آخر 10 مشاركات |
|
| LinkBack | أدوات الموضوع | انواع عرض الموضوع |
10-10-16, 09:08 PM | #21 | ||||||||||||||
كاتبة في قصص من وحي الأعضاء، كاتبة وقاصة في منتدى قلوب أحلام، كاتبة في قصر الكتابة الخيالية.
| وها قد عدت من جديد لابتلع الفصول الاربعة كلها واحد بعد واحد خلينا احكي بلغة الرواية يلي هيي السورية واهلين يا بنت بلدي اول الشي بباركلك روايتك يلي اسمها لفتلي انتباهي وخلاني اول حرف منها اركض لاخر حرف عنجد عم قلك بلعتها بلع قريتها بسرعة بنهم كنت بس بدي اعرف شو ناطر الابطال اسلوبك بيجنن وطريقة عرضك لافكار الرواية سلبتلي عقلي عنجد خليني احكيلك عالرواية سعد هدا الرجل القبضاي متل ما منقول عنا يلي ما بيهزو ريح القوي يلي بيمشي امور الشركة عكيفو وعلى احسن ما يكون هو مجرد طفل صغير عند حبيبتو حبيبتو يلي هيي رنيم رنيم الملاك الحساس يلي قدرت تعمل بثقافتها الداخلية شغلات كتيرة ما قدرت نسوان خريجات جامعات تعملها الا وهي التربية الصالحة والحفاظ عالزوج وكمان احترام مسئولياتها ادام زوجها وولادها سيلين المتعقدة نفسيا يلي اجت تفش خلئها بسعد ومرته ياسمين واتصرفت بشر وحسد ورمت سعد بالسجن لانو بدها منو ليلةوحدة ما بدها زواج ولا التملك كان بدها بس تكسر رنيم بكرا رح تجي عندو عالحبس يا ترا سعد رح يقبل ولا حيرفض يروح معها اذا بدك توقعاتي فيلي فهمتو من المقدمة انو ربي السجن احب الي فبعتقد انو رح يرفض والله رح ينجيه من كيدها والله اعلم وربما لانو اسم السلسلة خيانة رجل يخونها لينقذ حاله عكل انا بانتظارك لنشوف شو بيصير لا تتاخري عليي كل الود والاحترام وسعيدة جداً اني قريتلك هالفصول وسعيدة بكوني متابعة الك | ||||||||||||||
10-10-16, 10:03 PM | #22 | |||||
| اقتباس:
سعيدة جدًا بمروركِ وتأكيدك على ما تنكره معظم النساء اليوم, وجود رجال شرفاء في عالمنا هذا ومهما طغى السيءُ على الجيد , ومهما كثر السيءُ .. يوجد من الجيد الكثير بالتوفيق لكِ في روايتكِ التي سأكون سعيدة بقراءتها وسأكون سعيدة لو وجدتِ وقتًا وشرفتني بقراءة روايتي وبتعليقكِ عليها أهلًا بكِ .. تحياتي | |||||
10-10-16, 10:08 PM | #24 | |||||
| اقتباس:
مرورك أسعدني جدًا جدًا .. وتحليلك للقصة أكتر من رائع بتمنى ضل عند حسن ظنك وحسن ظن جميع القراء لآخر القصة وأهلييييين ببنت بلدي سوريا وأهليييين بكل حدا عربي هون تحياتي إلك | |||||
10-10-16, 10:28 PM | #25 | ||||
| الرواية جميلة و ملفتة بأسلوبك الجميل و اللغة، الأحلى إنها تتناول موضوع شائك و متداول بأيامنا و بكل الأزمان وهي الخيانة. من أصعب الأحاسيس التي يمكن أن يشعر بها الانسان هي أن تتم خيانته من أقرب الأشخاص إليه. سعد نموذج للرجل المثالي ذو شخصية قوية و محب بنفس الوقت ووفي لزوجته، لكن للأسف اعترضت سلين حياته و تريد جره لفخ الخيانة و وضعته بموقف لا يحسد عليه و عليه أن يختار بين حريته و مبادئه. أتمنى أن لا يتمادى معها فهي أكيد لن تقف عند ذلك الحد و ستحاول ايصال خبر خيانة سعد إلى رنيم و بالتالي ستدمر حياة و استقرار عائلة و هذا شئ سيكسر رنيم. أتمنى أن يخرج سعد من هذه الورطة؟؟ موفقه و بانتظار بقية الفصول و أتمنى أن نعرف مواعيد تنزيل الفصول | ||||
10-10-16, 10:33 PM | #26 | ||||
| الفصل الخامس بعد يومين الساعة 9 الصبح, رنيم نايمة ع سرير المشفى, الدكاترة ح يخلوها بالمشفى لتخلص الشهر الأول ليثبت حملها لانه صارت معها مشاكل بعد قصة سعد وبعد ما انهارت ببيت ابو فراس متعودة تفيق كل يوم ع نفس الدقيقة, عم تتزكر سعد, كيف كان لما يزعلها, وبدو يراضيها, يعملها الصبح نسكويك, ويفيقها ع التسعه الا خمس دقايق, قبل ما يجي وقت فيقتها, وع وردة زهرية وأحيانا حمرة, مو دايما كان يلاقي زهري بجنينة البيت, وهو بيعرفها قديش بتحب اللون الزهري, كلشي فيها بحسسو انها طفلة, بتحب الزهري, بتشرب نسكويك المشروب الرسمي للأطفال, ولهلا بتحب الألعاب, كان كل ما تصحله فرصة يشتريلها لعبة, ولما بتزعل منه بتقله "بتعرف شو اللي مصبرني عليك ومو مخليني ارجع ع بيت اهلي" , هو يعمل حاله متحمس بده يسمع الجواب يقلها "شو؟؟؟؟؟" "انك بتجيبلي العاب اكتر ما كان أبي يجبلي" ويضحك عليها, بحبها, وبيزعل عليها, بحسها خسرت كتير شغلات بحياتها خسرت ببيت أهلها الحب والحنان اللي كان لازم تاخده من أبوها وما عطاها ياه وخسرت ببيته طفولتها اللي كان لازم تعيشها اكتر, خسرت حلمها وطموحها مع انها كانت طالبة ذكية كتير عم يحس حاله أناني, عم يحس حاله أخد منها أكتر ما يعطيها, مع انه كان الكبير فيهم, بس كانت هي اللي تحتويه وهي اللي تكبر عقلها مشانه, هو بيعرف قديش بتحبه, وقديش بتحس بالأمان والسعادة معه, وبيعرف انها معه ما بتحس حالها انحرمت من شي, بس هاد هو كلشي قدران يفكر فيه هلا, مو عرفان كيف بده يواجهها, مو عرفان بأي عين بده يتطلع فيها, شو بده يقلها.. أخدت منك كلشي.. وخنتك ؟؟ لاني ما قدرت اتحمل السجن خنتك قدام أول مطب .. خنت الشي الوحيد بحياتي اللي ما خانني .. الشي اللي تخلى عن عالمه كله مشاني الشي اللي تعب وضحّى وتحمّل وسكت.. مشاني الشي اللي هلا بالمشفى تعبان ومكسور .. بس لانه خايف علي ؟ فتحت عيونها, بنفس الدقيقة اللي متعودة تفتح عيونها عليها كل يوم, ع ال9 الصبح لقته قاعد جمبها, ماسك إيدها, وعم يتأملها بعيونه الحنونة اللي كلها دموع, رنيم تفاجئت واجت لتقوم "انا عم احلم؟!" حط ايده ع كتفها "ارتاحي حبيبتي لا تقومي, انتي ما عم تحلمي, انا رجعت, المحكمة طلعتني براءة" رنيم راسها ع المخدة وعم تبكي "كيف هيك صار معك؟ انا خفت كتير عليك, ليش أخدوك؟ كيف.." سعد قاطع أسئلتها اللي ما فيه يجاوبها "اشتقتلك" مسك راسها وقرب من حضنها, حط راسه عليه, وصار يشم ريحتها "اااه شو اشتقت لهالريحة, انا ما فيني عيش بلاها" بعدين رفع راسه وتطلع بعيونها "عم تفهميني؟" رنيم هزت براسها ومسكت سعد من كتافه وقربته عليها "انت رجعت, انت هون جمبي, انا ما ح اتركك ولا ح ابعد عنك" سعد ابتسم, حس بالأمان, هاد هو الكلام اللي كنت بحاجة إني اسمعه, ما احلاكي يا رنيم, يا اغلى من حياتي ويا كل الدنيى عندي حط راسه جمبها ع المخدة وعيونه عليها, وحط إيده ع بطنها "إنتي حامل" ابتسمت "اى" "رح يكونو مبسوطين معنا؟" "لسا بتخاف ؟ وانت احنّ أب بالعالم كيف فيك تضل خايف" رفع راسه وتطلع فيها "مو مهم اني حنون, لازم همه يقتنعو بهالشي ويحسوه" وكأنه عم يحكيلها عن حالها .. آآه يا رنيم .. يا ريتك تقتنعي فيني وبحبي لإلك دائمًا .. يا ريت ضل بعيونك سعد نفسه شو ما كان اللي رح تشوفيه أو اللي رح تسمعيه حطت ايدها ع راسه ورجعت قربته ع حضنها وكأنه ابنها الصغير "سدقني بحبوك وبشوفوك احسن اب بالعالم" "وانتي؟" "احلى ابن بالعالم" وهي عم تضحك "بس؟" "لا مو بس" "لكن شو كمان؟" "احلى زوج بالعالم, واحلى حبيب بالعالم" هي مفكرته عم يتدلل عليها, بس سعد عم يقول بينه وبين حاله "ياريت تضلك شايفتيني هيك يا رنيم" بعد أسبوع, خلصت رنيم شهرها الأول, وصار لازم ترجع ع البيت وحبت تخليها مفاجأة لسعد, اتفقت مع سامية ام فراس واحمد يرجعوها بدون ما يخبرو سعد سعد بنفس اليوم, قرر يخبر أهله عن زواجه من سيلين, يلي بعد ما أخدت اللي بدها ياه, وبعدما طلعته من السجن, طلبت منه انه يتزوجها, سعد عرف انها ح تبتزو أكتر, وافق بدون تفكير, شو ما رح يصير, الحلال أحسن من الحرام, وبده يكفّر عن ذنبه يلي خانقه, حاسس انه الحل الوحيد هو الزواج, بالنسبه اله عرض الزواج اللي قدمته هو نعمة اجته من السما ماكان عرفان شي عن طلعة رنيم, أخد سيلين ع بيت أهله ع الساعة 10, بوقت مدرسة لميس وأحمد, ما لقى حدا بالبيت أبوه وأحمد بالشركة, هديل بالجامعة, أمه بتكون بشي زيارة دخل ع المطبخ يصب عصير إله ولسيلين, يلي صارت زوجته, عم يحاول يتناسى هالشي, وعم يحاول يعوّد حاله عليه بنفس الوقت طلع ما لقاها بالصالون, ولقى باب جناحه هو ورنيم مفتوح, حط العصير ع الطاولة وركض بسرعة ع الدرج وطلع لهناك, دخل ع غرفته هو ورنيم و صرخ عليها "شو عم تعملي هون" سيلين بدلع "أنا ما إلي متل هالغرفة؟" سعد بصوت عالي وبعصبية "ليش إنتي فيكي تعيشي هون بعيد عن قصورك" سيلين بزعل "معك بعيش وين ماكان" سعد عم ينفخ الهوا من تمه وعم يحاول يمسك أعصابه, سيلين بدها تكسر سعد ورنيم أكتر, رمت حالها ع سرير رنيم, سعد إجى ليمسكها ويشيلها عن السرير, سيلين شدّته لعندها, سعد صار نايم فوق سيلين وبدون قصد رنيم, هلأ دخلت ع جناحها, ع غرفتها هي وسعد, حبيبها اللي اشتاقتله وبدها تجهز حالها لتفاجئو بس يرجع, يا ريتها ما دخلت ولا حبت تفاجئو , يا ريته قلها انه تزوج عليها, يا ريته لحق يفهمها القصة, يا ريته لحق يخبرها انه وحدة دخلت حياته لتهدها غصب عنه, يا ريت صار أي شي بس ما شافتهم هيك, سيلين عم تشد سعد اللي صار وكأنه عم يرمي حاله عليها, سعد عم يبعد عنها وهو قرفان ومو طايقها ورح يجن كيف وحدة متل هي عم تتجرأ تنام ع تختك يا رنيم, يا ريتني ضليت بالسجن عمري كله ولا سمحتلها تعمل اللي عم تعمله سامحيني يا رنيم الله يخليكي, هاد كلشي كان عم يفكر فيه لحتى سمع شهقة امه ع باب الغرفة, دار وجهه, شاف رنيم وأمه سعد انصدم, مو عرفان شو يقول ولا عرفان شو يعمل, لأ يا رنيم لأ, الله يخليكي لا تفهميني غلط انا والله ما جبتها لهون, أنا والله ما خنتك, أنا تزوجتها بعرف اني وافقت ع غلطها بس مو بإيدي أنا والله مابدي خونك, والله بحبك يا رنيم وبعمري ما خنتك رنيم مصدومة وإيديها صارت ترجف, عم ترجع لورا وسعد عم يقرب عليها "رنيم لأ" سامية واقفة عند باب الأوضة مصدومة من اللي شايفته, ابني سعد يلي أخلاقه بتسوا أخلاق كل شباب جيله شو عم يعمل هون حتى ما قدرت تفكر برنيم الحامل, يلي ما حدا بيعرف شو ح يصير فيها وباللي ببطنها هلأ "رنيم الله يوفقك أنا ما خنتك" التعديل الأخير تم بواسطة um soso ; 11-10-16 الساعة 10:49 AM | ||||
10-10-16, 10:51 PM | #27 | |||||
| اقتباس:
بالفعل الموضوع أصبح متداول وبكثرة في أيامنا هذه .. يكاد مع الأسف لا يخلو بيت منه وهذا هو السببُ الذي دفعني للكتابة عنه إن شاءالله فصل كل 12 ساعة أهلًا بكِ وتحياتي لكِ | |||||
10-10-16, 11:12 PM | #28 | ||||||||||||||
كاتبة في قصص من وحي الأعضاء، كاتبة وقاصة في منتدى قلوب أحلام، كاتبة في قصر الكتابة الخيالية.
| عزيزتي لقد جئت الهث عندما وجدت رداً لك على الرواية وتفاجئت حينما وجدت فصل وسعدت وقرأت اذاً سعد استسلم للواقع ووافق على عرض سيلين ومن ثم تزوجها سعد برأيي كان مخطئاً جداً باخفاء القصة عن رنيم كان من المفروض ان يشرح لها كي لا يعرضها لمثل هذا الموقف ويعرض نفسه رنيم يا ترا شو رح يصير بحملها؟ وهل رح تتقبل الوضع زواج الرجل من الثانية يجرح اي امرأة وتحت اي ظرف الله يكون بعونك يا رنيم بانتظار الباقي على احر من الجمر عزيزتي | ||||||||||||||
11-10-16, 11:10 AM | #29 | |||||||
مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي
| خلصت الفصول بجلسة واحده بصراحة انا رأيي جدا متطرف بموضوع الخيانه ... وحتى الزواج باخرى ............. حلال او حرام من وجهة نظري الامر سيان ..... لاافسره الا ان هناك من تشارك الزوجه بزوجها وهذا الامر مرفوض جملة وتفصيلا صح سعد كان مجبر لكن وافق في النهايه .. عرض على سيلين الزواج وهي رفضت .. بالنهايه وافق وذهب لها ونفذ ماطلبت ثم عرض عليها الزواج من جديد وهي قبلت .... عرضه للزواج لشعوره انه فعل شيء حرام واراد اصلاحه الخلاصه سعد خان رنيم الا اذا غيرتي الامور وجعلتي سعد عندما ذهب لسيلين اشترط ان لايلمسها دون زواج وبعد ان تزوجها بدأ يراوغها ..... مع سيلين يكون الامر غير منطقي ..فهي لن ترضى ان تكون مخدوعة جاءت به وتريد جسده قالتها بالفم المليان ... ومادام الان هي زوجته وببيت اهله اذا فقد حصلت عليه مهما قال سعد ومهما برر ومهما فعل لرنيم هو خانها وطعنها بالظهر من حق رنيم ان يسألها .. هو كان واثق انها ستوافق اذا لم تركها على عماها وفعل كل شيء بظهرها ............. هذه كلها خيانه همسة جانبيه لو كنت مكان رنيم وجاء زوجي يسألني كنت ساقول له .. حبيبي السجن للرجاله وساتي ازورك كل اسبوع ولا ارضى ان يأخذ اخرى حتى لو يوم واحد ههههههههههههههههههههههه | |||||||
11-10-16, 11:11 AM | #30 | |||||||
مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي
| لو خيّروك إما يموت زوجك أو يتزوج عليك فماذا تختارين ؟؟؟ هذا السؤال انطرح في منتدى نسائي ... عاااد انصعقت من إجابات الحريم ... إجماااع كلّي بنسبة 100% كلّهم تفكيرهم واحد وأمنيتهم وحده !!! .................................................. .................................................. ....... المشاركه 1 يمووت وادعي له ولا يتزوّج عليّ ثم ادعي عليه!!! .................................................. .................................................. المشاركه 2 خليه يموت لأن الموت حق !!! بس إنه يتزوج علي لالالالالالالالالالالالال أ انابصراحه أخاف يتزوّج ويدلّع زوجته الجديده و أصلا دايما أقول وبصررررررراحه ... أكون ارمله ولا أكون مطلقه .................................................. ... ............................ المشاركه 3 والله كل الإثنين صعبات بس الموت له أسهل عندي والله !!! حنّا يالحريم بالنقطة هذي تصيرعقولنا صغيرة وماصلين بس غصب غصب عناّ .................................................. .......... المشاركه 4 يموت وانا أموت وان شاء الله ربي يرزقنا الجنه ويكون زوجي فيها واكون زوجته فيها !!! أما لو اتزوج عليّ، فراحأتطلّق وخلاص بتنتهي علاقتي فيه وقلبي بينحرق وباموت من الحزن والهم .................................................. ... .................................... المشاركه 5 للأسف عشانيأحبة ابختارله الموت بعيدالشر عنّه !!! (أصيله يانفيسه) !!! .................................................. ......................................... المشاركه 6 يموت وابكي من حزن فرقاه ولا يتزوّج و ابكي قهههههههههههههههههر منّه !!! .................................................. ... .............................. المشاركه 7 الموت حق وكلنا بنموت ... بعدين الدنيا كلها فتن وش يبي بها !!! .................................................. ... ................................... المشاركه 8 والله يقولون أرمله ولايقولون أعرس عليها !!! ويموت وأنا أحبه وهو يحبني ولا يعرس عليّ وينساني يا جعله يعاف الحريم كلهم إلا أنا .................................................. .............................................. المشاركه 9 لايموت هو أحسن ولا أموت أنا من الحرة !!! .................................................. ................................... المشاركه 10 الله يغفر له ويرحمه ... المقبرةقريبه !!! .................................................. .................................................. المشاركه 11 طبعاً أتمنى له الموت، على الأقل بأحط راسي على المخدة وأنا عارفة إنه في حضن القبر ماهو في حضن حرمه ثانية !!! .................................................. .................................................. . المشاركه 12 انا أقول يتزوج بشروط ... يعني يحط لي فيلا دورين وافرشها من جديد وسواق وشغالتين ومصروف شهري ورضاوة طقم ذهب ابو 50 الف تراني مرّة قنوووووعة وأدرس عيالي بمدارس انترناشونال و ما أبغى شوف رقعة وجهه ابد يجي لعياله بس (ماطلبتي شي ) !!! وبعد ما يحقق لي طلباتي ... أدعي عليه يموووت !!! .................................................. ................................................. المشاركه 13 يموت أرحم من إني أشوفه مع غيري !!! .................................................. ............................................ المشاركه 14 إلا الله يستر عليه يتوكل على الله ويموووت ولا يموّتني وانا حيّة !!! .................................................. ..................................... المشاركه 15 يموت أريح ... أصلاً وجودهـ مثل عدمـه !!! .................................................. ............................................... المشاركه 16 لا بالله يموت أحسن، ولو ما مات أحرقه هو وزوجته بسيارته ببنزين أو أسيد وعساه يبرد قلبي !!! .................................................. .................................................. ............................ المشاركه 17 يموت ولايتزوّج علي .................................................. .................................................. ............................ المشاركه 18 لا طبعاًأرمللللللللللللللللل للللللللللللللللللللله ولا مطلّقه !!! لأنه لو تزوّج عليّ ماني جالسه معه هو ووجهه .................................................. .................................................. ............................ المشاركه الأخيره !!! جنااااااااااااااااااازة ولا جوااااااااااااااااااااااا ازة أما يتزوج عليّ ... لا والله ماااا أقبلها وبعدين هو في كل الحالتين بيصير في نظري ميّت، على الأقل إذا ربي أخذ عمره بأدعي له وأتصدق عن روحه إن شاء الله يعني بيفارقني وانا أحبه أما إذا تزوّج عليّ فهو بيموت من قلبي وعقلي وبأدعي عليه طول عمري حتى لو دعوتي مو مستجابه يعني بيفارقني وانا أكرهه !!! ودمـتــم بــخـيــر | |||||||
مواقع النشر (المفضلة) |
أدوات الموضوع | |
انواع عرض الموضوع | |
|
|