ابتسامات مزيفة / للكاتب طارق اللبيب ، سودانية مكتملة

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية ابتسامات مزيفة للكاتب طارق اللبيب قراءة ممتعة للجميع

[لامارا]

رابط لتحميل الرواية

https://www.rewity.com/forum/t398479.html#post12891816


ﺍﻟﺤﻠﻘﺔ 1



ﻗﺎﻟﺖ .. .. ..
ﻗﺒﻞ ﻓﺘﺮﺓ . ﺗﻘﺮﻳﺒﺎ ﺷﻬﺮ 8 ﺍﻟﻔﺎﺕ .. ﻳﻌﻨﻲ ﺳﻨﺔ ﺑﺎﻟﺘﻤﺎﻡ .. ﻛﻨﺖ ﻣﺎﺷﺔ
ﻓﻲ ﺍﻟﻄﺮﻳﻖ ﻋﺎﺩﻱ .. ﺑﻌﺪ ﺷﻮﻳﺔ ﺍﻟﺤﺘﺔ ﺍﺗﻐﻴﺮﺕ ﻋﻠﻲ .. ﻭﺑﻘﻴﺖ ﺣﺎﺳﺔ
ﺑﺎﻟﻄﺮﻳﻖ ﻣﻮﺣﺶ . ﻭﺍﻟﺤﺘﺔ ﻏﺮﻳﺒﺔ . ﻭﺣﺎﺳﺔ ﺑﻲ ﻋﻄﺶ ﻏﺮﻳﺐ .. ﻭﻣﺎﻋﺎﺭﻓﺔ
ﺍﻟﻄﺮﻳﻖ ﺩﻩ ﻭﻳﻦ؟ .. ﻭﻣﺎﻓﻲ ﺯﻭﻝ ﻧﻬﺎﺋﻲ ﻓﻲ ﺍﻟﺤﺘﺔ ﺩﻱ .. ﻭﺍﻧﺎ ﻛﻨﺖ ﺧﺎﻳﻔﺔ
ﺧﻮﻑ ﻏﺮﻳﺐ .. ﺣﺎﺳﺔ ﺑﻲ ﻗﻠﺒﻲ ﺑﺘﻘﻠﻊ .. ﻭﺟﺴﻤﻲ ﺩﻩ ﺯﻱ ﺍﻟﺘﻠﺠﺔ ..
ﻭﺍﻟﻮﻛﺖ ﻛﺎﻥ ﻣﺎﺷﻲ ﻟﻠﻤﻐﺮﺏ .. ﺍﻧﺎ ﻣﻦ ﺷﺪﺓ ﻣﺎ ﺗﻌﺒﺎﻧﺔ ﻭﻋﻄﺸﺎﻧﺔ ..
ﺣﺎﺳﺔ ﻛﺎﻧﻲ ﻛﻨﺖ ﻣﺎﺷﺔ ﺍﻟﻨﻬﺎﺭ ﻛﻠﻮ . ﻣﻦ ﺍﻟﺼﺒﺎﺡ ﻟﻠﻤﻐﺮﺏ ﺑﺪﻭﻥ ﺭﺍﺣﺔ
ﻭﻻﻣﻮﻳﺔ ..
ﻭﻟﻤﻦ ﺍﻟﻮﺍﻃﺔ ﻣﺸﺖ ﺗﻀﻠﻢ .. ﺑﻘﻴﺖ ﺍﺳﻤﻊ ﺍﺻﻮﺍﺕ ﻏﺮﻳﺒﺔ .. ﺍﺻﻮﺍﺕ ﻛﻼﺏ
ﺑﺘﻌﻮﻱ .. ﺯﻱ ﻋﻮﺍﺀ ﺍﻟﺬﺋﺎﺏ .. ﻭﺍﺻﻮﺍﺕ ﺑﺘﺎﻋﺔ ﺻﺮﺍﺻﻴﺮ ﻋﺎﻟﻴﻪ .. ﺍﺻﻮﺍﺕ
ﺯﻱ ﺍﺟﺮﺍﺱ ﺍﻻﻓﺎﻋﻲ ﺍﻟﺒﺘﻬﺰ ﺿﺒﻬﺎ ﻭﺗﻜﺸﻜﺶ ﺩﻳﻚ . ﻭﺻﻮﺕ ﺯﻱ ﺻﻮﺕ
ﺍﻟﺒﻮﻣﺔ .. ﺑﺲ ﻧﻔﺲ ﺍﻻﺻﻮﺍﺕ ﺍﻟﺒﺘﺘﺴﻤﻊ ﻓﻲ ﺍﻟﻐﺎﺑﺔ ﺑﺎﻟﻠﻴﻞ ..
ﻭﺣﺴﻴﺖ ﺑﺎﻟﺨﻮﻑ ﺍﻟﺤﻘﻴﻘﻲ .. ﻟﺪﺭﺟﺔ ﺍﻧﻲ ﻧﺴﻴﺖ ﺍﻧﻲ ﺗﻌﺒﺎﻧﺔ ﻭﻋﻄﺸﺎﻧﺔ ..
ﻭﺍﻧﺎ ﻓﻲ ﺧﻮﻓﻲ ﺩﻩ . ﺣﺴﻴﺖ ﺑﻲ ﺣﺮﻛﺔ ﻏﺮﻳﺒﺔ ﻭﻛﺸﻜﺸﺔ ﺑﺘﺎﻋﺎﺕ ﺧﻄﻮﺍﺕ
ﻏﺮﻳﺒﺔ ﻭﺭﺍﻱ .. ﻻﻧﻮ ﺍﻟﻄﺮﻳﻖ ﻛﺎﻥ ﻓﻴﻬﻮ ﺯﻱ ﺻﻔﻖ ﺷﺠﺮ ﻳﺎﺑﺲ ..
ﻋﺎﻳﻨﺖ ﻟﻲ ﻭﺭﺍﻱ ﻟﻘﻴﺖ ﺷﻲ ﺍﺳﻮﺩ .. ﻣﺎﺷﻲ ﻣﻊ ﺍﻟﻮﺍﻃﺔ ﻭﻛﺒﻴﺮ ﺷﺪﻳﺪ ..
ﻭﺑﻤﺸﻲ ﺑﻲ ﺑﻂﺀ . ﻭﻣﺘﻤﻬﻞ ﻳﻌﻨﻲ ﻣﺎ ﺳﺎﻛﻴﻨﻲ .. ﻟﻜﻦ ﺷﻜﻠﻪ ﺑﺘﻠﺒﺪ ﻋﺸﺎﻥ
ﻳﻬﺠﻢ ﻋﻠﻲ .. ﻭﺍﻧﺎ ﺣﺴﻴﺖ ﺑﻲ ﻛﺮﻋﻲ ﺑﺮﺩﻥ .. ﻭﺣﻴﻠﻲ ﻣﺎﺕ ﻧﻬﺎﺋﻲ .. ﻟﻤﻦ
ﺩﻗﻘﺖ ﻓﻴﻬﻮ ﻟﻘﻴﺘﻮ ﺗﻤﺴﺎﺡ ﻛﺒﻴﺮ ﻛﺒﺮ ﺷﺪﻳﺪ ﺧﻼﺹ ..
ﻳﻌﻨﻲ ﺗﻘﺮﻳﺒﺎ ﻃﻮﻟﺔ ﺍﺭﺑﻌﺔ ﻣﺘﺮ .. ﻭﺑﻘﻴﺖ ﻭﺍﻗﻔﺔ ﻣﺘﺴﻤﺮﺓ ﻓﻲ ﻣﻜﺎﻧﻲ ..
ﻋﺸﺎﻥ ﻣﺎﻳﺸﻮﻓﻨﻲ .. ﻻﻧﻲ ﺳﻤﻌﺖ ﻗﺎﻟﻮ ﺍﻟﺘﻤﺴﺎﺡ ﻣﺎﺑﻌﺮﻑ ﺍﻟﺤﺎﺟﺔ ﺍﻻ ﺗﺘﺤﺮﻙ
.. ﻭﺧﻼﺹ ﺣﺴﻴﺖ ﺑﻲ ﻧﻔﺴﻲ ﺍﺗﻘﻄﻊ ﻭﺩﺍﻳﺮﺓ ﺍﻣﻮﺕ ﻋﺪﻳﻞ ..
ﺍﻫﺎ ﻟﻤﻦ ﺟﺎ ﻓﺎﻳﺖ ﺑﻲ ﻋﻨﺪﻱ .. ﻭﻗﻒ ﻭﻓﺘﺢ ﺧﺸﻤﻮ ﻭﺍﺗﻜﻠﻢ ﻣﻌﺎﻱ ..
ﻗﺎﻝ ﻟﻲ ﺍﻧﺘﻲ ﻏﺒﻴﺔ ﻭﻻﺷﻨﻮ؟ .. ﻳﻌﻨﻲ ﺍﻧﺎ ﻣﺎﺑﺸﻮﻑ ﻗﺎﻳﻼﻧﻲ .؟ ﺍﺭﻛﺒﻲ ﻓﻲ
ﺿﻬﺮﻱ ﺩﻩ ﺳﺮﻳﻊ .. ﺍﻟﻨﺎﺭ ﻣﺎﺷﺔ ﻋﻠﻴﻚ ..
ﻋﺎﻳﻨﺖ ﻛﺪﺍ .. ﻟﻘﻴﺖ ﻓﻌﻼ ﻓﻲ ﻧﺎﺭ ﻣﺎﻟﻴﺔ ﺍﻟﻤﻜﺎﻥ ﻛﻠﻮ .. ﻭﺟﺎﻳﺔ ﻋﻠﻰ ﻣﻦ
ﺟﻤﻴﻊ ﺍﻟﺠﻬﺎﺕ .. ﻭﺍﻟﻨﺎﺭ ﺩﻱ ﻣﺎﻟﻴﻪ ﺍﻻﺭﺽ ﻟﻤﺪ ﺍﻟﺒﺼﺮ .. ﺑﺲ ﺯﻱ ﺍﻟﻜﺎﻧﻮ
ﻓﻲ ﺯﻭﻝ ﻗﺪﺡ ﻛﺒﺮﻳﺖ .. ﻓﻲ ﺍﺭﺽ ﺭﻭﺍﻳﺎﻧﺔ ﺑﻨﺰﻳﻦ ..
ﻃﻮﺍﻟﻲ ﺭﻛﺒﺖ ﻓﻮﻕ ﺿﻬﺮ ﺍﻟﺘﻤﺴﺎﺡ .. ﻭﺑﻘﻰ ﺟﺎﺭﻱ ﺑﻲ ﻣﻦ ﺍﻟﻨﺎﺭ .. ﻭﺍﻧﺎ
ﺍﻟﺨﻮﻑ ﻗﺎﻃﻊ ﻗﻠﺒﻲ .. ﻭﺧﻼﺹ ﺣﺴﺒﺖ ﻧﻔﺴﻲ ﻣﻦ ﺍﻻﻣﻮﺍﺕ .. ﻭﺑﻘﻴﺖ ﺍﺗﺬﻛﺮ
ﻓﻲ ﺍﻟﻨﺎﺱ ﺍﻟﻈﺎﻟﻤﺎﻫﻢ .. ﻭﺍﻟﻨﺎﺱ ﺍﻻﺗﻜﻠﻤﺖ ﻓﻴﻬﻢ .. ﻭﺍﻟﺼﻼﺓ ﺍﻟﻤﻘﺼﺮﺓ ﻓﻴﻬﺎ
.. ﻭﺍﺗﻤﻨﻴﺖ ﺍﻧﻮ ﻳﻜﻮﻥ ﻋﻨﺪﻱ ﻓﺮﺻﺔ ﻋﺸﺎﻥ ﺍﺻﻠﺢ ﺣﺎﺟﺎﺗﻲ .. ﻭﻋﻼﻗﺘﻲ ﻣﻊ
ﺭﺑﻲ ..
ﻭﺍﻧﺎ ﻓﻲ ﺍﻟﺨﻮﻑ ﺩﻩ .. ﻭﺍﻟﺘﻔﻜﻴﺮ ﻓﻲ ﺍﻧﻮ ﻳﺠﻲ ﺯﻭﻝ ﻳﻨﻘﺬﻧﻲ .. ﻣﺎﻓﻲ ﺍﻱ
ﺯﻭﻝ ﺟﺎ .. ﻭﺍﻟﺘﻤﺴﺎﺡ ﺟﺎﺭﻱ ﺑﻲ ﺟﺮﻱ ..
ﺑﺲ ﺍﺷﻮﻑ ﻟﻴﻚ ﺍﻟﺒﺤﺮ ﻗﺪﺍﻣﻲ .. ﻭﺍﻟﺘﻤﺴﺎﺡ ﻋﺎﻳﺰ ﻳﺨﺶ ﻓﻲ ﺑﺤﺮﻭ ..
ﻭﺍﻟﻮﺍﻃﺔ ﺑﻘﺖ ﺑﺎﻟﻠﻴﻞ .. ﺑﺲ ﺍﻭﻝ ﻣﻦ ﻗﺮﺭﺏ ﻟﻠﺒﺤﺮ .. ﺍﻧﺎ ﻧﻄﻴﺖ ﺗﻠﺒﺖ ﻣﻨﻮ
.. ﻓﻲ ﻧﺺ ﺍﻟﻨﺎﺭ .. ﻭﻓﺠﺄﺓ ﺻﺤﻴﺖ ﺻﺎﺭﺧﺔ ﺑﻲ ﻃﻮﻝ ﺻﻮﺗﻲ ..
ﻭﻗﻌﺪﺕ ﻋﻠﻰ ﺣﻴﻞ .. ﻱ ﻭﺑﻘﻴﺖ ﺍﺗﻠﻔﺖ .. ﻟﻘﻴﺖ ﻧﻔﺴﻲ ﺍﻧﺎ ﻓﻲ ﺑﻴﺘﻨﺎ ﻭﺑﺤﻠﻢ
..
ﺑﻌﺪ ﺷﻮﻳﺔ ﻣﺎﻣﺎ ﻭﺍﺧﺘﻲ ﺟﻮ ﺟﺎﺭﻳﻦ ..
ﻗﺎﻟﻮ ﻟﻲ ﻣﺎﻟﻚ ﻳﺎﻫﻨﺪﻭﻳﻪ ؟؟ ﻗﻠﺖ ﻟﻴﻬﻢ ﻛﻨﺖ ﺑﺤﻠﻢ ﻣﺎﻓﻲ ﺣﺎﺟﺔ ..
ﺍﺧﺘﻲ ﻗﺎﻟﺖ ﻟﻲ ﺍﻭﻋﺔ ﻳﻜﻮﻥ ﺩﻳﻞ ﻧﺎﺱ ﺍﻟﻨﻴﻘﺮﺱ .. ﺍﻧﺘﻲ ﻣﺘﺄﻛﺪﺓ ﻳﺎﺑﺖ ﺍﻧﻚ
ﺑﺘﺤﻠﻤﻲ ..
ﻗﻠﺖ ﻟﻴﻬﺎ ﺍﻳﻮﺓ ﻳﺎﺣﻤﻴﺪﺓ .. ﻗﻠﺖ ﻟﻴﻚ ﺑﺤﻠﻢ .. ﻣﺎﻣﺎ ﻗﺎﻟﺖ ﻟﻲ ﺩﻩ ﺣﻠﻢ ﺷﻨﻮ
ﺍﻟﺒﺨﻠﻴﻚ ﺗﺼﺮﺧﻲ ﺻﺮﺧﺔ ﻗﺪﺭ ﺩﻱ؟؟ ..
ﻗﻠﺖ ﻟﻴﻬﺎ ﻭﺍﻟﻠﻪ ﺣﻠﻢ ﻏﺮﻳﺐ ﻳﺎ ﻣﺎﻣﺎ .. ﺍﻭﻝ ﻣﺮﺓ ﺍﺣﻠﻢ ﺣﻠﻢ ﺯﻱ ﺩﻩ ﻭﻭﺍﺿﺢ
ﺑﺎﻟﻄﺮﻳﻘﺔ ﺩﻱ .. ﻟﺪﺭﺟﺔ ﺍﻧﻲ ﻣﺘﺬﻛﺮﺓ ﺗﻔﺎﺻﻴﻠﻮ ﺣﺎﺟﺔ ﺣﺎﺟﺔ ..
ﺣﻤﻴﺪﺓ ﺍﺧﺘﻲ ﻗﺎﻟﺖ ﻟﻲ ﺍﺣﻜﻲ ﻳﺎﻫﻨﺪﻭﻳﺔ ..
ﻗﻠﺖ ﻟﻴﻬﻢ ﻳﺎﺟﻤﺎﻋﺔ ﺑﺤﻜﻲ ﻟﻴﻜﻢ ﻭﻛﺖ ﺗﺎﻧﻲ .. ﺟﻴﺒﻲ ﻟﻲ ﻣﻮﻳﺔ ﻳﺎ ﺣﻤﻴﺪﺓ .
ﺍﻧﺎ ﻗﻠﺒﻲ ﻣﻘﻄﻮﻉ .. ﺃﺣﺤﻲ ﻳﺎﺭﺍﺳﻲ .. ﺻﺪﺍﻉ ﻣﺒﺎﻟﻐﺔ ..
ﺣﻤﻴﺪﺓ ﻗﺎﻟﺖ ﻟﻲ ﺗﺴﺘﺎﻫﻠﻲ .. ﻋﺸﺎﻥ ﻃﻮﺍﻟﻲ ﺑﺘﺨﻮﻓﻴﻨﻲ .. ﻭﻋﺎﻣﻠﺔ ﻓﻴﻬﺎ
ﺍﺑﻮﻓﺮﺍﺱ ﺍﻟﺤﻤﺪﺍﻧﻲ .. ﻗﻠﺖ ﻟﻴﻬﺎ ﺍﻣﺸﻲ ﻗﺒﻞ ﺍﻛﺸﻚ ﺑﺎﻟﻤﺨﺪﺓ ﺩﻱ ..
ﻗﺎﻟﺖ ﺧﻼﺹ ﺧﻼﺹ .. ﻣﺎﺷﻪ ..
ﺍﻟﻜﻼﻡ ﺩﻩ ﻛﺎﻥ ﺯﻱ ﺍﻟﺴﺎﻋﺔ ﻭﺍﺣﺪﺓ ﺻﺒﺎﺣﺎ .." ﻭﺍﻣﻲ ﻛﺎﻧﺖ ﻧﺎﻳﻤﺔ ﻭﺣﻤﻴﺪﺓ
ﻛﺎﻟﻌﺎﺩﺓ ﻛﺎﻧﺖ ﻣﺴﺎﻫﺮﺓ .. ﻣﻊ ﺍﻟﻤﻮﺑﺎﻳﻞ ..
ﺍﻧﺎ ﺣﺎﺳﺔ ﺍﻧﻮ ﺍﻟﺤﻠﻢ ﺩﻩ ﻟﻴﻬﻮ ﻋﻼﻗﺔ ﺑﻲ ﻫﺸﺎﻡ ..
ﻫﺸﺎﻡ ﺩﻩ ﻭﺍﺣﺪ ﻛﺎﻥ ﺑﻴﻨﻲ ﻭﺑﻴﻨﻮﻋﻼﻗﺔ .. ﻭﻛﻨﺖ ﺑﺘﻤﻨﻰ ﺍﻧﻮ ﻳﻜﻮﻥ ﺑﺎﻟﻨﺴﺒﺔ
ﻟﻲ ﺷﺮﻳﻚ ﺣﻴﺎﺓ .. ﻭﻓﻌﻼ ﻛﻨﺎ ﻣﺘﻔﻘﻴﻦ ﻋﻠﻰ ﺍﻟﺰﻭﺍﺝ .. ﺑﺲ ﻣﺎ ﻓﻲ ﺣﺎﺟﺔ
ﺭﺳﻤﻴﺔ .. ﻧﺎﺱ ﺑﻴﺘﻨﺎ ﻋﺎﺭﻓﻴﻦ ﻟﻜﻦ ﻣﺎﻭﺻﻞ ﺍﻟﺒﻴﺖ .. ﻭﻫﻮ ﺑﺎﻟﺠﺪ ﺍﻻﻧﺴﺎﻥ
ﺍﻟﻮﺣﻴﺪ ﺍﻻﻃﻤﺄﻧﻴﺖ ﻟﻴﻬﻮ .. ﺍﻧﻲ ﺣﺄﻋﻴﺶ ﻣﻌﺎﻫﻮ ﻓﻲ ﺍﺳﺘﻘﺮﺍﺭ .. ﺑﺲ ﻛﺎﻥ
ﻓﻲ ﺍﻟﻮﻛﺖ ﺩﺍﻙ ﻋﻨﺪﻭ ﻋﺬﺭ ﻓﻲ ﺗﺎﺧﻴﺮ ﺍﻟﻤﻮﺿﻮﻉ .. ﺩﺍﻳﻤﺎ ﺑﻘﻮﻟﻮ ﻟﻲ ..
ﺑﻘﻮﻝ ﻟﻲ ﻳﺎﻫﻨﺪ ﺍﻧﺎ ﻋﻤﻮﺩ ﺍﻟﺒﻴﺖ ﻳﺎﻫﻨﺪ .. ﺍﻧﺎ ﺍﻣﻲ ﻭﺍﺑﻮﻱ ﻣﺴﺆﻟﻴﺘﻲ
ﺍﻟﻤﺒﺎﺷﺮﺓ .. ﺍﻧﺎ ﻣﺎﺑﻘﺪﺭ ﺍﺗﺰﻭﺝ ﻭﺍﻧﺎ ﻓﻲ ﺍﻟﺤﺎﻟﺔ ﺩﻱ ﻳﺎﻫﻨﺪ .. ﻻﺯﻡ ﻧﺼﺒﺮ
ﺷﻮﻳﺔ .. ﻭﻧﺤﻦ ﺑﺎﻟﺤﺎﻟﺔ ﺩﻱ ﻟﻴﻨﺎ ﺳﺘﺔ ﺷﻬﻮﺭ ﻭﺷﻮﻳﺔ ..
ﻭﺍﻧﺎ ﻃﺒﻌﺎ " ﺑﻌﺘﺮﻑ ﺍﻧﺎ ﻛﻨﺖ ﻣﻀﺎﻳﻘﺎﻫﻮ ﺷﺪﻳﺪ .. ﻭﺑﻘﻮﻝ ﻟﻴﻬﻮ ﻣﺎﻓﻲ ﻣﺸﻜﻠﺔ
ﻳﺎﻫﺸﺎﻡ .. ﺍﻧﺎ ﺑﻜﻮﻥ ﺑﺎﻟﻨﺴﺒﺔ ﻟﻴﻚ ﻋﻮﻥ .. ﻭﺑﻘﻴﻒ ﻣﻌﺎﻙ .. ﻭﺑﻜﻮﻥ ﻟﻴﻚ ﻳﺪﻙ
ﺍﻟﻴﻤﻴﻦ .. ﺑﺎﻋﺘﺒﺎﺭ ﺍﻧﻮ ﺍﻧﺎ ﺻﻴﺪﻻﻧﻴﺔ .. ﻭﺷﻐﺎﻟﺔ ﻓﻲ ﺻﻴﺪﻟﻴﺔ ﻓﻲ ﺷﺎﺭﻉ
ﺍﻟﻨﺺ ﻓﻲ ﺍﻡ ﺩﺭﻣﺎﻥ .. ﺍﻧﺎ ﻃﺒﻌﺎ " ﻣﻌﺬﻭﺭﺓ ﻓﻲ ﺍﻟﺸﻔﻘﺔ ﺩﻱ .. ﻻﻧﻲ ﺣﺎﺳﺔ
ﺍﻧﻲ ﺍﺗﻘﺪﻣﺖ ﻓﻲ ﺍﻟﻌﻤﺮ .. ﻭﺍﻟﻨﺎﺱ ﺍﻛﻠﺖ ﻟﺤﻤﻲ .. ﺍﻱ ﻣﺮﺍﺓ ﺗﺠﻲ ﺩﺍﺧﻠﺔ
ﺑﻴﺘﻨﺎ .. ﺗﺴﺄﻟﻨﻲ ﺍﻟﺘﻘﻮﻝ ﺍﻧﺎ ﺍﻟﻤﻔﺮﻭﺽ ﺍﻣﺸﻲ ﺍﺷﺘﺮﻱ ﻋﺮﻳﺲ ﻣﻦ ﺍﻟﺴﻮﻕ
.. ﻭﺍﻧﺎ ﻣﺎﺑﻴﺪﻱ ﺣﺎﺟﺔ .. ﻭﻣﺎﻓﻲ ﺯﻭﻝ ﻗﺎﺩﺭ ﻳﺤﺲ ﺑﻲ .. ﺣﺘﻰ ﻣﺎﻣﺎ
ﻣﺸﻴﻼﻧﻲ ﺍﻟﻠﻮﻡ ..
ﻫﻮ ﻃﺒﻌﺎ ﻋﻨﺪﻭ ﺗﻼﺗﺔ ﺍﺧﻮﺍﺕ ﺑﻨﺎﺕ ﻭﺍﻣﻪ .. ﻭﺍﺑﻮﻫﻮ ﻛﺒﻴﺮ ﻣﻘﻌﺪ ..
ﻭﻫﻮ ﻓﻌﻼ ﺷﺎﻳﻞ ﺍﻟﺒﻴﺖ .. ﻛﻼﻣﻮ ﺻﺤﻴﺢ ﻣﻴﺔ ﻓﻲ ﺍﻟﻤﻴﺔ ..
ﺑﺲ ﻛﺎﻧﺖ ﻇﺮﻭﻓﻮ ﻛﻮﻳﺴﺔ ﻳﻌﻨﻲ .. ﻋﻨﺪﻭ ﻣﺠﻤﻊ ﺗﺠﺎﺭﻱ ﻓﻲ ﺷﺎﺭﻉ ﺭﺋﻴﺴﻲ
ﻣﻦ ﺷﻮﺍﺭﻉ ﺍﻡ ﺩﺭﻣﺎﻥ .. ﻳﻌﻨﻲ ﻇﺮﻭﻑ ﻣﺎﺩﻳﺔ ﻣﺮﻫﻘﺔ ﻣﺎﻋﻨﺪﻭ ..
ﺍﻧﺴﺎﻥ ﻣﻬﺬﺏ ﻭﺭﺍﻗﻲ .. ﻭﻧﻀﻴﻒ ﻭﻟﺒﻴﺲ .. ﻭﻭﺟﻴﻪ .. ﺍﻃﻮﻝ ﻣﻨﻲ ﺑﻲ
ﻋﺸﺮﺓ ﺳﻨﺖ .. ﻭﺑﺴﺎﻡ ﻭﻓﺮﺍﻳﺤﻲ . ﺣﺘﻰ ﺍﻟﻌﺮﺑﺎﺕ ﺍﻟﺒﺮﻛﺒﻬﺎ ﺫﺍﺗﻬﺎ ﻧﻔﺴﻴﺎﺕ
..
ﻏﺎﻳﺘﻮ ﻣﻜﺴﺮ ﺍﻟﺪﻧﻴﺎ .. ﻟﻜﻦ ﺍﻧﺎ . ﺣﺎﺳﺔ ﺍﻧﻲ ﺑﺘﻨﻔﺴﻮ ﺍﻛﺴﺠﻴﻦ ﺑﺲ ..
ﺍﻫﺎ ﺍﻧﺎ ﻗﻠﺖ ﻟﻴﻬﻮ ﻣﻤﻜﻦ ﺍﻛﻔﻴﻚ ﻣﺆﻧﺔ ﺑﻴﺘﻲ .. ﺍﻧﺎ ﺷﻐﺎﻟﺔ ..
ﺑﺲ ﻛﻨﺖ ﻋﺎﺭﻓﺔ ﺍﻧﻮ ﻻﻳﻤﻜﻦ ﻳﻜﻮﻥ ﻋﻨﺪﻱ ﺑﻴﺖ ﻣﻨﻔﺼﻞ .. ﻻﻧﻮ ﻫﺸﺎﻡ
ﻣﺎﻣﻤﻜﻦ ﻳﻨﻔﺼﻞ ﻣﻦ ﻧﺎﺱ ﺑﻴﺘﻬﻢ ﺑﺎﻟﻈﺮﻭﻑ ﺍﻻﺳﺮﻳﺔ ﺍﻟﺤﺎﺻﻠﺔ ﺩﻱ ..
ﺍﻫﺎ ﺍﻟﻴﻮﻡ ﺩﻩ . ﺑﻔﻜﺮ ﻗﺒﻞ ﻣﺎ ﺍﻧﻮﻡ ﺗﺎﻧﻲ .. ﻳﺎﺭﺑﻲ ﺍﻟﺤﻠﻢ ﺩﻩ ﻣﻌﻨﺎﻫﻮ ﺷﻨﻮ؟
ﻭﻋﻼﻗﺘﻮ ﺷﻨﻮ ﺑﻲ ﻫﺸﺎﻡ .. ﻭﻃﺒﻌﺎ ﺍﻧﺎ ﺭﺑﻄﺖ ﺍﻟﺤﻠﻢ ﺑﺎﻟﻤﻮﺿﻮﻉ ﺩﻩ ﻻﻧﻮ
ﻣﺎﻛﺎﻥ ﻓﻲ ﺷﻲ ﻓﻲ ﺣﻴﺎﺗﻲ ﻣﻬﻢ . ﺍﻭ ﺷﻲ ﻣﻤﻜﻦ ﻳﻜﻮﻥ ﻟﻴﻬﻮ ﺍﺛﺮ .. ﻳﺸﻐﻞ
ﺑﺎﻟﻲ . ﻏﻴﺮ ﻣﻮﺿﻮﻉ ﻫﺸﺎﻡ ..
ﺍﺣﻼ ﺣﺎﺟﺔ ﻓﻲ ﺍﻟﻤﻮﺿﻮﻉ .. ﻫﺸﺎﻡ ﻭﻫﻨﺪ ﺍﻻﺗﻨﻴﻦ ﺍﻻﺳﻤﻴﻦ ﺑﻲ ﺣﺮﻑ ﺍﻟﻬﺎﺀ
..
ﻃﺒﻌﺎ " ﺍﺳﺮﺗﻨﺎ .ﻧﺤﻦ ﺳﺘﺔ ﺍﻧﻔﺎﺭ ﻓﻲ ﺍﻟﺒﻴﺖ ..ﺍﻧﺎ ﻭﺣﻤﻴﺪﺓ 21 ﺳﻨﺔ . ﺯﺍﻳﺪ
ﺍﻣﻲ ﻭﺍﺑﻮﻱ ﻭﻭﻟﺪﻳﻦ ﺻﻐﺎﺭ ﻣﺤﻤﺪ 9 ﻭﺍﺣﻤﺪ 6 ..
ﺳﺎﻛﻨﻴﻦ ﻓﻲ ﺍﻟﺜﻮﺭﺓ ﺍﻟﺤﺎﺭﺓ ﺍﻟﻌﺎﺷﺮﺓ ﻓﻲ ﺍﻟﺒﻴﻮﺕ ﺍﻟﻘﺮﻳﺒﺔ ﻟﻠﻔﺎﺻﻞ ﺑﻴﻦ
ﺍﻟﻌﺎﺷﺮﺓ ﻭﻣﺪﻳﻨﺔ ﺍﻟﻨﻴﻞ .. ﻭﺍﻟﻠﻬﻮ ﺷﺎﺭﻉ ﺍﻟﻮﺍﺩﻱ ﻟﻠﻨﺎﺱ ﺍﻟﺒﻌﺮﻓﻮ ﺍﻟﻤﺤﻼﺕ
ﺩﻳﻚ ..
ﺣﺎﻟﺘﻨﺎ ﺍﻟﻤﺎﺩﻳﺔ ﻣﻤﺘﺎﺯﺓ .. ﻭﺍﺑﻮﻱ ﺭﺟﻞ ﺍﻋﻤﺎﻝ ﻭﻋﺎﻳﺸﻴﻦ ﺣﻴﺎﺗﻨﺎ .. ﺯﻱ ﻣﺎ
ﻳﺘﻤﻨﻰ ﻛﻞ ﺍﻧﺴﺎﻥ ﻭﺣﺎﻣﺪﻳﻦ ﺷﺎﻛﺮﻳﻦ .. ﺍﻱ ﻓﻲ ﻣﺸﺎﻛﻞ ﺑﻴﻦ ﻣﺎﻣﺎ ﻭﺑﺎﺑﺎ ..
ﻛﻞ ﻣﺮﺓ .. ﻭﻓﻲ ﻋﺪﻡ ﺗﻔﺎﻫﻢ .. ﻏﺎﻳﺘﻮ ﺑﺘﺘﻌﻘﺪ ﻭﺑﺘﺘﺤﻼ ..
ﺑﺲ ﻗﺒﻞ ﻛﺪﺍ ﻛﺎﻧﻮ ﻣﻨﻔﺼﻠﻴﻦ ﻓﺘﺮﺓ ﻋﺸﺮﺓ ﺳﻨﻮﺍﺕ .. ﻭﻫﻢ ﻗﺎﻋﺪﻳﻦ ﻓﻲ ﺑﻴﺖ
ﻭﺍﺣﺪ ﻣﺎ ﻣﻄﻠﻘﻴﻦ ..
ﻟﻮ ﻻﺣﻈﺘﻮ ﻓﺎﺭﻕ ﺍﻟﻌﻤﺮ ﺑﻴﻦ ﺣﻤﻴﺪﺓ ﻭﻣﺤﻤﺪ ﺍﺧﻮﻱ ﻭﺣﻤﻴﺪﺓ ﻋﻤﺮﻫﺎ 21
ﻭﻣﺤﻤﺪ ﻋﻤﺮﺓ 9 ﺳﻨﻮﺍﺕ .. ﺩﻱ ﺑﺘﻮﺭﻳﻜﻢ ﺍﻟﻔﺘﺮﺓ ﺍﻟﻤﻨﻔﺼﻠﻴﻦ ﻓﻴﻬﺎ ﻣﺎﻣﺎ ﻭﺑﺎﺑﺎ
.. ﻛﺎﻧﻮ ﻓﻲ ﺍﻟﻔﺘﺮﺓ ﺩﻳﻚ ﻋﺎﻳﺸﻴﻦ ﻓﻲ ﺑﻴﺖ ﻭﺍﺣﺪ .. ﻭﻛﺎﻧﻬﻢ ﺍﻏﺮﺍﺏ ﻣﻦ
ﺑﻌﺾ ..
ﻭﻳﻤﻜﻦ ﺍﻧﺎ ﺑﺎﻋﺘﺒﺎﺭ ﺍﻧﻲ ﺍﻟﻜﺒﻴﺮﺓ ﻓﻲ ﺍﻟﺒﻴﺖ .. ﺍﻟﻤﺴﺄﻟﺔ ﺩﻱ ﺍﺛﺮﺕ ﻋﻠﻲ
ﻧﻔﺴﻴﺎﺗﻲ ﺗﺄﺛﻴﺮ ﻣﺒﺎﺷﺮ ..
ﻭﺧﻠﺘﻨﻲ ﺍﺗﺨﻮﻑ ﻣﻦ ﺍﻱ ﻋﻼﻗﺔ ﺗﺆﺩﻱ ﻟﻠﺰﻭﺍﺝ .. ﻭﻓﻲ ﻓﺘﺮﺓ ﺍﻟﺠﺎﻣﻌﺔ ﺍﺗﻘﺪﻣﻮ
ﻟﻲ ﻧﺎﺱ ﻛﻤﻴﺔ .. ﻭﻛﻨﺖ ﺑﺮﻓﺾ ﻣﻦ ﺩﻭﻥ ﻣﺎ ﺃﻓﻜﺮ ﻻﻧﻲ ﻛﻨﺖ ﺷﺎﻳﻔﺔ ﺍﻟﺰﻭﺍﺝ
ﺩﻩ ﻋﺒﺎﺭﺓ ﻋﻦ ﺗﻌﺎﺳﺔ ﻭﺷﻘﺎﻭﺓ ..
ﻳﻌﻨﻲ ﻣﻨﻮ ﺍﻟﻔﻲ ﺍﻟﺮﺟﺎﻝ ﺍﻟﺢ ﻳﻜﻮﻥ ﺍﺣﺴﻦ ﻣﻦ ﺍﺑﻮﻱ .. ﺍﻫﻮ ﻣﻌﻴﺶ ﻣﺎﻣﺎ
ﻓﻲ ﺍﺳﻮﺀ ﺟﺤﻴﻢ ﻣﻤﻜﻦ ﻳﺴﻤﻊ ﺑﻴﻬﻮ ﺍﻧﺴﺎﻥ ..
ﺑﺎﻟﺮﻏﻢ ﻣﻦ ﺍﻧﻮ ﻣﺎﻣﺎ ﻭﺑﺎﺑﺎ ﺭﺟﻌﻮ ﻃﺒﻴﻌﻴﻴﻦ ﺍﻟﻰ ﺣﺪ ﻣﺎ .. ﻣﻦ ﺍﻛﺘﺮ ﻣﻦ
ﻋﺸﺮﺓ ﺳﻨﻮﺍﺕ . ﻟﻜﻦ ﺍﻧﺎ ﺍﺣﻼ ﺍﻳﺎﻡ ﺣﻴﺎﺗﻲ ﻋﺪﻳﺘﻬﺎ ﺑﻲ ﺗﻮﺗﺮ ﻓﺮﺍﻕ ﻣﺎﻣﺎ ﻣﻦ
ﺑﺎﺑﺎ ﻳﺎﺣﺮﺍﻡ ..
ﺍﻟﻤﻬﻢ ﻧﺮﺟﻊ ﻟﻤﻮﺿﻮﻋﻨﺎ ..
ﺑﻌﺪ ﺍﻟﺤﻠﻤﺔ ﺍﻟﺤﻠﻤﺘﻬﺎ ﺩﻱ ﻣﺎ ﺑﻜﺬﺏ ﺑﻘﻴﺖ ﺧﺎﻳﻔﺔ ﻭﻣﺘﻮﺗﺮﺓ ﺍﻧﻲ ﺍﺗﺤﺮﻡ ﻣﻦ
ﻫﺸﺎﻡ .. ﺍﻧﺎ ﺑﺤﺒﻮ ﻭﻣﺘﻌﻠﻘﺔ ﺑﻴﻬﻮ ﺟﺪﺍ .. ﻭﺣﺎﺳﺔ ﺍﻧﻲ ﻣﺎﺑﻘﺪﺭ ﺍﻋﻴﺶ ﻣﻦ
ﺩﻭﻧﻮ .. ﻭﻫﻮ ﺍﻟﻮﺣﻴﺪ ﻓﻲ ﺍﻟﻨﺎﺱ ﺍﻟﺮﺑﻄﺘﻨﻲ ﺑﻴﻬﻢ ﻋﻼﻗﺔ .. ﺍﻟﻮﺣﻴﺪ ﺍﻻﻃﻤﻨﺖ
ﻟﻴﻬﻮ ﺯﻱ ﻣﺎﻗﻠﺖ ﻟﻴﻜﻢ ..
ﻭﻗﺮﺭﺕ ﺍﻧﻲ ﺍﻭﻝ ﻣﺎ ﺍﻻﻗﻴﻬﻮ ﺍﻓﺘﺢ ﻟﻴﻬﻮ ﺍﻟﻤﻮﺿﻮﻉ ﻭﺍﺧﺘﻮ ﺍﻣﺎﻡ ﺍﻻﻣﺮ ﺍﻟﻮﺍﻗﻊ
.. ﻋﺸﺎﻥ ﻳﺮﺳﻴﻨﻲ ﻋﻠﻰ ﺑﺮ ﺍﻧﺎ ﺧﻼﺹ ﺗﻌﺒﺖ ﻭﻓﺎﺽ ﺑﻲ .. ﻣﺎﻳﻘﻌﺪ
ﻳﺠﺮﺟﺮﻧﻲ .. ﺍﻧﺎ ﺍﻟﺰﻣﻦ ﺍﺑﺪﺍ ﻣﺎﻓﻲ ﺻﺎﻟﺤﻲ .. ﻫﺴﻲ ﻋﻤﺮﻱ ﻣﺎﺷﻲ ﻋﻠﻰ
28 ﺳﻨﺔ .. ﻳﻌﻨﻲ ﻭﺍﻟﻠﻪ ﺣﻜﺎﻳﺔ ﺗﺨﻮﻑ .. ﻭﻣﺎﻣﻤﻜﻦ ﺯﻭﻝ ﻳﻌﺮﻑ ﺍﻻﺣﺴﺎﺱ
ﺩﻩ ﺍﻻ ﺍﻟﺠﺮﺑﻮﻫﻮ ..
ﻭﻓﻌﻼ " ﻻﻗﻴﺘﻮ .. ﻗﻠﺖ ﻟﻴﻬﻮ ﻳﺎ ﻫﺸﺎﻡ ﺍﻧﺖ ﻻﺯﻡ ﺗﻌﻤﻞ ﺧﻄﻮﺓ .. ﺍﻭ ﺍﻧﺎ
ﺗﺨﻠﻴﻨﻲ ﺍﺷﻮﻑ ﺣﻴﺎﺗﻲ .. ﺍﻧﺖ ﻳﺎﻫﺸﺎﻡ ﻣﺎﻋﻨﺪﻙ ﻣﺸﻜﻠﺔ ..ﻋﺎﺩﻱ ﺗﻨﺘﻈﺮ ..
ﻟﻜﻦ ﺍﻧﺎ ﺍﻱ ﻳﻮﻡ ﺑﻌﺪﻱ ﻣﺎ ﻣﻦ ﺻﺎﻟﺤﻲ .. ﺍﻧﺎ ﻋﺎﺭﻓﺎﻙ ﻭﻋﺎﺭﻓﺔ ﻇﺮﻭﻓﻚ ..
ﻭﻣﺎﺷﺎﻳﻔﺔ ﺍﻟﻤﺴﺄﻟﺔ ﺩﻱ ﺑﺘﻤﻨﻌﻚ ﻣﻦ ﺍﻧﻚ ﺗﺘﻢ ﺍﻟﻤﻮﺿﻮﻉ .. ﻟﻜﻦ ﺍﻧﺖ
ﺍﻟﻤﺨﻮﻓﻚ ﺷﻨﻮ؟ ﻏﺎﻳﺘﻮ ﻣﻦ ﻧﺎﺣﻴﺔ ﻣﺎﺩﻳﺔ .. ﺍﻭ ﻣﻌﻴﺸﺔ ﻣﺎﺷﺎﻳﻔﺔ ﻓﻲ ﻣﺸﻜﻠﺔ
ﺍﻟﻠﻬﻢ ﺍﻻ ﻋﻨﺪﻙ ﻣﺸﻜﻠﺔ ﺗﺎﻧﻴﺔ ﺍﻧﺎ ﻣﺎﻋﺎﺭﻓﺎﻫﺎ ..
ﻃﺒﻌﺎ " ﺍﻧﺎ ﺧﺘﻴﺘﻮ ﻓﻲ ﺧﻴﺎﺭﻳﻦ ﻣﺎﻋﻨﺪﻫﻢ ﺗﺎﻟﺖ .. ﻳﺎ ﻳﺘﻢ ﺍﻟﻤﻮﺿﻮﻉ ﺍﻭ
ﻳﺴﻴﺒﻨﻲ .. ﻟﻜﻦ ﺑﺎﻟﺠﺪ ﻛﻨﺖ ﻣﻦ ﺟﻮﺍﻱ ﺑﺘﻤﻨﻰ ﻣﺎﻳﺨﺘﺎﺭ ﺍﻟﺨﻴﺎﺭ ﺍﻟﺘﺎﻧﻲ ..
ﻻﻧﻲ ﻭﺍﻟﻠﻪ ﺍﺗﻌﻠﻘﺖ ﺑﻴﻬﻮ ﻟﺪﺭﺟﺔ ﺍﻟﺠﻨﻮﻥ ..
ﻭﻫﻮ ﺑﺎﻟﺠﺪ ﺯﻭﻝ ﻣﻤﺘﺎﺯ ﻣﻦ ﻛﻞ ﺍﻟﻨﻮﺍﺣﻲ ﻭﺍﻟﻜﻤﺎﻝ ﻟﻠﻪ .. ﻭﺍﻧﺴﺎﻥ ﺍﻧﺴﺎﻥ ..
ﺍﻫﺎ ﻳﺎﻫﺸﺎﻡ ﺍﻧﺎ ﻣﻨﺘﻈﺮﺍﻙ ﻗﺮﺭ ﻟﻲ ﺳﺮﻳﻊ ﻭﺍﻻﻥ

[لامارا]

ﺍﻟﺤﻠﻘﺔ 2

ﻃﺒﻌﺎ ﺍﻟﺴﺆﺍﻝ ﺩﻩ ﻛﺎﻥ ﻓﻲ ﻋﺮﺑﻴﺘﻮ ﺑﻌﺪ ﺍﻟﻮﺭﺩﻳﺔ ﺑﺘﺎﻋﺘﻲ .. ﺯﻱ ﺍﻟﺴﺎﻋﺔ 3
ﻛﺪﺍ ﺍﺗﺼﻠﺖ ﻋﻠﻴﻬﻮ ﺗﻠﻔﻮﻥ .. ﻭﺟﺎﻧﻲ ﻗﻠﺖ ﻟﻴﻬﻮ ﺍﻧﺎ ﻣﺎﺷﺔ ﺷﺎﺭﻉ ﺍﻟﻌﺮﺿﺔ .
ﻋﻨﺪﻱ ﻣﻮﺿﻮﻉ ﺗﻮﺻﻠﻨﻲ ؟ ﻗﺎﻝ ﻟﻲ ﻳﻼ . ﺍﻫﺎ ﻓﻲ ﺍﻟﻄﺮﻳﻖ ﺧﺘﻴﺘﻬﺎ ﻟﻴﻬﻮ ﻋﻠﻰ
ﺑﻼﻃﺔ .. ﻭﻗﻠﺖ ﻟﻴﻬﻮ ﻻﺯﻡ ﺗﻘﺮﺭ ﻟﻲ ﻫﺴﻲ ﻳﺎﻫﺸﺎﻡ ..
ﻗﺎﻝ ﻟﻲ ﺍﻧﺘﻲ ﻗﺎﻳﻠﺔ ﺍﻟﻤﻮﺿﻮﻉ ﺩﻩ ﻏﺎﻟﺒﻨﻲ ؟
ﺍﻧﺘﻲ ﻗﺎﻳﻠﺔ ﺍﻟﺰﻭﺍﺝ ﺻﻌﺐ ﻋﻠﻲ ؟ ﻭﺍﻟﻠﻪ ﺍﻧﺎ ﻣﺴﺘﻌﺪ ﺍﺗﻢ ﺍﻟﻤﻮﺿﻮﻉ ﺩﻩ ﻓﻲ
ﺍﺳﺒﻮﻉ .. ﺑﺲ ﻓﻲ ﺣﺎﺟﺎﺕ ﺑﻌﺪ ﺍﻟﻌﺮﺱ ﻣﺎﺑﺘﻘﺪﺭﻱ ﻋﻠﻴﻬﺎ .. ﻻ ﺍﻧﺘﻲ ﻻ ﺃﻧﺎ ..
ﺧﻠﻴﻨﺎ ﻧﺘﺮﻳﺲ ﺷﻮﻳﺔ ..
ﻗﻠﺖ ﻟﻴﻬﻮ ﻟﻤﻦ ﺍﺟﻲ ﺍﺷﻜﻲ ﻟﻴﻚ ﻣﻦ ﺣﺎﺟﺔ ﺍﻛﻮﻥ ﻏﻠﻄﺎﻧﺔ ..
ﻗﺎﻝ ﻟﻲ ﺍﺗﺬﻛﺮﻱ ﻛﻼﻣﻚ ﺩﻩ ﻛﻮﻳﺲ ﻳﺎﻫﻨﺪ ..
ﻗﻠﺖ ﻟﻴﻬﻮ ﺍﻧﺖ ﺑﺘﺨﻮﻓﻨﻲ ﻛﺪﺍ ﻟﻴﻪ ؟، ﻓﻲ ﺷﻨﻮ ﺑﺎﻟﻀﺒﻂ ﻛﺪﺍ ﻳﺎ ﻫﺸﺎﻡ، ﺍﻧﺖ
ﺍﺣﻜﻲ ﻟﻲ ..
ﻗﺎﻝ ﻟﻲ ﻻﻻ ﺑﺲ ﺧﻼﺹ ﺍﺗﻔﻘﻨﺎ ﺍﻧﺘﻲ ﻣﻮﺵ ﺧﺘﻴﺘﻴﻨﻲ ﺑﻴﻦ ﺧﻴﺎﺭﻳﻦ ؟؟
ﺍﻧﺎ ﻳﺎﺳﺘﻲ ﺡ ﺍﺗﻢ ﺍﻟﻤﻮﺿﻮﻉ ﻻﻧﻲ ﻣﺎﻋﺎﻳﺰ ﺍﻓﻘﺪﻙ ﺍﺻﻼ ..
ﺍﻟﻠﻴﻠﺔ ﺷﻨﻮ؟ ﻗﻠﺖ ﻟﻴﻬﻮ ﺍﻟﻠﻴﻠﺔ ﺍﻻﺗﻨﻴﻦ ..
ﻗﺎﻝ ﻟﻲ ﻳﻮﻡ ﺍﻟﺨﻤﻴﺲ ﻧﺤﻦ ﺑﻨﺠﻴﻜﻢ ..
ﻓﺘﺢ ﺍﻟﻄﺒﻠﻮﻥ ﺑﺘﺎﻉ ﺍﻟﻌﺮﺑﻴﺔ .. ﻭﻃﻠﻊ ﺩﻓﺘﺮ ﺍﻟﺸﻴﻜﺎﺕ .. ﻭﻛﺘﺐ ﻟﻲ ﺷﻴﻚ ﺑﻲ
30 ﻣﻠﻴﻮﻥ .. ﻭﻗﺎﻝ ﻟﻲ ﺟﻬﺰﻭ ﺍﻱ ﺣﺎﺟﺔ ﻭﺟﻬﺰﻱ ﺭﻭﺣﻚ . ﺍﻧﺎ ﺑﺠﻴﻜﻢ ﺯﻭﻝ
ﺧﻄﻮﺑﺔ ..
ﺍﻧﺎ ﺷﻠﺖ ﻣﻨﻮ ﺍﻟﺸﻴﻚ .. ﻭﻋﺎﻳﻨﺖ ﻟﻴﻬﻮ ﻛﺪﺍ ﺍﺳﺘﻐﺮﺑﺖ .. ﻓﻲ ﺍﻻﻭﻝ ﻗﺎﻳﻼﻫﺎ
3ﻣﻠﻴﻮﻥ .. ﻭﻟﻤﻦ ﻟﻘﻴﺘﻬﺎ ﺗﻼﺗﻴﻦ ﻣﻠﻴﻮﻥ .. ﻧﻄﻄﺖ ﻋﻴﻮﻧﻲ ﻗﺪﺭ ﻛﺪﺍ ..
ﻗﻠﺖ ﺍﻛﻴﺪ ﻫﺸﺎﻡ ﺩﻩ ﻏﻠﻄﺎﻥ .. ﻗﻠﺖ ﻟﻴﻬﻮ ﻳﺎﻫﺸﺎﻡ ﺩﻱ ﻛﻢ ﺍﻟﻜﺘﺒﺘﻬﺎ ﺩﻱ .؟
ﻗﺎﻝ ﻟﻲ ﺗﻼﺗﻴﻦ .. ﺍﻧﺎ ﺑﺮﺍﻱ ﻗﻠﺖ ﺍﻟﻮﺩ ﻳﺎ ﺣﺮﺍﻣﻲ ﻳﺎ ﺍﻫﺒﻞ .. ﺩﻩ ﺷﻨﻮ
ﺍﻟﺰﻭﻝ ﺩﻩ .. ﺍﻟﻘﺮﻭﺵ ﺑﺠﻴﺐ ﻓﻴﻬﺎ ﻣﻦ ﻭﻳﻦ ؟
ﻗﻠﺖ ﻟﻴﻬﻮ ﻃﻴﺐ ﺍﻟﻘﺮﻭﺵ ﺩﻱ ﻛﺘﻴﺮﺓ ﺷﺪﻳﺪ ﻳﺎﻫﺸﺎﻡ ..
ﻗﺎﻝ ﻟﻲ ﻣﺎﻛﺘﻴﺮﺓ ﻭﻻﺷﻲ .. ﻭﻻﺑﺘﻌﻤﻞ ﺣﺎﺟﺔ .. ﺍﻣﺸﻲ ﺍﺳﺄﻟﻲ ﺍﺑﻮﻙ ..
ﺍﻟﻤﻬﻢ ﻣﺸﻴﺖ ﺳﻠﻤﺖ ﻣﺎﻣﺎ ﺍﻟﻘﺮﻭﺵ .. ﻗﻠﺖ ﻟﻴﻬﺎ ﺷﻮﻓﻲ ﺍﻟﺰﻭﻝ ﺩﻩ ﻣﺒﺬﺭ
ﻛﻴﻒ .. ﻭﺍﻟﻠﻪ ﺣﻴﺮﻧﻲ ﺩﻩ ﺗﻤﻦ ﻋﺮﺑﻴﺔ ﻋﺪﻳﻞ .. ﻣﺎﻣﺎ ﻋﺎﻳﻨﺖ ﻟﻲ ﻛﺪﺍ ﺑﻲ
ﻃﺮﻑ ﻋﻴﻨﺎ .. ﻭﻗﺎﻟﺖ ﻟﻲ ﺩﻳﻞ ﺫﺍﺗﻬﻦ ﺷﻮﻳﺔ .. ﻭﺍﺣﺘﻤﺎﻝ ﻣﺎﻳﻜﻔﻮ ﻟﻴﻚ
ﺧﻄﻮﺑﺘﻚ ﺃﻟﻐﺒﻴﺎﻧﺔ ..
ﻗﻠﺖ ﻟﻴﻬﺎ ﻫﻮ ﺍﺻﻠﻮ ﺷﻨﻮ؟ .. ﻗﺎﻟﺖ ﻟﻲ ﺍﻧﺘﻲ ﺗﺴﻜﺘﻲ ﻭﺑﺲ .. ﺍﻟﻤﻬﻢ ﺍﺩﺕ
ﻣﻨﻬﻦ ﺑﺎﺑﺎ .. ﻣﺎﻋﺎﺭﻓﺔ ﻛﻢ .. ﻭﺗﺎﻧﻲ ﻃﺒﻌﺎ ﺍﻧﺎ ﻣﺎ ﺍﻧﺸﻐﻠﺖ ﺑﺎﻟﻤﻮﺿﻮﻉ ﻛﺘﻴﺮ ..
ﺍﻧﺎ ﻃﺒﻌﺎ " ﻋﺎﻣﻠﺔ ﺧﺠﻼﻧﺔ ﻣﻦ ﺑﺎﺑﺎ ..
ﺍﻟﻤﻬﻢ ﻗﺮﺍﻳﺒﻨﺎ ﻛﻠﻬﻢ ﺍﻋﻤﺎﻣﻲ ﻭﺧﻴﻼﻧﻲ ﻭﻛﻞ ﺍﻻﺳﺮﺓ ﻛﺎﻧﻮ ﺣﺎﺿﺮﻳﻦ
ﺍﻟﺨﻄﻮﺑﺔ .. ﺍﻟﺨﻄﻮﺑﺔ ﺍﻟﻜﺎﻧﺖ ﻋﺒﺎﺭﺓ ﻋﻦ ﻣﻬﺮﺟﺎﻥ ﻗﺪﺭ ﺍﻟﻠﻴﻠﺔ ﻭﺑﺎﻛﺮ .. ﻭﺍﻧﺎ
ﻣﺘﺄﻛﺪﺓ ﺑﺪﻭﻥ ﻣﺒﺎﻟﻐﻬﺎ ﺗﻜﻠﻔﺘﻬﺎ ﺑﺘﻜﻔﻲ ﺗﻜﻮﻥ ﻋﺮﺱ ..
ﻭﺍﺗﻔﻘﻮ ﻋﻠﻰ ﺍﻧﻮ ﺍﻟﺰﻭﺍﺝ ﻳﻜﻮﻥ ﺑﻌﺪ ﺷﻬﺮ .. ﺳﺒﺤﺎﻥ ﺍﻟﻠﻪ ﻓﻲ ﺑﻌﺾ ﺍﻟﻨﺎﺱ
ﻏﺮﻳﺒﻴﻦ .. ﺑﺪﻝ ﻳﻘﻮﻝ ﻟﻲ ﻟﻴﻚ ﻣﺒﺮﻭﻙ .. ﺑﻘﻮﻟﻮ ﻟﻴﻚ ﺣﻤﺪﻟﻠﻪ ﻋﻠﻰ ﺍﻟﺴﻼﻣﺔ
ﺃﺧﻴﺮﺍ ﺡ ﺗﻌﺮﺳﻲ ؟؟
ﺍﻧﺎ ﻓﻌﻼ " ﻛﻨﺖ ﻓﺮﺣﺎﻧﺔ ﻓﺮﺡ ﺷﺪﻳﺪ .. ﻭﺣﺴﻴﺖ ﺧﻼﺹ ﻋﺎﺭﺿﻲ ﺍﺗﻔﻜﺎ ..
ﻭﻗﺪﻳﺖ ﻋﻴﻦ ﺍﻟﺸﻴﻄﺎﻥ .. ﺭﺑﻨﺎ ﻳﺴﻬﻞ ﻭﻳﻜﻒ ﺍﻟﻌﻮﺍﺭﺽ .. ﺑﺲ ﻳﻮﻡ ﺍﻟﺨﻄﻮﺑﺔ
ﻫﺸﺎﻡ ﻣﺎﻛﺎﻥ ﻓﺮﺣﺎﻥ ﺯﻱ .. ﻭﻣﺎ ﺍﻟﺸﻲ ﺍﻻﻧﺎ ﻛﻨﺖ ﺑﺘﻮﻗﻌﻪ .. ﻳﻌﻨﻲ ﻛﺎﻥ
ﻋﺎﺩﻱ ..ﺯﻱ ﺍﻟﻜﺎﻧﻮ ﻭﺍﺣﺪ ﻣﻦ ﺍﻟﻤﻌﺎﺯﻳﻢ .. ﺣﺘﻰ ﺍﻟﻨﺎﺱ ﻻﺣﻈﻮ ﻟﻠﺤﻜﺎﻳﺔ ﺩﻱ
.. ﺍﻧﺎ ﻗﻠﺖ ﻟﻴﻬﻮ ﻫﺸﺎﻡ ﻣﺎﻟﻚ؟ .. ﻗﺎﻝ ﻟﻲ ﺗﻤﺎﻡ ﻣﺎﻓﻲ ﺣﺎﺟﺔ .. ﻗﻠﺖ ﻟﻴﻬﻮ
ﻣﺎﻇﺎﻫﺮﺓ ﻓﻮﻗﻚ ﻓﺮﺣﺔ .. ﺣﺘﻰ ﻋﻨﺪﻱ ﺑﺖ ﺧﺎﻟﺘﻲ .. ﻗﺎﻟﺖ ﻟﻲ ﺍﻧﺘﻲ
ﻳﺎﻫﻨﺪﻭﻳﺔ ﻣﺎﻟﻮ ﻫﺸﺎﻡ ﺩﻩ؟ .. ﺯﻱ ﺍﻟﺘﻘﻮﻝ ﻣﺠﺒﻮﺭ ﻋﻠﻴﻚ .. ﺷﻮﻓﻲ ﺍﻟﻤﺘﺨﻠﻒ
ﺩﻩ ﻋﻠﻴﻚ .. ﻭﺍﻟﻠﻪ ﺍﻧﺘﻲ ﺍﻟﺮﺟﺎﻝ ﻛﻠﻬﻢ ﻳﺘﻤﻨﻮﻙ .. ﻋﺎﻣﻞ ﻓﻴﻬﺎ ﻋﺎﺩﻱ ﻳﻌﻨﻲ ..
ﺍﻟﻤﻬﻢ ﺍﻟﺰﻭﻝ ﺩﻩ ﻛﻞ ﻣﺎ ﺍﻛﻮﻥ ﻗﺎﻋﺪﺓ ﻣﻌﺎﻫﻮ ﺑﻌﺪ ﺍﻟﺨﻄﻮﺑﺔ ﺩﻱ ﺑﻠﻘﺎﻫﻮ
ﺳﺎﺭﺡ ﻭﻣﺎﻛﻮﻳﺲ .. ﺯﻱ ﺍﻟﻜﺎﻧﻮ ﻋﻨﺪﻭ ﻣﺸﻜﻠﺔ .. ﻭﻣﺎﻋﺎﻳﺰ ﻳﺤﻜﻴﻬﺎ ﻟﻲ ..
ﻭﺍﻧﺎ ﻋﻘﻠﻲ ﻓﻀﻞ ﻳﻮﺩﻱ ﻭﻳﺠﻴﺐ ..
ﻣﺮﺍﺕ ﺍﻗﻮﻝ ﺍﺣﺘﻤﺎﻝ ﻳﻜﻮﻥ ﻋﻨﺪﻭ ﻣﺸﻜﻠﺔ ﺻﺤﻴﺔ . ﻣﺮﺍﺕ ﺍﻗﻮﻝ ﺍﺣﺘﻤﺎﻝ ﻋﻨﺪﻭ
ﻣﺸﻜﻠﺔ ﺍﺟﺘﻤﺎﻋﻴﺔ .. ﻭﻣﺎﻋﺎﻳﺰ ﻳﺤﻜﻲ ﻟﻲ .. ﻭﺍﻟﻠﻪ ﻳﺎﺟﻤﺎﻋﺔ ﻓﺘﺮﺓ ﺍﻟﺨﻄﻮﺑﺔ
ﻛﺎﻧﺖ ﺑﺎﻟﻨﺴﺒﺔ ﻟﻲ ﻧﻔﺴﻴﺎﺕ ﺳﻴﺌﺔ .. ﻟﻜﻦ ﺍﻟﻤﺸﻜﻠﺔ ﻫﻮ ﺑﺘﻜﻠﻢ ﻣﻌﺎﻱ ﻋﺎﺩﻱ
ﻭﻣﺘﻮﺍﺻﻞ ﻣﻌﺎﻱ .. ﻭﻣﺎﻓﻲ ﺍﻱ ﻣﺸﻜﻠﺔ ﺍﻗﻮﻝ ﺍﻟﺰﻭﻝ ﺩﻩ ﺍﻧﺎ ﺍﺳﻴﺒﻮ ﺑﻴﻬﺎ ..
ﻭﻳﺘﺨﻴﻠﻲ ﺍﻟﻤﺸﻜﻠﺔ ﺍﻟﺤﺎﺳﻲ ﺑﻴﻬﺎ ﺩﻱ ﻣﺎﺑﺘﺨﺼﻨﻲ ..
ﺍﻧﺎ ﻗﺮﺭﺕ ﻭﻗﻠﺖ ﻣﺎﺑﺘﺮﺍﺟﻊ .. ﻭﻛﻔﺎﻳﺔ ﺗﻮﺟﺲ ﻭﺗﺨﻮﻑ .. ﻳﻌﻨﻲ ﻭﺍﻟﻠﻪ ﻓﻌﻼ "
ﺍﻟﺒﺖ ﻟﻤﻦ ﺗﻜﻮﻥ ﺩﺍﺧﻠﺔ ﻋﻠﻰ ﺯﻭﺍﺝ .. ﺑﺘﻜﻮﻥ ﺣﺎﻟﺘﻬﺎ ﺍﻟﻨﻔﺴﻴﻪ ﺣﺴﺎﺳﺔ ..
ﻭﺑﺘﻜﻮﻥ ﺣﺎﺳﺔ ﺑﻲ ﺧﻮﻑ ﻣﺎ ﻣﻌﺮﻭﻑ ﻣﺼﺪﺭﻭ ﺷﻨﻮ؟
ﺍﻟﻨﺎﺱ ﻓﻲ ﻗﻤﺔ ﺍﻟﻔﺮﺡ ﻭﻫﻲ ﻓﻲ ﻗﻤﺔ ﺍﻟﺨﻮﻑ ﻭﺍﻟﺘﻔﻜﻴﺮ .. ﺍﺣﺘﻤﺎﻝ ﻻﻧﻬﺎ
ﺣﺘﻨﺘﻘﻞ ﻟﻲ ﺣﻴﺎﺓ ﺟﺪﻳﺪﺓ ﻋﻠﻴﻬﺎ .. ﻭﻟﻲ ﺑﻴﺖ ﻏﻴﺮ ﺍﻟﺒﻴﺖ ﺍﻻﺗﺮﺑﺖ ﻭﻧﺸﺖ
ﻓﻴﻬﻮ .. ﺍﺣﺘﻤﺎﻝ ﺍﻟﺤﺎﻟﺔ ﺩﻱ ﺧﺎﺻﻠﺔ ﻋﻠﻲ ﺍﻧﺎ .. ﻭﺑﺘﻮﻫﻢ ﺳﺎﻱ ﻣﺎﻋﺎﺭﻓﺔ ..
ﻭﻣﺎ ﺍﻛﺬﺏ ﻋﻠﻴﻜﻢ ﺍﻧﺎ ﻓﻌﻼ ﺑﻘﻴﺖ ﻣﺎﻃﺒﻴﻌﻴﺔ .. ﺍﺻﻼ ﺍﻧﺎ ﻣﺘﻮﺟﺴﺔ ﻣﻦ
ﻣﻮﺿﻮﻉ ﺍﻟﺰﻭﺍﺝ ﻭﺣﺎﻟﺔ ﻫﺸﺎﻡ ﺯﺍﺩﺗﻨﻲ ﺗﻮﺟﺲ ..
ﻳﻌﻨﻲ ﺍﻣﺘﺄﻛﺪﺓ ﻣﻨﻮ ﺍﻟﺰﻭﻝ ﺩﻩ ﻣﺎ ﻣﺤﺴﺴﻨﻲ ﺡ ﻳﻜﻮﻥ ﻋﺮﻳﺲ .. ﺍﻟﻤﻮﺿﻮﻉ
ﻋﺎﺍﺍﺩﻱ ﻋﻨﺪﻭ ..
ﻣﺮ ﺍﻟﺸﻬﺮ ﺑﻲ ﺳﺮﻋﺔ ﺷﺪﻳﺪﺓ .. ﻭﺟﺎﺀ ﻳﻮﻡ ﺍﻟﻌﺮﺱ .. ﻭﺟﻬﺰﻧﺎ ﺍﻱ ﺣﺎﺟﺔ ..
ﻭﺍﻧﺎ ﻫﻲ ﻣﺎﻋﺎﻳﺰﺓ ﺍﺗﻜﻠﻢ ﻟﻴﻜﻢ ﻋﻦ ﺍﻟﻤﻨﺎﺳﺒﺔ ﻭﻃﺮﻳﻘﺘﻬﺎ .. ﻻﻧﻬﺎ ﻛﺎﻧﺖ ﻣﻨﺎﺳﺒﺔ
ﻗﻤﺔ ﻓﻲ ﺍﻟﺒﺬﺥ ﻭﺍﻟﺘﺒﺬﻳﺮ .. ﻭﻫﺸﺎﻡ ﻭ ﺑﺎﺑﺎ ﺍﻻﺗﻨﻴﻦ ﺻﺮﻓﻮ ﻗﺮﻭﺵ ﺧﻴﺎﻟﻴﺔ
ﻓﻲ ﺍﻟﺰﻭﺍﺝ ﺩﻩ .. ﻭﺍﻧﺎ ﻣﺎ ﻛﺎﻧﺖ ﺍﻟﺤﻜﺎﻳﺔ ﺩﻱ ﻣﺮﺿﻴﺎﻧﻲ ﺑﺎﻟﺠﺪ .. ﺍﻧﺎ ﻣﺎﺑﺤﺐ
ﻛﺪﺍ ﺍﺻﻼ .. ﻭﺑﺪﻭﻥ ﻣﺒﺎﻟﻐﺔ ﻣﺎﻣﺎ ﻗﺎﻟﺖ ﻟﻲ ﺑﺎﻗﻲ ﺍﻻﻛﻞ ﺧﻤﻮﻩ ﺑﺎﻟﺪﻓﺎﺭ
ﻭﻛﺒﻮﻩ ﻓﻲ ﺍﻟﺰﺑﺎﻟﺔ ..
ﺍﻱ ﺣﺎﺟﺔ ﻓﻲ ﺍﻟﻌﺮﺱ ﺩﻩ .. ﺍﺧﺘﺎﺭﻭﻟﻴﻬﺎ ﺍﻟﺤﺎﺟﺔ ﺍﻟﻐﺎﻟﻴﺔ .. ﺍﻏﻠﻰ ﺻﺎﻟﺔ .
ﻭﺍﻏﻠﻰ ﻓﻨﺎﻥ . ﻭﺍﻏﻼ ﻣﺤﻞ ﺗﺠﻬﻴﺰ ﻋﺮﺍﻳﺲ . ﻭﺍﻏﻠﻰ .. ﻭﺍﻏﻠﻰ ..ﻣﺎﻋﺎﺭﻓﺔ
ﻟﻴﻪ ؟
ﻣﻊ ﺍﻧﻮ ﻛﻠﻪ ﻳﺎﻫﻮ ﺍﻟﺰﻭﺍﺝ .. ﻭﺍﻟﻨﺎﺱ ﺑﺘﺘﺰﻭﺝ ﻭﺑﺘﻌﺪﻱ ﺍﻟﻤﻨﺎﺳﺒﺔ .. ﻭﺑﺘﺪﺧﻞ
ﻓﻲ ﺣﻴﺎﺗﻬﺎ ﺍﻟﺰﻭﺟﻴﺔ .. ﻭﺍﻟﻤﻮﺿﻮﻉ ﺍﻧﺘﻬﻰ ..
ﻭﺍﻡ ﺍﻟﻌﺮﻳﺲ ﺧﺎﻟﺘﻲ ﺣﻴﺎﺓ .. ﺍﻱ ﺷﻲ ﺗﻘﻮﻝ ﻟﻴﻚ ﺩﻩ ﻭﻟﺪﻱ ﺍﻟﻮﺣﻴﺪ .. ﺍﻧﺎ
ﻣﺎﺑﻌﺮﺱ ﻟﻴﻬﻮ ﻋﺮﺱ ﺧﻤﺞ .. ﻭﻣﺴﺘﻠﻤﺔ ﺍﻟﻌﺮﺱ ﺩﻩ ﻋﻠﻰ ﺣﺴﺎﺑﻬﺎ ﺯﻱ
ﺍﻻﻣﺒﺮﺍﻃﻮﺭ .. ﻭﻗﺎﺋﺪ ﺍﻟﻤﻌﺴﻜﺮ .. ﺍﻭﺍﻣﺮ ﻭﻧﻮﺍﻫﻲ ..
ﻭﺍﺧﻮﺍﺕ ﺍﻟﻌﺮﻳﺲ ﻻﺑﺴﺎﺕ ﻟﺒﺲ ﻣﺎ ﺍﻗﻞ ﻣﻦ ﻟﺒﺴﻲ ﺍﻧﺎ ﺩﻱ ﺍﻟﻌﺮﻭﺱ ..
ﻭﺣﺘﻰ ﺑﻨﺎﺕ ﺧﺎﻻﺗﻦ ﻭﺻﺎﺣﺒﺎﺗﻦ .. ﻫﺸﺎﻡ ﻛﺴﺎﻫﻦ ﻭﺩﻓﻊ ﻟﻴﻬﻦ ﺩﻓﻊ ﺍﻟﺴﺨﺎ
ﻭﺍﻟﺮﺧﺎ ..
ﻭﻣﺎﺧﻔﻲ ﻛﺎﻥ ﺍﻋﻈﻢ ﻣﺎﻋﻠﻴﻨﺎ ..
ﻫﺸﺎﻡ ﺍﺷﺘﺮﻯ ﻟﻲ ﺩﻫﺐ ﺧﻴﺎﻟﻲ .. ﺍﻧﺎ ﻻﺷﻔﺖ ﻧﻮﻋﻮ ﻭﻻ ﻛﻤﻴﺘﻮ .. ﻭﺑﺎﺑﺎ
ﺍﺷﺘﺮﺍ ﻟﻲ ﻗﺪﺭﻭ .. ﺍﻧﺎ ﻟﻤﻦ ﻣﺎﻣﺎ ﺟﺎﺕ ﺗﻠﺒﺴﻨﻲ ﺍﻟﺪﻫﺐ .. ﺭﻗﺒﺘﻲ ﻭﺟﻌﺘﻨﻲ
.. ﺯﻱ ﺍﻟﺤﺼﺎﻥ ﺍﻟﺮﺍﺑﻄﻴﻦ ﻟﻴﻬﻮ ﺍﻟﺠﻨﺎﺯﻳﺮ ﻓﻲ ﺭﻗﺒﺘﻮ ..
ﻭﺍﻧﺎ ﺩﻩ ﻛﻠﻮ ﻣﺎﻫﺎﻣﻴﻨﻲ .. ﻫﺎﻣﻴﻨﻲ ﻫﺸﺎﻡ ﺍﻟﻤﺎﺣﺎﺳﻲ ﺑﻲ ﺳﻌﺎﺩﺓ .. ﺍﻭ
ﺑﺎﻻﺻﺢ ﻣﺎ ﻣﺤﺴﺴﻨﻲ ﺍﻧﻮ ﺳﻌﻴﺪ ..
ﺣﺘﻰ ﻟﻐﺎﻳﺔ ﺍﻟﻠﺤﻈﺔ ﺩﻱ ﻣﺎﻗﺎﻝ ﻟﻲ ﻣﺒﺮﻭﻙ .. ﺍﻧﺎ ﺑﺎﺭﻛﺖ ﻟﻴﻬﻮ ﻓﻲ ﺍﻟﺤﻔﻠﺔ
.. ﻫﻮ ﻗﺎﻝ ﻟﻲ ﺍﻟﻠﻪ ﻳﺒﺎﺭﻙ ﻓﻴﻚ .. ﻭﺳﺮﻳﻊ ﺍﻧﺸﻐﻞ ﻣﻊ ﻭﺍﺣﺪ ﺻﺎﺣﺒﻮ ..
ﺍﻟﻤﻬﻢ ﺍﻧﺘﻬﻰ ﺍﻟﺰﻭﺍﺡ ﺑﻤﺎﻓﻴﻬﻮ ..
ﻭﻛﻨﺎ ﺣﺎﺟﺰﻳﻦ ﺷﻬﺮ ﺍﻟﻌﺴﻞ ﻓﻲ ﺍﻟﻘﺎﻫﺮﺓ .. ﻭﺍﻟﺴﻔﺮﻳﺔ ﻛﺎﻧﺖ ﺗﺎﻟﺖ ﻳﻮﻡ ﺑﻌﺪ
ﺍﻟﻤﻨﺎﺳﺒﺔ .. ﻳﻌﻨﻲ ﺍﻟﻤﻨﺎﺳﺒﺔ ﻛﺎﻧﺖ ﻳﻮﻡ ﺍﻟﺠﻤﻌﺔ .. ﻭﺍﻟﺴﻔﺮﻳﺔ ﻛﺎﻧﺖ ﻳﻮﻡ
ﺍﻻﺣﺪ .. ﻧﺤﻦ ﻋﻨﺪﻧﺎ ﻳﻮﻡ ﺍﻟﺴﺒﺖ ﻛﺎﻣﻞ .. ﻓﻲ ﺍﻟﺴﻮﺩﺍﻥ .. ﻫﺸﺎﻡ ﻗﺎﻝ ﻟﻲ
ﺍﻣﻮ ﻣﺠﻬﺰﺓ ﻟﻴﻨﺎ ﻏﺮﻓﺔ ﻓﻲ ﺍﻟﺒﻴﺖ .. ﻧﺎﺧﺪ ﻓﻴﻬﺎ ﺍﻟﻴﻮﻡ ﺩﻩ ﻭﻧﺴﺎﻓﺮ ﻣﻦ ﺑﻴﺘﻨﺎ
.. ﺍﻧﺎ ﻭﺍﻓﻘﺘﺎ ﻃﺒﻌﺎ .. ﻣﻊ ﺍﻧﻮ ﻣﺎﻣﺎ ﻛﺎﻧﺖ ﺑﺘﻨﻘﻨﻖ ﻓﻲ ﺍﻟﻤﻮﺿﻮﻉ ﺩﻩ ..
ﺍﻟﻤﻬﻢ ﺍﻧﺎ ﺳﻴﻄﺮﺕ ﻋﻠﻰ ﺍﻟﻤﻮﺿﻮﻉ .. ﻭﺳﻜﺘﺘﺎ ﻣﺎﻣﺎ . ﻭﻗﻠﺖ ﻟﻴﻬﺎ ﺍﻧﺎ ﺫﺍﺗﻲ
ﻋﺎﻳﺰﺓ ﻛﺪﺍ ..
ﺍﻫﺎ ﺑﻌﺪ ﺍﻟﺤﻔﻠﺔ ﻣﺒﺎﺷﺮﺓ .. ﻣﺸﻴﻨﺎ ﺑﻴﺖ ﻧﺎﺱ ﺍﻣﻪ . ﻓﻲ ﺍﻟﻤﻬﻨﺪﺳﻴﻦ ﺍﻡ
ﺩﺭﻣﺎﻥ . ﺍﻟﺒﻴﺖ ﻃﺎﺑﻘﻴﻦ .. ﻭﺍﺑﻮﻫﻮ ﻭﺍﻣﻪ ﻭﺍﺧﻮﺍﺗﻮ ﺍﻟﺘﻼﺗﺔ ﺳﺎﻛﻨﻴﻦ ﺗﺤﺖ ..
ﻭﺍﻟﻈﺎﻫﺮ ﺍﻟﻄﺎﺑﻖ ﺍﻟﻔﻮﻕ ﺩﻩ ﻣﺠﻬﺰﻳﻨﻮ ﻟﻴﻨﺎ ﻧﺴﻜﻦ ﻓﻴﻬﻮ .. ﻣﺎﻋﺎﺭﻓﺔ ﻏﺎﻳﺘﻮ ..
ﻭﻣﺎﺳﺄﻟﺖ ﻫﺸﺎﻡ ﻣﻦ ﺍﻟﻤﻮﺿﻮﻉ ﺑﺮﺿﻮ .. ﺍﻟﻤﻬﻢ ﺍﻟﻐﺮﻓﺔ ﺍﻟﻘﺎﻟﻮ ﻧﺒﻴﺖ ﻓﻴﻬﺎ
ﻟﻴﻠﺘﻴﻦ ﺩﻱ .. ﺗﺤﺖ ﻓﻲ ﻧﻔﺲ ﺍﻟﻄﺎﺑﻖ ﺍﻻﺭﺿﻲ ﺍﻟﺴﺎﻛﻨﻴﻦ ﻓﻴﻬﻮ ﻫﻢ ..
ﺍﺑﻮﻫﻮ ﻣﺸﻠﻮﻝ ﻭﺑﺘﺤﺮﻙ ﺑﻲ ﻛﺮﺳﻲ . ﻭﻣﺎﺑﺘﻜﻠﻢ . ﻟﻜﻦ ﺑﺴﻤﻊ ﻭﺑﺮﺩ ﺑﻲ
ﺭﺍﺳﻮ .. ﻟﻤﻦ ﺟﻴﻨﺎ ﻟﻘﻴﻨﺎﻫﻮ ﻧﺎﻳﻢ . ﻭﺑﺎﻛﺮ ﺍﻟﺼﺒﺎﺡ
ﺟﻴﺖ ﺳﻠﻤﺖ ﻋﻠﻴﻬﻮ ﻓﻲ ﺭﺍﺳﻮ . ﻭﺑﻜﻰ . ﺧﺎﻟﺘﻲ ﺣﻴﺎﺓ ﻗﺎﻟﺖ ﻭﺍﻟﻠﻪ ﻏﺎﻳﺘﻮ
ﻣﺤﻤﺪ ﺩﻩ ﺣﻴﺮﻧﺎ .. ﺍﻟﺰﻭﻝ ﻛﺎﻥ ﺳﻠﻢ ﻋﻠﻴﻬﻮ ﺳﺎﻱ ﻳﺒﻜﻲ .. ﻭﻫﻮ ﺑﺲ ﻋﺎﻳﻦ
ﻟﻴﻬﺎ ﻛﺪﺍ .. ﻣﻌﺎﻳﻨﺔ ﻓﻴﻬﺎ ﻛﻼﻡ ﻛﺘﻴﺮ ..
ﺍﻫﺎ ﻳﻮﻡ ﺍﻟﺴﺒﺖ ﺩﻩ ﺟﻮ ﻧﺎﺱ ﻛﺘﺎﺭ ﻓﻲ ﺍﻟﺒﻴﺖ .. ﻭﺍﻧﺎ ﺧﺎﺗﻴﻨﻲ ﻓﻲ ﻏﺮﻓﺘﻲ
ﺟﻮﺓ .. ﻭﺍﻟﻨﺴﻮﺍﻥ ﻳﺪﺧﻠﻦ ﻳﺒﺎﺭﻛﻦ ﻟﻲ ﺍﻓﻮﺍﺝ ﺍﻓﻮﺍﺝ .. ﺯﻱ ﻧﺎﺱ ﺍﻟﺘﺼﻮﻳﺖ .
ﻟﻐﺎﻳﺔ ﺍﻟﻤﺴﺎﺀ ﺍﻧﺎ ﺟﺎﻧﻲ ﻫﺒﻮﻁ ﻋﺪﻳﻞ .. ﻭﺍﻟﻤﺮﺍﺓ ﺍﻡ ﻫﺸﺎﻡ ﺩﻱ ﺗﻤﺮﻕ
ﻭﺗﺪﺧﻞ .. ﺍﻟﺒﺴﻲ ﺩﻩ ﻭﻣﺎﺗﻠﺒﺴﻲ ﺩﻩ .. ﺳﺮﺣﻲ ﻛﺪﺍ .. ﻭﺍﻟﺮﻭﺝ ﺩﻩ ﺷﻴﻦ
ﻭﺷﻨﻮ ﻭﺷﻨﻮ .. ﺑﺶ ﺍﻧﺎ ﻛﻨﺖ ﺳﻤﻌﺎ " ﻭﻃﺎﻋﺔ ..
ﺑﻌﺪ ﺷﻮﻳﺔ ﺍﺷﺘﻐﻠﻦ ﻫﻲ ﻭﺑﻨﺎﺗﻬﺎ ﺍﻻﺗﻨﻴﻦ ﺍﻟﻜﺒﻴﺮﺓ ﻭﺍﻟﺼﻐﻴﺮﺓ .. ﺍﻟﻜﺒﻴﺮﺓ ﺗﻘﺮﻳﺒﺎ
ﻗﺮﻳﺒﺔ ﻟﻲ ﺍﻟﻌﻤﺮ ﺍﺳﻤﻬﺎ ﻫﻨﺎﺩﻱ .. ﻭﺍﻟﺼﻐﻴﺮﺓ 18 ﺳﻨﺔ ﺗﻘﺮﻳﺒﺎ ﺍﺳﻤﻬﺎ
ﺗﻐﺮﻳﺪ .. ﻭﺍﻟﻮﺳﻄﻰ ﺩﻱ ﻣﻦ ﺩﻭﺭ ﻧﺎﺱ ﺣﻤﻴﺪﺓ ﺍﺧﺘﻲ .. ﻭﻣﺴﻜﻴﻨﺔ ﺷﻮﻳﺔ
ﻛﺪﺍ .. ﻳﻌﻨﻲ ﻣﻤﻜﻦ ﺗﻘﻮﻝ ﻣﻦ ﺫﻭﻱ ﺍﻟﺤﺎﺟﺎﺕ ﺍﻟﺨﺎﺻﺔ ..
ﻛﻞ ﻣﺮﺓ ﺑﺘﺠﻲ ﺗﺮﻣﻲ ﻟﻲ ﻛﻠﻤﺔ ﻭﺗﻘﻮﻡ ﺟﺎﺭﻳﺔ ﺣﻔﻴﺎﻧﺔ .. ﺗﻘﻮﻝ ﻟﻲ ﺍﻧﺘﻲ
ﺑﻘﻴﺘﻲ ﻣﺮﺓ ﻫﺸﺎﻡ؟ ﺑﻘﻮﻝ ﻟﻴﻬﺎ ﺍﻳﻮﺓ ﻳﺎ ﻟﺒﻨﻰ ..
ﺗﺎﻧﻲ ﺗﺠﺮﻱ ﻭﺗﺠﻲ .. ﺗﻘﻮﻝ ﻟﻲ ﺍﻧﺘﻲ ﺣﺘﻘﻌﺪﻱ ﻣﻌﺎﻧﺎ ﻓﻲ ﺍﻟﺒﻴﺖ؟
ﺑﻘﻮﻝ ﻟﻴﻬﺎ ﺍﻳﻮﺓ ﻳﺎ ﻟﺒﻨﻰ ..
ﻓﻲ ﻣﺮﺓ ﺟﺎﺗﻨﻲ ﻗﺎﻟﺖ ﻟﻲ ﻣﺎﻣﺎ ﻗﺎﻟﺖ ﺣﺘﺘﻐﺪﺍ ﺑﻴﻚ .. ﺍﻧﺎ ﻗﻌﺪﺕ ﺍﺿﺤﻚ ..
ﻭﻣﺎﻓﻬﻤﺖ ﻗﺼﺪﻫﺎ ﺷﻨﻮ .. ﻭﻣﺎ ﺍﻫﺘﻤﻴﺖ ﻟﻠﻤﻮﺿﻮﻉ ..
ﺍﻫﺎ ﺍﻟﻠﻴﻠﺔ ﺍﻟﻘﺒﻞ ﺍﻟﺴﻔﺮ ﻣﺒﺎﺷﺮﺓ .. ﻳﻌﻨﻲ ﻳﻮﻡ ﺍﻟﺴﺒﺖ ﺑﺎﻟﻠﻴﻞ ﺟﺎﺗﻨﻲ
ﺧــﺎﻟﺘﻲ ﺣﻴﺎﺓ ﺍﻡ ﻫﺸﺎﻡ ﻓﻲ ﺍﻟﻐﺮﻓﺔ .. ﻭﻗﺎﻟﺖ ﻟﻲ ﻭﻳﻦ ﺍﻟﺪﻫﺐ ؟
ﻗﻠﺖ ﻟﻴﻬﺎ ﺍﻟﺪﻫﺐ ﻳﺎﺗﻮ؟
ﻗﺎﻟﺖ ﻟﻲ ﺍﻟﺪﻫﺐ ﺍﻟﺠﺎﺑﻮ ﻟﻴﻚ ﻫﺸﺎﻡ ﻭﻟﺪﻱ ..
ﻗﻠﺖ ﻟﻴﻬﺎ ﻛﻞ ﺍﻟﺪﻫﺐ ﻓﻲ ﺷﻨﻄﺔ ﺍﻟﻴﺪ ﺍﻟﺴﻮﺩﺍﺀ ﻓﻲ ﺍﻟﺪﻭﻻﺏ .. ﻭﻣﺎﺳﺄﻟﺘﻬﺎ
ﻋﺎﻳﺰﺓ ﺑﻴﻬﻮ ﺷﻨﻮ؟
ﻓﺘﺤﺖ ﺍﻟﺪﻭﻻﺏ ﻭﻃﻠﻌﺖ ﺍﻟﺸﻨﻄﺔ ﺍﻟﺴﻮﺩﺍﺀ .. ﻭﻓﺘﺤﺘﻬﺎ ﻭﻛﺒﺖ ﺍﻟﺪﻫﺐ ﻛﻠﻮ ﻓﻲ
ﺍﻟﻤﺮﺗﺒﺔ .. ﻭﻓﺮﺯﺗﻮ ﺧﺘﺖ ﺩﻫﺐ ﺑﺎﺑﺎ ﻓﻲ ﺟﻴﻬﺔ .. ﻭﺍﻟﺪﻫﺐ ﺍﻟﺠﺎﺑﻮ ﻟﻲ
ﻫﺸﺎﻡ ﻓﻲ ﺟﻴﻬﺔ .. ﻭﺧﻤﺖ ﺩﻫﺐ ﻫﺸﺎﻡ ﻛﺪﺍ ﻓﻲ ﻃﺮﻑ ﺗﻮﺑﻬﺎ .. ﻭﻗﺎﻟﺖ
ﻟﻲ ﺍﻟﺪﻫﺐ ﺩﻩ ﺍﻧﺎ ﺡ ﺃﺣﻔﻈﻮ ﻟﻴﻚ ﻟﻤﻦ ﺗﺮﺟﻌﻲ .. ﻣﺼﺮ ﺩﻱ ﻓﻴﻬﺎ ﺍﻟﺤﺮﺍﻣﻴﺔ
..
ﺍﻧﺎ ﻗﻠﺖ ﻟﻴﻬﺎ ﻃﻴﺐ .. ﺷﻴﻠﻴﻬﻮ ﻛﻠﻮ .. ﻗﺎﻟﺖ ﻟﻲ ﻻﻻ ﺍﻟﺪﻫﺐ ﺍﻟﺠﺎﺑﻮ ﻟﻴﻚ
ﺍﺑﻮﻙ .. ﺍﻧﺘﻲ ﻣﺨﻴﺮﺓ ﻋﻠﻴﻬﻮ ..
ﻓﺠﺄﺓ ﻛﺪﺍ ﻫﺸﺎﻡ ﺟﺎ ﺩﺍﺧﻞ ﺍﻟﻐﺮﻓﺔ .. ﻗﺎﻟﺖ ﻟﻴﻬﻮ ﺍﻧﺖ ﻫﺴﻲ ﻣﺎﻗﻠﺖ ﻣﺎﺷﻲ
ﺗﺠﻴﺐ ﺣﺎﺟﺔ .. ﻗﺎﻝ ﻟﻴﻬﺎ ﺭﺳﻠﺖ ﻋﻤﺎﺩ .. ( ﻋﻤﺎﺩ ﺩﻩ ﻭﺩﺧﺎﻟﺘﻮ ) .. ﻭﺍﻟﻤﺮﺍﺓ
ﺑﻘﺖ ﺗﺘﻮﻧﺲ ﻭﺗﻀﺤﻚ ﻣﻌﺎﻱ .. ﻋﻜﺲ ﺍﻟﻤﺸﻬﺪ ﺍﻟﻜﺎﻥ ﻗﺒﻞ ﺷﻮﻳﺔ .. ﻭﻗﺎﻟﺖ
ﻟﻲ ﻭﻟﺪﻫﺎ .. ﺍﻟﺒﺖ ﺩﻱ ﻳﺸﻬﺪ ﺭﺑﻨﺎ ﻗﻠﺒﻲ ﺍﻧﻔﺘﺢ ﻟﻴﻬﺎ ﻣﻤﺎ ﺷﻔﺘﻬﺎ .. ﺩﻳﺮ
ﺑﺎﻟﻚ ﻋﻠﻴﻬﺎ ﻛﻮﻳﺲ ﻳﺎﻫﺸﺎﻡ ﻭﻟﺪﻱ . ﺍﻭ ﻋﻚ ﺗﻤﺸﻲ ﺗﺤﻮﻡ ﻭﺗﺨﻠﻴﻬﺎ ﻗﺎﻋﺪﺓ
ﻓﻲ ﺍﻟﺸﻘﺔ ﺑﺮﺍﻫﺎ .. ﻭﺩﺳﺖ ﺍﻟﺪﻫﺐ ﻛﺪﺍ ﺑﻲ ﻭﺭﺍﻫﺎ .. ﻛﺎﻧﻬﺎ ﺩﺍﻳﺮﺓ ﻭﻟﺪﻫﺎ
ﻣﺎﻳﺸـــﻮﻓﻮ ..
ﺍﻧﺎ ﻃﺒﻌﺎ " ﻋﻤﻠﺖ ﺧﻤﺴـﻴﻦ ﻋﻼﻣﺔ ﺍﺳﺘﻔﻬﺎﻡ ﻓﻲ ﺍﻟﻤﻮﺿﻮﻉ ﺩﻩ .. ﻟﻜﻦ ﺳﻜﺖ
.. ﻻﻧﻮ ﺍﺳﺎﺳﺎ " ﺍﻟﺪﻫﺐ ﻣﺎ ﺑﺸـﻜﻞ ﻟﻲ ﻓﺎﺭﻕ ﻓﻲ ﺣﻴﺎﺗﻲ .. ﻭﻻ ﻛﻠﻤﺖ
ﻫﺸﺎﻡ ﺑﺎﻟﻘﺼﺔ ﺩﻱ .. ﻭﺍﻟﺼﺒﺎﺡ ﺷﻠﻨﺎ ﺣﺎﺟﺎﺗﻨﺎ ﻭﺳﺎﻓﺮﻧﺎ ﺍﻟﻘﺎﻫﺮﺓ .. ﻭﺍﻧﺎ
ﻣﺴﺘﻐﺮﺑﺔ ﻓﻲ ﺍﻟﺸﻲ ﺍﻟﺤـﺼﻞ ﺍﻣــﺒﺎﺭﺡ ﺩﻩ ..
ﻃﻴﻠﺔ ﺍﻟﻄﺮﻳﻖ ﻭﻓﻲ ﺍﻟﻄﻴﺎﺭﺓ .. ﺍﻧﺎ ﺍﻟﺒﻔﺘﺢ ﻟﻴﻬﻮ ﻣﻮﺍﺿﻴﻊ .. ﻭﺑﺴﺄﻟﻪ ﺍﺳﺌﻠﺔ .
ﺑﺲ ﻗﺎﻝ ﻟﻲ ﻛﻠﻤﺔ ﻭﺍﺣﺪﺓ .. ﻗﺎﻝ ﻟﻲ ﺑﺨﺘﻚ ﺍﻟﻈﺎﻫﺮ ﺍﻣﻲ ﺑﺘﺤﺒﻚ ﺷﺪﻳﺪ ..
ﻗﻠﺖ ﻟﻴﻬﻮ ﺭﺑﻨﺎ ﻳﺨﻠﻴﻬﺎ ﻟﻲ .. ﻭﺑﺘﻜﻠﻢ ﻣﻌﺎﻫﻮ ﻛﺪﺍ ﺍﻧﺘﻜﻰ ﻓﻮﻕ ﻛﺮﺱ
ﻳﺎﻟﻄﻴﺎﺭﺓ ﻭﻧﺎﻡ ..
ﺍﻟﻤﻬﻢ ﺣﻄﺖ ﺍﻟﻄﺎﺋﺮﺓ ﻓﻲ ﻣﻄﺎﺭ ﺍﻟﻘﺎﻫﺮﺓ ﺍﻟﺪﻭﻟﻲ .. ﻭﺍﻧﺎ ﺍﻭﻝ ﻣﺮﺓ ﺍﺷﻮﻑ
ﻣﺼﺮ ﺍﻡ ﺍﻟﺪﻧﻴﺎ ...
ﻧﺰﻟﻨﺎ ﻓﻲ ﺍﻟﻘﺎﻫﺮﺓ ﻓﻲ ﻋﻴﻦ ﺷﻤﺲ .. ﻓﻲ ﺷﻘﺔ ﻓﻲ ﻣﺤﻄﺔ ﺍﺳﻤﻬﺎ ﺍﻟﻘﺮﺍﺝ
..
ﻛﺎﻥ ﺣﺎﺟﺰﻫﺎ ﻟﻴﻬﻮ ﺻﺎﺣﺒﻮ .. ﻭﺍﺧﺪﻧﺎ ﻓﻲ ﺍﻟﻘﺎﻫﺮﺓ 13 ﻳﻮﻡ .. ﻭﻃﻴﻠﺔ
ﺍﻟﻔﺘﺮﺓ ﻓﻲ ﺍﻟﻘﺎﻫﺮﺓ .. ﻫﺸﺎﻡ ﺗﻠﻔﻮﻧﻮ ﻟﻴﻞ ﻭﻧﻬﺎﺭ ﻣﺎﻭﻗﻒ .. ﺑﺲ ﺍﻣﻪ
ﻭﺍﺧﻮﺍﺗﻪ .. ﻳﻌﻨﻲ ﺟﺴﺪﻩ ﻣﻌﺎﻱ ﻓﻲ ﺍﻟﻘﺎﻫﺮﺓ .. ﻭﺭﻭﺣﻮ ﻭﻓﻜﺮﻩ ﻭﻋﻘﻠﻪ ﻛﻠﻮ
ﻣﺎﺯﺍﻝ ﻓﻲ ﺍﻣﺪﺭﻣﺎﻥ .. ﺍﻟﺤﺎﺟﺔ ﺩﻱ ﻛﻮﻳﺴﺔ ﻭﺍﻟﻠﻪ .. ﻛﻮﻧﻮ ﺍﻟﺰﻭﻝ ﻳﺘﻮﺍﺻﻞ
ﻣﻊ ﺍﻫﻠﻮ .. ﻟﻜﻦ ﺍﻧﺎ ﺣﺎﺳﺔ ﺑﺎﻟﺘﻬﻤﻴﺶ ﻟﺪﺭﺟﺔ ﻣﺨﻴﻔﺔ .. ﺑﺲ ﺍﺭﺗﺒﺎﻁ ﻫﺸﺎﻡ
ﺑﻲ ﻧﺎﺱ ﺑﻴﺘﻮ ﺧﻼﻧﻲ ﺍﻧﺎ ﺍﺳﻜﺖ .. ﺑﺎﻟﻌﻜﺲ ﻣﻈﻬﺮﻩ ﻟﻴﻬﻮ ﺍﻧﻲ ﺍﻧﺎ ﺑﺮﺿﻮ
ﻣﺮﺗﺒﻄﺔ ﺑﻴﻬﻢ .. ﻭﺣﻤﺪﺕ ﺍﻟﻠﻪ ﺍﻧﻲ ﺍﺻﻼ ﻣﺎﻛﻠﻤﺘﻮ ﺑﻲ ﻗﺼﺔ ﺍﻟﺪﻫﺐ ..
ﻭﻗﺮﺭﺕ ﺟﻮﺍﻱ ﺍﺻﻼ ﻣﺎ ﺃﺳﺎﻟﻬﺎ ﻣﻨﻮ .. ﻓﻲ ﺍﻟﻨﻬﺎﻳﺔ ﻫﻮ ﻭﻟﺪﻫﺎ ﻭﻟﻴﻬﺎ ﺍﻟﺤﻖ
ﺑﻜﻞ ﻣﺎﻳﻤﻠﻚ .. ﺯﻱ ﻣﺎﺑﻘﻮﻟﻮ ﺍﻧﺖ ﻭﻣﺎﻟﻚ ﻻﺑﻴﻚ ..
ﻫﺸﺎﻡ ﻛﺎﻥ ﺑﺎﻫﺖ ﻗﺪﺍﻣﻲ .. ﻭﻣﺎ ﻋﻨﺪﻩ ﺍﻱ ﺣﻴﺎﺓ ﺭﻭﻣﺎﻧﺴﻴﺔ ﻭﻻﺗﺮﻓﻴﻬﻴﺔ ..
ﻭﺍﻧﺎ ﺣﺎﺳﺔ ﺑﻲ ﺭﻭﺣﻲ ﻣﻦ ﺟﻮﻩ ﺧﺎﻭﻳﺔ .. ﺑﺮﻧﺎﻣﺠﻮ ﻃﻮﻝ ﻳﻮﻣﻮ ﻓﻲ ﺍﻟﺸﻘﺔ
.. ﻳﺎ ﺍﻣﺎ ﻧﺎﻳﻢ .. ﺍﻭ ﺑﺸﺎﻫﺪ ﻓﻲ ﺍﻟﻘﻨﻮﺍﺕ .. ﺍﻭ ﺑﺘﻜﻠﻢ ﻣﻊ ﻧﺎﺱ ﺑﻴﺘﻬﻢ ﻓﻲ
ﺍﻟﺘﻠﻔﻮﻥ .. ﺍﻭ ﺑﺘﻜﻠﻢ ﻣﻊ ﻧﺎﺱ ﺍﻟﺸﻐﻞ ﻓﻲ ﺍﻟﻤﺮﻛﺰ ﺍﻻﺳﺘﻬﻼﻛﻲ ﻳﻌﻨﻲ ﺍﻧﺎ
ﻛﻨﺖ ﺑﺘﻤﻨﻰ ﻳﻄﻠﻌﻨﻲ ﻭﻳﻔﺴﺤﻨﻲ ﻓﻲ ﺍﻟﻘﺎﻫﺮﺓ .. ﻭﺍﺷﻮﻑ ﺣﺘﺔ ﺳﻤﻌﺖ ﺑﻴﻬﺎ
.. ﻣﺎﻃﻠﻌﻨﺎ ﺍﻻ ﻣﺮﺗﻴﻦ .. ﻣﺮﺓ ﻣﺸﻴﻨﺎ ﺍﻟﺠﻴﺮﺓ ﻟﻼﻫﺮﺍﻣﺎﺕ . ﻭﻣﺮﺓ ﻣﺸﻴﻨﺎ
ﻭﺳﻂ ﺍﻟﺒﻠﺪ .. ﻭﺍﻧﺎ ﺍﺑﺪﺍ ﻣﻀﺎﻳﻘﺘﻮ .. ﻋﺎﻣﻠﺔ ﻓﻴﻬﺎ ﻋﺎﺩﻳﺔ .. ﺣﺘﻰ ﻭﻫﻮ ﻣﻌﺎﻱ
ﻓﻲ ﺍﻟﺸﻘﺔ ﺍﻧﺎ ﺍﻝ ﺑﻔﺘﺢ ﻟﻴﻬﻮ ﺍﻟﻤﻮﺍﺿﻴﻊ ﺑﺘﺎﻋﺔ ﺍﻟﻮﻧﺴﺔ ﺍﻧﺎ ﺑﺮﺍﻱ ..
ﻭﺍﻟﻈﺎﻫﺮ ﺍﻟﻈﺎﻫﺮ ﻓﻲ ﺣﺎﺟﺔ ﺷﺎﻏﻼﻫﻮ ﺷﺪﻳﺪ .. ﻫﻲ ﺷﻨﻮ؟ ﺍﻧﺎ ﻣﺎﻋﺎﺭﻓﺔ ﻟﻜﻦ
ﺍﻻﻳﺎﻡ ﺑﺘﻮﺿﺢ ﻟﻲ ﻛﻞ ﺷﻲ

إلى لقاء في حلقه قادمه

[لامارا]

ﺍﻟﺤﻠﻘﺔ 3

ﻓﻲ ﺍﺧﺮ ﺍﻳﺎﻣﻨﺎ ﻓﻲ ﺍﻟﻘﺎﻫﺮﺓ ﻳﻌﻨﻲ ﺗﻘﺮﻳﺒﺎ ﻗﺒﻞ ﻣﺎﻧﺠﻲ
ﺍﻟﺴﻮﺩﺍﻥ ﺑﻲ ﻳﻮﻣﻴﻦ ﺗﻼﺗﺔ .. ﻛﺎﻥ ﻫﺸﺎﻡ ﺑﺘﻜﻠﻢ ﻣﻊ ﺍﻣﻮ
ﺑﺎﻟﻠﻴﻞ .. ﻭﺍﻧﺎ ﻛﻨﺖ ﻓﻲ ﺍﻟﺤﻤﺎﻡ .. ﻭﻫﻮ ﻗﺎﻳﻠﻨﻲ ﻓﻲ ﺍﻟﻐﺮﻓﺔ
.. ﻭﺍﻧﺎ ﺑﺴﻤﻊ ﻓﻴﻬﻮ ﻳﺘﻜﻠﻢ ﻣﻌﺎﻫﺎ .. ﺑﻲ ﺍﺳﻠﻮﺏ ﻣﺎﻋﺠﺒﻨﻲ ..
ﻗﺎﻝ ﻟﻴﻬﺎ ﻭﺍﻟﻠﻪ ﺍﻧﺎ ﺑﻘﻮﻡ ﺍﻃﺶ ﺗﺎﻧﻲ ﻣﺎﺗﺸﻮﻓﻴﻨﻲ ﺑﻲ ﻋﻴﻨﻚ
.. ﻣﺎﺗﻜﺮﻫﻴﻨﻲ ﻳﺎﺥ ﺧﻼﺹ ﺷﻨﻮ ﻫﻮ؟ ﻧﻘﺘﻚ ﺍﻟﻤﺎﺑﺘﻨﺘﻬﻲ ﺩﻱ
..
ﺍﻧﺎ ﻟﻤﻦ ﺳﻤﻌﺖ ﺍﻟﻜﻼﻡ ﺩﻩ ﺷﻜﻴﺖ .. ﺍﻧﻮ ﺍﺣﺘﻤﺎﻝ ﻣﺎﺑﺘﻜﻠﻢ ﻣﻊ
ﺧﺎﻟﺘﻲ ﺣﻴﺎﺓ .. ﻻﻧﻮ ﻣﺴﺘﺤﻴﻞ ﻳﻘﻮﻝ ﻻﻣﻪ ﻛﻼﻡ ﺯﻱ ﺩﻩ ..
ﺑﺲ ﻓﻲ ﺍﻟﻨﻬﺎﻳﺔ ﺍﻻﺗﺼﺎﻝ ﻗﺎﻝ ﻟﻴﻬﺎ ﺧﻼﺹ ﻳﺎ ﺍﻣﻲ ﺗﺼﺒﺤﻲ
ﻋﻠﻰ ﺧﻴﺮ .. ﻭﺑﻲ ﻛﺪﺍ ﺍﺗﺎﻛﺪﺕ ﺍﻧﻮ ﺑﺘﻜﻠﻢ ﻣﻌﺎﻫﺎ ﻫﻲ .. ﻭﺍﻟﻠﻪ
ﻓﻲ ﺍﻟﺤﻤﺎﻡ ﻗﺮﺑﺖ ﺍﻗﻊ ﻣﻦ ﺍﻻﻧﻬﻴﺎﺭ .. ﻭﻓﻌﻼ ﻫﻮ ﻣﺎﻛﺎﻥ
ﻋﺎﺭﻓﻨﻲ ﻓﻲ ﺍﻟﺤﻤﺎﻡ .. ﻻﻧﻮ ﻟﻤﻦ ﺍﻧﺎ ﺟﻴﺖ ﻃﺎﻟﻌﺔ ﻣﻦ
ﺍﻟﺤﻤﺎﻡ ﺍﺗﻔﺎﺟﺄ .. ﻭﻗﺎﻝ ﻟﻲ ﺩﻱ ﻫﻨﺎﺩﻱ ﺍﻟﻐﺒﻴﺔ ﺩﻱ .. ﻛﻼﻣﻬﺎ
ﻣﺎﺑﻨﺘﻬﻲ ﻛﻠﻮ ﻛﻠﻮ .. ﻗﻠﺖ ﻟﻴﻬﻮ ﺣﺮﺍﻡ ﻋﻠﻴﻚ ﻳﺎﻫﺸﺎﻡ .. ﻫﺴﻲ
ﻫﻨﺎﺩﻱ ﺩﻱ ﻳﻘﻮﻟﻮ ﻟﻴﻬﺎ ﻛﺪﺍ؟ .. ﺍﻧﺴﺎﻧﺔ ﻃﻴﺒﺔ ﻭﺑﺴﺎﻣﺔ ..
ﺑﻌﺪﻳﻦ ﺍﻧﺖ ﺑﺘﻘﻮﻝ ﻟﻴﻬﺎ ﻳﺎ ﺍﻣﻲ ﻣﻦ ﺷﺪﺓ ﺍﺣﺘﺮﺍﻣﻚ ﻟﻴﻬﺎ ..
ﻳﻌﻨﻲ ﺑﺘﺤﺒﻬﺎ ﺭﺑﻨﺎ ﻳﺪﻳﻢ ﺍﻟﻤﺤﺒﺔ ﺑﻴﻨﻜﻢ .. ﻃﺒﻌﺎ" ﺍﻧﺎ
ﻋﺎﺭﻓﺎﻫﻮ ﺑﻜﺬﺏ ﻋﻠﻲ .. ﻟﻜﻦ ﺣﺒﻴﺖ ﺍﻣﺸﻴﻬﻮ ﺯﻱ ﻣﺎﻋﺎﻳﺰ
.. ﻋﺸﺎﻥ ﻣﺎﻳﺤﺲ ﺑﺎﻟﺤﺮﺝ .. ﻟﻜﻦ ﻟﻲ ﻣﺘﻴﻦ ﺡ ﻳﻔﻀﻞ
ﻳﺪﺳﺪﺱ ﻋﻠﻰ .. ؟؟
ﺑﻌﺪ ﺷﻮﻳﺔ ﻭﺍﻧﺎ ﻭﺍﻗﻔﺔ ﻓﻲ ﺍﻟﻤﺮﺍﻳﺔ ﺑﺴﺮﺡ .. ﺍﺗﺼﻠﺖ ﺗﺎﻧﻲ
ﺍﻣﻮ .. ﻭﺷﻜﻠﻬﺎ .. ﻗﺎﻟﺖ ﻟﻴﻬﻮ ﺍﺩﻳﻨﻲ ﻫﻨﺪ .. ﺍﻇﻨﻬﺎ ﻋﺎﻳﺰﺓ
ﺗﺘﻜﻠﻢ ﻣﻌﺎﻱ .. ﻻﻧﻮ ﻗﺎﻝ ﻟﻴﻬﺎ ﻫﺴﻲ ﻫﻨﺪ ﻣﺸﻐﻮﻟﺔ .. ﻟﻜﻦ
ﺍﻟﻤﺮﺍﺓ ﺷﻜﻠﻬﺎ ﻛﺎﻧﺖ ﻣﺼﺮﺓ .. ﻣﺎﻋﺎﺭﻓﺎﻫﺎ ﺩﺍﻳﺮﺓ ﺗﻘﻮﻝ ﻟﻲ
ﺷﻨﻮ؟
ﻭﻫﻮ ﺍﺑﺎ ﻛﻠﻮﻛﻠﻮ ﻳﺪﻳﻨﻲ ﻟﻴﻬﺎ ﻓﻲ ﺍﻟﺘﻠﻔﻮﻥ .. ﺑﺲ ﺷﺎﺑﻜﻬﺎ
ﺗﺼﺒﺤﻲ ﻋﻠﻰ ﺧﻴﺮ .. ﺗﺼﺒﺤﻲ ﻋﻠﻰ ﺧﻴﺮ .. ﻓﻲ ﺍﻟﻨﻬﺎﻳﺔ
ﻗﻔﻞ ﺍﻟﺘﻠﻔﻮﻥ ﻭﺑﺲ .. ﺍﻟﻤﻬﻢ ﺍﻧﺎ ﻋﻤﻠﺖ ﻓﻴﻬﺎ ﺍﻟﻜﻼﻡ
ﻻﻳﻌﻨﻴﻨﻲ .. ﻭﺡ ﺃﻋﻤﻞ ﻟﻴﻬﻮ ﺯﻱ ﻣﺎ ﻫﻮ ﺑﻌﻤﻞ .. ﺗﻬﻤﻴﺶ
ﻭﺗﻄﻨﻴﺶ ﺑﺲ .. ﻭﻻ ﺳﺄﻟﺘﻮ ﻗﻠﺖ ﻟﻴﻬﻮ ﺩﻱ ﻣﻨﻮ ﺍﻟﻌﺎﻳﺰﺍﻧﻲ ﺩﻱ
.. ﻣﻀﺖ ﺍﻟﻠﻴﻠﺔ ﺩﻳﻚ .. ﺑﺎﻛﺮ ﺍﻟﺼﺒﺎﺡ ﻗﺎﻡ ﻭﻃﻠﻊ ﻣﺸﻰ
ﺍﻟﺒﻘﺎﻟﺔ ..
ﻭﺧﻼ ﺗﻠﻔﻮﻧﻮ ﻓﻮﻕ ﺍﻟﺴﺮﻳﺮ .. ﻃﻮﺍﻟﻲ ﺍﻟﺘﻠﻔﻮﻥ ﺩﻗﺎ .. ﺍﻧﺎ ﺭﻓﻌﺖ
ﺍﻟﺘﻠﻔﻮﻥ ﻋﺎﻳﻨﺖ ﻟﻘﻴﺖ ﺍﻻﺳﻢ ‏( ﺃﻣﻲ‏) .. ﻓﺘﺤﺖ ﻟﻴﻬﺎ ﺍﻟﺨﻂ ..
ﻟﻜﻦ ﺯﻱ ﺍﻟﻔﻲ ﺷﻲ ﻗﻔﻞ ﺧﺸﻤﻲ .. ﻏﻠﺒﻨﻲ ﻛﻠﻮ ﻛﻠﻮ ﺍﻗﻮﻝ
ﻛﻠﻤﺔ .. ﻟﻲ ﺷﻲ ﻳﻌﻠﻤﻪ .. ﻣﺮﺍﺕ ﺍﻧﺎ ﻳﺘﺨﻴﻠﻲ ﻋﻤﻠﺖ ﻛﺪﻱ
ﺑﻲ ﻗﺼﺪﻱ .. ﺩﺍﻳﺮﺓ ﺍﺷﻮﻓﻬﺎ ﺑﺘﻘﻮﻝ ﻟﻴﻬﻮ ﺷﻨﻮ؟
ﺑﻘﺖ ﺗﺴﻮﻱ ﺍﻟﻮ .. ﺍﺳﻤﻌﻨﻲ ﻳﺎﻫﺸﺎﻡ .. ﺍﻧﺎ ﻋﺎﺭﻓﺎﻙ ﻣﺎ ﺩﺍﻳﺮ
ﺗﺴﻤﻊ ﻣﻨﻲ ﻛﻠﻤﺔ .. ﺑﺲ ﺍﻧﺎ ﺑﻮﺻﻲ ﻓﻴﻚ .. ﻻﻧﻲ ﻋﺎﺭﻓﺔ
ﺑﻨﺎﺕ ﺍﻻﻳﺎﻡ ﺩﻱ .. ﻭﺩﻩ ﻛﻼﻡ ﻟﻲ ﻣﺼﻠﺤﺘﻚ .. ﻳﻌﻨﻲ ﺍﻟﻤﺮﺍﺓ
ﻛﺎﻥ ﻣﺎ ﺯﻟﻴﺘﻬﺎ ﻭﺍﻫﻨﺘﻬﺎ .. ﻣﺎﺑﺘﺤﺒﻚ .. ﺍﻟﻤﺮﺍﺓ ﺑﺘﺤﺘﺮﻡ
ﺍﻟﺮﺍﺟﻞ ﺍﻟﺼﻌﺐ .. ﻭﺑﺘﺤﻘﺮﺍﻟﺮﺍﺟﻞ ﺍﻟﻄﻴﺐ . ﺍﻭﻋﻚ ﺗﺒﻘﻰ
ﻣﺴﻜﻴﻦ .. ﺍﻟﻤﺮﺍﺓ ﻭﺭﻳﻬﺎ ﺍﻟﻨﺠﻮﻡ ﺑﺎﻟﻨﻬﺎﺭ ..
ﺍﻟﻮﻭ ﺍﻧﺖ ﺳﺎﻣﻌﻨﻲ ؟ ﺍﻧﺎ ﻗﻔﻠﺖ ﻣﻨﻬﺎ ﺍﻟﺨﻂ . ﻭﺍﻧﺎ ﻣﺒﻬﻮﺗﺔ ..!!
ﻣﻌﻘﻮﻝ ﻓﻲ ﻣﺮﺍﺓ ﺗﻮﺻﻲ ﻭﻟﺪﻫﺎ ﺑﺎﻟﻄﺮﻳﻘﺔ ﺩﻱ؟؟ .. ﺍﻛﻴﺪ
ﺍﻟﻤﺮﺍﺓ ﺩﻱ ﻣﺎ ﻃﺒﻴﻌﻴﺔ .. ﻫﺴﻲ ﺍﻧﺎ ﻋﻤﻠﺖ ﺷﻨﻮ ﻋﺸﺎﻥ
ﻳﻬﻴﻨﻮﻧﻲ ﻭﻳﻮﺭﻭﻧﻲ ﺍﻟﻨﺠﻮﻡ ﺑﺎﻟﻨﻬﺎﺭ؟ ..
ﺗﺎﻧﻲ ﺩﻗﺖ ﻓﺘﺤﺖ ﻟﻴﻬﺎ ﺍﻟﺨﻂ .. ﻗﻠﺖ ﻟﻴﻬﺎ .. ﺍﻟﻮ .. ﻗﺒﻞ
ﻣﺎﺗﺘﻜﻠﻢ ..
ﻗﺎﻟﺖ ﻟﻲ ﺯﻳﻚ ﻳﺎﻫﻨﺪﻭﻳﺔ .. ﻗﻠﺖ ﻟﻴﻬﺎ ﺍﻫﻠﻴﻦ ﻳﺎ ﺧﺎﻟﺘﻲ
ﺣﻴﺎﺓ ﻛﻴﻔﻚ .. ﻗﺎﻟﺖ ﻟﻲ ﻭﻳﻨﻮ ﻫﺸﺎﻡ؟ . ﻗﻠﺖ ﻟﻴﻬﺎ ﻧﺰﻝ ﻋﻠﻰ
ﺍﻟﺒﻘﺎﻟﺔ ﺑﺠﻲ .. ﺍﻧﺘﻮ ﻛﻴﻒ ﻭﻛﻴﻒ ﻫﻨﺎﺩﻱ ﻭﺗﻐﺮﻳﺪ ﻭﻟﺒﻨﻰ
ﻭﻋﻢ ﻣﺤﻤﺪ؟ .. ﻗﺎﻟﺖ ﻛﻮﻳﺴﻴﻦ .. ﺍﻧﺘﻲ ﻫﺴﻊ ﺑﺘﺴﺄﻟﻲ ﻣﻨﻬﻢ
ﺑﻌﺪ ﻣﺎ ﺍﻧﺎ ﺍﺗﺼﻠﺖ؟؟ .. ﻣﺎﻟﻚ ﻣﺎ ﺇﺗﺼﻠﺘﻲ ﺗﺴﺄﻟﻲ ﻣﻨﻬﻢ؟ ..
ﺍﺑﻴﺖ ﺍﺭﺩ ﻟﻴﻬﺎ .. ﻗﻠﺖ ﻟﻴﻬﺎ ﺩﻗﻴﻘﺔ ﺍﺷﻮﻑ ﺍﻟﺒﺎﺏ . ﻭﻗﻔﻠﺖ
ﺍﻟﺨﻂ .. ﺗﺎﻧﻲ ﻗﺪﺭ ﻣﺎﺩﻗﺖ ﻣﺎ ﺭﺩﻳﺖ ﻟﻴﻬﺎ .. ﻟﻤﻦ ﻳﺠﻲ ﻭﻟﺪﻫﺎ
..
ﻭﺍﻟﺘﻠﻔﻮﻥ ﺍﺻﻠﻮ ﻣﺎﻭﻗﻒ ﺭﻥ ﺭﻥ ﺭﻥ .. ﻻﻣﻦ ﺟﺎ ﻫﺸﺎﻡ ﻣﻦ
ﺍﻟﺒﻘﺎﻟﺔ ﻭ .. ﺟﺎﺀ ﻟﻘﺎﻧﻲ ﻣﻨﻄﻄﺔ ﻋﻴﻮﻧﻲ ﻗﺪﺭ ﺍﻟﻔﻨﺎﺟﻴﻦ ..
ﺣﻘﻴﻘﺔ ﺍﻧﺎ ﺑﻘﻴﺖ ﻋﺎﻳﺸﺔ ﻓﻲ ﺭﻋﺐ ﻭﺗﻮﺗﺮ .. ﻣﻌﻘﻮﻟﺔ
ﺍﻟﻤﺮﺍﺓ ﺩﻱ ﺑﺘﻘﻮﻝ ﻟﻲ ﻭﻟﺪﻫﺎ ﻛﻼﻡ ﺯﻱ ﺩﻩ ؟
ﻗﻠﺖ ﻟﻴﻬﻮ ﺧﺎﻟﺘﻲ ﺣﻴﺎﺓ ﺿﺮﺑﺖ ﻟﻴﻚ ﻫﻨﺎ .. ﻗﺎﻝ ﻟﻲ ﻭﺍﻧﺘﻲ
ﺍﺳﺘﻘﺒﻠﺘﻲ ﺍﻟﻤﻜﺎﻟﻤﺔ ؟؟ ﻗﻠﺖ ﻟﻴﻬﻮ ﻧﻌﻢ ..
ﻗﺎﻝ ﻟﻲ .. ﻟﻴﻚ ﻭﻟﻲ ﺯﻣﺎﻧﻚ ﻳﺎﻫﻨﺪ .. ﺍﻳﺎﻙ ﺛﻢ ﺍﻳﺎﻙ ﺗﻬﺒﺸﻲ
ﺗﻠﻔﻮﻧﻲ ﺩﻩ .. ﺍﻭ ﺗﺮﺩﻱ ﻋﻠﻴﻬﻮ . ﺍﻧﺎ ﺣﺼﻞ ﻫﺒﺸﺖ ﺗﻠﻔﻮﻧﻚ؟
ﺩﻱ ﺧﺼﻮﺻﻴﺎﺗﻚ .. ﺍﻧﺎ ﻛﻤﺎﻥ ﻋﻨﺪﻱ ﺧﺼﻮﺻﻴﺎﺗﻲ ..
ﻗﻠﺖ ﻟﻴﻬﻮ ﻳﺎﻫﺸﺎﻡ ﻧﺤﻦ ﺑﻘﻴﻨﺎ ﺯﻭﺟﻴﻦ .. ﻭﺑﻘﻴﻨﺎ ﺣﺎﺟﺔ
ﻭﺍﺣﺪﺓ .. ﻳﻌﻨﻲ ﺧﺼﻮﺻﻴﺎﺕ ﺑﻌﺪ ﻛﺪﺍ؟
ﻗﺎﻝ ﻟﻲ ﺍﻳﻮﺓ .. ﻟﻮ ﻓﻲ ﺍﺳﺮﺍﺭ ﺑﻴﻨﻚ ﻭﺑﻴﻦ ﺍﺧﻮﺍﺗﻚ .. ﺍﻧﺎ ﺑﺤﻖ
ﻟﻲ ﺍﻋﺮﻓﻬﺎ ؟ ﺍﻭ ﺑﻴﻨﻚ ﻭﺑﻴﻦ ﺍﻣﻚ؟؟ .. ﻣﻬﻤﺎ ﻳﻜﻮﻥ .. ﺣﺘﻰ
ﻭﻟﻮ ﻧﺤﻦ ﺯﻭﺟﻴﻦ ﺑﺮﺿﻮ ﻓﻲ ﺧﺼﻮﺻﻴﺎﺕ ﻻﻳﻤﻜﻦ ﻧﺘﺠﺎﻭﺯﺍ ..
ﻗﻠﺖ ﻟﻴﻬﻮ ﺧﻴﺮ ﻳﺎ ﻫﺸﺎﻡ .. ﺗﺎﻧﻲ ﻣﺎﺑﻬﺒﺶ ﺗﻠﻔﻮﻧﻚ ..
ﻭﺍﻧﺘﻬﻴﻨﺎ ﻋﻠﻰ ﻛﺪﺍ ..
ﻫﻮ ﺍﺻﻼ ﺍﻟﺘﻠﻔﻮﻥ ﻋﺎﻣﻞ ﻟﻴﻬﻮ ﻧﻤﻂ .. ﻣﺎﻓﻲ ﺯﻭﻝ ﺑﻘﺪﺭ
ﻳﺨﻤﻨﻮ ﺍﺻﻼ"
ﻋﺸﺎﻥ ﻛﺪﺍ ﻣﺎﻓﻲ ﺍﻻ ﺍﺭﺩ ﻋﻠﻰ ﺍﻟﻤﻜﺎﻟﻤﺎﺕ .. ﻭﺍﻧﺎ ﺍﻟﻤﺴﻜﻴﻨﺔ
ﺗﻠﻔﻮﻧﻲ ﻓﺎﺍﺗﺢ ﻻﻧﻤﻂ ﻭﻻ ﺷﻲ ..
ﻭﻻﺯﻋﻠﺖ ﻣﻨﻮ ﻭﻻﺣﺎﺟﺔ .. ﻻﻧﻮ ﻛﻼﻣﻮ ﻣﻨﻄﻘﻲ .. ﻭﺍﻧﺎ ﺑﺤﺐ
ﺍﻟﻨﻘﺎﺵ ﺑﺎﻟﻤﻨﻄﻖ .. ﻭﻫﺸﺎﻡ ﻛﺎﻥ ﻧﻘﺎﺷﻮ ﻫﺎﺩﻱ ﺍﺻﻼ ﻫﻮ ﺯﻭﻝ
ﻫﺎﺩﻱ ﺟﺪﺍ .. ﻭﺻﻮﺗﻮ ﻭﺍﻃﻲ ﻟﻜﻦ ﻻﺫﻉ .. ﺑﺲ ﺍﻧﺎ ﺑﺨﺎﻑ ﻣﻦ
ﺍﻟﻜﻮﺍﺭﻳﻚ ﻭﺍﻟﻨﻬﻴﺮ ..
ﻭﺣﺎﻭﻟﺖ ﻃﻮﺍﻟﻲ ﺍﺧﺶ ﻓﻲ ﻭﻧﺴﺔ .. ﻭﺍﻏﻴﺮ ﺍﻟﺠﻮ ﻋﺸﺎﻥ ﻣﺎ
ﻳﺤﺲ ﺍﻧﻲ ﺯﻋﻠﺖ ﻭﻛﺪﺍ .. ﺿﺤﻜﺖ ﻛﺪﺍ ﻭﻗﻠﺖ ﻟﻴﻬﻮ .. ﺍﻧﺖ
ﻋﺎﺭﻑ ﺧﺎﻟﺘﻲ ﺣﻴﺎﺓ ﻻﻳﻤﺎﻧﻲ .. ﻗﺎﻟﺖ ﻟﻲ ﻣﺎ ﺳﺄﻟﺖ ﻣﻦ
ﺍﻟﺒﻨﺎﺕ .. ﺳﻜﺖ ﻣﺎﻋﺮﻓﺖ ﺍﻗﻮﻝ ﻟﻴﻬﺎ ﺷﻨﻮ؟ ﻋﺎﻳﻦ ﻟﻲ ﻛﺪﺍ ..
ﻭﻻ ﺭﺩ ﻟﻲ ﻭﻻ ﺍﺑﺘﺴﻢ .. ﻭﻻ ﻏﻴﺮ ﻣﻼﻣﺢ ﻭﺷﻮ ..
ﺩﻳﻞ ﺷﻨﻮ ﺍﻟﻨﺎﺱ ﺍﻟﻐﺮﻳﺒﻴﻦ ﺩﻳﻞ .. ﺍﻟﺰﻭﻝ ﺩﻩ ﻛﺎﻥ ﺑﺘﻮﻧﺲ
ﻣﻌﺎﻱ ﻛﻮﻳﺲ ﻗﺒﻞ ﺍﻟﺰﻭﺍﺝ .. ﺷﻨﻮ ﺍﻟﺤﺼﻞ ﻋﻠﻴﻬﻮ ﻓﺠﺄﺓ ﻛﺪﺍ ..
ﻭﺑﻘﻰ ﺧﺎﺷﻲ ﻟﻲ ﻓﻲ ﺷﺨﺼﻴﺔ ﻫﺘﻠﺮ .. ﺍﺣﺘﻤﺎﻝ ﻳﺎﺭﺑﻲ ﺑﻨﻔﺬ
ﻓﻲ ﻭﺻﻴﺔ ﺍﻣﻪ .. ﻋﺎﻳﺰ ﻳﻮﺭﻳﻨﻲ ﺍﻟﻨﺠﻮﻡ ﻓﻲ ﺍﻟﻨﻬﺎﺭ .. ﻧﺸﻮﻑ
..
ﺍﻧﺎ ﺷﻠﺖ ﺍﻟﺤﺎﺟﺎﺕ ﺍﻟﺠﺎﺑﻦ ﻣﻦ ﺍﻟﺒﻘﺎﻟﺔ .. ﻭﺩﺧﻠﺖ ﻋﻠﻰ
ﺍﻟﻤﻄﺒﺦ .. ﺍﻋﻤﻞ ﻟﻲ ﻓﻄﻮﺭ .. ﻫﻮ ﺍﺻﻼ ﻓﻄﻮﺭ ﺷﻨﻮ ؟ ﺟﺒﻨﺔ
ﺷﻴﺪﺭ . ﻭﻗﺸﻄﺔ . ﻭﻋﺴﻞ ﻭﺗﻮﺳﺘﺎﺕ .. ﻭﻓﻮﻝ ﻣﻌﻠﺐ . ﺍﻟﻤﻬﻢ
ﺣﺎﺟﺎﺕ ﺑﺘﺎﻋﺎﺕ ﻓﻄﻮﺭ ﺍﻟﻠﻐﻮﺳﺔ ﺩﻩ .. ﺍﻧﺎ ﻓﻲ ﺍﺛﻨﺎﺀ ﺑﻌﻤﻞ
ﻓﻲ ﺍﻟﻔﻄﻮﺭ .. ﻭﻫﻮ ﺭﺍﻗﺪ ﻓﻲ ﺍﻟﺼﺎﻟﺔ ﺑﺮﺓ ﻓﻲ ﺍﻟﻜﻨﺒﺔ ..
ﺟﺎﻫﻮ ﺗﻠﻔﻮﻥ .. ﺗﺎﻧﻲ ﻓﺘﺢ ﺍﻟﺨﻂ .. ﻭﺍﻧﺎ ﺑﺴﻤﻊ ﻓﻴﻬﻮ ..
ﻗﺎﻝ ﻟﻴﻬﺎ ﺻﺒﺎﺡ ﺍﻟﺨﻴﺮ ﻳﺎ ﺍﻣﻲ . ﻛﻴﻒ ﺍﻧﺘﻮ ﻭﺍﺑﻮﻱ .
ﺍﻫﺎ ﺍﻻﻣﻮﺭ ﻛﻴﻒ ؟
ﺳﻜﺖ ﻣﺴﺎﺍﺍﻓﺔ .. ﺑﺴﻤﻊ ..
ﻗﺎﻝ ﻟﻴﻬﺎ .. ﻛﻴﻒ ﻳﻌﻨﻲ ﺑﺎﻋﺘﻮ؟
ﻭﺳﻜﺖ ﻣﺴﺎﺍﺍﻓﺔ ﺑﺴﻤﻊ ﻓﻴﻬﺎ ..
ﻗﺎﻝ ﻟﻴﻬﺎ ﺑﺎﻋﺘﻮ ﻟﻤﻨﻮ ؟ ﻭﺑﻲ ﻛﻢ؟ ﻭﻣﺘﻴﻦ ؟
ﻭﺳﻜﺖ ﺗﺎﻧﻲ ﺑﺴﻤﻊ ..
ﻗﺎﻝ ﻗﻠﻴﻬﺎ : ﻫﻲ ﺍﺻﻼ ﻃﻠﻌﺖ ﻣﺘﻴﻦ ﻭﻻﻗﺘﻮ ﻭﻳﻦ؟
ﻃﻮﻝ ﺍﻟﻴﻮﻡ ﻛﺎﻧﺖ ﻓﻲ ﺍﻟﻐﺮﻓﺔ ﻓﻲ ﺑﻴﺘﻨﺎ ..
ﻭﺳﻜﺖ ﻣﺴﺎﺍﺍﻓﺔ ﻳﺴﻤﻊ .. ‏( ﻣﺎﻋﺎﺭﻓﺔ ﺑﺘﻘﻮﻝ ﻟﻴﻬﻮ ﻓﻲ ﺷﻨﻮ ‏)
ﺑﻌﺪ ﺷﻮﻳﺔ ﺧﻔﺾ ﺻﻮﺗﻮ ﻟﻜﻦ ﺍﻧﺎ ﺳﺎﻣﻌﺔ ﺑﺮﺿﻮ .. ﻭﻗﺎﻝ ﻟﻴﻬﺎ
.. ﺍﺳﻤﻌﻲ ﻳﺎ ﺍﻣﻲ ..
ﺍﻧﺎ ﺍﺷﺘﺮﻳﺘﻮ ﻟﻴﻬﺎ ﻭﺑﻘﻰ ﺣﻘﻬﺎ .. ﺗﺒﻴﻌﻮ ﺗﺘﺒﺮﻉ ﺑﻴﻬﻮ ..
ﺗﺮﻣﻴﻬﻮ ﻓﻲ ﺍﻟﺒﺤﺮ .. ﻫﻲ ﺗﺎﻧﻲ ﻣﺨﻴﺮﺓ ..
ﺳﻜﺖ ﻣﺴﺎﺍﺍﻓﺔ ﺑﺴﻤﻊ ﻓﻴﻬﺎ .. ﻭﻗﺎﻝ ﻟﻴﻬﺎ ﺧﻼﺹ ﺍﻟﻤﻮﺿﻮﻉ ﺩﻩ
ﺑﻘﻰ ﻣﺴﺆﻟﻴﺘﻲ ﺍﻧﺎ ..
ﻭﺷﻜﻠﻬﺎ ﻋﻠﻰ ﺣﺴﺐ ﺭﺩﻭﺩﻭ .. ﺍﻧﻮ ﺍﻣﻮ ﻗﺎﻟﺖ ﻟﻴﻬﻮ ﺯﻭﺟﺘﻚ
ﺑﺎﻋﺖ ﺍﻟﺪﻫﺐ ﺍﻻﺷﺘﺮﻳﺘﻮ ﻟﻴﻬﺎ ..
ﺍﻧﺎ ﻋﻤﻠﺖ ﻓﻴﻬﺎ ﻣﺎﺳﺎﻣﻌﺔ ﺍﻱ ﺣﺎﺟﺔ .. ﺧﺘﻴﺖ ﻟﻴﻬﻮ ﺍﻟﻔﻄﻮﺭ ..
ﻭﻗﻌﺪﺕ ﻣﻌﺎﻫﻮ ﻋﺸﺎﻥ ﻧﺎﻛﻞ ﻣﻊ ﺑﻌﺾ .. ﻗﺎﻡ ﻗﺎﻝ ﻟﻲ ﺍﻧﺘﻲ ﻳﺎ
ﻫﻨﺪ ﺍﻟﺪﻫﺐ ﺍﻻﺷﺘﺮﻳﺘﻮ ﻟﻴﻚ ﺟﺒﺘﻴﻬﻮ ﻣﻌﺎﻙ؟؟
.. ﻗﻠﺖ ﻟﻴﻬﻮ ﻻﻻ .. ﺍﺩﻳﺘﻮ ﺧﺎﻟﺘﻲ ﺣﻴﺎﺓ .. ﻋﺸﺎﻥ ﻫﻲ ﻗﺎﻟﺖ
ﻟﻲ ﻋﺎﻳﺰﺓ ﺃﺣﻔﻈﻮ ﻟﻴﻚ ﻋﺸﺎﻥ ﻣﺎﻳﻀﻴﻊ ﻣﻨﻚ ..
ﻗﺎﻝ ﻟﻲ ﺧﻼﺹ ﻣﺎﺩﺍﻡ ﻛﺪﺍ ﻣﺎﻓﻲ ﻣﺸﻜﻠﺔ .. ﺍﻧﺎ ﺍﺳﺘﻐﺮﺑﺖ ﻣﻦ
ﻛﻼﻣﻮ ﻭﺍﻟﻠﻪ ﺍﺣﺘﺮﺕ ﻋﺪﻳﻞ ..
ﻳﻌﻨﻲ ﻫﻮ ﻗﺎﻟﺖ ﻟﻴﻬﻮ ﺍﻟﻌﺮﻭﺱ ﺑﺎﻋﺖ ﺩﻫﺒﻬﺎ .. ﻭﺍﻧﺎ ﻗﻠﺖ ﻟﻴﻬﻮ
ﻋﻨﺪﻫﺎ ﻫﻲ .. ﻭﻫﻮ ﻭﻻ ﺣﺮﻙ ﺳﺎﻛﻦ ﻭﻻ ﺯﻋﻞ ﻭﻻ ﻛﺎﻧﻪ
ﺍﻟﻜﻼﻡ ﻣﺎﺑﻌﻨﻴﻬﻮ .. ﺑﺲ ﺳﺄﻝ ﺍﻟﺴﺆﺍﻝ ﻭﺳﻜﺖ ..
ﺍﻟﺰﻭﻝ ﺩﻩ ﻓﻬﻤﻮ ﺷﻨﻮ ؟ ﺍﻧﺎ ﻓﻬﻤﺖ ﺍﻣﻮ ﺗﻤﺎﻣﺎ .. ﺍﻧﺴﺎﻧﺔ ﺳﻴﺌﺔ
ﻭﻛﺨﺴﻴﺴﺔ ﻭﻛﻌﺒﺔ ﺑﻜﻞ ﻣﺤﺘﻮﻯ ﻛﻠﻤﺔ ﺍﻟﻜﻌﻮﺑﻴﺔ .. ﻭﺩﻩ
ﻣﻮﺿﻮﻉ ﻭﺍﺿﺢ ﻭﺍﻧﺎ ﺑﻘﺪﺭ ﺍﺗﻌﺎﻣﻞ ﻣﻊ ﺍﻟﻨﻮﻋﻴﺔ ﺍﻟﺰﻱ ﺩﻱ ﻣﻦ
ﺍﻟﻨﺎﺱ .. ﺑﺲ ﺍﻟﺤﺎﺟﺔ ﺍﻟﻤﺤﻴﺮﺍﻧﻲ ﺭﺍﺟﻠﻲ ﺫﺍﺗﻮ .. ﻣﺎﻗﺎﺩﺭﺓ
ﺍﻓﻬﻤﻮ .. ﻣﺎﻗﺎﺩﺭﺓ ﺍﺳﺘﻮﻋﺒﻮ .. ﺍﻧﺎ ﺍﺳﺘﻮﻋﺒﺖ ﻛﺘﺐ ﺍﻟﺼﻴﺪﻟﺔ ..
ﻣﻦ ﺻﻌﻮﺑﻴﺘﻬﺎ ﺑﺘﺠﻴﺐ ﺍﻻﺳﺘﻔﺮﺍﻍ .. ﻭﺑﺘﺨﻠﻰ ﺍﻟﺰﻭﻝ ﺷﺒﻪ
ﻋﻴﺎﻥ ﻣﻦ ﺷﺪﺓ ﺍﻟﺘﺮﻛﻴﺰ .. ﻟﻜﻦ ﻫﺸﺎﻡ ﻏﻠﺒﻨﻲ ﺍﺳﺘﻮﻋﺒﻮ ..
ﻭﻏﻠﺒﻨﻲ ﺍﻓﻬﻢ ﻭﻟﻮ ﺑﺴﻴﻂ ﻣﻦ ﺷﺨﺼﻴﺘﻮ ..
ﺍﻧﺎ ﻻﺯﻡ ﺍﺗﻤﻬﻞ ﻭﺍﺻﺒﺮ ﻭﺍﻃﻮﻝ ﺑﺎﻟﻲ .. ﻭﺍﺷﻮﻑ ﺍﻟﻤﻮﺿﻮﻉ
ﻟﻠﻨﻬﺎﻳﺔ ..
ﺍﻟﻤﻬﻢ ﺟﺎﺀ ﻳﻮﻡ ﺍﻟﺴﻔﺮ ﻟﻰ ﺍﻟﺴﻮﺩﺍﻥ .. ﻭﻓﻲ ﺍﻟﻄﻴﺎﺭﺓ ﻗﻠﺖ
ﻟﻴﻬﻮ .. ﺍﻧﺎ ﻋﺎﻳﺰﺓ ﺍﻃﻠﺐ ﻣﻨﻚ ﻃﻠﺐ ..
ﻗﺎﻝ ﻟﻲ ﺍﺗﻔﻀﻠﻲ .. ﻗﻠﺖ ﻟﻴﻬﻮ ﻓﻲ ﺍﻟﻔﺘﺮﺓ ﺍﻻﻭﻟﻰ ﺩﻱ ..
ﺧﻠﻴﻨﻲ ﻓﻲ ﺑﻴﺘﻨﺎ ..
ﻭﺍﻧﺖ ﻣﺘﻰ ﻣﺎ ﺗﻠﻘﻰ ﻓﻀﺎ ﺗﻌﺎﻝ ﻟﻲ ..
ﻗﺎﻝ ﻟﻲ ﻻﻻﻻ .. ﺍﻧﺎ ﻛﺮﻫﺘﻲ ﻓﻲ ﺍﻟﺪﻧﻴﺎ ﺍﻟﺮﺍﺟﻞ ﺍﻟﺒﺘﺰﻭﺝ
ﻭﻳﺨﻠﻲ ﻣﺮﺍﺗﻮ ﻣﻊ ﺍﻫﻠﻬﺎ ..
ﺍﻧﺘﻲ ﺡ ﺗﻜﻮﻧﻲ ﻣﻌﺎﻱ ﻓﻲ ﺑﻴﺘﻲ .. ﺯﻱ ﻣﺎ ﺍﺗﻔﻘﻨﺎ .. ﻭﺗﻜﻮﻧﻲ
ﻭﺍﺣﺪﺓ ﻣﻦ ﻧﺎﺱ ﺍﻟﺒﻴﺖ .. ﻭﺑﻴﺘﻚ ﺍﻟﺨﺎﺹ ﻓﻮﻕ .. ﺑﺘﻤﺸﻲ
ﻟﻴﻬﻮ ﺑﺎﻟﻠﻴﻞ ﺑﻌﺪ ﺍﻟﻌﺸﺎﺀ ﻟﻠﻤﺒﻴﺖ ﺑﺲ .. ﻭﻓﻲ ﻭﻛﺖ ﺭﺍﺣﺘﻚ
ﺍﻟﻌﺎﺩﻳﺔ .. ﻧﺤﻦ ﻣﺎ ﺍﺗﻔﻘﻨﺎ ﺍﻧﻚ ﺗﺴﻜﻨﻲ ﺑﺮﺓ ﺑﻴﺘﻨﺎ ﺻﺢ؟
ﻗﻠﺖ ﻟﻴﻬﻮ ﺧﻼﺹ ﺧﻴﺮ ﺍﻥ ﺷﺎﺀ ﺍﻟﻠﻪ .. ﻫﻮ ﻛﺎﻥ ﻃﻠﺐ ﺍﻧﺎ
ﻃﻠﺒﺘﻮ ﻣﻨﻚ .. ﻣﺎ ﺩﺍﻡ ﻣﺎ ﺭﺿﻴﺎﻥ ﺍﻧﺎ ﻫﻤﻲ ﺭﺿﺎﻙ ﻳﺎﻫﺸﺎﻡ ..
ﻣﺎﺗﺸﻴﻞ ﻫﻢ .. ﺍﻋﺘﺒﺮﻧﻲ ﻭﺍﺣﺪﺓ ﻣﻦ ﻧﺎﺱ ﺍﻟﺒﻴﺖ ..
ﺍﻟﻤﻬﻢ ﻭﺻﻠﻨﺎ ﺍﻟﺴﻮﺩﺍﻥ .. ﻭﻋﻨﺪﻫﻢ ﻋﺎﺩﺓ .. ﺑﻌﻤﻠﻮ ﻋﺰﻭﻣﺔ
ﺑﺮﺿﻮ ﻟﻤﻦ ﺍﻟﻌﺮﺳﺎﻥ ﻳﺠﻮ ﻣﻦ ﺷﻬﺮ ﺍﻟﻌﺴﻞ .. ﻟﻲ ﺍﻫﻠﻬﻢ
ﻭﻗﺮﺍﻳﺒﻬﻢ .. ﻭﻟﻤﻦ ﺟﻴﻨﺎ ﻟﻘﻴﻨﺎ ﺍﻟﺒﻴﺖ ﻣﻠﻴﺎﻥ .. ﻭﺍﻫﻠﻲ ﻭﻻﻓﻲ
ﺯﻭﻝ ﻣﻨﻬﻢ .. ﺍﻧﺎ ﻛﻨﺖ ﺑﺘﺼﻞ ﻋﻠﻰ ﻣﺎﻣﺎ .. ﻭﻫﻲ ﺑﺮﺿﻮ
ﺑﺘﺘﺼﻞ ﻋﻠﻲ ﻛﺘﻴﺮ .. ﺑﺲ ﺑﺎﺑﺎ ﻭﻻﻳﻮﻡ ﻣﺎ ﺍﺗﺼﻞ ﻋﻠﻲ .. ﻭﻻ
ﺳﺄﻝ ﻓﻴﻨﻲ .. ﺷﻜﻠﻮ ﻣﺎﺻﺪﻕ ﺍﺗﺨﺎﺭﺝ ﻣﻨﻲ ﻭﻣﻦ ﻫﻤﻲ ..
ﻏﺎﻳﺘﻮ ﺍﻟﺮﺟﺎﻝ ﺩﻱ .
ﺍﻟﻤﻬﻢ ﻫﺸﺎﻡ ﺩﻩ ﻋﻨﺪﻭ ﺑﻨﺎﺕ ﻋﻤﺎﺗﻮ ﻭﺑﻨﺎﺕ ﺧﺎﻻﺗﻮ ﻭﻛﻤﻴﺔ
ﻣﻦ ﺑﻨﺎﺕ ﻗﺮﺍﻳﺒﻮ ﺟﻮ ﺍﻟﻤﻨﺎﺳﺒﺔ .. ﺟﻤﻴﻼﺕ ﺟﻤﺎﻝ ﻣﺎﻃﺒﻴﻌﻲ
.. ﺍﻧﺎ ﻣﺴﺘﻐﺮﺑﺔ ﻣﺎ ﺍﺗﺰﻭﺝ ﻣﻨﻬﻢ ﻟﻴﻪ؟
ﻭﻫﻮ ﺫﺍﺗﻮ ﺍﻧﺴﺎﻥ ﺍﻱ ﻭﺍﺣﺪﺓ ﺗﺘﻤﻨﺎﻫﻮ .. ﻳﻌﻨﻲ ﻭﺍﻟﻠﻪ ﻳﺎﺟﻤﺎﻋﺔ
ﺍﻧﺎ ﺣﺎﺳﺔ ﻓﻲ ﺣﺎﺟﺔ ﻏﻠﻂ ﺑﺲ ﻫﻲ ﺷﻨﻮ؟
ﺍﻧﺎ ﻟﻤﻦ ﺟﻴﺖ ﻭﺳﻠﻤﺖ ﻋﻠﻰ ﺍﻟﻨﺎﺱ .. ﻛﻠﻬﻢ ﻧﺎﺱ ﺍﻟﺒﻴﺖ
ﻭﺍﻟﻀﻴﻮﻑ ﻭﺩﺧﻠﺖ ﻋﻠﻰ ﻋﻤﻲ ﻣﺤﻤﺪ ﻓﻲ ﻏﺮﻓﺘﻮ .. ﺳﻠﻤﺖ
ﻋﻠﻴﻬﻮ .. ﺍﻟﺮﺍﺟﻞ ﺩﻩ ﺑﺤﻦ ﻋﻠﻴﻬﻮ ﺷﺪﻳﺪ .. ﻣﺨﻠﻴﻨﻮ ﺑﺮﺍﻫﻮ
ﻭﻫﻮ ﻗﺎﻋﺪ ﻓﻲ ﻛﺮﺳﻴﻬﻮ ﻭﺭﻗﺒﺘﻮ ﻣﺘﻨﻴﺔ ﻟﻲ ﺗﺤﺖ ﺑﺎﻟﺠﻨﺒﺔ
ﻛﺪﺍ .. ﺻﻠﺤﺖ ﻟﻴﻬﻮ ﺭﻗﺒﺘﻮ .. ﻭﺍﺗﺼﻠﺖ ﻋﻠﻰ ﻫﺸﺎﻡ ﻳﺠﻲ
ﻳﺮﻓﻌﻮ ﻓﻲ ﺍﻟﺴﺮﻳﺮ .. ﻗﺎﻝ ﻟﻲ ﻫﺴﻲ ﺍﻧﺎ ﺟﻴﺖ ﺳﻠﻤﺖ ﻋﻠﻴﻬﻮ
ﻭﻧﺰﻟﺘﻮ ﻓﻲ ﺍﻟﻜﺮﺳﻲ .. ﺧﻠﻴﻬﻮ ..
ﺍﻟﻜﻼﻡ ﺩﻩ ﻛﺎﻥ ﺯﻱ ﺍﻟﺴﺎﻋﺔ ﻭﺍﺣﺪﺓ ﺍﺗﻨﻴﻦ ﺿﻬﺮﺍ ﻛﺪﺍ .. ﻛﻨﺖ
ﺗﻌﺒﺎﻧﺔ .. ﻭﻫﻨﺎﺩﻱ ﻃﻠﻌﺖ ﻣﻌﺎﻱ ﺍﻟﺸﻨﻂ ﻓﻮﻕ ..
ﺍﻭﻝ ﻣﺮﺓ ﺍﺷﻮﻑ ﺑﻴﺘﻲ .. ﺷﻘﺔ ﻣﺤﺘﺮﻣﺔ ﻭﺟﻤﻴﻠﺔ ﻭﻓﻴﻬﺎ
ﻋﻔﺶ ﺭﻫﻴﺐ .. ﻭﻛﻞ ﺣﺎﺟﺔ ﺭﺍﻗﻴﺔ ﺗﺘﻤﻨﺎﻫﺎ ﺍﻱ ﺑﺖ ﻓﻲ
ﺍﻟﺪﻧﻴﺎ .. ﺑﺲ ﺍﻧﺎ ﻣﺎ ﺣﺎﺳﺔ ﺑﻲ ﺍﺣﺴﺎﺱ ﺣﻠﻮ ﻣﺎﻋﺎﺭﻓﺔ ﻟﻴﻪ
..
ﻭﺍﻟﻨﺎﺱ ﺩﻳﻞ ﻳﻀﺤﻜﻮ ﻭﻳﺘﻮﻧﺴﻮ .. ﻭﺍﻟﻀﺤﻜﺎﺕ ﺩﻱ ﺷﻜﻠﻬﺎ
ﻣﺎﺣﻘﻴﻘﻲ .. ﻭﻛﻞ ﺯﻭﻝ ﺑﻌﺎﻳﻦ ﻟﻠﺘﺎﻧﻲ ﺑﻲ ﺣﻘﺪ ﻏﺮﻳﺐ ..
ﻭﻛﺎﻧﻮ ﺑﺠﻬﺰﻭ ﻓﻲ ﺍﻟﻐﺪﺍ .. ﻭﺍﻟﻐﺎﻟﺐ ﻓﻲ ﺍﻻﻛﻞ ﺭﺯ ﺑﺎﻟﻠﺒﻦ ﻣﻊ
ﺍﻟﺴﻤﻨﺔ ﺍﻟﺒﻠﺪﻱ .. ﺍﻟﻈﺎﻫﺮ ﺩﻱ ﻋﺎﺩﺓ ﻋﻨﺪﻫﻢ .. ﻧﺤﻦ ﺩﻩ
ﻣﺎﻋﻨﺪﻧﺎ .. ﻛﺘﻴﺮ ﻣﻦ ﺑﻨﺎﺕ ﺍﻫﻠﻨﺎ ﺍﺗﺰﻭﺟﻦ ﻣﺎﺷﻔﺖ ﺍﻟﺤﻜﺎﻳﺔ
ﺩﻱ ..
ﺍﻟﻤﻬﻢ ﻧﺰﻟﺖ ﺷﻨﻄﺘﻲ ﻓﻲ ﺷﻘﺘﻲ ﻓﻮﻕ .. ﻭﺟﻴﺖ ﻧﺎﺯﻟﺔ
ﺍﺗﻮﻧﺴﺖ ﻣﻌﺎﻫﻦ ﺷﻮﻳﺔ .. ﻓﻲ ﻭﺍﺣﺪﺓ ﻣﻦ ﺍﻟﺒﻨﺎﺕ ﺍﺳﻤﻬﺎ
ﺳﻠﻤﻰ ﺣﻠﻮﺓ ﺷﺪﻳﺪ .. ﻭﺷﻜﻠﻬﺎ ﺣﺒﺘﻨﻲ .. ﻭﻭﻗﻌﺖ ﻟﻴﻬﺎ ..
ﺑﺲ ﻗﺎﻋﺪﺓ ﺟﻤﺒﻲ ﻭﺗﻌﺎﻳﻦ ﻟﻲ .. ﻭﺗﺘﻮﻧﺲ ﻣﻌﺎﻱ .. ﻭﺗﻬﻈﺮ
ﻭﺗﻌﻠﻖ ﻋﻠﻰ ﺭﺟﻠﻴﻨﻲ ﻭﻋﻠﻰ ﺷﻌﺮﻱ .. ﺍﻟﻤﻬﻢ ﻳﻌﻨﻲ ﻛﺪﺍ ..
ﻗﻤﺖ ﻗﻠﺖ ﻟﻴﻬﺎ ﻳﺎﺳﻠﻤﻰ .. ﺍﻧﺎ ﺗﻌﺒﺎﻧﺔ ﻭﺍﻟﻨﺎﺱ ﺩﻳﻞ ﻛﻞ ﺯﻭﻝ
ﺑﺘﻮﻧﺲ ﻣﻊ ﺍﻟﺘﺎﻧﻲ .. ﻭﻣﺎﺣﺎﺳﻴﻦ ﺑﻲ ﻗﻮﻣﻲ ﻣﻌﺎﻱ ﻧﻄﻠﻊ
ﻓﻮﻕ .. ﺍﺧﺪ ﻟﻲ ﺭﻗﺪﺓ ﻭﺗﺘﻮﻧﺴﻲ ﻣﻌﺎﻱ .. ﻋﻠﻰ ﺑﺎﻝ ﻣﺎﺟﻬﺰﻭ
ﺍﻟﻐﺪﺍ .. ﻗﺎﻟﺖ ﻟﻲ ﻳﻼ
ﺍﻟﺴﻠﻢ ﺩﺍﺧﻠﻲ .. ﻳﻌﻨﻲ ﻣﻦ ﺍﻟﺼﺎﻟﺔ ﺑﺘﻄﻠﻊ ﻓﻮﻕ ﻃﻮﺍﻟﻲ .. ﺍﻫﺎ
ﻧﺤﻦ ﻟﻤﻦ ﺟﻴﻨﺎ ﻃﺎﻟﻌﻴﻦ ﺍﻟﺴﻠﻢ .. ﺧﺎﻟﺘﻲ ﺣﻴﺎﺓ ﻣﻦ ﻫﻨﺎﻙ ..
ﻭﺍﻗﻔﺔ ﻓﻲ ﺑﺎﺏ ﺍﻟﻤﻄﺒﺦ .. ﺍﺩﺗﻨﻲ ﻟﻴﻚ ﻧﻈﺮﺓ .. ﻗﺮﺑﺘﺎ ﺍﻗﻊ
ﻣﻦ ﺍﻟﺪﺭﺝ .. ﺑﺲ ﻣﺎ ﺍﺷﺘﻐﻠﺖ ﺑﻴﻬﺎ ﻃﻠﻌﻨﺎ ﻃﻮﺍﻟﻲ ..
ﻟﻤﻦ ﻗﻌﺪﺕ ﻣﻊ ﺳﻠﻤﻲ .. ﺯﻭﻟﺔ ﺑﺮﻳﺌﺔ ﻭﻧﻀﺎﻣﺔ .. ﻭﺣﻠﻮﺓ
ﻭﺩﺍﻳﻤﺎ " ﺑﺎﺳﻤﺔ ﻭﺗﺘﻀﺤﻚ .. ﻭﺍﻟﻨﻮﻋﻴﺔ ﺩﻳﻚ ﺍﻟﻔﻲ ﻗﻠﺒﻬﺎ ﻋﻠﻰ
ﻟﺴﺎﻧﻬﺎ ﻃﻮﺍﻟﻲ .. ﺩﻱ ﺑﺘﻨﻔﻊ ﻣﻌﺎﻱ ﻓﻲ ﺍﻟﻮﻛﺖ ﺩﻩ ﺑﺎﻟﺬﺍﺕ ..
ﻗﻠﺖ ﻟﻴﻬﺎ ﻳﺎﺳﻠﻤﻲ .. ﺍﻧﺘﻲ ﻫﺸﺎﻡ ﺑﺒﻘﻰ ﻟﻴﻚ ﺷﻨﻮ؟
ﻗﺎﻟﺖ ﻟﻲ ﻭﺩ ﺧﺎﻟﺘﻲ .. ﻗﻠﺖ ﻟﻴﻬﺎ ﺧﺎﻟﺘﻚ ﻟﺰﻡ ؟ .. ﻗﺎﻟﺖ ﻟﻲ
ﻻﻻ ﺧﺎﻟﺘﻲ ﺑﺖ ﻋﻢ ﺍﻣﻲ ﻳﻌﻨﻲ .. ﺣﻴﺎﺓ ﻭﻣﺎﻣﺎ ﺑﻨﺎﺕ ﻋﻤﻮﻣﺔ
..
ﻗﻠﺖ ﻟﻴﻬﺎ ﻃﻴﺐ ﺍﻧﺘﻲ ﺯﻭﻟﺔ ﺟﻤﻴﻠﺔ ﻛﺪﺍ .. ﻟﻴﻪ ﻫﺸﺎﻡ ﺳﺎﺑﻚ
ﻭﻣﺸﻰ ﻳﻌﺮﺱ ﻫﻨﺪ ﻣﻦ ﺍﻟﺜﻮﺭﺓ ﺍﻟﻌﺎﺷﺮﺓ ؟؟ ﻗﺎﻟﺖ ﻟﻲ
ﺳﺎﺑﻨﻲ ؟؟ ﻭﺍﻟﻠﻪ ﻫﺸﺎﻡ ﺧﺪﺍﻣﺘﻨﺎ ﺍﻟﺤﺒﺸﻴﺔ ﻣﺎﻳﺪﻭﻫﻮ ﻟﻴﻬﺎ ..
ﻗﻠﺖ ﻟﻴﻬﺎ ﻟﻴﻪ ﻳﻌﻨﻲ ؟؟ﻣﺎﻟﻮ ﻫﺸﺎﻡ .. ؟؟
ﻗﺎﻟﺖ ﻟﻲ ﻻﻻ ﻣﺎﻗﺼﺪﻱ ﻳﻌﻨﻲ .. ﻫﻮ ﺫﺍﺗﻮ ﻣﺰﺍﺟﻮ ﻓﻲ ﺍﻟﺒﻨﺎﺕ
ﻣﺨﺘﻠﻒ .. ﺷﺎﻳﻔﺔ ﻏﻴﺮﺕ ﻛﻼﻣﻬﺎ ..
ﻗﻠﺖ ﻟﻴﻬﺎ ﻃﻴﺐ ﺍﺳﺄﻟﻚ ﺳﺆﺍﻝ .. ﺗﺠﺎﻭﺑﻴﻨﻲ . ؟؟ ﻭﺍﻟﻠﻪ ﺍﻧﺎ
ﻭﺍﻧﺘﻲ ﺑﻘﻴﻨﺎ ﺍﺻﺤﺎﺏ .. ﻭﺍﻟﻜﻼﻡ ﺍﻟﺒﻴﻨﺎ ﻣﺎ ﺡ ﻳﻄﻠﻊ ﻟﻲ ﺑﺸﺮ
..

ﻗﺎﻟﺖ ﺧﻼﺹ ﺍﺳﺄﻟﻲ ..
.... ــــــــ ﺍﻟﻰ ﺍﻟﻠﻘﺎﺀ ـــ

[لامارا]

ﺍﻟﺤﻠﻘﺔ 4


ﻗﻠﺖ ﻟﻴﻬﺎ ﻳﺎﺳﻠﻤﻰ .. ﺣﺼﻞ ﻫﺸﺎﻡ ﺍﺗﻘﺪﻡ ﻟﻲ ﻭﺍﺣﺪﺓ ﻣﻦ
ﺑﻨﺎﺕ ﺍﻫﻠﻮ؟ .. ﻗﺎﻟﺖ ﻟﻲ ﺍﻳﻮﺓ ﺍﺗﻘﺪﻡ .. ﻟﻲ ﺗﻼﺗﺔ .. ﻭﻛﻠﻬﻦ
ﺍﻫﻠﻬﻢ ﺭﻓﻀﻮ .. ﻗﻠﺖ ﻟﻴﻬﺎ ﻟﻴﻪ ﻳﺮﻓﻀﻮ؟ .. ﻗﺎﻟﺖ ﻟﻲ ﻣﻨﻮ
ﻫﻲ ﺍﻻﻫﻠﻬﺎ ﺑﺮﻣﻮﻫﺎ ﻟﻲ ﺣﻴﺎﺓ ﻓﻲ ﺟﺤﺮ ﺍﻻﻓﻌﻰ .. ﺍﻧﺎ ﺫﺍﺗﻲ
ﻣﺎﻋﺎﺭﻓﺔ ﺍﻧﺘﻲ ﻭﺍﻓﻘﺘﻲ ﻛﻴﻒ ؟ ﺍﻧﺘﻲ ﻣﺎﻋﺎﺭﻓﺔ ﺣﻴﺎﺓ ﻭﻻﺷﻨﻮ؟
ﻧﺤﻦ ﻗﺮﺍﻳﺒﻨﺎ ﻛﻠﻬﻢ ﻋﺎﺭﻓﻨﻬﺎ .. ﻋﺸﺎﻥ ﻛﺪﺍ ﻻﻭﻟﺪ ﻣﻨﻨﺎ ﺑﻌﺮﺱ
ﺑﻨﺎﺗﻬﺎ .. ﻭﻻ ﺑﺖ ﻣﻨﻨﺎ ﺑﺘﻌﺮﺱ ﻭﻟﺪﻫﺎ ﻧﻬﺎﺋﻲ .. ﺣﻴﺎﺓ ﺩﻱ
ﺣﻴﺔ ﺳﺎﻣﺔ ﻭﺑﺘﻠﺪﻍ ﺍﻗﺮﺏ ﺍﻟﻨﺎﺱ ﻟﻴﻬﺎ .. ﻋﻨﺪﻫﺎ ﻛﻚ ﻓﻲ
ﺭﺍﺳﻬﺎ ﺩﻩ ﺍﻋﻮﺫ ﺑﺎﻟﻠﻪ ..
ﻗﻠﺖ ﻟﻴﻬﺎ ﻟﻴﻬﺎ ﻃﻴﺐ ﻫﺸﺎﻡ ﺑﺮﺍﻫﻮ ﻣﺸﻜﻠﺘﻮ ﺷﻨﻮ ؟
ﻗﺎﻟﺖ ﻟﻲ ﻫﺸﺎﻡ ؟ .. ﻭﺑﻠﻌﺖ ﺭﻳﻘﻬﺎ ﻛﺪﺍ ..ﻭﺍﻧﺎ ﺑﻘﻴﺖ ﻣﺮﻛﺰﺓ
ﻣﻌﺎﻫﺎ ﻭﺑﻘﻮﻝ ﻟﻴﻬﺎ ﺍﻳﻮﺓ ﺍﻳﻮﺓ .. ﻳﺎﺳﻠﻤﻰ ﻫﺸﺎﻡ ﻣﺎﻟﻮ ..
ﻗﺎﻟﺖ ﻟﻲ ﻻﻻ ﻫﺸﺎﻡ ﻛﻮﻳﺲ ﻣﺎﻋﺎﺭﻓﺔ ﺑﺲ ﻳﺎﻫﻮ ﻛﻼﻡ ﺍﻟﻨﺎﺱ
.. ﺍﻟﻤﺎ ﻣﺆﻛﺪ .. ﻟﻜﻦ ﺍﻧﺎ ﻭﺍﻟﻠﻪ ﻣﺎﺷﻔﺖ ﻋﻠﻴﻬﻮ ﺣﺎﺟﺔ ..
ﻗﻠﺖ ﻟﻴﻬﺎ ﺍﻟﻨﺎﺱ ﻗﺎﻟﻮ ﺷﻨﻮ؟ ﻳﻌﻨﻲ ﺍﻧﺘﻲ ﺳﻤﻌﺘﻲ ﺷﻨﻮ؟
ﺑﺲ ﺑﻘﺖ ﺗﻘﻮﻝ ﻟﻲ ﺍﺳﻤﻌﻲ ﻳﺎﻫﻨﺪ ..ﺍﻧﺎ ﻭﺍﻟﻠﻪ ﻣﺎﻋﺎﺭﻓﺔ
..ﻭﻣﺎﺻﺢ ﺍﻗﻮﻝ ﻟﻴﻚ ﻛﻼﻡ ﻓﻲ ﺭﺍﺟﻠﻚ ﻣﺎ ﻣﺘﺄﻛﺪﺓ ﻣﻨﻪ .. ﻟﻜﻦ
ﺣﻴﺎﺓ ﺩﻱ ﺍﻧﺎ ﻣﺘﺄﻛﺪﺓ ﻣﻦ ﺍﻟﻜﻼﻡ ﺍﻟﻘﻠﺘﻮ ﻓﻴﻬﺎ ..
ﻗﻠﺖ ﻟﻴﻬﺎ ﺑﺲ ﺍﻧﺘﻲ ﻗﻮﻟﻲ ﻟﻲ ﺍﻟﺴﻤﻌﺘﻴﻬﻮ ..ﻭﺍﻧﺎ ﺗﺎﻧﻲ ﺑﺘﺄﻛﺪ
ﺑﻄﺮﻳﻘﺘﻲ ..
ﺍﻫﺎ ﻧﺤﻦ ﻣﺎﻛﻤﻠﻨﺎ ﻛﻼﻣﻨﺎ .. ﺧﺎﻟﺘﻲ ﺣﻴﺎﺓ ﺟﺎﺕ ﺩﺍﺧﻠﺔ ﻟﻴﻨﺎ
ﻓﻲ ﺍﻟﻐﺮﻓﺔ ﺗﺘﻠﺒﺪ ﺯﻱ ﺍﻟﺤﺮﺍﻣﻲ .. ﻭﺍﻟﻠﻪ ﻣﺎ ﺳﻤﻌﺖ ﺻﻮﺕ
ﺧﻄﻮﺍﺗﻬﺎ .. ﺟﺎﺕ ﻭﻗﻔﺖ ﻓﻲ ﺍﻟﺒﺎﺏ ﻛﺪﺍ .. ﻭﻏﺎﺯﻩ ﻛﻴﻌﺎﻧﺎ ﻓﻲ
ﻧﺼﻬﺎ .. ﻭﻗﺎﻟﺖ ﻟﻲ .. ﺍﻫﺎ ﻳﺎ ﺭﻭﺡ ﺍﻣﻚ .. ﺍﻧﺘﻲ ﻣﺎﺷﺎﻳﻔﺔ
ﺍﻟﻀﻴﻮﻑ ﺩﻳﻞ؟ ﺩﻳﻞ ﺟﺎﻳﻴﻦ ﻟﻲ ﻋﺮﺳﻲ ﺍﻧﺎ؟ ﻗﺎﻋﺪﺓ ﻻﺑﺪﺓ
ﺟﻮﺓ ﺯﻱ ﺍﻟﻌﺎﻣﻠﻪ ﻟﻴﻚ ﺟﺮﻳﻤﺔ ؟ ﺍﻫﻠﻚ ﻣﺎﻭﺭﻭﻙ ﻛﻴﻒ ﺗﻘﺎﺑﻠﻲ
ﺿﻴﻮﻓﻚ؟
ﻗﻠﺖ ﻟﻴﻬﺎ ﺍﻧﺎ ﺍﺳﻔﺔ ﻳﺎﺧﺎﻟﺘﻲ .. ﻫﺴﻲ ﺑﺠﻲ ﺧﻼﺹ ﻣﺎﺗﺰﻋﻠﻲ
ﻧﻔﺴﻚ .. ﻭﺭﺍﻙ ﻃﻮﺍﻟﻲ ﺍﻥ ﺷﺎﺀ ﺍﻟﻠﻪ ..
ﻣﺮﻗﺖ ﻃﻮﺍﻟﻲ .. ﻭﺗﻨﻘﻨﻖ ﻭﺑﺘﻘﻮﻝ ﻓﻲ ﻛﻼﻡ ..
ﺳﻠﻤﻰ ﻗﺎﻟﺖ ﻋﺎﺩ ﺍﻧﺘﻲ؟ ﺑﺮﻱ ﻣﻨﻚ .. ﺑﺮﻱ ﻣﻨﻚ .. ﺑﺮﻭﺩ
ﺍﻧﻘﻠﻴﺰﻱ .. ﻭﺍﻟﻠﻪ ﺍﻧﺎ ﻛﺎﻥ ﻓﻲ ﻣﻜﺎﻧﻚ ﺍﻧﻂ ﻟﻴﻬﺎ ﻓﻲ ﺣﻠﻘﻬﺎ ..
ﻗﻠﺖ ﻟﻴﻬﺎ ﻻﻻ .. ﻓﻲ ﺍﻟﻨﻬﺎﻳﺔ ﺩﻱ ﺍﻡ ﺯﻭﺟﻲ ﻭﻭﺍﺟﺐ ﺍﺣﺘﺮﺍﻣﻬﺎ
.. ﻟﻜﻦ ﻃﺒﻌﺎ ﺍﻧﺎ ﻣﻦ ﺟﻮﺍﻱ ﺑﻐﻠﻲ ﺑﻐﻠﻲ .. ﻗﻠﺒﻲ ﻣﺤﺮﻭﻕ ﻣﻦ
ﺍﻟﻤﺮﺍﺓ ﺩﻱ .. ﺑﺲ ﻣﺎ ﺩﺍﻳﺮﺓ ﺍﻓﻘﺪ ﺍﺣﺘﺮﺍﻣﻲ ﻟﻲ ﻧﻔﺴﻲ ﻗﺪﺍﻡ
ﺍﻟﺒﺖ .. ﺛﻢ ﺍﻧﻮ ﺍﻧﺎ ﻣﺎﻣﺘﻌﻮﺩﺓ ﺍﺭﺩ ﺍﻟﻜﻼﻡ ﺍﻟﺸﻴﻦ ﻟﺰﻭﻝ ﺍﻛﺒﺮ
ﻣﻨﻲ .. ﻣﻬﻤﺎ ﻛﺎﻥ ﻓﺎﻗﺪ ﺍﺣﺘﺮﺍﻣﻮ ﻟﻲ ﻧﻔﺴﻮ ..
ﻗﻠﺖ ﻟﻴﻬﺎ ﻳﺎﺳﻠﻤﻲ ﺳﺮﻳﻊ ﺍﺩﻳﻨﻲ ﺭﻗﻢ ﺗﻠﻔﻮﻧﻚ .. ﺍﺳﺮﻋﻲ
ﺍﻧﺰﻻﻛﻲ .. ﻗﺎﻟﺖ ﻟﻲ ﺍﻛﺘﺒﻲ ﻳﻼ ﺻﻔﺮ ﺗﺴﻌﺔ ﻛﻴﺖ ﻛﻴﺖ
ﻣﻠﺘﻨﻲ ﺍﻟﺮﻗﻢ .. ﻭﺳﺮﻳﻊ ﺟﻴﻨﺎ ﻧﺎﺯﻟﻴﻦ ﻧﺤﻦ ﻓﻲ ﺍﻟﺴﻠﻢ ﻧﺴﻤﻊ
ﻟﻴﻚ ﺍﻟﻬﺮﺟﺔ ﻭﺍﻟﻜﻮﺍﺭﻛﻴﻚ .. ﻟﺤﺪﻱ ﻣﺎ ﺍﻟﺼﺎﻟﺔ ﺩﻱ ﻋﺎﻣﻠﺔ
ﺻﺪﻯ ﻭﺍﻳﻜﻮ .. ﺯﻱ ﺍﻟﺴﺎﻭﻧﺪﺳﻴﺴﺘﻢ .. ﻳﺎﺟﻤﺎﻋﺔ ﻓﻲ ﺷﻨﻮ
ﺷﻜﻠﺔ ﻟﻴﻬﺎ ﺷﻨﺔ ﻭﺭﻧﺔ ﺑﻴﻦ .. ﺧﺎﻟﺘﻲ ﺣﻴﺎﺓ ﻭﻭﺍﺣﺪﺓ ﺗﺎﻧﻴﺔ
..
ﻭﺍﻟﻨﺒﺬ ﻭﺍﻟﺸﺘﺎﻳﻢ ﺩﻱ ﻣﺎﺗﺪﻳﻚ ﺍﻟﺪﺭﺏ .. ﻭﺍﻱ ﻭﺍﺣﺪﺓ ﻓﻴﻬﻢ
ﺑﺘﺸﺘﻢ ﺑﻲ ﺷﺘﻴﻤﺔ ﺍﻓﻈﻊ ﻣﻦ ﺍﻟﺘﺎﻧﻴﺔ .. ﺍﻧﺎ ﻃﺒﻌﺎ ﺣﺴﻴﺖ
ﺑﻲ ﻧﻔﺴﻲ ﺣﻴﻠﻲ ﻣﺎﺕ ﻭﺧﻔﺘﺔ .. ﻭﺍﻟﻨﺴﻮﺍﻥ ﺩﻳﻞ ﻛﻠﻬﻦ
ﺳﺎﻛﺘﺎﺕ ﺳﺎﺍﺍﻱ . ﺍﻧﺎ ﺑﺮﺍﺣﺔ ﻟﻘﻴﺖ ﻟﻲ ﻛﺮﺳﻲ ﻓﻲ ﺍﺧﺮ ﺍﻟﻨﺎﺱ
ﻭﻗﻌﺪﺕ .. ﺳﻤﻌﺖ ﻭﺍﺣﺪﺓ ﻣﻦ ﺍﻟﺤﺮﻳﻢ ﺍﻟﺒﺘﻔﺮﺟﻦ .. ﺑﺘﺘﻜﻠﻢ
ﻭﻫﻲ ﻣﺒﺴﻮﻃﺔ .. ﻗﺎﻟﺖ ﻟﻲ ﻭﺍﺣﺪﺓ ﺟﻤﺒﻬﺎ .. ﻋﺎﻳﻨﻲ ﺣﻴﺎﺓ
ﺍﻟﺘﻘﻄﻊ ﻧﻔﺴﻬﺎ . ﺍﻟﻠﻴﻠﺔ ﻟﻘﺖ ﺍﻟﺴﻢ ﺍﻟﻘﺪﺭ ﻏﺪﺍﻫﺎ .. ﻗﺎﻳﻠﺔ
ﻓﻮﻓﻮ ﺑﺘﺴﻜﺖ ﻟﻴﻬﺎ .. ﺩﻱ ﻣﺮﺑﻴﺔ ﻣﻊ ﻧﺴﻮﺍﻥ ﺍﻟﺪﻓﺪﺍﻑ ..
ﻧﺴﻮﺍﻥ ﺍﻟﺪﻓﺪﺍﻑ ﺩﻳﻞ ﺷﻨﻮ ﺍﻧﺎ ﻣﺎﻋﺮﻓﺖ .. ﺍﻟﻤﻬﻢ ﻋﺮﻓﺖ ﺍﻧﻮ
ﻓﻮﻓﻮ ﺩﻱ ﺷﻔﺎﺗﻴﺔ ﺩﺭﺟﺔ ﺍﻭﻟﻰ .. ﻻﻧﻮ ﻛﻼﻣﻬﺎ ﺫﺍﺗﻮ ﻛﻼﻡ
ﻋﺠﻴﺐ .. ﺑﺘﻘﻮﻝ .. ﻫﻴﻴﻴﻴﻲ .. ﻳﺎﺣﻴﺎﺓ .. ﺑﻄﻠﻲ ﺗﺤﺎﺭﻳﺸﻚ
.. ﻗﺒﺎﻝ ﻣﺎ ﺍﻧﺘﻒ ﺭﻳﺸﻚ .. ﻫﻴﻴﻴﻴﻲ ﻳﺎﺣﻴﺎﺓ ﻧﺤﻦ ﻻ ﺑﻨﻨﻀﻢ
ﺑﺎﻟﺪﺱ .. ﻭﻻﻋﻨﺪﻧﺎ ﺷﻴﺘﺎ" ﺑﻨﺪﺱ .. ﻫﻴﻴﻴﻴﻴﻲ ﻳﺎﺣﻴﺎﺓ ..
ﻧﺤﻦ ﻛﺎﻥ ﻗﻤﻨﺎ ﺑﻨﺠﻮﻃﺎ ﻭﺑﺴﻮﻃﺎ ..
ﻭﺑﻨﻜﺘﻢ ﻧﻔﺴﻚ ﺑﻲ ﻓﻮﻃﻪ !!.......
ﻭﺍﻧﺎ ﻓﺎﺗﺤﺔ ﺧﺸﻤﻲ ﻣﺒﻬﻮﺗﺔ ﻣﻦ ﺍﻟﺤﺎﺻﻞ ﻗﺪﺍﻣﻲ ..
ﻭﻣﺴﺘﻐﺮﺑﺔ ﻫﺸﺎﻡ ﺩﻩ ﻃﻔﺶ ﻭﻳﻦ .. ﺍﻟﻤﻔﺮﻭﺽ ﻳﺠﻲ ﻳﻮﻗﻒ
ﺍﻟﻤﻬﺰﻟﺔ ﺩﻱ .. ﺑﺲ ﺍﻧﺎ ﻣﺎﺗﻤﻴﺖ ﺗﻔﻜﻴﺮﻱ ﻫﺸﺎﻡ ﺟﺎ ﺩﺍﺧﻞ
ﻭﻋﺎﻳﻦ ﻛﺪﺍ .. ﺑﻲ ﻋﻴﻦ ﺣﺎﺭﺓ ﺧﻼﺹ .. ﻭﻻ ﺍﺗﻜﻠﻢ
ﺍﻻﺗﻨﻴﻦ ﺳﻜﺘﻦ .. ﻭﻻ ﻗﺎﻝ ﻭﻻﻛﻠﻤﺔ .. ﻭﻻ ﺳﺄﻝ ﻣﻦ ﺍﺳﺎﺱ
ﺍﻟﻤﺸﻜﻠﺔ .. ﺑﺲ ﺩﺧﻞ ﻋﻠﻰ ﺍﺑﻮﻫﻮ .. ﻭﺍﻟﻨﺎﺱ ﺩﻳﻞ ﺻﻨﻨﻦ
ﺳﺎﻛﺘﻴﻦ .. ﻏﺎﻳﺘﻮ ﺟﻨﺲ ﺩﺭﺍﻣﺎﺕ .. ﺍﻟﺘﻘﻮﻝ ﺑﺎﻟﻠﻪ ﺍﻧﺎ ﺑﺤﻀﺮ
ﻟﻲ ﻓﻲ ﻣﺴﺮﺣﻴﺔ ..
ﻣﺎﻗﺪﺭﺕ ﺍﻓﻬﻢ .. ﺍﻟﺰﻭﻝ ﺩﻩ ﺍﻣﻮ ﺑﺘﺨﺎﻑ ﻣﻨﻮ .. ﻭﻻ ﻫﻮ ﺑﺨﺎﻑ
ﻣﻦ ﺍﻣﻮ .. ﻭﻻ ﺍﻟﺤﺎﺻﻞ ﺷﻨﻮ ﺑﺎﻟﻀﺒﻂ ..
ﻫﺸﺎﻡ ﺩﺧﻞ ﻏﺮﻓﺔ ﺍﺑﻮﻫﻮ ﻋﺪﺍ ﻟﻴﻬﻮ ﺩﻗﻴﻘﺘﻴﻦ ﺑﺎﻟﻌﺪﺩ .. ﻣﺎ
ﺍﻛﺘﺮ ﻣﻦ ﻛﺪﺍ ﻭﺟﺎ ﻃﺎﻟﻊ .. ﺍﻟﻤﺮﺍﺓ ﺍﻻﺳﻤﻬﺎ ﻓﻮﻓﻮ ﻃﻠﻌﺖ ﺑﺪﻭﻥ
ﻏﺪﺍ .. ﺍﻇﻨﻬﺎ ﺟﺎﺕ ﺑﺲ ﺗﻌﺒﻲ ﺷﻜﻠﺔ ﻣﻊ ﺧﺎﻟﺘﻲ ﺣﻴﺎﺓ
ﻭﺗﻤﺸﻲ .. ﻭﺍﻧﺎ ﻣﺎﻟﻘﻴﺖ ﺯﻭﻝ ﺃﺳﺎﻟﻪ ﻣﻦ ﺳﺒﺐ ﺍﻟﻤﺸﻜﻠﺔ ..
ﻭﺳﻠﻤﻰ ﺯﺍﻏﺖ ﻣﻨﻲ ﻓﻲ ﻧﺺ ﺍﻟﻨﺎﺱ ..
ﻓﻲ ﻧﺴﻮﺍﻥ ﺯﻱ ﺗﻼﺗﺔ ﻛﺪﺍ ﺑﺪﻥ ﻳﻠﺒﺴﻦ ﻓﻲ ﺗﻴﺎﺑﻦ ﻣﺎﺷﺎﺕ ..
ﺍﻧﺎ ﻣﺸﻴﺖ ﻋﻠﻴﻬﻦ ﻗﻠﺖ ﻟﻴﻬﻦ .. ﻣﺎﺷﻴﻦ ﻭﻳﻦ ﺍﻧﺘﻮ؟ ﻣﺎﺗﻤﺸﻮ
ﺑﺪﻭﻥ ﻏﺪﺍ ..
ﻓﻲ ﻣﺮﺍﺓ ﻗﺎﻟﺖ ﻟﻲ ﻳﺎﺑﺘﻲ ﻏﺪﺍ ﺷﻨﻮ .. ﻧﺤﻦ ﺫﺍﺗﻮ ﻏﻠﻄﺎﻧﻴﻦ
ﺍﻟﺒﻨﺠﻲ ﻫﻨﺎ ..
ﻟﻜﻦ ﻧﺤﻦ ﻻﺑﻨﺘﻌﻠﻢ ﻭﻻﺑﻨﺘﻌﻆ .. ﻗﻠﺖ ﻟﻴﻬﺎ ﻓﻲ ﺷﻨﻮ ﻫﻮ
ﻳﺎﺧﺎﻟﺘﻮ .. ؟؟ ﺍﻧﺎ ﻣﺎﻓﺎﻫﻤﺔ ﺍﺳﺎﺳﺎ ﺍﻟﻤﺸﻜﻠﺔ ؟ ﻗﺎﻟﺖ ﻟﻲ
ﺍﺳﻜﺘﻲ ﺍﺳﻜﺘﻲ ﻳﺎﺑﺘﻲ .. ﻣﺎﺗﺤﺼﻞ ﻟﻴﻚ ﻣﺸﻜﻠﺔ ﺑﻲ ﺳﺒﺒﻨﺎ
.. ﺧﻠﻴﻨﺎ ﺍﻟﻨﻤﺸﻲ ﺍﻫﻠﻨﺎ ﺍﻟﻠﻪ ﻳﺮﺿﻰ ﻋﻠﻴﻚ .. ﻏﺎﻳﺘﻮ ﻣﺸﻦ
ﻭﺯﻭﻝ ﻗﺎﻟﻴﻬﻦ ﺍﻗﻌﺪﻥ ﻣﺎﻓﻲ .. ﺣﻴﺎﺓ ﻗﺎﻋﺪﺓ ﻫﻨﺎﻙ ﻣﺘﻤﺤﻨﺔ
ﻭﺗﺮﺟﻒ ﻣﻦ ﺍﻟﺰﻋﻞ . ﻭﺑﻨﺎﺗﻬﺎ ﻣﺎﻓﻴﺸﺎﺕ .. ﻻﺗﻐﺮﻳﺪ ﻻﻫﻨﺎﺩﻱ
.. ﺣﺘﻰ ﻟﺒﻨﻰ ﺍﻟﻤﺴﻜﻴﻨﺔ ﺩﻳﻚ ﻣﺎﺷﺎﻳﻔﺎﻫﺎ ..
ﻭﺍﻧﺎ ﺑﻘﻴﺖ ﺍﻓﺘﺶ ﻟﻴﻬﻦ .. ﺑﻲ ﻋﻴﻮﻧﻲ ﺑﻌﺎﻳﻦ ﻓﻲ ﺍﻟﻨﺎﺱ ..
ﻣﺎﻟﻘﻴﺘﻦ .. ﺑﻌﺪ ﺷﻮﻳﺔ ﺟﻦ ﻣﺎﺭﻗﺎﺕ ﻣﻦ ﺍﻟﻤﻄﺒﺦ ﺷﺎﻳﻼﺕ
ﺻﻮﺍﻧﻲ ﺍﻟﻐﺪﺍﺀ .. ﻭﻣﻌﺎﻫﻦ ﺗﻼﺗﺔ ﺍﺭﺑﻌﺔ ﺑﻨﺎﺕ ﻭﺑﻘﻮ ﻳﻮﺯﻋﻮ
ﻓﻲ ﺍﻟﻐﺪﺍ ﻟﻠﻨﺎﺱ .. ﻭﻃﺒﻌﺎ" ﺍﻟﺤﺮﻳﻢ ﺩﻳﻚ ﺑﻲ ﺍﻃﻔﺎﻟﻬﻦ
ﻃﻠﻌﻦ ﺑﺪﻭﻥ ﻏﺪﺍ ﺑﻲ ﺳﺒﺐ ﺍﻟﺸﻜﻠﺔ .. ﺍﻟﺸﻜﻠﺔ ﺍﻟﻤﺎﺗﻌﺮﻑ
ﺳﺒﺒﻬﺎ ..
ﺍﻟﻤﻬﻢ ﺍﻟﻨﺎﺱ ﺍﺗﻐﺪﻭ ﻭﻃﻠﻌﻮ ﻛﻠﻬﻦ ﻭﺣﻴﺎﺓ ﺑﺎﻟﻠﻪ ﺯﻱ ﺍﻟﻤﻴﺖ
ﻟﻴﻬﺎ ﺯﻭﻝ ..
ﺍﻧﺎ ﺟﻴﺖ ﻗﻌﺪﺕ ﺟﻤﺒﻬﺎ .. ﺑﻌﺪ ﺍﻟﻨﺎﺱ ﺍﺗﻔﺮﻗﻮ .. ﻗﻠﺖ ﻟﻴﻬﺎ
ﻳﺎﺧﺎﻟﺘﻲ ﺣﻴﺎﺓ ﺍﻟﻤﺮﺍﺓ ﺩﻱ ﻣﺎﻻ؟
ﻗﺎﻟﺖ ﺍﻧﺘﻲ ﺍﻟﺤﺸﺮﻙ ﺷﻨﻮ ﻓﻲ ﺍﻟﻤﻮﺿﻮﻉ ؟ ﻣﻦ ﺟﻴﺘﻲ ﺩﺍﺧﻠﺔ
ﻓﻲ ﺑﻴﺘﻨﺎ ﺩﻩ .. ﺟﺒﺘﻲ ﻟﻲ ﺍﻟﻤﺼﺎﻳﺐ ﻭﺍﻟﻤﺸﺎﻛﻞ .. ﻫﺴﻊ ﺍﻛﺎﻥ
ﻣﺎ ﻋﺰﻭﻣﺘﻚ ﺩﻱ .. ﺍﻧﺎ ﺑﺴﻤﻊ ﻛﻼﻡ ﺯﻱ ﺩﻩ .. ﺷﺎﻳﻔﺎﻙ ﻣﺒﺴﻮﻃﺔ
..
ﻗﻠﺖ ﻟﻴﻬﺎ ﺧﻼﺹ ﻳﺎﺧﺎﻟﺘﻮ ﺍﻧﺎ ﺍﺳﻔﺔ .. ﻭﻗﻤﺖ ﻃﻠﻌﺖ ﻋﻠﻰ
ﻏﺮﻓﺘﻲ ..
ﻭﻗﻌﺪﺕ ﻟﻤﻦ ﺯﻫﺠﺖ ﻣﻦ ﺍﻟﻘﻌﺪﺓ ﺑﺮﺍﻱ ﻧﺰﻟﺖ ﺗﺎﻧﻲ ﻣﺸﻴﺖ ﻟﻲ
ﻏﺮﻓﺔ ﺍﻟﺒﻨﺎﺕ .. ﻟﻘﻴﺖ ﺗﻐﺮﻳﺪ ﻭﻫﻨﺎﺩﻱ ﺑﺘﻮﻧﺴﻮ .. ﻭﻟﺒﻨﻰ
ﺑﺘﻠﻌﺐ ﺑﻲ ﺻﻨﺪﻭﻕ ﻓﺎﺿﻲ .. ﻭﻗﺎﻋﺪﺓ ﻓﻲ ﺍﻻﺭﺽ .. ﻭﺑﺘﻌﻤﻞ
ﻭﺭﺭﺭﺭ .. ﻭﺭﺭﺭﺭﺭ .. ﻳﻌﻨﻲ ﻋﺎﻣﻼﻫﻮ ﻋﺮﺑﻴﺔ ..
ﺳﻠﻤﺖ ﻋﻠﻴﻬﻦ ﻛﺪﺍ .. ﺳﺮﻳﻊ ﻫﻨﺎﺩﻱ ﻧﻬﺮﺕ ﺍﺧﺘﻬﺎ ﻟﺒﻨﻲ ..
ﻗﺎﻟﺖ ﻟﻴﻬﺎ ﻳﺎﺑﺖ ﻗﻮﻣﻲ ﻋﻠﻲ ﺣﻴﻠﻚ ﻣﻦ ﺍﻟﻘﻌﺪﺓ ﺩﻱ ..
ﻳﻌﻨﻲ ﺍﺗﺤﺮﺟﺖ ﺍﻧﻲ ﺍﺷﻮﻑ ﺍﺧﺘﻬﺎ ﺑﺎﻟﻄﺮﻳﻘﺔ ﺩﻱ .. ﺍﻟﺘﻘﻮﻝ ﺍﻧﺎ
ﻣﺎﺑﻌﺮﻑ ﺫﻭﻱ ﺍﻻﺣﺘﻴﺎﺟﺎﺕ ﺍﻟﺨﺎﺻﺔ .. ﻭﺗﺨﻠﻒ ﺍﻟﻌﻘﻞ ﻣﻦ
ﺍﻟﺠﺴﺪ ..
ﻗﻠﺖ ﻟﻴﻬﺎ ﺳﻴﺒﻴﻬﺎ ﻳﺎ ﻫﻨﺎﺩﻱ .. ﺧﻠﻴﻬﺎ ﺗﺎﺧﺪ ﺭﺍﺣﺘﻬﺎ .. ﺍﻧﺎ
ﻭﺍﺣﺪﺓ ﻣﻦ ﻧﺎﺱ ﺍﻟﺒﻴﺖ ..ﺍﻧﺎ ﻣﺎﺯﻭﻝ ﻏﺮﻳﺐ ﺣﺒﻴﺒﺘﻲ ..
ﺧﻠﻴﻬﺎ ..
ﻗﺎﻟﺖ ﻟﻲ ﺍﻧﺎ ﻣﺎﺑﺘﻜﻠﻢ ﻣﻌﺎﻙ ﺍﻧﺘﻲ .. ﺍﻧﺎ ﺑﺘﻜﻠﻢ ﻣﻊ ﺍﺧﺘﻲ .. ﻭﻟﻮ
ﺳﻤﺤﺘﻲ ﻣﺎﺗﺘﻌﻠﻤﻲ ﺗﺘﺪﺧﻠﻲ ﻓﻲ ﺍﻟﻤﺎﻟﻴﻚ ﻓﻴﻬﻮ . ﻭﺧﻠﻴﻚ ﻓﻲ
ﺷﺆﻭﻧﻚ .. ﻓﺎﻫﻤﺔ؟
ﺗﻐﺮﻳﺪ ﻋﺎﻳﻨﺖ ﻟﻲ ﻫﻨﺎﺩﻱ ﻛﺪﺍ ﻓﻲ ﻭﺷﻬﺎ .. ﻗﺎﻟﺖ ﻟﻴﻬﺎ
ﻳﺨﺴﻲ ﻋﻠﻴﻚ ﻳﺎﻫﻨﺎﺩﻱ .. ﺩﻩ ﺍﺳﻠﻮﺏ ﺗﺘﻜﻠﻤﻲ ﺑﻴﻬﻮ ﻣﻊ ﻣﺮﺍﺓ
ﺍﺧﻮﻙ ؟؟
ﺧﻠﻴﻚ ﺣﻨﻴﻨﺔ ﺷﻮﻳﺔ ﻛﺪﺍ ﻳﺎ ﺳﻜﺮﺓ .. ﻭﻗﺮﻗﺮﻗﺮ ﻗﻌﺪﻥ
ﻳﻀﺤﻜﻦ ﺍﻻﺗﻨﻴﻦ ..
ﻳﻌﻨﻲ ﺗﻐﺮﻳﺪ ﺑﺘﺴﺘﻬﺒﻞ ﻭﺑﺘﺘﺮﻳﻖ ﻋﻠﻲ .. ﻭﺍﻟﻘﺼﺔ ﺷﻜﻠﻬﺎ
ﻣﻮﺿﻮﻉ ﻣﺘﻔﻖ ﻋﻠﻴﻬﻮ ﺑﻴﻦ ﺍﻻﻡ ﻭﺑﻨﺎﺗﻬﺎ .. ﻭﻻﺷﻨﻮ ﻛﺪﺍ
ﻣﺎﻋﺎﺭﻓﺔ ..
ﺍﻟﺸﻲ ﺍﻻﺗﺄﻛﺪﺕ ﻣﻨﻮ ﺍﻧﻲ ﻣﺎ ﻣﻤﻜﻦ ﺍﻋﻴﺶ ﻓﻲ ﺍﻟﺒﻴﺖ ﺩﻩ
ﺑﺎﻟﻄﺮﻳﻘﺔ ﺩﻱ ..
ﻟﻜﻦ ﺍﻟﻤﺸﻜﻠﺔ ﺍﻧﻮ ﻣﺎﺑﻘﺪﺭ ﺍﻗﻮﻝ ﻟﻲ ﻫﺸﺎﻡ ﺍﻟﻜﻼﻡ ﺩﻩ .. ﻻﻧﻲ
ﺍﻧﺎ ﻭﻋﺪﺗﻪ ﺍﻧﻲ ﻣﺎ ﺡ ﺍﺷﺘﻜﻲ ﻣﻦ ﺷﻲ ﺑﻌﺪ ﺍﻟﻌﺮﺱ ﻟﻜﻦ ..
ﺍﻟﺤﻞ ﺷﻨﻮ؟
ﺍﻟﻨﺎﺱ ﺩﻳﻞ ﻭﺍﻟﻠﻪ ﻣﺎ ﺑﺴﺘﺒﻌﺪ ﺍﻧﻬﻢ ﻣﻤﻜﻦ ﻳﺴﻤﻤﻮﻧﻲ .. ﻭﺍﻧﺎ
ﻣﺎﻋﻤﻠﺖ ﻟﻴﻬﻢ ﺣﺎﺟﺔ ﻭﺍﻟﻠﻪ .. ﺑﺲ ﻳﻌﻨﻲ ﻋﺮﺳﺖ ﻭﻟﺪﻫﻢ ﺩﻱ
ﺟﺮﻳﻤﺔ؟
ﺍﻫﺎ ﻟﻤﻦ ﻟﻘﻴﺖ ﺍﻟﺒﻨﺎﺕ ﻣﺎﻣﺘﻘﺒﻠﻴﻦ ﻭﺟﻮﺩﻱ ﻣﻌﺎﻫﻢ ﻓﻲ
ﺍﻭﺿﺘﻬﻢ ﻣﺸﻴﺖ ﻗﺒﻞ ﻣﺎ ﺍﻣﺸﻲ ﻟﻲ ﻏﺮﻓﺘﻲ .. ﺍﺗﺬﻛﺮﺕ ﻋﻤﻲ
ﻣﺤﻤﺪ ﺍﻟﻤﻬﻤﻞ .. ﻭﻣﺎﻓﻲ ﺯﻭﻝ ﺷﻐﺎﻝ ﺑﻴﻬﻮ .. ﻣﺸﻴﺖ ﻟﻴﻬﻮ
ﻟﻘﻴﺘﻮ ﺭﺍﻗﺪ ﻋﻠﻰ ﻗﻔﺎﻫﻮ ﻭﺭﻳﻘﻮ ﻧﺎﺷﻒ ..
ﻗﻠﺖ ﻟﻴﻬﻮ ﻋﺎﻳﺰ ﻣﻮﻳﺔ ﻫﺰﺍ ﻟﻲ ﺭﺍﺳﻮ ﻛﺪﺍ ﻳﻌﻨﻲ ﺍﻳﻮﺓ .. ﻻﻧﻮ
ﻣﺎﺑﻘﺪﺭ ﻳﻨﻄﻖ .. ﻛﺒﻴﺖ ﻣﻮﻳﺔ ﻭﺳﻨﺪﺗﻮ ﻛﺪﺍ ﻭﺳﻘﻴﺘﻮ ﻣﻮﻳﺔ
.. ﻏﺎﻳﺘﻮ ﺍﻟﺮﺍﺟﻞ ﺩﻩ ﻭﺣﺪﻭ ﺑﺪﺧﻞ ﺍﻟﻨﺎﺱ ﺩﻳﻞ ﺍﻟﻨﺎﺭ .. ﺣﺘﻲ
ﻭﻟﺪﻭ ﻣﺎﺷﻐﺎﻝ ﺑﻴﻬﻮ ..
ﺑﻌﺪ ﺷﺮﺏ ﺍﻟﻤﻮﻳﺔ ﺑﻘﻰ ﻳﻌﺎﻳﻦ ﻟﻲ ﻣﻦ ﻛﺪﺍ .. ﺯﻱ ﺍﻟﺘﻘﻮﻝ
ﺑﻘﻮﻝ ﻟﻲ ﻣﺎﺗﻤﺸﻲ .. ﺍﻭ ﺍﻧﺎ ﺑﺤﺲ ﻛﺪﺍ ﻣﺎﻋﺎﺭﻓﺔ .. ﺍﻟﻤﻬﻢ
ﻗﻠﺖ ﻟﻴﻬﻮ ﺍﻧﺎ ﺑﺠﻴﻚ ﺗﺎﻧﻲ ﻣﺎﺑﻐﻴﺐ ﻣﻨﻚ ﻛﺘﻴﺮ .. ﻭﻣﺸﻴﺖ
ﻋﻠﻰ ﻏﺮﻓﺘﻲ ..
ﻭﻗﻌﺪﺕ ﻭﻗﻌﺪﺕ ﻭﻫﺸﺎﻡ ﻣﺎﻓﻴﺶ ..
ﺍﻟﻮﺍﻃﺔ ﺑﻘﺖ ﻋﺼﺮ ﻗﺮﻳﺐ ﺍﻟﻤﻐﺮﺏ ﻛﺪﺍ .. ﻭﺍﻟﻮﻛﺖ ﺩﻩ ﻛﻠﻮ ﺍﻧﺎ
ﻗﺎﻋﺪﺓ ﺑﺮﺍﻱ .. ﻭﻫﺸﺎﻡ ﻣﺎﺟﺎ ﻣﺎﻋﺎﺭﻓﺔ ﻣﺸﻰ ﻭﻳﻦ ..ﻭﺍﺻﻼ
ﺍﺑﻴﺖ ﺍﺗﺼﻞ ﻋﻠﻴﻬﻮ .. ﻛﺮﻫﺘﻲ ﻓﻲ ﺍﻟﺪﻧﻴﺎ ﺍﻟﻤﺮﺍﺓ ﺍﻟﺒﺘﺴﻚ
ﺭﺍﺟﻼ ﺑﺎﻟﺘﻠﻔﻮﻥ ..
ﻭﺍﻧﺎ ﺑﻔﻜﺮ ﻭﺑﻔﻜﺮ ﻟﻤﻦ ﺟﺎﻧﻲ ﻫﺒﻮﻁ . ﻓﻜﺮﺕ ﻓﻲ ﺍﻧﻮ ﺍﻟﻤﺮﺍﺓ
ﺣﺘﻨﺘﻘﻢ ﻣﻨﻲ ﺍﻧﺘﻘﺎﻡ ﺑﻐﻴﺮ ﺭﺣﻤﺔ .. ﻭﺡ ﺗﺴﺘﻐﻞ ﻃﻴﺒﺘﻲ
ﻭﻣﺴﻜﻨﺘﻲ .. ﺍﻧﺎ ﺍﻟﻠﻴﻠﺔ ﻭﻣﻦ ﺍﻭﻝ ﻳﻮﻡ ﻳﺎ ﺍﻣﺎ ﺍﺛﺒﺖ ﻧﻔﺴﻲ ﻓﻲ
ﺍﻟﺒﻴﺖ ﺩﻩ .. ﻳﺎ ﺍﻣﺎ ﺍﺗﻄﻠﻖ ﻭﺍﻃﻠﻊ ﻣﻦ ﺍﻟﺠﻮ ﺩﻩ .. ﻟﻜﻦ
ﻣﺴﺘﺤﻴﻞ ﺍﻋﻴﺶ ﺣﻴﺎﺓ ﺍﻟﺬﻟﺔ ﻭﺍﻟﻤﻬﺎﻧﺔ ﺩﻱ .. ﺍﻟﻤﺮﺍﺓ ﺍﻟﺪﺍﻳﺮﺓ
ﺗﺘﻐﺪﺍ ﺑﻲ ﺩﻱ .. ﺍﻧﺎ ﻻﺯﻡ ﺍﻓﻄﺮ ﺑﻴﻬﺎ ﻭﺍﺷﺮﺏ ﺑﻴﻬﺎ ﺍﻟﻘﻬﻮﺓ ..
ﻧﺰﻟﺖ ﻭﻣﺸﻴﺖ ﻃﻮﺍﻟﻲ ﻟﻲ ﻏﺮﻓﺘﻬﺎ .. ﻗﻠﺖ ﻟﻴﻬﺎ ﻳﺎﺧﺎﻟﺘﻮ ﺍﻧﺎ
ﻋﺎﻳﺰﺓ ﺍﻟﺪﻫﺐ ..
ﻗﺎﻟﺖ ﻟﻲ ﻳﺎﺗﻮ ﺩﻫﺐ ﻳﺎﺑﺖ .. ؟؟
ﻗﻠﺖ ﻟﻴﻬﺎ ﺍﻟﺪﻫﺐ ﺍﻻﺷﺘﺮﺍﻫﻮ ﻟﻲ ﻫﺸﺎﻡ .. ﻗﺎﻟﺖ ﻟﻲ ﻫﺸﺎﻡ
ﻣﻨﻮ ﻳﺎﺭﻭﺡ ﺍﻣﻚ؟؟ ..
ﻗﻠﺖ ﻟﻴﻬﺎ ﻳﺎﺧﺎﻟﺘﻲ ﺍﻧﺘﻲ ﻧﺴﻴﺘﻲ ﺍﻧﻮ ﺷﻠﺘﻲ ﻣﻨﻲ ﺩﻫﺒﻲ
ﻭﻗﻠﺘﻲ ﻟﻲ ﻋﺎﻳﺰﺓ ﺍﺣﻔﻈﻮ ﻟﻴﻚ ..
ﻗﺎﻟﺖ ﻟﻲ ﺍﻧﺘﻲ ﺍﻛﻴﺪ ﻣﺨﻚ ﺩﻩ ﻣﺎﺳﺢ .. ﻭﺍﻟﻌﺮﺱ ﺍﺛﺮ ﻋﻠﻰ
ﺗﺮﻛﻴﺰﻙ ..
ﺍﻧﺘﻲ ﺑﺘﺘﻬﻤﻴﻨﻲ ﺑﻲ ﺩﻫﺒﻚ ﻛﻤﺎﻥ ؟؟ ﻭﺍﻟﻠﻪ ﻳﺎﻫﻮ ﺍﻟﻔﻀﻞ ..
ﻗﻠﺖ ﻟﻴﻬﺎ ﻟﻮ ﺍﻧﺘﻲ ﻋﺎﻳﺰﺓ ﺍﻟﺪﻫﺐ ﺷﻴﻠﻴﻬﻮ .. ﺑﺲ ﻣﺎﺗﻨﻜﺮﻱ
ﺍﻧﻚ ﺷﻠﺘﻴﻬﻮ ﻣﻨﻲ .. ﻭﻣﺎﺗﻜﺬﺑﻲ .. ﺍﻧﺘﻲ ﺧﺎﻟﺘﻲ ﻭﺍﻡ ﺯﻭﺟﻲ
ﻭﺑﺎﻟﻨﺴﺒﺔ ﻟﻲ ﻗﺪﻭﺓ ..
ﻗﺎﻟﺖ ﺍﻣﺎ ﺗﺒﻄﻠﻲ ﺍﻟﻜﻼﻡ ﺩﻩ .. ﺍﻭ ﺍﻧﺎ ﺑﻨﺎﺩﻱ ﻫﺸﺎﻡ ﻫﺴﻲ ﻳﺤﺴﻢ
ﻣﻌﺎﻙ ﺍﻟﻤﻮﺿﻮﻉ ﺍﻟﺒﺎﻳﻆ ﺩﻩ .. ﻗﻠﺖ ﻟﻴﻬﺎ ﻳﺎﺗﻮ ﻣﻮﺿﻮﻉ
ﺍﻟﺒﺎﻳﻆ ؟؟ ﻗﺎﻟﺖ ﻟﻲ ﻣﻮﺿﻮﻉ ﻋﺮﺳﻚ ﺩﻩ .. ﺍﻧﺘﻲ ﻣﺎﻋﺎﺭﻓﺔ ﺍﻧﻮ
ﻋﺮﺳﻚ ﺩﻩ ﻣﻮﺿﻮﻉ ﺿﺎﺭﺏ ؟
ﻗﻠﺖ ﻟﻴﻬﺎ ﻛﻴﻒ ﻳﻌﻨﻲ ؟ ﺍﻧﺎ ﺍﺗﺰﻭﺟﺖ ﺯﻭﺍﺝ ﺷﺮﻋﻲ ﻭﺑﺮﺿﺎﻱ
ﻭﺑﻲ ﻋﻠﻢ ﺍﻫﻠﻲ ﻛﻴﻒ ﺗﻘﻮﻟﻲ ﻟﻲ ﻣﻮﺿﻮﻉ ﺿﺎﺭﺏ ؟
ﺍﻳﻮﺓ ﻧﺎﺩﻱ ﻫﺸﺎﻡ ﻭﻛﻠﻤﻴﻬﻮ ﺍﻧﺎ ﺫﺍﺗﻲ ﻋﺎﻳﺰﺓ ﺍﺗﻔﺎﻭﺽ ﻣﻌﺎﻫﻮ ﻓﻲ
ﺍﻟﻠﺤﻈﺔ ﺩﻱ .. ﻭﻣﺎ ﺡ ﺍﺳﻴﺒﻮ ﻭﻻ ﺡ ﺍﺳﻴﺒﻚ .. ﺍﻧﺘﻮ ﻣﻔﺘﻜﺮﻳﻦ
ﺍﻧﻲ ﺍﻧﺎ ﺧﺎﻳﻔﺔ ﻣﻦ ﺍﻟﻄﻼﻕ ﻭﻻﺷﻨﻮ؟
ﺧﻠﻴﻬﻮ ﻳﺠﻲ .. ﺍﻧﺎ ﻣﻦ ﻫﻨﺎ ﻣﺎﻣﺎﺷﺔ ﺍﻻ ﻳﺠﻲ .. ﻭﻳﻔﺼﻞ ﻓﻲ
ﺍﻟﻤﺸﻜﻠﺔ ﺍﺷﻮﻓﻮ ﺡ ﻳﺼﺪﻗﻨﻲ ﻭﻻ ﻳﺼﺪﻗﻚ ..

.... ــــــــ ﺍﻟﻰ ﺍﻟﻠﻘﺎﺀ ــــــــ

[لامارا]

ﺍﻟﺤﻠﻘﺔ 5

ﻗﺎﻟﺖ ﻟﻲ ﺍﻧﺘﻲ ﻭﺍﺣﺪﺓ ﻣﺎ ﻋﻨﺪﻙ ﻓﻬﻢ .. ﻓﻲ ﻣﺮﺍﺓ ﻭﻟﺪ ﺑﺘﻌﺎﺩﻱ
ﻧﺴﻴﺒﺘﻬﺎ ؟ ﺍﻧﺘﻲ ﺍﻟﻤﻔﺮﻭﺽ ﻣﺎﺗﺴﺄﻟﻲ ﻣﻦ ﺩﻫﺐ ﻭﻻﻏﻴﺮﻭ ..
ﺍﻧﺘﻲ ﺷﻠﺘﻲ ﺟﻨﺎﻱ ﺍﻟﺠﺒﺘﻮ ﻣﻦ ﺑﻄﻨﻲ .. ﺗﺴﺄﻟﻴﻨﻲ ﻣﻦ ﺩﻫﺒﻮ
ﺍﻟﺠﺎﺑﻮ ﻟﻴﻚ؟؟ ﻟﻜﻦ ﺍﻧﺎ ﺑﻮﺭﻳﻚ ﺧﻠﻴﻬﻮ ﻳﺠﻲ .. ﻭﻣﻮﺵ
ﻧﻨﺘﻈﺮﻭ ﺍﻧﺎ ﺑﻀﺮﺏ ﻟﻴﻬﻮ ﺗﻠﻔﻮﻥ ..
ﺩﺧﻠﺖ ﺟﻮﺓ .. ﺟﺎﺑﺖ ﺗﻠﻔﻮﻧﻬﺎ ﻭﺿﺮﺑﺖ ﻟﻲ ﻫﺸﺎﻡ .. ﺍﻭﻝ
ﻣﺎﻓﺘﺢ ﻟﻴﻬﺎ ﺍﻟﺨﻂ .. ﻗﻌﺪﺕ ﺗﺒﻜﻲ ﺑﺎﻟﻜﻀﺐ .. ﻭﺑﺘﻌﻤﻞ ﻓﻲ
ﺣﺮﻛﺎﺕ ﺯﻱ ﺍﻟﺰﻭﻝ ﺍﻟﺒﺒﻜﻲ
ﺟﺪ ﺟﺪ .. ﻭﺑﺘﻘﻮﻝ ﺗﻌﺎﻝ ﻳﺎﻫﺸﺎﻡ .. ﺗﻌﺎﻝ ﺷﻮﻑ ﺍﻟﺤﺼﻞ
ﻋﻠﻲ ﺍﻣﻚ .. ﻣﺮﺗﻚ ﻣﻦ ﺍﻭﻝ ﻳﻮﻡ ﺗﻔﺖ ﻟﻲ ﻓﻲ ﻭﺷﻲ .. ﻭﺍﻧﺎ
ﻻﻫﺴﻲ ﻣﺎ ﻣﺴﺤﺖ ﺗﻔﺎﻓﺎ ﻣﻦ ﻭﺷﻲ .. ﻟﻮ ﺟﻴﺖ ﺳﺮﻳﻊ
ﺑﺘﺸﻮﻓﻮ .. ﺗﻌﺎﻝ ﻳﺎﻫﺸﺎﻡ ﻣﺮﺗﻚ ﺑﺘﻬﻴﻦ ﺍﻣﻚ .. ﻭﺑﺘﻒ ﻟﻴﻬﺎ
ﻓﻲ ﻭﺷﻬﺎ ﻭﺍﻧﺖ ﻣﺎﻓﻲ ..
ﺍﻳﻮﺓ ﺍﻳﻮﺓ ﻓﻲ ﺳﺒﺐ .. ﺍﻟﺴﺒﺐ ﺍﻧﻬﺎ ﺳﺄﻟﺘﻨﻲ ﻣﻦ ﺩﻫﺒﻬﺎ ..
ﺿﻴﻌﺘﻮ ﻭﺟﺎﺕ ﺗﺘﻬﻤﻨﻲ ﺑﻴﻬﻮ . ﻭﻛﺖ ﻗﻠﺖ ﻟﻴﻬﺎ ﻣﺎﺷﻔﺘﻮ ﺗﻔﺖ
ﻟﻲ ﻓﻲ ﻭﺵ .. ﻱ ﻭﻗﺎﻟﺖ ﻟﻲ ﺍﻧﺘﻲ ﺣﺮﺍﻣﻴﺔ .. !!!
ﻭﺍﻟﻠﻪ ﺍﻧﺎ ﻧﻄﻄﺖ ﻋﻴﻮﻧﻲ ﻗﺪﺭ ﻛﺪﺍ .. ﻣﻦ ﻛﻀﺐ ﺍﻟﻤﺮﺍﺓ ﺩﻱ
ﻭﺍﺟﺮﺍﻣﻬﺎ .. ﻣﻌﻘﻮﻝ ﻓﻲ ﻧﺎﺱ ﻓﻲ ﺍﻟﺪﻧﻴﺎ ﻛﺪﺍ؟ .. ﺑﺎﻟﻠﻪ ﺷﻮﻑ
ﺍﻟﻤﺮﺍﺓ ﻻ ﺍﻟﻪ ﺍﻻ ﺍﻟﻠﻪ ..
ﻭﻟﺴﻪ ﺑﺘﺘﻜﻠﻢ ﻣﻌﺎﻫﻮ ..
ﻗﺎﻟﺖ ﻟﻴﻬﻮ ﻳﺎ ﺍﻣﺎ ﺗﺠﻲ ﺳﺮﻳﻊ .. ﺍﻭ ﺍﻧﺎ ﺑﺎﻟﺰﻋﻞ ﺡ ﺗﺤﺼﻞ ﻟﻲ
ﺟﻠﻄﺔ .. ﻭﺍﻗﻌﺪ ﻟﻴﻚ ﻓﻲ ﺍﻟﻜﺮﺳﻲ ﺯﻱ ﺍﺑﻮﻙ .. ﺗﻌﺎﻝ ﻟﻲ
ﺳﺮﻳﻊ ﺣﻠﻨﻲ ﻣﻦ ﺍﻟﻤﺸﻜﻠﺔ ﺩﻱ ..
ﺍﻧﺎ ﻃﺒﻌﺎ " ﺑﻘﻴﺖ ﻣﻨﺘﻈﺮﺓ ﻫﺸﺎﻡ ﻳﺠﻲ .. ﻭﺍﻗﻔﺔ ﻋﻠﻰ ﺣﻴﻠﻲ
.. ﻭﻣﺘﻮﺗﺮﺓ ﻭﺧﺎﻳﻔﺔ ﻓﻌﻼ .. ﺍﻟﺰﻭﻝ ﺩﻩ ﻟﻮ ﺻﺪﻕ ﺍﻣﻮ ﺍﺣﺘﻤﺎﻝ
ﻳﻀﺮﺑﻨﻲ .. ﺍﻭ ﻳﻌﻤﻞ ﺣﺎﺟﺔ .. ﺍﺣﺘﻤﺎﻝ ﻣﺎﻳﺴﻤﻊ ﻛﻼﻣﻲ ..
ﻣﺎﻓﻲ ﺯﻭﻝ ﻣﻤﻜﻦ ﻳﻜﺬﺏ ﺍﻣﻪ .
ﺍﻫﺎ ﺑﻌﺪ ﺷﻮﻳﺔ ﻛﺪﺍ ﺟﺎ ﻟﺰﺍ ﺍﻟﺒﺎﺏ ﻭﺩﺧﻞ ..
ﻗﺎﻝ ﻟﻴﻬﺎ ﻓﻲ ﺷﻨﻮ ﻳﺎ ﺍﻣﻲ؟ .. ﻗﺎﻟﺖ ﻟﻴﻬﻮ ﻣﺮﺗﻚ ﺗﻔﺖ ﻟﻲ ﻓﻲ
ﻭﺷﻲ ﻳﻬﺪﻱ ﺧﻠﻴﻬﺎ ﺗﻨﻜﺮ .. ﺍﻟﺴﺒﺐ ﺷﻨﻮ ﻳﺎ ﺍﻣﻲ .. ؟؟
ﻗﺎﻟﺖ ﻟﻴﻬﻮ ﺍﻧﺎ ﻛﻠﻤﺘﻚ ﺳﺄﻟﺘﻨﻲ ﻣﻦ ﺍﻟﺪﻫﺐ ..
ﻗﺎﻝ ﻟﻴﻬﺎ ﺧﻼﺹ ﻳﺎ ﺍﻣﻲ .. ﺍﻧﺎ ﺑﺘﺼﺮﻑ ﻣﻌﺎﻫﺎ ﺍﻟﻤﺮﺍﺓ ﺩﻱ ..
ﺍﻧﺘﻲ ﺧﺸﻲ ﺟﻮﺓ .. ﺧﻠﻴﻨﻲ ﺍﺗﻔﺎﻫﻢ ﻣﻌﺎﻫﺎ ﻭﺍﺟﻴﻚ ..
ﻗﺎﻝ ﻟﻲ ﺗﻌﺎﻟﻲ ﻳﺎ ﻫﻨﺪ ﺍﻧﺎ ﻋﺎﻳﺰﻙ .. ﺍﻫﺎ ﻋﺎﻳﺰﻳﻦ ﻧﻄﻠﻊ ﻋﻠﻰ
ﺍﻟﻐﺮﻓﺔ ﺍﻟﻤﺮﺍﺓ ﺟﺎﺕ ﻣﺎﺷﺔ ﻭﺭﺍﻧﺎ .. ﻗﺎﻝ ﻟﻴﻬﺎ ﻣﺎﺷﺔ ﻭﻳﻦ
ﺍﻧﺘﻲ ﻳﺎ ﺍﻣﻲ؟
ﺧﻠﻴﻚ ﺍﻧﺎ ﻋﺎﻳﺰ ﺍﺗﻔﺎﻫﻢ ﻣﻌﺎﻫﺎ ﺑﺮﺍﻱ .. ﻛﻮﻳﺲ ؟
ﺭﺟﻌﺖ ﻃﻮﺍﻟﻲ ﻭﺗﻨﻘﻨﻖ ..
ﺍﻇﻨﻬﺎ ﻛﺎﻧﺖ ﺩﺍﻳﺮﺓ ﺗﺤﻀﺮ ﺍﻟﻌﻘﺎﺏ ﺍﻟﻌﺎﻳﺰ ﻳﻌﻤﻠﻮ ﻟﻲ ﺍﻟﺮﺍﺟﻞ
ﺩﻩ ..
ﺩﺧﻞ ﺍﻟﻐﺮﻓﺔ ﻣﻌﺎﻱ .. ﺍﻧﺘﻮ ﻣﺘﺎﺑﻌﻴﻦ ﻣﻌﺎﻱ ﺍﻧﻮ ﺍﻟﻜﻼﻡ ﺩﻩ ﻛﻠﻮ
ﺣﺼﻞ ﻓﻲ ﻧﻔﺲ ﺍﻟﻴﻮﻡ ﺍﻟﻨﺤﻦ ﺟﻴﻨﺎ ﻣﻦ ﺍﻟﻘﺎﻫﺮﺓ ؟
ﻗﻌﺪ ﻓﻲ ﺍﻟﺴﺮﻳﺮ ﻗﺎﻝ ﻟﻲ ﺍﻗﻌﺪﻱ ﻳﺎﻫﻨﺪ .. ﻗﻌﺪﺕ ﻓﻲ
ﺍﻟﻤﻘﻌﺪ ﺑﺘﺎﻉ ﺍﻟﻤﺮﺍﻳﺔ .. ﻭﻗﺒﻠﺖ ﻋﻠﻴﻬﻮ .. ﺍﺧﺪ ﻟﻴﻬﻮ ﺑﺴﻤﺔ
ﻛﺪﺍ ﻏﺮﻳﺒﺔ .. ﻭﺍﻧﺎ ﻣﺘﻤﺤﻨﺔ ﺑﻌﺎﻳﻦ ﻟﻴﻬﻮ ..
ﻗﺎﻝ ﻟﻲ ﺍﻟﺤﺼﻞ ﺷﻨﻮ؟ ﻗﻠﺖ ﻟﻴﻬﻮ ﻃﺒﻌﺎ" ﺍﻧﺎ ﻛﻠﻤﺘﻚ ﺍﻧﻬﺎ
ﺷﺎﻟﺖ ﻣﻨﻲ ﺍﻟﺪﻫﺐ .. ﻋﺸﺎﻥ ﺗﺤﻔﻈﻮ ﻟﻲ .. ﻫﺴﻲ ﻭﻛﺖ
ﺳﺄﻟﺘﻬﺎ ﻣﻦ ﺩﻫﺒﻲ ﻧﻜﺮﺕ ..
ﻭﺍﻟﻠﻪ ﻻﺗﻔﻴﺖ ﻟﻴﻬﺎ ﻓﻲ ﻭﺷﻬﺎ ﻭﻻﺷﻲ .. ﺑﺎﻟﻌﻜﺲ ﻫﻲ ﻗﺎﻟﺖ
ﻟﻲ ﻛﻼﻡ ﺧﻄﻴﺮ ﺟﺪﺍ .. ﻗﺎﻟﺖ ﻟﻲ ﻣﻮﻭﺿﻮﻉ ﻋﺮﺳﻚ ﺿﺎﺭﺏ ..
ﻭﺍﻧﺎ ﺍﺻﺮﻳﺖ ﺍﻧﻚ ﺗﺠﻲ ﻋﺸﺎﻥ ﺍﺗﻔﺎﻫﻢ ﻣﻌﺎﻙ .. ﻭﺍﺳﺄﻟﻚ ﺍﻣﻚ
ﺩﻱ ﻣﺎﻻ ﻣﻌﺎﻱ؟ ..
ﻗﺎﻝ ﻟﻲ ﺧﻼﺹ ﺍﻧﺎ ﻣﺼﺪﻗﻚ .. ﺑﺲ ﺗﺎﻧﻲ ﻣﺎﺗﺴﺄﻟﻴﻬﺎ ﻣﻦ
ﺍﻟﺪﻫﺐ .. ﺧﻠﻴﻬﻮ ﻟﻴﻬﺎ .. ﺍﻧﺎ ﺗﺎﻧﻲ ﺑﺠﻴﺐ ﻟﻴﻚ ﺩﻫﺐ .. ﻭﺍﻧﺎ
ﻋﺎﺭﻓﻚ ﺍﻧﺘﻲ ﻣﺎﻣﻤﻜﻦ ﺗﺘﻔﻲ ﻟﻴﻬﺎ ﻓﻲ ﻭﺷﻬﺎ .. ﺍﻧﺴﻲ ﺍﻟﻤﻮﺿﻮﻉ
.. ﺑﺲ ﺗﺎﻧﻲ ﻣﻦ ﺍﻟﻠﻴﻠﺔ ﻣﺎﻋﺎﻳﺰﻙ ﺗﺨﺸﻲ ﻣﻌﺎﻫﺎ ﻓﻲ ﺻﺪﺍﻡ ..
ﺍﺗﻔﻘﻨﺎ؟
ﻗﻠﺖ ﻟﻴﻬﻮ ﺩﻗﻴﻘﺔ ﻳﺎﻫﺸﺎﻡ ﻟﻮ ﺳﻤﺤﺖ .. ﺍﻭﻻ " ﺍﻧﺎ ﻣﺎﻋﺎﻳﺰﺓ
ﺩﻫﺐ ﺗﺎﻧﻲ ﻭﻻﺑﻬﻤﻨﻲ ﺩﻫﺐ ﻭﻻﻏﻴﺮﻭ .. ﺍﻧﺎ ﺗﻘﻴﻴﻢ ﻧﻔﺴﻲ
ﺑﻬﻤﻨﻲ ﺍﻛﺘﺮ ﻣﻦ ﻛﻨﻮﺯ ﺍﻟﺪﻧﻴﺎ .. ﺑﺲ ﻛﻮﻧﻬﺎ ﺗﺸﻴﻞ ﺩﻫﺒﻲ ..
ﻭﺗﻨﻜﺮﻩ ﻭﺗﺠﻲ ﺗﻜﺬﺏ ﻓﻮﻗﻲ ﻗﺪﺭ ﺩﻩ
ﺍﻟﺤﻜﺎﻳﺔ ﺩﻱ ﺿﺎﻳﻘﺘﻨﻲ ﺷﺪﻳﺪ ﻭﺍﻟﻠﻪ ..
ﻗﺎﻝ ﻟﻲ ﻟﻮ ﺍﻓﺘﺮﺿﻨﺎ ﺍﻧﻬﺎ ﻏﻠﻄﺎﻧﺔ ﻓﻲ ﺩﻩ ﻛﻠﻮ .. ﺍﻧﺘﻲ
ﻋﺎﻳﺰﺍﻧﻲ ﺍﻋﻤﻞ ﻟﻴﻬﺎ ﺷﻨﻮ ﻣﺜﻼ ؟ ﺍﻣﺸﻲ ﺍﺟﻠﺪﻫﺎ ؟؟
ﻗﻠﺖ ﻟﻴﻬﻮ ﻣﺎﺗﻌﻤﻞ ﻟﻴﻬﺎ ﺍﻱ ﺣﺎﺟﺔ ﺑﺲ ﺧﻠﻴﻚ ﻋﺎﺭﻑ ..
ﻭﺗﻜﻮﻥ ﺍﻟﺤﻘﺎﻳﻖ ﻭﺍﺿﺤﺔ ﻟﻴﻚ .. ﻗﺎﻝ ﻟﻲ ﺍﻧﺎ ﻋﺎﺭﻑ ﻭﺍﻟﺤﻘﺎﻳﻖ
ﻭﺍﺿﺤﺔ ﻟﻲ .. ﺍﻫﺎ ﺗﺎﻧﻲ ﻓﻲ ﺷﻨﻮ؟
ﻗﻠﺖ ﻟﻴﻬﻮ ﻃﻴﺐ .. ﺷﻨﻮ ﻣﻌﻨﻰ ﻛﻼﻣﻬﺎ ﺍﻟﺰﻭﺍﺝ ﺩﻩ ﻣﻮﺿﻮﻋﻮ
ﺿﺎﺭﺏ؟ ..
ﻗﺎﻝ ﻟﻲ ﻳﺎﻫﻨﺪﻭﻳﺔ ﺍﻧﺘﻲ ﺍﻧﺴﺎﻧﺔ ﻭﺍﻋﻴﺔ ﻭﻣﺘﻌﻠﻤﺔ .. ﺍﻧﺘﻲ
ﻋﺎﺭﻓﺔ ﺍﻧﻮ ﺍﻟﺰﻭﺍﺝ ﺗﻢ ﻋﻠﻰ ﺳﻨﺔ ﺍﻟﻠﻪ ﻭﺭﺳﻮﻟﻪ .. ﻳﻌﻨﻲ ﻛﻴﻒ
ﻳﻜﻮﻥ ﺿﺎﺭﺏ .. ؟؟ ﻭﻫﻲ ﻟﻮ ﻗﺎﻟﺖ ﻛﺪﺍ ﺍﻛﻴﺪ ﻛﻼﻣﻬﺎ ﻣﺎﺻﺢ ..
ﺑﺲ ﺍﻧﺎ ﻣﺎﻣﺴﺆﻭﻝ ﻣﻦ ﺍﻟﻜﻼﻡ ﺍﻟﺒﺘﻘﻮﻟﻮ ..
ﺑﻌﺪﻳﻦ ﺍﻧﺘﻲ ﻣﻮﺵ ﺍﺗﻔﻘﺘﻲ ﻣﻌﺎﻱ ﻗﺒﻞ ﺍﻟﻠﻴﻠﺔ ﻗﻠﺘﻲ ﻟﻲ ﺍﻧﺎ ﻣﺎ
ﺡ ﺍﺷﻜﻲ ﻭﺑﺮﺍﻙ ﺑﺘﺸﻮﻓﻨﻲ .. ﺍﻧﺘﻲ ﻟﺴﻪ ﻣﺎﺷﻔﺘﻲ ﺍﻱ ﺣﺎﺟﺔ
ﻟﻮ ﺍﺗﺠﺮﺳﺘﻲ ﻣﻦ ﺍﻭﻝ ﻳﻮﻡ ﻣﻌﻨﺎﻫﺎ ﺣﻜﺎﻳﺘﻚ ﺣﻜﺎﻳﺔ ..
ﻗﻠﺖ ﻟﻴﻬﻮ ﻃﻴﺐ .. ﺍﻧﺎ ﻳﺎﺧﻲ ﻣﺎﺑﻘﺪﺭ ﺍﻋﻴﺶ ﻓﻲ ﺍﻟﺒﻴﺖ ﺩﻩ
ﻣﻤﻜﻦ ﻳﻜﻮﻥ ﻋﻨﺪﻱ ﺑﻴﺘﻲ ﺍﻟﺨﺎﺹ ؟ ﻗﺎﻝ ﻟﻲ ﺑﻴﺘﻚ ﺍﻟﺨﺎﺹ
ﺍﻟﺢ ﻳﻜﻮﻥ ﻣﻌﺎﻙ ﻓﻴﻬﻮ ﻣﻨﻮ ﺍﻧﺎ ﻭﻻ ﺯﻭﻝ ﺗﺎﻧﻲ ؟ ﻗﻠﺖ ﻟﻴﻬﻮ
ﺑﺎﻟﺘﺎﻛﻴﺪ ﺍﻧﺖ ..
ﻗﺎﻝ ﻟﻲ ﺍﻧﺎ ﻣﺴﺘﺤﻴﻞ ﺍﻛﻮﻥ ﺑﻌﻴﺪ ﻣﻦ ﺑﻴﺘﻨﺎ .. ﻭﺍﻧﺘﻲ ﺑﺮﺍﻙ
ﺷﺎﻳﻔﺔ ﺍﻧﺎ ﻟﻮ ﻃﻠﻌﺖ ﻋﻠﻰ ﺍﻟﺸﺎﺭﻉ ﺑﺠﻲ ﺑﻠﻘﻰ ﺍﻣﻲ ﻋﺎﻣﻠﺔ
ﺷﻜﻠﺔ .. ﻭﺍﺑﻮﻱ ﺟﻴﻌﺎﻥ ﻭﻋﻄﺸﺎﻥ ..
ﻭﺍﺧﻮﺍﺗﻲ ﻣﺎﺷﻐﺎﻟﻴﻦ ﺑﺎﻟﻤﻮﺿﻮﻉ .. ﻭﻟﻮ ﺍﺗﻜﻠﻤﺖ ﻣﻊ ﺍﻟﻮﺍﺣﺪﺓ ..
ﺍﻣﻲ ﻣﻤﻜﻦ ﺗﻘﻠﺐ ﺍﻟﺒﻠﺪ ﻭﺗﻤﺸﻲ ﺗﻜﻮﺭﻙ ﻓﻲ ﺍﻟﺸﺎﺭﻉ ﻭﺗﻠﻢ
ﺍﻟﻨﺎﺱ .. ﺍﻫﺎ ﻋﻨﺪﻙ ﻭﺍﺣﺪ ﻓﻲ ﺣﻠﻴﻦ ..
ﻳﺎ ﺍﻣﺎ ﺗﺼﺒﺮﻱ ﻣﻌﺎﻱ .. ﻳﺎ ﺍﻣﺎ ﺗﻨﻔﺼﻠﻲ ﻣﻨﻲ ﻭﺗﻤﺸﻲ ﺑﻴﺘﻜﻢ
..
ﺍﻧﺎ ﺑﺨﻠﻴﻚ ﺗﻔﻜﺮﻱ ﺑﻲ ﺭﺍﺣﺘﻚ .. ﻭﺍﻟﺒﺘﺒﻘﻲ ﻋﻠﻴﻬﻮ ﺍﻧﺎ ﺭﺿﻴﺎﻥ
.. ﻭﻣﺸﻰ ﺩﺍﻳﺮ ﻳﻄﻠﻊ .. ﻭﺑﺘﻜﻠﻢ ﻛﻼﻡ ﺑﺎﺍﺍﺭﺩ ﺯﻱ ﺍﻟﻜﺎﻧﻮ
ﺍﻟﺤﻜﺎﻳﺔ ﺩﻱ ﻣﺎ ﺟﺪ .. ﻫﺎﺩﻱ ﻭﺑﺎﺭﺩ ﺑﺮﻭﺩ ﻣﺎﻃﺒﻴﻌﻲ .. ﺍﻱ ﺍﻧﺎ
ﻣﺮﺍﺕ ﻋﻨﺪﻱ ﺑﺮﻭﺩ ... ﻟﻜﻦ ﺟﻨﺲ ﺩﻩ ﻣﺎ ﻻﻗﻴﺘﻮ ..
ﻗﻠﺖ ﻟﻴﻬﻮ ﻛﻮﻳﺲ ﻳﺎ ﻫﺸﺎﻡ ﺍﻧﺎ ﻣﺎﻣﻤﻜﻦ ﺍﺗﻄﻠﻖ ﺑﻌﺪ ﺷﻬﺮ
ﺍﻟﻌﺴﻞ .. ﺑﻲ ﻳﻮﻡ .. ﻭﺡ ﺃﻓﻀﻞ ﻋﺎﻳﺸﺔ ﻣﻌﺎﻙ ﻓﻲ ﺍﻟﺒﻴﺖ ﺩﻩ
.. ﻣﺎﺩﺍﻡ ﺍﻧﺖ ﻓﺎﻫﻤﻨﻲ ﻭﻣﺘﻔﻬﻢ ﻭﺿﻌﻲ .. ﻭﻻ ﺡ ﺃﺷﻜﻲ ﻟﻴﻚ ..
ﻗﻤﺖ ﺻﻠﻴﺖ . ﻭﺩﺧﻠﺖ ﺍﻟﻤﻄﺒﺦ ﺑﺮﺍﻱ ﻋﻤﻠﺖ ﻟﻲ ﺷﺎﻱ ﻟﻲ
ﺭﻭﺣﻲ .. ﻭﻃﻠﻌﺖ ﺑﻴﻬﻮ ﻓﻮﻕ .. ﻭﺍﺗﺮﺑﻌﺖ ﻓﻲ ﻧﺺ ﺍﻟﺴﺮﻳﺮ
ﻭﻗﻌﺪﺕ ﺍﺷﺮﺏ ..
ﺍﻧﺎ ﻃﺒﻌﺎ " ﺧﻼﺹ ﻗﺮﺑﺖ ﺍﻓﻬﻢ ﺍﻟﺤﺎﺻـــــــﻞ ﻟﻜﻦ ﻟﺴﻊ
ﻃﺮﻳﻘﻲ ﻃﻮﻳﻞ ..
ﻭﻛﺖ ﺍﻟﻌﺸﺎﺀ ﺟﺎ .. ﺧﺘﻮ ﺍﻟﻌﺸﺎﺀ ﺍﻟﻤﺮﺍﺓ ﻭﺑﻨﺎﺗﻬﺎ .. ﻭﻻﻧﺎﺩﻭﻧﻲ
ﻟﻠﻌﺸﺎﺀ ﻃﺒﻌﺎ .. ﺍﺗﻌﺸﻦ ﺑﺮﺍﻫﻦ .. ﻭﻟﻤﻦ ﺍﻟﻌﺪﺓ ﻭﺩﺧﻠﻦ ﻋﻠﻰ
ﻏﺮﻓﻦ ..
ﺍﻧﺎ ﻣﺎﻋﺎﺭﻓﺔ ﺍﻟﻮﺩ ﻫﺸﺎﻡ ﺩﻩ ﺑﺰﻭﻍ ﻭﻳﻦ .. ﻣﺎﻓﻴﺶ ﻭﺍﻧﺎ
ﺟﻴﻌﺎﻧﺔ ..
ﺑﻌﺪ ﻣﺴﺎﻓﺔ ﻛﺪﺍ ﺟﺎ ﻭﺟﺎﺏ ﻣﻌﺎﻫﻮ ﻋﺸﺎ .. ﻗﺎﻝ ﻟﻲ ﺍﻧﺎ ﺟﻴﺖ
ﻗﺒﻴﻞ ﻭﻟﻘﻴﺖ ﻧﺎﺱ ﺍﻣﻲ ﺑﺘﻌﺸﻮ ﻭﺍﻧﺘﻲ ﻣﺎﻣﻌﺎﻫﻢ ﻋﺮﻓﺘﻬﻢ
ﺑﻜﻮﻧﻮ ﻣﺎﻧﺎﺩﻭﻙ .. ﻃﻠﻌﺖ ﻃﻮﺍﻟﻲ ﺍﺟﻴﺐ ﻋﺸﺎ ﻧﺘﻌﺸﻰ ﺍﻧﺎ
ﻭﺍﻧﺘﻲ ﺭﺍﻳﻚ ﺷﻨﻮ ؟
ﻗﻠﺖ ﻟﻴﻬﻮ ﺗﻤﺎﻡ ﻣﺎﻓﻲ ﻣﺸﻜﻠﺔ ..
ﺑﺎﻟﻠﻴﻞ ﻗﻠﺖ ﻟﻴﻬﻮ ﻋﺎﻳﻦ ﻳﺎﻫﺸﺎﻡ ﺑﻜﺮﺓ ﻋﺎﻳﺰﺍﻙ ﺗﻮﺩﻳﻨﻲ ﺑﻴﺘﻨﺎ
ﺍﺳﻠﻢ ﻋﻠﻴﻬﻢ .. ﻗﺎﻝ ﻟﻲ ﺗﻤﺎﻡ ﺍﻧﺎ ﺍﺻﻼ ﺑﺎﻛﺮ ﻋﻨﺪﻱ ﻣﺸﻮﺍﺭ ﻟﻲ
ﺑﺤﺮﻱ .. ﺑﺴﻮﻗﻚ ﺍﻧﺰﻟﻚ ﻋﻨﺪ ﻧﺎﺱ ﺍﻣﻚ ﻭﺑﻤﺸﻲ ﺑﻲ ﻏﺎﺩﻱ ..
ﺑﺨﻠﻴﻚ ﻣﻌﺎﻫﻢ ﻳﻮﻡ ﺑﻜﺮﺓ ﻛﻠﻮ .. ﻭﺑﺎﻟﻤﺴﺎﺀ ﺑﺠﻲ ﻏﺎﺷﻴﻚ
ﻧﺠﻲ .. ﺍﻧﺎ ﻭﺍﻓﻘﺖ ﻭﺧﻼﺹ ..
ﺍﻟﻤﻬﻢ ﻳﺎﺯﻭﻝ ﺍﻟﻠﻴﻠﺔ ﻣﺮﺕ .. ﻭﺍﻟﻠﻪ ﺍﻟﻴﻮﻡ ﺩﻩ ﺍﻧﺎ ﺷﺎﻳﻔﺎﻫﻮ ﺯﻱ
ﺍﻟﺴﻨﺔ ﺍﻟﻜﺎﻣﻠﺔ .
ﺍﻫﺎ ﺑﺎﻛﺮ ﺍﻟﺼﺒﺎﺡ .. ﻗﺎﻝ ﻟﻲ ﺍﻧﺰﻟﻲ ﻧﺸﺮﺏ ﺍﻟﺸﺎﻱ ﻣﻌﺎﻫﻢ
ﺗﺤﺖ .. ﻭﻧﻮﺩﻋﻬﻢ ﻭﻧﻄﻠﻊ .. ﻭﺧﻠﻲ ﺍﻟﻤﻮﺿﻮﻉ ﺍﻳﺰﻱ .. ‏( ﻳﻌﻨﻲ
ﺳﺎﻫﻞ‏) ﻋﺎﺩﻱ ..
ﻭﻣﺎﺗﺘﻌﺎﻣﻠﻲ ﻣﻊ ﺍﻻﻣﻮﺭ ﺑﻲ ﺣﺴﺎﺳﻴﺔ ﻣﺎﻓﻲ ﺣﺎﺟﺔ ﺑﺘﺴﺘﺎﻫﻞ
..
ﺍﻧﺎ ﻃﺒﻌﺎ " ﻣﺴﺘﻐﺮﺑﺔ ﻓﻲ ﺍﻟﺰﻭﻝ ﺩﻩ .. ﻭﺍﻻﻟﻐﺎﺯ ﺍﻟﻤﻮﺟﻮﺩﺓ ﻓﻲ
ﺷﺨﺼﻴﺘﻮ ..
ﺍﻫﺎ ﻟﻤﻦ ﻧﺰﻟﻨﺎ ﺗﺤﺖ .. ﻟﻘﻴﻨﺎﻫﻦ ﻟﻴﻚ ﻛﻠﻬﻦ ﻗﺎﻋﺪﺍﺕ ﻓﻲ
ﺍﻟﺼﺎﻟﺔ ﺑﺸﺮﺑﻦ ﻓﻲ ﺍﻟﺸﺎﻱ .. ﻗﺎﻣﺖ ﺍﻣﻮ ﻛﺒﺖ ﻟﻴﻬﻮ ﺷﺎﻱ ..
ﻭﺍﻧﺎ ﻗﺎﻋﺪﺓ ﺍﺑﺖ ﺗﻜﺐ ﻟﻲ .. ﻗﺎﻡ ﻫﻮ ﺷﺎﻝ . ﺍﻟﺴﻴﺮﻣﺲ ﻛﺐ
ﻟﻲ ﺷﺎﻱ .. ﻭﺍﺩﺍﻧﻲ ﻟﻴﻬﻮ ..
ﻭﻗﺎﻡ ﺩﺧﻞ ﺟﻮﺓ ﺍﻟﻤﻄﺒﺦ ﻳﺠﻴﺐ ﺑﺴﻜﻮﻳﺖ ﺗﻘﺮﻳﺒﺎ .. ﻻﻧﻮ
ﺍﻟﺒﺴﻜﻮﻳﺖ ﺍﻟﻘﺪﺍﻣﻬﻦ ﺧﻠﺺ .. ﻫﻮ ﻭﻛﺖ ﺩﺧﻞ ﺟﻮﺓ ﺣﻴﺎﺓ
ﻗﺎﻟﺖ ﻟﻲ .. ﺍﻥ ﺷﺎﺀ ﺍﻟﻠﻪ ﺍﻟﺸﺎﻱ ﻣﺎﻳﻨﻔﻌﻚ .. ﺍﻥ ﺷﺎﺀ ﺍﻟﻠﻪ
ﺑﺎﻻﺳﻬﺎﻝ ﻭﺍﻟﻄﺮﺍﺵ ..
ﻗﻠﺖ ﻟﻴﻬﺎ ﻻﻻ ﺑﻨﻔﻌﻨﻲ .. ﺩﻩ ﺷﺎﻱ ﻣﻦ ﻳﺪﻙ ﺍﻧﺘﻲ ﻳﺎ
ﺍﻟﺤﺒﻴﺒﺔ .. ﻭﺗﺨﺪﺕ ﻟﻲ ﺿﺤﻜﺔ ..
ﺍﻫﺎ ﻫﺸﺎﻡ ﺟﺎ ﻃﺎﻟﻊ ﺍﻧﺎ ﻗﻤﺖ ﻗﻌﺪﺕ ﻓﻲ ﺍﻟﻜﺮﺳﻲ ﺍﻟﺠﻤﺒﻮ ..
ﻭﻗﻠﺖ ﻟﻴﻬﻮ ﻣﺎﺗﻨﺴﻰ ﺗﺸﻮﻑ ﺍﺑﻮﻙ ﺍﻟﺤﺎﺻﻞ ﻋﻠﻴﻬﻮ ﺷﻨﻮ .. ﻗﺎﻝ
ﻟﻲ ﺣﺎﺿﺮ ﺑﺲ ﺍﻧﺘﻲ ﺍﺷﺮﺑﻲ ﺍﻟﺸﺎﻱ ﻭﻧﻘﻮﻡ ﻧﺼﺒﺢ ﻋﻠﻴﻬﻮ ﺍﻧﺎ
ﻭﺍﻧﺘﻲ ..
ﻭﺍﻟﻠﻪ ﻓﻲ ﺍﻟﻠﺤﻈﺔ ﺣﻴﺎﺓ ﻭﺑﻨﺎﺗﻬﺎ ﻋﺎﻳﺰﺍﺕ ﻳﻤﻮﺗﻦ ﻣﻦ ﺍﻟﻐﻀﺐ
.. ﻳﻌﻨﻲ ﻛﻴﻒ ﺍﻧﺎ ﻗﺎﻋﺪﺓ ﺟﻢ ﺭﺍﺟﻠﻲ ﻭﺑﺘﻮﺳﻮﺱ ﻣﻌﺎﻫﻮ ..
ﻳﺎﺟﻤﺎﻋﺔ ﺩﻱ ﺣﺎﻟﺔ ﺷﻨﻮ ﺩﻱ؟؟
ﻭﻓﻌﻼ ﻏﺸﻴﻨﺎ ﺍﻟﻮﺍﻟﺪ .. ﻭﻟﻘﻴﻨﺎﻫﻮ ﺣﺎﻟﺘﻮ ﻣﺎﻓﻲ ﺩﺍﻋﻲ ﻟﺸﺮﺣﻬﺎ
.. ﺍﻟﻤﻬﻢ ﻏﺴﻠﻨﺎﻫﻮ . ﻭﻧﻀﻔﻨﺎ ﻟﻴﻬﻮ ﺍﻟﻤﻜﺎﻥ .. ﻭﺍﺩﻳﻨﺎﻫﻮ ﻟﺒﻦ
ﺑﺎﺭﺩ ﻭﺑﺴﻜﻮﻳﺖ .. ﻭﻃﻠﻌﻨﺎ ..
ﻓﻲ ﺍﻟﻄﺮﻳﻖ ﻗﺎﻝ ﻟﻲ ﻳﺎﻫﻨﺪ ﺍﻧﺎ ﺑﺲ ﻋﺎﻳﺰﻙ ﺗﺴﺎﻋﺪﻳﻨﻲ ﻓﻲ
ﺍﺑﻮﻱ ﺩﻩ ﻭﻣﺎﺗﻐﻔﻠﻲ ﻣﻨﻮ .. ﻻﻧﻮ ﺑﺎﻟﺠﺪ ﻣﺤﺘﺎﺝ ﻟﻴﻚ .. ﻭﺍﻧﺎ
ﻃﺒﻌﺎ ﻣﻦ ﻃﺮﻳﻘﺔ ﻧﻈﺮﺍﺗﻮ ﻟﻴﻚ .. ﻋﺮﻓﺖ ﺍﻧﻮ ﺑﻌﺰﻙ ﺟﺪﺍ
ﻭﺑﺮﺗﺎﺡ ﻟﻴﻚ .. ﻗﻠﺖ ﻟﻴﻬﻮ ﺑﺪﻭﻥ ﻣﺎﺗﻮﺻﻴﻨﻲ
ﺍﻥ ﺷﺎﺀ ﺍﻟﻠﻪ ﺩﻩ ﻭﺍﺟﺒﻲ ﻳﺎﻫﺸﺎﻡ ..
ﺍﻫﺎ ﻧﺤﻦ ﻫﺴﻲ ﻃﺎﻟﻌﻴﻦ ﻣﻦ ﺍﻟﻤﻬﻨﺪﺳﻴﻦ .. ﻣﺎﺷﻴﻦ ﻋﻠﻰ
ﺍﻟﺜﻮﺭﺓ ﺡ ﺍﻟﻌﺎﺷﺮﺓ ..
ﻗﻠﺖ ﻟﻴﻬﻮ ﻳﺎﻫﺸﺎﻡ ﺍﻧﺎ ﻃﺒﻌﺎ " ﻣﺎﺧﺪﻩ ﺍﺟﺎﺯﺓ ﻣﻦ ﺍﻟﺸﻐﻞ ﻟﻤﺪﺓ
ﺷﻬﺮ .. ﻭﻫﺴﻲ ﻣﺸﺖ ﻓﻴﻬﻦ 19 ﻳﻮﻡ .. ﺭﺍﻳﻚ ﺷﻨﻮ ﺍﺭﺟﻊ
ﺍﻻﻳﺎﻡ ﺍﻟﺒﺎﻗﻴﺔ ﺩﻱ ﻟﻠﺸﻐﻞ .. ﺍﻥ ﺷﺎﺀ ﺍﻟﻠﻪ ﺍﺳﺎﻋﺪ ﻣﻌﺰﺓ ﺳﺎﻱ
.. ﻣﻌﺰﺓ ﺩﻱ ﻣﻌﺎﻱ ﻓﻲ ﺍﻟﺼﻴﺪﻟﻴﺔ .. ﻻﻧﻲ ﺑﺎﻟﺠﺪ ﺍﺷﺘﻘﺖ
ﻟﻠﺸﻐﻞ .. ﺛﻢ ﺛﺎﻧﻴﺎ ﻋﺎﻳﺰﺓ ﺍﺑﺪﺍ ﻋﻼﺝ ﻟﻲ ﻋﻢ ﻣﺤﻤﺪ ﺑﻲ
ﻃﺮﻳﻘﺘﻲ ﺍﻟﺨﺎﺻﺔ .. ﺭﺍﻳﻚ ﺷﻨﻮ؟
ﻗﺎﻝ ﺟﺪﺍ ﺑﺲ ﺑﺲ ﻣﺎﻛﺪﺍ ﻃﻮﺍﻟﻲ .. ﻳﻌﻨﻲ ﻳﻮﻣﻴﻦ ﺗﻼﺗﺔ ..
ﺣﺘﻰ ﺍﻫﻠﻚ ﻣﺎﺑﻘﺒﻠﻮ ﺗﻨﺰﻟﻲ ﺍﻟﺸﻐﻞ ﻛﺪﺍ ﻃﻮﺍﻟﻲ ﻣﺎﺻﺢ ﻏﺎﻳﺘﻮ
..
ﺍﻟﻤﻬﻢ ﺯﻱ ﻣﺎ ﻣﻼﺣﻈﻴﻦ ﻫﺸﺎﻡ ﺑﺪﺍ ﻳﺘﺠﺎﻭﺏ ﻣﻌﺎﻱ .. ﻭﺑﺪﺕ
ﺗﺘﻀﺢ ﺑﻌﺾ ﺍﻟﻤﻌﺎﻟﻢ .. ﺑﺲ ﻟﺴﻪ ﻓﻲ ﺍﻟﻐﺎﺯ ﻣﺎﻗﺎﺩﺭﺓ ﺍﻓﻬﻤﻬﺎ
.. ﻭﺍﻻﻳﺎﻡ ﺟﺎﻳﺔ ..
ﺍﻫﺎ ﻃﺒﻌﺎ ﻣﺸﻴﺖ ﻟﻲ ﻧﺎﺱ ﻣﺎﻣﺎ .. ﻭﺍﺣﺘﻔﻠﻮ ﺑﻲ ﺍﺣﺘﻔﺎﻝ ﻛﺒﻴﺮ
.. ﻭﺣﻤﻴﺪﺓ ﺍﻟﻌﻨﻴﺪﺓ ﺷﻐﺎﻟﺔ ﻟﻲ ﻳﺎﻣﺮﺍﺓ .. ﻳﺎﻋﺮﻭﺱ .. ﻳﺎ
ﺟﻠﻜﻴﻦ .. ﻭﻃﺒﻌﺎ" ﺑﻴﺘﻨﺎ ﻣﻊ ﺍﻧﻮ ﺍﻟﺠﻮ ﻓﻴﻬﻮ ﻣﺘﻮﺗﺮ ﺑﻴﻦ
ﻭﺍﻟﺪﻱ ﻭﻭﺍﻟﺪﺗﻲ .. ﻟﻜﻦ ﻋﻤﻮﻣﺎ ﺍﻻﻭﺿﺎﻉ ﻫﺎﺩﺋﺔ .. ﺑﺲ ﺗﺤﺲ
ﻓﻲ ﻋﺪﻡ ﺭﺍﺣﺔ .. ﺍﺗﺮﺩﺩﺕ ﻛﺘﻴﺮ ﺍﺣﻜﻲ ﻟﻲ ﻣﺎﻣﺎ ﻋﻦ ﺍﻟﺤﺎﺻﻞ
ﺩﻩ ﻭﻻ ﻣﺎ ﺃﺣﻜﻲ ﻟﻴﻬﺎ .. ﻻﻧﻬﺎ ﺑﻲ ﻃﺒﻌﻬﺎ ﺑﺘﻘﻠﻖ ﻟﻜﻦ
ﺣﻜﻴﻤﺔ ﻭﺍﺣﺘﻤﺎﻝ ﺗﺮﺷﺪﻧﻲ ﻟﻲ ﺷﻲ ﺍﻧﺎ ﻣﺎﻋﺎﺭﻓﺎﻫﻮ ..
ﺍﺗﻮﻛﻠﺖ ﻋﻠﻰ ﺍﻟﻠﻪ ﻭﺣﻜﻴﺖ ﻟﻴﻬﺎ .. ﺑﺎﻟﺘﻔﺼﻴﻞ ﺍﻟﻤﻤﻞ ..
ﻣﺎﻋﺎﺭﻓﺔ ﻟﻮ ﺣﻜﺎﻳﺘﻲ ﻟﻴﻬﺎ ﺩﻱ ﻏﻠﻂ ﻭﻻﺻﺢ .. ﺑﺲ ﻋﺸﺎﻥ ﻟﻮ
ﻻﻗﺪﺭ ﺍﻟﻠﻪ ﺍﻧﺎ ﻗﺴﻤﺘﻲ ﺍﻧﺘﻬﺖ ﻣﻊ ﺍﻟﻨﺎﺱ ﺩﻳﻞ .. ﻭﺍﺗﻄﻠﻘﺖ
ﻣﺎﺗﻜﻮﻥ ﺑﺎﻟﻨﺴﺒﺔ ﻟﻴﻬﺎ ﺻﺪﻣﺔ ﻣﻔﺎﺟﺌﺔ ..
ﺑﻌﺪ ﺳﻤﻌﺖ ﺍﻟﺤﻜﺎﻳﺔ ﻗﺎﻟﺖ ﻟﻲ .. ﺍﻧﺎ ﻣﻤﺎ ﺷﻔﺖ ﺍﻟﻤﺮﺍﺓ ﺩﻱ
ﺍﺻﻼ " ﻗﻠﺒﻲ ﻣﺎ ﺍﺭﺗﺎﺡ ﻟﻴﻬﺎ .. ﺍﺻﻼ ﺍﻟﻨﻮﻋﻴﺔ ﺩﻱ ﻣﻦ ﺍﻟﺤﺮﻳﻢ
ﻋﻨﺪﻫﻦ ﺿﺪﻳﺔ ﻣﻊ ﻣﺮﺍﺓ ﺍﻟﻮﻟﺪ .. ﻭﺍﻟﻜﻼﻡ ﺩﻩ ﺍﻧﺎ ﻛﻨﺖ
ﻣﺘﻮﻗﻌﺎﻫﻮ .. ﻭﻣﻦ ﺍﻭﻝ ﻳﻮﻡ ﺑﺘﻌﺎﻣﻠﻚ ﺯﻱ ﺿﺮﺗﻬﺎ .. ﻟﻜﻦ ﻣﺎﺩﺍﻡ
ﺭﺍﺟﻠﻚ ﻣﺘﻔﻬﻢ ﺍﻟﻘﺼﺔ ﻳﺒﻘﻰ ﺍﻧﺘﻲ ﺭﺑﺤﺎﻧﺔ .. ﻓﻲ ﺭﺟﺎﻝ
ﺍﻋﻮﺫ ﺑﺎﻟﻠﻪ ﺍﻟﻮﺍﺣﺪ ﺯﻱ ﺍﻟﺪﻟﺪﻭﻝ ﻣﺎﻋﻨﺪﻭ ﺷﺨﺼﻴﺔ ..
ﺍﻟﺤﺮﻳﻢ ﻳﻮﺩﻧﻮ ﺷﺮﻕ ﻳﻤﺸﻲ ﺷﺮﻕ .. ﻳﻮﺩﻧﻮ ﻏﺮﺏ ﻳﻤﺸﻲ ﻏﺮﺏ
.. ﺑﻌﺪﻳﻦ ﺍﻧﺎ ﻋﺎﻳﺰﺍﻙ ﺗﺘﻌﺎﻣﻠﻲ ﺑﺬﻛﺎﺀ ﺷﺪﻳﺪ .. ﻭﺧﻠﻴﻚ
ﻗﺮﻳﺒﺔ ﻣﻦ ﺍﻟﺮﺍﺟﻞ ﺍﻟﻜﺒﻴﺮ ﺍﻟﻤﻌﺬﻭﺭ ﺩﻩ .. ﻻﻧﻮ ﻭﻗﻔﺘﻚ
ﻣﻌﺎﻫﻮ ﺭﺑﻨﺎ ﺑﻨﺼﺮﻙ .. ﻭﺩﺍﻳﻤﺎ ﻳﺎﺑﺘﻲ ﻗﺎﻟﻮ ﺍﻟﺒﻘﻴﻒ ﻣﻊ
ﺍﻟﻀﻌﻴﻒ ﺭﺑﻨﺎ ﺑﻘﻴﻒ ﻣﻌﺎﻫﻮ .. ﺍﻧﺘﻲ ﻣﺎﺩﺍﻡ ﻣﺎﺷﺔ ﺻﺎﺡ ﺍﻧﺎ
ﺍﺻﻼ ﻣﺎﺧﺎﻳﻔﺔ ﻋﻠﻴﻚ .. ﻃﻠﻌﻲ ﺩﻫﺒﻚ ﺩﻩ ﺟﻴﺒﻴﻬﻮ .. ﻻﻧﻮ
ﺍﺣﺘﻤﺎﻝ ﺍﻟﻤﺮﺍﺓ ﺩﻱ ﺗﻘﻮﻡ ﺗﻐﻔﻠﻚ ﻭﺗﺴﺮﻗﻮ .. ﻃﻠﻌﺖ ﺩﻫﺒﻲ
ﺍﻟﺠﺎﺑﻮ ﻟﻲ ﺑﺎﺑﺎ .. ﻭﺍﺩﻳﺘﻮ ﻟﻴﻬﺎ ..
ﻭﻗﺎﻟﺖ ﻟﻲ ﺍﻋﻤﻠﻲ ﺣﺴﺎﺑﻚ ﻣﺎ ﺗﺄﻛﻠﻲ ﺍﻱ ﺍﻛﻞ .. ﺍﻻ ﻫﻢ ﻳﺄﻛﻠﻮ
ﻣﻌﺎﻙ ﻣﻨﻮ .. ﻻﻧﻮ ﺍﻟﺤﺮﻳﻢ ﺩﻳﻞ ﻟﻮ ﻣﺎ ﺳﻤﻤﻮﻙ .. ﻣﻤﻜﻦ
ﻳﻌﻤﻠﻮ ﻟﻴﻚ ﻣﺼﻴﺒﺔ ﻭﻋﻤﻞ ﺳﺤﺮ ﻳﺨﺮﺑﻦ ﺑﻴﺘﻚ .. ﻭﺍﻫﻢ
ﺣﺎﺟﺔ ﺗﻮﺍﻇﺒﻲ ﻋﻠﻰ ﺻﻼﺗﻚ ﻓﻲ ﻣﻮﺍﻋﻴﺪﻫﺎ .. ﺍﻟﺰﻭﻝ ﺍﻟﺒﻜﻮﻥ
ﻣﻊ ﺭﺑﻨﺎ ﺭﺑﻨﺎ ﺑﻜﻮﻥ ﻣﻌﺎﻫﻮ ..


ﺍﻟﻰ ﺍﻟﻠﻘﺎﺀ ,

[لامارا]

ﺍﻟﺤﻠﻘﺔ 6

ﻗﻠﺖ ﻟﻴﻬﺎ ﻳﺎ ﻣﺎﻣﺎ ﻭﺍﻟﻠﻪ ﺍﻧﺎ ﺧﺎﻳﻔﺔ ﺍﻧﻮ ﺍﻟﻨﺎﺱ ﺩﻳﻞ ﻣﺎ ﺍﻗﺪﺭ
ﺍﺳﺘﻤﺮ ﻣﻌﺎﻫﻢ .. ﻗﺎﻟﺖ ﻟﻲ ﺍﺗﻌﻠﻤﻲ ﺍﻟﺼﺒﺮ ﻣﻦ ﺍﻣﻚ .. ﻣﺎ ﻓﻲ
ﺑﻴﺖ ﻓﻲ ﺍﻟﺪﻧﻴﺎ ﺩﻱ .. ﺧﺎﻟﻲ ﻣﻦ ﻣﺸﺎﻛﻞ .. ﻋﺸﺎﻥ ﻛﺪﺍ ﺭﺑﻨﺎ
ﻭﺻﺎﻧﺎ ﺑﺎﻟﺼﺒﺮ .. ﺑﺲ ﺍﻧﺘﻲ ﺍﺗﻌﺎﻣﻠﻲ ﺑﻲ ﺍﺻﻠﻚ ..
ﻗﻌﺪﺕ ﺍﻟﻴﻮﻡ ﺩﺍﻙ ﻣﻊ ﻧﺎﺱ ﺑﻴﺘﻨﺎ .. ﻟﻐﺎﻳﺔ ﺍﻟﻤﺴﺎﺀ .. ﻃﺒﻌﺎ "
ﺍﺣﺴﺎﺱ ﻏﺮﻳﺐ ﺷﺪﻳﺪ .. ﺍﻟﺒﺖ ﻟﻤﻦ ﺗﺘﺰﻭﺝ ﺗﺤﺲ ﺍﻧﻬﺎ ﺑﻘﺖ
ﻏﺮﻳﺒﺔ ﻣﻦ ﻧﺎﺱ ﺑﻴﺘﻬﻢ .. ﻻﻧﻬﺎ ﺑﻘﺖ ﺑﺘﻨﺘﻤﻲ ﻟﻲ ﻣﻜﺎﻥ
ﺗﺎﻧﻲ .. ﺗﺤﺲ ﺍﻧﻬﺎ ﺯﻱ ﺍﻟﻀﻴﻔﺔ .. ﻋﺸﺎﻥ ﻛﺪﺍ ﻣﺎﻣﺎ ﺩﺍﻳﻤﺎ "
ﺑﺘﻘﻮﻝ ﻟﻴﻨﺎ .. ﺍﺳﻤﻌﻦ ﻳﺎﺑﻨﺎﺕ ﺍﻟﺒﻴﺖ ﺩﻩ ﺍﻧﺘﻦ ﻣﺎﺩﺍﻳﻤﺎﺕ ﻓﻴﻬﻮ
.. ﺍﺗﻌﺎﻣﻠﻦ ﻛﻮﻳﺲ .. ﺍﻧﺘﻦ ﺍﻻﺗﻨﻴﻦ ﺿﻴﻔﺎﺕ ﻣﻌﺎﻱ ﻓﻲ ﺍﻟﺒﻴﺖ
ﺩﻩ .. ﻳﺎﺩﻭﺏ ﺍﻧﺎ ﺣﺴﻴﺖ ﺑﻲ ﻛﻼﻣﻬﺎ ..
ﺍﻫﺎ ﺍﻟﻌﺼﺮﻳﺔ ﻛﺪﺍ ﺟﺎﺀ ﻫﺸﺎﻡ ﺑﺎﻟﻌﺮﺑﻴﺔ .. ﻭﻣﺎﻣﺎ ﻗﻌﺪﺕ
ﺗﺘﻮﻧﺲ ﻣﻌﺎﻫﻮ ﺑﻲ ﻛﻞ ﺍﺭﻳﺤﻴﺔ .. ﻭﻣﺎ ﺣﺴﺴﺘﻮ ﺍﻧﻲ ﺣﻜﻴﺖ
ﻟﻴﻬﺎ ﺣﺎﺟﺔ .. ﺑﺲ ﺑﺘﺴﺄﻝ ﻓﻴﻬﻮ ﺍﻫﺎ ﻟﻘﻴﺖ ﺑﺘﻲ ﻛﻴﻒ؟
ﻗﺎﻝ ﻟﻴﻬﺎ ﻭﺍﻟﻠﻪ ﻣﺎﻓﻲ ﻛﻼﻡ ﻳﺎﺧﺎﻟﺔ .. ﻧﻌﻢ ﺍﻟﺘﺮﺑﻴﺔ .. ﺭﺑﻨﺎ
ﻳﺨﻠﻴﻚ ﻟﻴﻨﺎ ﺗﺴﻠﻤﻲ .. ﺍﻧﺎ ﻃﺒﻌﺎ " ﺣﺴﻴﺖ ﺑﻲ ﻓﺨﺮ ﻭﺍﻋﺰﺍﺯ
ﺍﺣﻢ ﺍﺣﻢ .. ﻭﺍﻟﻜﻼﻡ ﺩﻩ ﺍﻥ ﺷﺎﺀ ﺍﻟﻠﻪ ﻳﺪﻳﻨﻲ ﺩﺍﻓﻊ .. ﺍﺗﻤﻠﻲ
ﺑﺎﻟﺼﺒﺮ ﻋﻠﻰ ﺍﻟﻮﺿﻊ ﻣﻬﻤﺎ ﻛﺎﻥ ..
ﺍﻫﺎ ﺭﺟﻌﻨﺎ ﺍﻟﺒﻴﺖ .. ﻭﺩﺣﻠﻨﺎ ﻣﻊ ﺍﺫﺍﻥ ﺍﻟﻤﻐﺮﺏ .. ﺳﻠﻤﺖ
ﻋﻠﻴﻬﻢ .. ﻏﺎﻳﺘﻮ ﺳﻠﻤﻮ ﻋﻠﻲ ﻛﻮﻳﺲ .. ﻣﺎﻋﺎﺭﻓﺔ ﻋﺸﺎﻥ ﻗﺪﺍﻡ
ﻫﺸﺎﻡ .. ﻭﺍﻟﺒﺮﻧﺎﻣﺞ ﺑﻘﻰ ﻣﺎﺷﻲ ﻛﺎﻻﺗﻲ .. ﻧﻘﻮﻡ ﺍﻟﺼﺒﺎﺡ
ﻧﺴﻮﻙ ﻧﺴﺘﺤﻤﻰ ﻧﺼﻠﻲ .. ﻧﻨﺰﻝ ﻧﻠﻘﺎﻫﻢ ﻋﺎﻣﻠﻴﻦ ﺍﻟﺸﺎﻱ ..
ﻫﺸﺎﻡ ﻳﻠﺒﺲ ﻳﻄﻠﻊ .. ﻭﺍﻧﺎ ﻳﺨﺶ ﻋﻠﻰ ﻋﻢ ﻣﺤﻤﺪ .. ﺑﻌﻤﻞ
ﺍﻟﻨﻈﺎﻓﺔ ﻟﻴﻬﻮ ﻭﻟﻲ ﻏﺮﻓﺘﻮ .. ﻭﺑﺸﻮﻓﻮ ﻣﺤﺘﺎﺝ ﻟﺸﻨﻮ ..
ﻭﺑﻌﻤﻞ ﻟﻴﻬﻮ ﺗﻤﺎﺭﻳﻦ .. ﻟﻴﺪﻭ ﺍﻟﻴﻤﻴﻦ ﻭﺭﺟﻠﻮ ﺍﻟﻴﻤﻴﻦ ..
ﻭﺑﻄﻠﻊ ﻋﻠﻰ ﻏﺮﻓﺘﻲ ﻣﺮﺍﺕ ﻳﻨﺎﺩﻭﻧﻲ ﻟﻠﻔﻄﻮﺭ .. ﻣﺮﺍﺕ ﺍﺟﻲ
ﺑﺮﺍﻱ ﺍﺷﻮﻑ ﺣﺎﺟﺔ ﻣﻦ ﺍﻟﺘﻼﺟﺔ ﺍﺗﻠﻬﻲ ﺑﻴﻬﺎ ﻭﺧﻼﺹ
..ﻭﺑﺮﺿﻮ ﺑﻐﺸﻰ ﻋﻢ ﻣﺤﻤﺪ ﺍﺷﻮﻓﻮ ﻣﺤﺘﺎﺝ ﻟﺸﻨﻮ ؟؟ ﻭﺍﻟﻐﺪﺍ
ﻛﺬﻟﻚ .. ﻭﺍﻟﻌﺸﺎﺀ ﺧﻠﻴﺘﻮ ..
ﺑﻌﺪ ﻛﻢ ﻳﻮﻡ ﻛﺪﺍ .. ﺑﺎﻟﻨﻬﺎﺭ ﺍﻧﺎ ﻧﺰﻟﺖ ﻟﻲ ﺧﺎﻟﺘﻮ ﺣﻴﺎﺓ .. ﻗﻠﺖ
ﻟﻴﻬﺎ ﻣﻤﻜﻦ ﺍﺳﺄﻋﺪﻙ ﻓﻲ ﺍﻟﻤﻄﺒﺦ ؟ .. ﻗﺎﻟﺖ ﻟﻲ ﻻﻻ ﻣﺎﻋﺎﻳﺰﺓ
ﻣﻨﻚ ﻣﺴﺎﻋﺪﺓ .. ﺷﻜﺮﺍ .." ﺍﻣﺸﻲ ﺍﻗﻌﺪﻱ ﻓﻲ ﺍﻭﺿﺘﻚ ..
ﻭﺍﺗﻤﻜﻴﺠﻲ ﻭﺍﻗﻌﺪﻱ ﻋﺎﻳﻨﻲ ﻟﻲ ﺭﻭﺣﻚ ﻓﻲ ﺍﻟﻤﺮﺍﻳﺔ .. ﻣﻮﺵ
ﺩﻩ ﺑﺮﻧﺎﻣﺠﻚ ﺍﻟﻨﻬﺎﺭ ﻛﻠﻮ؟ ..
ﺍﻫﺎ ﻭﻛﺖ ﻟﻘﻴﺘﻬﺎ ﺭﻓﻀﺘﻨﻲ .. ﺧﻠﻴﺘﻬﺎ ﻣﺸﻴﺖ .. ﻭﺑﻌﺪ ﺩﺍﻙ
ﺻﺒﻴﺖ ﺍﻫﺘﻤﺎﻣﻲ ﻛﻠﻮ ﻋﻠﻰ ﺍﺑﻮﻫﺸﺎﻡ .. ﻭﺭﺍﺟﻌﺖ ﻛﻞ ﺍﻟﻤﻠﻔﺎﺕ
ﺣﻘﺎﺕ ﻣﺮﺍﺟﻌﺎﺗﻮ ﺍﻟﻄﺒﻴﺔ .. ﻭﺑﺪﻳﺖ ﺟﺎﺩﺓ ﻓﻲ ﺍﻻﺗﺼﺎﻻﺕ
ﻭﺍﻟﻌﻼﺟﺎﺕ ﻭﻗﺮﺭﺕ ﺍﻧﻲ ﺍﺳﺎﻋﺪ ﺍﻟﺮﺍﺟﻞ ﺩﻩ ..
ﻟﻜﻦ ﺧﺎﻟﺘﻲ ﺣﻴﺎﺓ ﻣﺎﻗﺎﺑﻠﺔ ﺍﻟﻤﻮﺿﻮﻉ ﺩﻩ .. ﻣﺮﺓ ﻟﻘﻴﺘﻬﺎ
ﻗﺎﻓﻠﺔ ﺍﻟﺮﺍﺟﻞ ﻣﻨﻲ ﺟﻮﺓ ﺍﻟﻐﺮﻓﺔ .. ﻭﺷﺎﻳﻠﺔ ﺍﻟﻤﻔﺘﺎﺡ ..
ﻋﺸﺎﻥ ﺍﻧﺎ ﻣﺎ ﺍﺩﺧﻞ ﻟﻴﻬﻮ ..
ﻭﻟﻤﻦ ﻛﻠﻤﺖ ﻫﺸﺎﻡ ﺑﺎﻟﺤﺘﺔ ﺩﻱ .. ﺷﺎﻝ ﺍﻟﻤﻔﺘﺎﺡ ﻣﺸﻰ
ﻧﺴﺨﻮ .. ﻭﺍﺩﺍﻧﻲ ﻣﻨﻮ ﻧﺴﺨﺔ .. ﺑﺪﻭﻥ ﻣﺎﻫﻲ ﺗﻌﺮﻑ ﺣﺎﺟﺔ ..
ﻭﻻ ﺍﺗﻜﻠﻢ ﻣﻌﺎﻫﺎ ﻧﻬﺎﺋﻲ ..
ﺍﻟﻤﻬﻢ ﻳﺎﺟﻤﺎﻋﺔ .. ﺍﻧﺎ ﻟﻘﻴﺖ ﻣﻦ ﺍﻟﻤﺮﺍﺓ ﺩﻱ ﺃﺳﻮﺃ ﻣﻌﺎﻣﻠﺔ ..
ﻣﻤﻜﻦ ﺗﺨﻄﺮ ﻋﻠﻰ ﺑﺎﻝ ﺍﻻﻧﺴﺎﻥ .. ﻭﺍﻟﺤﺎﺟﺎﺕ ﺍﻟﺼﻐﻴﺮﺓ
ﺻﻐﻴﺮﺓ ﻣﺎ ﻗﺎﻋﺪ ﺍﺫﻛﺮﻫﺎ ﺍﺻﻼ .. ﺑﺲ ﺍﻧﺎ ﻏﺎﻳﺘﻮ ﺑﻘﻴﺖ
ﺍﻻﺭﺑﻌﺔ ﻭﻋﺸﺮﻳﻦ ﺳﺎﻋﺔ ﻣﻘﺎﺑﻠﺔ ﺍﺑﻮﻫﺸﺎﻡ ..
ﺍﻟﻤﻬﻢ ﺗﻢ ﺍﻟﺸﻬﺮ ﺑﺘﺎﻋﻲ ﺣﻖ ﺍﻻﺟﺎﺯﺓ .. ﻭﺍﺗﺸﺎﻭﺭﺕ ﻣﻊ ﻫﺸﺎﻡ
ﺍﻧﻲ ﺍﻧﺰﻝ ﺍﻟﺸﻐﻞ .. ﻓﻲ ﺍﻻﻭﻝ ﻋﺼﻠﺞ .. ﻭﻗﺎﻝ ﻟﻲ ﻧﺤﻦ
ﻣﺎﻣﺤﺘﺎﺟﻴﻦ ﻟﻲ ﺷﻐﻞ .. ﺍﻟﺤﻤﺪ ﻟﻠﻪ .. ﺧﻠﻴﻚ ﻣﻊ ﺍﺑﻮﻱ ..
.2 ﻟﻜﻦ ﻓﻲ ﺍﻟﻨﻬﺎﻳﺔ ﻭﺍﻓﻖ .. ﺑﻌﺪ ﻣﺎ ﻭﻋﺪﺗﻪ ﺍﻧﻲ .. ﻣﺎ ﺡ
ﺍﻃﻠﻊ ﻣﻦ ﺍﻟﺒﻴﺖ ﻟﻮ ﻣﺎ ﻗﻤﺖ ﺑﺎﻟﻮﺍﺟﺐ ﺗﺠﺎﻩ ﺍﺑﻮﻙ .. ﺑﻘﻴﺖ
ﺑﻤﺸﻲ ﺍﻟﺼﻴﺪﻟﻴﺔ ﺍﻟﺼﺒﺎﺡ ﻭﺑﺠﻲ ﺍﻟﺴﺎﻋﺔ 3 .. ﻭﻣﻬﺘﻤﺔ ﺑﻲ
ﺍﺑﻮﻫﺸﺎﻡ ﺍﻛﺘﺮ ﻣﻦ ﺍﻫﺘﻤﺎﻣﻲ ﺑﻲ ﻫﺸﺎﻡ ﺫﺍﺗﻮ .. ﻭﺣﻴﺎﺓ ﺑﺎﻟﻠﻪ
ﺍﻟﺘﻘﻮﻝ ﺍﻟﺮﺍﺟﻞ ﺩﻩ ﻣﺎ ﺍﺑﻮ ﺍﻭﻻﺩﻫﺎ ..
ﺣﻜﺎﻳﺔ ﻏﺮﻳﺒﺔ ﺧﻼﺹ ﻭﻻ ﺑﺘﺘﺼﺪﻕ ..
ﺍﻫﺎ ﻳﻮﻡ ﺣﺼﻠﺖ ﺣﺎﺩﺛﺔ ﻓﻲ ﺍﻟﺒﻴﺖ .. ﺍﻧﺎ ﻳﻮﻡ ﺟﻴﺖ ﻣﻦ
ﺍﻟﺸﻐﻞ ﺗﻌﺒﺎﻧﺔ ﻭﻣﺮﻫﻘﺔ .. ﻭﻛﺎﻟﻌﺎﺩﺓ ﺩﺧﻠﺖ ﻋﻠﻰ ﺍﺑﻮ ﻫﺸﺎﻡ
.. ﻭﺍﺩﻳﺘﻮ ﺍﻟﺠﺮﻋﺔﺍﻟﺪﻭﺍﺋﻴﺔ ﺍﻟﺒﺪﻳﻬﺎ ﻟﻴﻬﻮ .. ﻭﻋﻤﻠﺖ ﻟﻴﻬﻮ
ﺗﻤﺮﻳﻦ ﺍﻟﻨﻬﺎﺭ .. ﺑﺎﻟﻤﻨﺎﺳﺒﺔ ﻣﻦ ﺍﻭﻝ ﺍﺳﺒﻮﻋﻴﻦ .. ﺍﻟﺮﺍﺟﻞ ﺑﺪﺍ
ﻳﺘﺤﺴﻦ .. ﺍﻟﻤﻬﻢ ﺑﻌﺪ ﺧﻠﺼﺖ ﻃﻠﻌﺖ ﻗﻌﺪﺕ ﻓﻲ ﺍﻟﺼﺎﻟﺔ
ﻣﺎﻋﺎﺭﻓﺔ ﻟﻴﻪ ﻗﻌﺪﺕ .. ﻣﺎ ﻃﻠﻌﺖ ﻋﻠﻰ ﻏﺮﻓﺘﻲ .. ﻛﻨﺖ
ﺣﺎﺳﺔ ﺑﻲ ﺍﺣﺴﺎﺍﺱ ﻏﺮﻳﺐ .. ﻭﻣﻦ ﺍﻟﺼﺒﺎﺡ ﻛﻨﺖ ﻣﺎﻃﺒﻴﻌﻴﺔ
.. ﺣﺎﺳﺔ ﺍﻧﻮ ﺡ ﺗﺤﺼﻞ ﻟﻲ ﻣﺸﻜﻠﺔ .. ﻭﻻﺷﻨﻮ ﻣﺎﻋﺎﺭﻓﺔ ..
ﻭﻻ ﻓﻲ ﺯﻭﻝ ﺷﻐﺎﻝ ﺑﻲ ﺍﻟﺸﻐﻠﺔ ﻃﺒﻌﺎ .." ﻭﻣﺎﻓﻲ ﺯﻭﻝ ﺑﺘﻜﻠﻢ
ﻣﻌﺎﻱ ﻓﻲ ﺍﻟﺒﻴﺖ ﻏﻴﺮ ﻫﺸﺎﻡ ﻭﻟﺒﻨﻰ ﺍﻟﻌﺴﻞ .. ﺍﻟﺒﺖ ﺩﻱ
ﻣﻔﺮﻗﺔ ﻋﻠﻲ ﺷﺪﻳﺪ .. ﺍﻟﻮﺣﻴﺪﺓ ﻓﻲ ﺍﻟﺒﻴﺖ ﺩﻩ .. ﻭﺩﺍﻳﻤﻦ
ﺑﺘﺠﻴﻨﻲ ﻓﻲ ﻏﺮﻓﺘﻲ ﻭﺑﺘﻘﻮﻝ ﻟﻲ ﺍﻣﻲ ﻗﺎﻟﺖ ﺍﻧﺘﻲ ﻛﺪﺍ ﻭﻛﺪﺍ
..
ﻣﺮﻩ ﺟﺎﺕ ﻗﺎﻟﺖ ﻟﻲ ﺻﺤﻲ ﺍﻧﺘﻲ ﺛﻌﻠﺒﺔ ؟ ﻗﻠﺖ ﻟﻴﻬﺎ ﻻﻻ ﻳﺎ
ﻟﺒﻨﻰ ﺍﻧﺎ ﺑﻨﻲ ﺍﺩﻣﻴﺔ .. ﻗﺎﻟﺖ ﻟﻲ ﺑﺲ ﺍﻣﻲ ﻗﺎﻟﺖ ﺍﻧﺘﻲ ﺛﻌﻠﺒﻪ
.. ﻟﻜﻦ ﺍﻧﺖ ﻣﺎﻋﻨﺪﻙ ﺿﻨﺐ ﺯﻱ ﺍﻟﺜﻌﻠﺐ ﺍﻟﻔﻲ ﺍﻟﻜﺘﺎﺏ ..
ﺍﻟﻤﻬﻢ ﺍﻟﻴﻮﻡ ﺩﻩ ﺫﺍﺗﻮ ﻟﺒﻨﻰ ﻛﺎﻧﺖ ﻗﺎﻋﺪﺓ ﺗﻠﻌﺐ ﻗﺪﺍﻣﻲ ﻓﻲ
ﺍﻟﺼﺎﻟﺔ .. ﻭﺗﺘﻮﻧﺲ ﻣﻌﺎﻱ .. ﻭﺑﺘﻘﻮﻝ ﻟﻲ ﺍﺧﻜﻲ ﻟﻲ ﻗﺼﺔ ..
ﺑﻌﺪ ﺷﻮﻳﺔ ﻣﺸﺖ ﺗﺸﺮﺏ ﻣﻦ ﺍﻟﺘﻼﺟﺔ .. ﺍﻟﺘﻼﺟﺔ ﻓﻲ
ﺍﻟﻤﻄﺒﺦ .. ﻋﻠﻰ ﺍﻟﺠﻴﻬﺔ ﺍﻟﻴﻤﻴﻦ ﻭﺍﻧﺖ ﺩﺍﺧﻞ ﻋﻠﻰ ﺍﻟﻤﻄﺒﺦ
..
ﺑﺲ ﺍﻧﺎ ﺍﺳﻤﻊ ﻟﻴﻚ ﺻﻮﺕ ﺻﺮﺧﺔ ﻣﻘﻄﻮﻋﺔ ﺟﺎﻱ ﻣﻦ
ﺍﻟﻤﻄﺒﺦ .. ﻭﺍﺍﺍﺍﺍﺍﺍﺍﺍﺍ .. ﻭﻗﻄﻌﺖ .. ﻭﺍﺳﻤﻊ ﻟﻴﻚ ﺗﺎﺍﺍﺍﺥ .. ﺻﻮﺕ
ﺯﻭﻝ ﻓﻲ ﻗﻊ ﻓﻲ ﺍﻻﺭﺽ ..
ﺟﻴﺖ ﺟﺎﺭﻳﺔ .. ﻟﻘﻴﺖ ﻟﻴﻚ ﻟﺒﻨﻰ ﻭﺍﻗﻌﺔ ﻗﺪﺍﻡ ﺍﻟﺘﻼﺟﺔ ..
ﻭﻓﻲ ﻏﻴﺒﻮﺑﺔ ﻟﻤﻦ ﺯﺑﺪﻫﺎ ﻃﺎﻟﻊ .. ﻭﻣﺘﺸﻨﺠﺔ ﻭﺑﺘﺮﺟﻒ ..
ﻓﻲ ﺍﻻﻭﻝ ﺍﻓﺘﻜﺮﺗﻬﺎ ﺻﺮﻋﺔ .. ﻟﻜﻦ ﻟﻤﻦ ﻋﺎﻳﻨﺖ ﻟﻴﻬﺎ ﻭﺍﻗﻌﺔ
ﻓﻲ ﺑﻠﻞ ﺑﺘﺎﻉ ﻣﻮﻳﺔ .. ﻭﺍﻟﻤﻮﻳﺔ ﻃﺎﻟﻌﺔ ﻣﻦ ﺗﺤﺖ ﺍﻟﺘﻼﺟﺔ ..
ﻋﺮﻓﺘﻬﺎ ﺿﺮﺑﺘﻬﺎ ﻛﻬﺮﺑﺎ .. ﻭﺍﺗﻠﺨﻤﺖ .. ﻭﺑﻘﻴﺖ ﺍﻟﻒ ﺯﻱ
ﺍﻟﻤﺠﻨﻮﻧﺔ .. ﻭﻣﺎﻟﻘﻴﺖ ﻟﻲ ﺣﺎﺟﺔ ﺍﺗﺼﺮﻑ ﺑﻴﻬﺎ .. ﺑﺲ
ﺟﺮﻳﺖ ﻟﻠﻜﻮﺑﺲ ﺑﺘﺎﻉ ﺍﻟﺘﻼﺟﺔ ﻭﻗﻠﻌﺘﻮ .. ﺣﺘﻰ ﺍﻟﺒﺖ
ﻫﺪﺍﺕ .. ﻟﻜﻦ ﺩﺍﺧﻠﺔ ﻓﻲ ﻏﻴﺒﻮﺑﺔ ..
.3 ﺻﻠﺤﺖ ﻟﻴﻬﺎ ﺭﻗﺪﺗﻬﺎ .. ﻋﺸﺎﻥ ﺗﺘﻨﻔﺲ ﻛﻮﻳﺲ .. ﻭﺑﻘﻴﺖ
ﺍﻛﻮﺭﻙ ﻳﺎﺧﺎﻟﺘﻲ ﺣﻴﺎﺓ .. ﻳﺎﺧﺎﻟﺘﻲ ﺣﻴﺎﺓ .. ﺍﻟﻤﺮﺍﺓ ﺩﻱ ﺍﻇﻨﻬﺎ
ﺭﺍﻗﺪﺓ ﻓﻲ ﻏﺮﻓﺘﻬﺎ .. ﻭﻗﺎﻓﻠﺔ ﺍﻟﺒﺎﺏ ﻋﻠﻴﻬﺎ .. ﻭﺍﻟﺒﺎﺏ
ﻣﺼﻤﺖ .. ﺍﻟﺰﻭﻝ ﻣﺎﺑﺴﻤﻊ ..
ﺍﻟﻤﻬﻢ ﺑﻲ ﺷﺪﺓ ﻛﻮﺍﺭﻳﻜﻲ .. ﺟﺎﺕ ﻣﺎﺭﻗﺔ ﺟﺎﻫﺰﺓ ﻟﻠﺸﻜﻠﺔ
ﻣﺎﻋﺎﺭﻓﺔ .. ﻗﺎﻟﺖ ﻟﻲ .. ﻣﺎﻟﻚ ﻓﻲ ﺷﻨﻮ ؟ ﺑﺲ ﻋﻴﻨﻬﺎ ﻭﻗﻌﺖ
ﻋﻠﻰ ﺑﺘﻬﺎ ﻭﺍﻗﻌﺔ ﻓﻲ ﺍﻻﺭﺽ ﻣﺒﻠﺒﻠﺔ ﻭﻣﻐﻴﺒﺔ ..
ﻭﺑﻘﺖ ﺗﻮﻟﻮﻝ .. ﺍﻭﺏ ﻋﻠﻲ ﺍﻭﺏ ﻋﻠﻲ ﺍﻭﺏ ﻋﻠﻲ .. ﺳﻮﻳﺘﻲ ﻟﻴﻬﺎ
ﺷﻨﻮ؟ ﺷﻜﻴﺘﻚ ﻋﻠﻰ ﺍﻟﻠﻪ .. ﺍﻟﻠﻪ ﻳﺎﺫﺍﻙ .. ﺧﻼﺹ ﻛﺘﻠﺘﻴﻬﺎ
ﻭﻗﻌﺪﺗﻲ .. ؟؟
ﺯﺣﻲ ﻣﻨﻬﺎ ﻛﺪﺍ .. ﻗﻠﺖ ﻟﻴﻬﺎ ﺯﺣﻲ ﺍﻧﺘﻲ .. ﺍﻟﺒﺖ ﺿﺮﺑﺘﻬﺎ
ﻛﻬﺮﺑﺎ .. ﻗﺎﻟﺖ ﻟﻲ ﻛﻀﺎﺑﻪ .. ﻧﺤﻦ ﻣﺎﻋﻨﺪﻧﺎ ﻛﻬﺮﺑﺎﺀ ﺑﺘﻀﺮﺏ
ﻟﻴﻬﺎ ﺯﻭﻝ .. ﻗﻠﺖ ﻟﻴﻬﺎ ﻟﻮ ﺳﻤﺤﺘﻲ ﻣﺎ ﺗﺤﺮﻛﻴﻬﺎ .. ﺧﻠﻴﻬﺎ
ﺗﺘﻨﻔﺲ .. ﻋﺸﺎﻥ ﻣﺎﻳﺤﺼﻞ ﺯﻳﺎﺩﺓ ﻫﺒﻮﻁ ﻓﻲ ﺍﻟﺪﻭﺭﺓ ﺍﻟﺪﻣﻮﻳﺔ
.. ﻭﻛﻞ ﺑﻌﺪ ﺷﻮﻳﺔ ﺑﻀﻐﻂ ﻋﻠﻰ ﺻﺪﺭﻫﺎ .. ﻭﺗﺎﻧﻴﺔ ﻟﻴﻬﺎ
ﺭﺍﺳﻬﺎ ﻛﺪﺍ ﻟﻲ ﺗﺤﺖ .. ﺯﻱ ﺍﻟﺰﻭﻝ ﺍﻟﻤﺼﻨﻊ .. ﻭﺍﻧﺎ ﻣﻨﻬﺎﺭﺓ
ﻭﺑﺒﻜﻲ .. ﺑﻌﺪ ﺷﻮﻳﺔ ﻃﻠﻌﺖ ﺍﻟﻤﺤﺮﻭﺳﺔ ﻫﻨﺎﺩﻱ ﻣﻦ ﻏﺮﻓﺘﻬﺎ
.. ﻭﻣﺎﻋﺎﺭﻓﺔ ﺍﻟﺤﺎﺻﻞ .. ﻗﺎﻟﺖ ﻟﻴﻬﺎ ﻓﻲ ﺷﻨﻮ ﻳﺎ ﺍﻣﻲ ؟
ﻗﺎﻟﺖ ﻟﻴﻬﺎ ﺩﻱ ﺍﻟﻤﺴﻨﻮﺣﺔ ﺩﻱ .. ﺍﻇﻨﻬﺎ ﺿﺮﺑﺖ ﺍﺧﺘﻚ ..
ﻭﻗﺎﻟﺖ ﺿﺮﺑﺘﻬﺎ ﻛﻬﺮﺑﺎ .. ﻃﺒﻌﺎ" ﻣﺎ ﺍﺷﺘﻐﻠﺖ ﺑﻴﻬﻢ ﻧﻬﺎﺋﻲ ..
ﺍﻫﺎ ﺍﻧﺎ ﻋﻨﺪﻱ ﺗﻠﻔﻮﻥ ﻭﺍﺣﺪ ﺍﺳﻤﻮ ﻓﻴﺼﻞ .. ﺑﺘﺎﻉ ﺍﻣﺠﺎﺩ ..
ﺿﺮﺑﺖ ﻟﻴﻬﻮ .. ﻗﻠﺖ ﻟﻴﻬﻮ ﻓﻲ ﺳﺮﻋﺔ ﺍﻟﺒﺮﻕ .. ﺗﻌﺎﻝ ﻟﻲ ..
ﺍﻧﺖ ﻭﻳﻦ؟؟
ﻗﺎﻝ ﻟﻲ ﻗﺮﻳﺐ .. ﻓﻲ ﻭﺩ ﺍﻟﺒﺸﻴﺮ .. ﻗﻠﺖ ﻟﻴﻬﻮ ﻃﻴﺮﺍﻥ ﺗﻌﺎﻝ
.. ﻭﺿﺮﺑﺖ ﻟﻲ ﻫﺸﺎﻡ .. ﻗﻠﺖ ﻟﻴﻬﻮ ﺧﻠﻲ ﺍﻱ ﺣﺎﺟﺔ ﻓﻲ ﻳﺪﻙ
ﻭﺗﻌﺎﻝ .. ﻟﺒﻨﻰ ﺿﺮﺑﺘﻬﺎ ﻛﻬﺮﺑﺎﺀ .
ﻭﺩﻳﻚ ﻭﺍﻗﻔﺎﺕ ﻳﻨﻘﻨﻘﻦ .. ﻭﻣﺘﻤﺤﻨﺎﺕ ﻭﻣﺎﻗﺎﺩﺭﺍﺕ ﻳﻌﻤﻠﻦ
ﺣﺎﺟﺔ .. ﺑﺘﺎﻉ ﺍﻻﻣﺠﺎﺩ ﻭﺻﻞ ﻗﺒﻞ ﻫﺸﺎﻡ .. ﻭﺭﻓﻌﻨﺎ ﺍﻟﺒﺖ ..
ﻭﺟﺴﻤﻬﺎ ﻣﻨﺤﻞ ..
ﻭﺟﺮﻱ ﻋﻠﻰ ﺍﻟﺤﻮﺍﺩﺙ .. ﺍﻣﻬﺎ ﺭﻛﺒﺖ ﻭﻣﻌﺎﻧﺎ ﺑﺎﻟﻠﺨﻤﺔ ﻭﻻ
ﻻﺑﺴﺔ ﺗﻮﺑﻬﺎ ﻛﻮﻳﺲ ..
ﻃﺒﻌﺎ ﻣﻬﻢ ﺟﺪﺍ ﺍﻟﻨﺎﺱ ﺗﻌﺮﻑ ﺍﻻﺳﻌﺎﻓﺎﺕ ﺍﻻﻭﻟﻴﺔ ﻟﻠﻤﺼﺎﺏ
ﺍﻟﺼﻌﻘﺔ ﺍﻟﻜﻬﺮﺑﺎﺋﻴﺔ .. ﻗﺒﻞ ﻣﺎ ﻧﺼﻞ ﺍﻟﻤﺴﺘﺸﻔﻰ ﺍﻗﻮﻝ ﻟﻴﻜﻢ
ﺍﻭﻝ ﺣﺎﺟﺔ ﺗﻔﺼﻞ ﺍﻟﻜﻬﺮﺑﺎ ﺍﻥ ﺷﺎﺀ ﺍﻟﻠﻪ ﻣﻦ ﻣﻔﺘﺎﺡ ﺍﻟﺘﺄﻣﻴﻦ
ﺍﻭ ﻣﻦ ﺣﺘﺔ ﻣﺎ ﺍﻟﻜﻬﺮﺑﺎ ﺟﺎﻳﺔ .. ﺍﻟﻤﻬﻢ ﺗﺸﻮﻑ ﺍﻻﺣﺴﻦ
ﻭﺍﻻﺳﺮﻉ ﺷﻨﻮ .. ﺇﺑﻌﺎﺩ ﺍﻟﻤﺼﺎﺏ ﻋﻦ ﻣﺼﺪﺭ ﺍﻟﺘﻴﺎﺭ - ﺑﺂﺩﺍﺓ
ﻏﻴﺮ ﻧﺎﻗﻠﻪ ﺍﻟﻜﻬﺮﺑﺎﺀ - ﺍﻭ ﻓﺼﻞ ﺍﻟﺘﻴﺎﺭ ؟؟ .. ﺍﻻﺳﺮﻉ ﺗﻌﻤﻠﻮ ..
ﺗﺮﻗﺪ ﺍﻟﻤﺮﻳﺾ ﻋﻠﻰ ﻗﻔﺎﻫﻮ .. ﻭﺗﻌﺪﻝ ﺭﺍﺳﻮ ﻟﻲ ﻭﺭﺍ ..
ﻭﺗﺘﺎﻛﺪ ﻣﻦ ﺍﻟﺘﻨﻔﺲ ﻭﺍﻻ ﺍﺟﺮﺍﺀ ﺗﻨﻔﺲ .. ﻭﺍﻧﻌﺎﺵ ﻟﻠﻘﻠﺐ ﻓﻲ
ﺣﺎﻟﺔ ﺍﻟﻐﻴﺒﻮﺑﺔ ﺯﻱ ﻣﺎ ﺍﻧﺎ ﻋﻤﻠﺖ ﻟﻲ ﻟﺒﻨﻰ .. ﺗﻔﺤﺺ
ﺍﻟﻤﺼﺎﺏ ﻭﺍﻟﺘﺄﻛﺪ ﻣﻦ ﻣﺪﻯ ﺍﻟﻀﺮﺭ ﺇﺫﺍ ﻛﺎﻥ ﺍﻟﻤﺼﺎﺏ ﻭﺍﻋﻴﺎً
ﻳﻔﻀﻞ ﺫﻫﺎﺑﻪ ﺇﻟﻰ ﺍﻟﻄﻮﺍﺭﺉ ﻟﻠﺘﺄﻛﺪ ﻣﻦ ﻋﺪﻡ ﻭﻗﻮﻉ ﺃﻳﺔ ﻛﺴﻮﺭ
ﺃﻭ ﺣﺮﻭﻕ ﺩﺍﺧﻠﻴﺔ .
ﻃﺒﻌﺎ ﻻﻧﻪ ﺣﺮﻭﻕ ﺍﻟﻜﻬﺮﺑﺎ ﺑﺘﺒﺪﺍ ﻣﻦ ﺟﻮﻩ ﻣﻦ ﺍﻟﻌﻈﻢ
ﻭﺑﺘﻄﻠﻊ ﻟﻲ ﺑﺮﺓ .. ﺇﺫﺍ ﻛﺎﻥ ﺍﻟﻤﺮﻳﺾ ﻓﺎﻗﺪﺍُ ﻟﻠﻮﻋﻲ ﻳﺘﻮﺟﺐ
ﻃﻠﺐ ﺍﻹﺳﻌﺎﻑ ﺑﺴﺮﻋﺔ ﺃﻭ ﻧﻘﻞ ﺍﻟﻤﺮﻳﺾ ﺇﻟﻰ ﺃﻗﺮﺏ
ﻣﺴﺘﺸﻔﻰ . ﻗﺪ ﻳﺘﺴﺒﺐ ﺍﻟﺼﻌﻖ ﺍﻟﻜﻬﺮﺑﺎﺋﻲ ﻓﻲ ﺣﺪﻭﺙ ﺣﺮﻭﻕ
ﺃﻭ ﻗﺼﻮﺭ ﻓﻲ ﻋﻤﻞ ﺍﻟﻘﻠﺐ، ﻓﻲ ﺣﺎﻟﺔ ﺍﻟﻘﺼﻮﺭ ﻳﺘﻢ ﺍﻻﺳﻌﺎﻑ
ﻋﻦ ﻃﺮﻳﻖ ﺇﻧﻌﺎﺵ ﻗﻠﺒﻲ ﺭﺋﻮﻱ .
‏(ﻣﻦ ﻣﺼﺎﺩﺭ ﻃﺒﻴﺔ ‏) ..
ــــــ
ﻭﻃﺒﻌﺎ ﺍﻧﺎ ﻓﻲ ﺍﻟﻌﺮﺑﻴﺔ ﻣﻌﺎﻱ ﺧﺎﻟﺘﻲ ﺣﻴﺎﺓ ﻭﺧﻠﻴﻨﺎ ﻫﻨﺎﺩﻱ
ﻓﻲ ﺍﻟﺒﻴﺖ .. ﻭﻣﺘﻮﺍﺻﻠﺔ ﻣﻊ ﻫﺸﺎﻡ ﻭﻫﻮ ﺳﺎﻳﻖ ﺟﺎﻱ ﻋﻠﻴﻨﺎ
ﻓﻲ ﺍﻟﻤﺴﺘﺸﻔﻰ ..
ﻭﻗﻔﻨﺎ ﺍﻻﻣﺠﺎﺩ ﻭﺟﺎﺑﻮ ﻟﻴﻨﺎ ﻧﻘﺎﻟﺔ ﺳﺮﻳﻊ ﺩﺣﻠﻨﺎﻫﺎ ﻫﺸﺎﻡ
ﻭﺻﻞ ..
ﻭﺍﻣﻮ ﺧﻠﺖ ﺍﻟﺒﺖ ﺍﻟﺘﻌﺒﺎﻧﺔ ﻭﺑﻘﺖ ﺗﻘﻮﻝ ﻟﻴﻬﻮ .. ﺍﻫﺎ ﺷﻔﺖ
ﻣﺮﺗﻚ ﻋﻤﻠﺖ ﺷﻨﻮ؟ ﻛﺘﻠﺖ ﺑﺘﻲ .. ﺍﻧﺎ ﻋﺎﺭﻓﺎﻫﺎ ﺣﺘﻨﺘﻘﻢ ﻣﻨﻨﺎ
.. ﻟﻜﻦ ﻟﺒﻨﻰ ﺍﻟﻤﺴﻴﻨﺔ ﺫﻧﺒﻬﺎ ﺷﻨﻮ؟؟
ﻗﺎﻝ ﻟﻴﻬﺎ ﻟﺤﻈﺔ ﻳﺎ ﺍﻣﻲ ﺑﻌﺪﻳﻦ ﻧﺘﻜﻠﻢ ﻓﻲ ﺍﻟﻤﻮﺿﻮﻉ ﺩﻩ ..
ﺍﻟﺰﻭﻝ ﺩﻩ ﻣﻊ ﺍﻧﻮ ﻣﻨﺰﻋﺞ .. ﺍﺗﻜﻠﻢ ﻣﻊ ﺍﻣﻮ ﺯﻱ ﺍﻟﻜﺎﻧﻬﺎ ﻃﻔﻠﺔ ..
ﺍﻱ ﺯﻭﻝ ﻣﻤﻜﻦ ﻳﻬﻴﺞ ﻓﻲ ﺟﻮ ﺯﻱ ﺩﻱ .. ﻟﻜﻦ ﻫﺸﺎﻡ ﺑﺮﺿﻮ ﺭﺩ
ﻋﻠﻴﻬﺎ ﺑﺒﺮﻭﺩ ﺷﺪﻳﺪ ..
ﺟﺎ ﻭﻗﻒ ﺟﻤﺒﻲ ﻗﺎﻝ ﻟﻲ ﺍﻟﺤﺼﻞ ﺷﻨﻮ ﻳﺎ ﻫﻨﺪ .. ﺣﻜﻴﺖ
ﻟﻴﻬﻮ .. ﻗﺎﻝ ﻟﻲ ﺍﻟﻠﻪ ﻳﺠﺰﻳﻚ ﺧﻴﺮ ﺷﻔﺘﻲ ﻫﺴﻲ ﺍﻧﺘﻲ ﻟﻮ
ﻛﻨﺘﻲ ﺑﺮﻩ ﺍﻟﺒﻴﺖ ﺍﻭ ﺍﻟﺤﺼﻞ ﻟﻲ ﻟﺒﻨﻲ ﺣﺼﻞ ﻭﺍﻧﺘﻲ ﻓﻲ
ﺍﻟﺼﻴﺪﻟﻴﺔ .. ﻛﺎﻧﺖ ﺗﻤﻮﺕ ﻭﺯﻭﻝ ﻳﺠﻴﺐ ﻟﻴﻬﺎ ﺧﺒﺮ ﻣﺎﻓﻲ ..
ﺑﻌﺪ ﺷﻮﻳﺔ ﺟﻦ ﻫﻨﺎﺩﻱ ﻭﺗﻐﺮﻳﺪ ﻭﺟﺮﻥ ﻋﻠﻰ ﺍﻣﻬﻦ ﻭﺍﻣﻬﻦ
ﺑﺘﺘﻜﻠﻢ ﻣﻌﺎﻫﻦ ﻭﻣﻨﻔﻌﻠﺔ ﻭﺑﺘﺄﺷﺮ ﻋﻠﻲ .. ﻭﺍﻧﺎ ﻣﺎﺷﻐﺎﻟﺔ
ﺑﺎﻟﻤﻮﺿﻮﻉ .. ﺍﻟﻜﻼﻡ ﺩﻩ ﻛﻠﻮ ﻭﻟﺒﻨﻰ ﺟﻮﺓ ﺑﻌﻤﻠﻮ ﻟﻴﻬﺎ ﻓﻲ
ﺍﺳﻌﺎﻓﺎﺕ .. ﻭﻧﺤﻦ ﻭﺍﻗﻔﻴﻦ ﻓﻲ ﺍﻟﺤﻮﺵ .. ﺍﻧﺎ ﻛﻨﺖ ﻣﻌﺎﻫﺎ
ﺟﻴﺖ ﻟﻤﻦ ﻫﺸﺎﻡ ﻧﺎﺩﺍﻧﻲ ..
ﻫﺴﻲ ﻫﺸﺎﻡ ﺍﻣﻮ ﻧﺎﺩﺗﻮ ﻭﺍﻧﺎ ﻋﺎﻳﺰﺓ ﺍﺧﺶ ﺟﻮﺓ ﺍﺷﻮﻑ
ﺍﻟﻤﺴﺘﺠﺪﺍﺕ ﻋﻠﻰ ﻟﺒﻨﻰ .. ﻫﻨﺎﺩﻱ ﻭﺗﻐﺮﻳﺪ ﺍﻋﺘﺮﺿﻮﻧﻲ ﻓﻲ
ﺍﻟﻄﺮﻳﻖ .. ﻫﻨﺎﺩﻱ ﻗﺎﻟﺖ ﻟﻲ ﻣﺎ ﺗﺨﺸﻲ ﻟﻴﻬﺎ .. ﻣﺎﺷﻲ
ﺗﺨﻠﺼﻲ ﻋﻠﻴﻬﺎ ﺧﻼﺹ ﻟﻘﻴﺘﻴﻬﺎ ﻣﺎﻣﺎﺗﺖ ..
ﺍﻧﺎ ﺩﻓﺮﺗﻬﺎ ﻛﺪﺍ ﺑﻲ ﻳﺪﻱ ﻭﺩﺧﻠﺖ ﻭﻻ ﺍﺗﻜﻠﻤﺖ ﻣﻌﺎﻫﺎ ..
ﻭﻫﺸﺎﻡ ﻣﻊ ﺍﻣﻮ ..
ﺑﻌﺪ ﺷﻮﻳﺔ ﻟﺒﻨﻰ ﺍﻓﺎﻗﺖ ﻭﺍﻟﻠﻪ ﺍﻧﺎ ﻣﻦ ﺍﻟﻔﺮﺣﺔ ﻻﻣﻦ ﺑﻜﻴﺖ
.. ﻭﻟﻤﻦ ﺩﺧﻠﻮ ﻟﻘﻮﻧﻲ ﺣﺎﺿﻨﺎﻫﺎ ﻭﺑﺒﻜﻲ ﻭﻫﻲ ﻣﺎﺳﻜﺎﻧﻲ ﻣﻦ
ﻳﺪﻱ .. ﻭﺍﻟﺤﻤﺪ ﻟﻠﻪ ﻣﺎﻟﻘﻮ ﻋﻨﺪﻫﺎ ﻛﺴﺮ ﻟﻜﻦ ﺍﻟﺪﻛﺘﻮﺭ ﻗﺎﻝ
ﻻﺯﻡ ﺗﻌﻤﻠﻮ ﻓﺤﻮﺻﺎﺕ ﻛﺎﻣﻠﺔ ..
ﺍﻣﻬﺎ ﻗﺎﻟﺖ ﻟﻲ ﻗﻮﻣﻲ ﻣﻦ ﻣﻜﺎﻧﻚ ﺩﻩ ﺧﻠﻴﻨﻲ ﺍﺷﻮﻑ ﺑﺘﻲ ..
ﻟﻤﻦ ﺩﺍﻳﺮﺓ ﺍﻗﻮﻡ .. ﻟﺒﻨﻰ ﻣﺴﻜﺘﻨﻲ ﻣﻦ ﻳﺪﻱ ﻭﺣﻤﺘﻨﻲ ﺍﻗﻮﻡ
ﻭﺭﻓﻌﺖ ﺭﺍﺳﻬﺎ ﺧﺘﺘﻮ ﻓﻲ ﻓﻲ ﺭﺟﻠﻲ ﻭﺑﻲ ﻳﺪﻫﺎ ﺍﻟﺘﺎﻧﻴﺔ
ﻣﺎﺳﻜﺎﻧﻲ ﻣﻦ ﻧﺼﻲ .. ﻭﻻﻋﺎﻳﺰﺓ ﺍﻱ ﺯﻭﻝ ﻏﻴﺮﻱ .. ﺍﻭﻝ ﻣﺮﺓ
ﺍﺷﻮﻑ ﻫﺸﺎﻡ ﻋﻴﻮﻧﻮ ﺗﺬﺭﻑ ..
ﺑﻌﺪ ﺷﻮﻳﺔ ﻗﻠﺖ ﻟﻴﻬﺎ ﻟﺒﻨﻰ ﺣﺒﻴﺒﺘﻲ ﻣﺎﻣﺎ ﻋﺎﻳﺰﺓ ﺗﻄﻤﻦ
ﻋﻠﻴﻚ ﺍﻧﺘﻲ ﻛﻨﺖ ﻋﻴﺎﻧﺔ .. ﺣﺘﻲ ﻓﻜﺘﻨﻲ ﺷﻮﻳﺔ .. ﻭﻫﺸﺎﻡ
ﻣﺴﻜﻨﻲ ﻣﻦ ﻳﺪﻱ ﻭﺍﻧﺎ ﻣﺎﻣﺼﺪﻗﺔ ﻣﻦ ﺍﻟﻔﺮﺣﺔ ﺍﻟﺒﺖ ﺍﺳﺘﻌﺎﺩﺕ
ﻭﻋﻴﻬﺎ ﺍﺻﻼ .. ﻭﺍﻣﻬﺎ ﻗﻌﺪﺕ ﺟﻤﺒﻬﺎ ﻭﻗﺎﻟﺖ ﻟﻴﻬﺎ ﺣﺎﺳﺔ
ﺑﺸﻨﻮ؟
ﻗﺎﻟﺖ ﻟﻴﻬﺎ ﺍﻧﺎ ﻋﺎﻳﺰﺓ ﺍﻟﺜﻌﻠﺒﺔ ﺗﻘﻌﺪ ﺟﻤﺒﻲ .. ﺍﻧﺎ ﻗﻠﺖ ﻟﻴﻬﺎ
ﺣﺎﺿﺮ ﺣﺒﻴﺒﺘﻲ ﺍﻟﺜﻌﻠﺒﺔ ﻣﺎ ﺣﺘﻔﻮﺕ ﻣﻦ ﺟﻤﺒﻚ ..
ﻫﺸﺎﻡ ﻗﺎﻝ ﻟﻴﻬﺎ ﻋﻴﺐ ﻳﺎ ﻟﺒﻨﻰ .. ﻟﻴﻪ ﺗﻘﻮﻟﻲ ﻟﻲ ﻟﻲ ﻫﻨﺪ
ﺛﻌﻠﺒﺔ .. ﺍﻧﺎ ﻗﻠﺖ ﻟﻴﻬﻮ ﺧﻠﻴﻬﺎ ﻳﺎﻫﺸﺎﻡ .. ﻳﺎﻫﻮ ﺍﻟﻌﺎﺭﻓﺎﻫﻮ
ﻋﻨﻲ .. ﻭﺍﻧﺎ ﺍﻟﻔﺮﺣﺔ ﻣﺎﻟﻴﺎﻧﻲ ﻭﺍﻟﻠﻪ .. ﻭﺣﻤﺪﺕ ﺍﻟﻠﻪ ﺍﻧﻲ
ﻛﻨﺖ ﻗﺮﻳﺒﺔ ﻣﻦ ﺍﻟﺒﺖ ﺍﻟﻤﺴﻜﻴﻨﺔ ﺩﻱ ..
ﺣﻴﺎﺓ ﺭﻓﻌﺖ ﺭﺍﺳﻬﺎ .. ﻗﺎﻟﺖ ﻟﻴﻬﻮ ﺍﻧﺖ ﻻﺯﻡ ﻳﺎ ﻫﺸﺎﻡ ﺗﺘﺼﺮﻑ
ﻣﻊ ﻣﺮﺗﻚ ﺩﻱ .. ﺗﺎﻧﻲ ﻣﺎﺗﻘﻌﺪ ﻣﻌﺎﻧﺎ ﻓﻲ ﺑﻴﺘﻨﺎ .. ﻻﻧﻬﺎ
ﺿﺮﺑﺖ ﺑﺘﻲ ﻋﺸﺎﻥ ﺗﻨﺘﻘﻢ ﻣﻨﻲ ..
ﻗﺎﻝ ﻟﻴﻬﺎ ﻳﺎ ﺍﻣﻲ .. ﺍﻧﺎ ﺑﺄﻛﺪ ﻟﻴﻚ ﻟﻮ ﻫﻨﺪ ﻫﻲ ﺍﻻﺫﺕ ﻟﺒﻨﻰ
ﺑﻄﺮﺩﻫﺎ ﻣﻦ ﺍﻟﺒﻴﺖ .. ﻟﻜﻦ ﻟﻮ ﻃﻠﻌﺖ ﺿﺮﺑﺘﻬﺎ ﺍﻟﻜﻬﺮﺑﺎﺀ ﺍﻧﺎ
ﺑﻄﻠﻊ ﻣﻌﺎﻫﺎ .. ﺍﺗﻔﻘﻨﺎ؟
ﻓﻲ ﺩﻛﺘﻮﺭﺓ ﻭﺍﻗﻔﺔ ﻗﺎﻟﺖ ﻟﻴﻬﺎ ﺍﻳﻮﺓ ﻳﺎﺧﺎﻟﺔ ﺩﻱ ﺻﻌﻘﺔ
ﻛﻬﺮﺑﺎﺋﻴﻪ ..
ﺣﻴﺎﺓ ﻗﺎﻟﺖ ﻟﻴﻬﺎ ﺍﻧﺘﻲ ﺍﺳﻜﺘﻲ ﺑﺲ ﺍﻧﺘﻲ ﺍﻧﺘﻲ ﺯﻣﻴﻠﺘﻬﺎ ..
ﻫﺸﺎﻡ ﻗﺎﻝ ﻟﻴﻬﺎ ﻣﻮﺍﻓﻘﺔ ﻳﺎ ﺍﻣﻲ ؟؟
ﻗﺎﻝ ﻟﻴﻬﻮ ﻣﻮﺍﻓﻘﺔ .. ﻫﻨﺎﺩﻱ ﻗﺎﻟﺖ ﻟﻴﻬﻮ ﻣﻮﺍﻓﻘﻴﻦ ﺍﻧﺖ ﺫﺍﺗﻚ
ﺑﻘﻴﺖ ﻭﺍﻗﻒ ﻣﻌﺎﻫﺎ ﺿﺪﻧﺎ ﻭﺑﺘﺼﺪﻗﻬﺎ ..
ﻗﺎﻟﻴﻬﺎ ﻳﺎﺑﺖ ﺍﺳﻜﺘﻲ ﻧﺤﻦ ﻓﻲ ﻣﺴﺘﺸﻔﻲ ..
ﺍﻟﺪﻛﺘﻮﺭﺓ ﻗﺎﻟﺖ ﺧﻼﺹ ﺍﻣﺸﻮ ﻛﻤﻠﻮ ﺍﻟﻔﺤﻮﺻﺎﺕ ﺩﻱ ..
ﻫﺸﺎﻡ ﻗﺎﻝ ﻟﻴﻬﺎ ﺷﻜﺮﺍ ﻳﺎﺩﻛﺘﻮﺭﺓ ﻧﺤﻦ ﺑﻌﺪﻳﻦ ﺡ ﻧﻘﺎﻳﻞ ﺑﻴﻬﺎ
ﻃﺒﻴﺐ ﻓﻲ ﻋﻴﺎﺩﺓ ﺧﺎﺭﺟﻴﺔ ..
ﺍﻟﻰ ﺍﻟﻠﻘﺎﺀ .

[لامارا]

ﺍﻟﺤﻠﻘﺔ 7

.. ﺍﻫﺎ ﻃﺒﻌﺎ ﺭﻛﺒﻨﺎ ﻛﻠﻨﺎ ﻣﻊ ﻫﺸﺎﻡ ﻓﻲ ﺍﻟﻌﺮﺑﻴﺔ .. ﺍﻣﻮ ﺭﺍﻛﺒﺔ
ﻣﻌﺎﻫﻮ ﻗﺪﺍﻡ ﻭﻧﺤﻦ ﻭﺭﺍ ﻭﺻﻠﻨﺎ ﺍﻟﺒﻴﺖ .. ﻭﻗﺎﻝ ﺍﻧﺎ ﺑﻨﺰﻟﻜﻢ ﻓﻲ
ﺍﻟﺒﻴﺖ .. ﻭﺑﻤﺸﻲ ﺍﺷﻮﻑ ﻟﻴﻬﺎ ﺣﺠﺰ ﻣﻊ ﺩﻛﺘﻮﺭ ﻣﻨﻮ ﻛﺪﺍ
ﻣﺎﻋﺎﺭﻓﺔ .. ﻗﺮﻳﺐ ﻟﻴﻬﻢ .. ﻭﻃﻮﻝ ﻓﺘﺮﺓ ﺍﻟﺸﺎﺭﻉ ﺍﻟﻨﺎﺱ ﺩﻳﻞ
ﺻﺎﻣﺘﻴﻦ ﺯﻭﻝ ﺑﺘﻜﻠﻢ ﻣﺎﻓﻲ .. ﻭﻫﺸﺎﻡ ﺻﺎﺭﻱ ﻭﺷﻮ ﻭﻣﺘﻀﺎﻳﻖ
.. ﺍﻫﺎ ﻟﻤﻦ ﻭﺻﻠﻨﺎ ﺍﻟﺒﻴﺖ .. ﺍﻧﺎ ﻛﻨﺖ ﻣﻔﺘﻜﺮﺓ ﻫﺸﺎﻡ ﻧﺎﺳﻲ
ﻗﺼﺔ ﺍﻟﺘﺄﻛﺪ ﻣﻦ ﻣﻮﺿﻮﻉ ﺿﺮﺑﺔ ﺍﻟﻜﻬﺮﺑﺎ ..
ﻟﻜﻦ ﺍﻭﻝ ﻣﻦ ﻭﺻﻞ ﺍﻟﺒﻴﺖ ﻭﻧﺰﻝ ﺍﻟﺒﺖ .. ﻗﺎﻝ ﻟﻲ ﻭﻳﻦ ﻟﻘﻴﺘﻲ
ﻟﺒﻨﻰ ﻭﺍﻗﻌﺔ ﻳﺎ ﻫﻨﺪ؟؟ .. ﻗﻠﺖ ﻟﻴﻬﻮ ﻓﻲ ﺍﻟﻤﻄﺒﺦ ﻗﺪﺍﻡ
ﺍﻟﺘﻼﺟﺔ .. ﻗﺎﻡ ﻳﺘﻨﻔﺾ ﻭﻗﺎﻝ ﻟﻲ ﺍﻣﻮ ﺗﻌﺎﻟﻲ ﻳﺎ ﺍﻣﻲ ﻟﻮ
ﺳﻤﺤﺘﻲ .. ﺗﻌﺎﻟﻲ ﻳﺎ ﻫﻨﺎﺩﻱ ﺧﻠﻮﻧﺎ ﻧﺸﻮﻑ ﺍﻟﺤﺎﺻﻞ ﺷﻨﻮ
ﺑﺎﻟﻀﺒﻂ .. ﺍﻧﺎ ﻗﻌﺪﺕ ﺟﻢ ﻟﺒﻨﻲ .. ﻭﻫﻢ ﺩﺧﻠﻮ ﻋﻠﻲ ﺍﻟﻤﻄﺒﺦ
.. ﻫﺸﺎﻡ ﻟﻘﻰ ﺍﻟﻮﺻﻠﺔ ﺑﺘﺎﻋﺔ ﺍﻟﻜﻬﺮﺑﺎ ﻭﺍﻗﻌﺔ ﻓﻲ ﺍﻻﺭﺽ ..
ﻻﻧﻲ ﺍﻧﺎ ﻃﻠﻌﺘﻬﺎ ﻣﻦ ﺍﻟﻜﻬﺮﺑﺎ ﻭﺭﻣﻴﺘﻬﺎ ﻓﻲ ﺍﻻﺭﺽ .. ﺭﻓﻊ
ﺍﻟﻮﺻﻠﺔ ﻛﺪﺍ ﻳﻌﺎﻳﻦ ﻟﻴﻬﺎ .. ﻭﺍﻧﺎ ﻣﻦ ﺑﺮﻩ ﻓﻲ ﺍﻟﺼﺎﻟﺔ
ﺷﺎﺍﺍﺍﺍﺍﻳﻔﺔ .. ﻋﺎﻳﻦ ﻛﺪﺍ .. ﻟﻘﺎ ﻟﻴﻚ ﺍﻟﻮﺻﻠﺔ ﻓﻴﻬﺎ ﺣﺘﺔ
ﻣﺘﻌﺮﻳﺔ ﻭﺍﺳﻼﻛﺎ ﺑﺮﺓ .. ﻗﺎﻝ ﻟﻴﻬﺎ ﺷﻮﻓﻲ ﻳﺎ ﺍﻣﻲ ﺷﻮﻓﻲ ..
ﺍﻫﻮ ﺍﻟﺴﻠﻚ ﻗﺎﻋﺪ ﺑﺮﺓ . ﻭﻣﻠﺘﺼﻖ ﻣﻊ ﺍﻷﺭﺽ ﻭﺍﻻﺭﺽ ﻣﺒﻠﻠﺔ
.. ﻗﺒﻞ ﻣﺎ ﺗﺘﻈﻠﻤﻲ ﺍﻟﻨﺎﺱ .. ﺍﻟﻤﻔﺮﻭﺽ ﺗﺘﺄﻛﺪﻱ .. ﻭﺑﻘﻰ
ﻳﻘﻮﻝ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ..
ﺑﻜﺮﺓ ﺍﻟﺼﺒﺎﺡ ﻋﻠﻰ ﺣﺴﺐ ﺍﺗﻔﺎﻗﻲ ﻣﻌﺎﻛﻢ .. ﺑﺴﻮﻕ ﻫﻨﺪ
ﻭﺍﻣﺸﻲ ﺍﺷﻮﻑ ﻟﻴﻬﺎ ﺳﻜﻦ ﺑﻌﻴﺪ .. ﺍﻧﺎ ﻣﺎ ﺡ ﺍﻧﻘﻄﻊ ﻣﻦ ﺍﻟﺒﻴﺖ
.. ﺑﺲ ﻣﻦ ﻭﺍﺟﺒﻲ ﻛﻤﺎﻥ ﺍﻋﻴﺶ ﺯﻭﺟﺘﻲ ﻓﻲ ﻣﻜﺎﻥ ﺗﺎﺧﺪ
ﻓﻴﻬﻮ ﺭﺍﺣﺘﻬﺎ .. ﻫﻲ ﺑﺮﺿﻬﺎ ﺍﻧﺴﺎﻧﺔ ﻭﻋﻨﺪﻫﺎ ﻣﺸﺎﻋﺮ ..
ﻃﺒﻌﺎ ﺍﻧﺎ ﻫﻨﺎ ﺍﺗﺪﺧﻠﺖ .. ﻗﻠﺖ ﻟﻴﻬﻮ ﻻﻻ ﻳﺎ ﻫﺸﺎﻡ .. ﺍﻧﺎ ﻣﺎ
ﺑﺮﺣﻞ ﻣﻦ ﻫﻨﺎ ﻣﻬﻤﺎ ﻛﺎﻥ .. ﺧﻠﻴﻨﻲ ﺍﻧﺎ ﺑﺴﺘﺤﻤﻞ ﻣﺎ ﻣﺸﻜﻠﺔ
.. ﺍﻧﺖ ﻋﺎﺭﻓﻨﻲ ﺍﻧﺎ ﺍﺭﺗﺒﻄﺖ ﺑﻲ ﻧﺎﺱ ﻫﻨﺎ .. ﻭﻣﺎﺑﻘﺪﺭ ﺍﻓﺎﺭﻗﻬﻢ
.. ﻭﻋﺎﻳﻨﺘﺎ ﻟﻲ ﻟﺒﻨﻰ ..
ﻗﻠﺖ ﻟﻴﻬﺎ ﻳﺎﻟﺒﻨﻰ ﺍﻧﺘﻲ ﻋﺎﻳﺰﺍﻧﻲ ﺍﻣﺸﻲ ؟
ﻗﺎﻟﺖ ﻟﻴﻬﺎ ﺍﻳﻮﺓ ﺍﻣﺸﻲ .. ﻟﻜﻦ ﺳﻮﻗﻴﻨﻲ ﻣﻌﺎﻙ ..ﻫﺸﺎﻡ ﻗﺎﻝ ﻟﻲ
ﻟﻜﻦ ﻳﺎﻫﻨﺪ ﻭﺍﻟﻠﻪ ﺍﻧﺎ ﺍﺗﻌﻘﺪﺕ ﻣﻨﻚ ﻋﺪﻳﻞ ..
ﻫﺴﻲ ﺍﻟﻤﺸﻜﻠﺔ ﻣﺎﻓﻲ ﺍﻣﻲ .. ﺍﻟﻤﺸﻜﻠﺔ ﻓﻲ ﺍﻟﺒﻨﺎﺕ ..
ﺍﻟﻤﻔﺮﻭﺽ ﻳﺤﺴﻮ ﺑﻴﻚ ﺯﻱ ﺍﺧﺘﻬﻢ .. ﻭﻳﺘﻌﺎﻣﻠﻮ ﻣﻌﺎﻙ ﻣﻌﺎﻣﻠﺔ
ﻃﺒﻴﻌﻴﺔ .. ﻟﻜﻦ ﺍﻇﻨﻬﻦ .. ﻣﺒﺴﻮﻃﺎﺕ ﻣﻦ ﺗﺼﺮﻓﺎﺕ ﺍﻣﻲ ..
ﻭﺣﺴﺎﺳﻴﺘﻬﺎ ﺍﻟﺰﺍﻳﺪﺓ ..
ﺍﻧﺎ ﻭﺍﻟﻠﻪ ﺗﻌﺒﺖ ﺧﻼﺹ .. ﻭﻣﺎﻓﻀﻞ ﻓﻴﻨﻲ ﺻﺒﺮ ..
ﺍﻧﺎ ﻗﻠﺖ ﻟﻴﻬﻮ ﺗﻌﺎﻝ ﻳﺎﻫﺸﺎﻡ ﻓﻮﻕ ﺍﺧﺪ ﺭﺍﺣﺘﻚ .. ﺷﻮﻳﺔ
ﻭﺍﺳﺘﺮﺧﻲ .. ﻭﺑﻌﺪﻳﻦ ﺍﻣﺸﻲ ﺍﺣﺠﺰ ﻟﻲ ﻟﺒﻨﻰ .. ﻫﺴﻲ ﻫﻲ
ﻛﻮﻳﺴﺔ ﺍﻟﺤﻤﺪ ﻟﻠﻪ .. ﻗﺎﻣﺖ ﺗﻐﺮﻳﺪ ﺍﻟﺼﻐﻴﺮﺓ ﻗﺎﻟﺖ ﻟﻲ ﺍﻟﺸﻲ
ﺍﻟﻐﺎﻳﻈﻨﻲ .. ﺍﻧﺘﻲ ﻣﻦ ﺟﻴﺘﻲ ﺍﺳﺘﻮﻟﻴﺘﻲ ﻋﻠﻰ ﻋﻤﻲ ﻣﺤﻤﺪ ..
ﺯﻱ ﺍﻟﺘﻘﻮﻝ ﻣﺎﻓﻲ ﺯﻭﻝ ﻏﻴﺮﻙ؟؟
ﻗﻠﺖ ﻟﻴﻬﺎ ﻋﻤﻲ ﻣﺤﻤﺪ؟؟؟؟؟
ﻛﻴﻒ ﺗﻘﻮﻟﻲ ﻋﻠﻰ ﺍﺑﻮﻙ ﻋﻤﻲ ؟
ﻗﺎﻟﺖ ﻟﻲ ﻫﻮﻱ ﺍﺗﻠﻬﻲ ﻋﻠﻴﻚ ﺍﻟﻠﻪ .. ﺍﻧﺘﻲ ﻣﺎﻓﺎﻫﻤﺔ ﺍﻱ ﺷﻲ ..
ﺍﻧﺎ ﻧﻄﻄﺖ ﻋﻴﻮﻧﻲ .. ﻭﺑﻘﻴﺖ ﺑﻌﺎﻳﻦ ﻟﻲ ﻫﺸﺎﻡ .. ﻗﻠﺖ ﻟﻴﻬﻮ
ﻣﺎﺑﺘﺴﻤﻊ ﻓﻴﻬﺎ ﺑﺘﻘﻮﻝ ﻟﻲ ﺍﺑﻮﻫﺎ ﺷﻨﻮ؟
ﻗﺎﻝ ﻟﻲ ﻫﻮ ﻣﺎ ﺍﺑﻮﻫﺎ ﻳﺎﻫﻨﺪ .. ﺍﻧﺘﻲ ﻣﺎﻋﺎﺭﻓﺔ ﺍﻟﻤﻌﻠﻮﻣﺔ ﺩﻱ
.. ﺍﻧﺎ ﺑﺤﻜﻲ ﻟﻴﻚ ..
ﺍﻧﺎ ﻃﺒﻌﺎ " ﺭﺍﺳﻲ ﺍﻧﺼﺎﻁ ﻓﻮﻕ ﺗﺤﺖ ..
ﻭﻫﺸﺎﻡ ﻭﺍﺻﻞ ﻓﻲ ﻛﻼﻣﻮ ﻭﺯﻫﺠﺎﻥ ﻭﻣﺘﻀﺎﻳﻖ .. ﻗﺎﻝ ﻟﻲ ﻧﺤﻦ
ﻳﺎﻫﻨﺪ ﺍﻟﻤﺼﺎﻳﺐ ﺍﻟﺤﺼﻠﺖ ﻋﻠﻴﻨﺎ ﻓﻲ ﺍﻟﺪﻧﻴﺎ ﺩﻱ ﺍﻥ ﺷﺎﺀ ﺍﻟﻠﻪ
ﻣﺎ ﺗﺤﺼﻞ ﻋﻠﻴﻚ ..
ﻗﻠﺖ ﻟﻴﻬﻮ ﻛﺪﻱ ﺍﺭﺡ ﺍﺧﺪ ﺭﺍﺣﺘﻚ ﻓﻮﻕ .. ﺍﻥ ﺷﺎﺀ ﺍﻟﻠﻪ ﻧﺺ
ﺳﺎﻋﺔ ﻭﺳﻘﺘﻮ ﻭﻃﻠﻌﻨﺎ ﻓﻮﻕ ..
ﺭﻗﺪ ﻓﻲ ﺍﻟﺴﺮﻳﺮ ﻛﺪﺍ ..ﻭﺟﺰﻣﺘﻮ ﻣﺎﻗﻠﻌﻬﺎ ﻣﻦ ﺍﻟﺘﻌﺐ ..
ﻭﺍﻻﺭﻫﺎﻕ ﺍﻟﻨﻔﺴﻲ ﻭﺍﻟﺠﺴﺪﻱ .. ﺍﻧﺎ ﻗﻠﻌﺖ ﻟﻴﻬﻮ ﺍﻟﺠﺰﻣﺔ ..
ﻭﻃﺒﻌﺎ " ﺍﻧﺎ ﻣﺘﻔﺎﺟﺄﺓ .. ﻃﻴﺐ ﺍﻟﺒﺖ ﺩﻱ ﺑﺖ ﻣﻨﻮ ﻳﺎﺭﺑﻲ؟؟ ..
ﻗﺎﻡ ﻗﺎﻝ ﻟﻲ ﻃﺒﻌﺎ " ﻳﺎ ﻫﻨﺪ .. ﺍﻟﻮﺍﻟﺪﺓ ﺍﺗﻄﻠﻘﺖ ﻣﻦ ﺍﺑﻮﻱ
ﺑﺪﺭﻱ .. ﻭﺍﺗﺰﻭﺟﺖ ﺑﻌﺪﻩ ﻭﺍﺣﺪ ﻣﻦ ﻧﺎﺱ ﺍﻡ ﺩﺭﻣﺎﻥ ﻫﻨﺎ .. ﻭ
ﺟﺎﺏ ﻣﻨﻬﺎ .. ﺗﻐﺮﻳﺪ ﻭﺍﺗﻮﻓﻰ ﺍﻟﻠﻪ ﻳﺮﺣﻤﻮ .. ﻭﺑﻌﺪﺍﻙ ﺍﻫﻠﻮ ﻣﺎ
ﺍﺗﻘﺒﻠﻮﻫﺎ .. ﻭﻻ ﺍﺗﻘﺒﻠﻮ ﺑﺘﻬﻢ .. ﻭﻧﺤﻦ ﺟﺒﻨﺎﻫﻢ ﻣﻌﺎﻧﺎ ﻓﻲ
ﺍﻟﺒﻴﺖ ..
ﺍﻟﻤﻬﻢ ﻗﺼﺔ ﻃﻮﻳﻠﺔ ﻭﻋﺮﻳﻀﺔ ﻳﺎﻫﻨﺪ .. ﻣﺎﺗﺰﺣﻤﻲ ﺭﺍﺳﻚ
ﺑﻴﻬﺎ .. ﺑﺲ ﺍﻟﻤﻬﻢ ﺍﻋﺮﻓﻲ ﺍﻧﻮ ﺗﻐﺮﻳﺪ ﺍﺧﺘﻲ ﺑﺖ ﺍﻣﻲ ﺑﺲ ..
ﻗﻠﺖ ﻟﻴﻬﻮ ﺧﻼﺹ ﺧﻼﺹ ﺍﺣﺪ ﺭﺍﺣﺘﻚ ﺑﻌﺪ ﺷﻮﻳﺔ ﻧﺎﻡ ..
ﺍﻧﺎ ﻃﺒﻌﺎ ﻣﺎﻛﻨﺖ ﺑﺘﻮﻗﻊ ﺍﻟﺤﺎﺟﺔ ﺩﻱ .. ﻭﻻ ﺑﻨﺴﺒﺔ ﻭﺍﺣﺪ ﻓﻲ
ﺍﻟﻤﻴﺔ ..
ﻭﺍﻟﻈﺎﻫﺮ ﺣﺘﺘﻜﺸﻒ ﻟﻲ ﺣﺎﺟﺎﺕ ﻛﺘﻴﺮﺓ .. ﻭﻫﺴﻲ ﺍﻟﻘﺼﺔ ﺩﻱ
ﻫﺸﺎﻡ ﺍﺧﺘﺼﺮﻫﺎ ﻟﻲ ﺍﺧﺘﺼﺎﺭ ﻏﺮﻳﺐ .. ﻭﺍﻧﺎ ﻛﻨﺖ ﻋﺎﻳﺰﺓ
ﺍﻋﺮﻑ ﺍﻟﺘﻔﺎﺻﻴﻞ ﺍﻟﻤﻤﻠﺔ .. ﻭﺩﻩ ﻣﻦ ﺣﻘﻲ ﻻﻧﻬﺎ ﺩﻱ ﺑﻘﺖ
ﺍﺳﺮﺗﻲ .. ﻭﺣﻴﻜﻮﻧﻮ ﺩﻳﻞ ﺍﻫﻞ ﺍﻭﻻﺩﻱ .. ﺑﻌﺪﻳﻦ ﻟﻴﻪ ﺍﻟﺰﻭﻝ
ﺩﻩ ﻣﺎﻛﻠﻤﻨﻲ ﺑﺎﻟﻤﻮﺿﻮﻉ ﺩﻩ ﻣﻦ ﺑﺪﺭﻱ ؟ .. ﻫﺴﻊ ﺩﻩ ﻣﻮﺿﻮﻉ
ﺑﺘﻨﺴﻲ ؟؟ ﻏﺎﻳﺘﻮ ﺟﻨﺲ ﻏﺘﺎﺗﺔ ﻋﻠﻴﻬﻢ ﺍﻟﻨﺎﺱ ﺩﻳﻞ ..
ﺍﻧﺎﻗﻤﺖ ﺻﻠﻴﺖ ﺍﻟﻤﻐﺮﺏ .. ﻭﺟﻴﺖ ﺻﺤﻴﺘﻮ ﻳﺼﻠﻲ ﻭﻳﻤﺸﻲ
ﻳﺤﺠﺰ ﻟﻠﺒﺖ ﻓﻲ ﺍﻟﺪﻛﺘﻮﺭ ..
ﺍﻟﻤﻬﻢ ﻃﻠﻊ ﻭﺳﺎﻗﻬﺎ ﻣﻌﺎﻫﻮ ﻫﻲ ﻭﺍﻣﻬﺎ .. ﻟﺒﻨﻰ ﻭﺍﻣﻬﺎ ..
ﻣﻊ ﺍﻧﻮ ﺍﻟﺒﺖ ﻛﺎﻧﺖ ﺑﺘﻘﻮﻝ ﺗﻤﺸﻲ ﻣﻌﺎﻱ ﺍﻟﺜﻌﻠﺒﺔ .. ﻟﻜﻦ ﺍﻧﺎ
ﻣﺎﻗﺪﺭﺕ ﺍﻃﻠﻊ ﻣﻌﺎﻫﻢ ..
ﻗﻌﺪﺕ ﻓﻲ ﻏﺮﻓﺘﻲ .. ﻻﻧﻪ ﻫﻮ ﻣﺎﻗﺎﻝ ﻟﻲ ﺍﺭﺡ ﻣﻌﺎﻧﺎ ..
ﺑﻌﺪ ﻃﻠﻌﻮ ﺑﻲ ﻣﺴﺎﻓﺔ ﻛﺪﺍ .. ﺍﻟﺒﻨﺎﺕ ﺍﻻﺗﻨﻴﻦ ﺟﻮﻧﻲ ﻓﻲ
ﻏﺮﻓﺘﻲ .. ﺩﻗﻦ ﺍﻟﺒﺎﺏ .. ﻗﻠﺖ ﻟﻴﻬﻦ ﺍﺗﻔﻀﻠﻲ ﻳﺎﻫﻨﺎﺩﻱ ﺧﺸﻮ
..
ﻫﻨﺎﺩﻱ ﻗﺎﻟﺖ ﻟﻲ ﻋﺎﻳﻨﻲ ﻳﺎﻫﻨﺪ .. ﻭﺍﻟﻠﻪ ﻧﺤﻦ ﺍﺳﻔﻴﻦ ..
ﻭﻧﺤﻦ ﺫﺍﺗﻮ ﻣﺎﻋﺎﺭﻓﻴﻦ ﺑﻨﻌﻤﻞ ﻣﻌﺎﻙ ﻛﺪﺍ ﻟﻴﻪ .. ﻭﺍﻟﻠﻴﻠﺔ ﻭﺍﻟﻠﻪ
ﺍﺗﺤﺮﺟﻨﺎ ﻣﻦ ﻋﻤﻠﻴﺔ ﺍﻣﻲ .. ﻭﺍﻧﺎ ﻫﺴﻲ ﻛﻨﺖ ﺑﺘﻜﻠﻢ ﻣﻊ
ﺗﻐﺮﻳﺪ .. ﻗﻠﺖ ﻟﻴﻬﺎ ﺍﻣﻲ ﺩﻱ ﻧﺤﻦ ﻣﺎﻣﻤﻜﻦ ﻧﻤﺸﻲ ﻭﺭﺍﻫﺎ ﻓﻲ
ﺍﻟﻐﻠﻂ ﻭﺍﻟﺼﺎﺡ .. ﻳﻌﻨﻲ ﻧﺤﻦ ﺷﺎﻳﻔﻴﻦ ﻃﺮﻳﻘﺔ ﺍﻟﺘﻌﺎﻣﻞ
ﺍﻟﺒﺘﺘﻌﺎﻣﻞ ﺑﻴﻬﺎ ﻣﻌﺎﻙ .. ﺍﻧﺘﻲ ﻭﺍﻟﻠﻪ ﺯﻭﻟﺔ ﻃﻴﺒﺔ ..
ﻭﻣﺤﺘﺮﻣﺔ ﻭﺑﺘﺤﺒﻲ ﺍﺑﻮﻱ .. ﻭﺑﺘﺤﺒﻲ ﻟﺒﻨﻰ ﺯﻱ ﺍﺧﺘﻚ ..
ﻟﺪﺭﺟﺔ ﻫﻲ ﺫﺍﺗﻬﺎ ﺍﺗﻌﻠﻘﺖ ﺑﻴﻚ .. ﻭﻧﺤﻦ ﻭﺍﻟﻠﻪ ﻛﻨﺎ ﻗﺎﻳﻠﻨﻚ
ﻓﻌﻼ ﺍﻧﺘﻲ ﺯﻭﻟﺔ ﻛﻌﺒﺔ .. ﻋﺸﺎﻥ ﺍﻣﻲ ﻗﺎﻟﺖ ﻟﻴﻨﺎ ﻛﺪﺍ .. ﻭﻗﺎﻟﺖ
ﺍﻧﺘﻲ ﻏﺸﻴﺘﻲ ﻫﺸﺎﻡ ﺍﺧﻮﻱ .. ﻭﻋﺮﺳﺘﻴﻬﻮ ﻭﻫﻮ ﻣﺎﻛﺎﻥ ﻋﺎﻳﺰﻙ
.. ﻭﻗﺎﻟﺖ ﺍﻧﺘﻲ ﻋﺮﺳﺘﻴﻬﻮ ﺑﺎﻟﻜﺠﻮﺭ ..
ﻗﻠﺖ ﻟﻴﻬﻦ ﻭﺍﻟﻠﻪ ﺩﻩ ﻛﻠﻮ ﻣﺎﺣﺎﺻﻞ .. ﻭﺍﻧﺎ ﻳﺎﻫﻨﺎﺩﻱ ﻣﺴﺘﺤﻴﻞ
ﺍﺗﻤﺴﻚ ﻟﻲ ﺑﻲ ﺯﻭﻝ ﻣﺎﻋﺎﻭﺯﻧﻲ .. ﺑﻌﺪﻳﻦ ﻫﺸﺎﻡ ﺯﻭﻝ ﻭﺍﻋﻲ
ﻭﻋﺎﻗﻞ ﻭﺫﻛﻲ .. ﻻﻳﻤﻜﻦ ﺗﻐﺸﻮ ﺑﺖ ﺯﻱ ﺍﻧﺎ ..
ﻭﺑﺎﻟﻨﺴﺒﺔ ﻟﻲ ﻗﺼﺔ ﺍﻟﻜﺠﻮﺯ ﺩﻱ ﺍﻧﺎ ﻣﺎﺑﺘﺎﻋﺔ ﺣﺎﺟﺎﺕ ﺯﻱ ﺩﻱ
.. ﺩﻱ ﺣﺎﺟﺎﺕ ﻛﻔﺮﻳﺔ .. ﺍﻧﺎ ﻣﺴﺘﺤﻴﻞ ﺍﻣﺸﻲ ﺑﻲ ﺩﺭﺑﻬﺎ ..
ﻭﻓﺮﺿﻨﺎ ﺍﻧﻲ ﺍﻧﺎ ﻋﺮﺳﺘﻮ ﺑﺎﻟﻜﺠﻮﺭ .. ﻣﻮﺵ ﺑﺠﻲ ﻳﻮﻡ ﻭﺗﺒﻄﻞ
ﺍﻟﻜﺠﻮﺭ ﺩﻱ .. ﺑﻲ ﺍﻳﺎﺕ ﺑﻲ ﻗﺮﺍﻳﺘﻮ ﻫﻮ .. ﺑﻲ ﺻﻼﺗﻮ .. ﺑﻲ
ﺍﻣﺮ ﺍﻟﻠﻪ .. ﺍﻫﺎ ﺑﻌﺪ ﻳﺮﺟﻊ ﻟﻲ ﻃﺒﻴﻌﺘﻮ .. ﺣﻴﻄﻠﻘﻨﻲ .. ﻭﺍﻧﺎ
ﺍﺗﻀﺮﺭﺕ ﺍﻛﺘﺮ ﺻﺎﺡ؟
ﻗﺎﻟﺖ ﻟﻲ ﻟﻲ ﺻﺎﺡ .. ﻗﻠﺖ ﻟﻴﻬﺎ ﺍﻧﺎ ﺩﺧﻠﺖ ﺑﻴﺘﻜﻢ ﻋﺸﺎﻥ ﺍﻛﻮﻥ
ﻭﺍﺣﺪﺓ ﻣﻨﻜﻢ .. ﻭﻋﺸﺎﻥ ﺍﻣﻚ ﺗﻜﻮﻥ ﺍﻣﻲ .. ﻭﻋﺸﺎﻥ ﺍﻧﺘﻮ
ﺗﻜﻮﻧﻮﺍ ﺍﺧﻮﺍﺗﻲ ..
ﻗﺎﻟﺖ ﻟﻲ ﺑﺲ ﺍﻣﻲ ﺷﺮﻳﺮﺓ ﺻﺢ؟
ﻗﻠﺖ ﻟﻴﻬﺎ ﻻﻻ .. ﻣﺎﺻﺢ ﺗﻘﻮﻟﻲ ﻋﻦ ﺍﻣﻚ ﻛﺪﺍ .. ﻓﻲ ﺍﻟﻨﻬﺎﻳﺔ
ﺩﻱ ﺍﻣﻚ .. ﻭﻻﺯﻡ ﺍﻧﺘﻲ ﺗﺨﺘﻲ ﻟﻴﻬﺎ ﺍﺣﺘﺮﺍﻡ ﻓﻮﻕ ﺍﻟﻨﺎﺱ ﻛﻠﻬﻢ
.. ﻭﺣﺘﻰ ﻟﻮ ﻫﻲ ﻏﻠﻄﺎﻧﻪ ﺍﻧﻴﺖ ﻣﺎﺗﺘﻜﻠﻤﻲ ﻋﻨﻬﺎ ﺑﺎﻟﻄﺮﻳﻘﺔ
ﺩﻱ ..
ﺧﺎﻟﺘﻲ ﺣﻴﺎﺓ ﺩﻱ ﺍﻧﺎ ﺑﺤﺘﺮﻣﻬﺎ ﻻﻧﻬﺎ ﻫﻲ ﺍﻡ ﻫﺸﺎﻡ ..
ﻭﻣﺎﺑﺴﻤﺢ ﻻﻱ ﺯﻭﻝ ﻳﻘﻮﻝ ﻓﻴﻬﺎ ﻛﻠﻤﺔ ﻣﺎﻳﺎﻫﺎ .. ﻓﺎﻫﻤﺔ ﻳﺎﺑﺖ
ﺍﻧﺘﻲ ؟ .. ﻗﺎﻟﺖ ﻟﻲ ﻓﺎﻫﻤﺔ ﻳﺎ ﺍﺳﺘﺎﺫﺓ .. ﻭﺍﺧﺪﺕ ﻟﻴﻬﺎ ﺑﺴﻤﺔ
ﺣﻠﻮﺓ ﻛﺪﺍ ..
ﺑﻌﺪ ﻛﻤﻠﻦ ﻛﻼﻣﻦ ﻣﻌﺎﻱ ﻭﺍﺗﻮﻧﺴﻦ ﻛﻮﻳﺲ .. ﺍﻟﺒﻨﺎﺕ ﺩﻳﻞ
ﻃﻴﺒﺎﺕ .. ﻭﻭﻧﺎﺳﺎﺕ .. ﺑﺲ ﺍﻣﻬﻦ ﻋﺎﻣﻠﺔ ﻓﻴﻬﻦ ﻋﻤﺎﻳﻞ ..
ﻭﻫﻦ ﺑﻘﻠﺪﻧﻬﺎ ﺗﻘﻠﻴﺪ ﺍﻋﻤﻰ .. ﺑﺪﻭﻥ ﺗﻔﻜﻴﺮ ﻟﻜﻦ ﻋﺎﺭﻓﺎﺕ
ﺍﻧﻬﺎ ﺷﺮﻳﺮﺓ .. ﺍﻧﺎ ﺣﺎﺳﺔ ﺑﻲ ﺍﻧﻲ ﺑﻘﻴﺖ ﺑﻜﺴﺐ ﺍﻟﻤﻮﺍﻗﻒ ..
ﻭﺑﻘﻴﺖ ﺑﻠﻤﻠﻢ ﻓﻴﻬﻢ ﻧﻔﺮ ﻧﻔﺮ .. ﺍﻥ ﺷﺎﺀ ﺍﻟﻠﻪ ﺍﻗﺪﺭ ﺍﻟﻴﻦ
ﻗﻠﺐ ﺣﻴﺎﺓ .. ﻣﺶ ﻋﺸﺎﻥ ﺗﺤﺒﻨﻲ .. ﺑﺲ ﻋﺸﺎﻥ ﺗﺘﻌﺎﻣﻞ
ﻣﻌﺎﻱ ﺯﻱ ﻭﺯﻱ ﺍﻱ ﻣﺮﺍﺓ ﻭﻟﺪ ..
ﺍﻟﻤﻬﻢ ﺑﻌﺪ ﻛﻤﻠﻦ ﻭﻧﺴﺘﻦ ﻟﻠﻨﻬﺎﻳﺔ .. ﻭﺧﻼﺹ ﻣﻮﺍﻋﻴﺪ ﻧﺎﺱ
ﻫﺸﺎﻡ ﻳﺠﻮ .. ﻗﺎﻟﻦ ﻟﻲ ﻧﺤﻦ ﻣﺎﺷﻴﻦ .. ﺑﺲ ﻣﺎﺗﻘﻮﻟﻲ ﻟﻲ ﺍﻣﻲ
.. ﻧﺤﻦ ﺟﻴﻨﺎﻙ ﻭﺍﺗﻮﻧﺴﻨﺎ ﻣﻌﺎﻙ .. ﻗﻠﺖ ﻟﻴﻬﻢ ﺣﺎﺍﺍﺍﺍﺿﺮ ..
ﺳﺮﻛﻢ ﻓﻲ ﺑﻴﺮ ..
ﺗﻐﺮﻳﺪ ﻗﺎﻟﺖ ﻟﻲ ﻭﻻﺯﻡ ﺗﻤﺜﻠﻲ ﺍﻧﻮ ﻧﺤﻦ ﻟﺴﻊ ﻣﺘﺨﺎﺻﻤﻴﻦ ..
ﺍﻧﺎ ﺑﺪﻭﻥ ﻣﺎ ﺍﺣﺲ ﻗﻌﺪﺕ ﺍﺿﺤﻚ ﺑﻄﻮﻝ ﺣﺴﻲ ..
ﻣﻌﻘﻮﻝ ﺍﻟﺒﻨﺎﺕ ﺩﻳﻞ ﺑﺎﻟﻤﺴﻜﻨﺔ ﺩﻱ؟؟ ﻭﺍﻧﺎ ﻫﺴﻲ ﻗﻠﺖ ﺩﻳﻞ
ﻏﺘﻴﺘﺎﺕ ﻭﻓﻘﺮﻳﺎﺕ ..
ﺑﻌﺪ ﺷﻮﻳﺔ ﻧﺎﺱ ﻫﺸﺎﻡ ﺟﻮ ﻣﻦ ﺍﻟﺪﻛﺘﻮﺭ .. ﺯﻱ ﺍﺳﺎﻋﺔ 9
ﻭﻧﺺ ﻛﺪﺍ .. ﻭﺍﻧﺎ ﺍﻧﺘﻈﺮﺗﻬﻢ ﺗﺤﺖ .. ﻭﺍﻏﻠﺒﻴﺔ ﻭﻗﺘﻲ ﻟﻤﻦ
ﺍﻛﻮﻥ ﺗﺤﺖ ﺑﻜﻮﻥ ﻣﻊ ﺍﺑﻮﻫﺸﺎﻡ ..
ﺍﻫﺎ ﻟﻤﻦ ﺟﻮ ﻗﺎﻟﻮ ﺍﻟﺪﻛﺘﻮﺭ ﻗﺎﻝ ﺍﻟﻔﺤﻮﺻﺎﺕ ﻧﻀﻴﻔﺔ .. ﻭﻛﻞ
ﺣﺎﺟﺔ ﺗﻤﺎﻡ ﺍﻟﺘﻤﺎﻡ .. ﺑﺪﻭﻥ ﻣﺒﺎﻟﻐﺔ ﺍﻧﺎ ﻓﺮﺣﺖ ﻟﻤﻦ ﻗﻠﺒﻲ
ﻓﺮﺍﻧﻲ .. ﻻﻧﻲ ﻛﻨﺖ ﺧﺎﻳﻔﺔ ﻋﻠﻰ ﻟﺒﻨﻰ .. ﻭﻟﺒﻨﻰ ﻣﻦ ﺟﺎﺕ
.. ﺑﺲ ﺟﺎﺕ ﺟﺎﺭﻳﺔ ﻭﻗﻌﺪﺕ ﺟﻤﺒﻲ ﻓﻲ ﺍﻟﻜﻨﺒﺔ .. ﻭﺍﺗﻠﺼﻘﺖ
ﻋﻠﻲ .. ﻭﻣﺎﺳﻜﻪ ﻳﺪﻱ ﻭﺑﻘﺖ ﺗﻄﻘﻄﻖ ﻟﻲ ﻓﻲ ﺍﺻﺎﻳﻌﻴﻨﻲ ..
ﻭﺍﻧﺎ ﺑﺘﻜﻠﻢ ﻣﻊ ﻫﺸﺎﻡ ﻭﻫﻲ ﻣﺎﺳﻜﺎ ﻟﻲ ﻳﺪﻱ ..
ﻗﺎﻟﺖ ﻟﻲ ﺍﻧﺎ ﺗﺎﻧﻲ ﻣﺎﺑﻘﻮﻝ ﻟﻴﻚ ﺛﻌﻠﺒﺔ .. ﻫﺸﺎﻡ ﻗﺎﻝ ﺍﻟﺜﻌﻠﺒﺔ
ﺷﻴﻨﺔ .. ﻭﺍﻧﺘﻲ ﺣﻠﻮﺓ .. ﻗﺎﻝ ﻟﻲ ﺍﻧﺘﻲ ﺍﺳﻤﻚ ﻫﻨﺪﻭﻳﻪ . ﺍﻧﺎ
ﺗﺎﻧﻲ ﺑﻘﻮﻝ ﻟﻴﻚ ﻫﻨﺪﻭﻳﺔ ..
ﺣﻴﺎﺓ ﺟﺎﺕ ﻣﺴﻜﺖ ﻟﺒﻨﻰ ﻣﻦ ﻳﺪﻫﺎ .. ﻭﻗﺎﻟﺖ ﻟﻴﻬﺎ ﻗﻮﻣﻲ
ﻳﺎﻟﺒﻨﻰ .. ﻗﻮﻣﻲ ﺍﺭﻗﺪﻱ ﺟﻮﺓ ﺍﺭﺗﺎﺣﻲ ﺷﻮﻳﺔ .. ﺍﻧﺘﻲ ﺍﻟﻠﻴﻠﺔ
ﺍﻟﻴﻮﻡ ﺩﻩ ﻛﺎﻥ ﻟﻴﻚ ﺑﻼﻭﻯ ..
ﻗﺎﻟﺖ ﻟﻴﻬﺎ ﻻﻻ ﻳﺎﻣﺎﻣﺎ ﺧﻠﻴﻨﻲ .. ﻭﺍﻟﻠﻪ ﻧﺘﻠﺘﻬﺎ ﻧﺘﻠﺔ ﻟﻤﻦ ﺍﻧﺎ
ﻗﻠﺒﻲ ﻭﺟﻌﻨﻲ ..
ﻟﺒﻨﻰ ﺧﺘﺖ ﺍﻳﺪﻫﺎ ﻓﻲ ﻋﻴﻮﻧﻬﺎ ﻭﺑﻘﺖ ﺗﺒﻜﻲ .. ﻭﺣﻴﺎﺓ ﺟﺎﺭﺍﻫﺎ
ﻣﻦ ﺍﻟﻴﺪ ﺍﻟﺘﺎﻧﻴﺔ .. ﻏﺎﻳﺘﻮ ﺍﻟﻤﺮﺍﺓ ﺩﻱ ﻗﻠﺒﻬﺎ .. ﺩﻩ ﺃﻋﻮﺫ
ﺑﺎﻟﻠﻪ .. ﻻﺭﺣﻤﺔ ﻟﻠﻤﺮﻳﺾ ﻭﻻ ﺭﺣﻤﺔ ﻟﻠﻤﺴﻜﻴﻦ .. ﺭﺑﻨﺎ
ﻳﺮﺣﻤﻨﺎ ﺑﻲ ﺭﺣﻤﺘﻮ ..
ﺍﻟﻤﻬﻢ ﺍﻟﻴﻮﻡ ﺩﻩ ﺍﻧﺘﻬﻰ .. ﻭﺍﻟﺒﻨﺎﺕ ﺩﺧﻠﻦ .. ﻭﺍﻣﻬﻦ ﻣﺸﺖ ﺗﻌﻤﻞ
ﻟﻴﻬﻢ ﺍﻟﻌﺸﺎﺀ .. ﻭﺍﻧﺎ ﻭﻫﺸﺎﻡ ﺑﻄﻠﻨﺎ ﺍﻟﻌﺸﺎﺀ ﻃﺒﻌﺎ " .. ﺑﻘﻴﺖ
ﺑﻌﻤﻞ ﺷﺎﻱ ﺣﻠﻴﺐ .. ﺑﻲ ﺑﺴﻜﻮﻳﺖ ﺑﻨﺸﺮﺑﻮ .. ﻭﺧﻼﺹ ﻧﻨﻮﻡ
ﻋﻠﻰ ﻛﺪﺍ .. ﻭﺍﻟﺒﺮﻧﺎﻣﺞ ﺩﻩ ﻣﺎﺷﻲ ..
ﺍﻫﺎ ﻳﻮﻡ ﻣﻦ ﺍﻟﺼﺒﺎﺡ .. ﻧﺤﻦ ﻗﺎﻋﺪﻳﻦ ﻧﺸﺮﺏ ﻓﻲ ﺍﻟﺸﺎﻱ ..
ﺳﺎﻣﻌﻴﻦ ﻟﻴﻚ ﺻﻮﺕ ﻋﻢ ﻣﺤﻤﺪ ﻣﻦ ﺟﻮﺓ .. ﻳﻘﻮﻝ .. ﺃﻭﻳﺔ ..
ﺍﻭﻳﺔ .. ﻗﺎﻣﺖ ﻫﻨﺎﺩﻱ ﺑﺎﻟﻔﺮﺣﺔ ﺟﺎﺭﻳﺔ .. ﻭﻗﺎﻟﺖ ﻭﺍﻟﻠﻪ ﺩﻩ
ﺍﺑﻮﻱ ﺍﺗﻜﻠﻢ .. ﻭﺟﺮﺕ ﻟﺰﺕ ﺍﻟﺒﺎﺏ ﺧﺸﺖ ﻋﻠﻴﻬﻮ ﻫﻮ ﻳﺴﻮﻱ
ﻟﻴﻬﺎ ... ﺍﻭﻳﺔ .. ﺍﻭﻳﺔ .. .. ﻧﺤﻦ ﺍﻧﺎ ﻭﻫﺸﺎﻡ ﺟﻴﻨﺎ ﻣﺤﺼﻠﻨﻬﺎ
.. ﻧﺸﻮﻑ ﺍﻟﺒﺸﺎﺭﺓ ﺩﻱ . ﻫﻨﺎﺩﻱ ﻗﺎﻟﺖ ﻟﻲ ﻗﺎﻝ ﻋﺎﻳﺰ ﻣﻮﻳﺔ ..
ﻗﺎﻣﺖ ﻛﺒﺖ ﻟﻴﻬﻮ ﻣﻮﻳﺔ ﺍﺑﺎ ﻳﺸﺮﺏ ﻣﻨﻬﺎ .. ﻭﻣﺴﺘﻤﺮ ﺑﻘﻮﻝ ..
ﺍﻭﻳﺔ .. ﺍﻭﻳﺔ ﻭﺑﻌﺎﻳﻦ ﻟﻲ ..
ﻗﻤﺖ ﻗﻠﺖ ﻟﻴﻬﻮ .. ﺩﺍﻳﺮ ﺷﻨﻮ ﻳﺎ ﻋﻤﻲ ؟ ﻫﻨﺪﻭﻳﺔ؟؟ ﻗﺎﻝ ﻟﻲ
ﺍﻣﻤﻤﻢ .. ﺟﻴﺖ ﻗﻌﺪﺕ ﺟﻤﺒﻮ .. ﻋﺮﻓﺘﻮ ﺑﻘﻮﻝ ﻫﻨﺪﻭﻳﺔ
ﺳﺒﺤﺎﻥ ﺍﻟﻠﻪ .. ﻭﻋﺮﻑ ﺍﺳﻤﻲ ﻣﻦ ﻭﻳﻦ ؟ ﻣﺎﻓﻲ ﺍﻱ ﺯﻭﻝ ﺑﻘﻮﻝ
ﻟﻲ ﻫﻨﺪﻭﻳﺔ ﻓﻲ ﺍﻟﺒﻴﺖ ﺩﻩ ..
ﻭﺑﻘﻰ ﻳﺘﺒﺴﻢ ﻭﺩﻣﻮﻋﻮ ﻣﺎﺷﺎﺕ ..
ﻭﺍﻧﺎ ﻃﺒﻌﺎ ﻓﻬﻤﺘﻮ .. ﺍﻧﻮ ﺑﻘﻰ ﻳﻘﺪﺭ ﻳﻘﻮﻝ ﺍﺳﻤﻲ .. ﻭﺗﺎﻧﻲ
ﻗﺎﻝ ﻟﻲ .. ﺍﻭﻳﺔ .. ﻣﻮﻳﺔ .. ﺍﻭﻳﺔ .. ﻣﻮﻳﺔ .. ﻃﻮﺍﻟﻲ ﻗﻤﺖ
ﺷﻠﺖ ﺍﻟﻜﺒﺎﻳﺔ ﺍﻟﻤﻠﺘﻬﺎ ﻫﻨﺎﺩﻱ ﻣﺪﻳﺘﻬﺎ ﻟﻴﻬﻮ ﺷﺮﺑﻬﺎ .. ﻭﻣﻦ
ﺍﻟﻴﻮﻡ ﺩﺍﻙ ﻋﻤﻲ ﺣﺎﻟﺘﻮ ﺑﻘﺖ ﻓﻲ ﺗﺤﺴﻦ ﺳﺮﻳﻊ ﺷﺪﻳﺪ
ﺍﻟﺤﻤﺪ ﻟﻠﻪ ..
ﻭﻣﺮﺕ ﺍﻻﻳﺎﻡ ﻭﻋﻼﻗﺘﻲ ﺍﺗﺤﺴﻨﺖ ﻣﻊ ﺍﻟﺒﻨﺎﺕ .. ﻗﺪﺍﻡ ﺍﻣﻬﻦ
ﻣﺨﺎﺻﻤﺎﺗﻨﻲ .. ﺍﻭﻝ ﺍﻣﻬﻦ ﻣﻦ ﺗﻄﻠﻊ .. ﻳﺠﻨﻲ ﻓﻲ ﺍﻟﻐﺮﻓﺔ
ﻭﻳﺘﻮﻧﺴﻦ ﻣﻌﺎﻱ ﻋﺎﺍﺍﺩﻱ ..
ﻏﺎﻳﺘﻮ ﺟﻨﺲ ﺗﻤﺜﻴﻞ ..
ﻳﻮﻡ ﻣﻦ ﺍﻻﻳﺎﻡ .. ﺍﻧﺎ ﻓﻲ ﺍﻟﺼﻴﺪﻟﻴﺔ ﺷﺎﻳﻠﺔ ﺗﻠﻔﻮﻧﻲ ﺑﻘﻠﺐ
ﻓﻲ ﺍﻻﺳﻤﺎﺀ .. ﻛﺎﻳﺴﺔ ﻟﻲ ﺍﺳﻢ ﻭﺍﺣﺪ ﺗﺒﻊ ﺷﺮﻛﺔ ﺍﻻﺩﻭﻳﺔ ..
ﺍﺳﻤﻪ ﺳﻠﻴﻤﺎﻥ .. ﻭﺑﺒﺤﺚ ﻓﻲ ﺣﺮﻑ ﺍﻟﺴﻴﻦ ﻭﺍﻟﻼﻡ ﻇﻬﺮﺕ ﻟﻲ
ﺳﻠﻤﻰ ..
ﻣﺘﺬﻛﺮﻳﻦ ﺳﻠﻤﻰ ؟ ﺍﻟﻜﺎﻧﺖ ﺟﺎﺕ ﻳﻮﻡ ﻧﺤﻦ ﺟﺎﻳﻴﻦ ﻣﻦ ﺷﻬﺮ
ﺍﻟﻌﺴﻞ .. ﺍﺗﺼﻠﺖ ﻋﻠﻴﻬﺎ ﻃﻮﺍﻟﻲ .. ﺍﻟﻮ ﻳﺎﺳﻠﻤﻰ ..
ﻣﺘﺬﻛﺮﺍﻧﻲ ؟؟ .. ﺍﻧﺎ ﻫﻨﺪ ﺯﻭﺟﺔ ﻫﺸﺎﻡ ﻭﺩ ﺧﺎﻟﺘﻚ ﺣﻴﺎﺓ ..
ﻗﺎﻟﺖ ﻟﻲ .. ﻛﻴﻒ ﻣﺎ ﺑﺘﺬﻛﺮﻙ ... ﺑﺎﻟﻠﻪ ﺍﻧﺘﻲ ﻟﺴﻪ ﺣﻴﺔ
ﻭﻧﺼﻴﺤﺔ ؟ .. ﻣﺎﺑﺼﺪﻕ . ﺍﻧﺎ ﻗﻠﺖ ﺣﻴﺎﺓ ﺩﻱ ﻟﻮ ﻣﺎﻗﺘﻠﺘﻚ
ﺑﺘﻜﻮﻥ ﺟﻨﻨﺘﻚ .. ﻭﺍﺍﺍﺍﻱ ﺍﻧﺎ ﻣﻦ ﺣﻴﺎﺓ ﻓﻈﻴﻌﺔ ﻓﻈﻴﻌﺔ ..
ﻗﻠﺖ ﻟﻴﻬﺎ ﻭﺍﻟﻠﻪ ﺍﻟﺤﻤﺪ ﻟﻠﻪ .. ﺍﻧﺎ ﻛﻮﻳﺴﺔ ﻭﻗﺎﺩﺭﺓ ﺍﺗﻌﺎﻳﺶ ﻣﻊ
ﻭﺿﻌﻲ .. ﺍﻧﺘﻲ ﻛﻴﻒ ؟ ﺍﻟﻴﻮﻡ ﺩﺍﻙ ﺑﻌﺪ ﺍﻟﺸﻜﻠﺔ ﺯﻏﺘﻲ ﻣﻨﻲ ..
ﺗﺎﻧﻲ ﻣﺎﻟﻤﻴﺖ ﻓﻴﻚ ﺧﺎﻟﺺ ..
ﻗﺎﻟﺖ ﻟﻲ ﺍﻳﻮﺓ ﺍﻧﺎ ﺫﺍﺗﻲ ﺧﻔﺖ ﻣﻦ ﺍﻟﺤﺮﻳﻢ ﺩﻳﻞ ..
ﻗﻠﺖ ﻟﻴﻬﺎ ﺑﺲ ﺍﻧﺎ ﻣﺎٍﺳﺄﻟﺘﻚ .. ﺍﻧﺘﻲ ﻣﺎﻋﺮﻓﺘﻲ ﺍﻟﺸﻜﻠﺔ ﻛﺎﻧﺖ
ﻓﻲ ﺷﻨﻮ؟
ﻗﺎﻟﺖ ﻟﻲ ﻏﺎﻳﺘﻮ ﻳﺎﻫﻨﺪ ﺟﻨﺲ ﺷﻤﺎﺭ ﻋﻠﻴﻚ .. ﺩﻱ ﺷﻜﻠﺔ
ﻃﻮﻟﺖ ﻭﻫﺴﻲ ﻓﻮﻓﻮ .. ﻭﺣﻴﺎﺓ ﻳﻜﻮﻧﻮ ﻋﻤﻠﻮ ﺷﻜﻠﺘﻴﻦ ﺗﻼﺗﺔ
ﺑﻌﺪﻫﺎ ..
ﻟﻜﻦ ﻳﺘﺨﻴﻠﻲ ﺍﻟﻘﺼﺔ ﺩﻱ ﻣﺘﻌﻠﻘﺔ ﺑﻲ ﻛﻼﻣﺎﺕ ﻭﻗﻮﺍﻻﺕ ..
ﺍﺻﻼ ﻧﺴﻴﺒﺘﻚ ﺟﻨﻬﺎ ﻗﻮﺍﻳﻞ ﻭﻓﺘﻦ ..
ﺑﺲ ﺍﻇﻨﻬﺎ ﺍﻟﻘﻮﺍﻟﺔ ﺑﻲ ﺳﺒﺐ ﻫﺸﺎﻡ ﻭﺣﺎﺟﺎﺗﻮ ﺍﻟﺒﻘﻮﻟﻮﻫﺎ ﺩﻱ
..
ﻗﻠﺖ ﻟﻴﻬﺎ ﺣﺎﺟﺎﺕ ﺷﻨﻮ ﻳﺎ ﺳﻠﻤﻲ؟؟ ﺍﻧﺘﻲ ﻣﺎﺩﺍﻳﺮﺓ ﺗﺤﻜﻲ ﻟﻲ
.. ﻭﻻ ﻣﺎﻭﺍﺛﻘﺔ ﻓﻴﻨﻲ .. ﺍﻧﺎ ﺑﻜﺘﻢ ﺳﺮﻙ ﻭﺍﻟﻠﻪ ..
ﻗﺎﻟﺖ ﻟﻲ ﺑﺮﻱ ﻳﺎﻳﻤﺔ .. ﻣﺎﺑﻌﺮﻓﻮ ﻣﺎﺗﺪﺧﻠﻴﻨﻲ ﻓﻲ ﻗﻮﺍﻳﻞ ..
ﺍﻧﺎ ﻣﺎﻋﺎﺭﻓﺔ ﺍﻱ ﺣﺎﺟﺔ ﺍﻣﺸﻲ ﺍﺳﺄﻟﻲ ﻓﻮﻓﻮ ..
ﻗﻠﺖ ﻟﻴﻬﺎ ﻓﻮﻓﻮ ﺍﻧﺎ ﺑﻌﺮﻓﻬﺎ ﻣﻦ ﻭﻳﻦ؟؟ .. ﻗﺎﻟﺖ ﻟﻲ ﺍﺳﻤﻬﺎ
ﻓﻮﺯﻳﺔ ﺑﺘﺒﻘﻰ ﻟﻲ ﺧﺎﻟﺘﻲ ﺣﻴﺎﺓ ﻣﻦ ﺑﻌﻴﺪ ﻛﺪﺍ .. ﻭﻛﺎﻥ ﻫﺸﺎﻡ
ﻋﺎﻳﺰ ﻳﺘﺰﻭﺝ ﺑﺘﻬﺎ ﻧﻤﺎﺭﻕ .. .. ﺑﺲ ﻫﻢ ﺭﻓﻀﻮﻫﻮ .. ﻻﻧﻮ ... ﺃﺃ
.. ﺃﺃ .. ﻭﺑﻌﺪﻳﻦ ﻫﻲ ﺗﺘﺰﻭﺟﻮ ﻛﻴﻒ ﻳﻌﻨﻲ؟؟ ﻭﺗﻌﻴﺶ ﻣﻊ
ﺣﻴﺎﺓ ؟؟ .. ﺍﻧﺘﻲ ﺑﺮﺍﻙ ﺷﻔﺘﻲ ﺣﻴﺎﺓ ﻋﺎﻣﻠﺔ ﻛﻴﻒ .
ﻗﻠﺖ ﻟﻴﻬﺎ ﻳﺎ ﺳﻠﻤﻲ .. ﺍﻧﺎ ﻃﺎﻟﺒﺔ ﻣﻨﻚ ﺧﺪﻣﺔ ﺑﺲ .. ﻭﺗﺎﻧﻲ
ﺗﻜﻮﻧﻲ ﻣﺎﻗﺼﺮﺗﻲ ﻣﻌﺎﻱ .. ﻭﺣﺘﻜﻮﻧﻲ ﺑﺎﻟﻨﺴﺒﺔ ﻟﻲ ﺍﺧﺖ ﻟﻲ
ﻳﻮﻡ ﺍﻟﺪﻳﻦ ..
ﻗﺎﻟﺖ ﻟﻲ ﻗﻮﻟﻲ ﺑﺲ ﻣﺎﻳﻜﻮﻥ ﻣﻮﺿﻮﻉ ﻗﺎﻟﻮ ﻭﻗﻠﻨﺎ .. ﻗﻠﺖ ﻟﻴﻬﺎ
ﻻﻻ ..
ﺑﺲ ﻋﺎﻳﺰﺍﻙ ﺗﻮﺻﻔﻲ ﻟﻲ ﺑﻴﺖ ﻓﻮﻓﻮ .. ﺍﻭ ﺗﺪﻳﻨﻲ ﺭﻗﻢ
ﺗﻠﻔﻮﻧﻬﺎ ﻭﺍﻟﻜﻼﻡ ﻳﻔﻀﻞ ﺑﻴﻨﺎ ..
ﻗﺎﻟﺖ ﻟﻲ ﺟﺪﺍ ﺩﻱ ﺑﺴﻴﻄﺔ .. ﺑﺲ ﻣﺎﻓﻲ ﺯﻭﻝ ﻳﻌﺮﻑ ﺍﻧﻲ ﺍﻧﺎ
ﺍﻟﻮﺭﻳﺘﻚ ..
ﻓﻮﺯﻳﺔ ﺣﺎﺝ ﺣﺎﻣﺪ .. ﺳﺎﻛﻨﺔ ﻓﻲ ﺍﺏ ﺭﻭﻑ ﻓﻲ ﺍﻟﺸﺎﺭﻉ
ﺍﻟﻔﻼﻧﻲ ﺟﻤﺐ ﺍﻟﺤﺘﺔ ﺍﻟﻔﻼﻧﻴﺔ .. ﺑﺎﺑﻬﻢ ﻓﺎﺗﺢ ﻛﺪﺍ ﻟﻮﻧﻮ ﻛﺪﺍ
.. ﺍﻟﻤﻬﻢ ﻭﺻﻔﺖ ﻟﻲ ﻭﺻﻒ ﺩﻗﻴﻖ .. ﻭﺍﻧﺎ ﺗﺎﻧﻲ ﻣﺎﺑﺮﻭﺡ ﻋﻠﻲ
ﺍﻟﻮﺻﻒ ﺩﻩ .. ﻭﺍﻧﺎ ﻭﺍﻟﻠﻪ ﻻﺯﻡ ﺍﻣﺸﻲ ﻟﻲ ﻓﻮﻓﻮ
ﺗﻔﺖ ﻟﻲ ﺍﻱ ﺣﺎﺟﺔ .. ﻋﺸﺎﻥ ﺍﻋﺮﻑ ﺭﺍﺳﻲ ﻣﻦ ﻛﺮﻋﻲ ..


ﺍﻟﻰ ﺍﻟﻠﻘﺎﺀ .

[لامارا]

ﺍﻟﺤﻠﻘﺔ 8

ﺍﻧﺎ ﻛﺎﻥ ﺯﻣﺎﻥ ﻋﻨﺪﻱ ﺻﺎﺣﺒﺔ ﻭﺍﺣﺪﺓ ﺍﺳﻤﻬﺎ .. ﻣﻴﺴﻮﻥ ﻗﺒﻞ
ﺳﻨﺘﻴﻦ ﻏﺪﺭﺕ ﺑﻲ .. ﺑﻘﻴﺖ ﻣﺎﺑﺜﻖ ﻓﻲ ﺍﻟﺼﺎﺣﺒﺎﺕ ﻭﺻﺪﺍﻗﺎﺕ
ﺍﻟﺒﻨﺎﺕ .. ﻭﻣﺴﺘﺤﻴﻞ ﺍﺩﻱ ﺳﺮﻱ ﻟﻲ ﺑﺖ .. ﻣﺎﻋﺎﺭﻓﺔ ﻭﺛﻘﺖ
ﻓﻲ ﺳﻠﻤﻰ ﺩﻱ ﻟﻴﻪ .. ﺑﻌﺪﻳﻦ ﻟﻔﺘﻨﻲ ﻓﻴﻬﺎ .. ﺍﻧﻬﺎ ﺭﺍﻓﻀﺔ
ﺗﻘﻮﻝ ﻟﻲ ﺍﻟﺸﻲ ﺍﻟﻌﺎﺭﻓﺎﻫﻮ ﻋﻦ ﻫﺸﺎﻡ ..
ﺍﻳﻮﺓ ﺩﻗﻴﻘﺔ .. ﻣﻴﺴﻮﻥ ﺩﻱ ﻛﺎﻧﺖ ﺻﺎﺣﺒﺘﻲ ﺩﺭﺟﺔ ﻗﻒ ﺗﺄﻣﻞ
.. ﻟﺪﺭﺟﺔ ﺍﻧﻮ ﺑﻨﻘﺴﻢ ﺍﻟﺴﻨﺪﻭﺗﺶ ﺑﻴﻨﺎﺗﻨﺎ .. ﻗﺮﻭﺷﻨﺎ ﻭﺍﺣﺪﺓ
.. ﻭﺑﻨﻠﺒﺲ ﻣﻦ ﺑﻌﺾ ..
ﻭﻛﺎﻥ ﻓﻲ ﻭﺍﺣﺪ ﻗﺒﻞ ﻫﺸﺎﻡ ﺩﻩ .. ﺯﻣﺎﻥ ﻋﻨﺪﻭ ﻣﻌﺎﻱ ﻋﻼﻗﺔ ..
ﺣﺴﺪﺗﻨﻲ ﻓﻴﻬﻮ ﻭﺑﺪﺕ ﺗﺤﻔﺮ ﺑﻴﻨﻲ ﻭﺑﻴﻨﻮ .. ﻟﻐﺎﻳﺔ ﻣﺎ
ﺧﻄﻔﺘﻮ ﻣﻦ ﺧﺸﻤﻲ .. ﻭﻋﺮﺳﺘﻮ .. ﻭﺍﻟﻠﻪ ﺍﻧﺎ ﺣﺴﻴﺖ ﺑﻲ
ﺣﻘﺎﺭﺓ .. ﺑﺲ ﺯﻣﻴﻼﺗﻨﺎ ﻛﻠﻬﻢ ﻛﺮﻫﻮﻫﺎ .. ﻭﻓﻘﺪﺕ ﺍﻋﺰ ﻧﺎﺱ
ﻟﻴﻬﺎ ﻓﻲ ﺣﻴﺎﺗﻬﺎ .. ﻭﻫﻲ ﻋﺎﻳﺸﺔ ﻣﻌﺎﻫﻮ ﻫﺴﻲ ﻓﻲ ﻣﺸﺎﻛﻞ
ﻭﻧﺪﻣﺖ ﻋﻠﻰ ﺍﻟﺰﻭﺍﺝ ﻣﻦ ﺍﺳﺎﺳﻮ .. ﺍﻱ ﺍﻧﺴﺎﻥ ﺍﻧﺎﻧﻲ ﻭﺑﺴﺘﻜﺘﺮ
ﺣﻖ ﺍﻟﻨﺎﺱ .. ﺭﺑﻨﺎ ﻣﺎﻳﺒﺎﺭﻙ ﻟﻴﻬﻮ ﻓﻴﻬﻮ .. ﺍﻧﺎ ﻫﺴﻲ ﺭﺑﻨﺎ
ﻋﻮﺿﻨﻲ ﺍﻓﻀﻞ ﻣﻦ ﺳﻔﻴﺎﻥ ﺍﻟﺘﻌﻴﺲ ﺩﺍﻙ .. ﺑﻲ ﻫﺸﺎﻡ .. ﻟﻜﻦ
ﺍﻟﻮﺍﺟﻌﺎﻧﻲ ﺍﻟﺤﻘﺎﺭﺓ ﻭﺍﻻﺳﺘﻐﻔﺎﻝ ﻭﺍﻟﺨﻴﺎﻧﺔ ﺍﻟﻌﻤﻠﺘﻬﺎ ﻣﻌﺎﻱ
ﻣﻴﺴﻮﻥ ﺑﺖ ﺣﻨﺎﻥ ..
ﺍﻧﺎ ﺷﺎﻳﻔﺔ ﻫﺸﺎﻡ ﺩﻩ ﻟﻐﺎﻳﺔ ﺍﻟﻠﺤﻈﺔ ﺍﻟﻨﺤﻦ ﻓﻴﻬﺎ ﺩﻱ .. ﺯﻭﻝ
ﻛﻮﻳﺲ .. ﺍﻥ ﺷﺎﺀ ﺍﻟﻠﻪ ﻳﻜﻮﻥ ﺩﺍﻳﻤﺎ ﻛﺪﺍ .. ﻭﻣﺎﺗﺘﻜﺸﻒ ﻟﻲ ﻋﻨﻮ
ﺣﺎﺟﺎﺕ .. ﺗﺨﻠﻴﻨﻲ ﺍﻏﻴﺮ ﻧﻈﺮﺗﻲ ﻓﻴﻬﻮ ..
ﺍﻫﺎ ﺍﻧﺎ ﻟﻮ ﺑﻘﺖ ﺳﻠﻤﻲ ﺩﻱ ﻗﺮﻳﺒﺔ ﻟﻲ ﻛﺎﻥ ﺑﻘﻴﻨﺎ ﺍﺻﺤﺎﺏ ..
ﺍﻟﻤﻬﻢ ﺍﻫﺎ ﺍﻧﺎ ﻣﺎ ﻣﺸﻴﺖ ﻟﻲ ﻓﻮﻓﻮ ﻃﻮﺍﻟﻲ ﻳﻌﻨﻲ ﺑﻌﺪ ﻛﻢ ﻳﻮﻡ
ﻛﺪﺍ ﻛﻠﻤﺖ ﺯﻣﻴﻠﺘﻲ ﻓﻲ ﺍﻟﺼﻴﺪﻟﻴﺔ ﺗﺴﺪ ﻟﻲ ﺍﻟﻮﺭﺩﻳﺔ ﺑﺘﺎﻋﺘﻲ
.. ﺿﺮﺑﺖ ﻟﻲ ﺳﻠﻤﻲ ﻗﻠﺖ ﻟﻴﻬﺎ ﺍﻫﺎ ﻳﺎﺳﻠﻤﻰ ﻛﻞ ﺍﻻﺳﺮﺍﺭ
ﺍﻻﺩﻳﺘﻴﻨﻲ ﻟﻴﻬﺎ ﻟﻘﻴﺘﻬﺎ ﻋﻨﺪ ﺯﻭﻝ؟
ﻗﺎﻟﺖ ﻟﻲ ﺍﺑﺪﺍ ﻳﺎﺩﻛﺘﺮﺓ .. ﺍﻧﺘﻲ ﺧﺰﻧﺔ ﻣﺆﻣﻨﺔ ﺑﻲ ﺑﺎﺳﻮﻳﺮﺩ
.. ﻗﻠﺖ ﻟﻴﻬﺎ ﻃﻴﺐ ﻳﺎ ﺍﻟﺤﺒﻴﺒﺔ .. ﺍﻧﺎ ﻋﺎﻳﺰﺍﻙ ﺗﺮﻓﻘﻴﻨﻲ ..
ﻭﺗﻤﺸﻲ ﻣﻌﺎﻱ ﻟﻲ ﻧﺎﺱ ﻓﻮﻓﻮ ﺯﻳﺎﺭﺓ ﺍﻟﻠﻴﻠﺔ ..
ﻗﺎﻟﺖ ﻟﻲ ﻟﻜﻦ ﺍﻟﻤﻨﺎﺳﺒﺔ ﺷﻨﻮ؟ .. ﻓﻮﻓﻮ ﺩﻱ ﺯﻭﻟﺔ ﻛﻌﺒﺔ
ﺍﺣﺘﻤﺎﻝ ﻃﻮﺍﻟﻲ ﺗﻤﺸﻲ ﻟﻲ ﻧﺴﻴﺒﺘﻚ ﺗﻘﻮﻝ ﻟﻴﻬﺎ ﺍﻟﻤﺮﺍﺓ
ﺍﻟﻌﺮﺳﺘﻴﻬﺎ ﻟﻲ ﻭﻟﺪﻙ ﻣﻄﻠﻮﻗﺔ .. ﺟﺎﺗﻨﻲ ﻓﻲ ﺑﻴﺘﻲ .. ﻣﻦ
ﺩﻭﻥ ﻣﺎ ﺍﺩﻋﻴﻬﺎ .. ﺍﻧﺘﻲ ﻳﺎﻫﻨﺪﻭﻳﺔ ﻣﺎﺑﺘﻌﺮﻓﻲ ﻓﻮﻓﻮ؟ .. ﺍﻫﻠﻨﺎ
ﺑﻘﻮﻟﻮ .. ﺍﻟﻴﻮﻡ ﺍﻟﺒﻠﻤﻨﺎ ﻓﻲ ﻓﻮﻓﻮ .. ﺍﻥ ﺷﺎﺀ ﺍﻟﻠﻪ ﻣﺎﻧﺸﻮﻓﻮ ..
ﻣﺎﻟﻚ ﻋﻠﻲ ﺩﺍﻳﺮﺓ ﺗﻮﺩﻳﻨﻲ ﻟﻴﻬﺎ ﻓﻲ ﺑﻴﺘﻬﺎ ..
ﻗﻠﺖ ﻟﻴﻬﺎ ﺑﺲ ﻋﺸﺎﻧﻲ ﺍﻧﺎ .. ﻗﺎﻟﺖ ﻟﻲ ﺍﻧﺎ ﺑﻤﺸﻲ ﻣﻌﺎﻙ ﻟﻜﻦ
ﺑﺘﺤﺼﻞ ﻟﻴﻚ ﻣﺸﻜﻠﺔ .. ﺍﺳﻤﻌﻲ ﻳﺎﻫﻨﺪﻭﻳﺔ ﺍﻧﺎ ﻋﻨﺪﻱ ﻟﻴﻚ
ﻓﻜﺮﺓ .. ﻣﺎﺗﻤﺸﻲ ﻫﺴﻲ ..
ﺍﻧﺘﻲ ﺍﺗﺼﻠﻲ ﻋﻠﻴﻬﺎ ﺑﻲ ﺗﻠﻔﻮﻥ ﻗﻮﻟﻲ ﻟﻴﻬﺎ .. ﺍﻧﺎ ﻋﺎﻳﺰﺓ
ﺍﺗﻌﺮﻑ ﺑﻲ ﻗﺮﺍﻳﺐ ﻫﺸﺎﻡ .. ﻟﻮ ﻃﻠﺒﺖ ﻣﻨﻚ ﺗﺰﻭﺭﻳﻬﺎ .. ﻳﺒﻘﻰ
ﺗﻤﺎﻡ .. ﻟﻮ ﻣﺎ ﻃﻠﺒﺖ ﻣﻨﻚ .. ﺍﻧﺘﻲ ﺑﺮﺍﻙ ﻗﻮﻟﻲ ﻟﻴﻬﺎ ﻭﺍﻟﻠﻪ
ﻣﺘﻤﻨﻴﺔ ﺍﺯﻭﺭﻛﻢ .. ﻭﺍﻥ ﺷﺎﺀ ﺍﻟﻠﻪ ﻓﻲ ﺍﻭﻝ ﻓﺮﺻﺔ ﺍﺳﺠﻞ ﻟﻴﻜﻢ
ﺯﻳﺎﺭﺓ .. ﻫﻲ ﺡ ﺗﻘﻮﻝ ﻟﻴﻚ ﻣﺮﺣﺐ ﺑﻴﻚ ﻓﻲ ﺍﻱ ﻟﺤﻈﺔ ..
ﻫﻬﻪ . ﻭﺑﻌﺪﺍﻙ ﻛﻠﻤﻲ ﻫﺸﺎﻡ ﻗﻮﻟﻲ ﻟﻴﻬﻮ ﺍﻧﺎ ﻋﺎﻳﺰﺓ ﺍﺗﻌﺮﻑ ﺑﻲ
ﺧﺎﻻﺗﻚ ﻭﻗﺮﺍﻳﺒﻚ .. ﻛﺪﺍ ﺑﺘﻜﻮﻧﻲ ﻓﻲ ﺍﻟﺴﻴﻒ ﺻﺎﻳﺪ
‏( ﺍﻟﺠﺎﻧﺐ ﺍﻟﺴﻠﻴﻢ‏) ..
ﻏﺎﻳﺘﻮ ﺍﻟﺒﺖ ﺩﻱ ﻣﺴﻠﻄﺔ ﻛﻴﻒ؟ ﺳﺒﺤﺎﻥ ﺍﻟﻠﻪ ﻓﻌﻼ ﺑﻲ ﻛﺪﺍ
ﺍﻧﺎ ﺑﻜﻮﻥ ﻣﺎﺭﻗﺔ ﻣﻦ ﺍﻱ ﻟﻮﻡ .. ﻟﻜﻦ ﻳﺎﺗﺮﻯ ﻫﻞ ﻫﺸﺎﻡ ﺑﻮﺍﻓﻖ
ﻟﻲ .. ﺍﻧﺎ ﻻﺯﻡ ﺍﺣﻨﻜﻮ ﺑﻲ ﻃﺮﻳﻘﺔ ﻇﺮﻳﻔﺔ ..
ﻗﻠﺖ ﻟﻴﻬﺎ ﻃﻴﺐ ﻳﺎ ﺳﻠﻤﻰ ﺍﻧﺎ ﻟﻮ ﻛﻠﻤﺖ ﻫﺸﺎﻡ ﻭﻭﺍﻓﻖ .. ﻭﻫﻲ
ﻗﺎﻟﺖ ﻟﻲ ﻣﺮﺣﺐ ﺑﻴﻚ ﻓﻲ ﺍﻱ ﻟﺤﻈﺔ ﺍﻧﺘﻲ ﺑﺘﻤﺸﻲ ﻣﻌﺎﻱ ؟
ﻗﺎﻟﺖ ﻟﻲ ﺍﻳﻮﺓ ﺑﻤﺸﻲ .. ﻗﻠﺖ ﻟﻴﻬﺎ ﺧﻼﺹ ﺍﺩﻳﻨﻲ ﺗﻠﻔﻮﻥ ﻓﻮﻓﻮ
ﺳﺮﻳﻊ ..
ﺍﺩﺗﻨﻲ ﺗﻠﻔﻮﻥ ﻓﻮﻓﻮ .. ﻭﺳﺠﻠﺘﻮ .. ﺑﻲ ﺍﺳﻢ fwf .. ﻭﻭﺩﻋﺖ
ﺳﻠﻤﻲ ﻗﻔﻠﺖ ﻣﻦ ﺳﻠﻤﻲ ﺑﻲ ﻫﻨﺎ ﻭﺍﺗﺼﻠﺖ ﻋﻠﻲ ﻓﻮﻓﻮ ﺑﻲ ﻫﻨﺎ
..
ﻓﺘﺤﺖ ﻟﻲ ﺍﻟﺨﻂ ﻳﺎﻫﻮ ﺍﻟﺼﻮﺕ ﺍﻟﻤﺒﺤﻮﺡ ﺍﻟﻜﺎﻥ ﺑﺸﺘﻢ ﻓﻲ
ﺣﻴﺎﺓ ﺍﻟﻴﻮﻡ ﺩﺍﻙ ..
ﻛﻴﻔﻚ ﻳﺎﺧﺎﻟﺘﻲ ﻓﻮﺯﻳﺔ ؟
ﺍﻫﻼ ﻭﺳﻬﻼ ﺍﻟﻤﻌﺎﻱ ﻣﻨﻮ؟
ﻗﻠﺖ ﻟﻴﻬﺎ ﻣﻌﺎﻙ ﺍﻧﺎ ﻫﻨﺪ ﺯﻭﺟﺔ ﻫﺸﺎﻡ ﻭﺩﺣﻴﺎﺓ ..
ﻗﺎﻟﺖ ﻟﻲ ﺣﺒﺎﺑﻚ .. ﻳﺎ ﻫﻨﺪ .. ﻣﺮﺣﺐ ﺑﻴﻚ ﻳﺎ ﺑﺘﻲ .. ﺍﻥ
ﺷﺎﺀ ﺍﻟﻠﻪ ﺧﻴﺮ ..
ﻗﻠﺖ ﻟﻴﻬﺎ ﺧﻴﺮ ﻳﺎﺧﺎﻟﺘﻲ .. ﺍﻟﺤﻘﻴﻘﺔ ﻳﺎ ﺧﺎﻟﺘﻲ ﻓﻮﺯﻳﺔ .. ﺍﻧﺎ
ﺍﻟﻤﺮﺓ ﺍﻟﻔﺎﺗﺖ ﻣﺎﻟﻘﻴﺖ ﻓﺮﺻﺔ ﺍﺳﻠﻢ ﻋﻠﻴﻚ .. ﻻﻧﻜﻢ ﻛﻨﺘﻮ
ﺑﺘﺘﻨﺎﻗﺸﻮ ﺍﻧﺘﻲ ﻭﺧﺎﻟﺘﻲ ﺣﻴﺎﺓ .. ﻭﺍﻧﺘﻲ ﻃﻠﻌﺘﻲ ﺑﺪﻭﻥ ﺣﺘﻰ
ﻣﺎﺗﺘﻐﺪﻱ ﻭﺍﻧﺎ .. ﺍﺗﺄﺛﺮﺕ ﺷﺪﻳﺪ .. ﺑﻌﺪﻳﻦ ﻋﻨﺪﻱ ﺭﻏﺒﺔ
ﺍﺗﻌﺮﻑ ﻋﻠﻰ ﻗﺮﺍﻳﺐ ﻫﺸﺎﻡ .. ﻭﺍﺑﻨﻲ ﻣﻌﺎﻫﻢ ﻋﻼﻗﺎﺕ ﻃﻴﺒﺔ
.. ﻓﺎﻧﺘﻲ ﻳﺎﺧﺎﻟﺘﻲ ﻓﻮﺯﻳﺔ .. ﺍﻭﻝ ﻭﺍﺣﺪﺓ ﺍﺗﺼﻠﺖ ﻋﻠﻴﻬﺎ ..
ﻋﺸﺎﻥ ﺍﻃﻴﺐ ﺧﺎﻃﺮﻙ ﻭﺍﻋﺘﺬﺭ ﻟﻴﻚ ﻋﻦ ﺍﻟﺤﺼﻞ ..
ﻃﺒﻌﺎ ﻣﻼﺣﻈﻴﻦ ﺍﻧﺎ ﻛﻀﺒﺖ ﻛﻀﺐ ﺷﺪﻳﺪ ﺭﺑﻨﺎ ﻳﻌﻔﺮ ﻟﻲ
ﻫﻬﻪ .
ﻗﺎﻟﺖ ﻟﻲ ﺣﺒﺎﺑﻚ ﻭﺍﻟﻠﻪ ﻳﺎ ﺑﺘﻲ ﺍﺻﻴﻠﺔ ﻭﺍﻟﻠﻪ ﻳﺎﻫﻨﺪ .. ﻭﺍﻟﻠﻪ
ﻳﺎﺑﺘﻲ ﺭﺏ ﺍﻟﻌﺎﻟﻤﻴﻦ ﻣﺎﺑﻌﺎﻗﺐ ﺯﻭﻝ ﺑﻲ ﻏﻠﻂ ﺯﻭﻝ .. ﻭﺍﻱ ﺷﺎﺓ
ﻣﻌﻠﻘﺔ ﻣﻦ ﻋﺮﻗﻮﺑﺎ .. ﺩﺣﻴﻦ ﻳﺎﺑﺘﻲ ﻣﺎﺗﺘﺤﺴﺴﻲ ﻣﻦ ﻏﻠﻂ
ﺣﻴﺎﺓ .. ﺣﻴﺎﺓ ﺍﺻﻠﻬﺎ ﺯﻭﻟﺔ ﻣﻠﻌﻮﻧﺔ ﻭﻣﺎﺑﺘﺨﺎﻑ ﻣﻦ ﺭﺑﻨﺎ ..
ﻗﻠﺖ ﻟﻴﻬﺎ ﻭﺍﻧﺎ ﻳﺎﺧﺎﻟﺘﻲ ﻓﻮﺯﻳﺔ ﻭﺍﻟﻠﻪ ﻛﻨﺖ ﻋﺎﻳﺰﺓ ﺍﺯﻭﺭﻙ
ﻋﺪﻳﻞ .. ﻟﻜﻦ ﺑﺲ ﻇﺮﻭﻑ ﺍﻟﺸﻐﻞ .. ﺑﺲ ﺑﻮﻋﺪﻙ ﺍﻭﻝ ﻣﺎ
ﺍﻟﻘﻰ ﻟﻲ ﻓﺮﺻﺔ .. ﺑﺰﻭﺭﻙ ﻓﻲ ﺍﻟﺒﻴﺖ ﺍﻥ ﺷﺎﺀ ﺍﻟﻠﻪ .. ﻗﺎﻟﺖ
ﻟﻲ ﻛﺎﻥ ﻣﺎﺷﺎﻟﻚ ﺍﻟﺒﻴﺖ ﻧﺸﻴﻠﻚ ﻓﻲ ﺭﺍﺳﻨﺎ ..
ﻟﻜﻦ ﺣﻴﺎﺓ ﻛﺎﻥ ﻋﺮﻓﺘﻚ ﺟﺎﻳﺎﻧﻲ .. ﺑﺘﺮﺟﻌﻚ ﺍﻫﻠﻚ ..
ﻗﻠﺖ ﻟﻴﻬﺎ ﻻﻻ ﺍﻧﺎ ﻣﺎﻛﻠﻤﺖ ﺍﻱ ﺯﻭﻝ ﺍﻻ ﻫﺸﺎﻡ .. ﻗﺎﻟﺖ ﻟﻲ
ﻫﺸﺎﻡ ﻭﺍﻓﻖ ﻟﻴﻚ؟؟ .. ﻗﻠﺖ ﻟﻴﻬﺎ .. ﺍﻱ ﻭﺍﻓﻖ .. ﺳﻜﺘﺖ
ﻣﺴﺎﺍﺍﺍﻓﺔ ..
ﻭﻗﺎﻟﺖ ﺧﻴﺮ ﻳﺎﻫﻨﺪ .. ﺷﻮﻓﻲ ﺍﻟﻴﻮﻡ ﻭﺍﺿﺮﺏ ﻟﻲ ﺗﻠﻔﻮﻥ ﻭﺍﻧﺎ
ﻭﺑﻨﺎﺗﻲ ﺑﻨﻜﻮﻥ ﻓﻲ ﺍﻧﺘﻈﺎﺭﻙ ..
ﻭﻗﻔﻠﺖ ﺍﻧﺎ ﻻﺣﻈﺖ ﺣﺎﺟﺔ .. ﻓﻲ ﺳﺆﺍﻟﻬﺎ ﻟﻲ ‏( ﻫﺸﺎﻡ ﻭﺍﻓﻖ
ﻟﻴﻚ ‏) ﻣﻊ ﺍﻧﻲ ﺍﻧﺎ ﻛﻀﺒﺖ ﺑﺮﺿﻮ ﻻﻫﺴﻲ ﻣﺎﻛﻠﻤﺖ ﻫﺸﺎﻡ ..
ﻟﻜﻦ ﻣﻦ ﺳﺆﺍﻻ . ﺩﻩ ﻓﻲ ﻋﻼﻣﺎﺕ ﺍﺳﺘﻔﻬﺎﻡ ..
ﺍﻟﻤﻬﻢ ﺍﻧﺎ ﺃﺧﺪﺕ ﻣﻨﻬﺎ ﺍﻻﺫﻥ ﻓﻲ ﺍﻱ ﻭﻗﺖ .. ﺑﻤﺸﻲ ﻟﻴﻬﺎ ..
ﺍﻫﺎ ﻃﺒﻌﺎ ﺍﻧﺘﻬﻰ ﻳﻮﻣﻲ ﻭﻣﺸﻴﺖ ﺍﻟﺒﻴﺖ .. ﻭﺑﺮﻧﺎﻣﺠﻲ ﺍﻟﻌﺎﺩﻱ ..
ﻭﺗﻤﺎﺭﻳﻦ ﺍﺑﻮﻫﺸﺎﻡ .. ﻭﺣﺎﺟﺎﺗﻮ .. ﻭﺑﻘﻴﺖ ﺃﺳﺎﻟﻮ ﻋﻦ ﺻﺤﺘﻮ
ﻭﺑﻘﻰ ﺑﻘﻮﻝ ﻟﻲ ﺍﻟﺤﻤﺪ ﻟﻠﻪ ﺑﻜﻠﻤﺎﺕ ﻭﺍﺿﺤﺔ .. ﻭﺑﻘﻰ ﻳﻘﻴﻒ
ﻋﻠﻰ ﺣﻴﻠﻮ ﻭﻳﻘﻌﺪ .. ﺑﺲ ﻟﺴﻪ ﻓﺎﻗﺪ ﺍﻟﺘﻮﺍﺯﻥ ﻣﺎﺑﻘﺪﺭ ﻳﻤﺸﻲ
.. ﻭﺍﻟﻠﻪ ﺍﻟﺰﻭﻝ ﺩﻩ ﻟﻤﻦ ﺍﺟﻲ ﺍﻧﺎ ﻭﺍﺳﻠﻢ ﻋﻠﻴﻬﻮ ﻭﺷﻴﻬﻮ ﻳﺘﻬﻠﻞ
.. ﻭﻋﻨﺪﻭ ﺗﻌﺒﻴﺮﺍﺕ ﻛﺘﻴﺮﺓ ﻓﻮﻕ ﻭﺷﻮ ﻣﻦ ﺍﻟﻔﺮﺡ ..
ﻭﻟﺒﻨﻰ ﺩﻱ ﻣﻦ ﺍﺟﻲ ﺍﻟﺒﻴﺖ .. ﻟﻮ ﻧﺎﻳﻤﺔ ﺑﺘﺼﺤﻰ .. ﺑﺲ
ﺗﻘﻮﻝ ﻓﻲ ﺯﻭﻝ ﺑﻜﻠﻤﻬﺎ .. ﻳﻘﻮﻝ ﻟﻴﻬﺎ ﻫﻨﺪ ﺟﺎﺕ .. ﺗﺠﻴﻨﻲ
ﺟﺎﺭﻳﺔ ﺣﻔﻴﺎﻧﺔ ..
ﺍﻫﺎ ﻫﺴﻲ ﺟﺎ ﻫﺸﺎﻡ .. ﻭﺍﻧﺎ ﻧﺎﻭﻳﺔ ﺍﻛﻠﻤﻮ .. ﻗﻠﺖ ﺑﺲ ﺍﻟﻘﻰ
ﻟﻲ ﻓﻴﻬﻮ ﻓﺮﺻﺔ
.. ﺍﻟﻤﻬﻢ ﻣﻊ ﺍﻭﻝ ﻓﺮﺻﺔ .. ﻗﻠﺖ ﻟﻴﻬﻮ ﻫﺸﺎﻡ ﺍﻧﺎ ﻋﺎﻳﺰﺓ ﻣﻨﻚ
ﻃﻠﺐ .. ﻭﺍﻧﺎ ﺍﻭﻝ ﻣﺮﺓ ﺍﻃﻠﺒﻮ ﻣﻨﻚ ﻣﺎﺗﺮﺩﻧﻲ ..
ﻗﺎﻝ ﻟﻲ ﺍﺗﻔﻀﻠﻲ ﻃﻮﺍﻟﻲ .. ﻗﻠﺖ ﻟﻴﻬﻮ ﺍﻧﺎ ﻋﻨﺪﻱ ﻧﻴﺔ ﺍﻣﺸﻲ
ﻟﻲ ﻗﺮﺍﻳﺒﻚ
ﻭﺍﺯﻭﺭﻫﻢ ﻭﺍﺗﻌﺮﻑ ﻋﻠﻴﻬﻢ .. ﺧﺎﻻﺗﻚ ﻭﺑﻨﺎﺕ ﺧﺎﻻﺗﻚ ..
ﻗﺎﻝ ﻟﻲ ﻣﺎﻓﻲ ﻣﺸﻜﻠﺔ .. ﻟﻜﻦ ﻋﻠﻰ ﺷﺮﻁ .. ﻣﺎﺗﻤﺸﻲ ﻻﻱ
ﻧﺎﺱ ﺑﺮﺍﻙ ..ﺍﻧﺎ ﺑﻮﺻﻠﻚ ﻻﻱ ﺯﻳﺎﺭﺓ .. ﺗﻨﺘﻈﺮﻳﻨﻲ ﻧﺠﻲ
ﻧﻤﺸﻲ ﺍﻧﺎ ﻭﺍﻧﺘﻲ ﻣﻊ ﺑﻌﺾ .. ﻗﻠﺖ ﻟﻴﻬﻮ ﺑﺲ ﺍﻧﺖ ﻣﺸﻐﻮﻝ ..
ﺍﻧﺎ ﺑﻜﻮﻥ ﻓﺎﺿﻴﺔ ﻣﻦ ﺗﻼﺗﺔ ﻭﺍﻧﺖ ﻣﺮﺍﺕ ﺗﺠﻲ ﺍﻟﻤﻐﺮﺏ ﻣﻦ
ﺍﻟﺸﻐﻞ .
ﻗﺎﻝ ﻟﻲ ﺑﺲ ﺩﻩ ﻳﺎﻫﻮ ﺷﺮﻃﻲ .. ﺍﻧﺘﻲ ﻋﺎﻳﺰﺓ ﺗﻤﺸﻲ
ﺗﻨﺘﻈﺮﻳﻨﻲ .. ﻋﺎﻳﺰﺓ ﺗﻤﺸﻲ ﺑﺮﺍﻙ ﺍﻧﺎ ﻣﺎ ﻣﻮﺍﻓﻖ .. ﺍﻧﺎ
ﺣﺴﻴﺖ ﺍﻧﻮ ﻫﺸﺎﻡ ﻋﺎﺭﻑ ﺣﺎﺟﺔ ..ﻛﺎﻧﻪ ﻛﺎﺷﻒ ﻟﻌﺒﺘﻲ ..
ﻳﻌﻨﻲ ﻣﺎﺣﺼﻞ ﻋﺼﻠﺞ ﻗﺪﺭ ﺩﻩ ﻓﻲ ﺣﺎﺟﺔ ﺑﺎﻻﺻﺮﺍﺭ ﺩﻩ ..
ﺑﺲ ﺍﻧﺎ ﻣﺎﻛﻠﻤﺖ ﺗﻔﻜﻴﺮﻱ ﺩﻩ ..
ﻗﺎﻝ ﻟﻲ ﺍﻧﺘﻲ ﻳﺎ ﻫﻨﺪ ﺍﺗﺼﻠﺘﻲ ﻋﻠﻰ ﻓﻮﺯﻳﺔ .. ؟؟ ﻗﻠﺖ ﻟﻴﻬﻮ
ﺍﻳﻮﺓ .. ﺍﻟﻘﺎﻟﻴﻚ ﻣﻨﻮ؟
ﻭﺍﻋﺘﺬﺭﺗﻲ ﻟﻴﻬﺎ ﻋﻦ ﻧﻘﺎﺵ ﺍﻣﻲ ﻣﻌﺎﻫﺎ؟ ﻗﻠﺖ ﻟﻴﻬﻮ ﺍﻳﻮﺓ
ﺣﺼﻞ .. ﻗﺎﻝ ﻟﻲ ﻭﻗﻠﺘﻲ ﻟﻴﻬﺎ .. ﺍﻧﺎ ﺑﺠﻴﻜﻢ ﺯﻳﺎﺭﺓ؟ ﻗﻠﺖ
ﻟﻴﻬﻮ ﻓﻌﻼ ﺣﺼﻞ ..
ﻗﺎﻝ ﻟﻲ ﻭﻗﻠﺘﻲ ﻟﻴﻬﺎ ﺍﻧﺎ ﺍﺳﺘﺎﺫﻧﺖ ﻣﻦ ﻫﺸﺎﻡ ﻭﻫﺸﺎﻡ ﻭﺍﻓﻖ؟ ..
ﻗﻠﺖ ﻟﻴﻬﻮ ﻓﻌﻼ .. ﺑﺲ ﺍﻟﻜﻠﻤﻚ ﻣﻨﻮ؟
ﻗﺎﻝ ﻟﻲ ﻗﺒﻞ ﺍﻗﻮﻝ ﻟﻴﻚ ﺍﻟﻜﻠﻤﻨﻲ ﻣﻨﻮ؟ ﺍﻧﺘﻲ ﻟﻴﻪ ﺑﺘﻜﺬﺑﻲ ؟
ﺍﻧﺘﻲ ﻣﺘﻴﻦ ﺷﺎﻭﺭﺗﻴﻨﻲ ؟ ﻣﺘﻴﻦ ﺍﺳﺘﺄﺫﻧﺘﻲ ﻣﻨﻲ . ؟ ﻣﺘﻴﻦ ﺍﻧﺎ
ﺍﺫﻧﺖ ﻟﻴﻚ .. ﺍﻭﻝ ﻣﺮﺓ ﺍﻛﺘﺸﻒ ﻋﻨﻚ ﺍﻟﺼﻔﺔ ﺍﻟﺮﺯﻳﻠﺔ
ﺍﻟﻤﺎﺑﺘﺸﺒﻬﻚ ﺩﻱ .. ﺳﺒﺤﺎﻥ ﺍﻟﻠﻪ .. ﺍﺻﻼ ﻻﻳﻤﻜﻦ ﺍﺻﺪﻕ ﺍﻧﻚ
ﺍﻧﺘﻲ ﻛﺬﺍﺑﺔ ﻟﻠﺪﺭﺟﺔ ﺩﻱ .. ﺑﺲ ﺍﻟﺸﻲ ﺍﻟﻤﺤﻴﺮﻧﻲ ﻟﻴﻪ ﺍﻧﺘﻲ
ﻣﺼﺮﺓ ﺗﺼﻠﻲ ﻟﻲ ﻧﺎﺱ ﻓﻮﺯﻳﺔ ﺑﺎﻟﺬﺍﺕ ﻟﻴﻪ ؟؟؟ ﻣﻊ ﺍﻧﻚ
ﺷﻔﺘﻲ ﺑﻲ ﻋﻴﻨﻚ ﻋﺪﺍﻭﺗﻬﺎ ﻣﻌﺎﻧﺎ .. ﻭﻃﺮﻳﻘﺔ ﻛﻼﻣﻬﺎ ﻣﻊ ﺍﻣﻲ
.. ﻭﻛﻤﺎﻥ ﺗﻜﺬﺑﻲ ﻭﺗﻘﻮﻟﻲ ﻫﺸﺎﻡ ﻣﻮﺍﻓﻖ .. ﺧﺴﺎﺍﺍﺍﺍﺭﺓ ﻳﺎ ﻫﻨﺪ
.. ﺧﺴﺎﺍﺍﺍﺍﺍﺍﺭﺓ ﻭﺍﻟﻠﻪ ..
ﻗﻠﺖ ﻟﻴﻬﻮ ﺍﻧﺎ ﺍﺳﻔﺔ ﻳﺎﻫﺸﺎﻡ .. ﺑﺲ ﻛﺎﻥ ﻗﺼﺪﻱ ﺍﺻﻠﺢ
ﺍﻟﺒﻴﻨﻬﻢ .. ﻋﻠﻴﻚ ﺍﻟﻠﻪ ﺗﺴﺎﻣﺤﻨﻲ ﻭﺍﻟﻠﻪ ﻏﻠﻄﺎﻧﺔ ..
ﻗﺎﻝ ﻟﻲ ﻧﺎﺱ ﻓﻮﺯﻳﺔ ﺩﻳﻞ ﺑﺎﻟﺬﺍﺕ .. ﻟﻮ ﻣﺸﻴﺘﻲ ﻻﺳﺮﺍﺋﻴﻞ
ﻣﺎﺗﻤﺸﻲ ﻟﻴﻬﻢ .. ﻭﺩﻩ ﻛﻼﻣﻲ ﺍﻻﺧﻴﺮ .. ﻭﻟﻮ ﺳﻤﺤﺘﻲ ﻟﻮ ﻋﺎﻳﺰﺓ
ﺍﻟﺜﻘﺔ ﺑﻨﺎﺗﻨﺎ ﺗﻜﻮﻥ ﻣﺘﻮﻓﺮﺓ ..
ﻣﺎﺗﻜﺬﺑﻲ ﺗﺎﻧﻲ .. ﺍﻟﻜﺬﺏ ﻣﺎﺑﺸﺒﻬﻚ .. ﻭﻃﻠﻊ ﻣﻨﻲ ﺯﻋﻼﻥ
ﺯﻋﻞ ﺷﺪﻳﺪ ..
ﺍﻭﻭﻭﺏ ﻋﻠﻲ ﺍﻧﺎ .. ﺍﻟﺤﺼﻞ ﻟﻲ ﺩﻩ ﻛﻠﻮ ﺑﻲ ﺩﺭﺏ ﺍﻟﺸﻤﺎﺭﺍﺕ ..
ﻳﺎﺧﻲ ﺍﻧﺎ ﻣﺎﻟﻲ ﻭﻣﺎﻝ ﻓﻮﻓﻮ .. ﻭﻣﺎﻟﻲ ﻭﻣﺎﻝ ﺍﻟﺨﻂ ﺍﻟﻤﻌﻠﻖ ..
ﻭﺍﻟﻘﺮﺍﻳﺔ ﺍﻡ ﺩﻕ ..
ﺑﺲ ﺍﻟﺸﻲ ﺍﻟﻤﺤﻴﺮﻧﻲ .. ﻣﻨﻮ ﺍﻟﻮﺻﻞ ﻟﻴﻬﻮ ﺍﻟﻜﻼﻡ ﺩﻩ ؟؟
ﻭﻣﺘﻴﻦ ﻫﻮ ؟؟ ﻳﻌﻨﻲ ﺍﻧﺎ ﺍﺗﻜﻠﻤﺖ ﻣﻊ ﻓﻮﻓﻮ ﺯﻱ ﺍﻟﺴﺎﻋﺔ 3 ﺍﻻ
ﺷﻮﻳﺔ .. ﻛﻤﻠﺖ ﻣﻜﺎﻟﻤﺘﻲ ﻣﻌﺎﻫﺎ .. ﻭﺟﻴﺖ ﻃﺎﻟﻌﺔ ﻋﻠﻰ ﺍﻟﺒﻴﺖ
.. ﻳﻌﻨﻲ ﻣﺘﻴﻦ ﺍﻟﺨﺒﺮ ﻭﺻﻠﻮ .. ﻏﺎﻳﺘﻮ ﺍﻟﻨﺎﺱ ﺩﻳﻞ ﻳﺎﻟﻄﻴﻒ
.. ﻛﻞ ﻣﺮﺓ ﺑﻜﺘﺸﻒ ﺍﻧﻮ ﺍﻟﻌﺎﻳﻠﺔ ﺩﻱ ﻋﺎﻳﻠﺔ ﺧﻄﻴﺮﺓ ﻟﺪﺭﺟﺔ
.. ﻭﻏﻠﺒﻨﻲ ﻛﻠﻮ ﻛﻠﻮ ﺍﺗﺤﻘﻖ ﻣﻌﺎﻫﻮ ﺍﻟﻜﻠﻤﻚ ﻣﻨﻮ ؟ ﻣﻌﻘﻮﻝ
ﺗﻜﻮﻥ ﻛﻠﻤﺘﻪ ﻫﻲ ﺑﺮﺍﻫﺎ؟
ﻏﺎﻳﺘﻮ ﺍﻭﻝ ﻣﺮﺓ ﺍﻗﻊ ﻭﻗﻌﺔ ﺷﻴﻨﺔ ﺯﻱ ﺩﻱ .. ﺍﻟﻠﻪ ﻳﻠﻌﻦ
ﺍﻟﻜﻀﺐ ﻭﻳﻠﻌﻦ ﺫﺍﺗﻪ .. ﺍﺻﻠﻮ ﺍﻟﻜﻀﺐ ﺑﺮﻣﻲ ﺍﻟﺰﻭﻝ ﻓﻲ ﺣﺘﺔ
ﻣﺎﻳﻤﺮﻕ ﻣﻨﻬﺎ .. ﻫﺴﻊ ﺍﻧﺎ ﺣﺎﻟﻲ ﺩﻩ ﻗﻠﺖ ﺑﻲ ﻓﻜﺮﺓ ﺳﻠﻤﻰ
.. ﺣﺎﻛﻮﻥ ﻓﻲ ﺍﻟﺴﻴﻒ ﺻﺎﻳﺪ .. ﻫﻲ ﻳﺎﻳﻤﺔ ﺣﻠﻴﻞ ﺍﻟﺴﻴﻒ
ﺻﺎﻳﺪ ..
ﺍﺗﺼﺒﺮﺕ ﻏﺎﻳﺘﻮ ﻻﻣﻦ ﺟﺎ ﻭﺟﺎﺏ ﻣﻌﺎﻫﻮ ﺍﻟﻌﺸﺎﺀ .. ﻭﻛﺎﻥ ﻫﺎﺩﻱ
ﺷﻮﻳﺔ ﻣﻮ ﺯﻱ ﺳﺎﻋﺘﻮ ﺍﻟﻄﻠﻊ .. ﻗﻠﺖ ﻟﻴﻬﻮ ﻳﺎ ﻫﺸﺎﻡ ﺍﻧﺎ ﻋﺎﻳﺰﺓ
ﺍﺗﻜﻠﻢ ﻣﻌﺎﻙ .. ﻳﺎﺧﻲ ﺍﻧﺖ ﺣﻴﺎﺗﻨﺎ ﺩﻱ ﻋﺎﺟﺒﺎﻙ؟ .. ﻧﺤﻦ
ﻣﺎﺑﻨﺎﺗﻨﺎ ﺍﻱ ﻭﻧﺴﺎﺕ ﺯﻱ ﺍﻻﺯﻭﺍﺝ .. ﺍﻧﺖ ﺯﻭﻝ ﺑﺎﻟﻨﺴﺒﺔ ﻟﻲ
ﻏﺎﻣﺾ .. ﻭﺍﻧﺎ ﺑﺘﻬﻴﺐ ﺍﺳﺄﻟﻚ ﻣﻦ ﺍﻱ ﺣﺎﺟﺔ .. ﻭﺣﺘﻰ ﻟﻮ
ﺳﺄﻟﺘﻚ ﺍﻧﺖ ﺑﺘﺨﺘﺼﺮﻧﻲ .. ﺍﻧﺖ ﻣﺎ ﺣﺼﻞ ﻳﻮﻡ ﺍﺳﺘﺄﻣﻨﺘﻨﻲ
ﻋﻠﻰ ﺳﺮﻙ .. ﺍﻧﺖ ﻣﺎ ﺣﺼﻞ ﻳﻮﻡ ﺣﻜﻴﺖ ﻟﻲ ﻋﻦ ﺣﻴﺎﺗﻚ
ﺍﻟﺨﺎﺻﺔ .. ﺣﺘﻰ ﺷﻐﻠﻚ ﺍﻧﺎ ﻣﺎﻓﺎﻫﻤﺔ ﻓﻴﻬﻮ ﺍﻱ ﺷﻲ .. ﻏﻴﺮ
ﺍﻟﻤﺠﻤﻊ ﺍﻟﺘﺠﺎﺭﻱ . ﺍﻻﺳﺘﻬﻼﻛﻲ ..
ﺍﻧﺎ ﻓﻲ ﺷﻬﺮ ﺍﻟﻌﺴﻞ ﻛﻨﺖ ﻋﺎﻳﺸﺔ ﺍﺳﻮﺀ ﺍﻳﺎﻡ ﻓﻲ ﺣﻴﺎﺗﻲ .. ﺑﻲ
ﺳﺒﺐ ﻣﻌﺎﻣﻠﺘﻚ ﻭﺑﺮﻭﺩﻙ .. ﺍﻧﺎ ﺍﻱ ﻣﺎﻋﺎﻳﺰﺓ ﺍﻃﻠﻖ .. ﻭﻣﺎﻋﺎﻳﺰﺓ
ﺍﺧﺮﺏ ﺑﻴﺘﻲ .. ﻟﻜﻦ ﻣﺎ ﻣﻤﻜﻦ ﺍﻗﺒﻞ ﺣﻴﺎﺓ ﻣﺴﻴﺨﺔ
ﻭﻣﺎﻋﻨﺪﻫﺎ ﻃﻌﻢ .. ﺍﻧﺎ ﻣﺴﺘﺤﻤﻠﺔ ﻛﻞ ﺍﻟﻤﻌﺎﻣﻠﺔ ﻣﻦ ﺧﺎﻟﺘﻲ
ﺣﻴﺎﺓ ﻭﺑﻨﺎﺗﻬﺎ ﻋﺸﺎﻧﻚ .. ﻭﻋﺸﺎﻥ ﺗﻤﺴﻜﻲ ﺑﻴﻚ ..
ﻟﻴﻪ ﺍﻧﺖ ﺑﻌﻴﺪ ﻣﻨﻲ ؟ ﺍﻳﻮﺓ ﺍﻧﺖ ﺍﻧﺴﺎﻥ ﻃﻴﺐ ﻭﻋﺎﺩﻝ ﻭﻓﺎﻫﻢ
ﻭﻛﻞ ﺣﺎﺟﺔ .. ﺑﺲ ﻣﻌﺎﻣﻠﺘﻚ ﻣﻌﺎﻱ ﻣﺎﻋﺎﺟﺒﺎﻧﻲ .. ﻣﺎﺣﺼﻞ
ﻳﻮﻡ ﺧﺼﻴﺘﻨﻲ ﺑﻲ ﺍﺳﺮﺍﺭﻙ .. ﻭﻻﻋﺎﺭﻓﺔ ﻋﻦ ﻣﺎﺿﻴﻚ
ﻭﻻﺗﺎﺭﻳﺦ ﺣﻴﺎﺗﻚ ﻭﻻ ﺗﺎﺭﻳﺦ ﺍﺳﺮﺗﻚ .. ﻟﻲ ﺩﺭﺟﺔ ﺍﻧﻮ ﻣﺎﻛﻨﺖ
ﻋﺎﺭﻓﺔ ﺍﻧﻮ ﺗﻐﺮﻳﺪ ﺑﺖ ﺍﻣﻚ ﻣﺎ ﺑﺖ ﺍﺑﻮﻙ .. ﻭﻟﻤﻦ ﺟﻴﺖ
ﺳﺄﻟﺘﻚ ﻣﻨﻬﺎ ﺍﺩﻳﺘﻨﻲ ﻛﻼﻡ ﻣﻘﺘﻀﺐ ﻭﻣﺨﺘﺼﺮ ..
ﻗﺎﻝ ﻟﻲ ﺣﺼﻞ ﺳﺄﻟﺘﻴﻨﻲ ﻣﻦ ﺣﺎﺟﺔ ﻭﺍﻧﺎ ﺩﺳﻴﺖ ﻋﻠﻴﻚ ؟
ﻗﻠﺖ ﻟﻴﻬﻮ ﻓﻲ ﺣﺎﺟﺎﺕ ﻣﺎﺑٍﺴﺄﻝ ﻣﻨﻬﺎ .. ﺍﻧﺖ ﺑﺮﺍﻙ ﺑﺘﻮﺭﻳﻨﻲ ..
ﻋﺸﺎﻥ ﺍﻋﺮﻑ ..
ﺑﻌﺪﻳﻦ ﺍﻧﺖ ﻫﺴﻲ ﺍﺗﻬﻤﺘﻨﻲ ﺑﺎﻟﻜﺬﺏ .. ﻛﺎﻥ ﻣﻔﺮﻭﺽ ﺗﻔﺘﺶ
ﻟﻲ ﻋﺬﺭ .. ﺍﻧﺎ ﺣﺘﻰ ﻟﻮ ﻗﻠﺖ ﺍﻧﻲ ﺷﺎﻭﺭﺗﻚ .. ﻣﻌﻨﺎﻫﺎ ﺍﻧﺎ
ﻭﺍﺛﻘﺔ ﻓﻴﻚ .. ﻭﻋﺎﺭﻓﺔ ﺍﻧﻚ ﻣﺎﻣﻤﻜﻦ ﺗﻤﻨﻌﻨﻲ ﻣﻦ ﺯﻳﺎﺭﺓ
ﺍﻫﻠﻚ ..
ﻗﺎﻝ ﻟﻲ ﺑﺲ ﻧﺎﺱ ﻓﻮﺯﻳﺔ ﺩﻳﻞ ﻣﺎ ﺗﻤﺸﻲ ﻟﻴﻬﻢ ﺩﻳﻞ ﻧﺎﺱ
ﻣﺸﺎﻛﻠﻬﻢ ﻭﻫﻤﻬﻢ ﻭﻭﺟﻊ ﺭﺍﺳﻬﻢ ﺍﻛﺒﺮ ﻣﻦ ﻣﻌﺮﻓﺘﻬﻢ .. ﺧﻠﻴﻚ
ﻓﻲ ﺷﺆﻭﻧﻚ ..
ﻗﻠﺖ ﻟﻴﻬﻮ ﺟﺪﺍ ﻣﺎﺑﻤﺸﻲ ﻟﻴﻬﻢ .. ﺑﺲ ﻫﺴﻲ ﺍﺣﻜﻲ ﻟﻲ
ﺍﻟﻜﻠﻤﻚ ﻣﻨﻮ ﺑﻲ ﺍﺗﺼﺎﻟﻲ ﻋﻠﻰ ﻓﻮﺯﻳﺔ .. ﻗﺎﻝ ﻟﻲ ﺍﻧﺘﻲ ﻫﺴﻲ
ﻣﻔﺘﻜﺮﺍﻧﻲ ﺍﻧﻲ
ﺍﻗﻮﻝ ﻟﻴﻚ ﺍﻟﻜﻠﻤﻨﻲ ﻣﻨﻮ؟ ﺍﻧﺘﻲ ﻗﺎﻳﻼﻧﻲ ﻗﻮﻳﻮﻳﻠﺔ ﺑﺘﺎﻉ
ﺣﺮﻳﻢ؟ ﻣﺎﺑﻮﺭﻳﻚ ..
ﺯﻭﻝ ﺍﺳﺘﺄﻣﻨﻲ ﻋﻠﻰ ﺳﺮﻭ ﺍﺟﻲ ﺍﻗﻮﻝ ﻟﻴﻚ ﺍﺳﻤﻪ ؟
ﻗﻠﺖ ﻟﻴﻬﻮ ﺍﻫﺎ ﺷﻔﺖ؟؟ ﺍﻧﺖ ﻣﺎﻭﺛﻖ ﻓﻴﻨﻲ .. ﺣﺘﻰ ﻋﺸﺎﻥ
ﺗﺤﻜﻲ ﻟﻲ ﺍﻻﺳﺮﺍﺭ .. ﺍﻧﺖ ﻧﺎﺳﻲ ﺍﻧﻲ ﺍﻧﺎ ﻣﺮﺗﻚ ؟ ..
ﺍﻟﻤﻔﺮﻭﺽ ﺍﻟﻤﺮﺍﺓ ﻭﺍﻟﺮﺍﺟﻞ ﻳﻜﻮﻧﻮ ﺳﺮﻫﻢ ﻭﺍﺣﺪ .. ﻟﻜﻦ ﺍﻧﺖ
ﺧﺎﺗﻲ ﺣﻮﺍﺟﺰ ﻭﻫﻤﻴﺔ ﺑﻴﻨﻲ ﻭﺑﻴﻨﻚ ..
.......
ﺍﻟﻤﻬﻢ ﺍﻧﺎ ﻃﺒﻌﺎ ﻓﻲ ﺍﻟﻠﺤﻈﺔ ﺩﻱ ﻓﺮﺣﺎﻧﺔ .. ﺍﻧﻲ ﻗﺪﺭﺕ
ﺍﺗﻜﻠﻤﺖ ﻣﻌﺎﻫﻮ ﻛﻼﻡ ﺯﻱ ﺍﻟﺮﺻﺎﺹ ﻭﺍﻟﻠﻪ ﻭﺭﻳﺘﻮ ﻟﻴﻚ ﻛﺘﺎﺏ ..
ﻭﻋﺮﻑ ﺍﻧﻮ ﺍﻧﺎ ﻣﺎ ﻣﺴﻜﻴﻨﺔ ..
ﺍﻫﺎ ﺑﺎﻛﺮ ﺍﻟﺼﺒﺎﺡ ﻓﻲ ﺍﻟﺼﻴﺪﻟﻴﺔ ﺍﺗﺼﻠﺖ ﻋﻠﻰ ﺳﻠﻤﻰ ..
ﻭﺣﻜﻴﺖ ﻟﻴﻬﺎ ﺍﻟﺤﺎﺻﻞ .. ﻭﻗﻠﺖ ﻟﻴﻬﺎ ﻫﺸﺎﻡ ﻋﺮﻑ ﻛﻞ ﺣﺎﺟﺔ
.. ﻭﻣﺎﻋﺎﺭﻓﺔ ﺍﻟﻜﻠﻤﻮ ﻣﻨﻮ ..
ﻗﺎﻟﺖ ﻟﻲ ﺍﺳﻤﻌﻲ ﻳﺎ ﺍﻟﺸﺎﻃﺮﺓ ﺑﺖ ﺍﻟﺸﺎﻃﺮﻳﻦ .. ﺭﺍﺟﻠﻚ
ﻣﺘﻮﺍﺻﻞ ﻣﻊ ﺣﺒﻴﺒﺘﻮ ﺍﻻﻭﻟﻰ ﺍﺻﺤﻲ ﻳﺎ ﻭﻫﻢ ﺍﻧﺘﻲ؟
ﻗﻠﺖ ﻟﻴﻬﺎ ﺩﻗﻴﻘﺔ ﺩﻗﻴﻘﺔ .. ﻓﻬﻤﻴﻨﻲ ﺣﺒﻴﺒﺘﻮ ﺍﻻﻭﻟﻰ ﻣﻨﻮ ؟
ﻗﺎﻟﺖ ﻟﻲ ﺍﻧﺘﻲ ﻳﺎﻫﻨﺪﻭﻳﺔ ﻣﺎﺑﺘﻔﻬﻤﻲ؟؟ . ﺍﻧﺎ ﻣﻮﺵ ﻛﻠﻤﺘﻚ
ﻗﻠﺖ ﻟﻴﻚ .. ﻫﺸﺎﻡ ﻛﺎﻥ ﻋﺎﻳﺰ ﺑﺖ ﻓﻮﻓﻮ ﺍﺳﻤﻬﺎ ﻧﻤﺎﺭﻕ ؟
ﻭﺭﻓﻀﻮﻫﻮ .. ﻣﻌﻨﺎﻫﺎ ﻣﺎﺯﺍﻝ ﻣﺘﻮﺍﺻﻞ ﻣﻌﺎﻫﺎ
ﻭﻫﻲ ﺍﻟﻜﻠﻤﺘﻮ ﺑﺎﻟﻤﻮﺿﻮﻉ ﺩﻩ .. ﺍﻣﻬﺎ ﺣﻜﺖ ﻟﻴﻬﺎ ﻭﻫﻲ ﺣﻜﺖ
ﻟﻴﻬﻮ ..
ﺍﻧﺎ ﻃﺒﻌﺎ ﻓﻌﻼ ﻃﻠﻌﺖ ﻏﺒﻴﺔ ﻭﻣﻌﻔﻠﺔ .. ﻛﻴﻒ ﺍﻟﻨﻘﻄﺔ ﺩﻱ
ﻓﺎﺗﺖ ﻋﻠﻲ ..
ﻗﻠﺖ ﻟﻴﻬﺎ ﻟﻜﻦ ﻳﺎ ﺳﻠﻤﻰ ﺍﻧﺘﻲ ﻗﻠﺘﻲ ﻟﻲ ﺭﻓﻀﻮﻫﻮ .. ﻛﻴﻒ
ﻳﻜﻮﻥ ﻣﺘﻮﺍﺻﻞ ﻣﻌﺎﻫﺎ؟؟ .. ﻳﻌﻨﻲ ﻣﺎﺩﺍﻡ ﺭﻓﻀﺘﻮ .. ﻛﻴﻒ
ﺗﺘﻮﺍﺻﻞ ﻣﻌﺎﻫﻮ ﺗﺎﻧﻲ؟؟
ﻗﺎﻟﺖ ﻟﻲ ﺭﻓﻀﻮﻫﻮ ﺍﻫﻠﻬﺎ .. ﺭﻓﻀﺘﻮ ﺍﻣﻬﺎ ﻭﺍﺑﻮﻫﺎ ﻭﺍﺧﻮﺍﻧﻬﺎ ..
ﻟﻜﻦ ﻫﻲ ﺍﺣﺘﻤﺎﻝ ﺑﺘﺮﻳﺪﻭ .. ﻭﻟﻮ ﻣﺎ ﺑﺘﺮﻳﺪﻭ ﻭﻣﺘﻔﻖ ﻣﻌﺎﻫﺎ ..
ﻣﺎﻛﺎﻥ ﺍﺗﻘﺪﻡ ﻟﻲ ﺍﻫﻠﻬﺎ ﻓﻬﻤﺘﻲ ﻳﺎ ﺩﻛﺘﻮﺭﺓ ؟ ..
ﺍﻧﺎ ﺳﻜﺘﺎ ﺳﺎﺍﺍﺍﻱ ﻭﺍﻟﻠﻪ ﺭﺍﺳﻲ ﺩﻱ ﺿﺮﺏ ﺯﻱ ﺍﻟﻔﻲ ﺯﻭﻝ ﺿﺮﺑﻨﻲ
ﺑﻲ ﻋﺼﺎﻳﺔ .. ﺑﻘﻴﺖ ﺷﺎﻳﻔﺔ ﺍﻻﺩﻭﻳﺔ ﺍﻟﻤﺮﺻﻮﺻﺔ ﻗﺪﺍﻣﻲ ﺩﻱ
ﻛﻠﻬﺎ ﺗﺮﻗﺺ .. ﻭﺑﻘﻴﺖ ﻣﺎﺷﺎﻳﻔﺔ ﻛﻮﻳﺲ ..

ﺍﻟﻰ ﺍﻟﻠﻘﺎﺀ

[لامارا]

الحلقة 9

بالجد انا بقيت في حالة من الذهول والخوف.. لايعلم بها الا الله .. واتبكمت كلو كلو ... وسلمى هناك تتكلم معاي.. وانا سامعة صوتها بعيد بعيد .. من اثر الصدمة ..
قالت لي عارفة ياهندوية .. ناس فوفو ديل نسوات ممكن الواحدة عادي تطلق راجل اختها.. وتتزوجه.. يعني ماعندهم اصول ولا عندهم شرف ولا ذمة .. فانا بوصيك تخلي بالك على بيتك وراجلك ..
يلا فتك بي عافية .. ولمن تحتاجي لي بتلقيني في يمينك .. بس وصيتي ليك .. ماتمشي ليهم عشان ماتكسري كلام هشام وتفتحي باب جهنم في وشك ..
واعرفي انو اي تصرف تتصرفيهو .. ونمارق وامها يكون عندهم بيهو علم .. ح يصل لي هشام في ظرف نص ساعة .. انا عارفاهو الريدة الزمان ديك مابنساها بالساهل .. غايتو الرجال ديل .. الله يحفظنا منهم .. انتي عارفة ياهندوية .. عشان حركات الرجال دي انا اي عريس يجيني برفضه بدون ما اتردد ..
قلت ليها لالا ياسلمى حبيبتي.. الناس ماكلها واحد .. قالت لي اها شوفي هشام الكنتي شايفاهو احسن زول ..
المهم يا هندوية.. الكورة في ملعبك.. انتي حاولي بي ذكاك وحتكتك تكسبي راجلك.. وترجعيهو من البعمل فيهو.. واوعك تمشي تقولي ليهو انت متواصل مع نمارق.. وانت خاين وانت وانت .. ده اكبر غلط ممكن ترتكبيهو .. لانو لو حس انك ماواثقة فيهو .. بتعامل معاك باللا مبالاة ..
وقفلت مني الخط ..
غايتو سلمى دي الله يخليها .. انسانة واعية مع انها اصغر مني ودايما بتنصحني وتوضح لي حاجات انا غافلة منها .. انا طبعا اليوم داك ماقدرت استوعب الشغل كلو كلو .. وطلعت من الصيدلية مشيت العاشرة ناس ماما ..
كنت تايهة ومهمومة ومغمومة .. وحاسة اني محتاجة لي ماما.. ماعندي في اللحظة دي انسان ممكن يخفف علي غيرها ..
انا عارفة بالرغم من اني طلعت من الصيدلية قبل المواعيد المحددة .. لكن برضو ح أتأخر على ابوهشام ..
لكن لازم امشي لي ماما ان شاء الله نص ساعة ..
غايتو وصلت بيتنا .. ولقيت ماما .. قاعدة لمن شافتني قالت لي مالك ياهند وشك مخطوف كدي .. متل التقول مدخلنك عنبر الولادة ؟
سبحان الله طبعا الام بتعرف اولادها معرفة عجيبة .. طوالي قرتني قراية .. الله يخليك لينا يا الغالية ..
قلت ليها انا اشتقت ليك بس .. وعندي معاك ما اكتر من تلت ساعة .. وقلت ليها وصاياك ماشة بيها تمام.. وافادتني الحمد لله .. وهسي البنات بقو معاي مية المية .. لكن بدون علم امهم .. قالت لي بركة الحمد لله باكر.. امهم ترجع لي عقلها.. وتكتشف انو بناتها كانو افهم منها ..
حكيت ليها الحصل من الموضوع قالت لي .. عارفة ياهند يابتي .. قالو (البقلب الدراب بلقى الxxxxب) .. انتي الناس ديل دخلتي عليهم .. بي رضاك ورغبتك .. الفات من حياتهم انتي مامسؤولة منه ..
حتى ولو عرفتي انو في مصايب حصلت في الاسرة دي.. يعني ح تعملي شنو؟
فانا من راي انتي غلطانة في الحتة دي .. انا عارفاك من زمان بتحبي تعرفي اي حاجة .. لكن مرات في حاجات الزول احسن مايعرفها .. في اية في القران بتقول كدا بس ماعارفاها .. قلت ليها فعلا ياماما (لاتسألوا عن اشياء ان تبد لكم تسؤكم) .. قالت اها بس صدق الله العظيم .. ربنا ماخلا حاجة ..
بعدين القصة الهسي مضايقاك دي .. انتي ما متأكدة منها .. بس انتي طوالي صدقتي تخمين صاحبتك سلمى .. وهي ذاتها ماعندها اثبات .. يعني ممكن هشام تكون ضربت ليهو الام براها ..
وممكن تكون كلمت واحد من اولادها ..وهو كلم هشام .. وامكن كلمتو صاحبتها .. الزول قبل مايفكر في الكعب يفكر في السمح لامن يظهر الكعب قدامو ..
بعدين دايرة اقول ليك حاجة اخيرة ياهند .. لو في بت ضربت لي ولد .. وحكت ليهو قوالة .. خلاص بتكون متواصلة معاهو ؟؟ ده شنو الفهم الغريب ده ياهند .. ؟؟؟ انتي بس اصبري .. قالو (المدسوس .. يعفن وينشم) ..
انا طبعا" بالجد كلام ماما ثبتني شوية.. لكن برضو قلبي ماهدأ .. وبقيت ماواثقة في هشام نهائي .. ومضايقة بس اصريت اني ما أسألو من شي نهائي .. وما ح امشي أسال من شي تاني .. وح احاول اصبر نفسي.. بس مابقدر مابقدر.. اعمل شنو ياربي انا ..
سلمت على ماما في راسها .. وقلت ليها بجيك تاني في ظرف اوسع .. معليش ياماما دوشتك معاي بي مشاكلي .. قالت لي انتي بت مطرطشة ولا شنو ؟ لامن تلدي بتعرفي شنو يعني الام .. ودعتها ومشيت ..
وصلت البيت متأخرة شوية.. يعني بدل ما اصل تلاتة ونص وصلت الساعة خمسة
لقيت ليك حياة دي واقفة في نص الهول وتهرج .. ياربي الليلة في شنو؟؟ والمراة دي معبية الشكلة مع منو ؟
اول من جيت داخلة بقت تقول لي .. احسن ماكنت تجي ؟ بلا شغل بلا انطلاقة .. هو شغل شنو عليك الله .. مالك اتاخرتي كدا يا بت ..؟؟
قلت ليها في شنو ياخالتي حياة ؟.. قالت في شنو؟؟ كمان بتسألي .. انتي وكت بتتهربي .. بتتكرشي للناس مالك ؟ .. من جات الساعة تلاتة .. لبنى تبكي ومابية الاكل .. ولافة في الغرف بتفتش ليك .. وعمك اهودا لقمة مادخلها في خشمو ؟
منتظرنك يا سيادة الوزيرة .. غايتو البيت ده انا يوم بكتلني من البهدلة الفيهو والناس المعولقة ومدولقة ..
انا طبعا بعاين ليها .. وماقادرة اتكلم ومتستغربة في المرة دي بترص الكلام بتاع الهرجة دي كررررر .. خشمها مابعتر .. نفسي اكون نضامة كدي ..
بس انا واقفة بعاين ليها كدي.. لبنى جات جارية حفيانة.. ومسكتني من نصي .. وهي بتقول هندوية جات .. هندوية جات .. انا طبعا ولا رديت على حياة بي كلمة .. هي وكت فترت من الهرجة دخلت جوة.. جابت ليها رز بملوخية في صحن.. ختتو لي لبنى عشان تأكل .. انا سقت لبنى غسلت ليها يدينها.. وجبتها قعدتها .. وقلت ليها اكلي يا لبنى .. خليني اشوف بابا .. قالت لي اممم .. يعني كويس ..
قبل ما اقلع هدومي.. ولا طلعت غرفتي .. دخلت على ابوهشام لقيتو خاتين ليهو اكل .. ماينفع لي كلب .. شلتو مشيت ظبط ليهو اكل.. وعملت ليهو تمارينو قبل الاكل .. واكل وشرب وقال لي الحمد لله .. تاني ماتتاخري كدا .. انا الملعقة وقعت من يدي .. من الخلعة .. قلت ليهو ياعمي انت بقيت تتكلم عادي .. قال لي ايوة اسكتي ماتقولي لي زول .. انا ماعايز اتكلم مع اي زول قبل ما امشي بي رجلي ..
سبحانك ياربي والله بقى يتكلم .. بس لسانو تقيل زي الزول البالع منوم ..
انا مبسوطة شديد .. بي رغم المأسي والمرارة الحاسة بيها في قلبي .. حالة ابوهشام خففت علي كتير .. وانا ان شاء الهب .. عشانو هو ح اتحمل .. بقولو المراة ولوفة وبتربطها العشرة انا هسي ماتميت معاهم اكتر من اربعة شهور .. لكن ارتبطت بيهم ارتباط ماعادي ..
البنات وخاصة لبنى .. وابوهشام .. بس هشام وامو هم مصدر قلقي ..
اها بالمساء كدا هشام جاء.. انا بحاول اكون معاهو طبيعية .. لكن كل ما اتذكر كلام سلمى ..(راجلك متواصل مع حبيبته الاولى ) قلبي تولع فيهوالنار .. وقلبي يقول لي قومي انفصمي فيهو ..
لكن بثبت نفسي.. بي احتمال اكون ظالماهو .. والاحتمالات القالتهم ماما كلهم احمتماالات منطقية جدا ..
وقعد اليوم ده بالذات يتونس معاي .. اظنو كلامي بتاع المرة الفاتت اثر فيهو .. وبحكي لي في مواقف لاقتو في الشغل ..والليلة قال لي كلام عجيب في نفس اليوم الانا عرفت فيهو موضوع نمارق ..
قال لي ياهند؟؟؟
قلت ليهو نعم ياهشام ..
قال انتي روحي ..!!
قلت ليهو وانت كمان روحي يا الغالي ..
أنا صراحة لمن قال يل كدا اتخلعت خلعة.. زي الزول الكان متوقع يشيل مادة .و قالو ليهو انت جيت اول الدفعة .. واستغربت طبعا" شديد .. من ما اتزوجنا ماحصل قال لي كلمة زي دي .. بس انا مرات بقول ليهو بحبك .. هو بقول لي وانا كمان .. وبقولا لي بي طرف لسانو.. يعني ما بحس بالعمق فيها . مع انو حياتنا كزوج وزوجة طبيعية .. بس خالية من اي رومانسيات .. وانا كل مرة بقول الحاجة دي بتجي بالزمن ..
طبعا الكلمة دي بدون اي مقدمات.. انا جاتني بعدها افكار ..قلت ياربي الزول اثر فيهو كلامي الواجهتو بيهو ؟؟
تاني قلت احتمال يكون فعلا حاسي الاحساس ده من زمان ويادوب اتشجع عشان يقولو لي .. اصلا قالو في رجال بتعقدو انهم يعبرو لي زوجاتهم عن الحب .. والغريبة انهم بعبروا للبنات الصايعات .. ويكضبو ليهن كضب عجيب .. ياخي طيب كضب لي مرتك .. الكضب الزي ده بيسعدها صدقني ..
ومرات تجيني افكار اقول هشام ده قال لي كدا لانو حسا انو ظالمني بي تواصلو وعلاقتو مع بت فوفو .. وده طبعا الفكر المسيطر اكبر سيطرة على افكاري .. وماقادرة ابعدو كلو كلو ..
.........
مر اليوم ده واليوم البعدو .. كم يوم كدا وانا طول الوكت سارحة .. وبقيت بتصل على هشام كتير في اثناء اليوم .. انت وين ؟.. وعامل شنو؟ وصحتك كيف ؟ وبتجي متين ؟ واتاخرت ليه ؟
مع انو في الفترة الفاتت ماقاعدة اضايقو بالطريقة دي.. بس حاسة بي نار الغيرة ..
اها يوم انا في الصيدلية .. اتصلت علي سلمى .. قالت لي انا جاياك في الصيدلية انتي موجودة ؟..
قلت ليها قاااعدة تعالي اصلا زهجانة وقرفانة ومامعاي زول ..
جاتني سلمي .. سلمى ياجماعة بت في عمر 23 او 24 سنة لونها اسمر فاااتح طيبة وناسة وضحاكة ..وبتاعة مغارز ومضاحك .. وعندها جنس حكاوي عن صاحباتها وبنات اهلها .. زولة عسل وقلبها ابيض زي اللبن .. ومن اول يوم شافتني حبتيني.. وقعدت اتونست معاي زي ماحكيت قبل كدا ..
اها يوم جاتني ده .. كانت بتحكي لي في النوادر والطرائف الموجوده في عايلتهم .. بتحكي لي عن مراة عمها .. قالت لي (منى) مرة عمي يوم كانوا طالعين لي بكاء .. وهي كانت صغيرة وسمحة .. وماشين الرجال والنسوان كلهم بي حافلة للعزاء ..وعمي كان معاهم اللهو راجلها.. تمام ؟
اها في واحد صاحب عمي .. سلم عليهم كلهم منىولمن جاء يسلم على منى دي .. عصرها في يدها كدا عصرة خيانة .. قامت ادتو كف .. وشالت من التراب وكشحتو في وشو .. وقعدت تنبذ فيهو جنس نبذ .. وشتايم الراجال مايقدرو يقولوها .. وبتقول ليهو كمان بتعصرني في يدي .. يعصرك قطر كريمة .. ويخليك فريمة ..
يا الفعلتك يا التركتك .. الناس بقو يهدو فيها.. والراجل داك زاغ محل ما طار ما ظهر تاني .. عمي قال ليها يامنى بت محمود .. اريتك اكان اكلتي عصرتك وسكتي.. من جنس الكلام القلتيهو ده .. ههههه ..
لكن رغم الكلام ده الناس احترموهامنى وبقو يعملو ليها الف حساب .. ..
اها بعد كملنا الونسة ديك .. والله سلمى فرقت علي .. وكل الضيق والهم الكنت حاسة بيهو راح ..
قبل ماتمشي .. قالت لي .. انتي حبيبتي وصديقتي .. وانا من شفتك قلبي اتفتح ليك والله .. ونفسي اخفف عليك كل الحاسة بيهو .. انا عايزاك يوم الخميس .. بعد بكرة تجي تفطري معاي وتشربي الجبنة .. ولوقدرت بحضر ليك مفاجأة تفرحك .. المهم تتصرفي تخلي زميلتك تسد ليك .. قلت ليها خلاص ان شاء الله اكلم هشام .. واستاذن من زميلتي .. لكن والله كترتو عليها كل مرة تسد لي .. بعد ده بفصلوني عديل من الشغل ده ..
قالت لي انتي ان شاء الله ح يجيك شغل احسن من ده .. قلت ليها كيف ..؟؟ ويجيني من وين الشغل؟؟ .. قالت لي براك بتشوفي وتقولي سلمى قالت لي ..
اها ودعتني .. واتواعدنا على يوم الخميس .. افطر معاها في البيت ..
في نفس اليوم ده انا كلمت هشام بالمساء .. قلت ليهو انت عارف انا صديقتي المقربة من بنات خالاتك منو؟ قال لي اها منو؟
قلت ليهو سلمى .. قال لي والله دي زولة ممتازة .. ونعم الصديقة ..
قلت ليهو خلاص .. انا متواعده معاها .. على اني افطر معاها يوم الخميس .. عندك ريقة توصلني ليهم الصباح؟
قال لي لالا .. مابقدر .. يوم الخميس بالذات شغلي كتير .. امشي ليها .. سلمى وناس بيتهم ناس ممتازين ..
قلت سبحان الله .. هشام عارف اهلو كويس .. وعارف الناس الممتازين والناس البطالين ..
اها تاني يوم .. كلمت زميلتي .. الشغالة معاي في الصيدلية .. قلت ليها بكرة انا معزومة فطور .. وبي كدا انتي تكوني طالباني اربعة يوم .. قالت لي انتي يا هندوية مابتغيبي الا لي حاجة ضرورية .. ماعندك مشكلة ..
اها يوم الخميس جيت الصباح غاشية الصيدلية .. ورتبت اموري .. وزي الساعة 9 مشيت ليهم في البيت ..اول ماوصلت ..
فتحت لي الباب سلمى وقالت لي .. طبعا انا محضرة ليك مفاجأة ماتتخيليها .. وح تشكريني عليها طول عمرك .. خشي شوفيها .. اها دخلت البيت .. وانا متشوقة للمفاجأة دي .. بديت اسلم على امها واخواتها الاتنين .. اتخيلو لقيت منو .. في بيت ناس سلمى .. اتخيلو معاي ... لقيت فوفو .. فوزية بي شحمها ولحمها .. ومعاها بتها ..

الى اللقاء ..