* الدخول للجنه 😄❤ *

[monamonaliza]

·

تيجي نعرف الجنه عامله ازاي !؟ 😄

* الدخول للجنه 😄❤ *

احنا دلوقتي واقفين ع باب الجنه خلصنا حسابنا و ضمنا مكاننا فـ الجنه ، علشان نروح الجنه النار هتبقي تحت رجلنا و هنعدي عليها عن طريق حاجه اسمها الصراط الي ذكرت فـ سورة الفاتحه اهدنا الصراط المستقيم صراط الذين انعمت عليهم يـ رب خليلنا الصراط صراط المؤمنين الي رحمتهم وغفرتلهم ، الصراط ده عامل زي الشعره و احد من السيف ، المؤمن الصراط هتبقي بالنسباله زي الجسر و هيعدي من عليها فـ لمح البصر ولو عمله مش صالح هيقع من ع الصراط و يترمي فـ النار ، عدينا الصراط و الحمد لله هنقف فـ مكان واسع كده و نستني سيدنا النبي يخلص شفاعته لـ باقي امته علشان يجي و يفتحلنا باب الجنه ، ربنا سبحانه و تعالي قال يوم نحشر المتقين وفدا ، يعني مش هنفضل واقفين ع رجلنا كاننا فـ طابور الجمعيه :d لا هنبقي راكبين جمال و حصنه وفيه ، ربنا بيقولك انت تعبت فـ الدنيا و مش هتعبك فـ الاخره ، هنفضل واقفين منتظرين سيدنا النبي وربنا يـ رب يرزقنا نشوف واحد من الي بنحبهم يكون حشر معانا فـ الجنه ، واقفين و مستنين سيدنا النبي و الابواب زحمه جدا ، هقولك معلومه لطيفه النبي فـ وصفه لـ ابواب الجنه قال بين الباب و مصرعيه مسيرة 40 عاما ، يعني من اول الباب لاخره 40 سنه مشي ، جي سيدنا النبي بعد متشفع لامته و استني لحد مالناس كلها تتحاسب ، جي سيدنا النبي و خبط علي باب الجنه بيرد عليه رضوان حارس ابواب الجنه و يقوله من انت !؟ يقول سيدنا النبي محمد ابن عبد الله ، يقوله رضوان نعم بك امرت الا افتح الا لك ، انا اتامرت من الله عز و جل مفتحش الباب غير ليك ، اتفتحت الابواب و دلوقتي بتشم ريحة المسك الي طالع منها و الهواء العطر اللهم اجعلنا من سكان اهلها .

* وبعد مندخل الجنه !؟ *

- اول مدخلنا الجنه هنلاقي نهرين اول نهر لما هنشرب منه هيتشال من بطوننا الاذي ، يعني لما ناكل ولا نشرب بعد كده مش هنحتاج نخش الحمام الجنه طاهره و مفيهاش الكلام ده ، وحتي العرق الي هنعرقه هيبقي ريحته مسك ، و النهر التاني لما هنشرب منه هيرجع لوشنا النضاره عارف لما تقعد جوه الجكوزي كدهون :d بعد متشرب من النهر التاني هتلاقي ولدين صغيرين هيجوا و ياخدوك من ايدك ويودوك بيتك واحد منهم هيسبقك ويقول لمراتك انك انت جيت ( حور العين ) اانت رايته بعينك !؟ و تطلع ع الباب تستناك وتدخلك بيتك ، و ده كان كلام سيدنا علي ابن ابي طالب . سيدنا النبي قال وينحر لهم ثور كان ياكل من اطراف الجنه هيتدبحلنا طور كبيييير جدااا كان بياكل من الجنه وبيتحضرلنا ناكله اول منخش الجنه ، و الشرب هيكون من عين اسمها سلسبيل .

* طيب بيوتنا هتبقي عامله ازاي !؟ *

- تعالوا نعرف ونتخيل بيوت الجنه هتكون عامله ازاي ، سيدنا النبي قال لبنه من فضه و لبنه من ذهب و ملاطها مسك وحصباؤها اللؤلؤ و الياقوت و ترابها زعفران ، اللبنه دي زي الطوبه طوبه دهب و طوبه فضه و المونه الي فـ نصها الي زي الاسمنت كده من المسك وتراب الارض من الزعفران متخيل !؟ ، وفيه بعض البيوت زي اللؤلؤه طوله حوالي 60 ميل سيدنا النبي قال لون الؤلؤه هيبقي اخضر او احمر او اصفر ، و الحيطان و الارض هتبقي من اللؤلؤ ، طيب ده كده البيوت هتبقي شبه بعض !؟ سيدنا عبد الله ابن عباس قال ان الناس يعرفون بيوتهم فـ الجنه كما يعرفونها اذا انصرفوا من صلاة الجمعه ، ينعني هتبقي عارف ان ده بيتك كانك لسه ع الارض و روحت صليت الجمعه و عارف بيتك فين وترجعلهه ، البيت بتاعك هيكون ليه 70 باب كل باب من الضرفه للضرفه زي اللؤلؤه كده حاجه فخيمه فخيمه يعني :d طيب ماتيجي نروق ع نفسنا كده و نزرعلنا نخلتين حلوين قدام بيتنا ، سيدنا النبي قال من قال سبحان الله و بحمده غرزت له نخله فـ الجنه وانت و شطارتك بقي كل ماتقول اكتر كل مابيتك يتملي نخل اكتر .

* و هنلبس وناكل ايه !؟ *

- بص بقي سيدك النبي بيقولك ايه ، انك لاتنظر الي الطير يطير فـ الجنه فتشتهيه فيخر بين يديك مشويا ، لو بصيت لـ الطير طاير فـ الجنه و نفسك راحت ليه هتلاقيه نزل قدامك مشوي ، عاوز اقولك حاجه لطيفه ان الجنه مفيهاش دعاء الجنه فيها اشتهاء ، مجرد مايبقي نفسك فـ الحاجه تلاقيها اتحققتلك ، يطاف عليهم بصحاف من ذهب و اكواب ، بيلف علينا 70 خادم كل خادم معاه صينيه من ذهب وكل صينيه فيه صنف اكل مختلف ع التاني يعني 70 صنف ، و انت قاعد تحت شجرة بستانك الجميل في بيتك لو عوزت بصيت ع تفاحايه و نفسك فيها تلافي الفرع نزل لحد عندك تاخد الي انت عاوزه منه ، و دانية عليهم ظلالها و ذللت قطوفها تذليلا ، طيب كده كلنا و ملينا كرشنا :-d اللبس بقي ، سيدنا النبي اتسال عن لبس الجنه عامل ازاي يارسول الله !؟ قال صلي الله عليه و سلم ، تشقق عنها ثمرة الجنه ، بعني مثلا لو بتدور علي جاكت ولا تيشيرت ولا قميص فيه ثمار متعلقه ع الشجر تفتحها يطلعلك اللبس الي انت عاوزه متخيل !؟ ما من شجره في الجنه الا و ساقها من ذهب ، لما ساق الشجره من ذهب امال ثمارها و فروعها عامله ازاي !؟ فيه شجره بقي اسمها طوبي و متهيائلي ناس كتيره عارفاها سيدنا النبي قال طوبي لمن راني و امن بي ، زي الصحابه و الصالحين في عصر النبي ، قال صلي الله عليه و سلم و طوبي ثم طوبي ثم طوبي لمن امن بي و لم يراني ( احنا <3 ) ، و قال طوبي للغرباء ، الغرباء زي ماقال سيدنا النبي الذين يصلحون اذا افسد الناس ، يعني تبقي محافظ علي صلاتك و دينك و تلاقي ناس تقولك ايه ياعم الشيخ :-d و تستحمل علشان الجنه و علشان عارف ان ضيافة ربنا اجمل بكتير .

* شكلنا و سننا في الجنه )

سيدنا النبي قال خلق الله عز وجل ادم على صورته طوله ستون ذراعا فكل من يدخل الجنة على صورة ادم وطوله ستون ذراعا ، حسب اقوال الرسول ان هيكون طولنا 60 ذراع و الذراع 64 سنتي متر و شكل سيدنا ادم هنبقي ابراج بالصلاه ع النبي :-d ، و سننا زي ماقال الحبيب المصطفي يدخل أهل الجنة الجنة جرداً مرداً مكحلين أبناء ثلاثين أو ثلاث وثلاثين سنة ، لما هندخل الجنه هيبقي عمرنا 33 سنه و مفيش شعر في جسمنا )

* كلام ربنا لينا *

- ربنا سبحانه و تعالي بيكلمنا في الجنه و بينادي علينا متخيل !؟ وانا متعمد اقول علينا لان باذن الله هنكون من اهل الجنه ، بيرسل لبنا كبش ( خروف ) و يتدبح قدامنا ويقول عز و جل اتعلمون ما هذا !؟ نقول هذا الموت ، معناه اننا هنفضل مخلدين في الجنه مبنموتش مبنتعبش مبنتمرضش مبنكبرش ولا بنعجز و يطلعلنا تجاعيد ، ، تاني نداء لله عز و جل هيندهه علينا الله عز و جل ، و برضه متعمد اقول علينا ، هل رضيتم !؟ متخيل عظمة ربنا !؟ ربنا سبحانه و تعالي بيقولك راضي بكل الي اديتهولك !؟ حاسس بحاجه ناقصاك !؟ حاسس انك تعبت في الدنيا ومخدتش حقك في الاخر !؟ هنرد و نقول و باذن الله هنكون احنا ، كيف لانرضي و قد بيضت وجوهنا .

* تعالي بقي نشوف نهر سيدنا النبي فـ الجنه نهر الكوثر !؟ وليه ربنا اهداه لـ النبي *

- سيدنا النبي مكانش بيعيش ليه اولاد صبيان و مات 3 من صبيانه ، في يوم ابو جهل عايره و قاله يا ابتر ، البتر ده القطع ، يعني يامحمد انت مبتور ذرية الصبيان ملكش ابن تتسند عليه ، فالنبي حزن جداا ، ربنا سبحانه و تعالي نزل عليه سيدنا جبريل بسورة الكوثر ، ان اعطيناك الكوثر ، يامحمد انا مرزقتكش بصبيان بس عوضتك بنهر في الجنه ( الكوثر ) ، فصلي لربك و انحر ، احمد ربك يامحمد و صليله و ادبح ووزع ع الفقراء ، ان شانئك هو الابتر ، الي عايرك و هانك يامحمد هو الي مقطوع من رحمتي .

* وصف نهر و حوض الكوثر *

- نهر الكوثر النبي صلي الله عليه و سلم قال علي حافتيه قباب من لؤلؤ ، دي عباره عن بيوت بتاعتنا حوالين النهر بتاع النبي زي قصور كده معموله من الؤلؤ ، طينه احلي من المسك مائه احلي من العسل وابيض من اللبن ، تجد عليها طيور اعناقها كمثل اعناق الجمال اكلها انعم منها ، علي النهر ده طيور قد الجمال و لحمها نااعم كده يستاهل خشم سعادتك :d
حوض الكوثر بقي هيكون في ارض المحشر الي هو يوم القيامه و المايه بتاعته بتيجي من نهر الكوثر الي في الجنه النبي هيقف ع الحوض ده و هيشربنا بايده الشريفه و الي هيناوله المايه سيدنا ابو بكر ، طيب ومين الي هيشرب من الحوض ده !؟ الي كان مواظب ع الصلاه ع النبي ، الي كان بيحط النبي قدامه فـ كل تصرفاته كانه موجود معاه ، هيقف سيدنا النبي و احنا واقفين دلوقتي فـ طاابووور كبييير و مستنين دورنا يجي و نقف بين النبي و نشرب من ايده الشريفه ، انت قدامك ملاين دلوقتي وانت واقف مستني ، بقوا الوفات ، بقوا مياات ، قدامك عشرين واحد دلوقتي ، بقوا عشره ، بقوا خمسه ، قدامك واحد و تخش تشرب من ايد سيدنا النبي ، جي الدور عليك يـ صديقي النبي بياخد المايه من ايد سيدنا ابو بكر و بيتدير عليك دلوقتي ^_^ انت دلوقتي شايف النبي شايف تفاصيله ، شايف شعره ، شامم رائحته العطره ، سيدنا النبي بيديك الكوبايه و بيقولك بسم الله اشرب

* اجمل يوم فـ الجنه ، نظرتنا لـوجه ربنا الكريم )

دخلنا جنتنا و شربنا من ايد سيدنا النبي و اتدرمغنا فـ ملكوت ربنا سبحانه و تعالي ، وجت احلي لحظه فـ حياتنا كلها نظرتنا لله سبحانه و تعالي ^_^ ربنا سبحانه و تعالي هينده ع عباده و يقول يـ عبدي هل انت راضي عني !؟ متخيلين !؟ تعد النجائب ، هنركب زي جمال كده و نطلع بيها الفردوس اخر جنه فـ جنات ربنا و فوقيها سقف عرش المولي عز و جل ، هتتحط منابر من نور زي بتاعة صلاة الجمعه كده بس دي هتبقي من نور ، يجلس عليها اناس وجوههم نور لباسهم نور و منابر من فضه ، علي حسب اعمالنا بقي بنقعد علي منابر حسب اعمالنا ، واقل الناس اعمال هتقعد علي كسبان المسك ، دي جبال متعطره من المسك متخيل !؟ واشرقت الارض بنور ربها ، هيظهر نور هينور الجنه كلها ، ربنا سبحانه و تعالي هيقول يـ اهل الجنه هل رضيتم !؟ وكل ده ربنا سبحانه و تعالي لسه مظهرش فيه بيننا و بينه حجاب ، يـ اهل الجنه اطلبوا !؟ هنقول يـ رب ارضي عنا ، هيقول الله عز و جل لو لم ارضي عنكم لما ادخلتكم جنتي ) فلما علموا ان الله لن يتركهم ، كان الله عز و جل بيقولك مش هسيبك غير لما تقول ، لما هنتاكد ان الله عز و جل عاوزنا نطلب ، هنقول ارنا وجهك ننظر اليك ، يـ ارب اعطف علينا وورينا وجهك الكريم ، فتكشف الحجب فتتعلق ابصارهم بـ الله ، الحجاب الي بيننا وبين ربنا اتشال و شوفنا الي كنا طول عمرنا بنحني ظهرنا لعبادته ، شوفنا الي كنا بنصوم و بنجبر بخاطر الخلق و بنتصدق و بنقيم الليل علشانه شوفنا الي تاجرنا معاه تجاره ناجحه وبفوايد كمان ، شوفنا الي افضاله كانت مغرقانا و كنا بنعصيه و بيسامحنا وبيرزقنا ، شوفنا الحنين الغفور العفو ، شوفنا خالق اشرف خلق الله و احسنهم خلقا سيدنا محمد ، فيه ناس هتشوف ربنا سبحانه و تعالي كل جمعه و فيه ناس هتشوفه كل يوم الصبح و بليل زي ماقال سيدنا النبي ، يـااااارب ماتحرمنا من لذة النظر لوجهك الكريم )

- بعد مسمعت ع الجنه و عظمة تكوين الله عز و جل هتعمل ايه علشانها !؟ هتعمل ايه علشان تبقي ضيف عند ربنا عز و جل !؟ الجنه اسهل مما تتخيل ، الكلمه تدخلك جنه ، الرحمه تدخلك جنه ، جبر الخاطر يدخلك جنه ، الحنيه تدخلك جنه ، العدل يدخلك جنه ، هتعمل ايه منهم !؟ ولا هتعملهم كلهم !؟ تختار جهنم !؟ ولا شربة من ايد سيدنا النبي و ايد سيدنا ابو بكر من نهر الكوثر !؟ اكله من ثور الجنه ولا اكله من جمرات جهنم !؟ شربة من سلسبيل ولا شربه من فيضانات جهنم !؟ انت الي بايدك بتختار ، باذن الله لسه قدامك وقت تختار طريقك لسه قدامك فرصه تكون جار سيدنا النبي وسيدنا عمر و سيدنا ابو بكر و سيدنا عثمان و سيدنا علي و سيدنا ابراهيم و غيرهم كتير من الصالحين ، ولا جار للمفسدين و الطغاه ، الجنه تستاهل يـ صديقي )

‫#‏الجنه_بتناديك‬

[إكْليل زَهْر]

جزآك آلله خير
وجُعل م قدم في ميزآن حسنآتك