31-10-15, 09:13 AM
| #121 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  (جوري) ًقفلت الكتاب وطالعت في محمد بهدوء/هااا محمد فهمت أكيد.. رمى القلم من يده بإبتسامة/أيوه ،خاله وربي شرحك أحسن من شرح المدرس.. أنتي لو بس تسمعي مني وتأخذي فلوس عالحصص ذي كنتي صرتي من أصحاب الثروات ضحكت بخفه/أرحمني ياأصحاب الثروات، وماعاد إلا هي..أستحي يا واد كم مره أقلك أنا مربيتك زيك زي خيلانك مازن ومؤيد..أمااا أخذ فلوس..بعدين أدينا بنراجع سوا ونشرح لبعض،يعني مافيها كلفه وغلبه زي منت متصور... أم خالد/الله يوفقكم كلكم..ويعوض تعبكم خير. باس رأسها بحب وحط رأسه على رجولها براحه ومسك يدها وحطها على رأسه وبرجاء/جده سوي لي مساج،رأسي كبر من شرح بنتك. عدلت جوري نقابها وهي توقف وبتريقه/لا ياشيخ..من يومك رأسك كبير..ولانسيت إنهم كانوا ينادوك في الحارة أبو رأس. حك خده بإحراج/ذا عيب الناس اللي يعرفوك من صغرك..يكونوا عارفين كل فضايحك،مايمدي نألف عليهم. جوري بضحكة/أيوووه..يعني أنتبه..يلا قصي خذ نادر ولؤي وروحوا أتوضوا لصلاة العشاء. طالعت في محمد وبأمر/تروح تصلي وترجع هنا تتعشى فاهم ،شغل عبده مجنون مابغاه. محمد/هههههههههههه من وين جبتي عبده مجنون ذي،والله منتي سهله ياخاله. جوري/البركة في خالك مؤيد..قاموس الحواري كله معلمني ياه..المهم لاتطولوا برا. قاموا الأولاد يصلوا وفسخت عبايتها ونقابها وراحت تجهز لهم العشاء . إنتهى البارت دمتم بخير.. سبحان الله وبحمده ،،سبحان الله العظيم | ||||
|  |
|
31-10-15, 12:36 PM
| #123 | ||||
| نجم روايتي وعبقرية عالم الازياءوفائزة ثالثة بحكاية غلاف وفراشة الروايات المنقولة 
| يعنى جورى حتى ماقصرت فى مساعده ولاد لطيفه رغم كره لطيفه لها ازاى واحده ذي أم خالد بطيبتها تربى 2 ذي لطيفه وليلى حبيت مشهد مساعد وجورى | ||||
|
| |
|
03-11-15, 08:05 AM
| #125 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| قال الرسول صل الله عليه وسلم:"حصنوا أموالكم بالزكاة،وداووا مرضاكم بالصدقة، وردوا نوائب الدهر بالإستغفار" ---------------- الورقة الثالثة والعشرين لا أريد منك إلا إن تعطيني بعضاً من قسوتك،لأمضي وأتركك بدون ندم..بقلمي (ساره) ساره28سنة،زوجهاسعد36سنة ،عبدالله 3سنوات الرياض..الساعة 1:30ظهراً خلص الدوام وطلعت من المعهد مع باقي المعلمات وقبل ماتركب الباص رن جوالها بنغمة سعد زوجها (حبيبي اللي سكن في العين،عليه أحسد أنا عيني ،ألا ياليت لي قلبين وأحبه بكل مافيني) ساره/هلا أبو عبدالله . سعد/ناظري وراك. لفت تشوف أيش فيه ولقته واقف جنب سيارته اللاند كروزر الأسود بالبدلة العسكرية ونظارته الشمسية..طالعت فيه بفهاوه ووقفت مكانها ،وماحست غير بأحد ينغزها في جنبها التفتت لصحبتها مها وبحدة/ أيش فيكي ياتبن! مها بإستغراب/بعد.. أنتي اللي وش فيك، من اللي واقف يناظرك وأنتي سرحانه فيه.. ساره بتفكير"أول مرة يجيني"وبقلق/ذا سعد زوجي.. مهابضحكة/وأنا أقول ليش مبققه عيونك ،وش فيكي واقفة بتنامين هنا. أعطتها ساره نظرة ومشيت لسعد،فك لها الباب بإبتسامة وركبت وهي مطنشه،حرك السيارة وشغل السي دي ورفع الصوت..... يا زعلان يا زعلان خليت قلبي حيران ما قتلك يا حبيبي بطل دلع من زمان ليه ما ترد السلام وين الدلع والغرام راضيني ولا بروح وسيبلك هالمكان لا تخلي راسك عنيد كثر الدلع مايفيد يا ماخذ العمر كله غيرك انا ما اريد اتعبتني يا حنون والعقل صابه جنون شلي حصلك يا غالي وقلبك تناسى الحنان يا خوفي زعلك يطول تسمع كلام العذول يكفي زعل يا حبيبي الناس عنا شتقول عاودلي واسمع نداي واشعر حبيبي بهواي والله ما اعيش دونك بحضانك القى الامان من أول ماحركوا شبك يدها في يده وقربها لشفايفه وباسها برقه ،طالعت فيه بصمت وهي حاسه بخنقه، لها3 أيام زعلانه منه ومو راضيه تكلمه مع إنها هتموت على ماتضمه وتشم ريحته وتلمسه..بس كل ماتتذكر خوفها وقلقها عليه وتطنيشه لمكالماتها وقفله الجوال في كل مره يخرج لمهمه.. تغلي من القهر وكلمته مرة و عشرة واترجته مايقفل الجوال ويطمنها عالأقل برساله،لكن في كل مرة يرجع يعيد نفس الحركة..بس ذي المرة قررت ترد له الصاع صاعين و تسوي حركته وتطنشه ،حست بنفسها رح تضعف من بوساته اللي قاعد يوزعها على يدها..لفت وجهها عنه ودموعها تنزل على خدها،وأخيراً وصلوا وقدرت تسحب يدها منه وتدخل البيت بسرعة... رمت عبايتها ونقابها عالأرض بقهر ووووو طالعت في المكان بصدمة وهي تنقل نظراتها بين الورد والشموع الموزعة في كل الصالة بتنسيق حلو وريحة الفراولة اللي تحبها ماليه الجو..أنتبهت ليدين تسحبها وتصحيها من تخيلاتها ألتفتت لقت سعد في وجهها،ضمها لصدره وقرب لأذنها،وبهمس/أسف حبيبتي..أسف مليون مرة.. سامحيني. مالقي منها رد،بعدها عنه بشويش وحوط وجهها بيديه/بعدك زعلانه مني..ماتبي تسمعيني صوتك.. نزلت دموعها بغزارة من اللي تشوفه وتسمعه"ياربي قاعده أحلم ولا أتخيل.. أنجنيت أكيد أنجنيت"وبرجفة/وين سعد.. وين وديته؟ ترك وجهها وطالع فيها بصدمة"لذي الدرجة كنت كريه وجلف معاها وعلشان شوية ورد وخرابيط أنكرتني"مسك يدها وجلسها عالكنب وبهدوء/أنا سعد زوجك وحبيبك وأبو ولدك. سحبت يدها ووقفت تمسح دموعها وبتريقة /زوجي وأبو ولدي بس،من وين جبت حبيبي ذي..لايكون تصدق أفلام الحب وشغل المراهقين وخرابيطهم..تراك بتسك الأربعين مو لايق عليك أبد.. سعد بإبتسامة/ ماكنت أعرف إن قلبك أسود،مانسيتي كلامي للحين.. ساره بأستنكار/أناقلبي أسود! مو ذا كلامك اللي من يوم عرفتك وأنت تعيد وتزيد فيه كنت تكسر بخاطري لما أقلك أشتقت لك وأحبك..لما أعطيك هدية ولا أفاجئك بترتيب لسهرة..ولانسيت كلامك.. تخنت صوتها وبتقليد/شوفي ياسويره..أنا رجالن موبفاضي لكلام الأفلام وقلة العقل حقكم يالحريم.. وأنا مابي غير مرة سنعة تحفظ عرضي وبيتي.. وأتركي عنك هالخرابيط.. طالع فيها بعدم أستيعاب،عمرها ما رفعت صوتها ولا أستهزئت بكلامه..بالعكس كانت تحاول فيه مرة وثلاث ومابخلت عليه بحبها ومشاعرها،صبرت لحد ماكسرت جموده وعاداته القديمة المتحجره بدون ماتدري، وبهدوء/أدري وش كنت ومتذكر،بس خلص أنتي غيرتيني..ما عدت سعد العسكري اللي حياته كلها أوامر وتعليمات وصرامة. ساره بجدية/وش الي تغير ياسعد؟ وش اللي صار لك وخلاك ولأول مرة من يوم تزوجنا تعتذر لي!! مسك يدها وطالع فيها بإبتسامة وفي نفسه "وش تبيني أقول لك ،إني كنت بروح في المداهمة لولا لطف الله ومساعدة حمد.. وإني لحظتها بس حسيت بأهميتك في حياتي..أتخيلت وقت تعرفين بموتي وش بيصير فيكي" وبجدية/ماصار شيئ،لكن تقدري تقولي إني أخيراً فتحت عيني وشفتك. ساره بحسرة/أخيراً شفتني..بعد خمس سنين زواج وقبلها عشر سنين محيرين لبعض.. وبتريقة/مو كإنك مستعجل شوي. أتنهد وهويتأمل وجهها المصفر والذبلان، أتغيرت كثير عن أول مرة شافها فيها بملكتهم..كله بسبب إهماله لحبها و مشاعرها لدرجة إنها بطلت تسوي كل شيئ كانت معودته عليه ،حتى هبالها ومزحها وحركاتها السخيفة اللي كانت تطلعه من طوره. .أشتاق لها ولتفاصيل ساره بس اللي تسويها ،بس خلص من اليوم رح يغير نفسه علشان ترجع توثق فيه وتحبه مثل قبل.. نزل عالأرض وجلس قدامها وهو ماسك أيديها وهي تطالع فيه بإستغراب، وبإبتسامة/لو قلت إني ندمان عدد شعر رأسي بتسامحيني..لو قلت إني أسف كثر مايصيح عبودي ويخرب علينا بتسامحيني. أتسللت إبتسامة لشفايفها غصب عنها وهي تتذكر إحباطه من بكاء عبودي كل ما يكونوا سوا.. لمح إبتسامتها وحس إنها قربت تسامحه، وتابع بحب/ ولو قلت إني أحبك و ما قد حبيت قبلك ولارح أحب بعدك بتسامحيني.. نزلت دموعها بغزارة وصارت تشهق "أخيراً قالها،يحبني يحبني" عقد حواجبه بضيق،كان متصور إنها رح تفرح لما يقولها الكلمة اللي ياما أنتظرت تسمعها منه،أووووف ذول الحريم مدري عقولهم كيف صايره إن ماتكلمنا ماعجبهم وإن قلنا نحبهم ماعجبهم، لو لهم كتالوج واحد يرجع له وقت الأزمات كان زين..مد يده ومسح دموعها وبضيق/خلاص ماكنت أدري إنها بتزعلك هالكثر..خلص بسحب كلا------ قطع كلامه لما رمت نفسها عليه وطاحوا سوا عالأرض.. ثبتها على صدره وهي تهمس/ممنوع تسحبها و----- سكتها ببوسة على شفايفها وووووووو أطلعوا وخلوهم ^* | ||||
|
| |
|
03-11-15, 08:06 AM
| #126 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (مازن) 24سنة/يدرس جراحة عيون في لندن. خلصت جولتهم الصباحية مع الدكتور أدامز ووقفوا يدونوا بعض الملاحظات معاه قبل مايحييهم ويروح.. سالم بتعب/يلعن شكله قاعد يفرفر بنا من ساعتين ولاتعب أبن اللذينا. مازن بضحكة/أعوذ بالله منك..لاتصك الرجال عين..أذكر الله. نرجس/لا بجد،الراقل ده مش معقول..دنا رقليا ورمت من كتر اللف.. جاسم/عيني عليه بارده،هب عليكم الريال بيروح فيها.. /John I do not understand what you say ..in English please .. (لا أفهم ما تقولون..بالإنجليزية رجاءً) مازن/ They admire active and energetic Dr. Adams (إنهم معجبون بنشاط وحيوية دكتور أدامز) John/ Actually, he's a great man (فعلاً ،إنه رجل عظيم) جاسم/ليش ماقلت له إنا بنحسده..قال عظيم قال. فتح مازن الجوال، وبجدية/على أساس يعرف أيش الحسد أنت الثاني..هم مايعترفوا بذ---- قطع كلامه وعقد حواجبه بإستغراب ،3مكالمات من مؤيد،مكالمتين من لبنى ورسالة ،فتح الرسالة وأنصدم باللي قراه .. ساب قروب الطلبة اللي معاه وخرج بعجلة وهو يتصل على مؤيد اللي رد عليه وصوته متغير/هلا مازن. مازن بخوف/مؤيد صدق اللي قالته لبنى.. ومتى صار ذا ؟ مؤيد بغصة/ أيوه صدق ،وصار أمس وأتلخبطنا وماعرفت كيف أبلغك.. مازن برجفة/وهيا كيفها..لايكون صار شيئ وتكذبوا عليا.. مؤيد ببكى/ الدكاترة قالوا أدعوا لها.. مازن بضياع/أنا بأخذ أجازة وبجيكم ذي اليومين مؤيد/جيتك مالها لزوم،مارح تساعد بشيئ..أنا كلمتك بس علشان لا تزعل بعدين.. يلا الدكتور هنا بروح أكلمه. قفل منه وطاح مازن عالأرض وفي نفسه" يارب أشفيهاوقومها بالسلامة .. يارب لا تحرمنا منها" | ||||
|
| |
|
03-11-15, 08:06 AM
| #127 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (ياسمين :المدرسة 10صباحاً) جريت سلوى ورؤى وخلود ناحية ياسمين اللي خرجت من قاعة الإمتحان وهي تبكي ضموها كلهم وصاروا يبكوا معاها .. رؤى/إن شاء الله حليتي كويس؟ ياسمين ببكى/حليت زفت..مو مهم خلاص..مابغى أنجح ولاأدرس.. خلود/ياسمين خلاص..ليكي أسبوع وأنتي عالحال دا..أرحمي نفسك شويه. رؤى/من جد حبيبتي،البكاء مافي منه فايدة..لاتضيعي مستقبلك. ياسمين بهستيريا /أنتوا مو حاسين باللي فيا هيا راحت وسابتنا ..هيا وعدتني.. قالت مارح تتخلى عنا أبداً..ليه كدبت عليا وراحت ليه.. شهقوا كلهم لما ضربتها سلوى كف،وبعصبية/أنتي مجنونة..حرام عليكي تقولي كدا..دا مقدر من الله ..مو بكيفها ياغبية.. فاهمه.. طاحت ياسمين عالأرض بأنهيار وهي تبكي وأتجمعوا عليهم باقي الطالبات وصارت كل وحدة ترميها بنظرات وعبارات الشفقة والمواساة وبعضهم بالشماتة والعياذ بالله. خلود بصراخ/أنقلعوا من هنا..جايين تتفرجوا على أيه...يلا فارقي أنت وهيا. جاتهم المديرة والمرشدة الطلابية وساعدوها البنات ونقلوها لغرفة التمريض،جلست جنبها المديرة عالسرير ومسكت يدها بحنان/حبيبتي ياسمين أنتي بنت مؤمنة..وعارفه إن المؤمن مبتلى،وذا أختبار من رب العالمين مايصير تتطيري وتعترضي على قضائه.. أمك ماربتك كذا ،صح ياقلبي.. هزت رأسها بموافقة وهيا تبكي بحرقة/الحمد لله ..على كل.. حال،بس أنا أيش أسوي..وقصي كمان ،أحنا ما نعرف نعيش بدونها...... سكتت بألم وخبت وجهها بكفوفها،ضمتها المديرة بحزن على اللي صار لها.. أبلة مي/أدعي لها حبيبتي،هيا ذحين محتاجة منك الدعاء..لازم تكوني قوية علشان أبوكي وأخوانك،أنتي الكبيرة وأمهم الثانية بعدها. دفت المديرة بعنف ووقفت بصراخ/لااااااا..هيا أمنا كلنا..كلنا..أحنا ما نعرف نسوي شيئ بدونها..والله ما نعرف...أبغى ماما..جيبوها.. جيبوها... وتهاوت عالأرض وسط صراخ البنات. | ||||
|
| |
|
03-11-15, 08:06 AM
| #128 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (عبدالرحمن:جدة 6المغرب) أتوسعت عيونه بصدمة من اللي سمعه ، وبدون شعور هجم على خالد وأعطاه بوكس طيحه عالأرض،ورجع مسكه من ياقة الثوب وبصراخ/أنت أيش جالس تقول...أنت كذاب كذاب.. حاول خالد يفك نفسه بس ما قدر لأن عبدالرحمن جسمه أطول وأعرض ورياضي أكثر منه وبهمس/عبدالرحمن فكني يامجنون لصقه في الجدار وبصراخ/أختي وين وديتها ياكلب... جوري وين لاتكذب .. دخلت أم خالد عليهم وصارت تسحب عبدالرحمن وبرجاء/عبادي الله يخليك فكه لاتموته هوا كمان...أدعي لها أدعي لها.. رماه عالأرض والتفت لا أم خالد وبصراخ/ليش ماقلتوا لنا ليش محد فيكم أتصل وبلغنا..أحنا مو أهلها ومن حقنا نعرف و لا لا. وكل مانتصل جوالها مغلق وأنت شوية تقول انكسر.. وشوية مضغوطة من الأختبارات وماتباتكلم أحد.. وهيا أصلاً...... وقف خالد وأمه تساعده وهي تبكي/والله ماعرفنا كيف نبلغكم..ماقدرنا. ألتفت عبدالرحمن لخالد بكره/أنت السبب، كله من تحت رأسك ،وفي الأخير يدك بس اللي أنكسرت..لكن هي.. ضرب الجدار بقهر وتابع بغضب/ مارح أرحمك ياخالد كون متأكد من ذا الشيئ. خالد بعصبية/عبدالرحمن أحترم نفسك.. تراها زوجتى زي ماهيا أختك.. عبدالرحمن بتهديد/الله لابارك في اليوم اللي شفناك فيه ،أنا رايح ذحين..بس راجع لك وحسابي معاك بعدين .. خرج من المجلس ونزلت دموعه بقهر "كنت حاس إنه صار لك شيئ..بس ماتوقعت إنك.. خالو عبادي.. ألتفت للصوت وشاف ياسمين وقصي واقفين في الحوش "يالله كيف نسيتهم.. سامحيني ياجوري ..سامحيني" جلس عالأرض وفتح لهم ذراعيه وهم جريوا ورموا نفسهم في حضنه،ضمهم بقوة وغمض عيونه وبهمس/هلا بريحة الغالية،هلا بأولاد الأميرة.. بكيت ياسمين بصوت عالي أما قصي نزلت دموعه بصمت وهم يضموه بشوق وحزن.. وبعد دقائق بعدهم عنه بشويش وبإبتسامة/كل ذي الدموع علشان وحشتكم... طالعوا في وجهه بألم وشوق وهم يهزوا رأسهم بموافقة ،مدت ياسمين يدها لوجهه ومسحت دموعه،وبهمس/أنتا مرا تشبهها.. هيا وحشتنا.. مسح وجهه بكفوفه وزفر بقوة،وبضحكة خفيفة/أوووه،على كذا أنا حلو مدام أشبه أميرتي .. مسح دموعها ودموع قصي وبجدية/ لاتخافوا كل شيئ بيكون تمام.. قصي أنت رجال لاتبكي لازم تكون قوي . قصي بإبتسامة/ ماما تقول حتى الرجال لهم مشاعر ويحسوا.. بس ما يصير أبكي قدام أحد.. قالت إذا كنت تعبان وأبغى أبكي ..أجي وأبكي عندها هيا رح تفهم ومارح تتريق عليا. ياسمين بنفس الإبتسامة/قالت نبكي لما نصلي علشان ربنا هوا الوحيد اللي عارف أحنا بنبكي ليه..ومارح يفهمنا غلط. ضمهم لصدره بحب، بهمس/خلاص مسموح لكم تبكوا قدامي كمان ..بس خلاص يكفي بكى لليوم.. أتفقنا.. سابهم ووقف وأنتبه لخالد اللي واقف برا المجلس متسند عالجدار وحاط يده المجبسه قدام صدره..طالع فيه بكره وألتفت لياسمين وقصي وبصوت عالي/أنا ذحين رايح،بس راجع الصباح خليكم جاهزين لإني بأخذكم معايا..أتفقنا حبايبي. هزوا رأسهم بفرح وأبتسامتهم على وجوههم ،سلم عليهم وخرج وقفل الباب بقوة وجلس عالأرض وسند ظهره للباب"يارب أعطيني الصبر..كل ذا صار وأحنا ماندري عنها..دموع أمي اللي على خدها بدون سبب كانت بسببك.. وضيقتي كانت ضيقتك..سامحيني ناديتيني وماسمعتك..ولما سمعتك وجيت كان الوقت خلاص اتأخر..آآآآه"مسح دموعه وفي باله شيئ لازم يسويه وقف ليموزين وراح لوجهته. أنتهى البارت لا إله إلا أنت..سبحانك إني كنت من الظالمين. | ||||
|
| |
 |
| أدوات الموضوع | |
| انواع عرض الموضوع | |
|
|
2322Likes
العرض العادي
