|
أقدارنا بين الحب والغربة / للكاتبة عبير الكبسي ، يمنية مكتملة
|
رابط لتحميل الرواية https://www.rewity.com/forum/t362056.html#post11747103 بسم الله الرحمن الرحيم السلام عليكم ورحمة الله وبركاته صباح / مساء الخير .. حابه اوضح لكم فكره الروايه القادمه.. ((اقدارنا بين الحب والغربه)) يمكن ابدأها بكره ... بالنسبه للهجه باخليها يمنيه لان ماقدر اتقن كل اللهجات وماعندي خلفيه واسعه في عاداتهم وتقاليدهم لانها تختلف من محافظه لـ اخرى.. ..لكن، بيكون فيها شخصيات من مختلف المحافظات وباخليها لهجه يمنيه تنفهم للكل اما القصه خيال مش حقيقه ولكنها ملامسه لواقع الكثير... الحب انواع وقصص مختلفه ب تعرفو ف القصه حب من نوع اخر .. والغربه انواع منها دراسه ولجوء وبحث عن عمل وتختلف برضو قصه الغربه ف الروايه ... القصه بتحتوي ع جزء من مجتمعنا وليس الكل اتمنى انها تنال اعجابكم ... بالنسبه للصور ..في صور كثير حلوه فقررت اني انزل اجمل التصاميم لكل يوم صوره معينه للبارتات الي بنزلها...وذلك ارضاء للجميع تقديرا لتلبيتهم طلبنا ... ارائكم تهمنا شاركونا ، وتحيه لاول واحد يعلق ف الصفحه... وتصبحو على الف خير.. 🌼🌼🌼 https://upload.rewity.com/upfiles/0fK03243.jpg |
https://upload.rewity.com/upfiles/t1P48254.jpg بعد صلاه الفجر.. (بيت قمه البساطه ،ثلاث غرف ومطبخ وحمام وصاله) سقف الصاله مسقوف بزنك.البيت مفروش موكيت قديم مهتري، غرفه للبنات، والديوان للشباب يرقدو فيه،و غرفه الاب وخالتهم مرت ابوهم) هديل(١٥سنه): اول اصتبح قبل ماتسير. سامي(٢٠سنه)اخوها: مااابش ووقت ياهديل ابي تاعب ،فرصه اروح اقصد الله ساعتين قبل الجامعه، كوي لي شميز وبنطلون لما ارجع. هديل مسكت راسها :ياسلااام مارقدش يعني سامي: ايش من رقده ، تشتي ابي يزفش ، سيري قيمي اخوتش يقرو قران. هديل بتتقعم وتتمتط حاضر : شاراعي لوما تولع الكهربا. سامي: ادعيلي يوقعين قرشين نتغدا دجاجه . هديل: الله يوفقك ويسهل لك يا اخي ويدي رزقك مثل المطر هذا الي عيغرق بيتنا اليوم. سامي : سيري خرجي طيسان المطبخ تحت الاماكن المخزقه ، قبل ماتغرق الدنيا. هديل ملامح كسل: حاضر، امانه نشتي غدا حالي على هذا الجو . سامي بهنجمه: من عيوووني ، مع السلامه،خرج وغلق الباب. افراح (خالتهم مرت ابوهم ):هديل عجنتي؟ هديل: عادني تميت اصلي، الان بعجن. افراح: اول سيري قيمي اخوتش ، قبل مايحرق الدنيا ابوش. هديل: قد قيمتهم بيصلو. افراح: اعجني بسرعه يلله، ولاتقليش لابوش انو انتي الي عجنتي. هديل بقهر: حاضررر . افراح:.دخلت المطبخ تفعل صبوح.(سله البصل فاضيه). ايمن(٩سنوات): بيبكي .. الاب صالح(٥٣سنه): بصووووت سكت الي في البيت كلهم، ياجن ليش رجعتو !مابش تحفيظ اليوم ؟ علاء وطى راسه(١٨سنه): مطر ، مابش تحفيظ. صالح: هدددديل . هديل: حاضر يا اباه . صالح: ادي جهاز الضغط راسي بيوجعني. هديل:حاضر الان. افراح: قربت القهوه وخبز دافي ملوح من التنور. هديل: الضغط مرتفع شاسير ادي العلاج. صالح: قرب فوق مائده الصبوح ،وين سامي؟ افراح: ماشفته من حين قمت. هديل: سار صلى فجر وقيمنا وخرج. صالح: الله يرضى عليه ويفتح له ابواب الرزق. علاء: ايمن اقرب اصتبح! ايمن:مشتيش. صالح بهرر: قوووم اصتبح ايمن: قرب. افراح: هديل قيمي غاده. هديل: سارت تقيمها.. غاده بتبكككي: خليني ارقد هديل: مارضيت تقوم. صالح: سهل خلوها، تمو صبوح وارتصو بالطابور اسمع لكم. ايمن مفجووع: بيتفرج لعلاء. (هديل وسامي وعلاء ) عيال زوجه صالح الاولى تقيه توفت بمرض الكلى. (ايمن وغاده)عيال افراح خالتهم مرت ابوهم .. مكملين معاكم ،،، منشنووو بدات الروايه #bero_alkebsi |
https://upload.rewity.com/upfiles/03k66598.jpg في ارضيه عمال بيبنو الاساس .. المقاول (عبدالرحمن)درس هندسه ومعه شركه مقاولات من عائله مشهوره : بيشرف على مواد البناء والتخطيط.. سامي بيعرق تم يتحمل اخر دفعه بلك واسمنت: وجلس ارتزح لعرض الجدر.. عبدالرحمن: صباح الخير، اين ابوك قدله اسبوع بيتهرب ؟! سامي وقف: والله تاعب شويه الضغط مرتفع له . عبدالرحمن بضبببح: وتلفونه مقفل ، اين رقم البيت ؟ سامي مستغرب ليش معصب: مفصول رقم البيت ، تشتي شي اوصله! عبدالرحمن: هذا رقمي سجله عندك، اول ماتوصل خليه يكلمني. سامي : على طول . عبدالرحمن: رن لي الان احفظ رقمك. سامي: للاسف مابش رصيد، هات تلفونك اسجل رقمي. عبدالرحمن: امسك. سامي: سجلته، اول ماروح باخليه يتصلك. عبدالرحمن:حاضر. سامي: تميت عملي اروح ؟ عبدالرحمن: كم اشتغلت ساعات؟ سامي: اربع ساعات. عبدالرحمن خرج الرزمه من جيبه : عد ثمان ورقات ابو خمس وناوله. سامي فرح: تسلم ياعم وروح. اشترا بالف دجاجه وبالف خضره وبالف علاج لابوه..وبقيت الف مصروفه.. في بيت صالح.. ولعت الكهرباء ..العيال بيتنبعو فارحين فتحو التلفزيون. صالح: طفو الكهرباء الفاتوره عتطلع. هديل: حاضر اكوي بسرعه ثياب سامي. العيال فارحين بيتفرجو حلقه الاطفال.. صالح: هزر الخيط من الكهرباء...سيرو ذاكرو. ايمن: المدرسه ظهر يا اباه. صالح:قلت ذاكر . الباب بيدق.. غاده فتحت شافت اخوها فرحت: كم يا اكيااااس ،، ياجهال سااامي اشترالنا دجاااجه. هديل ايمن علاء: حوشو للباب ، كل واحد ييهزر كيس ويتفرج. سامي حاسس بفرررحه: هيا شلوهن المطبخ، وين ابي. صالح: اصه للصياح. سامي: السلام عليكم صالح: وعليكم السلام،، اين انت من بعد الفجر ! سامي: مابش معي محاضرات الا من عشر قلت اشتغل ساعتين وارجع الجامعه. صالح: ماتلاقيت مع عبدالرحمن ؟ سامي: ايووه ذكررت، اتصل له كان بيدورك اليوم. صالح تنهددد : مش وقت الان سير الجامعه اول. سامي: والله تأخرت باقي ربع ساعه، هدديل.. هديل ماسكه ملابسه: ها سامي كويتهن لك. سامي مسح على شعرها: رضي عليش ، شلهن ودخل يلبس. صالح: هدددديل. هديل: حاااضر الان جايه صالح: اين العلااااااج ، قلتي مرتفع وبعدا نسيتي فااتتني موعد الحبه ، راسي عيقرح. هديل بزعل وخووف: مانسيت بسسس، كمل الشريط حق العلاج. صالح: لاحول ولاقوه الا بالله. سامي بيلبس ويسمع:خلص يتجهز شل كتبه وخرج. صالح: الله معك. سامي قرب يحب راس ابوه: وناوله العلاج. صالح فرررح: الله يرضى عليك دنيا واخره، وين علاء الزفت كن شله معك فارغ ولا معه مهره غير عيال الحاره. سامي: حاضر. #bero_alkebsi |
https://upload.rewity.com/upfiles/UNn68056.jpg افراح : قد اسمه اشترى دجاجه ، كان يكبرها هي الا ميتين. هديل: كثر الله خيره، اشترا علاج لابي وصرفه، اليوم اصتبحنا خبز وقهوه. افراح: فالحه الا في المرادده وطولت اللسان ، تمي. هديل: بسكت عشان مرض ابي ، ولا تعرفيني. افراح التفتت لها مسكت خصرها: يااااسلاااام ، بينشوف زااادت اللقانه قوي وشكلي ب.... هديل طنشتها: وخرجت من المطبخ. افراح بضبح علت صوتها: لبسي ايمن وغاده للمدرسه. صالح: انا قلت تتكلمين بصوت واطي لاكسر حلوقكن. هديل: اباه تشتي شي مني قبل ماسير المدرسه ؟ صالح: الله يوفقش ولاشي سيري، تغديتو !؟ هديل: لما ارجع. افراح: فعلت لاخوش غدا في الطاسه كلو مع بعض. هديل : حاضر. هديل وايمن بمدرسه حكوميه دوامهم مسائي بعد الظهر. افراح دخلت لغرفه ايمن شاورته في اذنه: كل الاكل وحدك مش تتمه اختك وانت مقعي. ايمن:حاضر. افراح: مكني حاضر وبتروح الاكل كله. هديل سمعتهم وهي داخله تدعيه: ايمن يلله افراح ارتبشت: ها حبيبتي ، كنت بينقله تاكلو جمعه، اوبهي لاخوش قدش داريه ماياكلش. هديل: لاتفتجعي عليه، مدري من اين بتخرج الزلط كل يوم بيتجعول. افراح بهررت لايمن: هديل الله يهديش سيري طفي البوتجاز وسيرو تاخرتو هيا. هديل: خرجت. ايمن: يشتي يخرج. افراح بقصته ف اذنه: قلت لك تجعل سكته يلا ادبر لك جعالتك لاتفعل لنا مشاكل احنا وابوك. ايمن : ضبح وبعد راسه من امه ، ناااهي . جوله الجامعه. سامي: فوق الباص بيتفرج الي واقفين ف الجوله. بياع ورد : بيلوي بورد ابيض واحمر. سامي: بياشرر لبياع الورد.. الناس فوق الباص بتتفرج له وبيتهامسين بنات.. سامي انحرج: شاف انه قريب من الجامعه نزل ، ولحق صاحب الورد. صاحب الورد: كم تشتي؟ سامي: واحده بسسس ، احنا لاقيين ناكل تقل لي كم ! صاحب الورد ضحك: ها ونزلت لك خمسين. سامي : تسسسلم الله يزيدهن لك، ومشي للجامعه. في الحوش... هديل تلثمت عيونها عسليه فااتحه ورموشها كثيفه : خرجت مع ايمن. عيال الحاره اصحاب سامي: وطو راسهم ،(يحترموا اخوها قوي). سامي وصل الجامعه(كليه التجاره): بيتلفت يمين يسارر. بنات متجمعات ويتجابرين. سامي : مشي شاف رهام ، ابتسم لها. رهام بتتفرج له دكمت ندى : تقلي اكلمه اليوم ! ندى: ايوه ، زيد بها .قد لكم سنه وهذا الترم وللان ماتقدم لش ! رهام: طيب ايش اسوي ، اقله اخطبني ! ندى: لا طبعا، مفروض يفهم على نفسه، لمحي له. رهام: خلاص شاقل له الكلام الي قلتلش، لايفكر انني تسليه له. دخلو المحاضره...!!! تصبحوا على الف خير ،، وبكره بكمل لكم خمس بارتات. #bero_alkebsi |
https://upload.rewity.com/upfiles/gX577269.jpg سامي: مركز ف المحاضره. ندى : يووف ملل كم باقي يخرجنا الدكتور استراحه. رهام بتنقش في دفترها: ماعرفش. ندى بتتفرج لدفتر رهام: ساعه بتخططي ، فهمتي شي. رهام طرحت القلم داخل الدفتر وغلقت: لااا مافهمت شي ، ضبحت انا وامي في مناقره يتقدمو ناس ارفض ، تقل ليش اقلها دراستي ، ولايحين ! ندى: اصص، الدكتور بيتفرج لاعندنا. رهام : شوفي لاعنده ونتجابر، انتي مفضوحه. ندى ضحكت: هذا احلى مافي اللثمه واصلي. الدكتور : في صووووت !، رجاءً هدوء مافيش معنا وقت. الاسبوع الاول فاتتنا محاضره. هدأت اصوات الطلاب في القاعه. سامي: يفتح الكتاب شوويه ، يهوي الورده ويغلق. صاحبه انور: ياخي هرمتنا انت ووالورده حقك مكنها وهجعنا. سامي بيتليوك: من امكن ! انور: الي اشتريتها لها. سامي: وليش ماتكون وقعت لي. انور: ماحد عيعبرك وانا اخوك. سامي: ناهي لك ياوش الضغاطه انت والاذان هولا. انور ضحككك : الله يفتح عليك . بعد مانتهت المحاضره. الطلاب محوشين ع الدكتور.. رهام :مشيت هي وندى سامي: لو سمحتي ، اشتي المحاضرات. رهام بهررت له : ماكتبتش محاضرات. ندى بتهزر رهام: بسرعه لاتجلسي توقفي قدام الكل . سامي طرح لها الكتاب فوق كتبها الي في يدها: طيب هذا الكتاب شوفي الي داخله. رهام شلته ومشيت: فتحت الكتاب وغلقت. ندى: ايش في ؟ رهام بضبح: ياندى وردددده، ندى: احمدي الله ، هنيت لش رهام: هنيت لـي بش صدق، ساعه اشكيلش ولا حاسه فيني ندى: كلميه زي ماقلتلش رهام : خليني بس اشوفه بأشر له. الساعه ٢ بعد الظهر...بيت صالح صالح: يا مره، ادي طاسه مرق نشرب. افراح : هي دجاجه ياحج. صالح: الحاصل،احمدي الله. افراح: الصدق لو يشتغل بدلك ياحج ، انت قوا لك كبرتهم ووقفتهم ع رجلهم هو وعلاء رجال ، الف شغله عيشتغلوها. صالح: يوقعو مثلي حمالين وشقه ، ماااشي يكملوو قرايه بعدا يتوظفو ، ماكسر ظهري الا الشقا. دق الباب.. غاده حملت فتحت: علاء اشتي حق جعاله. علاء: انقلعي من قبالي حق صميل مابلا. افراح: ياعيبتك على اختك. علاء: سكت غاده بتفتش جيوب علاء: هياا ادي لي خمسسه علاء خفعها في يدها: قلت بطلي هذه الطبيعه، عيب. افراح مكسررر: مالك على البنت جاهله. صالح بصووت: يكسرش، اخوه ماتدخليش ، اخوها يربيها يدعسها. افراح الله المستعان ياعلاء:بينعتبركم جهالي. علاء: وهذه اختي ياخاله. #bero_kebsi |
https://upload.rewity.com/upfiles/j8k87251.jpg رهام واقفه مع ندى: بتدوره. سامي بيضحك هو واصحابه: لمحها ابتسم لها. رهام اشرت له يجي للكتاب: ومشيت وحدها سامي شافها : استاذنهم ولحقها. خرجو من مبنى الكليه واقفين بعيد شويه. رهام بضبح ناولته الكتاب:شكرا ع الورده. سامي ابتسم: اهم شي اعجبتش وتستاهلي اكثر. رهام شافت لعيونه: سامي بسألك سؤال ، لايحين عنمكنها ورد ونظرات ومجابره ! ايش اخرتها ؟ سامي تنهددد: اخرتها ، زي اخره اي اثنين بيحبو بعض اتزوجش. رهام: ل ايش مراعي طيب ! سامي بضبح: رهام ، انتي عارفه بوضعي ، اكثر انسانه حاسه بي . رهام بنرفززه: ولاني فاهمتك وحاسه بك ، مش انت حااسسةفيني ومفكر عادي تراعي، فكرت فيني لما يتقدمولي ايش اجاوب. سامي: وانتي معش رأي ، مابش شي ب الغصب . رهام : مش ب الغصب بس بيدو حلول ومبررات لاعذاري كلها اقل اشتي ادرس يقلو طيب خطوبه بس وتمي. سامي بنبره حاده: رهااام ، لو اقدر لاخطبش اليوم قبل بكره، اشتي اجي وانا رافع راسي. رهام بعصبيه مشيت: براااحتك، انت وحظك. سامي بقهرر: مشي وخرج من الجامعه ، متضايق مش شايف قدامه. في المدرسه..وقت الراحه هديل(جاووعه): بتدور اخوها ايمن: متخبي ب الجعاله جنب خزان المدرسه. هديل شافته سارت لاعنده: ليش متخبي ! ايمن: انا مخبي جعاله صاحبي لاحد يشلها عليه. هديل بنظره تهديد: جعاله صاحبك او جعالتك! قوم ادي الغدا نتغدا. ايمن: سيري شليه كلي كله، ولاتقليش لحد اني معي جعاله وانا ماشقلش لامي اكلتي اكلي كله. هديل فرحت: موافقه. في بيت صالح.. صالح: اصه يااابنت افراح: مالك ياحج جاهله. صالح: بنت خمس سنين مابش عندنا جاهله تتربى علاء :لبس يشتي يخرج صالح: اين عتسير مكنها الا لوي واصحاب؟ علاء: بندور شغل امد ماتبدء الجامعه. صالح: اين النتيجه اول ! علاء: ماقد طلعين. افراح: مابتشتغل ! علاء: بندوررر افراح: ناهي اعصاابك. علاء: طنشها وخرج. عيال الحاره علااء.. علاء: اين جا رزق؟ العيال: نزل البلاد معاهم عرس. علاء بدهشه: بغيرررر جنااان ! كيف نزل البلاد وهم هاربين لصنعا ! عبدالرحمن: يا اخي قال لازم ينزل وبيتخفى ب الشال ،الله يردهم ب السلامه. علاء: امين ، هيا نسير عند الشيخ حق التحفيظ مجابرته حاليه. عبدالرحمن: راعي ل اكرم. علاء: اكرم ! حركاته قد انضم معنا ؟ عبدالرحمن :ايوه الله يهدينا جميعا. سامي وصل الحاره ضااابح اشر لهم سلام ودق باب بيتهم. العيال : حياااك ، مالك اليوم عفطت! سامي: مطنش افتتح بابهم دخل، رن تلفونه شاف الرقم، اوووووف ..!!! #bero_alkebsi |
https://upload.rewity.com/upfiles/GVl89393.jpg صالح : مالك ! سامي: هذا جنني عبدالرحمن رنات والان شفت التلفون يشتيك من الصبح. صالح: ياهمتااااه ، اسكه نبسره لايحين شاتهرب ! سامي: جاوب ، وناول ابوه. عبدالرحمن بعصبيه : اكيدددد ابوك قلك لاترد ! صالح: حياك وعليكم السلااام يا ابو هيثم . عبدالرحمن بضبح: لاكلام ولاسلام، انت داري ماشتي وبتتهرب ! صالح: لا بينتهرررب ولاشي ، قلتلك مابش معي مافعلة! اصبر عليا الولد يشتغل ويقضيك. عبدالرحمن: مابش معك ليش اتدينت ؟ صالح: انت الي اصريت ، قلت لك يا ابو هيثم شاتاخرر ف السداد، قلت سهل . عبدالرحمن: انت داري كم هي لوماتتاخر مليون !. نشتي نزوج الولد. صالح: والله مافي يدي شي ، راعي للولد يشتغل واقضيك. عبدالرحمن بعصبيه:حاااضر ،عيحلو بيننا القسم يا ابو سامي، وغلق. صالح زغف التلفون للارض: حسبي الله ونعم الوكيل سامي: مالك يا اباه ! صالح: يشتي زلطه، من اين اديها! سامي بضبح: ولاتهم شي،شابسر من يسلفني. صالح:ناهي لك بيت عبدالرحمن نجميه(مرت عبدالرحمن): من هو ابو سامي ،شل مليون! عبدالرحمن: هذا صالح ، الي تدين يعالج مرته الله يرحمها. نجميه ب استغراب:الي شليتني اعزي،كنت اعرف مرته الله يرحمها. عبدالرحمن:استغفر الله بس،فعلنا خير فيهم زيدو بها. نجميه: لاتقلش هكذا تضيع اجرك، لوتبسررر معه بنت سبحان من خلقها. عبدالرحمن: مادخلني بهم ، يردو الزلط نخطب لابنش نزوجهم. نجميه: وانت كذبت الكذبه وصدقتها ، مش انت مراعي للمليون، له الحمد. عبدالرحمن:ولو حق جهالي هذا. نجميه ساارحه: اسسسمع يازوجي ، لوتبسر بنته قلتلك فتنه قمر، مارايك نزوجها بهيثم قدو بدل المليون الي فوقهم. عبدالرحمن ب استغراب: كيف! نجميه:انت داري انهم ماشاءالله ناس معروفين ومحترمين الا حالتهم، ومش عيب الفقر، نزوج بنته لابنك. عبدالرحمن: فكررره، وهذا يسبر.شاكلمه. سامي: دخل الديوان امتد وغطى وشه بالوساده افراح: تشتي غدا ؟ سامي: لا شابع. افراح: اكيد مززلط عتاكل في مطعم. سامي: غلقي الباب بعدش افراح صرعت له الباب: وخرجت لصالح. صالح: باقي معش سلس ؟ افراح: هذا من ورث ابي ماشابيعه. صالح: ادي نقضي الرجال وبعدا اردلش بدله. افراح: ابيع ورثي امد تقضي رجال، ياريت ماتدينت هذك ماتت وبقي لنا هم الدين. صالح: موتو راسش ، انقلعي من وشي الله يرحمها سامي مقهووور: بيفكر كيف يقضي دين ابوه. #bero_alkebsi |
https://upload.rewity.com/upfiles/kAl99501.jpg التلفون بيررررن سامي شاف التلفوون ضبببح : ياعم خلي لابي حاله واعرف زلطك من راسي. عبدالرحمن : اهدء وصلي على النبي، خلاص اين ابوك اشتي اجي اكلمه. سامي: شويه واخليه يتصلك. عبدالرحمن: باالانتظار. في بيتها(بنت عبدالرحمن اخت هيثم الكبيره مزوجه) سوسن بتتكلم ف التلفون: اخيررا زوجي وافق اسير عرس اهل حبيبه القلب ، بس عتوصلني انت امد تجابرني. هيثم بفرررحه: من عيوووني ، الان اجيلش وهاتي حبايب خالو اسير الاعبهم لوما ترجعي. سوسن: ماشي برد، اطرحهم بيتنا عند امي شاروح صليكم وامسي. هيثم: يعني اليوم يووومي. سوسن: لو في وقت اني دبستك كوافير . هيثم: هيا ياكوافير ، قلتلش تشوفيها تشقصي طبعها، تقنعي امي، مش تتعرسي وكوافيرر ووو. سوسن: طيب، ساعه وانا جاهزه. الساعه5 هديل وايمن رجعو من المدرسه. سامي قام وخرج عند ابوه: اتصلكم المقاول. صالح بيسبح :مايشتي؟ سامي:قال يشتيك، صالح: اتصله نبسر اخرتها معه. سامي ضرب الرقم: ها اباه جاوب. صالح: مرحبا عدالرحمن: العفو منك يا اخي بس جنني اخي وابي نزوج ابني مع عيال اخي واستعجلتك بالمبلغ. صالح: يا ابو هيثم والله مابيدي شي ولا اقدر اردها في يوم ليله، تشتي تحبسني حبست. عبدالرحمن: الله المستعان، اخي شاطلبك طلب واتمنى ماتردني. صالح: ولك ماطلبت ، اذا معي بعيني. عبدالرحمن: مارايك في ابني هيثم تعرفه اكثر مني. صالح: الله يصلحه ويصلح اولادنا جميعا. عبدالرحمن: وانا اشتي بنتكم المصون لابني. صالح: من التلفون مايسبرش ! ولا بيتنا مش قد المقام. عبدالرحمن انحرج: وااللله ماقصد ، الله المستعان، مابش بيننا هذا الكلام عنوقع انساب، انا بعد المغرب جاي اشرب شاهي معك. صالح: حيااك الله. سامي فتح الباب لهديل: ادخلي ارفعي الديوان سريع. هديل: استغفرالله ماقد دخلت من الباب. سامي: سريع فوق السياره.. هيثم: قوا لاختي ، شوفيها سوا، وقليلي ماتجابرتين احفظي كلامها. سوسن: ماتعرفهاش! هيثم: باللثمه بس، ماعرف الاعيونها. سوسن: على قد شباب اخر زمن، والله انهم زوجوني ماعرفته الا يوم العرس. بعد المغرب روحت افراح.. هديل: رفعت وكنست وفتحت الطيقان. سامي: افعلين قهوه فيسع. افراح: خلاص ادخلي صلي وافتهني انا شافعل القهوه. سامي: قد بيتصل ، اخرج ! صالح: اخرج ابسره، وانتين ادخلين وغلقين ولا اسمع نخس يمين الله لايوقع يوم جن. #bero_alkebsi |
https://upload.rewity.com/upfiles/bFC99980.jpg عبدالرحمن نزل من فوق السيارة : وسلم عليهم. صالح : واقف ف الباب. دخلو تسالمو ..وبعد الكلام عبدالرحمن: وهذه مجابره مبدئيه ،زي ماتقل اتفاق، وكما وافقتو نجي ونخطب ساع الناس. صالح: وانا شاردلك خبر. عبدالرحمن:واعتبر المليون مهرها مقدم ، وشاوفي خمسميه الف . صالح دخلت الفكره راسه: ان شاءالله خير. فوق السياره.. هيثم:مالش مسرع. سوسن: ساعتين حسيتهن سنه. هيثم: ليش؟ سوسن:مابش ميزه اولا، ثانيا مش هي راكزه ، وعاااديه جداااا. هيثم:مااالش ، قلبش ملان ، شكلهم ماقسمولش كيك. سوسن: ب الضبط وماقسموليش كيك ولاقلص شاهي. هيثم: بس اشتيها لو سمحتي تكلمي امي . سوسن: ومادخل امي سمعت ماقالك ابي مابش زواج من جامعه وحب ومحبابه. هيثم: لاحول ولاقوه الا بالله ، عتحاكي امي ولا ماشي ؟ سوسن: ناهي شاحاكيها. هيثم: ماقالت لش طيب؟ سوسن: شفتها خمس دقايق سلمت عليا وسارت. هيثم: خرج التلفون وبيراسلها. بيت صالح.. صالح: هدددديل ! هديل بتصلي عشا: مااابش رد. صالح: اين جت اختك ؟ ايمن شافها بتصلي: جاوبي ابي. افراح: خير ماتشتي اديلك؟ صالح: اشتيها في موضوع، جالها خاطبي. افراح بصدمه: من ؟ هديل: ها يا اباه. صالح: صف كم انتي؟ هديل بزنط : اول ثانوي، باقي لي سنتين واتم القرايه. صالح: بس يكفيش ، الزايد معش. هديل بخوووف: ليش يا اباه ؟ صالح: قدش حق زواجه، جولش خطاب. افراح: ماقلتلي بيت من ؟ صالح: ابن المقاول هديل : ساكته صالح: مالش يابنتي؟ هديل: ياباه اشتي اتم اقرى. صالح: قلنا ملبش قرايه خلاص،جو لش ناس سوا. هديل: بسس افراح قاطعتها: سيري غرفتش تمي صلي شاحاكي ابوش. هديل: اسير؟ صالح: سيري افراح: والله انو حالي وافق بس، بكم يهجعونا الدين. صالح: مابش دين ، قال عيوفي خمسميه وتوقع مع المليون مهرها وشرط. افراح: يانعمتاه وافق بس. في الحاره.. الشباب متجمعين بيتجابرو.. اكرم: ياخبره من يشتي يسير السعوديه تهريب، وبعدا كفيل يكفلك وكما اشتغلت اديتله زلط. سامي: لاحد يضحك عليك مابش هذا الخبر، مايلا تسير بزلط. اكرم: عمي سار، تشتو احاكيه لكم ؟ سامي دخل الكلام براسه: مش ووقت ذلحين اين قد وصلتو ف التحفيظ. في مكان هديل صالح دخل:يابنتي ماناش ضامن عمري وبتبسري حالنا ، وجننونا دين ، ماذلحين مايشتو شي ، تتزوجي ويدولش زد خمسميه ويعفوني الدين. هديل: حاضر يا اباه الي تشتيه، اهم شي صحتكم. تصبحو على الف خير #bero_alkebsi |
https://upload.rewity.com/upfiles/uaK00394.jpg سامي بضبح:بعد مادخل البيت. اين ابي؟ افراح اشرت له للغرفه: عند اختك. سامي ضابح: مساءالخير صالح: يامساءالانوار . سمعت اختك وافقت. سامي لفت لها: مقتنعه؟ صالح قام خرج: هيا اين جا العشا. هديل بكيت: الصدق مدري عادي، بس فرحت امد دين ابي. سامي: هديل لو اقطع نفسي عمل واقضيهم بس لاتوافقي الا وانتي مقتنعه. هديل: كيف تشوف الولد انت ؟ سامي: ماعرفهش قوي بس الاب محترم وناس اكابر. هديل سررحت: اهم شي ادرس. افراح بصووووت عالي: هدددديل وين جيتي؟ هديل قززت:بكم افتهن لي من هذا الهرم. في المطبخ.. افراح:ياسلااام ياهديل هنيتلش والخطيب. هديل: خززيت.، بس ماشتيش افلت ابي وافلت البيت. افراح: عتكوني تجي وبعدا احمدي الله توقع لش فساتين الي يعجبنش. هديل بفرحه: وشاتمكيج ؟ افراح: اكيددد. هديل سررحت: بدات تتقبل الموضوع. بيت عبدالرحمن.. عبدالرحمن: حياش الله يابنتي كيف زوجش ، اين حبايب جدو؟ سوسن قربت تسلم ع ابوها: مع خالهم بيلعبو الان ادعيهم. عبدالرحمن: خليهم يلعبو بس وادعي اخوش. سوسن : راحت تدعيه نجميه: ها ايش سويت ؟ عبدالرحمن: سرت كلمته واعتقد.انه موافق. نجميه: يحمد الله اكيد عيوافق بس ياسعم بيزنطو شويه هيثم شاف سوسن: هااا كلمتيهم. سوسن:سير جاوب ابي، ماقد سال عليا عشان افتح الموضوع معاهم وقال ادعيك . هيثم:شاسير انفعه وانتي كلميه. سوسن: ناهي لك. هيثم رن تلفونه: فاااتن(حبيبته من الجامعه) سوسن: مش وقتها ابي مراعيلك جاوب. ف الحاره...الشباب بيتجابرو زي كل مره.. سامي خرج لاعندهم: اخباركم ! علاء: فاتك قلص شاهي . سامي بيلقط حجار ويراجم : مطنن. علاء: وااا سامي . سامي: ماالك ! علاء: جابرتنا وبعدا حنيت ! سامي : قومو نفعل لفه . الشباب بصوت: يلله كان راس الشارع محل كبيرررر طحين بالجمله. بينزلو من فوق الموتر شوالات. التاجر: ياااشباب جو مساعده. سامي: هيا نعاونهم. طلعو فوق السياره نزلو الشوايل للمحل. التاجر : وهذه تقاسموها انتو خمسه من الفين الفين. سامي: لا مابش داعي . اكرم: قد جت خلاص شلها. التاجر ضحك: يهنى قلبكم واشر لهم سلام. سامي فررح: تقاسموها ، علاء : اخي اديهن اخبيهن لك. سامي ضحك: مع اسلم. بيت عبدالرحمن. هيثم: وانا قلت لكم اشتي اختار مرتي بنفسي. عبدالرحمن: وانا مابش عندي هذا المجبر ، حاكيت الرجال وبس. هيثم قام: حنق وخرج من عندهم. #bero_alkebsi |
https://upload.rewity.com/upfiles/aIs22574.jpg هيثم : خرج اتصل ل فاتن فاتن فااارحه: وينك من اول اتصل وتكنسل هيثم سكت بعدا رد بضبح: كنت مع ابي فاتن: هيثم ! هيثم: نعم؟ فاتن: مال صوتك ؟اليوم شفت اختك. هيثم: ايوه ماتجابرتين ؟ فاتن: خزيت الصدق سلمت عليها ورحت. هيثم اخذ نفس ونفخ: الخزويه حقش هذه ودفت بنا فاتن: ليش ماتشتي افعلها ياسعم. هيثم: فاتن ،شويه واحاكيش فاتن: هيااا ماكرهن قدرت اكلمك ماشفضاش بعدا هيثم: خلاص بكره ، ابي بيتصل باي عبدالرحمن:ولابيجاوووب . نجميه: اصبر يمكن ماسمعش سوسن: ليش يا اباه تزوجوه بالغصب هو رجال. عبدالرحمن: مابش عندي حر .قلتله من الجامعه مابش مابلا امه تختارله. سوسن: بسسس مش هو.. عبدالرحمن هششش: هااا وينك ؟ هيثم: انا خارج ف الحاره عبدالرحمن: ارجع الاان هيثم:حاضر بيت صالح.. هديل بتذاكر:سرحت وتفكر ف كلام خالتها. كيف لما تسير المدرسه وتزنط على صحباتها انها مزوجه. ايمن: هديل ،ذاكريلي. هديل: ماناش فاضيه. في الديوان سامي:بيراسل رهام رهام:تفتح الرساله تقرا وماترد سامي:براحتش،والي تشتيه سويه رهام : ماعد بش بيننا تواصل الا لما تجي تخطبني سامي:رهام وانا بخطبش مابينلعبش عليش بس ماقدرش اجهز لخطوبه في شهر رهام: خلاص يا سامي معك هذه السنه سامي: وانا مواافق وان شاءالله ماتشوفيني الا في بيتكم. بيت عبدالرحمن.. هيثم: دخل وموطي راسه عبدالرحمن بضبح: اجلسسسس هيثم :جلس وساكت نجميه : يا ابني بنت ساع القمر صغيره مالك بس بتعاند. عبدالرحمن بنبره حاده: خلاااص الموضوع هذا انتهى واديت للناس كلمه ماعتكسرش كلمه رجال قبالهم. هيثم بنظره شر: شاف امه وابوه. عبدالرحمن: واعمل حسابك عرسك مع عيال عمك. هيثم ماااااسك نفسه: مش انا بنت تحددو زواجتي مش غصب. عبدالرحمن: وانا قلت لك كلمه زواجه حب ومفراغه مابش عندي. هيثم بنبرره حقد: حاااضرر عبدالرحمن: سيري اشتري قلافد الخطبه وسيري مع بناتش بكره نجميه: حاضر. هيثم حنق: وخرج من الغرفه، دخل غرفته. بسام (اخوه 17 سنه)فتح الغرفه ودخل: هلاا كيفلك في الغرفه هذا الساع. هيثم: مطنشش مع خواتها في الغرفه سوسن واسماء متجمعات بيتجابرين على هيثم اسماء: ثانويه عامه روان صف رابع: بتلعب مع جهال سوسن. #bero_alkebsi |
بعد اسابيع.... ليله الخميس.... افراح: ليش ماتعشيتي قدهم خارج مراعيين. هديل: لاا مشتيش تتخرب الحموره وتمتسح. افراح ضحكت: اهم شي الحموره هيا امشي البسي. في الشارع وصلو بيت العريس كبيرررر ودخلت السياره حوووش كبيررر.. هديل بتعجب: بتتفرج للبيت ومستغربه. صالح داخل نفسه : الحمدلله ماظلمتش بنتي مكان سوا اركن عليها فيه. بعد ماوصلوها غرفتها.. نجميه وبناتها : انذهلين من رقتها وجمالها وابتسامتها البريئه.(برغم بساطه لبسها وفستانها) هيثم معصصصصب:بالغصب طلع الغرفه هديل موطيه راسها: و بتفكر كيف عيكون شكله. نجميه بتشاوره: افتح لها الطرحه و.. هيثم قاطعهم: سحب يد امه ،رجاء لاهنا وخلاص نسد احنا فعلت لكم الي تشتوه، نجميه تنهدت: خرجت وغلقت باب الشقه عليهم سوسن: ماعليش شي ماكان متقبلها بس عيشوفها وتعجبه. نجميه: الله يهديه.. بيت صالح.. سامي: مش مرتاح لزوج هديل صالح: ليش ماله ؟ سامي: ببروددد بيسلم وقالب وشه صالح: عريس وتوقع في العرس حنبات. سامي بقهر: حاسس انحنا بعناها ، لكن الله يسعدها دنيا واخره. صالح: انا مابعت بنتي ، انا اشتي اركن عليها بزوج وبيت ، انتو شباب تخارجو نفسكم، لكن لو مت .. سامي قاطعه:بعد الشر عليك. شقه هيثم ... وصل الديوان خلس ملابسه ولبس بجامته وجالس ماسك التلفون. هديل بتتفرج للغرفه والصور وبتتحيلا للسرير والتسريحه. بيت صالح.. سامي رسلها : عقبالنا ياروحي رهام ردت: ان شاءالله سامي استغرب:ليش رسالتها مقطفه ! اتصلها رهام بملل: نعم ياسامي والله مليت وتشتي الصدق سامي: خير ؟ رهام: اقلك بصدق اذا انا راضيه بك وظروفك اهلي عيتشرطو عليك. سامي: الفلوس عتدبر انا بشتغل ، بس لاتستعجلي وتحكمي ع حبنا. رهام: هذا الصدق ماعنعيش حب واصل، كله يشتي. سامي:انتي دايما تهمي المظاهر يارهام، افعلي الي تشتيه رهام انصدمت: وغلقت التلفون. بيت عبدالرحمن..شقه هيثم. هيثم بيسمع هدوء: قام يشوف وينهي ! هديل: جالسه عرض السرير ونعست. هيثم واقف:بيتأمل ملامحها هديل فلتت يدها نكزت :شافته وخزيت. هيثم: قومي ابعدي الجنان الي لابسته وامسحي الخربطه الي في وشش وارقدي. هديل : هزت راسها حاضر. هيثم: شل بطانيه ووساده وخرج الديوان . هيثم: دخل الديوان وبيجابر فاتن ... سمع صوت قام بسرعه فتح غرفه هديل.....!!! تصبحو على الف خير #bero_alkebsi |
https://upload.rewity.com/upfiles/gFJ25608.jpg هيثم: دخل الديوان وبيجابر فاتن ... سمع صوت قام بسرعه فتح غرفه هديل.....!!! هديل فلتت في الارض: كانت بتدور بالفستان المنفوش قدام المرايه. هيثم بعد مافتح الباب مصدوم: ليش ماغيرتي الفستان؟ هديل داخل نفسها شكله شرير:شنطتي ماطلعوهاش هيثم ذكر فاتن : غلق الغرفه عليها وراح الديوان كان تلفونه طرف المدكا. فاتن: بتتصل . هيثم رد: رحت اشوف ايش في وجيت. فاتن:قد فجاه شفتك سااكت غلقت وبعدين قلقت واتصلت. هيثم: يعني ماسمعتيش امي؟ فاتن: للاسف ماشي. هيثم: فاااااتن فاتن: مالك ! هيثم: لو زوجوش اهلش غصب ماعتفعلي ! فاتن: غصب ؟ مالك بتفاول ! في الغرفه الثانيه.. هديل : غسلت وشها وبعدت الطرحه والقفاز جلست بالفستان ونعست فوق الكنبه في الديوان.. هيثم: جاوبيني. فاتن: الصدق صعب سؤالك ماعرفش ماتخيلش نفسي مع غيرك ابدا هيثم غمض عيونه بقهر: فاتن سامحيني امانه فاتن: اليوم مالك ، مسطول مريض حمى ! ايش فيك. هيثم:كلهن. فاتن بصوت مشاااوره: هيييييثم يلا شاغلق صوت حد جاي باي. هيثم: لااا خليني معش لاتقفلي وتخليني. فاتن: اقسم بالله انك مش طبيعي اليوم بتخرف .باااي هيثم بعد السماعه من اذنه: وشاف التلفون غلقت. ف الغرفه النوم.. هديل جالسه فوق الكنبه : وسارحه للسقف . هيثم خرج الحمام: شاف غرفتها والعه فتح بقوه الباب هديل نكززززت: يماااه بيت عبدالرحمن نسوان الاهل سامرات يجهزين ويقصقصين غدا الصباح مرت عم هيثم: نجميه ولا نعرف وش مرت ابنش نجميه: شانزلها لكن العصر. مرت العم: مدري كيف هم ولاعزمونا ولاشي. نجميه: هم فعلو يوم واحد في البيت للاهل حفله صغيره ماعرسوش. سوسن: زعلانه على اخوها. اسماء: والله ان هذه تجنن احلى من الزناطه حبيبته. سوسن: بس عيظلم تيه معه . الله يهديه ابي بس. غرفه هديل.. هديل: فجعتني. هيثم: مادراني ليش راقده والكهربا والعه غبيه او ايش؟ هديل اقتهرت: بينفتجع هيثم ب استغراب:من ايش بتفتجعي ! هديل: ماقدرش ارقد الا مع اختي . هيثم مسك ضحكته: طيب ارقدي وهي والعه هديل:ناهي اسالهم وين شنطتي ضبحني الفستان بيطبز. #bero_alkebsi |
https://upload.rewity.com/upfiles/mqv26780.jpg هيثم مسك ضحكته: طيب ارقدي وهي والعه هديل:ناهي اسالهم وين شنطتي ضبحني الفستان بيطبز. هيثم: لما يطلعو ب اكلمهم. الصباح..نجميه طلعت لهم هيثم: في الديوان نوم. نجميه: دقت باب هديل. هديل كانت بدون نوم: فتحت لها نجميه شافتها وبهررت: ليش مابدلتيش؟ هديل : ماطلعتوش شنطتي. نجميه : يوو صدددق ارتبشنااا الان يطلعنها لش البنات مع الصبوح. هديل بابتسامه: حاضر نجميه دخلت الديوان: هيثمممم هيثممم هيثم بيقتلب: فلت من الفرش . نجميه: حد يرقد هنا يوم عرسه ! هيثم: قلتلكم ماشتيهاش قلتو الا نجميه غلقت الباب بسرعه: وطي صوتك حرام ماذنبها. هيثم: قلتلكم لاتتحملو بظلمها ماشتيش ماسمعتوش نجميه: قوم عيجو اهلها عيب هيثم: والله مالي دخل. نجميه : مالك الا ابوك يتفاهم معك. بيت صالح.. صالح وسامي وعلاء وايمن تجهزو يسيرو يسلمو ع اختهم. بيت عبدالرحمن.. سوسن طلعت لها الشنطه: هديل البسي امد مادي الصبوح. هديل ابتسسسمت لها : تسسسلمي سوسن: خرجت وغلقت الباب. هديل: فتحت الشنطه وخرجت لها روب بيت عادي. هيثم: بيدق الباب لها يشتي ملابسه. هديل: لحظه. هيثم واقف: هيااا . هديل فتحت له :ووقفت ف الطرف هيثم: فااارحه من امس مارضيتي تغيري ثيابش. هديل: ساكته هيثم: ليش مطنشششه. سوسن دخلت : شافته وبهررت هيثم: اخرجي امد مالبس هديل بكيت: وخرجت. سوسن حضنتها: لاتزعليش حبيبتي، شافت هيثم شل ثيابك واخرج.. هيثم: شلهن وخرج. سوسن: وريني مامعش تلبسي؟ هديل: مالبس ! جهزت لي هذا. سوسن بستغراب: يووو تلبسي روب وانتي حريوه؟ هديل: هو صبح مابش نسوان ! سوسن ضحككككت: ولو انتي حريوه وتلبسي واصل وتصلحي شغرش وتمكيجي تعالي ادورلش فستان واصلحش. هديل بفرحه: عتمكيجيني ساع امس؟ سوسن بتتحيلا لبرائتها: ايوه. هديل: يو محلاش صدق طيبه عكس اخوش. سوسن: سكتت. بعد ماوصلو اهلها وسلمو عليها وجلسو شويه.. صالح قام: يلا احنا نستاذنكم. هيثم: ساكت. سامي بيتفرج لهيثم وهديل: الله يسعدش ويوفقش هديل راعو : قامت خرجت غرفتها. ع خرجتهم من الديوان هديل: بالبالطو والشنطه حقها. هيثم انحررج: اين ياهديل ؟ هديل: اروح بيتنا. هيثم: ليش ؟ هديل : مارتحتش هنا ضبح .بيتنا احلى. صالح انحرج: قدش بيت زوجش خلاص ، ماينفعش حريوه وترجعي. بعد ماخرجو.. هيثم: دخل بعصبيه لاعندها للغرفه...!! المعذره للتاخير (تعبانه)..... ساكمل لكم #bero_alkebsi |
https://upload.rewity.com/upfiles/pBc27020.jpg بعد ماخرجو.. هيثم: دخل بعصبيه لاعندها للغرفه...!! هديل: لفتت له. هيثم: انتي غبيه كيف تقليلهم تروحي معاهم ! هديل : اهلي وايش فيها اروح معاهم هنا ضبح وحدي وافتجع وماقدرت ارقد خاوره غرفتي. هيثم بعصبيه: انتي مجنونه ولابعقلش ولابتتخيبلي انا ناقص يدولي جاهله اربيها واداريها. هديل : قلنالك ارجع بيتنا مارضيت شكلك مش مرتاح لي في بيتكم. هيثم مسكها من طرف كمها: اسمعيني لاتجننيني فوق مانا تخرجي خارج تدي كلمه من الي بيننا لاقتلش فاهمه. هديل مبهرره لاوشه: هزرت يدها منه، مالك تحاكى سوا. هيثم : المهم معي لش كلام لما ارجع ، الان تنزلي عند النسوان ولاكان قلتلش شي فاااهمه. بيت صالح..وصلو عند افراح ايمن : امااه اماااه لووو تشووووفي هديل بيتهم حالي كبير جديد قربو شكلاتات خيراااات. افراح ب استغراب: كيف بيتها مبين انها مرتاحه . صالح: الله يسعدها ويوفقها. افراح: قدي عتنسعد ماباقي بعدا هذا ! علاء: السعاده مش بالفلوووس. سامي بقهر:يمين ان السعاده بفلوووس . افراح غطت وشها بيدها : هااا شلوه حظ. علاء: شافها وكركررر. بيت عبدالرحمن عند البنات.. هديل : نزلت عندهن.. اسماء: تعالي غرفتنا نتجابر . هديل ابتسمت لهن: هزت راسها حاضر روان حضنتها: تجنني محلاااش عد اصاحبش. هديل ضحكت: تمام انا فارحه عتكونين صحباتي مابش معي خوات كبار. اسماء فتحت باب غرفتهن : تفضلي ياهديل نوريش غرفتنا المتواضعه. هديل بشهقه: يووووو محلاهاااا تجنن. اسماء عجبتش !:هذي بقعتي وهذه بقعه روان. هديل: بدل مارقد وحدي طالع شارقد عندكن. اسما مافهمت قصدها: ضحكت بينها وبين نفسها. هيثم خرج : بيتصل لفاتن. فاتن: تكنسل. هيثم ضبح : ورجم تلفونه للكرسي الي جنبه. فاتن بتجابر اختها: ياسلام ! يتشرطو يشتو الاصغر قبل الكبيره ؟ افنان: انتي كل مره تدي معاذير فاتن: مش معاذيرر بس ماينفعش تنخطب صغيره قبل كبيره. افنان: عادي لو هو سوا ليش لا ؟ فاتن: رجاء لاتدخليش وتقلي لامي ، مشتيش اخو صحبتش . افنان: طز فيشش.خرجت من عندها فاتن: اتصلت لهيثم هيثم رد بعصبيه: ليش كل ماحتااااجش جنبي مالقاش فاتن: ايش اسوي لك اختي واصل عندي. هيثم: هذه اختش حانبه لي في كل شي قلت اخطبش قلتي اختي اول قلت احاكيش اختي عندي. فاتن: مش وقتك انت وهي عادحنا تصايحنا انا وهي تشتي تخطبني لاخو صحبتها. بكره نكمل... #bero_alkebsi |
https://upload.rewity.com/upfiles/Ky027892.jpg فاتن: مش وقتك انت وهي عادحنا تصايحنا انا وهي تشتي تخطبني لاخو صحبتها. هيثم : ماعاد باقي الا هي ، خلاص سدي انتي وياها ولاتتواصلي معي الا لما تحددي لي موقفش. فاتن حنقت : طيب براحتك ،يلا باي. بيت عبدالرحمن .. سوسن : تعالي اصلح شعرش. هديل: حاضر .. سوسن : وريني كسوتش. هديل كان معها شنطتين بس: فتحتهن لها. سوسن: اختارت احلى فستان.. هيثم ضابح:وصل وقت الغدا ، تغدا مع الرجال. عبدالرحمن سحبه ع جنب: مالك قالب وشك ؟ هيثم بيتهرب :ولاشي ، شاطلع للمكان. عبدالرحمن: انزل عند الرجال كلهم عيخزنو هنا. هيثم: حاضر. عبدالرحمن : عتسيرو الحديده ؟ هيثم: لا ، امتخاناتي بعد اسبوع. عبدالرحمن: ماشتيت، انت اخبر. في غرفتها.. هديل جاوووعه: بتتغدى وتاكل عادي . سوسن شاورت امها: ماقد بسرت عروسه تاكل هكذا بدون خزا. نجميه بتتحيلا لها: والله البنت عادها غاويه ، مش هي معلمه ولا حق مظاهر. سوسن ابتسمت لهديل : عجبش غدانا ؟ هديل خزيت: ايوه ، طعيم قوي. نجميه: يهنى قلبش وغرفت قبالها اكل. مرت عم هيثم بزبجه: كم لش ما اكلتيش؟ هديل: من امس وقت الغدا. نجميه: يو جعلش الخير ياسوسن ماطلعتيش عشا لهم. سوسن: نسيت مرت عم هيثم: والصبوح وين جا ابسرت طلعو لكم صحن. هديل: ماعد اصتبحناش. نجميه انحرجت: هي يعجبها تزبج كلي ماعليش منها. هديل قامت: خلاص شبعت الحمدالله. سوسن: هيا اطلعي البسي. هديل بابتسامه: حاضر ، وطلعت. هيثم: كان ف الديوان بيصلي. هديل طلعت: وصلت لغرفتها بسرررعه تمت لبست هيثم : فتح الغرفه هديل كانت بتتمرى نكزززت : مالك ماتكون تدق ساع اختك. هيثم: ماعدلا استاذن في غرفتي . هديل: وغرفتي والكل ، لوما تشتيني اجلس فيها قل لي ارجع بيتنا. هيثم دخل وغلق الباب: هزرها وجلسها فوق السرير. هديل يووف والجلافه: هزرت يدها منه،تحاكى بفمك. هيثم باستحقار: على حلاش بتفهمي ياسعم !! هديل : لوماتتكلم معي بأدب والله لارجع بيتنا. هيثم بضحكه استخفاف: ياااااريت هديل: حنقت وقامت تشتي تنزل هيثم: اسمعي يا قمرر الي شاقلش لا اشتيش ولا فارح بسواد عيونش هديل بصمت : بتففرج له ورموشها الكثيفه بترمش. هيثم: الزواج هذا كان غصب عليا. هديل: وانا غصب عليااا لاتفرح والكل. هيثم : باين عليش الزقعه انش مغصوبه. هديل :شكلك انت الس مابتفهم قلتلك رجعني بيتنا. هيثم بصووووت صيح:لاتجلسي تقليلي بيتنا بتفهمي ؟؟ هديل. بتتكلم... سوسن طلعت وسمعتهم : فتحت الباب... اعتذر للتاخير وساكمل لكم ... #bero_alkebsi |
https://upload.rewity.com/upfiles/HNr35486.jpg هيثم بصووووت صيح:لاتجلسي تقليلي بيتنا بتفهمي ؟؟ هديل بتتكلم... سوسن طلعت وسمعتهم : فتحت الباب... هديل بكيت: ها كيف قطعت الفستان .. سوسن بصدمه: مااالك عليها ! هيثم بنرفززه: مااالي ؟ قلنالكم مع قلتو الااا هااا اشبعو بها ...خرج م الغرفه. هديل: بتبكي سوسن: مالش؟ هديل ببكا: قال مايشتينيش انه مغصوب وانا والكل ماشتيهش يروحني بيتنا ...مارضيش مافعل! سوسن : ماعليش منه ، هو حانق من ابي قلتلش بينهم مشكله عيتغير . هديل: اخي قال لو يغثيني بكلمه اقله. سوسن: لاتصدقيش لحد ومايقلو الناس عليش! هديل: سكتت. سوسن : شاديلش فستان اضخم من هذا لاتغثيش . هديل : حاضر... بيت صالح...بعد الغدا سامي عند الباب يشتي يخرج: اباه ماتشتي شي؟ صالح: ابسر اخوك مابيفعل لايمتسخ قات مع عيال الحاره ، خليه يكون يسايرك. سامي: حاضر وخرج. افراح : هديل ولاعد اتصلت ولا تسال ولاشي صالح: سالو راسش ماتسال حريوه ماعليش منها. افراح: مدري الظاهر ماعد تذكرنا. صالح: ريحيلش من هذا المجبر قلنا. افراح:.طنشت وسكتت. في الحاره.. الشباب متجمعين.. سامي شاف رزق ابتسم: وصل لاعنده. رزق وقف: وتسالموو. سامي: والله انك مجنون كيف تسير البلاد وهم بيدوروك. رزق: الحافظ الله لاقد جت الساعه جت. سامي: بغير جنان اهجع لك هنا بس لوما يهديهم الله. اكرم: مطنن ساكت. سامي طرح يده ع كتفه: مال اكرم اليوم اين الجنان حقك والخرط. اكرم لفت له: اي خرط ! سامي: فحطت وقفت ع تاير ريوست من راس الجبل. الشباب ضحكو. اكرم: قام وخطي. سامي استغرب و لحق بعده: مالك ! في شي؟ اكرم: حق كككككل مررره . سامي: البيت تصايحو. اكرم تنهد: بالضبط سامي: قد قلتها بفمك حق كل مررره مالك اليوم ! اكرم: ياخي تعب ضبحنا قد بينخور اهاجر انقلع سامي :صلي ع النبي والله يصلحهم ويهديهم. اكرم بضبح:يارب بعد العصر..شقه هيثم. هيثم بيجهز العلاقيه حقه ينزل بعد ما بدء يخزن ف الديوان حقه قبل ماينزل للرجال. سوسن: يلله قد انتي جاهزه ، سيري عند زوجش شويه ، امد مايتوالفين النسوان. هديل تمام :(داخل نفسها والله ماسير) سوسن: نزلت. هديل : خرجت للصاله تشرب من الثلاجه ماء. هيثم : شافها وقفى. هديل: اين الماء؟ هيثم مطنش: بيورق القات بيده. هديل دخلت للباب: اين الماء ! هيثم بصوت: تأفف. هديل خرجت من عنده: (حاااضر وانا والله لاوريه العين حق خالتي افراح.) #bero_alkebsi |
https://upload.rewity.com/upfiles/NCG36120.jpg النسوان كلهن بيتفرجين لها ويتحيلين لابتسامتها ورقتها. مرت عم هيثم: الصدق مرت ابنش مانزلت لي من حلق فيها تصنع وبتدعي الغوا والشخاطه. نجميه: والله مابتتصنع انها بنت بسيطه يتيمه ترحم لامعها ام ولا اخت متربيه عند خاله مرت اب. مرت عم هيثم: فلتو بنات اليمن وسرتي تبسريلش واحده منكده. نجميه : امانه ابسري ع بنت وع بشاشه في وشها مابش اي نكد مرت عم هيثم: بعد بناتي مابش براءه الصدق نجميه: الله يجبرش بعافيتهن. اسماء والبنات جالسات جنب هديل.. هديل خازيه: وفارحه انها حريوه والبنات جنبها. روان: ماتشتين اجعلكن يابنات ؟ اسماء: سيري اشتريلنا شبس بنت عم اسماء(ابرار): وناكل قبال النسوان بغير جنان. اسماء: لاتدخليش ياروان هنا ادعينا وعنخرج. روان : حاضر والحريوه ششتريلها خيرات. هديل ضحكت: لااا انا كبرت خلاص مابش جعاله، اسماء ضحكت: سهل والكبار بياكلو جعاله. هديل: عيتخرب المكياج. اسما: عنمكيجش سهل في الديوان.. صاحب هيثم ف الجامعه (اسامه): كيف الزواجه ياولد. هيثم: اين زجاجه طعنت قلبي والله ، متحمل بظلم غاويه وحسي وقلبي عند الثانيه. اسامه: والشرع حلل اربع زد معك معك ابسرلك ثنتين ع الطريق. هيثم: ازززبج لك ازبج ناقصك . اسامه: شكلك عتقرح . هيثم: تخيل ياخي زوجوني مجنونه امس اسمع الا دربه وهي جالسه بتجنن بالفستان. اسامه:كم عمرها ؟ هيثم: 15 الظاهر بس جاهله .. اسامه: ماقد دريتش حبيبه القلب بالموضوع حق زواجك ! هيثم : مع ماقدرت اقلها. في الحاره..اذن مغرب سامي: هيا نسير نصلي وندرس قران. الشباب قامو بعد سامي. اكرم: جالس ف الارض سامي: مد يده لاكرم وقيمه معاهم. اكرم : قام مع سامي والشباب. سامي:احنق كن كل ششششي الاااا ربك وصلاتك صدقني انهن راحتك. اكرم: والنعم بالله ، ماحنقتش بس مانتبهت لكم. بيت عبدالرحمن...ديوان المخزنين الرجال بداو يستاذنو ويروحو.. اسامه: يلله الله يعينك وانت قدك مزوج لاتظلم مرتك. هيثم : عنبسر حل . اسامه : خاطرك. هيثم : الله معك. اسامه خرج : وع خرجته تلفونه رن، طلع السياره وجاوب. امل:اسامه ساعه بينتصلك وينك ؟ اسامه: كنت عند هيثم مخزن. امل(خطيبه اسامه من الجامعه وصحبه فاتن) انت داري متصايحين هو فاتن. اسامه: شاقلش شي اوووبهي تحاكي احد ولا فاتن ولا البنات امل: ماهووو تحاكا؟؟! اسامه : هيثم تزوج امس...!! تصبحو على الف خير #bero_alkebsi |
https://upload.rewity.com/upfiles/04F36390.jpg امل: ماهووو تحاكا؟؟! اسامه : هيثم تزوج امس...!! امل : بغيررر.جنان امانتك صدق ولا بتزبج ! اسامه: ابوه زوجه مع عيال عمه ومارضيلهش يتزوج فاتن. امل :الظاهر انه كذاب معقول ابوه ماعيرضاش!! مادخله ياسعم ؟ اسامه : مدري المهم اوووبهي تتحاكي. امل : ماشحاكيهاش لاتخاف. بيت عبدالرحمن.. عبدالرحمن: قوم اطلع عند مرتك. هيثم لف اداته : وقام يلبس الكوت. عبدالرحمن : الصبح لاتتاخر تسير تسلم على بيت عمك. هيثم : ساكت. عبدالرحمن بعصبيه: مال ابوك مابترد ياقليل الذوق هيثم بيدور عذر: اين اسير اسلم وانا مسافر الفجر ؟ عبدالرحمن: وليش ماتتحاكا ؟ هيثم : اجلس اتحاكى على كل شي ؟! عبدالرحمن : تحتاج شي تحاكا. هيثم بهدوء: تسلم ، وطلع. البنات في مكانهن بيتجابرين ويرقصين. هديل طلعت غرفتها لانها بدون نوم :و نعست. هيثم فتح الغرفه :دخل يعلق ملابسه هديل : نعست وهي جالسه نص جلسه. هيثم متردد: قرب يوضع رقبتها. هديل نكززت: ماااالك ؟! هيثم : ارقدي سوا. هديل مسحت عينها : مالك دخل مني. كان ضابح من ابوه بسببها .. هيثم : بتعصبيني بكلامش لاتخليني اعلمش كيف تتحاكي. هديل : لوما تتعلم كيف تتحاكى انت ، ماتشتيني رجعني بيتنا ليش بتقزز ! هيثم : اسمعي شاقلش كلمتين تحمدي الله ماقد قلبت صدق وتحترمي نفسش وتسكتي سكته. هديل : وليش تقلب على ايش ؟ ياسعم انك خاله مرت اب. هيثم : ياسعم زباجه ولا بتنكتي. هديل : ماشي والله انك ساع خالتي طبيعتك. هيثم بعصبيه: ياخاله انا شاوريش التهديدات تخرج كلمه ع الي بيننا او مابينقلش عد احبس اخوتش وابوش يتحملوو نتيجه دينهم وانا اودف. هديل تذكرت انها ماتشتيه : بس عشان ابوها وافقت هيثم :من بينحاااكي ! هديل : حاضر. هيثم تم يلبيس وع خرجته: جي بعدي الديوان ... ف الحاره...راجعين من المسجد بعد صلاه العشاء سامي: اين فحطت يا اكرم ؟ اكرم : اتصل بي صاحبي صليت وخرجت اجاوبه سامي: خير اكرم : كل خير.. سامي فجأه: مطنن سارح اكرم : مالك اليوم ! سامي: ارجع اسال لي عمك على الكفاله كم يشتو وكيف ادخل ! اكرم : حاضر ولايهمك اهم شي ترجع لنا ب المونيكا. سامي بدون نفس: ابتسم . علاء : هيا شباب عشاء رزق : هي الا خبزه وقلص شاهي لاتفعل دعايه علاء: قدو ع حسابك خلينا نهوك بك. في شقه هيثم. هيثم اجلسي: ناولها التلفون ..اتصلي لاهلش....... #bero_alkebsi |
https://upload.rewity.com/upfiles/tg536572.jpg هديل : ما اقلهم يجولي ؟ هيثم : شارزعش بالتلفون لوما تفكرري انا قلت تتصلي قليلهم عنسافر فجر الحديده وعنرجع بعد عشر ايام ونسلم عليهم. هديل فررررحت : تمااام هيثم استغرب من فرحتها : ناولها تجاوب هديل : ها خاله كيف انتي؟ افراح : لو انا امش ان قد.اتصلتي من امس . هديل دمعت: لو امي عايشه ماكنت تزوجت افراح : اصصص لايسمعش زوجش يامجنونه ! هديل: هو بيسمع عادي ، ادعي ابي . افراح بتلطم وشها : صالح جاوب بنتك . هيثم بيفكر ف كلامها:و بيتفرج لهديل صالح: حيا الله بنور عين ابوها. هديل: كيف انت ياباه؟ صالح : الحمدلله ، حفظش الله كيف انتي وزوجش؟ هديل: الحمدلله، كنت اشتي اقلك عنرجع نمر عليكم بعد مانروح من السفر لان الفجر مسافرين. صالح: ولاعليش مننا ولاشي خليش مع زوجش والله يسعدكم اوبهي ع روحش. هديل: حاضر يلله مع السلامه. هيثم بيتفرج لها: شل التلفون. هديل: ايحين فجر ؟ هيثم تكرررركر باستخفاف: اين تسافري ، قري هنا . بيت صالح.. افراح: ماتشتي منك ؟ صالح: تقل عيسافرو عتجي بعد مايرجعو.. افراح: يهي يهي وسفر وغنج والله وحظها من الباري جا . صالح: لانها رضت تسدد ديني ، مانتي عيوريني فيش ارحم الرحمين افراح: اعوذ بالله منك لاقد دعيت استغفر الله بس العيال خارج مجتمعين ع شاهي وخبز طاوه وبيضحكو ويتجابرو نسي اكرم المشاكل ونسي سامي همومه ونسي علاء قيمه رسوم الجامعه.ونسي رزق الثار الي عليهم وحس بالامان وسطهم جمعهم عيش وملح وروتين حياه مع بعضهم البعض ف الحاره. رهام متردده تتصل او لا: ماسكه التلفون وتقلب ف رسايله. سامي رن تلفونه فرح : وصلته رساله من الشركه، صمته وخباه في جيبه. رهام فكررررت : وبعدا اتصلت . سامي تلفونه كان صامت: بيتسافطو هو والشباب، انضغط زر الغاء المكالمه. رهام حنقت :بين نفسها( وانا والله ماتصل) شقه هيثم. هديل : يعني كذبت ؟ هيثم :ايوه عندش مانع ؟ هديل: ما.. هيثم رن تلفونه: قاطعها ، اص يلا سيري غرفتش. هديل حنقت : وخرجت .. هيثم رد :حيا روحي ،كنت عارف انش عتتصلي. هديل رجعت للسلسله فلتت منها: سمعته بيقل حيا ياروحي. هيثم: والله اني شاقرح يافاتن. هديل : بهررت ورجعت غرفتها... #bero_alkebsi |
https://upload.rewity.com/upfiles/zXR36755.jpg فاتن: عتسير الجامعه بكره ؟ هيثم: اكيدد فاااقد.لحبيبتي. فاتن: مش باين خالص لك ثلاث ايام ومحسسني ابوك في جيبك مش قادر تتكلم. هيثم: والله انو في جيبي صدق فاتن : يلله اكلمك بعدا افنان جت وغللللقت. هيثم عصصصب: لعينه تلعن الطبع ذيه اوووف. هديل سمعته سكت: راحت تدور السلس هيثم بصووت : نعم !! هديل بتدور ف الارض: سعليك راعيت لوماتتم تحاكيها وجيت اشتي السلس حقي هيثم انحرج: سككككت. هديل :شلت السلس وخرجت هيثم شافها بحقد : كله السبب هذا انتي. هديل: غيرت ثيابها ونزلت عند اسماء وروان نجميه دكمت سوسن: مانزلها ؟ سوسن: مش انتي داريه ابنش ماقد فعلبها اليوم نجميه: مافعل؟ سوسن: طلعت مرتين وهو بيصيح ويجنن فوقها والله ان البنت محترمه لاذلحين مافتحت فمها نجميه: الله يهديه والله لابهذل به بنات الناس مش لعبه. سوسن: مش وقت اليوم عيدرى اني كلمتش البنات في غرفتهن سامرات بيتجابرين تعشين ورقدين. هديل رقدت عندهن. شقه هيثم ، شافها ماطلعتش رقد ف الغرفه. الصبح يوم السبت...في الجامعه امل : بنات قد جت فاااتن ؟ دعاء (صحبه امل وفاتن): لا ماجتش عاد محاضرتنا بعد ساعه. امل نسيت: مسسسكينه والله دعاء: ليش مسكينه قلتلش باقي وقت ! امل ركزت: هاا لا لا ماقصدش هذا دعاء: ايش قصدش؟ امل : ولاشي ابرديلش بس. هيثم : بيتجابر هو والشباب امل: هذك هيثم !! دعاء: مالش اليوم محلقه عليهم ! امل: لحظه لحظه ! يعني خرررط اسامه بيخرط بيفعل لهم مقلب. دعاء: ايش من مقلب! فهميني رضي عليش. امل: امس بيتخيبل قال ان هيثم تزوج الخميس دعاء ضحكككت: عادو حقش اسامه ذيه وحده تحفه امل: جي نفعل لها المقلب دعاء: حاضررر بيت عبدالرحمن.. هديل قامت: اين المطبخ؟ اسما: ارقدي مامعش مبكره احنا مدرسه هديل: نفسي ادرس ابي مارضيش اسما: هيثم عيخليش هديل ضحكت هيثم من ! سيري لش بس. اسماء: يلا ارقديلش ياحريوه باي. هديل: متعوده تقوم فجر وتواصل ، قامت تدور المطبخ.. الشغالات: واحده ترفع والثانيه بتفعل صبوح. هديل: ماباقي افعل معش؟ الشغاله ضحكت : لااا رووح فوق انتي عروس. هديل: قد تمينا امس خلاص العرس، ذلحين صبوح. الشغاله: بعدين ماما كبيره بتصيح علينا. هديل: لا هي طيبه جي عند خالتي افراح لاتكرهي روحش الجامعه.. فاتن : سلام بناااات امل ودعاء بيغنين: مسكين ياناس من قالو حبيبه عروس فاتن: مروووقاات؟ امل: هيثم تزوج الخميس... لو قدرت ساكمل .... #bero_alkebsi |
https://upload.rewity.com/upfiles/bmH38096.jpg فاتن: مروووقاات؟ امل: هيثم تزوج امس. فاتن: ايوه اخس عليكن راعيت لكن ف القاعه ولاجيتين. امل ضحككت: ذيه اسامه فيه حركات لوتسمعي امس حكاه تقلي صدق واليوم ابسر هيثم قبالي قلت حق كل مره هو ومقالبه تيه. فاتن: الظاهر لو يرجع يقلش بيموت ماعتصدقيش. امل: يووو من غير شر عليه. هيثم لمح فاتن: ابتسم لها. امل بتتصل لاسامه: ياخرررراطط هوذا هيثم انت ولا عترحلك من الطبع ذيه. اسامه عصب: انتي ف الجامعه ! قبال من بتتحاكي امل: خلاص قد ابسرت هيثم احنا والبنات. اسامه: امل بس خواشه( هبل). امل: ماهو كيف تزوج واليوم مداوم بتفعلو لنا مقلب. اسامه: مادخلش منه انتي ؟ او حاكيتي فاتن ! امل: ايوه زبجنا عليك وخرطك حق كل مره. اسامه عصب: هيا الله يلعني الي حاكيتش يا امل . امل انصدمت: مالك يا اسامه ؟ماهو يعني صدق تزوج؟ اسامه: مش هو عليش من الموضوع هذا قفليه. امل حنقت: وغلقت. بيت عبدالرحمن.. هديل في المطبخ: فعلت الفول والشاهي... الشغاله: بتجهز بقيه الصبوح.. نجميه قامت للمطبخ : هددددديل !!! مابتفعلي يابنتي؟ هديل خافت: ها عمه ،ماهو مافعلت ؟ نجميه: انتي حريوه مادخلتي تفعلي ف المطبخ هذه عندش بتبسريها بتفعل ؟ هديل: ضبحت مابش مافعل متعوده افعل الصبوح انا. نجميه ضحكت: الله يحفظش ، البيت بيتش يابنتي بس مقصدي مايسبرش تدخلي. هديل: حاضر ، وخرجت مع عمتها من المطبخ. سوسن ، لبست وجهزت جهالها نجميه: اين عتسيري يابنتي؟ سوسن: ماعد بش شي اروح بيتي ولو خرج زوجي العصر شاخليه يطرحني عندكم. نجميه: كان اصتبحي ،هديل فعلت الصبوح وسيري. سوسن: حاضر. بيت صالح.. افراح: مالك اليوم في البيت ؟ سامي: ماسرتش افراح: انا داريه بس ليش؟ سامي بضبح: مابش حق مواصلات صالح: وليش ماتتحاكا؟ سامي: انا داري ان مابش معك صالح: به ميه في.جيب الكوت سامي: خلاص فاتتني المحاضره، خاطركم نبسر مهره.. صالح: الله معك. سامي: هيااا علاااء علاء بيمشط شعره: هوذا جيت.اهااا بيت عبدالرحمن..بيصتبحين كلهن.. نجميه: ماشاءالله عليش والطعم ف الفول. هديل ابتسسسمت: وداخل نفسها(ماطيبها مش ساع خالتي افراح افعل العمل كله وتقل لابي انها هي) في الجامعه.. هيثم ضابح: جالس بيجابر خبرته.. فاتن: مشيت من قباله هيثم: بيتفرررجها فاتن رسلت رساله:الف مبرووووك وانا اخر من يعلم ! #bero_alkebsi |
https://upload.rewity.com/upfiles/KHb38818.jpg فاتن رسلت رساله:الف مبرووووك وانا اخر من يعلم ! هيثم حمرررر وتوووتر:وهو بيقرررا رسالتها !! اسامه الله يسترر:خمس دقايق وانا عندك.. هيثم: خمسو بطنك ،هيثم حاكيت امل ؟ اسامه انحرررج: سكككت هيثم: حاااكيتها ؟ اسامه: حاكيتها ونبيتها لاتحاكي احد ابسرنك ف الجامعه وقالين اننا بينزبج ساع كل مره، ماصدقين. هيثم : غلق لاوشه التلفون. فاتن رسلت: حبيبي مالك مابترد؟ هيثم : على ايش ارد مافهمت للمه بتباركي؟ فاتن اتصلت: مالك حنقت ، هو صاحبك بيزبج ع المدلوزه امل وفعلو لنا قصه انه تزوجنا ههههه. هيثم بلع ريقه: هااا تزوجنااا قال ؟ فاتن: عرسك يعني بمن ؟ اكيد بحبيبه قلبك هيثم: حبيبه قلبي جالسه تزنط كل ماحاكيتها قالت راعي لاختي .. فاتن: بطل لك معاذير انا قلتلك جي بس مكنتني ابوك رافض من الجامعه. هيثم: وانتي بطلي الجامعه .. فاتن ضحككت: زكاااك عقلك صدق قل لوما اتم وبعدا عنقلهم قد تمت هيثم: خيرت الله ، يلله المحاضره عتبدء. في الشارع سامي وعلاء بيلفو يدورو عمل ف محلات..مابش مابش.. سامي : تعبت جي نجلس شويه. علاء: ابسر ذيك ربط رجله ومسك ثنتين اعصي وبيطلب الله واحنا اشتوينا دوار عمل. سامي بنظره استحقار: ماهو يامطلب ! اموووت ولا تمتد يدي لمخلوق وانا قادر القى رزقي. علاء: قوووم نبسرر رزقك ذيه اين اخرته. سامي: قام وبيمشوو. محل مفروشات كبيررر...بينزلو اثاث من الشاحنه سامي: اخي تشتو مساعده ؟ العامل: ب الف ف الساعه.. علاء: اين الف ياسعم انحنا رجل ع رجل فوق مكتب شاتحمل واكسر ظهري ع الف ؟ العامل: خمسه الف لكم الاثنين .. سامي: تمام. علاء: يلا بسم الله بيت عبدالرحمن.. نجميه: اين زوجش؟ هديل: انا ؟ نجميه : ايوه ، عادو راقد؟ هديل: مدري انا رقدت عند البنات نجميه: والصبح مابسرتيه؟ هديل: لا نجميه: الله يهديك يابني بس هديل: ساكته نجميه: قال لابوه عيسافر ، ايحين عتسافرو؟ هديل هزت كتفها مدري: (ذكرت انه هددها تسكت وماتتكلم بشي). نجميه: خير يلله اطلعي رتبي كسوتش ولو تشتي شي حاكيني. هديل: وين ارتبهن؟ نجميه: في الدولاب. هديل ابتسمت: حاضر نجميه داخل نفسها: سبحان من خلقش مدري كيف تشد الواحد. هديل : طلعت غرفتها وبترتبها بعد مارفسها هيثم. في الجامعه.. طالب وقف فاتن: لو سمحتي كنت اشتي اسالش من مندوب الدفعه ؟ فاتن : اسمه اسامه.... الطالب: ماعرفش انا اصلا مش مداوم وريني اسن هو؟ فاتن بتتلفت : شافته مع هيثم اشرت له براسها هيثم شاف : تبرررررقط مع من واقفه وبتاشر عليه؟ #bero_alkebsi |
https://upload.rewity.com/upfiles/XZh40383.jpg اسامه :.كان قلتلي صدقت انه مزحه هيثم :.مطنش وبيتفرج قباله اسامه: هيا وانت مادراني انها عتتحاكا عتحنق ساعه هيثم : اصلا انت لغجه محد يحاكيك قدك داري انهن خباير عيتحاكين. اسامه: قدي في اذني ماذلحين. الطالب:جا لاعندهم. هيثم فلت وسارلها: هيا اوقفي نتجابر مدام وانتي حق وقفه فاتن: مالك بتتخيبل . هو سالني ع مندوب الطلاب اشرت له. هيثم: ماعليش منه معه ارجل وماجا يجابرش الا انتي ابسري كم عيال واقفين وجا لاعندش فاتن : هيثم مالك؟ ياسعم اني دعيته يسالني . هيثم: براحتش اجلسي كارحي ولاعترضي تفهمي طبعي. فاتن : وانت اليوم مدري مالك بتدور هدار. هيثم: لاحول ولاقوه الا بالله، شاروح لي اخرج خاطرررش فاتن بعد ماخطي : طنشته وراحت لصحباتها. دعاء: فاتن انتي داريه امي عيسيرو الثالث حق ابن عم هيثم مارايش نسير؟ فاتن: انتي يعرفوكم وانا من يقلولي اسير؟ دعاء: انتي خبيرتي وحريوه ابن عم هيثم عادهي بنت ابن عم ابي. فاتن: يهي لفه. دعاء: وانتي ياسعم عيسالو ف القاعه من انتي فاتن: ولو مش حالي تبسرني اخته. دعاء: هيا من الخباله سعمن القاعه وانتي واهالي ثلاث حراوي ماعيدروش فاتن: شابسر امي ماعيقلو دعاء: ايوه امد تستبكي قبال امه .. شقه هيثم هديل: رتبت ملابسهاوالغرفه بدلت وجالسه تصبغ اظافرها.. هيثم وصل: دق الغرفه ودخل. هديل : شافته وغلقت الصباغ هيثم: خرج له ملابس.. هديل: خرجت من الغرفه. هيثم : غلق الباب بعدها وبيبدل. هديل مراعيه له ف الديوان :فتحت التلفزيون هيثم خرج لاعندها: اخرجي اديلي اشرب هديل: هذك الثلاجه عندك. هيثم: انا لما اقول قووومي هديل: مش انا شغاله عندك اول شي ترد السلام وتطلب بادب وانا ادي هيثم : حااااضر ياست هانم عداوريش.. بيت عبدالرحمن.. نجميه: غرفت ملان صحن غدا وناولت الشغاله تطلعه. الشغاله: طرحته في الصاله. هديل: تسلمي الشغاله: الله يسلمك ياعروسه حلوه. هيثم: بيغسل يده. الشغاله: هيثم معك عروسه حلوه طيبه قمر تجنن هيثم: انتي الحلوه ياخاله بيتهيئ لش بس الشغاله استغربت منه: نزلت هديل بصوت واطي:على حلا ذوقك هيثم: ها !! ماقلتي؟ هديل: طنشت ودخلت الغرفه تتصبغ هيثم: احسن وفرتي تفتتح نفسي سوا للاكل هديل: مطنشه وبتصبغ يدها الثانيه هيثم: ماهو هذا الشم ؟ هديل: مطنشه هيثم قام: قرب لاعندها وانه الصبااغ هديل: بتتفرج له وعيونها بترمش هيثم: هزره من يدها وزغفه من الطاقه.... #bero_alkebsi |
https://upload.rewity.com/upfiles/mCM41196.jpg هيثم: هزره من يدها وزغفه من الطاقه.... هديل : مكسررر هيثم: خرج ورزع الباب عليها هديل: جلست تبكي في الغرفه..شافت ملزمته فوق التسريحه شلتها وزغفتها من الطاقه . نجميه طلعت للصاله: هيثم بتتغدا وحدك؟ هيثم: من حنق على غير امه سلي نجميه: يابني استحي على نفسك مادخل البنت لاتتحمل بظلمها وتكسر قلب يتيمه هيثم: انتو السبب والله مايتحمل ظلمها غيركم. نجميه حسبي الله ونعم الوكيل: قامت لاعند.هديل. هديل مسحت دموعها: شافت عمتها وابتسمت نجميه: يو يابنتي ليش ماتتغدي؟ هديل: شابعه هيثم: بيشوفها من الصاله. نجميه: مالش بتبكي؟ هديل: هيثم رجم حقي الصباغ نجميه ضحكت: غاثيه على الصباغ ؟سهل اديلش عشره بدلهن هديل: خزيت. نجميه: ماعتلبسي بكره للثالث؟ هيثم من الصاله: اي ثااالث؟ نجميه: نتوجها مع نسوان عيال عمك هيثم: مش قلنا انحنا مسافرين. نجميه: سهل عنقل رجعتتو هيثم: ماشي وبس هي كلمه. هديل بتعانده: اوريش ماشالبس نجميه قحصت فمها وغمزتلها: اصص لوما يرح له. هديل ابتسمت:حاضر نجميه : جي تتغدي مع البنات عادهن وصلين هديل حاضر: ونزلت معها ف الشارع علاء: هيا نتغدى جاوع سامي: هيا وانا وبعدا نبسر عمل بعد العصر علاء: شكلك عتجمع صرفه اسبوع سامي: امد لوما يفرجها ربك بينعامل اسافر علاء: اين تسير؟ سامي: السعوديه علاء:هههه من اين عتدي كفيل ياسعوديه سامي: ماعليك شي عتسبر. مسك تلفونه ورسل لرهام اين انتي ولا حس رهام ردت: من الي بيكنسل مكالمات؟ سامي: ايحين ولا وصل اتصال رهام : ابسرر السجل سامي: خرج من الرسائل ودخل سجل المكالمات لقي مكالمه..شاف الوقت رد لها اسف كنت مع الشباب ماسمعت رهام: ليش ماجيت الجامعه؟ سامي: رقدت رهام: وينك الان؟ سامي: بينتغدا جي تغدي معي رهام ممم: خورتني مابتاكل؟ سامي: دجاج ورز. رهام: بالعافيه سامي: الله يعافيش. غرفه خوات هيثم هديل: باقي بكره عرس ومارضيش هيثم اسماء اخت هيثم: قصدش الثالث؟ هديل : ايوه اسماء: مش على قوله ،ابي عيصيح لو يدرى نجميه: اخرجين السوق اشتري لهديل فستان حالي مطرز اسماء: للثالث؟ نجميه: ايوه حجزته سوسن قالت حالي. هديل مبتسمه: بتتفرج لهن. اسماء: عندي فكره اطلعي غرفتش وانا ياسعم اطلع بعدش اراشيه يخرجنا هديل: حاضر. طلعين .. .. #bero_alkebsi |
https://upload.rewity.com/upfiles/bgE41735.jpg بعد الغدا.. سامي: جي نقدم هنا لو يشتو عمال علاء: تشتغل في سوبر ماركت؟ سامي: مافيها؟ علاء: هيا سامي ماحلقتش سامي: نجرب مالك امد تجمع لك مصاريف جامعه علاء: يلله حالي نكون نشل صرفه للبيت من السوبرماركت بالتقسيط سامي: حسك عند بطنك ادخل يلا. بيت عبدالرحمن.. هديل : طلعت الغرفه هيثم بيصلي ف الديوان: تم وبيسلم اسماء: بخخخخ هيثم: حياا ياهبلا فقدت لش هديل : بتسمعهم اسماء: اطلب منك طلب هيثم: انتي تؤمريني اسماء: عنبسررر ياتؤمريني هيثم: وحاضر قبل ماتطلبي اسماء: عتخرجنا السوق ماشتيش استأجر هيثم:من عيووني مابش نفس اخزن اتجهزو للساعه اربع افعل لي نعسه امد اسماء بفرررحه: حاضر هديل اشرت لها للغرفه تجي اسماء:صلي و البسي بسرعه للساعه اربع هديل بابتسامه: هزت راسها حاضر بيت فاتن فاتن: ماما صحبتي عزمتني عرس اهلهم ام فاتن: تعرفيهم ؟ فاتن: اعرف صحبتي اهلها ام فاتن: مش ضروري تسيري فاتن: قوا ليش لا صحباتي كلهن عيسيرين ام فاتن: من عيشلش ؟ مابش حد يوصلش فاتن: عيمرين لي ام فاتن: ياسلام يافاتن من ايحين ؟ مااابش وبس. فاتن : اتصلت لدعاء تعتذر لها.. دعاء: خلاص لاتزعليش ولا شاقلش لو جين او مع اهله. فاتن: يلا طز ابردي بيطررررق ملان الحوووش اسماء: هيااا اقطبي ياهديل. هديل: بتربط الثمه، وخرجت. روان اخت هيثم الصغيره : شجلس جنبش ياهديل. هديل: بنات لاتقلينش اني هديل فوق السياره قولين اني خبيرتكن. اسماء: حاضر عتجلسي جنبه ويعرفش هديل: لا اجلسي انتي هيثم : بيصييييح من الطاقه ماااالكن اطلعين تجابرين هنا؟ اسماء: فتحت الباب جنبه وجلست. روان: وهديل طلعين ورا. هيثم: بياشر لأسما بيده من ؟ اسماء: صحبتي عتجي معنا . هيثم: اهلا وسهلا. في حارتهم.. علاء: امانه انه ضخم ثلاثين الف ف الشهر سامي: انت صبح وانا عصر عسب الجامعه. علاء بفرحه: حاضررر امانه انه حظظظظ سامي: الرزق مايجيش لاعندك مابلا نسعى بعده له الحمد والشكر علاء: جي نجعل لايمن وغاده سامي: سير وانا ششتري فواكه لابي في السوق..بعد ما اشترين الفستان واكسسوار هديل : حااالي السووق قوي اسماء: ماقد خرجتيش؟ هديل: وانا صغيره مع امي الله يرحمها لوما كبرت خالتي بتشتري لنا طلعين السياره... اسماء: هييييثم الحق عربيه بطااااط هيثم:هذا جغبصه اشل لكن من مطعم انظف عشا روان: هيي انا بروست اسماء: انا برجر روان نسسسيت: وانتي ياااهديل هيثم بسررعه :لفت للمرايه شافها.... تصبحو على خير #bero_alkebsi |
https://upload.rewity.com/upfiles/dDi42811.jpg الكاتبة أخطأت في الترقيم المفروض هذا بارت 26 روان نسسسيت: وانتي ياااهديل هيثم بسررعه :لفت للمرايه شافها.... هديل خاافت من نظرته: سكتت هيثم : مسسسسك برررريك بقوووه. اسماء رزعت راسها : ماالك؟ هيثم بنبره حاده: من الي ورا ؟؟ اسماء افتجعت منه: هديل هيثم: وليش تكذبي؟ اسماء: قلنا نفعل لك مفاجأه. هيثم: ليش انا فارح بها لوما تفعلي مفاجأه مش طايقها في البيت تزيدين تخرجنها ؟ هديل: ليش مش طايقني في البيت ؟ رجعني بيتنا. هيثم:ارجعش خزيمه مابلا .. اسماء: خلاص اهدأو مالكم ؟ هيثم معصصب: حسابي معكن بعدا .. بيت صالح سامي وعلاء وصلو فارحين بالجعاله والفواكه. افراح : كنت عتزيدهن للمه اديت بالعدد سامي: هن الكيلو ست خمس حبات انا زيدت حبه امد يوقع للكل. صالح: كلي سكته ياجنيه وتحمدي الله. سامي: اباااه باقي خبرر صالح: ماهو؟ سامي: لقينا عمل في بقاله كبيره. صالح: ماتفعلو؟ علاء: نشرف على ترتيب المواد الغذائيه. افراح : بكم؟ علاء: بثلاثين الف افراح: ايحين تبدأو؟ صالح: اصه اصه اتحاااكا سامي: نبدء من بكره. بيت عبدالرحمن.. هيثم هزر هديل وطلعو. اسماء وروان بيتشاورين في غرفتهن نجميه: هيا مالكن دخلتين سكته؟ اسماء: لو تبسري ابنش المجنون كيف فعل وصيح فوق مرته ماله بيقل ذوقه معها حريوه؟ نجميه بخوف: ماوقع ؟ البنات بيحكين لها... شقه هيثم.. هيثم مسكها من يدها بقوه: انا قلتلش ترتزعي ف الغرفه خرجه مابش ! ايش خرررجش؟ هديل : خرجت معك يعني مع من خرجت ؟ هيثم: وليش تخرجي معي اصلا ؟ هديل بتبكي: يلله اتصل لابي الان يجيلي الااان. هيثم: والله ماتبسري اتصال ليش او انتي وحدش مظلومه كلناا سوا خربتي حياتي بسببش البنت الي احبها ايش ذنبها. هديل: وانا مثلك ايش ذنبي ، لكن احمد الله فرصتك يلله رجعني ايش الي مزعلك؟ هيثم: طنن في كلمتها (فرصتك رجعني) نجميه طلعت: هيثثثثم هديل هديل : بتبكي وبتجهز ثيابها للشنطه. نجميه: راعي نفهم الموضوع مالك يا ابني الله يهديك.بس؟ هيثم: تخرج بغير اذن ليش ؟ ليش بيكذبين ويفعلين حركات.!!! هديل: سارت الديوان وبتتصل لسامي نجميه : الحق ابسر لاتتصل لاهلها خزاا هيثم : طز تتصل..يجو يشلوها مقلع انتووو السبب تحملو هديل: الوو سااامي جي ذلحين انا مراعيه لك. سامي : ماسمعش صوتها و كلامها السماعه خاربه صالح :من اتصل سامي بعصبيه بيدق التلفون: مدرري السماعه بنت الكلب خاربه ..خايف لايكون من العمل.. المعذره للتاخير ..بعد ساعتين سانزل لكم البارتات بعد بعد.... #bero_alkebsi |
https://upload.rewity.com/upfiles/CRq43110.jpg هديل : الوو سااامي بتسسسمع ؟؟ هيثم: هزر السماعه وغلق نجميه: جيلها بالهدوء دلا دلا عليها انت محاسب على كل شي قدي في ذمتك. هديل : بتبببكككي نجميه: حضنتها ونزلتها معها هيثم : مسك راسه وجلس ارتززح بيت صالح .. صالح: هياا ذلحين ماهو...مادريت من اتصل؟ سامي: لحظه الان سبرت السماعه شاتصل بهم. غاده وايمن بيتضاربو.. صالح:اصاااه ادخلو ياجن الغرفه. سامي: الو اخي من اتصل من هنا ؟ هيثم انحرج حس : من معي؟ سامي: معك سامي صالح... هيثم قزز: هاا بس هديل كانت بتتطمن عليكم. سامي: وينهي؟ هيثم: نزلت عند النسوان سامي: يالله خيرر ..اهم شي سلم عليها. هيثم : يوصل ..مع السلامه صالح : مايشتي؟ سامي: هديل اتصلت تسال علينا صالح: مالها هذه ماتعقل جالسه تتصل كل شويه عيب ماعيقلو بيت زوجها سامي: مافيها شي المفروض يديلها تلفون نتطمن عليها بس باذن الله اشتري لها اول راتب بيت عبدالرحمن..الليل نحميه بتشاور بنتها: سالنها جابرنها اي شي حرام. اسماء: حاضر هديل ملان عينها دموع: جالسه فوق سرير روان بتلعب بشعر العروسه .. اسماء: جي نسير المطبخ نطعمش اكله خاصه حقي انا وروان هديل: مشتيش اسماء: هياا هدوله امد نتم ونجي نتفرج فلم رووعه ونسمر. هديل ابتسمت: شارقد عندكن؟ اسماء: ايووه بكره مابش مدرسه عنسير نتكوفر للثالث. هديل : بس انا مارضيش هيثم. اسماء: ذكرتيني احاكي امي هديل: لاتقليش انا قلتلش عيصيح فوقي اسماء: تمام في الحاره...الشباب جالسين اكرم : (بالبنطلون الجنز وشعره بالجل ولابس في يده ربلات وجنان) سامي: اووو هوو من ايحين بتلبس اللبس ذيه؟ اكرم: ماله هوكه صح؟ سامي: حالي بس البنطلون قدو ساع حق البنات قصير وضيق. اكرم: انتو جالسين دقه قديمه. رزق: بالعكس قد سامي هوكه الحاره لبسه ضخم بس مش ضروري تلبس حق الصيع. اكرم: خاطركم كانت سياره مراعيه له راس الحاره...شباب بيطرقوو ويصفروو اكرم : سار لاعندهم. رزق: الى اين ياولد ايش معك اليوم؟ اكرم: نسير نهوك نقصد الله بكم من رقم .. سامي: الله يهديك. هيثم: جالس بيتذكرر كلام امه وبيفكر فاتن... في غرفه النوم عبدالرحمن: زوجناه يعقل وجالس بيجنن ..بكره مرته تلبس مع عيال عمه نجميه: حاكيه.. عبدالرحمن مسك تلفون البيت: هيثم انزل لاعندي البنات بيتكركررين في الصاله..وملين وشهن زبادي بيتصورين.. هيثم على نزلته :شافهن وقلب عيونه. روان اعوذبالله: على قد والولد. هديل: ضحكككت هيثم : لف لهن بقلبه وش... #bero_alkebsi |
https://upload.rewity.com/upfiles/xrd43218.jpg روان اخته الصغيره 5سنوات : مالك ابسر على مره معك قمر وضحكتها حاليه حرام عليك تبكيها عتدخل النار. هيثم : طنشهن ودخل لابوه. عبدالرحمن بصووت: اجلسسس هيثم شاف لامه: خير..وجلس. نجميه بهررت : ابوك بيقل للمه مرتك ماتلبس بكره مع عيال عمك. عبدالرحمن: مش قلت عتسافر؟ هيثم حك راسه: خلاص اجلناه معي امتحانات. عبدالرحمن بنبره حاده: وللمه ماتلبس مرتك ؟ هيثم: ناهي تلبس . عبدالرحمن: الزواجه يابني مش فرض اراء تفااهم قوتك وشخصيتك ماتبرزهاش هكذا ابرزها باحترامك لها. هيثم : مش شخصيه ولاشي بس بينأدبها مابتسمعني عبدالرحمن اشر بيده قبال وشه: سدو مشاكلكم بينكم مادخلني انا بس عليا انصحك واوجهك البنت ف ذمتك محاسب انت على كل شي. في الصاله .. هديل انحرجت لما شافها :قامت تغسل وشها. اسماء: ازنطي علينا غسلتي بسررعه لانش قمرر وماتحتاجي خلطات. هديل خزيت: لاا والله مابلا خزاا لحد يبسرنا هكذا بينخزا. اسماء: جبرش سيري غسلي بس.. هديل : دخلت المغسله جنب الحمام كانت غسلت بصابون.. وتم الماء خرجت مغمضه.. هيثم: ع خرجته من غرفه ابوه.. هديل: تكحولت بالمعقم(مدخل الباب) هيثم: مسكها .. هديل بتحسس ع يده: اسماء الماء تم شغلي البمبه...حست الساعه وشمه عطر.. هيثم فلتها وطلع : شغل البمبه على طريقه. اسماء وروان بيتكركرررين على هديل لانها مسكت هيثم بسام اخو هيثم17 سنه: دخل.. اسماء وروان صاحين: اخرررج. بسام: شاف هديل رجع من الباب. هديل: من هو مالكن؟ اين الماء اسماء: قد ولعها هيثم سيري هديل بتغسل: وذكرت انها شمت عطره وبتتذكر من مسكت. شقه هيثم هيثم : بيجابر فاتن ف الديوان.. فاتن: ضااابحه هيثم: ليش مالش ؟ فاتن: هكذا اشتي اخرج عرس احنب من يوصلني وماما تحقيق قبل الخرجه. هيثم: مابلا سوااا .. خواتي مابيخرجين الا معنا لاهو عرس . اسماء: هيا نطلع ندي بقيه اداتش وننزل نتفرج الفلم ونرقد.. هديل بضبح: هياا جين معي اسماء: يلله اطلعي ها. هديل : بتسمع ضحك اسماء نبعت للديوان: صررفوو من بتحاكي ياخي؟ هيثم بهرر واشر لها اصص: اخررررج وغلق الباب اسماء: اخرررج ! فاتن: هذه اختك ؟ هيثم: ايوه. اسماء:خرجت وغلقت هيثم: شويه واتصلش. فاتن: ماااعه ماااعه... هيثم : طرح التلفون ف الديوان وخرج شافهن ف الغرفه غلق ورجع. فاتن:هيثم عتوصلني العرس؟ هيثم: على طول انتي الا اؤمري *** الي يقول بينبرقطه وبالعاني اتاخر اقلكم الكتابه يشتي لها روقان وفرغه وانا اووول مابينفضى بينكتب ومثلي مثلكم معي مسئوليات وظروف لاتظنوو انها حرققه دم ووو المعذره للتاخير شازيدكم بارت #bero_alkebsi |
https://upload.rewity.com/upfiles/Xte43478.jpg فاتن:هيثم عتوصلني العرس؟ هيثم: على طول انتي الا اؤمري فاتن: لو تدرى عرس من ؟ هيثم : عرس من ! فاتن بتسمع امها: شاكلمك بعدا ...غلقت. هيثم: غلق تلفونه وقام يدور الملازم مالقيهن.. نزل البنات هدوءء ....منسجمات بيتفرجين فلم عمر وسلمى. هديل دمعت: يووو محلااااهم يجننووو اسماء: اذا عاد عتسمرين باقي الجزء الثاني هيثم دق الباب: ودخل. هديل منسجمه: بتتفررج ماشافته. هيثم : اين الملازم الي فوق التسريحه. اسماء: والله مالي علم هيثم: مادخلش انتي. تيه اين الملازم. هديل كانت بتلعب بشعرها لفتت له : ايش هن الملازم؟ هيثم: كتب ورق... هديل بنظره غرور: مدري وينهن..يمكن انك رجمتهن مع الصباغ هيثم عصب: وخرج السياره يدورهن..مالقيهن. البنات بعد ماسهرين لفجر يتفرجين الفلم ورقدين.. الظهر.. هيثم : رقد ماسارش الجامعه. عبدالرحمن: شل مرتك وخواتك للكوافير هيثم:تمام...سار لبسام يطلبه يوصلهن. بسام: تمام بعد العصر.. دعاء رسلت لهن للمجموعه حق الواتس ..بنات رايحه العرس فاتن شاوافيش بالتفاصيل اول باول فاتن: ايوه امانه مالبسين ومافعلين وكم عائلتهم ووو قدش اخبر دعاء: ياسعم ماتعرفيهم فاتن: مادراني بهم ماعرف الا اخته دعاء خاطرش اهلي بيداعوو قدهم خارج. فاتن: باي مراعيه لش. هديل: ليش مايفعلو لي تسريحه ساع حق الخميس حاليه. اسماء: هذا تاج يمني لازم تفعلي هكذا هديل: طيب افعلي حموره غامقه تيه قوووي فاتحه نجميه: مايناسبش لون فستانش يابنتي هكذا ارق فوقش. هيثم: مراعي فوق السياره يشلهن. خرجين وماشاف هديل وهي لابسه طلعين السياره وهو بيسوق رن تلفونه اسامه: اين عتخزن؟ هيثم: اشلهم القاعه وارجع البيت عتجي؟ اسامه: ايوه شاسبقك. هيثم: تمام بسام ف البيت مع عيال عمي وصلين القاعه .. هديل: مراعيه ف الغرفه توصل حريوه ويزفوهن لداخل.. اسماء: قد.جت مرت ابن عمي هيا تجهززي نزفكن. هديل: يوو واخطى بين النسوان اسماء: سهل لاتخزيش شفتي فلم امس كيف خطيت بين رجال ونسوان هديل: ايوه صدق تمام ماشخاف بدأت الزفه وبيزفو كل واحده باسم زوجها. دعاء: دكمت قريبتها الي عزمتها عرفيني عليهن. قريبتها: هذك مرت محمد وهذك مرت علي وهذك مرت هيثم ابن عمهن. دعاء بصوت هااا: من هيثم ؟ قريبتها باستغراب: ابن عمهم . دعاء: ابن عبدالرحممممن؟؟؟؟ قريبتها شافتهاا: ايوه مالش!! تصبحو على الف خير... #bero_alkebsi |
https://upload.rewity.com/upfiles/eK877981.jpg دعاء: ابن عبدالرحممممن؟؟؟؟ قريبتها شافتهاا: ايوه مالش!! دعاء مصدووومه: بتتفررررج لهديل. قريبتها: ماشاءالله مرت هيثم قمررريه بس صغيررره . دعاء امتلت عينها دموع على صحبتها: شاخرج امد اصلح شعري واتمرى وارجع. قريبتها: مال عينش؟ دعاء: الماسكرا الظاهر.. يلا امسكي بقعتي قريبتها: تمام بس اتغطي من التصوير.. دعاء: تمام. تمت الزفه جلسين ف الكوشه... هديل فااارحه مبتسمه: (داخل نفسها الكل بيتفررجلي حاسه نفسي اميره بس مش هم داريين على زوج يفجع اعظم من ابي عصبي.) الحراوي الي معها : مبصمات. هديل : لبست تاج يمني وفاعله تسريحه التاج ومكياج خفيف وفستان انيق مطرز . كانت ملامحها رقيقه وابتسامتها جذابه للكل. خاله هيثم: مرت ابنش زقعه قووي على قد بنات ماعدبش جهال ابدا. نجميه: والله انها فيها براءه وع نياتها البنت ترحم يا اختي. اختها عوجت فمها: والله ماترحمي الا انتي. بيت عبدالرحمن.. هيثم وصل رجم المفتاح لبسام: الرجعه ترجع انت عذرتك لان كان معك معهد. بسام: ماعد سرتش ابي قال اسير انفعه لو شي اني شليتهن ع طريقي...ادخل اسامه مراعي لك. هيثم: انبع اديلي ماء ثلج . اسامه: اين انت؟ هيثم: وصلت البيت ...كيفك.. اسامه رن تلفونه: الوو..احاكيك بعدا امل :اصبررر لاتغلق ..طلع صدق هيثم تزوج. اسامه: ناهي انا عند ناس ذلحين بينقلك. امل: قل لي ايوه او لا؟ اسامه: بعدا عنتفاهم مع السلامه...وغلق دعاء بعد ماتصلت لامل رجعت الصاله.. قريبتها: بتعرفها ع الاهل ...جالسات قبالها. دعاء: مبتسمه بتسلم. قريبتها: وهذك ام هيثم.وخواته...بتعرفها عليهن ام هيثم : لابسه زنه ومصر طالعي والذهب ومسبوكه. سوسن: جالسه جنب امها لابسه فستان فيروزي رقيق.. اسماء مقبوووله قوي: لابسه فستان وردي على طولها روعه.. وشعرها طويل. روان اصغرهم: بفستان ابيض منفوش وطوق ابيض دعاء مبتسمه لهن: اها ماشاءالله تشرفنا.. نجميه: سيري ابسري مرت اخوش لو تشتي شي او شي اسماء: حاضر. هديل ضااابحه: كانت بتجابر الحراوي الي معها وبتسمعهن بيتكلمين وين عيسافرين وكيف بيمزحو معهن ازواجهن.. قالين لها : وانتي ياهديل اين عتسيرو.؟ هديل: مدري يمكن الحديده ضحكين ..زيدي قليله جنبها بقعه ثانيه. هديل داخل نفسها: مش هن داريات مش هو راضي اخرج قلك بقعه ثانيه. اسماء طلعت لهن للكوشه: ها ياقمريات تشتين شي او شي؟ هديل: عاطشه بس.. اسماء: من عيوني الان... بعد صلاه المغرب...وصلو عيال عم هيثم يشلو نسوانهم....... #bero_alkebsi |
https://upload.rewity.com/upfiles/og178290.jpg بعد صلاه المغرب...وصلو عيال عم هيثم يشلو نسوانهم اخت نجميه: وابنش وين هو ماجا لمرته؟ صورتها جاهله بتجننه. نجميه: ماشي مابلا عنده خبرته .. سوسن بتتصل لهيثم: جي شل مرتك .. هيثم ضحكك: صورتش مخزنه يا اختي ...ايجين بجيلكم بسام؟ سوسن: خليه يجي ذلحين يشل البنات. هيثم: وانتو مع من عتروحو؟ سوسن: شاخلي زوجي يوصلنا اهم شي الان يجي بسام. هيثم اشر له: قوم اسير اديهم. نجميه بتشاورها: ليش تتصلي له ماعيجيش سوسن: خززا قبال الناس والله لاتجلس لاعشر مافرقت معه. نجميه: كنت شويه ونخطى لنا. سوسن: مايسبرش حين ظيوفكم هنا ...اتصلت لهم يجولهن وانا وانتو نروح بعدا. نجميه: سوا .. بيت صالح صالح: مالش ماتسيري اليوم مايسبرش افراح: اسير بالزنه نفسها حق العرس بغير جنان. صالح: مافيها عادها جديده افراح: مش انت داري كيف جين عندنا بلبس احلى من كسوه بنتك. صالح: قلعو عينش والطبيعه هذه.. سامي يشتي يغير موضوعهم: اباه بكره عنبدء العمل ادعيلنا. صالح: الله يرضى عليك. سامي : يلا سايرين الجامع. صالح: انا اليوم بخير..شلني معك. سامي: هيا اخطى ها. في الصاله...بيداعو عائله هيثم عبدالرحمن دعاء: بتسمع الاسم ومن داخلها قلبها بيفووور. اسماء وروان وهديل بيلبسين.. نجميه شاورت اسماء: يلله روحين وابسري طبيعه اخوش كيف هي لو هو بيجنن خليها عندكن. اسماء: حاضر روان: ماسكه يد هديل وبتخطى معههن. طلعين السياره...فررحين بسسسام. هديل: السلام عليكم بسام خازي من هديل:وعليكم السلام. روان: يابسام تيه الي ابسرتها امس وهي بالصابون. بسام: ناهي يالقنه اهجعي هديل ذكررت: اسمااااء اسماء: مالش؟ هديل: من الي امس مسكني لاتدرب ..هو عمي ولا من؟ اسماء: هيثم هديل: قد شميت عطره..بس ماتوقعت اسماء: ليش ؟ هديل: لو عليه لايدربني بالعاني مش يمسكني روان بتسمع كلامهن.. روان: الصدددق ياريت تزوجتي بسام. اسماء: مسكت فم روان بهررت لها. بسام: ماركزش وهديل: طنشت وسكتت اسماء:بسسسااام بسام: نعم اسماء: معك زلط بسام: كم تشتي؟ اسماء: اشتريلنا جعاله او شبس او اي شي بسام: ممم حاضر.. اسماء: قل لنا كم معك بسام: مش هو عليش تخورين وقلين بس روان: ساع هيثم امس عيرجع يفحط وللبيت. هديل: ضحكت اشترو عشا وعصاير وجعالات ووصلو البيت.. هديل: بدات تفك التاج اسماء: لااا خليه مالش مستعجله هديل: تميت العرس وبعدا ثقيل فوق الراس يوف اسماء:راعي ادعي هيثم اصوركم. هديل : لا ماشتيش ولا شاتصور معه... في الديوان.. اسامه: زي مافهمتك هذه تفضل طريقه لكم الاثنين لاتظلمها ولاتظلم روحك. #bero_alkebsi |
https://upload.rewity.com/upfiles/52978790.jpg في الديوان.. اسامه: زي مافهمتك هذه افضل طريقه لكم الاثنين لاتظلمها ولاتظلم روحك. هيثم: والله كلامهم اليوم تانيب ضمير ونفس الوقت ياخي انا تاااعب تخيل نفسك مكاني مادريت مااافعل ابي لو عصب وطردني من البيت اين شاسير وكم شاجلس في فندق ..وبهذله اسامه: احلى شي الي قلتلك ..استاذنك انا ذلحين وانت اطلع تم التخزينه براحتك وجابرها. هيثم: تمام. البناات ف الصاله.. هديل: ماشتيش اتصور ولا اسماء: ليش ذكريات هديل: صوريني وحدي ذكريات. اسماء: طيب يلا ابتسمي واوقفي هنا بقعه حاليه. هديل: وقفت مبتسمه. اسماء: امسكي الطرحه وافعلي حركات دلع هكذا هديل: واقفه على ماصلحتها اسماء ومغطيه وشها بالطرحه.. هيثم على خرجته: شافهن. هديل: خززيت وراحت للغرفه. اسماء استغربت : التفتا وهيثم وراها هيثم: مالها المدلوزه هذه اسماء بقلبه: انت اخبرر ..فلتته وتشتي تدخل الغرفه هيثم مسكها من رقبتها: غاثيه مني من امس؟ اسماء: ماشي عادي بنتصايح واصل ..بس لو اتزوج وزوجي يفعل مثلك ماعتفعل انت؟ هيثم سحب يده من فوقها: لو هو مغصوب لاعذره اسماء: تعذره وبيبهذلني هكذا! هيثم: ماعاااش ولاكان من عيبهذلكن وانا موجود. اسماء: اهاا حقك حق وحق الناس مرق هيثم: مش هو عليش عادش صغيره ع هذا الكلام ...وطلع شقته.. هديل : كانت بتلعب هي وروان بالعرايس حق روان. روان: هيا نلعب غدا وعشا هديل: لبكره ذلحين تعب بعد العرس روان بزعل: تمام. هديل حضنتها : وبتساليها لاتزعليش ...فقدت لاختي قووي هي في سنش روان: ايش اسمها؟ هديل: غاده روان: معها لعب خيرات مثلي؟ هديل: لا ..معها عروسه واحده. اسماء دخلت: مابتلعبين نلعب مع بعض ! هيثم مفكر عيطلع وهديل ف الغرفه.. فتح الباب دور : مابش حد وعاد البردات مرفوعه ماتغلقت.. خرج الديوان نفس الشي. وقف ف الدرج وبيداعي... روااان . روان سمعته: قامت خرجت للصاله وبتتفرج له لافوق هيثم ماسك الدربزين: وين هديل؟ روان مسكت خصرها بدلع: بتلعب معي ماتشتي منها؟ هيثم: قليلها تطلع ذلحين. روان : قوا خليها تلعب معي هيثم بهرر: كلمه واحدده ..قليلها تطللع الااااان. روان زعلت :دخلت للغرفه ..جاووبي هيثم. هديل استغربت : انا !! روان قد عتبكي: ايووه. هديل: لاتبكيش جي نلعب طالع يلله لفيهن والحقيني اسماء:روان لابعدا وهي تنزل ساع امس. هديل: ايوه ياروان...وخرجت.. عبدالرحمن : شافها .. هديل: سلمت عليه... عبدالرحمن: ولابسرتكم من العرس اين جا هيثم نتصور جمعه. اسماء: اطلع ادعيه ؟ عبدالرحمن: ايوه.. #bero_alkebsi |
https://upload.rewity.com/upfiles/ywl79040.jpg هيثم بضببببح بيهم ابوه: نززل. عبدالرحمن: هيا اوقف شق مرتك نتصور جمعه..اين جت الحجه حقي بتصلي؟ اسماء: ماما عادهم هانك عبدالرحمن : ليش جيتين؟ اسماء: عيال عمي جو لنسوانهم وماما قالو نروح مع هديل. عبدالرحمن لفت لهيثم: ايحين سرت لهن. هيثم: بسام اداهن. هديل موطيه راسها: خازيه من عمها وخايفه منه ماقد تعرفه. عبدالرحمن: هااا ياحريوتنا مرتاحه. هديل شافت لهيثم وشافته: ابتسمت ايوه هيثم ركز ع ملامحها: وبيتأمل ابتسامتها ونظراتها عبدالرحمن مسك هديل بيد وهيثم بيد: هيا صورينا يابنتي . روان : واقفه قبالهم.. اسماء: صورتهم.. عبدالرحمن: سيري تصوري معهم وادي اصوركم. اسما: بالعاني وقفت جنب هديل هيثم مبصم: وقف جنب هديل هديل: مميله شوويه من هيثم وماسكه اسماء. عبدالرحمن حسس بتصرفاتهم ان في شي: هيا اطلعو شقتكم اسمروو.. دعاء روحت: وصلت تتصل لفاتن خلص رصيدها...بترسل يرجى الاتصال بي ولافاايده.. فاتن اتصلت ل امل: بنات مانطقم شنط بكره للجامعه؟ امل تنهدت بقهر: مش وقت الطقام والخباله. فاتن: ليش مافيها، امل: ضابحه.. فاتن: مالش ياروحي؟ امل: بكرره شاكلمش فاتن: تمام..غلقت وبتتصل لهيثم...مابيرددد بيت عبدالرحمن.. اسماء: هدوله نتعشى اول وبعدا اطلعي هديل خزيت : بتبهرر لها. هيثم: تشتي تتعشي معهن تمي والحقيني..طلع هديل طنشته: وابتسمت لهن في الحاره..مجتمعين زي كل مره رزق : سامي ابردلك من اكرم يدي كلام ف الهوا معي لك كفيل وتدفع له بعد ماتشتغل.. سامي: هيا لكن وروونا ماهكذا بنتشووق رزق: بس لازم تجهز لك ع الاقل ميه الف . سامي:خلاص ثلاث اشهر اشتغل واسير رزق: تمام ولو تشتي بسلفك. سامي دق ع كتفه: الله يبارك فيك. علاء: اكرم ولا له اثر سامي: ذلحين بيلقط ارقام ع قولته الله يهديه ويهدينا جميعا. البنات تمين يتعشين ..وصلت نجميه وسوسن وبيتجابرين.. هيثم طلع : شاف مكالمه من فاتن ...عاد الاتصال. بيت صالح.. سامي دخل البيت:مسك كتبه وبيذاكر ذكر رهام رسل لها :(اخيراا بعد شهور باتقدم لخطبه حبيبتي) رهام فرررحت وردت: (بشررني ايش لقيت عمل؟؟ سامي: نعم امد اخطبش واسافر اجمع مهرش. رهام: فين عتسافر؟ سامي: السعوديه رهام: يووو لا بيجعجعو باليمنيين. سامي: كل بقعه جعجعه ..لكن جعجعه واقدر احقق حلمي ولا جعجعه واحنا مطننين وبيضيع العمرر.. رهام: بس خايفه عليك الصدق ابردلك بس سامي: على الله عادو مجرد تفكير لما تتسهل.. بيت عبدالرحمن.. نجميه:تميتين تتعشين، يلا يابنتي اطلعي عند زوجش. هديل تنهدت بضبح: حااضر ...وطلعت. تصبحو على الف خير #bero_alkebsi يمككككن لووو قدرت انزل بارت بس وووعد احاووول القى وقت واكتبه سريع.. |
https://upload.rewity.com/upfiles/pvX79229.jpg هديل تنهدت بضبح: حااضر ...وطلعت. هيثم: بيتكلم مع فاتن.. فاتن: اليوم اهلك راحو عرس بيت عمك؟ هيثم استتتغرب: ليششش مادراش ؟ انتي سرتي؟ فاتن: مالك ارتبشت؟ هيثم عصصصب بيصيح: تحاااكي من عزمش وسرتي او لا؟ هديل طلعت:واقفه ف الباب هيثم : اشرلها بيده تراعي. هديل: راحت غرفتها فاتن: بنات ف الجامعه كانين معزومات وقلتلك مابش من يوصلني ..مالك شكلك فررحت صح اني رحت؟ هيثم: يعني مارحتيش؟ فاتن: لا هيثم يلا باي ...غلقت هيثم اخذ نفسس غمض عيونه بقوه: غلق التلفوون وخرج لغرفه هديل. بيت صالح..ف التلفون سامي : بشتغل في سوبر ماركت. رهام (فكرت محاسب): حااالي امدد قوي رووعه اخيرااا يارب يفرحنا. سامي: امين ..شاتعب بس مش مشكله مادام امنياتي عتتحقق رهام بدلع: وايش امنياتك؟ سامي كثيييرر يارهام: اولا ابي واهلي وثانيا اخطبش ثالثا نفسي اناا. رهام: امم فكرت انا اول امنيه. سامي: انتي امنيتش وحدها .. بس باقي امنياتي ضروريه عليا. رهام : والله وانا مش ضروريه؟ يلا شكلك نوم تصبح على خير. سامي: وانت من اهله اشوفش بكره . في غرفه هديل.. هديل: بتبعد التسريحه وتفكفك شعرها وقع بطوله روووعه كله كيرلي .. هيثم دخل :جلس فوق السرير يتفرجها وهي قدامه جالسه قدام التسريحه هديل طرحت المساكات: والتفتت له وقفت. هيثم: هديل تمي وتعالي الحقيني للديوان اشتي اتكلم معش.. هديل بدون نفس: طيببب هيثم : رجع الديوان هديل :تمت ترتب الغرفه وتغير ملابسها،خلت شعرها مفتوح وراحت للديوان هيثم: اجلسي هديل جلست:نعم هيثم: انتي للاسف تحملتي ذنب اهلش زوجوش هكذا طمع وغصب على قولتش هديل: تزوجت غصب نعم غصب...بس طمع ليش او صنعاء حقكم ؟؟؟ هيثم: سكت.. هديل: تشتي تجرح تهزئ تقلل من قيمه شخص .... هيثم قاطعها: اسمعيني هديل : انت الي تسمع بينسكت لك كثير اذا بتهددني باخوتي مابسكت لك والله لاكلم عمي ..كل شي، ماقد تحاكيت بس شاتحاكى مبين عليك حاقد عليا.. هيثم عصب: اسمعي ماشقلش نازل بيت عبدالرحمن.. عبدالرحمن: سامر بيتفرج الاخبار روان بتجابر اختها: خايفه هيثم يصيح فوق هديل ساع كل مره عبدالرحمن سمعها: التفت لها ..ماهو ياروان ؟ روان: هيثم بيكره هديل ويصيح فوقها يابابا وهي حاليه طيبه وتلعب معي. عبدالرحمن: اتصل لهيثم ينزل هيثم: جاوب وقام نززل يجاوب ابوه.... زيدت لكم بارت لانكم تستاهلو اكثررر من بارتاات واقلكم تصبحو على الف خير.. #bero_alkebsi |
https://upload.rewity.com/upfiles/vAH00105.jpg عبدالرحمن: اتصل لهيثم ينزل هيثم: جاوب وقام نززل يجاوب ابوه.... نجميه بهررت لهن: قومين غرفتكن ذاكرين اسماء: شلت روان وخرجين هيثم نزل: مساءالخير نجميه: مساءالنور عبدالرحمن ماردش:بضبح اجلسسس هيثم : خير مالكم؟ عبدالرحمن: اشتي ادرى ايحين عتوقع رجال وتبطل حركات الحنق والمجهاله تيه !! هيثم استغرب : مااافعلت ؟؟؟ عبدالرحمن: زوجتك تعقل وتبدء تتحمل مسئوليه وتدرى انك انسان معه مسئولياات والظاهر عادنا زدت تحملت لي مسئوليتها جنبك. هيثم: هيا قد عتمنو على زواجه قلنا من اول ماشتيش عبدالرحمن عصصصصب: حراااام وطلاق انك لوما تبطل الجنان وتحترم مرتك وتصونهاااا اني لاقلب البيت فوقك وفوق امك الي ساكته لك. نجميه :وايحين سكت وايحين فتحت فمي ! هيثم تنهددد : لاتحرمش وتطلق ياباه مادخل امي ف الموضوع عبدالرحمن : ككككلمه وعشر سوى ..ادرى بس انك بتخرج غيضك في المسكينه تيه انو من بلاك. هيثم بضبببح : ان شاءالله . عبدالرحمن:يلله اطلع هااا. هيثم بضبببح قام هديل بتتفرج التلفزيون...رن تلفون هيثم. هديل بتتهجى الاسم ماعرفت بالانجليزي ورموز: الووو.. فاتن: بتسسمع سكته هديل: الوو! هيثم طلع: هزر التلفون من يدها..الو فاتن: ها هيثم العفووو جاوبتني اختك ..شاتصلك بعدا. هيثم:تمااام هديل بتتفررجه: مفجوعه من نظراته. هيثم غلق التلفون: ليش تجاوووبي تلفوووني ؟!! هديل: كان بيرن جاوبت هيثم: من سسسسمح لششش؟؟! هديل من صوته مغمضه عينها: متعوده اجاوب بيتنا لو رن التلفون هيثم: هذك بيتكككم هنا ماتدخليشش هديل :طنشت وقامت تشتي تخرج هيثم مسكها من يدها بقووه: ارتززعي هنا نتفاهم هديل دريت انك مغصوب وماتشتيني وو : خلاص اشتي ارقد. هيثم سكت : سيري اختمدي. هديل: دخلت غرفتها وغلقت الباب. هيثم ضااابح في الديوان: اتصل لفاتن مااردت ..رقدد. الفجر .. عبدالرحمن : طلع يقيم هيثم يصلي ..لقيه في الديوان راقد هيثم نكزز : شاف ابوه ..يلاه الان اتوضا وانزل عبدالرحمن مستغرب ليش راقد ف الديوان:اقطب بعدمارجعو من الجامع.. عبدالرحمن :متزاعلين او ايش؟ هيثم: انا ضابح منها. عبدالرحمن بصووت: غببببي هيثم التفت: مااافعلت كله غبي!! اعاقبها. عبدالرحمن:تزيد تعلمها انت الحنوقه بالاسلوب هذا هيثم : سكككت.. روحو اصتبحو ..ودخل يكمل النومه هيثم.. في الجامعه.. دعاء : بتتفرج لامل امل: الصدق مش عارفات كيف نصدمها فاتن وحشششتني ياعسولات كيف انتين: بتسسلم امل ودعاء: بيتفرررجين لبعض فاتن : مالكن ؟؟ #bero_alkebsi اليوم مشغووله شويه..صبركم عليا واول مافضى بكككتب بارت باسرع وقت♡♡♡♡ |
https://upload.rewity.com/upfiles/Mdz00414.jpg فاتن وحشششتني ياعسولات كيف انتين: بتسسلم امل ودعاء: بيتفرررجين لبعض فاتن : مالكن ؟؟ دعاء دكمت امل: كلميهااا امل: كلميها انتي الي سرتي فاتن مانتبهتتت : ايووه صدددق مراعيه للصبح يطلللع ادرى مافعلتي ؟ ابسرتي امه !! كيفهاا مشيكه صغيره كبيره طيبه شريره !! دعاء: بتتفرجها وتتفرج امل. فاتن: ابسرتيهن !! دعاء: ايوه امه لابسه زنه ومصر ودلع وصغيره وحاليه وكل شي ماعرفش طيبه او مع ماجلستش معها فاتن مسكت اللثمه:صرفوو مالش بتتقاررحي!! بيت عبدالرحمن نجميه: امس ابوش فعل له محاظره تبرد القلب سوسن : سووا ..بس عادني نزلت ذلحين ليش راقد ف الديوان ! نجميه: اطلعي افعلي له كلمتين ابوش ماعيزيدش يتحاكا سوسن : ولايهمكم ...طلعت هديل قامت : رتبت الغرفه وخرجت ملابس هيثم وملابسها الملبوسات وبتمسح المرايه والمكياج حقها سوسن دقت الباب وفتحت: مابتفعلي ياقمر بينسمع القلفده هديل: امسح مكياجي سوسن ضحكت: مكياجش بس ..شافت الثيابات وهولا ماهن؟ هديل: يشتين صبان شاغسلهن لما يقوم هيثم لاينكز سوسن: ماعليش الشغالات يصبنين لش ناوليهن. هديل ابتسمت لها: حاضرر سوسن : اسير ابسر هيثم تمي عملش ف الديوان.. هيثم ملفوف بالبطانيه :نوووم ومغطى بالوسايد سوسن : ماهو هذا الرفيس ؟ هيثم نكز: برررد والفرش مايريحش قد ظهري مكسور سوسن: تستاهل ما كلف الله عليك. هيثم : طنشهاا سوسن: ابي بيجنن نازل وقال حرم وطلق وانت جالس بتواصل الخباله مالك ماتدخل غرفتك افرش لك ف الارض هيثم دخلت الفكره راسه : اممم طيب ياجدتي اين جو حبايب خالو فقدتهم سوسن: انزل مراعين لك هيثم: يلا الان البس وانزل. في الجامعه.. سامي: بيتفرج لرهام وفارررح بيتفرج الساعه كل شويه متى يبدء عمله. رهام بتكلم صحبتها: حالي قوي وانيق ويبان عليه شخصيه..بس عيبه فقرره. صحبتها:عمررر الفقر ماكان عيب مادراش الله ويوقع غني؟ رهام: ناهي لش عتفتي ذلحين لولا الفقر ذيه ان قد خطبني وان معه سياره افشر به قبالكن. صحبتها: شلووش .. ماتحبيه؟؟ رهام: الا قوووي ...وماشلقاش حد يحبني ويدلعني مثله. في مكان ثاني.. دعاء: فاتن ابسرري نشتي نكلمش انا وامل بموضوع فاتن : مالكن يبستين قلبي تحاكين !! دعاء: مارأيش لامل اذا اكتشفنا ان اسامه برغم انه بيحبها بس تزوج من وراها سكته وماقالها !! فاتن مسكت قلبها: امل اساااامه تززززوج !!!! دعاء:ماعليش من امل الاااان ...قليلي ماتنصحي صحبتش ؟؟ امل : بتشوفها ومدمعه عليها فاتن مسحت دموعها: ولاتبكي ولاتأسفي به طززز احرقي قلبه اناااا اقلششش كيف استمعيني... #bero_alkebsi |
https://upload.rewity.com/upfiles/Xl800648.jpg فاتن مسحت دموعها: ولاتبكي ولاتأسفي به طززز احرقي قلبه اناااا اقلششش كيف استمعيني... امل مصدومه تتفرج دعاء وفاتن: فااتن اسمعي ؟ فاتن: ولاتبررري ولاشششي ما اسمع ؟ قليلي خدعش كل الفتره الي سارت ؟ امل : صلي على النبي فاتن: عليه افضل الصلاه والسلام ... امل: ولو اقلش انه هيثم الي تزوج فاتن : واقفه بتتفرررجهااا دعاء شاافت لامل بنظررره: مالششش!! امل: مش احنا وهو نخبي عليها تدرى ..ابسرتها بتنصحني ساااعه فاتن: جلست فوق الكرسي مطنننه دعاء: والله مايستاهل تغثي عليه فاتن: مالكن بتتخيبلين عتجنني كيف تزوج؟ دعاء:احسن انش ماجيتي امس ..وابسرتي مرته كنتي عتصدقي وتسمعي بنفسش الزفه. فاتن دمووعها نزلت: بناات مابتقلين ! هيثم ايحين تزووج بيجابرني يوميااا مالكن ! شقه هيثم.. هيثم: شل بطانيته ودخل الغرفه يرقد. هديل : تمت ترفع ..نزلت.. نجميه: جي اصتبحي هديل:قربت تصتبح هيثم تقلب تقلب :.طار النووم..نزل يصتبح ف الجامعه.. فاتن: مصدقتش والله لابينكذبش ولااا شي بسسس اشتي اتاكد بعيني دعاء: بس جنان ماعتفعلي؟ فاتن: اروح للبيت ابسرها امل: بس جنااان فاتن: قوااا معي فكررره نسير لبيتهم ياسعم يا امل تتقدمي لاخته مارايش قوا امل: بس خباله ليش انا تسير دعاء لو يعرف اسامه دعاء: يا ذكيه انتي وهي يعرفوني اكثر منكم. فاتن: وانا لو اسير افرضي لما يخطبوني يعرفو ! دعاء: مايخطبوش عتتزوجي مزوج خبى عليش؟ امل تحمسست: انا شاسيرر وانتين راعين خارج فاتن: يلا دعاء: والمحاضرات ؟ امل: اكتبيهن لنا...باي امل: تعرفي البيت ؟ فاتن: ايووه ..قد شرح لي مره ..وجينا بيت من اهلنا هنا وابسرت بيتهم. بيت هيثم ..تمو يصتبحو هديل : قامت للمطبخ. نجميه خرجتها: انتي حريوه اطلعي البسي واجلسي هديل: وافعل حموره؟ نجميه ابتسمت لها: بسام في المدرسه ذلحين ومابش حد ف البيت افعلي ماشتيتي. هديل هزت راسها : وطلعت. لبست بنطلون ابيض وبلوزه زهري وفعلت حموره وخلت شعرها مفتوح.. وبتتمرى نفسها هيثم :دخل الغرفه هديل حانقه منه: على نزلتها هيثم: معي لش كلام لما تطلعي. هديل: حق كل مره قد انا داريه.. هيثم : قلت كلمه فاااهمه هديل ببرود:ان شاءالله..نزلت دق الباب.. نجميه: اسكه ابسري من ؟ هديل: حاضر...مسكت سماعه الجرس وبتجاوب من ؟ نجميه :من؟؟ هديل: نسوان. نجميه: عيسس حين لبستي هيا ابسري محلاش تشتي تدخلي مطبخ بيت عرس وحريوه تدخل مطبخ،؟ هديل: ابتسمت لعمتها البناات دخلين.... الان بكتب بارت... #عطرو فمكم بالصلاه على النبي #bero_alkebsi |
https://upload.rewity.com/upfiles/C7Y01135.jpg البناات دخلين.... فاتن دخلت الحوش شافت سيارته: وملان عينها دمووع. امل: بس خباله اشتحطي ماشي خرجنا. فاتن: لاتقليش بسمنا ولانفتش امل: حاضر نجميه: اهلا وسهلا امل: سلمت على نجميه وواقفه وراها هديل سلمت عليهن. فاتن شاااكه بهديل شكلها حريوه : سلمت عليهن. نجميه: حياا ادخلين الديوان .. امل: العفو ياخاله جينا بلا موعد.. فاتن دكمتها: ماشاءالله بنتش ؟ تشبهش ياخاله. نجميه:تيه مرت ابني. فاتن حست طعنه : لفتت لامل. امل : المهم ياخاله جينا امس عرسكم واعجبتنا بنتكم الكبيره سوسن. نجميه ضحككت: سوسن قدي مزوجه.. هديل: افتشين ؟ فاتن: تسلمي مراعين لنا ف التكس ولاقد فتشنا عتخرب اللثمه..انتي مرت بسام ولا هيثم؟ صاحب اخي هيثم هديل بملامح عاديه: هيثم فاتن ماحسست بالغررفه بتلف: طيب نستاذنكم ونجي زياره افضل من هذه. نجميه مسسستغربه : بس ماقلتين من انتين او بنات من ؟ فاتن قامت : بتتفرررج لهديل وعينها ملان دموع امل (مشعت لقب ): احنا بيت ال... نجميه: حياكن الله ..ماجلستين حتى نظيفكن بعصيرر .. فاتن قدي باب الديوان: والله معاجله يا خاااله مراعين لنا.. باي.. امل: لحقتها لباب الصاله.. هيثم من غرفته بصووت: هددددديل يااا هددديل. نجميه : اطلعي ابسري زوجش فاتن صوته ربشها: لبست الجزمه بالمقلوب(عزكم الله) وخرجت.. امل: بعدها. فاتن: قرحت بككككيت. امل: طلعتها التكس وجالسه تهدأها فاتن مصدووومه: بتبكككي ومنهاررره. امل: خلاااص يافاتن خلاص طز فاتن ببكااااء : بيداااعيها ياهديل !!! شقه هيثم.. هديل: نعم ؟ هيثم بيتفررجها : اين عتسيري؟ هديل عوجت فمها: ولامكان ..قالو حريوه نلبس. هيثم: اجلسي اكلمش هديل: جلست هيثم: مارايش نتفق انا وانتي ؟ هديل استغربت: ايشش ؟؟ هيثم : الان البسي نخرج تبسري اهلش ولما نرجع عصر نتجابر. سامي: ايوه بشتغل في سوبرماركت .... رهام بتفكر بفكره تسير تزوره: خلاص شاطلبهم احاكيك. سامي: ولاعتطلبي حد شاراعيلش ف الباب رهام: متى رايح؟ سامي: الساع3 رهام: يلا ساعه ونص واخلي اهلي يدونا وامر لاعندك. سامي:اهم شي ابسرش. فوق سياره هيثم... هيثم وقف عند بقاله: انزلي اختاري مانشل هديل نزلت : بس مارضيت تختار شي. هيثم: نقى على ذووقه واشترى فاكهه وسارو.. مكان ثاني دعاء: وينكن قلللقت الساعه 2:30 امل: خليها ع الله..فاتن انصدمت وبكيت ودوخت واسعفتها مستوصف وفعلو لها مغذيه وابر مهدئه والان اشلها بيتهم جي لابيتهم نطمن عليها. تصبحوو على الف خيرر #bero_alkebsi |
| الساعة الآن 07:04 PM |
Powered by vBulletin®
Copyright ©2000 - 2024, vBulletin Solutions, Inc.
