خريف الحب / للكاتبة خياله،،والخيل عشقي (مميزة)

[لامارا]

السلام عليكم ورحمة الله وبركاته كيف حالكم إن شاء الله دائما بخير ؟



الغلاف الجديد




التواقيع

سند


جوري





الوسام




يا الله بنات هـ الله هـ الله بردود المميزة إللي تستحق هذا الوسام

شـكــ وبارك الله فيكم ـــرا لك ... لكم مني أجمل تحية . موفقون بإذن الله ... لكم مني أجمل تحية .

[لامارا]

عن أبي هريرة رضي الله عنه ، أن رسول الله صلي الله عليه وسلم قال : " إياكم والظن فإن الظن أكذب الحديث "...




--------------



الورقة السابعة والخمسون



بين شهقة تملأ فراغات الذكرى.. وزفرة تُشعل أطراف الشوق..

أنتِ!!!!



بعد ثلاث أيام

الرياض، الحادية عشرة مساءً



السلام عليكم، عبدالرحمن وينك؟

عبدالرحمن/وعليكم السلام ورحمة الله وبركاته،خير يابوبدر أنا برا وذحين ماشيين.

سند بهدوء/كل خير بإذن الله بس كنت إبيك شوي.

عبدالرحمن/طيب نمرك ذحين.

سند /لا أنا بجيك دقايق بس.

قفل وراح لقسم الرجال ولما وصل لقي سيارة ناصر وهو وعبدالرحمن واقفين برا منتظرين، سلم عليهم وسأله عبدالرحمن بضحكه/ لا تقول أشتقت لي وجيت تودعني مره ثانيه.

سند بإبتسامه/عزيز وغالي وتستاهل يابوجود بس جيت علشان ذا.

مسك كفه وحط فيها مفتاح سياره، طالعه بإستغراب/أيش ذا.

رد بهدوء/أنت رح بسيارتي علشان أهلك وأهل مؤيد يأخذوا راحتهم.

رجع عبدالرحمن المفتاح/الله يعطيك العافيه بس ناصر لزم وأصر نروح معاه والأهل خلاص ركبوا سيارته، بعدين إذا أخذتها من بيرجعها مالها داعي ذي الحوسه.

رفض سند المفتاح وبإصرار/لاتردني! وإذا عالسياره شاهين ولا واحد من الشباب بيروح مع ناصر وبيرجعها لاتشيل هم.

عبدالرحمن بإحراج/مثلك ماينرد يابوبدر وتسلم ماتقصر.

رد بإبتسامه/ الله يسلمك، نشوفك على خير وتوصلوا بالسلامه إن شاء الله.

سلم عليه وراح عبدالرحمن وناصر يجيبوا السياره من الكاراج وهو أتصل لشاهين وقله عالتغيير اللي صار ومامانع يروح معاهم وقبل مايروح سمع ضحكة مؤيد وأبوه جايه من الجزء الخلفي، راح لهم وسمع مؤيد/ كانت أيام ياجدي أيش أقلك كلها أكشن وتفقيع.

همس سند بإستغراب/ماشاء الله عليه يضحك لآخر لحظه.

أبوسند/ومن اللي أكل هالتفقيع ياترى!

مؤيد/هيا طبعاً أنتا مستهون بيا ياعم مساعد.

الجد بثقه/ماظنتي هي يامؤيد.

ههههههههههه الحمدلله ثقة جدي فيا تكفيني

وقف مكانه بصدمه وهو يسمع ضحكتها وكلامها وفي باله"هذي وش تسوي هنا.. ومع مؤيد!"

إتراجع قبل مايلمحوه وأخذ له ركن وحواسه كلها مركزه مع مؤيد اللي تابع/جدي خذ الكلام مني ولا تراجع، صدقني كنت أفقع وجهها لين تبكي وتترجاني.

أبوسند/ جوري تترجاك!! كإنها قويه شوي.

جوري بتهديد/أيش رأيك في علقه من إياهم علشان نشوف مين اللي هيترجى الثاني.

مؤيد/لا وعلى أيه ياقلبي خليكي مرتاحه وماله داعي ننشر غسيلنا قدام ذي الوجيه الطيبه.

ردت بضحكه/أيوه أتعدل وخليك حباب ولم أرانبك(كذباتك) اللي أكلت بيها رأسنا من أول.

مؤيد بإحباط/أنا ميدو حبيبك إيشبك قلبتي عليا كذا.

ردت بضحكه/حبك برص ياشيخ، أطلع من رأسي أحسلك وروح قبل ماالحب تقلب عليك.

شهق بقوه/فال الله ولافالك أنتي بس أطلعي منها.. أقول ياجماعه الخير ذي ماتنعطي وجه علشان كذا أنا أستئذنكم وأستودعكم الله ونشوفكم على خير.

الجد بهدوء/ سامحونا عالقصور وأستروا ماواجهتم وهذا أنت دليت الدرب لاتقطعنا.

مؤيد/ ماعليكم قصور ياجدي وأكرمكم الله، جوجو ترى طولنا وتلقي عبادي ذحين معصب علينا.

ردت بمرح/أنت لسا هتقول فيها هوا باقيلي عنده تكه وهيقلب الوجه الثاني، يلا يبه جدي أ---

قاطعها الجد /أنا إبي الجوري شوي، رح أنت مع عمك مساعد في أمان الله وتوصلوا بالسلامه.

أستكان بهدوء لمالمح أبوه ومؤيد وهم راجعين رغم إنه كان معصب من مؤيد اللي شايل الكلفه بينه وبينها وقاعد يدلعها ومأخذ راحته معها في الكلام بطريقه حيرته ورفعت ضغطه و----

طلع من أفكاره على صوت جده الهادي /مايأمر عليكي ظالم يابنيتي، بس حنا مالقينا وقت نحكي وماشكرتك على كل اللي سويتيه لأجل بدر وبتول .

ردت بإحراج /جدي أنا ماسويت لهم شي وماله داعي ذا الكلام.

تابع كلامه/وبعد ماشكرتك لإنك قدرتي شيبتي وجيتينا بعد سواد الوجه الل--

قاطعته بجديه/جدي الله يهديك أنتا ليه مو راضي تنسى اللي صار قلتلك ألف مره ذا كان بيني وبينه وأنتوا مالكم دخل فيه وبعدين خلاص هوا عرف غلطه وأعتذر وحاول يصلحه.

رد بزعل/لكن أنتي ماقبلتي إعتذاره ولا سامحتيه.
ردت بهدوء/شوف ياجدي بغض النظر عن موقفي الأول منه، أنا أقتنعت بكلامك ولقيت إن معاك حق.. فعلاً البيت بيت أبويا مساعد والمزرعه مزرعتك يعني هوا ماهو صاحب المكان وبالتالي ماله حق يطردني وأنا كمان لازم ماأعبر كلامه وأرد عليه وهذا أنا جيتكم وكمان أخذت حقي منه بطريقتي، يعني الموضوع بالنسبه ليا إنتهى ورميته وراء ظهري فياريت أنتا كمان تسوي زيي.

شد سند على أسنانه بغيض وبهمس/أنا مو صاحب مكان ومالي حق ومارح تعبرني! هذي وبعدين مع طولة لسانها!

الجد بهدوء/تم ومن هاللحظه بعتبره إنتهى لكن سند شصار على موضوعه؟

ردت بإستغراب/أقلك إنتهينا ياجدي، أي موضوع اللي باقي!

الجد بجديه/باقي أهم شي وهو إن بعدك للحين ماسامحتيه.

ساد صمت مفاجئ طويل وثقيل خنقه وخلاه يتنفس بصعوبه وغمض عيونه هو منتظر ردها بكل توتر وقلق وكله أمل يسمع منها الكلمه اللي هتخلصه من كل اللي بيمر فيه بسببها.

ردت بهدوء/بس أنا من زمان سامحته.

الجد/من قلبك يالجوري؟

ردت بثقه/أكيد ولا ماكنت قلتها ياجدي.

الجد/من يومك كبيره وقلبك أبيض.

ردت بمرح/ بعد اللي سويته أمس أشك إنه فيه نقطة بياض بس معليش الأسود ملك الألوان ولايق عليا أكثر.

الجد بعتاب/أنا أحكي معك جد وأنتي تنكتين!

ردت بتنهيده/السموحه منك ياجدي مو قصدي بس تبغى الصراحه!

غض عيونه بضيق وفي باله"دام فيها صراحه أجل ماسامحتني"

تابعت بشرح/ جدي أنا ماقدرت أسامحه وقت اللي وصلي إعتذاره مع ثريا لإني حسيت بغصه وقهر وكنت متأكده إني لو سامحته وقتها هتكون مو طالعه من قلبي.. كنت محتاجه وقت أهدى علشان أقدر أفكر بعقل وماأخلي مشاعري تأثر على حكمي، مارح أقولك إني عذرته عاللي سواه وقاله بس قدرت إنه كان وقتها في وضع صعب أثر عليه وعلى أخلاقه اللي الكل بيتغنى بيها بشكل غريب ومع الوقت حاولت إني أسامحه بس زي ماتقول كنت حاسه إنه مايستاهل بس بعد ماشفت كيف أتغيرت نفسية بدر وبتول وعرفت إنه رجع لعقله وبدأ يهتم فيهم أنا كمان رجعت لعقلي وقلت يابنت من عفى أجره على الله وسامحته ، بس لما جات حكاية التحدي قلت ليه ماأفوز وأرد له نفس الحركه وأشربه من كأسه حتى لو ماكان عارف إنه المقصود بيها.. لعل وعسى يحس ويفهم ويحاسب على كلامه بعد كذا.

الجد براحه/يعني خلاص أكيد سامحتيه وموبشايله عليه في قلبك .

ردت بهدوء/ صدقني ياجدي سامحته من كل قلبي والله يسامحه دنيا وآخره.

سألها بتردد/إنزين دامك سامحتيه من وقت ليه ماقلتي لثريا توصله قبولك لأسفه.

ردت ببرود /موناقصني غير أرسله مراسيل ياجدي! بيتهيألي ماهو ميت على مايعرف وتلقاه نسي الموضوع من الأساس وماعاد جاء في باله وياريت تنسى أنتا كمان ونوقف لهنا .. يلا ياجدي أنا أتأخرت ولازم أمشي وياريت تسامحني على اللي صار

الجد بهدوء/دام سامحتيه فدا رأسك ومسموحه يابنيتي.

ردت بتنهيده/جدي أنا قصدي عاللى صار مع سعد و--

حس بهزه قويه على كتفه رجعته من ذكرياته وألتفت وشاف جده يطالعه بإستغراب /شفيك!.

أحتاج للحظات علشان يركز ويرد عليه/السموحه يبه كنت شارد شوي، آمرني.

الجد بإهتمام/ بلاك ياسند صار لك كمن يوم موبعاجبني وكله شارد وموبمعنا وكأن في شي شاغلك.

رد بهدوء/كان في شي تاعبني وخلص راح وإنتهى لاتحاتي يالغالي.

الجد بشك/أكيد أنت زين ومافي شي!

رد بثقه/زين يبه زين والحمدلله.

رد الجد/يستاهل الحمد، أجل من رخصتك بروح أرقد وأنت بعد لاتطول وتتعب نفسك، تصبح على خير.

ساعده يوقف ووصله لباب المجلس ورجع أتمدد مكانه وهو يردد كلماتها اللي حفظها في باله"سامحته من كل قلبي والله يسامحه دنيا وآخره"

على كثر ماكان منتظر يسمع إنها سامحته على كثر ماتفاجأ بها لإنه ماتوقع يسمعها منها شخصياً، وقتها وقف مكانه بجمود وعدم تصديق وهو يحس بصدقها وجديتها في كل حرف نطقته.. هي مو بس سامحته لا هي سامحته من كل قلبها وماعادت شايله عليه.

حس بحمل ثقيل إنزاح عنه وبهدوء وراحه غريبه غمروه بعد اللي قالته واتفاجأ من نفسه لما حس بذا الشيئ

.. لذي الدرجه كان مهتم إنها تسامحه!!

لكن كل الراحه والهدوء أتبخروا بنفس السرعه اللي حس فيهم بسبب اللي سمعه بعدها، عدل جلسته وهو حاس بضيق غريب وحيره من الأفكار اللي مرت في باله وهو يتذكر أخر شي قالته لجده وبقلق/ وش اللي بينك وبين سعد وتبين أبوي يسامحك عليه!! أنتي وش سالفتك بالضبط!

مرر أصابعه في شعره بعصبيه من الغموض اللي حولها ومو قادر يفهمه وطلع من المجلس ومن بيت جده بكبره وقفل الباب وراه بعنف.

،

،

[لامارا]

صنعاء، الثامنه صباحاً

إنحبست أنفاسها ووقفت مكانها بجمود وعيونها على أختها بدون ماتنطق بحرف لفتره خلت أحلام تسألها بتردد/لذي الدرجه مش حالي عليا الفستان.

هزت رأسها بنفي نسيت إن أختها مو شايفتها وحست أحلام إنها هتبكي من القهر/عالأقل أجبري بخاطري وقولي أي شي مش تخليني أكلم نفسي.. غمضي عينك وشلي (خذي) فستانك معك وإن شاء الله يرضى الرجال يرجعه بدل مافلوسك تروح عالفاضي

بدأت تفسخ فستانها وحست بيد أختها تمنعها/أستني.

ردت ببكاء/أيش أستنى!جوري خليني أفسخه ونروح السوق يمكن نلقى شي مناسب.

قفلت جوري السحاب ومسحت دموع أختها ووقفت تتأملها بتفكير/ماأعتقد في شي هيناسبك أك--

شهقت أحلام بصدمه وقطعت كلامها اللي تابعته بسرعه/أكثر من كذا ، مافي شي هيناسبك أكثر من كذا.. أنتي ليه مستعجله خليني أخلص كلامي للآخر.

مسكت يدها برجاء/جوري بدون مجامله قولي الصدق.

دارت حولها وهي تتأملها من كل جهه بتدقيق وبإبتسامه/ماشاء الله لاقوة إلا بالله الفستان كإنه أتفصل علشانك وطالع عليكي روووووعه.

إبتسم برضى على إختيارها الموفق، بمجرد مالمحت الفستان في فترينة العرض وقعت في غرامه على طول وإتخيلت أحلام وهي لابسته وأشترته بدون تردد.

سألتها أحلام بشك/مدام روعه ليش إنخرصتي فجأه وماعاد نطقتي.

ضمتها وبمرح/جاتني حالة تناحه مفاجئه من جمالك الفتان ولازم إقص من شعري وأبخرك لايصيرلك شي من عيني.

دفتها بخجل/بطلي سخافه و--

قاطعتها جوري ومسكت يدها بحنان/يلا شوفي الفستان وقوليلي أيش رأيك وكيف حاسه وإذا ماعجبك لسا في وقت ونقدر نشوف غيره.

هزت رأسها بموافقه ومدت إيديها تتحسس تفاصيل الفستان بأصابعها بكل بهدوء.. سجلت في عقلها قصة الفستان وبدأت تتخيل شكل كل غرزه وتطريز عالقماش الناعم وأتوسعت إبتسامتها وهي بتكون فكره عن شكل فستانها.. كان مفتوح من الكتف على شكل قارب وماسك على صدرها لين الخصر وبعدها يبدأ يتوسع في طبقات ناعمه وكثيره تنتهي بذيل طويل، رفعت رأسها لأختها بتساؤل/زي فستان الأميرات اللي حكيتيلي عنه؟

مسكت إيديها بحنان/بالضبط.

أخذت نفس وبتردد/ولايق عليا؟

ردت بصدق/وطالعه أميره عن جد وأشك إن يزن هيضل بعقله وقت اللي هيشوفك.

سكتت أحلام للدقائق وبتردد/جوري أنا خايفه يكون أتسرع وكل شويه بفكر إنه يمكن يتراجع في آخر لحظه.

ردت بجديه/لاتستسلمي لذي الوساوس وقولي أعوذ بالله من الشيطان الحريم وقومي أتوضي وصلي ركعتين، الرجال قايم نايم يحلم باللحظه اللي هتجمعكم سوا وأنتي بتظلميه بأفكارك ذي.

زفرت بضيق/مش قادره أمنع نفسي وأفكر بإن مش من حقي أتزوجه وأعقد حياته بوضعي، ليش أجبره على نظام جديد و---

قاطعتها بهدوء/أنتي ماجبرتيه على شي، هوا شاف إن حياته ممله وأختار إنه يغير شوية تفاصيل فيها.. فضل إنه يعقد حياته على قولك مقابل إنك تكوني معاه وجنبه فيها.

أحلام ببكاء/بس أنا خايفه يمل ويتعب بعد فتره ويلقى نفسه مش ق الكلام والوعود اللي وعدني بها.

حاوطت ووجهها بكفوفها وبثقه/ يزن يحبك ياغبيه وحبه ليكي حسيتيه ولمستيه وعشتيه وبإذن الله لما هتعيشي معاه هتتأكدي من ذا الشي.

سكتت للحظات وتابعت بإبتسامه/أنا شفت شكله كيف بيكون وأنتي معاه، كل شي فيه بينطق ويقول إنه يحبك ويعشقك.

مسحت دموعها وبسخريه/ياكذابه ماخرجتي معانا غير مره وكان كل وقتك مع علي إيحين شفتيه ولاسمعتي سيرة الحب اللي قالها!

مسكت يدها وبشرود/شفت عيونه بتلمع كل ماجاتع عينه في عينك وكل ماسمع صوتك.. شكله كله بيتغير انا بيكون معاكي وبيطالع فيكي.. ملامحه بتحكي عن اللي بيحسه ناحيتك بدون مايقولها .

أحلام بإبتسامه/لذي الدرجه!

طالعتها جوري بمكر/أنتي أدرى مني، أنتي اللي بتجلسي معاه وتجيني هيمانه ومو على بعضك و--

غطت فمها وقطعت كلامها بخجل/خلاص إقتنعت أسكتي بس.

دفت يدها وقلدتها بحالميه/حبيبي ليش اتأخرت قلقت عليك.. من البنت المايعه اللي وقفت معك عند البوابه.. حبيبي إذا ماسمعت صوتك قبل ماأرقد بتجيني كوابيس و--

أييي

قطعت كلامها وصرخت بوجع لماقرصتها أحلام بقوه/إن شاء الله أشوف فيكي يوم ويجي اللي يخليكي تعدي النجوم في عز الظهر من كثر ماتفكري فيه ويغير حياتك.

طالعتها بسخريه/ريحي نفسك يختي لإنك هتستني ذا اليوم لأجل غير مسمى، قالت أعد النوم في عز الظهر علشان واحد أفكر فيه هههههه ودا الله مش ممكن أبداً .

غيرت الموضوع وساعدت أختها في تغيير فستانها ولبسوا وراحوا السوق مع علي.


،

،

،
،

،


جده، الثانية والنصف ظهراً


أمي قلتي لخالد ولا لسا

هزت رأسها بنفي قبل مايدخل خالد ويسأله بإستغراب/تقلي علي أيه يامؤيد!

حط مؤيد كأسة الشاي وطالعه بهدوء/ إنا هنسافر بكره إن شاء الله.

رد بشك/لاتقول بتحضروا الزواج.

مؤيد بإبتسامه/ماشاء الله عليك نبيه وتفهمها وهيا طايره، المهم أنا حجزت لأمي ولعيالك معايا وكلها يومين وراجعين بالسلامه.

طالعه بعصبيه/ومين قلك تحجز لهم معاك، أنا أصلاً لسا ماقررت يروحوا ولا لا.

قصي بحذر/بس أنتا وافقت ووعدتنا نروح ولا نسيت!

ألتفت له خالد بأمر /قصي روح غرفتك.

راح بعد ماطالع في أبوه بضيق، مؤيد ببرود /الحق عليا اللي قلت بدل مايروحوا لوحدهم نروح سوا، عموماً براحتك عيالك معاك وأنتا حر فيهم لكن أمي بتروح معايا وأنا قلت أعطيك خبر.

رد بحده/الناس تعطي خبر قبل ماتسوي الشي مو بعده..بعدين ليه مهتمين وضاربين مشوار عشان زواج لاراح ولاجاء تراهم مو من بقية أهلنا

أم خالد بعتاب/حبيبي الله يهديك مهما صار لاتنسى إن بينا وبينهم عيال وأم علي أتصلت وعزمتني وعزمت ندى كمان ومو حلوه مانروح.

مؤيد بإستفزاز/حتى علي أتصلي مخصوص ولزم عليا ولازم نلبي الدعوه، بعدين جوجو حبيبة قلبي جلست ساعه تقردني(تحاول فيه وتترجاه) علشان أجي وأنا مقدر أردها.

طالع في أخوه بغيض/موكإنكم ماخذين راحتكم زياده عاللزوم سفرات سوا ومكالمات ويمكن بتشوفها كمان.

مؤيد بتنهيده/للأسف ماعادت تكشف قدامي لكن شيئ أفضل من لا شيئ والله يديمها نعمه وأختي حبيبتي ماتستغني عني.

خالد بعصبيه/والأفندي أخوها موافق عاللي بينكم.

أم خالد بصدمه/خالد أنتا إنهبلت أيش اللي بينهم ذا! حاسب على كلامك ولاتنسى إن جوري مربيته وكبر معاها.

رد مؤيد بإستفزاز/سيبيه ياأمي كلاٍ يرى بعين طبعه وأنا إن كلمتها أو حتى زرتها في البيت فذا بمعرفة عبادي وحضوره وحضوره عيالك كمان.

خالد بعصبيه/هيا فيها زيارات للبيت كمان!

مؤيد ببرائه/طبعاً مو بيعزموني عالغداء أو العشاء ومرات جوجو تكون مسويتلي حلا وبتتصلي علشان أمر أخذه، ليه فيها شي!

خالد بغيض/ ياواد أنتا أهبل ولاقاعد تستهبل على دماغي؟

مؤيد بإبتسامه/لاذا ولا ذا، أنتا اللي أيش مشكلتك بالضبط أنا موفاهم.

أخذ نفس وبقهر/ أنا ماعندي مشكله بس الظاهر إنك نسيت إنها زوج.. كانت زوجتي وزياراتك ذي هتجبلها الكلام في الحاره.

مؤيد ببرود/والله كل جيرانا وأهل الحاره عارفين وضعنا وعارفين إنا متربيين سوا من صغرنا غير إنه دخولي لبيتهم قدام الخلق وأخوها موجود يعني محد يقدر يقول عليها نص كلمه واللي يفكر يجيب سيرتها أنا أعرف أتفاهم معاه أنتا بس لاتشغل بالك.

خالد بغيض/وأنا هشغل بالي ليه إنحرقوا، وأنتا خليك طول عمرك كذا مستهتر وأخذ الدنيا بهلله.

رد بضحكه/وفي أحلى من كذا، خلينا في المهم عيالك بيسافروا معايا ولا أكنسل الحجز.

رد بعصبيه/لا ياخويا لاتكنسل لإني وعدتهم يروحوا بس هيا يومين مو أكثر والقاهم هنا، العالم بتحضر للإمتحانات وذول فاضيين للزواجات والكلام الفاضي.

خلص كلامه وترك لهم الصاله وراح غرفته، ألتفتت أم خالد لمؤيد بعتاب/أخوك خلاص قرب يتجنن ومو ناقص حركاتك ذي.

طالعها بإبتسامه/سلامته من الجنان وأي حركات ياأمي أنا جيت جنبه ولا سويتله شي.

زفرت بضيق/مؤيد يلا بزرنه الله يرضى عليك أنا ماصدقت سكت عني ووقف تحقيق من يوم مارجعنا من الرياض.

أخذ رشفه من الشاي وببرود/والله ولدك اللي قام يتبزرن على كبر، لما كانت معاه وبين إيديه ماعرف قيمتها وبعد ماطلقها حليت في عينه!

بكيت وماردت عليه وتابع بضيق/أمي لاتبكي وتقهريني زياده، موهوا اللي راح يحب ويتزوج وكمان طلقها وذحين جاي يسأل عنها أتخطبت ولا أتزوجت، ليه وبأي حق ولا الشغله عناد وبس!

ردت ببكاء/ أنتا ماشفت حالته وقت ماعرف إنها إنخطبت ولولا إني قلتله إنها رفضت اللي أتقدموا لها كان يمكن يجراله شي.

مؤيد ببرود/لا تخافي عليه محد بيموت ناقص عمر، المهم جهزوا نفسكم وإن شاء الله بكره بعد المغرب بنحرك عالمطار.

ودعها وخرج وتركها لدموعها اللي نزلت من جديد على ولدها وحالته اللي ماتسر.
،

،

،

[لامارا]

الرياض ،الثامنة مساءً


خلصت مكالمتها مع دينا اللي سافرت لبنان من قبل عمليتها علشان أمها تعبت فجأه وكان لازم تطمن عليها ودارت بعيونها في المكان وهي تتفرج عالناس والأطفال المنتشرين في كل مكان وأصوات ضحكهم مختلطه مع أصوات الألعاب بشكل مزعج وحماسي في نفس الوقت إبتسم وحمدت ربها اللي رجع لها نظرها وخلاها تشوف من جديد، أتعلقت عيونها بالسماء وهي تفكر في غبائها اللي خلاها تعيش لسنين في الظلام وكيف فوتت على نفسها كل الأشياء الحلوه اللي بتشوفها من وقت مافتحت عيونها، كل شي بتشوفه بتحس إنها شايفته لأول مره في حياتها.. لون السماء! منظر البحر! شكل الورد! صورة أمها!

كل هالأشياء يمكن تكون عاديه وتافهه عند معظم الناس ويمكن مالها قيمه، لكن بالنسبه لها فتعتبر شيئ مهم غير لها حياتها بشكل كبير وجذري.

جاء أبوها وأخوها وإيديهم محمله بكل مالذ وطاب، طالعتهم بعدم إستيعاب/بابا مو من جدك جايب كل هالأكل، من بيأكله!

حط الأكل عالطاوله وجلس بتكشيره/ موبأنتي قلتي إنك مشتهيه هالأكلات!

ردت بمرح/قلت مشتهيتها بس موبمعناته إني بأكلها كلها في نفس الوقت.

بدر بضيق/الحين صار لنا ساعه واقفين نطلب وفي الأخير ماتبين تأكلين، لايكون مسويه دايت وأنا مدري!

قرب لها سند الأكل وبإبتسامه/عليكي بالعافيه وبلا دايت بلا خرابيط الحريم الفاضيه الحين، بعدك صغيره على هالشغلات حبيبتي

أخذت من أبوها قطعة بيتزا وأكلتها بضحكه/بابا ماعليك من بدور المخرف مو مسويه شي وبأكل بس أنت تأكل معانا.

أكل حبة بطاطس وبإبتسامه/أكيد بأكل، أحد معاه بنوته جميله هالكثر وماتنفتح نفسه عالأكل.

أتلفت بدر حولهم بإستهبال/يبه وين هالجمال اللي تحكي عنه ولا نظارتك ذي بتوريك مناظر غير اللي عندنا!

ضربته بتول على كتفه بغيض وعقدت حواجبها بتركيز وهي تسمع همس البنات اللي بيمروا جنبهم وإنتبهت لنظراتهم اللي مانزلت من على أبوها اللي بيكلم بدر وماهو حولهم.

طول الفترة اللي فاتت كانت راسمه لأبوها صوره في بالها بناءً على آخر ذكرى بينهم قبل ماتنعمي لكن بعد ماشافته اتفاجأت بشكله اللي كان متغير حيل عن قبل، حسته صار أطول وأعرض عن ماكانت متذكره وشعره الأسود غزاه شيب خفيف ماكان موجود زمان.. اتأملت شكله بالجينز والتيشرت الأسود اللي مبرز عضلاته والكاب ونظارته السوداء اللي ماأخفت وسامته الواضحه وعذرت البنات على فهاوتهم وبمرح/بابا ليه لابس النظاره الشمسيه الكل يطالعك بإستغراب.

عدل نظارته بهدوء/بالنظاره ومافكونا من لقافتهم أجل لو شلتها مارح نخلص، أنتوا بس خلصوا أكل علشان تكملوا لعبكم مانبي نتأخر.

بدر بهمس/الناس لو دروا إن سند المنذر في الملاهي بيكون خبر الموسم وأتوقع محد فيهم رح يصدق.

عدل سند الكاب على رأس بدر وبتهديد/ أنت مارح ترتاح غير لما تلم خلق الله علينا وبعدها أحلم أطلع معكم أي مكان.

بدر بضحكه/خلص يبه توبه مو بقايل شي.

بتول بإعتراض/بابا أنا مالي شغل ببدر.

بدر بتكشيره/وش هالنذاله نكرتيني من أولها.

بتول بلكاعه/حبيبي أصلاً هالطلعات كلها علشاني صح بابا؟

سند بحنان/ لأثنينكم حبيبتي وبس يخلص بدر إمتحاناته على خير بنفذ وعدي وبنسافر مكان ماتبون بإذن الله.

هزت رأسها بموافقه وهي حاسه بإمتنان وحب ماكانت من قبل متخيله إنها رح تحسه ناحية أبوها خاصهً بعد كل اللي مروا فيه لكن هي أتغيرت وأبوها بعد أتغير ومن بعد مارجعت من لندن وبعد مارجعوا من المزرعه وأبوها كان عند وعده وماخلى شي في خاطرها إلا نفذه لها وكل يوم صار يطلعوا يتمشوا سوا وعرفها وفرجها على كل شي فاتها قبل، طلعت من أفكارها على ضحكة أبوها وأخوها ورجعت تأكل بنفس مفتوحه وكلها حماس لباقي الألعاب وللأيام الجايه
،

،

،

،

[لامارا]

صنعاء، الحادية عشره مساءً


كان صوتها واصلهم وهي تكلم الخيول وتضحك معاها وكإنها بتكلم بشر وفكر إنها أكيد كاشفه ومأخذه راحتها ويمكن تخرج فجأه، طالع في جده وعمه مساعد بإحراج/السموحه منكم بس بدخل أناديها.

دخل الأسطبل وفعلاً كانت لابسه كوتش رياضه كالعاده وجينز وتيشرت أسود ورابطه قميص أحمر كاروهات على خصرها ولافه طرحتها زي العمامه على شعرها و شايله حزمة قش!!

طالعها بغيض/أنتي أيش جالسه تسوي!

ألتفتت له بحماس/هلا حبيبي بأكل الخيول، تعال أعرفك عليهم.

رد بضيق/سبق وأتشرفت وأعتقد أنا قلتلك تجي علشان أكلمك مو علشان تلعبي.

قربت وباست خده بإبتسامه/وحشتني.. فطرت!

أعطاها ظهره وصار يتفرج عالخيول وببرود/الحمدلله يعني هجلس بدون فطور لذحين الساعه عشره ونص، بعدين مالك أخذه راحتك وكإنك في بيتنا لو أحد جاء وأنتي كذا!

ردت بمرح /كنت لابسه العبايه ولما طولت عليا قلت أسوي شي مفيد وفسختها، بعدين جدي قال الرجال ماهيجوا بالمره فليه أضيق على نفسي.

ألتفت لها وبجديه/أكيد محد هيعتب بعد حضرتك ماطردتيهم وأحتليتي مكانهم.

طالعته ببرائه/حبيبي أنا ماطردت أحد ذا كان شرطنا من البدايه والكل واقف عليه.. بعدين أحنا فزنا ومن حقنا نختار اللي يناسبنا.

رد بحده / لا تحاولي تقنعيني إنك مو صاحبة الفكره واللي سويتيه ماله معنى ثاني غير الطرد، خلاص ضاق عليكي قسم الحريم وماعد يوسعك علشان تطلبي الطلب ذا .

هزت كتفها بلامبالاة/ماأنكر إني صاحبة الفكره بس جات على هواء البنات ووافقوا عليها ولولا كذا ماكنت قلتها لجدي، بعدين المفروض تتمتعوا بروح رياضيه أكثر من كذا وما تأخذوا الموضو بحساسيه مالها داعي.

أخذ نفس عميق علشان يهدى وفي داخله"الصبر من عندك يارب" وبقهر/أنتي متى هتبطلي تتصرفي بالإهمال ذا، تبغي تكون سيرتك على كل لسان! كيف هيكون الوضع لما الكل يعرف إنك صاحبة الإقتراح الألمعي اللي رماهم أخر الليل برا.

ردت بهدوء/مو أنا اللي أخلي أحد ينقد عليا في حاجه أو يجيب سيرتي ياعبادي والبنات وعدوني إن ذا بيظل بينا وأنا متأكده منهم.

رد بعصبيه/وهم كانوا عند وعدهم وماأعترفوا للشباب، بس ليه بتحطي نفسك وتحطيني في موافق بايخه ومالها داعي، ليه بتتصرفي بذا ال---

تغطي يالجوري
قطع كلامه صوت جده صقر وجريت جوري أخذت عبايتها ونقابها ودخلت المخزن تلبس، شات السياج الخشبي بغيض كيف نسيهم برا كل ذا الوقت بدون مايفكر في حالتهم بعد ماقلهم عاللي سوته أخته، وبإحراج/أدخل ياجدي حياكم..

دخلوا ومال عليه الجد بهدوء/هذا اللي أتفقنا عليه! وين العقل والثقل ياعبادي

رد بقهر/وهذي تخلي في الواحد عقل من الأساس! بارده ومخها سميك ويبغى له تكسير.

أبوسند بحنان/ماعليه يابوك أصبر وكل شي ينحل بالتفاهم والهدوء.

السلام عليكم ورحمة الله وبركاته، أكيد اليوم أمي داعيتلي دام حبايبي متجمعين.

ردوا السلام وألتفتوا لجوري اللي دخلت بمرحها المعتاد وطالعها الجد وبأمر/أقربي عندي.

وقفت جنبه وبدلع/قبل كم ساعه كنا سوا لحقت أوحشك ياجدي!.

رد بهدوء/خل عنك الهذره الزايده وقوليلنا وش ذا اللي سويتيه.

ردت بإحباط/حتى أنتا ياجدي ماعندك روح رياضيه وزعلت لإنكم رحتوا قس----

قاطعها بجديه/أنا قصدي على سالفة رفيقتك وسعد.

ماردت عليه وألتفتت لعبدالرحمن وبعدم إستيعاب/أنتا قلتلهم عاللي سويته!!!!

رد بهدوء/قلت بشوف رد فعلهم يمكن يكون الموضوع عادي بس أنا اللي ببالغ فيه.

أبوسند بعتاب/أفااا يالجوري ماكنتي تبينه يقلنا!

ظلت تطالع في أخوها وهي تهز رأسها بعدم تصديق/أنتا كيف تحكيلهم عن خصوصياتي! كيف ت--

قاطعها الجد بزعل/خصوصيات علينا يالجوري!

ردت بقهر/جدي رجاءً لاتشبك الأمور في بعض.

وقربت من عبدالرحمن وطالعته بصدمه/أنتا كيف تحكيلهم عن أشيائي الخاصه اللي قلتها بس ليك وإئتمنتك عليها ومحد يعرفها غيرك! كيف تحكيلهم عن أسراري وأ---

قاطعها وهو بيضغط على رأسها بسبابته بإستفزاز متعمد/حكيتلهم لإنك مو راضيه تفهمي وتستوعبي خطورة اللي سويتيه.. حكيتلهم لإنك مصره تتصرفي بغباء وتهور بدون ماتهتمي لحد.

سحبها أبوسند من قدامه وبأمر/عبادي شوي شوي عليها.

رجعت وقفت قدامه وبإستنكار/أنا ماأهتم لأحد ياعبدالرحمن!!

رد بهدوء/لوكنتي مهتمه ماكنتي أتصرفتي بذا التهور وبدون ماتفكري في اللي هيحصلنا لو جرالك شي، لو كنتي مهتمه كنتي عملتي حسابنا وشاورتينا و---

قاطعته بجديه/وليه ماقلت لإني مهتمه بخوله وخايفه عليها عملت اللي عملته، ولإني مهتمه خبيت عنكم وأتصرفت بنفسي، لإني مهتمه وخايفه عليكم وعامله حسابكم مابغى أدخلكم في مشاكلي وأشغل بالكم عليا، متى هتفهم ذا الشي وتستوعبه متى!

الجد بهدوء/أنا مقدر كل اللي قلتيه لكن هذا مايمنع إن اللي سويتيه غلط يالجوري وغلط حيل كبير.

أخذت نفس عميق/وأنا معترفه بغلطي وقلتله إني أتسرعت وشرحتله أسبابي بس هوا مو قادر يفهمني ويعذرني ياجدي وأنتوا كمان ماهتفهموا سبب اللي سويته.

عبدالرحمن بغضب/بنت لا تجننيني فوق منا مجنون وتقولي أفهمك وأعذرك، وأنا من يفهمني ويعذرني بعد ماحطيتيني في ذا الموقف.. تعرفي إني كان نفسي أقتل مؤيد أول ماشفته لإنه طاوعك وراح معاكي وهو زي الأطرش في الزفه.. تعرفي بأيش حسيت وأنا واقف قدام سعد وبلومه لإنه كلمك وفوقها طلب تجيبي الدليل؟ أنا ماقدرت أرفع عيني في عينه وهو بيقلي أختك هيا اللي أتصرفت من رأسها وقررت تجازف بنفسها وأنا ماجبرتها على شي ولا أتوقعت أصلاً إنها ممكن تتصرف بذي الطريقه ومع ذلك بمجرد ماعرفت رحت لها مع زوجتي علشان ماتكون لحالها وأقدر أساعدها إذا صار عليها شي.

سكت للحظات وألتفت للجد وأبوسند بقهر /سكتني ياجدي وماعرفت أرد عليه ووقفت قدامه زي مكون طالب مقصر في واجبه وأستاذه بيعاقبه.. كلامه كان صح وأختي هي اللي أتلقفت وسوت فيها عنتر وعشر رجال في بعض وراحت إتصرفت من ورايا وكأني مو موجود.. حسيت إنه بيقلي روح عاتب أختك ولومها لإن مالك حق تلومني وتعاتبني.. كسرتني قدام الرجال ياجدي كسرتني

شهقت بصدمه ومسكت يده برجاء/لا عشت ولاكنت لو سويتها.. عبادي أنا عارفه إني غلطت وقلتلك هيا بدل المره عشره والله ماكان قصدي أقلل من أحترامك وقدرك وأنتا أكثر واحد عارف مكانتك عندي، أنا ساعتها مافكرت غير في خوله وبس.. كنت خايفه عليها منهم وفكرت إن ذي أحسن طريقه أنهي فيها الموضوع بدون شوشره.

دف يدها بحده وبعد عنها وهو ندمان لإنه طاوعهم وحكى لهم وجاء يشوفها معاهم،أصلاً ماكان طايق يشوفها بعد كلامه مع سعد اللي اتفاجأ بوجوده في المزرعه لإن جده وقت اللي كلمه وقال له يجي فهمه إن العزومه عائليه.

الجد بجديه/شلون أحسن طريقه وأنتي رميتي حالك وسطهم ومحد يدري عنك ولو صابك شي لاقدر الله وش السواة!

ألتفت لجدها بتنهيده/ومن قالكم إني رميت نفسي وسطهم بدون ماأعمل حسابي.

أبوسند بضيق/وش حسابه بعد وأنتي رايحه بطولك لناس الله يكفينا شرهم.

ردت بهدوء/يبه أنا مو غبيه علشان أرمي نفسي على قولتك بدون مايكون عندي خطه مضمونه تطلعني من بينهم سليمه.

الجد بإستفسار/واللي هي؟

وقفت جنبه وبهدوء/قد سمعت عن حصان طرواده ياجدي؟

ماقدر عبدالرحمن يتحمل كلامها وبغيض/رجعنا للكلام الفاضي، جدي لاتصدق ذي المهستره.

الجد وبأمر/أسكت وخل أفهم بالأول، وش ذا اللي قلتي عنه.

أخذت نفس وبشرح/ طرواده ذي ياجدي كانت مدينه قديمه ومشهوره بأسوارها المنيعه والعاليه واللي خلت فكرة غزوها شبه مستحيله في ذاك الوقت وفي فتره قامت الحرب بين ملك إسبارطه و ملك طرواده بدون ماأذكر السبب لإنه مايهمنا حالياً المهم ياطويل العمر والسلامه يقال إن جنود إسبارطه حاصروا مدينة طرواده ورغم قوتهم وبسالتهم إلا إنهم فشلوا في إقتحامها ودام حصارهم لمدينة طرواده سنين بدون فايده لين يأسوا ومالقوا غير إنهم يدخلوها بالحيله، وبعد تفكير بنوا حصان خشبي ضخم وخلوه مجوف وخبوا جنودهم داخله وسابوه برا أسوار طرواده وإنسحب باقي الجيش من أسوار المدينه أو كذا أوهموا أهل المدينه، ولما صحيوا أهل طرواده ولقيوا الجيش راح وشافوا الحصان الخشبي لحاله ظنوا إنهم يأسوا من الحصار اللي طال وأتعبهم ورجعوا بلدهم ففرحوا وصابهم الغرور لإن إنتشار خبر هزيمة ملك إسبارطه وجيشه هيعزز قوتهم وهيبتهم بين الممالك وقرروا يأخذوا الحصان كرمز لإنتصارهم وفعلاً فتحوا البوابة ودخلوا الحصان المدينه وأحتفلوا بنصرهم طول اليوم ولما غربت الشمس و طاحوا أهل المدينه من السكر والتعب خرجوا جنود إسبارطه من الحصان الخشبي وقتلوا أهل المدينه وفتحوا بواباتها للجيش اللي كان منتظرهم وبذي الطريقه أتمكنوا من دخول طرواده والسيطره عليها وهزم أسوارها المنيعه بعد سنين من الحصار ومن وقتها إنشهرت ذي الخدعه وصارت من أشهر الخدع الحربيه على مر العصور.

طالعها الجد بإهتمام/خدعه ممتازه مير مافهمت شدخلها باللي سويتيه

ردت بمرح/ماأنا كنت حصان طرواده ياجدي ودخلت سجلت إعترافها بدون ماتدري وطلعت بخير والحمدلله.

ألتفتت لعبدالرحمن وتابعت/وأنتا عارف ومتأكد إنها كانت أحسن وأضمن طريقه علشان أنفذ اللي في بالي بس كبريائك مو مخليك تعترف بذا الشي.

عقد إيديه على صدره وبسخريه/يمكن تكون زي ماقلتي بس أيش اللي كان يضمن لك نجاح خطتك وأنتي رايحه بطولك لاسيف ولاجندي يسندك! لايكون بتشمي على قفا يدك ولا مخاويه وأنا مدري !

ردت بثقه/لاذا ولاذا بس أنا أعتمدت على شوية تفاصيل جوهريه أنتا ناسيها واللي على أساسها بنيت خطتي ونفذتها..

أبوسند بإهتمام/وش هالتفاصيل بالضبط؟

تابعت بنفس الثقه/أولها وأهمها عنصر المفاجأة اللي كان في صالحي وأستفدت منه لأقصى حد، ثانياً موعد التنفيذ اللي ماكان إعتباطي لإني فكرت إن سهراتهم صباحي وأكيد في ذا الوقت بتكون يادوب نامت لها ساعه ولا أثنين وهتكون فاصله من قلة النوم.. ثالثاً إنا كنت متأكده إنها معطيه خبر للي يشتغلوا عندها عن أهمية خوله بالنسبه ليها علشان كذا رحت بصفتي خوله وفكرت إنها هتستغرب جيتها في ذا الوقت وهتفكر إنها أخيراً وقعت وجات برجلها وهتنزل متصربعه بدون حتى ماتغسل وجهها واتأكدت من شكوكي وقت اللي دخلني الحارس بمجرد ماقلت أسمي والشغاله نفس الشي والباقي كان سهل.. كل اللي عملته هوا إني شغلت جهاز التسجيل اللي أخذته من عبادي و---

قاطعها ببرود/قصدك سرقتيه.

ردت بضيق/أستلفته، المهم وأوهمتها بإني وحده منهم وبشوية ثقه وتهديد جدي وقعت في الفخ وأعترفت بلسانها وبكذا خطتي نجحت وجبت لسعد الدليل ويادار مدخلك شر.

سكتت للحظات وأخذت نفس والكل يطالعها بعدم إقتناع ،الجد بلوم/حتى لو حسبتيها صح مثل ماقلتي، كان ممكن يصير شي ماكان في الحسبان ويخرب كل هالخطه، وقتها شلون كنتي بتتصرفين وأنتي لحالك!

ردت بتنهيده/جدي الله يهديك أيش اللي هيخربها بس؟

عبدالرحمن بحده/ فرضاً أخوها دخل عليكم زي ماسواها مع خوله وخلص عليكي ولا من شاف ولا من دري! فرضاً صاحت فجأه ووترتك ويدك حذفت وقطعتي لها شريان وإبتليتي فيها لاقدر الله! هاا تكفي ذي الحاجات ولا لا.. كيف كنتي هتتصرفي وقتها ماتقوليلي؟

أتخصرت وبضيق/ لذي الدرجه ماعندكم ثقه في ذكائي! قلتلكم إني حسبت حساب لكل اللي قلتوه وفكرت فيه بدل المره ألف مره ومانفذت إلا وأنا عارفه أيش بسوي، الغبي أخوها مستحيل يدخل لسبب واحد ومهم وهو إنهم يبغوها ترتاح وتتطمن لهم ولايمكن يجازفوا ويغلطوا نفس الغلط مره ثانيه خاصةً وإنها جاتهم بنفسها، ثانياً أحد قلكم إني سفاحه.. عديمة إحساس.. والأهم غبيه علشان أتهجم عليها بسلاح حقيقي؟

أبوسند بقلق/بس عبادي قال إنك هددتيها بالسكين!

طالعها عبدالرحمن بعدم إستيعاب/هي قالتلي إنها غزتها بالسكين موذا كلامك!

ردت بهدوء/ أنا قلت هددتها بسكين وغزيتها كمان بس مو بالضروره تكون سكين حقيقيه.

الجد بإستغراب/شلون موبحقيقي!

حكت رأسها بإحراج/ذي كانت سكينة بلاستيك أخذتها من ألعاب نادر.

إنفجر فيها عبدالرحمن بغضب/عاده أخس وألعن ياغبيه .. رايحه تهددي زعيمة عصابه بلعبه! طيب أيش كان صار لك لوعرفت إنها لعبه؟ خطتك كلها كانت هتنهار في لحظه.

ردت بزعل/عبادي أنتا ليه محسسني إني ماشوف أبعد من خشمي، قلتلك جلست يومين أخطط وعملت حساب كل شي على قد ما ربنا قدرني..

سكتت وحركت نقابها تهوي وجهها/تعالوا نطلع إنا أنخنقت هنا

خرجوا معاها وعبدالرحمن وده يصفقها لين يساويها بالأرض من ثقتها الزايده اللي مغصت بطنه وزادت غيضه بس شكلها ماكان مطمنه وخاف تجيها النوبه وهي أساساً ماسمحت له حتى يفكر في اللي نفسه يسويه فيها لإنها شبكت ذراعها في ذراعه وبدأت تمشى معاه ولا كإنها مسويه شيئ، وقف ودف يدها بعصبيه/أنتي متخلفه يابنت! جالسين نتمشى عالكورنيش!

رجعت لوضعها الأول ولصقت فيه وهي شاده على يده وبتنهيده/ياحبيبي إختلاف الرأي لايفسد للود قضيه، بعدين التواصل الجسدي ذا بيساعد على إمتصاص التوتر وبيخفف من حدة الموقف ولا لا يايبه.

هز أبو سند رأسه بيأس/أنا مو بعارف أنتي وشتبين بالضبط، رح تشيبين برأسي.

ردت بضحكه / لا ياقلبي رأسك مشيب وخالص من قبل لاتشوفني لاتحطها فيها.

التفتت لعبدالرحمن/ وبالعربي أنا بقربي منك قاعده أفكرك إني أختك حبيبتك وتؤام روحك وبحاول أتفادى أي حركة تهور منك يعني شلوت خفيف.. شدة شعر.. بوكس عالماشي.

مشي معاها وهو ماسك نفسه بالقوه وبحده/عامله فيها قارئة الفنجان؟

ردت بثقه/أيش أبغى بالفنجاين والكلام الفاضي كفايه عليا أكون عارفه أخويا حبيبي وعارفه تفكيره.. بذمتك ماودك تصفقني بس مستحي من جدي وأبويا؟

شد على أسنانه بغيظ من أسلوبها وبتهديد/لاتعزمي عليا كثير لإني في لحظه ماهردك، ومسح الخوج ذا ماهينفعك..

الجد بإمر/وبعدين معك أنت وياها، متى بتخلون هالمناقر!

عبدالرحمن بغيض/منت سامع كلامها وشايف حركاتها اللي ترفع الضغط ياجد

شدت على يده وطالعت جدها بمرح/ جدي طيب هوا كل شويه يقاطعني ومو راضي يسكت علشان أكملكم الحكايه ونخلص منها في يومنا ذا.

رد عبدالرحمن بسخريه/من جهة حكاية فهي حكايه ولا ألف ليله وليله، أتحفينا ياشهرزاد زمانك بتفاصيل خطتك الخنفشاريه.

طالعت فيه بتحدي/وهي فعلاً خنفشاريه، على بالك سنين عمري اللي راحت ذي وأنا مقضيتها روايات أكشن وجرايم غير كتب علم النفس كانت كلها كذا عبث.. لا حبيبي أنا وأعوذ بالله من كلمة أنا وظفت كل قرائاتي وقدراتي في الخطه ذي.. فحصتها ومحصتها وقلبتها في رأسي بمعنى الكلمه لين اتأكدت إنها متخرش الميه.

الجد بجديه/إنزين ليه ماأخذتي معاكي سكين الجيب اللي هداكي ياه مساعد عالأقل يكون معك سلاح حقيقي تدافعي به عن نفسك وقت اللزوم.

طلعت السكين من جيب عبايتها قدامهم وبهدوء/كان معايا وأصلاً أنا ماطلع من البيت إلا وهوا في جيبي، بس أنا مومتخيله نفسي أرفع سلاح في وجه أحد وكنت خايفه يصير شي من اللي قاله عبادي علشان كذا أخذت السكينه البلاستيك وكشطت طرفها بالسكين علشان يصير حاد ويغزها لما أضغط عليه وتفتكر إني جديه في تهديدي ولا تنسوا عنصر المفاجأة اللي كان في صالحي وخلاني أتحكم في كل خيوط الخطه واللي ماسمح لها تستوعب أوتفكر بمنطق في أي شي غير إنها تحافظ على رقبتها سليمه وفي مكانها .

أبوسند بعدم إقتناع/مهما قلتي بتظلي جازفتي وخاطرتي مو بحياتك لحالك جبعد بحياة مؤيد وزوجته اللي ورطتيهم معك.

ردت بضيق/يبه ماكان قدامي غيره، ياأروح بليموزين لوحدي ولا أكلم ساره وأروح معاها ومع زوجها.

ألتفت لها عبدالرحمن بحده/ماعاد إلا تروحي مع سعد علشان أكسر رجولك، عالأقل مؤيد أخوكي ومتربيين سوا وعشتي معاه أكثر مني.

ردت بتنهيده/ياأخي أنا ماقلت بروح معاه أنا كنت بقلكم خياراتي المتاحه وقتها.

الجد بإصرار/ بس هم تصرفك هذا كان غلط وبعد أستغفلتي مؤيد وخذتيه على عماه.

ردت بإستنكار/أنا ماأستغفلته ياجدي أنا أتكتمت عالموضوع واللي يجهله مارح يضره ، ولو قلتله أكيد كان رفض يوديني وكمان كان هيكلم عبادي، بعدين أنا حاولت أحميه وأبعده عن الصوره قد ماأقدر.

عبدالرحمن بغيض/كيف وأنتي مورطاه وساحبته معاكي وهو مو داري عن المصيبه اللي رايح لها برجوله!

سكتت للحظات وتابعت بصوت أهدى/أنا خليته يوقف بعيد عن بيتها وكملت مشي علشان محد يشوفني وأنا نازله وراكبه السياره معاه وكمان وصيته ماينزل من السياره لأي سبب وخليته يلبس نظاره شمسيه ويتلثم بشماغه علشان محد يلمحه وغطيت لوح السياره علشان محد يلمحها وإذا كان فيه أي كاميرات في الشارع أوحتى في الفيلل محد يقدر يلقطها يعني في حالة إذا مراد حاول ينبش ورايا ويوصلي.

طالع فيها بتفكير وهو يهز رأسه بعدم تصديق/طول عمرك مجنونه بس المره ذي عن جد وصلتي لأقصاكي وحسبتيها صح وخططتي بذكاء لكل خطوه.

عدلت شعره وبغرور/ذا شي طبيعي ومفروغ منه والمفروض ماتشك فيه أبداً.

سألها أبوسند بغيض/جنانك ولا ذكائك؟

ردت بضحكه/الأثنين يبه.

وألتفتت لعبدالرحمن بتساؤل/يعني خلاص سامحتني!

رد ببرود /عادني بفكر.

اتأملت أصابعها بتفكير للحظات وهزت رأسها بموافقه/مو مشكله فكر زي ماتبغى المهم إنك تسامحني وأسمعها منك علشان أرتاح..

طالعوها بصمت لفتره قبل ماتصرخ بحماس/ماقلتلكم!! مو ساره قالتلي إن سعد عين مراقبه لخوله وبدأ رسمياً في قضية مراد وداليا.

زفر عبدالرحمن بضيق بدون مايرد وإبتسم الجد لفرحتها /خلاص الحين أرتحتي ونفسك طابت!

سندت رأسها على ذراع عبدالرحمن وإنتهدت براحه/حاسه زي مايكون حمل وإنزاح عن صدري، أنتوا مو متخيلين كيف عدت عليا الأيام اللي فاتت.. عبادي من جهه وخوله من جهه وبتول من جهه.. زي مايكونوا أتفقوا عليا مره وحده.. أنا ياجدي ماكنت قادره أتنفس ولا أنام زي الخلق.

طالعها أبوسند بحنان/الحمدلله اللي سهلها وعدى كل شي على خير..

رددوا بإرتياح /الحمدلله.

ضمت عبدالرحمن وباست خده بصمت خلاه يسألها بإستفزاز/أيش اللي حصل للأدب ذا كله؟

ردت بإبتسامه/وحشتني عندك مانع؟ ويلا تعالوا نأكل أنا جيعانه .

طالع في ساعته وبعتاب/أنتي مافطرتي لذحين.

ردت بحماس/إلا فطرت مع فزاع بس جع---

سكتت فجأه وطالعها عبدالرحمن بإستغراب/من فزاع!

ضحكت بإرتباك وأشرت عالأسطبل/واحد من الخيول سميته فزاع.

الجد بإهتمام/أي واحد؟

حكت رأسها بإحراج/هااا مدري نسيت شكله.. المهم بتفطروا معايا! رح أسويلكم فطور محصلش وهتأكلوا صوابعكم وراها و--

عم عبادي

فز من مكانه وأنتبه لمنار بنت معاذ اللي مايدري متى دخلت غرفته وبضيق/مال أبوكي بتصيحي.

منار/بسم الله مالك شفت جني!

إنتبه لنظراتها الخايفه وإبتسم/وأنتي الصادقه جنيه بس حلوه.

ردت بخجل/طيب أنا من أول بداعيك (بناديك)وأنت ماسمعتني وجده بتتصلك ومابتجاوبش (مابترد) عالجوال.

قفل الشباك وألتفت لمنار/ غنى عند جدتك ولاعندكم!

ردت بإبتسامه/عندنا بيقيسوا الفساتين.

نزل معاها لأمه وبتردد/وجوري رجعت!

هزت رأسها بنفي/ يمكن بترقد في بيت جدي عبدالله.

زفر بضيق وفكر في أخته اللي أصلاً مطنشها ومو معطيها وجه ولاريق حلو وحالف يأدبها علشان ثاني مره ماتعيد حركتها، لكن اللي صار إنه يادوب شافها من وقت ماوصلوا لصنعاء قبل أربعه أيام لإن أغلب وقتها في بيت خاله مع أحلام مابين أسواق وتأكيد حجوزات وتفاصيل الزواج اللي ماتخلص وشكلها الليله كمان هتبات عندهم .

،

،

[لامارا]

الرياض ، الثامنة صباحاً


دخل عليهم المجلس وسلم وجلس يتكلم مع جدته وبتول بعد ماشاف إنشغال جده وأبوها في مكالمه، الجده بحب/ اتأخرت اليوم وظنيتك منت بمسير علينا.

باس يدها بحنان/السموحه يمه بس نمت شوي بعد الفجر وماحسيت عالوقت بس تدرين إني ماأقدر أطلع من البيت قبل لا أتصبح بوجهك يالغاليه و--

قطع كلامه وألتفت بحده لجده اللي رد بضحكه/الله يسلمك ياعلي خلاص أبشر أنت وأميرتك......... أدري بهذرتها واجده والله يعينك عليها....... لاتدخل بينا ياعلي أدري إني أمون عليها ولا لا يالجوري........... صح لسانك وماعليكي زود تسلمين.......... بإذن الله ويجمعنا على خير في أمان الله وعليك السلام ورحمة الله وبركاته.

قفل وألتفت لولده بإبتسامه/يازين هالجوري ويازين منطوقها.

الجده بحب/الله يجبر بخاطرها ويسعدها كثر ماتجبر بخواطر الناس وتفرحهم .

أبوسند بحنان/آمييين، عاد هي الحين لاهيه ومشغوله بهالعرس والعروس وموبلاقيه وقت تلتفت لنفسها وترتاح مع أهلها.

الجد بضحكه/الله يعينهم على هبالها علي يقول ماتشرق الشمس إلا وهي داقه عليه تقول شفيك اتأخرت أنا عند الباب من الفجر، والحين شوفها معه من سوق لسوق.

بتول بقلق/ياالله الزواج بكره وهم بعد ماخلصوا، تلقون العروس حالتها حاله.

من أول ماسمع سند جده شده أسم علي وركز مع كلامه بس اللي سمعه زاد حيرته وخلاه يشرد بإفكاره ويعصب منها أكثر وأكثر وفي باله" بالأول سالفة سعد وبعدها مؤيد اللي مطيح الميانه بينهم والحين ردينا للشايب ماغيره! هذي بتذبحني! وش اللي تدق عليه الفجر وتقله اتأخرت علي والحين هو وياها يكلمون أبوي صقر يعني هي معه الحين! شلون تروح وترد معه وبعد أبوي يقله أميرتك! هذول وش سالفتهم وش ال---

ألتفت لبتول اللي مسكت يده وقطعت أفكاره بإستغراب/بابا جدو يكلمك ليه ماترد!

رد بتصريف/الظاهر ماشبعت نوم،هلا يبه وش كنت تقول.

الجد بهدوء/قلت أنت موبرايح معنا عالعرس، علي أتصل أكثر من مره يعزمنا ويأكد علينا.

عقد حواجبه بإستغراب/ عزمنا!على أي عرس!

بتول بضيق/بابا ركز شوي أنا موقلتلك قبل إن زواج أخت خالتي جوري بكره وهي عازمتنا كلنا ونبي نروح.

شد على أسنانه بغيض/دامه عرس أختها وشو له يتلقف هالعلي ويتصل يعزمنا.

طالعه الجد بصمت ورد عليه أبوه بإستنكار/أي لقافه وأي خرابيط وعلي يصير أخو---

قاطعه الجد /علي يصير حسبة أخوهم الكبير وقام بالواجب وعزمنا.

ألتفت الكل للجد وطالعوه بإستغراب، سند ببرود/إذا عالواجب فعبدالرحمن ماقصر وعزمني وعزم الكل قبل لايسافر.

الجد بهدوء/الزبده بتروح ولا لا.

وقف وطالعهم بهدوء/البركه فيكم يبه تكفون وتوفون، أنا عندي كم شغله أجلتها بسبب عملية بتول ولازم أسافر هاليومين وأشوف أشغالي.

إبتسم الجد وبإصرار/إنزين وش بقول لعبدالرحمن وعلي لو سألوني عنك.

رد في باله"يذلف" وببرود/أنا بتصل لعبدالرحمن وأباركله وأعتذر منه بعد أنت بس لاتحاتي يالغالي، تأمرون على شي أنا اتأخرت عالشركه.

الجده بحب/سلامتك والله يحفظك.

بمجرد ماخرج سند أتوسعت إبتسامة الجد وأتحولت لضحكه عاليه والكل يطالعه بإستغراب وهم بيتسألوا عن سر سروره المفاجئ.

،

،

،

،


جده، السادسة والنصف مساء


قفلت بابها بالمفتاح ورمت نفسها عالسرير بإنهيار، كل البرود واللامبالاة اللي أدعتها قبل كذا قدام لطيفه وليلى في كل مره حاولوا يستفزوها فيها كانت علشان ماتعطيهم فرصه للشماته والتشفي وحتى لماسمعته يعترف للطيفه ولأمه إنه يحب جوري أخذت الموضوع على إنه رد فعل طبيعي على ضغط لطيفه وإستفزازها ليه ذاك اليوم وماسمحت لشكها إنه يكبر ويخرب حياتهم.

طول فترة زواجها بخالد كانت عايشه على فكرة إنها حبه الأول والوحيد.. مو لإنه صبحها ومساها على ذا الكلام لكن لإن ذا هو الشيئ اللي لمسته وحسته منه.. كانت لما تقارن بين معاملته لها ولجوري تحس بفرق السماء عن الأرض.

معاملته لجوري كانت تتصف بالإحترام والتقدير وكان مسلمها البيت باللي فيه وبيعتمد عليها في تصريف أمور أخوانه وأمه وكان حتى يأخذ رأيها في امور شغله ومشاكل العمال.. لكن من الناحيه العاطفيه كانت ملاحظه إن ما بينهم كلام وحركات حب طبيعيه زي اللي بتكون بين أي زوجين وعلاقتهم كانت أقرب للصداقه واللي يشوفهم لأول مره لايمكن يفكر إنهم متزوجين.

خالد صح كان يعدل بينهم في الحقوق والواجبات بس علاقته معاها كانت العكس تماماً، علاقتهم كانت كلها حب في حب.. إهتمامه بها وتدليله لها.. كلام الحب والغزل ولمساته اللي كلها شوق ولهفه.. كل شيئ في حياتهم خلاها تطمن وتتأكد إنها الأولى والأخيره في قلبه.
ومع إنها شكت في ذي الحقيقه في الفتره اللي تبعت طلاقه لجوري خاصةً مع تقلبات مزاجه الحاد وعصبيته المستمره كل ماجاء أسمها، إلا إنها فكرت إن ذا شيئ طبيعي بعد عشرتهم الطويله وإنفصالهم المفاجئ، وبعدها بفتره هدأت الأمور ورجعت لطبيعتها أو كذا كانت مفكره.

لكن الكلام اللي قاله خالد لقصي وسمعته من شويه بالصدفه وهي ماره جنب غرفة قصي صدمها وهز عالمها كله وبين لها مدى سخافة الكذبه اللي كانت عايشه فيها وخلاها تفكر في تصرفاته الأخيره واللي خلاها تكتشف شي مهم



خالد يحب جوري!!


كل حركاته وعصبيته وغيرته الواضحه من علاقة مؤيد ومازن بيها والعرسان اللي سمع عنهم وآخرها تحذيره وتحريضه لقصي علشان يعارض أي فكره مستقبليه لزواجها اللي صار هاجس بالنسبه لخالد بيأكد لها إنه فعلاً ..

يحبها

وليه مايحبها؟

أيش اللي ناقصها علشان مايحبها!

جوري جميله وأخلاقها حلوه ومع إنها مو مخلصه دارستها إلا إنها مثقفه وفوق ذا كله زوجته الأولى اللي اتربت قدامه وعلى يده وكبرت معاه..

أصلاً مين اللي يعرف جوري ومايحبها!

نزلت دموعها بغزاره وحست بالغيره بتأكلها أكل وهمها وخوفها بيزيد من خالد واللي ناوي عليه من وراء تحريضه لقصي.


،

،

،

[لامارا]

صنعاء، السادسة مساءً

يوم الزواج




القمر والشمس حتى والنجوم كلها يا أحلام قدامك تضيع


انتي حلمن غير عن كل الحلوم انتي احلى ورده في فصل الربيع

ياعسى الفرحه على قلبك تدوم تحرسك يا أحلام للعالي السميع

انتي خليتي القمر ماله نجوم يوم نورك نور في هالكون الوسيع

اقبلي مثل السحايب والغيوم انتي وجه الخير وعيون الجميع

يا اصيله من خوال ومن عموم بنت شيخن دايم بصيته يذيع

يشهد الله مامثل هاليوم يوم يوم طلة شيخة الزود الرفيع


دعوة امك بكل صلاة وكل صوم ياعسى السعاده فالك وفال الجميع


وصلت أحلام للكوشه تحت أنظار الحريم اللي بتصلي عالنبي وتذكر الله من جمالها وطلتها اللي سحرتهم، شعرها كان مرفوع في تسريحه ناعمه ويتوجه تاج ذهبي ووجهها زاد جماله بمكياج ناعم بألوان خريفيه ناسب فستانها السكري اللي أبرز بشرتها القمحيه وكان ماسك على جسمها لين الخصر وييدأ يتدرج في طبقات ناعمه وكثيفه تنتهي بذيل طويل حوافه مزينة بتطريزات ذهبيه ملفته.

إبتسامتها الرقيقه وملامحها الجميله ومشيتها الواثقه خلت الكل يتفقوا على جمالها وأناقتها وإتناسوا ولو لليله حقيقة عماها.

بعد مااتأكدت إن كل شي تم على أفضل مايكون نزلت من الكوشه وراحت لركن بعيد عن الإزعاج والعيون الفضوليه وسمحت لدموعها أخيراً بالنزول بحريه وهي تشوف السعاده بتشع من ملامحه أختها الجميله وزميلاتها وقريباتها و الكل بيبارك لها ويهنيها ع---


كنت واثقه إني بلقاكي بذا المنظر.

إلتفتت وشافت ثريا اللي قطعت عليها أفكارها ماده يدها بمنديل أخذته منها بسرعه وأعطتها ظهرها ومسحت دموعها بضيق/أنتي ليه مصره تشوفيني بذا الشكل!

هزت كتفها بلامبالاة /حبيبتي ترى كل اللي في القاعه اتأثروا بمنظر العروس وبكوا وبصراحه ماينلامون.

اتأملت جوري أختها بحب/طالعه عن جد أميره وتأخذ العقل، أنا موقادره أتخيل منظر خالي وعلي لمايشوفوها، خالي بالذات مارح--

قطعت كلامها فجأه ورفعت ووجهها لفوق وهي تحاول تمنع دموعها من النزول من جديد وتتنفس بعمق، مسكت ثريا يدها وبمرح/لعلمك ترى دموع الفرح ماتعتبر بكاء.

شبكت يدها في ذراع ثريا وبإبتسامه/طيب يادكتوره خلينا نرجع للعروسه ولجدتي والبنات قبل مايزعلوا من أختفائنا.

رجعوا وجوري حاسه إن الدنيا مو ساعتها من الفرح، الحمدلله كل شيئ مشي بسلاسه زي ماخططت هي وأختها وأمس وصل جدها وأبوها والبنات وكمان أمها فاطمه ومؤيد وفاطمه وعيالها وحضروا الحناء حق أحلام وفي الليل باتوا في بيت خالها والصباح طلعوا السطح وأتفرجوا على زواج الرجال اللي كان في الشارع قبال البيت وأنبسطوا البنات بعرضة الرجال والمزمار والمنشدين المصحوب بالألعاب الناريه وطلق الرصاص اللي شاركت فيه من السطح مع كم وحده من جارات بيت خالها وبعدها راحت جوري مع أحلام عالقاعه لإن الكوافيره هناك وظلوا البنات في البيت وعالغداء أتجهزوا ولحقوها لإن الزواجات في اليمن تبدأ بعد العصر.


،

،

،


صنعاء،الواحده صباحاً


بعد مازفوا أحلام لبيتها أصرت تأخذ البنات على بيتهم وظل جدها وأبوها والشباب في بيت خالها، وعلى نص الليل أغمى عالبنات وغرقوا في النوم خاصةً مع صحيانهم المبكر وحركتهم طول اليوم ، كانت بتودع غنى اللي بتطلع شقتها وبتقفل وراها الباب لما أتصل عبدالرحمن على غنى وقلها إنه بيجي يأخذ غيارات ويبغى يشرب كأسة شاي بورق الليمون قبل مايرجع بيت خاله وبدون تردد دخلت حطت الغلايه عالنار وراحت سحبت لها شال من غرفتها ولفته على كتفها وراقبت من الشباك وأول مادخل وراح يقطف ورق الليمون خرجت الحوش وإتظاهرت بإنها بتقطف ورق ليمون واتفاجأت بوجوده وبتمثيل/بسم الله أنتا أيش جابك!

طالعها بشك/ماكنت عامل حسابي أنام في بيت خالي وجيت أخذ غيارات وبشرب شاي قبل ماأروح.. وأنتي أيش خرجك ذحين!

ردت بإبتسامه/شوف الصدف أنا كمان نفسي في شاي بالنوامي(ورق الليمون) زيك، أيش رأيك أسوي ليا وليك؟

طالعها بصمت للحظات قبل مايرد بهدوء/طيب بس لاتطول--

قاطعته وهي تجري عالبيت/ دقيقتين لاتروح.

هز رأسه بيأس من حركات أخته المكشوفه وطلع شقته وهو بيقفز الدرجات قفز علشان لايتأخر عليها وقال لغنى تسك عالشاي لإنه مستعجل ومايبغى البنات يصحوا وهو في البيت.

رجع جلس تحت شجرة الليمون يستنى الشاي اللي نفسها تشربه وهو متأكد إنها مجرد حجه علشان تجلس معاه وتكلمه، الغبيه ناسيه إنه عارف عوايدها وهيا ماتحب تشرب شاي في ذا الوقت وبعد دقيقتين بالضبط كانت عنده، ناولته كوبه وشافها ماسكه كأسه شاي صغيره بين إيديها وبإستهبال/شكل الشاي خلص علشان كذا صبيتيلك في ذي الكاسه، أطلعي خذي من غنى وسويلك كوب زي الناس يعدل مزاجك.

حطت كأستها عالأرض وبإحراج/ذا كان أول شي جاء في بالي فمافي داعي للإستعباط وأشرب شايك قبل مايبرد.

رد ببرود/أنا برضه اللي بستعبط!

رفزت بضيق/أحنا مالقينا فرصه نتكلم فيها من وقت ماوصلنا لهنا و--

سكتت للحظات قبل ماتسأل​ه بتردد/ عبادي أنتا لسا ماسامحتني؟

أخذ رشفه من الشاي وفكر بجديه في سؤالها الصعب اللي لذحين مالقي له جواب!

هو أكثر واحد حاس بمشاعرها وعارف قوة علاقتها بخوله يمكن لإنها بتفكرها بنفسها لما كانت في عمرها وهي بين ناس غرب وبلد أغرب وأكيد كانت حاسه بنفس وحدتها وضعفها بس ذا الشيئ مايبرر تصرفها المتهور والغبي.

من زمان كان له نظره معينه في أخته واللي كانت بتختلف عن نظرة معاذ وحكمه عليها.. من جهته لطالما فكر إن طيبة قلب جوري ورقة إحساسها وكمية الحب اللي داخلها واللي بينعكس في تصرفاتها وملامحها هو أحلى شيئ فيها واللي بيجذب الناس لها وبيحببهم فيها وفي شخصيتها غير عقلها وذكائها اللي الكل بيشهد لها بيه، بينما معاذ كان دائماً يقول عنها إنها حساسه ومندفعه أكثر من اللازم وردود فعلها عاطفيه وأحيان كثيره غير عقلانيه وذا اللي بيوقعها في المشاكل بصفه مستمره وذا الشيئ اللي كان دائماً بينكره وبيعترض عليه.. بس في بعد ماعرف اللي سوته بدأ لأول مره يشك في صحة حكمه.. أخته بحركتها هذي أتخطت حدود العقل والذكاء وتصرفها أتسم بالتهور واللامبالاة والوقاحه وذا الشيئ جديد عليها ومو من طبعها.

أتذكر كلام الدكتور محمد عن تعلقها بالناس اللي تحبهم وبإنها مستعده تعمل أي شيئ علشان تجنبهم الألم وهو متأكده من صحة اللي قاله لكن ماكان متخيل إنها ممكن توصل لذا الحد في سبيل حمايتهم.

رفع رأسه وطالعها بتساؤل/ لو إنعاد الزمن ولقيتي نفسك في ذا الموقف هترجعي تتصرفي بنفس الطريقه صح؟

ردت بدون تردد/يمكن لو الموقف أنعاد خلال الفتره الجايه كنت هتصرف بنفس الطريقه، لا مو يمكن أكيد هكرره .

كان متوقع ردها ومااتفاجأ بيه بس في جمله شدته ومافهمها وبإستفسار/أيش قصدك بالفتره الجايه!

بدأت تمشي وهي بتجمع أفكارها /أنا قلتلك قبل كذا تعذرني وتفهمني بس أنتا مافهمت قصدي و---

قاطعها بأمر/ عيديها مره ثانيه وثالثه وعاشره لين أفهم..عامليني زي ماكون واحد من عيالك وخذيني على قد عقلي وفي النهايه إلا ماأفهم .

هزت رأسها بموافقه وأخذت شهيق عميق وزفرته ببطئ وبهدوء/هتقدر تفهم إني ماعدت أستنى حاجه من أي شخص!

هتقدر تفهم إني طول السنين اللي فاتت كنت عايشه بجسم بنت وروح رجال!

سكتت للحظات وهي تتأمل ملامحه اللي بتدل على إنه مافهم شيئ من كلامها قبل ماتابع/أنت مافهمت قصدي لما قلتلك إن جوري القديمه ماعادت تنفعني وعلشان كذا أخترت شخصيه جديده تناسبني أكثر .. أنا صرت أم وأب لأولادي وصرت بنت لأبويا وأخت لأخوان خالد وزوجه ليه في نفس الوقت وذا الشي ماكان بالسهوله اللي أنتا متصورها.. أنا قابلت ناس عمري ماتخيلت إني أقابلهم في حياتي، ناس مايفرقوا بين حلال وحرام وإنصدمت بتصرفات وأفعال بتنافي كل اللي أتعلمته وكبرت عليه وساعتها إكتشفت إن كلام علي صح و--

قاطعها بعدم فهم/علي!!

هزت رأسها بموافقه و تابعت بإبتسامه/ علي قبل ماأسافر جلس معايا وقلي شي لليوم عالق في ذاكرتي، قلي الناس دايما بتخاف من الشي المختلف والغريب عليهم وأنتي رايحه لناس وبلد غريبين عنك وطبيعي تحسي ويحسوا بإختلاف بينكم وعلشان تقدري تعيشي بينهم أسمعي وشوفي وقارني وأعرفي الغلط من الصح ومهما صار لا تبيني خوفك وضعفك لأحد لإن في اللحظه اللي هتبيني فيها ضعفك هتنداسي بين الرجلين وماهتقدري ترفع رأسك مره ثانيه.

أخذت نفس وبهدوء/أتاري الغربه بتعلم ياعبادي، وأتعلمت منها شي مهم وأساسي وهو إني سواء كنت تعبانه ولا كويسه.. فرحانه ولازعلانه.. محتاجه ولا مكتفيه.. أحساسي ومشاعري ذي ليا وتخصني لحالي ولازم محد يدري عني ولا عن اللي داخلي.. أتعلمت أقوم بواجباتي بدون ماستنى حقوقي من أحد فيهم..

جوري القديمه اللي كانت تحاول تجاري معاذ وعلي علشان يسمحوا لها تلعب معاهم أتغيرت وصارت ماتجاري ولا تحاول تثبت شي لأحد غير لنفسها وبس، خالد تركلها الجمل بماحمل وجوري ماقصرت وصارت عشره في واحد ممرضه ومدرسه وسباكه وكهربائيه وعاملة دهان وأي شي يخطر في بالك ممكن تسويه ولا أرجل رجال وكل ذا علشان ماتوطي رأسها في يوم أوتتنازل لأحد وتطلب منه شي مهما كان صعب ومستحيل أو مو من إختصاصها.. جوري الجديده خلتني أعتمد على نفسي ونفسي وبس

سألها بإستنكار/بس أنتي مو عايشه لوحدك أنتي متزوجه! خالد وين كان من ذا كله!

ردت بهدوء/ خالد هوا اللي خلاني أصير كذا وبعدها حلفت ووعدت نفسي إني في عمري مارح الجأ له لإني متأكده إنه مارح يكون موجود علشاني وقت ماأحتاجه فيها، مارح أخليه شماعه وأرمي عليه الغلط كله لإني ماأنكر إني حبيت ذا الشي.. قلت لنفسي ليه أستني شي من خالد أو غيره طالما ربي اعطاني عقل وصحه وأقدر أسوي كل شي بيدي .. أنا أخترت أكون سيدة نفسي وصاحبة القرار وحبيت الدور اللي أخترته وإستمتعت بيه لأقصى حد.. فضلت أكون حرمه قويه ومافي شي يوقفني على إني أكون وحده ضعيفه ومهزومه ومغلوبه على أمرها.. حبيت فكرة إني مو محتاجه لرجال يكون هوا حمايتي وملجأي وصرت أنا الحمايه والملجأ ليا ولغيري والحمدلله عشت وربي أغناني عن غيره وماحتجت لأحد في يوم..

مسك إيديها وبحنان/بس أنتي لازم تفهمي إن خالد خلاص خرج من حياتك وأنتي ذحين معانا، أحنا أهلك اللي نحبك ومارح نخذلك ونتخلى عنك وهنكون معاكي في أي وقت تحتاجينا فيه.

سحبت يدها منه وبثقه/أنا متأكده منكم وعمري ماشكيت في ذا الشي بس العله فيا أنا، أنا مو متأكده من نفسي.

ثبت وجهها قدامه وبقلق/مافهمت قصدك!

بعدت عنه ومررت يدها في شعرها بإرتباك وبشرح/ أنا عشت الدور ذا لسنين لدرجة إني أنغمست فيه وصار جزء مني والدليل إني إتصرفت بذيك الطريقه في موضوع خوله وزعلتك مني ومتأكده إن ذا بيكون شعور علي ومعاذ وبقية أخواني وأهلي كمان لو عرفوا.

أخذت نفس وبتردد/ أنا صح وأنا هنا أو في جده مابعرف أتحرك غير بيك ومابسوي شي غير بإذنك بس وقت الجد أنا بصير وحده ثانيه، عبادي أنا صار عندي ميل للسيطره والتحكم في كل شي يخصني وأتعودت أكون صاحبة الكلمه والقرار في حياتي وذحين بعد إنفصالي عن خالد أنا لسا بعيش وبتصرف على نفس الأساس بدون وعي مني و--

حس إنه سمع كل اللي كان محتاجه علشان يفهم بعض تصرفاتها الغريبه واللي ماكان فاهمها لحد الأن!

أخيراً فهم معنى جملتها الغريبه"أنا ماأحب أكون في وضع مقدر أتصرف فيه "

اتأمل إيديها وهي بتتحرك في الهواء بإنفعال مع كل كلمه بتقولها وبتأخذ نفس بين كل كلمه والثانيه وكإنها بتجبر نفسها عالكلام لين سكتت فجأه وطالعته بضيق/أنتا سمعت شي من اللي قلته
هز رأسه بموافقه صامته خلتها تسأله بتردد/وأيش رأيك فيه؟

فتح فمه وقفله بدون مايرد لما أتكلمت من جديد بإندفاع/مايحتاج تقول رأيك لإني أساساً عارفته وبدل ماأكحلها عميتها.

سكتت للحظات وتابعت بسخريه وهي تدور في المكان بتوتر/الظاهر إني صرت مجنونه من جد مو مزح ولا في وحده عاقله تقول اللي قلته.. بس للأسف ذي هيا الحقيقه أختك وحده بتفضل إنها تتصرف بتهور على إنها تخلي أحد يتحكم في حياتها و---

قاطعها بجديه/بس أنا مابغى أتحكم في حياتك ولا أحد من أخوانك وأنتي لما تحكيلنا عن مشاكلك وتطلبي نصيحتنا مو معناه إنك ضعيفه أو مغلوبه على أمرك.

سندت ظهرها عالجدار وغمضت عيونها بإحباط/عارفه إنكم مو كذا وإنكم مو زي خالد ولا هتتخلوا عني وتخذلوني في يوم من الأيام وعارفه كمان إن ذا مو ضعف بس أنا ماأتعودت أخذ وضعية المتفرج وأستنى اللي يتصرف بدالي أنا أتعودت أتصرف وأحل أموري بنفسي.

سكتت للحظات وتابعت بإرتباك/عبادي أفهمني.. أنا محتاجه وقت علشان أتخلص من خالد وذكرياتي معاه..محتاجه وقت طويل علشان أرجع أبرمج نفسي على حياتي الجديده معاكم ووجودكم الدايم فيها.. ومحتاجه لوقت أطول علشان أتغير وأتخلص من كل الأفكار اللي أترسبت داخلي ومن جوري الرجال اللي كنتها طول السنين اللي فاتت وللأمانه أنا لحد ذي اللحظه مو متأكده إذا كنت حابه أتخلص منها ولا لا!

وقف جنبها وبهدوء/أنتي السبب في حالتك ذي.. تكتمك عن طبيعة حياتك مع خالد وكبت مشاعرك مابيساعدك وحتى لما أتزوج وحاولت عالأقل أعرف شعورك وقتها ماقلتيلي شي وقلبتيها ضحك وجنان كالعاده، يمكن لو تحكي وتفضفضي كل اللي حاسه فيه هيختفي ومهما كانت الأفكار والعادات الغبيه اللي صدقتيها وأتعودتي عليها أنا أكيد إنها هتتغير مع الوقت.

طالعته بشرود/مو كل شي ينحكي ياعبادي ومو كل شي ينحل بذي الطريقه، يمكن فهمت من كلامي إن خالد شخصيته ضعيفه بس هوا مو كذا.. خالد صح كان معطيني مجال وصلاحيه أتصرف في كل شي بس مو لإنه كان ضعيف لا.. هوا يمكن كان بيكفر عن غلط أو بيحاول يعوض عن نقص حبه ليا أو لقي فيا شخص ممكن يعتمد عليه ويقاسمه مسؤلياته الكثيره خاصةً بعد موت أبويا محمد(أبوخالد).

طالعها بإستغراب/خالد ماكان يحبك!

ردت بتنهيده/أكذب عليك لو قلت يحبني وأكذب لو قلت يكرهني.. أنا بنفسي مو عارفه أيش اللي كان بيننا وكمان أشك إنه هوا بنفسه عارف! اللي بينا غريب لا هوا حب ولا كره ! كان بينا إحترام وود وكل واحد فينا بيعمل واجباته كأب وأم على قد مايقدر بس كان في حلقه مفقوده شي ناقص ومخرب كل شي بينا

سألها بتردد/طيب وحياتكم كزوج وزوجه.

طالعته بعدم تصديق /أيش ذا السؤال الغبي ياعبادي، لاتكون مستني أرد عليه!

رد بإبتسامه/أكيد مستني رد كان ليه سألت.

حست بالدم يزحف لوجهها وأعطته ظهرها ومشيت بسرعه/ أنا اللي أستاهل اللي صدقتك وجالسه أحكيلك.

مسك يدها ورجعها مكانها بقوه وبسخريه/يا غبيه أنا قصدي حياتكم العامه كزوجين وين راح بالك ياقليلة الأدب.

سحبت يدها وعضت شفايفها بإحراج/ أنتا اللي أسئلتك ملتويه وتلخبط الواحد وأنا مو ناقصه لخبطه.

ماقدر يتمالك نفسه لما شاف وجهها الأحمر وعيونها اللي ترمش بإرتباك وأنفجر من الضحك وهي بتتفادى نظراته وموطيه رأسها وبتلف خصل من شعرها على أصابعها بإحراج، وقف ضحك وأخذ نفس عميق وبإبتسامه/خلاص يلا ردي عالسؤال.

هزت رأسها بنفي وبصوت واطي/جدي صقر قال الكلام في الفايت نقصان عقل وذا شي راح وإنتهى ومامنه فايده.

رد بسخريه/يعني حكيتي عن جنونك وحبك للسيطره والكلام الكبير اللي مدري من وين جبتيه ووصلتي للمهم وصار نقصان عقل.

تركت شعرها ينسدل على وجهها ويغطيها عنه وبهدوء/ أنا حاولت أفهمك إني أتغيرت وماعدت جوري اللي تعرفها علشان تفهم سبب اللي سويته وليه.. أنا أتعودت أبادر وأتصرف بنفسي وبدون ماأرجع لأحد مو لإني مابحترمكم أو عاملتلكم حساب لكن ببساطه لأني بثق في نفسي وبس.. وأنتا إذا لسا زعلان مني وشايل عليا فأنا هظل أعتذر واتأسف لك لين تسامحني بس رجاءً لاعاد تفتح لي سيرة خالد أو تسألني عنه مدام أنا ماجيت وحكيتلك بنفسي.

رد بجديه/أوعدك ماعد اسألك عنه ولا أجيب سيرته وأبغى وعد منك إنك ماتتصرفي بذي الطريقه مره ثانيه ومهما كان نوع المشكله اللي هتصادفك توعديني إنك ماتخبي عليا وتكلميني مهما كنتي متخيله كيف هيكون رد فعلي أو عالأقل تكلمي علي أو معاذ المهم ماتكوني لوحدك.

ردت وهي على نفس وضعها/ يعني وحده بوحده!

رد بإقناع/ لا طبعاً لإني وعدتك وإنتهيت لكن أنتي قدامك وقت تفكري، بعدين أنتي قلتي إنك محتاجه تتغيري والتغيير ذا محتاج لخطوات ووعدك ذا يعتبر أول خطوه في رحلة علاجك ولا كلامي غلط يادكتوره!

أخذت نفس ورجعت خصلات شعرها وراء أذنها وطالعته بتفكير/أوعدك أتصرف بتروي أكثر وماأتهور وأوعدك كمان ماأخبي عالأقل عنك لكن علي ومعاذ صعبه شويه.

رد بتساؤل/لإنهم حازمين وأنا لا! ولإني بدلعك ومعطيكي وجه ومتساهل م--

حطت كفها على فمه وقاطعته بجديه/لاتصدق كلامهم لإنك مو كذا وأنا مو شايفتك كذا..

شالت يدها وبهدوء/صعب أحكيلهم لإنهم علي ومعاذ بس، هما بالنسبه ليا شي كبير وماقدر الجأ لهم عمال على بطال، لكن أنتا عبادي تومي وأقرب واحد ليا.. أنتا الوحيد اللي ماقد اتخاصمت واتعاندت معاك على شي.. من صغري وقد ماأفتكر وأنتا يدك بيدي ومهما صار مني ومهما أشتكوا من تصرفاتي وعاتبوني وحتى ضربوني أنتا كنت غير.. أنتا كنت على طول جنبي وبتدافع عني وتعلمني وتفهمني حتى في مرضي كنت أنتا أول واحد أفتح عيني عليه وأول واحد ألقاه جنبي، بس أنا اللي أتغيرت وأ--

قاطعها بأمر/خلاص ماله داعي ذا الكلام مدام وعدتيني.

ردت بمراره /إلا له داعي لإني بسبب الشال زعلت منك ونسيت أيش يعني عبادي وبسببه برضه عاندتك وعاملتك ببرود علشان تطفش وماعاد تسألني عنه مره ثانيه لإني مقدر أجاوبك وسقت فيها لحد ماوصلنا لذا الحال.

عقد حواجبه وفي باله"الله يأخذ الشال ويريحني منه" وبضيق/وهذا كمان أوعدك ماعد اسألك عنه ومتى ماحبيتي تحكيلي عنه قدك عارفه طريقي، وخلاص يكفي كآبه وغم لليوم شويه خالد وشويه الشال وصاحبه مافي شي يفرح.

طالعته بتكشيره/ كنت مفكره إنك مبسوط لإني بفضفض لك بس شكلك رجعت في كلامك.

رد بتكشيره مماثله/مبسوط بالفضفضه بس في فضضه تغم لإن فيها سيرة بعض ناس ماينزلوا من زور وفي فضفضه تفرح وتسر القلب.

وقفت وإتخصرت وبلكاعه/قد أسمها فضضه وأنتا لسا هتنقي.

سكتت ونقرت بإصابعها على خدها بتفكير/أمممم فضفضه تفرح! زي إني فرحانه لأحلام ويزن أو زي إني مبسوطه بجية أبويا مساعد والبنات أو يمكن زي--

قاطعها بإبتسامه/أو زي إني سامحتك وماعدت زعلان منك.

كررت وراه بشرود / فعلاً أو إنك تسامحني وذي هتكون أحلى فضف---

سكتت فجأه وهي تركز في اللي قاله وطالعته بعدم تصديق/سامحتني وماعدت زعلان مني!

هز رأسه بموافقه وإبتسم على شكلها المذهول وهي تسأله بإصرار/سامحتني بإقتناع! سامحتني من جد! سامحتني من قلبك!

أتوسعت إبتسامته على شكلها الطفولي وهي قدامه ومو قادره توقف بثبات بشعرها المفرود ونظرة الرجاء في عيونها الواسعه اللي تطالعه في إنتظار تأكيد كلامها وذكرته بشكلها وهي بتسلم عليهم يوم العيد وكلها حماس ولهفه للعيديه اللي هتأخذها منهم، نعكش لها غرتها وبتهديد/شكلي هغير رأيي واسحبها.

ردت بإندفاع/هوا لعب عيال دوبك سامحتني و--

شهقت وغطت فمها بكفها بإحراج لما قاطعها بضحكه/ سمعتك ياهبلا، أنتي متى هتركزي وتفرقي بين اللي بتفكري فيه واللي بتنطقيه بصوت عالي.

ضربات الأرض برجولها بغيض/ياخي مو راضيه تزبط معايا أبداً!

فجأه ركزت وطالعته بإبتسامه/يعني خلاص أنتا سامحتني أكيد.

ضرب جبينه بكفه بيأس/حالتك صعبه وميؤس منها.

نطت عليه وضمته بقوه وهي بتسمعه كل كلمات الشكر والإمتنان في العالم والممزوجه بضحكتها العاليه

،

،

،

،

،

[لامارا]

باريس، التاسعه صباحاً

وقفت قدامه بتردد/أعدك بأني لن أخذ الكثير من وقتك.

أشر لها تجلس وطلب لها قهوه وببرود/ماالأمر الطارئ الذي دعاكي لمقابلتي في هذه الساعه.

سحبت من شنطتها ظرف صغير وحطته عالمكتب بإرتباك/أنا أعلم بإن أعمالك كثيره ولكن أرجو منك الحضور ففي النهايه إنه جزء عملك.

فتح الظرف ولقي دعوه لحضور عرض أزياء وإنتبه لأسم المصممه وطالعها بهدوء/ عندما قلتي إنكِ بحاجه لبداية جديده لم أكن أتوقع سلوكك هذا الإتجاه لكن في كل الأحوال تهاني لكِ.

دخل السكرتير بالقهوه وأخذت فنجانها بإمتنان/كنت إمتلك الموهبه منذ صغري ولكني فضلت سلوك طريق أسهل للنجاح ، لكن عندما إنتهيت في الشارع عدت إلى صوابي والفضل في ذلك يرجع إليك، وكما ترى أعدت ترتيبهم أولوياتي وقمت بإفتتاح خط إنتاج أزياء خاص بي .

رد بهدوء/حسناً وكيف أصبح خط إنتاج الأزياء الخاص بكِ جزء من عملي مونيكا!

مونيكا بإبتسامه/بما إني قمت بتأسيس عملي الصغير بمالك الخاص فهذا وبلا شك يجعله جزء من عملك وأعدك هذه المره لا ألاعيب بل مجرد عمل.

وقف واتأمل منظر برج إيفل من شباك مكتبه وبهدوء/لقد فكرت في لقانا الأخير ووجدت إنكِ على حق، يحق لكل شخص فرصه أخرى لتصحيح أخطائه ولكل شخص طريقته الخاصه للقيام بذلك.

سألته بعدم فهم/مالذي تعنيه!

إلتفت لها بشرح/ رغم إنكِ السبب الرئيسي في تحول حياتكِ نحو الأسوء إلا أني ساهمت في ذلك بطريقه أو بآخرى وبما أنكِ قمتي بتذكيري بأمر مهم، فكرت إن المال قد يقوم بحل مشاكلك وبذلك أصبحنا متعادلين وأنتِ لست مدينه لي بشيئ.

وقفت وبعدم تصديق/هل تعني بإنك لن تطالبني بسداد المال الذي أدين به لك؟

تابعت بصدمه لما هز رأسه بموافقه/ولن تطالبني بالفوائد أيضاً؟

رد بهدوء/إن لم أقم بإعطائك أي مال فلا توجد فوائد أليس كذلك؟

صرخت بفرح/ياإلهي، هل تعني ذلك حقاً

طالع في ساعته بصمت فهمته وأخذت شنطتها وبإبتسامه/مهما يكن لازلت أتمنى حضورك فوجود سند المنذر في عرض أزياء مصمم مبتدئ سيساعد في لفت الأنظار إليه وإستقطاب المستثمرين.. حسناً لن أنسى صنيعك هذا ماحييت فشكراً لك.

ودعته وخرجت وتركته لأفكاره اللي رجعت تحوم حولها بإصرار وبهمس/أنتي اللي للحين ماتعادلت معها ولا حتى قربت من سداد الدين..

قلب في جواله ووقف عند أسم ثريا وبتفكير/ أول شي لازم أفهمه هو سالفتك مع سعد وباقي الأمور بتنحل مع الوقت.

كان متأكد إن ثريا عندها عالأقل طرف الخيط اللي ممكن يساعده على فهم كل شيئ يخصها وكل اللي لازم يسويه هو إنه يسألها بالطريقه الصح.

















إنتهى البارت






فضل عشر ذي الحجة

مَا مِنْ أَيَّامٍ الْعَمَلُ الصَّالِحُ فِيهِنَّ أَحَبُّ إِلَى اللَّهِ مِنْ هَذِهِ الأيَّامِ الْعَشْرِ ، فَقَالُوا : يَا رَسُولَ اللَّهِ وَلا الْجِهَادُ فِي سَبِيلِ اللَّهِ ؟ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : وَلا الْجِهَادُ فِي سَبِيلِ اللَّهِ إِلا رَجُلٌ خَرَجَ بِنَفْسِهِ وَمَالِهِ فَلَمْ يَرْجِعْ مِنْ ذَلِكَ بِشَيْءٍ ))

[ البخاري عن ابن عباس رضي الله عنهما


---------------


السلام عليكم ورحمة الله وبركاته

جميلاتي يارب تكونوا بخير وعافيه وعن جد وحشتووووووني ووحشتني تعليقاتك الجميله زيكم

جميلاتي سامحوني طولت عليكم لكن غصب عني واليوم صار لي من الساعه هدعش المساء وأنا أحاول أنزل البارت بدون فايده تذكر فالعذر والسموحه وأستروا ماواجهتم وبما إني وللأسف مارح أقدر أقرأ تعليقاتكم فأتمنى إن البارت يعجبكم وبس تتصلح مشكلة النت هقرأ تعليقاتك وأرد عليها
تقبل الله منا ومنكم صالح الأعمال وكل عام وأنتم بخير

ودمتم لي ولإحبتكم بخير
أختكم /خياله

[لامارا]

عن أبي هريرة رضي الله عنه أن رسول الله صلي الله عليه وسلم قال : " العمرة إلي العمرة كفارة لما بينهما والحج المبرور ليس له جزاء إلا الجنة " ....




---------------



الورقة الثامنة والخمسون




من يحبــــــــــــك كثر ما احبك انا ... و من يحبك حاول و ياما اجتـــهد

و من في عينه شــوفتك كل المنا ... لا ورب العــــــــــرش ماغيرك ابد

انت شوفي وانت عمــري و الهنا ... يا جسد بي روح و لو روحي جسد

و انت عيني و انت نوري و السنـا ... و انت اسبـــــــابي اذا حبي خمـد

و انت ميعادي و سهـــدي و العنا ... و انت تعذيبي و صبري و الجـــلد

و انت راحـــاتي و روحي و الضنا ... و انت الاول ما بها قبـــــل و بعد

لمنا جــــو المحبــــــــــــة و ضمنا ... و من بعد قربك انا كيــــف ابتعد

شوف ما اكبـــر يا حبيبي عشقنا ... فاق كل العشــــق وحده و انفرد

لو يــــــــوزع على البسيطه حبنا ... ما بقى حد بها يكـــــــــــره احد




بعد أسبوع

صنعاء،التاسعه صباحاً


صحي ولقي نفسه لحاله في الغرفه ورجع أتمدد مكانها وضم مخدتها لصدره وإبتسم براحه وهو يشم باقي عطرها وصورتها وهي واقفه بفستان الزواج مافارقت خياله لحظه.. أتذكر كيف رفعت عيونها وطالعت فيه بمجرد مامسك إيديها وحتى لما باس جبينها واتأمل ملامحها الفاتنه وهو يسمي ويذكر الله عيونها ظلت عليه وكأنها بتقول أنا شايفتك وعارفه ملامحك.. ماحس بأبوها وأخوانها وهم يسلموا عليهم ويباركوا لهم ولا ركز وقت ما صوروهم كل اللي كان حاس فيه هو وجودها جنبه وإيديها اللي بين إيديه و--

صوت الباب اللي أنفتح طلعه من أفكاره الجميله وجات عيونه على وجه أجمل.. وجه حبيبته وزوجته.

غمض عيونه بمكر وإستكان مكانه أول ماقربت من السرير ومدت إيديها تتحسس مكانه برقه/ يزن..يزن.. هيا قوم السا--

صرخت لما سحبها فجأه وطيحها عالسرير جنبه وبهمس/بسم الله عليش .

أخذت نفس وبعتاب/يزن حرام عليك وقفت قلبي.

حاوط وجهها بكفوفه وبحنان/سلامة قلبش ياقلب يزن وروحه، صباح الخير والفل والياسمين ياأحلى حلم في حياتي.

حاولت توقف وبخجل/ صباح النور.. أنا.. جوالك بيرن من أول.

ماسمح لها تبعد عنه وهمس لها في أذنها/ قليلين ذوق أحد يتصل لعرسان من الصبح.. المهم وين سرتي؟.

ردت بإرتباك/الأكل.. جهزتلك فطور.

مسك كفها وباس أصابعها واحد واحد وبحب/تسلم الأيادي ياقلبي بس أحنا مش أتفقنا نسوي كل شي سوا ليش تقومي من جنبي وتفلتيني فقدتك.

سحبت يدها وبلعثمه/الساعه.. تسعه و

ماعرفت تكمل جملتها وهي تحس بذراعه اللي إلتفت على خصرها وشدتها لصدره بحنان خلاها تسند رأسها عليه براحه، للأن لازالت بتستوعب فكرة إنهم خلاص صاروا زوج وزوجه إجتمعوا تحت سقف واحد.. سقف بيتهم.. بيتها .

ماكانت أبداً متخيله ولا في أحلامها إنها هتشوف ذا اليوم.. أو بالأصح تعيشه بما إنها مابتشوف من الأساس، لأول مره في حياتها بدل ماتغرق وسط ظلامها صار العكس وفردت جناحها وطارت وحلقت ووصلت لمكان ماكانت تحلم توصله.. مر أسبوع من ليلة زواجها لليوم وكأنها حلم!

سبعة أيام كلها حب وغرام ورومانسيه وحياة جديده مع يزن زوجها وحبيبها اللي أتحدى الكل علشانها وأثبت لها حبه وصدق مشاعره.

أتعلقت فيه أكثر وهو يوزع بوساته على وجهها وبيسمعها كلام حب وشوق ذوبها وخلاها تتجاوب معاه بدون تردد.

،

،

،

،

،


الرياض، الخامسة مساءً


إبتسم الجد وهو يتفرج على صور الزواج اللي بتجمع بينهم وبين بيت الجابر وأتذكر إتصالات علي المطوله وترتيبه معاه على زيارتهم وكيف أستقبلوهم في المطار بحراره ولهفه خلته يحس كأنه يعرفهم من مده طويله، والأربعه الأيام اللي قضوها في صنعاء بينت له معدنهم الحقيقي، نخوه.. مرؤه ..كرم.. رجوله لمسها في معاملتهم وطريقة حياتهم خلته يعجب بهم وتصميمه زاد في إنه يناسبهم مهما كلفه الموضوع.

أتوسعت إبتسامتك لما أتذكر جوري اللي ضحكتها مافارقتها من ساعة ماوصلوا وفرحتها وإمتنانها بجيتهم كانت واضحه من عيونها وكلامها وحركتها اللي ماوقفت، وبعد مارجع من عندهم حس براحته زادت لما اتأكد إن إختياره لها كان في محله.

جوري هي اللي الوحيده اللي هتقدر تنسيه ماضيه مع سمر وهي اللي هترجع سند الأول وتخليه يبدأ حياة جديده.

مسك صوره بتجمعه بعلي اللي كان مثل ماتخيله بالضبط.. رجال أثبت حضوره بينهم وترك أثر عميق في نفسه ونفس كل شخص قابله بسبب هيبته وشخصيته القويه والواثقه وبمجرد ماجلس وأتكلم معاه عرف إنه هو الشخص المناسب اللي هيساعده في خطته بدون مايعرف، إلتفت لولده مساعد بتفكير/موبملاحظ إن سند بدأ يتغير!

إبتسم برضى/الحمدلله يبه وين كان ووين صار، من بعد ماقرب من عياله وكل شي بدأ يتحسن.

حرك يده بإعتراض/أنا أقصد تغيير غير اللي تحكي عنه.. أقصد بروده ووجهه الجامد أحسه بدأ يلين شوي وصار يفقد أعصابه من وقت للثاني ويقط حكي بدون لاينتبه..

عقد حواجبه بإستغراب/لاحظت بروده خف وبسمته تنشاف من وقت للثاني لكن ماقد أنتبهت للي قلته، يبه سند الكلمه ماتطلع منه عبث وإن قالها فهو يقصدها.

داعب لحيته وردد كلامه بتفكير/ الكلمه ماتطلع منه عبث وإن قالها فهو يقصدها!! الظاهر إن اللي في بالي صار قريب وأقرب من اللي كنت متأمله بعد.

أبو سند بتنهيده/يبه شفيك تحاكيني بالألغاز في الأول سالفة علي اللي قلت لنا مانجيب طاري إنه يصير أخو جوري قدام سند والحين حكيك ذا، ترى ضيعتني وماعاد فهمت شالسالفه!

رد بإبتسامه/وحنا ماكذبنا علي ولد خال عبدالرحمن وحسبة أخوه الكبير، وبس يوصل سندنا بالسلامه ساعتها بتفهم كل شي.

طالع بحيره في أبوه وهو متأكد إن وراء إبتسامته خطه جديده بيجهزها لسند.


،
،

[لامارا]

جده، التاسعه مساءً


ردت بعدم فهم/قصي بلا عباطه وأهرج عدل، أيش اللي خطه وغرض، ركز وفهمني بهداوه.

طالعها بعصبيه/محد عبيط غيرك لإنك مو شايفه أيش بيسووا وأحنا بنتفرج عليهم بدون مانتصرف .

عقدت حواجبها بإستغراب/أيش اللي سووه بس ! الناس تاعبين نفسهم وجايين زواج خالتك و--

قاطعها /وأنتي على بالك جايين لله! ماهيا ذي خطتهم ياغبيه.

ردت بحده/قصي وبعدين معاك أهرج بأدب ولا خليك ساكت أحسلك.

طالعها بعصبيه/أنتي ليه مو راضيه تفهميني، أقلك هما جايين علشان الزواج بس مو زواج خالتي أحلام ، ذول جايين علشان أمي.

ردت بملل/ماالبيت كله عارفين إنهم جايين علشان خاطر ماما حتى جدو صقر الله يعطيه العافيه كلف على نفسه وجاء يتعرف على خيلاني علشان يقوي علاقتنا بيهم أيش الجديد في كلامك!

صرخ بقهر/الجديد إنهم جايين يخطبوها هما جايين يخطبوا ماما فهمتي ولا لسا.

سألته بعدم إستيعاب/ يخطبوا ماما! يخطبوا ماما لمين!

رد بقهر/أكيد لأبو بدر وبتول.

مسكت إيديه وجلسته جنبها بالقوه/أترزع هنا وفهمني أنتا مين اللي قلك الهرجه دي هاا، بدر قلك شي! سمعت جدو صقر ولا مساعد يهرجوا مع جدو عبدالله ولا خالو علي ولا معاذ!

هز رأسه بنفي/محد قال ولا سمعت منهم شي.

صرخت بعصبيه/يعني قاعد تتونس على دماغي بهرجك الغبي دا، لا وحضرتك منقي العريس وبتتكلم بثقه كمان.

دف يدها وبغضب/ أنا مو قاعد أمزح معاكي أنتي لو تفكري شويه هتلقي كلامي صح، أمي مطلقه وتحب بدر وبتول وهما نفس الشي وهما أمهم ميته وأبوهم رجال مو متزوج وموناقصه شي ليه مايتزوجها علشان تنتبه لعياله أكيد هوا مافي غيره.. طيب مو ملاحظه إن إتصالاتهم زادت بعد طلاق أمي وكل شويه عزايم وجدي مساعد جاء مع ماما وذحين جدي صقر غير الأهتمام والهدايا اللي جابوها، أحنا بس اللي أغبياء وماأنتبهنا لحركاتهم ولا هيا واضحه ومفهومه.

عضت أصابعها بتوتر/قصي لاتلعب في دماغي بملاحظاتك دي ولو في حاجه من اللي بتقولها كنا عرفنا ماما مارح تخبي عنا شي زي دا.

رد بسخريه/لااا، وهيا كانت قالتلنا عن خالي صدام ولا صاحب خالي معاذ اللي خطبها!

ردت بتفكير/وتقول ليه وهيا رفضتهم..

إلتفتت له بجديه/قصي حبيبي قول أعوذ بالله من الشيطان الرجيم وسيبك من الأوهام دي، ماما أكيد مابتفكر في دا الشي وهيا قالتلنا بنفسها إنها مرتاحه كدا.

أيه هوا اللي مابفكر فيه ياياسمين.

إلتفتوا وشافوا أمهم اللي دخلت عليهم بدون مايحسوا وقطعت كلامهم وبتطالعهم بتساؤل، ردت ياسمين بتوتر/هاا لا دا قصي كان بيقولي ..إنك يعني ..شكلك --

قاطعتها جوري بضحكه/خلاص حبيبتي أرتاحي أنتي لإنك موعارفه تجمعي كلمتين أو كذبتين على بعض وخلي قصي قلبي يحكيلي.

وألتفتت لقصي بعتاب/هاا سيد قصي أيش الشي المهم اللي خلاك تسيب الرجال وتجي تجلس مع أختك وأنتا معصب كذا خير!

رد بعصبيه/وإذا قلتلك هتجاوبيني بصراحه ولا بتقوليلي أنت لسا صغير ولاتتدخل.

سكتت للحظات قبل ماترد بهدوء/لا وين صغير وأنت ماشاء عليك صرت رجال وبتعلي صوتك وبتنفخ وتعصب على أمك وكمان طلعتها كذابه بس بلفه دبلوماسيه.

شحب وجهه وبإرتباك/ ماقصدي أنا بس كنت معصب من ياسمين.

ردت بحزم/مهما كنت معصب فذا مايديك الحق إنك تعلي صوتك عليا، أنا أمك جنتك ونارك يعني توصل عندي وتوقف وتنتبه لأسلوبك ولا كتاب الله اللي بتقرأ فيه كل يوم حفظ وبس.

باس يدها بندم/أمي والله أسف سامحيني.

طالعتها ياسمين برجاء/ماما لاتزعلي منه من جد هوا كان معصب وماركز.

طالعتهم بصمت للحظات وبهدوء/ أول وأخر مره تكلمني كذا ياقصي فاهم.

هز رأسه بموافقه/ سامحيني وأوعدك أخر مره والله ماأعيدها الله يحفظك لاتزعلي.

ردت بتنهيده/ موزعلانه حبيبي والله يسامحك دنيا وآخره.

سألها بتردد/أمي أنتي مارح تسيبينا أبداً صح؟

حاوطت وجهه بكفوفها وبهدوء/حبيبي أنا مو قلتلكم إنه ماينفع أجلس معاكم أكثر من كذا وأبعد خالكم عن زوجته وأهله، وأنا لازم أرجع لأهلي وأنتوا كمان هتكونوا مع أهلكم أبوك وأخوانك وجدتك وماما ندى، صح أحنا مارح نكون مع بعض دايماً بس ذا مو معناه إني هسيبكم..بإذن الله هجيكم بإستمرار حتى في أيام المدارس وأنتوا كمان هتجوني والنت والجوالات الله يحفظهم قربوا البعيد وهيساعدونا وحياتنا هتمشي.

ياسمين بتوتر/بصراحه ياماما قصي.. يعني حاس .. إنك هتتزوجي وتبدي حياتك من جديد بدونا.

نقلت نظراتها بينهم بصدمه/أتزوج وأبدأ بدونكم! أنتوا من وين جايبين الكلام ذا؟

أشرت له ياسمين علشان يسكت وردت بسرعه/قصي سمع جده فاطمه بتكلم جده أروى عن خالي صدام والرجال الثاني اللي خطبك.

سألته بإستغراب/بتتنصت على جدتك ياقصي!

رد بدفاع/لا، أنا كنت جالس أذاكر وهيا أتكلمت قدامي يعني مو بالعنيه.

طالعته بهدوء/طيب مدام سمعتها فأكيد عرفت إني رفضتهم والموضوع إنتهى وأحنا وضعنا هيفضل زي ماتفقنا عليه.

إبتسمت ياسمين براحه/شفت قلتلك ماما مابتفكر في الزواج وهيا مرتا---

قاطعها قصي بشك/ ولو جوا غيرهم هترفضيهم كمان صح!

عقدت إيديها على صدرها وطالعته ببرود/وذا سؤال ولا أمر ياسيد قصى.

رد بإرتباك/أنا مو قصدي كذا أنا أبغى أطمن على وضعنا بس .

جوري بهدوء/وأيش اللي مو مطمنك في وضعك الحالي.

بلع ريقه بصعوبه / بصراحه أنا مابغاكي تتزوجي وتجيبي عيال غيرنا.

هزت رأسها بتفكير/أممممم ماتبغى! وذا على أساس إنك ولي أمري وأنا أصغر عيالك ولا أيش بالزبط!

مسك يدها برجاء/أمي الله يحفظك لا تفهميني غلط أنا--

سحبت يدها وقاطعته ببرود/ أفهم اللي هقوله لإني ماهعيده مره ثانيه، إذا في يوم من الأيام حبيت أتزوج فماهأخذ أذنك ياسيد قصي وهتلقى نفسك معزوم من ضمن المعازيم.. فهمت؟

طالعها بصدمه لدقيقتين قبل مايهز رأسه بموافقه جامده وتابعت بأمر/إذا أطمنت ياريت تروح تقوم بواجب ضيوفك.. وأنتي ياست ياسمين بيتهيألي عندك ضيوف تشوفيهم أنتي كمان.

خلصت كلامها وخرجت بدون ماتسمع ردهم وإلتفتت له ياسمين بحده/أنتا أيش اللي هببته دا! كيف تكلم ماما كدا وتأمرها كمان!

طالعها بشحوب/أنا موبقصدي أمرها.. طيب هيا ذحين هتتزوج ولا لا!خطبوها ولا لا!

هزته بعصبيه/ أنتا عليك عفريت أسمه زواج وخطوبه، ماما ذحين آخر شي تفكر فيه هوا الزواج وحتى لو فكرت فهيا حره وأحنا مالنا حق نمنعها.

سألها بعدم إقتناع/كيف مالنا حق ذي أمنا و --

قاطعته بغضب/كويس إنك لسا فاكر إنها أمنا وياريت ماتنسى دا الشي، بعدين ياغبي يابو مخ تخين هيا قالتياغبي إذا إذااا يعني ذحين مافي شي من اللي في بالك فسيبك من هرجك الفاضي اللي هيزعلها منا وخلينا نقضي اللي باقيلنا معاها وأحنا مبسوطين و--

كل ذا بتفكر! ماترد على سؤالي وتخلصني.

إلتفت للصوت اللي طلعه من ذكرياته وإتنهد بضيق وطالع في أبوه اللي كان يتهرب منه من يوم مارجع من صنعاء علشان لا يسأله عن أمه وأخبارها بس اليوم أبوه رجع بدري وكان هوا وياسمين لسا جالسين فأصر يتعشوا سوا وماصدق ندى وياسمين راحوا يجهزوا العشاء فأخذه وراحوا غرفته علشان يسأله، طالعه خالد بعصبيه/أنتا مبلم كذا ليه! قول أيش صار وأنتا هناك، سمعت شي غريب! أمك قالتلك شي عن عريس ولا شي!

رد بضيق/ماصار شي وماسمعت شي عن اللي بتقوله وقلتلك ماما ماهي حول الزواج ولا بتفكر فيه.

دار في الغرفه بتوتر وبشك/قصي متأكد من كلامك! يعني جدك مساعد ذا مالمح لجدك عبدالله ولخيلانك عن خطوبه وزواج؟

رد بثقه/أصلاً هما ماجلسوا غير أربعة أيام يومين الزواج ويومين قضيناها تماشي والكل كان مشغول ومافي وقت للي بتقوله ذا.

رد بتوتر/إن شاء الله يكون كلامك صح.

جلس جنبه وبتردد/ طيب أمك مابتجيب سيرتي قدامك أنتا وأختك! مابتقول شي عني!

طالعه بعدم فهم/شي زي أيش!

رد بشرح/يعني كيفي.. أيش مسوي.. سلموا على أبوكم، يعني أشياء زي كذا.

هز رأسه بنفي/ماعمرها قالت ولاسألت.

وقف وطالعه بحده/أنتا شكلك مابتركز معاها وهيا تهرج ولا مو معقول ماتجيب سيرتي ولو مره عالأقل.

دخلت ياسمين قبل مايرد عليه قصي وطالعتهم بإستغراب/بابا أنتا هنا! يلا العشاء جاهز.

خرج قصي بسرعه بدون مايطالع في خالد اللي حس إنه هينفجر من القهر.


،

،

،

،

،


الرياض، الثانية صباحاً

مس..اء الخييير يااا.. قطوه.

إلتفتت وشافت أخوها سلطان يترنح ويتكلم بثقل وراحت له بسرعه/أنت جنيت! وش جايبك هنا وأنت بهالحاله ومتى رديت من السفر!

رد بثقل/ذا بييتي ..يااغبيه.

سندته بصعوبه للمصعد وطالعته جناحه وبالقوه وصل لسريره وإرتمى عليه، خلعت جزمته وبتأفف/ أنت تبي تورطني معك! أبوي إن شم خبر ولاشافك بهالمنظر بيصلون عليك جنازه.

رد بضحكه/شم..خبر.. أبوييي..كلب ع--

قاطعته بإبتسامه/لااا أنت منتهي عالآخر، الظاهر السهره كانت حيل حلوه.

هز رأسه بنفي/حلوه..طل ..بعينك نفسهم ..كل يووم.

أتعدل وأشر لها تجلس جنبه وبهمس/أنتي .. ياكذااابه.. وين.. وين رفيقتك.. اللللي صورررتيها هااا ووين!

زفرت بضيق/بعدك متذكر!

هز رأسه بموافقه وتابعت /تدري جاتني تبكي وتعتذر وتقول سامحيني عمتي شذى وأنا آسفه و--

قاطعها بضحكه/وأنتي.. سامح..تيها يا.. حنونه.. شذى الحنووو.. نه.. غبيه..أنتي..غبيه..

إتذكرت كيف دخلت المطبخ بعد طلعوا البنات وفرغت علبة الملح في الأكل بعد ماقعدت رؤى ساعه تغيض فيها وتمدح في طبخ جوري بس الحيوانه رؤى قالت لها إنها سوت المرقوق والجريش وبدل ما الكل يحشوها ويعيبوا طبخها خرب طبخ ثريا والمدح كله راح لها.. وقتها حست إنها بتنفجر لو سمعت كلمه زياده في مدحها وقررت تحول السالفه لصالحها وتخرب بينها وبين ثريا بس للأسف محد صدقها ومن كثر قهرها ماأستحملت تشوفها وفي نفس الوقت تحذير أبوها كان بيرن في دماغها ومخليها على أعصابها فتركتهم وطلعت غرفتها وقفلت على نفسها و

هي بترد ..تتمسخخر.. عليكي.. وتقو..لين ..سلطااان ساعدني

طلعت من أفكارها على صوت سلطان وردت بحده/أوووه قلت لك باست رجلي علشان أسامحها خلص فكني من هالسالفه وأنساها.. بعدين شتبي بصورها! ماشبعت بنات! أنت مو مخلي لاداخل المملكه ولاخارجها والبنات اللي تعرفهم أكثر من الهم عالقلب و--

قطعت كلامها لما طاح عالسرير وراح في النوم بدون مايحس وبغيض/مالت عليك الحين شلون بكمل سهرتي بعد ماعكرت مزاجي بسيرتها.

سبت فيه وفي جوري وخرجت وصفقت الباب بقوه وحقد.

،

،