18-10-18, 05:01 PM
| #811 | |||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر 
|  اقتباس:
اميره الوفاء لي عوده للرد على تعليقك الجميل شكرا لك بحجم السماء عزيزتي 🌹 | |||||||||||||
|  |
|
18-10-18, 05:06 PM
| #812 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| إن كان ودك في عذابي عطيتك يفداك عمري قبل العين تفـــداك وقف مع فكرك وفكري فديتــــك لاحظ قدرنا نجتمع انا ويــــــاك بهديك روحي والعمــــر ما نسيتك أنسى فؤادي ياحياتي ولا انســاك وأقطع حشاي وعلقه وســـط بيتك كل شي يهون وخاطري حيل يهواك ياليتني كل ما بغيتــــــك لقيـــــتك وياليتني اقدر أناظـــــــر محيــاك "" الفصل الثالث عشر "" المكان من حوله يعيش حاله صمت..عيونه معلقه بالسقف مرر نظراته حوله بالسقف ونزلها لوعد إلي نايمه بعمق ابتسم وسحب شعرها لخشمه استنشق ريحته بحب وبباله الف كلام وكلام لو بس ماظروف إلي يمر فيها كان عرف وشلون يوضح حبه لها أكثر وأكثر لكن يكفي بالوقت الحالي انه اعترف لها نزل شعرها من يده وهو يسمع صوت أذان الفجر يتردد بالمكان حس براحه مو طبيعيه رغم ان قلبه كان يتخلله بعض المخاوف جلس بهدوء وصار يردد ورى الأذان لحتى خلص المؤذن رفع رأسه بسرعه جهة الباب وهو يسمع صوته ينفتح ضيق عيونه وصار يترقب مين خلفه توسعت ابتسامته من وضحت له جدته وهي واقفه عند الباب وكأنها تنتظره يطلع لها وقف بهدوء وصار يمشي بكل ثقه وقف قبالها و عيونه تحاكيها بصمت تنهدت ام سلطان وسندت ذقنها على عصاتها :ماطاوعني قلبي تبقون أكثر من كذا خذ زوجتك و روحو لغرفتكم وبعدين نحكي مع بعض ابتسم بحزن :ما فيه شي نحكي عشانه عقدت حواجبها :لا فيه حياتك يا سعود ما يصير تدفنها عشان ماضي كنت طفل فيه حرك يده على وجهه بتوتر :يمه تكفين ماابي شي يذكرني بالماضي هزت رأسها بحزن :ما ابي اذكرك لكن ابيك تفك عقدتك وتشوف حياتك مع زوجتك صحيح هي طفوليه وحساسه لكن لو حبتك من قلب ماراح تتخلى عنك مهما صار وكان وانت ادرى فيها بلع ريقه الجاف وهمس ببحه :اعرفها أكثر من نفسي يمه انتي ما تعرفين وش الخافي بقلبي حركت رأسها بالإيجاب والابتسامه تعلو ثغرها :اعرف اعرف نظرة الحب الي بعيونك ماتخفى علي انت تحبها صح يا سعود ابتسم سعود بحزن :احبها..احبها فوق ماتتصورين توسعت ابتسامتها وتكلمت بنبره حنونه :قلت لها هالكلام حرك رأسه بالإيجاب وعيونه تلمع :طلعت إلي بقلبي اليوم وبهالمخزن ضحك بصوت خافت وكمل كلامه :حبسك لنا طلع إلي بقلبي من سنين بادلته الضحكه بصوت هادي : يعني جابت نتيجه خطتي كنت عارفه ماراح تحكي الا بهالطريقه سحب يدها المجعده وباسها :فديت إلي تفهمني ابتسمت وعيونها معلقه عليه :فداك كوني كله ...يلا يا ولدي خذ زوجتك وروح صلي مابقى وقت على إقامة الصلاه ابتعدت عنه تمشي ببطئ انتظرها لحتى اختفت عن عيونه تنهد وتراجع للخلف كم خطوه لف لجهة وعد وصار يمشي وقف جنب الفراش وانحنى لها رفعها بين يدينه ماحب يصحيها وهو ماعمره شافها نايمه بهالشكل نومتها كانت فعلا اليمه طلع من المخزن وصار يتنفس الهواء يا زين بدايات الشتاء اول مره يحس بإنتعاش فتحت وعد عيونها وهي تحس بالهواء يحرك شعرها رفعت نظرها لسعود إلي شايلها رمشت بعيونها كذا مره توها تستوعب وين كانوا ووين هي تكلمت بنعاس:وين احنى ابتسم من حس فيها وسمع صوتها تكلم وهو يدخل البيت ويطلع الدرج بخطوات هاديه :رايحن غرفتنا تم الإفراج عنا تمسكت فيه وعد بخجل :طيب ممكن تنزلني حرك رأسه بالنفي وابتسامته مرسومه على وجهه:لا مو ممكن انزلك اثبتي يابنت هذانا وصلنا فتح باب غرفته ودخل تقدم من سريره ونزلها عليه اعتدل بوقفته وهمس بحب : فراشك وتصادر من اليوم ورايح بتنامي معي هنا بنفس السرير حست بحراره تسري بجسمها :بس سعود .. قاطعها سعود بسرعه وهو يجلس جنبها ويمسك يدها :لا بس ولا غيره وعد معاد فيني ابتعد عنك فاهمه انتي زوجتي وحلالي والوعد إلي قطعته انسيه مستحيل انفذه واتركك ناظرته بهدوء ودقات قلبها كادت تفضحها حتى هي ما تبي تبتعد عنه سعود ينتمي لها هو قلبها وروحها ودنيتها بعد أبوها توها بس عرفت وش كثر تحبه أكثر من الزمان إلي مضى نزلت دمعه على خدها وعيونها تراقب ملامحه وجه الشاحب عيونه الناعسه إلي تناظرها بحب همست ببحه :موافقه يا سعود موافقه نعيش مع بعض حتى انا معاد صرت اقوى على الفرقا والهم معاد فيني استطاعه افقد أحد توسعت ابتسامته بحب يحس انه ملك الدنيا ومافيها بكلامها مرر أصابعه ومسح دموعها قرب منها زود وطبع بوسه على جبينها همس بهدوء :انتي راس مالي ياوعد ثقي تماما اني بكون لك السند والصديق والزوج والأب والاخ ابتعد عنها ووقف ومازالت عيونه تناظرها بحب : وقت الصلاه دخل قومي صلي الله يرضى عليك وانا بعد بروح الحق اصلي مع الجماعه ابتعد عنها وتركها تبحر بعالم جديد عليها عالم يحتوي اسمى مشاعر الحب ما كانت متوقعه انه بيوم بيرجع ينفتح هالباب إلي قفلته لكن هذا هو انفتح حتى مع نوافذ قلبها وبدت شوي شوي تتنفس عبيره.... """"""" تدري وش معنى تضيق الوسيعه معناتها إنها مابين ميّته ومحتآجه وأنّ الثواني ماتعدّي عليها سريعه وإنها عجزت تلقى لها مع العالم علاج رفعت المنشفه وصارت تنشف وجهها مررت نظراتها للمرايه وجهها حيل شاحب التعب واضح عليها و علامات الجمال اختفت من ملامحها حركت يدها ومررتها على الشاش سحبته وبدت تفكه بسرعه خلصت وانتبهت لكيس صيدليه على التسريحه فتحته بهم :ليش هالانسان يسوي معي كذا ليش رفعت جوري يدينها لله بحزن :يا الله ان كانت هالحياه لي خير فيها فيسرها وان كان لي فيها شر فأبعدها واصرفها نزلت يدينها وسحبت شاش جديد بللته بالمعقم إلي حظرته رفعته وصارت تنظف جرحها متاجهله الألم اخذت لزق جروح وثبتته على الجرح صار شكلها ارتب بدون الشاش عدلت شعرها ورفعته بشكل عشوائي ألقت نظره اخيره على لبسها بنطلون جنز وتيشيرت وردي ابتسمت بحزن وهمست بألم :وابتدت حياتك ياجوري بعالم جديد ابتعدت عن التسريحه وتقدمت من مكتب رعد ماشافته من الي صار امس اكيد انه بيختفي ويبتعد عنها وهي عكرت صفو حياته وتركته يعيش بهم هاذي هي دوم حياتها قاسيه وتجر الي حولها معها بالقاع تذكرت ضمته لها وكلامه الحنون ما تدري وش إلي حست فيه بقربه لكن إلي تعرفه انها حست بالامان معه ابتسمت بحزن وسحبت أوراق الملاحظات إلي على مكتبه اخذت قلم وبدت تكتب خلصت كتابه واخذت الورقه ثبتتها على طاولة المكتب وابتعدت عنه بهدوء تعلقت عيونها بالملابس إلي بالارض والحديده انشدت اعصابها مع هذا حاولت تسيطر على نفسها .. زادت بخطواتها وطلعت من الغرفه كل إلي تبيه انها تبدأ حياة جديده نزلت بهدوء مع الدرج وصارت تدور بعيونها على أي أحد ملت حيل من الوحده والصمت انتبهت لام رعد همست بإرتباك :خالتي كانت متوجه للمطبخ لكن وقفتها نبره غريبه عليها لفت وتهلل وجهها من جت عيونها عليها ابتسمت وقربت منها :ياهلا بك يا بنتي تو مانور البيت بطلتك ابتسمت بحزن وتقدمت من ام رعد سلمت عليها وتكلمت بهدوء :منور بوجودك ياخاله اعتذر كنت قاطعتها ام رعد بسرعه :لا يمه لاتعتذرين انا عارفه انك تعبانه ومحتاجه للراحه أشرت لها على الكنب :اجلسي يا بنتي هنا وانا بحظر الفطور حركت جوري رأسها بالنفي وتكلمت بتردد يخالطه بعض من الخوف :لا ياخاله بدخل معك المطبخ اذا تسمحين حست في نبرتها خوف ابتسمت بحنان تبي تطمنها ومسكت يدها مشت وجوري معها لحتى دخلوا المطبخ وبدت ام رعد تحظر الفطور حركت نظراتها جوري بالمطبخ حولها تراقب ام رعد صحيح كانت متألمه لحد الصمت لكن ما فيه شي بالحياة يتركها تعاني وتركن نفسها بأحد الزوايا هاذي هي طلعت إلي بقلبها بليلة امس و بدت من جديد وكأنها انخلقت الحين وكأن حياتها بأول براعمها وبتزهر وتتفتح مع الوقت لكن يتوقف تفكيرها عند هالانسان( رعد) همست بتردد :خالتي لفت ام رعد وهي تنزل الصحون على الطاوله :هلا ردت بهدوء وصوت متعب :كلميني عن رعد ابتسمت ام رعد وكل تفكيرها وشلون رعد قدر على هالبنت وطلعها من أزمتها وتكلمت... سحبت الكرسي إلي جنب جوري وجلست عليه : رعد ااه يابنتي وش اقول ووش اخلي تقدرين تقولين انه انسان هادي حنون لو يوزع طيبته على الناس كلهم ما خلصت مااقول هالكلام لانه ولدي لا لانه من جد انسان متفاهم ويحمل كل هم هالبيت على اكتافه من بعد وفاة ابوه الله يرحمه ماعمره شكى او تذمر شبكت جوري أصابع يدينها ببعض وتكلمت بإرتباك : احس بخوف خايفه اتعلق فيه وانخذل انا بداخلي معركه احاول أعالج انقاظ بقاياها جريت رعد معي وهو ماله ذنب انجبر فيني رغم انه كان يقدر يرفض مع هذا :مع هذا اخذتك برضاي وكيفي انتي زوجتي ومالاحد دخل بهالشي انكتب اسمك على اسمي ومستحيل افرط او ارخص فيك لفوا لمصدر الصوت نزلت جوري نظرها من جت عيونها على عيونه ماظنت انه بيقول هالكلام بعد امس ام رعد وقفت وتقدمت منه ابتسمت بحب :هات يمه عنك مد رعد لأمه الأكياس إلي بيده وعيونه معلقه على جوري الي جالسه على الكرسي ومنزله عيونها بالارض ماتوقع ابد يشوفها هنا بهالمكان وبهالشكل اخذت الاغراض ام رعد منه ونزلتها على الطاوله لفت لجوري إلي مازالت عيونها لتحت وهمست قبل لاتطلع من المطبخ :جوري ماودك تصبحين على زوجك رفعت نظرها لام رعد إلي طلعت من المطبخ وتركتها وجهت نظرها لجهة رعد الي مازال واقف وكأنه ينتظرها تتكلم ابتسمت بحزن وتكلمت ببحه :صباح الخير رعد تقدم منها رعد وجلس جنبها على الكرسي اسمه من فمها له وقع غريب على قلبه رد بصوت هادي :صباح الجوري نزلت رأسها لتحت وهمست بهدوء :اسفه ماكنت ابي اتعبك معي امس كنت منهاره ابتسم وحرك رأسه بالنفي تكلم بنبره هاديه : لاتتأسفين كان لازم تطلعي كل الي بقلبك وترتاحين وتسمحين لصوتك يتغلب على صمتك رفعت رأسها وعيونها تراقب ابتسامته الهاديه : طلع صوتي بعد صمت لكن اخذك معي لعالمي الاسود رعد انا حملتك فوق طاقتك مو ذنبك ترتبط معي همس رعد بصوت حاني :انا ما ابي اعيد الكلام جوري قلت لك اسمك انكتب على اسمي ومستحيل اتركك فاهمه همست بصوت باكي :بس الخوف نال مني تغلغل بكل خلايا جسمي اخاف اثق فيك وتخذلني اخاف ان الوجيه إلي قبالي ماهي الا وجيه مزيفه تلبس اقنعه وهميه وتاخذني معها للهلاك وقف و انحنى بهدوء مرر يدينه تحت عيونها وصار يمسح دموعها الي كل مالها تزيد :اوعدك اني ماراح اخذلك ولا اوجعك نزل يده ومسك يدها سحبها لحتى وقفت وناظرها بنظرات إعجاب من شالت الشاش بدت توضح ملامح وجهها الطفولي :وش رايك نتعشى اليوم برا انا وانتي وأسامه التزمت الصمت صحيح تبي تبدا حياة جديده لكن بالتدريج وماراح تثق باي أحد بسهوله لاحظ صمتها شد على يدها يبي يحسسها بالامان همس بهدوءx : حاب حيل نطلع مع بعض ونغير جو بعد صلاة المغرب تكوني جاهزه اوكيه ردت بصوت باكي :بس انا ماابي اطلع ثبت سبابته على شفاتها وابتسم :اششش ماابي بس ولا غيره بعد المغرب تكوني جاهزه بنطلع تمام حركت رأسها بالإيجاب وهي تراقب ابتسامته .. نبرته الحنونه اخذتها لعالم ما تدري وش محتواه واساسه ... """"""" في إحدى المولات جالسين مع بعض يتبادلون الحديث إلي مايخلوا ابد من كلام مشعل وسواليفه الرايقه شرب اخر شي بالكوب ونزله على الطاوله وهو يناظره بإستغراب :من جدك ماهر جايب اختك معك السوق نزل ماهر الحساب على الطاوله ووقف وهو يناظر ساعته :ايه جبتها ياخي هالبنت محد يقدر عليها الا الله ضحك مشعل بخفه ووقف :هههه عساها تاخذ حقي منك مابعد نسيت هذاك المقلب طيحت قلبي يارجال بادله ماهر الضحكه مازال شكل مشعل يرتجف بعيونه :هههه صرت مثل الورقه بيديني رفع مشعل حواجبه بحركه سريعه : مردوده لك ابتسم ماهر وضرب كتف مشعل بخفه:اذا قدرت تجيب نفس أفكاري اشر بيده بمعنى سلام : اتركك يالحبيب الوقت تأخر واكيد الأخت خلصت تسوق رفع يده مشعل ورد له السلام مرر نظراته حوله من اختفى ماهر عن عيونه... المول يعج بالزحمه والي رايح والي جاي فعلا ممل ما يدري وشلون هالحريم يعشقون هالبلاء زاد بخطواته وطلع من الكوفي ومن المول بكبره تقدم من سيارته لكن توسعت عيونه من شاف بنت جالسه عند كفر سيارته وتتكلم بجديه قرب منها وهو عاقد حواجبه أمرها غريب حيل مين تحاكي ووش تقول انحنى وهو يناظرها باستغراب :وش تسوين هنا لفت لجهته وتكلمت بخوف وهي تاشر تحت سيارته على القطه :تكفى طلعها اخاف يصير فيها شي اعتدل مشعل بوقفته وعقد حواجبه زود تكلم بنبره كلها استغراب :مين اطلع يا بنت الناس لو سمحتي قومي عن سيارتي بمشي تربعت عند الكفر وهي تضرب عليه:ماراح اتحرك من هنا لحتى تطلع القطوه انت ماتخاف الله طيب لو اندهست مو حرام وين الرفق بالحيوان حرك يده على وجهه وهو يزفر وش كثر يكره الحيوانات مايدانيها خلقه ضرب على الباب إلي جنبها بشوية عصبيه:اي رفق وخرابيط الي يسمعك يقول الحين دهستها من امشي راح تطلع تطمني كتفت يدينها وشوي وتبكي :ماراح اتحرك طلعها والله يسهل دربك تنهد بقهر من هالبنت غريبة الأطوار صك على أسنانه: يا بنت الناس قومي لاتبليني فيك اعتدلت بجلستها ووقفت ناظرته وبدات دموعها تنزل وكأنه صايبها شي كبير ناظرته بنظرات رجاء :تكفى طلبتك طلعها اخاف.. قطعت كلامها ورفعت يدينها وهي تمسح دموعها بطفوله بلع ريقه من منظر هالبنت شكلها صغيره وهذا واضح من قصرها وتصرفاتها تدل على هالشي تلفت حوله حاس ان كل الناس يناظرونه ولف لجهتها مرر عيونه عليها اللثمه مغطيه نص وجهها وعيونها بارزه بشكل واضح ما يدري ليش للحظات حس انه شاف هالعيون من قبل صد عنها وهو يستغفر انحنى بهدوء وجلس بالارض حرك يده تحت السياره لحتى طلعت القطه وراحت لمكان أمن وقف ونفض نفسه رفع نظره لهالبنت الغريبه وابتسم ابتسامه جميله :وهاذي هي صارت بأمان ارتحتي ضحكت بخفه وتكلمت بصوت خافت : ارتحت الله يجزاك خير ابتعدت عنه بهدوء ولاكأنها قبل دقايق كانت بتفضحه قدام الخلق بسبب قطوه مازالت فوق راسه علامة استفهام من تصرف هالبنت حيل غريب ظلت عيونه تتبعها لحتى اختفت عن عيونه انتبه لكرت طايح عند الكفر انحنى واخذه واضح انه طاح منها حركه بين يده رفع الكرت لوجهه زود وصار يقرأ :للعنايه بالحيوانات الأليفة ضحك بخفه :هههههه ياليل الشقا حيوانات بعد قلب الكرت وتوسعت عيونه من الاسم ظل يحرك عيونه عليه ويربط اسمها بأسم ماهر خويه ضرب رأسه بخفه وهو يفتح باب سيارته ويركب: وأكملت شكل هالعائله مسويه تعاقد مع الحيوانات الاب والولد والبنت رمى الكرت على المقعد إلي جنبه وهو يضحك من قلب :ههههههه معك حق يا ماهر من قلت ان محد يقدر عليها الا الله | ||||||||||||
|
| |
|
18-10-18, 05:09 PM
| #813 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| مر الوقت وتسارع وحل المساء وحطت الطائره على أرض السعوديه تحمل فيها قلوب متالمه وأخرى مجروحه وأخرى تحاول بناء شتات نفسها تركي ..نواف ..وريف... نزل من الطياره وهو يستنشق الهواء بحنين يالله وش كثر مشتاق لديرته واهله وناسه وهذا وهو كسر حاجز البعد ورجع يلملم نفسه بعد الشتات وبنى الامل قباله وحس فيه العمر اكتمل مسك يدها وشد عليها :وريف ماني مصدق حالي رجعنا ناظرته وهمست بهدوء : رجعنا يااخوي رجعنا توني احس ان الحياة دبت بعروقي غمض عيونه وهو يسحب نفس :يا زين بدايات الشتاء ان شاء الله معها تبدا حياتنا بالاجمل حركت رأسها بالإيجاب:أن شاء الله انتبه لتركي ينزل بعدهم من الطياره ترك يد وريف وتوجه لجهته :تركي ناظره تركي ببتسامه حنونه :نورت ديرتك يانواف توسعت ابتسامته :منوره بوجودك يا ابو جنى حبيت اسلم عليك قبل لا اروح عقد تركي حواجبه : وين تروح سيارتي هنا بمواقف المطار بوصلكم وبرجع البيت حرك رأسه بالنفي :لا ياتركي مشكور يااخوي وماقصرت حجزت شقه عن طريق النت ب اخذ تكسي وبنروح تركي بهدوء :وشوله الشقه ليش ما تروح بيت اختك ام رعد حرك نواف كتوفه :الساعه ١٠ وعلى مانوصل اكيد يكونوا نامو ماهقيت انهم يسهرون والا نسيت ان البيت بعيد عن المطار ضرب جبينه بخفه :نسيت وانا اخوك اجل لنا لقاء في امان الله رد نواف بهدوء :في امان الله رجع لوريف إلي واقفه تنتظره واشر لها :وريف يلا مشينا ماكانت معه ابد عيونها تتبع تركي إلي راح وخذا قلبها معاه نفس ماهو تصرفاته ابتسامته شكله إلي زاد وسامه تعرف وش مخبيه تحت خصله النازله على وجهه مع هذا مازاده في عيونها الا جمال اشر نواف بيده مره ثانيه :وريف وين رحتي توها تنتبه لوجود نواف ردت بإرتباك :هلا نواف معك معك هز رأسه ببتسامه :لا والله شكلك من شفتي الشرقيه وشميتي هواها رحتي فيها ضحكت بخفه :ههههه وفي أحد يعيش هالاجواء ومايروح فكره بعيد مسك يدها وابتسامته مرسومه على وجهه :معك حق زاد بخطواته هو وريف اخذ شنطهم وتوجه لخارج المطار استوقف تاكسي وحركوا مباشرة للشقه إلي حجزها وفيه حنين وشوق لكل شي حوله .... """"""" أطلق ضحكه خفيفه :هههههه هههههه من جدك يمه قفلتي عليهم بالمخزن توسعت ابتسامتها من ضحكت ولدها :مو قلت لك انا دواهم مسح ابو سعود عيونه من دموع الضحك:بس ماهقيت تسوين معهم كذا ردت ام سلطان بهدوء:لجل سعادتهم اسوي المستحيل يا سلطان عارف وميقن ان امه لا توقف الأمر على سعود اكيد بتسوي المستحيل ابتسم بحب من شافه نازل تقدم سعود منهم كالعاده بهدوءه ورزانته سلم عليهم بإحترام وتكلم بهدوء :اذا ما خاب ظني كنتوا تحكون فيني مو انا حديث الكل من صغر سني حس ابو سعود بنبرته الحزينه ابتسم بحب :ما نحكي فيك الا كل خير ياولدي ناظرته ام سلطان بتسأل : وين وعد رد بهدوء :بالغرفه يمه اكيد شويات وتنزل تأمرون على شي عندي إستلام عقدت ام سلطان حواجبها وناظرته بتسأل: إستلام بلبسك هذا حاول يهدي من ارتباكه وابتسم :ايه يمه عندي مهمه بسيطه اخلصها وارجع هزت رأسها بعدم اقتناع : الله يحفظك ياسعود وانتبه لنفسك اشر على عيونه ببتسامه هاديه:ابشري يالغلا ...في امان الله ابتعد عنهم وطلع لفت ام سلطان ل ابو سعود وتكلمت بقلق :احس قلبي ناغزني مدري ليش ابو سعود بهدوء:استهدي بلله يمه احاسيسك هاذي هي إلي توجعك ما فيه الا كل خير باذن الله نزلت وعد ركض وعيونها تدوره اخذت نفس وهي واقفه بوسط الصاله انتبهت لجدتها وعمها تقدمت منهم بسرعه : سعود طلع ردت ام سلطان بإستغراب من شكل وعد :ايه توه طلع ابتسم ابو سعود :تبينه بشي الحقيه اتوقع مابعد راح ابتعدت عنهم بخطوات سريعه الخوف شاب في قلبها نار وهذا هو نسي جواله واكيد بيحتاجه بمهمته طلعت ركض وتوجهت لجهة الكراج انتبهت له يركب سيارته صرخت بصوت عالي حتى يسمعها :سعووود سمع صوتها قبل لا يقفل باب السياره لف لمصدر صوتها وشافها واقفه وشكلها تبيه بشي ضروري نزل بسرعه وتقدم منها ناظرها بقلق :وش فيك تنفست بسرعه ومدت له الجوال :نسيته اكيد بتحتاجه اخذه منها ببتسامه :مشكوره همست وعد بهدوء وقلبها ناغزها:العفو ..انتبه على نفسك ابتسم سعود وعيونه معلقه بعيونها همس بحب :دعواتك يالغلا تقدم منها زود وطبع بوسه هاديه على خدها مرر يده على شعرها وسحب ربطة شعرها وانتثر على كتفها همس ببحه حلوه :خليه كذا احبه يكون مفتوح نزل ربطة شعرها بجيبه واعطاها ظهره وصار يمشي يحس فيه شي يمنعه ويحثه يبقى قربها الشعور الي يراوده مرهقه من الليل حست بحراره رغم برودة الجو لمست يدينه تأخذها ببحر الخيال خللت اصابع يدها بشعرها ورجعته لورى تكلمت بقلق :سعود وقف وقلبه يدق من نبرة صوتها لف لجهتها وابتسم حتى بانت غمازته ولاول مره :عيونه تقدمت منه والخجل طاغي على ملامحها الجميله سحبت الشال الاسود من عنقها ووقفت على طرف أصابعها لفت الشال حول رقبته وابتسمت بحيا : استودعك الله الذي لا تضيع ودائعه تنهد بحب وغمز لها : انتبهي على نفسك واذا رجعت لي كلام معك نزلت وعد رأسها نبرته اخجلتها حيل وفاهمه عليه : أن شاء الله انتظرك سعود شد على الشال ورفعه لخشمه تسللت ريحتها له حس براحه وانتعاش الود وده انه مايتحرك ويبتعد عنها أنش واحد رفع يده واشر لها بمعنى سلام لف عنها وزاد بخطواته ركب سيارته وحركها بهدوء تراجعت للخلف حتى شافته طلع بسيارته وتقفل باب البايكه همست والخوف يتخلل قلبها الصغير :ي الله يسر أموره انسحبت بهدوء رغم الخوف المسيطر عليها لكن مع هذا حاولت تشتت ذهنها عن الاشياء الشينه وصارت ترسم كل شي جميل ببالها مشت بخطوات سريعه وتوجهت لغرفتها بتنتظره وبيجيها ويجيب لها أخبار زينه واثقه فيه حيل وثقتها فيه صارت عمياء هذا سعود هذا غالي أبوها وشلون ماتثق فيه وهو كل دنيتها .... """""""""""" دخلوا الشقه مع بعض وكلن يحاول يقوي الثاني رجعوا بعد شتات وغربه وفقد وحرمان وانكسار كل واحد يكفيه مايحمله من الاوجاع والالام كل واحد يحاول يقوي اخوه و ينتشله من بقايا الذكريات الموجعه محد فيهم سلم من ظلم هالدنيا لف نواف لوريف وهو يناظرها ببتسامه :الحمد لله على السلامه وريف ابتسمت وريف ونزلت نقابها والشيله :الحمد لله على سلامتنا كلنا يانواف ااه واخيرا رجعنا يااخوي رفعت يدها وهي تاشر بسعاده :ماادري وشلون بصبر حتى بكرا مشتاقه ل ريوف ضحك نواف بخفه :ههههه بكرا وخير خلنا نرتاح وبعدها نسويها مفاجاءه لريوف (ام رعد) جلست على الكنبه الموجوده بالصاله :اكيد بتستانس كثير فديتها جلس نواف جنبها وسند رأسه على الكنب : اكيد ...اكيد تنهد بهم :ااه يا وريف مشتاق مشتاق لكل شي حولي نظرته الحزينه ما خفت عليها رفعت يدها ومسكت يده شدت عليها : متى يتنهي العذاب إلي انت فيه يااخوي قلبي ما يتحمل يشوفك تذبل يوم عن يوم غمض عيونه وهو يتخيل حبيبته تستقبله وتضمه تشيل الأثقال عن كتوفه وتزيل الهم عن قلبه همس بحزن :الى ربك يفرجها وانا اخوك فتح عيونه واعتدل بجلسته وهمس بهدوء وهو يوقف :روحي ارتاحي اكيد السفر اتعبك وقفت وريف بهدوء فعلا السفر اخذ كل طاقتها :طيب اذا تبي شي انا هنا تصبح على خير يااخوي رد بهدوء :وانتي من اهل الخير راقبها لحتى دخلت غرفتها وقفلت الباب رجع جلس على الكنبه بتعب نزل راسه لتحت وحاوطه بيدينه شد شعره وعض على شفاته همس بحزن : معاد اتحمل اكثر من كذا والله معاد اتحمل ااخ يا قلب ليش تهواها الألم والحنين إلي داخله اشبه بإستئصال عضو بدون مخدر رفع رأسه ووقف وعيونه تلمع لازم ينهي كل شي معاد فيه استطاعه يظل يوم زود يتألم ويتوجع رفع جواله بسرعه ودق رقم تركي انتظره لحتى رد وصار يتكلم معه بكل إلي خطر على باله ... """""""""" عيونه تتبع بدر بحب وش كثر يعشق هالولد تقدم بسرعه وأخذ الكوره منه بحركه سريعه وصار يركض للمرمى الصغير المثبت بالحديقه الخلفيه ببيتهم رفع رجله وشاتها بقوه حتى دخلت بالمرمى وسجل هدف ضحك بخفه :هههههه وهدف هههههه كتف يدينه وهو يناظر اخوه يضحك ابتسم بطفوله ورفع يده وصار يبعثر شعره بخيبه :فزت يا راكان ابتسم راكان وهو يتقدم منه رفع يده وثبتها على يد بدر الي بشعره وتكلم بنبره كلها حنان :المره الجايه تفوز انت حبيبي تمام حرك رأسه وعيونه تلمع بالدموع :بس ماابي العب معك مره ثانيه ضحك راكان بخفه وهو ينزل يده لكتفه ويسحبه معه لجهة امه إلي جالسه تناظرهم بهدوء :افا ليش يابدر ما تبي تلعب معي حرك رأسه بطريقه عشوائيه :لأنك دوم تفوز علي وانا ما احب الخساره ابتسم راكان بهدوء ووقف لف اخوه له وثبت يدينه على كتوفه :فديت الي مايحب الخساره متاكد المره الجايه راح تفوز ابتسم بدر ببراءه من بين دموعه :اكيد هز راكان رأسه:اكيد بدوري ضحك بدر ببراءه وباس خد اخوه ورجع اخذ الكوره وصار يلعب مع نفسه تنهد راكان والابتسامه مرسومه على وجهه من يشوف بدر هالشاب بهيئة طفل يحس ان الدنيا كلها بخير ولو كل الناس يحملون قلب مثل قلبه كان ماانزرع الشر والحقد بقلوب البشر ابد... زاد بخطواته جهة امه وقف قبال الطاوله : الي ماخذ عقلك يتهنى به يا ام راكان ابتسمت ام راكان بهدوء :محد ماخذ عقلي غيرك انت وبدر ماخفت عليه ابتسامتها الحزينه جلس جنبها وسحب يدها رفعها لفمه وباسها بحب :يمه كفايه حزن انتهى زمن الحزن وانطوى تكفين ما ابي اشوف هالابتسامه الحزينه على وجهك مره ثانيه شدت على يده إلي بيدها :واذا قلت لك مقدر اشيل هالابتسامه و انسى إلي سواه ابوك فينا من جابت طاري ابوه تغير مزاجه وتبدلت ملامحه :لاتجيبين طاري هالانسان انتهى من حياتنا ومات ولو كان فعلا يبينا كان ماابتعد واختفى مسح وجهه بتوتر وهو يوقف :يمه اذا لي خاطر عندك ماابي اسمع طاريه تكفين ردت ببتسامه حنونه :ابشر ماراح اجيب طاريه بس انت ماكأنك نسيت شي تنهد وحاول يلين ملامحه حتى مايوجع امه رسم ابتسامه هاديه من تذكر ديما :انسى عمري ولا انساها حط يده على قلبه وتكلم بهيام : متى يمه ناويه ترحمين هالقلب وتخطبين لي ديما ضحكت بخفه من ملامحه إلي تغيرت:هههههه ماني مصدقه انت تقول هالكلام ... ولا يهمك بكرا اكلم امها كم عندي ركون واحد والله يخليه لي ابتسم راكان :يافديتك يا بعد كل هالكون قرب منها وباس رأسها ناظرها بحب: اسمحي لي يمه عندي مهمه وماابي اتأخر زود انتم لاتنتظروني ناموا الوقت تاخر حيل ... تامرين على شي يالغلا قبل اروح هزت رأسها وعيونها عليه :لا يمه مايامر عليك عدو انتبه على نفسك ياولدي وطمني عليك ابتسم بهدوء :ابشري انهى كلمته وابتعد عنها الوقت تأخر واكيد سعود ينتظره توجه لسيارته بخطوات سريعه وكل امله انهم يمسكون على الذيب دليل ... | ||||||||||||
|
| |
|
18-10-18, 05:26 PM
| #814 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| ياحلاة الصدفه ان جابت لقاه تشهد انها من فرح عينها تطير ياعسى ماتذوق الفرقا معها يامن وجوده يحسسها انها بخير تشهد انه ماملى عينها سواه هو بعيونها يساوي كل شي ايه تحبه وكيف بتوصف غلاه سعود شي غير عندها محتواه تشهد ان من بدأ فيه ماانتهى لو توصف غلاه كان قالت تحبه عن جميع الناس ... كلمة احبك من فمه ريحيت ضميرها وجابت لها ابتسامات العالم كله ومازالت تردد على مسامعها ... حركت وعد المبخره بالغرفه لفوق تعرفه يحب ريحة العود كثرت من العود الطبيعي وانتشر ريحته الراقيه بالغرفه ابتسمت بهدوء ونزلت المبخره على التسريحه وظلت تتأمل نفسها بفستانها الاحمر القصير إلي زاد من بياضها وشعرها مفتوح نازل على كتوفها بإنسياب مثل مايحبه رفعت يدها تتحس خدها من زواجها ماحطت مكياج كذا كان هادي وجميل ب احمر الشفاه الاحمر حست انها اميره على العرش وتنتظر اميرها وتستقبله وتنسى كل شي رفعت يدها تناظر ساعتها كانت تشير ل ١٢:٠٠ واكيد سعود بدأ مهمته إلي ماتعرف تفاصيلها الخوف مستوحذ على فكرها اخذت جلالها ولبسته الجو شوي بارد ويمكن تصادف مشعل نزلت بهدوء البيت هادي واكيد الكل نايمين توجهت لمكان سعود المفضل جهة قفص الحمام يمكن تحس بالسلام والأمان مثل رمز السلام الي يحمله هالطائر الجميل .. وقفت بهدوء وظلت تتأمل الحمام حتى الطيور نايمه بهالوقت ابتسمت بهدوء وتكلمت بحب :ماكنت متوقعه اوصل لهالمرحله يا سعود تذكرت كلامه وثقته بنفسه تعرف انه قدها وقدر يطيحها بحبه من جديد ضحكت بخفه وصارت تتكلم كأنها تحاكي سعود: ههههه ما ادري انت هبه من الله بإخلاصك وعطائك وحبك والا حلم جميل اعيش فصوله بسعاده والا حاله خاصه عن كل البشر في صدقك ونقائك مهما تكون ياسعود ابيك تبقى معي وفي عالمي لانك اجمل تفاصيل عمري نزلت جلالها عنها وفتحت يدينها وكأنها بتطير الهواء حيل منعش ويناسب مع جو المحبين تعيش حاله خاصه بهالوقت مشاعر مبعثره حب عشق حزن خوف ماتدري وشلون توصف إلي داخلها غمضت عيونها والابتسامه مازالت مرسومه على وجهها الجميل حست بيد ملفوفه على خصرها فتحت عيونها و تلاشت ابتسامتها تجمدت حركتها وهي تحس بقطعة قماش تغطي خشمها وفمها توسعت عيونها زود وهي تحس باليد تثبتها بقوه مع خصرها حاولت تحرك يدينها لكن مافيه امل حركت رأسها يمين ويسار تحاول تقاوم تصرخ تتكلم تستنجد باي أحد لكن خارت قواها وبدت عيونها تتقفل غصب عنها تحت تأثير المخدر سكنت حركتها و طاحت بين يدين هادي ابتسم بخبث وهو يناظرها ابعد شعرها الي غطى وجهها وصفر بإعجاب :واااو وطلعت صاروخ ضحك هادي بصوت خافت :هههه وهاذي زوجتك يا سعود بين يدينا بنشوف وش بتسوي رفعها على كتفه وثبتها بإحكام وزاد بضحكه :ههههههه والله بيجن جنونك ياولد سلطان رفع جواله وضغط على رقم الذيب جاه صوته إلي يمقته :البنت وجبناها لك الذيب بمكر :خذها للمكان الي اتفقنا عليه حرك راسه بالايجاب وهو يطلع بهدوء من البيت مثل مادخله رماها بالسياره ورى ورجع تكلم :اوكيه بس مااظمن نفسي مااقربها قبلك صك على أسنانه الذيب :هادي سوي الي قلت لك عليه ولا تلمس البنت فاهم صفر هادي بإستفزاز : بس ياخي من تشوفها تذوب عليها جمال يذبح صرخ بصوت كاسر :قلت نفذ إلي أبيه هالبنت لي ولو تخالف كلامي قل على هالدنيا السلام وقفل في وجهه رفع هادي الجوال لوجهه وعض على شفاته رمى جواله جهة الراكب وهو يتكلم بكره :مصيره يجيك يوم يالذيب والله ما اترك ولا إهانه لك كلها مردوده لكن بطريقه بتكسرك وتقتلعك من جذورك """"""""""""" دخل البيت بهدوء وعقله مع نواف وكلامه حاس فيه صعب الي مره فيه هالولد ...مجرب احساسه وعاشه مرر عيونه بالبيت هدوء بالحيل الواضح أن كلهم نايمين توجه لغرفة امه مشتاق لها بالحيل فتح الباب وتوسعت ابتسامته من شافها نايمه بهدوء ماحب يزعجها رجع قفل الباب وطلع للصاله انتبه للميس تنزل مع الدرج همس بحب :لميس رفعت نظرها وتوسعت ابتسامتها تركي رجع ياكثر ماافتقدته بهاليومين صرخت وهي تنزل باقي الدرجات بسرعه ارتمت بحضنه :تركي انت جيت حاوطها بيدينه وهو يضحك :هههه ايه جيت جيت يا قلب تركي تكلمت بفرح :الحمد لله على السلامه يا اخوي ابعدها عنه وهو يناظرها ببتسامه:اشتقت لك لميس بحب :وانا بعد اشتقت لك يااخوي هاذي اليومين كأنها سنتين ضحك بخفه وهو يسحبها معه برا للحديقه طلع وتوجه جهة المسبح وهي معه استغربت تصرفه :تركي وين رايحين ابتسم من صاروا واقفين قبال المسبح همس بهدوء :جبت لك هديه حلوه بتجيك بعد شوي رفعت حواجبها بإستغراب :هديتي ليش هي تجي مو انت تجيبها ضحك بهدوء :ههههه لانها كبيره وتحتاج وقت عقدت حواجبها وشبه ابتسامه على شفاتها :تركي وش هالالغاز غمز لها وهو يبتعد عنها :ناظري للمسبح ولا تلفين ابد بروح اشوف جنو وارجع لك على بال ماتحلي هاللغز اوكيه ضحكت من تصرف أخوها الغريب ولفت جهة المسبح:هههههه اوكيه هذاني لفيت انتظرك انت وجنوxلا تتاخر علي ابتعد عنها تركي وابتسامته الهاديه مرسومه على وجهه ارسل اشارته لنواف وابتعد تارك قلبين فرقهم الزمن ... """""""""" في مدينة الملاهي سر خاص وسحر مميز جابها هنا حتى تنفس كل الحزن إلي بقلبها ضم اسامه له وهو شايله ويسولف معه وضحكاتهم تترد على مسامعها وش سوا هالانسان معها هي واخوها تقدم منها وجلس جنبها على الكرسي واسامه بحظنه مد لها اسامه غزل البنات إلي بيده :جوري هذا لك حركت رأسها بالنفي و بهدوء :لا مابي شكرا ابتسم رعد وهو يناظرها :ليش ماتحبينه هزت راسها بهدوء وهي توجه نظرها للناس الي رايحين وجايين :احبه بس مالي نفس تنهد بهم حاس انه بيتعب مع هالبنت حيل :العشاء و مالك نفس فيه وبعد غزل البنات.. طيب قولي وش نفسك فيه وانا أجيبه تكلمت ببحه : مشكور ماابي شي نفسي عافت كل شي حولي صدت عنه و التزمت الصمت وعيونها تتبع الناس إلي يسولف والي يضحك والاطفال لاهين بالملاهي والسعاده مرسومه على وجيههم تتمنى تكون طفله وماتحس بشي حولها تلعب وتمرح وتنام وتقوم ولا تحاتي هموم اليوم ولا بكرا همس رعد ل اسامه بإذنه :اسومي روح العب واحنى بننتظرك هنا ناظره اسامه بحب وباسه بخده :رعد تدري اني احبك ضحك رعد بخفه وهو يبوس اسامه :هههه يالبى قلبك وانا بعد احبك يلا روح اسامه العب لحتى تمل نزل اسامه وهو يركض ويضحك بسعاده متوجه للالعاب الكهربائيه ابتسم رعد بهدوء وقرب منها زود حتى صار مايفصل بينهم شي كتفه ملازق لكتفها همس بهدوء :جوري ردت بهدوء :همم مسك يدها ووقف سحبها معه بسرعه لحتى وقفت وابتسم بهدوء : تعالي مشى بخطوات سريعه وهو يسحبها معه متوجه لملاهي السفينه قطع التذاكر و طلع وهو يجرها معه جلس وجوري جنبه ومازالت مذهوله من تصرفه شدت على يده :رعد انا ما احب العب لف لجهتها وهو مبتسم : ماتحبين تاكلين ولا تلعبين اجل وش تحبين حركت كتوفها بهدوء :مااحب شي تكفى رعد خلنا ننزل انا .. قاطعها بضحكه :ههههه لا يكون تخافين جوري ارتبكت من ضحكته العاليه ووقفت وهي تسحب يده :ايه اخاف خلنا ننزل قبل تشتغل اللعبه سحبها لحتى جلست جنبه ربط الحزام عليها وثبته وربط حزامه ومازالت ابتسامته مرسومه على وجهه :اثبتي حتى ماتطيحين مافيها حيل تجادله مرهقه جدا استسلمت له وبدت اللعبه تتحرك وترتفع ودقات قلبها ترتفع معها وبطنها يطلع وينزل ارتفعت زود اللعبه والخوف زاد معها شدت على يده وسندت رأسها على كتفه صرخت بخوف :رعد تكفى ماابي ماابي العب ضحك من قلب على شكلها رفع يده وحطها على ظهرها سحبها له:هههههه مافيه مهرب بتلعبين معي يعني بتلعبين ارتفعت السفينه زود وصارت تنزل بسرعه وصرخات جوري مسيطره على المكان ورعد مبتسم ركبها الملاهي وكل إلي يبيه انها تفرغ كل الطاقه السلبيه إلي جواتها خلص وقت اللعبه وبدت تهدى شوي شوي لحتى وقفت رفع يده وثبتها على قلبها ضحك بهدوء :ههههه الحين كل هالخوف وقلبك بيطلع من مكانه عشان لعبه تنفست بسرعه وهي تبلع ريقها الي تحس انه جف من الصراخ ونزلت دموعها بدون شعور وهي تناظره يضحك ويده على قلبها إلي يدق بسرعه : ليش تعاملني بهالطريقه لاحظ عيونها المليانه دموع عقد حواجبه :وشلون ليش لانك زوجتي وبعدين ليش البكاء الحين كتمت صوت شهقاتها وحركت رأسها بالنفي: ماابكي ماابكي تنهد بحزن :اجل وش تسمين هالدموع تكفين ارحمي نفسك وارحميني معك رفعت يدها ومسحت دموعها :بحاول بحاول يارعد بس ماظنتي تكف هالدموع عني ابعد يده عنها فتح حزامه وحزامها وقف ووقفها معه همس بهدوء :بتكف وانا الي بكفها نزلوا من اللعبه وهو يسحبها معه ويسولف معها وهي ملتزمه الصمت يبي يسوي الي يقدر عليه حتى يزيل الهم من قلبها مايدري ليش يتصرف كذا وهو طبعه الهدوء مع هذا حاب حيل يطلع هالبنت من ازمتها صارت تنتمي له ومايقدر ابد يتركها والشي إلي مو فاهمه إلى الآن سبب اهتمامه وخوفها عليه من أي شي .... """""""""" اصوااات حولها وتخيلات تعرف انها تحلم وماهي الا في كابوس من كوابيسها المتكرره حاولت تسحب يدها لكن واضح انها مثبته بشي حاولت تحرك رجلها بعد ماهي راضيه تتحرك ارتجفت كل خلايا جسمها وايقنت ان الي هي فيه ماهو الا حقيقه وبدت التسالات تطري عليها من كل مكان ...فتحت عيونها بثقل وكل شي حولها ضبابي رمشت بعيونها كم مره حتى بدت توضح لها الرؤيا زات دقات قلبها وجسمها اعتلته الرجفه الكلام ضاع منها وعيونها مثبته على شخصين واقفين قبالها ومتلثمين بشماغهم كل إلي تحس فيه خوف ذعر اضطراب تلعثم هلع انتشر الهلع والفزع في قلبها واختلط مع دمها كان المنظر يثير في نفسها الرهبه.. شافها صحت وملتزمه الصمت متاكد انها مصدومه مد الجوال لهادي واشر له يتراجع للخلف ويسوي إلي أمره فيه ابتسم وهو يتقدم منها:مساء الخير يا حلوه أطلق ضحكه كلها شر :ههههههه والا نقول صباح الخير مو الصبح على وشك يطلع توسعت عيونها وتوها تفهم وش يصير حولها تكلمت بصوت مرتجف ومتقطع :وش ..وش تبي مني انحنى الذيب لها وحرك يده على وجهها قرب وجهه منها وشد على فكها :ابييييك يا بنت سعود ماتدري وشلون استجمعت قواها وتفلت عليه وهي تصرخ :لاااتجيب سيرة ابوي على لساااانك ياحقيييير حاولت تحرك يدينها و رجلها المربوطه بالكرسي وبدت صوت شهقاتها ترتفع تكلمت بصوت باكي :اتركني فاااهم فكني فكني ياااامجرم مسح عيونه بقهر ورفع يده ضربها كف بكل قسوه : اااسكتي ما ابي اسمع لك صوت غمضت وهي تحس بقوة الكف وطعم الدم بشفاتها حست ان روحها بتطلع وين سعود وينه تبيه والله تبيه ليش طاحت بين يدين هالمجرمين ليش دايم حياتها مليئه بالمخاوف شدت على أسنانها وهي ترجع تناظر الشخص المجهول بكره :ماراح يتركم والله ماراح يتركم سعود ضحك بخبث وهو يطلع سلاحه ويثبته بين عيونها :خليه يقرب صوبنا نفضي هالسلاح براسك وراسه السلاح بين عيونها ماقدرت تسيطر على نفسها اكثر جسمها صار يرجف بكل قوه وكأنها انصابت بصعق كهربائي ارتعدت كل اوصالها والخوف ألجم لسانها غاب صوتها وتبددت احشائها.. جمد الدم بعروقها بتموت وتلحق أبوها بتروح مثل ماراح من ناس ما عندهم رحمه عرفت وايقنت من عيون الشخص إلي قبالها انه ماراح يتركها تعيش نظرته مخيفه حيل وصوته يرعد القلب حست وكأن شي هبط من رأسها إلى اطراف جسمها والدنيا صارت تدور فيها غابت عن الوعي وطاح رأسها لقدام .. انتبه لها من سكنت حركتها وارتخى رأسها لتحت سحب السلاح والشرار يتطاير من عيونه لف لهادي إلي ماسك الجوال ويصور من بداية حديثهم :وقف تصوير وهات الجوال تقدم منه ومد له الجوال وابتسامته الخاليه من الرحمه مرسومه على وجهه : تو تو ياحرام ماتحملت واغمى عليها ضحك هادي بخبث :ههههه و الحين وش ناوي عليه يالذيب ابتسم الذيب بدهاء :بنجيبه للمصيده زاد ضحكه وهو يفرك يدينه ببعض ويمرر نظراته حوله بالمخزن المليان بالحطب : هههه وندفيه بهالحطب ابتسم الذيب وهو يحرك كتوفه ويثبت سيجارته بفمه :ممكن ايه وممكن لا انا طالع انتبه للبنت واذا صار شي انا واقف برا ابتعد من دون ما يسمع رد هادي وطلع وهو ينفث الدخان بكل برووود... """""""""" مانسيتك ولا لحظه نسيت وان نسيتك وشو يعني لي السنا شلون ابنسى من على الدنيا وعيت يكفي إنك تنسي لحظات العنا لا ضاق كل الكون في عيني وجيت يعلم الله تو ماذقت الهنا انت كل الناس في عيني وليت تعرف ان القلب بالحب اغتنى من بين كل الناس في قربك رضيت صرت في عمري مثل شوق الضنا وانت ياعمري الي منك دعيت جاك قلبي تسبقه لحظات هنآ صوت ضحكتها ترن بأذانه واقف ورى الجدار ودقات قلبه تدق وكأنها بتطلع ياصوتها إلي اشتاق له يانبرتها إلي سوت سواتها فيه ياويش يقول بعد ما شافها انتبه لها تلف للمسبح وواضح انها بعالم ثاني والاكيد انه نفس العالم الي يحتويه سمع صوت الجوال عرف انها اشاره من تركي شافه يبتعد عن لميس واختفى تقدم بخطوات ثقيله... انكتب له يحبها وغصب عنه يتحملها يحظن الموت لجلها قبل مايخطي عليها وقف خلفها وهمس بحنين :لميس حست بحركه خلفها ظنت ان تركي رجع لكن من سمعت نبرة الصوت قلبها كان بيوقف هالنبره حيل اشتاقت لها وتقطع قلبها وهي تتمنى تسمعها... لهدرجه قامت تتخيل صوته وتسمعه لهدرجه شوقها وحنينها له يتعبها تكلمت بهدوء: هلا تركي لا يكون جنو نايمه مسح وجهه بتوتر حتى صوته نسته همس بشوق :جيت لك من جمر الشوق محتمي كل ما تبرد طعوني اضمها نزلت دموعها بإنسياب يعني ما كانت تتخيل هذا هو وراها هذا هو ما يفرق بينهم الا كم سانتي يعني هاذي هدية تركي لها ... لفت له وناظرته بشوق وحنين شكله حيل ذابل و لبسه الاسود زاده جمال وش كثر تعشق ملامحه الرجوليه وش كثر تعشق همساته الحنونه :نواف ابتسم بحزن والحنين منتشر بجسمه على شكل فيروسات همس بدون وعي :عيون نواف عضت على شفاتها من رده تقدمت منه زود وسندت كفها على صدره تكلمت بصوت مرتجف :رجعت حنيت لايامنا لاتتهرب قول عادي حركت كتوفها بخيبه :ماعندك جواب صح مو انت دوم تهرب وتبعتد ليه جيت بعد مابقى لي في حياتك اي دور رفع يده وثبتها على يدها وعيونه تناظرها بألم:جيت ابيك ضحكت بحزن من بين دموعها : جيت تبيني ليش من زمن مافكرت ترجع ليش الحين رجعت ماكنت احسب ان القلوب الساهيه تشتاق ابتسم بهم وشال يده عن يدها تراجع كم خطوه للخلف وعيونه تناظرها بعتاب : ماعمره سهى قلبي عنك يالميس لكن الظاهر البعد بدل في قلبك منزلي والظاهر أن الخافق إلي كان لي معاد لي حركت رأسها بالنفي ودموعها تحجب الرويا نبرته حيل حزينه مثل قلبها ودها تضمه وتشم ريحته تقدمت منه زود لكن وقفتها صرخته :لاااا تقربين اكثر يكفي جروح يكفي الم لاااا تقولين شي كلامك حيل يوجع ادري خطيت ادري اني ابتعدت بس كان هذا طلبك انتي كنتي تبين فراقي وابتعدت ماتدرين وش كثر كان صعب ماتدرين وش كثر تألمت رفع كتوفه بشكل يوجع وطاحت دمعة رجل على خده : مير الشوق تل قلبي والهواء غربل علومي ومحد حس فيني بالغربه عيونها تتفحص ملامحه الحزينه وكلامه إلي قطع قلبها صحيح هي طلبت منه يبتعد بس ماكان من قلبها قربت منه وهو يرجع همست بصوت باكي:نواف اسمعني تراجع بخطواته زود للخلف وعيونه مازالت تناظرها بالم رفع يده وكأنه يهددها بنبره غريبه : ماابي اسمع الي مريت فيه بسببك ماهو قليل لميس جهزي حالك الاسبوع الجاي بيكون مكانك معي اعطاها ظهره وصار يمشي بثقل تاركها خلفه كان متوقع ردت فعلها كان عارف ومتاكد انها بتكسره زود فوق إنكساره وش غير الدموع تريح زحمة اوجاعه وش غير السهر يطير سرب احزانه.. """"""""""" الميناء بعد منتصف الليل وبالتحديد مكان تحميل ارصفة الحاويات مرر نظره حوله وهو واقف بين الحاويات الحديد المنتشره بهالمكان تواجدها بيساعدهم حيل و محد بيكتشف وجودهم حرك يده على جيبه الخلفي و تأكد من وجود سلاحه رفع نظره ل راكان ومحمد وعبد العزيز تكلم بنبره جاده : الكل ثبت السماعات اعتمد عليكم ياشباب الوقت قرب و ماابي اي تهور اشر له محمد يطمنه:تطمن كل شي بيصير تمام ومثل ماهو مخطط وكلها دقائق وراح توصل السفينه تنفس سعود بإرتباك :ان شاء الله مع ان احساسي يقول غير كذا همس راكان بهدوء :تفائل بالخير حرك رأسه بالإيجاب وهو يطل على ارصفة التحميل:عبد العزيز محمد خليكم مع بعض هنا وانا وراكان بنتقدم اوكيه هز رأسه عبد العزيز :تمام محمد بهدوء :موفقين اشر سعود بيده ل راكان وتبعه بهدوء تعدا كم حاويه وتخبوا بين الحاويات قبال ارصفة التحميل مباشره دخل يده بجيبه وطلع سلاحه سحب صمام الأمام وصار جاهز تحسبا لاي طارئ لف ل راكان إلي يراقب الوضع: تتوقع بننجح الوضع هادي حيل واخاف انه هدوء ما قبل العاصفه حرك راكان رأسه بتوتر صحيح كلام سعود الوضع هادي حيل همس بتوتر :ان شاء الله ننجح لكن ما تتوقع الذيب بيسكت بلع سعود ريقه بقلق :ماظنتي ابد يسكت لكن لو احبطنا هالشحنه بنمسك طرف الدليل إلي بيطيحهم بيدينا ضيق راكان عيونه واشر لسعود :وهاذي السفينه قربت توصل شد سعود على السلاح بيده الود وده يطيح الذيب بيده وينهي العذاب إلي يحمله ياخوفه ماينجح ياخوفه ان الذيب مخطط لشي أكبر.. ما يقدر ابد يجر اخوياه معه للهلاك سمع صوت نغمة جواله تدل على وصول رساله عقد حواجبه وشلون نسى الجوال عام نزل السلاح بجيبه الخلفي وسحب الجوال فتحه وتوسعت عيونه من محتوى الرساله الي وصلته (السفينه على وشك توصل والحبيبه على وشك تروح ) انشدت عروقه والعرق بدا يبلل جبينه شد على جواله بتوتر :الذييييب وش إلي تقصده وش ناظره راكان بخوف :سعود وش صاير حرك كتوفه وهو يحاول يكذب إلي يقراه:مادري هو تهديد والا حقيقه رفع الجوال لوجه راكان قرأها راكان بسرعه ووجه نظره لسعود :مين يقصد لا يكون جن جنون سعود مجرد التفكير انه يصيبها شي حرك رأسه بجنون :لا لا احس انه يبي يربكنا ويشتت ذهننا حتى مانقدر نمسك عليه شي رفع يده ومسح وجهه وهو يتنفس بسرعه قدر الذيب بكل بساطه يشتت تفكيره وانتباهه رفع جواله بسرعه من سمع صوت نغمة ثانيه تدل على وصول رساله ثانيه عض على شفاته بقهر وفتحه تفاجاء انه راسل فيديو حمله وبدأ يشتغل بدون صوت حس انه بينجن حتى توازنه اختل سند نفسه على الحاويه إلي خلفه ودقات قلبه زادت يعني سواها سواها وكسره سواها وأخذ حبيبته غمض عيونه وصورة وعد مربوطه على كرسي بأحد مستودعات الحطب وواضح عليها الانهيار حتى انها غابت عن الوعي بين يد الذيب اكيد محتاجته اكيد تبيه قلبها مايتحمل الخوف حس ان قوته تلاشت الا وعد كل حصونه تطيح لأجلها صحاه صوت رنة الجوال رفعه بسرعه وهو صاك على أسنانه صرخ بقهر :وش سويت فيهاااا هاااه و الله والله لو يصيبها شي ماراح يكون في صالحك يالذيب صوت ضحكه القوي يتردد بالمكان :ههههههه لا تخاف إلى الآن ماسويت فيها شي وبعدين ما تقدر تظاهي الذيب يا سعود محد يلعب معي فااااهم وهذا انت الي بديت الحرب وتحمل إلي يجيك رفع الذيب كتوفه وكأنه مغلوب على أمره:وانا ردت فعلي طبيعيه جدا ابي احمي نفسي منك وهاذي زوجتك بين يديني ومحد يدري وش بيصير فيها لو تأخرت شوي سكت لحظات ورجع تكلم بصوته الكاسر :ااختااار تبيها والا تبي السفينه دار سعود على نفسه وضرب بيده بكل قوه على الحاويه الحديد إلي قباله انفجر بصوت غليظ كأنه هدير النهر في هيجانه تطاير الشرر من عيونه و عروق رقبته تصلبت :اسمع اتركهاااا ماتهمني السفينه بالي فيها لو يصيبهاااا مكروه ماتلوم الا نفسك يااااويك مني يالذيب ياااويلك بلع ريقه الجاف وهو يحاول يهدي نفسه : وين مكاااانك تكلم اااانطق ضحك الذيب بإستفزاز :هههههه يعني تخوفني بكلامك لا يابابا ماعاش وشاف الي يهدد الذيب اسمع تبيها سليمه اول شي اسحب رجالك من المكان الي انت فيه وبعدها تعال واجهني لوحدك فاهم قفل الخط بوجهه رفع سعود الجوال لوجهه وطاح من يده يحس ان روحه بتطلع وعد بين يد الذيب كان حاس والله كان حاس قلبه كان قابضه من امس رفع يده ومسح وجهه بإرتباك شد على شالها إلي حول رقبته : دخيلك يالله احفظ لي وعد اعتدل بوقفته وحاول يوازن ويقوي نفسه رفع نظره لراكان وتكلم ببحة : راكان اعطي محمد وعبد العزيز أمر وانسحبوا من المكان عقد راكان حواجبه :وش تقول يا سعود وش إلي مسويه هالخسيس حتى نتراجع حاس اني مو فاهم شيئ صك سعود على أسنانه بحقد :كسرني فيها وخطف وعد توسعت عيون راكان بذهول :وشلون وكيف حرك كتوفه بخيبه وهو يتكلم بعجله :ما ادري ما ادري قبل لا اطلع من البيت وهي قبالي ماكنت متوقع ابد يلوي ذراعي فيها رفع سعود نظره لخويه بهم :تكفى راكان سوي الي قلت لك عليه وكلن يرجع بيته هز راكان رأسه بقلق وانحنى اخذ جوال سعود من الأرض واعطاه :بس انت لا تتهور وانتظرني بروح معك وجوالك انتبه يطفى اخذ الجوال منه وحرك رأسه بالنفي وتراجع خطوات للخلف :انا بحلها ارجع بيتك امك تنتظرك لف وابتعد عنه وهو يركض لسيارته كل همه يخلص وعد من يدين الذيب عيونه تبعته بخوف زاد بخطواته وراه وهو يفتح السماعه تكلم :محمد عبد العزيز انسحبوا مانقدر نكمل المهمه ارخى راكان يده عن السماعه وهو متاكد ان صوته وصل لهم ركض بسرعه وركب سيارته حركها بسرعه خلف سيارة سعود إلي يلا يشوفها من بعيد .... انـتـهــــى الـفـصــــل اتمـنى- ينال… على' اعـــــجـابـكــم} والـقـادم< اجــمـــل: باذن الـله* اراكــم؛ تهمــــــنــــيـʼ وتـعـليقاتكــــم؟ بعـد\ اتـمنى› لكم‘ قراءة¨ مـمـتعة و< انـــتـظر« تـعـلـيـقاتـــــكم' بشـوق تحـيـااااااتـــي› عـيـون الــــريم ^_^* | ||||||||||||
|
| |
|
18-10-18, 05:28 PM
| #815 | ||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
|  فصل طويل جدا ومليئ بالأحداث قراءه ممتعه للجميع واتمنى اشوف ردودكم تحياتي عيون الريم | ||||||||||||
|
| |
|
18-10-18, 07:44 PM
| #816 | ||||||
| مشرفة منتدى الصور وتسالي مصوره وعضو مميز في القسم الطبي والنفسي ونبض متألق في القسم الأدبي وفراشة الروايات المنقولةوبطلة اتقابلنا فين ؟ومشاركة بمسابقة الرد الأول ومشارك في puzzle star ومحررة بالجر 
| فصل طووويييل ...ومشووق وزادت الأحداث بعد الهدوء العاصفه يعني الذيب خطف وعد وامسك سعود من يده اللي توجعه وهيك ينفذ اللي بدو بدون خوف..بعد ما اتفاهمو واعترفو لبعضهم بالحب وراح الحاجز اللي كان بينهم بس هذا اختبار يقربهم اكثر من بعض ... وعد مسكينه ...هادي ليش يكره الذيب ويشتغل معه نواف والتقى بلميس ولهفه اللقاء بينهم موجوده والشوق واضح ونواف خلص مو قادر يتحمل بعدها مع انه العتاب لسه موجود بينهم ... جوري بلشت حياه جديده لازم تتقوى وتحاول انها تسعد رعد اللي ماقصر معها ابدا وراعى مشاعرها وأحاسيسها... ركان خلص اعترف بحبه ومو صابر عن ديما .. مشعل واخت ماهر ضحكتيني موقفها ... والرفق بالحيوانات الأليفة هههههههه يعطيك العافيه على البارت يسلم ايديك بانتظارك ان شاء الله | ||||||
|
| |
|
19-10-18, 02:52 AM
| #817 | |||||||||
| نجم روايتي ومشارك مميز بأسماء أعضاء روايتي 
| السلام عليكم صباحكم جوري <<ع قولة رعد فصل روووعه رووعه روووعه انا حتى الفصل الي فات م علقت عليه مع الاسف كان هادي وهنا بدت عواصف الله يستر من الججاي ريمي وعد قلبي والله الي بتمر فيه صعب صعب صعب حييييل دلوعة ابوها وتوفى ابوها دحين بدت تلقى الامان عند سعود وانخطفت من اول م اقتنعت او رضيت بواقعها معاه وفوق كده حبو ف قلبها بدأ ينروي ويزهر سعود والله انك قدها قدرت تثبت لها انك م تتخلى عنها ،كفو ي بطل 👏🏻❤ مشعل 😂❤ والله شكلك بتناسب عيلة تحب الحيوانات ، 😂😂 خلص من ضفدع جاتو بسة"قطوة" مدري المرة الجايه بيكون سحالي ولا ؟؟😂 لميس ونواف والله المكابره م تنفع >> يعني فيه ناس ف الحقيقه يسوو زيهم كل واحد يكابر ويمتلي قلبهم حزن وهم ويفضلوا مشتاقين لبعض ولا واحد بيبادر..! طيب ليه كده ليه تعذبوا نفسكم ترى العمر مرة ولا احد فينا يعرف متى يومو .. لو قدر الله وصار لنواف شي ، والله لميس م بينفعك يوم تقولي انا م كنت اقصد بكلامي انو يبعد عني .. <<والله واضح متأثره☹💔 راكان ربي يخليك لاخوك وامك من جد قلبك حنون ويابخت ديما فيه بس ايش سالفه أبوه والفلوس الي توصل له كل فترة؟ جوري متأكده انك حتعشقي شي اسمو رعد <<واااثقه😴💙 بالله ريمي لا تخلي عصابه الهم يسوو ف وعد شي 😭😭😭💔 بانتاظر االقادم بكل شوووق🤦🏻♀❤ | |||||||||
|
| |
|
20-10-18, 01:30 AM
| #818 | ||||||||
| نجم روايتي 
| ربي يسعد ايامك غاليتي بارت مذهل رغم كل الأحداث المؤلمة لكن جميل أولاً اعتراف سعود ووعد لمشاعرهم لكن تجري الرياح بما لا تشتهي السفن وعد تحب سعود بكل جوارحها وهذا واضح للعيان لكن الماضي له كلمته ياترى الماضي يخص سعود ووعد أم ماذا حيرني بصراحه بالنسبة لرعد وجوري الحمد لله بدأت تمشي سفينة العشاق وتحط على اول مرفأ ربي يسهل القادم نواف ولميس والمشاعر الخامدة كانت محتاجه دفعه للظهور وهاهي اجمل خطوه بتخذها. بالنسبة لخطف وعد فهي خطة فاشله لكن خوفي من القادم والذيب اسم على مسمى محتال من الدرجة الأولى لكن سعود وراكان لهم رئي اخر سلمت الأنامل أترقب القادم 🌹🌹🌹 | ||||||||
|
| |
|
20-10-18, 03:06 AM
| #819 | |||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| اقتباس:
ياهلا فيك اميره توقعاتك جدا تعجبني انتظرتك هالاسبوع وكنت متشوقه لردك وقرأتك الدقيقه ❤❤ وطلع توقعك صحيح وعد تحب سعود وسبب رفضها له انها.. سمعته يرفضها لكن ليش ووش منعه من الموافق بالماضي راح نعرف بعدين وش مخبى... الجده ههههه من جد ماهي هينه وقدرت بسهوله ل سعود ووعد راكان 😂😂إلي صار له درس وعرفت امه تعطيه الدرس زين وهذا هو طلب منها تخطب له ديما مثل ماتمنت اممم راح نشوف بالنسبه للسواره اذا هي مزيفه والا راحت ومامنها رجعه ^€^ صحيح وريف كانت تحب تركي من الطفوله وبماانه تزوج قررت تشوف حياتها ونهايتها كانت الفشل وهو بالمثل.. يا ترى هل بيجتمعون والا ....لا تعليق رعد فعلا مهمته صعبه مع جوري لكن بقلبه الطيب يحاول يكسبها مع هذا القادم لهم يعد بالكثير من الأحداث ... الله يسلمك عزيزتي تواجدك الاروع كوني بالقرب دوما 🌹🌹🌹 تحياتي 💞 | |||||||||||||
|
| |
|
20-10-18, 03:07 AM
| #820 | |||||||||||||
| نجم روايتي وكاتبة في قصص من وحي الاعضاء وبطلة اتقابلنا فين ؟ وراوي القلوب وكنز سراديب الحكايات ونجم أسماء أعضاء روايتي وأميرةخباياجنون المطر
| اقتباس:
وعليكم السلام ورحمة الله وبركاته فصل طويل لعيونكم واتمنى يكون اعجبك جوجو ☺ فعلا بدانا ندخل بالأحداث والله يستر من القادم سعود ووعد تفاهموا وكل واحد بدأ يوضح حبه لثاني لكن يافرحه ماتمت الذيب خطف وعد ولوى يد سعود ياترى كيف بينقذها ووشلون راح نشوف مع بعض هادي يكره الذيب تقدرين تقولين الغيره يغار منه وواحد مثله اكيد خبثه مو اقل خبث الذيب نواف ولميس وعتاب محبين كيف بتكون حياتهم بعد ما يجتمعون تحت سقف واحد جوري وبدت تطلع من صمتها وتندمج مع الحياة الجديده والله أعلم رعد بيقدر عليها والا بتظل غيمة الحزن مسيطره على قلبها رااكان هههه من جد الحب عمل عمايله فيه ومشعل واخت ماهر هههههه ياكرهه للحيوانات الاليفه الله يعافيك يالغلا ويسلمك كوني بالقرب دوم سعيده بردك أنجوانا الله يسعدك حبيبتي دنيا واخره 🌹🌹🌹 | |||||||||||||
|
| |
 |
| أدوات الموضوع | |
| انواع عرض الموضوع | |
|
|
29Likes
العرض العادي
