29-11-18, 12:19 AM
| #1061 | ||||
 
|  السلام عليكم مساء الفل والياسمين او صباح الفل الياسمين الصراحه الروايه روعه بداع واسلوبك كثير حلو وها نبدأ بسم الله سعود و وعد ثنائي كثير حلو في بدايه كرهة وعد من تصرفاتها مع سعود لي درجه تمنيت لو كانت جنبي عطيتها كف هههههه لكن الحمدالله مع الوقت غرقت في حب سعود وربي يتمم عليه يحفظهم وكمان يفكهم من شر هاجر وحقدها راكان ديما ربي يسعدهم ويخليهم لي بعض أن شاء ألله ماتتغير حياتهم من بعد ماينعرف الذئب أن هو أبو راكان وينعرف انو قاتل أبوها لديما نواف و لميس في البدايه كان تصرف لميس طفولي صم كان نواف هو السائق لكن قدر الله ماشاء فعل وربي قدر أن اخوها يموت في الحادث هلا لو كان اخوها هو السائق ومات نواف أكيد مارح تعمل هيك مع اخوها لكن الحمدالله في الآخر رجعو لي بعض وتزوجو رعد و جوري الله يحميهم أن شاء آلله وياريت جوري تحفظ على رعد وتسعدى رعد إنسان طيب وصبور الله يهنيهم مع بعض ويبعد عنهم كل شر مشعل هذا ان من أول ماتعرفة على شخصية حبيت كثير ربي يحفظ من عزام أن شاء ألله ويبعدا عن طريقه الذئب ماعندي ما نقول غير ربي يخلصنا منا ومن شر ريت طلع إنسان عند قلب وبحب اولاد هههههههههه عم يبعتلهم في المصروف وهلا بقدم فائق إحترامي وتقديري ليك وفي أنتظار المزيد والمزيد منك احلا تحية ليك | ||||
|  |
|
29-11-18, 07:37 PM
| #1062 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر 
| السلام عليكم ورحمة الله وبركاته اسعد الله مسائكم بكل خير الفصل على وصول دقائق واضيفه اعتذر عن تأخير نزول الفصل بوقته لكن رغم انشغالي حاولت اكتبه وانزله لكم اتمنى يحوز على إعجابكم وفيه شي بسيط صراحه أحبطت يوم دخلت وما لقيت حظور 😢😢 | ||||||||||||
|
| |
|
29-11-18, 07:42 PM
| #1063 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
|  ياللي احبه .. لا تبرر سكاتي ! اللي متضايق تعرفه من عيونه عمر الشعر ماكان ظمن امنياتي يوم ان غيري حلمهم يكتبونه عجزت آكون اللي ابي في حياتي وقدرت آكون الشاعر اللي يبونه ""الفصل التاسع عشر "" جاء بينزل الملف مكانه لكن جمدت حركته وهو يسمع صوت الباب ينفتح عض على شفاته بقوه واعتدل بوقفته روحه بهتت واطرافه بردت ركز بعيونه على سعود وتراجع للخلف طاح الملف منه بالارض والرجفه اعتلت جسمه ماكان يبي يصير معه كذا ماكان يبي يورط أحد معه يكفي الحزن الي هو غرقان فيه بدأت ذكرياته تمر عليه وكأنها آخر لحظاته ياكثر ما أعصابه انهارت وإحساسه انعدم عرف وايقن ان نهايته قربت ومصيره تحدد حسبه على هالدنيا القاسيه.. رفع سعود نظره لكن تفاجئ بوجود محمد داخل مكتبه مرر عيونه عليه بحركه سريعه وعقد حواجبه بحيره انتبه للملف الي يطيح منه ركز بنظراته عليه ولاحظ ارتباكه الواضح تقدم بخطوات بطيئه بعد ماقفل الباب وتكلم بإستغراب وهو يحرك يده : محمد وش عندك هنا غمض عيونه من وصل له صوت سعود يحاول يصبر نفسه ليش هالدنيا ظالمه معه ليش كل إلي يبيه ما يصير ليش حظه بهالعالم بليد فتح عيونه وهو يناظر سعود إلي واقف قباله همس ببحه :اسف ..اسف يا سعود احتدت نظرات سعود وكأنه فهم إلي يصير حوله شد على أسنانه وهو يهدي نفسه تقدم زود وانحنى رفع الملف وصار يقلبه بعصبيه :اشرح لي وش إلي قاعد يصير رفع محمد جواله بوجه سعود وهو يحرك شاشة اللمس على الصور وحده ورى الثانيه و تكلم بنبرة حزن :ادري اني خذلتك ادري ان ثقتك فيني كانت سراب بس... الجم لسانه البقس الي حس فيه على وجهه تراجع للخلف وطاح الجوال منه ... رمى سعود الملف على المكتب وابتعد عن محمد وصار يدور حول نفسه رفع يدينه مسح وجهه بصدمه باقي ماهو مصدق زفر بغضب ورفع نظره مره ثانيه لمحمد إلي مازال واقف مكانه صرخ ونظراته تشتعل نار :وش الي حدك هاااه ماهقيتها منك يامحمد ماهقيتها ااخ بس ليش خنتنا لييييييش سحب سلاحه بسرعه وتقدم منه ثبته على جبينه ونظراته كلها عتاب عض على شفاته وتكلم بصوت مقهور:من متى تشتغل معهم.. تكلم غمض عيونه وهو يبلع ريقه بطعم الدم من أثر البقس : من سنه ثبت سعود السلاح زود وعروق وجهه ظهرت وبصوت مكتوم :تدري وش ودي فيه بهالحظه افضي هالسلاح براسك .. صرخ بقهر وهو يحرك السلاح على رأس محمد :وش اسبابك ليش رحت طريقهم ليش خذلتنا...وصرت خاااين خلل يدينه بخصلات شعره متجاهل السلاح الي مثبت على جبينه وشد شعره بقوه حاس انه بدوامه وتدور فيه نزل يدينه و حاوط وجهه وقفل على أذانه بقوه إلى هنا وبس ماهو قادر يتحمل أكثر تعب بالحيل من عتبات الزمان نزلت دموعه بحراره وصار يتكلم بشكل مؤلم :ماخنت... لا تقول خاين .. انا اعرف كل شي عن الذيب واعرف كل تفاصيلهم بس ماحد موجعني الا امي إلي ماسكيني مع اليد إلي توجعني فيها....تفهم يعني كيف تكون امك بين الحياه والموت وتلجئ لاي أحد عشان يساعدك.. وياحسافة قلبي دخلت الطريق الخطاء مو لجل نفسي لا.. لجل امي ...سعود انا لي اسبابي بس تكفى لا تقول اني خاين انا بجيب الذيب من نفسي ماابي أحد يتورط معهم تفهم وش إلي اقوله وصرخ بغبنه وهو يرتجف : تفهم وش إلي احس فيه تفهم شعور انك تكون متمسك بأحد يحاول ينقذ روحك ومع هذا تموت كل لحظه لأنك بالطريق الغلط .. سعود امي وحيدتي بهالعالم بتروح من يديني ماكان عندي حل الا هذا ... مسح دموعه متجاهل غضب سعود والسلاح اللي ممكن انه يخترق رأسه باي لحظه ويريحه من عنا هالدنيا البأسه يبي يفرغ كل الي بقلبه من سنين ..كتمانه لمشاعر الخوف واليأس و الوحده اتعبه كمل كلامه وعيونه مثبتها بعيون سعود : ما يهمني لو ذبحتني بصفتي خاين إلي يهمني امي اتمنى ماتتركها ..وصيتي امي يا سعود... غمض عيونه وهو يسمع كلام محمد الي التمس فيه الصدق وخاصة انه يحكي عن امه يا الله الهمه هو بعد الصبر ووجهه للطريق الصح ... مايلومه لكن يلوم تصرفه الخاطئ مع هذا لازم يعاقبه سحب الأمان وتكلم ببرود :مايشفع لك كلامك ابد انت خاين تفهم وش معنى خاين ابتسم محمد بحزن :خذ روحي ثمن هالخيانه تراها لك فدا يا سعود بس لا تنسى وصيتي امي امانه عندك رفع سعود السلاح وقلبه بحركه سريعه ضرب محمد على فكه فيه وتراجع للخلف لف وانفاسه ترتفع وتنزل وهو ينزل سلاحه بمكانه وهمس ببرود قاتل : جيب الملف معك والحقني لازم اخذ واعطي معك بالكلام عن جميع التفاصيل بس مو هنا... توسعت عيونه ولانت ملامحه انرسمت شبه ابتسامه على شفاته رغم ألمه من ضربة سعود الا انه بطيبة قلبه هالانسان قدر يخفف عنه شوي ..ولو انه طاح بيدين شخص ثاني كان راح فيها خصوصا انه بمقر عمله ويعتبر خاين وعقابه كبير حرك يده على فكه وهو كاتم المه تنهد براحه وأخذ الملف عدل ملابسه وطلع خلف سعود إلي سبقه بخطوات سريعه... """""""""" قدر ياخذها على قد عقلها ويداريها وصار حبه يمشي على دربها يأمر وينهي على كيفه ويظهر لها العشق في سره وفي الظاهر.... لامر طيفه تضمه حيل بعيونها والاغرب انها تشوفه بكل مكان وهو غايب والدليل هالصينيه والعصير والورده إلي بين يدينها نزلتها على الطاوله وجلست قبالها وعيونها تمررها عليها بحب حركته هاذي زادت حبها واشواقها له اشتاقت له وهو ماله الا ساعات من غاب افتقدت نبرته إلي تحرك أحاسيسها وتشعل شموع الحب فيها رفعت الورده وقربتها من وجهها غمضت عيونها وريحتها تداعب خشمها ابعدتها عنها ونزلتها على الطاوله سحبت الكرت وركزت بنظراتها عليه وهي تقراه بهدوء :بـ أسم الأنانيه أريدكِ لي وحدي فـ أنا أحـبـكِ عدد.. مـا لا عد له ابتسمت بحزن :وانا بعد احبك واعرف انك اناني واول دليل إلي تخبيه عني يا سعود اااخ بس ياخوفي الخافي يوجعني ويوجعك .. نزلت الكرت ورفعت العصير ودقات قلبها تتسارع تتمنى يكون قبالها وتسأله عن الماضي إلي خافيه وليش يهرب منه من الصغر و منطوي ووحيد وليش الاغراب مثل هاجر يعرفونه وهي لا ...كلام هالانسانه معها فتح عيونها على أشياء كثيره قربت الكوب من شفاتها وصارت تشربه شوي شوي وقلبها ينبض بالحب ماراح تترك قطره وحده فيه بتثبت له حبها وتنتظره بشوق وتنثر له كل إلي بخاطرها .... مرت لحظات وسمعت طق الباب وصوت الخادمه تطلب منها تنزل لجدتها نزلت الكوب على الطاوله وهي تحس بثقل والم يقطع امعائها وغثيان بدا يداهمها.. دقات قلبها صارت سريعه وجسمها ينزل منه عرق بارد وقفت ومررت عيونها بتعب على الورده والكرت وكوب العصير إلي من شربته وهي ماهي طبيعيه وازنت وقفتها المترنحه وتعثرت بالطاوله طاحت بالارض وطاحت الصينيه وانكسر الكوب حاولت تقوم وهي ضاغطه على بطنها وقفت بتعب وعيونها على جوالها الي على السرير تبيه باي طريقه تحس انها تعبانه وماهي بخير ابد...حاولت توصل له لكن الدنيا دارت فيها رفعت يدها وثبتتها على صدرها تحاول تسحب أنفاسها لكن مافيه فايده أطرافها بردت وشفايفها مالت للون الأزرق طارت عيونها لفوق واختل توازنها طاحت بوسط الغرفه وهي تشد على بطنها بألم:آآه..آآه ...آااآء تكورت على بطنها متخذه وضعية الجنين تحس بطنها يتقطع من الألم وكأن سكاكين حاده تنغرس فيه بقسوه عضت على شفاتها بألم : ســــعــــود.... نطقت اسمه بثقل وبدات الأنوار تتلاشى من عيونها والظلام يحتل روحها المتألمه..... | ||||||||||||
|
| |
|
29-11-18, 07:45 PM
| #1064 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| طلعت من المطبخ وهي شايله صحون الحلا وابتسامتها على وجهها مازالت تتبوسم من غير سبب صوته رجعها للماضي صحيح انه أكثر رجوله الحين الا ان نبرته الحنونه مازالت نفسها بيجيب جنى لها ياحبها لهالبنت قلبها نبض لها يمكن لانها بنته لانها شبيهته ودها الوقت يمشي بسرعه حتى تجي وتدخل السرور لقلبها نزلت الصحون على الطاوله وهي تناظر الكل جمعتهم كانت بالنسبه لها فرحه كبيره رعد جالس على كتب طلابه يصحح واسامه حوله يكتب وجوري وريوف منسجمين مع بعض بالكلام همست بهدوء :كان ناقصنا الحلا وجبته ابتسمت ام رعد:تسلم يدينك تعالي حبيبتي اجلسي من اليوم وانتي مع ديما بالمطبخ جلست جنب جوري :لا ابد انتي تعرفين اني احب المطبخ مثل اختي الحبيبه ضحكت ام رعد :هههه معك حق شكلها وراثه حب هالمطبخ .. رفعت نظرها لجوري إلي ملاحظه انها ما مدت يدها اليوم على الاكل : جوري يمه خذي صحنك ترا اليوم مااكلتي حركت يدها بالنفي : لا ياخاله مالي نفس حتى الاكل مالي نفس فيه ام رعد بهدوء وكأنه طرى لها شي قربت من جوري وهمست لها :يمكن حامل يا بنتي نبضات قلبها زادت معقوله تكون حامل بهالفتره القصيره حتى لو كانت حامل ماراح يوضح الحين همست بخجل :لا ياخاله مااتوقع ابتسمت وريف وهي تراقب ملامح جوري :ليش ماتتوقعين ان شاء الله انك حامل ويجينا كتكوت صغير نزلت نظرها لحظنها ووجهها صار احمر فكرة انها تكون حامل حركت فيها احاسيس غريبه معقوله يجيها طفل ويدخل السرور لقلبها وقلب رعد رفعت نظرها ل رعد إلي جالس بعيد عنهم شوي و انتبهت له يبتسم ويغمز لها وكأنه يخبرها انه سمع حكيهم حست ان ودها تغوص بملابسها وتختفي وقفت وابتعدت عنهم بهدوء ابتسم من حركتها الخجوله بتجننه والله هالبنت اشر بيده على الكتاب :اسامه اكتب هنا وانا شوي وجاييك وقف وقرب من امه ووريف اخذ صحن حلا : الحين عاجبكم الوضع خليتوا البنت تضيع من الحياء ضحكت ام رعد وتكلمت بحنان :فديتها روح وانا امك وراها ومن الحين اقولك شكل زوجتك حامل رفع حاجبه بتسأل :معقوله يمه تكون حامل حركت رأسها بسعاده:ليش لا ، ، ، حس من نبرة امه انها تبي هالشي حتى هو يبيه ابتسم بهدوء وتوجه لغرفته لو صدق طلعت حامل بيكون اسعد انسان بهالدنيا طلع الدرج بخطوات سريعه تقدم من غرفته ودخل بهدوء شافها واقفه قبال التسريحه زاد بخطواته ووقف وراها نزل صحن الحلا على التسريحه وحاوطها مع خصرها سند ذقنه على كتفها وهمس بحب :وش فيها الحلوه راحت بسرعه من دون ماتحلي بلعت ريقها وقلبها يدق بسرعه تكلمت بصوت خافت :رعد مالي نفس تكلم بحنان :وليش مالك نفس همست بإرتباك :ماادري رعد بتسأل :وليش ماتدرين همست جوري بخوف :لاني خايفه حرك راسه :خايفه من ايش حبي نزلت نظرها لبطنها :خايفه اكون صدق حامل وانت ماتتقبل هالحقيقه عقد حواجبه وتكلم بإستغراب :وليش مااتقبلها بالعكس هاليوم بيكون احلى يوم بحياتي يجينا طفل يربطنا زود ببعض انتي وش تقولين جوري ماتوقعت تفكيرك يوصل لهالحد ارتجفت شفاتها وعيونها امتلت دموع :اسفه رعد بس والله خايفه شد على خصرها ونزل يدينه يلمس بطنها :لو طلع هنا نونو تعرفين وش بيصير فيني همست بنبره باكيه :وش ابتسم من نبرتها :بحبك زود وزود تفهمين ياجوري حركت رأسها وهي تمسح دموعها :افهم والله افهم انك انسان مافيه منك افهم انك سحبتني من عالم الظلام للنور رعد انا احبك فوق ماتتصور.. انفتح الباب لفوا اثنينهم لجهته ابتعد رعد عن جوري بسرعه وكتف يدينه وهو يناظر اسامه إلي دخل وكتابه بيده :اسامه ميل اسامه رأسه ببتسامه طفوليه وهو يرفع كتابه : قلت بتجي وماجيت قلت انا اجيك مسح رعد على وجهه من رد هالطفل وتكلم ببتسامه : طيب يا حلو المفروض كان لازم تطق الباب صح هز رأسه ببراءه :صح بس نسيت حرك إصبعه بالنفي :المره الجايه لاتنسى هز اسامه رأسه بالإيجاب:طيب قرب منه رعد وأخذ كتابه : بشوفه حبيبي وواثق انك حال صح بس قبل ابيك تنزل للمجلس وتجلس لي بين اثنين هناك اوكيه حرك أسامه رأسه بضحكه :قصدك ديما وراكان ابتسم رعد :عليك نور ضربه على ظهره بخفه :يلا شوف شغلك معهم يابطل ضحك اسامه بطفوله :هههههه ابشر وطلع ركض ضحك رعد وهو يعتدل بوقفته :هههههه صرفته نرجع لحكينا حركت رأسها وهي تضحك بخفه على تصريفته :حرام عليك تقدم منها وهمس بحب:ومو حرام يقطع لحظاتنا الحلوه خليه يذوق راكان شوي من الظهر وهو مسنتر عندنا حرك يده ببتسامه :عيدي وش كنتي تقولين مسحت بقايا دموعها وجهها صار احمر همست بهدوء:كنت اقول اني ..اني قرب منها حتى صار واقف قبالها تكلم بنبره هاديه : انك أيش ركزت بعيونها في عيون رعد الي لملم شتات مشاعرها واحتفظ فيها بقلبه رغم كل الثغرات الي كانت موجوده بحياتها همست بصوت خافت :اني احبك يارعد أحبك فوق ماتتصور ابتسم وسحب صحن الحلا رفع الملعقه لفمها : وانتي بحياتي كل شي مااعيش من دونك ابد احس قلبي فيك حي وكل يوم حبك بي يزيد ماحبت ترده مع ان مالها نفس فتحت فمها واكلت بهدوء :خلاص رعد يكفي والله ماابي نزل الصحن على التسريحه ورفع يده مرر اصبعه الإبهام وصار يمسح بقايا الحلا الي عالقه على شفاتها بحب ..استوطنت قلبه بسهوله ودخلت لأعماقه سطر حروفها في أوراق حياتـه وكتب إسمها في كل كتاباته خلاها عنوان رئيسي يشكل كل مواضيع ذاته ... """"""""""""" اذا عانى وزاد عليه الألم ما يعني انه ماهو عايش ولايعني توقفت الحياه الصعاب دوم تخلق القلب القوي ..واذا طاح مو شرط انه يقوم بسرعه واذا تعثر بخطواته فيه من يساعده على توازنه ومحد غيرها قدر ينتشله من يأس الحياه حرك يده على شعرها وباس خدها بحنان:خليك عاقله بابا ولا تشتغل اللقافه عندك طيب جنو هزت رأسها ببتسامة رضا وهي تحرك يدينها بسعاده:شكرا بابا ابتسم تركي وهو يعتدل بوقفته:عفوا ياقلب بابا يلا روحي ومثل مااتفقنا لاتزعجين صديقتك ضحكت جنى بخفه : ههههه لوفي ماتنزعج مني توسعت ابتسامته :طيب يلا روحي اكيد تنتظرك لوفي ابتعدت وهي تركض والسعاده واضحه عليها تبعتها عيونه لحتى دخلت رجع وقف قبال سيارته واسند نفسه عليها طلع جواله وفتح على رقمها بتردد حفظه بأسم لوفي وهو يبتسم من دون سبب رجعت فيه ذاكرته لأيام الطفوله إلي جمعته معها ومع نواف وريان ولميس كانت ايام جميله جدا .....الا ليت الزمن يرجع ويرجع وقتهم الأول ويلعبون في بساطه ...زمان فيه صدق شعور يحبون ويخلصون النيه وتجمعهم محبتهم ياليت بس لو يرجع ويسترجع طفولتهم صغار قلوبهم بيضاء يعيشون في عالم محصور ولكن دارت الايام وبان الخافي والمستور وصار الهم متعلق على قمة سعادتهم كبروا وصارت الدنيا تصف احزانها بالدور وتهديهم الألم والهم غصب عن رغبتهم تعبوا من بلاويهم أحد ضايق واحد مقهور وكلن غارق بهمه وبالاخر تشتتوا.. """""""""""" بكوفي هادي جدا حتى زواره قليل يشرب من كوب القهوه إلي بيده عسى انه يخفف عليه من الهم الكبير إلي طاح فجاءه على رأسه وكأنه ناقص هموم نزل كوب القهوه على الطاوله و سند يده تحت ذقنه وعيونه تراقب محمد إلي يتكلم بكل التفاصيل الي جمعته مع الذيب :يعني افهم انك معروف عندهم بأسم سيف هز رأسه بحزن :ايه اسم مستعار و للحين الذيب مايعرف اني على صله فيك يتوقع اني اجيب له الاخبار من بعيد ابتسم سعود :حلو لازم تكمل على هالمنوال انت سيف وتشتغل مع الذيب لازم نجره شوي شوي حتى يطيح بين يدينا بلع محمد ريقه:بس هو شاك فيني حرك سعود رأسه بالنفي :حاول تكسب ثقته تنهد بهم وعيونه على سعود وكلها نظرات امتنان: بحاول مع اني اعرف انه داهيه سكت لحظات ورجع تكلم بهمس :سعود ماادري وشلون اشكرك تكلم سعود بضحكه:على البقس والا ضربة السلاح ضحك محمد رغم أحزانه إلي تختلج صدره:ههههه ماراح انساها فكي احس انه بيطيح من مكانه بس تعرف كنت محتاج لهالضربه ... ابتسم وهو يشرب من كوبه وينزله :تبي زود ماعندي مشكله اسحبك الحين برا وامردغك إلين تقول امين ضحك محمد وهو ياشر بيده :هههههه لا ..والي يرحم والديك مافيني اتمردغ زود يكفي أن وجهي مورم ... ابتسم سعود بهدوء وهو يوقف ويمد يده لمحمد صافحه محمد بهدوء :جميلك يا سعود ماادري شلون ارده لكن بحط يدي بيدك ونشتغل مع بعض هز رأسه بهدوء وعيونه على محمد حس انه انسان الهموم اتعبته مثله تماما طيبة قلب هالولد مستحيل يتركها تتدنس بأفعال الذيب بيحط يده بيد محمد ويضمها لراكان ويهزمون الشر ويخلصون البشر من الذيب وامثاله همس بنبره هاديه :اتطلع للعمل معك يا محمد ، ، صوت الفلاش يتتابع ورى بعض من بعيد والصور تنحفظ وحده ورى الثانيه شكوكه كانت في محلها هذا هو مع سعود يضحك ويسولف خيانته مستحيل تمر عليه وعلى الذيب ياويله ..منه ومن الوحش الكاسر ابتسم بخبث وهو يحدد الصور ويرسلها للذيب يترقب عقابه لسيف بفرحه ...الحين صدق بتثور نيران الذيب عليه وتحرقه بقسوه ضحك بصوت خافت :خل كلامك ينفعك ياسيف والله الذيب لو عرف بتتحول لرماد يتطاير بالهواء ... انسحب هادي بهدوء متوجه لسيارته خلاص وثق خيانة سيف ومعاد له اهميه يبقى وراه عقابه بيجيه لعنده .... | ||||||||||||
|
| |
|
29-11-18, 07:50 PM
| #1065 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| ترددت صوت ضحكاتها بالمكان وتعتليها نوع من السخريه سحبت السيجاره من فمها ونفثتها ببرود وعيونها على جاك والذيب :دكتور جاك الآن الذيب لا يستطيع أن يمشي مثل السابق أليس كذلك هز رأسه جاك وهو يعتدل بوقفته ويناظرها :للأسف الطلقه أثرت على عظم الساق قد يحتاج إلى وقت طويل حتى يعاود المشي بشكل مستقيم كما سبق ... جلس الذيب وهو يعدل تشيرته وينزل من سرير الكشف سحب عصاته وارتكى عليها وعيونه يمررها ما بين جاك وهاذيك المستفزه :جاك انتهى عملك تستطيع المغادره واشر على زوجته:وانتي تعالي هنا رمت السيجاره بالارض وداست عليها اعتدلت بوقفتها وصارت تمشي وهي تتمايل بدلع و تحاول تغريه بجسمها الممشوق وملامحها الحاده وقفت قباله رفعت يدها حركتها على صدره ورفعتها بسرعه لذقنه تتلمسه وابتسمت :شخصت حالتك من قبل والله وعرف وشلون سعود يسبب لك عاقه يالذيب ابتسم بخبث وعيونه عليها نزل وجهه بشعرها وانحنى زود وهو يشمه :مشكلتك معي انك مغريه يعنى لو ماكنتي بهالحلاوه ياهاجر كان ذبحتك من زمن ضحكت هاجر بسخريه :هههههههه الحين انا لك مؤقت حتى تنفذ وعدك لي ابتسم وهو يبتعد عنها ويغمز لها :اكيد على الوعد بس قبل كل شي هاتي الأخبار .. كتفت يدينها وهي راسمه ابتسامه خبيثه على شفاتها : طلعت زوجته ماهي هينه بس لاتخاف حطيت لها سم بالعصير ضحكت بصخب :ههههههه يعني بنكسره فيها وبعدها اجي انا واحتل الصداره ضحك الذيب بصوت عالي :هههههههه وتتوقعين بيتقبلك هزت كتوفها :ليش لا حرك يده على ذقنه وهو يفكر :سوي إلي تبينه اهم شي اشوف انكساره واشوفه منهار وانا الذيب وقد كلامي بخليه ينسانا وينسى اليوم إلي عرف بوجودنا ابتسمت وهي تحاوط رقبته وتميل رأسها بدلع :اتركنا منه الحين ابتسم وعيونه عليها يتفحصها انحنى لها لكن وقفه صوت جواله ابعد يدينها عن رقبته وسحب جواله بسرعه انتبه للرسايل إلي وصلته من هادي فتحها ومرر عيونه المتوسعه بغضب على الصور عض على شفاته وملامحه تبدلت انشدت عروقه وثارت براكينه وطلع مع هادي حق سيف خاين ومع مين خانه مع سعود رفع نظره ل هاجر وهو شاد على أسنانه بقهر :يلعبها علي والله لاادفعه الثمن غالي عقدت حواجبها وتكلمت بتسأل :مين إلي قلب مزاجك لهدرجه تكلم وانفاسه متسارعه والغضب واصل حده يمكن لو انه واقف قباله الحين كان ذبحه وشرب من دمه ومايشفي غليله.. بس هو يعرف نقطة ضعفه اذا ماخلاه يمشي ويصفق بالشوارع والجنون راكبه ما يكون الذيب همس بنبرته المعتاده :اسمعي نفذي إلي بقولك عليه والحين ماابي اي تأخير خلصي المهمه وارجعي مكان ما كنتي ولأحد يحس عليك فاهمه حركت رأسها بالإيجاب والابتسامه تعلو ثغرها :هات إلي عندك كلي أذان صاغيه ابتسم ببرود وصار يتكلم:.......... """""""""""""" الكلمات الصادقه ماتحكى لكن نحس فيها بدون ماتنطق والمشاعر الصادقه ماتحتاج وصف لانها تظهر على ملامح العشاق بدون سابق إنذار همس وعيونه عليها :تسلم يدينك حبيبتي نفسك بالطبخ جنان همست بخجل :بالعافيه على قلبك ابتسم من نبرة صوتها الي لخبطت كيانه :طيب قلبي الحين جاي عندك عشان تجلسين بعيد عني تعالي عندي هنا وهو ياشر على الكنبه :والله ماراح اكلك نزلت عيونها بخجل وتكلمت بصوت ناعم :راكان انا كذا مرتاحه كتف يدينه وحط رجل على رجل :وانا مو مرتاح رفعت نظرها له بسرعه :زعلت اعتدل بجلسته ووقف وهو يتصنع الزعل :اذا ماتبيني اجي قوليها ووفري علي الجيه وقفت ووجها صار احمر حست انها بتبكي من نبرته واضح انه زعل اهتزت شفاتها ببراءه :بتروح هز رأسه وهو يحاول يمسك نفسه وماتفضحه ابتسامته على شكلها الطفولي : وش رايك قربت منه وعيونها عليه شبكت يدينها ببعض وصارت تحركها بتوتر :أسفه والله ماكنت ابي ازعلك رفعت نظرها له ودموعها أعلنت النزول على خدها الوردي:لا تروح وانت زعلان هذاني جيت وبجلس جنبك ماقدر يمسك نفسه أكثر توسعت ابتسامته وصار يضحك وهو يحرك إصبعه على جبينها ويضرب عليه بحركه خفيفه :هالحين من جدك وجهي وجه زعل ..ازعل من الناس كلهم الا انتي يا ام دميعه.. حركت رأسها بالنفي وهي تمسح دموعها :ماني ام دميعه بس ماادري شلون قدامك دموعي ماقدرت امسكها ضحك بخفه وهو يمسك يدها :تدللي علي ونزليها بس ابيها دموع فرح مو حزن همست بحيا :الله لايجيب الحزن جلس راكان وهي جنبه :امين ظل لحظات ساكت وتكلم بتردد:تعرفين ياديما عندي شي ودي اعطيك ومااعطيك صراحه احسه صار جزء مني ابتسمت وهي تناظره بنظرات إستغراب : ما فهمت كلامك تنهد وهو يدخل يده بجيبه ويطلع السواره شد عليها وهو حاس انه طلع قلبه من مكانه رفعها لفوق وتكلم ببتسامه حلوه: هاذي احتلت مكانه بقلبي مثل صاحبتها توسعت عيونها وهي تشوف سوارتها بيده ماتدري وشلون صارت معه وكيف همست بفرحه :راكان هاذي سوارتي ضحك بهدوء :ايه سوارتك اللي شلعت قلبي من مكانه وكنت بموت عشانها ابتسمت وعيونها مليانه دموع قربت منه وباست خده بسرعه سحبت السواره وضمتها لصدرها :ما تعرف وش كثر غاليه علي هالسواره كانت هديه من ابوي الله يرحمه حزنت كثير اني فقدتها تقطع قلبي لاني فرطت فيها لكن هاذي هي موجوده ومعك رفعت نظرها لراكان وتكلمت بنبره جميله :شكرا راكان لأنك احتفظت فيها وماضيعتها رديت لي روحي ابتسم بهدوء وهو يمرر يده على خده مكان بوستها يشوف فيها عالم يخليه يتنفس براحه : ماكنت اتوقع انها غاليه عليك لهدرجه ..بس ابي منك طلب ممكن تكلمت بسعاده تغمر قلبها :لك عيوني لو تبي توسعت ابتسامته :تسلم لي عيونك يالغلا بس الي ابيه السواره احتفظ فيها ليوم الزواج صراحه احس انها جزء مني ومااقدر ابعدها عني وكلها شهر وارجعها لك اوكي نبضات قلبها معه متخربطه اصلا هو بذاته لخبطها فوق تحت سحبت يده ونزلت السواره فيها همست بهدوء:اهم شي تكون محفوظه مااقدر اردك يا راكان انتظر اليوم إلي تلبسني فيها بفارغ الصبر قفل بيده على السواره وقرب منها زود غمضت عيونها وكانها تنتظره يبوسها لكن انفتح الباب وارتبكوا اثنينهم رفع راكان نظره لاسامه الي دخل ورفع حاجبه : هذا وقته ضحكت ديما بخفه وهي توقف ابتعدت عن راكان وقربت من اسامه :اسومي وش عندك حبيبي حرك أسامه حواجبه بطريقه تضحك:رعد قال لي روح اجلس بين الاثنين إلي بالمجلس ابتسم راكان ووقف تقدم من اسامه حتى صار واقف قباله حرك يده على شعره وبعثره :اجل قلت لي رعد دواه عندي النذل نزل له زود ومد له مية ريال همس له بإذنه واسامه يحرك رأسه ببتسامه طفوليه ابتعد عنه راكان وتكلم بضحكه :تنفذ إلي قلت لك عليه اليوم اتفقنا يا بطل حرك رأسه اسامه وهو يحط يده على خشمه : على هالخشم اتفقنا ابتسم راكان :اجل تيسر الحين ولاتنسى إلي قلت لك عليه طلع اسامه وهو فرحان بالفلوس كتفت ديما يدينها وهي رافعه حاجب وتناظر راكان بتسأل :وش قلت له لف لها راكان وغمز لها بحب :سر بيني وبينه اشر لها تقرب :تعالي انتي بعد بقولك سر قربت منه وبدأ صوته الهادي يهمس بإذنها ابتسمت بحب والحراره غزت جسمها يازين هالاحساس الي صادفت فيه انسان يفوق حد الروعه والأدراك واجبرها تحبه وتعشقه بفتره وجيزه... """"""""""" تاهت الخطوة على الدرب البعيد والمشاعر همها ذاك السؤال هو صحيح اللي مضى يرجـع يعيــد وترجع أيام المحبه والوصال ..ولوصحيح الحب به عبد وسيد انت سيدي وانت عمي والخوال....دخل البيت بهدوء وهو يمرر عيونه على ساعته الشمس غابت وتأخر حيل على وعد اكيد انها تحاتيه وهو اللي قايل لها ماراح يتأخر رفع جواله يتفقد اي اتصال منها أو رساله لكن استغرب انه ماوصله اي شي منها هز كتوفه بحيره يمكن زعلانه والا عتبانه بس هو يعرف كيف يراضيها انرسمت على وجهه ابتسامه هاديه شد بيده على كيس الهدايا الي جايبه لها وزاد بخطواته للدرج طلع اول درجتين لكن وقفه صوت يبعث بنفسه الراحه .. :كذا يا سعود تمر ولا تقول عندي جده امر واتطمن عليها لف لها وابتسم رجع نزل الدرجتين إلي طلعها وقف قبالها وعيونه تناظرها بحب انحنى وباس رأسها تكلم بنبره هاديه :اعذريني يايمه مقصر معك هاليومين سندت ذقنها على عصاتها :هييه كلن مقصر معي هالايام وصرت منسيه ابتسم بهدوء عارف انها تعاتبه بكلامها :افا انتي هنا في القلب ياغلاتي حتى لوقصرنا ابتسمت وزادت تجاعيد وجهها :ايه اضحك علي بكم كلمه شكلك تعلمت الكلام المعسول وعرفت وعد شلون تجرك على وجهك ياولد ضحك من جابت طاري وعد وقلبه قام ينبض :ههههه شفتي شلون بنت ولدك جننتي يا يمه ما توقعت ابد اتغير توسعت ابتسامتها زود صحيح تغير وجه صار مشرق وملامح الحزن اختفت رغم انه مازال شوي منطوي لكن بدأ يشرق للعالم وتشوف حياته النور حتى هي ماتوقعت يطلع ابد من أزمته امتلت عيونها دموع الفرح هذا هو واقف قبالها وجهه منور والسعاده خطت بتفاصيله :ياجعل السعاده دربك يا يمه ازعل من الكون كله ولا ازعل عليك سحب يدها وباسها :فديتك ياكل دنيتي ..تامرين على شي ضحكت بخفه : اشوفك مستعجل هز كتوفه بضحكه :لاتلوميني لومي اللي خذت قلبي زفرت براحه :روح الله يكتب لك الخير بكل خطوه ابتعد عن جدته ولف طلع بخطوات سريعه.. معها حق صحيح حيل مستعجل لشوفتها مابعد شبع من همستها ونبرتها الحانيه إلي عزفت على قلبه الطمائنينه والراحه وقف قبال الباب اخذ نفس وهو شاد على الكيس اخيرا جاء وقته كان ينتظر اللحظه إلي يهديها اياه ابتسم بهدوء ونبضات قلبه تزيد فتح الباب وعيونه متلهفه لها .... لكن جمد مكانه مذهول رمش بعدم إيستيعاب وتوسعت عيونه من شافها طايحه بالأرض والزجاج حولها منتشر تقدم بخطوات مهزوزه جلس قبالها على ركبه وارتعد جسمه شعرها منثور على وجهها وغرقان عرق رغم برودة الجو الخوف الجم لسانه وقلبه ذاب بمكانه وش إلي صابها وليش غايبه عن الوعي حرك يده برجفه وأبعد شعرها عن وجهها انتبه لشحوبه الواضح وزاد خوفه همس بنبره مرتجفه وصار يضرب على وجهها بخفه : وعد .. وعد قلبي تسمعيني مافيه منها اي رد ...انتبه ليدها إلي شاده على بطنها حرك يده بخوف ونزلها على بطنها :وش يوجعك بطنك بلع ريقه وتكلم برجفه :يا بنت تحسين فيني وعد تكفين افتحي عيونك وريحي قلبي جن جنونه ليش ماترد عليه ليش هي بهالشكل ياخوفه تنعاد عليه مسارات الهموم والأحزان نزل كابه ورماه بالارض مسح على وجهه وشعره يحاول يصبر نفسه ويوازن ذاته ماينفعه التفكير بهالحظه لازم يأخذها للمستشفى وقف يدور عبايتها دخل غرفة الملابس وطاحت عيونه عليها سحبها وطلع رماها عليها بسرعه وشالها بخفه سمع صوت آهات خفيفه تصدر منها شدها لصدره وقلبه يذوب بمكانه من الخوف :تحملي تحملي يا قلبي بسيطه نزل ركض وكأن الجنون ركبه كيف لا وحبيبته شكلها يقطع القلب ظن انها زعلانه ومادقت أثر الله العالم بحالها زاد بخطواته متجاهل تسأولات جدته ما يشوف شي قباله إلي يهمه وعد إلي بين يدينه بلا حراك وصل لسيارته فتح الباب الامامي انحنى ونزلها قدام نزل المقعد لور ومسح على وجهها ورجع شعرها عنها :انتي بخير..بخير ياعمري اعتدل بوقفته ومسح على وجهه بخوف :يا الله رحمتك ياالله ارحم حالي وحالها ... قفل الباب وبسرعه توجه لمكان السائق ركب وحرك بسرعه جنونيه وكل التسألات تمر على باله ولالقى لها جواب الرعب ملاء قلبه والبرد نخر عظامه يبي يلتمس الدفا لكن ماله درب و وعد بهالحاله يحس انه متشرد والأسى والألم احتله حرك يده وعيونه على الطريق سحب يدها وشد عليها :شويات ونوصل المستشفى شويات بس مايدري ليش الخوف تملكه بهالطريقه شفاتها المايله للازرق ووجهها الشاحب ويدينها الملفوفه على بطنها تدل على ألمها ..زادت اثقاله على قلبه ياويل حاله لو يصيبها شي سواد الهموم الموحش القاتل الجبار توالى عليه وارهقه بالحيل ... | ||||||||||||
|
| |
|
29-11-18, 07:51 PM
| #1066 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| وقفت السياره بمكان مشبوه ويثير التسالات للحظات حس بتوتر بس هو مو طفل حتى يخاف رفع نظره ل عزام إلي يناظره بنظرات غريبه بلع ريقه وابتسم :هالحين ماخذ فينا دوره بالدمام كلها وجايبنا هنا ابتسم عزام بهدوء :عاد وش اسوي فيك انت قررت تركب معي وهذا أنا جبتك هنا مكان الوناسه ابتسم مشعل مجامله له :عزام لاتخليني اندم اني طلعت معك تعرف انك صرت خويي من صدفه فلا تخلي صداقتنا تخرب ضحك عزام وهو يفتح الباب :ههههه احلى صداقه والله.. الحين تخرب بس لاني جبتك هنا ..اقول انزل بس والله ماتندم بتستانس كثير وتنسى همومك ياخي تنهد مشعل بهم من جاب طاري الهموم من متى وهو يحمل هم من متى وهو يكبر المواضيع ويصغرها الحياة بالنسبه له عاديه وروتينيه وكلها وناسه وضحك واستهبال إلى هذا اليوم وبعد هذاك الحلم إلي شافه غزاه الهم وبدأ الحزن يدخل قلبه بالتدرج غمض عيونه وصورة امه واقفه وأصبعها يقطر منه الدم ارعبه فتح عيونه بسرعه على صوت عزام إلي يحثه على النزول تكلم بجمود :بنزل وامري لله نزل وصار يتبع عزام بخطوات هاديه وده يرجع بهالخطوات لورى ما يدري ليش قلبه مو متطمن حرك رأسه بالنفي ما يصير يفكر بهالطريقه عزام انسان زين والكل يشهد له بالجامعه يعني ماله داعي الخوف ابتسم وهو يجاري عزام بخطواته:ماقلت لي كلمت ماهر عزام بكذب :ارسلت له بالواتس بس مارد يمكن مشغول هز رأسه مشعل ببتسامه:حتى انا دقيت عليه وما رد واضح انه طالع مع أهله والا مشغول رد له الابتسامه وهو يدخل الاستراحه وعيونه على مشعل هذا هو نجح وقدر يجيبه لهالمكان وشوي شوي حتى يوصل لمبتغاه .... """""""""" تمشي بهدوء وثقه بأسياب المستشفى تدور رقم الغرفه إلي هي فيها انتصاراتها توالت ورى بعض و قلبها يرقص بفرحه غامره قدرت بسهوله تاخذ حق الكف والحين جاء دور مهمتها الجديده لازم تنفذها بحذافيرها انرسمت ابتسامه خبيثه على شفاتها وعيونها تلمع بشر استقرت عيونها على غرفة ٣١٢ دخلت يدها بجيوب البالطو الابيض وزادت بخطواتها جهتها دخلت بهدوء بعد ماتأكدت من خلو المكان حركت رأسها بحزن مصطنع وتكلمت بخبث:يا حرام بتودعين هالدنيا حسافه بس أطلقت ضحكات بصوت خافت تقدمت زود منها وعيونها تراقب سكون جسمها الذابل رفعت يدها ل السيروم تعدل سرعة تدفقه وسحبت الابره من جيب البالطو رفعتها لفوق وعيونها تلمع بحقد توسعت ابتسامتها وهي ....... ، ، ، انـتـهــــى الـفـصــــل اتمـنى- ينال… على' اعـــــجـابـكــم} والـقـادم< اجــمـــل: باذن الـله* اراكــم؛ تهمــــــنــــيـʼ وتـعـليقاتكــــم؟ بعـد\ اتـمنى› لكم‘ قراءة¨ مـمـتعة و< انـــتـظر« تـعـلـيـقاتـــــكم' بشـوق تحـيـااااااتـــي› عـيـون الــــريم ^_^* | ||||||||||||
|
| |
|
29-11-18, 07:54 PM
| #1067 | |||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| اقتباس:
الله يسلمك ويسعد لي كل اوقاتك حبيبتي وانا بعد انتظر حظورك بفارغ الصبر 🌹😘 | |||||||||||||
|
| |
|
29-11-18, 07:55 PM
| #1068 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| رودينا ♡عشق الياسمين لي عوده للرد على تعليقاتكم الله يسعدكم يارب 😍😍🌹🌹 | ||||||||||||
|
| |
|
29-11-18, 07:59 PM
| #1069 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| قراءه ممتعه والتمسوا لي العذر اذا تواجدت أخطاء إملائيه لاني ماراجعت الفصل تحياتي لكل قرائي الغوالي 🌹🌹🌹 | ||||||||||||
|
| |
|
29-11-18, 11:33 PM
| #1070 | ||||||||
| نجم روايتي 
| يسعد مساك يالغلا الصراحة بارت نار ابتداء من تسمم وعد ل محاولة موت أم محمد نبدأ بسم الله مثل متوقعت دخول سعود على محمد ومحاولة قتله لكن أكيد حب يستفيد من تقرب سيف ل الذيب ستأتي بنتائج رائعة لكن لا تخلو من المخاطرة وخصوصاً وجود ثعلب ماكر مثل هادي غاليتي اما ان الأوان للتخلص من هادي الصراحة وجوده مضايقتي وحارق أعصابي هاجر جعل يدك الكسر وأشوف فيكِ يوم لان عن جد حرقت قلبي دخولها على أم محمد ومحاولة قتلها لم تتم اعتقد سيتم انقاذها باللحظة الأخيرة مثلاً دخول محمد أو سعود وتوقعي طلع صحيح هي زوجة النذل الذيب لكن أتوقع ستنكشف الأوراق قريباً ويأخذ كل ذي حق حقة وعد وسعود المسكينه يا فرحة متمت خذها الغراب هاجر وطار ياترى يلحق سعود لإنقاذ وعد رعد والجوري ربي يفرح قلبكم ويتمم لكم على خير يارب ديما وراكان ربي يسترها معاكم ويبعد عنكم ظلام واتباعه مشعل دخول عزام ل حياته تكبر غلط واعتقد اخذه لهذا المكان لغايه في نفسه ياترى ماذا يخبأ لهم القدر لوفي أتوقع قصص الماضي بدأت بالظهور لكن هالنوع على يد جنووووو غاليتي دمتِ بود بأنتظار القادم | ||||||||
|
| |
 |
| أدوات الموضوع | |
| انواع عرض الموضوع | |
|
|
29Likes
العرض العادي
