07-03-17, 07:41 PM
| #441 | ||||
|  مساؤكم معطر بالنرجس 🌼 ومساء خاص لكريستال مغلف بالورود والرياحين🌷 البارت نقلة نوعية ومفاجآت 🎉 نوير وبتار 😍 أبدعتي يا كريستال في وصف أحداث الملكة ومشاعر نوير لحظة بلحظة عشناها إلى أن أغمي عليها من الخوف 😅 يحليلها .. وبتار الفارس المغوار 😆 بانت مشاعره أكثر في هذا البارت من خلال وصف الجدة لما قالت انه انتفض من خوفه عليها. وخجل نوير لما عرفت شي ثاني 🙆 نقدر نقول إنها بدت تغير وجهة نظرها تجاه بتار .. عواد ونادية 💜 طلعوا متزوجين جا في بالي هالتوقع لكن ما كتبته للأسف 😑 وباين من خلال البارت انهم متزوجين حبر على ورق بس هذا توقعي 😅 وكل هالحقد من أم عواد لنادية عشان أبو نادية متجنس 😕 يعني ألحين من طرف أم عواد يعرفون إن عواد متزوج وباقي بس من طرف أبو عبدالله اللي ما يعرفون ؟!😓 أتوقع أم عواد وزوجها وأهل نادية اللي يعرفون بس .. و زوج أم عواد ينطبق عليه المثل ضربني وبكى سبقني واشتكى 😅 جلوي ونوق 😨 شو سويتي يالنوق الله يهديك . يا ترا ليش تبغى ترجع الجازي لجلوي ؟ عصرت مخي ما طلعت الإجابة معي 😆 أتوقع بهذا التصرف تبغى جلوي ينقهر منها ويتركها 😣 يمكن ولكن بينقلب السحر على الساحر وبتكبر نوق في عين جلوي أكثر 😃 بادي سجى شخصية جديدة أتوقع بيكون الها دور كبير في أحداث الرواية وبتعاني مع بادي كثير لأنه يحب نوير وما أعتقد بسهولة بينساها😯 شيما ومتعب شيما خوافة من الأول وبعد ما هددها متعب في أول لقاء بينهم خافت أكثر وألحين فضية تبغي تجمعهم لو يعرفون شو سوا فيها متعب كان صارت علوم 😂 بس أتوقع بيجتمعوا هالإثنين وبيتزوجون في النهاية نورة وفيصل 😂 الموقف اللي صار بين الأم وولدها ضحكني واجد . يستاهلون واللي جاي أعظم بس اصبري شوي يا نورة 😈 أم جلوي 😒 ألحين عاد احلوت في نظرش النوق 😏ها يا راعية المصالح . أتمنى عاد تعرفين قدرها وقيمتها بتصرفها هذا وتراجعين نفسش على اللي سويتيه فيها قبل ☝ هذا اللي طلع معي ومتشوقة للبارت القادم جدا جدا 💜 تحياتي للجميع 💝 | ||||
|  |
|
07-03-17, 11:13 PM
| #442 | ||||||||||||
| نجم روايتي ومشاركة بمسابقة الرد الأول وابنة بارة بأمها 
|  مساءكم شعر  ء في ابيات قراتها اليوم وجاءت في بالي نوق ي جماعه  وحسيت انها تنطبق عليها اول مطلقه جلوي يوم اتهمه بالسرقه وحبيت ادونه هنا لكم خذيتني وأسرفت../ فيني وصديـت..= خليتنـي وأقـف بـعـز أنهـيـاري ذبحتني ,,/ وأعلنت ذبحي وناديـت..= صوت العزا واضح وعنـدك قـراري أثنيتلك (( نفسي وروحي )) ومديت..= باقة سنين العمر وكنت أختيـاري..! أجزمت في حبك تماديـت وخطيـت..= غلطة عمر والحيـن هذا../أعتبـاري أهديتلك ,, قلبي ,, وشوقي ,, وخليت..= ذيك المعانـي تحتظر بـ إحْتظاري" ماكان له داعي "حبيبي" تخلّيت..= تركتني (شمعة حزن) وانت داري.. اني لغيرك../ لا حشا ما تدانيـت..= باقي على عهدي صدوق(ن) وجاري" مع السلامة .. ياعشيري .. وياليت= تذكر هوانا .. كل ماجاك .. طاري ! اتركم في حفظ الله وتصبحون ع خييييير  | ||||||||||||
|
| |
|
08-03-17, 01:52 PM
| #443 | |||||||
| نجم روايتي 
| ردي على تعليق ( فتاة طيبة) أولا وأخيرا وجهه نظري انا مو تحيز لكن واقع هو في حياه نوق أولا : كلهم ضحايا صراحة هو يحبها وهي تكرهه .. وجهه نظري آلام نوق النفسي أكبر يعني صراحة م عملوا خير من رجعوها له نفسيتها في الحظيظ وفوقها صابرة صبر ثانيا : هم اتهموها أنها سرقت ولا اشوف جلوي عطاها فرصه تتكلم وفوقها كان تحت تأثير الصدمة وكيف تبونها تبرر وهو على طول طلاقها ثالثا : المفروض يعتذر من رجعها على ذمته بالعكس يجرح زود وفوق الجروح رجوعها له بالحيله وفوقها هي م تبيه نسته نست حياتها الله عوضها في عبيد وعرفت الحياة معه .. كلهم تزوجوا صح لكن هو لازالت في باله م نساها ويدور في الحريم إلي فاقدة وهي العكس عاشت حياتها ونسته رابعا : كلنا عارفين أنها م تشرطت وهي مثلهم انفجعت في الشروط من قالتها أمها في المجلس وبالعكس تنازلت عن المؤخر وقالت له سبب التنازل كان واضحه معه من البداية بعدين جهلها عارفين رفض أبوها يعني شي مو منها أن رافضه تتعلم بس م يمنع أنها تتعلم في البيت واتوقع الظروف م كانت من صالحها أبد .. أما جسمها أكد لك أنها مريض في مرض لكن ايش مدري بالضبط لأن سمنه مو من الصغر لا من بعد العشرين .. م تشوفون أنها انخذلت من أقرب الناس مثلا أبوها أما الحيله هو الي جابها لنفسه وهو الي سعى لها يتحمل م يجيه وكان واضحه معه من البداية في علاقتهم لكن هو غبي او يتغابى ومصر انه في قلبها شي له طير .. وبعدين نوق م تعرف ايش تبي بالعكس عارفه ايش هدفها والدليل مساندة أمها لها عارفه انت بنتها قد الثقة وعارفه ايش هدفها وبعدين عارفين ان نوق شخصيتها قويه من كلام نوير لكن الي مرت فيه ضعفها اما مسأله ترجع الجازي لجلوي ترى بيده يرجعها أو لا يعني لازم شروط الرجعة وبعدين حركتها أنها جابت الجازي ترد له طريقتة من رجعها له بالحيله ومن له حيله فاليحتال وهي هذه حيلتها وفوقها راح نشوف ايش تسوي في أم جلوي .. | |||||||
|
| |
|
08-03-17, 02:37 PM
| #444 | |||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
| اقتباس:
اخت آمال عيد حضرتك عضوة قديمة ولك التقدير والاحترام ودائما ردودك مميزة لكن جل من لا يسهو أولا : العضوة المذكورة عضوة في منتدى ثاني وردها غير موجود بيننا فالقارئ بعد ما يقرأ ردك سيبحث عن رأي العضوة فتاة طيبة وهذا بمثابة اعلان عن منتدى ثاني وهذا مخالف لقوانين المنتدى لأنه بين سطور تعليقك كأنك تذكري ضمناً البحث عن ردها وقراءته. ثانياً : كمشرفة أرى أن لكل عضو حق في الرد وإبداء الرأي فاختلاف في الرأي لا يفسد للود القضية اختلفتي معها مو بضرورة تردي عليها في العلن على الأقل كان بإمكانك في رسالة خاصة بينك وبينها وأخيراً : لك ولغيريك لا نريد حرب بين المنتديات كان المفترض ردك يكون في المنتدى اللي ردت فيه العضوة فقط نحن ليس لنا علاقة باختلافك معها حتى تنقليه عندنا هنا وحتى لو كانت هي هنا بيننا ، فأنت لك الحق في الاختلاف مع الكاتبة وكتابة رأيك لكن مع عضوة مثل ما انتي عبرتي عن رأيك هي عبرت حتى لا يصبح قيل وقال بينكم وكل وحدة تتشبث في رأيها وتصير الرواية ساحة قتال..... في النهاية استمتعوا بقراءة الرواية واكتبوا رأيكم وكل واحد حر في رأية عقلة في راسة يعرف خلاصة بالتوفيق لك اخت آمال نرجوا منك العودة للمشاركات الهادفة و تذكير مني هذا الرد وضعت نقطة آخر السطر وانتهى ولا أريد رد من قبلك بعد ردي عندك خلاف معي ردي علي برسالة خاصة مكان الرواية ليس ساحة قتال بين المشرفين والأعضاء..... شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية . | |||||
|
| |
|
10-03-17, 09:33 PM
| #445 | |||||
| نجم روايتي وكاتبة في منتدى الروايات والقصص المنقولة 
| السلام عليكم ورحمة الله وبركاته .. جدا جدا مستمتعه بالردود والخواطر والتعليقات والذائقه الشعريه المميزة يآل روايتي أحبكم والله يشهد .. وأعتذر فاليوم إلي قررت أرد فيه .. النت عندي سئ يادوب أبدخل وأعلق وأطلع .. تعرفون حجم محبتي وفرحي بردودكم وأنتظاري لها .. الله يسعدكم ويشرح صدوركم .. | |||||
|
| |
|
10-03-17, 09:43 PM
| #446 | |||||
| نجم روايتي وكاتبة في منتدى الروايات والقصص المنقولة
| الأقتباس من البارت القادم .. بناء ع طلب الكثير أنه ينزل منتدى بدل السناب . . . شد فيصل بجسمه لورا حتى تنفك أيدين بادي منه مستغل طيحته .. وبسرعه أنحنى ساحب العقال وبدى يضرب بادي ولا كأن الدم ينزف من خشمه .. غطى بادي وجهه وفجأه جر العقال حتى يسدد لكمة بكل قوته لبطن فيصل إلي ترك العقال وراح يركض بيطلع من الديوانيه .. صرخ بادي بقوة ووجهه صار أحمر .. " فككككني ياكلب .. فكني " دفع أيدين حمد من حول خصره وراح يلحق فيصل .. يصرخ بصوته " والله ما أخليك .. " حمد راح يركض وراهم بروعه ويصرخ " بادي .. باااادي خله " زاد من ركضه وهو يشوف بادي لحق على ركضات فيصل الغير متوزانه .. رماه على الأرض وركب فوقه .. حط يده على راس فيصل وهو يرصه بقوة على السيراميك .. صرخ بادي بحقد وقهر والمراره في قلبه ماتوصف " وش تبي فيني .. لمتى بسكت عنك ياحيوان .. تجيب سيرة بنت عمي وفوقها تحتسي عني بالمجالس يازباله " قام فيصل ينتفض والدم بدى يغطي وجهه .. عيونه فجأه أتسعت وبدت تنحرف عن مسارها .. ولون بشرته يتغير للأحمر ويد بادي الثانيه صارت ترص على رقبته .. لحظات حتى يرتفع بادي بقوة لفوق و يرميه عواد لورا بأقوى ماعنده .. يصرخ بوجهه " وش فيييك " ولا كانت هالرميه لها ذاك التأثير وهو يشوف فيصل يتلوى على الأرض يحاول ياخذ نفس .. وقف مثل المجنون وراح يركض بكل قوته حتى يوقف له عواد ويجره مع ثوبه .. يعطيه كف بأقوى ماعنده ويهزه وهو يصرخ بوجهه " تبي تذبح ولد عمتك .. " طلع بو عبدالله وهو يتعكز على عصاه ووراه أم عبدالله إلي صارت تضرب خدودها بقوة وترفع صوتها .. " وخر ياعواد عن بادي لا تلمسه .. لا تلمسه " عواد والصدمه باللي شافه ما أستوعبها .. ظل ماسكه يشد ثوبه من الصدر : ماتحتسي .. وش فيك أنت .. ( صرخ ) وش فيك ..؟ أبو عبدالله بخوف وخرعه حاول ينزل وهو بالعافيه ينطق : فكه ياعواد ..فك وليدي عواد بعصبيه : ولدك هذا شكله بيصير عبدالله ثاني ويجيب لنا مصيبه ! . . . كــــــــــــــــــــــــ ـــــــــــــــــــــــــ ــــــــت >>> النحششششه ..>> | |||||
|
| |
|
10-03-17, 10:01 PM
| #447 | |||||||
| نجم روايتي
| فيصل مو معديها على خير واضح من الاقتباس جاب العيد ومتكلم عن نوير عند الخلق وطبعا بادي ثار ومن الحب م قتل .. نقول نهاية فيصل على يد بتار أو مشاكل جديده بين بتار ونوير لحد الآن م ادري ايش تكلم فيه بس الواضح مصيبه 💔💔💔🔪🔪🔪🔪🔪 | |||||||
|
| |
|
10-03-17, 10:18 PM
| #448 | ||||||||||
| مشرفة منتدى الروايات والقصص المنقولةومنتدى الـروايــات الـعـربـيـةوعضو مميزفي القسم الطبي وفراشة الروايات المنقولةومشاركة بمسابقة الرد الأول ومحررة بالجريدة الأدبية 
| فيصل هذا ما تاب  وشكل تهديد بتار ما جاب فايدة  بس منو بنت العم  ان شاء الله ما تكون نوير  عواد يعني انت ما تعرف فيصل وسوالفه 😕 .. يا ريتك ما متدخل  | ||||||||||
|
| |
|
10-03-17, 10:36 PM
| #449 | ||||||||
| نجم روايتي وعضو الموسوعة الماسية بقسم قصص من وحي الاعضاءوفراشة الروايات المنقولة  
| عسى ايديك الكسر ياابن امك يافيصوله وانت ياعواد شفيك على بادي بادي تساويه بعبدالله ؟؟؟!!!! روح البس لك نظارة تعدل لك الرؤية يااخي | ||||||||
|
| |
|
10-03-17, 11:13 PM
| #450 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عليكم ورحمة الله وبركاته كيف حالك إن شاء الله دائما بخير ؟ عواد استلم بادي مو حباً في فيصل لا حرصاً على بادي بس ليش ربط موقف بادي في خنق فيصل بعبدالله هل عبدالله حاول يقتل حد من قبل موعدنا أحد الظهر ولا بالليل كريستالي ؟؟ شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية . | ||||
|
| |
 |
| أدوات الموضوع | |
| انواع عرض الموضوع | |
|
|
367Likes
العرض العادي
