|
مشاهدة نتائج الإستطلاع: ما القصه التي تريد ان تعرض شهر مارس ؟ | |||
1. بين الحياه والنوم (( كوميديا )) | 34 | 68.00% | |
2. سهم طائش (( تيراجيديا )) | 16 | 32.00% | |
المصوتون: 50. أنت لم تصوت في هذا الإستطلاع |
| LinkBack | أدوات الموضوع | انواع عرض الموضوع |
26-08-15, 01:32 AM | #1101 | |||||
نجم روايتي وكاتب في قصص من وحي الاعضاء
| اقتباس:
| |||||
27-08-15, 09:04 PM | #1104 | ||||
نجم روايتي وكاتب في قصص من وحي الاعضاء
| الحلقه الاولي ( الحلقات المضافه ) بسم الله الرحمن الرحيم الحلقه الاولي من الحلقات المضافه الرجوع الي الماضي : ما قبل الحادثه يجلس علي مكتبه الذي في بيته و امامه ملفات كثيره ، و ياخذ مجموعه من الورق الابيض و يبدا يكتب به - المنظمه ، فروع ، اسماء حركيه ، اشخاص وهميه ، باتصالات غير معروفه و لم يستدل عنها ثم يفتح ملف من الملفات الموضوعه امامه و ينظر بها ثم يبدا يكتب مره اخري في الورق الابيض (( في الحادي عشر من ابريل عام 2007 كان يوجد اخويين يعيشون في ايطاليا كان الاول يدعي تومي هانز و الاخر يسمي سام هانز ، قرر الاخويين فتح شركه بعد وفاه ابيهم و عندما انتهوا من فتح هذه الشركه اختلفوا علي اسمها فكانوا يريدوا اسم واحد يجمعهم هم الاثنين و قد كان ، و بعد ذلك بعاميين خسرت الشركه ارباحها و ترتب عليهم ديون كثيره فكان الحل الامثل ان يغلقوا الشركه و يبيعوا الاسهم ولكنهم لم يفعلوا ذلك ، بل ذهبوا الي نوع تجاره اخري مكسبها اقوي و ارباحها كثيره ، ذهبوا الي تجاره السلاح )) ثم يبدا يكتب في صفحات اخري من هذا الورق (( بدء الاخوين توماسي في تجاره السلاح من خلال الشركه بعد ان اغلقت ، اختاروا اسماء حركيه لهم و للاشخاص التابعين لهم ، و عندما بدئت التجاره تزداد و الارباح تعلو بدئت في كل انحاء العالم و سميت المنظمه و كانت ثفقات الاسلحه تتم بعلم الحكومه و لكنهم لم يقدروا علي فعل شئ لان قادت الدول كانت تعمل في هذه المنظمه )) يفتح ملف من الملفات التي امامه يقرا به قليلا ثم يكتب في صفحات اخري من الورق الابيض (( وصلت المنظمه مصر في عام 2011 و تم اختيار شخصيه عامه في الدوله هي من تقود المنظمه و اختار هذا الشخص ثلاثه رجال فيكونوا فروع للمنظمه ، و تم اختيار ذلك الاشخاص من برعوا في عالم تجاره السلاح في مصر ، كل شخص من تلك الاشخاص في المنظمه كان يتم الاتصال به باتصالات غير معروفه و لم يستدل علي مصدرها )) يغلق الملف الذي امامه و الذي يكتب في اعلاه اسم بخط كبير وهو ( توماسي ) يدخل غرفته و يلبس بدلته و يضع عطره الجميل ، يمتلك من الوسامه الكثير و الذي يراه لا يعطيه دور الضابط و لكن يمكن له ان يكون نجم سينما ، و مع تلك الوسامه لم يتزوج و لم يحب طيله هذه الفتره . عمره 27 عام وضع حياته كلها و طموحه في عمله و لم يشغل حياته بشئ اخر غير مطارده المجرمين و الايقاع بهم ، يؤمن دائما ان في وقت من الاوقات سيجد امراه تاخذه من العمل و من كل شئ وقتها سيترك كل شئ من اجلها . و مع ذلك فان اخته كانت دائما تطلب منه ان يتزوج و صديقه ايضا زوج اخته ، كانت هذه هي عائلته الصغيره و مع ظهور ابن اخته للحياه اكتملت فرحته به برغم انها كانت اخته من ابيه فقط و لكنه كان يحبها حبا كبيرا جدا . يتصل به صديقه و يقول له - ايه يا عم انت مش جاي انهارده ولا ايه - و انا من امتي مجتش شغلي ، هو انا ورايا حاجه تانيه - انا مش عارف ازاي كل السنين دي و مخدتش اجازه ولو يوم واحد - طب انت ممكن تاخد اجازه علشان تقعد مع سلمي و اياد اما انا بقي هقعد مع مين يسمع صوت اخته تكلمه فيبتسم و هي تقول له سلمي : مانا ياما قلتلك يا محمود و طلبت منك انك تتجوز و انت بترفض محمود : ايه يا عادل هي اخدت منك التليفون زي كل مره ، ينفع كده عادل : معلش بقي انت عارف اختك ممكن تخليني مرجعش البيت لو حست اني بعمل حاجه مش علي مزاجها محمود : طب يلا علشان منتاخرش ، انهارده عندنا شغل كتير يغلق الضابط محمود مع الضابط عادل المكالمه و ينتهي من لبس ثيابه و يبدء الرحيل عن بيته و لكنه قبل ان يرحل يذهب الي الغرفه التي يوجد بها المكتب و يغلقها جيدا و يضع المكتبه امامها حتي يخفي اثر باب الغرفه نهائيا ثم يذهب . في مكتب الضابط محمود يجلس الضابط محمود في مكتبه و يسرح في ذلك القضيه و يمسك في يده قلم و يشخبط به علي الورقه التي امامه في حين يدخل علي الضابط عادل و ينظر له لفتره ثم يقول له عادل : متقوليش انك سرحان في واحده ، لو كده نروح انا و سلمي نخطبهالك انهارده يبتسم الضابط محمود ثم يقول له محمود : لاء يا خفيف انا سرحان في قضيه صعبه شويا عادل : ايه القضيه دي بتاعت كاترين محمود : لاء قضيه تانيه اصعب بكتير ، التانيه دي هتتحل بسرعه اوي عادل : طب ما تقولي ، مش عاويدك يعني تخفي عني القضايا بتاعتك دي محمود : لانها لسه مبقتش قضيه اصلا ، انا بشتغل فيها في السر و لسه مفيش فيها تحقيقات عادل : بمناسبه فضولي الي هيموتني دا ، مش ناوي تقولي حاجه عن القضيه دي حتي لو معلومه واحده محمود : مش هينفع دلوقتي ، بقولك صح النشره الجديده نزلت بتعيين الضباط عادل : اه تخيل مين الي هيمسك السجن يصمت الضابط محمود ليقول له الضابط عادل عادل : اللواء مراد شكري مانت عارفه محمود : اللواء مراد شكري اه بس دا عصبي اوي عادل : و فيه برده الضابط انور مختار دفعتنا دا يبتسم الضابط محمود و يقول له محمود : الضابط انور مختار دا ياما اتخنقت معاه في الكليه ، بس كويس عادل : كويس ايه دا منقول علشان قتل واحد بيحاول يهرب ، دا كان هيتشال فيها خالص محمود : لاء الي زي دا عمره ما يتشال متوصي عليه ، خلينا بقي نركز في الي جاي عادل : القضيه بتاعت كاترين دي مش مفهومه ، و مش عارفين نحلها محمود : خلاص سيب الملف بتاعها و انا هشوف حل ليها يخرج الضابط عادل و يجلس الضابط محمود و يبدا يقرا ملف القضيه في مكتب اللواء مراد شكري يدخل اللواء مراد شكري مكتبه لاول مره و يجلس علي الكرسي و يجلس امامه الضابط انور مختار ثم يقول له انور : مبروك يا فندم ، بصراحه الكرسي مناسب جدا ليك اللواء مراد : شكرا يا انور ، انا عايز جميع الضباط هنا دلوقتي قدامي انور : جايين دلوقتي يا فندم ، متقلقش يدخل جميع الضباط الي مكتب اللواء مراد شكري و من بينهم الضابط محمود و الضابط عادل فيقول اللواء مراد اللواء مراد : طبعا انتم عارفيني كويس ، و اكيد بتقولوا عني عصبي و بغضب بسرعه بس لو كنتم كويسين معايا هبقي علطول كويس معاكم و الي يغلط هينال عقابه ثم ينظر اللواء مراد الي الضابط محمود و الضابط عادل و يقول لهم اللواء مراد : ازيك يا محمود ، ازيك يا عادل عادل : ازيك يا فندم ينظر له الضابط محمود و يقول له محمود : اهلا بيك يا فندم اللواء مراد : عارفين الضابط محمود دا من افضل الضباط الي برتاح اوي و انا شغال معاهم ، ياريت تتعلموا منه محمود : شكرا يا فندم دا بس من زوقك اللواء مراد : خلاص انا خلصت معاكم بعد اذنكم بقي سيبوني ابدا في الشغل و اي حد يحتاج حاجه يجيلي يخرج الضباط من المكتب و من بينهم الضابط انور مختار فيلاحق الضابط محمود و يقول له انور : ايه يا محمود ، مش فاكرني و لا ايه ينظر له الضابط محمود ثم يقول له محمود : ازاي بقي الضابط انور مختار ، مقدرش انساك انور : اه خصوصا بقي ان فيه بنا خناقات كتير فاكر دي برده محمود ( ضاحكا ) : ربنا ميجيبش خناقات تاني انشاء الله يذهب كل ضابط الي مكتبه و بينما يجلس اللواء مراد شكري في مكتبه ياتي له اتصال من رقم مجهول فيرد ليقول شخص له - اللواء مراد شكري ، تم الوقوع عليك انك تكون معانا في المنظمه فيرد اللواء مراد شكري و يقول في تعجب اللواء مراد : منظمه ايه ، انا مش فاهم حاجه انت مين - مش مهم تفهم ، المهم تساعدنا من غير اسئله و المقابل فلوس كتير و حمايه اللواء مراد : مين معايا يغلق المكالمه و ينظر اللواء مراد شكري في التليفون ليبحث عن ذلك الرقم فلم يجده ابدا في مكتب الضابط محمود يجلس الضابط محمود و امامه القضيه التي ارسلها له الضابط عادل فيدخل عليه و يقول له عادل : انت يابني متروح ترتاح شويا سيبك من ام القضيه دي انا هحلها محمود : ماخلاص يا عم اتحلت ، اومال انا بعمل ايه من الصبح عادل : ياسلام ، حليتها ازاي بقي محمود : الاسم ، عايز تحل اي قضيه اعرف الاسم الحركي اكيد هيكون وراه حاجه عادل : اسم ايه كاثريين محمود : هي الحقيقه مش اسم بنت ولا الاسم كاثريين عادل : اومال ايه محمود : احنا لما لقينا في جيب المقتول تذكره المترو كان مكتوب عليها ايه عادل : كاثريين 7 محمود : مدلول تزكره المترو هو محطه سانت كاتريين عادل : صح ، و 7 دا ممكن يكون 7 في الشهر او الساعه 7 المقابله محمود : او ممكن يكون الخازنه رقم 7 في محطه سانت كاتريين يكون مكتوب الميعاد الحقيقي عادل : ايوه ممكن فعلا ، احنا لازم نروح دلوقتى نشوف الخازنه دي محمود : يلا بينا في مكتب الضابط انور مختار ينظر الضابط انور مختار من شباك مكتبه و يتكلم في التليفون و يقول انور : دلوقتي الضابط محمود خارج ، انا عايز الخبطه تموته فاهمين ، تموته يخرج الضابط محمود و الضابط عادل من المباحث ليركب عادل السياره فيقول له محمود محمود : انا نسيت حاجه فوق هطلع اجيبها عادل : ماشي بس بسرعه و في هذه الاثناء تخرج سياره مسرعه امام الضابط محمود سليمان فينظر لها و تصدمه صدمه قويه فيقع ارضا و تذهب مسرعه ينظر الضابط انور مختار من شباك مكتبه علي هذه الحادثه و يخرج الضابط عادل مسرعا ليجد الضابط محمود مغرق في دمائه يتبع الحلقه الثانيه الاثنين القادم انشاء الله | ||||
27-08-15, 09:14 PM | #1106 | ||||
نجم روايتي وكاتب في قصص من وحي الاعضاء
| سؤال الحلقه المضافه الاولي : من الذي صدم الضابط محمود سليمان ؟ سؤال الحلقه الخامسه عشر : من الشخص الذي كان يكلمه توماسي في اخر مشهد من الموسم الثاني ؟ سؤال الحلقه الرابعه عشر : من هو زعيم المنظمه ؟ ( مستمر ) اسئله الحلقه الثانيه عشر : هل ذلك الشخص الذي كان يحدث الدكتوره مي هو الضابط محمود سليمان ؟ اسئله الموسم الاول 1 . ماذا كان يخبئ الضابط محمود قبل الحادث ؟ ( سيتم الاجابه عليه في الحلقات المضافه ) مع استمرار سؤال الروايه الاساسي 3 . هل توماسي هو الضابط محمود ام لا ؟ ( السؤال مستمر حتي نهايه الروايه باكملها ) برجاء حل جميع الاسئله و عدم الاكتفاء بحل سؤال الحلقه فقط | ||||
27-08-15, 10:40 PM | #1109 | |||||||||
مشرفة وكاتبة في منتدى قصص من وحي الأعضاء ومحررة واعدة بعمود الأعضاء
| اقتباس:
| |||||||||
27-08-15, 11:19 PM | #1110 | |||||
نجم روايتي وكاتب في قصص من وحي الاعضاء
| اقتباس:
دا غير طبعا اجابه سؤال الروايه الرئيسي الي شكلك كنتي شايله فيه كلب بلدي ايه هو هو هو دي مش فاهم انا | |||||
أدوات الموضوع | |
انواع عرض الموضوع | |
|
|