|
مشاهدة نتائج الإستطلاع: ما القصه التي تريد ان تعرض شهر مارس ؟ | |||
1. بين الحياه والنوم (( كوميديا )) | 34 | 68.00% | |
2. سهم طائش (( تيراجيديا )) | 16 | 32.00% | |
المصوتون: 50. أنت لم تصوت في هذا الإستطلاع |
| LinkBack | أدوات الموضوع | انواع عرض الموضوع |
29-10-15, 06:33 AM | #1581 | |||||
نجم روايتي وكاتب في قصص من وحي الاعضاء
| اقتباس:
| |||||
29-10-15, 07:07 AM | #1582 | |||||||||
مشرفة وكاتبة في منتدى قصص من وحي الأعضاء ومحررة واعدة بعمود الأعضاء
| اقتباس:
لو العصر كويس بس مش هاكتب تعليقي الا بالليل لان ده معاد رجوع ميرو من الحضانة و تحضير الغدي لو بالليل هايهر عشان خاطركو دي الحلقة التامنة انتو بتقولو اية يا جماعة كله الا الحلقه الثامنة | |||||||||
29-10-15, 07:17 AM | #1583 | |||||
نجم روايتي وكاتب في قصص من وحي الاعضاء
| اقتباس:
| |||||
29-10-15, 03:40 PM | #1585 | |||||
| اقتباس:
ازاي مفيش منظمه امال الناس دي بتتخانق مع بعض ليه وقتل وهجوم وهروب من ايه ده كله شكله حيطلع حد بيحلم في الاخر | |||||
29-10-15, 03:59 PM | #1586 | |||||
نجم روايتي وكاتب في قصص من وحي الاعضاء
| اقتباس:
| |||||
29-10-15, 04:48 PM | #1588 | ||||
نجم روايتي وكاتب في قصص من وحي الاعضاء
| الحلقه الثامنه ( الموسم الثالث ) بسم الله الرحمن الرحيم الحلقه الثامنه ( الموسم الثالث ) من روايه توماسي E08 S3 Tommasi في بيت الضابط عمر عمر ( بعصبيه ) : اساعدك تاني انت اتجننت ، ايه الي انت بتقوله دا تخرج ريم و تقول للضابط عمر بصوت خفيض ريم : فيه ايه يا عمر ، مين دا ينظر لها الضابط عمر و ينظر له و يقول لها عمر : مفيش حاجه ، ادخلي انتي و انا هنزل تحت شويا و هرجع علطول بينما تدخل ريم غرفتها يقول الضابط عمر لتوماسي عمر : جهز نفسك للسجن ، انا مش هرحمك توماسي ( بهدوء ) : اعتقد اننا لازم نتكلم شويا قبل موضوع السجن دا عمر : هنتكلم ، هنتكلم كتير اوي بس وانت مقبوض عليك و ساعتها مش هتعرف تهرب تاني ينزل الضابط عمر و هو يمسك توماسي في يده و يدخله سيارته و يقفل الباب حتي لا يستطيع توماسي فتحه فيقول توماسي له توماسي : انا ههرب ليه و انا جايلك بنفسي ، انا مش عايز اهرب عمر : متتكلمش دلوقتي ، لسه الكلام كتير لما نوصل للسجن مع بعض ياخذ توماسي مفاتيح السياره من الضابط عمر ثم يخرج ملف كان مخبئ في جسده و يعطيه للضابط عمر و يقول له توماسي : دا ملف يثبت اني زعيم المنظمه و اني من احد مؤسسيها كمان ينظر الضابط عمر للملف و يدهش ثم ينظر له و يقول عمر : و ايه الي عرفني انه مش مزور يضحك توماسي و يقول له توماسي : مزور ، حتي لو مزور محدش بياخد باله ، صدقني انا مش فارق معايا اني ادخل السجن بس الي فارق معايا ان باقي المنظمه ميكنش في السجن برده عمر : انت عايز ايه يا توماسي ، عايز توصل لايه في الاخر ينظر له توماسي نظره فرح تدل علي انه بدا يستمع له ، ثم يخرج ملف اخر و يعطيه للضابط عمر و يقول له توماسي : دا ملف يثبت ان الضابط محمود سليمان عايش و ممتش في بيت تشابي يجلس تشابي مع فالون و انور مختار و مايكل و مارك و يقول لهم تشابي : انا جمعتكم في الاجتماع دا علشان اوضحلكم حاجه مهمه ينظر له الجميع يستمعون له ، بينما ينظر له فالون بغضب فيكمل كلامه و يقول تشابي : احنا هنعمل منظمه جديده بقوانين جديده , متهيالي ان المنظمه القديمه مبقاش فيها حد خالص غير توماسي و هو و منظمته هينتهه قريب يخرج انور مختار بكلمه مفاجاه و يقول معقبا علي كلام تشابي انور : بس المنظمه ليها فروع في جميع الدول احنا كده بنقوم الحرب علينا يضحك تشابي ضحكه عاليه و يقول له تشابي : المنظمه مهمتها الاولي و الوحيده هي المصلحه ، و الكافه الرابحه في صالحنا احنا يعني فروع المنظمه هتكون معانا احنا و طرق التهريب هتكون باساليب جديده ، احنا بقلنا فتره كبيره معملناش ولا عمليه واحده يتكلم فالون بصوت غليظ و يقول له بغضب فالون : و مين هيكون زعيم المنظمه ينظر الكل الي تشابي الذي يصمت فتره ينظر فيها الي فالون متاملا عيناه ، ثم يقول له في هدوء تشابي : انت ، انت يا فالون هتكون زعيم المنظمه تتغير ملامح فالون من الغاضب الي الملامح الطيبه الهادئه بعد ان سمع ما قاله تشابي فيقول له تشابي تشابي : بس بشرط واحد ، كل التعاملات هتكون معايا انا يعني تقدر تقول كده هكون المتحدث الرسمي ليك فالون : اكيد لازم استفيد بخبراتك و ذكائك ينظر له تشابي و يبتسم ثم ينظر الي انور مختار الذي يرمقه نظره اعجاب بذكائه هو ايضا ، يعرف ما يدور في باله و لماذا اثني علي فالون و اعطي له لقب زعيم المنظمه فالحقيقه انه لقب فقط تشابي : فروع المنظمه هتكون تلاته ، انور مختار و مايكل و مارك ـ و كل واحد هيكون ليه دور مهم مارك : و توماسي ، ايه الي هيحصل معاه تشابي : فكره المنظمه دي مش هتم الا لو خلصنا علي توماسي ، احنا منعرفش ايه الي لسه في جرابه فالون : حتي بعد كل الي حصل فيه تشابي : توماسي ذكائه مش سهل ، و دا الي خلاني اخطف حبيبته علشان اطمن لانه مش من النوع الي بيعمل حاجه و يندم عليها يعني قبل ما يفكر يكشف ورقته الاخيره هيفتكر الدكتوره مي و بنتها و هما بيتقتلوا و يكونوا ضحيه للعبته في مكان مجهول يقف الضابط عمر امام سيارته و امامه توماسي في مكان خالي لا يوجد به احد ثم يقول توماسي توماسي : عليك الاختيار ، معاك الملف الي يثبت اني الضابط محمود سليمان ، و معاك ملف تاني يثبت تاريخ المنظمه و مين زعمها عمر : الملف دا الي كان مع الدكتور عمار منصور ، يعني انت الي قتلته فعلا ينظر توماسي الي الضابط عمر و لا يتكلم فيكمل الضابط عمر عمر : الدكتور عمار هو الوحيد الي كان معاه اثبات ان الضابط محمود عايش ، دا دليل انك انت الي قتلته و خدت منه الملف توماسي : مش هو دا موضوعنا دلوقتي عمر : لاء هو دا موضوعنا ، و معني انك قتلته يبقي اخوك عايش لانك كنت في السجن وقت وقع الحادثه توماسي : عمر انت لازم تساعدني ، انا هفهمك كل حاجه في وقتها عمر : انت لو معترفتش انك قتلت الدكتور انا هسجنك دلوقتي حالا توماسي ( بعصبيه ) : كان لازم يموت ، كان لازم يتقتل و الا كان هيقتل عادل عمر ( باستغراب ) : يقتل عادل ، يقتله ليه و ازاي توماسي : عمار منصور كان شغال لصالح المنظمه ، فعلا هو الوحيد الي كان معاه الملف الي يثبت اني لسه حي و مموتش مكنتش اعرف دا الا في اخر وقت ، خاف لانه شك ان عادل بيحقق في القضيه و هيكشف انه تابع للمنظمه ، خاف و هددني لو محمتهوش بالملف الي في ايدك دا عمر : و طبعا بعت ليه اخوك و انت في السجن يقتله او العكس توماسي : اخويا مات يا عمر و انت عارف كده كويس عمر : مات ازاي و الي شاف الحادثه و شاف صورتك اكد ان انت الي قتلت الدكتور توماسي : ملف القضيه القديمه معاك و عارف ان اخويا مات و هو بيحاول الهرب و اتضرب عليه رصاص عمر : اه زي برده ما الضابط محمود مات من سنتين و هو واقف قدامي دلوقتي توماسي : انت عايز ايه يا عمر ، عايز تعرف ايه عمر : عايز اعرف ازاي انت قتلت الدكتور وانت في السجن توماسي : مش انا ولا اخويا الي قتلته ، راجل من رجالتي عمر : قلتلك الشخص الي شاف صورتك .... يقاطعه توماسي بعصبيه و يقول له بصوت عالي توماسي ( بغضب ) : الشخص الي بتقول عليه دا لو شاف الحادثه فعلا و شاف اي صوره لاي حد هيقول ان هو دا الي قتل الدكتور عمار منصور علشان يطلع منها برئ مش مدان عمر : الشخص الي قابل عادل في السجن و قاله ان تشابي هو الي قتل الدكتور عمار منصور تبعك توماسي : ايوه كنت عارف ان عادل هيشك فيا و دا مكنش المفروض يحصل ، لاني مكنتش هقوله ان الدكتور عمار كان عايز يقتله و شغال مع المنظمه والا كان اتاكد اني عارف كل فروع المنظمه عمر : انا عايز اعرف بعد كل الي انت بتقوله دا عايزني اساعدك ليه توماسي : الدكتوره مي و بنتها اتخطفوا يا عمر ، عرفت ليه انا جايلك لحد هنا و بسلمك نفسي ينظر له الضابط عمر نظره اندهاش ويقول له عمر : اتخطفوا ، قصدك تقول ان تشابي و فالون هما الي خطفوهم توماسي : ايوه و بقوا اقويا اوي ومعاهم رجاله كتير بعد مانت خرجت رجالتهم و مفيش قدامي حل تاني غير ان قوه من الشرطه تقتحم المخبا بتاعهم عمر : قولي علي المخبا بتاعهم و انا هقبض عليهم توماسي : مش هينفع لازم انا الي اروح و لوحدي و الا هيقتلوا مي و مريم بنتها ، علشان كده بطلب منك تختار عمر : اختار ايه ، اقف معاك ازاي اقف معاك بعد كل الي عملته دا توماسي : انا مش بقولك تقف معايا ، انت هتختار انك تقبض عليا دلوقتي و تشابي يفضل موجود ، او تقبض علينا كلنا و انا هكون في وسطهم و هنرجع الدكتوره مي و بنتها عمر : غريبه اوي ، انت ضحيت بناس كتير زي الضابط معتز و عادل و سلمي ليه خايف علي الدكتوره مي اوي كده توماسي : علشان ملهاش ذنب في اللعبه دي من اولها ، علشان دخلتها و كنت السبب انها يحصل فيها كل دا عمر : و لو ساعدتك زي ما بتقول و اثبت انك الضابط محمود سليمان و قبضنا علي كل المنظمه هتقولي الحقيقه توماسي : هقولك الحقيقه اودامك الخيار قرر و دا عنوان المكان الي موجود فيه يخرج توماسي ورقه مكتوب بها العنوان يعطيها للضابط عمر و يكمل و يقول توماسي : يا تيجي و معاك قوه علشان تقبض عليه و ساعتها هاجي معاك من غير اي قلق ، يا تيجي لوحدك و انت ناوي تساعدني و معاك ملف اثبات اني الضابط محمود ينظر له الضابط عمر و يظل واقف لا يتكلم بينما يكمل توماسي كلامه و يقول له توماسي : مستنيك يا عمر ، مستنيك تفكر و تقرر يتحرك توماسي بينما يقف الضابط عمر ينظر له في صمت لا يعرف ماذا يقول ، يمسك في يده الملفين و يفكر هل يساعده و هو لا يعرف ما يسعي له ، ام يسلمه الي السجن و ينهي القضيه و يترك عمله في بيت تشابي يجلس تشابي بينما يدخل عليه انور و يقول له انور : من مصلحتك ان فالون يكون هو زعيم المنظمه يبتسم تشابي و يقول له بهدوء تشابي : من مصلحتنا كلنا ، فالون واحد من اهم فروع المنظمه زمان و .... يقاطعه انور و هو يضحك ضحكه عاليه تبين استهزائه بكلام تشابي ثم يقول له انور : انا عارف كويس انك خليت فالون زعيم المنظمه علشان يكون هو الي في وش المدفع ، لقب بس تشابي : فرح بيها بس ميعرفش ايه الي ممكن يستناه انور : الي ممكن يستناه كتير اوي ، بس متخفش انا معاك و اول ما تيجي الفرصه المناسبه اننا نخلص منه مش هنتردد تشابي : دا اكيد و دا الي مفروض ياخد باله منه علي الاقل دلوقتي في المنظمه يجلس توماسي و امامه صقر و فرانك ينظرون له في فتره صمت طويله ثم يفتتح صقر الكلام و يقول صقر : تفتكروا هيوافق يساعدنا فرانك : الحكايه دي مكنش مفروض تحصل اصلا ، كده هيقبض علينا توماسي ( بعصبيه ) : انا قلت من الاول الي خايف ميكملش معايا ، و الي عايز يمشي دلوقتي يمشي فرانك : انا مش قصدي كده يا توماسي ، انا بس كنت بقول كده علشان نلحق الدكتوره مي صقر : فرانك عنده حق يا توماسي ، الخطوه دي ممكن تغير كل حاجه و نتسجن و تشابي هيشغل المنظمه و هيكبر يجلس توماسي و يفكر و يقول توماسي : لو الي في بفكر فيه طلع صح ، الضابط عمر هيكون هنا انهارده و هيساعدنا في بيت فالون يجلس فالون في مكتب بيته المحمي برجالته و يدخل عليه انور و يبتسم فينظر فالون يقول له فالون : ايه عرفت هو بيفكر في ايه انور : زي ما فكرت بالضبط ، عايز يخليك واجهه بس بدون اي قيمه و بعد كده يخلص منك فالون : و العمل ايه ، تشابي هيكون ديما واقف قدمنا لازم نخلص عليه انور : لاء انا مش مع الراي دا دلوقتي ، بس فيه حاجه تانيه ممكن تفيدنا اكتر ، ورقه رابحه فالون : ايه هي الورقه دي يبتسم انور و ينظر له ثم يقول انور : الدكتوره مي . في المنظمه ينظر صقر من شباك المكان المخبئين فيه ليجد سياره الضابط عمر يقف في اسفله فيفتح توماسي الباب و يدخل الضابط عمر و يقول عمر : انا هساعدك يا توماسي ، هساعدك علشان هو دا الاختيار الصح في الظروف دي ، بس زي ما اتفقنا بعد ما الحكايه دي تخلص تسلم نفسك و تقولي الحقيقه كلها يتبع | ||||
29-10-15, 04:56 PM | #1589 | ||||
نجم روايتي وكاتب في قصص من وحي الاعضاء
| منتظر اسئلتكم الاول و بعد كده اجابات الاسئله اسئله 1. ماذا سيفعل عادل بعد ان تاكد من الشك الذي كان بداخله ؟ 2. ماذا سيحدث للدكتوره مي ؟ 3. هل الضابط عمر سيكشف عن ملف المنظمه ام سيتركه و يساعد توماسي ؟ 4. هل سينتصر توماسي في معركته امام تشابي و فالون ؟ 5. هل اخ الضابط محمود عايش ام قتل ؟ اجابات 1. هل كلام يحيي صادق و فعلا توماسي هو الي قتل الدكتور عمار منصور ؟ توماسي هو الي قتل عمار منصور لكن يحيي مشفش الي قتل زي ما كان بيقول 2. هل الضابط عمر سيساعد توماسي ام سيقبض عليه ؟ سيساعده مع استمرار سؤال الروايه الاساسي 5 . هل توماسي هو الضابط محمود ام لا ؟ rontii : هو الضابط محمود شخص واحد فقط و اخوه التوام غير موجود حياتى هى خواتى : لأ مش محمود و هما اتنين Bassantota : لا هما اتنين عايشين بيكملوا بعض برجاء حل جميع الاسئله و عدم الاكتفاء بحل سؤال الحلقه فقط | ||||
أدوات الموضوع | |
انواع عرض الموضوع | |
|
|