|
https://upload.rewity.com/upfiles/2HD25708.jpg هديل: يوو سهل من عيوني كنت تقلي هيثم انحررج: تسلمي قد من نفسش فعلتي هديل شافت الاكياس ف يده: يوو هولا كلهن جعاله؟ هيثم: لاتفتجعي مش بزلطش .. هديل ضحككت: هي زلطك هيثم: ناهي يلله شادعي اسماء تسمر معنا هديل فررررحت: ياسلااام ..وانا شاوضع لنا بقعه هيثم: ها شليهن.. هديل: شلت الاكياس ..غسلت الببسي ورتبتهن ف الصحن ورتبت الجعاله فوق ماسه وصلحت لهم بقعه قدام التلفزيون. هيثم واسماء طلعو: يااااسلااام ف غرفتها.. فاتن نكزت من نومها بتتفرج بقعتها والغرفه: شافت الساعه .. افنان: ليش قمتي؟ فاتن: حلمت حلم شوعه افنان: يمكن لانش رقدتي بدري فاتن شافت تلفونها: رساله ..فرحت يمكن هيثم.. خطيبها وائل (الف مبروك الله يتمم لنا بخير...وائل) افنان: الحجه عند التلفون نكزتي فاتن: ايش عرفه برقمي!! افنان: يمكن من اخته ادت له فاتن: ماشتيش يتواصل معي افنان: قالت يبارك لش ويرسل ف الجمع بسسس فاتن: لااا وبسس.. افنان: يخخخ كيف انتي فاتن طنشتها: فتحت الفيس بوك..( صفحه هيثم) نزل فيها اسامه منشور باقي الفيس بوك تسطره وتعليقات وضحك ع الدفترر ...تبررررقطت ونفسها تفهم القصه ايششش هي..اتصلت ل امل.. بيتفرجو فلم ويضحكو.. اسماء: يوو كيف تشبهي هذه الممثله حتى شعرش نفسسسه.. هيثم : سسساكت بيتفرج التلفزيون ويتفرج هديل هديل: يوو هذه حاليه قووي اسماء : انتي احلى هيثم: عتخلينا نتفررررج .. اسماء منسجمه مع الفلم: يوو محلاهم كيف بيحبو بعض.. هيثم ذكر فاتن: فتح التلفون...مابش رساله ولا شي..فتح الفيس..اون لاين فاتن شافته ظهر اون لاين : خرجت من الفيس.. هيثم مالها : غررريبه !! هديل واسماء ضحكككين هيثم :ما ووقع ؟ هديل شافته بيلعب ف التلفون : حست بيراسل حبيبته. اسماء: بتحكي له المشهد. في بيت ثاني...دخل دلاااا بالكتب. ابو اكرم: اين انت! اكرم : كنت اذااكر مع الشباب ابو اكرم: للساعه 11 مذاكره ؟؟؟ اكرم : ايوه مافيها ابو اكرم عصصصصبي: هزره من كتفه كيف مااافيها ؟ اكرم خايف يشم السجاره: ساااااكت ابو اكرم بصياااح : وهو بيهزوره تكلمممممم اكرم هزر يده ..ورجع لاورا خطوتين: ياباه قلتلك مش انا صغير لاتجلس تضرب وتصيح فوووقي ابو اكرم بدء يضربه: عتعلمني كيف اربيك ياكلب ام اكرم : بتفرررع وتبكي ابو اكرم: هذه تربيتش ودلعش له ابسري ع قله ادب ويرادد.ابوه. ام اكرم: وانت ابوه ربيه انت ابو اكرم عصب:بيصييح فوق مرته.. اكرم ضبببح: خرج ورزززع الباب... # bero_alkebsi مسااااء الفل |
https://upload.rewity.com/upfiles/J9125791.jpg ابو اكرم: وانتي طاااالق الحقي بعد ابنش.. ام اكرم : حسبي الله ونعم الوكيل... اتصلت لاكرم مابيجاوب.. اتصلت لاخوها... اخوهاشاف الرقم: رقم اختي خير ان شاءالله مرت اخوها: اكيد قدي حانقه اخوها: الوو مرت اخوها: يوووف جحفه ام اكرم: اخي جي شلني اخوها: اين اشلش؟؟ مرته بتأشر له: طنشش وغلق اخوها: يا اختي الله يهديش كوني احنقي في بيتش ام اكرم: طلقني يا اخي وين اجلس في بيتي لوماتشتيش تشلني عندك اطرحني بيت اختي. اخوها بضبح: يلله الان جايي. في شقتهم.. مشهد مؤثر (حبيبته بالفستان الابيض قبل ماتنزف امها حضنتها وبتتحيلا لللبسها بالابيض) هديل: تااااثرت ددددمعت اسماء: يوو مالش صدقتي هو فلم.. هديل تنهددددت: بكككيت هيثم تاثر عليها: مفكر لانها ماحست بفرحه الزواج اسماء : هديل بس خباله عتخربي الفلم مالش هديل مسحت وشها:كانت امي الله يرحمها وانا صغيره كل عيد تلبسني الفستان الابيض وتقلي ايحين شابسرش حريوه.. اسماء دمعت حضنتهااا : خلاص ياقلبي الله يرحمها هوذا امي قدهم امش واحنا خواتش. هيثم اقتهررر عليها قوووي : ماعرفش ايش يقل لها. الطابق الاول.. عبدالرحمن: مالك بتقاااطع؟؟ عتخليني نسمر انا وامك. بسام: وانا مع من اسمر ضبببح؟ نجميه: اين اسماء؟ بسام: طالع عند هديل وهيثم .. عبدالرحمن: العب انت وروان بالاتاري حق اليد. بسام ضحكك:اسمه بي اس بي ياباه مش اتاري...روان رقدت. نجميه: سير ارقد. بسام: على الاقل اخطبولي عبدالرحمن: انقلع قلعو عينككك. بسام ضحككك: وخرررج بهربه..بيداعي من الدررج اسمااااء هديل : قامت تلبس اسماء: سعليش ماعيطلعش بس بيداعي هديل:سهل شالبس لو يشتي يطلع. اسماء: اططططلع هيثم اصصصصه: رجمها بالوساده اخرجي لاخارج. بسام سمع اططلع وفرح: الله ..الله....مابش حد.. اسماء: ادخل في الحاره.. اكرم ضابح : جالس جنب الباب من خارج بيفحر التراب بعودي.. خاله وصل: انت هنا وامك بتدور من يشلهااا !! مالك ماتوصلها؟؟ اكرم : ليش قد.عتحنق!! خاله: بتتفلسسسف ابوك المحترم طلقها.. اكرم انصدددم: طلقها !! خاله بنرررفزه:سيرر ادعيها اكرم اقتهرر لانه بسببه : طنششش ومشي للخط الرئيسي.... في شقتهم هديل :لبست ودخلت لاعندهم. اسماء: هيا عيتم عليش الجعاله هذا الهورر بسام: لاتصدقيش هور عليها بس اين جعالتش ماشعسهاش هديل ضحكت خاززيه: عادي حقنا كلنا كلو بس.. هيثم منسجم مع الفلم: سمع ضحكهم ويركز ع الفلم ويجاوبهم عاادي... #bero_alkebsi |
https://upload.rewity.com/upfiles/djC27829.jpg اكرم اتصل لصحابه : ومراعي له.. خاله بسيارته: مشيو من جنبه ..مانتبهو عليه.. اكرم : شافهم واقتهررررر.. صاحبه وصل : بيطررق اكرم مشي لاعنده: فتح الباب وطلع. صاحبه: مسررع فقدتلنا عادك خطيت قد.بنقلك تمسي. اكرم: غباء قلك اهلي بيقلقو عليا والله ماهم دارين اين انا رووووحهم الجنان والدحسس. صاحبه بيشرب سجاره ويسووق: انت رجال ماعليك منهم مش انت صغير يقلقو عليك.. اكرم: ابردددلك ادي حبه سجاره.. صاحبه: ناوله الباكت.. في شقتهم.. تم الفلم بسام : يلا تصبحو على خير وشكرا ع الجعاله.. هيثم : العفو اسماء: تصبحو على خير هديل: وانتي من اهله هيثم: وانتو من اهله. هديل : قامت رفعت الصحن والقراطيس هيثم : جالس بيلعب بالتلفون. هديل: دخلت رتبت الغرفه وامتدت بتتفرج مجلات. هيثم : ياسلام قد حملتي تلقفي هديل: اليوم دوري هيثم: امس انا رقدت فوق الكنبه هديل: والله انو انا بطل مغااالطه هيثم : تمام احفظي هااا شارقد اليوم.. هديل طرحت المجلات: تمام، تصبح ع خير هيثم: وانتي من اهله. الصبح 8:30 (يوم جمعه). ابو اكرم : راح لبيت علاء يدور اكرم. علاء: مابحد مابسرتهش ابو اكرم: راح بيت رزق رزق: مابحد ولا شفته. ابو اكرم: عليك لعنه الله ولد. رزق: ياعم والله ان اكرم كان خاطي الطريق وكل شي وجامع وصلاه ونجتمع ف الحاره الان بيساير عيال مش هم سوا. ابو اكرم: انا شاوريه اذا ماقتلته وافتهنت. رزق: مافعل شي عادو بدء يساير شباب مجانين ..حاول تتلافاه تكسبه هو بسن محتاجك ابو اكرم :سكت ومشي رزق: لاحول ولاقوه الا بالله، لبس وراح لاعند علاؤ بيت صالح.. صالح: هديل عتجي اليوم؟ افراح: ماتصلتلهاش...قد جت الجمعه الاولى .. صالح: ولو هذا بيتها حتى يوميه. افراح: سد انت وزوجها. صالح : اتصلي ابسري عتجي؟ افراح مثلت انها بتتصل: ياحج محد بيجاوووب صالح: لابعدا وعدتي الاتصال. افراح: ان شاءالله.. بيت عبدالرحمن..فوق الصبوح نجميه: اليوم عيجو جهال سوسن قدنافاقده لهم. بسام: ياهمتاااه عيزايغو حسي نحميه: مالك صلي على النبي بسام:عليه افضل الصلاه والسلام، مش انتي داريه كيف بيدحسوووني اسماء:احمد الله بيحبوك اعظم مني. هديل بعد ماسمعتهم: دخلت المطبخ تفعل غدا.. نجميه: مسرع شبعتي ياهديل هديل: الحمدلله نحميه: مابتفعلي. هديل: قلت ادخل افعل الغدا نجميه: رضي عليش مابش مذاكره؟ هديل: سهل للعشي هيثم دخل شاف هديل: لاتنسو ماتفعلو بنت صحن. نجميه:يا ابني تعب كم عنفعل صحون تكفيكم فته. هديل: انا شفعل بساعتي سهل.. نجميه: هيا هذه مرتك تفعل لك. هيثم بيشوفها: ابتسم لها تسلمي. هديل شافته خزززيت قدام عمتها: رجعت قفت تدور الصحن.. #bero_alkebsi بعدين بكمل لكم البقيه |
https://upload.rewity.com/upfiles/Kdx28040.jpg هيثم بيشوفها: ابتسم لها تسلمي. هديل شافته خزززيت قدام عمتها: رجعت قفت تدور الصحن.. هيثم : ماتشتوش حاجه ؟ نجميه: مع رضي عليك. هيثم : خرج مكان ثاني... افنان : جاووبي فاتن بتغسول: من ؟ افنان: امل فاتن نشفت يدها : وحملت بسرعه تجاوب. امل: وينشش؟ اتصل لتلفونش فاتن: انتي الي وينش امس اتصل ولاا لش خبر.. امل: كان بيتنا ملان فاتن وطتت صوتها: شوفي حسابها موضوع ساع الالغاز بينهم مافهمت حاولي تفهمي من خطيبش. امل: مااافهمت !! فاتن: ابسري صفحه الفيسبوك حقها اخر منشوور وخطيبش معلق هانك. امل: قصدش هيثم! فاتن: ايووه امل: تمام في الحاره.. اكرم : وصل يصلي جمعه علاء ورزق سلمو عليه: اين انت امس ابوك بيدورك اكرم ضحك باستهزاء : يدور من ! رزق: يا اخي مايسبرش اكرم ضاااابح: رجااااء لاحد يتدخل علاء: بهرر لرزق يسكت. اكرم :بيسمع للخطبه..(خطبه الجمعه) علاء: بيتفرج له وشايف انه ملااان حزن. بعد الصلاه.. وصلت سوسن وجهالها هديل :في المطبخ واقفه ع بنات الصحن تحمرهن. سوسن : هديل طالع؟ نجميه: ماشي دريت انش جايه ودخلت المطبخ زد اخوش طلبها بنت صحن سوسن : اخيرااا اقتنع.. نجميه: شكله اقتنع وبينبسره تغير معها قوي. سوسن: الحمدلله ، اسير اسلم عليها.. عبدالرحمن وعياله وصلو من الجامع هيثم: هيااا ..اين الغدا.. هديل سمعت صوته :فررحت نجميه: قربين الغدا اسماء: يلا تمام.. بيت صالح.. رجع مع علاء من الجامع واكرم معاهم صالح دخل للمطبخ: هيا جاوبوش؟ افراح: ماشي يمكن مابحدهم صالح: يلا قربي لنا غدا ، عنتغدا وحدنا افراح: يووو ليشش ؟ صالح : صاحب علاء معنا افراح بضبح: هنيت لقلبي صالح : وووطي صووتش في الغرفه علاء: من حق ابوك يصيح اكرم : ويمد يده؟ علاء: قدو اب ، سامي اكبرنا ولو عصب ابي كان يدعمم ويعتذر وخلا ابي يتغير بطبعه اكرم تنهدد: سسكت، بس طلقها بسببي علاء: مش بسببك ، ابوك واااصل يعصب وينسى ويرجعو مش اول مره اكرم: قد كرهت البيت منهم علاء: ولو كرهت البيت ياخي والله ان الناس كلهم هكذا لاتحلقهاش وانت. اكرم: مافعل قل لي؟ علاء: بطل مسايرتك للجهال هولا ماعجبونيش اكرم: مابش فيهم شي مالهم قلتلك. علاء: انت اخبرر صالح دخل بيصيح فوق علاء: اين الحبه ..انتو مرضتوني انتو ولاعد بتهتمو بي سافر سامي وشفت الموت اكرم : بيشوف علاء علاء: حاضر ياباه الاان اديها، سار يديها ورجع....... #bero_alkebsi |
https://upload.rewity.com/upfiles/SVt28485.jpg اكرم : بيشوف علاء علاء: حاضر ياباه الاان اديها، سار يديها ورجع صالح : هزرها وشرب،، شويه وبيصيح اين الغدااا اكرم داخل نفسه:طلع مش بس ابي وكيف علاء طيب. فوق الغدا..بيت عبدالرحمن هديل بتتفرج هيثم: وبتاكل هيثم بيتلذذ: وياكل بنت الصحن... نجميه: بس ارفعو الصحون نطرح الغدا هيثم : مسك الصحن وبياكل.. هديل بتتفرج له : فااارحه انها عجبته سوسن : يهنى قلبك بس لاتاكل الصحن.. اسماء: لانها من يد.هديل. هيثم : لفت لهديل هديل شافته ونزلت عيونها بسرعه:خزيت.. بعد العصر..بتتراسل معها فاتن : خباااله وكلام سامج امد اخته سطرت الدفتر.. امل: انتي سالتي وجاوبت مادخلني بسماجتهم فاتن: مالش ضابحه امل: تزاعلنا انا واسامه فاتن: ليش؟ امل: ولاشي ابرديلش منه فاتن: يوو تخبي عليا امل: لا بس مدري ماله بيضبح كل ماقله هيثم وهيثم يقل لي لاتجلسي تتدخلي. فاتن: خلاص ماعد عندخلش لانه خلاص قطعت تواصلنا عشان هكذا سالتش امل: صدددق ليش؟؟ فاتن:قررت وبس عترجعي تعرفي. مكان ثاني.. سامي متضايق: يااا اخي طفششش ، كيف استحملتو السنين هذه كلها. حسان: مابتحس الضبح الا الجمعه ..بعد المغرب بيصحو الشباب ونخرج سامي: قدو وقت قيمهم .. حسان شاف يده: اي والله وقت.. يلا اتوضا للمغرب نركع ونخرج سامي: يلا ربع ساعه وانا جاهز.. ف غرفتها.. رهام ضابحه : بتتذكر سامي وكل كلامه وطيبته...وتفكر ف وضعه ورأي اهله فيه وتقنع نفسها منه. بنت عمها اتصلت لها: يارريت شليتي اخوه .. رهام: نصيب بنت عمها: ايوه صح مش بيدش . رهام: ايش اتصلتي تحانكي او ايش بنت عمها: انا ياشوعه احانك ! انتي اختي ..بينخورش معي رهام: ناهي وانا رفضت ياسعم بنت عمها: مالش ضابحه؟ رهام: ماقدرت انسااه يا منى منى: انتي متردده خلي عندش رأي وتكوني راضيه به. رهام بتفكر ف كلامها: نحاوول. بعد العصر.. فاتن : بتتفرج الورد الي اداه خطيبها يوم الخطبه بوكيه كبيررر مع دبدوب حاضن كرت فيه تهنئه. غطته بالسجاده.. دعاء وصلت عندها: وحشششتيني خرجو امي تفرطه جنبكم قلت اجي. فاتن: حيابش ياقلبي..جي نجلس والله ضابحه.. وامل قدي نفسيات اهم شي عندها اسامه . دعاء: ماووقع ؟ تزاعلتين ! فاتن: مش زعل بس تحسست من كلامها دعاء: ايش قالت لش؟؟ فاتن : اصبري افهمش الموضوع كله....بتحكي لها.. افنان دخلت تسلم: اخسس عليكن ولاجيتين. فاتن بهرررت لها: وتاشر بحواجبها افنان : مافهمت.. دعاء: اين نجي؟ فاتن : مبهرره تشوفها افنان شافت فاتن: خط...سكتت دعاء: لفتت لفاتن ول افنان مالكن ليش سكتي يا افنان. #bero_alkebsi |
https://upload.rewity.com/upfiles/wrV29703.jpg فاتن : مبهرره تشوفها افنان شافت فاتن: خط...سكتت دعاء: لفتت لفاتن ول افنان مالكن ليش سكتي يا افنان ؟ افنان زعلت: خلي فاتن تقلش وخرجت. دعاء: مالش؟ فاتن: ولا شي ..المهم اكملش الموضوع.... دعاء: لاتتحسسي انتي بسبب زعلش من هيثم تحسستي. فاتن: قد لاحظت واصل لما تتزاعل انا وهيثم اسامه يقلب ولما نسد، امل ماتغلق فمها مجابره عليهم. دعاء: لاتتحسسين من بعض انتين صاحبات وهيثم مافعلتي معه. فاتن: ولاشي قطعت معه مازيد اتواصل معه مزوج الله يسعده. دعاء: اقصد قلتي له يتقدم لش تتاكدي انه كان يكذب او لا فاتن:قلت لاتتواصل معي الا لما تتقدم لي. دعاء طيب : قامت بتدور السجاده شلتها من فوق الورد.. فاتن: لحظه تشتي تصلي مش هذه.. دعاء: ياسلااام ايش الورد الروعه. شكله طرري فاتن ارتبشششت: ااا...مم . دعاء بتقرا الكرت : صااااحت ..فااااااتن انخطبتي !!!!! فاتن: سسسسسكتت دعاء مبهررره: فااااتن... مالش تغيرتي ؟؟ مالش ماتتحاكي ؟؟ خايفه امرعش يعني فاتن: دعاء جي اجلسي.. دعاء زعلاااانه : جلست جنبها ضابحه من اسلوب فاتن. مكان ثاني.. اكرم مسك كتفه: تسلم حبيبي علاء: انت عاقل يا اكرم وكنت احب طبعك ومرحك وكنت تحفظ اسرع مننا واشطر مننا والحاره كلها تحبك ..لاتضيع نفسك وسير اعتذر من ابوك. اكرم: شاسير وداري مابش فايده.. علاء: توكل على الله وماخاب من توكل اكرم: والنعم بالله..خاطرك اخي سلم ع سامي. علاء: يووصل وبيسلم عليكم كلكم واحد واحد. اكرم رجع بيتهم : بيدقدق البيت ابو اكرم: من ؟؟ اكرم: ايووه ابو اكرم عصصب: فتح الباب ادخل دخلت نفسك اكرم ضابحدخل سكته : اباه لو سمحت تسمعني. ابو اكرم بنظره غضب: ايش اسمع اين انت من امسس اكرم : والله ان قدنا ضابح انا واخوتي كرهنا البيت ابو اكرم: من حلاكم وتربيتكم وامك متفرطه واصل مش داريه اينك شقتهم.. بعد المغرب هيثم : جوعت ماعد بش بنت صحن ؟ هديل بفرحه: عجبتك؟ هيثم : مم يعني هديل بصررعه عوجت فمهت: يعني !! هيثم: ايوه هكذا مغاوثه بس هديل:ماعد بش تغاوث شفوت ولا كدم هيثم ضحك:عتعايرنا حين قد فعلتيها مابلا اقل حاليه طعيييمه؟ هديل: قد شفتك تغديتها وحدها هيثم ابتسم: تشتي الصدددق ؟ تجنننن والله ماشاءالله عليش هديل خزيت: قامت هيثم: اين عتسيري؟ هديل: اديلك مع شاهي هيثم ابتسم: تمام مراعي هديل : نزلت ماعد بش ، قامت تعجن. سوسن : يو هديل مابتعجني؟ هديل: بنت صحن لهيثم ... تصبحو على الف خير♡♡♡ ووفيت بوعدي الحمدلله 6 بارتات #bero_alkebsi |
https://upload.rewity.com/upfiles/gLt30112.jpg سوسن : يو هديل مابتعجني؟ هديل: بنت صحن لهيثم ... سوسن باستغراب : عادو اكل فوق الغدا صحن لاراسه هديل ضحكت: ماشاءالله عليه ، اصلا عجبه وسالني لو باقي جيت ومابش حرام سوسن: هنيت لقلبششش ابرديلش منه ماعيموتش هديل: عادددي والله بسرررعه شافعلها. سوسن مبتسمه لها :انتي اخبرر..افعلي . نجميه بتداعي: سوووسن اين جيتي ابنش بيبكي سوسن : بنبسر ابنش ومرته.. نجميه: مالهم ..صرف كل شيطان..ساعه سديين وساعه ماندرى مالهم. سوسن بتضحكك: مابلا طلبها بنت صحن وماعدبش قامت تفعله نجميه ضحككت: الله يسد بينهم خليها تفعل ماشتت في غرفتها.. دعاء: يوووو ...ماعندش حجه ابسري حياتش ساع مابسر حياته. فاتن: امانه قلدش الله لاحاكيتي امل دعاء: يوو ليش عتخبي عليها ؟؟ فاتن: لسبب ولاتكلمي حد دعاء: ليش عاد باقي اسباب او عتفسخي؟ فاتن: الله يرضى عليش يادعاء رجاء خلاص غلقي الموضوع الي فيني مكفيني دعاء: يالله تمام..انا تاخرت شاضوي الان. فاتن:لاتنسي وتفلت كلمه دعاء: لاتقلقي خلاص ماشكلم حد. في شقته.. هيثم : تأخرت هديل مالها نسيت الظاهر.. اسامه اتصل له: هيا ماقلت الان اكلم امل تكلمها هيثم: ايوه تقل لها هيثم يشتي يتقدم لاعند من يسسير وتدي رقم عمها وعمله اسامه: حاضر انبيك لو مايوصلني النابي هيثم:تمام .. اسامه: الله معك.. هيثم نزل: دخل عند اخته وابوه كلهم سامرين ف الديوان. عبدالرحمن : مرتك سارت بيتهم؟ هيثم بيتلفت يدورها: مع الظاهر هناا اين هي ياروان سوسن: بتفعل لك بنت صحن هيثم: قلنا تفعل شاهي وتدي بنت الصحن مالها تاخرت؟ سوسن: بتفعل لك بنت الصحن . هيثم طنن: انا قلت تدي لابقي من حق الغدا. نجميه: قد بتفعلها اصبر. هيثم:سكت ف الصاله.. سامره مع امها واختها فاتن رن تلفونها ( امل): داخل نفسها قد.كلمتها دعاء اكيد..قامت لااغرفتها افنان: اين عتسيري الفلم حالي فاتن: اجاوب امل وارجع افنان بنظره: امل !!! فاتن فتحت السبيكر : هاا امل امل : فاتن كيف انتي؟ معي لش خبر فاتن شافت افنان : غلقت السبيكر..دخلت غرفتها امل: ايش مشغوله؟ فاتن: كنت جالسه معهم ..تحاكي ايش الخبر امل: اسامه كلمه هيثم انه يشتي رقم عمش يتقدم لش فاتن: منه صدق او بيتسيمج كيف يخطبني وهو مزوج امل:انتي قلتي تبسري اذا بيكذب عليش والان اتصل اسامه ومراعي ينبيه فاتن توووترت : يو كيف افعل !! خلاص قليله ابي عيجي بعد سبعه شهور ...نخطب ساعتها امل:تمام ليش ماتخليه يتقدم وترفضيه امد يقتهر فاتن: لا لا خلاص افعلي الي قلتلش قلي لاسامه.. #bero_alkebsi مساء الخير ♡♡ |
https://upload.rewity.com/upfiles/c5030199.jpg هيثم : قالت لك هكذاا ؟؟ اسامه: نعم هيثم : يا اخي مادريت ماتشتي هذه البنت لنا سنتين نفس الهدار والدحس جي مع ...ماعد اشتيش شي. اسامه: من رأيي تعيش حياتك ونصيبك ارضى به. هيثم: خلاص يا اسامه لاتوقعش ابي ذلحين. اسامه : المهم الله يعينك. هيثم : امين .وخليها تتدلع لما تشبع وحركات وغلاق تلفون وخباله. اسامه: الله يختارلكم مافيه الخير ..خاطرك بكره لاتتاخر هيثم: ان شاءالله. نازل.. سوسن: واحناا ؟ فعلتي غر واحده بس هديل انحرجت : اصلا مش داريه انش تشتي سوسن: اضحك معش ..ولو مايستاهلهاش بس كانت طعيمه. هديل: امانه اطلعي تعشي سوسن: يهنى بالعافيه طلعي له بس. هديل تمام: جهزت الصحن والشاهي وطلعت.. طرحتهن ف الدرج ..دخلت غرفتها فكت الطرحه صلحت شعرها وروج خفيف ورجعت شلت الصحن شلته ودخلت.. هيثم كان ضابح:بيفكر اسلوب فاتن، هديل: تاخرت عليك هيثم: شافها ورجع يلعب بالتلفون هديل:هيا اقرب قبل ماتبرد هيثم: ماشتيش خلاص.. هديل انصدددمت: ليش ؟؟ قد فعلت دافيه او زعلت لاني تاخرت هيثم : ماشي كنت خاور اول خلاص انسدت نفسي هديل اكتسفت: جلست فوق المدكا هيثم : جالس مطنن الصحن كان مقرب ومحد جلس ياكل هديل جالسه ساكته مراعيه يغير رأيه. هيثم ضاابح : بيلعب بالتلفون وهو معصصصصب. هديل حنقت: شلت الصحن ونزلت سوسن : بتجهز جهالها وتلبس قدي مروحه. نجميه شافت هديل: دلا لاتفلتي هديل: بتنزل بسرعه من الدرج. سوسن: ليش نزلتيه هديل: مايشتيش نجميه: يوو ؟ هديل ملان عيونها دموع بتكابرر: هيا سوسن كلي سوسن رحمتها:بمزحه خلاص لفيها لي اشلها البيت نتعشى انا وزوجي بدلكم. هديل من عيوني: سارت تلفها. نجميه لفتت لسوسن: شفتي ؟ ساعه ماله شي وساعه يقلب يمكن انه مسحور.. سوسن ضحكت: الله يحفظش يمه ايش من مسحور. نجميه: ساعه بعقله وساعه يجنن سوسن: هو هكذا لما يضبح وقد قلنا مايشتي.. هديل : خرجت من المطبخ بالصحن. نجميه: اشرت لسوسن تسكت. ف غرفتها. فاتن بتاكل اظافرها: وتفكرر ! ليش تزوج وليش يحبني ويشتيني ؟ حتى تواصل معي ولاحسيت انه مزوج !! انا استعجلت لما خطبت ؟؟ افنان قاطعت افكارها؛ فااااتن جاااوبي امي فاتن يووو: يااارب انت داري بحالي اختارلي مافيه الخير.. افنان : فاااتن فاتن: جيت جييييت ياهرررمه. ف الديوان.. هيثم ذكرر هديل وتعبت نفسها وطلعت فارحه : حس كيف كسفها.. #bero_alkebsi |
https://upload.rewity.com/upfiles/6OO30581.jpg ف الديوان.. هيثم ذكرر هديل وتعبت نفسها وطلعت فارحه : حس كيف كسفها.. نازل .. هديل ضاابحه وبتجابر نفسها: يوم يكون ماله شي ويوم لا انا ضبحت من مزاجيته ..وماعد بتتعامل معه الا زي اول عااادي. اسماء: هددديل..هددديل هديل انتبهت لها: هاا اسماء اسماء: بكره الصبح عطله مابش مدرسه عنخرج مع ابي السوبر ماركت نشتري صرفه اتحهزي تجي معنا هديل: تمام اسماء: مالش ضابحه هديل ابتسمت بدون نفس: ولا شي ..عادي رجعت بيتها.. سوسن : اليوم مرت اخي فعلت بنت صحن تجنن ومن حظك ادولي ع جيتي زوجها ماسك التلفون مبتسم: بيهز رااسه طيب سوسن: ايش طيب قوم اتعشى شادفيها .. زوجها: مطنش سوسن: مالك بينحاكيك ؟ زوجها: هيا هااا بدء الهرررم ، ماهو ماتشتي؟ سوسن انكسفت : وخرجت تعشي جهالها. زوجها منسسسجم مبتسسم : وبيلعب بالتلفون سوسن ذكررت : ايوه صح قلت عتجيلي وبعدا ؟ليش قلت انك بعيد وانت ف البيت. زوجها يااااجنااه لليوم هذا : شلوتلفونه وباكت السجاره وخرج يجلس فوق السياره. سوسن : اقتهررت وجلست تبكي وهي بتعشي الجهال. زوجها له ساعتين فوق السياره: وبيتكلم ف التلفون.. سوسن : بتتفرج من الطاقه وبتفحررر ايش قصته مع التلفون واصل. شقه هيثم.. هيثم : دخل الغرفه ممدد فوق السرير وطارح يده تحت راسه بيفكر بفااتن. هديل طلعت:سسسساكته..شلت ثيابها وخرجت تلبس وتتجهز للنوم.. هيثم : ماحس ع هديل لما دخلت. هديل : رجعت فرشت الكنبه ورقدت.. هيثم :شافها ساكته..ماتكلم.. هديل مغمضه عينها :ببتذكر تصرفاته الحلوه من يوم ماتغير. هيثم ذكر انه زعلها: هديل تعشيتو؟ هديل: مدري هيثم: كيف مدري ..ماتعشيتي معاهم هديل بدون نفس بترد: لاا هيثم: طيب انا جوعت الان هيا نتعشى هديل:مابش نفس سير اتعشى. هيثم حس انها زعلت: سكت في مكان ثاني.. امل: ايوه قال كلمه فاتن: ايش قال؟ امل : ايش عيقول ولا شي ..قال طيب. فاتن: بس غريبه ماعد رسل لي ولاشي تقلي زعل امل: مدري فاتن: قدش ضابحه مني يلا العفو انتي واسامه امل: لاا ماضبحتش ولاشي بس مادريت ماتشتي كل شويه ومعش افكار. فاتن: حسي بي تخيلي اسامه يفعلش كل الي وقع بي امل: سكتت فاتن: حسسسيتي جننت صدق مش داريه مايشتي وليش مايصارح وليش مخبي وهو طيب مش هيثم تغيررر.....بككيت امل: الووو..فاتن فاتن : بتبكككي... تصبحو على الف خير #bero_alkebsi |
https://upload.rewity.com/upfiles/jh830724.jpg هيثم : نزل فعل له سندوتش وطلع هديل :بتتقلب فوق الكنبه وراقده ف الطررررف.. هيثم جري بسرعه للغرفه: هددديل ..هديل هديل: نوووم هيثم رفع صوته: هددديل هديل فززت: ايش في؟ هيثم: قومي ارقدي فوق السرير هديل: يخخ والسماجه قيمتني تحانك. هيثم انصدم : مالشش! سيري ارقدي هديل لسانها ثقيله نووم:اليوم دورك..اص خليني ارقد. هيثم:طز افلتي ولاقرحي راسش هديل رفعت البطانيه لاوشها: يووووف ..اصص في غرفتها..الليل سوسن: بتتفرج الساعه 3:25 زوجها: خارج فوق السياره ف الحوش سوسن عصبت وبتفكر ف خطه: قامت غلقت الباب حق الصاله ورقدت.. بعد نص ساعه..الباب مغلق والمفتاح مش ف جيبه زوجها معصصصب: دق زجاج الغرفه..دق الباب..اتصل للبيت محد بيرد سوسن كانت صاحيه دموعها ع خدها: بتسمع ومطنشه زوجها :رجع السياره، مد الكرسي ورقد. الصباح..بعد شروق الشمس زوجها: تضايق من الشمس وحمى السياره..نززل معصب ..زززبط الباب سوسن: نكززت ، راحت فتحت الباب زوجها بصياح: انتي غبيه ترقدي والباب مقفل ليش ماخليتيه مردود سوسن: مطنشششه زوجها: من بينحاكي ! سوسن: اصصص العيال نوم..لو عتفتح موضوع ف عيكون ع بلاك انا مش غبيه . زوجها خاف من كلامها: دخل غرفته..ورقد سوسن: راحت غرفه عيالها. بيت عبدالرحمن عبدالرحمن: اطلعي قلي لهيثم ينزل يجي معي نتصرف اسماء: واحنا ؟؟ عبدالرحمن: تمام، ادعي هيثم امد نسير ندي صبوح ونرجع وانتين جاهزات اسماء: فرررحت ، يلله تمام دقت باب الغرفه.. هديل بثياب الصلاه : فتحت لها اسماء: قمرر حين قد قمتي، وين هيثم هديل فتحت الباب: ها راقد ولا رضي يقوم يصلي اسماء غمزت لها :دخلت للغرفه هيثممممم ابي مراعي لك جاوب هيثم نكز: بيمسح عينه، ماهو ؟ اسماء: جاووووب ابي هيثم: مايشتي؟ اسماء: مادراني انزل ابسر هيثم:قليله الان جاي اسماء: نزلت.. هديل: قيمتك تصلي ولاا رضيت هيثم: اصه ع حلاش ، واحد يقيمش وانتي والكنبه سوا هديل: ضحكت هيثم يشتي يراضيها: اشتي صبوح بنت صحن هديل: قلبت عيونها ومشيت ترفع السجاده هيثم:عتفعلي لي صح هديل: اكيدددد الان انزل افعل لك هيثم: صدق ولا بتمزحي هديل بتفتح الستاير: انزل جاوب عمي بيت صالح.. صالح: اليوم عطله علاء:انت داري ياباه ان العطل والجمعه عمل ، هذا مش دوام رسمي صالح: ها كان الله معك افراح: بس سمعت انهم بيدو لكم زلط زياده علاء: ليش او مداومه معنا ومش انا داري #bero_kebsi |
https://upload.rewity.com/upfiles/QXq30819.jpg فاتن : قامت على صوت تلفونها تذكير التاريخ ذكرت عيدميلاد هيثم..اقتهرت طفته ورجعت في نومها ام فاتن: هيا قوومي يابنتي يكفي نوم فاتن: قوا يمه اليوم عطله ام فاتن: حين هي عطله قومي كنسي وافعلي الغدا يلله فاتن: وافنان ام فاتن: افنان ماسكه البيت كله طول الاسبوع معش العطل فاتن: يوو كان شويه ام فاتن: ولا دقيقه في مكان ثاني...بيصتبحو حسان: سمعت واحد من الشباب بيدور عمل حارس سامي: حارس اين؟ حسان:لفندق سامي: ياخي مشكله الاقامه ولا عنلقى سبعين عمل حسان: لاتصدق الاقامه مش قصه كثيرر بيشتغلو بدون اقامه محد بيدرى ..معك صاحبنا فؤاد بيشتغل وا.... قاطعهم صوت الشباب...يااااااحسان يااااسامي حسان سكت:لفت لهم سامي وقف: خيرر الشباب: مسكو فؤاد وشلوه معهم القسم سامي مسك راسه: هيا ايش من عمل قلق وعادك تشتي ندخل حسان: له عمررر !!كيف لما امتسك؟؟ سامي:يا اخي ايش ضركم لو فعلتو قانوني او رجعتو حسان: من بيتفلسف وانت كيف جيت؟ سامي: انا امد اجمع مبلغ للكفيل وارجع وادخل بطريقه قانونيه الشباب: مش وقت الان كيف بنسوي بالولد؟ حسان : ولاشي، احنا حانبين بنفسنا. فوق الصبوح..اشترو من خارج هيثم شاف هديل :الرشووش اطعم من بنت الصحن كلي ياروان هديل: اين احلى ياروان؟ روان: الرشوش هديل : والله !! روان: قد نسيت طعمه من امس هذا ذلحين طعيم كلهم ضحكو بسام: منكن صدق عتخرجين كلكن عبدالرحمن: مافيها السياره كبيره نجميه: انا شجلس هنا ركبي وجيعات مافيني للوي اسماء: خلاص نسير مع ابي بسام: وانا اسماء: وهديل هيثم شاف هديل: وانا هديل مستغربه: هذا كل يوم بطبع جحفه نجميه : سيرو كلكم قدي دوره وتسواق عبدالرحمن: هيا اقطبوو الان نلحق السوق كل مابكرنا كل مالقينا لحمه حاليه هديل سسرحت: بتتمنى ايمن وغاده معها في بيتها..بتصيح فوق الجهال سوسن: بتقرش الخضروات للغدا وبتتفرج تلفزيون زوجها: حد يتفرج ويطبخ؟ ايحين عيجهز الاكل!! سوسن: اعرف الا تتغدا وقت يوميه زوجها: مالش من امس بتدوري مشاكل سوسن: خلينا ساكتين احسن زوجها: ولا ؟؟ ماعتقلي تحاكي سوسن: ايش مجلسك امس للفجر خارج؟ زوجها: حررر اسكه من هرمش وعيالش سوسن:سكتت زوجها: جلس قدام التلفزيون وماسك التلفون. فوق السياره.. عبدالرحمن: وقف قبال سوبر ماركت البنات نزلين.. هيثم بيجابر بسام: الان عتبسر هجوم كل واحد بعربيه بسام: ضحكك اسماء: انا وهديل هنا ادواتنا هديل: قدي صرفه للبيت اسماء: ولنا ..لو خورنا شي طرحناه هديل: قصدش جعاله اسماء: جعاله عطر دهان صباغ ماشتيتي هديل: اول مره ادخل بقاله كبيررره بيبيعو كل شي فيها اسماء: صدددددق؟؟ او بتمزحي؟ #bero_alkebsi |
https://upload.rewity.com/upfiles/xZB30898.jpg هديل: والله مني صدق اسماء: على هكذا جي اوريش كل قسم هنا.. هديل: تمام، اخي بيشتغل في بقاله كبيره هكذا اسماء: بسمها؟ هديل: مدري يمكن هذه اسماء: به خيرررات ماتعرفيش اي واحده هديل: لا اسماء:طيب راعي اسير اقل لابي عنلوي انا وانتي هديل: تمام. عبدالرحمن : مع روان بيلوي هيثم وبسام بيزبجو ويتجابرو (في المزرعه مكان عملهم) سامي: كم عيحبسوه؟ حسان: مدري والله سامي ضاابح جالس: الله يلعن ابوها غربه وبهذله حسان: تعبب يااا اخي فاااقد للعيال.. سامي: ليش ماتسافر حسان: بسافر كان يشتو واحد موظف عشان العمل بعد ماجيت انت نقدر نطلب سامي: حلوو قدم وتوكل روح حسان: تمام سامي:هيا قوم نخلص العمل حسان: يلله بسم الله في التلفون نجميه: مابتفعلي؟ سوسن: بينفعل الغدا نجميه: هيا شفتي اخوش امس كيف كسفها وقالب والصبح نزلو مافيهم شي. سوسن: الله يعينهم نحميه: نسوان عيال عمش قدهن واحمات سوسن: ماشالله ، بس هديل صغيره نجميه: يلله هم اخبر هي حياتهم قد قلنا تزيد.تتم الثانويه وبعدا سهل سوسن:الله يسهل نجميه: مال صوتش؟ سوسن: ولا شي مالي.؟ الظاهر حين قمت قبل شويه. زوجها : بيتفررج لها نجميه:يلا كان سيري تمي عملش حبي جهالش سوسن: حبتش العافيه..مع السلامه ف السوبر ماركت..بيتمشين هديل بتشوووف واحد بتتأمل وهو واقف ومقفي شويه: بتقرررب لاعنده اسماء: مالش؟ هديل مسكته: علاااءء علاء: التفت لهديل واسماء اسماء: مبلمه من علاء ؟؟؟ هديل: انت هنا بتشتغل؟ علاء: ايوه كيف انتي وزوجش مع من جيتي بسام عقد حواجبه: مااايشتي منهن هيثم عصصصب: ومالها هذه الخبلا واقفه جنبه بسام وهيثم مشيو بسرعه. علاء ظهره لاعندهم: هاا وين هيثم نسلم عليه هيثم نظرات غضب: بيمشي ويتفرج هديل هديل: هيثم علاء بيشتغل هنا هيثم : سلم عليه كيف انت، قد استغربت من بتجابر هيثم ضحكك: كيف حالك واخبارك ؟ علاء: الله يسلمك الحمدلله اسماء: واقفه بعيد شويه وراهم بسام:.مسك اسماء ومشيو صاحب علاء: علاااء جاوب علاء: يلله استاذنكم اي خدمات انا موجود هيثم: الله يبارك فيك هديل فاااارحه مبتسمه له: مع السلامه هيثم مشي هو وياها: قد كنت معصصصب هديل: ليش؟ هيثم: قلت مع من بتتكلم هديل: افرض حبيبي هيثم عصب: بس خباله لادقش ملطام هديل زززعلت: ليششش ايش فعلت هيثم:حبيبش!! هديل: ايوه ليش اما انت معك حبيبه هيثم: انا غيررر #bero_alkebsi �� |
https://upload.rewity.com/upfiles/b1P14923.jpg هديل: كيف انت غيررر ؟؟ايش معنى انت هيثم : اصصص وطي صوتش هديل: فلتته ومشيت هيثم مسك يدها: جنان ماشتيش اوقعي عاقله وبطلي هباله هديل هزرت يدها: مشتيش امشي معك اشتي اسماء هيثم:.طنشها وراح لاعند ابوه هديل: راحت لاعند بسام واسماء اسماء: قد فلتناكم تترمسسو مش انتو حق شي هديل: اشتي اخطى الا معش هيا بسام: الله المستعان، انا مطرود او كيف هديل خزيت: لا بس احنا بندور مكياج وبعاسس بسام : كان خاطركن نسير نعاون ابي هيثم بترررن ف اذنه كلمه هديل: افرض حبيبي عبدالرحمن : شلو كرتون من ذيه وشواله سكر حملهن للسياره بسام:واا هيثم هيا اخطى هيثم كان بيشوف هديل: يلا ها في قسم الملابس اسماء: اقلش شي هديل بتتفرج للثيابات: قولي اسماء:.انتي عارفه اليوم عيدميلاد هيثم مارايش تشلي له هديه هديل انحرجت: بس ماديتش معي فلوس اسماء ضحكت: ياسلام وهيثم ماعمله زوجش هديل: اطلبه عسب عيدميلاده اسماء: اسسسمعي مش وقت انتي شليها شالفها في كيس واخلي ابي يحاسب عليها ياسعم لي هديل: تمام ماشل له؟ اسماء: اي شي ع ذوقش هديل بتفكررر: اسماء كيف هولا( كرفته وشميز) اسماء: وااااو يجننين اللون روعه هديل: اشلهن اسماء شلي: لو تفعلي حفله لكم طالع هديل ذكرت بنت الصحن: مابش داعي اسماء: ياهبلا عيفرح ويحبش اكثر هديل: صدددق؟ اسماء: نخلي بسام يشلنا بعد مانروح وتفعلي له حفله هديل: مشتيش وحدنا ننزل معاكم اسماء: تمام في الحاره..بيتجابرو اكرم رن تلفونه: قام يجاوب خاله خاله: قل لابوك يجي يشل امك اكرم قدو داري بكراهه خاله: مطلقه كيف يجي خاله: يردها يافالح انت وياه اكرم: رقمه عندك سدو انا مادخلني خاله: غلق لاوشه التلفون اكرم: طفى تلفونه رزق: مالهم خبرتك اكرم: مش خبرتي هولا البيت رزق: هاا العفو منك اكرم: عاادي مابش شي في المطبخ.. سوسن: بتجهز الغدا... تلفونه بيرررن بيررن سوسن مسستغربه : خرجت تدوره زوجها: في الحمام سوسن: شافت الرقم كله رموز..شكت فتحت الخط المتصل: سسسساكت سوسن: غلقت..بسررعه فتحته وشلت الرقم سجلته عندها...رحعت التلفون بقعته رهف بنتها ست سنين: مااما قلي ل يونس شل حقي الالوان سوسن وطت تشاور بنتها: حبيبي لو بابا قال لش من جاوب التلفون قلي انتي رهف: حررام الكذب ايحين جاوبت؟ سوسن ارتبشت: اصلا انا جاوبت وبابا عيصيح فوقي لانه صاحبه عادي عشان ماما هذه المره وبس رهف: طيب رفعت يدها يارب سامح ماما وسامحني سوسن: من علمش.. رهف: الاستاذه سوسن طننت:هاا... تصبحو على خير #bero_alkebsi |
https://upload.rewity.com/upfiles/Oob15270.jpg في السوبر ماركت... عبدالرحمن : بيحاسب اسماء: خرجت اكياسهن يحاسب عليهن هيثم : سار يقرب السياره للباب بسام: بيتحمل الاكياس للسياره علاء شافهم خارجين:سار يودع هديل وسلم على عمها.. اسماء بتتفرج لهديل: وعلاء بيكلمها . علاء لمح اسماء: نزل عينه بسرعه ومشي هديل : لفتت لاسماء اسماء خززيت حبت تغالط الموضوع: هديل لاتقليش لروان بخطتنا هي مفضوحه هديل: تمام في بيتها.. سوسن: اقرب الغدا؟ زوجها: ايش طبختي؟ سوسن: كبسه ولحمه ومرق وشفوت وسلطه وزحاوق. زوجها: هذاا غدا ؟؟ كل يوم نفسسسه سوسن بصدمه: ايش من نفسسس؟؟ قبل امس خورت مكرونه وفعلنالك وقبله فعلت بريك وقبله محشي زوجها: تعالي شوفي نسوان اصحابي معاهن اكلات غريبه ماقدرت احفظها وانتي نفس المنهج سوسن ضحكت باستهزاء: مدري هن صحباتك او اصحابك زوحها مسك اذنه: نعممم؟؟!! سمعيني سوسن دخلت المطبخ: لاحول ولاقوه الا بالله زوجها قدام التسريحه بيغني: لبس الزنه والكوت ،الشال المكوى لفه حول راسه ولبس نظاره شمسيه وتعطرر..لبس الساعه وخرج سوسن: الى اين !! زوجها: معي عرس سوسن: عررس! من ذلحين؟ وين القات والعلاقيه والماء وو زوجها: عتتغدى واشلهن ع الطريق مالششش؟ سوسن: انت الي مالك تصرفاتك تغيرت ماشاغلك!! زوجها فتح الباب: خرج وغلق بقوه.. سوسن غمضت عينها: الله يهديك او يشلك لو بتخونني. في غرفتها.. فاتن جالسه طرف السرير رجل فوق رجل واظافرها في فمها ، بتفكرر ..هيثم عمررره مادعمم هكذا ماله !!! دعاء اتصلت:هلا فتون تعالي عندي اليوم فاتن: ليش؟ايش معش دعاء: شكمه فاتن: تمام الناس يتصلو بدري ياشوعه بعد المغرب بسام:دخل الكيك بسرعه للمطبخ هديل زينت هي واسماء الديوان فوق وغلفت الهديه اسماء: باقي انتي تعالي اسشور شعرش ومعي فستان يجنن من الخارج رقيق قوي ..شوفي حالي هديل: يوو قصير اسماء: سعليش ابي وبسام ماعيدخلوش الحفله وحدنا نجنن وبعدا احتفلو وحدكم. هديل: اخزا من هيثم اسماء بهررت: بس دلع ياهديل هديل: ماتعودت البس هكذا في بيتنا اسماء: حسستيني مدري كيف قصره مش قصير قوي بس لانش ماقد لبستي هياا هديل هديل انحرجت: تمام اسماء: هيا شررق قبل مايقوم هيثم. هديل: اقفل عليه بالمفتاح؟ اسماء ضحككت : ايوه امد مانتم بعد ساعتين وبعد ماصلو مغرب هيثم قام: بيفتح الباب ولااا..بيداعي هديل:فتحت له.. نجميه وروان واسماء ف الديوان مطفى هيثم يشتي يصيح:شاف هديل بقممممه الجمممال اسسستغرب هديل: هيثم اللمبه خاربه حق الديوان.. هيثم ولع اللمبه: وشاف الكيك والزينه وكلهم قباله. وزيدت لكم بارت...تصبحو على الف خير #bero_alkebsi |
https://upload.rewity.com/upfiles/dXE15349.jpg هديل: هيثم اللمبه خاربه حق الديوان.. هيثم ولع اللمبه: وشاف الكيك والزينه وكلهم قباله. اسماء: كل سنه وانت طيب هيثم انحرج حك راسه وبيتفرج لهم :جلس فوق المدكا نجميه:ابسر القمريه حقك مافعلت لك هيثم مالفت لهديل: ماعدحنااش صغار من الخباله اسماء بتتخمر عليه: ذلحين من داخل مزقرع وهنا بتقلد هديل ساكته : وجالسه طرف الديوان روان بتدحسس: هيا غنو فيسع اشتي كيكه هيثم: اقطعو لها. اسماء: ناهي كان نتصور هيثم ضابح بعد النوم: راعي اسير امشط نجميه: هديل جي يابنتي هنا مالش طرف المكان هديل: سارت هيثم : غسل وشه ومشط وجلس جنب امه وروان وهديل جنب امه من الجهه الثانيه هديل : اجلسي اتصوري وهاتي افعلكم صوره هيثم : لفت لاعندها هديل كانت ملامحها رقيقه وشعرها طوووويل بلونه الفاتح :بتصورهم روان: محلااا شعرش ياهديل رفعتي يدش وهو طول اكثررر كلهم ضحكو ..وهيثم لفت لروان.. اسماء: بتقطع الكيكه..وزعوها نجميه: نزلت قسم زوجها وبسام هيثم حضن روان: تعالي نفعل صوره للفيس احانك الخبره معي كيك وهم لا.. بيتجابرو ف التلفون اسامه: حاولي تقنعي فاتن خلاص تنسى هيثم امل: امانه قل لي بيكذب عليها؟ اسامه: لا امل: بيكلمك من مرته ..؟ اسامه: بغير جنان محد يتحاكا ع مرته امل: مسكينه والله اسامه: وهو مسكين امل: اجلس دافع عليه كلكم سوا اسامه: اووهوو حركااات امل:مالك اسامه: هيثم ف الفيس منزل صور عيدميلاده امل:صددق؟ اسامه: كتب هكذا شقتهم.. هديل: طرحت هديته في الدولاب حقه وغلقت هيثم: جالس يجابر اسامه ف الفيس بوك هديل: اقطع لك كيك هيثم مركز ف الابتوب: خلاص اكلت هديل: عجبتك المفاجأه هيثم بيطبع: حلووه هديل راحت الغرفه : خرجت كتبها وبدأت تذاكر وتحضر للمدرسه. طلعت اسماء: هديل باقي كيك؟ هديل: ايوه نزلي الصحن كله هيثم مايشتيش اسماء:طيب في التلفون.. فاتن: ايوه داريه انه عيدميلاده امل: ها بس قلت اقلش فاتن: تسلمي قد شفت صفخته كنت فاتحه وظهر عندي له منشور امل: يلا خلاص بس ..بارجع اكلم اسامه كنا بنتكلم وغلقت اقلش فاتن: تسلمي بعد ساعتين في غرفتها. هديل بتتقعم: رفعت الكتب والدفاتر جهزت الجدول، غلقت الباب بالمفتاح عشان تبدل هيثم يشتي الشاحن: قام فتح الباب مقففللل هديل: لحظه هيثم:ماعد اشتيش مفاجئات افتحي بس هديل طنشتته وبتلبس:هذا بيستهزئ ولا ايش هيثم: افتحي بسرعه التلفون عيطفى. هديل بسررعه: بتغلق الازرار ، خرجت شعرها من الفنيليه وفتحت هيثم: بيتفرج مابش شي! ليش غلقتي؟ هديل: ابدل..... #bero_alkebsi |
https://upload.rewity.com/upfiles/E4815568.jpg هيثم: بيتفرج الغرفه! مابش شي..ليش غلقتي؟؟ هديل: ابدل هيثم : سكت شل الشاحن وخرج..رجع خطوتين عتتعشي؟ هديل: لا شابعه هيثم:مره ثانيه تحاسبي ع كلامش هديل جالسه قدام التسريحه تمسح المكياج: ايش قلت؟؟ هيثم:كلام الي ف السوبر ماركت هديل: ايش من كلام ؟ قصدك حبيبي!! هيثم: عيب تقلي هكذا مره ثانيه هديل: وانت ؟؟ مش عيب تحب.؟ هيثم:ماعليش مني ..المهم انتي الان مزوجه هديل: لااا اخوه بس وكلها فتره وكل واحد لوحده ولا نسيت؟ ايحين عتخطبها؟ هيثم: لما يجي ابوها مسافر هديل: طيب ايش زعلك لما قلت حبيبي ، انت عتتزوجها وانا ادخل جامعه واحب واتزوج هيثم: كما طلقتش تفعلي الي تشتي، الان انتي في ذمتي هديل طنشته: رقدت فوق السرير . هيثم: ماتعيديهاش هديل بدون نفس: ان شاءالله...غلق الباب وطفي هيثم : غلق وخرج بيت صالح..فوق العشا علاء روح: اليوم لقيت هديل وزوجها وعمها وجهاله افراح: قد بتتبضع؟ علاء يشتي يحانكها: كم شلت ملاااان عربيه قلافد افراح: بتبسررر ياحج بنتك ؟ عيقولو طمع صالح: سهل زوجها لو معه الله يهنيها افراح ردت يدها ع وشها : هااا شلوني ع حظ صالح: ماقلتي علاء نظرره تحدي: قالت ماشالله ع حظظ افراح: عادو بيفتجع عليا من العين قال ماشاءالله علاء بهرر: شكلي فهمت قصدها غلط ياباه افراح شدددت ع اسنانها: ازيد لك شاااهي؟؟ علاء ضحك: ززيدددي صالح: اقتصدي ف الصرفه لاتجلسيش تمكنينا لعب افراح:استغفر الله بس، حاضر ياحج . بعد ماروحت من عند دعاء(شكمه) فاتن اتصلت لدعاء: قليلي اليوم الي كانت لابسه عصبه ياقوتي في الشكمه من هي؟ دعاء: مرت ابن عم هيثم الي هي بنت خالتي.. فاتن: ايووه داريه بس قالت قدهن واحمات ؟ دعاء: هن ثلاث ، هذه وواحده سليفتها ، فاتن: ومرت الكذاب ؟ دعاء: مدري والله فاتن:قوووا اتاكدي لي منهم مرت هيثم واحمه؟؟ دعاء: ماعتستفيدي امانتش؟ فاتن: هكذا وبس اشتي ادرى دعاء: يخ يافاتن كيف قد انتي ولاعد بتحاكينا بشي فاتن: عادي اعذرني موجوعه منه مافعل دعاء: واحنا مادخلنا؟ فاتن: الا لكن دخل شاقلكن بعدا ليش .. في الديوان هيثم: بيحددث الواتس يشوف في رساله او صورتها متغيره لعيدميلاده....فتح الفيسبوك...ولاشي؟؟ جالس بيقرا منشوراتها...كلها ومستغرب من غموضها وطبعها ليش تغير بسام : طلع بيداعي من الدرج هيثم: ادخل مابش حد. بسام: معك لصقه؟ هيثم: راعي ادخل ادور لك #bero_alkebsi |
https://upload.rewity.com/upfiles/IXW21117.jpg هيثم :دخل الغرفه دلا هديل نوووم: افتلبت شافته ، هيثم ماتشتي؟ هيثم بيدور ف الادراج: كنت اشتي اللصقه ابسرتيها؟ هديل نووم : ايوه، ورجعت نوم هيثم:اينهي؟ هديل: مدري وين طرحتها هيثم بصوت: هددددديل..اين اللصقه! هديل نكزت: قامت بتصيح يووف منك جحفه ...فتحت شنطتها وناولته الكيس (كان فيه لصقه ونقص والبقيه حق الغلاف) هيثم: شله وخرج..فتح بيدور بسام: لقيته؟ هيثم : ايوه الظاهر غلفت دفاترها ونسيته بسام : تسلم. بيتها..الساعه 12الليل سوسن : جالسه بتتفرج التلفزيون زوجها دخل: سلام سوسن مالفتت له : وعليكم زوجها:خلس الكوت وطرحه جنبها والشال وجلس ماسك التلفون.. سوسن: ليش تاخرت؟ زوجها : كنا في عرس قلتلش سوسن : عرس لاذلحين زوجها: من جاوب صاحبي الظهر؟ سوسن : بنتك زوجها: ها قلت او انتي سوسن :من ايحين بينلمس تلفونك ! زوجها:سكت سوسن : بتتفرج التلفزيون زوجها مبتسم: ماسك التلفون وبيطبع بحماس الصباح.. هديل قامت الساعه ست : لبست ونزلت مع البنات تجهز السندوتشات هيثم بعد ساعه: بيتجهز للجامعه فتح الدولاب يخرج ثياب ..لقي كيس فلت لايده..فتحه وعلبه مغلفه.. جلس فوق السرير بيفتحها..(شميز وكرفته )ابتسم وفتح كرت( مكتوب كل سنه وانت طيب عقبال ماتحقق حلمك..) هيثم : لفهن وخباهن ف الدولاب..وخرج ثياب ولبس وراح ف الجامعه.. رهام بتتفرج مكان سامي: في واحد بدله..ذكرته ودمعت صحبتها: مالش؟ رهام: وحشني سامي قوي صحبتها ضحكت: عيدي الله غني وتنسيه.. رهام: بتتمسخري عليا لاني سريتش وقلتلش الصدق صحبتها: الفلوس مش كل شي ليش كسفتي الولد . الدكتور دق الماسه وعصب: فتح الباب ،لووو سمحتين الثنتين اتفضلين رهام حنقت : وخرجت صحبتها: دكتور العفو بس كان معها ظرف قوي وبتسالني الدكتور : طيب ابقي عشان اعتذرتي وهي خليها تحنق براحتها، غلق.. رهام :فتحت تلفونها بتتفرج..اخر رساله منه قبل شهر ونص...رسلت له بالواتس..( سلام سامي كيف انت طمني عنك ..كيف شغلك) بعد الظهر..الكل بيتغدا هيثم : وصل روان: تمينا عليك وهديل خبت قسمك هيثم ابتسم : شاف هديل، طيب يامحارشه نجميه:جي اتغدا هديل: دخلت المطبخ تدي الغدا حقه هيثم شافها: اغسل يدي واجي..دخل بعدها هديل: بتغرف له لاصحن هيثم بصوت واطي: تسلمي على الهديه ذوقش يجنن هديل ابتسمت: الله يسلمك هيثم بيتأمل عيونها: الشمس الي من الطاقه عكست لعيونهاا وخلتها عسسلي فااتح هديل: الحمدلله انها عجبتك هيثم: كيف عرفتي انه عيدميلادي؟ هديل:اسماء قالتلي هيثم : هاا ،خلاص ذلحين قررت لوما اشتري اخرجش معي السوق هديل...... : ان شاء الله البارتات قليله اليوم مشغوله^_^ بكره اعوضكم ان شاءالله تصبحو على الف خير #bero_alkebsi |
https://upload.rewity.com/upfiles/L8621298.jpg هيثم : هاا ، خلاص ذلحين قررت لوما اشتري اخرجش معي السوق هديل: ان شاء الله هيثم ابتسم: شكرا مره ثانيه ع خرجته.. هديل بتشوفه وبتغرف الاكل: حرقت يدها وفلت الصحن من يدها.. هيثم خاف: رجع.. خيرر!! هديل بخووف: حرقت وفلت الصحن هيثم:مسك يدها يشوف.. هديل بيحرق يدي: رجعت خطوه لاورا هيثم : انتبهي الزجاج ملان الارض..تعالي نسالهم ماتفعلي نجميه سمعت قامت للمطبخ: ماووقع؟ هيثم: هديل حرقت بالمقلى.. نجميه: جي افعلش عسل هيثم بيتفرج لها:ذلحين حرمتي عليا الاكل .. هديل عيونها دموع: وانا حرقت بسبب اكلك هيثم بيمزح معها: مافعلش ذلحين جاوع قومي افعلي بنت صحن هديل مسحت دموعها: ضحككككت . نجميه مبتسمه لجنانهم: هيا لاتفعلي ماء ولا خليها هكذا. في الجامعه.. دعاء: كيف كان اليوم هيثم مركزز لاعندش . فاتن: ماعليش من هيثم خلاص ، اتصلتي تسالي بنت خالش مدري قريبتش دعاء: نسسسيت فاتن: والله انش هبلا مراعيه لش من امس دعاء: هاتي تلفونش مابش رصيد فاتن: ها اتصلي دعاء: وايش عتقل لي ايش دخلش فاتن بتفكرر: ممم ماتقلي ماتقلي ؟ دعاء: ابرديلش يافاتن فاتن: اتصلي قلي اننا صاحبه مرته و او بنت جيرانهم معش ف الجامعه وانحنا نشتي نفعلها حفله او اي شي تصرفي دعاء: شلوووش ناااهي فاتن: اوقعي مثل امل يلله..اهم شي عندها اسامه دعاء اصص: بيررررن بنت خالها:الو دعاء: ايوه كيف عروستنا بنت خالها: خلاص قد تمت الحريوه من حين وحمنا دعاء: ماشاءالله كلكن؟ بنت خالها: ايوه دعاء: مقصدي انتي وسليفتش ولا الثلاث بنت خالها: اكيد كلنا دعاء لفتت لفاتن: يلا اتخوري ماديلش بنت خالها: سلامتش ياقمر دعاء: ان شاء الله اشوفش ع خير..مع السلامه فاتن: ايش قالت واحمه اكيد صح دعاء: قالت كلهن واحمات فاتن: خلاص الان اواصل طريقي وهو الله معه دعاء: طيب عتقليله سبب زعلش فاتن: لا طبعا وخلينا نواصل السكته. هيثم: يلله افعلي لي غدا مادخلني هديل: وانت رد يدي شوف كيف حرقت هيثم: وانتي حد قال لش تقومي تتحيمشي قد الشغاله عتقرب هديل قربت منه تشاوره: انت قلت نمثل نازل انحنا مزوجين وانا قمت هيثم رفع حواجبه: هااا يعني لو مزوجين صدق عتكوني تقربي انتي هديل خزيت: يلله شاطلع اصلي.. نجميه: اوبهي تبللي يدش الحرق قوي هديل: حاضر هيثم: جلس يتغدا معاهم بقيه الغدا اسماء غمزت لهيثم:كيف الهديه هيثم بياكل :حاليه.. #bero_alkebsi اسعد الله مسائكم بكل خير ♡♡ |
https://upload.rewity.com/upfiles/whW21513.jpg زوجها وصل من العمل سوسن : علي..علي علي: هاا سوسن: عاد الناس يردو السلام مالك داخل بالتلفون ؟ علي: ياجنااانااه ياهرماااه ماهوو مابتدوري اخرج سوسن: بنتك تاعبه ..قوم نشلها لدكتور علي: من عيفتح لش من هذا الساع؟ سوسن: الساعه ثلاث نسير نحجز اول مايوصل الدكتور ندخل اول ناس علي مبتسسم: بيطبع بالحروف حق التلفون سوسن: خرجت من عنده..اتصلت لبيتهم بسام: الوو سوسن: عتقدر تجيلي ذلحين بسام: ع طوول ..اين عتسيري؟ سوسن: اسعف اريج بسام : او سلامتها من عيوني الان اجي سوسن: تسلم عيونك علي : من بتكلمي سوسن: اخي علي: ايوه خليه يشلش هو مابش معه شي سوسن : طنشته ودخلت للغرفه عند بنتها علي: مابش غدا اليوم؟ سوسن: ليش ايحين تصرررفت افعل غدا علي: ليش ماتخرجي انتي سوسن: بنتك تاعبه علي: صرع الباب وخرج في شقتهم هديل : بتنفخ يدها .. هيثم تم يتغدا طلع :ودخل يتوضاء هديل: بترتب الزي حقها وترفع الغرفه.. هيثم: خرج هديل: مدت السجاده هيثم بينزل اكمام الزنه : تسلمي هديل الله يسلمك: بتعلق الشميز حقه وشعرها افتك .. هيثم شافها: ورجع يكبر ويصلي هديل: بتلفه قدام المرايه هيثم تم يسلم : كيف المدرسه اليوم هديل: الحمدلله ، وانت كيف الجامعه وماوقع لك هدايا هيثم: ضحك من يديلي هدايا ! احنا الشباب مش مبعسسين مثلكن هديل: مم اقصدد حبيبتك هيثم: لا مادت ومابنتواصلش خلاص هديل : ليش تزاعلتو ؟ هيثم: لا ، بس لوما يكون بيننا شي رسمي هديل وطت راسها: بسببي؟ هيثم: لا مش سببش ، ظروفها ماسمحت اني اتقدم لها حاليا ..لوما يرجع ابوها في الحاره.. رزق بصوووت: اكررم وااا اكررررم اكرم اشر له بيده: ايووه ..سار لاعنده رزق: بيتفرج له اكرم: معلق القات فوق الجنبيه ولابس الشال والكوت. رزق: الى اين ؟ اوو هوو قد انت ممسوخ رسمي اكرم: مابش مسخه هو الا عودي رزق: كلنا بنخزن ما العودي انا من الباكت الي في جيبك..الله يهديك اكرم:.اديلك حبه رزق: اسسسلم اكرم: يلله الشباب مراعيين لي رزق: لاتنسى صلاتك قد بينبسرك ولاعد بتبدي الجامع ولا فرض اكرم: بينصلي معاهم رزق: الله يبارك فيك حاول تخفف التخازين يوميه تعب اكرم: ناهي ياحج مطوعي رزق ضحكك : انت داري اني اكبر ممسوخ بس بعقل.. علاء: ايش معاكم اكرم : فتاوى ..رزق يوميه عنده جمعه..خاطركم #bero_alkebsi |
https://upload.rewity.com/upfiles/lvQ21588.jpg علاء : ابردلك منه ماعد بش فايده بننصحه ويعاند اكثر رزق: الله يهدي ابوه مش هو داري اين هو.. علاء: وانت ماخبارك مابتسوي رزق: والله بنعامل نسير عند سامي بس مشتيش تهريب يكفي وانا هنا كله خوف وقلق علاء: ماقد سدوش رزق: ماتعرفش انت بلادنا والله مايسدو ولو هو جاهل لايقتلوه علاء: حسبهم الله ونعم الوكيل بيت صالح.. افراح : ماوقع بك كيف انتذقت؟ صالح: مدري سومت افراح: الله يحفظك هيا اجلس اسير ادي لك ماء صالح: سريع وادعي علاء يجي يقيس الضغط افراح: ايمن...سير ادعي علاء ايمن: خرج علاء: يلا خاطرك..اسير اجاوب افراح: ابوك تاعب سير ابسر ايش يشتي. علاء قاس الضغط :مابش شي طبيعي صالح: عيني بتزغلل يابني علاء: قوم اشلك المستشفى صالح: هاتي الكوت والشال حقي افراح:ناولته علاء: بيلبس ابوه قدام بيتها.. بسام:بيطررررق( بيضرب هاون بالسياره). علي فتح: هيا الان خارجه سوسن خرجت : ليش تخرج قباله ؟؟ كنت شاتعذر انك مشغول علي: ياسلام ومافيها لابسرني سوسن: ولافيها شي خالها يجي من اخر الدنياا وابوها خارج يلووي علي: سيري ذلحين وهجعيني هدارش سوسن: حااااضر ياعلي...دخلت بنتها فوق السياره علي: خرج بالسياره سوسن: رجعت تدي ابنها وثيابات لهم في شنطه ف بلاد الغربه..ف المزرعه سامي بيحرث الارض : مسح جبهته رجم المفرس للارض وجلس..فتح تلفونه...(رساله من رهام) تم يقراها ضحك ب استهزاء...بيكتب لها رد.. (الحمدلله كله تمام..وبالنسبه لعملي للاسف رجع اخسس من حمال ف محل ..انا شااقي لاتفكري اغتربت اوقع رجل اعمال)...ضبببح من رسالتها وتذكر كلامها له ورفضها لوضعه..قام يتم عمله بعد ساعه حسان: هياا صلاه.. سامي يلله: خلصت عملي ف الغرفه هديل بتحفظظظ: وتسمع لنفسها هيثم بيسمع مجابره وسكته: دخل للغرفه وهديل : بتسمع بتلااوه هيثم: ماااشاءالله هديل انحرجت: غطت وشها بالكتاب هيثم:بينقل مدري من بتجابري، يلا تمي ذاكري هديل:تمام هيثم خرج: وواقف جنب الباب من خارج هديل؛ رجعت تسمع بتلاوه.. هيثم : بيسسمعها روان : ليش بتتسمع هددديل هيثم : اصص هديل: سمعتها..ضحكت روان : ياهددددديل...هيثم بيتسمعششش هيثم: انا اوريش ياسامجه محد يحاكيش روان: بكيت هديل مالك عليها: حضنتها ودخلتها الغرفه روان: انزلي العبي معي ضبح هديل: اتم هذه الصفحه احفظها وننزل روان: طيب فوق السياره بسام فرح: عتجي تمسي عندنا سوسن بتبكي: ايوه #bero_alkebsi |
https://upload.rewity.com/upfiles/UXh85291.jpg بسام فرح: عتجي تمسي عندنا سوسن بتبكي: ايوه بسام:وقف السياره مالش يا اختي؟ سوسن:ولاشي بس قلقه على اريج بسام: مابش فيها شي ان شاءالله..ذلحين نشلها الدكتور وبعدين نرجع..اين العياده سوسن: ان شاءالله امشي من هنا .. بسام: لف السكان ومشي في شقتهم.. هيثم: جالسه يدش تلهبش؟ هديل: بردت بس تعبت اعلقها لان فيها عسل هيثم بيحانك: تستاهلي عشان مافعلتي بنت صحن. هديل: ولا عد ازيد افعلها هيثم: طيب قومي البسي اسير اشل لش كريم ولا اي علاج . هديل فررحت: وكيف البس البالطو فيني عسل؟ هيثم: وعتسيري بالعسل ياسعم هديل: عمه قالت ماغسلها هيثم:اغسليها ونشفيها بسرعه هديل: ع ضمانتك هيثم: شافلتش واسير هديل: خلاص خلاص...الان البسسس في المستشفى الدكتور: الوالد عنده سكر علاء: مسك راسه صالح: لك الحمد والشكرر علاء: وكيف هو فيه الضغط الدكتور: عادي بقرر له ابر انسولين ويحافظ على اكله. علاء: سمعت يا اباه تحافظ على الاكل الدكتور: ياحج الكلسترول مرتفع عندك لوماتنتبه لنفسك لايحلقين لك كل الامراض.. صالح: ماجا من الله حيا به..كم باقي في عمرنا علاء: حب راس ابوه ..الله يطول لنا بعمرك. الدكتور تم يكتب: هذه الرشته. علاء: مشكور يادكتور صالح: قام معه...يروحو بيت عبدالرحمن.. هيثم وهديل خارجين نجميه: اين عتسيرو ؟ هيثم: ابسر لها مرهم للحرق نجميه: مش هو ما حجه لكن سير هيثم: تشتو شي نجميه: سلامتك وعافيتك فتحو الباب وطلع سيارته هيثم.. بسام وصل : فتح الباب هيثم: خليه بسام : تمام مستعجل غلقه انت سوسن : معاذ انزل عند جده وقلها نشل اريج عند الدكتور ونجي معاذ:حاضر ياماما هديل : نزلت تسلم سوسن: سلمت عليها هيثم : الى اين ؟ سوسن: نشل اريج عند الدكتور هيثم : خلاص انزلو معي انا شاسير انا وهديل سوسن : البنت راقده سير بس احنا عنتاخر بعد مارجع من عمله.. سامي فتح الكتب : بينه وبين نفسه ايش قصتش يا رهام ؟ حب او طمع او تتاكدي تغيرت او لا ؟ اين كلام زمان .. حسان : ايش شكلك بتذاكر؟ سامي: ع مابتشووف يا اخي لاننسى المعلومات لعل وعسى نرجع نختبر حسان: وفيك طافه بعد التعب والشقى طول اليوم تقرا حرف ؟ هنيتلك سامي: مانفعل كل شي يشتي وقت حسان: الله يوفقك لاشغلك .. سامي ذكر ابوه : اتصل لهم بيت صالح.. صالح وصل: علاء ولا حد يدي حرف لسامي علاء: حاضر افراح: ليش؟ صالح: الولد معه كفايته مش ناقص همومه افراح: عشان يرسل حق العلاج علاء بيتصصصل: عمررره طويل جاوب ياباه صالح دمع: سامي كيف انت يابني كيف حالك ..وعملك ؟ كيف امورك سامي: الله يحفظك الحمدلله كل شي تمام لله الحمد صالح : انتبه لنفسك يابني صلاتك لاتنساها سامي: كل شي تمام .طمني عنك انت؟... #bero_alkebsi |
https://upload.rewity.com/upfiles/BSN85535.jpg سامي: كل شي تمام .طمني عنك انت كيف صحتك اخوتي كيف هم وهديل ؟ صالح : كلهم الحمدلله ، كلم اخوتك بسرعه فوق السياره ..في الاشاره واقفين هيثم : بيقلب الاغاني هديل: بتتفرج للمساكين الي ف الاشاره السياره الي جنبهم..واحد ابتسم لها هديل: قفت لهيثم..معك فلوس هيثم استغرب: ايوه ليش؟ هديل: حرام هولك الصغار اديلهم حق العشا هيثم ضحك: بتطلبي بدلهم هديل: مش هو طلاب هذه مساعده حرام هيثم انحرج: خرج فلوس ناولها هديل: اديلهم انت هيثم : لاا انتي الي نويتيها يله ناوليهم هديل فررحت: خرجت الفلوس اشرت لهم الرجال الي جنبها: يووو ع ايدي الجهال:شلو الفلوس هيثم عصب: بيلااعن الاشاره فتحت... هيثم بيسرررع: بعده هديل: طنشششه خلاص هيثم : قرب لاجنبه وبيلاااعن ويشاتم دق سيارته الرجال: فحططططط وهرب منه بيت صالح علاء بصوت واطي: ابي فيه سكر لايشتي عصبيه ولا جنان...الاكل خففي له السكر والدسم افراح: وانا مادراني مافعل .. علاء: شاقلش ماكتب الدكتور ، الان اسير ادي علاج افراح: الله معك بيت عبدالرحمن.. سوسن وصلت: تقرب عشا لبنتها وتشرب العلاج نجميه: زوجش عيسافر؟ سوسن : لا ليش؟ نجميه: قد اديتي تيه الشنطه بكلها سوسن: بس الجهال تاعبين وانا تاعبه نجميه: اهم شي مابش شي سوسن مابش شي: سرررحت ، اول اتاكد وبعدا سهل. نجميه: مال حبيبه ماما جي عندي ابسرش اريج: سارت حضن جدتها سوسن: ماقد رجعوش هيثم وهديل نجميه: ماشي قد بينشك انهم بيمثلو انهم متزاعلين..عسب لحد يحاكي اخوش سوسن :لاتشكي ولا ..البنت على نياتها وانتي تعرفي هيثم نجميه: خيرت الله ف غرفتها.. رهام اخيررررا رد: بتقرا وانصدمتتت ، رجعت تقتهر وندمت انها رسلت له ردت.( الله يوفقك حبيت اتطمن عليك لاغير) سامي: شكرا لحنانش وخوفش عليا رهام: شكلك خلاص انغريت السفره نستك حب وذكريات حلوه كانت بيننا سامي: رهام انتي قتلتي كل لحظه حلوه كنت ابنيها واتمنى اعيشها معش رهام: قدر موقفي انا احبك ومابتهمني الفلوس بس قلتلك اهلي ايش ردهم سامي: خلاص وانا حبيت اذكرش اذا نسيتي اني حمال .فانا الان شاقي. رهام :لما حبيتك ماكنت رئيس شركه ، بس افهممم قصدي ، كل الحكايه ماحبيت اهلي يجرحوك ويرفضوك صارحتك سامي: وانا قلت لو وقعت انسان لايق لش ساعتها باتقدم لو في نصيب رهام: الله يوفقك #bero_alkebsi ا لي مالقفش يقل هنا( انا) يراعي للبارت الثاني♡♡♡ |
https://upload.rewity.com/upfiles/QcY85703.jpg فوق السياره.. هيثم: وانتي كيف تخرجي يدش قدام الناس هديل: ايش فيها؟ هيثم: فيها الي حصل اليوم اتغزل فيش الرجال هديل: طيب وليش زعلت انا مش حبيبتك؟ هيثم: انا مايعجبني حد يقل ذوقه ع بنت ..واغير ع امي واختي وبنت جيراننا مش بس حبيبتي . هديل انكسفت: طيب هيثم: كوني بطلي تجلسي تذكريني انا داري اني مش حبيبش هديل: سسكتت هيثم:نزل شل لها كريم وشاش ورجع للسياره هديل بينها وبين نفسها: هنيت لحبيبته بس مسكينه كيف هو مجنون.. وصل البيت..ظلام علي: سسسوسن ؟؟! مابش حد علي قلق: اتصل لتلفونها سوسن: الو؟ علي: ليش تاخرتي ؟ خير مال اريج سوسن ضحككت: ذكرررت تتطمن على بنتك الان !!! علي ارتبش: كنت مشغول .. ليش تاخرتي سوسن: قلت انت مشغول الفتره هذه كما فضيت لبيتك وجهالك ومرتك جي لنا ..انا بيتنا.. علي: ومن من استاذنتي؟ سوسن : للاسف مالك وجود لا ف الييت ولا بترد تلفونات يعني لو ماتت بنتك مانت داري بشي علي: لاتكبريش الموووضوع انتي لش فتره بتدوري هدار ..افعلي ماشتيتي ..وغلق التلفون سوسن اقتهرررت بكيت: غلقت وطفت تلفونها.. هيثم رجع: فتح باب السياره وطلع ناولها هديل: شكرا هيثم : العفو هديل: غالي؟ هيثم : ليش بتسالي؟ هديل: خسرتك هيثم: قوووي تميتي فلوسي هديل: بتتمسسخرر هيثم: انتي بتتمسخري في واحده تقل لزوجها هكذا !! قصدددي اخوها هديل: ايوه اخاف اخسر اخوتي واسالهم هيثم ابتسم: طيب شاخصم من حقش حق الجعاله هديل : اخصم عادي هيثم: انتي هبلا تصدقي كل شي هديل: ضحكت مش اهبل منك معك سبعين طبع ماعرفت للان انت كيف ؟ في غرفتهن اسماء دخلت: سوسن اريج بتبكي .. سوسن مسحت وشها: يلا اقوم اشوفها اسماء مسكتها: مالشش؟ سوسن: ولاشي مابلا غاثيه عليها اسماء: سوسن امانه في شي ثاني سوسن: مابش ماقصدش اسماء: يعني مشاكل ؟ سوسن: لا بيتهيء لش اسماء: الله يعينش بيت عبدالرحمن وصلو هيثم وهديل هيثم رفع الكيس : من يشتي جعااااله روان ومعاذ بيتضاربو من الاول هديل: اريج اول لانها تاعبه نسير ناكل عندها.. سوسن : ابتسمت لهم حوشو حول اريج وبيدلعوها وياكلو الجعاله نجميه طارحه يدها ع خدها: اشتريتي المرهم؟ هديل: ايوه نجميه: هيا افعلي ها.. اسماء: اتصلت مرت عمي عزمونا عندهم بكره نجميه: يدي الله العافيه....... تصبحو على الف خيرر #bero_alkebsi |
https://upload.rewity.com/upfiles/smv85829.jpg علي معصصب :طيب والله لاوريها واكسر شوكتهااا في بيتهم..الفجر..ممدده جنب بنتها وابنها وبتسوي كمادات لبنتها سوسن بينها وبين نفسها: له فتره متغير ماكان هكذا..مايتغير الرجال الا بسبب معقوله معه.حد ! اكيد ايش معه واصل تلفون وخارج و.. نجميه فتحت الباب: هيا كيف بنتش ذلحين سوسن: الحمدلله اشكل ..مالش قمتي نجميه: نجهز للصلاه باقي ربع ساعه سوسن: يلله اسبقي وانا بعدش نجميه: خرجت وغلقت الباب سوسن قلبها بيحرقها : اتصلت لعلي علي: تلفونه انتظار سوسن عصبت: طفت التلفووون الصبح بتتصل لهديل نجميه: هي ف المدرسه افراح: ها ..خلاص لما ترجع قليلها تجي تبسر ابوها تاعب نجميه : ان شاءالله ..الله يشفيه ويطمنكم عليه افراح: اسلمي..امين..غلقت صالح : من حاكيتي افراح: هديل صالح: لاتجلسي تقلقي الجهال مابش فيني شي افراح: فقدت لها خلينا نبسرها صالح: اهلا وسهلا ايحين ماقدرت جت البيت بيتها مش تقلقيها . بيت رهام..بتتكلم ف التلفون ام رهام :من اين هم ابو رهام : مغترب ام رهام : ايش درس وايش موظف؟ ابو رهام : مهندس الكترونيات ام رهام : شاكلمها ابو رهام : وعيخليها تدرس ام رهام : الله يسخرلها مافيه الخير في المزرعه.. حسان : حركاتك ياسامي من حين حيت فتحت لنا الخير سامي: الحمدلله ليش ماكانو يدولكم زياده. حسان: مابلا رمضان بس سامي: والان قالو موسم حصاد حسان : قصدك زياده سامي: انا مش فارح الا بالاقامه الرسميه مش مصدق اني شقدر ارجع الان واجي بطريقه قانونيه حسان : الحمدلله ..متى راجع؟ سامي:اخر الشهر حسان: الله يسهل بعد العصر..جالسات كلهن بيتجهزين يسيرين بيت عم هيثم نجميه : اتصلت خالتش قالت ابوش تاعب شويه. هديل خافت: ابي؟؟؟ ماله ! ماوقع فيه نجميه: سعليشش صلي على النبي..يمكن برد المهم فاقدين لش هديل دمعت: اصلا ابي الضغط .بينخاف لو يوقع به شي نجميه : على الله لاتقلقي اطلعي البسي نشلش معنا هديل طلعت : خايفه وبتبكي لو فيه شي ومخبين عليها هيثم ع خرجته من الغرفه: شافها هديل: بتمسح عيونها هيثم: خيرر ايش حصل هديل: ابي مريض هيثم : وليش تبكي ان شاء الله عيتباخر هديل طنشته: دخلت الغرفه تلبس البالطو هيثم واقف:ليش تاعب قوي؟ هديل: يمكن بس ماقالولي هيثم : طيب البسي اشلش لاهانك هديل: قد ع الطريق بسام عيشلني هيثم :لا عداجي معش لو يشتي نسعفه او شي هديل : شكرا هيثم : هيا ياشكرا اقطبي ...... #bero_alkebsi مساء الخير |
https://upload.rewity.com/upfiles/1Hd86755.jpg نجميه : وانتي اجهززي؟ سوسن : ماشي بنتي تاعبه ومن عيوبه للجهال نجميه: اديهم معنا سوسن: ماشي تاعبه مارقدت ساهره مع اريج سيرو انتو بس نجميه: ما اشتيتي..روان اطلعي ادعي هديل روان : حاضر.. اسماء:خلاص بس قد نزلو. نجميه : منهم ؟ هيثم : اوصلكم ع طريقنا نجميه : عتسير معها هيثم : ايوه ..هيا اخطو نجميه: مع سيرو بس .. بسام مراعي هيثم : خاطركم هديل: مع السلامه نحميه: الله يطمن قلبش يابنتي هديل : امين بيت رهام رهام : ياسلام هكذا فجاه تقلولي خطيب لا اعرفه ولا شي ام رهام : نعمم ! ليشش كيف بيخطبو خلق الله بمعرفه رهام : اقصد هكذا تقلو واحد يشتيني وو ماعرفش عنه شي. ام رهام : ماعيخطبش ابوش لواحد مايعرف عنه شي رهام : بس انا اشتي اعرف كم عمره ايش درس ايش بيشتغل ايش.. ام رهام : رهاااام مش وقتش لما ابوش يسال عتدري رهام زعلت: ساررت الغرفه فوق السياره هيثم وقف عند بقاله : نزل اشترا فواكه وعصاير وطلع. هديل : مابش داعي تخسر نفسك هيثم : ايش من خساره مالش انتي والكلام هذا هديل: بتتعب نفسك هيثم: هديل ايش الكلام هذا لاعد اسمعش تمام هديل : تمام هيثم :نسيت من اي لفه بيتكم هديل: الثانيه مش هذه هيثم : ايوه هذك اخوش هديل بتتفرج من جهه هيثم : ايوه هيثم : لفت لاوشها ، انزل معش؟ هديل:اهلا وسهلا في غرفتها..بتبكي رهام بينها وبين نفسها: ليش ياسامي ماتفهمني ..ليش اخذت الامور بحساسيه..نفسي تدرى اني احبك وراضيه بفقرك بسس انا عارفه اهلي وانا كمان نفسي ونفسي بس .. تلفونها رن رهام مسحت وشها بالفاين احم: الو بنت عمها: سلاااماات مريضه رهام: قلبي مريض بنت عمها: مالش رهام: يامنى ماقدرت انسى سااامي منى: وعليهاااا ..مامعش غير هذه السيره رهام: مابش منى: طيب ايش ذكرش به رهام: جالي واحد اليوم منى: صددق !! من هو وايش اسمه وو رهام : ايششش من اسم وشكل ونخره...مش داريين بشي اهم شي يفرحو لو حد جا منى: رهام ماتعبش ف حياتش الا التردد تغيررري حاوولي تقتنعي بشي وتتمسكي به للنهايه رهام : قلبي يشتي شي وعقلي شي منى: الله يعينش بيت صالح هيثم : انزلي قبلي كلميهم هديل تمام: دخلت بسرعه تقل لافراح انه هيثم داخل افراح:رفعت كتب الجهال من الديوان وخرجت تلبس هديل: راحت تدخل هيثم هيثم: ادخلي هديل: ادخل انت هيثم ضحك ودخل: عنتعازم #bero_alkebsi |
https://upload.rewity.com/upfiles/0D387106.jpg صالح : قد قلنالهم لايقلقوكم مابش شي هيثم : سلامات ياعم ماوقع بك صالح: قالو السكر ..كل يوم ومعاهم مرض هديل مسكت وشها:يوو السكر هيثم : لفت لها علاء: مابش شي لو ينتبه لنفسه بس ابي الله يحفظه مابينتبه للاكل ولنفسه هيثم :مابلا تنتبه لنفسك ياعم علاء: خرج يدي الشاهي هيثم : مايحتاج الان ماشي بس دخلت اسلم علاء: قدو جاهز والله ماتدي خطوه هيثم: اسلم الله يبارك فيك هديل :راحت تدي الشاهي هيثم تم يشرب: يلله بستاذنكم هديل: قامت تودعه للباب هيثم: ايحين اجيلش هديل: اليوم شمسي هنا هيثم: والمدرسه هديل:سهل يوم ..فاقده لهم هيثم: تمام ..لما ارجع من الجامعه بكره امر لش هديل: تمام هيثم : خرج وغلق افراح: سااااعه بتتوادعو ماقدرش ع بعدش هديل: ماشالله عليش مركزه..بس نسيتي تسلمي افراح : قد عتمسي عنتسالم ونتجابر وكل شي ف المزرعه.. سامي سارح بكلام رهام: حسان.. حسان : هلا.. سامي: اذا فكرت تتقدم لواحده..وقالت لك انت حمال وشاقي واهلي مايشتوش هذا العمل ايش تسوي لو انت مكان هذا الشاب حسان : بينهم حب؟ سامي: اكيد كيف يتقدم لها اذا مابيحبها حسان: لا في كثير بيتزوجو مش حب ...عشان اعرف ارد سامي: هاا فهمت قصدك..ايوه عن حب وتحبه بس ماتشتيش حبيبها هكذا حسان: طيب اكثر شخص بيكون فاهم لها وطبعها كانانيه منها او طمع او اي شي حبيبها وهو الي يحدد موقفه سامي: ساكت بيفكر بكلامه حسان: ليش سالت .لاتقل حبيت من هنا !! سامي: لا قريت موضوع وحبيت اسمع رايك بيتهم.. علاء: تغيرتي احلويتي هديل ابتسمت له:من بعض ماعندكم افراح: طبعا عتحلو مكياج ولبس وعطور بتنفح علاء قرب من هديل: من هذك الي كانت معش ف السوبر ماركت هديل: اخت هيثم علاء انحرج: هاا ..قلت او صاحبتش هديل غمزت له: ليش بتسااال صالح : بينعس افراح: مابتتشاورو تحاكو نسمع غاده:..علاء اجعل لهديل هديل: لااا ادي شنطتي غاده: هييي هديل جعلت لنا هديل: لاغيب ساااامي فاااقده له الليل في غرفته هيثم : دخل الغرفه شم عطر هديل..شاف الكنبه والسرير ضحك..امتد فوق السرير وبيفكر في فاتن ايش غيرها !! نازل... بسام: سوسن جاوبي سوسن: من بسام: زوجش سوسن تااففت: راحت تجاوب علي: ايش الحركات التافهه هذه ياهانم ليش تطفي التلفون ؟ سوسن: لو تشتي شي جي لاهنا شوف بنتك علي: قومي روحي قلك اجي سوسن: مابروحش الا لما تجي ونتفاهم اليوم 3 بارتات ماقدر اكتب اكثر... تصبحو على الف خير #bero_alkebsi |
https://upload.rewity.com/upfiles/cTg88838.jpg سوسن: لو تشتي شي جي لاهنا شوف بنتك علي: قومي روحي قلك اجي سوسن: مابروحش الا لما تجي ونتفاهم علي: خلاص اجلسي بقعتش زي ماسرتي بنفسش ارجعي من نفسش. سوسن : تشتي تزور جهالك اهلا وسهلا. علي: مع السلامه سوسن: مع السلامه بيت صالح هديل: خرجت لهم كيس ملان جعاله غاده : حضنت هديل وجالسها جنبها ايمن جالس ف الجهه الثانيه جنب هديل علاء: يلا شليتو الجعاله دوري اجلس جنبها هديل: يعلم الله مابتدور افراح: ولا دور حد ماقد تجابرت انا وياها من حين تزوجت . هديل: قد احنا بنتجابر كلنا ها افراح: كيف عمتش معش هديل: طيبببه قووي افراح: مابش عمه طيبه الا من حظش هديل: الحمدلله. افراح: ارجعي اعزمينا عندكم مايسبرش لاذلحين ولاقد عزمونا غاده: هديل ظفري لي شعري ابو اربع هديل: سيري ادي الفرشه افراح: مابينقل؟ هديل: تمام ان شاء الله نعزمكم في شقته اسماء طلعت: ماسكه ظرف هيثم: ايش هذا اسماء: باسمك هيثم مد يده: هاتيه اسماء:هزرته هيثم: بس لغاااجه اسماء: مااااااعه هيثم :يشتي يوقف اسماء:هربت لانازل هيثم : طنشها ورجع للديوان بيت فاتن افنان: ايش قلتي فاتن: حبيت كل الشرووط افنان: موافقه فاتن: ايوه افنان: خلاص باتصلها الان فاتن: اتصلي بيت عم هيثم مرت العم: صوره مرت ابنش زناطه مالها ماتجي نجميه: سارت بيتهم مرت العم: للمه مش هي جمعه؟ نجميه: ابوها مريض وماقد سارت بعد العرس مرت العم: قد شكموها نجميه: ماشي مرت العم: قدو باين عليهم مش هم مميزين لادو لنا دعوات لعرسها ولاشي نجميه: هم مافعلوش عرس كان معهم ظروف مرت العم : خيرت الله وماعيفتش زوجها نجميه: مش هي واحمه عاد البنت صغيره قلنا تقرا وبعدا سهل في بيته.. علي: لف ادواتها وثياباتها الي ف الدولاب ورفعهن كلهن لاشنطه وعطوراتها والي فوق التسريحه ودخلهن غرفه الجهال وغلق اسماء مراعيه : ينزل هيثم ..طلعت له هيثم: مالش واللغاجه حقش اسماء: يخ لاقد قلبت من طبعك هيثم : مطنش اسماء ها : طرحت له الظرف هيثم : فتحه اسماء: نزلت هيثم: ماسرتيش مع امي اسماء: سارت روان انا معي مذاكره هيثم سسسكت: وبيتفرج صورهم لما اتصورو اسماء: ابسرت محلاها هيثم : بيتامل لهديل اسماء: والله انها طيبه وقمر ومحد يصدق انها اصغر مني واعقل مني هيثم: الظاهر فقدتي لها بس....... #bero_alkebsi |
https://upload.rewity.com/upfiles/f9C88975.jpg هيثم :الظاهر فقدتي لها بس اسماء: ابسر امانه شقتك على ضبح هيثم : انزلي ذاكري اسماء: الحجه عندي طلعتلك الصور هيثم: كثر خيرش بيت صالح افراح ربطت راسها: وبتمثل انها مريضه هديل: قامت تفعل العشا علاء : خارج ف الحاره غاده: هديل تمي وذاكريلي ايمن: اول انااا هديل: من بيذاكرلكم يوميه ايمن: انا من نفسي بس امي قالت اقلش تذاكريلي هديل: ليش ايمن: امي قالت انش شاطره بتجي اوائل هديل طنشت:وبتقرب العشا في الحاره.. اكرم : وصل وجالس معاهم.. علاء: و رزق بيتجابرو البقيه بيلعبو كره اكرم: كيف الشيخ علاء: الحمدلله اكرم: مش انت ..المطوعي حقنا رزق: عتمسخنا ياممسوخ هيا ادي حبه شقاره اكرم ضحكك: اتحدااااك رزق: لو اشتي والله لافعل ماشتيت بس معي...... فجأه الصياح حق الحارره واصوات الجهال هدء علاء انصددددم شاف رزق واكرم : وبيتلفت يدور اكرم : رززززق ...رزززق.. ددددم !! علاء مصدوووم بيصصصيح: اين ابن الكلب هذاااا لو هووو رجال انه دخل لاوسطنا يقتله ماينصع من بعيد اكرم يااارب يارررب : رزززق .. ياخي بز معي نشله. علاء:تحمله اكرم: رفعه من الجهه الثانيه الي ف البيوت خرجو وبيتفرجو ايش صوت الرصاص ف الحاره... واحد من الحاره : شغل سيارته وقرب لاعندهم واسعفوه بيت صالح. هديل: سمعتوو افراح: واااصل بيقرحو جهال الحاره جننونا. هديل: بس هذا صوت قوي ساع الرصاص صالح: مابش شي انتين النسوان تحلقنها قربين العشا هديل: حاضر، ايمن سير ادعي علاء ايمن حاضرر: خرج يدووره شباب الحاره: مابحد ايمن رجع: مابحد صالح: اطرحو قسمه وقربوو انا جاوع افراح: كيف يعجبش تدوريلي مشاكل تحنبي باخوتش ماعيموتش عيرجع ياكل قربي هديل بتتفررج لها بصدمه: ادور مشاكل لروحي حين جيت افراح: مايتشاوري روحش يعلم الله مابترطني ف المزرعه.. سامي: حاضر ان شاء الله عم رزق: المهم تجهز تسير اسبوع وترجع لاتتاخر لان صاحب المزرعه مارضي يوافق اجازه اكثر سامي: ان شاء الله اكرم اخرر صووت ف اذنه رزق: طارح يده فوق رااسه...مراعي جنب غرفه العمليات علاء متوتر: اكررم .. اكرم: لفت له علاء: ولاعد معي فلس كيف نفعل الحسابات يشتو نص المبلغ اكرم: نكلم اهله وبس علاء: عيقلقو اكرم: ولو لااازم نقلهم اتصل وبس علاء: اتصل انت اكرم : ماعرفش رقم بيتهم علاء: نبسر تلفون رزق اكرم : اسال الممرضه علاء: استغفر الله العظيم يارب....... #bero_alkebsi |
https://upload.rewity.com/upfiles/kSN89081.jpg هيثم : تم يتفرج الصورر وتذكر مشاكستهم هذك الايام وضحك..طرح الظرف فوق التسريحه ..ونزل سوسن: هيا عشان خالو هيثم كلي هذه وبس هيثم: هااتي انا اكل حبيبه خالو اريج :ابتسمت له سوسن : لو دريت انها عتاكل اني نزلتك من عصر اريج: خالو هيثم او العروسه هديل حاليين سوسن : ناهي كلي . هيثم: مالش معصبه ماعرفش هكذا انتي النسمه حق البيت سوسن : هو الي يتزوج ..يجلس نسمه قل حين ماتقارحتش هيثم: خير مالش سوسن نفسها تتكلم: ولاشي بس دحس الجهال والمرض هيثم: وعلي كيف هو لنا كثير منه سوسن: علي مدري مامعه من عمل هذه الايام بيت صالح .. هديل: اين علاء من ايحين قد بيتاخر هكذا افراح: مابيتاخرش الصدق ماله اليوم هديل: اتصله افراح: تلفون البيت مفصول هديل: يوو افراح: مع زوجش هذه الزلط كلها ولا قدر يشتريلش حتى ريمي هديل: تصبحي على خير افراح: تغيررتي ياهديل الزززلط هديل دخلت الديوان :وبتفكر في هيثم ..امانه محانبتي معك ع الكنبه ارحم من هرررم خالتي المستشفى.. الدكتور خرج من غرفه العمليات الاب متوووترر :بيلوي سيره جيه و بيسسسبح ويدددعي لابنه علاء: خير يادكتوور طمنا الاب: اين ابني اشتي اشوووفه الدكتور: الان بيخرجوه للعنايه المركزه. اكرم: يعني بخير !! الدكتور: فعلنا الي علينا والرصاصه مكان خطير كانت بين القلب والرئتين ..على الله الاب: حسبي الله ونعم الوكيل الممرضه خرجت: دكتوور مات المريض الاب :بككككككي...دهفهم ودخل الدكتور : مسكه علاء: جلس ف الارض وبكي .. اكرم مبلود : ماكملششش يكلمنننني ...ماقاليش ليششش مابيشقووور مااماتش بخير الدكتور: فلت وراح الممرضه : يلله روحو خارج لو سمحتو هنا مرضى ومانشتيش ازعاج علاء: انت قتلتوووه فاشششلين ايش من ازعااج اكرم: هزر علاء وخرجو الاب في حاله صدمه مابيسمع: تلفوونه بيرررن يرررن الساعه 2 الليل علاء وصل منهاار: بيمسح دموعه هديل ماقدرت ترقد: سمعت الباب قامت علاء: شافها وقفى يمسح وشه ويخلس الكوت هديل مانتبهت: علاااء الساعه 2 وين كنت علاء سسساكت: مخنوق مش قادر يتكلم هديل: علاااء في شي خيررر؟ علاء: قتلو رزق هديل : يووو ..من قتله ؟؟ ايحين علاء: بعد العشا واحنا جالسين بنتجابر ولاحسينا بشي فجاه صوت رصاص وهو سكت وفلت ومع الظلام ماعرفنا اين انصاب كنا نشوف دم اسعفناه هديل : كان عايش؟ علاء: مدرري دخلوه العمليات وبعد ماخرج الدكتور قال حالته مش مستقره خرجت الممرضه تقل لنا انه مات هديل دمعت: حرااام ايش ذنبه هو... بعتذر عن التااخيرر اليوم كتبت 3 بارتات لظروف صحيه وبكره باعوضكم ان شاء الله ومن بدري كمان...تصبحو على الف خير ......... #bero_alkebsi |
https://upload.rewity.com/upfiles/RlI89169.jpg # 110 علاء: مدرري دخلوه العمليات وبعد ماخرج الدكتور قال حالته مش مستقره خرجت الممرضه تقل لنا انه مات هديل دمعت: حرااام ايش ذنبه هو.. علا: ثأر ...الان ايش استفااادو نفسي ادرى هديل: ليش من قتلو عليهم علا: ماقتلووش هديل: كيف فهمني ... علا بقهرر تنهد وبيفهمها :ابو رزق كان بينظف السلاح وارتمت رصاصه وجت ف قلب ابن الرجال.. هديل: ومااادخل رزق ؟ علاء: ياخذ بثأر ابنه يقتلو الابن هديل: ويسخى ولو ماله ذنب علا :مدري المهم قتل ابن الرجال وهم قبايل ومتعصبين لاحقوهم جننوهم .. ورزق وابوه طلعو صنعاء.. هديل: اذكر سامي كان يتكلم عليه واصل علا لفت لها: نسسسسيت سااامي ماكلمته هديل: لاتكلمه علا: عيعررف عمه هانك هديل بكيت: الله يرحمه... علا سسسرح ودددمععع :ذكرر صداقتهم من الطفوله ...كلامهم وقت التحفيظ ولما يصلو..وكل واحد يخفف معاناه الثاني..وينصحه لو غلط..لمتهم ف الحاره ويتقاسمو الافلاس الي في جيوبهم ويتعازمو بقلص شاهي ...مسسسح دموعه وقام يتوضاء..ويقرا قران بيت اكرم.. اكرم : وصل شااف السجاره في جيبه ...ذكر اخرر كلمه سمعها من رزق ..رجم الباكت من الطاقه ومسح الدموووع من طرف عينه.. جلس يبكككككي بقهررر ع كل لحظه كان يناقرر رزق فيها... رصيف حوش المستشفى.. ابو رزق بيبكي بقهرررر: رززززق لااااا يموووت يموتو اخوته كلهم رزق لااا اخوه : صلي على النبي يا اخي اذكررر الله ...قوووم معي نقرا له قران ابو رزق: رزق حاااافظ المصحف...وينه يجي يقررا لنا هوو اخوه: حسبنا الله ونعم الوكيل.. هياا قووم معي ايش فيك ..انت قووي وراضي بالي قدر لك الله ولابنك قوم ابو رزق: اين اسيررر اخوه: البيت ابو رزق منذوق ف رصيف حوش المستشفى.. اخوه: حضنه من يده ومشيو للسياره ابو رزق: كيف اددددخل على ااامه ؟؟ ايششش اقلهااا اخوه: لاحول ولاقوه الا بالله...هي مؤمنه وباترضى بقدر الله ابو رزق ماسك قلبه: ووووجعووني قوووي وانا ماقصدت اووجعهم والله،، قلت ربي بيهديهم ينسو ونتسامح اخوه بهنجمه دق صدره: ولايهممممك وانا اخوووك الا نردهاا لهمم ايشش مش احنا رجال او كيف. ابو رزق بعصبيه : لاااااا ولا حد له دخل.. الله يجعل دم ابني برقبتهم..خليهم حسبي الله فيهم ونعم الوكيل اخوه: كيف لاااا !! مابششش عندنا هذا الكلاااام العين بالعين والسن بالسن ابو رزق: (ولاتقتلوا النفس التي حرم الله الا بالحق). ماحد له دخل ف دم ابني وكلت ربي فيهم. اخوه عقددد وشششه : اهدى الان وبعدين لنا كلااام. (جمعتكم مباركه وطيبه بذكر الله ورسوله عليه افضل الصلاه والسلام ) #bero_alkebsi |
https://upload.rewity.com/upfiles/RlI89169.jpg #111 وقت صلاه الفجر.. علا : حب المصحف ورفعه فوق الصفيف (رف مبني من نفس الحائط) قام لبس الجاكت وخرج الجامع اكرم : خرج من الباب وشاف بقعتهم الي كانو فيها بككي. علاء: اشر له بيده. اكرم موطي راسه: هيااا اين هوو يجي يشووفني ساير الجامع رجعت اكرررم حق اول.. الي ماقدرو اهلي فيني هو قدر .. علا مسح دموعه: الله يررحمه ...حاسس قتلونا احنا هو سار افتهن..واحنا بنعاني الرصاصه في كل قطره بدمنا. اكرم: مسك كتف علاء ومشيو للجامع.. بيت صالح هديل ماقدرت ترقد : وبتفكر هيثم الان اكيد مفتهن فوق السرير وهي في الارض راقده. سمعت علا خرج قامت تصلي.. افراح قامت بتدور (مشاكل لعلا ): قدام صالح.. هديل ايحين زد رجع علا؟ هديل :اخر الليل صالح عقد حواجبه: ايشش معه لاخر الليل هديل: قتلو رزق صالح بهرر بصدمه: رززق ابن ...؟؟ هديل: ايوه..الله يرحمه افراح: لاحول ولاقوه الا بالله..امه واصل كانت تخاف عليه يخرج لباب الباب. صالح: إنا لله وإن اليه راجعون. الصبح الساعه 6 افراح رابطه راسها تحت البطانيه:بصوووت هديل في ثيابات اغسليهن اليوم المشروع هديل ف المطبخ بتفعل صبوح: حاضر. الباب بيدددق.. هديل : غاااده ..ايممممن جااااوبوو !! غاده: ماعه قلي ل ايمن دوره انا فتحت لعلاء ايمن: ياكذابه ..انتي فتحتي امسس محد قد جا اليوم. الباب بيددددق يدددق صالح : افتحو ..فتحو لكم قبر افراح : ياسين ع جهالي ..هي بنتك بتدور مشاكل تفتح هديل ضبحت نسيت تقل من، وبقووه: فتحت ورا الباب واقفت. دهف الباب ودخل: صباااااح الخيررر هديل صاااااحت : اباااااه سسسسااااامي سامي ضحك: حضنهاااا بقووه وسلم عليها..حبها فوق راسها هديل دهفته بتتفرج له:سااامي كيف انت ..مسرع جيت سامي: انتي ليش هنا ؟؟ او في شي هديل: لا مابلا جيت امس عندهم ومسيت حين ابي تاعب سامي:حضن ابوه وحب ع راسه. صالح: الله يحفظك ويحميك ليش جيت يابني؟ افراح: حيا بك ياسامي او طردووك؟ هديل: من غير شر سامي ضحك خلوني اتكلم: مابلا لله الحمد عم رزق كلم كفيل ودفعت لهم جزء من المبلغ وباقي بعد مارجع بطريقه قانونيه صالح : الله يرحمه سامي عقد حواجبه :مالك ياباه هو بخيير قلت لك عم رززق صلح الموضوع.. اين علاء؟ هديل: ليش مش انت داري؟ سامي لفت لها: ايشش.؟ صالح: هو بنقلك رزق الله يرحمه.. #bero_alkebsi |
https://upload.rewity.com/upfiles/RlI89169.jpg # 112 سامي لفت لها: ايشش.؟ صالح: هو بنقلك رزق الله يرحمه سامي ووووقف فجأه: الله يرحم من ؟ هديل : امس الليل ضربوه برصاصه سامي مبلوود : من هووو ؟؟ صالح : الله يرحمه ويغفرله سامي بسرررعه : خرج من الباب مقهووور. بيمشي ف الحاره ودمووعه ملااان عينه.. دق بيتهم اخوه رزق الصغير: فتح له صوت القران مفتوح ف البيت سامي: وين رزق اخوه بكككي: وغطى وشه سامي : جلس ف الارض جنب الباب وراسه بين ارجله ويده فوق راسه. في البيت.. هديل : قلقه على سااامي انصددم .. ليش ياباه قلتله هكذا صالح: انا قلت انه جا قد دري افراح: سيري قربي الصبوح اخوتش شغلوني هديل شافتلها بضبببح: شكلش افتهنتي ..قومي نتعاون شرق على العلاج حق ابي. صالح: قومي الله اكبر عليش ، خليتي البنت تشقى من فجر. افراح: مافيها عادو بيتها هديل طنشت: راحت المطبخ.. في شقته.. هيثم قام من النوم : شاف الكنبه...فاضيه اتمطط وشاف الساعه..8..فز بسرررعه وقام يتجهز للجامعه.. شاف التسرريحه بقعه القلص الي تطرحله هديل البن. نازل اسماء: لاغيبها هديل لو شي ان قد السندوتشات جاهزات نجميه: قلي لنفسش اصغر منش ومشحوطه اقوم وقد فعلت الصبوح للبيت بكله اسماء: وهولا ايش بيفعلين نجميه: وهي ماقالت ف البيت اربع نسوان بنت مفحوره من بيتهم ماتقدر تجلس بدون عمل. اسماء: يووف ذلحين ايش قلت لهذا كله.. هيثم نزل: مااالكم ليش المقالعه من صباح الصبح اسماء: بسبب مرتك زايغت عقل امك . نجميه : عتجي الاجازه اخليها تفحسش هيثم : على ايش نجميه: اليوم تاخرين ..نسين السندوتشات تعودين هديل تفعلهن معها. هيثم ضحكك: الصدق وانا تعودت والكل..عتصيحي فوقي اسماء : ضحكت نجميه: انقلعو من قبالي يلا.. هيثم: ماتشتي شي نجميه: عتدي هديل معك هيثم: ايوه..مع السلامه في الحاره..الشباب رجعو مع ابو رزق.. علاء عقد حواجبه وعمسس عيونه: هذك من باب الباب؟؟ اكرم :نفسس ساامي علاء صححح : مشي سرريع لاعنده سامي شافهم : وقف ..وشه احمررر وزااااعل سلم ع ابو رزق وعزاه علاء: حضنه وتسالمو..بعده اكرم والشباب وبيعزو بعض سااامي ددمع: باقي رزق فقددددته وماكرهن وصلت اشوفه واشكررره اكرم وعلاء وطو راسهم سامي: اشتي اشوفه علاء: ف الثلاجه في المستشفى..كنا هانك جا القسم يحقق. سامي بيتفرج بقعتهم ف الحاره: كيف قتلوه؟؟؟ اكرم متأثررر: سحبه للبقعه وبيحكو له ايش حصل... #bero_alkebsi |
https://upload.rewity.com/upfiles/u7T89901.jpg # 113 وقت الظهر.. هيثم خرج من المحاضره: بيتفرج فاتن. فاتن ولا لفتت له : مشيت مع البنات وغيرت بقعتها حق كل مره هيثم ضبببح: ليش هكذا ؟ اسامه: خير هيثم : فيها شي مش طبيعي من يوم ليوم وهي بتتغير اكثر. اسامه: يمكن قصدها لما تخطبها رسمي هيثم: ياسلام ليش مافعلت هكذا من اول. اسامه: البنات دلع..يمكن بتتدلع عليك هيثم: كل ماامسك التلفووون ابسر مالها واعاتب واذكرر اسلوب اخر مره وابطل اسامه:انا من رأيي اتفاهم انت وياها ..احنا يمكن بنوصلكم غلط. هيثم بيتفرجلها : قلبت الكرسي ظهرها لاعنده اسامه: هذا رأيي وانت اخبر هيثم: طيب ((بيتكلم في التلفون)) ابن عم رزق : يااربي كيف افعل ابي بيتصل وهذا بيتصل ، من اجاوب. ابن عم رزق (طارق): هاا ، ايش تشتي معي اتصال؟ بضحكه :.طيب تعال مالك مااشتيش شي ، بس نخزن لك . ابن عم رزق: طيب بتواصل معك بعدا معي اتصال ابو طارق: مالك ماترررد !! طارق: هاا اباااه ، ماشفت التلفون ابو طارق: ابن عمك مات تعال منتظرين لك بيت عمك طارق تصنم: لاحول ولاقوه الا بالله.. بيت صالح. افراح : انا خارجه اعزي ام رزق ، افعلي الغدا هديل: زوجي الان جاي افراح: عترررروحي؟ هديل: اكيد معي مدرسه افراح: ياسلام اخوش جا هذا وهو حبيب قلبش، غير انه معنا موت ف الحاره . هديل: اخي حبيب قلبي مشغول بعزا صاحبه، تهدء نفسيته اليومين هذه وارجعله او يجي عندي افراح يوووف: خلست البالطو ..طيب ادخلي معي نقطب الغدا. هديل تااعبه: من امس مارقدت بفعل نعسه ولما يجي هيثم قيميني افراح عوجت فمها :مسكت خصرها، قدد نسسسيتي الظاهر نفسش هديل: مابلا عرررفت الان نفسسي.. ايمن دخل من الشارع: هدددديل هيثم جا هديل يووو جننننه بدلع شافت خالتها: اسير مطعم واروح ارقد لامغرب معي ثنتين شغالات افراح بتقرررط اسنانها: مقلع هيثم بيطرق: سير ادعيها يا ايمن ايمن: قد دعيتها هديل خرجت: ايمن سير ادعي سامي من بيت رزق هيثم بيتفرج لها باستغراب: ساامي رجع؟ ايمن: ايوه الصبح هديل:سير بسرعه ايمن حاضر : سار ورجع هديل: ماقال؟ ايمن: قالو مابحد هديل: قل لابي وسامي : اني شارجع ايمن : حاضر هديل طلعت السياره: اشرت لاخوتها مع السلامه هيثم: وعليكم السلااام هديل: العفو طلعت وانا حسي عندهم هيثم شغل السياره: ايوه كيف لوما جا سامي هديل: مفاجأه مسس.. هيثم قاطعها: مالش؟؟ عيونش مورمه؟ وصوتش تاعب هديل:مارقدتش من امس. هيثم:فقدتي للكنبه اكيد هديل ضحكت: لا طبعا، بس امس الليل......حكت له...... #bero_alkebsi |
https://upload.rewity.com/upfiles/u7T89901.jpg #114 هيثم : اوو الله يرحمه، ظلم. هديل: كان صاحب ساامي قوووي ، تخيل ماحسينا بفرحه سامي ولا مفاجأه لانه وصل ع صدمه اكتبد. هيثم: الله يصبرهم. هديل: امين هيثم : كيف افتهنتي هديل: طبعا ، ماكنت شاروح بس لانك جيت مارديتك هيثم: صح ليش روحتي وسامي عادو جا هديل: قلت اليومين هذه عينشغل ف العزا انا داريه، ولاتفوتني دروس وارجع خميس وجمعه. هيثم: احسن...اهم شي عندش دراستش صح؟ هديل: كلهم مهمين في حياتي هيثم: من؟ اخوتي ودراستي. هيثم : بسس هديل:ابي طبعا وصحباتي هيثم : قد استغربت ابوش ماذكرتيه وصلته رساله مانتبه هديل: هيثم ، تلفونك ولع هيثم بسرعه: مد يده شله فتح رد الرساله رسل لفاتن( ممكن اكلمش ) ردت له فاتن:( لا خلينا ع ماتفقنا لما تخطبني). هيثم داخل نفسه: هذك مراعي اكلمها لما اخطبها، وهذه مراعيه اطلقها لما اتزوج هذك. في الجامعه دعاء: هيا نروح الشباب يسبقوو طيرر للبيوت بعد المحاضرات واحنا نجلس اخر الناس فاتن: ماعد بش محاضرات دعاء: لا طبعا فاتن: شفتي ايش رسل يشتي يتكلم معي دعاء: ايش قلتي له؟ فاتن:.طبعا قدني مخطوبه ، وماشتيش اقله خالص دعاء: ليش؟ فاتن ضحكت بمسخره: خليه يراعي عمر، يفكرر اني الي براعي له دعاء:ساكته بيت صالح..وصلو صالح وجهاله صالح: فين هديل؟ افراح: مارضيت تجلس ايمن: هو جالها هيثم ومستعجل بيطرق، قالت اقلك.. افراح : بتبهرر يسكت سامي : شافها افراح: فعلت نفسها مبتسمه سامي: ايوه يا ايمن ايمن: قالت لي اسير ادعيكم تودعكم مابحد انتو ، رجعت سارت وقالت اقلكم صالح: الله معها افراح: اسستغربت ، فلتت سامي وسارت. سامي طنش: انا بادخل ارتاح تاعب علاء: شلني معك ماقد رقدت افراح: ايحين الدفن؟ صالح: بكره الصبح ان شاء الله. فوق السياره..السياره بتقطع( بتوقف وتمشي وتوقف وتمشي) هيثم اووف : مشش هنااا هديل: منعسه فوق الكرسي هيثم جنبها ونزل يشوف: فتحها هديل: نكزت هيثم : شغلي السياره هديل: اخااف هيثم : انززلي اقلش هديل: نزلت هيثم : اطلعي بقعتي هديل ماعرررفش هيثم:امسكي السويس هديل خاايفه: ها هيثم مسك يدها: وشغل طفى ...هكذا هديل انحرجت : شافته ..طيب هيثم: يلله جربي شغلي هديل بتتفرج له بخوف: شششغلت ..ضحكت هيثم هز راسه: ابتسم وسكب ماء يبرد البطاريه.. بيأشرلها من ورا الزجاج هديل شغلي.. هديل : شغلت .. هيثم: حلوو هديل نزلت: خلاص قدني اعرف اسوق؟؟ #bero_alkebsi |
https://upload.rewity.com/upfiles/u7T89901.jpg #115 هيثم ضحككك: ايووه تعرفي تجربي تروحينا هديل فاارحه: ايووه بس ماعرفش الطريق هيثم : يلله اطلعي وانا اشر لش ع الطريق هديل فرحت: يلله اطلع هانك.. هيثم : غسل يده ببقيه الماء ونشفها وطلع وغلق الباب. هديل يدها بتررجف: شغلت السياره بالسويس مالهااا ماتخطى هيثم ضحك: ادعسي بترول هديل: من وين ؟ هيثم بياشرلها: قدام ارجلش ثلاث دعسات ، ادعسي اليسار للاخير وادعسي اليمين شويه واليسار رخي شويه شويه وزري بترول هديل : عكسست، السياره مششششيت وبتهزززور توقف وتمشي.. بيت عبدالرحمن.. نجميه: رفعتين فوق؟ الشغاله: ايوه نجميه: ها طلعي بقيه المبخره ، بخري فوق الشغاله :.حاضر اسماء: اليوم معي جلسه عند صحبتي نجميه: شلي هديل معش اسماء: يمه قلتلش صحباتي بسسس نجميه: مافيها تغير جو معش ،شليها اسماء يوو: ليش تحرجو واحد ماعزمتش حد. سوسن: خلاص يمه خليها براحتها.. نجميه: كيف له علي ماجاش يبسر بنته سوسن مدري :ايحين ماذكر يجي اهلا وسهلا اسماء: ذلحين اسير ؟؟ نجميه: سيري. بسام : وابسريلي بنت ع طريقش اسماء: يووو ماعزهن واغلاهن صحباتي بسام: هااا حاااضر بعيني دوري من يشلش. اسماء يووو : لا لا انت احسن واحد امزح معك ياوسيم جبرني براسك. بسام: يمين خلاص اسماء: طزز فيك ، هيثم بسام ضحك: هذه دقني لو شلش واصلي ... نرجع لهم ..فوق السياره هيثم : بيضحككك هديل صاااحت: يمممه لاتضحكككش ايش افعل؟؟؟ هيثم بيضضضحك: ادعسي الوسط بريك ، مد يده طفى السياره، انزززلي هديل: يوووو وقفت قللللبي هيثم بيضحك ع منظررها : انتي ماركزتيش بسس هي سهله هديل : نزلت حافيه وشلت الصندل عزكم الله هيثم كركرر:ليششش حافيه ؟ هديل: قلت عشان اقدر ادعس سوا هيثم: الله يفتح عليش بس عجبتيني سمخه عتشلني البيت . هديل: ماشاءالله عليك كيف انت شجاع ماتخاف من هذه السيارات كلهن. هيثم ضحك: ياعيني انااا شجاع ها هديل: ايووه ماعندك حجه تفتجع توصلنا مكان بعيد هيثم هبلاا: مابينفتجعشش بينتعب لحد يسمعش يضحك عليا هديل داخل نفسها: كيف الوقت معك غيررر برغم اني اكرهك بس احس براااحه. هيثم ساكت بيفكر في نفسه: كيف برائتها وعفووويتها بتنسيني نفسي وضبحي بتخليني اضحك بدون شعور. بيت رهام..ف التلفون ابو رهام : سالنا عليهم ناس محترمين مرتااااحين قوووي بنتش عتعيش اميره ام رهام : انا مايهمنيش راحتهم تهمني راحه بنتي كيف الولد ابو رهام: كلهم بيشكرروه، المهم قد اديت لهم موافقه ام رهام: يو نسال البنت اول.. تصبحو على الف خير #bero_alkebsi |
https://upload.rewity.com/upfiles/b0q90223.jpg هيثم واقف ف الاشاره : التفت لمطعم ف الجهه الثانيه ، لفت يشتي يكلم هديل هديل منعسسه : وراسها ف الطرف لطاقه هيثم لف ووقف جنب المطعم: هديل .. هدددديل هديل فتحت عينها : هاا هيثم : شكلش مارقدتيش امس ، نزل وغلق الباب حقه هديل شافته جاي لبابها هيثم فتح بابها : انزلي نتغدا هديل فرحت: صدددق هيثم :مع بينكذب هيااا انزلي هديل : بتصلح الثمه وتتمرى في نظارته الشمسيه هيثم مبتسم : بيتامل لها ، ايش بتسوي ياهبل هديل: اسبر اللثمه لان بعدين لو يبسروني هكذا اشاروح بافلاس هيثم : ضحك خارجات من الجامعه دعاء :فاتن فاتن : نعم دعاء : كم معش ف الشنطه فاتن : فلوس قصدش؟ دعاء : ايوه كا ن ايش ؟ فاتن : مدري يمكن خمسميه دعاء وانا معي الف ، هيا نشتري لنا غدا ونروح عندي او عندش فاتن : ياسلام فكرره يلله دعاء : تعالي في مطعم بيبيع سندوتشات تجنن فاتن : بعدش اخطي تجاهي بيت صالح صالح : وكيف العمل ايش بتشتغل سامي غااثي : في مزرعه مع عمال صالح : اهم اشي مرتاح مابش مضايقات سامي : لا صالح : سكت افراح : المهم جمع زلط وانا اخطب لك احلى بنت الصدق انت طيب وغير اخوتك محد بيبجني منهم سامي : خير ا ن اشاء الله اما اخوتي الله يعينهم ويهديهم افراح : يعينهم على مه ؟ سامي : تيتموا وهم صغار من امي افراح عوجب فمها : وانا قصرت بشي؟ سامي: انا تاعب ارقد اشويه ونسير العصر نوقف مع ابو رزق ع العزا صالح : الله معك ف المطعم هديل:كيف اكل ب اللثمه هيثم : ارفعيها هديل : لو حد يبسر ؟ هيثم : تعالي نشوف مكان ثاني هديل : قامت معه . بيدورو مكان قدام المطعم دعاء : هذا المطعم شكله وااااو ديكوره جنان فاتن : اكيد اكلهم حالي دعاء : ابسري كم سيارات واقفه قدامه فاتن هههه: هيا ادخلي لتجلسي تعددي ف المطعم بقعه ف الزاويه مغطي عليهم بستار من قش هيثم :بدء ياكل هديل :بدات بالشبس هيثم : كلي وبعدا الشبس هديل: بيناكل هيثم: مش وقت الدلع والبرستيج اقطبي هديل بنظره تحدي : قحصت البرجر ف المطعم تحت فاتن :شكله زحممممه دعاء : تعالي نطلع نشوف قسم البنات فاتن : يلله طلعين ملياااان دعاء : نجلس عند العوايل فاتن : نجلس اي بقعه جاااوعه... لقيين ماسه ف الجهه الثانيه دعاء : اختارت لهن الاكل فاتن : جالسه بتسمع الموسيقى دعاء شافت يدها : ليش ماتلبسي دبله تحانكي هيثم ف الجامعه فاتن : قلتلش الفففف مشتيش يدرى خليه يجلس مراعي لي ف طاوله حق هيثم هيثم بيضحكككك: شافها وااشترغ هديل : مالك #bero_alkebsi في لخبطه شويه لاني طبعت البارت بالابتوب مساكم الله بكل خير وعافيه ♡♡♡ |
https://upload.rewity.com/upfiles/EEo90314.jpg ف طاوله حق هيثم هيثم بيضحكككك: شافها وااشترغ هديل : مالك هيثم : بيضحككك هديل بتتلفت : ايشش في ؟؟؟ هيثم : معش مرايه ؟ هديل مانتبهت لقصده: لا ممنوع ف المدرسه ، لليش هيثم :كان نفسي تشوفي المهرج هديل: طنشته وبتاكل هيثم : هبلا نخرتش ملان كتشب هديل يووو: بتمسح وشها وفمها هيثم ااشر لها بالفاين الي في يده: باقي هنا يشتي يمسح نخرتها هديل رجعت راسها خزيت : ومسحت وشها كله ، بينقلك ناكل دلا قلت بطلي برستيج بيت عبدالرحمن سوسن : فتحت تلفونها وبتشوف لو في رسايل من علي .... ولاشي بتقرا حالته وصورته ومستغربه اسماء : سوسن تقدري تسشوري لي اشعري سوسن : تعالي اسماء : ها سوسن : معش فيسبوك ؟ اسماء ايوه سوسن : تقدري تفعلي لي حساب اسماء : يووو مابش معش ؟ سوسن : ل ماعرفت كيف افعل كنت ارااشي علي ويقل لي مش وقت اسماء : هااا من عيوني افعلش الان سوسن : تمام اسماء : هاتي تلفونش سوسن : ناولتها في المطعم ) كا ن ع كل طاوله زي السور بقش ( مايبان الي جالس هيثم : خلص شبعتي ؟ هديل: الحمدلله هيثم : طيب ايش بتلفلفي ؟ هديل : بقيه الكل هيثم: هم عيلفوه وينظفو هديل: عارفه بس ااشتي ااشلهن هيثم: بس تبداع شااشتري لش ثاني تروحي بهذا هديل : تبداع ؟! لا تخطاش معي هيثم: شاسبقش نازل اغسل واحاسب تمي وانزلي هديل: تمام هيثم : مشي من جنب طاوله فاتن ودعاء ،مع الازعاج ماسمعش.. فاتن : تصدقي ششششم عطررر هيثم دعاء : هههههه ايوه بيصنعو لهيثم وحده عطر فاتن : لا ياخبلا بس صدق مميز عطره دعاء : ايوه كا ن بيتغدا هنا صدفه صح فاتن: شلوش محد يحاكيش دعاء : قومي نغسل فاتن: هيا ،شلت التلفون والشنطه وقامت هديل نزلت اللثمه : رتبت بقيه الاكل ولفته في كيس داخل شنطتها وراحت تغسل يدها دعاء وفاتن بيتجابرين مراعيات تتم الي بتغسل يدها هديل : تمت ومشيت من جنبهن ونزلت. هيثم : تم يغسل ويحاسب مراعي ف الباب لهديل هديل شافته: راحت لعنده هيثم : يلله وين حقش الاكل هديل: مش حقي ، هنا ف الشنطه هيثم : كيف مش حقش ؟؟ طنش وخرج لف اخر الصف وطلع السياره دعاء وفاتن خرجين.. ع مشيه هيثم فاتن : لمحت سيارته من ورا وهي بتمشي دعاء مالش؟ فاتن: سياره هيثم !!!!! كان هنا مش قلتلش بيت عبدالرحمن سوسن بتسشور اشعر اسماء: ها اسوم فعلتي لي اسماء : ايوه بينضيف لش اصدقاء سوسن : يووو مععع من تضيفي؟؟ #bero_alkebsi �� |
https://upload.rewity.com/upfiles/TQq90441.jpg اسماء : ايوه بينضيف لش اصدقاء سوسن : يووو مععع من تضيفي اسماء ضحكككت ، سعليش اصدقاء مثلا انا وهيثم وبسام هولا يقلولهم اصدقاء في الفيسبوك. سوسن : قلت او تضيفي اي حد، سكتت شويه... ايوووه اسكه ابحثي لي علي.. اسماء : راعي ابسره عند هيثم سوسن : طيب اسماء: لقيته هذا هو ؟ سوسن : ايوووه اسماء: متاكده ؟ سوسن : ايوه ليش؟ اسماء : اول مره ادرى زوجش رومانسي سوسن عودت فمها رومانسي: ليش مابتبسري؟ اسماء : شوفي منزل كلمات وصور واغاني سوسن فلتت شعر اسماء والسشوار مفتوح : اسسسكه ؟ اسماء : تمت تصلح لنفسها شعرها سوسن: بتقلب صفحته وفي بنات معلقات بس واحده معلقه ويرد عليها اكثرررر من تعليق بدات تشك،، واناااا اقل مااله واصل بالنت اسماء : ايش رايش البس هذا او هذا سوسن مدعممه منسجمه ف الفيس: اسماء تقدري تفعللي لي حساب ثاني باسم بنت اسماء طرحت الفساتين : يووو ليش ؟ سوسن :ليش ماينفعش؟ اسماء : الا ، بس ليش سوسن : اختبر علي اسماء ضحكت: هااااا ، من عيوني لما ارجع سوسن : ذلحين ماتقدريش اسماء : تاخرت والله لما ارجع، ماصنف لش سوسن : طيب في الشارع دعاء: لاتزعليش يمكن جا وحده مالقيناش مرته فاتن ضحكككت : ازززعل ؟ ووحده ؟؟ ليش اززعل خلاص قنعت منه، بس وحده ماظنش لاني شميت عطره يعني كان ف المكان الي احنا فيه دعاء: الله يوفقش ويعوضش بوائل. فاتن: سكتت.. فوق السياره..ف الاشاره هديل بتدور : بتتلفت من جهه هيثم هيثم : لفت لها مالش؟ هديل شافت مساكين: بتأشر لهم هيثم : لفت للطاقه الي جنبه( واحد بيبيع فل وع الرصيف 2 جههال) هديل فرحت : خرجت الي ف شنطتها الكيس هيثم : شاف الجهال جو وصاحب الفل لما اشرت هديل فتحت طاقتها :وناولتهم الجهال: فررررحو وسار جلسو يتغدو هيثم اسسستغرب: سسسكت شويه. صاحب الفل:الله يخليلك حبيبتك ياعم اشتري مني هيثم ضحك : امين ، خرج من جيبه فلوس شل الفل وناول هديل، ومشي بسرعه الاشاره فتحت. هديل:علقت الفل فوق المرايه هيثم: هذا لش. هديل: بس هو قال الله يخليلك حبيبتك. هيثم : ناهي الدعوه لها والفل لش ، عيخرب لوما اديلها بيت عبدالرحمن سوسن بتتصفح: بتنزل لمنشورات قديمه..شافت يوم تاريخ عيد ميلادها قالت له يخرجها وقال لها مشغول وهو موجوده ف الفيسبوك منشورات وتعليقات ومجابره مع بنات اكثر من الشباب ركزززت ع اسم قووي مكررر ومززح بينهم #bero_alkebsi الي بيسال ايش يعني انا ( تحيه لاول كومنت ولايك ) ودايما اروووح اشوف من اول واحد علق ^_^ واضحك ع الي فاكر انه لقف وهو الترتيب الرابع هههه |
https://upload.rewity.com/upfiles/K1o99412.jpg بعد المغرب بيت رهام..ف التلفون ام رهام : الا معرووفين مالش ياختي سليفتها: مدري ياختي والله اسالي من ماشتيتي يقلولش. ام رهام : ماعيوقعش ابوها احسن مني ف هذه المواضيع قد سال . سليفتها : ماشتيتو الله يسعدها ام رهام: بعدا مافيها شي قد الناس تغيرو من البعسسه هذه ف الغرفه رهام وصلت : فتحت الفيسبوك..شافت خلفيه عزا واخر ظهور من صنعاء..خافت رسلت له عظم الله اجركم من مات؟ سامي شاف رسالتها:رد لها (اجرنا واجركم،صاحبي) رهام بتكتب: الله يرحمه ، انت بصنعاء؟ سامي: ايوه رهام : شكله صاحب عزيز قوي عليك. سامي: قووي بس جيت قبل ماعرف انه مات. بيت عبدالرحمن..بعد مارجعت اسماء: وهذا حسابش الثاني سوسن : كيف اراسله اسماء: هكذا من هنا تدخلي ..ايش اكتب سوسن بتفكر: قليله صورتك حلوه وشكلك وسيم اسماء ضحكت: مادخلني لو رد سوسن : خلاص افتحي لي المحادثه وانا شاجابره وحدي سيري صلي اسماء: طيب شقتهم.. هيثم :مخزن ف الديوان ، دخل الغرفه يدي ملزمته هديل: نوووم هيثم:هديل اذن؟؟ هديل : ولابتررد هيثم قرب لاعندها :بيقيمها.. هدديل هديل قامت:هااا كم الساعه مدرسسه ؟ هيثم بيضحك:قومي صلي عشا هديل: يو فاتني المغرب، قلت ان قدو صبح هيثم : شل ملزمته وخرج وصلته رساله استغرب...رد للرقم من ؟ الرقم الغريب: انا زميلتك بالجامعه..حبيت اكلمك محتاجه المحاظرات لو معك. هيثم طنن ورد: مالقيتيني الا انا ومن جاب لش رقمي . البنت: الي يشتي شي يوصل له هيثم ياعيني : هذه واحده بتدور هدار او فاتن رسلتها...فعل لها حظر. ف الحاره بعد العزا..سامرين هدوووء وصمت بعكس ماكانت لمتهم من اول.. اكرم: كم ناس بيحبوه الله يرحمه..وقع له مقبار ناس خيرات علاء: برغم ماقدله الا فتره بسيطه بس مابش حد مايعرفه ويحبه سامي سسسسارح: الله يرررحمه، ماتوقعت ابدااا،انصددمت لما قالولي اكرم : للان صوته في اذني الله يرحمه علا: الله يرحمه مش مصدق للان انو مات احس انه عيبدي علينا اي لحظه. سامي: الف رحمه عليه. اكرم : سامي كم عادك هنا؟ سامي: ثلاث ايام وارجع اكرم : ياريت سبقت يوم سامي نززل راسه:ددددمعت عيونه علا: اقروله الفاتحه بيت عبدالرحمن اريج: ماما كلمي معاذ نتف شعري سوسن مطنشه: بتطبع وتررد ع علي اريج بتهزر امها: ماااماا ، مااما سوسن صصصصيحت: وضربتها اريج : بتبكي سوسن مطنشه: بتررد على علي علي رد لها: انتي الاحلا والارق ياذوق اكيد اسمش ذوق صح؟ تصبحو على الف خيرر... تمت افكار اليوم هنا ^_^ #bero_alkebsi |
https://upload.rewity.com/upfiles/etV70578.jpg سوسن اعصابها مشدوده: سميني الي تحب اهم شي اني ذوق علي: شدتني صوره بروفايلش انتي حلوه مثلها؟ سوسن : اذا شدتك صوره بروفايل واحده حلوه معروض جمالها للكل، اما انا الي بتتكلم معك بقمه الجمال غير طيبه وذواقه ع قولتك علي: اوف هذا كله ، شوقتيني اعرفش سوسن: من اولها؟ علي: ايش باقي لازم اشوف الانسانه الي بتكلم معها مادراني كيف هي سوسن: وايش يهمك شكلي! اذا بنتواصل بحروف ..يمكن تعرفني بالكتابه احسن من صوره واقلد لك شخصيه دلوعه.. علي: ما الدلع شكلش دلوعه قوي وانا احب الدلوعات.. سوسن ددددمعت: ذكرت كلامه(اخس شي عندي البنت الدلوعه المايعه الي ماتفلح ف طبخ ولا تربيه ولابزا ). علي: ليش مارديتي...ياذوق سوسن: نتكلم بكره معي مدرسه. علي:صف كم؟ سوسن:ثالث ثانوي علي: الحمدلله قلت او تاسع.. سوسن غلقت الحساب مصدووومه: وبتتذذذكررر كل شي.. شقتهم هديل راحت لهيثم: كنت اشتي اقلك شي هيثم بيذاكر ف الملازم: ايش ؟ هديل: بكره تقدر ترجعلي ظهر للمدرسه تشلني بيتنا هيثم مم: ماقدرش معي محاضرات للساعه2 هديل: طيب بعد العصر هيثم: مش كنتي عندهم هديل: ايوه بس اشتي اسير يومين عشان سامي عيسافر بعد يومين هيثم:خلاص روحي واتجهزي اتم اتغدا واشلش هديل سسرحت:عادو احسن ماسير اغسول لافراح هانم. هيثم: مالش طننتي قلت تمام هديل بابتسامه: شكررا ف غرفتها رهام رسلت له: سامي ممكن طلب سامي: اكيد اؤمريني؟ رهام: تسلم، ليش ماتجي الجامعه سامي:اليوم رحت اختبر الصبح رهام : صدددق؟؟ سامي: وروحت بسرعه صممت اجي هذا الاسبوع عشان اختباري رهام: وكيف كان سامي:مدري ، اختبرت وعقلي في وادي رهام : رسلت وجوه خاززيه محمره سامي رد : !!! رهام : وين كان عقلك؟ سامي: مع رزق الله يرحمه كسرر شي كبيرر داخلي. رهام : الله يرحمه، طيب وحشتني سامي ضحك ب استهزاء:بتكلميني ؟؟ رهام :وقت الظرافه حقك سامي: على اي اساس بتسالي جيت الجامعه ووحشتش او لا؟ رهام : نسيت الي بيننا ! سامي : نسسسيت ؟؟! رهام: يعني انت عارف ليش وحشتني سامي: لا مش عارف، كل الي عرررفته يارهام ان كان كل طموحي وامنياتي اني اوصلش وتكوني لي رهام :.طيب وليش عقدت الموضوع ؟ سلمي: انا او انتي ! هدددمتي كل امنياتي وخطواتي الي بتقرب منش بحكم منش حكمتي عليا..غرتش المظاهر وخفتي ع برستيجش وكلام الناس رهام : ممكن تغلق الموضوع هذك خلاص لانك مافهمت قصدي سامي: ايش اغلق؟ ومازلت شاقي اخس من حمال رهام : احبك كيف ماكنت ومستعده اعيش معك حتى بغرفه... #bero_alkebsi اسعد الله مساكم بكل خير♡♡ اروح اكتب البارت الي بعده للي بيقولو ليش بينتاخر ^_^ |
| الساعة الآن 04:46 PM |
Powered by vBulletin®
Copyright ©2000 - 2024, vBulletin Solutions, Inc.