آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
10-04-17, 11:44 PM
| #14 | ||||||||
| مراقبة عامة ومشرفة منتدى الروايات المنقولة  
|  البارت السادس ريم/ وهي في السيارة متوجهة إلى المدرسة هدوء يجيب الاكتئاب كل وحده فينا مشغولة بنفسها وتفكر في حالها ادوام ثلاثة الفجر وارجع البيت 3العصر تبعد المدرسة عن البيت حول 130ك نطلع من أبها وبعدين نوصل عقبة تخلع القلب من شكلها كأنها ثعبان ملتوية وسيد واحد بس ولا حواجز ولا إنارة ومعظم الوقت عليها أمطار والضباب حدث ولاحرج ماتشوف شي خاصة وحنا وقت الفجر . انهيارت العقبة ذي على الطول بسبب الأمطار يعني اتوقع وانا في الطريق تطيح علينا صخرة جحم السيارة مرتين. ويوجد عقبة افضل منها بس لو نروح منها تكون المسافة اطول وبدال مانمشي ساعة مع العقبة القديمة نمشي مع العقبة الجديدة ساعه ونص بسبب الزحام سند راسي على شباك النقل ماادري ايش افكر فيه صرت اعجز حتى عن التفكير بس لما اشوف حال صديقتي احلام اللي من الرياض وكيف هي مغتربة وساكنة لوحدها في شقة مع مجموعة معلمات مغتربات وعيالها اللي يدرسون في الرياض عند أمها ولا تشوفهم إلا كل شهر يومين وترجع . لما اشوف وضع غيري اقول الحمدلله على الأقل انا مع أهلي بنفس المكان اللي يشوف مصيبة غيرة تهون عليه مصيبته . أمي جعلني قبلها رافضة فكرة إني اخذ إيجازة تقول بتأثر على النقل عندها تقديس للوظيفة تقول تحملي واصبري مافي شي يجي بدون تعب. انا أشوف أمي اعظم إنسانة علمتنا كل شي علمتنا كيف نكون اقوياء بها او بدونها علمتنا كيف نعتمد على انفسنا بكل شي اذا سألتها ليه يمه تعلمينا كذا مانحتاجة وانت معنا تقول ماراح ادوم لكم ابغاكم من بعدي اقوياء كلمتها ذي تهزني غصب عني وبكل لحظة يارب لا نعيش يوم بدون أمي .تحبنا حب اعجز او صفة تحبنا اكثر من نفسها كل نجاح لنا او انجاز الدنيا ماتوسعها من الفرحة حتى رواتبنا مستحيل تاخذ منها ريال واحد او تخلينا ندفع منها شي للبيت تقول انا ربي منعم علي مااحتاج فلوسكم حتى كل الهدايا الذهب اللي نشتريها لها ماتلبسها تقول تعبكم مالي حق اخذ منه شي وانا ربي منعم علي بخير. حسيت في السواق وهو يوقف عند محطة قديمة وهي اخر محطة وبعدها ننقطع عن الأسفلت وشبكة الأتصال بها مسجد متهالك بس مالنا غيره ومضطرين ننزل فيه ونصلي .! كم مره فجعتنا بسه(قطة)كانت نايمه ازعجها دخولنا قامت تحوس حولنا مضيعة الباب وحنا ماغير نهابد في بعض من الخوف .! بعذرنا نخاف ندخل نصلي بعض الأحيان تكون منقطعة منه الكهرباء والموية ونضطر نشغل كشاف الجوال ونصلي ونخرج اذكر مره خرجنا من المسجد هجم علينا ثلاث كلاب كبيرة شكلها تخوف كنت أنا اول وحدة ركبت السيارة من الخوف ونورة معي واحلام ومنى من الخوف وقفوا هاجمتهم الكلاب وشردوا والكلاب وراهم لين مسكت فيهم يالله منظر الكلب وهو يسحب عباية احلام وهي متكورة على الأرض مستحيل انسااه،؟! ومنى رجعت المسجد وقفلت الباب عليها كلنا نصارخ وخايفين ولا وحده قادرة تنزل تنقذهم والمحطة مافيها احد والسواق الغبي اكيد اخذ له غفوه كالعاده في المسجد او انه متكي يدخن وماكان عندي انا و نورة إلا ننزل نساعدهابس كيف مدري شفت مع نورة ثلاجة قهوة كبيرة اخذتها ونزلت وأنا اشوف احلام تحاول تسحب عبايتها وتصارخ حاولت اتشجع مشيت لين قربت من الكلب ورجولي تصافق في بعض من الخوف .! وبلمح البصر فتحت الثلاجة وانا اكب القهوة على الكلب وارمي الثلاجة وفي اقل من ثانيه وانا في السيارة كيف وصلت مدري والمشكلة اني قفلت الباب على نورة اللي نزلت تعزز لي واشوف من الشباك ان الكلب فك عباية احلام وراح وهو ينبح بصوت يخوف دليل على انه يتوجع حطيت يدي على قلبي وانا اسمي بالله والمشكلة انه كلب اسود وقهوة حاره عندي اعتقاد من وانا صغيرة أنا واخواتي ان كل حيوان لونه اسود جني .! وخرج السواق اخيرآ بعد ماشبع نوم اكيد وسمع الصراخ البنات واصوات الكلاب لانه لو كان صاحي من قبل كان سمع الأصوات اللي من قوتها احس ان صدى اصواتنا يتردد بكل مكان والمكان فاضي . وبكل برود ياخذ له كم حجر ويحذفه على الكلب واحلام تحاول تقوم وتنفض عبايتها اللي كلها تراب وبكل برود العالم اللي فيه ركب السيارة ولا كلف نفسه حتى يسأل احلام جاها شي وين باقي البنات تحتاجون مستشفى او شي . نزلت انا اساعد احلام لين ركبت وهي في حالة انهيار تبكي سميت عليها واحاول فيها تسكت واسألها تعورتي قالت لا بس مسك العباية سألتها تبين نرجع اذا تعبانه أشرت لي براسها لا ونورة راحت تشوف منى وجابتها معها من المسجد السواق ذا غبي لا يعرف عادات ولا سلوم لكن مجبر اخاك لا بطل ماعندنا غيره .! أنا مانزلت اصلي اليوم معهم ماكان عندي صلاة طلعت جوالي وانا اتصل على أمي واطمنها قبل ماتنقطع الشبكة .! حركنا من المحطة لين وصلنا بداية الوادي وانقطع الأسفلت ومسكنا طريق ترابي وعر.! فتحت شباك السيارة وانا اشوف الوادي الكبير اكبر وادي في المنطقة . واسمه( ملتقى الاودية)بمعنى ان كل الأودية في المنطقة تصب فيه علشان كذا الموية تجري فيه طوال السنة بس نسبتها معقولة نقدر نجتاز الوادي لكن وقت المطر مستحيل تقدر السيارة تمشي فيه منسوب الموية يرتفع بشكل كبير منسوب السيل يرتفع كأنه فيضان ويعزل القرية عن المنطقة مايقارب 4-6أيام لأنه اكثر من سيل يجري في الوادي . والمشكلة مو هنا المشكلة لما يجي سيل منقول، ومعنى سيل منقول(مطر جاء في المناطق المجاورة لازم تنزل السيول من الوادي ذا بأعتبار انه ملتقى الاودية لانه منخفض) وعدد الأودية اللي تصب فيه خمس اودية كبيرة . شد انتباهي لوحة كتب عليها(عزيزي السائق لاتخاطر بالعبور اثناء جريان الوادي) ضحكت احس مالها داعي ماعندنا إلا الطريق ذا احيانآ افرح لما يجي سيل منقول قبل ندوام علشان نرجع نوقع في مكتب الأشراف. ناظرت الوادي الكبير الواسع وحوله اشجار ضخمه كثيرة ومتنوعة اشهرهااشجار السدر والعرعر واللبخ) واشجار عطرية متنوعة كثيرة تنمو طوال العام مثل العكبر، .والشيح.والشذاب.والوزاب. وحشائش خضراء تكسو معظم الوادي وتحتل جزء كبير من الوادي وتحوم حوله بعض الطيور بأشكال مختلفة وحيوانات منتشرة بشكل كبير مثل البقر والجمال والغنم بأنواعها كان شكل الوادي عبارة عن لوحة فنية سبحان الله الخالق. ورغم الجمال هذا ولا عمري استمتعت فيه ابد. ماكنت اصدق اننا نجتاز الوادي بسلام اكثر من مره توقف السيارة بوسط الوادي رغم انها من النوع الدفع الرباعي إلا ان اختلاق الطين بماء الوادي يعيق حركة السيارة وتغرز السيارة ويجينا خوف وهلع من السيول المنقولة ونخاف من المجهولين المنتشرين بكثرة في المنطقة النائية البعيدة عن نقاط التفتيش . رفعت يدي وانا اشوف الساعة وكانت 6و15دقيقة ساعة ونص تقريبآ وحنا نقطع الوادي نتأخر كثير بسبب الأحجار لازم نمشي بشويش علشان ماتحك في السيارة وتخرب. اخذت نفسي عميق وانا اشم ريحة الطين الرطب امتزج معه ريحة الأشجار العطرية اخيرآ شرفنا قرية ( سيال )النائية بدء الضباب يختفي بمجرد شروق الشمس اصوات معدات الأبار واصوات الماشية بيوت صغيرة منتشرة هنا وهناك بعيدة عن بعض كأنهم يفضلون العيش بعيدآ حتى عن بعضهم، حظائر الماشية المنتشرة بشكل كبيرة ، سكان قرية سيال يعتمدون على تربية الماشية في حياتهم بشكل كبير وتشكل اكبر مصدر دخل لهم. المناحل (عبارة عن صناديق من الخشب توضع بها خلايا النحل) ويشكل العسل مصدر دخل لهم وكذلك السمن والحطب المتوفر بكثرة بسبب الأشجار الكبيرة وكذلك اشجار تجرفها السيول المنقولة مزارع الحبوب المنتشرة بشكل كبير وتمثل مصدر دخل لهم .مسجد صغير واحد ومدرسة صغيرة متهالكة للبنات واخرى مشابهة للبنين توجد كهرباء شبة مقطوعة بسبب الأمطار او الصواعق الرعدية اللي تضرب المولدات او عدم تجاوب الدعم الفني لشركة الكهرباء. او مااحد اصلآ يطالب انها تشتغل، وصلنا مدرستنا المتهالكه اكل عليها الزمن وشرب المضحك ان المدرسة ذي كانت بيت لشيخ القرية ويمكن هو ورثها عن اجداده كابر عن كابر.! وانتقل هو لبيت جديد وبما انه شيخ القرية وهو من طالب وسعى في إيجاد مدارس هنا كان عليه ان يوفر مدرسة وماكان عنده إلا بيته القديم قام بإجراء بعض التعديلات التي لم تفلح في تغير وضع المنزل المتهالك دخلت المدرسة اللي عبارة من 6غرف. اربع غرف منها فصول دراسية. •فصل اول وثاني مع بعض لقلة العدد(10طالبات) •فصل ثالث ورابع مع بعض العدد(7طالبات) •فصل خامس وسادس مع بعض العدد(10طالبات) •فصل اول متوسط واحد عددالطالبات فيه(10) غير صالحه لأستخدام الأدمي !؟ وكان لازم نمر غرفة المديرة زاهيه علشان نوقع وشايلة هم اني بتصبح في وجها وهي مادة البوز شبرين . دخلنا وحنا نقول بصوت واحد السلام عليكم صباح الخير ولا اهتميت ترد او لا . اهم شي اوقع واخرج قبل تبق بيني وبينها مااتحملها مره تستغفلنا تحسبنا مانعرف القرارت سمعت صوتها وهي تقول كعاده متأخرين كلكم تحت الخط الأحمر ماراح اتساهل معكم. ناظرت فيها من فوق لين وانا اتعجب كيف ذي صارت مديرة لا اسلوب و لا اخلاق . لكنه حظ هي من بنات القرية بس كانت كل حياتهم في الرياض وجاء تعيينها في قريتها وتسكن هنا. بعض الأحيان نداوم قبلها ومانوقع لين تجي حتى لو تأخرت لان ببساطة دفتر التوقيع معها تاخذ كل السجلات معها علشان موية المطر اللي تنزل من سقف المدرسة . قمة الظلم وذا سبب الحرب اللي بيني وبينها وطبعآ ماعندها مساعدات ومقسمه كل الشغل بيننا مكتب الأشراف اول سنة تعينت هنا ماشفنا احد شرفنا وجاء سنة كاملة السنه الثانية جتنا وحده ماغير تنافخ وهابد بعمرها والمديرة ماقصرت ماغير تحرش علينا. مع بداية السنة جتنا موجهه وحده وحضرت لي حصة اول متوسط وعجبها الدرس وتطبيق استراتيجيات مادة الرياضيات رغم ان تخصصي اقتصاد واستخدام وسائل تعليمية رغم ان بيئة المدرسة ماتساعد . وصارت تمدح فيني والمديرة ماغير تشمق ولا علقت ابد ولا عجبها.! وقدام المديرة طلبتني اقدم على مكتب التوجيه قالت نحتاج مشرفات معنا المديرة كأنه ماس مسكها قالت مااقدر اعطيها اخلاء طرف عندي عجز معلمات.! طبعآ انا رافضة فكرة التوجيه مره لأنها متعبة كل يوم في قرية ولا إيجازات مع الناس ولا شي.! طنشتها وخرجت من غرفتها وانا اسمع المعلمات يناقشونها علشان التأخير . نزلت اغراضي في غرفتنا الصغيرة اللي يادوب تكفي اغراضنا وبدون مكاتب ماغير كراسي بلاستك وطاولة واحده بلاستك. شرينا قبل مكاتب فخمه وفرشنا الغرفة . ودهنا الجدران بعد تنظيفها من دودة الأرض اللي مسوية احتلال لكل جژء من المدرسة كأنها تقول هذا مكاني انتوا ايش جابكم عندي، والمشكلة كانت في سقف المدرسة المتهالك. اذا جاء مطر غرق كل شي راحت المكاتب وانعدم الفرش وانعدم الفرش غير الحشرات والزواحف اللي ماعمري شفت مثلها حتى في قناة ناشيونال غرافيك وماعندنا حوش ابد صدق او لا تصدق ماغير سور صغير مايكفي علشان كذا مافي طابور اخذت اغراضي وانا اروح اشوف حصصي.! وكل يوم على نفس الروتين البائس. متى انقل من قرية سيال اخاف اموت هنا من قرصة ثعبان اللي منتشرة بكثرة او اموت غرق في السيل .! : : : خزامى المشهورة اليوم كان متعب لها بشكل غير طبيعي من العصر وهي تسوي اعلانات وكالعادة أمي فديتها معي مستحيل اطلع أنا وندى مع السواق لوحدنا وندى بحكم انها عاطلة صارت المرافق معي بمعظم الأعلانات لأنها أقرب وحدها من اخواتي لي واحبها واليومين ذي صارت نذلة لازم كل اعلان يكون لها نسبة منه وإلا ماتروح معي وانا ماستغني عنها مره . ويارب لك الحمد كل يوم تزيد عدد الأعلانات عندي بدايتي كانت قبل سنه ونص تقريبآ أمي أنا دلوعتها واخر العنقود اللي مستحيل ترفض لي طلب كنت مغرمة بالتصوير والتصاميم كنت اصور بالجوال كل شي كان تصوير احترافي رغم انه بكاميرا الجوال اول صورة كانت لسد أبها وكانت قبل الغروب ونزلتها انستقرام جاتني لايكات كثيرة وتعليقات وزاد عدد المتابعين عندي كثير وفرحت فرحه ماتوصف استمريت اصور كل شي وساعدتني اجواء أبها الفاتنة والمطر والضباب المستمر خاصة مكان بيتنا المرتفع في السودة ماكنت احتاج اضيف لها فلاتر .. كنت انزل يوميآتي تقريبآ ومعها تزيد اللايكات وبحكم اني دلوعة أمي كنت اقضي معظم وقتي معها بحكم انشغال اخواتي بدوام مايجون إلا العصر او المغرب. امي عرف عنها انها طبيبة شعبية معروفة ومشهورة من زمان يقصدها كل الناس لطلب العلاج لكن قبل سنتين جاها أمر بالتوقف عن علاج الناس وإلا مصيرها راح يكون السجن . كنت اصور يوميات كاملة مع أمي اصورها وهي تطحن اوراق السدر بعد تجفيفها .. كنت اصورها وهي عند منحل العسل تقوم بأستخراج العسل من الشمع ووضعه في علب من اجل بيعة كنت اصورها وهي مع غنمها كل صباح ايام الويكند كنت اصورها وهي تعجن وهي تخبز بمهارة في الميفا (التنور) كنت اصورها وهي تسوي زبدة من لبن الغنم. كنت اصور يوميااتنا كااملة وسوالفنا وحرجاتنا مع بعض كنت يوم الثلاثاء اغيب عن المدرسة علشان اروح مع أمي سوق الثلاثاء المشهور تبيع فيه السمن والعسل وبعض الأعشاب العطرية وانا اوثق كل تفاصيل يوم الثلاثاء من وقت مانخرج الى وقت رجوعنا البيت وانزلها وكان عدد المتابعة كل يوم يزيد عندي واللايكات . وفي فترة بسيطه كان عندي في الانستقرام200 الف متابع،؟! اخواتي كانوا رافضين الفكرة نهائيآ حتى مستحيل اقدر اسجل سوالفي معهم وانزلها . بس أمي وقفت معي وقالت محد له شغل فيه . ومره كنت اصور أمي وهي تحمس القشر وتطحنه وتطبخه وتضيف عليه الزنجبيل والقرفة والسنوت أمي ماتحب تشرب إلا قهوة القشر ونزلت المقطع والكل سألني عن الطريقة وكنت اسجل أمي وهي تجاوب عن الأسئلة فكرة وقلت ليش مااخلي أمي تسوي القشر كامنتج خاص لها واسوي له اعلان لأن شفت كثرة الأسئلة عنه في البداية سوينا كمية قليلة يمكن حدود 50 علبة صغير حتى بدون علامة تجارية ولا شي نزلت الأعلان عنه (قهوتنا غير) وحصل شي ماتوقعته جاء عليه طلب كبير ومن وقتها صارت أمي تشتري كميات كبيرة من قشر القهوة الخولاني افضل نوع من اليمن يوفره لها واحد تعرفه في سوق الثلاثاء وتحمسه بطريقتها الخاصه على نار هادئة وبعد مايبرد تطحنه وتضيف له القرفة والسنوت والزنجبيل الجاف وضرب في السوق بشكل كبير وجانا منه دخل مادي كبير وكنت ابيع لأمي العسل ولقاح النحل والسمن عن طريق حسابي في الأنستقرام . وبعدها نزلت السناب ومن وقتها بدية اعلانات كبيرة مطاعم ومشاغل اعلانات اسر منتجة وزاد عدد المتابعين في السناب الى 380 الف متابع وزاد عدد الأعلانات وصرت اغطي اعلانات في معظم الجنوب ، واروح الرياض بالوقت اللي يكون عند اشواق دوام هناك كل شهر ثلاث ايام وكنت أحاول اخذ اكبر عدد من الأعلانات وأمي كانت تروح معي . المدرسة كان صعب علي اني اوفق بين الدوام والأعلانات خاصة ان كل وقتي اكون على السناب والأنستقرام كلمت أمي أني ادرس منازل افضل من الغياب وكل يوم اغيب فيه اخذ عذر من مستشفى خاص لأن اشواق رفضت تعطيني اجازات مرضية وغم انها تقدر تجيبها من المستشفى من عندها تقول والله مااغضب ربي علشان تسوي اعلانات وكلام فاضي أمي رفضت فكرة اني احول منازل رفض قاطع، وكالعادة ضربت على الوتر الحساس بكيت وماعاد كلمتها ولا اكلت يوم كامل وهي تخاف علي وتحبني بشكل مايوصف دخلت علي وانا ابكي جلست جنبي وانا اصد عنها وهي تعاتبني ليش ماكلمتها يوم كامل ولا جلست معها اخذتها فرصة بكيت وقلت لها لو أبوي كان حي ماكان رفض لي طلب وقتها فاضت عيونها وهي تحضني وتقول أنا أمش وأبوش وكل شي أنا خايفة علاش وابغى مصلحتش ..حضنتها بقوة قلت لها دام انت معي ماعلي خوف ووافقت غصب عنها واخواتي كلهم معارضين ويمكن حدود شهر محد فيهم يكلمني بس عادي ماهمني اهم شي أمي . يمكن في حدود ست شهور صار عندي راس مال كبير كله من الأعلانات ولا ادري ايش اسوي وماعندي اي خلفية عن الأستثمار بس كان عندي حلم اني املك مطعم نسائي متكامل اكلات شعبية مسكت معي الفكرة ذي وحبيتها يمكن علشان وأنا صغيرة كنت اروح مع أمي وتبيع أكل على الطريق خاصة وقت الإيجازت الصيفية حبيت الفكرة وقلت لازم اطورها بشكل افضل بس كنت احتاج مبلغ مالي كبير كنت ابغى مطعم فخم من كل النواحي وشهر وانا افكر ومره جاني اعلان لولد صغير متخرج من الجامعة وماتعين بس فتح له محل اواني منزلية وخردوات سويت له الأعلان ولما سألته عن الفكرة قال لي انه درس ست شهور في معهد ريادة استثمار وفتح مشاريع صغيرة اخذت رقم معهد ريادة منه وتواصلت معهم وفعلآ كان لهم الفضل بعد الله في دعمي ونجاح مشروعي بعد الدراسة عندهم قلت لهم فكرة مشروعي اعطوني قرض بدون فوائد لمدة سنة . مره سويت اعلان لمهرجان في جازان وكان قيمة الأعلان كبيرة لأني بظل يومين في جازان والمهرجان كبير لفت انتباهي الأسر المنتجة هناك وطبخهم الذيذ المميز قلت ليش ماافتح المطعم هنا فعلآ استأجرت ارض من شخص سبق وسويت له اعلان لمخطط فكرة ديكور المطعم كان بطابع جيزاني شعبي اهتميت في ادق تفاصيل المطعم بمساعدة وحده من متابعيني جيزانية مهتمة في الديكور وسلمت الفكرة لشركة وخلصت المطعم في الوقت المحدد في العقد معهم . كان عندي مشكلة كيف اوفر عاملات يتقنون الأكلات الشعبية بشكل احترافي . وشهرين وانا افكر لين الهمني الله قلت اسوي اعلان خاص لأهل جازان (طلب طبخات للمأكولات الشعبية) وجاني فوق 300طلب حدد لهم وقت زيارتي لجازان وطلبت منهم طبخات جيزانية شعبية . واخذت معي ندى وريم بحكم انهم كانوا في جازان ولهم علاقات و صدقات هناك . اخذتهم معي كمساعدة في التذوق والتقييم وكانت كل طباخة افضل من الثانية وترتيب ونظافة واخترت منهم عن طريق السحب في الانستقرام وكل شي كان جاهز مثل ما كان مخطط له . ووقعت قعود معهم.! المشكلة الوحيدة اللي كانت ناشبة لي هي البلدية وناشبة للمساكين اللي يبغون يترزقون الله ولازم شهادات صحية وطلبات مالها داعي تعبت أنا وأمي كل يوم نجي من أبها لين جازان وحنا نراجع البلدية علشان تراخيص مزاولة المهنة كل موظف يحول اوراقي على الثاني او الموظف ماداوم اليوم واعذار ماتخلص . طفشت منهم وأمي تعبت وضاقت بي الدنيا وكنت في السناب اسولف واحكي معاناتي مع البلدية وفي الصباح جتني رسالة على الخاص محتواها(اخت خزامى اعتبري امر البلدية منتهي) اذا تقدري تنزلي جازان اليوم وإلا بكره هذا رقم جوال ابوي يشتغل في البلدية وحكيت له عن مشروعك وان البلدية ناشبه لك ارسلي لي رقم المعاملة بس) احس اني مو مصدقة ارسلت رقم المعاملة وقبل الظهر جتني رسالة من البلدية بالموافقة وفتحت المطعم وكان الأقبال عليه فوق المتوقع وبعد شهر اضفت ركن قهوة وحلويات و كل عائلة لهم اخ او أب في الحد الجنوبي له تخفيض50٪ وكيكة نجاح لكل اطفال شهداء الحد الجنوبي في جازان والمبادرة ذي كان لها اصداء طيبة والحمدلله وربي بارك لي في رزقي وبعدها صرت اسوي اعلانات اسر منتجة ببلاش دعم مني لهم .! وخصصت جزء من الأرباح لدعم مرضى السرطان ومرضى الكلى والسكر. طلبتني اكثر من قناة علشان تسوي معي لقاء رفضت أمي وأشواق . كذا حالة إنسانية ساعدها بعد الله في العلاج. من خلال نشر تقرير عن حالتها في حسابي بدون مقابل . طلبتني شركة سياحية اسوي لها اعلان في ماليزيا وكان المبلغ كبير كنت شايلة هم أمي كيف اقنعها اهم شي هي توافق لأنها لو وافقت اخواتي بيرحون غصب .كلمتها في البداية رفضت ولما قلت لها سعر الأعلان وافقت خاصة ان الشركة متكفلة بكل شي وأمي مخططه اشتري لي فله تقول ماراح ارتاح إلا اذا كل وحده فيكم عندها بيت لها ملك .! ومازلت مستمره في الأعلانات حتى احقق كل شي خطط له والشي اللي كسبته غير الربح المادي حب الناس والدعاء لي .! انتهى غراس الجنة/ سبحان الله والحمدلله ولا اله الا الله والله اكبر يغرس لك بكل واحدة شجرة من الجنة". | ||||||||
|  |
|
11-04-17, 03:02 PM
| #17 | ||||||||
| مراقبة عامة ومشرفة منتدى الروايات المنقولة
| السلام عليكم ورحمة الله وبركاته بارت راااائع عرفنا على جانب من حياة ريم وهي تمثل معانات كثير من المعلمات في بداية تعيينهن في مدن وقرى المملكه البعيده وطرقها الصعبه وافتقار بعض القرى لكثير من الخدمات حتى يتم تقريبهن ونقلهن للمدن وما ألوم ريم في خوفها وكرهها للوظيفه والله يعين اللي مثلها اسمع كثير عن معاناتهن ممن عرفت منهن الحمد لله إن بداية تعييني كان في مدينه وقريب من بيتنا خزامى اتخذت لنفسها مجال آخر بعيد عن الوظيفه ولو إنها بدأت من الصفر لكن حققت نجاح وبدأت مشروع خاص بها وساندت امها في عملها اللي يبدو إن حياتها لم تكن سهله لكن بعزيمتها وقوة إرادتها استطاعت إن تربي بناتها افضل تربيه تسلم يمينك نبضي أبها منتظرين بقية الأحداث لاخلا ولا عدم منك يارب | ||||||||
|
| |
|
12-04-17, 12:02 AM
| #19 | ||||||||
| مراقبة عامة ومشرفة منتدى الروايات المنقولة
| البارت السابع فارس / دخل هو يشوف أبوه وأمه وجده وجدته واخوانه مجتمعين.،! ولأول مره يكون جدي في كلامه جلس جنب عبدالله وجه كلامه لأبوه يبه ولا يهون جدي ومن حظر. أنا رجال صراحة ابغى اتزوج . علي بطبعة الهادي يسمع كلام ولده ويشوف الجدية في ملامح فارس اول مره يتكلم كذا وبأتزان له حدود أسبوع وفارس كل يوم يقول له نفس الكلام طيب والمطلوب مني يافارس .! فارس /تخطب لي علي/ومنهي اللي بترضى فيك وانت حتى ثالث ثانوي ماخلصتها ولا وظيفة ولا شي .! فارس/مااحتاج وظيفة انت بتكفي وتوفي ماشاء الله تملك اكبر سلسلة xxxx في الجنوب وهنا او اتوظف في شركة .! والبيت اتوقع مايحتاج ندور هذا بيتنا ايش كبره علي/تتوقع لو اتقدم لك عند ناس راح يقبلون فيك. فارس /اكيد بيوافقون لما تقول لهم كل شي عليك وانت مستعد. علي/فارس لاتحسب ان الزواج لعبه قوم توكل بلا حركات صغار خلص الثانوي وتوظف وابشر بالزواج. الجد محمد/كيف تتزوج واخوانك اكبر منك وموظفين ومحد منهم تزوج. فارس وهو يقوم بعصبية/اتوقع ياجد حنا مو بنات لازم نتزوج بدور.. رفع عيونه لأخونه وبعدين في ابوه وقبل يخرج انا بروح واذا كبرت عن حركات الصغار على قولتك راح ارجع لك وخررج .! جميلة/بخوف أحمد انت وعبدالله الحقوا اخوكم خرج زعلان وانت تقصد علي انت ماتقدر تطيب خاطره بكلمة ايش بينقص منك لو قلت له طيب حتى لو كلام. الجده هيلة /قوم ياعلي الحق ولدك وين بيروح .! محمد/جده جعلني فداش ارتاحي شوي وبيرجع ماراح يهاجر وبيرجع يعني ماتعرفون فارس.! أحمد/ وقلبه ناغزه وهو ياخذ جواله ويخرج لا والله انه جاد في كلامه. الجده هيلة/لاحول ولاقوة ياخوفي يخرج مثل ماخرج عمه احمد ولا يعود. جميلة بجزع/لا ياعمه الله لا يقولها وهي تقووم. عبدالله/يمه وين انت رايحه احمد خرج وماراح يرجع إلا هو معه .؟! الجد /وهو ساكت ويناظر في زوجته هيلة اللي من جاء وهي ساكته ماكأنه موجود حتى ماتناظر فيه شاف ولده وزوجته وعياله يخرجون رفع عيونه لها وهي تقول طمني عن فارس يامحمد ودخلت غرفتها بدون ماتناظر فيه. قام وقفل باب الصالة ولحقها دخل عليها وهي تشيل طرحتها وتمسح عيونها علشان فارس . رفعت عيونها لما حست بوجود أحد معها في الغرفة وقفت بسرعة وهي تلبس شيلتها على شعرها بربكه من وجوده محمد اخرج عني خلاص تعشيت الله يستر عليك ولا تحسب اني ساكته على وجودك عندي أني راضية لا والله ماسكت إلا حشمة لك لأنك ولد عمي وحشمة لولدي وعياله لاتزيد علي يكفي فارس اللي ماندري وين غدا. محمد/وهو يناظر فيها بدون مايتكلم رغم تقدمها في السن إلا انها مازلت جميلة جمال رباني بياض بشرتها المختلط بحمره عيونها الواسعة اهدابها المصفوفة الكثيفة قرب منها ومسك يدها وبأمر اجلسي ياهيلة . جلست معه مجبره لا مخيره علشان تشوف ايش عنده ومهما اظهرت قوتها امامه إلا انها تضعف بسرعة مسك يدها البيضاء بين يديه السمراء وهو يناظر في حدود الحناء على اصابع يدها المزينة بخواتم ذهب هيلة نفس الجمال اللي فتن به منذ عرفها واصر على الزواج بها رغم صغر سنها. هيلة لي حدود ست شهور وأنا احلم في أحمد الله يرحمة احلم فيه يتكلم معي كلام ولا ادري ايش يقول لابس احرام ابيض وبيده اغراض ولا ادري ايش هي.! حس في يدينها ترتجف بين يديه اول مره من بعد موت ولدهم يدور حديث بينهم وخاصة عن أحمد مايدري ليش جاء وقال لها .! هيلة/ والعبرة تخنقها وتبكي أحمد زعلان من أمه ولا يجيها حلم كلكم تحلمون فيه إلا انا زعلان باقي مني مارحت معه يوم طلبني زعلان لأني مادافعت عنه منك. فك يدها وهو يحضنها وهي تنهار تبكي وتضربه بضربات ضعيفة مايحس فيها ليه ذبحت ولدك وذبحتني معه الله لا يسامحك الله يجعل ذنبي أنا وولدي في رقبتك ليوم الدين.! الجدمحمد/وهو شاد عليها بقوة اول مره تكون بالقرب ذا منه من مات ولدها وهي محرمته على نفسها وبصراحة مستغربة منه ماعمره تكلم بشي يحس به طبعه كتوم وبنبرة كلها ندم هيلة والله أن موت أحمد كسرني كسر مايجبر وندمان كثر مابكيتي وبتبكين لايغرش اني ساكت والله ياحسرته في قلبي انها كل يوم تصبح وتمسي نار في صدري. هيلة وهي تدفه /قم اخرج عني يامحمد أسألك بالله تحشم شيب راسي وشيبك واخرج ماعاد لي حياه معك حياتي حياتي وحياتك راحت مع أحمد. فكها وهو يقوم يخرج وكل ندم الكون يسكن قلبه الندم ماعاد يفيد بشي. وصل الحوش وهو يشوف عيال ولده واقفين وفارس ماهو معهم اخوكم وينه اتصلتوا عليه . أحمد/بخوف على اخوه بس ماوضحه جواله مقفل ياجد وسيارته واقفه برا . الجد(محمد)يحس كأنها سكينة انغرزة في صدره ماعاد يقدر يتحمل يفقد احد رفع عيونه في عبدالله ومحمد ابوكم وينه.! محمد/طلع ينام .! الجد (محمد)/تعالوا ندور اخوكم والله يافارس انه فيه بلا ماهو طبيعي الولد ولاعمره يخرج ويروح ويخلي سيارته ويقفل جواله. محمد/بطفش جد وين ندوره ذا الليل فارس بيرجع لا تخاف.! محمد(الجد)بغضب اص ولا كلمه قلت ندور يعني ندور انت وعبدالله روحوا اسألوا اصحابه وانا وأحمد بندور وبينا اتصال وخرج وهو يرجف يارب لا تفجعني في فارس يارب .! صلاة الفجر علي /نزل علشان يصلي الفجر دخل قسم أمه علشان يقوم اولاده لصلاة الفجر لأنهم ينامون عندها من زمان دخل غرفتهم حصلها فاضية انقبض قلبه تعوذ من الشيطان وهو يخرج ويفتح باب الشارع وماحصل سياراتهم موجودة ماغير سيارة فارس وسيارة ابوه غريبة وين عياله مستحيل اولاده يسهرون الى الفجر خاصة محمد وأحمد وسيارة ابوه موجوده غريبة تعوذ من الشيطان وهو يروح المسجد صلى الفجر وهو يهوجس في عياله خلص الصلاة يخرج أول واحد من المسجد اخرج جواله واتصل على محمد ولده واكثر من اتصال مايرد وعلى احمد رد على طول هلا يبه علي/وينكم يااحمد احمد /وهو يتنهد قريب يبه كنا ندور فارس ولا حصلناه علي/ بخوف انت صادق من البارح واخوك ماجاء. احمد /هذا حنا ندور انا وجدي ومحمد وعبدالله وماخلينامستشفى ولا شرطة وماحصلنا له خبر وخذ جدي يبغااك.! زفر بقوة وهو يسمع صوت ابوه الغاضب علي ولدك ماله آثر والله لو صار لفارس شي ياذبحك انه على يدي تصرف لايجي الظهر إلا فارس عندي وقفل الخط في وجهه. علي/وهو موقادر يوفق يعني نايم من البارح وولده ماله آثر لا يافارس لاتفجع ابوك . غمض عيونه وهو ياخذ نفس عميق استودعتك فارس يارب ماهي من عوايده يخرج مرره ولا يتأخر تعوذ من الشيطان اكثر من مره وهو يطرد من عقله احمد اخوه وهو يخرج من البيت زعلان. رفع جواله وهو يفتح الواتس حصل رسالة من فارس قبض على الجوال بقوة علشان مايتطيح من يده رسالة حس روح بتطلع لما شافها حاول انه يكذب عيونه رجع يتأكد انها من فارس . (يبه سامحني تمنيت اني مااحطك في الموقف هذا بس مجبر جيتك على اساس تحتويني وتسمع لي يبه انا اعاني وابغى احصن نفسي بالحلال فتن اشوفها وتعرض علي واصد عنها بس انت ماسعدني وصديت عني يبه بخلت علي بفلوسك تزوجني واكمل نص ديني لكن حصلت مين سمع لي وفتح لي قلبه قبل جيبه واعطاني اللي انت بخلت به علي اعطوني يبه ..لكن المقابل ثمنه كبير يمكن حياتي سامحني وإن شاء نلتقي في الجنة ) حاول يمشي ويتماسك لين وصل باب بيته وجلس ماعاد قدر يكمل ويدخل لا يافارس لا تكسر ظهري فيك تعال واعطيك عيوني .. رجع واتصل على جواله مقفل.! رفع عيونه وهو يشوف سيارة احمد توقف وينزل منها ابوه وهو معصب وصل لعنده وبغضب عاجبك ذحين ولدك ماندري وينه .! أحمد وهو يشوف انهيار جد صل على النبي فارس ماهو صغير وراح نحصله ان شاء الله علي /والشيطان لعب في عقله وهو يتخيل ولده راح في طريق ضيااع والله انه يتمنى يشوفه ميت بحادث وقدامه يهون احسن من يشوف ولده راح مع ناس تغسل مخه ويجي يحارب اهله ووطنه ويفجر .! رفع الجوال بدون كلام وهو يشوف ولده محمد وعبدالله جايين لهم اعط أحمد الجوال وقال شوف اخوك ايش مرسل لي فارس كسر ظهري .! أحمد/مسك الجوال وهو يشوف ايش كاتب اخوه وبجزع الله ياخذ فارس الكلب الله ياخذه ! عبدالله /كان قريب منه سحب الجوال من يده وهو يشوف المكتوب اص ولا كلمة تعالوا ندخل تعالوا .! في المجلس الجد بعصبية والحل ذحين كلها منك انت وهو يأشر على ولده المصدوم .! محمد/الكلب فارس الله ياخذه احسن ونرتاح منه كنت ملاحظ عليه صار منطوي وعلى اللاب توب كل وقته وفجئه صار مايخلي المسجد بكل الفروض .! عبدالله/صلوا على النبي لازم نتصرف بحكمة .! الموضوع ماهو بسيط ماراح نبلغ ابد إلا بعد مرور 24ساعة افضل .! انتهى غراس الجنة/ سبحان الله والحمدلله ولا اله الا الله والله اكبر يغرس لك بكل واحدة شجرة من الجنة". | ||||||||
|
| |
|
12-04-17, 12:21 AM
| #20 | ||||||||
| مراقبة عامة ومشرفة منتدى الروايات المنقولة
| لكل من مر من هنا وترك تعليق الف شكر لتواجدكم ❤ راح انتظم بتنزيل البارتات إن شاء نخلص الرواية بوقت مناسب لأحداث والشخصيات ايجازتي قاربت على الأنتهاء من الصعب اني انزل الرواية وقت الدوام حتى ايام الويكند مااقدر بيت ولدي يدرس والثاني روضة وبنوته صغيرة ولا ابي اقفل الرواية لأنها شبه كاملة عندي تحتاج بعض التعديل شكرآ لكل رد وتواجد والمعذرة على عدم الرد على ردودكم ❤ نبضي أبها | ||||||||
|
| |
|
| أدوات الموضوع | |
| انواع عرض الموضوع | |
|
|
160Likes
.png)
العرض العادي
