17-09-15, 09:33 PM
| #1 | ||||||||
 
|  أغصان بلا ورق | بقلمي الغصن الاول في أحياء جدة الراقيه دخّل سيارته الفخمة في الكراج خرج بخطوات ثابته وهادئة , وهوه يتوجه لباب الفيلا الضخمة , فتح الباب بالمفاتيح , وجاته وحده من الخدم فصخ بدلته الرسميه وأعطاها لها : فين أمي . الخادمة: في غرفة هيا . توجه لإحدى الغرف , وفي باله موضوع مهم , لقى أمه جالسه ع الكرسي وفي يدها سبحه : السلام عليكم. لفت له , وابتسمت ابتسامه حنونه : وعليكم السلام هلا بالغالي. باس راسها , وبدون مقدمات : امي , دوريلي عروسه , أبغا أتجوز. أمه بفرحه لا توصف : أخيرًا يا عزام.. عزام بتنهيده : كلو عشان عيونك , ولا أنا مو في بالي , بس لا تغلطي نفس الغلط يا أمي . أمه وهي متفهمه : صدقني حدورلك اللي تفهمك وتصونك يا حبيبي. عزام:30سنة. الام-بدور-:52سنة. ============================== إحدى الفلل المتواضعة في مكة المكرمة مجلس الرجال جالس على صوفا سكّريه تتخللها نقوش باللون الذهبي المطفي , ناظر المجلس بتعالي وكأنه موعاجبه نقل نظراته للرجل المسن اللي في نهاية الـ 50 , وبتكبر:يلا يا بومحمد خلي رفال تجي , ما لها قعده هنا. بو محمد اللي ما عجبه الرجال ولا نظراته للمجلس , أردف بثقه :رفال ما تخرج من بيتي , وأظنها قد كلمتك وقالت إنها تبا تقعد عندنا , وانا ما أجبر وحده من بناتي على شي ماتباه يابو معاذ. أبو معاذ بإبتسامه ساخره : دحين تبا تقنعني إنو رفال عاجبتهاا العيشه هنا عيشة الفقر, ولا كمان تقلي بقوة عين انها بنتك. ناظره بحده : مدري مين اللي قوي العين فينا , رفال أعتبرها وحده من بناتي , لاني من خمس سنوات أنا أصرف عليها , واشتريلها , وما قصرت معاها يوم مات يُــوسف , وانتا بكل بجاحه دحين جاي وبعد خمس سنوات تبا تاخدها بارده مبرده. قام من الصوفا ببرود : على العموم , انا جيتك بالطيب وقلت أعطيني رفال وحروح بس شكلك تحب المشاكل..وناظره بقوه.. نتقابل في المحاكم. ابومحمد-إسماعيل-:59سنه. ابو معاذ-سامي-:39سنه. .... تحت في الصاله ضمت أحن إنسانه قابلتها في هالدنيا , وببكاء : ماما , لا تخليهم ياخدوني , أصلا هما يكرهو بابا الله يرحمو, ايش يبغو مني دحين . بعدتها عن حضنها ومسحت دموعها بحنان : يا بنتي بالله تتوقعي انو أبو محمد حيخليهم ياخدوكي , لو اصرو أنهم ياخدوكي انا حوقف في وجههم , والله انتي في حسبة بنتي ياقلبي. رجعت ضمتها ثاني , وهي ما تتمنى بعدهم , تحس انهم عوضوها عن كل حاجه في هالدنيا رفال:26سنه. ام محمد-زينه-:55سنه. ============================== داخل غرفه مظلمه وبارده , نايم بسلام في السرير والشرشف مغطيه , فتح عيونه وهو سامع همس يقول:مــــحـــمــــد ســـاعــــدنـــي. فتح نور الابجوره اللي في الكومدينه , ولقاها تتوجه نحوه , بملابسها المشققه , وآثار الجروح في رقبتها ويدها , ودموعها مغطيه وجهها قام من النوم بفجعه والعرق ينزل من جبينه فتح النور وما لقى أحد , راح للحمام وهو يتعوذ من إبليس , بلل وجهه بالمويه وبهمس : ياربي متى ارتاح , دا الحلم كل يوم يجيني من ستة شهور . سمع رنة جواله رد بدون ما يشوف الرقم : الو. ....: دكتر محمد , فيه حاله طارئه نحتاجك. محمد بعصبيه: اشبكم انا عندي إجازه وتقولي تعال فيه حالة طارئه . : نعتذر يا دكتور بس فيه حالة طارئة قفل الجوال بعصبيه , وغير ملابسه وراح للمستشفى محمد:33سنه. ============================== في إحدى بيوت جده المتواضعة داخل غرفة من هذي البيوت , طافيه جميع اللمبات عدا وحده , معطيه جو رومنسي للغرفه , جالسه على مكتبها وهي غارقه في كتابة الخواطر والاشعار ومن إحدى كتاباتها انت مثلي ؟! إذا.. فإنك تحتاج إلى الهروب دوما من الاصدقاء من الاعداء ومن كل شيء يأخذك منك أن تكون بحاجه ماسه لعناق نفسك ووحدتك كلما شعرت انك بعيد عن نفسك ما إن تصادف شيء يغيرك شيء واحد فقط إلا وتصبح شخصين آخرين أحدهما يموت والاخر يلقى في متاهه ليس لها حل .. متاهة النسيان يقف هذا الوحيد أمام القمر لعله يجد ما يؤنس وحشته وقلبه يقول : أين أنت يا أنا ؟! هل تعلم ما اصبحت عليه من بعدك؟ سيء هذا الانتظار..أنتظار دون جدوى ولكن لن أمل أرى انني ألوّح لنفسي من بعيد نعم انا هناك .. انا على سطح القمر حست بخطوات تتجه نحو الغرفه , بدت تجمع الاوراق بخوف , سمعت دق الباب وبربكه : أدخل . دخل وهو مبتسم وقفل الباب وراه: غريبه ما نمتي , في العادة تنامي بدري , دحين الساعه اطنعش. أتنفست براحه لما عرفت انو هوه اللي دخل : مدري ما جاني النوم فقلت أكتب كزا حاجه . عقد حواجبه وبحذر : بتول ما تخافي انو ماما تجي وتشوفك. بتول بضيق: يا الله من أمك يا عادل كاتمه عليا مرره حتى جامعه ما خلتني , وكمان خواطر ما ترضى. حزن في نفسه نفسه ع حالها, فعلا امه كابته عليها , أبتسم يخفف عنها : عاد انتي تعرفي امي كيف , اصبري شويه بس . أتنهدت وبأمل : نصبر , ما اقدر أسوي شي غيرو. بتول:23سنه. عادل:25سنه. ملاحظه : عادل ولد عم بتول وأخوها من الرضاعه ============================== واقف خلف الباب وعيونه المدمعه تشوف أخته دافنه وجهها في المخده وتصيح بحرقه , راح لها وفي يده حصاله مسك كتفها وبهمس: وبهمس :كيان , لا تبكي جمعت فلوس من مصروفي . قامت وضمته ودموعها تنزل بصمت : بسام , هادي فلوسك انتا , ما يحتاج أخدها . بسام بألم : ترا أعرف انو ابويا يحتاج عمليه. بعدت عنه ومسحت دموعها : أنا جمعت فلوس من راتبي , وفلوسي تكفي عشين نسافر ونعالج بابا. بسام: الحمدلله !! طب ليه تبكي ؟ كيان بضيق : حزنانه على بابا. بسام بجديه : ترا الدموع محاتفيدنا كيان : إيش في حيلي غير الدموع سحبها من يدها وقومها : نروح عند بابا ونقلو اننا حنسافر عشين يتعالج . كيان:25سنه. بسام:17سنه. ============================== اليوم الثاني..مكة المكرمة داخل مدرسه حكوميه لبنات المتوسطه سحبت بنت خالتها بحماس: لورا خليني أقلها انك بنت خالتي أبا اشوف ردة فعلها. سحبت يدها وهي ما تبي تكلم الابله: لا لا إش حنستفيد. ما أهتمت لها وسحبتها غصب ووقفوا قبال وحده من المدرسات وبإبتسامه وهي تحوط رقبة لورا: ابله ليلى شوفي دي بنت خالتي. نقلت نظراتها بينهم بصدمه , وبعد ما أستوعبت سلمت على لورا بإبتسامه :سلميلي على اخواتك لمى و.. قاطعتها بمرح : و روز وليال ..وكملت بحماس.. ترا يا أبله دولا مو بنات خالاتي , هما بنات بنت خالتي , يعني امهم بنت خالتي , وخالتي أم أمهم , وماما خالة أمهم وانا اقول للورا بنت خالتي إختصار بدال بـــنـــت بــــنت خالتي احسها مره طويله , بس واللـ.. قاطعتها بعصبيه:خلاص خلاص , جننتيني , بالعه مسجل. ودخلت الفصل وهي معصبه طالعو في بعض وأنفجروا ضحك: أهههه يا كِناز وربي إنك تحفه خليتيها تعصب. مسحت دموعها اللي نزلت من الضحك , وبمرحها المعتاد: يــــــاس يــــاس خليتها تعصب. لورا: دق الجرس خلينا نرجع الفصل. كِناز بملل:لااه خلينا نلفلف شويه. لورا بعجله : معليش ماقدر, علينا أبله جواهر كِناز:اهاا أووك. لورا:13سنه. كِناز:14سنه. ============================== جده الساعه6 المغرب دخل المطبخ بحذر شديد , شاف وحده من الخدم تنظف الارضيه وباين في وجهها الارهاق , جات في باله فكره خبيثه , مسك مجموعه من الكاسات المرصوصه بإنتظام وكسرهم شهقت بفجعه من الصوت , طالعت القزاز المكسور بصدمه : سالم !! ايش هادا , ليش سويت كده ..توجهت له وشدت إذنه بقوه.. يا معفن انا دوبي قلت أخيرًا حخلص. بعد يدها وهو متالم من قرصتها وشويه ويبكي : والله لأعلم عادل إنك ضربتيني. ناظرته بسخريه: يلا روح قلّو , اشوف اش حيسويلي . سالم: حيضربك زي ما ضربتيني. رصت على سنونها وبهمس : الله ياخدك انتا وعادل وام عادل , مدري كيف بتول مقابله وجيههم طول اليوم. شمرت أكمامها ولمت القزاز ورمته في السله دخل المطبخ وبصوت رجولي فخم : ياسمين. لفت له وبثقه : نعم . تقدم نحوها بخطوات هاديه بوجه جامد ما فيه أي تعبير : دوبو جاني سالم , وقال إنك ضربتييه. ورفع حاجبه بإستهزاء بلعت ريقها خوف من ملامحه , حاولت قدر الامكان إنها ما تبين خوفها : ايوه ضربتو , لانو كسر الكــ.. شهقت بألم لما حست بأصابيعه تنغرس في كتفها همس وانفاسه تحرق وجهها : بأي حق تضربيه وانتي هنا مجرد خدامه. حاولت تفلت من قبضة يده وهي تتجاهل الالم , بس كانت يده أقوى , ودها تسبه , تضربه تحط حرتها فيه , بس ما تقدر , لانها وبإختصارخايفه تنطرد , نزلت راسها وهي تتنفس بسرعه , وتحس بهيجان في قلبها , تحس بقلبها يتحرق من الذل اللي عايشته , سمعت همسه: والله محأرحمك ازا جاني سالم يشتكي منك. دفها بقوه وطاحت على الارض بعنف قامت بتثاقل من بعد ما تأكدت انه راح , مسحت دمعتها اللي نزلت غصبن عنها وبحرقة قلب : حسبي الله عليك يا عادل حــســـبــي الله عليك. ياسمين:24سنه. ============================== إحدى الملاهي الليلية في أمريكا بين الاشخاص السكارى والبنات العرايا , بنتين متحجبات , أشكالهم غلط بملابسهم الساتره , وحدة منهم بهمس للثانيه : أسماء , لا تقوليلي انو هوه هنا. اسماء : إيوه داكا اللي جالس لحالو . ناظرت محل ما أشرت ولفت واحد يشرب كاسه ورا كاسه , شهقت بعنف : يا مجنونة ياغبيه , بالله كيف تحبي واحد زي كدهه , كنو شباب السعوديه خلصو. تضايقت أسماء من كلامها ودافعت عنه : ساميه خلاص أسكتي ترا قلبو طيّب. ساميه بقهر منها : ليه أسكت , ما أرضا أشوفك تحبي واحد سكّير زيو , وكيف طيب وهوه يجي لدي الاماكن. أسماء :ازا حتعطيني محاضرات أحسلّك تخرجي من هنا. راحت له وهي معصبه منها , تحبه ما تبي أحد يسبه , أو يتكلم عليه , وهو يكرها ويكره سيرتها , وهي تعرف لكن حبها له أعماها سحبت كاس الوسكي قبل لا يشربه وبعصبيه : هــيــه, أتجننت!! أخرتها تشرب السم دا , ماكنت كده أش غيرك , قلي هـاهـ؟ سحب منها الكاس وبشراسه : إنتي إشلك , أشرب وسكي , انام معا بنات , أروح حفلات مختلطة , بكيفي في كل محل لاحقتني وناشبتلي في حلقي , سكتلّك كتير روحي فارقيني يا نشبه . سكت لما شاف دموعها تتلألأ في عيونها , ماهو متعود يجرح أحد , ويبكيه , بس هوه طفش منها , ماهو مجبور يتحملها , رمى الكاس بعصبية وتركها مجهول:20سنه ونصف. ============================== سندت راسها ع الجدار , وغطت نفسها بشرشف خفيف وهي ترجف , ما بـ ترجف من برودة الغرفة , ترجف من ألم قلبها , ترجف من العذاب اللي عاشته وهي صغيرة , واثره للحين باقي نزلت دموعها وزادت رجفتها وهي تتذكر تفاصيل الليلة اللي حطمتها وكسرت أنوثتها , شدت ع الشرشف كنها تطلع الالم اللي في قلبها عليه طلعت آهات تعبر عن وجعها المكتوم , وبشهقات متتاليه: الله لا يسامحك , الله لا يبيحك , الله يسلط عليك شرار خلقه , إن شاء الله تشوف اللي سويته فيا في عيالك. رفعت يدها المرتجفة لتمسح دموعها , وبفحيح: أدري انو مالهم ذنب , بس لازم يحسو باللي أحس فيه عشين انتا تتحرق , عشين انا ارتاح. نهاية الغصن الاول -شخصيات كثيره , وحياة غامضه لكل واحد منهم , أبغاكم تبحروا في خيالكم , وتكتبوا أيش جا في بالكم لكل شخصيه. -أخر مشهد , غموض يتخلله حزن عميق , ايش الشي اللي خلاها توصل لـ هلحال , و مين تتوقعوا إنها تكون , وهي وحده من الشخصيات اللي ظهرت في البارت. -توقعاتكم وانتقاداتكم | ||||||||
|
|
19-09-15, 11:34 AM
| #2 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي  
| الف الف مبروووك عزيزتي اهلا بك بيننا وان شاء الله تجدين مايرضيك بالتوفيق عزيزتي الروايه معروضه بالمكان الغلط في قسم الروايات المتسلسله المكتمله ... تعرض الروايات بالبدايه في القسم العام ثم تنقل من قبل الاشراف عندما تكتمل وارجو منكِ التفضل هنا لمعرفة قوانين القسم https://www.rewity.com/forum/t285382.html | |||||||
|
|
|
19-09-15, 12:26 PM
| #3 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي
| بارت تعريفي اسلوبك جميل ومشوق لانزال بالبدايه والغموض يكتنف كل الشخصيات عزام .. يبدوا انه مر بتجربة زواج سابقه واختيار كان غلط الان يريد ان يعيد التجربه من جديد لخاطر والدته وترك والاختيار لها .. لكن ياترى الاختيار الاول كان لمن له او لامه ايضا ؟؟ رفال .. ناعلاقتها بعائلة ابو محمد ؟؟ لماذا هي عندهم من 5 سنوات ,, يوسف هل عو ابو رفال ومن وفاته اخذها ابو محمد عنده ............ طيب ابو معاذ من يكون عم او ابن عم .. على كل اتوقع انهم اعمامها والان يطالبون بها الدكتور محمد وحلمه الغريب ؟؟؟ من التي تريد مساعدته ؟؟؟ محمد هذا ان ابو محمد الذي تسكن رفال عندهم ؟؟ علئلة عادل ... بتول بنت العم تعيش معهم .. منذ متى ؟؟ تصرفات عادل مع بتول تقول انه حنين وطيب لكن مع ياسمين تقول انه نتعجرف ومتكبر .. كما ان سالم ايضا خبيث اكيد امعهم لاتقل بالشر عنهم .................. بقيت ياسمين الخدامه واضح انها واطنه وليست من العماله الاجنبيه ,, هل هي تعمل عندهم كخادمه ثم تذهب لاهلها او هي مقيمه عندهم لانها يتيمه مقطوعه لااحد لها ؟؟ عائلة اخرى كيان وبسام واب يحتاج للعلاج في الخارج ... المراهقتين لورا وكناز الشيطانه من عائلتهم هل تعرفنا عليهم ؟؟؟ وهل المدرسه سيكون لها دور او مجرد موقف عابر اسماء وساميه ... جرءة كبيره الدخول لملهى في امريكا وبلبس محجبات !!!!! كم عنرهن ياترى ؟؟؟ من هو المجهول وما هي حكايته ..؟؟ واخيرا المجهوله التي تدعي على مجهول ............ يبدوا ان هناك من انتهك عفتها واغتصبها وهي صغيره ولم تستطع ان تنسى وهاهي تدعي عليه ان يذوق مافعله ببناته ........ معها كل الحق انتظرك بشوق | |||||||
|
|
|
19-09-15, 12:47 PM
| #4 | ||||||||||||||
| كاتبة ومصممة في قسم قصص من وحي الأعضاء وعضو في فريق مصممي روايتي وساحرة واحة الأسمر بقلوب أحلام 
| ياهلا والله أهلييين فيكِ حبيبتي كويس انك جيتي هنا وان شاء الله تلاقي التفاعل التبيغه مبرووووووك افتتاح الرواية في روايتي مرررره مبسوطه هنا بروايتي أقدر أقرأ بكل راحه بعيد عن أي موقع ثاني مُتابعه معك ان شاء الله | ||||||||||||||
|
|
|
20-09-15, 08:41 PM
| #5 | |||||||||
| اقتباس:
انتي الاجمل .. الغموض بيلف الروايه لين الغصن الثالث .. وبعده تبدأ الاشياء تتوضح كناز ولورا .. ما ذكرت عائلتهم .. و لورا ماهي شخصية مهمه .. بس لها دورها اسماء وساميه .. هم من نفس عمر المجهول عشرين سنه عجبني جدًا ردك .. وتحليلك للأحداث والشخصيات اغلبه كان موفق واعتذر على عدم ردي لأسألتك .. الغصان القادمه هي اللي حتجاوبك ودي لكِ | |||||||||
|
|
|
20-09-15, 11:29 PM
| #6 | ||||||||
| مشرفة وكاتبة في منتدى قصص من وحي الأعضاء ومحررة واعدة بعمود الأعضاء 
| مبروك حبيبتي الروايه الجديدة و يارب يوفقك ان شاء الله اسلوبك جميل ام سوسو كعادتها حللت الفصل بطريقة رائعه و حاولت تلاقي اجابات لاغلب الاسئله المطروحه شخصيات كتير و مغيش اي رابط بينهم حتي الان و اعتقد اكيد فيه روابط هتظهر بمجرد ما ندخل بالاحداث منتظراكي بالفصل القادم ان شاء الله | ||||||||
|
|
|
23-09-15, 03:17 AM
| #8 | ||||||||
| الغصن الثاني هل أخبرتُك ألا حياة بعدك ؟ عفوًا .. كنتُ أكذب ! لمحه من الماضي أتمايلت بجسمها المغري على أنغام الموسيقى الاجنبيه , ناظرت التلفزيون وهي تقلد الرقصه بإتقان , اللي يشوفها ويشوف جسمها وتمايلاته ما يعطيها عمر 11 سنه , مرت الدقايق وهي على حالها ومستمتعه , حست بشي غريب , حست بأعين تراقبها لفت وجهها ولقته يطالع فيها وعلى شفاته إبتسامه غريبه , أنحرجت ووقفت رقص , حكت جبينها بتوتر: عمي إش صحاك ؟ دخل المطبخ وناداها : تعالي اباكي شويه. زفرت براحه وبتساؤل : هوه زهمني ولا انا اتخيل ..حركت كتوفها بعدم مبلاة.. خليني أدخل يمكن زهمني. بعد شوي خرجت من المطبخ بخطوات متسارعه , ماسكه شفاتها بقرف وتمسحها , وعقلها مشلول عن التفكير دخلت احدى الغرف , أنسدحت وأتخذت وضعية الجنين وأنفاسها مضطربة وهي تحاول تمسح الصوره اللي في بالها قدر الامكان ملاحظة : ما هو عمها لكن إحتراما له تقول له "عمي". فرنسا - باريس تسللت أشعة الشمس وداعبت عيونه , ظهرت ملامح الأنزعاج والضيق في وجهه وفتع عيونه الواسعه برسمتها الحاده , مسح على وجهه وهو يحاول يتكر ايش صار ليلة امس , حس بصداع يداهم راسه : أهه , انا ايش جابني لـ هِنا. قام وسحب تيشيرته المرمي علـ الارض ليلبسه ودخل الحمام زاوية أخرى بنفس الشقة واقف علـ بلاكونه وبيده كوب قهوه , وملامح البرود تعتلي وجهه , وجلس علـ الكرسي وأرتشف من الكوب سمع صوت من وراه: ايش صار أمس. مشعل بدون ما يناظره أو يلف وجهه : كعادتك سكران , ضربتك وجبتك عندي . جلس على الكرسي اللي جنبه وهو يولع زقارته وبسخريه : راعي أُصول ماشاء الله . سحب الزقاره ورماها علـ الارض ثم دعسها : إذا تبا تدخن انقلع برا الشقه. ضحك بصخب ليستفزه : هدي ياواد , انتا اللي جبتني لهنا. مشعل ما أهتم لكلام وبنبرته البارده اللي تعود عليها : متى ناوي تروح السعوديه وتشرف زوجتك. وليد بلا مُبالاة : تنقلع. صمت بين الطرفين ووليد كسره : وانت منت ناوي ترجع السعوديه ؟ مشعل :تؤ , بعيش هنا لين ما اموت وليد:37سنه. مشعل:32سنه. ============================== في أرقى أحياء جده خرجت من الحمام وهي شايله بنتها اللي دوبها حممتها , باست خدها المبلل بحنان: يلا حبيبة امها خليني البسك عشان بابا شويه ويجي. ريحت راسها على صدر امها بدلع , وبفرحه : بــابــا. دخلت حرمه في نهاية الـ40 والتكبر والغرور باين في ملامحها : ندى , فهد جا عشان ياخد ميس. ندى بهدوء: طيب ماما , بس خليني البسها وانزلها لو . تحت في الصاله جالس برسميه على الكنبات اللي تناسب فخامة الصاله , شافها تنزل وهي لابسه عباتها والنقاب مبين عيونها الوسيعه , وماسكه ميس من يدها وأغراضها في اليد الثانيه تركت يد أمها وركضت لترتمي في حضنه , وبدلع وهي تبوس خده: بابا وحشتني . ضمها بحنان , وبضحكه :حتى انتي يا بعد قلب ابوكي. ندى وهي تمد له أغراض ميس : هنا فيه ملابسها وشوية العاب . قام ونزل ميس من حضنه :ندى يمكن حاخد ميس دي المره أسبوع . فتحت عيونها على الاخر وبإستغراب : ليه ان شاء الله ؟ فهد : بعد تلاته أيام حنروح الهدا مع اهلي فحبيت اخدها تغير جو شوية . ندى بعد فتره قصيره من الصمت : اوكي , بس انتبي عليها , ودفيها لا تمرض لانو هناك برد . فهد : إن شاء الله . اعطته ظهرها لكنه مسك يدها ووقفها : ندى أستني . لفت له وسحبت يدها : خير . فهد بتوتر واضح : فكرتي بالكلام اللي قلتلك عليه . ندى بنظرات ناريه وحاده : فهد سيبك من الكلام الفاضي , دحينا انا على ذمة رجال تاني , خليك بعيد عني احسلّك. كان بيتكلم بس هي قاطعته بنفس نبرتها : أسكت مو لازم تتكلم لاني عارفه اش حتقول , خلاكي معلقة يا ندى , سارلو اكتر من سنه وهوه ما شافك من يوم ما ملكتو , بس حابه اقلك انو كلامك دا ما يهمني ومني راجعه لواحد يذلني ويهينني . أعطته ظهرها ومشيت بغضب ناظرها واتنهد بحسره وألم على كل دقيقه كانت هي حلاله وما احسن في معاملته لها ندى:28سنه. فهد:32سنه. ميس:6سنوات. أم ندى-سلوى-:49سنه. ============================== في مدرسه حكوميه للإبتدائي داخل المقصف لبست المرليه بحماسها المعروف ولمت شعرها الطويل "كعكه" دخلت المقصف والتعب باين في عيونها علقت عبايتها , ولبست المريله بهدوء تاام حطت البطاطس في الزيت لتقليها وبإبتسامه : ريمآآ أتأخرتي اليوم مو من عادتك. أستغربت حيل لما ما لقت رد , ألتفتت ولقتها تغسل يدها بسرحآآن , سحبتها من يدها للطاوله اللي فنصف المقصف , وبقلق : ريمآآ إشبك؟ ناظرتها بعيون مليانه دموع: مُـهند. أردفت بخوف وهي عاقده حواجبها المرسومه : جاكم خبر منو؟ ريمآآ ودموعها تنزل : أمس أتصل علينا واحد مدري مين هوه , طلب مننا فلوس وبيرجعوا مُـهند , وسمعت صوت مُـهند وهوه يبكي ويترجاهم يسيبوه , قلبي محروق يا ياسمين محــــروق. دمعت عيونها وهي تشوف ريمآآ بقمة إنهيارها , مسكت كتفها بحنان : أستهدي بالله , طيب كم طلبو. تكلمت من بين شهقاتها : خمـ.ـسين ألـ.ـف. أنلجمت وما قدرت ترد , هم ناس على قد حالهم , ويدوب يحصلوا لقمة عيشهم , كيف بيسددوا هالمبلغ الكبير بالنسبة لهم؟ ريمآآ بحرقة : المصيبه ماجد فينه مني عارفه , من يوم ما أتصل هذاك الرجال راح , كني ناقصه هم. أعطتها مناديل لتمسح دموعها , وبمواساة : إن شاء الله ما يرجع إلا و مُـهند معاه. ريمآآ بعد ما هدت نفسها : آمين. دخلت عليهم حرمة في بداية الاربعينات الملقبه بأم مساعد , وهي اللي مستأجره المقصف من المدرسه والمسوؤلة عنه : ريما ياسمين , إشبكم قاعدين كده وتتبكبكوا. ريما وقفت وهي تغصب ابتسامه: لا ما في شي . أم مساعد : خلاص ما في مشكله ، ياسمين تعالي أبغاكي شويه. ياسمين راحت معاها وهي عارفه انها بتسألها عن سبب بكاء ريما وذبول وجهها ============================== في المتوسط خرجت عبايتها من شنطتها المزينه بألوان فسفوريه وبضيق حاولت تخفيه وهي تكلم صديقتها : بنت خالتي مدري إشبها ، ما سارت تكلمني زي أول ، وتسلم عليا مدري كيف. صديقتها بتفكير :أمممم بنت خالتك بنت خالتك ، مين هيا ؟ روان؟. كِناز : ايوه ام يوسف اللي دايما أحط صورو في إنستقرام. أردفت بمرح وهي تحاول تبعد ضيقتها : ما عليكي منها يادبه ، بس تعالي ، هيا دحين زي إسمي ، بس حلوه زيي. ورمشت بدلع ضحكت عليها وبعثرت شعرها القصير بحت : لا طبعا هوه فيه أحلى من روان عصام؟ روان بنفس نظراتها : لئا. أبتسمت وهي ناسيه ضيقتها تماما:يلا أنا لازم أروح قبل لا يعصب السواق عليا. غطت وجهها ومشت لبوابة المدرسه : يلا باي. روان بصوت عالي : باااي ...... دخلت السيارة وقالت لأختها اللي تصغرها بـ ٤ سنوات : مـــايـــا ، أتأخرت. هزت راسها بـ نعم شهقت وقالت لسواقهم اللي اكثر من ١٠ سنين معاهم : بشيـــر ، حلفتك بالله اتأخرت ولا لا ؟ بشير وهو يبتسم على كذبة مايا : لا ما اتأخرتي . ريحت جسمها علـ المقعده وبراحه : الحمدلله . إلتفتت على مايا وبغرور مصطنع : أصلا انتي وحدة كدابه ، الواحد ما يصدقك في حاجه ، تعرفي ، اصلا انا الغلطانه جايه اسألك ، هادي اخر مره اكلم وحده كدابه ، ما تقــ.. قاطعتها وهي مقهوره منها و من كلامها : أسكتي أصلا انا مني ميته عليكي. أخفت ابتسامتها وهي مستمتعه بـ إستفزازها , ما قدرت تتحمل ملامح وجهها المقهوره لـ تنفجر ضحك على شكلها ============================== جدة..داخل بيت شعبي مُتهالك رجل في بداية الخمسين , مستلقي على سرير من خشب , وكأنه رجل مسن في بداية السبعين بسبب المرض اللي هلكه سمع صوت الباب البيت يتقفل: مين هون؟ ياسمين؟ علقت عبايتها علـى الشماعه اللي بجانب المطبخ: اه هادي أنا ، هيني جايه. طاحت عيونها على الاكياس اللي من البقاله , أستغربت لأنها ما تتذكر انها راحت وأشترت المقاضي "يــاسميـــن , وينك" ياسمين من بعد ما دخلت الغرفه: مين اللي جاب المقاضي؟ أبو ياسمين: أبو صالح الله يجزيه الخير. جلست جنبه وكعادتها بدت تحكيه كل شي صار لها اليوم وقالتله عن ريما ومهند أستمعلها بإهتمام وبالذات إنهم من نفس حارتهم ويعرفهم: مو قلتيلي إنك جمعتي مصاري. ياسمين وهي مستغربه من سؤاله: اه. أبو ياسمين: خلص ساعديهم فيها أعطيهم أياها. أندهشت من طلبه اللي ما توقعته وبإنفعال: مستحيل ، انا جمعتهم عشانك ، عشان علاجك . أردف بهدوء وهو يحاول يمتص غضبها: ياسمين , بنتي حبيبتي , أنا ما رح اعيش كتير , كلها كم شهر وبمـ.. سكت لما شاف دموعها تتلألأ في عيونها , حضنها لصدره , باين إنها ما تبا تنزلهم قدامه , يعرف بنته وعنادها , يعرفها ويعرف كمية الكبرياء اللي فيها , وقوتها اللي تخفي ضعفها ومقدار إحتياجها له وهي بادلت الضمه , ومسحت دمعاتها على قميصه , ما تبغا تضعف , تعرف كمية الوجع اللي في أبوها , وما تبي تزيد وجعه بشوفته لدموعها بعدت من حضنه وأردفت: بابا انا بجمع هالمصاري عشان أروح علـ الاردن بدي روح لأهلك إنت وماما يمكن يحسو بـ معاناتنا. أبو ياسمين: ما بظن انهم رح يسامحونا لأني ياما رحت لهم وطلبت السماح لما كانت أمك عايشه. تنهدت بضيق وحزن لـ ذكرى أمها: الله يرحمها. == نهاية الغصن الثاني -وعرفنا السبب اللي خلى ياسمين تشتغل هالشغلات ، لأنها ماهي سعودية ومن جنسيه أردنيه ، ومعروف بالسعودية انو الغير سعوديين ما يقبلوهم بالجامعات إلا بـ مبالغ محدده ، وأبوها مريض فـ هي مضطره تشتغل بـ بيوت الناس. | ||||||||
|
|
|
23-09-15, 03:18 AM
| #9 | ||||||||
| الغصن الثاني هل أخبرتُك ألا حياة بعدك ؟ عفوًا .. كنتُ أكذب ! لمحه من الماضي أتمايلت بجسمها المغري على أنغام الموسيقى الاجنبيه , ناظرت التلفزيون وهي تقلد الرقصه بإتقان , اللي يشوفها ويشوف جسمها وتمايلاته ما يعطيها عمر 11 سنه , مرت الدقايق وهي على حالها ومستمتعه , حست بشي غريب , حست بأعين تراقبها لفت وجهها ولقته يطالع فيها وعلى شفاته إبتسامه غريبه , أنحرجت ووقفت رقص , حكت جبينها بتوتر: عمي إش صحاك ؟ دخل المطبخ وناداها : تعالي اباكي شويه. زفرت براحه وبتساؤل : هوه زهمني ولا انا اتخيل ..حركت كتوفها بعدم مبلاة.. خليني أدخل يمكن زهمني. بعد شوي خرجت من المطبخ بخطوات متسارعه , ماسكه شفاتها بقرف وتمسحها , وعقلها مشلول عن التفكير دخلت احدى الغرف , أنسدحت وأتخذت وضعية الجنين وأنفاسها مضطربة وهي تحاول تمسح الصوره اللي في بالها قدر الامكان ملاحظة : ما هو عمها لكن إحتراما له تقول له "عمي". فرنسا - باريس تسللت أشعة الشمس وداعبت عيونه , ظهرت ملامح الأنزعاج والضيق في وجهه وفتع عيونه الواسعه برسمتها الحاده , مسح على وجهه وهو يحاول يتكر ايش صار ليلة امس , حس بصداع يداهم راسه : أهه , انا ايش جابني لـ هِنا. قام وسحب تيشيرته المرمي علـ الارض ليلبسه ودخل الحمام زاوية أخرى بنفس الشقة واقف علـ بلاكونه وبيده كوب قهوه , وملامح البرود تعتلي وجهه , وجلس علـ الكرسي وأرتشف من الكوب سمع صوت من وراه: ايش صار أمس. مشعل بدون ما يناظره أو يلف وجهه : كعادتك سكران , ضربتك وجبتك عندي . جلس على الكرسي اللي جنبه وهو يولع زقارته وبسخريه : راعي أُصول ماشاء الله . سحب الزقاره ورماها علـ الارض ثم دعسها : إذا تبا تدخن انقلع برا الشقه. ضحك بصخب ليستفزه : هدي ياواد , انتا اللي جبتني لهنا. مشعل ما أهتم لكلام وبنبرته البارده اللي تعود عليها : متى ناوي تروح السعوديه وتشرف زوجتك. وليد بلا مُبالاة : تنقلع. صمت بين الطرفين ووليد كسره : وانت منت ناوي ترجع السعوديه ؟ مشعل :تؤ , بعيش هنا لين ما اموت وليد:37سنه. مشعل:32سنه. ============================== في أرقى أحياء جده خرجت من الحمام وهي شايله بنتها اللي دوبها حممتها , باست خدها المبلل بحنان: يلا حبيبة امها خليني البسك عشان بابا شويه ويجي. ريحت راسها على صدر امها بدلع , وبفرحه : بــابــا. دخلت حرمه في نهاية الـ40 والتكبر والغرور باين في ملامحها : ندى , فهد جا عشان ياخد ميس. ندى بهدوء: طيب ماما , بس خليني البسها وانزلها لو . تحت في الصاله جالس برسميه على الكنبات اللي تناسب فخامة الصاله , شافها تنزل وهي لابسه عباتها والنقاب مبين عيونها الوسيعه , وماسكه ميس من يدها وأغراضها في اليد الثانيه تركت يد أمها وركضت لترتمي في حضنه , وبدلع وهي تبوس خده: بابا وحشتني . ضمها بحنان , وبضحكه :حتى انتي يا بعد قلب ابوكي. ندى وهي تمد له أغراض ميس : هنا فيه ملابسها وشوية العاب . قام ونزل ميس من حضنه :ندى يمكن حاخد ميس دي المره أسبوع . فتحت عيونها على الاخر وبإستغراب : ليه ان شاء الله ؟ فهد : بعد تلاته أيام حنروح الهدا مع اهلي فحبيت اخدها تغير جو شوية . ندى بعد فتره قصيره من الصمت : اوكي , بس انتبي عليها , ودفيها لا تمرض لانو هناك برد . فهد : إن شاء الله . اعطته ظهرها لكنه مسك يدها ووقفها : ندى أستني . لفت له وسحبت يدها : خير . فهد بتوتر واضح : فكرتي بالكلام اللي قلتلك عليه . ندى بنظرات ناريه وحاده : فهد سيبك من الكلام الفاضي , دحينا انا على ذمة رجال تاني , خليك بعيد عني احسلّك. كان بيتكلم بس هي قاطعته بنفس نبرتها : أسكت مو لازم تتكلم لاني عارفه اش حتقول , خلاكي معلقة يا ندى , سارلو اكتر من سنه وهوه ما شافك من يوم ما ملكتو , بس حابه اقلك انو كلامك دا ما يهمني ومني راجعه لواحد يذلني ويهينني . أعطته ظهرها ومشيت بغضب ناظرها واتنهد بحسره وألم على كل دقيقه كانت هي حلاله وما احسن في معاملته لها ندى:28سنه. فهد:32سنه. ميس:6سنوات. أم ندى-سلوى-:49سنه. ============================== في مدرسه حكوميه للإبتدائي داخل المقصف لبست المرليه بحماسها المعروف ولمت شعرها الطويل "كعكه" دخلت المقصف والتعب باين في عيونها علقت عبايتها , ولبست المريله بهدوء تاام حطت البطاطس في الزيت لتقليها وبإبتسامه : ريمآآ أتأخرتي اليوم مو من عادتك. أستغربت حيل لما ما لقت رد , ألتفتت ولقتها تغسل يدها بسرحآآن , سحبتها من يدها للطاوله اللي فنصف المقصف , وبقلق : ريمآآ إشبك؟ ناظرتها بعيون مليانه دموع: مُـهند. أردفت بخوف وهي عاقده حواجبها المرسومه : جاكم خبر منو؟ ريمآآ ودموعها تنزل : أمس أتصل علينا واحد مدري مين هوه , طلب مننا فلوس وبيرجعوا مُـهند , وسمعت صوت مُـهند وهوه يبكي ويترجاهم يسيبوه , قلبي محروق يا ياسمين محــــروق. دمعت عيونها وهي تشوف ريمآآ بقمة إنهيارها , مسكت كتفها بحنان : أستهدي بالله , طيب كم طلبو. تكلمت من بين شهقاتها : خمـ.ـسين ألـ.ـف. أنلجمت وما قدرت ترد , هم ناس على قد حالهم , ويدوب يحصلوا لقمة عيشهم , كيف بيسددوا هالمبلغ الكبير بالنسبة لهم؟ ريمآآ بحرقة : المصيبه ماجد فينه مني عارفه , من يوم ما أتصل هذاك الرجال راح , كني ناقصه هم. أعطتها مناديل لتمسح دموعها , وبمواساة : إن شاء الله ما يرجع إلا و مُـهند معاه. ريمآآ بعد ما هدت نفسها : آمين. دخلت عليهم حرمة في بداية الاربعينات الملقبه بأم مساعد , وهي اللي مستأجره المقصف من المدرسه والمسوؤلة عنه : ريما ياسمين , إشبكم قاعدين كده وتتبكبكوا. ريما وقفت وهي تغصب ابتسامه: لا ما في شي . أم مساعد : خلاص ما في مشكله ، ياسمين تعالي أبغاكي شويه. ياسمين راحت معاها وهي عارفه انها بتسألها عن سبب بكاء ريما وذبول وجهها ============================== في المتوسط خرجت عبايتها من شنطتها المزينه بألوان فسفوريه وبضيق حاولت تخفيه وهي تكلم صديقتها : بنت خالتي مدري إشبها ، ما سارت تكلمني زي أول ، وتسلم عليا مدري كيف. صديقتها بتفكير :أمممم بنت خالتك بنت خالتك ، مين هيا ؟ روان؟. كِناز : ايوه ام يوسف اللي دايما أحط صورو في إنستقرام. أردفت بمرح وهي تحاول تبعد ضيقتها : ما عليكي منها يادبه ، بس تعالي ، هيا دحين زي إسمي ، بس حلوه زيي. ورمشت بدلع ضحكت عليها وبعثرت شعرها القصير بحت : لا طبعا هوه فيه أحلى من روان عصام؟ روان بنفس نظراتها : لئا. أبتسمت وهي ناسيه ضيقتها تماما:يلا أنا لازم أروح قبل لا يعصب السواق عليا. غطت وجهها ومشت لبوابة المدرسه : يلا باي. روان بصوت عالي : باااي ...... دخلت السيارة وقالت لأختها اللي تصغرها بـ ٤ سنوات : مـــايـــا ، أتأخرت. هزت راسها بـ نعم شهقت وقالت لسواقهم اللي اكثر من ١٠ سنين معاهم : بشيـــر ، حلفتك بالله اتأخرت ولا لا ؟ بشير وهو يبتسم على كذبة مايا : لا ما اتأخرتي . ريحت جسمها علـ المقعده وبراحه : الحمدلله . إلتفتت على مايا وبغرور مصطنع : أصلا انتي وحدة كدابه ، الواحد ما يصدقك في حاجه ، تعرفي ، اصلا انا الغلطانه جايه اسألك ، هادي اخر مره اكلم وحده كدابه ، ما تقــ.. قاطعتها وهي مقهوره منها و من كلامها : أسكتي أصلا انا مني ميته عليكي. أخفت ابتسامتها وهي مستمتعه بـ إستفزازها , ما قدرت تتحمل ملامح وجهها المقهوره لـ تنفجر ضحك على شكلها ============================== جدة..داخل بيت شعبي مُتهالك رجل في بداية الخمسين , مستلقي على سرير من خشب , وكأنه رجل مسن في بداية السبعين بسبب المرض اللي هلكه سمع صوت الباب البيت يتقفل: مين هون؟ ياسمين؟ علقت عبايتها علـى الشماعه اللي بجانب المطبخ: اه هادي أنا ، هيني جايه. طاحت عيونها على الاكياس اللي من البقاله , أستغربت لأنها ما تتذكر انها راحت وأشترت المقاضي "يــاسميـــن , وينك" ياسمين من بعد ما دخلت الغرفه: مين اللي جاب المقاضي؟ أبو ياسمين: أبو صالح الله يجزيه الخير. جلست جنبه وكعادتها بدت تحكيه كل شي صار لها اليوم وقالتله عن ريما ومهند أستمعلها بإهتمام وبالذات إنهم من نفس حارتهم ويعرفهم: مو قلتيلي إنك جمعتي مصاري. ياسمين وهي مستغربه من سؤاله: اه. أبو ياسمين: خلص ساعديهم فيها أعطيهم أياها. أندهشت من طلبه اللي ما توقعته وبإنفعال: مستحيل ، انا جمعتهم عشانك ، عشان علاجك . أردف بهدوء وهو يحاول يمتص غضبها: ياسمين , بنتي حبيبتي , أنا ما رح اعيش كتير , كلها كم شهر وبمـ.. سكت لما شاف دموعها تتلألأ في عيونها , حضنها لصدره , باين إنها ما تبا تنزلهم قدامه , يعرف بنته وعنادها , يعرفها ويعرف كمية الكبرياء اللي فيها , وقوتها اللي تخفي ضعفها ومقدار إحتياجها له وهي بادلت الضمه , ومسحت دمعاتها على قميصه , ما تبغا تضعف , تعرف كمية الوجع اللي في أبوها , وما تبي تزيد وجعه بشوفته لدموعها بعدت من حضنه وأردفت: بابا انا بجمع هالمصاري عشان أروح علـ الاردن بدي روح لأهلك إنت وماما يمكن يحسو بـ معاناتنا. أبو ياسمين: ما بظن انهم رح يسامحونا لأني ياما رحت لهم وطلبت السماح لما كانت أمك عايشه. تنهدت بضيق وحزن لـ ذكرى أمها: الله يرحمها. == نهاية الغصن الثاني -وعرفنا السبب اللي خلى ياسمين تشتغل هالشغلات ، لأنها ماهي سعودية ومن جنسيه أردنيه ، ومعروف بالسعودية انو الغير سعوديين ما يقبلوهم بالجامعات إلا بـ مبالغ محدده ، وأبوها مريض فـ هي مضطره تشتغل بـ بيوت الناس. | ||||||||
|
|
|
25-09-15, 02:54 AM
| #10 | ||||
| السلام عليكم ورحمة الله وبركاته مرحبا عزيزتي كيفك نبدا بعزام واضح انه مر بتجربة فاشله في زواجةالاول بسبب امه الدكتور محمد من هاذي البنت اللي تريده يساعدها اعتقد ان صار حادث ومحمد ماقدر ينقذها عشان كذا تلاحقة في الحلم بصراحة اكثر شخصية اعجبت فيها ياسمين واضح ان في مفهوم او فكرة في قصتها هي ان المستوطنين اللي من خارج البلد ايضا يحتاجون الى تعليم و عمل ... وقصتها مع عادل انا بصراحه محتاره بشخصيته يعني من خلال موقفه مع بتول قلت انه شخص واعي وحنووون بعدين شفته شلون تعامل مع ياسمين واستخلصت من الموقف انه شخص مغرور ومتكبر ...باين انه كان يتحرش بياسمين لما كانت صغيرة .. هل ياسمين تعيش معاهم دائما او تقرب لهم ؟؟؟؟... لما دعت عليه ياسمين اذكرت عياله في الدعوة يمكن يكون لعادل اولاد اذا ما كان عنده ليش تدعي عليهم وهل ممكن تاذيهم ؟؟؟؟ ((ما اعتقد ان عند اولاد لان سالم لما كسر الكاسات قال بعلم عادل ما قال باباا )) ولا ايش رايك ؟؟ الحين حبيبتي متى ينزل الفصل الجديد ؟؟؟ على فكرة الروايه رااااائعة وطريقة الكتابة جميله ومرتبة واللهجة الجداوية جميلة جدا موفقه ياعمري | ||||
|
|
 |
| مواقع النشر (المفضلة) |
| الكلمات الدلالية (Tags) |
| أغصان، كِناز، التحرش بالأطفال، لؤي، رومنسيه، واقعيه، جريئة |
| أدوات الموضوع | |
| انواع عرض الموضوع | |
|
|
.png)
.png)
العرض العادي
