|
https://upload.rewity.com/upfiles/jtp72411.jpg في الديوان نازل.. عبدالرحمن: كيف لها سوسن مفلته بيتها وزوجها وجالسه هنا نجميه: يوو ياعبدالرحمن متضايق من بنتك ؟ عبدالرحمن : لاحول ولاقوه الا بالله نفسي ادرى كيف بتفهمين...مقصدي ليش هنا او في شي بينهم نجميه: والله ان قد سألتها ولمحت لها ولااا رضيت تقل لي شي مكنتني مابش شي خورت اغير جو عبدالرحمن: خليها براحتها ولو يشتي مرته يجي لاعندي. في غرفتهم هيثم : بيتفرج لهديل بتجهز الثياب في كيس هديل: مالك ؟ تشتي شي من الدولاب! هيثم :لا هديل استغربت: ورجعت تجهز وترتب كتبها هيثم بيوضع الكنبه يرقد: كم عتجلسي هديل لما يسافر سامي: عترقد ف الكنبه ! اليوم دوري هيثم : سهل قد عتمسي بيتكم وانا ارقد فوق السرير هديل: وانا اقول مالك وافقت وفارح هيثم : لا مش فارح هذك اليوم فقدت للبن الي بتطلعي لي هديل: خلاص ، بكره افعلك قلصين هيثم ضحك: ورجع يلعب بالتلفون في غرفته هو وعلا بيتجابرو وبيراسل بالتلفون سامي حس بشششي ف قلبه: ايش غير رايش فيني رهام : سامي ولارضيت تفهمني انا رايي فيك احبك كيف ماكنت بس اقتهرت انك تقدر تشتغل احسن من هذا الشغل ليش مستقل بنفسك سامي: مش عيب الشغل ايش ماكان وايش تتوقعي اشتغل ومابش معي شهاده مدير مكتب؟ رهام :لاني احبك اشتي تكون الافضل الاحسن ايوه ليش لا مدير مكتب انت عارف نص مدراء ووزراء بشهايد ثانويه اين العيب ؟ سامي: طيب حاليا انا مزارع رهام: سامي تقدمو لي بس صدقني ماقتنعت بحد مثلك كنت مش مرتاحه وصليت استخاره تكون لي.. سامي فررح: ولو احيرف وارجع اشتغل حمال ! رهام : طز ف الناس وف كل شي، اهم شي عندي انت مابخسرك مره ثانيه ام رهام : رهاااام رهام ردت له: نتواصل بعدا اجاوب امي. ام رهام : جي اجلسي احاكيش رهام: ها ماتشتو ام رهام: جالش خطيب اهوك من بنت عمش رهام: يمه قوا خلاص ماشتيش لاخطوبه ولاشي ام رهام : ياسلاام مش هو ع ماتشتي نطير عريس زي هذا لو تبسري كيف هم.. رهام: مافعل بفلوسهم ومادراني كيفهم ام رهام: ايوش سال والكل بيشكره رهام : وانا ماشتيش بقي لي سنتين خلولي حالي امانه ام رهام : مش هو على ماتشتي قد عيجين يبسرنش بعد بكره رهام ضببببحت : سارت غرفتها وبتبكي.. #bero_alkebsi |
https://upload.rewity.com/upfiles/5i672470.jpg # 122 الليل بعد مارقدت جهالها وذاكرت لهم...شافت لا سأل ولا رسل فتحت الفيس بوك.. علي : متصل سوسن رسلتله : كملت اذاكر علي بيتذذذكرر: شاف كلامها وطنش سوسن: شكلك مشغول باي علي مطنش: ولا رد سوسن : اسماء اسماء بتذاكر فوق سريرها : هااا سوسن : ايش معنى تحت رسالتي كلام ومأشر عليه صح اسماء: يعني الي بتراسليه شاف رسالتش سوسن ااهااا : يعلم الله ماله مارد ماعجبه الكلام . رسلت له :تشتي صورتي علي رد: اكيد..ولو بتدلعي عليا سوسن : كم عمرك اول علي: 23 سوسن كركرت وردت : باااين علي: شباب صح سوسن : شيبه مراهق في غرفته سامي ممدد : بيفكرر ف كلام رهام ، تغيرت ! او فعلا كان قصدها اهلها ...طبعا اهلها طبيعي يرفضو ف النهايه يشتو يركنو ع بنتهم علاء: مالك ماترقد سامي: والله مستغرب علاء:كلنا مش مصدق للان انه مات سامي سكت شويه :مستغرب كل شي موت رزق غربتي حالنا ..واشياء كثير كيف غيرت حياتنا وين كنا وكيف قد احنا علاء: الحمدلله على كل حال سامي: له الحمد والشكر، كيف زوج هديل؟ علاء: طيب قوووي محترم سامي: احسن خلصت من الهرمه كم كنت ارحمها علاء: ولما تجي بتستلمها سامي: يوم ولا يوميه علا: قل لي كيف شغلك مرتاخ؟ سامي: الحمدلله، متى بتبدء جامعتك علاء: ان شاء الله سجلت واكون اسير اختبربس سامي: الله يوفقك علا: امين ، تصبح على خير معي دوام سامي: وانت من اهله صباح يوم الاربعاء هديل : بتجهز السندوتشات وطلعت بن وصبوح هيثم فوق الماسه...وغطت القلص برساله..ونزلت اسماء: شررق وين سرتي هديل: اطلع لهيثم البن اسماء: ينزل يشربه هديل: يعجبه اول مايصحى اسماء: يلله هديل: اليوم العصر شاسير بيتنا وامسي اسماء:يو لايحين هديل: للجمعه اسماء:بنفقدلش والله روان: هي بتفقد لسندوتشات حقش هديل: ضحكت اسماء شافت روان:سامجه اخطي ياعجوزه في غرفتها.. رهام : طلع الصبح وهي بدون نوم قامت تلبس وتتجهز للجامعه ام رهام: لو تغيبي اليوم نرتب البيت للظيوف حق بكره رهام بزززعل: معي محاضرات مهمه ام رهام : الله معش رهام لبست وخرجت: فوق التكس اتصلت لابوها ابوها: خيررر ايش في من الصبح رهام: ولاشي ، بس اشتي اقلك اني مش موافقه للزواج هذا صليت استخاره وحاسه بضيق ابو رهام: سهل هو توتر وخزا رهام بكيت: والله ماهو توتر ولاشي مشتيششش ترضى تزوج بنتك غصب ابو رهام: نتكلم ف الموضوع هذا بعدا رهام غلقت : وبتدعي يااااارب مايوافق........ #bero_alkebsi |
https://upload.rewity.com/upfiles/ykK72575.jpg #123 سوسن بتبكي: ماعد بش نفس اكلمك لا كزوج ولا اختبار كان بااااين طوله عينك وباين اهمالك لنا وعادني جايه اختبرك واحرق دمي علي :ليش ماتردي اين صورتش سوسن:وووعد ارجع ارسلك صورتي يااا ابو الذوق والوفاء كله انت. علي استغررب: طنشش سوسن قامت تجهز جهالها للمدرسه: ودمعتها على خدها هيثم قام ييتمطط : شاف السرير مرتب ومجهز ثيابه معلق..قام جلس وبيفحس عيونه شاف البن فوق التسريحه...راح للتسريحه بعد الرساله مصنوعه من ورقه من الدفتر فتحها داخلها ورقه جهزت لك ثياب على ذوقي وصبوحك طلعته مش بس بن اعوضك ع اليومين هذه الي شاسير بيتنا فيها..ووعد طول مانا عندك مايغيب قلص البن عليك..لاتضحكش على خطي والرساله ..مابش معي تلفون ارسلك به رجعت كتبت لك. ابتسسسسم وتفرج للمعلاق وشرب قلص البن ووقف ف الطاقه بيتأمل صوت العصافير هديل داخل نفسها: ياااريت وانا كبيره كنت ف الجامعه ولقيني هيثم قبل حبيبته اسماء: يلله ياهديل نتلاقى زي كل يوم هديل تمام: دخلت الفصل ف التلفون ابو رهام : يا اخي مادراك ؟ عم رهام: سألنا عليهم، لاتودف ببنتك امد زلط ابو رهام : انت يتخايلك ناس ثانيين الالقاب خيرات عم رهام : حكم عقلك هذه بنتك وانت اخبر..خاطرك اما عني انا مش موافق ابو رهام : اتصل لمرته وقال لها ام رهام: هي ذلحين بتفحر مرررته وعبت راسه مايشتوش رهام احسن من منى. ابو رهام: زيدي اسالي اخوتش هم في صنعاء ام رهام: تمام ف الجامعه سامي لبس وراح يختبر: شاف رهام رهام ملان عينها دموع: شافته ونزلت الخنه حق اللثمه..مسحت عينها ورفعتها سامي ابتسم لها: مستغرب !! رهام بشوووق ونددم: بتتفرج له سامي: دخل القاعه يختبر رهام : راحت جلست ب كرسي قريب منه سامي منحررج: يتلفت لها رهام بينها وبين نفسها : حتى لو مابيننا كلام يكفي حاسه بك جنبي.. ف قاعه محاضراات ثانيه فاتن بسررعه: تشتي تخرج بسرعه قبل هيثم مايشوفها هيثم ملتفت بيجابر اسامه: ومقفي وشه و بيخرج من الباب.. دكمها ف كتفها فاتن لفتت تشتي تصيح: جت عينها بعينه هيثم : ابتسم لها عفوا فاتن : خيرر، ومشيت اسامه: بينقل مااالك معاااجل تشتي تزاحم هيثم: بس خباله ولله ماابسرتها اسامه: حظظظ ياربي واحنا ولا لمحه هيثم : بتحسدني ايش من حظ ! قدك داري والحنبه الي انا فيها اسامه: امانه عادك للان ماتاقلمت مع الجديده ومراعي لها؟ هيثم : سسسكت........ تصبحو على الف خيرر #bero_alkebsi شكرا للاخ الي صمم الفيديوهات @mohammad.arm |
https://upload.rewity.com/upfiles/kdG72703.jpg اسامه: امانه عادك للان ماتاقلمت مع الجديده ومراعي لها؟ هيثم : سسسكت اسامه : لااا لااا ساااكت ، مادام في تفكيرر يعني تأقلمت هيثم : اخطى نجلس اول اسامه: حاسس ان قد شلت قلبك هيثم : لا لا القلب والله فاتن بس.. اسامه: طيب وكيف بتفكر هيثم : يا اخي مادري ماقلك اسامه: قول بس وانا اخوك هيثم ضحكك: ماحب مابش حب زي ماتقل تعودت عليها بس والله ماقد حبيتها فاتن الكل ف الكل اسامه: الله يسخرلك كل قلب هيثم: ليش عاد كل قلب ، هي واحده اسامه: يلله راعي لها هيثم: مارايك نتعادل انا وانت اسامه: كيف هيثم: سير اخطب الكبيره امد اهجم اخطب الصغيره اسامه: هنيت لقلبك.. بعد الاختبار سامي خرج: وشافها داخل مراعي لما تتم ، رسل لها اليوم اخر يوم ونفسي اشوفش قبل ماسافر.. بعد عشر دقايق رهام اسستعجلت : خرجت بتدور سامي قداااامها وواقف: رافع رجل للجدر ومربع يده . رهام وطت راسها: وخرجت التلفون، رسالته (بيسافر). سامي: رهام ،ياريت تقرري مصيرنا بشي قاطع لاترجعي لي امل وتغيري رايش ..خلااص تعبت صدمااات وفقدان اشخاص يوم بعد ثاني رهام تأثرت :عني عن نفسي والله اني احبك وماعد يهمني ف الدنيا حد غيرك. سامي :ابتسم وشاف لها رهام : بهررت وابتسمت. بعد الظهر.. هيثم كان ساارح : بيشرب شاهي طرررح القلص وقام اسامه: صررفو خيرر؟؟ هيثم : ذكررررت حاجه خاطرك اسامه: عترجع؟ هيثم : لااا ، باي اسامه : الله معك..خرج تلفونه يراسل امل امل بتجابر دعاء وفاتن: فتحت رساله( وحشتيني ، قلي لصحبتش تبطل خباله ولاتضيع هيثم من يدها يحبها قووي) امل: ابتسمت وبعدا استغربت شافت فاتن فاتن: مالش اسامه؟ امل :ورتها الرساله فاتن بتقرا: هاها...اضيعه !! ع من بيضحكوو امل: اسامه مابيضحكش ماعيتكلم الا لو قال له فاتن: كل الرجال سوا ياحبيبتي انتبهي الان لايكون زوج حبيبكم والكل. امل زعلت: وقامت لفت كتبها ومشيت دعاء: مادخلها هي واسامه تزعليها امل: لانه صاحبه وعارف بكل شي وبتدعي الغباء هي وياه دعاء: بس هي ماقالت شي نقلت لشش كلام.. فاتن: يخ كرهت هيثم وصاحبه وكل واحد عرفني به هيثم ف المحل.. هيثم : ايوه اشتي حاجه انيقه ورقيقه صاحب المحل: اختار معك موديلات انواع واشكال. هيثم شاف جيبه انحرررج:طيب نص ساعه وارجعلك.. خرج اتصل لبسام. بسام: من اين لي وانا هيثم: قل لابي يسلفني بسام: مالي دخل اول انت كلمه وانا اسير اديها لان عيقع لي تهزيء. هيثم: يا اخي مالك دخل قل له وبس بسام: حاكيه انت.. هيثم ضبح وغلق: بيفكرر يتصل اوو لا... #bero_alkebsi مساء الخير في مشكله بالانستا ماقدرت انزل الفيديو ... وبقيه البارتات بنزلهن مره واحده بعدين |
https://upload.rewity.com/upfiles/m3I72852.jpg بعد الغدا هديل:قامت من فوق الاكل .. نجميه: تغدي مسرع شبعتي بتزيدين الجعاله.. هديل: لا شابعه واشتي اسير البس نجميه: عتخرجي هديل: شاسير بيتنا نجميه: خير هديل: ولاشي بس اخي جا من السفر ورجعت عسب المدرسه والان شاسير اودعه عيسافر نجميه:تمام الله معش ماتشتي شي هديل: تسلمي هيثم : بيتغدا سكته. في شقتهم.. هديل: فتحت باب الغرفه..شافت التسريحه فوقها هديه مغلفه فررحت..جلست تفتحها هيثم كان واقف وراها: ف الباب بيتفرجلها سكته هديل مبتسسمه: بتفتح الغلاف...علبه تلفوون صااااحت من الفرحه هيثم : كركر هديل لفتت له باحراج:ليش تفعل هكذا هيثم: عشان لاتراسلي ورق هديل: ماعرفش استخدم هيثم: شل العلبه من يدها هديل سحبت يدها: لمسها بالغلط... هيثم: شافها هديل: وطت راسها هيثم:اول نشحنه وبعدا اوريش هديل: طيب اول اقوم اصلي وانت اشحنه بيت صالح.. افراح: قربت الغدا صالح: ليش ماتراعي للجهال افراح: اكيد عيتغدو ف العزا صالح: ماعيتغدوش واحد ف الجامعه والثاني ف العمل افراح : يعني نراعي ارفع الباب دددق صالح: هيا الظاهر سامي وصل ايمن: فتح الباب سامي:جا بغدا من خارج افراح : ماشتريت سامي: خوره لنا وبقو قسم هديل عتجي بعدا الباب دق سامي: فتح علاء:سلااام افراح: وانت مامعك علاء: انسولين تشتي افراح: ماهو ذيه علاء:علاج ابي سامي استغرب: انسولين حق السكر؟ علا: ايوه قبل ماتجي بيومين ابي تعب واسعفناه فيه السكر سامي: والله مالي علم مالك ماتتحاكا يابه صالح: ماعتفعلي يابني مابلا احملك هم افراح: يدي لك علاجاتك بيت رهام...التلفون ام رهام : متاكد ياخي اخوها: ايوه الحمدلله ماتسرعتو ام رهام : خيرت الله ..الحمدلله اخوها: كلمي زوجش ويسال سوا مره ثانيه ام رهام : مافيها والله مابه شي غر انتو بتزيدو بالموضوع اخوها: انتي حسش عند الزلط ام رهام : يو بنتي ياخي كيف من زلط اشتيلها احسن عيشه .. اخوها: المهم هذا الي عندي ومش انا موافق ام رهام : قد شاقل لابوها ونرد لهم خبر رهام وصلت: بتسسمع امها اخوها: والبنت موافقه؟ ام رهام: مش هي موافقه اخوها: كان خلاص ردي خبر ام رهام: قد شاقل لابوها واتصل للنسوان اعتذر لهن باي شي رهام سمعت : فرررحت دخلت غرفتها تبدل ورسلت لسامي رساله ( احبك ويارب مانكون الا لبعض). فوق الغدا.. سامي بيتغدا: فتح الرساله وابتسسسم وبيرد لها علاء شافه: غمز له ! #bero_alkebsi |
https://upload.rewity.com/upfiles/v6g73437.jpg هديل قدام التسرريحه: وبتفكر ليش اشتررا لي تلفون ! يعني عشان اكون اراسله؟ طيب هو معه حبيبه هيثم فتح بسرعه: بخخخخ هديل نكززززت: ضربته بدون ماتحس انا قلتلك لاتفتح هكذا هيثم بيضحكككك: والله يدش خفيفه هديل:.مافعلك من الفجيعه هيثم: وانتي واصل تفتجعي ليش سارحه ومطننه هديل: في واحد هيثم عقد وشه: ايششش هديل: في واحد مالك ! مابتحب الا انت او كيف هيثم بنبرره: يلا اجهزي فيسسع هديل: والتلفون هيثم: اشحنيه بيتكم هديل: طيب يا هيثم رفع حواجبه: ايش! هديل: يا واحد هيثم ابتسم: انا الي كنتي بتفكري بي هديل يوو: افكر بك ؟؟انا قلت ؟؟ هيثم: قلتي سارحه ومطننه هديل خرجت لسانها: ايوه مش فيك ف التلفون هيثم اكتسف: قلت او بتتخيبلي هديل نظره تحدي: غلق الموضوع خلاص هيثم: ليش؟ هديل: عشان لا اسألك سؤال وتنحرج هيثم: مادام فيها احراجات افحط لي احسن هيا انزلي بيت صالح.. غاده: ماما عادنا اشتي افراح شاورتها: سيري اديلش قسم هديل وكلي غاده: هربت للمطبخ في طرف الصاله.. سامي بيراسل رهام: اول مره سافرت وانا مش هامم شي غير اهلي وحسيت سفرتي بتغير لهم حياتهم ماهميت بس هذه المره هامم العيون الناعسه الي بتوحشني وفين بلقاها رهام ردت: حبيبي رجع شاعر تغيرت وكلامك سامي: ولانسيتش ثانيه برغم زعلي منش رهام: ولافكرت بغيري سامي: للامانه ماجت فرصه هو كل الموضوع مزرعه يمكن لو في مزارعه كنت بفكر رهام: يخخخ ماحبكش اكررهك سامي بيضحككك: ايش هذا كله غيره او حب رهام: كللله، انا ماتخيلت نفسي لحد غيرك وانت باتفكر سامي: الله يارهام كيف رجعتنا لبعض غيرت لي الدنيا ، كنت حاسس بوحده وفى لي موت اعز صديق رهام: من اليوم انا معك ولا باخليك يوم. سامي: وانا اوعدش اني اكون الانسان الي بيسعدش فوق السياره.. هيثم فاتح اغنيه وبيغني هديل: بتتفرج للتلفون والغلاف والميداليه هيثم : اول مره يوقع لش تلفون هديل ضحكت: ايووه هيثم: هممم عجبش هديل: قووووي يجنن هيثم: اهم شي عجبش هديل: بس غالي هيثم بهنجمه:سهل عنتحاسب هديل يوو بينها وبين نفسها: منه صدق ؟ هيثم : مالش سكتي افتجعتي هديل: لا ليش افتجع هيثم : شافتهن فوق السرررير بدل الكنبه هديل: يومين معك افتهن مني هيثم: ايووه هديل دخل نفسها: صدددق؟؟ هيثم: ماهو الصدق قدش اخبر بالحعجعه هديل: سكتت هيثم : هديل اقلش شي... #bero_alkebsi باقي واحد.... |
https://upload.rewity.com/upfiles/ypz73730.jpg هديل: سكتت هيثم : هديل اقلش شي. هديل: قول هيثم: بالعكس ماشفتهن لوماتسيري هديل ابتسمت: وساكته بتسمع هيثم: لوماسرتي هذك اليوم جلست ادور مع من اتحانب هديل: ايوه صدق ليش ماعد بينبسرك هذه الايام بالتلفون.. هيثم سكت: وفتح الاغاني للاخير هديل: حست انها كسفته هيثم ضبح: رسل لاسامه يخزنو سوا بيت دعاء..بتراسل فاتن وامل ف المجموعه دعاء: هيا بنات جين فعلت كيكه طعيمه خورتكن فاتن: حاضر امل: بتتفرج محادثتهن سكته دعاء: امل بس خباله وجي عندي امل : طيب بيت فاتن فاتن: انا رايحه عند دعاء الام : من عيشلش فاتن: الي بيشلني الجامعه افنان: باقي للعرس اربع شهور قومي نخرج السوق نبسر فاتن: له حلات من يعيش من يموت الام: سيري وارجعي مغرب لاتتاخري فاتن: ان شاء الله بيت صالح..وقفت سياره هيثم هديل: هكذا اتصل صح هيثم: ايوه قدو محفوظ افعلي رنه وانا اتصلش هديل: تمام شاتصلك هيثم: ليش؟ هديل: يمكن افكر اروح الليل وارجع بكره... هيثم بحماس: صدددق هديل استغررربت: والله على حسب الجو هيثم: تمااام ولو تشتي اديش بكره شارجعش هديل ذكرت معامله خالتها: تمام بتصلك اذا شاروح. هيثم ضحكك: انا داررري بتفحررر في قلبش الكنبه هديل : ضحكككت سامي فتح الباب: شافهم هيثم: نزل يسلم هديل اشرت له: باي هيثم بيكلم سامي: وعينه عليها اشر لها بيده. هديل غمضت عيووونها بتتخيل نظرته: ودخلت افراح : حيا الله من جااا صالح : اهلااا وسهلا اين هيثم هديل: الله يحييكم خارج عيسير يخزن صالح: الله معه هديل: بتسلم افراح بتسلم: وتشم عطرهاا غاده وايمن : اليوم ماديتي شي هديل:بس جعالتكم مانسيتها صالح: عيب ياحيوان انت واختك افراح: مافيها اختهم وواجب عليها تدي بيت عبدالرحمن.. سوسن متوووتره: بتهزز رجلها نجميه: هيا بنتي عتجي نتفرط سوسن: ماشي مش اليوم نجميه جلست جنبها: يابنتي انا امشش تحاكي مالش سوسن: مالي؟ م نجميه: حاسه ان جيتش فيها شي سوسن: ولاتسي شي مابش شي نجميه:براحتش بس انا امش ادرى بش بالصح والغلط واقدر اوجههش صح او غلط سوسن سرررحت: سكتت. نجميه: كان اقوم البس واسير ابدي ع الولاد. سوسن هزت راسها: تمام نجميه :خرجت سوسن فتحت التلفون : بضببببح وفتحت الفيس علي: غير متصل سوسن: غريب، كيف له اليوم من الصبح...يمكن مريض.. شافت اخر بوست منزله قبل 10 ساعات.. ينتظرني من الوقت ...فرحه بانتظارها من مده سوسن فرحت: اكيد مشتاق لنا انا والجهال... تصبحو على الف خير وامن وامان يارب.. ♡ #bero_alkebsi |
https://upload.rewity.com/upfiles/0Rz74158.jpg #128 هيثم رجع السياره: شغلها ومشي ..لفت يشوف المرايه..بقعتها فاضيه ..ضبح وراح لاعند اسامه.. بيت عبدالرحمن.. اريج : مااما سوسن : ماتشتي اريج: الاستاذه صيحت وقالت ادي ولي امري سوسن: ليش؟ اريج: لان اليوم سادس يوم وماسيرش بدفتر المتابعه والواجبات سوسن :وين دفترش ضيعتيه؟ اريج: ايوه سوسن: دوريه سوا اريج: احنا ماديناه معنا سوسن: الا اديته شوفي عند اسماء او روان بين كتبهن اريج: حاضر سوسن بتفكر بينها وبين نفسها : قد اهلي حاسين ان في شي، انا زيدت بها زعل وحنقه وبنته مريضه..يمكن معه شغل...طيب والفيس والمجابره..الاحسن لاضيع بيتي اروح واحاول اكسبه بدل مايجابر النسوان. اسماء: سااااعه مطننه للارض في ايش سارحه سوسن: ولاشي عتسشوريلي شعري اسماء: عيوني مامعش سوسن: ولاشي بس اريج افتهنت قلت اروح اسماء: يوو للاا تعودنا عليكم سوسن ضحكت: ياسعم شاسافر اسماء: لاتكونيش تمسي خيرات وترجعي ضبح سوسن: تمام هيا سشوريلي بيت صالح افراح: من حين تزوجتي وانتي بلبس واداه الكسوه حقش وينهن هديل: بينلبسهن للبيت افراح صاحت: للبيت يامجنونه هديل: لما اكون وحدي في غرفتي افراح: ليششش هديل: جي ابسري الشغالات بيلبسين احلى من الكسوه الي كسيتيني افراح: حظش ياحبيبتي بخمسميه تشتي ذهب ولده هديل: المهمم وحظي انه ماعجبهم ذوقشش وكسوووني افراح عوجت فمها:انا الي زوجتش احمدي الله هديل طنشتها: وبتوزع جعاله الجهال سامي لبس وخرج من غرفته:ها هدولي عتمسي صح هديل: هيا اين عتسير جيت عشانك سامي: اخر يوم عزا بيت رزق اجابر وارجع بعد المغرب هديل: تمام سامي: مع السلامه صالح : هيا راعي يابني اجي معك. هديل : وانا راعو لي افراح: اين عتسسسيري؟ هديل:اعزي ماعزيتش افراح :سيرو لكم عد اسير انا وياها علاء:عادو احسن ذلحين رجال ملان الباب بيت عبد الرحمن.. بسام بيلبس:قدو خارج من الباب سووسن: بسسام ، رراعي بسام: ياااااجنااه لنا كل ساعه نوصل واحده سوسن: قوا بسام : هيا اقطبي سوسن تسشورت تمكيجت تبخرت ولبست فستان رقيق: يلله اين جت عبايتي واللثمه اسماء: ها البسي سوسن: هيااا جهال اسماء: قدهم فوق السياره بعد ربع ساعه ..قدام بيتها سوسن: بتددددق الباب تدددق محد ردد. سوسن: بتتصل لعلي علي: تلفونه مقفل بسام : بيطررق لها سوسن : راااعي هوذا صوت الباب الداخلي افتتح #bero_alkebsi اسعد الله مسائكم ...الفيديو له ساعه بيتحمل النت كان بطيء |
https://upload.rewity.com/upfiles/CMl74213.jpg #129 هديل : بتمسح الكحل والحموره. افراح: وانتي فارحه بروحش جايه بيت ابوش وتتمكيجي هديل: مطنششه افراح: مالش قد بتطنشي وتراددي هذه التربيه الي ربيتش هديل: ربيتيني؟؟ افراح: عتنكري هديل: قلي فحرتيني طبخ ونظاف وبزا ومنافعه ايوه افراح: حسبي الله فيش ونعم الوكيل بتنكرري هديل: عاملتيني مثل غاده؟ افراح: اكثرر منها هي جاهله هديل: والله ان كنتي تدي لهم جعالتهم سكته وتخبي لهم فواكه وتاكليهم سكته غاده: واليوم اكلت قسمش الدجاجه الي خبالش سامي هديل شافتها ضحكت: يهنى روحش افراح: لطمت غاده هديل: فلتتها وخرجت من الغرفه في بيت اسامه.. اسامه: حيااك هيثم: الله يحييك اسامه: كيف لك اليوم من نفسك امتشعت هيثم : قلنا خميس وبكره اجازه نخزن اسامه: كن زيدهن الجيات هكذا هيثم : تمام اسامه : بيجاوب رساله امل انها عند دعاء هيثم: هنيتللللك ، والله قدلي فتررره من المر اسله اسامه: قلدك الله ولا رسلتلك اليوم هيثم: ايش معنى اليوم اسامه: فعلت لامل كلمتين تعقلها هيثم: مش بيدها انا داري بفاتن يمكن مضغوطه من بيتهم..واخاف افعلها مشاكل اسامه:.كللاااااام هيثم بيضحك: رن تلفونه رساله فاضيه من هديل.. بعد شويه وصلت رساله ( السلام عليكم ورحمه الله وبركاته ...اما بعد اشكرك كثيرا على التلفون الجميل ..الحمدلله عرفت كيف ارسلك وشكرا...هديل) رجع يكرررركررر هيثم على صيغه الرساله اسامه: قلتلك ، اشتغلت حقي الكلمتين هيثم بيضحكك: على هديل وعلى اسامه اسامه: مالك ابتلدت ساع الي ماصدقت هيثم وشه احمر: اليوم اديت لها تلفون ..ويضحك..ابسر اول رساله اسامه: بيقرا ويضحككككك هيثم: ذكرت الاذاعه المدرسيه اسامه:مسسكين والله ان عادك ياصاحبي عتربي جهال هيثم سكت: بالعكسسس اعقل مني ومن الي في سني فيها اشياء تصدمني بصغر سنها. اسامه: هااا بينقل ماسر السكته قدام بيت سوسن. سوسن : واقفه بسام : بيتهيء لش هيا نرجع يا اختي سوسن رجعت السياره بتجابر روحها: اكيد مخزن خليني ارجع بعد المغرب احسن وهو رايق بسام: ارجعش البيت سوسن حاضر: والساعه 10 جي روحني بسام: خلاص الليل تمام سوسن : روحت البيت وفتحت الفيس اوف لاين.. الساعه 10 الليل... بسام: هيااا ادعي امك سوسن: بتودع امها وابوها وراجعه بشنطتها والجهال بيتها. بعد ماوصلو قدام البيت.. سوسن نزلت تدق: قد روح الكهرباء مسرجه بسام: خليه يخرج يبز الجهال قدهم نوم ،والشنطه سوسن حاضر : ذكرت معها مفتاح احتياط ف الشنطه.. فتحت ودخلت...شم عطرررر وبخووور...بتمشي وقلبها بيددددق بخووووف كل الغرف مغلقه بس والعه الكهرباء في صوت وفي الارض قطع فل منثورات.. يدها بترررررجف فتحت باب غرفتها.....تصنمت #bero_alkebsi |
https://upload.rewity.com/upfiles/CMl74213.jpg # 130 كل الغرف مغلقه بس والعه الكهرباء في صوت وفي الارض قطع فل منثورات.. يدها بترررررجف فتحت باب غرفتها.....تصنمت قدام وشها عروسه بفستان ابيض والورد وفرش السرير جديد العروسه بخوف: من انتي كيف دخلتي سوسن في حاله صدمه: بتتفرجها وتتذكر نفسها قبل سنين مكانها بنفس السرير والغرفه...بتتذكر طيبه علي وحنانه..قبل مايتغيرر العروسه قاطعت سرحانها: من انتي اخت علي صح؟؟ سوسن ودمووع بتنزل من عينها: اين علي؟ العروسه: راح يشتري لنا عشا، انتي اخته صح سوسن مبلووده:دخلت بتتفرج صورتها مبعوده من الجدر وفرش جديد والتسريحه مرتبه عطورات جديده فتحت الدواليب: فاضيه العروسه: انتي اخته صح سوسن دموووعها ع وشها: فلتت البيت وخرجت بدون ماتغلق الابواب بسام مضوي كشاف السياره للبيت : مراعي سوسن بتبككككي: خرجت فاتشه من الصدمه. بسام: استغرب ليش خرجت فاتشه بتبكي ، نزل مالش؟ ايش في سوسن بتبكككي : وسسسساكته فتحت باب السياره وطلعت.. بسام:مالش ايش حصل..!! وصلت سياره علي...شافهم سوسن لمحته بصياااح : امششششي بسرررعه لاتوقف تكلمه بسام دق السكان: ليششش ايش في فهميني علي : نزل من فوق السياره ماشي لعندهم سوسن بصياح تزززوج : امششششي قلت امشششي بسام بلع ريقه مصدوم: وفحطط ومشي من جنب علي علي شافهم: شاف الابواب مفتوحه دخل بالاكياس بسرعه العروسه : خايفه وقامت واقفه ف الصاله علي: حد دخل لاهنا العروسه: ايوه ، اختك وزعلت انت قلتلها انحنا في بيتها؟ علي بصدمه: اختي!! العروسه: دخلت فتحت الدواليب وساكته قالت فين علي علي بتوووتر: ايش قلتي لها العروسه: قلت راح يدي عشا علي سكت شويه: وقام يغلق الابواب فوق السياره.. سوسن بتبكي: مش شاااايفه شي قدامها ولابتسسسمع شي بسام ضابح: بيقرط اسنانه ...سووسن ايش حصل؟؟ وانا اسير اشرب من دمه. سوسن : بتبككي بيت صالح.. افراح: قله الولف عنا..من حين جيتي ماسكه للتلفون علا: لاتحسدي ياخاله ششتريلش افراح: مابينحسدش بس مسرع فقد لها هديل مطنشه: ردت لهيثم خلاص لاتجي شمسي هيثم شاف الرساله: وصلت سوسن بتبكي وبسام دخل جهالها هيثم خيرر: ايش في؟ بسام هزره وخرجو: جي احكيلك.. هيثم : ايش في؟ نجميه بتصيح: مالش يابنتي زيدتي بها مابش شي مابش شي تحاااكي اسماء شافت اختها بتبكي: بتبكي من بكاها عبدالرحمن بيسمع نجميه بتصيح: قام لاخارج نجميه بتبكي: جي تفاهم مع بنتك مانا ماقدرت لها الصدق اتعبتني. عبدالرحمن بهنجمه : مالش يابنتي تحاكي.. سوسن بتتفرج لجهالها: اشرت لاسماء تخرجهم. ف الحوش .. هيثم الكلب هذا : ليش مايتحاكا ويقلها ؟ بسام : ياخي من حقه يتزوج بس مش في بيتها..رحمتها كيف افتجعت تخيل ع صدمه هيثم تنهددد: وذكرر فاتن........ #bero_alkebsi |
https://upload.rewity.com/upfiles/P2974470.jpg غرفه علي.. علي: ايوه هي اختي ومهفوفه بتنسى خيرات العروسه : نزلت راسها علي: هيا ياقمرر تعالي نتعشى..منووره البيت يا ارق عروسه. العروسه: مبتسمه قربت علي: بيلقمها ويشربها العروسه :منحرجه علي نسي سوسن : وبيضحك هو وياها ويتجابرو الساعه 12 اسماء:.طلعت لاعند.هيثم هيثم : خير اسماء: سوسن تاعبه مابتتنفس ومدوخه هيثم بسررعه قام بيلبس: اوو لاتقلقي ابي وامي اسماء: تمام هيثم : نزل مع اسماء.. سوسن : منذوقه بقعتها هيثم مسكها واسماء بتلبسها بالطو وغطت وشها هيثم : انتي اوبهي للجهال اسماء: تمام سوسن :دموعها بتنزل من طرف عينها.. هيثم :.طلع اخته السياره وشغلها ومشي للمستشفى بيشووفها..ويتخيل فاتن. في غرفتهن معاذ : قام يشرب ماء اسماء ساارحه بتبككي: شافت معاذ وادت له ماء معاذ: اين ماما روحت بيتنا وحدها؟ اسماء مسحت دموعها : لا سارت تضرب لخالو هيثم ابره ارقد انت. معاذ: رقد. اسماء ذكرت مسكت وشها: يمكن انا السبب لما فعلت لها فيسبوك كشفها !! يووو الله يشلني وبتبكككي في غرفه علاء وسامي علاء كانو بيتجابرو : نعس. هديل : بتتفرج تلفونها كل شويه اذا في رد اوو لا .. طرحت التلفون جنبها.. انضغط بدون ماتعرف اتصال ب هيثم... سامي مسح ع شعر اخته: مرتاحه ياهديل ؟ هديل نفسسسها تبكي وتشكي: ذكرت الاتفاق سكتت. سامي: مالش؟ هديل هزت راسها ولاشي: بس مشتاقه لامي سامي وطى راسه : الله يرررحمها.المهم كيف زوجش معش هذا قصدي والي يهمني هديل:.طيب سامي: بيصيح ؟؟بيمد يده ؟؟ كيف اخلاقه هديل: لاااا..ليش بتسال هكذا سامي: بالبدايه مارخت لزواجتش وصغر سنش وهو ماعجبني بس الان احسه تغير. هديل: ايوه واهم شي عندي خلاني ادرس. سامي: هديل ولو اخوش مسااافر واخر الدنيا اي شششي هي اتصااااله وبس هديل: انا عارفه طول مانت موجود محد يقدر يزززعلني. هيثم شاف اتصال اخر الليل: قلق وجاوب اتصالها... بيسمع مجابرره...سمع كل شششي.. الممرضه قاطعته: خلاص تقدر تروحها فعلنا لها مهدئات هيثم : مالها مافيها الممرضه : صدمه زعل او قلق خلتها تأثر على اعصابها..ادينالها مهدئات وان شاءالله تتحسن. هيثم: الان اروح؟ الممرضه : شوف الحسابات امد ماتتم المغذيه. هيثم تمام: بيفكررر بكلام هديل وكيف مستمعه كلامه ومنفذه الوعد الي بينهم... في غرفتهم.. علي: معي شرط العروسه: ايش علي: ماشتيش من اولها جهال العروسه: ليش علي: ماحبش الي يسالني خيرات ويلغج كلمه وقلي حاضر. العروسه اقتهرت: حاضر... #bero_alkebsi لو عرفتوا ظروفي لعذرتوني على التأخير... المعذرره ... وجاري كتابه البارت الخامس بسرعه... |
https://upload.rewity.com/upfiles/ejc76736.jpg صباح الجمعه.. بيت صالح افراح : ياااي قووومي شررق قلت شاذهن وقد الصبوح جاهز ابوش عيسمع بنا هديل: اشتي ارقد افراح : هدددديل ماعد معش الا يوم ماتجي قومي افعلي الصبوح من دوار المشاكل هديل والله مافعل : بتمثل نوووم افرااح والله لاقل لابوش : هدددديل ياااي هديل : اشتي ارقد قلت. صالح : اين الصبوووح ؟؟ افراح: ساااعه بينقيم هديل ولاقامت تفعله سامي: ليش هديل بتجي تفعل الصبوح يوميه صالح: ومالها راااقده لاذللحين او بترقد بيت زوجها هكذا علاء: ياباه اهدء الساعه عادي سبع صالح: اسكت انت مابش معنا بنات يرقدين لاسبع اين جت تيه هديل قامت : ها ياباه صالح: ليش راقده لذلحين هديل: اجازه رقدت افراح ضحكت: اجازه جايه ترقد عندي سامي: هذا بيت ابوها ويوم جمعتها تجي اميره ماتفعل شي صالح: ماقلنا تفعل شي بس تقوم ساع خلق الله بسساع هديل :.حاضررر ياباه ولايهمك. افراح بنظره وقلاب عيون: يلله ندخل المطبخ هديل بنظره تهديد : يلله سامي: تفرج لعلاء وعلاء: متى عتسافر سامي: بعد صلاه الجمعه صالح: الله يعينك ويوصلك بالسلامه سامي: ايش ناقصك ف البيت ياباه اسير ادي علاء: ولاتهم شي انا موجود وعاد اتصرفت قبل ماتجي البيت ملان صالح: سلامتك افراح سمعت : خرجت لو تشتري لنا دش نتفرج صالح: يشتريلش كفن سيري ادي الصبووح افراح: اقطبي هديل :.ماقدرش اسرع اكثر تشتي افعلي انتي افراح : بتسمع المحاضره حق صالح عليهن وبتطبخ بسررعه بدل هديل هديل: بتتفرج لها بقهر بيت عبدالرحمن.. نجميه :.دخلت تتفاقد سوسن سوسن: نووم نجميه: سسوسسن قومي صبوح اسماء: لاتنكزيها يمه خليها راقده تاعبه نجميه: تقوم تصتبخ ولافيها شي مش هي اول ولا اخر واحده ومن حقه يتزوج. اسماء ضحكت: هيا لاتسمعش والله لاتموت ماعد تشتي صبوحش نجميه: خرجت وخلتها .. هيثم: نكز شاف هديل مابحد ضبببح...رسل لها صباح البن الي مش موجود. هديل ضحكت: صورت له قلصها الي بتشرب فيه هيثم :مبتسم بيرد عليها هديل: كيف السرير هيثم: ياسلاام ياهمتااااه اليوم الليل فوق كنبه هديل: ومن قالك شاروح هيثم: مدرسه ياقمر لازم تروحي هديل خززيت : ( انا قمرر؟؟! قال لي قمرر) تمام ايحين ماخرجت مر لي هيثم:.طيب ولو الان ؟ هديل ضحكت: لا طبعا وبعدين بس خررط يوم الجمعه كيف لك قمت من ذلحين.. هيثم : نكزت وقلت اشوف قد.جهزتي لي بن.. هديل: لو انا عندك انه جاهز...لفتت لافراح افراح: مااااسكه التلفون من حين جت يتخايلك مسافره. هديل يوووف:ردت له هيثم شاسير اصتبح لو تقدر تجيلي بعد.صلاه الظهر جي انا مراعيه لك. هيثم : على طوووول..طرح التلفون وذكر سوسن وبدء يفكر في فاتن... تصبحو على الف خير #bero_alkebsi \\ https://upload.rewity.com/upfiles/aVZ21008.jpg افراح : قومي قربي الصبوح مش كافي قمتي متاخر وعادش عتجابري وتسينمي قبال التلفون هديل : ماشقربش زوجي عيجي ذلحين اسير ادي لابي العلاج وانتي قربي. افراح : بعيني ياهديل والله لتندمي هديل كركرت : دخلت لعند ابوها تجابره هيثم : حاول يرجع في نومه ماقدر نزل يتطمن على اخته اسماء : بتقرب الصبوح روان : بتلعب مع جهال سوسن ابوه : خرج يتشمس بسام :نووووم هيثم : دخل يسافطه ويرشرشه بالماء بسام : قام يصيح ويدوشن من الصبح نجميه : مالكم اصه ابوك ضابح، وقت سفاط؟ اخرج ابسره هيثم : ماله؟ نجميه : غاثي حين اختك تاعبه هيثم : قد نزلت ابسرها وهي راقده ، والله شوعه وقع موقفها صدمه نجميه : الله ينتقمه ويحرق قلبه ساع ماحرق قلب بنتي هيثم : لاتدعيش يامه الله يهديه نجميه: حسبي الله بس ، اوبه يابني تظلم بنت الناس ابسر خواتك ها هيثم عقد حواجبه: مادخل بنت الناس هذه عتدخلو موضوعها في كل شي يتيمه وخواتك وابوك مازيد افعل وارضيكم؟ ضبح وطلع غرفته يتخيل كيف لو قهر فاتن هكذا بيت صالح افراح : الصدق يازوجي بينهم هديل تغيرت، ياهديل تبطلي غنج وتشتحطي ماعيقولو علينا تشتي يقلو بنت صالح كسله جيفه حق نوم سامي بنظراات بيتفرج لها: ماعيقلو يحمدو الله عليها جاهله بعمر بناتهم واصغر هديل :لاتخاف يابه ولاتصدق بيصيحو فوقي ليش افعل عمل ومعي قرايه ومعي ثنتين شغالات لاتحرقي دمش ع الفاضي. افراح : ضبحت وسكتت صالح : هي اخبر وهي حره .هديل شافتها بابتسامه حناك : لاتحرقي دمش ع الفاضي اصتبحي بس افراح: بتاكل بضبححح علا: عوضش الله ياختي افراح : بهرررت ماقصدك؟ علا: عوضها الله بشغالات كانت تقوم من فجر تعجن وتفعل صبوح وتكنس وتسير المدرسه هديل شافت له بنظره : وخوات هيثم كلهن هكذا دلوعات علا: احمم طعم الفول بسبااااس ادو شاهي هديل : يااااسسسين عليك هديل : غمزت له بيت عبدالرحمن كلهم فوق المايده الا هيثم وسوسن عبدالرحمن : هيثم راقد لذلحين ؟؟؟؟ نجميه : مابلا قام من الصبح يذاكر ورجع يفعل له نعسه .. في شقته هيثم : بيقلب تلفونه في يده وبيفكر ف كلام امه فاتن ؟؟؟ او هديل ؟؟ (( معقول انا ظالم الثنتين واحده متزوجها غصب وفارض عليها تسكت وتغطي عليا مقابل تدرس ولا فاتن مواعدها ومخبي عليها)) ...مسك راااااسه وامتد ونعسسس وصلته رساله ظهر من هديل :( لاتنسى كويت لك الزنه وجهزت لك الشال حق الجمعه وبخرتها بعوده) هيثم : نكززز وقري الرساله وزاد ضبح ..قام يتغسل ويتجهز لصلاه الجمعه في بيت صالح سامي : هديل اوبهي لنفسش ولو تشتي شي سجلت رقمي رررررنه بسسسس واديلش عيوني.. هديل : دمعت وحضنته وبكيت الله يخليكم لي ولايحرمني من حنانك وطيبتك..... #bero_alkebsi |
https://upload.rewity.com/upfiles/8IA21163.jpg هديل : الله يحفظكم ويخليك لي.. افراح : سعم اول مره عيسافررر علاء : وانا وين سرت الله المستعان ولا سامي ثاااني هديل: ضحكككت ومسحت دموعها انت مصلحي علا اشر لنفسه : انااا !! هديل: ايوووه تذكررر؟ علا : هاااا بس ماهو مالش خلاص هديل : ضحكت افراح حنقت : ومشيت للمطبخ صالح : مالش جي نودع الولد مش وقت افراح : بيتكلمو بالغاز خليهم ع راحتهم صالح : مابتقولو علا: بهرر لهديل هديل : سلامتك يابه بنزبج عليه نزوجه سامي : ضحك وشاف الساعه يلله وقت اخطى صالح : كان صلي وتغدى وسير سامي : شاصلي واسير، بس غدا شابع ولو جوعت ف الطريق هديل : الله معك ارجع من الجامع سامي: تمام افراح : هديل هيا ندخل نبسر المطبخ هديل: لبست العبايه واللثمه ، هيثم عيجي الان ابداي امد ماجابر ابي افراح: تبررررقطت ودخلت صالح: ماتشتي ؟ هديل: بس اقلك توبه لنفسك من السكر والضغط وكل شي بعد الصلاه ..جنب الباب طريقه سياره هيثم هديل فتحت : وهيثم وسامي وعلاء بيتجابرو هيثم : شافها اول مابديت وابتسم لها سامي : دخلهاا لداخل وحضنها وودعها هديل سلمت عليه ودمعت وخرجت سامي : ماسكها بيدها وفتح لها باب السياره هيثم : بيتفر ج له سامي : هديل امانتك ياهيثم هيثم : امنها عليا هي سامي ضحك : اختي واعرفها ماطيب من قلبها وعاقله هيثم : ماهذا صدقت هديل استغربت : ولفتت له هيثم شافها ولفت بسرعه لسامي سامي : الله معاكم هيثم : نوصلك ع الطريق سامي : تسلم صاحبي عيمر لي هديل : اوبه لنفسك وطمني عليك اول ماتوصل هيثم : بيسسمع ويحسد سامي : تمام من عيوني هيثم : مشي هديل: بتمسح دموعها هيثم : لهذه الدرجه تحبيه هديل: اكثر انسان بعد ابي وامي احبه هو هيثم : وعلا هديل : سامي اكثرر وعلا وبس هيثم : وبسسس هديل : وبسس الله يحفظهم لي يارب هيثم : امين بيت عبدالرحمن سوسن : قامت وبتدور عيالها وتلاحقهم يذاكرو اسماء مستغربه : افتهني ماعليش انا شاذاكر لهم سوسن : افتهن من ايش ؟ولا فيني شي اسماء :سكتت وسارت تجهز الغدا نجميه : ماعتفعلي يابنتي ؟ سوسن : اشتي اكلم ابي عبدالرحمن : جي ماتشتي ؟ سوسن : قل له يدي ورقتي عبدالرحمن : لاتتسرعي راعي نبسر ما.. سوسن : ايش تبسرررر ؟؟ تزوج فوقي اداها بيتي عبدالرحمن : لش شهر هنا ولا قلتي لنا مالش ممكن الان تحكي ايش بينكم؟ سوسن : كنت ساكته واقل احترمه ممكن يفهم ع نفسه مشتيش ابهذله معي جهال.. عبدالرحمن: ايش تبهذلي واحنا اهلش ندرى مالش ؟ سوسن: قلت بعاسس بيننا وتوقع بين اي اثنين وعيعقل ويبسر مرته وجهاله وبيته ماحبيت اتكلم تاخذو عنه نظره.. عبدالرحمن : بس يابنتي سوسن : يابه اسمعني الله يحفظك عبدالرحممن : سكت...... #bero_alkebsi \\ https://upload.rewity.com/upfiles/UG777036.jpg سوسن : يابه اسمعني الله يحفظك عبدالرحممن : سكت سوسن : اخر مره جيتي لإن قدني تاعبه منه واصل تلفون وعايش عالم ثاني ماعرفش مع من كنت اقل خبره سهل واصل خارج البيت صبح عمل وغدا خارج وبعد الغدا تخازين ويوصل يحابر للفجر مرضت بنته ولا رضي يسعفها قال اتصلي لاخوش وادخل الفيسبوك وهو سامر يجابر ويعلق ع بنات فعلت حساب وجابرته وغزل ومجابره وجنان .... تشتي ارجع للعبي لخاين لازسان مافكر يسال على بنته مريضه ولايقل مال مرتي فلتت البيت ؟؟! وسار يتزوج ؟؟ ايش اعذررره !! ولاقصرت معه بشي...! عبدالرحمن : سسسسساكت سوسن : رجعه والله لو على رقبتي لو سبب ثاني شاستحمل فقر اي شي بس خيانه وعدم احساس ومسئوليه الله يفتح عليه عبدالرحمن : طول مانا عايش ماحد يقدر يقهر ذرررره من مشاعر بناتي وراجعي عقلش والي تشتيه انا حاضر ،هذه حياتش. ولش القرار محد له دخل. سوسن : وهذا قراري عشان يبرد قلبي فديتك يابه (حبت يده) عبدالرحممن : مسك راسها وحبه، من عيوني شاتصل له . سوسن : الله يحفظك ويخليك لنا وصلت سياره هيثم وهديل هيثم : نورتي الحوش هديل بددلع: الحوش بس؟ هيثم : عادحنا فيه يلله ادخلي نوري طريق طريق هديل : لاتتملقش اليوم عترقد ف الكنبه هيثم : ضحككك نجميه بزعل :اهلا يابنتي هديل : سلمت على نجميه ، شافت سوسن عيونها مورمه وبعد بكى سلمت عليها سكته وبتتفرج لهم عبدالرحمن : كيف ابوش هديل : الحمدلله عبدالرحمن: هيا قربو الغدا شرررق نجميه : الاان هديل : دخلت المطبخ معاهن في الطريق...بيتكلم في التلفون سامي : قبل ماسافر ماتشتي شي مني رهام: نفسي اشوفك سامي : وانا بس جمعه كيف نفتح الجامعه رهام : ضحكت سامي : اخرجي انفعي لبقاله جنبكم واشوفش رهام : فكرررره وينك الان سامي : ربع ساعه واكون في حارتكم رهام: يلله اسير ادور اي شي اشتريه سامي ضحك: ونبيني عشان اكلم صاحبي رهام : حاضر سامي بعد ربع ساعه: انا في البقاله ... هيااا رهام : غلقت التلفون لوشه سامي : بيتصل رهام: بتكنسل سامي : بيتصل رهام : ررررن وكنسلت سامي : سمع رنه التفت لورا رهام : واقفه مراعيه يبعد تدخل البقاله سامي ابتسم : اشترا عصاير وماء وبسكوت2 علاقيات وطرح علاقيه وحاسب عليهن ومشي رهام : بتتفر ج له وملان عيونها دموع سامي : طلع السياره وعينه مافارقت عيونها رهام : شلت الكيس وروحت البيت...... #bero_alkebsi الظهر بانزل لكم...تصبحو على خيررر♡♡♡ |
https://upload.rewity.com/upfiles/8pF77408.jpg بعد اسبوع هديل: في الديوان بتذاكررر اسماء : في الزاويه بتذاكرر هيثم : هيااا ماذلحين اشتي نص شهر تتمين تختبرين وانا وين اذاكر ؟ اسماء : جي باقي زاويتين شل واحده هديل : معي11 ماده اسماء : انا ثانويه عاااامه هيثم : انااا سنه ثالثه هديل : هيا جي اسمعلك وتسمعلي اسماء مارضيتش بترتبش هيثم ضحككك: تسمعي لي ؟؟ ايش عتسمعي لي هديل : كتابك هيثم ضحك : ناهي لاتتعذري بي مابيسمعولنا.. هاتي اسمعلش هديل بدات تسمع: بتقرح اصابعها وتسمع وترتبش تغمضضض وترجع هيثم قووووا اول كلمه هيثم: ال هديل: ايوه ...ووو ....الخ هيثم : ماشاء الله حافظه اسماء : يووو ادخل انت ومرتك المكان حقكم بتربشوني هيثم : قومين ارقدين الساعه12 هديل صاحت :ماتميت سيرر ارقدددد انت وفوق السرير كمان هيثم شاف اسماء: بهرررر اسماء : التذعتي مع الاختبارات ليش اين يرقدو الناس هديل : بتكرررركرر هيثم : بيضحككك ، مجنووووونه انا داري بش اسماء حنقت : قامت شلت كتبها تشتي تنزل هديل : بسسس والله مادي نخسسس ، هيثم اخرج من عندناااا خلينا نذاكر هيثم : تمام دوري من يسمعلش هديل: بتحانكه بلسانها قدسمعت لي خلص هيثم :..طيبببب ياهديل خاطركن هديل بمشاوره: امانه اجلس معنا نتراغب مذاكره هيثم ابتسم: تمام وجلس مقابل هديل هديل منسجمه: بتحفظ وتكتب وشعرها يجي لطرف وشها وترفعه وينزل هيثم:سااااارح بيرسسسم عيونها وشعرها هديل بعدساعه: نعسسست لفوق الوساده اسماء :مش مركزه معاهم خااالص :هيثم قلب الصفحه: وبيرسمها وهي نوووم اسماء: قدني نوووم تصبحو على خير هديل: نووم هيثم :وانتي من اهله اسماء غمزت له: تحملهاساع بنت سوسن هيثم بيتلغج :هههي اخرجي لخفعش بما في يدي اسماء بتضحكك:هررربت منزل هيثم: قام سحب الكتب من يدها ووضعها وبعد المدكا هديل :ولا حسسست نوووم هيثم :سار ادا بطانيه ودفاها وقت المنبه لساعه 6 وفرش له في الديوان ورقد. بيت علي العروسه سمر : ذلحين اناضقت مغلق نص الغرف علي: ماعليش منهن سمر: اشتي احس اني مش في جناح ديوان وغرفتي وحمام ومطبخ بسس علي: ادوات جهال اختي فيهن سمر :وايحين عتستاجر لي شقه، علي: لاتكسري راسي ماقدلش الا اسبوع سمر :سكتت وحنقت علي بيراشيها: ويساليها وفكر يرد سوسن نفس البيت ويطرح سمر امام الامر الواقع وصله اتصال علي: اهلا ياعم عبدالرحمن: عادخليت فيها عم ، بيض الله وشك علي :خر ج وغلق باب البيت خيرر! عبدالرحمن : خير ،جي عندي اشتيك علي: خير به شي اوشي؟ عبدالرحمن: جي وعتدرى سوسن شافته متصل رسلت له صوره جهاله بالفيس علي :غلق بعدمكالمه عبدالرحمن، وشاف رساله ف الفيس (صوره جهاله من الحساب الي منتظر صوره معجبه)... #bero_alkebsi |
https://upload.rewity.com/upfiles/s8777906.jpg علي انصددددم:مسك جبهته ، وبيتامل ويراجع كلامها معه. سوسن :غلقت الحساب وخرجت منه علي يشتي يرجع يكلمها: (الحساب غير فعال ) سوسن :حيوووان الله لاوفقك ولاهناك يوم... في الطريق.. سامي: ذكرر كل الي حصل ف اسبوع ززعل ع رزززق، وفرررح برجعته لرهام وزعل ع مرض ابوه وارتاح ان هديل مرتاحه وبتدررسس.. . السوواق:.مالك مطنن سامي: بينشوف الدنيا كيف هي كل يوم بمزاج السواق: عادك الا شفت هي وااصل مزاجها عكرر سامي: اسسستغفر الله، ربي عادل مقسم لنا فيها كل شي.. السواق : والنعم بالله.. ف الحاره.. علاء: ياريت ورجعت ساع اول هكذا ورزق عايش.. اكرم: ياخي مووته اثررر عليااا عمري مابنسى هذك اللحظه.. علاء: الله يرحمه... اكرم: كيف تشتتنا ..رزق مات، سامي سافر، وانت عمل وجامعه ومذاكره. علاء: وانت اجتهد وذاكر معك اختبارات. اكرم: على الله...الله يعيننا. بعد مارجعت من المدرسه.. هديل:ذكرت هيثم قال لها ( تتصل تذكره يشتري لمبات).. هيثم بعد ماخرج من الاختبار: واقف ف الممر وظهره للباب حق قاعه الاختبار...رد على هديل فاتن : واقفه وراه.. هيثم : كيف كان اختبارش؟ هديل: الحمدلله ، وانت؟؟ هيثم : الحمدلله بس كانت المذاكره احلى فاتن بتسمع: وقفت تسمع و مراعيه تقل له يبعد هديل: اتصلت اذكرك تدي لمبات هيثم : تمام، تشتي شي ثاني غيره؟ فاتن حسست بغصه:.دهفت يده ومشيت. هديل: تسسلم هيثم : لفت لفاتن ، شك انها سمعت غلق التلفون ومشي بعدها بسررعه.. هيثم:لو سمحتي فاااتن.. فاتن: مطنششه هيثم: فاتن فاتن: خيرر نعم..ايش في؟ هيثم: تعالي اكلمش كلمتين على جنب فاتن ضحككت: ياااسلام ماتكلمنا ف الفون بكلمك فيس تو فيس. هيثم: بغير دلع وقلاد حركات هذا السساع والله لاتكلم قبال الكل. فاتن: وقفت على جنب.. هيثم: ما مغيرررش هذه الفتره حتى نظرات ..؟ فاتن: كل شي في وقته حالي عتدرى هيثم: مادرى من الخباله مش داري ماتشتي ممي ساعه تقدم وساعه لا وساعه دعممه ...!مافهمتش فاتن: مش ضروري تفهم كل شي في وقته حالي هيثم: تمام يعني ايش اجلس طارح يدي على خدي مراعي تقليلي ايحييين اجي اتقدم لش؟؟؟ فاتن ضحككت: تطررح يدك ع خدك، مع خلاص ماعد شاطولش ...قرريبااا ياهيثم هيثم : ان شاء الله. فاتن: يلله باي..ومشيت دعاء : يووو مالها بتجنن وقفت تكلمه !! امل: هي مابتجنن الا عندي انا واسامه ..فاتن تغيرت شكلها بتحسد او كيف مادريت دعاء: لاتتحسسيش وانتي مش لدرجه حسد امل: سدين ، خاطررش دعاء راحت لفاتن: ليش بتجنني كلمتيه ؟ فاتن:مافعله بالغصصصب بيفحرر مالي متغيره؟ دعاء: ايش قلتي له !! فاتن: قلت له عتعرف كل شي ف وقته.. دعاء: يعني؟؟ فاتن: نسيت اقلش على فكره عرسي بعد شهر... #bero_alkebsi |
https://upload.rewity.com/upfiles/3aw78137.jpg دعاء: بسسس جنااان مالش مااتتكلمي وكيف عتفعلي فاتن: امس قالو لنا دعاء: وصالات ودعوات وكسسسووه في شهرر منش صدق! فاتن: دعااء يوقع ماوقع ولافي حسي شي طز ماعدبش فرحه ولاشي دعاء: بس هذه فرحتش عتتعرسي مره فاتن: خلاص غلقي الموضوع دعاء:ماعتقليش لامل فاتن: لا دعاء: يوو فاتن: شاديلها دعوه دعاء: ماعتجيش فاتن: عتجي وعتبسري دعاء: يخخخخ ماسمجش قدش ثقيله دم ، الظاهر هيثم كان مخليش عسل، خاطرش فاتن: باي شقه هيثم وهديل.. هديل: بترتب الديوان وبتفتح الطيقان جمعت كتبهن وكتب هيثم...فلتت ورقتين هديل ،بتتفرج رسمه تشبهها مبتسسسمه هيثم : فتح باب الشقه هدبل : رجعت الكتب بقعهن وبترتب الوسايد هيثم سلام: هذولا اللمبات ادي كرسي اصلحهن هديل: ادت الكرسي هيثم : عاد يشتي ماسه...سحب الماسه وطرح الكرسي وطلع هديل :بتتفرج له هيثم رفع يده: الكرسي اهتز ..نكزز هديل بربشششه: مسكته وفلتت مسكت الكرسي هيثم : بيضحكككك هديل: ضحكككت بعده جت لهم نوبه ضحك خمس دقايق كل واحد يشوف الثاني ويضحك...هيثم سكت وبيتفرجها هديل انحرجت : شلت الكرسي ترجعه بقعته روان واريج ومعاذ بيطلعو وهم بيصيحوو غدااا هيااا غدا هديل :.دخلت تلبس تغطي شعرها وتلبس روب هيثم: غير ثيابه ولحقها فوق السفرره.. سوسن : بتاكل جهالها عبدالرحمن: هيثم مامعك اليوم؟؟ هيثم: ولاشي ، اؤمرني يابه عبدالرحمن: عيجي علي اليوم سوسن ارتبشت: بتأكل ابنها..ومش شايفه ايش بتغرف معاذ بكككي: بسباااس ليش تديلي منه الكل لاحظ ربشه سوسن هيثم : تمام ، نتم نتغدا ونراعي ف الديوان هديل بتتفرج سكته: ماحبت تسال هيثم بشي برغم انها بتسمع كلام على موضوع سوسن وملاحظه ان في شي.. بعد العصر.. علي وصل :دخل سلم عليهم.. عبدالرحمن: رد السلام بدون نفس.. بسام: بيتفرج له باحتقار علي: يجلس.. عبدالرحمن : ادينالك بنت تصونها وتحترمها ، مش تمكنها لعبه وسرسره، الي ماترضاه على اختك لاترضاه على بنات الناس.. علي بعنطززه(بغرور): ايش فعلت ،ماقد به لهذا كله..؟ هيثم بنرفزه: وطي صوتك واتكلم سوا لاكسر لقفك عبدالرحمن: ارزى يابني..كلامي معه هو. علي ساكت: مبرررقط ماسك نفسه، ذلحين قل لي ياعم ماراس الكلام هذا ؟ عبدالرحمن: السرسره هذه مش هي حق الرجال ولا حق بنات الناس وانت مزوج ..انا اديت لك مره ماديت لك شغاله علي بقزازه: ذلحين ماهو المطلوب مني عبدالرحمن: طلق البنت...احنا ادينالك مره تخايلنا انك رجال ..طلعت فاتر علي يقاطعه: ياعم صلي على النبي؟ ليش اطلق ؟ مابش داعي لهذا كله انا معي جهال ..ومن حقي اتزوج مافعلت شي. اسعد الله مسائكم بكل خير .. قدهن 6 بارتات ازيد����؟؟! #bero_alkebsi |
https://upload.rewity.com/upfiles/gYN78533.jpg علي يقاطعه: ياعم صلي على النبي؟ ليش اطلق ؟ مابش داعي لهذا كله انا معي جهال ..ومن حقي اتزوج مافعلت شي. عبدالرحمن : تتزوج ماتتزوجش مالنا دخل انااا في قبل زواجتك لا انت رجال ولاقد مسئوليه الجهال الي بتقل عليهم مقضيها مراهقه بين التلفونات والنت ..وجاي تقل لي متزوج ..ماقدرت ع مره وجهال ..اخر كلام عندي توصلني ورقه بنتي.. علي حنق :وخررج. هيثم: قليل ذوووق ابسرر ع تحدي وبورده عبدالرحمن: وقليل الذوق الزمن عيربيه. هيثم : قام بسام: الى اين؟ هيثم: اطلع افعل لي نعسه، واذاكر عبدالرحمن: تمو اختبرو وشل مرتك دوره اي بقعه تغيرو جو هيثم : خير ان شاء الله بيت فاتن.. افنان: لو تبسري كيف فارحين بش قد رتبو الشقه وغرفتش ابسري الصور رسلت لي اخت وائل فاتن بتتفرج: ذكرررت بيت هيثم لما سارت كان اكبر وافخم.. افنان: عجبش؟ فاتن: عادي مابش مايكلف افنان: قد زيدتي بها شوفي على غرفه فاتن: ناهي اليوم وين نسير افنان:قالت امي اول تشل الذهب وتبسرين اكثر من خياطه توزعين الزنين فاتن: اليوم شخرج ثلاث ساعات بس معي اختبار بعد بكره افنان: تمام شقته.. هديل : ملتفه بالبطانيه وراقده .. هيثم دخل الغرفه: واستغرب ليش السرير مرفوس، قرب يهزر البطانيه.. هديل خافت: قامت هيثم نكززز : افتجع هديل كرررركرت : من فجعته هيثم: هكذا !! هديل: انت فجعتني وعاقبك الله تكون تحس كيف يدخلو بدون دقدقه هيثم: ادقدق على غرفتي ومرتي؟ هديل : مرتك نازل ..هنا احنا اصحاب هيثم سسكت شويه : طيب فيني نووم هديل:سير الكنبه امس رقدت انا ف الديوان هيثم: وانا رقدت في الديوان، دوووري هديل: هيييثم عيطير النوم ، ارقد الليل هيثم : طيب شرقد عادي هديل: قامت ،وراحت الديوان في الغرفه.. هيثم ممدد: بيفكر في كلام فاتن وفارح بيتخيل ايحين يخطبها...شم عطر هديل على الوساده ، ذكرر وضبح طرح الوساده فوق وشه ورقد. نازل عبدالرحمن: سير ادعي اختك بسام : حاضر سوسن : دخلت وجلست عبدالرحمن: بهذلته وقلتله يدي ورقتش سوسن: ولو عاند عبدالرحمن ضحك: لااا مابش عندي عناد ولعب عيبسر شي مايعجبه سوسن مقهووره: هزت راسها عبدالرحمن: جهزي الجهال نخرج انا وياهم سوسن: حاضر بسام: اين .؟ عبدالرحمن:نفعل لفه كلم اسماء وهديل سوسن:.معاهن اختبارات ماعيرضين ف التلفون..يتراسلو رهام: وانت وحشتني اكثر سامي: من يصدق اخر عيون شفتها عيونش رهام : ويارب ماتشوف عيون حد غيري سامي: في خبر وصلت عليه رهام : خير سامي: كل خير الحمدلله ........ #bero_alkebsi كتبت سبع بارتات حق امس واليوم.. المشكله مش هن بالتقسيط او مستكثره البارتات بس ماعد في افكار للكتابه تعبت... تصبحو على سنه جديده كلها حب نعوض وجع الحرب ...♡ |
https://upload.rewity.com/upfiles/lxI79645.jpg سامي: في خبر وصلت عليه رهام : خير سامي: كل خير الحمدلله رهام : هيا تحااااكى ايششش سامي: رجعتي كانت قانونيه ، ولقي لي الكفيل عمل احسن من المزرعه رهام: ايش؟ سامي: امسك محل عطور وادوات تجميل رهام: يااااحبيبي هنيت لقلبي، قدك ع المزرعه اخرج سامي: لا هذك تعب قتله رهام: مادخلني ويجين بنات يزنطين ويتدلعين عليك سامي: يجين مامعي الا واحده شلت قلبي وعقلي رهام: ارجع اشتغل ماشتيت ف صنعاء سامي: ضحككك ، تمام الغيره اشتغلت رهام : اقلك شي سامي: ها رهام:نادمه ع كل لحظه فكرت ابتعد عنك فيها سامي: خلاص انسي الي حصل وقت صلاه المغرب.. هيثم نوووم: طارح يد فوق جبهته ويد فوق صدره ونص عين مفتوحه هديل دخلت تقيمه يصلي: شافته ضحككككت، ادت التلفون وصورته هيثم شعره مشعفل : نكز من ضوء الفلاش فتح عينه الثانيه هديل: لقطت الصوره الي بعدها هيثم: مالششش بتجنني هديل: اجنن ! اناا هيثم:.هديل هاتي التلفون هديل مبتسمه: تهز اكتافها مااعه هيثم : قاااام من فوق السسريررر هديل : بتهرررب هيثم: لحقها يشتي يشله هديل: خبته في حضنها وماسكه التلفون هيثم ماتجرء: يهزر يدها ، هيااا هديل هديل بنظره دلع: انا ماعرفش ارسم قلت اصور هيثم اسستغرب: ايش من رسم هديل: الي في كتابك الازرق هيثم ابتسم : رد شعره لاوراء بيده، انا بينرسم اميره راقده وانتي فارحه بروحش مفكره رسمتش هديل غمضت عينها بدلع: وانا اميررره اسماء طلعت تذاكر: وهم ف الدرج بيتجابرو هديل: يوو ضيعت ساعه مع اخوش اسماء: انا عارفه ان الناس يترمسسو ف مطعم ع البحر نمشيها حوش لكن مش في الدرج بهذه الصوره تفجع الواحد واشرت لهيثم هيثم: انقلعي ياتركيه قلك رمسسه هديل: هيا قيميني معش اسماء: مسكت يدها هيثم: وانا مد يده اسما :طرحت يد هيثم بهديل ، قيم مرتك انت هديل: سحبت يدها هيثم بهررلها: وهزر يدها قيمها.. اسماء:هنيتلك حين عادها بتغنج عليك. هيثم: مابش عندي غنج يللا مذذذاكررره هديل: وانت صلاااه اسماء: سير اجعل لنا قوا هديل: ايووه هيثم: ماتشتين اسماء: ببسي بطاطس وشكلاته هديل: بطاطس وشطه وشكلاته وببسي هيثم ضحككك: شطططه؟ او عتفتحي بقاله اسماء: الاا يعجبنا مع الشبس هيثم:.جغصات انتين.. هديل : تتلغج عليه في بيتها فاتن رجعت من خارج:جالسه بتتذكر اتفاقها هي وهيثم ع الصاله واين قلها شهر العسل افنان: حظششش من السماء الصاله الي كنتي تخوريها فاضيه... كتبت لكم بارت تصبيره بكمل معاكم بعدين وانزلهن مره واحده ...جمعه قدكم اخبر بها .. (جمعتكم مباركه) ♡♡♡ #bero_alkebsi |
https://upload.rewity.com/upfiles/MbD79821.jpg بعد ثلاثه اسابيع... اسماء: اخيرا كملت اختباراتي هديل: الله يوصلني وانا مثلش باقي لي سنتين هيثم: ايام المدرسه احلى ايام لاتستعجلي سوسن : هيثم ، اشتي اسجل جامعه هيثم: يهي يهي والله تطورنا اسماء: قوا سوسن راعي لي وندخل سوا سوسن: قدنا شاراعيلش ياسعم عيفتحولي من بكره التسجيل هيثم: ضحككك الباب بيددددق... بسام: كان ف الحوش بيصلح سيكل معاذ فتح الباب.... ف مكان ثاني(المحل) سامي: يعني قد تبهذلت الموظف المساعد ف المحل(ياخي بهذله واستجنت وغرامه وجناااان وتمرض ماتلقى حد يعبرك لانك يمني...اشتي اسجل جامعه ماينفع لاني يمني) سامي: لو انا بك مازيد اجلس يوم كرهتني والله الموظف علوان: اصبررر عاد بحكيلك معاااناااه لحالها سامي: ياخي اديت لي الاكتئاب ايش باقي ؟ علوان ضحكك: اسمع ... دخلت زبونه (ملثمه نص وشها وحواجبها وعيونها بالرسمه والظل والعطررر ) بددددلع لوو سمحت علوان : وقف تفصلي اهلا وسهلا سامي : بيرتب العطور الزبونه شافت علوان: راحت لسامي بدددلع متصنع لو سمحت.. علوان :سامي ردد شوف الزبونه سامي : تفضلي اختي الزبونه: يزيد فضلك ابغى احلا عطر ع ذوقك سامي : خرج مجموعه عطور الزبونه بتتفرج له: والله مابكسفك وباخذهم كلهم. علوان ماسك الضحكه: احممم..وبيسعل سامي متوتر محرج:.طيب اختاري الزبونه: كمان ذا وذا ...امم وايش ماركه الروج هذا سامي : ناولها الزبونه: حلوو ..وكمان ذا سامي : لفهن ف كيس الزبونه :.حاسبت وخرجت علوان : اووووبه تودف ودافتي سامي: كيف ؟؟ علوان : جا زبون بكلمك بعدا بيت فاتن... فاتن : بتتفرج للكسووه بززعل افنان : هذاا وش عروووسه امانه فاتن: ايششش افعل لش بعد اختبارات عاجلونا افنان: عااادي بطلي سهرر فاتن: طيب افنان : يلا نجهز ادواتش بكره بايمتلي البيت ناس فاتن: طيب باروح مع دعاء ادي فستاني افنان: تمام وتمي كل مشاويرش خلاص بكره بيبدء الحمام وبعده النقش وو ..خلاص ولابتفضي لشي فاتن سرررحت: ذكرررت شي.. افنان : يلله اسير اتم الديوان فاتن اتصلت لدعاء : امانه تواصلي مع امل اعرفيلي ردت الفعل بيت عبدالرحمن.. بسام فتح الباب : مابش حد ومطروح الظرف تحت الباب معاذ هزر الظرف: خااالو بيحانكه وهرب بالظرف لاداخل سوسن : ايش هذا ؟ معاذ: الباب دق ..ولقينا هذاا سوسن قلبها ددق: ورقتها !!!.... #bero_alkebsi |
https://upload.rewity.com/upfiles/6mg80017.jpg سوسن : ايش هذا ؟ معاذ: الباب دق ..ولقينا هذاا سوسن قلبها ددق: ورقتها !!!.... شافت وانها دعوه...(حرم هيثم عبدالرحمن..ووالدته وكريماته المحترمات) مافتحتهاش كلهم بيتجابرو ف الصاله سوسن :.دعووه عرس لش ياهديل هديل: انا ! من عيديلي سوسن: صحبتش هيثم: بيتفرجهن سكته هديل: بس مايعرفين بيت زوجي اسماء هزرتها: ادوها لي بيتقاسمنها...خاوره عرس بعد الاختبارات.. هديل بتضحك: قدلي كثير من الاعراس وماكنت اسير زمان الا معاكم مره بس هيثم : ياهمتاااه لكن والاجازه حقكن هرم وتوصيلات اسماء فتحت الدعوه: تتشرف حرم ....بدعوتكم لحضور التفرطه وحفل الزفاف ابنتنا الغاليه فاتن... هيثم بهررر : سمع العائله ، هزر الدعوه بيقررراهاا اسماء: بس هباله مالك ..هزرتها امل زعلانه : بتشكي لاسامه ان فاتن خبت عليها انها انخطبت وعرسها هذا الاسبوع اسامه: بغيررر جنان انخطبت بمن؟ امل: مدري واحد اسمه وائل ف الدعوه اسامه: وائل من ! هيثم عيخرف امل: وهو صدمها وتزوج اسامه: غصب وقلتلش مايشتي .. امل: مش مصدقه مافعلها اسامه:.طززز نصيب الله يوفقها وهو يعقل ويعامل مرته سوا امل : ليش كان مابيعاملها سوا اسامه شاف التلفون: راعي معي مكالمه بتصلش امل : تمام باي هيثم معصصصب: دهفها بقوه ورجم الدعوه للارض طلع غرفته وصرررع الباب...بيدور تلفونه زي المجنون...شله وبيفكررر يتصلها او لا !! بيتبررقط... اتصل لاسامه.. اسامه انتظار: بيتكلم ف التلفون، شاف مكالمه هيثم... هيثم : ششششفت حبيبه القلب عتتزوج وانا مراعي ساع الاهبل ..ليششش ماتتحاكا ليش فعلت فيني هكذا ؟؟.الان تخلي امل تتواصل معها قبل مافعل لها عرس جن... اسامه : هيثم اهدءء صلي ع النبي هيثم : اهدءء ايششش والله لاروح لابيتهم اتبهذل الاااان ...كلمهاااا اسسامه : اين انت من الجنان هيثم : وصلت لي الدعوووه وساع المكالف حقنا مراعي ابسر عرس من يطلع فاااتن..!! اسامه : انت لغجه انا جاي صليك.. هيثم :.غلق التلفون ..ومبرررقط هديل طلعت : مستغربه ماله اجتغرر سوسن : بتشاور اسماء انها حبيبته اسماء مسكت وشها: يوووو، عيقتل هديل قليلها تنزل طالع.. هديل بتدق الباب: هيييثممم ؟؟ مالك ...بتدددق الباب وتفتح مغلق بالمفتاح هيثم صيييح وعصصصب: انقلعي من هنااا ماتشتي !! هديل بهررت : انا هديل هيثم: يافرحتي بش واليوم الي شفتش فيه هديل: مالك مافعلت ؟ زعلتك بشي؟ غلطت عليك !! هيثم : انتي بكلششش غلطططه دمرتي حياتي......... #bero_alkebsi ازيد ؟؟؟؟ الي معاهم مدرسه يلله رقده رقدده������ اشتي تفاعل البارتاااات حماااس♡♡♡♡ |
https://upload.rewity.com/upfiles/UEJ54498.jpg هديل بهررت : انا هديل هيثم: يافرحتي بش واليوم الي شفتش فيه هديل: مالك مافعلت ؟ زعلتك بشي؟ غلطت عليك !! هيثم : انتي بكلششش غلطططه دمرتي حياتي هديل واقفه جنب الباب: مصدووومه بعد الكلام الي سمعته..نزززلت دمووعها منها وراحت الديوان بتبككككي تلفونها كان يشتحن اتصلت لعلاء ... علاء: خير مالش هديل: تعال الاااااان علاء: يلله جاي الان.. هديل : لما توصل افعلي رنه علاء: حاضر البسي خمس دقايق وانا عندش لاني خارج هديل : تمام وغلقت راعت خمس دقايق وهي بتبكي ونزلت لغرفه اسماء اسماء: مالش ؟ هديل : اخي اتصل الان عيجيلي وهيثم مغلق ع نفسه اديلي بالطو وشارده لش اسماء : يو الله المستتعان مابش بيننا ياهديل دولابي لش..خرجت لها بالطوو..ولثمه.. هديل : لبست وبتتلثم الباب بيدق.. هديل شلت التلفون : مع السلامه يا اسماء والله حبيتكن اعظم من خوات .. اسماء مصدووومه : ايش في؟؟ هديل :.عترجعي تعرفي باي.. خرجت ودموعها مبلله البرقع .. اسامه :.كان واقف..هو الي دق الباب. هديل بتدور علاء: مابحد.. بتسمع اسامه اسامه ف التلفون : انزل انا ف الباب.. هيثم : نزل هديل بتدعي : يارب يجي علاء قبل علاء وصل: بتكسسس هيثم فتح الباب: شافها بتطلع مع التكس اسامه : هذه مرتك ؟ ماحصل !! التكسسس.مشي هيثم دخل مع اسامه : ورزززع الباب اسامه :.ماعنطلعش البيت اخطى معي السياره خارج هيثم خرج: وغلق الباب... فاتن ودعاء : فوق التكس.. فاتن : ماجاوبتش ؟ دعاء: لا .. فاتن يخخخ: مش وقتها تحنق الان سامجه دعاء: اصصص انتي بعد هذا كله وتشتيها ماتزعلش فاتن: طز فيها دعاء: حرام والله انها طيبه انتي كرهتيها لانه خطيبه صاحب هيثم الروح بالروح فاتن تنهدددت: نفسسسي اعرف ردت فعله اموووت واعرف دعاء: رررردت فاتن قربت هزرت التلفون: بتقراا امل: عاد اسامه ماكلمني دعاء: شلت التلفون منها ترد على امل.. امل : يلله باركي لصحبتش وقليلها الله يسعدها ويعوضها ومش انا الي زوجت هيثم تخليها في بالها.. دعاء :بتنقل لفاتن كلام امل امل كلمت التكس: لو سمحت ترجع لشارع ... دعاء: عتسيري عندها امل: ايوه افهمها ليش سكت عليها دعاء: سدين انا ماتدخلششش خالص امل: طيب فوق التكس علاء: ماااالش فهميني احسن مانفتح الموضوع قبال خالتش هديل : تزاعلت انا وهيثم علاء: على ايش هديل: ولاشي زعلني بكلامه علاء بعصبيه: ايش قااال؟ هديل خافت ع علا: ولا شي تزاعلنا وانا من نفسي مشيت بدون مايدرى علاء: ياااسلام هيا اوبهي تقلي هكذا ابي عيردش.. #bero_alkebsi ماقد قلت تصبحو على خيرر يعني بازيد بارت عشان اول يوم ف السنه ♡ |
https://upload.rewity.com/upfiles/E6j62781.jpg هديل خافت ع علا: ولا شي تزاعلنا وانا من نفسي مشيت بدون مايدرى علاء: ياااسلام هيا اوبهي تقلي هكذا ابي عيردش.. هديل : مع قووووا ياعلا ولاتقل لهم شي علا: كان ماعتقلي عيسالش هديل: اجازه تميت اختبارات وجيت عندكم علا: وين اداتش هديل تنهدددت: شاقل شارجع الليل وامسي والبس من الاولات علا: خلاص يكون كلامنا واحدي تعرفي ابي لو كذبنا عيحرقنا حريقه هديل:تمام علا: ولما اروح شاعرف القصه الي بينكم. فوق السياره.. اسامه :ماحصل ؟؟ هيثم : الي حصل جالسين بنتجابررر ودق الباب فتحو جهال اختي وناولوها دعوه بتقرا الاسم انصدددمت انا الصدق زاعل منك ولا تقل لي اسامه : قسما بالله ان امل الان اتصلت غاثيه منهن ماكلمنها لابخطوبه ولا بعرس مابسرت الا دعوه هيثم بضببببح: اسسساااامه عليااا انا هذا الكلااام خبيرررات عتخبي عليها ؟؟ اسامه: حلفت لك يمين هيثم: ماصدقشش الا لو كذبت عليك امل اسامه انت اخي تربينا سوا : وهذا رساله امل ابسررر ...فتح التلفون هيثم : قسمن بالله بينفووور ليششش !! اشتي ادرى ! لاكذبت عليها ولا كم راااشيتها اسير اخطب مكنتني ابي اختي جدتي في بيتها.. امل فتحت لهن: انصدمت من فاتن فاتن: عندخل؟ امل: اهلا وسهلا... فاتن: دخلت غرفه امل جلسين امل: العروسه بنفسها جت تعزمني ياسلام مالش ماتقلي لي احجز لش مغنيه فاتن: امل مش وقت التريقه والزبج والله ماخبيت عليش الا عسب لاتقلي لاسامه ويكلمه امل: قد كلمت اسامه بشي خاص بيننا !! فاتن: ولوو استحملت وخبيت الااا انتقم اوجعه مثل ماوجعني امل: هاا يعني دعاء مش هي خطيبه صاحبه فاتن: والله ماكلمتها جت بالصدفه وابسرت الورد وختي فضحتني امل: تمام ولو انتي مكاني عتزعلي ...الي حايه تقلي مش عذر ع العموم الله يسعدش فاتن:امانه يا امل افهميني لاتغثي مني امل بززعل: تمام فاتن بكككيت: حضنتها وبتحبها فوق راسها حسي بالنار الي داخلي فديت قلبش يا امل امل :.خلاص يافاتن خير، وان شاء الله جايه العرس فاتن: وتمسسسي امل: لاا ..ماعملت حسابي ..شاجي جيزي من جيز المعازيم فوق السياره..قريب بيتهم هديل: تلفونك عيرجعلك وكل شي بيننا انهيه لا اشتي اتفاقك ولا عمري شادرس بطريقتك واهانتك لي...وزي مانا غلطه بحياتك اخلص مني وطلقني فوق سياره اسامه.. هيثم بيقرى الرساله: عصصصب رجم التلفون للشاررع اسامه مسسسك بررريك : جنب ونزل يديه ماااالك اووول الجنان تعللام.. هيثم : معصصصب خيرت الله ع دمك مش ناقصك..... تصبحو على الف خيررر،،، بكره شاقطبهن البارتات #bero_alkebsi |
https://upload.rewity.com/upfiles/FPc62886.jpg اسامه مسسسك بررريك : جنب ونزل يديه ماااالك اووول الجنان تعللام.. هيثم : معصصصب خيرت الله ع دمك مش ناقصك اسامه : مالك بتجنن ؟ هيثم ضاااابح عيقررح: سسسساكت وعيونه ملان ششششر اسامه سكت: طرح التلفون جنب الهمبريك (هاند بريك).وشغل السياره ومشي.. هيثم بيتفرج من الطاقه: عيووونه ملان دموع..وماسك نفسسه بيت امل.. فاتن: قوا اموله معزززتش غاليه امل: خير ان شاء الله...المهم لو تشتي شي ولا شي كلميني فاتن: تسلمي ، قومي نخرج السوق امل:مش اليوم امي ماعترضاش، مره ثانيه دعاء: بكره الحمام كيف مره ثانيه امل ضببحت: ليش سكتين لاقبل العرس بيوم فاتن: لان اليوم رسلت له دعوه وقدو وقت الصدق امل : يعني انا محارشه نقاله اخبارش لاسامه وهيثم هذا فهمته من حركتش فاتن شافت الساعه: اتاخرت موعد الفستان ..قوا بطلي خباله وافهميني امل ضحكت بمسخره: تمام، مقهوووره من حركتهن.. بيت صالح.. هديل دخلت : ومش مبينه ان فيها شي. افراح : اهلا وسهلا ..كيف لش فجأه جيتي هديل : فقدت لابي والجهال وجيت افراح: مالش مغضوره (وشها مكبود).. هديل: تعب بعد اختبارات وسهر ، قلت اجي افتهن افراح: اوو واحمه؟ هديل لقتها فرررصه تتعذر عن العمل عندها: يمكن افراح فرحت: صددق؟ هديل: ايوه افراح: شهر كم ؟ هديل: مدري صالح: مبرووك يابنتي هديل توووتررت : كذبه كبيره..كذبتها صالح: مالش ساكته هديل: مش اكيد بس خالتي قالت ،قلت يمكن .. صالح :خير ان شاء الله.. اسامه بيسسسوق : اين نسير؟ هيثم : سسساكت اسامه : بيسوق ويلف ويرجع.. هيثم: رجعني البيت اسامه: ليش؟ هيثم: اين عنسير ! خلاص موضوع وتجابرنا فيه. رررن تلفونه... امل: فاضي ؟ اسامه رد ع امل: ايوه شويه امل: به حد عندك؟ اسامه: هيثم. هيثم لفت له:بيأشر من؟ اسامه: ايوه ماتشتي منش فاتن. هيثم عصب: وقفى وشه للطاقه امل: تراضيني لازعلش واحضر العرس.. اسامه ياسلاام: صحبتها وماتزعليش ليش خبت او خايفه تمرعيها قدش مخطوبه هيثم بيسمع: ويهزز رجله من العصبيه امل: طلع مووضووع ثاني اسامه : الي هو ..؟ امل :كانت تشتي هيثم يجررب صدمتها لما عرفت انه مزوج ومخبي عليها. اسامه: بس هو انجبر يتزوج من ابوه وماحب يكسفها رتب اموره ومراعي لليوم الي تقله يجي يخطبها يطلق ويخطب هيثم لفت لاسامه: ايششش في ؟؟ اسامه : بياشر له بيده يصبر امل : صدددددق؟؟ وهي ايش عرفها ! وليش ماتكلم؟ اسامه : تقوم تتصرف من راسها هيثم : ايششش في فهمني؟ #bero_alkebsi اسعد الله اوقاتكم بكل خير ♡♡( ^_^) |
https://upload.rewity.com/upfiles/Ylt48538.jpg امل : صدددددق؟؟ وهي ايش عرفها ! وليش ماتكلم؟ اسامه : تقوم تتصرف من راسها هيثم : ايششش في فهمني؟ اسامه : يلله باكلمش بعدين .. امل: حاضر هيثم : ايشش؟ اسامه: فاتن كانت عارفه انك تزوجت وحبت تردلك الموقف هيثم ضحكك بقهر: بصياح ،تررررد لي المووووقف!! غبيه ،، انا ساكت عشان مششششاعرها وهي تهدم كل شي...دمرت سعاده بنت عشانها..تزوجت ع ورق بسسس واتفقنا انحنا نكون اخوه وعرفت اني احب ووافقت اطلقها ..متخيل انت !! ايش فعلت لفاتن ظلمت بنت الناس عشانها...تقل لي تنتقم اسامه: يا اخي انت غلطت وغلطه كبيررره ليش ماقلت لها. هيثم عصصب دق يده ف الباب مكان زجاج الطاقه: لاني غبي حيوووووان...حبي لها اعماااني ف الشارع.. فاتن : تعرفي اني جثه بتتحرك داخل قلبي ولا قطره فرح ع قددد فرحه كل بنت بعرسها ع قد مانا مقهووووره دعاء: خلاص يافاتن انسيه حسب الله ومات فاتن: ظلمني وخدعني ليشش؟ كله كوووم وتمثيله كوووم فضضضضيع .. دعاء:خلاص انسيه قد عرسش بعد اسبوع انسسسيه فاهمه ! ماينفعش فاتن ضحككت: على من اضحك عليش ولا ع نفسي او امثل مثله ؟ ايش انسى !! حبيته بصدق يادعاء دعاء: خلااااص يا فاتن مش انتي اول ولا اخر من حبت وماكملت بزواج اصلا كل الي حبو مثلش والي تزوجو عن حب 10% فاتن تنهدت مسحت دموعها: ودخلت للخياطه. بيت صالح.. هديل بعيون حززينه : خاله لو سمحتي ارقد ساعه وبعدا افعل لش الي تشتي افراح رحمتها: ادخلي ارقدي وافتهني كم ماشتيتي ولاعليش بشي هديل بنص ابتسامه: تسلمي افراح : غلقت عليها هديل دخلت تحت بطانيتها : بككككككيت وكاتمه صوت بكاها بالوساده.. علاء دخل : بيفتح الباب افراح : اين عتسير هديل نوم علاء: فلت المغلقه حق الباب، ها خلاص.. هديل بكككيت : ورقدت من القهر قدام بيتهم.. اسامه : وقف السياره هيثم : نزل اسامه : لاتتهور وتفعل شي ، خلاص كل واحد وشل نصيبه هيثم اشر بيده: باي اسامه : ناوله التلفون.. هيثم : شله لجيبه ودخل.. سوسن : هيييثم هيثم : خير سوسن : اشتي اتكلم معاك هيثم بعدين : فلت وطلع غرفته...رجم ثياب هديل من فوق السرير للارض وقشع الملايه ورجم الوسايد..وشل بطانيته ورقد نازل.. اسماء: طيب نكلم امي او ابي؟ سوسن : لااا خليها عليا شاحلها له اسماء: وعلي؟ #bero_alkebsi |
https://upload.rewity.com/upfiles/GbA33000.jpg سوسن كشرت: ماااادخل علي؟ اسماء: عتفلتي لها بيتش وزوجش ابو جهالش؟ سوسن: اروح احب ع يده يرجعني ؟ اسماء: لا ، بس خليه يحس انش كنتي كل شي سوسن: لا يحس ولا احس يطلقني ، مستحيل اعيش مع خاين نجميه دخلت: اليوم هديل وين هي او تاعبه؟ سوسن: خرجت بيتهم جالها اخوها نجميه : يوو مسسكينه الظاهر ابوها تعب اسماء: شافت سوسن سوسن: المهم يمه ايحين نسير نفرح لنسوان عيال عمي نجميه: اليوم نخرج نشتري شي وبكره نسير في الديوان.. هديل نكزت: شافت التلفون ولا رسساله ولا رد. غاده دخلت لاعندها: هديل مشطي لي هديل: بعدين ياغاده علاء: سمعها دخل هديل: عتنفعني؟ علاء: لاين؟ هديل: خلاص بس علا: وووين؟ هديل: مش اليوم سهل مره ثانيه علا: براحتش غاده: خرجت علاء بمشاوره: ماوقع هديل: تصايحنا ع شي خاص بيننا وخلاص.. علا سكت:.ماحب يتدخل اكثر من هكذا هديل :سارحه بين رومانسيته وكلامه اخر فتره معها وبين الي حصل !! مستغربه ايش غيره افراح: هيا عشا هديل: مشتيش علاء بهرر: هيااا وهزرها معه هديل قامت: غصب..جلست تاكل اخوتها شقه هيثم بسام طلع يدق لهيثم:جاوووب ابي هيييييثم هيثم : نووووم بسام : بيرزع الباب هيثم نكززز: ذكرر دقدقه هديل بسام: جااوب ابي ,مراعي له. روان شافت هيثم نازل: اين هددديل؟ هيثم لابوه: خير؟ عبدالرحمن: اطلع البس وجي هيثم افتجع: لايكون وصله موضوع من اهل هديل عبدالرحمن: مالها مانزلت هديل هيثم : كان بيطلع الدرج فعل نفسه ماسمع اسماء: ابوها مرض وجالها اخوها تسير تبسره عبدالرحمن: الله يشفيه.. ف غرفتها... امل مطننه: سسسمعت كلام اسامه وهيثم بعد.ماكلمها ماغلقت السماعه...محتارره تكلم فاتن او لا... اسامه : بيتصل امل: عمرررك طووويل اسامه : خير امل: بينقل اتصل اسألك اكلم فاتن بقصه هيثم ؟ هي ماتعرفش اسامه: مدري والله بس ايش يفيد...! امل : خليني اكلمها..يمكن تفركش اسامه: ماعتقدش ..قليلها عشان تندم ع تسرعها امل : مش تندم ..بس يمكن تعرف وترجع لهيثم اسامه: سعم انو فلم هندي ترجع له ..بكره عرسها امل سكتت: خلاص شاكلمها وبس عشان تعذره اسامه : سدين.. امل : رسلت لفاتن ..لما تفضي ردي عليا اشتي اكلمش بموضوع.. عند الوسيط حق سوسن وعلي عبدالرحمن: بيوقع على استلام ورقه الطلاق.. هيثم رن تلفونه: كنسل المكالمه ررررن مره ثانيه عبدالرحمن لفت له: جاوب هيثم هو صاحبي: صمت التلفون... #bero_alkebsi الان بانشغل شويه بصفحه الفيس ننزل لهم بقيه البارتات..لان ادمن الصفحه مشغوله..ولو فضيت باكتب لكم بارتات... دعواتكم♡♡♡ |
https://upload.rewity.com/upfiles/wkC26218.jpg عبدالرحمن لفت له: جاوب هيثم هو صاحبي: صمت التلفون... عبدالرحمن: استلم الورقه وخرج.. هيثم قام بعد ابوه: بيتخيل عقد وعرس فاااتن !! هكذاا تفعل خبت عليه؟ عبدالرحمن : السياره معبايه بترول صح؟ هيثم بينه وبين نفسه: بس والله لاكسر فرحتش زي ما كسرتي فرحتي لاهنيتيني بش ولا بغيرش.. عبدالرحمن صيح: ماهو من الدعممه والمصانجه هيثم : ماهو ماسمعتش عبدالرحمن: ليش ؟ بتهم العمل او الصرفه هيثم اقتهرر: حس ابوه بيستهزئ به ،ويمن عليه.. عبدالرحمن: السياره ملان بترول،؟ هيثم : ايوه عبدالرحمن: شلني نبدي على عمك ماقد بسرته من حين مامررض هيثم مسك نفسسه لايتأفف قدام ابوه: حاضر عبدالرحمن: اخطى قبل نشل له ماكان. هيثم بيقرط اسنانه: معصصصب وبيفكر كيف يقهر فاتن. مكان ثاني..ف التلفون امل :اتصلت لفاتن مابتردش وهيثم كيف نفسيته؟ اسامه : كان معصب بيجنن اليوم وبيتحلف لها..ورجع روح رقد يمكن هدء امل : يووو بغير جنان ؟ ماعيفعل اسامه منك صدق اسامه : مادخلني وانا هو اخبر وهي محد قالها تتسيمج. امل: كلهم مودفين مشكلتهم ماتصارحوش اسامه: المهم لو ردت عليش قليلي هيثم يشتي يعرف امل: تمام وحاول تهدءه وتقنعه يبطل جنان خلاص هو مزوج الله يسعده وهي يخليلها حالها هو نصيب مشو بالصميل اسامه: ماتعرفيش هيثم مجنون رسمي امل: الله يسترر. بيت صالح.. هديل قامت من النوم :وفيها طبع لما تضبح ترفع وتكنس وتغسل افراح: مالش وصلتي زقعه قد البيت بيلمع هديل: ضبح والجهال مابش مذاكره عطله. افراح: امانه فعلتي فيني خير.. هديل :دخلت ترتب دواليب علاء.. صالح خارج باب الباب: جالس فوق الدكه بيجابر عم حمود.. هديل : غاده جي اغسلش وابدلش ابسري كيف قد انتي مشعفله. افراح: كيف عمتش معش وخوات هيثم هديل: طيبات قوووي وصلت سياره هيثم وطريقته.. هديل سكتت فجاه: راحت للطاقه تتفرج مستغرربه.. افراح : زوجش؟ هديل بخوووف: ايوه افراح: مالش؟ هديل سارحه: لايقول لابي وانا قلت مابش شي يوو والفعله ؟ هيثم بيهممم: شاف عمه خارج ، عيقله ابوه ليش تكذب انه مريض.. عبدالرحمن نزل: عتمرض سوا ياحج صالح. صالح وقف يسلم عليه: حيااااك الله، اهلا وسسسهلا منوور داخل البيت .. هديل بتفكرررر : ماتفعل ماتفعل !! افراح: الحمدلله انش نظفتي البيت الظاهر قالولش عيجو؟ هديل: ماشي انا قلت شامسي مدري ليش جا افراح: الحب مسرع فقدلش زد مابسرتش بالتلفون ساع هذك اليوم.. #bero_alkebsi تصبحو على الف خيرر... |
https://upload.rewity.com/upfiles/jel26218.jpg هديل: ماشي انا قلت شامسي مدري ليش جا افراح: الحب مسرع فقدلش زد مابسرتش بالتلفون ساع هذك اليوم.. هديل متوووتره:ضبحت من اسئله خالتها،دخلت الحمام تتخبى.. ف الباب.. صالح: حياااكم الله اهلا وسهلا، فتح الباب بعصيته (العكازه) طرررريق ..الله..الله.. ايمن: ادخل يابه صالح : اهلا وسهلا تفضلوا عبدالرحمن دخل: الله الله،.. هيثم دخل: ومبررقط حاسس ان ابوه دري وهديل قالت لهم.. صالح:دخلهم الديوان صالح: حياكم الله نورتو عبدالرحمن: سلامتك قالو تاعب عبدالرحمن مافهم قصده فكره سؤال عنه: قدو من حق الكبر سكر وضغط وقلب كلهن. عبدالرحمن: الله يمن عليك بالعافيه صالح: امين عبدالرحمن شاف هيثم: اين جت مرتك ؟ خارج افراح:هددديل قد عتخرجي؟ بيسال عمش عليش هديل: خزا تقلي ف الحمام ،قليلهم خرجت لبيت الجيران. افراح ياسلااام من ايحين بنخرج عند حد بدون اذن هديل فتحت الباب: يوو.. افراح : مالش في شي ؟؟ هديل لا: دخلت تسلم عليهم بيت فاتن...بيت عرس ملان بنات خالها وخالاتها.. التلفون 5 مكالمات ورسايل ...ولا فضيت تشووفه.. امل : اتصلت لدعاء دعاء: قد اتصلتلها مابتجاوب امل: يوو ..انتي عتسيري بكره معها الحمام(يوم من ايام العرس تروح العروسه حمام بخار) دعاء:اكيددد وانتي؟ امل: ماعتقدش المهم شاقلش كلام توووصلي لفاتن بالحرررف.. دعاء: خيرر! امل : حككككت لها الموضوع كلله... بيت علي.. سمر كانت واقفه: ايش الموضوع الي تشتي تقلي عليه علي: اليوم طلقت مرتي سمر جلسسست بصدمه: اي مره؟ علي موطي راسه وبهدوء: كنت متزوج سمر مبلمه ف وشه : متززززوج! علي: ايوه سمر: ماقلتليش ليش علي: عشان خفت ماتوافقي سمر: ليش كذبت عليا علي: خلاص الان عرفتي مافيها شي سمر بكيت: الا فيها خدعتني ليش ماقلت لي علي: مدري خلاص الان قلت سمر : ياسلام يعني انا الي حبيتني بيت صالح هديل مدت يدها : كيف انت ياعم عبدالرحمن : الحمدلله كيف انتي ، اقلقتينا ان ابوش مريض وانه بخير.. هيثم موطي راسه: بيفكر بينه وبين نفسه انها ماقالت سبب صياحهم صالح: وزوجش ماسلمتي عليه هديل : وطت راسها عبدالرحمن: ماعليك تحرجها ياسعم مايتعارفوش .. صالح : انا بخير مابلا هديل الله يحفظها مهتمه بي وبصحتي من صغرها تدرى ان فيني شي تجنن عبدالرحمن بيتفرج هيثم : ماشااءالله، وكيف معك ياهيثم بتحنجك ولا ابوها بس هديل بنظره تحدي : بتتفرج لهيثم بصمت هيثم :.الحمدلله هديل : خرجت تدي شاهي لهم.. بعد مارجعت بتقرب لهم.. عبدالرحمن: تسلمي هيثم بضببح: بيتفرج لها وللقلص هديل مقفيه عيونها ع جنب: ماسكه الصحن. #bero_alkebsi مساء الخير .. العفو للتاخير النت زفت.. واقل لبعض المعلقين المحترمين مايتفاجئوش بالحظرررر |
https://upload.rewity.com/upfiles/ShK46722.jpg عبدالرحمن: تسلمي هيثم بضببح: بيتفرج لها وللقلص هديل مقفيه عيونها ع جنب: ماسكه الصحن. هيثم : شل القلص وطرحه.. هديل : طرحت الصحن وجلست جنب ابوها صالح: سيري عند زوجش هديل : انحررجت عبدالرحمن : بدء فتح موضوع العمل.. هيثم ماسك التلفون: بيراسل اسامه.. هديل : خرجت تجهز البالطو حق اسماء في الكيس.. عبدالرحمن :كان نستئذنكم صالح : يمين ماتدو خطوه نتعشى سوا عبدالرحمن وقف: لاتحلف، يوم ثاااني الان انا اسير معي عمل ومشكله نتمها صالح: يلله كان اقل لهديل تجهز. عبدالرحمن : ايوه فيسع الله يحفظك هيثم مطنن: بيتفرجلهم صالح خرج : يدعي هديل هيثم: مالك يابه استئذنتني ووافقت لها تمسي عبدالرحمن: مادراني وانا كان اخطى خارج هديل: ماشي انا شمسي عندكم تميت اختبر صالح : سدي انتي وزوجش عبدالرحمن: على خرجته يلله ماتشتي شي يابنتي هديل: الله يحفظك ياعم.. عبدالرحمن: اي شي تشتيه اتصلي..وخرج ايمن : بيدعي ابوه يجاوب سامي ف التلفون الارضي صالح: ودعهم وسار يجاوب هيثم ساااكت:ع خرجته هديل :ناولته كيس هيثم : ايش هذا؟ هديل: بالطو اسماء وتلفونك.. هيثم : فتح الكيس خرج التلفون طرحه فوقها وخرج وغلق هديل تشتي ترد: مالحقت دخلت المطبخ تبككككي سمعت صوت ، شلت بصل ياسعم بتقطع للعشاء.. فوق السياره.. عبدالرحمن : مالك انت ومرتك ماعجبنيش وضعكم هيثم:مابش شي بيتهيء لك عبدالرحمن :اذا مابش شي كان مش عيب عليك ولا جابرتها ولا شي هيثم : هي خزويه ماحبيت احرجها بيت صالح.. ايمن : هدددديل جاوبي سامي هديل : مسحت وشها وسارت تجاوب سامي: مال صوتش؟؟ هدبل: مزكمه سامي: متاكده؟؟؟ هديل ماسكه نفسها تقرح تبكي محتاجه حد يسالها هذا السؤال: ايوه ياخي تطمن ع جنب افراح : مدري مالي مش مطمنه لجيه هديل مالها صالح: مالها انتي وحقش الهدار هذا مالها شي عاد عتدوري قصه. افراح: انت ابوها وانا مثل امها اعرفها وشها مقلوب صالح: هو الوحام افراح: سكتت.. اخر الليل ... فاتن : بتجهز لبسها وادواتها افنان :كان يشتي يدخل يتصور معش بكره فاتن : ايش يتصور ! عادو مش عرس هي الا حفله افنان : قد قلت لاخته لما تعقدو فاتن بصدمه : نعقد ايحين ؟ افنان : عيوصل ابي بكره فجر وقالت امي انهم عيعقدو بعد بكره. فاتن عااادي بدون فرحه عروسه : خيرر ..امتد شويه قدني تاااعبه...شلت التلفون من الدرج...وبتقرااا الرسايل....بينها وبين نفسها كم مكالمات ورسايل ..حتى الواتس علق يووو..ابسر دعاء اول مالها فعلت بصاير... #bero_alkebsi |
https://upload.rewity.com/upfiles/VdQ26218.jpg الساعه 2 الليل في غرفتها نوووم... دعاء: تلفونها بيررررن..يرررن اختها نكزت وقيمتها تصمت تلفونها دعاء نووم: الوو فاتن بتبكي : ايش الرسايل الي رسلتيلي؟؟ دعاء مش مركزه: اين رسايل ! فاتن بعصبيه: دعاء لاتجننونيش وتفعلو دراما من قلششش !! دعاء ذكررت: قامت جلست فوق السرير...امل اتصلت لش لما شبعت..اسامه اليوم فاتن : امل اسامه هيثم ...في غيرررهم ! القصه معروفه...ايش يشتووو مني قد كنت مخبيه عليها احسسسن لي دعاء ضبحت: اذا ماتشتيش تفهمي شي شاغلق فيني نوم مافيني طافه لرفاسش هذا الساع.. ام دعاء فتحت الغرفه: من بتجابري هذا الساع دعاء: فاتن ام دعاء: خير مالها دعاء: دحسس ماتلبس ومانفعل ام دعاء: رقده والصبح افعلين ماشتيتين ابوش بيقل ليش سامرات انتي وخواتش فاتن سمعت معصبه: غلقت بتبكككي ..ماسكه التلفون دعاء: رجعت في نومها.. في غرفته... هيثم للان ف حاله صدمه : مبلووود بيقلب ف الرسايل حق فاتن ويفكر بكلامها...عصصصصب واتصل فاتن بتبكي: شافت رقمه وكنسلت هيثم عصب: بيتصصصصل ويتصلل ويتصل فاتن : نعم ايش تشتي خلاص مابش بيننا نصيب وانت الي بدأت هيثم : عمري ماتوقعتش حقوده بهذا الشكل فاتن : خدعتني ياهيثم وماتشتي احقد هيثم: والله انا الي انخدعت انا كنت خايف ع مشاعرش بس انتي تعمدتي تأذي مشاعري فاتن بضحكه استهزاء :مشاااعر ايش الي خفت عليها قهرتك دعوه عرس وماحسيت فيني لما دريت ودخلت بيتكم وهو عرس اتاكد بنفسي هيثم بصدمه : ايشششش! ايحين جيتي؟ فاتن : هذا الي همك كيف عرفت وايحين جيت ومن قال لي هيثم : انا زوجني ابي غصب بتفهمي ! فاتن بعصبيه : يااااسلام غصب ! ليش خايفين عليك تعنس او العروسه كانت ماتتعوض.. هيثم : بعذر كل كلامش لان انتي ماعمرش حسيتيني وفهمتيني وعارفه ايش بينعاني ابي انسان شديد.. فاتن : انت رجاااال محد يقدر يفرض عليك شي مثل هذا بترد اللوم على ابوك ليش ؟؟ هيثم : طول عمرش ابوش مغترب ماجربتي بعض اباء كيف طبعهم يا هو وكلمته يانقلع الشارع ..اين اسير من يصرف عليا ويغضب عليا عمري كله..قلت ادعمم منه ووافقت امشي كلامه لما يرضى .. فاتن قاطعته: قلت تتزوج مش خسران هذه زواجه وهذك حبيبه نتجابر وطزز... ف مكان ثاني.. سمر: خبيت لانك عارف مابوافق بك ايش الانانيه الي فيك هذه علي: مش انانيه من حقي اتزوج سمر: ياسلام من حقك تخدع الاشخاص الي جنبك مرتك وانا عشان انانيتك ومصلحتك.. علي تأفف: وفلت لها الغرفه وخرج... #bero_alkebsi |
https://upload.rewity.com/upfiles/oE228540.jpg هيثم عصب : قلت هذه زوجه وهذك حبيبه وطززز !!! بيضحكك بقهررر وعيونه ملان دموع... لي 10 شهور متزوج وللان علاقتي بش اكثر منها انتي اخت وحبيبه وصديقه وكل شي وهي عاملتها تسريحه لوحه شي صنم بيتحرك قبالي عشر شهووور واحنا اخوووه ف بيت واحد انتي مصددددقه ولا لاااا ....صياااحه ملان الشقه.. فاتن : قرررحت تبككككي لحظه هدوء ع التلفوووون لمده دقيقه وخمس ثواني فاتن : بتبكككي هيثم مقهوور : عيونه بتدمع ومش مبين خالص بيت علي.. علي : ف غرفه جهاله..بيشرب سجاره..بيتفرج ادواتهم..ذكر سوسن ومجابرته ف الفيس تنهدددد سمر لحقته : بتتفرج ادوات وغرفه جهاله علي : بينفخ السجاره وبيتفرج لها سمر ضحكه استهزاء: هذه الغرف حق اختك الي كنت مغلقهن علي: نفسي افهم ايش الي مزعلش سواء انا وغيري كنتس عتتزوجي سمر: لاااا فرررق اتزوج واحد مش مزوج حياته لي نبدأها سوااا اعيش فرحته باول طفل ..الان عرفت ليش ماتشتي جاهل علي بقزازه: تتزززوجي واحد مش مزوج حياته لش ! ليش اين المشكله الان وانا مطلق سمر: المشكله اني الثانيه اني ماوحمش اني متشاررركه حياتي مع شخص ثاني ...ماكنت مجبوره علي: مش انتي اول واخر وحده تزوجت مزوج عااادي. سمر: سكتت ورجعت غرفتها في الديوان سااارحه تنهدددت : في بالها بيدووور الكلام الي سمعته ظهررر ...نزلت دمووعها ، مسحت عينها ورفعت شعرها...تذكرت رسمته لها.. علاء نكزها: فتح الباب بقوه هديل ذكرت حركه هيثم : لفتت لعلاء علاء: فرررصه اجي ادرى مال اختي هديل: انت فضولي بدل ماتدرى مالي انت جاي تستفسرر ع واحده.. علا : مابلا عياذن فجر قمت اتوضى للصلاه وابسرت اللمبه والعه قلت ابسر ليش مارقدتي هديل: رقدت العصر للمغرب علا:هاا كان قومي ادرسي لش شويه قران هديل:طيب علا:مع السلامه ف التلفون.. فاتن : ليش ماصارحتني ليش ليش ماقلت لي ..يمكن كنت عذرتك هيثم : ماكنت اشتي تعرفي وتقتهرري.. فاتن : اقتهررر ..اقتهرت ومت الف مررره كل دقيقه طول هذه الفتررره وانا ميته قهر وتقل ماتشتي اقتهرر هيثم: ليش ماواجهتيني ليش ضيعتي علينا امل واحد نكون مع بعض فاتن بكككيت: خلااااص ايش يفيد ذلحين !! هيثم : لو بتحبيني في امل .. فاتن : ايش من امل وجنااان هيثم دموعه بتنزل : افسخي كل شي.. خلينا لبعض فاتن: انت رجال وماقدرت تقل لابوك لا...وتشتيني بعد التجهيزات هذه كلها اقل لا هيثم : هامه التجهيزات لهذه الدرجه اكثر من حبنا !! فاتن : انت اخر واحد يعاتب ويتفلسف ف الحب..لو ضحيت بدراستك وبيتك وكل شي انك بتحب ..وانا مثلك مابضحي ب شي خلاص..نصيب...... #bero_alkebsi |
https://upload.rewity.com/upfiles/6Tp28733.jpg فاتن : انت اخر واحد يعاتب ويتفلسف ف الحب..لو ضحيت بدراستك وبيتك وكل شي انك بتحب ..وانا مثلك مابضحي ب شي خلاص..نصيب هيثم : بكل بسسساطه نصيب.. فاتن : خلاص ماقدرش نتكلم اكثر من هكذا هيثم: فاتن راااجعي نفسش فاتن: تاخرت ياهيثم هيثم : تاخرتي صح عروووسه بكررره عيبدء عرسش فرحتششش الكبرررى تااااخرتي صصصح عتبكررري تزتفي لواحددددد مش هيثم مبرووووك عليششش قهرتيني ودمرتيني مبرووك فاتن بتبكككككي: غلقت التلفون ..ولست تبكي بحرررقه هيثم مكبووود : زي المجنووون رجم التلفون وجالسس مغمض بيفكر بكلامها.. ثاني يوم الصبح..بيتراسلو سامي: خلاص بينترقى ايش من مزرعه مش بعيد.بعد فتره اكون مدير شركه رهام ضحككت: حررركاااتك الله يوصلني سامي: يلله قليلي ادوات الخطوبه ايش ؟ رهام مبتسسمه وفارحه: ليش ايش ناوي؟ سامي: ابدء اجهز كل شي ويخصمو عليا واول مارجع اخطبش رهام : يااارب يسهل لنا سامي: ماقلتي لي ايش هن رهام: ولا شي سامي ضحك :بتخزززي ! ولا شي؟ لو شي ان الكل خاطب رهام : يوو منك هرم شابسر ادوات بنت عمي واقلك سامي: تمام.. بيت العرس.. فاتن قامت مورمه عيونها: وضااابحه دعاء دخلت : هياا قمررر ايحين نسير فاتن : بتفعل ثلج لعيونها دعاء مسكتها: مالش ! فاتن امتلت عينها دموع: اصص خلاص لاحد يقل لي مالش دعاء سكتت : مقهوره عليها..ماستحملت خرجت تجهز مع افنان فاتن : بتفعل لعيونها كمادات وتتذكر كلامه وتدمع افنان دخلت تدعيها صبوح: مااالش؟ فاتن : ولاشي افنان: عشان عتفلتيني صح فاتن حست بغصه وفت لها افنان : وبككككين مع بعض دعاء: بس هباله باقي اسبوع عتفعلين ذلحين فلم هندي في غرفته.. هيثم : نووووم بسام : طلع يصحيه يجاوب ابوه هيثم : ولابيرد بسام : ياهمتاه لك ولابي والصياح ذلحين بيدددق الباب ويدددق... هيثم : نعمممم بسام : جاوب هيثم: قل لهم ميت تاعب بيطفح بسام يوووف: حنق ونزل هيثم : رجع يرقد. بسام : نزل لاعند ابوه عبدالرحمن : ماقال؟ بسام : هو مريض عبدالرحمن : الله يشفيه اشتي ينزل يفتحس يتعلم يشتغل اجازه عيمكننا نوم سوسن : قربت لابوها الصبوح عبدالرحمن : قد شليت ورقتش عندي سوسن حست بنغزه بقلبها : مثلت انها عادي.. تمام عبدالرحمن : تشتي تدرسي تفعلي ماشتيتي الان انتي بنت عبدالرحمن سوسن : هزت راسهاا وكاتمه البكاء.. ف الطريق.. فاتن : سارحه وبتتذكر كلام هيثم وتدمع.. دعاء: امس امي بهذلوني حين بنتجابر الفجر فاتن : هزت راسها دعاء: يخ قد.عنبدء زنط العرايس.. فاتن : ابتسمت بالغصب دعاء: ماعد سألتيني ع الموضوع الي رسلتلش امس.. تصبحو على الف خير #bero_alkebsi |
https://upload.rewity.com/upfiles/euj28733.jpg دعاء: يخ قد عنبدء زنط العرايس.. فاتن : ابتسمت بالغصب دعاء: ماعد سألتيني ع الموضوع الي رسلتلش امس.. فاتن شافتها بنظره: ودمعت.. دعاء اسفه ياروحي: داخل نفسها ع غباااء امانه هذا وقت اسألها سؤال هكذا بدل مانسيها.. فاتن حست انها كسفتها قربت منها وبصووت واطي: انتي عارفه جلسنا نتجابر للفجرر ..فعل لي قصص وبطولات وانه انظلم دعاء: هوو هذااا الي كنت بينحاكيش عليه.. فاتن :شفتي كيف طلع كذاب ! ماكنت اتوقع انه هكذا دعاء: انتي عارفه امل لما كلمتني قالت اتصلت لاسامه وهيثم معه وع اساس قلها باي وماقفلش جلست تداعيه وهو نسي التلفون مفتوح وبيسوق ..الكلام الي قالش هيثم امس كان بيجابر اسامه به وامل بتسمع.. فاتن بقهررر لفتت للطاقه وعينها بتددمع: كان جو السياره ززفه والبنات ملانها وملان الخانه وبيصفقين.... دعاء كانت تحس نفسها في كووومه مابتحس بشي بس اصواااات مزعجه حولها ..بدل ماتكون اصوات فرحه عرسها في غرفته .. تعود يصحى الصبح بدري بنفحات عطرها في الغرفه...برائحه البن الشهيه والرفاهيه الي كان فيها ملابسه معلقه..مكوايه..ساعته ومحفظته واشيائه في مكانها.... الا هذا اليوم كان يوووم كئيب ظلام لاهديل ولافاتن...خسر الثنتين بذنب مش ذنبه وكان القدر عليهم الثلاثه... هيثم بيقلب تلفونه شاف مكالمه من ابوه: اتصل له عبدالرحمن : البس وجي للمكتب الان هيثم بصوت حززززين: حاضر مشي وهو بيتلمس مكان قهوته الي كانت تنتظره كل صباح وشاف نفسه ف المرايه وكأنه بيشوف ويسمع ويحس هديل... نرجع لهن دعاء: اقلش شي يافاتن حسيت هيثم مابيكذبش. فاتن: عارفه هيثم عمره ماكذب بس ليش خبى عليا ! معقوله هو بهذه الحنيه معي وانا طلعت عديمه احساس..! دعاء: اقلش شي هذا نصيب يمكن انكم حتى لو انخطبتو انكم ماتزوجتو..خلاص انسيه وخليه ذكرى حلوه بقلبش. بيت علي.. علي قام من النوم: بيتمطط فتح عيونه ويشوفها راقده جنبه.. سمر نوم: بتقتلب .. علي: عادهي عتتقلب ياااي ..الساع 9 راقده لاذلحين اين الصبوح ! سمر: فتحت عيونها تفرجت له وغمضت علي بصياح: استحي على نفسش سمر: مالك ..صلي على النبي علي: وين الصبووح ! وليش ماقيمتيني اسير العمل سمر: وانا مادراني..وقت تلفونك وقوم سير حد منعك علي برررقطه : عادهي عتتليقن والله لو عليا لاهرلش اسنانش سمر قامت جلست : بترفع شعرها ..شوووف لايتخايلك امس خرجت وسكت لك على موضوعك وعادك بكل ثقه قمت تتفلسف من صباح الصبح علي: اعجبش وضعي اهلا وسهلا ماشي الله يفتح عليش سمر حنننقت: شلت تلفونها وبتتصل لابوها.. علي : بيتفرج لها ببروود سمر : مرراعيه ف الخط..محد بيرد علي: قفلي ، عتحنقي من اولها عادش حريوه .. مساء الفل عليكم ♡♡♡ #bero_alkebsi |
https://upload.rewity.com/upfiles/udD28733.jpg بيت عبدالرحمن.. اسماء: يوووف كأنكم تنتقمو مننا انتقام اول مانتم نختبر نفاض قشاع صبان.. سوسن: افتحررين دلع جيتين على شغالات كان زمان مابلا انا وامي اسماء: هيا حمششي وقومي معي نجميه: اشتي اتصل لهديل معش رقمها؟ اسماء ايوه : دورت اسم هديل ضغطت اتصال وناولت امها في الغرفه .. سوسن : تمت تصبحهم وبتمشط ل اريج ومعاذ بيتفرج الاطفال.. اريج تنهدت : ياماما قدني فاااقده لبابا قوووي نفسي اكلمه.. سوسن : سااكته اريج : ماااما ..ليش مانرجع بيتنا سوسن دمعت : بتربط لها شعرهااا معاذ: بيتفرج امه سكته وحاسس ان في مشكله بينهم اريج بكيت: طنشيني بينحاكيش ساعه اشتي باابا اشتي اكلمه ...وبتبككككي سوسن تأففت : واتصلت لها بابوها وناولتها التلفون.. اريج : بتمسح دموعها..ومراعيه ف الخط ..بيررن علي مطنن لرقم سوسن : رررد بسسرعه اريج : باابا ؟ سوسن : بتتفرجها علي: حيااا بروح بابا كيف انتي؟ اريج : الحمدلله فاقده لك ، ليش تأخرت ماعد جيت لنا علي اقتهرر حب يغالط الموضوع: اصتبحت حبيبه بابا ؟ اريج ضحكت: ايوه ، ماما فعلت لنا صبوح حالي سندوتشات باشكال مضحكه.. علي ذكرر: حماشه سوسن واهتمامها بجهالها وكل شي اريج : بابا ايحين عنبسرك؟ علي: قلي لماما تجهزكم عد اجي اخرجكم نتغدا اريج فررحت وابوها ف السماعه : هاا جاوبي قال ان انتي تجهزينا عيخرجنا معاذ ابتسم ابتسامه عريضه: وقام يلبس سوسن انحرجت : ناولتها التلفون وقفلت لاوش علي..قامت تلبسهم بيت صالح.. افراح ماسكه تلفون هديل بيرن : هديل.. هديل ف الحمام : هاا افراح : تلفونش بيرن هديل : جاوبي افراح ماعرفتش : بتهمس وتهمس ايمن : ادي اوريش اسحبي هكذا..جااوبي افراح : الو نجميه : من معي هديل؟ افراح: خالتها نجميه: كيف انتي وهديل وين هي؟ افراح: ف الحمام نجميه: كيف انتي وابو هديل ان شاء الله قدو اشكل افراح : الحمدلله ماله شي نجميه: وهديل كيف هي فقدنالها افراح : مسكينه شكلها ضابحه مع الوحام نجميه بفرحه: واااحمه..؟ماااشاء الله قد بينقل مالها مارجعتش افراح : هذه هديل معش هديل خرجت : مسكت التلفون ودخلت تجاوب نجميه في الغرفه.. نجميه : مبررروك يابنتي ليش ماتحاكينا هديل بصوت واطي لاتسمعها خالتها: لا مش واحمه خالتي بيتهيء لها بس نجميه بكسسفه: هاااه هديل:كيف انتي والبناات نجميه: فاقدات لش وعمش قال تتجهزي عيتمو العمل ويخطولش هديل تووترت: بس انا قد قلت لهيثم اجلس اسبوع نجميه : معنا ولاد بيت عم زوجش مايسبرش ماقد بديتي بيسالين عليش..فصل الخط هديل: طفي تلفونها ..الشاحن مالقيته....... #bero_alkebsi |
https://upload.rewity.com/upfiles/pTJ28733.jpg بيت عبدالرحمن.. علي : بيطرق للجهال.. سوسن استاذنت من ابوها يجي طليقها للعيال: وافق اسماء: هياا اقطبي سوسن : تمت لبست اريج ومشطت لها ومعاذ .وخرجو نجميه: حسبها الله سوسن: من هي؟ نجميه: خاله هديل امانه ان قد فرحت مرت ابني واحمه سوسن باستغراب : هديل واااحمه !! نجميه: مع قالت ان خالتها بيتهيء لها سوسن : قد قلت .. نجميه: ماهو ؟ سوسن ارتبشت كانت عارفه انهم متفقين يبقو اخوه وان هيثم عيرجع يتزوج حبيبته سمعتهم بالصدفه: ولاشي بس هيثم قال اول تدرس نجميه: ايوه .. بيت صالح.. هديل مربووشه: بتدوور الشاااحن !! يوووف غاااده ايمن وين الشاااحن ! افراح : مش وقته هيا عتعجني نفعل غدا هديل ضاابحه : مالها نفس لشي...سكتت بتدوور الشاحن...ذكرت كان في كيس بالطو اسماء ضبحت ودخلت تعاون خالتها افراح : مدري كيف ارتزم عقلش ياسعم قد كنتي بتعاندي وتتليقني من بعد ماتزوجتي هديل مطننه وبتجابر روحها: اكتشفت ان حريق دم خاله مرت اب اهون مليون مره من انه يجرحك شخص تحبه ومتعلق فيه.. افراح: هيثم قدو فاقد لش صح هديل هزت بكتفها وفمها: مدري افراح : كيف عيشتهم.. هديل: عاديه ساع كل الناس افراح: بس اخوتش وابوش قالو مرتاحين هديل : ماتغر الناس الا المظاهرر لكن مش داريين كيف طبعه زوجي الي بيحسدوني عليه وعلى سيارته لوما يوصل الحاره.. افراح: شافتها ساكته سكتت ف الحمام..البنات بيضحكين ويزفنها فاتن سااارحه : بتدهن يدها وهي مطننه للارض تتذكر كلام هيثم دمعتها نزلت.. بنت خالتها :يوو مالش ياروحي فاتن : ولا شي مع الحمى بيلهبني عيوني بنت خالتها : اخرجي بس يكفيش دعاء: بتتفرج لها وتبهرر فاتن : مبلمه وش دعاء دعاء قامت لاعندها: الكل ملاحظ انش ف وادي وكل شويه فعلتي دمعتين خلاص عتفضحي نفسش فاتن تنهدددت :تقلي عادو بيحبني ؟ دعاء تشتي تنسيها في البيت.. سمر : بتلوي ف البيت دخلت الغرفه بتتفرج للصور حق سوسن والعيال مصدومه (مرته قمررر)..يمكن عشان احلى مني بيتعامل معي هكذا ؟ الظهر.. نجميه : هديل مراعيه لكم تروحو لها ع الرجعه .. عبدالرحمن: حاضر هيا نخطى وشل الملفات معك للبيت.. هيثم مش عارف بالموضوع: بيراجع لابوه الملفات والحسابات.. حاضر في الديوان.. هدبل : مااافعل ياااربي ؟ والله مارجع احاكي ابي! عيقل لي عادي واصل وهو يحاكي خالتي نفس ماشاتمني هيثم...ولو اقلهم الاتفاق طول الفتره وانا مخبيه...... #bero_alkebsi |
https://upload.rewity.com/upfiles/xQr28733.jpg عبدالرحمن: لاتخطاش من هنا هيثم : ليش؟ عبدالرحمن : نسيت اقلك ، امك اتصلت نخطى لمرتك هيثم عصب : ماسك السكان بقووه والعرووق عيخرجين من كثر ماضاغط بيده داخل نفسه ماعندها كرااامه ايش البنت هذه.. عبدالرحمن صيح: من بينحاكي لف بينقلك مالك؟؟ هيثم كان سارح فوت اللفه: هنا زززحمه وساعه الاوادم تحت الجسر ندخل من شارع فرعي.. ف المحل.. سامي : بيمسح الزجاج ويلمعه.. علوان : بيرتب العطور بعد مابيفتحوهن الزباين.. سامي: يلا حبيب نسير نتغدا ونرجع علوان : مابش نفسس ، بفعل لي نعسه.. سامي: خير تاعب او شي؟ علوان : شويه سامي: خلاص روح انت وانا شامسك المحل علوان: مافيني للمشاكل يكفيني الي قد حصل سامي ماحب يتفيضل : طيب براحتك ..خرج بيت علي. سمر : فلتت الغرفه وخرجت ترفع وتفعل غدا..اتصلت لصحبتها صاحبتها: حياا بالعروسه،، كيف انتي اخبارش مبسوطه؟ سمر ضحكت: مبسووطه قوووي صاحبتها: دووم حبيبتي ، يابختش ماقد وقعت ولا حد وفى بوعده وزواجكم غريب وجديد عبر الفيسبوك تعرفو بعض سمر: مش فيس بوك بس ، بيخزن عند عمي مابسرني في الفيسبوك الا من صفحته بالنسبه للقصه الاسطوريه صحبتش تشتي تتطلق صاحبتها: ياااااو بغير جنان مالش ماوقع ! اكيد بيعايرش قد قلتلش مش كلهم يرضو بهذه الطريقه سمر: اي طرريقه وجدتي ، امانه كﻻام بيننا اهلي لو يعرفو عتوقغ مشاكل صاحبتها: اخسسس عيش وملح وتقلي لي هكذا ، تحاكي سمر: طلع مزوج ومعه جهال.. صاحبتها بصدمه : ايشششش !! سمر: بنت وولد صاحبتها: كيف عرفتي ؟ وهو ماحاكاش ابدا !! الظهر.. صالح: ف الباب راجع من الجامع وصلت سياره هيثم وعبدالرحمن...ووقفت قبال الباب صالح ابتسسسم : حياكم الله منووورين والله عبدالرحمن : الله يحييك ويبارك فيك ...تسالمو صالح: هيا انزل عبدالرحمن : والله اننا مستعجل ادعي البنت صالح دخل يدعيها: هديل ...بنت هديل: قل لهم يابه شاروح مع علاء بكره صالح : مابش هذا الخبر الرجال ف الباب هو وابوه ماشاردهم وتاعبين بعد عمل هديل:اشتي اجلس عندكم صالح : يكفيش لاتزيدي بها حين الرجال سوا ، ما للمره الا بيتها. هديل اقتهررت : دخلت تدور بالطو لها قديم لبسته وخرجت وردت اللثمه ع عيونها عشان لايشوفها هيثم وماتبان انها بتبكي..طلعت ورا كرسي عمها جلست.. عبدالرحمن : اهلاا وسهلا طولتي علينا هديل : كيف انت ياعم عبدالرحمن :الله يبارك فيش..رن تلفونه وجاوب. هيثم معصصب :بيسوق وراااسه بيفوووور حسه عند فاتن وضايق من هديل انها معه. #bero_alkebsi تصبحو على الف خير .. يمكن قبل مارقد اكتب لكم 2 بارتات ولو ماقدرت المعذره♡♡♡ |
https://upload.rewity.com/upfiles/idi28733.jpg عبدالرحمن :الله يبارك فيش..رن تلفونه وجاوب. هيثم معصصب :بيسوق وراااسه بيفوووور حسه عند فاتن وضايق من هديل انها معه. عبدالرحمن ف التلفون : ايحين !! امانه ..يلله الان خمس دقايق وانا عندك يابني هيثم استغرب : لفت لابوه خير !؟ عبدالرحمن: اخي احمد اسعفوه وقع له جلطه اطرحني ف المستشفى.. هيثم : نشلها البيت ونسير جمعه عبدالرحمن : مع اطرحني اول وبعدا سهل هيثم لف : وسااكت.. هديل بتكلم نفسها: كيف افعل ؟ كيف اكلمه ولاعاد اشتي ابسر وشه.. بعد ماخرجين من الحمام... فوق السياره البنات بيزفنها ويجننين ...وراها باربع سيارات بنفس صف اشاره المرور....هيثم وهديل وحدهم... فوق السياره..هدوءءء ،محد بيكلم الثاني واقفين ف الاشاره هيثم طارح يده فوق الباب الي جنبه وباصابعه بينتف الدقنه...متووووتر هديل ضابحه:من الطاقه بتتفرج السياره الي جنبها الزوج بيتجابر مع مرته ويضحك كان بين هيثم وفاتن اربع سيارات بسسس بعيدين عن بعض بالمسافه بس مشاعرهم قريبه من بعض هيثم معصصصب: ماسك الهون (بيطرق للي قدامه) داخل نفسه..يخ ع ضبح وعيشه وتحكااام بسبب ابي ضاعت حياتي وبتضيع فارض مبادئه ف الصح والغلط..لو اسافرر افلت لهم صنعاء بالي فيها كلهم كرهت كل شي.. هديل : لو امي عادها عايشه انني الان عندها حتى الصياح منها والاوامر ثانيه ..يااارب ارحمها واحفظ ابي..ولو زوجني غصب بس مش بيده يحتبس على اخر عمره عشان دين ؟! في مكان ثاني.. سامي وصل المحل: بيقيم علوان. علوان : عاد باقي ساعه مالك ؟ سامي: قوم نتغدا ونشرب قلص شاهي ونركع عصر علوان تنهدد: اديت غدا سامي بيفتح اكياس الغداء: كان اسير اتغدا وحدي؟ قوم غسل يدك يلا بسم الله علوان تم يغسل: جلس ( بسم الله ) حركات رز ودجاج سامي: ريت والله وزحوقه جنبهن علوان : كنت تشل كيلو طماط وتخلي سياره تفحرهن لك سامي ضحكك: فكرره، هوذا طلعت زباااج ، كان مالك بتقلد نكد وهم. علوان : ااااح يااخي ايش من نكد اخوك لاهو عايش ولا ميت. سامي: خير تكلم مالك ..معك مشاكل دين ؟ علوان : هولا يحتل امرهن وكل شي يتصلح سامي: ايش المشكله ؟ علوان : حبيت سعوديه واهلها ناس راسهم يابس رافضين زواجنا... سامي: الله يهديك قمت تحب لك سعوديه ماكرهن دخلنا نشتغل عادك تحب !! علوان : حبيت وخلاص ياخي قد حبيت الان محتاررر ومش داري ايش اسوي سامي: طيب كيف حبيتها ! #bero_alkebsi مساء الخيرر ♡♡ |
https://upload.rewity.com/upfiles/uIq29836.jpg * الكاتبة أخطأت بالترقيم # 159 المفروض علوان : حبيت وخلاص ياخي قد حبيت الان محتاررر ومش داري ايش اسوي سامي: طيب كيف حبيتها ! علوان : كنت في شركه متواضعه وحصلت مشكله وقفت معها ومن يوم اكتشفت فيها اشياء حبيتها طيبتها ..المهم باختصار حبيتها وبس.. ساامي : ماووودف بنا الا الحب هذا علوان : كمل اكلك لوما يفرجها رب العالمين قدام البيت.. هيثم: وقف قدام البيت ولا ادا كلمه.. هديل : فتحت الباب ونزلت ورزعت الباب بقوه هيثم : عمى هديل:دخلت من باب البيت وغلقت لاوشه هيثم ضببح: فحططط ملان الشارع بالتواير ومشي هديل دخلت :بتسلم عليهم نجميه : حيا بنتي شررق الساعه 2:30 اطلعي سبري شعرش وجهزي لش ثياب هديل: مش داريه ايش البس ؟ سوسن شافتها وراااحمه لها: تعالي معي وريني وانا اختارلش هديل طلعت الغرفه: فتحت الباب سوسن : يووو الله يهديك ياهيثم كيف خلاها هديل بتتفرج: ملابسه ف الارض وفوق السرير وفوق كرسي التسريحه..السجاده ف الارض..الستاير مغلقات..السرير مرفوس المعاليق ف الارض والسرير...وف زاويه الغرفه ملابسها مرجومه... سوسن : كان عيتحاكى حد يطلع ينظفها هديل سساكته: فتحت الستاير والطيقان وبترفع السرير سوسن : هديل انتي وهيثم متزاعلين صح هديل : ساكته سوسن : عادي براحتش لوماتشتي تتكلمي بس اعتبريني اختش وانصحش وانا معي مشاكل وكل بيت فيه مشاكل.. هديل : حاسه هيثم مايشتينيش مابيحبنيش .. سوسن : اقلش بصراحه وماخبيش عليش هيثم كان يحب واحده وابي رفضها بس هذه مش مشكله تقدري تغيريه وتكسبيه هديل : اذا مابيحبني كيف اغيره ؟ سوسن : شاقلش بعدين ، يالله ابسر ملابسش هديل : فتحت الدولاب وكل ثيابها ف الارض حق الدولاب سوسن : يوو من فعل هكذا هديل بضبببح: علقت الملابس وبتوري سوسن اي واحد فيهن سوسن : هذا حالي رقيق واحب اللون البطيخي وانتي قمر اي شي يطلع فوقش يجنن هديل انحرجت : بس الظهر مفتوح شويه سوسن : عادي مش قوي هديل : ماقد لبست هكذا من اول سوسن : سهل البسيه شعرش طوويل ماشاء الله عيغطيه هديل :تمام.. سوسن : والبسي معه الذهب هديل : تمام سوسن : يلله قومي ابسري ماتفعلي وانا انزل اتجهز . هديل :تمام سوسن : نزلت هديل : بترفع الغرفه وتبخرها في المستشفى عبدالرحمن: ياخي ادخل شويه الممرض: لا ، العنايه ممنوع تدخلوها........ #bero_alkebsi |
https://upload.rewity.com/upfiles/ayV30239.jpg في المستشفى عبدالرحمن: ياخي ادخل شويه الممرض: لا ، العنايه ممنوع تدخلوها هيثم : خلاص انت روح وانا اجلس مع عيال عمي ابن عم هيثم: لا ياعم سيرو وكما خرجوه انا بتصلكم عبدالرحمن : هيا خاطرك لو احتجت شي ولا شي اتصل بي ابن اخوه: حاضر .. هيثم : مشي هو وعبدالرحمن للبيت في الغرفه.. هديل تمت تنشف شعرها بالسشوار، لبست وصبغت اظافرها وتمكيجت ولعت المبخره..( بتبخر شعرها) هيثم نسي انه وصلها : فتح الغرفه والغرفه بتلمع نظيف مكنسه مرتب السرير والتسريحه ممسحه شم البخور..دخل وهديل نكزت شافته هيثم جت عينه بعينها: وانصددددم من لبسها وحلاوتها جالس مطنن ماقدر يبعد عينه منها هديل قلبت عينها: شلت المبخره وخرجت من الغرفه ..جلست ف الصاله تتبخر هيثم: علق ثيابه وخرج للحمام وهي ملتفته ع جنب بتتبخر فلتت خصله من شعرها هيثم فجاه شافها: انتبهي شعرش بيحرق..ودخل الحمام هديل : بعدت المبخره ورجعت للغرفه شلت عبايتها وشنطتها ونزلت الشغاله : ها هديل طلع صحن غدا لجوزك هديل : طلعيه انتي لو سمحتي ماقدرش الشغاله : خلاص انتي هديل مش تمام زي اول هديل طافحه من روحها: ناقصتش بدل خالتي..ودخلت لاعند عمتها ف حارتهم اكرم : اين جا علاء ماكان باقي معنا الا هو اخو رزق الصغير: علاء بيقرى جامعه العصر بعد العمل حقه اكرم: قد بدء..الله يوفقه، وانا صورتي شبسر معهد اتواله.. بيت عبدالرحمن نجميه : ماشاء الله قد شمش يفتح النفس هديل يوو عجبش: هيا راعي دقيقه..طلعت تدي المبخره وبخور هيثم : كان بيصلي.. هديل :.دخلت مدت يدها تشل المبخره...ماوصلت قربت من جنننب هيثم شلتها وعلى رجعتها هيثم : بيسجد.ويده على الارض هديل : دعسته بطرف الكعب هيثم : رفع من السجود وشافها هديل : فعلت نفسها مش عارفه..ونزلت نجميه لاسماء : اطلعي ادعي اخوش يوصلنا ومرته هديل : بتبخر عمتها نجميه : يو سلمتي.من كل شر سوسن : وانا هديل : ناولتها في العرس فاتن نسيت شويه حزنها : مشغوله بالمعازيم والزفه واللبس دعاء بتكلم امل ف التلفون: فرحت حالتها احسن من الصبح لو تبسري عيونها ماوقفت امل: اكيد ندمت استعجلت دعاء: هي وياه غلطانين ماتصارحوش امل: خايفه عليها الصدق قال اسامه ان هيثم معصب اوبهي لايجي يفعل شي دعاء: ماعيتجرأش يفعل شي مش هو مجنون امل: خلي تلفونها معش لايجغرها بكلمه او شي دعاء: ايوه يكفي امسس شاقلها تغير الرقم لايجننها.. بعتذر منكم لاني مازيدت البارتات.. بس بكره ان شاء الله فاضيه وبكتب لكم من بدري... اشكر كل الي هنوني بوصولي30k وعقبال المليون تصبحو ع خير #bero_alkebsi |
https://upload.rewity.com/upfiles/iqB30239.jpg امل: خلي تلفونها معش لايجغرها بكلمه او شي دعاء: ايوه يكفي امسس شاقلها تغير الرقم لايجننها.. بعد العصر.. هيثم : جالس بيتصل لفاتن ويتصل..ويرسلها ماشخليش زواجش يتم على رقبتي..ويانا ياهو فاتن بعد ماجهزت العصر تدخل للنسوان : شافت رسالته...خااافت بتداعي دعاء دعاء: مالش فاتن: شوفي انه اناني له متزوج هذه المده كلها ولافعلت له شي والان جاي يخرب عليا كلمي امل تخلي اسامه يتصرف افنان : هيا فاتن ادخلي... فاتن بخوف: بتاشر لدعاء دعاء: ولاتقلقي خليه عليا الموضوع.. هاتي تلفونش اتصلت لامل كلمتها بكل شي لبست البالطو وخرجت تاخذ شريحه لفاتن... هيثم بيتصلها ولا بترددد : لبس وخرج بالسياره جالس يلوي ويتذكر كل شي بينهم..ذكر الغازها اخر فتره واسلوبها معه...ضرب السكان بيده وبيسسرع عبدالرحمن بيتصل هيثم بدون مايشوف الرقم رد فتح السماعه: يعني مابتجاوبي الا بتهديدات.. عبدالرحمن : ماقلت ؟ هيثم انصدم ابوه : ها اباه . عبدالرحمن : جي للمستشفى الان ،عمك خرجوه من العنايه. هيثم اوووف :.طيب الان جاي ، لف من شارع بيت فاتن وسار لابوه... بيت عم هيثم.. مرت عمه : مرت ابنش قمر واخلاق الله يحفظها نجميه :قلتلش ماصدقتي مرت عمه: كنت اتخيصم (اكرهها) لها لكن الان من يوم ليوم بينبسرها طيبه ع نياتها نجميه :وكيف نسوان جهالش نجميه: واحده مالها شي والثانيه مصيبه نحميه: مايبانش عليهن.. بيت علي.. علي شاف سمر زعلانه منه: اشتي اقلش ..مابش عندي مانع تدي جهال سمر ببرود: كيف لوما غيرت رايك علي: اليوم ابسرت جهالي ..والجهال نعمه الله يحفظهم سمر : بس الان انا غيرت رأيي ، انا الي مشتيش جهال علي شافها بنظرره عصبيه: نعم !! سمر: كنت راكنه انك لي وحدي ولو خلفت جهال يكون معاهم ام واب بس مش خاله وجهال خاله ومشاكل علي: كل يوم عن يوم بتقنعيني منش سمر ضحكه استهزاء:والله لوما الناس اني قد رجعت بيتنا محد يكذب كذبتك ماعد بينصدقك بشي علي: انتي مابتستحي على نفسش كيف بتراددي سمر فلتته : وخرجت غرفتها علي ندددم : بيتذكر كيف كانت سوسن تحترمه ولو عصب تسكت لما يهدء وتناقشه...شاف الديوان مابش فيه الروح الي كانت فيه والجهال اصوات ضحكهم ملان البيت..مطنن لكل زاويه ف البيت.. سمر ف الغرفه : ماسكه التلفون..بتضحك وتراسل صحباتها علي دخل الغرفه شافها بضبببح : شل تلفونه ومفتاح السياره من فوق التسريحه وخرج ورزع لها الباب... وصلته رساله..( بابا بكره معنا حفل ف المدرسه لو سمحت جي الحفل كل صحباتي واصحاب معاذ عيجي ابوهم وامهم )شافها وتنهدددد بيهز راسه كيف خرب حياته .. #bero_alkebsi احلى مساء للمتابعين المنتظرين ♡♡♡ |
https://upload.rewity.com/upfiles/3Nz30239.jpg بعد ماروحو الليل من بيت عم هيثم .. هديل طلعت لغرفاها بسرعه : عشان تمسح المكياج بسام كان نازل هيثم ضابح مايشتي يكلم حد : طلع شقته...دخل يشتي يبدل هديل بتعلق العبايه والطرحه : رافعه راسها تعلقهن وشعرها من طوله وكثافته مغطي ظهرها هيثم شافها : مراعي تبعد يعلق الكوت حقه...قرب يعلقه وشم عطرها المميزز هديل بصمت ولاحرف :قدام التسريحه بتبعد الاكسسوار للعلبه الي فوق التسريحه .. هيثم معصصصب بس لفته جمال هديل: شل ثيابه وخرج الديوان هديل : غيرت ملابسها وتمت تصلي لبست الطرحه ونزلت غرفه اسماء وروان هيثم بيدور تلفونه : الساعه كانت 1 الليل ، ذكر انه في جيب الكوت ..دق الغرفه ودخل مابش حد استغرب.. نازل في غرفه البنات.. سوسن : بتجابر هديل..عن امها كيف ماتت وكيف ربتها خالتها.. هديل : خالتي مالها شي بس مش مثل امي سوسن : سررحت في جهالها وخايفه يشلهم علي ويربيهم عند خاله اسماء: اخرجين تجابرين قد فيني نوم سوسن : يلله انا اسير ارقد جنب الجهال وانتي اطلعي تشتي اوانسش هديل: لا ، فاقده ارقد عند البنات سوسن حست بها ابتسمت لها: ارقدي في المكان الي يعجبش يلله تصبحي على خير.. هديل : وانتي من اهله.. الصباح الساعه 10 هيثم نكزز : شاف الكنبه فاضيه والتسريحه فاضيه.. قام لبس ونزل في المطبخ.. هديل وسوسن :بيتجابرين ويضحكين اسما : مادخلني سوسن سرقتش عليا.. سوسن : اصلا الله يحفظها محد يمل من الجلسه معها هيثم سمعهن : صباح الخير اسماء: خطفنا مرتك عليك هيثم : خرج وصرع الباب هديل مقهووووره : سارحه بتفكر كم عتجلس على هذا الحال ! تفلت له البيت وتحكي لابوها ع الاتفاق !! سوسن : واااو هدديل ، مالش اين طننتي؟ هديل : هاا ولا شي معاكن اسماء: خاوره بنت صحن من يدش هديل ذكرت هيثم انحرجت منها: طيب اسماء: عتفعلي؟ هديل: من عيني نجميه : قومي تعلمي منها قلك تفعلش اسماء: يو من قال لي اخور نجميه : هيا دخليها معش يابنتي هديل بتحانكها: هياا ادخلي .. اسماء: يلله سهل هديل: دخلت هي واسماء نجميه:اين عتسيري بتلبسي؟ سوسن : قد تاخرت ، مع الجهال تكريم وحفل شاسير اصورهم واروحهم معي نجميه: من عيشلش قلي لهديل تقيم هيثم سوسن : قد.خرج مبرطم قالب قز حتى ماصتبح نجميه:الله يفتح عليه الظاهر بتهرمه مرته سوسن : يو يمه الله يحفظش مرته رقدت نازل يعلم الله ماقد رزعها البنت مسكينه مابتنحاكى بشي انا بينبسر بعيني..يلله مع السلامه نجميه : من عيشلش سوسن : تكس يلله خاطركم نجميه: في امان الله... #bero_alkebsi كتبت لكم الان بارتين تصبيره ..والليل بانزل لكم بقيه البارتات ... مع خالص تحياتي لاول واحد يليك ويعلق ♡♡♡ |
| الساعة الآن 12:55 PM |
Powered by vBulletin®
Copyright ©2000 - 2024, vBulletin Solutions, Inc.