|
مشاهدة نتائج الإستطلاع: ما القصه التي تريد ان تعرض شهر مارس ؟ | |||
1. بين الحياه والنوم (( كوميديا )) | 34 | 68.00% | |
2. سهم طائش (( تيراجيديا )) | 16 | 32.00% | |
المصوتون: 50. أنت لم تصوت في هذا الإستطلاع |
| LinkBack | أدوات الموضوع | انواع عرض الموضوع |
10-04-15, 10:50 AM | #121 | ||||||||
مشرفة وكاتبة في منتدى قصص من وحي الأعضاء ومحررة واعدة بعمود الأعضاء
| انا قريت الفصل و هجاوب بس محتاجه تركيز للتعليق و الاجابة اشوف صرفهﻻفي بناتي و اجي امتب بتركييييييز | ||||||||
10-04-15, 05:46 PM | #123 | ||||||||
مشرفة وكاتبة في منتدى قصص من وحي الأعضاء ومحررة واعدة بعمود الأعضاء
| احساسي العالي بيقول ان توماسي مهربش هو بس عايز يعمل حاجة و عايز تشابي يلهي الناس عن لكن هيظهر تاني و ده الطلب اللي طلبو من تشابي ان يلهي الناس عنو اللواء ده بقي مش نازلي من زور و مش مستريحه له خاااااااالص فرحت جدا ان معتز عرف حقيقه انور انا اجباتي زي ما هي بتاعه الحلقة اللي فاتت متغيرتش | ||||||||
10-04-15, 05:47 PM | #124 | |||||||||
مشرفة وكاتبة في منتدى قصص من وحي الأعضاء ومحررة واعدة بعمود الأعضاء
| اقتباس:
| |||||||||
10-04-15, 06:37 PM | #125 | ||||
نجم روايتي وكاتب في قصص من وحي الاعضاء
| شكرا علي توقعاتك الرائعه و اصرارك علي انها هي التوقعات الصحيحه ، وياريت تكون هي الصحيحه فعلا ، استني الحلقه الي جايه علشان تعرفي اجابات علي اسئله كتير و شكرا جدا ليكي | ||||
10-04-15, 06:44 PM | #127 | |||||
نجم روايتي وكاتب في قصص من وحي الاعضاء
| اقتباس:
ازاي الضابط انور مختار هيثبت ان توماسي هو محمود ، زي ما قاله الشخص المجهول الي بيكلمه ؟ | |||||
10-04-15, 07:42 PM | #128 | ||||||||||||
نجم روايتي وكاتبة في قسم قصص من وحي الأعضاء
| أنا متضايقه لان أخر فصلين مختفيين عندى كده الكتاب الالكترونى هيروح أنا كده مجاوبتش أخر سؤالين بس أكيد هعرف اجابتهم من الفصول الجايه وهجاوب عليهم أنا حلمت بنهايه الروايه بس مش هحرقالك بقى | ||||||||||||
10-04-15, 08:06 PM | #129 | |||||
نجم روايتي وكاتب في قصص من وحي الاعضاء
| اقتباس:
ولا تزعلي يا سيتي ، دي الحلقه بدون اخفاء ، وهطلب من المشرفه انها متخفيش المحتويات الي جايه انشاء الله متضيقيش خالص في غرفه الاجتماعات يجلس اللواء مراد شكري ، و امامه كلا من الضابط عادل ، والضابط معتز ، و الضابط انور في غرفه الاجتماعات ، ليبدا اللواء مراد بالحديث و يقول اللواء : اجتمعت بيكم انهارده علشان حابب اعرف منكم مستجدات القضيه ، و ياتري وانتم بتقوله وصلتم لايه يكون كلامكم ليه اثبتات مش زي الاجتماع الي فات يا ساده ينظر الضابط عادل للواء ثم يفتح الضابط معتز الكلام ويقول معتز : انا قدرت اجمع معلومات قويه جدا يا فندم بعد تفكير طويل ، قدرت اكتشف لغز صعب كنا بندور عليه اكتر من سبع سنين ينظر الضابط انور لمعتز باستهزاء وكأن الامر لا يعنيه فيكمل معتز ويقول معتز : احنا اودام منظمه كبيره ، منظمه دوليه في تهريب السلاح ، مش بس داخل البلد لاء و خارجها كمان اللواء : ياه هي حصلت للدرجه دي معتز : و اكتر يا فندم ، السلاح دا بيساعد علي انتشار الارهاب في كل بلد بطريقه غريبه ، حتي الاطفال بنلاقيهم معاهم سلاح ، وبدل ما كنا بنحارب تجار السلاح الي في الصعيد بس ، اودمنا دلوقتي منظمه دوليه علي اعلي مستوي ، و دا يخلينا نشتبه في بعض الاشخاص اللواء : و يتري هتشتبه في مين معتز : كله يا فندم ، كل شخص ليه اسم حركي بيخفي وراه شخصيته الحقيقيه ، اعتقد ان المنظمه هي الي مختاره ليه الاسم زي ماهي مختاره ليه شخصيته الجديده الي بيلعبها علي ارض الواقع اللواء : انا عايز اسماء يا معتز ، اسماء و اشخاص معتز : دا تقرير يا فندم فيه الاسماء الي حضرتك طلبها يعطي الضابط معتز للواء مراد التقرير وهو يقول له معتز : فيه اسم كان ليه ملف عندنا من اكتر من سنتين ، شارك في التحقيق الضابط محمود سليمان الله يرحمه اللواء : اسمه ايه الشخص دا معتز : اسمه الحركي فالون ، الضابط محمود كان علي اعتاب انه يوصل لحل القضيه قبل ما يقتلوه اللواء : كلها اسماء حركيه غريبه ( تشابي ، مايكون ، نانو ، توماسي ) ينظر الضابط عادل للضابط معتز بغضب ثم يقول اللواء مراد للضابط عادل اللواء : و انت يا عادل قدرت توصل لايه في الفتره الي فاتت عادل : اعتقد ان شغلي هيكون فيه سريه يا فندم اكثر من اللازم الفتره الي جايه ينظر الضابط انور للضابط عادل وهو يقول له انور : ليه يا حضره الضابط ، هو سيادتك شاكك في حد فينا ولا ايه عادل : لا ابدا يا فندم ، بس فيه حجات لسه مش واضحه اودامي ، مستني لما توضح مش اكتر اللواء : واضح انك لسه بتدور ورا الشخص دا الي يشبه محمود يا عادل عادل : لاء يا فندم الموضوع دا اتقفل خلاص ، مبقاش مهم اللواء : كويس ، وانت يا انور طلع الي عندك انور : اطمن يا فندم ، انا قدرت اوصل لاشياء مهمه ، و لوحدي بدون مساعده اي شخص ينظر الضابط معتز ، و الضابط عادل لانور في غضب ليكمل هو ويقول انور : كل الكلام الي قاله الضابط معتز دا ملوش اي صحه ، مفيش اي اثبات ، انا كنت ماسك القضيه دي مع الضابط محمود قبل اغتياله ، و الشخص الي بيتكلم عنه دا كان مسجون عادي اشتباه ، زي ماهو بيشتبه ناس هما موجدين اساسا في السجن ، بيسهل القضيه كلها و بيتعامل معاها برجعيه شديده معتز ( بغضب ) : انا مسمحلكش يا فندم ، اتكلم معايا باحترام اللواء ( بصوت عالي ) : ايه انا مش قاعد ، واضح ان الضباط متفقوش مع بعض ، كل واحد بيشتغل لوحده وبرده مفيش اثباتات لاي حاجه ، كله شغال في سريه عن التاني ، وانتم المفروض تكونوا فريق عمل واحد معتز : يا فندم سيادتك مش سامع الي قاله اللواء : الاجتماع انتهي برده نفس النهايه ، انا علي استعداد تغييركم كلكم بضباط تانيه دلوقتي ، لانكم اثبتولي انكم مش قد القضيه دي الي انا اعتمدت عليكم فيها ينظرون الضباط في صمت للواء ثم يقول اللواء : اودامكم 48 ساعه تجيبولي فيها دلائل و اثباتات ، والا هبعدكم عن القضيه ، الاجتماع انتهي في السجن / الملعب يخرج توماسي في وقت الترفيه الذي يمسك بطنه من الجرح الشديد الذي يوجد بها ويقف معه نانو الذي يقول له نانو : مدام انت لسه تعبان اوي كده ، كنت خليك في العنبر و مش مهم تخرج توماسي : لاء انا كويس ، عايز اشم شويه هوا بس نانو : مش ملاحظ ان مايكون بقاله كذا يوم مبينزلش الترفيه و بيفضل في العنبر ينظر توماسي علي تشابي الذي كان يجلس علي السلم فيقول لنانو توماسي : بقولك ايه يا نانو ، امشي انت دلوقتي انا هتكلم شويا مع تشابي نانو : ماشي يا برو ، خلي بالك من نفسك يذهب توماسي لتشابي ، ويجلس بجانبه ويقول له توماسي : انا مش هسالك عرفت كل الي عرفته دا عني ازاي ، لانه مش مهم ، ومش مهم برده اعرف انت مين ، ولا تبع مين تشابي : اومال ايه المهم ، هات الي عندك توماسي : خدمه ، هتعملي خدمه صغيره تشابي : خدمه ، وايه بقي الي مخليك متاكد اني هسعدك بسهوله كده توماسي : دور البطوله الي بتحلم بيه في الروايه ، الي انا متاكد منه انك مش هتضرني ، اكتر مانت عايز تستفيد تشابي : خدمه قصاد خدمه يعني ، و هستفيد بايه توماسي : نفس الاستفاده الي انا هستفيدها بالضبط تشابي : انت مين الي بعتك تعمل كده ، و ايه مصلحته يبتسم توماسي ويقول له توماسي : غريبه ، كنت فكرك عرفت كل حاجه زي مانت كنت بتقول ، بس طلع ناقصك كتير تشابي : فيه حجات بحب اعرفها في الاخر ، علشان اتمتع شويا ، ايه خدمتك بقي الي عايزني اعملهالك توماسي ( ينظر له ) : هقولك . في مكتب الضابط عادل معتز : شخص مستفز ، كل حاجه عنده غلط و هو الي صح عادل : هدي نفسك يا معتز ، وبعدين كاتب اسم توماسي برده في التقرير ، انا مش قولتلك ... معتز ( مقاطعا ) : لازم يا عادل ، مفيش اثبات واحد ان هو محمود عادل : انا هعرف اثبت ، سيبك انت بس شغل كويس الي انت عملته دا معتز : السؤال هنا فالون فين دلوقتي ، و مين الي يقدر يوصلني ليه ، انا هقوم دلوقتي علشان عندي شغل كتير عادل : ماشي وانا كمان عندي شغل كتير اوي برده يخرج معتز من مكتب عادل متجها الي مكتبه ، و في خلال ذهابه يلمح الضابط انور في مكتبه يتكلم في التليفون وهو ينظر من الشرفه فيسمعه و هو يقول انور : واضح انهم غيروا رايهم ، معتز شغال في القضيه كويس، وعادل بيقول ان موضوع محمود بقي مش مهم مش عارف ، كل حاجه اتغيرت مره واحده عندما يلتفت الضابط انور ليجلس علي الكرسي ، يضطر الضابط معتز في الذهاب مسرعا الي مكتبه في حين يكمل الضابط انور مكالمته ويقول انور : انت شايف ايه الحل الي نقدر ننفذه الفتره دي - تثبت للضباط كلها ان الضابط محمود هو توماسي فعلا ، دا في حد ذاته هيعطلهم انهم يوصلوا لحاجه في مكتب الضابط معتز يدخل الضابط معتز المكتب مسرعا و يجلس علي الكرسي وهو مندهش من الذي سمعه ثم قال لنفسه معتز : ياتري انور كان بيكلم مين ، ممكن يكون ضابط كبير و بيشرحله القضيه ، بس مش هيكون بالطريقه دي كان ممكن يقدمله تقرير ، او يكون في اجتماع مغلق ، مش في التليفون ، اومال كان بيكلم مين بس يفتح الضابط معتز درج المكتب ليبحث عن الملف الذي يدين فالون والذي كان المحقق في هذه القضيه الضابط محمود سليمان ، و لكنه لم يجده فيظل يبحث في الادراج كلها ولم يجده فعلا ، لقد فقد الملف فيقول لنفسه معتز : كده الحكايه بدات تبان ، انور مختار طلع تبع العصابه في السجن / العنابر بعد انتهاء الترفيه يتم فتح جميع العنابر حتي يدخل المساجين بمتابعه الحراس ، وعندما يدخل الحارس في عنبر مايكون يجده نائم علي السرير و ينزل من جسده دماء كثيره ، يصدم الحارس ويضغط علي جهاز الاستقبال الذي معه ، ويقول الحارس : اسعاف بسرعه فيه مسجون في حاله خطره ، نازل منه دم كتير يتم اطلاق جرس الانذار في جميع انحاء السجن ، و تبدا الحراس بدخول المساجين بسرعه الي عنابرهم . يسمع الضباط جرس الانذار ، فيذهبون الي السجن ليعرفوا ماذا حدث يدخل جميع السجناء في العنابر ، ويبدا الحراس بسرعه في عدهم مرورا من علي باب العنبر يجري الضابط انور مسرعا الي عنبر مايكون وورائه الضابط معتز والضابط عادل فيجس الضابط انور مايكون ويسمع نبضه فيقول الضابط انور : دا مات ، واضح ان حد دخل في وقت الترفيه وقتله ، الطعنه في بطنه باينه يقف الحارس عند عنبر نانو وتوماسي ، فيجد نانو فقط هو من يقف الحارس : السجين التاني فين نانو : دا تعبان شويا ، عنده جرح في بطنه راقد علي السرير مش هيقدر يقوم الحارس : مدام مش هيقدر يقوم ، ادخل انا اشوفه يقف تشابي في عنبره ليري ما يحدث امامه في عنبر توماسي و نانو يفتح الحارس باب العنبر وينظر له نانو ، وعندما يدخل الحارس وينظر في السرير لا يجد احد ، فيقول في جهاز الاستقبال الحارس : فيه مسجون مفقود ، مش في عنبره . يلا يا سيتي جاوبي بقي السؤال : اين ذهب توماسي ؟ | |||||
10-04-15, 09:26 PM | #130 | |||||||||
مشرفة وكاتبة في منتدى قصص من وحي الأعضاء ومحررة واعدة بعمود الأعضاء
| اقتباس:
| |||||||||
أدوات الموضوع | |
انواع عرض الموضوع | |
|
|