واثق الخطى ملكاً فى قلبي *مميزة و مكتملة *

[نادية 25]

فصل جميل جدا جدا
موفقة حبي

[منى عزي]

شـكــ وبارك الله فيك ـــرا لك ... لك مني أجمل تحية .

[حياتى هى خواتى]

المشاركة الأصلية كتبت بواسطة سننور

تسسلمي حبيبتي فصصل جمييل



اتوقع نزار بيحب اريج وعققبال ما ادهم يتجنن في غرام

ان شاء الله وأكيد هججنن كل الابطال أنا معقده وهطلع عقدى فيهم

[حياتى هى خواتى]

المشاركة الأصلية كتبت بواسطة نادية 25

فصل جميل جدا جدا
موفقة حبي

شكرررررررررا حبيبتى

[حياتى هى خواتى]

المشاركة الأصلية كتبت بواسطة منى عزي

شـكــ وبارك الله فيك ـــرا لك ... لك مني أجمل تحية .

ليكى كل تحياتى وأتمنى تشرفينى دايما بردودك ‏

[سننور]

حبيبتي متئ الفصل الجاي متحمسسسسين كثييير والله يسستتر من عقدك

[حياتى هى خواتى]

المشاركة الأصلية كتبت بواسطة سننور

حبيبتي متئ الفصل الجاي متحمسسسسين كثييير والله يسستتر من عقدك

ههههههههههه ان شاء الله بكره ‏

[سننور]

بنتظار الفصل يارب يكوون طوويل

[gom]

موفق بإذن الله ... لك مني أجمل تحية .

[حياتى هى خواتى]

البارت العاشر

كلمات جالسه وحدك
ابوس الإيد .. ابوس الراس
ابوس الذوق .. والاحساس
هو انتي ياعمر العمر عندك حاجة ماتنباس ؟
أشوفك في ظلام الليل .. أشوفك جالسة لوحدك
تحتضني قميصي بشوق .. ودمعة وبسمة في خدك
وكفيتي .. ووفيتي .. يا أم بيتي وتاج الراس
ابوس الإيد .. ابوس الراس
ابوس الذوق .. والاحساس
هو انتي ياعمر العمر عندك حاجة ماتنباس ؟
نسيتي من زعلنا يوم .. نسيتي دمعة عيونك
لو طال الزعل يومين .. يمكن تجن جنونك
أنا مثلك و أنام الليل .. مثل ظلك يا أغلى الناس
ابوس الإيد .. ابوس الراس
ابوس الذوق .. والاحساس
هو انتي ياعمر العمر عندك حاجة ماتنباس ؟ (مغشووووشه)
******** *

[جمال صقر] خايف يموت قبل ما ياخد بالتآر ونزار تبريراته سخيفه بس نزار تربيته وتربيه محمد الشامى وتربيه منصور وواثق أنه هيرفع راسه أتنهد ورجع للذكرى اللى جلبت المصايب بعدها للعيله لما أقتحم موسى بيت وعمه وطلعت حياه حرمت نفسها على حد غير موسى صرخ منصور بحده :أدخلى داخل ياحرمه (سحب سلاحه ورفعه وكمل بقوه شخصيته) ماكونش ولد أبوى لو مسيت مجهور يا موووسى (على صوته بتحدى)بعلنها للكل الليله موسى صقر عيكتب كتابه على بت عمه وعياخدها داره __لاول مره يحس بالعجز منصور مبيرجعش فى كلمته وموسى مضحى بحياته وحاطط الرشاش على صدره وبنت أخوه أعلنتها صريحه قال أخوه أبو حياه:ألحق عيالك ياخوى والله انى خايف عليهم أنت عارف طه وشره ولا أنى متمناش لحياه غير واحد من عيالك _صرخ طه بحده:أجصروا الشر ياولاد صقر حياه عتكون مرتى _ساب موسى الرشاش ومسك طه وهزه بعنف :لو جلت أسمها مره تانيه عقتلك __سحب منصور موسى ومسك رقبه طه وخنقه لما وشه أزرق قال بأمر:أسمع يا طه أحترم سنك وخد عايلتك وأمشى من هنيه والا والله (صرخ بحده)ومنصور الكل عارف حلفانه هطلعك على نقاله جسمك عيكون منخل من الرصاص اللى عيدخله __ ميقدرش يسكت أكتر من كده عياله خلاص فقدوا عقلهم سحب منصور بقوه وعطى المجال لطه يتنفس وقال اللى حسم الموضوع:أسمع ياطه أنت عيالك أكبر منيها واحنا معنبيعوش بناتنا الحياه عتكون مره موسى ومهرها خمس فدادين (بص للشيخ بأمر)أكتتتتب ياشيييخ _بدأت الاصوات تعلى مع تداخل العيلتين مع بعض لكن دقايق وأنسحبوا الحكايمه لقله عددهم قدام عيله صقر قعد بغضب وبدأوا يكتبوا الكتاب أخوه كان مش راضى مش عشان مش عاوز موسى لا أخوه بس خايف من توابع اللى حصل خايف على موسى أكييييد من طه كان من جواه فخور باللى عمله موسى الطيب ووقفه منصور مع أخوه بشجاعه قال موسى:سامحنى ياخوى عكتب جبلك وأنت الكبييير __رد منصور بضحكه:لو أبوى وافج هحصلك ولا لازم يابوى أحط الرشاش على صدرى عشان توافج __ هز راسه دى مشكله تانيه منصور عاوز يتجوز بنت من القاهره عرفها من دراسته واسمها همسه أبوها ليه منصب كبير فى الحكومه وهو خوفه الوحيد أنها تسحب أبنه يعيش فى القاهره
¤ ¤ ¤ ¤ ¤ ¤ ¤ ¤ ¤ ¤

[أدم] سحب الباب الكبير وقفله ولف ع العمال قال أحمد:يأدم بنتأسف كلنا _رد ببرود:لما تعرفوا اننا مبنلعبش وتيجوا فى ميعادكوا وتشتغلوا بجد هبقى أفتح الورشه وتاخدوا مرتباتكوا _رد واحد م العمال:طيب مواعيد التسليم كده هنتأخر ع الزباين _رد ببرود أكبر:أنا فاتح المكان ده لمزززاجى ميهمنييييش زباين ولا زففت _ مشى لعربيته وركبها وطلع أبتسم لوغاب يومين ع الورشه بيرجع يلاقيها خرابه أكل وهزار وأهمال كان قدامه طرق كتيييره للعقاب لكن بما أن اللى عنده من عشاق العربيات فالورشه مش مجرد تصليح لا دى مزكر لتعديل السيارات وزباينهم مراكز وراقيين وعربياتهم موديلات عشان كده الشغل بالنسبه لهم متعه مجموعه مهندسين مبدعين فأسوأ عقاب ليهم منعهم من الشغل نزل عند عمارته الست أروى ريحته منها ومن كلامها دور ع البواب عشان يجيبله مشروبه المعتاد لف وراه يشوف البواب طلع أزازته الصغيره وشرب منها أنصدم وأتخنق تنفسه جرى للمكان اللى هى فيه لكن أختفت صرخ :رؤؤؤؤؤى رؤؤؤى رؤى _سمع من وراه صوت خطوات ألتفت بسرعه لقاه البواب قال بلهفه:عبده شفت رؤى أنا شفففتها _عبده:رؤى مين قال بملل:رؤى ياعبده خطيبتى واللى كانت ساكنه هنا _رد عبده بخوف :الست رؤى ماتت الله يرحمهااا __ثبت نظره ع البواب لثوانى وبعدها مشى بخطوات هاديه للعماره وهو بيكرر جمله البواب بأستهزاء بس ازاى شافها جنب العماره بص للأزازه اللى فى أيده وضحك بسخريه
***************

[غرام]تعبت من أسئله والدتها وشقاوه قمر طلعت والدتها ورجعت معاها أدهم اللى بصلها بصدمه طبعآ ما هى فتشت الشقه كلها لما لقت شنطه اللى أسمها مايا وطلعت أكتر طقم محتشم فى الشنطه بلوزه بيضه وبنطلون جينز ولا نها أطول من مايا ومليانه عنها طلعوا يهوسوا عليها لبست العبايه فوقهم وهو أكيد أتعرف على هدوم حبيبه قلبه المقرفه زيه قعد جنبها وهمس:جبتى الهدوم دى منين _قالت بقرف:حلوه السلسه اللى أنت لابسها دى _قاطعت رده والدتها اللى قالت بفرحه:عشت طول عمرى أتمنى أشوف غرام جنب عريسهااا _قمر :وأنااا ياماما _أتفزع أدهم:بسم الله طلعت منين دى _جاوبته بهدوء:دى قمر أختى الصغيره _أدهم:أنتى عندك كام بنت ياعمتى _ ردت والدتها:بس غرام وقمر جولى بجى غرام عامله أيه وياك _أدهم حرك أيده بالرفض:غبيييييييه ولسانها طويل وعبيطه وطفله وعارفه كمان ياعمتى عمرها مادخلت المطبخ ولا نطفت الشقه وبتحب الكرتون و _فتحت عينها على وسعها وقاطعته :أييييه لسه فى حاجه تانيه _ضحكت والدتها : بيغمز ياهبله _أدهم بمسكنه:شفتى ياعمتى هى كده دايما ظلمانى (ضحك وكمل) بس أيه رأيك نستها اللهجه الصعيدىه فى كام يوم _والدتها بأستغراب:بناتى عمرهم ما أتكلموا صعيدى أبوهم كان متربى فى القاهره صح أهله كلهم أهنيه بس هو كان عيشتغل فى المخابرات وقبلها كان عند عمه هناك وعلم غرام الكلام الماسخ ده وغرام علمت أختها _مردش بس حست ان اللون انخطف من وشه وبصلها بجديه همست :كده واحد صفر لياااا _وقف وقال:هننزل عند جدى شويه
************

[نزار] كان نفسه يضربه كف يطلع فيه كل قهره ميعرفش أنه السبب اللى عشانه عايش لحظه سمع جمله أنا تعبان مرتين ورا بعض من عبدالرحمن وأريج وهو يشكى تعبه لمين هيفضل لحد أمتى الصخره اللى تلطمها الامواج والعواصف وهى ثابته قال بغضب:ليه بتقول كده دلوقتى _عبدالرحمن بعياض:تعبت تعبت (بصله)عايز تعرف أيه اللى حصل يومها _بصله بصدمه من يوم الحادثه وهو رافض يتكلم وكل مايسألوه نفسيته تتعب وتحصله أزمه ربو فى النهايه يأسوا وأتجنبوا سيره والده ووالدته قدامه لو أتكلم من يومها كان زمان الشرطه مسكت القاتل بدأ عبدالرحمن يحكى ويحكى وقفه عند أسم :حيااااااه عبدالرحمن:أم أدهم وأدم كانت جايه تنصح بابا يرجع البلد لان فى واحد هيقتله _كل اللى يعرفه ان حياه أتطلقت وسابت عيالها ومشت عشان كده أدم بيكرها لكن أدهم ليه رأى تانى كمل عبدالرحمن الحكايه وجه للجزء الأصعب مثل الثبات وهو من جوه بيتقطع قاطعه :كانت حياه بتقوله ياسراج (هز راسه بالموافقه)شكله أيه _بدأ عبدالرحمن بوصف دقيق لصوره مشوشه فى مخه قال بضيق:طيب بطل عياض _أستمر فى العياض رفعه بغضب وقال:عبدالرحمن خليك راجل أقسم بالله لانتقم وأحرق قلبه لو وصلت انى أقتل بنته قدامه عشان يجرب شعورك _ساب عبدالرحمن وخرج أهم حاجه يعرف هل سراج هو اللى دخل عمه موسى السجن لوهو يبقى أكيد حياه عنده وجه الوقت اللى ترجع حياه لولادها أتصل بمنار هيحرم سراج النوم النهارده
***************

[أريج] الليل قرب وأحساس الخوف دب فى قلبها كلمت الوحش النهارده حست أنه آآمن من اللى أسمها منار رفعت البلوزه بصت على بطنها رمتها منار بالكوبايه فى بطنها عملت علامه زرقاء وبكل حقاره بتكدب عشان الوحش يعذبها أكتر حسه انها هتنهار وقفت قدام المرايه رجعت بسرعه فشكلها بقى مخيف م العياض أنفتح الباب بقوه بلعت ريقها لما شافت الوحش وقف قدامها وبص لجهه الباب وبعدين بصلها مسك كتفها وقربها لحضنه حاولت تبعده لكن هو قطع بلوزتها حاولت تزقه حست انه جبل صلب رماها ع السرير فضلت تتحرك وترفسه بهستريا ورعب صرخت لما صوتها أتقطع بعدها حست بالدفئ يلفها بعد ماكانت مغمضه عينها بقوه فتحتها بشويش شافته وهو بيغطيها بجاكيته الاسود المتغرق بريحته همس:أششش خلاص أتكورت تحت جاكيته أستقام فى وقفته ولف على منار اللى مدتله الكاميرا بص للكاميرا سمعت صوت صراخها كان عاقد حواجبه بص لمنار وقال:برافو عليكى _مشى للباب ولف بصلها خافت من عيونه السودا ضمت نفسها ونزلت دموعها طلع ومنار بصتلها بشماته وطلعت وراه وهى أضافت لحظه تعيسه لحياتها هنا
*****************

[موسى ] تانى يوم كتب كتابه على حياه دبح أبوه الدبايح وأتزفت له حياه كان عمره بس عشرين سنه وهى أصغر منه بأربع سنين دخل الاوضه لقاها قاعده وعينها ع الارض سحب كرسى وحطه قدامها وقعد عليه أتأملها لاول مره وهى ملكه مراته حلال عليه قال بأبتسامه:متجوليش أنك مكسوفه عاااااااد __رفعت راسها وبصتله بحده :لييييه مانيييش حرمه ولا أيييييه _قال بحب:أنتى ست الحريم كلهم _أبتسمت وفتحت كف أيدها شاف فيه أزازه صغيره :الليله اللى عدت لو كانوا كتبوا على طه كنت هسم نفسى ولا أكون لراجل غيرك ياموسى _حضنها ومسح على شعرها الغجرى الواصل لاخر طهرها وقال بشويه غضب :وتسوى أيه الحياه من غير حياه أوعدينى متجتليش نفسك مهما حصل أيأكى تغضبى ربك مهما الدنيا ضاجت بيكى وكونى جويه كيف ما كنتى أنبارح أوعدينى يا حياه _همست بجديه:أوعدك ياموسى _أبتسم لكن أيتسامته أختفت لما سمع صوت الاغانى والزمر وقف وسمع نواح ستات نط واقف ونزل السلم بسرعه طلع الحوش اللى فيه قعده الرجاله كان فيه هرجه كبيره وسع طريقه بين الرجاله كان والده واقف رافع راسه لكن ملامحه غريبه قال:حصل أيه يابوى رد أبوه :عمك وأخوك جتلهم طه الحكيم دخل وسط دارنا وجتلهم _مقدرش يكون فى قوه أبوه زق الناس وقتها مهموش عمه همه أخوه سنده نزل على ركبه قدام منصور الغرقان بدمه قال بانكسار:منصصصور ردعليا ياخوووى ..................سمع صوت الادان كرر مع الشيخ وبص لايده مش عارف ليه حاسس بملمس شعرها لسه فى أيده رغم مرور السنين
*****************

[سراج] دخلت مسئوله القصر فى أيدها بوكيه ورد قالت:سراج بيه الورد ده لحضرتك _بص للورد غريبه قام أخده منها لقى مكان الكارت ظرف فتحه بسرعه لقى فيه سى دى خاف يدخله فى كمبيوتره الخاص يكون فيه فيرس أبتسم لذكائه ومشى لاوضه فى القصر فكل أوضه فيها كمبيوتر وتليفزيون دخل السى دى مقطع فيديو مدته حوالى ستين ثانيه ضغط على أيده اللى خطفها بيهينه بكل الاشكال بس المره دى نجح انه يشوف أريج بتتعرض لده وشكلها متدمر كده وهو عاجز فده الموت لواحد فى قوته قام بكل غضب وكسر كل جزء فى الاوضه وصرخ :هجيبك أقسم بالله لاأجيييييييييبك عايز يكلم حد هيتجنن وهشام اللى عارف لكن أستحاله يوريه السى دى ضغط رقمها وصله صوتها صرخ:أبن الكلببب بعتلى فيديو وهو بيتهجججم عليها أنا خلاص هبلغ البوليييييييس لازم أجيبه _قالت بهدوء:أهدى بس وفكر هو عايز كده عايزك تتصرف بتهورأنت عندك حق البوليس مش هيفيد دلوقتى بالعكس هيضر اللى بيعمل كده أكيد بيخوفك عشان لما يطلب فلوس تدفعله البوليس مش هيهمه بنتك قدك _قال وكلامها أقنعه:هموت وأوصل للى عمل كده _قالت:واثقه أنك هتوصله فى أقرب وقت ووعد سرك فى أمان معايا ولو أحتاجتنى متترددش وأعرف الفيديو ده وصلك أزاى _قفل مع ميساء وطلع يحققق مع الحارس ومسئوله القصرو كالعاده بلا أى فايده
*************

[أدهم ] دخل أوضته اللى فى بيت جده معصب كانت بتنصب عليه فى الايام اللى فاتت دى والنهارده يكتشف انها مبتتكلمش صعيدى أصلا وتقصد أيه بواحد صفر دى هى جوازه ولا ماتش كوره _ _ :ياااااااسى أدهم __رفع راسه كانت واقفه ع الباب قلع قميصه ورماه ع الارض سحب تيشرت ولبسه قالت:هتفرق أيه يعنى أتكلم صعيدى أو لأ _مش عايز يسمعها قدأيه بيحس أنه مغفل قالت برقه:يعنى كنت عايزنى أكلمك عادى وتقول عليا قليله أصل _بصلها بغيظ وقال بعدم فهم:نععععم _بطريقتها الغبيه أتكلمت:أيوه كنت هتقول انى عشت عمرى كله فى الصعيد ومبتكلمش زيهم أبقى قليله أصل _أبتسم بسخريه حتى لو لهجتها أتغيرت فهى عمرها ماتتغير غبيه وجاهله أفكارها زى أفكار عمته _قرب منها:دايما بيقولوا الجمال والذكاء مبيتقابلوش بس فى حالتك أتقابلوا جمالك ساحر(وبسخريه)وذكائك خارق _غرام:ربنا يخليك ياسى أدهم _مسك أيدها:غرام ياروحى أنا مش سيدك أنا أدهم وبس أنا أيييييه _غرام:أدهم وبس(جاتك نيله فى هبلك مثال للزوجه العبيطه كملت)هروح بقى أنام مع ماما عايز حاجه _قال:شكرآ يا قمر _غرام بعصبيه :نسيت أسمى تانى _ ضغط أسنانه وحب ينهى النقاش قبل مايفجرها رفع أيدها وباسها:أقصد أنك __قطعت كلامه لما سحبت أيدها بسرعه:أستغفر الله ياسى أدهم _وطلعت مشى للسرير رمى نفسه عليه وصرخ :ياصبببببر أيوووب
****************

[نزار] شقته أقرب بكتير م المزرعه ورغم أنه مجهد أتوجه للمزرعه وصل ودخل أوضتها لبس القناع وشافها على حالتها نايمه ومتغطيه بجاكيته مدد ع الكنبه ونااام ميعرفش بعد قد أيه حس بأيد بتتحرك على جيبه مسكها بسرعه ومن غير مايفتح عينه عرفها من حجمها وملمسها قال:دايما بنام عين مغمضه وعين مفتوحه _فتح عينه وأتعدل ولسه مسابش أيدها بص للساعه سته الصبح فاته صلاه الفجر بصلها ومقدرش ينزل عينه من عليها واضح انها لسه واخده دش لابسه شورت جينز وتيشرت بكم سكرى نازل من على كتفها وشبشب أرضى وشعرها مبلول ناعم التمويجات فيه خفيفه نازل على طهرها قالت بصوت مرتعش: قلت مش هتأذينى _تقصد أنبارح قال بجديه:وأنا أذيتك _صرخت بصوت رقيق:أيه الاذى من وجهه نظرك أنت خاطفنى ومعذبنى وسايبنى هنا فى بيت مخيف لو فكرت أهرب هموت م الحراس أو الكلاب هتاكلنى أنت جنسك أيه _وقف وقال بهدوء:جنسى أنطف من أبوكى _صرخت بغضب:بابى أحسن منك مش مجججرم ولا قاتتتل زيك _رفع أيده وضربها على وشها حذرها قبل كده من سيره أبوها فكرها هتخاف لكن أنصدم لما تفت عليه مسك دراعها وسحبها بقوه خبطت فيه مسك شعرها نزلت للأرض وهى بتعيض وشعرها لسه فى أيده رفعها من شعرها وأيده التانيه لفت على دراعها قال بغضب:أنتى ليه مصعبه الامور على نفسك هى معادله سهله هتسمعى الكلام وتهدى ترجعى سليمه لما أخلص شغلى مع الكلب أبوكى هتعاندى هتشوفى السواد كله _علقت عينها عليه ووقفت دموع التماسيح همست بصوت مبحوح :شعرى وجعنى _ساب شعرها بهدوء ودراعها وبص للساعه هيتأخر على ميعاده مشى للباب وقال من غير مايبصلها:أتأكدى ان كلمتى يمين مبرجعش فيها
************

[أروى] عربيتها عطلت قبل العماره بشويه نزلت وفتحت الكبوت زى مابتشوف فى الافلام مفهمتش أى حاجه أتحطت أيد على كتفها وبعدتها ع العربيه متستغربوش كان آدم أتضايقت مبتحبش حد يلمسها قال:أركبى أنتى مشت بهدوء وركبت ومشافتش هوبيعمل أيه ورا الكبوت شويه وقفل الكبوت ووقف عند شباكها قال :دورى كده _وفعلا لفت المفتاح وأشتغلت:شكرآ آددم بس أنت عرفت تصلحها ازاى _أدم:دى شغلتى عندى مركز للتصلييح وعلى فكره عربيتك عايزه شغل كتير أبقى هاتيها أنتى شارياها مستعمله صح _هزت راسها بالموافقه خبط بأيده ع السقف مرتين وقال:يالا أمشى _مشى لعربيته وهى كملت طريقها وقفت قدام العماره سندت راسها ع الكرسى وغمضت عينها وسرحت فى تصرفاته جمعت ملامحه فى عينها عيونه مع الشمس لونها شفاف بشكل سمعت خبط ع الكبوت فتحت عينها بفزع لقته قدام العربيه وشاورها ومشى نزلت ومشت وراه قال :نمتى ولا أيه _ردت بارتباك:هاااا لاأبدا بس بس كنت _أتقدمها بخطوات سريعه ع السلم وكأن مش مهتم لردها وقف فجأه وأيده على جنبه قالت بخوف:آددم حاسس بحاجه _قال بسخريه رغم الالم اللى فى ملامحه :لابس أنا متبرع بكليه لاعز أصحابى والكليه التانيه واضح انها مش عاوزانى _قالت بفزع:لا آددم بليز متهملش روح أكشف (شهقت بخوف )والكحوليات بطلها _كمل طلوع بحذر وقال بعد ما أبتسم:بتفكرينى بأختك _دخل شقته وقفل الباب كعادته بدون أستأذان وقفت مكانها وهى بتفكر فيه وكونه يتبرع بكليته لصديقه فهو انسان عظيم أنفتح باب شقته أنتفضت وحست بأحراج لانها كانت سرحانه فى بابه قال وهو بيمدلها كارت :ده كارت فيه عنوان المركز ونصيحه منى أدخلى نامى بسرعه
************