آخر 10 مشاركات |
|
| LinkBack | أدوات الموضوع | انواع عرض الموضوع |
25-07-16, 01:02 AM | #32 | |||||||||
نجم روايتي
| قبل كل شيء ..من تنزلين فصل عملي اقتباس...او لايك...حتى اعرف ان الفصل نزل.. هو البارت اليوم حلو وجميل..بس لازم تدخلين بالموضوع دغري..او تزيدين البارت ...لان احس الاحداث قليلة... رواية ممتعة ..وماتنزليه ميشبعني..اريد هواية..........ههههه بالتوفيق ياربِ.. | |||||||||
25-07-16, 06:30 PM | #33 | |||||||||||||
نجم روايتي وكاتبة وقاصة ومصممة مساعدة في منتدى قلوب أحلام وعضو في فريق الترجمة ومتابع مميز في القسم الطبي والنفسي
| اهلين بانتظار الفصل قبلااااتي | |||||||||||||
25-07-16, 07:09 PM | #34 | |||||
| اقتباس:
اسعدتيني ربي يسعدك . تسلمين ، دمتي بخير . | |||||
25-07-16, 07:54 PM | #35 | |||||
| اقتباس:
اسعدتيني ربي يسعدك . تسلمين ، دمتي بخير . | |||||
25-07-16, 09:57 PM | #36 | |||||||||||||
نجم روايتي وكاتبة وقاصة ومصممة مساعدة في منتدى قلوب أحلام وعضو في فريق الترجمة ومتابع مميز في القسم الطبي والنفسي
| الذين يشاهدون محتوى الموضوع الآن : 3 ( الأعضاء 3 والزوار 0) sanity, mango20103, جنون خيال | |||||||||||||
25-07-16, 10:23 PM | #38 | ||||
| ". عندما أحببتك لم اقصد أذية قلبي ." ". Part '4'." ~ .................................. > اليوم الثاني ' الصباح ' . الساعه ' 6:30 ' صحت رندا بكسل وشافت الساعه انتبهت ان الفجر اذن خلاص . رندا : ياربي نمت من التعب ما انتبهت للصلاه ، خلني اقوم اصلي بس . - راحت اخذت شور سريع ولبست بجامه بيضاء عاديه وصلت صلاتها ونزلت سمعت صوت التلفزيون وراحت تشوف من اللي صاحي شافتهم عزوز وعبود - رندا بمرح : صباح الورد ياجميلين . عبود بفزع : يمه منك خوفتيني . عزوز ببرود : من يومك خواف انت اصلا . عبود باستخفاف : لا ي شيخ - رمى عليه مخده وجلسو يلعبون سوا ورندا سحبت نفسها للمطبخ دخلت المطبخ شافت فاديه - رندا باستغراب : صباح الخير فدوو ، غريبه صاحيه !. فاديه : صحيت عشان الاولاد صاحين ويبون فطور وجالسه اسوي لهم . رندا بفهم : اهاا ، حمود مو معهم نايم . فاديه : ايه نايم ، انتي وش صحاك ! رندا وهي تجلس ع الطاوله : ابد بس راحت علي الصلاه وصليتها ونزلت وشفتهم عند التلفزيون . فاديه : اها تمام اجل . - دخل عليهم حسين وواضح بوجهه النوم - حسين بملل : صباح الخير . رندا وفاديه : صباح النور . حسين ناظر برندا : يالله صباح خير وش مصحيك انتي ، تراها اجازه يعني مافي مدرسه . رندا بسخافه : لا بالله احلف عاد ، كنت تو بروح البس مريولي . حسين بعبط : بعطيك اجازه من عندي غيبي اليوم . رندا اعطته نظره : تراك سخيف . حسين : طالع عليك . رندا ماردت عليه . حسين التفت لفاديه : فاديه اعطيني مويه من عندك . فاديه : ايدي فيها صابون خلي رندا . رندا باستفسار : وينها ؟. فاديه : ع الطاوله وراك . لفت رندا وسحبت قاروره مويه من وراها ومدت إيدها لحسين - - حسين رفع حاجبه لها ومسك القاروره ويدها وسحبها بسرعه ، رندا اللي فقدت توازنها من فوق الطاوله صدمت بصدر حسين بقوه ورجعت - رندا بألم وهي تمسك راسها : اف عورتني ي اخي ايش فيك وشهالحركه السخيفه . حسين وهو لسى رافع حاجبه ويناظرها : تراني م استهبل معك ، سحبتك كذا عشان ماترجعي تجلسي فوق الطاوله ، شايفه فيه كراسي اجلسي عليها ، - وكمل بتهديد - لو اشوفك مره ثانيه هنا بيحصل لك اكثر من كذا . رندا وهي تناظر برجلها اللي انلوت من السحبه نزلت دموعها ع خدها بدون تحس وقالت بنبره حزينه وهي تلف وجهها منه : طيب اسفه مو قصدي ، انا تعودت كذا ، وكمان تراك عورتني . حسين طالعها بدون مايرد عليها وشرب من المويه والتفت لفاديه : فاديه ، انتي المفروض تعلميها علميها كل شيء مو قادر استحملها ترا .- ولف وطلع -. فاديه بحزن على رندا : رندا تبين اسا....- قاطعتها رندا - لا شكرا م ابي شيء مو محتاجه بروح لوحدي - راحت غرفتها وهي تمشي بثقل عشان الم رجلها .- فاديه : ياربي من هالحسين ، المفروض مايسوي معها كذا ، بطلع اكلمها بعد شوي . .......................................... >في غرفه رندا . واقفه قبال مرايتها تمشط شعرها وتحاول تلهي نفسها انها تتذكر اي شيء من اللي صار وقفت وناظرت بشكلها بالمرايه ونفخت فمها بضجر : الحين انتي غبيه ولا كيف ! ، كيف تبكين قدامه كيف ؟ ، الحين بيحس انك غبيه ويستغلك ، صبر صبر يستغلك في ايش مافيك شيء سنع اصلا انتي ووجهك ، بس ولو كان لازم ماتبكين عنده وولا عورني وكمان يقول مو قادر استحملها ، الله العالم من مو قادر يستحمل الثاني و..........- قطعها صوت دق بالباب لوهله فكرت انها ماتفتح بس سمعت صوت اللي ورا الباب وابتسمت وراحت تفتح -. رندا بإبتسامه : هلا فاديه ، بغيتي شيء . فاديه تبادلها الابتسامه : إيه كنت ابي اكلمك بشغله . رندا : ايه قولي وش تبين . فاديه اعطت الغرفه نظره : بنتكلم عند الباب يعني . رندا انحرجت : لا اكيد تفضلي معليش . - دخلت فاديه وجلست ع الكرسي الطويل مقابل الطاقه الكبيره اللي تطل ع الحديقه ورندا جلست جنبها -. رندا بحماس : امريني وش بغيتي . فاديه بقلق : كيف رجلك الحين ؟ رندا وهي تبتسم : عادي ي قلبي حطيت عليها مرهم وكويسه الحين . فاديه بإرتياح : الحمدلله طمنتيني . رندا بلقافه : هيا قولي وش تبين !. فاديه بضحكه : طيب طيب بقول لا يطق فيك عرق الحين . رندا : شوي ويطق اصلا . فاديه بهدوء : الموضوع بخصوص حسين . رندا اللي انعفس مزاجها من اسمه وتذكرت اللي صار قبل شوي : الحين هو عن السيد موقامبو عبالي عندك سالفه - عفست فمها بملل -. فاديه ضحكه وقالت بتساؤل : وش موقامبو ذا بعد !. رندا وهي تشرح : هذا الله يسلمك شخصيه شريره معروفه بالافلام الهنديه . فاديه بفهم : اها ، حرام عليك . رندا : لا مو حرام يستاهل . فاديه : طيب ع راحتك ، المهم بقولك عنه هو ترا عندك وسواس بالنظافه فهمتي ؟ يعني م يحب احد يحوس الدنيا عنده ولا يجلس ع الطاولات ، او يوقف ع الكنب او الكراسي ، كذا يعني . رندا بفهم : اوووهه ، فهمت فهمت عشان كذا لما دخل غرفتي المره ذيك اعطاني محاضره بالنظافه . فاديه باستفسار : اي مره ؟ - رندا وهي تتذكر اللي صار - كانت جالسه فوق سريرها تأكل سندويتش شوي سمعت طق بالباب جاء عبالها فاديه وقالت بصوت عالي ادخلي . دخل حسين وانفجع من اللي شافه الارض ماتنشاف كلها ملابس طايحه بأهمال وقوارير واكياس بطاطس وبساكيت وشنط مفتوحه وكل اللي فيها طاير ارتفع نظره للي جالسه فوق السرير تأكل بشراهه والكاتشب مالي وجهها وحركت شعرها بيدها وجاه كاتشب من يدها انتبهت ان حسين موجود وقبل ماتنطق جاها صوته . حسين بأشمئزاز : الحين بالله ذي غرفه بنت ! ، وش هالوساخه الارض م اشوفها ، حشى ولا شقق العزاب ولا عاد شقق العزاب انظف منها ، وشهالقرف . - رندا مسحت ايدها بالمفرش وجات بتتكلم بس شافت وجه حسين مصدوم !- رندا بغباء : بسم الله وش فيه وجهك كذا ؟. حسين بقرف : الله حسيبك ، وشهالقرف ! ، كيف تقدري تنامي بمفرشك كذا ! ، - شد ع راسه بقوه - انا وش خلاني ادخل غرفتها ولف بيطلع بس رجع وقالها : هيه انتي نظفي غرفتك القذره هذي اللي بحياتي ماشفت مثلها ، والاكل اتوقع فيه طاوله تحت مو زينه كلي عليها ، - يأشر ع ايدها بقرف - وايدك ذي فيه مغاسل بالبيت ياكثرهم غسلي يدك فيهم مو بالمفرش - وطلع وصفق الباب بقوه وراه -. رندا وهي تناظر بالباب باستغراب : الحمدلله والشكر وش هالنفسيه ، خلني اكمل اكلي بس - وجلست تأكل بدون اهتمام باللي قاله -. رندا فزت بفزع من صوت فاديه : يمه خرعتيني وش فيك ؟ فادديه : ابد حبيبتي لي ساعه اتكلم معك وانتي مدري وين عقلك . رندا : معليش فهيت . فاديه : مو مشكله ، انا الحين رايحه انام عشان اصحى اسوي لهم الغداء ، يلا سلام . رندا وهي شارده : سلام . ......................... >في مكان ثاني - بيت مريم -. كانت جالسه بالصاله وتحرك رجلها بتوتر وتتذكر اللي صار قبل 15 سنه . - قبل '15' سنه .. كانو متجمعين ببيت جدتهم البنات جالسين سوا ويضحكون ويسولفون شوي يسمعون صوت صراخ الرجال برا ماعرفو وش السالفه . يدخل عليهم خالهم الكبير - ابو فادي ومريم - ويطلب الحريم يتغطون تغطو الحريم ودخل عليهم وبصراخ : مريمممم مريم جات بسرعه : هلا يبه ايش فيك . ابو فادي ولا زال معصب : حسين ذا تنسينه فاهمه مو لك ولا انتي له ابد . مريم بفزع : بس كيف هو هو ... ابو فادي يقاطعها : هو طلقك . مريم من الصدمه طاحت مغمى عليها . .......................... مريم صحت من خيالها وبقهر : لو ماللي صار كنت بكون له للابد . دخل فادي : السلام عليكم . مريم بدون نفس : وعليكم السلام . فادي : خير وش الاخلاق القافله ذي . مريم : فادي انقلع مو رايق لك ترا . فادي يغيضها : اووه عرفت السبب شفتي زوجات حبيبك سابقا . مريم عصبت من اخوها : فادي راقب الفاظك . فادي : اقولك بس اعقلي بلا حركات اللي زعلانه ع الحب ، كلنا عارفين وش صار وانه طلقك قبل زواجكم بشهر . مريم بضجر : احسن لي اطلع غرفتي - مرت من جنبك وراحت - فادي وهو يراقبها : بأخذ لك حقك وانا اخوك . وراح غرفته . ...................................... >شوي وانزل تكملة البارت :$ | ||||
25-07-16, 11:06 PM | #40 | |||||||||
نجم روايتي
| هي هي اجيت الذين يشاهدون محتوى الموضوع الآن : 9 ( الأعضاء 7 والزوار 2) ريام عبدالزهرة, صباح الهلالي, bobosty2005, غربة الرووح222, جنون خيال, mango20103 لي عودة بعد القراءة | |||||||||
مواقع النشر (المفضلة) |
أدوات الموضوع | |
انواع عرض الموضوع | |
|
|