17-05-15, 04:34 PM
| #676 | ||||
| نجم روايتي وكاتبة في قسم قصص من وحي الأعضاء 
|  اصدقائى البارت المشاركة القادمة باذن الله شكرا لمن انتظرنى وشكرا لكل من دخل لروايتى وترك تعليقاً او حتى ضغط اعجاب يارب اكون عند حسن ظنكم ويكون البارت القادم يستحق انتظاركم | ||||
|  |
|
17-05-15, 04:35 PM
| #677 | ||||
| نجم روايتي وكاتبة في قسم قصص من وحي الأعضاء
| البارت الثامن والعشرون .................................. اقترب بكرسيه منها ومد يده واحتضن كفه كفها الرقيق نظرت ليده التى تحتضن يدها وتنهدت وسحبت كفها من كفه وعقدت ذراعيها امام صدرها عقد حاجبيه وقال بضيق من نفسه :اسف نظرت اليه بعينين حزينتين وقالت بثقة شديده ساخرة وبصوت لا يسمعه غيره:اسف على ايه على كلمه ارمله ولا على امنيتك انى اكون ارمله مره ثانيه ؟.....انت ما قلتش حاجه غلط ايوه انا كنت ارمله ..ارمله كثير قبلك حاولوا يرتبطوا بيها وانا رفضتهم وانت لما اتقدمت لى كنت عارف انى ارملة لواحد عمره ما جرحنى ولا زعلنى وانت من دلوقتى وقبل الجواز بدأت تتفنن ازاى تجرح فيا بالرغم من انك بتقول انى انفاسك وانك ما تقدرش تعيش من غيرى ...وانا اللى اعرفه ان الـ بيحب حد عمره ما يجرحه ولا يفكر يكون سبب حزنه. قال بسخريه :اجرحك وانتى اللى عملتيه معايه كان ايه انفاس وهى تنظر له بحزن :انا معملتش معاك حاجه ولا حتى جرحتك انت اللى رافض تسمعنى قال بحده جعلت من حولهم يلتفتون اليهم :اسمعك فى ايه قولى نظرت اليه بضيق وقامت وتركته . ظل احمد مكانه محاولاً السيطرة على اعصابه وهو يكور قبضته حتى ابيضت مفاصل يده نظر والد انفاس اليه متسائلاً :فى حاجه يا احمد مالها انفاس ؟ رفع احمد عينه له وقبل ان يجيب تدخل الجد بحكمه وهو يبتسم ليخفف التوتر:بيتدلعوا على بعض انت عارف المخطوبين وعمايلهم. قامت فيفى واسرعت خلف صديقتها التى ذهبت لغرفه فيفى طرقت الباب ودخلت الغرفة واغلقت الباب خلفها وجدتها جالسه على طرف الفراش تخفى وجهها بيدها ...اقتربت منها فيفى وجلست بجوارها وقالت :معلش يانونا انا مش عارفه ماله من بعد الحادثه وهو متغير حتى الكلام بقى قليل وعصبى زياده على عصبيته ..غير التعب اللى هو فيه زايده توتر عارفه امبارح مانامش ؟ سالتها باهتمام متناسيه ماحدث منه :ليه ؟ فيفى بضيق :من التعب و الالم... واردفت بغيظ:لا والاستاذ عايز يتجوز ازاى معرفش اشارت انفاس باصبعها على راس صديقتها:انا مش فهمتك قبل كده ...ليه عايز يتجوز ....عشان محتاج حد يساعده ويكون معاه وما فيش اقرب له من مراته بس انتى مش راضيه تفهمى . فيفى وهى تغمز :والله انتى اللى مش راضيه تفهمينى ؟ انفاس وهى تضرب كف بكف :شوف البنت دماغها فى ايه انا احسن اقوم اساعد ماما ساميه. فيفى وهى تمسك ذراع فيفى لتمنعها من القيام :يا بنتى اسمعينى وسيبك من الاكل . سمعت والدتها وهى تقول يا بنات الاكل جاهز تعالوا قامت وتركت يد انفاس وقالت :الاكل يا نونا يلا ضحكت انفاس وخرجا من الغرفه معا ............................. كانت جالسه بجواره على المائده وحانت منها التفاته لاحظت انه لايأكل وان الجميع منشغل بالاكل والحديث وهو فقط يتحدث او يبتسم نظرت لطبقه وجدته فارغاً كانت قد قررت ان تتجاهله ولكن شيئاً بداخلها اجبرها على الشعور بالعطف نحوه وضعت فى طبقها الطعام وبدات تقطعه قطع صغيره وبهدوء مدت يدها و اخذت طبقه الفارغ ووضعت طبقها امامه واخذت تضع فى طبقه الفارغ الطعام وبدات تاكل دون ان تنبس بحرف. ابتسم على تصرفها رغم ضيقها منه الا انها نحت ضيقها جانبا لتساعده بدأ ياكل بيده اليسرى ببطء ذلك للالم الذى ينتابه عند تحريكها انهى الجميع طعامهم وظل الاثنين فقط على مائدة الطعام كانت تدّعى انها تاكل ولكنها انهت طعامها من فتره ولكنها ظلت جالسه لكى تبقى معه وتساعده دون ان يشعر احمد وهو يمسح يده وفمه بالمنشفه:قومى خلاص انا شبعت نظرت لطبقه وشعرت براحه انه انهى طعامه انفاس وهى تشرب العصير بهدوء ردت وهى تدعى اللامبالاه :انت حر شبعت انا قاعده بشرب عصير . احمد:طيب لو سمحتى ممكن كبايه عصير وضعت كوبها واخذت كوباً آخر وسكبت له من العصير التفتت لتعطيه الكوب فوجدته يشرب من كوبها فوجئت من تصرفه ابتسم وقال :اشربى اللى معاكى ...انا هاشرب ده طعمه الذ. انفاس باندهاش :طعمهم واحد على فكرة مفيش فرق !!!! احمد وهو يهز راسه وقال بهمس :لا فى فرق ...وفرق كبير..... ده اللى معايه لمس شفايفك وبقى طعمه عسل .. ومد يده السليمة ليجذبها نحوه بلطف حتى التصقت به ...وهمس بحرارة تحبى تدوقى ولا ادوق انا من مصدر العسل نفسه ؟؟ شعرت بخجل شديد من تصرفه واحمرت وجنتاها من الخجل وقالت :انا ...انا هاقوم اغسل ايدى واسرعت بالابتعاد عنه وهو يضحك على رد فعلها دخلت الحمام واغلقت الباب ووضعت يديها على وجنتيها :ايه اللى بيقولو ده ..ده انت الـ عسل وحركت يدها تحرك الهواء امام وجهها واخذت نفس عميق لتهدىء دقات قلبها الصاخبة ................... فى المساء : ورجعت البيت ياسيدى وانا معرفش على اللى نوياه ولقيتها عازمه صحبتها وبنتها عشان اشوف البنت احمد بااهتمام :دى بتحطك قدام الامر الواقع عبدالله:لا وايه واشتغلت تقولى مميزات العروسه الطويله والاولاد يطلعوا اطوالهم حلوه مش قصيرين احمد:دى بتقصد خديجه رسمى على ما اظن صحيح. عبدالله وهو يتنهد:ايوه يا احمد . احمدبتساؤل:وانت عملت ايه ؟ عبدالله وهو يعتدل:اتكلمت معاها بس معجبهاش كلامى واتعصبت رحت سمعت نصيحتك وقلبت الكلام وجريت ناعم معاها لحد ماهديت ...بس المشكله دلوقتى يااحمد ماما رافضه خديجه رفض بات انا مش عارف اعمل ايه ؟ أحمد متسائلا:انت ماكلمتش هنّا تساعدك ؟ عبدالله وهو يحك ذقنه :كلمتها ..وكلمت ماما واخدتها معاها فى الكشف وقعدت تشكر فيها بس على مين احمد بتفكير:متصورتش تكون لولا عنيده كده وصمت يفكر قليلا:عبدالله ايه رايك تخليهم يقعدو مع بعض؟ عبدالله بتوتر:لا لا طلع الفكره من دماغك احمد:عشان تتعرف عليها عبدالله:احمد ماما لو قعدت مع خديجه هتدمر نفسيه خديجه وممكن خديجه تقدم استقالتها وتقعد فى البيت انت متعرفش ليلى ضحك احمد قائلاً :ولا يهمك ساعتها توديها عند انفاس تعالجها وتبقى زى الفل ...مراتى دكتوره شاطره : شاطره اشار على راسه:عليه العوض فى دماغك انا قلت انت محتاج اشعه اشوف ايه حصل فى مخك احمد وهو يضحك:هههههههه مخى متكلف ضحك عبدالله :انت هتقولى سمعا طرقاً على الباب احمد:ادخل نظر لهم من فتحة الباب وهو يبتسم وقال :والله ماانتم قايمين اقترب منهم وصافحهم وسأله عبدالله:انت فين ياحازم؟ حازم وهو يجلس بجوار عبدالله:مشغول والله ..... النهارده قلت لازم افضى نفسى ...ده انا طلعت من الشغل عليكم..... والتفت لاحمد قائلاً بدون تصديق :ايه اللى سمعته ده؟ احمد بدهشه:سمعت ايه ؟ حازم:عبدالله قال لى انك هتتجوز يوم الخميس صحيح الكلام ده ؟ احمد :ايوه صحيح ..وقبل ماتقول الكلام اللى قاله عبدالله انا اقولك ليه هاتجوز ... ................................ فيفى :خليكى شوية يا نونا انفاس:انا معاكى من الصبح خلينى اروح وانام. فيفى وهى تغمز لها:نامى هنا اللى هنا احسن من المخده اللى عندك اسمعى كلامى. ضحكت انفاس:مفيش فايده فيكى النهارده فيفى وهى تضحك"مش هتسلمى على صاحب المخده ؟ انفاس:ما ينفعش طبعاً. فيفى متسائله:ليه؟ انفاس وهى تحمل حقيبتها:لو دخلت الاوضه ومعاه اصحابه يعملها مشكله وغير كده مايصحش . فيفى وهى تضحك:اموت فى الحمش يا ناس . ضحكت انفاس وقالت:فيفى انا عملت عصير لاحمد ما تنسيش تشّربى احمد منه ...واشارت لها وابتعدت . ........................ حسن وهو يكلم اخاه:الله يتمم بخير الحمدلله انه قام بالسلامه وحبيبة قلبى عامله ايه؟؟ ...ضحك هاتها ....لا والله زعلان ما فيش عمى حبيبى ..الله يسامحه احمد اخدك مننا كان يستمع الى والده بضيق ويقول فى نفسه "وانا اللى قلت هيروح فيها طلع الاخ بسبع ارواح ...اااااه كان نفسى يتوجع قلبها حنان شعرت بما يفكر فيه ابنها:يابنى اللى يبيعك بيعه ..شوف اللى بتحبك وخدها ... واكملت بهمس: ده انت تحمد ربنا انك ما اخدتهاش دى وشها وحش على اللى بترتبط بيهم آيه:استغفر الله العظيم ياماما ماتقوليش كده نظرت لها بحده:قومى يابت من جنبى احسن لك قامت آيه بعناد:بس اللى بتقوليه ده حرام وانا خلصت ذمتى امسكت الوساده وقذقتها عليها اسرعت آيه لتحتمى فى والدها رن هاتف حسام وابتعد عنهم وقال بهمس :ازيك يا حببتى عامله ايه وجلس وقال بصوت كله اغواء:غاده انا بحبك والدليل انى كلمت ماما عليكى وقلت لها انى بحب واحده اتعرفت عليها فى النت ... واضاف حسام بكذب :بس انا عايز اشوفك عايز اشوف الانسانه اللى شغلت تفكيرى وشغلت قلبى ..اللى هتكون مراتى قريب جدااا...... لا يا حببتى ده اكيد طبعا ... ايه رايك اقابلك بكره وماتقلقيش ماما هتكون معايا عشان نفسها تشوفك ..ايوه ..استناكى فى ......... واعطاه اسم المكان الذى سوف يقابلها فيه انهى حديثه والقى هاتفه بجواره باهمال واغمض عينيه : وانا اقول ليه انفاس رافضه انها ترتبط بيك وفضلت واحد غريب عليك اكيد عرفت انك ملكش امان تفاجأ حسام من وجود ابيه وقال محاولاً التبرير:يا بابا اسمعنى حسن بغضب:اسمع ايه بعد اللى سمعته قولى رايح تتعرف على بنات الناس وتكدب عليهم!!!!!! اقتربت حنان وقالت:فى ايه يا حسن بتزعق ليه؟ التفت لها وقال بصوت مرتفع :اسئلك سؤال وعايز الاجابه بدون لف ولا دوران وكدب هزت راسها بخوف:اسأل يا حسن حسن وهو فى قمة انفعاله" ابنك كلمك على وحده اسمها غاده عايز يرتبط بيها؟ نظرت لابنها وقالت :مين غاده دى يا حسام تعرفها من فين؟ حسام بضيق:انا حر فى حياتى اختار اللى يناسبنى. حسن وهو ينظر له بشك و قال بهدوء::كلامك صحيح انت تختار اللى يناسبك هات عنوان حبيبه القلب عشان نخطبها لك حسام باعتراض:بس انا مش عايز اخطبها مش دى اللى اتجوزها ايه الـ ضمنى مشيت مع مين قبلى؟؟ الاب بغضب:بتوعدها ليه انك هتتجوزها ؟؟؟ ..طالما انت مش قد الوعد؟؟؟؟ توعد بنات الناس لييييييه ؟؟؟؟؟؟ انت ولا غيرك والغريب انك بكل بجاحه لما تيجى تتجوز تدور على واحده عمرها ماعرفت قبلك!!!!! ياااااااااااااه انا ماتخيلتش ان البيه ابنى اللى ربيته احسن تربيه يكون كده يا بنى انت مش شايف سنك كام الايام بتجرى بيك وانت بتتعامل مع حياتك بالطريقة دى !!!!!!!....ياخيبه املى فيك حسام بضيق:بابا انت مكبر الموضوع كل اصحابى مصاحبين وغير اصحابى كثير ولاد وبنات واردف :حتى الافلام والمسلسلات اللى بتتكلم عن حياتنا بيجيبوا كده يعنى عادى رد حسن قائلاً وهو يحاول السيطرة على اعصابه :سؤال يابنى اصحابك بيشربوا؟؟ هز راسه نفياً:لا طبعا حرام. حسن يكمل بسخريه:حرام ليه ما هى الافلام والمسلسلات الـ بتقول عليها بتتكلم عن حياتنا فيها شرب !!!! حسام:الشرب حرام...... وبيوصل للزنا اعوذ بالله حسن وهو يتنهد:و الصحوبيه كده بتوصل للزنا ..اضرب لك مثل بسيط انت مثلاً بتحب واحده وبديت تقابلها فى الاول بتمسك ايدها وبعد فتره تزيد مقابلاتكم وتاخدوا على بعض والحواجز اللى بينكم بتروح وفى ساعه الشيطان يسيطر عليكم وتقعوا فى المحظور ..... فى يابنى وصية جميلة قالوها الـ قبلنا " لاتتلاعب بفتاة انحنى ظهر ابيها لتصل الى ماهي عليه فتهدم مابناه فسيكون لك بناءيهدمه احدهم يوما" صمت يفكر ولم يجب واكمل حسن:حسام ماتخليش الشيطان يزين لك الذنب اللى بتعمله ويقولك المجتمع و اصحابك لا.... فى ناس كثير جدا مش كده . اقترب منه ونظر لعينيه :انت دلوقتى مش عاجبك كلامى ..بس لو قعدت مع نفسك هتلاقى ان نفسك من جوه رافضه اللى بتعمله ده ولو بقيت مبسوط ساعه معاها باقى الوقت هتبقى مخنوق ومتضايق وتقول فى نفسك انا متضايق ليه ؟؟؟ لان نفسك مش راضيه على الـ انت بتعمله فيها يا ابنى اتقى الله عشان ربنا يديك بنت الحلال اللى تتقى الله فيك لان الظلم ظلمات . ابتعد والده عنه ونظرت له والدته وقالت بحزن:يارب اللى بتعمله فى بنات الناس مايترد فى بنتى نظر لها غير مصدق ما قالت واتجه لغرفته وهو يشعر باختناق وضيق شديد من كل شى ......................... فى اليوم التالى قررت ان تذهب للعياده ذلك لانها انشغلت عنها الفتره الماضيه بحادث احمد دخلت مكتبها وجلست خلف المكتب وشعرت براحه اغمضت عينيها لقد قررت اليوم ان تعطيه اجازه منها لن تذهب له اليوم او تتحدث معه فى الهاتف سوف تتركه اليوم لترتب افكارها ..نظرت الى ساعتها وقالت: "من امبارح بالليل ماسمعتش صوته ..يعنى هاكمل 24ساعه لا شفته ولا سمعت صوته" وضعت يدها تحت ذقنها واطلقت تنهيده:واحشنى اوى...... هزت رأسها لتطرد هذا الشعور بالاشتياق له "لا يانونا اثبتى ماتفكريش فيه ..انتى جيتى العياده عشان تشغلى نفسك يلا طلعيه من دماغك " ابتسمت بسخريه:اطلع مين ده خلاص احتل روحى وعقلى لو طلع روحى تطلع معاه. . رن هاتفها ونظرت غير مصدقه "احمد" لا لا مش هارد انا قررت النهارده ما اردش عليه ...وانا عارفه لو رديت عليه هيستلمنى بكلامه اللى بيجرح احسن حاجه ما اردش عليه ...ايوه ده حل جميل امسكت الهاتف وجعلته صامت وضغطت الجرس لنبيله دخلت نبيله وهى تحمل فنجان القهوه ...ووضعت الفنجان امامها وقالت:مدام منى منتظره برة انفاس وهى ترتشف فنجان القهوه :هاشرب فنجان القهوه ودخليها دقائق ودخلت امرأة فى اوائل الاربعين من عمرها على قدر كبير من الجمال والاناقة... ولكن مالفت انتباه انفاس انها ترتدى نظاره شمس كبيره تخفى معالم وجهها وجلست ولم تخلعها قالت انفاس:اهلا مدام منى منى :اهلا بيكى وعم صمت عده دقائق قطعته وهى تنظر حولها:حلو مكتبك ديكوره هادى انفاس وهى تبتسم:بفكر اغيره منى وهى تتنهد :التغيير مش على طول بيكون احسن ممكن الديكور ده يريح اعصابك ومايتعبكيش عكس الجديد صمتت انفاس وتركتها تتحدث منى وهى تنظر لاصابعها:انا سمعت عنك وصاحبتى كانت بتيجى عندك من سنه.... ومن شهرين طلعت عمره ولما رجعت قالت لى انها دعت لك كثير جداا لانك ساعدتيها فى حياتها ابتسمت انفاس :الله يكرمها منى وهى تنظر لانفاس:انا محتاجه انك تساعدينى انفاس بهدوء:ان شاء الله ربنا يقدرنى اتفضلى اتكلمى انا سامعاكى منى وهى تتنهد بالم:انا متجوزه من 14سنه بس قبل ما اتجوز اتخطبت لواحد كان بيحبنى اوى وكان بيشتغل محاسب وكان مش حارمنى من اى حاجه وكنت وقتها باشتغل فى مكتب محامى وكان فيه واحد بيشتغل معايا كان ذكى جدا ووسيم جداً ....وبس يتكلم تنجذبى لطريقة كلامه واسلوبه وكنت ملاحظه اهتمامه ونظرته ليا بس كنت بعمل نفسى مش واخده بالى وفى يوم جانى اتصال منه وانا فى البيت كان عايز يسألنى على قضيه واستغربت فى الاول ان القضيه دى ملفها معاه هو مش انا وبعد ماقلت انه مش معايا اعتذر وقالى انه دماغه مشغوله .. وسكت وقالى ممكن احكى معاكى اصلى مخنوق ..كان الفضول هيقتلنى عشان اعرف ماله وبدأ يتكلم والوقت اخدنا ...واتكررت اتصالاته لدرجه خطيبى بقى كل مايتصل يلاقى التليفون مشغول وبديت اتغير علي خطيبى وكل مايحاول يرضينى اتغير وادلع ده لانى بقيت بكل عقلى وقلبى مع التانى وفى يوم جه خطيبى المكتب وشافنى واقفه مع عماد وباضحك وواخده راحتى فى الكلام معاه راح بص لى نظره غريبه وقالى :واضح ان المكتب اخدك منى وابتدت المشاكل بينى وبين شريف خطيبى والغريب انى كنت بعمل المشاكل واتلكك على اى حاجه مره على الشقه ومره على العفش وبديت اتخنق منه وابعد عشان اعيش حياتى مع اللى بحبه وفى اقل من شهر تم انفصالى عن شريف وطلبت انه يجى ياخد حاجته وجه وبص للشبكه وقالى :خليها عندك لانك هتحتاجيها فى يوم قلت بغرور:واحتاجها ليه شايفنى ايه ؟ شريف :شايفك غبيه بتبدلى الذهب بالتراب اناعارف اللى بينك وبين عماد بس انا عايز اقولك اوعى تتخيلى انك هتعيشى سعيده معاه لانه كداب زفه وبتاع كلام قلت بعصبيه:لو سمحت ما اسمحلكش تقول عليه كده شريف بضيق:تسمحى ولا ما تسمحيش انا اتكلم على راحتى وترك علبه الشبكه على الطاوله وقال :الظلم ظلمات يا منى وبكره تشوفى وعدت الايام واتخطبت لعماد بس كانت خطوبه بسيطه عكس خطوبتى على شريف وتعلقت بيه وحبيته بشكل انى مابقتش افكر فى اى حاجه وطولت خطوبتنا واهلى كل مايسالوه فين الشقه يقول بابا عنده شقه مأجرها وكلها شهرين ويطلعوا اللى فيها وناخدها وفى يوم قالى انا جات لى شغلانه فى بلد عربى وهناك متوفر لى شقه ايه رايك نتجوز ونسافر على طول ولما نرجع نأسس الشقه وافقت واقنعت اهلى اللى كانوا معترضين وتم الجواز بشكل بسيط لابعد ماتتخيلى وسافرنا البلد العربى و هناك مالحقناش نقعد عمل مشاكل مع الكفيل قلت له معلش استحمل علشان نجيب حق شقه او حتى لحد المستأجر ما يسيب الشقه بتاعة والدك اقترب منى وقالى باسلوبه المعسول : حبيبتى سامحينى انا عملت كده عشان خفت تضيعى منى سالته بقلق:يعنى ايه؟ عماد :انا معنديش شقه ولا فى مستاجر رديت عليه وانا حاسة الدنيا بتضلم فى وشى يعنى بتكدب عليا. وانفعلت وزحته من قدامى وعليت صوتى عليه ....لقيته انفعل واتعصب عليا بشكل فظيع وضربنى وكانت دى اول مره حد يمد ايده عليا..... وبكيت وقررت انفصل بس اكتشفت انى حامل فى شهرين ومش عارفه اعمل ايه انفصل عشان الناس تاكل وشى ويقولوا انى السبب وان ده اختيارى الـ صممت عليه ولا افضل معاه والغريب انى كنت بحبه يعنى ما اقدرش ابعد عنه وفضلت فتره متضايقه منه لحد ما اعتذرلى وفضل يبكى ويحلف لى قد ايه هو بيحبنى وحلف انه مايكررها بس كان كداب لانه بدأ يمد ايده عليا باستمرار كل ماينفعل ابتلعت ريقها واكملت :عدت خمس شهور علينا وبسبب مشاكله وعصبيته فى الشغل راح الكفيل طرده فرجعنا مصر واحنا لا عندنا شقة ولا عفش حتى ولما رجعنا الكل مستغرب ايه اللى رجعنا كده قبل مايتم سنه ولما رجعنا عدت عليا فتره مايعلم بيها اللى ربنا متنقلين مابين بيت اهله وبيت اهلى وكنت بشوف اسوء معامله فى بيت اهله منه ومن اهله لدرجه توصل للضرب واهله يحجزوا بينا ولقيت نفسى فى يوم باقلع دهبى علشان نصرف بيه على نفسنا وفى يوم كنت بدور على خاتم ليا فى درج مكتبى فى بيت اهلى لقيت شبكه شريف اول ماشفتها بكيت اوى وعرفت انه ده ذنب شريف واخدتها واديتها له علشان يبيعها وبفلوسها دفعنا مقدم لايجار شقة بعد ما لقيناها بمساعدة اهلى واهله وقلت خلاص الامور هتستقر ..وعشنا فى الشقه وهو الحمد لله لقى شغل وخلفت ابنى هادى وجبت وراها هاديه وكبروا اولادى وقررت اشتغل واشتغلت ونجحت فى شغلى بس هو زى ماهو فى طبعه ونزعت النظاره ورايت اثار كدمات على وجهها منى وهى تغالب دموعها :انا تعبت الحب اللى جوايا خلاص راح انا عايشه عشان اولادى وانخرطت فى بكاء شديد وتركتها انفاس الى ان هدات انفاس:انا هاسالك يا منى بعد ماضربك مره واتنين مطلبتيش الطلاق ليه؟؟؟؟ مبعدتيش عنه ليه ؟؟؟؟ ولما عرفتى انه كداب وبيكدب فى حاجات مش المفروض يكدب فيها لان دى حياتك ماطلبتيش تنفصلى ليه ؟؟؟ متقوليش حب لان الحب عمره ما يستمر طول مافى اهانه وضرب نظرت لها انفاس:انا ما اظنش انك جايه تكلمينى عشان موضوع الضرب وكدبه ...فى حاجه ناقصه انتى ما قلتيهاش .......تحبى اقولها لك ؟؟؟؟؟ نظرت اليها منى بانكسار اردفت انفاس بثقه :جوزك عمل فيكى زى ماعملتى فى شريف صح كلامى؟؟؟ نظرت منى لها والدموع تملىء عينيها:ايوه بيعرف واحده بتشتغل معاها فى المكتب وشفتهم مع بعض .. انا مش عارفه اعمل ايه استمر ولا انفصل انا مش عارفه . انفاس بهدوء:عارفه يامنى رغم عمايله كلها وكدبه وضربه الا انتى بتحبيه وعايزه تحمى بيتك وده انا مش ضدك فيه العكس احمى بيتك بس انا هاسالك سؤال ومش عايزه اجابته منك دلوقتى .. عماد لسه بيحبك وعايز حياتك معاه تستمر ؟؟؟؟ والاهم من كده انت متخيله عماد ممكن يتغير ؟؟؟ صمتت ولم تجب انفاس بهدوء :زى ماقلت لك مش عايزه اجابه دلوقتى بس اسمعينى كويس هو بيكلمك دلوقتى؟؟؟ سالتها هذا السؤال بسبب اثار الضرب التى على وجهها اجابت :هو امبارح حاول يصالحنى بس انا رفضت ابتسمت :جميل جداا هو متخيل زى كل مره يضربك ويصالحك بكلمتين وهاتسامحيه . بس المره دى تختلف لانك جيتى هنا لانك عايزة تغيرى الواقع الحالى الى انتى عايشاه ولانك مش راضيه عن حياتك بالشكل ده ولان ولادك كبروا ومش المفروض المهازل دى تحصل قدامهم هزت منى رأسها وهى تستزيد انفاس ان تكمل كلامها انفاس :المره دى تجاهليه جداا وحاولى مايمسكش عليكى غلطه لانه حاليا بيتلكك لك ارجعى البيت وشوفى اكثر حاجه بيعمل عليها مشكله وابعدى هنها يعنى ماتسبيش ثغرة يعمل لك عليها مشكله وخلى البيت مترتب وحاجاته مرتبه ونظيفه واهتمى بنفسك علشانك مش علشانه واضحكى عادى ولو جه يكلمك ردى على قد الكلام وحسسيه انك بترتاحى لعدم وجوده فى البيت ...يعنى مثلا لو لقيتيه قاعد فى البيت وقت نزوله المكتب تساليه بهدوء "انت مش نازل رايح المكتب" بس باسلوب انك قاعد على قلبى ريحنى منك شويه الفترة دى عرفيه انك اتغيرتى مش منى اللى تقبل الاهانه وتسكت زى زمان فهمتى؟ واوعى تخافى اعملى كل حاجه وانتى واثقه فى نفسك وحسسيه انه مش فارق معاكى وحسسيه من تصرفاتك ان الحب الى فى قلبك ناحيته انتهى ....لان عماد ما استقواش عليكى الا لانه عارف قد ايه انتى بتحبيه ومهما عمل فيكى مش هتسيبيه ... صمتت انفاس قليلاً واردفت :جوزك من الناس الـ مش بيعرفوا يسيطروا على غضبهم وهو بالطريقة دى محتاج علاج نفسى ويحضر دورات اسمها "دورات للسيطرة على الغضب" هنبقى نتكلم عن الموضوع ده بعدين لانه يتوقف على كيفية تعامله مع اسلوبك الجديد معاه هزت راسها وقالت:حاضر يا دكتوره انفاس بهدوء: هاستناكى بعد يومين لان الـ زى جوزك مش هيستحمل الاسلوب الجديد معاه اكتر من يومين وتطمنينى وتقوليلى حصل ايه شكرتها منى وانصرفت وتنهدت انفاس بضيق"يعنى استحملت كدبك واهانتك لها وتجازيها فى الاخر بالشكل ده !!!!!!!!!!!!!!!!! " تنهدت مرة اخرى ونظرت للهاتف وفتحت الصور وابتسمت كانت صورته فى المزرعه وهو يتحدث فى الهاتف قال بحب :يارب يتم شفاك وتقوم بالسلامه يا قلبى. ............................. سالته زوجته متعجبه:هو عمل حادثه ؟ ونظرت لزوجها وهو صامت :حسين مقلتش ليه ان ابنك عمل حادث عشان نروح له؟ لم يجب عليها وظل صامتاً ياسر وهو ينظر لخاله:خالى هتحضر فرحه ولا .....؟ نجوى بدهشه:هو هيتجوز؟؟ شهد :لما يفوق من الغيبوبه اللى دخل فيها عارفه من يوم ما خطبها وشها نحس عليه نجوى بفضول :ليه عملت ايه ؟ ياسر بضيق من اخته:ما عملتش حاجه دى مسابتهوش لحظة وقعدت معاه لحد مافاق شهد وهى تنظر له :هو فاق؟؟؟ وليه ما قلتش ...وياترى سأل عليا لما فاق ..اكيد سال وطبعا انكروا وجودى اااااه انا عارفاهم ...انا لازم اشوفه . نظر اليها ياسر بتعجب وبيأس شديد من حالتها :لحظه ....تشوفى مين؟؟؟ ومين انكر وجودك يا شهد يا شعلة الذكاء ....احمد لما زرته مسألش على حد خالص ولاجاب حتى سيرتك.. وبلغنى ان فرحه يوم الخميس حسين بضيق:فرح!!!! . فرح ايه اللى يعمله وهو متكسر ؟؟؟ولا خليه الناس تضحك عليه ياسر بسخريه : واضح انك مهتم بيه وخايف عليه . شهد بدون تفكير وبغباءها المعتاد:خالى مش ممكن يهتم باى شىء يخص احمد مش بيهتم غير بفلوسه هههههههههه نظر لها بحده فتكلمت كريمه بسرعة لتغير الحديث:نجوى اخبار مامتك ايه ؟ ردت نجوى بعجرفه :والله عايزه تعرفى اخبار مامتى تعالى زوريها البيت مابعدش عنك. كريمه بضيق:واروح لها فين بقى؟؟؟ شهد بمكر:فى الشقه الجديده ياماما نجوى وهى تحرك يدها:شقه ايه يا حبيبتى ؟؟ كريمه وهى تضحك بخبث :مش وقته الكلام ده يا شهد بعدين . حسين بحده:وبعدين معاكم كل مره تمسكوا فى بعض كريمه بغضب:وانت مش شايف مراتك وقله ذوقها حسين باستفزاز:هى ماقالتش حاجه غلط يا كريمه انتى اللى غلطانه كريمه وهى تشتعل من الغضب وترد بانفعال :انت جرالك ايه ؟؟؟؟مالك كده بقيت خيخه كده ليييييييه؟؟؟؟ الله يرحمك يامها يالى ماشفت منك غير الادب والاحترام نجوى وهى تمثل البكاء:شايف اختك بتعمل ايه بتتمنالى اموت والله ماانا قعده لحظه هنا امسكت ابنها واسرعت مغادره حسين :استنى يا نجوى ياحبيبتى ماتزعليش امسحيها فيا كريمه وهى تتوعد لها : طيب يا نجوى ادبك عندى والا مافضحتك على موضوع الشقه ده ما اكونش كريمه ونظرت لابنتها:شهد عايزكى لما تروحى لمريم صحبتك اساليها لو فى شقق فى العماره للبيع وحاولى تعرفى هى بتروح لمين اكيد واخده شقه لامها من فلوس اخويا وهو ولا حاسس..... واسالى كمان البواب هزت راسها وردت بحماس :حاضر ياماما ............................... . .................................... فى المستشفى ابتسمت وقالت وهى تدخل المستشفى :سامحينى يا حبيبتى ياقمر تعبتك معايا . قمر وهى ترد بذوق:لا ياطنط بتقولى ايه مش انا زى هنّا؟ ليلى وعيناها تبحث عنه :اكيد طبعا اتجهت الى مكانه فى المستشفى وطرقت الباب عندما سمعت صوته ياذن بالدخول :اتفضل دخلت وقالت وهى تبتسم له :السلام عليكم رفع راسه وقال وهو يرى امه مع ابنة صديقتها وعرف ان والدته بدات الحرب قام من خلف مكتبه ورسم على وجه الهدوء :ماما اهلا وسهلا اتفضلوا جلست الام وقمر وجلس خلف مكتبه وقال :تشربوا ايه ؟ قمر وهى تنظر له :لا شكرا ليلى وهى تنظر لقمر:لا ليه؟ دى اول زياره لينا.... واردفت بقصد ومش هتكون الاخيره اخذ نفس عميق ليكتم غيظه وقال :انتوا جايين تزوروا حد فى المستشفى ؟؟؟ ام عبد الله :لا انا جيت عشان حاسه ان الضغط عندى عالى وقلت تشوفه واتصلت باختك لقيتها مش بترد قلت اكلم منال تقول لقمر تيجى معايا والله يكرمها سابت كل حاجه وجات معايا قام عبد الله واتجه لها وفى يده جهاز قياس الضغط وسالها :انا كنت معاكى النهارده ليه مقولتيش انك تعبانه؟ تنحنحت وقالت :اصلى نسيت نظر لها وامسك يدها وبدأ يقيس الضغط رن هاتف قمر ابتسمت واستاذنت بالخروج عبد الله بضيق :ضغطك زى الفل يا امى وانا عارف انك مش تعبانه ممكن اعرف فى ايه؟ ليلى :جيت اشوفك واقيس الضغط غلط يعنى ؟؟ عبدالله وهو ينظر لعينيها :لا مش غلط تنورى يا حبيبتى فى اى وقت قالت وهى تنظر حولها هى فين قمر؟ عبدالله بعدم اهتمام: جالها تليفون وطلعت ليلى وهى تقوم :طيب ناديها عشان نروح قام وفتح الباب ولم يجدها والتفت لوالدته قائلاً :مش موجوده اسرعت والدته :راحت فين ؟ تحرك وخلفه والدته ورآها واتجه اليها وجدها تقف فى مكان منعزل اقترب منها وسمعها تقول:عبدالرحمن انا مش ممكن افكر فى حد غيرك ولا هاتجوز غيرك ابتعد عنها بهدوء وهو يبتسم واقترب من والدته وسالته :لقيتها ؟ اشار عليها وقال :ايوه هناك بتتكلم ليلى بثقه :اكيد بتكلم مامتها وتلفتت حولها تبحث عنها تريدها ان تراهم معا وتعرف ان التى يقف معه سوف تكون زوجته وليس هى ..ولكن اين هى؟؟؟ سالها:بتدورى على حاجه ؟ اقتربت منهم قمر قبل ان تجيب وقالت :اسفه اتاخرت عليكم واردفت وهى تنظر لليلى :لسه تعبانه ؟ اجابها عبدالله :لا الحمد لله بقت كويسه ..يلا عشان اوصلكم وتقدمهم وخلفه امه وقمر ....................... فى المساء كانت على سجاده الصلاه وصلت قيامها واتجهت الى الفراش لتنام ... احتضنت وسادته واخذت نفس عميق واغمضت عيناها ونامت استيقظت على صوت الهاتف امسكت الهاتف واجابت دون ان تنظر وقالت بصوت ناعس :السلام عليكم لم تسمع صوت عادت وقالت :الووو اجاب بصوت هادىء:انتى نمتى؟ اخترق الصوت قلبها فقامت واعتدلت وازاحت شعرها وقالت بصوتها الناعس :احمد قال فى نفسه"ااااااااااااه اول مره احس ان اسمى جميل كده لا مش اسمى اللى جميل الصوت اللى بيغرد هو الـ جميل.... واغمض عينيه قالت بصوتها الناعس القلق :احمد مالك انت تعبان ؟ "انا مش تعبان انا عاشق فقد قلبه وعقله عندك وبقيت تايه قالت بقلق :حبيبى مالك مش بترد ليه؟؟ اجاب بصوت هادىء عاتب:انفاس فينك انفاس بهمس عذب :معاك هز راسه : من امبارح لا اشوفك ولا اسمع صوتك يا ظالمه؟وتقولى معاك .....ياريت تكونى معايا دلوقتى واريح راسى فى حضنك وانام وانسى تعبى وكل حاجه مضايقانى فى الدنيا ..بس انتى بعيده انفاس بعتب:انا مابعدتش عنك ولا لحظه ..انت اللى بتبعدنى عنك ومابقتش انفاسك اللى بتحبها . احمد وهو يتنهد بحب : مفيش حد تعبنى وجننى وطير النوم من عينى غير انفاسى ................................... انتظرونى البارت القادم | ||||
|
| |
|
17-05-15, 05:12 PM
| #678 | ||||
| نجم روايتي وعبقرية عالم الازياءوفائزة ثالثة بحكاية غلاف وفراشة الروايات المنقولة 
| انا بعد قراءه الفصل جاتللى حاله من الابتسام غريبة أحمد وانفاسه اتنين عسسسسسسل حنام واصحى اعلق براحتى أن شاءالله الفصل جميل | ||||
|
| |
|
17-05-15, 05:54 PM
| #680 | |||||||||||
| نجم روايتي  
| مساء الخير سامراء فصل جميل و انا بشكرك على المشاكل اللى بتطرحيها فى قصتك و باسلوبك الجميل . الرومانسية بين احمد و انفاس بعشقها و معجبة بانفاس لقدرتها على احتواء غضب احمد واضح ان عملها كطبيبة نفسية افادها فى حياتها . والد حسام كأب له دور كبير جداً فى تهذيب ابنه و فى اباء تفرح ان ابنها بيعرف بنات و بتافخروا ان اولادهم مقطعين السمكة بس الاب الايجابى و اللى بيخاف ربنا و ما يرضاش لبنته زى ما يرضاش لبنات الناس ان ينضحك عليها فالاب من النوعية دى بيكون قدوة لابنه و يا ريت كل الناس بتفكر او تتكلم زى والد حسام . اعتقد ان نجوى نهايتها حتكون على ايد كريمة و بنتها شهد و ده من عدل ربنا و على فكرة شهد محتاجة علاج نفسى البنت كذبت الكذبة و صدقتها . فصل رائع سامراء و اشكرك مرة تانية | |||||||||||
|
| |
 |
| أدوات الموضوع | |
| انواع عرض الموضوع | |
|
|
51Likes
.png)
.png)
العرض العادي
