غابت شمسي وبدت رحلتي مع الظلام / للكاتبة : reem

[لامارا]

باست ام عامر راس نوف : الحمدلله على سلامتك والف مبروك وان شاء الله يتربى بعزك .
نوف : الله يسلمك .
ام عامر : اش فيك يانوف مو فرحانه بولدك ؟
نوف : يمه ما ابي ولدي والعيال اللي مو من اسامه مو عيالي .
ام عامر : تزوجتي وجاك ولد وماتغير شي لسه تفكرين با اسامه خلاص اربع سنوات مرت وهو مو موجود اكيد مات .
نوف وهي تبكي : يمه الله يخليك ما ابي بندر .
ام عامر : ليش ماتبينه ؟
نوف : يمه رفض يسمي ولدي اسامه يقول على جثته يسميه اسامه .
حطت ام عامر يدها على راسها : انتي بتقتلين نفسك بيدك جنيتي على نفسك والله مايخليك .
نوف : ولدي اسمه اسامه غصب عنهم كلهم .
ام عامر : نوف انتي اش فيك مو بنتي اللي اعرفها اللي تحترم الكل .
نوف : يمه انا احترم الناس على قد احترامهم لي .
ام عامر : طيب انا باخذك للبيت وبتجلسين عندي شهرين ع الاقل تشتاقين لزوجك ترجعين له ونفسيتك متغيره .
نوف : ههههه قال ايش قال اشتاق له يمه انا عشت معاه 3 سنوات وماحبيته والله مايحرك شعره من راسي واسامه هو حبي الاول والاخير .
ام عامر : اللهم طولك ياروح رجعتي تقولين لي تحبين اسامه للحين متى تكرهينه .
نوف : اذا طلعتو نجوم الثريا اكره اسامه .
ام عامر : لا تنظين اني يوم اقول كذا اكرهك والله اني ادور على مصلحتك .
نوف : يمه مصلحتي انكم تتركوني بحالي واسمي ولدي اسامه لأنه اغلى انسان على قلبي واذا كان هو ميت تراه عايش بقلبي .
ام عامر : امه خلاص يأست من رجعته وانتي لسه تقولين انه عايش .
نوف : وبيرجع لي .. وبيرجع لي صدقيني يمه اسامه مايخليني .
ام عامر : الله يجبر بخاطرك يانوف اشلون ماراح يخليك وهو من يوم طلقك لاحس ولاخبر .
نوف : يمه انا متأكده ان اسامه عايش وبيرجع لي .
دخلت ام بندر بعد ماطقت الباب : سلام عليكم .
نوف وامها : عليكم السلام .
ام بندر بعد ماسلمت على ام عامر ونوف : الحمدلله على سلامتك يانوف .
نوف : الله يسلمك .
ام عامر : الف مبروك يا ام بندر والله يجعله من مواليد السعاده .
ام بندر بابتسامه : الله يبارك فيك .
نوف وهي تطالع خالتها : خالتي تكفين قولي لبندر بسمي ولدي اسامه .
ام بندر : غاليه والطلب رخيص ولدك اسمه اسامه .
نوف : بس بندر زعل يوم قــــلت له .
ام بندر : ولا يهمك راح اقنعه واسم اسامه حلو وفيه من صحابة الرسول اسمه اسامه ليش يرفض ؟
نوف بتردد : يمكن .. يمكن عشان ولد عمي .
ام بندر : اهااا لا تطمني راح تسمين ولدك بالاسم اللي تبين بس لاتكدرين خاطرك وافرحي .
نوف : الله يجزاك خير ياخالتي ولا يحرمني منك .
ام بندر باست راس نوف : مع السلامه .
طلعت ام بندر وطالعة ام عامر بنوف : ليش تكرهين ولدها وهي بالطيبه هذي .
نوف : يمه احسن هي ولا عمتي نوره .
ابتسمت ام عامر : نوره زوجة عمك ومنا وفينا وانا و الله اعتبرها مثل اختي بس هذي غريبه عنا ومو من قبيلتنا ولا نعرفهم .
نوف : يمه والله غصب عني والحب مو على كيفي واهم شي اني لازمه حدودي ماقليت ادبي مع بندر .
ام عامر : طيب حبيبتي ابيك بعد النفاس ترجعين بنتي اللي اعرفها .
نوف : والله ما اتوقع يايمه ترجع حياتي زي اول .
ام عامر : لا ان شاء الله ولدك بيملى حياتك وينسيك اسامه .
نوف : مستحيل يايمه احد ينسيني اسامه .

**

**

**

اسماء : مـــــتعب .. مـــــتعــب .
صحى متعب : هممممم .
اسماء : يله بسرعه اصحى بروح لنوف .
متعب : اش فيها نوف ؟
اسماء : نوف جابت ولد وهي بالمستشفى بروح اسلم عليها واتحمد لها بالسلامه .
متعب " الله يصبرك يا اسامه اش بتسوي لو تعرف انها تزوجت وعندها ولد الحين " : طيب يله بسرعه بروح اغسل والقاك جاهزه .
اسماء : حاضر .
وخذت اسماء عبايتها وشنطتها ونزلت تحت : خاااالتي .
جات ام مشاري : هلا اسماء .
اسماء : تروحين معاي لنوف ؟
ام مشاري : ان شاء الله حبيبتي بروح اجيب عبايتي .
وراحت ام مشاري ونزل متعب مع الدرج : اسماء روحي جيبي لي ماء .
نزلت اسماء عبايتها وشنطتها ع الكنبه وراحت للمطبخ وجابت كوب ماء : تفضل .
ابتسم لها متعب : زاد فضلك .
جات ام مشاري وطلعو للسياره وتوجهو للمستشفى وصلو بعد ربع ساعه نزلو ام مشاري ونوف للمستشفى ومتعب جلس بالسياره وطلع جواله واتصل على اسامه : الوو .
اسامه : هلا والله بالغالي اش اخباركم ؟
متعب : الحمدلله بخير .. اسامه والله اشتقت لك كثير .
اسامه : وانا اكثر .
متعب : طيب بجيك هاليومين .
اسامه بفرح : تتكلم جد يامتعب يعني فيه امل اشوفك واجلس معاك .
ابتسم متعب : لو تبيني اسكن عندك ماراح ارفض .
اسامه : الله يبشرك بالخير ومتى بتجي ؟
متعب : ان شاء الله بكره وانا عندك .
اسامه بفرحه ماتنوصف : والله ما توقعت انه في يوم من الايام راح نجتمع مره ثانيه .
متعب : والله ع بالي ماتبي تشوف احد ولا كان اجيك كل بين فتره وفتره .
اسامه : بس مو يوم ولا يومين وانت ماشي خلك عندي اسبوعين .
متعب : والله لو تبي شهر .
اسامه : إلا نوف اش اخبارها ؟
متعب : الحمدلله بخير بس والله متعذبه بغيابك الحين صارت عندي اسماء واعرف كل شي عن نوف .
اسامه : معقوله ثلاث سنوات مانستني ؟
متعب : انت نسيتها ؟
اسامه : والله ما انساها طول ماني عايش وحبها كل ماله وهو يزيد .
متعب : خلاص هي تحبك مثل ماتحبها .
طلعو اسماء وام مشاري من المستشفى وطالعهم متعب : اكلمك بعدين اوك .
اسامه : اوك .
ركبو ام مشاري واسماء : خالتي شفتي اسامه ولد نوف ما شاء الله عليه قمر .
ام مشاري : شدي حيلك ابيك تجيبين لنا بنوته ولا ولد احسن منه .
متعب بضحكه : ليش هي تحدي .
ام مشاري : اكيد حبيبي ما ابي فيه احد احلى من احفادي .
اسماء : تطمني ياخالتي عيالي كلهم ان شاء الله بيطلعون علي .
ام مشاري : والله حلوين اذا كان مثلك .

**

**

**

لينا : بندر ليش ماتروح لزوجتك اليوم بتطلع من المستشفى .
بندر : خلاص نوف ماعاد ابيها وراح اطلقها .
لينا : حراام عليك يابندر والله نوف ماتستاهل .
بندر وهو يجلس : اشلون ماتستاهل وهي مسـميه ولدها على اسم طليقها وولد عمها اللي للحين هايمه فيه ثلاث سنوات ماشفناه وكانه موجود عندها.
لينا : حرام عليك والله حرام نوف تحب اسم اسامه وبعدين مافيها شي لو سمت ولدها على اسم ولد عمها والاسم هذا مو مخصص لأسامه .
بندر : اشوفك تدافعين عنها اش عندك ؟
لينا : هذي مثل اختي وما ارضى عليها واذا طلقت نوف انت مو اخوي ولا اعرفك .
بندر : لينا انتي قد كلامك هذا ؟
لينا وهي توقف : قده ونص واذا طلقت نوف والله لأخلي ابوي يطردك من هنا .
بندر : هههههههههههه على كيفك ابــوي ترا يحبني ويخاف علي اكثر من بنت الناس مو مثلك .
لينا : لا ابوي مع الحق ولا تطلق نوف بدون سبب يكفي ولد عمها اللي طلقها وللحين وهي تذكر الموقف هذا ولا راح تنساه .
بندر : ماراح تنساه يعني تحب اسامه .
لينا : طيب متى بتطلق نوف ؟
بندر : الين تطلع من النفاس عشان تموت من القهر انا ابـي اقهرها مثل ما قهرتني .
دخلت ام بندر وهي معصبه : لا يابندر ماتطلق نوف هذي نوف الغاليه اشلون تطلقها وتحرمني منها .
بندر : يمه لاتبالغون بحبكم لنوف انتم ماكنتم تعرفونها خلاص اعتبروها ماتت .
ام بندر : حلوه اعتبروها ماتت .. لا يابندر انا ما ابيك تطلق نوف وتسمع كلامي .
بندر : يمه كلامك على العين والراس بس خلاص مو طايقها كرهتها .
ام بندر : كذاااب انت تحب نوف ونوف حبها يجري فيك مجرى الدم .
بندر : بس كرامتي اهم من قلبي .
ام بندر : اي كرامه اللي تتكلم عنها نوف ماسوت بك شي .
بندر : لا يمه سوت فيني شي يمه نوف تحب اسامه .
ام بندر : اسامه ميت خلاص لاعاد تكلم فيه .
بندر : يمه اسامه صح انه مات بس انا ما ابي نوف على ذمتي وهي تحب رجال غريب .
ام بندر : اسامه مو غريب .
بندر : بس طلقها يعني صار غريب .
لينا وهي تبكي : تكفى ياخوي لاتطلقها انت ماتعرف قيمة نوف عندي .
ماهنت على بندر دموع اخته : خلاص ماراح اطلقها بس عشانكم واذا ضربتها ولا اهنتها لاتسألوني ليش .
ام بندر : بنت الناس مو لعبه بيدك .
بندر : يمه انا فيني كومة قهر بس ابي ابرد حرتي فيها وارجع زي اول وحبها بقلبي ماتغير .

**

**

**

بعد يومين طلعت نوف لبيت اهلها وكانت مسنده ظهرها ع السرير وتفكر باسامه " ياترا اش بتسوي لاعرفت اني متزوجه "
دخلت امها : سلام عليكم .
نوف : عليكم السلام .
ام عامر : نوف حبيبتي اش فيك ضايق صدرك من شي ؟
نوف : لآ يمه بس تذكرت اسامه .
ام عامر : نوف لاتقتلين نفسك حاولي تكرهين اسامه ومن عافنا عفناه لو كان غالي .
نوف : يمه اسامه ظروفه هي اللي جبرته على كذا والدليل انه اختفى يوم طلقني وهو راح يرجع وبنعرف منه كل شي .
ام عامر : وانتي بتنتظرينه ؟
نوف : يمه والله مايتغير حبي لأسامه لو يقتلني بيدينه .
ام عامر : نوف اش فيك كل سوالفك عن اسامه ماكأن عندك ولد وزوج لهم حق عليك ولدك من يوم جبتيه ولا مره شفته بحضنك العزوف تهتم فيه وتحبه وتخاف عليه اكثر منك .
نوف ودموعها تنزل على خدها : يمه ولدي ما ابيه خذي انتي وربيه ولا اعطيه خالتي انا ما ابيه ولا ابي اسمع بطاريه .
ام عامر بذهول : انتي انهبلتي اش قاعده تقولين تبين ولدك اذا كبر يكرهك ؟ انتي ام ؟ فيه ام تسوي كذا بولدها ؟
نوف : يمه انا اكرهه واكره ابوه وما ابيه .
ام عامر : طيب ليش تحملين وتجيبينه للدنيا وتعذبينه .
نوف : يمه والله اني ندمت على حملي قد شعر راسي .
ام عامر : انتي اكيد انهبلتي ولدك محتاجك وما ابي اربيه واخليه عندي وانتي موجوده اذا توفيتي من عيوني الثنتين اربيه واهتم فيه .
نوف وهي تبكي : يمه والله غصب عني خلاص ما ابي ولدي وما ابي عيال من واحد غير اسامه .
ام عامر : ولدك بتاخذينه معاك وتربينه هو مافقدك ولاتيتمينه على صغره واتوقع بندر مايرضى .
نوف : اذا مارضى بالطيب يرضى بالغصب انا ما يهمني رايه .
ام عامر : نوف اش فيك تغيرتي 081ْ .
نوف : يمه انا ما راح ارجع زي اول الا اذا رجع اسامه .. اسامه اخذ قلبي وعقلي ماخلا فيني الا جسدي .
ام عامر : والله صدقتي اخذ عقلك .

**

**

**

وصــــــل متعب المـــانيا من ساعتين : اش اخبارك اش مسوي ؟
اسامه بابتسامه : الحمدلله مثل ما انت شايف .
متعب وهو يمسك يد اسامه : ماتتخيل قد ايش فرحان أي شفتك مره ثانيه .
اسامه : والله فرحتي ماتنوصف احس اني تغيرت من اسامه الكئيب الحزين للفرحان .
متعب : بس راح ترجع لك الكئابه اذا مارجعت معاي .
اسامه : الله يفرج همي .
متعب : ولا يهمك دام امك تدعي لك ابواب الخير ان شاء الله كلها بتنفتح بوجهك .
اسامه : آآآآآه ياشوقي لأمي نفسي اروح لها واحب رجلينها ويدينها وراسها واعتذر منها .
متعب : مافاتك شي ياصاحبي ترجع معاي وتروح عند امك .
اسامه : لا تحاول يامتعب الباب هذا مقفل من اربع سنوات ورجعتي مستحيل .
متعب : طيب واذا تزوجت نوف ؟
اسامه بخوف : الله لايقوله .. نوف ما راح تتزوج غيري لآنها تحبني .
متعب " لو تدري انها متزوجه اش بتكون ردة فعلك " : طيب ليش تطلقها وانتي ماتبيها تتزوج .
اسامه : كنت اكابر واقول زواجها من واحد ثاني بداية النهايه بحبي لها بس صار العكس انا ما اقدر اسمع خبر انهم زفوها لواحد ثاني .
متعب : اســـــامه اصحى من اللي انت فيه انت الى متى كذا حزين ارجع معاي وراح تلقى السعاده هناك .
اسامه : مستحيل يامتعب وخلاص لاتحاول معاي .
متعب : طول عمرك عنيد وراسك يابس .
اسامه : متعب انت عندك شي بتقوله ؟
متعب بابتسامه : لا .
اسامه : انت صاحبي واعرفك زين وعندك شي بتقوله بس متردد متعب قولي اش عندك انا صديقك واخوك .
متعب : طيب نبي مكان هادي عشان اقولك " لا كذا بصير اناني .. بي لازم اقوله عشان يرجع معاي "
دخلو بالكوفي وجلسو وطالع متعب بالسقف والديكور : تصميمهم عثماني .
ابتسم اسامه : اش فيك بتضيع السالفه ؟
متعب : هااا لا مو مضيعها بس جد والله التصميم عثماني عجبني وما ادري اش جاب الدوله العثمانيه لألمانيا .
اسامه : هم ماخذين ثقافتهم من العرب لأنهم مايعرفون الثقافه والعرب ثقافتهم اسلاميه .
متعب : اقنعني اشلون ثقافتهم من العرب وهم نصارى ويهود ؟
اسامه : راح اقنعك .. ابن سينا عالم عربي و الهيثم عربي ويكفي ان محمد صلى الله عليه وسلم عربي .
متعب : ايه كلامك صح بس شكسبير وبيتهوفن و فيثاغورس كلهم من اوروباء يعني حتى هم عندهم ثقافه .
اسامه : هههههههه حسيت اني خبير بالثقافات والعادات والتقاليد للدول كلها .
متعب : انا حدي السعوديه .
اسامه : ههههههه لا انا الحمدلله متفتح للعالم الخارجي واعرف كل عاداتهم وتقاليدهم .
متعب : هههههههههه تعرف تكلم انقليزي ؟
اسامه : yas shor .
متعب : هههههههههه ماتخيلت انه في يوم من الايام اسامه يتكلم انقليزي .
اسامه : متعب لاتحاول تنسيني السالفه يله قول اللي عندك .
متعب بتردد : بقول بس بسألك انت اش تشتغل الحين .
اسامه نفذ صبره مو قادر يتحمل : متعب انا قايل لك قبل اش شغلي ياخي قولي السالفه وريحني والله وترتني .
متعب : لا مو الحين والله راح اقولك بس مو الحين .
اسامه : لا قولي الحين ياصاحبي ابيك ترتاح قولي وريحني يرحم امك .
متعب وهو ينزل راسه بالارض .

**

**

**

اسماء : يمه هو قال انه رايح امريكا والحين له يوم كامل ما اتصل علي اخاف صار فيه شي .
ام اسامه : لا حبيبتي تطمني مافيه شي ولو فيه شي السفاره بيبلغوننا بكل شي .
اسماء : يمه والله خايفه عليه حتى خالتي تقول ما اتصل عليها وخالتي تدري وين رايح بس ماتبي تقولي هو يقول تجاره وهي تقول رايح لولد خالته بامريكا يمه انا ما ادري اش السر اللي وراء السفر هذا اخاف متعب له سوابق .
وقفت ام اسامه : اسماء متعب مثل اسامه وكل شي بمتعب باسامه واسامه ومتعب من خير الشباب بالبلد هذا كله .
اسماء : يمه صح ان متعب متطوع وله حملات دينيه وله مخيمات دعويه بس والله سفرته هذي غريبه انا ما ادري اصدقه ولا اصدق خالتي .
ام اسامه : حبيبتي لاتشلين هم متعب ماراح يسوي شي غلط .
اسماء : طيب ليش مايقولي هو ليش رايح انا عرفت انه رايح لأمريكا .. يمه انا بروح اتأكد من المطار بشوف وين رايح .
ام اسامه : مو مصدقه انه رايح لأمريكا ؟
اسماء : يمه انا مصدقه بس ما ادري احس ان الموضوع فيه فربكه شوي .
ام اسامه : لا صدقيني هو بامريكا وماراح يخبي عليك انتي صح خايفه انه يتزوج اووو ... سكتت ام اسامه .
اسماء : ايه يمه خايفه انه يرتبط بوحده من هذول ويجيب لي الامراض يمه انا خايفه على نفسي وعلى اللي ببطني .
طالعتها امها : على طاري حملك خبرتي متعب ؟
اسماء : لا يمه الين يرجع اخاف انه مايرجع ويصير هذا ذكرى اليمه .
ام اسامه : انا ما ادري اش هالتفكير اللي عندك انتي ونوف همكم ازواجكم مو عيالكم .
اسماء : يمه نوف مو مهتمه لبندر نوف تبي اسامه وانا اخاف اصير مثلها .
رن جوال اسماء



إنتهاء البارت الثالث

[لامارا]

البــــــــــــارت الـــــــــرابــــــــع







اسماء: هلا خالتي .
ام مشاري : هلا بك حبيبتي اش اخبارك ؟
ابتسمت اسماء : الحمدلله بخير .. ابشرك ياخالتي انا حامل بالشهر الرابع بس لاتقولين لمتعب .
ام مشاري : مايصير بخاطرك إلا طيب .. والف الف الف الف مبروووك ياقلبي والله من زمان مافرحت كثر فرحتي الحين .
اسماء : تدوم افراحك ان شاء الله .. اقول خالتي والله اني اشتقت لك اش رايك تجين عندنا .
ام مشاري : هههههه الحين صرتو اهل عادي لو اجيكم كل يوم .
اسماء : البيت بيتك وحياك الله باي وقت .
ام مشاري : خلاص اجيكم العصر .

**

**

**

متعب : جدك محمد .. وبلع ريقه .. مات من سنتين .
طاح الكوب اللي بيد اسامه بالارض وقفت وهو بحالة ذهول : انــــــت اش قاعد تقول لا لا اكيد تمزح ايه هذي من مقالبك .
ربت متعب على كتف اسامه : عظم الله اجرك وجدك خلاص مات من سنتين .
اسامه ودموعه تنزل على خده : لـــيــش ماقلت لي ؟
متعب : والله خايف عليك .
طاح اسامه على متعب وصرخو كل اللي موجودين بالكوفي وجو لاسامه صحاه متعب والكل يطالعه سند اسامه عليه : اش اقرب مستشفى ؟
اسامه : والله ما اعرف المستشفيات هنا .
اتصل متعب ع الاسعاف وشالو اسامه وطلع معاه متعب دخلو بالمستشفى وجلس متعب عند اسامه : ادعي له بالرحمه جدك محتاج دعوتك .
اسامه : الله يرحمه ويسكنه فسيح جناته .
متعب : ترا جدك باخر لحظه من حياته وهو يسأل عنك وجاني كم مره بالمنام يقول خبر اهل اسامه انه عايش وبخير .
اسامه اثر فيه كلام متعب : لا تكفى لاتقول لأهلي انا خلاص ماعاد لي اهل بس تكفى اذا ماتو امي وابوي قولي لو بالمكالمه عادي او نوف.
طالعه متعب : طيب اهون وفاة جدك ولا انه يجيك خبر ان نوف تزوجت ؟
اسامه : هذي مصيبه وزواج نوف اعظم مصيبه .
متعب " الحمدلله اني ماخبرتك "

**

**

**

مهند : انا بروح للعمال واشوف شغلهم .
ام عبدالله : تكفى ياولدي جيب لي حليب بعارين .
مهند : غاليه والطلب رخيص .
وطلع مهند وقامت ام عبدالله وخذت التليفون واتصلت على اسيل : الوو .
اسيل : هلا وغلا بنور الدنيا هلا والله بنور عيوني اش اخبارك جدتي ؟
ام عبدالله بابتسامه : الحمدلله بخير وصحه وعافيه بس ناقصني انتي .
اسيل : انا بجيك اخر الاسبوع وبجلس عندك اسبوع واحد بس .
ام عبدالله : انا ابي اشوفك بس لو دقايق .
اسيل : ان شاء الله بجيك يوم الاربعاء .
ام عبدالله : يعني باقي يومين ؟
اسيل : ايه يومين .. جدتي انا خطبني ولد صديق ابوي اوافق عليه ولا لا ؟
ام عبدالله : ابوتس وش قال فيه ؟
اسيل : ابوي يقول انه رجال والنعم فيه بس انا ياجدتي اا ... ااحب مهند ولد خالي .
ام عبدالله : خلاص دامتس تحبين ولد خالتس لاتوافقين .
اسيل : بس ياجدتي انا كل صاحباتي واللي بسني تزوجو إلا انا ومو منتظره مهند وما ادري هو يبيني ولا لا .
ام عبدالله : طيب استعيني بالله وقولي لأبوتس انتس موافقه .
اسيل : بس ياجدتي انا ما ابيه وما ادري هو زين ولا لا واهله اقل منا ماديآ .
ام عبدالله : والله على راحتس يابنتي .. ومو كل شي الزواج ومو لازم تتزوجين ببيت ابوتس جنتس .
اسيل : خلاص ماراح اوافق عليه .
ام عبدالله : انا بعرض على مهند اني اخطبتس له وارد لتس .
شهقت اسيل : لا لا ياجدتي والله اذا قلتي له لازعل .
ام عبدالله : خلاص حبيبتي ماراح اقوله .
اسيل : إلا شخبار العيال ؟
ام عبدالله : هههههههههههههه الحمدلله بخير وراتس تسألين عنهم ؟
اسيل : جو ع بالي وسألت عنهم وماجد مثل اخوي يعني لازم اتطمن عليه ومهند مثل ما انتي عارفه .
ام عبدالله : استحي يابنت .. مع السلامه حبيبتي مهند جا .
اسيل : مع السلامه .
دخل مهند ووراه ماجد : سلام عليكم .
ام عبدالله : عليكم السلام هلا والله بعيالي .
مهند نزل الجيك اللي فيه حليب : هذا حليب البعارين اللي طلبتي مني .
ام عبدالله : يعطيك العافيه حبيبي الله لايحرمني منكم .
ماجد : جدتي ليش ماصحيتوني بدري الساعه 12 وانا نايم .
مهند : ههههههههههه الساعه 12 وبدري اشلون لو انك عند اهلك .
ماجد : لا عند اهلي والله مايصحوني إلا على صلاة المغرب مع ان امي حريصه على الصلاه بس ما ادري اش السالفه .
مهند : جدتي انا قررت اتزوج .
ماجد : الف الف مبروك .
ام عبدالله : هذي الساعه المباركه حبيبي بس خبر امك عشان تخطب لك ترا بتاخذ بخاطرها عليك اذا ما بلغتها .
مهند : من زمااان قايل لأمي وهي موافقه على البنت اللي انا ابي .
ماجد : وتتزوج وتخليني .
ام عبدالله : حتى انت بتتزوج لو غصب عنك ومهند ماراح يقاطعك .
مهند : والله انا متردد ما ادري اخطب الحين ولا بعدين بس ابي ملكتنا وعرسنا انا وماجد مع بعض .
ام عبدالله : ان شاء الله بيصير مع بعض .
ماجد : انا مافيه ببالي احد ولا ابي اتزوج .
مهند : مو بكيفك وانا راح اقنعك .
ماجد : ههههههههه ترا الموضوع هذا اللي يقرر فيه بالموافقه من عدمها انا فقط .
مهند : بس شي اكيد ماراح تتم طول عمرك بدون زواج وماينقصك شي عن غيرك .
ماجد : كلامك صح بس انا ما احب المسؤوليه وانا ما احب ارتبط بشي يمنعني عن السفر والطلعات اذا تزوجت بيصير عندي زوجه واهتمامات وماراح اطلع بأي وقت .
مهند بابتسامه : لا عادي ترا اللي بتتزوجها عندها اخوان وخوال وعمام مو مقطوعة من الشجره .
ضربته جدته بعصاتها بخفه : انت بتتزوج عشان تتركها عند اهلها هذي تصير زوجتك بذمتك وانت المسؤول عنها .
مهند : والله ما علمك بالكلام هذا إلا مجود .
ماجد : مجود بعينك .

**

**

**

العزوف : عااامر هنا .. وجلست جنبه .. فديتك يا اخوي والله اني احبك .
عامر بابتسامه : البنات مايخلون حركاتهم قولي اش عندك ؟
العزوف : لبى قلب اخوي يفهمها وهي طايره ابي اروح السوق .
عامر : اوك بعد صلاة العشاء .
العزوف : فديتك يا اخوي ماترفض لي طلب .
ام عامر : ولدي اسم الله عليه بخدمة خواته ولا ماجد مو مهتم لي انا وابوه عاد اشلون اخوانه .
عامر : بس ماجد مو مقصر يكفي انه هو ومهند مسعدين جدتي وعايشين هناك عشانه ومهند كلمني الحين ويقول انه قرر هو وماجد اذا تزوجو زوجاتهم يسكنون عند جدتي .
ام عامر : انا بخطب اسيل لماجد .
العزوف وهي تطالع امها : لا لا يمه اسيل ماتصلح لماجد .
ام عامر : ليش ماتصلح هي بنت عمته واخلاقها عاليه ما شاء الله .
العزوف : لا يمه هي دلوعة ابوها وتتدلع وانا ما ابيها لأخوي يمه دوري له على وحده غيرها " بلاك ماتعرفين انها تحب مهند "
وقف عامر : عن اذنكم بروح لنوف من الظهر ماشفتها .
ام عامر : اذنك معاك حبيبي بس احتمال نوف نايمه حاول تخف من الصوت شوي .
راح عامر للغرفه الخاصه لنوف بالدور الارضي فتح الباب بخفه : سلام عليكم .
نوف وهي تسند ظهرها ع السرير : عليكم السلام اهلآ وسهلآ .
عامر : اش اخبارك ؟
نوف : الحمدلله على كل حال .
اخذ عامر اسامه اللي نايم بسريره : ما شاء الله قمر طالع على خاله .
نوف : لا سبحان الله مايشبه احد .. وانا اتمنى انه يشبه سميه .
تلاشت ابتسامت عامر وطالع بنوف : انتي عارفه لو بندر سمعك اش راح يسوي لك ؟
نوف : عارفه ومايهمني بندر ولا يهمني رايه وانا احب اسامه واعترف للكل اني احبه .
عامر : نوف انتي اختي وانا اخاف عليك ولا تسوين مشاكل مالها لا اول ولا تالي مع بندر .
نوف : عامر زواجك قريب وانا ما ابي اتطلق وتصير مشاكل او اتطلق وما اقدر احضر الزواج انا بس بنتظر بعد زواجك بكم شهر .
عامر : الله يصلح الامور بينكم وان شاء الله ماراح تتطلقين ترا صدمتي بأسامه لسه باقي لها اثار وما ابي انصدم من بندر وانتي الضحيه بكل الصدمتين .
نوف : انا ما راح انصدم ولا احزن ولا ابكي كثر صدمتي باسامه ما توقعته كذا بس اكيد ظروفه هي اللي حدته على كذا .
عامر : والله غريبه اش فيه بندر ماجا لك هنا اسبوع واكثر وهو ما جا يشوفك ويشوف ولده .
نوف : هه شفتو بعيونكم عشان مو تطلعوني انا الغلطانه مثل ما اكرهه هو يكرهني .
عامر : طيب دامكم تكرهون بعض ليش وافقتي عليه ؟
نوف : والله من حظي العاثر اللي يتبعني بكل مكان .

**

**

**

كان بندر جالس بالغرفه وطالع بمكان نوف ع السرير اللي هي تنام كل يوم فيه " آآه يانوف لو تعرفين قد ايش احبك والله ماتخليني لك اسبوع ما اتصلتي علي ولا تبيني اجيك حسبي الله على من كان السبب "
اخذ جواله وطلع من البيت وتوجه لمحل ورود واخذ باقة ورد كبيره لونها احمر وابيض واخذ بطاقه وكتب فيها
وطلع لبيت ابو عامر ونزل ورن الجرس وفتح له عامر : هلا بندر .
بندر بعد ما سلم على عامر : اش اخبارك ؟
عامر : تمام .. وينك يارجال ؟
بندر : والله انشغلت وانا متواصل مع نوف بالجوال .
عامر " والله ما ادري من معاه الحق " : تفضل حياك الله .
دخل بندر وراء عامر ودخل بغرفة نوف وطلع عامر وسكر بندر الباب وشافته نوف ونزلت عيونها بالارض : سلام عليكم .
نوف وهي على وضعها : عليكم السلام .
نزل بندر الورد ع السرير وباس راس نوف ويدينها : اش اخبارك حبيبتي ؟
طالعته نوف : بخير .. اش فيك اليوم انت سكران ولا صاير لك شي .
ابتسم بندر : لا مافيني شي انتي اللي اش فيك مستغربه .
نوف : والله مستغربه منك ومن مزاجك ومن عواطفك اللي كل يوم بمسار مالها مسار معين .
بندر : حبيبتي نوف انا جاي اعتذر منك وخلاص بنفتح صفحه جديده بحياتنا وننسى اللي فات .
نوف هزت راسها بالموافقه : بس ماراح احبك .
تحطم بندر بس ماحب يوضح لها : انا ما ابيك تحبيني وانا اعترف لك اني احبك انا بس ابيك تسمعين كلامي وتحترميني ماطلبت شي صعب .
نوف : اوك موافقه .
بندر : ونسافر لالمانيا وولدك تخلينه عند امك .
نوف : اوك موافقه .
ابتسم بندر : ياجعلني ما انحرم منك .
نوف " جعلني انحرم منك اليوم قبل بكره " : طيب شفت ولدك تطمنت عليه .
قام بندر وشال اسامه وباسه : مع انه اول مره اشوفه بس اقولك انه بيطلع عليك كله حلا .
ابتسمت نوف : تقدر تمشي الحين .
حزت حركة نوف بخاطر بندر بس مشاها لها وهو ماخذ عهد على نفسه انه يراضيها .
طلع بندر وخذت نوف البطاقه اللي بباقة الورد وقرأتها
تزعل وانا ماني بخير
والهم يتعبني كثير
شل ضيقتك وارمه علي
خذ كلي مابي من فرح
اضحك وخل الهم لي
مثلك حرام ينجرح
تكفى ترا صدري يضيق
تايه ولا حولي طريق
خذ قلبي المتعب معاك
لا رحت عني ما ابيه
يمكن تذكرني هناك
وتحس باحساسي عليه
ماعاد لي بعدك مكان
وماعاد بغيابك قصيد
وين الغلا وين الحنان
كني بهالدنيا وحيد
لو كنت انا قد الغياب
ما اتعبت عيني بالسهر
بس ليتك تشوف العذاب
وتحس ما بي من قهر
احذر ترى الدنيا تدور
ترجع على احبابك غريب
تلقى بقايا من زهور
ماتت على ذكرى حبيب
حبيبك : بندر

>> [ كلمات : بدر الضبعان ]
سكرت البطاقه " معقوله بندر يحبني ؟ طيب ليش انا اكرهه هو والله طيب ويكفي انه يحبني .. اسامه على ماقالو باعني بس هذا حبيب قلبي وهو الوحيد اللي حبيته ولا راح احب غيره "
دخلت ام عامر : سلام عليكم .
نوف بابتسامه : عليكم السلام .
ام عامر : الحمدلله انه جا بندر انا على بالي انه زعلان منك .
نوف : لا يمه مابيننا شي .
ام عامر : الحمدلله .

**

**

**

[لامارا]

كانو متعب واسامه جالسين باللوبي اللي بنفس سكنهم : والله خوفتني عليك حسيت ان الدنيا وقفت .
اسامه : مشكور ياصاحبي بس بسألك جدي اشلون مات ؟
متعب : ارتفع معاه الضغط وهو كان تعبان من يوم رحت وتعب ومات .
اسامه : الله يرحمه .. متعب انا حاسس ان يوم امي قرب بس تكفى يامتعب لاتخبي علي نخيتك يا صاحبي لاتخبي علي .
متعب : حااضر ماراح اخبي عليك اي شي .
جا يوسف : سلام عليكم .
متعب واسامه : عليكم السلام .
يوسف : الحمدلله على سلامتك اسامه .
اسامه : الله يسلمك .. حياك يوسف تعال افطر معانا .
يوسف : لا انا بروح المتحف مثل ما انت عارف مشتاق للسعوديه واذا دخلت المتحف احس اني بالسعوديه .
متعب : إلا على طاري السعوديه متى بترجع لها ؟
ابتسم يوسف : ان شاء الله برجع بعد ثلاث اشهر او اربعه . مشى يوسف .
طالع متعب باسامه : ليش ماترجع معاه .
اسامه : متعب والله تعبت وانا اقولك رجعتي مستحيله .
متعب : طيب ليش مستحيله ؟ اش اللي يمنعك ؟
اسامه : انت عارف ظروفي يامتعب واللي مثلك مايسأل اش ظروفي .
متعب : طيب انت اش فيك يأس تعالج وارجع وتزوج .
اسامه : نوف ماراح ترجع لي هي مو رخيصه وانا ما ابي اتعالج .
متعب : طيب ليش تطلقها وانت تدري انها مو رخيصه انت تسرعت بقرارك يا اسامه .
اسامه وهو ينزل راسه : لا تخليني اندم اني طلقتها .
متعب : اسامه انا ما ابيك تندم ولا ابيك تزعل ولا ابي يتكدر خاطرك انا ابيك ترجع معاي .
اسامه : والله ما اقدر يامتعب خلاص انا صفحه سوداء بحياة نوف كلها كم سنه وهي شايلتها من حياتها .
متعب : اي صفحه سوداء نوف تحبك وماراح تكرهك واعتقد لو تزوجت ماراح تكرهك .
اسامه : الله لايقوله ان شاء الله ماتتزوج .

**

**

**

خذت اسماء لها شور ولبست قميص حوامل لونه ابيض مشجر بورود لونها بنفسجي وتفاحي ولبست صندل لونه ابيض وربطت شعرها بربطه لونها ابيض ونزلت تحت : سلام عليكم .
سعاد وام اسامه : عليكم السلام .
جلست اسماء على الكنبه : يمه متعب جا له ثلاث ايام ما اتصل علي ولا اتصل على خالتي يمه انا خايفه عليه .
ام اسامه : طيب اتصلي عليه انتي تتنتظرينه يتصل ويمكن حتى هو ينتظرك .
اسماء ودموعها متحجره بعيونها : يمه والله انا احس ان متعب صار له شي .
ام اسامه : تطمني مافيه شي .
اسماء : يمه هو قالي انه بيتصل علي إذا وصل ولسه ما اتصل اخاف صار له شي .
ام اسامه : انتي اتصلي عليه شوفي اش صار له ولا تنسين انك حامل وولدك احتمال يتيتم .
خذت اسماء جوالها ودخلت بمجلس الحريم واتصلت على متعب ورد بـ : هلا وغلا بزوجتي الغاليه .
اسماء : هلا متعب واخيرآ رديت والله اقلقتني عليك .
متعب : اش اخبارك ؟
اسماء : انا تمام انت اش اخبارك واش فيك ماتتصل ولا تسأل لي ثلاث ايام مانام قلقانه عليك .
متعب : الحمدلله انا بخير ومافيني شي بس والله انشغلت مع واحد من اعز اصحابي بالمستشفى .
اسماء : الحمدلله انك رديت .
متعب : خلاص اسومه وربي ماراح اتأخر كذا واتصل عليك كل يوم .
ابتسمت اسماء : طيب حبيبي عندي لك خبر مررره حلو .
متعب : هااا قولي اش عندك فرحيني الله يفرحك .. وقال بيبعد الشكوك .. اسامه رجع ؟
اسماء : لا والله ما اعرف عنه اي شي .. بس انا حامل بالشهر الرابع .
متعب بفرح : الف الف مبروك ياقلبي ليش ماخبرتيني بدري ؟
اسماء : حبيت اسويها لك مفـــاجئه بس من خوفي عليك ماقدرت اكمل المفاجئه .
متعب : خلاص من اليوم ياقلبي لا تخافين وانا راح اتصل عليك بكل وقت .
اسماء : إلا انت وينك ؟
متعب " يعني مامشت عليهم اني بامريكا " : انا بامريكا صاحبي تعبان وانا عندي شغل الشركات .
اسماء : الله يوفقك ياقلبي وان شاء الله صاحبك يقوم بالسلامه .. إلا انت متى بترجع ؟
متعب : احتمال بعد ثلاث ايام .
اسماء : بس تكـــفى لاتـــقلقني عليك مثل اليوم .
متعب : ان شاء الله بتصل عليك يوميا .
اسماء : مع السلامه حبيبي .
متعب : وهـ فديتك .. مع السلامه اشوفك على خير ياقلبي .
سكرت منه اسماء ورسمت على وجهها ابتسامه وطلعت جات امها : هااا رد عليك .
اسماء : ايه يمه رد علي ويقول انه فيه واحد من اصحابه تعبان .
ام اسامه : اقولك هذا مثل اسامه وثقي فيه .
اسماء : وانا ما اقلقني وخوفني إلا انه مثل اسامه اخاف يسوي فيني سواة اسامه بنوف .
ام اسامه : خلاص لاتكلمين با اسامه .

**

**

**

العزوف : انت اش فيك من ملكت على سعاد ولا مره طلعت معاها او سمعت انك مكلمها لايكون تكره بنت عمي ؟
عامر : لا والله ما اكرهها بس بدري على الطلعات والمكالمات وانا ما ابي اكلمها إلا بعد زواجي .
العزوف : ياقدمك الناس تطورو وانت لسه على عادات اجدادنا امي وابوي زواجهم متطور شوي ولا انت من عهد الدوله العباسيه .
ابتسم عامر : اش دراك عن زواجات الدوله العباسيه ؟
ضحكت العزوف : انا اقرا عن العصور اللي قبلنا كثير وفيه واحد منهم نفس اسلوبك .
رن جوال العزوف وكان المتصل الوليد حطت الجوال سايلنت وحطته ع الطاوله اللي قدامها : عامر ما مريت على نوف اليوم ؟
ضحك عامر : هذي تصريفه يا زوزو ؟
وقفت العزوف وخذت جوالها : انا بروح اتطمن على نوف واشوف ولدها وبروح انام .
عامر متقصد ومتعمد يحرجها : آهاا تطمنين على نوف ع بالي الوليد اتصل عليك .
اعتلت وجه العزوف حمره وراحت تركض لغرفتها ضحك عامر وجات ام عامر اللي شافت العزوف : انت إلا متى تحرجها ؟
ضحك عامر : يمه والله ماقصدي وبعدين هي ليش تجيب جوالها هنا .
ام عامر : مادرت ان لها اخو مثلك .
عامر : يمه انا ولدك الكبير المدلل خليك بصفي واتركي العزوف .
ام عامر بابتسامه : مشكلتك انك ولدي الكبير جعلني ما انحرم منك .
عامر : ولا يحرمني منك يا اغلى ام بالدنيا .
ام عامر : صليت ؟
عامر : لا الحين بروح اصلي بس انتظر ابوي عشان نروح مع بعض .
رن الجرس : يمه انا بروح افتح الباب .
ام عامر : يمكن حريم .
عامر : عادي بروح افتح الباب انا متأكد محد بيجي المغرب إلا من قرايبنا .
راح عامر وفتح الباب وسلم على راس ام اسامه : هلا عمتي حياك الله .
ام اسامه : الله يحييك ويبارك فيك .
طالعة سعاد بعامر وكانت مغطيه عيونها " آآه ياحلاته "
دخلت ام اسامه وعامر متسمر قدام الباب ويطالع بسعاد انتبه لنفسه : مساء الخير .
سعاد وهي ترجف : م مـساء النور .. ممكن شوي بدخل .
بعد عامر عن الباب ودخلت سعاد وسلمت عليها العزوف : ياعيني .. ياعيني غزل وحب عند الباب .
سعاد : اي غزل الله ياخذك انا ارجف من الخوف والربكه وانتي تقولين حب وغزل .
العزوف : انتي وعامر إلى متى كذا خذي رقمه واكسري الحاجز .
حطت سعاد يدها على خصرها : يسلام اش بيقول عني عامر لا خليني كذا احسن لو نوف مو هنا كان والله ما ادخل بيتكم فشله باقي على زواجي 4 اشهر وانا جايه هنا .
العزوف : لا عادي اذا صار بيت غرب قولي كذا ياما نمتي هنا وجلستي عندنا الحين صرتي تستحين ؟
سعاد : بس الحين اختلف الوقت صار اسمي مرتبط باسمه سعاد زوجة عامر مو زي قبل .
جات ام عامر : لكم ساعه واقفات هنا ادخلو .
العزوف : يمه سعاد شافت عامر وانشلت .
ام عامر بعد ماسلمت على سعاد : اسم الله عليها وبعدين هذا زوجها مو واحد غريب .

**

**

**

اسيل : بابا انا ما ابي اتزوج الحين وشايله فكرة الزواج من راسي .
ابو اسيل : خلاص راح نرفضه وهذا رابع واحد انا اخاف الناس يطلعون عليك سوالف .
اسيل : اووه بابا كلام الناس تحت رجلي انا مايهمني كلامهم اهم شي اني ما زعلتك او سويت شي مخالف للسنه .
ابو اسيل : يابعد عمري يابنتي مو متخيل حياتي بعد ما تتزوجين .
اسيل : بابا عادي انا اسكن عندك هنا ولا يهمك .
ام احمد ( جدة اسيل ) : وليش ماتتزوج وتريح راسك .
اسيل : ايه ليش ماتتزوج ؟
ابو اسيل : انا ماتزوجت وانا بشبابي اتزوج الحين ؟
اسيل : بابا انت طول عمرك شاب .
ام احمد : اسمع بنتك وش تقول طول عمرك شاب يا احمد انت ليش ماتتزوج يوم كانت اسيل صغيره عذرناك بس الحين اش عذرك ؟
ابو اسيل : لآني احب سهام وما ابي احد يجي مكانها .
اسيل : لا بابا ماما ماتت خلاص لها اكثر من 20 سنه ميته تزوج يمكن ترتاح .
ابو اسيل : انا راحتي اذا شفتك سعيده بحياتك وانا ما راح ازوجك إلا واحد يستاهلك .
ام احمد : ولد عمها ريان كل يوم وهو خاطبها ليش ماتزوجه ؟
ابو اسيل : بس يايمه ام ريان ماتحب اسيل وحتى بناته يكرهونها وانا ما ابي احد يكدر خاطرها بكلمه .
سالت دموع ام احمد : الله يخليها لك ولا يحرمك منها ويجعلك دايم لها .
باست اسيل يد جدتها وراسها : يمه لاتبكين والله دموعك غاليه ولاتستغربين من حنان بابا وهو تربيتك .
ام احمد حضنت اسيل : ياجعلني ما افقدك ياشمعة حياتي .
ابو اسيل وهو يوقف : عن اذنكم انا بروح اصلي .
طلع ابو اسيل واسيل رفعت جسمها عن حضن جدتها : يمه انتي اكبر مني قولي لي ايهم اللي اوافق عليه ريان ولد عمي ولا ولد صديق ابوي .
ام احمد : اللي انتي مرتاحه له وشو ؟
اسيل : انا يايمه ما ابي اتزوج وشايله فكرة الزواج من راسي .
ام احمد : خلاص ياحبيبتي مو لازم توافقين عليه .
اسيل : بس انا احس عمي راشد تغير علي من يوم رفضت ولده .
ام احمد : آآآه راشد متغير من يوم تزوج العقربه هياء من يوم شفتها وولدي متغير علي بالمره .
اسيل : طيب يمه لاتهمك والله هي منقهره منك صديقيني كرهها لك عشانك اول كبيره بالسن مثقفه وواعيه وتتكلم الانقليزيه ولك خبره بالعالم الخارجي هي كل غيرتها وقهرها انك من استراليا .
ام احمد : الله يجبر بخاطرك يابنتي هي سعوديه يعني تحمد ربها انا صح اني استراليه بس والله اني اسعد انسانه يوم خذيت الجنسيه يارب لك الحمد.
اسيل : لا هي بس عشان كذا تكرهك وعشاني عايشه معاك تكرهني .

**

**

**

نوف : هاا خالتي ماعرفتو شي عن اسامه ؟
ام اسامه : يانوف حرام عليك انتي متزوجه وعندك ولد ولسه تفكرين باسامه نوف زوجك لو عرف راح يقتلك .
نوف وهي تبكي : ماراح يروح دمي هدر لو قتلني وانا ما غلطت عليه ولا قلت له شي .
ام اسامه : ياقلبي والله قطعتي قلبي خلاص لاتبكين وصدقيني دام املك بربك كبير ماراح يخيبك وربي راح يعوضك خير من اسامه ان شاء الله .
نوف : مافيه احد احسن من اسامه .. اسامه ماله شبيه .
ام اسامه : اللي خلق اسامه خلق غيره .. ام عامر اش رايك بكلام بنتك ؟
ام عامر : الله يهديها والله يانوره عجزت معاها لي اربع سنوات وانا احاول فيها بس مافيه امل انا غسلت يدي منها .
ابتسمت نوف : اش فيكم علي فيه شي اذا سألت عن اسامه حبيبي اللي ماراح احب احد غيره .
ام عامر طالعت بنوف باستغراب : ولسه تقولين حبيبي ؟
نوف : يمه انتم قلتو ان اسامه مات خلاص لاعاد تكلمون فيه انا ابي اهيم بحبي له .
ام عامر : وياخوفي هيامك هذا يوديك بـ 60 الف داهيه .. لو عرف بندر والله ليذبحك ذبح الشاة .
نوف : يطول السماء مايمسني بضرر عاد اشلون يقتلني ؟
ام اسامه : قفلو الموضوع وجيبو لنا موضوع حلو تنتاقش فيه .
نوف : اييه انا عندي موضوع .. اش رايكم بعد ما اطلع من النفاس نسافر للطايف ومكه والمدينه وجده والله الحجاز عالم اخر .
ام عامر : انا موافقه .
ام اسامه : وانا موافقه بس ياليت ازواجنا يوافقون .
نوف : بس مو حلوه الطلعه دام عبير ماراح تطلع معانا .
ام اسامه : إلا عادي خليها علي انا راح اقنعها .
نوف : بس السفره اكيد ناقصه دام اسماء مو معانا .
ام اسامه : الله يسهل عليها .
نوف : بس يله عادي الله يهنيها ويوفقها ويسهل عليها وتجيب عروس لولدي .
ام عامر " غريبه نوف تفكر بولدها بس اكيد انها عفويه منها " : نوف صرتي تفكرين بعروس الولد من الحين .
نوف بابتسامه : اكيد افكر فيها هذي بتصير زوجة سمي الغالي وولدي يذكرني با ساامه كثير ما ادري عشان اسمه ولا غلا باسامه صرت اتخيله بكل مكان .
ام اسامه : ولا بس الغالين اللي يذكرونك فيه .

**

**

**

مـــرت شهرين ونوف رجعت لبيتها .
كانت نوف نايمه فتح بندر الباب وشغل اللمبه وراح لنوف " ياقلبي شكلها تعبانه " : نوووف .. نوف .
فتحت نوف عيونها وشافته لابس ثوب ابيض وهي ماكانت مركزه زين وفز قلبها : اســــــــــــامه .
بندر " يارب انها تقصد ولدي " : نوف اش فيك ؟
نوف بإرتباك : شـ شفتك وذكرت علي اسامه .
تحطمت مجاديف بندر وجلس ع السرير وطالعها : حرام عليك يانوف حسي فيني اربع سنوات وانا احبك وضامي بحبك وانتي تحطين بيننا الف حاجز وحاجز نوف انتي ليش كذا ليش انانيه حسي فيني .
قامت نوف وراحت وغسلت وفرشت اسنانها ولبست بنطلون جينز اسود وبلوزه جوبنيز رمادي وطلعت للغرفه : وين اسامه ؟
طالعها بندر : انتي تهتمين باحد عشان تسألين عن ولدك ؟
نوف : المهم هو موجود ولا لا ؟
بندر : شفتي انك مهمله واكبر مهمله ماتدرين عن ولدك .
نوف : يعني وين بيروح ولدي عمره شهرين مايقدر يتحرك اذا مشى ان شاء الله اهتم فيه .
بندر : ما اظن .. المهم ولدي عند امي لأن امي اولى فيه منك .
ابتسمت نوف : مشكور ماقصرت ع الاقل اقدر ارتاح بنومي .
بندر : نوف اقسم بالله لو جبتي طاري لأسامه ولد عمك لأربيك من جد وجديد .
نوف : انا والله ما اقصد بس هي جات عفويه كذا وانت تعرف معزتك عندي وماله داعي المشاكل .
بندر ابتسم لها : اتمنى يانوف انك تبقين كذا طول ما انتي على ذمتي .
نوف : طيب يابندر انا ما اغلط ولا مره غلطت انت اللي تغلط علي .
بندر مسك يد نوف وباسها : انا اسف على كل اساءه بدرت مني .
نوف " لاهذا اكيد انهبل " وسحبت يدها من يده : انا بروح لخالتي .
بندر : بس توعديني اذا رجعتي تسهرين معاي ؟
نوف : اوعدك .
طلعت نوف من جناحها ونزلت لعمتها وعندها زوجة خال بندر ( ام سامي ): سلام عليكم .
ام سامي وام بندر : وعليكم السلام .
سلمت نوف على راس عمتها وسلمت على ام سامي : اخبارك ؟
نوف : الحمدلله بخير .. اهلا وسهلا زارتنا البركه .
ابتسمت ام سامي : ما شاء الله ولدك قمر اسم الله عليه .
نوف وهي تطالع عمتها : إلا اسامه وينه ؟
ام بندر : ههههههه لينا من يوم شافته وهو معاها تقول هو اغلى ما في الكون لأنه اول شخص بيقول لها عمه .
نوف : عن اذنكم بروح اشوف لينا لي يومين ماشفتها .
وطلعت نوف لغرفة لينا وطقت الباب ودخلت وشافت لينا حاضنه اسامه : سلام عليكم .
لينا : عليكم السلام اهلين واخيرا تواضعتي ودخلتي غرفتي .
ضحكت نوف : حرام عليك والله انا دايم اجي عندك .
لينا : ايه بس من البارح ماجيتيني حسيت انك زعلانه بس الله يبارك بولدك اللي يجيبك غصب عنك .
نوف " آآآه لو تدرين ان ولدي غير مرغوب فيه لا انا ولا ابوه نبيه .. بس مهما كان هذا قطعه مني ولا راح اخليه يحس بقصور ".
لينا : يااااهوو وين رحتي .
نوف : هااا .. نعم .
لينا : انعم الله عليك بس اسألك متى زواج اخوك عامر ؟
ابتسمت نوف : بعد شهر ونص ان شاء الله هااا شريتي فستان ؟
لينا : انتي اش فيك فاقده الذاكره ولا فيك الزهايمر انتي اول من شاف فستاني .
ضحكت نوف : انا من اربع سنوات مضيعه وما ادري عن اي شي .
لينا فهمت قصدها : نوووف والله من يوم عرفتك وانتي كل كلامك قبل اربع سنوات انتي ماراح تنسينه ؟
طالعتها نوف : تكفين يالينا لايسمعك بندر والله مايخليني .
لينا : نوف انتي بتروحين ضيحة الصفحه هذي بحياتك نوف تكفين انا ما ابي اخسرك انتي مثل اختي لاتخليني اخسرك .
نوف : اش قصدك يالينا ؟
لينا : بندر اكيد لاعرف الشي هذا انك تحبين اسامه بيطلقك .
نوف : انا كنت على وشك الطلاق يوم سميت ولدي اسامه بس ربي هدا بندر وتراجع .

**

**

**

وصلت اسيل بيت جدتها وسلمت على راسها : تو مانور البيت يابعد عمري .
اسيل : منور بوجودك .
ام عبدالله : اش اخبارك ياقلبي ؟
اسيل : الحمدلله بخير .
سمعو صوت مهند وماجد : عن اذنك جدتي بروح لغرفتي .
وراحت لغرفتها تركض وفتحت الباب ودخلت نزلت عبايتها وعلقتها ع الشماعه وفتحت شعرها اللي لافته كعكع .
فتحت الدريشه وشافت الاطفال اللي يلعبون بالشارع ولفت انتباهها حريم جالسات قدام البيت وعندهم قهوه " اش فيهم طالعين برا ؟"
رن جوالها : الوو .
عذراء : هلا اسيل الحمدلله على السلامه .
اسيل " بسم الله الرحمن الرحيم اش دراها اني جايه : الله يسلمك .. اش دراك اني جايه ؟
عذراء : اخوي فراس قالي انتس جيتي .
اسيل : اهاا .. طيب الليله فيه عشاء عند جدتي ابيك تجين مع امك اوك ؟
عذراء : ان شاء الله .
اسيل : جيبي معاك خواتك نبي جمعة بنات حلوه .
عذراء : بجيب خواتي وبنات عمي .
اسيل : وقولي لصاحباتك يجون .
طق الباب : عذراء مع السلامه لاتنسين تجون كلكم .
وقفلت منها وفتحت الباب وصرخت : عبييييير .
عبير بضحكه : اش فيك ؟
سلمت عليها اسيل : ليش ماقلتي لي انك جايه ؟
عبير : والله ما دريت اني بجي هنا .
اسيل : لا والله علي يا عبوره ؟
عبير : ايه ونوف بتجي تقول على صلاة المغرب ان شاء الله وهي واصله .
اسيل : والبنات ؟
عبير : لا عندهم دراسه ولا انا ونوف عاطلات .
اسيل : ههههههههه اي دراسه اللي عند البنات .
عبير بابتسامه : سعاد والعزوف زواجاتهم قريبه وقالو نجلس بالبيت احسن وبعدين هم عندهم تطبيق الترم هذا كله .
اسيل : عقبال ما اخلص الطب واطبق .
عبير : هانت مابقى لك إلا ثلاث سنوات .
اسيل : بس تو عرفت اني شاطره .
عبير : الله يوفقك يارب وتاخذين الدكتوراه والبكالوريوس والماجستير .
اسيل : ههههههه الله يسمع منك .
جات ام عبدالله : يله يابنات تعالو عندي العيال راحو .
اسيل : اوك .. عبير روحي وانا بغير ملابسي واجي .
عبير : اوك .
خذت اسيل تنوره رسميه لونها اسود ميدي ولبستها وبلوزه لونها ابيض وركبت حلق اسود وحطت روج زهري وشعرها الغجري اللي يوصل الى اخر ظهرها رفعته من فوق بشباصه لونها اسود وتركت الباقي مسدول ولبست جزمات سكني اسود وتعطرت من عطرها galaxy ونزلت تحت وطالعتها عبير : ما شاء الله اش هالزين .

**

**

**

[لامارا]

كانو نوف وبندر بالطريق واسامه مع الخدامه ونوف تطالع بالارض وساكته وبندر مشغل اغنية محمد عبده . ويغني معاه .
طالعته نوف : ممكن تطفيه ؟
بندر وهو يقصر الصوت : ليش ؟
نوف : انا ما احب اسمع اغاني وانت عارف اش عقوبة اللي يسمع اغاني يوم القيامه .
بندر بسخريه : لا خفي علينا يا الداعيه .. انتي تعرفين اش الحرام واش الحلال عشان تقولين لي .
نوف : ايه من فضل ربي اعرف اش الحلال واش الحرام ولو سمحت سكر الاغنيه انا ما اسمع اغاني .
بندر : ولا ذكرتك بحبيب القلب .
نوف : بندر بليز لاتفسر كلامي على هواك انا قلت لك ما اسمع اغاني .
بندر : اوك اطفيه بس عشان يوم تروحين لجدتك وانتي مبسوطه .
نوف : .........
بندر : طيب ممكن سؤال ؟
نوف : نعم ؟
بندر : ليش انتي تبين سفرنا لالمانيا بعد زواج عامر ؟
نوف : ابي اطلع من السعوديه بالصيفيه هذي يكفي العام اني رحت معاك للكويت .
بندر : الكويت كلهم اهلي .
نوف : والمانيا انا احبها وابي اروح لها .
بندر : نروح لالمانيا ونشوف انتي ليش تحبينها هالقد .
نوف : انت اش فيك شكاك انا ماقلت شي واحب المانيا كدوله مو عشان اي شي ثاني .
وصلو القريه وطالعت نوف ببندر : انت بترجع للرياض الحين ؟
بندر : لا احتمال اروح للقصيم .
نوف : الله معاك .. لاتجي لاتخذني إلا بعد اربع ايام اوك .
بندر : اوك .
وصلو بيت ام عبدالله ونزلت نوف ووراها الخدامه ودخلت وسلمت على ماجد اللي مع مهند بالحوش : اش اخباركم ؟
ماجد ومهند : الحمدلله بخير .
جا ماجد واخذ اسامه من نوف : ما شاء الله يهبل .
سلم عليه مهند : تصدق مجود هذا طالع علي .
ماجد : هههههه اش جابه لك انت ولد عم امه لا يمكن يشبهني لأني خاله .
خذت نوف ولدها ودخلت : سلام عليكم .
الكل : عليكم السلام .
سلمت على جدتها : اش اخبارك يالغاليه ؟
ام عبدالله : الحمدلله بخير .
سلمو عليها عبير واسيل وطالعت عبير لولد نوف : فيه شبه من اسامه اخوي .
ابتسمت نوف : اتمنى .
اسيل : واخيرآ يانوف تكلمو عن اسامه مابكيتي .
نوف : خلاص تعودت وبعدين انا متزوجه مايصير افكر بواحد غير زوجي .
ام عبدالله : الله يرضى عليك يابنتي هذا عين العقل .
نوف " لو تدرين ياجدتي ان اسامه ماغاب عن بالي ولا ثانيه وبندر اللي يحاول يحببني بنفسه بيني وبينه الف حاجز "
عبير : نوووف وين رحتي .
اسيل : ههههههه تفكر ببندر اكيد اشتاقت له .
طلعت ام عبدالله وطالعت نوف بالبنات : ترا كل الكلام اللي قلته اكذب على جدتي ولا انا مستحيل احب احد غير اسامه .
عبير : والله اني عارفه انك ماراح تكرهينه وحب اسامه يجري فيك مجرى الدم .
اسيل : ياربي لاتبلاني بالحب والله اخاف اصير نفس نوف وامال بنت عمي طلقها زوجها وهي تحبه بس هو يكرهها والله ذكرت علي نوف .
نوف : هذي عادي زوجها يكرهها بس انا اسامه كان يحبني وطلقني بحركه عجيبه غريبه اكيد وراها شي الحركه هذي .
عبير : نوف خلاص اسامه مات سوي formt لحياتك وابدي صفحه جديده .
نوف : لا كل ذكرياتي الحلوه مع اسامه ومستحيل انساه .
اسيل : نوف يامجرمه اشلون سميتي ولدك اسامه ؟
نوف : والله بغيت اتطلق بس ربي هدا بندر وتراجع عن قراره .
اسيل : حرام عليك شوفي هو راعا ظروفك وخلاك تسمين ولدك اسامه وانتي مو معطيته اي اهتمام .
نوف : والله غصب عني اكرهه .
عبير : لا مو غصب انتي لو تبين زوجك كان كرهتي اسامه شلتيه من راسك .
وقفت نوف : وبعدين معاكم انا ماجيت هنا عشان تقولون لي كذا حرام عليكم .
عبير : اسفه يانوف والله ماقصدي بس هذي لمصلحتك .
نوف : والله عارفه بس انا ماراح اتغير وراح احب اسامه الى اخر لحظه بحياتي وانا متاكده انه بيرجع .
اسيل : طيب ليش تزوجتي .
نوف : آآآآه والله اني ندمانه قد شعر راسي على اني تزوجت بندر .
عبير : لا احسن يوم سويتي كذا انتي ماشفتي نظرة المجتمع لك ولا سمعتي كلام الناس عنك .
نوف : اوووه كلام الناس ؟ اذا انا بمشي على كلام الناس بضيع وكلام الناس تحت رجلي وما اهتم له .
عبير : نوف اسألك بالله تخيلتي بيوم من الايام انه بيطلقك اسامه ويتزوجك واحد من اصحابه .
نوف : اكيد لا ولا تخيلت بلحظه وحده نفترق انا واسامه وشوفي اش اللي صار .
عبير : طيب خلاص توقعي باي يوم من الايام انك راح تحبين بندر إلا تموتين على الارض اللي هو يمشي عليها .
نوف : لا لا ما اعتقد .

**

**

**

ام وليد : الماااس .. الماااااس .
نزلت الماس مع الدرج تركض : نعم يمه .
ام وليد : تعالي ابيك بشغله مهمه وضروريه ترا زواج اخوك مابقى عليه شي وانا ما ابيه يتم .
ابتسمت الماس : ايه تكفين يايمه اخطبي لوليد من بنات خالاتي .
ام وليد : ان شاء الله بخطب له هاجر بنت خالك سعيد .
الماس : ياليت مو مثل العزوف مغروره وشايفه نفسه علينا .
ام وليد : الحق حق العزوف مزيونه وطيبه ومتواضعه والف واحد يتمناها بس انا ما ابيها لولدي .
دخل وليد على اخر كلام امه : يمه انا اللي بتزوج العزوف مو انتي ومالكم شغل بزواجي ولاتدخلون نفسكم بشي مايخصكم .
وقفت ام وليد : لا ياوليد والله ماتتزوج العزوف وانا عايشه .
وليد : دام ابوي موافق انتم مالكم دخل ان شاء الله اتزوج جنيه محد له فيني دخل اوك ؟
ماحس وليد إلا بصفعه قويه على خده طالع امه : يمه تمدين يدك علي عشاني قلت الحق .
وقفت الماس من هول الصدمه : يمه اش سوى وليد يوم تمدين يدك عليه ؟
ام وليد بعصبيه : انتي ولا كلمه وهذا ولدي واسوي فيه اللي ابي .
وليد : لا يايمه مو تسوين اللي تبين انا رجال واعرف مصلحتي والعزوف بتزوجها يعني بتزوجها .
ضحكت امه : اذا فيك خير تزوجها وشوف اش راح يصير لك انت وياها .
الماس : يمه لاتدمرين حياة وليد هو لسه صغير وما تهنى بحياته .
وليد : يمه انا الى الان محترمك وما ابي اقل ادبي على امي ورجاءً اقصري الشر .
ام وليد بعصبيه : ياقليل الحيا تكلم امك بالطريقه هذي صدق ماعرفت اربيك .
وليد : صح انك ماربيتيني بس الحمدلله انا متربي وماتعديت حدودي مو مثل اختي ليلى تربيتك .
ام وليد : انت اخر من يتكلم وليلى ماتت من اربع سنوات خلاص انسوها .
وليد : صح اني نسيت ليلى بس مو قادر انسى شكلها وهي بشقه مع ولد غريب ومنتحره .
ام وليد : اسكت خلاااااص .
صرخ وليد : ليش اسكت عرفتي غلطتك وندمتي .
ام وليد : مو انت اللي تعلمني الصح والغلط واطلع برا لا عاد تدخل بيتي .
دخل او وليد : سلام عليكم .
الكل : عليكم السلام .
ابو وليد : انتم اش فيكم اصواتكم واصله الشارع استحو .
وليد : يبه امي بتتبراء مني امي طردتني من بيتها عشاني بتزوج العزوف بنت عمي .
ام وليد : انت عارف اني ما ابي العزوف زوجه لولدي ولا راح اوافق عليها طول عمري وهي ماتناسب وليد ووليد مايناسبها .
ابو وليد : هذي بنت عمه وهو يعرفها وهي تعرفه وطبايعهم مثل بعض وقفلي الموضوع والزواج بيتم ان شاء الله بعد شهرين واذا مو عاجبك بلطي بحر .
ام وليد : لا والله وطلع لك لسان ياحمد وقدرت ترد علي انت طول عمرك خاتم بصبعي .
اعطاها ابو وليد كف : ياقليلة الحيا .. انا صبرت عليك كثير والحين جا الوقت اللي اطلقك فيه وشيلي اغراضك واطلعي من بيتي .
ام وليد بصدمه : انت اش قاعد تقول اكيد تمزح ايه انت تمزح .. انا اتطلق على اخر عمري .
ابو وليد : روحي لبيت اهلك وبكره وورقة طلاقك واصلتك .

**

**

**

العزوف : يمه احس عمتي ماتبيني لولوه واضح انها تكرهني .
ام عامر : وانتي اش عليك منها بيتك راح يصير بعيد عنهم وانتي مو ضروري تروحين لهم .
العزوف : يمه انا صح اني احب وليد بس امه واخته يكرهوني يمه احس حياتي ماراح تكمل .
ام عامر : تعوذي من الشيطان وشيلي هالافكار من راسكـ واذا فشلتي بحايتك بيت اهلك مفتوح .
ابتسمت العزوف : يمه انتي مثقفه واهنيك بالشي هذا فيه امهات اهم شي عندهم ان بنتها تتزوج .
ام عامر : والله يابنتي الزواج مو مهم اهم شي راحتك .
رن جوال العزوف ووقفت : عن اذنك يمه .
وطلعت لغرفتها ورد بـ : اهلين .
وليد : هلا وغلا بزوجتي الغاليه .
العزوف : هلا وليد اش اخبارك ؟
وليد : انا بخير دامي اسمع صوتك .. العزوف عندك شغل الحين ؟
العزوف : لا ماعندي شغل امرني .
وليد : انا تعبان وبصدري حمل ثقيل وابيك تسمعيني للاخر .
العزوف : تفضل حبيبي .
وليد : آولآ زواجنا راح يتأجل .
العزوف : ليـــش سلآمات .
وليد : امي تطلقت وانا ابي زواجي بعد ماتهدى الامور ولازم تتزوج الماس عشان تاخذين راحتك بالبيت وابوي يتمنى الشي هذا .
العزوف : اوك .
وليد : والله صايره مشاكل بالبيت بالهبل وانا مضطر اسافر فترة نقاهه لمدة شهر وابي اخذك معاي .
العزوف : لا وليد ما اقدر والله ما اقدر اروح معاك .
وليد : انتي زوجتي ومافيها شي لو سافرتي معاي .
العزوف : لا مستحيل الموضوع مو سهل لهالدرجه .
وليد : طيب بعد اسبوعين زواجنا وراح يصير مختصر وبسيط .
العزوف : افكر بالموضوع وارد لك وانا لازم اقول لآمي واستشيرها .
وليد : خذي راحتك حبيبتي بس بعطيك مهله ثلاث ايام .
العزوف : اوك .
وليد : العزوف انا والله محتاجك واتمنى انك تصيرين بجنبي باسرع وقت .
العزوف : طيب انا بقول لأمي و ارد لك .
وليد : مع السلامه ياقلبي ولا تأخرين ردي لي خبر بسرعه .
العزوف : اوك مع السلامه .
قفلت منه " ياربي انا شكلي تسرعت .. لا لا هذا زوجي ولازم اساعده اذا ماوقفت جنبه الحين متى بوقف جنبه "
نزلت تحت وشافت امها جالسه مع عامر : سلام عليكم .
عامر وامه : عــليكم السلام .
العزوف : يمه ابيك بموضوع مهم وخاص .
عامر : اييه عشان زواجكم انا موافق انه يصير مختصر وابوي بعد موافق.
طالعته العزوف باستغراب : بسم الله الرحمن الرحيم وانت اش دراك .. ياااساحر من وين تطلع الاخبار هذي ؟
ضحك عامر : وليد قالي .
ام عامر : اش السالفه ؟
العزوف : تكلم ياعامر .
ام عامر : يله قولي السالفه شكله صاير شي كايد .
عامر : لا يمه تطمني ماصار شي بس عمي حمد طلق لولوه والوليد يبي زواجه بعد اسبوعين ومختصر وبيسافر هو والعزوف موافقه ؟
ام عامر : ايه موافقه .. بس ليش طلق زوجته .
العزوف : يمه خليهم وقولي لي اش رايك بفكرته زواجنا بعد اسبوعين ومختصر ؟
ام عامر : وافقي وانتي مرتاحه لأنه هو يبيك بجنبه الحين واكيد صايره مشاكل ببيتهم .

**

**

**

رن جوال نوف وخذته وردت بـ : اهلين .
بندر : هلا نوف اش اخبارك انتي وولدك ؟
نوف : تمام .
بندر : اش فيك ماتردين على جوالك من البارح ؟
نوف : جوالي بالغرفه وانا عند جدتي اش كنت تبي ؟
بندر : سلامتك ما ابي شي بس بقولك اني بكره بجي اخذك .
نوف : ليش بهالسرعه بس يومين عند جدتي بتجي تاخذني ؟
بندر : بكره خليك جاهزه الساعه 4 العصر بنمشي للرياض .
نوف : بندر تكفى بس بجلس الاسبوع هذا عند جدتي .
بندر : لا بكره وانتي ماشيه معاي وغصب عنك سااامعه .
نوف : اوك .. ومتى بنروح لألمانيا .
بندر : نجلس بالرياض اسبوع ونروح ان شاء الله .
نوف : اوك باي .
بندر : باي .
قفلت منه نوف : اوووف بكره بروح الرياض .
عبير : ليـش ؟
نوف : ما ادري يقولي بندر بكره وانتي جاهزه .
عبير : طب ليش انتي بس جلستي عندنا يومين والله من زمان عنك .
نوف : الله ياخذه وافتك منه .
عبير : حرااام عليك هذا زوجك .. وولدك مافكرتي فيه وانه راح يتيتم .
نوف : اذا مات بندر ابوي واخواني مو مقصرين الله يخليهم لي .. ولو مات ابوه مو لا اول ولا اخر يتيم .
عبير بعصبيه : اوول مره اشوف وحده زيك متبلده مشاعرها ماعندها احساس انتي مو ام اشلون تتمنين لولدك انه يصير يتيم .
ضحكت نوف : شوي شوي لا يطق فيك عرق .

**

**

**

جلس اسامه جنب اصيل : اش قاعد تسوي ؟
اصيل : بدي إرسم الفله من شان اتذكركم اذا شفتها .
اسامه : ما شاء الله رسمتك حلوه .
اصيل : شو رايك ارسمك ؟
ابتسم اسامه : لا لا ابيك ترسم علم السعوديه وسوريا وتكتب عباره حلوه عن سوريا .
اصيل : لك احلى رسمه برسمها على راسي والله .
دخل عمر : سلام عليكم .
اصيل واسامه : عليكم السلام .
عمر : اسامه اذا ممكن ابيك بكلمة راس .
وقف اسامه : عن اذنك اصيل .
وطلع اسامه مع عمر : احنا الحين بنطلع من البيت وبنروح لاي مكان بقولك على شي انا تو عرفته يخصك .
اسامه " ياربي اش عرف هذا محد يدري بسالفتي إلا متعب ويوسف لايكون متعب خانني وقال لعمر قبل لايرجع .. لا لا متعب مايسويها متعب رفيق دربي مستحيل يسوي كذا ولو بيخونني كان قال لأهلي من زمان متعب امين وماراح القى مثله "
جلسو عمر واسامه ع الكراسي اللي ع الشارع : اســامه انت اعز صديق لي هنا وانا ابي اقولك على شي مهم .
اسامه على اعصابه : عمر تكلم اش فيك و اش صاير ؟
عمر : اختك بتتزوج بعد شهرين .
طالع اسامه بعمر وكان نفسه يقتله : انت اهبل ولا تستهبل واذا اختي بتتزوج انا اش علي .
عمر : انا قالي صاحبي هو يعرف عامر ولد عمك وقالي انه بيتزوج اختك اللي تصير بنت عمه .
اسامه : اش تبيني اسوي فيك لو اقتلك هذا قليل بحقك ماخذني من البيت وتقول شي مهم وانا امشي ورجولي مو شايلتني واخر شي تقول اختك بتتزوج انت غبي ولا تستهبل عمر انا عارف ان اختي بتتزوج لاتظن اني ما اعرف عن اهلي شي .
عمر : طيب مو رايح لأهلك ؟
اسامه : لا ليش اروح ؟
عمر : اقولك زواج اختك انا والله خذيت اجازه مرضيه عشان احضر زواج بنت خالي عاد اشلون انت مو حاضر زواج اختك وولد عمك .
اسامه : انا ما لي رجعه للسعوديه .
عمر انصدم : يعني بتعيش هنا طول عمرك ؟
اسامه : ايه .
عمر : لا يا اسامه لازم ترجع اشلون بتعيش بالغربه وبلاد مو اسلاميه اخاف يأثرون فيك وتاخذ ديانتهم .
اسامه : لا لاتخاف ربي ان شاء الله بيثبتني على دين الاسلام وماراح اغير ديانتي بديانات وهميه .
عمر : لا لا تقول كلهم سحره ويقدرون يأثرون فيك .
اسامه : ومين اللي بيسحرني ؟
عمر : انت نسيت انهم اعداء الاسلام ؟
اسامه : مانسيت بس دامي متوكل على ربي ومفوض امري لربي متأكد اني ماراح اتأثر .. ولي اربع سنوات اصوم واصلي واتصدق .
عمر : ما شاء الله عليك .
اسامه : وبعدين عيال بلادنا كلهم كذا والله رفعو روسنا بكثير من المحافل .
عمر : وفيه فئه ثانيه نزلو روسنا .
اسامه : بس والله قليل والسفاره مهتمين فيهم ويراقبونهم .

**

**

**

جهزت نوف اغراضها ورن جوالها : الوو .
العزوف : هلا وغلا باختي الغاليه .
نوف : هلا بك زود اش اخباركم .
العزوف : صارت اخبار جديده زواجي بعد اسبوعين .
نوف : ايش بعد اسبوعين انتي مجنونه ومامعاك وقت تتجهزين .
العزوف : هو زواج مختصر وعائلي .
نوف : طيب ليش مو من حق ام وليد تسوي كذا العزوف هذا زواجك انتي الامره الناهيه بكل شي فيه .
العزوف : عمتي تطلقت ووليد حالته النفسيه متدهوره شوي وهو بيتزوح وبنسافر ع الاقل يغير جو .
نوف : ايه صح بس انا بروح لالمانيا والاسبوع الجاي وانا راجعه .
العزوف : عندك حلين كنسلي السفره هذي او روحي وترجعين قبل زواجي باسبوع .
نوف : لا شكلي بكنسل السفره ما معاي وقت .
العزوف : بس يمكن زوجك مايوافق .
نوف : مو بكيفه واذا ماوافق يكنسلها غصب عنه.
العزوف : نوف انتي الى متى كذا احترمي زوجك قدريه مو كذا كأنه خادم عندك .
نوف : والله يالعزوف مو قادره اتقبله .
العزوف : يالمجرمه 4 سنوات من زواجكم ومعاك ولد وتقولين مو قادره تتقبلينه .
نوف : والله اتكلم جد .
العزوف : يكثر خيره خلاك تسمين ولدك اسامه والله لو غيره مايسمي ولده على اسم طليقك لو تموتين .
نوف : حبيبتي هو ماسماه برضاه سماه غصب عنه .
العزوف : رجعتي تقولين غصب عنه حرام عليك هو متعاطف معاك وانتي ولا كأنه موجود ومو معتبرته شي .
نوف : العزوف انا اخاف يرجع اسامه وانا عند بندر وزوجته عاد هو نذل وماراح يطلقني .
العزوف : لا اسامه ماراح يرجع اللي اختفى ماله رجعه ثانيه .
إنتهاء البارت

[لامارا]

الــبـــــــــارت الخــــــــــــامـــس







نوف بعصبيه : يرحم امك اسكتي ولا عاد تقولين الكلام هذا واسامه لو مارجع هو عايش بقلبي وهو دنيتي .
العزوف : يابنت حرام عليك انتي متزوجه .
نوف : متزوجه ولا مطلقه ولا معلقه نفس الشي اسامه هو الوحيد اللي راح احبه .
العزوف : الله يرد لك نص عقلك انتي ماعندك عقل .
نوف : ايه اسامه ملك عقلي وقلبي وان شاء الله يرجعون عقلي وقلبي اذا رجع اسامه .
العزوف : الحمدلله على نعمة العقل انا ما اتحمل اكلمك اخاف انفجر من الضغط وربي ترفعين الضغط مع السلامه .
نوف : مع السلامه .
سكرت نوف الخط ورن جوالها المتصل بندر : الوو .
بندر : انتي من كنتي تكلمين ساعه كامله انتظار ؟
نوف : كنت اكلم اختي .
بندر : علي يانوف واختك مالقيتي تكلمينها إلا بالوقت هذا اعترفي من كنتي تكلمين انا عارف بس ما ابي افضحك .
نوف : قال ايش قال ما ابي افضحك .. على فكره اسامه محد يعرف رقمه واحتمال هو مات من زمان ولاتحط في بالك اني اكلمه او قد كلمته من بعد ما اختفى انت بس فاضي للمشاكل .
بندر : طيب بسرعه اطلعي انا وصلت من خمس دقايق .
نوف : مع السلامه .
بندر : مع السلامه .
جات اسيل : نووف بتروحين ؟
نوف بعد ماسلمت على اسيل : ايه مع السلامه ياقلبي سلمي لي على جدتي وعبير ما اقدر انتظرهم بندر مستعجل .
اسيل : الله معاك ياقلبي وتوصلون بالسىمه ان شاء الله .
جات الخدامه معاها اسامه وطلعو للسياره ونزل بندر واخذ الشنطه من الخدامه وشالها بالسياره ونوف ركبت بالسياره وهي تسب وتعلن ببندر اللي ماخلاها تتهنى بحياتها .
ركب بندر وطالع بنوف : من كنتي تكلمين قبل شوي جوالك انتظار وماتردين ع الواتس .
طالعته نوف وبعصبيه : مالك دخل وعلى اي اساس بتعرف ؟
بندر : نوف انا رجلك ومن حقي اعرف عنك كل شي .
نوف : بندر مو وقتك اذا وصلنا البيت نتناقش بالموضوع هذا .
بندر : طيب انتي اش فيك معصبه انا ماقلت لك شي .
نوف : اسلوبك صراحه ينرفز وانا قلت لك اني اكلم اختي بس شكلك تبي المشاكل من زمان ماتخانقت معاي .
بندر : نوف انا ما ابي اجرحك بكلامي ولا ابي تصير بيننا مشاكل لو ان حياتنا مافيها استقرار وكل واحد منا مو فاهم الثاني اهم شي ان كل واحد يقدر الثاني ويحترمه .
نوف : لو انك تقدرني صدق كان ماشكيت فيني .. وانت خايف اني اكلم اسامه وحل وحلال لو كلمته .
طالعها بندر باستغراب : لا حرام تكلمينه انتي غريبه عنه .
نوف : اي غريبه عنه يرحم امك ياما جلست معاه وضحكت معاه وحياتي كلها معاه اشلون تقول انه غريب .
انقهر بندر من كلامها وصرخ فيها : اسكتي خلااااص لاعاد تكلمين .
نوف بابتسامه : ليش زعلت من كلامي انا اقول الصدق .
بندر : نوف لو انا اللي مطلق وحده واقولك اني احبها تتقبلين الموضوع ؟
نوف : ايه لآنك ماتهمني .
بندر بعصبيه : طالت وشمخت يانوف وانا مو اي رجال تقطين عليه كلام كذا وبيتي يتعذرك .
نوف " واخيرآ " : وولدك ؟
بندر : خذيه معاك ما ابيه .
نوف : ومتى بتطلقني .
بندر : عناد فيك ماراح اطلقك ولا انتي شكلك تعودتي على الطلاق .
نوف : الله يسعدك يابندر واتمنى انك تتزوج باقرب وقت عشان تاخذ ولدك معاك انا ما ابيه .
بندر : مو بكيفك وبتاخذينه غصب عنك انا ما ابي عيال منك اخاف عيالي يطلعون عليك .
نوف : يكثر خيرك وجزاك الله الف خير يكفي انك بتحطني ببيت اهلي .
بندر : ماراح تتهنين صدقيني بيصير لك اللي صارلك قبل لا اتزوجك .
نوف : ماتعلم الغيب ويمكن ربي كاتب لي حياه احسن من هذي بعده ماتطلقني .
انقهر بندر من ردها : مو مصدق ان هذي نوف انتي دايم تتسخطين من امر ربك .
ماردت عليه نوف .

**

**

**

دخل متعب بالبيت بعد ماطلع من الدوام : سلام عليكم .
ام مشاري : عليكم السلام ياهلا بالغالي .
متعب وهو يجلس : آآه يايمه تعبت من الشغل الناس يطلعون الساعه 12 وانا الساعه 3 .
ام مشاري : الرجل لازم يكافح ويشتغل ويتحدى كل الظروف عشان عياله وعشان يأمن مستقبل عياله وابوك وجدك اشتغلو وامنو مستقبلك ومستقبل عيالك .
متعب : ان شاء الله ءامن مستقبل عيالي وعيال عيالي .
نزلت اسماء تمشي مع الدرج بمهل وجلست جنب متعب : سلام عليكم .
متعب وامه : عليكم السلام .
اسماء : متعب ابيك توديني عند امي العصر .
متعب : اوك .
ام مشاري : الله ييسر لك يا اسماء كم شهر بتجلسين عند امك ؟
اسماء : الين ما اولد واجلس عندها فترة نفاسي كلها .
ام مشاري : والله بفقدك .
اسماء : حتى والله بفقدك تعودت عليك .
متعب : وانا ما راح تفقديني .
طالعته اسماء : للأسف لا ماراح افقدك .
ام مشاري : اكيد ماراح تفقدينه وهو بيجيك كل يوم واحتمال يسكن عندكم .
ضحكت اسماء : حياه الله اذا كان بيسكن عندنا .. فيه غرفتي يوم كنت صغيره فاضيه الحين .
متعب : مافيها شي لو سكنت عندكم ياما نمت عندكم وانا صغير .
تذكرت اسماء اسامه : آآه ياحلاة الايام اللي كان اسامه موجود فيها بيننا .
متعب " إلا متى وانتم تتوقعون انه مات " رن جوال متعب وابتسم " الذيب على طاريه " انقطع الاتصال ورن الجوال مره ثانيه .
وطالعته امه : وراك ماترد على جوالك ؟
متعب وهو يرفع جواله ويوقف : عن اذنكم .. ورد بـ : هلا وغلا .
اسامه : هلا والله برفيق دربي اش اخباركم ؟
متعب : تمام يالغالي .. انت اش مسوي ؟
اسامه : الحمدلله على كل حال عايش حياتي .
متعب : اسامه الى متى و انت على الحال ذا اختك متقطعه على شوفتك تكفى تعال وفرحهم فيك .
اسامه : واذا رجعت اش بيكون موقف بنت عمي وعمي وابوي مني ؟
متعب : صدقني نسو كل شي وهم يبونك وعمك وابوك كثير سألوني عنك وابوك محتاجك وصدقني ماراح يسوون لك شي .
اسامه : ونــــوف انا ما اقدر ارجع وازيد جراحها انا ما اتحمل اشوف نوف تتعذب وانا السبب .
متعب : رجعتك راح تنسيهم كل شي .
اسامه : لا يامتعب انا ما اقدر ارجع وارجوك لا عاد تجيب الطاري هذا .

**

**

**

دخلت نوف ببيت اهلها وجات العزوف : نوووف .
وسلمو على بعض ونزلت نوف عبايتها : ماتصدقين يالعزوف انا قد ايش فرحانه من اربع سنوات مافرحت كذا .
العزوف : جعله دوم ياقلبي بس ممكن اشارك بفرحك ؟
نوف : بندر خلاص بيطلقني .
طالعتها العزوف : ايـــش ؟ بيطلقك و اش بيقولون عنك الناس ؟
نوف : عمره ماهمني كلام الناس .
العزوف : بس انتي تطلقتي مرتين من ولد عمك وبندر واعتقد انتي اللي غلطتي عليه .
نوف : هو اللي يغلط علي عمري ماغلطت عليه وانا متربيه ما اغلط على احد هو بس قال لو انا اللي مطلق زوجتي واحبها للحين واتكلم عنها ماتنقهرين قلت له لا ما اننقهر لآنك ماتهمني .
وقفت العزوف : حسبي الله على ابليسك اشلون تقولين له كذا وهو كلامه صح .
نوف : بس هو يعرف اني احب اسامه واللي يعرف اسامه ويعرف حبي له يعذرني .
العزوف : انتي صح انه من صغرك وانتي متعلقه باسامه وتحبينه بس مو لهالدرجه .
نوف : بليز لحد يناقشني بالموضوع هذا والله خنقتني العبره يوم اتذكر اسامه حرام عليك ارحميني .
العزوف : الله يصلحك .
دخل ماجد : سلام عليكم .
وقفت نوف : بسم الله الرحمن الرحيم انت اش جابك ؟
ماجد : ههههههه جبت جدتي معاي تقول بتشوف العزوف قبل زواجها .
نوف : وينها جدتي ؟
ماجد : الحين تجي .
دخلت ام عبدالله : سلام عليكم .
الكل : عليكم السلام .
وراحت العزوف وسلمت على جدتها وسلمت على راسها : اش اخبارك يالغاليه ؟
ام عبدالله : الحمدلله بخير دامي اشوفتس يالغاليه .

**

**

**

وليد : ايه زواجي الخميس هذا .
ام وليد : يعني كل شي على كيفك .. لا حبيبي بنت عمك ماراح تتزوجها .
وليد : يمه حتى وانتي بعيده عنا مو سالمين من اذاك خلاص لاتتصلين علي انتي سبق وتبريتي مني اعتبريني غريب عنك .
ام وليد : انا مو متصله عليك عشان الموضوع هذا انا اقولك بنتي الماس تجيبها لي اليوم .
وليد : والله مو فاضي لها وانا مشغول وهي محد ماكلها .
ام وليد : لا ياوليد بنتي ماتجلس عندك عشان تخلي العزوف تخليها خدامه عندها .
وليد : العزوف مستغنيه عنكم وانا من يوم الجمعه بسافر ولا راح ارجع إلا والماس طالعه من البيت سوا تزوجت او انتي اخذتيها عندك وهي ماتبيك انا ما ادري ليش محد يبيك .
ام وليد : لآن اول ام شخصيتي افرضها على عيالي وغيرهم انا مايهمني ولدي او بنتي وما اتعاطف معاهم وحناني ما اعطيه لناس مايستاهلون .
وليد : اذا هذا كلام الام اشلون بيصير كلام العيال .. يمه اعرفي انك غلطتي وماراح تتصلح غلطتك .
ام وليد : لا تنسى ياوليد اني امك ودعوتي عليك مستجابه وراح ادعي عليك وادعي على العزوف وربي ماراح اخليك بحالك .
وليد : ربي ينصرني على كل حاسد وانا الحمدلله محافظ على صلاتي واذكاري وربي يحميني ان شاء الله .
ام وليد بابتسامه : انت بكل كلمه تخليني اكرهك اكثر وا كثر انا كرهتك من كل قلبي خلاص ماعاد لك بقلبي مكان .
وليد : انا ما ادري اش فيك انتي والله ما فيه ام مثلك .
ام وليد : لآن الام دايم همها سعادة ولدها وانا اقول لا غلط كذا اهم شي سعادتي .
وليد : والله انك غريبه حتى اليهود مو مثلك والكلب يحس بعياله ولا انتي ولا كأن عندك عيال .
ام وليد بعصبيه : تقارني بالكلب ياوليد ؟
وليد : لا لا مافيه مقانه بينكم ووجه الاختلاف شاسع وواسع الكلب قلت يحس بعياله والحيوانات كلها كذا بس انتي انسانه غريبه .
ام وليد : انا ما راح اسوي مثل الامهات واراعي مشاعر عيالي لا انا ثقافتي غير والثقافه هي اللي تمنعني .
وليد : اي ثقافه هذي ؟ ثقافة اليهود والنصارى ارقى شوي .. والاسلام حثنا على بر الوالدين بس وين الام اللي انا ادور على برها ؟
ام وليد : انا ما ابيك وانت ماتبيني وكل واحد فينا عارف نفسه وخلاص ياوليد هذا اخر اتصال بيني وبينك .
وليد : يكثر خيرك .
ام وليد : ولا تنسى اني قلت لك بدعي عليك يعني ماراح تتوفق في حياتك اصلي الليل بس عشان ادعي عليك وربي ماراح يخيبني .
وليد : اذا مافرحت بالدنيا ربي يعوضني ان شاء الله بالاخره ومشكوره يا امي ومع السلامه .
وقفل منها ونزلت دمعته " اي ام هذي بتدعي علي عشانها ماتبي العزوف زوجه لي يارب صبرني على فراق امي فهي شمعة حياتي ونور دربي ومالي غنا عنها يارب رد امي لعقلها "
طق باب غرفته ومسح دموعه : ادخل .
دخلت الماس : سلام عليكم .
وليد : عليكم السلام .
الماس : متى بتجي شينة الحلايا هنا ؟
وليد : من قصدك ؟
الماس : من غيرها العقربه العزوف والله لأخليها تبكي بدال الدمع دم هي اللي حرمتني من امي والله لأوريها ليالها السود .
وليد : مهما سويتي انتي اختي واهم من زوجتي وامي والزم ماعلي انتي واتمنى انك ماتصيرين كذا على صغرك ع الاقل اكبري 20 سنه وسوي كذا لآن البنات اللي بعمرك ماسوو سواتك وانا اخاف انه يصير لك اللي صار لليلى .
اثرت بالماس كلمات وليد : لاتقارني بليلى انا اشرف منها مليون مره والعزوف انا ماراح اضرها بشي بس عشان كلامك لي .
ابتسم وليد وحس انه بالاسلوب هذا يكسب الماس بصفه والماس نقطة ضغف امه : الماس انتي تبين تروحين عند امي ؟
الماس : ايه اكيد هذي امي ومالي غنى عنها بس انتظر الين تمر الثلاث اشهر هذي وبعدين اروح لها .
وليد : طيب اش رايك نروح نتمشى ولا مره طلعت معاك .
الماس : وين نروح ؟
وليد : السوق .. الحديقه اي مكان بس اهم شي نطلع نغير جو بس شوي .
الماس : اوك .


**

**

**

جلس اسامه ع الكرسي وكان يتأرجح فيه وراء وقدام " آآه قتلتني الغربه وهدت حيلي مو عارف ارتب اموري ما ادري اش اللي صار لي كنت اظن اني بتحمل كل شي عشان نوف بس للاسف انا ما اقدر اتحمل خلاص انهد حيلي وصار يومي كله حزن كأني عايش بعزاء والناس حولي اوهام انا ما ادري اش اللي خلاني اترك اهلي واجي هنا والله تدهورت حالتي ماعدت مثل اول اتحمل واقدر افكر فكري وقف وحملي كل ماله يزيد
انا ما ادري الى متى وانا عايش اتمنى الموت اتمنى يومي اليوم قبل بكره .. لا لا اموت بدار غربه محد يعرفني واهلي اش راح يكون حالهم اذا عرفو اني هنا .. ومتعب اش بيسوي انا مو عارف الصح من الغلط "
دخل اصيل : سلام عليكم .
اسامه : عليكم السلام هلا اصيل حياك .
اصيل : الله محييك .. انا بدي اروح ع سوريا اسبوعين وراجع .
وقف اسامه : بتروح لسوريا وهي بالوضع هذا ؟
اصيل : ايه شو المشكله .
اسامه : حرب وقتل والاوضاع متدهوره وكل مالها تزيد سوء اصيل لاتخاطر بحياتك انت اهلك كلهم بالبحرين اش اللي يوديك لسوريا .
اصيل : انا رايح عشان الجهاد شو اعمل وانا اشوف ابناء سوريا يقتلو ومو مسوي شي .
اسامه : يعني انت راح تأثر بسوريا لو دخلت المعارضه والحرب .
اصيل : اكيد بيكون لي تأثير ايجابي ابناء البلد لازم يوقفو بصف واحد وان شاء الله النصر جاي .
اسامه : ان شاء الله وكل ضيقه بتنفرج بس هذا حرب فيه حياة وموت واحسن اجلس هنا لا تروح وروحك على كتفك وامك راح تزعل عليك لآنها رفضت كثير .
سالت دموع اصيل : ماما رفضت اكثر من مره بس لما شافت الوضع المئساوي لسوريا الت يخرب بيتكون يارجال لاتجلسو وسوريا تستغيث انت واخواتك واخوالك لازم تجاهدو كل سوري يحس ان سوريا بحاجه للعرب بس العرب مابيعملو شي مش عارف شو اللي يحصل .
اسامه : لا يا اصيل سوريا مهما صارت اوضاعهم والعرب تخاذلو لهم رب اكبر من العرب واكبر من بشار وهو على كل شي قدير فأذا قال كن فيكون ماتدري لو نصر سوريا قريييب قريب ورجال سوريا اثبتو انهم حاجه للدعاء مو بحاجه للاسلحه والمال .
اصيل : بس انا خايف كتير على اخواتي واخوالي وابن عمي لازم اجاهد معاهن وياليتكن تروحو معاي للجهاد .
اسامه " من شاف مصيبة اصيل هانت مصيبته " : والله ما اقدر اطلع من المانيا .
اصيل : انا ماشي لسوريا واتمنى تدعي لي وتبلغ امك وبيك يدعون لي انا بحاجه لدعائكم .
اسامه : ماطلبت شي والله ما انساك من دعائي واتمنى تطمني عنك .
سلم اصيل على اسامه وطلع من عنده وحس اسامه انه مابقى عنده احد مافيه إلا صديقه مغربي وماينطق حرف عربي " ياربي صبرني "
طق اسامه باب الغرفه ودخل : سلام عليكم .
كريم : عليكم السلام .. آهلآ تفضل .
جلس اسامه : كريم كل الشباب مشو من هنا مابقى إلا انا وانت .
وقف كريم : انا لم افهم من كلامك إلا القليل واين ذهبو ؟
اسامه : ذهبو الى بلدانهم .
كريم : واصيل ذهب الى سوريا وهي بتلك الوضع المئساوي ؟
اسامه : نعم انه ذهب .
كريم : لم يتبقى هنا سوا انا وانت .
اسامه : نعم .
كريم : وانت ما رأيك ماذا نفعل لم نتعود على بعض كثيرآ .
اسامه : كلها كم اسبوع واحنا متأقلمين مع بعض .
كريم : سأبحث عن اصدقاء لي ولك .
اسامه : لا لاتجيب من هب ودب انا ما ابي اصدقاء اذا انت تبي روح لهم لا تجيبهم عندي .
كريم : لماذا ؟
اسامه : مو كل الناس مثل بعض وانا ما ابي ناس إلا اثق فيهم .
كريم : ويبدو انك لست واثق بي .
اسامه : لا واثق فيك بس انت اللي ماتبيني .

**

**

**

يــوم الخميس زواج ولــيد والعــزوف بــالفـــندق
كانت العزوف بفستانها الابيض كأنها ملكه كانت جالسه ع الكرسي وهي ترجف يوم شافت وليد نزل البشت الاسود وجلس جنبها ومسك يديها : واخيرآ تحققت امنيتي وشفتك جالسه جنبي .. وباس يدها .. الف الف مبروك ياقلبي .
بلعت العزوف ريقها : الله يبارك فيك .
ابتسم وليد : ماتصدقين قد ايش فرحان الليله احلى ايام عمري .
العزوف " جعل حياتك كلها سعاده "
وليد : حبي بكره موعد رحلتنا الساعه 4 العصر بنسلم على اهلك واهلي ونسافر .
العزوف : اوك .. ووقفت .. عن اذنك بغير ملابسي .
وليد : اذنك معاك .
رن جوال وليد : هلا الماس .
الماس " والله ماتتهنين يالعزوف " : وليد وينك انا خايفه بالبيت بروحي وماعندي إلا السايق حتى الخدامه ما ادري وين راحت .
وليد : اتصلي على امي وهي تتصرف انا عارف كل مخططاتك لاتحاولين تخربين علينا حياتنا من البدايه .
الماس وهي تبكي : وليد انا خايفه .. تكفى تعال انت اقرب الناس لي نخيتك ياخوي انا خايفه .
وليد : اوك . مع السلامه .
قفل منها وليد واتصل على خاله : الوو .
احمد : هلا والله بالعريس الف مبروك وجعل حياتك كلها سعاده .
وليد : الله يبارك فيك .. احمد تكفى روح اخذ الماس من البيت هي بروحها وخايفه .
احمد : الماس طلعت معاي من القصر وهي الحين عند امها .. اش فيك انت مضيع ؟
وليد : تو اتصلت الماس تقول انها بالبيت بروحها وخايفه .
احمد : ارقد وامن الماس عندنا واتوقع انها بتخرب عليكم ترا هي وامك زعلانات عليك .
وليد : الله يهديهم .
احمد : ولايهمك ياوليد هم بيقلبون فرحك نكد بس اهلك عندي وانت سافر ولاتشيل همهم انت تدور على راحتهم وهم يدورون على تعاستك.
وليد : الله يجزاك خير ويجعله بموازين حسناتك والله انه هم وانزاح من صدري .. مع السلامه يالغالي .
احمد : مع السلامه .

**

**

**

رن جوال نوف اللي كانت جالسه مع امها وجدتها بالصاله وطلعت للمجلس : نــعم .
بندر : انعم الله عليك .. اش اخبارك ؟
نوف : تمام اش تبي ؟
بندر : ابي اتطمن عليك ياقلبي .
نوف : ليش انت حاطني بالشارع يوم تطمن علي ؟ انا عند اهلي صانوني من صغري وحاطيني فوق روسهم .
بندر : هذا قبل زواجك بس بعد ماتزوجتي يمكن تغثين الناس وانتي بتجلسين كذا طول عمرك .
نوف : لا اهلي هم اهلي وماراح يطردوني من بيتهم اذا اهلك كذا احنا نختلف عنكم كثير .
بندر : لاحول ولاقوة إلا بالله .. انتي اش فيك ليش جافه كذا كل هذا زعل خلاص حبيبتي بكره اجي واخذك .
نوف : لا لاعاد تجي خلاص انا ما ابيك والله كرهتك ما ابيك انا محد يعاملني كذا .
بندر : نوف انتي عارفه اني احبك بس انتي مادري اش فيك .
نوف : مافيني شي بس انا احب ولد عمي والكل عارف بالشي هذا .
بندر بعصبيه : وتقولينها كذا عيني عينك صدق قلت حيا .
نوف : بندر انت محد جبرك تتزوجني .
بندر : وانتي محد جبرك توافقين علي .. نوف احنا فاهمين بعض بس القدر فرق بيننا اخر مره اقولك يانوف تبيني ولا لا ؟
حست نوف انها محتاجه لبندر : طيب عطني مهله افكر .
بندر : معاك شهر كامل .
نوف : اوك .. مع السلامه .
بندر : مع السلامه .
قفلت منه نوف " بس يمكن يرجع اسامه .. واذا رجع هو طلقني وانتهت علاقتي فيه ماعاد يربطني فيه ولا شي "
دخلت امها بالمجلس : نوف تعالي شوفي ولدك يصيح .
طلعت نوف وراء امها وخذت اسامه : يمه تكفين خليه عندك انا ما ابيه خلاص .
طالعتها جدتها وبعصبيه : نوووف اش هالكلام هذا قطعه منك .
نوف : بس ياجدتي انا ما ابيه والله كارهه الولد هذا من يوم حملت فيه هو يشبه ابوه .
ام عامر : حرام عليك يانوف اذا كبر ولدك راح يكرهك .
نوف : يمه انا ما ابيه وعمره ماحبني ان شاء الله بس ما ابيه ابي احد ياخذه ويكسب فيه الاجر ولا ترا بقتله .
وقفت ام عبدالله : انتي مجنونه وش قاعده تقولين ؟ هذا ولدك وبتربينه غصب عنك .
نوف : لا ياجدتي انا ما ابيه خلاص .
ام عبدالله : مو على كيفتس لو هذا ولد اسامه اش بتسوين .
نوف : لو ولد اسامه احطه بعيوني لو مو ولدي غلا اسامه اكبر من الدنيا .
ام عامر : انتي اش فيك تغيرتي يبي لك راقي انتي اكيد فيك شي من شهر وانتي كارهه ولدك بيجي له سنه عمره ماحس بحنانك .
نوف : الحمدلله دار الايتام مفتوح .
ام عامر : قال ايش قال دار الايتام .. ليش هو يتيم ودار الايتام ماياخذونه إلا بشهادة الوفاه وعمري ماشفت مثلك .
نوف : يه ترا برميه بالشارع وياخذونه الناس مو مقصرين معاه واحنا بدار الكرم .
اعطتها امها كف ولآول مره تمد يدها على نوف : انتي اكيد مجنونه فيه وحده بكامل عقلها تقول كذا ؟
نوف وهي حاطه يدها على خدها : يمه تمدين يدك علي عشان ولدي .. طيب انا حره ما ابيه مو اجبـــآري ابوه مايبيه وانا ما ابيه اش تبوني اسوي له .
ام عامر : لو اخذ اسامه واحطه بالشارع وماعاد تشوفينه بترضين .
نوف : لا يمه مستحيل يصير كذا انا ابي ولدي يتربى احسن تربيه وابيه قدام عيني ويعلم ربي بغلاته بس ما ابيه .
ام عبدالله : نوف صلي على النبي .
نوف : اللهم صلي على محمد .
ام عبدالله : ولدك ان شاء الله يتربى بحضنتس وقبالتس ولاعاد تجيبين طاري لكرهتس لولدتس .
خذت نوف اسامه وصرخت بالخدامه : ماريناااا .
جات الخدامه واعطتها نوف اسامه وطلعت لغرفتها وجلست ع السرير " اوووف الله يصبرني على ولدي وتربيته "

**

**

**
يتبع...

[لامارا]

مهند : سلام عليكم .
ابو اسامه : عليكم السلام .. ياهلا بالغالي .
جلس مهند جنب ابوه بعد ماقبل راسه : يبه انا ابي اخطب .
ابو اسامه : هذي الساعه المباركه وبنت عمك مابتلقى احسن منك ولا راح تلقى احسن منها .
مهند " من بنت عمي " : بس يايبه انا ابي اســ ...
قاطعه ابوه : قلت لك بخطب لك الماس .
دخلت ام اسامه : لا يا عبدالله انا ما ابي الماس زوجه لولدي .
ابو اسامه : اش فيها الماس لايكون بس مو عاجبتكم .
ام اسامه : انت نسيت فعلة اختها الشينه .
ابو اسامه : اختها مو هي واصابع يدك مو وحده ومهند ماله إلا الماس .
مهند : لا يبه انا ما ابي الماس لو ابقى عزوبي طول عمري ما اخذ الماس .
ابو اسامه : طيب من تبي اذا ما تبي الماس ؟
مهند : انا ابي اسيل بنت عمتي سهام .
ابو اسامه : اسيل ؟ لا لا اصغر منك بكثير .
ام اسامه : مو اصغر منه بينهم 3 سنوات الفرق مو كبير والماس اكبر من مهند .
ابو اسامه : انا عارف ان بنت اخوي ماراح يتزوجها احد وابيها لولدي .
مهند : لا يبه تكفى ما ابيها .
ابو اسامه : خلاص يامهند الموضوع منتهي وبكره بكلم ابو وليد واخطب لك الماس وبعد شهر الخطوبه الرسميه .
مهند وهو يوقف : يبه والله ما اتزوج الماس لو ابقى طول عمري عزوبي وخلاص ما ابي اتزوج .
سالت دموع ام اسامه : تكفى يا ابو اسامه ابي افرح بولدي كفايه اسامه اللي اختفى ما ندري وين راح .
ابو اسامه انفطر قلبه على ام اسامه : خلاص نأجل الموضوع .
مهند : بس يايبه انا ما ابي الماس يبه انا لي الحق اختار شريكة حياتي .
ابو اسامه : قلت الموضوع يتأجل وانا ما اثني كلمتي .
طلع مهند من عندهم وركب بسيارته ولف الرياض كله " اشلون اقنع ابوي اني ما ابي الماس؟ "
طلع جواله واتصل على ماجد : الوو .
ماجد : هلا وغلا .
مهند : وينك ؟
ماجد : بالبيت .. اش فيك ؟
مهند : ماجد بجي عندك واقولك اش فيني .
ماجد : حياك الله .
بعد نص ساعه وصل مهند وطق الباب وفتح له عامر : هلا والله بولد عمي .
سلم عليه مهند : هلا بك .. وين ماجد .
عامر : بالديوانيه .. اش فيكم ؟
مهند : موضوع خاص راح تعرفه بعدين .
عامر : اوك الله معاك .
دخل مهند بالديوانيه : سلام عليكم .
سلم عليه ماجد : عليكم السلام هلا برفيقي اشتقت لك .
مهند : تشتاق لك العافيه .. وجلس .. المهم ابوي بيخطب لي .
ماجد بابتسامه : الف الف مبروك .
مهند : اش اللي مبروك انت ووجهك بيخطب لي ابليس براسه وعلمه .
ماجد : آفــا ياذا العلم من ابليس ؟
مهند : الماس بنت عمك حمد .. انا قلت لآبوي ابي اسيل بس قالي لا بخطب لك بنت عمك محد بيتزوجها .
ماجد بعد تفكير : اش رايك انا اخطب الماس وانت تتزوج اسيل .
مهند : لا ياماجد لاتضحي بحياتك عشاني .
ماجد : انت ولد عمي ورفيق دربي وكلي فداك واضحي بعمري عشانك .
مهند بابتسامه : ياكبير ياماجد تضحي بحياتك عشاني .
ابتسم ماجد : والله ما اخليهم يجبرونك على شي وانا اقدر انقذك انت تحب اسيل انا ما احب ولا وحده وما افكر بالزواج .
مهند : لا ياماجد انت بكذا بتتورط بـ الماس وانت عارف بنت عمك .
ماجد : اهم شي انت تصير مبسوط طول عمرك وانا مو مشكله زواجي من الماس بس الين ما تملك على اسيل وافسخ الخطوبه وماصار شي .
مهند بعد تفكير : لا ياماجد مايصير كذا بنت عمنا مو لعبه ومو متساهلين فيها لهالدرجه ولاتنسى انها تدور على السعاده حالها حالنا وهي لها مشاعر واحاسيس وراح تنجرح منك واتمنى انك ماتسوي كذا .. ربك يحلها ان شاء الله انا بحاول اقنع ابوي اني ما ابيها .
ماجد : عمي ماراح يقتنع وانا بسوي اللي قلت لك عليه وخلاص لاعاد تفتح الموضوع هذا مره ثانيه .
مهند : بس انت كذا تخاطر بحياتك افرض لو قالك ابوك ماتفسخ الخطوبه .
ماجد : ماراح اتزوحها .. على جثتي يتم زواجنا وانت اخطب اسيل وخل الباقي علي .
مهند : والله ما ادري اش اقولك ياماجد انت تضحي بسعادتك على حسابي .
ماجد : واهم شي عندي اننا سعيدين ومبسوطين واتمنى مثل الامـــور هذي ماتعكر صفوة جونا .
مهند : الله يوفقك ويفرج كل همومك مثل مافرجت همي والله ما انسى جميلك هذا ياولد عمي وانه دين علي الى يوم الدين .
ماجد : لاتستعجل ترا ماصار شي ما ادري لو ابوي مايوافق .
مهند : المشكله اذا ابوي قال لأبوك انه بيخطب لي الماس .
ماجد : البنت هذي قليلة حيا امس بالزفه تمشي قدامي وتناظرني لابسه فستانها وبدون عبايه او شي يسترها .
مهند : انا عارف بنت عمي زين .

**

**

**

اسامه : يامتعب ماعندي احد بس كريم وهو مايفهم ومايتكلم الا عربيه فصحى واحس انه مو مرتاح لي .
متعب : طيب دور لك على اخويا والله عيال الناس مو مــــقصرين والسعوديين كثار بالمانيا .
اسامه : بس اش دراني عن السعوديين هذولا فيه منهم الصالح وفيه الطالح انا تايه احس بالوحده ووحشة المكان تخيل قبل يومين واخوياك كلهم موجودين فجأه كذا كل واحد راح لبلده وانشغل عنك مايبقى إلا انت بكل مكان تتذكرهم بكل زوايه من البيت لك ذكرى معاهم والله تعبت انهد حيلي من التفكير وكيف اطلع من المانيا وارتاح .
ابتسم متعب : يعني انت بأذن الله بتجي للسعوديه ؟ طيب متى ؟ والله لك وحشه مشتاقين لك كثير يا اسامه ونوف لسه مانسيتك .
اسامه : لا مو طالع للسعوديه بروح لأمريكا لروسيا لآستراليا ان شاء الله اروح لآندونيسيا بس ما اجلس بالمانيا مليت منها .
متعب تلاشت ابتسامته : ليش يا اسامه انت اناني ماتحب سعادة غيرك والله اختك تتمنى شوفتك وبنت عمك تنتظرك وامك اكيد ماراح تنساك تكفى يا اسامه ارجع وفرح قلوبنا .
اسامه : لا يامتعب انسى سالفة الرجعه للسعوديه خلاص انا ماراح اتراجع عن كلامي صدقني ماراح اتراجع .
متعب : طيب اش المشكله اذا رجعت .. والله تعبت وانا احاول فيك .
اسامه بعد ماتنهد : المشكله اني مطلق نوف ومازالت مجروحه وجروحها تنزف نوف تحبني وماراح تنساني .
متعب " اشلون لو تعرف انها تزوجت " : نوف ماراح تبقى كذا بتتزوج وتشوف حياتها مثل باقي الناس .
اسامه : لا نوف تعرف حبي لها واذا هي تحبني تنتظرني إلى اخر لحظه بعمرها .
متعب : اش تنتظر نوف سراب ؟ انت يا اسامه مثل السراب اللي ينتظرك راح يضيع انت قفلت كل ابواب الحياه بيدك ليش ماترجع تشوف حياتك تشوف اهلك تعيش بين اخوانك انت متغرب بديار الكفار اشلون لو تاخذ عاداتهم وديانتهم ؟
اسامه : ربي يحميني منهم ان شاء الله وانا حياتي مالها طعم خلاص من يوم طلقت نوف والدنيا مسكره فوجهي واللي استفدته من غربتي اني كملت دراستي وهذا فخر للسعوديه ولآهلي .
متعب : الله يعنيك ياصاحبي وان شاء الله ايامك الجايه اسعد لحظات حياتك ويعلم الله اني ما انساك من داعائي .
اسامه : آآآه يامتعب حنيت على الايام الحلوه ايامنا مع بعض يوم كنا صغار ويوم كبرنا الين اخر مره شفتك بالكوفي .
متعب : ماكأنك نسيت اني جيتك قبل كم شهر ؟ ولا هذي منسيه وماتحسب إلا الوقت اللي تحبه ؟
اسامه : لا انا اقصد بالسعوديه لأن اجمل سنين عمري قضيتها بديرتي وبين اهلي واحبابي واليوم وحيد ماعندي احد .
متعب : الله يعينك .. إلا على طاري السعوديه ماودك تعتمر او تحج وتجي على الاقل اشوفك اجلس معاك .
اسامه : لا ماراح احج ولا اعتمر خلاص حجيت مره واعتمرت اكثر من مره .
متعب : احنا اربع اشهر وندخل برمضان اشلون بتعيش رمضان وهو ماعندك احد ؟
اسامه : خلها على ربك مو بس رمضان اللي انا شايل همه .
متعب : انت ليش ماترجع والله قاعد اتكلم جد .. خلاص ترا نشف ريقي وانا اقولك ارجع .. ارجع بس انت مافيك امل خلاص .
اسامه : والله ما ادري لو بكره وانا بالسعوديه .. نمشي على كف القدر ولا ندري اش المكتوب .
متعب : الله يسمع منك ان شاء الله بتجي قريب وبنفرح فيك .
اسامه " ياحبي لك " : متعب والله احس ان يومي قريب وقتي كله حزن ونكد واكتئاب .
متعب : والله لو ترجع للسعوديه يتغير كل شي بحياتك خلاص تودع الطفش والحزن وتصير ايامك كلها فرح وسعاده .
اسامه : رجعتي والله شبه مستحيله بس اذا توفيت بالمانيا اتمنى تدفنوني بالسعوديه .
متعب : اسم الله عليك جعل يومي قبل يومك .
اسامه : متعب انا افكر اجــاهد بسوريا والله ما ادري اش ابي بحياتي خلاص انا ابي اموت وارتاح .
متعب : لا يا اسامه لاتجاهــد وبــعدين الملك مو سامح لهم يجاهدون .. اش رايك لو تروح للبنان او مصر او قطر او اي دوله عربيه والله راح ترتاح .
اسامه : لا لا خلني كذا بألمانيا امن لي من الدول العربيه يمكن ابوي يعرف اني موجــود فيها ولا المانيا ما اعتقد واحد بالميه انهم بيقولون اني فيها.

**

**

**

ببيت ابــو بندر

بندر : لا يمه نوف لازم اطلقها خلاص انا ما ابيها .
ام بندر : لا ماراح تلقى احسن من نوف ولاتطلقها نوف طيبه ومافيه منها بس انت اللي تنرفزها .
بندر يحاول يقنع امه : يا امي ياحبيبتي نوف ماتصلح لي خلاص ما عاد ابيها ولا ابي غيرها .
ام بندر بعصبيه : اش بعده الكلام هذا بعد ماجاك منها ولد تقول ما ابيها .. عذبت البنت من هم بهم اكبر .
بندر : آآه يايمه لو تشوفين نوف اش قد سعادتها لآني بطلقها ماشفقتي عليها كذا .
ام بندر : انا ابي نوف عندي انا اعتبرها وحده من بناتي اشلون بتبعدها عني ارحم البنت هي تطلقت من ولد عمها ومازالت جروحها تنزف انت بس جيبها هنا وخلها عندي راح تحن عليك وتشتاق لك وصدقني بترجع نوف اللي تعرفها هي محتاجه تغيير بسيط بحياتها .
بندر : يمه نوف كل حياتها اسامه انا ما ادري اش فيها كل كلامها عن اسامه .
ام بندر : اسامه طليقها وهي تحبه وهذا شي طبيعي .
بندر : قال ايش قال طبيعي لا يايمه مافيه بنت بالعالم تسوي مثل نوف على ذمتي وتفكر برجال ثاني .
ام بندر : وانت اش دراك لو الرجال ميت .
بندر : ولو ميت مايجوز لها تفكر فيه خلاص هي على ذمتي وانا الوحيد بحياتها ماتفكر بغيري وهذا شي ماشرعه الاسلام .
ام بندر : نوف ماراح تطلقها .. تسمع انا ابيها عندي انت مو لازم تستقر حياتك معاها .
بندر : اموت واعرف نوف اش مسويه لك ليش انتي تحبينها كل هالحب واغلى مني بعد تهمك مصلحتها اكثر من ولدك اللي من حشاشة جوفك .
ام بندر : اللي شفته ببنات عصرنا هذا ماشفته بنوف بنت محترمه ومؤدبه وتنحط على الجرح يبرا وماراح القى احسن منها لك .
بندر : يمه صح ان نوف محترمه بس هي معاي غير .
ام بندر : والله ما اسامحك لو تطلق نوف وخلها ترتاح عند اهلها تتغير نفستها ع الاقل اسبوعين وبعدين تجيبها هنا وانا بروح لبيتهم واقولها .
بندر بقهر : يمه اش معنى كلامك هذا ؟ يعني نوف اهم مني انتي تهتمين لنوف اكثر من اهتمامك لي يمه انا ولدك .
ام بندر : ياولدي انا ادور مصلحتك ونوف ماراح تلقى احسن منها .
بندر : يمه انا ما ابيها ولا ابي غيرها .
ام بندر : يهديك ربي ان شاء الله .
طلع بندر من عند امه وراح لجناحه اللي مادخله من اسبوع وفتح الباب وجلس بالصاله وطلع جواله : الووو .
نوف : نعم ؟
بندر : انعم الله عليك .. اش اخبارك ؟
نوف : تمام .. بغيت شي ؟
بندر : لا ما ابي شي بس اشتقت لك وكلامك .. مثل ما انتي مشتاقه لي .
نوف باستغراب : انا مشتاقه لك ؟ من اللي قالك لاصدق تعديت حدود الخيال .
بندر : ههههه ياقلبي لو مو مشتاقه لي كان مارديتي على اتصالي .. صح كلامي ولا غلط .
نوف : بندر لاتتغزل فيني انا مو لك افهم القدر عكس مجراك .
بندر : نوف انا مـتأكـد انـك تبيني مثل ما ابيك ولا راح نستغني عن بعض .
نوف : ياليت تفهمني يابندر .. انا قلت لك من زمان اني احب اسامــه ولا راح اكرهه .
بندر بعصبيه : نوف انا ما ابي اسمع منك الكلام هذا دامك على ذمتي .
نوف : وهذا الواقع وانت لازم ترضى بواقعك اش بعده تذكرت اني احب اسامه واني ماراح احبك .. بعد ماجبت منك ولد ما اقدر اخليه يفقدني او يفقدك على صغره والله حرام عليك ارحمـــني وطلقني خلاص انا ما ابيك ياما جرحتني وصبرت عليك .
بندر : نوف انا كنت متوقع انك راح تتغيرين وحتى الدكتور قالي نفسيتك راح تتغير بعد ولادتك بس للاسف رجعت مثل اول واردى .
نوف وهي تبكي : وماراح تتغير حالتي هذي إلا اذا رجع اسامه انا محتاجه له انتم ماتعرفون قد ايش انا احب اسامه ومحتاجته بس محد فاهمني كلهم يقولون عني مريضه والله فقدت غالي انت لو جربت فقد احد غالي لك حسيت بمعاناتي .
بندر انفطر قلبه على نوف : طيب خلاص لاتبكين والله فاهمك خلاص نوف لاتبكين جعلني ما ابكيك وانا راضي فيك سوا حبيتيني او حبيتي غيري.
نوف : بندر انا ماراح اسعدك وحياتنا كذا مافيها استقرار .. ارجوك طلقني وافتك مني لآني ما راح انفعك بشي خلاص يابندر حياتنا الى هنا وتوقفت انا مو قادره اعيش معاك طلقني وشوف نصيبك مع غيري .
بندر : لا يانوف انا ما اتزوج غيرك .
نوف وهي تبكي : طيب انا ما ابيك والله مو قادره اعيش معاك ولا مع اي شخص انا ابي اسامه خلاص بموت من طول الانتظار اربع سنوات وهو مارجع انا اخاف انه صار له شي .. بندر انا ما راح ارتاح بعد ربي إلا اذا شفت اسامه .
بندر : نوف انا ابي قربك ولا هو باعك واختفى ولا احد يدري وين راح .
نوف : بس انت غير وهو غير اسامه بكل احواله يبقى حبه بقلبي ولا راح احب غيره .
بندر : الله يهديك يانوف .
نوف : بندر تكفـــى طلقني خلاص مو قادره اتحمل خلني بعيده عنك وشوف حياتك انا ما راح ازيد على حياتك شي .
بندر : نوف انتي حياتي انتي روحي وقلبي وعمري بس تكفين لاتجيبين طاري الطلاق .
نوف : بندر انا ما ابيك خلاص متى تفهم ان القدر يمشي عكس اتجاهك .

**

**

**

بـــعد اسبــــوع فـــــي ســويســرا

كانت العزوف لابسه فستان قصير وضيق على جسمها لونه سكري وشعرها مسويته كيرلي وحاطه ميك اب خفيف وتعطرت من عطرها ونزلت مع الدرج تمشي بمهل وطالعت بوليد اللي يقرا جريده : صبــاح الخير حبيبي .
وقف وليد : هلا وغلا صباح النور والسرور .
جات العزوف قدام وليد ومسك يدها وباسها : وهـ فديتك .
ابتسمت العزوف : فديت قلبك .
ابتسم وليد : خلاص ماعاد تستحين ؟
العزوف وهي تجلس : لا خلاص تعودت عليك لنا اكثر من اسبوعين من زواجنا .. وبعدين متعوده عليك من سنه ونص .
وليد : سبحان الله ماكأنه انتي اللي قبل اسبوع اذا كلمتك شوي وتبكين .
العزوف : هذي اي عروس لازم كذا .
رن جوال وليد ورد بـ : هلا .
الماس : هلا بك زود وينك ماتتصل ولا تتطمن علي ؟
وليد : يالله صباح خير انتي اش فيك تتصلين علي بأي وقت الماس والله مايصير كذا انا لسه عريس .
الماس : واذا كان عريس ماتقدر تكلم اختك بس لو ثواني بس انت ماتبيني تتمنى الفكه مني انا عارفه كل مخططاتك .
وليد : الماس صلي على النبي انتي اش اللي صار لك ليش صايره زي امي حسيت انك بعد وفاة ليلى تغيرتي وبعدين رجعتي الماس ماغيرك .
الماس : لآني غبيه وخبله يوم وفاة ليلى بس صدقني من قو الصدمه صرت ما ادري اش اللي انا اسوي بس الحمدلله اني صحيت من صدمتي .
وليد : ياليتك بصدمتك للحين كان فكيتي الناس من شرك .

**

**

**

اسيل : عبير انتي مجنونه ؟ ايه اكيد مجنونه .. اشلون تبين تعطين الولد رقمي صح انه ولد خالي بس غريب عني ما ابي اكلمه حرام مايجوز .
عبير : اسيل ياقلبي مهند بيقولك شي مهم والله انا مو عارفه بالموضوع اي شي .
اسيل : لا ياعبير انا ما ابيه يكلمني اذا فيه شي يخصني يقوله لآبوي وابوي ماراح يخبي علي شي .
عبير : اسيل والله هو قصده شريف ولا يقصد انه بيكلمك بس كذا هو فيه شي ضروري بيقوله لك .
فكرت اسيل بكلام عبير : اوك يكلمني بس على جوالك وانتي تصيرين موجوده انا ماراح اكلمه بجوالي .
عبير : اوك .. وطلعت جوالها واتصلت على مهند : الوو .
مهند : هلا عبير .. هااا اش قالت ؟
عبير : وافقت انك تكلمها بس على جوالي واحطه سبيكر واكون موجوده .
مهند : اهم شي اكلمها ماتهم الطريقه .
عبير بمزح : يمه منك يالعاشق المتيم .
ضحك مهند : ههههههه .. طيب ممكن اكلم اسيل .
عبير : اوك يله .. وحطت الجوال ع السبيكر .
مهند : مساء الخير .
اسيل بهمس لعبير : ماراح اتكلم اسمع وبسس .
عبير بضحكه : مهند تقول اسيل هي ماراح تتكلم تسمع وبس .
مهند : اوك .. اسيل انا قلت لأبوي بتزوج وقال مالك إلا الماس وقلت له اني ابيك بس قال لا مالك إلا الماس وانا بخاطر بحياة وسعادة رفيق دربي وولد عمي ماجد قلت له يخطب الماس وانا بخطبك موافقه ولا لا ؟
اسيل " ياربي ماتوقعت انه يحبني " طالعت بعبير وهزت راسها : ايه يامهند تقول انها موافقه .
مهند : لا ياعبير ابي اسمع منها قبل لايخطب ماجد ويتورط مع الماس .
اسيل وهي ترجف : ايه موافقه .
عبير : كلللوش الف مبروك .
مهند : لسه ماصار شي يمكن مايوافقون .. مع السلامه .
عبير : بلغني اذا قلت لأبوي اوك ؟

**

**

**

وقفت ام عامر : لا ياماجد ماتتزوج الماس .
ماجد : يمه هذي بنت عمي ومني وفيني وانا راح اربيها من اول وجديد .
ام عامر : مــاجد انا اعرف الماس اكثر منك .
نوف : يمه الله يخليك خليه يخطب الماس وبعدين يصير خير .
ام عامر : إلا الماس انا مابيها زوجه لولدي مالقيت إلا اخس الناس تقولي اخطبي لي بنتهم .
ماجد : يمه هي بنت عمي من لحمي ودمي وانا ابيها وما ابي غيرها .
ام عامر : انت مو صاحي لا اكيد انهبلت مافيه احد مايعرف الماس وشطانتها وتسلطها هذي بنت ابليس .
ماجد " عشان مهند كل شي يهون " : يمه اذا انتي صدق خايفه علي وتدورين مصلحتي اخطبي لي الماس انا ما ابيها حب فيها بس كذا .
ام عامر : حاضر بخطبها لك بس والله لتندم قد شعر راسك .
دخل عامر : سلام عليكم .
الكل : عليكم السلام .
عامر : اش فيكم اصواتكم واصله اخر الشارع .
ام عامر وهي تجلس جنب نوف : اخوك يقول يبيني اخطب لـه الماس .
عامر طالع نوف : اش رايك بألماس تصلح لأخوك .
نوف : هي بنت لولوه وكل الناس يعرفون لولوه كأنها من اعضاء دولة اسرائيل .
عامر : هههههههههه اش فيها لولوه .. لايكون ضد فلسطين ولا العرب .
ام عامر : جالسين تستهبلون انتي وياه انا اتكلم جد وبمصيبه وانتو تستهبلون ؟
نوف وهي تبوس راس امها : سووري ماما ما اقصد استهبال انا اتكلم جد .
ام عامر : طيب متى تبين تروحين عند زوجك ترا ام بندر متصله علي تقول ان بندر بيرجعك .
نوف : ليش يمه متضايقين مني انا بس جلست عندكم اسبوعين عاد اشلون لو اتطلق .
عامر : نوف كله اسبوعين واتزوج وافتح بيتي لك وحياك الله بأي مكان .
نوف بعد ما ارسلت لعامر بوسه بالهوا : فديت اخوي الغالي اللي شايلني بعيونه .
ماجد : لو سمحتو امي تبي راحت نوف ماقصدها ان نوف ضيقت علينا او احنا مانبيها .
ام عامر : يشهد الله انك موسعه صدري ووجودك مفرحني بس انا ما ابي الناس تتكلم عنك .
نوف : يمه انا كلمني بندر واعتذر مني انا ما قبلت عذره ولا راح اقبل عذره بس برجع عشان خالتي .
ام عامر : والله خالتك فاقدتك كثير وتتمنى انك عندها .
نوف : بس انا ما ابي بندر خلاص ابيه يطلع من حياتي انا ما ادري اش اللي ربطني فيه انا ابي اسامه وبس ولا ابي غيره .
عامر : ولسه عندك امل ان اسامه في يوم من الايام بيرجع ؟
نوف : بأذن الله انه بيرجع وقريب ان شــاء الله وانا راح انتظره الى اخر يوم بعمري .
ماجد وهو يوقف : الله يجبر بخاطرك يانوف .. يمه انا بروح للقريه يومين وارجع وتخطبين لي الماس .
ام عامر : لا خـله بعد زواج اخوك .
ماجد : خلاص شهر بالكثير وتخطبينها لي .
ام عامر : يصير خير .. سلم لي على عمتي ووصل لها الاغراض اللي بالمطبخ .
ماجد : حااضر .. تأمرين على شي ؟
ام عامر : لا سلامتك .. حبيبي اذا وصلت اتصل علي .
ماجد : مع السلامه .. وطلع من عندهم .
نوف : الله يصبر زوجة ماجد عليه ترا حضها منحوس .
ام عامر : الله يصبرني انا على زوجة ماجد اكيد بتسكن هنا وبتتحذف علي المصايب من كل صوب .
عامر : يمه انا متأكد ان ابوي ماراح يوافق الماس كلنا نعرف دنائتها وهي دايم تضايق اسامه وتحبه يعني ماتصلح لماجد .
تذكرت نوف الاعوام اللي راحت اشتاقت لأسامه كثير ونفسها بس تشوفه سالت دمعتها : يمه متى يرجع اسامه متى اشوفه ؟
ام عامر بحزن : والله ما اظن انك بتشوفينه مره ثانيه .
نوف : صح انها مرت خمس سنوات على غيابه بس والله مانزل قدره عندي وحبي له يزيد .
عامر : نــوف انتي متزوجه مايصير تقولين كذا واسامه صار غريب عنك .
نوف وهي تمسح دموعها : مهما كان حالي يبقى اسامه حبيب قلبي وماراح احب غيره .
عامر : نوف والله حرام تحطين عينك على رجال وانتي متزوجه استحي .
نوف : عامر لو يصير لك اللي صار لي اش راح تسوي اذا بندر عذرني انتو اشلون تقولون لي كذا مافيها شي اني احب اسامه .
ام عامر : الله يفرحك بشوفته .
نوف : امــــــين .
ام عامر : نوف انا ما ابيك تنصدمين ؟ خيالك هذا راح يوديك بستين داهيه اسـامه مات .
نوف وهي تبكي : لا يمه لاتقولين انه مات اسامه مستحيل يموت ويتركني اسامه مازال يحبني بس هو يتغلى ايه هو غاب يتغلى عشان اشتاق له .
ام عامر : لا لا اكيد البنت هذي انهبلت مو بوعيها .
فقدت نوف وعيها وطاحت على امها ووقف عامر : نـــوف .. نــوف .
وام عامر تضربها على وجهها بخفه : نـــوف .. ياربي اش صار لها اكيد انها مجنونه انت سمعت كلامها قبل شوي ؟
جاب عامر المويه ورش بوجه نوف فاقت نوف من اغمائها وكحت وبتعب : يمه .
ام عامر : هلا حبيبتي .
نوف : يمه اقتلوني خلاص ما ابي الحياه هذي كلها .
عامر وهو يطالع بنوف : انتي مجنونه هبله اش اللي صار لك نوف انتي لازم تنسين اسامه .
نوف وهي تبكي : انا طول السنوات اللي راحت وانا صابره ومتحمله فراقه واكابر واقول عادي ربي بيعوضني بس خلاص مات الصبر ماعاد فيه صبر انا مو قادره اتحمل فراق اسامه خلاص تعبت وانا انتظره .
ام عامر وهي تبكي : ياحبيبتي انتي تنتظرين سراب اللي غاب خمس سنوات ماراح يرجع .
عامر : نوف لو اسامه يرجع اش راح تسوين ؟ ماراح يتغير شي بحياتك انتي متزوجه وهو طلقك يعني مايبيك شوفي حياتك .
نوف : لو رجع اسامه راح ترجع لي حياتي وضحكتي ويكفي اني اشوف اسامه بخير بس يارب انه يرجع وافرح فيه .

**

**

**
يتبع.....

[لامارا]

صحت اسماء من النوم وهي تتألم من ظهرها وبتعب : مـــتعب .. متعــب .
صحى متعب : هممم .
اسماء وهي تبكي : آآآه انا شكلي بولد ابي المستشفى بسرعه الله يخليك .
متعب فز من مكانه ووقف : طيب طيب بس بروح اغسل .
وقفت اسماء وخذت عبايتها ولبستها وجلست ع السرير وجا متعب وساندها وطلعو للسياره وهي تبكي من الالم : آآه مــتعب جيب لي امي .
متعب : طيب امك ان شاء الله بتجي بس انتي اهدي .
وبعد 5 دقايق وصلو المستشفى ودخلو اسماء بغرفة العمليات ووقع متعب على موافقته على العمليه .
وطلع جواله واتصل على امه : الوو .
ام مشاري : هلا والله بولدي انت وينك جيت جناحكم مافيه احد .
متعب بتوتر : اا ا انا وديت اسماء المستشفى ودخلوها بغرفة العمليات بيسوو لها عمليه .
ام مشاري : بس هي توها بالشهر الثامن اشلون تولد .
متعب : والله ما ادري اش اللي صار صحت من النوم وهي تعبانه ووديتها المستشفى .
ام مشاري : طيب انت بأي مستشفى ؟
متعب : بـمستشفى .......
ام مشاري : طيب الحين جايه اتصل على ام اسامه وقولها.
متعب : لا يمه انتي اتصلي عليها انا ما قدرت ابلغ إلا انتي .
ام مشاري : ان شاء الله .. مع السلامه .
متعب : مع السلامه .
وجلس متعب ع الكرسي وهو خايف على اسماء لآن الدكتوره قالت ان نسبة نجاة الطفل 30% واذا هي عاشت طفلها ماراح يعيش واذا الطفل عاش هي ماراح تعيش " كل شي بيد الله .. وان شاء الله اسماء بتعيش "
رن جوال متعب ورد بـ : هلا اسامه .
اسامه : هلا بك .. انا عارف ان الوقت الفجر عندكم بس والله ضاقت فيني مافيه إلا انت .
متعب : انت اخوي يا اسامه واتصل علي بأي وقت .
اسامه : يعطيك العافيه يالغالي .. متعب احس فيك شي انت مو طبيعي ؟
متعب : لا عادي مافيني شي بس تو صاحي من النوم .
اسامه : متعب انت خويي اعرفك زين اش فيك ؟
تنهد متعب : اسماء من ربع ساعه دخلت غرفة العمليات .
اسامه بخوف : لــيش اش فيها ؟
متعب : بيسون لها عمليه قيصريه بس هي لسه بالشهر الثامن .
اسامه : الله يقومها بالسلامه .
متعب : الله يسمع منك .
اسامه : تكفى يامتعب طمني عن اختي ولو صار لها شي تكفى قولي لاتخبي عني .
متعب : حاضر .

**

**

**

دخل ماجد ببيت جدته : جـــدتي .. جـــدتي .
طلعت جدته من غرفتها : ياهلا والله هلا بالغالي .
راح لها ماجد وباس راسها ويدها : صباح الخير .
ام عبدالله : صباح النور والسرور .. وين مهند ورا ماجا معاك ؟
ماجد : مهند والله يقول مشغول مايقدر يجي الحين .
ام عبدالله : الله يعنني اذا تزوجتو ونسيتو ان عندكم جده تحبكم ومتعوده عليكم .
ماجد : انا بجيب زوجتي هنا وبسكن عندك .
ام عبدالله : اخاف اذا تزوجت تغيرك زوجتك .
ماجد : مو انا اللي امشي على كلام الحريم وانتو عودتوني ان البنت مالها كلمه على زوجها .
ام عبدالله : ايه هذا الصح بس الناس تغيرو .
ماجد : بس انا ماراح اتغير وراح اسكن هنا ان شاء الله .
نزلت عبير مع الدرج وهي متغطيه : سلام عليكم .
ماجد وجدته : عليكم السلام .
عبير : صباح الخير ماجد اش اخبارك ؟
ماجد : الحمدلله بخير .. اش اخبارك ؟
عبير : تمام .. جدتي انا بروح الرياض امي اتصلت علي وتقول اسماء بالمستشفى .
ام عبدالله : ايـــش بالمستشفى سلامات اش فيها ؟
عبير : بيسوون لها عمليه .
ام عبدالله : بس هي توها ماجا شهرها .
عبير : مع السلامه ياجدتي انا تأخرت كثير على يوسف .
ام عبدالله : مع السلامه .. وسلمي لي على اهلك .
طلعت عبير .
وطالع ماجد جدته : اش رايك تروحين الرياض تطمنين على بنت ولدك ؟
ام عبدالله : ان شاء الله بروح بس مو الحين اذا ولدت اروح لها .

**

**

**

ام عامر : نــــوف .. نـــــــــوف .
نزلت نوف مع الدرج : نعم يمه .
ام عامر : بنت عمك اسماء بالمستشفى سوو لها عمليه وهي حالتها حرجه انا بروح اشوفها .
نوف : يمه بروح معاك .
ام عامر : لا ياقلبي مايصير الحين زحمه اللي بالمستشفى خواتها وامها وزوجها مايصير الوقت هذا .
نوف : طيب اش صار لها ؟
ام عامر : ما ادري والله بس سوو لها عمليه وجابت بنت والبنت الحين بالعنايه .
نوف : الله يعينهم اش فيها بنتها ؟
ام عامر : يقولون عندها ضيق بالتنفس .
نوف : يعني ماراح تعيش ؟
ام عامر : كل شي بيد الله بس ما اتوقع انها تعيش .
دخل عامر ومعاه ابوه : سلام عليكم .
الكل : عليكم السلام .
جلس ابو عامر ع الكنبه ومسح جبينه بيده : مها رحتي تشوفين اسماء ؟
ام عامر : لا الحين بروح .. انت رحت لها ؟
ابو عامر : ايه رحت وياليتني مارحت البنت بحاله حرجه .

إنتها البارت الــــخـامس

[لامارا]

الــــــــبــــارت الــــســــادس









ام عامر حطت يدها على فمها : اش فيها ؟
ابو عامر : حاطينها تحت الملاحظه وماقدرو يسوون خياطه لعمليتها يخافون تنتكس حالتها بيخلونها كذا تقريبآ اسبوع .
ام عامر : لا إله إلآ الله .. اش صار لها ؟
ابو عامر : يقول الدكتور العمليه بسيطه ودايم تنجح بس المره هذي حصل خلل طبي وصار اللي صار .
ام عامر وهي توقف : اي خلل طبي .. هم كذا الاطباء اذا صار شي يقولون خطاء طبي .
ابو عامر : صلي على النبي .. واللي حصل من ربي .
نوف : لا يبه مو كل مره يقولون حصل خلل طبي اذا مــاتت اسماء اش راح تسوون لايضيع حق بنتكم روح انت وعمي واشتكو المستشفى .
ابو عامر : احــنا وين وانتم وين ؟
عامر : يبه متعب يقول حق زوجته ماراح يضيع يعني بيرفع على الدكتور شكوى .
ام عامر : ياليت يرفعون عليه شكوى .

**

**

**

لبس متعب اللبس الخاص بالعنايه ودخل وراح لأسماء وشافها ممده على الفراش الابيض والاجهزه تحيطها من كل مكان وتخطيط القلب يملا سكون المكان بصوته باس يدها " جعلني فدوه لك "
طلع متعب من الغرفه وراح للغرفة الدكتور : سلام عليكم .
الدكتور : عليكم السلام يا اهلا وسهلا .
متعب وهو يجلس ع الكرسي : كيف اسماء كيف حالتها الحين .
الدكتور : لهلا ماتغير شي بحالتها .
متعب : طيب انا ابيها تستكمل علاجها بالمانيا لآن الطب هناك متطور .
الدكتور : بس حالتها احتمال ماتتحمل السفر .. هدي بالك شو بنا هي بيصير لها اللي ربي كاتبه لها .
متعب تنرفز : مو انت اللي تقرر واحمد ربك اني مارفعت عليك شكوى .. وفيه اختراع اسمه اخلاء طبي اذا انت ماتعرفه .
الدكتور : اوك نسوي لها اخلاء طبي بس انا مش مسؤل عن اي حاقه بتحصل لها .
متعب : انت بس انقلع عن وجهي وجيب دكتور غيرك وراح يصير كل شي تمام .
الدكتور : ايه ؟ انا خبره هنا .
متعب : والله لو جابو واحد غيرك لو مبتدئ احسن منك يالخبره .
الدكتور : انا عارف انك مئهور ع اللي صار لك بس هذا مش بيدي بيد ربنا .
متعب : ونعم بالله بس انت مو اول خطاء لك انت تتعمد تسوي كذا ولا ايـــش ؟
الدكتور : انا مش متعمد ولا حتعمد دي ارواح بشر ايه انا العب بيها ؟
متعب : ودامك عارف انها ارواح بشر ليش تسوي كذا الدكتوره والدكتور مفيد كلهم يقولون العمليه بسيطه ودايم تنجح وانت اول مره لك تسوي عمليه وتقولي خبره انت جالس تتدرب ؟ انا استغرب بلد مثل السعوديه تقدر تجيب اطباء العالم كلهم بالسعوديه يجيبون امثالك .
الدكتور : حسوي لك تحول ع مستشفى brlinhospital يومين وتروح لألمانيا .

**

**

**

ام وليد : الحمدلله ربي ماضيع حقي العزوف بترجع من سويسرا مالها إلا اسبوعين هناك .
الماس : يمه ماتصدقين قد ايش انا فرحانه اسماء بتموت خلاص وراح تحزن نوف عليها جعلها من حزن لحزن اكبر .
ام وليد : امــين .
رن جوال الماس : نعم .
وليد : هلا الماس وينك ؟
الماس : انا عند امي .. ليش تســـأل تو تذكرت ان عندك اخت ؟
وليد : الشرهه مو عليك علي انا اللي متعني ومتصل عليك .
الماس : طيب يوم اتصلت اش تبي ؟
وليد : بشوف وينك انا رجعت وانتي مو بالبيت .
الماس : ولا راح ارجع للبيت والعزوف موجوده .. طلقها ونرجع انا وامي .
وليد : هههه مصدقه عمرك انتي والله ما اطلقها لو ايش .. هذي زوجتي بذمتي ومسؤل عنها ولا انتم مو مسؤل عنكم ولا لي فيكم دخلت وامي ماربتني عشان يصير لها حق علي .
الماس : ياقليل الحيا ياللي ماتستحي ماتوقعت كذا ياوليد انت من يوم خطبت العزوف وانت متغير جعلكم ماتتهنون .
وليد : اعاملكم مثل ماتعاملوني .
الماس : انـــا او امي قد تكلمنا عليك قبل ؟
وليد : لا تنكرين .. يابريئه ياللي ماسويتي شي .
الماس : حسبي الله عليك ياوليد انت عاااق ومافيك ذرة رجوله وانا ما راح ارجع للبيت وشوف ياوليد انا قد كلامي او لا .
وليد : بقلعتك ان شاء الله عمرك مارجعتي وكذا انا وزوجتي بالبيت بروحنا احسن .
الماس : والله اني عارفه انها ساحرتك الحيوانه بس وين بتروح مني والله لأوريها مين انا ولا شكلها ماتعرفني .
وليد : اقووول بس لايكثر والعزوف ماراح تمسينها بضرر .
الماس : لاتتحداني .
وليد : اتحــــدااك .
الماس : ترا انت اللي جبتها لنفسك بس اسبوعين شوف اش راح يصير بالعزوف اذا ماصارت مثل نوف بتصير اردى منها اخليها حزينه طول وقتها .. ولا اقتلها واخليك انت الحزين .. لا لا مايصير الحين الين تجيب اول ولد وثاني ولد لها واقتلها عشان يصيرون عيالها ايتام .
وليد : انتي قاااعده تسلين نفسك بالكلام هذا ولا تتمنين تسوين شي ؟
الماس : انا جاده بكلامي وهذا اللي راح اسويه بس انت خلك تتفرج على المأساه اللي راح تصير للعزوف .
وليد : والله مضيع وقتي معاك .. مع السلامه .
الماس وهي تطالع امها بعد مانزلت جوالها ع الكومدينو : يمه وليد يقول بقلعتك روحي وين ماتبين .. يمه انا اخته يطردني من البيت .
ام وليد : حــــسبي الله على العزوف هي السبب باللي صار لي تطلقت وهي السبب الى متى والغلبه لعيال عبدالله انا ابي ادمر مها ونوره ما ابيهم اسعد مني خالتي تفضلهم علي ليش انا احبهم ليش ما اضرهم ؟
الماس : يمه ولا يهمونك شوفي بكره اذا ماجا مهند او ماجد يخطبني والله لأهينهم لأخذ لك حقك .
ام وليد : مااااجد ولد مها ومهند ولد نوره يخطبونك انتي ؟ لا لا الناس هذولا انا ما ابيهم .
الماس : يمه والله انا متأكده ان عمامي ماراح يخلوني الناس كلهم مايبوني لآن امي مطلقه .
ام وليد : مافيها شي بنت مطلقه يعني امك اللي مطلقه مو انتي واش دخلك بالموضوع ناس جاهله ماتفهم .
الماس : يمه مو انا اللي مقرره كذا المجتمع ينظرون لبنت المطلقه نظره غير .
ام وليد : لايهمك كلامهم وانتي احس من مليون بنت متزوجه ونوف بنت عمك تطلقت وتزوجت الطلاق عمره ماصار عيب .

**

**

**

ام مشاري وهي تبكي : تكفــى يامتعب لاتخاطر بحياة زوجتك اذا خطر عليها السفر لا تسافر .
متعب : يمه لازم تسافر عشان تتعالج علاجها هنا مستحيل .
ام مشاري : علاجها عند ربي مو بيديهم والله لو توديها لأفضل دكتور بالعالم وربي ماكتب لها الشفاء ماراح يفيدها بشي .
متعب : بس يايمه انا لازم احاول ربي كاتب كل شي .. وعارف الشي هذا بس لازم ناخذ بالاسباب .
ام مشاري : الله يوفقك ويقوم اسماء بالسلامه وتفرح بشوفتها ونفرح كلنا .
متعب : آمـين .. يمه انا بسافر ومادري كم المده اللي بجلسها هناك انتي وين بتروحين ؟
ام مشاري : انا بروح عند خالك مصعب .
متعب : ان شاء الله بكره اوديك لآن موعد رحلتنا الساعه 4 العصر .
ام مشاري : الله يسهل دربك ياولدي وان شاء الله بتلقون علاج لأسماء .
متعب : املي بربي كبير وان شاء الله اسماء بتقوم .. ايه هي صغيره ماراح تموت ان شاء الله .

**

**

**

دخلت العزوف ببيت اهلها : سلام عليكم .
قامت نوف وسلمت على العزوف : هلا والله بالعروس .. تو مانورت الرياض .
العزوف بابتسامه : اكيد بتنور بوجودي .. سويسرا ظلمت يوم طلعت منها .
جات ام عامر : هلا وغلا ببنتي هلا والله بالغاليه .
العزوف بعد ماباست راس امها ويدينها : هلا بك يالغاليه .. يمه وحشتيني مووت .
ام عامر : يابعد عمري والله اشتقت لك .
نوف : العزوف اش صار مع الماس ؟
العزوف : الحمدلله يوم رحت للبيت مافيه إلا عمي والماس عند امها .
نوف : وهي مزعجه وليد تقول انها بالبيت بروحها .
العزوف : كذاابه جعلها الموت والله انها قهرتني وتقول لوليد راح تخليني اندم اني صرت زوجة وليد .
ام عامر : ولا يهمك كلامها وتهديدها هي مثل لولوه بس كلام ماتقدر تسوي شي .
نوف : والله اللي اعرف انك تحبين تتمشكلين معاها وهذي فرصتك خذي حقك منها بيدك ورجليك .
العزوف بمزح : نووف لاتحرضيني عليها ترا لو اقتلها انتي المسؤوله .
ام عامر : اسم الله على بنتي لا ان شاء الله مو مسؤوله عن الجرايم والمصايب .
العزوف : ههههه يمه حتى انا بنتك .
رن جوال نوف : الوو .
بندر : هلا وغلا .. مساء الورد .
نوف : مساء النور .
بندر : اش اخبارك ياقلبي .
نوف : الحمدلله بخير .
بندر : نوف الى متى واحنا كذا انا نفذ صبري ما اقدر اصبر اكثر من كذا انا ابي ارجعك .
نوف وهي توقف : نـــعم ؟ اش قصدك بنفذ صبرك .
ابتسم بندر : قصدي اني مشتاق لك وخلاص اليوم قررت اجي واخذك .
نوف : انت تعرف ظروفنا وتعرف ان بنت عمي بين الحياة والموت وانا لازم اجلس عند اهلي .
بندر : سلامــات اش فيكم ؟
نوف : اسماء بنت عمي جابت بنت وهي حالتها حرجه وانا لازم اجلس مع اهلي .
بندر : طيب تعالي ببيتك ومتى مابغيتي اهلك انا اوديك لهم .
نوف : اوك .. الليله الساعه 10 اكون جاهزه .
بندر بابتسامه : فديتك يا اطيب وانقاء قلب انسان بهالكون .
نوف : مع السلامه .
بندر : مع السلامه .

**

**

**

وصـــل متعب المـــانيا ودخلو اسماء بالمستشفى وكان متعب يمشي مع اسامه عالممر اللي قدام المستشفى والجو بارد ورذاذ المطر يهطل بخفه
متعب : اسامه انا خايف عليها خايف اسماء تموت .
اسامه : لا ان شاء الله ماراح تموت والدكتور قال علاجها موجود وهم خلاص خاطو عمليتها وحالتها الان مستقره انت اش خايف منه .
متعب : لـــي يومين هنا واسماء على وضعها بغيبوبتها انا مادري اش اللي تغير كانت بأحسن صحه بس مادري اش اللي قلب وضعها .
اسامه : احمد ربك وكل هذا مكتوب ومقدر وارضى بالقدر والله حرام عليك .
متعب : انا راضي بالقدر بس خايف على اسماء والله لو تفدا بالروح لأفديها هذي زوجتي شريكة حياتي .
اسامه : قلتها انت شريكة حياتك مو كل حياتك يعني حياتك ماشيه بدونها .
متعب : دار الوقت وصار انت اللي تقولي الكلام هذا يا اسامه تذكر يوم كنت اقولك تزوج نوف مجرد حب اول في حياتك وراح تنساها وانت تقول لا ماراح اطلقها ولا راح اتزوج غيرها .
اسامه : انا تعالجت واقدر اتزوج الحين بس انا ما ابي احد بحياتي غير نوف وانا تأقلمت مع الجو والحياه هنا وعايش حياتي بدون نوف .
متعب : بس هي لسه بقلبك وماتغير ولا شي نوف مثل ماهي اول ماعرفتها صح ؟
اسامه : ايه صح انا احبها وحبي لها زاد عن اول وكل مامر الوقت وحب نوف يكبر بقلبي نوف حبي الاول والاخير ولا راح احب غيرها .. انت اش رايك الحين نروح لأسماء والله مشتاق لأختي 4 سنوات ماشفتها .
متعب : الله يصبرك .
دخلو اسامه ومتعب بالمستشفى وراحو لغرفة العمليات ووقف اسامه : ادخل وشوف اسماء صاحيه ولا لا ؟
متعب : اوك . ودخل متعب واسماء على حالها وبغيبوبتها وطلع ودخل معاه اسامه وطالع بأخته هي مثلها ماتغيرت بس المرض مغيرها المرض تغير بسيـــط وراح لها وباس راسها ويدها وسالت دموعه وربت على كتفه متعب : اش فيك يا اسامه ؟
اسامه وهو يبكي : اشتقت لأهلي محـــتاج لهم كثـــير .
متعب : الله يهديك يا اسامه هذا وانت ماشفت امك ولا ابوك عاد اش بتسوي لو تشوفهم .
اسامه وهو يوقف : ماراح اشوفهم والله متأكد اني بموت هنا .
متعب : لا تقول كذا ان شاء الله انت بتعيش باقي حياتك بين اهلك .
تحركت يد اسماء وطالعها اسامه

**

**

**

اسيل : يبه انا ما ابي ريان وكل يوم وانا اقولكم اني ما ابيه .
ابو اسيل : طيب ليش اش سبب رفضك له هذا ولد عمك وماراح يصونك إلا هو .
اسيل : بـــابـا عشان خاطري لاتفتح الموضوع هذا مره ثانيه .
ابتسم ابو اسيل : عشان خاطرك ماراح يخطبك ريــان مره ثانيه وزوجة عمك هنا انزلي تحت وقولي لها انك ماتبين ريــــــان .
اسيل : لا ما احب اشوفها ولا اكلمها .
ابو اسيل : عشـــان خـاطري روحي لها واقنعيها بنفسك .
اسيل : ok my father.
ابو اسيل وهو يضحك : هههه ياعيني ع الثقافه .
اسيل : هههههههه .
طلع ابو اسيل ونزلت اسيل مع الدرج تمشي بمهل طالعت بأم ريان " قطيعه اش اللي جابها "
نزلت تحت وسلمت عليها : اخبارك عمتي ؟
ام ريان بكره وحقد : بخير .
وجلست وراحت اسيل وجلست جنب جدتها : اسيل حبيبتي ام ريان جايه تخطبك لولدها اش قلتي ؟
اسيل وهي تحط رجل على رجل : يمه انا ما ابي ريان ولا ابي غيره .
ام ريان : انا عارفه سبب رفضك للزواج انتي **** وخايفه ان احد يعرف .
وقفت اسيل : عمتي عن الغلط انا ما ارفع صوتي على اللي اكبر مني .
ام احمد : ياقليلة الحيا اشلون تقولين عن بنتي كذا هذي اشرف منك ومن طوايفك .
ام ريان : طـــيب برري لي رفضك للزواج .
اسيل : ما ابي اتزوج وانا لسه صغيره وابي اتهنى بشبابي وريان خطبني اكثر من ثلاث مرات ورفضته ليش يرجع يخطبني مره ثانيه .
ام ريان : لآنه يحبك يافالحه وقال انه ماراح يتزوج إلا انتي بس انا ع بالي انك شريفه عفيفه بس طلعتي عكس ظني .
اسيل بعصبيه : لاتغلطين علي وهذا يعتبر من القذف والله لأرفع عليك قضيه .
طالعتها ام ريان : ايـــــش انــا هيا ترفعين علـــي قضيه ؟
اسيل : انتي وغيرك اي واحد يقذفني راح ارفع عليه شكوى وللمره المليون اقولك ولدكم ما ابيه .
وقفت ام ريان : والله ما اخليك يا اسيل وخليك لاتتزوجين يتزوجون بنات خلق الله وانتي عانــــس .

**

**

**

اسامه : عن اذنك يامتعب اخاف تصحى اسماء وانا هنا .
طلع اسامه ووقف عند الباب ومتعب مسك يد اسماء : اسمـــاء .. اسماء تكفين لاتموتين والله محتاجك .
تحركت يد اسماء وفتحت عيونها وطالعة بمتعب وطالعة بالسقف والمكان كله وكانت مستغربه " انا وين " حاولت تتكلم ماقدرت
ومتعب يطالعها : اســــــماء .
طالعته اسماء وسالت دموعها وضغط متعب الزر الاحمر وجا الدكتور : يادكتور اسماء صحت بس ماتتكلم .
جا الدكتور وشاف اسماء وهو يكتب بالملاحظات رجعت اسماء لحالتها وفقدت وعيها .
متعب : اســــماء .
الدكتور : دي محتاقه راحه .. وحالتها هتتحسن ماتخفوش .
طلع متعب وجا اسامه : هــااا متعب اش صار ؟
متعب : صحت وماقدرت تتكلم ورجعت فقدت وعيها انا ما ادري اش صار فجأه والدكتور يكتب ملاحظاتها فقدت وعيها وهو يقول انها محتاجه راحه وحالتها راح تتحسن .
اسامه : طيب ليش خايـــف ان شاء الله تصحى وترجع اسماء اللي عرفتها .. بــس والله بفقدك اذا رحتو .
متعب : خلاص انا واسماء بنسكن هنا عشانك .
اسامه : يــاليت بس غريبه اسماء ماعرفت انك تكلمني ومتواصل معاي .
متعب : ارقــد وامن مافيه احد يعرف بالموضوع هذا إلا امي وكتمت السر ماقالت لأحد وهي اول كانت بتقول لأمك بس انا قلت لها اذا قلتي لأحد والله لأروح عند اسامه ولا عاد تشوفيني .
اسامه : مـــــن جـــدك انت لو امك قالت لأمي بتتغرب ؟
متعب : والله جد انت اهم شي تكون بأمان ومحد يعرف وين انت لو اتغرب .
اسامه : ياجعلني فدوه لك ياصاحبي والله ما ادري كيف ارد لك جميلك انت وقفت معي باصعب لحظه بعمري .
متعب : الله يفرج همك ويشفي اختك .
اسامه : الله يسمع منك .. إلا ماقلت لي اش اخبار امي وابوي واخواني واهلي كلهم ؟
متعب بابتسامه : الحمدلله كلهم بخير .. وعامر بيتزوج بعد اسبوع وتقريبآ 4 ايام .
اسامه : الله يسعدهم ان شاء الله .. اش اخبار نوف واش سوت ؟
متعب بعد مابلع ريقه : نوف تنتظرك يا اسامه .
اسامه : مــعقوله ماتزوجت او نستني ؟
متعب : انــا اسمع اسماء يوم تكلمها او ترجع من عند نوف تقول انها مانسيتك ولا راح تنســاك .
اسامه : بعد عمري هي اللي راح تفقدني .
متعب : والله اهلك كلهم فاقدينك بس خلاص كلهم يقولون اسامه مـــات إلا نوف مازالت تنتظرك .
اسامه : والله اتمنى اشــــوف نــوف بس القدر حال بيني وبينها الله يوفقها ان شاء الله ويجبر بخاطرها .
متعب : يـــاقسو قلبك يا اسامه امك فاقدتك وابوك ونــــوف اللي مصره على انك عايش وراح ترجع وماترجع لهم والله انك قاااسي .
اسامه : حرام عليك والله اني طيب وانت تعرفني زين بس الظروف هي اللي جبرتني على كذا .
متعب : انت تعالجت ليــــش ماترجع .
اسامه : ما اقدر خلاص ارجع بعد خمس سنوات عشان ايش .. احسن ابعد عنهم يعيشون حياتهم وانا بعيد عنهم ماراح يفرحون برجعتي كثر مايلوموني على اللي سويته انا تغربت عشان نوف بس عشان ما اجرحها اكثر من كذا اش بعده تبيني ارجع ولو رجعت ماراح اتزوج نوف وهي اساسا ماراح توافق انها بترجع لي هذي بنت عمي وانا اعرفها زين نفسها عزيزه ماراح ترجع لي .

**

**

**

دخلت نوف بجناحها بعد ماسلمت على خالتها ولينا وجلست ع الكنبه وولدها بحضنها وباست جبينه " ياربي تخليه لي "
طالعها بندر وفرح كثـــير لآن نوف بدأت تتقبل ولدها وتحضنه مثل اي ام بالعالم : نوف اتمنى ان حياتنا تبقى كذا وماحد يخرب علينا .
نوف : انا حياتي صافيه ومايعكرها اي شي .
بندر : نــوف حرام عليك متجاهلتني من اليوم اعطيني وجه شوي .
نوف : مابينا كلام يابندر .. خلاص طاح الحطب وانا مو زعلانه منك نتكلم بأيش احنا مابينا شي خلاص .
بندر وهو يجلس جنبها : نوف انتي ليش كذا .. يعني لو انا اسامه راح تعامليني كذا .
طالعته نوف : لاتجيب اسم اسامه على لسانك .. بندر انت حذرتني قبل وانا سامعه كلامك بس شكلك تبيني اطلع من طوري .
بندر : نوف لاترفعين صوتك علي مهما كــان انا زوجك .
نوف : بس خلاص اللي بيننا انتهى بندر انا جيت هنا بس عشان امك واحترامآ لها جيت هنا انا ما ابي اكرر غلطتي وتصدق انا اتمنى انك تطلقني انا ما ابي اسامه يرجع وانا على ذمتك .
بندر تمالك نفسه : اطلعي من هنا روحي للينا لآشوفك هنا ساااامعه .
وقفت نوف وشالت ولدها : مشكور على العرض هذا .. قول للخدامه تجيب شنطتي .
بندر وهو يمسك يدها وبين اسنانه : امي لو عرفت والله لأقتلك .
نوف : اوك .
وطلعت لغرفة لينا وطقت الباب ودخلت : سلااام عليكم .
لينا : عليكم السلام هلا وغلا تو مانورت الغرفه ياقلبي .
نوف وهي تنزل اسامه ع الكرسي : منوره بوجودك ياقلبي .. الله يعينك ياقلبي بجلس عندك الين ماتهدى الاوضاع اللي بيني وبين بندر من يوم جيت وهي تقوم المعركه بيننا وانا والله ماكنت بجي بس اتصال خالتي غالي وانا ما ارد لها طلب .
لينا : اســـعد لحظات عمري وانتي بتسكنين بغرفتي ونسهر مع بعض وننام مع بعض .
نوف : بس اخوك يقولي ياويلك لو امي تدري انا ما ابي خالتي تعرف بأي شي .
لينا : حـــاضر امي قليل تجي لغرفتي وان شاء الله ماراح تعرف .
نوف : انا والله كان ودي اروح عند اهلي .
لينا : نووف انا مو ماليه عينك لاصدق انتي جايه عشان بـــــــــندر .
ضحكت نوف : اعصابك ياشيخه لايطق فيك عرق خلاص والله ما اروح لأهلي بجلس عندك .
لينا : والله انتي بحسبة اختي واغلى انسانه عندي ماتصدقين قد ايـش انا اتضايق لما تتهاوشون انتي وبندر بس الحين يوم صار هواشكم كذا والله اتمنى كل يوم عشان تجين عندي .. انا اقول لأمي بروح عند نوف تقول لي لا البنت الحين عند زوجها مايصير تروحين لهم .
طق الباب ودخلت الخدامه ونزلت الشنطه : بابا بندر يقول هذا حق انتي .
لينا طالعت نوف : لاااا شكلك مطوله هنا والله فله .
نوف : الله يعينك علي انا وولدي بس .
لينا : والله انكم راح توسعون صدري وتخلوني احس بالسعاده اللي الناس تحس فيها انا دايم كئيبه ماعندي احد وقتي كله فراغ ودايم ع النت ماعندي شي غيره وامي اجلس معاها العصر وتســـحب علي وتروح للجيران ومره عند خوالي ومره عند زوجة عمي .
نوف : لا احنا بنغثك وفترة اقامتنا هنا مطوله حــــيل واتوقع اطلع من هنا لبيت اهلي بعد كلام بندر حسيت انه بيطلقني .
لينا : ليش اش قلتي له .. ترا اخوي عصبي يتهاوش مع نفسه عادي .
نوف : قالي لو انا اسامه راح تعامليني كذا ؟ قلت له لاتجيب اسم اسامه على لسانك وانا اتمنى انك تطلقني عشان مايرجع اسامه وانا على ذمتك .
حطت لينا يدها على راسها : ياويلي مصيـــبه اشلون تقولين له كذا نوف حرام عليك انتي متزوجه لاتفكرين باسامه .
نوف : والله يالينا اني حاولت بس ما اقدر وخلاص جات منه عشان يطلقني وافتك وارتاح .
لينا : لا ان شاء الله مايطلقك ولا راح يطلقك وانا بقوله انك ماتبين الطلاق .
نوف : والله اتمنى اليوم قبل باكر يطلق بس شكله ماراح يطلقني كل ماتخانقنا وصارت السالفه اكبر من اول رجع يصلح اللي هو كسر ونرجع لبعض انا ما اقدر اقول لخالتي اني ما ابي بندر انا ابيه هو اللي يطلقني .
لينا : صدق انك مجنونه هبله ماعندك عقل اشلون تقولين له كذا والله ماتوقعت بندر كذا توقعت اقل شي منه يضربك .
نوف : لااا إلا الضرب .
لينا : آآآآه لو اني مكانه ما اخلي بجسمك جزء سليم .
نوف : والله بندر طيب ومتعاطف معاي .

**

**

**
يتبع....

[لامارا]

صحى مهند من النوم على صوت منبه الجوال شاف الساعه 8 ونص " اوووف بدري " وصحى واخذ جواله واتصل على متعب : الوو .
متعب : هلا بالنسيب .
مهند : هلا بك اش اخبار اسماء ؟
متعب : الحمدلله بخير وصحت من غيبوبتها ورجعت مره ثانيه .
مهند : الله يقومها بالسلامه ترا طلعنا بنتك من المستشفى الدكتور يقول انها جات على اول الشهر التاسع ومايحتاج تجلس بالمستشفى وترا انا اللي بسميها .
متعب وهو يضحك : الله يستر من الاسماء اللي عندك .. هااا اش قررت تسميها ؟
مهند : نـوره مافيه احلى من اسم امي والله حلو .
متعب : حلو بس انا ابي اسم راقي وجديد ابي بنتي احلى اسماء البنات .
مهند : جــنى .
متعب : واخيـــرآ تطورت وصرت مثل الناس جنى حلو بس ماعندك احلى منه .
مهند : لا لا خلك على هذا مافيه احلى منه ولا راح تلقى احلى منه جديد .
متعب : اوك اسم البنت جنى .
مهند بفرحه : صدق يامتعب بتسمي بنتك جنى واخيرآ انا سميت احد وان شاء الله تطلع علي بكل شي .
ضحك متعب : ترا انت اللي مسميها مو سميتك .
مهند : هههههههههههههههه من الفرحه ما ادري اشلون اعبر عن شعوري .
استغرب منه متعب : جد يامهند فرحان عشان كذا صدق انك بزر .
مهند : والله جد يامتعب انت ماتعرف اشلون شعور اللي مسمي ولد اخته تحس انه مالك اسماء الدنيا .
متعب : الله يرد لك عقلك ان شاء الله .
ضحك مهند : وعد اول ولد او بنت لي انت اللي تسميه .
متعب : ان شاء الله .

**

**

**

قفل متعب من مهند وضحك : والله اخوك يا اسامه شكله انهبل استخف الولد .
تبسم اسامه : لــيش ؟
متعب : قالي بيسمي البنت وسماها جنى وقال والله انا فرحان وما ادري كيف اعبر عن شعوري .
ضحك اسامه : الله يسعده اكيد بيفرح وهو مسمي بزر اذا كبر بيقولون مهند اللي مسميك .
متعب : هههه شكلك بتصير نفسه .
اسامه : إلا مهند وماجد للحين يروحون عند جدتي بالقريه ؟
متعب : ايه بعد وفاة جدك صارو اغلب وقتهم هناك .
اسامه : ما شاء الله عليهم مافيه اسعد منهم اللي بعمرهم الحين مشغولين بالجوالات والبيبي والتويتر والتواصل الاجتماعي بانواعه وهم على حال ابائنا صح انه معهم جوالات بس لسه عايشين بالقريه اللي اغلب الوقت مقطوع عنهم الكهرباء .
متعب : الله يعينك يا اسامه انا مالي الا ثلاث ايام هنا واشتقت لأمي والسعوديه كلها مشتاق لها انت الله يكون بعونك لك خمس سنوات متغرب .
اسامه : آآآه ياشوقي لأهلي والسعوديه وبلادي كلها مشتاق لها هذا كوم وشوقي لنوف كوم ثاني والله هي اكثر شي فقدته .
متعب : الله يصبرك ويكون بعونك وانت لازم ترجع والله مو بصالحك تجلس هنا .
اسامه : لا مستحيل ارجع خلاص الباب هذا سكره ولا عاد تفتحه كل ماشفت واحد يسألني متى بترجع او يقول انت لازم ترجع .
متعب : الله يعينك .. انت معاك فلوس ؟
اسامه : انت حولت لي 200 الف قبل 5 سنوات ولسه باقي منهم كثير وهذا دين برقبتي .
متعب : لا يا اسامه هذا مو دين .. اعتبرها من فلوس اسماء اذا ماتبي فلوسي .. والله انها قليله بحقك .
اسامه : لا تكابر يامتعب والله مكفيتني وباقي منها الحين 150 الف يعني بعد 15 سنه تحول لي 200 الف انا ما اصرف كثير وماعندي شي اصرف عليه انا بس ادفع ربع الايجار .. والحمدلله لقيت لي شغله حلوه وراتبها حلو .
متعب : اش شغلتك ؟
اسامه : بالمتحف السعودي .
متعب : لا يكون منظف او تستقبل ضيوف .
اسامه : لا ما اشتغل الشغله هذي .. انا نائب مدير المتحف .
متعب : ما شاء الله عليك .. وليش مافرحتني من زمان .
اسامه : ماتوقعت والله انك بتفرح .
متعب : اي شي يفرحك والله يفرحني .
طالع اسامه بساعته : اووه اذن الظهر تعال بنصلي مع الجاليه الاسلاميه اللي هنا .
متعب : بالمسجد ؟
اسامه : لا لا هنا هم مسوين لهم مصلى كبير شوي بس بالطريق .
متعب وهو يوقف : طيب بتوضى واجي .
اسامه : يله انتظرك .. فتح اسامه الدريشه وطالع بالناس اللي جو يصلون قرابة 2000 مصلي .
وجا متعب : يله يا اسامه .
نزلو اسامه ومتعب وراحو للمكان المخصص للصلاه وصلو مع جموع المصلين وخلصو الصلاه .
وتقدم واحد من الطلبه السعوديين والقى كلمته عن يوم القيامه .
مشو متعب واسامه : اسامه اش رايك نتمشى هنا والله الجو فضيع وماينفوت .
اسامه : يله .
وراحو يتمشون وهم يسولفون

**

**

**

صحت ام اسامه على كابــوس مزعج يتكرر عليها اكثر من مره : بسم الله .. اللهم اجعله خير .
جلس ابو اسامه : نوره اش فيك ؟
ام اسامه : انا تجيني كوابيس مزعجه من يوم راحت اسماء لألمانيا .
ابو اسامه : اللهم اجعله خير .. وش الكابوس يمكن افسره لك .
ام اسامه : حلمت ان اسماء تقتل واللي يقتلها متعب واسامه كان يضحك انا من زمان ماشفت ولدي بالمنام .
ابو اسامه : لا حول ولآقوة إلا بالله تعوذي من الشيطان ونامي .
ام اسامه : اعوذبالله من الشيطان الرجيم .
طلع ابو اسامه من الغرفه ونزل للصاله " ياربي ولدي وينه هو ميت ولا عايش لــــيش هو راح وخلانا معقولـه انه عايش لالا هو له خمس سنوات من غيابه اكيد انه مات ولا وين يعيش وهو ماعنده احد الله العالم بحاله .. ورؤيا نوره لها علاقه باسامه وراح نعرف عنه شي ولا لا انا لازم افسر الرؤيا بشوف ولدي وينه خلاص انا سكتت كثير ومقصر بحق ولدي .. بـــــــــس هو مات ايه اكيد انه ميت "

**

**

**

صحت نوف من نومها على اذان الفجر وكانت نايمه ع السرير ولينا ع الكنبه " والله فشله " : لينااا .. ليناااا .
صحت لينا : نعم .
نوف : يله حبيبتي قومي بنصلي .
لينا : كــــم الساعه .
نوف وهو تشوف ساعة جواله : اربعه ونص .
وقامت نوف وتوضأت وصلت وخلصت من صلاتها وطالعة بلينا اللي نايمه : لــينا يله اصحي .
صحت لينا وراحت لدورة المياه .
طق باب الغرفه ووقفت نوف " الله يستر لايكون عمتي ؟ "
وفتحت الباب وطالعها بندر : صباح الخير .
نوف : صباح النور .
باس بندر خدودها ويدها : انا اسـف على اللي صار امس .
كانت لينا وراء نوف : يسلام انا فاتحه غرفتي لكم .
ابتسم بندر : خلاص مشكوره انتي تحملتي زوجتي وولدي ليله .
لينا : لا تـــكفى ما اسرع تصالحتو .
بندر : انا طيب وقلبي ابيض ونوف ماتزعل علي بس هي تتغلى .
نوف " قلبه طيب فعلآ هو امس متهاوش معاي وانا السبب والحين جاي يعتذر وين بلقى مثله "
خذت نوف ولدها اللي نايم : ســـيو لينا .
لينا بقهر : انتي بتروحين معاه .. امس متخانقين ليش ترضين ع الاقل خليه ثلاث ايام اجلسي معاي .
نوف : والله كأنك عايشه بغربه حبيبتي غرفتي بنفس بيتكم متى ماطفشتي تعالي .
مسك بندر يدها : يله يله امشي قبل تشوفنا امي .
وطلعو لجناحهم وراحت نوف للغرفه وحطت اسامه بسريره وجلس ع السرير ورفعت مخدتها وشافت صورة اسامه محد خذاها " ياويلي لو يعرف بندر انا من زواجي وانا حاطتها هنا ورجعت المخده بمكانها وتمددت ودخل بندر : نـوف ماسرعك بتنامين .
نوف : ايه والله تعبانه وراسي مصدع والبارح مانمت إلا الساعه 2 تبي شي ؟
بندر : لا خلاص نــوم العوآفي بس ما ارجع من الدوام إلا انتي صاحيه .
نوف : ان شاء الله .

**

**

**

ماجد : جدتـــي انا بخطب الماس اليوم بروح الرياض وابيك تروحين معاي .
طالعته جدته : انت وش قاعد تقول لا اكيد انك مجنون اشلون تخطب بنت عمك حمد يعني ماتعرف اخلاقها .
ماجد : جدتي انا ما ابي إلا الماس وراح تعرفين بعدين .
ام عبدالله : ماجد انت بحسبة ولدي وانا ما ابي اخطب لك الماس ولو عرفت امك والله لتقتلك .
ضحك ماجد : امي عارفه انا مقنعها قبل لا اجي هنا وانا جيت عشان اخذك .
ام عبدالله : ياولدي الماس ابليس يتعوذ منها محد يسلم من شرها انا ما ابيها زوجه لك .
ماجد : جدتي والله راح تعرفين ليش انا ابيها بوقت ثاني بس انتو الحين اخطبوها لي .
ام عبدالله : غـــالي والطلب رخيص بس بروح اجيب عبايتي .
ماجد بابتسامه : انا اروح اجيبها لك .
وراح ماجد لغرفة جدته واخذ عبايتها وراح لجدته : خذي يالغاليه .
لبست ام عبدالله عبايتها وطلعو هي وماجد للسياره وركبو ومشى ماجد متوجه للرياض وبعد دعاء السفر اخذ جواله واتصل على مهند : الوو .
مهند : هلا والله برفيقي وينك ؟
ماجد : الحين جاي لرياض .. وبخطب الماس .
مهند : والله بليتك فيها ياماجد بس اتمنى انك ماتزعل علي .
ماجد : افاا عليك ازعل عليك على ايش ؟
مهند : والله انها بلوى وحلت عليك ابوي كان بيزوجني الماس بس انت اقنعتني انك بتخطبها .
ماجد : لاتشيل هم ياصاحبي ترا الوضع ايزي .
ضحك مهند : من وين تعلمت الكلام هذا لايكون خربت جدتي بس .
ماجد : هههههههه الحين جدتي عرفت تقول هاي كيكرز .
مهند : ههههههههههه الله يقطع ابليسك عيالها ماقدرو يقولون كذا اخاف تتطور جدتي وتفتح لها صفحه بالتويتر والفيس بوك والكيك والاسك والانستقرام .
ماجد وهو يطالع جدته : جدتي ام التطور الناس ياخذون ثقافتهم منها .
مهند : اكيد جدتي معاك كل هالمدح وهي ماتسمعك .
ماجد : ههههههه اكيد معاي .. مع السلامه .
وقفل من مهند وطالعته جدته : ماجد كأنكم قاعدين تحشون فيني وش اللي انت تقول اني اعرف اقولها .
ماجد : ههههههه ولا شي ياجدتي اللي امس كنتي تقولين ايش ؟

**

**

**

ابو اسامه : فهد انا كنت بخطب الماس لمهند بس هو رفض وكنت بجبره عليها اش اللي خلا ماجد يطلب منك تخطبها له ؟
ابو عامر : يمكن متفقين مهند مايبيها وماجد اكيد يبيها .
ابو اسامه : الله يوفقهم ان شاء الله .
دخل مهند : سلام عليكم .
ابو عامر وابو اسامه : عليكم السلام .
جلس مهند جنب ابوه : مهند اش السالفه ليش ماجــد بيخطب الماس ؟
مهند يسوي نفسه متفاجئ : ماجد خـــــطب الماس ؟ متى ؟ ولي ماقالي ؟
ابو اسامه ضحك : هههه يعني ماتعرف شي انا متأكد ان كل هذا وراء تخطيطك انت وياه .
مهند : يبه صدقني ما ادري عن اي شي .
ابو عامر : معقوله انتم تخبون عن بعض انا مــتأكد انك قلت له وهو قال انا احل مشكلتك .
ضحك مهند : مايتخبى عنكم شي .
ابو عــامر : افــا يا عبدالله تجبر ولدك على وحده مايبيها افرض تزوج بنت عمه وطلقها اش راح تسوي ؟
مهند " لا لا اكيد ماجد راح يتورط ولا راح يخلونه يطلقها "
ابو اسامه : ياولد اكلمك وين سرحت ؟
مهند : هــآآ اش قلت يبه ؟
ابو اسامه : هههههههههه لا انت اليوم فاصل .. اقول من البنت اللي انت تبي ان شاء الله اخطبها لك .
مهند " اش بعده يايبه بعد ماحطيت ماجد بموقف مثل هذا " : انا ابي اسيل بنت عمتي بس خلوها بعدين بعد ماتقوم اسماء بالسلامه وترجع وبعدين اخطبها .
ابو اسامه : الله العالم متى بترجع اسماء وماندري هي ترجع ولا لا متعب يقول علاجها يطول هنــــاك .
ابو عامر : الله يقومها بالسلامه ونفرح برجعتها ان شاء الله .
رن جوال مهند ووقف : عن اذنكم .
ابوه وعمه : اذنك معاك .
طلع بالحوش : هلا ماجد .
ماجد : هلا بك وينك ؟
مهند : ببيتكم .. انت وينك ؟
ماجد : تـــو دخلت الرياض .
مهند : ماجد خلاص لاتخطب الماس بعد كلام عمي قبل شوي عرفت ان طلاق الماس مستحيل .
ماجد : مهند انا بخطب الماس وبعدين يصير خير وما ابي احد يصير عثره بطريقك .. والصديق وقت الضيق .
مهند : والله خايف على مستقبلك ياماجد خايف انهم يرفضون ماتطلقها .
ماجد : مهند الموضوع هذا قفله ولا عاد تفتحه خلاص انا بخطب اليوم والملكه بعد زواج عامر .
مهند باستغراب : انت مجنون او اهبل اشلون بتملك عليها لا لا اخطبها وبعدين افسخ الخطوبه .
ماجد : لا انا ابي زواجنا يتم وبعدين تعرف كل شي .
مهند : غريبه ماجد اشلون تتكلم كذا وجدتي عندك .. اخاف تعرف شي .
ماجد : ههههههههههه كل كلامي بالرموز اعتقد ماوضح شي .
مهند : ههههه لاتفضح نفسك .
ماجد : مع السلامه انا وصلت خلك باستقبالنا .
مهند : مع السلامه .. وقفل جواله ودخله بجيبه .

**

**

**

دخلت العزوف بالصاله : سلام عليكم .
ام وليد وهي جالسه : هلا .
وقفت الماس وسلمت على العزوف : اخبارك ؟
العزوف : تمام .
وطالعت بخالتها اللي لسه جالسه وراحت لها وسلمت على راسها : اخبارك خالتي ؟
ام وليد : حبيبتي من الاحترام تسلمين على الكبير اول .
العزوف " الله يعدي الليله هذي على خير .. انا اش اللي جابني لبيتهم "
الماس وهي تطالع العزوف : عندك صوره لأخوك ماجد .
طالعتها العزوف : نـــعم ؟
الماس بعد مابلعت ريقها : انــا ابي اشوف صورة ماجد يمكن يعجبني يمكن مايعجبني .
طلعت العزوف جوالها galaxy s3 وفتحت صورة ماجد : هذي صورة ماجد .
طالعته الماس " واااو يهبل " : مشكوره .
ام وليد : قلو بنات الناس مالقيتو إلا الماس تخطبونها له .. بس ما الومه جمال بنتي يخليه يخطبها غصب عن اللي يرضى واللي مايرضى .
العزوف " لو تدرين انه مايبيها اش راح تسوين .. بس غريبه ماجد خطبها وراه مصيبه اكيد "
الماس : العزووف كم عمر ماجد ؟
العزوف : امممم 23 .
شهقت الماس : يعني انا اكبر منه انا عمري 24 والله على بالي هو كبير .
ابتسمت العزوف : مابينكم فرق كبير .
ام وليد : كلها سنه ياقلبي .
وقفت العزوف : عن اذنكم .
طلعت العزوف وطالعت ام وليد بالماس : مالت عليك البنت كل مالها تصير احلى من اول كانت مو بكل هالجمال وشوفي جسمها اشلون صاير مو مثلك سمينه .
الماس : يمه انا وزني k75 .
ام وليد : ايه سمينه مو مثلها رشيقه وجسمها روعه .
الماس : احاول انحف ولايهمك .. بس يمه والله انا مبسووطه مره واخيرآ انخطبت .
ام وليد : ترا لسه ماصار شي والناس ماوصلو .
كانت العزوف بالحوش مع وليد : والله خايفه خالتي تحرجني قدام الحريم .
وليد : حبيبتي امي بتسبب بيننا مشاكل ولايهمك كلامها والله لو اعرف انك تراددين امي مايصير لك طيب .
العزوف : والله ولا مره راددتها اساسا انا ما ارادد اي وحده اكبر مني .
وليد : صح اني احبك إلا اموت فيك بس امي ما ابي احد يكدر خاطرها .
العزوف : اوك .
وليد : يله حبي انا بروح الرجال وصلو .
مشت من عنده العزوف ودخلت بالصاله وطالعتها ام وليد : وين كنتي .
استغربت العزوف من سؤالها وتطفلها : كنت بالحوش .
ام وليد : عارفه انك بالحوش بس اش كنتي تسوين ؟
العزوف عضت على شفتها السفلى تخفي ابتسامتها : اممم كنت عند ولــيد .
ام وليد بعصبيه : ايييه قاعده تحرضينه علي انتي عقربه محد يسلم منك .
سكتت العزوف وسمعو صوت الجرس يرن ووقفت الماس : يمه وصلو .
ام وليد : روحي لغرفتك بسرعه قبل لايجون .
راحت الماس لغرفتها وجات ام وليد عن العزوف وبهمس : اذا ماخليتي حمد يرجعني والله لاخلي حياتك كلها حزن اقلب سعادتك هم .
العزوف هزت راسها بمعني حــاضر .
دخلت ام عبدالله ومعاها ام عامر وسلمت عليها العزوف : اش اخبارك ياجدتي والله اشتقت لك كثير .
ام عبدالله : الحمدلله بخير .. انتي وش اخبارتس ؟
العزوف بعد ماباست يد جدتها : بخير جعلك بخير .
وجلسو وبدو بكلامهم عن الخطوبه .

بـــمجــلس الـــرجال

ابو وليد : هذي الساعه المباركه وماراح نلقى احسن من ماجد لالماس .
وليد بهمس لماجد : ماودك تشوف زوجتك ؟
ابتسم ماجد : لا مو الحين انا احب الاكشن ما ابي اشوفها الا بزواجنا .
وليد : اش دخل الاكشن بالسالفه .
ماجد : ابيها مفاجئه اذا شفتها .. وهي احد الحالتين بتعجبني او ماراح تعجبني .
ضحك وليد : ههههههههه الله يرجك .

**

**

**

صحت اسماء من غيبوبتها من ساعه ..
وكان متعب واقف عندها ويمسح شعرها : اش اخبارك ياقلبي ؟
اسماء بصوت مبحوح من اثار التعب : تــمام .. اش اللي صار لي ؟
متعب : سوو لك عمليه وفشلت ودخلتي بغيبوبه وجبتك هنا .
طالعته اسماء : ليش انا وين ؟
متعب : احنا بالمانيا .
حطت اسماء يدها على بطنها وطالعت متعب : ويــن ولدي ؟
متعب بابتسامه : مبروك حبيبتي انتي جبتي بنت وسماها مهند جنى .
ابتسمت اسماء : وينها بنتي ؟
متعب : بالسعوديه .. عند امك .
اسماء : واحنا متى نرجع ؟
متعب : بعد اسبوع ان شاء الله .
اسماء : من متى واحنا هنا ؟
متعب : مــن اسبوع بس والله ماقصر اســ.. تدارك كلمته .. وسكت
طالعته اسماء وشكت بالموضوع : ايــش ماقصر مين ؟
متعب : اسامه واحد من السفاره .
اسماء ما اقتنعت : طيب ليش سكت متعب لايكون اسامه اخوي والله اذا كان تعرف عنه شي وماقلت لي والله ما اسامحك .
ابتسم متعب : انا كنت خايف اني اذكر عليك اخوك .. وياليت اعرف عن اسامه اي شي انا فقدته كثير .
اسماء : والله على بالي تعرف شي عنه .
متعب : مستحيل يا اسماء اعرف عنه شي وما اقول لكم ومن خمس سنوات وانا فاقد اسامه وكلنا فاقدينه اشلون تقولين اعرف عنه شي .
اسماء : اعتقد ان اسامه مات الله يرحمه .
متعب " الحمدلله انك اقتنعتي " : امين .. يله حبيبتي انا استاءذن الدكتور قالي ساعتين بكل يوم اقدر اشوفك .
اسماء ودموعها متحجره بعيونها : مع السلامه حبيبي اشوفك على خير .
طلع متعب وجا اسامه : طمني عنها يامتعب .
متعب : ابشرك صحت من غيبوبتها .. وزل لساني بغيت اجيب العيد .. قلت ماقصر اسامه وقلت لها انه واحد من السفاره .
اسامه : افرض انها عرفت اني موجود اش راح تسوي ؟
متعب : اقولها ماتقول لأحد مثل امي كتمت السر 5 سنوات .
اسامه : يمكن امك نست السالفه .
متعب : لا والله دايم تسأل عنك .
اسامه : اش اخبار السعوديه اش صار فيها ترا هنا مافيه قنوات عربيه .
متعب : ماتغير شـــي بــس الامير سلطان والامير نايف ماتو الله يرحمهم وبس والباقي ماتغير .
اسامه : ايه عرفت انهم ماتو الله يرحمهم ويرحم امواتنا واموات المسلمين .
متعب : امــــين .

**

**

**
يتبع....

[لامارا]

نوف : ماااجد والله ماتصلح لك وياما قلت لك بس والله عبالي تمزح .
ماجد : نوف الله يهديك اش اللي امزح وبعدين انتي قاعده تقولين كذا ؟ اخر من توقعت يحطمني انتي .
ابتسمت نوف : مبروك ياقلبي ومنك المال ومنها العيال .
ابتسم ماجد : هذي اختي نوف اللي اعرفها ولا تستعجلين على شي راح تعرفين اش مخفيه الايام .
نوف بخوف وهي تطالع ماجد : لايكون بتسوي مصيبه وتحصل لنا كــــــارثه .
ماجد : لا لا اعوذبالله مو مسوي شي بس يعني كلنا ما ندري وش مخفيه الايام ماقصدي شي .
نوف : ايه صح بس ما ادري اش تقصد من كلامك هذا بس مصيري اعرف اش السالفه .
ماجد : إلا ولدك وينه ؟ من زمان عنه .
نوف : ولدي عند عمتي فوق .
ماجد : نوف انتي اش فيك ؟ ليش متغيره كذا اش اللي صاير لك فيه مشاكل بينك وبين بندر ؟
نوف : لا ان شاء الله الله لايجيب المشاكل .
ماجد : نوف انتي فيك شي مغيرك شي وانا متأكد .
نوف : ياخوي انا ذقت انواع العذاب بحياتي غياب اسامه مخليني بهم وحزن مايعلمه الا الله .
ماجد : نوف اش هالكلام ؟ انتي متزوجه ولسه تفكرين باسامه مايجوز كذا حرام عليك .
نوف وهي تبكي : والله محد يكرهني باسامه لازوجي ولا غيره هذا اول شخص احبه وماراح اكرهه ولا راح احب غيره .
ماجد انفطر قلبه على اخته : الله يهديك يانوف اسامه مات خلاص ماله وجود .
نوف : لا ماجد لاتقول كذا اسامه عايش وبيرجع .
ماجد : قال عايش قال بيرجع بعد خمس سنوات وتقولين بيرجع وين عقلك انتي اكيد مجنونه .
نوف وهي تمسح دموعها : ماجد يعني انت ماتعرف انا قد ايـــش احب اسامه ؟
ماجد : والله عارف انك تحبينه .. بس انتي متزوجه ولازم تحبين زوجك ولاتفكرين باسامه شيليه من راسك .
نوف : لا اسامه ما راح انساه انسى نفسي بس ما انساه هذا حياتي كلها .. بدونه انا ولا شي والله تعبت من بعده حسيت اني بموت .
ماجد : الله يصبرك ويعينك ويجبر بخاطرك اسامه مــات يانوف .
نوف : لا تقول كذا خلاص سكر الموضوع هذا ولا عاد تفتحه .
ماجد : طيب بندر وينه الحين ؟
نوف : والله ما ادري بيجي الحين .
طق باب الصاله ودخل بندر : سلام عليكم .
وقف ماجد : عليكم السلام .
بندر : هلا والله هلا وغلا حياك الله .
ماجد : الله يحييك .
سلمو على بعض وجلس بندر جنب نوف وكانت متضايقه منه وجلس ماجد على جنب : اش اخبارك يالنسيب ؟
ماجد : الحمدلله بخير .. انتم اش اخباركم ؟
بندر : الحمدلله بخير .. مبروك خطوبتك والله يتمم لكم على خير .
ماجد بابتسامه : الله يبارك فيك .
طالع بندر بنوف : نوف وين اسامه اشتقت له .
وقفت نوف : الحين اروح اجيبه .
وراحت نوف من عندهم .

**

**

**

بــــعد مــرور اســـبوع

وصلو متعب واسماء ارض الوطن ووصلو بيت ابو اسامه ونزلو وكان متعب ماسك يد اسماء ويمشون مع بعض ودخلو بالبيت وجات ام اسامه : ياهلا والله هلا وغلا تو مانور البيت وسلمت على متعب واسماء .. الحمدلله على السلامه .
متعب : الله يسلمك .. يله انا استأذن .
ام اسامه : لا وين على الاقل تقهوى معانا .
متعب : والله مشتاق لأمي بروح لها .
وطلع متعب وطالعت ام اسامه باسماء اللي تبكي : اش فيك حبيبتي ؟
اسماء : يمه تعبانه .
مسكت امها يدها ودخلتها بغرفتها : ارتاحي حبيبتي نامي اكيد انتي محتاجه الراحه .
تمددت ع السرير وتذكرت متعب يوم مشو من المانيا كان يخفي دموعه عنها ولما سألته اش فيك تبكي المفروض تنبسط اننا بنرجع .
رد عليها متعب انا ما ابكي بس مشتاق لأهلي .
اسماء " اموت واعرف اش فيه .. لايكون متزوج المانيه .. لا لا متعب مايسويها "
دخلت سعاد : اسمااااء هنا الحمدلله على السلامه ياقلبي تو مانورت السعوديه .
اسماء وهي تسند ظهرها ع السرير: الله يسلمك .
وجات سعاد وسلمت على اسماء : اش فيك ماتبين تشوفين بنتك ؟
اسماء بابتسامه : إلا ابي اشوفها بس ضايق خلقي شوي .
سعاد : ثواني بس واجيبها لك .
دخل مهند وسلم على اسماء : ترا انا اللي مسمي بنتك .
ضحكت اسماء : ههههههه طيب ع الاقل تحمد لي ع السلامه بارك لي .
مهند : مبروك والحمدلله ع السلامه .
اسماء : الله يسلمك ويبارك فيك وعقبال مانشوف عيالك .
جات سعاد ومعاها جنى بنت اسماء : هااا شوفي القمر .
خذتها اسماء وباستها وسالت دموعها " ليش متعب ماشاف بنته اكيد هذا فيه شي والله مو طبيعي "
ونزلتها ع السرير وخذت جوالها واتصلت على متعب وكان الرقم مشغول وطالعت بمهند : انت شفت متعب قبل شوي ؟
مهند : ايـــه شفته وسلمت عليه بس قالي بيروح يسلم على امه والعصر بيجي يشوف جنى يقول ماقدر يشوفها من يوم انولدت .
خذت سعاد جنى وطلعت من عندهم وطالعت اسماء بمهند : غريبه مهند اش اللي مخليك تجلس هنا ما اشتقت للديره ؟
مهند : إلا والله مشتاق للديره بس جدتي هنا عشان الزواج .
اسماء : اوووه قهر ما اقدر احضر الزواج .
جات ام اسامه : مهند ماجد يبيك بالديوانيه .
وقف مهند : عن اذنكم .
وجلست ام اسامه ع السرير جنب اسماء : اش اخبارك حبيبتي واش اخبار زوجك ؟
اسماء : الحمدلله بخير .. بس يايمه انا ما ادري اش فيه متعب مو طبيعي متغير مره .
ام اسامه : لا تلومينه حبيبتي هو تعب معاك ولو شفتي حالته يوم كنتي مريضه كان ماقلتي كذا .
جات الشغاله ومعاها شوربه وحليب بالقرفه وحطتهم ع الطاوله وطلعت وقامت ام اسامه : اسماء تبين حليب ولا شوربه .
اسماء : يمه ما ابي اكل مالي نفس اكل .

**

**

**

كان اسامه جالس ع البحر خلقه ضايق وهو كئيب من اسبوع ملى عليه الجو متعب صار فرحان من بعد الحزن طلع جواله واتصل على اصيل:الو .
اصيل : اهلين اسامه .. كيفك ؟
اسامه : الحمدلله بخير .. اش اخبارك وكيف اوضاع سوريا ؟
اصيل بحزن : يا اسامه الوضع مأساوي هون سوريا صارت ساحة قتل .
اسامه : طيب ارجع انا خايف عليك .
اصيل : انا طالع ع السعوديه والاسبوع الجاي ان شاء الله بالمانيا .
ابتسم اسامه : واخيرآ يا اصيل لي شهر ماعندي احد .
اصيل : الله يفرج همنا وهم كل مسلم .
اسامه : امين .. مع السلامه .
اصيل : مع السلامه .
رن جوال اسامه : هلا وغلا هلا بصاحبي .
متعب : هلا بك يالغالي .. اش اخبارك ؟
اسامه : الحمدلله على كل حال .. اش اخبار اسماء وبنتها ؟
متعب : الحمدلله بخير بصور جنى وبرسل لك صورتها .
ابتسم اسامه : الله يخليها لك وان شاء الله تفرح فيها عروس .
متعب : ههههههه ان شاء الله عريسها ولدك .
اسامه بيأس : الله يجبر بخاطرك اي ولد اللي تكلم عنه .
متعب : اسامه انت تعالجت يعني حركتك هذي تقطع الشك باليقين انك بترجع .
اسامه : انت اكثر واحد يعرفني والله لو 1% برجع كان ماشفتني حزين كذا متعب انا مالي رجعه .
متعب : اســـامه انت ليش دايم تجيب الحزن لنفسك تزوج مسلمه من المانيا وارجع .
اسامه : مستحيـــل اتزوج غير نوف .. وماراح يحل بمكانها ولا وحده .
متعب : طيب ارجع وتزوج نوف .
اسامه : ماراح ارجع والله رجعتي مستحيله .

**

**

**
فــي مديــنة الرياض الفرح طل مع الصباح والكل يجهز للزواج سعاد خايفه ومرتبكه وعامر فرحان وفرحته مو مثل اي فرحه هذي ليلة العمر واسعد ليله مرت عليه حبيبته وبنت عمه من الليله حليله له .
لبس عامر ثوب ابيض وغتره بيضاء وبشت اسود وتعطر من عطره ritshi وجات امه معاها البخور : بسم الله ماشاء الله قمر الله يحفظك ويتمم لك على خير .
ابتسم عامر وباس راس امه : يمه اش رايك كشخه .
ام عامر : احلى عريس اسم الله عليك .
جات العزوف وسلمت على عامر : الف الف الف مبروك ياقلبي .
عامر : الله يبارك فيك .
العزوف : واااو راح تخق عليك سعاد والله كشخه ماشاء الله بس مو احلى من وليد .
وطلعت جواله وصورته وهو يقول : يمه احلى انا ولا وليد ؟
ام عامر : يشهد الله انك احلى من وليد وطوايفه .
العزوف وهي تاخذ عبايتها اللي ع الكنبه : خلاص انا بروح للقاعه دام هذا كلامكم .
ام عامر : والله تأخرنا كثير بس عبير وجدتك هناك .
ونزلت تحت واتصلت على وليد : الوو .
العزوف : هلا حبي انا جاهزه تعال خذني بروح القاعه .
وليد : مسافة الطريق وانا عندك .
العزوف : اوك باي .
وقفلت منه وراحت للمرأه اللي عند المغاسل وشافت فستانها الفخم لونه بيج قصير من قدام ووراء ذيل وميك ابها اسود وبيج وشعرها كيرلي ورن جوالها : هلا حبيبتي انا عند الباب .
لبست العزوف عبايتها ولفت تطرحتها وتغطت وطلعت وركبت بالسياره : مساء الخير .
وليد : مساء النور .. يوم كامل ما اشوفك والله اشتقت لك .. ومسك يدها وباسها .
ابتسمت العزوف : والله حتى انا مشتاقه لك .
وليد طالع بساعته : الساعه 6 ونص احس بدري رايحه للزواج .
العزوف : لا عادي مو بدري انا من اهل العريس لازم اروح قبل الناس .

**

**

**

خلصت نوف من ميكاجها ولبست فستانها الاسود وتعطرت وطالعتها لينا اللي تو دخلت : ماشاء الله عليك قمر .
ابتسمت نوف : عيونك الحلوه .
ابتسمت لينا : انا بحط مكياجي روحي لبندر يبيك ضروري .
نوف : عمي هنا ؟
لينا : لا راح من زمان .
نوف : واسامه وينه ؟
لينا : عند امي .. يله بسرعه بندر يبيك .
نزلت نوف مع الدرج وطالعها بندر اللي انبهر بجمالها ووقف : هلا وغلا .
نوف : هلا بك .. لينا تقول انت تبيني اش تبي ؟
بندر بابتسامه : لا خلاص ما ابي شي .. ع بالي لسه ماخلصتي كنت ابي شاهي .
نوف : سريــــنا .. سرينــا .
جات الخدامه : سوي شاهي اوك .
سرينا : اوك .
بندر وهو يمسك يد نوف : اش هالشياكه والجمال ؟
ابتسمت نوف : طول عمري وانا حلوه .
طالعها بندر
انتهى البارت السادس..