آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
08-03-16, 05:53 AM
| #31 | |||||||||
| نجم روايتي ومشرفة سابقة وفراشة متالقة بعالم الازياء  
|  سجى: لا يفوتك بس البنات كبوا عليها أنواع العصيرات عبايتها صارت تقررررف غزل: ههههههههههههههههههههههههه هههههههههه احسن شيماء: عباتها صار يابسه وريحتها مقرفه لو انا منها ما طلعت الشارع فيها غزل دمعت عيونها من الضحك جواهر: فضيت لك شاحن جوالها ما بقيت فيه حتى واحد % غزل: احسسسسسسن تستاهل الـ×××× الكل ميت ضحك رهف: والله الله يعينك ع أهلهم مرههه شكلهم ملا×× غزل: لا الوليد قالي لا تقربي منهم ومدري ايه هاجر: كويس الله يحميك منهم غزل: كان نفسي اشوفففففهاااااااااا سجى: صورت لك عبايتها غزل: امانه وريني هيا سجى طلعت جوالها و دخلت ع الصور و ورتها صورت عباية شروق غزل ماااااااااتتتتتتتتتتت ضحك: ههههههههههههههههههههههههه هههههههههه ههههههههههههههههههههههههه هه ههههه يوووووه ايش دا مها: شوفي عبايتها انتي بس تفششششششششل انا لو منها اخر مره البس عبايه ملونه غزل: تستاااااهل &&& في الفندق &&& بو ماجد: ابيك تلحق هذي فاطمة ماجد: ابويه انت من جدك بو ماجد: ايه من جدي ماجد: بقعد الاحق حظرة جنابها عشان اطلع وحدة مو موجودة بو ماجد: بتسوي اللي اقولك عليه ولا اسويه انا ماجد سكر عيونه بقوه و فتحها: ابشر &&& في الاستراحة &&& ثامر: انا سمعت غلا و هي تكلم غرام معتصم: ما عرفت وينها ثامر: لا معتصم: دحين انت كيف عرفت ؟؟ ثامر: سبقت هاني لانوا هاني كان يدور جواله بسيارة احمد و كدا وقالي اسبقوا سمعت غلا وهي تكلم غرام بس ما نطقت بأي كلمة تبين هيا وين معتصم: خلاص نطلع الرقم اللي دقت عليها منو غرام و ندور الإشارة ومن وين تكلمت و نقدر نحدد مكانها ثامر: تتوقع ينفع معتصم: بينفع ثامر: كيف بنجيب الرقم اللي دقت عليها منو؟ معتصم: والله هدا بيدك حاول تجيب جوال غلا و تاخد الرقم ثامر: كيف بعرف معتصم: جيب كل الأرقام الأخيرة ثامر: خلاص بدور حل معتصم: دحين روح ثامر: دحين!!؟ معتصم: ايوه ممكن تمسح الرقم ثامر قام: طيب يلا سلام طلع بسرعه وركب سيارته &&& في بيت بو عمر &&& عمر: اختي متى بترجع ؟ بو عمر: اليوم ان شاء الله عمر: بالليل ؟ بو عمر: ايش تبا فيها؟ عمر: في فلم قالت لي نفسها تشوفه وحملتو لها بو عمر: خلاص بالليل شوفوه ام عمر وهي ترتب: ما في أفلام بالليل بكرا عندوا دوام بو عمر: ايوه صح كلام امك عمر: بابا تكفى ابي افرح ليان ام عمر: انا بفرجها هو و بقولها انك حملتو لها عمر: امممييي تكفييين ام عمر: ع حسب الوقت اللي بترجع فيه نينا عمر طلع جواله ودق ع ليان ليان: هلا حبيبي عمر: متى حترجعي ليان: بالليل عمر: تكفين تعالي بدري عندي لك مفاجأة و اباك تجين ع الساعه 7 ليان: ممكن بالكتير نحرك 7 عمر: طيب اهم شي لا تحركوا 9 ليان: طيب بكلمهم عمر: يلا سلام &&& في فلة بو هاني &&& ثامر طلع من فلة عمه" يووه ليا ساعة انتظرها تطلع قدامي وهي برا " تقدم لها: سلام غلا: وعليكم السلام ؟ ثامر: ايش عندك قاعدة برا؟ غلا: طفشانه ثامر: روحي للبنات غلا: مالي خلق ثامر دخل يداته بجيبه وسوا نفسه يدور غلا: ايشبك ثامر: جوالي ما ادري وينه غلا: ممكن داخل ثامر: م ادري اديني جوالك ادق عليه و شوفي ادا هو داخل ولا لا غلا عطته جوالها ثامر سوا نفسه يدق وهو متأكد ان جواله صامت غلا دخلت داخل ثامر دخل ع السجلات و قعد يصور الشاشه ويرسل لنفسه وصور اكثر من رقم و مسح الرسايل و سوا نفسه يرجع يدق غلا طلعت: ما في حاجه داخل ثامر: ممكن طاح بالحديقة دقي دقي انا بدور عليه غلا رجعت تدق ثامر بعد عنها ورما جواله بعيد شوي: اهوه لقيته غلا لفت عليه ثامر: صامت غلا هز راسها فوق و تحت ثامر: تسلمي و طلع &&& في فلة احمد &&& س 9:45م احمد: اوصلك مريم ؟ مريم: مالوا داعي ارتاح بجي دحين ... دق الجرس مريم: اكيد هدا مهند مسعدة: مهند مريم: شفت ما قلت لك احمد ضحك: الله معك مريم طلعت غرام: السرير السريييييييييييير فاطمة: انا بتابع فلم سونيا: أقول قومي بس بكرا وراك دوام فاطمة: انا لله &&& في الاستراحة &&& معتصم يضحك: بنت عمك دكيه ثامر: ليه؟ معتصم: مسحت الساعة اللي كنتو فيها بالمستشفى ثامر: ما تقدر تطلع اللي انمسح معتصم: والله ما اعرف لو معي الجوال كان ممكن خليت واحد يطلع لك بس انت مصور لي دولا بس ثامر ضرب الطاولة بيده معتصم: هدي مو اهم حاجه انها بخير ادا عرف عمك مكانها بياخدها ثامر ناظره معتصم: ممكن هي بمكان اريح لها ثامر سكت ( اليوم الثاني ) &&& في فلة بو مهند &&& مريم: لا انا بمر ليان و بنروح بيت احمد بو مهند: احمد شكلوا ندم من كتر ما تزعجوه مهند :هههههههههههههه مريم: يحصل لو بو مهند: روحي قبل ما تتأخري ع البنت مهند: هيا طلعوا وركبوا السيارة وحركوا حركت وراهم سيارتين كالعادة مريم: ليان تقدري تجي للشركة ليان: لا ي امي انا قد حركت بالتاكسي مريم: اما اوك كنت بمرك ليان: كنت بدق عليك دحين و اقولك مريم: طيب يلا سلام سكرت منها مريم: روح ع الشركة لانو هيا حركت مهند: طيب وصلوا لشركة وكالعادة نزلوا و طلعوا من الباب الخلفي بس هالمره لحقهم شخص ثالث &&& في فلة احمد &&& غرام: كيفها دحين ؟ غلا: كويسه اليوم نزلت ع الفطور غرام: طيب كيف امي ؟ غلا: مشتاقة لك مره غرام ابتسمت: وهاني ؟ غلا: كل يوم وهو يحوس يدور عليك غرام: الله يعينه غلا: امين غرام: و توأمي غلا: توأمك ترتاح لما تسمع صوتك غرام: ههههههه اجل ما بطول دي الراحة لانو لازم اسكر غلا: دقي علي مره تانيه غرام: يصير خير سلام سكرت منها &&& في شركة بو هاني &&& بو هاني: حلو حدد موقعها و شوف هيا وين بالضبط السكرتير: حاضر بو هاني: وطلع لي كلللل معلومات المكان السكرتير: ع امرك بو هاني مشا &&& في سيارة ماجد &&& ماجد: ايه يبا لحقتهم لحقتهم ما خليتهم يمشون ولا خطوه بدوني بو ماجد: وينك الحين ؟ ماجد: اممم بحي الـ***** بو ماجد: خلاص خليك عندهم لين تعرف مكانها ماجد: ابشر ابشر سكر من ابوه ماجد: فاضيي لأمهم انا &&& في سيارة مهند &&& سفط ع جنب مهند: انتبهي لك مريم: طيب و انت كمان مهند: ادا احتجتي حاجه دقي علي مريم: اوك نزلت و دخلت الفلة احمد: يلا مدامكم اجتمعتوا انا لازم امشي عندي شغل غرام: انتبه لنفسك احمد ضحك: اوك و انتو كمان و طلع غرام: هيا انتي خلصينا وراك دوام فاطمة: اكل من حلالك ؟؟ غرام: هيا ي امي انقلعي مريم: انا بجي معك فطوم فاطمة: والله بتملين مريم: معليه غرام: انتي ليه مو مداومه اليوم؟ مريم: ابويه ما سألني سونيا: ع أساس انو مريم دايم تداوم اول الأيام الكل ضحك مريم: نينينيني بكرا بداوم و بتشوفون غرام: يجيب الله مطر بعد ما خلصوا فطور سونيا: هيا بنات ليان: جيت جيت فاطمة: قومي مريم غرام: قوموا اكرفوا انا برجع انام فاطمة: انقلعي ×××× غرام ضحكت طلع الكل غرام لحقتهم: فــــاطمة فاطمة لفت وبعدها لفوا الكل غرام: امانه شوفي ادا البنات اللي يجون كل يوم جايين ولا لا و ادا جو دقي علي ع طول فاطمة ضحكت: طييييييييب و ركب الكل السيارة ** في سيارة ماجد ** ماجد " هذيك كذابة وذي اسمها فاطمة .. معقوله يكون كلام علي صح!!" حركت سيارة السواق و حرك وراها ماجد &&& في الاستراحة &&& معتصم: ثامر ثااااامررر ثامر بصوت كله نوم: همممممممم معتصم: قوم هيا ثامر لف وعطاه ظهره معتصم: قوم ياخي جوالك ازعجني وهو يدق ثامر معطيه طنااااااااااااش معتصم: شكلهم لقوا غرام ثامر فز بسرعه: مين ؟ معتصم: اول ما جبت سيرة غرام فزيت ثامر رما عليه المخدة: حيـ×××× ع بالي صدق معتصم: قوم شوف جوالك ثامر سحب جواله ولقا اتصالات من امه حطاه صامت ورجع نام معتصم: انا لله &&& في شركة بو هاني &&& س 10 السكرتير: عايشه بحي الـ******* في فلة بو هاني: في فلة !! السكرتير: ايه نعم بو هاني: مع مين عايشه هناك السكرتير: مع بنتين بو هاني: هدولا صديقاتها السكرتير: و واحد بـ 20 و ما فوق و الفلة فلته بو هاني: مع واحد !!!! السكرتير: ايه طال عمرك بو هاني: ما عرفت اسمه ؟؟ السكرتير: الا احمد الـ****** بو هاني: ما عمري سمعت فيه!! السكرتير: مو معروف كتير أصلا بو هاني: و غرام عايشه معاه ؟؟! السكرتير: ايوه طال عمرك متل ما قلت لك بو هاني وهو ماسك دقنه: حلووو .. خلاص روح هناك وشوف ادا المكان فاضي ولا موجود احد معاها السكرتير: حاضر وطلع &&& في المول &&& فاطمة تتكلم مع غرام: موجودين ويلف لفون حول المحل غرام ضحكت: شافوهم ولا لا فاطمة: ولد عمك لسا ما جاء غرام: احسن فاطمة: جاني زبون هيا سلام غرام: زبووون !!! فاطمة: هيا انقلعي سكرت منها ماجد: اختي فاطمة: هلا كيف اخدمك ماجد: ابي روج يكون يلبق ع لون بشرتي او افتح فاطمة ناظرته باستغراب ماجد: اختي أبي اجيب لها وهي نفس لون بشرتي فاطمة: تفضل واحدة من الموظفات: فاطمة فاطمة لفت عليها: هلا الموظفة: اديني من عندك متل دي المسكرا فاطمة: اهوه خدي الموظفة اخذته منها: تسلمي فاطمة: تفضل ماجد: خلاص خلاص أبي نفس هذا فاطمة ناظرت الروج اللي بيده ماجد: يعطيك العافية وراح للموظفة الثانية و دفع عندها: احم الموظفة ناظرته ماجد: متى موعد البريك حقكم ؟ الموظفة ابتسمت: أمم بعد نص ساعة ماجد: حلو الموظفة حطت الروج بكيس و عطته ماجد ابتسم لها ومشا فاطمة: ايش يبا دا الموظفة: يجنننن فاطمة: انتي كل الرجال عندك يجننو أصلا الموظفة: سأل عن موعد البريك حقنا فاطمة: طيب &&& في فلة احمد &&& اندق الجرس فتحت الخدامة: نئم ؟ ....1: احمد موجود؟ الخدامة: سير احمد بالشغل ....1: طيب أبا اغير المكيف الخدامة: ماكو مكيف خربان ....1: سير احمد دق عليا وقالي اصلحه الخدامة: مافي سير احمد ما في غير مدام غرام .... لف و اشر للي بالسيارة بيده طلع واحد من السيارة ومسك الخدامة وجرها الخدامة بصراخ: آآآآآآآآآآآآآآآآآآآآآآآآآ آآآآآآآه طلعت مسعدة بسرعه: في ايه ؟ ....1 دخل مسعدة: انت مين !!!؟؟؟ ....1: سكر فمها ودخلها المستودع وسكر عليها الباب وهي تصرخ غرام سمعت صوت الصراخ و اتجهت بسرعه لدرابزين ....1: دوروا عليها في كل مكان ودوروا كمان فوق غرام رجعت ع ورا بسرعه و دخلت الغرفة و اخذت عبايتها ونزلت بسرعه من الدرج الثاني و اتجهت للمطبخ و طلعت من بابه لبرا البيت &&& في مؤسسة احمد &&& س 1:34 احمد: اييش ؟؟؟ .......................... جاي جاي يلا سلام سكر بسرعه و قام وطلع سريع و ركب سيارته وحرك للبيت وقف قدام بيته وشاف جاره احمد: وين الخدامة؟ جاره: دخلوها الحريم عندنا كان مغمى عليها و الباب حق بيتك مفتوح احمد: يعطيك العافية دخل بسرعه وبصراخ: مسعععععععععدةةة مسعدة ضرب باب المستودع احمد راح بسرعه للمستودع وفتح الباب مسعدة وهي تصيح: غـ-ـرام احمد فتح عيونه ع وسعهم: ايشبها ؟؟ ومين سوا فيك كدا ؟؟ مسعدة قاعدة تحاول تمسك نفسها احمد بسرعه ركض و جاب لها قلاس مويه مسعدة شربت شويه احمد بصراخ: غرااااااااااااااااااااااا اااااااام مسعدة تحاول تمسح دموعها احمد: مسعدة وين غرام ؟؟ مسعدة تصيح: ما اعرفش ما اعرفش ادا موجودة ولا لا احمد بعصبية: كيف ما تعرفي ادا موجودة ولا لا!! مسعدة تحاول تمسح دموعها: دخلو رجال كتير اوي ــ شهقت بين صياحها ــ جيت بزعق خدوني و دخلوني هنا بعد كدا ما عرفت ايش اللي جرا ابدا احمد مسك راسه بعصبية: انا للللله ............. بعد ساعه .............. اجتمع الكل ببيت احمد فاطمة: محد يسوي كدا الا بو هاني احمد: كيف عرف انها عندي فاطمة: مدري مدري سونيا: ندق ع غلا ؟ مريم: دقيت عليها جوالها مقفل احمد جلس وحط راسه بين يديه فاطمة اخذت جوالها وطلعت ليان: فاطمة احمد وقف ولحقهم: بنات وين رايحين استنو فاطمة: ما اقدر استنا بروح عند ابوها احمد: انا بوصلكم فاطمة: لا تكفى لا تجي مسعدة مسكت احمد: خليهم يروحوا يعرفوا يتصرفوا مريم: انا مكلمه مهند من اول وهو دحين بجي فاطمة رفعت راسها ونزلت دموعها: يارب ياااارب احمد دخل و طلع غرفته: غبي غبي غبيييي كيف اخليها لحالها هنا كيييييييييف شوي وجاء مهند ليان: مسعدة تكفين قولي لاحمد انو حنا طلعنا مسعدة: طيب انتبهوا لنفسكم ركب الكل مع مهند مريم: روح حق بيت صاحبك مهند: هاني؟ فاطمة: في غيرهم !! مهند حرك .......... شوي ووصلوا .......... اتجهت فاطمة للفلة و دقت الباب بقوة الخدامة فتحت لها الباب: نئم ؟ فاطمة دفت الباب برجولها بعصبية و بصراخ: غـــــــــــــااااااااااا ااااااانننننننننننننننننن نننننننننننننننننمممممممم مممممممممممم سونيا تصرخ: غااااانم يـ ××× فاطمة: يا جبااااااااان غلا نزلت بسرعه من الدرج: فـــاطـــمة !! فاطمة بعصبية: وين غرااااام هاني: نزل ورا غلا فاطمة بصوت عالي: غراااااااااااااام سونيا + ليان: غرااااااام هاني: وين غرام !؟؟ فاطمة: لا تسوي فيها غبي !!! هاني راح لعندها: تكلمي كويس ويناختي مو ع أساس معكم !! فاطمة: احل ابوك الـ×××× خداها هاني عطاها كف: احترمي نفسك فاطمة صح كانت الضربة مو قويه بس كانت مصدومه منه هاني حس بندم بس ما بين لها فاطمة ناظرته: يديك العافية بس اختي طلعوها يـ×××× هاني: سبيني بكيفك ابويه لا فاطمة: ابوك أساس البلا هاني: دحين تكلمي وين غراااام مريم: اسأل أبوك المحترم هاني: ابويه ما رجع لحد دحين مهند دخل: هاني لو سمحت كلم ابوك خل يرجع غرام كل شي عندكم بالغصب !!؟؟ هاني: والله العظيم ما اعرف عن حاجه غلا: ابويه ما يرد ليان: طبيييييييعي ما يرد يا حبيبة امك اخد البنت و قفل جواله فاطمة طلعت بسرعه وركضت للبوابة مهند: فاااطمة هاني ركض وراها: فــــااااااااااااااااطممم ممممممممة فاطمة طلعت بسرعه من البوابة الرئيسية وهي تصيح نزل بسرعه من سيارته ومسكها من زندها: فــاطمة !! فاطمة بدون ما تنتبه مين اللي ماسكها: ابعد عني ماجد: فاطمة هدي انتهـــى البـــ[24]ـــارت ان شاء الله ينال اعجابكم اراكم ع خير ان شاء لله.. ولا تحرموني من ردودكم وتوقعاتكم و بليييييييييييز ما ابي احد من خلف الكواليس شاكره لكم .. مع تحياتي: جذابة والعيون غلابه {  } ^__^للأسئلة و الاستفسارات..   | |||||||||
|  |
|
24-04-16, 06:23 PM
| #32 | |||||||||
| نجم روايتي ومشرفة سابقة وفراشة متالقة بعالم الازياء
| البــ[25]ــارت فاطمة طلعت بسرعه من البوابة الرئيسية وهي تصيح نزل بسرعه من سيارته ومسكها من زندها: فــاطمة !! فاطمة بدون ما تنتبه مين اللي ماسكها: ابعُد عني ماجد: فاطمة هدي هاني طلع من البوابة و ركض لفاطمة: فااااااااطمة ماجد ناظر هاني هاني ناظر يد ماجد اللي ع زند فاطمة: نعم اخوي؟ ماجد لف ع فاطمة: فيك شي ؟؟ فاطمة دفته: ابعععددد عني هاني: مين انت ؟ ماجد: انت اللي مين ؟؟ هاني قرب منه بعصبية: ماسك البنت من يدها و تتعنطز لي ماجد: اختي و انا حر هاني: اختك ×××× ماجد عصب فاطمة ناظرت ماجد: هوب هوب مين انت ؟؟ ماجد ناظر فاطمة: اول شي مين هذا ؟ فاطمة: مالك صلااااح هاني: سمعت يعني انقلع ورينا عرض اكتافك اشوف ماجد: مو رايح بدون اختي فاطمة: هييييييييييه مين اختك انت ؟ ماجد: انتي اختي فاطمة: أقول سري أمها ماجد: فاطمة هاني: انت هييييييييه من وين تعرف اسمها ماجد: اقولك اخوها تقولي من وين تعرف اسمها !! هاني: هدا اللي بقوم ادبحو دحين ماجد: امش بس هاني: مجنووون انت هدي ما عندها اخوان دي من الدار فاطمة ناظرت هاني هاني ناظر فاطمة: يعني اقوله انو هو غلطان وكدا.. لا تفهمي غلط فاطمة لفت ع ماجد: سمعته صح؟ انا من دار الأيتام يعني ماني اخت احد ولا بنت احد ماجد: سمعت مو اصمخ هاني: اووووه كويس يعني ماجد: و انا اعيد و ازيد انو انا اخوك سونيا: فاطمة فاطمة ناظرتها مريم: مين دا ؟ هاني يضحك: يقول اخوها ليان: ما علينا منو دحين بنجن ادا ما لقينا غرام فاطمة ناظرت هاني: وين ابوك ؟ هاني: بالشغل فاطمة: متى ناوي حضرته يشرف هاني: ما اعرف ليان: انتو ايش تعرفوا أصلا سونيا: خنروح لشغله هاني: كدا حتى لو كانت عنده بعاند اكتر عشانكم فضحتوه فاطمة بعدم اهتمام: بالطقاق يعاند هاني: خلونا ندخل دحين و نتافاهم مهند جاء: ما فيها تفاهم انا باخد البنات ع بيتي و حتجيبوا غرام لعندنا هاني: مهند مو انا اللي اخذت غرام عشان تتصرف معايا كدا و غير كدا انا نفسكم ادور غرام و ما ودي تكون عند ابوي ويضرها مهند تقدم له: انا امنتك انت عليها هاني ناظره مهند: هيا بنات جو البنات يمشون وراه ماجد: وين وين انا باخذ فاطمة مهند تو ينتبه لوجود ماجد: نعم اخوي !! ماجد: اعيد مره ثانيه بعد .. فاطمة اختي ! مهند عقد حواجبه ماجد: أتوقع لما سألتكم عن فاطمة كذبتوا علي !! سونيا: ايش الهرجه؟؟ مهند انحرج: اخوي والله هدا مو وقته ماجد: اهم شي عندي انتي لقيت اختي وبرجعها معي فاطمة: هييييييه هوب هوب بضاعة قدامك تاخدها معاك و تمشي ع كيف امك هو ماجد كان بارد مررره: تعالي معي وبشرح لك كلل شي فاطمة: سري أمها بس مهند راح لماجد وسحبه ع جنب: هات جوالك ماجد: ليه ؟ مهند باستهبال: بسرقة ماجد: ههه هه ههه مهند: بسجل رقمي عندك ماجد عطاه جواله مهند سجل رقمه ودق ع نفسه: خلاص رقمك عندي اول ما اشوف الوضع كويس بدق عليك ماجد: صمنديقه قدامك ينلعب علي بكلمتين!! مهند: صدقني بس يتعدل الوضع بدق ماجد ناظره شوي و ركب سيارته مهند: هيا بنات فاطمة: ايش قلت له ؟ مهند: كلام رجال فاطمة: باللهي !! مهند: اركبي السيارة و انتي ساكته ركب الكل السيارة فاطمة ناظرت هاني قبل ما تركب السيارة هاني راح لها: فاطمة فاطمة لفت وجها وركبت السيارة و جت بتسكر الباب هاني مسك باب السيارة: فاطمة آسف ع اللي صار اليوم فاطمة ناظرته و ابتسمت: عادي رديت حقك عشان اول ضربه هاني: لالالا وربي لا فاطمة: ممكن شوي بسكر الباب مهند: هاني هاني بعد عن الباب وسكره مهند: يلا سلام هاني: مهند والله ما كان قصدي مهند هز راسه فوق و تحت وركب سيارته وحرك هاني دخل و راح لفلتهم ** في سيارة مهند ** سونيا: ايش الهرجه يا جماعه مو فاهمه ولا حاجه فاطمة: دا المجنون يقول انو اخويه و مدري ايه ويباني اجي معاها سونيا: ع كيف امه دا !! فاطمة: مدري عنه لا و المشكله ماسكني ويقول انا اخوك ياخي ××××× مهند: انا للله ليان: شكلوا مو من جده فاطمة ناظرتها ليان: طريقة كلاموا موج داويه فاطمة: صح مريم: هدا اللي كدبت عليه وقلت له انو انا فاطمة فاطمة: شكلوا لحقكم مريم: مو شكلوا الا اكيد سونيا: دحين وين بنلاقي غرام !!!! مهند: مدري مدري بس والله ما حتنام الا معاكم وعد مريم: و ادا ما لقيناها ؟ مهند: تفاءلوا اي شدا التشاؤم !! فاطمة: احمد يدق مهند: ردي فاطمة: هلا ؟؟ &&& في دار الأيتام للبنات &&& غزل: مو من جدكم هدولا كل يوم و التاني عندهم اكشن !!! سجى: وربي سونيا قالت لي قبل شوي شيماء: ابوها خطفها !!! سجى: اوك ابوها بس كمان ما يصير ياخدها بدي الطريقة ! غزل: من جد جواهر: اسأليها ايش صار سجى: سألتها ما ترد شكلهم مشغولين رهف: يارب يلاقونه و ابوها تاكله جهنم يارب الكل: آميييييييييين &&& في الفندق &&& ماجد: لقيتها وتكلمت معاها بس مو راضيه تصدق ان انا اخوها بو ماجد بفرح: اهم شيم و ميته ماجد: يبا بو ماجد: لبيه ماجد: تشبهك واجد بو ماجد: صدق !! ماجد: والله ماخذه من سمارك و عيونها الواسعه البنيه و شفايفها بو ماجد: قزيتها قز ماجد ضحك بو ماجد براحة: الله يريحك زي ما ريحتني يا ولدي ماجد باس راسه: اجمعين بو ماجد: ايه وش صار علمني ماجد: يبا بصراحة بنتك طويلة لسان بو ماجد: ههههههههههههههههههههههههه هههه ع جدها ماجد ضحك بو ماجد: وش قالت لك ؟ ماجد: تقولي سري أمها و تطول لسانها علي و تسبني بو ماجد: ههههههههههههه الله يعين ماجد: من الحين اقولك بنتعب واجد معاها بو ماجد: تعبها راحه ماجد: تدري اول ما شفتها كان ودي اضمها و اشيلها معي لعندك عشان تفرح فيها بو ماجد: بجي هاليوم بجي ماجد: الله يسهل لنا بو ماجد: امين &&& في فلة بو ياسر &&& ثامر بعصبية: ابوك من جد مو صاحي هاني: من متى كان صاحي استغفر الله ثامر: ترا ما يصير كدا اشتكوا عليه ! هاني: اشتكي ع ابويه !! ثامر: بس اللي يسويه غلط هاني: بس أخاف يأذي خواتها و يرجعهم الدار ثامر: مو في وحدة لقت أهلها هاني: ايوه و اللي كان يكلم فاطمة اليوم كمان ممكن يكون اخوها ثامر: حلو ما بقا الا وحدة هاني: غرام مستحيل تتخلا عن وحدة منهم ثامر: و ابوك كل مالو يزودها هاني: امي طلبت منه الطلاق توعد بغلا وغرام وهونت ثامر: ابوك مريض يا هاني هاني: من زمان مريض بأمي ثامر: و امك كتير تسكت لو هاني: لجل عيالها تعطيه عيونها ثامر لازم نلاقي حل لهم هاني: انا بس لو اعرف مكان غرام و اتأكد وين بتعيش برتاح اهم شي تكون بعيده عن ابوي ثامر ضغط ع قبضته بقوة دق جوال هاني هاني: نعم ........... جاء ؟؟ ................ اوك يلا انا جاي سكر جواله ثامر: وين ؟ هاني: ابويه رجع ثامر قام: بجي معك هاني: وين تجي معي !! لا بصير صراخ و هواش خليك هنا ثامر: ع الأقل بكون بالسيارة ممكن تهرب غرام و امسكها هاني ضحك باستهزاء: ع بالك ابويه غبي بجيبها معاه !!! ثامر: معليه الحرص واجب هاني: امشي طلعوا وركبوا سيارة هاني وحرك ع فلتهم هاني: خليك هنا ثامر: ما بدخل هاني طلع و دخل بيتهم سمع صراخ امه و ابوه بالمجلس وراح لهم بو هاني: اقولك ما اخدتهاا!!! ام هاني: بلا كددددببببببببببببب صديقاتها جو للبيت يدوروا عليها مين يباها غيرك أصلا!!! بو هاني: سارة حبيبي اقولك ما اخدتها ليه مو مصدقتني !!! ام هاني: انت اكبر كداب مستحيل اصدقك بو هاني عصب: احلف لك اني ما اخدتها ام هاني: اقولك راح تروح دحين و تاخدها و ترجعها مكان ما اخدتها بو هاني: انا كداب طيب انا اخدتها ومحد راح يقدر ياخدها مني ام هاني فتحت عيونها ع وسعهم: اقوووووولكككككك رجععععع بنتييييييي بو هاني: انا ادا قلت بصير شي يعني بصير هاني: ابويه مو من جدك !!! ما يجوز تاخد منها حاجه بدون رضاها غلا بصراخ و بكي: حرمتهااااا مننناااااا تبا كمان تحرمها من صحتها !!! بو هاني رفع راسه ورجع ناظرهم: ورب الكعبه ما اخدتها افهمموووووااااااااااا هاني: طيب نفترض انك صادق مين دخل البيت اللي ساكنه فيه هيا ؟؟؟!! بو هاني سكت شوي: انا طلبت منهم ام هاني تقدمت له: و تباني اصدقك !! بو هاني مسك زند ام هاني: سارة وربك ما لمستها و لا سويت فيها حاجه أصلا ما لقيتها بفلة احمد ام هاني: ما لقيتها !!! بو هاني: وربك ما لقيتها هاني: صبر صبر مين احمد دا ؟ بو هاني: بعدين اقولك غلا: يعني وين اختي ؟ بو هاني: بجهنم ما اعرف ام هاني دفته: اسم اللله ع بنتيييي بو هاني: سارة والله ما اخدتها صح كنت أبا اخدها بس ما لقيتها واللله ام هاني اخذت غلا وطلعت هاني: مين احمد ؟؟ بو هاني: مدري من أي زبالة عرفته بس هي عايشه مع خواتها هناك هاني: عايشين عند رجال غريب !!! بو هاني: ايوه و البيت ما فيه الا مربيه مصريه و الخدم وهو بس ما يكون بالبيت دايم هاني عصب: وكيف تسمح لنفسها تعيش معاه !!! بو هاني: ما يخصني هاني: ابوي هدي بنتك و شرفك بو هاني: ما دريت عنها 16 مدري 17 سنه تباني احط بالي عليها دحين !!! هاني: انا للله وين بيت دا الرجال بو هاني: بتجيب غرام ؟ هاني: انا لو بيدي احط غرام بالمريخ عشان ما توصل لها بو هاني: اجل انسا اعطيك العنوان هاني: انا بجيبه بنفسي و طلع &&& في فلة احمد &&& فاطمة ضمتها: خفففت عليييييييييك غرام: انخنقت فاطمة بعدت عنها وضحكت غرام: خلصتوا ضم ؟؟ فاطمة: كيف هربتي. غرام: ابد طال عمركم لما دخلوا البيت و سمعت صراخ مسعدة ...... اتجهت بسرعه لدرابزين ....1: دوروا عليها في كل مكان ودوروا كمان فوق غرام رجعت ع ورا بسرعه و دخلت الغرفة و اخذت عبايتها ونزلت بسرعه من الدرج الثاني و اتجهت للمطبخ و طلعت من بابه لبرا البيت و صارت تركض وتتلفت وراها اذا احد لحقها ولا لا سمعت صوت بوري ووقفت بمكانها نزل بندر بخوف: مجنونه ما تشوفي الطريق غرام ناظرته وناظرت وراها وركبت سيارته بدون اذن بندر: دي جنت ركب سيارته: ايشبك انتي !! غرام: امشي بسرعه امشي بندر: وين اروح غرام: لجهنم بندر حرك غرام لفت تناظر ورا بندر: مين يلاحقك ؟ غرام: اكيد ابوي بندر: ابوك دخل بيت احمد ؟ غرام جلست كويس: ايوه بندر: ابوك م حيخليك بحالك غرام: شتسوي قرب بيت احمد ؟ بندر: باللهي .. بيتي قريب من بيت احمد غرام: اها بندر: بمر جنب بيت احمد و اشوف اد راحوا ولا لا غرام: لالا أخاف يشوفوني !! بندر: طيب طيب خلاص هدي بوديك بيتنا امي و اختي في البيت غرام: طيب بندر وقف قدام بيته ونزلوا ودخلها و عرفها ع امه و اخته وبين لهم سبب وجودها ام بندر و اخته بدور رحبو بغرام و اكرموها بندر: ما حقول لأحمد دحين أخاف يكونوا موجودين لسا و يجي احمد وياخدوه ويلو دراعك غرام هزت راسها ) فاطمة: وليه ما قلتي لنا لحد دحين !!! غرام: لانو عرفت انكم رحتوا لبيت بو هاني قلت خليهم يكملون طريقهم لان لو طلعت لكم من قبل بيعرفوا اني رجعت و حيرجعوا اليوم التاني مريم: من وين طلع دا الدكاء ما كنتي كدا !!! سونيا: من جد ليان: ليه ما كنتي تستخدمي هدا الدكاء بالمدعسة ؟؟ غرام: ولللل لهدرجه قدامكم غبيه !! البنات: تقريباً/ يعني / ممكن غرام: انقلعوا بس احمد: انا رايح لبندر غرام: سلم لي ع بدور احمد ضحك: طقيتيها صداقه معاهم !؟ غرام بمزح: والله تجنن خلني اخطبها لك احمد تلعثم: ههههه الله يجيب اللي فيه الخير غرام: امشوا نتو بتقولون لي كل شي صار مهند: لا انا باخد مريم و بنرجع غرام: طيب انتبهوا لكم مهند: طيب و انتو كمان سلموا عليهم و مشوا غرام: هيا اهرجو سونيا: هاني ضرب فاطمة كف غرام لفت عليها بدهشه:ايييييييييششششششششش� �ششش !!! فاطمة سوت نفسها مشغوله بجوالها غرام: تومي من جد ضربك كف !!! فاطمة ناظرتها بقهر: اخد حقه غرام: اووص بس راح تاخدي حقك منو زي ما ضربك فاطمة: انا ضربته اول مره وهو ردها ليا غرام: و حتسكتي له !!! فاطمة سكتت غرام: حناخد حقك غصب عنه فاطمة: سكروا ع السالفة تكفون ليان اشرت لهم بفمها: تحبه غرام كشرت فاطمة: انا فيا نوم صدق انتو احكو لها غرام: تصبحي ع خير فاطمة عطتهم ظهرها: و انتو من اهله غرام: ايش صار ليان: وطلع لها اخ مدري من وين غرام بعدم تصديق: نعم! سونيا: لاب ليب لوب لاب ( اليوم الثاني ) &&& في بيت بو عمر &&& ليان: معليه بس ماقدرت اخلي خواتي بهدا الوقت بو عمر: عادي يا بابا ام عمر: اليوم جايه ام فارس و عيالها ليان استحت بو عمر: انتي عزمتيهم ؟ ام عمر وهي تناظر ليان: لا جاين يخطبوا الأميرة بو عمر ناظر ليان ليان وجها صار احمر عمر: اعرف انو عندها ولدين لين قامت: عن اذنكم ام عمر ضحكت ع خجل ليان بو عمر: فارس هو اللي جاي يخطب ؟ ام عمر: لا شهاب فارس خاطب بو عمر: ما شاء الله ام عمر تتلفت تشوف اذا ليان موجودة ولا لا: و بيني وبينك شكلهم يحبون بض بو عمر عقد حواجبه: نعم ام عمر: ايشبك من هم أطفال يحبو بعض بو عمر: يعني متأكدة انها موافقه عليه ؟؟ ام عمر: متأكدتين بو عمر: الله يجيب اللي فيه الخير عمر: والله و اختي بتتزوج قبلي ام عمر: انت خلص ثانويه و ادخل الجامعة و اخطب لك و ادا توظفت زوجتك عمر ضحك: لالالا بدري مره علي ام عمر: انا بروح للعروسة بو عمر: ع طول سميتيها عروسه ام عمر ضحكت وراحت لليان و دقت الباب ليان: ادخل ام عمر طلت براسها: معليه ادحل ليان: تفضلي ام عمر جلست جنبها: انسي انو انا زوجة ابوك ليان هزت راسها بالموافقة ام عمر: اول شي بسألك ممكن ليان هزت راسها بالموافقة ام عمر: تحبين شهاب ؟؟ ليان لفت وجها بخجل ام عمر: يعني أقول ان السكوت علامة الرضا ؟؟ ليان بللت شفايفها بلسانها وظلت ساكته ام عمر بمزح: يعني اقولهم البنت مو موافقة لا تيجو ليان لفت عليها باندفاع: لاااا ام عمر: ههههههههههههههههههههههههه هههههههه &&& في فلة بو ياسر &&& ثامر بعصبية: اطلعييييييييييييي برااااااااااااا مالي خلقك انتي كمان رتاج: ايش سويت لك انا ثامر: رتو ترا بلعن خيرك برااا دخلت ام ياسر: ايشبكم ؟؟ رتاج طلعت ثامر: بعد ما تطلعي قفلي الباب وراك ام ياسر: ثاااامر ثامر بدون نفس: نعم ام ياسر: ايشبك صاير عصبي مره ثامر: ما فيا حاجه بس ما أبا اشوف احد ام ياسر: ما كنت كدا ثامر: بنت تنرفز ام ياسر: ايش سوت ؟ ثامر: تبا عطري ام ياسر: طول عمرها تتعطر من عطورك ثامر: وبنتك زودتها ام ياسر: بنتي لا زودتها ولا حاجه بس انت صاير مدري كيف ثامر عصب: ايشبني !! ام ياسر: صاير ما تنطاق و طلعت وضربت الباب بقوة ثامر كان يناظر الباب وراح للكنبه و رما نفسه عليها وتنهد وسكر عيونه بألم" اشتقت لها والله اشتقت لها " ** تحت ** بو ياسر: مو من كدا و الطريق بس شكلوا هالأيام مضغوط رتاج: ويحط حرتو فيا !! بو ياسر: محد يقدر يحط حرتو فيك دام اني عايش ــ و ضمها من الجنب ــ رتاج: حيوان والله كنت شوي و اصيح بو ياسر: بخليه يعتذر منك رتاج: شسوي باعتذاره يبلها ويشرب مويتها بو ياسر ناظر ام ياسر ام ياسر: لازم ياسر يكلموا بو ياسر هز راسه بالموافقة &&& في فلة بو هاني &&& هاني يكلم بالجوال: شوف لي مين هدا احمد اللي يتكلم عنو ابويه.................................. اللي غرام عايشه عندو............ حلوه دي معلومات خاصة انا ولدو.................. انا لللللللله سكر بوجهه ودق ع ثامر دقيقتين ورد ثامر: نعم هاني: قوم معايا بروح ادور هدا احمد ثامر: احمد مين هاني: بقولك كل شي بالسيارة بس بروح ابدل تيابي ثامر: طيب سلام هاني سكر منه وراح يلبس: تيشيرت باللون الأخضر من اتش اند ام .. و سروال باللون الكحلي و قصة قصيرة من سكوتش اند سودا .. و بوت ــ الله يكرمكم ــ رياضي باللون الأبيض برقبة قصيرة من بيرشكا و نزل بسرعه ام هاني: ع وين ؟ هاني: طالع مع ثامر ام هاني: انتبه لنفسك هاني هز راسه بالموافقة وباس راسها و طلع وركب سيارته وحرك بسرعه لفلة عمه و دق ع ثامر ** في فلة بو ياسر ** نزل ثامر بسرعه بو ياسر: ثامر ثامر: نعم بو ياسر: ع وين ان شاء الله ثامر: مع هاني بو ياسر اشر له بعيونه ع رتاج ثامر ناظر رتاج اللي معطيته ظهرها و تطقطق ع جوالها ثامر اشر له بيده بعدين بو ياسر: الله معك طلع جواله وسكر بوجه هاني و ركب السيارة ثامر: مين احمد؟ هاني: اللي غرام عايشه عندو ثامر لف عليه بدهشه: نعم !! هاني: ابويه يقول انها عايشه مع واحد اسمو احمد ثامر: مين دا !!! هاني: ما اعرف ثامر: وكيف تبانا نلاقيها هاني: ندور ثامر: في مليون طعش واحد اسمو احمد هاني: ايش نسوي يعني نسكت ونخليها كدا معاه ثامر: كلم سكرتير ابوك اكيد يعرف ! هاني: كلمته ما رضي يقولي حاجه ثامر: مو ع كيفه هاني: يقول معلومات خاصة ثامر: ابن×××× هاني: فكنا من لسانك يرحم امك ثامر سكت شوي هاني: مو عارف وين اروح ثامر لف عليه: مهند هاني ناظره ثامر: مهند اكيد يعرف &&& في فلة احمد &&& احمد: ما يصير تقعدي هنا اكتر غرام: انا قلت كدا كمان و حدبر نفسي و اروح عشان كدا جهزنا شنطنا احمد باستغراب: ع وين رايحين ؟ فاطمة: بندبر تقولك احمد: أقول مافيها ندبر بوديكم عند جدي فاطمة: و شغلي !! سونيا: من جد و شغلنا احمد: ما في شغل انا اشتغل لمين !! غرام: لا احمد معليه حنا نقول... احمد قاطعها: اخوكم ع الفاضي انا من زمان ما اشتغلت لأحد سونيا: وجدك ؟ احمد: جدي يشتغل كمان بس نملي فراغنا كنا بدون أي هدف بس دحين انتو خواتي و أبا احس انو وراي مسؤولية مسعدة: بصراحة احمد كان ما يصحاش بدري و ما ينامش الا متأخر و دلوئتي صار يصحا بدري و ينام كويس ووراه مسؤوليه فاطمة: بس منت مسؤول عننا احمد: مسؤول عنكم غصب عنك الكل سكت احمد: لا تحاولون تعترضون و خلونا نروح من دحين سونيا: بس معليه انا م اقدر اخلي المشغل احمد: بعدين نتكلم بالموضوع جو يشيلون شنطهم احمد: نعم نعم ما عندي بنات يشيلون شغلات تقيله هيا ع السيارة غرام: ما في حاجه تقيله احمد: هيااا قدامي طلعوا البنات و ركبوا السيارة احمد شال بعض الشنط و ساعدتهم الخدامة &&& في فلة بو مهند &&& دخلوا و جلسوا بالمجلس مريم نزلت من الدرج: ايوه كلمتهم قبل شوي وقالوا ... ــ سكتت وهي تناظر هاني و ثامر ــ مهند يسكر كبك ثوبه: ايش قالو؟ مريم عدلت حجابها: مهند مهند رفع راسه ثامر بوجه غبي رفع يده: مرحبا مهند: اطلعي فوق مريم طلعت الدرج مهند راح لهم وسلم عليهم و جلس ثامر: أتوقع تعرف ليش جينا هنا مهند هز راسه بايه هاني: وينها؟ مهند: مادري ثامر: لما نزلت قبل شوي مريم كانت تتكلم عنهم صح ؟ مهند: لا هاني: مهند هدي اختي مهند بعصبية: قلت هدا الكلام من قبل و ما قدرت تحافظ عليها هاني: مو بيدي غصب عني ثامر: جتى حنا نبا نحميها من عمي مهند: محد يقدر يحميها غيرنا هاني: انا اخوها مهند: و انا اعرفها من قبل ما تعرفها ثامر: مين احمد ؟ مهند: احمد!! هاني: ابوي يقول انو غرام عايشه مع واحد اسمه احمد مهند: يكدب عليكم ثامر بعصبية وقف: ما أتوقع انو كدا تحميها لما تحطها عند رجال غريب مهند وقف: انا اللي عمري ما توقعت ان في رجال غريب بيقدر يحميها اكتر منكم و مني هاني فتح عيونه ع وسعهم بدهشه: يعني عايشه مع رجال ما نعرفوا مهند: انتو ما تعرفونه بس انا اعرفوا كويس و عارف انو راح يهتم فيهم كويس ثامر بعدم استيعاب: مو من جدك صدق صدق مو من جدك ــ ناظر مهند ــ مهند انت اتجننت !! وين شهامتك يا رجال مهند: ع أساس انكم مره شهمين ورجال ينوثق فيهم هاني يحاول يكون هادي: طيب ما حناخدها بس نبا نعرف وينها ونطمن عليها هدا من حقنا مهند: لا مو من حقكم ما عاد لكم حق عندنا هاني: بس أبا اطمن عليها مهند: تعرفوا انو انتو لما تقربوها ولا تكلموها راح تكون هيا بخطر اكتر هاني سكت ثامر: يعني ؟ هاني: يعني مره تانيه لا تجوني ادا بتجيبو سيرة غرام و تبغوها لاني ماراح اديكم هيا هاني: يديك العافية وطلع ثامر لحق هاني مهند طلع الدرج شاف مريم جالسة ع الدرج مريم ناظرته: ما حنرتاح مهند جلس جنبها: ما نقدر نقول الا الله يعينا مريم: ما اقدر اروح اليوم لهم مهند: ليه ؟ مريم: أخاف يعرفوا مكان المزرعة مهند: كويس كلميهم &&& في بيت بو عمر &&& عمر جلس وبيده كيس من البقالة: لينو ليان وهي مشغولة بجوالها: هممم عمر: جبت لك هدا العصير ليان ناظرت العصير وكشرت عمر فك العصير ومده لها ليان: ما اباه عمر: ليه ؟! توقعتك تحبيه !! ليان: لا ما احبه اكرهه ما اباه يوه غصب هو !! عمر: لالا مو غصب لا تعصبي طيب ليان تتحلطم: غصب احبه استغفر الله عمر: فيك حاجه ؟ ليان: لا عمر: ليان ايشبك انا اكلمك و انتي تناظري الجوال ليان: يا بابا مشغولة عمر سكت ليان: انا للله عمر طنشها ليان: ليه ما يردون عمر: مين ؟ ليان: البنات عمر: ممكن نايمات ليان: لا مو نيامات عمر: تبغي تروحي لهم ؟ ليان: ايوه عمر: امشي طيب تجهزي و انا بروح أوقف تكسي ليان: طيب عمر: امييي اميي ام عمر: لبيه عمر: بودي ليان لصديقاتها ام عمر: و الناس؟ ليان: خواتي اهم ام عمر: ليان حبيبي ما يصير كدا عمر: بحاول ارجعها سريع ام عمر: سوي اللي تبغوه بس ارجعوا بدري عمر: ان شاء الله طلع عمر وراحت ليان تلبس عبايتها ام عمر لحقتها: ايشبهم ربعك ؟ ليان: ما يردوا علي حتى احمد ما يرد ام عمر: ممكن مو حول جوالاتهم ليان: كلهم !!! ام عمر: عادي ما فيها حاجه ليان لفت عليها بترد الا دق جوالها سحبته بسرعه و ردت: فطوم فاطمة: ها ليان: ايشبكم ما تردون ؟ فاطمة: ما فينا حاجه اسمعي احنا دحين جايين لك لين تخلص الخطبه بعدها بنروح المزرعة ليان: شسالفة ؟ فاطمة: بعدين احكي لك ليان: طيب انتظركم سكرت منها ودقت ع عمر عمر: ايوه ليان: خلاص ارجع جايين دحين عمر: طيب &&& في الحلاق &&& فارس: اللي يشوفك يحسب انو اليوم زواجك شهاب: يكفي اني بشوف حبيبتي فارس: مع دي ؟ شهاب ناظر العكاز: شسوي طيب ! فارس: ههههههههههه طيب شهاب: ياخي فشله اجي اخطب بهذي من جد فارس: هم يعرفوا ان رجولك كدا يعني مالو داعي فشلة ما فشلة شهاب سكت فارس: مو اهم حاجه تخطبها ؟ شهاب: اكيد فارس: خلصنا &&& في فلة بو مهند &&& مريم: كلمتهم قبل شوي قالو لي بيحضرو خطوبة نانا بعدين بيمشوا للمزرعة بو مهند: الله يعينهم مريم: نفسي احضر خطوبتها مهند: ايش نسوي دحين تلاثين التنائي واقفين برا يستنونا نطلع مريم: ولا يعني مقفطينا كل واحد جاي بسيارته مهند: عشان ادا رحت انا واحد يلحقني و ادا طلعتي انتي يلحقونك لو مهند: لقيتها مهند+ مريم التفتوا له بو مهند: بطلب تكسي دحين و اخليه يجي ورا البيت و نروح انا و انتي و مهند اطلع روح الاستراحة مهند: من جد مريم: بقوم البس مهند: يلا انا طالع طلع مهند وركب سيارته وحرك ** في سيارة ثامر ** ثامر: ي شيخ ابوك ما شال الحرس اللي يلحقوهم الا عشانو عارف مكانها هاني: ايوه ولو أحاول فيه من اليوم لبكرا ما رضي يديني العنوان ثامر: اهو مهند طلع هاني: روح وراه ثامر: طيب سلام سكر منه و حرك ورا مهند ** في فلة بو مهند ** طلعت مريم من غرفتها: انا جاهزة بو مهند: و التاكسي ورا البيت طلعوا بو مهند و مريم من الجهة الخلفية وركبوا التكسي وحركوا ع بيت بو عمر &&& في فلة بو هاني &&& دخل البيت وهو يكلم بالجوال: لا لا خليها بكرا نديهم يوم راحه .................... خلاص بكرا يصير كل شي ....... سلام سكر جواله و شاف زوجته راح لها وباس جبينها ام هاني بعدت عنه بو هاني: كيفها حبيبة قلبي ام هاني: قبل شوي كنت بخير بو هاني: ودحين ؟ ام هاني: زي الزفت بو هاني: افا ام هاني: غانم واللي يرحم لي والديك ابعد عني بو هاني سحبها جنبه: ما يفرقونا بزران ام هاني تحاول تبعد عنه: الا يفرقونا ابعد عني احسن لك بو هاني: عيب حنا اكبر من كدا ام هاني بصراخ: ابعععععععععععد بو هاني بعد عنها ام هاني: ياخي افهم وخلي فيك ذرة كرامه ، انا اكرهك و ما اباك افهم بو هاني: بيومين خلص حبك و كرهيتيني ام هاني: انت شايف افعاك انت شايف نفسك .. انت اللي كرهتني منك بو هاني يقرب منها: و انا اللي بخليك تحبيني مره تانيه ام هاني تدفه: ما فيها احبك مره تانيه اقولك انا اكرهك اكرههههككك انت مرييييض بو هاني: بحبك ام هاني: انقلع عني واللي يرحم والديك انا صابرة عليك عشان عيالي وطلعت بو هاني قعد يناظرها لين اختفت عن ناظره وضرب بيده الفازة و طاحت و انكسرت تاج دخلت البيت وسمعت صوت تكسير ركضت لمكان الصوت وشافت ابوها: بابا بو هاني ناظرها تاج قربت منه: فيك حاجه ؟ بو هاني ابتسم لها بحنيه: لا حبيبتي طاحت الفازة بس تاج: انت جاك حاجة ؟؟ بو هاني: لا حبيبتي &&& في الفندق &&& بو ماجد: متى ان شاء الله بدق عليك ؟ ماجد: توه امس مكلمني بو ماجد: يعني متى بتنحل مشاكلهم ؟ ماجد: مدري والله بس واضح ان كل يوم معهم مشكله جديده بو ماجد: الله يساعدهم ماجد: عندي بعد رقم ذا اللي عايشين معاه اللي اسمه احمد بو ماجد: زين اذا نصب علينا ذاك نروح لهذا احمد ماجد: متأكد ان ذا مهند ما ينصب علينا اعطاني كلمة رجال بو ماجد: كلهم ××× ماجد: اوفف يبا ايش هالكلام بو ماجد: والله ماعاد في احد ينظمن ماجد: الا أقول يبا بو ماجد: قول ماجد: ايش بتقول لفاطمة اذا سألتك وينك عني من زمان ؟؟ بو ماجد سكت شوي: بقولها الحقيقة ماجد: تتوقع تقتنع بو ماجد: ما عندي شي ثاني اسويه ماجد: الله يعين &&& في بيت بو عمر &&& مسكت ليان الفستان بيدها: ايش البس عليه ؟؟ غرام: البسي دي الأسورة عليها مريم: لالا عريضة مو حلوة صبر ــ سحبت شنطتها وطلعت اساور ــ خدي دي سونيا: مره تجنن معاها ليان: البس معاه سلسال ولا لا ؟ فاطمة: لالا ماله داعي ليان: طيب حلق ع الأقل !! سونيا فصخت حلقها: مره بطلع يجنن عليك ليان حطتهم كلهم ع الطاولة: يلا قير اوت الكل: نعم؟ ليان: أبا اتجهز هيا برا سونيا: انا بجهزك ليان: لا اول شي البس بعدين جهزوني طلع الكل ليان لبست: فستان ابيض ميدي من مانجو ، و اساور مريم الذهبية من ديسكوارد2 ، و حلق سونيا اللي ع شكل قلب صغير من اقنر ، و صندل كعب عالي باللون الذهبي من شو مارت .. اتجهت للباب وفتحته شوي و دخلوا البنات سونيا: يما تجننننيييييييييييين ليان استحت غرام: أقول صايرة حلوة ما في زواج خلاص ليان وجها حمر فاطمة: شهاب بينخبل اليوم مريم: اسم الله عليك طالعه قمر ليان من الأحراج مو عارفة شتسوي: طيب يلا حطو شي بوجهي سونيا: انا بمكيجك غرام: انا بحط لك مناكير قعدو يزينوها سونيا حطت لها مكياج هادي يناسب فستانها الهادي غرام لعبت فيها بالمناكير وكل شوي تمسح وترجع تحط لها ليان: غرام بذبحك غرام: مو حلو شسوي لك ليان: خلصيني سونيا: بنات شوفوا حلو ؟ تجمعوا كلهم حول ليان فاطمة: الايلاينر بالعين اليمين مو نفس العين اليسار سونيا: أي واحد احلا طيب ؟ مريم: اليسار احلا فاطمة: ايوه سونيا: طيب بعد ربع ساعة خلصوا ليان ناظرت نفسها بالمرايا: حلو ؟ الكل: يجننن دخلت ام عمر: ي بنات الحرمة جت لف الكل عليها ام عمر: بسم الله ما شاء الله تجنيني الله يحفظك من كل عين حبيبتي ليان: خايفه مريم: من ايش خايفة ؟ ليان: مدري مدري شوفي يدي ترجف غرام: انتي لو طلعتي له بخيشة عجبتيه بلا هبل ليان سكتت فاطمة: تعالي ما عطرتك عطرتها من او دي بيرفيوم من كلوي ليان: مو مره ام عمر: هيا بنات عشان ما نترك الحرمة لحالها طلعوا الكل الا سونيا راحوا لأم فارس وسلموا عليها وجلسوا معاها ام فارس: ها وش مسوين ؟ غرام: والله ع حالنا يا خالة نفس الفيران ام فارس: اسم الله عليكم.. وين بتقعدوا؟ غرام: في مزرعة لأحمد ام فارس: والله لو ان اهلك ما يعرفوني كان حطيتك بعيوني غرام: ندري يا خالة أصلا ما نقدر نروح لكم لانهم يعرفونك ام فارس: الله يسهل عليكم الكل: امين ام فارس: وينها بنتي نانا أبا اشوفها ام عمر: تفضلي قامت ام فارس مع ام عمر وودتها غرفة ليان اول ما فتحو الباب ليان وقفت هي وسونيا ام فارس: ما شاء الله بسم الله عليك حبيبتي ليان انحرجت ونزلت راسها ام فارس سلمت عليها وجلست معاها ع السرير ام فارس: ايش دا الجمال يا بت تبغي تجنني ولدي ليان بهمس: اسم الله عليه ام فارس: هو كويس يمشي برجل وحدة بتشلينه لي ؟؟ ليان لفت عليها بخوف: لا خلاص ما بطلع ام فارس + ام عمر: ههههههههههههههههههههههههه هههههههههههههههه ام فارس: امزح معاك حبيبتي ليان سكتت شويات و دخلت فاطمة: عمر يقول الرجال يبا يشوفها ليان ناظرت سونيا سونيا كانت واقفة جنب المرايا و ابتسمت لها ام فارس: تجين معايا حبيبتي ؟ ليان بلعت ريقها وقامت و طلعت مع ام فارس غرام عطتها العصيرات ليان اخذت العصيرات و اتجهت للمجلس عمر فتح لها الباب و دخلت شهاب ع طول وقف ليان كانت منزلة راسها شهاب كان يناظرها من فوق لتحت كأنه يتفحص سيارة ما خلا شي فيها ما ناظرة ليان تقدمت منه عشان تعطيه العصير شهاب تقدم و اخذ منها العصيرات و حطهم ع الطاولة عمر جلس بعيد و قعد يطقطق بجواله ليان جلست ع كنبة منفردة و جلس شهاب ع كنبة لشخصين وقرب منها: نينا ليان بهمس: لبيه شهاب: رفعي صوتج ما اسمعج ليان: احم لبيه شهاب: لبى هالصوت .. كيفك ؟ ليان: كويسه و انت ؟ شهاب: توني اصير بخير ليان ابتسمت شهاب: رفعي راسج خلني اشوفج ليان رفعت عيونها شهاب مسك دقنها بيده ورفع راسها وحط عيونه بعيونها: اشتقت حق هالعيون ليان انحرجت وحاولت تشتت نظرها شهاب هز دقنها بخفه: ناظريني ليان بدون ما تناظره: ما كنت كدا شهاب: كيف يعني؟ ليان: ما كنت جريء كتير شهاب: زمان .. الحين ما اقدر اشوفج واقاوم ليان وجها صار احممممممممر شهاب: وجهج صار احمر ليان: اما ــ نزلت راسها بسرعه ــ شهاب اخذ نظرة خاطفه ع عمر وشافه مو منتبه لهم قرب من ليان وباس جبينها ليان تجمت مكانها شهاب ضحك ع وجها ليان رفعت راسها و ناظرته شهاب قرب منها و همس بأذنها احبج جعلني ما احب غيرج ليان ابتسمت بخجل وبهمس خااااااااافت: و انا كمان شهاب: اليوم طالعه تجننين بهالفستان ليان لفت وجها بإحراج شهاب: انتي كل يوم تجننين أصلا ليان صارت تحس بحراره تسري بجسمها: خلاص شهاب ــ و اشرت بعيونها ع عمر ــ شهاب: عيون شهاب انتي عمر ناظر ساعة جواله و التفت عليهم ليان ناظرت عمر عمر اشر لها تدخل ليان قامت: عن اذنكم شهاب رفع راسه: تو الناس عمر: ما فيها تو الناس ليان طلعت ومسكوها البنات ( تحقيق ) &&& في سيارة ثامر &&& ثامر: له نص ساعه وهو بالاستراحة هاني: خلاص ارجع بيتكم ثامر سكر منه و حرك ع بيته .. سفط بشكل جنوني وخل المفتاح ع السيارة ونزل ودخل البيت ياسر: ثامر ثامر لف عليه ياسر: تعال اباك برا طلعوا برا ياسر: ايشبك لك فترة مو ع بعضك ثامر: مضغوط شوية ياسر: و اختك ايش دنبها ؟ ثامر سكت ياسر: ثامر بسألك وقولي الصدق ثامر: قول ياسر: تحب غرام ثامر ناظره: ايش دخل ؟؟ ياسر: من يوم اختفت و انت مو ع بعضك ثامر سكت ياسر: تُحبها؟ ثامر هز راسه بنعم ياسر: روح عند رتاج دحين و اعتذر لها ثامر: طيب ياسر: ان شاء الله نلاقي غرام ثامر: الله يسمع منك دخل و راح لجناح رتاج و طق الباب رتاج: ادخل دخل ثامر و راح لها: رتو رتاج ناظرته ثامر: عادي اجلس رتاج: لا اطلع برا ثامر جلس: مو بكيفك رتاج: انا لله ايش تبا ؟ ثامر: آسف ع اليوم رتاج سكتت ثامر: كنت معصب مره و ما قصدت اصرخ عليك رتاج هزت راسها بتسليك ثامر: و كل عطوري فداك ولك رتاج بفرح: جد ؟ ثامر ضحك: والله جد كم رتو عندي رتاج بثقهك اكيد وحدة ثامر: يلا انقلي راضيتك ضفي وجهك رتاج: انت اللي بغرفتي ثامر: طيب يلا بنام رتاج: عوافي ثامر طلع وهو يقول: الله يعافيك ( مر شهر ع كل الاحداث ) البنات: تعودوا ع احمد و الجد وصاروا يسمعون كلامهم بس لازم يكون في عناد شوي وهواش شوي .. احمد: تعود ع البنات مرررررررررره وصار يعتبرهم خواته ويحس انه مسؤول عنهم.. شهاب: رجع للإمارات و كل يوم يكلم ليان و فك الجبس .. فاطمة: كل يوم يحاولون يقنعونها انها تشوف اللي يقول انه ابوها بس مو راضية و تتعذر .. عايلة بو هاني: ما في أي تغيير ما غير هاني يدور عن اخته للحين عايلة بو ياسر: نفس الشي مافي أي تغيير غير ثامر اللي كل يوم صاير عصبي اكثر من اليوم اللي قبله بو ماجد+ ماجد: كل أسبوع يجون جدة 3 أيام و يرجعون الدمام يكملون اشغالهم ......................... &&& في مزرعة جد احمد &&& احمد: مسلسل غرام رفعت اصبع واحد مريم: من كلمة وحدة غرام تمثل ع أساس انها تعبانه و تتأوه مريم: تعب ؟ غرام تأشر لها بأنها قربت احمد: الم ؟ غرام شوي وتموت وهي تأشر لهم بأنهم قربوا .. مدت بوزها وهي تقلد احد ابطال المسلسل اللي تقلده وترفع حواجبها احمد مات ضحك مريم: الأنين غرام: يوه ما بغيتو شوي و اموت و انتو الم تعب !! ليان ماتت ضحك: هيا مهند دورك مهند قام ليان طلعت معاه برا شوي ودخلوا مهند اشر لهم سونيا: مسرحيه مهند رفع اربع أصابع فاطمة +سونيا: اربع كلمات فاطمة: الكلمة الأولى ايش؟ مهند اشر لهم بلا و اشر بأصبعه الرابع سونيا: الكلمة الرابعه مهند يسوي حركات بيده ويأشر ع انها عمارة فاطمة: بيت ؟ مهند يحرك راسه بلا سونيا: قصر؟ مهند يحرك راسه بلا فاطمة: قريب منهم مهند هز راسه بنعم فاطمة: شقة عمارة فلة مهند يأشر لها اللي قبله فاطمة: عمارة ؟ مهند هز راسه بنعم و اشر لهم بيده سونيا: الكلمة الثالثة مهند ظل يأشر سونيا: حرف مهند هز راسه بنعم فاطمة: على الى في من لا بـ مهند يسوي لها بيده استوب سونيا: شوي شوي فاطمة: على من في مهند يأشر لها استوب استوب فاطمة: في العمارة !! سونيا: أبو سارة في العمارة أبو سارة في العمارة مهند: صحححح غرام: حنا اخدنا وقت اقل مهند: ايش اسوي لهم بقر دق جوال مهند مهند: ثواني طلع و رد ع جواله: هلا والله ماجد: هلا مهند: اخبار ؟ ماجد: الحمد لله و انت؟ مهند: نحمد ربي ماجد: الحمد لله .. تونا واصلين جدة مهند: الحمد لله ع السلامة ماجد: الله يسلمك.. أتمنى هالمره اذا جينا نشوفها مهند: بكلمها والله بس ما اوعدك ماجد: هالمرة حتى لو ما جت حنا بنجيها و انا اعرف مكان المزرعة مهند سكت ماجد: حبيت اعطيك خبر مهند: ان شاء الله سكر جواله و شاف بندر من بعيد وراح له وسلم عليه &&& في الاستراحة &&& ثامر: سمعت صوتها معتصم: مين غرام ؟ ثامر: ايوه في غيرها غرامي معتصم: كداب ثامر: وربي معتصم: متى ؟ ثامر: بالجامعة كان مهند بالحمام ــ الله يكرمكم ــ ودق جواله شكيت انو هيا و رديت بس ما تكلمت قعدتك تنادي مهند .. يا شيخ ليتني مهند معتصم: كان خديت الرقم ثامر: ع طول سكرت و جاء مهند ما امداني معتصم: انا لله ثامر: اهم شي انها بخير معتصم: بس لسا مشتاق انت لها صح ثامر: اكيد ليا كم دحين ما شفتها هاني: كان قلتي لي انك تحبها ثامر ناظره بسرعه هاني جلس: تعبت و انا واقف ثامر: مين احب ؟ هاني ناظرة معتصم: انا برا ثامر: خليك عند الباب عشان ادا صار لي حاجه تساعدني معتصم: ما عليك و طلع ثامر: من متى انت هنا؟ هاني: ايوه في غيرها غرامي؟ ثامر: ايوه يعني انا اغرمت هاني: بأختي ؟! ثامر: ها هاني: بغرام ! ثامر سكت هاني: ليه ما قلت لي ثامر: ايش اقولك ! هاني: كان قلت لي انك تحب غرام بدال ما تقول لمعتصم ثامر: كيف اقولك هاني: عادي زي ما قلت له ثامر: هو كان يعرف عن كل شي من اول ما كنت اضايق غرام هاني: هدا و انا معاك بكل مره ثامر: خلاص صار اللي صار.. بتضربني؟؟ هاني: ليه اضربك ؟ ثامر: انو احب اختك هاني: هدا انا احب اخت غرام ما سوت لي حاجه ثامر: لانها ما تدري للحين هاني سكت ثامر: الله يعينا هاني: امين &&& في بيت بو عمر &&& ام عمر: توك صغير مالو داعي سيارة عمر: بس انا احتاجها ام عمر: خلص دراستك وخدها عمر: ما أبا دحين انا بحاجتها اكتر ام عمر: ما في سيارة .. الله ياخد أبو السيارات عمر: انا مو بزر عشان تقولي لي كدا ام عمر ناظرت بو عمر: كلمه بو عمر: ماما خايفه عليك يا بابا .. خايفه يصير فيك زي ما صار فيني عمر: بابا اللي ربي كاتبه حيصير بو عمر: والنعم به عمر: يعني يرضيكم كل يوم و التاني اختي تروح بالتاكسي وترجع بالتاكسي بو عمر: سكت ام عمر: ومعناته تاخد سيارة عمر: ايوه ام عمر: مافي سيارة من دحين اقولك ومشت &&& في الفندق &&& ماجد: راعي الرسبشن يقول صرت احجز لكم كل مره قبل ما تجون و ما اخلي احد ياخذ شقتكم بو ماجد ضحك ع خفيف ماجد: ما بقا الا نشتري شقة هنا بو ماجد: لو اطريت بشتري ماجد: ما راح نطّر ان شاء الله بو ماجد: كلمتهم ؟ ماجد: ايه اذا ما جابوها اليوم بنروح ناخذها بو ماجد: الله يجيب اللي فيه الخير &&& في مزرعة جد احمد &&& مهند: فاطمة فاطمة: ها مهند: هويتي بير ماله قاع فاطمة: عمى ان شاء الله اسم الله علي مهند: امشي اباك فاطمة: ما أبا مهند: امشي لا كف دحين فاطمة: مشيت حسبي الله ع ابليس مهند: اليوم لازم تشوفين هدولا اللي يقولون انهم اهلك فاطمة: انا لله مهند: فاطمة فاطمة: ياخي كدابين مهند: ما حتخسري حاجه ادا جربتي حضك فاطمة ابتسمت: جربت مره و انا صغيرة و كنت متحمسه وتحطمت ما أبا اجربها مره تانية مهند: أصابع يدك م وسوا ** داخل الفلة ** غرام: بروح اشوف احمد ادا بودينا ولا لا طلعت و اتجهت لبيت الشعر و فتحت الباب بس تراجعت لما سمعت اسمها احمد: كيف !! بندر: ما عرفت شقول حتى ما حاكيتها بالموضوع وقلت اجيكم ع طول و اقولكم انو أبا اخطب غرام ع سنة الله ورسوله غرام تركت مقبض الباب ورجعت ع ورا وراحت للفلة بهدوء سونيا: ايش قالك ؟ غرام: مين؟ ليان: احمد غرام: وش؟ مريم: ايشبها دي ؟ غرام: ايشبكم ؟ مريم: كلمتي احمد متى بنروح البحر ؟ غرام: لا كان مشغول سونيا: قولي كدا من امس غرام جلست بدون ما ترد عليها مريم: الا أقول سونيا: جت هالاسبوع ديك اللي تناظرك كل مره ؟؟ سونيا: ايوه جت التلوت مريم: احسها مريضة سونيا بمزح: عجوز ممكن تبا تخطبني الكل عدا غرام: ههههههه احلمي احلمي دخلت فاطمة: انا طالعه ليان: وين ؟ فاطمة: بروح مع مهند مريم: طيب وين ؟ فاطمة ناظرتهم و راحت اخذت شنطتها وطلعت مريم + سونيا لحقوها وراحوا لمهند: وين رايحين ؟ مهند: بخليها تشوف ابوها مريم: بس انتو مو متأكدين مهند: بس راح نتأكد مريم: الله يوفقكم مهند: انتبهو لكم ومشا &&& في الفندق &&& ماجد: ايوه جايه جايه بو ماجد: يوه كان لازم نجيب عمتك ماجد: ما منها نفع هالبزر بو ماجد: يا ولد ماجد: و انا صادق يبا لا تعرف تسوي قهوه ولا تعرف تحط بخور وش بتفيدنا فيه بو ماجد ضحك: من جد ماجد: بطلب من الرسبشن يسوون قهوه و يجيبون بخور بو ماجد: سريع ماجد: طيب نص ساعة و دق جرس البيت ماجد اتجه للباب بخطوات واسعه و فتح الباب مهند: السلام عليكم ماجد: وعليكم السلام سلموا ع بعض ماجد مد يده لفاطمة فاطمة طنشته و دخلت: ما احل لك ماجد دخل يده داخل جيبه و دخل وراها مهند سلم ع بو ماجد و جلس فاطمة جلست قريب من مهند ماجد: حتى مهند أتوقع ما يحل لك فاطمة: مالك دخل ماجد ناظر ابوه بو ماجد اشر له انه يهدا ماجد جلس جنب ابوه بو ماجد: هذي فاطمة ؟؟ ماجد: ايه فاطمة لمهند: مين هدا ؟ بو ماجد بحنيه: انا ابوك يا بابا فاطمة: انت ابويه !! بو ماجد قرب منها بنفس الحنيه: ايوه يا عيون ابوك انتي فاطمة بعصبية: ابعععععددددددددد بسسسسسسس انا مالي اهل ماجد بهدوء: فاطمة حنا اهلك عيب تسوي كذا فاطمة بنفس النبرة: تفهم عربيييييييييييي انت ؟؟ بو ماجد: تبين نسوي التحاليل انا جاهز فاطمة: هياااا بسسسسسس لا تحاليل ولا هم يحزنون ع كيف امكم متى ما تبون نكون بناتكم و متى ما تبون ترمونا !! مهند: فاطمة هدي فاطمة: ابعد مهند: احنا قلنا بنقعد هنا لين نتفاهم فاطمة: شوف دولا واضح انهم كدابين مهند: اسمعيهم طيب فاطمة قامت وعطتهم ظهرها ورفعت راسها و اخذت نفس عميق تحاول تهدا مهند بهمس خااافت: مستحيل تتقبل سريع بو ماجد هز راسه بنعم فاطمة لفت عليهم و رجعت جلست مكانها: من دحين اقولك انت ايش تبا ؟؟ بو ماجد: ما أبا غيرك يا بنتي فاطمة: انت نمت وقمت ع أساس انو انا بنتك ؟! مهند: فاطمة فاطمة: مهند انت قلت لي بتخليني أتكلم ع راحتي بو ماجد: خليها يا ولدي مهند سكت بو ماجد: لا يا بابا جاني واحد و قالي بنتك اللي انخطفت من 15 سنه للحين عايشه فاطمة باستهزاء: واو طلعت مخطوفة بو ماجد: ايه يا بابا فاطمة: لا تقولي بابا بو ماجد: طيب حبيبتي فاطمة: لا تقولي كمان حبيبتي بو ماجد ابتسم: ايش تبيني أقول ؟ فاطمة: قولي فاطمة و بس بو ماجد: طيب فطوم فاطمة باستهزاء: ايوه طلعت مخطوفه و بعدين مهند بهمس: ممكن تاخدين الموضوع بجديه فاطمة: و انت تشوف الموضوع جدي ! مهند سكت بو ماجد: ممكن اقولك كل شي بس تسمعين لي؟ فاطمة: ما أتوقع اني جايه العب هنا مهند ضرب يده ع جبينه من الفشلة بو ماجد: قبل كنت اشتغل بالاستخبارات.. و كان في عصابة و كانوا يهددوني فاطمة رفعت حاجبها الأيسر بعدم تصديق بو ماجد: كان ماجد مسافر مع جده و ما معي الا امك الله يرحمها و انتي فاطمة حطت يدها ع خدها بملل بو ماجد يكمل: ما اهتميت لتهديدهم و خطفوك انتي و امك و كان عمرك سنتين فاطمة عقدت حواجبها بو ماجد سكت شوي وكمل بحزن: و ارسلوا لي ملابسك اللي خطفوك فيها و عليها دم و شريط فيديو لما شغلته كان فيه فيديو امك وهم يقتلونها .. و اللي جانا و قالنا انك عايشه قال انهم ما قتلوك عشان يشردونك ويحرقون قلبي فيك و حطوك بجده عشان ابد ما أتوقع فاطمة فتحت عيونها بدهشه توقعت هالاشياء بس تصير في الأفلام ماجد لف وجهه بحزن بو ماجد: ابد ما توقعت انك حيه للحين فاطمة: ولو كان كلامك صحيح وينك عني من زمان ؟؟ ماجد لف عليها: دخل ابوي غيبوبة طول هالسنين لين كبرت و هو بغيبوبة كبرت و انا زيك مالي احد ووحيد .. جدي صحيح معي بس محد يأخذ مكان الأب و الأم كبرت و انا فاقد الأمل ان ابوي يقوم ما جاء ببالنا ابد انك عايشه طبعا الكل وله اشغاله جدي انشغل ببنته الصغيرة و انا كنت اكبر لحالي مع الخدم لا خيلان و خالات و لا ام ولا اب و لما قام ابوي كانت هذي فرحتي وهديتي من الله .. له بس كم سنه من قومته .. و اول ما عرفنا انك عايشه ع طول جينا هنا فاطمة ما تدري تصدقه ولا تكذبه ماجد: ما دورتك الا لجل ابوي ولا انا كنت فاقد الأمل و كنت احسب ان هالشخص كذاب و يبي يرجع ابوي لنفس حالته بس لانه فيه السرطان اعترف ويبي ربي يغفر له ذنوبه فاطمة قامت: مهند خنرجع مهند: فاطمة فاطمة و الدموع محاوطة عيونها: اقولك خنرجع مهند: آسف عن اذنكم اتجهوا للباب بو ماجد: فطومه فاطمة لفت عليه بو ماجد: مستعد لو مو مصدقتني اسوي التحاليل لجلك فاطمة طلعت مهند: اعذرني يا عمي بو ماجد: معذور يا ولدي طلع مهند ماجد: اجلس يبا بو ماجد جلس بحزن ماجد: يبا هي الخسرانة لو ما رضيت فينا بو ماجد بس امك قبل كانت موصيتني ع اختك و أتوقع شفت الفيديو معي قبل ما يقتلونها قالت انتبه لفاطمة ماجد نزل راسه بحزن: اشتقت لها بو ماجد ضم ماجد من رقبته: الله يرحمها يا بابا ماجد سكر عيونه: الله يرحمها ( اليوم الثاني ) &&& في فلة بو هاني &&& بو هاني: انت تستظرف ولا تستهبل ؟؟ بندر: كلا الأختيارين غلط بو هاني: ولد بندر: يا عم انا جيتكم بالحسنة و اجيك و اطلب منك بنتك ع سنة الله ورسوله ** عند الباب ** ثامر: هاني: داخل؟ الخدامة: لا بيجي بئد شوي ثامر دخل وسمع أصوات بالمجلس قرب منه بو هاني: اقولك هالبنت ما تعيش معي !! بندر: ادري و اعرف وين تعيش بس اللي بحسبة اخوها قالي اخطبها منك لانك ابوها بالنهاية بو هاني: اجل وصل للي بحسبة اخوها اني ما حديكم بنتي لو ع جثتي لين تجي وتترجاني بندر: غرام مو لعبة بيدك يا عم و من حقها تتزوج بو هاني: و انا ما حزوجها لين تديني اللي اباه بندر: ما يجوز اللي تقوله بو هاني: مو انت اللي تجي وتعلمني اللي يجوز و اللي ما يجوز ببيتي بندر قام بو هاني: و هيا اشوف لا تطلبها مني الا وهي ببيتي بندر: سلام طلع ثامر ناظره بصدمه وهو عاقد حواجبه بو هاني طلع وراه ثامر: مين دا يا عمي ؟ بو هاني: واحد ××× جاي يخطب غرام ××× مني ثامر حس بنار بجسمه طلع بسرعه بو هاني: اتجنن هدا الولد كمان ثامر ركب سيارته و حرك بسرعه ورا بندر وحاول يوقفه بندر سفط ع جنب ثامر سفط قدامه و نزل بخطوات واسعه و اتجه لسيارة بندر بندر نزل: نعم ؟ ثامر: انت جاي تخطب غرام ؟ بندر: ايوه عندك شي؟ ثامر: ايش اسمك ؟ بندر: بندر و انت مين ؟ ثامر مسكه من ياقته: ايش بينكم وبينها هااااه بندر باستغراب: هييييه يا مجنووون ثامر: ايوه مجنون بندر: ما بيني وبينها حاجه بس احبها و اباها ع سنة الله و رسوله ثامر: يجيب الله مطر لو خديتها بندر دفه: مين تكون حضرتك ثامر: ولد عمها و حبيبها بندر: تخسي ثامر ضربه بقس بندر رد له البقس شوي وسفطت سيارة بعيد عنهم و ركض هاني لهم هو ويوسف وفكوا بينهم بصعوبة هاني: ثامر اتجننتت ثامر بصرخ وبعصبية: ابعععد خلني اربيه ××× بندر: ربي نفسك بالأول يوسف: اسكت انت كمان بندر دف يوسف هاني: ايشبك و مين دا ثامر: دا جاي يخطب غرام هاني لف ع بندر بدهشه: نعم !! بندر: ايوه خطبتها ع سنة الله و رسوله ما فيها حاجه !!! هاني: و انت كيف تعرفها؟؟ بندر: انا صديق احمد اللي بحسبة اخوهم هاني: لا ي شييييييييخ و انا اخوها بندر: طيب هاني: و ما عندنا بنات لزواج اختي مسمية لولد عمي بندر: هدي لما تكون اختكم بكل حاجه مو اختكم بالاسم بس هاني: تصدق انك××× ــ وجاء يهجم عليه ــ يوسف وقف بوجه هاني: هاني حنا بالشارع هاني: خلني اربيه الـ××× يوسف يدف هاني: مو بالشااارع بندر: همج ركب سيارته و حرك هاني: ثامر بسرعه الحقوا ثامر ركب سيارته بسرعه هاني عطا مفتاح السيارة ليوسف: خدها معاك وطلع بسرعه بسيارة ثامر ثامر: ××××× هاني: انطم انت كمان الرجال ما سوا حاجه جاي لعندنا يخطبها ثامر: هاني لا تجنني!! هاني: اوص اوص ثامر سكت &&& في فلة بو هاني &&& ام هاني: مين هدا ؟ بو هاني بعدم اهتمام: واحد جاء يخطب غرام مني ام هاني: يخطب غرام !! بو هاني: ايوه ام هاني: ومن وين يعرفها ان شاء الله؟؟ بو هاني: صديق اللي عايشه معاه ام هاني: انت أيش الدم اللي فيك امانه !! بو هاني: ايشبك ؟ ام هاني: بنتك مع رجال غريب !!! بو هاني: ما خافت ع نفسها ليش أخاف عليها ؟ ام هاني: حسبي الله عليك &&& في مركز التجميل لأم فارس &&& دخلت فاطمة و غرام وهما يتهاوشون فاطمة: كيفي يالله غرام: لا مو كيفك دولا اهلك فاطمة: حتى انتي عندك اهل وعايشه مع احمد غرام: انا لي ظروفي فاطمة: و انا لي ظروفي غرام: اديني يلا ظروفك فاطمة تورطت: مو لازم كل شي تعرفينه غرام: لانو ما عندك لا ظروف ولا هم يحزنون ليان راحت لهم: افضحونا اكثر غرام: شوفيها فاطمة: خلصنا غرام: وين سونيا؟ ليان: تغسل يدها سونيا جت وهي تكلم بالجوال وتمسح يدها بالكلينكس: اوك ما في مشكله يعطيك العافية سكرت منه وراحت سلمت ع البنات سونيا: بنات بمرنا بندر احمد عنده شغل الكل عدا غرام هزوا راسهم بالموافقة جت ام فارس: هلا حبايبي سلمت عليهم ام فارس لغرام: صار أي تطور ــ و اشرت بعيونها ع فاطمة ــ غرام: لا حجر ام فارس: الله يجيب اللي فيه الخير الكل: امين سونيا: بقا احد ؟ ام فارس: خليه ع البنات ام فارس: ما شاء الله ام سويلم 24 ساعه تمدح فيك و البنات يقولون انها كل شوي تناظر فيك سونيا بخجل: يعطيها العافية ام فارس: هدي كانت زبونتي بالإمارات ولما عرفت اني غيرت موقعي جت لما هنا سونيا: الله يقويها جلسوا 10 دقايق شوي وجت وحدة: في واحد يقول نادي لي غرام و صحباتها سونيا: ما قالك اسمو ؟ البنت: الا بندر قاموا البنات وسلموا ع ام فارس سونيا: نينا تعالي معانا ليان: لالا برجع البيت سلموا عليها البنات سونيا: انتبهي لنفسك طلعوا وركبوا كلهم ورا بندر: عاد بنات وحدة تركب قدام سونيا تتهامس مع البنات: من جد مو سواق عندنا بندر: تعالي غرام ع الأقل غرام بصوت هادي: لا مابا راسي يعورني أبا اخد راحتي ورا فاطمة نزلت: طيب فهمت جلست جنب بندر ** في سيارة ثامر ** ثامر بعصبية: ابن الـ××× خلينا ننزل و ناخد البنات هاني عصب لما شاف فاطمة تجلس قدام: مهما جريناهم بيرجعوا لنفس المكان نلحقهم احسن ثامر: انا أبا اعرف غرام ايش شايفه فيه دا هاني ناظر ثامر ثامر ناظر هاني شوي و حرك ورا بندر ** سيارة بندر ** بندر: ايوه ايش مسويين ؟؟ فاطمة: ولا حاجه طول اليوم اتهاوش مع دي ــ و تأشر ع غرام ــ بندر: افا ليه ؟؟ غرام ناظرت فاطمة: لسا ما خلصنا بنرجع و افقع وجهك بندر ضحك: هههههههههههههههه ليه كل دا؟ فاطمة: مدري عنها يا اخي غصب تباني اروح لدولاك اللي يقولون انهم اهلي بندر: صح كلامها سوي التحاليل لو مو مصدقه وبعدها سوي اللي تبغيه فاطمة: نووي بندر: يوووه دخلت دخله غلط مسك مقعد فاطمة ولف نفسه عشان يرجع ريوس فاطمة: بندر بندر: لبيه فاطمة: انت طحت شي ؟ بندر عدل السيارة وحرك: ليه ؟ فاطمة: شفايفك فيها دم بندر سحب منديل و مسح شفايفة الكل عقد حواجبه باستغراب غرام: ايش صاير ؟ بندر ابتسم: ولا حاجه بس تهاوشت بالشارع سونيا: ليه ! بندر: شباب شباب ما عليكم غرام: فطوم انتبهي ع نفسك اجل فاطمة: ايش دخلني غرام: بصير فيك اخس منو لما نرجع بندر: ههههههههههههههههههههههههه هههه ادق لكم ع الإسعاف ولا مالو داعي غرام: لا مالو داعي خليها تسبح بدمها فاطمة: يمااا خففففتتت غرام: نشوف سونيا: انتو لا قدام رجال تستحون ولا قدام حريم تنتخون بندر: خليهم خليهم سونيا طول عمري مخليتهم يتهاوشوا زي ما يبغو بس اول ما نرجع بعلم جدي عشان يجهز عصاتو بندر: ههههههههههههههههههههههههه ههههههههههههههههه تصدقو هدي العصا انضربنا فيها انا و احمد كتييييييييير غرام: احسن عشان ما نكون وحدنا بندر: لاااا انضربوا كتير بدي العصا فاطمة: ريحتني يا شيخ غرام: أقول بندر بندر" ي عيونه " : لبيه غرام: جيب بدور و خالتي هالأسبوع ما شفناها بندر: والله هي تبا تشوفكم بس انا اقولها لا سونيا: ليه ؟ بندر: لانو عندها دراسة و انا عندي شغل فاطمة: يوم الأربعاء جيبها طيب بندر: ابشروا تامرون امر سونيا: ما يامر عليك ظالم &&& في مركز التجميل لأم فارس &&& ليان كانت برا وتكلم شهاب شهاب: فارس هو اللي برجعكم؟؟ ليان: ايوه شهاب: بتروحين البيت ولا المزرعة ؟؟ ليان: لالا البيت شهاب: زين .. امي تقول اشتغلتي وايد اليوم ليان: ايوه مره تعبت شهاب: حبيبي اسم الله عليك .. اول ما تردين البيت خذيلج بنادول و نامي ليان: خالتي قبل شوي ادتني بنادول و اول ما ارجع بنام ام فارس: نينا ليان: استنا راحت لأم فارس: هلا ام فارس: هيا فارس برا ليان: طيب ام فارس: تكلمي شهاب؟؟ ليان بخجل: ايوه ام فارس ضحكت: الله يخليكم حق بعض ليان بحياء: امين ويخليك لنا دخلت تأخذ عبايتها ليان: شهاب شهاب: قلبه ؟ ليان ابتسمت: اخوك برا بكلمك اول ما ارجع البيت شهاب: طيب انتبهي لج حبيبي ليان: و انت كمان سكرت منه و اخذت عبايتها و ركبت السيارة مع ام فارس وفارس بعد السلام و السؤال عن الحال فارس: ليان ليان: هلا فارس: للحين يلحقونكم عايلة بو هاني؟ ليان: ما أتوقع ليه ؟ فارس سكت شوي: لا ولاحاجه ليان: ادا صاير شي قولي فارس: ما ادري ممكن ما يلحقونكم بس يتهيأ للحارس ام فارس: حارس مين ؟ فارس: حارس المركز ليان: ايشبو ؟ فارس: اليوم اللي اخد البنات بندر ليان: ايوه فارس: يقول انه لاحظ ان في سيارة تلحقهم ليان طلعت جوالها بسرعه و دقت ع سونيا : ما ترد فارس: انتي دقي من جهه و انا بدق من جهة تانيه ليان: بدق ع فاطمة فارس دق ع بندر: كمان هو ما يرد ليان: اجل ما عندهم شبكة لانو في منطقة بالطريق ما فيها شبكة فارس دق ع احمد احمد: هلا فارس: اسمع في سيارة تلاحق بندر احمد: نعم ؟! فارس: لازم نكلم بندر يغير الطريق انتهـــى البـــ[25]ـــارت تـــــوقــــعـــــاتـــــ كــــــــم؟؟؟ ان شاء الله ينال اعجابكم اراكم ع خير ان شاء لله.. ولا تحرموني من ردودكم وتوقعاتكم و بليييييييييييز ما ابي احد من خلف الكواليس شاكره لكم .. مع تحياتي: جذابة والعيون غلابه { } ^__^للأسئلة و الاستفسارات.. | |||||||||
|
| |
|
24-04-16, 06:28 PM
| #33 | |||||||||
| نجم روايتي ومشرفة سابقة وفراشة متالقة بعالم الازياء
| البــ[26] + [27]ــارت &&& في سيارة بندر &&& بندر: عشان مافي شبكة فاطمة: ايوه اول ما نوصل بتجيني رسايل كتيره بندر: خفي علينا يالمهمه غرام: ههههههههههههه من جد بندر ابتسم لضحكتها فاطمة: ها ها لا لانو كنت أتكلم مع البنات وكدا بندر: يلا دحينه بنوصل و بترجعي تقرقي عليهم لين ما يطفى جوالك شوي الا جتهم رسايل ورا بعض سونيا: رجعت الشبكة فاطمة: احمد دق علي 5 مرات بندر طلع جواله: و انا كمان دق علي كتير و حتى فارس سونيا و غرام طلعوا جوالاتهم: حتى احنا بندر: احمد 17 اتصال و فارس 10 غرام: وللل بندر: شكلهم يبغوني دامهم دقو علي كدا بس نوصل بكلمهم فاطمة: ممكن شوي ووصلوا و نزل بندر و نزلوا البنات بندر طلع جواله بدق ع احمد سمعوا أصوات عند البوابه بندر نزل جواله: الله يستر غرام: ايش في ؟ بندر يتجه نحو البوابه: مدري لحقوه البنات من اللقافة بندر: يا مُرعي ايش صا.. ــ سكت لما شاف هاني و ثامر ــ غرام فتحت عيونها ع وسعهم: هــــــــــــانــــــــــ ــــي!! ثامر كانت النيران شابه داخله من الغيرة وهو يشوف غرام ورا بندر بندر: غرام خدي البنات و ادخلي هاني: نعم نعم وين تدخل ومين انت عشان تتكلم كدا ثامر: دا المكان مو غريب علي !! وصلت سيارة فارس بعدها سيارة احمد ع طول نزل احمد من السيارة هاني: دحين عرفت مين هو احمد و حق مين دا المكان احمد اتجه لهم ومد يده لهاني: السلام هاني ما سلم عليه وبعصبية: و انت خليت فيها سلام احمد: اهدا وخلينا نتكلم ثامر يناظر فارس: حتى انت !! فارس سكت هاني اتجه لغرام بندر وقف قبال غرام هاني ناظر بندر بدهشة و ارتفعت حواجبه، دفه عن طريقة وراح لغرام ومسكها من زندها: غرام بتجي معي فاطمة ركضت لغرام: محد راح ياخد غرام هاني: فاطمة ابعدي عشان ما تتعوري فاطمة: تخسي احمد راح لهاني ومسك يده اللي ماسك فيها غرام: هاني ممكن نتفاهم هاني: لو تطلع السماء و تنزل ما تفاهمت مع واحد متلك احمد: هاني انت قاعد تغلط ثامر: يعني دحين انت اللي تسويه صح بندر: انت ملاك صلاح ثامر: انقلع بس لا اتوطاك دحين قال مالك صلاح قال احمد: خلونا نتفاهم رجال لرجال مالو داعي كل دا هاني ظل ماسك زند غرام غرام حست بألم ع زندها احمد لاحظ وجه غرام اللي تغير: هاني انت قاعد تعورها لو ملاحظ هاني ناظر غرام و ترك زندها غرام مسكت مكان ما مسك هاني بألم احمد: لو سمحت اسمعني لو ما عجبك كلامي امشي وخد غرام غرام ناظرت احمد بخوف: احمد لا ثامر: بناخدها غصب عنك عجبنا ولا ما عجبنا ما راح نخلي بنتنا عند رجال غريب غرام بدا الخوف يدخلها: احمد مو غريب احمد اخوي اللي حماني مو انتو وينكم عن بنتكم 16 سنه دحين جايين تقولو ما نخليها عند واحد غريب !! حتى لما اخدتوني اخدتوني مصلحه ! ثامر: غرام ما راح نخلي عمي يلمسك غرام: قلتو هدا الكلام كتير احمد: خلونا نتفاهم بدون ما ندخل البنات .. ممكن تتفضلوا هاني ناظر ثامر احمد: غرام خدي البنات و ادخلي داخل غرام: هيا دخلوا البنات احمد: تفضلوا دخل كل الرجال لبيت الشعر &&& في فلة بو مهند &&& شهقت مريم فجأة مهند: بسم الله ايشبك !!! مريم بصدمه: عرفوا ! مهند: مين اللي عرفوا ؟؟ مريم: هاني و تامر عرفوا مكان البنات بو هاني شرق وقعد يكح مهند صب مويه لأبوه بسرعه بو هاني شرب شوي شوي : كيف عرفوا ؟؟ مريم: ما اعرف يالله هدولا بالموت يردوا مهند: قومي قومي بسرعه خلينا نروح لهم مريم: طيب ببدل تيابي مهند: مو وقته ملابسك كويسه مريم نادت الخدامة وجابت لها عبايتها ولبستها وطلعت مع مهند بسرعه مهند حرك بسرعة لمزرعة جد احمد &&& في مزرعة جد احمد &&& احمد: كلنا نبا مصلحة غرام و كلنا نبا غرام بخير و ما نبا ابوها ياخد منها حاجه دام هي مو راضيه ثامر: اخلص علينا و اختصر احمد: انكم تاخدونها من هنا تسهلون ع ابوك و جدك انهم ياخذون كلية غرام هاني: ما راح اخليهم احمد: طيب نفترض انك ما حتخليهم و ين بتاخد غرام؟ هاني سكت ثامر: آآ أي مكان عادي احمد: نفترض انو لقيتو مكان و حطيتو فيه غرام .. عمك راح يعرف مكانها ع طول لان بحط وراكم حراس كالعادة ثامر: نقدر نضيعهم احمد: كم يوم بتقعدو تضيعونهم ؟ ثامر:................. لارد احمد: انا حتى ما ارجع كل مره ع المزرعة مرات ابات بالدوانية او بالبيت خاصة ادا حسيت انو في احد ورايَ ثامر+ هاني سكتوا احمد: انا بروح اجيب القهوة ــ ناظر بندر و طلع ــ بندر: عن ادنكم بطلع اكلم طلع بندر ورا احمد فارس: ترا كلاموا عين العقل ثامر: اكيد عين العقل مو انت معاهم فارس: لا تقعد تعترض ع حساب البنت دخل مهند ثامر: شرف التاني مهند ناظرهم: وين احمد ؟ ثامر: دبحناه فارس: راح يجيب القهوة هاني ناظر مهند بعتب مهند جلس: اسمعوني بدال ما تناظروني كدا هاني: سمعنا كل حاجه من احمد مهند سكت شوي: و ايش ردكم ؟ هاني سكت ثامر: مستحيل .. كيف نخلي غرام عند واحد ما نعرفه مهند: انا اعرفه كويس فارس: و انا كمان مهند: والله احمد مافي منو ومستحيل يأذي وحدة من البنات هاني: ايش ضمنك ؟ مهند: أصلا ما يقدر ** داخل الفلة ** مريم: لالا ان شاء الله يقتنعوا و ما ياخدونكم غرام: نظرات هاني و تامر كانت واضحكه انهم بياخدني بكل الأحوال مرت خدامة من عندهم غرام: جهزتي شنطتي؟ الخدامة: ايوه غرام: تسلمي دخل احمد و تحمحم البنات تحجبوا احمد دخل وناظرهم كان واضح الخوف بعيونهم ابتسم لهم بحنان و جلس بكنبة منفردة وتوسط الصالة: ما راح اخليكم راح اسوي كل حاجه عشان اقنعهم فاطمة: و ادا ما اقتنعوا؟ احمد سكت غرام: يعطيك العافية احمد والله ما قصرت معانا.. احمد قاطعها: وادا ما اقتنعوا بخطفكم البنات ناظروه و ضحكوا احمد ابتسم ابتسامة عريضة: الله لا يحرمني من ضحكتكم دخل مهند: احمد احمد: هلا والله مهند سلم عليه: امش احمد هز راسه بالموافقة وطلع معاه و اخذ القهوة و الشاي و راحوا لبيت الشعر بندر اخذ من احمد: ايش تشربوا ؟ ثامر: ما نبي منك حاجه هاني: يعطيك العافية احمد: ايش دا !! لالا ما راح ارضا جايين لعندي و ما تشربوا حاجه فارس تربع: مين مسوي الشاي لو طلعت فاطمة يا ويلها هاني عقد حواجبه: ليه ان شاء الله مهند: احسن لك ما تشرب الشاي من يدها اشرب قهوة ولا تشرب الشاي تزبط القهوة مررره بس الشاي لا ابد ولا تفكر احمد ضحك: لا لا تطمن غرام سوتها و القهوة فاطمة فارس: صب شاي بندر صب له شاي و قدمه له هاني ابتسم ابتسامة خفيفة لمحها احمد بس سكت: خلاص قهوة بندر صب له قهوة و ناظر ثامر بملل ثامر بصيغة امر: صب شاي بندر صب له شاي هاني: اول حاجه اللي سوته غرام غلط احمد: كلنا نغلط هاني: هدا مو عذر كلنا خفنا عليها وقعدنا نفكر فيها طول دي المده احمد: يعني تباها تدق عليكم و تعرفوا مكانها هاني سكت احمد: يا هاني انت ذقت حنان الأم و عطف الأب .. غرام ما ذاقت ولا واحد منو وحتى لو حاولو يذوقونها كم يوم دحين تشوفو مو حقيقي لانهم يستغلونها هاني: امي ما استغلتها احمد: بس ابوك استغلها هاني لف وجهه احمد: هاني افهمها شوي مو انتو تبغوا راحتها ؟ مهند: راحتها بتكون هنا بعيد عن ابوك و بعيد عن عايلتكم كلها هاني: و غلا ما فكرتوا بتوأمها كل يوم و التاني تتعب احمد: تقدر غلا تجي و تزورها و انتو كمان انتو بالنهاية أهلها هاني سكت شوي ثامر: هاني ايشبك بنخليهم عند دولا احمد: فكر بعقل شوي ادا تبا تأذي غرام .. دحين ارجعها بنفسي كمان هاني + ثامر ظلوا ساكتين بندر كان يدعي من داخله انهم ما يخذونهم هاني: طيب دام غرام مرتاحة هنا هي والبنات .. الله لا يغير عليهم و ان شاء الله ابوي ما يلاقي هدا المكان.. بس لازم نجي كل فترة عشان نطمن عليها احمد: اكيد هدا حقكم ثامر: بس طبعا نضمن انو دا ما يقربهم ــ و اشر بعيونه ع بندر ــ احمد: بندر اخوي من احنا صغار و اليوم جاء يطلب القرب منكم هاني: و ابوي رفض احمد: مالو نصيب ثامر: ولا بكون له نصيب معاها احمد: ع كل حال هو لو يبا يقربهم ولا حاجه كان من زماااااااان هاني: عارفين هالشي ولا ما كان جاء و طلبها من الوالد ثامر ناظر هاني بقهر هاني: نقدر نشوف البنات ؟ احمد ابتسم: اكيد قام هاني و احمد و ثامر و مهند و اتجهوا للفلة احمد يتحمحم ام فارس: ادخل حبيبي ادخل كلهم متغطيين دخل هاني غرام وقفت بسرعه بخوف هاني راح لها بهدوء وابتسامة خفيفة يحاول يطمنها غرام كان الخوف واضح بعيونها و كانت مرجعه رجل ورا هاني فتح يده لها دخل احمد و استند ع الباب و ابتسم غرام ناظرت ابتسامة احمد و حست بأمان هاني ضم غرام بشوق غرام ضلت يدها ع تحت تحاول تستوعب هاني: وحشتيني يا قزمة غرام امتلت عيونها بالدموع ورفعت يدها وضمته هاني سكر عيونه عشان ما تبان الدموع بعيونه: كدا تخوفينا عليك يعني لو اعرف انك عند احمد كان من زماااان ما خفت عليك غرام بعدت عنه: والله اني مرتاحه هنا هاني: اعرف اعرف ثامر دخل هو ومهند غرام ناظرت ثامر ثامر: وحشتينا يا بنت العم غرام: ما يوحشك غالي هاني: بنظل نزعجك كتير ونجيك غرام ضحكت احمد: المكان مكانكم هاني ابتسم له ثامر طلع جواله: عمي يدق هاني: لا ترد عليه هنا ثامر: طيب امش عشان نقدر نكلمه هاني سلم ع غرام وضمها بسرعه: أي شي تحتاجينه كلميني ولا تقطعيني .. و بجيك كل فترة غرام: يعطيك العافية هاني ناظر فاطمة نظره خاطفة و رجع ناظر غرام: حتوحشيني غرام ابتسمت:و انت كمان ثامر رفع يده: و انا غرام: انت بالذات لو يصير ايش ما يصير ما حتوحشني الكل: ههههههههههههههههههههههههه ههههههه ثامر حط يده ع رقبته بفشلة و طلع سونيا ناظرت غرام بعتب غرام اشرت لها بإيش ؟ طلع هاني و طلعوا وراه الشباب هاني يسلم ع احمد: غرام امانه عندك احمد: بعيوني هاني: أي شي يصير لها أتمنى يكون لي خبر احمد: ابشر هاني: اعدرني ع اللي صار اليوم بس صار غصب عننا اللقافة تمشي بدمنا و ما عرفنا ايش نسوي و ع طول درعمنا ع المكان احمد ضحك: المكان مكانكم حياكم بأي وقت مو لازم تقولون لي هاني: يعطيك العافية سلموا ع الكل و طلعوا ** في الصالة ** دخل مهند و رما نفسه ع الكنبة:اخيييرا مريم: والله مت خوف غرام: مو كتري سونيا: غرام ليه رديتي كدا ع ثامر؟! غرام: كيف تبغيني ارد عليه ان شاء الله ليان: للامانه لو قلت هالكلمة لشهاب بخليني و يمشي غرام: شهاب خطيبك ليان: ودا يحبك سونيا: ع الأقل احترمي مشاعره غرام باستخفاف: لا يا شيخه فاطمة: ههههههههههههههههههههههههه هههههههههههههه غرام اتخيلك تحترمي مشاعره غرام: ههههههههههههههههههههههههه هههههههه لالا و اراعيه و ما اخليه يغار فاطمة + غرام: ههههههههههههههههههههههههه هههههههههه فاطمة: لا و ادا قالك سوي شي عشاني تسوينه غرام: ههههههههههههههههههههههههه هههه وييييييييييع فاطمة :هههههههههههههههههههههههه� �هههه ااه بطني &&& في سيارة ثامر &&& هاني ناظر ثامر اللي يسوق وسرحان: وقف وقف ع جنب ثامر ناظره: ليه ؟ هاني: وقف ثامر سفط ع جنب هاني: انزل ثامر: ليه كمان ؟ هاني: انزل ثامر نزل بملل هاني نزل: انا بسوق ثامر: ليه ؟ هاني: مو بايع نفسي ــ ركب مكان ثامر ــ ثامر لف وجهه واخذ هوا عميق و ركب مكان هاني هاني حرك: ايشبك ثامر: ولا حاجه هاني: خايف بندر ياخد غرام ثامر: يحلم ياخدها أصلا هاني يبي ينرفزه: بصراحه هو رجال ما ينعاب ثامر لف عليه: نــــــــعـــــــــم .. هاني انت معايا ولا معاه هاني: انا دايما معاك بس بدا الموضوع مع غرام ثامر: انا ولد عمك هاني: و دا مستقبل اختي.. انت من جدك تباني اامن اختي لواحد متلك !!! ثامر اتسعت عيونه هاني: يعني اللي عقلو براسو طبيعي بأمن اخته لواحد متل بندر.. و انا عقلي براسي ثامر: لا يا شييخ !! هاني: ههههههههههههههههههههههههه ههه شسوي لك من يوم ركبنا السيارة و انت سرحان و مهموم ثامر ناظر قدامه: انقهرت من ردها ليا هاني: ما شفت فيه شي .. هدا رد أي وحدة تكره واحد ثامر رجع ناظره: انت ناوي ع نفسك اليوم ؟ هاني: ههههههههههههههههههههههههه ههههههه ثامر: شغل حاجه مليت هاني جاء يتكلم ثامر قاطعه: ادا بتجيب سيرة الزفت بندر ياويلك هاني: ههههههههههههههه سكت سكت &&& في فلة بو غانم &&& بو غانم: كليتها اول و بعدين تسوي اللي تباه بو هاني: وهدا اللي قلتو لها بو غانم: كويس بو ياسر: ابويه حرام والله بو غانم: اسكت و اللي يعافيك ــ لف ع غانم ــ وين ولدك و ثامر للحين ما ردو بو هاني: الا ردو يقولوا مسافة الطريق &&& في فلة بو ياسر &&& رتاج: تجو تاج: همم رتاج: ليش تتوقعي جدي نادا بابا و ياسر تاج: مدري حتى بابا عندهم رتاج: اوف من اول و انا ادق ع ثامر و ما يرد تاج ناظرتها: ليه وينه ؟ رتاج: لما جبت اسم ثامر ناظرتيني تاج ارتبكت بس ما بينت: ايش دخل رتاج لفت ع المرايا و فتحت شعرها و رجعت تلمه عشان تربطه: مجنونه قدامك و لا غبية عشان ما اعرف انك تحبي ثامر تاج اتسعت عيونها رتاج ناظرتها: ايشبك ؟ تاج: مو صحيح كلامك رتاج: تدري اني قعدت استناك كتير عشان تقولين لي بس مليت و انا انتظر قلت اقولك انو اعرف تاج: مو صحيح رتاج: اسكتي بس قال مو صحيح قال .. ما علينا بقا ثامر بس هو اللي يحس تاج: ثامر يحب غرام رتاج: نعممممممممممم بنت الشوارع !!! تاج: ايوه رتاج: ايش دراك ؟ تاج: سمعته مره يعترف لها رتاج: و بنت الشوارع ؟ تاج: تقول ما تحبو رتاج: حيـ××× عمت عيون اخويه و دحين تقول ما احبو تاج سكتت رتاج: بس غلا كانت قدامة 24 ساعه عمره ما اعجب فيها ؟! تاج: ايش دراني عنو رتاج: ويييععع انتي احلا من دي بـ مليون مره تاج ابتسمت رتاج: مستحيل اخليه يحبها .. يحبك انتي ولا يحبها تاج مسكت شعرها و قعدت تلف لفه بأصبعها رتاج: بس اشوفك دحين ما رفضتي تاج تركت شعرها و ناظرتها رتاج: هههههههههههههههههههه تحبينه !! تاج استحت رتاج: ما راح اخليه لغيرك تاج: ايش بتسوي يعني رتاج: معرف لسا بس بسوي أي شي عشان يكرها ويناظرك تاج: تسوين خيير دخلت غلا و روان غلا: ايش تسولفون عنه رتاج ناظرت تاج و ابتسمت بخبث تاج ناظرتها بحده رتاج: هههههههههههههه طيب طيب غلا جلست: قولو روان: اعترفوا رتاج: كلام كبار+ 18 غلا: هاهاها تاج: هههههههههههههههههه غلا: بقا لي شهر و ادخل 18 رتاج: قصدها يمديكم تجيبوا لي هديه لداك الوقت غلا: لااااااااااا وربي ما قصدت كدا الكل: ههههههههههههههههههههههههه ههه &&& في فلة بو غانم &&& دخلوا اثنينهم هاني: ما قالك ايش يبا فينا ؟ ثامر: لا هاني: بدا الوقت كمان !! دخلوا المجلس وسلموا ع الكل و جلسوا بو غانم: ندخل ع طول بالموضوع بو هاني لف عليهم: لقيتو المكان اللي عايشه فيه غرام ؟ ثامر+ هاني حركو راسهم بلا: لا بو هاني: كيف يعني لا ؟ ثامر: يعني ما لقيناها بو هاني: شفتك تلحق دا اللي خطب غرام !؟ ثامر: لحقتوا بس ضيعتوا بو هاني: حلوه دي ضيعتو !!! بو غانم: قلت لك ارسل واحد يلحقه دولا ما يعتمد عليهم هاني: جدي ايش نسوي لحقناها بس الـ××× ضيعنا بو هاني: وانا اللي اول ما شفت وجهك قلت خلاص بجون وبيدهم البنت ثامر رفع يده بعدم حيله بو غانم: هيا انقلعوا عن وجهي هاني: يا نجيب لكم غرام يا ننقلع !! بو غانم: امش بس و انت ساكت طلع هاني ولحقه ثامر هاني: انا بروح انام ثامر: يلا تصبح ع خير افترقوا و كل واحد راح من جهه دخل ثامر بيته ورما مفتاح السيارة ع الطاولة و طلع الدرج وصادف طلعوه بنزول غلا و تاج ثامر: هلا والله غلا + تاج: هلا بك ثامر: كيفكم ؟ غلا+ تاج: بخير تاج: كيفك انت ؟ ثامر: عال العاال غلا: الله لا يغير ثامر: اميين ع وين تو الناس غلا: البيت ثامر: بدري غلا: وين بدري الساعه 2 ثامر: طيب انتبهو لطريق تاج: ان شاء الله طلعوا و بطريقهم صادفوا خالد خالد: توصيله ؟ تاج ضحكت: تسوي خير خالد: اركبوا اركبوا تاج+ غلا ركبوا ورا خالد: الا أقول غلا غلا: خير خالد باستهزاء: ما يطلع لك حس هالفتره ولا ما يطلع لك الا ادا كانت توأمك موجودة غلا بقهر: لا بس مو قاعدة اشوف التافهين عشان اهتم فيهم خالد لف عليها بعصبية تاج بحده: غــلا غلا: اوص تاج: معليه خالد بس لا تجيب سيرة توأمها هالفتره خالد: ميت انا ع توأمها !! وصلوا غلا نزلت وصفقت الباب بقوة خالد بعصبية: يا بنت الـ... تاج: اسفه خالد بس لو تكرمت لا عاد تجيب سيرة غرام خالد: طيب طيب تاج نزلت: يعطيك العافية &&& في فلة بو ياسر &&& ثامر: انا بروح اريح ام ياسر: تصبح ع خير ثامر: و انتو من اهله طلع ثامر جناحه ورما نصف جسمه ع السرير و طلع جواله و شغل اغنية شويتين و دخلت رتاج ثامر ناظرها رتاج: سكر سكر ثامر سكر الأغنية رتاج: وين كنت ؟ ثامر يناظر أصابع يده و يد رتاج رتاج: ايشبك؟ ثامر: ادور خاتم زوجنا رتاج عقدت حواجبها ثامر: زوجتي انتي عشان تحاسبيني ؟؟؟ رتاج: هاهاها سخيييف ثامر: مثلللك رتاج: هيا وين كنت ثامر: كنت ببارتي فيه بنات كتير رتاج ضربته بالمخده ببطنه: هيا ثااامر ثامر: كنت مع هاني رتاج: ادري وين ؟ ثامر: مدري كنا نتمشى رتاج: طيب عندي سؤال ثامر: رتو بكرا عندي جامعة تكفين انقلعي عن وجهي رتاج: حتى انا عندي جامعة بس اليوم ما قعدت معاك ثامر: ايش تبغي اخلصي رتاج: ايش رايك بـ تاج ؟ ثامر: نسخه ثانية منك رتاج: يلا عاد ثامر ثامر: ليه طيب بتتزوجينها ؟ رتاج: ثامر بطل مزح ثامر: لما تبطلي ببطل رتاج: والله ما امزح ثامر: طيب رتاج: ها ايش رايك فيها؟ ثامر: قلت لك النسخه الثانيه منك رتاج تتكلم بسرعه: لا والله هي غير تجنن هاديه مره و فيها دلع وسنع مو صاحي وشعرها طوييل.. ثامر قاطعها: هوب هوب توصفين لي بنت عمي !! رتاج: لا بس اقولك ثامر: اعرفها رتاج: طيب تجنن ثامر: طيب ايش دخلني؟ رتاج: خلينا نخطبها لك ثامر باستنكار: نعممم!! رتاج: والله اسمع البنات بالجامعة يتكلموا فيها و يبغو يخطبونها لأخوانهم و انا بصراحة ما اباها لغيرك ثامر: ههههههههههههههههههههههههه هههههههه رتو مسخنه ؟ رتاج: ثامر قاعدة أتكلم معك جد ثامر: تاج متل اختي رتاج: متل مو اختك ثامر: رتو انا كبرت مع تاج و تربيت معاها كأخوان من صغرنا رتاج: هدا زمان ثامر: و انا للحين اشوفها اختي ومستحيل اعتبرها شي تاني رتاج: انت شوفها و اقعد معاها و ادا ما عجبتك خلاص ثامر: وين عايشين حنا ؟؟ رتاج: يلا ثامر ثامر: رتااااج اهجدي وين اقعد معاها .. تراها متل ماهي بنت عمك هي بنت عمي و اعرفها مالو داعي .. وغير كدا انا أبا افتك منك تبين تزوجيني نسخه تانيه منك رتاج: انقلع يحصلك تاج أصلا ثامر: طيب هيا تقلعي رتاج: ثامر انت تحب؟ ثامر: قلتي بسالك سؤال صاروا سؤالين !!؟ رتاج: طيب خلاص اوف و طلعت ( اليوم الثاني ) بندر: مالو داعي تعرف دامهم رفضوني احمد: من جد عاد هي تدور أي حاجه عشان تروح تتهاوش معاهم بندر ضحك جد احمد: احمممد.. احمممممد احمد راح له: لبيه جد احمد: متى بتروح المستشفى ؟ احمد: ان شاء الله بعد العصر جد احمد: ان شاء الله بندر: بجي معك احمد: ايش تسوي معي ؟!؟ بندر: كدا مزاج احمد: طيب &&& مدرسة ***** الثانوية الأهلية للبنات &&& دخلت وهي تناظر المدرسة و وقفت وحدة من البنات: لو سمحتي تعرفين مريم صالح الـ**** البنت تحاول تتذكر: لا أي صف ؟ فكت طرحتها: ثاني ثانوي علمي البنت: انا اول شكرتها و دخلت داخل ووقفت وحدة ثانيه: مريم صالح الـ **** البنت: ايوه ابتسمت: وين الاقيها ؟ البنت: تعالي اوديك لها راحت معاها و هي تدعي من داخلها البنت: شوفيها هناك ــ و اشرت ع مريم ــ وهي تناظر مكان ما تأشر البنت: وينها؟ البنت: اللي رابطه شعرها و تدف ذيك ناظرتها بدهشه: يعطيك العافية البنت: خليني اناديها لك لان واضح ما راح تقدري تفكيهم هزت راسها بالموافقه البنت راحت مريم: طيب ما دخل شي ....: احمدي ربك و اشكريه انو ما دخل شي فيني ولا كنتي بتتعدمي بنت عم مريم: نعم نعم نعم تعدمي مين ؟ مريم: مدري عنها دي شايفه نفسها مره تبا امسح بوجها دحين بنت عم مريم: امشي امشي واللي يرحم والديك عشان م تتعوري البنت: مريم مريم لفت: نعم انتي التانيه البنت: في وحدة تباك هناك مريم ناظرت البنت اللي واقفه بعبايتها ومعطيتها ظهرها عقدت حواجبها و اتجهت لها: نعم لفت عليها مريم: غرا.. غلا غلا: خلصتي هواش ؟ مريم: مو هواش قاعدة اتفاهم مع دي الـ××× غلا: اها مريم: كيفك؟ غلا: كويسه و انتي؟ مريم: بخير غلا: ايشبها هديك معك ؟ مريم: ياخي لفيت بالغلط و صفق شعري بوجها غلا: مريضه مريم: ما علينا.. ما أتوقع جيتي عشاني غلا جت ترد مريم: لا تقولي الا ومدري ايش و انك اشتقتي لي جيتي عشان البنات غلا ضحكت: طيب جد وحشتيني مريم: و انتي كمان غلا سكتت شوي: كيف غرام ؟ مريم: كويسه تحمد ربها انها بعيده عن ابوك غلا: ههههههه خل تسجد سجود شكر كمان مريم: ايه غلا: ما يدرسون معك ؟ مريم: ههههههه انتي من جدك!! غلا سكتت مريم: ما يدرسون غلا: ليان مو لقت أهلها مريم: الا بس ما تبا تكمل الا مع البقية غلا: اها .. طيب كيف اقدر اشوف غرام مريم: لا تحاولين غلا ادا تحبيها غلا: وربي اشتقت لها مريم: و هي كمان اشتاقت لك بس لو تبغو لها الخير ابعدو عنها &&& في الفندق &&& بو ماجد: افتح الباب شوف مين ماجد اتجه للباب وفتحه: مو من جدك ! ضحكت بمرح و دفته ودخلت بو ماجد: مين ؟ ماجد: الملقوفة بو ماجد قام و فتح يده لها: هلا حبيبتي ضمته بشوق: اشتقت لك بو ماجد ابتسم لها بود: شلونك يبا ؟ بعدت عنه: بخير و انتو ؟ بو ماجد: الحمد لله لفت ع ماجد و تخصرت: مو ناوي تسلم ع عمتك ماجد راح للكنبة تخسين لفت ع بو ماجد: شوف ولدك قليل ادب و ما يحترمني بو ماجد ضحك: ماجد عيب اتجهت للكنبه: هذا اللي قدرك ربي عليه ماجد: أقول جهير الجوهرة: هممم ماجد: مدام انك هنا قومي سوي قهوة او شاي الجوهرة: استح ع وجهك توني جايه من السفر و متعنيه و تقولي قومي سوي شاي ولا قهوه بو ماجد ضحك: انتو ما تعقلون ؟ ماجد: يبا شوفها هي الجوهرة: انا ولا انت جاي و تأمر ماجد: ليه جايه دام وجودك زي عدمه الجوهرة: اشتقت لاخوي بو ماجد: اخلصي قولي ايش تبين الجوهرة باندفاع: لااااا والله ما ابي شي بس جد بو ماجد+ ماجد: ههههههههههههههههههههههههه هههههههههههه الجوهرة: طيرو بو ماجد ضمها من الجنب: لا هذي اختي ما ارضا عليها و غمر لماجد ماجد: شوفي شوفي ها غمز لي الجوهرة لف ع بو ماجد: نوااااف نواف: افا يخرب بينا ذا الجوهرة: بسم الله عليك !!! بو ماجد: يلا ولا ازعلك بطلب لك من البيك الجوهرة بحماس: صددددققق بو ماجد: ايه قوم يلا انت جيب لها من البيك الجوهرة: هيا فز ماجد قام: يبا دق ع مهند شوف اذا بتجي فطوم اليوم لتحاليل ولا لا بو ماجد: طيب طلع ماجد الجوهرة: اقنعتوها؟ بو ماجد: مدري ( الجوهرة :اخت بو ماجد ، عمرها 22 سنه ، رجه وهبله و متعلقه بأخوها واااجد، دورها مو كبير واجد ) &&& في مزرعة جد احمد &&& العصر مهند: يلا فطوم فاطمة: ما أبا غرام: فطوم ترا مصختيها روحي فاطمة: ما أبا غصب هوا ؟؟ غرام: ايوه غصب مهند: فاطمة والله صرت استحي كل ما يكلموني فاطمة: لا ترد عليهم مهند: فطوم بلا دلع فاطمة بحذر: بتعورني الأبرا ؟؟ مهند ضحك: لا ما تعور يا جبانه فاطمة: مو جبانة بس م أبا اتألم عشان ناس م تستاهل مريم: عيب دولا اهلك فاطمة: ع طول خليتوهم اهلي!!! مهند: هيا امشي فاطمة: عبايتي من امس بالغسالة غرام: لا انا نشرتها لك فاطمة لفت عليها بدهشه: من متى تسوين لي خير غرام : من زماااان سونيا جابت لها العباية فاطمة: ما شاء الله عليكم ليان جابت جوال فاطمة فاطمة فتحت عيونها باستنكار: ياليت كل يوم يكون في تحليل الكل: ههههههههههههههههههههههههه ههههههههههههه مهند: انا بالسيارة فاطمة: وحدة منكم تجي معايا غرام: انا م اقدر اطلع ليان: انا لازم ارجع البيت مريم: انا بقعد احل واجباتي سونيا: انا مشغولة فاطمة: جيبو عباية سونيا مريم ركضت بسرعه و جابت عباية سونيا سونيا: مابا ياخي فاطمة: خواتي ع الفاضي سونيا لبست عبايتها و اخذت جوالها و طلعوا وركبوا السيارة غرام: انتي ليه ما تنقلعي لبيت اهلك ليان: بنقلع بنقلع غرام تتمدد ع الكنبة: تسوين خير ليان رمت عليها الخدادية و طلعت &&& في سيارة مهند &&& مهند: ادا شفتيهم تسلمي عليهم كويس فاطمة تهز راسها بتسليك سونيا: ورب الكعبه تسلك مهند سحب جوالها فاطمة: مهننننننددد مهند: ايش قلت ؟ فاطمة: معاك مهند: طيب ايش قلت ؟ فاطمة: احمد يقول ايش تبو تتعشوا مهند: واضح معايا سونيا: خلصنا سالفة العشاء من اول مهند: ادا شفتي ابوك و اخوك تسلمي كويس ماشي فاطمة: اديني جوالي مهند: ماشي ؟ فاطمة: لا واقف .. اديني جوالي مهند دخله بجيبه فاطمة: طيب خلاص ماشي مهند: اديك هوا اول ما أوقف فاطمة: لااااا مهند اديني هو مهند طلعه و عطاها ...... بعد فترة زمنية ...... وصلوا المستشفى ونزلوا و اتجهوا لابو ماجد و ماجد بو ماجد اول ما شافهم وقف ووقف وراه ماجد الجوهرة بغباء: أوقف؟ ماجد: انثبري الجوهرة وقفت بعناد بدون ما تعرف السبب: انقلع مهند سلم ع بو ماجد و ماجد الجوهرة حست ان شكلها غلط بينهم وجلست سونيا: روحي سلمي فاطمة: لسا ما اعرف ادا يحلون لي ولا لا سونيا: يما منك ما عرفتك و انتي تخافي من الحرام فاطمة طنشتها الجوهرة تشد ماجد من ثوبه ماجد: نعم يا مجنونه الجوهرة: أي وحدة اختك ؟ ماجد: هذيك اللي نص شعرها طالع الجوهرة: ما تعرف تلبس الحجاب ولا شنو؟ ماجد ضحك ضحكه جانبية الجوهرة: ومين اللي بجنبها ؟ ماجد: مادري ممكن صاحبتها الجوهرة: بروح اسلم عليها ماجد: من الحين اقولك اذا غلطت عليك او طولت لسانها لا تراديدنها الجوهرة: طويلت لسان ؟ ماجد: مرررره و ما تستحي الجوهرة: طيب ماجد: صيري عاقل قدامها الجوهرة: هيييه مين قالك اني مجنونه ماجد: محد قالي اعرفك الجوهرة: كويس ماجد: يلا تلايطي الجوهرة اتجهت لسونيا و فاطمة ومدت يدها لفاطمة فاطمة كانت قاعدة تطقطق ع جوالها وناظرت يد الجوهرة و رفعت نظرها و ناظرتها باستغراب و سلمت عليها الجوهرة: انا جهير عمت ذاك الأهبل ــ و اشرت ع ماجد ــ و عمتك كمان فاطمة بدهشه: انتي عمتي !!! الجوهرة: ايه بس ما احب احد يقولي عمة يعني قولي لي جهير راضيه فاطمة هزت راسها بالموافقة الجوهرة سلمت ع سونيا سونيا: سهى اختها من الدار الجوهرة باستهبال: يعني انا بعد عمتك سونيا ضحكت فاطمة: نعم خير ! الجوهرة: امزح معاها ولا تدوري أي شي عشان تتهاوشين معي فيه سونيا: فطووم فاطمة لفت وجها الجوهرة: لا يكون انتي بعد تخافين من الابرة ؟ فاطمة: ليه مين يخاف ؟ الجوهرة وهي تأشر ع نفسها من فوق لتحت: عمتك المحترمة و اخوك بعد كان يخاف فاطمة كتمت ضحكتها: رجال و يخاف ! الجوهرة: ايه عادي تقدرين تقولين خوف وراثي .. وغير كذا هو كان يخاف الحين لا بس ما يحبها فاطمة: ووو واخوك نفسك ؟ الجوهرة: مين نواف؟ فاطمة: عندك اخ غيره ؟ الجوهرة: لا فاطمة: ايه الجوهرة: لا ما يخاف فاطمة: اشوا الممرضة: نواف الـ***** بو ماجد قام مهند: انا بجيب فطوم راح للبنات: فاطمة فاطمة راحت له: هاه مهند: هويتي ببيير ماله قاع فاطمه: وجع ان شاء الله مهند: هيا عشان تسوو التحاليل فاطمة: انا لله ــ لفت ع سونيا ــ سونيا سونيا قامت وراحت لها ومسكت يدها بقوه الجوهرة بغباء: توك تقولين اسمك سهى! سونيا لفت عليها وضحكت: يسموني سونيا كمان .. احب دا الاسم الجوهرة: ان شاء الله دخلوا غرفة التحاليل.. فاطمة جلست ع الكرسي سونيا: تبين احد يمسك يدك ؟ فاطمة: هاهاها بزر انا !! سونيا: ليه تشوفين نفسك كبيرة ؟؟ فاطمة: سونيا ترا بدبحك مو دحين دخلت الممرضة و طلعت الابرة كشرت فاطمة تلقائي سونيا كتمت ضحكتها فاطمة لما شافت الممرضة قربت منها سكرت عيونها بقوة ولفت وجها دخل ماجد الممرضة جت تتكلم سونيا مسكت الممرضة و اشرت لها تسكت ماجد كان يناظر فاطمة وكاتم ضحكته فاطمة صرخت بألم من الأبره سونيا سكرت فم فاطمة بسرعه: فضحتينا فاطمة تبعد يد سونيا ولسا مسكره عيونها: بسرعه خل تطلعها خلص دمي سونيا: هههههه يلا الممرضة: كل هدا خوف خلصنا فاطمة فتحت عيونها و ناظر يدها بألم سونيا: بلا كدب ما تعور كتير فاطمة: انكتمي وجع ــ انتبهت لوجود ماجد ــ نعم خير ماجد وهو يضحك: والله انك بزر فاطمة: لا يا شيخ طالع منها يعني !! ماجد عقد حواحبه فاطمة ابتسمت: ع أساس انك ما كنت تخاف منها ماجد بلع ريقه " الله ياخذك يا جهير ": قلتيها كنت فاطمة تبعده عن طريقها: ابعد بس طلعوا فاطمة و سونيا و راحوا لمهند مهند: النتايج بتطلع بكرا فاطمة: انا اعرف انو النتايج تطلع بعد فترة مو كدا مهند: كل شخص وله طريقته فاطمة: امشوا امشوا بس خلصنا بو ماجد: ما تبين تسلمين ع ابوك قبل ما تمشين فاطمة لفت عليه و ابتسمت: لما تكون ابويه ديك الساعة اسلم عليك ماجد انقهر وتقدم لها بو ماجد مسك ذراع ماجد: ان شاء الله بكرا يبين كل شي لك فاطمة ابتسمت بمجاملة و لفت ع مهند: نقدر نمشي؟ مهند راح لبو ماجد و سلم عليه و تعذر منه فاطمة: هيا سونيا سونيا توجهت للجوهرة وسلمت عليها الجوهرة مدت يدها لفاطمة فاطمة سلمت عليها ومشت سونيا: معليه هيا كدا .. شي طبيعي انو فجأة يطلع لها اهل !! الجوهرة: عادي حبيبتي فاطمة كانت تمشي اتجاه الباب وتتحلطم حست ان حجابها انرخى وفكته عشان تعدله لفت وجها تجاه الدرج وشافت احمد عقدة حواجبها باستغراب مهند: هيا فاطمة ناظرته و مشت معاهم لسيارة &&& في احد المطاعم &&& الوليد: من زمان ما طلعنا أصلا غزل: ايوه الوليد: متى ناوية تجين معي عشان تشوفين الغرفة ؟ غزل: هاه الوليد ابتسم: هويتي بقلبي غزل ابتسمت بخجل الوليد: متى ناوية ؟ غزل: ع ايش ؟ الوليد ضحك ع جنب: تشوفي الغرفة و نزبطها سوا غزل: مالو داعي نختار بدون ما اشوفها الوليد باستغراب: ليه ؟ غزل بلعة ريقها : بس كدا الوليد فهم عليها: غزييل غزل: همم الوليد: خايفه مني ؟ غزل باندفاع: لا الوليد ضحك: طيب ليه كل دا ؟؟ غزل: ولا حاجه الوليد قرب منها: زوز ماما بتكون معانا ليه تخافين و غير كدا انا أخاف عليك اكتر من نفسك تطمني غزل: لا مالو دخل يعني حابه اشوفها مفاجأة الوليد: المفاجئات خليها علي بعدين غزل: تمام الوليد: بتجين معي ؟ غزل: ايوه الوليد: بعد الغداء؟ غزل: بكلم مياسين اول الوليد: تمام &&& في بيت بو عمر &&& بو عمر: صديقاتك متى ناويين يكملوا دراستهم ؟ ليان: ما اعرف بو عمر: غرام بتظل دايم تهرب من أهلها؟ ليان: ممكن بو عمر: و انتي متى بتكملين دراستك ؟ ليان: بنكملها سوا بو عمر: انا نفسي ادخلك المدرسة وتكملي دراستك ليان: بابا لو سمحت أبا اكمل مع صديقاتي بو عمر سكت ام عمر: خليها ع راحتها دامهم طلعوا سوا بيرجعون سوا صح لينو؟ ليان: صح بو عمر ما عجبه الكلام: طيب ع راحتك ليان ابتسمت: والله بكمل دراستي وعد بو عمر: ان شاء الله حبيبتي &&& في مزرعة جد احمد &&& نزلت فاطمة من السيارة و دخلت ع طول سونيا جت تنزل مهند: سوسو ناديلي معك مريم عشان نمشي سونيا: طيب ترا بجي معاك مره وحدة عشان بروح شغلي مهند: ماشي سونيا نزلت و دخلت للبنات: مريم مهند يقولك يلا مريم: تمام سونيا: ببدل تيابي يا ويلك تروحي وتخليني مريم: انتظرك سونيا طلعت مريم جمعت كتبها بالشنطة غرام: ايش صار؟ فاطمة: نثنق سوو لي تحليل وخلصنا غرام: متى بتطلع ؟ فاطمة: بكرا غرام: أبا اعرف امانه كيف يطلعوها بيوم !! فاطمة: مدري عنهم تدكري جنان اللي كانت عندنا قعدت أسبوع تنتظر نتايج التحليل غرام: ايوه عشان كدا انا مستغربه فاطمة: ما علينا سونيا: هيا مريم طلعوا مريم و سونيا بعد ما سلموا ع البنات فاطمة: وانا طالعه من المستشفى شفت احمد غرام باستغراب: احمد !! فاطمة: ايوه كان طالع لدرج غرام: ليش ؟ فاطمة: ما امداني اناديه أصلا غرام هزت راسها بعدم مبالاة &&& في دار الأيتام للبنات &&& سجى شافت بدرية تمر من عندهم رفعت صوتها عشان تسمعها: والله حتى فطيم ع وشك تلاقي أهلها انا بسوي متلهم كمان ممكن اهلي يطلعوا من القبر بدرية فهمت عليها ورفعت عيونها لفوق وهي تحاول تصبر نفسها ولفت عليها: الباب يوسع جمل حاولي تطلعي و انا احُش رجولك حش مفهوم سجى + هاجر: ههههههههههههههههههههههههه ههههههههههههه بدرية انقهرت ومشت سجى: صراحة يبا لنا نسوي زيهم هاجر: لو كل وحدة مننا طلعت وصار فيها نفس ما صار فيهم كان انا اول وحدة طلعت .. بس ما نقدر نطلعهم من القبر ! سجى اختفت ضحكتها هي ما عاشت مع أهلها كثر ما عاشت هاجر مع أهلها هاجر ابتسمت: خلينا نروح للبنات &&& في مركز ام فارس لتجميل &&& ام فارس: سونيا حبيبتي اليوم بتجي ام مبارك سونيا: الشامية ؟ ام فارس: ايوه بس هيا عايشه بالإمارات سونيا: المهم انها شاميه ام فارس ضحكت: طيب طيب شاميه سونيا: خلاص انا بقول للبنات ادا جت يخبروني ام فارس: ما اوصيك فيها سونيا: افا عليك يا خاله .. لا توصين حريص ! ام فارس: حبيبة قلبي تسلمين &&& في فلة بو هاني &&& هاني: ماما تطمني انو غرام بخير دامها بعيدة عن ابويه ام هاني: حتى ولو قلبي مو راضي يرتاح لما اشوفها او اكلمها دخلت تاج: من دي ؟ هاني: صديقة امي ام هاني: ايوه رجعت من السفر و ادق عليها ما ترد تاج: لا تخافي اول ما تفتح جوالها اكيد بتكلمك ام هاني: أتمنى هاني قام: يلا انا بروح مع ثامر تاج: بجي معك هاني: وين تجين معي!! تاج: بروح عند رتاج هاني: اها هيا طيب تاج لبست عبايتها اللي ع يدها و باست أمها وطلعت هاني باس امه ع خدها و طلع ودق ع ثامر ثامر: هاه هاني: يلا انا جاي ثامر: طيب دحين نازل هاني سكر و ركب سيارته السبورت و ركبت جنبه تاج و حرك بسرعه لفلة عمه بو ياسر تاج: يلا الله معكم هاني: انتبهي لك تاج: و انت كمان نزلت من السيارة و دخلت وصادفت بوجها ثامر اللي كان مستعجل يلبس جوتيه ــ الله يكرمكم ــ تاج: مرحبا ثامر بدون ما يناظرها: هلا هلا تاج تاج: كيفك؟ ثامر: ما علي شر.. يلا انا طالع جاء يطلع تاج بقهر: الحمد لله و انا بخير ثامر لف عليها: تاج انا .. آسف تاج ابتسمت بدون نفس ومشت ثامر طلع و ركب السيارة: بنروح لغرام هاني ناظره: و انت علقت ع غرام خلاص يعني اعرف انك تحبها معناتو تاخد راحتك !!! ثامر: لا يعني قصدي انو.. هاني قاطعه: فكنا بس ما بنروح لها اكيد ابويه بحط ورانا احد اليوم ثامر: ايش بنسوي هاني: اقولك ادا وصلنا &&& في الفندق &&& ماجد: جهير الجوهرة: هاه ماجد: هويتي بيير ماله قاع الجوهرة: وجعوه احترم نفسك ماجد: ليه تقولين لفطوم اني كنت أخاف من الابره الجوهرة ضحكت: يعني بالنهاية هي اختك ولازم تعرف ماجد: لا مو لازم الجوهرة: ههههههههههههه وش قالت لك ؟ ماجد: جيت امزح معاها لانها خايفه من الابره مصخرتني ومشت بو ماجد: محد قالك تستهب لمعاها ماجد: ايش دراني ان ام لسان قالت لها الجوهرة: ههههههههههههههههههههههههه هههههه يما يما مو من جدها بنت اخوي والله كفو ماجد يقلد صوتها: والله كفو بو ماجد: خلاص بسكم الجوهرة: شوف ولدك ما يحترمني ماجد: لا والله تبيني احترم حضرتك !! الجوهرة: ايه وش فيها حضرتي !! ماجد: يلا بس يالقزمه قال احترمك قال الجوهرة: نواف تصرف مع بزرك ماجد لف عليها بدهشه: مين البزر !! الجوهرة: انت في احد غيرك ؟ ماجد: ايه انتي الجوهرة تقلد صوته: ايه انتي بو ماجد: ما راح نخلص &&& في مركز ام فارس لتجميل &&& ام مبارك: كان عندي بنت اموره متلك وتشبه لك كتير سونيا: جد ام مبارك: ايه حبيبتي سونيا: كم عمرها؟ ام مبارك سكتت شوي: الله يرحمها سونيا: آسفه .. الله يرحمها ام مبارك: ماتت لما كانت هون سونيا: ما كانت تعيش معك ؟ ام مبارك: الا بس تزوجت شاب سعودي و ماتت هيا و زوجا وبنتا بحادث سونيا: الله يرحمهم ام مبارك: وئتا كنت برا و عندي عمليه وهيك سونيا: اها ام مبارك: انتي ما حكيتي لي مين بنتا ؟ سونيا: بنت سويلم ام مبارك: و النعم ولله سونيا: الله ينعم عليك ام مبارك: بتعرفي انو متل اسم زوج بنتي المنحوس سونيا ضحكت: وليه منحوس ام مبارك: من يوم تجوز بنتي ما شفنا يوم حلو سونيا ابتسمت ام مبارك: اول شي مو من مستوانا تاني شي اخد بنتي وعيشها معو هون تالت شي اجاني سرطان من بعدو و الحمد لله راح .. بس شوو راح بعد ما مات !! يعني هو شؤم علينا كلنا.. حتى بوفاتو ما ريحنا شو هاد اخد بنتي و حفيدتي معو و انا ما شفت حفيدتي الا بالصور سونيا ضحكت: هدا قدر ومكتوب يا خاله ام مبارك لوت بوزها ما عجبها الكلام: بس ان شاء الله بيك مو هيك سونيا: ابوي ميت ام مبارك: آآ الله يرحموا حبيبة البي.. الله بأمك سونيا ضحكت بخفه: الله يرحمها ام مبارك: يا عمري شو هاد .. الله يرحمها.. والله ضاق خلئي سونيا: ولو عادي ماتو و انا صغيره ام مبارك: كم كان عمرك وئتا ؟ سونيا: سنتين ام مبارك: لو حفيدتي عايشه لهلئ كان عمرها بكووون ــ سكتت شوي تفكر ــ أمم ممكن متلك سونيا: الله يرحمها جت رسالة لجوال سونيا ام مبارك: هاد جوالك ؟ سونيا سحبت جوالها: ايوه ام مبارك: وهاي صورتك ؟ سونيا: ايوه و انا صغيرة ام مبارك: ما شاء الله سونيا شافت الفضول بعيون ام مبارك عطتها جوالها: شوفي ام مبارك ابتسممت و بنفس الوقت عقدت حواجبها: ما التي لي من وين انتي ؟ سونيا: من هنا ام مبارك هزت راسها فوق و تحت وهي تناظر عيون سونيا باستغراب" من السعودية وعيونا رماديه !! " سونيا: بخليك كدا شويه و برجع لك .. تشربي حاجه ؟ ام مبارك: لا العصير بكفي حبيبتي سونيا: عوافي ام مبارك عطتها الجوال سونيا اخذته و راحت تدق ع ليان: وينك لحد دحين ؟ ليان: هدا انا بالطريق سونيا: يلا انتظرك ليان: جت ام مبارك ؟ سونيا: من زماااان ليان: يوووه طيب خلاص مسافة الطريق وجايه سونيا: يلا سكرت منها &&& في فلة الوليد &&& الوليد: هيا عشان اوريك الغرفة غزل ناظرت ام الوليد ام الوليد ضحكت: ايشبك يا بت غزل: لا بس يعني أقول لو تكون مره تانيه الوليد: يوووه امشي امشي ــ سحبها من يدها ودخلوا الأصنصير ــ غزل قعدت تفرك بيدها بتوتر الوليد كان يناظر حركات يدها و كاتم ضحكته غزل ناظرته: يووه الوليد عشاني خليها مره تانيه الوليد: عشاني انا امشي خلينا نخلص من الغرفة.. ما بقا حاجه ع نهاية السنه غزل: لالا والله باقي كتير انفتح باب الاصنصير الوليد: يلا امشي بس طلعوا من الاصنصير و توجهوا للجناح الوليد وقف قدام الباب وناظرها غزل ناظرته و علقت عيونها بعيونه الوليد: ابتسم بتوتر و فتح الباب: برجلك اليمين غزل ضحكت الوليد مسك يدها و دخلوا &&& في مزرعة جد احمد &&& س 8:30 احمد: ها فاطمة راحت ؟ غرام: ايوه احمد: متى تطلع النتايج ؟ غرام: بكرا احمد: اها كويس.. أخيرا بتقتنع يعني غرام: ان شاااء الله احمد: وينها ؟ غرام: نايمه احمد: اها غرام: ايوه صح ايش عندك بالمستشفى اليوم ؟ احمد لف عليها بسرعه: ايش دراك ؟ غرام باستغراب: فاطمة شافتك وهما طالعين من المستشفى احمد: اها .. كنت ازور واحد من اصحابي غرام: اها ما يشوف شر احمد: الشر ما يجيك غرام: احمد متى نروح البحر وربي اشتقت لو كتير احمد: شوفي غرام انا ما احب البحر تبيني احجز لكم بشاليه ماعندي مانع غرام: عادي عادي بس اهم شي يطل ع البحر والله حيل اشتقت لو احمد: خلاص طيب ممكن ع الأسبوع الجاي غرام: نشوف احمد: سونيا ما رجعت ؟ غرام: لسا باقي ساعه و تخلص احمد: و انتي ما عندك شغله مقابله وجهي غرام: يحصلك دخل بندر: السلام احمد+ غرام: وعليكم السلام غرام: يلا انا داخله بندر: كيفك غرام ؟ غرام: بخير ما علي شر و انت؟ بندر: الحمد لله غرام: عن ادنكم احمد: الله معك &&& سيارة هاني &&& هاني: ندور لنا مدخل تاني يعني ثامر: ما نقدر هاني: ندق ع احمد و نسألوا ثامر: لالا ما ينفع دحين هاني: احنا ندور بنفسنا يعني ؟ ثامر: ايوه هاني: طيب كيف نتأكد انو محد يلحقنا ثامر: وقف ع جنب هاني: قديمه ثامر: اسمع لي هاني: والله فاهم عليك والله قديمه ثامر: طيب ادخل من هنا بعد دا الطريق بكون فاضي نشوف ادا في احد بلحقنا ولا لا هاني: طيب دخل مكان م اشر ثامر و تأكدوا ان محد وراهم ثامر: خلينا نلف حول المزرعة هاني: ايش كبرها تبانا نلف حولها !! ثامر: بتمشي برجولك انت !! هاني: انقلع بس ..... بعد فترة زمنيه ..... كانوا يحومون حول المزرعة يدورون باب ثاني ثامر: مستحيل يكون في مزرعة بهالكبر وما يكون فيها باب تاني هاني: اهوه خلينا نجرب دا ثامر: اسفط هاني سفط ع جنب ثامر نزل و حاول يفتح الباب هاني طلع من السيارة: ما يفتح ؟ ثامر: لا هاني: اركب اركب ثامر ركب السيارة هاني حرك ثامر: دحين ليه ما ندق ع احمد بدال كل دي الزحمة هاني سكت شوي: صح ثامر: محد يلحقنا ولا حاجه هاني: ايوه والله علينا غباء ثامر: عليك انت غباء انا مو معك هاني: اوص اوص بس ولا بنزلك هنا ثامر: امشي و انت ساكت شويتين ووصلوا للبوابة الرئيسية و دخلوا ثامر لمح غرام: انا بروح الحمام ــ الله يكرمكم ــ هاني: طيب انا بدخل ثامر: طيب دخل هاني بيت الشعر ثامر راح ورا غرام كانت معطيته ظهرها و محطيه سماعاتها و تسمع أغاني وهو يمشي وراها بهدوء غرام وصلت لحضيرة الحصان وفتحت الباب و انتبهت لاحد وراها ع طول لفت بسرعه ثامر: اسم الله عليك غرام: من متى و انت هنا ثامر: من اول و انا وراك غرام: ايش تبا ؟ ثامر: جيت اطمن عليك غرام: لا تطمن ثامر: شسوي قلبي مشتاق لك غرام تقلد صوته: قلبي مشتاق لك ثامر: شسوي غرام: تشوقت لموتك ان شاء الله ثامر: اوف اوف غرام: ممكن تنقلع ثامر: لا مو ممكن غرام: يوووه ثامر: غرام بتكلم دحين جد غرام: لا يا شيخ ثامر: والله يا غرام اني مشتاق لك كتير غرام: لا يا واد اماا ثامر: ورب الكعبه غرام: كل ××× ثامر: غرام يا امي انتي ليه مو راضيه تقتنعي اني احُبك غرام: انا ما احبك طيب ثامر اخذ نفس عميق غرام: وينو هاني؟ ثامر: هاني ببيت الشعر غرام: يعني هاني مع الرجال و انت هنا معايا !! | |||||||||
|
| |
|
24-04-16, 06:33 PM
| #34 | |||||||||
| نجم روايتي ومشرفة سابقة وفراشة متالقة بعالم الازياء
| ثامر: صبر صبر مع الرجال !! .. مين في ؟؟ غرام: احمد و بندر ثامر: بندر كمان اليوم هنا !! غرام: ايوه ايش فيها ثامر بقهر: انتي تعرفي هدا ايش كان يسوي امس غرام: ايش ؟ ثامر: راح عند ابوك عشان يطلبك منه غرام فتحت عيونها ع وسعهم بدهشه ثامر: شفتي غرام ابتسمت بدهشه: مجنون ثامر: ايش اللي يفرح بالموضوع !! غرام: يعني ما خاف من عمك و فوق دا راح طلبني منو ثامر: غرااام ترا هدا الرجال مو كويس ومن دحين اقولك غرام: ع كيف امك انت ثامر: طيب بسالك سؤال وردي علي بصراحه غرام ناظرته ثامر ناظر عيونها بحب وشوق غرام: هيا قول ثامر لف وجهه ورجع ناظرها وبغصة: تحبينه ؟! غرام تخصرت: ايوه احُبه ثامر بلع ريقه بصعوبة و بقهر: و انـ-ــا !! غرام: انت ايش ؟ ثامر وهو يناظرها و القهر واضح من عيونه اللي حمرت: انا ايش لك ؟ غرام اتكأت ع رجلها اليمين و بتفكير: اممم انت اللي اهنتني قدام الله و خلقه ، انت اللي لحقتني من مكان لمكان عشان تدور الأذية لي ، انت اللي حطيت واحد يعرف وين اروح ووين اجي عشان تنكد علي لانو مكتوب لبنت الدار تتنكد كل يوم، انت اللي ما خليتني ارتاح ، انت اللي خليتني احسب حساب الطلعه اللي بطلعها مليون مره عشان ما اقابلك ، انت .. ثامر حط يده ع فمها يسكتها: بس تكفييين غرام دفت يده بقوه: ليه لانو لما تسمع هدا الكلام يعور لك قلبك,, يأنبك ضميرك ؟؟؟ ثامر ظل ساكت غرام: ترا مو كل شي ينمسح بكم كلمه حلوه مرتبه قلتها ولا حبك اللي تباني امليلك هوا ثامر نزل راسه غرام: ادا انت نسيت اللي سويته انا ما نسيته و لا بنساه .. حبك دا خليه لك لاني ما ححبك لو تنطبق السماء ع الأرض ثامر سكر عيونه بقوه غرام تعدته واتجهت للفله ثامر شات الأرض برجوله بقوه وقهر ** في الفله ** دخلت غرام سونيا: وينك ادورك ليا سنه غرام كنت عند الحصان سونيا قربت منها و حطت يدها تجاه قلب غرام: ايشبو قلبك يدق بسرعه غرام بعدت عنها سريع: عشان كنت اركض سونيا: ووجهك احمر غرام: قلت لك اركض سونيا: شفتي حاجه خوفتك ؟ غرام: لا سونيا: طيب غرام: فاطمة نايمه لا تقومينها ومشت سونيا عقدت حواجبها و طلعت وشافت ثامر جاي من جهة الأحصنة: ثامر ثامر ناظرها سونيا: الشباب في بيت الشعر ؟ ثامر هز راسه بنعم سونيا دخلت ( اليوم الثاني ) &&& في فلة بو ياسر &&& في جناح ثامر... كان منسدح ع سريره وفاتح عيونه توه من 5 دقايق صاحي اذنه قاعده تكرر كلامها (انا ما احبك طيب .. ايوه احُبه.. أيــــوه احُـــبـــه .. احُـــبـــه) صرخ: اووووووف قام بسرعه وراح الحمام ــ الله يكرمكم ــ و اخذ له شور سريع يحاول ينسا كلامها و يشغل نفسه بأي شي .. طلع بعد ما لبس الروب و اتجه لغرفة التبديل و لبس: ثوبه وكبكه و حط القلم بجيبه اللي ع صدره و تعطر و لبس شماغه وطلع اخذ جواله و دق: طلع سيارتي الزرقه ... ايه ايه هيا لا تكتر هذره سكر منه و نزل وشاف امه و ابوه و اخته سلم عليهم و جلس ام ياسر: ايشبو وجهك ؟ ثامر: ما نمت كويس ام ياسر: من كتر ما تفرفر انت و هاني ثامر: انا لله امي ترا أخلاقي بخشمي ام ياسر: انا أبا اعرف حاجه وحدة .. ايش تسوي انت وهاني لما تفرفرو وين تروحوا؟؟؟ ثامر: ماما انا مو طفل تحاسبيني ام ياسر: بتظل بعيني طفل مهما كبرت ثامر لف وجهه بانزعاج وقام: يلا انا رايح.. رتاج تبيني اوصلك بطريقي ؟ رتاج: خلاص ناخد معانا تاج مره وحدة ثامر: يوووه لا خلاص خلي السواق يوديكم بو ياسر: ايش فيها ادا اخذت بنت عمك معاك ؟ ثامر: بابا تكفى مالي خلق انا بالموت اتحمل مصيبه وحده ــ ويأشر ع رتاج ــ تباني اتحمل مصيبتين لا والله ما اقدر رتاج ناظرته بدهشه: هييييه بابا شوف بو ياسر: ولد ثامر: انا ماشي بو ياسر: لسا في وقت ع محاضرتك ثامر: ما أتوقع بنت العم محتاجه توصيله بو ياسر: لو علي مو بس تاخد تاج الا تاخد غلا معاها ثامر: غلا اشيلها بعيوني بس تاج نسخة دي الخكريه رتاج بهمس مسموع: اكيد تشيلها بعيونك مو هيا توأم الحب ثامر سمعها و ناظرها بحده بو ياسر: خدهم و انت ساكت ثامر: سواق عندهم انا طلع و لحقته رتاج وهي شايله شنطتها ثامر: بسرعه ركبت رتاج السيارة و أرسلت لتاج ( ثامر بياخدنا بس شكلو معصب ) شوي ووصلوا فلة بو هاني ثامر: كلمي تاج رتاج: طيب ثامر نزل وشاف غلا تتجه لسيارة السواق راح لها بخطوات واسعه: كيفك غلا غلا ناظرته: كويسه و انت ؟ ثامر: الحمد لله بخير غلا: ادا تنتظر هاني .. هاني راح قبل شوي ثامر: لالا ادري انو راح بس طبعا تورطت برتاج و نسختها غلا: ههههههههههههههههههههههههه ثامر: عشان كدا ادا حابه اوصلك معاهم حياك غلا: لا يعطيك العافية وديهم ثامر: غلا انتي بطريقي غلا: ثامر جد مشكور ثامر: طيب ع راحتك انتبهي لدروسك غلا: و انت كمان ثامر: ان شاء الله شافتهم تاج تاج: غلا بتجين ؟ غلا: لالا انا ماشيه تاج: طيب ثامر راح ع سيارته &&& في فلة ام فارس &&& ام فارس شهقت بصدمه: انفصلتوا !!!! فارس جلس وحرك يده بعدم حيله ليان ناظرت ام فارس: عن اذنك ام فارس ما انتبهت لليان ليان راحت الغرفة الثانية ام فارس: كيف انفصلتوا فارس: والله يا امي هي بنفسها طلبت ما راح الحقها زي الكلب ام فارس: اكيد بتطلب انت لا تسأل عنها ولا تزورها زي أي اثنين مخطوبين فارس: امي ما حيفيد دحين عتابك .. هي طلبت انو اطلقها و طلقتها .. يعني ما غصبتها ع حاجه ما تباها ام فارس مسكت راسها بألم: انت حتجنني فارس: انا بنام ام فارس: كمان يبا ينام.. دحين ايش اسوي مع أمها فارس وهو يطلع الدرج: نــثــنــق ام فارس: بجنني بجننننييي ..ــ حست بعدم وجود ليان ــ ليااان ليااان ليان دخلت بسرعه: هلا خالتي ام فارس: وينك يا ماما ليان: كنت جالسه برا ام فارس: تعالي حبيبتي تعالي &&& في المستشفى &&& ماجد كان يمشي بمسافات متباعدة يتمنى يوصل البيت بأقرب فرصة بس هما وين هما بجدة الزحمة كلها بالصباح ولا بالليل نفس الشي تقريبا ركب سيارته و اتجه للفندق و هو يدق ع مهند &&& في الجامعة &&& مهند: الوو ....... الحمد لله و انت ؟؟ ................. بس انا دحين بالجامعة !! ................. بعد شوي بتبدا محاضرتي ............... طيب خلاص انا بحاول اتصرف ........... أتوقع انها بشغلها ............. طيب طيب سلام سكر منه هاني: ايشبك ؟ مهند بدون ما يحس ع نفسه: ماجد يقول اخد النتايج ويباني اجيب فاطمة .. المهم انا ما بحضر المحاضرة هاني: خلاص انت روح خليها علي مهند اخذ اغراضه و طلع ثامر توه جاء: ع وين مهند: بعدين بعدين ثامر جلس مع هاني: ايش الهرجه ؟ هاني: تذكر ماجد ثامر هز راسه بلا هاني: داك اللي يوم جت فاطمة و البقية عندنا لما ابوي حاول ياخد غرام ثامر: ايه هاني: المهم قالي مهند انو سوو تحاليل امس و كدا و شكلها طلعت و رايح له هو وفاطمة ثامر: يعني بقت ام عيون رماديه و غرام هاني ضحك: اسمها سونيا ثامر: ايوه هيا هاني: الله يعين ثامر: ادا لقينا اهل سونيا كمان .. وقتها ما يقدر ابوك يهدد غرام بحاجه هاني ابتسم و اتسعت ابتسامته: صـــح ثامر: بس كيف بنعرف اهل سونيا هاني: مو دحين .. دحين المحاضرة بتبدأ ثامر: طيب هيا قوم &&& في سيارة مهند &&& مهند: الو احمد وينك احمد: بالعمل مهند: و فاطمة بالمزرعة ؟ احمد: لا بشغلها مهند: حلو انا باخدها و بروح بيت بو ماجد احمد: ليش ؟ مهند: طلعت النتيجة وبنروح لهم احمد: طيب الله يوفقكم مهند: اجمعين سكر منه و دق ع فاطمة و اتجه بسرعه للمول فاطمة: هاه مهند: هويتي ببيير ماله قاع فاطمة: ايش تبا مهند مهند: انا جايك دحين فاطمة: ليه مهند: كدا فاطمة: مهند قول ايش صاير مهند: دحين بوصلك فاطمة: انقلع سكر منها &&& مدرسة ***** الثانوية الأهلية للبنات &&& بدور: بندر يحبها مريم لفت ع بدور بدهشه: كدابه بدور: والله و راح لأبوها كمان و خطبها مريم: ليه حنا مالنا خبر بدور: ما اعرف مريم: ومن متى بندر يحبها بدور: و انا متلك انصدمت ترا مريم: و غرام تعرف ؟؟ بدور: يقول مو لازم تعرف مدام اني انرفضت مريم هزت راسها بنعم &&& في المول &&& فاطمة: فهمني ايش صاير ليه تمشي بسرعه ؟؟ مهند: بتفهمين كل حاجه فاطمة: مهند بطل استهبال ترا ما احب كدا مهند: مو لازم تحبين فاطمة: صاير شي بخواتي ؟ مهند: لا فاطمة: خلينا ننزل بالأصنصير مهند: لا سنه ع ما يطلع و ينزل فاطمة: طيب قولي وين رايحين ؟ مهند: بتعرفين دحين فاطمة: سونيا و غرام بالسيارة ؟؟ مهند: لا بالمزرعة فاطمة: رايحين للمزرعة ؟ظ مهند: لا فاطمة وقفت و بصوت مرتفع شوي: اوووووه هيا قول وين بتوديني مهند يناظر الناس فاطمة: ايش صاير ؟ مهند: ممكن تمشين بدون فضايح فاطمة مشت معاه &&& في مؤسسة احمد &&& احمد: ايوه خلاص اتفقنا ع كل حاجه ووقعناه ان شاء الله قريب ننتقل لشركة بندر: الحمد لله احمد: اسمع بندر كان يطقطق بجواله: هممم احمد: انا عارف انو انت متضايق عشانهم رفضوك و كدا .. بس اللي انا متأكد منو انو انت ما تحُب غرام بندر ناظره احمد: بندر انت اخويه و اعرفك كويس انت ما تحُبها انت تشوف فيها تصرفات رزان عشان كدا تباها بندر بانفعال: ايش دا الكلام يا واد احمد: بندر حتى انا تعلقت بغرام لانها متل رزان بس انت تشوف فيها حركات رزان و تصرفاتها بندر: الله يرحمها احمد: لو ابوها وافق عليك انت ما حتسعدها ممكن كمان تنطق اسم رزان بندر: مو من جدك مو لهدرجه !!! احمد: ع بالك انا مو ملاحظ عليك مرات لما تغلط بأسمها بندر: ما عمري غلط باسم غرام.. يعني ممكن اول ما شفتها وكدا احمد: حتى الفترة دي تحاول قد ما تقدر تنطق اسم غرام كويس بندر ناظر ساعته: انا عندي شغل دحين &&& في الفندق &&& الجوهرة تمشي يمين و يسار يمين و يسار يمين و يسار يمين و يسار بتوتر ماجد كان جالس ويهز رجوله بتوتر بو ماجد قطع يده من كثر ما يفرك فيها اندق الجرس الجوهرة ركضت للباب ماجد + بو ماجد وقفوا الجوهرة فتحت الباب: حياكم مهند دخل ودخلت وراه فاطمة فاطمة: خير ليه جايين هنا ؟؟ مهند سلم ع بو ماجد و ماجد بو ماجد اتجه لفاطمة بسرعه فاطمة بعدت عنه ووقفت ورا مهند مهند: فاطمة ماجد: ارتاحي و تقدرين تكشفين بعد فاطمة رفعت حاجبها الأيسر ماجد عطا مهند الظرف مهند فتح الظرف وبعد ثواني: فاطمة فاطمة و قلبها يدق بسرعه: لبيه مهند: هدولا اهلك فاطمة ناظرته بدهشه وطاحت دمعه من عيونها بو ماجد فتح يده لها وناظرها بعيون مليانه بالدموع مهند دفعها لابو ماجد بو ماجد ضمها و بنفس الوقت نزلت دموعه ماجد عيونه حمرت وحاول يضحك: يباب تذبحها بو ماجد بعد عنها و ابتسم: الحمد لله اللي قدرني وخلاني اشوفك ماجد راح لها و ضمها فاطمة كانت منزله يدها ومو قادرة تضم احد مهند اشر للجوهرة انه بيجلس بالغرفة الثانيه الجوهرة هزت راسها بالموافقه ماجد: مره قصيرة ــ رفعها ــ فاطمة شهقت ماجد: عندي اخت بزر الجوهرة: شكله بطيح كرتي من الحين بو ماجد ناظرها وضحك ماجد نزل فاطمة: مو شكله الا طاح من اول الجوهرة: بعد بعد بس عن بنت اخوي ولل ذبحتوها فاطمة ابتسمت ع خفيف الجوهرة ضمتها ماجد: يعني انتي ما ذبحتيها الجوهرة: انا غير ــ بعدت عن فاطمة ومسكتها من اكتافها ــ صح فاطمة ظلت ساكته بو ماجد: ليه حبيبة ابوها ساكته فاطمة اخذت نفس عميق: ما اعرف ايش أقول بو ماجد: اجلسي جلس الكل فاطمة: عن قلة ادبي معاكم ولا عن ظهوركم اللي جاني فجأة بعد 15 سنه !!! .. ما شفتوا طفولتي ولا فترت مراهقتي بالمتوسط .. وما شفت حنية الأهل .. لا ام ولا اب بو ماجد: و انا بحاول اعوضك عن كل شي فاطمة: مو كل شي يتعوض بو ماجد: بتسمحين لي اعوضك ولو شوي ؟ فاطمة: اللي الله بقدرك عليه سويه .. بس لا تطلبون مني أكون معكم اليوم بو ماجد: خذي راحتك حبيبتي ماجد: بس اهم شي انك معانا فاطمة ابتسمت بو ماجد: انا عازم الكل بكرا .. انا عهدت ع نفسي اني اذبح ذبيحه و اعزم الكل فاطمة هزت راسها بالموافقه ماجد: انا بحجز لدمام ع الويكند فاطمة ناظرته: انا ما بروح الدمام الكل ناظرها فاطمة: عشت طول عمري هنا .. تبون دحين تاخدوني معكم بكل بساطة بو ماجد: بس بيتنا هناك فاطمة: تقدروا ترجعوا له ماجد: فطوم من جدك فاطمة: ايه والله الجوهرة: و حتى شغلهم هناك و جامعتي هناك !! فاطمة: الله معاكم .. انا خواتي هنا و حياتي كلها هنا بو ماجد سكت ماجد ناظر ابوه و رجع ناظر فاطمة: بس انتي مولودة بالدمام فاطمة عقدت حواجبها: انولدت هناك صح بس عشت هنا ما راح اطلع برا جدة بو ماجد: احنا اللي بننتقل لجدة ماجد + الجوهرة ناظروه بصدمه &&& في مزرعة جد احمد &&& غرام: ادق ع فاطمة من اول ما ترد سونيا: بدق ع احمد نشوف غرام: دقي دقي سونيا دقت ع احمد احمد: ايوه سوسو قولي اللي عندك مشغول سونيا: ندق ع فاطمة من ساعه ما ترد احمد: اخدها مهند لبيت بو ماجد سونيا: الحمد لله .. اوك سلام سكرت منه غرام: وينها؟ سونيا: مع مهند ببيت بو ماجد غرام: ان شاء الله خير سونيا: غرام لو طلعوا دولا أهلها صدق تتوقعي تنقل فطوم معاهم هناك ؟ غرام ناظرتها بدهشه: ما فكرت فيها !! سونيا: ايش هيا؟ غرام: تتوقعي تنقل ؟ سونيا: مدري غرام: انا ما اقدر أعيش بدونها سونيا: كلنا ما نقدر نعيش بدون وحدة مننا .. جد جد أتمنى ما يكونو أهلها عشان ما تروح غرام: انا متأكدة انهم أهلها بس اللي مو متأكدة منو انها ما تقعد عندنا &&& في الفندق &&& الجوهرة: اخذت رقمك بزعجك كل شوي فاطمة ابتسمت بمجاملة و طلعت مع مهند الجوهرة سكرت الباب ماجد: ايش يعني بننقل هنا ؟؟!! بو ماجد: يعني انقل شغلك لهنا او ارجع الدمام وحدك ماجد: يبا!! عشان فطوم تبي تنقل هنا بو ماجد: ما بحرمها من خواتها ماجد: و شغلي و البيت و ربعي !!! بو ماجد: انقل شغلك هنا و بندور لنا بيت هنا و تلاقي ربع جدد الجوهرة: و جامعتي ؟ بو ماجد: انقل ملفاتك لهنا الجوهرة: هيا ببساطه كذا !! .. وصديقاتي بو ماجد: تلاقين صديقات غيرهم الجوهرة ناظرت ماجد ماجد: يبا ما اقدر بو ماجد: قلت اللي عندي .. فطوم ما بتجي معانا ماجد: بحاول معاها بو ماجد: أتوقع واضح عليها ان ما بذنها ماي ماجد انقهر ودخل غرفته ( مر أسبوع ) كريه وممل عند البعض و جميل و سريع ع البعض ثامر:. ما عاد يروح مع هاني عشان يزور غرام يروح لوحدة ويطمن عليها بدون ما تحس عليه هاني: اكثر شخص استانس لما عرف ان فاطمة لقت أهلها فاطمة: صارت تزور الفندق اللي فيه أهلها كثير و تقربت من ماجد و الجوهرة غرام: عايشه يومها و ما تفكر لبعدين سونيا: ع ماهي.. شغل بيت شغل بيت ...إلخ ليان: عايشه احلا ايامها مع شهاب و الشغل رتاج: للحين تفكر بطريقه تنسي ثامر غرام تاج: زي كل مره تتملق ع ثامر و تحاول تتقرب منه ولاب ليب لوب لاااب .................................................. ....... &&& في مزرعة جد احمد &&& بندر: احمد تقدر تتراجع ترا و اديهم أي عذر احمد: دحين انت ليه خايف !!! خلاص ما حيصير شي اوف دخلت غرام بحماس وما انتبهت لبندر: خلصناا هيا تكفى خلينا نتحرك من دحين احمد ناظر بندر بندر ناظر غرام و ابتسم غرام تغيرت ملامحها: ءء معليه ما انتبهت لك بندر بندر: عادي غرام: بدور بتجي صح ؟ بندر: اكيد غرام: هيا كلنا جاهزين احمد: يلا طلع الكل وركب السيارة و حركوا &&& في الاستراحة &&& هاني: اليوم بروحوا ع الشاليه معتصم: البنات مع احمد بس ؟ هاني: لا معاهم مهند و بندر معتصم ناظر ثامر ثامر كان يطقطق بجواله و اول ما جابوا طاري بندر ضغط ع اسنانه بقوه معتصم: شوي شوي لا تكسر اسنانك ثامر ناظره بحدة هاني: وللل ثامر: ليه ما نروح الشاليه حنا كمان هاني: ههههههههههه أقول ما نبا ابوي يوصل لغرام ثامر: اوووف &&& في مركز ام فارس لتجميل &&& طلعت سونيا من الغرفة وعيونها حمرا ليان شافتها و فزت بسرعه لها: سونيا ايشبك؟؟ سونيا: روحي ليان هما برا ليان: و انتي ؟ سونيا: انا بظل هنا و ادا قدرت اجي بجي ليان: لالا رجولي ع رجولك سونيا: لو سمحتي ليان روحي والله ما فيني حاجه ليان: ما اقدر بينشغل بالي عليك سونيا: لا ينشغل بالك ولا حاجه انتي روحي ولا تقولين للبنات شي انا ان شاء الله بدق عليكم ليان: وين بتقعدين سونيا: بتصرف بس تكفين لا تسأليني اكتر من كدا ليان: طيب طيب طلعت ليان و عقلها عن سونيا &&& في الشاليه &&& س 8م بندر: ليه جينا هنا ؟ احمد: مدري بندر: احمد انت اللي حجزت هالمكان احمد: خلصنا بندر فاطمة: ايشبو المكان ؟ بندر ناظر احمد: رد عليها احمد: بندر بندر رفع يده بعدم اهتمام: بكيفك غرام: ايش الهرجة احمد: ما علينا شوفوا الغرف و المسبح من هناك غرام: اخييييييييراااا احمد: تقدروا تسكروا الباب و تتسبحوا كمان فاطمة: نقدر نركب الجاتسكي كمان ؟؟ احمد: بكرا ان شاء الله فاطمة: يسسسسس غرام ركضت بسرعه ولحقتها فاطمة و مريم و بدور ليان راحت للغرف بهدوء احمد: انا بنام شويه ام بندر: انا بسوي لكم اكل احمد: يعطيك العافيه خالتي راحوا البنات يتسبحوا بالمسبح و يلعبون فاطمة: بنااات الكل لف عليها فاطمة: بكرا بتجينا جهير و ماجد غرام: كان جت اليوم فاطمة: تقول مشغولة غرام: طيب انزلي هيا لا اخرب جوالك فاطمة: طيب اوف &&& في فلة بو ياسر &&& دخل ثامر و الضيقه واضحه بوجهه بو ياسر: السلام لله ثامر: السلام عليكم الكل: وعليكم السلام ثامر ابتسم لما شاف سعد ولد اخوه: اوه حبيب عمو هنا سعد ركض له ثامر شاله و جلس معاهم طيف: ايشبو وجهك ثامر: تعبان شوي طيف+ ياسر: ما تشوف شر ثامر: الشر ما يجيكم طيف بمزح: هدا مو تعب هدا عياره يبالك زوجه ثامر: الله يسمع منك ام ياسر: طلبت وقلت لك لا ؟ ثامر ضحك بو ياسر: خليه يخلص جامعه و يتوظف ديك الساعة نزوجه رتاج: داك الوقت يكون عمر تاج 22 تقريبا الكل ناظرها باستغراب ثامر عقد حواجبه رتاج: امانه ايش رايكم بتاج .. خلونا نخطبها لثامر ثامر ناظرها بدهشه ام ياسر: والله تاج ما شاء الله عليها تجنن طيف: من جد القمر يقوم و يقلها اجلسي مكاني ام ياسر: سنع و دلع و جسم و شكل .. كللل المواصفات فيها رتاج بمبالغة: كل الجامعة تتكلم فيها و اللي يبا يخطبها ليه نضيعها من يدنا و اخوي أولا فيها ثامر: بس انا ما ابيها ام ياسر: ليه يا حظي ايشبها تاج ليكون مو عاجبتك ثامر: امي ايش دا الكلام !! انا اشوفها متل اختي ام ياسر: بس مو اختك ثامر: و غير كدا هي مريضه ام ياسر: بتشفى ان شاء الله ثامر: ولو انا ما اباها أصلا ما افكر فيها الا اخت بو ياسر: خلاص لحد يضغط عليه ام ياسر لوت بوزها ما عجبها الكلام ثامر يغير الموضوع ويناظر ياسر: ما كشفتو ادا بنت ولا ولد؟ ياسر فهم ع ثامر: الا بنت ثامر: الله يجيبها بالسلامه &&& في الشاليه &&& ام بندر: هيا يا بنات قوموا تسبحوا و البسوا العشاء جاهز طلعوا البنات وحدة وحدة و تسبحوا و لبسوا و رتبوا نفسهم ام بندر: بندر قوم قَوّم احمد عشان يتعشاء بندر قام: طيب اتجه لغرفة احمد بندر: احمد احمد قوم ــ حركه ــ احمد قوم امي مسويه عشاء ــ سحب البطانيه و شاف جسم احمد كيف يرجف انصدم و حط يده ع جبينه لقاه حار ــ احمممد قووم سخننت احمد يكح: ادري بندر: بروح اجيب لك خافض حرارة احمد صوته مبحوح من التعب: دوبني اخدت بندر: طيب قوم تسبح احمد: مابي مابي خليني بندر: بلا مبزره قوم احمد سحب البطانيه و رجعها ع جسمه: ابعد عني بندر طلع لأمه: امممييي ام بندر: هلا بندر: احمد سخن ام بندر: لا اله الا الله غرام: كيف سخن !! بندر: مدري غرام قامت و قاموا البنات وراها و اتجهوا لغرفة احمد بدور: بروح اجيب كمادات احمد: ماااابي اطلعوا براا انا بتسبح بعد شوي ام بندر: طيب اجيب لك اكل؟ احمد: شبعان يا خاله شبعان غرام: طيب قوم تسبح احمد: بقوم بقوم بس اطلعوا شوي وبتخف الحرارة عادي انتو مكبرين الموضوع ( اليوم الثاني ) &&& في فلة بو ياسر &&& س 6 الفجر ثامر طلع من جناحه وشاف رتاج راح لها رتاج: ما نمت ؟ ثامر: اسمعيني كويس ادا فتحتي موضوع تاج مره تانيه ورب البيت يا ويلك رتاج: انا أبا مصلحتك يا مجنون ثامر: ما وقفت مصلحتي ع رقبتك رتاج: لا يا شيخ انا اختك كمان ثامر: سمعتيني لو فتحتي سيرة تاج ادبحك رتاج: انقلع بس &&& في دار الأيتام للبنات &&& غزل: الوليد والله نعست الوليد: طيب هيا نامي غزل: سكر الوليد: لا ملح غزل: يوووووووه الوليد الوليد: خلاص خلاص نامي و انا بظل معك بس ادا شخرتي بسكر غزل: هههههههههه انقلع ما اشخر انا الوليد: مدري عنك أخاف انخدع و بعد الزواج انصدم غزل: نينينينيني اوص بس بنام الوليد: يلا اسمعك غزل ضحكت الوليد: تدفيتي كويس؟ غزل: أمم الوليد: قلتي اذكارك ؟ غزل: اممم الوليد: هيا نامي غزل: بنام لو سكت الوليد: طيب سكت &&& في الشاليه &&& قام من فراشه يترنح من كثر التعب و صوتها وهي تصرخ تناديه يرن بأذنه: رزان رزان .. رزااان ويننك اتجه للمسبح وشاف جثتها ع البركة فتح عيونه بصدمه و بصراخ: رزااااااااااااااااااااااا ااااااااااااااااااااااااا ااااااااااااااااااااااااا ان انتهـــى البـــ[ 27]ـــارت ان شاء الله ينال اعجابكم.. تـوقعاااتكم للبارت الجاي حطوها بالأنستجرام او بالتويتر واللي ما عنده لا ذا ولا ذاك حطوها هنا.. اراكم ع خير ان شاء لله.. ولا تحرموني من ردودكم وتوقعاتكم و بليييييييييييز ما ابي احد من خلف الكواليس شاكره لكم .. مع تحياتي: جذابة والعيون غلابه { } ^__^للأسئلة و الاستفسارات.. | |||||||||
|
| |
|
28-05-16, 09:43 PM
| #35 | |||||||||
| نجم روايتي ومشرفة سابقة وفراشة متالقة بعالم الازياء
| البـــ[28]ـــارت طلع بندر من غرفته بعد ما سمع صوت صراخ احممد وراح لغرفة احمد و ما لقاه بالسرير فرك عينه بيده: احمد ــ راح للحمام الله يكرمكم وطق الباب ــ احمد .. احمد ــ فتح الباب وعقد حواجبه باستغراب ــ اتجه بندر لصالة و رفع صوته شوي بحذر عشان ما يقوم البنات: احممد احمممد ــ شاف الباب اللي يودي للمسبح والبحر مفتوح راح له و رفع صوته ــ احممممد ــ دور بعيونه و اخذ نظره خاطفه ع المسبح وجاء يدخل انتبه لشي بالمسبح رجع ناظر المسبح و فتح عيونه ع وسعهم بصدمه و صرخ ــ احممممممممممممممممممممممم مممممممممممممممم مممممممممممدددددددددددددد ددددددددد &&& فلة ام فارس &&& ام فارس كانت تمسح ع راس سونيا بحنيه: نامي يا قلبي وبطلي تفكرين سونيا كانت منسدحه ع السرير و راسها ع صدر ام فارس و عيونها حمره من البكي وصدرها يرتفع وينزل من الصياح ام فارس: اجيب لك مويه حبيبتي سونيا هزت راسها بلا لاحظة الإرهاق اللي بعيون ام فارس.. بلعة ريقها: خلاص انا بنام ام فارس: تبغي اقعد معك؟ سونيا: لالا روحي ارتاحي ام فارس: اوك حبيبتي انتي نامي و ريحي و اول ما يقوم الكل بنروح المستشفى سونيا هزت راسها بالموافقة ام فارس غطت سونيا باللحاف و طلعت سونيا سكرت عيونها تتذكر اللي صار قبل 11 ساعة من الآن ( ام فارس تنادي سهى: سونيا حبيبي ام مبارك تباك بمكتبي سونيا: ان شاء الله خلت سونيا كل شي بيدها و توجهت لمكتب ام فارس و دخلت و سلمت ع ام مبارك ام مبارك: اجلسي سونيا جلست بابتسامة: امريني ام مبارك: ما يامر عليك ظالم سونيا سكتت تسمع لها ام مبارك ضيقت عيونها تتذكر: مره وريتيني صورتك و انتي صغيرة سونيا: ايوه ام مبارك: فيا اشوفا هلئ سونيا طلعت جوالها من جبيبها و عطته ام مبارك تشوف الصورة ام مبارك: متأكدة هاي انتي سونيا: ايوه ليه ؟ ام مبارك: بتعرفي اسم امك ؟ سونيا: الينا ام مبارك بلعة ريقها: شو اسمك كامل؟ سونيا باستغراب من تحقيق ام مبارك لها: قلت لك من قبل ام مبارك: لا بس حكيتي لي انك بنت سويلم سونيا: سهى سويلم الـ****** ام مبارك ناظرتها بدهشه و فجأة قامت تصيح سونيا خافت وزاد استغرابها بنفس الوقت: خاله فيك شي ؟؟ خاله ! ــ قامت بسرعه و جابت لها مويه ــ تفضلي ام مبارك تمسح دموعها و شربت شوي من المويه وقامت و سجدة سجود شكر سونيا عقدت حواجبها استمرت وما انفكت ام مبارك رجعت تجلس مكانها وتمسح دموعها سونيا: خاله تبيني انادي لك ام فا.. ام مبارك قاطعته: لا تحكي لي خاله سونيا سكتت ام مبارك: نادي لي تيتا سونيا ما فهمت عليها: مين تيتا ؟ ام مبارك وعيونها مليانه دموع: انا تيتا انا جدتك سونيا ظلت ساكته فتره قصيرة و عقدتها م انفكت و بغباء مسيطر: ما فهمت عليك والله اعذريني ام مبارك تقدمت و مسكت يدها: سهى حبيبة البي انتي انا جدتك سونيا مو قادرة تفهم ع ام مبارك او ان كلام ام مبارك ما دخل عقلها و بمجاملة و غباء اكثر: اللي يشوفك يقول اختي الكبيرة مو جدة << اهدا من كذا !! ام مبارك بنفاذ صبر: سهى لك افهمي سونيا: ايش تبيني افهم مو فاهمه عليك !! ام مبارك: انا امّا لألينا يعني جدتك سونيا ناظرتها بصدمه ام مبارك نزلت دموعها: من لما شفت صورتك بالجوال و انا مشبها عليك رجعت الإمارات مشان دور ع أي صورة تشبه لك ورجعت شوف صور الينا وهي بعمرك شفت اديش بتشبهك شفت صورك و انتي لسا بالشهور و لما صار عمرك سنه ونص سونيا بدت تنزل دموعها وهي لسا مصدومه من كلام المرأة اللي قدامها ام مبارك: انتي حفييدتيي سونيا غطت وجها بيدها و ظلت تصيح ام مبارك سحبتها لحضنها و صاروا يبكون مع بعض سونيا من بين دموعها: مستحـ-ـيل ...وينـ-ـك عني ؟؟ ام مبارك: ما كنت بعرف انك حيه والله ما كنت بعرف سونيا تشاهق بالبكي: ما سألتي عنـ-ـ-ـي اصلا!! ام مبارك: حكوا لي ان الكل مات سونيا بقهر و دموعها ع خدها: 14 ســـــنـــــــه !!!! ام مبارك بعدتها عن حضنها وبغصة: لك والله يوم ماتت ما كنت هون يا بنتي ولا كنت بالإمارات كنت برا مع خالك اتعالج كان خالك بعدو شب صغير مشان هيك ما وصلوا لنا انا ما عرفت الا بعد فترة من وفاتا سونيا هزت راسها بنعم و هي تمسح دموعها وتأشر لها بيدها انو خلاص وهي حاسة بتشتت فضيع ام مبارك سكتت دق جوال سونيا سونيا شافت الاسم غرام قامت وطلعت من الغرفة و عيونها حمرا ليان شافتها و فزت بسرعه لها: سونيا ايشبك؟؟ سونيا: روحي ليان هما برا ليان: و انتي ؟ سونيا: انا بظل هنا و ادا قدرت اجي بجي ليان: لالا رجولي ع رجولك سونيا: لو سمحتي ليان روحي والله ما فيني حاجه ليان بقلق: ما اقدر بينشغل بالي عليك سونيا بضيقه وضياع : لا ينشغل بالك ولا حاجه انتي روحي ولا تقولي للبنات شي انا ان شاء الله بدق عليكم ليان: وين حتقعدي ؟؟ سونيا: بتصرف بس تكفين لا تسأليني اكتر من كدا ليان بخوف: طيب طيب ) &&& الشاليه &&& قامت ليان من صراخ بندر و راحت للمسبح شافته بملابسه وهي مبلله ناظرت احمد المستلقي ع الأرض ليان باستغراب و اللي عيونها دوبها تتفتح: بندر بندر وعيونه حمرا من الخوف ناظرها بسرعة ولف وجهه لأحمد ليان باستغراب وعدم استوعاب: ايشبكم بندر طنشها و حط يدينه ع صدر احمد و ضغط عليهم بحذر ليان بدا الخوف يسري بجسمها وجلست ع الأرض: بندر ايشبو احمد ؟ بندر ناظرها: مدري يامي قمت لقيته بالمسبح ليان: ما يعرف يسبح ؟؟ بندر قرب منه وسوا له تنفس اصطناعي ليان قامت بخوف و ركضت للبنات و تحاول تقومهم فاطمة بانزعاج: ليان ايشببك يا قرف ابعدي عني ليان بصياح: قومو يا كلـ×× احمد غرق غرام فزت بسرعه: ايش ليان وهي مقطعة روحها من البكي : احمد غـ-ـرق غرام قامت بسرعه و اخذت عبايتها و لحقتها فاطمة و بدور و تجمعوا ع بندر بندر بصراخ: ابعدوا ام بندر اللي قامت من صوت البنات و صراخ بندر: ايش صاير بندر بدت تنزل دموعه: وين مفتاح سيارتي ؟ بدور ركضت و جابت مفتاح سيارة احمد: مالقيت مفتاحك بندر شال احمد و اتجه لسيارة بسرعه غرام: بجي معك بندر وهو واصل حده : غرام خليك هنا ليان بعناد: لا مافي كلنا نجي معك بندر وهو مو ناقص وخايف حيل : انا راجع لكم بعدين غرام بصياح: مالي دخل سامع حجي يعني حجي بندر طلع و ركب سيارة احمد و سدح احمد ع الكرسي طلعوا البنات وراه و ركبوا السيارة بندر ركب السيارة و حرك بسرعه غرام تضرب وجه احمد بخفه: احمد قوووم الله يخليك بندر صدره كان يرتفع وينزل بخوف بدور كانت القويه الوحيدة بينهم: بندر بندر ناظرها من المرايه بدور بهدوء وتماسك: ليه دخل المسبح ؟ بندر ما رد عليها غرام: احمد ما يعرف يسبح؟؟ بدور بغموض مذبوح: هوا مريض ليش سوا كدا &&& فلة بو ثامر &&& ثامر دخل جناح غلا بهدووء شافها صاحيه و تطالع مسلسل باللاب غلا انتبهت له ورفعت راسه: ثامر ثامر: معليش ع بالي انك نايمه عشان كدا م دقيت الباب غلا: عادي ادخل ثامر جلس ع سريرها: أبا اكلمك بموضوع غلا: قول ثامر: طول دا الأسبوع و انا أحاول اكلمك فيه بس انتي 24 ساعه مع تاج ما قدرت أتكلم غلا بنفاذ صبر: طيب تكلم ثامر توتر: طيب بتكلم اوف اصبري غلا هزت راسها بنعم ثامر تحمس: تبغي تشوفي غرام ؟ غلا ناظرته باستغراب و ع شفتيها ابتسامة صغيرة: كيف يعني ؟ ثامر: ايش اللي كيف يعني تبغي تشوفيها ولا لا ؟ غلا بحماس: اكيد ثامر: انا لقيتها وقابلتها كمان غلا قربت منه وتربعت و باستغراب اكثر: كيف لقيتها و قابلتها ؟؟ ثامر: خلي اسألتك لبعدين.. ما أبا أي واحد بهدا البيت يعرف انو لقيت غرام غلا هزت راسها بسرعه بالموافقة ثامر: بقولك كيف لقيتها بعدين لان قصتها طويييله و انا فيا نوم انتظرت من اول عشان تبعد تاج و اقدر اكلمك الحمد لله انك صاحيه غلا: ثااامر ثامر: ها غلا: ابي اشوف توأمي ثامر ابتسم: هي دحين بالشاليه مع صحباتها غلا: ايش عرفك ؟؟ ثامر: مالك شغل قلت لك قصة طويله بعدين احكيها لك غلا: طيب خلاص بس متى اقدر اشوفها ؟ ثامر يتثاوب: بس يرجعوا من الشاليه باخدك لها غلا وهي الف قصه وقصه براسها: طيب طلع ثامر غلا" دحين كيف انام !! " &&& المستشفى &&& سونيا ركضت للبنات بخوف: كيف غرق احمد ؟ بندر يلوم نفسه: انا لو ماخليته ما كان طاح !! فارس: استغفر ربك يا رجال بندر بنهيار وهو يضرب الجدار: هوا مريييض مرريييض عارف ايش يعني مريض و كمان ما يعرف يسبح ــ وخلاص دموعو غرقت وجهو ــ فارس وهو يحاول يهدي الوضع : بندر اهدا خلاص مايصير كدا قلن يصيبنا الا ما كتب الله لنا ! - و كمل - ما راح يصير له شي اهدا خلاص بندر وهو يحاول يتماسك عشان البنات: ونعم به غرام بصياح: ليه يصير معانا كدا ؟ ام فارس: اوششش ايش دا الكلام غرام غطت وجها و تصيح ام فارس : ماعرفتك كدا يا غرام اشبك انتي اقوا من كده اهدي احمد ماحيصيبو شي غرام نزلت يدها وهي منهارة وبهمس مسموع: ماني قويه بدونه بدور اللي قاعده تحاول تتامسك: لا تحكي كدا كنتي من قبل قويه و للحين قويه شدي حيلك لا تضعفي ( الساعه 8 ) طلع الدكتور وملامحة وجهه جامده ماتقدر تعرف منها لا حق ولا باطل .. و ع طول تجمعوا حوله بندر: كيف احمد يا دكتور؟ الدكتور: ايش تصيرون له ؟ بندر والدموع بعيونه : انا اخوه - ومسح ع وجهو بسرعة - يعني بحسبة اخوه غرام كانت تناظر الباب اللي طلع منه الدكتور تنتظر يطلع منه احمد الدكتور بأسف و حزن: سوينا اللي علينا بس هذي إرادة رب العالمين – و كمل -البقية بحياتكم الكل ناظر الدكتور بصدمه البنات شهقوا و تعالى صوت الصياح بقوه بندر بانهيار ويحاول يتمسك ولو باخر امل: ههههه دكتور انا قصدي احمد الـ***** الدكتور رحم حال بندر حيل وبأسف : تمنيت اني غلطان بس عظم الله اجركم بندر لف ع امه بعدم استيعاب: ههههههههههههههههه ــ يأشر بيده ع الدكتور ــ هدا ايش في امه !! اهبل أقول له احمد احمد اخوي ويقولي مدري ايش الدكتور هز راسه بأسى و حزن و مشا وتركهم بندر يناديه: هيييييييييه انت البنات أصوات صياحهم علت اكثر ومنهارين مررره بندر بهمس باكي : ما مات بدور راحت له وضمته بندر ما ضمها وهو يناظر امه: امي ما مات ام بندر وهي محطيه يدها ع فمها و دموعها ع خدها بندر نزلت دموعه بدون ما يحس: ما مااات ما مااات ماااااااامـــــــاااات غرام كانت دموعها تنزل بدون ما تحس و تردد بداخلها " كذب كذب " دخلت بسرعه نفس المكان اللي طلع منه الدكتور وركضت لأحمد غرام وهي ميته صياح وتهز احمد: احمد ــ شهقت من بين دموعها ــ احمد تكفى لا تخليني احمممممد.. احمد انا محتاجـ-ـ-ـتك احمد قوووووم تكككفى قوووم قوم يا خوي قوم يا عزوتي قووووووووووووووووووووووم دخلت ام فارس وبكت ع حال غرام : خلاص يا غرام بس يا بنتي مايصير الي تسويه غرام تحاول تبعد ام فارس: احمد انت قلت ما بتخليني دحين ابوي بياخدني .. احممد تكفى لا تخليني احمممد من لي غيرك احممد اححمدد رد تكفى ااحححممممممممممممممممددد ام فارس سحبتها مع ام بندر و طلعوها رغم مقاومته &&& ستار بكس &&& س 2 غلا بـ تفاجئ: غرام انخطبت !! هاني: يعني مو انخطبت انخطبت .. لا يعني تقدري تسميها تكلم فيها بس انرفض غلا باستفسار: و غرام ايش قالت ؟ هاني: ما أتوقع تعرف غلا: و بندر دا كيفو ؟ هاني: ما شفت منو حاجه غلا: ما سألت عنو ؟ هاني: اقولك انرفض و غير كدا هدا مو موضوعنا.. اول حاجه لازم نلاقي متبرع غلا: أمم طيب صبر صبر نفترض انو لقينا متبرع.. تاج ما تبا !! هاني بحيره: انا أبا اعرف هيا ليه ما تبا ! غلا بنفس حيرة اخوها: ما اعرف هاني: طيب في حاجه تانية قاعدين ندور اهل سهى بس ما نعرف اسم ابوها ولا عايلتها غلا: انا اعرف اسم عايلتها بس هاني: و ابوها ؟ غلا ضيقت عيونها تتذكر: ما اعرف بس اللي اتذكره انو ابوها مات و أمها كمان و هي امها إماراتية و ابوها سعودي هاني حط يده ع خده بملل: طيب ايش حنستفيد من هالهرجه كلها ادا ما نعرف حاجه توصلنا لهم غلا بفضول: الا صح يا شكسبير انت ليه تبا توصل لأهل سهى؟ هاني : هيا الوحيدة اللي باقي ما نعرف أهلها و كدا ابويه ما يقدر يلوي ذراعها بعد كدا غلا بخوف: بس حتى ولو.. يعني ابوك يقدر يرميها بكبرها لدار !!! هاني ابتسم بسخريه : ما حيقدر غلا عقدت حواجبها باستغراب: ليه ؟ هاني بستهزاء اكثر : بيتكلموا فيه الناس !! غلا: خلاص انت وديتني لغرام ونا حقعد اسألها بدون ما تحس هاني : مو مشكله خلاص غلا بحماس : ها طيب متى حتوديني لها؟ &&& فلة بو ياسر &&& ام ياسر: دحين أبا اعرف ليه ما تبا تاج ؟ ثامر بملل: قلت لك مريضه ام ياسر بإلحاح: راح تتعالج ثامر رفع عيونه لفوق بعدم صبر: ادا تعالجت يصير خير ام ياسر: طيب ممكن هي محتاجه دعم منك ! ثامر لف عليها ونفذ صبره: امممييي ام ياسر باستغراب: ايشبك ! ثامر: انا ما افكر بالزواج طيب ؟؟ ام ياسر بمبالغة: اللي متلك عندهم احفاد ثامر ناظرها بدهشه: مو لدي الدرجه !! ام ياسر تفشلت: يعني صيغة مبالغة بس قصدي انو.. ثامر قاطعها: تبيني اريحك ؟ ام ياسر بحماس: ايوه ثامر وقف قبال امه: انا ما احب تاج .. ام ياسر قاطعته: بتحبها بعد ما تتزوجوا ثامر انحنى شوي و ضم يده بحركة الصبر << مدري اذا فهمتوا علي ولا لا !.. : امي ام ياسر: ها ثامر: انا احُب اخت تاج ام ياسر ناظرته بملامح جامده كأن حماسها انطفا و الدهشه واضحه بعيونها ثامر: فهمتي ؟ و طلع ام ياسر ضحكت بصدمه: ههه هه اخت تاج !! ثامر نزل من الدرج بعصبية من امه و حنّتها طلع و ركب سيارته و حرك بأسرع ما يمكن دخل ياسر وهو يناظر سيارة اخوه شاف رتاج عند الدرج ياسر: ايشبو ثامر؟؟ رتاج باستغراب: ما اعرف كان مع امي ياسر هز راسه بتفهم رتاج: وين طيف ؟ ياسر: في بيت أهلها رتاج: بتبات عندهم ؟ ياسر: ايوه رتاج هزت راسها بتفهم ياسر: انا بروح لأمي رتاج: بتلاقيها بالصالة فوق ياسر جاء يطلع الدرج شاف امه تنزل من الدرج وواضح عليها الصدمه رتاج ناظرت ياسر باستغراب ياسر ناظر رتاج بنفس النظرات و عقد حواجبه و رجع ناظر امه: امي ام ياسر ناظرت ياسر: يحب اخت تاج !! ياسر مسك بيدها و جلسها رتاج جلست ياسر: امي ايشبك؟ ام ياسر عصبت ووجها صار احمر: غلا ولا غرام ؟ رتاج باستغراب: وشو غلا ولا غرام ياسر: امي تكلمي ايشبك خوفتينا !! ام ياسر وهي تتنفس بسرعه من العصبية: اخوكم المحترم يحب ياسر: و ايش فيها ! ام ياسر لفت عليه بعصبية: ما يبا الحسن و الجمال و السنع تاج !! ياسر: الزواج مو غصب ما غصبتوني ع طيف ام ياسر: طيف غير ياسر: طيب مين يحب ؟؟ ام ياسر: اخت تاج ياسر: غلا ؟؟ رتاج: لو توسع نظرك شويه بتشوف ان تاج لها اختين ياسر: طيب نسيت .. قصدك غرام ؟؟ ام ياسر: معرف معرف.. اللي اعرفه انو يحب اخت تاج ياسر ضحك: طيب ويعني ؟؟ ام ياسر بقلق: ان شاء الله ما تكون اللي ببالي ياسر وهو متأكد من اللي ببال امه: مين قصدك ؟؟ ام ياسر بخوف: لا ما بقولو عشان ما يصير ياسر فطس ضحك ع معتقدات امه رتاج" احلق شعري كامل ادا ما كان قصدوا غرام .. اسم الله علي تخسي احلق شعري عشانها .. بنت الشوارع " << تتجادل مع نفسها!! .. &&& سيارة ماجد &&& ماجد بصدمه: الو ....اشبك .....اييشش ؟؟ ..... من جدك انت ....لا حول ولا قوة الا بالله ...... انا لله و انا اليه راجعون ...... خلاص خلاص جايين الحين سكر منه الجوهرة بخوف: ايش صاير ؟ من مات ماجد بحزن: احمد الجوهرة فتحت عيونها ع وسعهم: نعم !! .. من جدك ولا تستهبل ؟ ماجد: والله توهم داقين علي يقولون انه توفى الصبح الجوهرة: لا حول ولا قوة الا بالله ماجد: بنروح للمزرعة الجوهرة: طيب كلم ابوك ماجد: ايه بكلمه الحين الجوهرة: بدق ع فطوم ماجد: ما أتوقع ترد الجوهرة: اجرب حظي &&& مزرعة جد احمد &&& جد احمد من عرف بالخبر حبس نفسه بغرفته ** عند البنات ** بدور باندفاع: هدا قضاء و قدر!! قولي الله يرحمه ليان ضمت سونيا اللي مو اقل منها حال بس تحاول تتماسك،، من بين دموعها: الله يـ-ـرحمـ-ـه سونيا كانت تنزل دموعها بدون صوت بس اللي بداخلها شي كبييير فاطمة بجزع و بكي: طيب ليه هو بالذات !!! ايش كثرهم الرجال جت ع احمد يعني!! كلو مننا احنا بس نجيب الهم للي حولنا ام بندر وقلبها متقطع من الي يصير: لا تقولي كدا يا فاطمه ي قلبي هدا يومه وكلنا ماشين ع هالطريق .. ربك يحبو انتي ما تعرفي كيف كان عايش ومتعذب فاطمة بدون ما تحس ع نفسها: يحرمنا منو !!! سونيا قامت و ضربت فاطمه كف فاطمة ناظرتها بصدمه سونيا بصراخ: اصحييي ع نفسسك اللي تقولينو حرام دا ربك مو أي احد عشان تتكلمي عنو كدا ..كلنا نبكي ع احمد كلنا نحب احمد بس زي ما قالت خالتي هذا يـ-ـومه فاطمة سكتت ولا قدرت ترد عليها ام فارس دخلت ام بندر: ما فتحت الباب ؟؟ ام فارس بيأس: مو راضيه ترد علي حتى سونيا ما قدرت تتحمل و خافت تضعف قدام البنات.. راحت للحمام ــ الله يكرمكم ــ و قفلت ع نفسها و قعدت تصيح بدون صوت ام بندر: انا بقوم ادق ع بندر ام فارس هزت راسها بالموافقه &&& في احد المحطات &&& ** حمام الرجال ــ الله يكرمكم ــ** كان واقف قبال الحمام ويناظر ساعته كل شوي تقدم واحد و جاء يدخل للحمام مد رجوله بسرعه عشان ما يخلي الرجل يدخل الرجل: نعم اخوي ؟ الوليد: ما يصير تدخل الرجل باستغراب: نعم !! الوليد تورط: احم يعني الحمام ما فيه مويه الرجل: انا قبل ما اجي سألت العامل ادا الحمام كويس ولا لا وقال كويس وما فيه ولا حاجه الوليد: كداب كداب ما عليك منو الرجل: و انت ليه واقف هنا ؟ الوليد حك شعره من ورا بتورط: عشان محد يدخل ويتورط الرجل: ما عندك لا شغل ولا مشغلة ومشا الوليد تنفس براحه وقعد يناظر ساعته: سنه !! جاء شاب مسرع و واضح انه بالثانوي من شكله الوليد يمد يده يمنعه من الدخول: هوب هوب هوب وين يا بابا ؟ الشاب: أقول ابعد ماني فاضي لك الوليد: الحمام ما فيه مويه الشاب: معايه مويه الوليد توهق: مافي سيفون الشاب بعجله: مو لازم هيا ابعد الوليد قرب منه: يا بابا افهم زوجتي داخل الشاب ناظره بفهاوه الوليد ابتسم ابتسامة عريضة الشاب ما عرف يتكلم و سكت طلعت غزل وشافت الشاب و رجعت الشاب انتبه لها و بعد الوليد لف: زوز غزل طلت براسها الوليد ضحك: مشا غزل طلعت الوليد مسك يدها و ركبوا السيارة: ايشبك تأخرتي ؟؟ غزل: كنت خايفه كل شوي يدخل احد الوليد: انا موجود محد يقدر يدخل غزل: مدري بس خفت الوليد حرك: افتحي الصندوق غزل فتحت الصندوق الوليد: في كلتوج خديه و اللي يعجبك ــ طلع من جيبه اللي ع صدره قلم ومده لها ــ حطي عليه صح غزل: اوف طفشت كل يوم مشوره ! الوليد: كيف بنجهز جناحنا ادا بتطفشي ؟؟ غزل: مدري الوليد: زوز ترا الزواج مره قريب غزل: ادري و خايفه الوليد ناظرها و رجع ناظر الطريق: ليه حبيبي ؟ غزل: مدري بس مره خايفه الوليد مد يده و مسك يدها وضغط عليها يطمنها و بحنيه: ليه الخوف و انا معك .. تأكدي انو ما بخلي الخوف يقرب جنبك غزل ناظرته بطمأنينة وشدت ع يده &&& مزرعة جد احمد &&& الجوهرة تسلم عليهم و بحزن: عظم الله اجركم ام بندر: اجرنا و اجرك الجوهرة جلست جنب فاطمة فاطمة تحاول تمسك نفسها بس مو قادرة دموعها تنزل بشكل لا ارادي الجوهرة بحزن عليها: تصبري حبيبتي ان لله ما اخذ وله ما اعطى وكل شيء عنده بأجل مسمى فاطمة تحبس دموعها و تهمس: ونعم بالله الجوهرة باستغراب: ما اشوف غرام ام بندر: بغرفة احمد الجوهرة " الله يعينهم ": متى بتصلون عليه ؟ البنات ناظروا ام بندر ام بندر وهي تمسح دموعها: بعد صلاة العصر &&& سيارة ثامر &&& ثامر دق ع هاني: هاني وينك؟ هاني: ايشبك ؟ ثامر: احمد مات هاني: نعم نعم نعم ثامر: احممد مااات هاني: احمد مين ؟ ثامر: احمد اللي عايشه عندو غرام هاني بصدمه: كيف مات ؟ ثامر: مدري بس انت وينك ؟ هاني: انا برا مع غلا .. كيف عرفت ؟ ثامر: جتني رساله من فارس هاني: لا حول ولا قوة الا بالله ثامر: انا بروح المزرعه هاني: لا يا رجال نصلي عليه بعدين نروح سوا للمزرعه ثامر: طيب هاني: وين بصلوا عليه ؟ ثامر: في مسجد الـ**** هاني: طيب خلاص باقي ساعتين ثامر: طيب حط غلا وخلينا نروح سوا هاني: خلاص اشوفك بالبيت ثامر سكر منه ...... بعد ساعتين ...... تجمع الكل في جامع الثنيان طلع بندر من المغسلة و هو متلثم و عيونه حمرا كانو البنات في سيارة بندر و الهدوء مسيطر مافي الا تمتمة ام بندر و شوي من أصوات الصياح فتح بندر الباب و هو متلثم بالشماغ و عيونه حمرا و بصوت مبحوح: تقدرون تدخلون ام بندر نزلت بندر فتح باب البنات نزلوا البنات وحدة ورا الثانية و كانت اخر وحدة فيهم غرام بندر: ادا ما تقدري لا تدخلي غرام ناظرته بوجه شاحب و نظارتها السوده مغطيه نص وجها و ما ردت عليه بندر اشر لها تتفضل غرام توجهت للبنات عشان تشوف احمد سمعت صياح البنات سكرت عيونها بقوة و رجعت فتحتها وكملت طريقها شافت احمد مستلقي ع ظهره و مسكرين عيونه حاوطت الدموع تلقائيا عيونها وبدت تنزل لمست وجهه و حست ببرودة جسمه بدا صدرها يرتفع و ينزل و الدموع ع خدها نهر شكله المبتسم و المنور خلاها تسكت ولا قدرة تنطق بولا كلمة كان البكي و النواح مسيطر ع هالمنطقة بندر: خلاص امشوا فارس: افا يا ليان كدا تعذبي احمد ليان تصيح و ما ترد عليه طلعوا البنات و توجهوا لمصلى الحريم وكانت في اكثر من جنازة و أنواع الصياح بكل جهه جلسوا بمنطقة وحدة و قعدوا يصيحون فيها دخلت غلا و شافت غرام بالزاوية و تصيح اتجهت لها غرام شافتها وقفت غلا ضمت غرام بقوه غرام صارت تصيح بشكل اقوى غلا: قولي لا اله الا الله غرام مو قادرة تنطق و تحرك لسانها تحس قلبها يتقطع من الألم غلا صارت تنزل دموعها بعد ربع ساعه اشتغل صوت المكبر و بدا الإمام يتكلم: الصلاااة ع الأموااات و الأطفال يرحمكم الله &&& في دار الأيتام للبنات &&& سجى: بنااات الكل ناظرها سجى: احمد مات جواهر: احمد مين ؟ سجى: دا اللي ساكنين عندو الرباعي رهف بدهشه: كدّاابه سجى: ورب البيت هاجر: انا لله و انا اليه راجعون غزل: دقي ع وحدة منهم سجى: بدق ع سونيا رهف: بدق ع غرام غزل دقي ع فطوم هاجر: دقيت ع ليان مغلق سجى/غزل/ رهف: مغلق سجى: يعني صدق غزل: لازم نروح لهم هاجر: يعني انتي تقدري تروحي لهم مع الوليد سجى: خلينا نكلم مياسين هاجر: لالا بعدين ياخدو سونيا هنا رهف: من جد هما بالموت طلعوا من هنا شيماء: اووفف مره كانوا متعلقين بدا احمد الكل: الله يرحموا &&& في فلة احمد &&& دخلوا و جلسوا بالصالة و الحزن ماليهم وكلن ضاع بأفكاره.. بندر كان يناظر الكأس اللي بالدولاب وسرح ( احمد يركض باتجاه بندر: بندر ناول بندر ناظره و ناول له الكورة احمد صار يركض فيها وصاروا يناولون لبعض و يسحبون بالفريق الثاني بندر: احمممد سجججلللل احمد ركض تجاه المرمى و شات الكورة فوق الحارس و دخلت الشباك احمد+ بندر: قوووووووووووووووووووووللل للللللللللللللللللللللللل للل ضموا بعض وصاروا يركضون حول الملعب بندر: احممد وققفف بتتعب احمد وقف و ركع و صار يتنفس بسرعه بندر: امش يا مجنون احمد يضحك ) غرام كانت عيونها تايه بالفراغ و مليانه دموع (احمد ضحك غرام: سلامات !؟ احمد: و انا احسبك عرجه غرام: انقلع اسم الله علي احمد ابتسم: طيب بقرب السيارة غرام هزت راسها بالموافقه احمد راح و قرب السيارة ورجع: تقدرين تمشين ؟ غرام: بحاول معليه احمد: هيا غرام قامت ومشت لسيارة وهي تعرج احمد فتح لها الباب غرام: عندي يد احمد: ادري لو ما تعورك رجلك ما فتحته لك غرام دخلت وقفلت الباب احمد ركب السيارة وحرك: بوقف عند الصيدلية و اجيب لك مطهر ولزق جروح غرام: طيب احمد دور اقرب صيدلية و وقف ونزل غرام فتحت شنطتها تدور فلوس شوي ورجع احمد و عطاها المطهر و اللزقة غرام: تسلم ــ طلعت كم فلس ــ هدا اللي عندي احمد: عيب عليك ايش دا الكلام غرام: عيب ولا مو عيب خد و انت ساكت احمد: ما ابا يديك العافية تهيني وبسيارتي !! غرام: بلا هالحركات لا بالشنطة ع راسك احمد: انا بوقف برا ع م طهرين جرحك ) سونيا ناظرت غرام و تذكرت اخت احمد رزان( انا تحمست لصورة اختك احمد: رزان ؟ سونيا: ايوه مو تقول تشبه غرام احمد: مو كتير ليان: اكيد الفرق بينهم الاسلوب غرام دفتها: ايشبو اسلوبي ها؟؟! ليان: مالو داعي اقول يعرفوا الكل: ههههههههههههههههههههههههه ههههههههههههه ) غرام قامت و طلعت فوق و دخلت غرفة احمد و استندت ع الباب ونزلت دموعها ع طول شد انتباها المكتب راحت له و جلست ع الكرسي الدوار و ناظر الملفات ( احمد: ممكن يوم من الأيام اخليك تشتغلين معي بس احتمال ضئيل غرام تخصرت: و ليه ان شاء الله ضئيل !! احمد: بغبائك دا و شهادة المتوسط دي ما حتتوظفي ابد غرام بزعل مصطنع: خلاص مو لازم احمد: اجلسي بس و ساعديني غرام بمزح: بتوظفني ؟ احمد ضحك: بوظفك بوظفك ) حطت راسها ع الطاولة وصارت تصيح بقوة ( غرام سحبت نظارتها: يلا امشي احمد سحب نظارتها: ليه النظارة ! غرام بملل: تبا اعيد لك الأسطوانة؟ احمد: غرام كوني واثقه من نفسك مالو داعي تغطي عيونك بشعرك و لا تلبسي النظارة و انتي برا ! غرام بثقه: واثقه من نفسي احمد: اجل ليه يهمك كلام الناس؟ غرام: ما يهمني بس احسن لي احمد بإعجاب: ترا عيونك حلوة و مليون شخص يتمناها غرام بعدم اهتمام: خل ياخدونها و يدوني عيونهم احمد: ما حتفهمي كلام اخوك الا بعدين ) غرام قامت ورمت نفسها ع الكنبه و الدموع ع خدها و صدرها يرتفع و ينزل من البكي " احمد انا ضعيفه بدونك .. انت سندي.. انت عزوتي .. مين لي غيرك .. خواتك محتاجينك .. هو وعدني ما يخليني .. ما عاد بعارضك بس ارجع ــ مسحت دموعها ــ ليتني مكانك " &&& في خيمة الرجال &&& س 7م ثامر + هاني + مهند + فارس قايمين مع بندر هاني بهمس: ثامر اترك كل حقدك ع بندر دحينه هو محتاجنا ثامر: عيب يا واد دا الحكي ما تقولو ليا هاني ضربه ع كتفه بخفه و مشا بندر استغرب قومة ثامر معاه ما كانه هو اللي قبل فتره شوي ويقتله &&& في فلة بو ناصر &&& ناصر: متى ولدك ناوي يتزوج خالد ناظره بدهشه بو ناصر ناظر ناصر: بالإجازة خالد باندفاع: بعدها رمضان ما أبا بو ناصر ناظره بطرف عينه خالد ابتسم بو ناصر رجع ناظر ناصر: خلاص نكلمهم بكرا ونقولهم بعد العيد خالد ضم يدينه بقوه بفرح وبهمس: يسس بو ناصر ناظر خالد: نعم ؟ خالد: ولا حاجه طال عمرك ناصر: خليه تعال بابا خليفه كان يلعب بالكورة و شاتها بقوه و كسر الفازا ناصر ناظر الفازا المتناثره و رجع ناظر خليفه بعصبية: مو قلت لك تعال هنا خليف بخوف: اسف ناصر قام له بو ناصر: خلاص يا نصار خليه بحالو ناصر مسك خليفه بقوه من يده و بعصبية: ليه تكسرها ها ؟ خليفه بدت الدموع تتجمع بعيونه: اسف بابا ناصر: اسف ما تصلح الفازا بو ناصر: ناااصر ايشبك دا بزر ايش يفهموا ناصر سكت و ترك يده وبصراخ: روح لأمك اشوف خليفه ركض بسرعه برا ناصر رجع جلس خالد: ايشبك انت الولد ما قصد مالو داعي تهاوشو ناصر: اسكت انت التاني خالد: نصور ابوه ما أتوقع كان يهاوشك و انت تكسر البيت كلو ناصر: خلصت ؟ خالد سكت ناصر: ولدي صح؟ .. يعني مالك دخل بتربيتي خالد ناظر ابوه بو ناصر اشر له بيده اسكت خالد طلع جواله: بالطقاق &&& في فلة احمد &&& س 11م ام بندر دخلت مجلس الرجال و شافت بندر و فارس فارس اول ما شافها قام و طلع بندر كانت عيونه حمرا ويناظر الفراغ ام بندر: بندر بندر:............. لا رد ام بندر: البنات بحاجتك يا بندر بندر: ............... لا رد ام بندر: لو احمد شافك كدا بيزعل عليك مره .. ادا انت مو قادر تتماسك البنات كيف بيتماسكوا ؟؟ بندر حرك بؤبؤته وناظر امه ام بندر: لا تخليهم مالهم غيرك .. مهما كثروا أهلهم احمد كان مغنيهم عن أهلهم حتى لو كان بالقليل .. انت اخوه انت سندهم بعد الله سبحانه بندر ضم شفايفه بقوه وناظر الأرض ام بندر: ربه ريحه من عذاب مرضه و اللي يخليه كل فتره يروح للمستشفى.. انت راضي وهو كل مره متعذب ؟؟؟ بندر هز راسه بلا ام بندر: ربي ارحم منك ومني.. ربك لو ما يحبو ما خداه بندر دمعت عيونه ام بندر: ما أبا اشوف دموعك قدام البنات.. تبا تبكي ابكي بس مو قدامهم .. فاطمة تتكلم عن ربها و تجزع و غرام حابسه نفسها بغرفة احمد و ما ترد ع احد و سونيا تحاول تمسك نفسها بس واضح عليها تصيح من جوا و ليان منهاره صياح و جدك من عرف ما تحرك في وجهه حاجه .. حتى بالدفن نزلت دمعه وحده له بندر ناظرها ام بندر: زي ما هو اخوك هدا حفيدو بندر هز راسه بتفهم ام بندر قامت: الله يرحمه وطلعت بندر رجع راسه ع ورا و سكر عيونه بقوه و طلعت منه تنهيده الم و حسره و قهر ** في المطبخ ** ام فارس وهي تسكر السندوتشات: غرام ما شربت حتى مويه لحد دحين ام بندر بحزن: كانت اكتر وحدة متعلقه فيه ام فارس: مع انها كانت فترة مو طويله الا انو تقرب منها كتير ام بندر بسرحان: كان لها اخ الله يرحموا ام فارس: الله يرحمه ام بندر اخذت الصحن من ام فارس ام فارس: انا بجيب العصاير ام بندر هزت راسها بالموافقة و طلعت لغرفة البنات و حطت السندوتشات ع الكومدينه: هيا اشوف كلو الكل ظل بمكانه و ما تحرك ام بندر لفت وحدة من السندوتشات و عطتها ليان ليان بضيقه: مالي نفس يا خاله ام بندر: مو بكيفكم لو مو عشاني عشان ع الأقل تقدرون توقفون بعزاه .. الناس تجي وما في احد واقف بعزاه اللكل سكت ام بندر وزعت عليهم السندوتشات وجت ام فارس و عطتهم العصيرات ام بندر: بروح ادق الباب ع غرام ممكن تفتح ام فارس: خدي معاك العصير ام بندر اخذت سندوتش و عصير و راحت لغرفة احمد و طقة الباب: غرام .. ياغرام ــ مالقت رد ــ يا ماما جبت لك اكل ما يصير تقعدين ع لحم بنطنك من الصباح لحد دحين غرام:.................... لا رد ام بندر: يا غرام حرام اللي تسوينه هدا اعتراض ع ربك ** داخل ** غرام من سمعت كلام ام بندر رجعت دموعها ( احمد: حاولي تطلعي المفتاح غرام: قاعده أحاول احمد: حركي و طلعيه غرام حركت المفتاح و حاولت تطلعه بس انكسر: لااااااا احمد: ايشبك ؟؟ غرام بصوت باكي: انكسسسررر احمد: طيب ابعدي عن الباب غرام: ليه ؟؟ احمد: ابعدي عشان ما اجلدك غرام بعدت عن الباب احمد دف الباب بكتفه ورجع حاول مره ومرتين وثلاث غرام: مع جسمك دا ما حتقدر تكسروا احمد بعد شوي عن الباب: انطمي غرام ضحكت احمد راح بسرعه للبابا ودفه بكل قوته بكتفه و حس انه كتفه انفك من الألم انكسر الباب و انفتح غرام سكتت بين ضحكاتها احمد وهو ماسك كتفه بألم: ما حقدر ايش؟ غرام: ءء أصلا أبواب المزرعة مو قويه احمد: باللهي غرام جت تطلع: يعطيك العافيه احمد: هههههههه خبله ــ رفع صوته عشان تسمعه ــ لا عاد تسكري الباب لا اكسر راسك المره الجايه ) صحت ع صوت بندر بندر: غرام ادا تسمعيني ابعدي عن الباب غرام أخيرا فتحت فمها: انا بفتحه توجهت للباب و فتحته بندر بعصبية: ايشبك قافله الباب ادا صار لك شي !! غرام: شايف فيني حاجه ؟ بندر: تعالي لصالة اباكم و راح تاكلين كمان غرام: مالي نفس بندر: مو بكيفك غرام جت تسكر الباب بندر دف الباب: امشي قدامي بتكلم معاكم سونيا اشرت لها بعيونها يلا غرام سكتت وراحت معاهم جلس الكل بالصالة بندر بحزن: تعرفوا انو اللي صار قضاء وقدر ــ ناظر فاطمة ــ يعني ما يجوز تتكلمي بربك و تجزعي فاطمة نزلت راسها بندر: زعلت عليك كتير و اكيد احمد كان بيزعل منك لو سمع حكيك دا .. ما كانت دنيته اريح له .. ربي خداه رحمة فيه غرام دمعت عيونها ليان ضمت شفايفها بقوه تمنع صوتها يطلع فاطمة نزلت دموعها و ظلت منزله راسها سونيا كانت لافه وجها بندر: كلنا انصدمنا من اللي صار.. بس مو معناته نتكلم بربنا .. هدا مو بشر تتكلمي فيه !! فاطمة هزت راسها بنعم بندر ناظر غرام: و احمد ما حيرجع ادا حبستي نفسك بغرفته لو بيرجع كدا كان انا اول واحد جحابس نفسي فيها غرام ناظرت الطاولة تضيع نظرها بندر: و لا بترككم الأكل بيرجع بالعكس تعذبونو كدا اكتر .. ــ كمل ــ احنا لازم نوقف ع رجولنا عشان عزاه هدا من حقو.. ابيهم ادا شافوكم الناس ما يقولوا انكم ضعيفين اباهم يشوفونكم أقوياء البنات ناظروا الأرض بندر: اوعدوني من بكرا اشوفكم أقوياء ؟ البنات هزو راسهم بالموافقة بندر: ابي اسمع البنات: ان شاء الله &&& في بيت بو خليفه &&& رفعه بعصبية: ناصر هدا بزر تحط عقلك بعقلوا !!! ناصر عصب: ولو لازم يتأدب ويعرف ان لكل مكان آدابه رفعه: احنا نعلمه بس مو كدا كلموا بهدوء .. تعرف ان ولدك يا باشه صار يجي تبول لا ارادي ــ الله يكرمكم ــ ويده من مسكتك صارت توجعه ناصر بعدم اهتمام: شوي و تخف رفعه: عصبيتك بتخليك تخسر اللي حولك ناصر: ما فرقت رفعه: وديني عند اهلي لين يطخ اللي براسك ناصر ناظرها بدهشه رفعه عطته ظهرها ( بعد اربع أيام ) مرت أيام العزاء بطييييئه كانها سنه ، الهالات السودة صارت مرافقه لعيونهم و الدموع صارت صديق يواسيهم قبل النوم و الكل يحاول يكون قوي عشان الثاني &&& في فلة بو هاني &&& بو هاني: خليها بعد بكرا ما أتوقع يبعدون عن الفله ــ باستهزاء ــ يمرون بفتره صعبه ........................... ايه خلاص زين ..... سلام سكر جواله هاني اتكى ع الباب: حتى بهالفترة مو قادر ترحمها .. كيف صرت اب امانه ؟ بو هاني لف عليه هاني: حسبي الله ونعم الوكيل و طلع بو هاني: امش بس &&& في فلة احمد &&& دخلت غرام المطبخ و قعدت تسوي الشاي دخل ثامر: سلام غرام لفت عليه بوجه باهت و تحجبت أي كلام: وعليكم السلام ثامر: ايش الغداء؟ غرام: كبسه ثامر: بتكون احلا كبسه باكلها غرام " انا لله ما حفتك منك انا " ابتسمت بمجامله: تسلم ثامر يدور أي شي عشان يتكلم معاها: اساعدك ؟ غرام: لا دحين بخلص ثامر تفشل غرام لفت عليه: امزح لا تكشر جيب لي السلطة من جنبك ثامر قام بسرعه و كان بطيح بس تمسك بقوة غرام كتمت ضحكتها ثامر جاب السلطة: اقطعها ؟ غرام: ريح يا ابويه انا بسويه ثامر جلس و قعد يتأملها دخل بندر بعد ما تحم حم غرام: هلا بندر بندر: السلام عليكم غرام + ثامر: وعليكم السلام بندر ناظر ثامر: جوعان لدي الدرجه؟ ثامر ناظره بندر: مجلس الرجال برا ثامر تفشل وجاء يقوم غرام رحمت ثامر: انا طلبت منه يساعدني ثامر ناظرها و ابتسم بندر: وين امي ؟ غرام: كانت تكلم بالجوال قبل شوي أتوقع برا بندر هز راسه بنعم و طلع غرام رجعت تقطع السلطة ثامر بابتسامة: تسلمي غرام بدون ما تناظره: ع ايش ؟ ثامر: انو ما فشلتيني قدام بندر غرام: بس انا جد طلبت منك السلطة ثامر: ولو شكرا غرام هزت راسها بالموافقة ثامر اخذ الصحون: بحطها ع السفرة غرام: خلي الخدامة تحطها ثامر: معليه حاب اساعد غرام هزت راسها بالموافقه ثامر طلع لغرفة الطعام و رتب الصحون شوي و جت غرام ومعاها الأكل ثامر بخوف: انتبهي ثقيل غرام: مو تقيل عادي ثامر خذاها من يدها بندر كان واقف ويناظرهم ثامر حاول قد ما يقدر ما يلمس يد غرام غرام عطته ثامر حطها ع الطاولة بندر دخل المطبخ: هاتي اشيل عنك السلطة غرام: مافي داعي خفيف دخل ثامر بندر: معليه خلاص انتي ارتاحي ثامر: يا بابا تقولك خفيف افهم غرام بحدة: ثـــامر ثامر طلع غرام طلعت و حطت السلطة ع الطاولة شويتين و تجمع الكل حول الطاولة بندر: غريبه جاي اليوم ترا خلص العزاء ثامر: ما جيت لك جيت عشان بنت عمي غرام: يعطيك العافية ــ من بين اسنانها ــ خلصنا ثامر لف عليها و ابتسم انطق باب الجرس بندر قام: بقوم افتح طلع بندر بس الخدامه سبقته وفتحت الباب هاني: السلام عليكم بندر: وعليكم السلام.. حياك دوبه الغدا دخل هاني مع بندر غرفة الطعام هاني: عليكم بالعافية غرام: هلا هاني هاني: اسمعي لازم تمشي من هنا دحينه الكل ناظره باستغراب غرام عقدت حواجبها: ليه ؟؟ هاني: ابويه ناوي ياخدك غرام: اها الجد: تبين نتحرك اليوم عادي غرام سكتت بتفكير سونيا: طيب بقولكم حاجه قبل ما تقررين الكل ناظر سونيا سونيا: لا تخافين علي انو حرجع الدار وكدا لانو حتى ابوك ما يقدر يرجعني غرام: كيف ما يقدر ؟ سونيا سكتت شوي: شفتو الحرمه اللي جت بكل أيام العزاء ام مبارك ؟؟ ليان: اللي من المشغل ؟ سونيا: ايوه فاطمة: ايشبها؟ سونيا ناظرتهم شوي: تقول انها جدتي الكل بصدمه: نــــعـــــم سونيا: و كنا بنسوي التحاليل بنفس اليوم اللي مات فيه احمد بس صار اللي صار هاني: حلووو كدا ابويه ما يقدر يهددك غرام: ايوه ــ لفت ع سونيا ــ اليوم تسوون التحاليل هاني: و انتي ؟ غرام: انا بروح دحينه عند ابوه بندر: ما حخليك تروحين له غرام: بندر معليه بس لازم اروح بندر برفض تام: احمد خلاك عندي امانه غرام: والله ما حيصيبني حاجه خليني اروح ثامر: وانتي ليه تاخدي الأذن منو!! غرام: ثامر لو سمحت بندر: بكون معك غرام: ماشي ثامر: بياكلها هو بندر طنشه غرام: انتي دقي ع دي جدتك و سوو التحاليل و انا بروح دحين و ان شاء الله بكرا يطلع كل شي سونيا: ماشي فاطمة: بجي معك غرام: هيا غرام وفاطمة طلعوا بسرعه و بدلوا ملابسهم و اخذو عباياتهم و طلعوا مع بندر و هاني و ثامر لحقهم بسيارته سونيا دقت ع جدتها و جاها منها ترحيب حار و اتفقوا يمرونها و يروحون المستشفى &&& في بيت بو خليفة &&& ناصر بتعب: ما عاد فيني اتحمل بعدها اكتر ام ناصر: كم مره قلت لك هدي شويه لا تخلي عصبيتك تجرح اللي حولك و تخسرهم ناصر ناظر امه بعيون تائه: امي اباها .. أبا عيالي ام ناصر: انت عارف شرطها ناصر: مستحيل اطلقها ما اقدر ام ناصر: اجل تترك العصبية و ترجعها ناصر هز راسه بالموافقة و بلهفه: كل شي بسويه عشانها بس خليها ترجع لي ام ناصر: خلاص اجل اليوم تروح تاخدها هي و عيالك و تعتذر لهم و بعدها حط عيالك عندي و بخلي خواتك يزينون لك شقتك ناصر بفرح: جد ام ناصر: ايوه ناصر: تتوقعين ترضا ترجع لي ؟ ام ناصر: اكيد بترجع رفعه تحبك ناصر: و انا كمان ام ناصر: يلا اشوف روح تسبح و حلق ذقنك ناصر هز راسه بالموافقة: ان شاء الله &&& في فلة بو هاني &&& وقف هاني غرام جت تنزل: انا بنزل خليكم انتو فاطمة: ما حخليك غرام: أبا أتكلم معاه هاني: طيب ع الأقل اوصلك له غرام هزت راسها بالموافقة نزلوا و راحوا لمكتب بو هاني وطق هاني الباب بو هاني: ادخل دخلت غرام وبعدها هاني بو هاني قام من مكانه و صفق لها: اوووووووووووه رجعتي بنفسك غرام ناظرته باستحقار بو هاني فتح يدايته بسخريه: تعالي تعالي لحضن ابوك غرام تفلت عند رجوله: تخسي تكون لي اب بو هاني عصصب غرام: جيت اتفق معاك بو هاني: تفضلي غرام لفت ع هاني: خلاص اقدر ادبر نفسي هاني ناظرها شوي و طلع وقابل بوجهه ثامر ثامر: كيف تخليهم لحالهم ؟؟ هاني: غرام طلبت ثامر: حتى ولو هاني: امشي واللي يرحم والديك طلعوا غرام جلست ع الكرسي بو هاني باستهزاء: ايوه ايش هيا اتفاقك غرام: تبا كليتي صح عشان ست الحسن و الجمال اللي يسمونها اختي تعيش ؟ بو هاني طنش كل كلامها: ايوه غرام اخذت نفس عميق عارفه ان اللي قاعده تسويه شي كبير: طيب اسمع - بلعة ريقها- انا موافقه اعطي تاج كليتي بس بشرط بو هاني بفرح: موافق غرام: اسمعني اول بو هاني بعدم اهتمام للي بتقوله: قولي غرام بابتسامة خبث: زوجني بندر!!! بو هاني: اخر همي انتي وبندر تبغو تتزوجوا تزوجوا بس اول حاجه كليتك غرام: بديك هيا بس اول نملك انا و بندر بو هاني: و ايش بضمني انك ما حتلعبي علي ؟؟ غرام: ما عندي لك ضمان بس اقدر اقولك انو انا عند كلامي ووو ما أتوقع انك تبا عيالك يدروا اننا اتفقنا دا الأتفاق عشان ما تطيح من عينهم بو هاني: بكيفهم غرام: بس الماما زعوله ع حسب معرفتي.. و ادا تركتك و راحت مشكله بو هاني سكت شوي: ماشي غرام تناظر اظافرها: متى الملكة؟ بو هاني من بين اسنانه: الوقت اللي تبغيه غرام: ماشي خلينا نتكلم بتفاصيلها اجل ** برا ** هاني شاف فاطمة جالسه ع الدرج الخارجي راح و جلس جنبها بس بعيد شوي هاني: فاطمة فاطمة قلبها يدق بسرعه: نعم هاني: كيفك ؟ فاطمة: كويسه هاني يحاول يشتت نظره: الحمد لله.. حاب أتكلم معاك بموضوع فاطمة صارت تحس بحرارة تسري بجسمها: ما بينا مواضيع ؟؟ هاني: معليه بس خليني أتكلم فاطمة: تكلم هاني بارتباك: بصراحه مو حاب الف و ادور معاك فاطمة قاطعته: انت قاعد تلف و تدور دحين هاني يحاول يهدي نفسه و قف قبالهال: ماشي ماشي ــ اخذ نفس عميق ــ انا احُــــبــــك فاطمة ناظرته بدهشه و اتسعت عيونها بصدمه هاني حس انه سوا مجهود كبير: مو لازم تردي عليا دحين .. بس انا وربي حاب اخطبك من أبوك و اخوك و انا جاد بكلامي فاطمة وجها صار احمر و مو عارفه تنطق بكلمه هاني خاف لما شاف وجها احمر انها بتعصب عليه: خلاص خلاص ما كانو قلت حاجه بس لا تعصبين خالد من بعيد: هاااانيييي هاني ناظر خالد و رجع ناظر فاطمة: عن اذنك فاطمة ما ردت عليه هاني راح لخالد " يا هادم اللذات ": خير ؟؟ خالد: ايش عندك مع دي ؟ هاني: ايش دخلك خالد: تعلقت ببنت الشوارع هاني خاف انو خالد يضر فاطمة: لا مو لهدرجه غبي اسلم نفسي لدي فاطمة كانت وراه بمسافة بعيده شوي بس كانت تقدر تسمعه ناظرته بصدمه ورفعت وحده من حواجبها خالد اشر له بعيونه ع فاطمة هاني لف وشاف فاطمة فاطمة عطته ظهرها و مشت هاني لحقها: فاطمة فاطمة فاطمة كانت مطنشته و تمشي بعصبية هاني مسكها من ذراعها يوقفها: اسمعيني فاطمة: ما أبا اسمعك ــ بصراخ ــ ابعـــــــــد هاني: ما حبعد اسمعيني ترا مو نفس اللي فهمتيه فاطمة: انت شايف نفسك قبل ما تسوي فيها العاشق الولهان هاني باندفاع: والله العظيم فاطمة قاطعته: ابعد يا شيخ كلكم ×××× هاني: ترا بديك كف اسمعيني اقولك فاطمة: اشوف يدك صارت تاد مجراها هاني برجاء: تكفين اسمعيني ما يصير تظلميني فاطمة بعدته عن طريها: انا ظلمت نفسي لما سمعتك أصلا ــ و مشت ــ هاني رجع وقف قبالها: والله العظيم لما قالي خالد كدا ما .. فاطمة قاطعته بصراخ و الدمعه بعيونها: ما أباااااااااااااااااااا اسمممممعععععععععععععععككك كككككككككك غرام كانت عند الباب و ركضت لما سمعت صراخ: فاطمممة فاطمة شافت غرام ركضت لها غرام بخوف و استغراب بنفس الوقت: ايشبك؟؟ فاطمة برجاء: تكفين خلينا نمشي غرام هزت راسها بالموافقه: ماشي حبيبي ماشي هاني ناظر غرام غرام ناظرته بعتب هاني ناظرها برجاء: فاطمة فاطمة بصراخ: ما أبا اسمع اسمي بلسانك لو سمحت غرام: امشي فطوم طلعوا وركبوا سيارة بندر بو هاني طلع و راح لسيارة بندر بندر شاف اتجاه بو هاني له طلع ووقف قباله بو هاني: تقدر تجي انت و اهلك بندر ناظره بصدمه مع عقدة استغراب بو هاني: الله معاكم بندر ركب سيارته مصدوم غرام باستفسار: ايشبو هاني؟ فاطمة: مدري غرام: ايش صار بينكم؟؟ فاطمة: ولا حاجه غرام: نتفاهم بالبيت فاطمة هزت راسها بالموافقة &&& في بيت اهل رفعة &&& ناصر بترجي و ندم: والله وعد ما عاد اعصب عليكم لأسباب تافهه بس ارجعي بيتك انا مو قادر أعيش فيه بدونك و بدون خليفه و رحمه رفعة: دحين توعدني يومين وانت راجع نفس الشي ناصر: رفعة حبيبي وعد وعد علي ما اعصب و ادا عصبت لك اللي تبينه رفعة: حتطلقني ناصر برجاء: تكفين لا تجيبن دي الكلمة بينا أولاد رفعة: ما اهتميت للأولاد و انت تعصب عليهم ناصر يضعف: اول مره احس اني ضعيف لهدي الدرجه كنت أقول ما في احد حيكسرني او يخليني اضعف .. بس عرفت انو حياتي بدونك ولا حاجه .. عرفت اني ضعيف بدونك .. تو استوعب لما كانوا يقولون وراء كل رجل عظيم امرأة عظيمة .. و انا ما اقدر أعيش بدون هدي المرأة رفعة حست بخجل من كلامه ناصر مسك يدها و باسها بحب: آســــف رفعة وجها حمر: ناصر خلاص خلينا نرجع ناصر: نحط الأولاد عند امي و بنقعد ببيتنا لحالنا ــ و غمز لها بحب ــ رفعة انحرجت حييييل &&& في فلة بو ثامر &&& س 8 م دخلت سيارة السواق و نزلت منها غرام و شافت ثامر جالس عند الشجره و الدموع بعيونه .. دموع قهر و غيره و حب راحت له بعد ما رحمت حاله غرام بهمس مسموع: ثامر ثامر ناظرها بوجه كاسيه الحزن و كأن واحد ميت عنده: صحيح بتتزوجين بندر؟ غرام ابتمست له بحنية وجلست: في سؤال احلا.. صحيح تحبين ثامر؟ ثامر ناظرها بدهشه غرام حطت يدها ع كتفه بحب و حنيه: ايوه احبه و اموت فيه ثامر: يقولون انك بتتزوجين بندر غرام: ايوه هدي كلاها لعبه انا بلعبها ثامر مسح دموعه بفرح: يعني ما حتتزوجينه غرام: كيف اتزوج شخص ما احبه ؟؟ ثامر مسك يدها بحب: والله العظيم احبك غرام ابتسمت له بحب: و انا كمان احبك ثامر بطفوله: انتي لي غرام تطمنه: لك وحدك تــــابـــع البـــ[28]ـــارت ان شاء الله ينال اعجابكم اراكم ع خير ان شاء لله.. ولا تحرموني من ردودكم وتوقعاتكم و بليييييييييييز ما ابي احد من خلف الكواليس شاكره لكم .. مع تحياتي: جذابة والعيون غلابه { } ^__^للأسئلة و الاستفسارات.. | |||||||||
|
| |
|
09-06-16, 06:06 AM
| #36 | |||||||||
| نجم روايتي ومشرفة سابقة وفراشة متالقة بعالم الازياء
| مبارك عليكم الشهر و كل عام و انتم بخير.. ادري طولت واجد عليكم بس صارت لي ظروف منعتني اني اكتب لكم.. و ان شاء الله راح انزل كل يومين ثلاثه بارت .. سامحوني.. قراءة ممتعه للجميع.. تــابـــع البـــ[28]ـــارت غرام: كيف اتزوج شخص ما احبه ؟؟ ثامر مسك يدها بحب: والله العظيم احبك غرام ابتسمت له بحب: و انا كمان احبك ثامر بطفوله: انتي لي غرام تطمنه: لك وحدك ثامر عدل جلسته و طاااااااااااااااااااااااا ااااااااخ ثامر شهق بفجعه و صار يناظر حوله باستغراب وعاقد حواجبه " غرام ؟؟! " كان المكان ظلمة و هدوووء ثامر سكر عيونه 3 ثواني و رجع فتجها مد يده و شغل الأباجورة " حلم !! " : ليته صدق قام من مكانه و راح الحمام ــ الله يكرمكم ــ غسل وجهه و طلع و رما نفسه ع الكنبه بتفكير كان المكان ظلمه ما غير نور الأباجورة قرب السرير ثامر بتفكير " ليه قلت انها بتتزوج بندر؟؟! .. لدي الدرجه اغار من بندر لدرجه اني افكر انها بتتزوجه ... مستحيل .. لازم اخطبها بأقرب فرصة " &&& فلة احمد &&& سونيا: سوينا التحاليل ورجعت غرام: يعني انتي م كنتي حاسه بأي حاجه تجاهها ؟؟ سونيا لفت ع غرام: انتي حسيتي بأي احساس لما كنتي تشوفين هاني ؟؟ غرام سكتت شوي: لا كنت اكرهم بس سونيا: انا نفسك م كنت احس بأي احساس دخل بندر بعد ما تحمحم ام بندر: حياك بندر سلم وجلس بدور صبت له قهوه بندر: تسلمين بدور جلست مع البنات دخلت فاطمة وبيدها اوراق فاطمة باستغراب: احمد كان عنده مراجعات بالمستشفى ؟؟ بندر: ايوه احمد كان مريض من قبل سونيا باستغراب: مريض؟! بندر: ما قالكم؟ ليان: بأيش كان مريض؟؟ بندر: كان فيه القلب غرام رفعت حواجبها باستغراب: بالقلب !!! بندر: وراثي يعني .. عشان كدا ما تزوج و بنفس الوقت ما يعرف يسبح البنات ناظروه بدهشه بندر ابتسم بألم: وبنفس المكان ماتت رزان ام بندر و بدور ناظروه بندر تنهد بحزن: غرقت نفس ما غرق .. هو مرض عشانه كان بنفس المكان اللي كانت فيه الكل: الله يرحهم بندر بسرحان: صح ما ماتو بنفس اليوم بس ماتو بنفس الشكل غرام رجعت الدموع تتجمع بعيونها بندر قام: بطلع برا طلع و دخل مجلس الرجال و رما نفسه ع الكنبه و سرح بتفكيره للماضي ( احمد ركض و بصراخ: رزااااااااااااااااااااااا اااااااااااااااااااااان بندر ركض وراه و دف احمد احمد طاح ع جنب بندر ركض للبركة و غطس و طلع رزان و سدحها ع الأرض احمد كان فاتح عيونه ع وسعهم و قام بصعوبه بندر ضغط ع صدرها بيده و الدمعه بعيونه: رزان رزان قوووميي احمد وصل عندهم وجلس ع الأرض بندر انحنى وقرب وجهه لوجها و سوا لها تنفس اصطناعي احمد حط يده ع قلب رزان و ناظر بندر بوجه مصفر بندر هز راسه بلا احمد نزلت دمعته: ما في نبـ-ـض بندر طاحت دمعته وشال رزان بسرعه و ركض لسيارة و لحقه احمد ) بندر سكر عيونه و طاحت دمعته بحرقه دخلت ام بندر بندر مسح دمعته بسرعه ام بندر جلست قربه: حبيبي تبا عشاء .. أي حاجه ؟ بندر يحك طرف انفه بأبهامه: لا يديك العافيه ام بندر: اكيد ؟؟ بندر: ايوه بس بكلمك بموضوع ام بندر: امرني بندر: بكرا بنروح لبيت غرام نطلبها من اهلها ام بندر: يا حبيبي انت عارف رد ابوها.. بندر قاطعها: امي .. اليوم ابوها قالي تقدر تجي انت و اهلك ام بندر بدهشه: بو هاني قالك كدا !! بندر: ايوه بعظمة لسانو ام بندر: سبحان اللي يغير و ما يتغير بندر: بتخطبيها لي ؟؟ ام بندر: اللي تامرني فيه انا حاضر بندر باس راسها: الله لا يحرمني منك ام بندرك ولا منك حبيبي هيا نام بندر هز راسه بالموافقة ** عند البنات ** فاطمة: ايش سويتي مع ابوك اليوم ؟ غرام: تكلمنا بس سونيا: بايش ؟؟ ليان باندهاش: انا مستغربه كيف ما اخدك غرام سكتت فاطمة بفضول: ايش تكلمتو فيه ؟ غرام ببرود و راحه: قريب بتعرفوا سونيا: هيا قولي بلا عبط غرام: كل شي بوقته حلو ليان وهي تصب لنفسها شاي: ترا برميك بالدله تكلمي غرام: بكرا حتعرفوا خلاص بدور: ايش بصبرنا لبكرا غرام: الصبر زين دق جوال غرام غرام: اديني جوالي فاطمة فاطمة سحبت جوال غرام من جنبها و قرت الأسم و عفست وجها ورمته غرام غرام قرت اسم المتصل هاني و ناظرت فاطمة فاطمة لفت وجها غرام طنشته بدور: مين ؟ غرام: اخويه رجع دق جوال غرام مره ثانيه فاطمة بدون نفس: ردي ردي عليه غرام قامت و طلعت الغرفة اللي جنبهم و ردت: نعم هاني: ايشبك ما تردي ؟؟ غرام: ايش تبا هاني: ممكن نتكلم غرام: تكلم حد ماسكك ؟؟ هاني: اليوم قلت لفاطمة انو احُبها.. غرام قاطعته: و قلت لخالد انك ما حتسلم نفسك لدي الأشكال هاني: غرام لو سمحتي لا تقاطعيني و اسمعيني غرام بملل: انتو كلكم كدا يا عيال الـ****** الحمد لله اني ما تربيت معاكم هاني بعصبية: اسمعيييينيييييي غرام سكتت هاني: خفت انو خالد يأذيها نفس م اذاك عشان كدا انكرت و كان قصدي اخطبها وربك بأقرب وقت غرام: لا يا شيخ العب ع راس هندي هاني برجاء: ورب البيت و اللي رفع سابع سماء وخلقني انو كان كدا قصدي تكفين غرام لا تظلميني ترا الظلم شين و انتي اكتر وحدة تعرفي دا الشي غرام سكتت شوي: طيب المطلوب هاني: انا برا دحين ابا اكلم فاطمة و اباها تسمعني غرام: نوي موع شانك اخويه يعني بسمح لك دي اختي كمان هاني: بقولها الحكي اللي قلتو لك غرام: ارجع بيتك و انا بحاكيها هاني: تمام براحتك بس تكفين خليها تفهمني و رب البييييت انا احُبها غرام: طيب سلام سكرت منه و رجعت للبنات غرام: فاطمة فاطمة لفت عليها غرام: ابيك بالغرفة ليان: من متى و في اسرار بينا غرام: والله ما في اسرار سونيا: اجل ايش تبغي فيها بالغرفة غرام اتجهت للكنبه و جلست: تمام تمام اكلتوني فاطمة: ايوه اسلمي غرام: الله يسلمكم طبعا تعرفون باللي صار اليوم مع فطوم و هاني اخويه فاطمة كشرت: خلاص اسكتي واللي يرحم والديك الكل: ايوه غرام لفت ع فاطمة و تربعت: فطوم ترا فهمتي غلط اليوم فاطمة: لا تبررين له تكفين بدور: اسمعيها طيب م حتخسرين فاطمة ناظرت غرام بملل غرام: اسمعي يا طويلة العمر... ( اليوم الثاني ) بدور شهقت: كدااابه ام بندر ضربتها ع كتفها بخفه و بعصبية مصطنعه: بعمرك انا عشان تقوليلي كدا!! بدور: اسفه اسفه ام بندر: هيا اشوف روحي مع اخوك بندر وجيبي ثيابك بدور: يعني متأكدين انو ما حيرفضوا !؟ ام بندر: ايوه بس روحي و فكينا بدور: تمام قود باي ماما ام بندر: امشي هيا &&& فلة بو هاني &&& ام هاني: مو من جدك بو هاني: من جد بنتك مو من راسي الكلام بنتك تبا تتزوج دا بندر ام هاني ضحكت بعدم تصديق: غرام تبا تتزوج بو هاني: واليوم جايين يخطبونها انطق باب الغرفة بو هاني: ادخل دخل هاني: ما شفتكم اليوم ع الفطور ؟ ام هاني: هاني هاني ناظرها باستغراب: نعم ام هاني: غرام تبا تتزوج هاني رفع حواجبه بدهشه: تبا تتزوج ؟! ام هاني: ما تدري هاني ضحك بسخريه: لا ام هاني: امس كانت عند ابوك و قالتلو تبا بندر هاني: بــنـــدر !! بو هاني: ايوه و تباني اوافق عليه هاني ناظر ابوه بسخريه: و انت وافقت عليه بو هاني: ايوه هاني تغيرت نظرته لدهشه: انت وافقت ع بندر !!!!! بو هاني: ايوه ام هاني جلست بعدم تصديق: مو قادرة اصدق بو هاني: صدقتوا ولا لا اسألوها بنفسكم لو تبغوا انا وراي شغل دحينه و الناس حيجوا بعد المغرب هاني: ابويه يعني انت من جدك !! بو هاني طنشه و اتجه للباب: سلام ام هاني: دق ع اختك دق هاني طلع جواله من جيبه و دق ع غرام: مغلق ام هاني: انا لله ركب بو هاني سيارته و ابتسم بخبث " كنت حاخذها بكل الأحوال بس وهي راضيه احسن " &&& بيت بو عمر &&& بو عمر: ولو يا بابا انتي عندك بيت ليان: بس ما قدرت اترك خواتي وهم محتاجين لي بو عمر: صح عليك بس كمان حنا لنا حق ليان: ع عيني وراسي و اسفه بو عمر: حصل خير حبيبتي ام عمر: كليتي لينو ؟ ليان: ايوه يديك العافيه بو عمر: انا بروح لشغلي ــ ناظر ليان ــ اتمنى ارجع والاقيك بالبيت ليان + ام عمر: هههههههههههههه بو عمر: عـــمـــر عمر دخل: هلا بو عمر: هيا وديني عمر سلم ع امه: يلا سلام ام عمر: الله يحفظكم ويسهل عليكم الكل: اميين طلع عمر+ بو عمر دق جوال ليان للمره المليون ليان ركضت لجوالها ام عمر: ردي عليه حرق جوالك ليان ضحكت بخجل &&& سيارة هاني &&& هاني بحيره: مادري ي واد اقوله ولا لا معتصم: قوله هاني: بقوله و يصير اللي يصير معتصم بتردد: لالالا خلاص لا تقوله دا مجنون ممكن يرتكب جريمه عادي هاني توتر: يا واد وترتني جيتك عشان تعلمني شسوي مو توترني معتصم بتردد: م اعرف والله بس بالنهايه بكل الأحوال بيعرف هاني: ايوه بس اخاف لو درا من دحين يسوي مشكله عشان ما يخلي بندر يجي معتصم: انت تبا بندر؟؟؟ هاني: انا لو علي ادي غرام لثامر معتصم بتفكير: ادا درا بعدين راح ياخد ع خاطروا منك لانك م قلت لو هاني: خلاص نقوله ويصير اللي يصير معتصم: ايش اللي نقوله ؟! هاني: عن بندر معتصم رفع يده: انت تقوله انا مالي صلاح هاني: لا ي ابويه راح نقوله سوا معتصم جاء يطلع من السيارة هاني قفل الباب و حرك بسرعه معتصم: يابن الـ××× هاني حرك حواجبه باستفزاز معتصم طلع جواله هاني: ع مين ؟ معتصم: ثامر هاني: قوله يجهز دحين بنمره معتصم هز راسه بالموافقة و دق ع ثامر بعد دقتين رد ثامر: هاه معتصم: وينك ؟ ثامر: بالبيت معتصم: دحين جاينك انا و هاني ثامر: ع وين ؟ معتصم: نفرفر ثامر: تمام معتصم سكر هاني: ربي يعين معتصم: امين &&& فلة بو ياسر &&& بو ياسر: بتطلع ؟ ثامر: بعد شوي بس دحين اباك تسمعني بو ياسر: قول ثامر بحماس: ابا اتزوج بو ياسر بدهشه: تتزوج !! ثامربتوتر: ايوه يعني ع الأقل اخطبها ليا بو ياسر: طيب مين دي ؟ ثامر: بنت عمي بو هاني بو ياسر: تاج ثامر ابتسم بحب: لا ابويه ابا غرام بو ياسر: غرام توأم غلا ثامر باستظراف: لا ظلها بو ياسر سكت شوي: والله زين ما اخترت يا ولدي بس انت تعرف غرام ما تواطنك بعيشة الله ثامر: دلع بنات ي ابوي بو ياسر: اخاف تنجرح يا ولد ثامر بلع ريقه بخوف: لا ان شاء الله بو ياسر: و ايش راي امك ثامر سكت شوي: ابوي انت تعرف امي اول حاجه ما تباني الا لتاج تاني حاجه ما تواطن غرام ابد و انا صراحه احُب غرام بو ياسر: داري والله ثامر: بتخطبها ليا ؟ بو ياسر: ان شاء الله بس ما حزوجك لين تخلص دراستك ثامر تحمس: موافق بس اهم شي تحجزها ليا بو ياسر: كرسي هيا احجز لك هيا ثامر باس راس ابوه بو ياسر: بس ترا مو دحين ثامر بإحباط: ليه متى ؟؟ بو ياسر: اثقل يا ولد ثامر: خير البر عاجله يا ابوي بو ياسر: و كل تأخيره فيها خيره ثامر برجاء: ابوي تكفىى بو ياسر: انت شايف علاقتها مع ابوها اتوقع ثامر: ايوه بو ياسر: اول ما اشوف الوضع كويس بخطبها لك ثامر: طيب بس لا تطول عليا بو ياسر هز راسه بيأس: طيب فكني ثامر باس راسه ثلاث مرات: الله لا يحرمني يا ابو ثامر بو ياسر كان يضحك و يبعد ثامر عنه دخل ياسر: شكلك ناسي ان لك اخ كبير ثامر بعد عن ابوه و باس خد اخوه: و احلا اخ ياسر بعد عنه باستغراب ايشبو دا !؟ ثامر شال سعد وباسه بخده بقوووه لين صاح ياسر شال ولده من يد ثامر: يا مجنون خلي ولدي ثامر ضحك بفرح ياسر ناظر ابوه: ايشبو دا ؟ دق جوال ثامر ثامر قرا الأسم هاني: هيا اشوفكم بعدين وطلع ياسر: ايش الهرجه ؟ بو ياسر: اجلس اجلس و اديني سعّودي ياسر اللي عجز يسكت سعد عطاه ابوه و سكت ع طول ياسر ناظر سعد و رفع جواجبه و تخصر: لا يا شيخ &&& سيارة هاني &&& ركب ثامر ورا: سلااااااام الكل بهدوء: وعليكم السلام ثامر: هيا خلونا نروح أي مكان و انا عازمكم معتصم: مبسوط اشوفك ثامر: عندي لكم خبر حلو هاني لف عليه: ايش رايك نقولك الخبر اللي عندنا بعدين تقولنا خبرك ثامر: واضح من وجيهكم خبركم زي الزفت معتصم: هو مو زي الزفت بس بالنبسه لك ممكن زي الزفت ثامر: لا يا رجال انا اليوم مبسوط ما ابا اتنكد اجلوها لبعدين معتصم ناظر هاني هاني بجديه: ما يتأجل ثامر ثامر بدا الخوف يدخله من جديتهم و بهدوء: طيب حركو معتصم و هاني ناظروا بعض و نزلوا من السيارة ثامر باستغراب: يا شباب ؟!! هاني فتح الباب اللي ع اليسار من جهة ثامر و حط امان الطفل و سكر الباب ثامر عقد حواجبه معتصم سوا زي هاني و رجعوا اماكنهم ثامر: ايشبكم يا هو بديت اخاف معتصم تربع و لف ع ثامر و هاني سوا نفس الشي ثامر كان عاقد حواجبه باستغراب للحين هاني حك جبينه بتوتر معتصم بلع ريقه من ردة الفعل اللي بسويها ثامر هاني بلل شفايفه بلسانه يحاول يرتب الكلام بعقله معتصم مد يده و شرب مويه ثامر بد التوتر يدخله هاني: اسمع انت تعرف ان كل شب له قسمه و نصيب ثامر بدا يعصب: يا واد تكلم ايش الهرجه لا توتروني هاني ناظر معتصم: تكلم انت معتصم: مالي صلاح ثامر تقدم لهم و صرخ: تكلموا هاني انفجع معتصم بهمس: دا من بدايتها هاني: اسمع اليوم بندر حيخطب غرام | |||||||||
|
| |
|
09-06-16, 06:08 AM
| #37 | |||||||||
| نجم روايتي ومشرفة سابقة وفراشة متالقة بعالم الازياء
| البـــ[29]ـــارت هاني: اسمع اليوم بندر حيخطب غرام ثامر فتح عيونه ع وسعهم و حس ان الدم توقف بكل جسمه 5 ثواني معتصم ناظر هاني بعدين ناظر ثامر ثامر رجع جسمه ع ورا هاني بلع ريقه ثامر ابتسم بعدم تصديق: هه دوبني مكلم ابويه و قلت له اخطبها ليا ووافق... وو وغير كدا عمي مو موافق ع بندر هاني: مدري ايش سوت غرام بس اقنعت ابويه و خلته يوافق ع بندر وهي من نفسها طلبت بندر ثامر ضحك بشكل هستيري: ههههههههههههههههههههه مستحيل غرام ما تحبو معتصم: هدا الحاصل والله ثامر لسا مو مصدق: غرام و بندر !!!! ههههههههههههههههههه ههههههههههههه ما تقدر ههههههههه هاني نزل راسه: واليوم جايين يخطبونها رسمي بعد المغرب ثامر سكت فجأه ووقف ضحك: شوفو ادا كان مقلب من دحين اقولكم ترا مره بايخ معتصم: ياليت مقلب ثامر بعصبية: شوفو لا تجنننوووونيييي هاني: هدي ثامر ثامر مسك مقبض الباب وجاء ينزل بس م انفتح الباب: افتحووو البااااب معتصم: ثامر هدي عيب انت رجال كبير و دا قسمه و نصيب ثامر بصراخ: و غرام نصيبها اناااااا معتصم: ثــــامر اهدااا ثامر: افتحووووو البباااااااااااب هاني عدل جلسته و حركر بسرعه ثامر بصراخ: لا تمشي وقففففف و فك البااااب معتصم مسك المويه و فتحها و كبها بوجه ثامر ثامر شهق و ناظره بدهشه معتصم عوره قلبه ع صاحبه: اهدا واللي يرحم والديك ثامر تجمعت الدموع بعيونه و قعد يضرب الباب برجوله معتصم ناظر هاني هاني كان يناظر معتصم من المرايا و قلبه يتقطع ع ولد عمه و اخوه ثامر يصيح: والله ما تكون له و الله ما تكون له غرام لي معتصم: تكفى لا تسوي بنفسك كدا ثامر ما كأنه يسمعهم كان يصيح خلاص حبيبته بتروح من يده قلبه بيسرقه واحد تعرفت عليه من كم يوم &&& في فلة بو مهند &&& مريم: كدااااااابين.................. غرام مو من جدها دي............. اسمعي اسمعي انا بجيكم دحين ................ لالا ما بطول .......... تمام سلام مهند: ايشبك ؟ مريم: غرام تبا بندر مهند: ما فهمت مريم: امس لما راحت لأبوها اقنعته يوافق ع بندر وانها تبا تتزوجه مهند بدهشه: بندر بندر دا صاحب احمد الله يرحمه مريم: ايوه دا مهند: دي من جدها ؟ مريم: وربي تكفى وديني بيت احمد مهند: طيب بس سوال هيا تحبه ؟! مريم: لا ــ شددت ع اللام ــ عمرها ما خبت علينا ولو تحبه ببين عليها مهند: امشي امشي مريم: بلبس عبايتي مهند: هيا &&& كورنيش &&& طلعوا من الحمام ــ الله يكرمكم ــ بعد ما غسلوا وجه ثامر و اتجهوا للبحر و جلسوا بقربه معتصم يناظر وجه ثامر الجامد هاني لثامر: تبا اشتري لك حاجه ؟ ثامر يناظر البحر: ..................... لا رد هاني هز راسه بيأس ظلوا ساكتين و يناظرون البحر 10 دقايق ثامر اخيراً نطق: بذبحه بذبحه ــ قام من مكانه ــ هاني قام وراه و دفه بخفه: يا رجال تعوذ من الشيطان دا قسمه و نصيب ثامر ناظره بعصبية و صراخ: و انا نصيب غرااام .. غرام ما بتروح لغيري هاني بصراخ: ثااامر بلا جنووون دا كمان اختيارها مو كل شي غصب هيا تباه افهمممم ما تـــــــــــحُـــــــــــ ـبك ثامر عصصصببب كور يدينه بعصبية و ضرب هاني بوقس، و بتملك: بتحُبني غصب عنها ــ ضرب هاني البوقس الثاني ــ و انا نصيبها و ما حخليها لغيري الناس تجمعوا و استغربوا استسلام هاني لثامر هاني كان مستسلم لثامر عشان يفرغ حرته ثامر كان مكمل ضرب في هاني و يصرخ و يتكلم بشكل غير مفهوم معتصم شاف الدم كيف ينزل من انف هاني راح لثامر ودفه من صدره بقوه و ضربه بوقس ثامر رجع ع ورا و لما معتصم ضربه بوقس طاح الأرض صحيح الضربة ما اثرت لدرجه انه يطيح ع الأرض بس كان جسمه مهدود هاني راح لثامر: خلاص يا اخوي تكفى بديك غلا ثامر: مااااابي غلااااا ابي غرااااااااااااااااام هاني دمعت عيونه ع ثامر ثامر نزلت دمعته: احُبها يا هاني احُبها هاني ضمه بقوه معتصم ناظر التجمهر اللي صار و صفق لهم: خلص الفلم خلاص امشوا بدا التجمهر يخف ثامر برجاء: ابي اكلمها يا هاني هاني: انت بس اهدا و اوعدك تكلمها ثامر كأنه طفل: شوف هديت هاني: والله وعد قلت لك ادا هديت اوديك لها وتكلمها ثامر بلع ريقه: طيب &&& بيت بو عمر &&& س 9 فاطمة: غرام انتي من جدك!! غرام: ايوه انا من جدي مريم: انتي ما تحبي بندر غرام: عادي بحبه بعد الزواج سونيا: و ابوك انتي قلتي له بتدينه كليتك !! غرام: ايوه ، بس اسمعوا ما ابا لا بدور لا بندر ولا حتى امهم تدري ولا احد ولا احد غيرنا ليان: طيب انتي متأكده ان خطتك دي راح تمشي زي ما تبغي ما تخافي ابوك يمكر فيك غرام: ممكن لا تقولوا ابوك قولوا بو هاني ليان: ماشي ابو هاني غرام: لا مو خايفه لما الموضوع بتعلق بدلوعته تاج يكون غبي فاطمة: الله يوفقك والله بس شكل جد ما في حل الا كدا غرام: الله يعين دق جوال ليان ليان: شهاب سونيا: ردي ردي عليه ليان ردت: الوو شهاب: يعني لازم ادق مليون مره عشان تردين ليان: معليش حبيبي شهاب: مشغوله ليان: شوي مع البنات سونيا: لالا ما نباك خليك معاه ليان ضحكت بخجل وقامت دق جوال غرام غرام: هلا هاني هاني بصوت تعبان: انا برا غرام باستغراب: وين برا انا ببيت ليان هاني: اما غرام: والله ليه ايش تبا ؟ هاني: لا خلاص متى بترجعين ؟ غرام ناظرت ساعتها: ع 11 و شي هاني: طيب غرام: انت مو بالبيت ؟ هاني: لا غرام: ايشبو صوتك ؟ هاني: ولا حاجه ادا رجعتي دقي لي غرام: تمام سكرت منه فاطمة كانت تناظر غرام بفضول غرام ناظرتها وفهمت عليها: كان عند بيت احمد ما يدري انو انا هنا.. بس صوتو كان تعبان فاطمة" يارب م فيه شي " هزت راسها بالفهم &&& فلة بو هاني &&& دوبهم بطلعون اهل بندر غلا: انتو من جدكم دحين تبغوا تزوجوا غرام !! بو هاني: ايش نسوي يعني دا طلب اختك غلا بسخريه: غرام قالت لك تبا تتزوج دا اللي اسموا بندر ؟؟ تاج بفرح ان غرام بتبعد عن ثامر: ايش فيها يعني ممكن تحبه غلا سكتت و براسها مليون سؤال و سؤال بو هاني لـ ام هاني: انا مو مجنني و مفشلني غير ولدك دا ادق عليه ما يرد و يديني مشغول و ادق ع دا ثامر كمان ما يرد علي !! ام هاني بخوف: اسم الله عليهم ان شاء الله مو صاير لهم حاجه بو هاني: اقولك يديني مشغول تقولين ان شاء الله مو صاير لهم حاجه !! يعني لو جايهم حادث بيديني مشغول !؟ ام هاني باندفاع: بسم الله ع ولدي فيك ولا فيه ان شاء الله يعني ممكن تعبان ولا متضايق ولا متهاوش مع احد بو هاني مسك اعصابه و طلع لمكتبه ام هاني لفت ع غلا: دقي ع غرام غلا بارتباك و كذب: ما عندي رقمها ام هاني: ادري انو عندك رقمها خلاص دقي عليها غلا: تمام ــ طلعت جوالها ودقت ــ ام هاني قعدت تهز رجلها بارتباك غلا: ما ترد ام هاني: انا لله تاج: خلاص بكرا تكلموها مالو داعي دحين !! ام هاني سكتت &&& فلة احمد &&& س 11:30 هاني: يلا انا برا غرام: طيب ادخل هاني: لا خليني تعالي انتي بس غرام: تمام سكرت منه و لبست عبايتها و اتجهت للباب الخارجي بندر: غرام غرام لفت عليه: هلا بندر: ع وين غرام: هاني برا ويبا يكلمني بندر: وليه ما يدخل ؟ غرام: مدري هو قالي مالي خلق وكدا بندر: طيب انتبهي لك غرام هزت راسها بالموافقة و طلعت اتجهت للباب اللي بجانب السائق وحاولت تفتح الباب بس م انفتح هاني نزل الدريشه: الباب خربان اطلعي ورا غرام ركبت ورا هاني نزل من السيارة و اتجه للباب اللي دخلت منه غرام و فتحه و امنه بأمان الطفل و سكر الباب غرام عقدت حواجبها باستغراب: هاني انفتح الباب المقابل لها و ركب ثامر وفتح امان الطفل من بابه و سكر الباب وراه غرام كانت تناظره بصدمه: ثامر ثامر: بس اسمعيني غرام: ايش الحركه دي افتحوا الباب اشوف ــ حطت يدها ع مقبض الباب تحاول فتحه بس م انفتح و بصراخ: هاااااااااااااااني ثامر: غلاام لو سمحتي اسمعيني غرام جت تنط لقدام عشان تطلع ثامر حط يده يمنعها: اسمعيييينييي بسس غرام طلعت جوالها و دقت ع هاني هاني: غرام بس اسمعيه تكفين والله الولد منهار مره بس عطيه فرصة ما بتخسرين شي وربك غرام: ما يجوز تحطني اصلا معاه لوحدنا هاني: لو تعرفي اللي يجوز واللي مايجوز ما قعدتي عند احمد غرام: لو سمحت... هاني قاطعها: دحين اسمعيه و رب البيت انا اللي بفتح لك الباب ولا تخافين ما حيسوي لك حاجه غرام: ترا حدق ع بندر ثامر عصصصصصصبب و سحب جوالها و حطه بجيبه غرام: يا كـ.. ايش تبااا ثامر: اسمعيني غرام: هداني اسمعك ثامر: لا تتزوجين بندر عناد فيني غرام: يووووه بزر انت ؟ ثامر: ايوه بزر غرام تكفين انا احبك و ادا بتتزوجي بندر عشان تحمين نفسك من ابوك انا بحميك تكفين لا تتزوجينه غرام: لا تحلم انت مالك امل معايا ثامر برجاء: تكفيييييييين تكفيين لا تتزوجينه والله بقتله اهم حاجه ما ياخدك غرام شافت ان الوضع بطول معه جلست ع ركبتيها ووجها مقابله وقعدت تحرك يدها عشان بفهم: افهم يابن الناس انا اكرهك ثامر: بخليك تحبيني بس اديني فرصة غرام لفت وجها: انا للله ثامر افهم انا و بندر حنتجوز ثامر يهز راسه برفض: ما حخليك والله ما حخليك افهمي هو ما يحبك زي ما انا احبك غرام : يا رب صبرك ثامر: غرام احبك افهمي ــ بصراخ ــ احببببببببببببببببببببببب ببببك غرام: وانا اكرهك ــ بصراخ ــ اكرررررررههههك ثامر: لو اديتيني فرصة بتحبيني غرام: ما ابا ثامر نزلت دمعته: تكفين غرام غرام ناظرت دمعته بدهشه ثامر حط راسه ع فخذها يصيح: غرام انا بدونك ما اعيش ــ شهق من بين بكائه ــ غرام انصدمت منه كأنه طفل من جد ثامر بصوت مكتوم: رجيتك غرامي لا تروحين له غرام رفعت راسها وسكرت عيونها بقوه و بهدوء: ثامر ثامر رفع راسه بسرعه و ناظرها بعيون مليانه دموع: لبيه يا قلب ثامر غرام: اسفة بس انا احُــــب بــــنـــدر ثامر ناظرها بدهشه كل شي الا انها تقول انها تحب بندر غرام ناظرت عيونه: اتمنى تفهم علي ثامر ظل يناظر عيونها غرام مدت يدها له: ممكن جوالي ثامر طلع جوالها و عطاها اياه بهدوء غرام دقت ع هاني: افتح الباب هاني جاء يرد غرام قفلة بوجهه فتح هاني الباب غرام طلعت هاني مسكها من ذراعها غرام لفت عليه: ما توقعتك تسوي كدا هاني: آسف بس ما كان في حل اني اهدي ثامر الا كدا غرام ناظرت السيارة هاني كمل: مره كان منهار اول مره اشوف ثامر كدا يصيح و يزعق عشان بنت يعني انتي .. عمري ما توقعته يضعف قدام مرأة اول مره اشوفه يترجاني عشانك ثامر حتى وهو بزر لما يزعل ما يصيح قدام احد بالعكس كان يقهر اللي يضايقه بس هدي اول مره اشوفه ضعيف .. غرام انا ابغى لك الخير مو عشانه ولد عمي و اخويه خلاص يعني ابغاك له بالعكس بفرح لك بكل الحالات بس من جد ادا انتي تبغي تاخدي بندر عناد في ثامر او عشان يحميك من ابويه ثامر مستعد يحميك من ابويه بنفسه اما ادا كان عناد فأنتي بكل الحالات تظلمين بندر معك غرام ناظرته: خلصت ؟ هاني سكت غرام: انا احب بندر هاني: الله يوفقكم يارب غرام: امين هاني: انتبهي لك غرام: ان شاء الله هاني عطاها ظهره بيمشي غرام: هاني هاني لف عليها غرام: ايش دا اللي بوجهك ؟ هاني ابتسم بحزن ع ثامر: دا ثامر ضربني غرام ناظرته بدهشه هاني: خليته يضربني عشان يفرغ حرته ولا كان بيذبح بندر من جد .. يلا تصبحين ع خير غرام بهمس: وانت من اهله دخلت غرام و فكت عبايتها و طلعت غرفة احمد و رمت نفسها ع سرير احمد غرام " مدري اللي سويته صح ولالا ؟! ظلمت بندر معي ولا لا ؟! آآآآه ــ طلعت الآه من داخلها و ارتفع صدرها و نزل منها ــ ليتك يا احمد موجود و تعلمني الصح من الغلط " نزلت دمعتها و سكرت عيونها دخلت فاطمة فجأة غرام فتحت عيونها و ناظرت فاطمة فاطمة دخلت بدون اذن و جلست جنب غرام غرام ناظرت عيون فاطمة فاطمة حست من عيون غرام ان فيها شي قربت منها وضمتها: نزلي دمعتك ما في حد غريب غرام نزلت ورا دمعتها دموع ( اليوم الثاني ) &&& الاستراحة &&& دخل معتصم و معاه فطور: هيا قوموا جبت فطور طلع هاني من الحمام ــ الله يكرمكم ــ معتصم: قوم ثامر هاني: ثامر ثامر فتح عينه بنعاس هاني استغرب قومته السريع بالعاده يعانون معه: هيا قوم معتصم جاب فطور ثامر كان نومه عباره عن كوابيس: مو مشتهي هاني: معليه حاول ثامر قام و راح الحمام ــ الله يكرمكم ــ معتصم: واضح ما نام كويس هاني: الله يلوم اللي يلومه شوي و طلع ثامر ثامر: انا طالع هاني: ع وين يا واد الفطور موجود ثامر: مالي نفس جد ادا ليا باكل هاني: طيب جاي معك ثامر: لا تكفى ابا اقعد لحالي هاني: طيب بس بدون جنون لو سمحت ثامر لف وجه: انا لله ــ ناظر هاني ــ ما حسوي حاجه لا تخاف و طلع معتصم: خليه بحاله انت اخوها بالنهاية ما بيقدر يقول كل الكلام اللي بقلبه لك هاني: من زمان وحنا نقول كل حاجه لبعض معتصم: في فرق دحين بكون حذر بكلامه عشانك اخوها .. يعني انت تقدر تقول كل شي لدا اخو فاطمة هاني سكت معتصم: انا بروح له هاني: طيب بس طمني عليه معتصم اخذ سندويشته و عصيره و طلع هاني " يااارب خفف عليه " معتصم ركب سيارته ولحق هاني &&& بيت بو عمر &&& دق جوال ليان ليان سحبت جوالها وردت بصوت مليان نوم: الوو شهاب: صباح الخير ليان: هلا شهاب شهاب: للحين نايمه !! ليان: مره تعبانه وفيا نوم شهاب: بسم الله عليج طيب نشي و خذي لج شور يشيل تعبج ليان: ان شاء الله شهاب: اذا صحصحتي عندي لج مفاجأة ليان: ايش هيا ؟ شهاب: مفاجأة قلت لج قومي خذي لج شور و دقي علي اول ما تخلصين ليان: يوووه شهاب دحين تخليني افكر شهاب ضحك: احسن ليان: نذل شهاب: سلااام ليان سكرت منه و اتجهت للحمام ــ الله يكرمكم ــ &&& فلة احمد &&& الجد: غرام غراام غرام كانت سرحانه و تفكر فاطمة دفتها برجولها من تحت الطاولة ــ الله يعزكم ــ غرام ناظرت فاطمة بانزعاج فاطمة: بطلي تسرحي جدي يكلمك غرام لفت ع الجد: هلا الجد: يابوي حيجي اليوم المحامي ويباك تكونين موجوده غرام: ليه ؟! الجد: هدا كلامه غرام هزت راسها بالموافقة: متى حيجي؟ الجد: بعد صلاة العصر غرام هزت راسها بالفهم فاطمة: سونيا سونيا ناظرتها فاطمة: اليوم بتطلع النتايج؟ سونيا: ايوه بعد الظهر فاطمة: اخيييراً كلنا بنفتك سونيا: من جد غرام: فطوم لا تتركي اهلك اكتر من كدا بعدين حيكرهونا فاطمة: عجبهم ولا بالطقاق غرام: مافيها بالطقاق اليوم روحي عندهم فاطمة بتسليك: يصير خير غرام: ترا وربك اسحبك من شعرك لهم ياخي انقلعي عندهم فاطمة باستهبال: ستشتاقون الي وسترون الكل: ههههههههههههههههههههه سونيا لفت ع غرام: بعد فترة بتظلين لحالك بالبيت ؟؟ غرام: ليه لحالي جدي معي ــ وناظرت جد احمد ــ جد احمد ابتسم لها يطمنها: ما حخليك اصلا غرام ترمش باستهبال: ولا تنسون تراني ع وجه زواج الكل: هههههههههههه ويييع فاطمة: مايليق صراحه غرام بمياعه: عجبك ولا باتقاق سونيا بقرف: بالتقاق !!! غرام: ايوه يعني بالطقاق فاطمة: كولي××××× غرام: ههههههههههههههههههههههههه ههههه خلاص امزح معكم &&& الكورنيش &&& جلس جنبه و ناظر البحر: كارها ؟ ثامر هز راسه بلا: اتمنى اكرها، اتمنى تطلع من قلبي ، اتمنى اني ما حبيتها ولا دقيقه، اتمنى اني ما اذيتها ، اتمنى انها ما كنت بيوم من الأيام بنت عمي و اتعلق فيها اكثر.. بالنهاية هي مجرد امنيه معتصم: بتحاول تكرها ؟ ثامر: وادا انا حاولت قلبي رافض هالشي معتصم: اجل سوي المستحيل عشان تحبك في وقت كبير ع زواجهم في مجال تتركه و تاخدك ثامر ناظره شوي بعدين رجع ناظر البحر: ما توقعتك تقول حاول معتصم: انا كنت احب مستحيل ما اعرف شعورك ثامر: ليه هي ما تحس بشعوري؟! معتصم: لانها ما تحُب ثامر: تقول انها تحب ــ بغصه ــ بندر معتصم ناظره: وانت صدقتها ؟ ثامر سكت معتصم ناظر البحر: بتسوي أي شي عشان تبعد عنك ثامر هز راسه بأيه معتصم: وانت سوي كل شي عشان تحبك ثامر هز راسه بالرفض: ما اقدر هيا تكرهني معتصم: يقولك مرات الكره يتحول لمحبه ثامر ضحك بسخريه: غرام تحبني هههههههههههههههههههههه معتصم: جرب حظك ثامر: جربت كتير مافي فايده معتصم: حاول يا واد ترا ادا فقدتها راح تتمنى انك سويت كل شي عشان تكسبها ثامر: يعني ايش اسوي عشان اكسبها معتصم: اسمع طال عمرك &&& بيت بو عمر &&& قعدت ليان تنشف شعرها و بعد ما نشف كامل مشطته و دقت ع شهاب وحطت ع التسريحه و حطت سبيكر شهاب: الوو ليان وهر ترفع شعرها: هلا شهاب شهاب: صحصحتي؟؟ ليان تربط شعرها ذيل حصان: ايوه شهاب: تريقتي؟ ليان: لا لسا شهاب: تريقي بعدين دقي علي ليان: يوووه شهاب ابا اعرف المفاجأة ما ابا افطر شهاب: تريقي حبيبتي و الله المفاجأة ما بتطير ليان: اووففف شهاب: يلا سلام سكر منها ليان تعطرت ع خفيف وناظرت بجامتها الورديه بأكمام طويله بس مو صوف اخذت جوالها وقعدت تطقطق فيه و دخلت الصالة ام عمر ناظرتها و كانت بتفز من مكانها ع لبس ليان بس اشروا لها تسكت ليان حطت الجوال بجيبها ورفعت نظرها: صباح الـ... ــ ضاعت الكلمات وهي تناظر شهاب اللي يناظر فيها بتمعن ــ الكل كتم ضحكته ليان غطت وجها بإحراج: لااا لااا كان قلتوا لي اتكشخ عمر سحب ابوه من كرسيه و طلعوا و لحقتهم ام عمر شهاب قام و توجه لها و نزل يدها: انتي بدون الميك آب بدون أي شي جميله شلون لو تكشختي تبيني اموت ليان بإحراج: بسم الله عليك شهاب بهمس: اشتقت لج ليان بخجل: و انا كمان، احم الحمد لله ع السلامة شهاب: الله يسلمج.. يلا عشان تفطرين ليان هزت راسها بالموافقة &&& مستشفى الـ**** &&& س 2 ص ام مبارك ضمت سونيا: الحمد لله لك يارب الحمد لله لك يارب مبارك: خلاص ذبحتيها ام مبارك بعدت عن سونيا سونيا كان خدها مليان دموع ام مبارك مسحت خد سونيا بحب: خلاص لا تبكي يا البي مبارك: ما ودج تضمين خالج بعد ؟! سونيا ناظرته بخجل بالنهاية هي اول مره تشوفه مبارك: معليش بس نفسي اضم بنت اختي سونيا ابتسمت له مبارك انحنى لها و ضمها و بهمس: تشبهينها وايد سونيا نزلت دموعها ام مبارك: شوف هلئ صارت عم تبكي مبارك بعد عنها: خلاص لا تبجين عشان ما تذبحني امي ام مبارك: يلا مشان نروح للدار و نخلص الأوراق مبارك: يلا &&& فلة احمد &&& المحامي: آسف جيتك بهالوقت بس لأني مشغول مره جد احمد: لا عادي تفضل المحامي: زاد فضلك جلسوا بالمجلس المحامي: غرام موجودة؟ الجد: ايوه دحين انادي لك هيا طلع الجد و نادا غرام ورجع شوي ودخلت غرام غرام: السلام عليكم الكل: وعليكم السلام المحامي: غرام؟ غرام: ايوه الجد: اجلسي جلست غرام المحامي: انا المحامي فراس الـ**** الجد: والنعم فراس: ما عليك زود ــ لف ع غرام ــ ممكن بطاقتك غرام: ضروري؟ فراس: ايوه غرام: دحين اروح اجيبها طلعت غرام وقابلت بوجها مسعده غرام: مسعده واللي يعافيك جيبي لي بطاقتي من محفظتي ع التسريحه مسعدة: حاضر دخلت غرام المجلس: شوي وتجيبها شوي و دخلت مسعده و سلمت و عطت غرام بطاقتها غرام عطت بطاقتها فراس فراس بعد ما تأكد عطا غرام البطاقة وفتح شنطته ** في الصالة ** فاطمة: ما ادري الا اقول جهير الجوهرة: هلا فاطمة: خلاص يعني حتستقروا هنا ؟ الجوهرة: ايه عشانك يا النتفه فاطمة: اسفه والله بس ما اقدر ابعد عن خواتي الجوهرة: لجل عيون تكرم مدينه يا شيخه فاطمة: و خلصتوا البيت ولا لسا؟ الجوهرة: يعني بأمانتك بخلص البيت بكم يوم فاطمة ضحكت الجوهرة: اقول بنت فاطمة: هااه الجوهرة: هويت ببير ماله قاع فاطمة: عمى الجوهرة: يعميك اسمعي فاطمة: اسمعك الجوهرة: متى بتشرفين عندنا ؟؟ فاطمة: اليوم بجيكم بعد المغرب الجوهرة: تعالي مع البنات فاطمة: بحاول ما اوعدك لانو البنات اليوم مشغولين الجوهرة: حاولي عاد فاطمة: اليوم سونيا بتفتك من الدار و اذيته الجوهرة: سؤال فاطمة: قولي الجوهرة: كانوا يضربونكم!؟ فاطمة: لا خيير .. ترا يعني اوك حنا مطلعين قرونهم بس هما كمان ما يعرفون يتفاهمون يعني المديرة اكتر شي تحط حرتها بغرام الجوهرة: يا عمري الحمد لله اله فككم فاطمة: الحمد لله الجوهرة: بس تدرين اللي سويتوه غلط فاطمة: للأسف ندري الجوهرة: ومتى بتكملون دراستكم ؟ فاطمة: ممكن ع السنه الجايه الجوهرة: الله يعييينكم تعيدون ثاني ثانوي و بعدين ثالث يووووووه قدامكم مشوااااااار فاطمة: نينينينيييييييين اقول احنا قاعدين نهون ع نفسنا ودي تزودها علينا الجوهرة: ههههههههههههههههههههه فاطمة: اقول قفلي برح اشوف شسالفة قبل شوي طلع المحامي الجوهرة: طيب خلاص سلام سكرت فاطمة منها وراحت ركض للمجلس غرام: مستحيل امسك شركة انا ما اقدر الجد: و هدا انا اللي اقوله اباك تكتب كل شي بأسمك !! غرام: لالا يا جدي ما اقدر ع كدا الجد: الا تقدرين مدام احمد وصاه ع كدا يعني متأكد انك قدها فاطمة: يا جماعه شسالفة ؟ غرام: شوفي المصيبه فاطمة جلست: ايش صاير غرام: احمد من زمان قال للمحامي ادا صار فيه شي يكتب نص املاكو ليا و الشركة كمان بأسمي يعني اديرها و انا ما اقدر ع كدا !!! الجد: صححيها دحين كل املاكو لاني م اقدر غرام: ها خديلك .. يا جماعه انا حتى ثانويه ما كملت الجد: معليه تقدري تعطين بندر توكيل لين تخلصين ثانويتك و الجامعة كمان غرام: جدي دي مسؤولية كبيرة و انا انسانه بلا مسؤولية الجد: ما اتوقع احمد ما حسب حسابك كل حاجه !؟ غرام رجعت راسها ع ورا: آآآخ الله يرحمك يا احمد الكل: امين &&& دار الأيتام للبنات &&& بدرية: كملتوا ! سونيا ابتسمت بدرية: الحمد لله انو فكنا منكم و من شركم ام مبارك: يالله حكيك شو كتير!! سونيا: انا بروح اسلم ع البنات بدرية: اقول انثبري سونيا ناظرت ام مبارك ام مبارك ناظرت بدريه: هيك بتحكي معهم بالعادة ؟ بدرية: لا يا خاله بس حفيدتك تعرفي ايش سوت قبل ما تعرفينها ام مبارك: بعرف كل شي انتي بس خلصينا بدرية تفشلت سونيا: شوي وبرجع طلعت سونيا و اتجهت للبنات اللي كانوا ينتظرونها وضمتهم بفرح سجى: اخيراً افتكيتوا و ما عاد تهربوا من حاجه سونيا: ايه والله اخييراً شيماء: كيف البنات ؟؟ سونيا: كلنا بخير دحين تقدرون تجونا بدون أي اعذار غزل: و انتو كمان تعالوا لنا سونيا: بننشب لكم جواهر بمزح: لا عاد كدا بتزودونها الكل: ههههههههههههههههههههههه &&& فلة بو هاني &&& س 6م غرام: هدي المره المليون اللي اقولك فيها انو اباه ــ بكذب ــ و مستخيره و مرتاحه ام هاني: لانو ابا اتأكد يا قلبي غرام ابتسمت لها تطمنها غلا: ما عاد فيه هروب مننا؟ غرام: ايوه بس بعيش ببيت احمد ام هاني: بس هدا بيتك غرام: وهداك كمان بيتي ام هاني سكتت ما حبت تضغط عليها اكثر تاج: الا اقول متى بتملكين انتي و بندر ؟ غرام ناظرتها: اسبوع الجاي الكل ناظرها بصدمه: ايييييييييش ام هاني: مره بدري ما يمدينا نجهز حاجه غرام: مالو داعي لاني ما ابا حفله دوبو احمد متوفي ام هاني+ غلا: الله يرحمه تاج بتكبر: الله يرحمه ام هاني: طيب بس لسا ما طلبنا فستانك ووو.. غرام قاطعتها: بشتري أي شي جاهز تاج بقرف: نعمم غرام ناظرتها: اتوقع ملكتي مو ملكتك تاج قامت: بكيفك بحريقه ــ وطلعت ــ غلا: طيب وين بتسوينها ؟ غرام: ببيت احمد وبس راح نكتب الكتاب ما راح نسوي طقطقه ام هاني: براحتك بس من دحين اقولك انا بطلب لك ع الأقل الفستان غلا: و انا علي تجهيزك غرام جت بتعارض ام هاني قاطعتها: بدون معارضة لو سمحتي غرام سكتت ** برا ** تاج و الجوال بأذنها وبقرف: بنت الشوارع بتملك و احنا لسا رتاج: من جمالها يا شيخه!! وييع الله يعن بندر دا عليها تاج: من جد.. ادا كان ولد ناس بيطلقها من تاني يوم لانو ما بيتحمل قرفها اما ادا استمروا فأكيد هو من بيئتها رتاج: هههههههههههههههههههه صادقه وجع قدرت تشبك لها واحد بسرعه تاج بسخريه: بنت شوارع تكتف وهو ينتظر مكالمتها تخلص بس شكلها ما بتخلص: زودتيها صراحه تاج لفت عليه و ناظرته بدهشه: احم بعدين اكلمك ــ وسكرت ــ ثامر: اتمنى انك ما كنتي تقصدي اختك تاج: ويع ما اتشرف فيها كأخت ثامر: عيب يا تاج تربيت الشوارع ع قولتك ابوك اللي رماها مو هي اللي خلتكم و مشت بس بصراحه واضح تربيتها اللي ربت فيها نفسها احسن منك ــ لف بيمشي ــ تاج بقهر: انت لسا متفائل انها تلتفت لك ثامر لف عليها تاج: هههههه غبي من جد.. ملكتها اسبوع الجاي ع حبيب قلبها ثامر ناظرها بصدمه انتهـــى البـــ[29]ـــارت ان شاء الله ينال اعجابكم.. تــــــــــوقـــــــعــــ ـــــاتكم للبــــــــــــارت الجـــــــــــاي ؟؟! اراكم ع خير ان شاء لله.. ولا تحرموني من ردودكم وتوقعاتكم و بليييييييييييز ما ابي احد من خلف الكواليس شاكره لكم .. مع تحياتي: جذابة والعيون غلابه { } ^__^للأسئلة و الاستفسارات.. | |||||||||
|
| |
|
17-06-16, 04:45 AM
| #38 | |||||||||
| نجم روايتي ومشرفة سابقة وفراشة متالقة بعالم الازياء
| وربكم ادري اعتذاراتي كثير بس من جد البارت جاهز وكتبت البارت اللي بعده يعني بقى له شوي و اخلصه بس النت مررره ما كان يشتغل معاي كويس و دوبني مفعله .. قراءة ممتعه للجميع .. البـــ[30]ـــارت تاج بقهر: انت لسا متفائل انها تلتفت لك ثامر لف عليها تاج: هههههه غبي من جد.. ملكتها اسبوع الجاي ع حبيب قلبها ثامر ناظرها بصدمه تاج بحقاره: غرام طااارت ثامر عصصب مسكها من زندها: ع جثتي تاخده تاج ابتسمت و رفعت حاجبها الأيسر: قد اخذته و خلصت ثامر ضغط ع زندها بقوه و هو يشدد ع كلامه: قــلــت لك ع جــثــتــي سمعتي تاج بألم: ثامر عورتني ثامر تركها و طلع تاج مسكت زندها بألم و اتجهت للباب البيت طلع بوجها هاني: شفتي ثامر؟ تاج: مشا قبل شوي هاني عقد حواجبها و طلع تاج دخلت و ناظرت غرام بحقد ام هاني انتبهت لتاج: تاج تاج راحت للدرج غلا لفت ع تاج: تااج امي تكلمك تاج وهي معطيتهم ظهرها: شوي و اجي &&& شقة بو ماجد &&& الجوهرة: وين غرام ؟ فاطمة: ببيت اهلها الجوهرة: بتظل عندهم !! فاطمة: لالا بس بتقعد معهم شويه ماجد: بس انتي مو قاعدة شويه فاطمة: وعدتكم اقعد يومين الجوهرة بتسليك: يصير خير فاطمة: عمى لا تسلكي ماجد: متى بجون صحباتك ؟ فاطمة تناظر الساعه: ع 6 او 7 ماجد: تمام &&& استراحة الشباب &&& كانوا واقفين بنص المكان ثامر بعصبية: اقولك ملكتها اسبوع الجااااي معتصم: ايشبك يا واد اهجد ثامر يتلفت بعصبية: يقول اهجد كمان معتصم: صل ع النبي ثامر صل ع النبي ثامر يتمتم: عليه الصلاة والسلام معتصم: الاسبوع دا تقدر تغير فيه حالها ثامر بنفاذ صبر: بتجنني انت يا واد اقولك ملكتها ــ وشدد ع كلمة ملكتها ــ اسبوع الجااااي دخل بهاللحظة مهند وهو يناظرهم معتصم+ ثامر لفوا عليه مهند: اخرج ؟ ثامر عطاه ظهره و جلس معتصم: لا يا رجال ادخل مهند كان يناظرهم باستغراب معتصم ناظر ثامر و جلس ثامر وقف خلاص ما عاد يتحمل: انا بكلمه ما عاد فيا اتحمل معتصم وقف بسرعه ولحقه و مسك ثامر من كتفه ولفه عليه: انت اتجننت ثامر يدف يده: ايوه تجننت مهند راح لهم: ايش فيه ؟ معتصم: يبا يروح لبندر مهند: بندر مين ؟ معتصم: خطيب غرام ثامر مسك معتصم من ياقته و بقهر وعصبية: لا تقول خطيبهااااااااااا معتصم رفع يدينه: تمام تمام اهدا اهدا مهند دف ثامر عن معتصم: مجنون انت ثامر سكت مهند كمل: تسوي كل دا عشان بنت ما تحبك ثامر: بتحبني مهند بصراخ: يا ابوي مو غصب يووه ثامر قرب وجهه لمهند وبعصبية: الا غصب بتحبني دخل هاني ثامر بعد عن مهند هاني: السلام عليكم معتصم: وعليكم السلام مهند ضحك بشكل مستفز: هههههههههههههه انتو قاعدين توهمونه انو يقدر ياخد غرام ؟! هاني ناظر ثامر اللي العصبية واضحه بوجهه معتصم راح لمهند: مهند لو سمحت مهند يبعد عن معتصم: غرام لبندر حاولوا تدخلوا هدا الشي براسه بدال ما تدخلون براسه حاجات غلط ثامر اتجه لمهند بغضب هاني مسك ثامر و لف ع مهند: مالك صلاح مهند بعد معتصم عن طريقه و اتجه للباب وهو يضحك هاني: ايش فيه ؟ ثامر ناظره: متى كنت حاب تقولي انو ملكة غرام اسبوع الجاي هاني ناظره باستغراب: هاه ؟! معتصم جلس هاني: ملكة غرام اسبوع الجاي !! ثامر: ايوه هاني: كيف عرفت ؟ ثامر: مو مهم هاني: انا دوبني ادري منك .. كيف عرفت انت ؟؟ ثامر: تاج قالت لي هاني عقد حواجبه باستغراب و جلس و طلع جواله و دق ع امه ام هاني: هلا حبيبي هاني: امي غرام ملكتها اسبوع الجاي ؟؟ ام هاني: ايوه هاني: طيب ام هاني: صبر كيف عرفت ؟ هاني: بعدين اكلمك سكر منها ثامر ناظره و يتمنى من كل قلبه ان كلام تاج يكون غلط لو 1% هاني: ايوه ثامر دف الطاولة المقابله له برجوله بقهر &&& بيت بندر &&& بدور: بندر ابا اسألك عن حاجه بندر وهو يضبط شماغه: قولي بدور: انت تحُبها ؟ بندر: مين ؟ بدور: غرام بندر: لو ما احبها ما خطبتها بدور: عادي ممكن تبا تنسى .. بندر قاطعها: بدور مو فاضي لك وربي بدور سكتت بندر طلع &&& شقة بو ماجد &&& س 8م كانوا البنات متجمعين غزل كانت تسولف مع ليان عن الوليد سجى وهي تشرب من عصيرها: وين غرام يابوي الجلسه بدونها مو حلوه سونيا رمت عليها المخده: مو ماليين عينك يا ستي سجى مسكت المخده: ماليينها ماليينها بس مين يستهبل معي غيرها اندق جرس البيت فاطمة جت تقوم الجوهرة قامت: خليك خليك انا بشوف فاطمة جلست الجوهرة اتجهت للباب و فتحته: اووه غراام غرام كانت تكلم بالجوال ومعطيتها ظهرها غلا ضحكت: لا انا توامها غرام لفت: يلا يلا اكلمك بعدين وسكرت الجوهرة ناظرت غلا باستغراب: حياكم دخلت غرام وبعدها غلا غرام: دي توأمي غلا الجوهرة: ايوه صح شفتك بالعزا غرام سكتت بألم غلا ابتسمت الجوهرة: ادخلوا دخلوا غرام و غلا فاطمة قامت اول ما شافتهم غرام: سبرااايز غزل شهقت: غراااااااااااام غرام خافت: بسم الله ايشبك ؟! غزل: بنات غرام داخله علينا بدون نظاره شمسيه !! غرام: ليل يعني كيف تبوني البس نظارة شمسيه !! شيماء: مين يقول دا الكلام غرام !! غرام ضحكت سونيا: فصخوا عباياتكم ايشبكم غرام بمزح: اوص بس يا بنت الشاميه سونيا ضحكت غلا + غرام فصخوا عباياتهم جواهر: من جد ع طاري جدتك الشاميه تذكري لما كنا نقولك ي الأجنبية عشان عيونك سونيا ضحكت: ههههههههه ايوه هاجر: لا والغبية كانت تزعل مها: انا سمعت من البنات ان امك اماراتية و ابوك سعودي ليان لفت: ايشبهم الإماراتيين؟! سجى: يووووه جاك المحامي مو قاعدين نتكلم عن زوجك نتكلم عن ام سهى ليان ابتسمت بخجل غزل: الا ما قلتي لي متى ناويين تتزوجوا ؟ ليان: اول ما يخلص دراسه رهف: والله انتو فلللمم سجى حطت رجل ع رجل: والله اللي ما توقعته فلم ــ ناظرت فاطمة بنظرات غريبه ــ فطوم الكل فجأه سكت و ناظر فاطمة فاطمة ناظرت سجى باستغراب: ليه ؟! سجى: عن حبيبك فاطمة ناظرتها بحده البعض فهم و قعد يضحك غلا ناظرت فاطمة: اخسس طلعتي تحبين !!! فاطمة سكتت بإحراج غرام ضحكت و رمت ع سجى المخده: والله انك منعونه سجى: ههههههههههههههههههههههههه هههههههههههههه فاطمة: خلاص عاد مها بلقافة: مين اللي تحبيه ؟ فاطمة ناظرتها بمجامله: مالو داعي تعرفين مها تفشلت رهف: يا هووو ايشبك !! فاطمة: مو حابه اتكلم يوه غلا بتفهم: معليه ممكن شي خاص سجى بهمس غير مسموع: لو تدرين مين تحب غزل كانت جنب سجى و ضربتها بكوعها سجى: ههههههههههههههههههههههههه ههههههههههه خلاص ابعدي غرام تناظر فاطمة بخبث: غلو حبيبتي بعدين اقولك فاطمة ناظرت غرام غلا كانت تناظر فاطمة باستغراب فاطمه تغير الموضوع: اسمعوا اخاف جدة سونيا تاخذها معاها الإمارات سونيا: انا قايله لكم من قبل انو بكمل دراستي بالإمارات غرام: دا كان زمان سونيا: لا للحين ليان: مو من جدك بتتركينا و تروحين الإمارات؟!! سونيا: بكمل الثانويه هنا بس الجامعه هناك سجى: يعني ما بنشوفك؟!!! سونيا: الا كل فتره بجيكم و كل يوم بدق عليكم و بتملون مني وربكم سجى بمزح: لا كذا بتصيري نشبه الكل ضحك سونيا: انتي بالذات بنشب لك سجى: لوقتها انا بكون مسكره جوالي ي جماعه غزل: اقول غرام غرام لفت عليها غزل: م عرفتينا ع بندر غرام: ليه تتعرفوا عليه؟! سجى بلقافه: مو نتعرف عليه نتعرف عليه يعني م قلتي لنا عنه م حكيتي عنه غرام: ابد كل اللي اعرفه انو صاحب احمد الله يرحمه المقرب هاجر بصدمه: معقوله م تعرفي عنه الا انه صاحب احمد!!! غرام بعدم اهتمام: يعني هو كويس و احمد الله يرحمه كان يمدحه و يحبه مره سجى: يعني!! غرام باستغراب: ايش يعني؟! سجى: بس وافقتي عليه عشانو صاحب احمد و احمد يمدح فيه!!! غرام انتبهت لنظرات غلا: يعني من مدح احمد له زمان اعجبت فيه ــ و ابتسمت بتصنع الخجل ــ الأغلب م صدقوا غرام لأنهم يعرفونها كويس غرام تغير الموضوع: خلونا نسوي حاجه طفشت مها: خنلعب ولا كلمة غرام ناظرت مها و سرحت ( احمد: مسلسل غرام رفعت اصبع واحد مريم: من كلمة وحدة غرام تمثل ع أساس انها تعبانه و تتأوه مريم: تعب ؟ غرام تأشر لها بأنها قربت احمد: الم ؟ غرام شوي وتموت وهي تأشر لهم بأنهم قربوا .. مدت بوزها وهي تقلد احد ابطال المسلسل اللي تقلده وترفع حواجبها احمد مات ضحك مريم: الأنين ) مريم و الرباعي جاهم نفس التفكير تقريباً &&& سيارة معتصم &&& معتصم: من اليوم لـ اسبوع الجاي يحلها الحلال ثامر معلق ع كلمة مستحيل: مستحيل مستحيل ــ ويهز راسه بالرفض ــ معتصم بعصبية: انا لله دا اللي بجنني ــ وقف السيارة ع جنب و بصراخ ــ يا وااااد ثامر انفجع و ناظر معتصم بخوف معتصم بعصبية: سوي اللي اقولك عليه و انتهينا جرب يا أخي ما حتخسر حاجه ثامر سكت معتصم: دحين بكلم هاني و بقوله انك انت اللي بتاخد غرام و غلا ثامر: ايش ابغى بغلا !! معتصم: خليني اكمل ثامر سكت معتصم: و هاني يكلم غلا تنزل قبل غرام وهو ياخدها من هناك او السواق و طبعا غرام دايما تركب السيارة و م تنتبه مين اللي يسوق ثامر هز راسه بنعم معتصم: و اقعد انت مع غرام و حاول تتكلم معاها ترا كثر الدق يفك اللّحام ثامر كان ساكت يفكر معتصم يناظره: اوك ؟؟ ثامر هز راسه بالموافقة معتصم: بكلم هاني دحين ثامر: طيب حرك لأقرب بقاله معتصم: طيب حرك معتصم و دق ع هاني شوي ووقفوا قبال بقالة ثامر: تبا حاجه ؟؟ معتصم: جيب كولا ثامر نزل للبقالة و خذ له بايسون و كولا وشوية شبسات و رجع معتصم وهو يكلم بالجوال: فهمت علي ؟؟ هاني: يا هو ترا دي اختي واللي بسويه عيب صراحه معتصم: دحين لو اقولك خد فاطمة بتروح ركض !! ثامر: افتح سبيكر معتصم فتح السبيكر هاني بمزح: طيبيعي معتصم: كمان هي عندها اخ هاني: طيب بشرط معتصم: ايش هو ؟؟ هاني: اكون معاه لانو اعرف طويلة اللسان غرام ثامر بجديه: هاني مو واثق فيا ؟ هاني: ياهوو ايشبك لو خليتكم لحالكم بتقلب علي و ما عاد بكون في أي لقا بينكم لو انا موجود وانت موجود ما حتتكلم و عشان بطولكم الطريق و تكلموا زي ما تبغوا ثامر: و غلا؟ هاني: برسل السواق و دحين بفهمها كل حاجه ثامر: طيب هاني: يلا سلام معتصم حرك ثامر: تتوقع يحن قلبها ؟ معتصم سكت شوي: ما ابي ااملك وبعدها تتحطم ثامر ابتسم بحزن ع حاله معتصم: عشان ما تنصدم توقع اسوء الاحتمالات ثامر: بس ربي يقول انا عند ظن عبدي بي معتصم: و النعم به بس لا تدي آمالك لحاجات كبيره عشان ادا صار عكس توقعاتكم تنصدم و تتحطم و تعيش حاله نفسيه .. قوي نفسك بدال المرأه الف ثامر: ليه ما قلت دا الكلام لنفسك بعد ما ماتت؟؟ معتصم بقهر: ثامر انطم ثامر سكت وهو يناظر تغير وجه معتصم &&& فلة بو ياسر &&& رتاج: امي مستحيل تخليهم اصلا لبعض و غير كدا دي غرام افتكينا منها بتتزوج دا بندر و نفتك تاج و العبره خانقتها: بس ثامر ما يحبني رتاج: بس تتزوج غرام بندر اجذبيه لك بطريقتك طبعا انا ما حخلي كلمه حلوه ما بقولها عنك تاج لفت وجها بعدم رضا رتاج: تجو حبيبي شيلي من راسك ان ممكن بيوم من الأيام يكون ثامر لغرام تاج بلعت ريقها بقهر رتاج: الحمد لله اني م احب لو احب متلك كان من زمان ميته تاج: من جد احمدي ربك رتاج: ترا ثامر مضروب ع عينو لما حب دي بنت الشوارع تاج: خلي دا كله ليته وحده سمعت هاني كمان انو يحب وحدة من صديقات غرام رتاج: لاااا عز الله رحنا فيها بنات الشوارع اخدو عقل اخواننا تاج: رتو لحد يعرف بدا الشي لو عرف ابوي بيقلب البيت فوق تحت رتاج: لااا انتي من جدك ما حيطلع دا الكلام من دا الباب اصلا تاج: صراحه من جد ما عرفوا ينقوا رتاج ضحكت: مضروبن ع راسهم تاج كانت تعرف ان رتاج تحاول تهون عليها رتاج تحاول تشغل تاج عشان ما تفكر بثامر: بشغلك فلم مررره خطير البنات كتير مدحوه تاج فجأة ابتسمت بخبث: استني بدق ع عهد تجي مره وحده تطالع معانا الفلم رتاج: تمام انا بقول للخدامه تجهز البوب كورن و الأغراض تاج هزت راسها بالموافقة ودقت ع عهد شوي و ردت: كيفك ...... انا كويسه...... اسمعي اباك بموضووع مرره خطييير .............. م فيا حاجه بس ما حخلي ثامر يطير من يدي............ ادا شفتك بعلمك ايش بنسوي و دحين بسرررعه تعالي بيت رتو ............ ايوه......... بقولك كل حاجه بعدين ........ يلا يلا قفلي &&& سيارة هاني &&& س 1م هاني: بخلي غرام تنزل اول ثامر: و غلا؟ هاني: قلت لها تسوي نفسها تبي الحمام ــ الله يكرمكم ــ عشان تتأخر ويمدينا نحرك و هي تركب مع السواق ثامر: طيب هاني دق ع غرام غرام: ايوه هاني: هيا انا تحت بس ترا معي واحد من اصحابي غرام: طيب بنزل سكرت بوجهه بدون سابق انذار هاني ناظر جواله وعض ع شفته السفليه بقهر: مدري متى تتأدب ثامر ضحك شوي و انفتح الباب بقوه و ركبت غرام و عيونها ع جوالها: سلام هاني: وعليكم السلام غرام بدون ما تطالع هاني: ترا غلا بالحمام ــ الله يكرمكم ــ هاني حرك غرام رفعت راسها: هيييه غلاااا ثامر كان لابس كبوسه و قلبه يدق بسرعه غرام: هاااني اكلم مين انا!! هاني لثامر: اعتبرني مو موجود ثامر نزل كبوسه و لف ع غرام غرام تفاجأت من وجود ثامر ولفت وجها بضيق: انا لله ما حخلص منك ثامر: لا ولا حتخلصي مني غرام ناظرته: تباني اعجل زواجي عشان افتك منك ؟؟ ثامر بخوف: لالالالا غرام: اجل انقلع عن وجهي ثامر: غرومي اسمعيني غرام ناظرته بدهشه و فتحت فمها 5 ملم: غــرومــي !! ثامر ناظرها بغباء غرام: قول اسمي كويس اول هاني كان يحاول يكتم ضحكته بس فلتت منه ضحكه صغيره ثامر ناظر هاني بقهر: وين اللي اعتبرني مو موجود !! هاني حط يده فمه: سكت سكت ثامر لف ع غرام: غرام , حاولي تجربين انك تحبيني وربك ما حتخسري حاجه غرام: انت تبا تجنني ؟؟ ثامر هز راسه بالرفض غرام: يا بابا الحب مو تجارب ,, حلوه دي اجرب احبك!! .. بدال ما تقولي حاولي تجربين تبعدين كرهك ليا ثامر: يعني ادا حاولتي ما تكرهينا حتحبيني غرام: ثااامرر اصحا يا بابا ملكتي اسبوع الجاي هاني: اسف بقاطعكم بس غرام لا عاد تقولين كدا بالموت سكتنا البيبي اللي جنبي ثامر لف ع هاني: ورب البيت بـ العن خيرك ادا ما انطميت هاني حط يده ع فمه غرام: سمعت يقولو عنك بيبي !! ثامر لـ هاني: خل يزوجون فطوم لغيرك و خلينا نشوف مين البيبي هاني باندفاع: لااا بسم الله عليها مالها غيري غرام لهاني: ع كيفك لو اهلها يبغوا يزوجونها غيرك ما حترفض هيا هاني لف ع غرام: يا××× انا اخوك و غير كدا فاطمة تحبني غرام بعدم اهتمام: متأملين كتير ثامر: اقول شوف الطريق عشان ما نجيب العيد هاني ناظر الطريق بقهر ثامر: غرام يا عيني انتي ما تحبي بندر عشانه الوحيد اللي بقا بعد احمد عشان كدا تبينو ولا هو محد يطالعه غرام: لو سمحت لا تغلط عليه ثامر ناظرها بدهشه: ما ترضي يعني عليه !!؟ غرام: ايوه ثامر ناظر هاني هاني سوا نفسه ما سمعهم ثامر ناظر غرام: ما راح اخليك له وربك غرام: احلف ع نفسك ثامر بصراخ و قهر: يا مجنووووننننه افهمميييييييي احببببككككك غرام سكتت بفجعه من صراخه هاني ناظر ثامر ثامر كان صدره يرتفع و ينزل بقهر غرام بهدوء: حاول تفهم انت انو انا ما اقدر احب غير بندر هاني قاطعهم: بنزل البقاله ــ شوي ووقف السيارة ــ غرام ببرود يذبح: جيبي لي معاك أي حاجه تنشرب هاني نزل ثامر قرب من غرام غرام: يرحم امك ارحم حالك عيب يشوفوك اصحابك كدا انت... ثامر مسك وجها بيدينه وشدها له بقوه وباس شـــفّـــتـــهـــا !! انتهـــى البـــ[30]ـــارت ان شاء الله ينال اعجابكم.. تـــوقــــــعــــــاتــــ ــكـــــم.. اراكم ع خير ان شاء لله.. ولا تحرموني من ردودكم وتوقعاتكم و بليييييييييييز ما ابي احد من خلف الكواليس شاكره لكم .. مع تحياتي: جذابة والعيون غلابه { } ^__^ان شاء الله اذا ما انشغلت راح انزل لكم البارت الجاي بكرا بعد الفجر لأن نصه جاهز.. للأسئلة و الاستفسارات.. | |||||||||
|
| |
|
05-07-16, 01:35 AM
| #39 | |||||||||
| نجم روايتي ومشرفة سابقة وفراشة متالقة بعالم الازياء
| البـــ[31]ـــارت ثامر مسك وجها بيدينه وشدها له بقوه وباس شـــفـــتـــهـــا !! غرام فتحت عيونها ع وسعهم و اتسعت بؤبؤتها البنيه و العسلية بصدمه و مدت يدها بشكل لا ارادي و عطته كــــــــــــــــــف جااااااامد ثامر لف وجهه غرام بقهر: الله ياخدك الله يقرفك يا قذر يا ×××× و طلعت برا السيارة وهي تشتم في ثامر طلع هاني من البقالة و ناظر غرام باستغراب: غرام !! غرام لفت عليه هاني: ايشبك برا السيارة ؟؟ ثامر طلع من السيارة غرام ناظرت المويه اللي بكيسة هاني: اديني المويه ثامر طلع المويه باستغراب غرام جلست ع الرصيف و فكت المويه و كتت شوي بيدها وقعدت تمسح فمها بقهر وقرف ثامر ناظرها بقهر هاني كان يناظرهم باستغراب غرام نفضت يدها من المويه ومسحت بيدها ما تبقى من المويه ع عبايتها و طلعت جوالها هاني: بنت هيا خلينا نرجع غرام طنشته و دقت ع بندر بندر: الوو غرام: هلا بندر ثامر عصصبب وكور يده بقهر بندر وهو يسمع اصوات البواري و السيارات: هلا غرام وينك؟؟ غرام: بالشارع اباك تجيني بندر قام: مو دوبك طلعتي من بيت فطوم ؟ غرام: ايوه ولا تسأل كتير بتجي تاخدني ولا لا ؟؟ هاني راح لغرام ومسكها من ذراعها غرام دقت يد هاني وبعدت عنه بخطوه بندر: ايوه جايك وينك بالضبط ؟؟ غرام تتلفت تدور لوحة تدل ع مكانها لفت ع هاني: وين حنا ؟ هاني: مو لازم انا بوديك بندر: هاني جنبك ؟ غرام: استنا بندر اتجهت غرام للبقالة و لحقها هاني وثامر غرام لراعي البقالة: ايش اسم المكان دا ؟ الهندي راعي البقالة: الـ***** غرام وصّفت لبندر وقالها انو قريب وسكرت منه هاني: مالو داعي دي الحركات راح ترجعي البيت معي غرام رفعت راسها تناظر هاني: ابعد عني دام النفس طيبه عليك هاني بعد عنها بقهر غرام جت تطلع من البقالة ثامر وقف قبالها: آسف غرام بس لا تروحي معاه غرام دفته من صدره وبهمس: ابعد عني قبل ما العن خيرك ثامر طلع من البقالة بقهر طلع الكل من البقالة هاني: خليني اوصلك بيتنا حرام يضرب الرجال مشوار و حنا رايحين لنفس المكان غرام ضحكت باستهزاء: تستظرف معايا انا ما حجي بيتكم هاني: لا تنسين انك وعدتي غلاوي انك تقعدي يومين ع الأقل غرام سكتت هاني مسك ذراعها: هيا خلينا نرجع غرام دفت يده: ما حرجع معاكم ثامر قرب منهم: خلاص انا بركب تاكسي بس لا تروحي معاه غرام ناظرته: يحرقك انو اروح مع بندر ثامر سكت وظل يناظرها غرام: بروح مع بندر هاني: انتو حتى ما ملكتو عشان تطلعي معاه غرام: انا حرجع معاه البيت ما بطلع هاني: مافي غرام تناظر الشارع و بعناد: ما طلبت رايك هاني: انتي مو بالدار عشان تسوي اللي تبغيه غرام ناظرت هاني نزل بندر من سيارته وراح لغرام: غرام غرام ناظرت بندر ثامر برزت عروقه بقهر و العصبية واضحه عليه بندر سلم ع هاني و رجع مد يده لثامر ثامر مد يده وصافح بندر وضغط ع يده بقوه: وعليكم السلام بندر استغرب غرام: هيا بندر هاني: معليه بندر عدبتك غرام معاها خلاص انا اوصلها بندر ناظر غرام: لا عداب ولا شي غرام: مابا برجع مع بندر ثامر بقهر من بين اسنانه: هو ما يحل لك غرام تقهره: بحل لي قريب ثامر مسكها من ذراعها وشدها بندر دف ثامر من صدره و بعد غرام عنه: ابعد يدك عنها هاني وقف قبال ثامر بسرعه قبل ما يتضاربون غرام وقفت قبال بندر: خلاص بندر خلينا نمشي ثامر بصراخ: ما حتمشي معاه لما يحل لك روحوا لجهنم غرام لفت لثامر و بأسلوب استفزاز: تبا دحين نملك ؟؟ هاني لف ع غرام بعصبية: خلااااص غرام غرام لفت لبندر: هيا بندر بندر كان يناظرهم باستغراب غرام ركبت سيارة بندر ولحقها بندر و حركوا ثامر وهو يأشر ع زول سيارة بندر: شفت شفت اختك !! هاني دف ثامر من صدره بخفه: و انت كمان ايش سويت لها عشان تسوي كدا ثامر بكذب: ما سويت لها حاجه هاني: لا ياشيخ هيا كدا من نفسها تبا ترجع مع بندر ثامر سكت هاني: لا تقعد تكدب ع راسي هيا اهرج ثامر بكذب: استفزتني و انت عارف اختك استفزازية هاني: ايوه و انت نار ثامر: و تهاوشنا و طلعت هاني يصفق له: برافو عليك صراحه اهنيك، هدا اللي خططنا عشانو؟؟ ثامر بعصبية: ايش اسوي انا كمان اختك تنرفز هاني: والله انت اللي حبيت وحدة تنرفز ثامر ركب السيارة هاني: غبي ورب البيت غبي ــ ركب السيارة وحرك ــ &&& سيارة بندر &&& بندر: ايش صاير ؟ غرام: ولا حاجه بندر ناظرها: تقدري تقولين لي ترا غرام ناظرته 3 ثواني و رجعت ناظرت الطريق: والله مالي خلق اتكلم بندر احترم مزاجها وسكت ظل الهدوء ساكنهم لـ 5 دقائق بندر: بيت احمد ؟؟ غرام: لا بيت بو هاني بندر هز راسه بالموافقة غرام: كان عندك شغل؟؟ بندر: لا ابد كنت طالع من الشغل غرام سكتت شوي: احم اسمع بندر لف عليها: لبيه غرام: انت عارف انو اباك تمسك المكان اللي اداني اياه احمد بندر هز راسه بنعم غرام: يعني جدي كلمك عن كل حاجه ؟ بندر: ايوه غرام: ما ودي امسك الإدارة بندر: ليه ؟؟ غرام: لاني مو قدها بندر: انتي قدها و لو احمد كان شاك لو واحد بـ% انك مو قدها ما سلمها لك غرام سكتت بندر: راح تكملي دراستك و جامعتك و اول ما تخلصي راح تمسكينها بدالي غرام تربعت: بندر يا بابا انا عقلي تنكه ما راح انجح بندر: انا لله غرام لفت عليه يعني ظهرها صار للباب و وجها موجه لبندر ولسا متربعه: ناظرني ناظرني بندر ناظرها شوي و رجع ناظر الطريق: اسوق غرام ناظرت الطريق: يلا صار زحمه ناظرني بندر ناظرها غرام وهي تأشر بسبابتها ع راسها: شايف دا بندر: ايشبو ؟ غرام: مافيه عقل فيه واحد كسلان ويبا ينام بندر يقلدها وحط سبابته ع راسه: شفتي دا غرام: ايوه بندر: راح يخلي دا ــ و اشر بسبابته ع راس غرام ــ يشتغل احسن مني ومن أي عامل بالشركة غرام جلست كويس: اجل بتتعب كتييييير بندر ضحك: فدا غرام ابتسمت شوي ووصلوا فلة بو هاني غرام: يعيك العافية بندر: الله يعافيك نزلت غرام بندر لف وجهه و ابتسم وهو يشوف نظرات ثامر البعيده تتبع غرام نزل من السيارة: غرام غرام لفت عليه وراحت له: هلا بندر وقف قباله وقريب منها: تصبحين ع خير غرام: و انت من اهله ــ جت بتلف عشان تمشي ــ بندر: غرام غرام ناظرته: هاه بندر ضرب جبين غرام بسبابته بخفه: ما يقولون هاه غرام ضحكت بندر: انتبهي لك غرام: وانت كمان ــ عطته ظهرها و دخلت الڤله ــ بندر ناظر ثامر ثامر انتبه ان بندر يراقبه " يعني متعمد " بندر ضحك و ركب السيارة و حرك ثامر فتح باب بيته بقهر و صفق الباب بقوه ام ياسر: هوووب ايشبك ؟؟ ثامر بأخلاق قافله: ابعد عني عشان ما ازعلك ام ياسر سكتت ثامر طلع بالدرج وشاف تاج تكلم بالجوال قباله طنشها و حاول يتعداها ويكمل طريقه تاج: ثامر ثامر بهمس: اللهم طولك ياروح ــ لف عليها ــ نعم ؟ تاج: الناس تقول السلام عليكم مو داخل ع يهود ثامر بملل: السلام عليكم تاج: وعليكم السلام ثامر عطها ظهره بيمشي تاج: مضايقتك لدي الدرجة ما تبا تشوفني ؟! ثامر رفع راسه يستمد القوه تاج كملت: ترا اللي بتتزوج غرام مو انا ثامر لف عليها بعصبية: ممكن ما تجيبين سيرة غرام مره تانيه تاج ببراءة متصنعة: ليه !؟ ثامر قرب منها: لاني ما ابا اسمع منك أي كلمة تخصها تاج استنشقت ريحة عطره اللي الجمتها عن الكلام وتسبب بشلل بعض خلاياها و خل سكونها يعم ثامر ما لقا أي رد من تاج مشا وخلاها تاج همست بضعف: احبك بنفس اللحظة سكر ثامر باب غرفته بقوه تاج طاحت دمعتها ع خدها ومسحتها بسرعه اول ما سمعت صوت رتاج رتاج: هيا ما خلصتي مكالمه ؟؟ تاج: جيت جيت &&& ڤله بو هاني &&& هاني: غرام غرام: خير هاني: ثامر سوا لك حاجه ؟ غرام تكتفت بملل: لا هاني: طيب ايشبك فجأة قلبتي علينا غرام: كدا مزاج هاني: بنت عيب تكلمي كويس غرام: انا لله هاني والله مالي خلق هاني: متخلفه انتي ولا فيك انفصام ؟؟؟ غرام اشرت بأصبعها: الأثنين ــ دخلت جناحها و طنشته ــ هاني جاء يمشي غلا وقفت قباله: ايش سويت لها ؟ هاني: ما سويت لها حاجه بس توأمك مجنونه غرام طلت من الباب: و عندي انفصام غلا: هههههههه هاني هز راسه بيأس و مشا غلا دفت باب جناح غرام: ادخلي حكي لي غرام رمت شنطتها ع الكنبه و رمت نفسها ع السرير وفصخت جوتيها ــ الله يكرمكم ــ برجولها غلا جلست ع الكنبة غرام: كنتي متفقه معاهم غلا باستغراب: مين هما ؟ غرام: هاني و ثامر غلا عقد حواجبها: ايش دخل ثامر؟ غرام: هما اللي خدوني من عند فطوم غلا: لا هاني ارسل لي انو يبا يكلمك بموضوع وحاب يكون لحالوا معاك توقعت يبا يفتح موضوع فطوم معك عشان كدا رحت مع السواق غرام سكتت غلا طلعت جوالها و رمته ع غرام: افتحي الرسايل وشوفي غرام: طيب صدقت غلا: ايش سالفة ثامر ؟؟ غرام سكرت عيونها: بس يحاول اني اغير رأيي و ما اوافق ع بندر غلا قامت و جلست ع سرير: غرام بسألك غرام وهي لسا مسكره عيونها: اسألي غلا: انتي من جد تحبي بندر غرام رفعت عيونها بملل: هذا السؤال انعاد علي ملوين طعش مره غلا: يلا قولي غرام ناظرتها: ايوه غلا سكتت غرام: مو عاجبك ؟ غلا: ما اعرفه عشان ما يعجبني غرام: زين يلا ننام غلا قامت و اتجهت لغرفة التبديل و غيرت ملابسها ولبست: بلوزة بيجامة رمادية من مانجو و بنطلون كاروهات من مانجو.. غرام: ترا البيجامات اللي هنا محد يستعملهم غيرك غلا: و انتي تقعدي عندنا عشان تستخدمينها؟ غرام: ما حلبسها وفروا ع نفسكم و خديها كلها عندك غلا تغير السالفة: حكيني كيف حبيبتي بندر ؟! غرام بعدم حيله: تعبانه ابا انام غلا: اوف كسوله غرام: نامي نامي ( اليوم الثاني ) &&& ڤله بو ناصر 1 &&& ام ناصر: البنت من نفسها رفضت ابني مالو دخل بو ناصر: انتي مصدقه دا الكلام ؟ ام ناصر: ايشبك اقولك الولد ما يعرف لسا اهلها دقوا علي و خبروني بو ناصر: مستحيل خالد مايكون له يد !!! ام ناصر: انت اقعد بس تتهم الولد بو ناصر: طيب طيب دخل خالد وهو يصفر بروقان بو ناصر بأمر: روحي ناديه ليا ام ناصر راحت لخالد: خالد خالد: هلا ام ناصر: ابوك يباك بمكتبه خالد: ايش يبا؟ ام ناصر: روح وبتعرف خالد اتجه لمكتب ابوه و طق الباب بو ناصر: تعال خالد دخل خالد وجلس: هلا ابويه بو ناصر: تعرف ان خطيبتك تبا تفك الخطوبة خالد عقد حواجبه: ليه؟؟ بو ناصر: اسأل نفسك خالد: ما سويت حاجه بو ناصر: لا بالله اجل ايشبها تبا تفسخ الخطوبة ؟؟! خالد بكذب: مدري عنها دحين ادق عليها قدامك ــ طلع جواله و دق عليها ــ بو ناصر سكت وقعد يناظر جوال خالد خالد: ادتني بزي بو ناصر: دق مره تانيه خالد دق مره ثانيه و نفس الشي بو ناصر: ادا فسخوها جد ما الومهم انت مو مهتم لبنتهم خالد: بالطقاق يحصلها خالد خليفه الـ****** بو ناصر شمق بوجهه: امش امش بس خالد طلع وهو مبسووووط &&& فندق الـ***** &&& شقه 212... مبارك: ما جاء ببالج ابد ان ممكن نكون عايشين؟! سونيا: خطر ببالكم اني عايشه! مبارك: لا للأمانة سونيا: نفس الجواب مبارك: ما كنت مصدق امي لما حجت لي انج عايشه قلت لانها اشتاقت لآختي و كبرت وايد عشان جي ممكن تتخيل سونيا: امك مو واضح عليها عمرها مبارك: يدتج تراها سونيا سكتت دخلت ام مبارك: سويت لكم اكلات بتاكلو صوابعكم وراهن سونيا: يعطيك العافيه كلفتي ع نفسك كان خليتيني اساعدك ام مبارك: مافي كلافه حبيبة آلبي مبارك: امي تسوي اكل لو تلفين العالم كله ماذقتي مثله سونيا ضحكت: يخليها لك يارب مبارك: ولك بعد سونيا للحين مو متعوده ع حياتها الجديدة جلس الكل حول طاولة الطعام وبدت السوالف الجانبيه و التحقيق مع سونيا سونيا شربت عصيرها: ادا قلت لكم ابا اقعد هنا ايش بتقولو؟ مبارك: كيف يعني سونيا: قصدي انو م ابا اطلع من جدة لين اخلص ثانويتي و بعدين اصلا انا من زمان مقرره انو اكمل جامعتي بالإمارات مبارك سكت ام مبارك: ادا رحتي الإمارت بتحبيها كتير سونيا: انا ما اكره الإمارات بالعكس احبها بس ابا اكون مع صديقاتي هنا و حتى بعد ما اخلص جامعه ابا ارجع جدة ام مبارك+ مبارك تبادلو النظرات الحائره مبارك: خليج من هالمواضيع و بعدين راح نفكر فيها سونيا هزت راسها بالموافقة و غيرت السالفة: انت ما تتكلم لبناني ؟ مبارك: الا بحكي لبناني سونيا: اشوفك تتكلم امراتي كثير مبارك: اكثر حياتي بالأمارات سونيا هزت راسها بالفهم مبارك: بس بحكي لبناني كتير مع خوالي و لما بروح للبنان بحكي لبنيني سونيا ضحكت ع طريقة كلامه: ايوه كدا لما تتكلم و اشوفك ما احس بشعور غريب مبارك باستغراب: كيف يعني ؟ سونيا: لما تتكلم اماراتي احسه ما يناسب فيسك مبارك: يعني هلئ عيونك بتناسب حكيك !! سونيا تقلد طريقة مبارك بالكلام: كتير بحسبوني محطيه عدسات مشان هلئ ما حسوا بشي مبارك صفق بيده: الله الله عم تحكي لبنيني كمان سونيا ضحكت &&& ڤله بو هاني &&& غرام: للأمانة ماني مرتاحه ام هاني: مفروض دا بيت اهلك يعني ترتاحين له اكتر من بيت الغريب غرام: احمد الله يرحمه ما كان غريب بالنسبه لي انتو اللي كنت اعتبركم غرباء ولحد دحين ما عرفتوني ع انو قعد مع احمد فترة مو طويله الا انو كان يعرفني كتير و يعرف ايش احُب.. بذمتكم تعرفون ايش اكتر اكله احُبها ؟ الكل سكت غرام رفعت يدها باستسلام: احمد كان يعرف ايش احب و ايش اكره كان كل اسبوع يخلي مسعده تسوي لي ملوخية و كان ينوع بالأكل دايماً ولما يكون بالبيت اكله ما احبها يجيب لي معاه حاجه احبها هاني: انتي ما اديتينا فرصه نتعرف عليك غلا: ايوه غرام: انتو ما كسبتوني بقلبكم متل ما هو سوا الكل: الله يرحمه غرام: لو تبغوا راحتي خلوني ارجع ام هاني بقهر: بسوي لك الملوخية بس لا تروحي غرام: يمديك تجين معايا ؟ ام هاني سكتت وهزت راسها بالرفض غرام قربت من امها و اشرت بيدها ع رقبتها: ماما والله مخنوقه هنا مرره كل ما اتذكر انو انا قريبه من غانم ام هاني باندفاع: بخليه يطلع برا غرام: مجرد اني قاعده ببيته يخنقني انا اصلا مقهورة ان اسمي مرتبط بأسمة تاج اللي كانت واقفه عند الباب: لك الشرف اصلا تاج راسك دا غرام لفت عليها: تاج راسك انتي مو انا ــ بحزن ــ تاج راسي اندفن الله يرحمه تاج بكبر: موع اجبك ضبي اغراضك و اطلعي ام هاني وقفت و بصراخ: تـــــــــاج تاج ناظرت امها ام هاني: عندك كلمه حلوه قوليها ما عندك الباب يفوت جمل تاج ناظرت امها بدهشه و قهر: يديك العافية يا امي ــ و طلعت ــ ام هاني جلست ناظرت غرام: لا تاخدي ع تاج غرام: ما اخد عليها بس انا جد حتى ما اقدر انام كويس لانو مو مرتاحه هاني: امي ام هاني ناظرت هاني هاني: خليها ع راحتها لا تضغطي عليها ام هاني ع مضض: براحتك غرام باست راس ام هاني: الله لا يحرمني منك ام هاني: بس كل مره بجيك واطمن عليك و اسوي لك الملوخية بيدي غرام: يديك العافيه ام هاني ابتسمت: الله يعافيك غرام وهي واقفه: يلا اجل اشوفكم يوم تاني ام هاني: من دحين !! غرام: والله مو مرتاحة ام هاني: بجي يوم و ترتاحين بإذن الله غرام: يااارب ام هاني ابتسمت لها غلا: و انا ابداً مو مهم رايي غرام: توأمي طبيعي ما حتعارضين لانك جايه معايا اليوم الكل ناظر غرام غرام ناظرت ام هاني: ماما لو سمحتي خلي غلاوي تجي معايا المزرعة ام هاني: اخاف عليكم يا ماما غرام: لا تخافي وربك احلا مكان هناك هاني: ايش تسوي بالمزرعة لحالك!! غرام: الكل هناك غلا برجاء: ماما تكفين ام هاني: طيب خلاص لا تزعجيني هيا روحي غلا نطت بفرح: يسسس غرام: بروح اضب اغراضي طلعت غرام وطلعت وراها غلا هاني: انا حوديهم ام هاني: هاني هاني: هلا ام هاني: ثامر يحُب غرام ؟! هاني ناظرها بصدمه: هاه ام هاني: ثامر يـــحُــــب ــ شددت ع كلمة يحب ــ غرام ؟؟ هاني: لا طبعاً ليه ؟! ام هاني: لا تكدب علي هيا هاني: مدري ام هاني: دامك قلت مدري بعد ما قلت لا طبعً يعني كداب هاني سكت ام هاني: الله يعينه &&& ڤله بو مهند &&& مريم: بس هيا اكيد ما تعتبرك الا اخو مهند: طيب مريم: يوووه يا مهند انت من جدك ولا قاعد تلعب ع راسي كيف تحب وحدة منهم!! مهند بعصبية: ليه حرام و لا مكروه ؟؟!! مريم: لا بس دولا بحسبة خواتي مهند: بحسبة خواتك انتي مو انا مريم: و كلهم يشوفونك اخوهم مهند: هما يقولون لك كدا ادا سألتيها ممكن تكون متلي مريم: مستحيل اسألها انت اتجننت لا تعلق قلبك بوحدة مستحيل تكون لك مهند: دي اللي بذبحها يا ماما افهمي ادا ما تبغي تكلميها انا اكلمها و ربك بخطبها ادا وافقت مريم: محسسني انو شاكه فيك انا واثقه فيك يا اهبل بس اخاف تكسر قلبك و قلبي مهند: انتي مالك دخل خليها علي مريم: مهند يا حبيبي تبا تعور قلبك انت ؟؟! مهند: لا بس مافيها حاجه ادا حاولت مريم: براحتك قلبك اللي حينكسر و بتاخد موقف منها مهند: ان شاء الله ما ينكسر ولا حاجه مريم: اتمنى مهند: اليوم بتروحو كلكم المزرعة ؟ مريم: ايوه بعد شوي مهند: طيب اجهزي و انا بروح البس مريم: بتكلمها اليوم ؟؟؟ مهند: ان شاء الله مريم راحت و خلته مهند راح لدولابه و طلع له تيشيرت ابض مطبع من سكوتش آند صودا و بنطلون جينز كحلي كمان من سكوتش آند صودا و لبس شوز ــ الله يكرمكم ــ رياضي بلاك و النيلي من ايكو و ساعة بلاك من فيليب ستين و اسوره رجالية جلد من مانجو توجه لتسريحه و رتب شعره و تسبح بعطر من جورجيو ارماني و طلع &&& مزرعة جد احمد &&& غلا راحت للإسطبل و انتبهت لغرام تمسح ع ظهر الحصان راحت لها: دا لأحمد غرام بدون ما تلتفت لها ابتسمت بألم: تعرفي هو اللي علمني اركب الحصان ما كنت اعرف اركبه و مره قعد يضحك علي احمد و بس صرت احبه من احمد بعد ما علمني كيف اركبه غلا فضلت انها تسمع لغرام بدون ما تقاطعها غرام اشرت ع الحصان الثاني: شفتي دا الحصان غلا: ايوه غرام: كان لرزان غلا: اخته ؟! غرام: ايوه اول واحد ركبتو غلا سكتت عشان تكمل غرام ( احمد: أقول بطلعها عشان تركبيها غرام: لالالا احمد تكفى احمد: ليه ؟ غرام بخجل حطت يدها ع رقبتها: ما اعرف اركبه احمد ناظرها بدهشه: في حد ما يعرف يركب الحصان غرام ناظرته بقهر: ايوه انا لا تتمسخر احمد: هههههههههههههههههههههه خلاص خلاص اوك بعلمك غرام: ما أبا احمد طنشها وطلع الحصان غرام بعدت شوي احمد جاب درج صغير: اركبي هيا غرام: بطيح والله احمد: ما بطيحي صدقيني غرام: و ادا طحت احمد: انا لله غرام طلعت الدرج احمد: ربطي عباتك زي داك اليوم غرام ضحكت واخذت أطراف عبايتها وربطتهم حول خصرها ورفعت رجلها اليسار وحاولت تركب الحصان احمد ساعدها من كتفها غرام ثبتت ع الحصان احمد: امشيك فيه ؟ غرام بفرح: ايوه احمد قعد يمشيها فيه: طيب حاولي تمسكين اللجام و تمشينها بنفسك غرام: لالالالا أخاف ) غلا: طييب مره غرام: طيب و حنون و تفكيره راقي و مجنون كمان غلا: الله يرحمه طلعوا من الإسطبل غلا: ايوه حكيني عنو غرام: اخر لعبة لعبناها كانت ولا كلمة غلا: عشان كدا ما رضيتوا تلعبونها امس غرام: ايوه ، كان اكتر من اخو بالنسبة ليا غلا ضحكت: حبيته غرام ابتسمت دخلوا بيت الشعر غرام تأشر تحت المكيف: اكتر مكان يجلس فيه هنا اول ما يرجع من برا ع طول يتسدح هنا عشان المكيف غلا حست بالرجفه وسط كلام غرام غرام كانت تبلع عبرتها كل شوي غلا: بروح اجيب مويه غرام هزت راسها بالموافقه طلعت غلا غرام راحت و انسدحت بنفس المكان اللي ينسدح فيه احمد ^ ^ اسمعوا الأنشودة و كملوا قراءة للمزيد من الإثارة =) ( دخلت غرام بحماس و شافته منسدح ومسكر عيونه مشت ع اطراف اناملها و بهدوء وبدون ما تطلع أي صوت لين وصلت عنده و صار وجها فوق وجهه و فاتحه عيونها بشكل مرعب احمد حس بشي فوقه فتح عيونه و ارتعب من المنظر و تحرك بخوف: بسم الله غرام طاحت ع الأرض من منظر احمد الخايف و دمعت عيونها من اضحك احمد وهو يحط يده ع قلبه: يا حيـ×××× خوفتيني غرام مو قادره تتكلم و بس تضحك احمد: ههههههههه مجنونه ************************************ غرام و الدموع متحجره بعيونها: ليش انا بالذات احمد: لانو ربي يحبك و يبا يختبرك غرام بغبنه: والله يا احمد تحملت كتير ليش كلهم اهلهم يحبونهم الا انا اهلي يستغلوني!!! احمد: لان ابوك ما عندوا رحمه غرام بقهر: انا دايم اقول انو انا ما احتاج أب بس كل بنت تتمنى يكون لها أب سند و ظهر لها .. كل بنت تتمنى ترمي نفسها بحضن ابوها إلا انا نفسي اروح ابعد مكان عن ابويه.. كل بنت ابوها يدلعها لو بكلمة ــ و العبرة خانقتها ــ و انا ابويه رماني و كان يحسبني عوره ــ ضحكت بسخرية ــ يقولون كل بنت بـ أبيها معجبه ، إلا انا هههههههههههههه احمد يواسيها: لان ابوك شين للأسف غرام ضحكت: تعرف انك ما تعرف تواسي احمد جلس مقابلها: لانو ما احب اشوف دموع اختي غرام ضحكت و طاحت دمعتها: من الضحك احمد: باللهي !!! غرام هزت راسها بـ ايه ************************************ احمد: البعد عنكم شين غرام: ترا كلها يومين رحتهم احمد: يا ×××× ما اشتقتي لي غرام بكبر: لا سونيا: كدابه ما عليك منها كل شوي تقول ان شاء الله يخلص شغلوا بالدمام بسرعه عشان يرجع غرام ناظرتها و شهقت ليان: من جد احمد يناظر غرام: يا بكاشه غرام بكذب: بس عشان تطلعني مريم شهقت: كدااااااااااااااابه هدا سواقي دايما موجود ما طلعتي معاه بس تبغي احمد احمد: ما تقدر تستغني عن اخوها غرام تعيب ع كلامهم: نينينينني الكل: ههههههههههههههههههههههههه هههههههه ) غرام ووجها كله دموع " مـــحتــــااجــــتك ارجع تكفى " &&& سيارة شهاب &&& دق جوال شهاب شهاب: هلا شيخه ليان لفت عليه شهاب: مدري والله .......... لالا ما بطول ............ ان شاء الله من عيوني ................. امري لله ............. You too.. الله يحفظج ليان كانت تناظره بدهشه و الغيره موصله فـــل عندها شهاب سكر منها: ترا بضيع المكان ليان: نزلني دامك ما تعرف المكان شهاب ناظرها ليان كانت العصبية واضحه بوجها شهاب: شو بالك ؟ ليان بدون نفس: ولا حاجه نزلني شهاب: ماني منزلج ليان: انا لله شهاب: انتي فيج شي ليان بكذب: لا شهاب باستغراب: قبل شوي وش زينج فجأه قلبتي !! ليان: ايوه انا مزاجيه خليت لغيري الزينه شهاب بعدم فهم: ما فهمت؟! ليان: احسن شهاب: ارمسي ليان: وادا ما رمست شهاب: لينو بلا عناد شفيج قلبتي فجأة ليان بعصبية و غيره: ابببددد لو انا مكلمة واحد دحييين كان قلبت الدنيا وقعدتها شهاب تو يستوعب: قصدج شيوخ ليان بسخريه: لا شوشو شهاب حاول يكتم ضحكته عشان ما تتنرفز: شيخه ذي وياي ياليامعة ليان: يعني معك بالجامعة تقولها من عيوني و الله يحفظك !! شهاب برومانسية: امانه ايش ابي فيهم و القمر جنبي ليان: شوف لا تقعد تسوي لي كدا ترا ما احُب شهاب: نينا من جدك، ترا دي شيخه ما تسوى حتى ضفرك ليان بعصبية: يا شييييخ غبيه ولا ما افهم قدامك !! شهاب: حاشاك حبيبتي بس ورب الكعبة انو شيخه سألتني متى حرجع ليان: ليه ان شاء الله مشتاقه الأخت في الله !! شهاب: لا يا ليت جان اهون ليان زادت عصبيتها: شهاااااب شهاب: والله تسألني عشان البروجكت ليان: وانت ما شاء الله البروجكت حقك كلو مع بنات!!! شهاب: لا مافي الا تنتين ريما و شيخه و الباقي شباب بس لانو لازم ارجع و اخلص معاهم ليان لفت وجها بعصبية شهاب مسك يدها وباس باطن يدها: ايش اسوي فيهم و انتي بعيوني كلهم !!!؟ ليان ما قدرت ع كلامه و هدأت و احمّرت وجنتيها من الخجل << كيفي و انا اتكلم عربية فصحى ! شهاب: مينون اناظر النجوم و القمر يمي ليان بإحراج: خلاص شهاب شهاب: شسوي مو بيدي احبج !!! &&& مزرعة جد احمد &&& مريم: عشان كدا متسبح بالعطر مهند: اقول مريوم روحي ناديها ليا احسن لك مريم باستغلال: كم تدفع ؟! مهند بدا دمه يحترق: انا لللله مريييم هييااا مريم: استنا افكر مهند: وربي ادخل داخل و اسحبها قدامكم مريم: لالا خلاص بروح مهند يعدل ملابسه: يلا روحي مريم عطته ظهرها بتمشي مهند: مريم مريم مريم لفت عليه مهند: شكلي كويس؟ مريم بكذب: مره خااايس مهند: كدااابه مريم: شوف بنفسك مهند: احلفي بالله مريم: امزح يلا انقلع عطته ظهرها و دخلت لصاله و ناظرت البنات.. انتهـــى البـــ[31]ـــارت ان شاء الله ينال اعجابكم.. تـــوقــــــعــــــاتــــ ــكـــــم.. 1- مين هذي اللي يحبها { مهند }؟؟؟ اراكم ع خير ان شاء لله.. ولا تحرموني من ردودكم وتوقعاتكم و بليييييييييييز ما ابي احد من خلف الكواليس شاكره لكم .. مع تحياتي: جذابة والعيون غلابه { } ^__^للأسئلة و الاستفسارات.. | |||||||||
|
| |
|
22-07-16, 01:40 AM
| #40 | |||||||||
| نجم روايتي ومشرفة سابقة وفراشة متالقة بعالم الازياء
| مقتبس: ( ثامر: ابيـ-ـها معتصم شد عليه بقوه ثامر خنقته العبره: ابـ-ـي غـ~ـ-ـرام معتصم بهمس: غرام ماتت ) البـــ[32]ـــارت مريم: فطوم فاطمة: هلا مريم: مهند يبا منك حاجه فاطمه قامت: ايش يبا مريم بكذب: مدري شوفيه برا طلعت فاطمة سونيا باستغراب: ايش يبا منها؟ مريم: قلت لكم مدري طلعت فاطمة وشافت مهند في وجها مهند ابتسم ابتسامه عريضه فاطمة: فرحني معاك مهند " ان شاء الله تكونين فرحتي " : تعالي نتمشى و ان شاء الله افرحك فاطمة: هيا مشوا لـ 5 دقايق وهم ساكتين فاطمة ملت: ايوه وبعدين مهند دخل يده بجيبه بحماس: حاب اتكلم معك بموضوع بس ادا مشغوله نأجله فاطمة: لا فاضية مهند طلع يده اليسرى و حك جبينه بتوتر ** عند البنات ** غلا: تو اعرف ان هاني يحُب فطوم سونيا ضحكت: لا تدري فطوم انك تعرفين عشان ما تقلب الدنيا ع روسنا مريم ضربت بيدها ع جبينها: نسييييييييت الكل التفت لمريم ليان: ايش نسيتي ؟ مريم بسخريه: والله ما شاء الله فطوم من كثر ما كانت تتكلم بهاني نسيت ان بينهم حاجه ليان: فطوم تنحرج عشان كدا ما تتكلم عنو سونيا: بس دوبنا امس تكلمنا فيه مريم حست انها تورطت: بس نسيييت ليان: طيب هدا انتي تذكرتي مريم قامت سونيا: هييه وين ؟ مريم: دقيقه طلعت و دقت ع مهند ** عند مهند و فاطمة ** مهند: يعني متى حترجعوا للمدارس؟ فاطمة: بعد ما تتزوج غرام مهند: الله يسهل لكم فاطمة: اجمعين دق جوال مهند مهند طلع جواله و ناظر المتصل مريم عطاها بزي و كمل بمزح: ايوه منتي حاطه عينك ع واحد من هنا ولا من هنا ــ وغمز لها بعينه اليسرى ــ فاطمة ابتسمت و كملت بمزح: يعني ادا قلت لك بتساعدني مهند كمل: و ازوجكم كمان طلع صوت من جوال مهند معلن رسالة مهند طلع جواله و قرا اسم مريم و طنشه للمره الثانيه فاطمة ظنت من كلام مهند ان مريم خبرته عن علاقتها بـ هاني، بمزح: يلا زوجني انا و هاني مهند تلاشت ابتسامته و لف عليها وناظرها بدهشه فاطمة كان لسا مرسوم بوجها الوجه المزوح مهند: نعم !! فاطمة ضحكت مهند: هاني مين ؟ فاطمة اختفت ضحكتها: تستهبل هاني مين يعني .. صاحبك اخو غرام مهند بعدم استوعاب: انتي و هاني !! فاطمة سكتت دخلت بينهم مريم ركض مهند عقله هنق: دوبكم قبل كم يوم متهاوشين فاطمة بحب: كان سوء تفاهم و الحمد لله حليناه مريم: امشي مهند اباك بموضوع مهند كان يناظر فاطمة بدهشه مريم سحبته من يده: امشي فاطمة كانت اكبر علامة ؟ ع راسها بعدت مريم هي و مهند مهند مسكها مت زندها بقوه: ليه ما قلتي لي انها تحُب مريم حست بألم: آآه والله نسيت دوبني تذكرت وكنت ادق عليك و انت ما ترد شوف ارسلت لك رسالة وكمان ما رديت مهند: في احد ينسا حبيب صاحبته!! مريم: فطوم ما تتكلم عن هاني كتير و بعد هواشهم كمان ما كنت اعرف حاجه عنهم .. وتراك عورتني مهند ترك زندها و زفر بقهر: آسف مريم: والله فطوم تعدك زي اخو لا تخسرها عشان طيش كم يوم مهند ناظرها بطرف عيونه: طيش !!! مريم سكتت مهند: انا طالع ــ وعطاها ظهره ومشا ــ فاطمة تقدمت لمريم: ايشبو مهند ؟ مريم: نسا شغله لازم يسويها فاطمة هزت راسها بالفهم &&& سيارة معتصم &&& معتصم: انت مجنون انت مجنوووون ما اتفقنا ع كدا ليه تسوي كدا !!! ثامر: استفزتني معتصم بعصبية: تقوم تبوسها !!! ثامر سكت بخجل من نفسه معتصم: هاني عرف ؟ ثامر ناظر معتصم بسرعه: لا لا تقوله معتصم: اتجننت انت التاني اقوله !! ثامر سكت شوي: دحين كيف اخليها تحبني ؟ معتصم: مافي امل دحين ثامر باندفاع: لا تحطمني انت التاني !! معتصم: لا يا شيييخ ، انت خربت كل حاجه تقولي لا تحطمني !!! ثامر سكت بقهر معتصم: مافي الا انك تكلم دا بندر ثامر: يخسي اترجاه !! معتصم: ما قلت لك ترجاه قلت لك روح اهرج معاه و فهمه ممكن ما يكون يحبها متلك ثامر ضحك بقهر و بسخريه: يعني دحين لو رحت وقلت له انا احب غرام اكتر منك بقولي اوك عليك بالعافيه و يديني اياها !! معتصم: لا مو كدا بس ما اعرف دي اخر محاوله لنا ثامر: ما راح اوقف معتصم: انا لللله اتكلم مع بزر !! ثامر سكت ( ملكة غرام ) : هب السعد هبايبه لرياحي ويا شاريه لعباد وين صلاحي ويا زينه ياعلج و السعد ذبالي وهبوبي حيج من وليج بالعالي هب السعد هبايبه لرياحي ويا شاريه لعباد وين صلاحي وشبهت الزينه و الصبا حين لين دنا هو القمر و اربعه واثناني هب السعد هبايبه لرياحي ويا شاريه لعباد وين صلاحي يا مهرة (ن) عند الايواد ربوها بيت (ن ) رفيع ومركز(ن) عالي هب السعد هبايبه لرياحي ويا شاريه لعباد وين صلاحي حافظي على اخوانج يا الزينه جمله عوضتهم بالواحدين واحداني هب السعد هبايبه لرياحي ويا شاريه لعباد وين صلاحي ******************************* لأول مره تنزل من الدرج بذي الأناقة كانت لابسة فستان جداً هادي وناعم ما تكلفت فيه لان دوبه متوفي احمد لونه احمر داكن ميدي من موندي و قلادة و اسورة مرصعة بالألماس من ديور و اقراط قصيرة مرصعة بالألماس من فان كليف آند أربلز و صندل ــ الله يكرمكم ــ دانتيل كعب متوسط بلاك من دولتشي آند غابانا .. كانت مسويه شعرها ويع¤ي خفيف ومنزله قذلتها ع عيونها اليمنى تخفي عينها العسلية و من اليسار برمت شعرها .. و مكياجها كان جداً هادي و حلو بندر كان يناظرها وفكه الأسفل مفتوح فتحه بسيطة مريم بدهشه و همست لفاطمة: غرووم تلبس كعب !! فاطمة بهمس: بالموت خليناها تلبسه قعدنا يوم كامل نسوي بروع¤ه عشان الكعب ذا مريم: مو طويل !! فاطمة: غروم اول مره تلبس كعب مريم: شوفي غلاوي تمشي جنبها عشان ما تطيح غرام فاطمة كتمت ضحكتها: حطينا الكراسي قريبه عشان ع طول تجلس و ما تفشلنا نزلت غرام من الدرج ووقفت قبال بندر بإحراج بندر اول مره يشوفها بدون عبايه ام غرام بهمس لغرام: اجلسي جلست غرام بخجل اول مره يجيها جلس جنبها بندر هاني كان يناظرها فرحان لها و زعلان ع ولد عمه و اخوه رجع لـ ساعه ورا .. دخل هاني الغرفة و حط الدفتر قدام غرام غرام ناظرت هاني هاني لف ع صديقاتها فاطمة فهمت نظرت هاني: بنات امشوا خلونا نطلع برا طلع الكل و بقى هاني مع غرام هاني جلس ع ركبه قبال غرام: غروم ترا لساتنا ع البر تقدري ترفضينه غرام ناظرته بصمت هاني: والله انا ابغى لك الخير مو عشان ثامر ولد عمي اباك له بس ادا انتي من جد تبغيه وشايفه انو بندر قد المسؤولية و رجال ينوثق فيه وقعي غرام سكتت لـ 5 ثواني ..مدت يدها و اخذت القلم هاني لف وجهه بقهر غرام وقعت و بهمس: آسفه هاني بلع ريقه و ابتسم ع مضض و باس جبينها: الـــف مبروك حبيبتي غرام سكتت ما قدرت ترد عليه هاني وقف: الله يتمم لكم ع خير اخذ الدفتر و طلع دخلت بعده ام هاني و ام بندر و بدور و غلا و فاطمة و سونيا و ليان و مريم و هم يزغرطون بفرح ****************************** بندر مد يده لها غرام ناظرت امها ام هاني ابتسمت لها باطمئنان غرام ناظرت بندر ومدت يدها له بحياء بندر مسك يد غرام بحنيه و لبسها الخاتم بهدوء ام هاني + ام بندر: كلللللللللللللللللللللللل للللللللللللللللووووووووو ووووووووووووووووووووششششش ششششششششششششششششششششششششش ششششش &&& الاستراحة &&& معتصم ركض وراه: ثاااااااااامررررررر يا مجنوووووووون ثامر توجه لسيارة معتصم و بيده مضرب البيسبول و عيونه حمرا من العصبية معتصم وقف قدام السيارة: ثـــامر ترا الأبواب كلها مقفله ما تقدر تطلع ثامر صرخ من بين عبرته اللي خانقته: ابععععععععععععععععععععععع عد معتصم: ثامر هدي هدي ثامر طلع من السيارة و الدموع بعيونه و برجاء: قولهم يفتحوا الباب معتصم سكت ثامر صرخ: قوووووووووووووووللللللللل لللههههههههههههههههمممممم ممم معتصم: ما اقدر ثامر رفع المضرب و ضرب بأقوى ما عنده ع قزاز السيارة معتصم رجع ع ورا نزلت دموع ثامر قهر و غيره و حب و حرقه ع غرام كان يصيح مثل الطفل و بيده المضرب و يضرب بالسيارة بكل قوته معتصم كان يناظره وقلبه محروق عليه ثامر بصراخ: قلت له هيا لييييييييي لييييييييييي ما فهممممم كانت سيارة معتصم البوغاتي موديل 2010 اشبه بخرده من كثر ما كسرها ثامر ثامر يكمل: ليييه هيييي !!،في غلا ليه ماخداهاااااااا معتصم يتمتم: حسبي الله ونعم الوكيل انا لله و انا اليه راجعون ثامر طاح المضرب من يده و جلس ع الأرض مثل الطفل يصيح معتصم راح له و بصراخ: خلاااااااااااااص ياخوي تكفى قاعد تعدب نفسك كدا ثامر برجاء: لييييييه مو اناااااااااااااااا !!!!!! معتصم: هيا خسرانه اهدا اهدا ثامر يصرخ و يصيح مثل الأطفال معتصم ضمه ثامر: ابيـ-ـها معتصم شد عليه بقوه ثامر خنقته العبره: ابـ-ـي غـ~ـ-ـرام معتصم بهمس: غرام ماتت ثامر دفن وجهه بكتف معتصم و ظل يصيح معتصم قلبه متقطع ع خويه: موتها من قلبك انسها يرحم لي والديك ثامر وصوته يطلع بالموت: ماقـ-ـدر معتصم سكت &&& ع¤له غرام &&& غرام بهمس لفاطمة: خلاص وقفوا اغاني قلت لكم اصلا ما ابا هيصه فاطمة بنفس الهمس: بس شوي غرام: فطوم تكفين فاطمة هزت راسها بالموافقة و مشت بندر بهمس لأمه: امي خلاص خلينا نمشي ام بندر بنفس الهمس: دوبكم يا واد ايشبك مستعجل بندر بعيون راجيه: امي الله يخليك نبا نكون لحالنا ام بندر: لا تصير مطيور من البدايه بندر ابتسم ام بندر: ثواني بندر: طيب بدور: اقول يالعريس بناخذ زوجتك منك نبا نتصور بندر: طيب لا تتأخروا غرام " زوجـــتك !! اوف قديش هي كبيرة ــ ضحكت بينها وبين نفسها ــ زوجـــي!! " بدور مدت يدها لغرام: هيا غرام مدت يدها و راحت معاهم لصالة اللي جنبها وجلسوا يتصورون غزل: غروم لو انك لابسه كعب عالي غرام: كان شفتيني اتدحرج بالدرج من اول الكل: هههههههههههههههههههههه سجى وهي تتفحص غرام: انا مو مصدقه ان غرام تتكشخ كدا !! شيماء: من جد عمرنا ما شفناك كدا غرام: ما كان في مناسبة عشان تشوفوني كدا غزل: ان شاء الله نشوفك ع طول كدا غرام: احلموووا ممكن دحين و العرس و بس هاجر لفت ع غلا: مدام ان غلاوي توأمها نخليها هيا تلبس ع اساس انها غرام الكل: ههههههههههههههههههههه سجى: حنهريك غلا رفعت يدها باستسلام: ما اعرفكم جواهر: نكرتناااا دخلت ام بندر غرام رجع لها ثوب الحياء غزل + سجى يناظرونها بدهشه ام بندر: حبيبتي غرام زوجك برا ينتظرك غرام ناظرت ام بندر باستغراب: نعم !! ام بندر: برا غرام: اروح معاه !!! ام بندر: ايوه غرام: ليه ؟! ام بندر كتمت ضحكتها ع وجه غرام الخايف بدور: ايش اللي ليه اكيد عازمك غرام: اها اوك الكل كتم ضحكته عشان ما تنحرج غرام غلا جت تتكلم غرام قاطعتها بدون ما تنتبه: فطوم قومي معايا فاطمة وقفت: طيب سونيا: بجيب لك عباتك غلا كانت تناظرهم ورجعت بتتكلم غرام قاطعتها مره ثانيه: لينو جيبي لي جوالي الله يرضا عليك ليان: دحين اجيبه غلا و اخيراً: اجيب لك شنطتك ؟؟ هاجر كتمت ضحكتها: ليكون تجيبين لها شنطة ظهر ؟؟! غلا: لا طبعا سجى: اجل مالو داعي دي ما تستعمل الشنط و دايم تضيعها غرام ضحكت: انقلعوا لا تتمسخروا غلا ابتسمت بمجامله و جلست قامت غرام مع فاطمة للغرفة غرام: مستحيل اطلع بدا اللبس فاطمة: طيب البسي دا غرام: لا خير ما ابا فاطمة: ليا ساعه اجهزه لك غرام راحت لدولاب و طلعت بلوزة باللون البيج من مانجو و بنطلون جينز طويل رمادي من ديسكوارد2 و شوز ــ الله يكرمكم ــ فلات احمر من ديزل فاطمة: من جدك غرام !! غرام: ايوه من جدي ما حيشوفني بتكون العباية فوقي !! فاطمة: بكيفك غرام دخلت الحمام ــ الله يكرمكم ــ و قعدت تلبس ** عند هاني ** هاني يكلم بالجوال: كيفه ؟ معتصم: دوبه هدا و قاعد يكلم بالجوال برا هاني: حط عينك عليه دا مجنون يهرب من جحر فار معتصم: ما عليك اناظره من الدريشه هاني بحزن تنهد: الله يعين قلبه معتصم: امين ، كيف الأوضاع عندكم ؟؟ هاني: كويسه دحين بيطلعون بندر و غرام معتصم: الله يتمم عليهم هاني: امين سكر منه غرام وهي واقفه ورا هاني: كيفه ؟! هاني لف عليها و ابتسم بكذب: كويس غرام: الحمد لله ــ جت تمشي ــ هاني مسكها من ذراعها غرام ناظرته هاني بحزن ع حال ولد عمه: ثامر تعبان غروم غرام ببرود: الله يشفيه فاطمة: هاني هاني ناظر فاطمة فاطمة: زوجها ينتظرها برا هاني ترك ذراع غرام و رفع يده باستسلام: تمام ــ ناظر غرام ــ هيا اوصلك لزوجك غرام مشت بجانبه لين وصلوا لبندر هاني تقدم لبندر و بجديه: انتبها لها كويس بندر: بعيوني هاني لف ع غرام و ضمها: الـف مبروك غرام ضمته: الله يبارك فيك ــ بعدت عنه ــ عقبالك هاني ابتسم و هو يناظر فاطمة من بعيد: امييين غرام لفت ع فاطمة وودعتها بيدها و ركبت السيارة مع بندر &&& الاستراحة &&& ثامر لمعتصم: انا طالع معتصم: لا ثامر: اقول افتح الباب في حاجه ضروريه لازم الحق عليها معتصم: ايش هيا ثامر وهو مستعجل: بعدين احكي لك هيا افتح الباب معتصم بتردد: طيب ثواني طلع معتصم و دق ع هاني هاني: هاه ؟! معتصم: في شغله ضروريه ثامر يبا يلحق عليها و يباني افتح الباب هاني: خلاص مشوا خليه يطلع معتصم: سلام سكر منه ورجع لثامر: هيا افراج ثامر طنشه و ركب وحده من السيارات و حرك بسرعه ، طلع جواله و اجراء اتصال: الووو ..... وينهم ؟؟ .................. خلاص يديك العافية ........ اول ما تشوفه يوقف دق علي ............ طيب سلام سكر منه و اتجه لحي الرويس شارع الأندلس &&& سيارة بندر &&& كان الصمت سيد الموقف غرام اخيراً تكلمت، نزلت راسها و قعدت تلعب بأصابعها: كان موجود ؟! بندر ناظرها: مين ؟! غرام حطت عيونها بعيونه بندر كأنه فهم انها تقصد ابوها: ابوك ؟! غرام نزلت راسها بندر سكت شوي: جاء عشان كتب الكتاب و مشى غرام هزت راسها بتفهم بندر غير الموضوع و اشر لها بيده: شفتي دا المطعم غرام هزت راسها بنعم بندر: دخلتيه؟ غرام: لا بندر: تعرفي انه حلو غرام: جد شوي ووقف بندر غرام: بننزل له ؟ بندر: ايوه استني خليك طلع بندر و اتجه لباب غرام و فتحه غرام ابتسمت بخجل: ماكن له داعي بندر مد يده لها و بلغة فرنسيه: سيلڤوا بليمد موزيل (S'il vous plaît, Mlle )= من فضلك آنسة غرام مسكت يده و طلعت من السيارة : ما فهمت ولا حاجه بس حنزل بندر: هههههههههههـ قاطع ضحكتهم صدمة سيارته من ورا بس ما كانت قويه الصدمه بندر لف بعصبية ثامر نزل من سيارته و راح لبندر بكل غضب بندر تقدم له بعصبية: اتجننت ثامر وهو يعرف يده: ايوه اتجننـ غرام ركضت بسرعه و وقفت قبالهم: استنى استنى استنى ثامر ناظرها وهي ترفع يدينها توقفهم غرام لفت ع بندر: دقيقه بندر بنفس العصبية: مافي دقيقه شفتي كيف صدم السيارة دا الأهبل ثامر بقهر: اجيب لك منها دبل بس اتركها ــ و اشر بعيونه ع غرام ــ بندر مسك يد غرام باستفزاز: ما حتركها ودحين هيا زوجتي هيا انقلع ثامر ارتفع صدره بعصبية و عيونه حمرا غرام انتبهت لصدر ثامر كيف يرتفع و بسرعه: ثامر ثامر ثامر ناظرها بحب: وربك دا ما يباك متلي ــ مسك يدها اليسار و حطها ع صدره بمكان قلبه ــ شوفي كيف يدق بس يشوفك او يسمع صوتك ــ كانت دقات قلبه سريعه جداً ــ غرام سحبت يدها من يده ورفعت له يدها: شوف ثامر ناظر مكان الختام غرام نزلت يدها: انا تزوجت دحين لو سمحت لا تفضح نفسك و تفضحنا معاك بندر توجه لثامر ودفه من صدره: هيا امش لا اناديك الشرطة ثامر رجع ع ورا من دفت بندر و كان لسا يناظر يد غرام غرام مسكت يد بندر: هيا امشي بندر مسك يد غرام بتملك و رما نظراته الحاده لثامر و دخلوا مطعم لو سييل ثامر كانت الدموع متحجره بعيونه و بهمس غير مسموع: راحت !!! ركب السيارة بعد 10 ثواني وهو يناظر زول غرام .. حط راسه ع الدركسون و نزلت دموعه" راحت رااحت راااااااحت ــ ضرب الدركسون بيده اليمنى و بعده بيده اليسرى بقهر ــ الله ياخدك الله ×××××× " رجع راسه ع ورا وصدره برتفع و ينزل بغيض ** داخل مطعم لو سييل ** غرام: انا بروح الحمام ــ الله يكرمكم ــ بندر: طيب انتظرك غرام قامت و راحت للحمام ــ الله يكرمكم ــ بندر طلع جواله و دق ع هاني هاني بسرعه: الوو بندر: هلا هاني هاني بخوف: ايشبك غرام فيها شي ؟؟ بندر باستغراب: لالا اسم الله عليها اهدا ايشبك هاني: طيب ليش داق بندر: شيل ولد عمك من هنا مسوي ازعاج هاني عقد حواجبه: ولد عمي !!! بندر: ايوه ثامر هاني بدهشه: ثامر عندك !!! بندر: ايوه تحت مطعم لو سييل هاني: ايش يسوي هناك ؟! بندر: ما اعرف كيف عرف مكاننا بس صدم سيارتي و مسبب لي ازعاج لو سمحت خده هاني: ما عليك انا اصلح سيارتك بندر: يديك العافية مالو داعي بس اكون شاكر لك لو اخدتو من هنا هاني: طيب سكر منه اول ما شافت غرام غرام جلست وهي تحاول تتناسى اللي صار: حلو المكان كانت إضاءة المكان خافته و هاديه و رومانسية و يزين الطاولة الشمعدان بندر: حتى اكلهم حلو غرام: مدري خلينا نشوف بندر رفع يده لنادل: اكس كيوزمي (excuse me )= عفوا &&& ڤله بو هاني &&& تاج بسخريه: كيف كان حفل بنات الشارع غلا بانزعاج: لو سمحتي يا تتكلمين كويس يا اطلعي برا غرفتي تاج: غلاوي نعم من متى تطرديني !! غلا: من صرتي تسبيهم تاج: كيفي غلا بعصبية: لا مو كيفك تاج استغربت: ايشبك ؟! غلا: ولا حاجه بس صدعتي لي راسي تاج: بس سألتك !! غلا بعدم اهتمام: من دق الباب لقى الجواب تاج اندهشت من ردود اختها: شكل كل ما تشوفي توأمك تتغير شخصيتك غلا بملل: خلصتي ؟؟ الباب يوسع جمل تاج بقهر: انا الغلطانة ــ و اتجهت للباب ــ غلا: توك تعرفي تاج طلعت وصفقت الباب بقوه غلا رمت نفسها ع السرير و قعدت تتأمل السقف انطق الباب غلا: تاج ورب البيت ان ما انقلعتي بعلم امي طلت ام هاني براسها: غلاوي غلا استندت ع السرير ام هاني دخلت: فيك حاجه ؟ غلا هزت راسها بالنفي: لا ام هاني جلست ع طرف السرير: لا يا شيخه ما اعرف بنتي انا !! غلا ابتسمت تطمن امها: لو في حاجه بهرج لك ام هاني: حتهرجين لي دحين غلا سكتت ام هاني مسكت يدها و سحبتها غلا قامت و حطت راسها بحضن امها و تمددت ام هاني: ايوه ؟ّ! غلا ناظرت السقف: غرام تحُب صديقاتها اكتر مني ام هاني: مين قال ؟؟! غلا: انا ام هاني: انتي توأمها يا ماما غلا: بس دولا عاشوا معاها طول عمرها كيف بتحبني انا !! ام هاني: اصلا هيا تحبك و تموت عليك و انا اغار من علاقتكم ببعض غلا ابتسمت ع مواساة امها لها: ماما اليوم لما جت تطلع غرام طلبت من صديقاتها يساعدوها و انا اختها من لحمها و دمها ما طلبت مني ولا حاجه ام هاني: ممكن ما تبا تعذبك معاها غلا جلست مقابل امها: أي عذاب يا ماما خلت فاطمة تقوم تساعدها و سونيا جابت عبايتها و ليان جابت جوالها ام هاني: ممكن هما يعرفوا اماكن اغراضها و انتي لا غلا: عبايتها بغرفة البنات و جوالها ع الشاحن جنب السرير !!! ام هاني: ممكن ما تعرف انك تعرفي غلا سكتت و رجعت انسدحت بحضن امها: اعرف انك تبغي تواسيني ام هاني: لاا بس لا نظلمها ممكن لها اسبابها غلا سلكت لأمها ام هاني مسحت ع شعر غلا &&& ستار بوكس &&& هاني: يعني بدال ما تكحلها تعميها !!! معتصم: و انا اقول ايشبو دا قاعد يكلم بالجوال اثاريه راسل واحد يلحقهم ثامر كان ساكت هاني: خلاص تأكدت انها تزوجت ؟!! ثامر ناظر هاني بقهر هاني: وربي بجيب لك وحده احسن منها بس انسى ثامر و العبره خانقته: ما اقدر هاني: حاول ، دحين هيا مو نفس قبل دحين اسمها مربوط ببندر ثامر بدت عصبيته ترجع له و الدم يغلي براسه معتصم: بتعصب و تزعق ما حيغير حاجه زعيقك ثامر صار يطلع نفس حار من انفه و صدره يرتفع و ينزل معتصم: حاول ثامر بغيض لف ع معتصم: انت نسيتها ؟؟!! معتصم ناظر ثامر وسكت هاني ضرب رجول ثامر برجله ــ الله يعزكم ــ : دا مو موضوعنا معتصم: ما نسيتها ،، بس ما قتلت نفسي وراها عشان اكون معاها !! ثامر سكت ( اليوم الثاني ) &&& ڤله غرام &&& غرام وهي تكلم بالجوال: ان شاء الله اليوم حعدي عليكم ................ مدري بس بعد المغرب اتوقع ...................... ان شاء الله ............. يلا فمان الله سكرت منها و راحت لجد احمد الجد: حتكملي دراستك دحين ؟ غرام: لا الجد: خلاص ملكتي وصرتي حره !! ايش بقى ؟ غرام: السنه ع نهايتها .. ان شاء الله السنه الجايه حكمل الجد: الله يوفقكم حبيبتي .. الا صح سلمتي بندر الشغل غرام: ايوه سويت له توكيل الجد: كويس ترا بندر انسان مره خلوق و يفهم شغلوا كويس غرام: عارفه ولو كان احمد الله يرحمه مو واثق فيه كان ما سويت لو توكيل الجد: الله يرحمه &&& ڤله ام فارس &&& ام فارس: خليني اخطب لك يا ولد فارس بملل: رجعتي تفتحي الموضوع ام فارس: ابا اشوف عيالك قبل ما اموت فارس قام و باس راسها: بعد عمر طويل حبيبتي ام فارس: يلا تلحلح و خليني اخطب لك فارس بمزح: مستعجله لدي الدرجه تصيري عجوز !! ام فارس: الشيب ملا شعري و تقولي مو عجوز فارس: طول عمرك بتبقي شباب بعيونب ام فارس انحرجت و سكتت فارس ابتسم بعد ما عرف كيف يضيع الموضوع دخل شهاب: اقول متى تزوجوني انا ؟! فارس: تلحلح و خلص دراستك و نوظفك و تأسس حياتك ديك الساعه نزوجك شهاب حط يده ع خده: مشواااار ام فارس: دا اللي عندنا شهاب طلع جواله: يارب تمر الأيام بسرعه &&& بيت بندر &&& بدور طلعت للحوش: انت ثامر مو كدا ؟ ثامر سكت شوي: ايوه بدور: من وين جبت رقمي ؟ ثامر: لي طرقي بدور: باللهي !! ثامر: دحين ردي ع سؤالي اخوك من جد يحب غرام !! بدور: يا ابوي صار زوجها و تقولي يحبها ولا لا ثامر كتم عصبيته واخذ نفس عميق: اللي اعرفه كان خاطب رزان اخت احمد الله يرحمهم بدور: ايوه ثامر: كيف حب غرام و هو كان يحب دي خطيبته ؟! بدور: من سمح لك تحقق معي ؟ ثامر: لا تاخديها ع انو تحقيق خديها ع انها هرجه بدور: و مين انت عشان اهرج معاك ثامر بعصبية: الغلطان اللي يحكي معك ــ سكر بوجها ــ بدور: ××× ××× ام بندر: ايش تسوي هنا ؟ بدور بكذب: كنت اكلم صاحبتي ام بندر: و كل دا سب فيها ! بدور: ايوه قهرتني ام بندر: طيب ادخلي &&& ڤله بو هاني &&& س 8م ام هاني: ترا غلا شايله بخاطرها عليك غرام باستغراب: ليه ام هاني: انتي تهتمي لصديقاتك اكتر منها غرام: قصدك ليان و البقيه ؟ ام هاني: ايوه غرام: بالعكس عادي ام هاني: ممكن انتي موح اسه بدا الشي بس هيا حاسه فيه دخلت غلا بمرح مزيف: هلا هلا بعروستنا غرام: هلا والله غلا: و انا اقول ايشبو البيت منور غرام: بوجودك تاج دخلت وراها: لا يا عيني البيت كل يوم منور غلا ناظرتها بطرف عيونها تاج طنشتها غرام طنشت دخول تاج غلا: ايوه ايش سويتو لما رحتوا المطعم غرام لفت عليها: وداني مطعم لو سييل غلا: الدوار !؟ غرام: ايوه غلا: يا عيني رومانسي غرام: اول مره ادخله غلا: قد عزمنا ابويه فيه بس مو كل شي عجبني غرام: انا اكلت ع دوق بندر و طلع يجنن غلا: يا عيني الله يحفظه لك غرام: امين دخل بو هاني: اووه العروس افتكرتنا غرام طيرت عيونها لفوق من غير نفس و كشرت بو هاني: مدام انك هنا تعالي اباك بموضوع غرام: ما بينا مواضيع بو هاني عطاها نظره حادة: لما اقول اباك بموضوع يعني اباك بموضوع ام هاني قامت و اتجهت لبو هاني و بهمس: انتبه تضايقها ــ وطلعت ــ تاج طلعت ورا امها و لحقتهم غلا غرام حطت رجل ع رجل بو هاني جلس مقابلها: بدخل بالموضوع تاج قاعده تدهور حالتها غرام: طيب ؟! بو هاني: ايش اللي طيب !! ، اتوقع عملنا اتفاق اني اوافق ع خطوبتك من دا بندر و تديني كليتك غرام: ايوه بو هاني: هيا انا محتاجها غرام: مو دحين بو هاني يحاول يكتم عصبيته: متى ان شاء الله غرام بملل: متى ما ربي اراد بو هاني: بأمهلك اسبوع غرام ناظرته بحده ورفعت حاجبها الأيسر: قلت متى ما ربي اراد ــ قامت بانزعاج و اخذت عبايتها ــ غلا انتبهت لها: ع وين ؟ غرام: بطلع شوي اخد هوا غلا: اجي معاك ؟ غرام: شوي بقعد لحالي غلا: براحتك طلعت غرام وشافت بنت بعبايتها تنحني وتبوس ثامر ثامر انتبه لغرام وقام بسرعه كأن ثعبان قرصه انتهـــى البـــ[32]ـــارت كل عام و انتو بخير و صحه و سلامه و عساكم من عواده.. ان شاء الله ينال اعجابكم.. تـــوقــــــعــــــاتــــ ــكـــــم.. اراكم ع خير ان شاء لله.. ولا تحرموني من ردودكم وتوقعاتكم و بليييييييييييز ما ابي احد من خلف الكواليس شاكره لكم .. مع تحياتي: جذابة والعيون غلابه { } ^__^للأسئلة و الاستفسارات.. | |||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
