17-09-18, 11:26 PM
| #6793 | ||||
| مشرفة منتدى قصص من وحي الأعضاء 
|  ليلتك سعيدة... تسلم اناملك الزمردية المبدعة المميزة والمتميزة على الفصلين الراااائعين... مهند يسعى نحو جوري مرة بتمهل ومرة بانفلات ولكن في جميعهم هو يسيطرة ويحسب ويترجع ليترك لها المساحة التي طلبتها وطبعاً لا ينسى في كل مرة ان يوضح ولو بلفتة صغيرة انه يحسن ( لن اقول تغير) من نفسه لأجلها ومن اجل يكسبها بجميع الصفات، واعتقد على مهند ان يحاول ان يدخل من هذه النقطة او ممكن فعلاً سيفعلها بمعنى انه سيعيد طلب يدها وممكن يعمل حفلة مع اني اعتقد سيؤجل عمل الحفل لان وضعه المادي الان يحتاج التقنين وخاصة بعد شراء الحذاء الأصفر اما مهند الاب فهو لا غبار عليه ... جوري تعلم ومتيقنة ان مهند اصبح يراها هي جميع النساء لكن تبقى كبرياءها التي تريد ان تذيقه عذاب ثلاثة سنوات وكسرتها التي كسرتها عندما كانت عروس مقبلة على حياة اعتقدتها انها ملكت فيها افضل واصلح زوج، الان جوري بيدها الحكم هل ستطيل فترة العقاب وماذا ينتظر مهند من امتحانات... افضل رد من رضا على خال شذرة الذي تذكر الان انها ابنة اخته يعني سمعتها تشوهت وجاء يولول سمعتها سمعتها واحضر لها الزوج الذي سيغطي على سمعتها ومن الزوج رجل كبير في السن الم يفكر لحظة انه بتزويجها من رجل متزوج وكبير في السن ولديه احفاد انه سيضر سمعتها ويتبث الكلام الذي قال انه بدأ يظهر لانه بديهي الناس ستفكر انهم زوجوها رجل متزوج وكبير لان فعلاً بها عيب لكن من الواضح ان الخال كان موعود بالمهر الذي اعم عقله عن التفكير المنطقي و، لحظ لحظة الخال يتكلم عن ان الناس تتكلم عن شذرة الم يفكر ان الناس تتكلم عنه وانه رمى طفلة يتيمة عند اقرباء بعيدين وهو خالها من لحمها ودمها ولا يزورها او يرى ما تحتاجه حتى ولو سؤال بالكذب لا هو فقط تذكرها عندما وجد من وراءها منفعة واعتقد ان جاءه المريض العقلي واخبره ما اخبره ولم يتقدم ذاك العجوز المتصاب كان اهملها ولم تتحرك له شعرة المهم اخذ جزاءه... زوجة الخال والتي ارادت صب الملح على الجرح تعتقد ان ابتهال او رضا سيهتمون لكلامها المسموم مع ان هناك فرق ف شذرة في فتاة في العشرينات ورفيدة في الثلاثينيات ولم يتقدم لها احد لخطبتها وبتفكير المجتمع هي اصبحت عانس وفرصتها كانت يونس العطار وليست شذرة الصغيرة التي تتمتع بالجمال واكيد الخطاب سيكثرون على باب بيتها لان هناك فتيات لا يخطبهم احد ولكن بمجرد ان تخطب او تفسخ الخطبة يتكاثر عليهن الخطاب بعدها ولكن لا نريد ان يحدث هذا مع شذرة رحمة ب خليل ... وعلى ذكر روفيدة فكرت لو الحاج يونس لازال على قيد الحياة واكتمل الزواج فما كان مصيرها فهي لم تنجب اطفال ويونس العطار تزوجها من اجل الولد الذي ما كان حصل عليه... شذرة امر صعب رؤية خالها اخو والدتها يتكلم عنها بهذه الطريقة وبدل ان يقطع لسان من تكلم وان تجد الغريب يدافع عنها وبشراسة، شذرة يكفيها انها وحيدة مكسورة الجناح ليأتي المريض عقلي وخالها ليجهزا عليها ولكنها كانت اقوى واكيد ستصبح اقوى مع خليل وهاهي اعطته الإجابة التي بردت قلبه وفهم انها له ولكن اخبره رضا اخبرته ليس الان الوقت المناسب من اجلها ومن اجله ايضاً... خليل لو يتصل كان اقترف فعل مجنون واعتقد ان وقوفهم على باب الصائغ والتي كانت مشاعره تحركه هو من جعله يتصل كي يخبرها عن مشاعره ويجد عندها ما يطمئن به قلبه ومشاعره وجده، ودورانه في الأسواق كي يشتري ل شذرة شيء اعتقد لانه يريد ان يكون معه شيء ملموس يثبت له انه لم يهلوس الإتصال وانها وافقت وان الدليل بين يديه لكن لقاءه ب رعد لم يسعف ليكمل المهمة واعتقد ان حالة رعد ذكرته بحالته عندما سمع خبر موافقة شذرة على مصعب... كنت اعتقد اذا تواجدت رقية وغيداء امام رعد سيستطيع التفريق بينهما سيكتشف الفرق لانه من الأساس يعلم الفرق داخله لكن المشهد كان متواجد فيه المراهق المصدوم بحبيته التي لعبت به واوهمته انها تبادله المشاعر ليكتشف انها تزوجت عمه ولم تكتفي بل جاءت لغرفته وكادت تجره لمعصية ومع انه يفكر انه فعلها حتى وان لم يتم الامر لكنه يشعر انه خان عمه وسقط، رعد تفكيره مشوش ولكنه كان كالعادة في صدمة مع غيداء ولكن مع رقية ظهر ذاك الذي اراد الانتقام من جميع الفتيات ولكنه كما اعتقد استخدم جديد مع رقية وممكن هو الذي يريد ان يستعمله مع غيداء لكن هناك ما يوقفه ممكن لانه يعتبر نفسه شريك غيداء ولكن مع رقية هو يريد ان ينتقم من نفسه ومن غيداء التي يراى رقية في صورة تماثلها وممكن فكر ان ينقد الدكتور سامان من براثين رقية بما انه لم يلحق وينقد عمه عبدالسلام، رعد يتخبط الان بين المراهق وغيداء ورقية والشاب الناضج واعتقد طلبه يد رقية هو طلب خرج دون تفكير ف اما خرج منه لأنه يحترم رضا ولا يريده ان يأخذ فكرة سيئة عنه وهو الذي فتح له باب ولان رعد كما ذكر عن نظرة رضا سابقاً، او انه خرج منه فقط كي ينتقم من رقية او ان عقله العاطفي هو من تكلم واطلق الطلب، ولكن لازال عندي امل ان كل مشهد يجمع ثلاثتهم هو بداية خروج رعد من ازمته وتصفيت رؤيته ل رقية وانه شتان بينها وبين المريضة غيداء، ومع ان رعد فأر امام غيداء لكنه يصبح اسد امام رقية... رقية اللبوة خرجت مرتين مرة عندما نطقت زوجة خال شذرة كلامها ولولا رضا ممكن اردتها قتيلة ولكن كنت اتمنى ان تلحظ ابتهال ان رقية لازالت متأثرة وان تتكلم معها والمرة الثانية عندما ونشبت مخالبها وايضاً من اجل رجل وهو رعد في المريضة غيداء وهذا اثبت ان رعد احتل مكانة جانب والدها عندها، وبصراحة انا خائفة الان على رقية لان تلك المريضة المجرمة ممكن تقوم بشيء ما ضدها والخوف لو اجتمعت مع حارث، لا اعلم لما مر اجتماعهم معاً في بالي ممكن لانهما اعداء رقية الان ربنا يستر وقتها، رقية ستحارب غيداء ورعد المراهق والناضج الذي وضعها في نفس خانة غيداء مع انها لم تفهم تلميحه ولكن اكيد ستفهم واكيد سترد وقتها على رعد والان رعد طلبها من رضا فما هو ردها وما هو رد رضا اكيد سيخبره ان المستشفى ليس مناسب او ممكن رقية اما تمثيلاً او خوفاً من نظرة رضا او بسبب معدتها او ممكن من صدمة طلب رعد ستقع ارضاً بالانتظار، رقية المتملك التي لم تفرح ان ابن حبيبة حمل اسم والدها وانا رجحت الأمر ليس لما ذكرت فقط بل ايضاً هي تحجز الاسم لابنها ... رضا جرب حمل البنات قبل ان تأتي ابنته فمن شذرة ل رقية وحسنا ايضاً واكيد حملهم يمسه سمعنا رده على ماحدث مع شذرة وهاهو ساعد من جديد حسنا واكيد سنسمع رده على طلب رعد... حذيفة الأفضل ان يأخذ خلود بعيداً عن الحوامل والنوافس والا ستذبل امامه كل يوم وحالاتها لن تسمح بالعلاج اذا يوجد علاج، حذيفة عدا مشاكله لديه اشجان واضاف له تحسين واعتقد انه القادر على تحسين لانه تعامل مع اشكاله عندما كان في الغربة... خلود تحتاج ان تبتعد وان ينشغل بالها بشيء غير الحمل والأطفال وهاهي تحلم لي رباب من كثرت ان الموضوع مسيطر سيطرة تامة عليها واكيد لم تحلم بنفسها لأنها مقتنعة انها لن تنجب خاصة ان دورتها زارتها والحلم جاء بعدها... حسنا كنت اعتقد انها راح ترتاح قليلاً ب ابتعاد تحسين عن ذاك الحي لكنها الان ستعاني اكثر حتى وان عثر على عمل سيبقى شعور انه ناقص ينغص عليها ورجل مثل تحسين الذي كان يزمجر ويتباهي بقوته وجبروته وتقطع ساقه ويصبح ناقص لن يتقبل الامر ابداً الا لو حدث ما يجعله ( لن اقول يتغير) لكن ان يسمح لجانبه الخير بالظهور وقتها ممكن سيتقبل الأمر وان على مضض... تحسين صحيح لسانه ينطق باتهامات تجاه حسنا لكنه في قلبه وقرارة نفسه يعلم انها انقى من البيضاء... الدكتور سامان قرر موعد الحضور لخطبة رقية ولكن سبقه رعد فهل اذا اكتمل الأمر سيعتقد الدكتور سامان ان رقية تلاعبت به ايضاً لا اريد التفكير ان الدكتور سامان مهووس بفتاة ما ويرى بها رقية لان نظراته وكلامه اشعرني ان وراءه ما وراءه... شوية ونسيت اعلق على عبدالرحمن الذي كان يشعر بحدوث شيء مع رعد واكيد الان طلب رعد سيجعل عبدالرحمن يتهم رقية انها سبب ما يمر به صديقه... ايضاً انا بانتظار رد فعل المغرفة عندما يسمع خبر طلب رعد يد رقية هل هذه المرة سيكمل كلامه وانه شاهد رقية مع الحارث بالانتظار... اعتذر عن التأخير في كتابة التعليق وارجو منك السماح ومشكورة على تعبك والالتزام معنا الذي ان مقصرة في رده وارجو منك السماح على وقت الذي تستقطيعنه من بيتك لأجل ان تقدمي لنا ما نستمتع بقرأته... موفقة بإذن الله تعالى... في حفظ الله ورعايته... | ||||
|  |
|
18-09-18, 12:52 AM
| #6794 | |||||||||||
| مراقبة،مشرفة عالمي..خيالي,الوثائقية،البحوث والمعلومات،روايتي كافيه،(قاصة ولؤلؤة ألتراس،لغوية،حارسة السراديب، راوي)،نشيطة،تسالي،متألقةومحررة جريدة الأدبي، صحافية فلفل حار،كاتبة عبير 
| مسا الخيرات وإليكم توقع الفصل الجديد بعون الله غلاك في قلبي يباري الشرايين .. وينوب في بعض المواجيب عنها .. بأقصى الحشا يسكن ومرباعه العين .. سيطر على كل الحواس وضمنها .. إثر الغلا ياناس مثل السلاطين ..  إليا نزل بالقوم يحكم  وطنها .   | |||||||||||
|
| |
|
18-09-18, 05:35 AM
| #6795 | ||||||||
| نجم روايتي 
| انا جيت مساء الفل على الناس الفل ^_^ تحسين وحسناء ااااااااه يا قلبي يا ناس ... ايه بدايه الفصل دي يا كاري ياشريره كالعاده بكيت وانا بقرأ مشاهدهم .. ياربي دي اول مرة ابكي اكتر من مرة يا كاري وانا باتابع روايه ليكي .. تأثرت ودمعت وبكيت في عده مشاهده في كذا روايه .. ومرات اخرى عند انتهاء كذا روايه بس عياااااااااااط فعلا وشحتفه محصلش غير في ام الروايه دي .. وبسبب ام الثنائي ده عشان كده غيابهم كان متعمد طول الفصول اللي فاتت .. رجوعهم وظهورهم من تاني كان قوي .. ويعتبر حاسم المرة دي فاكرة يا كاري كلامي عن الشعره الاخيره اللي فيها امل ونور .. واللي مازالت متمسكه بيها بخصوص الثنائي ده خاصه تحسين عندي احساس وشبه تأكيد انها زادت واصبح شعرات قويه بدون رجعه او قطع ان شاء الله اتفاجئت من بتر ساق تحسين .. مكنتش متوقعه كده الصراحه .. كنت متوقعه هيرجع بحاله فظيعه .. مرض هياخد فتره طويله .. انهيارات .. اي حاجه صعبه وقاسيه الا ان اللي حصل فاق كل توقعاتي ... بعد قرأتي المشاهد بتاعتهم اكتر مرة .. اقتنعت ان ده الصح .. بمعنى تاني انا مش شايفه ان تحسين خسر ساقه انا شايفه زي ما رضا قال بالظبط رد عليها رضا بقناعه " الله لم يسلب منه قوته بل سلبه مصدر جبروته فقط... لترممي انت انسانيته" رفعت رأسها لتبرز عينها من شق العباءة وهي تتساءل بقلة ادراك وفهم " لم أفهم يا سيدي ابا جعفر .. اعذر جهلي" أطرق وهو يشرح بصبر " كلنا جهلاء اختاه .. قصدت فقط ان الله سبحانه كان رؤوفا به فأخذ منه ما جعله متجبرا على الناس لسنوات لكنه لم يحرمه القوة ليعمل حاله كحال باقي الرجال" كلام رضا كان بلسم لصدمتي ووجعي وانا بقرأ مشاهدهم .. كلام رضا اسعدني جدا .. واللي خلاني طايره من الفرحه اللي حصل منه واصراره انه يذهب اليهم ويعرض مساعده وتدخل اخير مش هيرتاح ولا قلبه يهدأ غير لما يعمله وينفذه زي ما قولت قبل كده ان تحسين وحسناء لازم حد يتدخل بينهم ويصلح بينهم .. يساعدهم ويخرجهم من الظلام والرعب اللي عايشين فيه ومفيش احسن من رضا عشان يكون هو بدايه السلم عشان يطلعوا للنور .. للتغيير .. للحياه تحسين... اللي اتعرض ليه صعب .. قاسي .. مدمر مش قصدي بتر ساقه .. لا اللي بيتعرض ليه من اول ما جه للدنيا وهو طفل صغير الا ان ده قدره وهو قبل بالحياه دي .. قبل انه يستمر ويكمل فيها .. قبل انه يرضي انه يكون ظالم .. قاسي .. عديم الرحمه والقلب عشان يعيش ويستمر وميكنش ضعيف ابدا .. من وجهه نظره ان الضعيف هو اللي بيتداس عليه وينتهي في لحظه الا ان وقت الاختيار جه اخيرا .. اختيار انه يعمل حاجه صح ويستمر فيها للنهايه منكرش انه معملش حاجه صح قبل كده .. زواجه من حسناء يعتبر الحاجه الوحيده صح في حياته .. لاني شايفه انه حماها من التعرض لاي حقير طامع فيها انها تكون زوجته ده معناه انها في حمايته وان اللي يفكر يقرب ليها يبقى عليه مواجهه تحسين وجنونه الحاجه التانيه الصح اللي هيعملها ونجح فيها هتبقى كأنها ممحاه لكل اللي حصل معاهم قبل كده انه يرجع للحلال .. انه يعيش بدون عنف .. حقد .. كره .. جنون بتر ساق تحسين .. هي بتر لجبروت وسيطرة وظلم ليه قبل ما يكون للي حواليه واولهم حسناء تحسين في الوقت الحالي مش تحسين الفتوه البلطجي القادر انه يجبر .. يخضع .. يعمل كل اللي هو عايزه هو اصبح رجل خائف .. وحيد انه يخسر اخر واهم شئ في حياته تحسين عايش في رعب انه حسناء تتركه وتهرب .. خاصه انه مش هيقدر يمنعها او بمعنى اخر انه يجبرها انها تعيش معاه شايف ان حالته والعجز اللي حصل ليه خلاص خلاه مش هيقدر يجبر حسناء انها تبقى معاه .. وهو عاجز .. وهو ناقص في نظرها الا انه ميعرفش حسناء .. ميعرفش انها مبتفكرش في اي شئ من ده زي ما حسناء تحملت قسوته وجبروته وظلمه واغتصابه ليها .. هتتحمل عجزه واصابته بل وهتساعده انه ميحسش بيها ابدا لان حسناء تفكيرها ان زوجها في محنه .. ومن واجبها وحقها انها تساعده وتقف بجواره وده اللي كانت بتعمله طول فتره زواجها منه .. كانت محترمه وجوده .. محترمه كونها متزوجه .. على قد ما كانت بتفهم وبتقدر كانت بتقوك بكل واجباتها اللي هداها ليها تفكيرها وبساطتها حسناء عايزة تعيش عيشه بسيطه امنه كلها حلال .. حتى ولو هتموت من الجوع ده عندها بسيط جدا مادام مش هتعمل حاجه غلط وتغضب ربنا عنها بقاءها طول الفتره اللي فاتت مع تحسين خلاها تعرفه وتفهمه على قد ما عقلها يسمحلها اعتقد ان معاملتها معاه تغيرت بدرجه كبيره .. والدليل الاسلوب الجديد اللي اكتسبته ببقاءها معاه واعتقد ان ساعدها فيه اللي حصل واتعرضوا ليه في اخر ليله في حي الشيخ صبرها على غضبه وغيرته وعنفه المعتاد .. ملامستها ليه ولجسده في محاوله منها انها تمنحه الهدوء وتمحي غضبه عشان يسمعها بغريزتها الانثويه عرفت ان تحسين ضعيف امامها .. وعرفت انها ممكن اللي تنقله من حاله الجنون والغضب الي حاله الهدوء والاستسلام التام ليها وده اللي حصل .. كلام تحسين وتشبتها بيه قدر يمنحها بعض الراحه المؤقته في انها باقيه معاه .. انها متمسكه بيه .. انها راضيه بكل اللي بيحصل معاهم بس هيقدروا يتجاوزوا اللي حصل وقتلها لفالح الحقير ؟!! هيحتاجوا تدخل احد ما عشان يقدر يتأقلموا مع اللي حصل ولا هما الاتنين هيقدروا يتعاملوا والموضوع يصبح سر بينهم ؟!! تأكيد تحسين انه الفاعل وانه المسئول عن كل اللي حصل .. متأكده انه يفدي حسناء بروحه لو يقدر اعتقد انهم ممكن يتوصلوا لحل او طريقه تخلي حسناء متحسش بالعذاب ولا تأنيب الضمير .. لو على تحسين مفيش اي اهميه لانه عرف ان الحقير ده يستحق الموت ولو حسناء معملتهاش كان هو هيعملها بدون تردد بس هل في اخبار هتوصلوا من حي الشيخ ولا هما كده انقطعوا تماما عنه ؟!! المواجهه بين رضا وتحسين ؟!! دي تاني مواجهه بينهم بعد ما طعنه بالسكين واتسبب بجرحه على ما افتكر ان المقابله الاولى لما كان في السوق بيشتري الخلخال وشاف رضا ومنحه القرطين كهديه لزوجته المواجهه التانيه بقى نار جدا جدا خلينا متفقين ان تحسين مش بيكره شخصيه رضا الصائغ .. هو فقط بيكره الراجل النظيف القادر على فتح بيت والعيش بمال حلال ومتوفر عنده كل شئ .. رجل لجأت اليه حسناء عشان تطلب مساعدته وفي نظرها كبير جدا .. محترم جدا غيره شئ اساسي وموجوده في تحسين .. هو عايز يكون رجل حسناء الاول والاخير .. رجل تحبه وتحس بالامان معاه .. رجل تلجأ اليه وتطلب مساعدته وحمايته ... رجل تعيش معاه للابد عشان كده كان عنيف وقاسي مع رضا .. الا ان رضا كان ذكي وكان فاهم تحسين وفاهم اللي بيمر بيه قدر يوضح ليه ان اهتمامه بمساعدتهم لا متعلق بيها ولا بيه هو شخصيا .. دي حاجه بينه وبين ربنا وهو ملزوم انه يحققها قدر يمنح تحسين طرف الخيط اللي ياخده ويشده ويتمسك بيه لحد ما يصنع حياه جديده نظيفه امنه ليه ولزوجته حتى الشرط اللي وضعه تحسين ان رضا يخرج من حياتهم وميظهرش مرة اخرى كان شئ متوقع من تحسين اصلا .. رضا تفهم ده ووضح ليه انه متقبل وراضي بيه جدا اذن الكره في ملعب تحسين في ايده بدايه الطريق للتغيير .. للحلال .. لفرصه جديده وصلت لحد عنده ومش هتتكرر مرة اخرى !! من ناحيه تانيه ... هل فعلا في فرصه ان تحسين هيشتغل مع حذيفه ؟! حذيفه وتحسين ؟!! الاتنين مجانين الصراحه .. الاتنين عانوا كتير وشافوا اكتر .. الاتنين قتلوا قبل كده مع اختلاف الاسباب طبعا اللي عايزة اقوله ان حذيفه مش طيب ولا حنين وهياخد الامور براحه عشان انت مريض .. انت مجروح .. انت .. انت .. انت هو هيضرب على الحديد وهو ساخن .. هيقبل انه يساعد تحسين سواء بالعمل معاه او العمل في مكان اخر الا اني اتمنى انه يقدر يهذب من طباعه ويمنحه ثقه فيه وفي انه يقدر يكون رجل جيد وشيطاينه يحرقها بالكامل حاجه كمان يا كاري .. هل تحسين فقد ساقه بالكامل ؟!! ولا الامر اقتصر على جزء منها .. من تحت الركبه كده مثلا ؟!! بسأل لاني مهتمه جدا جدا انه يتعالج ويحصل على العلاج المناسب والصحيح المرة دي .. بل مهتمه انه يقدر يحصل على بديل سواء طرف صناعي او اي شئ يقدر يكون بيه راجل كامل وقادر على الوقوف والمواجهه مرة اخرى مش قصدي انه يرجع يستخدمها في العنف والحقد والجنون من تاني .. انا اقصد ان تحسين محتاج ميحسش انه عاجز وانه ممكن يفقد حسناء بطريقه او بأخرى ارجوكِ يا كاري ياريت يحصل على المساعده دي بجد رضا القلب اووووووف بقى .. هقول كام مرة اني عايزة رضا الصائغ لياااااااااااااااا وجوده بس بيمنحني سعاده وراحه وزقططه ... وجوده مع اسيا ومنحها حب وعشقه الكبير والوحيد ليها بيمنحن قلوب حمراء كبيرة بترقص من الفرح كده انا مقلقتش من كلام اسيا .. طبيعي خوفها من الولاده .. طبيعي انها تفكر بسلبيه وتحتاج بعض الامان والاطمئنان .. ومفيش احسن من رضا القلب عشان يمنحها ده جوري ومازال التردد والالم بيحاولوا انهم يعكروا صفو سعادتهم اللي بدأت تحصل عليها وتشعر بيها مع مهند الجديد العاشق ليها بما ان جرحها كان كبير وقاسي جدا وحي جدا جدا .. اذن مازالت لم تشفى منه تماما مازال حي بيذكرها بوجوده .. بتعرضها للالم والاهانه .. بتعرضها للخيانه .. بيذكرها انها متتضعفش وتمسح انها تقع في نفس الفخ مرة اخرى رغم ان جوري معاها حق ولازم تاخد كل الاحتياطات والضمانات اللي تمنحها الامان والراحه الا انها محتاجه تمنح نفسها فرصه عشان تقرر بعدها اذا كانت هتقدر تكمل او تنسحب خاصه ان مهند مش هو مهند .. يعني مهند البارد الحائر الضائع انتهى خلاص الان مهند العاشق الراغب بكل قوته في اثبات حبه وتمسكه بزوجته وبوالده طفلته الوحيده مادام الجرح والوجع بيرجع لما تترك مهند وتكون وحيده .. اذن تبقى معاه ومتبعدش عنه تلعب بمكر وشقاوه زيه بالظبط .. هي ليها سيطرة وتأثير عليه زي ما هو في المقابل الحرب بينهم قويه .. الشوق قااااااااااتل .. اذن هل الاستسلام يلوح في الافق ولا هيكون في مطاردات اكثر واكثر ممكن تطلب مساعده من عفراء .. والدتها .. اخواتها .. اي حد .. الا ان اللي هتعمله وتقرره هيكون نابع من جواها هي فقط هي اللي هتقرر وهتختار .. هي صاحبه الكلمه الاخيره اللي ياما هتكون سبيل سعادتها واستقرارها وحصولها على العشق اللي تستحقه او هتكون نهايه لقصه لم يكتب لها النجاه لان الكرامه والكبرياء كان ليهم النصيب الاكبر في التفكير والسيطرة رعد  تبا تبا تبا حرام عليكي يا كاري ..قطعتي قلبي على الراجل وربنا صعب عليا جدا وهو تائه بين الجميع .. ماشي في طريق لا يعلم عنه اي شئ .. فقط قدمه اللي بتحركه وبتاخده لفين ما توديه اللي حصل مع رعد .. بيؤكد انه وحيد .. ان مفيش اي شخص مهم وثابت في حياته عشان يلجأ اليه في وقت زي ده للاسف مفيش اي حد كان في استقبال رعد ولا كان موجود وقت ما يحتاج اليه لا اهل .. لا اصحاب .. اه في اصحاب ومعارف .. الا انهم فشلوا انهم يكونوا محل ثقه وموجودين في لحظه زي دي .. ثم الاصحاب ابدا مش هيكونوا زي الاهل مش عايزة اظلم عبدالرحمن واقول انه مكنش موجود وقت احتياج صديقه اليه .. بس بما ان عبدالرحمن قريب من السبب في حاله رعد اذن مكنش ينفع يكون معاه وعنده هو محتاج حد ميسألش .. ميستفسرش .. ميحاولش ياخد منه كلام واعتراقات مش في وقتها ابدا هو فقط محتاج حد يقول اطمن انا معاك ..بجوارك وده اللي حصل لما شاف خليل .. صدفه عجيبه وغير متوقعه ايضا الا ان ده مش مهم .. المهم ان رعد عثر عن الراحه المؤقته اللي كان بيبحث عنها العم سعدون مكتشفش اللي حصل في دار الازياء الحمدلله يارب .. مش ناقصين حشريته وفهمه غلط للي حصل من ناحيه تانيه اعتقد اني لا احبذ ان صورة رعد تتشوه في صورته وياخد عنه فكرة مش كويسه خاصه انه احب رعد واعتبره من اهل بيته اللي محدش دخله ولا قرب منه من سنين وسنين زي بالظبط الحاجه سوسو .. اللي شايفه ان رعد مفيهوش غلطه .. شايفه انه يستحق حنانها ودلالها وعنايتها الخاصه بيه رعد خايف انهم يحسوا بالكره ناحيته وان صورته تتغير في عيونهم نرجع لرعد ... رعد محتاج يكتفي من كل اللي بيحصل معاه واقصد هنا اللي حصل معاه زمان بسبب غيداء .. اللي اتعرض ليه بسبب غيداء .. اللي وقع فيه وكاد ان يدمره ويضيعه بمعنى الكلمه رعد بيشعر بالعار .. بالخزى .. بتأنيب الضمير لانه استسلم وسلم نفسه وقلبه لامراه حقيره خبره جدا جدا الا ان حان الوقت انه يستسلم ويتوقف عن الشعور ده عشر سنين وهو بيجلد وبيحمل نفسه سبب اللي حصل .. عشر سنين كتير جدا .. اه الذنب كبير .. اللي حصل اكبر .. الا انه مش اللي يقضي عليه ويخليه يدمر نفسه ويخسر كل شئ رعد محتاج مواجهه قويه وفوريه مع نفسه .. محتاج يعرف انه قادر على بدء حياه جديده نظيفه بدون ما يحس بالندم او بالتردد انه لا يستحق اي شئ مواجهته مع رقيه .. مواجهه مختلفه . .بارده .. قاسيه يمكن لان رعد تعمد ان يكون دراكولا في حديثه معاها .. وده معناه انه جريء .. عابث .. يفقد جزء من السيطرة ويتجاوز بعض من الحدود في التعامل والحديث معاها خاصه انها مع اسرتها واهلها قريبين منها ياترى رعد كان بيحاول يستفزها ولا يكرهها فيه بظهور وجه اخر سيء ليه ياترى كان بيحاول يثبتلها انه الشخص اللي خان عمه وتهاون مع زوجته لدرجه الاستسلام ليها وحصول كارثه ومصيبه بينهم اعتقد ان رعد عارف ان رقيه متعلقه بيه .. تصرفاتها وكلامها وكل اللي حصل معاهم في اخر مرة اثبت ان ليه سيطرة عليها يمكن ده استفز رقيه .. خاصه انها بدأت تشعر انها بتقدم كل شئ يعني بتحارب وبتحاول توصل وتفوز بيه .. وهو فقط ياما مستسلم .. ياما متفرج .. ياما بياخد وياخد وياخد بدون ما يمنح ويعطي في المقابل رعد مقالش بصراحه انه بيحب رقيه .. محتاج رقيه .. راغب في وجودها في حياته الا ان رقيه شافت ده في عيونه .. في تصرفاته .. في احتياجه ليها يمكن ده اللي خلاها تسكت وتتحمل كل اللي بيحصل بس ياترى لامتى ؟!! كلامها عن خطبه الدكتور سامان .. اذن هي عرفت بنيه الدكتور وتوقعتها اخيرا اذن هل هتستغلها فيما بعد ؟!! هل هتحاول تلعب بيها وتستخدمها لصالحها بغباء وبدون تفكير ؟!! ولا هيكون لرعد كلمه اخرى ؟!! القفله ومفاجأه القفله واللي حصل في القفله رعد طلب الزواج من رقيه ؟!! تفاجئت اكيد والفصل الصراحه كله صدمات غير متوقعه اطلاقا طلب رعد نتيجه لكلام رقيه المستقز .. نتيجه لغضب رعد وعدم استقرار حالته وتفكيره .. نتيجه اشتياقه لرقيه ولوجودها في حياته بالشكل اللي هو عايزه .. نتيجه رغبته في شفاءه وغسله من الذنوب والخزى اللي فيه ... نتيجه حب وعشق ولهفه لم تحدث له من قبل .. نتيجه لخوف ورعب من فقدانها لان المرة دي هيكون فقدان للابد اسباب كتير كانت ورا عرض الزواج والتقدم لرضا الا اني مفرحتش ولا قولت هيييييييه ولا قولت عظمه على عظمه ولا اي حاجه من دي اولا لاني عارفه ان طلبه هيترفض .. ثانيا رقيه تستحق عرض زواج افضل من كده .. ثالثا لازم رعد يكون في حالته واللي عمله ده يكون عن حب وعشق مش غضب وغيره واسباب تانيه كتير مشوشه عليه لدرجه ان الحب والعشق في الاخر خالص من ناحيه تانيه بقى .. كنت شفت تعليقات فيها هجوم على عبدالرحمن لو فكر يرفض او يقول رأيه ويعترض عن اللي حصل ممكن اعرف ليه ؟!! عبدالرحمن من حقه انه يبدي رأيه ويقوله بكل صراحه سواء بقى هيتم الاخذ بيه او لا الا ان يضل من حقه انه يقول ويصرح بيه حاجه كمان ... عبدالرحمن مش بيكره رقيه .. يا جدعان مش بيكره رقيه ... يا نااااااس مش بيكره رقيه هو عشان بيكره تصرفاتها ومعترض عليها يبقى شرير وبيكرهها طب ما انا اهو معترضه على تصرفات رقيه وبشتم فيها لما اقول يا بس .. بس ابدا مش بكرهها اللي شافه ابودي من رقيه ومن تصرفاته طالته وطالت زوجته رباب .. يبقى لازم انه ياخد احتياطاته ويكون حذر معاها بعد كده هو شايف انها جرئيه .. تصرفاتها مجنونه .. معاها صلاحيه انها تتصرف بحريه وبانطلاق مجنون لانها اخر العنقود والمدلله بشكل كبير كان شاهد على تصرفاتها قبل زواجه من رباب .. ثم كان شاهد على تصرفاتها مع صديقه رعد اللي انكرت معرفتها بيه رغم انها اتخانقت معاه وكانت هتحبسه في القسم كمان طبيعي جدا في حادثه الفأر انه يفتكر انها بتفتعل خوفها وتمثيلها عشان تزيد في العبث والشقاوه اللي بتعملها واحد مشفش منها غير كده ..يبقى طبيعي يتوقع منها مكنش من حقه انه يغلط في حقها وينفجر بالشكل ده مع رباب .. اذن مش من حق حد انه يلومه ويهاجمه لانه بيعبر عن رأيه وبيقول الصح والصح هيكون في رفض رعد .. وهنا مش خوف على رعد من رقيه ولا حاجه زي ما كثير متوقع لا محدش فكر ان رفضه عشان خوف على رقيه نفسها عبدالرحمن نفسه ميعرفش الكثير عن رعد .. ميعرفش اسراره .. ميعرفش اللي مخبيه ومحتفظ بيه عنه اللي يعرفه ان صديقه تحت قناع العبث والمكر والمرح .. في كتير واللي متأكد منه انه صعب ولا يستهان بيه ابدا من ناحيه تانيه رضا .. ادوني سبب واحد يخلي رضا يوافق على طلب رعد ؟!! هل رعد يمتلك منزل ثابت للزواج ؟!! هل رعد يمتلك وظيفه ثابته يقدر يعيش منها ؟!! هل رعد يمتلك معرفه قراره في البقاء في الوطن ولا الرجوع والغربه من جديد ؟!! رعد في عيون رضا والبقيه ضيف .. محدش يعرف عنه الكثير ولا قدر يقرب منه ويعرف اسراره رغم تعودهم عليه وقربه منهم .. الا انهم لازم يشعروا بالتوجس منه خاصه في حاجه زي كده متوقعه رفض رضا .. واكيد هيقول اسباب رفض اللي هتكون منطقيه ومعقوله للكل بس ياترى رد فعل رقيه ايه ؟!! هتفرح وتزقطط وتنسى كل شئ ؟!! ولا الامر هيكون مخيب ليها لانه حصل نتيجه غيره وغضب وعدم تأكيد من رغبته دي اصلا ؟! هل هتستغل الفرصه وتقرب اكتر من كده وتتمسك بيه ؟!! ولا هتحاول تنتقم وتعذبه زي ما هي بتتعذب ؟!! الدكتور سامان يا دكتور انت اللي واضح منك يدل على انك شخص كويس وخساره اللي هيحصل فيك لانه ممكن يحولك الي شخص غاضب .. تعرض للاستغلال ولازم يرد وينتقم هل رقيه هتسد عليه كل المحاولات وهترفض مقابلته وزيارته في منزلها ؟! هتكون صريحه وواضحه معاه وتعرفه انها مش موافقه على الارتباط بيه ؟! ولا هتستغل طلب رعد وتتمسك بيه ومش بعيد تعرف سامان بيه وهو في منزلها خاصه انها ممكن تعمل عبيطه وتقول ان زيارته عشان يبارك لاختها والمولود الجديد وهتستغل انه لا صارح ولا اعترف ليها بأي شئ في كلا الاحوال رقيه محصلتش على التعيين والمراد اللي بتوصل اليه بشكل نهائي اذن ممكن تخسر كل شئ في لحظه خليل <3 حاله سعاده وفرح مسيطرة عليه .. بل الادق حاله حب وعشق صادق وقوي خليته يطفو من السعاده خليل يستحق السعاده فعلا .. اتمنى انه يعيشها بكل لحظه ويعوض كل الالم والحزن اللي عاشه اشجان هانم .. اذن ظهرت اخيرا ظهرت بجنونها وانانيتها .. ظهرت برغبتها في تدمير حياه خليل من جديد الا ان حذيفه كان ليها بالمرصاد .. قدر يوقفها عند حدها ويعرفها ان خليل خلاص اصبح بعيد عنها وغير مصرح له بالوجود معاها وبجوارها معرفتها ان خليل ممكن يتزوج وينساها بل ويتركها تماما تأكيد حذيفه وتصميمه انه عمل على ابتعاد خليل عنها بالكامل حتى الحلم اللي تعيش عليه انه يرجع وينقذها من جديد .. اتاخد منها بكل قسوه فعلا اشجان لا تستحق الحلم ده خاصه مع خليل رغم قسوه اللي هقوله .. الا ان اشجان لازم تموت مش عشان حاجه قد ما هو عشان ترتاح عشان متحسش بالالم والوحده والخساره .. يمكن هي خسرت كتير جدا جدا جدا في حياتها .. خسرت اهم ما تملك .. خسرت فرص كادت فيها انها تعيش من جديد وتبدأ من جديد الا ان خساره خليل كانت الاقوى والاقسى .. لان خليل اللي مكنش منتظر مقابل .. تصرفاته ناحيتها يمكن تكون من بقايا حب مراهق احمق الا انها تمسكت بالبقايا دي وحلمت انها تعيش وتكمل باقي حياتها عليها اشجان اختارت حياتها .. واتمنى انها تنتهي قريب ليها قبل كل شئ بس ياترى هي انتهت كده ؟!! البؤس والشقاء المظلم اللي سيطر على قلبها .. هل هتحاول تعبر عنه وتنتقم مثلا ؟!! هل هيكون فيها قوه وقدره على كده ؟!! ولو فيها وحصل منها .. هل بتول هتسمح ليها انها تغيب عن عينيها ؟!! هل اشجان هتعض الايد اللي اتمدت ليها بكل خير ومساعده وتقابلها بغدر وخداع مرة اخرى ؟!! شذره ورقيه الاتنين دول ينفعوا اصدقاء جدا جدا جدا فقط محتاجين فرصه مناسبه ... وقت مناسب والاتنين هيكونوا قريبين ونافعين لبعض اوي شذره مبتكرهش رقيه .. شذره فقط مبتحبش تصرفاتها ولا صراحتها ولا طريقتها في الدفاع عن نفسها ومحاوله تحصين نفسها من الضعف والانكسار رقيه مش بتكره شذره .. رقيه فقط بتكره الصوره اللي عليها شذره .. من ضعف واستسلام لكل اللي بيحصل معاها .. ضعف واستسلام من وجهه نظر رقيه فقط شذره والحاله اللي عليها من هيام وسعاده وزقططه جوزيها بقى يا كاري .. الاتنين بقوا في الهوا سواااااااااا حذيفه .. طرزان قلبي لو كانت خلود بتوجع قلبي مرات .. اذن حذيفه بيوجع قلبي الضعف لانه عاجز عن مساعده خلود ومحاوله التخفيف عليها انه بيتعامل مع وجعها واللي بتشعر بيه بسخريه ومرح الا انه بيتوجع ويتقطع من جواه الا ان مفيش حل اخر في الوقت الحالي بكل اسف خلود وحلمها عن حمل رباب وعن الرؤيه اللي شافتها كنت قولت ان تفسير الحلم غلط نظرا لان خلود هبله وعبيطه الا ان كاري اكدت ان الحلم صحيح وان رباب فعلا حامل احلى حاجه حصلت ان خلود سعيده بكل اللي بيحصل سعيده بحمل رباب .. وقبله حمل اسيا .. الغيره والحقد والشغل بتاع الستات ده ابدا مش بيحي في دماغها ولا بتفكر تعمل زيه دي يا ناس دخلت في اكتئاب وعياط وبكاء شديد لانها افتكرت انها حسدت حبيبه يوم عقد قرانها واتسببت في الحادثه اللي حصلت ليها في براءه ونقاء قلب كده يا جدعان الجمله اللي قالتها خلود " انا لن انجب ابدا " قالتها برضا حزين ؟!! معنى كده انها استسلمت ورضيت بالامر الواقع ؟!! هل مش هتحاول وتحاول من جديد لحد ما تحصل على اللي هي عايزاه هتكتفي باللي تملكه وتترك كل شئ يمشي في طريقه الصحيح حاجه تانيه .. ياترى اللي قولته قبل كده هيحصل ؟!! اقصد ان الحمل هيحدث وقت ما خلود مش مستعده ولا منتظره حدوثه ؟!! اصل لازم يحصل حمل يا كاري .. حرام عليكي يا شيخه بقى البت غلبانه وهبله وبشعر منكوش ومشعت فرحي قلبها وقلبي بقى الفصل رائع جدا يا كاري .. ضخم ودسم جدا بجد شكرا جدا على تعبك ومجهودك ربنا ييسرلك امورك ويرزقك راحه البال يارب في انتظارك على نار قبلاتي ليكي يا غاليه | ||||||||
|
| |
|
18-09-18, 09:56 AM
| #6796 | ||||||||
| مراقبة عامة ومشرفة وكاتبة وقاصة وقائدة فريق التصميم في قسم قصص من وحي الأعضاء  
| صباح الخير يا غوالي ... انا كتبت كثير الحمد لله في فصل اليوم ووصلت لخمسين صفحة ... بس باقيلي مشهدين اتمنى ألحق اكتبهم ايضا حتى انزلهم كلهم بموعدنا اليوم ... لذلك حغيب واقعد اكتب فعذرا لن اتفرغ للتعليقات المتبقية التي فاتتني الا لما اخلص  دعواتكم  | ||||||||
|
| |
|
18-09-18, 10:04 AM
| #6798 | |||||||||
| نجم روايتي
|  اقتباس:
 | |||||||||
|
| |
 |
| أدوات الموضوع | |
| انواع عرض الموضوع | |
|
|
1791Likes
.png)
.png)
العرض العادي
