28-02-16, 10:15 AM
| #51 | ||||||||
| مراقبة عامة ومشرفة منتدى الروايات المنقولة  
|  البارت التاسع و الثلاثون مدخل للمرعب سعد علوش .!!! خذيني اليا عجبتك بس رديني وان ما عجبتك خلاص اخذيني مابيني ما دامني شفت فيك الطهر و العفة باعيف نفسي ليا منك كرهتيني اخذيني لو أعتبر من ضمن أشيائك وأنا باحبك و لا لازم تحبيني لابي علاقة و لابي نظرة و بسمه احساسي اني بقربك بس يكفيني ولو اني انضفت لاشيائك غصب عنك طلّي علي يا غناتي لا تخليني تراي لا جا المصامد ماني بهيّن تقول كن العرب لعبة بيدّيني شخصيّتي من غرابتها و طيبتها كن الزمن في تحدّي بينه و بيني اخذيني الشاعر اللي ما صدق حظه لا قلت يا حظ وينك قال يا ويني اخذيني المبدع المتفلسف التحفه مؤمن و تضحك على العالم شياطيني شهرة شكسبير و أفلاطون و نيوتن لا قلت لي بيت شعر تطيح من عيني اخذيني العنصري اللي صدق متعنصرمن دون ربعي لو أقطّع شراييني اخذيني اللي ليا منه طلب يعطى وتكفين لا من طلبتك لا ترديني تكفين يا غايتي يا بهجة الدنيا اباحرق قلوب ناسٍ ما تدانيني اخذيني بكل شوق و قولي أحبّه وان شكّكوا فيك والا فيّ ضميني قولي سعد و الله انه غالي جدا وياجعل فدوه شبابي و آخر سنيني وأنا باصدق كلامك و اعتز بالله وباقول للناس ما يعنيك يعنيني وأنا علي نذر ما أرخص جيتك و أنتي نذرٍ على رقبتك إنك ما تخليني عز : يلا يا سحاب بسرعه سحاب : يوهه عز وش فيك مصربع انتظرني عز دخل الغرفه و تكى على الباب: و هذا و انا معطيك خبر من امس اننا بنروح عند اهلي و سويتي لنا سالفه اجل وش لون لو ما قلت لك سحاب وقفت : خلصت عز : لا والله مررههه بدري سحاب بدلع : عزيي عز : تقولين لي عزي عشان مااعصب عليك يا سوسه امشي امشي بس سحاب رفعت راسها و هي تلبس عبايتها : اصلا ما تقدر تعصب على حبيبتك و روحك سحاب بنت سلطان الفيصل عز : يا شين الثقه الزايده سحاب ضربت الارض : عززز عز ضحك : خلاص خلاص بسكت و يلا امشي سحاب مشيت وراه : طيب شوفني وراك """""""""""""" لين : و انت وش دراك عزام منسدح على سرير لين : وشو وش دراني اقولك مساعد امس كلمني و قال ان ابوي بيجي و يتغداء عندنا لين : تصدق عزام اني مره مني متعوده على ابوي احس الين الحين استحي منه و احسه غريب عزام ابتسم و هو يطالع في السقف : مرت سنتين و لكن الين الحين احسه شخص عادي و لا احس بأي شعور تجاهه غير الاحترام لين : مثلي ، بس انا اللي مستغربه منه ان عز هو الوحيد اللي عاش مع ابوي و لكن احسه ما يهمه ابوي و ما احسه يحبه من كل قلبه عزام : ايه انا مثلك مستغرب بعض الاحين احس ان حنا نحب ابوي اكثر من عز مع انه المفروض عز يكون غير عننا لين وقفت : يوهه عزام شوف كم صارت الساعه و انا الين الحيين ما تجهزت عزام وقف بسرعه : انا بختار لك لبسك لين ضحكت : اشوفك اخذتها عاده كل مره انت تختار ملابسي عزام بغرور معروف في عيال الخالد : احمدي ربك الدكتور و الشيخ عزام بن عبدالله الخالد يطلـ..... لين حطت يدها على فمه : خلاص خلاص اسكت يا مغرور عزام لحقها وراح غرفة الملابس : يحق لي اصير مغرور لين : بسرعه انت طلع ملابسي و انا بروح اجيب راكان و بلبسه عندي في الغرفه عزام : طيب انا انتظرك """"""""""""""""" رعد : يمه وين خالد امه : والله مدري عنه ذا الولد بس داج برا البيت و لا يلعب بالبليه اللي بيده رعد وقف : بروح اشوفه امه : و انت نازل نادي معك ديم خلها تجي تتقهوى معنا رعد : تامرين امر يالغاليه طلع فوق و هو يحس بأرهاق بجسمه و لكنه يكابر و يصبر ، كان طول ذي الفتره هالك نفسه في الشغل و مو مهتم بنفسه ابد ، تنهد و دخل غرفة خالد و شغل اللمبه لان الغرفه ظلام كاتم و بارده و شاف الغرفه مقلوبه فوق تحت و الملابس في الارض و الاوراق مرميه على المكتب و اسلاك السوني وش كثرها على الطاوله و خالد كان نايم عكس السرير و مو لابس تيشيرت و الحاف مرمي جنب السرير ، رعد شاف كاسة مويه و كانت بارده تقريبا من المكيف مسكها و كبها فوق خالد و شاف خالد ينط من فوق السرير مفجوع خالد منزل راسه لان شعره مبلبل من المويه و يقطر و قاعد يمسح وجهه: يا تبن يا.... ، سكت لمن شاف رعد متكتف و مبتسم رعد : لا ليه سكت كمل كلامك يااستاذ خالد ، عدل وقفته ، : اوقف قدامي خالد حس بجدية رعد اللي ترعبه : سم رعد : الساعه كم الحين خالد طالع بالساعه : ٤:٣٠ رعد : و متى رجعت من المدرسه انت خالد ابتسم : مارحت رعد رفع حاجبه : ماشاءالله و بكل برود تقول مارحت ، صرخ على خالد : مدامك مارحت يا حضرة الاستاذ ليش نايم زي البهيمه الين الحين ليش ما قمت من الصباح و شفت لك شغله بدال ما تنام خالد : يااخي تعبان رد : اقول مافيك شي مثل الحصان ماشاءالله ، طلع من الغرفه و هو يصرخ : ميري ميري ميري جات جري : نعم رعد دخل غرفة خالد وهو يوجه كلامه لميري: الغرفه ذي ماابيك تدخلينها لمدة اسبوع و لا احد من الخدم يدخلها مفهوم ميري : اوك رعد لف على خالد : لمدة اسبوع يا خالد انت اللي بترتب الزريبه اللي عايش فيها خالد : وليش انشاءالله مافي خدم في البيت و لا ايش رعد شده مع شعره : لا تردد و هذا الشي اسويه عشان تعتمد على نفسك خالد : ماشاءالله كــ... رعد : اسكت و لا ترددني ، و يلا قوم البس ثوبك و تروش و انزل تحت معك ربع ساعه بس خالد تأفف و هو عارف ان اذا رعد قال كلمه بتصير بتصير : حاضر رعد طلع من غرفة خالد و راح عند اخته ديم و دخل الغرفه و شافها جالسه على الجوال : السلام عليكم ديم ماانتبهت لدخوله و لكن لمن سمعت صوته انتفضت و رمت الجوال : و عليكم السلام رعد رفع حاجبه : وش فيك ! ديم : لا بس ما شفتك لمن دخلت و خفت لمن سمعت صوتك رعد ابتسم : لذي الدرجه انا مرعب ديم : و اكثر و اكثر رعد : الله وش ذا لو اني وحش ما صرت كذا ديم ضحكت : ما تشوف نفسك انت لمن تكون رايق يازينك بس لمن تعصب اعوذ بالله تقلب انسان ثاني و تقلب وحش من جد خالد دخل الغرفه : هو اصلا وحش في كل حالته رعد لف عليه : والله انت اللي تحدني اصير وحش خالد و هو يستضعف : انا ما سويت شي انا مسكين رعد ضيق عيونه : انت سكين مو مسكين خالد : لا يا شيخ رعد سحبه : اقول امش يلا امي تحت تنتظرنا خالد : افف وش ذا بس تسحب فيني من اليوم و لا كأني رجال رعد : انا عندي الرجوله بالافعال مو بالعمر و لا الشكل خالد بصوت واطي : تفلسف الشيخ رعد عاد وش يسكته الحين رعد : شكلك تبي تتصفق يا خالد خالد : ليه انا قلت شي رعد : لا ابد سلامتك ام رعد شافتهم و هم نازلين من الدرج ( رعد و خالد و ديم ) : حيهم والله خالد باس راس امه : الله يحيك و يبقيك ياالغاليه ام رعد : عساك كويس اليوم الصباح كنت. تقول لي ان بطنك تعورك خالد يمسح على بطنه : لا الحمدلله تمام التمام يا يمه رعد : ايه يمه هو يجيه الألم بس الصباح و لكن بعدين يشفى سبحان الله ان رعد : والله مدري عنه هو و مرضه رعد : ايه صح ترى بكره معزومين ديم بلقافه قاطعت رعد : عند مين !! رعد اعطاها نظره : عند اهل صديقي سطام لان اليوم بيوصل الرياض و بكره اهله مسوين له عزيمه في المزرعه ام رعد : قرت عينهم بولدهم و انشاءالله كلنا بنحضر و سطام هذا ولدنا قبل لا يكون صديقك يا رعد خالد : يوهه من زمان ما شفت اخوانه كويس خلنا نروح و انبسط معهم ديم : يمه سطام اللي اخته اسمها نجد و لا اخته لين ام رعد : لا سطام اخته نجد و لين اخت عز و لا انا غلطاانه يا رعد رعد ارتبك من اسمها اللي يلخبط كيانه : الا صح يا يمه ديم : يوه والله نسيت شكل لين ام رعد : لين هي اللي كانت زوجت مشعل الله يرحمه ديم :ايههه اتذكرتها ذيك المزيونه اللي عيونها زرق خالد : اما عاد عيونها زرق وينها عننا ذي من اول خلاص زوجوني ايها خلي عيالي يطلعون بعيون ملونه عاد انشاءالله حلوه ! ديم : ايه والله عيونها زرقاء و جميله جميله و شعرهـ.... رعد صرخ لانه مو قادر يتحمل : ديم خلاص اسكتي كلهم سكتو و هم مفجوعين من رعد ام رعد : وراك تصارخ و هي ماقالت شي خطأ رعد ارتبك و حاول يخفي ارتباكه : عيب عليها تشرح البنت قدامنا و هي مهيب محرم لنا و بقى غير تفصلها تفصيل ديم : بس انـ... رعد وقف : خلاص اسكتي ، ويلا مع السلامه عندي شغل الكل و هم مستغربين : مع السلامه """""""""""""""""""""" لين واقفه قدام الشباك الكبير : يوهه متى يوصل عزام : انتي وشبك اصبـ.... لين و راكان صرخو: جــــــــــاء عزام وقف مفجوع : وجع وش ذا الصراخ راكان صار ينقز : بابا جاء بابا جاء بابا جاء عزام مسح على دقنه : روح روح لبوك يا الدايخ لين و هي تشوف مساعد متجهه لهم : يزينه و يازين مشيته عزام صار يضحك و مشي بأتجاه الباب: والله انك خبله لين لحقته و هي ماسكه راكان: بعذري اصير خبله و انت اخوي عزام اعطاها نظره : لا يا شيخه انفتح الباب و قطع عليهم الحديث بهيبته و حضوره ، لين راحت عنده بسرعه و حضنته : يوهه مساعد اخيرا جيت مساعد : ايه والله اشتقت لرياض و لكم راكان : يبه اخيرا جيت مساعد صار يضحك بقوه : حركات والله صرت تقول يبه راكان بفخر : ايه عمي عزام علمني مساعد : لا لا اجل فيه تغيرات صارت عزام : باقي ماشفت شي عز دخل ووراه سحاب و شافهم واقفين في المدخل راح سلم هلى مساعد : نورت الرياض يا عين اخوك مساعد : بوجودكم منوره سحاب : الحمدلله على سلامتك يا مساعد مساعد معطيها ظهره : الله يسلمك من كل شر سحاب على طول دخلت داخل و الباقي راحوا المجلس مساعد : ايه وش اخباركم ووش علومكم !! عز : اخبارنا تسرك مساعد : الحمدلله عز : اسمعوا ترى بكره معزومين كلنا عند اهل صديقي سطام مساعد : ايه امس ابوه دق علي و خبرني و انشاءالله كلنا نروح ، و لا يكون فيه احد منكم عنده شي مهم ؟! عزام : لا ما عندي شي انا و اصلا بكره دوامي الصباح يعني يمديني اجي معكم لين : و انا فاضيه و مااعندي شي مساعد : اجل كويس بكره صلاة المغرب نمشي لان مزرعتهم بعيده و على العشاء انشاءالله نوصل عز : خلاص بكره نمشي مع بعض عزام : كويس اجـ.... قطع كلامه دخول ابوه ، عبدالله : السلام عليكم كلهم وقفوا ، مساعد : وعليكم السلام و رحمة الله و بركاته عبدالله طالع فيهم بأستغراب : وش بكم شايفين سكني و لا وش عزام : حياك حياك يبه سلموا على ابوهم و هم مرتبكين بأستثنى عز طبعا ، و بعدها كل واحد جلس مكانه عبدالله اخذ الفناجن من لين : انتي بنتي لين صح لين بصوت واطي: ايه عبدالله طالع فيها من فوق لتحت : شبيهت امك مساعد انقهر من نظرات ابوه و تكلم بصوت عالي يبي ينهي الموضوع : ايه و اخبارك يا يبه عبدالله : اخباري تسرك يا مساعد مساعد :عساه دوم عبدالله :الا كيف شركاتكم عزام : بأحسن حال عبدالله : عاد انتم ماشاءالله صرتوا بأسم شركة وحده و نسيتو ابوكم مساعد : ما نسيناك و لا شي ، و انت ماشاءالله شركتك من افضل الشركات في السوق و لها سمعتها بعد عبدالله : و لكن شركتي ما تجي شي عند شركتكم عز حب ينهي الموضوع و هو عارف وش نية ابوه : يبه الا ما قلت لي وش اخبار عمي سلطان عبدالله لف على عز و شاف نظراته و عرف ان عز كاشفه : بخير عز : و اشوف سفراتك زايده يا يبه عساه خير عبدالله : لا بعد حاسبني على حياتي هذا اللي بقى على قلبي عز : انا مقصد شي بس انا اشوفه غير عن المعتاد عبدالله وقف : والله اسافر و لا اجلس هذا شي ما يخصك يا عز فاهمني و لا لا ، و يلا مع السلامه عز وقف : مع السلامه و في امان الله يا يبه مساعد استغرب من اسلوبهم اللي اول مره يشوفه : وشبكم ؟ عز : وشبنا الحمدلله مافينا شي مساعد استغرب منه و لف على عزام : وين لين عزام : من اول دخلت داخل مساعد : غريبه ما شفتها """""""""""""""""" نجد تكلم بجوالها : ها يبه وصلتوا ابوها : ايه خلاص وصلنا نجد قفلت من ابوها و لفت على امها : يمه وصلوا امها جريت على الباب و عيونها مدمعه ، جريت وراها نجد و هي مشاتقه لأخوها اللي صار لها سنتين كاملات ماشفته ، ام سطام فتحت باب البيت و شافته طالع الدرج ووراه نايف و سعود و جنبه ابوه ، امه صرخت : سطام سطام رفع راسه و شاف امه اللي اشتاق لها و لحنانها راح لها بسرعه و حضنها : يمه ام سطام صارت تمسح على شعره ، و صارت تصيح : يا عين امي انت يا عين امي سطام و خر عنها و حضن نجد ، نجد : اشتقت لك يااخوي سطام وخر عنها : مب اكثر مني يا نظر عيني ام سطام و هي تمسح دموعها : لو اسمعك مره ثانيه تقول بسافر يا ويلك سطام : لا خلاص بأنثبر عنك ابو سطام : وشبكم واقفين عند الباب ادخلوا يلا كلهم دخلوا الصاله و جلسوا ، ابو سطام : ترى بكره بنمشي للمزرعه الصباح بدري سطام بأستغراب : ليه ! ابو سطام : مسوين عزيمه بناسبة رجعتك سطام ضرب راسه : ايه صح نسيت انتم قلتوا لي من اول سعود : الله من الغباء اللي فيك ابو سطام : المهم الحين كل واحد يقوم على غرفته و لو سمعت حس واحد فيكم ياويلكم و السهر ماابيه مفهوم الكل : مفهوم ابو سطام : يلا ياام سطام مشينا ام سطام مشيت وراه : تصبحون على خير عيالها : و انتي من اهل الخير سطام : اففف والله احس اني مكسر بقوم انام نايف : كلنا بنام يلا قوموا نجد: يلا """"""""""""""""""""" صباح يوم جديد على ابطال روايتنا ! نجد نزلت من السياره و هي تتمغط ( تمدد جسمها ) : اخيرا وصلنا سعود : لا ياشيخه انتي من اول متبطحه و تاكلين و تقولين تعبت نجد : ترى التبطح بعض الاحيان متعب سعود : اقول اسكتي ، و قومي نايف و انا بروح ادخل الاغراض داخل نجد :افف طيب ، فتحت باب السياره : نايف نايف و لا حياة لمن تنادي نجد صرخت : ناييييفففف سعود انفجع و جاء : وشبك بسم الله علينا نجد : لا بس اصحي نايف سعود ضربها على راسها : وجع توجع العدو فجعتيني احسب صار له شي نجد تحرك يداتها في الهوى : ياي سعود سحبها بدفاشه : اقول امشي و شيلي مع الاغراض و خلي ذا الدب ينام و ابوي يصحيه نجد : اي اي خلاص طيب وخر ابو سطام جاء من وراهم : وشبكم سعود : اخيرا وصلتوا وشبكم تأخرتوا سطام جاء : والله و انا اخوك ابوي يبيني امشي ٦٠ و يالله يالله اقنعته اني امشي ١٠٠ سعود : الله كل الطريق و انت تمشي ١٠٠ ابو سطام : لا يا شيخ اصلا انت لازم اسحب منك السياره سعود : شدعوه يبه امزح معك اصلا انا امشي ٢٠ ابو سطام : وين نايف ؟! نجد : يبه نايف نايم بالسياره و مو راضي يقوم ابو سطام : خلاص انتم روحو نزلوا الاغراض و يا نجد روحي ساعدي امك و انا بروح اصحي نايف نجد : تامر يبه """"""""""""""""" تصرخ و هي في الدور الثاني وواقفه عند الدربزين : عزاام عزام وقف تحتها : وشبك لين : تعال طلع لي ملابس عزام : ملابس لأيش لين : عشان عزيمة اليوم عزام طالع في الساعه : الحين الساعه ١٢:٣٠ وش اللي تجهزين من الحين لين : احب اجهز بدري يلا تعال عزام طلع الدرج : طيب الله يعيني عليك بس لحقها و دخلو غرفة الملابس ، عزام مسح على دقنه : و ايش نختار لك لبس ياانستي لين : ابي شي فخم و كشخه لأني من زمااان ماشفتهم عزام : طيب دقيقه ، و صار يحوس في الدولاب الين مالفته فستان اسود مرمي وراء سحبه و مسكه : ذا حلو ليش راميته ورا لين ما كانت تطالع فيه لفت و سكتت و هي تشوف الفستان اللي معه ، تفاجأت من وجوده في دلابها لانها نسيته او بالأصح تناسته لان وقتها كانت على ذمت رجال ، سحبته من عزام بخفه و صارت تطالع فيه و هي تسترجع احداث هذاك اليوم اللي اشترت فيه الفستان ، وش كثر كان ذاك اليوم حلو ووش كثر كانت مبسوطه بوجود رعد معاها اههه يارعد وش جابك الحين في راسي بعد المده ذي كلها ، قطع تفكيرها صوت عزام : لين لين وشبك لين رفعت راسها : ها ! عزام : وشو ها ! وشبك لين مسحت على شعرها بتوتر و حطت الفستان على الاريكه الفضيه : احم لا مافيني شي عزام حس انها قاعده تتهرب منه فحب يغير الموضوع : طيب خلاص خلنا ننزل اكيد مساعد جاء من شغله و حطوا الغداء لين لحقته : يلا """"""""""""""""" مر الوقت في تجهيز لعزيمة بطلنا سطام و جاء وقت تجمع العوائل في المزرعه !! رعد واقف جنب سيارته و جنبه البدر و قدامه خالد و كانوا واقفين بمواقف السيارات رعد ماسك يد خالد : و الحين تفوق وينك من اول خالد : ياخي نسيت البس الكبك و اصلا امي دايم تلبسني رعد : بزر البدر مسك عقال خالد : شوي و يدخل بحلقك ارفعه مره ثانيه و خله شوي مايل خالد : طيب يالبدر سو لي زي سكبتك البدر فك شماغ خالد و ضبطه له : ايه كذا صاير وش زينك رعد و هو يبخ العطر عليه و على اخوانه : انا مدري متى بتثقل وش كبر و ما تعرف تلبس شماغ و لا تعرف تلبس كبك خالد : يوه رعد تكفى خلاص مالي خلق محاضره الحين رعد جاء بيتكلم بس انتبه لنور السياره اللي وراه لف و شاف سيارة عز المرسيدس و سيارة الbmw ماعرف هي لمين بس شاف عزام ينزل و عرف انهم اخوان عز ، لف على اخوانه : تعالوا نسلم هذا عز و اخوانه البدر : مشينا مشي رعد متجه لعز و اخوانه و كان وراه البدر و خالد و سلموا على عز و مساعد و عزام رعد : وشلونكم ووش اخباركم مساعد : نزقح مامن اخلاف رعد : عساه دوم عزام راح عند سيارته بعد ماسلم على رعد و رجع و هو ماسك يد راكان اللي يصيح رعد جلس على ركبته و مسك راكان : وشبه البطل يصيح راكان : ابي اروح مع عمه لين بس عمي عزام مب راضي يخليني رعد قلبه صار يدق بسرعه لمن سمع اسمها يعني هي هنا و ما يفصل عنهم شي وقف و هو يحاول يبقى على توازنه و هدوئه ، رعد : انت رجال و لا حرمه ؟ راكان : رجال رعد : طيب كيف تروح عند الحريم و انت رجال راكان تكتف : ايه صح كيف اروح عند الحريم عيب رعد : خلاص الحين انت بتروح مع عمو رعد صح ! راكان مسك يد رعد : ايه مساعد : كويس يارعد عندك اسلوب اقناع قوي رعد ابتسم : افا عليك راكان : عمو رعد رعد ابتسم : امر راكان : بس انتظرني شوي بروح اقول لعمه لين اني بروح معك رعد مازال مبتسم و هو يتذكر ملامح وجهه لين : طيب روح عزام : يلا استأذن بروح اوصل اختي لقسم الحريم عز : عزام خذ زوجتي معك عزام : طيب مساعد : ماعرفتنا يارعد على اخوانك رعد : اعتذر نسيت اعرفكم ، هذا اخوي البدر و هذا خالد مساعد : تشرفنا البدر : الشرف لنا عند لين شافت راكان جاي يجري لها و هي كانت جالسه في السياره راكان : عمه لين انا بروح عند الرجال خلاص لين انفجعت لمن شافت ان راكان جاي لحاله و تحسب ان اخوانه دخلو عند الرجال : لحالك !! راكان : لا بروح مع عمو رعد يلا باي لين نزلت من السياره و هي تشوف راكان يجري شافت عزام واقف قدام سيارة عز ووراه سحاب و يأشر لها مشيت و هي تراقب المكلن اللي راح له راكان و مين شافت شخص كان شي غريب في قلبها شي ما عرفت تصنفه هو حبيب او صديق او اخو ، قلبها فز و هي تشوفه يناظر فيها كان كاشخ بثوبه الاسود و الشماغ الاحمر و لافه على اكتافه العريضه و شنبه الاسود الغزير و عوارضه اللي مزينه وجهه و محليته شافت عيونه السود المكحله متجهه لها وقفت ثواني و هي تحسها اعوام وش صار ! ووش اللي خلاها توقف مهي عارفه انتبهت لنفسها و بسرعه راحت لأخوها اللي ما كان منتبه لها لأنه يسولف مع سحاب تمشي وراهم و هي ما تحس بشي غير نبضات قلبها اللي كانت تضرب مثل ضرب الطبول تنهدت و هي تحاول تهدي نفسها ، لين بصوت واطي : ريلاكس ريلاكس يا لين دخلت وراء سحاب و شافت حرمه في الاستقبال تاخذ العبايات فصخت عبايتها و اعطتها الخادمه سحاب بأنبهار بشكل لين : ماشاءالله ماشاءالله وش ذا الزين لين لفت على المرايه اللي كانت على طول الجدار كله و كانت لابسه الفستان الاسود اللي رعد جابه لها الضيق المفصل على جسمها و صار احلى عليها لانها رويت شوي و بانت تفاصيل جسمها الفاتنه و كان ظهر الفستان كله مفتوح و بين صفاء بشرة لين و من ورا كان فيه فتحه على طول الساق و من قدام ساده و لابسه طقم الماس لونه ابيض لامعه و شعرها اللي وصل الين اخر ظهرها فارقته من النص و مسويه مع الاطراف فير خفيف بحيث صار شعرها ويڤي و حاطه روج عنابي مطفي و راسمه رسمه فرنسيه عريضه على عيونها الزقاء بحيث صار شكلها ملفت اكثر و اكثر ، لين : مع اني مستحيه احسه بزياده ضيق سحاب : والله انك خبله البنات الحين يدورون الجسم اللي زي كذا عشان يلبسون ضيق لين جات بتتكلم بس قطع عليها دخول ام سطام و وراها نجد و هم يرحبون فيهم : يا هلا والله و مسهلا حي من جانا والله سحاب : الله يحيك و يبقيك ام سطام بعد ما سلمت عليهم : حياكم تفضلوا سحاب مشت وراها و هي تسولف مع نجد و لين كانت جنب ام سطام اللي كانت تناظرها بأعجاب دخلوا المجلس و كانت كل الانظار على لين اللي كانت جذابه بمعنى الكلمه حست بأحراج لمن شافت نظرات الناس عليها ودها تنشق الارض و تبلعها من الاحراج بدت تسلم على الناس و هي تسمع الناس و هم يحتفون بكلمات الاعجاب و اخر شي جلست و كانت سحاب جنبها من جهه و الجنب الثاني ديم اللي ما كانت تعرفها نجد جاتهم و هي لابسه فستان ابيض شيفون قصير من قدام و طويل مت وراء : بنات تعالوا نجلس برا الجو مره حلوه و مره وحده نتعرف على بعض قاموا لين و سحاب و ديم و نورا و لانا و دانه و طبعا نجد معاهم ، طلعوا و جلسوا برا و كان فيه كراسي و طاوله في الوسط و عليها حلى و قهوه و شبسات ووو... الخ راحو جلسوا عليها و كل وحده عرفت عن نفسها و بدأو يسولفون مع بعض و اخذوا على بعض """""""'"""""""" كانوا الشباب جالسين برا و الرجال الكبار في بيت الشعر... عبدالملك : و كيف الغربه يا سطام سطام :والله يا شينها عزام : ايه والله انها ما تنطاق عز : صح اننا نتكلم عن السفر و نحبه بس اذا طالت المده نمل بسرعه و نبي نرجع لديار رعد : مافي احد يقدر يتخلى عن دياره البدر : ايه والله سطام : الا صح يا عيال تعالو نروح عند الخيول عز: ايه عاد انت من اول ودك تورينا ايها سطام : يلا قوموا معي كلهم قاموا رعد و البدر و مساعد و عز و عزام و فهد و فيصل و عبدالملك و سعود و سطام وراحو بأتجاه الخيول و كانوا يتفرجون عليها و رعد كان معجب فيها لأنه من عشاق الخيول ، و اصر عليه سطام انه يركب الخيل و بعد اصرار و مد و جزر وافق رعد و اخذ الخير و رفع ثوبه و ربطه على خصره و شال شماغه و صار شعره يطير مع الهواء ركب الخيل و صار يضرب عليه و هو مبسوط عليه عند البنات ...! نجد : يوه بنات هذا صوت خيل لانا : اما عندكم خيول يالمخزيه و ما تقولين لي نجد : قوموا خلنا نشوف اكيد العيال راكبين دانه : لا عيب بعدين يشوفونا نجد : لا عادي ما يمديهم يشوفنا تعالي نوقف وراء الشجر هناك ظلام و ما يمديهم يشوفونا نورا : اجل يلا خلنا نروح قاموا كل البنات و راحوا للمكان اللي قالت عليه نجد و بالفعل كانوا يشوفون العيال و هم واقفين عند السور و رعد كان راكب الخيل ومندمج معه لانا : من ذا اللي راكب الخيل نورا : هذا رعد اخوي لين لفت عليها و هي دوبها تعرف ان نورا تصير اخت رعد و طبعا عرفت ان ديم تصير اخته بعد كانت تطالع فيه و هي ميته على شكله الجذاب شعره الاسود اللي يجي على وجهه و يطير في الهواء عيونه السودا الفاتنه حواجيه المعقوده كله على بعضه يعقدها يخبلها مر وقت و هم واقفين و كانوا البنات يسولفون مع بعض الازلين كانت عينها على رعد اللي جننها نجد قفلت من جوالها : يلا بنات جاء العشاء دانه : يلا مسينا اصلا تعبت من الوقفه نورا لفت على لين : لين يلا العشاء لين : خلاص روحوا انا شوي بلحقكم الجو ما يتعوض نجد : براحتك كلهم راحو و تركونها لفت و شافت رعد مازال راكب على الخيل و كان لحاله لان العيال راحوا العشاء ، قربت شوي من مكان الخيل و كانت الاضاءه شوي عليها و لكن ما كانت باينه بالحيل لرعد ، كانت متكتفه و هي تتأمل رعد ، حست بشي يمشي تحت رجولها تجمد جسمها و هي تطالع تحت و شافت المخلوق اللي تخاف منه و تكرهه القطوه صرخت و هي ناسيه مكانها رعد كان نازل من الخيل لانه حس بالبرد و ان الهوى زاد ، سمع صوت صراخ جاي من جهه قريبه منه اتبع الصوت و شاف بنت واقفه و حاطه يدها على وجهها قرب منها و هو مو عارف مين هذي اللي قدامه لان كان شبهه ظلام سألها بهدوء و قلبه يدق و هو يحس انه يعرفها و مهي غريبه عليه : وشبك !! لين و هي مازالت على حالتها : رعد شيلها بسرعه رعد صنم مكانه لمن سمع صوتها عرفها ايه عرفها ، و كيف ما يعرفها و هي حبيبة قلبه لين لف عليها : وش اللي اشيله لين : البسه شيـ... صرخت و تعلقت بثوب رعد لمن حست بالبسه تمسح على ساقها ، : رعد بسرعه شيلها رعد ارتبك لمن قربة منه و صارت لاصقه فيه ، ماقدر يتحرك و البسه كانت لاصقه في لين و تتمسح في رجلها و لين دافنه وجهه في صدر رعد رعد : طيب وخري شوي خلني اشيلها عنك لين : لا لا بسرعه شيلها عني رعد مو قادر يدنق لان لين متعلقه فيه فماكان في حال غير انه يشيل لين رفعها بسرعه و طلع من بين الاشجار ووقف على الثيل و كانت الكشافات عاليه. و بانت الرؤيه عند رعد ، رعد : يلا وخرتها لين متعلقه فيه مغمضه عيونها : اكيد رعد مستمتع بقربها: اذا ودك تجلسين بحضني ترى عادي لين نطت منه و هي مقهوره لأستغلاله لها : قليل ادب رعد سكت و هو يشوفها واقفه قدامه بوضوح انسطل من جسمها اللي فتنه و كيف شكلها كان يتدفق بالأنوثه الصاخبه وقف يطالع في شعرها الطويل اللي اول مره يشوفه عليها شكلها كان جذاااب بقوه ما عرف وش يقول نزل عيونه على جسمها و لفت انتباهه الفستان و على طول تذكره قرب منها : الين الحين ما نسيتيني ! لين على طول فهمت قصده لان نظره كان على الفستان : تبغى الصدق اكذب اذا قلت نسيتك رعد : اجل ليش تركتيني و اخترتي مشعل الله يرحمه لين رفعت كتوفها ببراءه : مدري كنت مخربطني و مشتتني لمن اقرب منك كنت احس بشعور غريب كان متعبني لاني ماكنت اعرف معناه ما كنت ابي اتعذب و كنت ابي اعيش بسعاده و هذا الشي اللي خلاني اختار مشعل رعد : طيب انا كنت بسعدك لين اول مره تشوف رعد يتكلم معاها بهذي الطريقه كانت عيونه فيها حنيه جذبتها خلتها تعترف بكل شي في قلبها كانت هذي اول تشوف رعد بدون غموضه و حدة عيونه ، لين : مدري مدري رعد نطق و هو ما يدري عن نفسه : تحبيني ؟!! لين سكتت و هي مهي عارفه وش تقول تحس بشعور غريب يسري في دمها : مدري رعد لمح احد جاي لجهتهم شال لين و هو حاضنها من ظهره و كانت رجولها بالهوى لان رعد طويل و عنددها كان بزياده طويل دخل ورا الشجر و هو مازال شايلها ، لين متفاجأه : وشبك رعد : اششش في احد جاي لين سكتت و ماتحركت من حضنه كانت تحس بالامان في حضنه و كان في احساس صدمها انها مبسوطه و هي معاه رعد كان شادها على صدره بقوه و حاط راسه بين رقبتها ، شاف سطام و هو يدور عند الخيول و بعدها راح ، و رعد مازال شايل لين لين بصوت واطي بعد ماشافت سطام راح : رعد رعد بهمس: هممم لين : نزلني رعد نزلها ووخر شعرها الطويل اللي كان يغطي ظهرها و باس ظهرها بهدوء خلى لين ترتجف و ما تتحرك من مكانها ، وخر عنها و هو يتكلم بهمس : روحي قبل مااحد يشوفك عندي لين بهدوء سكن فيها لفت : مع السلامه رعد سند نفسه على الشجره و هو يشوفها تمشي و جسمها الفاتن المشدود فاتنه و شعرها اللي كان يلاعبه الهوى و يكشف ظهرها الصافي ، رعد : فمان الله يلي ساكن القلب و العين |||| انتهى البارت |||| | ||||||||
|
|
01-03-16, 08:28 PM
| #55 | |||||||||
| مراقبة عامة ومشرفة منتدى الروايات المنقولة
| اقتباس:
حبيبتي الرواية قيد الكتابة والكاتبه مانزلت البارت الأربعين لما تنزله الكاتبه ننقله | |||||||||
|
|
|
01-06-16, 07:27 PM
| #57 | ||||||||
| مراقبة عامة ومشرفة منتدى الروايات المنقولة
| البارت الاربعون مدخل لشاعر بن فطيس ! الضيقة اللي دايماً تالي عصير .. .. وش حيلتي وأردها لا تجيني لا طال ظل العود حزة عشى الطير .. .. كنها على سجن الحديد تحديني يضيق صدري كل ما جات وأسير .. .. ولايخفف سوج رجلي حنيني لا حولنا مشراف ولا اقدر اطير .. .. يالله قسمة خير لا تبتليني وxxxxب الساعة توقف عن السير .. .. ولاكن في (الشرقيه) سواتي حزيني والعبره اللي تاصل الحلق وتحير .. .. يا قربها لو قيل لي .. عويني أمل شوف الناس ورد ومصادير .. .. واللي يقول اشفيك كنه يهجيني يعني على ما قيل من باب تصوير .. .. (لاحدٍ أبي قربه ولا أحدٍ يبيني) أروح أدور خط مابه دواوير .. .. وأدور اللي هادها تهتديني وآخذ مع الهاجوس سجة وتفكير .. .. وأراجع اللي فات بيني وبيني وأحسب ذنوبي وأدور التكفير .. .. عساي ما قصرت في والديني وعساي ما قارنت من ينفخ الكير .. .. واللي يحمل المسك جعله قريني ويطري علي يوم الحشر وأطلب مجير .. .. ما أعطى كتابي في شقيقة يميني وإلا طرالي واحد كانه اصغير .. .. أم أصغر بيومين ولا سنيني دريت وش قومي وعينت تفسير .. .. للضيقة اللي من زمن تعتليني حبه بصدري سالفة سر في بير .. .. وكن الفواد يقول هذا زبيني أشفق على علمٍ يجي منه من غير .. .. لا يسمع اللي سولفوا به ونيني يا كثرهم غيره ولكن خبر خير .. .. ما غير شوفه في الوجود يهنيني رايي كذا يا عاشقين الغنادير .. .. ماله على وجه البسيطه وزيني العام أجيهم من حساب المسايير .. .. واليوم حال عداي وينه وويني خطاي تعليق الأمل في المدابير .. .. الين راح وشفت حقري بعيني صبرٍ جميل وخابر إنها مقادير .. .. والله على تخفيف حزني عويني ذي حالتي لين اتغيب الشمس واصير .. .. معطى سراحي عقب مانا سجيني واذا امتلى جوف الشجر بالعصافير .. .. طلبت من رب العباد يهديني يعتقني المذن عقب ضيقة عصير .. .. اللي على سجن الفراق اتحديني لانا : اخخ وش ذا رجولي تكسرت من ذا الكعب اللي وش طوله نجد : و هذا و انتي جالسه طول الوقت لانا : انا بس اطالع فيه احس اني تعبت نجد : ايه عاد لزوم الكشخه لانا : ايه والله اكيد بكشخ يمكن وحده من الحريم اللي مترززات داخل تخطبني لولدها و اتزوج نجد : هذا اكبر احلامك لانا بنص عين : اجل تبين اكبر احلامي اني اتخرج من الجامعه ، هه هذا اللي بقى على قلبي اتعب سنين بس عشان يعطوني ورقه مكتوب فيها متخرجه من التخصص الفلاني نجد : يوهه بس لو اجلس سنه قدام افهمك منتي فاهمه لانا حظنت نفسها : يوههه اسكتي بس و خلنا ندخل ، احس الهوى دخل بعظامي نجد : يلا مشينا دخلوا و هم مهم منتبهين لشخص اللي كان واقف و يتأملها و ما كان يشوف غيرها وش كثر حلوت غزال كانت تمشي قدامه انسانه بريئه جرحها و هو ما يبي الجرح يتكرر له و لها وش كثر انت قاسي يا سطام تجرح بنت سلمت لك قلبها بسرعه و حبتك بطفوله بكل ما تملك حبتك و انت وش قدمت لها كسرتها !!! استغرب من كلامها لمن قالت ان تبي احد يخطبها ، كيف تبي احد يخطبها و هي مخطوبه لولد عمها ؟ سطام تنهد : لازم اسأل نجد لازم """""""""""""""""""" نورا : لين وش تخصصك لين : انا وقفت الين الثانوي و ما كملت جامعه نورا : يوهه حرام عليك كملي و لا تضيعين نفسك لين ابتسمت : ايه انشاءالله انا ناويه ابدأ من السنه الجايه نورا : الله يوفقك يارب لين استغربت من الحرمه اللي كانت متوجهه لها وواضح عليها الكبر من تجاعيد يدها و لكنها مهتمه في نفسها وواضح عليها العز الحرمه : السلام عليكم نورا و لين : و عليكم السلام الحرمه : معك ام محمد لين : تشرفنا معك لين بنت عبدالله الخالد الحرمه تفاجأت من اللقب : انتي بنت الخالد اللي يتكلمون عليها لين : ايه انا بنت عبدالله الخالد الحرمه ابتسمت براحه : والله ما كذبوا لمن قالوا انها ملاك ماشاءالله ربي يحفظك من كل شر لين بأحراج : تسلمين ياخاله الحرمه: اجل اعطيني رقمك لين كتبت رقمها في الجوال : هذا هو يا خاله ام محمد مدت يدها : بأذن الله لنا زياره قريبه لكم ،والله يكتب اللي فيه الخير لين : تنورونا والله ام محمد : يلا مع السلامه لين : مع السلامه نورا لفت على لين : شكلها بتخطبك لين : والله مدري عنها نورا : يلا الله يوفقك يارب و يكتب لك الخير لين : امين يارب ديم : نورا يلا رعد ينتظرنا برا نورا : لا انا بروح مع رجلي ديم : هاها يا حبيبي زوجك مشي و تركك من اول و قال خلها ترجع مع رعد نورا : والله لأوريه شغله بعدين اجل يسحب علي ديم : قومي قومي بس عشان لا يسحب علينا رعد بعد نورا قامت و لفت على لين : يلا مع السلامه يا حلوه لين قامت و سلمت عليهم ديم : لا تقطعين نبي نشوفك مره ثانيه لين : انشاءالله نتجمع قريب نورا : يلا مع السلامه لين : مع السلامه ، سحبت جوالها اللي كان يدق : الو عزام : يلا حنا برا و نادي سحاب معك لين : طيب الحين طالعين قامت و نادت سحاب و طلعوا برا و كانت سياره عزام واقفه و وراها عز و جنب سيارة عزام كانت سيارة رعد مشت و كانت واقفه بين سيارة عزام و سيارة رعد ، و كانت السياره حقت عزام فاضيه رفعت جوالها بدق عليه بس تفاجأت بالصوت اللي سمعته رعد : ثاني مره نتقابل اليوم لين طالعت فيه : و كلها صدفه رعد : و يازينها من صدفه مدامها فيك لين حطت عينها بعينه و صارت تتأمل عينه الناعسه السوداء كانت تذبح من جمالها رعد : عيونك تذبحني يا لين ، يذبحني زراقها اللي بعمري ما شفت بجماله تدرين وش هي امنيتي ؟ لين بهدوء من صوته اللي سحرها :وش هي؟ رعد : ابوسها لين نزلت عينها و كانت رموشها هي اللي واضحه لرعد رعد : ودي المس رموشك وودي بأشياء كثيره فيك انت ، تبين الصدق يا لين ودي اكون معك دايم لين جات بتتكلم بس شافت عزام و عز و مساعد و معهم راكان جاين جهتها على طول فتحت باب السياره و ركبت بدون ما ينتبهون لها اخوانها رعد قفل الشباك و هو يتنهد و هو مو عارف متى بتنتهي قصتهم اللي مهي قادره تجمعهم الين الحين انتبه لأمه.و هي مقربه من سيارته بس ما عفتها فتح الشباك : يمه هنا هنا ام رعد لفت عليه و مشت بأتجاهه و ركبت هي و بناتها نورا : السلام عليكم رعد و هو يحرك سيارته : و عليكم السلام ام رعد : ها كيف العزيمه عندكم رعد : ماشاءالله تبارك الرحمن كفو ووفو ام رعد : ايه ماشاءالله والله انهم مدهرين الله يوفقهم يارب و عقبال مانحضر زواج سطام رعد : امين يارب نورا : ايه يمه على طاري الزواج تخيلي اليوم وانا جالسه مع لين جات حرمه و طلبت رقم لين و اتوقع انها بتخطبها ديم : يحق لها والله تخطبها كامله و الكامل الله ام رعد : عاد انا ودي اخطبها لأخوكم البدر نورا : ايه والله يا يمه انها تستاهل البدر و مااتوقع نلقى احسن منها ام رعد : بكلم البدر و اشوف وش يقول رعد صابه تبلد من سمع كلام امه انها تبي لين اللي حبها و عشقها لأخوه ، طلعت الكلمه منه من كثر تلخبط المشاعر اللي جاه : ابيها ام رعد بأستغراب من كلمته : وش اللي تبيها رعد لف على امه : انا اللي ابي اخطب لين يا يمه ام رعد بفرحه زغرطت ( غطرفت): ما بغيت و انا امك ديم بفرح : مااصدق اخيرا بتتزوج مااصدق نورا : جاء الفرج اخيرا و بتطلع من العزوبيه اللي طولت فيها رعد لمن استوعب وش قال ما عرف وش جاه حس بأحسيس كثيره لخبطت كيانه و حس ان الكلمه طلعت منه في لحظة غفله """""""""""""""""""" في صباح يوم جديد اشرق على ابطالنا سحاب و هي تشرب عصير البرتقال حقها : و اخيرا جيتي عندي لتين : والله من اول ودي اجي بس تعرفين اننا كنا مشغولين و ما فضينا من عزايم جدي سحاب : ايه والله الله يعينكم لتين : اسمعي ترى شوي و امشي اليوم اول يوم تطبيق عندنا في المستشفى سحاب : يوه صح نسيت ان اليوم اول يوم دراسي للكم لتين : الله يستر بس وش بيصير سحاب : الحمدلله انا مريحه و موقفه دراسه و لا افكر اكمل لتين رفعت الشوكه : والله انتي من تزوجتي عزيزان و هو غاسل مخك و منتي راضيه تروحين عنه شبر سحاب : نشوفك اذا تزوجتي وش بتصيرين لتين : والله انا ماابكر بالزواج افكر بمستقبلي كدكتوره سحاب : طيب يا دكتوره شوفي الساعه كم الحين يلا روحي لتين وقفت لمن شافت الساعه : يعني طرده سحاب : لا والله اني ودي اجلس معك و خاصة ان عز مسافر بس ما حييت ادشرك من اول يوم و اخليك تداومين متأخر لتين : اجل يلا مع السلامه يا ربة المنزل سحاب :مع السلامه يا دكتوره """""""""""""""""""" لين : مساعد يلا بتروح و لا لا مساعد : والله انك ربشه ايه بجي اوصلكم لين : و لا تنسى انك بتفطرني على حسابك مساعد ضحك : مستحيل انسى عزام نازل من الدرج و شافهم : على وين من صباح ربي لين لفت عليه و شافته لابسه السكرب و اللابكوت حق الدوام : يا هلا والله بالدكتور طيب سلم اول عزام قرب منها و ابتسم : السلام عليكم و رحمة الله و بركاته لين و مساعد : و عليكم السلام و رحمة الله و بركاته عزام : وين رايحين مساعد : بنوصل راكان المدرسه و بنروح نفطر عزام لف على راكان و شافه جالس على الكنبه و متكتف راح عزام شاله : وش فيه الحلو زعلان راكان : ماابي اداوم عزام : افا و هذا هو اول يوم دراسه و انت طفشان راكان : مااحب المدرسه عزام : لمن تكبر وش تبي تصير راكان : شرطي عزام : طيب اذا تبي تصير شرطي لازم تدرس و تروح المدرسه راكان : يعني انت رحت المدرسه و بعدين صرت دكتور عزام : ايه مساعد : ما عرفتك يا المقنع عزام : نعلمك يا الاخو لين شافت الساعه : ياويلي تأخرنا يلا خلنا نمشي راكان باس عزام : مع السلامه عزام : مع السلامه """""""""""""" سطام طلع من غرفته و نزل تحت : السلام عليكم الكل : و عليكم السلام سطام : اشوفكم صاحين من بدري الاب : ايه هذي هي الدوامات تأدب سطام : كلكم مداومين ؟ نجد : انا ما عندي دوام سطام بنغزه : نيوف نايف منفس : خير سطام : بتداوم صح يا حبيبي ؟ نايف رفع راسه و اعطى سطام نظره : لو ابوي مو هنا كان وريتك شغلك يا غثيث ابو سطام : كويس والله انك احترمت نفسك و لا كان وريتك شغلك نايف : يبه هو اللي يحاشرني سطام و هو يعطيهم نظره بريئه: انا ما قلت شي ابو سطام : اقول اسكت انت بعد سعود قام : يلا انا بقوم قبل ماانكرش من ابوي نايف قام : و انا بعد بجي معك ام سطام : بشويش لا تسرعون سعود : حاضر يا يمه نجد قربت من سطام : سطام سطام طالع فيها : وش فيه ! نجد : فاضي الظهر ؟ سطام : ليه وش عندك نجد : ابيك توديني محل حق صديقتي بشتري منها ورق عنب مره نفسي فيه سطام : و منهي صديقتك ذي ؟ نجد : لانا بنت عبدالعزيز سطام سكت لفتره و بعدها فرح انه بيشوفها : و ماشاءالله من متى عندها محل نجد بطيبة قلب صارت تحكيه : هي ما مشيت في الجامعه بسبب لسانها الطويل و سحبت منها و فتحت لها محل حلى و زي كذا و نجحت ماشاءالله فيه عاد هي عليها طبخ اففف دمار شامل سطام تحمس: اجل خلاص نروح محلها الظهر نجد قامت : بروح اقولها اننا بنجي محلها سطام : نجد نجد لفت عليه : هلا سطام : لا تقولين لها اني انا اللي بجي معك نجد استغربت من طلبه : ليه سطام ما كان يبيها تقول لانه خاف انها ما تجي اذا عرفت انه جاي : بس كذا لا تقول نجد سكتت لمن شافت اسلوبه و هي ما تبي تضغط عليه : طيب سطام رجع ظهره على وراء و هو يتنهد بضيق الين متى بنبقى كذا يا لانا انا حاس ان وراء سالفتك أن |||| انتهى البارت ||| | ||||||||
|
|
|
01-06-16, 07:34 PM
| #58 | ||||||||
| مراقبة عامة ومشرفة منتدى الروايات المنقولة
| البارت الواحد و الاربعون مدخل للمرعب سعد علوش،، إلى متـــــــــى ؟؟ بـ ابقى كذا و انته بتبقى هـ كذاك = وإلى متـــــى ؟؟ وانا اتعثر فـ الوصل وأحـــــاوله وإلى متـــــى ؟؟ وأنا أمدحك بـ حروف شعري وآهجاك = إلى متــــــى ؟؟ وأنا ارسمك على محيط الطاوله وإلى متـــــى ؟؟ و انا اتضموا من خطاك إليا خطــــاك = وإلى متـــــى ؟؟ و أقرب نهر تبخل علي جداوله وإلى متــــى ؟؟ وإلى متـــى ؟؟ وإلى متـى ؟؟ والى متاك = بـ اتقهوي اللي خـــــــــــــاويٍ لمواصلك وتفاوله أمــــــــــــــــــوت فيك و ما يكثرمن غلاك إلا حلاك = يا تحفـــــــــــةٍ ما هيب في يدين البشر متداوله سلهامة عيونك متاهـــــــــــــة وادي وعضــــــة شفاك = صفة قطـــع سكـــــــــر تعض بها على فراوله الله يجيـــــرك من صدوف الوقت و عيــــــــون الهلاك = والله يحفظك من سخــــــــافة الألسن المتطاوله و الله يخليك لخفــــــوقٍ عــــــاش يتنفس هــــــــواك = يمرر اسمــــك في عــــروقه و الضــــلوع تناوله عيد بـ عيني جعل من ذمك من العالم فـــــــــــــــداك = و اعطف على من صكته بقعـــــا فراقك و آوله اللي ليا منه تذكر حـــــــــلو وصلك عن جفــــــــــــاك = بكى بـ دمعة من يكـــــــابر و الحزن متحاوله لتين دخلت المستشفى و هي حاسه بقلق و خوف لان هذا اول يوم تدريب لها شافت صديقتها واقفين مع بعض قربت منهم : السلام عليكم البنات : و عليكم السلام سلطانه ( صديقة لتين المقربه ): تخيلي وش صار لتين : وش فيه سلطانه : بقسموننا لقروبات و ما بيكون على كيفنا بيكون على كيف الدكاتره اللي بيدربوننا لتين : يوهه قهر ، طيب شفتي الاسماء سلطانه : لا قاعدين ننتظر الدكاتره الحين جات بنت : يلا يا بنات تعالو عشان نتقسم لتين : الله يستر بس سلطانه : امشي بس مشوا كلهم و دخلوا غرفة كبيره وواضح انها حقت اجتماعات او شي زي كذا ، ما كان باين غير شوشرت البنات و هم يتكلمون بين بعضهم و عن سالفة التقسيم اللي خايفين منها سلطانه و هي تكلم لتين : تدرين مين الدكتور اللي بيدربنا لتين : و من بيكون سلطانه : يقولون البنات انه صاروخ عاد انا مدري عنهم لتين ضربتها على كتفها : انا الحين قاعده افكر بالتقسيم و انتي تفكرين اذا كان الدكتور حلو و لا مو حلو سلطانه قمطت : امزح لتين و هي تشوف البنات بدأو يهجدون لان الباب انفتح : اسكتي خلاص اكيد الدكاتره جو دخلوا الدكاتره و كانوا ثلاثه و كل واحد منهم يقول الزين عندي و لكن في واحد منهم كان له جاذبيه خاصه و كان جماله ملفت سلطانه : وش ذا الزين لتين و هي مفهيه : اسكتي الدكتور الاول كان عبدالملك و معه عزام و صديقهم طلال عزام : ارجوا منكم الهدوء لان الحين بنقسم القروبات عبدالملك بدأ ينادي البنات اللي بيكونون بقروبه و كان اخر اسم : سلطانه بنت فهد سلطانه : يوهه قهر ما بكون معك لتين : عادي نتلاقى في البريك سلطانه : مع السلامه لتين : مع السلامه عبدالملك مشي هو و قربه و طلعوا من الغرفه ، و طلال و عزام ينادون على البنات عشان يتقسمون و بعد ما خلصوا كان باقي لتين محد نادى اسمها قرت من عزام و طلال اللي كانوا واقفين بعيد عن البنات شوي : لو سمحت لفوا عليها كلهم الاثنين ، طلال : هلا لتين : معليش يا دكتور بس انا الين الحين محد منكم نادى اسمي طلال ابتسم في وجهها و هو كان يناظر في عيونها الواسعه اللي كانت واضحه من النقاب بنظرات اعجاب ما كانت واضحه للتين اللي كانت مرتبكه ، طلال: انتظري اشوف القائمه اللي عندي بس اول اعطيني اسمك لتين : اسمي لتين بنت محمد طلال : انتظري دقيقه ،راح يشوف القائمه حقته و يدور عندها لتين الين الحين ما انتبهت لعزام اللي من يوم ما جات كان يناظر فيها هي و طلال و ساكت و ما نطق بأيت حرف طلال : مع الأسف اسمك مو موجود عندي عزام تكلم بصوته الثقيل : و لا هو عندي لتين رجعت على ورى بخوف لمن سمعت صوت عزام و صقعت فيه لانه كان وراها ، لفت بسرعه : اعتذر يا دكتور ما كان قصدي عزام ما زال متكتف : حصل خير طلال : خلاص انتي بتجين معي لتين جات بتتكلم بس قاطعها عزام : لا يا دكتور طلال هي بتكون عندي انت قروبك عدده اكثر مني طلال و هو مقهور من عزام : انا ما عندي مشكله خليها عندي عزام كان فاهم تفكير طلال : انتهى الموضوع يا دكتور و خلاص لتين بتكون في قروبي طلال سكت بقهر من شخصية عزام القويه : تم يا دكتور عزام لف على لتين : تفضلي يااخت عشان نكمل شغلنا لتين بصوت واطي سمعه عزام : يمه وش ذا يخوف عزام ابتسم على تعليقها و كمل مشيته و لتين وراه عشان يروحون عند باقي القروب """""""""""""""""""""""""" سطام ركب سيارته و نجد ركبت جنبه : تعرفين المكان وينه نجد طلعت جوالها و اعطته سطام : ايه شوق اللكويشن هنا سطام حرك سيارته و هو مركز مع الجوال نجد و هي تطالع في سطام اللي كان كاشخ و لابس ثوبه الابيض و شماغه الاحمر لافه على اكتافه و ريحة العطر الرجالي فايحه منه ، نجد : وش عندك كاشخ سطام : انا دايم كاشخ كذا نجد و هي مستغربه من حركات اخوها : ايه ماشاءالله عليك سطام وقف السياره : هذا هو نجد ناظرت بشكل المحل من برا : ايه هذا هو سطام طفى السياره و نزل : يلا امشي نجد نزلت و مسكت يد سطام و مشت معه دخلوا المحل و كان فيه زباين بس قليل لان كان الوقت نهار و الناس دايم تجي على الليل نجد تدور لانا بعيونها و شافتها جالسه على كرسي : شوفها سطام لف على نجد : منهي ؟ نجد تركت يده و راحت للانا : لانا لانا قامت و حضنت نجد : اخيرا جيتي نجد : كيفك لانا : زي العسل نجد : يلا يلا وريني الحلى الجديد اللي قلتي لي عنه لانا مشت و هي مهي منتبه لسطام اللي كان واقف و يناظر لها بحب يعشق عفويتها اللي ميزتها عن باقي البنات بريئه و مثل الطفل يزعل و يرضى بسرعه و يفرح بأقل شي هذي هي لانا بشخصيتها المرحه اللي حبها سطام سطام راح جلس على الكرسي و هو مبسوط بشوفت لانا اللي كانت تسولف مع نجد بحماس و تذوقها الحلى استمر و هو يناظر فيها لمدة ساعه و هو ما يشوف غير لانا و ما يحس غير لانا و ما يسمع غير صوت لانا نجد سلمت على لانا و الاكياس اللي معاها كانت كثيره لفت و شافت سطام جالس اشرت له و هو قام و جاها لانا شافت الشخص اللي ما نسته اللي كسر قلبها و هي الين الحين تحبه لفت و هي تتأمله بحب و عشق ينبض بقلبها بكل صدق ، استغربت من نظراته اللي كانت تنطق بالحب و هو يناظر لها و الشوق عنونها سطام شال الاكياس و هو مازال يناظر فيها ، انتبه ليدها اللي كانت شاده على اسوره لابستها و اول ما شته شدت عليها نجد : يلا مع السلامه لانا بهدوء نزلت راسها : مع السلامه سطام طلع و هو ماوده يطلع وده يوقف الزمن و هو عندها ، تنهد و حط الاكياس وركب السياره نجد كانت حاطه كيس فيه ورق عنب عليها و قاعده تاكل : مستحيل ألقى احسن من ورق عنب لانا سطام : عطيني بذوق نجد اخذت حبه و حطتها في فمه : ها كيف سطام : افف دمار ماشاءالله عليها نجد : يازينها لنون كل شي منها حلو سطام : كم عمرها نجد : قدي سطام و هو يبي يوصل للي في باله : ماشاءالله ست بيت شكلها متزوجه نجد : لا مهي متزوجه سطام و قلبه يدق : اجل مخطوبه نجد و هي تاكل : لا مهي مخطوبه سطام سكت و هو مصدوم من كلام نجد ، يعني لانا مهي مخطوبه و انا تركتها عشانها مخطوبه كيف كذا طيب مين تميم ذاك ، لف على نجد و سأله و هو مو حاس بنفسه : و مين تميم ! نجد لفت عليه بأستغرب : مين ذا ! سطام : تميم وش يصير للانا ؟ نجد مازالت مستغربه من اخوها : هذا يصير ولد عمها و اخوها بالرضاعه سطام ضغط على الفرامل بقوه و طلع صوت الكفرات من الضغطه : ايش !!! نجد انفجعت : بسم الله وشبك سطام نزل راسه على الدركسون : دايم متسرع دايم نجد : سطام وش فيك سطام لف عليها بيأس : تكفين نجد لا تسأليني نجد سكتت مستغربه منه و في نفس الوقت سكتت لأنه قال لا تسأليني و يمكن اذا سألته يهيج عليها """""""""""""""""" ديم طقت الباب و دخلت على خالد : السلام خالد لف عليها : مسويه محترمه تدقين الباب و تدخلين بعد المفروض انا اقولك ادخلي مو تدرعمين ديم حطت يدها على خصرها : اجل شوف اللي يقولك عن الخير الجديد خالد قام و مسك يدها : لا لا امزح تعالي تعالي ديم : خبر يونسس الف خالد : طيب قولي ديم و هي تمطمط بالكلام : رعــــد يـــبــي خالد قاطعه : بسرعه وش ديم : يتزوج خالد بصدمه : كذابه ديم ابتسمت بغباء : والله خالد قام : يلا يلا قومي ديم وقفت : وين ! خالد سحب يدها : امشي بس صاروا يجرون الين ما وصلوا غرفة رعد و فتح خالد الباب بقوه و كان رعد جالس على مكتبه و ماسك اوراق رفع راسه بظجر من فتحت الباب ،رعد : خير خالد صار يطق على الباب : يا معيريس عين الله تراك و القمر و النجوم تمشي وراك ديم : كلللللووش خالد : عاشوا المعاريس ، و صار يرقص هو و ديم رعد فيه ضحكه بس حاول يمسكها و تكتف خالد شاف غترت رعد مرميه على السرير راح سحبها و فكها و حطها فوق راس رعد : يا زينهم اللي بيتزوجون ديم : الله كيوت شكله رعد : خلصتوا خالد : لا انتظر بروح اجيب البخور و اجيب...... رعد قاطعه : لا يا شيخ خالد وقف جنب ديم : وشبك ! رعد : اطلعوا برا خالد : طيــ.... رعد بصرامه : برا ديم : رعـ..... رعد صرخ : بــــرا ديم و خالد نقزوا من الفجعه و على طول طلعوا برا رعد جلس على الكرسي و هو يضحك على اخوانه و فجأه طرى على باله شكل لين : اههه يا لين اخيرا بنجتمع اخيرا رفع جواله و هو ناوي يتصل على مساعد عشان يكلمه عن موضوع الخطبه """"""""""""""""""""""""" مساعد : لين لين لفت عليه : سم مساعد : سم الله عدوك ، بغيتك بموضوع لين : تفضل قول مساعد : انتي لك فتره يا لين ترفضين الخطاب من بعد موت مشعل الله يرحمه لين نزلت راسها : الله يرحمه مساعد : انا اليوم جاني واحد و ناوي يخطبك على سنة الله و رسوله و هو نعم الرجال و اعرفه و اعرف ابوه ، ماابيك تردين الحين بعطيك مده تفكرين و تقولين لي اذا كنتي راضيه و لا لا لين : انشاءالله اللي ربي كاتبه بيصير مساعد سكت و بعدها رفع راسه : اسمه محمد لين لفت عليه مره ثانيه بأستغراب : مين محمد !! مساعد : اللي خطبك اسمه محمد لين قامت : انا بفكر و انشاءالله يصير خير مساعد : انشاءالله """""""""""""""" سحاب : عز عز لف عليها : هلا سحاب بطفش : طفشانه عز ماسك لابتوبه : يا عمري والله اني مشغول الين راسي و مني فاضي سحاب : عزي تكفى بس شوي عز رفع راسه : بكره عندي اجتماع و الين الحين ما خلصت الاوراق و مساعد معتمد علي سحاب قامت : يعني مافي امل عز : و لا واحد في الميه سحاب بصوت واطي : اذا ما خليتك تقوم ما اكون سحاب راحت الصاله و جهزت لها فلم و سوت ببكورن و حطت عصيرات و شبسات و حطت شموع و حطت مخدات على الارض و في النص كرسين هزاز و طفت اللمبات و رجعت الغرفه سحاب بدلع : عزي عز منشغل : هممم سحاب : قوم معي خلنا نتفرج فلم عز و هو منزل راسه : والله مااقدر يا عمـ... قاطعته و هي توقف قدامه و باسته بخده : يلا عاد عز رفع راسه : يعني تغريني الحين ؟ سحاب سبلت بعيونها : عزيي تكفى عز قفل الابتوب : و عزتي مااقدر ارد لك طلب يا نظر عيني سحاب مسكت يده : يا عمري بس عز شاف الصاله مجهزه : يعني واثقه اني بوافق سحاب : طبعا بتوافق عز و هو يناظر فيها بحب : و في احد يقدر يرفض لك طلب ؟ سحاب : طبعا لا عز مسك خدودها : انتتي بتجننيني سحاب مسكت خدودها : خلاص اجلس و صير مؤدب عشان نتفرج الفلم عز جلس و سحبها جنبه : اللي تبيه بيصير سحاب حطت اصباعها على فمه : اششش بدأ الفلم ||||انتهى البارت |||| | ||||||||
|
|
|
07-06-16, 05:21 AM
| #59 | ||||||||
| مراقبة عامة ومشرفة منتدى الروايات المنقولة
| البارت الثاني و الاربعون مدخل لسعد علوش الجــــرح .. ماهو خاطر شوي و يروق %% الجــــــرح حتى لو تشافى يعللك واذاك متحــــــمس متاهات وطــــروق %% انا تعبت اشد حيلي و احـــاولك سماي ما شيّ شمـــس ورعــود وبــروق %% والريح ما هبت و لا يجــري الفلك والقلب ناشف بحر وشقوقـــه شقـــــوق %% وشلون بيكــــــوّن سحاب ويبللك يا ضـــــامي انا الضما ومتشبع حـــروق %% و اذاك ضامي للمواصل ..انا هلك هلك ووقف في وجهي الاصــل والـــذوق %% و المجتمع و العرف والفقر واهلك متعـــومس وحـــزن النـــــــبلاء مرموق %% يعني لواحتاج الك ماجيتك اسألك اللي علي اشكي واعاتبك برفــــــــــوق %% واقــــــــولك ودي ماعاد اتـــأملك من دورة الايام ياخوك مخنــــــــــــوق %% الوقــــــت مشاني من السلك لسلك ازل خطوه .. بس ما ازل منطـــــــــوق %% ولو صارت ابحب خشمك واجاملك يبقى البني ادم مجـــــــــــرد ومخلوق %% مــــلك ولكن في الحقيقه بلا مـــلك كــــــذاب.. قايل كل مطرود ملحــوق %% سنين وانا اطردك وازريت لا اوصلك كنـــك تطيش وكني ادور في طـــــــوق %% كل ما وصلت آخـــرك يطلعلي اولك ليت مافي خاطري شـــــوق وحــــــروق %% ماكان حسيت ان انا بس منك والك الشــــوق ماهو رعشه وقبضة عــــــروق %% وماهو اللي من شينك فعينك يجملك وماهو شعور يخالج الـــــروح برفــــوق %% وماهو سحر ولا ادري والله شقول الك كنه سحــــابة حلم وتطير بك فـــــوق %% وتطير ولا ودك انها تنــــــــــــزلك الشـــــــوق هذا والا انا شوقي البـــوق %% ماقد حصل في شـــــوق هذي ولاتلك تدري وش اسوي ليا اضناني الشـــــوق %% اسوي بعيوني كذاا (ـ ـ) و اتخيـلك واقـــــربـــك واتــوق واتــوق واتــــوق %% واكثرك واحـــلف ماعـــاد اقـــللك واصـــورك في الموق وتكبر على المـــوق %% وتطيح مع دمعي على يدي واقبــلك هذا غــــــــــلاي اللي مع الدم مدقوق %% و لا عــاد تسأل عن شعوري ازعلك محبــــــــــة ماهيب من طارف السوق %% لو انك تــــوكل..كــان والله لا اكلك جيتك حقـــوق ورحت ماعندي حقوق %% وان قلت ما احبـــك ابجحد مواصلك احبـــــــك .. الا يا بري حالي وعوق %% من كثر ما احبـــك اخاف اني اقتلك عزام و هو طالع : يلا انتهى دوامي طلال وقف و شال اوراقه : و انا بعد انتهى دوامي عزام : عبدالملك قوم يلا انتهى الدوام عبدالملك حك شعره : لا لا انا عندي كم شغله بخلصها و بعدها اطلع عزام : اجل يلا مع السلامه ، يلا طلال مشينا طلال : يلا عزام : افف حسيت الدوام طويل بزياده طلال : اكيد عشان الطلاب اللي جاينا اليوم عزام نزل راسه : الله ييسر بس سمع صوت مو غريب عليه ....: افف ريان حبيبي لا تطول ، اعرف انه زحمه بس لك ساعه ترى ، طيب حبيبي يلا انتظرك لفت و هي تبي تدخل داخل المبنى بس وقفها صوت طلال طلال: دكتوره لتين لتين وقفت : هلا طلال: تحتاجين مساعده لتين : لا شكرا يا دكتور طلال : ترى احنا في الخدمه و لو تبيني اوصلك ترى عادي لتين بقهر من اسلوب طلال : لا مشكور يلا انا استأذن الحين طلال ابتسم : لا شكر على واجب يا دكتوره لتين لتين لفت و هي تمشي سمعت صوت لفت و شافت عزام و هو يكلم طلال عزام : انا استأذن طلال : مع السلامه يلا نشوفك بكره لتين كملت مشي و هي مستغربه من عزام اللي كل ما شافته يكون ساكت و ما يتكلم بولا كلمه عكس طلال اللي كل ما شافها كلمها ، لتين : و انا وش دخلني فيهم خلني انتظر ريان ابرك لي """""""""""""" سطام سحب دخانه : غبي غبي و طول عمري غبي عز جاء من وراه و جلس جنبه : الله الله هذا ثاني بكت وشبك يا رجل سطام نزل راسه : خلها على ربك بس عز : وش فيك سطام متردد يقوله و لا لا : سالفه وش طولها عز طلع دخانه و اخذ الولاعه من يد سطام : قول وش عندك سطام و هو ندمان على قد شعر راسه و يمكن يلقى الحل عند عز : والله يا طويل العمر ( و بدأ يقوله سالفة لانا ) عز سكت و صار يناظر فيه بصدمه من تسرعه : يعني انت سافرة بس عشان ذي السالفه سطام بيأس : ايه عز : انت غبي سطام و هو يحس الدنيا تقفلت في وجهه : و مليون غبي و حمار بعد عز : قوم و ضبط البنت سطام : يا شيخ !! و كيف باضبطها على قولتك عز : سهله اخطبها و انتهى الموضوع سطام : المشكله هنا ان البنت اكيد كرهتني على سواتي و هي عنيده مستحيل تقبل بي عز حط يده على دقنه : والله سالفتك سالفه يا سطام سطام : افف بس عز : اعترف لها. سطام : وش تبيني اقولها والله انا كنت احس اخوك هو خطيبك عشان كذا انا تركتك عز : ايه قولها سطام : افف خلني افكر بس عز : ربك يحلها يا شيخ سطام : انشاءالله """"""""""""""""""""" مساعد كانت عيونه على لين اللي جالسه تلعب مع راكان و عزام كان جالس و ماسك الابتوب و يتفرج عليه لين كانت حاسه بنظرات مساعد بس مارفعت راسها و كملت لعب مع راكان مساعد بعد صمت دام لوقت : راكان روح العب فوق شوي ابغى اكلم عمه لين في موضوع راكان شال اغراضه و طلع فوق و لين قامت جلست جنب مساعد مساعد لف على عزام : عزام عزام كان مندمج على الابتوب : ها مساعد : عزام قفل اللي معك ذا ابي اتكلم في موضوع عزام انتبه لأخوه و شال السماعات عن راسه و حط الابتوب جنبه و لف عليهم : امر مساعد : انتم عارفين ان محمد طلب يد لين على سنة الله و رسوله عزام : ايه مساعد : انا قلت للين تفكر و ما كنت ابي اوترها و لكن امس دق علي واحد و طلب يد لين على سنة الله و رسوله و انا صراحة احترت لأنه رجال ولد رجال و محنا لاقين احسن منه عزام : طيب مين ذا الرجال ؟ مساعد ركز نظراته على لين : ولد الفهد ، رعد بن فهد الفهد عزام ابتسم : عز الرجال هذا و ما نخطأ لو عطينه لين و هي جوهره و تستاهل من يصونها لين غمضت عيونها بهدوء و حست بتوتر فضيع من يوم ما قال مساعد ان رعد خطبها ، شدت على يدها بقوه و هي مازالت ساكته مساعد : حنا نبيك تختارين يا رعد او محمد و اعرفي يا لين ان حنا ما نميز و لا واحد فيها كلهم رجال و ما ينعابون بس انتي فكري و استخيري و اللي ربي كاتبه بيصير عزام : و اعرفي ان حنا معك في اللي تختارينه لين وقفت : استأذن عزام : خذي راحتك لين طلعت غرفتها بسرعه و قفلت الباب فتحت باب البلكونه و طلعت برا و صارت ماسكه بالسور و شاده عليه اخذت نفس بقوه ، وفجأه طاحت دموعها بغزاره و صوت شهقاتها طلعت ، فرح على حزن لخبط كيانها خايفه من رعد المرعب و خايفه من شخصيته القويه و المتسلطه و اكثر شي خايفه منه غموضه اللي كاسي ملامحه و في نفس الوقت فرحانه لان رعد الحنون و و اللي تحس بأمان معه ما حسته مع غيره خطبها شعور لخبطها من يوم ما جاء اسم ولد الفهد مع طاريها لين و هي تصيح : يارب يارب اعني """"""""""""""""""" فيصل : وسن وسن : همم فيصل : اتركي مشعل دقيقه وسن : انتظر و خلني اغير ملابسه فيصل جلس خمس ددقايق و بعدها قام عندهم : يوهه وش ذا طولتي وسن : والله عاد ولدك عبيط فيصل : واضحه و صريحه طالع عليك وسن لفت عليه : لا يا شيخ الشي الشين تشبهه فيني و الشي الزين فيك فيصل : عاد هذا ولدك وسن : وولدك بعد فيصل : بس انا مو عبيط وسن : فصيل حط عينك بعيني اشوف فيصل حط عينه : هه وسن : اه منك بس فيصل ضحك : امزح امزح معك خلاص وسن : و انا مو مخليني انجن غير مزحك فيصل : و لا يهمك خلاص بسكت وسن : فيصل روح شوف تولين وش تسوي فيصل قام : طيب انا باخذها و انزل تحت عند امك و انتي الحقينا وسن : طيب بس اخلص من مشعل """""""""""""""""" سلطانه : يمه شوفي كم باقي ام سلطانه : وانا وش اسوي طيب سلطانه : وش وش تسوين باقي من الراتب ١٠٠٠ ريال بس و انتي اللين الحين ما سددتي الفاتوره حقت الكهرب و لا عطينا الحارس فلوس المويه و مقاضي البيت ما شريناها ام سلطانه : اجل تبيني اروح زواج بنت وفاء بفستاني القديم سلطانه وقفت : يمه لا تجننيني ام سلطانه : انتي اللي بتجننيني اجل تبيني اصير زيك مافي فرق بينك و بين الولد انسانه مجرده من الانوثه و ما هما غير تلاحق على شهادتها اللي ما فادتنا اللين الحين و لا دخلت علينا غير كم قرش من مكافأت الجامعه سلطانه : على الاقل انا اللحق على شي يفيدني في الدنيا و انشاءالله يفيدني في الاخره بعد مو انتي يا يمه ما همك غير الحفلات و تمشين من زواج لزواج ترى مهم نافعينك صديقات السوء ذولا لا ضعنا و ما بقى معنا فلوس تأكلنا ام سلطانه شافت جوالها يدق و نقزت من مكانها و مسكت الجوال : اقول اسكتي اسكتي ، الو هلا بحبيبت قلبي ، ها بتروحين حفلة افنان و لا لا ..... الخ سلطانه ناظرت بأمها بيأس و لفت راسها و هي تمشي لغرفتها ، هه هذا حالنا من مات ابوي افف لا من قال من مات ابوي امي هذا حالها من يوم ما عرفتها و لكن ابوي كان شايل كل المسوؤليه و لكن من مات ابوي و انا شايله المسؤوليه كلها لان امي همها كيف تطلع في حفلة فلانه و لا كيف كان شكلها في زواج فلانه و صدقتها و اشياء مالها سنع ، دايم تقول لي اني اشبه بالعيال لاني مااحب المظاهر و لا احب التبرهج الزايد اللي امي تشوفه بنظرها انوثه ، كنت دايم احلم اني اخلص دراستي و احقق حلم ابوي اللي كان يسوى لي الدنيا و مافيها و انشاءالله بحققه هذا حال بطلتنا سلطانه اللي تحس بالمسؤوليه من صغرها بسبب اهمال امها ، سلطانه بنت في وسط العشرينات بيضاء اللون واسعة العينين و كان يميز عينها ان البؤبؤ كبير و كان هذا شي له جاذبيه خاصه فيها ملامحها حاده و جميله خشمها طويل و شفايفه مملوءه و حمراء ، شعرها ناعم ويوصل الى نصف ظهرها جسمها مثل عارضات الازياء و لكنا تميل الى القصر شوي و هذا شي لايق عليها و معطيها براءه اكثر ، و لكن امها كانت دايم محطمتها و ما عمرها مدحت جمالها الباهر """""""""""""""""" لانا : يمه ام عبدالملك : خير لانا : يمه تكفين قولوا لأبوي نروح المزرعه ام عبدالملك : الناس عندهم دوامات مهم فاضين مثلك لانا : و من قال اني فاضيه ترى عندي شغل انا بعد زياد لف عليها : وش شغلك يا ست هانم لانا : المحل طبعا زياد : الله الله يا شغل كلها كم ورق عنب و لفيتيها و كيكه لطختي فوقها كريمه و لا بعد عندك خمس فلبينيات غير الرجال اللي في المحل يساعدونك لانا شهقت : ترى والله الطبخ صعب يعني اتعب و انا اسوي زياد لف فمه : ايه ايه صح عليك لانا : اقول اسكت انت بس ام عبدالملك : اففف قوموا و خلوني اتفرج براحتي لانا قامت : يمه ما غير تطردين فينا زياد : اقول قومي يااختي العزيزه و خلنا نقوم بكرامتنا لانا : تلعب اونوا زياد : قدام لانا : تعال وراي |||||انتهى البارت |||| رمضان كريم والله يجعلنا من صيامه و قيامه❤❤ | ||||||||
|
|
 |
| أدوات الموضوع | |
| انواع عرض الموضوع | |
|
|
.png)
العرض العادي
