آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
25-03-15, 02:17 AM
| #12 | ||||||||
| مشرفة ،كاتبة ،قاصة وأميرة واحة الأسمر بمنتدى قلوب أحلام وقلم مميز وحي الكلمة وبطلة اتقابلنا فين ؟ ومُحيي عبق روايتي الأصيل- مفكرة وحارسة وكنز السراديب وقاصة هالوين 
|  الروايه شكلها روعه وتستحق المتابعه خصوصا ان مواعيد الفصول متقاربه الاحداث شكلها بتكون دسمه بس ياريت لو تتوضح الاعمار انا متعاطفه مع رمد ما اعتقد انها شريره هي بس وحيده وخسرت دعمها الوحيد وسندها رغض النظر انه شرير الابن ما يقدر الا انه يحب ابوه واكيد ست سنين مده كافيه عشان تتطور الاحقاد وتملا روحها برأيي سياف غلط بنفيها بدون توضيح انه بغرض حمايتها وبنهايه جت ونسفت كل تعبه جوهره من الان شفقانه عليها لاني حاسه ان رمد ناويه تنكد عيشتها سياف قاسي زياده وما يعطي ريق حلو غايضني ولازم يتعلم كيف يتعامل مع الجنس الناعم سواء رمد او جوهره حاتم وزوجته الصوره لم تتضح بعد بس اعتقد ان حاتم له اسبابه يا اما بتخلينا نوقف بصفه او نكرهه ونطالب بنفيه مشكوره لامار للاختيار الرائع وشكرا للكاتبه واتمنا تواصلي وما تقطعيها وشكرا فيتامين سي لدعوه دمتم بصحه وسلامه | ||||||||
|
|
26-03-15, 08:52 AM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
| " تغلّلي ياسيد الغنادير واغليك " - قراءة ممتعة - /5 البارت - تخبطت وهي تسمع طرق خطوات احدهم بدءت بالدوران وهي تمد يدها محاولة معرفة طريقها ، كان يراها تدور وتدور حتى سقطت ارضا ،اخرج زيجارة من جيبة لتجذبها صوت " الولاعة" ببحة صوت غادر احبالها من شدة صراخها: مين ؟ لا رد يجيب سوا صوت الخطوات اصبح اقرب تسارعت انفساها و رائحة الدخان داهمت جيوبها الانفيه ، مد يده ليعبث ب اطراف شعرها لتفزع بالمقابل هي : يا امي مين الله يخلييك ابتسم على نبرة صوتها المتلاشي: اشش اكسبي سلامتك وصوتك لا يعلى ما ان سمعت ثقل صوته الا وجن جنونها ابتعدت وهي تتخبط الى ان اوقفها جدار خلفها قصاف برواق : بتتعبين والوضع عليك ظلمة ، ودك تشوفين ؟ نفتح لك عيونك ياحلوه وبلاش التخبط والظياع هذا : لا لا تقرب مابي اشوف ما ابي خلاص صدع صوت ضحكته بالغرفه وهو يرا خوفها فمزاجه اليوم في اعلى مايمكن، اولا تخطيطه تم بالحرف الواحد ثانيا انثى فاتنه لديه ! مشى مقتربا اليها الى ان اصبح امامها تماما وضع يده بصورة سريعة خلف رأسها ليفك رباطها سقط لتفتح عينيها على صدرٍ عريض ، صداع اصابها من الضوء بعد العتمه لتعاود اغماض عينها بقهر فخلفها جدار وامامها رجل كجدار ايضا ، اخذت نفس لتضع يديها على صدرة وتدفع بكل ما اعطاها الله من قوه ، لم يبتعد سوى كم خطوه! لكن تركها برضاها ايضا وهو يقف امام الطاوله بينما هي اتجهت للباب لتصرخ وهي تضربه طالبة النجده قصاف ببتسامه وهو يملء له كأسا صغير من الشراب المركون امامه: محد حولك كلهم ب امري لم ترد عليه بل استمرت في ضرب الباب والبكاء متأملة بأن احدهم يساعدها بينما بالمقابل كان قصاف يتأملها والكأس بيده الى ان سقطت متعبة ، فاتنة فاتنة جدا يا الله قصاف وهو يضع ساقا على اخرا ببرود: تعالي رفعت رأسه اليه وكأنها تقول " مجنونه عشان اجيك ؟ " ليكمل قصاف ببتسامة زادت جماله اضعاف :تجيني ولا اجيك؟ ترا الليل بيقضي وانتي راعية طويلة سكتت برهه تتأمله لتبصق عليه من بعيد: تفو عليك ياخسيس ترك كأسه ليفز واقفا بصورة سريعة ليسحبها من ذراعها بعنف وهو يسند ظهرها على الباب لتصبح مقابلة له قصاف وهو يحد على اسنانه: شوفي انا رقيق مع جنسك جدا لكن ماشفتيني بالوجه الثاني المعتاد فا اكسبي عافيتك معي لا تغضبيني وتندمين ، انتهى من كلامه ليقبل خدها بشكل سريع ويبتعد خطوتان للخلف وهو يشير لها بكلتا يديه بخبث : بتراضيني الحين وتوريني مهاراتك بينما هي حركت رأسها يمينا وشمال رافضه جميع مايعنيه ليزم شفتيه ويردف: اممم شوفي انا بالي طويل الى الان لكن لاتخلين صبري ينفذ ، ليلتفت للنافذة الكبيرة بعرض الجدار وهو يرا ظلمة ليلها ليكمل وهو يشير للنافذه: شوفي الليل بيقضي وحنا مابدينا زحفت لزاية الجدار وهي تلقي عليه جميع شتائمها: لالالا رجعني للبيتنا شوف لك غيري ياحقيير لتهمس بصوت منخفض الله يخليييك اتى امامها وهو يشير ل اذنه: عيدي وش قلتي ماسمعت لتهمس بخوف : قلت الله يخليك هز رأسه نافيا : لا لا الكلمة اللي قبلها لا رد يسمعه غير شهقاتها المكتومه تجاهل شتيمتها ليردف وهو يعبث بشعرها :بالنسبه للبنات في غيرك كثير وبرضاهم بعد ، سكت قليلا يتأملها بس انا ابيك انتي ياحلوه اخرسته بصفعه على خده لتثير جنون قصاف مسك معصمها بغضب وهو يلويها خلف ظهرها ويده الاخرى تشد على فكها قصاف بصراخ: قلت لك اتقي شري جيناك بالطيب ماستوعبتي نجيك من الاخر احسن ، قبل اذنها لتصرخ باكية اتركني اتركني انا بنت والله بنت بنزل راس ابوي والله قصاف بحده وهو يشير لما حوله : مالك اهل انا اهلك انتي ملكي مثل ماهذا كله ملكي حملها بين يديه ليرميها على سريره وهي بحالة هستيريا . تلفتت وهي تبحث لها عن شيء تضربه له ! لتجد طفاية مركونه على الكمدينا سحبتها بعجل وهي ترميها نحوه ! تفاداها بعجل وهو يثبتها اسفله ليخلع قميصه ترجته بصوت تلاشا ببكائها : الله يخليك الله يخليك ذاب بنبرة صوتها وشكلها الضعيف ليهمس وهو يقبل عنقها: الله لايخليني ان تركتك! حجبت عنها الرؤيا وهو يغلق نور الكمدينا بينما الهواء غزا جسدها ناتج عن رفع ردائها من قبل يدي قصاف وهو يتحسسها لتفقد وعيها تاليا ! - ما ان سمعت صوت الباب يغلق الا وفزت راكضه لدورة المياه تفرغ ما بمعدتها ارهاق اصابها بعدما انتهت لتمسح طرف عينه بكمها عائدة لسريرها ، ترك قبضة الباب وهو يسمع " ترجيعها " ليعقد حاجبيه ويتوجه لغرفة والدته بالاسفل. طل عليها ليجدها تسبح بمسبحتها علي سريرها ما ان رأته الا وصدت وجهها عنه بزعل سياف : مساك الله بالخير يا ام سياف ام سياف : انا ام حاتم ماني ام سياف كتم ضحكته بشبه ابتسامه على شفتيه: انتي ام الجميع يالغاليه ، وين حاتم يسمعتس هذا مناه لا رد اتاه منها ليقترب وهو يقبل رأسها : والله ماتنام عيني وانتي منتي راضية يا ام حاتم لتشهق ام سياف بعبرة : ياعسى عمرك طويل يابو راجح ، ماتعودت احد يناديني ب ام حاتم وياعسى الله يحمي لي حاتم قصاف بحنية وهو يعاود تقبيلها : انتي ام الكل ياعيني وعسانا مانبكيك ليردف: قوليلي وش مزعلك الحين ام سياف بعبرة : سواياك مع بنت مقرن يايبه الله ورسوله قال " اما اليتيم فلا تقهر" سياف بضحكة وهو يتذكر رمد: يايمه هذي تقهر لها بلد ماهو انا اللي اقهرها ام سياف بعتب : ولو بس ماتمد يدك عليها وقدامي بعد؟! والله ماخبرك تمد يدك على حرمة يابو راجح سياف بجديه: يمه الا عيالي الا عيالي خط احمر للكل اقص راسه مو بس اضربه اللي يتعدا لطرف منهم ام سياف: اي يا يمه الضنا غالي خوفك على عيالك مثل خوفي عليكم مايرتاح لي بال لين ماشوفك داخل علي بيتي واشوف حاتم قبالي ، هذا انت بس دعوه من بنت مقرن خلتك تثور قبل ماتفقدهم اجل هي المسيكينة وش تقول فقدت ابوها مقتول واللي حارمها اياه قدامها ، انت تحسب ماحزة بخاطري يومها تشبه عيالك برجالٍ خاينين بلدهم؟ الا والله حزة بخاطري بس بعد هي قلبي مايقوى عليها يومي اشوفها تقل قطعة من قلبي معلقة بها ليردف سياف برواق وهو يتذكرها بلقائها الاول معه : والله انتي المسكينه يا ام سياف ماهي هي ولا هي مثل الحية ليشير ب اصبعه وهو يحركة بشكل دائري تلف وتدور لين تاخذ اللي تبي.! ام سياف بضحك ونغزة: والله اضنها لفت ودارت عليك يابو راجح لين ماجابت راسك انت وشيبك سياف وهو يمرر يدة على شيب شعر رأسه : الشيب من بنت مقرن وابوها ام سياف وعينها بعين سياف: والله تستاهل بنت مقرن من يشيب عشانها لتردف ، قم راضها الله يرضى لي عليك انت بس بتشوف عيونها اللي مثل شيبك قلبك بيلين سياف وهو يقف ببتسامه وهو يتذكر فعلته : راضيتها باللي تحبه يايمه راضيتها - تتصفح الانستقرام وهي بسريرها ليقطع تصفحها اتصال من حاتم لتعطيه رفض وتكمل تصفحها، دقيقه فقط لتصلها رساله منه " مستقويه اني مو عندك اجل " فتحت محادثته لتبحث عن رد له ، لتبتسم وهي تكتب " ذكرني مين انت عشان اتأثر بوجوده او غيابه؟" حاتم وهو يحدث نفسه ويرا رسالتها بيده: اووه والله وقويانه ليكتب لها بخبث: اذكرك مين انا؟ ولا الشوق والحب نساك ؟ تكتب على الكيبورد بقهر: وهم كل اللي عايش فيه وهم لا حب ولاهم يحزنون وبيجي اليوم اللي بتحرر فيه منك عشان ينتهي وهمك حاتم وفكرة انها ليست له اثارت براكين برأسه هو لا يحبها بل اعتاد عليها يعشق ضعفها امامه ترضي غرور رجولته: مالك مفر يا أسيل مالك مفر الا لي انا اسيل بقهر من ثقته : الايام بيننا ياحاتم حاتم بضحك : ماينوخذ بحكيك كله يضيع قدامي تركت هاتفها وهي ترميه بقهر لتغطي رأسها وتنام تعالى صوت قهقهته بجناح الفندق الخالي وهو يرا لا رد لديها، ضعيفه كما عهدها امامه. - الساعة 9:00 صباحا صحت على صوت ضحكات وحديث ضنت انها تحلم لوهلة لكن الاصوات تعالت وكأنهم بجانبها فزت من سريرها لترى من النافذه سبب صخبهم اليوم لترى سياف وام سياف والجوهره تبدوا في مزاج عالي جدا! واسيل بجلالها وشخصا لايتضح منه سوى ظهره لاتعرفه استبعدت انه حاتم بما ان الجوهره بجانبه وتمسح على ظهره واسيل بجلالها اذا راجح ابن سياف ! ابتسمت بخبث لتأخذ روبها وتدخل تستحم خرجت بكسل وهي لا مزاج لهم اليوم فحديث سياف مازال كالسم بداخلها توجهت لشنطها المبعثره وهي كارهه ترتيبها لتلبس لها لقن اسود وبلوفرها الاصفر نايك بحثت عن جوارب تدفئ نفسها بها مع انها انتهت من دورتها اليوم الا ان البرد نخر عظامها وقفت امام المرءاه لتنفش شعرها الغجري اكثر ثم رفعته وهي تلفه على شكل " الكعكة" بدت لها جميله وكبيرة جدا بنوعية شعرها المموج اخذت تعيد رسم حواجبها المرسومه طبيعيا لتكتفي ببلشر وروج لا اكثر التفت لحقيبه اخرى مغلقة لتخرج لها جزمه سبورت ذو لون ابيض ضخمه بدا لها شكلها رياضي جدا ومريح بما انها لاتنوي مقابلتهم ، ستذهب تمشي في المسطحات الكبيرة خلف البيت اخذت جوالها لتبحث عن سماعتها لتضعها ب اذنها لتتذكر انها مع سياف منذ الفندق! تجاهلت ذلك وهي تأخذ لها علبة ماء لتتوجه للاسفل خارجه من الباب الخلفي دون ملاحظتهم - منصور وهو يخاطب سلمان: وش صار ارسلت عزام لقصاف ؟ سلمان بتأكيد : تطمن طال عمرك عزام عنده منصور وهو يشرب من قهوته امامه: الله الله باللي وصيته - نوافير مسطحات خضراء مسبح بجانبه على مايبدو لها جلسة شواء مساحة بالخلف لم تكشفها حتى الان قصرا يشابه قصر والدها كثيرا ، كيف لايشابهه وسياف ووالدي بنفس الثراء استمرت بمشيها الى ان شد انتباهها الواح حديد مركونه بعنايه عرفتها من النظره الاولى كيف لا تعرفها ووالدها مارس عليها اشد العقوبات لتتعلمها مشت الى ان وصلت للألواح لتمرر يديها عليها بسرحان ومخيلتها تعود بها ادراج الماضي مقرن بغضب وحدة: ماينمسك كذا هاتي يدك اعلمك رمد بملل وهي تمسك سلاحها كما يخبرها والدها مقرن بغضب وزيجارته بفمه : واضح؟ يلا بعد الى 3 واشوف تطبيقك رمد بلا مبالاة وهي ترمي لتنطلق رصاصة بعيدة كل البعد عن الهدف ! ليصرخ بها مقرن : حرمان من بطاقة البنك مدة اسبوع ، ليردف باقي لك محاولتين ركزي لتنطلق اخرى منها بغضب من حرمان والدها لها لتصيب الرصاصه جدار الفناء لا الهدف ليصرخ مقرن بحده وهو يشير بيده: اعتبري النت مقطوع عنك اسبوع ، باقي لك محاولة لتصرخ بالمقابله هي وهي ترمي السلاح على الزرع الاخضر: طيب فيني نوم ساحبني من سريري تقول لي تدريب وتبيني اركز ! لتردف بقهر: مالك حق تحرمني من البطاقه والانترنت وانا ماتهيأت لتدريبك ليأتيها مقرن ماشيا الى ان اصبح مقابلها ليخرسها بصفعه على خدها ادارت وجهها: بشري كذا صحصحتي؟ ليردف بحده : باقي لك المحاوله الاخيره نفذيها وكملي لي نومك يا انسه قاطع كلامه صوت الطلقه وهي تصيب الهدف تحديدا رمد وهي تضع السلاح بيد والدها بغضب: وهذي الاخيره نفذناها وراح تلغي لي الحرمان اللي قبل مقرن وهو يدوس الزيجاره بحذائة ليصفق لرمد: برافو اخر طلقه شفعت لك اللي قبلها وبكرا نكمل التدريب صحت على صوت سياف خلفها وهو يمد لها سلاحه على الطاوله: طلعي اللي بداخلك نظرت لسلاحه دون ان تنطق بشيء لتتجاهله عائدة للداخل سياف بصوت عالي يصل لمسامعها: راجح بيطيق لي تدريباته على الاسلحه ب امكانك تجلسين تشوفين وتتعلمين فعلى حسب علمي قدراتك بالحضيض رمد وهي تلتفت له ليجذبها شكله ببنطال بدلته العسكريه وتيشيرت اسود فقط متخلي عن بقية بدلته :خبرك عتيق يابو راجح سياف بمكر قاصدا اغاضتها: تسذوب يابنت مقرن عادت له بغضب وهي تأخذ سلاحه بشكل سريع لتثبت قدميها صحيحا لتبدأ بطلق النار بدقه اصابت الهدف جيدا سياف بشبه ابتسامه وهو يراها تنفس عن غضبها ولأول مرة يراها بالشكل العفوي هذا اغرته بشكلها الطفولي : ممتاز رمد ب انتصار : قلنا لك خبرك عتيق يابو راجح سياف وهو مقبل اليها: لاتغترين واجد ب امكاني اشتت ثباتك هذا كله رمد بغرور وهي تنظر لسلاحه بيدها: ماتقدر، بصفتك مين عشان تشتتني؟ سياف بخبث: راح نعقد اتفاق لو ماشتتك وسددتي الرمي اطلبي اللي تبين ومالك الا السمع والطاعه ولو فزت انا وشتتك طلباتي اوامر يابنت مقرن رمد بغرور لم يهتز : ماعندي مشكله نبدا؟ سياف وهو يقف خلفها مباشرا محاوطا جسدها بذراعيه ليرا اول طلقة اصابت الهدف مباشره ليهمس لها وانفه خلف اذنها: الاولى مرت بسلام كملي الباقي اخذت نفس وهي تعاود ثبات نفسها وهي كارهه قرب سياف بهذا الشكل انطلقت الرصاصه الثانيه بخلل وسياف يقبل عنقها لكنها اصابت الهدف ! ليهمس لها ب استمتاع: كملي اعادت رفع سلاحها محاولة الابتعاد خطوتان عنه لتتفاجأ بيده على صدرها والاخرى اسفل خصرها يشدها نحوه هامسا لها: من دون كسر القواعد ما ان رفعت سلاحها تطلق الا ودفن وجهه سياف بعنقها مقبلها بعنف جاعلا اعصابها ترتخي لتنحني الرصاصة بشكل بعيدٍ عن الهدف ! لترمي السلاح على الزرع امامها متألمه من سياف لتهمس له ويدها على ذراعه المحاوطها محاوله ابعاده عن عنقها:سياف خلاص فكني لا رد سوا انه دفن انفه بشعرها وزاد من معيار مايفعل رمد با ألم ونفاذ صبر : سياف خلاص الله يخليك لارد منه لتغمض عينيها عاقده حاجبيها حتى ينتهي ثواني ليتركها مبتسما وهو يحررها من يده بينما هي بالمقابل وضعت يدها على عنقها ب ألم من فعلته لتهمس بقهر: انت اللي كسرت القواعد مو انا سياف با ابتسامه وهو يمرر لسانه بشكل سريع على شفتيه: الفوز فوز يابنت مقرن لتأتيه مقتربه: هذا كبرك والشيب مالي راسك وانت تخدع وتلعب ابتسم وهو يرا عنقها وشعرها المرفوع اغراه اكثر: الشيب انتي ساسه سكتت وهي تتجاهله لتتذكر سماعتها: على فكرة عطني سماعاتي فوق لعبك سروق ياحيف بس سياف ومزاجه في اعلى مايكون: انسي السماعات، ليردف بجديه لو لا قدر الله واحدا داخل عليك بالفندق وانتي ساهيه لا سمعتي ولا شي وش بتسوين لتقاطعه رمد بقهر: اللي خلاني احمي نفسي سنين من امثالك بالغربه بيخليني احمي نفسي وانا ب ارضي سياف بحدة: وش تقصدين؟ رمد بلا مبالاة : ما اقصد شي علم نفسك ليلفت انتبها سياف ابنه الاصغر متوجه للسلاح ليصرخ سياف : مقرن تعال لي هنا لاتلمسه للتتوجه انظار رمد الى ابنه بصدمه لتعاود النظر لسياف ومازالت الصدمه عليها لتهمس له بتقطع وهي تشير ل ابنه البالغ6 سنوات: مم مقر مقرن ؟ لم ترا من سياف سوا الصمود الذي يثبت لها صحة قوله لتهز رأسها ب انكار وهي تضرب صدره : لا لا لا مستحيل قل انك تكذب علي لتصرخ وهي تضربه على صده: مالك حق ماااالك حق تسميه مقرن يا مجرم حقيير انا اللي اسمي ولدي مقرن مو انت اسم ولدي انا انا مو انت مالك حق سياف مالك حق شدها بيديها ليدفنها بصدره محاولا تهديتها من هستيريتها وهو يمسح على رأسها: اشش هدي رمد وهي تحاول الخلاص منه: بعد عني لا تلمسني قهرتني ب ابوي ياسياف قهرتني ب اسم ضناي انا لتدفعه عنها بشده وهي تدعي بحقد: جعله يطلع على سميه ياسياف على سميه دخلت للداخل مبتعده عنه قبل ان يرتكب بها شيئا كما فعل سابقا بينما سياف قلب الطاوله امامه بغضب وقهر: اعوذ بالله من دعاويك يا رمد اعوذ بالله ليمسح على وجهه متوجها للداخل يصلي ليهدأ صعدت للأعلى بغضب لتصتدم بكتف احدهم بشده جعلتها تترنح ليثب ذراعها هو بالمقابل قبل ان تسقط دفعته دون ان تنطق بشيء حينما عاودت ثباتها لتتجه لغرفتها تاركه من خلفها مسح على وجهه بيده ورائحتها تحاصره تعوذ من الشيطان وهو يسمع نداء والدته الجوهره: راجح راجح - سلم من صلاته ليتذكر موضوع السماعات هو ليس بغبي ليفوته تلميحها اخذ هاتفه ليتصل بمنصور بعد السلام والتحية: ابو عبدالله بسألك خلال السنوات اللي راحت تعرضت بنت مقرن لشي انا ماعندي علم فيه ؟ منصور: والله يابو راجح تقاريرها كانت تجينا من رجالنا اللي ارسلناهم وماصار الا الخير ما ان نطق منصور ب " رجالنا" الا واشتد عرق بجبهة سياف نعم رجالنا هي قالت " امثالك" اي يعني بوضيفته بنفس فئة عمل سياف سياف بحدة وعينه موجهه للنافذه : اجمع لي رجالنا اللي كانو مسؤلين عنها خلال نص ساعه منصور بقلق: يابو راجح الرجال انت بنفسك عطيتهم اجازه شهر بوقت وصول بنت مقرن سياف وهو يضغط على اسنانه : طلع لي اياهم من تحت الارض ياخوك بس جبهم لك بالطيب مابي واحد منهم يشك بشي منصور بحمية : ابشر ماطلبت فز واقفا بعد انتهاء مكالمته ليتأكد من وضع اسلحته بساقه وخصره خرج بعجل لتسأله ام سياف: تعال تقهوى يارجال ما جلست زين معنا اليوم سياف بعجل : ساعه وراجع - منصور وهو يستقبل الشباب الثلاث بعد ان اوصى عليهم بالمجيء منصور: يلا حيهم هذي الساعه المباركة كسبنا شوفتكم الشباب ب اصوات متفاوته : الله يحيك ويبقيك منصور وهو يشير للكنبات: استريحوا لين مايجي ابو راجح فيص وهو يهمس لطلال بجانبه: قلبي ناغزني يارجال طلال بكره وهو يرا حامد بغطرسته جالس: ازهلها ولا تخاف اللي لازم يخاف هالخبل اللي قدامك " قاصدا حامد " ليسكت كلاهما منتظرا سياف 10 دقائق فقط ليدخل سياف بهيبته للمكان وهو يسلم على منصور ليتوجه وهو يسلم على الشباب سياف بحدة : عسى ماخربنا اجازتكم ؟ طلال : بالطلب والعون وتحت امرك ب اي وقت طال عمرك سياف وهو يجلس امامهم: تسلم ماتقصر ليرد حامد بغطرسه وكره لسياف: ان شالله يكون الموضوع يستاهل نقطع اجازتنا حضرة القائد؟ سياف وهو يرفع حاجبه الايسر متأملا حامد : بنشوف الحين اذا الموضوع يستاهل ليردف وهو يضع سلاحه على الطاولة : ابغى تقرير لوضع بنت مقرن خلال السنوات ال 6 الماضيه فيصل بربكة: عطيناك اياه طال عمره لحظة وصولنا سياف بحده موجها حديثه لفيصل: وانا ابغى اسمعه مره ثانيه بالحرف الواحد لارد اتاه منهم ! سياف ببرود تلبسه وهو يتأملهم واحد واحد: نختصر الموضوع احسن ليردف بصوت اعلى غاضب وهو كاره ذكر زوجته بطبيعته كشرقي : بنت مقرن تعرضت لشيء خلال السنوات الماضيه؟ لا رد منهم ! سياف : نغير صيغة السؤال ماعندي مشكله، احد تعرض لها جسديا او معنويا ؟ حامد بنكران : لا ، بنت مقرن وصلتك سالمه غانمه طلال وهو يود رمي حمل تأنيب الضمير عن عاتقه : الا طال عمرك بنت مقرن تعرضت للتحرش خلال اخر 3 سنوات سياف والنار تفور برأسه من هذا الحديث : من قبل مين ؟ وانتم وش وضيفتكم هنااك ؟ حامد وعينه على طلال: التحرش تعرض لها من الشعب وسيطرنا على الوضع بسرعه سياف بشك : وليش انا ماعندي خبر عن هذا حامد: ماحبينا نشغلك والموضوع تم من دون خساير ليلقي طلال القنبله بينهم : كذب، التحرش تعرضت له من قبلنا منصور خرج مباشرا احتراما لسياف بموضوع كهذا وصدمته لاتقل عن سياف بشيء سياف وهو يسحب طلال من ياقته: والله مايردني عن قتلكم انتم الثلاث شي ، انطق باللي تعرفه طلال بحميه: يشهد الله يابو راجح اني مالمستها ولا دخلت بيتها ماصدر لا مني ولا من فيصل خطا غير اني سكت عن فعايل قليل المروه حامد والشيطان شاطر بوقتها وهذاني اقولك اياها الحين عشان ارتاح من التأنيب اللي صابني سياف وهو يدفعه على الجدار ليتوجه هاجما على حامد ليسحبه مقابلا له: الهرج اللي سمعته صدق؟ لارد اناه من حامد سوا ابتسامه اثارت غضب سياف سياف بشبه ابتسامه لحامد: بنشوف من اللي بيضحك الحين ليلتفت عليهم ثلاثتهم : ياحيف والله على اشباه الرجال قال حامين الوطن قال حامد بحقد: تارك لي بنت مثل الورد بالغربه وش تبينا نسوي ؟ سياف وهو يجمع كفه ليلكمه على انفه بغضب: اللي عليك انك تصونها وتحميها يالخسيس لم يترك مجالا للرد وهو يسحب حامد للخارج ليصبحان في منتصف الطابق والموظفين يتأملون بتعجب سياف بهمس لحامد وهو يرميه على الارض : بنشوف من اللي بيضحك الحين زادت ابتسامة حامد لتثير غضب سياف ليسحب سلاحه ويضربه به دون ان يطلق النار حامد بتعب وهو يشعر بفوهة السلاح جرحت رأسه ليرفعه له سياف ويدفعه على الجدار مرة اخرى لينطلق عليه بلكمات حامد وهو يخلص نفسه بصعوبه ليلكم سياف بجهة حاجبة لتسبب له جرحا بسبب خاتم حامد ثارت الفوضى وتعالي الاصوات بالطابق لم يسترجي احدا من قبل با التلفظ على سياف بسبب منصبه فكيف بالضرب ! حامد وهو يهمس لسياف: هنيالك فيها يابو راجح خلتنا نكتب لعيونها قصايد وماسمعتها ثار سياف بدون تردد وهو يسحب سلاحه على رأس حامد ليرمي منصور ما كان بيده راكضا نحو سياف قبل ان يتسبب بقتل حامد منصور وهو يكتف سياف للخلف : قل لا اله الا الله يارجال واتركه ليأمر من في الطابق خذ هالخسيس" قاصدا حامد" نزله تحت لا يطلع لي من هنا ليفضى الطابق من الاغلب والاغلب عاد لعمله ليهمس منصور وهو يترك ذراع سياف بتعب : عز الله انك تربية مقرن ! - انتهى سبحان الله وبحمده سبحان الله العظيم ردردكم وتفاعلكم على راسي من فوق والله شكرا لكل شخص تواجد بالمتصفح وجودكم دعم موعدنا الاثنين بالبارت القادم ان شالله | ||||
|
|
|
26-03-15, 10:51 AM
| #14 | ||||||||
| مراقبة عامة ومشرفة منتدى الروايات المنقولة  
| السلام عليكم ورحمة الله وبركاته تسلم يمينك خيرزان بارت راااائع جدا سياف من كلام منصور لما قال تربية مقرن لسياف أتوقع إنه خدع مقرن بإنه واحد من رجاله وهوجاسوس بينهم حتى يعرف أخباره ويتم القبض عليه قبل كذا اشارة رمد لخداعه وأظن إنها تقصد هذا الشيء ويمكن تزوج رمد قبل قبل ماينكشف أبوها ووصاه عليها قبل مايموت لأنه يعرف أخلاقه وواثق فيه أعتقد علاقته بوالد رمد كانت قويه ويثق فيه لدرجة يعرف أسراره واكيد عارف نوايا رمد والاوكد إنه يحبها لكن ماصرح بحبه لها هوبين حبه لها وبين كرهه لوالدها وتعلقها بالإنتقام لوالدها رمد مثل سياف رغم إعجابها بسياف لكن حقدها عليه ورغبتها في الإنتقام تجعلها تنكر هذا الإعجاب أو الحب وسياف بكلامه وتعامله معها مايشجعها تنسى رغبتها في الإنتقام حامد خاين شين وقوي عين واضح إنه حب رمد وحبها معميه عن الصح ولدرجة أنه ماخاف من سياف واستفزه زياده بكلامه أظن سياف ما إنتهى من عقابه بعد والعقاب بيطول رمد لانها ماخبرته قصاف الله ياخذه من البنت اللي إعتدى عليها هل لها صلة قرابه بسياف أو أي أحد من اعوانه اوتكون بنت احد من اعداء قصاف ام سياف رايتها بيضاء عجبتني في دفاعها عن زوجات اولادها حاتم يحب اسيل لو انكر هذا الحب والمغرور عارف بحبها له وواثق إنها ملك له اتمنى يشعرإنه ممكن يخسرها لازم تبين له أسيل بالقول والفعل إنه ممكن يفقدها واضح إنه يحب المرأه اللي شخصيتها قويه وماهوعاجبه ضعفها منتظرين بقية الاحداث بفارغ الصبر شكرا لامارا على النقل المميز لاخلا ولا عدم منك يارب | ||||||||
|
|
|
27-03-15, 12:30 AM
| #15 | |||||||||
| نجم روايتي وساحرة واحة الأسمر بقلوب أحلام  
| روايه رائعه جدا انا من زمان تعشق الروايات البدويه واتمنى اكون من ماتبعينك وشكل رمد راح تطلع عيون سياف بس مين هي البنت ياتري الى خطفها قصاف هل لها علاقه بسياف او لها علاقه بابو منصور ..... وحاتم وش عنده في المانيا هل هو مريض ولا يريد ان يعرف احد من اهله منتظرينك بشوق للبارت القادم بس متى ينزل والساعه كم | |||||||||
|
|
|
27-03-15, 09:28 AM
| #16 | ||||
| مرحبا عزيزتي يعطيك الف عافيه علي الروايه الجميله والاحداث المشوقه والاسلوب الاكثر من رائع وحبيت شخصيه سياف وقصاف مررره وحبيت اكثر طريقه سردك للتفاصيل اللي تخلينا نستمتع ونتخيل واحنا نقرا وماودنا يخلص البارت😭 اتمني تكملي بنفس الطريقه واسلوبك القصصي الجميل ولا تتاخرين علينا بليز 😢 | ||||
|
|
|
27-03-15, 08:26 PM
| #17 | ||||
| نجم روايتي وعبقرية عالم الازياءوفائزة ثالثة بحكاية غلاف وفراشة الروايات المنقولة 
| يخرب بيتك ياقصاف مين البنت اللى اعتدى عليها سياف مسمى مقرن انا كمان اتفق مع فيتامين سى اكيد فى علاقه سابقه بين مقرن وسياف رمد عندها حق فى غضبها بس مش عندها اى حق فى الدعاء على اولاد سياف تسلم ايدك خيزران على البارت الروايه شيقه جدا شكرا لامارا على النقل | ||||
|
|
|
30-03-15, 05:33 AM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| - حبيت حبيييت حماسكم وتوقعاتكم لكن في شي بنبهكم عليه من دون جواب لان جوابه مو وقته الحين بالبارتات الشبه بعيده وشبه قريبه الا وهو " زواج رمد وسياف " اغلبكم قال سياف دخل لحياة مقرن وتجسس وعن طريق هذا تزوج برمد وكسب ثقة مقرن ؟ طيب لو نرجع للبارتات الاولى والبارت الثاني تحديدا لما امينه ورمد يحكون وامينه تقولها " انا ماشفت سياف الا بثاني يوم العزا يوم جا وسلمك عقد القران واخذك وبعدها ماشفناك " هذا بالمختصر طبعا ولاحظوا متى صار عند رمد خبر بالزواج ؟ بثاني يوم العزا وقت سلمها عقد القران انتو برايكم مقرن بيخفي عن بنته زواجها ؟ ثانيا لو رجعتوا 6 سنوات ورا بتلقون عمر رمد 18 او 17 فهل من المعقول مقرن بيفرط ببنته ويسلمها لمين ماكان بثقه عمياء ؟ انا عطيتكم الاسئلة وانتم فكروا بالجواب اذا معقوله التوقعات او في توقعات ثانيه؟ انا ما انكر التوقعات اللي فوق بالعكس في بعضها صحيح وبعضها لا وابدا لكن نشوف الخيال الخصب عندكم ونخلي التساؤلات والحماس يقوى - بسم الله نبدا البارت /6 قراءة ممتعه - ومن الهدب لين الهدب بحر ومراكب من لهب امواج تبحر بي رضا وامواج تلعب بي غضب - دخل مكتبه والغضب مالي رأسه ، ليغلق منصور من بعده باب المكتب منصور : مهبول انت توصخ ايديك به ؟ سياف ونظره على الشباك : شدد عليه مابيه يطلع من هنا لين اتأكد صح من الموضوع منصور وهو ينهره: واذا تأكدت خير ان شالله بتروح تذبحه يعني ؟ اخذ منك اللي يكفيه وبياخذ عقابه قل لا اله الا الله ليهمس سياف: محمد رسول الله منصور وهو يرمي له مناديل : امسح هالجرح اللي بجبهتك اخذه وهو يتذكر ضربته لرمد ليهمس بضحك : الله مايخلي احد اخذ لها حقها وازود ليرفع رأسه لمنصور : وينه فيه ذا الكلب الحين منصور وهو يقرأ رسالة سلمان والهاتف بيده : تحت بغرفة التحقيق الفاضيه، ليردف الله يعين حتى بالاجازه انشغلنا بينما سياف فز واقفا وهو يأخذ هاتفه ويتأكد من اسلحته انها معه منصور بستغراب: على وين ؟ سياف : بشوفه قبل امشي وبعدها راجع عالبيت ارسلت لسلمان يرسل لي ملف بعض القضايا بالبيت واراجعها بالليل ان شالله منصور : الله معك - رمد وهي تحدث امينه بالجوال: مقرن يا امينه مقرن ! امينه: قلتي لي عمر الولد 6 ؟ يعني لنفترض بعد وفاة ابوك ولادته وش المغزى من تسميته؟ رمد بحيرة : مدري مدري امينه بضحك وهي تغير مود رمد ومحور الحديث: اجل تقولين عامل بك عمايل؟ رمد بقهر : مايضحك امينه بصخب من نبره رمد المضحكة : ههههههههههههههههههه ، لتكمل امينه بجديه شدي حيلك واكسبيه وبيمشي اللي خططناه تمام رمد بخبث : ماعليك انتظره يجي ماراح افلته من يدي امينه : شاطره يلا بسكر الحين واشوفك بكرا مثل ماقلنا رمد : تمام حبيبتي باي - دخل لقصره وهو يتأمل هاتفه بيده بعد ان اخذ صوره لحامد قبل خروجه من المبنى لا اثر لهم بجلسة والدته ، اذا بالداخل دخل وهو يتنحنح لاعطاء اسيل خبر بوجوده ليجد ان الجميع موجود بالصاله ماعدا رمد جلس بجانب الجوهره بينما والدته تتحدث بهاتفها ليهمس للجوهره: شعندها الوالده؟ الجوهره ب اناقتها المعتاده : جارتنا دقت تعزمها على زواج ولدها وعلى حسب اللي سمعته عازمتنا كلنا هز رأسه ب الايجاب لها: جتني دعوه من الرجال لتبتسم له وهو يحاوط كتفها بذراعه ام سياف بعد ان اغلقت الهاتف: يابر راجح دق لي على حرمتك خل تكون موجوده وانا ابلغها بعزيمة ام سعيد سياف بجديه : مانزلت لكم اليوم ؟ الجوهره بكره لم تستطع اخفائة: مانزلت ولا شفناها ابد سياف وهو واضعا هاتفه على اذنه رافعا حاجبه من ماسمع : رنتان حتى اتاه صوتها المبحوح اخره رمد : هلا سياف ليأتيها صوته الحاد : انزلي لي تحت حنا بالصاله رمد : طيب عطني ربع ساعه البس سياف : قلت انزلي مافي احد غريب رمد بكسل : طيب 5 دقائق لتتوسط الصاله وهي تلقي السلام رفع ناظره اليها ليجدها بنفس لبسها السبورت اللذي تركها به الا انها تركت شعرها مفتوح! يغطي ظهرها وفعلة سياف بينما بالمقابل رفع ناظره راجح لتحرق القهوه كفه دون انتباه الى ان كسر عينه وهو يرا نظرات والده اليه رمد وهي ترفع حاجبها لسياف من وضعية جلوسه مع الجوهره للتعداه وهي تجلس بغنج بجانب ام سياف واسيل لوهلة ضن ب انها ستجاكر او تغار وتأتي بجانبه لكن لا، ليست كبقيتهن من الواجب ان لا يتوقع مره اخرى! ام سياف بفخر وهي ترا رمد واسيل وايضا الجوهره: قولوا تم ، لتهمس كلاهن بتم ان شالله لتردف ام سياف : ام سعيد داقه علي تعزم لعرس ولدها نهاية الاسبوع وتقول وصلي الدعوه لحريم العيال ، وتكمل بفخر وانا ابي ادخل وانتم معي كلكن خل يشوفون الزين عندي وعند عيالي خليهم يعرفون حريم عيال عاليه ابتسم سياف على تفكير والدته الغريب ! التفتت رمد لسياف بخبث : والله الشور شور ابو راجح اذا موافق فا انا معك لتجد ان سياف ينظر لها بتعجب فليس هي بالتي تأخذ الاذن ! ام سياف وهي تطبطب على يد رمد : ماهو قايل لا بعد كلمتي ام سياف بعفوية وهي تشير للجوهره : قهوي رمد يا ام راجح شد انتباهه اسمها لم يعرفها ب اسمها قط الا انها عُرِفت بزوجة ابيه " بنت مقرن" الجوهره بقهر لم تستطع اخفائه اعطت الدله لرمد تقهوي نفسها اخذتها رمد وهي تقهوي نفسها والبقيه لتعطيها اسيل من قطع الحلى الموجود ام سياف وهي تشير لراجح لتعرفه على رمد: وهذا راجح يارمد هذا البكر وذراع ابوه ليردف سياف بشبه ابتسامه: ماهو خافيها يايمه تعرفه رمد وهي تأخذ الفنجال من سياف: والنعم والله لتردف بصوت منخفض لتهمس لسياف : اشوفك مكثر قهوه اليوم تبي تعدل راسك بها؟ ترا مايعدل مزاجك غيري سياف بنفس همسها وهو ينظر لانشغال الاغلبيه عنه عدا الجوهره بجانبه: مشكلتك واثقه بنفسك زود ابتسمت وهي تحرك شعرها بعفويه لتقاطعهم اسيل اسيل بعفويه وهي تشير لأسفل فمها قاصدة جرحها: سلامات ماتشوفين شر رمد : الله يسلمك الشر مايجيك حبيبتي الجوهره بشك ولأول مره تكلمها : غريبة من ايش رمد بعدم مبالاه للجوهره لترد عليها وهي تنظر لسياف: حادثه بسيطة لتردف بدلع وخبث: وابو راجح عالجها وخيطها ليرفع لها حاجبه سياف وهو ملتقطا مغزى فعلها كل هذا تحت انظار راجح! فز واقفا ليستأذن منهم وهو ينظر لساعته: عن اذنكم شوي بروح اريح واخلص شغلي وانام الجوهره وهي تقف معه : اذنك معك يايمه سياف : كنك مبكر بالنومه ؟ على كذا اسبقني لصلاة الفجر تقومني راجح ببتسامه لوالده: لاتوصي حريص يابو راجح وعلى النومه يالغالي تعودنا علو وقت التدريب قومه من الفجر والنوم بدري سياف بهدؤ: نوم الهنا يابوي اسيل وهي ترا هاتفها ينير ب اتصال من حاتم لتستأذن هي ايضا وتصعد جناحها لم يبقى سوا هي وسياف وام سياف ام سياف : والله يابوا واجح فاتك عشانا انت ورند اليوم سياف بتساؤل : ليه وش عشاكم يالغاليه؟ ام سياف: حمسة لحم يحبها قلبك مع اصناف ثانيه مسوينها الخدم لم تكمل حديثها وهي ترا رمد تفز راكضة لدورة مياه قريبة تفرغ معدتها من سيرة " اللحم" ام سياف بشك: سياف وش بها مرتك يايبه سياف: مابها الا العافيه بس ماتاكل اللحم ابد ولا تحب طاريه ام سياف بتفهم : الله يكون بعونها لتأتيهم رمد وعي تعتذر : عن اذنكم بريح فوق ، خاله توصين شي قبل ارقى ؟ ام سياف بنعاس : لا يا يمه ارتاحي صعدت للأعلى وهي ترا الخدم منتشرين بالطابق يعملون ارتاحت قليلا لتتنشط وهي تتذكر ماكانت تنويه اخذت منشفتها لتستحم بعجل ، لتخرج بعد ربع ساعه تقف امام تسريحتها وهي تأخذ اللوشن تدلك به جسدها نظفت وجهها من اثر المكياج الخفيف لتجدده ب احمر شفاه وبلشر برونز بنفس درجة بشرتها نظرت لعينيها لم تحتاج للمسكرا قط من كثرة هدبها الا انها تركت عينيها اليوم بطبيعتها انتقلت لحقائبها المبعثره وهي تكره ترتيبها لتخرج لها قميص نوم قصير باللون التوتي مع " الروب الخاص به " انهت شكلها بخلخالٍ لؤلؤ وهي تترك شعرها بطبيعته المموجه توقفت قليلا امام المرءآه وهي تفرق رأسها ب اناملها لتجعل فرقتها بالمنتصف اصبحت كمية شعرها اليمنى مساويه لليسرى ذكرها شكلها هذا ب احد الممثلات الهندية كانت محببه لوالدتها اخذت مخدتها تحتضنها وهي تتصل برقم سياف رد بعملية دون انتباه للرقم وهو ب اعز انشغاله بما امامه: الو نعم رمد : وينك ؟ انتبه لنبرة الصوت ليجيب : بالمكتب في شي ضروري ؟ لم ينتهي من جملته الا وهو يراها تغلق باب مكتبه لتسند نفسها عليه رفع رأسه عن الاب توب والاوراق بيده ليرفع لها حاجبه بنصف ابتسامه وهو يراها بشكلها هذا ومخدتها بيدها ! بدا له شكلها لذيذ لاضوء بمكتبه سوا الاب توب واضاءه خفيفه باللون الاصفر رمد وهي تشير لمخدتها: ممكن ؟ سياف بخبث وهو يتذكر فعلته به صباحا ونفورها ليعاود نظره للاوراق بيده: مشغول يارمد لم تعر كلامه اهتمام وهي تتوجه للكنبه القاطن بها هو وهي ترمي روبها على الارض لتضع مخدتها بالقرب من فخذه وساقه وهي تضع رأسها عليها وتمدد ساقاها على بقية الكنبه : ماراح نشغلك بس بنام تأملت شكله ونور الجهاز عاكس على عينيه ، عاقد حاجبيه بشده دليل على تركيزه بما امامه مدت يدها لخلف ظهره لتحرك يدها بعبث وهي تمررها على ظهره بنعومه اسند ظهره على الكنبه بشكل سريع ومباغت ضاغطا على يدها وهو ينظر اليها لتصرخ بخفيف: اه سياف يدي لم يستجب لها وهو يمرر انامله بشعرها لينظر لها من اعلاها لأسفلها : لعابه ! رمد وهي تسحب يدها بصعوبه من خلف ظهره: عنيف مر زمن على دلع الاناث وغنجهن وكيدهن حتى اتته رمد " عز الطلب" ترك شعرها ليمرر يده الى كتفها وذراعها العاريه الى ان وصل لنصف فخذها حد انتهاء قميصها همس لها وهي يشير لحظنه : تعالي اتته بهدؤ حتى استقرت بحضنه وهي تقابله جاعله ظهرها مقابل الباب وجهازه اللوحي مررت اناملها على عوارضه لتجذبها لون بعض شعيراته الرماديه المطابقه لعينيها سياف وهو ينظر لعينيها تحديدا ليراها خاليه من كحلها مما لفت انتباهه طول رمشها وكثرته: مركبه رموش؟ رمد ببتسامه وهي تشير رأسها بمعنى لا مرر اصبعه على رمشها الى ان قبل عينها ثم عاد لوضعه وهو يسند ظهره بينما هي بالمقابل ابعدت شعرها خلف ظهرها بعفويه سياف ببتسامه وهو يرا الاثر بعنقها بوضوح : شاطره خبيها بشعرك عندهم ماعداي ! نظرت له دون رد ليتذكر اتفاقهما بالنهار : الفوز فوز يابنت مقرن ولا ؟ تذكرت قوله المطابق لقوله صباحا ، نظرت اليه بمعنى " يعني ؟ " سياف : عطيني جوالي وراك قبل نتفق ازاحت جسدها بشكل بسيط وهي تاخذ هاتفه لتعود لوضعها الطبيعي وهي تعطيه رمد : وش طلبك ؟ سياف : الجوهره ! رمد بستغراب: وش فيها سياف بخبث وهو يمرر كفه على ظهرها: مابي لها شريك ،حلليني فيها قدام الله يارمد ليردف مابي احدد لك الفتره ويمكن استغرق اكثر ،ربك مايرضى اني اهجرك الله مايرضى الهجران بالمضاجع عشان كذا ابيك تحلليني بهذا الموضوع لاتجيني اذا انا ماجيتك جرح كبريائها للحد الا معقول بينما تصنعت بعكس ماداخلها وهي تمرر اناملها بعوارضه الى ان استقرت على شفتيه لتهمس له ببتسامه وهي تقبل زاوية شفتيه : اشبع فيها يابو راجح ماتعني لي شي ، لتردف وهي ترفع عينها لعينه : نشن الحرب ياولد كايد ؟ سياف ببتسامه تعجب من نطقها له ب اسم ابيه كما يفعل هو معها : نشنه ليه لا يابنت مقرن بينما وقفت عنه بتحدي : واللي بيجي للثاني خاسر اعطته ظهرها متوجهه للباب ليناديعا بنبره اعلى : لحظه اخذ الجوال وهو يضع الصورة امام عينيها : هذا هو؟ نظرت للصورة وهي تمثل الا مبالاة بينما الصدمة حلت بقلبها وهي ترا من سبب الرعب لها بوجهٍ مقزز مليئ بالدم والجروح رمت له هاتفه وهي تمس له : لا فات الفوت ماينفع الصوت ياسياف اعطته ظهرها خارجه الى ان اختفت عن عينيه - رمت نفسها على سريرها بقهر كسر انوثتها بفعلته لكن لن تتأثر به سيكون لها دافع لتهمس لنفسها وهي تغلق عينيها للنوم : حقير محد خسران غيرك صحت على صوت طرقات الباب بقوة اغلقت عينيها مره اخرى من نور الشمس لتفتحها ببطئ وبصوت مليئ بالنوم : مين ؟ الخادمه : انا كارمه مدام رمد رمد وهي تتوجه لدورة المياه تغسل وجهها وتفرش اسنانها بشكل سريع: فايف منت كارمه خرجت من دورة المياه لتفتح الباب لتجد صندوق بحجم كبير وشكلا انيق بين يدي الخادمه كارمه رمد ومازالت على الباب : من مين كارمه وهي تضع الصندوق بتعب على الارض: لا املك اي معلومه بخصوص هذا فقط اعطاني اياه البواب من شخص ارسلها ب اسمك رمد بحيره : حسنا ب امكانك الانصراف جلست امام الصندوق وهي تفتحه ناسيه الباب مفتوحٍ على وضعه - وضع الشارات والرتب على كتفيه وصدره بعنايه ومكانها المحدد والجوهره خلفه بالمبخره : بتطول اليوم بدوامك ولا نحسب حسابك عالعشاء؟ قطع حديثهم صرخة رمد المفزعه ليخرج راكضاً من جناحه ليجد ان ابنه راجح ايضا خرج من جناحه بعجل وهو يبحث عن مصدر الصوت وخلفهم الجوهره بخوف وصل راجح وسياف لجناح رمد بنفس الوقت ليجدها سياف بقميصها التوتي ومظهرها كما تركته امس الا انه زاد عن ذلك مظهر يديها المليئة بالدم الغامق وهي تشير بكلتا يديها للصندوق ! - سبحان الله وبحمده سبحان الله العظيم انتهى وش رايكم بالقفله  توقعاتكم بالبارت القادم ؟ - التعديل الأخير تم بواسطة لامارا ; 04-09-15 الساعة 11:42 AM | ||||
|
|
|
30-03-15, 09:27 PM
| #20 | ||||
| نجم روايتي وعبقرية عالم الازياءوفائزة ثالثة بحكاية غلاف وفراشة الروايات المنقولة
| بحس ان فى احتكاك سابق بين سياف ورمد يعنى هى وخده عليه وجريئه فى الكلام حتى لو كان هدفها الانتقام بس كلامها بحسه ان فى احتكاك سابق ياترى راحج حيكون دوره ايه فى الروايه سياف جاب من الاخر م رمد لما قال لها حلينى ياترى ايه سر الاثر فى رقبه رمد والدم اللى فى الصندوق دم مين اعتقد ان اللى باعت الصندوق هو عم رمد تسلم ايدك خيزران وشكرا لامارا على النقل | ||||
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
83Likes
.png)
.png)
العرض العادي
