أتفقنا ننفصل لكن القدر أجبرنا على الوصل/ للكاتبة صمتي سلاحي ، مكتملة

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية أتفقنا ننفصل لكن القدر أجبرنا على الوصل للكاتبة صمتي سلاحي قراءة ممتعة للجميع.....

[لامارا]

رابط لتحميل الرواية

https://www.rewity.com/forum/t364205.html#post11816209

رواية اتفقنا ننفصل لكن اجبرنا القدر على الوصل


بسم الله الرحمن الرحيم
مرحبا يا مزايين

كيفكم اخباركم عساكم طيبون

رجعت لكم بعد غيبه ما طالت كثير .. بس اشتقت لكم صراحةً
شسمه وبما ان روايتي الأولى (( كل الشباب عشقوها وهي ما عشقت الا ابوها)) وروايتي الثانية (( انا انثى ولكن !!... ))لاقو نجاح غير متوقع ولله الحمد قلت ابدا بكتابه مولودتي الثالثة وانزلها هنا بنفس المنتدى اللي اعضائه عطوني التشجيع والدعم الكبير في صقل موهبتي وتنميتها ويارب ان روايتي الثالثه تعجبكم مثل الأولى والثانيه واكثر (( طماعه ادري بس كلن يطمح للاحسن ))..

والروايه هذي راح تكون باذن الله مغايره تماما عن الروايتين اللي قبل من احداث وشخصيات وحتى الاسلوب .. الروايه هذي راح تكون مستنبطه من القصص الواقعيه اللي نشوف اجزاء او مقتطفات منها في حياتنا وهنا انا راح ارسم لكم الشكل الكامل للمقتطفات اللي تمر علينا بحياتنا .. مو يقولون لكل قصه جانب مظلم هنا راح نسلط النور على الجوانب المظلمه في القصص اللي نشوفها في واقعنا ..

وبس مابي اتكلم كثير راح اترك الروايه تتكلم عني ..

** ودائما وابدا اتقبل النقد البناء يعني اللي يفيدني ويخليني ارتقي في كتاباتي مو النقد اللي يكون سلبي وماله أي فايده ويسوي زحمه وبس **

وبعد دقايق باذن الله راح ينزل البارت الأول ..

انتظروني ..

محبتكم صمتي سلاحي ..

[لامارا]

## البارت الأول##
##
##
##
##
##
##
##
##
##
##
##
في صباح يوم جديد باشراقه شمس الشتاء الدافئه التي ضربت اشعتها على منزل .. لحظه لحظه انا اليه ليه اكتب بالفصحه وروايتي عاميه ينقال بسوي مكس يعني .. اقول بس .. كت كت ..
احم احم .. 1.2.3 اكشن ..
##
##
##
##
##
في صباح يوم جديد مع شروق شمس الشتا اللي اشعتها دخلت هذاك البيت المتواضع اللي يتكون من دورين .. الدور الأرضي يتكون من مجلس للرجال ومجلس للحريم وصاله ومطبخ متوسط وغرفه طعام .. اما الدور الثاني يتكون من 4 غرف نوم وصاله تتوسطهم . نروح لاول غرفه على اليمين ..
كان توه صاحي من النوم اخذ جواله من على الكومدينه وشاف الساعه 6 الصباح ..وهو يتمقط .. اوووه تو بدري باقي على دوامي ساعه وش مصحيني .. خليني اقوم اتروش واتنشط عشان ما اتاخر على الدوام مثل العاده .. وقام من السرير واخذ منشفته وطلع من الغرفه ودخل للحمام (( الله يكرمكم ))..

@@@

بنفس البيت لكن في الصاله تحت ..
كانت توها جالسه على الكنبه .. يالله صباح خير اصبحنا واصبح الملك لله .. يا مليكه يا مليكه ..

مليكه الخدامه جات تسرع .. نعم ماما ..

.. جهزتي الفطور ..

مليكه : ايوا ماما خلاص انا جهز ..

.. طيب زين روحي شوفي عز صحى او لا اذا ما صحى صحيه لا يتاخر عن الدوام مثل كل يوم ..

مليكه : حاضر ماما الحين انا روح ..

وطلعت مليكه لفوق وراحت لغرفه عز ودقت الباب مره ومرتين بس محد فتح لها دقت المره الثالثه وانفتح الباب .. مستر عز ماما تقول يلا اصحى عسان دوام ما يتاخر ..

عز : يا حليلها امي عارفه اني كل يوم اروح متاخر .. طيب قولي لها صحيت والحين نازل .. وقفل الباب ودخل لبس البدله الرسميه السوده عشان الدوام ومشط شعره على ورا وكان يوصل لاخر رقبته ومره ناعم .. خلص وتعطر بعطره المميز القوي ولبس ساعته وجزمته واخذ جواله ومحفظته ومفاتيح السياره ونزل لتحت .. اول ما وصل للصاله شاف امه جالسه راح وباسها على راسها .. صباح الخير يمه .. وجلس بجنبها .. ماشاء الله عليك اليوم حريصه تصحيني من بدري ..

ام عز .. ايه اكيد اجل عاجبك انك تروح كل يوم متاخر للدوام تبيهم يخصمون عليك ..

عز : لا خلاص بعد الأنذار اللي جاني تسنعت واليوم راح اروح بدري عشان يعرفون اني انتظمت ..

ام عز : ان شاء الله دوم .. يلا قوم نفطر مليكه جهزت الفطور من زمان ..

عز وهو يوقف مع امه .. ان شاء الله .. وراحو لغرفه الطعام وجلسو على الطاوله المتوسطه ..

عز.. يمه الحين انا ابي افهم انتي وش يصحيك من بدري مادام ما عندك شيء نامي وارتاحي غيرك يتمنون ان ما عندهم دوامات عشان ينامون الصباح ..

ام عز : قصدك انت يعني ..

عز وامه .. ههههههههههههههههههههههه..

ام عز : عاد وش اسوي انا من لما تزوجت ابوك الله يرحمه من 35 سنه وانا متعوده اني اصحى من الصباح عشانه ..

عز : الله يرحمه بس هو متوفي له 3 سنوات يعني المفروض نظامك تغير ..

ام عز : لا ما يتغير هذا طبعي ولا اقدر اغيره .. وبعدين انت وش ضارك الصبح وش زينه ..

عز : مو ضارني شيء الله يهديك يمه بس يعني وش تجلسين تسوين ملل ..

ام عز : ولا ملل ولا شيء اجلس اتابع التلفزيون على قنوات الطبخ استفيد ولا القنوات الدينيه واذا جا الضحى رحت لجاراتي ولا هم زاروني وكذا يضيع الوقت ..

عز : لا باين عليك يايمه منظمه وقتك ما شاء الله عليك .. الله يسعك .. الا يمه اليوم بيجون هند وهيا :

ام عز : ليه اليوم ايش ..

عز :اليوم الأحد ..

ام عز : اي اكيد انت تعرف انهم يتجمعون كل احد وخميس .. وعاد اليوم بنطلع لبيت ام هشام :

عز : قصدك جيرانا القديمين اللي لما كنا بالشرقيه ..

ام عز : ايه هم من زمان ما شفناهم قالو اخواتك نبي نروح لهم وكذا ..

عز : ايه زين .. وعيالهم بتاخذونهم معكم ولا مثل قبل امس لما رحتو للزواج ورطتوني فيهم ..

ام عز : ههههههههههههههه.. الله يقطع بليسك .. وش نسوي ما في غيرك ..

عز : ايه شايفيني الولد الوحيد عشان كذا ترمون كل شيء علي ..

ام عز : عاد هذول عيال اخواتك وش زينهم هادينن ..

عز : ايييييه مره هادين وخصوصا سعودوه ولد هند هذا عاد اهدى واحد فيهم لدرجه انه خلاني ابدل ملابسي مرتين بسببه ..

ام عز : ههههههههههههه .. بزارين قول الله يهديهم بس ..

عز وهو يوقف .. امين يارب .. يلا يمه مابقى الا نص ساعه تقريبا بروح للدوام تامرين على شيء ..

ام عز : لا سلامتك .. بس لاتنسى ترا انت اللي راحت توصلنا راح نروح بعد العشاء ان شاء الله ..

عز : ان شاء الله ماراح ارتبط اليوم .. يلا مع السلامه ..

ام عز : مع السلامه ربي حافظك ..

وطلع عز من البيت وركب سيارته وتوجه لدوامه

@@@@

(( لحظه تعريف ))
عائله ابو عز :
ابو عز : سعد .. توفى من 3 سنوات ..
**
**
ام عز :مريم .. عمرها 45 سنه من بعد ما توفى زوجها وهي تحس بالمسؤوليه كبرت عليها وصارت تخاف على عيالها اكثر مع انهم كبار بس الام ماهما كبر عيالها تبقى تشوفهم صغار .. مره حنونه وطيبه ..
**
**
هند : البنت الكبيره عمرها 32 سنه متزوجه ولد عمها وعندها ولدين سعد 6 سنوات وسعود 4 سنوات .. وهي طالعه على امها حنونه وطيبه وتخاف على عيالها كثير بشكل مبالغ فيه ..
**
**
هيا : الأخت الثانيه عمرها 30 سنه .. وهي متزوجه واحد من برا العيله وعندها بنتين ريناد 5 سنوات ورنيم 3 سنوات وهي عصبيه نوعا ما ومو اي شيء يعجبها دايم تعترض على كل شيء وهي طيبه بس دايم تحب تبرز نفسها في كل شيء ..
**
**
عز : وهو اخر العنقود مثل ما يقولون عمره 26سنه مزيون ووسيم ابيضاني وطويل وشعره اسود وناعم وعيونه السوده و حاده وجذابه جسمه رياضي وكانه عارض ازياء .. متخرج من الجامعه له سنتين من تخصص اداره اعمال وهو حاليا يشتغل محاسب بشركه كبيره .. وصح نسيت اقولكم هو اعزب ..وهو الحين جالس مع امه بالبيت لحالهم..

@@@@

الساعه 9 الصباح ..

بجامعه سعود قسم البنات ..

كانت توها طالعه من محاضرتها وهي حدها دايخه من شرح الدكتور .. شافت بنت خالتها جايه لها .. اهلين لموي توك جايه ..

لما وهي تسلم عليها .. ايه لان محاضرتي الساعه 10 وش فيك نسيتي .. وصارت تناظر بوجهها .. وش فيك عروب بسم الله عليك ليه وجهك اصفر كذا تعبانه ..

عروب وهي تجلس على الكرسي اللي بجنب القاعه .. لا مافيني شيء بس الدكتور هذا غثيث صدع راسي من هذرته ..

لما تجلس بجنبها .. علي تراني اعرف باين انو فيك شيء .. خلصيني تكلمي وش فيك ..

عروب لفت عليها .. لموي وش فيك تحنين قلت لك مافيني شيء بس راسي مصدع ابي اشرب لي شيء يصحصحني ..ويفك الصداع ..

لما : تبين اجيب لك قهوه امريكيه ..

عروب : تسوين خير ..

لما وقفت وقبل ما تروح لفت عليها .. طيب انتي اكلتي شي.. افطرتي يعني ..

عروب : لا ومالي نفس اكل بس جيبي لي قهوه ..

لما : وتقول لي ما فيني شيء .. الحين بان كل شيء .. دقايق اجيب القهوه وبعدين اتفاهم معك ..

عروب اشرت لها بيدها بمعنى روحي روحي .. وبعد ماراحت لما سندت عروب راسها على الكرسي وغمضت عيونها ومر شريط من قدامها باللي صار امس ..

&&
&&
&&

عروب بصراخ .. خلاص انتو وش فيكم فوق انكم تبون تزوجوني غصب عني كل واحد فيكم جايب لي معرس ليه لهذي الدرجه انا مثقله عليكم تبون الفكه مني باي طريقه .. اذا ما تبوني ترا بيت خالتي موجود مو محتاجه لكم اروح واجلس عندها معززه ومكرمه ولا المذله اللي انتو معيشيني فيها ..

ابو عروب : اوص ولا كلمه ما تستحين على وجهك تطولين صوتك علينا انا وامك انتي شكلك ما تربيتي ..

عروب ناظرته باستهزائ .. اذا ما تربيت فهذي هي تربيتكم انتو .. وبعدين انا كبرت الحين ماني صغيره مو انتو اللي تاخذون القرار عني ..

ام عروب : وش هالكلام وش قصدك بتربيتنا يعني حنا ما ربيناك كويس ..

عروب : اسألي ابوي ..

ابو عروب بعصبيه .. والله وطل لسانك ..

عروب : ما طال لساني ولا شيء انا جالسه اقول الحق ..

ابو عروب : الحق اللي جالسين نقوله حنا .. حنا نبي مصلحتك ..

عروب :اي مصلحه اللي تتكلم عنها .. كل واحد منكم جايب لي عريس .. انت جايب لي واحد عمره 50 مدري اكبر ومتزوج 3 وعياله مدري كم وتقول لي زين لك وينفع لك .. اما امي جايبه لي ولد صاحبتها اللي عمره 30 وتوه طالع من السجن بقضيه تحرش .. بالله وين المصلحه اللي تبونها لي ..

ام عروب : حنا نبي لك الستر هذا اهم شيء للبنت ..

عروب : انا الحمد الله جالسه ببيتنا ومستوره ولا حد عليه مني واذا جاني النصيب الزين فكرت فيه مو انتو تروحون تدورون لي من كل مكان وتجيبون لي ناس مدري كيف وتقولون لي نبي لك الستر بالله اي ستر اللي راح الاقيه معهم .. استغفر الله بس .. وقامت عنهم وهي مقهوره منهم كثير وطلعت لغرفتها وهم ينادونها ومطنشتهم ..

&&
&&

صحاها من ذكرياتها يد لما اللي جلست بجنبها .. فتحت عيونها ولفت عليها ..

لما : عروب تبين ترجعين للبيت ..

عروب : لا باقي لي محاضره .. جبتي القهوه ..

لما وهي تمد لها الكوب .. ايه خذي .. وجبت لك دونت بعد ما يصير تشربين القهوه لحالها وانتي ما اكلتي شيء ..

عروب وهي تاخذ الكوب .. والله مالي نفس يا لما انا بالويل راح اشرب القهوه بس عشان يفك الصداع واصحصح ..

لما : عروب ناظريني .. مانمتي امس صح ..

عروب نزلت عيونها .. باين علي ..

لما : حتى لو مو باين عليك انا اعرفك كويس .. اكيد صاير شيء امس .. قولي لي وش صار ..

عروب : لما ما ابي اتكلم الحين باي شيء ابي انسى ..

لما :طيب الحين راح اخليك ماراح اضغط عليك بس اليوم مارح تطلعين من الجامعه الا انا عارفه ..

عروب لفت عليها : ترا برجع معك لبيتكم مالي خلق اروح بيتنا ..

لما بوناسه .. جد حلو حلو .. اجل خلاص لما نرجع للبيت تقولين لي كل شيء على رواق .. بس قبل كل شيء ممكن تاكلين عشاني ..

عروب ابتسمت غصب .. لموي تدرين اني ما اقدر ارد لك طلب بس صدقيني مالي نفس ابد ماراح يمر الأكل ..

لما : لاني اعرفك بس راح اخليك بس لا تشربين القهوه كلها عشان ما تاثر عليك كثير اوك ..

عروب : اوك تامرين .. ورفعت يدها تناظر الساعه .. اوه اقول يا بنت باقي على الساعه 10 5 دقايق روحي يادوب توصلين للمبنى ..

لما وقفت .. اوه نسيت اني بمبنى كليه الأداره .. ياربي على ما اوصل مبنى كليه العلوم يبي لي 5 دقايق وعلى ماوصل للقاعه يبي لي دقيقتين ..

عروب وقفت وصارت تدفها .. اقول روحي روحي على هذرتك هذي كان وصلتي الحين للقاعه مو المبنى .. يلا بسرعه ..

لما : طيب طيب لا تدفين .. يلا رايحه .. باي .. ومشت عنها ..

عروب اخذت شنطتها ومشت لقاعتها وهي تحاول تنسى كل اللي صار امس وتقول ببالها انها متعوده على هذول الأشياء. دخلت للقاعه وجلست بمكانها المعتاد اللي دايم تحب تجلس فيه وهو اخر كرسي بالمدرج على اليمين .. طلعت الدفتر حقها والكتاب والقلم وصارت تنتظر الدكتوره تجي ..

@@@@

بعد ساعه ..
طلعت لما من محاضرتها وعلى طول طارت لمبنى الأداره .. راحت للقاعه اللي فيها عروب وشافت ان الدكتوره توها تطلع وطلعو البنات بعدها .. وشافت عروب كاعادتها جالسه بمكانها ما تحب تطلع الا لما يقلون البنات ما تحب الزحمه .. دخلت لها وراحت لعندها .. الى متى راح تجلسين بالقاعه ان شاء الله ..

عروب لفت عليها : بالله انتي اول مره تعرفيني .. عارفه اني ما احب الزحمه انتظر البنات يقلون واطلع ..

لما : والله ما طلعتي علي انا من تطلع الدكتوره اطلع وراها على طول ابي الفكه ..

عروب: عاد انتي من عمرك مرجوجه مدري كيف دخلتي قسم احياء ..

لما : يا اختي القدر القدر .. المهم يلا قومي عشان نرجع للبيت مافيني صبر ابي اعرف سالفتك طول المحاضره افكر فيها حتى مدري وش اخذنا ..

عروب : من جدك كل هذا فضول ..

لما :شفتي كيف .. يلا بس قومي ..

عروب تقوم معها .. راح اتصل على السواق عشان يوصلنا ..

لما : وليه هيثم راح يجي هو عارف متى اطلع ..

عروب وهي تطلع من القاعه ولما وراها .. بالله تطلعينه من دوامه عشان يجي ياخذك ..

لما : لا هو يكون عنده بريك هالوقت وبعدين يستاهلون مين قالهم ما يجبون لي سواق ..

عروب : على اخر سنه تبين سواق اقول ريحي بس .. ويلا خلينا نمشي احس للحين مصدعه والقهوه ما سوت لي شيء ..

لما : بسم الله عليك الحين لما نروح البيت لازم تاكلين لانك جوعانه الصداع مو راضي يفك ..

عروب : يلا يلا خلينا نروح .. طيب هو جا الحين ..

لما : اكيد موجود برا هو عارف وقتي اقولك ..

عروب : طيب خلينا نروح لللوكر حقي ابي احط كتابي واخذ عبايتي ..

لما : اوك يلا وانا بعد ..

ومشو اخذو عبايتهم ولبسوها .. عروب تتحجب بس اما لما تتغطى .. وبعد ما خلصو طلعو من الجامعه ومثل ما قالت لما شافو سياره هيثم بالمواقف .. راحو لها وركبو .. لما قدام وعروب ورا.. السلام ..

هيثم ابتسم اول ما شاف عروب : وعليكم السلام .. اوه عروب منوره السياره اليوم ..

عروب ابتسمت له .. منوره بوجودك .. كيفك ..

هيثم : انا بخير .. انتي كيفك ..

عروب : الحمد الله بخير ..

هيثم حرك السياره .. تبين اوصلك لبيتكم ..

لما : لا عروب بتجي معي لبيتنا ..

هيثم انبسط كثير بس ما حب يبين وابتسم .. اوك ..

وبعد نص ساعه وصلو لبيتهم .. نزلو من السياره ودخلو لداخل ..
عروب ولما دخلو للصاله .. السلام عليكم ..

ام لما وليلى : وعليكم السلام ..

عروب راحت تسلم على خالتها .. هلا خالتي كيفك ..

ام لما : بخير ولله الحمد .. انتي كيفك ..

عروب : بخير ولله الحمد .. وراحت تسلم على ليلى : كويس انك موجوده اليوم منزمان ما شفتك ..

ليلى ابتسمت .. احمدي ربك لان اليوم بيجونا ضيوف انا جييت ومن حظك ..

عروب وهي تجلس بجنب لما : ايه والله من حضي ..ولفت علىخالتها .. عاد اسمحي لي خالتي راح اتغدى عندكم اليوم عازمه نفسي ..

ام لما : وليه انتي عاده نفسك غريبه عشان تستاذنين .. البيت بيتك يمه وتجين باي وقت ..

عروب : تسلمين يا خالتي ..

لما تلف على امها : الا اليوم هشام وزوجته بيجون عشان الضيوف ..

ام هشام : اكيد بيجون ..

ليلى : بس مافيه رجال بس الحريم ..

لما : عاد هم مين عندهم غير ولدهم المزيون ذاك ..

ليلى : استحي على وجهك جالسه تتغزلين فيه قدام امي ..

لما : وش دعوه ترا امزح .. ووقفت :الزبده انا بروح ابدل ولفت على عروب : يلا عروب تعالي معي ..

عروب وقفت .. اوك يلا .. ولفت على خالتها وليلى : عن اذنكم ..

ام هشام وليلى : اذنك معك ..

طلعو عروب ولما لفوق لغرفه لما دخلو وقفلو الباب ..

عروب شالت عبايتها ورمتها على الأريكه وانسدحت على السرير .. اااه احس لي سنه ما نمت ..

لما وهي فاتحه الدولاب عشان تطلع لها ولعروب بجامه .. يلا يلا تكلمي شكل اللي محسسك ان لك سنه ما نمتي قوي تكلمي يلا ..

عروب تنهدت وقالت لها كل السالفه اللي صارت امس ..

لما لفت عليها بعصبيه .. بالله ايش عقولهم اهلك هذول مو كافي العذاب النفسي اللي كانو معيشينك اياه من لما كنتي صغيره يجون الحين ويكملونها بسالفه الزواج وش يبون منك هذول ..

عروب : نفس الكلام اللي قلته لهم والله مدري ايش اقولك احس اني خلاص بموت منهم وصلت فيهم انهم يدورون لي معرس عشان يفتكون مني وكل واحد يمشي بطريقه .. على اساس اني مستفيده من وجودهم مع بعض الحين ..

لما تجلس على السرير بجنبها .. يعني الحين هم ما يبون يتطلقون عشانك ..

عروب لفت عليها .. تصدقين .. ودي اقول لهم خلاص انفصلو ماراح يتغير شيء من لما فطنت على الدنيا وهم دايم هواش ومو مهتمين فيني كل واحد يبي يقيض الثاني باي شيء بالله وش راح تفرق لو انفصلو .. يعني بفقد حنان الام ولا امان الأب مثلا ..

لما : طيب وليه ما تتكلمين معهم بهالموضوع ولا انهم يزوجونك ناس مثل اللي جايبينهم لك

عروب : مدري ماعندي الجرائه اني اتكلم في هذا الموضوع .. اوووه خلاص مابي افكر بشيء .. تكفين لموي ابي انام شوي يمكن اقدر اريح عقلي من التفكير ..

لما ابتسمت لها .. طيب حبيبتي بس اول قومي خذي البجامه وبدلي عشان ترتاحين بالنوم ..

عروب : اوك .. وقامت اخذت البجامه ودخلت للحمام (( الله يكرمكم ))..دقايق وطلعت ورجعت انسدحت على السرير .. انا بقفل جوالي لاني اعرف ان امي راح تتصل لاني ما قلت لها مالي خلقها ..

لما: ماعليك .. اكيد انها راح تتصل على امي لانها راح تعرف انك عندنا لان مالك مكان غير هنا .. امي راح تعرف كيف ترد عليها ..

عروب : اعرف عشان كذا انا متطمنه .. المهم لو سالت خالتي عني قولي لها اني بريح شوي واذا صحيت راح اتغدى يعني لا تنتظروني ..

لما : اوك .. انا ببدل وبنزل .. انتي نامي ..

عروب : اوك .. شالت اللحاف وغطت نفسها ونامت على طول لانها مره تعبانه تحس انها ارتاحت بعد ما تكلمت لتوأم روحها لما :

@@@@

(( وقفه تعريف ))
عائله عروب :
ابو عروب محمد : عمره 40 يشتغل محامي وهو مغصوب على الزواج من ام عروب ومن لما تزوجو وهم دايم هواش ودايم يسبب لها مشاكل عشانهي تطلب الطلاق لان ابوه حالف عليه انه ما يطلقها وينتظرها هي اللي تطلب الطلاق ..وماكان يبي يجيب منها عيال بس قدر الله وجات عروب وهو من جات وهو ما يهتم فيها ولا يدري عنها ..
**
**
ام عروب مها : عمرها 38 سنه وهي تشتغل وكيله بمدرسه .. وحتى هي ماكانت تبي تتزوج ابو عروب بس بعد ما تزوجت حاولت انها تكون طيبه معه وتحاول انها تحبه بس ما قدرت بسبب تصرافاته بعد كم سنه من زواجهم جابو عروب وبعد ما جات عروب : بدت ام عروب تفهم حراكت ابو عروب وبدت حتى هي تعاديه وصارت تهتم انها تتهاوش مع ابو عروب اكثر من اهتمامها ببنتها .. وكانت دايم راميتها على المربيه ..
**
**
عروب : البنت الوحيده لهم وعمرها 23 سنه كلمه جميله قليله عليها بيضا وعيونها عسليه وواسعه شعرها طويل الى اخر ظهرها بلونه البني .. وجسمها مره متناسق وجميل طولها عادي ومناسب مع عمرها .. اخر سنه لها بالجامعه بتخصص اداره اعمال .. عانت كل حياتها بسبب مشاكل امها وابوها من لما هي صغيره وهي مع المربيه وما كانت تحس بوجود امها وابوها لانهم ما يهتمون فيها وكانت تحسس كثير من كلام البنات لما يجي مجلس للامهات وامها ما تحضر بس مع الأيام والسنين تعودت على غيابهم وعلى مشاكلهم ولا صارت تفرق معها اي شيء وصارت تهتم بدراستها اكثر عشان توصل للطموح اللي حاطته ببالها .. وعندها خالها وحيده وصارت هي امها الثانيه .. دايم كل ما تتضايق تروح لعندها وهي معتبرتها مثل لما بنتها ..
**
**
عيله ام هشام :
ابو هشام خالد .. عمره 50 سنه .. وهو يشتغل في بنك .. حنون وطيب على عياله ويحب عروب ويعتبرها بنته الثالثه ..
**
**
ام هشام نوره .. عمرها 45 سنه .. حنونه على عيالها ودايم تلبيلهم كل طلباتهم وماترفض لهم طلب ومعتبره عروب من بناتها ودايم تحاول في اختها انها تاخذ عروب عندها بس اختها ترفض .. مره كاسره خاطرها عروب بس مابيدها شيء ..
**
**
هشام .. الولد الكبير عمره 33 سنه متزوج وحده من برا العيله .. يشتغل في وحده من الشريكات موظف في العلاقات العامه .. وعنده ولد اسمه عادل وعمره 8 سنوات وبنت اسمها رهف وعمرها 5 سنوات .. ويحبهم كثير ويخاف عليهم ..
**
**
ليلى : البنت الثانيه وعمرها 30 سنه .. متزوجه كمان من برا العيله وعندها ولد اسمه ماجد عمره 7 سنوات .. طيبه وحبوبه وتعتبر عروب مثل اختها ..
**
**
هيثم :الولد الثالث عمره 27 سنه .. وسيم ومملوح لون بشرته خليجي مثل ما يقولون مايل للسمار يعني عيونه سوده ووساع جسمه رياضي وشعره طويل ودايم يحب يلبس الثوب الأماراتي لانهم يشبهونه فيهم .. يشتغل بنفس البنك اللي يشتغل فيه ابوه لكن في العلاقات العامه مثل اخوه .. وحب عروب ويموت فيها ويبي يتزوجها بس لسا ما تكلم لامه وعروب ما تدري عنه وتعتبره مثل اخوها ..
**
**
لما : اخر العنقود سكر معقود .. عمرها 23 سنه بنفس عمر عروب وهي توءام روحها وتشبها بكل شيء بس الفرق ان لما اسمن من عروب بشوي واقصر منها .. تدرس بنفس جامعه عروب لكن تخصصها احياء .. تحب عروب كثير وتتمنى لو تجي تسكن عنددهم بالبيت ..
**
**

@@@@

[لامارا]

الساعه 7 المغرب ..

بيت ام هشام :

كانو جالسين بالصاله البنات وام هشام معهم ..

عروب : خالتي كلمتك امي ..

ام هشام لفت على عروب : ايه اتصلت علي وسالتني عنك وقلت لها اني انا اللي اتصلت عليك وعزمتك عندي على الغدا واني انا اللي راح ارجعك للبيت تطمني ..

عروب ابتسمت لها .. مشكوره خالتي احلى شيء انك فاهمتني ..

ام هشام : اكيد راح افهمك مو انا اللي ربيتك واعرف متى تكونين متضايقه ومتى تكونين فرحانه من غير ما تتكلمين .. وجيتك اليوم عندنا تقول ان امس اكيد صار شيء في بيتكم صح ..

عروب اللي ما تخبي شيء عن خالتها .. نزلت راسها .. تخيلي يبون يزوجوني ..

ليلى شهقت .. وش هذول وصلت فيهم انهم يزوجونك عشان يفتكون منك ..

ام هشام : وش هالكلام يا ليليى وش الللي يبون يفتكون منها هذي سنه الحياه .. ولفت على عروب : وانتي ليه زعلانه مادام جاك خطيب ليه ما تفكرين فيه ..

عروب لفت عليها .. لا يا خالتي انتي مو فاهمه الموضوع لو اللي خاطبني شخص كويس كان ما قلت شيء بس انتي تخيلي جايبين لي اثنين واحد عمره 50 ومتزوج 3 ومدري كم عياله والثاني خريج سجون بالله هذول ناس صالحين للزواج ..

ليلى : لا لا مو من جدهم اهلك .. وش هذولأ ..

لما : صدقت ليلى لما قالت انهم يبون الفكه منها المسأله واضحه ..

ام هشام : لا لا جد اهلك انجنو ليه يسوون كذا اذا مايبونك يجيبونك عندي انا مستعده اخليك عندي طول العمر ..

عروب : ادري ياخالتي بس هم مدري وش يفكرون فيه لو ما يبوني ويبون الفكه مني ليه ما يقولون لي انا ماني صغيره ..

ام هشام : انتي ريحي حبيبتي وما عليك انا راح اكلم مها واتفاهم معها ..

عروب .. ايه كويس انك راح تكلمينها لاني حاولت كثير اكلمهم بس ما يعطوني فرصه ..

لما : يمه ليه ما تقولين لخالتي تخلي عروب تنام عندنا اليوم عشان ترتاح شوي ..

ام هشام : راح اقولها ان شاء الله .. الحين يلا قومو عشان تجهزون ما بقى شيء ويجون الضيوف ..

ليلى : اله اكبر الله اكبر .. اذن العشا خلونا نصلي بعدين نجهز ..

عروب ولما : يلا ..

وقامو كلهم يصلون بعدها راحو للمطبخ وجات معهم ام هشام :

عروب : الله يعطيك العافيه خالتي دوم تحبين تسوي كل شيء بالبيت .. ليه ما تريحين نفسك وتجيبين من برا ..

لما : تعبنا معها بس امي عنيده ..

ام هشام : هذا طبعي من لما كنت بنت احب اطبخ واسوي كل شيء ..

عروب : بس للاسف بناتك ما طلعو عليك ..

ليلى : لا انا الحمد الله من لما تزجت صرت اطبخ ولا اجيب شيء من برا ..

عروب : ولموي مستحيل بيوم اشوفها داخله المطبخ تطبخ الله يعين اللي راح ياخذها ..

الكل .. ههههههههههههههههههههههههه ههههههههههه..

لما : بسم الله عليك انتي اللي يسمعك يقول مره ما تتركين المطبخ ترا كلنا بالهوى سوا ..

عروب نزلت راسها .. بس انا امي ما عمري شفتها تطبخ ولا حد علمني اطبخ اما انتي غير ورفعت راسها ورسمت على وجهاا ابتسامه خالتي ماشاء الله عليها طباخه على اعلى مستوى ..

كلهم حسو بحزنها وما حبو يزيدونها ..

ام هشام : وليه ما فيه حد يعلمك .. انا مستعده من بكرا اعلمك كم عروب عندي ..

عروب ابتسمت .. فديتك خالتي .. ورجعت تقطع الحلى .. خالتي كذا حجمه كويس ولا كبار ..

ام هشام : لا كويس بعد ما تخلصين حطيه بالصينيه هذيك ..

عروب : ان شاء الله ..

لما : يمه هيثم جاب العصيرات ..

ام هشام : ايه جابهم المغرب وقلت للخدامه تحطهم بالثلاجه ..

ليلى : يمه الفطاير استوت خلاص اطلعهم ..

ام هشام : ايه طلعيهم ..

وفي هالوقت سمعو الجرس يرن ..

ام هشام : سينديا روحي افتحي الباب ودخليهم للمجلس ..

سينديا الخدامه .. اوك ماما .. وطلعت من المطبخ ..

ام هشام : يلا انا رايحه لهم .. وانتو لما تخلصون تجهيز البسو وتكشخو وتعالو لا تتاخرون ..

البنات .. ان شاء الله ..

طلعت ام هشام من المطبخ وراحت للمجلس .. يا هلا ومرحبا ..

ام عز تسلم عليها .. هلا بك اخبارك ..

ام هشام : بخير ولله الحمد انتي اخبارك واخبار العيال ..

ام عز : بخير الحمد الله ..

هند وهيا يسلمون على ام هشام :

وبعد السلام والرسميات جلسو ..

ام هشام قالت للخدام تروح تجيب المويه .. يا حيا الله من جانا واخيرا شفناكم ..

ام عز : اي والله واخيرا تقابلنا .. اشغال الدنيا ما تخلص ..

ام هشام : وانتي الصادقه .. الله لا يشغلنا الا بطاعته ..

الكل .. امين ..

**
**
**
**

بالمطبخ ..

عروب : انا خلصت ..

لما :حتى انا ..

عروب : اجل يلا خلينا نروح نلبس ..

ليلى : وانا كمان خلصت الحين بطلع وراكم ..

وطلعو كلهم من المطبخ وراحو لغرفه لما وصارو يلبسون ويتجهزون ..

عروب اخذت لها من ملابس لما : تنوره تحت الركبه سوده وبدي كت ابيض ناعم رفعت شعرها خيال وحطت لها مسكره وبلشر وروج وردي ناعم .. ولبست كعب اسود واكسسوارات سوده ..

اما لما لبست بنطلون ابيض ماسك على جسمها وعليها بدي بنفسجي طويل لما نص الفخذ ولبست جزمه بنفسجيه واكسسورات بيضه وخلت شعرها القصير اللي يوصل لكتوفها مفتوح وحطت مسكره وبلشر وروج هادي يناسب على لبسها ..

اما ليلى لبست فستان طويل ناعم عنابي ودخلت عليه اكسسورات ذهبيه وكعب ذهبي ومكياجها خفيف مثل لما وعروب وشعرها الطويل خلته مفتوح ..

عروب : يلا خلونا ننزل احس تاخرنا عليهم ..

لما : يلا ..

طبعا عروب اول مره تشوفهم ما تعرفهم بس تسمع عنهم من لما وليلى كثير وحبتهم قبل ما تشوفهم ..

نزلو البنات لتحت ودخلو للمجلس .. السلام ..

الكل .. وعليكم السلام ..

وصارو يسلمون على بعض .. وبعد السلام ..

ام عز : تناظر عروب ماشاء الله مين هذي ليكون زوجتي ولدك هيثم وحنا ما ندري ..

ام هشام :ههههههههههه لا وين ازوجه .. هذي عروب بنت اختي هي بعمر لما بنتي ..

ام عز : ايه ما شاء الله ..

هند : ليلى هذي بنت خالتك اللي سولفتي لي عنها كثير ..

ليلى بابتسمه .. ايه ..

هند لفت على عروب : يوه لو تسمعين ليلى كيف تسولف عنك تقولين جالسه تسولف عن اختها مو عن بنت خالتها .. بصراحه شوقتني اشوفك واخيرا شفتك ..

عروب بابتسامه خجوله .. والله حتى انا سولفولي كثير عنكم وكنت اتمنى اشوفكم ..

هيا : يلا الحمد الله تقابلنا .. انتي بالجامعه صح ..

عروب : ايه اخر سنه ان شاء الله ..

هند : اي تخصص ..

عروب : اداره اعمال ..

هند : اي مشاء الله مثل اخوي عز : بالتوفيق يارب ..

عروب : امين ..


ام عز : الا وين زوجه ولدك هشام ..
ام هشام : بيت اهلها امها تعبانه شوي ..

ام عز : ايه ما تشوف شر ..

ام هشام اشرت لعروب ولما عشان يجيبون العصير ..

قامو عروب ولما بس ام هشام نادت لمى عشان تقول لها تجيب الحلى الثاني بعد اما عروب كملت طريقها للمطبخ .. وهي تغني .. دخلت ولا انتبهت للشخص اللي جالس على الطاوله على طول لفت جهه الثلاجه .. سنديا .. جيبي لي الصينينه اللي راح نحط فيها العصير .. وكملت شغلها وفتحت الثلاجه وصارت تطلع العصيرات وتحطهم بالأرض عشان تصفهم بالصينيه .. شافت الخدامه تاخرت لفتبتصرخ عليها بس جمدت مكانها وانصدمت لما شافت اللي جالس على الطاوله ومنزل راسه

سنديا الخدامه .. مس عروب انتي كيف ادخل هنا ومستر هيثم فيه ..

عروب لفت عليها .. هاه .. ولما استوعبت طلعت بسرعه من المطبخ ومن الأحراج والتوتر ما انتبهت في لما اللي كانت بتدخل المطبخ وصدمت فيها..

لما : هوب هوب وش فيك طالعه تسرعين كذا ..

عروب : هاه .. واشرت على المطبخ .. يوووووووووووه وش هالفشيله ..

لما : بسم الله عليك وش فيك وش فشيلته ..

عروب تغطي وجهها بيدينها .. يووووه هيثم شافني . ياربي وش ذا الأحراج ..

لما اللي للحين مو مستوعبه .. هيثم وش فيه ..

عروب : يووووووه وش فيك مفهيه انتي كذا .. ادخلي المطبخ وتعرفين ..

لما : انا المفهيه او انتي اللي ما تعرفين تتكلمين .. وخري بس خليني اروح للمطبخ .. ومشت عنها ودخلت للمطبخ وشافت هيثم جالس على الطاوله وباين عليه سرحان ..

هيثم بنفسه .. ياربي ماشاء اله مره محلوه اول مره اشوفها من غير عبايه ولا حجاب من لما كبرت .. لا لا انا لازم استعجل واقول لامي اني ابيها قبل ما يجي حد يخطبها وتطير مني ..

لما تحط يدها على كتف هيثم : هيه هيثم وين رايح ..لا هذول الأثنين بيجنوني هذيك تطلع من المطبخ مستعجله ولا ادري وش تقول وهذا سرحان ولا داري عني ..

هيثم : هاه .. وش فيك ..

لما تسحب كرسي وتجلس بجنبه .. انت اللي وش فيك وعروب وش فيها ..

هيثم ابتسم اول ما جابت طاري عروب وتذكر شكلها وهي تدخل المطبخ ولا حست فيه .. ما فيها شيء بس دخلت هنا ولا انتبهت اني هنا بعدين انتبهت وطلعت متروعه بسم الله عليها ..

لما : بس هذا اللي صار .. مالت عليها وهي مكبره الموضوع عادي صار بالغلط وبعدين انت مثل اخوها .. وقامت من مكانها وراحت تطلع الحلى من الثلاجه .. طيب لو سمحت اطلع عشان تجي هي وتاخذ العصير ..

هيثم وقف وصار اليوم اسعد يوم بحياته .. طلع من باب المطبخ الخلفي ..

لما : سنديا روحي نادي عروب قولي لها هيثم طلع ..

سنديا .. طيب .. وطلعت تناديها دقايق ودخلت عروب بحذر ..

لما شافتها .. ادخلي ادخلي راح ..

عروب : يوووه والله احراج ..

لما وهي تقطع الحلى .. والله من فهاوتك الزايده يعني ما تنتبهين قبل ما تدخلي ..

عروب وهي تاخذ العصيرات وتصفهم بالصينيه .. وانا وش دراني توقعت انو ماراح يكون فيه حد ..

لما : يلا يلا عدت علىخير .. وبعدين هو اخوك يعني عادي ..

عروب : ايه صح .. يلا طيب خلصي لا نتاخر عليهم ..

لما : خلصت .. يلا ..

وطلعو ثنتيهم من المطبخ ودخلو للمجلس وجالسو يوزعون العصير والحلى وبعدها جلسو يسولفون ..

عروب تكلم هند : ماشاء الله انتي عندك عيال ..

هند : ايه ما يبين علي صح ..

عروب : ايه مره وحتى هيا : مشاء الله الله يخليهم لكم ..

الكل .. امين ..

هيا : عقبالك انتي ولما :

عروب ابتسمت ..
لما:
امين ..

ليلى : شوف هذي اللي ما تستحي على وجهها شوفي عروب كيف استحت ..

لما : عاد انا وش قلت هي دعت لي وانا قلت امين عيب .. وبعدين عروب ما تبي تعرس ..

ليلى : يعني انتي تبين .. والله راح الحيا هالأيام ..

عروب : اللي يسمعك يقول عمرك 50 سنه الحين ..

لما : عاد هي وش باقي لها كلها 20 سنه وتوصل لها ..

ليلى : مالت عليك انطمي بس ورمت عليها لامخده ..

البنات .. ههههههههههههههههههههههههه ..

عروب : هههههههههههههه.. احسن تستاهلين محد قالك تتحرشين فيها ..

في هالوقت دخلت مها : ام عروب : السلام ..

البنات سكتو من الضحك ..الكل .. وعليكم السلام ..

عروب وام هشام استغربو وجودها ..

ام هشام : هلا هلا باختي مها تفضلي اعرفك على جارتنا ام عز :

ام عروب راحت تسلم عليها .. وبعدها لفت على عروب وهي معصبه .. انتي ليه للحين ما رجعتي البيت .. جالسه هنا تضحكين وتسولفين ومستانسه وابوك بالبيت يهاوشني انا ..

كلهم لفو عليها مصدومين من اسلوبها ..كيف تقول هالكلام قدام الضيوف كذا ..

عروب انحرجت وماقدرت تقول شيء ..

ام عروب : ليه ساكته مو توك تضحكين ليه كتمتي كذا ولا بس تشوفيني تكتمين .. الضحكه هذي ما نشوفها الا برا البيت بس بالبيت كانك بعزا ..

عروب ما استحملت تحس لو جلست اكثر بتبكي لان الموقف مره محرج .. قامت بسرعه وطلعت من المجلس ..

ام عروب : شوف اللي ما تستحي على وجهها تطلع وتسفهمني ..

ام هشام بسرعه تدارك الموضوع واخذت ام عروب وطلعت من المجلس تتفاهم معها ..

ام عز : مين هذي .. من الصدمه نست مسكينه ..

ليلى باحراج من تصرف خالتها .. هذي خالتي ام عروب :

في هالوقت دق جوال هند : ورفعت بعد ماشافت المتصل .. شوي وقفلت ولفت على امها : يمه عز برا ..

ليلى : وين خالتي تو الناس ..

ام عز : مره ثانيه ان شاء الله لاتمسين وقت دوامات الحين والبنات لازم يرحون يعشون عيالهم وينومونهم ..

لما : اجل خلونا نشوفكم ..

هند : ان شاء الله المره الجايه ببيتنا ..

الكل .. ان شاء الله ..
**
**
**
عروب اول ما طلعت من المجلس راحت لاقرب مكان اللي هو الصاله جلست على اول كنبه وصارت تبكي مقهوره مره من امها وتصرفها وانها احرجتها قدام الضيوف اللي اول مره تشوفهم .. شوي سمعت صوت خالتها وامها جايين وباين انهم يتهاوشون ..

ام هشام : بالله يا مها هذي طريقه تكلمين فيها البنت قدام الناس .. ما تدرين انك احرجتيها واحرجتيني كمان ..

مها ام عروب : هذي طريقتي من عمري وانتي عارفتنيي وبعدين هي غلطانه وتستاهل اللي يجيها ..

ام هشام : وش سوت عشانها ضحكت على قولتك ليه الضحك ممنوع ولا ايش ...

ام عروب : لا ليه تطلع من البيت ولا تقول لي ابوها عصب علي انا ..

ام هشام : انا فهمت السالفه الحين .. لانه عصب عليك وهاوشك تجي وتحطين حرتك بالمسكينه هذي اللي ما سوت شيء ..

ام عروب : نوره انا كم مره قلت لك لا تدخلين بيني وبين بنتي ..

ام هشام : الا راح اتدخل مادامك راح تبقين تعاملين البنت كذا ..

عروب قامت بسرعه ومسكت خالتها : خلاص خالتي لا ترفعين ضغطك وتتعبين نفسك .. انا راح اروح معها واتفاهم مع ابوي انتي ارتاحي بس اهم شيء راحتك ..

ام عروب : شفتي شفتي كيف .. جايه لك انتي تهديك وانا امها ساحبه علي وبالطقاق مت او مرضت ..

عروب سفهتها ولا ردت عليها .. ما تبي ترد عليها قدام خالتها لانها عارفه ان خالتها ماراح تسكت وهي ما تبيها تتهاوش مع امها وتتعب .. خلتي خلاص .. روحي شوفي ضيوفك وانا راح اتصرف ..

ام هشام لفت على عروب : طيب يمه انتبهي على نفسك واذا احتجتي اي شيء اتصلي على حتى لو كان اخر الليل ..

عروب : اكيد خالتي .. يلا روحي ..

وراحت ام هشام للمجلس ..

اما عروب لفت على امها : مو تقولين ما تبين خالتي تتدخل بينا هذا خالتي راحت يلا قولي اللي عندك ..

ام عروب : والله محد مقوي راسك الا خالتك .. تعالي معي البيت ابوك يتفاهم معك ..

عروب وهي تمشيء عشان تاخذ عبايتها وشنطتها اللي حطتها بالغرفه اللي تحت .. اي هذا انتو دايم ما تتفقون الا على شيء يضرني .. ودخلت للغرفه اخذت شنطتها ولبست عبايتها وتحجبت وطلعت ..

ام عروب : انا راح اسكت عنك .. يلا تعالي .. ومشت ومشت عروب وراها ..

عروب : لا لا تسكتين كملي كلامك قولي اللي بخاطرك ..

ام عروب وهي تفتح باب الشارع .. عروب اسكتي عني احسن لا اعطيك كف ..

عروب : لا سويها يعني ما كفاك اللي سويتيه داخل راح تكملين هنا بالشارع .. ما استغربها منك ..

ام عروب بصراخ .. عروب اركبي السياره وانتي ساكته ..

عروب ركبت وهي معصبه وامها ركبت من الجهه الثانيهوقالو للسواق ينطلق للبيت ..

اما هو كان جالس ينتظر اهله بسيارته وفجأه سمع صوت هواش لف لجهه الباب وشاف حرمه وبنت يطلعون وهم يتهاوشون واستغرب من اسلوب البنت .. وبنفسه .. جيل اخر زمن بنات ما يحترمن امهاتهم .. .. بالله فيه بنت تصرخ على امها كذا وشوي وبتضربها .. الله يعافينا بس .. صحاه من تفكيره صوت هند وهي تركب السياره .. السلام ..

عز لف ورا عليها .. وعليكم السلام .. ما كانكم تاخرتو ..

هند : يوه صارت سالفه داخل ..

عز : ليه وش صار ..

في هاللحظه ركبو هيا وام عز : السلام ..

عز وعليكم السلام .. وحرك السياره ..

هيا تكلم هند : كسرت خاطري عروب المسكينه شفتي امها كيف فشلتها قدامنا ..

هند : ايه والله احين انا لو مكانها ببكي على طول من غير نقاش ..

ام عز اللي تسمعهم .. انا من دخلت وانا ما ارتحت لها حسيتها شرانيه .. الله لا يبلانا ..

عز اللي يسمعهم .. شكل صايره مشكله ببيت خالتي ام هشام :

هند : ايه .. وقالت له السالفه ..

عز : اهاا عشان كذا ..

كلهم ناظروه .. وش ..

عز : وانا انتظركم تطلعون من بيت خالتي سمعت صوت صراخ ولفيت جهه الباب وشفت حرمه ومعا بنت كانت متحجبه وباين انها بالعشرين وكانت تتهاوش مع امها واستغربت كيف تكلم امها بهالطريقه ..

هند : بصراحه تستاهل امها اجل تفشلها قدامنا كذا وهي اول مره تشوفنا ..

ام عز : الله يستر عليها بس ..

ووصلو للبيت وقبل ما ينزلون ..

هيا :توي انتبه الا بناتي وينهم ..

عز : صباح الخير توك تنتبهين .. تطمني انتي وهند ازواجكم موجودين داخل وعيالكم معهم ..

هند : ايه زين ..

ونزلو كلهم ودخلو للبيت ..

@@@@

[لامارا]

في سياره ام عروب :

عروب من ركبت السياره وهي ساكته ما تبي تتهاوش مع امها : لانها عارفه انها لما توصل البيت راح تتهاوش مع ابوها .. بعد ربع ساعه وصلو للبيت ونزلو ..واول ما دخلو للصاله شافو ابو عروب جالس ..

ام عروب وهي تشيل عبايتها .. وهذا انا جبت لك بنتك ومره ثانيه اذا انت مهتم فيها روح انت وجيبها انا مابي اضيع وقت بسببها ..

عروب تعودت على هذا الكلام ولا صارت تتاثر ..

ابو عروب وقف وجا لجهه عروب اللي واقفه مكانها وكانها تنتظر محاضره متعوده عليها كل يوم .. وانت الى متى راح تتصرفين من عقلك .. كم مره قلت لك لا تروحين بيت خالتك من غير ما تقولين لي للحين ما حفظتي الكلام ولا عاجبك ان في كل مره تتهزئين ..

عروب : ما اتوقع اني احتاج استاذن عشان اروح لبيتي الثاني ..

مها ام عروب : شفت قلت لك هالبنت ما منها فايده كان خليتها ببيت خالتها نفتك منها ومن لسانها الطويل ..

عروب : صح كلام امي كان خليتني ببييت خالتي وافتكيتو مني ..

محمد : اسكتي بلا كثره حكي اسمعيني بكره مافيه روحه للجامعه وراح تجين معي للمكتب ..

عروب لفت على ابوها باستغراب .. المكتب .. وليه ..

محمد : من غير اي اسئله راح تنفذين اللي قلت لك فاهمه ..

عروب : لا مو فاهمه انا دراستي عندي اهم من كل شيء ماراح اتركها عشان شيء مدري ايش ..

محمد : لا تخافين على دراستك ماراح يضيع عليك شيء تطمني ..

عروب : ممكن تقول لي ليه تبيني اروح معك ..

محمد : بكره لما تجين راح تعرفين .. وطلع لغرفته ينام .. اما امها جلست تناظر التلفزيون ..

عروب طلعت لغرفتها وهي تفكر باللي قاله لها ابوها .. وصلت لغرفتها واول ما دخلت شالت عبايتها وجلست على السرير مسكت جوالها وعلى طول اتصلت على توأم روحها لما : ثواني وجاها صوت لما اللي كانها تنتظر اتصالها ..

لما : عروب حبيبتي صار شيء ..

عروب ابتسمت .. تطمني لموي انا بخير .. بس ..

لما : بس ايش تكلمي ابوك سوا لك شيء قالك شيء يضايقك ..

عروب : لا .. بس طلب مني طلب غريب ..

لما :وش هو ..

عروب : طلب مني اني ما اروح الجامعه بكرا واروح معه المكتب ..

لما باستغراب .. المكتب .. ليه ..

عروب : مدري سالته وقالي لما تروحين بكرا تعرفين .....

لما : طيب والجامعه ..

عروب : مدري مدري ايش اسوي عشان كذا اتصلت علليك ..

لما : طيب انتي ايش هو جدولك بكرا ..

عروب وهي تتذكر .. بكرا عندي محاضرتين وحده الساعه 8 والثانيه الساعه 2 الظهر ..

لما : كويس .. روحي الحين قولي لابوك انك راح تجيين له المكتب الساعه 10 بعد ما تطلعين من الجامعه .. منها ما تضيعين محاضراتك ومنها ما تخلين ابوك يعصب عليك ..

عروب : جد فكره .. خلاص انا بقفل الحين وبروح لابوي واقوله ويارب يرضى ..

لما : يارب .. يلا روحي له قبل ما ينام ..

عروب : طيب طيب .. الحين اروح .. يلا سلام ..
قفلت من لما و راحت لدولابها وبدلت لبسها لانها تستحي تروح لابوها بهذي الملابس لبست بجامه وطلعت من غرفتها وراحت لغرفه ابوها .. دقت الباب .. وجاها صوت ابوها .. ادخل ..

عروب فتحت الباب بهدوء ودخلت ..

محمد اللي كان جالس على السرير يستعد للنوم .. وش فيك ..

عروب : انا جايه اكلمك بخصوص روحتي معك للمكتب ...

محمد : اذا جايه ترفضين ف انسي انتي راح تروحين غصب ..

عروب : لا مو جايه ارفض .. بس انا ما ابي محاضراتي تروح علي .. انا بكره عندي محاضره الساعه 8 وانت تروح للدوام الساعه 9 ومحاضرتي تخلص 10 وشرايك اني احضر المحاضره ولما اطلع اجيك ..

محمد : لا .. وش يضمني ان راح تجين ..

عروب : ما يكفيك وعد مني ..

محمد : لا انا ما اثق فيك صراحه .. انتي راح تروحين معي وبس ..

عروب : طيب خلني اروح للجامعه وللو ما جيت للمكتب الساعه 10 احرمني من الطلعه وسو فيني اللي تبيه ..

محمد رفع عيونه لها .. متاكده ..

عروب : ايه بس تكفى لا تحرمني من حضور محاضراتي بكرا ..

محمد : طيب الساعه 10 تكونين بالمكتب .. لو تاخرتي دقيقه تعرفين وش راح يصير لك ..

عروب : طيب ..

محمد.. والحين اطلعي بنام ..

عروب طلعت من غرفه ابوها وهي مبسوطه ان المحاضرات ماراح تضيع عليها .. دخلت لغرفتها واتصلت على لما على طول وقالت لها اللي صار .. بعدها نامت ..

@@@@

صباح اليوم الثاني ..

الساعه 7 الصباح ..

صحتعلى صوت المنبه . قامت وشافت الساعه .. نزلت من السرير واخذت الروب حقها ودخلت للحمام ** الله يكرمكم ** تاخذ لها شاور سريع .. وبعد ما طلعت راحت للدولاب ولبست ملابس الجامعه وراحت للتسريحه جففت شعرها ورفعته خيال وحطت لها ميك اب صباحي ناعم يعني واخذت شنطتها وحطت اغراضها فيها بعد ما جهزت اخذت جوالها وعبايتها وطلعت من الغرفه ونزلت لتحت وكالعاده ما شافت حد .. دخلت غرفه الطعام وشافت الفطور جاهز .. جلست واكلت على السريع وشربت الحليب الصباحي اللي متعوده تشربه بعدها لبست عبايتها وطلعت للسواق اللي ينتظرها .. ركبت السياره واتجهت للجامعه ..

@@@@



في نفس الوقت بس بمكان ثاني ..

صحى من النومولما شاف الساعه قام بسرعه اليوم مقرر انه يروح بدري لان عنده شغل كثير .. دخل الحمام ** الله يكرمكم ** عشان ياخذ شاور سريع . وبعد ما خلص طلع ولبس بدلته الرسميه مثل العاده وضبط نفسه وكشخ . ونزل بعد ما اخذ جواله ومفتاح سيارته .. دخل للصاله وشاف امه صاحيه .. راح لها وحبها على راسها .. صباح الخير يمه ..

ام عز : صباح النور .. هاو غريبه وش عندك نازل بدري ..

عز وهو يجلس بجنب امه واخذ له حبه تمر .. والله يا يمه اليوم بدايه الشهر الجديد ولازم اروح بدري عشان اكتب التقارير واسلمها وكذا ..

ام عز وهي تصب له القهوه .. والله مدري وش تخربط بس ربي يوفقك ..

عز ابتسم على امه اللي تمدله القهوه .. امين يارب .. شرب القهوه على السريع ووقف .. يلا يمه انا بطلع الحين تامرين شيء ..

ام عز : لا سلامتك بس انتبه لنفسك ..

عز يحبها على راسها .. ان شاء الله .. طلع من البيت وركب السياره بعد ما لبس نظارته الشمسيه وحرك للشركه ..

@@@@


كمان بنفس الوقت وفيمكان ثاني ..

كعادتها نزلت لتحت بازعاجها .. يمه يمه ..

ام هشام تطلع من المطبخ .. وانتي ما تتركين عادتك عارفه اني بالمطبخ ليه ما تجين لي لازم الصراخ ..

هيثم وهو نازل من الدرج .. يعني يمه ما تعرفين بنتك اذا ما سوت ازعاج كل صباح ما تكون لما :

لما وهي تحب راس امها : يمه وش اسوي ما يعجبني الهدوء الصباحي حقكم ..

ام هشام : اقول بلا هرج زايد ويلا تعالو افطرو ..

ودخلو لغرفه الطعام وجلسو على الطاوله ..

هيثم : يمه وين ابوي ما افطر ..

ام هشام : لا لسا ما صحى يقول عنده اجتماع الساعه 10 وماراح يروح من الصباح ..

هيثم اللي يشتغل مع ابوه بنفس البنك .. ايه صح نسيت سالفه الأجتماع .. ولف
على لما : وانتي مططوله يلا عشان اوديك ..

لما وهي تشرب الكفي .. بسم الله علي توي جالسه حتى الاكل ما وصل لبطني ..

ام هشام وهيثم : ههههههههههههههههههههه..

لما وتوا تتذكر لفت على امها : ايه يمه نسيت اقولك ..

ام هشام باستغراب .. ايش ..

لما : عروب :

هيثم اللي كان ياكل لف على طول لاخته لما سمع اسم عروب :

ام هشام بخوف .. صار لها شيء .. انا قايله جيه مها امس ما وراها خير ..

لما : لا يمه تطمني ما صار لها شيء انا كلمتها امس .. تقول هوشه عاديه بس ابوها طلب منها انها تروح معه لمكتبه اليوم ..

هيثم : لمكتبه .. وليه ..

لما : مدري ما رضى يقول لها ..

ام هشام : والجامعه طيب انا اعرف عروب ما تحب تضيع ولا محاضره ..

لما : لا تطمني هي قالت له بتروح لمحاضرتها اول بعدين بتجيه وهو وافق بس الله يستر ما ادري وش ناوي عليه ..

ام هشام : ان شاء الله خير ..

هيثم اللي كان يفكر بعروب لف على لما : يلا نطلع عشان ما نتاخر ..

لما وقفت . يلا . وسلمو على امهم وطلعو من البيت ..

@@@@

الساعه 9:30 ..

في جامعه سعود ..

طلعت من محاضرتها وهي تفكر بابوها ووش يبي منها .. قابلتها لما اللي اتصلت عليها قبل ما تدخل المحاضره وقالت لها انها راح تقابلها ..

لما :كيفك اليوم ..

عروب : بخير بس افكر ..

لما : بابوك ..

عروب لفت عليها .. تتوقعين وش يبي ..

لما : مافي بالي اي شيء مشكله ابوك انه يطلع منه كل شيء ..

عروب : اي والله .. يلا خلينا نروح للللوكر عشان اخذ عباتي ..

لما : يلا ..

وهم يمشون ..

لما : السواق بيجيك ولا ابوك راح يمر عليك ..

عروب وهي تفتح اللوكر .. وانتي من كل عقلك تساليني هالسؤال .. هذا اذا عرف انا في اي جامعه اصلا ..

لما نزلت راسها وسكتت كلام عروب صح بس ما تقدر تقول شيء ..

عروب : يلا انا بطلع الحين السواق ينتظر برا ..

لما وهي تسلم عليها .. انتبهي لنفسك واي شيء يصير قولي لي اوك ..

عروب تبتسم لها .. اكيد .. يلا مع السلامه ..

لما : مع السلامه ..

ودعو بعض وطلعت عروب بعد ما لبست عبايتها وركبت مع السواق وقالت له يوصلها لمكتب ابوها .. وبعد ربع ساعه وصلت للمكتب اللي اول مره تدخله .. نزلت والأرتباك بدا يغزوا .. سمت بالله ودخلت شافت السكرتير .. السلام عليكم ..

السكرتير .. وعليكم السلام .. كيف اخدمك ..

عروب : الأستاذ محمد موجود ..

السكرتير .. ايه انتي عندك موعد ..

عروب : لا بس قول له عروب وراح يعرفني ..

السكرتير .. حاضر .. ودخل للمكتب دقايق وطلع .. تفضلي ..

عروب سمت بالله ودخلت .. السلام ..

محمد من غير لا يناظرها .. وعليكم السلام .. اجلسي بس اخلص الأوراق اللي بيدي ونروح ..

عروب وهي تجلس .. وين نروح ..

محمد : لا تستعجلين راح تعرفين ..

شوي اندق الباب ودخل السكرتير .. استاذ محمد فيه واحد يبي يقابلك ضروري ..

محمد رفع راسه للسكرتير .. عنده موعد او هو من موكليني ..

السكرتير .. لا اول مره اشوفه بس باين عليه العز :

محمد ابتسم .. اجل دخله بسرعه ..

عروب ناظرت ابوها باستغراب ..

انفتح الباب ودخل شاب باين عليه ببدايه الثلاثين .. وباين عليه العز : السلام ..

عروب وابوها .. وعليكم السلام ..

محمد وقف وبابتسامه .. تفضل تفضل ..

الشاب صار يناظر عروب : شكلك مشغول .. اجيك بوقت ثاني ..

محمد : لا ابد مو مشغول .. ولف على عروب : عروب روحي اجلسي هناك لما ااخلص .. واشر على جلسه كانت بالجه الثانيه من المكتب ..

عروب وقفت .. طيب .. وراحت تجلس ..

محمد لف على الشاب .. تفضل ..

الشاب جلس .. اول شيء اعرفك بنفسي .. اسمي حمد ال ... من مجموعه ال.. للxxxx ..

محمد وهو مبتسم .. اكيد معروفين .. تفضل ..

حمد .. بصراحه انا سمعت عنك كثير وانك تكسب قضاياك بكل مهاره وسهوله .. وجايك ابيك تساعدني بقضيتي ..

محمد : سم وش هي قضيتك ..

حمد .. بصراحه انا واخواني نبي نحجر على ابوي ..

عروب لما سمعت الكلام لفت عليهم باستغراب .. وصارت تسمع باهتمام ..

اما محمد كان جدا عادي .. طيب والأسباب ..

حمد .. بصراحه حنا نشوف ان ابونا كبر وخرف .. متزوج وحده بعمر بنته .. وحنا ما نبيها تاخذ كل حلالنا ..

محمد : اهاا .. طيب عندك اي اوراق تثبت ان ابوك في حاله صحيه غير صالحه .. يعني ما تاهله انه يمسك الحلال ..

حمد هنا ابتسم وطلع من جيبه شيك ومده لمحمد : تفضل واتوقع بهذي الورقه تقدر تخلي ابوي غير ماهل صح ..

محمد اخذ الشيك وانصدم من المبلغ اللي مكتوب فيه ..100.000 .. رفع راسه بابتسامه ماليه وجهه .. ابشر ولا يهمك واعتبر نفسك من الحين انك كسبت القضيه ..

عروب اللي كانت تراقب من بعيد ما عرفت ايش الورقه اللي عطاها الشاب لابوها بس استغربت من ثقه ابوها في كسب القضيه وكيف هو يساعد واحد واضح منه انه طماع ..

حمد وهو يوقف .. ضني ما خاب فيك .. نقول اسبوع وينتهي كل شيء ..

محمد يوقف معه .. ان شاء الله انا من اليوم راح ابدى بالقضيه .. بس ..

حمد اللي فهم عليه .. تطمن غير اللي معك راح اعطيك فوقهم 500000 زياده ..

محمد : اجل نقول باسبوع يخلص كل شيء ..

حمد .. كويس .. اسبوع مو زياده ..

محمد : اسبوع اسبوع تطمن ..

حمد يمد يده .. تشرفت بمعرفتك ..

محمد : لي الشرف ..

حمد مع السلامه ..

محمد : حياك الله ..

طلع حمد من المكتب ومحمد رجع مسك الشيك وهو مبصوط ..

اما عروب انصدمت من ابوها ما توقعته انه طماع كذا ويحب الفلوس لهذي الدرجه .. وبنفسها .. وليه تستغربيين يا عروب ابوك يطلع منه كل شيء ..وقفت وراحت له .. خلصت من شغلك ..

محمد رفع راسه لها ..هاه .. ايه خلصت .. وفتح واحد من الأدراج وحط الشيك فيه وقفله ووقف .. يلا مشينا ..

عروب طبعا ما تكلمت معه بسالفه اللي صار من شوي لانها عارفه انه راح يقول لها مالك دخل فقررت تسكت .. طلعو من المكتب وركبو السياره ..

عروب اول ما ركبت السياره حست بشيء غريب .. تذكر اخر مره ركبت مع ابوها لما كانت بثاني ابتدائي بعدها كانو السواقين هم اللي يودونها او مع زوج خالتها .. ابتسمت بالم ونزلت راسها ..وسرحت في ذكرياتها الأليمه .. ما حست الا وابوها يقولها يلا انزلي ..

عروب لفت للمكان اللي وقفو عنده وشافت شركه كبيره معروفه بالسعوديه كلها .. استغربت هم ليه جايين هالمكان .. نزلت لما شافت ابوها ينزل .. مشت وراه ودخلو للشركه .. وقفو عند الأستقبال وسالوه عن مكتب المدير وبعد ما قال لهم .. مشو وطول الوقت عروب جالسه تفكرر وش السالفه للحين مو فاهمه شيء .. وصلو لغرفه المدير وابوها كلم السكرتير وعرفه عن نفسه .. وبعد ثواني طلع السكرتير وقالهم يتفضلون..

اول ما دخلو عروب انبهرت بالمكتب الكبير واللي كان مرتب وانيق في ديكوراته .. انتبهت لابوها وهو يسلم .. ولفت وشافت رجالين واحد باين عليه انه كبير بالعمر بس كان انيق ومرتب وكان جالس ورا المكتب اما الثاني باين عليه باواخر العشرينات كذا وهو كمان كان كشخه يعني ..محمد تقدم للرجال اللي ورا المكتب وسلم عليه .. هلا والله بابو يوسف واخيرا شفناك وين هالغيبه ..

ابو يوسف : وش نسوي اشغال .. واشر على الشاب اللي قدامه .. اعرفك على ولدي يوسف :

محمد لف على يوسف وسلم عليه .. ماشاء الله هذا اللي ماسك الشركه مكانك ..

ابو يوسف : ايه هو ..

محمد وهو يسلم على يوسف : ها شد حيلك ..

يوسف ابتسم .. ان شاء الله ..

ابو يوسف ياشر على الجلسه اللي كانت في يمين المكتب الكبير .. حياك نجلس هناك ..

وراحو كلهم جلسو وعروب جلست بجنب ابوها وهي مو فاهمه شيء للحين ..

محمد لف على عروب : نسيت اعرفك على بنتي عروب : اللي كلمتك عنها ..

عروب اول شيء جا ببالها لما سمعت كلام ابوها .. ان السالفه فيها خطبه اوزواج .. حست انها تبي الأرض تنشق وتبلعها بهذاك الوقت ..

ابو يوسف بابتسامه حنونه .. هلا ببنتي عروب اخبارك ..

عروب ابتسمت بتوتر وهي تحاول تشيل الفكره اللي جات ببالها .. الحمد الله يا عمي انا بخير ..

ابو يوسف : انتي اي سنه بالجامعه وايش تخصصك ..

عروب والفكره اللي ببالها تثبت اكثر .. نزلت عيونها بالأرض انا تخصص اداره اعمال اخر سنه ان شاء الله ..

ابو يوسف : حلو وهذا هو المطلوب .. ولف على يوسف : ها وش رايك يا يوسف :

يوسف واللي من لما جلسو وهو يناظر بعروب يحس فيه شيء غريب بالموضوع بس للحين ما عرف ايش .. سمع كلام ابوه ورجع لف على عروب : بما انك اخر سنه وهذا هو الفصل الثاني يعني انتي في الصيف راح تتدربين صح ..

عروب رفعت عيونها له .. ايه صح ..

يوسف : اجل تدريبك راح يكون عندنا ..

عروب واللي تعرف ان هذي الشركه ما عمرها استقبلو متدربين من الجامعه .. بس شركتكم مو من الشركات المقترحه اللي مسموح اننا نتدرب فيها ..

ابو يوسف : كانت بس هي من هذي السنه راح تكون من الشركات المقترحه ..

عروب : طيب .

يوسف واللي يبي يتاكد من شيء .. لف على محمد : حنا الحين وافقنا على انها تتدرب عندنا وبعد ما تخلص التدريب راح تتوظف هنا ..

محمد بابتسامه .. جد .. مشكورين ..

ابو يوسف : ولو جميلك معي ماراح انساه واعتبر هذا رد للجميل ..

محمد : تسلم والله ..

يوسف :بس بشرط ..

كلهم لفو عليه ..

يوسف : اختبرها الحين بالأول عشان نعرف مدى قدرتها على الشغل عندنا ..

محمد : اكيد وهذا من حقك ..

يوسف وقف .. تفضلي معي انسه عروب :

عروب وقفت وهي متوتره .. صدق ان الفكره اللي في باله اختفت وارتاحت منها بس لان ما تدري وش اللي جالس يصير توترت ..

مشى يوسف ومشت وراه وطلعو من المكتب وصارو يمشون بالأسياب ..وكانو ساكتين ..

يوسف قطع الصمت .. ماكنتي تدرين صح ..

عروب تفاجءت ولفت عليه ..

يوسف ابتسم .. كان باين عليك ..تبين تعرفين السالفه ..

عروب :نزلت عيونها .. لو سمحت ..

يوسف : اسمعي .. ابوي كان عنده قضيه مستعصيه وابوك قدر يحلها له ويخلي ابوي يكسبها فابوي يعتبر ان هذا جميل وقرر انه يرده لابوك وهو انه يشغلك عندنا .. بس انا مستغرب .. ابوك ما يدري انك تدرسين وراح تتخرجين ..

عروب رفعت عيونها له .. وليه تسال ..

يوسف : لا بس استغربت انه جايبك الحين المفروض بعد ما تتخرجين عشان تتوظفين على طول ..

عروب صارت تناظر قدام .. الا اكيد يعرف بس يمكن لان ابوك كلمه وهو ما قال لي عشان يبي يفاجئني ..

يوسف ابتسم لانه عارف انها تكذب وهذا باين من تعابير وجهها .. اهاا .. طيب ..

عروب لفت عليه .. ممكن سؤال ..

يوسف : اكيد تفضلي ..

عروب : متى صارت شركتكم من الشركات المقترحه للتدريب ..

يوسف : من اليوم .. ادري راح تسالين كيف .. ابوي لما عرف انك لسا ما تخرجتي ويبيلك تدريب قرر في وقتها ان شركتنا تكون من الشركات المقترحه .. ولف عليها .. كل هذا عشانك يعني ..

عروب من غير ما تلف عليه .. قصدك عشان ابوي وجميله مع ابوك ..

يوسف : يمكن .. طيب والحين خلينا نرجع ..

عروب لفت عليه .. والأختبار ..

يوسف ابتسم .. مافيه اختبار ولا شيء بس انا قلت كذا لاني حسيت انك متوتره وموعارفه شيء فقلت اخفف التوتر عليك شوي ..

عروب : اها .. مشكور بس مافيه اي داعي انك تسوي كذا ..

يوسف : بالعكس انا اشوف ان التوتر راح عنك وارتحتي يعني كان فيه داعي ..

عروب ما تدري وش تقول ففضلت انها تسكت ..

يوسف ابتسم ومشو للمكتب .. وبعد ما دخلو وجلسو ..

محمد : ها ان شاء الله بنتي نجحت بالأختبار ..

يوسف وهو يناظر عروب اللي عيونها على الأرض .. اي يا عمي بنتك ماشاء الله عليها متفوقه ..

محمد وقف .. مشكور .. اجل حنا نستاذن الحين ..

ابو يوسف ويوسف وقفو ..

ابو يوسف : اذنك معك . بس خلنا نشوفك ..

محمد : ان شاء الله ..ولف على عروب اللي واقفه بجنبه .. يلا نمشي ..

محمد : مع السلامه ..

ابو يوسف ويوسف : مع السلامه ..

طلعو عروب وابوها من المكتب وعروب ساكته ماقالت ولا كلمه .. طلعو من الشركه وقبل ما يركبون السياره رن جوال محمد ورد عليه ثواني وسكر ولف على عروب : اتصلي على السواق يجي ياخذك انا مستعجل بروح للمكتب ..

عروب : بس ان..

محمد ما عطاها مجال تكمل وركب السياره ومشى بسرعه ..

اما عروب وقفت مكانها بالشارع تناظر سياره ابوها اللي ابتعدت وبدت تختفي .. وبنفسها .. عمرك ماراح تتغير يا يبه .. وشافت كراسي قريبه من البوابه راحت جلست عليها واتصلت على السواق يجي ياخذها ..

@@@@

كان يناظر من شباك مكتبه وشاف كل اللي صار وكان فيه شيء في باله تاكد .. ابتسم ووقف .. يبه عن اذنك بطلع شوي ..

ابو يوسف : طيب خذ راحتك ..

طلع يوسف من مكتبه وراح لمدخل الشركه وشافها جالسه على الكراسي قرب لها
.. انسه عروب تفضلي ادخلي داخل الجو حار ..

عروب رفعت عيونها له واستغربت وجوده .. لا شكرا الحين السواق راح يجي ..

يوسف وبنفس ابتسامته .. ماعليش قومي اجلسي داخل بالبراد على ما يجي الحين وقت طلعت دوامات واكيد الشوارع زحمه وراح يتاخر شوي ..

عروب بنفسها .. ايه والله وهو صادق .. وقفت من غير ما تتكلم واخذت شنطتها واتجهت لداخل الشركه ..

يوسف ابتسم ودخل وراها ..

عروب شافت كراسي في الأستقبال وراحت تجلس فيهم .. بس استغربت لما شافت يوسف يجي يجلس بالكراسي اللي مقابلتها .. استاذ يوسف تقدر تشوف شغلك انا انتظره لحالي عادي ..

يوسف : لا مو مشكله انا ماعندي شيء اصلا ابوي موجود ولما ابوي يكون موجود انا اخذ اجازه من الشغل ..

عروب : اها .. طيب .. وبنفسها .. غريبه ما سالني وين ابوي وحتى ليه انا مارحت معه ..هالانسان غريب من لما شفته ..

@@@@
طلع من مكتبه وهو شايل الملف اللي من الصباح وهو يكتب فيه .. مر جهه الأستقبال عشان يروح لمكتب المدير بس استغرب لما شافه جالس في كراسي الأنتظار .. راح له .. السلام عليكم ..

يوسف لف عليه وبابتسامه .. وعليكم السلام .. اهلين عز اشوفكتارك مكتبك ..

عز ابتسم .. كنت جاي لك عشان اعطيك هذا الملف بس غريبه انت جالس هنا ..

يوسف لف على عروب وبعدها رجع لعز : ولا شيء ابوي بالمكتب وتعرف لما يجي ابوي انا مايكون عندي شغل .. تقدر تروح تودي له الملف ..

عز استغرب لما شاف يوسف يناظر قدام ولف واستغرب من البنت ورجع يناظر يوسف لما سمعه يكلمه وماركز بشكلها .. اوه العم موجود بالشركه مادريت .. بس بصراحه انا ما اقدر اشوفه .. تعرف بعد الأنذار اللي عطاني صرت استحي اقابله ..

يوسف : هههههههههههههههههههههه.. اجل ادبك الأنذار ..

عز : اكيد ما تشوفني اداوم قبل الموظفين كلهم ..

يوسف : زين والله لو ادري كان عطيتك الأنذار من زمان ..

عز : وش دعوه يا حضره المدير حنا شباب ونعرف بعضنا ..

عز ويوسف : ههههههههههههههههههههههههه ..

عروب كانت تلعب بجوالها بس لما جا عز يكلم يوسف جلست تناظرهم واستغربت من علاقه يوسف بموظفينه يعاملهم مثل ربعه مو مديرهم ..

يوسف : طيب مادامك ما تبي تروح عند ابوي اجلس هنا وورني الملف ..

عز جلس بجنب يوسف وصارت عروب مقابلته ..طيب .. تفضل .. هذا كل التقارير اللي تخص الشهر اللي فات ..

يوسف اخذ الملف وصار يتفرج عليه .. اهاا كويس ..

عز رفع عيونه لعروب ولما دقق في ملامحها حس انه شايفها من قبل ..

عروب رجعت تلعب بجوالها لما عز جلس بجنب يوسف :

عز يهمس ليوسف : مين تكون هذي البنت انا اول مره اشوفها عندنا ..

يوسف واللي تذكر وجود عروب ابتسم وقال هذي راح تكون متدربه عندنا .. ورفع عيونه لعروب : انسه عروب :

عروب ناظرته .. نعم ..

عز بنفسه .. عروب : هذا الاسم الغريب كاني سامعه من قبل .. وصار يتذكر ..

&&&&&

هيا تكلم هند : كسرت خاطري عروب المسكينه شفتي امها كيف فشلتها قدامنا ..

هند : ايه والله احين انا لو مكانها ببكي على طول من غير نقاش ..

ام عز اللي تسمعهم .. انا من دخلت وانا ما ارتحت لها حسيتها شرانيه .. الله لا يبلانه..

&&&&&

وبنفسه .. اهاا الحين تذكرت وين شفتها هذي هي نفسها البنت اللي امس ..

يوسف يكلم عروب : تفضلي هذا الملف وشيكي عليه ..

عروب باستغراب .. اشيك عليه ..

يوسف : ايه اعتبريه اختبارلك .. لا تنسين اني قلت قدام ابوك وابوي انك متفوقه مابي يكتشف غير هذا الكلام بعدين ..

عروب بنفسها .. كاني انا اللي قلت له يكذب .. اوف .. واخذت الملف .. طيب ..وفتحته وصارت تتصفح الأوراق .. وهي تقرا تكلمت .. هذا الملف فيه تقارير عن حسابات الشركه في الشهر اللي فات والتقارير تقول ان الشركه فيها مشكله ماليه بسيطه لان الأيرادات منخفضه عن الشهر اللي قبله ومافيه فائض .. والواضح هنا في التقارير انه كان في تكاسل من بعض الموظفين وعاملين وهذا اللي سبب المشكله اللي صابت الشركه .. .. ورفعت عيونها ليوسف وهي تكمل ..بس اذا استمرت الشركه بهذا المستوى ماراح تكمل ..

يوسف ابتسم وناظر عز اللي واضح على وجهه التفاجئ.. وش رايك يا عز ..

عز لف على عروب : انتي كيف عرفتي كل هذا ..

عروب ورجعت تناظر الأوراق .. لان كل هذا توضحه التقارير اللي عندي .. ورجعت رفعت عيونها له .. ليه كلامي غلط ..

يوسف : لا كلامك كله صح وانا مانكر اني تفاجأت كمان .. ما توقعت انك راح تعرفين كل هذا من هذي التقارير المختصره والمرمزه ..

عروب ابتسمت .. افهم من كلامك اني نجحت بالأختبار ..

يوسف : وبكل جداره .. انتي ما يبيلك تدريب انتي تتوظفين على طول ..

عروب : ابتسمت ولا تكلمت ..

عز لف على يوسف : انا مو فاهم شيء ..

يوسف : مثل ما قلت لك هذي الانسه عروب الفصل هذا راح تتخرج من الجامعه تخصص اداره اعمال وبدايه الصيف راح تتدرب عندنا وانا عطيتها اختبار بسيط عشان اعرف قدراتها ..

عز : بس اللي اعرفه ان شركتنا ما تستقبل طلاب للتدريب ..

يوسف : كان بس الحين صارت تستقبل ..

عز : اهاا ..

عروب رن جوالها بهالوقت ورفعته وكان السواقه عطته مشغول ووقفت .. عن اذنكم ..

يوسف وعز وقفو ..

يوسف .. اذنك معك . وشدي حليك بدراستك عشان تتخرجين بمعدل ونقبلك عندنا ..

عروب ابتسمت .. ان شاء الله .. ومشت طالعه من الشركه ..

عز كانت عيونه عليها لما طلعت من الشركه وبنفسه .. ما اصدق هذي هي نفس البنت اللي امس كانت تصرخ على امها : فرق كبير كانها انسانه ثانيه مو اللي امس ..

يوسف لف على عز : عز وين رحت ..

عز لف عليه .. هاه .. لا معك .. طيب الحين وش نسوي بالمشكله اللي في الشركه ..

يوسف : انا الحين اوري ابوي الملف ونشوف وش يقول انت تفضل على مكتبك ..

عز : ان شاء الله ..

وراح كل واحد لمكتبه ..
##
##
##
##
##
##
##
##
##
## انتهى البارت الاول ##

[لامارا]

## البارت الثاني ##
##
##
##
##
##
##
##
##

@@@@

عروب اول ما ركبت السياره قالت للسواق يوديها الجامعه الساعه الحين 1:30 مابقى شيء على محاضرتها .. بعد ربع ساعه وصلت للجامعه وشافت ان باقي لها ربع ساعه على المحاضره اتصلت على لما : ثواني وردت عليها .. لموي وينك ..

لما : توي بتصل عليك عشان اعرف جيتي للجامعه ولا لا ..

عروب : اي توي واصله عند اللوكر حقي ..

لما : اوك الحين جايتك ...

عروب اوك . وقفلت منها .. وصارت تشيل عبايتها .. دقايق الا لما عندها ..

لما : ها قولي لي وش صار وش كان يبي فيك ابوك طولتي كثثير .. كنت ابي اتصل عليك بس خفت ازعجك ..

عروب ابتسمت .. شووي شوي طيب وش فيك انتي كم مره اقولك لا تسالين كذا كل اسئلتك مع بعض خليني اعرف اجاوبك ..

لما : ههههههههههه .. وش اسوي هذا طبعي من زمان .. المهم قولي لي وش صار ..

عروب : تعالي خلينا نمشيء للقاعه وانا اقولك ..

لما : يلا .. وهم يمشون عروب قالت لها كل اللي صار ..

لما : احلفي .. يعني راح تتدربين في شركه ال .. ونااسه ياحظك ..

عروب لفت عليها .. وليه يا حظي ترا عادي مثلها مثل اي شركه ..

لما : ايه اقنعيني بس مثلها مثل اي شركه .. المهم .. على كلامك شكل المدير مره حبوب ..

عروب : يمكن بس غريب ..

لما : قصدك لما عرف انك متوتره ..

عروب : مو بس كذا حتى لما طلب مني اني ادخل لداخل من غير ما يسالني عن ابوي كانه كان معنا وشاف كل اللي صار ..

لما : وليه لا يمكن انه جد شاف كل اللي صار ..

عروب لفت عليها .. تتوقعين .. لا لا ما اعتقد انا متاكده ان ماكان حد في المكان ..

لما : مدري .. اذا كذا فهو جد غريب ..

عروب تناظر ساعتها .. ما علينا منه الحين محاضرتي راح تبدا خلينا ادخل .. وانتي بتروحين للبيت ..

لما : اي خلصت محاضراتي ..

عروب : اوك لما اطلع راح اكلمك واشوف اذا بجي عندكم او لا .

لما : تكفين تعالي ..

عروب : راح اشوف .. يلا عشان ما اتاخر .. سلام ..

لما : سلام .

وتفرقو وراحت كل وحده بطريقها ..

@@@@

مر اسبوع على اخر الأحداث ..ما فيه جديد الا ان الأختبارات النهائيه قربت و
عروب في كل سنه متعوده انها اذا قربت الأختبارات النهائيه دايم تقعد بغرفتها طول اليوم وما تطلع عشان تذاكر وتشد حيلها والخدامه تجيب لها اكلها وكل شيء تبيه ..

الأختبارات الأسبوع الجاي ..

@@@@

يوم الأحد ..

الساعه 3 العصر ..

عروب بغرفتها وتذاكر .. سمعت صوت جوالها يرن .. قامت من على السرير واخذته من فوق التسريحه وشافت المتصل لما ردت عليها .. اهلين لموي ..

لما : هلا فيك .. ها اخبارك واخبار المذاكره .. ادري فيك دافوره ما صدقتي نغيب عن الجامعه الا وتمسكين الكتاب ..

عروب :. هههههههههههههههه .. بسم الله علي قولي ماشاء الله لا تصكيني بعين .. وبعدين بالله وش تبيني اسوي غير المذاكره ..

لما : كل شيء الا المذاكره .. شوفيني انا وش حلاتي مسويه لي حلا وجالسه اتفرج على مسلسل ..

عروب : عادي ما جبتي شيء جديد بس اعرف انا انتي كيف تجيبين درجات عاليه
ما شاء الله وانتي ما تذاكرين الا قبل الأختبار بيوم ..

لما وشافت نفسها .. ياختي الناس قدرات وش عرفك انتي ..

عروب : خفي علينا يا انشتاين ..

لما : يووووه عروبوه يعني الا تذكريني بالعلماء والدراسه ياختي خليني انسى شوي ..

عروب : ههههههههههههههههههههههههه ههه .. عساس انك مو ناسيتها يعني .. المهم وخري خليني اكمل مذاكره انا وراي تخرج

لما : بالله انتي وراك تخرج وانا وراي ايش .. ترا حتى انا راح اتخرج معك ولانسيتي ..

عروب تبي ترفع ضغطها .. ما ضنيت ..

لما : وش قصدك ..

عروب : ههههههههههههه .. ما اقصد شيء .. يلا يلا خليني اذاكر ..

لما : ياربي من هالدافوره .. ياختي عطي نفسك بريك شوي ريحي فيه ..

عروب : ماعليك انا منظمه وقتي واعرف متى اخذ بريك .. والحين خليني اكمل لا تضيعين وقتي ..

لما : ياربي منك . طيب طيب .. يلا مع السلامه ..

عروب : مع السلامه .. قفلت وهي مبتسمه على بنت خالتها اللي ما تتخيل الحياه من غيرها .. رجعت الجوال على التسريحه وراحت للسرير ومسكت كتابها وكملت مذاكره ..

@@@@

مر الأسبوع من غير اي احداث تذكر ..اليوم اول يوم اختبارات عند عروب :

الساعه 7الصباح ..

صحت من النوم بدري اليوم وتجهزت وجلست تراجع ولما جات الساعه 7 قامت واخذت شنطتها وعبايتها ونزلت لتحت تفطر .. بس استغربت لما شافت ابوها موجود على طاوله الطعام .. سلمت وجلست ..

محمد :. شكلك بتطلعين .. بتروحين الجامعه ..

عروب واللي ما استغربت ان ابوها ما يعرف انو عندها اختبار .. قالت من غير ما تناظره .. ايه اليوم اول اختبار لي ..

محمد وهو يوقف .. اها .. طيب لما تخلصين اختباراتك قولي ليي عشان اكلم ابو يوسف عشان تبدين تدريب عنده ..

عروب : طيب .. وبنفسها .. هذا اللي هامك رضى الناس اما بنتك .. وتنهدت .. خلصت فطور وقامت وكالعاده السواق ينتظرها ركبت معه وراحت للجامعه تختبر ..

@@@@

مرت ايام الأختبارات على خير ..

اليوم الخميس ..

الساعه 4 العصر ..

كانو جالسين بالصاله وكل وحده بيدها جوالها ..

لما : ها عروب فتح معك ..

عروب : لا لسا .. ولفت عليها .. اقول انتي مسويه زحمه اطلعي تراك شايفه كل موادك ومابقى لك الا ماده وحده ..

لما : لا يا حبيبتي حتى لو ماده وحده ابي اشوف المعدل ..

عروب : تكفين لموي انا ما شفت ولا شيء من موادي خليني ادخل ..

لما لفت عليها .. والله محد قالك تسوين عادتك السنويه وما تدخلين على البانر الا في نهايه الأختبارات وانتي تعرفين ان نتايج اختباراتك طلعت ..

عروب : والله هذا طبعي ما احب اشوف نتايج المواد الا مع بعض مو كل شوي اشوف ماده .. يلا عاد اطلعي خليه يفتح عندي ..

جاتهم ام هشام وهي شايله صينيه الشاي .. ها يبنات بشرو كيف المعدل ..

عروب : خالتي شوفي لما :

لما لفت عليها .. وش مسويه انا عاد على اساس الحين الموقع ماراح يفتح عشاني انا فاتحته ..

عروب وهي تناظر جوالها .. اي .. وسكتت ..فتح فتح ..

لما تركت جوالها وراحت لعند عروب بحماس .. يلا بسرعه ادخلي على النتايج ..

عروب وهي تدخل وخايفه .. يارب يارب ..

لما فتح فتح .. عروبوه شوفي شوفي المعدل ..

عروب وهي جالسه تشوف المواد ما انتبهت للمعدل .. نزلت نظرها له .. واااااااااااااااااو 4 ونص .. يالله ماني مصدقه ..

لما تضمها : مبروك حبيبتي مبروك ..

عروب : الله يبارك فيك حبيبتي ..

ام هشام جات لعروب وضمتها .. مبروك حبيبتي .. دايم رافعه راسي ..

لما تمثل الزعل .. يمه وانا ..

عروب لفت عليها .. ياشين الغيره .. شفتي معدلك الحين انتي قبل ما تغارين ..

لما تضرب راسها .. تصدقين نسيت فرحتي فيك يال خبله نستني .. ومسكت جوالها وفتحت الموقع وطلعت النتيجه .. وااااو ما اصدق اني اجيب هالمعدل ..

عروب تجي بجنبها .. ليه كم جبتي .. وتناظر الجوال .. والله حلو جايبه 3 . اللي يشوف مذاكرتك يقول اذا جبتي 1 زين ..

لما : اي والله انا انصدمت من نفسي ..

ام هشام : احمدي ربك على الأقل المعدل هذا راح يوظفك ..

لما : اي والله الحمد الله الحمد الله ..

عروب وقفت .. انا راح اتصل على ابوي واقوله ..

ام هشام ولما لفو عليها باستغراب ..

لما : ابوك .. غريبه ..

عروب : ليه غريبه مو انا قايله لك على سالفه التدريب .. هو قال لي لما تطلع نتايجك قولي لي عشان يكلم مدير الشركه ..

ام هشام : اها يعني السالفه فيها مصلحه عشان كذا هو مهتم بنتيجتك ..

عروب : بالضبط ..

ام هشام : الله يهديهم .. روحي كلميه وانا بروح للمجلس ابشر عمك هو ينتظر نتايجكم ..

لما : انا بجي معك يمه ابشر ابوي بنفسي ..

لما وام هشام راحو وعروب اخذت جوالها واتصلت على ابوها .. رن مره مرتين لين ما قفل ومحد رد ؟.. وبنفسها .. يمكن توه جاي من المكتب ونام .. اكيد لما يشوف مكالمتي راح يتصل علي ..

شوي الا جات لما مسرعه .. عروووووووووووووووب..

عروب اللي متعوده على هبال لما : لفت عليها وهي مبتسمه .. شوي شوي وشفيك ..

لما :ابوي عازمنا على العشى اليوم وقال اختارو المكان اللي تبونه ..

عروب بوناسه .. فديته عمي كانه حاس اننا محتاجين هالطلعه .. اممم وش رايك ايش نختار ..

لما وهي تجلس بجنبها .. امممم وش رايك بمطعم .. ال .. البنات يمدحونه ..

عروب : ايه عرفته .. بس هذا اكله صيني صح ..

لما : فيه كل شيء .. وش رايك نجربه ..

عروب : عادي وش ورانا ..

لما وقفت .. اجل بروح اقول لابوي ..

عروب : طيب ..

لما راحت لما دق جوال عروب : رفعته وشافت المتصل ابوها ردت عليه .. السلام عليكم ..

محمد : وعليكم السلام .. وش عندك متصله ..

عروب اللي متعوده على هالاسلوب .. حبيت اقولك ان نتيجتي طلعت .. ومعدلي هو ..

محمد قاطعها .. مو مهم اهم شيء انك خلصتي الحين راح اكلم ابو يوسف : خلك جاهزه باي وقت فاهمه .. وقفل حتى من غير ما ينتظر ردها ..

عروب نزلت الجوال وصارت تناظره بالم .. وبنفسها ..حتى ما خلاني اقول كم جبت . وتنهدت ..

ام هشام اللي كانت واقفه عند باب الصاله وسمعت مكالمه عروب لابوها .. جات لعندها وحضنتها .. عروب حبيبتي انا وابوك ابو هشام فرحانين لك واخوانك لما وهيثم كمان فرحاني لك هذا ما يكفي ..

عروب وعرفت ان خالتها سمعت المكالمه بعدت عنها وابتسمت .. الا اكيد يكفي انتو عندي بالدنيا .. ربي يخليكم لي ..

ام هشام ابتسمت .. ويخليك لنا .. والحين يلا قومي تجهزي لاننا راح نطلع بعد المغرب نتمشى بعدها نروح للمطعم اللي اخترتوه ..

عروب : جد .. وناسه .. طيب الحين بقوم .. وقامت من عند خالتها وطلعت لفوق
لغرفه لما وشافتها تطلع لها ملابس .. يا الخاينه ليه ما تناديني ..

لما : شفتك جالسه مع امي قلت اروح اسبقك عشان ما نتاخر ..

عروب : اها .. طيب.. وراحت لشنطتها الصغيره اللي حاطه فيها كم لبس لانها راح تنام بيت خالتها الويك اند .. وطلعت لها تيشيرت وبنطلون ..

وبعد ربع ساعه كانو جالسين بالصاله بعباياتهم جاهزين للطلعه بس ينتظرون ياذن المغرب يصلون ويطلعون ..

@@@@

الساعه 6 المغرب ..

كان جالس هو مع امه واخواته بالصاله يتقهون .. والبزارين يلعبون حولهم ..

هيا : يمه من زمان عن خالتي ام هشام : وش اخبارها واخبار بناتها ..

ام عز : الحمد الله بخير توي امس مكلمتها تقول منشغلين بالأختبارات والحوسه ..

هند : بس الأختبارات خلصت الحين .. يمه وش رايك تتصلين عليهم وتعزمينهم عندنا اليوم من زمان عنهم ..

هيا : اي والله فكره ..

عز : بس بشرط لا تقولون انكم بتخلون بزارينكم معي .. اليوم خميس وانا بطلع مع الشباب ..

هيا : تطمن مادامهم بيجون ببيتنا ماراح نطلب منك شيء ..

عز : زين طمنتيني ..

ام عز : خليني اكلم ام هشام : واخذت جوالها واتصلت على ام هشام : ردت عليها بعد دقايق .. وبعد السلام والسؤال عن الحال .. اقول ام هشام وش رايك تجون عندنا اليوم من زمان ما تجمعنا ..

ام هشام : والله كان ودي بس اليوم طلعت نتايج عروب ولما وابو هشام عازمهم على العشى بمناسبه نجاحهم ..

ام عز : اي ما شاء الله .. مبروك .. هم تخرجو صح ..

ام هشام : ايه الله يحفظهم هذي اخر سنه لهم ..

ام عز : لا اجل بمناسبه هالخبر لازم نسوي لهم حفله .. بكرا لازم تجون عندنا حفلتهم علي ..

ام هشام : تسلمين يا ام عز بس ما نبي نتعبك ..

ام عز : لا يا ام هشام وش هالكلام ما بينا نشوفك بكره ان شاء الله ومابي أي اعتراض ..

ام هشام : خلاص ما دامك حكمتي ما نقدر نقول شيء ..

ام عز : هذا الكلام السنع .. اجل الحين اخليك .

ام هشام : بحفظ الله ..

قفلت ام عز وعيالها يناظرونها مستغربين ..

هند : يمه وش السالفه مين تخرج ووش حفلته ..

ام عز : لما وبنت خالتها عروب : اليوم طلعت نتايجهم وناجحين وتقول انهم ما يقدرون يجون اليوم لان ابو هشام عازمهم بمناسبه النجاح ..

عز اول ما سمع اسم عروب على طول تذكرها وتذكر كلام يوسف .وبنفسه .. يعني هي تخرجت الحين وبتجي تتدرب عندنا .. الله يعين ..

هيا : طيب وش سالفه الحفله ..

ام عز : عاد قالت لي انهم تخرجو وكذا قلت لها انا راح اسوي لهم حفله بكرا عندنا وابيك تجين وكذا ..

هند : اي والله يستاهلون حفله .. خلاص خلي كل الأكل علي انا راح اسوي كل شيء ..

هيا : وانا باقي اغراض الحفله ..

ام عز : وبصراحه انا ودي اجيب لهم هدايه البنات يستاهلون .. ولفت على عز : عز يمه معليه توديني السوق بعد صلاه العشا..

عز اللي معروف عنه انه ما يرفض لامه اي طلب . من عيوني يا يمه راح اوديك ..

هند وقفت .. انا بروح للمطبخ اشوف ايش الاغراض الناقصه عشان اجيبها معي بكرا ..

هيا : يمه قولي لي وش الأشياء اللي نحتاجها للحفله ..

وصارو يرتبون ويجهزون للحفله ..

@@@@

مر اليوم على خير والبنات كلهم انبسطو بالطلعه والعشى .. ولما رجعو للبيت على طول نامو لانهم تعبو من الطلعه ..

@@@@

اليوم الثاني ..

الساعه 5 العصر ..

بيت ابو هشام ..

كانو البنات جالسين بالصاله يسولفون مع ام هشام : شوي دخلت عليهم زوجه هشام سميه ..مع ولدها عادل وبنتها رهف ..

سميه .. السلام عليكم ..

الكل .. وعليكم السلام ..

لما : رهوفه تعالي لعمه بسسسرعه ..

رهف راحت لما وضمتها .. هي تحب لما كثير لانها دايم تلعبها وكذا ..

عروب بعد ما سلمت على سميه لفت على عادل اللي شافته جالس بجنب ام هشام.. حرام عليك لموي تاخذين رهف وتسحبين على عدول ..

لما : ماعليك الحين يجي ماجد ولد ليلى ويلعبون مع بعض اما هالبنوته المزيونه لحالها ما عندها احد..

عروب : مالت بس ولفت على عادل .. تعال عدول جنبي قولي اخذت الشهاده ..

عادل اللي متعود على عروب راح وجلس بجنبها .. ايه والأستاذ عطاني هديه بعد .. عادل في اول ابتدائي ..

عروب : واااو شطور انت .. وانا بعد راح اجيب لك هديه ..

عادل بوناسه .. جد متى..

عروب : بكرا اخذك انت ومجود ورهف ونروح نشتري الهدايا وش رايك ..

عادل .. اي اي ..

شوي دخلت ليلى ومعها ولدها ماجد اللي اول ما شاف عادل راح له ..

ليلى : السلام ..

الكل .. وعليكم السلام ..

لما تناظر ماجد.. شفتي كيف سحب على الكل حتى ما سلم وطار لعدول ..

عروب : هههههههههههههههه .. اطفال اكيد بيفرحون لما يشفون بعض .. ولفت على ماجد مجود تعال سلم ..

ماجد .. طيب .. وسلم عليهم ..

عادل بحماس يكلم ماجد .. ماجد عمتي عروب بكرا بتودينا السوق وتشتري لنا هدايا عشانا نجحنا ..

ماجد يلف على عروب : جد خالتي عروب بتودينا ..

عروب : اول شيء قول لي انت نجحت ولا لا ..

ماجد بحماس .. الا والله نجحت وطلعت الأول بعد على الفصل والأستاذ عطاني
هديه ..

عروب : شطور حبيبي .. خلاص راح اوديكم كلكم بكرا للسوق ..

رهف .. وانا معهم بعد ..

عروب : اي كلكم ..

ليلى: تكفين يا عروب لا تدلعينهم ترا ماحنا قد الدلع ..

عروب ابتسمت .. ماعليك ماراح ادلعهم بس راح افرحهم ..ولفت عليهم .. يلا قومو العبو الحين ..

وقامو البزارين يلعبون ..

ليلى تكلم امها : يمه متى بنروح بيت خالتي ام عز ..

ام هشام : بعد العشى ان شاء الله ..

عروب وقفت .. اجل انا بقوم اتجهز ولفت على لما وانتي مو جايه ..

لما : الا اكيد وش يجلسني ..

وقامو ثنتينهم يتجهزون ..

@@@@

اما في بيت ام عز :كان حوسه وكل واحد يصرخ من جهه ويرتبون وجيب ووودي وحوسه يبون يخلصون قبل الوقت .. وعز المسكين تعب من الطلبات كل شوي ناسين شيء ومخلينه يروح يجيبه ..

@@@

الساعه 7 ..

ببيت ابو هشام ..

كان الكل جاهز للروحه ..

عروب اللي كانت تلقي على نفسها النظره الأخيره .. كانت لابسه فستان ابيضقصير يوصل لعند الركبه بدون اكمام ناعم وبسيط ولبست معه اكسسورات فضيه وكعب فضي ناعم وتركت شعرها الطويل مفتوح بلونه البني .. حطت ميك اب ناعم وخفيف يناسب مع لبسها الناعم .. لموي شوفيني كذا كويس ..

لما اللي كانت تلبس الحلق حقها .. ازعجتيني تراك كم مره اقولك كويس وطالعه جنان فكيني خليني اخلص ..

لما كانت لابسه نفس عروب بس الفستان لون اسود ..

عروب : طيب اذا كذا خلينا ننزل اجل ..

لما : يلا انا خلصت ..

واخذو شناطهم وعبياتهم وطلعو من الغرفه ونزلولتحت ..

ليلى : ما صارت كل هذا لبس ..

لما : مو حنا المتخرجات لازم نكشخ ..

ام هشام : طيب بلا سوالف زايده والبسو عبياتكم تاخرنا على الناس فشيله ..

لما وعروب : طيب ..

وبعد ما جهزو طلعو للسياره وركبو مع هيثم لانه هو اللي راح يوصلهم ..

الكل .. السلام ..

هيثم : وعليكم السلام ..

وبما ان كلهم كانو متغطين ماعدى عروب كانت كاشفه عرفها هيثم وابتسم لما شافها لانه من زمان عنها ..مبروك النجاح والتخرج عروب :

عروب ابتسمت .. الله يبارك فيك ..

هيثم : ابشري بالهديه بس قولي وش تبين ..

لما : لا والله وانا ليه ما قلت لي وش تبين هديه ..

هيثم اللي كان يسوق ..لاني اعرف وش تبين ماله داعي اسالك ..

لما : بالله ووش ابي يا عريف زمانك ..

هيثم : تبين جوال جديد من زمان وانتي تحنين على ابوي عشان يجيب لك جوال ..

لما بفرحه .. يعني راح تجيب لي جوال ..

هيثم يبي يرفع ضغطها .. اممم ... افكر ..

لما : هيثم هيثم تكفى اسوي لك اللي تبيه بس جيب لي جوال جديد طفشت من جوالي هذا ..

هيثم : خليني افكر ..

لما : يووووووووووه هيثم :

الكل .. ههههههههههههههههههههههههه ه..

لما باستغراب .. وش فيكم تضحكون ..

ليلى : يالخبله واضح انه جالس يرفع ضغطك ..

لما : جد .. مالت عليك هويثم ..

الكل .. هههههههههههههههههه..

هيثم : اي عروب ما قلتي لي وش تبين هديه ..

عروب : مشكور هيثم مابي شيء ..

هيثم : لا لا ما يصير تتخرجين ولا اجيب لك هديه ..

عروب : يعني مصر ..

هيثم : اكيد ..

عروب : امممم .. اجل خلني افكر واقولك ..

لما : يالغبيه اطلبي جوال جديد مثلي ..

عروب لفت عليها ..لا ما احتاج الجوال الجديد لان جوالي توي شاريته ما صار له سنه ..

هيثم : عادي لو تبين جوال غيره جبنا لك ..

عروب : لا جوالي عاجبني خلني افكر واقولك بعدين .

هيثم : اوك ..

شوي ووصلو بيت ام عز :. هيثم اول ما وقف عند الباب شاف عز توه طالع من البيت .. نزل يسلم عليه .. وام هشام والبنات والبزارين نزلو عشان يدخلو ..

عز وهو يسلم على هيثم انتبه بعروب لانها هي الوحيده اللي كاشفه ف صايره ملفته ..طبعا ما طول ويهو يناظرها عشان محد ينتبه له .

ام هشام وقفت عند الباب تسلم على عز : عز يمه وش اخبارك ..

عز اللي يعتبرها مثل امه راح وحبها على راسها .. الحمد الله يا خالتي بخير .. ومبروك نجاح وتخرج البنات ..

ام هشام : الله يبارك فيك وعقبال عيال وبنات اخواتك ..

عز : امين.. تفضلي يا خالتي امي في انتظاركم ..

لما تغمز لعروب وهم داخلين .. عروبوه شفتيه هذا هو عز ولدهم الخقه اللي قلت لك عنه ..

عروب اللي ما ناظرته ولا انتبهت له .. لا للاسف ما شفت اللي مخليك ذايبه كذا ..

لما : يارب مالت عليك ..

ودخلو للمجلس وانبهرو بالترتيبات اللي مسوينها ..

ام هشام وهي تسلم على ام عز : تعبتو انفسكم يا ختي ماله داعلي كل هذا ..

ام عز : ولو هذول بناتي .. حياكم حياكم ..

وجاو هند وهيا وسلمو عليهم ..
وبعد السلام والسؤال عن الحال .. جلسو ..

هيا تكلم البزارين .. تعالو حبايبي اوديكم للعيال هناك تلعبون معهم ..واخذتهم وودتهم للبزارين الباقي .. ورجعت للمجلس وجلست معهم ..

هند : ما شاء الله تبارك الله عروب ولما كل مالكم وتحلون ..

عروب بحياء .. عيونك الحلوه ..

لما بهبال .. عادي ما جبتي شيء جديد ..

هيا : وهذا انتي ما تفكرين لو تفكير انك تستحين ..

ليلى : انسي الموضوع لموي تستحي ..

سميه . اصلا مو لايق ..

الكل .. ههههههههههههههههههههه ..

لما : اي غيرانين مني ..

عروب : ليه مثلا معنا الملكه..

الكل .. هههههههههههههههههههه..

لما : مالت عليك عروبوه حتى انتي صفيتي معهم ..

عروب توها بتتكلم بس سمعت جوالها يرن .. طلعته من الشنطه وهي مستغربه مين الللي راح يتصل عليها .. اول ما طلعته شافته رقمغريب .. استغربت .. وقررت تطنشه لو حد مهم راح يتصل مره ثانيه .. حطته صامت ودخلته بالشنطه .. ورجعت تسولف مع البنات .. بعد دقايق رجع جوالها يرن .. طلعته وهو نفس الرقم .. وبنفسها .. اكيد شيء مهم .. ووقفت .. ..

لما : عروب وش فيك ..

عروب :عن اذنكم عندي مكالمه .. وطلعت من المجلس لانه ازعاج ولا تقدر تكلم وطلعت من الباب اللي يودي للحوش يعني اللي دخلو منه ورفعت الجوال بترد وهي تفكر مين اللي راح يتصل عليها ..وردت .. نعم ؟..

المتصل .. السلام عليكم ..

عروب زاد استغرابها لما سمعت الصوت كان صوت رجال .. وعليكم السلام ..

المتصل .. انتي الأنسه عروب محمد ال ..

عروب واستغرابها يزيد .. اي معك عروب :

المتصل .. عذرا لو ازعجتك بس معك الأستاذ يوسف ال .. مدير شركه ال ..

عروب اللي تذكرته .. ايوا اهلين استاذ .. امر ..

يوسف : انا اتصلت عليك عشان اقولك انك لازم تبدين التدريب بكرا ..

عروب باستغراب .. بكرا .. بس بكرا سبت ..

يوسف : ايه حنا نداوم جميع الأيام ماعدا الجمعه ..

عروب : بس لحظه كيف ابدا تدريب وانا لسا ما سجلت بيناتي وكذا ..

يوسف بنفسه .. باين انها ما عندها خبر بشيء .. بس السيد الوالد جا امس للشركه وسجل كل بيناتك .. ليه انتي ما عندك خبر ..

عروب انصدمت .. وبنفسها .. هو قال لي انه راح يتصل علي لما يتفق مع المدير بس هو ما اتصل ..

يوسف : انسه عروب انتي معي ..

عروب : هاه .. ايه معك .. لا يمكن ابوي نسى يقول لي .. طيب استاذ ممكن سؤال ..

يوسف : اكيد تفضلي ..

عروب : راح اكون لحالي المتدربه ولا معي متدربين غيري ..

يوسف : لا معك ثلاث متدربين .. راح تتعرفين عليهم بكرا ان شاء الله ..

عروب : اها .. طيب متى اجي ..

يوسف : الدوام يبدا الساعه 8 وينتهي الساعه 3 ..

عروب : امم طيب ..

يوسف : يلا نشوفك بكرا على خير ..

عروب : على خير ..

يوسف : مع السلامه ..

عروب : مع السلامه ..

قفلت عروب وصارت تناظر بالجوال وهي للحين تفكر وبنفسها .. وللمره الثانيه ابوي يفشلني قدام هذا الرجال .. الله يستر .. وتنهدت .. وقبل ما تدخل وقفت عند المرايا تناظر شكلها .. وبعد ما تاكدت من شكلها لفت بتدخل بس سمعت حد يناديها لفت ..

ماجد .. خالتي عروب خالتي عروب ..

عروب : هال حبيبي وش فيك ..

ماجد .. رهف بنت خالي هشام طاحت من المرجيحه وتبكي هناك ..

عروب خافت عليها .. وين ..

ماجد .. تعالي هناك .. ومشى وهي صارت تمشيء وراه لما وصلو لجهه المراجيح شافت رهف جالسه على الارض وتبكي وهي ماسكه رجلها .. راحت لها بسرعه ..

عروب : رهف حبيبتي فيك شيء .. فيه شيء يعورك ..

رهف وهي تبكي تاشر على رجلها ..

عروب مسكت رجلها وشافت جرح بسيط ..حبيبتي خلاص لا تبكين .. هذا بس جرح صغير الحين اعالجه لك .. تعالي معي ..

رهف وهي لسا تبكي .. بس يعورني ..

عروب تاخذهابحضنها .. خلاص حبيبتي الحين اعالجه وماراح يعورك .. وبعدتها وصارت تمسح دموعها .. وبعدين انتي كبيره ما يصير تبكي صح ..

رهف وببرائه الأطفال هزت راسها بمعنى اي ..

عروب : شطوره حبيبتي .. والحين يلا ندخل داخل عشان نعالج الجرح الصغير ..

رهف .. طيب ..

عروب : يلا تعالي اشيلك .. وشالتها بين يدينها ووقفت .. ولفت تشوف البزارين عشان تقولهم ينتبهون لانفسهم بس انصدمت لما شافت الشخص اللي توه داخل من الباب وكان شايل بيده اغراض ويناظر فيها وباين على وجهه الصدمه والأستغراب ..

هي بسرعه تداركت الوضع ومشت بسرعه للجه المجلس اللي هي بالجهه المعاكسه للباب .. ولما وصلت للمجلس وقبل ما تدخل صارت تاخذ نفس وهي مره منحرجه .. انتبهت برهف اللي رجعت تبكي .. فدخلت للمجلس بسرعه ..

سميه اول ما شافت عروب ورهف بيدها خافت وعلى طول قامت .. وش فيها بنتي ..

عروب وهي تنزل رهف على الكنبه .. لا تخافين ما فيها شيء بس كانت تلعب بالمراجيح وطاحت وانجرحت رجلها جرح بسيط ..

هند : يا عمري عليها ..دقايق اجيب المعقم والزق ..دقايق ورجعت .. وعطت الأغراض لعروب اللي بدت تعقم الجرح عشان ما يلتهب وحطت عليه الزقه ..

سميه تاخذ رهف بحضنها .. ماما يعورك الحين ..

رهف شوي بتبكي .. لا بس شوي ..

عروب تبتسم لها .. حبيبتي حنا وش قلنا الأطفال الشطار ما يبكون صح ..

رهف .. صح ..

عروب : شطوره حبيبتي ..ورحات تجلس بجنب لما : وسرحت بالموقف اللي صار من شوي ..
..
..
..
..
اما هو توه ينتبه انه صار له فتره واقف مكانه ..وبنفسه . هذي هي عروب : الا هي تذكرت شكلها لما جاتنا الشركه ..ما شاء الله البنت باين عليها مزيونه بس هالزين كله مايننفع ما دامها عاقه بامها : وبعدين انا ليه جالس افكر فيها .. خلني ادخل بس .. ودخل للمطبخ عشان يدخل الأغراض اللي معه ..

@@@@

نرجع عند عروب : لحظه انا احس اني شايفته من قبل .. هذا اكيد عز اللي تقولي عنه لما لان هم ما عندهم الا ولد واحد .. بس شايفته من قبل .. ياربي وين وين .. ايه تذكرت هو اللي كان مع الاستاذ يوسف بالشركه .. لحظه .. بالشركه .. يعني هو موظف بنفس الشركه اللي راح اتدرب فيها .. وبكرا انا راح اداوم .. يعني راح اقابله .. يوووه يا فشيلتي .. كيف راح اقابله بعد هالموقف المحرج .. ياربي ..صحاها من سرحناها لما اللي هزتها .. لفت عليها .. وش فيك ..

لما : لي ساعه اكلمك وين رحتي ..

عروب : هاه .. اي جالسه افكر بالخبر اللي سمعته ..

لما : اي خبر ..

عروب : شفتي الأتصال اللي من شوي ..

لما : ايه وش فيه ..

عروب : هذا من الشركه اللي راح اتدرب فيها تخيلي يقول بكرا تبدين تدريب ..

لما لفت عليها : من جدك .. سلامات كيف تبدين عندهم وانتي حتى ما سجلتي بياناتك ولا شيء ..

عروب : بياناتي مسجله عندهم ..

لما: وكيف وانتي ما رحتي لهم ..

عروب : ابوي الحبيب راح لهم امس وسجل كل بيناتي حتى من غير ما يقول لي ..

لما عصبت .. وش فيه ابوك ذا وش يحس فيه ..

انتبهو لهم الكل ..

ام هشام : لما وش فيك كانك معصبه ..

لما : لا مافيني شيء بس كنا انا وعروب نسولف عن بنات بالجامعه ..

ام هشام : اها ..

عروب : خلاص اسكتي لما نرجع البيت نتفاهم ..

لما : طيب ..

وبعدها قصو الكيكه ورقصو وانبسطو وعلى اخر الليل طلعو ام هشام وبناتها وعروب لبيتهم ..

@@@@

[لامارا]

اليوم الثاني ..

يوم السبت ..الساعه 7 الصباح ..

صحت على صوت المنبه وبعد ما شافت الساعه قامت من على السرير وهي تناظر الغرفه .. ابتسمت لما تذكرت انها امس اصرت انها تنام بغرفه ليلى عشان ما تزعج لما الصباح وهي تتجهز للدوام .. قامت واخذت منشفتها ودخلتت للحمام ** الله يكرمكم ** اخذت لها شاور سريع وطلعت لبست بنطلون وبلوزه باكمام طويله .. راحت لعند التسريحه وجفففت شعرها ورفعته بحيث ما يضايقها لما تتحجب .. وحطت لها ميك اب خفيف روح وكحل ومسكره بس ولما خلصت ولبست جزمتها السبورت اخذت شنطتها وحطت الأغراض اللي تبيه وبعدها لبست عبايتها وشيلتها .. عشان لو كان هيثم او ابو هشام تحت .. تزلت بعد ما تاكدت من شكلها وشافت ام هشام توها طالعه من المطبخ .. ابتسمت لها وراحت حبتها على راسها .. صباح الخير خالأتي ..

ام هشام بابتسامه .. صباح النوم .. عاد توي كنت بجي اشوفك صحيتي او لا ..

عروب : لا معاليك حاطه المنبه بس انا خفت اني ما اصحى عليه لاني امس نايمه متاخر عشان كذا قلت لك تصحيني ..

ام هشام : اجل كويس انك صحيتي .. يلا تعالي افطري هيثم ينتظرك داخل ..

عروب لفت عليها باستغراب .. هيثم : ليه ..

ام هشام : انا قل ت له يوصلك احسن من انك تنتظرين السواق يجي من بيتكم ..

عروب : بس ياخالتي هو ما عنده دوام اليوم وكذا بكون انا خربت عليه اجازته ..

هيثم اللي طلع لما شاف امه تاخرت وسمع كلام عروب : ابتسم .. لا ما خربتي اجازتي ولا شيء .. وقرب عندهم .. صباح الخير ..

عروب ابتسمت له .. صباح النور .. بس السواق موجود ليه تتعب نفسك ..

هيثم : طيب انا حاب اوصلك فيها شيء ..

عروب : لا مافيها شيء بس امم ..

ام هشام قاطعتها .. لا بس ولا شيء .. تعالو افطروي عشان ما تتاخر عروب على الدوام ..

عروب وهيثم : طيب .. ودخلو وراها لغرفه الطعام .. وجلسو يفطرون ..

هيثم : اي شركه اللي راح تتدربين فيها امي قالت لي بس ما قالت امس الشركه تقول نستها ..

عروب : شركه ال ...

هيثم : اوه هذي اللي يشتغل فيها عز :

ام هشام : صدق عز يشتغل فيها . اجل كويس اكلم ام عز اقوله توصي ولدها على
عروب :

عروب بابتسامه لفت على خالتها .. يوه خالتي وانا صغيره عشان توصين حد علي .. ترا اعرف ادبر نفسي ..

هيثم : كلام امي صح وبعدين مو شرط تكونين صغيره عشان نوصي حد عليك انتي بتروحين شركه مو مدرسه ولا كليه خاصه بالبنات هذي شركه مختلطه يعني فيها شباب ولازم فيه حد ينتبه لك هناك ..

عروب لفت عليه .. وليه انت مو واثق ببنت خالتك ..

هيثم : لا مو قصدي كذا بس ..

عروب قاطعته .. انا فاهمه قصدك انا اقصد مو واثق بقدراتي انا بنت عن عشر رجال ..

ام هشام : والنعم والله بس لازم نوصيه عليك ..

عروب اللي حست انها ماراح تقدر تقنع خالتها .. طيب بس لا تكلمينها اليوم خليني اروح واشوف المكان كويس يمكن ما يعجبني التدريب هناك واغير المكان ..

هيثم اللي يغار عليها وما يبيها تكون بمكان فيه رجال .. والله يكون احسن لو غيرتيه ورحتي لمكان فيها بنات بس ..

عروب لفت عليه بابتسامه .. راح اشوف ..

ام هشام وهي تناظر الساعه .. ما بقى شيء على الساعه 8 يلا قومو ..

هيثم وقف .. يلا ..

وقفت بعده عروب : وطلعو من البيت .. عروب طبعا ركبت ورا .. ومشو للشركه ..

هيثم من ركب وهو يوصيها على نفسها .. وعروب ما استغربت لان في بالها انه يخاف عليه مثل خوفه على لما وليلى ولا تدري ان الحبيب عاشق وولهان .. بعد نص ساعه وصلو للشركه ..

عروب قبل ما تنزل .. مشكور هيثم تعبتك معي ..

هيثم : شو قلنا ما نبي نسمع هالكلام .. واذا خلصتي اتصلي على امي عشان اجي اخذك .. ولا اقول خذي رقمي يمكن امي تكون مشغوله ..

عروب : رقمك عندي بس ما راح اتصل عليك بخلي السواق يجي ياخذني كفايه اني صحيتك من الصباح عشان توديني ..

هيثم : يوه يا عروب يعني مصره انتي انك تعبتيني .. اقول اسمعي الكلام واذا خلصتي اتصلي علي واذا ما اتصلتي راح ازعل منك ترا ..

عروب ابتسمت .. خلاص خلاص راح اتصل عليك .. يمه منك عنيد ..

هيثم بابتسامه .. طالع عليك ..

عروب : هههههههههههههه .. طيب .. يلا مع السلامه ..

هيثم : مع السلامه ..

عروب نزلت وسكرت الباب وقبل ما تدخل للشركه سمت بالله ودخلت ..

اما هيثم لما شافها دخلت وتطمن مشى ..

نرجع لعروب : دخلت الشركه بتوتر مثل اول مره دخلتها .. تمشي وماتدري وين تروح .. شافت الأستقبال قدامها راحت لهم .. وبما ان الساعه صارت 8 المكان صاير ازعاج لان الموظفين توهم جايين .. السلام عليكم ..

الشاب اللي في الأستقبال .. وعليكم السلام .. كيف اقدر اخدمك ..

عروب : لو سمحت انا متدربه هنا ممكن اعرف وين اروح ..

الشاب .. ايه تفضلي من هنا .. في اخر السيب لفي يمين ويجيك مكتب ادخليه ..

عروب : طيب شكرا .. ومشت من عنده وراحت للمكان اللي قالها عليه .. وصلت للمكتب وشافته مفتوح بس مافيه حد .. وبنفسها .. يمكن انااول وحده جايه خليني ادخل انتظر .. ودخلت للمكتب اللي كان عباره عن جلسه .. يعني بس كنبات مافيها مكتب .. وراحت جلست على واحد من الكنبات ... شوي سمعت حد يدق على الباب رفعت راسهاوشافته شاب ..

الشاب يناظرها .. لو سمحتي هذا مكتب المتدربين ..

عروب : ايه ..

الشاب جا وجلس بكنبه بعيده عنها شوي .. ولف عليها .. انتي متدربه كمان ..

عروب : ايه ..

الشاب توه بيتكلم الا يدخلون اثنين بعد ما دقو الباب .. كانو بنت وولد .. السلام عليكم ..

عروب والشاب .. وعليكم السلام ..

البنت .. انتو متدربين ..

عروب والشاب .. اي ..

البنت لفت على الشاب اللي معها .. ادخل ادخل هذا هو المكان ..
ودخلو وجلسو ..

البنت تكلم عروب : ممكن نتعرف ..

عروب ابتسمت .. معك عروب :

البنت ردت لها الأبتسامه .. عاشت الأسامي .. انا اسمي ملاك .. وهذا .. اشرت على الشاب اللي دخل معها .. ولد خالتي سلمان ..

عروب بنفس الأبتسامه .. امم تشرفت ..

ملاك وسلمان .. الشرف لنا ..

سلمان لف على الشاب .. وانت ايش اسمك ..

الشاب بابتسامه .. معك رياض ..

ملاك اللي تتصف بالجراءه .. اوه اسماءكم غريبه ..

عروب ورياض ابتسمو ..

سلمان .. تتوقعون فيه متدربين غيرنا ..

عروب وهي تتذكر كلام يوسف امس لها .. لا بس حنا ..

ملاك .. كيف عرفتي ..

عروب ابتسمت .. المدير قال لي ان معي ثلاث متدربين واللي هم انتم ..

ملاك .. اهاا .. انتي من جامعه سعود ..

عروب : اي .. وانتي كمان ..

ملاك .. اي ونفس التخصص بس ما اذكر اني شفتك ..

عروب : عادي الجامعه مو صغيره ..

ملاك .. اي صح .. بس بصراحه انا مستغرب اللي اعرفه ان هذي الشركه ما كانت متاحه للتدريب كيف اتححوها ..

رياض .. انا بصراحه انبسطت لما شفتها متاحه على طول سجلت فيها ويارب اتوظف فيها .

سلمان : اما انا ما همني بس هذي الخبله قالت لي تعال نسجل فيها وجيت معها ..

ملاك .. ما الخبل الا انت ..

عروب : وليه تسالين كيف اتحوها اهم شيء انها اتيحت للتدريب ..

ملاك .. صح هذا اهم شيء ..

شوي دخل عليهم واحد وقال لهم ان المدير يبيهم .. قامو كلهم وراحو وراه .. دخلو لمكتب المدير .. السلام ..

المدير يوسف : وعليكم السلام .. تفضلو ..

جلسو على الكراسي اللي قدام المكتب ..كانو ملاك وعروب بجنب بعض ورياض وسلمان مقابلينهم ..

يوسف :اولا ارحب فيكم في شركتنا المتواضعه .. ولان ان هذي اول سنه لنا نسمح بالطلاب بالتدرب عندنا راح اعطيكم اوراق فيها كل قوانين الشركه .. انتو راح تكنون كانكم موظفين مو طلاب .. يعني اللي يجرا على الموظفين يجرا لكم .. واذا كان الموظفين ينخصم من رواتبهم انتو راح ينخصم من دراجاتكم ... ف اذا تبون تتخرجون بامتياز اتبعو القوانين ..

كلهم .. حاضر ..

يوسف وزع عليهم الأوراق وصارو يقروننها ..

يوسف :وصح فيه شيء مهم لازم تعرفونه .. راح يكون على كل واحد منكم مدير وملزمين انكم تسوون اي شيء يطلبه منكم المدير طيب ..

كلهم .. ححاضر ..

يوسف : والحين راح انادي المدره عشان تبدون الشغل .. ورفع السمعه .. ياسر ناد لي رءساء الأقسام ..وسكر ..
دقايق ويندق الباب ويدخلون اربع شباب .. السلام عليكم ..

الكل .. وعليكم السلام ..

المدير يوسف وقف ووقفو بعده الطلاب .. اعرفكم على المدرائ .. هذا الأستاذ احمد مدير قسم العلاقات العامه .. وراح يكون معه الطالب سلمان ..

سلمان رفع يده عشان يعرفه .. حاضر ..

يوسف : وهذا الأستاذ خالد مدير قسم التسويق .. وراح يكون معه الطالب رياض ..

رياض نفس الشيء رفع يده .. حاضر ..

يوسف : وهذا الأستاذ عبدالله مدير قسم التنظيم والتخطيط ..وراح تكون معه
الطالبه ملاك ..

ملاك نفس الشيء .. حاضر ..

يوسف : واخيرا الأستاذ عز مدير قسم الحسابات وراح تكون معه الطالبه عروب :

عروب من اول مادخلو ما ناظرت فيهم كانت تناظر الأرض مستحيه .. واواول ما سمعت المدير يتكلم وقال اسم عز بتلقائيه رفعت عينها له وانصدمت اول ما شافته .. هي صحيح تعرف انه يشتغل هننا بس ما توقعت انه راح يكون مديرها .. ولما حست على نفسها بعد ماشافت الكل يناظرها . نزل عيونها ورفعت يدها حاضر ..

اما عز من اول مادخل ما ناظرها عينه كان على المدير واول ما اقل هذول المتدربين جات على باله ولف يناظر الطلاب وانتبه لها وابتسم وشال عينه منها .. ولما سمع المدير يوسف الطلاب قال بنفسه .. يارب ما تكون معي مو ناقص مشاكل .. بس استسلم لما قال المدير انه معه .. بس شاف نظره الصدمه بعيونها وبنفسه .. ما اتوقع انها ما تدري اني اشتغل هنا .. ليه الصدمه في عيونها .. يمكن حتى هي ما تبيني اكون مديرها بعد الموقف اللي امس .. وابتسم لما تذكر الموقف .. صحى من سرحانه على صوت المدير ..

يوسف : والحين كل واحد عرف وين راح يكون .. ومن اليوم راح تبدون تدريب .. واخر كل اسبوع ابي تقارير منكم يا الطلاب وحتى انتو يا المدراء .. فاهمين ..

الكل .. حاضر ..

يوسف : طيب .. الحين تقدرون تنصرفون .. ولف على عز وعروب : بس انت يا
استاذ عز والأنسه عروب راح تبقون .. ولف على باقي .. تفضلو ..

عروب بنفسها .. ليه وش معنا حنا .. ليكون لانه يعرف ابوي .. يارب استر ..

عز بنفسه . غريبه وش يخلي المدير يصرفهم كلهم معدانا حنا ..

يوسف يرجع لمكتبه بعد ما طلعو الباقي .. وناظر عروب وعز : تفضلو ..

عروب وعز جلسو مقابلين بعض ..

يوسف : اكيد مستغربين ليه صرفت الكل وخليتكم انتم بس ..انا اقول لكم .. استاذ
عز انت تعرف ان قسم الحسابات هو اهم وقسم بالشركه وهو قسم حساس يعني اي غلطه بسيطه فيه يمكن انها تدمر الشركه ..

عز : ايه صح ..

يوسف : فعشان كذا انا راح اقولك عن الخطوات اللي راح تبدا فيها التدريب مع الأنسه عروب :

عز : حاضر ..

يوسف : اول شيء تخليها كل يوم تكون مع واحد من موظفينك عشان يعلمها شغله بالقسم .. بعدها تبدا تعطيها كتابه التقارير .. وبعد ما نشوف شغلها عاد الباقي عليك ..

عز : ان شاء الله ..

يوسف لف على عروب : وانتي يا انسه عروب على انك تعتبرين انقبلتي بالواسطه الا اني انا ما افرق بين موظفيني سواء كانو بالواسطه او لا .. ف اتمنى انك ما تتهاونين بالتدريب وتضمنين النجاح ..

عروب رفعت عيونها له بصدمه وهي تسمع كلامه وبنفسها .. والحين مين جاب طاري الواسطه .. وبعد ما خلص .. بس يا استاذ انا ما اعتبر نفسي اني داخله هنا بالواسطه لان ولله الحمد معدلي يأهلني اني اتدرب في شركه مثل هذي ولو كان العم ابو يوسف موصيك علي عشانه يعرف ابوي فا اتمنى انك تنسى هذا الشيء لاني انا نفسي ما احب حد يميزني عن الغير بسبب المعرفه او الواسطه .. وهذا الكلام راح اثبته لك بشغلي ..

عز ويوسف كانو يناظرونها ومستغربين من كلامها : اول مره يشوفون حد واثق من نفسه لهذي الدرجه ..

يوسف ابتسم..وانا راح انتظر تقارير مديرك عنك وبعدها راح نعرف ..

عروب تحس ان كلامه استفزها بس سكتت ..

يوسف : طيب الحين تقدرون تتفضلون لشغلكم ..

عز وعروب وقفو .. حاضر ..وطلعو من المكتب .. وكانت الأسياب هاديه لان كل واحد بمكتبه ..

عز كان يمشي بجنبها ويدينه ورا ظهره .. وقال من غير ما يناظرها .. اشوفك انصدمتي لما عرفتي اني مديرك .. ولف عليها .. مثلا ما كنتي عارفه اني اشتغل هنا ..

عروب بالبدايه استغربت من كلامه بعدها قالت ومن غير ما تناظره .. الا ادري انك تشتغل هنا بس ما توقعتك مدير شكلك ما يهيئ ..

عز : اها .. شكلي ما يهيئ ولا منحرجه من الموقف اللي امس ..

عروب هنا لفت عليه وبعصبيه خفيفه .. اتوقع اللي صار امس كان صدفه وثاني شيء انت الغلطان مو انا ..

عز وقف ولف عليها .. انا الغلطان .. ليه انا اللي قلت لك اطلعي بالحوش وخليني اشوفك ..

عروب اللي موت مستحيه بس تحاول تخفي حياها لان كل شيء ولا حقها .. ولفت عنه .. لا بس انت اللي لما شفتني ما استحيت ونزلت عينك ..

عز هنا حس انه جد اللي غلطان .. بس كان مفهي بالجمال ما ينلام .. قال وهو يصرف .. اها .. طيب مبروك على النجاح والتخرج ..

عروب من غير نفس .. الله يبارك فيك ..

عز : هذا حنا وصلنا القسم راح اعرفك على الموظفين بالأول بعدها نبدا تدريب ..

عروب : طيب ..

دخلو للقسم وكان فيه 3 مكاتب .. دخلو على اول مكتب وكان فيه موظفتين .. بنات يعني .. عز وعروب : السلام عليكم ..

البنات اول ما شافو عز وقفو .. وعليكم السلام ..

عز : اعرفك على الأنسه عبير .. والأنسه ريم .. ولف عليهم .. هذي هي المتدربه الجديده .. الأنسه عروب :

عروب ابتسمت لهم .. تشرفنا ..

البنات .. الشرف لنا ..

عز : يلا كملو شغلكم .. وطلع وطلعت وراه عروب : دخلو للمكتب الثاني وكان فيه موظفين .. شباب ..

عروب وعز : السلام عليكم ..

الشباب .. وعليكم السلام ..

عز : اعرفك على الأستاذ راشد والأستاذ سالم ..ولف عليهم .. وهذي هي المتدربه الجديده .. الأنسه عروب :

عروب : تشرفت فيكم ..

الشباب .. لنا الشرف ..

عز : تفضلو كملو شغلكم .. وطلعو من المكتب واتجهو للمكتب الثالث ..

عز وهو يدخل .. وهذا هو مكتبي .. اللي راح تتدربين فيه ..

عروب : اها ..

عز : تفضلي ..

جلس عز ورا المكتب وعروب قدامه ..

عز : مادام اليوم اول يوم لك راح اعطيك شغل خفيف وبكرا نبدا زين ..

عروب من غير ما تناظره .. طيب ..

عز حس ان فيها شيء من بعد النقاش اللي دار بينهم .. انسه عروب فيك شيء ..

عروب وهي على نفس وضعيتها .. لا ..

عز قام من مكانه وجا جلس بالكرسي اللي قدامها : وش فيك كانك متضايقه الشركه ما عجبتك ولا ايش ..

عروب اللي ما تحب تكتم شيء في نفسها .. رفعت عيونها له .. لا الشركه ما فيها شيء بس مساله انك انت تكون مديري مو مريحتني ..

عز ابتسم ورجع ظهره لورا تسند على الكرسي وكتف يدينه .. اها كذا السالفه ..
ووقف وعطاها ظهره .. اجل قومي قولي للمدير انك تبين تغيرين القسم حقك ..

عروب استفزتتها حركته .. ووقفت .. وهذا اللي راح يصير ..

عز اللي باين عليه انه واثق ان المدير راح يرفض .. اوك تفضلي ..

عروب طلعت من المكتب وهي متنرفزه منه وبنفسها تسال هو ليه يعاملها كذا كانه حاقد عليها او كارها ..وصلت لمكتب المدير وقابلها السكرتير .. لو سمحت ابي ادخل عند المدير ..

السكرتير .. طيب ايش اسمك ..

عروب : اسمي الأنسه عروب :

السكرتير .. لحظه .. دخل على المدير دقايق وطلع .. تفضلي ..

عروب دخلت بسرعه .. اسفع على الازعاج استاذ يوسف :

يوسف : لا عادي تفضلي ..

عروب وهي منزله عيونها للارض .. اقدر اغير القسم حقي ..

يوسف : تغيرينه .. ليه ما أعجبك ..

عروب : لا القسم مافيه شيء بس وسكتت ما تدري وش تقول ..

يوسف : بس ايش ؟..

عروب : ما ارتحت فيه وانا اتشاءم من الاماكن اللي ما ارتاح فيها ..

يوسف ابتسم .. طيب تفضلي

عروب جلست ..

يوسف : بس انتي تدرين انا ليه خليتك بقسم الحسابات ..

عروب رفعت عيونها له .. لا ..

يوسف بنفس ابتسامته .. لان انتي تخصصك محاسبه فانا حطيت كل طالب على حسب تخصصه .. ف لو تبين تغير القسم وين تبين تروحين مافي شيء يناسب مع تخصصك ..

عروب نزلت عيونها بقهر .. يعني ما اقدر اغير ..

يوسف : الا تقدرين بس ماراح تاخذين درجاتك كامله لانك تدربتي بقسم غير تخصصك ..

عروب كل شيء الا درجاتها .. طيب .. والمدير ما اقدر اغيره او حتى اني ما اتعامل معه

يوسف هنا فهم ان المشكله بالمدير .. اهاا قلتي لي المدير .. ليه وش فيه الأستاذ عز ضايقك بشيء ..

عروب : لا بس .. وسكتت ما تدري وش تقول ..

يوسف : طيب لحظه .. ورفع السماعه وقال لسكرتير يطلب عز :

عروب اول ما سمعته رفعت عيونها له .. ليه تطلبه ..

يوسف : عشان اعرف سوء التفاهم اللي بينكم ..

عروب : بس .. سكتت لما شافت عز داخل للمكتب ويناظرها ويبتسم ..

عز بعد ما عطى عروب نظره لف على المدير .. نعم طال عمرك طلبتني ..

يوسف .. اي تفضل ..

عز بعد ما جلس صار يناظر عروب اللي منزله عيونها للارض وباين انها متضايقه وبنفسه .. ابي اعرف الحين هذي ليه لهذي الدرجه متضايقه من كوني مديرها المفروض انا اللي اتضايق وش يخليني اتحمل وحده عاقه مثلها ..

يوسف :. استاذ عز في شيء صار بينك وبين الانسه عروب :

[لامارا]

عز : لا ماصار شيء هو اصلا امدانا نتكلم عشان يصير شي..

عروب لفت على يوسف : استاذ انا قلت لك اني مو مرتاحه وبس ..

يوسف : انا بس كنت حاب اتاكد من الأستاذ عز :

عز : بصراحه يا استاذ يوسف حتى انا مو مرتاح كونها تكون متدربه عندي ..

يوسف اللي شك ان في الموضوع شيء .. ابسالكم انتو تعرفون بعضكم من قبل ..

عز وعروب تكلمو بس رعه وبنفس الوقت ..

عز : اي ..

عروب : لا ..

وبعدها صارو يناظرون بعض ..

يوسف يناظرهم .. واحد يقول لا والثاني اي انا مافهمت تعرفون بعض ولا لا ..

عز : نعرف بعض بس من بعيد ..

يوسف . يعني قرايب بس من بعيد ..

عروب : لا .. شبه جيران ..

يوسف : اها .. وبينكم عداوه ..

عروب وعز بنفس الوقت .. لا ..

يوسف : اجل ليه مو مرتاحين لبعض .. تدرون انكم لو كملتو مع بعض راح يخرب الشغل لان الواحد لازم يكون مرتاح عشان ينجز صح ..

اثنينهم .. صح ..

يوسف : طيب اذا انتو تعرفون بعض من قبل ومابينكم عداوه اجل ليه الحساسيءه اللي بينكم ..

عروب وعز سكتو .

يوسف : صاير موقف بينكم ..

عروب وعز صارو يناظرونبعض ..

يوسف هنا فهم السالفه .. ووقف وجا عندهم .. طيب اسمعوني .. اذا ما تبون تتكلمون عن الموقف هذا شيء راجع لكم .. انا مالي دخل في خصوصياتكم كل اللي يهمني الشغل .. وصار يتمشى بالمكتب ويكمل كلامه .. وعشان الشغل يمشي صح لازم تكونو متصافين لانكم تشتغلون مع بعض .. ولف عليهم وناظر عروب : الا اذا كنتي تبين تخسرين درجاتك هذا شيء ثاني ..

عروب نزلت عيونها وماردت ..

يوسف لف على عز .. وانت بعد تعرف هذا التدريب قد ايش راح يفيدك في شغلك ويمكن تترقى صح .

عز نزل راسه ... صح ؟؟

يوسف : حلو .. ف المطلوب منكم الحين .. يا انكم تنسون كل شيء صار بينكم من قبل وتعتبرون انفسكم انكم اول مره تتقابلون ويكون بينكم كل احترام وتنجزون في شغلكم .. او كل واحد يروح بطريقه .. والأنسه عروب تخسر درجاتها واستاذ عز تروح عليه الترقيه ..

عروب وعز ناظرو المدير بعدها ناظرو بعض ..

عروب وقفت .. انا اهم شيء عندي درجاتي .. ف راح اتحمل عشانها ..

عز وقف وقال .. وانا اهم شيء عندي وظيفتي وكمان راح اتحمل عشانها ..

يوسف لف عليهم وابتسم .. اوك .. الحين تقدرون تتفضلون على شغلكم واتمني اني ما اشوفكم عندي مره ثانيه بنفس السبب .

عروب وعز وهم يناظرون الأرض .. حاضر ..

يوسف : والحين تقدرون تتفضلون على شغلكم ..

طلعو عز وعروب من المكتب وكل واحد مقهور من الثاني .. وهم يمشون في السيب ..

عز : واضح ان درجاتك مره تهمك لدرجه انك مستعده تشتغلين مع احد مو مرتاحه له ..

عروب من غير ما تلف عليه .. بالضبط نفس حبك لوظيفتك اللي تخليك تشتغل مع شخص مو مرتاحله ..

عز لف عليها وهو رافع حاجبه ..

عروب لفت عليه .. لا تقول ان كلامي مو عاجبك لان ما يهمني .. ورجعت تناظر قدام ..

عز نظرها من فوق لتحت وبعدها كملو طريقهم للمكتب ..

لما دخلو عز راح جلس ورا المكتب وعروب جلست بالكرسي اللي قدام المكتب ..

عز ياخذ ملفات من على المكتب .. اطلعي على هذول التقارير وتاكدي منهم اذا فيهم اخطاء او لا ..

عروب اخذت الملفات من غير ما تناظره .. حاضر .. حطت الملفات على الطاوله اللي قدامها وبدت تفتحهم وتقرا فيهم ..

اما عز اخذ ملف ثاني وبدا شغله ..

مرت ساعه وساعتين والمكتب كان هادي مره ما ينسمع الا صوت الأوراق ..

وعلى الساعه 11 خلصت عروب الملفات اللي عندها قفلتهم وتنهدت ..

عز رفع عيونه لها لما سمع تنهيدتها .. ناظر الملفات وشافهم مقفلين .. خلصتي ..

عروب لفت عليه .. ايه خلصت .. ووقفت وهي تناظر ساعتها .. والحين ممكن اطلع لانه وقت البريك ..

عز ناظرها وهو رافع حاجبه .. ماشاء الله امداك عرفتي اوقات البريكات ..

عروب : ايه ..

عز ترك الملف اللي بيده ووقف .. طيب تفضلي .. وصار يتمقط ..

عروب اخذت شنطتها وطلعت من المكتب .. قابلت البنتين الللي معها بالقسم .. مرحبا ..

ريم وعبير .. اهلين ..

عروب : ها رايحين تتغدون ..

عبير .. اي حياك اكيد ما تدلين المطعم ..

عروب بابتسامه .. ايه ..

ريم .. اجل تعالي معنأ ..

عروب ابتسمت ومشت معهم .. حستهم حبوبات وطيوبات ..

وصلو للمطعم اللي في داخل الشركه طبعا وكان الغدى عباره عن بوفيه .. كل وحده منهم اخذت صحنها وبدت تشيل لها اكل .. وبعد ما خلصو كانت عروب بتجلس مع البنات بس انتبهت بملاك وسلمان اللي دوبهم داخلين ..

ملاك اللي انتبهت لعروب : اوه عروب تعالي ..

عروب استاذنت من البنات اللي معها وراحت لملاك .. هلا ..

ملاك .. تعالي اجلسي معنا .. شوفي هذيك الطاوله راح ناخذ لنا اكل ونجي ..

عروب ابتسمت .. طيب .. وجلست على الطاوله .. شوي حست باحد يجلس قدامها
رفعت عيونها وشافته رياض .. اهلين ..

رياض بابتسامه .. قابلت سلمان وملاك وقالو لي انك هنا ..

عروب : اي تفضل ..

شوي جاو سلمان وملاك وجلسو الأربعه يتغدون ..

ملاك تكلم عروب . ها كيف اول نص دوام معك ..

عروب : والله للحين الأمور مستتبه .. بس مديري شكله شرير ..

كلهم ضحكو على كلمه شرير .. ههههههههههههههههههه..

ملاك .. اما هذاك المزيون شرير ما يركب ..

سلمان يضربها على راسها .. ما تستحين على وجهك تغازلين الرجال وانا جنبك ..

ملاك .. ياخي وش قلت انا وبعددين اتغزل فيه قدامك احسن من اني اتغزل فيه من وراك صح ..

سلمان وهو يفكر .. هو صح بس ولو لا تتغزلين في احد ..

عروب ورياض مبتسمين عليهم ..

رياض بمزح .. ليكون تغار يا سلمان ..

سلمان ..اما عاد اغار كثر منها .. هههههههههههههههههههه..

ملاك .. عاد انت شفتالشبه بينهم عشان يغار .. ولا يفكر اصلا .. ولفت على عروب : ما علينا كيف عرفتي انه شرير ..

عروب : مدري احس كذا .. المهم انتو كيف مدرائكم ..

سلمان :انا بالنسبه لي مديري وش حليله واصلا شغلنا حلو وخفيف ..

ملاك .. حتى انا شغلي ما فيه تعب ..

رياض .. وانا شغل العلاقات العامه كل اللي هناك كشيخه .. على اني كاشخ الا احس اني ولا شيء عندهم ..

عروب ابتسمت : معروف العلاقات العامه لازم يكونون كشخه وكذا ..

وهم مندمجين بالسوالف والأكل .. وتقريبا المطعم امتلا من الموظفين .. دخل المدير يوسف معه رؤساء الاقسام ..

هنا الكل سكتو ..

يوسف : اول شيء بالعافيه عليكم .. وثاني شيء هذا حنا غيرنا المطعم على طلبكم .. واتمنى ان كل واحد منكم قبل ما يطلع يكتب تقيمه على المطعم ..

الكل .. حاضر ..

وبعد ما ابتسم لهم راح هو مع اللي معه وجلس على طاوله وجبو لهم الغدى ..

ملاك .. ياحليلهم حسسوني اننا طلاب وهم الدكاتره ..

رياض وسلمان وعروب ضحكو بس بهدوء.. ههههههههههههههه..

سلمان .. اووش يالخبله لا يسمعونك ويطردونك ..

ملاك .. لا لا بسكت كل شيء ولا الطرد ابي اتخرج افتك ..

عروب : وانتي ما تفكرين بالوظيفه بس التخرج ..

ملاك .. بصراحه حاليا ما افكر اتوظف ابي اريح لي سنه على الأقل من الدراسه ..

رياض .. وانتي ضامنه تجيك وظيفه بعد سنه ..

ملاك .. لا بس ان شاء الله ..

سلمان .. والله ما اتوقع ان وراك وظيفه انتي البيت وكثير عليك ..

ملاك تكش عليه .. مالت عليك ..

عروب تبتسم لهم ..

ملاك .. وانتي تبين تتوظفين .

عروب : اكيد انا ما دخلت هذا المجال الا عشان اتوظف ..

ملاك .. اوه انتي راعيه طويله صراحه ..

عروب : الوظيفه ولا جلسه البيت ..

رياض .. ابسالكم .. انتو ليه اخترتو هذي الشركه بذات .

ملاك .. انا وسلمان قلنا لكم شفناها شركه جديده ودخلناها ..

رياض .. وانتي عروب :

عروب ابتسمت .. اممم انا بصراحه كنت افكر اني اتدرب بمستشفى بس لما فتحو هذي الشركه للتدريب وحده من الدكاتره نصحتي ادخل لاني راح استفيد منها وبعد ما فكرت بالموضوع الشركه مقدمه عرض مذهل لو جبت معدل كويس وشغلي عندهم كان تمام رح اتوظف هنا .. ليه افوته ..** طبعا هي ما تبي تقول لهم السبب الحقيقي عشان ما ياخذون عنها فكره لانها داخله بالواسطه ..

رياض ابتسم .. تقرييبا نفس سببي بس انا ولد عمي اللي نصحني فيها لما رحت اشاوره ..

في هالوقت دق جوال عروب : طلعته من الشنطه وشافته لما ووقفت واخذت صحنا اللي خلصته .. عن اذنكم .. هي بتطلع من المطعم عشان تكلم وبطريقها راح ترجع الصحن لمكانه .. وهي تمشيء نزلت عيونها تناظر الجوال تشوف لما قفلت او لا وما انتبهت للبنت اللي كانت قدامها وشايله سحن .. سقعت فيها وطاحو الصون اثنينهم وتكسرو.. عروب شهقت ..

كل الموجودين بالمطعم لفو جهه الصوت ..

عروب كانت تناظر الأرض مكان ما طاحو الصحون وهي للحين ما عرفت مين قدامها رفعت راسها وشافت البنت اللي قدامها معقده حواجبها باين انها معصبه .. قالت بكل هدوء .. اسفه بس ما انتبهت لك ..

البنت بعصبيه .. لا والله .. وين اصرف اسفك انا شوفي وش صار فيني بسببك ..

عروب تناظرها وتناظر عبايتها اللي تاشر عليها بس ماشافت شيء .. مافي شيء ..

البنت عصبت اكثر .. شوفي هذا وش تسمينه .. وكانت تاشر على وصخ جدا خفيف كان بطرف العبايه من تحت ..

عروب : بس هذا ولا شيء اذا تبين الحين انظفه لك بس لا تصارخين كذا ..

البنت مقهوره من برود عروب وبنفس الوقت متفشله لان كل الموظفين موجودين .. وهذا حل تسمينه ..

عروب بنفس الهدوء .. طيب طيب خلاص راح اشتريلك عبايه ثانيه بس خلاص انهي الموضوع ..

البنت .. ليه وش شايفتتني قدامك بنت فقر ولا جالسه اطر انا اقدر اشتري عشرمحلات عبايات مو عبايه وحده . ما انتظر وحده مثلك مدري من وين جايه عشان تشفق علي فاهمه ...

عروب غمضت عيونها واخذت نفس عميق وعدت من واحد الى 8 وبعدها زفرت بهدوء ..هي دايم تحب تسوي هذي الحركه اذا كانت معصبه او متوتره وهذا الشيء راح يساعدها تهدى .. فتحت عيونها .. وتوها بتتكلم بهدوء بس البنت ما عطتها فرصه ..

البنت .. هيه انتي لا تسفهيني وانا اكلمك الحين قولي لي وش اسوي بهذا .. واشرت على عبايتها ..

عروب خلاص وصلت معها .. تقدمت شوي من البنت وقالت .. وهي تحاول تكتم عصبيتها .. ممكن اعرف انتي وش تبين .. اعتذرت منك وقلت لك كل الحلول وانتي رفضتي كل شيء وفوق هذا جالسه تسبين وتحقرين فيني وانا ساكته لاني انا الغلطانه بس انك تستمرين بهذا الأسلوب وكانك ملاك ما يغلط لا.. فاهمه .. وزفرت وكانها تطلع كل العصبيه في هذي الزفره ورجعت لفت عليها وبكل هدوء ينرفز .. والحين جاوبيني وش تبين ..

البنت بالبدايه انصدمت من كلام عروب ما توقعت انها راح ترد كذا توقعتها ضعيفه .. ولما استوعبت تكلمت .. هيه انتي بصفتك مين تكلميني كذا.. اعرفي انتي تكلمين مين بالأول بعدين تكلمي ..

عروب وبنفس الهدوء .. ما اتوقع يهمني مين انتي او وش اسمك او مكانتك بالمجتمع .. انا اللي يتكلم معي باحترام احترمه واحطه فوق راسي بس اللي مثلك انا اسفه ما اتشرف حتى اني اتكلم معهم .. واتوقع الحين ما عندي لك شيء انا غلطت واعتذرت وانتهى الموضوع .. والحين عن اذنك .. ولفت بتمشيء تحت صدمه البنت بس سمعت صوت خلاها توقف ..

يوسف اللي كان حاضر الهوشه منبدايتها بس ما تكلم ولا قال شيء يبي يشوف نهايتهم .. وعز اللي كان جالس جنبه كان يناظر عروب بقهر لانها متدربه عنده وبكذا هو اللي راح يتفشل قدام المدير وكم مره كان يبي يقوم يوقفها بس يوسف كان يمنعه وعز كان مستغرب من يوسف اللي ما تحرك ويمنعه بعد..

يوسف : لحظه ..

عروب والبنت وبقيه الموظفين لفو جهه يوسف :

يوسف وقف بهيبته .. انسه عروب وانسه مها وراي على المكتب .. مشى وعروب ومهاا مشو وراه من غير ولا كلمه ..

طبعا مها هي البنت اللي تهاوشت مع عروب :
اما بقيه الموظفين صارو يتهامسون بالشيء اللي صار قدامهم ..
..
..
عند يوسف : وصلو للمكتب ..دخل وراح جلس ورا المكتب وعروب ومها واقفين قدامه ..وصار يناظرهم .. ممكن تفسرون لي الشيء اللي صار من شوي ..

مها تكلمت بسرعه عشان تكسب المدير بصفها وتبين ان هي المظلومه .. استاذ يوسف هي اللي صقعت فيني ووصخت عبايتي تبيني اسكت لها ..

يوسف ناظر عروب عشان ترد على الكلام اللي قالته مها بس شافها تسوي نفس الحركه اللي سوتها من شوي عشان تهدي عصبيتها والحين عشان تهدي توترها ..

عروب فتحت عيونها وانتبهت للمدير يناظرها .. نزلت عيونها ..

يوسف : انسه عروب تكلمي ..

عروب وهي على نفس وضعيتها .. استاذ انت كنت موجود وشفت كل شيء .. انا صحيح اني صقعت فيها بس مو متعمده انا ما كنت منتبها وبعدين انا اعتذرت لها بس هي الله يهديها كان اسلوبها مستفز فاطريت اني اخذ حقي ..

مها لفت عليها .. قصدك تقليلين من احترامي مو تاخذين حقك ..

عروب لفت على مها : انا ما قللت من احترامك انا كل اللي سويته اني عاملتك مثل ماعاملتيني واذا انتي شايفه اني قللت من احترامك فاكيد انتي قللتي من احترامي ف اللي ما ترضينه على نفسك لا ترضينه على غيرك .. وكانت تتكلم بكل هدوء عكس مها اللي كانت معصبه ورافعه صوتها ..

يوسف :خلصتو ..

عروب ومها نزلو نظرهم للارض وسكتو ..

يوسف قام وجا لعندهم ووقف قدام مها : انسه مها بالاخير توضح لي انك انتي الغلطانه ..

مها رفعت عيونها له بقهر .. بس ..

يوسف قاطعها .. اتوقع مو اول مره تسوين هوشه وانا محذرك من قبل وعطيتك انذار بس شكلك ماراح تبطلين هواش .. مخصوم عليك 3 ايام ..

مها توها بتتكلم تعترض ..

يوسف عطاها ظهره .. واي كلمه زياده راح يصيرون اسبوع .. والحين تفضلي على مكتبك ..

مها ناظرت عروب بقهر وحقد وطلعت من المكتب ..

عروب : استاذ انا اسفه على الشوشره اللي سببتها بالمطعم ..

يوسف ابتسم ولف عليها .. انسه عروب تفضلي اجلسي ..

عروب رفعت عيونها له وشافته يبتسم .. ارتاحت لانه مو معصب عليها ..وراحت تجلس على الكرسي اللي قدام المكتب ويوسف جا جلس بالكرسي اللي مقابلها ..

يوسف : ماله داعي الأعتذار لانك ما غلطتي اصلا .. انا كنت حاضر الموقف وشفت اللي صار انتي كل اللي سويتيه انك اخذتي حقك .. بس عندي سؤال ..

عروب ناظرته وهي ساكته ..

يوسف : انتي تقرين كتب علم النفس ..

عروب باستغراب من السؤال .. اي بس وش دخل هذا باللي صار من شوي ..

يوسف : لاني لاحظت عليك كيف تصرفتي مع مها كانك عارفتها من زمان وبما انك ما تعرفينها وعرفتي كيف تتصرفين معها فهذا يدل انك عندك خبره بعلم النفس ..

عروب ابتسمت .. اي صح ..

يوسف ابتسم ووقف وصار يمشيء بالمكتب .. مو بس تصرفك هذا اللي خلاني اعرف .. حتى طريقتك وانتي تهدين عصبيتك اللي سويتيها اكثر من مره هذي تبين انك عارفه في علم النفس ..

عروب ناظرته .. بس انت كيف عرفت ان كل هذا في علم النفس .. انت دارس علم نفس مثلا ..

يوسف لف عليها .. لا انا مثلك اقرا كتب في علم النفس .. لاني احتاج هذا الشيء كا مدير شركه عشان اعرف كيف اتعامل مع موظفيني ..

عروب : اهاا .. عشان كذا ..

يوسف : ايش اللي عشان كذا ..

عروب ناظرته .. هاه .. لا ولا شيء ..

يوسف ابتسم لما فهم عليها عطها ظهره .. قصدك عشان كذا انا عرفت انك متوتره في اول مره جيتي فيها الشركه مع ابوك .. وعشان كذا انا عرفت انك متضايقه لما جلست معك بالأنتظار .. وعشان كذا عرفت ان بينك وبين مديرك خلاف وشيء ما تبين تقولينه .. وعشان كذا عرفت انك تقرين كتب نفس ..ولف عليها .. صح ..

عروب ابتسمت .. صح .. وعشان كذا انا راح ابدا اخذ حذري بتصرفاتي ..

يوسف ابتسم وجا جلس قدامها : وليه تاخذين حذرك .. اممم لحظه لا تجاوبين انا اقول .. لانك انسانه غامضه ولا تحبين حد يعرف عنك شيء .. اقصد حد قريب منك صح ..

عروب رفعت عينها له .. استاذ بديت اخاف منك .

يوسف : ههههههههههههههههههههههههه هه.. وليه تخافين انتي تقرين علم نفس ولو فهمتي شخصيتي راح تعرفين كيف ما تخليني انتبه على شيء صح ..

عروب ابتسمت .. صح ..

في هذا الوقت اندق الباب ..

يوسف : تفضل ..

دخل السكرتير .. طال عمرك الأستاذ عز برا ويحب يقابلك ..

يوسف ابتسم ولمح بطرف عينه وجه عروب اللي تغير للضيق .. خله يدخل ..

بعد ما طلع السكرتير ..

يوسف : فيك شيء انسه عروب :

عروب من غير ما تناظره .. مبسوطه بس ..

يوسف ما قدر يكتم ضحكته على تعابير وجهها كانها طفل مدخلينه المدرسه غصب .. ههههههههههههههههههههههه..

وعلى صوت ضحكته دخل عز . وبنفسه .. المدير يضحك مع عروب : وش السالفه مو المفروض يهاوشها ...

اما عروب كانت تناظر عز باستغراب ..

عز : السلام عليكم ..

عروب ويوسف : وعليكم السلام ..

يوسف قام وراح ورا المكتب .. تفضل استاذ عز :

عز جلس مقابل عروب وما ناظرها .. استاذ انا جاي اعتذر عن تصرف الأنسه عروب :

عروب رفعت عيونها له بتعترض بس سبقها يوسف :

يوسف : ومين قالك ان الأنسسه عروب سوت شيء يحتاج الاعتذار .. هي ماسوت الا الصح .. وما يحتاج اقولك لانك انت عارف ان الأنسه مها صاحبه مشاكل من زمان ف الغلط مو على الأنسه عروب :

عروب ابتسمت لما سمعت كلام يوسف :

عز : بس هي متدربه مو موظفه وما يحق لها تتكلم مع وحده من الموظفات كذا ..

يوسف : الا يحق لها مادامها جالسه تاخذ حقها هي ما تعدت علىحقوق احد ..

عز مستغرب من يوسف اللي واقف مع عروب وبنفسه .. اكيد تمسكنتله واكلت عقله بكم كلمه .. صدق ان كيدهن عظيم ..

يوسف : والحين تقدرون تتفضلون على شغلكم ..
##
##
##
##
##
##
##
##
##
## انتهى البارت الثاني ##



وهذا البارت الثاني وطبعا بانتظار ردودكم وتوقعاتكم

القاكم يوم السبت باذن الله

محبتكم صمتي سلاحي

[لامارا]

## البارت الثالث ##
##
##
##
##
##
##
##
##
##
##
##
عروب وعز وقفو .. عن اذنك.. وطلعو اثنينهم من المكتب وهم ساكتين .. وتوجهو لقسمهم .. عز دخل للمكتب وهو للحين ساكت وجلس ورا مكتبه ..

اما عروب دخلت ووقفت ..

عز شافها واقفه استغرب .. تفضلي اجلسي ..

عروب جلست بالكرسي اللي قدام المكتب ..

عز : انتي قلتي لي انك خلصتي كل الملفات اللي عطيتكصح ..

عروب من غير ما تناظره .. ايه ..

عز : طيب تعالي ودخليهم بالكمبيوتر ..

عروب اخذت الملفات ووقفت .. طيب بس انت ما تحتاجه ..

عز قام من مكانه .. لا تفضلي .. تعرفين تسوين قاعده بيانات صح ..

عروب وهي تجلس .. اي ..

عز اللي راح وجلس مكانها وبيده ملف يشتغل فيه .. طيب ابدي ..

عروب فتحت الكمبيوتر والملفات وبدت تدخل المعلومات ..

وعز مشغول بالملف اللي عنده ..

وبعد ساعه من الأندماج بالشغل قطع هدوء المكان صوت جوال عروب اللي رن ..

عروب رفعت راسها للجوال اللي كان على الطاوله اللي يشتغل عليها عز : عز ناظر الجوال اللي قدامه .. المفروض جوالك صامت وقت الشغل ..

عروب وقفت واخذت الجوال وحطته صامت من غير ما تشوف المتصل ..

عز من غير ما يناظرها .. طيب ردي ..

عروب وهي تفتح الشنطه اللي كانت على الكرسي عشان تحط جوالها .. بعدين انا مشغوله ..

عز والللي انتبه انها ماشافت مين المتصل .. طيب يمكن امك تبيك بشيء ضروري ..

عروب رفعت عيونها له . امي .. وفتحت الجوال بسرعه وشافت المكالمه من امها : ورجعت ناظرت عز : بس انت كيف عرفت انها امي ..

عز رجع يناظر الأوراق.. شفته لما كان على الطاوله ..

عروب : طيب ممكن اكلمها :

عز . تفضلي ..

عروب كانت مستغربه من اتصال امها :وبنفس الوقت خايفه لان اغلب اتصلات امهالها عشان مشكله صايره .. اتصلت وانتظرت ثواني وجاها الرد .. هلا ..

ام عروب من غير سلام ولا سؤال عن الحال ما كانها لها 3 ايام ما شافت بنتها ..
الحين انتي كيف تروحين تدامين بالشركه من غير ما تقولين لي .. تخليني اعرف من خالتك .. ليه انا مو امك ..

عروب مثل ما توقعت .. بس ابوي يدري توقعته قالك ..

ام عروب : اي ابوك قالي انه راح يكلم ابو يوسف بس ما قالي انك خلاص داومتي .. وبعدين حاولي انك تتقربين من يوسف ترا ابوك شكله يبي يزوجك له ..

عروب بصدمه .. ايش ..

ام عروب : اللي سمعتيه ولا تصيرين غبيه وتطيرين هالرجال من ايدك والحين انقلعي خليني اكمل شغلي .. وسكرت من غير ما تعطي عروب مجال تتكلم ..

بس عروب اللي للحين مصدومه انتبهت لعز يراقبها ما حبت تبين شيء وصارت طبيعيه .. وقالت بكل هدوء .. طيب .. مع السلامه ..نزلت الجوال وحطته بالشنطه بكل هدوء ورجعت لورا المكتب . جلست وهي تفكر بالكلام اللي قالته لها امها :

عز انتبه ان وجهها تغير من بعد المكالمه وحس انها متضايقه .. بس ابد ما فكر انه يسألها وش فيها ..

عروب تنهدت بعد ما قررت انها ما تفكر بالموضوع الحين وتكمل شغلها .. رجعت للكمبيوتر وبدت تشتغل .. بس كلام امها مو رايح عن بالها .. قالت بصوت هامس لكنه وصل لمسامع عز : خلاص وحطت راسها بين يدينها ..

عز رفع عيونه عليها لما سمعها وعقد حواجبه لما شافها ماسكه راسها بين يدينها .. انسه عروب فيك شيء ..

عروب رفعت راسها وحاولت تكون طبيعيه .. لا مافيني شيء بس شويه صداع ممكن اروح اجيب لي قهوه واجي ..

عز : ايه تفضلي ..

عروب قامت وطلعت من المكتب من غير ما تناظره .. طلعت من القسم وهي متجهه للكافتريا قابلت بوجهها المدير يوسف : ولما شافته تذكرت كلام امها وتضايقت اكثر ..

يوسف اللي كان طالع من مكتبه مثل كل يوم عشان يمر على الأقسام ويتفقدهم .. استغرب لما شاف عروب طالعه يعرف ان الحين مو وقت بريك ليه طالعه .. وقف قدامها : ما عندك شغل ..

عروب اللي كانت منزله عيونها للارض .. الا بس احس بشويه صداع واستاذنت من المدير عشان ااخذ لي قهوه ..

يوسف : اها سلامتك .. يعني الحين متجهه للكافتريا ..

عروب : ايه .. عن اذنك ..

يوسف : انا كمان رايح خلينانروح سوا ..

عروب استغربت بالبدايه بعدها مشتها لان اللي شاغل بالها مو مخليها تفكر بشيء ثاني ..

يوسف وهو يمشي بجنب عروب : فيه شيء شاغل بالك ومضايقك صح ..

عروب اللي عرفت ان يوسف راح يكشفها ما قدرت انها تخبي .. توقعت انك راح تعرف اني متضايقه لان اكيد باين علي ..

يوسف : ايه .. ممكن اعرف ايش مضايقك يمكن اقدر اساعدك بشيء ..

عروب وهي تناظر قدام .. لا بس سمعت خبر ضايقني .. واتوقع لو صار يمكن انتحر .

يوسف : اما تنتحرين ..لهذي الدرجه الخبر سيء ..

عروب : المشكله مو بالخبر المشكله بتفكير الشخص اللي قال لي الخبر .. هو صحيح هذا الشيء ما صار بس انا متاكده ان هذا الشخص راح يسوي كل الطرق بس عشان هذا الشيء يصير ..

يوسف : طيب انتي ليه مضايقه نفسك مادم هذا الشيء للحين ما صار .. انتي تقدرين تغيرينه قبل ما يصير ..

عروب : صح كلامك بس مجرد وجود هالفكره يضايق ..

يوسف : صح ان في افكار تضايقنا حتى قبل ما تصير بس لو جلسنا نتضايق منها وقتنا بيروح كذا من غير اي فايده .. ليه نجلس نضيع وقتنا على شيء للحين ما
صار ..

عروب كانت واقفه قدام اله القهوه وتسوي لها كافي وتسمع كلام يوسف : لما سكت صارت تفكر بكلامه .. صح كلامه مادام اللي يفكر فيه ابوي للحين ما صار ليه اضايق نفسي .. وانا راح احاول بكل الطرق ان هذا الشيء ما يصير .. ورفعت عيونها له وابتسمت .. صح كلامك ..

يوسف رد لها الأبتسامه .. ايه كذا ابتسمي الزعل والضيق ماراح يفيدنا بس يضيع وقتنا اللي المفروض نفرح فيه ..

عروب : مشكور استاذ يوسف :

يوسف وهو يسوي له كفي بعد ما خلصت عروب : على ايش تشكريني .. انتي كنتي محتاجه حد يساعدك وانا ساعدتك .. ترا مو كونك تقرين كتب علم نفس وفاهمه فيه يعني لازم تعرفين تحلين كل مشاكلك .. الشخص احيانا يحتاج ان حد يساعده حتى لو كان عالم .. مثل الطبيب لو مرض يحتاج لطبيب ثاني يساعده صح ..

عروب ابتسمت .. صح ..

يوسف : يعني ماله داعي تشكريني ..

عروب : طيب .. امم الحين عن اذنك برجع للقسم اخاف يهاوشني الاستاذ عز لاني تاخرت .

يوسف : لا تطمني ماراح يهاوشك لاني راح اجي معك ..

عروب : لا ماله داعي ترا كنت امزح لما قلت يهاوشني ..

يوسف : لا انا ماراح اجي معك عشان ما ياهوشك .. بس هذا وقت جولتي التفقديه على الموظفيني .. واول قسم لازم ازوره هو قسمك ..

عروب : اها كذا الموضوع .. طيب ..

ومشو اثنينهم وهم ساكتين لما وصلو للقسم ..وراحو لمكتب عز ودق يوسف الباب ..

عز توقع انها عروب : تفضل ..بس استغرب لما انفتح الباب وشاف يوسف وبجنبه عروب وكانت مبتسمه .. وبنفسه غريبه ليه هم مع بعض .. وهذي وش سالفتها طلعت متضايقه ورجعت تبتسم ..

يوسف بابتسامه .. لا تستغرب صادفتها بالطريق وجينا سوى ..

عز : اها .. بس ليكون اشتكت لك مني بعد ..

عروب رفعت عيونها لعز تناظره باستغراب ..

يوسف : وليه انت مسوي شيء عشان تشتكي لي منك .

عز : لا ما سويت لها شيء .. وحول نظره لعروب : صح انسه عروب ..

عروب من غير ما تناظره .. صح .. وكملت مشيها للمكتب عشان تكمل شغلها ..

يوسف يناظر عروب اللي جلست ورا مكتب عز : كيف الشغل معك انسه عروب ؟؟..

عروب ناظرته بابتسامه .. الحمد الله بديت انجز بعض الأشياء ..

يوسف رد لها الأبتسامه .. حلو يعني مرتاحه ..

عروب ناظرت عز بعدها رجعت تناظر يوسف : نقول الحمد الله اهم شيء اخلص فتره تدريبي هنا وانجح ..

يوسف : ان شاء الله ولف يناظر عز اللي تغيرت ملامح وجهه لما سمع كلام
عروب وكانه مو عاجبه .. وابتسم ..يلا استاذ عز :

عز لف على يوسف : اوك يلا ..
طبعا الجوله اللي يسويها يوسف : هي انه يمر على كل قسم وياخذ معه مدير القسم عشان يلف على موظفينه .. عشان كذا عز راح مع يوسف :

اما عروب جلست تكمل شغلها .. وبعد دقايق رجع عز للمكتب وراح جلس على كرسيه يكمل شغله ومن غير ما يكلم او حتى يناظر عروب :

وبعد ساعه من الشغل والهدوء .. سمع عز صوت هز جوال رفع راسه لعروب وشافها مندمجه بالشغل . وحول نظره للشنطه اللي كانت على الكرسي واللي يطلع الصوت منها .. رجع يناظر عروب : انسه عروب جوالك يرن ..

عروب رفعت عيونها له .. امم طيب .. وقامت من مكانها ورفعت جوالها وهي تناظر عز اللي يناظرها وكانه الوضع مو عاجبه .. شافت المتصل لما.. ممكن ارد..

عز وهو ينزل عيونه على الورق اللي يشتغل فيه .. لا انتي في وقت شغل مو بريك ..

عروب رجعت للمكتب وهي مو عاجبها كلامه بس ما قالت شيء .. جلست وحطت الجوال على المكتب ورجعت تكمل شغلها ..

وبعد نص ساعه تقريبا .. في وسط الهدوء وعروب وعز كل واحد مندمج بشغله .. بس قطع اندماجهم صوت هزه جوال ..

عز رفع عينه على عروب وهو شبه معصب ..

عروب بسرعه ناظرت الجوال بس ماكان يرن .. رفعت عينها له وهي ترفع الجوال .. مو جوالي والله .. وحولت نظرها للجوال الثاني اللي كان يرن .. وكان جوال عز : رفعته ومدته له .. هذا جوالك ..

عز ابتسم على شكل عروب اللي كان مبين عليها الخوف لما سمعو رنه الجوال .. اخذ الجوال ورد بعد ما شاف االاسم .. هلا وغلا بهاصوت ..

ام عز : هلا بك يمه ادري اتصلت عليك وقت شغلك بس ابيك تجيب معك شويه اغراض وانت جاي ..

عز : لا يا عيني انتي تتصلين وقت ما تبين انا تحت امرك .. امريني انتي بس ..

ام عز : الله يخليك لي يا يمه .. بخلي الخدامه تكتب الأغراض بذا اللي يسمونه واتساب وترسلهم لك ..

عز مبتسم على كلام امه .. ان شاء الله من عيوني راح اجيبلك كل اللي تبين ..

ام عز : طيب الحين اخليك ..مع السلامه ..

عز : ربي حافظك مع السلامه .. قفل وهو مبتسم .. حط الجوال على الطاوله ورجع يكمل شغله ..

اما عروب بعد ما عطتته الجوال رجعت تكمل شغلها بس لفت سمعها كلام عز : وبنفسها .. طلع واحد مغازلجي هو ووجهه .. اصلا ايش اتوقع من واحد كان يناظرني بكل قله ادب .. مالت بس مسوي فيها محترم .. ورجعت نظرها للكمبيوتر وصارت تكمل شغلها .. بعد نص ساعه خلصت عروب شغلها .. ووقفت ..

عز انتبه لها .. خلصتي ..

عروب من غير ما تناظره اخذت الملفات من على الطاوله .. اي خلصت .. وراحت قدامه ومدت له الملفات .. تفضل ..

عز اخذها وحطها على المكتب بجنبه .. واخذ ملف ثاني ومده لها .. هذا كمان راجعيه ..

عروب اللي كانت تدخل جوالها بالشنطه لفت عليه .. بس يا استاذ انا متدربه مو موظفه واتوقع انك عطيتني شغل كثير اليوم ..

عز تذكر ان ما يحق له انه يعطيها شغل كثير .. نزل الملف .. اوه معليش اسف بس من الأشغال الكثيره ما كنت مركز ..

عروب : لا مو مشكله .. وناظرت ساعتها .. الحين باقي تقريبا نص ساعه ويخلص الدوام يعني ماراح يمديني اصلا ..

عز : ايه صح .. خلاص تقدرين ترتاحين على ما ينتهي الدوام .

عروب جلست على الكرسي ..

وفي هالوقت اندق باب المكتب ..

عز وعروب ناظرو الباب ..

عز : تفضل..

انفتح الباب ودخل يوسف ومعه ابو عروب وكان مبتسم ..

عروب انصدمت اول ما شافت ابوها .. وقفت مع عز اللي وقف ..

عز الليما يدري مين مع يوسف : حياك استاذ يوسف : فيه شيء ..

يوسف لف يناظر عروب وشاف الصدمه والأستغراب على وجهها .. لا ما في شيء بس ابو الأنسه عروب حاب يتطمن على بنته ..

عروب حاولت تخفي الصدمه ورسمت على شفايفها ابتسامه مزيفه .. اهلين ..

ابو عروب : ها يا بنتي عساك مرتاحه هنا .. ولف على عز :

يوسف انتبه لابو عروب : نسيت اعرفك هذا الأستاذ عز هو مدير الأنسه عروب بالقسم ..

ابو عروب .. ايه يا هلا .. عسى بنتي مو متعبتك اعرفها فاشله بكل شيء .. ولو ما اعرف ابو يوسف كان محد قبلها ..

عروب ابد مو مصدومه من كلام ابوها لان هذا الكلام اللي متعوده انه يطلع منه .. بس منحرجه ومتضايقه لان هذا الكلام طلع قدام ناس اغراب مثل عز ويوسف : نزلت نظرها للارض ..

عز لما سمع كلام ابو عروب تلقائيا لف على عروب وكان باين عليها الضيق .. ورجع لابو عروب وابتسم .. لا يا عم بالعكس الانسه عروب موهوبه ماشاء الله عليها ..

ابو عروب : ايه ادري اعرف كلامكم يا المسؤولين تقولون كذا قدامها عشان ما تكسرون بخاطرها بس انا ابوها وادرى فيها .. بس معليش تحملها عشاني هي شوي شوي وتعرف الشغل ..

عروب مو قادره تتحمل اكثر تحس نفسها راح تنفجر قدامه بس ما تبي تسبب اي مشكله بالشركه وبذات ان هذا اول يوم لها ويكفي الأحداث اللي صارت لها اليوم .. غمضت عيونها واخذت نفس وعدت من 1 الى 8 وبعدين زفرت بهدوء .. كررت هالحركه اكثر من مره لما حست نفسها انها هدت شوي .

يوسف عيونه ما نزلت عن عروب طول ما ابوها كان يتكلم وانتبه لحركتها اللي سوتها وهذا يعني انها معصبه ..انتبه لابو عروب اللي يناديه .. لف عليه وابتسم .. سم ..

ابو عروب : عاد ما اوصيك الله الله بالدرجات الزينه لبنتي خلها تتخرج وتفكنا ..

يوسف : ابشري .. والحين خلنا نطلع عشان ما نعطلهم عن شغلهم ..هو قال كذا عشانه يبي ينقذ عروب وابوها ما يتكلم اكثر عنها ويحرجها ..

ابو عروب : طيب ... وطلعو من المكتب ..

عروب اول ما طلعو رمت نفسها على الكرسي بقوه كانها تعبت من الوقفه .. وكل هذا بسبب العصبيه اللي تعبت وهي تكتمها حست انها بذلت مجهود كبير ..

عز استغرب وضعها وليه هي حالها كذا وليه ابوها يقول عنها هذا الكلام مع انه هو يشوف شيء ثاني ... لف عليها وشافها مسنده ظهرها على الكرسي ومرجعه راسها لورا ومغمضه عيونها وماسكه راسها بيدينها .. قرب لها .. انسه عروب تحسين بشيء ..

عروب لما سمعت صوته فتحت عيونها وعدلت جلستها .. وصارت تناظر الأرض . لا مافيني شيء ..

عز توه بيتكلم الا ينفتح الباب ويدخل يوسف :

عروب اول ما شافته قالت بسرعه .. راح ..

يوسف قرب من عندهم وجلس بالكرسي اللي قدامها : ايه راح .. انتي كيفك الحين ..

عز كان يناظرهم باستغراب وكان فيه شيء ما بينهم .. راح وجلس ورا مكتبه لما شاف ان وقفته مالها داعي وصار يناظرهم ..

عروب رجعت تناظر الأرض .. ايه بخير ..

يوسف واللي عارف انها تكذب .. اذا ودك تستاذنين وترجعين للبيت عادي ..

عروب اللي جد محتاجه انها ترجع ترتاح واللي مريحها انها راح ترجع لبيت خالتها .. رفعت عيونها له .. اقدر ..

يوسف ابتسم .. اكيد ..

عروب لفت على عز :

عز نزل عيونه للملف اللي قدامه وعمل حاله يشتغل .. اذا المدير العام قالك استاذني ما يحتاج تستاذنين مني ..

عروب لفت على يوسف : شكرا استاذ .

يوسف وهو يوقف : العفو ما سويت شيء ..

عروب وقفت معه ولفت على عز . عن اذنك استاذ ..

عز : اذنك معك ..

وطلعو يوسف وعروب مع بعض من المكتب ومن القسم .. وهم يمشون بالسيب ..

عروب : شكرا ..

يوسف : مو توك شاكرتني ..

عروب : اشكرك على تصرفك انك خليت ابوي يطلع من المكتب ..

يوسف ابتسم ولف عليها .. اجل عرفتي ..

عروب لفت عليه .. ايه .. واكيد ان فيه اسئله في بالك تدور صح ..

يوسف رجع يناظر قدام .. صح .. بس ماراح اسءلك عنها لان هذي تعتبر خصوصيات ..

عروب ناظرت قدام وسكتت ..

يوسف : اذا حابه تعتذرين عن الحضور بكرا ترا عادي اهم شيء ترتاحين عشان تقدرين تتعلمين صح ..

عروب : لا ما يحتاج ان شاء الله راح اكون بخير من اليوم لي بكرا ..

يوسف : ان شاء الله ..

عروب : عن اذنك استاذ راح اكلم السواق عشان يجي ياخذني ..

يوسف : خذي راحتك انا بروح للمكتب ..وراح وتركها بالأستقبال ..

عروب جلست على الكراسي الموجوده هناك واتصلت على السواق عشان يجيها.. وبعد ربع ساعه لما شافت السواق تاخر رجعت اتصلت عليه ومارد عليها تنرفزت منه ورجعت اتصلت مره ثانيه ونفس الشيء ما رد تحس شوي بتبكي من القهر كفايه اللي صار لها من شوي يجي ذا ويزيدها قررت تتصل على لما وتشوف اذا هيثم فاضي يجون ياخذونها ولما رفعت جوالها بتتصل الا تشوفه يرن وكان المتصل امها استغربت وردت .. هلا ..

ام عروب : وش عندك تتصلين على السواق مو هذا وقت طلعتك من الدوام تبين تهربين مثلا ..

عروب انقهرت من كلام امها بس حاولت تهدي نفسها وتكلمت بهدوء عكس اللي بداخلها .. انتي معه ؟..

ام عروب : ايه معه عندك مانع بعد ..

عروب تنهدت .. لا .. طيب انا بقفل الحين سلام .. وقفلت من غير ما تنتظر رد امها تحس لو طولت في المكالمه راح تتهاوش معها .. اتصلت على لما على طول وثواني وردت عليها ..

لما : اهلين عروب :

عروب : هلا فيك لموي عادي تجيني انتي وهيثم تاخذوني من الشغل ؟.

لما تناظر ساعتها .. بس اتوقع باقي لك ساعه على نهايه الدوام صح ؟..

عروب : تقريبا بس انا استاذنت لاني مصدعه شوي واتصلت على السواق وصار مع امي ..

لما : طيب حبيبتي الحين جايينك لا تشيلي هم يلا باي بروح اقول لهيثم :

عروب : اوك .. باي .. قفلت من لما وسندت راسها على الكرسي وصارت تفكر بالأحداث اللي صارت اليوم وبنفسها .. وهذا هو اول يوم لي كيف بتكون بقيه الأيام .. الله يستر بس ..

بعد ربع ساعه من الأنتظار اتصلت لما عليها وقالت تطلع لانهم برا .. قامت عروب واخذت شنطتها وطلعت برا الشركه وشافت سياره هيثم راحت لها وفتحت الباب الخلفي وركبت .. السلام ..

هيثم ولما : وعليكم السلام ..

هيثم بعد ما حرك السياره .. سلامتك عروب لما تقول انك تعبانه ..

عروب ابتسمت غصب .. الله يسلمك هو شويه صداع لا تعب ولا شيء بس اختك تحب تكبر الموضوع ..

لما : حرام عليك انا الحين اللي صرت اكبر الموضوع .. شكلك ما سمعتي صوتك
من شوي وانتي تكلميني ترا كان باين عليك التعب ..

عروب : لا يتهيئ لك حبيبتي ..

لما : طيب يتهيئ لي يتهيئ لي ..

هيثم : طيب تغديتي ولا امر على مطعم ..

عروب : لا الحمد الله تغديت بس ابي اروح للبيت ارتاح ..

هيثم : بيتنا طبعا ..

لما : أي اكيد بيتنا ..

عروب : أي بيتكم مالي خلق اروح لبيتنا واقابل ابوي ..

هيثم : ليه صار شيء بعد ..

عروب : لا بس ادري انه راح يهاوشني لاني نمت عندكم مثل العاده يعني وانا الحين مالي خلق مهاوشات ..

لما حست ان عروب تكذب وان فيه شيء ثاني صاير بس ما تكلمت وقالت لما يوصلون للبيت تعرف منها كل شيء ..

هيثم : اهاا .. الله يعينك ..

عروب : امين اجمعين ..

شوي ووصلو لبيتهم نزلو من السياره ودخلو عروب ولما للصاله وشافو ام هشام جالسه لحالها .. السلام ..

ام هشام : وعليكم السلام ..هلا يمه عروب سلامتك وش فيك لما تقول انك تعبانه ..

عروب جات وجلست عند خالتها .. لا ياخالتي ماني تعبانه بس مصدعه شوي ..

ام هشام : أي الحمد الله خوفتني عليك لما :

عروب ابتسمت .. يعني ما تعرفين بنتك دومها دفشه ما تعرف تتكلم زين ..

لما ضربت عروب على راسها بخفيف .. انا دفشه يالخايسه .. بس لو منتي مصدعه كان علمتك مين الدفشه ..

عروب وام هشام : ههههههههههههههههههههههههه ههه ..

ام هشام : ماعليك منها يمه روحي ارتاحي لك شوي وعلى المغرب نصحيك ..

عروب وقفت .. ان شاء الله .. ولفت على لما : يلا امشي قدامي ..

لما تخصرت .. لا بالله توك سابتني والحين تتشرطين وش جايك اليوم هاه ..

عروب ابتسمت على بنت خالتها وتوام روحها هي الوحيده اللي تعرف كيف تغير مزاجها .. على اساس ان عندك احساس الحين وبتزعلين .. اقول امشي بس ..

لما : ههههههههههههههههههههههههه .. من جد على اساس اني بزعل ..

وطلعو ثنتينهم من الصاله وراحو لغرفه لما واول ما دخلو عروب شالت عبيتها ورمت نفسها على السرير .. اووووه فيني تعب مو طبيعي ..

لما بعد ما شالت عبايتها جلست على الكنبه اللي بجنب السرير .. تبين تتكلمين الحين ولا لما تصحين ؟.

عروب لفت عليها .. لا الموضوع طويل لما اصحى اقولك ..

لما وقفت .. اوك اجل انا بطلع الحين ..

عروب : اصبري طلعي لي بجامه قبل مافيني اتحرك ..

لما : بالله وكيف راح تبدلين مادام مافيك تتحركين ..

عروب : مدري .. اجل مو لازم ابدل .. خلاص اطلعي وطفي النور معك ..

لما : طيب .. يلا باي .. وطلعت من الغرفه بعد ما طفت النور ..

وعروب من التعب نامت على طول ..

[لامارا]

..
..
..
تحت بالصاله .. دخلت لما وشافت هيثم وابوها جالسين مع امها : السلام ..

الكل .. وعليكم السلام ..

ام هشام : باين انها متضايقه قالت لك وش فيها ؟..
لما : لا بس انا متاكده ان السالفه فيها ابوها ..

هيثم : وهذا ابوها الى متى راح يضايقها كذا يعاملها كانها وحده من الشارع مو بنته من لحمه ودمه ..

ام هشام : وش نسوي في النهايه هذول اهلها ..

لما : يمه البنت الحين كبرت وصار عمرها فوق 20 يعني تقدر تاخذ قراراتها بنفسها ليه ما تخلينها عندنا على طول واهلها ماراح يقدرون يسوون شيء مادام هذا قرارها ..

ابو هشام .. الا يقدرون يرفعون قضيه خطف علينا مهما كان هذي بنت . وشورها في يد ولي امرها ماحنا في دوله اجنبيه عشان تقولين البنت كبرت .. عندنا البنت ما يكون شورها بيدها ابد حتى لو وصلت بعمر 40 ..

لما : اوف طيب يعني نترك البنت تتعذب كذا ونجلس نتفرج عليها ..

هيثم : لا طبعا مستحيل نتركها كذا واذا انتو خايفين من المحاكم والقضايا انا عندي حل يرضي جميع الأطراف ..

كلهم لفو عليه ..

لما : وايش هو الحل ..

هيثم لف على امه .. اني اتزوجها .. لو تزوجتها ماراح يقدرون يسوون شيء ..

كلهم ناظروه بصدمه ..

لما : من جدك تتكلم كيف وانتو تعتبرون بعض اخوان .. هيثم مو عشان تنقذ عروب تسوي كذا ..

هيثم توه بيتكلم بس سبقته امه ..

ام هشام : لا مستحيل ..

هيثم لف على امه باستغراب .. وليه مستحيل وبعدين انا ماقد اعتبرت عروب مثل اختي انا اح..

ام هشام قاطعته بسرعه وعصبيه وهي توقف .. هيثم اسكت ..

هيثم ولما يناظرون امهم باستغراب من عصبيتها ..

ام هشام : قلت لك مستحيل تتزوج عروب انت فاهم ..

هيثم بدا يعصب هو كمان .. لا مو فاهم ليه مستحيل اتزوجها وش فيها عروب :

ابوو هشام اللي كان ساكت طول الوقت ومنزل راسه .. رفعه وقال بهدوء وهو يناظر هيثم : لان ياهيثم عروب تصير اختك من الرضاع ..

هيثم ولما انصدمو ..

هيثم : ايش ؟!!..

ام هشام جلست .. اللي سمعته انت وعروب اخوان من الرضاعه عشان كذا ما يجوز تتزوجها ..

هيثم من الصدمه ما قدر يتكلم سكت ويناظر الأرض ومليون فكره وفكره تدور بباله كيف عروب تصير اخته كيف حبه طول هالسنين لها حرام كيف يصير كذا ..

لما : يمه وليه توكم تقولون وليه محد فينا يدري ..

ام هشام : ليلى وهشام يعرفون بالموضوع بس انتو الي ما تعرفون وما توقعت انه له داعي تعرفون بهذا الشيء ..

لما : وليه ماله داعي .. ولفت على هيثم : كان المفروض قلتو لنا من زمان عشان نكون عارفين ومانصدم .. بس كيف صار كل هذا وليه انتي رضعتيها ..

ام هشام تنهدت .. انتي طبعا عارفه ان بينك وبين عروب شهر يعني انتي جيتي قبلها بشهر ..

لما : ايه ..

ام هشام : ام عروب من لما عرفت انها حامل كانت تبي تنزل اللي ببطنها لان حياتها مو مستقره مع زوجها بس الله ماكان كاتب ان الجنين ينزل واول ما ولدتها على طول رمتها على امي ولا كانها تعرفها تبي الفكه منها بس وقتها انا اخذتها وارضعتها لانها ماكانت تتقبل أي حليب من برا وبعد ما كملت سنتين ابوها قرر ياخذها واجبر امها انها تربيها عشان البنت ما تضيع وتتربى عند حد غريب .. ولو تدرون اني من هذيك الفتره وانا احاول فيهم اني اخذها عندي بس ما كانو يرضون ..

هيثم اللي كان يسمع لامه بانصات لف وكانه بدا يستوعب الموضوع ..يعني انا ما اقدر اتزوج عروب صح ..

ام هشام وهي حاسه بالم ولدها وندمانه انها تجاهلت الموضوع من البدايه قالت بالم .. ايه ..

هيثم وقف وباين عليه الضيقه وكانه شوي ويبكي .. طلع من البيت من غير ولا كلمه ..

ام هشام : هيثم هيثم يمه تعال ..

ابو هشام .. اتركيه هو مصدوم واضح انه كان حاط البنت بباله من زمان بس حنا ما كنا منتبهين ..

ام هشام : انا الغلطانه المفروض تكلمت من اول ..

لما : من جد يمه انا كنت حاسه من زمان ان هيثم ما يعتبر عروب كا اخت له بس كنت متجاهله الموضوع لاني عارفه ومتاكده ان عروب تعتبره اخ لها بس ابد ما توقعت بيوم ان هذا الشيء يصير .. الله يكون بعونك يا اخوي ..

ام وابو هشام .. امين ..

@@@@

الساعه 6 المغرب ..

بيت ام عز :

عز اول مارجع من الدوام اخذ له قيلولته المعتاده وتوه يصحى .. نزل للصاله بعد ما اخذ له شاور وتكشخ .. شاف امه بالصاله كالعاده .. مساء الخير يمه ..

ام عز : مساء النور .. تعال تقهوى معي ..

عز جا وجلس بجنبها .. اكيد راح اتقهوى معك حد يقدر يفوت قهوه ام عز :

ام عز : اقول بس عن هالكلام اللي ما منه فايده وقولي كيف دوامك اليوم ..

عز : كالعاده لا جديد الا انهم جابو لنا متدربين جدد وانا مدير على وحده منهم ..

ام عز لففت عليه .. وحده ؟!.. يعني بنت ..

عز : ايه بنت وش فيك مستغربه كانك ما تعرفين ان معنا بنات بالشركه من زمان ..

ام عز : الا اعرف بس انت اللي راح تدرب هذي البنت ..

عز : ايه ..

ام عز .. طيب مين بنته اعرفها اعرف عيلتها ..

عز ويعرف امه ماتغيرت من اول وهي تسال عن أي بنت تجي للشركه ..يمه خلاص بطلي هالعاده انا مابي اتزوج الحين لا تتعبين نفسك ..

ام عز : ومين جاب طاري العرس الحين ..

عز : يعني ما اعرفك انا مادامك سالتي عن البنت اكيد تفكرين تخطبينها لي وانا من زمان قايلك اني مابي اتزوج الحين ..

ام عز : الله يهديك بس بتوصل لالثلاثين وانت للحين ما اعرست ..

عز : يمه بسم الله علي توي في بدايه العشرين وبعدين حتى لو وصلت للثلاثين وما اعرست عادي فيه كثير كذا ..

ام عز : وانا مالي دخل بالكثير اللي كذا انا علي منك وبس انت ولدي الوحيد وابي افرح فيك يعني مستخسر الفرحه فيني ..

عز : لا يمه حشى بالعكس انا ابيك دايم مبسوطه وفرحانه بس يمه مابيك تضغطين علي بمساله الزواج صدقيني راح يجي اليوم اللي راح اجيك فيه واقولك يمه اخطبي لي ..

ام عز: ومتى يجي هاليوم ..

عز : قريب ان شاء الله بس انتي ادعي لي ربي يوفقني في شغلي عشان اقدر اكون نفسي واتزوج ..

ام عز : يارب يوفقك في كل حياتك وتعرس قريب ..

عز : ههههههههههههه بعد فيها عرس .. امين ..

ام عز : هاو ما تبيني ادعي لك بعد ..

عز : الا اكيد اصلا مالنا الا دعاك يالغاليه ..

ام عز : طيب ما قلت لي وش اسمها البنت اللي تدربها ..

عز : يوه يمه رجعنا ..

ام عز : لا رجعنا ولا شي بس ابي اعرف اذا اعرف عيلتها او لا ..

عز وهو يتذكر ان عروب تقرب لخالته ام هشام لف على امه وهو مبتسم : ايه يا يمه تعرفينهم ..

ام عز : ومين هم وش عيلتهم ..

عز : شفتي خالتي ام هشام ..

ام عز قاطعته : لا تقول لي لما او ليلى بناتها ..

عز : لا يايمه مو بناتها هذي اسمها عروب وهي تقرب لهم بس مدري كيف ..

ام عز وهي تتذكر عروب : ايه هذي بنت اخت ام هشام ماشاء الله عليها جمال واخلاق الله لا يضرها .. ولفت على ولدها .. عاد الله الله فيها لا تفشلني مع خالتك ..

عز بنفسه : قال اخلاق قال والله يمه ما دريتي عن حقيقتها .. ايه يمه ابشري .. ووقف .. يمه استاذنك بطلع بقابل واحد من الشباب ..

ام عز : طيب انتبه لنفسك ..

عز بعد ما باس راس امه .. ان شاء الله من عيوني .. يلا فمان الله ..

ام عز : ربي حافظك ..

طلع عز من البيت وركب سيارته واتجه للكفي عشان يقابل واحد من ربعه ..

@@@@

في نفس الوقت في بيت ام هشام :

لما طلعت لغرفتها عشان تصحي عروب واول مادخلت للغرفه شافتها صاحيه .. مسائ الخير ..

عروب اللي كانت واقفه عند التسريحه تمشط شعرها .. مساء النور ..

لما وهي تجلس على السرير .. ماشاء الله صحيتي لحالك ..

عروب لفت عليها استغربت انو محد صحاني اصلا عشان كذا صحيت لما حسيت اني طولت ..

لما : اها .. طيب يلا ننزل تحت امي تنتظرنا عشان نتقهوى معها ..

عروب تناظر وجه لما المتغير وتحس فيها شيء .. لموي وش فيك ..

لما لفت عليها بابتسامه .. وش فيني بسم الله علي مافيني شيء ..

عروب جلست بجنبها .. على اساس اني ما اعرفك ترا باين انك متضايقه وش فيك ؟..

لما لفت وجهها الجهه الثانيه .. يتهيئ لك مافيني شيء .. ووقفت .. يلا خلصتي خلينا ننزل ..

عروب وقفت وصارت مقابل لما ومسكت وجهها بيدينها .. لما ناظريني قولي وش فيك ..

لما اول ما جات عينها بعين عروب على طول بكت ..

عروب خافت وضضمتها بتلقائيا .. اسم الله عليك لما وش فيك وش صاير ..

لما من بين دموعها .. هيثم له ثلاث ساعات طالع وللحين مارجع ونتصل عليه وجواله مقفل ..

عروب بعدت عنها بهدوء .. خوفتيني على بالي صاير شيء كبير طيب عادي ترا 3 ساعات مو كثير ويمكن جواله طفى ونسى ياخذ الشاحن معه ولهى مع ربعه ليه مكبره الموضوع لموي ..

لما ودموعها للحين تنزل .. لا يا عروب انتي ما تدرين ايش صار هيثم طلع من البيت معصب عشان كذا حنا خايفين عليه ابوي وهشام طلعو يدورون عليه الحين ..

عروب جلست لما على السرير وجلست بجنبها .. اششش اهدي شوي وفهميني السالفه انا مو فاهمه شيء وليه هيثم طلع معصب مو من عوايده يعصب بسرعه اكيد شيء كبير اللي عصبه صح ..

لما وهي تمسح دموعها هزت راسها بمعنى أي ..

عروب : طيب قولي لي وش صاير ..

لما كانت راح تتكلم بس تذكر ان امها قالت لها لا تقولين شيء لعروب الحين .. تهاوش مع امي وابوي لانهم اصرو عليه يتزوج الحين وامي مختاره له وحده وهو ما يبيها عشان كذا عصب وطلع بعد ما شاف انه مو قادر يغيير راي امي وابوي ..

عروب : اهاا .. الله يهديها خالتي ماله داعي تصر عليه كذا هو اكيد لما يبي يتزوج راح يجيها بنفسه .. طيب الحين انتي لا تحاتين وقومي غسلي وجهك وخلينا ننزل تحت عند خالتي يمكن يكون رجع ..

لما : طيب .. وقامت للحمام .. الله يكرمكم .. غسلت وجهها وطلعت وعروب اخذت شيلتها احتياطا ونزلو لتحت شافو ام هشام جالسه بالصاله لحالها وباين عليها الضيق ..

عروب راحت جلست بجنبها .. خالتي هدي نفسك ان شاء الله راح يرجع سالم لا تحاتين وبعدين هو كبير مو بزر يعني يعرف الصح من الغلط ماراح يسوي بنفسه شيء تطمني ..

ام هشام لفت على لما عشان تتاكد اذا قالت لعروب شيء او لا .. تطمنت لما لما هزت براسها بمعنى لا ورجعت لفت على عروب : ادري انه كبير بس هو طلع من هنا معصب وهذا اللي مخوفني ..

عروب : ان شاء الله يكون بخير بس انتي ادعي ربي يرجعه ..

ام هشام : امين يارب ..

قطع الصمت صوت رنه التليفون قامت لما وردت .. نعم ..

المتصل : هذا بيت خالد احمد ال.. ؟

لما باستغراب .. ايه هذا بيته ..

المتصل : لو سمحتي ممكن تعطيني احاكيه ؟..

لما : بس ابوي مو موجود الحين مين اقوله ؟..

المتصل : طيب ممكن تحضرون لمستشفى ال .. ضروري ..

لما بخوف .. مستشفى .. وليه ؟..

المتصل : ولدكم هيثم مسوي حادث ولازم يجي الوالد عشان الأجرائات ..

لما بصدمه .. هيثم مسوي حادث .. وطاحت السماعه من يدها وبدت دموعها تنزل من غير سابق انذار ..

ام هشام وعروب انصدمو من اللي سمعوه من لما وعلى طول قامو لها ..

عروب : لما وش تقولين انتي مين اللي بالمستشفى ؟..

ام هشام تناظر بنتها اللي تبكي ومو قادره تتكلم .. لما ايش صاير ؟..

عروب بسرعه اخذت سماعه التليفون اللي كانت على الارض .. الو .. الو .. بس محد رد عليها قفلت التليفون ورجعت لفت على لما : لما تكلمي ..

لما لفت عليهم ودموعها على خدودها .. اخوي هيثم مسوي حادث وهذا من مستشفى ال .. يبينا نجي ضروري ..

ام هشام وهي تروح تاخذ عبايتها .. وانتو ايش تنتظرون خلونا نروح لولدي بسرعه ..

عروب مسكت يد لما وطلعو بسرعه لفوق عشان يلبسون عباياتهم ولما نزلو لتحت شافو هشام وابو هشام توهم داخلين ..

ام هشام بسرعه راحت لعندهم .. ودوني لولدي تكفون ..

ابو هشام .. يا حرمه اذكري الله حنا دورنا ومالقيناه عند اصحابه يمكن يبي يجلس لحاله شوي ويرجع ان شاء الله ..

لما : يبه هيثم بالمستشفى ..

هشام وابو هشام يناظرونها بصدمه ..

لما رجعت تبكي .. تو المستشفى متصلين علينا ويقولون انه مسوي حادث ..

ابو هشام بخوف .. أي مستشفى ؟..

لما : مستشفى ال ..

وطلعو الكل وركبو بسياره هشام وطلعو للمستشفى .. واول ما وصلود خلو لقسم الطوارئ وسالو عن هيثم وقالو لهم انه بغرفه العمليات الحين ..

ام هشام : يمه وليدي وش فيه ..

ابو هشام : استهدي بالله ياحرمه ادعي له يقوم بالسلامه ..

شوي طلع الدكتور وبسرعه راحو له كلهم ..

ابو هشام : ولدي كيفه ..

الدكتور : تطمنو ولدكم بخير بس مجرد كسر بالرجل اليسرى وشويه رضوض بيده اليمنى وحنا جبرنا له رجله وعطيناه مسكن عشان يرتاح .. والحين راح ننقله لغرفه ثانيه وتقدرون تشوفونه لما ننقله ..

ابو هشام : الحمد الله .. مشكور دكتور ..

الدكتور : العفو هذا واجبي .. عن اذنكم .. وراح ..

ابو هشام لف على ام هشام : خلاص يا نوره بطلي بكي سمعتي ان ولدك بخير والحين راح تشوفينه وتتطمنين عليه ..

ام هشام تمسح دموعها .. الحمد الله الحمد الله..

عروب اللي كانت ضامه لما وتهديها بعدت عنها لما سمعت كلام الدكتور .. خلاص اهدي اخوك بخير

لما : طيب .. بس ابي اشوفه ..

عروب : راح تشوفينه الحين بس يودونه الغرفه الثانيه ..

لما : طيب ..

بعد نص ساعه كلهم متجمعين داخل غرفه هيثم حتى ليلى اختهم الكبيره جات ..

هيثم بدا يصحى من البنج فتح عيونه وابتسم لما شاف اهله حوله بس لما جات عينه على عروب تذكر كل شيء صار عقد حواجبه بانزعاج وشال عيونه عنها ..

ام هشام انتبهت له وراحت عنده بفرحه .. الحمد الله على سلامتك يمه خوفتنا عليك ..

هيثم يحاول يبتسم مجامله لانه لسا متضايق من امه .. الله يسلمك ..

ام هشام حست انه للحين متضايق منها مسكت يده .. يمه هيثم انا اسفه بس ما توقعت ان هذا الشيء راح يصير بيوم من الايام ..

هيثم صد عنها .. خلاص يمه الموضوع انتهى ..

هشام وعروب وليلى يناظرون باستغراب مو فاهمين شيء ..

ليلى : وش السالفه يمه ليه تتاسفين له .. صاير شيء قبل الحادث ..

الكل سكت ..

هشام : انا كل اللي عرفته ان هيثم كان متهاوش مع امي وابوي بس مدري على ايش ..

هيثم : خلاص هشام الموضوع انتهى ولا له داعي نفتحه ..

ام هشام : كيف انتهى وانت للحين متضايق مني ..

عروب ماتدري ليه حست انها لازم تتركهم وتطلع .. عن اذنكم ..

الكل لف عليها ..

لما : على وين ..

عروب : بروح لدوره المياه .. خذو راحتكم .. وطلعت من غير ما تنتظر رد ..

لما كانت تبي تلحقها بس ام هشام مسكتها .. اتركيها مو لازم تعرف الموضوع الحين ..

هيثم لف على امه .. بعد ناوين تخبون عليها اكثر ..حرمتوني منها كازوجه وراح تحرموني منها كا اخت بعد ..

ليلى وهشام منصدمين ..

ليلى : هيثم انت كنت تبي تتزوج عروب :

هيثم غمض عيونه بالم وقهر .. وللاسف طلعت اختي ..

هشام : انت تحبها ..

هيثم خلاص مو قادر قلبه يعوره كل ما تذكر ان عروب اخته رفع اللحاف وغطى وجهه ممكن تتركوني لحالي ..

ام هشام كانت بتتكلم بس ابو هشام اشر لها تسكت واشر للكل يطلعون ..

طلعو وقابلو عروب بوجههم ..

عروب : وش فيكم .. الزياره لسا ما خلصت ..

لما بحزن على اخوها .. هيثم يبي يرتاح ..

عروب : اها طيب بس نسيت جوالي داخل بدخل اجيبه ..

ابو هشام .. طيب حنا ننتظرك بالسياره ..

عروب : طيب .. ودخلت للغرفه وقربت من هيثم وبعدت عنه اللحاف ..

هيثم فكر انها امه .. يمه قلت ... وسكت لما شافها عروب : عروب ؟..

عروب ابتسمت له .. انا سمعت كل شيء وما اخبي عليك اني ما انصدمت بس تدري قد ايش انا فرحانه انك اخوي .. تجرئت ومسكت يده .. صدقني يا هيثم لو انت تزوجتني ماراح اسعدك مول اني اعتبرك اخوي لا لاني اكره شيء اسمه زواج واخاف ان اللي صار مع امي وابوي يصير لي وعيالي يصير لهم اللي صار لي عشان كذا انا ما افكر اني اتزوج .. وابتسمت .. بس كنت من زمان ابي يكون عندي اخ والحين لما شفت حلمي يتحقق قدامي تبيني ما افرح .. الا بفرح واسوي بارتي كمان ..لا واللي فرحني اكثر انك انت اللي صرت اخوي هيثم ماتدري قد ايش انا احس بالأمان معك ما تدري قد ايش انا اشوفك انت ظهري وسندي بالحياه .. تكفى لا تزعل وتتضايق لاني ما صرت زوجتك ابيك تفرح لاني اختك تكفى هيثم ما احب اشوف اخوي متضايق وزعلان واوقف اتفرج عليه ..

هيثم كان يسمعها بانصات وقلبه يدق بقوه من كلامها وعرف انها كانت صادقه بكل كلمه قالتها لان كلامها دخل لقلبه على طول ابتسم براحه لانها ماكانت تجامله او تواسيه بس ..

عروب ارتاحت لما شافت ابتسامته .. والحين يا خوي ابيك تشد حيلك وتطلع لنا بالسلامه ..وكشرت بتصنع ..صدق انننا راح ننحرم من الطلعه كم شهر .. ..ورجعت ابتسمت .. بس معليه اكيد راح تعوضنا لما تتشافى ..

هيثم : اكيد راح اعوضكم كم اخت عندي انا ..

عروب تعد باصابعها .. صارو ثلاث الحين ..

هيثم ابتسم .. وليه صارو هم من زمان ثلاث اصلا ..

عروب ضحكت .. غلبتني .. وتركت يده .. طيب الحين اخليك لاني تاخرت عليهم هم ينتظروني بالسياره ..

هيثم : اوك انتبهي لنفسك ..

عروب بابتسامه .. ان شاء الله وانت كمان ..ومشت بتطلع ..

هيثم : لحظه عروب :

عروب لفت عليه .. هلا ..

هيثم : لا تقولين لهم أي شيء صار الحين حتى لما ابي افاجئهم بنفسي ..

عروب ابتسمت .. اوك .. يلا مع السلامه ..

هيثم : ربي معك ..

طلعت عروب وراحت للسياره ..ولما ركبت .. معليش تاخرت بس ضيعت البوابه ..

ابو هشام .. لا عادي .. وحركو للبيت ..

@@@@

اليوم الثاني ..

الساعه 9 الصباح ..

بالمستشفى بغرفه هيثم تحديدا ..

دخلو الكل للغرفه ماعدى عروب اللي قالت لهم انها بتروح تاخذ لها كوفي لانها مصدعه وهذا كان اتفاق بينها وبين هيثم :

ام هيثم : ها يمه كيفك اليوم ان شاء الله احسن ؟..

هيثم يسوي انه زعلان للحين .. الحمد الله ..

ام هشام تضايقت لانه لسا زعلان منها ..

هيثم باستغراب مصطنع .. وين عروب راحت لدوامها :

لما : لا استاذنت من الدوام انها تتاخر ساعتين ..

هيثم : اها ..

ابو هشام .. كلنا اليوم مارحنادواماتنا عشانك ..

هيثم : طيب ..

الكل متضايقين من جفا هيثم معهم ولا عارفين ايش يسوون ..

شوي اندق الباب ودخلت عروب بابتسامه .. صباح الخير يادلوع ..

هيثم ابتسم .. احلى صباح من احلى اخت ..

الكل ناظروه بصدمه ..

عروب تقدمت لهيثم ومدت يدها .. كيفك اليوم ..

هيثم مد يده وصافحها .. بخير دامي اشوف اهلي حولي ..

لما :: وش السالفه ..

ام هشام تناظر هيثم وشوي تناظر عروب : وش فيكم ..

عروب وهيثم ناظرو بعض وضحكو .. ههههههههههههههههههههه ..

هيثم : وش فيكم عيب الواحد يرحب باخته ولا ايش ..

ابو هشام .. لا مو عيب بس امس ..

هيثم : امس راح وحنا عيال اليوم صح خيتو ..

عروب : اكيد صح ..

لما : هوب هوب انت معها فهمونا ايش السالفه ..

عروب لفت على هيثم : انت بتقول ولا انا ..

هيثم : امم لا قولي انتي

عروب : طيب .. اسمعو .. تذكرون امس لما قلت لكم اني نسيت جوالي بالغرفه .. انا بصراحه ما نسيته ولا شيء اصلا ماجبته معي من البيت بس انا لما طلعت من عندكم وقفت عند الباب وبما ان اصواتكم كانت عاليه سمعت كل شيء صار صدق بالبدايه انصدمت بس بعدها فرحتبس تضايقت لما عرفت ان هيثم متضايق وزعلان منكم عشان كذا قلت ان جوالي داخل عشان اقدر اكلمه .. وقالت لهم كل السالفه ..

لما : والله منتي هينه يا عروبوه ..

عروب : ههههههههههههههه .. اعجبك ..

هيثم : أي لموي ياويلك لو سمعت ان عروب متضايقه منك ترا بتتصطرين ..

لما وقفت وتخصرت .. بالله تراني اختك بعد ..

هيثم : أي صح اختي بس عروب توها صارت اختي لازم ادافع عنها اكثر ..

عروب لفت عليه .. بالله يعني لو مر كم شهر خلاص بصير قديمه وماراح تدافع عني ..

هيثم يحك راسه .. امم يمكن ..

عروب ضربته على كتفه بخفه .. مالت ..

الكل : ههههههههههههه ..

ام هشام : الله لا يغير علينا ..

الكل : امين ..

عروب تناظر ساعتها .. خالتي انا لازم اروح للدوام الحين ما اقدر اتاخر اكثر من كذا ..

هيثم : ليه ما تاخذين اجازه اليوم كله ..

عروب : لا والله وتروح درجاتي على حسابك ..

هيثم بتمسكن .. وليه انا ما استاهل ..

عروب : اقول لا تسوي فيها المسكين ترا ما يليق عليك .. وبعدين درجاتي اهم وانت تعرف ..

هيثم يرمي عليها المخده .. اجل انقلعي ..

عروب : ههههههههه .. ووجع ..

هيثم بابتسامه .. احسن ..

عروب كشت عليه ولفت على خالتها .. يلا خالتي بروح ..

ابو هشام .. مين راح يوصلك ؟..

عروب لفت عليه .. انا قلت لسواقنا يجي هنا على الساعه 9 ونص اكيد الحين جا ..

ابو هشام .. وليه كلمتي السواق خليتيني انا اوصلك ..

عروب : لا ياعمي مابي اتعبك معي ولفت على هيثم وبعدين اكيد الدلوع هذا يبيكم معه ..

هيثم : دلوع بعينك ..

عروب ابتسمت ..طيب .. ولفت على جهه الباب .. اشوفكم العصر .. مع السلامه ..

الكل : مع السلامه ..

عروب طلعت من المستشفى وشافت السواق ينتظرها راحت له وركبت وقالت له يوديها الشركه .. وبعد نص ساعه وصلت للشركه .. دخلت وراحت للاستقبال عشان تسجل حضور بس ماشافت ملف التسجيل لفت على الموظفه اللي كانت بالاستقبال ..لوسمحتي ..

البنت لفت عليها .. نعم ..

عروب : وين ملف تسجيل الحضور ..

البنت : الحين الساعه صارت 10 والمدير اخذ الملف ..

عروب : اها .. طيب شكرا .. ومشت لمكتب المدير ولما وصلت قابلت السكرتير .. لو سمحت ممكن ادخل للمدير ..

السكرتير : لحظه اقوله ..رفع السماعه .. استاذ يوسف الانسه عروب حابه تقابلك .. ان شاء الله وقفل التليفون ووقف .. تفضلي ..

عروب : شكرا .. تقدمت للباب ودقته ودخلت وكانت عيونها للارض .. السلام ..

يوسف واللي معه : وعليكم السلام ..

عروب استغربت لما سمعت اكثر من صوت رفعت راسها وشافت عز جالس قدام مكتب المدير ..

يوسف : تفضلي انسه عروب :

عروب تقدمت لهم وجلست على الكرسي اللي مقابل عز : انا رحت للاستقبال عشان اسجل حضوري بس قالت لي الموظفه ان الملف عندك ..

يوسف : أي النظام ان الملف يشال الساعه 10 واللي يجي بعد كذا يعتبر غيب ..

عروب : بس انا مستاذنه منك استاذ ..

يوسف : اعرف وعشان كذا ماراح اسجلك غياب وحطيت عند اسمك استأذان..

عروب ابتسمت له .. مشكور استاذ .. والحين استاذن .. كانت بتقوم بس وقفها يوسف ..

يوسف : اجلسي ابيك بموضوع ..

عروب جلست وقلبها يدق ماتدري ليه خافت لما قالها كذا ..

يوسف لف على عز :ايوا وش كنت تقول لي ..

عز اللي من لما دخلت عروب وهو يناظرها وفيه فضول يعرف ليه متاخره لف على يوسف لما كلمه .. ايه كنت اقولك اني راح اخذ اجازه اسبوع ..

عروب لفت تناظره باهتمام ..

يوسف : أي بس كيف تاخذ اجازه وعندك متدربه وهي عندها وقت محدد للتدريب ..

عز : بس انا مطر لهذي الأجازه وبخصوص المتدربه عندي موظفين يحلون مكاني ..

يوسف : طيب اذا كذا اوكي قدم لي اوراق الأجازه عشان اوقع لك عليها ..

عز وقف .. حاضر .. عن اذنك ..

يوسف : اذنك معك ..وبعد ما طلع لف على عروب :انسه عروب :

عروب لفت عليه .. نعم ..

يوسف وقف ومشى للنافذه الطويله اللي تطل على حديقه الشركه وحط يدينه ورى ظهره .. انا اسف على اللي راح اقوله لك الحين بس هذا امر ابوي مو انا ..

عروب زادت دقات قلبها وهي تناظره وهو معطيها ظهره ..

يوسف تنهد ولف عليها وجا وجلس مقابلها وحط عيونه بعيونها .. انسه عروب انتي مطروده من الشركه ..
##
##
##
##
##
##
##
##
##
##
##
##
##


# انتهى البارت الثالث ##


وهذا هو البارت الثالث

بانتظار ردودكم وتعليقاتكم

الاقيكم يوم الثلاثاء باذن الله

محبتكم صمتي سلاحي