آخر 10 مشاركات
|
| |||||||||||||
| مشاهدة نتائج الإستطلاع: اكثر ثنائى حبيته فى الروايه وعجبتنى عمايلهم السودا (استطلاع متعدد الاختيارات) | |||
| نزار وأريج |     | 341 | 66.21% |
| أدهم وغرام |    | 131 | 25.44% |
| آدم وأروى |    | 76 | 14.76% |
| أمجد وسما |    | 42 | 8.16% |
| الثلاثى ماهر .... قمر .... عبدالرحمن |    | 55 | 10.68% |
| إستطلاع متعدد الإختيارات. المصوتون: 515. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
29-05-15, 05:59 PM
| #1271 | ||||||
  
|  السلام عليكم ورحمة الله وبركاته و اخيرا انا اجلس علي الاب و ارد علي روايتك الاكثر من رائعه لكن ليس بيدي شي لان الامتحانات لدي ستبدا لكني عاندت حتي اكتب ردا بصي بقا ادم شخص مستفز و بارد جدا و بيشرب الحاجه الحلوة اللي فيه ان عنيه زرقا و اكتر شخص غامض بعد الست الوالدة حياه اللي اكيد واخد البرود منها اما اروي فهي طيبه عشان كدة وقعت في اللي حيقضي علي طيبتها ربنا يستر عليكي يا اروي اما قمر و عبد الرحمن و ماهر فهو الثلاثي المضحك و الروايه خثصوصا بعد ما قمر بقت حرمه اما ادهم و غرام فاكيد ادهم عمل مصيبه عشان يتعاقب عليها علي ايد غرام المتوحشه التانيه في الروايه وخسارة فيها ادهم الرومنسي و الطيب اللي بعد اللي عملته راح قدملها في اقتصاد و علوم سياسيه (اوعدنا يا رب ) اما اريج و نزار هما اكتر اتنين بستني الفصل عشانهم و يا ريت نزار يخف من علي البت اريج شويه ما يبقاش عفاريت و منار السودة و امها حياه و يبقي نزار بصراحه ليها حق تكتئب لما نشوف حتوديها فين يا نزار ومنين بتحبها و منين بتاذيها و لا ده حب امتلاك شكله بس بردو انا في حزب نزار و عاجبني شخصيتو الصعيديه رغم اني اسكندرانيه اما عم هشام فنصيحه لله انسى اريج و الا نزار حيكون لك بالمرصاد و دة صعيدي و حياخد حقه تالت و متلت و حلو بارتين في الاسبوع و الاحلي الابيات اللي في اول كل فصل مستنياكي بليل | ||||||
|  |
|
29-05-15, 06:01 PM
| #1272 | |||||||||||||
| نجم روايتي وكاتبة في قسم قصص من وحي الأعضاء  
| اقتباس:
| |||||||||||||
|
| |
|
29-05-15, 06:02 PM
| #1273 | |||||||||||||
| نجم روايتي وكاتبة في قسم قصص من وحي الأعضاء
| اقتباس:
| |||||||||||||
|
| |
|
29-05-15, 06:08 PM
| #1274 | |||||||||||||
| نجم روايتي وكاتبة في قسم قصص من وحي الأعضاء
| اقتباس:
أدم بيتغدى على حرق دمى أنا وقمر دى مشكله المشاكيل أنتى أول واحده تعلق على بنت عبدالحميد الهبله السودا ههههههههههههههه منوووووووووووووووووره | |||||||||||||
|
| |
|
29-05-15, 06:39 PM
| #1276 | |||||||||
| مشرفة وكاتبة في منتدى قصص من وحي الأعضاء ومحررة واعدة بعمود الأعضاء  
| اقتباس:
  يعني انتي مفيش فايدة فيكي كل مرة تغلطي في ادهومي يطلعلك العفريت و مش بتحرمي ترجعي تغلطي فيه تانيخليكي كده لحد ما العفريت يحتل الروايه هو و ادهم و يطردنا كلنا برة علي فكرة العفريت ده ست بتحب ادهم من العالم التاني ربنا يجعل كلامنا خفيف عليهم السلم ده اللي بعد الشقه مش قبلها | |||||||||
|
| |
|
29-05-15, 08:11 PM
| #1277 | ||||||||||||
| نجم روايتي وكاتبة في قسم قصص من وحي الأعضاء
| خلااص على رأى رونتى الحصار أتفك والامور أتسهلت والبارت خلص هبدأ التنسيق أدعولى | ||||||||||||
|
| |
|
29-05-15, 08:46 PM
| #1278 | |||||||||||
| نجم روايتي 
| الذين يشاهدون محتوى الموضوع الآن : 11 ( الأعضاء 8 والزوار 3) نهاد على, lolo ahmed, nada alaa, ماهينور عمروي, حياتى هى خواتى, كادىياسين, دندنه 2008, دوسة 93 ربنا معاكى حياتى و فى انتظارك | |||||||||||
|
| |
|
29-05-15, 08:58 PM
| #1279 | ||||||||||||
| نجم روايتي وكاتبة في قسم قصص من وحي الأعضاء
| الفصل الرابع والعشرون =-=-=-=-=-=-=-=-=-=-=-=-=- زيديني عشقاً زيديني يا احلى نوبات جنوني زيديني زيديني غرقاً يا سيدتي ان البحر يناديني زيديني موتاً علا الموت اذا يقتلني يحييني يا احلى امرأة بين نساء الكون ... احبيني يا من احببتك حتى احترق الحب .... احبيني ان كنت تريتدين السكنة اسكنتك فى ضوء عيوني حبك خارطتى ما عادت خارطةالعالم تعنيني زيديني انا اقدم عاصمة للحزن وجرحي نقشاً فرعوني وجعي يمتد كسرب حمام من بغداد الى الصين زيديني عشقاً زيديني يا احلى نوبات جنوني عصفورة قلبي نسياني يا رمل البحر وروح الروح ويا غابت الزيتون يا طعم الثلج وطعم النار ونكهه شكي ويقيني اشعر بالخوف ... اشعر بالخوف من الظلماء فضميني اشعر بالخوف من المجهول فآويني اشعر بالبرد اشعر بالبرد فغطيني وظلي قربي غنيلي فأنا من بدء التكوين ابحث عن وطن لجبيني عن حضن امرأة يأخدني لحدود الشمس ويرميني نوارة عمري مروحتي قنديلي -- بوح بساتيني مدى لى جسراً من رائحة الليمون وضعي لي مشطاً عاجياً فى عتمة شعرك وانسيني من اجلك اعتقت نسائي وتركت التاريخ ورائي وشطبت شهادة ميلادي وقطعت جميع شراييني زيديني عشقاً زيديني يا احلى نوبات جنوني زيديني موتاً عل الموت اذا يقتلني يحييني =-=-=-=-=-=-=-=-=-=-=-=-= [الفيل] بقاله كام يوم مربط لنزار قدام الشركه أخيرآ لمحه بينزل م العربيه مشى ليه بسرعه ووقف قدامه :ثوانى كدا (وطى ع الارض يفحصها بعينه وبعدها أتنهد) الحمد لله __نزار باستغراب : بتعمل ايه __ : بتطمن ع الارض ياخى أما بتمشى بحس الارض بتتهز أحم عايزك __ شاور بأيده بجديه :تعالى نتكلم فوق __ رفع أيده الاتنين برفض قاطع :لا لا يابرنس عندى حساسيه م الاماكن النطيفه __بص للساعه :فيييل هات م الاخر __ :بص يابرنس أنا غلطت صاحبت البت اللى جابتلنا هدوم البت اللى عندك ومن كام يوم عرفت ان البت ماتت فانا جاى أقبض عشان أسكت أصلآ أنا ممكن ألبس القضيه __رفع نزار أيده وطبطب على خده : الساعه 3هنزل م الشركه الاقيك مستنى مع جيدا عشان تشوف صاحبتها وتتطمن عليها (حس بجردل ميا ساقعه نزل فوق راسه كمل نزار بجديه أكبر) وأنت تأمر من ألف لمليون بس دخلتك غلط __بعد ساعه كان مستنى فالعربيه وجنبه جيداء اللى سحبها م البيت بهدومها السودا من غير ماتفهم حاجه صح المصلحه راحت بس لازم يوجب مع البت الغلبانه دى صرخت : أنت مش هتفكنى بقااا جايبنى هنا ليه لف عليها : بصى ياقلبى أنا عشان دموعك اللى قطعت قلبى رجعت الميت حى صاحبتك روجى هتشوفيها النهاردا __صرخ صرخه خرمت ودنه :رووووووووجييييييييي __ميل عليها ومد أيده يفتح الباب اللى جنبها :أنزلى ياجيدا هارجع أموت صاحبتك أحسن ماكون أطرش __ضحكت بفرح كبير :خلاص خلاص هاسكت بس (صرخت بحماس)رووووووجيييييي عايييييييشاااااا ****************** [سراج] وقف بعصبيه لما المحامى قاله انه جاى من طرف شريكه نزار صقر صرخ: قوللله دى مشش نهايتتتتتى وسراج الحكيم هينطله أى فى وقت مششش هاسييه __ المحامى بهدوء :أسمع يافندم أنا جايبلك ورقه طلاق من المدعوه حياه محمد صقر __نزل ببطئ لحد ماقعد ع الكرسى وصل لحياه ازاى حياه فى ايطاليا صرخ :أرررريج __المحامى : وبيعزمك على كتب كتابها على عمه موسى بعد انتهاء العده __موسى خرج ورجع لحياه وهو فى السجن مريض وبنته أيه مصيرها كل اللى عمله لعيله صقر فسنين أترد له فأيام بس نزار مش هيضحك فى الاخر وعد انه مش هيضحك فالاخر ****************** [أريج] أخيرآ خرجت م المزرعه صح جابهاشقه متعرفهاش وخرج وبعدها رجع بأحلى مفاجأه أول ماشافت جيدا أغمى عليها ولما فتحت عينها لقته فوق راسها وجيدا ماسكه أيدها وبتعيض خرج لما فاقت وهى دلوقتى نايمه على رجل جيداء ودموعها بتنزل بصمت أحساسها انها تشوف أغلى حد على قلبها صديقه عمرها خلاها متقدرش تعبر غير بالدموع أنحنت جيداء وباست راسها : روجى خلاص بقا أنتى بقيتى كئيبا ليه __همست بألم : أول مغامره ليا من غيرك __سمعت صوت فتح باب الشقه جيدا مدت أيدها تعدل شعرها :روجى المز جه (رفعت أيدها بقرف )ياااى شكلك مقرف أوى محتاجه بيوتى سنتر ناوو __أبتسمت جيدا أهم حاجه عندها الشكل سمعت صوت خطواته بتقرب وقبل مايدخل قال :أريج __ردت جيدا بسرعه :تعالى __دخل وحط الكياس اللى فأيده وبصلها بنظرته اللى بتحس انها بتعدى جلدها قعدت ببطئ وعينها للأرض قال : خليكى هاحط الأكل وأمشى __جيدا : ليييه أقعد كل معانا __خبطتها بكوعها فجنبها وبصتلها لكن الاخت سرحانه فوش نزار قربت منها جيدا وهمست :جبتيه منين ده دا دا اممم يعنى تحسيه راجل كدا __بصت فعينها ورجعت بصت لنزار اللى رد بصوت رجولى فعلآ :لا هامشى بس لو مش هتباتى معاها قوليلى __جيدا بفرح : لاااا أكيد هبات أنا مصدقت أشوفها __أتحركت بتوتر وثنت رجلها تحتها :أممم هو يعنى (رفعت راسها وبصت لعينه السودا) يعنى باقى أشوف بابى (ضيق عينه وضم شفايفه وعضله فكه أتحركت وضحت بسرعه ودمعه نزلت من عينها) عارفه انه فاكرنى مت بس هو أكيد بيحبنى __نفخ بقوه بس الكلام اللى قالته جيدا خلاها تحس بقبضه قويه فى قلبها :أنكل سراج مسجون طلع بياع مخدرات بابى قالى كدا __بصتله وأتمنت انه يهز راسه بلأ بس كانت نظرات ناريه موجهه لجيدا قرب منهم وقرفص قدامها مسك أيديها الاتنين وضغط عليهم بين أيديه وقال بصوت واثق : مالكيش غيرى فعشان تخرجى وترجعى لحياتك تكملى تعليمك (حرك راسه بسخريه)عايزااا قصر زى اللى كنتى بتسكنيه سواق حراس نفذى أوامرى __وقف بحده سمعت صوت مفاصل جسمه من سرعه وقفته وفلت أيديها وأكد :وأتعشى وصلى ونامى هنا مافيش أشباح __عطاهم طهره وحط كارت ع السفره وقال :فى حارس تحت ولو أحتاجتوا حاجه رقمى أهو __ دخل الممر اللى فيه باب الشقه بصت لجيدا وهى عايزا تصرخ لكن لقتها الانبهار واضح على وشها بيه وكأنها شافت فارس أحلامها : روجى أنا عايزا من دا __فتحت بقها بغيظ وحكتلها كل اللى حصل فيها من لما أتخطفت والدموع مغرقه وشها الاشباح منار زاحت شعر عن رقبتها وورتها الحرق بس بجد أصعب حاجه هى كره والدها ليها فى النهايه علقت جيدا اللى زعلت عشانها:بس ازاى وسيم و شرير ***************** بعد أسبوعين ويومين [حياه ] واقفه فى الجناح اللى كان ليها هى وموسى فى يوم م الايام ودلوقتى بقى مهجور الدور التالت عباره عن جناج فى اليمين ليها ولموسى والشمال كان لمنصور وهمسه وفى النص جناج عمها دلوقتى الدور كله بقى مهجور حتى عمها بقى ليه قسم تحت فى الدور التانى __الدور الاول عباره عن صاله كبيره مفتوحه فيها كنبات باللون الرمادى ولون زهرى عاطى الصاله شكل عصرى أختلف عن فرش البيت القديم وفيه أوضه ضيوف فيها صالون فخم ومجلس عمها ببابين باب ع البيت وباب على برا ومطبخ كبير وحمامين واحد جنب المطبخ والتانى جنب المجلس وفيه فى الصاله سلمين الشمال يطلع على قسم الرجاله فى الدور التانى واليمين على قسم الستات واللى فيه هى وفاتن وبناتها البيت مبقاش فيه ريحه زمان أتغير __أدهم جاى مع مراته عشان كتب كتاب أدم بكرا والاستعداد على أخره أدم شكله زعلان لانه مكلفش على نفسه ييجى وفاتن قالبه وشها هى كمان وبصراحه أخر همها بعد جرح موسى مش هتداوى جروح حد __لما حكالها أدهم عاللى حصل لأريج أتصلت بنزار أنبارح وطلبت منه يجيبها معاه النهارده لكن رد عليها بحده منصور انه مش هيقهر عمه ردت عليه بصدق :فدا عمك عيالى التلاته بس عاشوفها عاد ليوم عيجهر عمك فى أييييه ده ***************** [أدهم] سحب السلسه من رقبته والحظاظات ومحطش أى برفان هبه كل يوم بتوديها الجامعه أغلب اليوم بيقضيه فى الأستوديو عشان قرفها منه بطل يكلمها أصلآ من أخر خناقه ولو كلمته يرد بجمود ويسيبلها المكان والنهارده عشان هيروح معاها فمنعآ للنقاش غير ستايله عشان ميقرفش الست هانم بس اللى أستغربه انها ركبت جنبه وطول الطريق صمت مكسروش غير صوت الاغانى الاجنبيه أنحنى بالعربيه للحوش اللى فيه بيت جده قالت بصوتها الجميل : أنا مكسوفه من خالى كان المفروض أزوره من يوم ما خرج __بصلها ببرود :عادى هو رد سجون وأمى مش أصيله متزليش مقامك وتفكرى فيهم __قالت بحده :متقولنيش كلام مقلتوش مش كفايه ضغط الحمل هاتيجى أنت كمان تكملها __صوتها أرتعش فالجمله الاخيره فتحت الباب ونزلت م العربيه أول ما وقف بص لبابها ورجع راسه ونفخ فتح الباب ونزل ودخل معاها للمجلس يمكن تكون نبرتها لمست قلبه لا فى الحقيقه هى كلها فقلبه غرام هى الانثى الوحيده فعينه لدرجه انه الايام دى معتش بتلف راسه بنت جميله لانه عنده كنز م الجمال ومش قادر يوصلها __رفعت طرف الطرحه على وشها وطبعآ لابسه عبايه محتشمه سلمت على جده وبعدها سلمت على والده :حمدلله على سلامتك ياخالى نورت البلد __قال والده : بعد اذنك يابوى عشوف مرت ولدى (شاور بأيده بالموافقه ونزلت طرف الطرحه بصلها والده بأعجاب وعينه بتنقط حنان ) ماشاء الله جمر 14 يابت فاتن __غصب عنه أبتسم حضنها والده وقعدها جنبه أستأذن ودخل البيت جده لماح وممكن يعرف اللى بينهم سلم على والدته وقعد معاها حوالى نص ساعه ودخلت غرام حضنت عمته وبعدها أنحتت وسلمت على والدته :حمدلله على سلامتك ياماما (رفع راسه ليها لما باستها وحضنتها وقالت بمرح )أبوس أيدك ولا تخافى أكبرك __أبتسم ببطئ حسه أعتذار مبطن ليه قعدت بينه وبين والدته وعشان المسافه صغيره حطت أيدها على رجله وقالت :أنزاح شويه يأدهم __أرحمى أم أدهم أتحرك مسافه صغيره جدآ هو عطشان من قربها ولو قعدت فحضنه هيرحب جدآ أبتسمت والدته :مرتك جميله ياولدى بس كيف خلفتها فاتن الجرده __ردت عمته فاتن :مانيش جرده ياحياه غرام وارثه جمال أمها __ضحكت هى ووالدته لكن هو مركز فى حاجه رفع أيده ولمس طهرها وحسها أنتفضت بشويش أنحنى بخفه وقبل ماتفلت منه كلمه بحبك ضم شفايفه وهمس بتنهيده : متتغرش من كلامهم ياجمال ياصقر *************** [أروى ] رتبت الفستان وكل حاجه وكل شويه تروح تتأكد منهم خايفه تنسى حاجه هتلبس فالصعيد عشان كدا متوتره صلت العصر وسرحت محستش غير بصوت والدتها اللى بتضحك عليها :حبيبتى لو خلصتى تأمل تعالى جنبى __قامت أترمت فى حضنها من كام يوم كانت متوتره وكلمتها والدتها أنفجرت فيها انها خايفه ومحتاجاها جنبها صح أعتذزت بعدها لكن فجأوها بأنهم نزلوا مصر عشان يحضروا كتب الكتاب ويرجعوا __هما حنينين وبيحبوها جدآ بس أفكارهم غربى تتحجب عادى تسافر مافيش مشكله تتخطب لخطيب بنتهم المتوفيه مرحبين فاهمين الحريه غلط __أتنهدت بقلق بكرا هتكون مرات أدم أدم اللى بتبلع قله ذوقه وبتصبر نفسها بس هى قالت قبل كدا يكفيها القليل منه لان البعد عنه موت بطئ ليها يكفى بس مجرد مايمر على تفكيرها قلبها تتسارع دقاته ومراقبتها الدايمه ليه أشتروا الشبكه من تلات أيام أختارت طقم سلسله بيضاويه منقوشه ونفس الشكل الخاتم والاسوره والحلق وهو أشترى دبله فضه لنفسه وجابلها دبله دهب وفاجئها لما خلا الصايغ يكتب أسمهم ع الدبل __سألت والدتها :ماما هو حماده فين __ردت عليها :أخر مره كلمته من أسبوع تقريبآ كان فى أميريكا __أبتسمت بضيق من أسبوع مكلمتش أبنها هتستغرب ليه وهى متعرفش رقم ثابت لاخوها ****************** [نزار] واقف جنب المكان اللى شاف والدته فيه ممدده جثه بص للساعه عبدالرحمن فى العربيه ومش عايز يقلب المواجع هو يستحمل عبدالرحمن لأ مشى للأوضه اللى هى فيها وخبط بزهق :ها خلصتى __ :أيواااا __ فتح الباب ودخل راسه لقاها لابسه بنطلون رصاصى غامق ضيق وفوقه تيشرت واسع من فوق وضيق من ع الوسط لونه روز وسنيكر بنفس اللون بحبال كتيره مفتوحه شعرها رفعاه ديل حصان وقفت قدام المرايه وقارنت صباع روج بلون المونكير الروز اللى داهنه بيه طوافيرها الصغيره حطت الروج بنفس اللون مجرد تفكيره انه حد غيره هيشوف شعرها ولبسها اللى مجسمها ده بيخليه عايز يولع فيها قبل ماتنزل معاه كده بس مع نفسيتها اللى بتدمر من كلمه منه وعنادها اللى مبقاش بعده أستسلام بلع موس خروجها كده وهيحافظ انه محدش غريب يشوفها غير عبدالرحمن و الحريم بسس لفت :ممكن تربطى رباط الفلاتا __بصلها بحده ورفع شنطتها الصغيره اللى فيها أكيد هدوم فهمها انهم هيقعدوا يومين بالكتير وهى اتحمست جدآ سبقها لبرا طفى النور لمح بقع الدم الناشفه لمره أخيره قبل ماتخرج ويقفل الباب كويس وعند السلم وقفته لما مسكت فى كم جاكيته وسحبته وقالت بالحاح :يعنى أقع مثلآ أنت معقد ليه __ قال بحده :أرررريج __رفعت عينها برجاء ودلع :روووح أريج ياناس __بصلها بسرعه رفعت حواجبها بضحكه وشقاوه متلقش غير عليها __بص حواليه وأتأكد ان مافيش حد هايشوف اللى بيعمله بجمود :أرفعى رجلك __رفعت رجل ومسكت بأيدها فى دراعه أنحنى وبسرعه مسك طرف الرباط وربطه ونفس الحركه فى الرجل التانيه رفع راسه وبصلها بضيق مسك أيدها بتحكم ونزل فلت أيدها عند الباب ومشى للعربيه وركب ركبت ورا قعدت فى نص الكنبه ومدت راسها بين الكرسين :أنت عبدالرحمن اللى معايا فى الجامعه __أتكلمت مع عبدالرحمن بعفويه ومرح وبعد وقت عبدالرحمن أتفاعل معاها وبقى يرد من غير تحفظ هو أصلآ أتفاجئ ان أخوه بيقدر يخرج من صمته كل اللى قاله لعبدالرحمن عنها انه أنتقم من سراج اللى قتل أهله والبنت دى الضحيه النهارده هيتفاجئ انها بنت سراج __كان ساكت وأبتسامه نادره مرسومه فملامحه مافيش حاجه بتسعده غير أنه يشوف ضحكه عبدالرحمن الهاديه مد أيده وضغط على زرار أشتغلت أخر أغنيه كان بيسمعها ¤زيدينى عشقآ¤ __ لكن بصلها صدمه م المرايه الاماميه ومقدرش يعلق لما حركت أيدها بلا مبالاه وكأنها بتكلم عيل :أقفل أقفل يانزار الاغنيه المعفنه دى خلينا نتكلم أحلى ***************** [غرام] وقفت قدام المرايه بخمول وأتأكدت من شكلها ونزلت وكلها تصميم تحسن علاقتها بأدهم نزلت السلالم بهدوء ومشت لما وصلت لباب المجلس :أدهاااام __ثوانى ولقته قدامها :عايزا حاجه __هزت راسها ورفعت أيدها حضنت بيها بطنها :واضح ان المشوار تعبنى ينفع تيجى معايا نتمشى فى الحوش عشان مش عايزه انام __أبتسم ابتسامه حنونه ومد أيده حطها على ايدها ومسكها :تأمر أم أبنى حبيبى __خرجوا برا البيت وهى مبتسمه أتمشوا فى الحوش فتره من غير كلام بس مافارقتش أيده أيدها ومسكته ليها حنونه ورقيقه بشكل فجأه لف عليها وسأل : غرام مش ملاحظه انك النهارده مقرفتيش منى __ردت عليه بسؤال :أنتى ليه خلعت السلسله النهارده __وقف قدامها ومسك أيديها بين أيديه وضغط عليهم بخفه : رغم انى كنت زعلان منك بس متتصوريش لما تكشرى كل ماقرب منك بحس بأيه والنهارده كنا هنركب عربيه واحده __نفس الاحساس بتحسه لما يقرب منها وتفتكر مايا وعمايله معاها أرخت رموشها :أنا أرتحت على علاج الدكتوره __أبتسم ابتسامه واسعه وقال بغمزه :طااب ينفع أحضن __ابتسمت برقه ومحستش غير وهو بيمسك كتفها ويحضنها بخليط مالحنيه والقوه قلبها دق بسرعه متعرفش ليه حسته بيعمل ده من قلبه لاول مره بشوق حقيقى مش مجامله ولا حركه منه لف أيده عليها اكتر وهمس بتنهيده :أقسم بالله وحشتينى __خد نفس عميق لمس قلبها قالت :شكرآ عشان قدمتلى فالجامعه __رفع راسه وبص لعينيها بابتسامته الساحره : أوعى فيوم تشكرينى وأعرفى انى ماستحملش أقتل حلم بتحلمى بيه ( لف عينه شمال ويمين وقال بخبث) مافيش حد __شقهت وبعدت عنه :أدهم والله جدى يعاقبنا بالجلد أعقل __قال بضحكه وهو بيقرب منها :أنتى فاكرانى بخاف من جدى دانا شخصيااا جامده __رجعت خطوه لورا :عارفه أنتى هتقولى (بتحذير) بس جدى مبيرحمش __:هأ ولا يهمنى . __:ياأدهمم __:صدقينى مبخافش __:أسمع منننننى __:لأ __أتحطت أيد جدها على كتفه لف أدهم وتعبير وشه كان يفطس م الضحك جدها :أدخلى عند الحريم ياغرام واجفه اكده ليه الرجاله عييجو يفرشوا __قال أدهم بعصبيه مصطنعه ولهجه صعيديه : أيوه ادخلى واجفه اهنيه ليييه __رفعت طرف الحجاب غطت بيه وشها وأنفجرت بالضحك وجده قال بحده يخفى بيها أبتسامته اللى بتحاول تظهر فى تجاعيد وشه الخفيفه :وأنت متجفش اكده روح شوف شغله مش كفايه أخوك وولاد عمك ماااجوش __سحبها أدهم من دراعها وهو بيبرطم : مبيقدرش غير عليا يقدر كدا يرفع عينه فأدم أو نزار __ : وووولد __ :صلى ع النبى ياجدى هدخل غرام واجى __ :وغرام معترفش الطريج وحديها عاااد __فلت دراعها وقال بتكشيره : أدخلى احنا الجوازه دى مبصوص لنا فيها ***************** [ موسى ] من أمتى حياه بترش الملح على جروحه نزار لما أتصل يستأذنه مصدقش بسس وافق وهيثبتلها انها ولا حاجه وبنت سراج ولاتهز شعره فيه قام وقال :ماتيجى يابوى نجعد مع فاتن وبناتها عايز أتكلم مع مره ولدى __وقف معاه والده : بت فاتن روحت النوم من عينى خفت الصقور التلاته يجعوا فغرامها واتحرم منيهم والسبب حرمه غرام غير انها جميله جويه ونبيهه كنت شايلها لولد منصور لكن أختارت ولدك __لف عينه لادهم اللى واضح انه سمع كل حاجه سبقهم للصاله :معحبش جعده الحريم جله جيمه ياموسى لكنى عارف جد ايه مشتاج لاهلك وناسك __باس كتف والده الايام اللى فاتت والده كان غضبان على نزار التآر عند جمال صقر قتل بس لكن بهدوءه قاله ان دى وصيه منصور عايز يقهره وكلام كتير أنتهى بأن جمال صقر عفى عن حفيده المفضل __دخلوا الصاله وقعدوا فى جنب قريب م الحريم وجت فاتن قعدت معاهم عينه وقعت على حياه الشموخ اللى ماليها والدقن المرفوعه زى ماهى طيب ليه هو حاسس انه عايز يدفن راسه فى الارض من كتر احساسه بالعار ماللى عملته __وقف أدهم :العريس جه __خرج أدهم وأتأخر شويه ورجع فأيده أدم أستنتج أنه أقنع أدم يدخل فى وجود حياه فده أول لقاء بينهم بص لحياه وشافها بتلتهم ملامح أدم لكن أتجهم وشها وبعدت عينها عنه مر أدم وسلم عليهم شخص شخص لما وصل للحريم سلم على غرام اللى جنب حياه قال أدهم :ماما أدم عايز يسلم عليكى __مدت أيدها ويادوب هو لمس أيدها ورجع قعد جنب جده ***************** [أدهم] رفع عينه على دخول نزار لأول مره يتضايق لما يشوف أبن عمه بص لغرام كلام جده خلاه يغير من أبن عمه بالذات أنه بيكون جذاب لما يسيب دقنه قصيره وغرام مراهقه مهما مثلت انها ناضجه __رجع عينه لنزار بس فتح عينه على وسعها لما لمح الظل الرقيق لنزار أيه جابها هنا رفعت أيدها وشاورتله باحراج أبتسم غصب عنه أعترض طريق نزار قمر اللى داخله زى العاصفه وشعرها بيطير وراها صرخت :أيدييييييي وقفت وأنا بكتب الكلام دااا وأنت تدخل عاااااادى __نقل نظره بينهم عبدالرحمن متضايق وأريج اللى كاتمه الضحكه و نزار اللى زقها بشويش وكمل طريقه وسلم على الموجودين وقعد جنبه لفت قمر وخرجت بعد ماشافت النظرات الناريه الموجهه ليها من عمته وغرام همس :يخربيتك أيه الحركه دى بنت سراج فى بيت كبير آل صقر __نزار بصوت مبحوح هادى :روحى أقعدى عند الستات __قعدت أريج جنب نزار بعناد أنحنى نزار وهمس بحده :عيب كده قووومى __قال بغمزه ولسه مصدوم :أيه النظام حب ولا أيه طاب وبنت خالتك ايه ظروفها __أتنهد نزار :عمى وصانى مقولش ليكوا إلا لما يتأكد __ لف بجسمه لنزار بانتباه :مش فاهم فيه أيه حصل __قاطعنهم أريج اللى حطت أيدها على رجل نزار وهزته بسرعه وهمست :قلتلى ان مامى هنا __حس بسكينه عريضه تخترق قلبه بس عقد حواجبه وبص لنزار يطلب تفسير بس قاطعتهم همسه أريج التانيه : مش عارفه أرفع راسى م الراجل أبو جلبيه ده __رفع راسه ولمح والده بيبصلها بنظره ؟؟؟؟ قرف يمكن قهر أحتمال كره أكيد نزار قال :قومى ياريج مع الستات دول قاعده عمتى حياه __قامت بتردد لكن أول مالمحت والدته جرت عليها وأترمت فى حضنها :مااااااامى __أكيد هزار لعبه مقلب أى حاجه غير ان دى تكون الحقيقه بص لأدم اللى أكيد مصدوم زيه لكن كان هادى ووقف بابتسامه ساخره :أنا سعيد ان أختى منورانا ......ياللا تصبحوا على خير __وقف بعصبيه وكل عفاريت الكون فوشه : أننننت بكل برود متقببببل ان بنت سراج أختك (أتجهه لوالدته بخطوات ناريه )أتكلللمى ساكته ليه كدبى اللى بيقولوه قولى أنك معملتيييييش كداااااا __بعدت أريج عن حضنها بقسوه كبيره وكأنه بتنزع لزقه طبيه كبيرا بيتألم منها المريض وتترمى بعدها اللزقه فى الزباله ووقفت وبحده : حدك عااااد ياواد بطنى والله لو عاد بيا الزمن ماكت عملت أكده أنت واخوك متستاهلوش ياريت ربى خلجنى من غير رحم ياريت ربى خلجنى من غير رحم ولا جلب __ مشت للسلم لوحدها وأريج بانكسار رجعت جنب نزار بص للكل بعصبيه وأولهم أدم اللى أبتسامته الجانبيه واضحه فملامحه خرج وركب عربيته وبعد عن المكان محتاج هوا بعيد عن بيت جده ****************** مقطع من الفصل القادم صرخ بحده وهو بيعصر دراعها بقبضته :متجوليش حلال أنتى محرمه نفسك على غيرى يعنى حررررام حررررررام __صرخت بحده :خلاااااص جوازى حرام بس بتك مش بت حررررام ياموسى أحم خلص الفصل وحاربت الظروف ونزلته الفصول هتكون سبت وثلاثاء لحد رمضان بس هيكون فصل واحد فى الاسبوع مش فتحاها سبيل أنا بسس والله تعليقاتكم بتفرحنى ففرحونى لو سمحتم ولايكاتكم بتعملى أنشكاح فشكحونى أحم أقصد شجعونى | ||||||||||||
|
| |
|
| أدوات الموضوع | |
| انواع عرض الموضوع | |
|
|
22Likes.png)
.png)
.png)
العرض العادي
