطنا لهم وهذا هو اخر مشوارهم ومشواري اتمنى ان الكاتبه er* يكـون لها ذكرى حلوه وان كتابتي تكون اعجبتكم.. اترك شغفي وقلمي المجنون واضعه في يد الباذخه لتكتب مالم استطع كتابته كونو بالقرب لروايه الباذخه الاولى... شكـراً لكم يا اخواتي شكـرا من القلـب! ساندرا وميساء شكرا لكم قد السما. انتو اللي رافقتوني من اول روايه للثانيه واستمريتو بتشجيعي اشكـركم كثير جميعاً على الــود نلتقي بأذن الله.. ومبـارك عليـكم الشهر وكل عام وانتو طيبين انشالله اتمنى ماتضيغون فوصه رمضان وتتعبدون واتمنى ماتنسوني من دعواتكم الصادقه.. اسئله بسيطه >>من الباذخه.. *اكثـر المواقف ضحكتكم بالروايه ايش؟ *اكثر المواقف بكتكم وش هي ؟ *ميـن اكثر ثنائي في الحب عجبكم؟ *بعـض الاشياء اللي تضايقتو منها بالروايه؟ *هاتو اشخاص شبهتوهم بأبطال الروايه ؟ وسلااام عليكم.. | ||||
|
| |
 |
| أدوات الموضوع | |
| انواع عرض الموضوع | |
|
|
2Likes
العرض العادي
