أنا لست أنت / للكاتبة عبير الكبسي ، يمنية مكتملة

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية أنا لست أنت للكاتبة عبير الكبسي قراءة ممتعة للجميع۔۔۔۔۔

[لامارا]

بيت عامر (رحمه الله )

حرم المرحوم عامر ( فاطمه )
العمر : 45 سنه
المهنه: خياطه
(ام ل ولد وبنتين )

البنت الكبيره (اميره)
متوسطه الطول ،شعرها متوسط الطول مموج اسود وعيونها بني غامق ،قمحيه البشره وملامحها مقبوله.. حنونه على امها وماتسد هي واختها الصغيره
السن:27سنه، متزوجه ومعها طفله ليان عمرها خمس سنوات

الولد ( عمر )
العمر (22 سنه)
طويل ودقنته خفيفه ، يلبس نظاره ، عيونه بنيه واسمر البشره. حنون على خواته وشديد الغيره بحكم انه رجال البيت
طالب متفوق حصل على درجه متفوقه وذهب منحه للدراسه في الخارج

اخر العنقود
(ريم )
العمر9سنوات )
ملامحها مقبوووله قوووي وفيها جمال جذاااب بشرتها قمحيه على سواد شعرها عيونها واسعه نظرتها حاده معها شامه خفيفه تحت فمها ف الطرف الايسر
تدرس صف خامس ، ذكيه ومشاغبه وقويه كلمتها تمشيها على الكل، تعشق الرسم ومبدعه رغم صغر سنها..

العائله المتواضعه هذه تسكن في حي قريب من السوق والجيران والمسجد والمدرسه

الساعه 4 العصر..
فاطمه : ررريم افتحي الباب
ريم : يووووف كونو خلو هذا الباب مفتوووح زباينش مابيخلصين
فاطمه : خليش من اللقانه ذلحين وافتحي الباب
ريم ، مطنشششه
فاطمه عصبببت : مسكت المتر حق قياس الاقمشه ورجمتها
ريم : والله ماجلس عندكم يوم هياا هااا..... خرجت من الباب
اميره : مالش قدو وقت الحنوقه حقش
ريم طنشت وبتلبس البوتي :خرجت
اميره : الله يهديششش بس.

ف الحاره..
البنات شافين ريم : راحين لاعندها
ريم بقوه شخصيتها : هزرت الكره من يد لميس وزبطتها بقوه
لميس ضبحت من حركتها: اول استاذني مش تفعلي هكذا
ريم قربت لاعندها : تعمممم سمعيني ؟
لميس: لاتصدددقيش امزح معش

العامل ف المكتبه خرج : من زبط الكره هكذا ؟؟

ريم رفعت حاجب : بنتفرجلهن
لميس: لاتخافي مابقول

ريم ضحكت ب استهزاء: اخاااف !! ، مسكت خصرها وراحت قدامه انااا الي زبطت الباب
الشاب الي بيشتغل ف المكتبه : وفاررحه بنفسششش ؟ اين بيتكم اكلم ابوش
ريم ب استهزء: سير له لخزيمه حارش
الشاب زعل رحمها :رجاء تلعبين هانك لو يكتسر شي صاحب المكتبه عيغرمني
ريم ادت له ظهرها : بنااات
البنات : راحين لاعندها ،
ريم : تعالين نلعب هنا

كان عيال الحاره بيلعبو زراقيف ..
يونس (13 سنه ) شاف صاحب المكتبه: راح لاعنده ، خير مالك ماتشتي منهن ؟
الشاب( زيد 19سنه ): وانت مادخلك يابطل سير العب

نرجع للبنات
لميس : ياريم اقلش شي وماتصيحيش وتزعلي مني وتحذيني
ريم بشخصيه مهنجمه: تكلمي
لميس: شوفي يونس كيف بيتفرج لش وسار يدافع عليش
ريم : وايش افعلش انتي وياه !

مساء الخيرات (منشنو)

تحيه لأول ♡♡انا ♡♡ ف اول بارت

[لامارا]

فاطمه بتبكي : والله يابنتي مانا داريه ايش افعل... اميره : ليش ماتسيري عند خالي استاجري جنبهم واستقري هانك
فاطمه : نفسي ادرى ليش عمش بيفعل هكذا
اميره : ماكفاه انه رجمنا بيت ايجار بعد موت ابي
فاطمه : هانت املي في عمر يرجع ويعوضنا باذن الله
اميره : ايحين عيجي صاحب البيت ؟
فاطمه : لوما يجي المستأجر الجديد يشوفه
اميره : لاحول الله ضاق الحال والدنيا بتغلا اليوم ابراهيم (زوجها ): جلس يدور من يسلفه يسير يعبي لنا غاز
فاطمه مسحت دموعها : ليش ماتكلميني ؟ هاا خرجت من تحت الفرش شنطه صغيره وبتعدد
اميره مسكت يد امها حبتها : انا بينكلمش مش اطلب منش قد استلف لكن بينقلش الناس كلهم ضاق الحال والله ..رديها الله يحفظش بس

الباب ددددق

المستأجر الجديد وصاحب البيت
ريم :شافتهم واقفين ف الباب راحت لاعندهم
ايش تشتو ؟
صاحب البيت : قلي لامش نشتي نشوف البيت
فاطمه لبست وتلثمت : خرجت واقفه ف الباب
اميره ماسكه بنتها وواقفه
المانيا (الدوله الي اغلب الطلاب بيحصلوا على منح فيها ويسافرو لاكمال دراستهم وتخصصاتهم ).
في سكن الطلاب (غرفه لشخصين)
مصطفى: هيا مالك ماتلبس
عمر(سنه ثانيه طب) : لا مش جاي معاكم
مصطفى: ليش؟
عمر: معي مذاااكره وترجمه
مصطفى: هيا مش وقت تعال يارجال نخرج نفتهن نغير جو مع الشباب
عمر غلق كتبه : طيب امري لله ..
مصطفى: هيا امانه الخرجه معهم هيصه ياولد.

نرجع لبلادنا ( بيت عامر)..
مرت جارهم : ذلحين بيت عزيز منهم صدق يخرجوكم امد زيد لهم مستاجر خمسه الف
فاطمه بحززن : خيرت الله
مرت جارهم : شطلع لمرته
فاطمه: لاعد.تحرجي نفسش خلاص ياختي باعو العيش والملح وسخيو اخرج من وسط الحاره انا وبنتي
ريم بتسسمع ومتضاااايقه ،دخلت غرفتها: فتحت الشنطه خرجت ورقه وقلم وبترسم
اميره دخلت تتكلم ف التلفون مع زوجها مانتبهت لريم : ذلحين ماتقدر تشووف لامي بيت جنبنا ؟

زوجها ( ابراهيم ): مابش قلنالش مافعل اعمررر بيت
اميره: لاتعمرش ولاتفعل شي انا غلطانه اني كلمتك.. عمرك ماعاملت اهلي مثل مابينعاملك.. ابراهيم ببرررود : جغرتي القات ، وغلق
اميره : حسبي الله فيك ونعم الوكيل
ريم : قلتلش معش زوج ساع القرد
اميره نكزززت :انتي هنا ؟؟
ريم : قد احنا داريين بطبع زوجش
اميره : انتي مالش دخل من اللغاجه
ريم طنشتها: بتكمل الرسمه.. ف المانيا(الليل الساعه 11)
عمر : ماهو هذا المكان مش سوا؟
مصطفى ضحكك: منك صدق بتفتجع !
عمر: بتبسررر مساطيل محششين مالك قلك بتفتجع
مصطفى : وصلنا البيت
عمر: اي بيت ؟؟
مصطفى: واحد هنا طالب لبناني عنسمر عنده ♡♡

[لامارا]

عمر: اي بيت ؟؟
مصطفى: واحد هنا طالب لبناني عنسمر عنده

صوت سياره الشرطه والاسعاف...
عمر : بنقله البقعه مش هي سوا قال الا افتهنت
مصطفى : واحنا مادخلنا منهم ..يمكن حادث يمكن...
عمر قاطعه : يمكن مسكوهم يمكن يمسكونا مش حالي نتبهذذذل ف بقعه مانعرفهاش جينا ندرس
مصطفى: يا اخي والله اني ارحم لحالك.ماااالك ..هيا اطلع

بيت عامر..
اميره بترفع ادوات بنتها : لقيت رسمه ريم ..مسكتها متعجببببه...
رسمه بيت مهجور وبنت ماسكه شنطتها ف الباب
ريم : هزرتها منها
اميره : عيب تهزري هكذا مالش
ريم: وليش تعسيها بدون استئذان !
اميره : رجمتها لها وخرجت من الغرفه
فاطمه بتكلم اخوها ف التلفون : تسلم الله يحفظك يا اخي...غلقت
اميره : ماقال ؟
فاطمه: به جنبهم بيت ورخيص ، اتم الان زنتين اخيطهن اقدر ادفع الايجار ونسافر.

ف الحاره..
ريم خرجت للمكتبه : اشتي تبروزها لي
زيد بيتفرج لها مستغرب اسلوبها : بالغصب؟
ريم : طبعااا كان ايش عملك
زيد : مابطرح عقلي بعقلك
ريم بلقانه وتقلب عيونها : ليش وانت ياسعم تقدر ؟
زيد شاف الرسمه : من ادالش الرسمه
ريم بغرور : انا رسمتها اقطططب هيا
زيد بتعجب: انتي رسسسمتيها !!
ريم : طبعاا ليش ياسعم اني مثلك اطبع صور جاهزه

بيت عامر..
مرت جارهم : خاطرش اسير ابسر لميس ماقد فعلت
فاطمه :هنيتلش ع بنت حميش وادب وتسمع الكلام
مرت جارهم : وانتي الله يعينش على ريم
فاطمه : مابتمشي الا كلمتها
مرت جارهم : ماعتبرد قلبش الا بيت زوجها
فاطمه ضحكت : الله يهديها تكبر وتعقل
مرت جارهم : ان شاء الله ، وانتي عتمسي عند امش؟
اميره: ايوه اعاونهم يلفلفو البيت
مرت جارهم : يلا خاطركن
ريم وصلت : فارحه بالصوره دخلت غرفتها خبتها
فاطمه : رررريم ياااريم
ريم : هاااا نعمم
فاطمه : جي لاهنا
ريم خبت الصوره خرجت: هاا ؟
فاطمه : ادخلي افعلي عشا
ريم : ماعرفش
فاطمه : تعلمي سيري شوفي لميس

ريم : يووو جحفه للميس هذه ووواصل لميس لميس
فاطمه : عادش تتليقني يا قليله الذوق
ريم : مش انا قليله ذووووق ومش انا لميسسس انا رررريم كونو افهمووو وماشفعلش شي.. !!!

[لامارا]

فاطمه : عادش تتليقني يا قليله الذوق
ريم : مش انا قليله ذووووق ومش انا لميسسس وماشفعلش شي..
اميره : خلاص ماعليش منها انا شادخل المطبخ
فاطمه : البنت هذه عتجنني انا داريه
ريم : ليااان تعالي ماقلش
ليان بدلع : ماااعه
ريم حضنتها : تعالي اجلسي هكذا وانا ارسمش حاااليه
ليان : تصوريني
ريم : ايوه امسكي الدب هكذا وافعلي هكذا (صلحت راسها ).. يلا لاتتحركيش
ليان : حاضر

المانيا (بيت الشباب)
عمر : يا اخي ليش ساكنين مكان هكذا ؟
نزار بيشرب سيجاره: مافي شي تطمن بسس وخذلك نفس
مصطفى : حول لاعندي هذا عادو جديد مش حق مسخه راعي له شويه
عمر ضحك: مش جديد او قديم بس ماحبش الدخان
نزار: عتحبه مع الوقت
عمر بززعل :مستحيل لان ابي توفى بسرطان الرئتين .. مصطغى: رحمه الله عليه
نزار: طيب شباب تعالو ناكل سويت لكم فطاير
مصطفى عوج فمه لعمر: فطايرر بتسمع مش مكنتنا حلبه
عمر ضحك : احمد الله مارازمه ع بطنك الا هي لو شي ان قرحت المنحه مطاعم
مصطفى: لاتذكررررني يا اخي ب المنحه بتجي وقدي ربع قيمه الديون الي فوقنا

بيت عزيز..
مرت عزيز : كم قال عيدي المستاجر فيه ؟؟
عزيز : اربعين الف
مرت عزيز : يوو زياده عشره الف
عزيز : ايوه ، والله ماسخيت عليهن لكن مانفعل قد بتبسري الاوضاع والظروف مش هي سوا والجهال يشتوو مايكفي راتبي لعشره جهال
مرت عزيز: خيرت الله ..وهي الله يفتح عليها مش انا قلقه عليها لانها تعرف تخيط وعتصرف ع نفسها
يونس ابن عزيز : ليش اي مستاجر ؟؟
مرت عزيز: بدل بيت عمك عامر
يونس: ليشش وين عيسيرو ؟
عزيز : عيجي مستاجر جديد
مرت عزيز : انت داري انها عتسير تعز عند اخوها
عزيز : هو احسن لها بدل مايجي حماها يفعلهم مشاكل
يونس ضببببح راح لاخته: ددق الغرفه ودخل
سماح (سنه اولى جامعه 19 سنه )كانت فاتحه الفيس بوك غلقته : نعم
يونس: دخل
سماح : اليوم مش دولي سير ابسر من يفعلك عشا
يونس: مشتيش عشا بس عينقلو بيت...
سماح قاطعته : داريه مافعلهم
يونس يشتي يكلمهااا : سسسكت
سماح : هيا اخرج معي مذاكره
يونس شافها بنظره : ذاكري من مسكششش
سماح : فتحت الكتاب وبتقرا بصوت عااااالي
يونس: فلت الغرفه وخرج
سماح غلقت الكتاب : فتحت الصفحه حق الفيس ورجعت تانتر وهي مبتسمه

تصبحو على الف خير وان شاء الله بكره بازيد البارتات ♡♡♡♡

[لامارا]

ف البوفيه حق المطبخ قدامهم بيجهز الفطاير..
بيتفرج لمصطفى ماسك التلفون وبيضحكك
وعمر ماسك الكتاب بيتصفح ،، دعاه ب استغراب ...عمرر
عمر لفت له : هلا نزار
نزار : حاسس انك متضايق شوي ؟؟
عمر: لا ابداا .. كنت مكسل الخرجه عشان الدرس بس حلو انه خرجت ، ضبحنا يا اخي من المذاكره
نزار: الله وكيلك بس امسك الكتاب وتحصل لي شحنات سلبيه ..
ضحكككوو الاثنين
مصطغى انتبه عليهم : على ايش بتضحكوو شباب !!
نزار: شو الاخ وين سارح ؟
مصطفى : اكلم الاهل ب الواتس اب
عمر اوو ذكرتني ما اتصلت لاهلي : مسك التلفون وبيحاول يتصل بهم..
نزار: روح الغرفه احكي براحتك
عمر بيتلفت شاف الغرفه نهايه الممر : اوكي...مشي للغرفه

ف بيت عامر..
اميره :ف المطبخ بتفعل العشاء..
فاطمه : بتخيط الزنين وحسها عند عمر ، وبتفكر لوما قدي بتخيط له زنين مرته
ف غرفتها (سرير ودولاب وتسريحه بشكل فله ): رغم بساطتهم الا انها تشتي كل شي وبدلع بالقوه بتشل حقها غصب من امها وعايشه احلى عيشه ف البيت كله...
ليان : ياليم تعبت
ريم : ليم في عينش يحرقش قلي ريم هبلا ماتعرف تتحاكا عجما قلك ليم
ليان بككككيت : قامت وهربت لاعند امها
ريم بتضحككك : لحقتها خلاص ياحبيبتي جي واديلش جعاله
اميره : مالها يا ريم مش وقت تحانبيها خليني اتم العشا..
ريم : الي يسمعش يقل عتفعلي لنا سفره هي مقلى فوول اقطبي جاوووعين
فاطمه بتسسمعها : استحي ع نفسش وكلمي اختش ب ادب لاكسر اسنانش
ريم : اختش اخوش بنت اختش واناااا !! حنقت بتمشي ف الصاله تسير غرفتها...
رررن التلفووون
مشيت بسرررعه وعلى خرجتها من باب الباب (دقت اصبعها الصغيره ) رفعت السماعه ل اذنها ومسكت رجلها : الله يلعنك يايهودي اذا ماكسرت ابوك
عمر انصدددم : ررريم .. الوو
ريم بفررررحه يووو ( وطت صوتها )راااعي لاتغلقش: طرحت السماعه وراحت فتحت باب الديوان (مغلق للظيوف)

رفعت السماعه حق تلفون الديوان : وبسررررعه راحت تغلق تلفون الصاله ورجعت للديوان.. هاا عمر
عمر: مالش وين سرتي مابش معي رصيد خيرات
ريم : عبي رصيد فيسع اشتي احاكيك ضرررروري
عمر بقلق : مالش ! او في شي !! من اليهووودي من عندكم ؟
(ريم دايما بير اسراره ومتقرب منها بقووه يحبها ويدلعها لانها الصغيره وتحكي له لو وقع في بيتهم شي لان اهله يخفو عليه كل شي عشان لايقلق)

نخرج للصاله حق نزار..رن رنتين جرس الباب
نزار : ماعليه مصطفى بس تفتح الباب بليزز
مصطفى طرح التلفون ووقف : اكيد العفوو منك ماقلتلك حتى تشتي مساعده..
نزار: لا مافي شي اصلا جهزتهم من اول
مصطفى فتح الباب : انصدددم...!!


مساكم الله بالخيرات والمسرات اسعدني مرور وتعليقات الجميع ♡♡♡

[لامارا]

نزار: لا مافي شي اصلا جهزتهم من اول
مصطفى فتح الباب : انصدددم...!!
موسى ( عراقي الجنسيه ): سلام شباب كيفكم
مصطفى ونظراته متفاجئه لموسى والي وراه ( شاب كويتي و 2 بنات ) رجع خطوتين من الباب وفتحه لهم: وعليكم السلام.. تفضلوا

عمر خرج من الغرفه ماشافهم عند الباب بيداعي: نزززار
نزار راح لعمر: ها عمور شوو في !
عمر: ممكن استخدم تلفون الثابت
نزار: ولووو ، بدون سؤال البيت بيتك عمور الله يهديك بس روح خذ راحتك.. عمر تسسلم وبقلق بيسرع للغرفه ، بعد مامشي دخلو الشباب والبنات..وعمر دخل الغرفه وغلق على نفسه.. بيت عامر
فاطمه : ررريم هيا عشا
ريم جالسه جنب التلفون بتتفرج له ايحين يتصل عمر ردت على امها :ماشتيش عشا شابعه، ومراعيه لصحبتي تتصل.
اميره شافت امها : من صحبتها ؟؟
فاطمه: مدري قدش داريه ب اختش كل البنات بعدها
اميره ضحكت : الله يهديها بس ،قربت الخبز لامها ، وبتاكل بنتها

رن التلفون
ريم رفعت السماعه : هاا عمر
عمر ب خووف: مااالش ايش في؟
ريم ضحكككت: مالك سعليك ..ولاشي
عمر: كيف ولاشي من كنتي بتلاعني من عندكم وماحصل
ريم بضحككه: هااا دقيت رجلي اول لعنت الباب
عمر: ريم ايش الموضوع
ريم : ايوه اشتي اقلك امي تشتي نخرج من البيت ونفلت الحاره قووا قلها ماشي
عمر: ليش؟
.... في الصاله عند عمر
سلمى (مغربيه ) حلللووه وانيقه ومنفتحه : سلام نزار (سلمت عليه ).
مصطفى : مد يدددده لها
سلمى مدت يدها: سلام
نزار: هذا مصطفى طالب طب سنه ثانيه من اليمن
وهذه سلمى طالبه مغربيه
مصطفى ب ابتسسامه: تشررفنا
تينا ( امها فرنسيه وابوها جزائري) : مدت يدها وسلمت عليهم.. ف الغرفه..
عمر: خلاص انا بتصل لعمي عزيز واكلمه
ريم : قووا لاتقلش لامي اني كلمتك عتضربني
عمر: تمام ماشقلش لحد وذلحين ادعي امي اكلمها

فتحت باب غرفتها : جااووبو عمر بسرعه
فاطمه فلتت الخبزه وقاامت من فوق العشا ، رفعت السماعه : الوو عمرر حيا يا ابني فديت صوتك كيف انت
عمر: الحمدلله الله يسلمش ويعافيش يانور العين ، كيف انتي وكيف خواتي وليان.؟
فاطمه : الحمدلله بخير وعافيه فاقدين لك ايحين عتجي قدلك ثلاث سنين مننا
عمر: ان شاء الله في رمضان وانا عندكم
فاطمه : يوو لك الحمد والشكر يارب ان شاء الله...
عمر: يلله استأذنكم بينتصل بتلفون صاحبي
فاطمه : الله معك
عمر غلق وخرج الصاله بيمشي وراسه ف الارض بيفكر ف الكلام الي عيقل لعزيز ، قاطعت افكاره ضحكتهم وصوت البنات : وصل للصاله وانصدددم

اعزائي المتابعين كتبت الروايه بلهجه يمنيه عامه تنفهم للجميع لعدم اتقاني عده لهجات وعدم فكر البعض اني منحازه للهجتي الاصليه لذلك كتبتها يمنيه عامه وارجو المعذره من البعض ♡♡

[لامارا]

عمر غلق وخرج الصاله بيمشي وراسه ف الارض بيفكر ف الكلام الي عيقل لعزيز ، قاطعت افكاره ضحكتهم وصوت البنات : وصل للصاله وانصدددم

الشباب شافوه ووقفو
مصطفى كان بيضحك : تعال عمور الحق لك كم فطيره..
عمر اول مره يسهر سهره مختلطه من حين اغترب،، انحرج منهم : انا بمشي ذلحين معي عمل مهم
مصطفى: ايش من عمل الساعه واحده
عمر ماااسك ضبحه : اتواصلت مع اهلي ولازم الان..
نزار قاطعه :لا والله اصلا مابيصير تطلع وماتعشيت
مصطفى بهرر له واحرجه بيعرف : سلمى ..تينا موسى...الخ
عمر ابتسسم غصب: تشرفت
تينا بالفرنسي بتوشوش لسلمى: ليش مغرور

بيت عامر..
فاطمه: قومي ارفعي وغسولي
ريم : يووووف ترفع ليان
اميره بضبح : بترفع
فاطمه صيحت : اطررحي وخليها ترفع ، لميس بتكنس بيتهم وبتغسول وبتفعل عشا
ريم : لميس اكبر مني
فاطمه : بسنه بس
ريم بضبببح : لاتجلسسسوش تقلو لي لميس ولميس
ليان قربت من ريم : اشتي القباضه حقش
ريم :هاا شليها عشان توقعي مثل لميس
اميره :شافت امها وضحكت
فاطمه : الله يهديها يارب ..اقوم اتم عملي
اميره رن تلفونها (زوجها): الو
ابراهيم(بصوت رايق) : سلااام
اميره بضبح : وعليكم السلام
فاطمه شافت ريم بهررت : الان ترتفع المايده وتغسولي
ريم بكسسل: نااااهي

بيت عزيز..
سماح ردت ع التلفون حق ابوها : الو
عمر : هذا رقم عمي عزيز
سماح عرفت صوت عمر: ايوووه لحظه دقيقه من انت
يونس سمعها عقد حواجبه: من هذا ؟ ليش تجاوبي تلفون ابي..هزر التلفون
سماح بمهازره : ماتتدخلش
عزيز هزر منهم السماعه ...وجاوب عمر
مرت عزيز بتصيح : بس لكم محااانبه، قوم اخرج من قدام وشي وسير ذاكررر
سماح : راحت للغرفه ومسكت الفيسبوك
عزيز : ياااي يامرره
مرت عزيز : ها ماتشتي ؟
عزيز : انزلي قلي لأم عمر ، خلاص لايخرجو ولا
مرت عزيز : كيف لوما غيرت رأيك؟

عزيز : مش هو عليش ذلحين افعلي ماقلتلش
مرت عزيز : الله يهديك كل يوم ومعك رأي امد ماخليت وشي ساع ذيه(اشرت بطرف اصبعها) قبال الجيران واختي فاطمه.
عزيز : افعلي الي قلتلش وبس
مرت عزيز سارت لغرفه سماح : طفي البلا هذا قبال عيونش واصل وانزلي انفعيني عند خالتش فاطمه
سماح افتجعت : غلقت الفيس بسررعه ،، حاااضر ماقلهم؟؟ نرجع للشباب والسهره..
مصطفى : بيمززح ويضحكك معاهم ومع البنات
البنات : مبسوطات من خفه دمه.
عمر مستاء من الوضع شي جديد عليه وحاسس نفسه تافه جلسه بدون فايده ( طبيعته شويه ملتزم ومايحبش المزح مع زميلاته ف الجامعه ع قوله اصحابه معقد ): نزار ممكن تطلب لي تكس انا مروح .
مصطفى شافه متضايق : يلله وانا معك الوقت متاخر.

شكرا لكل واحد مابينسى لايك وكومنت عشان اعرف كم في متفاعلين...♡♡♡

[لامارا]

سماح افتجعت : غلقت الفيس بسررعه ،، حاااضر ماقلهم؟؟
مرت عزيز : قلي لخالتش انها ماعد تخرج من البيت
سماح : ولو سالت ليش؟
مرت عزيز : قلي مدري ..
سماح دخلت غرفتها : لبست البالطو واللثمه ونزلت
ريم بتجرري للباب، فتحته : سسماح جت
سماح : دخلت ، خاااله فاطمه
فاطمه (تحبها وتتحيلالها ونفسها لما يرجع عمر تخطبها له ): حيا ببنتي مالش ماعد بتدخليش عندنا ولابتبدي هيا جي اسمري اميره عندنا
سماح : مالها ماتقل لي ؟

ف الغرفه
اميره : قد كنت زعلت منك والله ماتوقعت تفعلها
ابراهيم : انتي تعرفيني لما اخزن كيف اكون مشغول يا بخبره او اوراق العمل
اميره بفرحه : يعني اكلم امي
ابراهيم : ايوه اتصلت لصاحب معه شقق وادالي سعى حالي مناسب بخمسه وعشرين
اميره : جبرني براسك ياشوعه مالك ماتحاكيني من اول افرحهم
ابراهيم : الان رد لي خبر ، المهم كيف حبيبه بابا
اميره : الحمدلله محانبه هي وريم
ابراهيم : الله يعينها على رريم ويعين عمتي
اميره سمعت صوت سماح : امين مدري من جا عند امي اسير ابسر
ابراهيم : يلله ونبيها انا بدل عمر قليلها، وسلمي عليها. ........................... وصلو شقتهم بعد ماكانت الشوارع فاضيه اخر الليل وباقي فيها المشردين والسكارى ... عمر بضبح دخل وعلق الجاكت..
مصطفى دخل للمطبخ (مطبخ صغيررر جدا لطلاب عزابيه )فتح الثلاجه : مالك ابسرت الحلا والمزح وافتجعت كنت عتخلينا نفتهن وننسى المذاكره.. عمر بضبح : ايش من مسخررره يامصطفى وايش من سمره جالسات جنبهم وضحك وهباله عاجبك !
مصطفى ضحكك شرغ بالماء: ايوه عجبني احلى من وشك طول اليوم قدامي وبعدا بطل الغلاقه الي انت فيها كنت عتدرس بلادك
عمر: ماعليك مني وغلاقتي عاااجبني طبعي
مصطفى : خليك بطبعك هذا امانه ماتتخارج ، تعلم مني اوقع مثلي اليوم ضحكتهن لوما شبعت .. انت والقزازززه هذه.. عمر وقف من الكرسي وباستهزاء: كل واحد فينا له طبعه واسلوبه لاتقارنش ،، ودخل الحمام.

نرجع لبيت عامر بالتحديد ف المطبخ
ريم والله لاخليهم يبطلو يدولي عمل وغسوله هيااا هااا...
صوت كسر الزجاج ف الارض ومع صدى المطبخ وصل الصوت لهم..
اميره سسرعت للمطبخ من الغرفه
فاطمه بتخيط والزنه ف المكينه ... ياسماح شوفي ريم هي ف المطبخ
سماح قااامت بسرعه وقفت ف المطبخ واميره بتصيح فوق ريم.
اميره يلله كنسي و...قاطعها صوت سامح
(حصل خير اهم شي ماستوجعتش)
اميره لفتت لها و قربت تسلم عليها : حيا سماح كيف انتي ..ايحين جيتي؟

مساااء الخيرات ♡♡

[لامارا]

فاطمه : سماح حاكي صحباتش لو يشتين خياط او شي يجين عندي
سماح لان حسسسها عند الفيسبوك جت لها فكره : ياخاله شافعل ف قروبات الفيس اعلان
فاطمه ب استغراب شافتها هي واميره: ماافهمتش !
اميره : هذا حساب ف الانترنت ابراهيم بيجابر عمر منه...فكره حاليه يا سماح قوي لو معش قروبات افعلي لامي منشور.
فاطمه ب احراج : وكم عيطلع الحساب ؟
سماح : اي حساب !
فاطمه : هذا الحساب الي بتقلين عليه فيسوك
ضحكككككين كلهن
اميره : هو برنامج اسمه هكذا مش حساب زلط.
فاطمه : خيرت الله ماعتقلي لهن وقد شانقل ابرديلش بس
بصوووت عالي قاطع كلامهن..ضحكككت (يوو نسسسيت ليش جيت لكم قال ابي لاعد تنقلوش)
اميره بتعجببب شافت امها : كييف لوما ؟
فاطمه: للمه المستاجر ماوافقش بهذا المبلغ صح؟
سماح :مدري ، بس اتصل عمر لابي وحاكاه.
فاطمه بتعجب: عمررر ! مادراه من حاكاه ؟ شافت اميره ببهرره (انتي حاكيتي اخوش )؟؟
اميره : وايحين حاكيته ! هي ررريم الي جاوبت مابش غيرها.
سماح : يلله ياخاله خاطركم اتاخرت ..مع السلامه يا اميره.

فاطمه بصياح: ررررريم
ريم بلقانه قامت تجاوب وبتجابر نفسها لميس بتغسول لميس ماباتكسررش لميس احسن منش اشطر منش شارجع اقتل لميس وافتهن.
فاطمه بنظظظظره شرر: انتي حاكيتي اخوش على البيت ؟
ريم متفااااجئه : ايووه ليش هو قال لش؟

فوق المكتب جالس بيكتب مصاريف مواصلاته واكله وقيمه الكتب ضبببح ويشطط ورق ويرجع يحسب..
مصطفى : عتطفي نررقد !
عمر: غطي عينك وارقد
مصطفى: يا اخي عيجي سنه رابعه وقدك ضابح مذاكره
عمر: اي مذاكره مالك ؟
مصطفى: كان مامعك هذا الساع للكتابه والشطاط
عمر سكت شويه وبعدا ذكر شي: مصطفى
مصطفى بدااايه نعاسه: هااا
عمر: نقدر نذاكر سوا بكتبك هذا الترم لوفرضا ماشتريت كتب ؟
مصطفى نوووم: اااي و ه
عمر بيشد شعره لاورا وضابح ( لو جلست ودرست في اليمن ياريتني مافلت
خواتي وامي للجعجعه هذه ). نرجع لبيتهم
ريم : ماقلتو لي لاتكلمي اخوش ..
فاطمه : انا كم قد قلتلش مشاكل عمش مابش معنا زلط كل شي ماتكلميش اخوووش بهن بتفهمي
ريم ( واقفه سسساكته بتتفرجهم)
فاطمه : ليش تكلميه ؟
ريم : مشتيش اخرج ونفلت الحاره وصحباتي ماعه والله ماسير معكم بقعه.

فاطمه : ذلحين يعلم الله ماقال لعزيز
اميره : يمكن قال له انه يخفض لنا
فاطمه : مابلا عيوفي له ابني واعرفه.
ريم فلتتهم وعلى خرجتها..
فاطمه : هاتي كتبش وخلي اختش تذاكرلش
ريم : مايعجبنيش حد يذاكرلي بينفهم من نفسي.

اشكر المتفاعلين وان شاء الله تعجبكم اكثر حماس القصه عادو مابدءء ♡♡♡