20-09-18, 04:53 PM
| #661 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر 
|  يا عين زفي گامل آلشوق زفيـ? مـا عـاد بـاقي للتعابيـر ،، حيـلـ? مهما نطقت بداخلي شئ مخفيـ? وشلـون آعبـر والمشاعـر ثقيلـ? آللي نحب? صعب بالنطـق ، نوفيـ? مهما حگيت آشواق تبقى قليلـ? آلشوق بحر و لا لحـقنـا ،خوافيـ? لوغصت في بحره ليالي طويله ""الفصل التاسع "" خــيووط الـصبــآح بدأت تتســــلل لتشرق عـــلى ابـطالـنا يوم جديد يوم مايعرفون خفآياه لكن يعرفون زين من مدبــره بدات تتسلل لخشمه رائــحة المعقـمات يحس بالألم يغزي رأسه ومثل الإبر تنغـزه يالله وش هالوجع ماهو مثل العاده لآصحى مــن النوم وش الي يحتويه بهالحظات فتح عيونه بثقل غير عــن العاده عقد حواجبه ورفع كفه بسرعه ضـــــغط على رأسه من الخلف مرر نظراتـــــه حوله توه يستوعب وش ألي صــــار له ...بــدأ كـل شي ينعاد عــلـيه نبضات قلبـــه زادت ويــن وعد ليش مـايـشوفها ليش ماهي حوله كان يشوف انهيارها وماهو قادر يســوي شي ...بكل بســــاطه غاب عن الوعي بيـن يدينها وتركها تـــواجه مصيرها نزل يده وشد عليها جلس بسرعه والقلق الوحيد هو الـي مســتوحذ أفكاره وش صار ومين جابه معقوله وعد ســوتهـا معقولــه كسرت كل القواعد وساقت عشانه هز رأسه بالنــفي باقي مـاهو مستـوعب الي صار من حولـه يلوم نفسه حيل... رفع نظره بسرعه من سمع صوت بـــــاب الحمام يــنفتح تـوسعت عيونه وهــو يشوف وعد تطلع منه وتــمشي بهدوء تكلم بــهمس :وعد ميــــن جابني هنا ظلت دقائق قـــبال المغسـلـه تغسل الــدم ودموعها تنـزل بـــلا توقـــف الي عـايشتـه اليوم رجع فتح لها جروح تحاول تخفيها سمعت صوت حست قلبها بيوقف اكيد سعــود صحى طلعت من الحـمام بسرعه بخطوات خـــــايفه متوتره ماتدري ليش بـس كل الي تعرفه انها خافت لايـصير ل سعود شــي وقفت من شافته جالس ويناظر لها بـــــإستغراب وصـل لها صوت همسه المبحوح ماتدري وش ألي احتواها بهالحظه هذا هو جالس ويتكلــم زادت دموعها رفعت يدهـا وصارت تمسحها بــشكل طفولي تقدمت منه بسرعه وهي تتكلم بصوت باكي :ســـــعود صحـيت .. انت بخــير ..يـوجعك رأسك ناظر لها بعدم أستيعاب قلبه يـدق ملامحها حيل بريــــئـــــه اول مره يشوف هالملامح منهـــــا وهالخـوف الي واضح عليها نبرتــها سوت سواتها فيـــه تـــــكلم بهدوء :انا بخير بس ماقلتـــي مــــين الـي جــابــــنـــي هنا حركت راسها بالنفي وجلســــت جنــــبه عـــــلـى السرير :محد جابك رفع حاجبــه اليسار بإســـــتغراب :وشلون يعني لا تقوليـــــن إن ... قاطـــعته بنـبره غريــبه :ايـه انا انا سقت السيــاره وجبتك هنا تــــوســـعـت عيونه و تبدلـــت نظرته بـدأت تنرسم شــبه ابتسامـه على شــفايــفه :من جدك وعد سقتــــي السياره ضحـكــت على ملامـــحه :هههه ايه من جدي انا بـــــنت سعود و.. قاطعها من حط يدينه على وجهها ضم خدودها بين يدينه ركز نظراته علـــى عيونها الي تناظر له بنظرات عتاب خوف قلق يــــعرف أنه مذنب هــــاذي البــــدايه وماقدر حتى يـــــحمـــــي نفسه أجل وشــــلون ب الجاي الصعب وشلون بــــيـــــنفذ وعده ل هــــالبنت البريئه يعرف لســـانها الطويل وأسلوبها الجاف لــكـن الي شافه منها اليوم كان يدل على برائتها قوتها ضعفهـــــا خـــــوفها بـــــنفس الوقت نزل جبيــنه وسنده علـــــى جبينـــهــــا تكلــم بنــــبره هاديه جدا :وزوجة سعود وتاج رأسه و ادري انك قـــــدها بس قبل كل شي ابيك تسامحيني ياوعد مــــاكنت أبي اخوفـــك ولا أوجعك ادري عانيتي بـسببـي ألوم نفسي حيل عـــلى الي صار مدري وشلون لو تجرأ واحد منهم و ســـوا لك شي كيف بسامح نفســـــي كيف الرجفه اعتلت كل خليه من جسمها ليش تحس بــهالضعف بين يدينه ليش تحس انها عاجزه وماهي قادره حتى تبعـده عنها كل حصـــــون القوه تلاشـــت منها رفعت يدينـــها وتمسكـــت بسترته مع صدره ارتفعت صوت شهقاتها وصارت تعلى وتعــــلى توها بس تستوعب انها ماتقدر تقاوم أكثر مــن كذا نبرة سعود الحانيه أسلوبــــه الدافي ملامحه الهاديه كلامه الموزون حـــتى في أصعب الأوقات... تعرف انه كان خايف عليها تعرف انه يـــلــــوم نفسه وهي بعد تلوم نــــفسهـــــا حييل الحين بس تأكدت انه معرض حـــيـــــاته للخطر عشانهـــــا وعــشان ابوها لكن الي تكرهه هو احـساسها بالنفور منه شدت بــيدينها على سترته العسكريه زود وركـزت عـــــيـــونها الدامعه بعيـــــونه الي تناظرها بحزن : لا تـــــعيـــدها ياسعود.... لاتعيدها كنــت بمـــوت من الخوف ....كنـــت بنجن... مين هذولاك الناس لاتكذب علي ...هم الي ذبحوا ابوي صــــح.... قل الصدق والـــله بسامحك بس انت قول لاتـــخبي عني شي ...تكفى طلبتك أبعد جبينه عنها ونزل يــــده خلف رقبتها سحبها بسرعــــه لــه ودفن رأسها بصدره حاوطها بـيده الثانيه وضمــها له زود :ماراح أعيدها وربك ماراح اعيــــدها ماكنت مستعد لهم ماكنت أظـن أنهم يراقبون تحركاتي و الي صار لي درس حتى ما اتهاون بشغلي لاتحاتين بجـــــيبهم واللــه بجيبهم واخليهم يعضون اصابعهم ندم تكلمت وهي دافنه رأسهـــــا بصدره :يعنـــــي هم الي ذبحوا ابوي ســــعود بهدوء :هم يــابنت سعود هم يــــاوصية سعود وربك لاانتزع هالالم الي يحتويك وابرد قلـــبك على فراق غالــــيك ابـــتعدت عنه ومازالت نظراتها مـعـلقه عليــه تكلــــمـــت برجــفـه وتردد :وتتركني بحــالي ابتسم سعود ابتسامه تحمل معهــا مشاعر مخفيه مدفونه من زمـــن كان يمنعها.. كبرياء الي جالسه قباله كـــانت تمنعه لسانهـــــا الطويــل ورفـضـــــها له من جميع الجهات كانت تضعفه كان مايبـي يــذل نـفسه لها أو يـــــوضح حبه لها من زمن كــانت تـصــــرفاتـهــا توجعه بـــإخـتصار حب من طرف واحد... بيستمـــــر معــها بيكسب قــــلبها بيتركها تصير مـــــجنـــونتـه ومايكون سعود لو ما سواها لـــــكن بـإسلوبه تكلم بنبره غــريبه :فـــــي هاذي مااوعـــــدك انتي زوجتي ووصيــة عمي وشلون اتـركك حركت شفاتها تبي تتكلم لكن حط يـده على فمها وكمل كلامه :لا تقـولـــيــــن ولا حرف انسي ...انــسي كل شي ولكل حادث حديث اوكيه هزت رأسها وابعدت يده عن فمـــــها وقــــفت ورفعت شيلتها المشـــقوقه وصارت تــرتبها على شعرها :دامك صرت زين الـــــدكـــتـور قال من يصحى مسموح لــه يطلع على طول عدل سترته ووقف بثقل رأسه مازال ثقيل رفع يده وحطـه على الشاش الي مغــطـي رأسه من الخلف تكلــــم ببــــتسامه فيـها شويـة الـم :طيب بس عساك مـوقفه السياره زين مو ساحبيــنها المـرور بــــسبب وقوف خطاء والله وانقلــــبت الأمور صارت الحرمه تـسوق والرجال يمرض ضحكت وهي تمسح بقايا الدموع العالقة بخدها وتــتـــــذكر وشلــون ساعدها رجل الأمن الكبــــير بالـــسن ووقفها بدالـها واسعفوا سعود بسرعه :ههههه وش اسوي انت رحت بعالم ثانــي وتركتني علـى العموم لاتخاف وقفتهــــا زين مو قلـــت لك انا بنت سعود توسعت ابتـــــسامـــته زود :وانا قلت لك انـــك زوجة سعود تجاهلت كلامــــه وأعـطته ظهرها رفعت نقابـــها غطت وجهها وصارت تمشي قباله وهو يتبعها بخطوات هاديه يـــتامل مشـيتــها بهدوء انرسمت على شفاته شبه ابتسامه عـلى حاله يستحقــــر نفسه الف مره على الي صار له و وعد معه ماكان يبيــــها تحس بخــطورة الــوضع ماكان يبي الخوف يغزي قلبها الصغير تنهد وهـــــو يشوفـهـــــا تــأشر علـى الســياره ترك أفكاره وصار يمشي بخطـــــوات سريعه تعـــداها ووقـــف قبال باب السائق مد يده :هاتي المفاتيـــــح يا مدام وعد وإلا تبين تسوقـــــين بعد ناظرت له ب ضحكه ورمت المفـــاتــــيـــح طاحت بيـــن يـده ابتسم ابتسامـــــته المعهوده وهو يفتح الباب :والحين تفضلي اركبي ركـــبت وعـــد مكانها وعــــيونها تراقب ســـــعود شكله مازال تــعبان لكن مــــع هذا يحـاول يخفي كل تعبه ويوهمـها انه قوي وبخير ومايأثر فيه شي ماتــدري ليش هالانسان كذا عـــنيد وأسلـوبه غريب ....... """""""""""""" بين همسات وضحـكـات ودموع... حـاير فكرها فيه بـسمته ضحكتـه حتى دمـعـته الي ذبـحتـها مازالت نبـرة صوته الي هددها فيه يوم عزا أبـو رعد يرن بأذانها معقوله طلع الـكـلام من قلـبه وماعادت تهمه ويبي يـأخـذهـا غصب عنها هزت رأسـها تـنفي الأفـكـار.. تبي تنـتـشل نـواف من عقـلها ومن قلبها ومـن روحها حتى ... ماعادت تبي طاريه غمضـت عـيونها ونزلت رجولها بـالـمسـبح الي جالسه قباله بدت برودة المويا تداعب رجـلـها بلعت ريقها وصارت تحرك رجـلـها بعشوائـيه تبي تلـهي نفسها ماتبي عقلها الغبي يتمرد زود سمعت همس اسمها بنبره حانيه وقريـبـه منها فتحـت عيـونهـا وابتسمت لفت تناظر وراها وتكـلمت بهدوء :تركي انت جيـت ناظر لها تركي بحزن وتقدم منها كم خطوه حتى صار واقف جنبها وجه نظـره للمـسبح وكتف يدينه وصار يتكلم ببتسامـه :جيت جـيت المزرعه ولأول مره بعد شـتاتنا احـنـى الأربعه انا وانتي وريان ونواف وجهت نظرها للمسبح وبدت عيونـها تغرقهـا الدموع :لاتنسى قبل سنيـن مضت كنا خمـس مو أربع وكل ذكرياتنا هنا ضحك بنبره فـيها حزن :هههه صح بس هذاك زمان الـحيـن كل شـي تغير الـكون ب أكمله تغير راحـت ايام قضيناهـا حلوه وراحت آمال واحلام بس مهمـا كان بيبقى الحـنين ب قلـوبنا بنسترجع كل ذكريـاتنا ابتساماتنا ضحكاتنا هبالنا حرك نظره للميس الي سحبت رجلها مـن المويا وضمتها لها انحـنـى وجلس على ركبه جنبها مد يده وحطها على رأسها وصار يبعثـر خصلات شعرها الناعم بخفه :بـيبقى كل شي ب قلوبنا مع نـاس رحلوا وناس فـقـدناهم وناس مازالوا يرجون لقانا ب نرمـي الجروح ونصنع الأمل لميـس انسي كل شي سامحـي وانسى وصدقيني نواف راح يعرف أنه غلط بهروبه وبيرجع لك قاطعته بنبره حزينه :وإذا انا جـرحـته وأهنته ابتسم تـركي بحب :ب ينسى نواف أعرفه زين هزت رأسها بالنفي ودموعها مااخذه مجراها :ماتعـرفه كثري انا عتبانه عليه و زعلانه قلـبـي شايل منه كثيـر مو قلـيـل لاتزيـد اوجاعـي ياتركي تـنهد تركي بـهم ونزل يده عن رأس لميس :طيب ماراح أزيدك يـابعد قلبي بس مهما كـان لاتنسين انـه كان يـعـشقـك بجنون من الطفوله من كنا نـلـعب هنـا بالمزرعـه ونجتمـع بفرقتنا العـجيبه ضـحكت مـن بين دموعهـا ياهالذكريات الـحلوه :هـههه لاتذكـرني بالفرقـه العـجيـبه مالقينا إلا هذا الاسم بادلها تركي الضحكه :ههـهههه ايه اضحكي تضحك لك الدنيـا عـاد هـالاسم اخترعتيه انتي حركت راسها بالـنفي وهي تمسـح دموعهـا : لا مـو انا الظاهر انك نسيت أن وريف هي الي اخترعـته ضـحك بـخفه وهو يوقف ويمد يده لاختـه :هههه شكلـها بدت الزهايمر تلعـب فيني وانا توني شباب نسيت وانا اخوك حركـت كتـوفها بـبتسامه : مو انت قلـت كل شي بالذاكره موجود تركي بهدوء :صح موجود و راح استرجـعه شوي شوي بس قبـل كـل شي ماودك تودعيـني صار لي ساعتين مـن جيـت المزرعه وشفت كل أنواع الـدموع دموع امي ودموع جنى والحين دموعك رفع يده يناظر ساعـته :على كـذا راحت رحـلتي وانا اشوف دموعكم ضحكت لميس بـخفه هذا هو تركي اشتاقـت له حيـل ظـنت انهـا ماراح تشوفه بعد الي صار تقدمت منه زود ورمت نفسها بحظنه تبي تودعه تبي يخلص من عقدته الي بـسبب الحادث تبيه يرجع ميـه بالميه تركي الأولي ثقـته فـي نفسه فوق كل شي يتباهـى دوم بوسـامته يحب يلبس يحب يكشـخ ضمته زود وتكلمت بـهـدوء : تروح وترجع بالسلامه تركـي ابتسم وضمهـا له بحنان يـدري انهـا فاقدته وفاقده ريان ونواف ابعدها عنه وناظـر لها نـظره كلها أمل :الله يـسـلمـك يـااختـي توصين على شـي حـركت راسهـا بالنفي :ابي سلامتك يالغالي صـفق بـيدينه وهو يناظرهم وصار يضحك من قـلب : ههههههه تركي لمـيـس حسستـوني انكم بمسلسل رومنسي لفوا اثنينهم ل مشعل الي واقف قريب منهـم تقدم منه تركي :ابي اعرف انت ماتعرف إلا الإستهبال والـضـحك على أي شـي هز كـتوفه مشعل :تقدر تقول أنه أسلـوبي النادر ابـتسـم تـركي وهو واقف جنب مشعل :جعل الابتسامه دوم مـاتفـارق شـفاتك مشعـل :امـين يارب إلا قلي ب تسافر صدق تركي بهدوء :ايـه بسافـر يـادب بسـافر رفع حاجبـه مشعل :الحين كل هالـرشـاقـه دب أجل لو كنت مـليان وش بصير لميس ب ضحكـه :هههه بتصير برميل ناظر لـها مشعل :لا والـله اقول اسـكتي يازيتونه حطت لـمـيـس يـدها على صدرها :هيييه يمه منك زيتونه مره وحـده ضحك تركي بصوت عالي :هههـهههه جبتها يامشعل زيتـونه ماغيرها الي مع بباي ناظر له مشعـل ب ضـحكه :لاتضحك وانت بباي بنفسه كتف يـدينه تركـي :لا أجل اذا انا ببـاي وأختي المـزيـونه زيتونه أجـل انت بلوتو وش قلت ابـتـسم مشعل :اوكيه موافق يلا يالحبيب روح قبل لا تطير طـيارتك تـوه تركي يـستـوعـب رفع يده وصار يلوح فيـها :اوكيه اشوفك على خيـر بلـوتو مشعل بهـدوء غير عن العاده :الله معك """""""""""""" صـحى من النوم عـلى صوت خفيف يـصدر مـن حولـه استغرب حيل فتح عـيـونه ورجع غـمـضها وبـدات أحداث أمس ترجع لمذكرته استوعب هالصوت الي يصدر رفـع رأسـه بـسرعه وانتبه لأسامه جالس بالأرض عند الكـومدينه وضام رجوله منزل رأسه بحظنه ويبكي بـصوت خافت تألم حيل لمنظر هالطفل اكيـد انه متاثر بـالي صـار مسح وجهه بهم وقام من على سريره انـحنى وجلس قبال أسامه ظـل يناظر له لـحظات وتكلم بهدوء :أسامه وش قلنا احنى مايصير تبكي رفع أسامه رأسه من سـمع صوت رعد :ابي اختي ابيـهااااا هز رعد رأسـه بياس :بتـروح ل اختـك مـو وعدتك أمـس وبعدين شكلك مو مصدقني صـح أسامه حرك يدينه أسامه بطريقه عشوائيه وبصوت باكي :لا لا مصـدقـك استاذ بس انـا اشتـقت لها حيييل ابتسم رعد وصـار يـحـرك يده بشعر أسامه بحنـان :واكيـد هي اشتاقت لك وباخذك لها بعد الـفطـور بـس علـى شرط ابيك تأكل زين اتفقنا مسـح أسامه دموعـه ببتـسامه طفوليه :اتفقنـا أستـاذ رعد ضحك رعد بخفه وهو يحـرك السـبابه بالنفي :وش قـلت لك من قبل أسامه بإستغراب :وش قلت رعد وهـو يوقف ويسحب أسامه معه لحتى وقف :رعد انا هنا رعد و بـس طيب ضرب أسامه رأسه بـخفه :نسيت طيب رعد رعد بهدوء :فديت المطـيع يلا لازم نـأخذ لـنا شور حتى نـصير نشيـطين ونـروح ل جوري تمام أسامه براحه :طـيب انا قبلك بروح للحمام ابتسـم رعد بحب :امم وش رأيك نتسابق و الي يوصل لدورة المياه هو الـي يدخل قـبل تمام نـاظر له أسامه وكأنها أعجبته الـفكره وصار يعد معلن بدأ السبـاق :واحد اثـنين ثـلاثة انـطـلاق وصار يركـض قبل رعد ناظر له رعد وهو يمشي ببط وراه يبي هالطفل يدخـل قبله ويحس انه هو المنتصر يبي معـنوياته ترتفع وثقـته بنفسه تزيـد واضح انه حتى هـو ماسلم من أذى ابوه وزوجـته توسـعت ابتسامـته من شاف أسامـه دخل الحمام وقفل الباب تكلم رعد من خـلف الباب :لا يابطل سبقتني أجـل انت الـفايز هالـمره يـلا خـذ دش حلـو واطلع انا مجهز لك مـلابس من أمس تمـام سمع صوت أسامه الطفولي يرد له تـنهد براحه ورجع اتجـه ل سريره جلـس عليه وهـو يـقلب أفكـاره مع حياته الي مقبل عليها ويجهل مـحتواها """"""""""" | ||||||||||||
|  |
|
20-09-18, 04:59 PM
| #662 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| ابتعـد مشعل عـن تـركـي الـي راح من دقايق ولمــيــس الـي دخــلت بــاالـفلـه الـصـغـيـره المـتواجده بوسط الـمـزرعه تـنهـد وجلـس قـبــال المــسبـح حـرك يـده عـلى خده بحيره مــن الـرسايـل الـي وصلتـه الـيوم أمرهــا غـريـب حيـل واضـح انهـا تـهديـد غـير مبـاشر بـس مـن مـين ولـيش مـايدري والاغـرب أن المـرسـل يعــرفـه... ويـعـرف كل شــي عـنه سمـع صوت جـوالــه يـعلـن عــن وصول رسـالـه جديده نـزل يـده بــجـيـبـه وطلـعــه بـسـرعه فتـح الـرساله وتـوسعـت عيـونـه (اطـلع مــع بـــاب الــمزرعــه تـلاقـــي ظرف لـك خذه وشوف وش فيــه وبـعدهــا نـتـفـاهم مع بــعض ) شد عـلى جوالـه ووقـف نـزلـه بـجـيـبـه وصار يـحرك انظاره يـمـيــن ويـسـار وهـو يـمـشي بـخـطـوات ســريعــه وشـلـون عرف هالـشــخـص الـمجـهول بــوجوده هـنــا بـالـمـزرعـه زاد بـخـطواتـه وطـلع بـرا المزرعــه تـعثـرت خطـواتــه بـحـجر وازن نــفـسـه ونـاظر للأرض انـتـــبه ل ظـرف فعـلا نـفـس الي بــالرسـالـه انـحـنـى وكل عــلامـات الاستـفهـام فـوق راسه اخـذه واعـتدل بــوقـفته وصـار يــتـلفـت حولـه مافـيه أحد حـتى سـيــارة تـركـي مـاهي موجـوده مـين لـه مصـلـحـه بهالـعـبـه ابـتـسم وصار يـفـتـح الظـرف:نـشـوف وش هالسخـافــه عـقد حواجبـه مـــن وضـح لـه الـي ب الــظرف وتــوســـعـت عــيـونــه وهو يشوف السكين جوات الظرف ومليانه دم ارتجفت كل خلايا جسمه زود وبـدأت التـسأولات تــجيــه مــن كـل مـكـان ليش وكيف حـس بــيـد غطت عـلى فــمـه مـن الـخـلـف وشـدت عــلـى فكـه زاد ارتباكه حـاول يــبـعـد هالــيـد عنـه بــس انـشلـت حـركتــه من الشي المجهول الـي مـثـبت عـلـى ظـهـره ....... """"""""""" مرت ساعات كأنها سـنين تعـتصـرها بين أقطاب الندم وجلـد ذاتها على قرارتها وظلمهـا ل جوري وأسامه هاذي هي رجعت من جـديد لحياة اليـاس رجعت واكيد هالـمره بتكون نهايتها على يده يامـا كانت تشوف أن زواجها هو الشي الوحيد الي بيفكها من الـظلم الي ذاقته سنين وهاذي هي ذوقته لعيال رياض بكل بساطه .... مررت حـصـه نـظراتها على الـغرفه المظلمـه الي كانها اشبه بـمـخزن مهجور شدت على عـبايتها مـع صدرها ودموعها تـنزل بـقهر عـلـى حالـها : ياويـل حالي والله انـه من يـعرف بـيـذبحنـي زحفـت لـلزاويه الي قـريبه منها وهي تـشوف باب المـخزن ينفتح بعـنـف غمضت عيونها والرجفه سرت ب جسمها وهي تسمع صوته القاسي يصرخ باسمـها :حـــصــــه تقدم منـها وبكل ماتعني مـن قسوه رفع عقاله وانهال علـيها بكل عنف :أاانا مو قلت لك لاعاد اشوف وجهك وش ألي جاااابك قولـي هاااااااه رفعت نظرها له بكل الـم توها الحين استـوعبت فداحت خطاها مـع عيـال رياض تكلمت برجفه وبصراخ :رياض طـلقني طـلقني يـااخوي انحنت وتمسـكت برجل اخوها الخـالـي من المشاعـر :تكفى تكفـى ياهادي بصـير خدامه لك ولزوجتك لاتطردني انت اخوي من لي غيرك تكفى حـرك هادي رجله بعنـف ودفها عنه رفع يـده بتهديد :صوتك ماابي له حس هنا فاااهمه وزولك لااشوفه ابد ابتـعد عـنها وهو يسب ويلعن فيها وش جابها له بعد سنين ماصدق وهـو خلص منها وزوجها بعد ماعنست عنده طلع مـن المـخزن وقفله عـليها لف ناظـر لزوجته الي واقفه بخوف :اسمعي مـاأبي مشاكل يكفي اني مـتحمـلك تجي هاذي وتزودها ارتجفت نوره من ملامحه الغاضبه عكس اسمه الهادي حركت راسها :أبشر ياهادي مر من جنبها وبغـضب :كلـها دقـايق واشوف الفطـور جاهز دخل غرفـته وهو يلعن ويسب كـل الحـريـم انتبه ل جواله يدق رفعه وجاه صوت الذيب :ياهلا بـذيبنـا ههههه ...لا لا تخاف مراقب أكثر من قبـل وتوه طالع من المستشفى مع بنت وشكلها تصير زوجته.... ضحك بخبث :تبي تراقبه انت بنفسك اوكيه لكن ب اقولك من الحينx بيجي لصوبك ويترجاك تتركه...وماهي بعـيده نستدرجه يشتغل معنـا مـثلـه مثل غيره .....ههههههه اترك حقدك عـلى أبو رعـد الرجال مـات وشبع مـوت اوكيه بعد ساعه أكـون عندك ونتـفاهم قفل من الذيب وشد علـى اسنانه رمى الجوال بالجدار الي قباله طاح وتفـكك لقطع رفع يده وهـو يـلمس الخاتم الي بـيـده :لاتـحسب انـك الـكبير يالذيب مصيره يـومك يجي وعلى يدي ووقتـها اصير انا الكل ب الكـل وبعدها تصـير انت بح ههههههههههههه.... أطلق ضـحـكاته العاليه الي تسبب اشمئزاز لكـل من يسمـعها ويعلـم أن هالشـخص قلـبه أقسى من الـحجر ... """""""""""" وقفت قبال المرايه وهي ترتب شعرها ابتسمت ابتسامة حزن تتخللها بعض من المشاعر الغريبه الي اجتاحت قلبها من امس... حركت راسها بالنفي وبدا طيف اختها ينرسم قبالها اشتاقت لها حيل حاسه بفراغ كبير يحتويها بعدم وجود دلوعتها أختها لكن من مات ابوها اختفت وعد الاوليه ومعادت هاذيك البنت المرحه المغروره الطفوليه راح من كانت تتدلع عشانه رفعت ديما يدها ومسحت دمعه خانتها عقدت حواجبها وتوها تنتبه أن سوارتها ماهي موجوده بيدها نزلت يدها وصارت تتلمس معصمها :ياويلي وين راحت انحنت عند التسريحه وجلست على ركبها بالأرض وهي تدورها مثل المجنونه كلها ولا هالسواره هاذي ذكرى من ابوها الغالي وقفت بسرعه وكأنها ملسوعه :أنا الغبية توني انتبه لها.. قربت من سريرها وصارت تنفضه وتدور تحت المخاد وبالارض فتحت أدراج الكوميدينه درج درج لكن عجزت تلقاها توجهت ل دولاب الملابس ونفس الشي مالها أثر دخلت الحمام تناظر المغسله يمكن تكون فيها لكن خابت كل امالها طلعت من الحمام وقفت بوسط الغرفه رفعت يدها وغطت وجهها وصارت صوت شهقاتها تطلع :وين راحت وين ياويل قلبي يايبه لو تروح سوارتي وهي ذكرى منك طلت مع الباب المفتوح وهي ماره من عند غرفة بنتها قلبها نغزها وهي تشوفها تبكي بوسط الغرفه تكلمت بخوف :ديما وش فيك يابنتي ديما من سمعت صوت أمها لفت لها بسرعه وهي تحرك يدها اليمين مكان السواره :يمه سوارتي ضاعت الذكرى الباقيه من ابوي اختفت تقدمت ام رعد منها وهي تهديها :وين يعني بتروح اكيد ضاعت منك في غرفتك تكلمت بصوت باكي :لا والله ماهي ب غرفتي قلبت الدنيا عليها يمه انا بدون سوارتي ولا شي انتي عارفه ان ابوي الله يرحمه صممها خصيص لي أنا ووعد وقال لنا تحافظون عليها ضربت خدها وهي تزيد بكا:اههههي اااا وهذاني بكل بساطه ضيعتها انا انا مااستاهلها يمه قربت زود من بنتها وضمتها :خلي عنك الدلع مهما ضاعت بتلقينها والحلال وانا أمك مايضيع أيه وبعدين متى آخر مره كانت في يدك هدت شوي ديما وتكلمت بصوت مبحوح :يوم زواج وعد ابتسمت ام رعد وهي تحرك يدينها تحت عيون ديما تمسح الدموع :بنلقاها وانا أمك انا أكلم الخدم يدورونها تمام ابتسمت ديما بحزن وهي تهز راسها وتحاول تتذكر وين هي حطتها ...... """"""""""""" عـقد حواجبـه مـــن وضـح لـه الـي ب الــظرف وتــوسـعـت عــيـونــه وهو يشوف سكين جوات الظرف ومليانه دم ارتجفت كل خلايا جسمه زود وبـدأت التـسأولات تــجيــه مــن كـل مـكـان ليش وكيف حـس بــيـد غطت عـلى فــمـه مـن الـخـلـف وشـدت عــلـى فكـه زاد ارتباكه حـاول يــبـعـد هالــيـد عنـه بــس انـشلـت حـركتــه من الشي المجهول الـي مـثـبت عـلـى ظـهـره غمض عيونه وكأنه مستعد للي بيصير له حس أنه بأي لحظه بيموت وتنتهي حياته عند هالحد ماراح يتزوج ولايخلف ولا ولا ولا .... كل هالحوارت بمخ مشعل حس فكه ب ينكسر من الضغط فتح فمه وعض اليد الي حول فمه بكل قوه دخل رجله بين رجل الشخص الي خلفه وحركها بعنف حتى حس أنه طاح على ركبه وتركه تنفس بقوه وهو يلف ويشيل الشي الي مثبت على ظهره رفعه قريب من وجهه وتوسعت عيونه صار يرمش بقوه لف وصار يناظر للشخص الي الابتسامه شاقه حلقه بغى ينجن صرخ بكل صوته :ااااااااااء ضفدع ااااااااااء رماه في الأرض بقرف ورفع ثوبه حطه بفمه وقرب من ماهر الي يضحك من قلب وجه له كم بقس ومسك شعره يحاول ينتفه بيدينه :والله والله قليل الي بسويه فيك يانذل أجل انا تسوي فيني هالمقلب حسبي الله على ابليسك بغى قلبي يوقف ظنيت اني بموت نفس مامات عمي رفع ماهر يدينه يدافع عن نفسه وهو يضحك :هههههه مقلبتك والله هههههه آآآآآه يابطني حسيت انك بتموت بين يديني وجسمك كله يرجف مشعل بقهر :عساها ترجف فيك الأرض قل امين ضحك ماهر وهو مستسلم لشد مشعل شعره :ههههه خلاص كسرتني وقطعت شعري أسف وحقك علي يامشعلوه فك مشعل شعر ماهر من يده ودفه عنه جلس بالأرض وهو يتنفس بسرعه :اااه والله والله لو تعيدها انها لتصير علوم ابتسم ماهر وهو يكتف يدينه :تستاهل لك كم يوم غايب عن الجامعة واتصالاتي ماترد عليها وغير كذا سألت عنك الشباب ومااعطوني أي خبر عرفت انك هنا أجل هاذي سوات تسويها في خويك مشعل وهو مازال زعلان :خوا بك الجن لسابع أرض تقدم ماهر منه وجلس بالأرض جنبه :بسم الله علي وبعدين وش هالادعيه عسى الأرض ترجف فيني والجن تخوي بي لا على كذا والله خفت قرب من مشعل :وهاذي حبت رأس باس رأسه وابتعد عنه :عساك سامحتني وقف مشعل وهو ينفض ثوبه من التراب :لا مابعد سامحتك وبعدين ليش لاحقني انا هارب منك ومن ضفادع ابوك تجي هنا انت وياها صدق انك ماتستحي ضحك ماهر بخفه:ههههههه أسكت لااحط سلاحي الثاني على رأسك رمش مشعل بعيونه وتكلم بقرف :اقول اترك هبالك وقرفك وادخل وإلا والله لا أتوطى ببطنك الحين ولأحد يقدر يردني تقدم ماهر منه وهو يحط يده على كتفه :أسفين يالحبيب قل وش تبي اراضيك فيه وانا حاظر لف له مشعل ورفع حاجبه اليسار هاذي فرصة وجاته إلى عنده ابتسم وتكلم وهو يسوي نفسه باقي زعلان :تبي تراضيني خل أبوك يعفيني من تشريح هالقرف بالاختبار وبكذا نصير حبايب ضحك ماهر :هههههه ياحبني لك ياااخي اعتبر نفسك انعفيت من هالاختبار تنهد مشعل براحه وصار يتذكر الموقف الي صار له ويضحك مع ماهر وكأنه ماصار شي ابد... """""""""" في عالم حـدوده عدت حروف وبـينها علامة استفهام كيـف كانـت الـبارحه وكيف صارت الحين تجري بأوردتها دماء سوداء وتـغلف عيونهـا طـبقات مـن الـرماد تحتـرق تناهيـت قلـبها وتأبى الحروف من الخروج يبقى في قلبها حقـد ينـتظـر الميـلاد وعشـق يـنتظـر الموت أو يمكن مات غصه عجزت تتجاوزها وفرحـة عمر ذبحت بكل وحشيه عالم احمر وقمر مـنجلي وبيت مهجور وانتـهت حكايتها وعرفت مصيرهـا لكـن مع هذا الوجع ما أنتهى فـتحت عيونـها على صوت أسامه الـي تـسلل لإذنهـا من دقايق ناظرت له ببهوت ورجعت غـمضت عيونها وهي تصد بوجههـا عـنـه لف بسرعه أسـامه لرعد الي مـتكتـف وساند نـفـسـه علـى الجدار من أول مادخلوا الغرفه :رعد اعتدل رعد بـوقفتـه وصار يمـشي بهدوء حط يده على رأس أسامه وتكلـم بهمس :اختـك تعبانه حبيبي اعذرها امتلت الدموع في عيون أسامه وهو يشد علـى باقـة الورد الي بيـده لـصدره :بس ليش ناظرتـني وكأنها مـاتبيني مـو جوري الـي تناظرني كذا حتى لو تعبانه همس رعد ل أسـامه :هي تعبانه ومحـتاجه للراحه خليـنا نـتركها تـنام بس قبـل نـروح انت اطـلـع يابطل انتـظرني برا وانا اتطمن علـيها واجيك بسـرعه مرر اسامه نظراته على جوري وشكلهـا ألمـه حيل رغـم أنه طفـل إلا أنـه حاس ب أختـه الي تعرضت للضرب من ابـوه كره ابوه زود وكره حصه أكثر وأكثـر نزل باقة الورد الصغيره عـلـى صدر جوري وطلع من الغرفـه وهو يركض ودموع طفل محروم تنرسم على خـده بصمـت تنهد بـألـم مو قليلـه تكره نـفسها والي حولـهـا حتى اخوها مااعـطته اي اهتمام مثل قبل وهذا واضح من كلام أسامـه له تقدم منها وتكلم بنبره حانيه :مايصيـر الي تسـوينه كسرتي قلب هالـطفل كان طول الليل يـبكـي يبي يـكون مـعك فـتـحت عيـونها وناظرت له نظره بلا حياة نظرة عيون تشوف كل الي حولـها بلا ألوان .. وكـأن تمييز الألوان والأشـكال اختـفى من عيونهـا صار كل شي رمادي قاتم رمادي موحش رمادي مشـبـع بشروخ سوداء مدمـيـه ادمت روحهـا وقلبـهـا رفـعـت يدها بألم لصـدرها ودفت عنهـا باقـة الورد وطـاحت بـالأرض تبعـثـرت الورود بإهمال منـها هـز رعد رأسه بيـاس وهو يشوف حركتها هاذي انحنى بهدوء يـعدل الورود بـمكانـها ضبطها مـثل ماكانت ووقف نـزلها عـلى الطاوله الي جنب سريرها :لو شاف أسامه سواتـك كان انـكسر زود لفت بوجههـا عنه وكأنـهـا تقوله ب هالحركه اطلع ماابي اشوف وجهـك مسح رعـد وجـهه بيده والهم ماليه:يعني ماتبين تـتكلمين ماتبـين تواجهين الواقع مازالت على نفـس حركتها مغمـضه عيونها ودموعهـا تنزل بصـمت تـقدم منـها زود ونزل يده بتردد يـمسح على راسها فوق الـشـاش:ماراح اجبرك تحـكيـن ادري مو قليـل الي مريتي فيه جـوري لازم تصيري قويه وتحاربي الحروف لاتتـركينها سجينه جواتك ادري مايحـق لي اقولك كذا بس يـمكن كلامي هذا يسـاعدك وب اظل اقوله لك رغم عدم معرفتـك فيني إلا أني زوجك وانا الي ب أتحملـك واتحمل اخوك لف وأعطاهـا ظـهره وصار يمشي على أمل انه يسمع صوتهـا على الأقل يفرح قلب اخوها المـسـكيـن الي يـبكي بـرا لكن طلع مـن الغرفه من دون مايسمع لهـا اي صوت وكأنها قررت تواجه هـالـحياه بالصمت انتبه لـلدكتور المشرف علـى حالـتـها يمر من السيب تـقدم منه يبـي يستفسـر عن حالـتها ..... """""""""""" هناك جروح مثل قلم الرصاص نمحيها وكأنها ماكانت وهناك جروح مثل الرصاص تمحينا وكأننا ما تواجدنا ابد على هالكون الغريب وقف سيارته بهدوء بالكراج وصار يتلفت حوله مايبي أحد يشوفه ب هالمنظر مايبي يوجع الكل انتبه ان مافيه ولا سياره واقفه .... لا سيارة ابوه ولاتركي ولاحتى مشعل استغرب بالعاده في هالوقت يكونوا بالبيت وخاصة أن اليوم ويكند يوم الجمعه رفع يده وصار يناظر الساعه ثمانيه الصبح تنهد براحه لما تطمن أن محد حوله وطول الطريق كان يراقب الوضع خايف انه يكون مراقب من الذيب وعصابته لف لجهة وعد الي سانده يدها تحت ذقنها وواضح انها بعالم ثاني تكلم بهدوء :وعد رفعت نظرها له بهدوء :همم عرف سعود أنها بنفس العالم الي يحتويه همس ببحه :وصلنا خلنا ننزل وندخل من الباب الخلفي حتى محد يحس فينا وبعدها يصير خير بس أهم شي ابيك ماترتبكين ابد او توضحين شي لجدتي مانبي نزيدها هم على همها اوكيه هزت رأسها بصمت رفعت يدها سحبت نقابها وحطته بشنطتها نزلت شيلتها على كتفها حيل مكتومه حتى من الغطا إلي على وجهها لا زالت تفقد القدره عن التعبير ب الي داخلها وكالعاده تحس انها بتختنق تنهدت بهدوء ونزلت من السياره قفلت الباب وراها وظلت واقفه تنتظر سعود ينزل نزل سعود ونظراته معلقه على وعد إلي ماخفت عنه ملامحها الحزينه الخائفه المترقبه يدري انه السبب لو لا تهاونه ماصار الي صار عض على شفاته بقهر وسبق وعد بخطواته للباب الخلفي الي يطلع للدور الثاني من دون مايمر بالصاله ضغط على نفسه والالم يحتويه وصار يمشي بخطوات متسارعه ولا كأنه مصاب طلع بسرعه وهو يتخطى الدرجات وحده ورى الثانيه ووعد وراه تحاول تجاريه حست انه معصب رغم هدوءه و انه بحركته هاذي يعاقب نفسه نادته بصوت شبه عالي :سعووود حس على نفسه ووقف وهو يمسك درابزين الدرج ضغط عليه و نزل راسه سنده على يده حس ان الدنيا تدور فيه يمكن لو ماسمع صوتها كان طاح من طوله وهو يركض يبي يعاقب نفسه ب اي طريقه بس مو عارف كيف اخ ياكبر همه ياكبره انتبهت وعد لحركته زادت بخطواتها لحتى صارت واقفه جنبه مدت يدها بقلق وحطتها على كتفه :سعود انت بخير رفع نظره لها وعيونه ماليها الالم تكلم بنبره مبحوحه :ايه بخير بخير لا تخافين قلت لك من قبل سعود مايهزه ريح ارتسمت شبه ابتسامه على شفاتها وكأنها تبيه يرتاح شوي :طيب هات يدك ادري انك تعبان ودايخ بس تكابر رمش بعيونه من شبح ابتسامتها حاول انه يرد لها الابتسامه لكن ماهو قادر تبعثرت إبتساماته المزيفه وراحت عنه بهالحظه بعيد مد يده وضم يدها بيده وصار يمشي بهدوء وهو يحاول قد مايقدر يوازن نفسه.. """""""""""""" ظلام وهدوء يتخلله صوت التكييف البارد وصوت المنبه يتردد بالغرفه رفع رأسه بثقل و مد يده على الكومدينه سحب جواله يبي يطفي المنبه تعوذ من الشيطان وصار يمسح على وجهه تأخر عن القومه اليوم لفت انتباهه كم رسالة واتس فتحها وقرا رسائل سعود و زاد استغرابه من محتواحها نزل الجوال بسرعه وعدل جلسته يبي يروح ياخذ له شور وبعدها يصلي صلاة الفجر إلي فاتته ويدق على سعود يشوف وش الي يقصده بكلامه سمع صوت طق الباب ابتسم وهو عارف مين ورى الباب :ادخلي ياعيون راكان فتحت أم راكان الباب ودخلت بهدوء :صباح النور ياولدي راكان ببتسامه :صباح الخير يمه ابتسمت أم راكان :يلا يمه قوم كفايه نوم شكلك ناسي إن اليوم جمعه والا تبيها تفوتك مثل الفجر هز رأسه راكان وقام تقدم من أمه باس رأسها بحب :هذاني قمت يالغلا استغفر الله والله راحت علي نومه اليوم هزت كتوفها ببتسامه :ايه معذور كنت سهران وتخفي عني اسرار الله العالم فيها ضحك راكان بخفه :هههه مو قلت لك يمه لا جاء الوقت المناسب اقولك تنهدت ام راكان وتوجهت لسريره ترتبه رفعت لحافه وعيونها تتبع ولدها الي دخل الحمام ابتسمت براحه :ياجعلني افرح فيك ياراكان وتقر عيوني فيك وفي اخوك خانتها دمعه رفعت يدها ومسحتها بسرعه ماتبي تذكر وشلون تركها زوجها وترك حمل كبير على عاتقها لكن هي كانت قد هالحمل كبرت عيالها وربتهم احسن تربيه بس الي واجعها إن راكان اخذ صفتها وهي التضحيه والمكابره واهم شي الكتمان مدت يدها وصارت تعدل مخاد راكان انتبهت لشي يلمع تحتها استغربت من وضح لها هالشي سحبت السواره الذهبيه وصارت تحركها بين يدها تبدلت نظرتها الحزينه لنظرة إستغراب عقدت حواجبها وبدت الابتسامه تنرسم على شفاتها معقوله هالسواره ل ديما ايه هي متاكده انها لها شافتها في يدها كذا مره و الي اكد لها ان اسمها منقوش عليها رجعت نزلتها تحت المخده ورتبت الغرفه بسرعه وطلعت والتسالأت تطري على بالها معقوله هذا الشي الي مخبيه راكان عنها .. معقوله انه يفكر في ديما ووش جاب السواره عنده ياكثر الاسئله الي براسها يبي لها جواب ومحد راح يجاوبها حتى راكان بنفسه لكن هي تعرف وشلون تخليه يحكي توسعت ابتسامتها زود وصارت ترسم في راسها آمال وأحلام لولدها """"""""""""" رفعت نظرها له من دخلوا الغرفه وظلت لحظات تتامل ملامحه المتعبه وجهه حيل شاحب نظرة عيونه الناعسه توجعها ... نزلت نظرها ليدها الي ضامه يده ماتدري ليش حست برعشه بجسمها من قربه سحبت يدها منه بسرعه ونزلت راسها تكلمت بهمس :اسفه سعود عيونه تتبعها وتراقب تصرفاتها مافيه استطاعه يرد عليها ابد كل الي يحتويه بهالحظات برود في برود تجاهلها وتقدم من سريره فصخ سترته العسكريه ورماها عليه توجه لغرفة الملابس اخذ له تيشيرت وبنطلونxودخل الحمام من دون ماينطق ولاحرف تخلل الحزن قلبها الضعيف من حياتها الجايه موقف امس ماراح تنساه عاشت يوم مرعب ظنت ان أملها الوحيد بأخذ ثار ابوها بيروح تنهدت بألم وفسخت عبايتها نزلتها على السرير وجلست جنب سترة سعود رفعتها بين يدينها وصارت تتأملها... قبل كم شهر كانت تتباهى بسترة ابوها وتلبسها وتتدلع فيها والحين كل ماتشوفها قلبها ينقبض شدت بيدينها عليها وصارت تفركها ببعض وكأنها تحاول تمحي أثار الدم ياكثر ماتكره تشوف هالدم ظلت على هالحال لحتى سمعت صوت باب الحمام ينفتح نزلتها بسرعه ولفت لجهة جوالها الي رن بنفس اللحظه رفعته وانتهبت ل اسم المتصل مررت نظراتها على شاشة الجوال وعلى سعود الي وقف قبالها تكلمت بهمس :جدتي تدق اشر لها ترد عليها ردت وعد ورفعته لأذنها تكلمت بإرتباك :هلا ياجده ام سلطان بحب :ياهلا ببنتي وش اخبارك واخبار سعود طمنيني عنكم يايمه وينه سعود ادق عليه مايرد قلبي مشغول عليكم ياعيالي وعد من جابت جدتها طاري سعود ارتجف صوتها :هاه سعود بخير ماعليه إلا انتي وش اخبارك ياجده عقدت حواجبها الجده من صوت وعد وقلبها أوجعها حست انه صاير شي :الحمد لله بخير بس وش فيه صوتك رفعت نظرها لسعود الي اشر لها تعطيه الجوال تكلمت بهدوء :مافيه شي ياجده وهذا سعود يبي يكلمك تونا جينا من برا كنا ماخذين لنا فندق وظنينا انك نايمه فعشان كذا مامرينا عليك ام سلطان براحه :هاتيه مدت الجوال لسعود اخذه وهو يبلس قناع الراحه :ياهلا وغلا بدنيتي كلها ارتاح قلبها من سعمت نبرة صوته القريبه من قلبها :هلابك زود يابعد قلبي بشرني وش اخبارك ياولدي ابتسم سعود بتعب :الحمدالله اخبارنا تسرك يايمه وكلها دقايق واكون قبالك ضحكت ام سلطان :هذا اذا لقيتني بالبيت عقد حواجبه بإستغراب :اجل وينك فيه يالغاليه ام سلطان :بالمزرعه طلعنا كلنا نغير جو دقيت عليك امس لكن مارديت انشغلت عليك بالحيل انتبه على نفسك ياولدي وعيش حياتك مع وعد ترى هالحظات ماتنسى طول العمر يلا استودعكم الله الذي لاتضيع ودائعه ياسعود ابتسم سعود وده لو جدته قباله وينسى شوي من عنا دنياه يرمي كل ألآمه خلفه لاشافها :ابشري يالغلا تامرين امر بعيش حياتي ناظر وعد وضحك بخفه :ههههه وتونا راجعين من الفندق ارتحتي الحين يايمه تهلل وجهها من نبرة صوته وارتاح فكرها :ايه ارتحت يايمه يلاx مااطول عليك احنى يمكن نجلس كم يوم بالمزرعه انتبه لنفسك ولوعد هز راسه بهدوء :ابشري يالغلا وانتي بعد انتبهي على نفسك وسلمي لي على الكل ام سلطان بحب :يوصل في امان الله ياولدي جلس سعود جنب وعد وبهمس :في أمان الله قفل ونزل الجوال بين يدينه تنهد ورفع راسه مرر نظراته على وعد :وجبتيها كنا بالفندق والله جدتي لو تعرف وش فندقه كان تروح فيها وقفت وعد والخجل اعتلى وجهها من تصريفتها لجدتها حست بيده تمسك يدها قبل لاتمشي لفها له وتكلم بنبرة غريبه: لاتروحين نزلت نظرها له وبلعت ريقها الجاف تكلمت بتعب :سعود اترك يدي معاد في عيوني دموع ارحم خاطري انا تعبانه مافيه شي يقدر يخفف عني حتى لمست يدينك انا بداخلي مذبحه ياسعود وقف ويدها مازالت بيده سحبها لفمه وباسها بخفه حس برعشتها رفع نظره لها ويدها مازالت بيده سحبها وحطها على صدره شد عليها بيدينه وتفكيره كله بكلام جدته لازم يعيش حياته مع وعد لازم يخففون عن بعض معاد فيه استطاعه لحياة البؤس تكلم بنبره حانيه :ماراح اترك يدك قلت لك ياوعد خلنا نعيش حياتنا كأي زوجين معاد فيني اعيش بالقاع ابي اطلع فوق ابي نبدا حياتنا مع بعض انا تعبت بالحييييل هزت راسها بالنفي وسحبت يدها منه ضمتها لصدرها بقوه :مااقدر والله مااقدر ياسعود تكفى طلبتك لاتجبرني اعيش معك كزوجه تكفى حس بغصه بحلقه من ردها عارف ومتاكد انها تكرهه بس ليش هو وش سوا بدنيته لحتى كل شي يكون ضده انحنى وسحب جواله من سترته المرميه على السرير اعتدل بوقفته وابتعد عنها بخطواته لحتى طلع من الغرفه مافيه حيل يظل معها وهي رافضته .. حاول يرسم معها حياة زوجيه جميله لكن هي بكل بساطه رفضته مؤلم بالحيل أنك تحس بأنك ثقيل على قلوب أشخاص وانت كل همك اسعادهم وازالة الالم عنهم ياليت بعض الناس فيني يحسون وياليت مافي خاطري يعرفونـه وياليت لاجيت اشتكي له يعذرون قلـب تولـع ليتهـم يعذرونـه وياليت ياهل الحب للحب قانون قانون يجمع شمل منهـم يبونـه وياليت ثم ياليت ياليت يـدرون من سبته قلبـي تزايـد طعونـه | ||||||||||||
|
| |
|
20-09-18, 05:01 PM
| #663 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| """"""""""""" انا الــغـريب الي يبي يـفتح الباب ولا لقى فـي غـربته من يـعيده وانا جريح الـحب ياجـرح الاحباب الي نـزف هجر الـغـلا مــن شديده انا دفعت حساب وباقي لي حساب بـيـن السـنين الـمـاضيه والجديـده ياغربت أيامي متى يـضحك الناب مـتى على اللـه نلتقـي واسـتعـيده الي مخليني بـلا ذنب واسباب وانـا على شـأنه بــدأت الـقصيـده أبـو عـيـون وساع والـرمش جذاب ومـن سـنـين يـمزج حـيـاه ويـزيده كـن الحلا والزين في جسمهـا ذاب ليـن اخـتلط مع دمـها فـي وريده لاشفـتهــا تبرى جروحـي وتـنطاب واكسر صناديق الـهـموم وبريـده لكن على الله نلتقى وينفـتح باب واعـيـش فـي الدنيا حيــاة سعيده نـزل جـواله من يديــنه ومازالـت عيـونــه مـتعلقه بـالشاشــه ويعـيـــد قـراءة هالـقصيده ويتامـل كـلماتـهـا الي مـكتوبـه وكأنها تعـنـي حـالـه وحـال لمـيـس شـد عليه وقفلــه بسرعه رفـع رأسه مـن سمع صوت إعلان وصـول رحـلـة تـركـي صار يمـرر نظـراته على الواصلين ويـترقــــب وصولـه ياكم وكم اشـتاق لـه واشتاق لحبيبته وتوام روحـه ريـان الي راح وتـركه يجر الـحـسايف ويـمـكن يظل طـول عـمره يـحـمل الـذنب والحسره بقلبـه وقلـوب الـي حـولـه... وقف مـن لمـح تـركـي يــمشـي مثـل عـادتـه بــهدوء وثـقـه والاكـيـد ان داخلـه متكسـر شــظايا مـثله تماما رفع يده وصـار يلوح لـه بـبتسامه بـاهـته :أبـو جـنى هـنا هـنا الــتفت تـركـي عـلى صـوت نواف وانتـبـه لـه وهو يـأشـر ابـتسم بهـدوء وقـرب مـنــه نـزل شنـطتـه بـالأرض وتــقدم مـنـه بسـرعــه وصـار يضـمـه بـشوق وكـأنـه يـضـم ريان الـراحل عــن هــالـدنـيا بـسبـايبـهـم تكلــم بحـنـين :اشتقـت لك يــا المـغتـرب ابـتسم نواف بـحـزن وهـو يبـتـعـد عــن تـركـي :وانـا اشتـقـت لكـــل هـلي ونــاسـي لـمح تـركـي الحــزن بوجـهـه مـاحـب انه يزيــده حــط ذراعــه عــلى كــتــــف نــواف :وهـذانـي جـيـتـك ومـاراح اتـركك بــترجـع مـعـي ورجلك فــوق رأسك تـسـمـع ضـحك نـواف بــخفه :لا تطـمـن بـرجـع مــعك بكرامـتـي ناظر له تـركي :اكيــد بـترجـع يـااخـي الـحـياة بـدونـك بـلا طعـم ابـتسـم نواف وهـو يـناظـر تـركي يتكلم وواضح انـه بـدأ يـبـني شتات نـفسـه ويرجــع ثـقتـه بـنـفسـه وهـو اكيد انـه ب يمشـي على دربه مـثل قبــل يـوم انه هـــو ريـان يـتخذون تركـي قدوه لـهم """""""""""" انتهـــى الفصـــل أتَمنٍى- يٌنال… عّلى' اعــــجاٍبكـم} واّلقاٌدٓم< أجـمِـــل: بٍإذن اُللٗه* ارِاكـم؛ تًه٘مـــــنــــيʼ وتعل٘يُقٓاتًكــــم؟ بٗعد\ أتمِنْى› لۤكِم‘ قٓراءۤة¨ ممتٍعُة و< انــتظْر« تعليقاْتـــــكٍم' بٗشوّق تۤحياااۤاٌاًاتــي› عيون الـــريم ^_^* | ||||||||||||
|
| |
|
20-09-18, 05:03 PM
| #664 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| قراءه ممتعه للجميع فصل طوييييل لعيون قرائي بعد غياب طويل ^_^ | ||||||||||||
|
| |
|
20-09-18, 07:31 PM
| #665 | ||||
| مشرفة منتدى الصور وpuzzle star ومُحيي عبق روايتي الأصيل ولؤلؤة بحر الورق وحارسة سراديب الحكايات وراوي القلوب وفراشة الروايات المنقولةونجم خباياجنون المطر 
| السلام عليكم ورحمة الله وبركاته .. شكـــرا علـــى الدعــوة حبيبتي .. لــي عــودة بعـد الانتهـــاء مـــــن قــراءة الفصـــول إن شــــاء الله .. .. | ||||
|
| |
|
20-09-18, 07:38 PM
| #666 | |||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
|  اقتباس:
وعليكم السلام ورحمة الله وبركاته العفو غاليتي نورتي الروايه قراءه ممتعه وانتظر ردك بشوووق | |||||||||||||
|
| |
|
21-09-18, 01:57 AM
| #667 | |||||||||
| نجم روايتي ومشارك مميز بأسماء أعضاء روايتي 
| السلام عليكم ورحمة الله يسعد مساكم جمييعاً عيون الريم كما عهدتك مبدعه قريت البارتات السابقه للمرة الثالثه ❤🙈 وصراحة اقولها كلمة حق كل الثلاث مرات م امل منها يمكن كمان بعد م تنهي الروايه ع خير بارجع اقرااها من جديد😂❤ سعود ي سعود كاسر خاطري هالآدمي والله طيب وعد صراحة شريرة << لاتزعلي ي وعد ، بس عجبتيني يوم سقتي والله سنعه 😂❤ الانسان دا قاعد يضحي قد م يقدر حتى بنفسو عشانك ف الاخير تصدي عنو طيب حاولي اعطيه فرصة بس ومافي شي بعيد عن الله << حسيتني اكلمها صدق سعود انا متأكده انو بينهي عصابة الذيب ويقتلعهم من جذورهم طبعا راكان له يد اكيد راكان وما ادراك م راكان 😂 قفطتك امك والله يلا فرحينا ف راكان وديما قريب رعد والله شايل مسؤلية مضاعفه غير اهل البيت صارت زوجة واخوها ربي يكون في عونك وتأكد ان اجرك م بيضيع بإذن الله جوري يمكن بتمر ف حالة اكتئاب لفترة لكن لمن تشوف حنان ام رعد وكمان ديما بتكون لها كأخت بتقدر تتعدى هالمرحلة ورعد م بيقصر معاها اما رياض اتوقع اتوقع انو بيقول لسعود حتى لو بتلميح بس مشششششععل 😂😂😂😂😂😂 وربي قلبي طاح ف البدايه توقعت ان العصابه قالت بتدي لسعود قرصة اذن وبتكون كمان عن طريق اخوه م توقعت ولا 1٪ انو ضفدع😂😂 لميس ونواف الله العالم وش مصيرهم ربي يصلح حالهم تركي عجبتني مررره علاقتو ببنتو جنى وان شاءالله تستمر كده ع طول حصة تستاهل م جاها وعساها من هالحال واردى تقههههر وقسم بالله وبس: ) حللت البارت تحلييل تقبلي مروري :سمو المجد | |||||||||
|
| |
|
21-09-18, 04:04 PM
| #668 | |||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| اقتباس:
وعليكم السلام ورحمة الله وبركاته اسعد الله مسائك عزيزتي نورتي الروايه تسلمين لي الابداع منبعك يالغلا ❤❤ سعيده والله انك قرائتيها أكثر من مره هاذي شهاده أعتز فيها من جد حمستيني زود اجل انتظري الكثير من الأحداث الممتعه 🤩🤩🤩 نجي لتحيلاتك اقولك حمستيني ياشيخه من تعليقك الرائع 🤗🤗 صحيح سعود من جد شخصيته تكسر الخاطر وماندري وش الي مخبى له القدر اما وعد هههه خلاص قررتي انها شريره معك حق المفروض تعطيه فرصه بس بعد مانعرف وش إلي بقلب وعد اما العصابه فلا تعليق تشوفي وش يصير بالقادم راكان وانقفط من امه ياترى راح تسكت امه والا بتشوف شغلها معه 🤣 هههه اما مشعل مسويه فيكم مقلب وش رايك فيه 😁 تركي فعلا علاقته جميله مع بنته اما حصه فهذا جزاها واحلى تحليل للشخصيات شكرا لك عزيزتي بحجم السماء اسعدتني جدا جدا بتعليقك الرائع وعززتي ثقتي بنفسي 😍😍 | |||||||||||||
|
| |
|
22-09-18, 03:47 PM
| #669 | |||||||||||
| مشرفة اسرة حواءوذات الذوق الانيق وفراشة متألقة،ازياء الحب الذهبي ..طالبة مميزة في دورة الخياطة جزء1وأميرة فستان الأحلام ولؤلؤة بحر الورق وحارسة وكنزسراديب الحكايات و راوي القلوب  
| السلام عليكم ورحمة الله وبركاته فصل طويل مشوق وتحفة سعود حمد لله على سلامتك وعد ياريت تمنحى سعود الفرصة فهو يستاهلها وخوفك عليه اثبت انك تحبينه لميس ونواف متى سيعودون لبعض رغم حبهما ? راكان انت وقعت خلاص والسوارة هى التى ستجمعك بريما التى تبحث عنها الذيب الله يستر منه مشعل حمد لله انه طلع صديقه الذى خوفه وليست العصابة التى مسكته جورى اتمنى ان تستفيق من الحالة المكتئبة التى فيها لاجل شقيقها ولاجل رعد الذى اصبح زوجها سلمتى يا ريم وبانتظار القادم | |||||||||||
|
| |
|
22-09-18, 03:48 PM
| #670 | |||||||||||
| مشرفة اسرة حواءوذات الذوق الانيق وفراشة متألقة،ازياء الحب الذهبي ..طالبة مميزة في دورة الخياطة جزء1وأميرة فستان الأحلام ولؤلؤة بحر الورق وحارسة وكنزسراديب الحكايات و راوي القلوب
| الذين يشاهدون محتوى الموضوع الآن : 4 ( الأعضاء 3 والزوار 1) قمر الليالى44, nadien emi, maekl | |||||||||||
|
| |
 |
| أدوات الموضوع | |
| انواع عرض الموضوع | |
|
|
29Likes
.png)
العرض العادي
