|
مشاهدة نتائج الإستطلاع: ما القصه التي تريد ان تعرض شهر مارس ؟ | |||
1. بين الحياه والنوم (( كوميديا )) | 34 | 68.00% | |
2. سهم طائش (( تيراجيديا )) | 16 | 32.00% | |
المصوتون: 50. أنت لم تصوت في هذا الإستطلاع |
| LinkBack | أدوات الموضوع | انواع عرض الموضوع |
10-08-15, 10:01 PM | #911 | ||||
| سؤال الحلقه العاشره : ماذا سيفعل عادل عندما يعرف من قتل الدكتور عمار منصور ؟ حيحاول يوصل لعمر ويقوله سؤال الحلقه التاسعه : من الذي كان يكلم صقر في التليفون ؟ توماسي سؤال الحلقه الثامنه : هل قتل توماسي ؟ لا مش وقته يموت خالص سؤال الحلقه السابعه : ما سر حادثه مقتل زوجه الضابط عادل ؟ اسئله الموسم الاول 1 . ماذا كان يخبئ الضابط محمود قبل الحادث ؟ السي دي عن المنظمة 2 . ماذا كان يوجد في السي دي الذي كان مع الضابط معتز ، و ما هو الباسوورد ، و من الذي ارسله للضابط معتز ؟ ( مستمر افراد المنظمة واللي بعته توماسي ) مع استمرار سؤال الروايه الاساسي 3 . هل توماسي هو الضابط محمود ام لا ؟ ( السؤال مستمر حتي نهايه الروايه باكملها ) لا السؤال المهم مين اللي كان بيكلم عادل في السجن واداله المعلومات دي حسه ان في لعز بس انا مش عارفاه حالياً الحلقه رائعه كالعادة بانتظار الحلقه الجايه | ||||
10-08-15, 10:09 PM | #912 | |||||
نجم روايتي وكاتب في قصص من وحي الاعضاء
| اقتباس:
بشكرك جدا و فعلا فيه لغز بس هل فعلا توماسي مات ولا لاء و اجابه السؤال دا في اجابه الاسئله التانيه ، شكرا علي توقعاتك و انتظري بعد قليل الحلقه الثانيه عشر و نشوف ايه الي هيحصل | |||||
10-08-15, 10:19 PM | #914 | |||||||||||||
نجم روايتي وكاتبة في قسم قصص من وحي الأعضاء
| اقتباس:
| |||||||||||||
10-08-15, 10:21 PM | #915 | ||||
نجم روايتي وكاتب في قصص من وحي الاعضاء
| الحلقه الثانيه عشر ( الموسم الثاني ) بسم الله الرحمن الرحيم الحلقه الثانيه عشر ( الموسم الثاني ) من روايه توماسي E12 S2 Tommasi في بيت الضابط عمر يجلس الضابط عمر حزين علي موت ابنه و يظهر عليه اثار التعب و الارهاق غير اللحيه التي تخفي جزء كبير من وجهه و وسامته و توضح انه بدء يهمل في نفسه و صحته ، يرن جرس الباب فيذهب الضابط عمر ليفتح ليجده حارس السجن الذي اعطي له عادل الورقه فيقول له - ازيك يا فندم ، انت مش عارفني ينظر له الضابط عمر فتره ثم يقول له عمر : اه عارفك ، انت حارس من حراس السجن صح - ايوه يا فندم ، انا جاي بخصوص الضابط عادل عبد الرحمن عمر : عادل عبد الرحمن عايز ايه - هو كان عايز يشوفك بس حضرتك مبتجيش المكتب بقالك فتره عمر : انا خلاص مش هاجي المكتب تاني ، انا مش ناوي اشتغل تاني - يا فندم هو كتب ورقه لحضرتك و قالي لازم اوصلهالك عمر : مش عايز حاجه ، شكرا لسؤالك يريد ان يغلق الباب و لكن الحارس يقول له - يا فندم طب خود الورقه و اعمل الي حضرتك عايزه ، المهم اوصلك الامانه ياخذ الضابط عمر الورقه منه و ينظر له بكراهيه ثم يذهب ذلك الحارس و يقفل الباب و يذهب الي غرفته و يرمي الورقه علي الارض و يجلس علي السرير يفكر في ابنه الذي لم مات و لم يتعدي الخمس سنوات ، مات وهو مريض لم يراه في المستشفي و لم يكلمه كثيرا ، كم تمني ان يبقي معه و يحتضنه و لكنه القدر ينظر الضابط عمر الي الورقه مره اخري بفضول يريد ان يعرف ما بها فيذهب لها ويفتحها ليجد مكتوب بها - ساعدني اوصل لبرئتي هساعدك توصل لتوماسي ينظر الضابط عمر للورقه ثم يتجه لغرفته مسرعا في بيت فالون يجلس فالون و يجلس امامه انور مختار و فيقول له انور : انت ازاي تعمل كده ، ازاي تقتل توماسي و ليه احنا كنا محتاجينه فالون : احنا ، انت نسيت انت مين ولا ايه ، نسيت انك كنت ميت و انا الي حيتك تاني انور : لاء منستش بس انت كده هتخلينا كلنا نموت ، و بعدين ازاي تتفق مع تشابي و هو هربان من السجن فالون ( بعصبيه ) : انور انا هقولك حاجه تحفظها و متنسهاش ، انت هنا محمي علشان خاطر توماسي ، توماسي مات للاسف دورك انتهي انور : يعني ايه يا باشا بتستغني عني فالون : انت مفروض تشكرني اني مقتلتكش بعد الي انت عرفته عني و عن المنظمه ينظر له انور بحده ثم يقول له انور : كده انا فهمت ، بس متاخر يذهب انور مختار في وقت دخول فرانك فينظر له ثم يقول فرانك : ايه فيه حاجه ولا ايه ينظر له انور مختار بعصبيه ثم يخرج و يتركهم ، بينما يدخل فرانك و يقول لفالون يخرج انور مختار من البيت و يمشي في الطريق في حين تقف سياره امامه و يخبطوه علي راسه و يدخله داخل السياره في بيت الدكتوره مي تجلس الدكتوره مي في منزلها و هي تبكي علي بنتها و علي اياد ايضا ابن عادل فتسمع جرس الباب يرن فتذهب مسرعه لتفتح علي امل ان تجدهم لتري صقر يقف امامها فتنظر له بحده و ترفع يدها لتضربه فيمسك يدها و يقول لها صقر : اهدي و اسمعيني ، انتي هتيجي معايا دلوقتي علشان المكان هنا مش امان عليكي تنظر له بدموع و تقول له مي : بنتي فين ، ارجوك بنتي فين و عملت فيها ايه صقر : انا هنا لمساعدتك ، انا خطفت الطفلين علشان احميهم و انتي لازم تسمعي كلامي و تيجي معايا دلوقتي مي : هتوصلني ليهم صقر : لاء مش هينفع دلوقتي ، بس متخفيش هما في امان مي : انا عايزه اشوف بنتي ، هي فين و انت تبع مين صقر : اخر مره هقولك تعالي معايا في سكوت ، دا لو عايزه تشوفي بنتك تاني تنظر له الدكتوره مي و هي تبكي ثم تذهب معه في مكتب الضابط عمر يدخل الضابط عمر مكتبه مسرعا و يقول لمساعده بصوت قوي عمر : انا عايز عادل عبد الرحمن هنا دلوقتي يجلس الضابط عمر و يفتح درج مكتبه و يبحث في الملفات التي داخله حتي يجد الملف المطلوب و يكون مكتوب عليه اسم ( توماسي ) فيفتحه و يبدا يقرا ما بداخله ليعيد الاحداث في ذهنه مره اخري و بعد فتره يدخل عليه عادل و يجلس امامه فينظر له الضابط عمر و يقول له عمر : فين مكان توماسي عادل : البقاء لله الاول ، ابنك في نفس سن ابني ، انا مقدر الحزن الي انت فيه عمر : فين مكان توماسي يا عادل ، انت عارف كويس ان توماسي ممتش عادل : هتساعدني اني اثبت برائتي الاول ، و بعد كده هوصلك لتوماسي عمر : اثبت برائتك ازاي بقي و انت كل الدلايل ضدك عادل : الي قتل الدكتور عمار منصور موجود في السجن و هو الي قالي عمر ( متعجب ) : هو الي قلك انه قتل الدكتور الي انت متهم في قتله ، ايه الجنان دا عادل : عمر انا عارف انك متاكد اني مقتلتش الدكتور ، استجوبه مش هتكسب حاجه عمر : و لو استجوبته هتدلني علي مكان توماسي عادل : لو اتاكدت اني برئ الاول ، و ان الشخص دا هو الي قتل ، ساعتها هتعمل حاجه تانيه قبل ما اقولك مكان توماسي عمر : عايزني اعمل ايه بقي عادل : تهربني من السجن ! ينظر الضابط عمر متعجب لما يقوله عادل . في مكان مجهول تنزل الدكتوره مي مع صقر من السياره امام بيت مهجور لا يسكنه احد منذ زمن فتقول له بخوف مي : انت هتدخلني فين ، انت عايز مني ايه يقول لها صقر بثقه صقر : متخفيش يا دكتوره تابعي بس و تاكدي انك في امان تدخل الدكتوره مي و معها صقر ذلك المكان القديم و يدخلون غرفه بها كرسي واحد فقط فيقول لها صقر صقر : اتفضلي اقعدي هنا ، و انا كده دوري انتهي يبدا صقر بتركها و لكنها تقول له بخوف مي : انت رايح فين و في ايه بالضبط يبتسم لها ويقول صقر : متخفيش يا دكتوره ، فيه شخص عايز يشوفك مي ( بخوف ) : شخص مين الي عايز يشوفني تسمع الدكتوره مي من خلفها صوت لشخص يقول - انا ، انا الي عايز اشوفك تلتفت و تنظر له مسرعه لتجده هو ! في مكتب الضابط عمر عمر : اهربك ازاي انت مجنون عادل : لاء انا مش مجنون ، انا عايز اخد حقي من الي قتلوا مراتي و انت الي عليك تثبت برائتي عمر : عادل انا مكنتش هرجع الشغل ابدا ، بس كنت عايز اعرف .... يقاطعه عادل و يقول له عادل : كنت عايز تعرف مين هو توماسي ، و بيعمل كل دا ليه ينظر له الضابط عمر ويقول له عمر : انت عارف هو مين و بيعمل كل دا ليه عادل : هقولك ، بس بعد ما تهربني عمر : و انا ايه الي هيثبت انك صادق في كلامك ، هتبيع صحبك الي مخطط معاه كل دا عادل : الي هيثبتلك حاجه واحده بس عمر : ايه هي الحاجه دي عادل : هدلك علي مكانه ينظر له الضابط عمر و يندهش لما يقوله فيقول له عمر : غريبه ، انت بتعمل كل دا ليه هو باعك عادل : تقدر تقول كده انا الي هشتري نفسي في البيت المهجور تجلس الدكتوره مي و تنظر لذلك الشخص لفتره و تقول له مي : انت مين ؟ - معقوله نسيتيني بسرعه اوي كده مي : انت مش هو ، الشكل هو لكن مفيش حاجه مطابقه ، نظره العين و لا الحركه و لا حتي سرعه التنفس - انا عارف انك محلله نفسيه ، بس مكنتش اعرف انك بالمهاره دي ، انا فعلا مش توماسي مي : اخوه ؟ - بالضبط كده ، انا الضابط محمود سليمان ! في بيت تشابي يقوم تشابي من نومه فينادي علي صقر فلا يرد احد عليه فيقوم و يخرج من الغرفه و ينادي مره اخري فيجد صقر امامه و يقول له صقر : ايه يا قائد نمت كتير اوي انت انهارده تشابي : اه بعد الي حصل دا انا استريحت ، بفكر اسيب المنظمه خالص صقر : فكره كويسه ، خصوصا ان الامور في المنظمه مبقتش مؤمنه الفتره دي و ظهر فيها حاجات كتير ينظر تشابي الي صقر لفتره ثم يقوم من مجلسه و يذهب اليه و يقول له تشابي : عارف يا صقر الذئب الحيوان الوحيد الي عمره ما بيأمن لاي شخص ، بينام و عنيه مفتحه مش خوف بس حذر صقر : مش فاهم تقصد ايه يا قائد تشابي ( يبتسم ) : لاء انت فاهم كويس انا اقصد ايه ، و عارف كويس اني اقدر اقتلك بعد خيانتك ليا ينظر صقر لتشابي ليكمل تشابي دون ان ينقطع عن الحديث و يقول تشابي : بس عارف انا عجبتني اللعبه اوي ، عايز اشارك فيها بس يكون دوري مهم ، انت عارف اني مبحبش الادوار الصغيره صقر : كنت متاكد انك هتعرف بسهوله ، شخص بالذكاء الي انت فيه اكيد لازم يعرف مين الي بيخونه تشابي : و مش هسالك خونتني ليه مش عايز اسباب في اكتر من كده ، انا عايز اعرف توماسي مات ولا ممتش صقر : حاجه زي دي تقدر تعرفها بسهوله ، بس الي انت متعرفوش ان ميعاد نومك جيه يخرج صقر من جيبه بخاخه و يرش بعض منها علي تشابي فيقع علي الارض بعد ان جاء له حاله اغماء فينظر له صقر ويقول صقر : الي انت متعرفوش ان الذئب بيخاف يقرب من النار في البيت المجهور مي : مش عايزه اعرف انت بتعمل كده ليه ؟ مش عايزه اعرف انت دخلتني في اللعبه ليه ؟ فين بنتي ؟ محمود : توماسي حكي عنك كتير اوي و عن مريم مي : فين بنتي ؟ محمود : مكنتش اعرف انه هيتعلق بيكي كده مي : فين بنتي ؟ محمود : هتروحي لبنتك دلوقتي بس هتفضلي معاها و متتحركيش من مكانك خالص في خطوره علي حياتك لحد بس ما نبعدك عن دا كله مي : انا مش عايزه ادخل في حاجه تاني ، كفايه الي حصل محمود : حبتيه ؟ تنظر الدكتوره مي للضابط محمود سليمان فيقول لها محمود : هو كمان حبك و دا كان سبب موته تنظر له باستغراب و تقول له مي : هو مات فعلا ؟ محمود : انتي شايفه ايه ، مات في وسط الطريق و الناس كلها شافته ميت مي : زي مانت مت من سنتين في حادثه يبتسم الضابط محمود و يقول لها محمود : انتي فعلا ذكيه جدا ، بس فعلا توماسي مات يتبع | ||||
10-08-15, 10:26 PM | #916 | ||||
نجم روايتي وكاتب في قصص من وحي الاعضاء
| اسئله الحلقه الثانيه عشر : 1 . هل ذلك الشخص الذي كان يحدث الدكتوره مي هو الضابط محمود سليمان 2 . هل عادل سيخون توماسي فعلا و يقول علي مكانه للضابط عمر 3 . هل سيهرب عادل من السجن 4 . من الذي خطف انور مختار اجابه سؤال الحلقه العاشره : ماذا سيفعل عادل عندما يعرف من قتل الدكتور عمار منصور ؟ ( سيحاول الهروب من السجن كي ينتقم و يثبت برائته و سيساعده الضابط عمر اجابه سؤال الحلقه التاسعه : من الذي كان يكلم صقر في التليفون ؟ ( الضابط محمود سليمان ) زي ما قال هو سؤال الحلقه الثامنه : هل قتل توماسي ؟ سؤال الحلقه السابعه : ما سر حادثه مقتل زوجه الضابط عادل ؟ اسئله الموسم الاول 1 . ماذا كان يخبئ الضابط محمود قبل الحادث ؟ 2 . ماذا كان يوجد في السي دي الذي كان مع الضابط معتز ، و ما هو الباسوورد ، و من الذي ارسله للضابط معتز ؟ ( مستمر ) مع استمرار سؤال الروايه الاساسي 3 . هل توماسي هو الضابط محمود ام لا ؟ ( السؤال مستمر حتي نهايه الروايه باكملها ) برجاء حل جميع الاسئله و عدم الاكتفاء بحل سؤال الحلقه فقط | ||||
10-08-15, 10:42 PM | #917 | ||||
نجم روايتي وكاتب في قصص من وحي الاعضاء
| الحلقه الثانيه عشر بها اربعه اسئله ، خرجت عن سيطرتي و بان فيها حاجات كتير ، اتحلت فيها الغاز و زاد فيها الغموض في نفس الوقت ، علشان كده بطلب من مشرفه الروايه الجميله رونتي الي ديما متاخره عن قرايه الحلقات انها تضيف جنب الحلقه ( حلقه مميزه ) ، يارب الحلقه تعجبكم | ||||
10-08-15, 10:51 PM | #918 | ||||||||||||
نجم روايتي وكاتبة في قسم قصص من وحي الأعضاء
| رحمتك يارب أنا هخرج من الروايه دى بربع عقل بما ان الربع راح فى تياترو والنص هيروح هنا محمود سليمان عايش ماشى بس ده معناه أن توماسى كان بيكدب عليها أخر مره ويعنى ايه توماسى مات يعنى انور الزفت يعيش وتوماسى يموت عمر رجع الشغل تانى وكنت عارفه ديل الصابط ميتعدلش بس هل عادل هيبيع توماسى فعلآ وهل فى الخن اللى محمود عامله ده هيكون معبى فيه سلمى مع مريم واياد أنا متلخبطه والله ومش عارفه أعلق هجاوب الاسئله أحسن | ||||||||||||
10-08-15, 10:57 PM | #919 | |||||||||
مشرفة وكاتبة في منتدى قصص من وحي الأعضاء ومحررة واعدة بعمود الأعضاء
| اقتباس:
احط رايط الفصل و ارجع ارد علي الاسئلة | |||||||||
10-08-15, 11:00 PM | #920 | |||||||||||||
نجم روايتي وكاتبة في قسم قصص من وحي الأعضاء
| اقتباس:
| |||||||||||||
أدوات الموضوع | |
انواع عرض الموضوع | |
|
|