روايتي الثالثه : طفوله ملوثه بالواقع * مميزة ومكتملة * - الصفحة 4

d3do3a · 09-07-17, 05:01 AM

الفُصـــل الثــآلــث عشــر ...

لمــآذا أحرم من جميـع حقوق الحيـآه
ماذا فعــلت كي احــرم من العيش حـره طليقه
آآه
يـآرب سـآعدني فكل مافعلتــه هوآ طاعــة والــدي

رافعه يدها التقيــله المحاطه بالكلبشات .. جلست على الكرسي وتطالع فيــه بنظرة مظلومـه خـآنها الكلام
ممنــوع يلمســها
دموعه بعينه وهوا يشوف بنتــه الصغيره داخله وبطنـها منفوخــه
بشهرها الاخيـر ..
قرب للطاوله اللي بينـهم : انا اســف يابنتي
نزلت راسها ودموعها على طول نزلت: لاتقول شي ماحسامحك
انصدم من كلمتها اللي خرجت من فمها بدون تفكيـر
نفسه يحضنها
نزلت دموعه ويتكلم وصوته يرجف : والله داسو على راسي والله مو قادر افك فمي
حركت راسها بالنفي وهيا مو مقتنعه : مابى اسمع شي
: يابنتي
رفعت راسها وبين دموعها قالت بقوه اول مرا يشوفها بعينها : لاتقولي بنتك اللي في بيتك دولاك بزورتك انا ولاشي انا الشي اللي رميتو عشان تحافظ عليـهم
رفع يده اللي تملئها التجاعيد وحطها على عينه وهوا يبــكي
قربت للطاوله وهيا موحاسه بااي حزن عليــه
كرهتــه : 8 شهور وانا هنـآ ومحد عبــرني انضربت واتهنت ومالقيت احد يحن عليا رميتني في المحاكم وتحفظني انتا وهوا الكلام اللي اقوله على بالي شهر شهرين واطلع وكلامكم كآن يخليني اقعد اكتتر ..قولي ليش جاااي قولي ايش يباك تسوي دي المرا _ رفعت يدها على نفسها وطلع صوت مزعج من الحدايد _ تبا تقتلني عشان ترتاح انتا وهوآ ..؟ تبو تــآخدو روحي زي ماخدتو كل شي حلو بحياتي
يســمع كلامها ويــزيد يبـكي
كلامها كآن يستاهله وعــآرف
مالو حــق يعلق
كل شي بيبكيــه قسوة كلامها
نبرة صوتها الحاقده والضعيفه بنفس الوقت
الظلم اللي بتعيشه
نزل يده : سامحيني يابنتي
ضربت يدها بعصبيــه بطاوله وصرخت : مني مسااامحتك ولايخطر يوم في بااالك اني حنسى اللي سويته فيــآ
قال بين بكـآه : انا عندي سرطان وفي مراحله الاخيره اباكي تسامحيني قبل لاأموت..
صمت فجأه
ملامحها لانت
تطالع فيــه بدون تعليق وكأنو بتفكر في ثواني بمليون شي
دموعها بعينها
قالت بعد تفكيـر وبهدوء وهيا تسأل بعدم استيعاب : تبا تمـوت وتسيبني هنـآ ..؟

حــآليــآ ...}

تنــزل درج العمـآره الهاديه بخطوات مهزوزه تمسـك في دربزان الحديد
وتحس هوا اللي ساندها عشان لاتطيــح
جسمها يتنـآفض دموعها بعينها من قبــل لاتشـوفه
خرجت الشارع وطالعت يمين ويسـآر شافت واحد واقف بعيــد
قلبها سار يدق اكترمن اول ..قد ايش تكره كل شي فيـــه
كملت خطوآتها وكل تفكيـرها سـآمي وبـس
وصــلت لعنده وهوا من غير مايتكلم دخل بين عمـآرتين
الممر فيه ضيــق والاضــآئه خافته مرا
من قبـل لاتدخل الممر اتوقعت انو هنـآ حيقتلها قالت بخوف : ايش تبــى
ليــث سند جسمو على الجدار : تعالي بس حنتفاهم
اسلوبــه غريــب
هادي
مو زي اخر مــرا
اسبوع اختفــى
فكــر بلللي حيسويـه مزبـوط
هدوئــه هوا اللي فاجعها اصلا ..
دخلت بس تلاته خطوآت ووقفت
اشرلها قدامه : تعالي هنـآ
ماقدرت تتحرك نزلت دموعها وصوتها خانها : سئلتك بلله تسيبني
ليث رفع يده وهوا يحركها بذقنه : والله لو بكيتي لبكرا مافي شي حيرحمك مني
حطت يدها اللي تتنافض على صدرها : انا اسفه مستعده انا
وماكملت كلامها لما اتحرك لناحيتها مسكها من يدها ودفها على الجدار اللي وراها : قلتلك تعالي قدامي
غمضت عينها وبكيــت بصوتها
صووت وحده خايفه
رجولها مو شايلتها
رفع يده ومسك ذقنها وهوا يثبت وجهها وقال : عرفت ابو ولدك
في ثانيــه اختفــى صوتها
في ثانيـه فتحت عينها وطالعت فيه ودموعها تنزل
ليث بنظرات حــآقد ويستهزأ : صغيره وشاطره عرفتي تختاري
تبا تتكلم بس الكلمات مو قادره تخرج : ل لـيث الله الله يخليك لاتقولو انا فين ولدي حياخدو والله حياخدو
ليث ضغط على ذقنها وهوا يهمسلها: لا ماحيلحق ياخده ولا انتي حتلحقي تربيــه _ ساب ذقنها ويخبط على خدها بشوويش_ عشان انا حخلص عليــه واجيكي اباكي تشوفيه يموت بعينك عشان ينحرق قلبـك زي ماحرقتي قلبنا
ترف : والله مايهمني والله
الكلمــه حرقتــه
جننتــه
حط يدو على فمها وكتمــها وهوا ضاغط على اسنانه : بعد ماأهنتينا كلنـآ جايه تقولي دحين مايهمك بعد ماحرقتي سمعتنا وخليتي الكل يدوس علينا بعتيــه بترااب
تبــآ تتكلم مو قادره
تبا تتنفــس مو قادره كاتمها بيده الكبيــره على فمها وخشمــها
تحاول تدفو بيدها بس ولا يتزحزح
تحس انو هيهمش وجهها من كتر مو ضاغط بيدها
دموعها تنزل على يده وفاتحتها على وسعــها
يطــآلع بوجهها ومافي اي ملامح بوجهه غير الحقد ومو متردد بللي بيسويــه
ضاغط على اسنانه وبعدها استوعب وســآبها
اترمى جسمها بالارض وهيا ساندته على الجدار
رفعت يدها على رقبتها وهيا تتنفـس بصوت مسموع قالت بصوت متقطع ببكى هستيري: انا ماليا صلاح بابا بابا كآن عارف
رفعت راسها وهيا تطالع فيه : والله بابا اللي اخدني عندهم ماكنت افهم ماكنت اعرف شي ابوس يدك تسيبني والله ظلمتووني خلاص يكفففي
انكمشت على نفسها لما ضربها برجله وقال بكل صوتــه : لاتجيبي سيــرة ابووويا على لسانك
صرخت باألم مسكها من يدها ورفعها
حطت عينها بعينــه وهيا بتحاول تمسك نفسها :اسمعني اسمعوني ولو مره بس ..والله كان يهدد بابا فيكم والله ماليا صلاح في حاجه
ضاغط على اسنانه وهوا ماحيستوعب انو ابوه ممكن يسوي شي زي كدا : انكككتمي انكتمي والله وربي لاأدفنك دحين بمكانك
نزلت دموعها بتعب وهوا واقف قدامها وماسك يدها بكل قوتــه : وربي دا اللي سار ماعندي اي شي يثبتلكم غير كلامي
ليث وجهه محمـر : عشان كدا قاعده """" مع اللي يشتغل معاكي
فتحت عينها على وسعها : اييششش
ليث : تبي تضحكي عليا بالدمعتين وكلمتين تقوليها حتى ماحترمتي ابووكي وبتتبلي عليه وهوا بقبره بس وربي لأجيبه قدامك واقتله والله لاأخليكي تندمي على كل لحظه عشتيها على حسابنا ..وخلي شي في بالك دا اللي معاكي في المحل لو شوفتك تكلميه صدقيني محد حيفكو مني
مو عــآرفه ايش تقــول
خلاص الكلام ضــآبع
بيدخل مية موضوع في بعــض ...
يبا يقتله
ويقتلها
حتى براء ماسلم منــو
ترف بين دموعها : سيبني عشان ولدي الله يخليك ولدي ماعنده احــد ماهمني انا احد مااحتكلم ولا مع مخلوق بس سيبني انا وولدي
ليـث: طبعا حتروحي دوري على واحد جديد تستهبلي معاه
ترف : امممانه خلاص احلفلك برااس ولدي انو عمري ماغلطت في حقكم احلفلك براسه اني مظلومه وبابا راح بدون مايقولكم شي
ليث : لاتتتتتجيبي سيرته ماااتفهمي
ترف : طيب بس اسمعني ماتبى تعرف ايش سار زمان بكيفك لكن كل اللي اطلبه منك انك تسيبني وتسيب ابو سامي في حالو والله لو رحتلو ماحتقدر تسويلو شي والله حتضر نفسك وتضرني معاك
ليـث : اضر نفسي ؟ صدقيني انا حشفي غليلي فيكم والله حيجي اليوم اللي احطو قدامك واقتلو واقتلك ...حطي شي في بالك تبي تسيبي بيتك فاأنا حقدر اجيبك واقدر اجيب ولدك من سابع ارض من مدرسته من صاحبه والله اني حافظ كل شي تســويه انتي وهوا لدرجه انكم ماحتقدرو تضيعوا مني تـآني ..وذا ابن الكلــب اللي يشتغل معاكي لو لقيتو وااقف بس جمبك تاني وربي لأحرق فيكم الدنيـآ
دفها قدامــه : ارجعي بيتك
مسكت باألم يدها وتطـآلع فيـه
ايش تســوي !
واقفه تطالع فيــه وكل شي اتبخر
ماعندها اي ردة فعــل غير الصدمـه
ماتقدر تشــرد حتى هيا وولدها اي مكـآن !!!
ايش يعني تستنى الموت وخلاص !
حتى دموعها وقـفت
عدى من جمبـها وهوا كاره حتى وجهها
بس مبسوط باللي قاعد يســويه قال : كملي ايام حياتك الاخيره وانتي مبسوطه
يبــآ يجبلها الرعب
على باله انها مبسوطه في حيــآتها
يباهآ لآخر لحظه وهيا عايشه بقلق وخـوف
يكمل كلامه وهوا مبسوط من ردة فعلها وكأنه قاعد يطفي حرقة قلبها بنظرتها المفجوعه : لو فكرتي بس تدخلي احد في الموضوع او تبلغي عني وتحبسيني صدقيني اتصال واحد حخليكي انتي وهوا تتضاربه على الولد لين ماأخرج تاني واجيكي ...
!!!!!!!!!!!!!!!!!!!!!!!!!!!!!!!!!!
مــشي وســآبها
ولا اتحركت
دقــآت قلبها طبيعيه مرا
وكأنه مابتفكر ولا ف شي لسى
لسى تستوعب
وكأنه صعب الكلام تفهمه
مسكت في الحدار لما حست انها حتطيح من طولها
خرج اول نفــس بصوت مسموع
ونزلت بعدها دمعه ورا التانيه
دموعها ’ تنفســها ’ بكـآها كل شي مختلط في بعض
للحظه انشل تفكيــرها
حست مافي حـآجه تســويه
مو قادره حتى ترجع بيتهــآ من الصدمــه ..
كل تفكيـرها ولدها..!!!
طبـعا براء في دي اللحظه ماأخد اي حيــز بتفكيــرها

وبــٍراء في مكــآن تــآني هيا بس اللي شاغله باله ... قاعد قدام ميسا وهيا تتكلم مع امه وهوا مانزل عينه من عليها
ومبتســم وقاعد يقارنها في كل شي بتــرف ونفسـه يضحك لما يتذكر ترف لو مكـآنها ايش تسـوي
محد داري انو عينه على ميســآ بس تفكيــره مرا مو معاها
صورة تــرف مرسومــه في راســه رسم
مبسوط من الاحساس اللي قاعد يحسه اليوم
مشتقلها
لمســة يدها احلى لحظه بنسبه له
نفسه كل شي يوقف بعينه لما يكون ماسك يدها

امـه ورشـآ وابوه وميسـآ كلهم شايفين سرحــآنه وللحظه الكل شك انو يبا ميســآ
حتى ميسـآ بدات تتوتر وكأنها ماتعرفه
ابوه مادد جسمو على الكرسي وحاطين شرشف خفيف على رجلو : برااء !
براء طالع فيـه : نعم !
ابوه : باايش تفكــر من اول
براء مرر يده على رقبته بااحراج :معليش كنت بفكر في العمل
مرا وجهه ماكان يدل على انو يفكــر بالعمل
ميسـآ ابتسمت ..
براء : دام ميسـآ هنـآ خليني اتكلم في الموضوع _ طالع في رشــآ لاشعوريا _
رشا وقفت : شويا جيــه
صرفت نفسـها باأدب من المكـآن ..
ميسا لعبت بااظافير يدها بتوتر فاجعها مرا ..
براء قام من مكـآنه وجلس جمب ابوه على الكنبــه حط يدو على يد ابوه : انا عارف انو الوقت غلط وانتا تعبــآن والمفروض نفكر بصحتك قبل كل شي بس انا وميسـآ تعبنا من الوضع المماطله ماحتفيد
قلبببها يدق بســرعه وهيا تســمع
فجأه شكت بكلامه انويبـآها كمان !
براء كمل والتلاته يطالعو فيـه : انا اتكلمت مع ميسا _ طالع في ميسا _ هيا عارفه معزتها وعارفه انها بنت عمي نهاية كل شي ..لكن انا تعبت من انو عندي زوجه معلقه على الفاضي لا هيا عارفه ايش تبا مني ولا انا عارف ايش ابا منها وبنضحك على بعض لو نقول احنا ننفع لبعــض
ميســآ بهجوميه : انتا على اي اساس تتكلم
براء طالع فيها ومايبى اي عصبيه بالموضوع عشان ابوه : على اساس المحادثات اللي بيني وبينك دي الفتره كلها
ميسا : انا كنت زعلانه اكيـد
براء مرا متنرفز من كلامها : خلاص ياميسا
ميسـآ : لا فهمني خلاص سويت اجرائات الطلاق وجاي تحطني قدام الامر الواقع وتكلمني مع اهلك
براء بهدوء : لكي اربعه شهور تطلبي الطلاق واديتك خبر قبل امس مو فاهم ليش مصدومه
ميسـآ دموعها اتجمعت بعينها وقالت بقهر : طبعا صبرت اربعه شهور واول مالقيت البديله رميتني ولا فكرت
براء عينه عليها وضاغط على يد ابــوه نفسه يقوم يديها كــف
حرك عدسة عينه على ابوه وقال بدون مايعلق على ميسـآ : انا اسف على الوقت اللي اخترتو عمي اتصلت عليه قبل لااسوي الاجرائات واعتذرتلو وقلي الله يسهلكم وانتا ولدي وهيا بنتي عارف انو بنته مبسوطه وهيا عنده اكتر من ماكانت عندي ماحنضحك على بعض اكتر
ام براء راحت لمبسا وجلست تهديها : الزواج قمسه ونصــيب ربي عالم قد ايش كنت اباكم تكملو لاتبكي وتوجعيلي قلبي
ميسـآ : ايوا دخلو ولدها بيتكم لهفت زوجي وراااحت ..وبعدين تقولولي الزواج قسمه ونصــيب !
ام براء ماستوعبت ايش الهرجه : ايش بتقولي ؟
براء : ميساا رووقيني من الكلام الفاضي اللي بتقوليه انا طلقتك عشان احنا الاتنين نبا دا الشي
ميسـآ : لا انتا طلقتني بعد ماحسيت انك تحبها _ تطالع في امو وابوه _ شوفتو بعيني يوم ماكنت بالمستشفى ماسك يدها جات تطبطب عليه طبعا
برااء يطالع فيها بقهر
نفســه يقتلها
مستفـــزه
هوا عارف انها ماتبـآه
بس لأنو شافت وحده حوليه اتجننت
عارف انو لرجعه ماجيقدرو يعيشو يومين مع بعض ...
ابوه : مين دي ؟
براء ماسك راسه وهوا يحرك يده على جبينه
ماكان كدا يبا لغوصــه
على اي اساس اصلا يجيب سيره ترف وهوا لسى حتى ماقلها شي عن مشاعره
ميسـآ : ام صاحب محمود
صدمــــه
ابوه : دي اللي تشتغل في المحل !
ميسا انفجعت : كمااااان
امه مصدومــــه !!!
براء لو ابوه مو مريض كآن اقل شي مسح فيها البلاط على اسلوبــها دا : مابيني وبين البنت شي
ميسا : اجل اللي شوفته
براء بكل صوته اللي يفجع : ميسااا انكتمي
سكتت وهوا مرا العصبيه طاغيه على ملامحه :مابى اجرحك واتكلم عن البنت قدامك اكتر بس كل اللي عرفته اني لو لساتي باقي عليكي ماكان فكرت بغيرك
طالع في ابوه اللي بس يهمه بدي اللحظه : وربي مابى ازعلك وميسا لها اربعه شهور طالبه الطلاق واخر كلام بيننا كان اني حطلقها وطبعا دا قرارها كان قبل لايكون قراري علاقتك مع عمي ماتخصنا ابدا ميس انا حتفاهم معاها
ميسا وقفت : لاتتفاهم معايا ولاشي خليك في المستوى الوسخ اللي بطالع فيه
سامعها بس ماطالع فيها
خرجت بعصبيــه من الغرفه
وابوه وامــه مصدومين من موضوع تــرف اكتر من الطلاق
لأنو كلمهم على الطلاق قبل 5 ايام بزبط كان رايح يطلقها وانشغل ...
امه طالعت فيه ووقفت : بعدين حتفاهم معاك
لحقــت ميسا وسمعو صوت ميســآ معصبه حتى عللى امه قالتلها " روحي من وجهي روحي لولدك ايش همك طبعا "
برااء بس سمعها كان حيوقف الا ابوه شد على يده
براء : سيبني اربيها
صرخت وسبــتهم كلهم ..." حسبيه الله فيكم اصلا من يومكم ماتفكرو الا بنفسكم انا الغلطانه لأني اعتبرتكم اهلي " " الواحد مايعملكم اي حشيمه اصلا لأنكم ماتستاهلوها "
صوت رشا تحاول تسكتها وبعدها صوت باب البيت اترززع
وبرااء جالس ووجهه محمــر مو قادر يتخيل انها كانت تكلمو امه بدي الطريقه
طالع في ابوه ودوبـه كآن بيهرج الا ابوه هــرج : خلاص خليها تخرج اللي بنفسها
براء وقــف واخد نفسـه بصوت مسموع
دخلت امـه الغرفه ودموعها بعينها : انبسطت بللي ساار يعني ماقدرت تطلق وانتا محترم نفسك لا ومالقيت غير خريجه السجون
براء : ياامي لاتلعب براسكم دي البلهه ..خلاص خلاص قفلو الموضوع خلي ابويا يرتاح
ابــوه مو عارف يزعــل ولا ايش يســوي
براء حاسس انو غبي الوضع اللي بيسير في وقت مافكر فيــه
ماتوقع انو حبه لترف يعميــه لدي الدرجه كان المفروض يستنى اسبوع ابوه يرتــآح
اتحرك بخطوات سريعه وجلس جمب ابوه : انا اسف انا عارف انو الوقت غلط بس انتا عرف انو كنت حطلقها والمفروض هيا راضيه
امه واقفه مكـآنها : طيبيعي بعد ماتشوفك ماسك في يد وحده تغار
براء طالع فيها : ماتعرفو طبـعها يعني ولا اعلمكم فيـها لو سمحتي اأمي موضوع ميسا منتهي منو انا ماغلطت في حقها _ طالع في ابوه _ شوفتني كم مرا حاولت فيها شوفته قد ايش تعبت في حياتي وعمري ماكنت مبسوط معاها
امه : اجل مبسوط مع خريجه السجون
براااء مرا متنرفز من كلمه خريجه السجون
وقف بعصبيه : خلاص لما تهدو حرجع اتكلم معاكم
امـه : لاتتكلم معايا بدا الموضوع طلاقك من ميسا ماهمني بس دي الوسخه لو ماوقفت الشي اللي بتسويه يابراااء والله لاأغضب عليك
براء : يالله ايش بككك يااامي البنت حتى ماتكلمت معاها في شي بالغلط مسكت يدها وديك طبت عليا
امه بصدمه : ليش انتا ناوي تتكلم معاها كمان ! انتا مجنون !!!!!!
براء : الله يخليكي ياأمي دا الموضوع يخصني انا لو
امه بصريخها قاطعته : يخخخصك ايش ... انا يقولو عن ولدي متزوج خريجه سجون
براء يباها تسكت خلاص
خايف يضايقه بذات لأنه ساكت ومو عارفه ايش وجهة نظرو
براء جا قرب من امه وباس راسها : اهدي خلاص قلتلك نتفاهم بعدين
امه دفته : ولاحنتكلم فيــه يابراء دا الموضوع منتهي وولدها مالو دخله لبيتي
براء : لاحول ولاقوه الا بلله ايش دخل ولدها وربي البنت محترمه وف حالها
امه : طبعا وحده خارجه من السجن متمرسه عارفه كيف تلعب عليــك
برااء : خلاص انا بقولك البنت محترمه ايش دخل هرجه خريجه سجون دي دحين
امه ضمت يدها تحت صدرها وتبا تموت من اسلوبه : قولي قولي ليش دخلت السجن
براء سكتت للحظــآت
بجد ليــش دخلت السجن ..!
معقول كآن حيقولها انا احبك قبــل لايعرف ايش سبب دخولها السجن ..!
يمكن حقة دعــآره !
يمكن اخوها يعاملها كدا عشان سمعتها وسخه ودوبها تـآبت !!
بلع ريقــه وقبل لايتكلم امه ضربت على فخذها : هيا كمان مو عارف
امــآ براء خرج من الغرفه وهوا معصــب وبــس
نفسه يغتال ميســآ
قلبت البيت حريقه ومشيــت
خرج الحديقــه عشان يدخن ...
رجع يعيد الموضوع براســه
عمرها15 سنه لو حملت يعني في سامي ....ولدها منسوب للدوله معناتها مغتصبه !
مافي غير دا الموضوع ماتزوجت ولاشي
دا تحليله للموضوع من يوم ماعرف انو سامي بدون اســم
بس برضو مية موضوع مايعرف
ايش بو متهور ..!
" متهور في ايش انا حتى ماقلتلها عن شي .."
بس كل اللي يحســه انو ماستحمل امه وهيا تقول عنها خريجه سجون
نفسه كان يبرر بس مايبى يعصبها زياده ولا يعرف اصلا هوا التبرير
خرج السجاره ويدخن من قلبــه ..
جلس على الكرسي اللي قبال المسبح وخرج جواله
بيده اليمين الجوال وبيده اليسار السجاره اللي يرفعها كل شويــآ لفمه
فتح الواتس اب نفســه يتصل عليها ويسمع صوتها
سكت للحظـآت
" افرض طيب هيا كانت راضيه بدا الشي وماتعرف مين الرجال "
" اكيد اهلها ماحيعاملوها كدا الا لو انها غلطانه .!"
بدأ قلبه يقبضه خلص السجاره الاولى بدون مايحس وولع بعدها
مرا انخنق من التحليل التاني اللي جا في راســه
كان دوبه بدا ينعــس
بس طار النوم
يدخن ويحرك رجلو وحاسس بكميـه عصبيه جوته مو قادر يكبتــها
يبا يكلمها بس مالو حق يفتح معاها موضوع كدا
بصفته مين يجي يسئلها..
ماسار يقدر يجرحها ولا يتحمل يشوف نظرتها ديك اللي تقهره
وبنفس الوقت مايقدر يتحمل مايعرف.. التحليل التاني حيجننـــه ...

قبـل دقــآيق من نقاش براء مع امــه ...
سحبتها رشــآ بعصبيه وقفلت الباب صرخت عليها في الحوش: انكتتتتمي يااوسخه انتي ماتستحي
ميسـآ مو شايفه احد من العصبيه : انتي ايش لك يستاااهلو والله كل الكلام
رشا مرا معصبــه مشيت للسياره وخصرتها حتتففاهم مع ابوها
النقاش مع ميسا سار كانو نقاش مع وحده طفله بيسحبو منها لعبـه
امـآ ميسا ركبت السياره وقفلت الباب وشويا تكسـره
تطالع في الطاقه ودموعها تنزل ..
ورشا رفعت جوآلها وكملت محادثتها في الواتس وهيا معصبه ..
" بتكلم معاكي انا "
" تميم ايش تباني ارد عليك بقولك ولد عمي تغار ليش موفاهمه"
" انتي دي اليومين مختفيه وطول وقتك معاه شي طبيعي !"
" انا كنت معاه بس في المستشفى ودحين جينا نزور عمي "
" مدري مو طايق اسمو "
رشا مرا متوتره من هرجه براء بسبب تميم ... " اناقلتلك انو محترم"
" مو دا اللي موطايقه لكي يومين بس تمدحيه "
على عصبيتها من ميسا وتميم اللي له يومين يتكلم معاها وكأنه صغير
ومرا حاقد ابتسمت الجمله ضحكتها
مالها نفس تتجادل
راسها وجعها
كتبتلو
" ريري والله تعبانه "

امــآ تميم واقف في المطبـخ وساند جسمو على الدولاب موقادر يتحكم بنفسـه
مو عارف ايش بو استخــف
مرتين يكلم رشـآ ويسمع صوت براء
ورشا بس تهرج عنــه قهرتـه
قرا جملتها الاخيره وماقدر يبتسم زي كل مرا ..
"خلاص بعدين نتفاهم مصيرك تسيري ليا"

في السياره ابتسمت على طول للجملــه ودوبها بتكتب الا فجاه وقفت السياره
الاتنين مسكو في الكنبه اللي قدامهم وانفجعو : ايش فييه
فجاه وقف السياره بعد ماجنبها
نزل السواق يطالع في الكفــر اللي فجأه شافه انو اتنسم
حمد ربه انو وقــف قبل لايسير شي
رشا فكت الطاقه : ايش سار
: دا كفر خرب
رشا : طيب ماتعرف تسويه !
السواق : لا مدام
ميسا :كأنو كنا ناقصين
رشا كتبت لتميم " شويا اكلمك السياره انخربت "
اتصلت على اخوها كدا مرا ولا رد عليها
طالعت في ميسا :حخلي سواق عمي يجينا
ميسا طالعت فيها :والله لو كلمتيهم ياويلك
رشا: ايش حنسوي يعني
ميسا : نستنى اي سياره ولا ستنى رحمتهم
رشا طالعت في جوالها لقت تميم كاتبلها
" فينك ؟ ايش سار"
رشا كتبتلو اللي سار
تميم
" طيب دحين اجيكي"
رشا انفجعت
" فيين تجي ؟ "
تميم
" انتي شايفه الساعه كم ارسليلي موقعك بسرعه "
رشا وجهها محمر
" لا مايحتاج "
تميم
" رشا لاتستفزيني خلاص بس انفخلكم الكفر وحمشي "
رشا حست اسلوبه مرا جدي
طالعت في ميسا اللي لدحين معصبه ومو مهتمه متى تتحرك السياره
ارسلتلو الموقــع
رشا
" المهم حسوي نفسي مجنونه ماعرفك ""
تميم نزل بسـرعه لسيارته
غرضه مو سيئ بجد مايباها في دا الوقت واقفه سيارتهم
بس يبا يستفزها كتبلها
" يرضيكي بلله ماتسلمي "
رشا انفجعت
" تميم لو حتستهبل لاتجي ترا ماستحمل انا "
تميم
" ههههههههه بس سلام ايش قلت انا "
رشا
" لا مرا لا والله عيب مايسير استحي "
تميم ضحك لأنه اخدتها بجديه مرا
" وانا اللي قلت ماحيهون عليكي امشي بدون ماتسلمي "
رشا
" ترا ميسا فيه تبا تفضحني انتا "
تميم
" يعني لو كنتي لوحدك عادي ؟ "
رشا
" تمييييييييييم "}} وحاطه فيس مفجوع
تميم
"ههههههههههههه خلاص والله حكون مؤدب لو وقفتلكم اي سياره صرفيها على بال اجي "
رشا
" ههههه لو احد محترم وقفلنا ماحنصرف "
تميم
" كلهم حيكونو محترمين بدي المواقف "

اخدها الكلام ولما قلها انا قريــب قلبها سار يدق بسـرعه دخلت الجوال في شنطتها بتوتر
عدلت طرحتها وميسا بدأت تتأفف
فتحت باب السياره ونزلت
رشا طالعت فيها : فين رايحه
ميسا : فيه كراسي هنـآتعالي
رشا فنحت باب السياره ونزلت: السياره ابرد
ميسا : يمكن لو احد شافنا يوقفلنا
رشا جلست جمبها : والله لو ادري دا تفكيرك ماكان نزلت
ودوبـها خلصت كلامها من هنـآ الا تميم موقف ورا سيارتهم
ميسا طالعت فيها : شووفتي
واول مانزل تميــم ميسا وقفت على طول
رشا مرا اتنرفزت
طبعا تميم اتعطروزبط شعره وبعدها نزل

انتبه لميسا وبعدين برشـآ يحس قلبه حيخرج من كتـر مايدق
نفسه يطالع فيـها وماينزلعينه
اما رشــآ نزلت عينها بتوتر ليدها مرا مكسوفه
وجهها محمــر
سامعه ميسا تكلمووتدلع عليــه
ومقهور تميم انه مو هيا اللي بتهرج مو قادره حتى تقوم من على الكــرسي
مو مصدقه انو واقــف قدامه
راح للكفــر
ورجعت ميسـآ جلست جمبها وقالت : اعشق الجسم الرياضي دا
رشا طالعت فيها مفجوعه وبدون ماتحس :دوبك كنتي تبكي على براء
ميسا : ليش حروح اتزوج يعني دا استغفرالله الواحد مايتكلم معاكي يعني
رشا مرا اتنرفزت من تعليقها ماتقدر تشوف واحد وماتعلق وبعدين تنقهر من براء لو طالع في وحده ...
رشا : خلاص اسكتي ماتصدقي تشوفي واحد وتتغزلي فيه
ميسـآ : انتي ليش نفسيه كدا انا حره _ طالعت في تميم _ بجسمك دا ماحتلقي لو نص واحد يطالع فيكي .. _ وقفت واتوجهت لتميم وهيا غرضها بس تبرد حرقه قلبها من برااء الرجال على قفى من يشيل تبا تقهره _
راحت تتكلم مع تميم وهوا مفجوع منــها
تتمجغ بااسلوب واضح
ورشــآ مرا معصبـه
ومكسوفه انو دي اختـها
مرا ندمت انها قالتلو يجي ايش حيقول عنهم ..!
بيحاول مايعلق بيحاول يتجنبها بس اسلوبها منحط وبقوه
يرد كل كلمه وبعدها اختــي لين ماصدمها برده : اختي انا بسوي الكفر وماشي
حتى ماطالع فيـها كلامها معنــآه اسكتي ..
ماتحركت من مكــآنها ضمت يدها تحت صدرها بصدمـ ـه
وهوا وقــف ونفـض يدو وطـآلع في السواق وابتسملو : خلاص
اتـوجه لسيـآرتو وطالع في رشـآ وابتسملها ميسـآ كانت وراه ومو شايفه غير ظهره
ارسل لرشا بوســه في الهوآ ورجع لسيارته يبا يموت من الضحك من تعابير وجهها
وحشته وحشتــه نفسه يشوفها ويجلس معاها كتيــر
بعد ماشافها دحيــن اتجنن زيــآده فيـها
ملامح وجهها ..جسمها ... شخصيتها كل شي بيجننه يوم عن يــوم ...
اما رشــآ لساتها قاعده مكـآنها وبتموت من الاحراج تبا تضحك تبا تبــكي
كل شي دخل في بعضــه
وجهها زي النــآر
قلبـها يدق بجنون
مشيت سيارته من جمبــهم وراحت
وميسـآ بقهر كلمتها : حنقعد هنــآ لمتى يلاا
ركبت ميسا السياره وقفلت بقـوه الباب
رشا مو داريه ايش ســآر ونست اصلا كل شي بعد حركتــه الجريئـه
اتوجهت للسياره وجسمها يتنافض قفلت الباب
ومو قادره تمحي الابتسامه
وفجاه ضحكت وميسا طالعت فيها
ماقدرت ماتضحك
انفلتت الضحكه غصبا عنها
ميسـآ طالعت فيه :خير يامجنونه !
رشا رجعت تضحك : ولاشي
ميسا مرا مفجوعه : بسم الله _ شمقت بوجهها وطالعت في الطاقه
رشا خرجت جوالها من الشنطه وتشوف تعليقات ورا بعض بتجيها
فكت الواتس وكتبلها
" تجننني
اعششششششششششقك
اعشششقك
وربي اعشقك
حرام عليكي
جننتيني وربي
خلي ابوكي يرجع
والله ماحقدر استحمل
ارحميني ياشييييخه
وربي احمدي ربك ماجيتك
كيييف حنام اليوووم !!!!!! "
تقرا كلامه وتحس فكها من كتر مومبتسمه يوووجعها
وجهها مافي احمــر منـو { احمر دا اشد انواع الاحمرار عندي
يدها تتنافض تكتب وتحذف مو عارفه
مرا مرتبكــه
" ههههه صرعتني بالبوسه والله حسيت رجلي بتتشنج مع الفجعه وماقدر اقوم "
تميم
" هههههههههههههههههه يسعدك يامزتي والله كان قلبي حيوقف من كتر مايدق اول ماشوفتك "
رشـآ
" اجل انا ايش اقول "
تميم
" قوليلي احبك وخلاص "
رشا ضحكت بصوتها في السياره وميسا طالعت فيها قالت بتبرير : بتكلم مع علا
ميسا مفجوعه من وجهها : ماسئلتك تكلمي مين
رشا
" قبل لااقولك انا اسفه على حركات اختي "
تميم
ماحب يعلق عشان لايحرجها عرف ولد عمها ليش طلقها اصلا مو عارف كيف استحملها
" قوليلي احبك "
رشا
" احبك "
تميم
" لا سجليلي صوتك وانتي تقوليها"
رشا
" هههههههههه مجنون اختي جمبي "
تميم
" حرام عليكي والله حرام مو عارف ندمان لأني شوفتك ولا مبسوط "
رشا
" هههههههههههههههههه "
تميم
" والله عمري مافرحت في حياتي زي دي اللحظه "
رشا مو عارفه ايش تكتب بس تطالع في كلامه اللي يجي ورا بعض
تميم برضو يكتب
" الله يخليكي ليا "
" ان شاءالله اسعدك وماأحرمك من شي تتمنيــه "
" احبك "
رشا
" وانا كمان حبيبي "

في سيـآرته واقف قدام الاشاره الحمرا والابتسامه شاقه وجهه
ماتوقع لو شافها دا اللي حيحســو
في عيــنه اجمل وحده قد مرت في حيـآته
قرا كلمت وانا كمان حبيبي خلاص خلتو مسطول اليوم
مافي اسعــد منــو اليــوم شغل اغاني شكشكه مع انو مو موده مرررا
بس كل شي حيسمعو جميــل
كل شي حيشوفو حلــو اليوم
" مزتي "
رشا
" هههههههه ايش حتناديني خلاص بدا الاسم "
تميم
" والله لو فيه شي يعبر عن جمالك اكتر حناديكي فيــه "
رشا
" تميم والله استحي مو عارفه ايش ارد عليك "
تميم
" لاتردي خليني بس افضفض واتكلم "
رشا
" ههههههههههههه طيب مو انا استحي لما اقرا "
تميم
" مو مشكلتي اروح اتكلم لمين يعني "
رشا
" هههههههههههههههههه "
تميم
" والله احس اني ابا افك باب السياره وانزل ارقص في نص الشارع "
رشا ماتت ضحك في السياره مو قادره ماتضحك
بكل صوتها تحاول تسكت مو قادره وترجع تضحك
" ههههههههههههههههههههههههه ههههههههه قلللبي وربي وجعني من الضحك "
تميم خلاص الهيمان حيجلس يتغزل فيها طول اليوم
" سلامة قلببك ياقلبي انا "
رشا
" ههههههههههههههههههههه والله انتا مجنون ماتوقعتك كدا ضحكت عليا بااسلوبك في البدايه "
تميم ارسلها فيسات شيطانيه وكتبلها
" ماتعرفي هرجه اتمسكن لحد ماتتمكن "
رشا
" طييييييييييييب يااااتميمم "
تميم
" ههههههههههههههههه حبيبي انتي وربي من كتر ماحبك والله العظيم في حياتي ماستهبلت كدا ولا ابتسمت كدا
ولا قلت دا الكلام قبل لأحد "

عايشــين بسعــآده الاتنيــن موطبيعيــه نومهم كــآن متقطع
تميم ينــآم ويصحى كل شويـآ يكتبلها احبك ويرجع ينــآم يكتبها وعين مقفله وعين مفتوحه وينـآم وبيده لسى الجوال
وهيا تصحى تشوف كلامــه وتبتسم وترد عليه وتنـآم والابتسـآمه على وجهها ماتمحــت ..

طفوله ملوثه بالواقع

بـــعد سنــه وعمــه جـآبر متمرمط في السجن لســى وكل اللي يبوه اربع شاهدين على خيانه مرتـه
واهلها ماحيسكتهم غيـر انو يقومـو عليه الحـد وينشفي غليلهم بقتله ...

بشـآر قاعد عند عمــه جـلآل وكل اللي يحس فيه بسعاده دي اخر عمليــه اخته حتسـويها

الفتره الاخيـره مرا سار يحزن عليـها .. هيا تحبب الكل فيـها حتى لما تكون في المستشفى كل الممرضات يحبوها
من اسلوبها وكلامها .. ينقهر لما مايشوفها تلعب زي البقيه وتجــري
وممنوعــه من ميــة شي ومالها حق تعارض ..

جالس على التلفزيـون ويتفـرج فلـم وعمـه جلال ممدد جسمه على الكنبه ويمدجسمه كل شويا للطاوله اللي قدامه وياخد فصفص

: بشــآر روح
جبلي بيبســي
بشار وعينه على الشاشه وقــف : طيب
يمشي بخطوات بطيـئه وعينه على الشاشه وخرجج بسرعه بعدها جاب البيبسي واتوجه لعمو مد يدو
ورجع قعد مكــآنه
سحب ركازه عشان يحطها ورا ظهره وطالع في الشاشه
بعدها استوعب انو فيه شي نقل عدسه عينه وشاف خـآتم اخده
وسار يتفرج ويحركه بااصابيــعه
وكل شي للحظه وقــف بعيــنه
نزل عدسه عينه على الخــآتم ..
قلبـه سار يدق بســرعه
طالع في عمه وبعدها بالخــآتم
بلع ريقــه نفس الخاتم اللي ضاع في المجلس عند عمتـه وكانت تدور عليه وهوا لقاه واداها ..!
رجع يطالع في عمــه وف الطاوله اللي قدامه
كانت دايما تعبي الفصفص والبيبسي قبل لايجي !
يحس قلبه حيخرج من كتر مايدق
غير جلسته وهوامفجوع وموعارف ايش يســوي !
عينه على الشاشه ومو قادر خلاص يطالع في عمــه
مرت دقـآيق ووقف واتوجه لعمو ووجهه مصفــر : عمي ممكن جوالك
عمو : بتتصل ؟
بشار : ايوا بكلم امي
اداه جواله من غير تردد وبعدها سئله : فيك شي
بشار باارتباك : لا

رآح للغرفه اللي ينـآم فيـها .. اتصـل على عمو جميـل على طـول ومن غير تفكيـر..
مو قادر مو قادر يجلس مع جلال

امــآ جلال برا شرب البيبسي البااارد باستمتــآع وجات عينه على الكنبـه اللي كان قاعد عليها بشار
تنــح وهوا يطالع في الخاتم وبعدها نط من مكانه وراح اخده
استوعب دوبــه وجـه بشـآر رجع في راسه كلامه مع غـآليه زمـآن

جلال يكلمها على الجوال : متاكد الخاتم عندك
غاليـه : طيب فينه قلبت عليه الدنيا
جلال : ترا وربي لو طاح في يد جابر روحنا فيها
غاليه : الله لايقول طيبب حدور الخاتم واردلك
جلال لدحين مازار اخوه في بيتــه الجديد
عشان كدا لو شاف الخاتم جابر حيروح فيها وحيعرف انو قد جا
دخل بشـآر الغرفه وهيا بتدف الكنبه : التلفون يدق
غاليه : شويا حجي
بشار : تبيني اساعدك
غاليه : مايحتاج بس بدور خاتمي
بشار كان خارج الا لمح خاتم مرمي في نص الغرفه على السجاده
دخل ورفعه : دا هوا
غاليه ابتسمت وهيا مفجوعه
كانت حتاخدو الا هوا علق : كأني قد شوفت دا الخاتم
اخدتــو بقوه : في كل مكان فيه زيوو _ سحبت جوالها وخرجت من الغرفــه _
اتصلت على جلال : شووف احرق الخاتم ولا شوفله دبره
جلال : ليش ؟
غاليه : بشار شافو
جلال : بكيفه
غاليه بخوف : ايش اللي بكيفه انا حرميه
جلال : هييي اهجدي دا خاتم ابويــآ خلاص ماحلبسو بس لاترميه
غاليه كان نفسها تقوله ايش يعني لو خاتم ابوك بس تعرف كيف جلال
متحسس من بعد وفاة ابــوه لها سنتين علاقـتهم وبزبـط بدأت لما اتوفى ابوه وامـه في حادث ...

رآآح بخطوآت ســريعه وسمـع بـشـآر يتكلم بالجوال : تقدر تجي تاخدني .؟
دخل زي المجنون سحب الجوال من يده وشاف بيكلم جميــل قفل بوجهه وقال بعصبيه : مو قلتلي حتكلم امك !
بشار مرا ارتبك بيحاول يبرر : ايوا بطلت ابا اروح لعمي جميل
جلال : في دا الوقت تبا تروح
بشار حرك راسـه : ايوا
جلال ضغط على اسنــآنه مو قادر يفك السيره وبنفس الوقت وجه بشار باين انو عارف حاجه : ايش بك انتا دحين
بشار رفع كتفـه : ولاشي قلتلك بروح لعمي جميل
جلال : وانا قلتلك مافي فجاه قومت من نص الفلم عشان تبا تروح تستهبل عليا انتا !
بشار : طيب اديني الجوال حستئذن من ابويا قدامك ماحبقولي شي
جلال ضغط على اسنانه وقابض على يده ويطالع فيــه
خــآيف حيروح فيـها لو احد درى
مصيبــه اللي كان يســويها
يخون اخوه مع مرتــه
مرته اللي يجلس يحكيه دايما عنـها وجلال يعشق سيـرتها ..
اللي عارف قد ايش جابر يموت فيــها بس ولافكر بمشاعر اخوه
والشيطان زينـلو الموضوع ..
زينلو هيا بشووويش وبهدوء لين ماخلى الموضوع بسيــط في عينــه
لين ماخلى انو حاسس بقهر على اخوه بس مو قادر ببساطه يتحكم بمشـآعره
وكـأنه مو المفروض يدفن نفسـه في سابع ارض بس ولا يخلي الشعور دا يكبر جوتـه ..

بشار عاد كلامه : ابا اتصل
جلال : ماافي
بشار مفجوع منــو : طيب بكرا حروح
جلال : ماحتروح مكان لين ابوك مايجي
بشار : انا خلاص مابى اقعد
جلال مو قادر مايفتح الموضوع عارف انو بشار حيتكلم وماحيسكت رفع الخاتم : عشان دا تبا تمشي ؟!
بشار قلبـه طاح ملامح وجهه طغي عليها الفجعه
وكأنه خايف للحظه يسير شي مجنون زي لما سار عند جـآبر
: ايش دا
جلال اتاكد خلاص انو عارف من وجهه : تستهبل
بشار رجع خطوى لورى وقال بخوف : قلتلك ابا اخرج من هننا بروح لعمي
جلال مسكو بعصبيه : وربي ماحتخرج من دا البيت فاااهم
بشار مرعــوب ..خايف
يمكن لو ماسار موقف جابر وغاليه قدام عينه كان قدر يدافع عن نفسـه
بس حاليـآ ساير شخصيته ضعيفه
مايتحمل الصراخ
مايتحمل احد يهجم عليـه ويتكلم بعدوانيــه ..
جلال يتكلم بين اسنانه : تبا تروح تكلم جميل صحح دا اللي تفكر فيه ماتوبت بعد اخر مرا
بشار سحب يده وكان حيمشي الا جلال رجع مسكو ودفو على الجدار وهوا يهدده : والله لو اتكلمت لاأقتلك قبل جابر مايقتلني _ دموعه اتجمعت في عينه _ غاليه ماتت بسببك ..بسببك راحت من يدي وتبا دحين كمان تفضحني تبا تخلي واحد من اخواني يجو يقتلنيوتعيشنا كلنا في السجون عشان ترتاح
بشار يطالع في عيون عمه ورجع شتت نظره : سيببني
جلال مومخليه يتحرك ويكمل تهديد : قووولي تبا اخواني يعيشو في السجون تبا ابوك ينسجن
يبا يقولو انا ماليا صلاح
انتا بسببك سار دا كلو
بس خــآيف
بشار : ماحتكلم لأحد
جلال خايف اكتــر منو : والله يابشــآر لو فتحت فمك بيوم والله حقتلك قبل لاأحد لايلمسني ..ليا سنه مو قادر اطالع فيك وانا عارف انتا السبب اللي فضحتنا _ مسكه من بلوزته وقربه من وجهه _ واللي خلقني ماحفكر ثانيــه وحقتلك زي ماقتلها جابــر بدم باااارد حعذبك زي ماعذبها

يسمعـو كيــف يتكلم كلمــه كلمــه بحقــد

تنفسـه ياخده بصعــوبه

رفع يده على يد عمو جلال اللي ماسك بلوزتــه وصوت تنفســه يفجع
جلال ساب بلوزتـه مفجوع وصوته اللي كان كلو حقد سار خووف : بشااار !
بشــآر مســك بلوزتــه وبيده التانيه مدها على الجدار يسند نفسـه
وياخد تنفــسه وكأنه روحـه بتطلــع
مرا ومرتـــين وتلاتــه
جلال مفجـــوع رجع مسكه مفجوع : ايششش بك لاتفجعنني بقولك
بشار خايف اكتـر منـو مسك في عمو
وكل اللي يتمـنـآه بس دحين انو يقدر يتنفــس طبيــعي
شعور يقتل ويخــوف انك مو قادر تتنفــس
تشــوف الموت بعينـك للحظآت ...
ولا ثوآني طـآح على ركبــته لما كل شي سود في عينــه
وعمه مسكه مفجــوع وينادي عليه ومو عارف ايش اللي سرله بــزبـط

حـــآليــآ ..}

في اجوآء البحــر الرايقــه حرك اليخــت وهيا واقفــه جمبـه
بيحاول يشتت نظره ومايطالع فيـها
نسي حتى انو يتكلم ويفتح سيره
من كتر مو مركز انو مايطالع ولا مايستهبــل
هديل ططالعت فيه لابس ثوبـه وكاب دي تاني مرا يجو البحر وهوا برضو لابس ثوب ...
بس تحب الثوب عليـه فجاه فكرت وحست انو اي شي يلبســو يعجبــها
مستغربه من الصمت: ايش بك؟
بشار : ايش؟
هديل : مدري ساكت
بشار طالع فيها : كنت بفكر بكدا موضوع المهم ايش الشياكه دي
هديل ابتسمتلو وهيا تستهبل : شاايف كيف
بشار : ههههههههه شايف شايف ماشاءلله
هديل : بغير نفسيتي قبل لاارجع لبابا وللنكد اللي عايشته ابا انبسط شويا واضحك
كل مايجي يبا يستهبــل
تبدأ تذكره بحيـآتها وكأنها تقوله لاتسويلي شي انا غيــر ..
بشار وقـف اليخــت : طيب تعالي اسويلك جوك اللي طلبتيـه
هديل ضيقت على عينها : اوووه مانسيت
بشار ابتسم على حركتها ومشي قبآلها وهيا وراه : مانسيت وانتي ماتتذكري شي واحد اطلبو منك
هديل بااستغراب : ايش طلبت مني!
بشار: كم مرا اقولك احب الشعر المفتوح وتلمي شعرك
هديل : ههههههههههههه معليش دا شعري انا اتضايق لما افتحو
بشار : ماليا صلاح افتحي شعرك افكلك اغاني
واقفين الاتنين ورآ ...المكـآن شويا فسيح وفيه كرسين من نفس اليخت قبـآل بعض ..
هديل : ههههههههه ماحفكو
بشا ر: لاتستفزيني وتخليني افكو بالغصب ترا محد داري عننا
هديل رفعت حاجبها: مااابى افكو انا عاجبني شكلي كدا
بشار قرب خطوه وهيا على طول خافت : طيب خلاص بس شويا
بشار : ههههههههه
هديل فكت شعرها وشمقت بوجهه ضمت يدها تحت صدرها
اما هوا شتت نظرتو على طول وبيشبك جواله بلوتوث بمكبرات الصوت : ايوا
فتــح موسيقــى هاديــه وهديل على طول ابتسمت : الله
قدم خطوتين ووقف قبالها مد يدو : يلا رقصه بدي المناسبه
طالعت فيه وضربت يدو وباين انها مرا انفجعت : اسسسري
بشار كان بستهبل او بالاصح بيحاول : هههههههههههههههه
جلس على الكرسي : كم مرا اقولك خليكي اوبن مايند
هديل انقهرت وجلست في الكرسي اللي قبالو
وتحرك فمها وتطلع صوت مستفز وكأنها تقلده لما اتكلم دوبــه
بشار مات ضحك عمره ماجات بنت تحشه زي هديـل : ايش دا بزبــط
هديل ماردت عليـه
بشار : ههههههههههههههههههه خلااااص كنت بمزح
هديل طالعت فيه : والله مستفز
بشار : ليش افرضي انتي كان عندك عادي ورضيتي
هديل : وانتا ماعندك حدود مع احد يعني لو انا رضيت انتا عادي
بشار رفع كتفه وهوا مبتسم ويطالع فيها بنظظظظره مرا مجنونه: ايوا انا عادي
هديل مو شايفه ملامح وجهه مع الكاب : شيل دا اللي في راسك
بشار : مابى
هديل تهدد: خلاص حرفع شعري
بشار مسك جواله : وانا حطفي الاغاني
هديل : تستهبل ؟
بشار : بكيفك تهددي اهدد
طالعو في بعــض الاتنين لثواني وبعدها قالت : ايش قاعدين نسوي احنا
بشار : مدري عنك تحبي تستفزيني وبس
هديل : طيب حخلي شعري مفتوح بس انتا شيل الكاب
بشار شال الكـآب : وها ارتحتي
هديل : اييوا
بشار رفع يده ويحركه على شعره : هيا دحين ايش يهجد شعري
هديل وقــفت وهيا تضحك : ههههههههه مرا مشحون
بشار : لابسـه ليا ساعتين
هديل جات باتتجاهه ووقفت قباله :سيب سيب
نزل يده وهوا مو عارف ايش حتسـوي
دخلت يدها بشعره وحركتـه بطريقه عشوائيـه وطالعت فيه : اييوا كدا حلو
مـــرا وتــرته
بيحاول مايكون وســخ بس مو قادر
رجعت لمكـآنها وهيا تتكلم مرا عادي وكأنه ماسوت شي ممكن يحرك شي جوته : ابا اغنيه مابى موسيقى
يبـآ يشتت تفكيــره
مايبى يسوي شي يجرحها ولا ينهي صداقتــهم..
بلع ريقـه مافي شي حيشتته الا لو غنى
حط جواله جمبـو : ايش رايك انا اغنيلك
هديل ابتسمتلو : طيــب
بشـآر عدل جلستــه وعدل ياقه توبه واتنحنح
وهديل ضحكت : يلااا
ضحكلها وبعدين بدأ يغني
" فقدتك قبل مدري بعد
مدري باأول الغيبه ..؟
انا من صدمه غيــآبك عجزت احدد احساسي
مابين الشك والريبه
مابين الظن والخيبه
احسب اني على بالك طريت وحضرتك ناسي
ضميرك ماصحى توه
ولا حسسك تأنبيه
مثل
مالجرح بغيابك
احســــه يســرق انفاســـي "
صوتــه احساسه مو طبيعي
كأنها قدآم فنــآن وبتسمعلو
مانزلــت عينها من عليـه
طالع فيـها : ماعجبك برضو؟
خلاص سار مقتنع انو مايعجبها اي شي يســويه
هديل : لا ماشاءالله
بشار بتفاجئ : اوووه اخيرا مدحتيني
هديل ماتوقعت لدي الدرجه الموضوع في نفسه : ههههههههههه انتا تحب احد يمدحك ولا ايش وضعك
بشار : لا طبعا المسأله مومسأله مدح بس انتي من يوم ماعرفتك وانتي تكسري مجاديفي كل ماقلت شي ماعجبك حتى نظرتك ليا بعض الاحيان احسك مو طايقتني وبعدين تقوليلي حزنانه عليك _ يقلد صوتها _ وضميري ماأنبني وكيفك دحين

هديل ماتت ضحك مررررا مررا متنرفز : ههههههههههههههههههههههههه هههه _ مسكت بطنها وترجع تضحك _
ابتسم وهوا بيطالع فيـها وبجد مقهور منــها ماقدر يكبت الكلام جوتـه دام سارت علاقتهم كويســآ
هديل تمسح دموعها: آآآه يااابطني ليش ليش الحقد دااا
بشار : مو حقد تنرفزي وربي
هديل : طيب بجد انا كنت اقعد معاك عشاني حزنانه عليك
بشار بنرفزه : هيا رجعنا لنفس الموال
هديل : هههههههههههههههههه ليش تباني اكدب عليك
بشار بجد نفسه يعرف طول عمره هوا اللي ينهي جلساته مع البنات : ليش انا ممل بنسبه ليكي ولا ايش
هديل ميته ضحك شككته بنفســه بجد : هههههههههههههههههه
بشار متنرفز من ضحكها :والله بتكلم من جد
هديل : هههههههههههههههههههههه _ شافت نظرته كلها حقد رفعت صباعها _ والله حقولك اصبر بس _ كانت بتهرج الا رجعت تضحك من قلبها _ طيب اسمع انتا مو ممل بس انا ماكانت تستهويني الجلسه معاك يعني حاليا طلعت حبوب بس اول _ حولت ملامحها وكأنه بطالع في شي مو همها _ عادي عارف كيــف
لســآته متنرفز
مرر يدو على ذقنه ومانزل عينه من عليــها مرا متنرفز بس بيحاول مايبين لكن واضح فيــه
دايما شكلــو اول عامل يخلي البنات يحبو القعده معاه
دي عكسهم ماهمها شكلو ولما دخلو في نقاشات حبت جلسـته : اها
هديـل : المهم قفل الموضوع دا اللي يستفزك مرا
بشار مايبى يبين انو متنرفز : مني متنرفز
هديل : هههههههههههههه وجهك فاضحه شويا وتجي تديني كف
بشــار قام وجا قدامها :
هيا جالسه وهوا واقف
سندت جسمها وتطالع فيـه : ايش بك
بشار : والله مدري ليش احب اقعد معاكي
هديل مرا انحرجت حاولت تتكلم بالاسلوب اللي يقهره : ماقد جلست مع احد وماحبني
بشار حرك لسانهعلى اسنانه السفليه بقهر وهديل رجعت تضحك : هههههههههههههه والله امززح
نظرته لما يكون حاقد ومتنرفز مرا يعجبها
تحس لو تقعد تستفزه لأخر اليوم ماحتطفش وبس حتضحك ...
بجد شككتــه في نفسـه لما يكون معــآهآ ..
رفع جوالـه مرا متنرفز منــها وشغل اغنيـه اجنبيــه اللي بس يصرخو ويخرجو لسانهم ويستهبلو
مشا لنص المقطــع ورفع الصوت للاخيروشغل المقطع
صـــرخه تفـــجع
ناااس همج ويصرخو بطريقه مجنــــونه
هز الصوت المكــآن
هديــل كانت جالسه وابتسامه على ةجهها قااامت ومسكت فيه وهيا تصرخ معاهممم :آآآآآه
شبطت فيه بطريقــه هبللله ومو مستوعبه ايش دااا
هوا مـــآت ضحك
ماتبا تسيبو مع الفجــعه
لين ماستوعبت الضحكــه
ووقف الاغنيه
سابتو وتطالع فيــه مفجوعه
بشار : قوليلي انا اسفه
هديل : منجدك انتا
بشار رفع الجوال :والله اشغله تاني
هديل حطت اياديها على اذنها : والله الصوت يفجع امانه لااا
بشار رفعلها حاجبه : قوليلي طيب
هديل على طول قالت : انا اسفــه
بشار نزل يدو : خلاص سامحتك ههههههههههههه والله اتوقعتك تخافي بس مو لدي الدرجه
جلست بقهر : ايش رايك دا صوت اصلا احد يسمعلو
بشار : لو سمحتي لاتجرحي حسي الفني
هديل : الله يقرفك
بشار : هههههههههههههه والله صاحبي فك دا المقطع وصرعني فيه قلت اسمعك هوآ
هديل : ممكن تقعد راسي وجعني وانا اطالع
بشـآر جلس بنفس كرسيـها..: خلاص انتي قلتي تبي تروقي خلينا نروق
بينــهم مســآفه ..
ودايرين اجسامهم بااتجاه بعــض : ايوا ؟
هديـل : ايش سويت اليـوم ..؟
بشـآر : ولاشي
هديل : مو قلتلي رايح تقابل اهلك
بشار : ايوا ماطولت مشيت على طول انتي ايش سويتي
يقفــل الموضوع وهيا تبـآ تفكـه
هديل : حرام لك فتره ماتجلس معاهم وابوك مسافر كان جلست عدل
بشار : عادي في اي وقت تاني اروح
هديل ماقدرت تفتح الموضوع اكتر من كدا : اهاا
بشار : وانتي ؟
هديل : ولاشي صحيت خرجت للعمل وجلست مع البنات في الصالون وبعدها جيتك
بشار :كل يوم انتي اصلا دا روتينك
هديل ابتسمتلو : انتا دحين سرت من روتيني برضو
بشار : لو زعلتيني ححرمك مني
هديل : هههههههههههه
بشار : ضحكتك حلوه لاتفهميني غلط بس ماشاءالله عليكي ملامحك مرا تعجبني وشعرك وكل شي فيكي
هديل مرا انحرجت تحرك يدها على شعرها بتوتر ومو عارفه ايش ترد
قلبها يدق بسـرعه وكل اللي تكرره وهيا متنحه في ملامح وجهه " دا ولد جاسم ..دا ولد جااسم "
تحس دي الجمله اللي تخليها تفــوق
لحظــه صمت بيــنهم
لحظت توتر
عدلت جلستها ورجعت شعرها ورا اذنها : شغل اغـآني
امــآ بشار نزل عينه على جواله وهوا يفتح اي اغنيه ممكن يلقاها
يحرك يده على الجوال ويرفع عدسـه عينه يطالع وهيا بتلعب بااظافيرها
مو عارف ايش بها
" زعلت ؟؟! "
ويرجع يطالع في الجوال ويفكر
" البنات يحبو احد يمدحهم ليش حتزعل "
شغل اغنيـه اجنبيه عمرو ماسمعها حــتى ووطى الصوت
ورجع يطالع فيــها ولساتها ماطالعت فيـه حتى: ايش بك
هديل حركه عدسه عينها عليه وبسرعه رجعت تطالع في اظافيرها : ولاشي
!!!!!!!!!!!!!!!!
مو فاهم ايش سوت دوبها بزبـط !
لساته يطالع ومايبى يتكلــم
سكت فتره طويله ورجعت هيا عدلت جسمها وطالعت فيـه : ايوا ؟
بشار : خير ايش بك ؟
هديل : ابا اسئلك انتا ليش قلتلي تحب تجلس معايا .؟
بشار عقد حوآجبه : احسك طيبه
هديل : دا هوا السبب ؟
بشار سكت وبعدها قال : لا مدري احس اني اتعرفت عليكي في وقت حساس بنسبه ليا واتعودت اني اجي اتكلم معاكي وقت مابى اشرد من التفكير
هديل تحس كدا اقتنعت بكلامه ابتسمتلو : طيب
بشار :ايش بك برضو مافهمتك !
هديل : ككدا لما مدحتني خوفت انك بتطالع فيا بنظره مو كويسا وكنت ابا امشي
بشار طول وقته بيطالع فيها بنظره مو كويســآ
هيا بريئه مو فاهمه لكن ماساب شي في جسمها ماطالع فيــه
وفوق دا كلو مفتخر بنفســه انو ماسوى شي غيـره ..
بشار : لاتخافي مني كم مرا اقولك
هديل : برضو يعني اخاف بعض الاحيــآن
بشـآر سوا حاجه كان نفسـو يسويها من اول
مسك يدها ويتكلم ببرائـه : وعد اني ماحسوي شي يزعلك
طالعت في يده وبعدها هوا طالع كمان : ايش دا يزعلك ؟
هديل اشرت براسها وهوا ساب يدها : يعني ايش فيها بللهي لو مسكتها
هديل : مافيها شي بس مالو داعي
بشار : طيب يااستي كم عندي عهود من عيوني ماحمسكها الا في الشديد القوي
تنقهر لما تسمع اسم عهود فجأه
هديـل ابتسمتلو وبعدها قالت : خايفه اتاخر
بشار طالع في الساعه وقام : طيب دحين نرجــع
قام وراح يحــرك اليخت ...: شغلي اغاني
هديل : ماعرف
بشار : عادي اي شي قدامك افتحيــه
اخدت جوآله وتحرك يدها على الشـآشه مو عارفه ايش تسوي بزبط : ترا مافهم لدي الحاجات
بشار : يابنت انتي عايشه في اي قرن
هديل : ههههههههههه
رفعت بسرعه وطيرت صفحه اليوتيوب بكبرها من قدامها واختفت
فتحت عينها مفجوعه
انفتحتلها كل الصفجات اللي فاتحها واتـس الويب الاتصالات وكلو انجليزي : بشااار
فتحت الوآتس بتردد لما شافت كلام غــريب
"الحب ع "
اخر شي واضح من برا
حديكي عنوآن شقتي الجديده وتعاليلي بكرا
ضغطت على المحادثــه
وقرات
"الحب ع "
فينك مختفي ترا بالي مشغول عليك
ابا اشووفك بجد بديت انخنق
بشـآر
"والله ياعنود مضايق وماليا خلق اتكلم بالجوال "
عنود
" حبيبي انتا ايش بك طيب حكيني "
بشار
" ماليا خلق اتكلم "
عنود
"عادي اجيك؟"
بشار
" مو تخافي مني ؟"
عنود
" لا واثقه فيـك ومو قادره اتحمل اشوفك مضايق ولوحدك "
بشار
" حديكي عنوان شقتي الجديده وتعاليلي بكرا "
ولسى ماشافت عنود الكلام
سابت الجوال مفجوعه نفــس اسلوبـه معاها
بس الفرق انو هوا بيقول دا الكلام لعنود عشانيوصل لشي منها
اما هيا مابيفكر في شي معاهــآ
رجــع وهوا يكلمها من بعيد وماردت عليــه سكت لما حسبها مشغوله في حــآجه
وصلو لوجهتهم
جا لناحيتها وشها ضامه يدها تحت صدرهاوشعرها لساته مفرود وباين انها متنرفزه
بشار : ايش بك
اما هيا طالعت فيه ووقفت وقالت بجمود : كويس وصلنا
اخد جوآله ولبس الكـآب ونزل قبلها مد يدو : تعالي
دفت يدو بااسلوب مستفز : اعرف انزل بنفسي
بشار : خيير انتي ايش بك !
هديـل ولا ردت عليـه نزلت ومشيت
يطالع فيـها وهيا تبعــد ومافي اي شي براسـه نزل عينه على جوآله وفتحو وهوا بيتذكر انو دا اخر شي سوتــه
وعلى طول انفتحتلو محادثته مع عنود غمض عينــه بقهر
ورجع دخل جواله بجيبـه مشي بخطوات ســريعه لين ماوصلها مسك يدها
وزي القنبله الموقوتــه انفجرت بوجهه بعصبيه : ايش تبــى
بشـآر : لاتفهميني غلط اسمعيني
هديل :نفس الموال تقعد تقوله لكل النبــآت عشان نحس بالامان معاك ولا كيف
بشار : بجد مو عارف كيف ابررلك
هديل : وانا بجد اقرف من الرجال اللي يفكرو زيك يوم ماتصلت عليك وانا ابكي سمعت صوت بنت وقلتلي انك مع صاحبك ودحين طلعت حق شقق وبنات ومعايا لسى دوبك تبدأ تتغزل لين ماتخليني وحده من البنات اللي تستهبل عليهم
بشار مومتذكر انواتكلم جمب سوزي بس شك في نفسـه
مومتعود يجري ورا بنــت
ماقدر يرد عليـها
ماعرف ايش يقول كدا يحس انو حيطيح من عين نفسـه لو قعد يبرر ويباها تسمعلو ..
هديل استنتو يتكلم بس ولا هرج : اناالغلطانه لأني حسبتك بجد واحد محترم واقدر اقعد معاك
دوبها بتمشي الا قال : انتي ليش بتحكمي على اللي بسويه مع غيرك
هديل طالعت فيه : اجل تباني اقعد معاك لين ماكون وحده منهم
بشار بجديه يتكلم : انا وعدتك اني ماحسويلك شي خلاص مالك صلاح في حياتي
يتكلم بجديــه وكأنه ماشافت شي مقرف دوبها بجوآله
هديل سكتت للحظآت وبعدها قالت :ايش اللي يخليني اصدقك بعد الكلام اللي قرأتو وقبل لايهرج اتذكرت كلامه لما قلها انا مضايق _ معليش والله حسيت نفسي تقيله وانا اجي اتشكالك وانتا ماتقدر تشتكي الا لما تنادي وحده شقتك
بشار مو عارف يهررج : استغفررالله عهود بلا بهلله
هديل : ايش اللي بلا بهلله انتا ناديت وحده شقتك وتباني مادخل في علاقاتك كيف ماتدخل وانتا نيتك سيئـه
بشار : طيب لو قلتلك دي البنت ايش هرجتها تقفلي الموضوع
هديل تبا تسمع ايش يبرر كمان هيا عارفه اصلا اخلاقه من يوم ماراح لسوزي ضمت يدها : ايش ؟
طالع حوليـنه : تعالي السياره طيب
هديل : مافي احد اهرج هنـآ بروح بتاكسي انا
بشار ماحب يطلب منها اكتر : الكلام بيني وبينك طيب
هديل : يعني لمين حقول
بشار : ولا اقولك اقفلي الموضوغ خلاص
هديل بلقـآفه .... تبا تعــرف : خلاص بيني وبينك ايش فييه !
بشار بيحاول يقول بدون تفـآصيل : ابوها يتاجر بالمخدرات والاسلحه
طبعا ماقدر يقولها مع عمه جلال
هديل ملامح وجهها لانت تدريجيا حست الكلام مرا كبيــر
قالت بعد مابلعت ريقها :والبنت اشلها !
بشار : عادي بوصل لحاجات منها
هديل موسعه عينها على الاخر : من جدك !
بشار بتهديد : جربي تهرجي لأحد حوديكي في ستين دهيه
هديل ماهتمت لتهديده : من جد دحين انتا تتعرف على وحده مالها دنب عشان ابوها
بشار: عارف اني بسوي شي وسخ لكن مو قادر ابطل لين ماوصل للي اباه
هديل ترمش عينها كدا مرا : بشار حرام عليك والله ذنبها في رقبتك انتا تحب احد في يوم يظلمك عشان اهلك ؟
انقهرت انو قــآعد يسـوي زي روان ماتبى تسوي فيــه
يلعب بمشاعر وحده عشان يوصل لمعلومات يباها
وروان تبا تسجنه عشان تحرق قلب ابــوه
كلهم بيظلمو شخص مالو ذنب عشان يوصلو للشخص اللي بعــده ..
بشار اتذكر وسـآخة ابوه حاول يشتت تفكيـره : لما اوصل لشي اللي اباه حسيبها
هديل : بعد ماتجرجها وتحرق قلبها
تطالع فيـه بملامح تــرجي خايفه انو يسوي شي فيـها : الله يخليك لاتقابلها والله مالها ذنب
اتوتر من نظرتها
واتورط انه كلمها كيف حيقفل الموضوع
هديـل تبا تتكلم معاه بالوتر الحساس : مو شايف نفسك اكيد غلطان لكن لو ابوك في يوم كان انسان مو طيب وانتا مالك صلاح في الاشياء اللي يسويها ويجي احد يظلمك ترا شي يحرق القلــب يكفي حرقة قلبها في مصايب ابوها لاتزيـدها
بشار يطالع في عينها وهيا تهرج وتتكلم وهيا مرا متأثثره وكأنها تعـرف البنت
زادت همــه زياده
رفع يده باارتباك وهوا يمسك ازرا كم الثوبـ ويصرف الموضوع : طيب حشوف كيف
هديل قربت منه ولساتها تطالع فيها :لاتخلي احد يحقد عليك انتا طيب تقدر توصل للي تباه بس من غير ماتجرح لو ليا خاطر عندك ولو شويا لاتقابلها

دقـآت قلبـه كانت هــآديه وفجأه سارت مومنتظمــه
بلــع ريقــه
ضيقت على عينها : طيب؟
حرك راسـه بطاعـه : طيب
ابتسمتلو من قلبــها سابت يده :قولي وعد
بشار بيصرفها لسى : حتتهزاي ارجعي البيت يادوب توصلي
هديل لساتها واقفه قباله وحالفه يمين تغيرو : ماحرجع وحتهزأ من بابا وكلو حيكون بسببك
بشار ضحك : انا اشلي دحين اهو بقولك يلا
هديل مشيت وراحت جلست على اقرب كرسـي وقعدت
بشار يطالع فيـها مفجوع وراح وراها : من جدك انتي
هديل حركت راسها وقالت بجديـه : والله ماأمزح ماحروح لين ماتوعدني
رفع يده ويطالع في الساعه : عهود اهجدي
ولااتحركت
يرفع يده كل شويا يطالع في الساعه ويحك رقبتـه بتوتر
حيسيب الموضوع كدا !!
كل اللي في راسه دحين جلال وعملية التهريب الجديده اللي حيسويها
قبض على يده بقوه وجلس جمب هديل : عهود معليش والله لازم اشوفها
ماتوقعت يرفــض !
طالعت فيه : طيب
بشـآر : تعالي اوصلك
هديل : مني رايحه مكان
بشار !!!!!!!!!!! : ايش !
هديل طالعت فيه : عادي اتحمل ذنب بنتين وحده حتجرحها والتانيه حتنضرب
بشار حرك يده على جبينه وبعدها هرج : عهود لاتستهبلي
هديل وقفت : خلاص لاتتكلم معايا انا مقاطعه صحبتي لأنو تفكيرها زيك اذا انتا نفس طبعها دا فلاتتكلم معايا
مشــيت وهوا يطالع
: فين رايحه
هديل عشان تستفزو : اي مكان غير البيت
بشار لساته مصدوم مو من جدها
ايش ينطشها
مايتخيل انها تنضرب بسببه !
رجع يطالع في الساعه
وقف وناداها كدا مرا ولا ردت عليــه يشوفها ماشيه وبترفع شعرها
مستحيل مايقابل عنود ماحيسيب اي فرصه ممكن يوصل لحاجه منها ...
مشي عكس اتجاه هديـل وراح لسيـآرته
شغل السياره وصــل لعند هديل وبطا
فتح الطاقه وكلمها : عهوود اركبي
هديل ولا كأنها سامعته
تمشي ولا تطالع فيه
: عهووود
اتنرفز من طنــآشها
مو عارف ليش قاعد يبررلها ليــن دحين
هيا ايش تعرف عن حقده لجلال حيسوي اي شي عشان يخليه عايش في صــراع طول عمره وقلق
وف لحظــه حرك سيــآرته ومـشي ..

تشوف سيارته تبـــعد حقــدت عليـه من قلبــها
بس تعرف كيف تطلـع عينه مدت يدها وولادقايق الا وقفلها تـآكسي
قالتلو العنــوآن

بشـآر في سيارته في صراااع مع نفســه
اول يوتيرن اخده ورجــع يشووف فيـنها بس مالقاها ..
" اكيد حترجع البيت "
" كان قلتلها طيب وضحكت عليها "
عارف انو كلامها صــح بس مو قادر يوقف نفسـه
اتذكر صوتها وهيا تترجاه
ونظرتها
" لو ليا خاطرعنـدك "
"هيا اشلها تدخل نفسها بدي الحاجات"
" مسكينه طيبه "
يسئل ويبررلها رفع جواله واتصـل عليها
ودق ليــن مافصـل
ارسلها رساله نصيـه " عهود فينك ؟ "
شافت رسالته ومو عارفه تجاوب
تفكر تفكر وكتبت " لاتتصل مرا تانيه "

قرأها مرتين مو قادر يستوعب انو من جد تتكلم
اتصل ولا رد
ارسلها "عهود هجديني وقوليلي فينك "
هديل تقرا رسالته : والله حجننك اوريك طلعت انتا وروان نفس الطخه والتفكير
قفــلت جوآلها عشان تجننه ورمتو في شنطتــها ...
عارفه انوعنده ضميــر وحيفكر فيها
لكن حقده وعصبيـته بعص الاحيان تعميـه
فادحين حتخليه بصراع مع ضميره وحقده وتشوف مين اللي حيكســب ...

استغفرالله استغفرالله

دخلــت شقتها وشهقاتها ورآ بعــض .. مو عارفه ايش تســوي
تحس انها حتتجنن
جسمها يتنـآفض
دخلت غرفتها فتحت الدولاب وخرجت الشنطه وسارت ترمي ملابســها جوتها
ترميـها بعشوائيـه وبـس
لين ماحست انها مو عارفه تتصرف فين حتروح
ولدها كبــر حيسئل دحين
ايش حتقولــه ....!
جلست في الارض وملابسها بيدها وبكيــت
بكيت بصوتها ومو مهتمه احد يسمعها
خلاص كل شي قعدت تبنيــه في الشهور كلها
جاه ليـث وفي لحظه حيهــدم كـل شي ...
خايفه ومرعــوبـه من اللي يستنـآها ومو قادره ماتسـوي شي ..
جلست في مكـآنها ماتدري كم ســآعه
لكن دق منبـه جوال سـآمي للمدرســه ..
جالسه في الارض وسانده جسمها على السرير
ايش تــقوله دحيـن !
ابــوك حـي !
ابوك مايعرف فيـنك !
عشان انا قررت انو مايعــرف !
قررت اخليك في حضنـي لوحدي عشان لاياخدك مني
حرمتك من ابوك واهله عشـآن انا انانيـه واباك تعيش معاايا لوحدنا
بين تفكيــرها فتح باب غرفتها لما شافها منــوره ...
واول ماشافها في الارض وشنطتها على سريرها انفجع
قال وصوته كلو نوم :ايش بببك !
ترف تطالع فيـه وقلبها وجعها زيـآده
محد داري ايش الايام السوده اللي حتعيشها
هيا عارفــه
هيا عارفه ايش ممكن يسوي فيـها
نزلت دموعها على طول
رفعت جسمها من على الارض : احنا حننقل حروح ادور على بيت لين ماتخلص دوآم
سامي انفجع : ماما ايش سااار صاحب العماره سواا شي قال حاجه
ترف : لا
سامي : اجل انا خلاص مو رايح المدرسه
ترف : الا حتروح حجيك نهايه الدوام واسحب ملفك وانقلك مدرسه تانيه
سامي انفجع : ليش !!!
ترف بلعت ريقها وهيا تبا خلاص تدي اوامر وتنفذ ماعندها اي طــآقه انها تبرر
ماعندها طاقه انها تدخل في اكاذيب تانيه : قلتلك اللي حسـويه خلاص
دارت جسمها للشنطه وتدخل الملابس اللي بيدها
سامي : انا ماحنقل من مدرستي تبينا ننقل من البيت طيب بس المدرسه ماحسيبها
ترف: حدخلك مدرسه احسن و
سامي قاطعها ورفع صوته : مابى انققل بقولك
ترف طالعت فيخ رفعت صباعها : لاترفع صوتك وتتكلم معايا كدا
سامي يطالع فيها مفجوع ومو عارف ايش بها : انتي ليش بتبكي طيب
ترف : مضااايقه مضايقه من الحياه ابا انقل وخلاص
سامي :طيب ياماما ننقل مو مشكله بس لاتبكي
ترف : نروح طيب منطقه تانيه مو لازم نعيش في دبي
سامي مفجوع : ماما انتي رجعتي تشربي !
ترف بللت شفايفها بلسانها : شايفني مو بعقلي ؟
سامي رفع كتفه : مدري نومت واحنا كويسين صحيتي وحده تانيه
ترف : سامي قلتلك اللي حسويــه وخلاص
سامي : وانا قلتلك حننقل من البيت زي ماتبي بس مدرستي مو خارج منها
ترف زفرت بضيق وهيا خلاص مصدعه ومو قادره تمسك اعصابها : قلتلك الشي اللي حسويه ومابى اي نقاش فيه
سامي عصــب : وربي ماحنقل من مدرستي
ترف : انتا بتحلف علياا
سامي : ماتجي تنقليني من غير سبب
ترف : مايحتاج اقولك اسباب عشان اسوي اللي اباه
سامي : اخدتينيي من مدرستي الاولى وكنت اقولك ليش ..ابا اصحابي اخواني كبرت معاهم وماديتيني اي سبب خليتيني اقاطعهم وبدون سبب برضو ودحين تبيني اسوي نفس الشي ! مني صغير انا عشان ينعاد نفس الموضوع واسكت
ترف جات عنده ومسكت وجهه بتشتت تتكلم : حبيبي انا اسفه انا عارفه انو الموضوع صعب عليك بس انا معاك
سامي نزل يدها : ماحسيب مدرستي
ترف ويدها تتنافض رجعت تمسكه : سامي الله يخليك انا مو مرتاحه حاسه انو حيسير شي اباك تسيب المكان
سامي مفجوع منها : ترا بتفجعيني والله
ترف حضنـته وهيا تباه يضعف ويسمعلها وبــس : الله يخليك سوي اللي اباه
سامي بترجي : لا ياماما قوليلي سبب طيب
ترف حضنته وبكيت بصووتها
سامي دموعه اتجمعت في عينــه
مو قادر يستوعب اللي بتسـويه
ودي المرا ماحيسوي الشي الا لو عرف ايش هرجتها
بذات لأنو الموضوع اتكرر
بعدها عنه واتكلم بهدوء : فهميني طيب ايش بك
ترف تطالع فيه ودموعها تنزل : اسمع كلامي والله بسوي كل شي لمصلحتنا
سامي : طيب قوليلي انا برضو اعرف مصلحتنا نفكر مع بعض
ترف: الموضوع مافيه تفكير قلتلك قراري واباك تساعدني وتسوي اللي اباه
سامي بنفس هدوئه يتكلم: طيب وانا برضو لساتي عند كلامي مدرستي ماحسيبها لو ايش يسير
ترف اتكلم باارتباك : سامي سامي لاتوترني خلاص
سامي : ماما ماحروح مكان بدون ماتقوليلي ايش اللي سار معاكي
ترف : ماتفهم انتا انا تعبببانه بقولك
سامي : وانا تعبببان كمان ليش بتفكري بس بنفسك تبي تخليني اسيب محمود واصحابي عشان انتي فجاه صحيتي مدري ايش بك حرااام عليكي
ترف : والله حتتعرف على غيره مو نهاية الدنيا
سامي : لااا ماابى
ترف : س سـامي خلاص الله يخليك
سامي : انا رايح المدرسه ولو جيتي تاخدي ملفي وربي ماحرجعلك البيت
خـرج من الغرفــه وهيا لحقت وراه حاولت تتكلم معاه
لكن قفل باب غرفـته
وهيا جلست في الصاله تبــكي
مايبى يضعــف
مو عارف ايش سـآر
بس ماحيرضى بللي قاعده تسويــه
وكانها بتشرد من احد
يجهز ملابس المدرسه ودموعه بعينــه
يلبـس ويمسح الدمعه قبل لاتنزل
رجعت زي زمــآن
واللي جا في باله الحشيش ..
اخد شنطتــه وفتح باب شقتـه وهيا جات تكلمـه : سامي
سامي دار عليها : قلتلك ماحتكلم لين ماتقوليلي ايش بك
مسكت يده : حبيبي والل
سامي قاطعها بعصبيه : لاتقوليلي حبيبي وتقعدي تبكككي وكأنك بتسوي شي لمصلحتي انتي عارفه اني حتعب لو روحت مدرسه تانيه ماتهتمي انتي في نظرة الناس ليااا ماتهتمي في مشاعري ليش ؟ .. خلاص انا معروف في مدرستي بين الاساتذه سامي اللي جاه من الميتم مابى اشوف نفس النظره تاني واقعد ابرر واتكلم قلتلك مدرستي واصحابي ماحسيبهم
ســآبها وخرج من البيــــت
ماقدرت تســوي شي
انهارت مكـآنها وخلاص
تبكي بهستريــه
بقهــر
كانت متوقعه ردة الفعــل
كانت عارفه انو سامي الصغير رااح
وهيا اللي خلت عقله كبيــر بالمسئوليــه اللي شالها دي الفتره
بطريقه الكلام اللي علمته
يمر عليها الوقت بين بكـآها ومو حـآسه
وقفــت وراحت تلم كل اغراضـها
اتذكرت جوازها وجواز سـآمي خرجت كل الاوراق المهمه من دولابها وحطتهم في شنطتها
تدور على المحفظه مو لاقيتـها
تفتح شنطتـها
تدور على التسريحه في الصاله
اخر مرا تتذكر شافتها في المحــل
اتصلت على ميـرنـآ على طـول ..: السلام عليكم .. ميرنا بس بسئلك في المحل في محفظتي . ايوا مو لاقيتها ..طيب _ استنت دقيقه _ لقيتيها طيب شويا حجي
دخلت الحمــآم غسلت وجهها كدا مرا
لبسـت ملابسـها
جينـز وتيشيرت وردي سـآده
لمت شعرها لبست جزمـتها
وخرجت من البيت
تمشي ومو عارفه ايش بتسـوي
متى حتلحق تشوف شقه
متى حتقدر تلم عفشها
وسـآمي !
صددداع ماسكها مو طبيعي
حتكملها 24 ساعه صاحيـه
عيونها مورمه من كتر البكــى ...

طفوله ملوثه بالواقع

امــآ في الشقـه اللي تحتــها ... عايشين بشتــآت
هدووء مو طبيعي
جات هديـل امس متاخر ونامت من غير مايشوفوها دست ملابسـها عشان لحد يعلق ..
كل وحده بتـآكل بكل صمـت .
هديل مقفله جوالها من امــس ..
وروان انبسطت مع اخت رايـد
وهدى راحت انبسطت مع شباب ماتعرفهم ورجعتلهم...
روان عينها على هديل وتاكل ..
هديل رفعتلها حاجبها :ايش بك
روان نفسها تتضارب معاها على تاخيرها بس ماتبى تعلق وبنفس الوقت مرا خايفه عليـها : جوال جلال ايش حنسوي فيه
هديل : مطفي وماعندنا شاحن
روان : حشتري اليوم
هديل : مايحتاج ماتوقع حنستفيد شي
روان : محنا خسرانين شي
هديل : على كيفك ..

لــؤي جـآلس بغرفتـه صحي من بدري اليـوم خرج من الغرفه وشاف تالا اليوم تعبانه
مسخنه من امس مرا حزنــآن عليها
وهيا بعافيتها تطلع عينه بس لما تعبت وسار مافيها حيل تتحرك ولا تناقره
بدأ يدور عليـها
رجع لغرفته فتحجواله ويقلب في الصور لين ماوصل لصوره روان وهديل وابتسم
رجع للصوره اللي قبلها صوره روان لوحدها سند جسمه على الكرسـي ..
كبـر الصوره ورجع يضحك لما اتذكر حركاتها داك اليوم
اكتر فتره يضحك فيها مع روان
مر اسبــوع ولساتها مصممه ماتتصل ..
يبا ياأذيها ... مو عارف كيـف
لحظــآت
وجات هديـل في باله
ابتسم بشـر واتصل على هديـل ..

في الغرفه اللي جالسين فيها التلاته البنــآتت ..
هدى على جوالها الايفون جاها هديـه طبعا ..
وروان بتخيط بلوزه ..
وهديل معاها كتـآب اشترتو جديد وبتقرأ ...
دق جوالها مع انها دوبه فتحتو ابتسمت تحسبو بشار
ردت : هلا لؤي .
روان على طول رفعت عدسه عينها من غير ماترفع راسـها..
ورجعت تكمل خياطه واذنها راميتها عند هديــل
:كويسا الحمدالله وانتا كيفك
لؤي : كويس ها ناقصكم شي
هديل : لا والله الله يديك العافيه ماتقصر
لؤي سكت وبعدها قال : روان عندك
هديل : ايوا بس عادي اهرج
لؤي : صحبتك دي تتعاطى صنف قوي ولا ايش هرجتها
هديل ماتت ضحك صوته مرا متنرفز : ههههههههههههههههه ايش بك
روان رجعت رفعت عدسه عينها وهيا تشوفها تضحك ..
لؤي : وربي مستفزه كرامتها مو سامحتلها تتصل تعتذر
هديل : هههههههههه صدقني ابا بس مااقدر
لؤي فهمها على طول قصدها انو روان تبا تعتذر بس مو قادره : مني فاهم يعني خلاص حستمر الوضع كدا
هديل : مدري والله _ قامت واتوجهت للمطبخ _ طيب انتا اتصل
لؤي بنرفزه : لاااا دام الهرجه فيها كرامه ماحتصل اوريها كيف
هديل : ههههههههه تستهبلو انتو الاتنين ولا ايش
لؤي : والله ترا بجد مضايق يعني قلت يومين وخلاص وينتهي الموضوع بس مستمره لسى
هديل وطت صوتها : تراها طيبه والله مو عارفه تتكلم ...غير الشي اللي بتمر فيه مدري بس اتنازل انتا شويا ا
لؤي : انا لو اعرف انو هيا بس مو قادره تعتذر امشي الموضوع بس هيا شايفتني انا غلطان
هديل : انتو الاتنين غلطانين
لؤي مط كلامه : لا ياشيخه
هديل ضحكت بصوت عالي وصل لروان وهدى
هدى على طول علقت لروان : وانا حسبت عندها بس واحد تكلمه اتاريها عايشه حياتها ..
روان ولا علقت تخيط وهيا ساكته ومو عارفه ليش هديل راحت
اتوقعت انهم بيتكلمو عنها بالبدايه بس هديل بتضحك معناتو مرا مابيهرجو عنهآ
هديل : يعني روان ماتعرف طبعك عاملتك زي ماتعاملني لاتلومها ترا والله احنا مابنختلط بناس كتير ولا نعرف طبايع الناس بذات روان بلهه تضحك مع الكل وتستهبل وبس اول مرا تتزاعل مع احد غيري
لؤي : وانتي عادي عندك كدا تكلمك
هديل : زي مابتستحملني لما ازعل انا بستحملها محد كامل كلنا عندنا طبايع غلط اذا انتا ماتتحمل دا الطبع فيها اتكلم معاها بوقت تاني مو دحين
لؤي حس انو اقتنع ولا هوا كان اصلا يبا احد يقنعه بااي حاجه
مايحس بحب ناحيتها لكن اشتاق لمقابلاتهم البلهه كدا انسانه خفيفه على قلبـه
مايحس بااي تكلف معاها يعرف انو حينتهي يومه وهوا مبتسـم ..
غير ام الموضوع : هيا ايش تشتغل دحين
هديل : عند اخت اللي كان يشتغل معاها
لؤي: ايش طيب الوظيفه
هديل : خياطه
لؤي: اهااا
هديل : احسها حبت العمل
لؤي : كويس طيب
هديل : ايش حتسوي طيب معاها
لؤي ضحك: مدري احس اني ماعرف اتعامل معاها ..على فكره انا اتكلمت مع زوج الادميه اللي ساكنه جمبكم
هديل : اما
لؤي : ايوا بس لاتقولي لروان الهبله
هديل : هههههه ليش ايش سار
لؤي : سكتهم خلاص
هديل ابتسمت :والله انتا طيب الله يديك العافيه
لؤي : اهم شي انتو تكونو مرتاحين
هديل : ايوا الحمدالله المهم اتصل عليها
لؤي :هههههههههه _ سكت وبعدها قال _ اقول اديني هيا دحين
هديل ابتسمت : اييوا خليك قوي واكسر راسها
لؤي : ههههههههههههه دحين اوريكي فيها
هديل مرا اتحمست خرجت من المطبخ : ههههه اصبر
وطغت ملامحها الجديه اول مادخلت الغرفه
مدت يدها لروان: خدي
روان : ايش فيه !
هديل بنفس الجمود : كلمي
روان سابت اللي بيدها واخدت الجوال وحطتو بااذنها : الو
لؤي : هلا
روان : ايوا؟
لؤي : وبعدين معاكي يعني
روان بتوتر تمسك البلوزه وتقلبها : ايش فيه
لؤي : وربي ماتستحي
روان كانت تبا تضحك بس مسويه ثقيله : ايش بك
لؤي : لدحين ماجبتيلي فلوس الايجار
روان انفجعت : نعم !
لؤي كان بيتكلم عادي بس ماقدر متنرفز لسى : اييوا مو على اساس حتجيبلي هيا لو اتوظفتي
روان باارتباك وهياتطالع في هديل ومعقده حواجبها : لسسى ماكملنا شهر
لؤي : اهاا طيب حاولي دي المرا تقعدي بوظيفتك وماتسوي مشاكل
روان بدت تتنرفز : مابسوي انا مشاكل
لؤي : انتي اكتر انسانه في الحياه مشكلجيه حتى انا الادمي الطيب اتمشكلتي معايا
روان وطت صوتها : انتا اللي بديت
لؤي : يابنت انتي تستهبلي
روان مصممه: ايوا انا ماغلطت
لؤي : طيب قفلي الموضوع عشان لااتنرفز تاني
روان سكتت
لؤي : متى دوامك
روان : الساعه 5
لؤي : فاضيه يعني دحين
روان: ايوا
لؤي : اجيكي ؟!
روان بااستغراب :ليش ؟
لؤي : ماتبينا نتفاهم يعني ولا خلاص لقيتي رايد وسحبتي عليا
روان ابتسمت :ماسحبت عليك انتا ماتصلت
لؤي : اوووه
روان : انا ماعندي رصيد
لؤي : سبحان الله تقدري تتصلي على رايد تسئلي فين العنوان بس ماتقدري تديني ولو رنه
روان مبسوطه انها بتكلمه كدا مبتسمه وخلاص : مدري انو بيكلمني وانتا جمبو
لؤي : كمان يعني كذاابه ماتبطلي انتي
روان ضحكت لاشعوريا : اجرب حظي
لؤي ابتسم: على قفا اهلــي
روان: هههههههههههه
هديل فاتحه الكتـآب بس مابتقرا مبسوطه انو روان بتضحك ورجعت تتكلم معــآه
يحقدو على بعض بس كل وحده ماتبى تشوف التانيه مقهوره
لؤي : هاا اجيكي
روان : انتا ليش كدا ساير تتكلم معايا
لؤي مافهم: كيف ؟
روان : احسك سطيت عليا
لؤي : من اللي شوفتو منك قاعد اتكلم معاكي زي واحد من الشباب
روان يضحكها لما ينفعل كان اول يسوي نفسه محترم معاها
لكن كل مالو ياخد راحتـه بنسبه لها دا الشي حابته : ايش قصدك يعني
لؤي : حتسويلي دحين المجروحه
روان ضحكت لأنه كانت تبا تستهبل بس ماسبلها مجال : هههههههههه طيب خلاص عندك نص ساعه لو ماجيت الموعد ملغي
لؤي : وانا حوقف برا وعندك دقيقتين لو ماخرجتي اعتبري مافي فطور
روان : طيب
لؤي ابتسم : يلا سلام خارج
روان : باي
بعدت جوال هديل وفي احد بيتصل عرفت انو بشار
حفظت طريقه اسمه كيف تنكتب مدت يدها لهديل : بشاار
هديل على طول طالعت فيها وقامت تاخد الجوال
هدى مو عارفه ولا شي مين دا اللي بيكلموه الاتنين : اووه الحب اتصل
هديل طالعت فيها وشمقت ادتو مشغول وماردت ...
هدى : ههههههههههههههههههههه ماعرفتك يامهمه انتي
هديل : خليكي لو سمحتي في حالك
هدى : والله ساير دمك تقيل ماكنتي كدا
هديل : وانتي سايره خفيفه بزياده اتقلي شويا
هدى رفعت جوالها : انا احب اكون خفيفه خليني اتصل عليه اشوف متى نتقابل تاني
روان : خلاص ياهدى قلنا خرجيه من الموضوع
هدى : انا ماقلت حسويلو زي اخر مرا عادي واحد اعرفو وبنبسط انا وهوآ
هديل ولا ردت فكت كتـآبها
وهدى اتصــلت وعينها على هديل
وروان بدأت تتضـآيق كمـآن
مرا ساير توتر كبير بينهم وهيا في النص
تبا ترضي الاتنين بس مو قادره
هدى فكت اسبكر اول ماقال بشـآر : الوو
كآن شكلو دوبو صاحي من النوم
هديل قلبها تحسو غاص جوتها لما سمعت صوته
كتمت هدى الصوت وقالت : فتح عينه واتصل عليكي على طول هههه
رجعتلو وهوا يقول : اللو !
هدى : ايوا هلا
بشار : مين معايا
هدى تلعب بخصلات شعرها بدلع وتتكلم : اووه نسيتني
بشار مالو خلق يتكلم : حتهرجي ولا اقفل
هديل رفعت الكتاب على وجهها تبا تضحك
هدى اتنرفزت : انا سوزي
بشار : مين سوزي !
هدى : اللي كنت عندها قبل كم يوم ولا نسيت ماشاءلله من كترهم
بشار : اهاا ايوا عرفتك
هدى رفعت حاجبها : طبعا حتتذكرني
بشار : ايوا!
هدى : تباني اقفل يعني
بشار : صحيتيني من النوم
هدى وسعت عينها بدون ماتحس
وهديل تبا تموت ضحك يعني دوبه متصل عليـها
هدى : اهااا معليش والله على الازعاج
بشار : مو مشكله
هدى : حترجع تنــآم ؟
بشار : ايوا
هدى : سلام
قفلت قبل لاتسمع اي رد منـو
اما بشـآر عادي عارفها رخيصه مايجمل كلامه ولا يديهم وجه لو مايبى ..
اسلوبـه لو يبا وحده تكرهه في دقيقه يخليها تشـرد ..
اما هديل كملت قرائـه وهيا مبتسمــه ..
رجع جوآلها دق وضحكت بصوتها وقــفت واتوجهت للمطبـخ وردت ..
بس ماتكلمت
بشار : اخيرا
هديل : ايوا؟
بشار : من امس بحاول اتصل فينك
هديل : قلتلك انا لاتتصل
بشار : فينك
هديل : عند صحبتي
بشار : يعني مارجعتي
هديل : لا قلتلك مني راجعه
بشار : انتي يابنت مجنونه ولا بتستهبلي عليا
هديل: ليش استهبل
روان دخلت المطبـخ وقالت : تعررفي فين شطني
هديل بعدت الجوال : في الركنيه مع الاكيـآس
بشار للحظه كآن شاكك انها بتطقطق عليه : عهود وربي مو منجدك
هديل : ايش تبا انا قلتلك كلامي وخيرتك بين حاجتين انتا مو راضي
بشار: ولساتي مو راضي
هديل : اجل ليش متصل
بشار:عشان اباكي ترجعي
هديل : مني راجعه دحين
بشار : يابنتي ارجعي واخرجي من راسي ترا موتره اهلي
هديل : وليش موترتك
بشار : يعني عاجبك اللي سار اخر مرا مع ابوكي تبي تجيني تبكي و
هديل قاطعته : نعم نعم !!
بشار كان جالس وقـف قال الجمله بالغلط من النرفزه ماعرف يصرفها : اقصد يعني خرجتك اخر الليل
هديل : شوف انا غسلت يدي منك من يوم ماشوفت كاتب للادميه انك مضايق وانا عارفه انك مضايق وبتصرفني ورايحلها عشان كدا صدقني رقمي ماحتشوفه بجوالك بعد كدآ ايش مايسير مع اهلي ندمت اني اتكلمته معاك
بشار بصرامه : يابتت اسمعي
هديل بصوتها الهادي: خلاص الله يخليك لاتجرحني بكلامك وتقهرني زياده سوي اللي يرضيك .. مع سلامه
قفـلت مـنه ماتدري تنبسط ولا حيطنشها دي المرا
قالت كيف ماتجي تجي خيره خلاص
اما هوآ طالع في الجوال مو قادر يصدق انها تكلمت معاه كدا
جلس على الكنبــه
يمكن تأفلم عليا !
في مهنته طبيعي يشك بااي حاجه
يحرك رجله بتوتر ودقايق ورجع اتصل على واحد يعرفـه : السلام عليكم ...بخير الحمدالله وانتا كيــفك ..لا والله ابا خدمه منك ..حديك رقم شخص وشوفلي موقـعه .ايوا دحين لو تقدر ..مشكور الله يديك العافيه
بزبط قفل وارسله الرقم عشـره دقايق ورجع قلـو فيــن
نفس البيت اللي وصلـها
بيت صحبتها ..
كدا صدقـها.." مجننننونه دي البنت !!!!!!! "
ماجا في باله انو حتكذب عليه الا بدي الهرجه
رمى جواله على الكنبـه " بكيفــها "
قام وهوا مو قادر يخرجها من راســه
عرفت كيف تجننه بجد ...
اتوجع لطاوله الطعام الصغيــره وكلها اوراق مشعتره وصور والاقلام حوليها والمسدس اللي عنده تصريـح يكون عنده
جلس يقلب في الاوراق
بعد بكــرا المفروض جلال يتقابل مــع صالح..
متأكد انو ابوه وصلو الموضوع
يمرر يده على الورقه اللي فيها صوره جلال ويضغط بالقلم وهوا يشخمط على وجهه
مو صعب يعرف تفكيــر عمه
ماحيكنسل الموضوع
حيخلي بشار يطلع غبــي وحتكون بضاعه عاديــه
ابتسم بحقــد وهوا نـآوي انو يقهره
ماحيكنسل عمــه وبشار ماكنسل البلاغ كمـآن
شخمط في وجهه لين مانشقت الورقه
رما القلم وسند جسمه على الكرسي ...
جات عينه على صورة سميـه مد يدو بس واخدها رفعها وهوا يطالع فيـه
" انتي ايش هرجتك ! "
كميــه حاجات في راسه حاسس انو مخنــوق
وهديل جات تكمل عليه كأنو ناقص وحده تشغل باله
مو راضي يرجع عن قراره ويكنـسل عنود
صح مايبى يسير شي لهديل بس مو قادر
حاول يوزن الموضوعين وموضوع جلال اهم بنسبه له
عنود غبيه يقدر يسحب منها مو زي اخوهـآ اللي مايهرج عن اهله
تقول كل شي عن اهلها حتى ابوها فين راح ومن فين جا
تفاصيل التفاصيل ...
وطبــعا هوا يستغل دا الشي ويستغل حاجه تـآنيه
مدلـع نفسـه يعني...

طفوله ملوثه بالواقع

دق جوالها وانبسطت لما شافت اسم لؤي بس مو عارفه كيف حتخرج وتسيب
هدي وهديل لوحدهم تطالع فيهم وكل واحد قاعده بعيد عن التانيه
تحس انهم بزورتها تبا تستودعهم الله وتخرج
شالت شنطتها وخرجت من البيــت لقت سياره لؤي تبا تبتسم بس ماسكه الابتسامه فتحت باب السياره
وكالعاده قفلته بقوه وهوا طالع فيــها
بيعصب
بس اشتقلها
يحس كأنو له شهر مايشوفها
وهيا تطالع فيــه مرتــب ومتشيك وريحه عطره بكل السياره : ايش فيه
لؤي : بحاول اكون لطيف وماعلق
روان على طول عرفت : كوويس مايسير الاتنين نكون اشرار
حرك السياره : صدقيني الشر اللي جوتك دا لو شوفته تاني حتندمي
روان : مني فاهمه جايبني عشان تهزأ
لؤي : مو قادر ماعلق
روان: واضح الحقد
لؤي طالع فيها ورجع ابتسم : كيفك
روان ابتسمت من قلبها :كويسا
لؤي : ماشتقتي لسوبرمان حقتك
روان: ههههههههههه الا _ مدت يدها ومسكت خده _ اشتقت اسويلك كداا _ تضغط على اسنانه وتحرك خده _
بعد وجهه : آآآه
روان : ههههههههههه والله مرا وحشتني دي الحركه من يوم ماكلمتني وانا ابا اسويلك هيا
رفع يده وهوا يمسك خده ومو عارف ايش يعلق بزبــط
روان : وااه ماشاءلله ايش الساعه الجديده دي
لؤي طالع في يده : مو جديده
روان :اول مرا اشوفها
لؤي : عندي من زمان
روان: تتوقع لواخدتها وبعتها كم تجبلي
لؤي طالع فيها وضحك : هههههههههههه انتي ايش تبي
روان: عشان اسددلك الايجار
لؤي : هوا انتي حتسدديلي الايجار باأشيائي مني فاهم !!!
روان : اجل ابيع نفسي يعني يرضيك بلله
لؤي : بتلمحيلي انك ماتبي تدفعي صح
روان : لا وي انا انسانه صادقه لما اقولك حديك يعني حديك _ سكتت وبعدها قالت _ بجد كم تجيب دي الساعه
لؤي : هههههههههههههههههههههه
يمكن لو اي بنت غيرها كان زعلت اما هيا عبيطه كدا محد يحاسب على كلامه وخلاص
لؤي : دي هديه من امي ابيعك ولا ابيع الساعه
روان: عادي كل شي متوقع منك اصلا
لؤي : لا ياشيخه
روان:ههههههه فين حتفطرني
لؤي : قبل دا السؤال ايش سويتي دا الاسبوع
روان : مدري كدا عدا ببلاهه
لؤي : خرجتي مع رايد
روان: ايش موضوع رايد اللي اكل راسك
لؤي : مدري صدمني لما قلي يبا رقمك
روان: شوفته بالصدفه وطلع عارف كان ويستهبل
لؤي : اهاا ..طيب طلعتي معاه؟
روان : لا ليش حطلع يعني
لؤي : مدري شوفتك مختفيه قلت يمكن مبسوطه
روان : لا ماكنت مبسوطه بالعكس اسوء اسبوع مر عليا وشكرا مرا لك ولكرامتك عشان انتا كنت مو فيه
لؤي ابتسملها : مين زعل الحلو حقتي
روان : ههههههههههههههه خلاص سرت زيي
لؤي :ايوا مو بس انتي تتغزلي فيا
روان : هههههه المفروض استحي ؟
لؤي : يعني لو وحده غيرك كان وجهها حمر وماعرفت ايش تقول
روان : ههههههههههههههههههههههههه ههه تخيل بلله انا كدا
لؤي : انتي حاله شاذه في المجتمع الانثوي
روان ترفع حواجبها وتنزلها بشر : انا حبه وحده اتحدى لو تلقى زيي
لؤي دا اللي شايفه انها غيــر
مو لاقي نفس شخصيتها وبلاهتها : والله لو بطلتي عصبيه حتسيري احلى حبه بس بجد مافي شي كامل
روان : استغفررر الله
لؤي : حذلك على داك اليوم
روان : واضح ماشاءلله اسمع ترا بس بفطرورجعني
لؤي : ليش
روان : فيه وحده سارت معانا في الشقه وهيا وهديل مرا مايتفقو
لؤي : مين دي!
روان:كانـت معانا عند عمو جاسم
لؤي : اهااا وليش مايتفقو
روان : كداا كل وحده عكس التانيه
لؤي : حرام هديل احسها في حالها
روان :مصيرنا نتعود تاني على بعض مسأله وقت
لؤي : ان شاءلله ..ماقلتيلي ايش ززعلك
روان : معليش راحت عليك خلاص
لؤي : ههههههههه تستهبلي
روان : ايوا
لؤي: يعني ماحتهرجي
روان طالعت فيه واتكلمت من قلبها :ماليا نفس والله ابا انبسط معاك
لؤي ابتسملها وبــجد كآنت سـآعه ونص بس هما الاتنين بس يضحـكو
كدا تفصل روان وهوا يضحك على حركاتها
مايهتم بكلام احد
بنظرات احد
الشارع لهم كأنو لوحدهم
فطرو وخرجو يمشـو الاتنين يحكيها عن تاله وايش سوت فيه دا الاسبوع
وروان تضحك
ماحكتـه عن شي تعليقاتها لوحدها تضحكه
تتكلم على الناس دا وداك وتحشهم
غيرت جو ماتوقعت انها حتنبسط معاه لدي الدرجه
اتمنت انو دا الاسبوع كان معاها
وهوا نفــس الشي دا الاسبوع كلو مممل بشكل طبيعي
وغيرنفسيتــه مافي شي شاغله وطول وقته يفكرباأمه
بذات لما يشوف ابوه يدلع مرتــه
هيا طيبـه بس برضو لدحين الموضوع جارحه ومو قادر يتأقلم ..
ينزل عينه وهما على طاوله الطعام ويحاول يخلص اكل عشان يقوم
يكون في الصاله يمشي بخطوات سريعه عشان لايشوفوه وهوا معدي من الغرفه ويقوله تعال اقعد ويضطر يسمع تعليقاتـه
سار البيت توتر بعض الاحيــآن

طفوله ملوثه بالواقع

النفسيـــه اتغيرت كليــآ دخل غرفـة امه مر 3 ايـآم على موضوعهم ومافي اي حس لهم
دخل غرفه امه من وهيا لساتها مسدوحه بعد الدوآم وابوه قاعد على لاب توبـه ولابس نظارته ..
: مسااء الخير
: مسااء النور
عدي جلس على السرير وهوا يطالع في امه : وبعدين يعني !
امه : ايش بك
عدي : اتصلي على ام لمى
: هههههههههه من جدك انتا
عدي : والله تلاته ايام مرت مرا كتير يعني لو البنت موافقه خليهم يدوني رقمها
ابوه يطالع في الاب توب وماسك ضحكته
استخف دا وهوا ماتكلم معاها حــتى
امه:يمكن مايبوك تكملها الا لو ملكتو
عدي : بس ياأمي حركاتكم دي بطلوها
امه : انا ايش عرفني عنهم
عدي : ماتوقع حيقولو لا _ طالع في ابوه _ انتا انتا كلم اخوانها
ابوه حرك عدسه عينه ورجع طالع في الاب توب : اطلع بس من الغرفه
عدي : انتو جيتو غصبتوني عليها ودحين محد راضي يتصل والله اروح افضحكم واكلم البنت
ابوه : لو فيك خير روح سويها
عدي : ههههههههههههههههه ياااهو لاتجو بتهديد ولا بزوق يعني الواحد ايش يسوي
امه : اصبر
عدي : انا ماعرف اصبر _نزل يده وهوا يااشر على السرير _ تتتصلو دحين ولا عدي المجنون يتصرف
امه : هات هات جوالي ياشيخ
عدي نط من السرير ويطالع : فين فين
امه : هههههههههههه على التسريحه يااهبل
عدي اخد الجوال واداها وجلس جمبها وهوا حاشر نفسه بطرف السرير وحاتط يدها على كتفه
امه دفته :عدي بعد
عدي : احنا نحب بعض
امه : ههههههههههههههه عددي بلله بعد مو ناقصتك
عدي قربها لحضنه : مافي يلا اتصلي
امه وهيا مبتسمه : استغفرالله منك بس _ رفعت جوالها ودقت _ والله لو احرجتني ياويلك
ابوه :وانتي ماقدرتي تخصريه
عدي طالع فيه : لو سمحت ياأبويا خليك في شغلك
ماقدر مايضحك له فتره مايشوفوه كدا
ردت ام لمى وهيا اشرتلو بيدها : السلام عليكم
عدي قربها لحضنه بقوهوهيا وسعت عينها : كيفك
ام لمى :كويسا الحمدالله وانتي كيفك
: تممام الحمدالله حبيت اطمن عليكي وعلى لمى
: الله يسعدك تسلمي
: والله ماحبيت اتصل وازعجكم لكن الولد مو قادر يصبر يعني البنت موافقه صح
سمعت كلام ام لمــى وبعدها سئلتها : طيب والله الشرف لينا
عدي يااشر براسه ومو فاهم
ام عدي : طيب انا مو عارفه احدد على اي اساس الملكه نخليها بين الرجال خلاص. . بس حبيت اسئلك عادي يعني لو عدي يكلمها حاليا صح
ام لمى سكتت وهيا مو عارفه : مدري اسئل اخوانها واشوف
ام عدي اتكلمت معاها وبعدها قفلــت : يبونا نحدد يوم الملكه
عدي وقف وهوا يحرك يدو: يس يسسسس

امه : ههههههههههههههههههههههه
عدي : اديني رقم اخوانها اتصل عليهم
ابوه : سبحان الله لسانك طلع دحين
عدي :اجل انتا تكلمهم وكأني بزره خلاص اديني بس رقم التاني مودا اللي جا اليبت
اابوه اخد جواله : ايش حتتصل دحين
عدي : طبعا ايوا
ابوه : لا حولا ولا قوه الا بلله اصبر الام تكلم اولادها
عدي : هيا خدلك حستنى عشره سنين لو استنى كل واحد يوصل للتاني
امه بعدتو : ممكن تسيبني دحين
عدي وقف : خلصنامن المصلحه معاكي _ راح لأبوه وجلس جمبو ودوبو بيمسكه ابوه رفع يده _
وبتحذير قال : والله لو مسكتني ماحديك ولا رقم
عدي لسى دوبه يدو بالهوى
حركها بالهوى وكأنه قاعد يرقص : مين قال اني كنت حمسكك
ابوه يطالع في الجوال : والله مو مستوعب اني حزوجك الله يعين البنت
عدي : انا شقي شقي اعجبك
ابوه طالع فيه وكل اللي فهمو حاجه مو كويسا
عدي مات ضحك بجد قالها على نياته وبعدين استوعب : ايش بك
ابوه :ولاشي ياأهبل_ اداه الجوال _ خد
عدي قعد ينقل الرقم لجواله : ينصصصر دينك يااشيخ
امه : ههههههههههههههههه
وقف وخرج من الغرفه بســرعه
ابوه : اتجنن ولدك
امه : والله الحمدالله كنت شايله هم البنت لايظلمها
ابوه ابتسم ورجع يطالع في الاب توب

دخل غرفتــه واتصل بعد ماقعد يفكر مية مرا ايش يقول
بس اول مارد تامر ضاع الكلام منو
اتكلــم مــعـاه على الملكه وكيف تبو ومتى تحبـو
وبعدها كلمـه على جوال لمى وانو يبا يتكلم معاها
تامر ماقلو ماعندها جوآل : مافيها شي لكن
عدي قاطعه عشان لايفكر كتير : بلاشي افجعها مرا وحده يوم الملكه تشوفني واتكلم معاها
تامر بتفكير : طيب حشوف شويا وارسلك

قفــل من عدي اللي اول مرا يتكلم معاه كدا
وطالع في تميم : ماتخيلت اني في يوم حقول دي الجمله
تميم عقد حوآجبه : ايش !
تامر : اختك خرفنت الولد
تميم رماه بالخده : استحي على وجهك
تامر : هههههههههههه وربي الولد مرا ساطي ماكان كدا
تميم :يحمد ربه انها وافقت
تامر : فين الجوال اللي انتا اديتها هوآ
تميم : في دولابي ليش
تامر : اديني هوا ابا ارجعلها
تميم استغرب : ليش
تامر :الادمي يبا يكلمها
تميم : ايش يبا دا
تامر : ايش يبا يعني يبا يتعرف عليها
تميم : ههههههههه روح قول للمى حتنجلط
تامر ضحك : شوف دي اليومين متى فاضي عشان يملكو
تميم : مدري انتا حدد مع امي ولمى وانا افضي نفسي بس الاخ دا ليث تتوقع لو دري ايش يسوي
تامر وقف : اعلى مابخيله يركبه رايح اجيب الجوال
تميم:في تاني درفه اديها الشاحن كمان
تامر : لو عندك رقمها ارسلي هوا على الواتس
تميم :طيب
كدا يتكلمــو ببرود على الموضوع .. مع انو من جوتهم مو مستوعببين انهم قاعدين يزبطو جو لأختهم عشان تتكلم مع واحد
شي صعــب بس مصيرهم يتعوده ..

تامر اخدالجوال وراح لغرفـه اختـه قاعده ترتب مكياجها اللي جابلها هوا تميم
تعشقهم تحسهم كأنهم العابها اللي انحرمت منهم وهيا صغيره
ترتبهم على التسريحه بترتيــب ..فتح الباب تامر بعد مادق .
طالعت فيه
جا لعندها وكانت فيه فيش جمب التسريحه شبك الشاحن وحطلها الجوال يشحن
تطالع مفجوعه : عدي حيتصل عليكي قلتلو بس تشحن جوالها اتصل
لمى كأنه اداها كف : اييييش !
تامر يبا يضحك بس ماسك نفسك : ايش بك
لمى : لا لا لسسسى مابى اكلمه
تامر: ههههههههه يعني متى تبي تكلميـه
لمى تبا تبكي : مدري بس مو دحين _ وقفت _ الله يخليك قوله ماعندها جوال
تامر : ههههههههه ارسلتلو الرقم
لمى :ليش ماقلتلي
تامر : ايش يعني ماحتتكلمي معاه
لمى: ايوا مو لازم نتكلم
تامر : من جدك انتي
لمى : والله استحي ماحب
تامر : مايسير ماتكلميه خلاص المفروض تتعرفو على بعض دحين الزواج مو لعبه تنخطبي وتروحي لبيته وخلاص انتي اللي حتحكمي دي الفتره اذا حتقدري تكملي معاه ولا لا
لمى تلعب بااصابيع يدها بتوتر وبعدها قال : حروح اكلم امي على الملكه يبونا نحدد يوم
لمى باانهيار : لااا لااا ليش كدا كلو ورا بعض
تامر : هههههههههههههههههههههه بلههه انتي انتي موافقه وهوا موافق ايش حتقعدو يعني تسو
لمى ملامحها شويا وتبكي : مدري ماتوقعت كدا بسرعه نقعد كم شهر يعني
تامر: لاا بللهي
لمى بصوت وحده تبكي : اماااانه يااتامر مو دحينن
تامر : هههههههههههههه شغلي شغلي جوالك
خرج من الغرفه وهيا مومصدقه انو ضحك ومشي بجد الموضوع مو سهل عليها
فجأه الجوال نور
رفعت يدها مفجوعه تحت ذقنها : لا لا لاتشتغل انطففففي

امــآ تامر راح لأمه يكلمها وهيا اتنرفزت : انا اصلا دا الولد بدأ مايدخل مزاجي
تامر مفجوع : البنت حتملك عليه بدي اليومين ياأمي
امه : فجأه طلعت اختو هيا اللي تسوي الدوره والولد بنفس جامعتها تداخل المواضيع في بعض دا مو داخل مزاجي
تامر : خلاص نصيــب ايش نسوي
امه : لا لا انا حاسه انو كانت وراها مصيبه
تامر : لا حولا ولاقوه الا بلله ممكن نحددد دحين يوم عشان يملكو
امه رفعت يدها بدون مبالاه : شوف انتا واخوك
تامر : كل واحد بيرمي على التاني
امه : خليني افتك منها وخلاص
تامر طالع فيـها مو عارف ايش رد ومشي

نص ساعه بــزبط ودق جوآل لمى ضمت مخدتها وهيا تطالع في الجوال من بعيد
كأنو فلم مرعــب
ماحترتاح الا لو طفى
ورجع قفـــل
تلات دقايق دق وهيا غطت وجهها بالمخده : يااااربي ياااربي ايش يبا دا
ربــع ساعه وتامر دخل عليـها الغرفه : هيا بدأنا ازعاج من دحين يقولي ايش بها ماترد
لمى : ماااابى ارد مااابى
تامر راح جبلها الجوال واداها هوآ : يابنتي مايسير قلتلو يتصل خلاص اديتو كلمـه
دق الجوال وتامر رد ومد يدو
لمى تحرك وجهها ب " لا " بسرعه وتهمس:مااااابى مااابى
تامر فرصعلها عينه وهيا خافت واخدت الجوال بتردد
خرج ويبا يضحك دي بس كلام بالجوال وكدا بتسوي
لو جا وحيقعدو لوحدهم ايش حتســوي ..!
تسمع صوته يقول : الوو
رفعت يدها اللي تتنافض زي قلبـها
يمكن الموضوع سهل بنسبه لكتير بس بنسبه لها مرا صعب
قالت بصوت متقطع ويادوب طلع منها : الو
عدي في حوش بيــتهم : كيفك
مو قادره تتكلم تبا تبكي وبس
سكتت شويا ورجع عدي ينادي : لمى؟!
اسمها جبلها الرعب زياده : ايوا
عدي اختفت ابتسامته : انتي مستحيه ولا زعلانه مني ؟
يتكلم معاها عادي ماتحس انو خايف او متوتر ..
عكسها جدا
ماردت
عدي : اسمعيني قبل لانتكلم في اي شي انا اسف على اللي سار والله العظيم ماكان مقصدي شي لما اخدت صورك غير انك عجبتيني وبس وانتشرت بطريقه مرا غبيه ومابى ابرر لنفسي لأني عارف اني غلطت بحقك دي التلاته الايام بس بفكر كيف اعتذرلك واتمنى بجد تقبلي اعتذاري
كآن عندها كلام كتيــر تقوله
نفسها تقولــه
بس مو قادره تتجرا وتاخد وتدي معاه بالكلام
مرا خوآفـــه
رجع يناديها : لمى ؟
لمى : معاك
عدي : لساتك زعلانه ؟
لمى ماتبى تتناقش مع الخوف : لا
عدي نفسه يسئلها ايش سرلك بس شايف انو مو وقتــه : انتي كيفك
لمى جالسه في ركنيه السرير وضامه رجولها وتتكلم :تمام
عدي : متى حتبدأي تجي الجامعه
لمى : بكرا
عدي : اممما
لمى فجعها ماتبى تجي خلاص
عدي : يعني حشوفك
لمى قالت باارتباك :م مـ دري
عدي ضحك مرا مو مستحي بالعكس مبسسسسوط وشويا ويحط رجل على رجل وهوا يكلمها : مستحيه مني زي يوم الشوفه
لمى وجهها كلو حمر : لا
عدي : طيب يعني عادي اشوفك
لمى : لا
عدي : ايش اللي لا لا هههههه
لمى تبا تبـكي خلاص : ينفع بعدين اكلمك
عدي : ايش بك
لمى دموعها بعينها : شويا واكلمك
عدى : ايش بك زعلتي
لمى ماتبى تتكلم ماتدري دا شي طبيعي اللي تحسه ولا لا
بس من كتر مو مستحيه تبا تبــكي نزلت دموعها على طول
عدي انفجع لما سمع صوت وحده تبكي : لمى انتي تبكي ؟
لمى تمسح دموعها : خلاص بعدين اكلمك
عدي صوتها وجعله قلبـه : ايش بك زعلتك في شي ؟
لمى : لا
عدي : طيب
لمى مرا مكسوفه انها بتبـكي : مستحيه
ورجعت تبـكي تاني
عدي مو قادر يصدق انها بتبكي عشان مستحيه !!!!!!
ايش البراائه اللي عايشه فيها
ماتشوف علا كيف تتضارب مع الرجال
ولما انخطبت من لؤي اخده راحتها بكل شي
عدي : ليش مستحيه بس بنتكلم عادي
لمى تمسح دموعها : مدري خايفه وماعرف ايش اقول
عدي ابتسم وجلس على الدرج
كييييوت كيوت لأبعد درجه بعينه حاليا
: انتي بس اسمعيني ايش رايك
لمى : طيب
عدي : احكيكي عن اهلي انا الصغنبوط حق العيله
لمى ضحكت لاشعوريا ضحكه هاديــه زيهاا
عدي ابتسم وكمل : تعرفي طبعا علا والمجال اللي هيا فيـه وامي برضو تشتغل معاها وماسكه اداره الصالون ابويـآ عميد في جـآمعه """" وعنده اشغاله الحره برضو واخويا الكبيـر عزآم كل بعد فتره بوظيفه ماعنده شي لدحين مستقر وانا لساتي ادرس في الجامعه زي ماتعرفي
تسمعلو وهيا مبتسمه ...
عدي : اممم ايش اقولك ايوا احب كل شي مجنون
ابتسمت لمى زياده واضح من شخصيته حتى في الجامعه
عدي : احب الدايفنق التصوير السفر لو ربي كتب وانخطبنا اول شي حخليكي تسوي تنزلي تغوصي معايا ها ايش رايك
يباها تهرج ويسحبها بالكلام بالقوه
لمى لاشعوريا اتكلمت : انا اخاف
عدي : انا معاكي عادي
لمى تحرك يدها على اللحاف بتوتر : ماعرف اسبح
عدي : مو لازم تعرفي حديكي كلاس قبل الغوص في مسبح اعلمك على الادوات والاشارات وكل شي وبعدين ننزل نغوص
لمى ماتتخيل تسوي شي مجنون
هيا ماتتذكر متى اخر مرا جريــت وصرخت
يجي دا يباها تنزل تغوص ..
لمى بنفس النبره الهاديه تهرج : ولو جا قرش
عدي بااستهبال وبنفس نبره صوتها : اعضو انا
لمى ضحكت
عدي : ههه مايسوي القرش حـآجه خليكي في حالك وخلاص يمشي من جمبك عادي
لمى نفسها تسئل بس منحرجه اصلا انها لدحين بتهرج معاه دا شي طيب
اسلوبه مخليها تكمــل ...
عدي ::المهم ..انتي تحبي المكياج
لمى: ايوا
عدي : اي شي تبيه مني انا حساعدك فيـه
لمى المفروض انها حاقده عليـه بس كدا مشي الموضوع بغرااابه
عدي يكمل : حسويلك صالون قدام صالون علا ونحط لوحه فوقه ونكتب _ يتكلم مصري_ " ادخل جرب ومش حتعرف نفسك خاالص"
لمى : ههههههههههههههههه
تحاول توقف ضحك مو قادره
صوته مرا ضحكها والجمله فضيعه
عدي : والله حتضربي سوقها
لمى : هههههههههههههه
امــها فتحت الباب عليـها وشافتها تهرج
لمى في ثانيه ملامح وجهها اتغيرت
قالت بصوت عالي : تعاالي بسـرعه
لمى وطت صوتها : بعدين اكلمك
عدي سمع صوت امها : طيب
لمى : مع سلامه
قفلت
امها : ماشاءلله صوت ضحكتك لين برا
لمى ماعرفت ايش ترد
امها : قوومي غسلي الحمامات بدأنا مكالمات وقلة حيــآ ......قوليلو لايتصل كل شويا ويدوشنا
لمى قامت من السرير: طيب
امها مشيت قبلها : استغفرالله بــس دا اللي كان ناقصنـآ
دوبها بدأت تنبسط كسرت نفسـها
ماخلتها تفضى دقيقه
تلات سـآعات متواصله تنظيــف من حمامات لمطبـخ
حتى لمى مفجوعــه ..
جلست امها في الصاله :تعااالي
لمى : نعم ؟
امها :فكفكي الاقمشه حق كنب المجالس وحطيهم في الغسيل
لمى !!!!!!!!!!!!!
امها : يلااا
لمى : طيب
بتسوي حاجات في حياتها ماسوتــها
واضح انه ماتباها تكــلم !
ومافي اي سبب مقنع للمى غير انها تكرهها وماتباها مبسوطه في اي حاجه شافتها تضحك لازم تنكد عليــها ..

طفوله ملوثه بالواقع

مــر عليه اليوم مايدري كيف مايتذكر ولا كلاس كان مستوعب الاستاذ ايش بيقول ..
انفــآل اليوم ماجات ومحمود كل شويا يسئلو ويقوله تعبـآن
كل تفكيره في امه واليوم ايش بها
مرا مخنــوق ماصدق خلص الدوام ..
: ممكن في العصر اجيك
محمود : طيب تعال دحين
سامي سكت وبعدها قال : عندي شغله طيب بس اسويها واجي
محمود : طيب
خرج من المدرسـه واتصل على تـآمر...
تامر : هلا سامي كيفك
سامي : تمام الحمدالله خالي كنت ابا اسئلك احد فيكم كلم ماما امس
تامر : متى امس
سامي : اخر الليل
تامر : لا كلنا نايمين
سامي: ولا يكون خالو ليث !
تامر : لا ماتوقع لو شافها كان كلنا عرفنا ..ليش ايش فيه
سامي : ولاشي بس بسئل ايش سار معاك على موضوع جده
تامر : معليش دي الفتره هيا موتره فالو كلمتها حتولع خليها شويا قدام
سامي : طيب
تامر : فاضي اليوم ؟
سامي : ايوا ماعندي شي
تامر : طيب تعال في الليل
سامي : النادي ؟
تامر: ايوا
سامي قلو طيب وقفــل مالو نفس يتكلم مع احد
كل تفكيره امه ايش بها فتح قوقل وكتب تأثير الحشيش ..
وسار يقرأ وكل اللي بيقرأو يحس انو في امـه من الناحيه النفسيه ...
وجا في بالو انو رجــعت للحشـــيش
ماحيرجع البيـت وحيروح لمحمود
مالو نفس يشوفها
نفســو يبـكي
نفسو يحكي احد ايش يحسس
وكيف مخنوق
امـه بكل انانيه تباه يسيب مدرسته وكالعاده مافي مبرر ...
يمشي بدون مايعرف فين يبا يروح

طفوله ملوثه بالواقع

هديــل قامت تتجهــز وهدى تطالـع فيـها بــس ...
حاسه هديل بنظراتها ومو عارفه ايش تفسرها
حاقده
كارهتها
ولا ايـش بزبط
لكن خاصرتها وبــس
خرجت من البيت بدون اي نقــآش
اتصلت على علا ..: السلام عليـكم ...كيفك ....الحمدالله ..خلاص انا شويـآ جيـه .

وقفتلها تـآكسي وكل تفكيرها بعزآم مرا مرعوبه انها تشـوفه ...
المبلغ اللي بتديها هوا علا مرا مغريـها سحبت اليوم على الصالون بسببــه ...

وصـلت للبيـت فتحت باب التاكسي بتوتر
ماتوقعت انها حترجع لنفس البيت
دقت الجــرس وردت عليها نانا واول ماقالتلها هديل فكتلها الباب والابتسامه على وجهها
خرجت وحضنتها ومرا كانت مبسوطه
هديل ولسى الابتسامه على وجهها : فيه علا ؟
نانا : ايو ادخل ادخل
دخلتها الصالون اللي علا قالت لنانا تجهزه وطلعت تناديها
وفيه وآحد مو بس على نــآر الا مستنيـها وبقوه مرا نفسه يشوفها ..
جا لعند غرفه علا وهيا تحط المكياج اللي حتستخدمه في شنطه المكياج ومصربعه لأنها اتاخرت ..
عزام : تبيني اساعدك
علا طالعت فيه وبعدين بالمكياج استوعبت ايش باقيلها : ايوا ايوا خد الاضائه دي نزلـها
طالع في اضائه التصويــر اخدها ونزل على طول قبل علا لاتخــلص
متوجه للصـآلون وحاسس بتوتر
مو عارف ايش يقول
بس كل اللي يباه انو يشـوفها ..
دخل وهيا مسـرحه وبتطالع في المزهريه اللي محطوطه على الطاوله اللي بنص الغرفه
ابتسم جميله جميله بعيــنه ...
دخل ورفعت عدسه عينها عليه وبانت الفجعه بوجهها
ارتبكت ماعرفت ايش تســوي
تطنشــه !
تسوي نفسها مو شايفته !
مو عارفه ايش ردة فعلها بزبــط
حط الاضائه ووقف بااستقامه وطالع فيـها
دخل اياديه بجيبـه : كيفك
" اطنش ولا ارد ؟"
"اطنـــش ولا ارد ؟؟."
تكرر الجمله وسط راسها كدا مرا وبعدين قالت : تمام
عزآم :ماتوقعت اشوفك تاني
هديل طالعت فيه : ولا انا ماتمنيت ارجع تاني هنا
عزام نزل عينه بتوتر ورجع طالع فيها تاني دوبه بيهرج الا علا دخلت وهوا حط الاغراض
كان خارج الا علا قالتلو يدخل الاغراض اللي عند الباب
علا : هلاا ياقلبي والله مرا مرا معليش لاني اتاخرت
هديل : لا عادي خدي راحتك
علا سلمت عليها : يعني ايش اقولك انتي جننتي الناس وربي في السناب ولا الانستـآ الكل يمدحك
هديل مو مستوعبه طبـعا : بجد ؟
علا : دحين دحين اوريكي
عزآم سامع كلامهم شايف بعينه المدح كيــف ...
حط الاغراض وخرج وقفــل الباب وقعد في الصـآله
اطول وقـت قد مر عليـه وهوا يستنــى
يبا يتكلم معاها

تلات سـآعات وهمـآ جوآ ورتها مدح الناس وهديل مفجوووعه
ماتوقعت انو فيه ناس كتير يتابعو تقرا رد رد وكل شويا هديل تقول : دا الكلام ليا !!!!
وبعدها جهزت مكـآن التصويـر
وهديـل استعدت
وعـزآم برا يتابعهم
ابتسامتها تجننــه
جلس يتابــهم لين ماخلصت علا تصــوير وخرج بعدها يستنـآها برا ...

عـلآ اخدت كاميرتها : بس بصورك صور اوضح
وهديل جالسه وتصور بس وجهها ...
خلصت وطلبت كالعاده مناديل تمسح مكيـآجهآ
علا لدحين حازه في نفسها انها بتمسح المكياج لكن بتسكت
مسحت مكياجها ادتها ظرف فيلو الفلوس ... شالت شنطتها وخرجت
ايش اسهل من دا الشي تاخد مبلغ حللو وبنفس الوقت مايحتاج تعب
فكت باب البيت ولقت عزآم
عارفه انو بيستنـآها
ماتدري ايش يبى منها قفلت الباب بهدوءوكانت حتمشي الا وقفها بصوتـه : صدقيني انا مو زي اولاد خالتي..
دارت عليه وطالعت : طيب؟
عزآم : احسك بتحاولي تتحاشيني
هديل : انا بعاملك زي ماأعامل اي احد _ ضمت يدها تحت صدرها _ ليش تباني اعاملك غير؟
عزآم : اللي كان بيننا و
هديل قاطعته : ماكان بيننا شي انتا كنت تحاول فيا وانا هبله ضحكتلك وابتسمتلك بس مو معناته انك وصلت لحاجه
عزام : هديل انا عارف انك كنتي مبسوطه وماكذبت عليكي بشي
هديل : عارفه انك ماكذبت
عزآم : طيب ليش دحين بتصديني
هديل : يعني بفهم لو انا ماجيت لعلا ماكان اتقابلنا خلاص اتخيل انك ماشوفتني
عزام:ماقدر من يوم علا ماقالتلي انك حتجي وانا نفسي اشوفك
هديل قلبها يدق بسرعه ماتدري هيا كانت تبا تشوفه ولا لا
بس مشاعرها ملخبطه رفعت شنطتها لكتفـها : طيب ايش تبى ؟
عزام : اول شي ابا اعرف ليش بتتعاملي معايا كدا
هديل : لا بلله !
عزام : ايشبك ؟
هديل : يعني انتا تباني ارجع اتكلم معاك
عزام مارد عليها
هديل : طيب انتا عارف ايش سار مع ولد خالتك
عزآم : ايوا وبـج
هديل قاطعته : المهم ايش سويت لما عرفت ايش سرلي ؟
عزام عقد حوآجبه
هديل : ماسويت شي صح ؟
عزام: مني فاهم ايش تبيني اسوي
هديل مرا انقهرت يعني لو بجد معجب فيها غيره اقلها
يسير تتش بينو وبين ولد خالتو..
اي شي يبين انه هوا رجال ممكن يدافع عنها ف يوم
هديل : ولاشي خلاص المهم انا عندي شغل ولازم امشي
عزام : يعني افهم انك ماتبي تتكلمي معايا
هديل: ياريت
عزام : تمام
هديل : ولو على كتبك حجبلك هيا لما اجي تاني
عزام : مافرقت خليها معاكي
هديل : فرقت بنسبه ليا ياحديك هيا ياحرميها
عزام يطالع فيها وكيف بتتكلم معاه مرا ماكانت كدا : سوي اللي تبيه
هديل : كويس اجل حرميها ..يلا مع سلامه
مشيت من قدآمه
اسلوبها لما تتكلم بااستفزاز موطبيعي
خلاص سارت خبره مع بشـآر
ماتدري ليش مبسوطه انها نرفزته
مقهوره لأنه خلاها تروح لخالته وكآن باامكانه يحذرها
خلاها تعيش اسوء تجربــه وهوا سـآكت ولا قال شي ...
معجبــه فيه بس ماتبـآ واحد يتفرج عليها وحده يكون رومنســي ..
اصلا كل ماتتذكر انها نكره ومالها سنــد
تحاول تبعد عن كل اصناف الرجال
ماتتخيل في يوم احد يحبها لو قالتلهم حقيقتها ...

طفوله ملوثه بالواقع

امــآ في مكـآن تاني وهيا لسـآتها في راسـه قاعد على الكنبـه وكل تفكيره فينها
وايش حيسيــر فيها ...!
مو قادر يتصل عليها اكتر من كدا
يحس كفـآيه الاتصالات اللي اتصـلها
" يعني حتى لو سرلها شي ماحتتصل عليا !"
دي الجمله لوحدها قاعده تدور في راسه ميــة مرا
والشي اللي خلاه يخرج الكلام من راســه صوت جرس الباب ..
قام يفك الباب وابتسم لماشافها واقفـه باارتبـآك
دخلت وهوا حضنها : وحشتيني
عنـود كانت في حضنـه شي صغير ابتسمت بخجل : وانتا كمان
بعدت عنو وهوا قفل الباب تطالع في الشقه : ماشاءالله مرا حلو البيت

اخدهم الكــلام في البدايه دخلو المطبـخ سوتله قهوه تــركي وخرجو الاتنين
: فسخي عبايتك
عنود بسنزلت الطرحه على كتفها : لا مرتاحه كدا
بشار جلس وهيا ادته الفنجان: اللز قهوه تركي انا اسويها
بشار ابتسملها واخد الفنجاه
تموت في نظرته وف كل شي من يوم ماجات وقلبها يدق بسـرعه
وهوا مو قادر مايطالع فيها بوســآخه قرب منها والمسافه سارت خفيفه : كيف كآن اسبوعينك اللي فااتت
طالعت فيه بتوتر وهيا تدلع : بدونك ولاشي حلو
بشار : مو الحب وصل
عنود ضحكت : حبيبي انتا شي وبابا شي تاني
بشار مسوي انو يغار وهوا يمرر يده على اصابيع يدها : لا انا قبل الكل
عنود : هههههههه مدري احس انو ماقدر اقارنك والله ياقلبي مرا احبك بس بنفس الوقت بابا غير عن العالم
بشار يمرر يده على الخاتم اللي بصباعها ويتكلم : تقوليها في وجهي كمان
عنود : ههههههههههه _ رفعت يدها لخده _ انتا عيوني اللي اشوف فيها مع اني زعلانه منك
بشار : ليش
عنود نزلت يدها : دا الاسبوع احسك بس تصرفني
بشار : مو قلت اسيبك مع اهلك
عنود : فين تسيبني انا الاسبوع اللي فات كنت مع بابا ومشغوله بس لما سافر خلاص فضيت وسرت اتصل عليك وانتا مو فاضي
بشار بتفاجئ : والله مدري حسبتك معاه وبعدين انا كنت مشغول مع امي حتى ابويا سافر دا الاسبوع ومحد معاهم
عنود : حبيبي انتاا يبالك راحه لساتك تنشغل
بشار بكذب : مافي احد غيري
عنود ابتسمتلو وهوا سئل : غريبه ماسافرتي معاه مو طول وقتك لاصقه فيه
عنود: ههههههه مو ساافر راح الامارات بس قعد حق اسبوع
بشار مرا اتفاجئ يعني كآن مع ابوه دا الاسبوع كلو !
ايش الشغل اللي بين صــآلح وابوه ..!!!
بشار: برضو تروحي تغيري نفسيتك بدال قعدتك في البيت
عنود : والله كان نفسي بس قلي شغل ومهم وتعرف لما الموضوع فيه رجال بابا يسحب عليا على طول
بشار ابتسملها غصبا عنه: شايفه كيف انا مستحيل اسوي فيكي دي الحركات
عنود : هههههههههههههه حرام عليك والله جاتو فجأه ومعصب ليش احشر نفسي وهوا كدا اخلاقه عاد انتا تعرف بابا لما اخلاقه مقفله

ماأخد منها شي كتيـر كل اللي اعرفه انو صالح وابوه كآنو بعض دا الاسبوع كلو ...
وقبل لاتقوم عنود اتكلمت وهيا منحرجه : بشاار ترا مرا مخنوقه من اللي بسويه معاك وماما كدا عريس بتكلمني عليه وانا برفض
سكــت بشار ومو عارف ايش يقولها
عنود : يعني الوضع زاد دي الفتره وماسار عندي اي مبرر
بشـآر : انتي عارفه ماقدر اتقدم دحين
عنود : لك سنه ونص وانتا تقول نفس الكلام
بشار: طيب مو بيدي
عنود : بيد مين يعني انتا متوظف وحياتك انتا حر فيها عايش لوحدك ومحد بيتدخل فيك بجد سرت احس انك بتصرفني
بشار مد يدووهوا يلعب بخصلات شعرها قرب منها وباســها وهيا بعدت بااحراج : بشاار انا بكلمك
بشار : وانا قلتلك ردي اصبري عليا
عنود بدأت تنكد وماعجبها الكلام زي ماقالو صحباتها حيصرفك
بس لما تطالع في عينه وهوا يتكلم تحس انها تبا تصدقه قالت بترجي : بشار الله يخليك لاتجرحني في يوم وتعلقني على الفاضي لو ماتباني قولي
نفس كلام هديــل .. يكذب زي اخر مرا لما كلمته وينهي الموضوع بكلمتين حلوه !
عنود هرجت بعد ماطول سكوتــه : بشار بكلمك
بشار : مدري ايش اقولك
عنود : انا مستعده استناك العمر كلو بس مابى يجي يوم والكل يطالع فيا ويقول عني هبله لأني صدقتك انتا تعرف قد ايش احبك
بشار دق جواله وكأنه ماصدق احد يتصل اخده من على الطاوله وعنود سحبت الجوال: انا بتكلم معاك
بشار اخد جواله : طيب سامعك
عنود : ليش مابترد
بشار صوت عنود وهيـآ تهرج
كلام هديــل امس
مايدري ايش بو اتأثر
يمكن لأنه عرف انو ابوه وســخ وف يوم حيكون مكان عنود : مدري ايش اقولك
تردده فجعها : نعم !
بشار مسك يدها ونفسه يتغزل فيها بس لسانه تقيل الكلام مو راضي يطلع : لاتفهميني غلط بس دي الفتره انا مضغوط
عنود كأنه احد اداها كــف : ايش دخل !
بشار : انا بجد مشتت دي الفتره و
عنود سحبت يدها بهدوء منو : برضو مو فاهمه ايش دخل تشتيتك انتا في وحده يعني بحياتك ومشتت بيني وبينها !
بشار : لا لا الموضوع مو كدا
عنود : اجل !
بشار: خلاص قفلي الموضوع نتفاهم بعدين
عنود : لا انا ابا اعرف ايش وضعي معاك
بشار ماقدر مايكذب : انا احبك بس امي وابويا حيطلقو دي الفتره وانا دايما كنت بينهم وضايع ف مشاكلهم سيرة الزواج تربكني بس كل اللي اعرفو اني احبك
عنود : الشي اللي سار بين امك وابوك مو شرط يسير مع الكل
بشار : عارف بس برضو سيرة الزواج حاليا ماباها انا اسف اذا انتي تبي احدد وقت لكن مو قادر
عنود : يعني المفروض اقبل لو ماما كلمتني بعد كدا
بشار : لا بس تخلص مشاكل اهلي وقتها حتكلم معاكي بالموضوع
شافها انو مو عاجبها كلامــه
قرب وحضنها ويتكلم بااسلوبه اللي يسكتها كل مرا : والله كل يوم بتزيد مشاكلهم انا اسف اذا بظلمك معايا
قلبها طيب
تحبــه
رفعت يدها وحضنته ويدها التانيه تمررها على شعره : مو مشكله حبيبي

خرجت دي المرا من عنــده بس في صرااع نفسي
وجهها نقطه ضعفها
اسلوبــه يقتلها ويخليها تتنازل عن كل شي
بس اول ماتروح لصحباتها وتحكيهم الكل يهزأها وتبدأ تطالع في الموضوع بجديـــه
ودا اللي بيسير حاليا معاهــآ

اما هوا قفل البـآب
كاره نفســـه
كاره حيـآته
ليش كذب عليها
طيبه وضعيفه عمره ماسوتله شــي
كآن قلها لا
بجد حس انو شايل هم ثنتين عنود وهديــل
مايبى يجرح عنود
وخايــف هديل ايش يسير معاها
جلس على الكنبـه وهوا مشتت نفسـه احد يوجهه
نفسه احد يخرجه من حيــآته دي
عايش طول عمره وهوا يسحب كلام من هنــآ
ويحاول يحل الالغاز اللي ابوه وعمـه معيشينه هوآ
نفسه يكون مرتــآح البـآل
ينام بدون مايفكر
يصحى ويعيش يومــه بهدوء
كلام ابــوه لدحين يحسو شي ثقيـل على صدره
اخد جوآله بعد مادق
سوزي برضها
حفظ رقمها
مايبى يرد طفشتــه

طفوله ملوثه بالواقع

إذا كنت لاتــعرف كيف تحـب ,لماذا ايقــظت قلبي النـآئــم ..؟

واقـف في المحــل ...صحي الصباح امه ماتتكلم معاه خرج بكل هدوء من البيــت
شكلو حيرجع لبيتــه لين ماتهدى امــه
نفسـه يشوف تـرف دا الشي الوحيد اللي حيهون عليه مصيبــته ..
طالع في الساعه متأخره بس عادي مو شي جديد عليها

رفع عدسـه عينه ووجهه طغى عليه الصدمه
لابسه جينز وتيشيرت عادي وجهها باين انو فيــها شي لامـه شعرها بطريقه عشوائيــه
ترف مهتمه بنفسها
ماتحب تجي بدا الشكــل ..
جات لعند ميرنا وهيا قلبها حيخرج لما شافت براء يطالع فيــها
كانت ناسيتـه للحظات واول ماشافته حست نفسها ضعيـــــفه
نفسها تشتكي وتبـكي
بس خلاص تعبانه ماتبى تدخله بمشاكلها
اخوه مجنون مو بعيــد يسويله شي ...
ميرنا اشرتلها : عند برااء
تتمنى ماقالتلها دي الكلمه ماتبى تروحلــه
بخطوات ثقيــله ومن غير ماتكلمه اخدت المحفظه وهوا هرج: ترف ايش بك
طالعت فيه وقلبها يدق بسـرعه
دموعها بعينه
شي خانقها ومو مخليها تتنفس براحتها
: ولاشي
مشيت وخرجت من المحــل بدون اي تعليــق تاني
خرج على طول بدون مايحس بنفســه
شكلها جننـــه
يحس كأنه هوا المغبون وقلبه مقبووض
وقفها لما جا لعندها ونادى بصوته :تتترف
وقف قبالها : سار شي مع اخوكي
اشرت براسها : لا
براء: طيب ايش بك اهرجي
ترف : ولاشي بقولك
كانت حتمشي الا وقف قبالها : ماحخليكي تروحي
ترف بترجي : برااء الله يخليك فيا الللي مكفيني بعد عني
براء : طيب قوليلي ايش بك وانا حساعدك _ قال وهوا متأكد_ اخوكي جااكي صح
ترف : براء بعد ابا امشي
براء بصرامه : مااحسيبك تمشي كدا
ترف بلعت ريقها : انتا ايش تببا دحين
براء استغرب منها لها فتره ماتتكلم معاه بدا الاسلوب : خايف عليكي
ترف: لاتخاف خلاص اتفاهمت مع اهلي ومايحتاج توقف معايا بعد كدا
براء : تتوقعي اني كنت اكلمك اول بش عشان هرجه اخوكي
ترف قلبها يدق بسـرعه حاسه بمشاعر اتجااهه فضيعه
نفسها ترمي كل اللي جوتها وترتــآح
بس عارفه ماضيـها ليش تدخله معاها في مشاكل
لا ليــث ولا ابــو سامي ناس بسيطه
ليث مايسوى شي جمب جبروت ابو سـآمي
لو عرف فينها وشاف براء جمبــها
ماحيرحمـه
لحظات تمر تطالع فيــه بضعف وبعدهاا قالت :انا كنت بتكلم معاك عشان دا السبب فارجائا مافي شي نتكلم فيــه بعد عن طريقي
يحســها كذابه
وشويـآ يقول ممكن دا السبب
هيا ماتغيرت الا بعد ماوقف ليـث
بعد عن طريـقها وهيا مشيــت على طول
مشيت وقلبها يوجعها الف مــرا
خلاص نفسها تصرخ بكل صوتــها
كآن قلبها بس شــآيل سامي جوتــه ويوجعها
دحين تحس في انسـآن تاني كمــآن
وسار شي يهدهاا وبــس
وكأنها ناقصــه

يطــآلع فيـها وهيا تمشي لأول مرا يحس انو انجرح
قبض على يده بكل قوتــه
طيب نظره الضعف دي اللي بعينها ايش معنــآهاآ ..؟
تشتتها وملامحها ايش يعــني !!!
جننتــه زياده ومشيــت
اخدت عقــله وراحت
ماقدر يــرجع من المحل ...شرد من المكــآن كلو وبــس

طفوله ملوثه بالواقع

صبــآح جديــد ...مسكت جوآلها وحطته في شنطتـها
لقتلو اتصـآل بس ماقدرت تكلمـه لأنه امها ماخلتها امس تنام الا وهيا مهدوده من التنظيـف
ماتبى تروح الجامعه ..
مرا خـآيفه تشوفـه
دخلت امها وهيا اخلاقها في خشمها كالعاده : حتتاخري ولا كيــف
لمى رفعت الطرحه على راسها وخرجت من الغرفـه
نزلت للسياره وتميم اللي حيوصلـهم
:ياامي مدري ليش تتعبي نفسك وتجي
امه : انتو اللي تبوها تكمل دراسه جلسوها وانا ماحتعب
تميم سكت وماعلق شغل الاذاعه وبـس
يعرف تعليقات امــه حتحرق في لمى لين مايوصــله
ماهتمت خلاص الكلام دا سار شي معتـآد
اخر مرا راحت الجامعه وقالتلهم حتوقف ودحين حترجع تحس منظرها غبــي
ماتدري ايش حتقولــهم...
تفكر وفجأه قلبها غاص جوتها لما شافت الاجمعه بالقوه فكت باب السياره
تميم كلمها ولا سمعته مع الخوف وقفلــت الباب
دخلت الجامعه وامها تستنـآها بـرآ ...
" يارب ماشوفه ..يارب ماشوفــه "
تحاول تروح لكلاســها وبــس
" ايش عرفه اني حجي بدا الوقت "
تتكلم جوتها وهيا واثقــه انه ماحيعرف فينها
بس حست انها حتطيح من طولــها لما شافتـو واقف عند كلاسـها وساند جسمه على الجدار
اول ماشافها بعد جسمــه بشويش وابتسـآمته كل مالها تزيــد
مو قادره تتحرك
تبا تشــرد
نفسها تتكلم مع احد وتفضفض
شي طبيعي اللي بتحسـه
شي طبيعي انها ماتبى تشوفه وخايفه !
ايش يعني دا الشعور شي كوويس ولا معنـآتها هيا ماتحبـه !
جريئ
جريـــئ
مو مستحـــي
مررررررررررا
جايها بكل ثقــه
: صباح الخيـر
قلبها
قلبههااا بيوقف
باارتباك ردت وبدون ماتحط عينها بعينه : صـ صباح النور
عدي اتمحت الابتسامه من وجهه لما شاف كدمه خفيفه تحت عينها
اشرت على الكلاس : عندي كلاس
ضمت كتبها وبتدخل الا قلها : ماحيجي الدكتور ...تعبت عشان اعرف فين كلاسك
ماردت عليــه رجع كمل : تعالي تفطري
طالعت فيه مصدومه وهوا ضحك : انا خطيبك خلاص
الكلمه موتتها لا مو خطيبها لسى لسى لأخر لحظه حتاخد اي عذر عشان ماتجلس معاه : لا _ بكل ارتباك تتكلم _ اخواني حيزعلو
عدي مسك جواله : اتصل على تامر استئذن
لمى وسعت عينها مفجوعه وقالت بخوف : لا لا انا انا مابى
عدي : هههههههه _ يطالع في يدها اللي ضامه الكتب _ ليش خايفه والله بس بتكلم معاكي
لمى : مرا تـآنيه
يطالع مفجوع
وهيا ضيقت على عينها بترجي
عدي قال بدون مايحس : طيب
مشيت من جمبــه على طــول شردت وخلاص
مو قادره توقــف معاه
دق جوآلها ووقفت خرجتو من الشنطه
لسى ماحفظت رقمـه بس عارفه انو عدي طالعت وراها وهوا يطالع فيـها وحاتط جواله على اذنه
!!!!!!!!!!!
بكل بلاهه ردت
وهو اتكلم : طيب ينفع تكلميني هنـآ

نهايه الفصل

رغوو · 09-07-17, 11:09 PM

ناس بيتصافوا وناس بيتزاعلوا
وهكذا تمضي الأيام ما بين حزنِ وسعادة..
..................
جد ليث صدمني ما كسر فيها ضلع ولا فك ولا شيء
بس هو أكثر انسان فاضي في الحياة قاعد يهدد وينبش بالماضي
يعني لو ذبح ترف أو أبو سامي الناس حتصفقله الله عليك بالعكس راح يرمى في السجن
بس يعني يستحق أبو سامي الذبح شخص حقير وقذر ليته يموت موتة شنعاء ..

.................
كيف الدنيا دوارة بشكل فضيع
بشار يسحب حكي من البنت عشان ابوها
وهديل تسحب منه حكي عشان أبوه!!
من كثر ما افكر بهذا التعقيد لأنه فيه كمان تعقيدات أخرى لو انكشفت
بجد الله يستر ايش راح يصير ؟؟؟
بس يعني كل حاجة هيا تسويها هوا كمان يسويها يكذبوا ..
لو أحد قرأ كلامي عنهم بيفكر انهم اشخاص سيئين مع انهم مو كذا أو ممكن أنهم بين ذاك وذاك..!!

دقيقة الحين عنود بنت صالح وصالح ممكن يكون أبو روان يعني عنود وروان ممكن يكونوا أخوات !!؟

...............

سامي فتىً مسكين حياته مشتتة بين أمه وبين ماضي اندثر ومستقبل مجهول..
سامي تسامى بأفعاله بأفكاره بكلامه وارتقى بذلك الجميع .. فعلاً اسم على مسمى شخصٌ سامي..
وااو كل مرة أكتشف ان شخصيات قصتك أسمائهم على صفاتهم الله عليك دعدوعا اختياراتك جميلة لأسماء أبطالك ...

..............
موقف تميم ورشا وكمان ميسا مرررة ضحكني
تستاهل ميسا ربي رجع لها هذا لأنها ما احترمت ام براء ولا تكلمت معها زين
فـ ربي ردلها هذا مع تميم يا سلام ...

............................
دعدوعا اشكراً لكِ ع البارت الجميل
بانتظارك
إلى اللقاء

um soso · 10-07-17, 11:22 AM

صباح الخيرات
عزيزتي يمنع ذكر اي مواقع اخرى هنا
لامواقع شخصيه ولا صفحات تواصل ولا اسماء منتديات
اسفه اني مضطره احذف حسابك
تحياتي

um soso · 10-07-17, 12:29 PM

خلصت الفصل الاول
ماشاء الله طويل
واحداث كثيره وسنين مرت
ماعرفنا من الذي اعتدى على ترف .. معقوله مافهمت ايش صار معها او اصلا كانت بغير وعيها ..
عندي ملاحظه ترف عمرها 12 عندما احست بالاعراض
يعني عمرها 13 سنه وصارت ام وليس 16
اعجبني سامي ودوره الحمائي واتمنى ان تتوفق ترف وتترك الحشيش

لم افهم لماذا هديل خدعت روان على الاقل العم جاسم حافظ عليهن خلال هذه السنوات
على كل انا بطبعي لااعلق على روايه اعرف انه نزل منها فصول الا اذا وصلت معكم
لان اكيد مرت الاحداث وتغيرت الاشياء

كم من طفل اجبرته الحياة ان يعيش ويفعل اشياء لايريدها

d3do3a · 11-07-17, 12:28 AM

اقتباس:

المشاركة الأصلية كتبت بواسطة رغوو

بجد نفس شعوري لما بقرأ أي بارت بروايتك أبقى مستانسة ومبسوطة لحد ما أشوف
"نهاية البارت"
أبقى متشوقة للبارت اللي بعده ينزل بسرعة ..

.....
الله يستر من أبو سامي شكله بيكون صدمة حقيقية ..

بانتظار البارت الجاي ان شاء الله ليث يكون أحسن من توقعاتي ويتصرف بطريقة مهذبة بس ماأتوقع ههههه

الله يوفقك يا رب
إلى اللقاء

اللله يسعــــــــــــــدك ياقلبي ....
ايوا لو رجع ابو سامي حتنقلب كل الموازيــــن ....
هههههه والله ردك ومتابعتك هوا السبب اللي خلاني ادخل يوميا المنتدى :heeheeh:

d3do3a · 13-07-17, 09:59 PM

اقتباس:

المشاركة الأصلية كتبت بواسطة رغوو

ناس بيتصافوا وناس بيتزاعلوا
وهكذا تمضي الأيام ما بين حزنِ وسعادة..
..................
جد ليث صدمني ما كسر فيها ضلع ولا فك ولا شيء
بس هو أكثر انسان فاضي في الحياة قاعد يهدد وينبش بالماضي
يعني لو ذبح ترف أو أبو سامي الناس حتصفقله الله عليك بالعكس راح يرمى في السجن
بس يعني يستحق أبو سامي الذبح شخص حقير وقذر ليته يموت موتة شنعاء ..

.................
كيف الدنيا دوارة بشكل فضيع
بشار يسحب حكي من البنت عشان ابوها
وهديل تسحب منه حكي عشان أبوه!!
من كثر ما افكر بهذا التعقيد لأنه فيه كمان تعقيدات أخرى لو انكشفت
بجد الله يستر ايش راح يصير ؟؟؟
بس يعني كل حاجة هيا تسويها هوا كمان يسويها يكذبوا ..
لو أحد قرأ كلامي عنهم بيفكر انهم اشخاص سيئين مع انهم مو كذا أو ممكن أنهم بين ذاك وذاك..!!

دقيقة الحين عنود بنت صالح وصالح ممكن يكون أبو روان يعني عنود وروان ممكن يكونوا أخوات !!؟

...............

سامي فتىً مسكين حياته مشتتة بين أمه وبين ماضي اندثر ومستقبل مجهول..
سامي تسامى بأفعاله بأفكاره بكلامه وارتقى بذلك الجميع .. فعلاً اسم على مسمى شخصٌ سامي..
وااو كل مرة أكتشف ان شخصيات قصتك أسمائهم على صفاتهم الله عليك دعدوعا اختياراتك جميلة لأسماء أبطالك ...

..............
موقف تميم ورشا وكمان ميسا مرررة ضحكني
تستاهل ميسا ربي رجع لها هذا لأنها ما احترمت ام براء ولا تكلمت معها زين
فـ ربي ردلها هذا مع تميم يا سلام ...

............................
دعدوعا اشكراً لكِ ع البارت الجميل
بانتظارك
إلى اللقاء

هلااا
ومازلت اعشــق ردودك
ليـث اكيد شي كبيـر اللي سواه انو خلاها سليــمه
لكن التخطيط اللي في راسـه هوا اللي مخليه يتحكم بنفســه

اقتباس:

يعني لو ذبح ترف أو أبو سامي الناس حتصفقله الله عليك بالعكس راح يرمى في السجن

فعلا فيه ناس كتير يترمو في السجون بسبب يكون تفكيرهم زي ليــث
ويضيع مستقبله ومستقبل اهله بسبب لحظه تسرع

تعليقك عن بشار وهديل مرا حبيتــه

اقتباس:

لو أحد قرأ كلامي عنهم بيفكر انهم اشخاص سيئين مع انهم مو كذا أو ممكن أنهم بين ذاك وذاك..!!

خليتيني فجاه افكر بدي النقطه
بنسبه لصالح حتعرفي في الفصول الجيــه

اقتباس:

وااو كل مرة أكتشف ان شخصيات قصتك أسمائهم على صفاتهم الله عليك دعدوعا اختياراتك جميلة لأسماء أبطالك ...

ربي يسعدكككك ياقلبي

والله لنبسطت اني رسمت الابتسامه على وجهك
الله يسعدك زي ماتسعديني بردودك
مانحررررررررم ياااقلبي

d3do3a · 15-07-17, 05:15 PM

الفصل الرابـــع عشـر..

ابتسـآمه من القــلب.. نظرآت مشتته ...مشاعــر ملخبــطه
كيــف تختــلف مشاعرنا لشخص عندما نعلم انه سـار في يوم وليله ملكنــآ
كيــف يخلق الله من العدم مشاعر بسيطه تجعل قلبنا الصغير ينبض وبشــده

فــي الجامعه جالسه على الكرسي بعبايتهاالسودا
وجمبها شنطتها وكتـآبها وف يدها علبه عصير التفـآح وبيدها التانيه حاطه الجوال على اذنــهآ
وفي الجهه المقـآبله وبينهم مسافــه تلاته امتــآر
جالس على الكرسي ويكلمـها بالجوال : طيب ليش مابتطالعي فيا
لمى خدودها محمـره : مابى
خلاص عشـق كلمـه مابى من كتر ماتقولها
عدي : طيب عندي سماعات عادي احطلك هيا وامشي
لمى : مايحتاج
عدي : احسن عشان تاخدي راحتك _ خرج سماعاته من جيبو _بس ححطها وابعد
قــرب عندها..تنــآ جسمو وهوا يحط السماعات على كتبها ورجع وقــف وماقدر يبعــد
رفعة عدسـه عينها وبيدها لسى الجوال : شكرا
قالتها عشان يمشي بس مامشي
رمــوشها الكتيــر مخليه شكل عينها تجنن وبريئــه
نزلت عدسه عينها بتوتر :ماحتاخدي السماعات
ليش جسمها تقيــل
مو قادره تحرك يدها
شاده كل عضله ف جسمها من التوتر نزلت يدها وقفلت الجوال
مو شايف وجهها بس حركه يدها على جوالها بتوتر
تحس قلبها حيوقف من كتر مايــدق
وكل اللي تردده جوتها " مابى ابكي ..مابى ابكــي "
عدي : خلاص حروح اقعد مكـآني
مشي لمكــآنه وهوا مو مستوعب الخوف اللي عايشـته
رجع اتصل عليها تاني
هيا حطت السماعات ودخلتها تحت الطرحـه
تهرج بنفس هدوئـها : ايوا
عدي : ليش خايفه مني
لمى : مو متعوده اتكلم مع رجال
عدي : بس دا السبب يعني ؟
لمى : ايوا
عدي : يعني مسأله وقت وحتسيري تهرجي معايا
مالحقت تعلق لما شافت ولد وبنتين جــوه يسلـمو عليـه
تطالع فيه وهوا يسلم على البنــآت
ورجعت نزلت عينها
سامعه بالجوال كلامهم وصاحبـه يقولو تعال نروح نتغدى
وهوا يقولهم لا مرا تانيه
وحده من البنات حاولت برضو تقنعه وهوا اتمسك برايــه
سابـوه ومشـيو ورجع جلس يكمل كلامـه : المهم فين كنـآ
لمى ولأول مرا تسئل : ماعندك محاضره
عدي : لا انا جاي اليوم عشان اشوفك بس
لمى ابتسمت وهوا قال بحماس : خلاص اجي اجلس معاكي
رفعت عينها وهيا تطالع فيه وقالت : لااا
عدي عينه عليها : ليش خايفه مني
لمى نزلت عدسه عينها : خلاص لما نملك مو دحين
عدي : كلها يومين
لمى بفجعه : بعد يومين خلاص
عدي : ايوا ايش بك
لمى : مدري
عدي : خلاص بعدها حسير اجلس معاكي في البيت ووقتها شوفي كيف تصرفيني لا غير اني ماحخليكي تمشي بالجامعه الا وانا ماسكك
لمى تسمعلو ومفجوعه قالت بتوتر : ترا بتخوفني
عدي : هههههههههه انتي اكتر انسانه شوفتها تخاف في حياتي
لمى : وانتا بتزيدني
عدي مبسوط انها بتاخد وتدي بالهرج : والله العظيم حجبلك الرعب بس اصبري عليا
لمى وسعت عينها مفجوعه اتوقعت حيهديـها
كدا اتخيلت في يوم لو اتزوجت حتاخد واحد رومنســـي
وهادي زيــها
بس دا لا
مرا مو زي ماتتخيل كانت
قالت بضعف : ايش سويتلك
عدي : ههههههه ولاشي بس كدا ساير شكك يعجبني وانتي خايفه
لمى وجهها خلاص مرا حمــر
مرا مايستحي
دي اول مكالمه وكدا يهرج
حاولت تقفل وتصــرف نفسها وهيا لساتها
متوتره
وخايفه
ومرعوبــه
: انا بروح عندي كدا شغله
عدي عارف خلاص التصريف حقها دا يعني مستحيـه : طيب انا رايح للسياره بجيب شاحني وراجع
لمى : طيب
قفلت على طول سحبت السماعات وقلبها حيوقــف
مجنــون
مع الرعب لمت كتبها رفعت شنطتها على كتفها ودوبها بتقوم الا شهقت بصوتها من الالم
طاحت كتبـها بالارض وجلست وهيا تمسك فخذها باألم

امــآ عدي دوبه نزل عينه على الجوال رفع عدسـه عينه لما سمع صوت شهقتها
وكتبها طاحت
طــآح قلبـه قام مفجوع واتوجــه لها بدون تفكيــر ...
وقف قبالها والكلمات تخرج بشويش من فمه: لمى ايش بك
شاده على عيــنها ولا رفعت راسها تحرك يدها على فخذها
وتبا يفك الألم
شد عضــلي مرا قوي
دقــآت قلبه ورا بعضها وهوا مستني رد : لممى
قالت بدون ماتطالع فيه : شد عضلي
مايدري ايش فكككر بس مرا انفجع
عدي : حاولي تحركي رجلك لين مايفك الالم
تبا تبــكي من الالم ومن الاحرآج
اي احد يمشي جمبهم يطالع فيـهم
لمى بس حركتها شويا زاد الالم ورجعت وقفوقالت بصوت يميل للبكـى : مرا يوجع
عدي نغزه قلبـه مع كلمـتها مو شايف وجهها راخيه راسـها : حاولي تحركيها تاني
لمى حاولت بالقوه تحركها لين ماتحس الالم خــف
نزل هوا لعند رجلها ويلم كتبـها من الارض
مرا متوتره وقفت باارتباك
: عدي : خليكي شويا
لمى اشرت براسها: لا خلاص
عدي مدلها كتبها وهيا اخدتها باارتبــآك وتبا تمشي الا مشيت بااعوجــآج
طالع فيـها
عدي الخطيــر
عايش في عالم غير عالمهم
جــآ جمبها ومسك يدها : انا اوصلك
وقفت مشي
وسعت عينها
كل شي جبــس فيها
قالت بصوت راخي ومن غير ماطالع : سيب يدي
عدي اتوقع لو اصـر خلاص حتخليه
خلاص في راسه انها خطيبته : مو مشكله اوصلك عشان اطمن
لمى حاولت تسحب يدها وهوا شادد : بقولك خلاص اوصلك لاتكوني عبيطه
طالعت فيه وقالت بصوت وحده معصبه بس راخي برضو : قلت سيب يدي
عدي طالع فيها كتفها واصــل لصدره
شد على يدها : انتي عبيطه صح ؟
مشي وهوا ساحبـها
عصبــتت سحبت يدها بكل قوتــها وادتو كــف قدام الكــل
وكل اللي سمعوه كلمــه : اوووووه
قالت بصوت يرجف وتبا تبــكي : قلتلك انا سيب يدي ...
طالع فيـها مفجوع ومالحق تسيـر ردة فعل منــو الا هيا نزلت دموعها وقالت بكل طفوليــه: والله لأأشتكيــك لاأخواني
ومشيــتت بكل عصبيــه
بنسبــه له ضـــربني وبكــآ سبقني واشتكى
ضربتــه وكمــآن رايحه تشتكي عليـه
لا وتبــكي
فجعتــه بمعنـى فجعتـه
ولا راح وراها

اممـآ هيا تمشي بقهر مسحت دموعها على طول
ماتدري تحس الكــف ادتو هوا من قهرها منو
مالو حق يلمس يدها
ونفسها تديه دا الكف من يوم مانضربت من ليــث
تحس يستاهله وبقـــوه عشان يستوعب ويفكر قبل لايتصــرف

امــآ عدي واقف مصدووم لســى بالقوه اتحـرك اتوجه لسيارتـه
جلس للحــظات وبعدها اتصـل على لؤي
طبــعه يحكي مايعرف يخلي لنفســه
لؤي على طول : تستاااااهل
عدي : ايش اللي استاااهل
لؤي : على اي اساس تمسكها وانتو ماملكتو
عدي : ايش يعني خلاص خطيبتي
لؤي : لا ياااشيخ انتا على كيفك المواضيع ماشيه
عدي : بغض النظر ماتمد يدها
لؤي : والله بنت رجااال
عدي كعادته انقهر من تعليقات لؤي : حتصل عليـها وربي قههرتني
لؤي : اييييوا اتصل وافرد عضلاتك على بنت
عدي : خليك في نفسك يلا سلااام
قفـل واتصل على لمى 5 مرات لين ماردت ...: الو
صوتها باين انها كانت تبكي : كمان تبكي
لمى : ايش تباا
عدي : انتي مستوعبه ايش سويتي
لمى دام مو شايفته جست بشجاعه تتكلم : انتا اللي بدات
عدي : عادي انتي مرتي
لمى انقهرت : مني مرتك
عدي : ماترفعي يدك عليا ايش ماسار
لمى سكتت وبعدها قالت : وجعك صح ؟
عدي مارد
لمى : وجعك ولا انقهرت ولااتهنت ؟
عدي مو فاهم ايش الاسئله دي دوبه بيعلق الا هيا قالت
لمى : انا بسببك لما نشرت صوري حسيت بالتلاته ...على العموم انا ماباك خلاص
وسع عينه مفجوع : لممى
لمى : مابى اكلمك خلاص
قفـلت بوجهه يطالع مفجــوع بالشاشه
اتصل ماردت دخل دور عليــها برضو مالقاهـا

اللهم يا ذا الجلال و الإكرام يا حي يا قيوم ندعوك باسمك الأعظم الذي إذا
دعيت به أجبت,أن تبسط على والداي من بركاتك ورحمتك ورزقك ،
اللهم ألبسهما العافية حتى يهنئا بالمعيشة , واختم لهما بالمغفرة حتى لا
تضرهما الذنوب ,

جالسه على الارض جمب سريرها وملابسـها كلها حولها ..
اللي جوتها شــي يهد رجـآل
شي يهــد جبـل
ولساتها تحاول توقف على رجولها
تحاول تشوف طريـق تاني تقدر تكمـل فيه حيـآتها
دموعها جفت من كتــر البكـى
الصدآع هوا اللي ملازمـها
سـآمي
بــراء
اهلــهآ
ابو سـآمي
كل وآحد بيوجعها بطريقه غير عن التــآنيه
كل وآحد له مكـآن في قلبها ومو قادره تعبرلهم ايش تحــس
وقفـت وقفلت الدرفه اللي مخلصتها
رجعت فكتها تــآني
لما انتبهت للكرتون
سحبت كرسي وطلعت تجيبـو
جلست في الارض وفكتــو
اكتــر 60 رســآله
من قبل لاتفتح الرسـآيل دموعها اتجمعت فكت اول وحده وتقرا ودموعها تنزل
" اليوم عيد ميلاد لمـى .. وحشتيني دحين انتي خامس ابتدائي اكيد اتعودتي تحتفلي بعيد ملادك بدوني
مع اني انا كنت دايما اطفي الشمعه قبلك وانتي تبكي وتعصبي نفسي ارجع معاكم
وحخليكي انتي تطفيها ماحخليكي تزعلي ولا ادفك من على السرير لما تحضنيني واعصب عليكي
ندمـآنه على كل لحظــه كنت اصرخ عليكي .. عارفه انو لو كبـرتي انتي اول وحده حتجيني "

فكت الرسـآله اللي بعدها
" تميم كل ماقول اسمك جوتي احس اني ابــكي ..ابكي قهر انتا كنت روحي كيف سبتني قلت صغيــر وماتقدر تجي
بس دحين انتا اكيد اتخرجت من الثانوي ليش ماجيتني شي سهل انك تسيبني
كلهم كسروني ماتوقعت في يوم توقف معاهم فاكر دايما ماما تصرخ علينا الاتنين عشان لو احد غلط فينا نقول انو احنا الاتنين اللي غلطنا ونتعاقب مع بعض ...فينك دحين ؟ ليش ماتجي تسمعلي"

فكت الرساله التالته وتقراها وشهقاتها ورا بعــض
" ليــث انتا سندي في دي الدنيـآ بعد بابا ماعندي غيرك اباك تحضني وتقول للكل اني مظلومـه اباك تقولهم انو اختي مستحيل تغلط
عارفه انك مصدوم بس متأكده لو فكرت بالموضوع حتعرف اني انا ماغلطت انا ترف اللي دايما تقربع غرفتك انا ترف اللي يوم فرحك كنت تعبانــه ومارضيت تنزف الا وانا واقفه بينكم انا ترف دلوعتــك عارفه انك ماحتنسى واكيد عندك سبب عشان مابتجيني "

فكت الرساله الرابـعه
" تامر امس كنت بنام وجيت في بالي لما حرقت ثوب بابا وحطيناها في تميم وماما صرخت عليه وضربتو وهوا بس يقولها ايش فيه ايشش فيه ومو فاهم قعدت اضحك لين مابكيت
بكيـت لأنو انا الوحيده قاعده اتذكر كل ماوقفنا ومحد متذكرني لدحين بكيت لأنو شهور بتمر ولدحين ماشوفت واحد جاني بعتوني بدي السهولـه ليش ؟ "

تمرر يدها على كميه الرسايل وفكت وحده فيهم عرفتها بسبب بقع الدم اللي فيها
تفكها ويدها تتنآفض
ذكريات توجـــع
" ماما اخواني ولمى ماقدر استناكم اكتر من كدا انا تعبــت كل يوم اطلع لكم اعذار بس مو قادره اتحمل الحياه
مو قادره اتحمل الألم اللي في قلبــي"

دخلت الورقه باارتباك بين الاوراق الباقيــه
غمضت عينها وهيا تتذكر بزبــط اللي سوتـه داك اليوم كيف انتحرت بحديده داستها لها كم يوم تحت المخده
قطعت عروق يدها وهيا تبــكي ومنهاره
اترمت على الارض بين دمها واتوقعت انو ديك اخر لحظــه حتحس فيها باألم
شالت الصندوق ورفعتو في الدولاب ماتبى تقرأ خلاص ولا تبـآ تشوفه بعد كدا دخلتو جوآ وهيا نفسها تحرقــه
كانت محتفظه بكل شي عشان لما تخرج من الاصلاحيـه توريهم

في الشقـه اللي تحتــها ..فتحت باب الشقــه وهيا بالقوه تاخد خطوآتها
ابتســآمه على وجهها ..خطوات مهزوزه ...قفلت البـآب ودخلت عليهم الغرفـه
الاتنين طالعو فيها مفجوعيـــن
هدى واقفه عند الباب واشرت عليهم وهيا تتكلم بدون عقـل : اخخخيرا جيتكم ...انتو تحزنوني _ كملت خطواتها ورمت نفسها على فرشه روان وتفسخ جزمتها
روان : هدى ايش بك
هدى طالعت فيها : ولاششي انبسطت وجييت
هديل طالعت في روان : عجبك كدا ياروان
هدى طالعت في هديل : انتي اوووصص ماطيقك ولا اطيق اسمع صوتك
هديل : رووان شوفيلك حل مع دي ماحنعيش احنا هنا ودي تجي بسم الله بدا الحال
روان : هدى انتي سكرانه
هديل : لسى بتساليها مو شايفتها يعني
هدى : لا لا انا ماأسكر اعووذ بلله
هديل : اييوا صح
هدى طالعت في روان : دحين انتي مصدقه كلام البلهه هديل انه جاسم بلغ عليكم
هديل ماتدري ايش عرفها بدا الموضوع كأنه ادتها كف على وجهها
اما روان ماأخدت الموضوع باأهميــه مسكت هدى وودتها تغسلها وجهها يمكن تفووق
وهديـل بعد تفكيــر انسدحت وغطت وجهها " دا اللي كان نـآقصنا "
سامعه اصواتهم وروان تحاول تمسكها
وهدى تحكيها ايش سوت مع واحد وكيف لمسـها
واداها فلــوس
وروان قرفانــه وبــس ...
نامت هدى وهديل في ناحيه وروان في نــآحيه كلهم مفجوعين منها ومو قادرين ينــآمو

في الـــدور اللي فوقهم فتح باب الشقــه ..عيونه محمـره
شنطته على ظهره الوقت اخر الليل وهوا دوبـه راجع البيت
ماراح ولا لأحد حتى تامر ومحمود صرفــهم
10 سـآعات يلف من مكـآن لمكـآن وقرر خلاص يقول اللي ف نفســه
حيقولها كل شي وهيا براحتها تســوي اللي تبــآه ..
قفل الباب حط شنطته على الكنبه والمفاتيـح وهيا خرجت من غرفتها اول ماسمعت صوت الباب : فين _ واتوجهتله مفجوعه لما شافت وجهه _ ايش بكك حبيبي
سامي رفع يده وهوا يمسح دموعه قبل لاتنزل
مسكت وجهه وتتكلم باارتباك : ايش بك ياقلبي ساار شي
بعد يدها وماقدر يكبت اكتر بكــي بصووتــه
رمى جسمه على الكنبــه
وشهقاته وصوت بــكـآه عاالي
ترف مصدومه ماتتذكر انها سمعته يبكي كدا الا يوم ماخدتو من الميتم
ومن بعدها دايما يبكي بدون صووت يكبت بنفسه وبس تشوف دموعه
خرجت كلمتين من فمها وقلبها يدق ورا بعض : ايـ ش سـ ار
قال بين بكــآه : انا تعـبت عمري ماقلتلك ايش في نفسي عشان كدا طول عمرك ماتفكري غير بنفسيتك وبس
الكلمات اللي تخرج من فمو بصوت يرجــف
بصوت وآجع قلب ترف ومخليها مصلبه في مكــآنها وتسمعلو
كمل وهوا يهرج ويطالع فيها ودموعه تنزل : تدري انو مرا اتضاربت مع وآحد عشان قال عنك """""""
ترف كأنو اداها كف وهيا تسمع دي الكلمه تخرج من فم ولدها
سامي : يقولو عنك كدا لأني من الميتم وعندي ام يقولو امك حق رجال ماتعرف مين ابوك ضربتهم ولما وصلنا عند المدير ماقدرت ادافع عن نفسي ماقدرت اقوله كلامهم وفصلوني اسبوع كل يوم اضحك عليكي واقولك رايح المدرسه وانا استنى لين مايخلصه دوام وارجع البيت مابى اقهرك مابى احرق قلبــك انا تعبت من نظرة الناس ليا تعبت من الاشياء اللي بشوفها مابى انقل مدرسه مابى اخرج من دا البيت الفتره الاخيره معاكي كانت احلى فتره بتداومي في عملك ومبسوطه نرجع نقعد مع بعض دوبني حسيت اني مبسوط ورجعتي لاإسلوبك حق زمان انا مابى اكرهك الله يخليكي والله مابى اكرهك تبي تعيشيني وانا منزل راسي في الارض ومستحي من الناس لمتى

وماقدر يقول اكتر من كدا وبكـــي ...
بكي بقهـر
بكي لأنه قلها موقف واحد من مية موقــف بيعيشــه
اليتيم بين الاولاد مو زي اليتيمه تلقى تعاطف
لا
يسبو امك يسبو ابــوك وهما يضحكــو
كدا همــآ رجــآل وعرفو يسكتوك ...

تطالع في ولدها ودموعها نزلت من غير اي تعليــق
تفكر بثواني بالقرار اللي حتاخده
كدا ولا كدا محد حيسيبها في حالها
ليش ماتدي ولدها السعاده اللي يباها قبل لاياخدوه من حضنها ..
تشرد ليث ماحيسيبها ومصيرها حتموت على يده
ابو سـآمي فتره بسيطه وحيوقف قدامها وياخد سـآمي
تضحك على مين إنو تقدر تغير مصيرها
مشيت بخطوات تقيـله نزلت جسمها في الارض وحاطه يدها على ركبته
رفعت راسـه : ماعاش مين ينزل راسك _ مسحت دموعه وهيا تهرج بقوه مصطنـعه _ انا حسوي اللي تباه بس لاتبكي مدرستك حتروحها والبيت انا حابتو اصلا بس مدري ايش بي امس ..حتى عملي مين قال اني حسيبه مافي شي حيتغير _ تمسحلو دموعه اللي بتنزل تاني ووتكلم وصوتها يرجف _ ولدي مايسكت عن حقــه لو احد قلك كلمـه تهزك خد حقك ولا تنزل دمعتك
لآتخلي احد يقدر يكسـرك رفعت جسمها وجلست جمبــه وحضنتــه وعادت كلامها وهيا تبـكي _ لاتخلي احد يكسـرك ياعمري
حضنها بكل قوتــه وهوا مرتاح لأنه اتكلم
بس لسى ماوقف بكــآ
يبا يبكي في حضنها لين ماينــآم ... ودا الي سار نــآم وهيا تمسح على شعــره
ودموعها بعينها
الام تضحي بنفســها لو كآن دا حيدي لأولادها السعــآده ..

كان النبي صلى الله عليه وسلم إذا أتاه أمر يسره أو يُسر به خر ساجداً شكراً لله تبارك وتعالى

دخل غرفتــه بعد ماتتهزأ من الكــل ..كــآن للحظـآت بدأ يحقد عليها
وكلهم بدأو يفكرو كيف انضربت
وايش ممكن شافت دي الفتره
وانها محترمه
وانتــا وســخ ...رفع جواله واتصــل لما ضميره بدأ يأنبه ونسي الكــف ..
ردت عليــه بعد اتصاالات يــآكترها ..والسبب اللي يخليها تــرد بس عشان يهجد ومايتصــل ...
ردت : الوو
عدي وقف على طول مرا ماتوقع انها تـرد قفل باب غرفته ويهرج : اخخيرا
لمى : ايش فيــه
عدي : ايش البلاهه دي يالمى لاتستفزيني وتطنشي
لمى مفجوعه كمان متصــل يهزأ ماعرفت ترد
عدي بنفس الاسلوب وهوا يكلمها وكأنها صاحبـه : خلاص ياهوو انا اسف
لمى : لاتتكلم كدا
عدي : ههههههههههههههه تبي تبكي كمان دحين
لمى انقهرت : ماحبكي انا اصلا بروح اقول لأخواني اني ماباك
عدي بااستهزاء : عشان مسكت يدك يناسو انتي
لمى ترمش بعينها مو مصدقــه انو بيستهزأ
مايعرف يعتذر
كدا على باله هوا بيعتذر
عدي كمل : خلاص قلنا ماحنمسكها كلها يوم وتسيري مرتي وامسكها نصبر ايش ورانا
لمى قالت بصدمه : انتا ماتستحي ؟
عدي مات ضحك على الكلمــه : ههههههههههههههههه تبيني استحي زيك
لمى لساتها موسـعه عينها :والله لااشتكي لأخواني
عدي : هههههههههههههههههههه ياابنتي تشتكي على ايش قلتلك ماعاد حمسك يدك الطاهره دي
كمــــآن يستهزأ بيدها بنسبه لها كدا مرا وســخ
تهرج بضعف : ليش بتكلمني كدا
عدي مو عارف مو عارف يتصــرف مايبى يزعلها بس اسلوبه غبــي
: معليش معليش خلاص ماحمسك يدك وانا اسف حقك عليا رضيتي
لسى الصدمه واضح بصوتها : لاا قلتلك ماباك
عدي : ههههههههههههه لمى بلا بلاهه ايش الموضوع السخيف دا
لمى : خلاص بروح اكلم اخواني مع سلامه
عدي مااات ضحك مو قادر مو قادر يستوعب انو خلاص حيسيبو بعــض قفلت بجد منو
وهوا يضحك على اسلوبــها

دخلــت المجلس على اخوآنها وهيـآ تبــكي سامعتهم يضحكو ويتكلمو واول ماشافوها سكتـو الاتنين ...
قفلت الباب وسارت واقفه قبالهم وكلهم مفجوعيـن
تميم : ايش بك
لمى ضمت يدها تحت صدرها وهيا تتكلم بقهر : دا عدي انا ماباه
تامر : ليش ايش سار
لمى : مرا مايستحي_ مسحت دموعها _
الاتنين انفجعووو
تميم وقــف : اييش سااار
لمى : قابلتو بالجامعه _ مقهوره ماتبى تهرج وتبرر _ ماباه ماباه خلاص اتصلو قولولو ماحنملك
تميم : ايش سوووالك اهرجي
لمى : روحو اسئلوه حتى بس اخدني استهبال ويضحك عليا
خرجت وقفلت الباب وشردت لغرفتها
تميم طالع في تامر : وربي لأقتله
دوبـه بيهرج تامر الا جواله دق : عدي يتصــل
تميم اشرله يفتح اسبكر ووجهه كله حقــد
عدي : هلا تامر كيفك
تامر : تمام الحمدالله
عدي : لمى اشتكت ولا لسى
تامر يطالع في تميم وتميم حتى مافهم : ايش سار بينكم
عدي : دوبني اتصلت وبمزح معاها وقالتلي انها ماتباني
تامر : ايوا مو انتا قابلتها بالجامعه وبتقول انك _ نطقها بشويش _ ماتستحي
عدي : ههههههههههههههههههههههه اسمع واحكم
تميم جلس وتامر سئله: ايش سار
عدي : شـوف انا انسان عايش شويا في بيئه مو زي بيئتكم خلاص يعني دامها خطيبتي قلت اقدر اقعد معاها بالجامعه بس هيا مارضيت
وجلسنا نهرج واحنا بنفس المكان بس على الجوال لين ماشوفتها جالسه على الكرسي وماسكه رجلها وتتاألم روحتلها بساعدها ومسكت يدها وهيا عصبت عليها
تامر قال بشويش : مسكت يدها
عدي ككدا عرف انو الموضوع انقلب عليه : بقولك انا عادي عندي ماتوقعت يكون شي كبير بنسبه لها
تامر بجفاصه : طيب ؟
عدي : اختك ادتني كف بنص الجامعه
الاتنين فتحو عينهم مفجوعه ...
عدي : خلاص كدا هيا اخدت حقها مو فاهم ليش زعلانه وانا اعتذرلكم كمان لأني اتسرعت واتصلت دوبي اعتذرلها قالتلي انها ماتبـآني يعني لو دا قرارها براحتها بس مو معقوله عشان دا الموقف
تامر : والله مو عارف ايش اقولك
عدي : خلاص انتو اهرجو معاها
تامر عارف انو عدي غلط بس انو اعترف بغلطه وبيتكلم بدا الاسلوب حسو محترم بغض النظظر عن اختلاف بيئتهم : اختي متربيه احسن تربيـه واللي سوته انتا عارف انو مو غلط
عدي اتنرفز بس كمل :عارف
تامر : وانتا كمان والنعم فيك واتصالك لوحده دا يدل على اصلك
هرج شويــآ معاه وقفـل لما تامر قلو انو موضوع بسيط وبس تهدى حنتفاهم معاها

طالع في تتميم : ايش رايــك
تميم ضحك : واللهه يسـتآهل الكف
تامر : اول مرا اعرف انها تقدر تاخد حقها
تميم : كوويس تعلمو الأدب دحين
تامر : طيب دحين ايش حنسـوي؟
تميم : يمكن هيا مو مرتاحتلو فادخلت المواضيع ببعض اتصل اتصل عليها قولها تجــي
تامر : طيب
تامر دق على جوالها : تعالي الغرفه ..بسرعه دحين
لمى جاتهم على طول :نعم
تامر :ادخلي وقفلي الباب
سوت زي مااقال واقفه وتطالع فيهم والاتنن على الكنبه الطويله وبيطالعو فيها وتروها
تميم : ليش الادمي مايستحي
يبو يسمعو منها

لمى ولا علقت
تميم : اهرجي عشان نعرف نتفاهم معاه
لمى حكتهم كل اللي سار بالجامعه نفس كلام عدي بس هيا تفاصيل التفاصيل
تقول بقهر : تخيل اقوله والله لاأقول لأخواني ويضحك حتى مو خايف منكم
تامر : ههههههههههه اسمعي بسئلك سؤال
لمى طالعت فيه بدون رد
تامر : انتي ماتبيه عشانو جريئ بالكلام معاكي يعني مو عشان فيه عيب او اسلوبه مو كويس في التعامل
لمى : ايوا عشانو جريئ ماقدر اتعامل معاه
تامر اشرلها : تعالي
لمى جلست بين اخوانها الاتنين وتلعب بااظافيرها بتوتر : نعم
تامر مو عارف ايش يقولها : شوفي الولد باين محترم وبيحاول لين دحين يجيكي بالاسلوب اللي يريحك
لمى :انتا ماتسمعه كيف يهرج
تميم : لمى لو ماكان جريئ وبيحاول يتكلم ..كان محد هرج فيكم لازم الرجال يكون جريئ ويحاول ياخد ويدي لين ماإنتي تقدري تتكلمي وتبطلي تستحي
لمى : بس انتو ماتهرجو كدا
تميم : انا لو خطبت والله ماحقعد مستحي حاخد راحتي واتكلم لين مابنت الناس ترتاح معايا وتبدأ هيا تهرج فهمتي
لمى : طيب انا اخاف مرا منو وابا بس ابكي لما اشوفه
تامر : هههههههههه والله الله يعينه
لمى طالعت فيه وهوا رفع يده على شعرها ويحركه : هوا مايستحي خلاص ولاتزعلي
تميم: ههههههههههه لو خطبت وحده تسوي زيك مدري ايش حسوي فيها
تامر :والله اسحب عليها ماليا خلق اقعد اتحايل مع وحده
لمى تسمعلهم وهيا تحسب انو هوا الغلطان بس اسلوبه بالكلام طلع عادي واخونها مو شايفين فيه شي
ماعلقو على هـرجه انو مسكها لأنه خلاص شايفين انه مالو داعي يفتحوها دآم هيا عارفه كيف تتعامل
رجعت لغرفتـتها ومسكت جوالها اتوقعت يتــصل بس ماتصـل

إذا رأى أحدكم من نفسه أو ماله أو أخيه ما يعجبه فليدع له بالبركة ، فإن العين حق

امـآ عدي في غرفه علا ومستني تعليــق منها
واقف عند تسريحتها وهيا متربعه على سريرها ببجامتـها ومسويـه ماسك ازرق بوجهها ..
: تمزح ؟
عدي : دحين دا كلو وفي النهايه تقولولي تمزح
علا تضحك بشويش ووجهها مشدود : ههههههه
عدي : مو عارف اتعامل معاها
علا تحرك صباعها على وجهها وهيا تتحسس الماسك وتهرج : البنت بسيطه بس انتا عكسها تمــآما
عدي سكت ويتكلم بغرابه : ترا مفجوع من نفسي يعني ماتوقعت اني حكون اباها حتى لو عجبتني مافي اي شي مشترك بيني وبينها وبرضي اباها اسلوبها غريب وبرضو بحاول اخليها تهرج معايا يعني اني اتصلت على اخوها وبحكيـه دا يخليني مفجوع من نفسي
علا ابتسمت : دا النصيب ربي زرع جوتك دا الشعور عشان تتمسك فيها .. فيه ناس كتير يتزوجو ياعدي بدي الطريقه تتوقع كيف حبو بعض
عدي :مدري ماكنت مقتنع اتزوج زواج تقليدي المهم تتوقعي اسلوبها دا حيطول ؟
علا : لا انتا تقدر تخرجها من اللي هيا فيه
عدي : كيف ؟
علا : اممم امدحها اتغزل فيها
عدي بجفاصه : تستهبلي تموت على نفسها اقولك تستحي تقوليلي امدحها
علا : هههههههههههه طيب العبو مع بعض
عدي : هههههههههههههههههه بس ياشيخه
علا : والله
عدي : ادغدغها يعني
علا بنص عين طالعت فيه : عدي لعبه من غير لمس
عدي بتملل : اها طيب
لحظه صمت وهيا برضو تتحسس الماسك باللي بوجهها
وعدي قال يبا يقول اللي جوتــه
شاف علــبه غريبه على تسريــحتها شكلها حق مكيـآج
مافكر
اخدهــآ
واتكلم وهوا يفكها ويسكك وابتسامه بسيطه على وجهه : نظرة عينها مرا
ومالحق يكمل كلامه لما علا شافته ماسك اغراضها صرخت بكل صوتها : سسسسسسسسسسسسسسسسسسسسسيييي يييبببببببب
الصوت اللانثوي راااح
وجهها مع الماسك وهيا مفرصعه عيينها فجعته
كان يتكلم بهدووء وهيا صرخت بكل صوتهااا
مع الفجعه طاار منو اللي بيدو حاول حاول يمسكو بس طااح واتكسسر في الارض
يطالع فيها وهيا عينها على الارض وتتنفس بصووت مسموع
واللي يشوفها كآنه احد اهانها واداها كــف
رفعت عينها على عدي وصرررخت : يااااااحيوووووان اييييييييييييش سسسسسووويت
عدي مع الفجعه فك الباااب وشرد وسامعها تصرخ بغرفتها
دخل غرفته وقفل الباب بالمفتاح : ايش المجنونه دي _ سكت شويا وانقهر _ محد يقدر يعبر عن احساسه يعني ..
جلس بغرفتـه لين ماتصل عليـه تامر واتفاهمو على بكــرا ...
مو مقهور لأنها ضربتــه كف
يمكن لأنه بررت لنفسـها والكدمه الخفيفه اللي بعينها كانت تفسـر كلامهــآ
بس بنفس الوقت لو حيستمرو مايتخيل يوم تجي ترفع يدها تــآني
يعني دي المره مشاها

اللهم إني أعوذ بك من الهم والخزن ، والعجز والكسل والبخل والجبن ، وضلع الدين وغلبة الرجال ". كان رسول الله صلى الله عليه وسلم يكثر من هذا الدعاء

بـــدأ يــوم جديــــد ....
غرفـــه بجدارها البيــج المعتــق .. اشعه الشمس داخله عليـهم بس نايمين ومو حاسين بااي انزعـآج
صوت المكيـف محلي النومـه بنسبه لهم ...
ليـآنتين ملصقينها في بعض ونايمين التلاته وفي ركنبه الغرفه اكياس وشنط وملابسهم جمبـها مطبقــه
بزبــط دا اللي بالغرفه مافي شي تــآني
مافي اثــآث
ماي اي ديكور بسيط مزيـن الغرفـه ...

دق جـوآل روان كدا مرا كل شويا وحده فيهم تتقــلب باانزعـآج
الا روآن ولا يهزك ريــح
نايمه بكل عمـق
نايمه بحالميــه
لافــه الشرشف على جسمها ورجولها براا
هدى رفعت نفسـها وخلاص مو قادره تتحمل اكتر..اصلا هيا مصدعه خلقــه
طالعت في روان اللي نايمه نصـهم : ببببنت ....هييييي
هديل فتحت عينها بس مديتهم ظهرها ولا اتحركت
ولا اتحركت روان
:رووووان قوومي
هديل بصوت كلو نوم هرجت : دخلي يدك في اذنها
هدى استغربت انو هديل كلمتـها بس ماترددت على طول سوت الحركه
وروان من وضعييـــه السدحه لوضعيــه جلسه وموسعه عينها وشهقت بكل صوتها
هدى انفجعت
روان : اااايشش فييه
هدى بشويش هرجه وهيا مفجوعه : ولاشي ردي جوالك من اول يدق
هديل ابتسمت ورجعت غمضت عينها
روان عقدت حوآجبها وتنفسها ورا بعض مع الفجعه مو مستوعبه ايش ساار
اخدت الجوال وردت : الوو
لؤي بحماس : صباااح الخيــر
روان فركت عينها واتثاوبت وبعدها ردت : صبااح النور
لؤي : ايش صحيتك
روان : بلله الساعه كم
لؤي : 7 الصباح
روان رجعت انسدحت وقالت بصوت وحده ميته نوم : ايش تبا مني 7 الصباح
لؤي ضحك : نطلع نفطر
روان غمضت عينها وتهرج : مجنون انتا
هدى رجعت انسدخت : حتتكلمي بيننا يعني
لؤي : ازعجتكم
روان : صحيتنا كلنا
لؤي انحرج : معلليش والله ماتوقعتك نايمه
روان : خلاص لما اصحى اكلمك
لؤي : اوك يلا سلام
قفــل منها وهوا استوعب الوقت الغبي اللي اتصل عليه
زمان كانت تشتغل دا االوقت عشان كدا تصحى
دحين الصباح للنــوم ...
مو عارف ايــش يسوي ...طفشــآن
فتح الانستقرام شاف التعليقات البلهه من عدي فك حساب عدي وبس يضحك
عدي وروان هما الوحيــدين اللي يستمتع معاهم
قفل صفحتـه وشــآف الصور العامه
اختفت ابتسـآمته لما لقى مقطـع لعــلا ...
فتحو بدون مايحــس
شي نغزه بقلبــه
وهوا يتفرج عليـها
عاشت حيــآتـها وكملت عادي
ضحكتها
ابتسامتها
قفل المقطع على طول
بلع ريقه وقام من السرير
مبلك كل حساباتها من بعد وفاة امــه

اتوجــه للمطبخ فك الثلاجــه وتنــح
نسي ايش كآن يبــآ
فجأه دخلت وحده من بنــآت مرت ابــوه
انفحــع ماعرف متى جو طالع فيها وحرك عدسـه عينه على الثلاجه على طول
لما شاف لابسه قميــص قصيــر ...
ماقدر يتحرك من مكــآنه
نزل جسمه وهوا يقربـع بالتلاجه ومو عارف ايش يبى
اتكت بجسمها على الدولاب وهيا تطالــع يفيه
مراهقـــه
عاجبــها وميـته فيـه لأنو ثقيــل
اتكلمت بدلــع : جيعان .؟

لؤي بيموت من الفجــعه
ايش حيسير لو دخل ابوه المطبــخ دحين

وقــف وهوا يبا يشـرد
قفل التلاجه وقال بجمود : لا
كآن خارج الا وقفت قدامه وهيا تلعب بااظافيرها
صغيــــره
عمرها مايتعدى ال 17
: لو تباني اسويلك شي قولي
لؤي باارتباك ا شر على برا : لا انا خارج عندي عمل
ابتسمت بحزن : مسكين انتا مرا تتعب
ابتسم ابتسآمه مالها اي معنى بس تسليــك ويبا يخرج الا رجعت قالت ووجهها محمر : عادي في الليل توديني المكتبه
لؤي من وجهها عارف انو البنت نيتها مو كويســآ
كل اللي يفكر فيه ابوه وبـــس: عندي عمل
: طيب لما تخلص انا حستئذن من بابا ولو
قاطعها لؤي : لا ماحرجع اليوم البيت يلا انا متأخر
خرج من المطبــخ ودخل غرفته وقفــل الباب
كلمه مفجوووع قليل
" ايش تبببا دي "
كل اللي حسـه انو ماحيقدر يرجع البيت والبنات دول هنــآ
مايبى مشاااكل
امهم طيبــه
وابــوه مبسوط وف حاله
اخد مفاتيح السياره ,محفظتـه , شاحن الجوال
مسك جيب الجنز وعينه تتنقل على الغرفــه
يبا يتأكد نسي شي ولا لا
وبعدها خــرج على طـول
اتصل على عدي : الوو ...قوم قوم ... تعال نروح شقه سعيد ....يااخي انتا تعال ...مدري صحيت لقيت بنات مرت ابويا بالبيت خرجت المفروض يجو بكرا مدري ايش جابهم اليوم..هيي انتا ايش سار معاك مع البنت متى حتخطبها
عدي كآن مسدوح بغرفتــه الفوضى
كل شي مقربــع فيها
بارده بشكل مجنون
فوضيه بشكل يفجــع
مافيها اي نـــور ظلام بمعنى ظـــللآم ...
رفع جسمه بشويش على المخده : مدري مرتي حبيبتي تلقاها نايمه دحين
لؤي مات ضحــك
عدي يستهبــل طبعا بااسلوبــه
حابب شعور انو سار عنده حرمــه وكل شويـآ يسوي انو خطير ويتكلم عنها
: ههههههههههههههه ياااخروووف مسرع مسرررع
عدي : اسير خروف لعيونها
لؤي شغل السياره : ههههههههههههههههه بس يااهووو ايش سااار
عدي بعد اللحاف وقاموهوا كل شويا يتقربـع بحاجه لدرجه كاسه مرميه في الارض فتح اللمبه : والله ولا شي هيا في حالها وانا حالي لسى
لؤي : ههههههههه فجعتني
عدي : بس اللبس واجي تجيب فطور ولا كيف
لؤي : يااخي انتا عويل نفسي يوم اخرج معاك وانتا تشتري ولا تجيب حاجه
عدي : اقول انا عندي حرمه اصرف عليها
لؤي : هههههههههههههههههه انتا فرحان بالكلمه ولا ايش
عدي : ههههههههههههههههه ايوا اقولك امس كل مايكلمني عزام اقوله والله فاتك حياة االاستقرار مدري لمتى حتعيش ضااايع ووسخ
لؤي : ههههههههههههههههههههههههه

قفـل عدي وغيرملابسـه فتح الواتس لقاها حاطه صوة العرض ورود
: اسيرلك ورده ياااشيخه
نفســه يتصــل بس مسك نفسـه

قال رسول الله صلى الله عليه وسلم :" دعوة النون إذ دعا بها وهو في بطن الحوت :" لاإله إلا أنت سبحانك إني كنت من الظالمين لم يدع بها رجل مسلم في شئ قط إلا استجاب الله له

دق جوآلــه وكالعاده يصحى بنفســه
غرفـتـه بسيطــه فيها سرير الحديد ومكتــب والدولاب كل قطــعه اثاث غير شكلها عن التآنيـه
لكن فيها كل وسائل الترفيــه
عنده لاب تــوب
احسن جوآل ...
احسن ملابس وجزم ..
حط مرتين غفوه ورجع ينــآم ...لين ماحس احد جلس على السرير فتــح عينه وتــرف ابتسمت : يلا حبيبي قوم
: ايش مصحيكي
ترف : تعال نفطر قبل لاتروح
رفع جسمه بكســل : طيب
خرجت من الغرفـه وجلست على الكنبـه مالها نفـس تاكل بس صحيت تدلعـه
اصلا ماتتذكر متى نامت ومتى صحيـت نومها كلو متقطــع
خرج من الغرفـه وابتسم : شكلك رايقـه
ترف اشرتلو جمبـها : تعال حتخلص كل شي
اسامه جلــس واكل وهوا ميــت جوع وهيا تطالع بـس فيـه
طفلــك اكتر حـآجه ماتملي وانتي تتأمليه
كل شي مطبوع في ذاكرتها
كل بعد كم لقمه يشرب شاهي
كيف يمسك الكاسه
تفـآصيل التفاصيــل
سامي طالع فيها بااستغراب : ايش بك _شك بنفسه ومسك وجهه _ فيه شي
ترف ضحكت ضحكه هاديـه : لا
سامي : ايش بك ماتاكلي ؟
ترف : ماليا نفس
سامي اخد توسـت ويحط عليه مربـى زي ماتحب
ترف عرفت على طول : ماابى ياقلبي
سامي : دا كلو في النهايه ماتاكلي
_ اداها _ خددي
ترف مسكت التوست : والله ماليا نفس
سامي يقلدها زي لما تغصبه على الاكل : بكيفك تلحق وراكي يوم القيامه
ترف : هههههههههه _ اكلت ومارضيت ترده _
خلصـه اكل شالت الصحون وراحت المطبــخ
تحس بتنظف وهيا غصه في حلقها وتبا تبــكي
كدا مخنوقــه
وقبــل لاتفكر بشي تاني دخل عليها سامي المطبخ وحضنها بصمت
شايف اللي سار منها امس مرا شي كبيــر
انها اتنازلت عن قرارها عشـآنه
انها صحيت ودلعتـه
مسكت نفسـها بالقوه ماتبـكي
طالعت فيه : ايش بك حبيبي
دموعه بعينه مسك حبل الشنطه الللي على كتفـه : اححبك

وكآآنت دي كلمـه طفت جوتها ميــة حـآجه كانت حارقـه قلبـها

خــرج من البيــت وهيا دخلت غرفتـها جلست على طرف السرير وتتامل الجدآر
لأول مرا تحس من جوتها انو مو فــآرق معاها خلاص
خرج سـآمي وهيـآ للحظـه فكرت انو في يوم حيخرج من عندها وماحيرجعلها
شي كبت على نفسـها
اخدت نفسها بصوت مسموع ووراها نزلت الف دمعه
قامت من على السرير اتوجهت للتسريحه البنيـه
فكت العلبه السودا شالت الورق وخرجت من تحتها السجــآيروالولاعــه
جلست على السرير وولعت السجاره
واخدت نفــس بقووووه
تحس الدخان اتشبع رئتها
وخرجتــو وهيا
تبا شوية مزآج
شي يخليها ترووق ولو شويـه
بس خلصت السجاره انسدحت على السرير ونــآمت ..

صحيت مفجوعه على صوت جوالها اخدت وردت : ايوا سامي
سامي : لساتك نايمه
ترف طالعت في الساعه : ايوا
سامي : ليش مو رايحه الدوآم
ترف : الا حبيبي رايحه دحين ايش بك متصل
سامي اتذكر واتغيرت نبرة صوتو لحماس : تخيلي ياماما _ فجاه صررخ _ انفااااال سيبي
ترف عقدت حوآجبها
سامي : ماتفهمي بقولك لاتمسكيه
سامعه صوت انفال تضحك وكلام مو مفهوم وصوت محمود
وبعدها رجع يكلمها : ايوا مااما
ترف : مين انفال
سامي : هههههه وحده جديده جات نسخه محمود بس بنت
ترف : هههههههه الله يععينك ياقلبي
سامي : كنت بقولك جبت في الماث فول مارك
ترف : ماشاءللله ياقلبي مممبروك
سامي : تخيلي انا الوحيد
ترف : الله يحفظك حبيبي عقبال كل الموآد
سامي : ان شاءللله _ رجع يصررخ _ محممممممممموود وانفاااااال _ اتكلم بصربعه _ سلام ياماما
قفلت واترسمت على وجهها ابتسـآمه
صوته وهوا يتضارب معاهم غيرلها نفسيتها ...
قامت غيــرت ملابسـها ...
لمت شعرها ذيل حصـآن {{ سؤال في نفسي مين اللي اخترع دا الاسم لدي التسريحه
جينـز كحلي بلوزه باللون الجملــي ...
شويـه مسكرا رسمت حوآجبها
طالعت في نفسـها بالمرايـه
"ايش حسـوي لو شوفت بــراء "؟"
قالت الاسم جوت نفسها بهدووء " بـــراء "
كدا قللبها دق بسرعه من غير لاتشوفــه

تتذكر كل تهديداته لما كان يجيها الاصلاحيــه
لما تسوي اي شي مايعجبه
عارفتــه مجنــون ...مو بعيـد يحرق قلبها في براء ..
خرجت من البيــت
وكل اللي تبـآ تسويــه
انها ترجع لشخصيـتها اللي كانت تحمي فيها نفسها من كل النــآس
ترف الهجوميـــه
ترف المستفزه
ترف اللي اخلاقها في خشمها
ترف العصبيــه
مر الوقت بسـرعه ووقفت السياره قدآم المول ...
قلبها يدق بسـرعه من قبل لاتشـوفه
حاسبت ونزلت مشيت بخطوآت ثقيلـه
وهيا ماتبى توصـل
كل ماتقرب كل ماتزيد دقات قلبها
واول ماوصلت تحس كل شي وجعها
بدي اليومين عرفت انو هوآ غيـر
بسب الوجع اللي تحسـه
دخلت ابتسمت لميرنا من بعيد بس ماراحت تسلم حتى عليها
ودخلت المخزن عدت من جمبـه وهوا على الطاوله ولا كأنها شايفتـه
ولا كأنه موجود
لا نظـره
لا سلام
ولاشي
حطت شنطها
وخــرجت وجلست في مكـآنها بكل صمـت

على طاولــته
اول مــآدخلت المحل كل شي فيه ارتبـك
ساب القلم اللي بيدو ورجع مسكو
نزل عينه وهوا يقربع عللى الطاولــه
كلامهــآ امس حرقلو قلبــه
عدت من جمبـه وريحة عطرها منتشر بالمكـآن
وجلست بكل بسـآطه
وهوا ينحـــرق من جوآ
حاسس كأنو احد خانقـه من يوم مادخلت المحـل
مو قادر يرفع عينه عليها لأنه حاسس بضعف اتجاهها

توتـــر في المكــآن
ميرنا بعد صمت طويـل جات لتـرف : ايش بك
ترف لساتها مكـآنها وفاتحه جوالها : ايش فيه ؟
ميرنا بهمس: سار شي بينك وبين براء
ترف : لا
ميرنا : مدري شايفتكم ماتتكلمو
ترف : عادي كان بيننا موضوع وانتهى
ميرنا مو قادره تستوعب انو ديك النظرات كلها انو كان بينهم موضوع
سابتها في حــآلها ...

محد يتكلم في المحــل الا لما يدخـل احـد ...وميرنا الاغلب اللي بتتعامل مع الكل
مرت ســآعه
ترف كانت واقفه تعلق البلايز اللي طيحتها حرمه دخلت ببزورتها
وبراء لساته مكــآنه وعلى جوالـه رفع عدسـه عينه على الرجال اللي كان عند الباب
ونزلها
وسع عينه لما استوعب مين اللي واقف
ورجع رفعهـآ تاني
طالع في تـرف على طــول
مسرحه وهيا ماسكه العلاقه وتدخل البلوزه جوتــها بكل تنـآحه
تفكككر بكل شي

ميـرنا جات لعنده وناسيته مرا : كيف اقدر اساعدك
وماهــرج لأنو الكل طالع في تـرف لما طاحت العلاقه من يدها
شـــــي مرعب
انفجعت بمعنى الكلمـــه
ماتوقعت انو يجي لهنـآ
نزلت جسمها للارض ويدها تتنافض اخدت العلاقه وتحاول تحطها مكـآنها
رجعتها في ثانيه مع الفجعه ودار جسمها وتطالع فيــه
حركلها راسه على برا من غير مايهرج
تعددل بلوزتها
تمسك شعرها ترجعه ورا اذنها
تصرفات ورا بعض مع الارتبـآك
مشيت وراه بدون اي تعليــق

وبــراء مو قادر يتحمــل
بعد اللي سار دوبـه عارف انو سـآر شي
مالو حق يتدخل ودا اللي حارقه
المفروض يتفرج وهوا ســآكت
بصفتـه مين يحشر نفسـه
ماقدر لو ماحيدخل اقلها يشوفها ايش بيسير فيـها
خرج لعند الباب وسند جسمه على القزاز ...
وقــآبض على يده بكــل قهر
يكره ليــث بدون سبب ...

وقفــو الاتنين بعيــد ..واقفه قباله بجسمها الصغيــر
وملامحها اللي طاغي عليها الخوف
ليـث طالع في لبسها بقهر : دا المستوى الوسخ اللي وصلتيلو
ماردت
لساننها تقــيل ومو عارفه تـرد اصلا
ليث مسك ذقنها : لييش خايفه ماحاكلك
بعدت يدو بشويش وقالت بصوت يرجف : ايش تبى
ليث : ولاشي جيت افطر مع ام العيال فاكرتها صح
تـرف كيف ماتتذكرها كانت تكرهها عشان ليث سابهم وراح يعيش معاهآ
ماسوتلهم شي بس كانو يحبو ليث مــرا ..: طيب ؟
ليث : المهم جيت اقولك انو عنوآن ابو ولدك عندي واليوم في الليل حروحله
ترف رمشت بعينها
حتبــكي ..لا
خلاص مستـوعبه نهايتها
ضمت يدها تحت صدرها وهيا بتحاول تخفف الرجفه اللي فيها : طيب ؟
نرفزتـه بردها
ضحك بقهر : اووه ماسار يهمك
تـرف دموعها بعينها مايحتاج تبـكي عشان تقوله انتا بتحرقلي قلبي : كل اللي حقولك هوا حسبيه الله ونعم الوكيـل فيك ربي حياخد حقي _ نزلت دموعها غصبا عنها _ تبا تقتلني ماحيفرق عندي حياتي من غير ولدي ماباها اصلا _ مسحت دمعتها بسرعه ولساتها تطالع فيــه _ لو عندك بزوره حتفهم كلامي

ضغط على اسنانه وبرز فكــه
ينقهــر لما تتكلم كدا وكأنها مظلومــه
جا يبا يشوف نظرة الخوف بعينها عشان يشفي غليله
بس كل اللي شافه انو وحده تبا تحاول تكون لســى قويـه
ليــث : اكتر لحظه اكرهها لما اشوفك قدامي واخليكي تمشي من غير ماابرد قلبي فيــكي _ قرب وجهه منها وهمسلها _ احمدي ربك لأنك عايشه لدحين وعندك وقت تودعي ولدك
قشــعرلها جسمها
رفعت كتفها بشويش وهيا تباه بس يبعد
الناس حولينهم وهوا ابتسم لما شاف كدا شخص طالع فيهم حوط يده حولين كتفها : روحي المحل
ماتحركت دفها بخفيف من ظهرها : رووحي
مشيــت وهيا مو شايفه طريقها من كتر الددمــوع
تمشي وصدرها يطلع وينـــزل من كتر ماتتنفس بخـوف
دخلت المحل ومانتبهت للي كآن واقف عند الباب وشاف تعابير وجهها اللي قتلتــو
مو عارف ايش قلها ليـث
بس بيتجنن
انو يتفــرج عليها وهيا كدا ومايتدخل شي كاسره وبقوه
دار جسمه وهوا يطالع فيـها مو في المحل دخل وعرف انها دخلت المخزن على طــول ..
ميرنا طلت فيه مفجوعه : ايش بها ؟
ومالحــق يعــلق
خـرجت وهيا شايله شنطتها وعدت من جمبــهم وخـرجت
خرجت ويحس روحـه خرجت وراها
ثواني عــدت وماقدر
ماقــدر يسيبها
خـرج وراها
تبا تصــرخ
تبــآ تعصــب بكيفها اهم شي مايقعد مشتت كــدآ
شافها تمشي بعيـــد وقفت عند المصااعد تضغط كدا مررا
ماقدرت تتحمل وتستنى
تحس انها حتبــكي بصوتها بنص المكــآن
مشيــت ولقت باب الدرج اللي يوجــه للموآقف
بس فكتــو ونزلت اول درجتين وماقدرت تتحرك بعدها
نزلت بجسمها بكل انهيــآر
جلست وصوت شهقــآتها تقـتل
شهقــه ورا شهقــه
تبكي بكل انهيــآر بكل ضعـف
شي فوق طــآقتها
ولا دقــآيق الا انفتح الباب وكتمت كل شي جوتها وقفــت بصــربعه طالعت وراها
قال وهوا مفجوع : تــرف
رفعت يدها اللي ترجف وتمسح دموعها بكبــريااء
نزل الدرجتين وكانت حتمشي الا مسك يدها : ايش بــك
بصوت مخنوق هـرجت : سيبني
لساته ماسك يدها وبيده التانيه مسحلها دموعها قال بكل قهر : ايش سوالك
تبــآ تنســى نفســا ولو للحــظه
تبــا تبـكي واحد يفهمــها
احد يحـس فيـها قرب منها وهوا يهرج بهدوء : ترف لاتوجعيلي قلبي واهرجي
قالها بكل ضــعف
بكل قــهر
يحبــها
يعشــقها
نزلت دموعها وبكيـتت تـآني قالت بصـوت متقطع : انـ ــآ تـ عـ بت
بس نطقتها بكيت باانهيــآر تاني
اول مرا تشتكي وهيا بدي الحــآله
كـآنت بتـرفع اياديها وتغطي وجهها
الا هوا قـرب وحضنها

وقــت البــريك بيمشو التلاتـه في السـآحه
محد قلها تعــآلي حاشره نفسها بالقوه معاهـم
تآكل شوكولاتــه ومدت يدها مسكت بلوزه سـآمي كانت بتقول شي الا هوا بعد
وهرج بعصبيه : لاتعدمميني
رفعت يدها :نظيفـه والله
: طيب برضو
شمقت بوجهه وطالعت بمحمود: انتا كيف مستحملو
محمود : ههههههه مدري
سامي : شوف مين حيجي يذاكرلك
محمود حوط يده حولين كتف سامي : امزح والله مالي غيرك
انفال وقفت قبالهم : ليش يعني هوا يمسكك وانا لا
سامي مو عارف ايش تبا : دا صاحبي انا ماعرفك
انفالا : كيف ماتعرفني دا تاني يوم اشوفك
سامي : طيب خلاص قلتلك ماحب تمسكيني انا حر
انفال مدت يدها ومسكت كتفو وشالت يدها : هاا مسكتك
سـآمي مرا اتنرفز : جربي تمسكي تاني
محمود : اووووه منكم
انفال دخلت يدها بالشوكولاتــه وعدمت وجهه : هااا ايش حتسويلي
سامي في يده قاروره المويـآ المفتوحــه
من جوتـه مولــع
مرا مولـع
نفــس حركه امـه عشان يطفي قهره كبـها بوجهها
شهقت بكل صوتــها وهيا رافعه اكتافها وبتنقــط
محمود موسـع عينه على آخرها مع الصدمـه
اما هوآ قلها : قلتلك لاتلمسيني
لحظت صمت منها مفجوعه وواقفــه
وفجأه اتجمعت دموعها بعيـنها وشــردت من قدآمه
محمود طالع فيه : والله ماتستحي
سامي عينه عليها وهيا تمشي : احسسن عشان تفهم
مشي ورما القاروره في القمـآمه
وكآن طالع الا شافها جلست في ركنيــه الساحه وضمت رجولها وتبـكي
قدآآم الكل
فجأه ضربه محمود في ظهره : روح اعتذرلها
سامي مو متعود يعتذر الا لأمه او يعتذر لأحد على اغلاط امه
دفو محمود تاني : رووح يااخي ماتستحي انتا
سامي طالع فيه : مني رااايح
وطلـع لفوق وقف عند غرفه المعلمين وهوا مستني واحد من الاساتذه
وشايفها من السور محمود راحلها اتربع قدامها ويحاول يكلمها وهيا لسى مارفعت راسها
للحظـآت بدأ يهدى ويفكر
عرف انو زودها
مستفزه بس برضو يصرخ ومايسويلها شي في النهايه بنت
ماحيستقوي على بنت
مشي بخطوات تقيله ونزل تــآني
وصل لعندها وبجدها تبكي بصوتها
جلس بتــردد وهيا على صوت واحد
محمود يفرصع عينه لسـآمي عشان يتكلم
سامي بجفاصه وبدون مايطالع فيها : خلاص لاتبكي
مدت يدها ولساتها حاطه راسها على ركبـها وتدفو : بعد بعددد
سامي ولا قدرت تحركه حركه بسيطه رجعت شالت يدها وتبـكي
سامي : خلاص انا زودتها مررا تانيه اسمعي كلامي
محمود : والله سامي دمو تقيل لو زعلك مرا تانيـه انا اوريكي فيه
سامي همسلو بكلمه "اسري "
محمود يعض على شفايفه وكأنه يقوله " عشان تسكت بس"
انفال : انتو اصلا كلكم ماتحبوني حتى اختي اليوم ضربتني وماما امس صرخت عليا
سسامي نفسو يقولها " من جناااانننك "
محمود : انتي عشنك ماتسمعي الكلام ولا كلنا نباكي عادي
انفال رفعت راسها : لا بابا ماكان يسويلي شي بعد مامات كلهم سارو يصرخو عليا هوا ماكان يصرخ _ طالعت في سامي _ والله لو عرف انك كدا كبتيني بالمويه يجي يضربك ويصرخ عليك _ ورجعت حطت راسها على ركبتها _
سامي ومحمود ماعرفــه ايش يقولو ..
بذات لأنه صدعتلهم راسهم الحصص اللي فاتت باأبوها انو يسفرها
ويوديها ويلعبها
صمـــت ..صممممت
سامي يطالع في محمود ومحمود يرفعلو كتفـو
وبعدها سامي قال : انا اسـف
انفال : كذاب
سامي نزل راسه بااتجاهها : خلاص ماحزعلك تاني
انفال رفعت راسها وقالت بين دموعها : قول والله
سامي يحس من جوته يتنرفز بسرعه ايش يســوي
بتردد قال :/والله
محمود رفع اياديه الاتنين : اخييييييراا
انفال مسحت دموعها : طيب خلاص ..تروح تشتريلي عصير
سامي طالع فيها ورمش بعينه : خلي محمود
محمود مسك بطنه : والله مافيا حيل اتحرك
سامي خلاص غصبا عنو وقف : طيب
انفال تدخل يدها بجيبها ولا كأنه كانت تبكي تقول بصوت عالي : دقيقه اديك فلوووس
سامي بنفس صوتها العالي هرج : عندي خلااص
دخلت فلوسها تاني : احسن _ حطت اياديها حولين فمها وهيا تصرخ _ ابااااااااااا منجججججااا

من جلس في مجلس فكثر فيه لغطه ؟ فقال قبل أن يقوم من مجلسه ذلك : " سبحانك اللهم وبحمدك ، أشهد أن لا إله إلا أنت أستغفرك وأتوب إليك . إلا غفر له ما كان في مجلسه ذلك .

واقفــه بالحديقـه بتملل وتطالع كل شويـآ بساعتها
اصلا مستغربـه انو لؤي يكلمها ويقولها ابا اقــآبلك ...
جلست على الكــرسي وبرضها تطالع في السـآعه ...

امـآ هوا بيوقف سيـآرته قدام الحديقـه : يلا انزلي
روان : ترا لازم اروح للآدميه مرا اتاخرت
لؤي : عادي تستنى ساعه كمان
روان فكت الباب وهيا متنرفزه : يااااربي يااااربي ايش تبا انتا
لؤي نزل : خلاص اهجدي
مشيـو الاتنين وهيا متنرفزه مارضالها تروح الدوآم يباها في موضوع ضروري
روان عقدت حوآجبها لما شافت هديـل :/ ايش تسوي هنــآ
لؤي ابتسملها وراح سلمم على هديل ولا احد عارف ايش يبــآ
جلس على الكرســي والاتنين قبالو اشرلهم باأمر : يلا اتصالحو
الاتنين طالعو فيـه ورفعو حوآجبهم
: ماحتمشو من هنا الا وانتو متصالحين وتهرجو

روان ضمت يدها : انا ماغلطت اصلا
قبل لاتهرج هديل لؤي قال بنرفزه: انتي الملاك العفيف اللي نازل من السما ومايغلط اصلا
هديل ضحكت : من جددد
روان طالعت فيهم الاتنين : انتو من جدكم تشوفوني غطانه
هديل بتملل : لاحول ولاقوه الا بلله ليش حزعل منك لو انتي مو غلطانه
لؤي جالس ومسوي الحكم بينهم : دقيقه انا مو جايبكم عشان تقولو مين الغلطان _ طالع ي هديل _ مو انتي قلتيلي انك مستعده تتحمليها لما تعصب وتزعلك _ طالع في روان _ وانتي طول وقتك مجننتني في هديل وماتحبيها تتاخر وتخافي عليها ليش الافلام الهنديه اللي مسوينها
هديل : انا مو زعلانه منها بس معصبه شويا
روان جات عندها : انا زعلانه ومعصبه عشان عبيطه
هديل رفعت عدسه عينها عليها بقهر وشمقت
روان جاتها وحضنتها وقالت بقهر : وحشتيني
هديل ابتسمت : وانتي كمان
لؤي ابتسم كيوتيـن على طول ماصدقو احد يصالحهم
ماأخد الموضوع دقيقه
وقف وزفر براحه : والله احس اني ابوكم
هديل رفعت يدها وهيا تمسح دمعتها مرا نفسها تتصالح مع روان من اول : هههههههههههههه
روان باست خد هديل ورجعت حضنتها تااني : لاتزعليني مرا تانيه عشان لاأقاطعك
لؤي : يعني برضو هيا الغلطانه
روان طالعت فيه : ايوا انتو الاتنين زعلتوني وانا سامحتكم
لؤي : الله يسعدك يااشيخه
روان تحرك راسها وكأنها تتمنن عليهم :ويسعدك
رفع جواله وهوا مبتسم : بتصلل وحجيكم
مشــــي وسابهم
وهديل طالعت فيها
روان : لو بكيتي حقتلك ترا
هديل ضحكت : ماحبكي بس كنتي قاهرتني
روان : حتى انتي
هديل : طيب لانفتح الموضوع تاني عشان لانضارب
روان : فيه كلام كتير بقولك هوآ بس اعرفي شي واحد اني واثقه فيـكي وعارفه انو اللي بتسويه مو غلط مجرد انو كل وحده لها وجهة نظر
هديل : طول عمرنا وجهة نظرنا وحده جينا اتغيرنا لما المفروض نسير بصف واحد ياروان
روان : خلاص ولد جاسم دا انا مالي صلاح فيه كل اللي بتسويه ماحدخل فيه بس انتي كمان ماتدخلي بللي حسويه انا بحكي احد وماعندي غيرك اكلمو
هديل رفعت حاجبها بااستغراب : ايش تبي تسـوي
لؤي جاا بااتجاههم
روان : بعدين اقولك
هديل مرا خـآفت اصلا هدوء روان دي الفتره الاخيره كلها مخوفــها
انه ماتدخلت بموضوع جاسم وبشــآر وجلال شي مو من طبعهــآ
ماقدرت هديــل تتكلم بعدها مع روآن ...هرجو مع لؤي
وبعدها روان قالتلو : وصلني
لؤي : حوقفلك تاكسي انا عندي مشو
وماكمنل كلمتها الا مسكتو بكل قوتها من يدو : واااللله محد حيوصلني غيرك
لؤي يسحب يدو: يددددي يامجننننونه
روان شالت يدها قرصتوو بكل اصابيعها : ايوا انا مجنونه وعشني مجنونه انتا بنفسك حتوصلني
لؤي يطالع بالوقت ويضحك : يااابنت الشباب مستنيني
روان : مالياااا خلي قلبك الابيض ينفعك
لؤي : ههههههههه طيب ترا التاكسي مافرق
روان ممتوجهه لسيارته : انا مستنيتك
طالع في هديل : والله مشغول
هديل ضحكت لأنه حسته بجد بيبرر بقهر: هههههههههههههههههه

ودع هديــل وراح بـس مافك بالسويتش دخل المفتاح وفك بس من ناحيته ركب السياره وشغلها
وران انفجعت دقت على الباب : فكلي
لؤي فك شويا من الطاقه من ناحيتها : روحي وقفي تاكسي
روان طالعتلو بنظرة حزن وقالت بقهر : منجدك حتسيبني
طالع فيها
مايقدر
قهرتو مرا النظره الحزينــه ولا ثانيـه الا سمعت صوت تكك
انفتح الباب اشر براسه : اطلعي اطلعي
فتحت الباب بسرعه وركبت ودارت راسها عليه وهيا مبتسمــه بشــر : عارفتك ماتقدر تسيبني
لؤي : والله لو شوفت وجهك كدا وانتي برا ماكان فكيتلك الباب
روان : هههههههههههههه طيب يالؤي
لؤي شغل السياره وطالع فيها : انا طيب والله كل ماتذكر اني سامحتك احس اني ابا اوقف واصفق لنفسي
روان : لا بللهي ليش انتا وهديل تحسسوني دايما انكم بتمشوني على قد عقلي
لؤي عينه على الطريـق : لأنه فعلا احنا بنمشيكي عارفين انك طيبه وبنستحمل غبائك
روان ترمشس كدا ممرا : والله ماسرت تحترمني مرا
لؤي : البركه فيكي
روان سندت جسمها على الكرسي : طيب تعرف فين الطريق
لؤي : لا
روان : تعرف """"
لؤي : لااا تمزززحي لاتقولي هنـآك
روان اختارت ابعد منطقه عشان تجلطو وهوا البيت قريب من هنـآ
روان : تمشي عشره دقايق وبعدين هنــاك
لؤي : والله معليش لازم تنزلي
روان بنفس النظره الحزينه : بلله يرضيك اركب مع رجال ماعرفو وبعدين يطلع خسيس ويرميني في الصحر
لؤي قاطعها : بس بس ياااوفر خلاص حوصلك
روان : ههههههههههه لف لف يمين
لؤي : لسى
روان : لف بيتها هنآ قريب

ومـآأخد الطريق خمسه دقايــق الا وهمـآ واصلين ورايـد فيـه
نزلت روان ولؤي ماكان منتبهله دوبـو بيحرك الا شاف روان وقفــت وتتكلم معاه عند العمـآره
متأكد انو رايد معجب فيها
شايف كيف نظرتو ليعا
كي بيتوتر
بيحرك يده كل شويـآ باارتباك
مامشي الا لما روآن دخلــت وبعدها رايـد ابتسـم واتوجه لسيارته وهوا مبتسـم بطريقه ماحبها لؤي
بس بنسبه لرايـد ابتسامه بريئــه مافيها اي خبــث ...
حرك سيارته لؤي وهوا مو طـآيق فجأه رايـد ...

اللهم إني أعوذ برضاك من سخطك وأعوذ بمعافاتك من عقوبتك ، وأعوذ بك منك لا أحصي ثناء عليك ، أنت كما أثنيت على نفسك "

في احد شقق دبــي الفندقيــه المطلـه على البحـر ...
النــآفذه القزاز اخده حيــز كبيــر في الجدآر ...
السيرآميك الابيــض بالكنب الرمادي المشعتره عليـه الخداديات الذهبي والبيضــآ
والجدار مزين ورق الحــآئط بخطوط عرضيـه ابيض ورمـآدي وعليـه الاطارات الذهبيـه الكبيــره
طاولة الطــعام والطاوله المتوسطـه الكنب شفــآفه وعليها التحف الذهبيـه اللي مديـه فخامه اكتر لممكــآن

الغرفـه الوحيـده الموجده فيـها غرفـه نوم
مطليـه كلها باللون الابيـض وديكورها اســود ْفي اسـود وكأنه مصممها بنفسـه عشان تعكس فيها شخصيته
السرير الاسود الدائري المرخي اخد حيــز كبير في الغرفه
الاضائات الخـآفته المخفيـه تحت الجبـس مديه منظر رآيق للغرفــه
كل شي مرتــب بطريـقه نظآميه وكأنه مافي احد نـآيم على السرير

دق جوآله كدا مرا باازعـآج خرج يده من اللحـآف الابيـض وهوا يمد يده للكومدينه ويدور على الجوال
بعد اللحاف منو ورفع جسمه باانزعـآج واول ماشاف المتصـل عقد حوآجبه
وقرا الاسم كدا مرا ..
حط الجوال على اذنه وهوا يفرك عينه بتعب : الوو
: اووه صحيتك
بجمود : ايش تبــآ
: متى حتحترم اني عمك
بشـار اخد ريموت التكيـف وقفــله : يمكن لما اشوفك مسجون
ضحك جلال : تتوقع يجي دا اليوم
بشار بتملل : ايش تبا خلصني
جلال : ابوك وصلي كلامك حبيت اقولك اللحظه اللي تسجني فيها حسجن ابوك معايا
بشار شال اللحاف من على جسمه وخرج من الغرفـه : اهاا المفروض كدا ماسير انبش وراك صح ؟
جلال :مني خايف منك
بشار : اجل ليش متصـل
جلال : عندي هديه بسيطه حتوصلك لما افضى حتخليك شويا تسيبني في حالي وتفكر في نفسك
بشار جلس على الكنبه ورفع رجلو على الطاوله اللي قدآمه
ابتســم : تبا تشغلني عشان تاخد راحتك دا كلو ومنتا خآيف
جلال : الذبان لما يحوم حوليك تهششه بس مو معناته انك خـآيف مجرد انو مزعجك دا اللي بسويه معاك
بشار ضحك ضحك من قلبه وكأنه جلال قال نكتـه : والله مجتمعك الوسخ علمك تتكلم
جلال انفجع من كلامــه
من بعد ماهدده زمــآن كآن بشار مايقد ريرفع عينه عليـه
كآن يترعب منـه
مايفنح فمـه وجلال فيـه
لو طلب شي منـه يقوله حاضر وهوا راخي راســه
كمل بشـآر وهوا يشغل التلفزيون ويتكلم بااستهزاء: فين جلال اللي كان يفصفص مع مرت اخوه وهوا مرعوب اخوه لايدخل عليه وينفضح خيخه خلتك تخون اخوك عشان حرمه عشان حرمـــه
جلال بعصبيـــه: والله ياابن ال"""
بشار قاطعه : لاتتصلو عليا وتعصبو لما اكلمكم مسوي فيها القوي اللي تبا تكسـرني
شغــل اغنيـه دق اجنبي وقال بسرعه : عمي عمي بتفرج دحين لما تعرف كيف تلوي ذراعي اتصل وعاملني زي الرجال _ رمى جواله على الكنبه التانيه من غير مايقفل ورفع صوت الاغاني _
جلال نادى عليه كدا مرا وقفــل بعصبيــه
ماتوقع انه يقدر يعصبــه بدا الشكــل

امـآ بشار يعشـق لحظاته دي صحي راااايق وفــآيق
عارف انو عمـه مــولع ...مو مولع الا يعرف انو جــلال دمــه حار يعني دحين حــقد وبقوه عليـه

اتوجــه لطـآقه الكبيـره بعد الستــآير وابتســم لمنظــر البحـر
مارتاح في بيت اصحابه عشانها شقـه عاديه
يحب الشي الشــرح صح شقـه صغيره لكن تفتح نفسـه انو يجلــس فيها
صاله كبيــره غرفتـه كبيــره
شي منظم ورآقي
نظــآم فندقـه واهتمام
وقف للحظـآت يتأمل المكـآن وبعدها جـآت في باله هديـل
زي الهم على قلبـه
قالتله كلامها ومشيـت
مايدري ليش يتذكر نفسـه كل مايجي في بالها
يتذكر كل معاناتـه من هوآ صغيـر
كآن يتمنى احد يخرجه من العالم اللي هوآ
يعشق الايام اللي يروح فيها عند عمه جميل يحس كدا برآحه نفسيـه
بعيد عن مشاكل امه وابوه
بعيد عن جنان جلال
رآح اخد الجوال وجلـس يحرك الجوال على فخذه ومازال يفكر
اتصــل
لا مالو داعي
عنده كبريـــآء فضيـع
مو متعود يلحق ورا بنــآت
" بس طيبه والله "
مرا متعاطف معاها
" ومزه كمان "
واكيــد فيه سبب تـآني
" وجسمها حلو "
وسارت الاسباب فجأه شخصيه
ورجع يفكر عــدل
" يكون ابوها ضــربها "
" ليش لين دحين قاعده عند صحبـتها "
كل دا التفكير ولسى حركه يده زي ماهيا يرفع الجوال ويخبطه بخفيف على فخذه
" مني خسران شي اتصـل واشوف "
اتصـل وهيا تمشي في الشـآرع شافت رقمــه
وابتسمت
تبا تجلطه
تبا تقهره
ردت : الو
: هلاا
لاشعوريا ابتسمت وهيا بتهرج : مين معايا
_ بعدت الجوال تبا تضحك من الصمت اللي جاه _
رفع حوآجبه الاتنين : نعم ؟
تعشــــــــق نببره صوته المتنرفزه
قالت بشك : بشار ؟
بشـآر : هوا انتي حذفتي رقمي كمان
هديل : ماتوقعتك خلاص تتصل
اتنرفززز
اتنرفززز
ماتوقعها كدا تبيعه بسـرعه
صح مابينهم شي
بس ليش تحسسه دايما انو ولاشي
مو فارق معاها وجوده من عدمه
مايحب دا الاحساس
ماتعود انه وحده تحسسه كـدآ : وخلاص على طول تحذفي الرقم ماصدقتي
هديل : ليش ماليا حق ازعل .؟
بشار سند جسمـه على الكنبه ويحرك رجله بنرفزه نفسه يقولها حقيـره كدا الكلمه على لسانه
: مدري
هديل : ماتدري اهااا
بشـار سار يتكلم ببرود بس حركة رجلو مرا ماتدل انو بارد : الموضوع سخـيف كآن
هديل : بنسبه ليـك
بشار : رجعتي لأهلك
هديل : قلتلك ماحسير اجيب سيرة اهلي معاك
بشار : مارجعتي عارف
هديل : الا رحعت
بشار : لا مارجعتي
هديل : ايش عرفك
بشار : لو تبيني اقولك انتي دحين فينك اديني كم دقيقهه وحقولك
هديل ضحكت : هههههههه تراقبني ولاايش
بشار :لا بنتبه عليكي بس
هديل تحسبه يمزح : ههههههههههههه اهااا
بشار بجديه : ليش مارجعتي البيت
هديل اختفت ابتسامتها : من جدك انتا
بشار : ايوا
هديل طالعت حولينها وهرجت بخوف : كيف عرفت
بشار : اتصلت على صاحبي اديتو رقم جوالك وعرف فينك
هديل وسعت عينها بصدمه : هوا فيه احد يقدر يعرف كدا
بشار :انتي ياأدميه مو عايشه في المجتمع ماتتفرجي افلام طيب
هديل مرا مفجووعه ونسيت انهم مضاربين : من جد تهرج ولا تمزح معايا
بشار ضحك : ايش بك خايفه
هديل طبعا تخـــآف مألفه عليــه هروج لليل سايره مرعوبـه
: كيف ماتباني اخاف وانتا تراقبني
بشار : لا قلتلك بنتبه بس عليكي
هديل مرعوبه: ماباك تنتبه عليا
بشار يهرج بهدوء: مو ماتبيني اتصل خلاص ماحب احد يشغل بالي فادبر نفسي
هديل : وليش شاغله بالك
بشار : عشان بتعانديني
هديل : وفي النهايه مافاد معاك وسويت اللي براسك
بشار : وانتي كمان سويتي اللي براسك
هديل : كويس محد قدر ياأثر على التـآني
بشار سكت للحظات تنرفزه وبنفس الوقت يعجبه كلامها
كدا انســآنه مميزه عن ميــة بنت يشوفها
: طيب ينفع اشوفك اليوم
هديل تلعب بشعرها وتمشي بعشوائيــه نسيت طريقها فجأه
: نسوي مجانين وكأنه ماسار شي يعني
بشار : بزبـــط
هديل : ولو قلتلك ماقدر
ودوبـه بيهرج الا سمع صرختها وانقفـلت المكــآلمه
طالع بالجوال مفجوع
غير جلستــه وسار يتصل بسـرعه تــآني ماتــرد
اتصــل تالت مرا ماتــرد
وقـف مفجــوع

امـآ هديـل كـآنت ماشيـه بســلام وداخله جو وهيا تهرج
دوبـها بتــلف الا جاها واحد مسـرع بالزلاجات وصــدم فيها الولد عمره 15 سنــه
طاحت وهوآ طــآح جمبـهآ
مسكت يدها بااألم ورفعت جسمها وهيا تطالع في الولد : اتعورت

لابــس اللي تحمي راسـه واكواعـه وركبـه وبرضو اتعور في سـآقه :شويا انا اسف
هديل وقفـت وتنفض نفسـها : فين جوالي
الولد قام وهوا يمرر يده على ساقه انتبه لجوالها : شوفيه هناك
راحت لجوالها وقديمك نديمك طاح مرا بعيـد ولا سرلو اي حــآجه
" لو جوالي كان انكسر قبل لايوصل الارض كدا عنـآد "
اخدت جوالها وجا اعتـذر مرا تانيـه
وجوالها يدق بيـدها بس بتتكلم مع الولد لين ماراح طالعت في الشاشه وانفجعت 4 مكالمات
في الكم دقيقه دي
طالعت في يدها المجروحـه وبعده دق تـآني الجوال وردت : الو
بشار : يااابت فينك
هديل تمشي وتهرج باألم : واحد صدمني
بشار على باله سياره : اييييش ...سرلك شي فينك انتتتي
هديل : لا لا كويسـآ مسكين حتى هوا اتعور
بشـآر : انتي ايش سرلك
هديل : بس يدي خبطت في الرصيف عشان كدا توجعني
بشار : طالعي بطريقك مرا تانيه
هديل : هوا اللي جاي مسرع وخبط فيا
بشار ماستوعب كيف مسرع وخبط فيها وماسرلها شي : انتي تمزحي معايا ولا ايش
هديل : ايش بك
بشار : كيف السياره مسرعه و
هديل قاطعته : مين قال انها سياره
بشار : انتي
هديل : كمان كذاب قلتلك واحد صدم فيا وبس ...كان على زلاجات وصدم وطحنا
بشار : اهااا _جلس على الكنبه _ وربي ماتعرفي تهرجي
هديل : انتا اللي فهمت على كيفك
بشار : يعني طبيعي حيجي في بالي سياره
هديل : طيب فسر على كيفك بس لاتطلعني انا الغلطانه
بشار : طبعا غلطانه ماتعرفي تهرجي وتفسري الموقف
هديل : والله لما اتكلم معاك احس كأني اكلم صحبتي مستحيل تطلع غلطانه اكره دي العباطه
بشار : أحي روحها الحلوه والله
هديل : ههههههههههه طيب طيب
بشار على طول انتهز فرصه ضحكتها : نتقابل اليوم ؟
هديل نسيت تعليقها الاول : فين
بشار : اسويلك جو رااايق تتمني انه مايخلص اليوم
هديل : اوووه دا كلو عشان اسامحك يعني
بشار سكت : ماغلطت عشان اباكي تسامحيني بسوي كدا عشان ننبسط بس
هديل : هههههههه وبما اني محتاجه دا الجو ماحقولك لا
بشار : طيب من دحين ادي خبر لصحبتك انك حتتاخري شويا
هديل انفجعت : فين حتوديني
بشار : لاتخافي المكـآن مايفجع
هديل مو خايفه من المكان خافت منـووقالتلو على طول : وانتا ماتفجع يعني
بشار : هههههههههههه اشكرك على الشفافيه
هديل : ههههههههههه
بشار سكت وبعدها قال : واللي يحفظلي اختي ماحزعلك
هديل تحس وجهها حمر مع الجملـه قالت باارتبآك : طيب
بشار : متى فاضيـه
هديل : بعد سـآعتين كدا
بشار : طيب حلو على بال انا اجهز كل شي
هديل : ههههههه فين حنرووح
بشار ابتسم : احسك زي جوي وحتنبسطي خليها لوقتها
هديل : طيب
بشار : يلا انتبهي على نفسك
هديل : طيب
قفلــت ممنـه ومشيت وهيا مبتسمـه

امـآ هوا طفشـــــــــــــــــآن صاحي العصـر مو عوايـده بس ينـآم
متعود على الشغل
باقي تلاته ايـآم على الدوام وتمشي الاايام بشويششششش
دخل استحمـى وخرج لبس ملابسـه برمودآ لحد الركبـه السودا
وتيشيرت اسود عليه عبارات بالبرتقــآلي الصـآرخ
لبـس شرابـه وجزمتــه واخد سويتش السياره والمفاتيـح وخرج بحمــآس
راح لأقرب ماركت وبدأ يقضي الاشياء اللي حيستخدموها ...

امآ هديل رجعت بعد سـآعه للصالون نظفتـه وزبـطت شعرها
طالعت في نفسها بالمرآيه وخرجت بعدها
اتصـل عليـها على الموعد بزبـط ولما قلها انا في الطريـق
اتصلت على روان وقالتلها حتتاخر والفتلها هـرجه ..
وقفـت في المكان اللي بشار حددو ... ولا دقايق الا وقفت السياره قدآمها
استغربت مرا من السياره ...فتح الطـآقه : ايش بك
هديل : ماعرفتك
فكت باب السيـآره ودخــلت : اشتريت سياره جديده
بشار : لا مستأجرها...كيفك
هديل : تمام_ رجعت شعرها ورا اذنها _
ولا سألته كيفك
بشار ابتسم وطالع فيها : جيه وانتي زعلانه
هديل اشرت براسها باايوا بدون ماتطالع فيه
ضحك من قلبـه : خلاص مو انتي عبيطه وانا عبيط وكل واحد سوا اللي براسه ليش تزعلي
هديل : عشان انتا قهرتني وحسستني كدا كأنه وحده ماتعرفها
بشار : طيب شوفي حعوضك اليوم عشان تعرفي اني طيب
هديل طالعت فيه : اييوا كيف حتعوضني
بشار : مو انتي كنتي كتاب مفتوح ليا وقلتيلي كل شي
هديل كأنو اداها كف حركت راسها بدون تعليق
بشار : خلاص اليوم انا كتابك المفتوح حقولك كل شي
ماتمنت انها توصل لدي المرحله
لا انو حقير بعينها شي حلو انها تكمــل
بس دحين مرا اتوترت
هديـل :ليش دحين اتغير كلامك
بشار : لأنو عارف اني زعلتك ولو رجع فيا الزمن كان برضو زعلتك فابعوضك
هديل : ههههههههههههههههه كميه عباااااطه مو طبيعيه
بشار : على الاقل بحاول
هديل : قهرتني داك اليوم
بشار : ترا والله الموضوع مرا مهم ليا ححاول اتأسفلها وماجرحها بس لازم اكمل كنت معاها
هديل : براحتكك
بشار : ابوكي ماكلمك
هديل ماتبى تفتح السيره : ماحتكلم عن اهلي
بشار : برضك
هديل : اييوا نشوف قد ايش انتا صريح معايا وبعدين افكر ارجع زي اول
بشار : ههههههههههههه هوا سار الموضوع كدا
هديل رفعت حوآجبها بشــر: ايوا
آخدهم الكلام وهديـل بس تسألو فيـن حتوديني وهوا يقولها اصبـري
لين مافجعها بالظلام وخلاص بدأ قلبها يدق بسرعه ودخلو على الرمــل : فين موديني
بشار اتنرفز اكتر من عشره مرات تسئل: ترا حفك الباب وارميكي
هديل : طيب قولي على الافل
بشار : اصبري شويا
تطــآلع في الطريـق وبدات ترتاح لما شافت نــآس ودبابات وخيــآم وقف سيارتـه : انززلي
فكت باب السيــآره وهيا مبتسمه وتطالــع بالاجوااء
اختـآر منطقـه حيـه عشان لاتخــآف
خيــآم كبيـره مرصوصه جمب بعــض وعليها اضائات على الخيــم
حريــم رجــآل ...دبابات وصراخ اطفــآل
مجموعه يلعبـو كوره
مجموعــه يسـو اكـل
اول مرا بمعنى اول مــرا تشــوف دي الاجواء

اتــوقع انها تنبسط لكن مو تتنــح بدا الشكل
تطالع بكــل شي ومنبهره
فتح باب السياره وهوا يخـرج الفرشــه : حتساعديني ولا كيـف
هديل طالعت فيه : ها
بشار : هههههههههه خلاص خلاص خليكي
خرج الفرشه حطها على الارض وتكايتين والاكيــآس البــآقيه وجلس حمب السياره
يطالع فيها لساتها واقفـه ومبتسمــه مرا عاجبتها الدبابات ... شي يحمــس وبنفـس الوقت يخـوف
: بببنت
طالعت فيه : ها
بشار : ههههههههههه ايش ببك
بشار خرج الحطــب وهيا على طول علقت : ايش بتسوي
بشار : اللز شاهي على الحطب
هديل ابتسمت وجلست على الارض رمالها التكايه : خدي
جالس بطرف الفرشـه وبيولــع النــآر
اتذكر شي مد يدو وفك باب السياره وخرج شماغ فلسطيني
لونـه ابيض ورمـآدي حق صــآحبه
لفو حولين راسـه وطالع في هديل : ايش رايك بس
شورت وبلوزه وفوق شمـآغ شكلو يضحك
هديل : وااو
اخد منـو وقت عشــآن يولــع وسوا الشـآهي وصبلها وصبلو وحط البراد بينهم
كل واحد متكي على تكــآيه وكل شويا يطالعو بللي حولينهم : هاا عجبك
الكاسه بيدها وعينها على الناس وبعدها طالعت فيـه ابتسمت من قلبها : مررا
بشار بااستغراب : اول مرا تجي
هديل حركت راسها : ايوا حتى البحر اول مرا انتا وديتني
بشار رفع كوبـه وهوا يشـرب ماعرف ايش يرد
نظره عينها وهيا تتفرج على الناس قاهرته مرا
لو يدري انو ابــوه السبب اللي مخليها ماتدري عن دي الحيــآه
طالعت فيـه وهيا بتحاول تركــز معاه
ماتبى تكون ممله بس بنفس الوقت كل شي مجننها
نفسها تلعب كورهـ
نفسها تركب الدبــآب
نفسها تجري وتلعــب
ماتتذكر غير انها كانت هيا وروان يجرو في الاسواق وفي النهايه يتهزأو من اي رجال
: ايوا باقيلك 3 ايام وتنشغل صح
بشار : ايوا الحمدالله والله الوقت الفاضي دا يدمر الوآحد ا
سكتت وبعدها سئلت بتردد : ايش سويت امـس
بشـآر سكت وبعدين ضحك
هديل : مصيبه صح يلا اتكلم يالكتاب المفتوح
بشار : بديت اندم على هرجه الكتاب المفتوح
هديل : ههههههههههه
عاجبـها شكله وهوا بالعمــه على راسـه
بشـآر : قابلت وحده اعرفها
هديل : اها ايوا
بشار طبعا قابلها في بيتها : روحنا كافي حق ساعه ورجعت بيتي
هديل : انتا ليش علاقاتك مع البنات كتير يعني ماأسمعك تقولي رايح مع اصحابي مع انو عندك اصحاب
بشار : انا سطحي مع الكل _ رفع يده وشال العمه اللي ع راسه وهوا يكمل هـرج _ والله مابجاملك ولا باألف هرج عشان تحبي تقعدي معايا بس من جد انا لما اقعد معاكي بكون بطبيعتي وحابب دا الشي عشان كدا لدحين بخرج معاكي وانتي شايفه وقتي ضايع عليكي
هوا يهــرج ودقات قلبها ورا بعــض فجـأه نست النــآس وكل اللي حوليها
قالت باارتبـآك : اها دا رايك فيا طيب بقيه البنات ايش وضعهم
بشار : مدري كدا انبسط
هديل : ههههههههه بللهي يعني دا ردك مو حتكون صادق اليوم
بشار : والله مجرد اني بغير جو
هديل : وليش سطحي مع اصحابك
بشا ر: هههههههههه انتي ماصدقتي تحشري وتسئلي
هديل : ايوا لأني زي البلهه كنت احكيك كل شي وانتا تسمعلي ولااعرف شي عنك
بشار : حتى انا كنت بحكيكي
هديل : مررا... كل مرا اعرف انك مضايق وراك موضوع وماتحكيني وتقعد تصرف وانا اسكت المهم دحين لاتغير الموضوع وجاوب
بشار : على ايش
هديل : ليش مع اصحابك سطحي
بشار حك رقبته وهوا يفكر كيف يوصل كلامـه
هديل : ياساتر دا كلو
بشار مو عارف يتكلم لساتها تطالع فيـه ومستنيه جواب: امم اخاف اني اديهم مجال ويجي يوم احد يستغفلني
هديل عقدت حوآجبها وهيا مو فاهمه : كيف يعني يستغفلك
بشار مو مرتاح وهوا يتكلم بس حس نسه بنص هرجه : عمي اتوفى بعد ماكان فيه شخص قريب مرا منـه استغفلو ودمر كل حيـآته
ماأتمنى اكون في يوم مكـآنه
هديل : اكيد مو كل الناس زي بعض
بشار : طيب ليش انا افتح على نفسي ابواب عامتا البنات لما اخرج معاهم شي اغير جو وارجع ماينخاف منهم اما اصحابي طيبين وينشالو فوق الراس بس مايعرفو شي عنـي حياتي معاهم سطحيه نتلم وامشي اجيه بواجب وخلاص وينتهي كل شي هنـآ
تتمنى انو يسكت وخــلاص
مرا ندمت انو بيحكيــها
بدأ يثــق فيـها
وكلامـه يوجعلها قلبـها
كلـه عن الثقـه
كل مايتذكر كيف لأخر لحظه في حيــآة جـآبر وهوا مجنون ويبا يعرف مين الي كان يدخل بيته
وجــلال يهديــه
مايقدر ينسى دا المنظــر
سكت للحظـآت وهوا بيفـكر انو قاعد يسوي نفس الشي لهاني وبيخرج مع اخته عنود
بس هوا مصلحته غيــر
لكن خيـآنه تعتبر
متنــآقض
يحمي نفسـه من كل شي ..وعـآدي هوا يسوي دا الشي

هديـل : بسئلك عن شي نفسي اعرفه من اول ماقابلتك
بشار : ايش
هديـل : انتا تكره ابوك ؟
بشار رمش عينه بهدوء : لا
هديل : ليش احسك تكرهه
بشار : عادي علاقتنا سطحيه
هديل : اهاا
يهرج عن كل شــي الا ابــوه ...كل شي يقولو ممكن بس شي يخص جلال وجـآسم دا شي يندفن معاه
بشار اخد براد الشاهي وصبلها : مخمخي عشان تنبسطي
هديل ابتسمت : والله لزيز
بشار : بالعافيه
ماحبت تسـئل كتير عنـه كلامه اليوم خلاها تتوتر
طالعت في الدبـآبات وهيا مبتســمه
بشار : تبي تركبي
هديل : اقدر ؟
بشار : ايوا
هديل : ماعرف طيب اسوق
بشار : عادي مايبالها فن كلهم اطفال يلعبـو
هديل :طيب
بشار وقـف : تعالي
هديل وقفت وراحت وراه على طول استأجرلها دبــآب
وقلها فين البنزين وكيـف تمشي
ضغطت ومشيت ووقفت مفجوعه : واا
بشار : هههههههه بشووويش طيب ...يلا ادعســي
ضغطت برجلها ومشيت
بس تمشي مررا بطيــئ: ياممله ايش داا
هديل تتكلم بصوت عالي :يخوووف
بشار : هههههههههه
حتى الناس يطالعو فيها الاطفال اسرع منــها ...
جات فجأه رسايل ورا بعــض على جوآلـــه
كأنه ماكان فيه ارسال وجاه فجــأه
خرج جواله من جيبو وفتح الواتـس لقى من عمــه جلال
فتح محادثتـه وبعدها انتبه لهديل : عهووود بشووويش
بدأت تتجرأ وتســرع ...
هديـل : هههههه طيييب
فك المحادثـه فيها صور وكلام
قرا كلامــه من البدايـه
_ بما اني في عينك وسـخ وطحت على وحده وسخه الله يرحمها ويغفرلها
_ مافكرت تسئل نفسك ليش امك وابوك علاقتهم سطحيه
_ مافكرت انو ممكن تكون امك وسخه زي ابوك
رفع عدسه عينه على هديل وهوا يشوفها تمشي بسـرعه ورجع يطالع في الشاشه ودقات قلبه ورا بعض
_ انتا ولد مين ؟
_ انتا تشبه بزبط مين ؟
_ بما انك ماتعرف انو جاسم اتزوج امك لأنه كآنو بعلاقه محرمـه زي مابتسميها انتا وحملت فيـك واتزوجها غصبا عنـه
_ دا هيا اللي قالتو.... طيب يمكن هيا تعرف كانت واحد غيـر ابوك
_ كبرت انتا بين الكل وكلهم يقولو دا يشبه ميــن
_ طبعا حتطلعني دحين مجنون ومستحيل امك بريئه شووف بعيـنك
ارســل صوره كرت فرحهم والتاريخ اللي عليـه
ارسل شهاده ميلاد بشـآر
_ بس 6 شهور الفرق ماشاءلله
_ دا اثباتي الاول انك انتا جاي بعلاقه غير شرعيـه والدليل كمان انو اهل امك ماكانو متقبلينك وطول عمرها ترميك لنا لما كنت صغير وتسافر
_ اثباتي الثاني انك انتا مو ولد جـآسم روح اكشـف بنفسك وانتا حتعرف ...ولا صدقني اقدر اجبلك دليل لكن حابب انو انتا تشوف بعينك
_ اهو اتكلمت معاك زي الرجال
قلبـه يدق بجنون وهوا يقــرا الكلام
كل شي في جسمـه تقيــل ...الكلام يتعاد في راسـه وكأنه قاعد يقرأه تــآني
صــرخه خلت الكل يطـآلع رفع عدسـه عينــه لما شاف دبابين مقلوبــه
والناس رمو كل اللي بيدهم وجريــو للمكــآن
مــع الفجعه اللي جوته من كلام جــلال ومن المنظر اللي قدآمه
سار يمشي بخطوات تقيــله وهوا شادد على الجوال اللي بيده
جسمــه كلو يتنــآفض
صريــخ حريم بااصوات رجال يهدوو
" اررفعععع الدباب "
" يااهوو بعدوو "
وبين الصوت اللي لسى يتعاد براسـه
" انتا ولد ميـن "

ضع يدك على الذي تألم من جسدك وقل : بسم الله ، ثلاثاً ، وقل سبع مرات : أعوذ بالله وقُدرته من شر ما أجد وأحاذر

وآقــف قدآم قصـر اضائتـه منوره المكــآن المظلـم ... وقف عند البوآبـه وبيتضـآرب مع البواب
اللي مو مخليـه يدخل
: ماقدر اخدمك
ليث بعصبيـه : يااخي بقولك اعرفـه
واقف الرجال بدوون اي حـركه وبدون مايعلق على كلامـه وكأنه انهى النقــاش
ليث : لاتخليني اتجن عليييك بقولك اعرفه واباه بشغله مهمه
ولا عــلق
ليث قبض على يده بعصبيــه نفسـه يضـربه
دوبـه بيمشي االا البواب اتوجه للبوآبه وفتحـها ...
خرجت سيــآره تمشي بشــويش ووقفت عند البواب
فتحت الطــآقه قاعده ورا عدلت نظارتها وهيا تتكلم مع البواب : لاتنسى بكرا اللي قلتلك عليـه
حرك راسـه بطـآعه : ان شاءلله
دوبـها بتقول للسواق يمــشي الا وقفها ليـث : لو سمحتي
طالعت فيـه : نعم
ليث : تقدري تقوليلي كيف اوصـل لقـآسم
طالعت فيه من فوق لتحت : مسافر
طالعت في السواق : اممشي
الا ليــث : دقيييقه _ قرب من السياره _ تعرفي متى حيرجع
بدون ماطالع فيه سندت جسمها وقالت : لا
ومشيــت السيــآره
اتوجه لسيارتــه وهوا بقمه غضبــه مو عارف كيــف حيدخل لدا المكـآن ...
دوبه بيشغل سيارته وعفاريتـه فوق راســه الا جاه اتصال من تـآمر
رد على طول له فتره ولا يتكلم مع واحد فيــهم
تامر على طول هرج : السلام عليكمم
ليـث : وعليكم السلام
تامر : كيفك
ليث مو طايقــه: اخلص ايش فيه
تامر : بعزمك على بكـرا
ليث : على ايش
تامر : ملكه لمى
ليث دوبو بيحرك السياره ساب كل شي وغير مكان جواله لأذنه التانيه وكأنه ماستوعب : ملكة ميــن ؟؟؟؟؟؟
تامر بجمود يهرج : اختك لمى
ليث بعصبيـه هرج: ااااايش تقووول انتا
تامر بنفس البرود : بقولك الله يحيك على ملكة اختك بكرا
ليث : اقول لاتستفل على راسي مو ناقصك
تامر : طيب براحتك حبيت بس توصلك العزيمـه
ليث سكت للحظات وبجد حاسس تامر مرا بيهرج بجديه : باأي حق تملك وانا اخر من يعلللم
تامر : لسى ماملكت بكرا حتملك
ليـث : وعزمتني زيي زي الضيوف
تامر : ماعزمنا احد مسوين ملكه بسيطه اهلنا واهله
ليث : تااامر لاتستهبل معايا
تامر : يااخي ليش بستهبل جاها واحد محترم سارت الشوفه بينهم واافقو واهو بيملكو
ليث : انا دحين جييي
تـآمر : لاتجي محد في البيت لمى وتميم خرجو لمشاويرهم وانا وامي بنكمل الباقي
كأنه ولا شـــي
بيزبـطو كل حــآجه وجوه يعزمـوه قبلها بيـوم
ليـث: خلي ملكتكم لــكم لما تحترموني وتعملولي قيــمه حكون واقف بينكم
تامر ابتسم دا اللي يباه اصلا : براحتك انا قلت اسوي بااصلي
ليث ولع : ونعم الاصل اللي بيخليكم تعزموني دحين
تامر : انتا عارف ايش سويتلها البنت ماتبى تشوفك
ليــث بوعيـد : يسيرررر خير يااااتامر
تامر طالع في امـه اللي تمشي في السوق وقــآل : يلا انا مشغول اشوفك على خير

سبحان الله وبحمده سبحان الله العظيـــم

دخلت البيــت وحطت الاكيـآس بالغرفـه جزمتـها وفستــآنها مرا حبته
مو عارفه كيـف تميم وداها دي الامـآكن كآن يقولها المحل بالاسم ويدور عليـه
طبعا كآن كلو بمساعده رشـآ
جلست على سريرها ونزلت الطرحه على كتفـها
مسكت جوالها ومستغربه انو ماتصــل
مرا مقهوره
ليــش خاصرها وهوا مو طبعه كدا

امـآ عدي ماشي في المــول مع لؤي اللي ممرمط معــآه : يااللله ياعدي قرفتني
عدي : يااخي ايش اشتريلها مو عارف
لؤي : يكفي طقم الذهب ايش تبا كمان
عدي : لا ابا شي تــآني
ماسابو ولا مكــآن من محل الملابس لمحل الالكترونيــآت لمحل العطور
ماساب مكــآن
لؤي : الله ياخدك لاتجبلها شي ابا انااام صاحي من الصباح
عدي عدسـه عينـه كانت تتنقـل على كل المحلات وبعدها وسع عينــه وابتسم : عرررفت
لؤي يطالع في عدي وفين مايطالع عدي وماستوعب ايش: ايششش
يمشي ولؤي جمبـه ودخل محل العــآب
لؤي : لااااا تمززح
شاف دبدوب وردي كدا يشوفها شي كيـــوت
مايدري ايش دي الفصــله بس يبا دا الدبدوب
لؤي انحرج وهوا مالو صلاح : والله عيب عليك تديها دبدوب
عدي شال الدبدوب وداخل للرجال : ايش فهمك انتا
لؤي يمشي وراه ويبا يقنعه : ياعدي لسى دي اول مرا تشوفها مايسير
عدي ولا كأنه ســآمعه طلب نفس الدبدوب
واخده وخــرج
لؤي : والله اني مكسوف يااخي كيف حنزوجك
عدي : هههههههههههه وربي مقتنع بالهديه اكتر من الزواج بكبره
لؤي : هههههههههههههه لفلفتنا كل المولات واخد مبلغ وقدره عشان في النهايه دا اللي تجيبو
عدي : حتى حشيل معايا باصره وحنلعب بعد الملكه
لؤي وقف مشي واتكلم وكأنو احد اداه كف : انتا اهبــل <؟؟؟؟
عدي : هههههههههه امشي
لؤي مارضي يتحرك وجهه باين انو مكسـوف وكأنه هوا اللي في الموقف : ياعدي لاتكسفنا ترا ماحجي بكرا
عدي : هههههههههههههههههههه انتا ايش لك محسسني انك حتقععد بيننا
لؤي : ولد خالتي في النهايه
عدي : هههههههههههههههههه امشي امشي
مشيو الاتنين ولؤي : تمزح يامجنون
عدي : لا والله
لؤي : يااولد يااهبل ياااغبي ترا ملكه يعني اجلسو اتعرفو على بعض
عدي : عادي نتعرف بالجوال
لؤي خلل يده بشعره : لا انتا مو صاااحي
عدي بيستهبل ويبا يجلطه : اخد ضومنه ولا با
لؤي ضربـه على قفــآه بقوه : ياااهببببل لاتاااخد شي ولا تاخد الدبدوب حتى,, روح ملك وارجع بيتك الله ياااخد عقلك
عدي : ههههههههههههههههههههههه
لؤي : عدي بلله لو حتسوي دي الحركات قولي مااجي انا مكسوف وانا مالي صلاح يااخي
عدي وجه لؤي وصدمته مموته ضحك : انا ومرتي نصطفل
لؤي :لاحول ولاقوه الا بلله لو بكرا مرضت وماقدرت اجي من دحين اعذرني
عدي : ههههههههههههه يهون عليك
لؤي : والله بعد كلامك ابيعك بترااب ياوسخ
عدي : هههههههههههههههههههه
طبــعا عدي كآن يمزح صح يبا يسويـها لكن مو بكــرا اكيــد ...

نهـــآيه الفصــل

رغوو · 17-07-17, 08:45 AM

لاااا ما تمنيت البارت ينتهي :,(
بس بجد مررة كان جميل وأحلى حاجة حبيتها انه كل الأبطال لهم نصيب في هذا البارت
حتى في البارتات اللي قبل كمان كلهم موجودين بس يعني بهذا البارت كل ما أفكر
إنه هذا البطل شكله ما راح يكون موجود في هذا البارت وإلا وأشوف له حكاية هنا

نأتي لسيرة الأبطال
عدي أخذ المركز الأول في هذا البارت لكونه أكثر ظهوراً فيه
أول حدث بالبارت وأخر حدث وكمان بالنص .. وكمان لاحظت انه
إما يكون يضحك أو إنه مفجوع ... بس بجد حبيت هذا الشخص دمه خفيف
وأكثر شيء ضحكني لما دق على أخوان لمى وقالهم "هي اشتكت لكم ولا باقي "
أصلاً كل أبطالك دمهم خفيف ورهيبين حتى برواياتك اللي قبل ...

___________
ليث أحسن شيئين صار له :ما قابل قاسم (أبو سامي) وتم تطنيشه وكمان ما درى عن ملكة اخته الا قبلها بيوم حتى ما يخرب على أخته ...
بس ما أتوقع حيسكت بس إيش بيسوي أنا خايفة بس من التوقع ايش راح يسووي
فالله يستر بس ..

___________
فيه حاجة أفكر فيها لما قريت إنه عند سامي أحسن جوال و لابتوب توقعت عنده جوال عادي او حاجة زي كذا
وأصلاًكيف ترف تصرف على ولدها ؟ كانت قبل في وظيفة عادية مع صاحبتها خلود
وفي وظيفتها هذي دائمًا تتأخر وأحيانًا تسحب وكأنها مو مهتمة فعلاً بالوظيفة أو حتى بالراتب
كأن عندها مصدر دخل ثاني فكرت أنه أبو سامي هو اللي يصرف بس ما أتوقع انه ترف حتقبل مجرد
فكرة انه تأخذ فلوس منه بما انها من الأساس رفضت أخوها تامر يدفع اجار الشقة فكيف حتاخذ من هذا الشخص!!
أو ممكن ان الدولة تعطي سامي فلوس بما انه اسمه منسوب للدولة!!
حقيقي ما ادري.. ممكن بعدين راح نعرف
____________

هدى.. لازم يطردوها من البيت ما ينفع تعيش معاهم
روان .. ايش المخطط اللي ناويه تسويه تأذي بنت جاسم أو تروح لجاسم بنفسها وتتفاهم معاه!!
هديل .. مفروض تقطع علاقتها مع بشار وتكسر شريحتها وخلاص شيء مرعب انه احد يراقبك
بس في المقابل صعب تتركه حالياً مع الشيء المفجع اللي قاله عليه جلال
أحس جلال كذاب بس لو كان صادق حاجة تموت فعلاً وممكن بيقطع بشار أخر شعره له بالأنسانية
وخلاص اللي يصير يصير ويقدر يسجن جاسم وبدم بارد كمان ...
طيب هديل ايش راح يصير لها الان او ما بعد الان هل راح ينقذها او يتركها ويبقى هوا في صدمته
أووه حاجة مرة صعبة مو قادرة أفكر ايش راح يصير
___________

مين اخترع مسمى ذيل الحصان صراحة ما ادري
أصلاً ما عرفت هذا الاسم الا بعد ما بدأت اقرا روايات حتى اول ما قرأته
كنت مستغربة ايش هذه التسريحة!!
بعدين استوعبت انها "القرن" >> نسميها كذا لما يكون واحد ولما يكون اثنين اسمه "قرنين" ههههههههه
كل الاسمين لها علاقة بالحيوانات ....
بس ما فيه اسم مناسب غيرهم أو ممكن تعودنا عليهم ..

_____________

مرررة شكراً دعدوعا تعبتي في البارت بس فعلاً أبدعتي فيه ..
شكراً مررة ثانية وبانتظارك دائماً
إلى اللقاء

d3do3a · 21-07-17, 06:21 AM

الفــصل الخـآمس عشــر ....

ومـآزلت ذالك الشــآب المتنــآقض
اقـف بيـن الرجـآل وكلي وقـآر هذا يمـدح وهذا يسمع لحديثي المنـمق
اخرج من ذالك المجلس لكي اكمل سهرتي مع احدى الفتيــآت وينقلب حـآلي
واصبح الفتى المدلل
اكمــل طريقي الى منـزلي لاشي سوا سووآد حالك
اسمع بطرقات احاديث لاأريـد ان انصت لها
جميعها تذكرني باأني من عائلــه لاأتشــرف بهــآ
ادخل الى بيتي لكي احـآول اللجوء لمكـآن احس فيه بالامـآن
ومازاـت اسمع بكـآء امــي اخر الليل
ومــآزلت اسمع عن نزوات ابي
ادخل غرفتي اقف امام مرآتي
وأرى حقيقتي
الطفل المهــمش
طولي وعرضــي اللذي يتغيـر مع الايام لايغير حقيقة مابداخلي

فــي البــر ...
نزل يده وهوا لسـآته فاتح المحـآدثه
يمشي بخطوآت تقيـله وبيروح لعند التجمهر
صريـخهم مدموج بكلام جــلال
دخــل بين النـآس وشاف دبابين مقلوبــه
يطالع حولينه
مــآشافها
لف راسه مفجوع لما نادته : بشااار ..فجعوني اللي انصدمو مابى اللعب خلاص
بشار ملامحه ماعليها اي تعــآبير
قـآل بلسان تقيــل : يلا ابا امشي
عقدت حوآجبها وهوا مشي للمكـآن اللي كآنو جالسين فيه
دخل جواله بجيبــه اخد البراد كبو على النـار
ويشيل التكـآياات يدخلها السيـآره
وهديل واقفه مفجوعه : ايش فييه دوبنا واصلين
ولا عــلق...
في ثواني سار كل شي في السيــاره ...
ركب وشغل السياره وهديل لسى مفجوعه وواقفه برا
ايش ساار معاه مو عــآرفه
فتحت باب السياره وركبت : بشااار ايش بك
: ولاشي
بكل جمود
بدون مايطالع فيـها
حــرك السيــاره بعد ماخرج جواله من جيبه فتحج محادثه جلال لما شافو يكتب تاني
" تباني احطك في راسي اكتر من كدا ؟ "
" تبا اديك الدليل ولا تروح بنفسك وتتأكد انتا حر وانا ماقصــر "
طفى الجوال وقعد ضااغط عليــه وعينه عــلى الطــريق
مخــنوق
" 6 شهوور ؟ "
" لا لا امي مو زي ابويــآ "
فجأه سار يفكــر انو اهله كلهم وسخـين
من كبيرهم لصغيـرهم
وفي النهايه طلع جاسم مو ابـوه
بعد المعاناه دي كلها مع اعمامه
بعد ماكل وآحد حفر جوتـته شي مستحيل ينســآه
شد يده على الدركسون لما بدات يده تتنــآفض
كل شي يمر في عيــنه
جاسم وكل حــركاته
امــه ومشاكلها معــآه
اهل امـه وكيف كانو يعاملــوه ..
بدأت دقــآت قلبـه تــزيد وانفــآسه تسبقــها ...

في دقـآيق كآنت معصبه من فصلتو طالعت فيـه ولقت وجهه كلو معـرق
يرفع يده ويمررها على جبينه ويطالع في طريقــه
مو عارفه ليش كدا بيتنفس من ايش معصب ايش سرلــه
بس كل اللي عارفته انو مو طبيعي : بشااار؟

نقل عدسه عينه عليها وبعدها على الطريــق وهوا لدحين بيحاول يتمالك نفسـه
هديل بخوف : ايش بــك

ضاغط على جواله بيد وعلى الدركسون بيد تــآنيه
خــآيف وبيركز في الطريــق
عارف انو اللي عنده شي نفــسي
هوا بيده يخـرج نفسـه من دي الحاله لو شتت تفكيــره
لو مافكر
لو اتكلم بااي حــآجه تــآنيه
كل مرا كآنت تجيه دي الحاله الكل يتكلم معـآه
لين مايتشتت لين ماأنفاسه ترجع طبيـعيه
ودوه عند دكتور نفســي بس مارضي يكمـل عنده
ودا كــآن علاجــه
80 % من العلاج هوا نفس الشخص في حالات البانك اتــآك
وقـــف السياره فجأه وهيا مسكت قدامها مع الفجعه
فك باب السياره ونزل لما حس انو مكتــوم
يبــآ مكــآن وسيـع السياره كبتت على نفسـه زيــآده
قفــل الباب سند جسمه على السياره
غمض عينــه وهوا يمرر يده على صــدره
وبيحاول بينه وبين نفســه انو يهدى
حاول يفنع نفســه انو عمه جلال كذاب
حاول يقنع نفســه انو بيألف هـرج عشان يحرق قلبــه
فتح عينه مفجوع لما حس بيد مسكت ذراعه ونزلتها بمجرد ماطالع فيها
قالت بكل خوف : بشااار ايش بك والله خوفتني
صدآآآع
دوخــه وغثيــآن وكتمه دا كلو اللي يحس فيـه
رجع غمض عينه وهوا يبا يتكلم معاها : عجبك المكـــآن ؟
مو مفجوعه وبــس الا ككأنه احد بيديها كــف
واقفين بنص البــر في مكـآن ظلام وهوا وجهه شــآحب وبيعـرق بس
تبــى تبكي من الرعب : انتا كويس ؟
بشار سكت للحظــآت ومو قادر يشتت نفسـه بااي شي قال بكل ضعف : عهود اهرجي
ايش تهرج ايش تقول
لما طول سكاتها قال بترجي ويهرج باانفاس متقطعه: عهود وربي تعبــآن مابى يسرلي شي في نص المكـآن اهرجي عن اي شي
قلبـها طــآح سارت هيا تتنفس بتوتر
دموعها في عينها
رجعت خصله ششعرها ورا اذنها وقفت قباله وتبا تستقوي
مو عارفه ايش بو بس حتســوي اللي يبــآه : طـ طيب ... اممم _ رفعت يدها اللي تتنافض وهيا ترجع خصله شعرها تاني مع الارتباك _ ايوا تعرف صحبتي لنا كم يوم مانتكلم ومزعلتني واليوم اتصالحنا _ رفعت يدها تاني وبرضو تمسك شعرها بكل خوف _ فاليوم كنت مبسوطه مرا
ولانزل عينه من عليها بيحاول يركز بكلامها وكأنها بتقول شي مرا مهــم
هديل موترها مرا بدأت تتجرأ مع انو صوتها يرجـف : تخيل كمان ...اا .. المكان اللي اشتغل فيـه اخو البنت ...طفشني يبا يتكلم معايا وانا مو مديتو وجه ...مرا مو عارفه اتعامل معاه
ابتسملها وقال بهدوء : مسويه تقيله
بس اتكلم حست انها تبا تبكي بس كملت: ايوا شايله هم لما اروحلهم تـآني حيجي يكلمني كمان ولا كــيف
كملت كلام حق عشــره دقايق وهوا يتأملها ويركز في كل تعــآبير وجهها الخايفه
عارف انها مرعوبــه
بس عاجبتــه
شفايفها وهيا تتكلم
عيونها لما تضيقها
صووتها الرايق
بدأ يســرح فيها وينسى اللي كآن يحس فيــه ...
سكتت لما نزل يده من على صدره وبدأ يهدى
وهوا فتح باب السياره وخرج قاروره مويـــآ
فتح المويا وشــرب والباقي مسح فيها وجهه
ضمت يدها تحت صدرها ورجعت تبــكي
طالع فيــهآ
يحس روح وردتــله
بس كل شي فيه تعبــآن : ايش بك
اشرت عليه باارتباك :انتا اللي ايش بك
ضحك : تبكي وانتي مو عارفه ايش بي
هديل قلبها يدق بجنون من الخوف غطت وجهها وقالت : خوووفتني والله
جا قدامـها ونزل يدها :معليش والله
هديل طالعت فيه : دحين انتا كويس ولا
بشار : ايوا تمام شوفيني مافيا شي
هديل مو عارفه كيــف بلحظــآت اتغير كل شي : ايش سااارلك
بشار : اطلعي اطلعي السياره لاتبكي خلااص
هديل مسحت دموعها وركبــو الاتنين وهيا عينها عليــه
وهوا مو عــآرف ايش يقولها
اصلا مصــدع ونفسه يرجع ينــآم
: ها ايش بك
بشار طالع فيها وبعدها في الطريـق
مو قــآدر يديها حالتو بالتفصيــل وانو ماتجيه الا بااوقات قهره اكتفى انو يقول : ماقدرت اتنفس فجأه
هديل : من ايش
بشار رفع كتفه بدون مايرد وبعدها قال : والله لما جيتي جمبي شوفتك اتنين خوفت يسير شي وماحتعرفي تتصرفي
هديل رفعت يدها على قلبها : والله جسمي لدحين يتنـآفض ..انتبه على نفسك افرض لو انك لوحدك
طالع فيها : كان موت وانتي لسى تتمنني عليا لما تفكيلي شعرك
ضربتو على كتفو وهوا ضحك : ههههههه
هديل : لاتمزح بدي الاشياء
بشار : طيب
هديل سكتت وبعدها رجعت تطالع فيه :اول مرا يسـرلك
:لا
هديل مفجوعه :كدا يجي فجأه
بشار :ايوا
طالع في جواله وحطه على وجهه عشان لايشوف شــي....
واكتفى بصمت طول الطريــق
ماقدرت تاخد وتدي معاه كتير مرا متوتره وخــآيفه من اللي سار
كل شويا تطالع فيه وترجع تطالع في الطــريق كل اللي عارفته
انها خـآيفه عليــه
وصــلها لبيتها وكمـل طريقــه لبيت اهلــه ...

طفوله ملوثه بالواقع \

قبـــلـها بسـآعات ....روان في بيت اهــل رايد تخيـط وبالها مو معـآهآ
ليش ماتجرب حظها
حتقعد تستنى رد من هدى وهديـل لين متــى
من متى اصــلا هيا كانت تستنى من احـد شي
طول عمرها تسوي كل حـآجه بنفسـها
" ممكن يكون عندي اهل وانا قاعده اخيط هنـآ ! ..."
" لا بلاشي جنـآن "
" هديل ايش حتسـوي يعني ؟"
" قدرت تسوي حاجات كتير بس انا برضو اقدر اسوي "
"اجرب لو ماقدرت اوقف قدام جاسم ايش بيده يسويلي ..؟"
"مستحيل ياأذيني ممكن يكون عنده اسبــآب ممكن اهلي رموني وهوااخدني ورباني "
" انا اللي خليتو يوديني عشان ابيع مع البنات طول عمره كآن طيب معايا هوا اتغير من بعد ماروحت هنـآك "

ماقدرت ماقدرت تقعد اكتر من كـدآ
الفكره كل مالها تكبر في راسـها وتحـس مو قادره تطنشها
حتجــآزف ولو ممكن تستسفيد 1 بالميـه من الموضوع
مالها ساعتين عند اخت رايـد الا سابت اللي بيدها وطالعت في اختـه : هتوف بس دا اللي تبيني اخيطو صح
هتوف وهيا على المكيـنه ولابسه نظارتها الطبيــه : ايوا ياقلبي
روان بتردد : دحين تبيه ولا عادي اخليه لبكرا
هتوف : عندك شي ؟
روان بكذب : ايوا اتذكرت شغله ضروريه ماسويتها وابا اروحلها بس لو مهم خلاص
هتوف : لا لا عادي يتأجل لبكرا
روان ابتسمت : طيب مرا كويس بس اخلص اللي بيدي وماشيــه
بزبــط عشـره دقايــق ولبست جزمتها واخدت شنطتها وخرجت بسـرعه
تمشي في الشارع وهيا تدور على تــآكسي وعلى وجهها ابتســآمه
ابتســآمه بس من جوتها قلبها يدق بخــوف
متحمسـه وخــآيفه
متهوره ومرعوبــه
تتذكر هديل ايش ســوت مع بشـآر عشان تتوصل للي تبـآه
رمت نفسها قدام الموت وهوا ماشي بسيارته عشــآن تعرف كم هـرجه
اذا هديل العاقله سوت دا الشي ليــش هيا تقعد في مكـآنها وتستنى احد يرحمها ويقولها ايش المفروض تسوي
اللي بيعشوه جنان في جنـآن اصــلأا ...
وقفـت تاكسي قالتلو بـزبط العنوآن اللي قالتلها هوا هديـل وقت الحـآدث
حافظتــه من يومتها بس مـآكآن عندها شجآعه تروح
بس اليــوم غير
طول الطريـق تفكر ايش تقول واول ماوصلت حاسبت السواق ونزلت ...
طالعت حولينها ايت بيتــهم
بزبــط 3 بيــوت والبآقي مساحات فاضيــه
واقفه في النــص وتطالع
ايش حتدخل !
وللحظــه اتذكرت كلام هديــل
" بيتهم فلـه كبيــره اكبـر من البيت اللي كنت اشتغل فيه "
الموجوده عماره
وفلتين وحده صغيـره والتـآنيه كبيــره واخده ارضيــن للبنـآ
بلعت ريقـها لما حست قلبها غاص في بطنـها اتوجهت للفلــه
جسمها كلو يتنــآفض
لو رد عليها جاسم ايش تسـوي !!!!
عادي تقوله وانتهينا
مدت يدها غمضت عينها وضغطت بدون تفكيـــر
ونزلت يدها بسـرعه
تباهم يردو
وماتبــآهم
تباهم يدخلوها وماتبــآهم
مرت ثواني مرعبـه عليها وردت حور بصوتها المدلع : مييين ؟
روان ايش تقووول
اول مرا تحس بدا الخووف
صوت تنفسـها عالي
مرا خـآيفه
شدت على عينها وقالت : عندكم شغل
حور : لاا
روان بردة فعل سريعه : عادي اشتغل ولو بمبلغ بسيـط انا محتآجه وراضيه بللي تديني
حور لحظات صمت وبعدها قالت : دقيقه
روان حطت يدها على قلبها وزفرت برااحه

جوت البيــت طالعت في امها اللي قاعده على التلفزيون وتتفرج : ها ياماما
امها : قوليلها لا
حور : ماما لين متى بابا ماحيجبلك شغاله خلاص والله انتي تسوي ايش ولا ايش
امها طالعت فيها وكتمت الصوت : والله ماعرفتلك يوم انتي مع ابوكي ويوم عليه
حور : انا مع بابا في كل شي الا بدا الموضوع كل الناس عندهم خدم وهوا مايبى احد يدخل بيتنا ايش فرق السواق عن الشغاله
امها : مدري عنه والله ياحور ماليا خلق ادخل في نقاشات معاه خلاص
حور وقفت وجات قبالها : ماما هوا قلك زمان لو احد يجي ينظف باليوميه دخليها تنظف وتمشي
امها : هوا عارف بعد مانقلت هنا محد يدق عشان كدا قالها دحين لو دخلتها حيسوي مجنون ويقولي ماتذكر اني قلت كدا ماتعرفي ابوكي
حور : طيب مو لازم نقوله خليها تدخل تنظف قسم الضيوف حتى لو تجلس لاخر الليل وتمشي بابا ماحيجي اليوم
امها : حور انتي ايش تبي
حور : اباكيي ترتاحي شوفي كل يوم تشتكي من كتفك وظهرك _ قالت بقهر _ وانا ماقدر اساعدك وماتخلوني اسوي شي يعني مو معقول والله بابا مرا حارقلي قلبي انتي كبرتي لازم ترتاحي
امها : اشتكي من ظهري وكتفي ولا اقعد ابكي كم يوم لو شافها وجا يصرخ عليا وعاملني ديك المعامله
حور سكتت شويا وجات جلست جمبها :ماما ماحيسويلك شي خلي الموضوع عليا خلاص ماتبوني انظف انا حشيل الموضوع عليا
جلسـت فوق ر اســها تزن تزن لين مارضيــت
امها : خلي السواق اول يشوفها وبعدين تدخل
حور : طططططيب
وبسسسرعه اتصلت على السواق وكلمـته ...
فتحت باب البيـــت وهيا تستنــآهآ ...متحمســه
مقهوره ممنوعه من اي مجهــود تشوف امها تدف وتنظف وهيا ماتسوي شي
وابوها مو عارفه ليش عقليته كدا
عندو فلوس وكل شي لكن موضوع الشغالات مايحبــو ...
ومحد عارف ليـش ...
اختفت ابتسـآمتها اول ماشافتها تجي نـآحيتها
ماتوقعتها بنت في عمـرها
امــآ روان قلبها سار يدق بســرعه اول ماشافتها
وكل اللي تردده
" دي بنت جــآسم "
" دي بنت جـــآسم "
اول ماوصلت قدامها
حور حاولت ماتركز بعمرها مدت يدها : اهليين
روان طالعت في يدها وبعدها بوجهها
نفسها ماتمد يدها بتردد رفعت يدها: هلا
حور اشرتلها وابتسمت : تعالي اتفضلي
دخلــت روان وبتطـآلع في بيتــهم
حست كأنه احد خانقـها
فرق السمــآ عن الارض
حياتها عن حيـآتهم ..
قد ايش كانت غبيه لما كانت تتوقع انو يعاملها وكأنها بنتــه بجد
تمشي ورا حور وتطالع في لبســها وبجامتها اللي بنسبه لروان
كلها دلـع
دخلت للصــآله الكبيـره ...
وشافت ام حـور وقفت سلمت عليها وجلست مصدومـه زي حور : ماتوقعتك صغيره
روان تحاول تتكلم
تحاول تبتسم
مو طبعها تدخل لأحد وهيا كدا مكشـره
ابتسمت غصبا عنها : شغلي نظيـف لاتشيلي هم جربيني وشوفي
ام حور ابتسـمت : كم تشتغلي في اليوم
روان : اللي تقدري عليـه ماحقول لا
ام حور حزنت عليـها :لا قوليلي دايما بكم تشتغلي وانا مستعده اديكي
روان : باليوميه قصدك امشي اخر الليل صح
ام حور : ايوا
روان طيب خليها في الاسبوع احسن اخد """"
ام حور برضو شافت المبلغ كويس وبقوه : طيب حللو
روان : ابدأ من اليوم ؟
ام حور : ايوا الله يسعدك _ طالعت في حور _ وريها البيت
حور ابتسمت من قلب : تعااالي
تمشي ورا حور تطالع في الارض في السقــف والابجورات اللي نازله ومفخمــه كل غرفــه
الأثــآت
الكمــآليات
لأول مرا تدخل بيت زي كدا واللي يقهر انو دا بيت جــآسم ...!
دخلتـها لقسـم بعيــد عن جلستهم كأنها شقـه كبيره لوحدها
ثلاث مجــآلس ضيــوف وكل غرفـه بقسم الحمــآمآت الخـآص ...
تفتـح اللمبــآت والغبره بكل مكـآن
الكنب كلو مغطى بشراشـــف حتى الطاولات اللي في النــص
حور : دايما مقفــله دي الغرف وماما تتعب لما تنظفـها دحين حجبلك كل شي
روان حركت راسها ومو قادره تتكلم معاها
مع انو تحسها طيبــه مرا
حور على طول خرجت وقبل لاتجبلها الاشياء راحت لأمها : هاا ايش رايك
ام حور : ماقول غير الله يستر
حور حطت يدها على صدرها :دام الموضوع عليا صدقيني ولا حيدري بابا خلي البيت يفتح النفس نصو مقفــل ومليان غبره
ام حور : ان شاءلله
حور : مسكينه حتتعب في المجـآلس مرا انفجعت ههههه
ام حور : والله لو صحتي زي زمان كان نظفتها ولا خليت احد يدخل
حور : عارفه ياقلبي يلا خليني اروحلها

كل شويا حور تجبلــها شي وبعدها جلسـت على الكنبه وهيا تكتب في الواتس ومبتسمه
روان تنفض الكنب وكل شويا تــطآلع فيـها
غصـه ف نفسها
ليش هيا عايشه احسن منهم
ماسكه نفسها لاتبــكي
مرت سـآعتين ودوبها مخلصه بس غرفـه وحده
حور جاها النـوم خرجت من الغرفه وامها جـآت جلســت مهما كآن اول مرا تدخل بيتهم
مو مخلينها لوحدهــآ ...

فتح البــآب ودخل نــآدى امـه بكل صوتــه محد رد عليـه
دخل غرفه حور لقاها نايــمه
راح لغرفه امــه شاف باب الحمـآم مقفـل اتوقعها تستحمـى
جلس على الكنبه في الصــآله
وهوا يحرك رجله بتوتر
ايش يقولها
ايش يســـوي
مافيه حيـل يفكر
جسمه مهدود وتعبــآن
انسدح على الكنبــه بس قال يغمــض عينه
لكـن نــآم وهوا رافع رجله بالجزمه وكل شي على الكنبه
ماستوعب ....

اما في المجــآلس ..
ام حور : لو تبي تكملي بكرا مو مشكله
روان طالعت في السـآعه : ايوا الوقت اتأخر
ام حور وقفت : الله يديكي العافيه
روان : متى تبيني اجي بكرا
ام حور : تعالي من بدري احسن وخلصي شغلك
روان : طيب كويس
ام حـور قفلت اللمبات والمكيــف وخرجو الاتنين ...
واول مادخلو الصــآله قالت بااستغراب : بشااار !!!
روان على طول طالعت
اخير ا حتشـــوفــه
مرررررررررررا فــــرق عن حور
كأنه مو اخوها
امـه اتوجهت له مفجوعه نايم بدا الشــكل مو عوآيده
نادته كدا مرا ولا رد عليـه
استوعبت انو روان واقفه طالعت فيـها : دقيقه دحين اجيكي
دخلت غرفتــها اخدت فلوس تديها لروان للسياره
واخدت لحـآف لبشــآر

امـآ روان واقفـه برا وتطالع شويا في البيت وشويا في بشـآر
نفسها تفتش البيت كدا تحس ممكن تلقى شي بس من اول يوم مو سايبنلها مجـآل
جاتها ام حور : خدي
روان :م و قلتلك كل نهاية اسبوع
ام حور : لا لا دا حق المشوار
روان ابتسمت وطبعـآ ماتقول لا ماترفض فلوس : طيب شككرا

خرجت من البيــت وام حور حاولت تصحيه عشان ينام في غرفتــه وكأنها تكلم نفسـها
مع انو نومـه مو تقيــل ...غطتو باللحـآف وسابتـه يرتـآح
قفلت لمبـآت الصاله ودخلت غرفتها

امـآ روان خرجت من البيــت شي جبلها الهم وبــس
شافت حور وبشــآر
ايش حتستفيد من الجيـه هنـآ؟
مستحيل جاسم حاتط حاجه تفيدني بدا البيت
عادي خليني في بيتــه
اتقرب منـهم
ولو يوم جــآ حوقف قدامهم كلهم واقولهم انا ميــن
حقولهم ايش سوا فيــنا
واللي يسير يسير
اخلي حيـآتهم جحيــم
خرجت جوالها ولقــت كدا اتصـآل من هديـل
اتصلت عليـها وهديل تبــكي فجعتها : ايش فيييه !
هديل : الحقققي الكلبــه هدى سرقت فلوسنـآ وراحت
روان : بلا بلاهه ياهديييل من جدك
هديل باانهيار تهرج: وربي وررربي فلوسي اللي كنت حاطتها مو فيه الله ياااخدها قلتلك مو مرتاحتلها
روان مرررا مصدومه : لما اجي اتفاهم معاكي
قفــلت وهيا ترمش بعينها مصدومــه
مو قادره تستوعــب

وصــلت للبيت فتحت البــآب ودخلت ...
شافت هديل جالسه على الليانه وباين القهر في عينها ...
روان حطت شنطتها : متأكده
هديل : اتصلي عليها شووفي
روان اخدت جوالها وتتصل تتصل ولا تــرد
هديل : اصلا من يوم مارجعت هدى امس بداك المنظر انا كنت حقولك تكلميها بس انو تسرق فلوسنا وتمشي شي بجد ماتوقعته منها
روان جلست وسندت جسمها على الجدار وتطالع في هديل : والله مو قادره اصدق
هديل : انتي ليش ماتسمعي كلامي ايش استفدنا دحين والله كان معايا مبلغ مرا طيــب وربي مقهوره
روان ماحتعتذر بس اكيد ماحتتفلسف ..فالتزمت الصمت
هديل : ايش حنسوي
روان : مدري
هديل نزلت دموعها : الله ياخدها
روان : خلاص ياهديل
هديل مسحت دموعها : حرقتلي قلبي قد ايش بنتعب احنـآ وتجي هيا تاخد وتمشي كأنها مابتمر بنفس حالتنا وحاسه دي وحده انانيه اصلا
روان برضووو صمتها سيد الموقف
هديل مسحت دموعها : الله لايبركلها ولا بفلس اخدته
روان : خلاص حنقدر ندبر نفسنا لاتزعلي نفسك

لحظــه صمت مر عليهم وهديل مقهــوره وروان مصدومــه شي ولا خطر في بالها انو ممكن يسير
هديل : ايش بك اتاخرتي
روان قالتلها الصراحه : كنت اشتغل في بيت وحده
هديل : مو لؤي قال ماتشتغلي
روان ماعلقت على كلامها : اشتغل في بيت جاسم
هديل وسعت عينها مفجوعه : اييييييييييييييييششش
روان انفجعت من صرختها : ماشوفت جاسم
هديل باارتباك : انتي انتي مجنونه ايش تبي يااااروان
روان : قلتلك حسيبك في حالك وانتي سيبيني في حالي
هديل : فيههه فرق بين الل
روان قاطعتها : ايش الفرق ياهديل انك رميتي نفسك قدام سياره بشار واحتمال كبير كان انك حتموتي ولا تخرجي مع ولده دايما وانتي مو ضامنه اذا هوا واحد طيب ولا لا ولاتقوليلي انك تعرفيه كنتي تخرجي اول معاه وانتي مو عارفه ولاشي عنو دام سويتي دا الجنان كلو وبردتي قلبك انا ليا حق اني احاول اوصل لحـآجه انا اباها ماحستناكي ياهديل اكتر من كدا
هديل بضعف : بس ياروان والله موضوع بيته يخوف ايش تبي تسوي اصلا
روان : مدري شوفت بنتـه _ بقهر _ مرا دلوعه ..
طالعت في هديل : حتى ولدو بشار
هديل تحس قلبها طاح اول مانقال اسمو ماتعلق تطالع فيها وبــس
روان : مدري كان نايم على الكنبـه بس شكلو مدلع زي اختـه حتى جزمته مو مفسخها ونايم فيـها
هديل سكتت وبعدها قالت : كنت اليوم معاه
لها فتره هديل ماتحكيها عن شي : ايوا ؟
هديل : تخيلي فجاه سار مايتنفس فجعني والله ياروان خوفت
روان : ايش سار !!!!
هديل : مدري عارفه الللي يتنفس بسرعه كدا قلت معصب مافهمت ايش سار وسار يعرق وانا مو عارفه ايش اسوي والله احس الموقف لدحين في راسي مو قادره اخرج شكلو _ سكتت وبعدها قالت _ والله يحزني ياروان
روان مو عارفه تهزأها ولا ايش تسـوي : هديل دا ولد جاسم
هديل : عارفه عارفه والله ياروان احسو مظلوم ومو عارف كيف يعيش
روان : طيب مو احنا اللي حنعلمو كيف يعيش دا وسخ شوفتي كيف خرج مع سوزي
هديل : مو عشان كدا يحزني متأكده انو لو احد ساعده حيتعدل
روان شدت على كلامها : دااا ولللد جاااسم نساعده لييش ماينحرق بكيفه
هديل : مو بنتكلم دحين اللي بنفسنا ومحد بتدخل بحياه التانيه
روان سكتت
هديل كملت : اهو انتي في بيتهم وقاعده تسوي شي مجنون
روان : بسوي شي مجنون يفيدنا ممكن مو ادخل بيتهم عشان اساعدهم
هديل : انا ماقلتلك اني حساعده بقولك يحزني افهميني ولاتعصبي لما اهرج ترا قادره اتحكم بتصرفاتي
روان ماتبى تتضارب معاها : بنته في ايش مريضه
هديل : قلي عندها القلب
روان : اولاده الاتنين كل واحد بمرض
هديل : قولي الحمدالله اهو ربي بيبتليــه والله لما شوفت بشار اليوم وبعدها جلست افكر ولده كدا حياته ملخبـطه ليش ربي بيبتلي جاسم
بولد عاق ومريــض وبنته مريضـه والله واعلم ايش كمان فيه شي مانعرفه
روان : يستاهلو الله يحرق قلبه بااولاده
هديل طالعت فيها ومسكت نفسها ماتعلق
تحس انقهرت منن الجملـه وقفت : تبيني اسويلك اكل معــآيا
روان وقفت معاها : حجي معاكي نخبص
هديل خرجت وران جات وراها وقرصتها ف وسطها : وحشتيني
هديل شهقت وبعدها ضحكت: ههههههه فجعتيني
دخلو المطبـخ وهديل تفتح التلاجـه وتدور شي ياكلوه : اقولك شي ماتضحكي
روان : ايش
هديل وابتسامه على وجهها : كنت اغار كل ماشوفك تضحكي مع هدى
روان : ههههههههههههههه احسن يعني قهرتك
هديل : لا بلله
روان : دايما لما نتضارب تجي انتي تصالحيني دي اول مرا تخصريني كدا
هديل : عشانك حيوانه انعطيتي وجه
روان : ههههههههههههه كم مرا اقولك انا اصرخ وانتي تبكي وانا احزن وينتهي الموضوع لانغير طريقتنا
هديل : هههههههههههههه لا ياااشيخه
روان : والله من جد ياهديل خلاص اتعودت على كدا
هديل طالعت فيها مفجوعه : هههههههههههههه انتي من جدك
روان وملامحها مرا جديه : ايوا والله
هديل :هههههههههههههههههه روان اسسسري
روان تتحايل عليها : امانه ياهديل خلاص دا نظامنا في الزعل لايتغير
هديل فاتحه التلاجه وميته ضحك مو قادره تستوعب انو بجدها تطلب منها تبكي وقت الزعل وهيا حتحزن وينتهي الموضوع
: هههههههههه مع نفسسك
روان : هديل ماينفع انا ابكي
هديل : هههههههه وليش وحده فينا لازم تبكي نقدر نتفاهم
روان : لا انا ماعرف اتفاهم انا ابا اسامحك عشاني طيبه وبس
هديل اتذكرت عباطة بشار نفس اسلوبه
ضحكت من قلبها : والله مدري ايش اقولك صرااحه
روان : عادي قولي تم ياعيوني انتي
هديل : ههههههههههه اقول ايش تبي تاكلي
روان جات جمبها ومسكت خدها وتبوسها وهديل تدفها : بعععععدي
روان تقرب فمها وتتكلم : قووولي تتتم
هديل لسى تدفها : ياااللله ياااروان مابى ابكي مااااابى
روان : والله ماحسيييبك
هديل : تمممممممممممممم خلاااص
روان سابتها : ماتمشي الا بالقوه
هديل : مقررفه مستفزه
روان : هههههههههههههههه مقرفه بعينك ولا بوستك

عبولهم اكــل وراحو قعدو في الارض قبــآل بعض
ويتكلمو ويضحكو دا اللي اتعودو عليــه كل وحده بمصيبــه بس يجلسو مع بعض وينسو كــل شي ...
وقت نومــهم كل وحد ادت ظهرها للتــآنيه
روان تفكــر في عيله جـآسم كلهم
وهديـل كل تفكيرها عند شخـص واحد
كل ماتغمض عينها تتذكر ايش سار معـآه وترجع تفتح عينها
لو روان ماقالتلها انو نــآيم كآن اتصلت
نفسها تطمن عليـه ...

طفوله ملوثه بالواقغ

أنـآ لاأبــكي اعترآضـآ يالله , انا ابــكي سُخفـآ من هـذا القــلب اللذي ينهكنـي
أبكــي حســرة ً على ماجنيتــه بحــق نفســي ...

بعيــد عن اعيـن النـآس وآقفــه بين حضنــه العـريض وتبـكي بكــل انهيــآر
كأنه ماصدقــت تلقى دا الحضــن
مع انو تتمنــآه بدي اللحظه وآحد من اخوآنها
تتمنـآه حضن اختــها
حضن امــها
مخلل اصابيعه بين شعرها ويحركها بكل هدووء
وهيا مستمره بالبكــى
بكيتت لين مابدأ يختفي صوتها تدريجيها
مو قادره تبعد وتطالع في وجهه
وهوا مابعــدها مخليها في حضنـه ويتمنـآها ماتبعــد
غمضت عينها وسامعه صوت دقــآت قلبـه المجنــونه
قــد كدا متوتر لأنها ف حضنــه
بعد ت عنـو ورفعت اياديها وهيا تمســح دموعها جلست بدون ماتطالع فيـه
تمرر يدها على الجنز ووجهها كلو مورم من البكــى
جلس جمبـها وحط يدو على يدها وشد عليــها بكل قوه : انا جمبـك ايش ماتبيني اسوي حسويه ياترف بس فهميني ايش وضعك
ترف ولا اتكلمت نزلت دموعها وجات على يده رجع طالع فيـها : خلاص لاتبكي
بدون ماتحس بيدها التانيه مررتها على يده وهيا تمسح دموعها
ولا تطــآلع فيــه حتى
جننته
قلبه يوجعه وبــس : ترف
ساب يدها ومسك وجهها وداره عليه : طالعي فيـآ
رفعت عدسه عينها عليه بدون ماترد
براء : قوليلي ايش يبا منك خليني اوقف معاكي حركت راسها بالنفي وكل ملامحها طاغي عليه البكــآ والخوف ...
براء : لييه خايفه ترف والله مستعد اسوي اي شي فهميني ليش لييش اخوكي بيعاملك كدا
صمت مر عليــهم مستنيها تعلق تتكلم
بس مو قادره لسانها تقيــل
ماقالت دا الكلام لأحد من سنييييييييين
وقفـت ووقف بردة فعل سريعه : فين حتتتروحي
ترف : ابا امشي
دوبها بتتحرك مسكها من ذراعها وباأمر يتكلم : ماحتروحي مكـآن لين ماتفهميني
ترف تحاول تسحب يدها : سيبني
برااء : ترف ماقدر اشوفك كدا واسيبك
ترف بضعف : سيبني الله يخليك والله مو ناقصه
براء : اسمعيني انا حوقف معـآكي
ترف تبا تبكي تحس مارتاحت لدحين : ليشش ؟؟ ليش حتوقف معايا
براء سكت وبعدها قال : لأني بسوي الشي اللي حاسس فيه كل اللي اعرفه اني اضعف قدامك وماقدر اسيبك لوحدك
ترف بلعت ريقها وقلبها يدق بسـرعه قالتلو : وانتا مستعد توقف معايا قدام اهلي وانتا مو عارف ايش بيسرلي مين الغلطان انتا تعرف انا ايش شوفت بحياتي ؟ تعرف ليش اتسجنت ..؟ تعرف طيب كيف جبت الولد ؟ ايش تعرف عني يابراء
لحــظه صمــت
شعووور يقتــل انو انتا حابب دا الانســآن بس مو عارف ايش ماضيــه
ومنتا عارف اذا حتقدر تتقبــله ولا لا
للحظات يبا يسمعلها ولحظآت خايف يسمعلها
خايف يغير وجهة نظرو فيــها
مهما كآن رجــآل
انها تكون لعــآبه على رجـآل بشرفها لو تابت ماحيقدر يتقبــلها
صمتـه وجعها : انا ماحس فيا قوه اني ادي انسان فرصه وف يوم يبيعني انا اخاف كل يوم الانسان الوحيد اللي بقالي يسيبني ووقتها وربي ماحقدر اعيــش من غير سـآمي ليش تبا تتعبني زيـآده وانا اعرف انك في يوم حتعاملني زي الكل ..
براء : انا ابا اسمعك
تطالع فيه بتردد
مابين تتكلم ولا تســكت
نفسها تتكلم تبا تعرف هيا مظلومه
شككوها بنفسـها
بش ايش الفايده انها تحكيــه تتعلق فيه زيـآده !!!
لحــظآت تمر عليها بصراع بين تهرج ولا تسـكت
خايفه عليـه وخايفه منــو
جلســت بتردد للمرا التانيه فتحت شنطتها وخرجت سجـآرتها وولعتها قدآمه
عــآرف انو حشــيش
ودا اول شي استفــزو
لثواني سار مايباها تهـرج
بعد ماولعتها نفخت بالهوى وطالعت فيه : تبا تسمع ولا بطــلت ؟
جلس بكل تــردد نفسه يسحب السجاره من فمها ويصرخ عليها
ماسك نفســه
ماسك نفســه وكل اللي يقوله مو وقته دا الموضوع
مرا من جوتــه معصــب للحظه شك انها الغلطـآنه .. حاول مايبين
طالع فيـها وحاول يكون هادي وقال : ايوا ؟
حطت السجاره على فمها ودموعها متجمعه بعينها سحبت بااقوى ماعندها حاولت تهدى عشان تقدر تهـرج : كذبت على سامي وقلتله ابوك مـاعرفو ودحين ليث عرف مين هوآ ورايح يبا يقتله

براء بصدمه : يبا يقتله !!! _ نفسه كآن يقولها كيف اخوكي ومايعرف مين هوا وانتي تعرفي !!! _
ترف : بس ماحيقدر يوصلـه ولا حيقدر يلمسه حتى _ رجف صوتها _ وحيعرف مكـآني وحياخد ولدي مني ....سامي لو عرف اني كذبت عليه حيروح معاه بدون تفكير

قالتلــو نــص هرجه مافهم ماستوعب الا انها وحده وســـخه !!!!
يعني حتى اهلها ماكانو عارفين مين هــوآ
يعني هيا اتسرت على وآحد
يفكر يفكر في لحظه الصمت الدقيقه اللي مرت

وقلبــه يدق بسـرعه ويتمنى انو يطلــع غلطـآن : ترف ممكن تهرجي بشويش وتفهميني من البدايه
قالت الكلام ورا بعضــه ووخلاص
تحاول ماتنفجر وتبــكي
تحاول تمسـك نفسـها
براء يحاول يخليها تهرج يبا يتجنن :كآن عمرك 15 سنه لما حملتي صح
اشرت براسـها ورجعت اخدت نفس من السجاره واتكلمت : ابو سـآمي قآسم داود الـ""""
براء كأنو ادتــه كف على وجهه : داود الـ """" ؟ اللي
وماكمل كلامه لما اشرت براسها وهيا تقول ايــوا
دموعها نزلت
وهوا بنفس الصدمــه سئل : انتي كيف تعرفي دول
تبــآ تتكلم مو قــآدره
شي صعب بعد دي السنين كلها تقول الكلام
هوا محبوس جوتـها وكل يوم تحسو بيقتلها
ماتبى تقوله
ماتبى تنطقـه
ماتبى تقـوله بصوت عالي
جسمها بدأ يتنــآفض وكل اللي سرلها طول دي الفتره تحسه يمر قدام عينها
تقول ايش ولا ايــش
رفعت يدها وهيا تحط سجارتها على شفايفها تسحب نفــس
وهيا ماتبى تبـكي وتخلي الغصـه جوتها : خلاص سيبني
ماعرف ايش الفصله دوبها كانت حتحكيـه : ترف !
ترف من غير ماتطالع فيـه : خلاص سيبني بقولك _ طالعت فيه ودموعها بعينها _ مو شايفه فايده اني اقول لأحد
جا بيمسك يدها الا هيا بعدت يدو وقالت بكل قهر : انتا ماتعرفني حط دا الشي في راسسك والله ماتعرفني
براء : مو عشان كدا قاعد معاكي انتي ليش كدا مو عارفه ايش تبي دوبك كنتي حتهرجي _ في نص كلامه رفعت السجاره على فمها وهوا سحبها بقهر _ خلااااص شيلي الزفت داا
طفآها في الدرج وكمل كلامه : بطلي دي الحاجات تاخديها
ترف وقفـت من غير ماترد عليـه
وكانت نازله الا وقف ومسكها بعصبيه : انا بهرج معاكي
سحبت يدها بقوه : وانا مااابى اهرج خلاااص ! مجنونه انا مجنونه مو عارفه ايش ابا بحياتي ارتحت
براء : وانا بحاول اوقف جمبـك ياترف لاتستفزيني
ترف رفعت كتفها : مااابى انا مابى احد جمبــي
سحبت نفسـها ونزلــت للموآقف
وهوا واقف مكــآنه
دوبها كآنت بحضنه
دوبها كآنت بتهــرج
قالت نص كلام خلاه مو شـآيف الا انها غلـطآنه وبس
ايش المفروض يسـوي يتقبلـها وهيا جايبه ولد من وآحد واهلها ماكانو عارفين من هوآ
وهيا باإرداتها خبت عنهم !!!!!
ماقدر يلحــق وراها
يحس قلبه يوجعــه يباها
بس مو قـآدر يلحقـها
راح للمحــل وهوا بيلم شتات نفسـه وبــس ...

طفوله ملوثه بالواقع

صبــآح يوم جديـــد ...
فتحت عينها بهدوء ومارفعت راسها من على المخده
ثواني مرت عليــها وبعدها استوعبت انه اليوم ملكتها
وف ثانيه جلست وهيا موسعه عينها ومفجوعه ..
اخدت جوآلها مالقت اي اتــصـآل ...
قلبها يدق مرا بســرعه
ماتدري تباه ولا لا
بس خــلأاص شعور يخــوف ويقتــل انه اليوم حتقعـد معاه
حتقعد معاه من غير عبــآيتها
حتقعد غصبــآ عنها ويقدر يمسك يدها
غطت وجهها بيدها : آآآه ياااربي
مرعـــوبه مرعوبــه منــه
عارفه انه مجنون وجــريئ وهيا عكسـه تمــآمآ
انسدحت تاني وغطت وجهها بلحـآف وشويــآ وتبــكي

امــآ هوآ فتــح عينه مد يدو اخد الجوال استوعب الساعه 10 الصبــآح
وفجاه ابتســـم من قلبـه وقام بسـرعه من على السرير فك الباب ويدور اي احــد
نـزل تحت ولقى علا وامــه وابــوه : صباااااااااااح الخيــــر
قالها من قلبــه
وابتســآمه طاغيه على وجهه
حتى وجهه لسى طاغي عليه ملامح النــوم ..
علا : صباااح النور يااعريس
وقـف عندهم : ايش بكم جالسين
امه : ايش تبانا نسوي
عدي : مدري اتجهزو سو اي حـآجه يحسسني انو اليوم يوم مهم
امه : ههههههههههههه انتا شايف الساعه كم
علا : لسى باقيلك 12 ساعه
عدي طالع فيها واختفت ابتسامته : الله يسد نفسك
علا : ههههههههههه سبحان الله مابى اعلق بس
عدي رجع يطلع الدرج : والله نكدتو عليا برجع انـآم
علا : هههههههههههههه تعال تعال
عدي ولارد عليـها رجع لغرفته انسدح على السرير وهوا عكسها تماما
يبا ينـآم عشـآن يمر الوقــت
مسك جوآله تـآني فتح محادثتها ولقاها متصـله
جلس تاني على طــول
مابين يكلمها ولا يسيبها للملكه خــلأاص
بس ماقــدر
ارسلها من الفيسات شكل الشبــح من غير مايعلق
ومــآت ضحك

امـآ هيـآ جالسه على جوالها وفجاه يطلعلها شبح رافع اياديه فتحت المحادثه مفجوعه
ترمش بعينها كدا مرا
مو عارفه ايش يبــى !!!!!
رجع كتبلها
" اليوم حشوفك" وبرضو جمبها شكل الشبـح
واللي يشوفه كيف يضحك كأنه مابيكلم خطيبته
خرجت من الواتس وحطت جوالها تحت المخده وانسدحت : ياااااررربي

اول ماشافها خرجت من الواتس خلاص ايش يمسكو من الضحك
يضحك بشــر فضيــع
كان يباها ترد بس لما ماردت ردة فعلها عجبتو اكتــر
جايبتلو السعاده من قبل لايقعد معـآهآ
مايعرف يكون رومنسي ودي الحـآجات

فتح باب الغرفه تمــيم وشافها مسدوحه : صحيتي
لمى : ايوا
تميم دخل الغرفـه : تبي شي مني انا خارج
لمى : فين رايح
تميم : بروح اشوف الاستراحه ايش ناقصها
لمى جلست : ماما حتروح معاك
تميم : لا بس انا .ايش بك
لمى اشرت براسها : ولاشي
تميم : متى تبيني اوديكي الصالون
لمى رفعت كتفها : مدري ماعرف متى المفروض يجو ولا متى انا حروح اسئل ماما انتا وقولي
تميم : خلاص بس ارجع يسير اكلمها
خرج وهيا رجعت انسدحت تحاول تحاول تنــآم مو قادره من كتر الخوف ...

مــرت الســآعات وعدي نــآم من قلبــه لين العصـر
دخلت عليه بخطوآتها الثقيلـــه ووقفت عند سريره : عععدي ..عددي
فتح عينه وعقـد حوآجبه لما شافها مو مستوعــب وبعدها قام وحضنها وهوا مفجووع : ستتتتتي
ضحكت وهيا تحضن ولد بنتــها اللي سار اطول منها مرررا : تحسبني ماحجي يعني
سلم على يدها وعلى راســها : لا والله محد قلللي انك جايه ماتوقعت
ستـو : اتمرمطت مرمطه عشان اجي ايش الموضوع السريع داا
عدي رجع حضنها : ياااقلبي الله يخليكي لنا والله مرا مبسوط
ستو بعدتو وهيا تطالع في عينه : انتا اخترتها صح
عدي : هههههههههههه لا والله_ بتردد _ يعني معايا بالجامعه _ بعدين استوعب انو هوا اللي جبلهم هيا _ تقريبا
ستو جلست على السرير : ههههههههه لو مادخلت مزآجي ياويلك
عدي : حتحبيها طيبه البنت ..... بس جيتي لوحدك ؟
ستو : اييوا خالك حجزلي وجيت كآن بيجي معايا بس تعرفو مشغول

امـآ ف مكــآن تاني من زمــآن مايفطرو مع بعـض وهما يتكـلمو ..
جالسين قبال بعـض وكل وحده بيدها كوب الشاهي والتوست
هديل جوالها حاطتـو جمبـها وكل شويا تطالع فيـه ...
طالعت في روان : انتبهي على نفسك الله يخليكي
روان : كل شويا حتصـل عليكي لاتشيلي هم
هديل : والله مو مرتاحه
روان : انا مرا مرتاحه من يوم ماشردنا من عند جاسم ماسويت شي مقتنعه فيه زي اللي بسويه دحين
هديل اللي مسكتها انو كانت في مكـآنها قبل كم اسبوع
بس بنفس الوقت مرا خـآيفه عليـها :لو اتصلت عليكي ومارديتي والله ياروان حجيكي شوفي من دحين اقولك
روان : هههههههه والله انتي الواحد مايقولك شي
شربت روان اخد شي من الشاهي ووقفــت : يلا لازم امشي البيت بعيــد
روان حطت اكلها في الصحن ووقفت وملامحها طاغي عليها الخوف : طيب
روان اخدت شنطتها ودوبها بتمسك جوالها الا لؤي يتصل ادتو مشغول وكانت خارجه الا هديل جات تحضنها : امانه كلميني كل شويه
روان : ههههههه خلاص ياهو
هديل : والله قلبي يدق بسرعه كدا متوتره
روان : اول ماحوصل حتصل كل نص ساعه حكلمك
هديل : واشحني رصيد عشان لاتستهبلي طيب
روان : اي اوامر تانيه
هديل : لا

خرجت روان واول مالقــت تاكسي ادتو العنوان واتصلت على لؤي ...
لؤي : كيفك
روان : تمام وانتا
لؤي : كويسس فينك
روان بكذب: رايحه عند هتوف
لؤ ي: مين دي
روان : اخت رايـد
لؤي : اهاا مو من العصر
روان : لا اتغير الوقت _ غيرت الموضوع _ انتا فينك ايش الازعاج دا
لؤي : اصحابي يلعبو بلوت
روان : ماشاءلله صاحي من بدري شكلك
لؤي : لا انا بايت معاهم
روان : ليش
لؤ ي: مو بنات مرت ابويا عندنا
روان : وانتا حتخرج كل ماجو
لؤي : خلاص مالو داعي اكون فيه هوا كم يوم ويمشو
روان : طيب وفي الليل ايش عندك
لؤي : اليوم ملكة ولد خالتي
روان : ماشاءالله
لؤي : والله مكســل من دحين
روان : انتا ساير زي المكينه من صباح ربنا تصحى وماتنا
مالحقت تكمل الا هوا انفجع وقال : قوووولي ماشاءالله
روان : ههههههههههه ماشاءالله ماشاءلله
كلمتـه ليـن ماوصـلت وقفــلت نزلت من السياره ودقت على الجرس
ردت عليها حور : طيب طيب
فتحتلها ودخلت وحور شايله شنطتها وخارجه : كويس لحقتيني قبل لااروح الجامعه ...
روان مافهمت : مافي احد ؟
حور : لا لا ماما نايمه دحين حصحيها ادخلي
روان دخلت وحور اتوجهت لغرفـه امها
دوبها بتدخل الصــآله لقت بشــآر على نفس النومـه من امـس
رفعت حوآجبها بااستغراب : ماشاءلله
ضمت يدها تحت صدرها وحاولت تشتت نظرها ورجعت تطـآلع فيه
" كيف دا ولد جاسم ول ماشاءلله "
ضحكت بينها وبين نفسها اتخيلت لؤي يسمعها

امـآ في غرفه النوم .
ام حور : يالله تعبانه ابا انام
حور : طيب انتي كان حددتيلها وقت
ام حور : ايش عرفني انها حتجي من 9 الصباح
حور :ادخلها تنـظف المجلس اللي باقي
ام حور : طيب انا بس شويا واجيها
حور : طيب
حور دخلتها المجالــس وقالتلها نظفي هنـآ وبعدين ماما حتجي تقولك فين تكمــلي
وخرجت لجــآمعتــها ..
روان جلست على الكنبه وخرجت جوآلها واتصلت على هديل : اييوا انا وصلت
هديل : ها فييه جاسم
روان : لاا حتى بنتو دوبها راحت
هديل : اهاا
روان : دحين الام حتجيني وفيه بشار تخيلي نايم من امس مالت ناس عاطله ماعندها شي تشيل همه
هديل ماتوقعت تسمع سيـرته : اهاا امم طيب يلا كلميني لو سار شي معاكي
روان بهمس : نفسي افتش البيت
هديل : انتبهي اهم شي احد يشوفك

قفــلت من هديــل وكملـت تنظيـف ولا أحد جـآها خلصت ومو عارفه ايش تسـوي
تمشــي !!
ولاتستنى !؟
قفـلت قسم الضيوف وسحبت المكنسه وكل المنظفــآت وصلت للصـآله
لو مو نــآيم كان نظفت
" امسح الطاولات على بال ولا ادور على المطبـخ "
مو قادره تتمشى بالبيت
قررت تمسح الطاولات وتروح بعدها على المطبــخ
مسححت كل شي كان فيه دولاب طويــل في الركنيـه وفيــه تحف شكلها غريبـه
قربت فكت الدولاب وقاعده تمسـح الغبره
دوبها بتمسك التحفــه الا طاحت على الارض وطلعت صوووت مرا مزعــج
خلى بشاار يقوم مفجووع
ماجلــس من وضعيه السدحه لوقفــه على طــول
رووان مرا انفجعت طالعت فيــه وهيا حاطه يدها عند فمــها : انا اسسسفــه
بيحاول يستتوعب ويطالع فيــها ويتنفــس بسرعه مع الفجعه
بلع ريــقه لما استوعب القزاز اللي حوليـن رجلها
مو عارف ميــن دي
نزلت يدها من على وجهها : معلللليش ماكان قصدي
رمش بعينه مع الصدمه
صورتها محفــوره براســه
ملامحها حافظها حفــط من كتر مايتأمل كل يوم الصــوره !
لسى دوبـه بينطق اسمها
امــه خرجت بعد مالبست شي عــدل وشكلها مفجوعه : ايش الصووت دا
روان مرا مكسووفه نقلت عينها للأم : ماكان قصدي
صوتــو كأنو انفجــآر التحفه كبيــره وتقيــله
حطت يدها على قلبها : حمدالله والله انفجعت
روان وجهها محمر : معليش اخصميها من راتبي
ام حور حزنت عليها : لا مو مشكله ياقلبي حسبت انفجر شي _ طالعت في بشار اللي لساته واقف ومو مستوعب دي ايش جابها _ صححيت ؟!
طالع في امه مفجووع : ايوا _ ماستنى يبعــد اشر عليها _ مين دي ؟
روان رجعت تكمل تنظيــف ونفسها تختفي بدي اللحظه
امــه جات لعنده وماتبى تتكلم بصوت عالي : ايش بك
بشار لسى يطالع فيـ روان : دي مين ؟
امه : وحده تشتغل
بشار : ابويا جابها ؟
امه عقدت حواجبها : ايش دخل ابوك ؟
بشار عينه تتنقل كل شويا على امه وعلى روان وهوا مصدوم : كيف جات
امه : عادي وحده تبا شغل دقت علينا وحور دخلتها
بشار : وانتو تدخلو اي احد يدق الجرس
امه مفجوعه من نبرة صوتــه : انتا ايش بك تهر ج معايا كدا
بشار كأنو امه ماتكلمت : ابويا يعني ماشافها
فهمت شي تاني قصدو انو مايحب الخدم : لا خلاص مو لازم يعرف اني جايبه شغاله
بشار : ايش اسمها
تعرف فصلات ولدها من بعد ماسار شـرطي اسلوبه يسير مستفز : روان
بشار رفع حوآجبه الاتنين ومشي من قدام امه وكأنها مو واقفــه تهرج معــآه
اتوجه للمطبـخ اخدلو كـآسه وصب فيها مويـآ جلس على الكرسي شرب شويـآ
ورجع مســك راسـه
ايش جــآبها دي هنـآ !!!!
يخرجها من البيت ؟
ولا يسيبها ويعرف هـرجتها ؟
كيف حيسيبها مع اهله طيب ليش كاذبه بااسمها
ونسي كل شي لما استوعب الكلام اللي يبا يعــرفه من امه
ماله نفس يكلمها ويتواجه معااها
وبنفس الوقت مو قادر يسكت
مشتت بشــكل فضيـع
راسـه حينفجر وموضوع سميه وامـه كل واحد يدخل على التـآني
ووقـف كل تفكيره لما امه دخلت وهيا ضامه يدها سحبت الكرسي اللي جمبه : ايش بك لاسلمت عليا وشكلك معصب خير!
يطالع فيها ودقات قلبـه ورا بعــض
يتكلم
ولا يروح يحلل
ايش يصبـره لين ماتطلـع التحـآليل ...
لحظه صمت ويطالع فيها بكل قهــر باين الحقد من نظرتــو
امه انفجعت : بشاار ايش بك
فرك جبينه كدا مرا وهوا بيحاول يجيب الكلام بطريقه مرتبـه
بس مو قادر نزل يده وملامحه مرعبــه : كيف اتزوجتي ابويا
لانت ملامحها : ايش السؤال دا
حرك يده بتوتر على الطاوله : جاااوبيني وخلاص
طالعت في يده وبعدها بوجهه : انتا ليش بتتكلم كدا
بشار بقلة صبر: الله يخليكي اتكلمي
امـه مرا متنرفزه بس بتشوف نهايته : جا اتقدملي واتزوجنــآ
بشار بعد الكرسي ووقف : امي لاتكذبي عليا
رمشت بعينها بصدمه : بشااار احترم نفسك انت ا ايش بك اليوم
ضرب بيده على الطاوله وقرب منها : انتتي ايش مخبيه علييا
سند اياديه الاتنين وكأنو قاعد يحقق : قوليلي ليش اتزوجتيه
وجهها كأنو احد اداها كــف
مو قادره تصــدق انو بيتكلم معاها بدا الاسلوب : ليش حتزوجه يعني
بشار بعصبيه : اووه لاتردددي السؤال بسؤاال وتستفزيني
وقفت ورفعت يدها اللي تتنافض ومقهوره : احترم نفسسك ولاترفع صوتك عليا
بشار شد على كلمه يقولها : قولولي قبل لاتجننوني انا انا مني قادر استحمل اكتر
امه صرخت عليه : ايش بتخخخرف انتا ماسرت اشوفك ولما تجي قاعد تحاسبني وتتكلم معايا بقلة احترااام
بشار : انتو انتو االلي وصلتوني لدا الاسلوب انتو اللي بتكرهوني بكل شي فيكم بعد دا العممر كلو انا ينقالي مين ابووك وامك كانت تعرف احد قبلو وحملت فيك
ادتــو كــف مع الصدمــه والكلام اللي قاله وههيا تتنفس بطريــقه ســريعه ومصدومه
دموعها اتجمعت حولين عينها : دي نهايه تربيتي فيييك تجي تشك في امك يااااوسسخ والله ماعرفت اربي بس ايش اقول طالع على ابوووك واعمامك
بشار ولا كأنه ادتو كــف لأول مرا مايعرف يتكلم
لأول مرا يرمي الكلام اللي جوته بدون مايحاسب
او بدون مايفهم من الشخص اللي قبــآله
بلع ريقعه وهوا نفســه يبــكي من كتر مو مخنوق : عمي جلال قال انك حملتي فيا قبل لاتتزوجي وقلي اسوي تحاليل عشان اثبت كلامه عمي ماحيقول دا الكلام من فراغ
انصدمـــت نهايه دا العمر يتبلى عليــها نزلت دموعها وهيا تأشر على نفسها : انااا !!!! ..انتا تتوقع اني انا حق دا الكلام
بشار بضعف : مدري انا ماسرت اعرف شي
امه : انتا لسى بتشكك فيـآ !
بشار : انا جيت بسئلك
امه صرخت عليه : انتا ماجججيت تسئل انتا جيت تحاسبني بس الغلط مو عليك انا انا اللي ماعرفت اربيك لو انتا انسان عاقل كان قطعت لسانه قبل لايكمل كلامه بس ايش اقول كلكم من نفس الطينه
مو فــآهم بزبـط ايش الهـرجه
بس كل اللي عارفه انو فيه موضوع تــآني
وهوا حاليا مرا حقـير
حقير لأنه عامل امه بدا الاسلوب
انعمـى وسـآر يتوقع اي شي
ماحط اي احتمــآل تـآني كان يكذب الموضوع جوتـه وهوا عارف انو صـح
ومتأكد انو صـح
ولا ليش حيجي يقوله جلال دا الكلام
اتغيرت نبرة صوتــه : طيب ليش حيقول دا الكلام عنك
امـه باانهيار تتكلم : ايش عررفني انتو ايش اللي بينكم عشان يوصل فيه الوقاحه انو يتكلم فيا بدا الشكل
بشار ماعرف اشي يرد : طيب الفرق بين زوآجك وودلاتي سته شهور واهلك ياأمي يكرهوني من وانا صغير كنت شايف دا بعينهم
امه : اييوا لأنو كنت مخطوبـه من ابوك وحملت فيك وماعرفت اني حامل الا بعد كم شهر واتزوجنا بسرعه والناس سارو يتكلمو علينـآ تبا تصدقني ولا تصــدق عمك
مو عــآرف ليش عمـه كذب عليـه
جسمه كلو يتنــآفض
مقهور وكــآره نفسـه
انو يبـكي امـه
انو يجي يتهمها بشي وســخ لدي الدرجه
حـس نفسـه مايسوى شي بدي اللحظه
مو عارف ايش يقولـها كآن بيقرب ويحضنها الا دفتــو : روووح من وجهي ياريتني موت ولا سمعت دا الكلام منننك
خــرجت من المطبــخ وهيــآ تبكي
وهوا ماتحرك من مكــآنه
مالو وجه يروحلها
مالو وجه يطالع فيــها

امــآ روان بــرا ولا تدري عن حـآجه فاكـه المكنسـه وتكنــس
وانصدمت لما خرجت ام بشــآر وهيا تبـكي ودخلت غرفتها وقفلت الباب : اووه !
رجعت تكنس وهيا مفجوعه الا شويــآ يخـرج بشـآر وجهه مقــلوب ويتوجــه لغرفتــه وقفل الباب بكل قووتــه
مع الفجعه رفعت اكتــآفها : وي بسسم الله
وقفت مكـآنها وهيا ماسكه عصايه المكنسـه وبعدها ضحكت : ايش سااار
قفلت المكنسـه بحمـآس
واتصلت على هديل : اسمعععععععععععععي
هديل : ايش فيه
روان : هههههههههههههه مضااااربه مضاااربه هنـآ ابا ارقصصص
هديل : ايش فيه مو عارفه انفجع ولا اضحك
روان : مدري يابت فجأه اختفى بشار وامــه وبعدها امه جات تبكي وراحت لغرفتها وهوا تقولي احد ملطشو وجهه محمــر وداخل غرفه تانيه وقفل الباب بكل قـ _ سكتت فجأه
هديل : الوو
روان بفجعه: بسمم الله
هديل : ايش بك يااابت وترتيني
روان : اووص اصبــري
تمشي بخطوات تقيله للغرفه اللي دخلها بشـآر ورجعت تجري لعند المكنســه : والله مجنننننووون
هديل : ايش فييه
روان قلبها يدق ورا بعض من الخوف بس بتضحك مع الفجعه :هههههه والله سامعه صووت تكسيــر بغرفته
هديل مفجوعه من الكلام ومن ضحكة روان : انتي بلهه على ايش تضحككي
روان : مدري خايفه ماتوقعت انو بيتهم اكشن كدا
هديل : يابنت اخرجي خلاص
روان : مع نفسسك ابا فلوس التاكسي
هديل : روان بلا بلاهه
روان : والله ماأخرج ابا اعرف ايش الهرجه يلا يلا سلام

قفــلت بوجه هديــل اللي سارت متوتره وتبــا تبـكي
اخدت جوآلها واتصـلت عليه على طول
روان واقفــه في الصاله وفجاه يدق الجوال وراها رفعت عصايه المكنسـه بخووف وبعدها استوعب : بلااااا
قربت من الجوال مافهمت ايش مكتــوب
اخدت الجوال : ههههه اروح اديه هوا
طالعت حولينها وتبا تكتم صوت ضحكتها
مو قادره ماتضــحك
دي ردة فعلها في دي المواقف
رجعت الجوال مكـآنه : يروح دحين يقتلني دا المجنون
رجعت تكمل تنظيــف وهديــل بس تتصـل
روان وقفت تنــظيف مرا اتننرفزت
" اروح اديه عــآدي "
اخدت الجوال وراحت لحد باب غرفــته
وبدات تخـآف
" ايش البلاهه دي ايش دخلني "
" عادي اشوف ايش يســوي "
" اللقافه هيا اللي تنفـع بدي الموآقف "
ماتستحي ولا اترددت حتى بعد مااقنعت نفسها انو عادي
مدت يدها ودقت الباب ولا ثانيـه الا فتحه حسبها امــو
وانفجع لما شافها
وهيا انفجعت من وجهه المعصــب
مدت يدها : جوالك من اول يدق
يطالع في الجوال وبعدين فيــها
مو عارف ايش يسـوي مع دي كمــآن
بس مرا مو وقتـها
سحب الجوال من يدها وكان حيقفل الباب الا اشرتلو بعشوائيـه : امك قاعده تبكي
لقــــــــــــآآآآآآآآآآآ آآآآآآآآآآآآآآآآآآآفه
لقآآآآآفه
عبــآآآآآطه
ايش تبــى مايدري
اما هيا قالت الجمله وماسكه نفسها لاتضحك
جمله وحده بصوتــو الحــآد خلاها تنفجع : انتتتتي ايش لك
مرا انفجعت
ماتوقعت دي ردة فعلو
بلعت ريقـها وكانت حتمشي الا قال بااسلوب مستفز : روحي كملي شغلك بس
رمشت بعينها كدا مرا بصدمه
قالت بهدوء بعد مااشرت على نفسـها : انا اشتغل في الوقت اللي اباه ...فاااهم !
ومشيــت متنرفززه " وسسسسسسسسسسسسسسسخ حقييير "
" شغاله عند اهلو انا "
" بلا مجاغه ايوا انا شغاله عند اهله "
" برضو مايتكلم معايا كدا حيووان "
خرجت للصـآله
" الواحد ماسار يسوي خير استغفرالله "
" حمشي احسسن "
دوبها بتخـرج الا طالعت في محفظتــه
طالعت حولينها
يمكن لو ماسار بينها وبينـه دا الموقـف ماكان فكرت تاخد
بس دحين مستفزها حتاخد شي بسيـط
قربت وبرضو طالعت حولينها اخدت المحفظه بسـرعه فكتها
واخدت نص اللي فيـها وتدخلها بجيبــها
اخدت شنطتها وجوالها ومشيــت

امــآ بشـآر كآن دوبـه خارج من غرفتـه وشافها باانعكــآس المرايـه
وهيا بتاخد الفلوس
ماتحــرك من مكـآنه
وخرجت بكل هدووء وكأنه ماسوت شي
اتوجه للصـآله اخد محفظتـه
وعرف انو الشي الوحيد اللي اخدتو مبلغ بسيـط
يسوي مجنون ويخصرها حاليا دي هرجتها مطوله معاه
اتوجه لغرفه امـه حاول يفتح الباب لقاه مقفــل قال بهدوء : امممي
صرخت على طول : مابى اشووف وجهك
بشار يتكلم من عند الباب : انا اسف والله جلال الكلب عمآني
ولا ردت عليــه
بشار : امي
ناجى كدا مرا عليها
وبرضو ماردت
مشي وقلبـه يوجعه كل مايتذكر كيف رفع صوتـه
كيف صرخ عليها
ايش قلها
يحس انو اتعدى حدود الوقـآحه خلاص
اتوجه لسيارته شغلها ودق جوآله ..
من اول بتتصــل
رد عليـها بكل هدوء : الو
هديل : اخيرا
بشار : ايش بك
هديل : انتا فاجعني من امس ومختفي
بشار : كنت نايم
هديل :ايش النوم كلو دا ماشاءلله
بشار : مدري والله
هديل : طيب _ بتردد _ كيفك دحين
بشار : الحمدالله تمام انتي كيفك
هديل : كويسا
بشار شاف روان تمشي على الرصيف : عهود شويا اكلمك
قفـلت وهيا مصدومه من بروده معاها بالكلام
حست نفسها تقيـــله وغبيه
يعني لو ماروان قالتلها ايش ساير ماكان اتصلت زي البلهه
رمت جوالها : مع نفسـه
واقفه في الشارع العام وتبا توقفـلها تـآكسي
وقفتلها سياره عشوائيـه
شافها قربت من السياره وهيا تتكلم وبعدها بعدت ورفست برجلها ناحية باب السياره وباين انها معصبه
مشي الرجــآل على طول بعد ماتغزل فيـها

وبعدها وقفلها تـآكسي وركبــت ....

مارجع يتصـل على عهود كل تفكيــره بجـلال خرج مسدسـه من الدرج اللي مقابل الكنبه اللي جمبـه
وحطـو جمبـه .... عمره ماحقــد زي ماهوا حـآقد دحيـن
عمره مانحرق قلبـه زي دي اللحظه
انو يوصل فيه جلال يتكلم بشـرف امــه
انو يخليه زي الاهبـل يروح يعاملها بدي المعاملـه بدون مايفكر ولو للحظـه انو كذاب

طفوله ملوثه بالواثع

قبـــل سنــوآت .. في منــزل اصوات صريخ لعبــهم وخطواتهم السريعه
وضحكـآتهم الممزوجه ببعض طاغيـه على ارجـاء البيت
تجري ببجامتها وشعرها منكووش واترمت على طول في حضنــه : تميممممم وتاامر بيضربوني
ليث طالع فيـهم وهما وقفو جري على طول : ايش تببو
تميم اشر عليها : اخدت البطاطس حقي ودستو ومو راضيه تقولي فين
ليث : طيب انتا حاقد ... ليش تامر يلحق وراها كمان
تامر : عشان سبتني
ليث طالع فيها وهيا بخوف : ماسبيتو انا مااسب احد
ليث : قولي والله ماسبيتو
رفعت يدها ومرررتها على لسانها وبعدين على رقبتها : ها ها
تامر : يااااكذاابه
ليث : ههههههههههههه خلاص خلاص سيبوها
ترف ابتسمت
امـه قاعده قبــآله على الكنبه : دلعها دلعها انتا تروح بيتك ووقتها يستلموها
تميم رجع هوا وتامر غرفتهم بحقــد
ترف متربـعه فوق رجلو وكأنها قاعده على كرسي : عادي اتصل على ليث يجي يضربهم
ابوها وهوا مولع سجآرته : والله حيضربوكي قبل لايوصل ليث
ترف طالعت فيه : تخيل يضربوني
ليث : مايقدرو يسولك شي لاتخافي
ترف اتذكرت : ليث بابا يباني اللبس عبـآيه
امها : خلاص كبرتي يااترف سار عمرك 15 وانتي كدا
ليث : بلله دي وحده عمرها 15 سنه كأنها 10 سنوآت
امها : برضوو ياليث خلاص مايسير كل البنات اللي بعمرها لابسين
ليث مو مصدق انها كبيره وهيا كدا جالسه فوقو ومتربـعه وبجسمها الصغير وبلاهتها بس ماعارض امه وابوه
: خلاص ياترف مايسير
ترف : يااللله يعني دحين ماحقدر العب ولا اجري مع اخواني
ليث : مين قلك ماتلعبي بس برضو مايسير كدا تقعدي
ترف ملامحها مالت للحزن
ليث ضعيف مرا ضعيف عند اخوآنه كلهم : طيب اسمعي _ سكتت بتردد وبعدها اتكلم _ بعد اسبوع حسافر انا وامل اخدكم معايا الاربعه تنبسطو ومنها تخرجي كل اللي ف راسك باللعب وبعدها تلبسي عبايه ها ايش قلتي
ترف وقفت بحممماس : ايييييييوا ايييوا
ابوه : انتا تبا تكره الادميه في اخوانك صح
ليث : خلاص سافرنا لوحدنا خليهم ينبسطو انتو ماتبو تخرجوهم ومشغولين خليني اسفرهم
تـرف دخلت تجري : تممممممممممميممممم تاااااامر
ابوه : ليث والله امل حتبدأ تطفش منهم كل يومين وانتا اخدهم عندك خلاص ماسارت
ليث : عادي تراها تنبسط وتحبهم
امه : ايوا بس مو لدرجه يسافرو معاكم
ليث مقتنع بللي يسويه : الحمدالله مو ناقصني شي حسفرها بعدين لوحدها
وفجأه التلاته سارو ينطنطو حولين ليث ويحمســهم فين حيوديهم وايش حيســو لين ماصحيت لمى ومو فاهمه شي كعادتها

حــآليــآ ..}

جالس في صـآلة بيتو وهوا يحرك رجلــه بتوتر
حاقد بمعنــى حـآقد ...
اليوم ملكة اختـو وهمـآ خاصرينو
جلست جمبه أمل .. : ليث امك كلمتني والله مايسير مانروح
ليث ولا يطالع فيها عينه على شاشه التلفزيون ووجهه كله طاغي عليه العصبيـه : بعد اللي سوه تبيني اروح طرطور انا عندهم
امل خايفه منو بس مكسوفه ماتروح اهلها رايحين ايش حتقولهم ليش ماجيت : اسمع انتا حتسوي دا الشي مو عشانهم اخوانك صغار وطايشين لسى
ماتبــى تقوله انتا غلطــآن
انتا ضربت لمى لين ماكانت حتموت على يدك
عاذرتهم لأنه سو دي الحركه فيــه بس ماتقدر تقوله كدا
ليث : بلله يعني حسويه لمين حضرة جناب لمى التانيه
امل بصوتها الهـآدي : حبيبي حتسويه عشان بابتك الله يرحمه ناسي ايش كآن يقولكم انتو قدام الناس يد وحده كلمه وحده وراي واحد كآنت دي جملتو دايما تبا بعد الملكه تقاطعهم قاطعهم بس مايسير تنقص في اهلك وماتجــي
ليث : ولما سارت شوفتها وانا مو موجود
امل : والله مامتك تحسبك مسافر حتى متصله تعاتبني وانا مو فاهمه الموضوع تعرف تميم بعد مااخد لمى وصلها دا الكلام خلاص هما اخدو موقف منك وانتا في النهايه الكبيـر لاتحط راسك براسهم
ليث بقهر : عارفه الشي اللي يقهر انو بعد دا العمر سارو مايعملولي قيمه بعد دا العمر سارو يرفعو صوتهم عليا بعد ماديتهم كل شي ماحرمتهم من حـآجه يبوها كنت اقصر على نفسي وانتي عارفه عشان اشتري لواحد فيهم شي يتمنــآه
سكتت مقهوره عليـه وبنفس الوقت مقهوره منــه
ليث زمــآن مو زي ليـث دحين
كيف يقارن ...
نفسها تقوله ارجع زي زمــآن بس خلاص تعبت تعبت من المشاكل دي وهوا مو شايــف ...
: خلاص قلتلك عشان ابــوك
ليث بعد صمــت طويل : جهزيهم طيـب _ وقف بقهر وكان حيمشي الا هيا قالتلو _
: حبيبي ابا فلوس عشان اروح للكوفيـره
قال بعصبيـه وهوا يكسر في نفسها كالعاده : ماتتعبي انتي من الصوالين والصرفيات دي
امل كانت دوبها مبتسمه واختفت ابتسامتها : خلاص مو مشكله انا عندي فلوس
قامت من مكــآنها ودخلت تنادي بنتها ....
انقهــر من نظرتها ونبرة صوتها
دخلت غرفتـه وجلس على سريره
ماله نفس يروح
بس حيسوي زي ماقالت امــل عشان ابوه وامـه وخلاص
وجات في بالــه نظرتها
مايبى يروح يعتذر وقـف بعد ماطالع في شنطتها خرج محفظتها وحطلها البطاقه حقـو وورقـه مكتوب فيها الرقم السـري
وخـرج من البيــت
ماعنده اســلوب
بس يسوي الاشياء الكويسا بطريقـه غير مباشره ...

طفوله ملوثه بالواقع \

دخلت عليــه امــه وهوا واقف قدام المرآيــه ويعدل الشمــآغ من قدآم ...دار عليـها وهيا بيدها المبخره
ومبتسمـه من قلبها مو قادره تصـدق انو رايح يمـلك خـلاص ...
: الف اللف مبرووك ياقلبي
سلم على راسـها وبعدها مرر يده على الدخان وهوا يتبخــر : الله يبارك فيكي
رفع عدسه عينه لما شافــها مدمــعه : هههههههه ايش بككك
امه وتحاول ماتبـكي : ماتوقعت انو انتا حتتزوج اول وآحد
عدي اصغر واحد في العيــله كلها من اولاد خالاته وبنات خاله وهوا الوحيد الي حيخطب ...
عدي : ههههههههه اباكم ترقصو وتنبسطو مو تبـكو
امه رفت صباعها وهيا تحاول ماتنزل الدمعه عشان لاتخــرب مكيـآجها
عدي ابتسملها : ايش الجمال دا كلو تبي تغطي على العروسه يعني
ضربتو على كتفو : بطل حركاتك دي
عدي باسها بخدها بشوويش وبصوت مزعج مرا وهيا دفتو وقالت بنرفزه : خلاص خلاص
عدي : ههههههه شايفه كيف خليتك ماتبكي
امـه حطت المبخره على التسريحه : ههههههههه يلا خلينا نمشي كلهم مستنين تحت
عدي : طيب
جلس على ا لسرير وهوا يلبــس جزمـته الرسميه السودآ
ووقــف وبيمرر يده على ذقنــه: كيف بس الحلاقه
امه : ترا عاشر مرا تسألني
عدي : طيب عادي عريس امدحوني طول اليوم
امه : ههههههههه يلا يااعدي يلااا
لابسـه بالطو رمـآدي طويــل فوق فستــآنها عشـآن الفستان بدون اكمــآم
وشعرها مسويـه تسـريحه بسيطه وطبـعا المكيـآج علا مسويتلها ...
شي يناسب عمرها ...
مشي ورا امــه ودوبـه بينزل الدرج وكلهم تحت : اووووه
خالتــه وزوجها واولادها
وخاله وبنــآته وعزآم وابــوه وعلا وستـو
الا لــؤي لسى ماوصـل ...
البنـآت كلهم لابســين بالطو شبه وآقف بسبب فساتينــهم
علا بالباللطو الوردي وكعبـها الفضي المرتفــع بــآين ...
مككيـآجهآ كالعاده شي ينابسها ويناسب انها اخت العريــس ...
عدي نزل وسلم عليــهم واحد واحد الا بنـآت خالو كان من بعيــد
واختفت ابتســآمته لما جـآ عند كريــم
فجأه كدا ماتقبــلو
الشباب واقفين الاربعه مع بعــض وبيهرجو
وعلا وبنات خالها جالسين على الكنب
وكلهم مستنين: لؤي
كريم خبطو على كتفــو : يااولد انتا ياااعريسس والله اليوم ماحنخليك تجلس من الرقــص
عدي في نص كلامــه طالع في عزآم : مين حيجي معايا في السياره !
كريم مرا استغرب بس ماستوعب ايش بو
عزأم باين الصدمه بوجهه : مدري
رجع كريم خبطو : ياااخي
وماكمل كلامه لما عدي مسك يدو : خيير
كريم رفع حـآجبـه : ايش بك اليوم
عدي دف يدو : روووق ولاتلمسني
كريم مرا اتنرفز من دفة اليد مايبى يسوي معاه مشاكل بيوم زي كدا
دق جــرس البيت
كريم : انا خارج اشغل السياره
عزام مسك عدي ويهمس : ايش بككك ياأهبل
عدي كل اللي في راسـه محادثته بالجوال قبل كم اسبوع
لما طلب يحذف صور لمـى
ماقدر يقلو بس ديك البنت قلو احذف كل الصور اللي اخدتها مني
كريم : ياخي ايش بك
عدي : سارتلي مشاكل خلاص احذفهم
كريم يكلمو وبيدو التانيه جواله التاني : طيب اهو بحذف بس في صوره لبنت كدا مو اجنبيه حخليها البنات يحبو دي الصور العفويه
عدي هيا بذات دي اللي يباه يحذفها : لا ياااشيخ بلله احذفها ماليا خلق للكلام الفاضــي
كريم : يااخي تتأكل البنت شوف بس الجلسه والجسم انا انزل الصور وانا اللي اتعب
عدي في داك الوقت ماكان يفرق معاه يتغزل فيها ولا لا

حاليــآ مرا تعليقه يدور في راسه ونفسه يضــربه : مو طااايق اشوفه قدامي وربي لو جا كلمني تاني لاأضربه
عزام مفجوع : اهبل انتا لاتقول عشان نشر الصور
عدي : ايوووا عشان دا الموضوع لو ف امه خير خليه يجي يقرب مني وشوف ايش حيسرله
عزام يضغط على كلامه : عدي اليوم ملكتك اهجد وخلي اليوم يمر على خير
عدي بتحذير : انتا خلي عينك عليـه اجل ...انا شياطيني راكبه راااسي وماحقدر امسك نفسي

قطع حوارهم صوت لؤي وبكــل صوته والابتسامه طاغيه على وجهه:مبروووووك يالعريـــس
عدي لاشعوريا ابتسم مشي بااتجاهه ومد يدو :الله يبــآرك فيككك
حضنه بكل قوته وهوا يخبط على ظهره بكل عفاشــه : والله وكبــرنا
عدي : ههههههههههههه خلاص ياهووو ترا حاسس انو ف فمي مصاصه ومزوجينني
لؤي همسلو : والله بعد الدبدوب ماسرت اثق فيك
عدي رفع حوآجبــه : في السياره الهديه
لؤي : ههههههههههههههههههههه مو من جدككك
جدتهم : ماحتسلم عليــآ !!
لؤي طالع فيـها مفجوع وكأنه احد اداه كــف
محد قلو انها جــآت
اتوجه لهــآ وحضنها : هلاا ياااقلبي
وهيا شدت عليــه كانت تبا تمسك نفسها بس ماقدرت
ولد بنتها
روح الغــآليه دي
بكيت من غير ماتتكلم بكيت بصوتها
صوت ام ماتوقعت في يوم تودع وحده من بناتها وهيا بدا العمـــر
كان بيحاول يمسك نفســه
الكل حوليــه
يمسح على ظهرها وبيحاول مايبــكي :الله يرحمها ياستي
قالها بالقوه
قالت بكل انهيـآر : آآه ياااقلبي ياابنتي ااااااه
بس قالت كدا بكككي نزل راسه و هوا حاضنهاوطاح عقــآله في الارض
الكل بعد ماكان مبتســم اختفت ابتسامتهم
ماتوقعــه دا اللي بيسير
يسمعــه بــس صوت شهقاتـه
مكسووور وماصدق اححد يحضنه
يتذكرها ومايلقى احد جمبــه
ابوه اتزوج وهوا يبــكي كل ماتجي في باله
يشوف مرت ابوه تمشي في بيت امــه
يشوف حاجات تهد حيلــه ومايلقى احد يحس فيــه
يتمنى الوقت يرجع عشان يقدر يقعد معاها اكتر

قال بصوت وآحد منهااار : وحشتني يااستي والله وحشتني
وفجأه ساار يبكي بصوتــه وجدتــه تبــكي
منهارين الاتنيــن
هيا شايفه بنتها بحضن ولدها هوا حاسس انو صغير ومو قادر يتحكم بنفســه
علا اول وحده بكيــت وخرجت على طول للحووش ماقدرت تسمعه
حطت يدها على فمها وهيا تكتم شهقاتها
تحس نفسها حقيـــره
خالاتــه وبنات خالو بكيــو ونسيو فجأه المكــيآج اللي حاطينه

امــآ لؤي ماقدر يتحمــل قلبت عليه الموآجــع وبــس
بعد عنها لما عدي حط يدو على ظهره
شاف الكل بيمسحو دموعهم حس انو نكد عليــهم قال لعدي : انا اســف
وجاي يمشي الا عدي مسكو : على فيــن
لؤي خلاص انخنق ضيق على عينه : مو قادر بروح البيت
ام عدي : والله ماحنروح الا وانتا معانا
خالته مسكت جدتهم اللي تمسح دموعها : دا اخوك حتسيبو في يوم زي كدا
عدي نزل للارض واخد عقــآل لؤي وجا قدامه وهوا يسويله ولؤي يبعد راسه : عدي الله يخليك
عدي بااصرار : واللي خلقني ماحروح املك الا وانتا داخل معايا _ حط العقال على راسـه وهمسلو وهوا دموعه كمان بعينه وانخنق عشان لؤي _ عشان لو طلبت الدبدوب انتا تجبلي هيا
لؤي رفع يده وهوا يمسح دموعه وضحك : حيووان
ابو عدي جا جمبـه : انتا ولدنا فرحتنا ماتكمل ياولدي لو ماحتجي يلا الله يرضى عليك
لؤي اشر براسـه واشر على برا وهوا شايف كل العيون عليـه : خلاص انا استنـآكم
خرج قبــلهم وهوا يعدل شمــآغ ووقف لما شاف علا تمسح دموعــها ..
كان حيمشي من جمبها الا هيا نادتـه : لللؤي
طالع فيـها : نعم ؟
شايفها بعينه تجنن مايدري ايش بو دي اليــومين
بس بتجي ف بـآله
علا مو عارفه ايش تقول بس تبا تطمن عليه : تعال عندنا كل بعد فتره
لؤي : ليش ؟
علا مرا مكسوره من شكله : ارجع زي زمـآن
لؤي بلع ريقـه وقال بقهر : كل شي اتغير ياعلا في يوم و آحد حاجات كتير راحت مني لاتقوليلي ارجع زي زمان
مــشي لسيـآرته ودخل بيحاول يمسك نفسـه ومايبــكي
عدي يحسو اخوه بجــد هوا اقرب وآحد له
مايبى يضــآيقه يباه ينبــسط
مقهور اصلا على الموقــف اللي سار
بكــى الكل وخــرج

ولا عشـره دقــآيق الا خـرجو كلـهم وكل السيارات مليانه الا لؤي كآن حيمشي لوحده الا
جدتــه فتحت الباب : حتسيبني وتمشي
ابتسملها : حسبتك حتروحي مع عدي
جدته : ماأركب انا مع داك الاهبــل
لؤي : ههههههههههههه في ثانيه وانتو واصلين
ركبت بشوويش وقفلت الباب بشوييششش وبعدها هرجت : مجنون والله كيف حيتزوج مدري
لؤي مد يدو : هاتي يدك
مدت يدها وهوا قبل لايحرك السياره سلم على يدها : والله مبسوط لأنك جيتي
طالعت فيه وهيا بتحاول تمسك نفسـها
نقلــت عند ولدها بعد وفاة بنتها ماقدرت تعيــش بينهم
كل شي وجعها
كل شي كســرها
شردت من كل شي عشان نفسيتها وبــس : وانا مبسوطه والله فيك الله يسعدك ياااولدي
يتكلمــو مع بعض
وهما اكتر اتنين حاسين في بعــض
بيحاولو يمسكو نفســهم عشان اكتــر شخص يحبوه ويبوه ينبسط اليــوم

اتحركت السيارات ورا بعــض
واول ماحرك عدي وســرع اتصل عزآم على لؤي وكريم ومراد مكالمه جماعيه : اسمعو نحاوطو بسيارات ونمشي بشويش
مراد : ههههههههههههههههه انا حجي قدامه دحيــن اصبــر
جا قدام عدي بســرعه وكريم من يمينه وعزام يســآره ووراه لؤي
والحريم كلهم يضحكو ... عدي فك الطــآقه ويدق بوووري بعصبيـه : يااااكلاااب بعدوو
ولا كأنه قاعد يتكلم علق يدو على البوري ومرااد يمشي مرررا بطييييييييييييييئ ويضحك بكل صوتـه
عمــآه بالانوار عدي ولاكأنه ماتحرك
مربووش يبا يوصــل بسـرعه
وهما يمشو بشويش ويدقدقو بواري وضحك لين ماوصلــه

امــآ في القــآعه اخدوها صغيــره بس فخمـه وجو عائلــي بس
خالاتهم وعماتهم واهل عـــدي ...
كل شي اترتب ورشـآ مع تميم على الجــوال
حاتط السمـآعات ويصورلها ويزبط وهيا معــآه
انقذتــه في كدا شي
اختـآرتلو اللي حتمسك السهره والاغاني طول اليوم
سوتلها الزفــه
مايعرف ايش يعني مدخــل للاستقبــآل
مايعرف ايش يعني مباشرات
تروح تتفاهم مع الحريم وترجع تديه الارقام وهوا شغال تحويــل فلوس
في يومين قدرت تدبرله كــل شي
لمى مع فجعتها مو داريه عن شي
وتامر مايفهم بدي المواضيع وامه لو عليها العشا وخلاص
وهوا نفسـه يفرح لمـى ويسويلها احســن شي

رجعو بيتــهم اتجهز هوا وتــآمر وامهم معــآهم وراحو على القــآعه ...
دخلت الام قسم الحريــم وشافت العاملاآت الموحده ملابسـهم
وكيف المكــآن مزبــط
طاولـة الاستقبـآل باللون الذهبي والسكري والفازات الطويله نازل منها الورود بالالوان الرآيـقه واللي كاسر اللون الاوراق الخضـرا
واللي على الدي يجي داخله معاها وبتزبــط كل شي
الطاولات المشعتره وعليها باقات الورد الفخمــه المنسقه بالالوان البارده المريحه للعيــن ..
ولا نص ساعه الا اخواتها اللي ماتشوفهم الا بالمناسبات دخلــو ..وبعدها دخلت عمـتــهم ومع ثلاثه من بنـآتها
علاقتــهم سطحيــه مرا ودا الشي ام لمى اللي بنتو بعد فضحيه تـرف
ماقدرت تتجمع مع احد
ماقدرت تستقبل احد
تتمشكل مع اخواتها لين ماسارو يتحاشوها
وشويــآ دخلو اهــل امل .. وبعدها امـل وبنتها دانـه
كلــهم يبو يشوفو العريــس واهل العريــس
الفضول مقطعهم من بعد تــرف والقطعه اللي سارت ...

اما في قســم الرجـآل اتملى بسـرعه اهلهم رجالهم اكتر من حريمهم ...
وانصدمو لما دخــل ليــث
تامر همس لتميم : الله يستتتر
اتوجهه الاتنين وسلمو عليــه وجلسسـو يستنو اهــل العريــس
جاه المؤذون وبنفس الوقــت دخلـو معاه اهل عــدي
بزبــط كانو 20 رجــآل عيله امــه وعمـه وولده
و5 من اصحاب عدي ...
ليث يطالع ومو عارف ميــن العريــس لين ماجا يسلم على ليث وتامر ماحب يكسفــه قدامهم : دا العريس عدي ..دا اخويا الكبير ليــث
عدي عرفـه طبعا انو المستفز على طــول ماينسى كيف مسكها في الجامعه سلم عليــه وليث مو طايقه من يوم ماشافــه
ولا دقــآيق الا المؤذون طلب انو يعقد النكــآح اخد ااساميهم في الكتـآب الكبيــر اللي قدآمه
جلس وحط ال كتاب على الطاوله اللي قباله
تامر اشر لليث يجي وجلس على يمين الشيخ
وعدي جلس على يســآر الشيــخ
بدا الشيخ يقرا ايات قرآنيــه وبعض النصـآئح الدينيـه في الحيــآه الزوجيـه
دار راسـه على ليــث وقال
" زوجتك
وليث يكرر وراه : زوجتك
المؤذون : ياعدي طلال الـ""""
ليث : ياعدي طلال ال""
المؤذون : لأختي لمى مراد """""
ليث : لأختي لمى مراد """"
المؤذون : على كتاب الله
ليث : على كتآب الله
المذون : وسنه رسوله عليه الصلاه وسلام
ليث يكرر والمؤذون يكمل : على مهر قدره """ اما باامساكه بمعروف او تسريحه بااحسان ...
دار على عدي ..
المؤذون : قبلت زواج اختك
عدي : قبلت زواج اختك
المؤذون : لمى مراد الـ"""
عدي : لمى مراد الـ""""
المؤذون : على كتاب الله وسنه رسوله
عدي : على كتاب الله وسنه رسولــه
المؤذون : على المهر المتفق عليـه ا
عدي يكرر
طالع في الشهود ووجهلهم بعض الكلام ...
وبعدها بدأ يدعي لهم بالحياه الزوجيـه السعيده والهدآيــه ....واول ماقفل الكتــآب
بدأت المبــآركه والكل يسلم على عدي وابوه ويسلمــو على اهــل لمــى ...
عدي خلص وراح سلم على لؤي تاني وهوا يضحك : ساااار عندي حرمه
لؤي : هههههههههههههههههه
عدي بحمااس وهوا يعدل شماغه : متى متى حشوفها
لؤي : ايش عرف اهههلي
عدي : اروح اسئل اخوانها ولا كيف
لؤي مسكو : يااغبي اتصل على امك ايش حتروح تقولهم
عدي : اوووم الحمااااس روح روح اتزوج اجيب المؤذون نستغله قبل لايخرج
لؤي : ههههههههههههههههه ايش اجيب وحده من الشارع يعني
عدي : مدري بس شعور حلو والله
لؤي : هههههههههههه
عدي خرج جوآله : اتصل على لمى
لؤي : يااخي انتا مو عارف ايش تبى مرا فاضيتلك دحين ترد
ليـث مرا ماحتك مع عــدي كآن قاعد مع ابــوه وماقـدر غير انه يحترمه بسبب اسلوبــه

عنــد الحريـم قبل لايوصـلو الرجــآل كآن تميم دوبـه جايب لمـى دخلت لأحد الغرف
فسخت عبــآيتها
لبست فستــآنها الليموني الفاااااتح لونه مرا رايــق وعليه ربطه عريضه في النص راسمه خصرها
النحيف بدقـه ونفشتو بسيطه بالشيفون الحرير..الصدر بالجبيرالناعم مغطى بكرستالات صغيره معطيتو فخامه
وبساطه واناقه بنفس الوقــت جلست ولبست كعبــها الفضــي ...
وطالعت في نفسـها بالمرآيــه .
وهيا تمرر يدها على شعرها المكســر
ماعرفت نفســها تحس بشعور غريـــب
ماعندها احد يديه رايــها فيها
كلهم اللي برا علاقتهم سطحيـه
امها فتحت الباب ووقفت فجأه تطالع فيــها
لمى قالت بتوتر وهيا ماسكه الفستــآن : ايش رايك؟
قالت بنبره صوت هاديــه : حلوو
وشتت نظرها واخدت جوالها من الغرفـه وخرجت ..
انبسطت انه امها مدحتــها كل شويا توقف تاني قدام المرايه
وتتحرك يمين ويسار والفستان يتحرك معاهااا
نسيت عدي فجأه وسارت مبسوطه بشكلها
وحست قلبها طــآح لما سمعت الزغاريــط
اتوجهت للطـآقه الللي مطله على الطاولات اللي برا بعدت الستــآره
وشافتهم داخلين سابت الستاره : قلللبي
رفعت يدها على صدرها وتحس قلبها حيخرج كل ماتتذكر انو عدي جــآه

امـآ علا اول مادخلت سارو البنــآت يهرجو عنها ويطالعو فيــها
غاده جات تهمسلها : يلا يامشهوره شوفي كيف يطالعو فيكي
علا تحرك شعرها ومبتسمه : نفسي اروح ابوسهم والله
غاده : هههههههه خليكي تقيله مالت عليكي
جلســو على طاولاتــهم والأغاني كانت محمستهم طول السهـره
وعلا كل شويا ترفع جوآلها
والكل عــرف انو اليوم ملكه اخوهآ الصغير
لمى جالسه جوا فكت جوآلها وسارت تتــآبعها
ولقتها منزله صوره لعدي عند سيــآرته وكاتبه
الف مبروك يارووح اختــك
وجهها حمر وهيا تطـآلع في شكلــه وكيف متـزبط
وبدأت تزيد دقات قلبها وهيا تتامل الصوره
مو متخيله انو دا زوجها خــلاص
مر الوقت وهيا لوحدها بدات تطفش مرا
بعكس عدي اللي حولينه الكــل وجالس على اعصــآبه يبا يدخل
حطو العشــآ عند الرجـآل ووقتها اتصلت عليـه امـو وقالتلو تعــآل
احلللللللللللللللى لحظظظـــه
يحس قلبــه حيوووقف
عزام ولؤي قدامه لؤي يعــدله الشمااغ
وعزآم خرجلو العوده اللي حاطها بجيبــه : انبسط يااخويا
عدي : هههههههههه انا مبسوط من دحين
لؤي : خليك تقيل ياغبي ايش الابتسامه دي كلها
عدي : والله مو قادر من اول ابا اسوي تقيل مو قادر
لؤي : هههههههههههههههه
عدي اخد جوآله لما اتذكر وكتب للمى " حصني نفسك يامزتي "
عزآم : وقتك دحين على الجوال
عدي : بكلم مرتي انتا ايش لك
عزآم : اكتر انسان نطق مرتي وانتا ماتعرفها لك 3 ايام
لؤي : ههههههههههههههه منجددد

دق جوال عدي رد : ايوا
امه : يلا انا مستنيتك عند الباب
عدي مع الحماس ضرب بكل قوته لؤي على كتفــه : جااااي
لؤي : اااه يااوسخ
عدي قفل وهوا يضحك : سلاااام
ومشي بخطوات سريــعه لقســم الحريم
ولؤي وعزآم يطالعو فيــه ويضحكو : مجنون دا الادمي _بعدها استوعب _ انتا ايش بك لاصق في كريم كدا
عزآم : لاتذذكرنني
لؤي : اصلا مستغرب ايش فيه !
عزام : يااخي دا الزفت عدي موترني كنت خايف يضارب معـآه
واخده الكــلام وبعدها عزآم استوعب كلام هديــل
لما سئلتو ايش سويــت مع ولد خــآلتك
كآنت مستنيه منو ردة فعل عدي
لو مجرد انو انقهر ومايقدر يتكلم معاه كآنت حترضى ....

امــآ عدي واقف عند البــآب وانفتح وحس قلبــه حيخــرج كآنت غرفه لمـى قريبـه من باب الدخــول
استقبـلته ام عدي وجمبـها ام لمى سلم على راســها وهيا مرا منحرجــه ...بعدت ووقتها فكولو البــآب يدخل على لمـى
لمى ولا أحد قلها انو دحين جاي جالسه بكل ملل وهيا تمرر يدها على الفستــآن ومميله راسها على اليمين
اول ماشافها يحس قلبــه بيخــرج
امه وامها وعــلا وراااه ...
امها نادت لما استوعبت انها ماقالتلها شي : لمى
رفعت راسها وشهقت مع الفجعه
قلبها تحسو طـــآح
فجعووووووووووهــــآآآآ
بلع ريــقه وهوا يتأمل شكلها
تجنن تجنن
امه نغزتو من ظهره : ادخل ســلم
مشي بخطوات خفيفه اتجاهها
وعلا على طول رفعت كاميرتها اللي حولين رقبتها وبتصــور
لمى نقلت عينها على امها وتبا تبــكي
امها توسعلها عينها وتأشرلها يعني اوقفي
وقفــت وجسمها كلو يتنــآفض ونزلت عدسه عينها لما وقف جمبها
دا وهيا لابسـه كعب مرا عالي وهوا برضو اطول منـها ...
قــرب منها وبـآس راسـها واختلطت ريحـة العوده بريحتها الرايـقه ...
بعد ونزل عينه عليها وقلها :مبرووك
اشرت براسها وماقدرت تتكلم ولسى مارفعت عينها عليــه
قلبها حيووقف ويدها تتنــآفض علا جـآت جمبه وهمستلو بشويش: ياحيوان امها هنـآ
حياكلها بعينه كآن
استوعب ووقف جمب لمى بعد ماكان مديهم ظهره
ام عدي سلمت عليها وعلا سلمو وكلهم يقولولها الله يسعدكم ويتمملكم على خيــر
ام لمى مرا متوتره اول شي لأول مرا تكشف على وآحد غير اولادها
وتانيا لأنها شايفه بنتها كدا جمب رجــآل
قالت وهيا منحرجه : دحين الزفه ؟
علا : لا بس يتصورو ياخاله وبعدين الزفــه
ام لمى بدون اي اعتراض : طيب
مو عارفه تخــرج وتسيبهم ولا ايش
ام عدي : خلاص انا خارجه _ طالعت في لمى وعدي وابتسمت مو قادره تصدق انو ولدها واقفه جمبـه بنت كدا وخلاص مرته _
علا : طيــب
خرجت ام عدي وام لمى اضطرت تخرج وقلبها ياكلها تبا ترجع بس اولادها كل شويا واحد يتصل يربشها
اما علا نزلت عينها منحرجه وهيا تسوي نفسها مشغوله بالكاميرا لما شافت عدي ميل جسمه على لمى
" ياااربي اخويا مايستحي دا "
مسك يدها : ايش بك خايفه
اشرت براسها بدون اي كلمه
ضغط على يدها وهوا يحس يدها زي التلج وترجف : لمى ايش بك
منزله لمى عدسه عينها وصدرها يطلع ينزل بشكل واضح
مرا عدي انقهر حس نفسه وحــش ...
لساتو تحت تأثير الخرفنــه
عدي : لمى طالعي فيا
رفع يده وهوا يمررها على ذراعها وعلى باله يهديها كدا : ايش بك خاايفه
جسمها كلو اتقشعر
نزلت دموعها على طول
الاتنين انفجــعو علا سابت الكاميرا وجات وعدي اتكلم مفجوع : والله ماحسويلك شي ايش بك خايفه
علا : يااقلبي انا ليش بتبكي
جسمها كلو متصــلب مو قادره تتحرك
تبا اخوانها
تبـكي وترفع يدها تمسح دموعها الا علا مسكت يدها : المكيــآج لاينعدم
عدي بعد شويا وخلى علا تهديها لأنه شايف نفسه متوحش وخايفه منـه
علا تطبطب على وجهها بالمنديل : لاتبكي والله اخويا كيوت من ايش خايفه
لمى بالقوه هرجت : ابا اخواني
علا حست انها تكلم وحده صغيره: ههههههههههه ايش تبيبهم
لمى رفعت عدسه عينها وطالعت في عدي وبعدها نزلتها تـآني وكأنها تقوله اباهم بسببك
طبعا هوا نظرتها لوحدها جننتو : تبيني امشي ؟
لمى حركت راسها باايوا
وهوا ضحك وقال بدون مايحس : والله ماحمممشي ماصدقت ادخل
علا ماتت ضحك : هههههههههههههههه _ طالعت في لمى _ اسمعي اتخيليه اخوكي
عدي انقهر : اخوها بعينك
علا طالعت فيه : ههههههههه بحاول انا
عدي جاه لعند علا وبعدها ووقف قبال لمى :حتخافي شويا وحتتعودي عليا لما تستوعبي اني اليف وماسوي شي طيب ؟_ رجع عاد _طيب ؟
اشرت براسـها ورفعت عدسة عينها عليها ورجعت نزلتها
عدي ابتســم على طول
وطالع في علا بنظرات واحد متخرفن لين ماخلاص
علا تبا تموت ضحك على نظراته اول مرا تشووفه كدآ ...
انفتح الباب ودخلت المصوراتيه وف يدها قاروره المويـآ : معليش ع تاخير
كل شــي كآن مزبـط للتصــوير
الاضائــه الخلفيــه ...
بس طلعت عينها وهيا تقولهم قربـو ولمى تشرد كل شويـآ
مايصدق يحط يدو على وسطها
ولا يقرب منــها
وهيا تتصلب حتى ماتتنفــس
وقفـت قباله مديته ظهرها وهوا حاتط يدها بخصرها
المصوراتيه بعدت الكميرا عن عينها : ارجعي على ورا
تباها تلصــق فيه ..... عدي شويا ويبوس راس المصوراتيه من كتر مو مبسوط
رجعت خطوى لورا
المصوراتيه : كمان
سحبها بشويش لين ماخبطت بصدره وقلها : ايوا كدا
ملامح وجهها كأنها بتتفرج فلم مرعـــب
مافي اي ابتسامه
مرعوبــه وخلاص
حاسه بطريقــه تنفسـه المتوتره وهيا لاصــقه فيه
تبا تبــكي
ماجا ف بـآلها هرجه تصــوير ..
المصوراتيـه : حطي يدك على كتفـه وطالعي فيـه
لمى لما تنحت ضحكت المصوراتيــه وجات لعندها مسكت يدها وحطتها على كتفه وقربتها لحضنه : بلاشي دللع دا زوجك
عدي : جبتيلنا الكلام يامدلعه
المصوراتيــه : ارفعي عينك وطالعي فيه
يدها تتنافض حاطه كل يد على كتـف وف حضنــه رفعت عدسه عينها عليــه وبتطالع
مكسوفه ماتبا تطالع فيــه
عدي ابتسم لاشعوريا ويتأمل عينها
سرح بجـــد ونسي في وحده بتصـوره
متجنن فيها مرااا

علا بسبب اخوها خرجت من الغرفـه استحت هيا من نظراته
صورتهم ورجعت قربــت ونزلت يد لمى على صــدره تبا تصور بس يدها وكتــف عدي
حاطه يدها وتحس دقــآت قلبــه ورا بعضضض
من جوتها على انها مستحيه بس انبسطت وهيا حاسه دقات قلبــه كدا
عدي نزل راسه وهمسلها : قلبي حيوقف
ابتسمت ووجهها محمــر

خلصــة تصوير وعدي اتمنــآه مايخلص كآن مبسوط
اما لمى اول ماخلصت جلست على الكرسي وخلاص رجولها مو شايلتها من كتر ماتتنــآفض
دخلت علا وعدي همسلها : شوفتي اكوت من كدا
علا ابتسمتلو وهيا تضحك بهمس : ياوسخ نظراتك مرا اوفر اكلت البنت
عدي : كأنها لعبه ماتتحرك نفسي اخدها البيت معايا واجلس افعصها طول اليوم
علا ضخكت بصوت عالي ولمى مو عارفه ايش بيقولو بس منحرجه : ههههههههههههههههههههههههه هه ياححيوووان
عدي : والله كل ماتطنشني كل ماتجنن مدري دا شي طبيعي ؟
علا : هههههههههه لا ياقلبي مو طبيعي انتا مجنون وهيا اوفر
عدي : روحي بس يللي ماتعرفي كيف الواحد يستحي اتعلمي شوفي شوفي الكياته حقتي
رجع وقـف عند لمى ومسك يدها : يلا زفه تايم عشان نخلص ونقعد مع بعض
علا : ههههههههههههه فجعت البنت اهجد ياعدي
دقايق وعلا رجعت تقولهم يلا اتجهزو ...وقفو عند البــآب وهوا رجع دار على لمـى : شوفتي ايش كتبتلك بالجوال ؟
لمى طالعت فيه وقالتلو : لا
ابتسملها وهوا يتأمل شكلها وبعدها رفع اياديـه الاتنين عند فمو وســآر يقرا عشان يحصنها
مرا وجهها حمــر وعلا ماتروح عليه ا دي اللقطــه رفعت كميرتها وصورتهم
ولما خلص مرر يده على شعرها ونزل على كتفها وهوا يطالع في عينها
بدأت موسيــقة الزفــه ...
فتحتلهم علا الباب واشرتلهم يخرجو
عدي قوس يدو واشرلها وهيا بتردد حطت يدها في نص ذراعــه وخرجو ..
اطوول لحظــه مــرت على لمى وهيا تمشي والكل يطالع فيها
مو متعوده
ماتحب النظرات دي
تتتوتر زيـآده
ضغطت على يده وهيا مرعوبــه
قرب وهمسلها : الحمدالله في شي مخوفك غيري
ولا كأنو يكلمها
وقفـو اتصــورو تـآني لبســه بعــض الدبـل ..
وبعدها طقم الذهــب وكآن قلبه حيخرج لما قرب وهيا مميله راسها وهوا يحاول يقفل السلسله
ودقــآيق اتحولت الاغاني من هاديه ورومنسيــه لأغاني شكشكه ..حاول يخليها ترقص بس مارضيــت
عيلــه رقيصــه من كبيــرهم لصغيــرهم تبا تعذبهم شغلهم اغاني وخليهم مايتحركو ...
علا جات لعنده وهيا تــرقص وهوا ماقصــر رقص على اغنيـه وحده وهوا يقولها : ها متى حنقعد لوحدنا
علا ترقص وتضحك: ياشيخ البنت حتموت على يدك
عدي : الله واكبر عليكي
علا : هههههههههههههههههههه
ومن كتر عدي ماربشهم رجعوه الغرفــه تاني
وانفتحت ابواب البوفيــه
رجعت المصوراتيه تصورهم وهما لابســين الدبل
ماقدر يتكلم معاها عـــدل امها تدخل وعلا تجــي خالته
خلاص كره ام الجلســـه
خلص اليــوم وامها دخلت تقولها تلبس العبـآيه
عدي خــرج من القــآعه عطـر سيـآرته وطلب من اخوانها انه هوا يوصــلها للبيــت
وقبل لايعلق ليث تامر قلو : طيب
بدات السيــآرات تمشي وكل اللي بقــي اخوانها التلاتــه وعدي ولؤي اللي مستنيــه لأخر لحظــه

في الغرفــه لمى فكت فستـآنها ولبست جينز وبلوزه لبست عبــآيتها
دق جوآلها استغربت انو عدي ردت : يابرنسسيتي انا مستنيكي عند الباب
ماستوعبت : ليش !
عدي : حوصلك للبيت
لمى ماعندها اي تعليــق !!!!
عدي على طول : كلمت اخوانك وقالولي عادي عندك اي اعتراض ؟
لمى : لا
عدي : هههه طيب كوويس لما تخلصي انا واقف برا
قفــل منها وامها دخلــت لبسـت عبـآيتها : اخوانك فين
لمى رفعت كتفها
امها : خلاص بس اباهم يشيلو الاشياء اللي عند الباب
لمى دحين اتصل عليهم
امها : جوالاتهم مقفــله ولا واحد فالح يجيب شاحن معاه
لمى بهدوء : حتصل على _ تبا تقول عدي مو قادره قدام امها _ اخرج اناديهم ؟
امها : ايوا بســرعه ظهري وجعني
لمى اخدت شنطتها وخرجت رفعت طرحتها على شعـرها وخرجت لقت على طــول عدي : بسم الله
عدي : هههههههه من كل مكان اطلعلك
لمى ابتسمت ضحكته حلوه : ابا اخواني
عدي مرا سار يتنرفز من هرجه اخوانها : ايش تبيبهم انا فيه
لمى : لا ماما تباهم
عدي : طيب تعالي اركبي السياره وانا حروح اكلمهم
لمى مرا خافت الكلمه تخوف اصلا
السياره موقفه قدآمها مشيت بخطوات تقيــله فكلها الباب : برجلك اليمين ياعروسه
داخله شقتو مو سيــآره
ركبت قفل البــآب
السياره زي التلــج او هيا مع الخوف حاسه ببروده بكل اطرافها
عدي كلمهم ولما شافهم بيشيلو عفش ســآعدهم لين ماخلصو كل شي
ليث بيحاول يتقبله مو قادر مع انو ماشاف شي منـه

لمو عفشــهم وركبو السيارات ومشيو التلاته ورا عــدي
مو قادر يسرع ولا يبطــئ ماشي نظاامي وراعبينــو
يطالع في المرايه : الواحد مايقدر يفلها شويــآ
نطقت من غير مايوجهلها اي سؤال ولأول مرا : بردد
عدي اترخت ملامحه نفسه يسرلها جاااكيت بدي اللحظه طفى المكيــف على طول : نطفي المكيف ونطفي امو كماان
تحرك يدها في بعض وتبا تدفيها وبنفس الوقت ماسكه ضحكتها
القـآعه مرا قريبـه من بيتــهم وصلــو وعدي اول ماقالوله الله يحيــك طلـع وماصــدق ...
كان بيســآعدهم الا تامر حلــف عليه مايمســك شي
طلـع مع ام لمى ولمـى ...
دخل المجلــس فكتلو المكيــفات واللمبـآت وهيا ماكانت حاطه ف راسها انو يجي
شردت لمى على طول لغرفتها فسخت عبـآيتها غيرت بلوزتها
ولبست بلوزه محشمـه كمها طويــل شيفون بللون الابيض مافيها شي طايحه على جسمها وجينز كحلي
غيرت للون الروج وخلتو وردي رآيــق وخرجت من غرفتها وامها بوجهها
طالعت في لبسها وقالت : روحي اديـه مويـآ _ مشيت وهيا تتكلم _ دا اللي كان ناقصنا بس
صبتلو كاسه مويـآ وحطته في التبسي الفضي الصغيـر
واتوجهت للمجلس اول مادخلت طالع فيـها وابتسـم اقربت منو وهيا ماده التبسي
بس وقــف وسحبه كله من يدها : لاتتعبي نفسك اجلسي
شالو من يدها وحطو على الطاوله
جلست لمى على الكــنبـه وهوا جلس جمبـها
اخيــــــــــــــــــرا
اخيييرا مستننني دي اللحظه من اول
تلعب بااظافيرها وهوا يطالع فيــها ومو عارف ايش يقول غير اللي اتذكره : فاكره الكف اللي اديتيني هوا
وجهها حمــر
عدي : طبعا حتستحي وقتها ماستحيتي وانتي تمدي يدك
اترسمت على وجهها ابتسامه وتبا تضحك
عدي كدا مضايق وهوا بشماغ والرزه مايحبها
شال الشماغ والكوفيه رماهم جمبــو
وهيا انفجعت ميل جسمو ناحيتها : كدا اخد راحتي
رفع يده وهوا يحرك شعره اللي قاصه بطريــقه مجنونه من الجوانب خفيف ومن النص كتير وشعره بني غزير ونــآعم
: عارف انك ماحتهرجي معايا الا لو انا قعدت اهرج المهم كآن شعور حلو وانا اقول قبلت زواج اختك لمى مراد على كتاب الله وسنه رسوله...شوفت كمان اخوانك خلاص كلهم بس لساتي الخبط يشبهو بعض يعني واحد باين انو الكبير دا ليث اتوقع صح
لمى : ايوا
عدي : انا تميم دا علاقتي لسى معاه مو كويسا
لمى على طول طالعت فيه : ليش
عدي ماتوقعها تعلق : مدري كدا ساير بيني وبينه تتش
لمى : اها
عدي : تامر حبوب ليث ماعرفو...مين اقرب واحد ليكي ؟
لمى : تميم
عدي عرف ليش دحين جا ضربـه : اها انتي ماعندك اخوات صح ؟
لمى بتردد : ماعندي
عدي : يسعد الدلوعه حق العيله
لمى ابتسمت بااحراج
مو عارف ايش يســوي ...يحب يشوفها خـآيفه ومفجوعه
شاف علبه المناديـل جمبـها مد جسمو واخد العلبه وهيا انكمشت على نفســها بفجعه
لسى دوبها بدأت ترتاح
عدي يتكلم ببرائه : كنت باخد المناديل
حركت راسها وقلبها يدق ورا بعــض
وهوا يبا يضحك وجهها يضحك لما تخاف نفسه يبوسها
سند جسمه على الكنبه ومميل جسمه ناحيتها : ريحة شعرك مرا حلوا
نزلت عدسه عينها اخدت الركازه اللي جمبها وحطتها بحضنها بتوتر
مو عارف ايش يقول
: لمى والله لو ماهرجتي حمسك يدك
طالعت فيه بصدمــه
رفع كتفه : ماليا صلاح شوفيلك حل
قرب جسمه : ها
وقفت مفجوعه على طول
عدي : ههههههههههههههههههه ايش بك
وبنفس اللحظــه
دخل تميم وتــآمر واول ماشافوها ابتــسمو
تامر سلم عليها : مبروك يااقلبي
لمى ماردت مستحيه تقول الله يبارك فيك ماتدري ليش
امــآ تميم حضنــها : مبرووك حبيبي
تامر طالع في عدي : ايش بك ماتعشيت
عدي : لا بالعافيه الله يكتر خيركم
تامر جلس : والله فجأه ادور عليك يقولولي راح عند الحريــم
عدي :هههههههههه خلاص ايش ابا بالعشا _ طالع في لمى _ نبا العروسه احنا
لمى مرررا انفجعت ايش حتى اخوانها يتكلم كدا قدامهم
تميم اتفاجئ من ردو بس ماعلــق جلس ولمى على طول راحت لصقت فيـه وهمستلو : شوفت كيف يهرج قوم اضربو
تميم بنفس الهمس: ههههههههههه انتي مرته ماحد يقدر يقوله شي دحين
تـآمر : والله الجلسه مع اهلك ماتنمل بذات مع اخوك
عدي يطالع في لمى اللي لاصقه في تميم وتهرج بس بهمس وهوا يرد عليها بنفس النبره ويرجع يطالع في تـآمر : الله يسعدك مع انو اكتر واحد ممل في العيله
تامر : هههههههههههههههههه حرام عليك
عدي يهرج بمزح : والله انا وهوا مانتفق مرا هادي وف حـآله اكره شغل المساكين دا
جا يحش اخوه عادي كدا من اول يوم
تميم علق : دا وهوا اخوك ا لكبيــر
عدي رفعلو حاجبه : كبير بس انا المتزوج واحد صفر يعني
تامر : هههههههههههههههه بدأت ترفع دا الكرت
عدي : افا عليك من يوم الشوفه انا مستخدمه
لمى مبسوطه وهيا تشوفه يهرج معع اخوانها رجعت تهمس لتميم : لو خرجت ابا اخرج معاك
تميم : فين تروحي ؟
لمى : مابى اقعد لوحدي معاه
تميم : ههههههه من جدك انتي والادمي حيقعد مع مين
لمى : مع تامر
تميم : ههههههههههه بلهه انتي
: السلااام عليكم
دخل ليث ولمى على طول لصقت في تميم
ماشافتـه من اخر موقف لما ضــربها
: وعليكم السلام
اتــوجه بيسلم للمى وقــف قبالها لمى ماوقف
ليث : ياابت
ولارضيت حتى تطــآلع فيه ماقدرت
تميم : لمى
وقفت بصعوبـــه وقلبها مرا حيــوقف
سلم عليها : مبرووك
لمى بهمس : الله يبارك فيك
جلــس على الكــرسي وهيا جلست تسمع كلامــه وتبا تبــكي
مو قادره تتحمل حتى صوتـه سحبت نفسـها من المكـآن وخرجت
وعدي طول الوقــت عينه عليها ويرجع يتكلم معــآهم
جاه عشان يجلس معاها واخوانــها التلاته قاعدين معــآه
لما شاف مافي امل تــرجع وقف : يلا عن اذنكم ..
تميم سلم عليه وراح ينـآدي لمى ..
وقــف عند باب الشقـه وماسك بيده شماغه وهيا قبــآله ماسكه الباب بتوتر : ايش بك خرجتي
لمى : روحت لماما
عدي : لا لما دخل اخوكي داك خرجتي
لمى ماردت
ماحب يطفشـها ويسئل مصيره حيعــرف : بس بجبلك شي من السياره واجيكي خليكي طيب ؟
لمى اشرت براسها : طيب
نزل بسرعه جاب الدبدوب ورجعلــها
جا قدامها : شوفي دا اول ماشفتو اتذكرتك شي كيوت زيك
لمى مرا اتجننت عليه على طول ابتسمت وعينها على الدبدوب
عدي : عجبك
لمى اشرت براسها
عدي مد يدو جات تاخدو الا بعدو .... قرب خدو : بوسيني وانا اديكي
لمى : ماباه خلاص
عدي : هههههههههههههه محاوله فاشله يلا مو مشكله خديه
متردده تمد يدها ولا لا
عدي قربه من حضنها وهيا اخدتو : خلاص حتنوميه جمبك ؟
لمى ضحكت : ايوا
عدي : حتبوسيه قبل لاينام
لمى حركت راسها
عدي : ههههههههههههه ياريتني الدبدوب والله
لمى وجهها حممر مرا صدمها برده
اما هوا ضحك وغطى عينه بتعب ورجع شال يده : معليش خلاص بديت افصل انا ماشي
قرب وباسها بجبينها ومابعـد قلبه يدق بســرعه قال بصوت مبحوح : انتبهي على نفسك
: طيب
بــس خرج وقفلت البـآب حطت يدها على قلبـها وهوا يدق
مـــرا بســرعه وجهها حار واحممر
حركاتــه مجنونه
بس انبسطت
يعني تتوتر وتخاف وتبا تبكي بس لما مشي حبت كل شي ماتدري لو اتعاد برضو حتخاف ...

امــآ هوآ ركب سيارته وطول الطريـق مبتســم ..رجع البيت ولقـاهم كلهم ملمومين في الصالـه
عزام وابوه وعلا وامـه وجدتـه
امـه بيدها المنديـل وتمسح المكيــآج
اما علا من زمان مسحت المكياج ووبجامتها وفاكه شعرها المستشور
عزآم : اخخخيرا جيييت
عدددي سوا وجهه ملامح حزينــه وكلهم انفجعو
راح للكنبـه الطويله الللي امه قاعده عليها جلس جمبها وحضنها : زوجوووني هيااا بسرررعه
علا : ههههههههههههههههههههههههه ههههههه خييييرررررررررر!
ابوه : هههههههههههههههههههههه
عزآم : والله اللي يشوفك يقولك عشره سنين تعرفها
عدي لسى حاضن امه : مالكم صلاح _ طالع في امه _ والله احسها حقتي ليش سبتها عندهم ابا اخدها
امه : هههههههههههههه عدي من جدك
عدي سند جسمه على اكنبه وهوا يلعب بعقاله : والله مرا قلبي وجعني وانا ماشي احسهم طردوني
علا : حبيبي الساعه 5 الصباح متى كنت تبا ترجع !
عدي : انا حر قاعد مع مرتي
ابوه : هههههههههه اقول انتا حتطفشنا كدا
عدي : خلونا نكلمهم نقدم الزواج
اامه بصدمه : عدي لسى اول يوم انتا بتشوفها اهجد وروقنا وروقهم البنت وراها دبش وراها تجهيزات
عدي : اوووه
جدته مدت يدها : تعال تعال ياقلبي
عدي على طول راح عندها وانسدح على الكنبه وحط راسه على فخدها وهيا تلعب بشعره : الواحد يرجع بعد الملكه مبسوط وانتا ترجع زعلان
عدي لساته يستهبل بااسلوبه الجزين: احسهم ضحكو عليا زوجتك اختي وقبلت الزواج وبعدين اخدوها وراحو مو بس اخدوها اخدو فلوسي واخدو البنت
عزام : ههههههههههههههههههههههههه ههههههههههههه ياووووسخ
امه : ههههههههههه والله ماتستحي
عدي : وربي دافع مهر عشان استنى كمان كم شهر ايش قله الادب دي دافع فلووس انا
علا : هههههههههههههههه بضااعه هيا

وقــف سيارتــه سحب مسدســه ونزل بدون اي تفكيــر للفـلا الصغيــره ...
دق الانترفون بكــل ازعــآج ولا رفع يده من عليــه ...
لما شافـه بالكميـرا ضغط الزر اللي يفك الباب
دخــل بكل عصــبيه
والقهــر طاغي على ملامحـه واول وصـل للصاله ونادى بكل صووتــه : جلااااااااللل ...جلااااااال
جاه جاســم طالع في المسدس وبعدها ف بشار فجوع : ايشش بكك
بشااربكل عصبيـه : فينن جلال
جاسم : براا البيت ايش ساااير
بشار ضغط على مسدسه وسار رايح جاي وبيحاول يتمالك نفســه
اتوجـه لناحيه ابوه : تععرف اخوك وصلت فيه انو يهرج عن امــي !! يقوول عن امي انها حملت فيا من وااحد غيـرك
جاسم سكت وبعدها قال : عرفت واتمشكلت معاها
بشار سكتت للحظات بصدمه وضحك بعدها بدون مايحس : واضح انك زعلان صراحه لساتك قاعد في بيته !
جاسم : خلاص انا واخويا نصطفل
بشار ضغط على اسنانه : لما يجيب سيره امي وقتها انا وهوا اللي نتحاااسب
جاسم : بشااار هجدني انتا بتراقبه خليته يبا يلهيك باأي حاجه
بشار مرا متنررفز : انتا سااامع ايش تبقول !! بقولك اتبلى على امي على مررتك وانتا تبررلو !!!
جاسم : مابرر لأحد انا عرفت اوقفـه عند حده بس مو زيك حجي زي المجنون بمسدس
بشار ضغط على اسنانه وعينه محمره ويطالع في ابوه
مو قادر يستوعب اللي بيقوله !
هرج عن امـه وابوه يقوله وقفته عند حده وهوا لسى قاعد في بيتـه !!!!
بشار رفع مسدسه ويحركه على كتف ابوه وهوا ينطق كلمه كلمه بقهر : على قد كلامه ماقهرني وخوفت انو حتى امي تطيح من عيني على قذ مانبسطت انو فيه امل انك ماتطلع ابــويـآ
رجع خطوى لورى وطالع في ابوه : إنتا وجلال انجس ناس قد شوفتــهم

خرج من البيـــت وسـآب ابوه ف صدمــه من كلامــه
ركــب سيارته ورما المسدس في الدرج
ماكان متردد ولا للحظــه انو يطلق رصاصه في راااس جلال
سند جسمه وغمض عينه وهوا يبا يستوعب اللي كان حيسويــه
نهايته هما اللي حيدمرو مستقبـله كمـآن !
" استغفررالله .."
كل اللي يباه كان جلال انو بشار يتلهي
وانو ينعمي ومايفكر
ودا اللي قدر يســويه
انقهر بشــار من ردة فعلــه
طالع في الجوال لما سمع نغمه الواتس وطلعتلو محادثـه لحور ..
_ ايش سووويت لماما
بشار _ لساتها زعلانه !
حور _ ايوا قلتلها فين بشار قالتلي لاتجيبي سيرته وبكيت هيا ناقصه يعني يابشار ماتصدق انتا تجي وتشوفك
بشار _ خلاص دحين حجيها
حور _ لاتجي دخلت تنـآم وقفلت الباب
بشار قرا كلامها ومــآرد مرا مقهور
مو عارف يراضيـها
فتح الواتس لمحادثـة امـو وكتبلها
" انا اسف عارف انك ماتبي تشوفيني وماليا وجه اطالع ف عينك
ومو عارف ايش ابرر واقول بس والله ماحقدر انام وانتي زعلانه منـي "
شغل السياره ومــشي وبعدها اتصل على امـه
ردت عليـه حور : قلتلك ماما نايمه
بشار : طيب لما تصحى قوليلي عشان اجي
حور : والله حرام
بشار بنرفزه قاطعها : خلاص فاهم اني زعلتها
حور : طيب قهرتني
بشار سكت مو ناقصها كمان هيا تجي تنصحه دحيــن كان حيقفل الا قال : ايش هرجه البنت اللي تنظـف
حور : روان ؟
بشار : ايوا
حور : عادي حتجي كل صباح وتمشي العصر
بشار : يعني يوميا حتجي
حور : حاليا ايوا بس بعدين مدري ..كمان انتا مو عاجبك الموضوع
بشار متنرفز من اسلوبها : ايوا مو عاجبني امي كآنت نايمه وانتي مو في البيت وسايبين وحده غريبه بدون محد يراقبها
حور : ايش اسوي كانت عندي جامعه وصحيت ماما تقعد معاها
بشار : انا حجي في الصباح
حور : خلاص ماعندي بكرا جامعه
بشار بصرامه : قلت انا جي
حور : بكيفك
قفــل من حــور والنكد طــآغي على وجهه
مالو نفس يرجع بيتــه
مخنـــوق
مضــآيق ...
اتصل بدون مايفكر على عهود ..
هديل اول ماشافت اتصـآله ماردت
انقهرت من اخر مكالـمه
رجع اتصـل تاني وردت ببرود : هلا
بشار : كيفك
هديل ماقدرت ماتتوتر من صووته الهادي: تمام وانتا
بشار : كويس ..نقدر نتقـآبل ؟
بتحاول كدا تكون بارده وبس : ليـش ؟
بشار قبل لاينطق الكلمـه حس قلبه نغزه قال بدون مايحس وبدون تفكر : نفسي اشوفك ..
وتـــرها
قلبها زادت دقــآته
لو روان ماقالتها ايش سار معاه مداه خصـرته على اسلوبه اول في الجوال بس
بعد ماعرفت ماقدرت تقول لا : امم طيب ساعه كدا
بشار : طيب انا ارجع بيتي استحمى واغير واجيكي

وبـــزبط سـآعه وهوا يستنـآها وهيا فتحت بــآب السياره وراحــو لأحد الكافيهات ...
طلبو قهوتهم ورفع اياديه على الطاوله وبيلعب بجواله وطالـع فيـها
نزلت عينها على يده وانفجعت : ايش بها يدك
كلها مجرحـه
مايدري مع القهر لما كسر الاشياء ايش سار بزبــط : مدري
هديل : كيف ماتدري .... ترا من امس موترني ايش بك
بشار سند جسمه على الكرسي
مخنــوق ويبــآ يهرج
وآُثــق فيها ويمكن اكتر انســآنه قد شافها وارتـآح لها بدون اي مقـآبل
قال بتردد: اضاربت مع امي
هديل : ومن ايش الاجراح دي
بشار : لا مالها صلاح بالمضاربه
هديل : طيب ليــش اتضاربت مع امك
بشار سكتت
حاول مايتكلم
بس مو عارف ايش حيخسر لو هرج وارتـآح شويــآ
البنت طيبــه بعينه
بتحكيه عن كــل شي
وهوا محتــآج احد جمبـه
رفع عدسه عينه عليـها وهوا يتأمل ملامحها وبعدها قال : بسبب عمـــي

طفوله ملوثه بالواثع

الســآعه 7 الصبــآح اترمى على ســريره مكســر مهلوك حالتــه حالـه
رفع جوآاله وهوا ماسكه ومغمض عينه ويتكلــم : هلا ياقلبي ...
رشـآ :اخيرا فضيت
تميم : تعببببان جسمي كلو يوجعني
رشا : يااقلبي الله يديك العافيه
تميم : والله يخليكي ليا بدونك مدري كيف كانت اكتملت السهره
رشا :اهم شي انبسطت لمى
تميم : لمى عبيطه والله
رشا : ليش
تميم : مدري كيف حتتفاهم مع الادمي هوا يحب يضحك وجريئ ولمى عكسه ياحيجننها ياحتطفشه واحد من الاتنين
رشا : ههههههههههه
تميم : على قد مازعلت انك ماجيتي اليوم على قد مافرحت انو ابوكي جــآ
رشـآ وجهها حمـر : والله كنت حجي قلت لو راح لعمي من بدري وسهر عنده بس ماطول
تميم : على قلبي زي العسل اليوم في اللليل حيكون دوري ان شاءالله حكلم امي
رشا ضحكت بااحراج : خليها ترتاح
تميم : تبيني اتجنن انا مو مسكتني من اول الا إنو ابوكي مسـآفر

طفوله ملوثه بالواقع

ويــن ذاك اللي يبيــني ماينــآم الا اذا غمضــت عيني ..فاقــد احساســك وحشني اهتــمـآمك
كــآفي حس فيني تعــآل ارحــم حنيـــني ...
جـآلس في بيــت وآحد من اصحـآبه على الكنبه ف غرفـه لوحده
مو قآدر ينـآم فتـح السنـآب وسار يشوف التحديثات كلها عن عـدي
هوا مارسل شـي
صور شاشه سودا وكتب الله يوفقك ويسعدك ياأخويـآ الصغيـر ...
وارسل السنـآبه
مكسـوف من صاحبـه
مو قادر يقوله بكرا حقعد كمان عندك
انسدح على الكنبه وهوا مخنوق مرا
يحس لما شاف جدتــه نفسيته رجعت زي اول
يبا بس يبكي ومخنــوق
كسرتو بجيتها
حاول قد مايقدر اليوم يضحك وينبسط قدام عدي
مع انو طول الوقت ككأنو احد خانقه
كل مايحس انو صوته بدا يرجف يشرب مويــآ
يضرب عدي ببلاهه
يستهبــل
كآن يكـآبر بشكل يوجعه اكتر
زي الطفل اي احد يقول امي يخليه يبـآ يبكي
الاسم لوحده يسويلو ازمه وكأنه امس متوفيــه
رفع جواله قدام عينه بلع ريقه اكتر من مرا
فتح الارقام المحظــوره ويطالع في رقم علا اللي حافظه زي اسمـه
يتأمله ومع الضعف اللي حاسس فيه حاليا فك الحظر منــها ...
اتذكر جنــآنهم الاتنين
اتذكر قد ايش كآنو يحبــو بعض
معروفين علا للؤي
ولؤي لعــلآ
عارف انو مستحيــل يلقى وحده بنفس عقليتها
متـأكد انو قلبـه ماحيدق لوحده بالطريقه المجنونه اللي كـآن يدق فيها اول ماتوقف علا قدآمــه ....
وحشـه كل شي فيــها
اهتمامها فيه
احساسها
دلعها
وحشه الكلام اللي بينهم
مايقدر ينــآم الا لما يسمع صوتـها
مايقدر يرتاح الا لما يطمــن عليها
كيف كل شي اتغيــر
الحنين شي يقتــل
وانك تشوفها بعد فتره طويـله كل شي يرجع يقلب كيـآنك
يخليك تصارع من البدايه كأنك دي الفتره كلها ماسويــت شي

قـآعده ف غرفتــها ومجنــونه لو مابتفكر فيـه دحيــن
سانده جسمها على السرير وتبــكي ...
حاولت بقدر الامكـآن تنبسط عشان عــدي
بس بكــى لؤي مو راضي يخرج من راسها
طريقته لما انهار في ثانيــه قتلتها
ترفع يدها وتمسح دموعها كل شويـآ
فتحت جوالها وفكت محادثته تقرا كل يوم كلامهم حق زمــآن
مايصدق انو محتفظه بكل المحــآدثات
تضحك على بلاهاتهم
تقرا مشاكلهم
عارفه انو وصلو لمرحله مو قادرين يكمــلو
بس الحب اللي كآن بينهم مو شي قليل
وانها سايبتو بوقت زي كدا
تحس شي حارق قلبــها
عارفه انو حاظرها من كل مكـآن ودا شي كسـرها لأنه اتوقعت الانفصال كآن برضى من الطرفين
لكن حركاته مادلت على كدا مــرا
ضغطت على اسمو بعدين فكت الصور اللي كانو يرسلوها لبعــض
وبكيت باانهيــآر
وهوا مسدوح وبيغمض عينـه يصور نفسه لأخر لحظه لها
وهيا قاعده في حضنه وتدلع ويتصوره
الهدايه اللي بينهم
حركاتهم المجنونه
ليش ليش كدا حاسه بضعف اتجاهه
تبــآه وعارفه انو مخيرها بحاجتين ماتبا تختار بينهم
طلعت شهقه من فمها
لما شافت حفله عيد ميلادها في احد المطــآعم
قلب المكــآن كلو يومتـها .. شي رومنسي وفخم يليــق بحبهم ..
قلبها يدق بسرعه
مشتاقتلـــه
دا كل اللي تحسـه دحين
اول ماتشوفـه تحاول تكــآبر وتحترم القرار اللي وصلوله
بس لدحين قلبها مايكون طبيعي لما تشوفه
لدحين كل مايجي في بالها وعارفه انو مخنوق نفسها تحضنه وكأنه لساته خطيبها
صعب في يوم وليله تستوعبي انو دا الانســآن خلاص راح منــك

رجعت على المحادثـه
وف ثانيـــه
صوت بكــآها اختفــى
اتوسعت عينها
online
قلبها يدق بســرعه
صوت تنفسـها سـآر مسموع
ترمش بعينها بصدمــه
رفعت يدها اللي تتنــآفض عند فمها ودموعها تنزل ورا بعــض
لدحين يفكــر فيها بس بيكــآبر
لدحيــن ضعيف جمبها بس كرآمتــه فوق كل شي

طفوله ملوثه بالواقع

مسدوحـه على سريرها واشعه الشمــس منوره بشكل بسيط الغرفـه
لها ساعتين ولا اتحركت من مكـآنها ...تفكر بمليون شــي وبــس
صــداع فضيــع وكل مالـه يزيــد
: ماااااااااااماااا
رفعت راسها مفجوعــه وقالت بخووف: ايش بك
سامي وقف فجاه : وي بسم الله انتي ايش بك
ترف استوعب انو كان داخل متحمس حطت يدها على قلبها : والله فجعتني حرام عليك
سامي مشي بخطوات هاديه وهوا يضحك : ههههههههههههه _ سلم على يدها وجلس جمبها _ الساعه 9 ولساتك مسدوحه متى رايحه الدوام
ترف مالها نفس تخرج بعد ماوقف امس حتى الدوام المسائي ماراحتـو : شويا
سامي : طيب بما انو اليوم اجازه حجي معاكي نفطـر وبعدين روحي دوامك وانا كل شويـآ حطفشك
تـرف انسدحت على بطنها وهيا تتكلم بتعب : والله مكسـره ماليا نفس اقوم
سامي يضغط بااياديه الاننين على ظهرها : ها اسويلك احلى مساج
ترف غمضت عينها بااستمتاع وراحه ومالحقت تدخل جوا وضغط بقوه : آآآآه
دارت على ظهرها مفجوعه : غبببي عورتني
سامي : ههههههههه والله بشويش
ترف جلست ومسكت ظهرها : كسرتلي ظهري
سامي : ماما انتي مدلعه
ترف : شوف يدك ماشاءالله كيف سايره قد وجهك
سامي : هههههههههههههههههه طيب مو المفروض يكون فيه تناسق انتي جسمك موقف نموه وانا اللي بكبر ترا الغلط منك مو مني
ترف : ههههههههه انا موقف نموي ياحيوان
سامي : ههههههههههه ايوا تخيلي انا بدا العمر بطولك لما اسير في العشـرين اشيلك في شنطتي
ترف : هههههههههههههههههه اسررري ياكلب
شالت لحـآفها من عليها وهيا متخيله شكلها في شنطه سامي وتضحك : والله ماتستحي
وقفت وســآمي وقف معاها وهوا مبتسم : يلا اتجهز ؟
ترف ماحترفضله طلب : طيب
دخلت الحمــآم تستحمــى واتذكرت كلآم ســآمي
" لما اسيـر في العشــرين "
حتشوفــه ولا ماحتقدر تشــوفه
حاولت ماتبكي عشان وجهها فضيـحه
مسحت دمعتها قبل لاتنــزل شتت تفكيـرها بتحاول تخرج وهيا مبتسمـه
بتحاول تكبت كل شي جوتـها ..
خلصت نشفت شعرها لبست ملابسـها الكآجوآل وطبعا خرجت وهوا جالس ومتجهز وبيتثاوب من الملل ... :سنه ياماما
ترف :استغفرالله اكره اخرج معاك بسبب تعليقاتك دي
سامي وقف : خلاص انا اســف

نهـــآيه الفصـــل .....

d3do3a · 25-07-17, 10:13 PM

اقتباس:

المشاركة الأصلية كتبت بواسطة um soso

خلصت الفصل الاول
ماشاء الله طويل
واحداث كثيره وسنين مرت
ماعرفنا من الذي اعتدى على ترف .. معقوله مافهمت ايش صار معها او اصلا كانت بغير وعيها ..
عندي ملاحظه ترف عمرها 12 عندما احست بالاعراض
يعني عمرها 13 سنه وصارت ام وليس 16
اعجبني سامي ودوره الحمائي واتمنى ان تتوفق ترف وتترك الحشيش

لم افهم لماذا هديل خدعت روان على الاقل العم جاسم حافظ عليهن خلال هذه السنوات
على كل انا بطبعي لااعلق على روايه اعرف انه نزل منها فصول الا اذا وصلت معكم
لان اكيد مرت الاحداث وتغيرت الاشياء

كم من طفل اجبرته الحياة ان يعيش ويفعل اشياء لايريدها

هلا هلا حبيبتي اسعدني انو الروايه نالت اعجابك .
الفصل احبه طوويل عشان تتعمقو في كل شخصيــه
معليش كآن فيه غلــط زي ماقلتلك على الخـآص وعدلتيه الله يسعدك ..
وان شاءلله توصلي معانا وتعجبك احداث الروايـه ...
مشكوره

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري