11-05-17, 05:03 PM
| #521 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر 
|  يلاااااا يابنات اليوم انا المتحمسه دقايق ويكون الفصل بين يديكم قراءه ممتعه عزيزاتي ❤❤❤ | ||||||||||||
|  |
|
11-05-17, 05:09 PM
| #522 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| عيـونك آخر آمالي وليلي اطول من اليم كيف ألقى كلامٍ عذب يوصف دافي احساســـــي عشقتك قــبل ما اشوفك وشفتك صرت كلي حلم ابـي رمشك يـغطيني وابيــك اقرب من انفاسي يهمك تـعرفي انك قتلتــــي في سنيني الهم قتلني ضحكك وجدك قتلني ليـــــنك القاسي رميت اقداري في دربك وصرتــي في عروقي الدم احبك كثر ماسالت دموع وما نسى ناســــي يجول الحزن في ضلوعي بردت وذاب فيني الـــعظم و يا كثر الحـطب حولي وعــندك انكسر فاسي سألـتك بالذي زانك تحبي فيني حتى الــــظلم تــحبي عيوبي وغدري تحـــــبي المر في كـــــاسي انا من كـثر ما احبـك ابـــــيـك كثر رمل اليم وابيك فوق الناس وابي ماينحني راسي (الامير خالد الفيصل) """الفصـل السابع """ القهر يلعب فـــــيه لعبة النرد فنان متجاهل حرمة لــعبها بذاته يـــلجـم لســانه البوح ياحظرة انسان شرهة عدو وألتفاتت شماتـــــه تخـــــلد حبال الصوت في كف كتمان مقطوعة بــــالحيل نبـــــرة غناتـــــه الشكوى لله لااكتفى دمعه أحزان حين انتهـــــاكة ضعف وش سواتــه ووش ألـي يرده الحين وفي هالوقت ياويل حاله خلاص كل شي طاح براسه بسبب صدفه وين قلب وعـــقل ابوها لحتى يرمي بنته عــليـــه هالرميه وهي بهالــحاله شد على يــده بقهر يعني مـــجرد انه شافـهــا صارت زوجته بس كلــه كوم وكلام ابو اسامه لـــــه مـــــن دقايق كـــــوم غمض عيونــه ورجعت فيه ذكراته لقبل دقايق . . . . . طلع ابو اسامــه من غرفة جوري بعد ما أخذ بصمـــــتها من غير لا تحــس ولاتشعر وبكذا صارت زوجـــــة رعد رســــمي وعلى سنة الله ورسوله مـــد الكتاب للشـــــيخ :وهذاني أخذت بصــــمة البنت ابتسم الــــشيخ وهو يأخذ الكتاب مـــــن أبو أسامه :اجل بكذا تم الـــــزواج الف مـــبروك الله يــجعل أيامـهـم الجايه كلها ســعاده هز رأسه أبو أسامه ووجــــه نـــظره ل رعد تكلم بهـــــمس :مـبروك يارعد رفـــــع رعد نظره له وناظر له بــــنظرات عتاب حــــرك رأسه بالنـــفي :هذا اختيارك وبإرادتك بس مهما كان بحــافظ على الامانه وبـــكون قدها ياعمي نزل رأسه أبو أســامه ماهو قادر حتى يحـط عينه بعـــــين رعد يدري أن الـــي صار من دقايق خطأ بخطأ ياتــرا وش بيصير لاعرف انه هـو القاتل ومزوجه ببنته تــرك الشيخ يبتعد عنهم وتكلم بهدوء وبنبره غريـبه وكلـــــها الغاز :رعد ابـــــيك تسمعني زين حرك رعد رأسه بالايجاب بمعنى كمل كــــمل أبو أسامه وهو منزل رأسه :هاذي بنتي بين يدينـــك لاتحـــــسب إني رميتهـا عليك لأنك بس شفتها لا يارعد لا ... بس الي ماتعــرفه يهد جبال بنــتي لك كتعويض عن كل شـــــي من الي راح يمكن تـكون هـــي ضـــــحـــيه وانـــــت ضحيه بس كل الـــي أتمناه انكم تـعيـــشون بسعـــاده وتنسون انـــــسان اسمـــــه رياض لا انت ولا هي من اليوم انا ميت ..ميت بعيون الكل حرك رعد شفايفه يبي يـــــتكلم لكـــــن وقفه أبو أسامه وهو يأشر بيده :لا تتكلم ولا تنطق بأي حرف حاول تكسب جوري تراها صبوره حساسه بنتي وأعــــرفــــها... اه صدري ملتهب نيران ولهبها يلـــتهم كل ذاتي اسمـــعني انا بـــروح بـس الــي ابيه انك تخبر جـوري أن ابوها اختفى وتــركها ابيهــا تكرهني حتــى لاعرفت ابوهـــا وش مـسوي ماتزعل ولاتـــــتـــضايق ادري قلبهـــــا طيـــــب وبتنسى كـــــل الي سويته فيهــــا ...وتكفــى يارعد طــــلبتك اذا بيوم ندمت على زواجك من بنتي لاتحملـــها الندم والذنب ترا مالها ذنب ابـــــد لاتــــقهرها ولاتوجعها ولا تضايقها و مـــن الحين انت ابوها وأمهـــا واخوها وزوجهـــا نـــــزلت دمعــته على خـــــده رفع يده ومســحها بـسرعه لف شماغه على وجهه حرك رأسه بـــحــــزن وتكلم بغصه :في أمـــــان الله يـــــارعد . . . . . . فتح عيونه رعد ورجع لـلواقع الي يـــعيشه كلام ابو اسامه مازال يتردد براسه رفع نــــظره للباب هنــا بهالـــــغــرفه مـوجوده فيــــها زوجته ...زوجه ولايعـرف عنها اي شي حتى وجهها مايذكره مجرد انه شاف بنت بهاذيك الحظه وبس لكن هي وشلون وكيف مايدري ..... حرك يده بتردد على مــقبـــــض الـــباب وشد عليه فـتحه بهدوء بلع ريقه من جاته ريحة المـــــعقمــات القــــويه وتغـــــلغلت ب أنفاسه دخل وقفل الباب وراه غمـــــض عيونـــه ورفع يدينه حركها بهدوء يحاول يهدي أعـــصابه المشدوده :أهدى يارعد أهدى هذا نصيبك وهالبنت زوجتك اخذ نفس عــميق وفــــتح عيونه مررها حوله لحتـــــى طاحت عيونه علــــى هــــالبنت بوسط السرير الأبيض السيروم بيدها والدم موصل بيدها الثانيه وواضح انها نزفت كثير ركز نظـــــره على رأســـها الملفـوف بالشاش الأبيض قرب منها زود وعض على شفايفه من القـــهــر يحس انه مخـــــنــــوق هو وهــي ضحيا الوقت همس بنبره هاديه :هـــذا الــقـــــدر عيا لايطـــاوعنا حطم قلوب وهدم أماني واماني انتبه لطرف اصبعها أزرق وواضح ان ابوها بصمـــــها بسرعه وطلع حتـى من غـــيــــر لا يمــــسح الحبر سحب من جــــنبه منديل وقرب يده من يدها رفـــعها بين يدينه وصار يمسح اصبعها الابهـام بهدوء ظل لـحــــظات يناظر يدهـا الصغيره البيضاء بيده الحنطيه نزلها على بطنها وســحب الدفا علـــــيها التفـــــت يميــــن ويسار يدور كرسي طاحت عيونــــه على الـــــكرسي الي قبال السرير تقدم وسحبه حطه بجـنــــبها وجلس مـــــرر نظــــراتـــــه على ملامــح وجهها الــــذبلان وبداخلـــــه شي يــــمنــعه لكن مهما كان هـــاذي زوجته حتى ولو مايعـرفــها كفـايـــه أن ابــــوها تركــــها .. و زوجـــها من شـــخص ماتعرفــه ولا لها فــيه صله كل الي يحملــه بقلــبه لها الــــشفقـه الشفقه وبس تكــلم بمراره :القـــدر مكتوب يابنت ومامنه مهرب هاذي ظروف الوقــــت لكن الــــي محيرنــــي وش قـصة ابـــــوك ووش قصـــده من كلامه الغريب مااقول إلا اللـــــه يسامحه عـــلى سواته فيني وفيك وقف وناظر لها نظره أخيره وكلـــــها رجاء :لو تبقين كذا نايمه طول الوقت احســــن لي ولـــــك أخاف لاقمتي تـــــنصدمين من مرارة الواقع """"""""""""" وقفت قبال باب بيت جـــــارتهم وصارت تطقه ببتسامــه خلاص ب تودع مـصر ونــاسها الــي حبتهـــــم من كل قلبها كلــها شهــــر بس وتصير بين أهلها بـــــتنسى كل مر عاشته بتريح ضميرها لايجي صـــدرها حره ماراح تعيش بيـــــن الهم والخوف بعـــــد اليوم ويضيـع عمرها بين اثنينهم موال صدرها بتنهيه وتخليه يعزف مواويل السعاده بدل الـــــحزن تـوسعت ابتـــــســـامتها من شافت حنين فتحت الباب فتحت ذراعها وريف ودخلت وصارت تضم حنين :اشتقت لك حـــنونه حنين وهي تســلـم عليها : تـــــشتاق لك العافيه يابعد قـــــلبي ابـــتعدت عنـها وريـــف وناظــرت لـهــا بحب :وينك مختفيه معــــاد صـــــرتي تجينا ابــتســمت حنين :وش اسوي هـــاذي عمايل الاختبارات إلا قـــــولي تفهمين بالرياضيات ضحكت وريف :هههههه تـساليني بالــــريـاضـــيـــــات ايه ياستي ياحبي لهالمـــــاده قاطعت كلامــهم الــــخاله سميره وهي تتــقدم منــهم :حنين يعني من أول مـــاالبنت دخــلت بداتي بطلــــباتك وناظرت لوريف :حياك الــــله يــــابنتي ماعليك منها تعالي إجلسي معي اشــــتقنا لك ابــــتسمت وريف بحيــــا وسـلمت عــــلى الخاله سميره :لا يـــــاخاله انا حــــابــه اساعد حنونه وبمااني بس شهر واترك مصر ابـــــي أقضـــي هالوقت عندكم ناظرت لهـــــا حنين بقلق ياكرهها لـــــلحظــــات الوداع :وريف مــو صدق صح ماراح تتركين مصر وترجعين على السعوديه حركت راسها وريف بالايجاب وابـــتسمت بحزن :وهـــــذا الي بيصير مهما طول الـغـريب بغير بلاده لازم يجي يوم ويرجع .. حنين تــــكفين ماابيك تزعلين راح نلـــتـــــقي وانا متاكده نزلت دمعه على خد حنين رفعت يدهــا ومسحتها ببـتسامه :ادري والله ادري بس الي يعز علي فـــــراقك ياوريف ماتدرين وش كثر غيرتي بنفستي قـربت وريف من حنين ورفعت يدهـــا حطتها على شعرهــــا وصارت تحــــركها بحنان :الـــــحين انسي اني بـــسافر وتعالي اشرح لك الرياضيات واضح انك ناشبه فيه ومـغرزه بعد ضحكت حنــــين من بين دموعها :هههه اذا مغرزه فانا مغرزه ومو راضيه امشي طيب يا ابله وريف وريني شــــطارتك مدت يدهــا ومســــكت يد وريف وصارت تسحبهـا معها لـغرفتهــا وهـــــي تحكـــــي لـــــها كــــل شي مافهمته ووش الي لازم تفهمها وريف حركت الخاله سمـــــيره كتوفهــــا ببتســـامـه :الله يعينك يـاوريف على هالبـــنت | ||||||||||||
|
| |
|
11-05-17, 05:12 PM
| #523 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| صوت جوالـــــه يتردد بـكــــل الغرفــــه رن ورن لحتى وقف ورجع رن ورن مـره ثانيه توه يستوعب صوت جواله العــــالي وش ألــــي صار لـــــه ووش الي احــتـــواه هاللحظـــات شــكل سهام الحب قامت تـــــنزرع بقلبه بلل شفايفه وتنهد تــــنهيـــــده من قلـــب دخل يده بجيبه و نزل الســـواره ورفع الجوال انتبه للمتصل سعود حرك اصبـعه عــلى شاشة اللمس وحطه على أذنه :هــلا سعود جاه صوت سعود :وبعدين معك راكان كل هذا جاي بالطريق لي ســـــاعــــه بالمكتب انـتـــظرك وماجيت ايـــه وعندي لك خبر زيــن غيـر الـــمــــوضوع الي ابـــيك فيه انـتــــظر راكان يرد عليه لكن مارد رجع تكلم :راكان فيك شي وش فيــك ساكت ماهي بعادتك توه ينتبه راكان لكلام سعود :لا لا معك بس راح فكري شــوي يلا انا جاييك مسافة الطريق رجعت البيت نسيت جوالي والبوك الحين أجيك دقايق بس سعود بإستغراب :اوكيه انا بنتظارك لاتتاخر راكان بهمس :اوكيــه في أمان الله نزل الجوال من على أذنـــه وشد عليه وصار يــــكلم الــــجوال وكأنه انــــجــــن :نسيتك هنا وياليــــتنـــــي مارجــــعت لك هذاني بنسى قلبي بغرفـــــة بدر بدون ما ارجـــــعله ضــــحك على حاله :هههههههه ههههههه والله وانجنيت ياراكان خليني بس اروح اشوف سعود وش عنده ولكل حادث حديث نزل جـــــواله بــجيبه وانحنى أخذ شماغه وعقالـه مــن الأرض وطلع من غرفته متجاهل كل احاسيسه نزل مع الدرج بخطوات ســـــريعه انتـــبه لأمـه طالعه فوق ومعها صينية التقديـم تكلم بـــــهدوء وكأنه مايعرف شي :يمه وين مااخذه هالاغراض لايــــكون فيه أحد عندكـــــم رفعت ام راكان رأسهــا ببتسامه من سمعت صوته :هلا يمه متى رجعت راكان بنفس ابتسامة أمه :توني رجعت نسيت جــوالي وبروح رفع حاجبه بهدوء :الا مــــاقـلـتي لـــي عندكم أحد مـرت ام راكان من جنبه وكانت قاصده تنطق هالجمـــله :ايه عندنا ديما بنت ابو رعـــد اللـــــه يرحمه حرك راكــان رأسه بالايجاب ونزل من غير لا يعطي لــمشـــــاعره اي اهتمام توه الحين يستوعب أن البنت نفسها تصير بنت عم سعود طـلع بســـرعـه قـبل لايــــتهور ويرجع لامه ويقول لها تخطب لــه هالبنت ....لـكن مو هو الي خفــــيف وبنت من صوتها ولــــمحه بـــس تجيبه هو راكـــان راكان الـثقيل بينهي هالاحاســـيس الـتافهه الـــي تعتـــــريه حـــــرك سيارته بلا شعور ماحس إلا وهو موقف قبال قسم الشـرطه الي يشتــــغـل فيه وقف لحظات يقلـب الأفكار براســــه وحـــــيران أخذ شماغـه حــطها على رأسه وفوقها الـعقال وصار يعدلها وهو يناظــر المرايه رسم ابتسامـــه على شفايـــفه مختلفه عن كل ابـتساماته ابـــــتسامة شخص تمكـن من قلبه الحب مـــن غيـر لا يحس نزل بهدوء وصار يمشي بكل رزانه وثقه تــعدا كل الممرات الي تاخذه لمكتب سعود وقف قبال المــــكتب رفع يده وصار يطق بهدوء جاه صوت ســـــعود :أدخل دخــــل راكان بخطوات ثابتة ناظـر لسعود الي جالس : الحين مااصدق واكون فاضــي ماعـــندي إستلام ولا مهــمه وتقوم انت تجيبنـي من صباح ربي ابتســم سعود :والله كأنه انـــت العريس مــــو انا شوف وجهك وشلون رفع حواجبه راكان وصار يتــــلمس وجهه :وش فـيه وجهـــي ضـــحك سعود بخفه :ههههههه مــافيه شي بس احس انه مــــو بالعاده كذا مـشرق وحلو تنحنح راكان وجلس بالكرسي الي قبال مكتب سعـود :دوم وجهـي مشرق وحــلـو مو بس الـيـوم رفع حاجبه سعود :عن الغرور أقـــــص أيدي اذا اليوم ماهو صـــايـــــبك شي ضحك راكان :هههههه ههههههه طيب اتركنا الحين من وجهـــي وقل وش عندك ووش الموضوع الي تبيني فيه تلاشت الابتسامه من وجه سعود عــدل جــــلسته وناظـر ل راكان بجديه :اسمع ياراكـــان انت قلت من قـــــبل بتحط يدك بيدي وبنجيب القاتل مهما كان صح حــرك رأسه راكان بنفـــــس جديـة سعـــــود :صح وانا معك إلى أن نجيبه بعون الله لاتفكر انـــــه مجرد كلام ....سعــود انا قلت الكلمه وثق تمــاما انــي عند كلمــــتـــي ولو أفقد روحي كلها فدا لك يااخــوي ناظر له سعود بإهــــتمام :ونعم الأخ اسمع ياراكان الي مـــقبلين عليه كبير وماهو سهل وابشــرك تم نـقلنا من بكرا بقسم عمي هز راكان رأسه :الـله يبشرك بالخير حرك يده ومدها ليد سعود شد عليها بيده :وهاذي يدي بيدك حـــــرك سعود رأســـه بالايجاب :حتى لو أنهـا أكبر عصــــابــه.... راكان العصابه الي ورا موت عمـــي تتاجر بالاعضاء والمخـــدرات يعني بكل بساطـه مـــــاتحمــــل ولاذرة رحمه و لو عرفوا بس أنـــــنا نســـعى وراهم يمكن يسعون ورانا ويــنتقمون منا ابتسم راكان بثقه :لاتشــــيل هم بنجيــــب معدومين الانـــسانيه وننظف وطننا من أمثالهم انا معك ياسعود معـــك شد سعود على يد راكـــان وابعدها عنه وقـــف ورسم ابتســامه حلو علـــــى شفايفـــــه :أجل مــن بكرا اجيب الملـــــفات ونجلس لها جــلــــسه بمــــكــــتبـــنا الجـديد ووقتها بعرفك لكل شي توصلت له ابتســم راكــان ورفع يـده دق تــــحيــه لــــسعود :تم طال عمرك ضحك ســــعـــود وهو بعد رفــــع يده ودق تحيه ل راكــان :تم نـزلوا يدينهم وصاروا يضحـــــكون مع بعض ويـــرسمون درب للنجاح و كلهم نـشاط بينظفون البلد من امثال هالعصابات بينفون هالنوعيه من الناس بيزرعـــــون الأمان بــالوطن ويمحـــــون كل من تسول له نفسه ب الخراب حـطوا يدينهم بيدين بـعض حتى يحققون أحلامهم بس يــــاترا وش بيصـــير ببداية دخولهـم لــــدرب مظلم وقاتم ... """""""""" الا ياخوي لاتســأل.. عن اللي حطم أحلامي عن الدمـعة عن النظرة الحزينه والعنا والآآآه عن الــــبسمة أو الإحســــاس.. أو الـشقا الي في أيامي ترا في دمعــــتي قصة وأنا في قصتي مأساة أشوف الظــــلم بــعيونـــــي يعذب قلــــبي الظامي أشوف الكره معميهم وكلن ملتهي بـدنياه أشـــوف الكـــــل هاجرني ويقرب لـــحظة إعـــــدامــــي أنا والله لي قـــــلبٍ حنانــه هو سبب بـلواه طل مـع بــــاب غرفة أخته المفتــوح تأكـــــد أن بنــتـــــه ماهي موجوده ابتــسم بحزن وتكلم بهــــدوء :لميس رفعت رأسها لميس ونزلت جوالهـــــا الي كانت تطـقطق فيه على السرير ابـــتـــــســــمت بحب من شافـت تركي واقف عنـد باب غرفتها أشرت له يـــــدخل :تعال يااخوي تـــو مانورت غرفتي دخل تركي بهدوء :منوره بوجودك يالغلا وقفت لميس وتقدمت منه سلمـــت عليه بحب :وينك من أمس ماشفـــتك جلس تركـــــي علـــى طرف ســــرير لمــيس وتكلم بجديه :لميس اقفلي باب الغرفه وتعالي ابيــــك بموضوع عقدت لميس حواجبها غريبه ماهي مــــن عادة تركي هالجديه تقدمت من الباب قفـــلته وناظرت ل اخـــوها الي اشتاقت له حتى هو تغير كل الي تعرفهم تغيروا اول وحده هي ونواف وتركي ركزت نظرها عـليه وتقـــــدمت منه جلست جنبـــه وحطت يـــــدها على كـــتفـــه :احكي يااخوي قول وش ألي مضايقك تركي تكفى لاتكون كـــــذا كتوم ترا بتـــــتعب اسئلني انا.... والله بتمرض وتـــــتـــــعــب تكفى لا ترسم هـــالملامح على وجهك وربي اشتقــــت لك واشتقت لريـــان واشتقت لن.... ســـكتت تــــوها تستوعب انها كانت بتقـــــول نواف نزلت دمعه حاره علـى خــدها رفعت يدها تبـــي تمسحـــها لكن ســــبقتها يد اخوها الحنـــــونه مررت نظـــــراتهــــا عليه وانتبهت لإبتسامته الي اشتاقت لها ابتسم تركي بحنان :عـــن الدموع لـميس ادري انك اشتــــقتي لكل حتـــى نواف مافي داعي تخبيــن علي كل شي مرســــوم بوجهك وملامحك ادري إن الحادث الي صار غيرنا كلنا أو يمكن رحيل ريان هو الي قلب حالنا بس يا لميس انا قررت ارجع تركي الأولي خــلاص كل شي ماله قـــيمه كل شي راح بدون رجعه ببــنسى الي خذلونا والي قهـرونا ونرسم لنا درب جديد كله سعاده اسمعيــني زين يالميس انا بـــــسافر للخـارج ابي اتعالج ابي اخـــــفي جروح وجهي وبعدها متأكد ان جروح قلبــــي ب تختفـي بوجـــود جنى معي ووجــودك ووجـود امي وأبو سعود وسـعود وحتى مشـعل ابتسمـت من بين دموعهـــــا :أخيرا قررت تركي صدقني مــــاراح تندم علــــى شــــي بـــتبدأ حياة جديده الله يســـهــل دربك يااخوي واذا شفتك رجعت مثل قـــــبل رجعت بعد انا بس قلبي الي انجـرح من نواف مستحيل يبرأ ابد حـــرك تــــركي رأسه بالايجاب :مصيره يـبرأ وأنا اخـوك وواثق من هالشي بلعت لميس غصتها بكل الـــم وشلون يبرأ قلبها ومعذبها بعيد عنها شوقها لها تعدا كل الاحتـــــمالات ماظنــــت انه قاســـي لهدرجه راح و لعاد رجع تـــرك قلبها يتـــفطـر يوم عن يوم حتى صار مايحس ولايـــشعر انـهـى حاله.. وانـــهاهــا معه تكلمت بهدوء وكأنهـــا تبي تغير الـموضوع :ماودك تشـوف دلـــوعتـــك واضح انها زعــــلانـــه عليك وبقوه ضحك تركي وهو يوقف :ههههه وش يــرضيهـــا الـــــحين ابتسمت لميس ووقفت توجهت لباب غرفتها فتحته واشرت بإصبعها لبرا :تفضل خذ جنو للمـــــلاهي وهي ترضى على طـول وقول ماقالتها لميس تـــوسعــت ابــتسامة تـركي :وهذاك جبتيها لـــــك هديه مني لارجعت من مصر تلاشت ابتســـامة لميــس من سمعت طاري مصر :ليش انـت بتروح تتعالج بمصر هز رأسه تــركي ومازالت ابـــتسامتـــه مرسومه عـلى وجــهه :ايه وقبــل لااجيك كلمت نواف وهو بــيضبـــط لي كل شي هناك و الرحله كلمت واحــد من هنا دبرها لي بكـرا بللت شـــــفايفها الي جفت من طاري نواف :الله يـوفقك يااخوي تروح وترجع بالسلامه تركي بهدوء :اميـــن يـاغلاتي يلا استاذنك بروح اشوف نتفــتـــي جنونــه حركت رأســــها بالإيجاب ومــــن طلع من عندها اخوها قفلت الباب وراه و تســندت عليه وكل معاني الألم تحتويها تـــميل دوم للـعزلــــه من بعده وتبعد عن الناس .. ماتبي عـــيون الناس تـنظر لحالها قلبها من الحزن تايـه ومنحاس وعـــــينها تـــهل دمع الآهات جو الـــسعاده حولها تــبــدل بالأنفاس وطول الليالي تقضــيها بذرف دمعات الاحزان والاشواق والحنين """""""""""" وقفت ديما قــبال باب بيتهم وهي تـــــتناسى كل شي صار لهـــا ببيت ام راكان تـــعرف ان الولـــد تفـــاجــأ بشوفتها بغرفة أخوه بس الي قهــــرها انه ظل يناظر لها وقـــــز كل شي فيهـــــا حست انه بياكلها بعيونه هزت رأسها :وش فيك ياديما اكيد ان الولد مهو قصده وبـعديـــــن من حــكي بدر عـــــنه حسيــت انه انسان طيب رفعـــت يدها وضربت رأسها :أعقلي يابنت أعقلي ولاتفكرين بشي تافهه رسمت ابتـــــسامـة تـفأل على شفايــــفها وفتحت الباب دخلت بــهــدوء وهـــــي تشيل عبايتها عنـــها :يمه يايمه وينك فيــه ابتســــمت ام رعد وهي تأشر لها :كـــــلي هاذي جالسه قبالك وماتشوفين ضحـكــــت ديما بخفه :ههههه وربي ماشفتك تقــدمت منها وانحت باست رأسها بحب :اشتقــت لك يادنيتي بادلتها ام رعد الضحكه :تشتاق لك العافيـــه يابنتي يعني الحين تفهميــني انـك اشتقتي لي بـــس مــن كم ســـــاعــــه مدت ديما فمها بـزعل :افا عليك يمه يعـــــني اكذب عليــك إلا مـاقلتي لي وين الولد المزيون ام رعــد بحزن علــــى حال أسامه :نام ياقلبي عـــليه واضــــح ان نفسيته متاثره من شي نام ودمعتـه تنزل بصـــمت كسر قلبي وانا أمــك ديـما بحـــــزن :أن شاء الله يقوم وراح انسيه كل حزنـــه يالغــــاليه ام رعد بهدوء :المشكله يابنتي أن رعد ماجـــــاء للحين نبيه يفــهــمنا حتى نعرف وش فيه الولد وليش جابه ووين أهله ديما بتفهم :يمه بيجــي أصبري ... وواثقه أن رعد ماراح يسوي شي يزعلك أو يـــكدر خاطرك إلا بالعكس اخوي دوم رافع راســـــنا ابــــتــسمت ام رعد بحزن :ادري يمه ادري وثقتي فيها عميا بس انا احاتيه احـــــس انه تعبان ويحــــمل هـم كـــبير مـــــاشفتي عيونه تحكي كلام كثير ولدي وأعرفه أكثر من نــفسي وقفــــت ديما وهـــي تتثاوب وتغـــطي فـــمها : أســمعي يمه حدي نعسانـه بروح أخذ لي غفـوه وانتي انسي وارمي هالخوف وراك رعد رجال ويعرف يتــصرف بااصعب الأوقات ام رعد بهدوء :الا قبل لا تروحين وش ســــويــتي ببيـــت ام راكان من جابت أمها طــاري بـــــيت ام راكان قلــــبها نغزهـــا ماتدري ليش بس مر علــى ذاكرتها الموقف السخيـف الي صار لها حركت راسها بالايجاب :كل شي تــمام وبس نام بـــدر انا رجـــــعت عــــلى طول ام رعد ببتسامه :الله يــرضى عليــك يمه ويأجرك بــالي تسوينــه لهالولد الضعيف ديما بهدوء :اللهم امـــــين يلا يمــــه انا استــاذنك اعطــــت أمها ظهرها وصارت تمشي بخطوات سريعه طلعت الدرج ركــــض دخلــت غرفتها وتقدمت من سريرها رمت نــفسها عليه وهـي تـــــتنهد :آآآآه وينك يا وعد اشتقـت لك لو أنك عندي كان ظليت احـــــكي لك وش صار لي اليوم تذكرت شكل راكان وهو واقف ومتــصنم بمكــانه صارت صــوت ضحكاتهــا تــرتـــفع بالغرفه :هههههههه هههههههه شكله اول مره يشوف بنت مــــســــكين بس والله حسيـــــت بـــخوف شكله كذا وسيم وبنفس الوقت فيه جديـــــه حطت يدها علــى صدرهـا :يمه كنت بموت من الخوف ولا يعتذر الأخ ااااه وش ألي صار لـي بهاذيك الـلـــــحــظه كل أطرافي تـــجمدت انقــلبت وانـسدحت على بطنـــــها غمضت عيونها والابتسامه مرسومـــــه على شفايـــــفها لحظات بســيـــــطه مرت وراحت بنوم عميق بـــعد صبح حـــــافل بالأحــــداث | ||||||||||||
|
| |
|
11-05-17, 05:14 PM
| #524 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| خلص رعد من جمـــلـته وتراجـــــع لــــلخلف كـــم خطوه يبي يــــطلــع جاء بيــــلف لكن جمدت حركته من الي يشـــــوفه رمـــش بعيونه كــذا مره يبي يــــستــوعب حركت رموش الــبنت الي تحركها بصعوبــه و تـــحاول تفتـــــح عـــــيـــــونها معقولــه صحت عـــشان تواجه هالــواقع الاليم بالـنسبه له ولها توسعت عيــونه زود تراجـع للخلف خطوتين وشد على يده حرك اصبعـــه بالنفي وتكلم بهمس :لا تصحيــــن صــدقيـــنـــــي صدمتك بتكـــون أقوى وأقوى خليـك نـــايمه أفـضل زادت حركت رموشها إلى أن فتحت عيونها التعبانه كل شي حولها مثل الــــضباب مــــرت لحظات حتى وضحـــت الـــرؤيا لـــــها ... كل شي حولها ابيض من غـير الريحه الي تسللت لخـشمها عرفت وايقنت هي وين بـــس صوت مين الي كـــان يتـــردد على مـــــسامعها من لحظات لفت رأسهـــــا بصعوبه لجهة اليمين وانــتبهت لشخص واقف قريب منـــها حست بالخوف يمشــــي بـــعروقها لكـن حاولت تهــــدي نفـــــســـــها وتقنعها انه الدكتور حركت شفايفها الـــجافه وتكلمت بتعب :انت ...الدكتور بحة صوتها التعبان وصل له رفع يـده ومــسح وجهـه وش يـــــقول لها تظن انه الدكتور نزل يده وحرك رأســـه بالــــنفي :لاتتكلمين واضح انك تــــعبانـــــه حاولت جوري تبلل شفايفها الـــــجافـــه وتكلمت بــهمس : تكـــــفــى غطي راسي على الاقـــل مايجوز أظل كــاشفه كذا قبالك رمش بعيونه مــايدري وشلون فـــكرت بالـغطا وهي بهالحاله قرب منــــها ونـــاظر لها بحزن تكلم بنبره هاديه :أنا مو دكتور ولاني غــريب انا ..انــا قاطـعته بخوف وهي تصـــــد عنه وتحاول تسحب نفسها وترفع الدفا تغطي فيه نفسها لكن حركتها صعـبه وجسمها ذبلان وضعيف غمضت عيونها ونزلت دمعتهــا بقلة حيله تحس انها متكـــــسره كل جسمها مخدر مو قادره تحرك اي شي مثل اول :طيب لاتقرب ناظر لها رعد وكمــل كلامه :تــــبين تــعـرفين من انـا انــا أستاذ أسامه الي هـــذاك الـيوم فتحت عيونها بدهشه وصارت تلمع بخوف إنكــسار وجع وش جابه ووش يبي لفت وجهها لــــجهته تبي تتاكد بس وشــــلون تتاكد وهي حتى ماشافت وجهه ولاانــــتبهت إلا لظـــــهره هذاك الـيوم حاولت تـقوم تبــي تهرب تبي تختفي وش بيقول ابوهـا اكيد بيصـــــدق كلام حصــه من يشوفه معها واكـيد هالمـــره بيذبحــــها حركت راسهـــا تبي ترفعه من عــــلى المخده لكن كــــل محاولاتها فشلت تحس ان رأسهـــا ثقيل وكل جسمها وكتوفها توجعها صرخت بصوت خافت وبنبره كلها تعب والـــم :تـــــكفى لا تــــاذيني أدري إن حـــصــــه راسلتك ايه هي تـــبي تتخلـــص مني والله تبـــــي ابوي يذبحني لااااتقرب روح لأبعد مكان روح تكفـــــى الي فيني مـكفيني كــفايــــه اني خسرت ثقة ابوي بـــــسببك الله يخ.... انقطع كلامها وصار صوت انينها يتعالى بالــمكان :آآآآه آآآه..يارب رحمتـك بلع ريـقه رعد وتقدم منها حتــى صار واقف عــند رأســـــها حرك يـــده بهدوء وحطها على الشاش الي مثبت على رأسها وجبينها وصار يقرأ بعض من آيات القـــرآن لـتــهدئة النفــس مايــــدري ليش تصــرف كذا بس كل الي يبيه انه يهديهــــا ويخفف من وجعـــــها بذكر الله واضح انــــها تعـــــبانه حتـــــى كلماتها يالله طـلعت من فمهــا صوت اهــاتها اوجعته حيل (أعوذ بـالله من الشيطان الرجيم ..بسم الله الرحمن الرحيم) ” اللَّهُ لا إِلَهَ إِلَّا هُوَ الْحَيُّ الْقَيُّومُ لا تَأْخُذُهُ سِنَةٌ وَلا نَوْمٌ لَهُ مَا فِي السَّمَاوَاتِ وَمَا فِي الْأَرْضِ مَنْ ذَا الَّذِي يَشْفَعُ عِنْدَهُ إِلَّا بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلا يُحِيطُونَ بِشَيْءٍ مِنْ عِلْمِهِ إِلَّا بِمَا شَاءَ وَسِعَ كُرْسِيُّهُ السَّمَاوَاتِ وَالْأَرْضَ وَلا يَؤُودُهُ حِفْظُهُمَا وَهُوَ الْعَلِيُّ الْعَظِيمُ "" آية الكرسي "" هُوَ الَّذِي أَنْزَلَ السَّكِيـنَةَ فِي قُلُوبِ الْمُؤْمِنِينَ لِيَزْدَادُوا إِيمَانًا مَعَ إِيمَانِهِمْ ۗ وَلِلَّهِ جُنُودُ السَّمَاوَاتِ وَالأَرْضِ ۚ وَكَانَ الــــلَّهُ عَلِيمًا حَكِيـــمًا. "" (4)سـورة الفــــتح "" * الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ ۗ أَلا بِذِكْرِ اللَّهِ تَطْمَئِنُّ الْقُلُوبُ ""(28) سورة الرعد غمضت عيونها جوري وصارت تحرك شفايفها بتعـب وتقرأ مع رعد خلص رعد قراءه وناظر لها بحزن :قبل لا اطلع ابـــي اقولك شـي هاذي حصه مااعـــرفها ابــــد الي أعرفه ابــــوك وهو طلب مني اتزوجك واليـوم بالـــــتحديد صرت انـــــا زوجك وانتي زوجــــتي على سنة الله ورســـــوله يعنــــي مافي داعـــــي للــخوف منـــي انــا محرم لك فهمتي فـتحت عيونهـا بوهن وذبول وصارت دمعاتها تنزل على خدها بكل إنكسار الوجــع الي داخلها يـنخر حتى ضلوعـــــها امتلى الكون مــن حولهـــــا حزن وجروح وصار أضيق من ثقب إبره تـــلاشت روحها وهي بعدها حيــه سل سيفه ابوها وطعنها بكـل قسوه تكلمت بالــم وهمس خافت :الـــي تقوله صدق احلف بلله وانا أصدقـــــك حــرك رأســـــه رعــــد بالايجاب :وربك صدق والله صدق ابوك تركك وراح راح لبعيد من غـــــيــر رجعه طلب مني اتزوجك واتكفل في اخوك أسامـه وانا قبلت طلبـه عقــــدت جوري حـــــواجبهــــا وغـــمضت بألم واضح مـــــن نبرة هالانـــــسان انه صادق وشلون طاوعه قلبــه يرميها عــــلى شخص ماتعرفه ليش سوا كذا ماعهدت ابــوهــــا بهالقـــــســـوه نزلت دمعه ورا دمـعه بإنسياب على خـدها بلعت ريقها وصارت تتكلم بمــــراره :مصدقتك والله مصدقتك بس انت مـــو مجبور تتــحمل ذنب مـــــالــــك فيه اذا اذا قـــاطعها رعد بهدوء :تكفين لاتحكين أكثــر مـــــن كــــذا حالتك صعبه وكل جسمك رضوض من غير الـجرح العمـــــيق الي براسك وكنتـي بغيبوبه وسبحان الله صحيتي من لحظات خلي الكلام بعدين نامي وارتاحي وبعدين نتكـــلم بهالموضوع تكلـــمت بنبرة الم :الوجع الي احـــــس فيه أخف وأهون من وجع قلبي غمضت عيونهــــا ماتــــبي تشوف هالشخص اكيد انه يبغضها ويكرهها اكيــد شي طبيــــعي هي انرمت علـــــيه مجرد بس انـــه دخل بيتهــم وشافهـــــا مـــن غيــر قصــــد ااخ ويـن طيبة وحنان ابوها تبخرت مـــــع الريـح راحت بــــلا رجعه كل الي تـــبيه الحيــــن انها تلتزم الصمــــت ماعاد تبي تحـكــي ولاكـــلمه يمكن السكوت أفضل لها من الحاله الي هي فيها لازم تسكت ومـــاتنطق بأي حرف بعد اليـوم بتـــــعــــيش طول عمرها بـــــصمت وفـــــراغ وظلام انـطفت كـل أنوار الـســـــعاده وبدأت شموع الياس والحزن ترسم لها طريق مظلم ومجهول..... يــا قـلـبـي ما فـادنـا كثــر الأحلام .. واللي بخـاطـرنـا عـــــجـزنـــــا نــطـــــوله .. ماتت امـانـينـا عــلى كــــــف الايــام .. وحكم القـدر فارض علينا ميـوله .. نمــشـي ورى و الوقـت يمشـي لقـدام .. ضعنـا وضيعــنـا كـلام كنـا نقـوله .... """"""""""" هونتهـا لكنها عيت تــهون لاقلت راح الهم الاقيه قدامي فيني ألم ما مر في قلــــب مطعون فيني حزن ما مر فعـــيون الايتام عاقـــــل ولــــكـــــن طحت في وقت مجنون اصحاب انــــا والهـــــم واحباب ونــــمون ماهي صــــداقة يوم هي عشرة شهور.. طـــــلــــعت مــن غرفتها وهي راسمه ابتسامه تخدع فـــــيها كل الي حولـــها انــتبهت لتركي واقف وكأنه ينتظر بنته تطلع من غرفتها تقدمت مـــنه بحيـــــا :عمي تركي لــــف تــــركي من جاه صوت وعد ابتسم بهدوء :يــاهلا والله بعروستنا نـــــزلت وعد رأسها بحيـــا دوم تخجل مـــــن تـــــركــي :ياهــــلا فيك يالغالـي إلا وش تسوي هنا ضحك تركي بخفه :ههههه والـلـــــه وجنى زعلانه علي وانتظرها تـــلـــــبـس وبااخذها لـــلــــملاهي اراضيـــها ضحكـــت وعد :ههههه الله يعينك أجل اتركك ســــعود منتظرني بغرفة جــدتي توسعت ابتسامـــة تركي :الله يوفقكــم ياوعد أجل يلا روحي لاتــتاخرين على زوجك ابتعدت عنـه بسرعه مجــرد ماسمعت اســـم زوجك قلبـهـــا صار يوجعها هذا واقـــع تـــــبي تهـــــرب منه صــــحيــح هي صارت زوجة سعود والحـــين بكل جراءه داق عليهـا وقايل لها تنزل له بغـــرفة الجده عشان يـــطلعـــــون يتمشون زادت بخــطواتها لجهة غرفة جدتها وقفـــــت قبال الباب ورجعت ترسم ابتسامتــها المزيفه مثل ابتسامة سعود تماما حركت يدها ودفت الباب الي كان مـفـتوح شـوي طلت براسها ومال شعرها الطويل معـها :أدخل يــاجده ناظرت لها ام سلطان بحب :ادخـلي يابعد قلبي ادخلي يايمـــه دخلت وعد وهـي تمشي بـــدلع ومتجـمله بكل أدوات الزينه شعرها الاســـود الناعم منســـــدل و واصل لخـــصرها ومكياجها الــهادي بارز مـــــلامحها الجميلـــه ولبسها البـــــنطلون الأسود والبلــــوزه الورديه موضحه تفاصـــــيل جسمها وقفت قبال جدتها وكأنها تتــجاهل وجود سعود الـــــي واقــــف ومكتف يدينه :وش رأيـــــك فيـــني ياجده ام سلطان ببتســـامه حــــنونــــه :بسم الــــله عـــلــــيك يايمه قمر أربعة عشر رفع سعود يده وغطى فمه يمنع ضحكاته الي تمردت غـــــصب عنه :ههههههه تمالـــــك نفـــســــه وتــنحنــح :احم احم وعد لفت له وعد وهي رافعه حاجبها ومنقهـــــره منه حيل ضـــحكته الي قبل ثواني كأنها مستفزه لها :خــــير...اأقصد هلا هلا بـك سعود سعود ببتســــامه :يلا مشينا حبي الـــــساعه صارت 6 المغرب رجعت بدري بس عشان أخـــــذك وامشيك وبعد نطلـــع نتعــشـى برا وش رأيك ياقلـبي ناظرت له بـــــحده وش يقول شكله انــــجن لفت لجهة جدتها وانتبـهت لبتـسامتهـــا عرفت ان كلامه مجرد تمثيل ضحكـت بتصنع :ههههه ايه يلا بس قبل لانروح ماتبي تبدل ملابسك من الصــبح عـليك ناظر لهـا سعود بتحدي وحرك حواجبه بمعنى لا :ماأبــــي ابـــــدل ابيك تشوفيـــــني بالكاب شدت وعد على اســـنانها ياثقل دم هالادمي :ايه مو مشكــلــه بــس أخاف تتـــــضايق بلــبسك هذا سعود بإصرار :لا بالعكس انا احب هاللبس واعشقه وبخــليك تعشقيـــنه انتي بعد ناظر لجدته بحب :تامرين على شي يمه ام سلطان وكــــأنها حســـت انــهـم يناقرون بعض بالكلام :لا ياولدي خذ زوجتك والله يحفظكم لف سعود جهــة وعد الـــي تـــلبس عبايتها :يلا مشينا حركت راسها وعد بالايجـاب :ايه هذاني جاهزه طلع سعود وصارت تمشي خــلفه ودها من القهر تنتف شعره الناعم بين يدينها يظن انها ب تضيع لا شافته بالكاب من جد انسان سخيف هــذا كل تفكيرهـــا ب سعود انتبـــهت لـــه يركب جــهـــــته بـــالسياره وفتح الشباك الي جهة الراكب وتكلم :ماودك تركبين يابنت أخذت نفـــــس تبـــــي تصبر نفسها وركبت مكانها لفت لجهته :الحين ابي افهم مين قـــــالك اني ابي اطلع وإلا اروح أتــــمشـى معك طنشها سعود وشغل المسجل رفع له على آخر صوت وكأنه يبيها تسكت وماتتكلم ابد حرك السياره وصار يمشـــي بين طرقـات الدمام وهو مـــلتزم الصــــمت وهـي بعد واذانهم كــلها بالمسجل الي شغــــال ولايدرون وش يقول مرت تقريبا ساعه وسعود بـــاقي يمشي بطريق مـــــجهول مدت وعد يدها وطفت المـــــسجل ناظـــرت لسعود بقهر :الحيـــن بدل ماتركتني انام مطـــــلعني معك وتمشي بالشوارع بدون هدف لف سعود لها وتكلم ببرود :طلعــت بس حتى مايشكون أن علاقتنا ماهي طبـــيعيه فـــــهمتي يــــابنت كشــــرت بوجهه :على أساس مو عارفين الكل موقفـــــي منك ابتســم ســـــعود ابـتـسامه غريبه :قريبا راح يــتـــــغير مــوقفك وعد بكره :وش ألي مخـــليـــــك واثق كذا ضحــك ســــعود وكأنه يقهــــرها :هـههـههـههـه لاني انا بنتصر بالاخــير لـــــفت وجهها وعد عنه :نشوف أخ سعود مين الـــي بيربح انا وإلا انت ســعود بثقه :واذا جبتك وش بـــــيصيـــــر قــاطعته وعد بـعصبية :سعـــود عـــن التفاهــــات احنى اتفقنا وعـــلاقـــتنا أعتقد راح تنتهي قبل لاتبتدي من الأصل فمهت طنشها سعود وعقد حواجبه ركز نظـــره ل لمـــــرايــــه الأماميه الي تعكس الـــــسيارات الي وراه مرر نظراتــــه بشك هالسيـاره السودا تمشــــي وراه من أول ماطلعوا من البيت معقوله يكون صار عند عصابة الذيب خبر عنه زاد سرعة سيارته وصار يدخل بطريــقه محترفه بيـــــن السيـــارات لكـــن هالسياره واضح ان سواقها مـــــتمرس ويمشـــــي وراه بكل الاتجاهات ناظر ل وعد وصرخ بقلـق :اربطي حزام الأمــــان وتمسكي زين رمشـــــت وعد بـــعـيونها من نبــرة صوتــــه العاليـــه حركت يدها برجفه وربــطت حزام الأمان بإستغراب :س سعود وش يصيـــــر دقات قلبه زادت والعرق صار ينزل منــــه واثـــــق ومتاكد انـــه مراقب بس معقوله عرفوا انه ينبش فــــي اسرارهم بهالسرعه لف بسرعه ودخـل بحاره مظلمه هدا السرعه وصار يتنــــفس بــــراحه وقـــف على جنب بهدوء وتــــكلم بــــهـمس :ضـــــيعتهم لف وناظـر ل وعــد الي صوت شهقـاتها تطلع بصوت خافت : ليش البكا الحين لفــــت لجــــهتــــه وضمت يدينها على صدرها :اااهييي هههي ااا م..مدري بــس احس فيه شي بــــيصير سعود تكفى رجعنااا البيت مافيــني ااابقى معك تكفى ابتسم سعود يبـــــي يطـــمنها مـد يده و ســـحب نقابهـا : مافــيه أحد هنـــا واضح ان هالحي هادي خذي نفس وارتاحي ادري خــــوفتك تكلمــــت وعد بإرتـــباك وهي تسحب نفس : الا قول حي مخيـــف تكفى حرك السيـــاره بسرعه طلبتك انــــحنى سعود وسحب الجلـنط جــــاء ب يحرك السيــاره بـــس صار الي ماحسب له حساب ابد السياره السودا اعـــترضت سيارتــــه من قدام توسعت عــــيونـــــه ولف ناظر ل وعد بســـــرعه حــــرك يـده وفتح الدرج الي قبــــال الراكــــب سحب سلاحه تحت اناظر وعـــــد ونزله بجيبه همس لها بـــهدوء :مهما يصيــــر لاتنـزلين من الســياره واقفلي عليك كل الأبواب تركهـا ترتجف بخوف وقلق شوفتهــــا للسلاح اوجـــعهـا وكــأنها ناقصه تتذكـر الــماضي الـــي تحاول تنساه حركت يدها وأمنت جميع الابــــواب بـــعد ما نزل سعود رفـــــعت رجولـهـا وضمــت ركبها لصدرها حاوطـــتها بذراعها وصارت تبكي بصمت كل شي حولها ظـلام بس مايخلى من الـنـــور الخافت ركزت نظراتهــــا على سعود الــــي يمشي بثـــــقه لجهة السيـاره المجهوله.... | ||||||||||||
|
| |
|
11-05-17, 05:15 PM
| #525 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| غريبة هالايام اذا ملكــنا السعاده ومــاشعرنا فــــيها نــعتـقد أننا من التعساء ولــكن من تغادرنا تلك الســــعاده الي مــاقدرناها في اي يوم ننتبـــــه أننا فعلا فقدنا كـل شـــــي جـميل وصرنــا من الـــــتعساء وبدأ الألم الجــــدي والندم لكن وش يفيــد لا دق الوقت وتلاشت جميع الامال والاماني بسبب أشخاص تافهين ... دخل بــــيته المظلم رغم النور الي ينبعث منه إلا أنه يـــــحس انه مظلم وقاتم يحـــس ببروده ويـأس وقف بالصاله وصار خيال بــنتــه يجيه وكـــــأنها واقفه الحين قباله وتبوس رأسه تمد يدها وتأخذ الأغراض الثــــقيله منه مـرر نظره على الدرج وبدأ خيال أسامه ينرسم بعيونه وكأنه ينزل من الدرج ويصرخ بسعاده وكتابه معه يقلب صفحاته ويوريــه وشلــون هو شاطر بالمدرســـــة. .. خسر كل شي خسر قلبــه ودنــيته معاد فيه شي يهمه توه تذكر الــــحيــه الي بعدها ماطلعت مــــن جحرها لو ماهي كان ماصار الي صار ولا عرف بوجـــود رعد هنا بس هـي أساس البلا كله لازم يقطــع رأســـــها حتى ينهي كل شــــي يربطه بهالبيت ضغط على يـده بقوه وصار يطلــــع الــــدرج وهو يتنفس بعصبية وقف قبال باب غــــرفته حاول يفتحها بس واضح انها مـــقفله الباب رفع يـده وصار يطق الباب بكل عصــبيه :حصه حـصه افتحـــــي الباااااب ارتجفـت من سمعت صوته رفعـت رأسها من علــى المخده وكـــل آثار الـــــنوم اختفت من وجهها واحتل مـكانه الخــوف وقفـــت حصه وصارت تدور حول نـــــفســها :ياويـلك ياحصه شكل بنــته ماتت ويبي يطلع حرته فيك سمعــت صــوته العالي رفعت يدها وصارت تضرب وجههــــا بخوف :جنيت على نفسي والـــــله وطلـــــع هالشــايب الهادي يــــخــوف بلعت ريقها وقربت من الباب أخذت نفس وتكلمت بإرتباك وكـــــذب :لحظه لحظه يارياض ادور المفتاح مدري وين حاطته تقدمت من الباب وبلعت ريقها المفتاح بالباب بــس تكلـمت ب كذب تبيه يهدأ وبعدها تــفتح الباب وقــــفت لحظات ماســـــمعت صــوته ابد ارتـــــاحت شوي حركت يـــــدها بتــردد وفتحت البـاب ابتسمت بتوتر :بشرني عساها الجوري بخير دف الباب أبو أسامه زود ودخل حس من شافها ان كل الخبث مرسوم بوجهـــها هي أساس البلا رفع يـــــده وضربها كف بكل قســـوه عـــلى وجهها :ولك وجه تسااااالين صدق انـــــك حيه ويبي لــــراسك الـــزفت قـطع تراجعت حصه للخلــــف وطاحــت على ورا لمـــت نــفسها وصارت تزحف للخلف رفعت يدينها برجــا :طلبتك لاتـــاذيني انا اااسفه ياابـــــو أسامه وش اسوي اذا بنتك الــمذنبه تــجي وتــــرمي بـعصبيتك علي شــد على اسنانه وتقدم منهـــا زود سحب عــــقاله وصار يضربها بلا رحمه يبي يـطلع كل الغل والحقد الي بقلبـــــه علــيــــها تستاهل الي يجيها ماراح تـــــحس ولاتتالـــم مثل ألمـه والم بنته الي مرميه بـالمــــستشفى قطعت كل عروق السعاده له نبذته عـــــن عياله هي السبــب هي وده يذبحها ويشــرب من دمها ابتعد عنــــهـا وصــوت صراخها مالي البيت أخذ نفس من بين انفآسه الســــريعــه : ااانـتي طالق طالق طالق ياحصه انحنى وســــحبها مع كم قميصها :قومي لابارك الله فـيك هدمتيــني زود وكــــأني ناقص وجودك سحبها لجهة الدولاب وفتحه أخذ عبايــــتها ورماها عليها :ارجعي مكان ماكنـــــتي ارجعـــي لإهانت اخوك وزوجتــــه وذوقي مـــاذوقتــيه لــعيالي رفعت يدها بــرجـاء وبصوت باكــــي :أ اااهييي آآآآآه تكـــــفى يارياض ارحــــمـــني مالي غيرك لا تسويها فيني لآآآآآآآآآآآ سحبــها ولـبسها بعبـايــــتهـا بكـــل قسوه وصار يجرها مع يدها لحتـى نزلوا الدرج جرها زود وهي تــصرخ وفـتح باب الشارع دفها وهو يتنفس بسرعه :رياض وعياله انتهوا من حياتــــك واحصدي الــــي زرعتـــيه ياحــــصـــــه بتبكين دم على كل شي سويتيه بــس مو منــي مــــن اخوك القاسي قفل باب البيت بـكــل قوته وتسند عليه وصوت بكاهـــــا يتردد عليه جلس بكـــــل إنكــسار خلـــص من الحـــيه يامــا كانـــــوا يلمحون له عياله انـــها تاذيهم ومايصـــدقهم بس الحين تـوه يصحى بعد ما طاح الفاس بالرأس.. من الأصل كل دنيتـه خطأ بــــخطأ زواجه من حصه وقتله خويه وتخليه عن عـــــياله بعيــــشه بياس وظلمه وضياع وقف من سمع صوت حصه تلاشى فتح بــــاب بيته وعــرف انها راحــــت تواجه مصيرها ابـــتســـــم بحزن :الحـــــيـن عرفت قدركم جـــوري وأسامه بس يمكن رعد يكون لـــكم الأب الحنون والأخ الصادق والزوج لك يالجــــوري المحب التـــفت لـــجهة بيتــه ومرر نظراته عليه وكـــــأنه يبي يـطبعه ب ذاكرته طلـــع خارج البيــت وقفل الباب بالمفتاح نزل المفتاح بجيبه وصار يمـشـــــي كم خطوه ابتعد عن بيــــته وصار يجر خطواته بالحي الي يحمــــل له كل حنين وذكرى حلوه لكن للأسف كل هالذكـــرى تــدمرت بغبائه وقساوة قلبه رفع نظره لمأذنة المسجد الطويله ودمعاته بدأت تاخذ مجراها بكــل حراره نزل رأسه ماله وجه يناظر لهــــا فوق وهو نزل مستواه لتــــحت حـــــرك رجوله وصار يمشي ب ضياع وحيره والحسره تعتلــــي خاطـــره المــــكســـور .... """""""""""" اشر بـيـده مع البـــاب وصوت ضحكـته وصـــلت لجدتــــه :غزيل ممــــكن أدخل تـــــوسعت ابتسامـتها اشتاقت لــشقاوة هـــالولد :مشعلوه اسمع صوت ضحـــكك ياولد من عندي ادخل ادخـــل قبل لا أقوم واكســـر هالعصا على رأسك طل مشعل مع الباب وبملامح تضـحك :طيب قولي عليــــك الأمان وانا أدخل ضحكت ام سلطان عـــلى هباله :ههههه عليك الأمان بس انت أدخل دخل مشعل بخطوات هاديه عـــــكس أسلــوبه وكأنه يمثل مشــــيت سعود :وش رأيك فيني ياجده امشي بـــكل ثقه مــثل سعـــــود ابتسمت الجده وحـركت حواجــبها لفوق :لو تمـــشي من هنا إلى الريـــاض ما مشيت مثل ثقة ورزانة ســـعود كشر مشعل وانحنى باس رأس جــــدتـــه :انتي بس بيوم كذا امدحيني وشوفي وشلون بصير أطلق حتى من سعود المغرور رفعت ام سلطان حاجبـــها وتكلمــت بإســتغراب :وش عندك جاي اليوم لحد غرفتي أمرك غريب يامــشعلـــوه ضحك مشعل بخفه وهو يجلس قبال جدتـــــه :هههههه دوم فاهمتني رفـــع يده وحــركـــــها :ابي فلوووس يالغاليه ام سلطان بجديه :ااايـــــه عرفت وش جابك الفلوس حسبي الـــــله عليك من ولـــــد عقد حواجبه مشعل ووقف قبل لاتجيه العــصا من جد على رأسه :لا ياجـــــده جيت أسلم عليك واشوف وش اخبارك واطلب منك كم ريال مو مشكله ميـــــه أو ميتــين تأدي الغرض ناظرت لــه جـــــدته وتكلمت بهدوء :طيب والي يقولك بعطيك خمس ميــــه بس تنفذ الي ابيـــــه توسعت عيون مشعل ببلاهه :هااااه وش قلتي ام ســــلطان ببتسامــه :قلت نفذ الي ابيه ولك خمس ميه نقــز مشعـــــل وجلــــس قبال ركبة جدته حط يدينه عليها وضحـــــك وكأنه مـو مصـــــدق :هههههه لا لا مو انتي غزيـل الي اعرفك ضحكت ام ســـــلطـــان على بــــلاهة هــالولد :ماادري متى بتعـقل يــامشعل مشعل ببتـسامه :أنا كذا ياجده ودوم كــــذا أحب الضحك والـــــوناسه مااحب الهم والـحزن ام ســلطان بـهدوء :الله لايجيب لقـلبك الحزن وانا أمك ابتسم مشعل بحب وانحنى باس يدين جــــدته :وربـي مايحـرمنا مــن وجودك غزوله حركت ام سلطان عصاتها وضربته بخفــــه على كتفه :مـو قــلت لعاد تناديني بااسمي كذا ضحك مشــعل بسعاده :هههههه ياحبني ل اسمــك ياغزيـــــل إلا قولـي لي وش تبين مني ابتسمــــت ام سلطــــان وهي ترسم برأسها خطه حلوه ومناسبه للكل ومحد بيساعدها فيها إلا مشعل الخبل صـــارت تـتكـلم ومشعل يهز رأسه ويستــمع لكلامها أنهـت كلامها وتكـلمت بهــمس :اتفقـــــنا حرك رأسه مشعل ببتسامه وغمز لها :افا عليـــك ياغزيل اتـفقنــــا ونص """""""""""" حرك يده وصار يـقلب صفحات الملف الـي بيـــن يـدينه والابتسامه الـــــخبيثه تعـلو وجهه حط أصبــعه عـــلـــــى صورة سعود الي مثبته بالملف وصار يضحك بشر :هههههههه هههههههه واللـــــه وطلعت وسيم يـاسعود لاتخاف بنقرص اذنك حتى ماتقرب منا ولاتفكر مجرد التفكير تسعى ورانا ركز نـــــظره عــلى الذيب الي جالس قبـاله بإهتمام :كــل معلومـــاتــــه عندك من قال لي هــادي جمعــــتها كلها بسرعه رفع الذيب نـــظره لسيف الي واقف :وجبتها ياسيف ومـــــهــــمتك تبــــدأ من اليوم تمـــشي وراه مثل ظله بالدوام بس حــــرك رأســــه سيف بالايجاب :أبشر طال عمرك بس وش صار علـــــى هادي نزل الذيب الملف علـــى المكتب وتكــــلم بنبره يعتليها الخبث :هـادي أرسلته يراقب سعــود ويقرص له إذنه قــــرصه صــغـــيره بس ضحك بسخريه : ههههههه ووقتها ماراح يفكر انه يكشف الذيب انا الذيـب ياسيف ومحد يقدر يجيــبني تراجع سيف للخلف هالانسان يخـــــوف بـــــكل حالته تكلم بإرتباك :دام الملف عندك يالذيب اقدر امشي حرك اصبعه الذيـب :امشي امشي بس من بكرا كل يوم تقرير جديد عن سعود هز رأســـــه سيف وابتعد كم خطوه عن الذيب طلع وهو مستلم لمــــهمه جديده ولازم يثبــت حــاله بالعصابه رفع يده الذيب بعد مااختفى سيف عن انــــظاره حركها على ذقنه وهو يفكر وشلون ينفي سعود ومايـــــتركه ابد يقــــرب منه كل خوفه أن هالولد يجيب حق عمه ويكون أقوى من عمه بس هـــــو يـعرف كيف يقطع الخيـــط من أوله قبل لا يوصله ســـعود وأمثاله صار يضحك ينفي كل التوتر الي يحس فيه :هههههههه شــــي يضـــــحك والله يضحك ياشبيه عمك بس مــــهـــــما كـان مصيرك مـثل عمك واردى وقل مـاقالـــها الذيب وقف وصار يمشي وهــو يدندن بـــبعض الاغـــاني الي طـــــرت على باله ولاكأنه ذبح ونهب ناس وناس حرم أب من عيالــه وشتت شاب عـن عائلته أخذ أعـــــضاء واستـــباح الــــدماء كل البرود يكتسي هالانسان الي مايخاف حتى ربه انسان بهيئة ذئب متوحش واسمه فعلا على مــــسمـــى خبيث متــــجرد من الانسانيه .... | ||||||||||||
|
| |
|
11-05-17, 05:16 PM
| #526 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| اذا جانـي الخيال بطيفك يا ابوي أعيد الذكرى يبه والدمع سيال مـــشيت يالحنان واتعبني الــــزمان ابي همـسك يقول تنام ياماكان ابيك تطل شوي هنـــــا يبه طــيفك لي هنا مــشتهــي لروحك انا كل شي بعدك فنا ...انا يبــــه أعيش الـــــدنيا بروحي محد ضـــــمد جروحي يتيمـــــه مالها أي صوت... ارتجفت شــــفايفــها زود وهي تشوف سعود يطق شباك الـــراكب بالسياره الي قدامهم ويصرخ غمضت عيـونها وصـــــوت سعود يتردد ب مـــسامعها قلـــــبها الصغير مايتحمل موقف صعب تعيشه ياويل قلبها ليــش هي بذات الــي دوم تعايــــش الخوف والهم ليش كـــل شي ضدها... خايفه لا يصيــــر مع سعــود نـفـــــس ابوها رفعت يدينـــــها وغطت وجهها وصوت بكاها يتــزايـــــد وقــف سعود جنب السياره من جهة الراكـب رفع يده وصار يطـق بكل عصبــيه :اذا كنت رجال اطلع واجهني ااااطــــلع وريني وجهك فــــتح الشـــخص المجـهول الشباك الي واقــــف عـــــنده سعود ورفع يــده دق تــحيه لسعود :حظرة الضابط سعود عقـد حواجبــــه سـعود مــن شاف الشخص متلثم ب شمــــاغه ابتسم بســخريـــه :وافتخــــر اني ضابــــط وبجيب امثالك ياحـــقير ضحك الــشخص بسخريه :ههههههه هههههههه شوف يا اخ الي اليوم بيصير لك بس قرصة إذن وهذا واحنى بس شمينا ريحة نقلك لقسم عـــــمك لكن ثق تماما لو مسكت نفــس مهمـــــة عمك اعتبر حالك تحت التراب بادله ســـــعود الـضحكه :هههههههههه عصـــابـة الذيب لاتحسبون انـي سعود الأول لا انــــا سـعود سـلطان سعود الي الكل يحسب له حساب لازم تخافون من الجاي يا.... حرك حواجبه بإســـــتفزاز :يا اخ مين لازم أتعرف عـليك شكــل دربـــــنا طويــل مع بعض حـرك يده هـــــادي للشــــخص الي جالس وراه من غير لاينتـــبه له سعود ورجع نــــاظر لســعـــــود يبي يجـاريه بالكلام حتى يــــنزل خــويـــه :معك هــــادي بس انتـــبــــه أسمـــــي ماهو علـــــى مـــــســـــماه والعكس صحيح أظن فـــــهمت اعــــتـــدل سعود بوقفته ورسم على وجــــهه إبتسامه ساخـره :مالي شرف ابد بمعرفتك سمع صوت قوي طااااااااااااااااخ ................. رفع يــده بسرعه وحطـــها خلف رقــبــــته حـــس ببلل بكفه والم بدأ يــغزي رأسه ترنح بوقفتـه ولف ناظر وراه انتبه لواحد ضــــخم الجسم ماسـك عصا حديد وواقف خلفه عرف وايقن انهـم بدأو يعلنون الحرب عليه تــهاوى جسمه وطاح عـــلى ركبه ضغط بيده خلف رقبته ووجه نـظره بسرعه لــجهة سيارتـه كل هـمه لايأذون وعد انتبه للشخــــص الضخم يركب السيـــاره ويحركون بكل سرعه غــمض عيونه بألم وشد على اسنانـــه : وبديـت الحرب يالذيب بديت وبتــندم على كل شي آآآآآخ أطلق أه بصوت خافت حــــاول يوقف يدري انها الحين منهاره وكــــل شي صار سمعته وشافته يعرف أن قلبــــها ضعيف ومايتحمل يدري انها خوافه حــــيل وكل كلامها وقـــوتها الـي تتصنعها تتبخـــــر بمثل هالاوقات اعتدل بوقــــفته المترنحه وصار يـــــمشــــي يسحــب نفسه بالقوه كل شي يدور حوله ودمه صار ينــزل بغزاره واضح انه جرح كبيــــر وعميق عض علـى شفايـــــفه بألم :اااه لا ياسعـــود لاتضعف لاتضعف آآآآآخ توسعت عيونها المليانه بـالدموع الرجال الي واقف ورا سعود غدره صـرخت بـكل صوتها تـــــبـي سعـود يــــسمعهــا بس واضح ان الرجال ضربه بالحديده الطويـله من غير لاينتبــه له سعود شافــــت جسده يتهاوى ويــــطيح بالأرض دفنت راسها بـحظنهــا وصارت تبكي بإرتجاف... كل شي بهـالحـــــظه توقف والوقت وصلها لحد الجنون هذا واقع مـن حياتها ودمعها وحـــــزنها و انـكــــسارها أثـبت انــها تعـــــدت الظــــنون سمـــعـــت صوت طق على شباكها زادت رجــــفتها رفــعت رأسها بخوف وانتبهت لسعود متسند على باب السياره مررت انظـارها حولها وماشافت أي ســـــياره رفعت يدها ونزلت شيلتها على كتفها فتحت كل الأبواب الـــمأمنـه برجفه وحركــت يدها علـى مقبض الباب فتحته وتكلمت بصوت باكي :سعوووود صار لــــك ش انقطــع كلامــها من طاح سعود عــــلى ركبه جنب بابها حس أن كل شي حوله اسود صوت وعد الخايف يتردد على أذنه غمض عيونه وفتحها بسرعه هز رأسه يبي يصحصح مايبي يزيدها خوف رفع رأسه وانتبه لها تنزل من السياره وتجلس قباله وتبكي حرك رأسه بـــالنفي وابتسم بالم يبي يزيل عنهــــا الخوف :ماآآفيني شي ماآآله داعي الــــخوف لاتبكين لاتبكييين ارتـجفت شــفايــــفهـا زود وحــــركت يدها حطتهــــا على رأسه مــن الخلف تبي تتاكد انه ماصابه شي لكن حست بغرق سحبت يدها بسرعه وصارت تناظر للدم الي بلل يدهـا صرخت بخوف ورجفه :سعووود وشلووون تــقول انه مافيك شي تكفى تكفى لا يصير فيك شي لاتموت مثل أبوي انت وعدتــنــــي انك بتاخذ حقه خليك قوي ضـحــك سـعــود بالـــــم ووجع بس كل الي يبيه انه يثبت لهـا انه قوي وماتــجيبه أصابه مــثل كذا :هههه أنا سعود سعود ياوعد قوي ومايهزه ريح مد يـــــده لها :ساعــــديني أقوم بريح بالسياره انا بخـــير لاتحاتين مسكت يده وشدت عليها سحبـتها وحـــطـت ذراعه خلف رقبتها وقفت ووقف معها ســــعـود مشت خطوتين وســــاعدته يركب مكانها جهة الراكب نــــاظرت له بجديه :رجع رأسك لورا ولاتـــغيــــب عـن الوعي تــــسمعني توسعت عيون سعود وعقد حواجـــبه رفع كفه وضغط على جرحه كل شي حوله مثل الضباب همـــس بألم :ماراح اغيب عن الوعي بس وش تسويــن يامـــجنونه صرخت وعد بصوت بــــاكي وهي تركب مكان سعود :وش بسوي يعني وش بسوي اتركــك تموت بااخذك للمستشفى يــامتهور يعني وش بيصير لو تجاهلت السياره ومشيت بكل سرعــــه غمض عيونـــــه وتكلم ببتسامه تحـــمل معها كل معاني الوجع :لاآآني مااعرف للخساره طريق أحــــب اوجه دوم مصيري ياوعـــد فهـــــمـتي عـلي هذا انا سعـود اذا مابعدك تعرفيني هاذي وحده مـــن خـصالي مااحب أستسلم ابد وأحاول احاول لحتى أوصل لمبـتغاي سكت شوي وبــــلع ريقه الجاف تكلم بهمس يلاا يـــنسمع :أتــمنى تكونين فهمتي عـــلـي صرخت وهي تهز راسها بالنفي ملامح وجـهه كلها الم وشـــــفايفه صارت بيضاء يـــــاخوفها يصير فيه شي ويرجع ينعاد الماضي مع سعـود شدت على شفايفها المرتجــفه وصوت شهقاتها تطـلع من غــير شعور :ااالحين قلـــي وشلون أشغل السيــــاره تكلم تكـــــفى يا سعـــــود تكلم لازم أخذك للمستشفى سعوووووود أاانطق .....لاااتسكـــــت لآآآآآآ """""""""""""" انتهـــى الفصـــل أتَمنٍى- يٌنال… عّلى' اعــــجاٍبكـم} واّلقاٌدٓم< أجـمِـــل: بٍإذن اُللٗه* ارِاكـم؛ تًه٘مـــــنــــيʼ وتعل٘يُقٓاتًكــــم؟ بٗعد\ أتمِنْى› لۤكِم‘ قٓراءۤة¨ ممتٍعُة و< انــتظْر« تعليقاْتـــــكٍم' بٗشوّق تۤحياااۤاٌاًاتــي› عيون الـــريم ^_^* | ||||||||||||
|
| |
|
11-05-17, 05:22 PM
| #527 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| الذين يشاهدون محتوى الموضوع الآن : 4 ( الأعضاء 2 والزوار 2) عييون الريم, ندى المطر منوره ندى المطر أتمنى لك قراءة ممتعة عزيزتي ^_^ | ||||||||||||
|
| |
|
11-05-17, 07:25 PM
| #528 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| الذين يشاهدون محتوى الموضوع الآن : 7 ( الأعضاء 4 والزوار 3) عييون الريم, modyblue+, موضى و راكان, شجن القلوب+ منورررررين غالياااااتي 😘😘😘 | ||||||||||||
|
| |
|
11-05-17, 07:30 PM
| #529 | ||||
| نجم روايتي  
| السلام عليكم ورحمة الله وبركاته اهلا اهلا منورة كتييييييييييييييييييييير واخيرا رجعت وبفصل جميل حيل ودسم كمان وتطورات وحركات ايه الجمال ده عجبني جدا وف انتظار القادم شـكــ وبارك الله فيك ـــرا لك ... لك مني أجمل تحية . | ||||
|
| |
 |
| أدوات الموضوع | |
| انواع عرض الموضوع | |
|
|
29Likes
العرض العادي
