أنا لست أنت / للكاتبة عبير الكبسي ، يمنية مكتملة

[لامارا]

فاطمه : هاتي كتبش وخلي اختش تذاكرلش
ريم : مايعجبنيش حد يذاكرلي بينفهم من نفسي.
اميره : بتمسح ع شعر بنتها وترقدها
فاطمه حسها عند عمر ومنشغله بتخيط وتقلب القماش من عده جهات
ريم قربت لاعند امها وجلست ف المدكا الي جنبها (محلاش كيف بتفعلي احلى الفساتين)
فاطمه شافتها ورجعت تعطف طرف القماش وتمرره تحت خيط الابره : ماقد معش ؟ تشتي حق الجعاله !
ريم بابتسامه ومسكنه : لا..كل مره تنسي واذكرش انا
فاطمه مررركزه ع عملها طنشتها شويه
ريم : قد انا داريه اكيد ماعتفعلي لي حفله صح
فاطمه وقفت المكينه: يوو عيدميلادش بعد يومين
ريم ابتسسسمت وحضنت امها يعني مانسيتيش!
فاطمه : ماشي وقد جهزت لش مفاجأه
ريم : ماشتيش مفاجأه اشتي حفله ضخمه احلى من حق لميس عشان ازنط على بنات الحاره كلهن
فاطمه ضحكت وبتتحيلا لبنتها الصغيره : من عيوني افعلش احلى حفله ..
ريم بفرررحه : صدددق (حضنت امها وحبتها بقوه)
اميره : لو انا بش لا اعاقبها مابش حفله
ريم : انتي بتحسدي مني قدش كبيره ع الحفلات
اميره ذكرت زوجها : ايوه نسيت ماقلش يمه ابراهيم قبل ماتجي سماح كنت بينجابره وابسرلش بيت ارخص من هذا واكبر وجديد
فاطمه رفعت الزنه وطفت المكينه تعبت : كيف ووين ؟
ريم : ماعليه مننا خلونا هنا والله مانقل ماعه

بعد ماطلعت بيتهم..
يونس : سماح اشتي الابتوب لوسمحتي
سماح : مامعك فيه ! لامذاكره ولاشي احتاجه
يونس : ياسعم ماعتذاكرري فيه وقد تميتي دراستش !
سماح : والمعهد !
يونس: مادخل المعهد؟
سماح بنظرره: بينترجم به
يونس: واااصل وهو في يدش شويه بس
سماح :مالي دخل
يونس: عاااادي براحتش عترجعي تطلبيني اسدد النت
سماح طنشته : وبترسل وهي مبتسمه
يونس: وليش بتضحكي!
سماح بتغالطه : عليك
يونس: سماااجه قام وخرج.
سماح بتطبع : ( بينتحانب انا واخي على الابتوب)
حسام رد : ( مش وقته بينفقدلش قوي مامعنا الا فيسبوك نتواصل به ).
سماح : لو انت مستعجل هكذا ايحين عتخطب!
حسام : خلاص هانت قررريب
سمااح بفررررحه : صدددق ! ايحين يعني؟
حسام : ماشقلش مفاجأه
سماح دخلت امها ردت له : ( يلا باي امي جت ).
حسام رد لها : باي ياقمر .

ثاني يوم الصبح
مصطفى بيتمطط : صباااح الفل
عمر بيكوي شميزه: صباااحك
مصطفى: عادك ذاهن من الليل!
عمر: يعني رقدت ساعه من التفكير ، وانت بتخطط ذلحين مارايك الكتب هذا الترم بستلفهن منك
مصطفى: اكيددد من عيني بس ليش!
عمر: كنت اشتي اوفر قيمه الكتب واحولها لاهلي
مصطفى: هااا قل هكذا من اول معي زلط شاسلفك
(مصطفى مرتاح واهله بيرسلو له كل فتره مبلغ)
عمر لانه مضطرر ومحتاج وافق: تمام تسلم.
مصطفى: ولوو الله يسلمك تذكر منظر عمر امس و (بضحككككه )كيف كانت السهره امس؟؟

[لامارا]

مصطفى: ولوو الله يسلمك تذكر منظر عمر امس و (بضحككككه )كيف كانت السهره امس؟؟ عمر: الله يسامحك يا اخي الصدق انحرجت تعرفني ماعرفش اتعامل واتكلم مع البنات.
مصطفى: اخوك اكبر جنتل مان لازم اعلمك ..
عمر قاطعه : لاتعلمني ولا طبعي يفرق عن طبعك ..هيا قوم شررق علينا.

ثاني يوم الصبح...
مرت عزيز : انا نازله لاعند عمتش فاطمه.. اقطبي الغدا.
سماح : اليوم دولي البيت شاكنس بس
مرت عزيز : المهم اقطبين مش تمسكين البلا هذا.
سماح ناهي ماباقي الا اكنس قد رفعت.
مرت عزيز : قطبه لايطفو يلله...ونزلت.
سماح راحت توصل الشاحن للابتوب وكنست بسرعه.. وفتحت الفيسبوك
جت ومعها ثلاث رسايل ..ثنتين من صحباتها وواحده من حسام ..فتحت رساله حسام بسرعه.
حسام : ( حبيبه قلبي كسوله لاذلحين راقده ؟ انا جاوع شي صبوح ؟)
سماح ابتسمت وجت ترد عليه : ( افعلك احلى صبوح لو صدق).
حسام : عتسيري المعهد ؟
سماح : ايوه
حسام : اين هو بالضبط؟
سماح : ليش عتجي؟ هو في شارع...من اللفه الي ع يدك اليمين وترجع تسال هانك
حسام : خلاص عرفت..لما اوصل بتصلش.
سماح: طيب.
حسام : يلله مع السلامه.

بيت عامر..
اميره : قووا زد اليوم وبكره بس معي حفله ريم بينجهز لها.
ابراهيم: اليوم وبكره ويهياااه مارايش ننقل احنا عندهم
اميره: اخصم عليا الجمعه الجايه
ابراهيم ضحكك : يلا ناهي بغير خصومات.
اميره :تسسسلم لي ياروحي..
ريم : عتمسي عندنا
اميره: ايوووه
ريم بفرررحه: يعني اسير اشتري الزينه وارجع.
اميره : تمام اقطبي هااا
ريم لابسه بنطلون وفنيليه ولفت شعرها (لبسها وشكلها وعصبيتها ولد): خرجت للمكتبه تشتري زينه.
صاحب المكتبه (رجال كبير ف السن) جالس فوق الكرسي بيتشمس، شاف ريم : اصبحنا واصبح الملك لله.
زيد (العامل الي بيشتغل فيها): يالله رضااااااك من صباح الصبح
ريم : مالك

بتتقاااارح احمدالله جيت اشتري منك.
زيد: مابش الا انتي او ايش.
ريم: بطل زنط ولا بخرج من هنا
زيد : اخرجي لوما تتعلمي كيف تتكلمي ب ادب.
ريم عصبت: حنقت وخرجت.
صاحب المكتبه : هذه ولد ولد مش هي بنت اعوذ بالله والصوره.
زيد : قصدك طبيعتها
صاحب المكتبه: ابسر ع وش اعوذ بالله ساع ابليس.
زيد استغرب: بالعكس ماشالله عليها لو تعقل بس.

بيت عامر..
مرت عزيز : مدري هو حاكا عزيز .
فاطمه : انا شخرج مشتيش اكلف على ابني.
مرت عزيز: اول ندرى على ايش سدو يمكن حاكاه ينقص لكم.
زيد بيبيع اقلام لواحد.
ريم رجعت له : لو سمحت ادي من هذك الزينه.
زيد شافها وضحك محانكه لها : من اين تشتي هذه او هذك ؟؟

[لامارا]

ريم رجعت له : لو سمحت ادي من هذك الزينه.
زيد شافها وضحك محانكه لها : من اين تشتي!
ريم بهدوء وادب: امم اين احلى برأيك؟
زيد بيتحيلا لقوه شخصيتها: هذه احلى
ريم: بكم هي؟
زيد: بميتسن وخمسين
ريم: قوا اديها بميتين اشتي الخمسين اشتري لي ورده.
زيد: هو عيدميلادش عتشتري هديه لنفسش
ريم : افعلها في شعري يازباج.
يونس شافها ف المكتبه دخل: هيا ساعه بتشتري
ريم لفتت بقلبه وشش: اسمع من بيتحاكا ! وايش دخلك انت
يونس: عمتي فاطمه بتدورش قالت اجي ادعيش
ريم لفتت لزيد : ماعليك منه ذلحين ماقلت ؟
زيد: مش هي حقي المكتبه لكن عشانش حاضرر ولايهمش
ريم: خلاص ششتري الورده بكره لاتذبل ادي لي بيضاءء اممم ولا اقلك وردي..ولا اقلك
يونس: جاوووبي هيا اسرعي
ريم شافت ليونس حناكا لك هيا والله ماخطى مادخلك مني بتفهم ، يازيد:مارايك شبسر مالون اللبس وارجع اقلك ماتدي من ورده
زيد ضحك: حاضر
يونس: لغاجه وخباله والله ماراحت لش كل شي لاعند عمتي فاطمه.

نسااافر لهم للغربه للهموم لكل مغترب وبالتحديد كل طالب يتحمل هم الدراسه والمعاملات وبعد الاهل وتحمل المسئوليه لنفسه في بلاد اشبه باختلاف وبعد عاداتنا حضارتنا وقيمنا ولكن بوجود الاصدقاء والعرب بيخلق جو لتصبير الااام الغربه..

في طريقهم للجامعه..
عمر: الله يهديك امس انا ف حاله صدمه والي صدمني انت مفتهن زبج ضحك
مصطفى: ياخي مافيها شي زملاء وسهرو مع بعض عادي عندهم
عمر: عادي عندهم انا داري بس انا مايعجبنيش لذلك قلبت اشتي اروح
مصطفى: معقد ولا مابش فيها شي
عمر: ناهي لك ذلحين بتبسر الجو ذكرني بايام الثانويه
مصطفى:ايام الزلابيا من صباح الصبح ..
عمر: اخطى يامعقد هااا

بعد العصر ف المعهد..
سماح : بتتلفت اين هو ؟اتصلت له..
انا بالشنطه البني..
حسام شافها وغلق بيمشي لاعندها
سماح بتبهرر له

حسام قرب منها بابتسامه: سلام كيف انتي
سماح رجعت خطوتبن لورا بصوت واطي : لاتكلمني هنا لوسمحت
حسام : كان ليش جيت ؟
سماح بتتلفت حولها : لحد يشوفنا لووسمحت
حسام بنظرره ضبح : ليش تخليني اجي لاهنا واتعب مشوار وانتي ماتشتي حد يبسرش معي
سماح : مشتيش مشاكل مالك
حسام مثل انه حنق: يلا مع السلامه
سماح زززعلت منه وعليه لانه زعل..

ف بيتهم..
ريم : وافعلي لي زينه احلى من حق لميس
اميره: ناهي مالش انتي ولميس ماعليش منها
ريم : قلو لنفسكم مكنتوني لميس لميس
اميره: توقعي مثلها ف الاشياء الحاليه، وبعدا ليش تكرهيها والله انها تحبش قووي
ريم : داريه غصبن غنها تحمد الله بينصاحبها اكثر من بقيه البنات

ف نفس معهد اخته...يونس كان مع صاحبه بيسجل
سماح اقتهرت وتشتي تروح..
يونس شااافها وضاببح ...

تصبحو على الف خير♡♡♡

[لامارا]

ف نفس معهد اخته...يونس كان مع صاحبه بيسجل
سماح اقتهرت وتشتي تروح..
يونس شااافها وضاببح .....
سماح شافته ماتت خوووف بدات افكار واوهام (شافني ؟ شاف حسام بيكلمني اكيد يوو ياربي كيف اعرف اشرله اكلمه واشوف): رفعت يدها تأشر..
يونس بيمشي ويده ف جيبه خرج يد واشرلها باصابعه الثلاث حركه تهديد لاوريش
سماح يبس حلقها من الخوووف : ( يووو شافني يااالله ابي ماعيفعل وامي .. جني لك يايونس ماداك اليوم ليش بتلاحق ! مافعل ،، قاطعها هزز التلفون رساله بتفتح الرمز مش عارفه من رسل بتفكر انه حسام ( مش وقتك وعاد الزعل لك ذلحين اين اجي بروحي...،) فتحت رساله من يونس ( كم مره اقلش وانا مع خبره لاتداعيش لاتاشريش لاتكلميني ولاكانش تعرفيني وايش مخرجش ياقمررر لاعند البيت شاقلهم بكل شي)..بخوووف يدها ثلجت يعني شافني !!

ف الشارع...ريم جالسه فوق الرصيف بززنط ولميس جنبها
لميس: عتخليني صحبتش في الحفله ؟
ريم : ايوه بس تمسكي لي فستاني زي العروسه.
ليان : وانا ياليم
لميس ضحكت على ليان لما قالت ليم
ريم ضبحت : انتي اصص ياعجمى ، بطلي ضحك وانتي .
لميس بخوف: طيب
ريم : يلله سيري ادعي البنات لاعندي يجين عشان اعزمهن بكره حفلتي.
ريم بصوووت يابناااات تعالين
ريم وقفت بزنط ماسكه خصرها : الي تشتي تجي حفلتي بكره لاتنسى هديتي..
لميس : لانش صحبتي شاديلش احلى هديه
ريم : وشاخليش صحبتي القوويه
واحده بزعل ونظرات لريم : وانا ياريم شفتي كيف بينديلش من جعالتي واخليش تلعبي بالعابي الجداد.
ريم مسكتها من كتفها : وانتي كمان.
لميس غارت منها: بس انا اقوووى منهن صح ياريم.
ريم ضبحت مسكت يد ليان وفلتتهن ومشيت : يوووف ماشتيش اصاحب حد.

داخل البيت..
اميره علقت الزينه : وبتدور ليان
فاطمه : خرجت مع اختش ، ابسري كيف فستانها ؟؟
اميره : روووعه يجنن

فاطمه : وهذا حق حبيبه ماما فاطمه
اميره شلت الفستان : بتتحيلاله رووعه.

ف الحاره..
يونس راجع من المعهد :شاف ريم بتتضارب هي وواحده من الحاره (قرب يفرع بينهن)
ريم دهفته : مالك دخل ابعد لايوقع لك ضرب ذلحين.
يونس: هذه من اين جت اعوذبالله منش حسابش لاعند امش
ريم بتهديد ومسخره : فجعتني سيررر دق الباب سوووا تسمعك .
يونس عصصصب: ددددق الباب بقوه
فاطمه :يالله سترك هذا قدو عمش
اميره قربت ورا الباب: من ؟؟؟
يونس: اين امي فااااطمه !
فاطمه : هذا يونس راعي البس يعلم الله ماقد فعلت بنتي ( لفت اللثمه سوا حول وشها وطرحت الستاره وخرجت ).

[لامارا]

فاطمه : هذا يونس راعي البس يعلم الله ماقد فعلت بنتي ( لفت اللثمه سوا حول وشها وطرحت الستاره وخرجت ).
يونس: اشهدو عليها يا امه فاطمه بتزيد بها ولابتحترم نفسها
ريم: وانت مالك دخل فيني ماتتدخلششش انا حره اضربها من قالك تقرب
فاطمه: اهدأو ماقدبه؟
مرت جارهم جت ماسكه بنتها (بتبكي البنت) : هكذا يافاطمه الله المستعان ايحين عتعقل بنتش قدي مره بتحانب الجهال الي اصغر منها.
فاطمه مافعلتي يابنتي تعبتيني كل يوم شكاوي خلق الله ..
ريم: محد قلها هي بدات وانا وريتها الادب
يونس: وانا مافعلت لنا ضربتيني ؟جيت افرع ورجعت تضاربني انا.
فاطمه : هيا ادخلي البيت ادددخلي ،
مرت جارهم : عسبش جيت ها مشتيش ابوها يجي يفعل مشاكل حاكيها تبعد عن بنتي احسن لها.
فاطمه: ناهي لاتخليش عقلش بجهال عيسدين وانتي مالش.
مرت جارهم : الله يعين ، مشيت.
يونس لفت لفاطمه على دخلتها البيت: هي هكذا مع الكل امس بتصيح وتتنخفر فوق صاحب المكتبه قد زيدت بها قوووي.
فاطمه : ناهي محد يكون يحاكيها شاتفاهم معها انا.

في غرفتها..
سماح جالسه طرف السرير بتقرح اصابعها خووف وسساررحه ، نكزها صووت الباب البيت وسمعت صوت اخوها : غلقت غرفتها دلا.
يونس طلع بسرعه لاعندها وفتح الغرفه : ايحين روحتي؟
سماح بخووف : اول ، مالك ؟
يونس: ماكنتي بتفعلي ف الحوش واقفه ؟؟
سماح ارتبششت وبينها وبين نفسها بتدور اعذار ومقدمات اقله (واحد من الطلاب جا يسالني ): اصلا هو
يونس قاطعها: انا كم مررره اقلش لاتدعيني قبال اصحابي
سماح : هذا كله الي حارق دمك يعني ؟
يونس: كم مره اقلش ولابتفهمي وليش انطردتي من الفصل
سماح ضحكت باستهزاء: ياسعم انها حصه رياضيات مانطردتش بس مراعيين للاستاذ ماجاش.
يونس بتهديد وهنجمه : مره ثانيه لاتحاكينيش ولا كانحنا نتعارف...وخرج
سماح اخذذت نفسسس
وافتهنت الحمددددلله ماشافنيش بضببببح من اسلوبه ردت: الا قوووا مايشرفنيش اعرفك مشعفل مبدع بالصندل والجنز والفنيليه ساع حق الجهال...ورزعت الباب

ف البيت..
ريم نسيت الفعله الي فعلتها ف الشارع ودخلت بتتحيلا للفستان حقها وتقايسه عليها مبتسسمه
فاطمه بصوووت صيحت نكزتها : كم مرره قلتلش تبطلي قله ذوق ولغاجه ولقانه مع الجهال ؟
ريم : هو كذاب بيتفيضل ياسعم اني اخته
فاطمه: انتي داريه مفروض ماعدبش لش خرجه ولعب ف الشارع هو انا الغلطانه.
ريم : والله لاخرج ماعه ليش اما لميس بتخرج وهي اكبر مني
فاطمه: ماعليش من لميس
ريم : حنقت وسارت غرفتها خرجت كراسه الرسم وبترسم (الهوايه الي تسويها وقت ضبحها)

ف مكان ثاني..
مصطفى بياكل سندوتش : هيا غدا
عمر: اول اصلي وبعدا نتغدا
مصطفى هز راسه ب (تمام): بياكل ويقلب ف تلفونه..

[لامارا]

عمر تم يسلم وقرب للكرسي هزره وجلس خرج السندوتش بياكل مالك ماتصلي اول قد تاخرنا ع الصلاه..
مصطفى مبتسسم ومنسجم مع الواتس ماركز على بيطبع بالتلفون والسندوتش ف يده
عمر فتح الببسي وطلع صوت :الله يهديك يا اخي
مصطفى انتبه له : هاا ماقلت
عمر : قلنا صلاااه..
مصطفى : يلله الان ..تم السندوتش وقام.

ثاني يوم عيدميلادها..
ريم (فتحت شعرها ولبست الفستان الوردي الي خيطته امها والاكسسوار وفارحه بنفسها وخرجت للمكتبه ): زيد هيا ادي لي الورده ..
زيد التفت لها : لا اله الا الله ...انتي ريم ؟
ريم : مع اختها اين الورده
زيد: ذلحين دريت انش ريم ،(التفت اختار ورده وناولها ، لاتنسي قسمي من حق الحفله )
ريم : تمام...خرجت له الفلوس
زيد : هذه هديتي لش ولاتنسي قسمي تمام
ريم بفرررحه حاااضر : شلت الورده وخرجت بتسرع بالفستان فارحه.. ف بيتهم..
سماح في الفيس بتجابر صحبتها: (ايوه موجود اون لاين بس ماشاحاكيه ليش يحرجني ويزعل هو لو كان اخي شافه ).
صحبتها : وانتي زيدتي بالخباله مافيها يعني لوكلمش عياكلش مثلا ؟
سماح : مالش لو حد يبسرني واقفه معه والله انها نهايتي..
صحبتها : طيب كلميه وفهميه مايسخاش يفعلش مشاكل ولا قدو عيخطبش.
سماح فرحت:طيب(رسلتله .. وينك من امس زاعل مني؟
حسام : ايوه زاعل تخافي مني انااا حسستيني اني واحد غريب.
سماح : مش غريب بس انت داري انك احرجتني مغروض انت من نفسك تفهم موقفي ماينفعش نوقف نتكلم
حسام : بس قدش عتوقعي خطيبتي ياسماح
سماح : انت عارف انه اخي كان ف المعهد
حسام خاف: يعني كنتي خايفه منه مش مني قد قلت مش اسلوب سوا الي فعلتيه.
سماح : كنت خايفه حد يشوفنا سوا مع بعض..طيب شاسير الحفله وارجع اكلمك
حسام : نفسسسي بس اشووفش امنيه حياتي اشوف عيونش واحس ان ورا جمالهن واحده غير البنات كلهن.
سماح: عتشوفني في الخطوبه ان شاءالله.
حسام : يهيييااه كم شاراعي..وليش ماترسلي الان صوره مش واثقه فيني او كيف ؟
سماح : هيا مالك ياحسام كيف مش واثفه فيك لو مش واثقه فيك ماحبيتك ووثقت بك.
حسام : وانا داري وعارف انش احلا واطيب قلب يلله ياروحي سيري الحفله وهنيتلهم الي عيشوفوش.
سماح (كلمات حبيبها اثرت فيها وخلتها تنغر بنفسها وحبه لها اكثر وتحبه وتوثق اكثر ): طيب يلله عتوحشني ..باي.

حسام تم يجابرها وحاسس بفرحه اتصلوله اصحابه يسير يخزن : منكم صدددق هذا السساع ؟
.....
حسام : الا ولله الطبيعه سااابره ماشاءالله بس قد الساعه خمس وينكم من ظهر
.....
حسام : الان جايي.

ف الحفله ..
ريم فارحه وشايفه نفسها احلى بنت لانها وبقوه شخصيتها بتشل كل الي تشتيه.

تصبحوا على الف خير ♡♡

[لامارا]

وبعد ماتمت تحتفل..
فاطمه : هذه هديه بنتي
ريم بفررحه واستغراب: مش قد اديتي لي ثنتين هدايا حفله وفستان..قامت لامها شلتها
فاطمه : وهذه الثالثه افتحيها
ريم فتحت الكيس وخرجت من داخله (قماش رقيق مخيط حجاب) شافت لامعا ب استغراب

فاطمه : اعجبش؟
ريم : ايش هذا ؟
فاطمه : خيطت لبنتي حجاب حالي انيق لاحد جا تلبسيه قبل ماتفتحي الباب وخرجه ولعب ف الشارع مابش يجين صحباتش او تسيري عندهن.
ريم رجمت الحجاب للارض : على قد والهديه ...مشيت لغرفتها.
اميره بضببببح: رررريم !
ريم بضبح وبدايه بكاء: ماعتديلي بالطو ؟ماعد اشتيش هداياكم يخ استغفرالله والحفله..
فاطمه : عترجع تفقع مرارتي هذه البنت
اميره : زيدتي لها الدلع يمه قووووي واصل وهي تشل الي تشتي ولو تليقنت ضحكتي لها..
فاطمه : كانت جاهله واديتها بعد ماكبرتو ولقانتها بتخليني اتحيلالها

صوت حنه سيارته ووقفت جنب باب بيتهم
اميره : هذا ابراهيم..
فاطمه : خلي ليان عندي
ليان : لا شتي بابا
اميره راحت لريم : يلله انا مروحه
ريم مطنشه اختها بترتب الهدايا حقها وتلعبهن.
اميره : خرجت من الباب
ريم تذكرت الي فعلت لها الحفله وجلست عشانها (حضنت اختها قووي وحبتها ) : تسلمي على كل شي فعلتيه
اميره: الله يسلمش ويهديش يا اختي وكل سنه افعلش حفله احلى اذا بداتي تكبري عقلش وتبطلي عناد ومضاربه ومشاكل مع الكل.
ريم : ان شاء الله
ليان راحت للباب : باي باي ياليم
ريم ضحكت : تعلمي اسمي سوا وانا الاعبش خيرات
ليان : هزت راسها طيب

في ديوان صغير لتخزينه..
حسام وثلاثه اصحاب الجامعه مع بعض...
جميل ماسك 2 تلفونات : بيضحككك
حسام : امانه ماقد غلطت وانت بتراسل ب اثنين تلفونات
جميل ضحك : الا يهييي كم داعيت حنان اماني واماني منى ومنى سميره... وبنقلبها زبجه
كلهم ضحكووو
حسام ماعجبه : بس خباله ولعب

جميل شاف لاصحابهم وضحك : ماله هذا ! ابطل لعب كان مافعل ؟
حسام : ماهو هولا كلهن من اللعب ..
جميل : كان اتزوجهن !
صاحبهم الثالث بيضحك ويحاول يخفف دمه : باقي لك واحده يوقعين اربع
حسام : يا اخي مالك انت وهو للخباله قلنا لكم الصدق بطل لعب عليهن كلهن خليك على واحده
جميل بيضحكك : بينفعل احتياط واحده مابش انترنت وواحده لو تزاعلنا
حسام طنشهم يستخفو بدمهم وجلس يفكر بسماح
جميل قاطعه : بعدا قل لهن هن جا يقلي انا
حسام :ايش السماخه هذه ماقلهن انك بتجابرهن كلهن
جميل ضحكك : عادك ترحم ..عيجي دورك.
واحد منهم : قدهن احسن مننا داريات انحنا بنجابر الف واحده جنبهن وهن مابيقصرين

مساء الورد لكل منتظر يلقف

[لامارا]

حسام : لاتجمعش مش الكل سوا به خواتك وخواتي وخواته.. وهذا الي اقصده..
جميل بزبج وهباله: ممنوع العوائل يابطل
حسام جلس شويه وروح

ف مكان بعيددد..
عمر : الجو روعه
مصطفى : وهولا الي محليات الجو
عمر شاف جنبهم ثنتين اجنبيات ابتسمين له: ابتسم لهن وشاف مصطفى ضحك ياخي الله يهديك بس مايبانش عليك اللقانه هذه
مصطفى: انا والله لسان بس ولا ارحم تعرفني
عمر : سمعت خبر عمر ال..
مصطفى : الي في مدينه ... ماشي ماله؟
عمر: ايوه هو جا قبلنا بدفعه.. امس فعل حادث قوووي هو وزوجته عادو ادا زوجته قبل شهرين ونص
مصطفى: يالله وماحصل له! ومن وين تعرفه ؟؟
عمر: كريمته مستاجره جنب كريمتي ف عماره وهو استقبلني اول ماوصلت ..اشتي اسير ازوره حالته خطره.
مصطفى : ودراستك ؟
عمر: باروح في نهايه الاسبوع اتطمن عليه وارجع.
مصطفى: زعلتني عليه..

الساعه 12 الليل ..رن تلفون البيت اربع مرات
ريم قامت تصحي امها : التلفون بيرن.
فاطمه : سيري جاوبي
ريم : الكهرباء طافيه اخاف
فاطمه قامت مستغربه:الو
اميره بتبكي : امااه اديلي رقم صاحب عمر الي معه ف الغرفه ذلحييين بسرعه بينتصل لعمر مابيجاوبش
فاطمه : ليش ؟
اميره من الربشه ماحددت كلامها : عمر فعل حادث وتقلب بالسياره..
فاطمه افتجعت فلتت السماعه من يدها : مسكت راسها وتصيح ابني .. ابني ..يالله يارب احفظه
اميره يوو يماه مش اخي : الووو ..الووو
ريم مسكت السماعه : ماله عمرر
اميره : قلي لامي مش اخي مالها الله يهديها بس

في غرفتها..بتجابره بالفيس بوك
حسام : اديلي حسابش الفيس بوك
سماح : ليش؟
حسام : ادخل افعل لش تعديلات في الصفحه محد يقدر يخترقها
سماح : يوو بيخترقو الحساب؟
حسام : ايووه .
سماح طيب: (....) طبعت له الايميل والرمز..
حسام : يلله الان واكلمش
سماح حست بحركه ف الصاله

غلقت الابتوب بسرعه وخبته تحت البطانيه
امها فتحت الغرفه: سماااح
سماح بتمثل انها نوم: يااابنتي
سماح : ها ؟؟
امها : شاسير مع ابوش نسعف خالتش فاطمه ونرجع
سماح جلست فوق السرير مالها خالتي فاطمه !
امها : مدري نسير نشوف

مكان ثاني ..
اميره عند جارتها : تطمني كلمت اخي .
بسمه: تسلمي يا اميره شغلتش معي بس ماعرفش حد غيرش وهو ف طرف الدنيا وغربه
اميره: لاتبكيش ادعيله وطمني اهلش عليه .

[لامارا]

ريم بتبكي ماسكه امها : لاتمرضي ساع ابي قوا اتباخري
مرت عزيز : يو من غير شر مابش في امش شي مابلا ضغط وعتفتهن.
ريم : حاضنه امها
فاطمه : انا بخير مابش فيني شي.. الله يهديها اميره بس
مرت عزيز: يلله انتبهي لنفسش يا اختي وانتي ياريم قد سمعتي الدكتور ماقال لها بنفسش.

ريم تذكررت لما اسعفو امها
(راحت تسال الدكتور وتشاوره امها عتعيش او تموت متاثره بموت ابوها مات وهي متعلقه به قوي وتذكرت كلامه ، اذا ماحد زعلها وضبحها مايوقع بها شي.)
نكزها صوت مرت عزيز
رريم ..هيا تعالي غلقي بعدي
فاطمه : سامحيني ازعجتكم هذا الساع.
مرت عزيز : الله المستعان يا اختي لاتقلي هكذا امانه لو تشتي شي اتصلي اي وقت.
فاطمه :الله يحفظش
خرجت مرت عزيز..ريم غلقت بعدها وجلست فوق المدكا قدام امها ( بين نفسها ..وعد مازيد ازعل امي يوم ولا اضايقها ولا اعاندها ماعد معي في البيت الا هي ريم " طبعها حنون وطيبه بس مشكلتها ماتعبر عن مشاعرها وغرورها وقوه شخصيتها مسيطره عليها" )
فاطمه شافتها سارحه : ريم طفي يابنتي نرقد.
ريم قامت بسرعه : حااضر

حسام : تم يقلب صفحتها في الفيس بوك..شاف رساله من صحبتها (( ها ماقلتيلي تصالحتو على هذك الموقف ؟))..طلع يقلب الكلام وقري رسايلهن وان صحبتها بتعلمها كل شي..! هز راسه بضبح طيب وانا اقل بتحبني هي كان صحبتها بتعلمها !!)) الصبح..راحت المكتبه
ريم: ادي الصحن
زيد : صباح الخيرر ياريم ياسلام ايش الحجاب الحالي هذا ماشاءالله عليش..
ريم : داريه انك بتتضحك عليا شكلي ساع امي رحمانه
زيد : ضحككك بقوووه ( الصدق تشبهيها) بس شاديلش دبوس انيق كريستال يوقع شكلش احلى من امي رحمانه( عجوزه ساكنه عندهم ف الحاره تكره الجهال وتضاربهم من جنب باب البيت).
ريم : انا ماشلبسش الحجاب الا لما تتباخر امي
زيد بيضحك : طيب هذا الصحن وهذا الدبوس يابطله .
ريم مسكت الدبوس بتتفرج الدبوس بابتسامه : شكرا وخرجت بسررعه.

يونس لقيها ف الشارع داخله البيت بحناك : ايووه هكذا تلفلفي ماتجي الا بالصميل ..
ريم خلست الحجاب: هياااا هااا حرره مالك دخل

لميس : ريم تعالي
ريم: تعالي انتي
لميس راحت لاعندها: اليوم اجي العب عندش
ريم : طيب جي وحدش.
يونس بيتفرج لها بضبح : تعلمي الادب مصاحبه للميس ولا تعلمتي منها
ريم : دخلت ورزعت الباب لاوشه

تصبحو على الف خير وعافيه ( كل ام متابعه وكل امهات المتابعين بصحه وعافيه يارب ويحفظهن تاج فوق راسنا)♡♡♡

[لامارا]

يونس بيتفرج لها بضبح : تعلمي الادب مصاحبه للميس ولا تعلمتي منها
ريم : دخلت ورزعت الباب لاوشه..جلست شويه ولعدت الحجاب وخرجت..
يونس بيكلم لميس : لاتكونيش تخليها تتحكم بش ..
ريم واقفه ماسكه ايديها ردت عليه :علم نفسك اول
لميس شافتها قربت لاعندها : انا ماصدقت حد
ريم : ولو صدقتي ياسعم بينخاف منش ومنه
يونس ضحكك على مشيته : كان تستاهلي يالميس.
لميس: شفتي كيف مابينصدق حد
ريم : ايوه تعالي ذلحين نلعب داخل باللعب الجداد.
لميس دخلت معها : بتتفرج لغرفه ريم معها سرير انيق مع الفرش والستاره والطوابع حق فله كل غرفتها ورديه بصوت حزين (هنيتلش ياريم معش هذا كله غرفتش حاليه قوووي نفسي وانا مثلش مابش معي خوات توقع الغرفه لي وحدي)
ريم : خلاص كوني جي العبي عندي ايحين ماتشتي.

بيت عزيز..
مرت عزيز : والله ماقلش الا كل خير عاد البنت تشتي تدرس جامعه
مره من معاريفهم : الان توقع خطبه وبعدا له حلات ابني عادو بيدرس جامعه.
مرت عزيز : اذا به نصيب الله يتمم على خير
في غرفتها مش عارفه ايش خارج..
سماح : هيا مش وقت الدلع تكلم مالك ضابح
حسام : مش ضابح ولاشي
سماح : قووا تحاكا لانه شاغلق الفيسبوك الان
حسام : غلقي ياسعم بتفجعيني؟
سماح : مش افجعك بس معنا عمل خيرات
حسام : يلله الله معش نرجع نتكلم بعدا ف موضوع صحبتش
مرت عزيز : سسسسماااح
سماح بدون ماترد وتشوف اخر كلام رسله مسحت المحادثه بسرعه وغلقت الفيسبوك وخرجت
مرت عزيز : اين اختش؟
سماح : في المطبخ دولها(دورها) اليوم.
مرت عزيز : رفعي الديوان سوا وتمي عملش وادخلي المطبخ عاوني سميحه(24 سنه اكبر من سماح) شاسير اتفاقد خالتش فاطمه
سماح : حاضر

رجعت بيتهم بضبببح ان غرفه ريم حاليه ومابش معها مثلها ومثل ثيابها ( برغم ان العايلتين نفس المستوى وابو لميس اكثر راحه من فاطمه

بس بسبب كثره عددهم ماوفرو متطلبات الكل ).

ام لميس: كيف خالتش فاطمه قالو تاعبه ؟
لميس طنشت سؤال امها وبزعل : ليش مابش معي مثل لميس لاغرفه ولا العاب ولا عرايس ولافساتين.
ام لميس ب استغراب : كم مره اقلش ماعلينا من حد.
لميس: ليش اما هي احسن مني في كل شي حتى صاحباتنا يتضاربين عليها وهي ماتحب الا نفسها
ام لميس: هنيتلش والبعسسه يابنتي اكنسي الحجره (الصاله) اسير ابدي عليهم وارجع
لميس: سيري شوفي من بيكنس خاله فاطمه ولميس بتلعب وترسم.
ام لميس بضبببح : سمعتي ماقلتلش تمي العمل..خرجت وغلقت الباب..
لميس دخلت غرفتها هي وخواتها بتتفرج وضابحه سرير عادي ودولاب لها وخواتها ..وبتفكر ليش ماوقعش مثل ريم والله لاوريهم كلهم.

بعد مانظفت البيت وكنسته فاطمه بمعاونه من ريم شم البيت خبزز
فاطمه : رررريم !

مسائكم فل